امى...
 

ايوه صحيح كنت بغيب وكنت بعيد
بس عارفة انى هرجع الاقيكى
اكتشفت إن نفسك فى الحياة بيت
كأنه بيت دافى نستخبى فيه
طب والذكريات
والحاجات اللى من ايديكى
طب بلاش
فاكرة لما اقولك هاتى أيدك وقت لما اجى انام
تدهانى من غير جدال
كنت احضنها آل يعنى هتحمينى من الظلام
والصبح عليها ادور
ملقيهاش مادام الصبح نور
دلوقتي كبرت بما فيه الكفاية
وبعدت... خلاص مش محتجاها
بس عارفة انك عملتى نفس العاملة
لا واكتر
المرة دى.. كلك مشيتى
مشيتى خالص وسيبتينى
ياترى راضية عنى...ياامى
ولا كانت فى حاجة مزعلاكى
سامحينى ياماما لو دمعة نزلت من عينيكى
كنت سببها انا

اللهم آنس وحدتها ووسع مدخلها واجعل قبرها روضة من رياض الجنة اللهم اجعل من تحتها نورا ومن فوقها نورا وعن يمينها نورا وشمالها نورا واغفر لها و ارحمها برحمتك يا أرحم الراحمين

امي هي كل شيئ في حياتي