رواية فى عينيكِ عنوانى

[محبة محبة الرحمن]

على عربة لبيع الكبده والسجق بإحدى المناطق الشعبيه بالقاهرة.
سوكه/ولا ياعمر خد الصينيه دى وديها للمعلم زكى العجلاتى زمانه قافش.... حاكم المعلم زكى لما يجوع مابيشوفش.
عمر/تمامx بس يكون ف علمك لو كلنى كف على قفايه زى المره اللى فاتت ودينى مانا ساكت.
سوكه/ولا اتظبط يالا مش ناقصين مشاكل احنا.. انا قولتلك ايه ياعمر قبل كده احنا خدامين اكل عيشنا وانا وانت ف عرض الجنيه صح؟
عمر/بس ياسوكه......
/مابسش ياض
مات الكلام يالا زوق وماتتأخرش
عمر/ماشى 😕
زبون واقف/ماتخلصينى ياسوكه عاوز 4كبده و6سجق عاوز اروح الحق الورشه
سوكه/خلاص اهو ياعم رمضان هو انا بالعب ماانا بعملهم اهو وربنا.
رمضان /والله انا مش عارف انتى بتحطى ايه فى السندوتشات بتاعتك مخليها إدمان اقسم بالله
سوكه/بس سمى الله بقلبك ياعم رمضان هاكون حاطه ايه يعنى الرك ع النضافه يااسطى
رمضان /طب خلصينى يالا... واكمل بسره سبحان الله اللى يشوف شكلك مايقولش الاكل الحلو ده يطلع منك......
/// سوكه فتاه فى اوائل العشرينات متوسطة الطول ذات بشرة سمراء جدا ولديها بعض البقع الغمقاء على بشرتها وترتدى نظاره نظرx سميكه جدا لاتكاد ترى شكل عينيها من خلالها ولديها تقويم اسنان معدنى اما جسدهاx فلا تظهر معالمه لأنها ترتدى ملابس واسعه جدا متهدله عليها وتغطى رأسها بوشاح كبير يغطى نصفها العلوى بكرم.

اما عمر فهو طفل فى الخامسة عشر من عمره يقوم بمساعدة سوكه فى العمل على عربة الكبده ليعول والدته المريضه طريحة الفراش حيث أن اباه تركه لوالدته وهو شهور وهرب لكثرة ديونه ولا احد يعلم مصيره حتى الان.

عمر/وهو ينهت............ سوكه الواد سيد وشلته جايين على هنا خلى بالك.
سوكه/ولايهمك ياعمر دا واد سيس حاسس بالنقص عشان كده بييجى يغلس علينا وانا واثقه فى ربنا انه هايخلصنا منه ومن قرفه قريب... احنا ياعمر بنسعى على أكل عيشنا وكل شغلانه وليها متاعبها.... اعتبر ياسيدى متاعب شغلتنا دى الواد الصايص اللى اسمه سيد.... ثم حدثت نفسها... أنها لا تقول الحقيقة لعمر.... ثم تذكرت.... ((سيد شافها اول لما جت تسكن فى المنطقه.. بنت وحيده ماعندهاشx اهل وشكلها وحش بومه زى مادايما بيقولها فاشافها صيده سهله بنت بالمواصفات دى ماهتصدق حد يقولها كلمه حلوه وفى النهايه هى بنت يعنى تقضى غرضه الدنيئ وخصوصا انه زى ما بيقولوا شمامx يعنى جاى فى اى حاجه...... اتصدم لما لقاها بتصده بمنتهى القوه حكت سوكه للخاله صباح اللى راحت اشتكت لشيخ الجامع عشان يكلمه يبعد عنها وفعلا الشيخ عبدالله كلمه ومن يومها وهو حاططها فى دماغه ازاى حتت بت زى دى ترفضه.... افاقت على صوت عمر))
عمر /بس ياسوكه هو كل شويه يجى يضايقك هو وشلته
سوكه /ماتشغلشى بالك ياعمر روح انت ودى طلب الحاج مسعد الحلاق وماتتأخرش
عمر /حمامه
سوكه /حمامة ايه ياعمر بس انت جعان والا ايه قول طياره صاروخ أنجز ياض
عمر /علم وينفذ..... هوا.

/// سرحت سوكه بعقلها فى ايام مضت.....
((كانت تلقت خطاب تنسيق الثانويه العامه حيث تحقق حلمها بالالتحاق بكلية الهندسه.... وكم كانت سعادتها لاتوصف لتحقيق حلمها وحلم والدها فهو من شجعها على ذلك الحلم....
سجى/ماما ياماما ماما ياماما....
سكينه/ خارجه من المطبخ ايه يا چى چى عاوزه ايه عامله زيطه كده ليه
سجى/هندسة القاهره ياماما واخذت تحتضن والدتها بشده
سكينه/والدموع تملأ عينيها الحمد لله ياحبيبتى ربنا مابيضيعش تعب حد واخذت تقبلها فى خديها بشده
سجى/تركت والدتها وانحنت تسجد شكراً لله وبعد ان انتهت من سجودها استقامت وقالت لوالدتها/ انا هاروح استنى بابا فى البلكونه زمانه على وصول.
سكينه/ماشى ياقلبى وانا هاروح اكمل الغدا
سجى/ماشى ياماما
بعد عدة دقائق فتح والد سجى باب الشقة ليجد سجى تندفع اليه وتضمه بشده وهى تقول
/هندسة القاهرة يابابا مبروك ياابو الباشمهندسه.
دمعت عينا والدها وهو يقول بتأثر /الحمد لله يابنتى ربنا راضانى بيكى
ثم اخفى تأثره وقال رغم انى كان نفسى ماتروحيش جامعه فى مدينه تانيه بس الحمد لله ياحبيبتى على كل حال المهم بقى يابشمهندسه تشدى حيلك كده وتكملى الحلم اللى حلمناه طول السنين اللى فاتت
سجى ماتخافش يابابا ان شاء الله هاتعين فى الجامعه وابقى الدكتوره المهندسه سجى فتحى عبد الحميد على سن ورمح
قبلها والدها على جبينها وقال ربنا يبارك فيكى ويكرمك يا حبيبتي.
/بصى ياچى چى انتى تاخدى مامتك الاسبوع الجاى وتنزلى تشترى كام طقم كده يليقوا بالباشمهندسه
انا كنت عامل حسابى وشايل شويه فلوس على جنب عشان اللبس ومصاريف الكليه هاتلاقيهم فى الدرج اللى فى الدولاب بتاعى خدى اللى يكفيكى وخلى الباقى لمصاريف الكليه.
سجى /وهى تتقافذ يعيش بابا يعيش بابا ربنايخليك ليا يااحلى بابا فى الدنياياحبيبى.
خرجت سكينة من المطبخ وقالت
/حمدلله على السلامه يا ابو چى چى ... مبروك يا ابو الباشمهندسه... رد عليها بتأثر /مبروك لينا ياسكينه
سكينه /يالا غير هدومك على ما اجهز الغدا.. يالا ياچى چىx تعالى ساعدينى
سجى /حاضر يا ست الكل.

///افاقت سجى من شرودها
بعد بضع دقائق على صوت سيد...))

سيد/مسا مسا يابومه..... ماتردى يااسم على مسمى والا صدقتى نفسك هههههههههه
صديقه عصام /خف شويه ياكبير البت دخنت احسن تسود اكتر ماهى
صديقه الاخر سعيد/هههههههههه تصدق معاك حق ياض ياعصام
سيد/ماتردى يابت ردت الميا فى زورك
سوكه/باقولك ايه ياسيد هو انت عشان شغال على دى چى فى الأفراح هاتفتكر نفسك فنان بقى وتعيش الدور لا فوق كده واظبط الكلام مش معنى انى بافوتلك فارغه يبقى توسع منك لا اسمعنى كويس كده عشان الكلام ده مش هاقوله غير مرة واحده اذا كنت باسكت لك قبل كده دا عشان امك الحاجه انصاف اللى ليها جمايل عليا ماتتعدش من يوم ماجيت الحاره دى لكن ورب الكعبه تزودها تانى لكون مجرساك فى الحته كلها ومخليه اللى مايشترى يتفرج.
سيد/ وقد تحول وجه للون الأحمر من الغيظ يعنى عارفه ان امى خيرها عليكى اهو؟
سوكه/... ايو عارفه ومابنكرش لكن امك بس هى اللى ليها عليا جمايل لكن انت مالكش عندى غير اللى تستاهله وبقولك ايه خد العيال اصحابك دول وزوق من هنا دى ساعة اكل عيش وماهياش طالبه قرف ع المسا
سيد/لسه هايتكلم سمع حد من وراه بيقوله اسمع الكلام ياسيد ولم تعابينك واسرح من هنا
///سيد عض على أسنانه واخذ صاحبيه وانصراف بدون كلمه أخرى.
سوكه/تشكر ياعم الشيخ عبدالله ياكبير الحته وبركتهاx ربنا يكرمك ياشيخ ويكفيك شر المرض.
الشيخ عبدالله /مايهمكيش منه يابنتى ده عيل ناقص لو اتعرضلك تانى ابعتيلى الواد عمر بس ومالكيش دعوه.
سوكه/شالله يخليك.

///فى مكان آخر يبعد آلاف الكيلو مترات،.

سليم... شاب في بداية الثلاثينيات متوسط الطول ذو بشره خمريه وشعر أسودx ولحيه قصيره مهذبه...x له ملامح شرقيه جاده على قدر كبيرx من الوسامه.
كريم...... فى نفس عمر سليم تقريباx ذو بشره فاتحهx وشعر بنى وعيون عسليه.... ذو ملامح هادئه.... طويل الى حد ما.... ولديه ابتسامه جذابه

سليم/ انت يابنى ماتفكر تانى فى موضوع سفرك معيا لمصر بذمتك ماوحشتكش؟xx انت عارف بقالنا كام سنه مانزلناش؟! 7سنين
xx كريم /xx عارف ياعم بس انا لسه مش مستعد انى ارجع دلوقتى محتاج شويه وقت كمان.
x x سليم/ شوية وقت عشان ايه ياعم هو انا بقولك إتجوز دى زيارة هانتفسح شويه ونريحx من الشغل هانغير جو يعنىx x x x x x x x x x x x x كريم/ طيب بص سبنى افكر شويه واشوف ظروف شغلى.
سليم/ باقولك ايه يابنى انا كده كده مسافر الأسبوع الجاى ان شاء الله سواء جيت معايا او لا شوف انت ظروفك وابقى حصلنى بقى على مهلك.. انا اصلا ماصدقت خدت اجازه من الجامعه.
كريم /ماشى ياعم براحتك على فكره بقى انت بياع اوى يعنى.
سليم/ ياعم روح كده شوف مين اللى بيتكلم
دا انت تبيعنى عشان فسحه فى البلكونه.
كريم/ ههههههههه تصدق عندك حق.
سليم/ طب يالا سلام هاروح عشان ارتب اموري.
كريم/ سلام ياصاحبى.x xx
ذهب سليم وترك كريم يجلس بمفرده فى ذلك النادى العريق بمدينة لندن بإنجلترا.
اغمض كريم عينيه وعاد بذاكرتهx لسنوات مضت... ((تذكر طفولته الحزينه فى مصر حيث انه نشأ يتيم الأبوين منذ نعومة اظفاره. وتربى مشرد بين بيوت أقاربه.... تعلم فى سنواته الأولى كيف اليتم كيف يتحكم طفل لم يتعدى الثامنة من عمره فى رغباته واحتياجاته حتى لا يقوم الكبار بضربه تعلم الجوع والنوم بدون غطاء كان احيانا يعامل كقط شريد....... وتعلم فى طفولته المتأخره كيف ينحت فى الصخر حتى يكمل تعليمه الذى كان حريصا عليه حرصه على حياته ذاتها علم وهو فى سن السابعة بعد وفاة جدته ان ابواه توفيا فى حادثه سقوط طائره شهير وهو كان برعاية جدته لأمه حتى انتقلت جدته لرحمة الله وانتقل هو مرورا بكل بيوت أقاربه... وعندما التحق بكليه الاقتصاد والعلوم السياسيه قرر ان يتفوق لعله يحصل على منحه للدراسه بالخارج كانت قد أعلنت عنها إدارة الجامعه... وقد كان ونالها بجداره
بعثة الى إنجلترا لدراسة الماجستير.... سافر كريم وقد قرر نسيان مصر وكل ذكرياتها المؤلمه وعندما التحق بالجامعه الملحق بها لم يكن هناك عرب معه فى نفس المكان غير سليم نصار..... شاب مصرى مقيم في إنجلترا مع أهله.....
والده خالد نصار رجل الأعمال المعروف ووالدته فريده واخته الصغيره نور.
فى بادئ الأمر تصور كريم ان سليم بحكم انتمائه لطبقة أبناء رجال الأعمال سوف يكون فاسد او على أقل تقدير مغرور لكنه تفاجأ بشخصية سليم الجاده وبأنه أيضا ملتزم دينيا و كما يقولون (ابن بلد) ويتحدث اللهجه المصريه بطلاقهxx رغم حياته فى مجتمع مختلف
بدأ الكلام بينهم على استحياء وتدرجت العلاقه بينهم حتى أصبحوا اعز صديقين رغم اختلاف طباعهم..... كريم كان يحاول بكل الطرق تعويض مافاته وتعويض كل ماحرم منه من ملذات الحياه لكنه وضع قانون صارم بما يخص دراسته... لاشئ اطلاقا يؤثر عليها لايريد العوده مرة اخري إلى مصر خالى الوفاض فاشل لذلك حصل على الماجستير بتقدير جيد جدا وتوسط له خالد نصار والد صديقهx ليلتحق بالعمل بالخارجيه بينما فضل سليم العمل فى التدريس بالجامعه ومساعدة والده فى إدارة اعماله حينما يحتاجه... وهاهو الان كريم مستقر بإنجلترا يعيش حياته كما تمنى ليس لديه حدود لمتعته رغم نصح سليم له اكثر من مره لكنه لم يرتوى بعد من ملذات الحياه. عند هذه النقطه تنفس كريم بعمق وفتح عينيه)) وقال بصوت خافت.. لسه ماآنش الأوان ياصاحبى للرجوع! ونهض ليلحق بمواعيده.

ماتنسوش التصويت ياجماعه بليز

[hanaa85]

السلام عليكم ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[قصص من وحي الاعضاء]

اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ...


للضرورة ارجو منكِ التفضل هنا لمعرفة قوانين المنتدى والتقيد بها
https://www.rewity.com/forum/t285382.html

كما ارجو منك التنبيه عندما تقومين بتنزيل الفصول على هذا الرابط
https://www.rewity.com/forum/t313401.html

رابط لطرح اي استفسار او ملاحظات لديك
https://www.rewity.com/forum/t6466.html



هل الرواية حصرية لشبكة روايتي الثقافية ام هي غير حصرية؟ الرجاء الإجابة بحصرية او غير حصرية دون اضافات



واي موضوع له علاقة بروايتك يمكنك ارسال رسالة خاصة لاحدى المشرفات ...
(rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti )



اشراف وحي الاعضاء

[قصص من وحي الاعضاء]

تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق

عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا الغوازي, rola2065, ebti ، رغيدا)
تحياتنا

اشراف وحي الاعضاء