22-07-21, 11:40 PM
| #4961 | |||||
 
|  اقتباس:
كل جزء اقراه اعمل لايك عليه وعلى ردوده لغاية الجزء اللي بعده وبعدين استراحة عشر دقايق ونكمل كمان غيرت الاعدادات خليت عدد المشاركات بالصفحة ٣٠ مشاركة بدل ١٠ فقل عدد الصفحات شويتين وبالتالي صرت احس اني اخلص بسرعة 😹😹 اي طريقة نتحايل بها على عقلنا الباطن عشان نخلص المهمة 👌🏼 | |||||
|
|
23-07-21, 12:42 AM
| #4962 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| مساكم ورد معطر برياحين الجنة مساء السعادة والفرح .. | ||||
|
|
|
23-07-21, 12:45 AM
| #4963 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر
| شهاب بدأ يعمل على تخليص أميرة من عقدتها تلك عقدة الخوف اللي لزمتها منذ تلك الحادثة يوم وفاة والدتها سيعمل على تعزيز ثقتها بنفسها ويقوي ضعفها وسيكون سندها وذخرها وصديقها الأول بعد أن أبعدته الظروف عنها وحرمته من أن يكون رفيقها في طفولتها ولم يكن موجود عندما اشتدت عليها الدنيا يوم خسرت والداها لكنه عاد ليكون ذاك الكتف اللي تتكئ عليه واللي يحمي ظهرها ويحمل عنها عبء الحياة مثلها مثل أشقاءها واثقة جدا بنجاحه لما يسعى له لكن ما مدى تأثير الأمر على الجليلة وهي اللي تعودت على اعتماد أميرة الكلي عليها ؟! .. | ||||
|
|
|
23-07-21, 12:50 AM
| #4964 | |||||
 
| اقتباس:
😂😂😂❤ احلى مهمه والله وبعدين هذي 3 بارتات فتستاهل المهمه طماعين مانتفاعل الا بهالطريقة🏃🏼♀🏃🏼♀🌚 | |||||
|
|
|
23-07-21, 01:04 AM
| #4965 | ||||
| السلام عليكم ورحمة الله وبركاته. كل عام وأنتم بخير وعيد أضحى مبارك على الجميع. أنفاس يا أنفاس ما هذا الجمال في الأجزاء الأخيرة. تصاعدت الأحداث وبدأت الإثارة تشرع مسرعيها على عدة أصعدة. أولاً ألف شكر على البارت الأخير الطويل والقريب من النفس والروح في قصة ضي وقوة صبرها وعزيمتها. حقًا في قصتها ألف عبرة وعبرة. ثانيًا كثيرة هي المواقف التي تحتاج منا إلى التأمل والتفكير العميق ففي كل مشهد إشارات لا بد من التقاطها ليكتمل جمال هذا الإبداع ويتضح الغموض لكل قصة. فرات والجليلة. وتحولت المحاضرة إلى شخصنة وصراع جبابرة العلم متراشقين بالكلمات. وحسب اعتقادي أن فرات المفترض كان يتوقف عند حد معرفته باللقب الذي أطلقته الجليلة عليه لا يزيد في الحرب معها ويصفها بالميكافيلية ردًا على وصفه بالإمبريالية لكنه ما دام أرادها ندًا له فيبشر بعزه الجليلة ستعطيه ما يريد بكل أدب وأناقة لا يليق إلا بها. فهدة الصغيرة. وأخيرًا بطلب منها تحرك الجد كأول خطوة في الطريق للعودة من جديد للوطن وتعود فهدة لأحضان أمها. سند. بداية الغيث يا سند قطرة وعليك بالصبر فقط. ضي وغالية. كلام ضي مع غالية عين الصواب وتمنيت لو أن غالية فعلاً تستوعب كلام ضي وتقفل على الماضي وتبني حياتها من جديد بالثقة وتعطي نفسها فرصة للتفكير في كلام ضي من كل جوانبه.غالية كانت تحتاج أحد يعطيها مثل ما أعطتها ضي من الكلام الحازم لتستوعب سخافتها في الجري وراء ماضي راح يدمر زواجها وثقتها بنفسها وزوجها مش أكثر. مها ومتعب. حكمة سعود في التصرف معهم هو ذا اللي يحتاجونه بأن يحسس كل واحد فيهم بأهمية الثاني بحياته ولا يستغنون عن بعض حتى تنقشع الغمامة بينهم وترجع المياه لمجاريها. سعود ودانا. صح أن سعود متفهم دانا وسوء نفسيتها وعدم استعدادها للحمل اضطرها لإخفاء المانع عنه وبحكمته احتوى الموضوع وابتعد عن العصبية لكن صعب على الرجل أن يشعر بأي استغفال حتى لو كان لفترة بسيطة أو مؤقتة وهي كبيرة في قلبه فعشان كذا التجاهل التخذه معها حتى يقدر يتحاور معها أو يسامحها ويزول غضبه على الأقل. والتجاهل أعظم على دانا اللي ما تعودت من سعود غير الاهتمام الكبير والحب العظيم لها. أبو خالد معه الخبيث يا ترى؟. ضي وتفكير أم جابر بمأساتها. أحببت قوة ضي وتعايشها مع إعاقتها فقليل ممن يتعرضون لحادث يفقدون فيه عضو أو طرف منهم يستمرون بالعيش ببسمة صافية وقوة تحمل عجيبة ورضا بالقدر وقناعة بأن التعويض من عند الله أكبر وأفضل بكل تأكيد. قصة ضي في الصبر والمثابرة ومتابعة حياتها ودراستها بكل بساطة لشيء عظيم يستحق التأمل فعلاً. تركي يبي صورة للهنوف فعلاً ابتسمت صارت حياته صعبة وهو ينتظر ثمان أشهر فكيف باللي انتظرت ثمان سنين بلا حتى كلمة وحدة تصبرها مش صورة عشمه كبير الأخ. شهاب في الطريق الصحيح للاستقلال بحياةأميرة عن الجليلة وأول شيء أن يبدأ يحاورها بالإقناع والطريق طويل معها بس سينجح في النهاية. شكرًا أنفاس بحجم السماء على الفصل ويعطيك العافية. | ||||
|
|
|
23-07-21, 01:29 AM
| #4966 | ||||
| السلام عليكم ورحمة الله كيفكم جميعا وكيف كان العيد؟ حاسة وانا بكتب التعليق كأني بكتب معلقة عمرو بن كلثوم من كتر الكلام بس يلا نفوسة حبيبتنا تتحمل (كتبته على اكثر من يوم خلال اعادتي للقراءة فيعني عذرا كمان اذا طلع غير مترابط :فيس اللي معتزل الاونلاين كله من اكتر من ٣ سنين  (اهم شيء احذرو عوجة اللسان يا جماعة عشان انا بكتب ع الاقل خمس لهجات في الجملة حاليا 🤣) أخيرا قبل ما ابدأ انا ما كان عندي فرصة ابدا اقرأ ولو ربع التعليقات (ماشية اوزع لايكات وبس) فاذا تشابه توقع لي مع توقعات البنات فاكيد لان العقول العظيمة تفكر بنفس الطريقة بس عموما اذا كان توقعي مؤيد لتعليق قرأته فبذكر الموضوع عشان انا عندي عقدة اسمها "حقوق الملكية الفكرية" 😹💔 ***** نستهل الكلام بتنهيدة يا كبرها عشان اللمحة اللي لمحتيها عن زواج عزوز اللزوز وديمة وحمل فاطمة ومنيرة وجوجو شخصيا ايوا كدا ريحي قلبي المسكين اللي كان هيموت ويتطمن عليهم (نفوسة حطيلنا ملحق بخاتمة خاصة لكل شخصية من بعد الغياب ما هتظهر هنا بشكل اساسيpretty please with a cherry on top 🥺🥺) يا ريت يا ريت حد من ابطالنا يكون من جماعة أسى الهجران يعطونا خبر عن راكان باشا ونويصر :طماعة: 🤓 >> وبالمرة عدولي على سمرمر وتميم وعلي في بين الأمس واليوم >> وأي علي تراني بخطبه .. سمي الحاج وكدا يعني 😹 ***** نجي للفضاءات اولا سعود وأهله بصراحة يعني أمه ضايقني كلامها في بداية الرواية لما انفجرت بالجازي بعد ما سمعت دانة كلمتين (وضايقني كلام كل الامهات على ارض الواقع بس مشمهم التفاصيل دي) متحاملة على اولادها بصورة صعبة يعني متفهمة انها عايزة مصلحة اولادها ومقهورة على وضعهم بس مش بالشكل دا! بدل ما تخفف عنهم وتهديهم نازلة فيهم طاخ طاخ طاخ طاخ خصوصا مع البنات ضايقتني وتحديدا موقفها مع الجازي يا ستي زعلانة عليها شجعيها تتطلق مش ترجع! يعني صعبان عليكي خالد ومش صعبان عليكي بنتك اللي كسرها! جننتني وقتها والله .. مرضيتش اكتب رد من العصبية >> بصرخ/بصيح داخليا حاليا رغم مرور أيام على قراءتي للموقف! ** بس سؤال لا سؤال بجد ملوش علاقة بموقف آل سعيد تحديدا يعني ليه كل الامهات اللي على سطح الكوكب مقتنعين اقتناع تام ان عيالهم مش هيبقو سعداء الا لما يتجوزو ويخلفو حالا بالا مالا فالا دلوأتشي؟ العيال قاعدين على قلوبكم؟ 😹💔 ** الجازي بقى يختي بصراحة انا نفسي مكنتش عارفة احدد صعبانة عليا ولا انا غضبانة عليها 🤦🏽♀️🤦🏽♀️ موقفها كله على بعضه من الاول ولغاية الطلاق معصبني يعني اللي محملها الغلط كله ويقولx ليش ما طلبت الطلاق .. ياخي ما هي طلبت اول ما فاقت والدنيا قامت ولولا انها تراجعت كان خالد وسعود مقطعين بعض! اللي عجزت افهمه ليش ما رجعت طلبت تاني بعد فترة! يعني حجة خالد وسعود ويتذابحو ولا يتنيلو بنيلة خمس سنين كاملة مش مبلوعة بالنسبة لي ولو شربت وراها لتر عصير مانجا 💀 يختي ما يولعو في بعض ونخلص .. الحمد لله انتي قمتي بالسلامة ولو دغدغو بعض مش هتبقو كلكم مكسرين والشواب المساكين يبتلشون فيكم جعلكم العافية شيبتو بنا (وعوجتو لساني الله يعدل أيامكم) المهم مفهمتش برضو اشمعنى اول ما مسكها طلبت الطلاق اكيد عندك تفسير يا نفوسة يا جميلة بس انا مخي مقفل الصراحة ومش قادرة ابدا افكر بتفسير 🤦🏽♀️ >> الحقينا بالتفاصيل الله يرضى عليكِ دا كلام دانة لخالد وهي تبلغه طلب الجازي "دانة تحاول حشد أكبر قدر من الصرامة في صوتها: القضية مو إنك مسكت يدها أو حبيتها.. القضية إنك كسرت حاجز كان في نفس الجازي.. حاجز كان مانعها من فكرة المحكمة.." بس برضو انا مش قادرة افهم الحاجز كان ايه بالضبط 😹 هو يعني صحيح خويلد معصب بي وودي اطقه على راسه المعفن الزفت (قال ايه .. احبها .. حبك برص يا لفته) بس اتمنى اتمنى انهم الاثنين ربنا يوفقهم في حياتهم بعيدا عن بعض (او قريبا من بعض لو أنفاس عايزة يعني .. عارفاها لو عملتها كلنا هنكون مقتنعين وراضيين >>> احساسي انك هتعمليها بأمانة يعني 😹💔) لسبب ما انمسح من عقلي كلامه للجازي بمكالمة الطلاق وما تذكرته الا مع القراءة الثانية اسبابه منطقية فعلا بس مش قادرة احدد اذا قوية بما يكفي لانه يمسكها خمس سنين .. ويعني ما راحت المحكمة او قالت له بنفسها انها عايزة تتطلق .. طيب ما اخته قالت له واخوانها قالو له يطلق .. ما جابوها من بيوتهم يعني! انت بعقلك معتقد انها ولو ١% تبيك؟ (ملحوظة بس .. احنا نعرف ان مشاعر الجازي ناحية خالد قبل ما يخطبها كانت محايدة بينما هو من الاول يحبها فيمكن عشان كدا مستغربين انه يعتقد انها ممكن في نفسها شيء له بينما خالد اصلا ما يعرف .. يمكن مفكرها وافقت تباه مثل ما يباها فكان عنده امل بس المفروض عملته السودا قتلت امل وام امل كمان 😹💔) الله يهديك يا خويلد اللفتة (بالمناسبة سعيدة لانه راح لدكتور نفسي واتمنى يكررها حاليا عشان يتعلم كيف يتعايش مع احساس الفقد اللي اكيد اكيد يعني بيغلفه) بالمناسبة اعتبر ردة فعل الجازي على طلاقها منطقية ومناسبة تماما اقصد تخبطها تحديدا واحدة كانت معتقدة انه خطيبها مدري زوجها ظالم وحاطة له براسها صورة وحش وجاهزة للاحتفال بانفصالها عنه وفجأة تكتشف من مبرراته انه اولا واخيرا معترف تماما بخطاه وما علقها كدا الا عشانها ويطلع مش وحش .. مش امير بس مش وحش .. مش ظالم اوي ظالم حبة صغيرين اذن طبيعي سعادتها بالحرية تكون مختلطة بشيء من الحزن على علاقة كان المفروض تكون وما كانت لانها يمكن لو عرفت خالد بشكل اعمق او الموضوع صار وهم مثلا متزوجين وانزرع بداخلها بذرة مشاعر له كانت فهمت تصرفه بشكل مخالف (اللي هو كان امل خالد اصلا) فعلا فعلا متشوقة اقرأ كيف هتمشي حياة هالثنائي اللي الله اعلم بيرجع ثنائي فعلا ولا كل واحد بيمشي بطريقه. سؤال .. هل هنعرف مستقبلا بتفصيل أكبر كيف رجعت علاقة خالد بمحمد لحالة شبه طبيعية؟ (يعني اكيد محمد ما هيرجع يكلمه بأريحية الاخ كدا بسولة بعدx اللي هببه وانا كشخص يعشق التفاصيل مش قادرة اكتفي بكلام محمد انه ما سامحه بس طمر الموضوع عشان ما يخسر خالد المتندم نفووسة اعطيني تفاصيل لو سمحتيx 🥺) وكيف كانت علاقته بسعود طول الخمس سنوات؟ .. اعني كيف كانت علاقتهم بعيدا عن المجالس والجمعات ووجود أطراف ثالثة تخفف حدة اللقاء؟ اعتقادي انه تجاوز سعود للي حصل اخد اكبر بكتيييير من محمد نظرا لاختلاف شخصياتهم يعني ** بالنسبة لدانة وسعود خلينا نبدء من النهاية واعني موقفهم الحالي ودندون الكذوب (انا اصلا مكنتش حاضرة بداية قصتهم لايف .. الله ريحكم من صياحي) طبعا غلطانة دندون ولو اني اعذرها ما عاد عندها طاقة تتحمل خساير (انا بالذات يعني مقدرة الموقف دا مع اختلاف نوع الخساير والله المعين) بس ان شاء الله تطلع حامل ويكون دواها على كذبتها يختي جالك قلب تعمليها في سعود المسكين؟ هذا وهو متغير وضابط مشاعره على تردد الحنية والتفهم بعد! يعني تخيلو تخيلو معاي انها تاخد حبوب بروجستيرون وبسبب الخناقة اللي في مكة تأخرت كم ساعة ولا نست يوم ولا شيء وبعدين ربنا كتبلها حمل وبعدين هي متعرفش وتنزف نزيف خفيف وسعود يروح بيها جري المستشفى وتطلع حامل ويتصالحو والحمد لله تخيلتو؟ اكيد انفاس عندها خطة تانية 😹💔 اصل عمر الحياة ما كانت بالسهولة دي ولا الحمل بالبساطة دي🚶🏽♀️>> المهم بس محدش يقول بتاخد دوا يقلل تأثير الحبوب لانه فعليا هما دوائين بس اللي بيعملو كدا او واحد كمان ويستخدم لحالات خاصة مش لاي حاجة المهم اتمنى بس سعود يتذكر كلامه مع جابر بأول الرواية ويستهدى بالله ويرفق بدانة "سعود علم أنه يعنيه بالكلام حين التحق بقوات اليونيفيل في لبنان.. وماتبعه من مشاكل وصلت لتطليقه لدانة.. ومع ذلك هتف بكل حزم: ذاك زمان.. وذا زمان.. وإذا غرنا الجهل أول.. المفروض يغرنا الحِلم الحين!!" قلبي تقطع وهو يتمنى انها عاندت ورفضت طلبه ولا انها تكذب عليه يا حبيبي يا سعود الله يرزقكم توأم عاجلا غير اجل 🥺🤲🏻 . . انفاس روح طالب الطب هافة علي دلوقت فلو سمحتي عايزة تفاصيل اكتر عن كل حمل سابق لدانة 😹 بينزل في الاول ولا في النص ولا في الاخر ومدة الحمل بتزيد ولا بتقل وحصل حاجة قبل كل نزول واصلا اصلا فصيلة دمها هي وسعود ايه؟ عندها اي اعراض تانية؟ طفح جلدي مثلا؟ لازم نوصل لسبب الاجهاض المتكرر دا قبل امتحان النسا اللي جاي 😹 . . بس أمانة يعني حبيت شخصية سعود الحنونة ياخي كان لازم اختك تقرب عالموت عشان نشوفك تعبر عن مشاعرك؟ لا إله إلا الله! [حاليا بعد قراءة الفصل العشرين دخلت سالفة عمه هادي عالخط فكدا ان شاء الله تعامله مع دانة بيكون ارق بكتير بإذن الله ما تخلص الا وهما في انتظار سعيدان] ** اما عن محمد وبثينة خاطري اعرف كيف ارتبطو يعني هل معرفتهم بس لانها بنت عم عيال خالته ولا لأ؟ يعني على كلام شهاب عمه عبد المحسن هو اللي زوج محمد بس مين اللي اقترحها لمحمد من الاول؟ 🤔🤔 هل الموضوع بريء ام ان هناك سالفة ما؟ بصراحة محمد له في قلبي مكانة خاصة يعني ( جماعة اي حد شعره طويل دخلوه قلبي علطووول) حنون بشكل 😻😻❤ يمكن حنانه وركازته وهدوءه هي سبب رد فعله الهاديء على انفعال بثينة لما انفتح موضوع الفحوصات وهذا هو يوضح لنا اللي فكر فيه "ويتنهد وتفكيره يأخذه لجانب آخر بات يلح عليه كثيرا..وهو يفكر في مشكلتهما الخاصة.. ولا يعرف تحديدا متى يعود ليفاتح بثينة بما يفكر فيه.. ليس غبيا ليفهم جيدا أن ردة فعلها الغريبة المرة الماضية لا تعني إلا شيئا واحدا.. أنها قامت بالفحص كما قام به.. وأنه لابد أن لديها مشكلة ما.. يتفهم ردة فعلها... ولا يلومها عليها.. ويبحث لها عن عذر قبل أن تعتذر هي.. أنها لابد خجلت من مصارحته.. أو خافت.. وربما لديها حذر أو خوف من مرحلة العلاج.. ولكن لابد أن يفاتحها يوما .. أن لكل شيء علاج.. وأنهما لابد أن يخوضا هذه المرحلة معا.." بس انا لي رأي بخصوص الموضوع يلتقي معه في نقطة ويختلف في نقطة 🤓 بثينة أعتقد عندها مشكلة ما وعارفة ان عندها مشكلة ما وخايفة تصارحه او انه يحاصرها بالسؤال وتضطر تجاوب وبالتالي تضطر تحمل اعتقد مشكلة نفسية مش عضوية ويمكن دا يفسر رد فعلها اكترx (جا ببالي انها خايفة تخلف وحد فيهم يحصل له حاجة ويسيبو الطفل زي ما حصل مع اهلها او يحصل للطفل شي وتروح هي فيها .. ما هي شايفة تأثير سجن شهاب على أبوها وأمها الله يرحمهم على انه المسكين كان بريء 🤓🚶🏽♀️>> وقتها صدق بحقد عليها حقد مش طبيعي 😠) (احتمال اخر وهو ان عندها عقدة بسبب الموقف اللي صار مع أميرة في الطفولة .. يعني هي تحمل ذنب ما تعتقده اهمال لاميرة وخايفة تهمل طفلها بنفس الطريقة فبتتجنب الحمل بشكل ما >> وقتها هحقد عليها شوي مش كتير 😹💔) طيب لو صدق توقعي فهي بالتأكيد تاخد وسيلة ما كيف مخبية عن محمد وسيلة منع الحمل؟ هو صحيح صعب مع الحبوب لانه ممكن يصادفها باي وقت تاخذها بس ممكن بطرق اخرى .. فيه حقن مثلا كل شهر لثلاث شهور حسب النوع وفيه الكبسولة اللي تنزرع بالذراع وغيره الفكرة ان اغلبهم تختفي معهم العادة الشهرية فكيف محمد ما لاحظ؟ او يمكن هي كانت تمثل كانه عندها؟ استبعد بصراحة انه يكون لاحظ شي مثل هذا وما اصر على تحاليل من سنين او حلل من سكات زي ما عمل لانه عدم وجود عادة شهرية يعني بلا جدال ان بثينة عندها مشكلة اقلها امه كانت بتصر عالفحوصات >>> كأني الفت القصة وصدقتها 😹💔 حقيقي متحمسة ومتخوفة من حديثهم القادم هم الموضوع واعتقد بيكشف شيء من الحقيقة ولو توقعي صح فيا خوفي من ردة فعل محمد المهم يعني بعيدا عن الحمل لسبب ما اعتقد مزنة قد يكون لها دور في حياة الاتنين يعني مثلا مثلا يكون عند بثينة سبب للغيرة او كدا وحابة تبعد مزنة عن محمد فتقترحها لشهاب ولا حاجة تبقى ليلتنا أنس ان شاء الله 😹 (خلاص انا لغيت الرابط اللي في دماغي بين شهاب وضي)🤓💀 ** مها ومتعب متعب بصراحة غلطان وراكبه الغلط من ساسه لراسه قال خايف عليها قال واللي خايف يكره اللي قدامه في عيشته ياللي مش عارفة ادعي عليك واقول ايه وانت فيك كل العبر 😠 (هو حق ربنا يعني فيه تلات اربع عبر بس عشان مظلموش بس برضو 😹) ضايقني بجد اسلوبه في التعبير عن خوفه سيء جدا جدا وبكل بساطة كان يقدر يخلي الدكتورة تشرح لمها وضعها اكتر وتحط معها خطة محترمة لتنزيل الوزن بعد ما تعمل فحوصات تتأكد ان ما فيه سبب معين يا اخي هي لو اصلا عندها قابلية تخس زنه وضغطه النفسي عليها في الراحة والجاية يخليها تزيد ولو صامت الليل والنهار 🤦🏽♀️ وبعدين يزعل من انفجارها مالت على بليس العدو بس 🥴🥴 والدكتورة هي الثانية ليش تحذر متيعيب الدب من ارتفاع الكوليستيرول وما تحذر مريضتها بشكل مباشر؟ يختي ما علموكي بالمدرسة عن خصوصية المريض؟ جننتوني ومها هي كمان يختي انطقي كلميه قوليله ان تعليقاته تسم البدن يا شيخة طالما كدا خناق وكدا خناق اتخانقولكم مرة واحدة خناقة متفجرة فظيعة شنيعة مريعة كل واحد يقول اللي في نفسه بجد فيها وبعدين نبقى نصلحها انما هي ايييه اتجوز يتجوز ايه يا ولية هي لعبة ولا لعبة الله يلعن بليس العدو قال تدافع عن ذاتها من امتهان متعب لها قال امححققق دفاع يختي 😠😠 كان بودي اصوت بس أمي هتفكرني اتجننت فيعني اديني قاعدة مستنية اللي ابو سعيد هيعمله فيكم عشان اشمت بسسسس 😠 << اعجبني استنتاجه للوضع ومعالجته للموقف بصراحة .. يستاهل قلب ❤ (طيب شفت انفاس سألت ببداية فصل ليش افترضنا انها ما عاتبت او تكلمت قبل .. بالنسبة لي عندي سببين .. اولا اسلوب متعب وهو يوصف صدمته بالحوار الداخلي لما قالت له تزوج يوحي بانه اول مرة مها تواجهه بهذا الشكل وما عمرها اوحت له انها متضايقة اصلا .. ثانيا من حوار مها نفسها داخليا وهي تحكي كيف تحملت كلماته بالبداية وفكرتها مزح وبعدين بدت تجرحها وتدرج الامر لحتى وصلت لحالتها الان .. مها ولا مرة ذكرت انها صارحته برفضها الموضوع يعني بالتالي افترضت انا بناء على الحدثين انها ما اشتبكت مع متعب بشكل صريح بخصوص تعليقاته قبلا .. وما اشتبكت ووضحت موقفها حاليا برضو بس علطول خبال . . في موقف لاحق باخر فصلين تلاتة متعب استنتج اخيرا انه غلطان بتعليقاته يعني بس كان مازال مستغرب انها نطت من الدار للنار علطول كدا وطلقني ياااااض قصدي اتجوز عليا يااااض بدون مقدمات فهذا يرجح الرأي القائل بعدم وجود مصارحة وان كان يوحي بان مها المحت انها متضايقة يعني بس تلميح ضعيف فهو اخدx وقت على ما استوعب الاستاذ) والاخت مها هي كمان مستغربة موافقة متعب السريعة انها تقعد عن اهلها اسبوع وقبل كان بالزور يوافق قبل يا حبيبتي كان وجودك بالبيت معناه كلام وسلام اما حاليا فهو برود صقيعي جليدي فطبيعي يعني يوافق اقلها مش كل ما يشوفك يتجدد جرح كلامك يا بنتي >> متعب الدب لا تظن اني رضيت عنك .. الا لازم تعتذر وتعتذر وتعتذر وتجي بجاهة وطلايب بعد 😒😒 . . على الهامش قلبي مش متطمن من ناحيتهم واحساسي كأنهم جايلهم مصيبة هما كمان يمكن خف قلقي شوي بعد ما تجاوزنا عاصفة اللقاء اياه مع اللواء وكلامه لسعود بعدها انه اللي قالته مها عمره ما كان حل لكن ما زال بداخلي شيء من القلق وش جايكم انتو الثنين؟ . . على الهامش كمان مرة تريقة مها المستمرة على نفسها وعلى الكل ومناقرتها لهم تضايقني بصراحة يعني لو انا مكان الجازي او الهنوف في بداية الاحداث وهي كل شوي تذكرهم بوضعهم قال يعني نمزح كنت رميت دلة القهوة بوجهها وقمت جزئيا لانه انا على ارض الواقع اصلا فيه مواضيع ما احب المزح فيها لانه جرح مش مزح والجزء الأكبر ضيق منها هي لانها مدركة لوضعهم مش غريب عليها ومع ذلك مستمرة سنين وسنين بغض النظر عن مشاعرهم ضايقني الموضوع وانا في سنيني الاخيرة (عجوز انا) صايرة لا احب اضايق حد ولا حد يضايقني لا بمزح ولا بجد وكفاية على الانسان ملاسنات الماضي .. كبرنا 👵🏼 (يختي يستاهلو بعض هي وزوجها الاتنين عليهم دفاشه وطولة لسان وقلة عقل ما شاء الله) >> قريت الفصل ال١٢ بعد ما كتبت هذا الجزء وجا كلام متعب انه ما شاف بسخريته منها مشكلة عشان هي طول الوقت تمزح/تسخر كتأكيد لكلامي 🙂🙂 صحيح اتأخر على ما انتبه بس ارحم من ام لسان اللي ما انتبهت ابدا اصلا 🙂🙂 [نستنج من هذا الجزء ان عندي جمود عاطفي ولا افقه شيء في المشاعر البشرية] . . ***** على طاري متعب الدب خلنا نخلص من أخوه تريكي الدب وحرمه المصون الاتنين حلة/طنجرة ولقت غطاها والله مش عارفين هما عايزين ايه حسبي الله بس يعني اول فصل تريكان الدب يعاتب فرات على عدم زواجه كأنه هو اللي خلصنا يعني وهو على قولة أمه "شيبه كبر جدي" وهي متشحتفة عايزة هدية واول ما جابها رجعتهاله عايزاه يكلمها مرة ويوم ما كلمها طلقني يااااااض و هو عايز الفرح بعد سنة ويوم ما قالت هي سنة قال لأ جوزوني دلوأتشي ياخي ما فهمنالكم صدعتو روسنا 🤕😠 بس بصراحة صعب عليا تركي لما ابوه كش انه قال العرس بعد سنة وضيع عليه فرصة الزواج بسرعة صحيح يستاهل بطولة لسانه (الله يذكر فويرس بالخير .. قال ممتلكاته قال!) بس برضو .. يمكن لو تيسر لهم زواج اسرع بدون اكشنات كانت تعدلت امورهم ولو نتفة وهنوف اللي موقفها معقد ومشاعرها معقدة عمها الله يسامحه ما شرحلها من الاول ليه اخدها من جدتها وليه اصر تتملك بذاك السن كان هينقص عليه حاجة يعني؟ العيلة كلهم عندهم مشكلة بالتواصل والله 🥴🤦🏽♀️ لو كان فهمها في الحالتين كان خفف كتييييير من احساسها بالوحدة ومن حدة الفقد اللي صابتها كان عندي كلام كتير عندها وتحليل لموقفها بس يعني قاعدة اقرأ فصل بكتاب علم نفس عن تأثير الوحدة فقلت اخليها يمكن لما اخلص الفصل افهم مشاعرها اكتر 😹🤓 اتمنى ان تغير احساس تريكان ناحيتها من الفصل الثامن للنهاية وبدايات ادراكه لموقفها الصعب ينعكس على تعامله لها ويوصلها فعلا يمكن .. يمكن تهدأ من ناحيته شوي وتتحسن ظروفهم حتى المقلب القادم 😹💔 يتبع ... | ||||
|
|
|
23-07-21, 01:30 AM
| #4967 | ||||
| ** صيتة أختهم اللي وضعها صعب يعني هي صحيح احملها شي من اللوم في عدم نزولها وعلاقتها المضطربة ببنتها لانه حتى لو صديقتها موصياها تفضل بنتها اولى اصلا (بحاول ادور على موقفها الشرعي .. لو فعلا هي وصية تتبع الوصايا واجبة التنفيذ ما عليها لوم .. لو لا بشيلها الذنب الأكبر) بس بفترض ان انفاس سوت ابحاثها وانها حتى الان ما لها منفذ من الوصية وعليه فلأ .. هي ما عليها لوم .. اهلها شايلين اللوم كله ما لهم حق بدل ما يسهلو عليها حياتها وييسرو لها توفي بوعدها وتحافظ على علاقتها ببنتها مقاطعينها وحتى المكالمات بالزور وكمان مسخنين بنتها عليها البنت حقها تكره الروحة وتحس بنفسها عديمة الاهمية عند امها بدل ما هما يفهموها الوضع ويصبروها ويشجعوها جدة تقولها انا امك وجدة تقطع بامها قدامها واللي بياكلها المسكينة وبنتها! يعني كانت خلت فهدة عندها لما ياخدها ال CPS ولا رجعت ومات منها عبود بالطريق!! كمان واضح انها تكلمها بشكل دائم (استنتجت دا من حوار صيتة الداخلي لما شافت فهدة وذكرها انها تحاول اقناعها من سنتين تجي تزورها) فيعني هي على صعوبة موقفها تحاول قدر الامكان تمد خيوط التواصل مع بنتها والمفروض اللي حواليهم يشجعو الموضوع حجة انه فهدة تبكي وتنفعل كل ما انفتح الموضوع فمن شفقتهم عليها مبيتكلموش فيه مش مقنعة ولا كافية عندي اولا بكاها بسبب تخزينها لكلامكم عن ترك امها لها وانها بدأت تقتنع بالكلام فمجروحة .. يعني بداية الغلط من هجومكم لموقف امها الغلط وثانيا تقدرو تتدخلو بتبرير موقف امها حتى لو هي تبكي فعليا كنت اغلي من الغيظ لما ام جابر قالت لها انا امش وردت على تعليقها انها يتيمة وامها عايشة بانا ما اكفيش طيب يختي كنتي قلتيلها الا امش تباش وتحاتيش بس خايفة عليش يامش وانا هنا اعوضش عهنا بلحظات غيابها لين ما تروحين لها ولا هي تاجي عندش ما ينفع معك ذا الرد؟ ولا بس نتحسر على وضع صيتة بينا وبين بعض وعلى وضع فهدة بينا وبين بعض وقدامهم نخربها اكتر ماهي خاربة؟ طلع مش بس متعب واهله عندهم مشاكل بالتواصل .. حتى نسايبهم مثلهم .. حلة ولقت غطاها اللهم صل على محمد اما ام متعب قلبها قاسي بشكل مش طبيعي وهي تحلف ما تروحلها! يعني انفاس بصارحك بشي >> مش نقد ابدا لاني اشوفه يحصل على ارض الواقع بس ما يمنع انه يضايقني هنا وهناك بعد شخصياتك كلها بارة بأهلها بصورة رائعة بس احيانا احس الاهل ما عندهم بر بأبناءهم ويا مسرع الايمانات على لسانهم تجبر عيالهم على شي وتحرم عيالهم من شي وهم مسلمين ان العيال بيطيعوهم! بعض مواقف الامهات خصوصا قهرتني قهر حسيتني بشد في شعري اللي ما عاد باقي منه شي اصلا 😭💔 نرجع لصيتة بس هالمرة في علاقتها بسند لا غلطانة غلطانة وستين غلطااااانة يعني انا احاول اتفهم مشاعرها ناحية زوجها الاول ومشاعرها في اول الزواج ولكن طالت ومسخت يختي 🤦🏽♀️🤦🏽♀️ الحين خاطري اعرف كيف توفي صقر لانه من جملتك كانت صيتة تحمل مشاعر المودة والذكريات والنشأة المشتركة.. الأمور التي ضخمتها رؤيتها لحادثة وفاته أمام عينيها.. وفي ظروف خاصة جدا.." يبدو لي انها فعليا لولا طريقة موته كانت مشاعرها له بتقل حدتها بكثييييير عن الوضع الحالي وانا لولا كدا كنت هبدي استغرابي من هذا الحب الشديد جدا زوحليقه وهما بالكتير ٣ سنين زواج [هنا يتأكد لكم بما لا يدع مجالا للشك اني اجمد من شهاب لما يتعلق الموضوع بالمشاعر .. عندي detachment مش طبيعي وما افهم بالمشاعر البشرية اجاركم الله (من ال detachment مش المشاعر 😹)] بس جد يعني يعني يختي عرفتيه عمرك كله كم كان عمرك يعني؟ ٢٥ سنة مثلا؟ ما اذا الله كتب لك العمر بتعيشين ضعفهم واكتر! هتعيشي لوحدك وسند المسكين اللي انتي شخصيا عارفة ومقرة بحبه لك متعذب؟ والله ما لاقية حاجة اقولها .. استغفر الله بس 🤦🏽♀️ قال غزيل قصمت ظهرك بوصيتها .. وانتي يختي ما قصمتيه اكتر وقصمتي ظهر الرجال اللي اخدك بتعهدك اللي مدري كيف اوصفه ما تكونين لرجال بعد صقر؟! المشكلة هي من كلامها مقدرة قيمة سند بس عايزة له الافضل وعارفة لو اعطت له فرصة بيهدم حواجزها طيب يختي وانتي تقرري الافضل بالنسبة له ليه؟ ليه يا ماما؟ قاضي قضاة الدولة على غفلة؟! جننتوني يا عيال عبد المحسن الله يصلحكم جميعا اتمنى اتمنى انه اجبار جبران لهم على الرجوع يؤدي بشكل ما لاكتمال علاقتهم ببعض وانها تكون علاقة وادعة آنسة تعوض كل منهم عن اللي شافه بحياته نجي للرجعة الجد بيرجع عبود وصيتة طيب سند؟ واضح وظيفته دبلوماسية ومحتاج ترتيب عشان يرجع وبما اني اظن ما هيقدر يسمح برجوع عبود وصيتة من غيره فالجد جبران مبلغه اصلا بالرجعة وهو قاعد يرتب اموره كمان عشان كدا لما سأل الدكاترة عن التحاليل والفحوصات الزيادة اللي يخضع لها عبود حاليا يمكن خبروه انها تخص الاستعداد للسفر فرجع للغرفة هادي ومستبشر .. طيب الجد جبران كيف اصلا بيرجع عبود مع وضع عبود الحالي؟ عشان ينتقل بيحتاج طائرة مجهزة بجهاز تنفس صناعي ومونيتور دائم للقلب وادوية معينة وتمريض او طبيب او الاتنين فالموضوع مش سهل يعني بما اننا حاليا عرفنا منصبه ويبدو رغم استقالته انه ما زال له اتصالاته أتوقع يقدر يدبر له طائرة مجهزة كليا لنقله والتحاليل الان هي فقط للتأكد من استقرار حالته ودا سبب تاني لتوقعي ان الجد متواصل مع سند خاصة ان سند هو ال legal guardian غالبا وتوقيعه مطلوب لكل شيء من تحاليل لنقل لكله (فاصل سريع عشان لو مقلتش الكلمتين دول ممكن افطسx >> بصراحة سبب الجد اللي ما خلاه يرجعهم قبل ما اقنعني ابد .. وايه يعني محدش طلب ولا فهدة طلبت يرجع امها قبل كدا؟ طيب ما هي عمليا مطلبتش المرة دي الا لما هو سألها؟ معقولة غايب عن باله يسأل السنين دي كلها؟!) . . ع الهامش .. يتساءل بسبوس (اللي هو انا) ايش هو مرض عبود؟ نفوسة يعني اعطيتينا توليفة أعراض صعيبة ضمور عام .. تشوه/اعوجاج بالعمود الفقري .. مشاكل بالقلب والتنفس .. تدهور بالحالة العقلية ومن يوم ما اتولد او على الاقل من لما كان رضيع اعتقد عنده myotonic dystrophy .. ضمور عصبي توتري كما ترجمها مستر جوجل نظرا لاني ما اعرف اسماء اغلب الحالات بالعربي دي كانتx الحالة اللي قابلتها مصاحب لمشكلة العضلات فيها تدهور بالحالة العقلية صحيح تبدأ اعراضها في سن الشباب غالبا (٢٠-٣٠) لكن ممكن بأي سن تظهر فكرت بكم تشخيص تاني بس كل واحد ناقصه عرض او زايد عنه عرض فما ينفع 🤓 [برضو ترددت بالتشخيص لانه لما ذكرتي الي حصل قبل ٤ سنين ذكرتي انه صيتة كانت تتأمل يتحسن عبود فكيف يتحسن من مرض وراثي اصلا بس قلت يمكن كان عنده عدوى ما سببت مضاعفات اكتر وكان املها يرجع لوضعه اللي قبل مش يتحسن بس ما حصل او طول عن الطبيعي او طلع من مضاعفة لمضاعفة (ويمكن عشان كدا الجد ما عرض يرجعهم يعني .. خوفا على عبود) 😹🤓 التشخيص كمان هيقوي احتمالية توقعي التالي بما انه ما فيه علاج للان] المهم لو سمحتي اكديلي تشخيصي او انفيه حتى لو ما بأثر على سير الرواية 😹😹 [الموضوع فرعي يمكن بس انا اي مرض او عرض تلقائي بوقف عنده وبحاول احلله واقيم الحالة على قدر معرفتي يعني مع محاولة توقع لمستقبلها 😹💔 .. حالة مستعصية اجاركم الله] . . اسمحولي اكون عديمة الحساسية كمان مرة هنا (كذابة ابكي اصلا) اتوقع تتدهور حالة عبود بشدة اول ما يوصلو قطر ومن انشغال صيتة عليه ولعدم تعقيد الامور ما بتطلب من سند يطلقها اول ما توصل وبعدها الله ياخذ امانته لكن ضغط عائلة صيتة عليها (بما فيهم بنتها فهدة اللي اتوقع تقوى علاقتها بسند وبتمسكها من زاوية حرمانها من الاب بعد كل السنين دي وهي يا دوب لقته) يمنعها من طلب الطلاق وحزنها هي وسند يقربهم من بعض شوي للمرة الاولى ويمكن الاخيرة ارحب بضغط الاهل يعني لاني شايفة فعلا فعلا فيه مصلحة اكيدة لكل الاطراف طيب ليش بقطر؟ لانه لو حصل لعبود شي وهما برا ما اتوقع ترجع صيتة الا مطلقة [بعد ما انهيت تعليقي على صيتة معدتش عارفة احدد انا مقهورة منها ولا عليها 😹🤦🏽♀️] ***** نجي لجابر وغالية ونكون انهينا مبدئيا عائلتهم وعائلة هادي بالمرة مش عارفة كيف جابر صابر على غباء غالية بصراحة وهي مين اللي وقع بايدها الجوال اصلا! اعتقد صاحبته اصلا واحدة من البنات ابطال الرواية هنا او من جماعتهم المقربين ولسبب ما اعتقدت انها تخلصت من الجوال وقتها وهو موجود لانه ضي عرفت الصوت فاكيد حد قريب كيف وصل لضي اللي تقول صاحبته ما لها ذنب؟ اما البنت اعطته لها ووقتها البنت لها ذنب ومليون ذنب وغالية نفسها غبية تبدي خرابة بيوت على زوجها وبيتها وتخبي علشان ما تضر اللي ما يبي لها الا الضرر او انه غالية من لقافتها لقت الجوال بوجهها في مناسبة ما وقلبت به فلقت التسجيل او ان البنت صاحبة الجوال فعلا ما قصدها شي وما تعرف اصلا هوية الرجل وكانت تقلب بجوالها في قعدة بنات فلقت تسجيل قديم منسي قالت تضحكهم عالسالفة مش عارفة اذا انفاس بتعطيني وقت اقرر بشكل نهائي اي سيناريو اعتمده كتوقع ولا بتكشف السالفة قريبا 🙃 [فيه بنوتة اسمها تسنيم علقت ان يمكن الجوال لمزنة واعطته لسعود الصغير يلعب به .. توقع خطير وداخل دماغي .. قرأته بعد ما انهيت كتابة الجزء دا فقلت لازم احييكِ عليه يا سنسن لكن استبعده بصراحة اولا لانه مزنة كانت هتعلق عليه ولو داخليا لما جابر خطب غالية خاصة انها اكيد سمعت صوته ولو مرة مع ابن عمها قبل او بعد الخطبة وثانيا من حديث ضي مع غالية الاسلوب يوحي ان البنت فعلا قريبة لكن مش لدرجة الاخت والحوار بنفس الوقت يخليني استبعد توقعي الثالث بعض الشيء] بس غالية عقلها صغير ومتناقضة ما اقلل من الموقف ولكن هو اعترف انه ندمان وتاب وخلصنا ايه معنى انه يعتذر لها هي عن شيء حصل وهي اصلا اصلا طفلة هو ميعرفش انها موجودة على سطح الكوكب؟! هو اصلا مغلطش في حقها هي! اتعلمي من بثينة يختي وهي تقول لمحمد كيف احاسبك على شي صار قبل ما انا اصير زوجتك لا تكونين ردية عقل يا بنت! بصراحة زعلت عليه وسعود يمزح معه انه قدهم لهم ساعتين مع بعض ما ذبحته دق تسأل وين هو! يعني حتى قدام رفيقه وبعدين عايزة ضمان ما يكررها طيب ايه الضمان؟ يمكن انا مخي تخين فحد يقولي واحد عمل غلط وبيقول انه تاب .. اي غلط .. فين الضمان ان الواحد دا ميكرروش؟! مفيش! رأيي تشوفلها دكتورة نفسية تساعدها على جنون الشك اللي عندها دا وترحم نفسها وزوجها وابنها بدل ما يطق لها ولا له عرق ولا حاجة ** يا حبيبي يا عمي هادي حقه يتجنن من عمايل عياله 😿😿 بالمناسبة ما زلت أتمنى انها خفيفة ان شاء الله وان مرضه ما هو سرطان (يا رب ما يطلع مريض اصلا 😭) شفت بنات قالو فشل كلوي .. اممم .. هو وارد فعلا ومن اعراضه الارهاق الدائم وعلى انه عرض مهم بس ما لمحت شيء ثاني يمكن لان انفاس لسا ما قررت تخلينا نتعمق بالموضوع بس عموما ما اظن فشل كلوي لانه الاجراءات المستعجلة الي بيعملها سعود ومحمد ما استدعت يخبرو خالد فورا مع انه لو محتاج زراعة من اي نوع فالمتبرع يفضل يكون الأقرب للمريض واجراءات التبرع والتحاليل والفحوصات تاخذ وقت فكان الاولى يرجعو خالد من السفر ويخلو البنات يفحصو فورا على فكرة انا لسا عند كلامي 😹 لو مشكلته بالقلب ولازمه عملية قلب مفتوح بحضرها واتطمن على سير الاحداث بنفسي >> ٣ سنين لازقة في جراحين القلب خلينا نطلع منهم بحاجة 😹 ** ضي .. رفيقتي اللي دراستها سبع سنين زي اختها مع اختلاف السبب .. تعالي يختي تعالي اخمك واواسيك وانتي تشوفي الكوكب كله تخرج الا انتي 🥺💔 أعجبني عقلها وطريقة تفكيرها جدا جدا وتحية خاصة لها على تكسيرها الجوال اياه الله لا يرده وكمان سرعتها بمواجهة غالية ومحاولة انهاء الموضوع عاقلة جدا ما شاء الله وواضح من كلامها واسلوبها انفاس بناء على كلامك بالمقدمة هل اكون مستعجلة لو توقعت قرب انتهاء معضلة جابر وغالية تمهيدا للغوص في القضايا اللي تخص ضي؟ اتمنى البعض شفتهم ربطو حامد وضي .. حلو حبيت بس اصابة لحامد عشان يتقابلو بالمستشفى يا أشرار؟ يعني الراجل رايح ينهي مسيرته ويعتزل تطلعوه بإصابة بدل ما تطلعوه ببطولة 😹؟ خلوها اصابة لزميل وهو راح معاه فشاف جابر فسأله ايه اللي جايبه وتبدأ القصة من هنا 😹🚶🏽♀️ . . طبعا متوقعين اني جاية اعلق على مرض ضي الحقيقة اني لسا ما وصلت لقرار متحيرة ليش؟ لانه واضح ان يدها من صغرها ويمكن مولودة بها هذا حسب كلام امها اللي حاولت جهدها ما تحسسها بشي ويعني علاج يدها يا عملية ودي غالبا في الطفولة بتتعمل يا طرف صناعي مش مستاهل السفر اذن فيه مشكلة تانية المشكلة التانية دي حيرتني ما اعتقد من الطفولة يعني اعتقد هي مولودة بس بطرف ناقص ليش؟ لانه اشمعنى لو عندها مشكلة تانية فما اخرتها الا في الجامعة؟ فهل مثلا مثلا يعني كان حادث؟ بنفس الوقت لو حادث ليه يتأخر علاجها منه لما بعد التخرج؟ وبعدين مخي يرجع يذكرني ان بعض المشاكل يتولد بها الطفل بس فعليا تظهر اعراضها بعد سن معين بس قائمة المتلازمات والحالات اللي ممكن تحصل مع مشكلة بالاطراف تطول وتطول فانا بصراحة من كتر ما قرأت ما عاد عندي قدرة افك الحروف من بعض قلت بكتب تحليلي للحالة وافكر بالتشخيص بعدين 😹💔 هل دارت روسكم وضربكم الصداع ولا لسا؟ . . ** مزنة كأنها عقلت بزيادة بعد الموقف القديم لما خطبها محمد؟ اقصد هي كانت عاقلة اصلا لولا تفكيرها الغريب بذا النقطة والحين زاد عقلها؟ زي ما قلت فوق اعتقد بيخطبها شهاب انا اقول بترشيح من بثينة والبنات قالو من الجليلة نقسم البلد نصين؟ بثينة بتقترح ع الجليلة والجليلة بتقترح على شهاب 😹💔 المهم يعني نقطة القوة هنا بتكون انها تصلي استخارة قبل اي رفض او قبول نهائي وانها تعلمت ما تتسرع بالحكم بعد اللي حصل كع محمد زائد انها اكيد اكيد تعرف ليش انسجن يعني فما بترفض عشان الموضوع والرجال جاي بشهادات وش كبرهاا وهاااااا يلا بما انه انا خلاص خرجت من دائرة التوقعات واصبحت اتكلم كأنه من المسلمات ومزنة لشهاب وشهاب لمزنة وكدا اتوقع انه مرض ابو خالد هيكون له دور في تسريع التقاء الاتنين ببعض المهم بس مزون تتعامل بلطف وعقل وركادة مع ولدنا لانه كفاية عليه اللي شافه 🥺❤ يتبع .. | ||||
|
|
|
23-07-21, 01:31 AM
| #4968 | ||||
| ***** آل سطام ورفقة آل سطام الامبريالي ابو مخ متركب شمال يخي هما حريم العرب اللي فيهم مشكلة ولا انتو اللي الواحد مش عارفلكم عايزين ايه بالزبط استغفر الله العظيم مجنن الطلبة ومجنن بنتك ومجنن ابنك ومجنن عمك مين اللي خليته مزنيتش على راسه يا اخي دك ضربة على راسك (بس تكون خفيفة عشان جيلو بنتنا هي اللي هتلبس فيك 😹💔) شيئين حيروني بخصوصه (غير المنطق الاعوج طبعا) .. الأول رسمة بيتهم يعني اعتقد انه نفس البيت اللي رسمه حمد فواضح ان رسم فرات لسا بأول اوله لدرجة ان مي ما تقدر تلمح التشابه بين الرسمين اقول انه نفس البيت استنادا لتعليق شهاب وهو عند ابو فرات عن كونه بيت تراثي لانه حتى لو بانيه وقت زواجه فعادي يعني اقل من ٣٠ سنة ما هيكون بالتصميم التراثي نفسه المهم السؤال لماذا اعتقد انه ما قدر يكمل الرسمة من حزنه على ذكرياته مع شهاب بذاك البيت؟ يعني يمكن بدأها قبل ما ينهد البيت وهو في نيته يحط اشارة لذكرياته مع شهاب باللوحة ولما انهدم البيت من حزنه على فقد المكان اللي جمعه بشهاب وحوى ذكرياتهم ما قدر يكمل هل هذا ممكن فعلا؟ هل ممكن انه لما فرات قفل الموضوع وقت ما سأله شهاب كان هدفه انه ما ينفجر بحزنه وغضبه وهو توه يستوعب عودة رفيق عمره ومش حابب يدخل غضبه وعتابه بينهم بهالمرحلة؟ يا قلبي يا شهاب والله صابرة على فرات ابو منطق اعوج بسبب صداقتهم بس ولا انا كان باقيلي فصل كمان واحضر قائمة الدعاوى والمسبات 😹👵🏼 لو صدق توقعي الا ما اسامح الامبريالي عشان خاطر شهاب بس. الشيء الثاني اللي محيرني (او الاشياء) هو ليش تزوج أسماء وليش بذاك السن الصغير؟ وهي أصلا مولودة مسملة وكان اسمها اسماء؟ ولا اسلمت وغيرت اسمها؟ وليش كانت بالدوحة؟ وكيف التقت به؟ >> بنحط كل سؤال لوحده ونشوف اجابات البنات عليه ليوم كامل وبعدين ننقل للسؤال التالي 😹 ما يسوى علينا الامبريالي وحياته اللي شاغلة بالنا 😹 (بعلق على "نقاشاته" مع الجليلة في المحاضرات بوقت لاحق) طبعا انا كمان اقول فرات بياخذ الجليلة ومساعد مي يمكن البنات بعضهم مش متأكدات ولكن يعني من اول ما تركي اشار لمساعد لما كان يمازح فرات باول اول الاحداث وقال اخوي الرابع وانا خلاص ربطتهم ببعض كمان ما اتذكر مرة بأي رواية لأنفاس ربطت شخصيتين الا وانتهو مع بعض طبعا لازم فيه اكشنات بس يعني يمكن هما الأمل الي بالفضاءات مش اليأس (a snowball's chance in hell ادري بس ولو .. ولو .. الأحلام ببلاش) بالمناسبة لما انفعل فرات على متعب بالحوار المذكور أعلاه اول تفسير جا ببالي انه فعليا مش متخيل بنته تتزوج ولانه يعرف انه مش ممكن ياخذها لا تركي ولا حزام فكان يمزح بتبسط أما مساعد اللي قريب لها سنا ومستوى اجتماعي وتعليمي ويصلح للزواج فلما جت سيرته قطع السالفة خوفا من ان تركي يعلق بباله الموضوع لو استمرو بمزحهم فيه ويرشح البنت لمساعد فعليا لما اكلمت قراءة لحتى اتضحت علاقة فرات بشهاب جا ببالي انه حتى لو ما عنده اعتراض على زواج بنته بهالسن ما حب ابدا يجيه مساعد يخطب بدون وجود شهاب (على اعتبار ان تركي يرشحها لمساعد وكدا) طلع عنده مشاعر بجد فراتووووه الامبريالي 😹 اما الجميل والرائع بفرات (غير علاقته بشهاب) هو علاقته بأبوه اسمحولي اتغزل بضفاير حمد الكبير كمان مرة (او ما تسمحوش هتغزل بيهم برضو) قبل ما انتقل لشخصيته يختي من وين جايباه؟ ايش هالابداع والرقة؟ ناقصك بس تكون دكتور وتركت الطب وتفرغت للرسم وهترك حزام واجي اخطبك انت على جمالك يا رجال! وادي شخصية تانية بمرض غامض للان ما كشفت أنفاس عن طبيعته .. كل اللي عندنا انه يجي على هيئة نوبات قوية بما يكفي تخوف مي اللي توقعو صرع هو بصراحة التوقع اللي اميل له بس مش عارفة كأن السالفة فيها إن شفت كم توقع تاني زي التصلب اللويحي مثلا (يبالي اراجع اعراضه) لكن التشخيص اللي استغربته انه يكون من أصحاب طيف التوحد .. مش راكب خالص على شخصيته .. صحيح من أعراض التوحد نوبات من الغضب والتصرفات المتكررة والانغلاق لكن الانسان ما يكون طبيعي ابدا بالفترة اللي بالنص وحتى بالحالات الخفيفة جدا جدا الا ما يكون عنده مشكلة بتكوين المشاعر والروابط الانسانية وفهم الكلام المجازي او المعاني الضمنية الرجال رقيق وحنون بشكل مش طبيعي .. شبه مستحيل بالنسبة لي يكون توحد 🤓🤓 (هو انا مؤخرا كان عندي اهتمام بالموضوع يعني فعشان كدا اخد حيز من تفكيري وحسيت لازم اعلق عليه بردي) المهم لو صرع فممكن يكون هذا من اسباب تطويله المبالغ فيه لشعره غير ستايل الرسامين يعني :فيس يرقص حواجبه: اقصد خوفا من انه يجرح راسه بالغلط وهو يحلق او وهو ماسك المقص يعني .. يمكن حادثة قديمة (وكمان يفسر ليش ام فرات زودت حالته لانه بعض انواع الصرع يزودها المشاعر وكلها للحالة النفسية اثر فيها وبرضو يكون سبب اخر غير مظهره يدفعه لكراهية الخروج من البيت نظرا لوجود مؤثرات كتيييييير ممكن تعمل trigger لنوبة) يعني ما زلت اعتقد انه مرض تاني بس لو كان صرع فعلا فهو يفسر حاجات كتير . . هامش اخر احببت وصفك للبيت القديم اللي بلوحة حمد اول الشهر كنت بمتحف الحضارة والمرشد يشرح نظام البيوت القديمة والفسحة والبير اللي بنص البيت (نافورة بالبيوت المغربية اللي يسموها الرياض) هو يتكلم وانا كل اللي افكر فيه اني نفسي ازور بيت بنفس التصميم دا اقعد في الساحة واتسند على جدار معاي كوب نسكافيه وكتاب واعيش حياتي هيييييييييح الله اعلم يمكن الله يكتبها لي . . بعيدا عن حمد الكبير لفت نظري شغلة ببداية الرواية لما كانت مي تطلب من حمد الصغيرx يخرجها وجت سيرة شكل جدهم "ضحكت مي وهي تنظر لحمد نظرة تقييم مرحة وتهمس بنبرة مقصودة: شوفوا من اللي يحكي بس إنه شكل جدي يلفت الانتباه؟!!!" اول ما قرأته قلت الله الله الله الله لا يكون حميد راعي الحلال اشقراني احمراني اخضر العينينِ بسسسس 😹😺 (حيث ان امه كانت امريكية وكدا .. ) حد يقول طب ما يمكن شكل مي كمان كدا اقوله ولو هي شقراء حمراء ما بتلفت النظر برا عشان متغطية والشكل عالرجال غيرx ونفوسة للان ما وصفت مي اصلا 🤓 بس ما اتوقع عشان المقطع التالي "حمد غادر المكان كاملا والعديد من الأعين تتابعه بإصرار.. فور مغادرته.. رفيقات مي توجهن لها بالسؤال المرح: معقول هذا أخيش؟؟ مي ضحكت: تبون شهادة ميلادنا يعني تتأكدون.." لو فيهم الوان من بعض ما كان استغربو رفيقاتها اللي اكيد شافوها او يمكن انا غلطانة اصلا .. بتحصل يعني 😹 بس عندي سؤال الحين حمود كيف يدرس هندسة وهو ما له بالتكنولوجيا؟ خبري بالمنهدسين نص شغلهم عالاجهزة حتى لو تخصص ماله علاقة بالاتصالات والتقنية وهو على كلامك متفوق بعد ما كانه غريبة 🤔 كأني لمحت تعليق يتوقع ردة فعل حمد ومي لو تزوج ابوهم من الجليلة؟ امممم .. اتوقع بيكونو متقبلين للموضوع 🤷🏽♀️ يعني حمد من الاصل يزن على ابوه يتزوج ومي يمكن بالاول تستغرب الموضوع بس وجود عامل انثوي بالبيت ينسيها ان شاء الله 😺 بس بسس .. على سيرة الزواج .. بزوج حمد وأميرة انا عشان فراتوه يتطمن على بنته أميرة بس 😹🚶🏽♀️ >> فرات الزفت ليش ما حافظ على ارتباط مي بأميرة وهما نفس السن واميرة اخت شهاب وعارف اخلاق شهاب واخلاق اهله؟ اما قناعاتك بقيطة بشكل يا أخي 😹😒 اتاريه نازل بنتي وبنتي بالمحاضرة 😹 ناقص يقولها عين ابيش 😹 المهم يعني يمكن بالاستراحة تشوفه وتعلق على الوانه ويسمعها ويخطبها عشان يعرفها ان الله حق :فيس يرقص حواجبه: [طيب حفاظا على حقوق الملكية الفكرية زي ما اتفقنا .. بعد ما خلصت كتابة الجزء دا لمحت تعليق لبنوتة تتساءل ليش افترضتو انه حمد اشقر .. يمكن العكس .. انه اسود .. نظرا لوجود كثير من السود المسلمين بأمريكا طبعا كلامك منطقي جدا انما انا ارى الاقرب انه ابيض ليش؟ لانه منظره بالغترة والثوب يلفت الانتباه (ولو ان ما ذكرت نفوسة لبسه ولكن انه يلفت الانتباه لو لابس كاجوال ادعى لتقريب احتمالية كونه اشقر) برضو ليش؟ لانه ببساطة اغلب الدول العربية فيها مقيمين من السود سواء افارقة او امريكيين وسواء مسلمين او لا وجزء معتبر منهم يكمل تعليمه الجامعي ببلد اقامته كمان باغلب دول الخليج فيه مواطنين اصلا سود بالتالي وجود شخص منهم باللبس المحلي او بغيره مش ملفت للنظر بمقدار وجود شخص اشقر قد يكون تحليلي خاطيء او صحيح والفصول القادمة ستكشف الموضوع. انا بس قريت رد البنت لكن ما كان فيه فرصة اكمل الردود اللي بعده عشان اعرف وين وصل النقاش يعني 😅] خلصنا من حمود ** بعلق على مي بصورة منفصلة كمان مي حسيتها تعاني شيء من الوحدة رغم وجود اهلها حولها شدة ابوها عليها مش طبيعية وكمان امتداد لنظرته المتخلفة لنساء العرب يعني هو ما يسمح لها تخرج مع رفيقاتها لانه ما يعرفهم ومعرفته باهلهم مقتصرة على معرفته بالرجال طيب يا حبيبي ما الكوكب كله كدا هتعرف الحريم منين يابا؟ فهو اعتقد قرر انها ما تخرج مع البنات نظرا لانهم تابعين للحريم نظرا لانه مش عاجبينه الحريم جملة وتفصيلا نظرا لانهم جزء من نساء العرب اللي حتى لو على خلق يشوفهم مدري كيف (على قولة استاذ الرسم في ٦ ابتدائي .. ضربة في بطنك توجع ركبك يا فرات يا ابن ابو فرات) المهم خاطري اجلس مع مي جلسة صفا اتكلم معاها شوي واسليها وتسليني نظرا لاني انا كمان محاطة بوحدة خانقة مع سلامة اهلي وأصدقائي كلهم الحمد لله 😹💔 يجي مساعد ويعدل وضعك يا بنت فرات ان شاء الله ❤ ***** فاصل خاص بمغامرات المحاضرات هتطرق فيه لشخصية جليلة بشكل جزئي الجلية لما ردت على فرات أول مرة فكرتني بنفسي مسحوبة من لساني ومقدرش الا اني ارد على اي دكتور/ة احس انهم بيتمسخرو علينا حتى بالمدرسة كنت معروفة بالموضوع دا 😹 المهم أعجبني هذا الجزء بأول تصادم اللي كان عن تأليه السلع "و في 2012.. تطورت من هذه النظرية نظرية جديدة اسمها نرجسية السلعة.. طورها مجموعة من علماء النفس وقالوا: إن أخلاقيات المستهلك اللي يصر على معرفة ظروف التصنيع وإنسانيتها.. يكون فيها نوع من الادعاء لأنهم يتصرفون تجاه هذي السلعة وكأنهم ما يعرفون أصول التصنيع مع أنهم يعرفونها.. مثلا من المعروف إن شركات الجينز الشهيرة تصنع منتجاتها في سيرلانكا وبنغلادش.. في ظروف عمل صعبة جدا تؤدي لإصابات خطيرة للعاملين.. لأن تعتيق الجينز يحتاج لحكه برمل الزجاج.. ومع ذلك ستجد من هؤلاء المدعين من يشتري هذه المنتجات في تأكيد لنرجسية السلعة وعدم القدرة على رفضها.." احب في كل رواياتك علامات الثقافة وسعة الاطلاع اللي تظهر بكامل الرواية فعليا 😺 خاطري الحين افتح نقاش عن صناعة الملابس وال fast fashion والعاملين بها والمالكين لها ودورنا كمستهلكين 😹 بس ان علماء النفس يوصفونا بالنرجسية حزت بنفسي شويتين مع اني امتلك جينز واحد بس عندي من سنة خمستلاف قبل الميلاد تقريبا 😹💔 خاطري اعلق على كل نقطة نقاش بينهم وخصوصا خصوصا واقعة الامبريالية والميكافيلية بس والله الرد بدل ما يبقى معلقة ابن كلثوم بس هيبقى كأنه مجموع المعلقات السبع من طوله ذكرتيني بنفسي لما أقرأ كتاب وانا احط كتاب عليه بالهوامش 😹🤭 احم نرجع لجيلو وفرات والمحاضرات 😺 >> سجع مدري جناس (العربي بتاعي على قده مؤخرا) ضحكني جدا وهو يقولها يا بنتي ويقول للبنات بالمحاضرات يا بناتي حسيته شيبه كبر جدي 😹 لا إله إلا الله يبني انت اللي متجوز ومخلف بدري والله مش هما اللي صغيرين قد عيالك 😹 اللي استغربته بالمحاضرة المذكورة فوق تفكير جليلة العاقلة الراكزة وهي تقول اسم اختها مكانها يعني ما خطر ببالها فعلا انه بسهولة يعرف؟ وكيف تساوي بين هدية مادية (القلم المفترض) ممكن تداولها وهدية معنوية تؤثر على المعدل العام ولها شرط لازم وهو ان اللي اخدها يجاوب سؤال؟ بصراحة الاندفاع ما كانش راكب مع شخصيتها خالص لكن لكل جواد كبوة .. عادي .. بتحصل .. عملنا الانيل منها 😹 ش بس حبيت عدم تهربها من الموضوع ومواجهتها لغلطها مرة تانية حسيت نفسي فيها ولو اني اخدت سنين على ما تعملت يعني هي قالت "الجليلة بحزم وإصرار: مارح نحذف أي مقرر.. ولا أرح أهرب من نتيجة أفعالي خطأ أنا سويته بقلة إدراكي وانعدام مسؤوليتي أنا رح أتحمل نتيجته.." وانا اقتبس حالة الواتس من توني موريسون واقول "I refuse to be ashamed of my shame." اتمنى اتمنى ان الجليلة ما تطلع عيوننا بفعل مجنون اخر في وقت قادم اتوقع سبب ارتباط الجليلة وفرات رسميا هيكون له علاقة بنقاشات المحاضرات يعني وكمان تغيير رأيه بنساء العرب هيكون له علاقة بالموضوع 😺 او يمكن احداث بالاستراحة زي ما ذكرت فضيلة الروح ولو اني اميل للمحاضرات >> بطبل لنفسي عادي >> او لانه فعليا يعني فعليا حواراته الداخلية سواء باخر محاضرة او بعشاء شهاب بدأت لهجتها تتغير شوي قال ما شفت مثلها بالعرب ولا بالعجم قال عموما كلها أسبوعين محاضرات زيادة ويومين ويطلعو الاستراحة نستنى ونشوف 😹🤷🏽♀️ بس بسس >> تاني<< أعجبني جدا جدا ردها على أميرة وضي بخصوص آخر محاضرة وقصف جبهة الامبريالي بصراحة ما خلت لي شي أكتبه بنت طالب 😺 هاكم الرد "أميرة همست بإبتسامة: كأنش احرجتيه جيلو؟! الجليلة بثقة: ما أتوقع أبدا إني أحرجته.. وإذا صار فهو اللي أحرج نفسه.. أنا ماجيت جنبه.. هو اللي مسكون ومفتل.. أنا الحين شايله له جميله مع شهاب على رأس رأسي.. يجيني في المحاضرة نافش ريشه عليّ عشان هو الدكتور وأنا الطالبة... أميرة بذات الابتسامة: أنا بصراحة مافهمت كثير من اللي قلتيه له.. بس شفت وجهه تغير لثانية.. جليلة بذات الثقة: يستاهل وقليل في حقه.. أنا بصراحة جدا مقدرة موقفه الرجولي مع شهاب.. ومهما أشكره عشانه شوي في حقه.. بس ذاك موقف فرات مع صديقه.. بس موقف فرات الدكتور مو منطقي ولا عقلاني.. يعني الموقف الأول اللي صار أنا غلطت عليه وفي محاضرته .. واللي هو سواه حقه ونص.. ما أقدر أقول ربع كلمة.. الغلط راكبني من ساسي لرأسي.. بس موقف اليوم عشان سميته إمبريالي.. هو ما سمعها مني في المحاضرة ولا قللت احترامه أبدا في أي محاضرة.. هو سمعها خارج المحاضرة وفي مكان خارج الجامعة وجاء ينتقم مني في المحاضرة.. وهذا شيء أبدا ماله حق فيه.. ولا هو تصرف أكاديمي لائق.. عشان كذا يستاهل كل اللي جاه.." عفية على بنيتي العاقلة ❤❤ ***** آل شهاب >> :قلوب كثييييييييرة: ويا زينهم آل شهاب بسسس طريقة تربية الجليلة لهم أرفع لها القبعة بصراحة واعتقد اني لو مكانها مش هتصرف بشكل مختلف (اللهم مع أميرة يمكن >> تذكرو الجمود العاطفي) أعتقد لسا ناقصنا شوية تفاصيل عن حياة بثينة ما قبل الزواج لانه باستثناء موقف أميرة اللي انا زي ما قلت اتوقع له علاقة بعزوفها عن الحمل فلسا ما ظهر لي بشكل واضح أثر ظروفهم العائلية عليها وكيف كانت علاقتها بالجليلة بذيك الفترة الجليلة حفظت ذكرى شهاب ربت مساعد ع الرجولة اخذت بيد اميرة واحدة واحدة عشان تتغلب على مخاوفها لكن كيف تعاملها مع بثينة .. لسا ما عرفنا على ذكر اميرة لو انا كتبت تعليقي قبل ما اعرف موقف الحمام اعزكم الله كنت سفلت بها وبالجليلة على تعلقها المرضي وترك الجليلة العاقلة الفاهمة لها يلا الحمد لله اني كملت للفصل العشرين مش ناقصة اشيل ذنب حد 😹 لفت نظري كلام الجليلة انه اميرة تغلبت على مخاوفها واحدة واحدة وما بقى الا تعلقها بها اللي ما قدرت تخلصها منه لانه وجودها هو اللي قوى اميرة اعتقد شهاب كمان توصل لهذا الاستنتاج لذلك قاعد يحاول يخلي وجوده هو دافع لضبط موازين اميرة ممكن احد يتخوف انها تحول تعلقها من الجليلة عليه لكن ما اظن شهاب اصلا باغلب حياتها ما كان موجود يمكن مسجون وعمرها سنة فهي على اي حال اصلا عشان تكون علاقة قريبة به هتاخد فترة معتبرة اذن غالبا لو نجح (وهينجح ان شاء الله) يساعدها تتغلب علىx الباقي من مخاوفها فأميرة بترجع لمنطقة متزنة وهو المطلوب عايزينها تعقل قبل ما نزوجها البشمهندس حمد اومااال 🤭 مساعد جماعة اسمحولي اعبر عن حبي بس يعني الجملة القادمة كفاية اني اقع في حبه وحب الجليلة اللي ربته "ابتسم مساعد وهو يرد على متعب: دعيت أكبر علي.. بس اعتذر يقول عنده شغل.." حقيقي بنهاية الفصل ال١٩ كنت مجهزة كلام كتير جدا جدا عن الجليلة ومساعد لكن بمجرد ما قرأت الجملة دي كله طار من دماغي احس ما عاد فيه داعي اعلق الاتنين خدو قلبي والله 😭❤ ** شهاب كمان مرة .. شهاب >> يا زين الاسم بسس شوفي بصارحك هذا الجزء هو واحد من اخر الاجزاء اللي كتبتها بتعليقي واحس بظلمه لاني خليته للنهاية بعد ما استنزفت مشاعري فوق لكن بحاول وان شاء الله شخصيته تطغى وتجبرني غصب عني اطلع كل اللي في قلبي بالنسبة لي شهاب هو الشخصية الاقرب لقلبي بالرواية واللي احسها اكثر شبها بي حتى الان يا ناس حتى جموده احس به واتفهمه بدون اي حاجة للشرح والتفصيل احساسه باختلاف كل شي عليه حسرته على كل الوقت والناس اللي فقدهم محاولته التمسك باي شيء يألفه في وجه كل المتغيرات وفوقها محاولته العودة للانخراط في حياة عائلته واخوانه اللي مشت بالفعل من غيره واستقرت وهو بعيد الافكار اللي انا متأكدة تتضارب براسه انت من عشان تجي تفرض وجودك وتتدخل؟ كلامك بيكون مقبول؟ تصرفك لصالحهم بس اكيد بيرفضوه وبيكرهو وجودك تتحمل كرههم وصدهم في مقابل مصلحتهم؟ ولا تحاول تقرب وتتركهم على تخبطهم؟ واصلا اذا حاولت تقرب بتقدر فعلا؟ هل ممكن بيوم يكونو قرييين لك قربهم من بعض؟ . . "وترا الذكريات ما تقتل حد.. لو بتذبح حد كان ذبحتني.." والله انت اللي ذبحتني يا أخي! شهاب لما دافع عن المرأة وقبل انه ينسجن بالتأكيد كان عارف ان حياة اهله واصدقاءه بتمشي بدون وجوده لكنه كان مطمئن انهم نفسهم هيكونو موجودين طال الزمن او قصر اذن بيضحي هو بعمره لهدف نبيل وبيطلع يلاقي امه وابوه واصدقاءه واخوانه رافعين الراس فيه لكن الام راحت والاب راح والعم والصديق وغيرهم وغيرهم وهو يدفع ثمن شهامته لا شافهم ولا اخذ عزاهم ولا ودعهم تضحيته كانت تستاهل الوجع؟ الوجع اللي هو اصلا ما اختاره؟ الباقي بحياته بعد ما طلع بيعوضه عن اللي راح؟ ولا بتفضل حسرة بقلبه تزيد سنة بعد سنة بعد سنة لغاية ما يروح هو كمان؟ . . يا خوفي من اللحظة اللي يذوب فيها الجليد اللي حاوط قلبه به ويسمح لنفسه يحس بوجع الفراق يا خوفي . . شهاب حقيقي اقوى مني بمرااااحل طالع والعالم كله متغير عليه من اول التكنولوجيا للشوارع للبس للاهل مع ذلك يحاول يعوض اللي فاته ومش تارك لنفسه فرصة تستسلم لهول الموقف حقيقي حاسة اني عايزة احضنه واواجه كل اضطرابات الحياة اللي ممكن يتعرض لها بعد كدا مكانه يكفيه اللي شافه ***** بختم التعليق على الشخصيات هنا ويمكن ارجع ازود شيء بعد القراءة الثالثة .. بترك لتفسي فرصة اهدا شوي بس ***** . . احم عندي ملاحظة مش المقصود منها اي شيء يتعدى الملاحظة يعني >> روح الضاكتور اجاركم الله الجازي لما كانت بالمستشفى توها متعافية اول ما قامت المفروض كلامها مقطع وبالعافية يطلع مش انها تطلع جمل كاملة نظرا لنوع اصابتها يعني المكسور له اكتر من ضلع على نفس الناحية يحس بألم شديد وصعوبة تنفس ونفسه جدا جدا قصير ما يسمح بالكلام الطلق فانا قلت يمكن هي بالعافية تخرج النفس بس انتي يا أنفاس ما حبيتي تقطعي كلامها وفاتك بس تشيري لصعوبة الكلام نفسه كفعل مش كمشاعر؟ اتمنى اني ما ضايقتك او ضايقت احد بالملاحظة 🙈 [كان المفروض احطها بجزء الجازي بس ما حبيت الملاحظة الوحيدة اللي ممكن تتفهم بشكل سلبي تجي بالبداية >> محدش يفهمها بشكل سلبي لو سمحتو 🙇🏽♀️🙇🏽♀️] . . ***** شوية تعليقات/توقعات منفصلة متعلقة باخر فصل فقط دونا عن باقي اجزاء الرواية نبدأ بمها وطلبها اللي لسا ما نعرفه "حينها استدارت مها بجسدها كاملا نحو الجازي وهي تهتف برجاء حازم باسم: أبي خدمة عاجلة من أختي الصغنونة الجميلة جعلني ما أخلا من زولها ولا من عظيماتها الدقاق.." أتوقع انها بتطلب من الجازي تكلم الهنوف وتستفسر منها بشكل ملتوي او مباشر ما يهم عن زواج متعب المفترض او حتى تفتعل موقف او زيارة (تطلب من الهنوف تجيهم بحجة الرجوع من العمرة مثلا) ووقتها تستخدم الهزار الماسخ بتاعهم وترمي كلمة عن زواج متعب فالهنوف وقتها يا تنفي يا يتغير وجهها وتمسك فيها مها لغاية ما تعرف السالفة فلتت مني انا عارفة بس دا اول شيء جا في بالي اممم برضو للحين ما عندنا فكرة واضحة عن دوام الجازي والهنوف اتوقع لو ما بنفس المكان فهم ع الاقل بنفس المجال ** "وأنتي تعالي اسهري معنا شوي.. بعدين روحي.. أدري وراكم جامعة بكرة..ووراي معكم.." الله الله الله الله وراي معكم؟ اقول دكتور شهاب .. مداوم بالجامعة انت التاني؟ هل هي واحدة من الوظايف المتاحة اللي اتكلم عنها فرات وقرر شهاب ياخذها؟ واذا فعلا بيستلم وظيفة كأستاذ جامعة بيدرس قانون برضو بما انه كان مجاله؟ ولا بنشوف دور لشهادة الدكتوراة التانية المجهولة؟ صحيح هو ايش درس؟ اتوقع شيء به علاقة بعلم النفس بناء على الخطوات اللي اخذها مع اميرة يعني 😹🤭 بس لو طلع فعلا هيستلم كدكتور بالجامعة هتبقى مفاجئة انما اييييييييييييه 👌🏼. ** العجوز اللي طلعت بنهاية الفصل >> هو عادي اقول عليها عجوز؟ من وصفها يعني اتوقع بالخمسينيات فمش كبيرة لدرجة عجوز 🤓🙃 المهم ما توقع انها من جماعتهم لانها كاشفة فيعني بعيدة لو من جماعتهم اكيد هتغطي وجهها بنفس الوقت الجملة اللي هي قالتها "انتي حفيدة حمد ال سطام" ما فيها اي شيء مميز ممكن يدل على اصلها يعني قبلية حضرية خليجية مش خليجية الجملة هتتقال بنفس الطريقة بصراحة عجز دماغي عن التفكير في هويتها وما قدرت اقرأ كل توقعات البنات فبستسلم واخد جنب واروح اذاكر لغاية ما انتي يا انفاس تكشفيلنا من هي بنفسك 🚶🏽♀️🚶🏽♀️ ***** طيب نفس عمييييييييييييييق واسمحولي اختم الرد >> أشهد ألا إله إلا الله! انفاس فرصة سعيدة جدا جدا جدا اني الحق رواية لك وهي قيد التنزيل مما يعني احتمال انك تقرئي ردي وهذا بحد ذاته شيء عظيم الحقيقة انتي اللي فعلا عايزة اقعد معاكي قعدة صفا نشرب قهوة وندردرش شوية عن افكارك وشخصياتك والمجهود الجبار اللي ياخده التفكير بالحبكة والتفاصيل وترتيب المقاطع الترتيب بالذات احسه اخذ حيز محترم من الترتيب دماغي لقط themes معينة ربطت عدت من الشخصيات على اختلاف الجنس والسن والوضع العائلي ولكن ما حبيت اترك له (دماغي العزيز) فرصة يتعمق هالمرة .. قلت نقرأ قراءة ثالثة نتعمق فيها بالروابط اللي بين الشخصيات يمكن يكون لها رد منفصل المهم اني متأكدة من وجود هذا الرابط يعني طول ما انا بكتب التعليق دا بغلط واكتب مشمش بدل نفوسة وارجع اعدلها لسبب ما عقلي الباطن معتقد اني في حوار معتاد مع ذاتي المعروفة بمشمش او بسبس نظرا لاني لو انا اللي كاتبة الرواية مستحيل افكر باي تفصيلة مختلفة بالاحداث والشخصيات >> كأني شايفة نفسي شوي 🤭🙃 فعليا بعد الايام للفصل القادم (ان شاء الله فصول مش فصل عشان الهدايا وكدا) واتمنى اتمنى انه كان مرور خفيف لطيف هاديء واني ما اثرت حساسيتك ولا حساسية اي حد ممكن يقرأ التعليق بأي كلمة كدا ولا كدا >> اكيد مش مقصودة يعني على امل نلتقي من جديد سبحانك اللهم وبحمدك .. أشهد ألا إله إلا أنت .. أستغفرك وأتوب إليك ❤ انتهى | ||||
|
|
|
23-07-21, 01:52 AM
| #4970 | |||||
| اقتباس:
اعتقادي انها بتكون مرحبة بالموضوع يعني هي حتى تاركة له الفرصة وبتسحب نفسها من المكان لما يكون مع اميرة زي ما قلت في مكان ما في ردودي اللي فوق الجليلة اصلا باعترافها كانت تحاول تخلص اميرة من مخاوفها واميرة تستمد قوتها من الجليلة هذا اللي منع الجليلة تواجه تعلق اميرة المرضي بها اذن فرصة وجتلهم شهاب بيتعامل مع الموضوع والجليلة موجودة بجانبه بحيث لو زاد الضغط على اميرة اكثر من اللازم بتتدخل هي هذا طبعا طبعا تحليلي انا للامور يعني 😹🤓 | |||||
|
|
 |
| أدوات الموضوع | |
| انواع عرض الموضوع | |
|
|
66226Likes
العرض العادي
