21-09-21, 10:45 AM
| #41 | ||||
|  صباح الخير واخيراً لقيت الفرصة اني أعلق على البارتات والسرد الرهيب صيتة وش سبب الكره للبنات لدرجة تكره امهم الميته وتذكرها بالسوء اعوذ بالله من الناس الي كذا المراة ماتت وهي تتكلم عنها بالسوء وفوق كذا بناتها موضي مقدرينها ولا ينفع معها جحود ومتحمسة لسالفة الأرض الي بملايين وشكل وراها سالفة كايدة يمكن تطلع ورث لمنيفة وشادن🤔 عشوق ياالله الي صار معها مب هين😢😢😢تروح وترجع تلاقي بنتها مقتولة 💔💔💔 صدق شيء محزن وفوق كذا تتزوج اخو القاتل شيء يقهر بس هل هي كانت تحبه قبل ولا بس هو الي يحبها جاني فضول مررره منيفة وضاوي ياحلو قصة حبهم بس حاسة فيه شيء بينكد عليهم واساساً اكبر دليل ام ساري الي ماتحب منيفة وتحاول تزوجها يمكن تخرب عليهم او تزوج ساري وحده غير ولا تدبسها بعريس بس مب متطمنة لها ابداً مع انه ودي والله يتزوجون لابقين لبعض مررره شادن حابه هالبنت مررره تدخل القلب ومتحمسة اعرف مين بتحب مدري مع مين تصير صراحة يمكن مع ساري بس ماظن بس تجنن مررررره وسوالفها حلوووة وتنحب وقاص حزنت عليه اخوه خرب فرحته فعلاً يعني عشوق مستحيل بتناظر له غير نظرة انه اخو القاتل بس اتمنى انها تحبه وتعطيه وجه لانه رجال عكس اخوه الحقير بس ننتظر لقائهم وردة فعله وفعل عشوق ضرير حقييير ماني قادرة اوصفه يعني مسوي الحين البطل المغوار الي اخذ بثأر عائلته ومن مين من طفلة صغيرة! صدق ماني قادرة اوصف حقارته وليته ينقص ولا تتنازل عشوق وحقيقة متحمسة لقصة الثأر ووش سالفة جدهم صدق تحمست اعرف قصة ابو لافي ولافي والعنود الحقيرة ودي اعرف ليش تزوجها وليش تعامله كذا ويعطيك العافية حبيبتي بس ابغى اعرف متى البارت الجاي ووالوقت ومتشوقة للبارت الجاي🤍🤍 | ||||
|  |
|
23-09-21, 07:51 AM
| #42 | ||||||
| اقتباس:
صباح النور يا ترف الحلوة ردك اثلج صدري حبيبتي وتساؤلاتك في محل اجابة في الاجزاء القادمة.. تحليلك لكل شخصية بعينها مذهل .. استمري. بذلك ولكِ بعض النجوم .. الله يعافيك يارب.. موعدنا القادم يوم السبت 22 اكتوبر العاشرة مساءً في الـجُزء الخامس أتمنى أن ينال على حسن رضاكم .. | ||||||
|
| |
|
27-09-21, 01:53 PM
| #43 | |||||
| بعض من مقتطفات الجزء الخامس.. - أمك تتهمني في عرضي وتبيني اسكت لها! ولأجل أبوك تبي تلبسني تهمة وفاته وأدخل سجن بدالها.. صحيح ما الله كتب لي خلفة .. لكن شفتي ها النشمي! ذا ولدي من يوم ورايح.. * - بحقد : ذا ثمن سكوتك!! هذاني حذرتك .. المرة الجاية شفتي ها النشمي الي تحتزمين به بـ تشوفينه مودع. * - يا طويل العمر.. ها الضيف جاي من ديرةٍ بعيدة، ولزوم تسمع سالفته... يبي يسمعك قصيد طال عمرك .. أرجاك تسمعه.. * - لا تسكتين على ذباح بنتك.. مالي إلا اقلته بـ يديني.. * - بغضب هامس : الله لا يبارك فيك.. . . . انتظروني يوم السبت القادم 2 أكتوبر.. بالتوقيت : العاشرة مساءً | |||||
|
| |
|
01-10-21, 01:35 PM
| #47 | |||||||
| مساء الخير على الجميع ❤ ماشاء الله عيون الليل تسلم يدك 😭❤ اخ ي عشوق الله يجبر قلبك وحسبي الله عليك ي ضرير طفله تقتلها اخ بس🔪😭 وقاص حبيته مره وان شاء الله تحبه عشوق صيته اخ بس ي شيخه حسبي الله عليك قهرتني 🐍 شكراً لك وحماس لبكراً ان شاء الله بنتظارك 💃🏻❤❤❤ | |||||||
|
| |
|
02-10-21, 10:39 PM
| #49 | |||||
| الـجُزء الخامس . . . .. عيون الرهاف .. . . . مساء اشتياق إليكم مساء بداية محورية ، مصيرية في ( عيون الرهاف ) شكراً موصول لكل من قرأ لي.. بداية من ترف الحلوة ، و سليمة مسائل ختاماً جميلة منال مختار.. ********** لا تلهيكم رواية عن صلاة بوقتها قراءة ممتعة. ********** . . . لا جيت أنا ب سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أب ارضى الصلح .. فصل الخريف حبي ..حزن وورق أصفر.. ...ودعني يا قلبي.. وخل العذاب أقصر.. آه يا الجراح .. راح اللي راح.. وراحتي .. من يا ترى بيردها .. بدر بن عبد المحسن. ********** خرجت من غرفتها ، متجهة لغرفة والدها.. لتجده هادئ كعادته لكن هدوءه قاتل ... اقتربت منه ومسكت يدينه باردة : يُبه انا بسري هالحين.. وراي بكره مشوار جامعة مير ما ودي اتؤخر.. نظرت لعيونه ساكنة بهدوء.. يديه ثقيلة .. تألمت بخوف وهي ترفع خصلتها عن عيونها وتقبل جبينه بصوت ثقيل ، وكله خوف : يُبه فديتك يا ضي خميلة وراه ما تقوم!.. ولا زعلان مني عشان بغيب عنك.. لا رد... سوى سقوط يديه من يدينها دافئة.. اتسعت عيونها بقلب موجوع.. حاولت أن تبلع صدمة تهز جسده و بعبرة : يُبه يا أبو خميلة قوم فديتك.. فديت شيبتك.. لأجل ضي خميلتك يُبـــه.. يُـــبه.. و بصرخة تهز أعماق روحها ملغومة، منكسرة ، وحيدة بين جدران قصر كبير.. بانهيار تام وهي تقبل يدينه و عيونه ، لتنزل تلثم كفوفه تهز جسمه من جديد .. ولا من إجابة يطمئن قلبها خائف و بصرخة عميقة : يُـــــــــــــــــــــــ ــبَـه.. يُـــــــــــــــــــــــ ـــــبَه.. أبوي أنت قوم.. وين بتسري؟؟ وتخلي خميلة وحيدة!! وين يا أبوي؟؟ أنت وعدتني أخذ رعود بن بارق و ظبية.. كيذا تسري و تخليني لوحدي.. قوم يا نظر عيني.. قوم عهداً علي اترك ممشى رياض و اجلس بقلب نجد.. تكفى.. تكفى تقوم نخيتك يا أبوي تقوم... خادمة اقتربت منها وهي تمسك كتف خميلة و بلغة مكسرة : مس كميلة .. لا في صيح.. خميلة : عوذه من ابليس... وش اسوي هالحين؟ وين اسري وين؟؟؟؟ ياربي.. يارب.. ريحان جيبي عبايتي و طرحتي و نقابي.. التفت و هي تمسك دموعها ندية لا تسقط على خديها.. حاولت أنها تتماسك و تصبر على مصيّبة.. خرجت سريعاً من قصر بخطوات موجوعة ، مؤلمة ، جو فجأة من شدة إنبلاج نهار إلى عتمة ليل.. شدت خطواتها.. لترى بعض رجال قادمين إليها ، و معهم فرس حُرة أصيلة.. وقفت بوجع : وش بغيتوا؟ من رجال عم عقاب : احنا جايين من عرب عم عقاب نعطيك فرس، مُهرة لبنت شيخ أبو خميلة.. حاولت ما تبكي تماسكت : وبأي وجه حق تعطيني مُهرة؟!!! ليردف بصوت واثق : أن قبلتي بها فهي موافقة لشيخ رعود بن بارق عقاب.. بغصة : خذ فرسك يا ولد رجال وعطها عمك.. وقول له ما هنا نصيب.. بنت شيوخ تنطلب من أبوها.. خادمة كانت تقف عند بوابة قصر.. لتقول رحيان : يا ماما خذ فرس حق أنتي.. هذا بابا يقول حق انا وصية أنتي لكن أنا مافي معلوم كلام بابا كبير.. بكت بصوت مخفض ، وهي تمسك بفرس.. رجال عم عقاب : يا بنت شيوخ .. احنا رجال لنا صيتنا بين عرب.. ولا هنتي لكن مالك إلا تروحين معنا، واحنا متكفلين بكل شيء.. مير لزوم نعاود لديرة شيخ.. خميلة : ارجع مكانك.. مالنا هرج بينا.. و فرس حُرة تجلس هنيا.. ********** ( في مقلط عرب رعود بن بارق عقاب ) عقاب جد ابتسم : ها يا رعود عين من الله خير.. بنت شيخ لزوم تفرح بها.. تراها غالية من غلا أبوها مرحوم.. رعود تبادل ابتسامته : ابشر.. يا الغالي.. ليلمح طيف رجال بدون فرس ابتسم.. رعود : اعلنوا يوم ليلة اجتماع محبين.. ضحك جد عقاب : على هونك يا رعود.. بعدك ما شفتها.. رعود بثقل : يكفي انها قبلت بفرس.. إحدى رجال : يا شيخ رعود وكاد ان أبيها متوفي.. لأجل كيذا عييت (رفضت) بنت شيوخ.. عقاب : لا حول ولا قوة إلا بالله.. إنا لله إنا إليه راجعون.. قم يا رعود وازهم أهلك يرحون يم بنت شيخ.. رعود بحمية : أبشر.. أبشر يا الغالي... ********** رعود : يا الغالية يُمَه.. ظبية تبتسم: يا عيون أمك اللي تشوف بها.. آمر يا الغالي .. رعود يقبل جبينها : يا الغالية مُهرة اللي شفتي عيونها نجلاء أبوها متوفي ليلة.. لزوم تسرين أنتي و هيلا لأجل واجب.. ظبية : سم يا وليدي يا رعود .. رعود يقبل جبينها و ابتسم : دومك راعية الاوله.. ما تقصرين يا الغالية.. و لأجل عزاء رجال في قصري.. و حريم بقصر عم عسى الله يغمد روحه جنة.. ظبية : يا كفو يا ولد بارق.. عز الله اني ربيت ووفيت يا ولد الغالي.. رعود : يلا فديتك لا نتؤخر عليهم.. ******** الرياض في سوق.. كانت تُعد مبلغ يوم، لتمد كفيها بمئة ريال وهي تبتسم : خذ يا خالتك هذا حصتك يوم.. لافي ابتسم بفرحة : جعلك تسلمين يا خالة.. وش رأيك عندي فكرة نوسع ها البسطة؟؟ عجوز تبتسم من خلف نقابها : وش هي يا وليدي!؟ لافي : ابي اشتري عربية نقل خضار.. بدل ما يجي المشتري و يمسك اغراضه بيدينه أنا احملها بالعربية.. عجوز : سلمت فكرك ومنطوقك.. إلا بـ نشدك يا وليدي.. هو أنت ما تدرس؟ مخك فطين يا جعله توافيق بدربك.. لافي ابتسم بحزن : ما صار نصيب ولا دخلت مدرسة.. بس أرجاك يا خالة إن كان لك مكان ابيت فيه.. ولو انه برا تحت ثرى بس ما ابي أنام بشوارع.. عجوز ابتسمت بحنان : ابشر يا وليدي.. اظلم ليل.. قم يا وليدي لأجل نوصل للبيت همان قايلة لك .. لملم ( البسطة ) وفرحته تتضح على ملامح وجهه مجهدة.. عبر شارع و أمسك بيد عجوز متجهين لإحدى احياء فقيرة.. ممرات ضيقة و طريق متسخ من مياه، وبعض روائح كريهة .. تماسك بحزن حتى يقف مع وقفة عجوز عند بيت أقل ما يقال انه ( خرابة ) فتحت باب.. حتى تجدها أمامها واقفة بنظرات غاضبة.. ولجت بالبيت و هي تمسك يد لافي : تعال يا خالتك تفضل.. ادري بيت ماهوب من مقامك بس ما باليد حيلة.. نجود : ومنهو بعد ذا!؟ من فين جبتيه هالمرة!؟.. عجوز بتعب جلست على فرشة وثيرة ممدة على أرض عجوز بوجع : وش بغيتي نجود! ما تجين إلا و بلا معك! نجود بقهر : بالأول لا تكلمت تسكتين.. وثانياً ترى قرفتيني بعيشتي ... عجوز تضربها بعكازها : تعرفين تدلين باب.. عطيني مقفاك يا بنت منيرة.. ما جاني منك إلا وجع رأس.. نجود بحقد : منيرة يا حقود أنتي اللي سجنتيها! أيه أنتي.. عجوز ضحكت : أنتي وبعدين معك وراه ما تضفين وجهك جعله للماحي.. أي والله ما عندك من سنع علم.. وكاد عقلك منهبل وراه ما تضفين وجهك يا نجود! نجود : و الله لا أخذ حق أمُي منك .. أنت توأمها على شنو!!!!! عجوز : أمك تتهمني في عرضي و تبيني اسكت لها! ولأجل أبوك تبي تلبسني تهمة وفاته و أدخل سجن بدالها.. صحيح ما الله كتب لي خلفة.. مير شفتي هالنشمي ذا ولدي من يوم و رايح.. لافي بثقة يردف : وش بغيتي ما سمعتي هرجها.. اطلعي بدون شوشرة!! نجود تنظر له بإزدراء لتضحك بسخرية : هالفقير يليق فيك يا عجوز قريح.. أمي خرجت من سجن حبيت أبلغك.. لا اشوف وجهك لا بـ أرضنا ولا بـ مكان اللي نكون فيه ! ثم رمت أوراق نقدية هائلة تتطاير بالهواء.. لتسقط على أرضية بالية.. نجود بحقد : ذا ثمن سكوتك!! هذاني حذرتك .. مرة جاية شفتي هالنشمي اللي تحتزمين به بتشوفينه مودع. عجوز بتجاهل لها، ولا كأنها بالوجود تبسمت : تعال يا لافي.. يا خالتك ذا مفرش لك، و مخدة.. أنت يا سنافي شفت تحت ذا مكيف تنام كود ما تبرد. وأنا بنام في فرشتي.. لتخرج نجود وتغلق باب من خلفها بقهر كبير ، لتصعد لسيارتها و تغيب عن أنظار حي فقير.. لافي ابتسم و هو يتأمل بيت مكون من غرفة واحدة تضم فرشتين و مركا و مغسلة على زاوية بيت ومرايا منكسرة بشظايا .. غرفة ما تتسع لشخص واحد.. فما بالكم بشخصين.. لافي : الله يكثر خيرك يا خالة.. أبي اصلي لي ركعتين و عقبها بنام.. تحتاجين شيء.. عجوز ابتسمت : لك نصيب تتعشا.. أبيك تجيب من يم بقالة اللي قريب من بيتنا رغيف خبز.. لافي : سمي إلا يا خالتي وش اسمك؟! عجوز بحكمة : عقب اقوله لك.. ********** عرب بادي طراد : يلا يا عمك عجلي.. منيفة بوجع : يا عم وش له نبعد من هنيا؟؟!!! صيتة : يا طول لسانك طولاه .. أنتي سمخة ما تسمعين نقول نبي نقلع عن نجد! وش محببك فيها؟! منيفة : يا عم أنا ما اقدر ابعد عن بيوت طين! طراد : يا عمك كل من له بيت من طين بيخرج منها وبنسكن برياض.. بلدية تبي بيوت! ماهوب كيفنا ولا بشورنا.. منيفة : بس يا عم.. طراد بحنان : يا عمك لو أقول لك انه بس احنا.. بقولك ايه مالنا بوجيعه رأس.. مير يا عمك لزوم نسري جميع.. منيفة : طيب ودي يا عمي نزور طويلة العمر بنت شيخ أبو خميلة.. طراد : سمي.. أنا بنفسي أبي أخذك معي.. يلا يا صيتة ساعة زمن والقاك زاهبة.. صيتة بضحكة : أبشر و سم يا أبو ضاوي.. ******* ارتدت عباءتها و طرحتها و خبأت وجهها بنقاب.. خرجت مع عمها طراد الذي أمسك بيدها.. لا شعورياً تذكرت يوم وفاة أبوها.. نفس أجواء أمطار قوية، و ليل مظلم.. تمشي بخوف.. وبداخلها : الله يستر.. يا رب استودعتك الله كل من احب... وصولهما للقصر حتى تنظر أمام عينيها.. بوابة ضخمة مفتوحة على مد نظر.. وسيارتين عتيقة تقف في مواقف مخصصة بقلب قصر و بعض فرس و نوق.. وصوت خطوات أقدام نسوة.. و ثرثرة تجود إحداهن ( صدق يوم يقولون هالزين ما يكمل.. كل هالقصر و أملاك و جاه.. وحيدة لا أنس ولا ونيس.. ) ( الله لا يبلانا.. إلا شفتي عز اللي بيدها و إلا فستانها وعيونها تذبح وإلا شعرها.. ذا مفروض يسمونها ملكية ماهي خميلة! ) لتضحك إحداهن : ( بلاك ما شفتي جيدها.. يا هي فتنة.. لا بالله ما هي إنس.. ذا ملاك.. ملاك... ) بخوف نظرة لعمها : عمي طراد خلاص.. شكله في شيء داخل.. لزوم اعرف... طراد : أجل يا بنتي أنا بالقهوة.. لا انتهيتي ازهمي علي.. ابتسمت منيفة : ما تقصر يا الغالي.. دخلت بهدوء وهي تسمع أصوات ثرثرة، و عيون حقد و بعض عيون الرهاف وصلت لتجد شيخة ظبية و ابنتها هيلا بن بارق.. اقتربت منهم و بخوف و هي تتأمل حزن خميلة .. بلعت ريقها : سلام عليكم... رفعت نظرها هيلا : هلا و عليكم سلام.. منيفة : يا طويلة العمر.. عسى ما شر؟ ظبية بحزن : تعالي يا بنتي.. كود تخرجينها من حُزنها.. بس يا بنتي افصخي عبايتك مبللة.. لتنتبه منيفة بخجل : صدقتي.. فتحت عبائتها.. و تجلس منيفة بقرب خميلة وتشد بأصابعها : بسم الله عليك من حزن.. علامك يا طويلة العمر؟! خميلة نظرة لعيون منيفة و لمعت دمع، تختنق بنواظرها .. وجه حزين و لمحة ألم و فقد.. خميلة : آه يا جود حزن وياي في فرح شحوح.. أبوي مات يا منيفة.. أبوي اللي مالي من بعد الله.. إلا هو شيخ أبو خميلة.. ما احد ينادي باسمه إلا أبو خميلة راح نظر عين.. راح قلب حنون.. راح يا منيفة.. ضمتها منيفة بصدمة و برجاء : إنا لله وإنا إليه راجعون.. راح للي احسن مني و منك.. لله ما عطى ولله ما أخذ.. هلي دموعك لأجل يرتاح حشا.. هلي مطر مزون يا طويلة العمر.. خميلة تبكي بفقد.. طفلة كانت بأحضان منيفة والتي تكالبت عليها مسؤولية صديقة و أخت، و صدر حنون منيفة بحب : لأجل عيونك هالسود.. ترى أبييك ما يرضيه دموعك هذي.. قومي فديتك توضي وقري لك شوي من كلام ربي لأجل هالقلب يستكين و يتطمن.. ترى يا أختك دنيا باقي فيها خير.. ابتسمت خميلة بحب و هي تبعد نفسها عن أحضان منيفة و بوجع : جعلني ما أذوق حزنك يا منيفة.. منيفة بقهر : انا مقدر أطول لزوم اعاود لعربنا.. بس انخاك وإلا انخ ذيب.. خميلة : يسخى ذيب وأنا بنت وضحى.. منيفة بحزن : صدق الي سمعته ان بلدية طالبة بيوت طين.. و تعويضاً عنها بيوت ملك برياض. خميلة بحزن : مع الأسف هذا صدق.. بس ليه هالحزن كله شايلته بـ عيونك.. منيفة ابتسمت : لقيت جاوبي يا طويلة العمر.. أرجاك تنتبهين على نفسك.. ما تدرين. مير أشوفك ومير تفترق طوارقنا مير انشدك ما تنسين صديقتك وفية منيفة.. ولا بنساك من دعائي ولا بنساك ابد.. ابد.. خميلة حضنتها : ابشري يا منيفة.. أنتي اللي انتبهي على نفسك ودامك وصلت للرياض فأنتي بأمن وأمان.. و عسى الله يسهل دروبك يخية.. منيفة ضمت يديها و تشدها بقوة : خليك مثل دوم رأسك مرفوع يا خميلة.. أدري تكرهين أناديك بطويلة العمر.. مير خيرك مـغرقني ولا اقدر أرد جميلك علي.. خميلة تتأمل لعيون منيفة ناعسة : الله يسعدك يا منيفة لا تقولين كيذا.. ما بين أخوات جمايل.. وقفتك في ذا زمن ما أنساها لك ابد.. تعالي معي أبي اعطيك شيء.. أخذتها لتمشي بين ممرات قصر واسعة.. لتفتح باب غرفتها و تتجه نحو منضدة.. سحبت درج أول لتعطيها علبة مغلفة بلون بياض.. التفت لها و هي تمد لها و تأخذها منيفة بنظرات خجول .. وبضيق : كذا كثير يا خميلة.. لا تحرجيني ما اقدر أخذها.. خميلة مسكت يديها بشدة و بنظرة صارمة : و الله أنك تأخذيها .. ما يكفي هدايا اللي عقبها ولا وحدة لميته لك .. اششش.. مو وقت هرج ذا.. صدق انك تقبلينها مني.. من أختك يا منيفة.. منيفة بدمعة حزن : جعلني ما أذوق حزنك.. وجعل عمي شيخ أبو خميلة عسى الله يرحمه و يغفر له ويوسع مدخله.. لزوم اعاود يا طويلة العمر.. تعرفين خالتي صيتة و الله لا تخليني عشاها ليلة.. ضحكت خميلة من خلف حزن : الله يسعدك يا منيفة وسعتي صدري.. الله يسهل دربك.. و معذورة يا بعدي.. مير لزوم اسري و أقف بعزاء أبوي.. منيفة : يا ويلي يا خميلة .. تركتي شيخة بنت عم عقاب.. والله انها بوجهنا وسواد وجيه.. ضحكت خميلة بحزن : ما عليك.. أنتي بعد بنت شيخ عمي مرحوم !! منيفة بأسى : الله يرحمه.. حمدلله أنا تطمنت عليك لزوم اسري يا شيخة.. خميلة حضنتها : توصي بنفسك يا منيفة وكاد تكملين دراستك.. انشدك يخية لا تقطعين رجا ربي... و أمل ثم أمل... منيفة : أبشري يا الغالية.. أبشري.. استودعتك الله.. ********** في ليل حزين.. و اجتماع رجال حارة في مجلس شيخ رعود بن بارق عقاب.. فتح مجلسه و ( مقهوجي ) يصب فنجال قهوة عربية... ليدخل إحدى رجال ويتقدم لشيخ رعود الذي كان يجلس بصدر مجلس.. وقف شيخ و ابتسم .. رعود : تفضل يا ضيف.. وافي : زاد فضلك يا شيخ.. وعظم الله أجرك في فقيدك.. رعود : جزاك الله خير.. تفضل.. تفضل أنت ورجلك.. عياف : عظم الله أجرك يا شيخ رعود.. مير لي طلب عندك و إن شاء الله ما تردني.. رعود وهو يشير للمقهوجي : اجلسوا واشرب قهوتك.. تعال يا لبيب .. لبيب : أبشر يا عمي.. تفضل.. شد وافي فنجال قهوة ، وضعها على أرض.. رعود انتبه له : وراه ما شربت قهوتك.. اشرب يا ضيف.. وافي شرب قهوة دفعة واحدة لتلسعه حرارتها ثم تحدث عياف : يا طويل العمر.. هالضيف جاي من ديرة بعيدة.. ولزوم تسمع سالفته... يبي يسمعك قصيد طال عمرك .. أرجاك تسمعه.. رعود بفطنة : اسلم يا ضيف.. وافي بنظرة واثقة : سلام لأهل العز و الجود .. يا رعود الخير ما ترد طلابك.. رعود ابتسم : وش عندك ؟ وافي : والله يا شيخ رعود.. بيبان تقفلت بوجهي و إن شاء الله ما أنت مقصر معي.. رعود : أي وش تبي ؟ وافي بخوف : طال عمرك .. مديون و لا عندي رزق اتكفل بـ اهلي.. عندي ثلاث بنات مير حال الله عالم به رب بشر.. وأمي مريضة ولا أقدر اتكفل بعلاجها.. رعود ابتسم و بثقل : يا راشد... راشد بهيبة : يا عونك يا ولد عمي .. رعود يرفع أصابعه مشير لضيفه وافي : تقضي للضيف حاجته.. راشد : سم و أبشر يا ولد عمي.. رعود نظر لولد عمه الذي يجلس بجانبه و ابتسم رعود : إلا وش اسمك ! ابتسم بفرحة : وافي طال عمرك.. رعود : وسجل هالنشمي شاعر لقصر شيخ رعود بن بارق عقاب.. وافي اتسعت عيونه ، وهو ينهض من مكانه ليقبل رأس رعود رعود بضيق : عود الله يهداك بس.. ماهوب بينا.. تفضل .. تفضل اجلس.. يا لبيب.. باشر بالعشاء.. وشف لي عقب عشاء حريم.. لبيب : سم طال عمرك... ********** من فوضى مكان.. تناست حتى نفسها حزن مغرقها بجو كآبة .. تحس دنيا كلها واقفة بضدها.. ولا هي بيدها تقدم شيء.. أبوها الذي كسر شوكتها في نظرها.. وافقت بعد مرور ثلاث أيام من عزاء.. كانوا يبكون طفلة أفنان.. لكن هي كتمت دموعها بمحاجرها ، و قهر مكتوم، و غدر من ذباح بنتها.. حاولت أنها تتناسى موضوع لكن هيهات على قلبها عصي.. لملمت شعرها بمشبك اسود كبير، ونظرة نفسها بانعكاس مرايا.. وجه شاحب و مصفر.. عيون وكأن انطفئ فيها بريق لمعة حياة.. نار تشعل حرائق بصدرها.. لهيب يفوح منها... ثوبها سواد بارد عشوق : لا تسكتين على ذباح بنتك.. مالي إلا اقلته بيديني.. سمعت طرقات على باب غرفتها ليميل رأس والدها و بفضول أبو عياش : عشوق يا أم فنان.. عشوق ضحكت : ما عادني أم افنان.. أنا أم مقتولة.. أنا أم روح بريئة .. أنا أم طفلة مغدورة.. أنا أسى حرمان.. أنا وجع ليل دفين.. انكسر ظهره بمواجع عينه الذي امتلئ دموع وقدر يحبسها لأجل كرامته و بنته يشوفها تضيع من يده.. ولا هو قادر يسيطر على جنونها و غضبها الجامح.. أبو عياش يخطو بـ عكازه : يا أبيك أذكري الله يا عشوق.. اذكري الله.. أدري وجعيتك كبيرة.. عشوق وهي تمد باطن يديها لأبوها و بشدة بغضب : لا إله إلا الله.. أنا لي حق وينه؟ وينه؟؟؟ ما صار للحين شيء!!!! لزوم أنا اقلته بيديني هذي.. أبو عياش مسك يديها و يضمها لحضنه و هو يمسح على ظهرها بحزن : عسى الله يقويك.. يا عشوق يا أبيك.. أهِدي انتي لزوم أخذك لدختور.. ابتعدت منه كلسعة نحلة و بغضب عشوق : ما فيني شيء.. أنا طيّبه.. ما فيني شيء.. هالحين لزوم اخرج ... أبو عياش بهم : عشوق بطلي أفكارك جنونية... ما يصير يا أبوك ما يصير.. و أبشرك قصاصه ليلة.. ليلة يا روح ضي أبوك... لكن وقتها يا أبيك لزوم تكونين ببيت رجلك شيخ وقاص بن زناد زنود.. عشوق : أي إذا كيذا موافقة.. مير يا يُبه هذاني اقولها لك.. أنا زوجة له على ورق بس.. ما ابي منه طفل يكون عمه ذباح بنتي... أبو عياش و هو يسايرها : أي اللي ودك فيه.. أجل يلا أبييك .. تجهزي.. ********** في ساحة القصاص... على حد سيف برقبته.. شريط حياته يمر أمام عينيه مغلقة وبقهر داخلي : أنت اخذت حق جدك زنود........ صوت والدته وديمة و نظرة حزن بعيونها قهرته من وريد للوريد.. حاول أن يلقن شهادة... و لكن للسيف حدته... ********** بكاء والدته وديمة.. و أخته هناي.. اقترب منهم و هو عاجز ولا بيده شيء.. حضن رأسها و بثبات : أهِدي يا الغالية.. عسى الله يغفر له.. وديمة أم وقاص : راح ضرير يا أمك.. راح وما ترك لنا إلا سواد وجهينا .. يا ويلي عربان بتأكل بوجهي.. وقاص : أفا يا وديمة.. أنتي شيخة عرب بن زنود وتقولين ذا كلام ..مير تطمني يا الغالية ما أحد يقرب صوبك.. انفداك يا الغالية تهدين.. هناي بقهر : وشلون قلبك يطاوعك يا أخوي!! و تمم زيجتك بذباحة أخوك وشلون؟؟؟ دمنا عادي عندك كيذا يسري بكل سهولة!!! وقاص نظر لها نظرة صارمة وبثقل : اسكتي و ابعدي عن وجهي ذا ساع.. سمعتي يا هناي.. بقهر تمتمت و تبتعد متجهة لغرفتها.. وقاص يمسك والدته و يساعدها بجلوس على فرشة أرضية تراثية.. ابتسم بوجع : يا الغالية .. يا نظر وقاص .. وديمة تنظر لعين ابنها .. وتحمله لمسؤولية شيخة منذ صغر وديمة : عز الله يا وليدي اني ربيت ووفيت.. الله يكثر خيرك يا وقاص.. مير يا أمك لزوم اجهز لعرسك وراه استعجلت؟؟؟ وقاص بمحبة : فديت عيونك و قلبك يا شيخة.. لزوم اخذ اللي اهتوت قلبي.. مير تعرفين قبل ما يصير اللي صار اني مملك عليها و أرسلت لها مهر يا الغالية … ابد ماعندنا طولة بال لأجل تجهز.. لا جبتها هنيا عندي تتجهز براحتها.. وديمة : أجل زين ما سويت يا الغالي.. عسى الله يرحم أخوك .. أبيك يا شيخ وقاص تأخذ سبع من غنم و تذبحهم و توزعهم صدقة لأجل مرحوم.. وقاص : و أنا ولد وديمة ماهوب شيخ!! وديمة بفخر : الا شيخ ولد شيخ يا حفيد زنود .. روح يا أمك عسى توافيق بدربك.. ابتسم وقاص لـ يبتعد و يخرج من قصره.. متجه لرياض.. ********** بعد زمن … يقف عند باب عم أبو عياش.. وبإصرار يضغط على رنين جرس.. و يفتح له باب عمه مبتسم : يا مرحبا بشيخ وقاص.. حياك يا عمك تفضل.. دخل وقاص بهدوء يقبل رأس عمه باحترام ثم دخل للمجلس و جلس على طرف كرسي.. و بهدوء : وشلونك يا عمي عساك طيب؟؟؟ أبو عياش : نحمد الله و نشكره.. انا طيب مير أنت اللي وشلونك؟؟ وقاص : حمدلله.. مير يا عمي عندك مهُرة… ودي طال عمرك حليلة لي على سنة الله ورسوله.. ابتسم ابو عياش : وهي حليلة لك يا الغالي .. عز الله أنك ولد شدايد… و اللي خلف ما مات يا ولد بارق.. وقاص : تسلم يا الغالي.. هذي غنيمة و عشاء بسيط يا عمي.. مير أيام بيننا و مقدراكم ارفع و انشهد والله.. دخول إحدى رجال ووضع صحون عملاقة ( مفطح ) بوسط مجلس .. أبو عياش : وراه كلافة يا عمك.. مابه لزوم .. وقاص مبتسم بثقل : ابد حقك و أقل من واجب طال عمرك.. تفضل واذا تسمح لي اسلم على عمتي أم عياش.. أبو عياش : أبشر.. بزهمها لك هي و عروستك.. وقاص : تسلم يا الغالي.. ********** فوق بغرفة عشوق أم عياش تقف فوق رأسها ، تتأملها بحزن كبير عشوق : خلاص يا الغالية هالحين ارتحت.. أخذت حق بنتي.. اللهم لك حمد.. أم عياش : زوجك على وصول.. ترى يا أمك أنتي أولى بحياة شيخ وقاص..قد مريتي بتجربة اولى.. ذا عوض من ربي شيخ ولد شيخ … عشوق بوجع و هي تضع طرحة على شعرها لتغطيه ، وترتدي عباءتها بسرعة وبوجع : كأنك تقولين مالي حق بزواج.. أبشرك يا الغالية أن زواج بكبره عفته من بعد مرحوم عسى الله يغفر له.. أم عياش بحكمة : عشوق أنتي مره كبير .. ما أنتي جاهل ولا خبل! حمولتك ما تقصرين عليهم بشيء .. وخصوصاً عمتك شيخة وديمة.. تحطينها بعيونك.. وزوجك لا اسمع في يوم يجي يتشكى لأبوك منك.. تراك طلعتي من ذمة أبييك لذمة رجلك .. هالله الله بنفسك.. وابد عيشي من جديد.. عشوق ابتسمت بحنان : أبشري يا الغالية.. ما هنا إلا كل خير.. أم عياش : تسلمين يا بنت بطني.. جعله ربي يوفقك و يرزقك من واسع فضله .. جعله آمين.. ضحكت عشوق وتغص وهي تنظر لفتحة باب مع حضور والدها محبب لها ابتسمت له وهي تركض لحضنه .. أبو عياش : عسى الله يوفقك يا ضي العين.. الله يزين حظك.. يا أبييك رجلك يحتريك تحت .. ولا أبي لك إلا زين .. وعز الله ولد زناد ماهوب اللي يضيمك.. عشوق : جعله آمين.. يُبـه هالله الله بأمي .. بعد ما لها من بعد الله ثم أنت.. ماهوب تسري يم نياق وتنسى أم عياش.. أبو عياش : الله يذكرك بشهادة نبيه.. يا أبييك نسيت ولد نشمي عند حلال .. لا حول ولا قوة الا بالله.. يلا يا أبييك ننزل تحت.. نزلت من سلالم ممسكة بيد أبوها.. متجهة للمجلس معه.. حين وصلوا شدت على يد أبوها ابو عياش مبتسم : ألف مبروك يا عمك.. هذي عشوق … ليقوم شيخ وقاص و بترحيب حار : يا مرحبا بعين ضي.. يا مرحبا بمزون أمطار .. و الله يبارك فيك يا عمي… اقترب منها بخطوات قليلة و هو يتأملها بكل حُب و ابتسم ملثم جبين و يديها بثقل : ألف ألف مبروك يا عشوق.. عشوق بخجل من هيبة عرض منكبيه.. و صوته ثقيل رزين، بتوتر تجيب وكأن لوهلة للمرة أولى تصبح زوجة بهدوء تحاول اخفاء توتر : الله لا يبارك فيك.. وقاص أمسك معصمها.. نظر لعينها كارهة له.. وشفتيها مكتنزة بغضب وجهها كالغيمة من حزنها أمطارها تلتمع بعيونها لا هي اللي نزلت ولا هي اللي بقت .. بتهكم و همس بين إذنيها : تخيلت حزنك.. مير توقعتك أقوى من كيذا.. اظن اخذتي حق بنتك.. ولزوم أخذ حقي يا عشوق.. أبو عياش : يا عمك في مجال توديني معك يم نجد بين خيام أبي أشوف حلال.. خبرك سايق عساه منيب قايلة فيه مدري وين ذلف !!؟ وقاص بهدوء : تبشر يا عم.. بس يا عمي تريح ليلة عند عمتي.. و أنا بنفسي أبي اكلم سعيد يسعى وراء حلالك وش قلت طال عمرك؟ أبو عياش مبتسم : عز الله انك ما قصرت يا وليدي … لزوم أكرم ولد حلال.. له حول اربع ايام و هو يراعي حلال… وقاص : أبشر و سم… و هو يسلم على أنف عمه .. ممسك بيد عشوق … ********** نجد كان يجلس ضاوي بملل متكأ على مركا.. وبين سماء حالكة و ظلام دامس.. وجد سيارة أخيه ساري.. ترجل و هو يقترب منه ساري : ضاوي وشلونك يا أخوك؟ ضاوي بتعب : متملل.. وشوله تؤخرت!! ساري : عم انشغل بأهله.. قم يا أخوك خذ سيارتي وسري يم أهلي.. خبرك أبوي ما كان موجود وصعب نترك أمي وبنات العم بروحهن.. ضاوي : صدقت يا أخوي.. جبت لك أكل معك.. ترى هنا قطيعه.. ساري والذي معه عزبته و مبتسم.. نظر لأخيه : لا تخاف على أخوك.. قم انتبه على نفسك .. ضاوي : ما علي خوف.. مير انتبه على نفسك.. ودعتك الله.. ********** أمسك ضاوي خط متجه للحارة.. ضغط على مذياع على برنامج قصيد ليسمع.. حــي الـعـيون الـناعسات الـكحيله الـي سـهوم الـموت داخـل هـدبها مــن صـابـته يـسـهر ثـمـانين لـيـله ويـمـكن تـجيه امـنيته مـن سـببها رفع صوت مذياع ويردد وراه ، مبتسم يـا بـنت انـا روحـي مـن اول عـليلة والـبـعـد دمــعـات الـمـولـع سـكـبها تـعـبت مـن حـمل الـهموم الـثقيلة حــــرام روحـــي لا تــزيـدي تـعـبـها الــحــب الاول مــــع فـتـاتـاً اصـيـلـه بـنـت الـوفـا والـجود غـالي نـسبها عـشـنا ســوأ عـدت شـهوراً قـليله والوقت الاقشر عن عيوني حجبها والـيوم ولـعتي فـي قـلبي شعيلة نــــاراً عــلــى نــــاراً تــزايــد لـهـبـها وحـبـها فــي الـقـلب مـحـداً يـزيـله يـلـقى مـنـا روحــه وغـايـت طـلبها والـحب الاول كيف انا ارضى بديله هـــــاذي مــقــاديـر وربــــك كـتـبـهـا الـمـعـذرة يـامـا الـرمـوش الـطـويلة نـحـاسـهـا يــفـنـى ويـبـقـا ذهـبـهـا أجواء ممطرة.. و برق ينير سماء.. عبر شارع حارة و يقف سيارة أخيه ساري أمام منزل.. ترجل و حينما وصل طرق باب.. ضاوي بشوق : يا أهل بيت.. يا أهل بيت.. سكون حارة من غير عادة.. فدوماً يسمع صوت ضجيج أطفال و حركة ناس.. ضاوي بضيق : يا أم ضاوي.. ثوبه مبلل من امطار قوية.. رجع جلس بمقعد سيارة.. وفتح تدفئة تكييف.. سمع ضربات على مقدمة سيارة.. ( كبوت ) رفع رأسه و يرى عيد يضحك بجنون.. فتح نافذة سائق بضيق و قهر : وش جابك هنيا يا عيد؟؟ عود لبيتك.. عيد بضحكة جنونية : انت ترى ناس شدوا.. روح طير وراهم.. ضاوي : يا مجنون وش يطلعك من بيتكم.. ضف وجهك يلا.. ضحك عيد بجنونه مبتعد عنه.. ألتزم بسكون و هو يرى أمطار قوية و رياح التي تلعب بأسعف نخيل.. ضغط على زر مقعد و ينزل بها حتى يغلق عينه ومن شدة تعب نام قرير العين.. ********** فتح عينيه منزعج من ضوء أشعة شمس ساطعة.. تخلخل يديه على شعره.. ضاوي : عوذه كل هالوقت نمت!!! ترجل من سيارة، و مشى بخطوات .. طرق باب.. و ما من مجيب.. استنكر.. لتراوده فكرة قفز من فوق سور.. ليفعلها.. رأى مكان هادئ جداً.. و مفرش ساحة ليست موجودة.. تفقد بيت.. غرفة والديه خالية.. ضاوي بقلق : يا أم ضاوي.. يا صيتة .. يا حلوة لبن.. يسمع صوت صداه يرد عليه.. بخوف : عوذه؟ وين اختفوا؟! دخل غرفته سابقة هو و أخيه ساري.. و حالياً كانت مسكن لبنات عمه منيفة و شادن .. لفتت نظره بورقة بيضاء التي كانت موضوعة فوق منضدة فتحها وقرأ أحرف خجولة.. ( ضاوي.. مضطرين نترك بيت طين.. انتبه على حالك يا ولد عمي.. ) ********** نهاية الجُزء الخامس.. نلتقي بإذن الله على موعدنا قادم السبت العاشرة مساءً. ********** اختكم و بقلم : عيون الليل. التعديل الأخير تم بواسطة **منى لطيفي (نصر الدين )** ; 27-10-21 الساعة 10:33 AM | |||||
|
| |
|
03-10-21, 12:21 PM
| #50 | |||||||
| مساء الخير ❤ ماشاء الله تسلم يدك فصل ولااروع يجننن😭❤ خميلة اخ بس يعمري عليها ربي يصبرها الفقد موجع مره 💔😭 حبيت صداقة خميله ومنيفه 🥺❤ لافي يكسر خاطري بس الحمدلله ان ربي ارسل له العجوز💔 عشوق وقاص متحمسه مره لحياتهم مع بعض الله يعينك وقاص منيفه شادن وحياتها بالرياض وش بيصير لهم حسبي الله عليك ي صيته 🔪🐍 ضرير الحمدلله اخذ حقه شكراً لك عيون الليل ربي يسعدك 😭❤❤❤❤. | |||||||
|
| |
 |
| أدوات الموضوع | |
| انواع عرض الموضوع | |
|
|
14689Likes
العرض العادي
