04-10-21, 09:12 PM
| #61 | |||||||
 
|  ماشاء الله تسلم يدگ عيون الليل 😭❤ اخ بس ي عمري ي لافي اكيد العنود حسبي الله عليك💔 وقاص وعشوق حرب خفي شوي ي عشوق الله يعين وقاص 🤣 خميله تكسر خاطري اممم وش هاسرعه ي رعود😁😂 شكراً عيون وبـ نتظارك بكرا ان شاء الله 💃🏻😭❤ | |||||||
|  |
|
05-10-21, 04:18 PM
| #64 | |||||
| الـجُزء الثامن . . . .. عيون الرهاف .. . . . صبحكم برضا الرحمن إليكم هذا الـجُزء تتأرجح مشاعرهم.. مثال نفسية عشوق وحالها.. و عناد وقاص!! و دخول جديد بين رعود و خميلة و بتدريج راح تتعرفون على جميع شخصيات ********** لا تلهيكم رواية عن صلاة بوقتها قراءة ممتعة. ********** . . . تجينِي طيف يا عُمرِي على جِنْحان شُوقي لك أخَاف أَرْمش من عيُوني وأبَعْثر جيت وِصَالَك حَبيبِي لا تِجيني قُول وين أنت وأنا آجِي لَك أبيك تقُول وين أنت وعَلى عيُوني أنا أسعَى لك ورَبّي فُوق رُوس الشّوك لا أخَلّي القَلْب يمشِي لَك وأخلّي ظِلالِي يسْبقني قَبل يُحضني منزالَك ثَوَاني بس أبتْهَندم مِن عُيونك وأبهدِي لك في عينَك ضحكَةٍ حتّى تكحّل عين عُذالك يقُولوا النّاس بغيَابي تشب القلب ويضوِي لك حَنيني ومن وَهج شوقه يميل القَلْب لا مال لك قَضَى دَمْعي من عيُوني أبي مِن عينَك أبكِي لَك أبَنْثر مِن وَرا عُيوني دمُوع عُيون ترحالَك تعبت أهرُب من الأشيَاء البَسيطة مِن تفَاصيلَك تعِبت أسْأل زوايا البيت عَن أوّل وآخِر أحوَالَك وحتّى الشُوق من صُبح الدرايش قَام يهْدي لك عصَافير الرّضى ترفرِف علَى بيبَان مدخالَك هنَا ترمِي صباح الخير قَبل لا ترُوح وأدعي لك وهنَا تضوّي مَسَاء الخير في عينِي مِن هِلَالك سالم السيار. ********** هيلا بتوتر : اللي سمعتيه.. خميلة بوجع : حشيمة لخالتي ظبية.. كافي يا هيلا ما بي اسمع شيء.. وكثر الله خيركم أنكم وصلتوني هنيا.. هيلا : يا خميلة.. بعد يا أختك ماهوب حلوة تبقين بفيلا بروحك.. خميلة تحاول أن تتحامل على نفسها و تنهض من مكانها... دخول طبيبة : ازيك يا بنتي.. نظرة فيها خميلة : ممكن اخرج يا دكتورة.. ترى ما فيني إلا عافية.. طبيبة : مش قبل ما اكشف عليكي.. دا انتي جيتي في حالة ما يعلمها إلا ربنا.. ابتسمت خميلة : صدقتي و حمدلله هذاني قدامك طيّبه.. طبيبة : برضوا يا خميلة نتطمن إن شاء الله و توقعي على مسؤوليتكي.. لتهز رأسها خميلة.. وجدت عباءتها موضوعة فوق طاولة جانبية.. ارتدته.. طبيبة : مري عالصيدلية دي وصفة لبعض أدوية و ألف سلامة عليكي.. سحبت الورقة : الله يسلمك.. شكراً.. خرجت خميلة و تتبعها هيلا.. لتقف و بحرج : ممكن جوالك يا هيلا.. هيلا باستغراب : أي اكيد.. تفضلي.. سحبت هاتف الذي كان بيد هيلا.. و ضغطت على رقم معين ثواني و هي تهتف بغضب مكتوم : عنبر تعال مستشفى.. سريع لا تقرقر واجد... ولا تنسى ريحان جيبها معك.. لتغلق خط و هي تسلمها هاتف محمول.. هيلا بخوف : الله يهديك تراك مثل حسبة أختي يا خميلة.. وش تبين أقول لرعود هالحين؟؟؟ خميلة و الذي لا يعجبها تدخلهم سافر بحياتها... جلست بقسم انتظار النساء رأت القرآن على رف مكتبة.. مسكت به لتقرأ سورة البقرة بكل هدوئها .. اضطرت هيلا تنسحب منها .. متجهة لسيارة أخوها رعود.. تقدمت بخطوات.. حتى تضرب نافذة أمامية جهة سائق.. خرج من سيارة .. و يلتفت يمنة و يسره.. رعود : ها بشري عساها صحت.. هيلا بتردد : خميلة مشت.. رعود و بعقدة حاجبيه : مشت وين؟! هيلا : وه يا رعود.. خلاص البنت منحرجه منا.. و تقول كثر الله خيركم.. رعود مسك يد اخته.. وبحدة : كلمة ورد غطاها.. هيلا : أنت بعد استعجلت ما يصير يا أختك.. رعود : تبون تهبلون فيني.. أساساً وشلون تقعد لوحدها مع خادمة وسايق!! هيلا : رعود تكفى خلاص.. خلها على راحتها.. رعود رجع للمأذون فتح بابه.. وابتسم باحراج : يا شيخنا .. دقائق بس .. المأذون : يا وليدي لزوم ورقة موافقة.. رعود ابتسم براحة : موجودة يا شيخنا.. دقائق بس.. مع سطوع شمس حارة التي تضرب برأسه مباشرة.. مسك يد أخته و دخلها معه المستشفى.. و جد بعض كراسي رعود : اجلسي هنيا.. لا تتحركين من هنا مفهوم.. ثم بحث عنها بين ممرات مستشفى... وقف عند قسم انتظار خاص بالنساء طرق باب... و بضيق : خميلة بنت ضامر... استغربت من الذي يعرف باسمها و أعظم اسم أبيها... وقفت لتجد شاب مرتدي ثوب بياض و شماغه أحمر... منزل راسه... خميلة بغضب : مين أنت!!!؟ وليه وش تبي؟؟ رعود رفع رأسه و بغموض : هذي ورقة الوصية... وصية أبوك ضامر.. خميلة بخوف و هي تسمع صوته حاد... مع طوله مخيف.. امسكت بالظرف... قلبته لترى خط والدها... ( يسلم إلى ابنتي : خميلة ضي عيون أبوها.. ) بلعت ريقها... و بصدمة رفعت نظرها له خميلة : ممكن اعرف مين تكون؟؟؟ ابتسم بثقة : زوجك رعود.. و بخجل : ما قصرت أنت و اهلك.. لا هنيا و كافي.. رعود : ما معك وقت للأسف.. الوصية لزوم تنفذيها... ********** قبلها بشهر ضامر الذي كان يجلس بمكتبه... سمع بعض طرقات على باب.. رفع نظره و شاهده بغموض... ضامر : حياك يا ولد شدايد تفضل.. صافحه رعود و ابتسم : وشلونك يا شيخ ضامر؟؟؟ ضامر : أموري ولله الحمد.. زينه.. مير أنت اللي بشرني عن علومك؟؟؟ رعود جلس بالكرسي جانبي للطاولة مكتب... و بهدوءه معتاد : تسرك علومي.. آمر يا طويل العمر.. ضامر بمحبة : شفت مثل اللي يقولك اخطب لبنتك قبل ولدك.. وانا والله لقيتك نشمي و شهم.. تراها وحيدتي مالي من بعد الله إلا هي.. رعود بثقة : و الله يا طويل العمر .. لي شرف اناسبكم.. أنتم أهل نخوة و جود.. ضامر : تسلم يا نشمي.. وصيتي هذي تسلمها لبنتي.. و ابد عقب تحاليل يتم أمورك منيب جابرك يا رعود.. ليقاطعه رعود ويقف : أفا عليك يا عمي.. أعتبرني يمناك اللي ما تعصاك.. ضامر : الله يرحم أبوك بارق.. يا عسى الله يوفقك يا عمك.. و كثير من الأحداث سريعة ... كتم على موضوع من حينها... ********** جلست خميلة بداخل غرفة انتظار.. فتحت ظرف بكل شوق و رجفة تسري بحنايا ضلوعها.. تحس روحها باختناق... سمت بالرحمن وسحبت ورق مطوية ... لتقرأ و دموع عينها تشاركها للحظة... ( سلام عليكم ورحمة الله وبركاته.. ضي أبوها أنتي.. خميلة يا أبوك أكيد ما راح تقرين هالرسالة إلا بعد ما الله أخذ أمانته ارجاك يا بنتي لا توقفين بنصيبك.. قلبي ما يتحمل فكرة أنك وحيد.. لا انس ولا ونيس تذكرين يوم أقول لك أنك بعمر عروس.. اكررها لك لأجل ما تتفاجئين عقب.. رعود ونعم ولد ما أثق من بعد الله إلا ثم هو.. ولا تبكي عيونك.. أرجاك لا تبكي... كوني قوية بنتي اللي اعرفها... الله يوفقك ويزين حظك معه.. استودعتك الله التي لا تضيع ودائعه.. أبوك الفقيد إلى رحمة الله : أبو خميلة.. ) شهقت ببكاء يقهر روحها.. تحس ضلوعها تضيق عليها... وصوت آه... قبلت رسالة بحب و حضنتها : يا فديتك لآخر لحظة كتبت فيها أبو خميلة.. والله ما أكسرك يا أبوي.. شدت خطواتها بحزن... مسحت دموعها... و شافته واقف مقفي عنها... بغصة : رعود.. التفت و لمحها واقفة بثباتها ... رعود بهدوءه : سمي... بخجل : أنا موافقة.. ابتسم بداخله رعود : طيب امشي قدامي... مشيت بخطوات خجولة باتجاه بوابة خروج.. لتجد مقبلة عليها هيلا بخبث : من هالحين قدر يجيب رأسك.. خميلة بخجل : هيـلا.. ضحكت بصوت مخفض : يلا.. مسيكين شيخ ينتظرنا من ساعة... خرجنا و صعدنا سيارة جميعاً... كانت جالسة بالمقعد خلفي تحديداً خلف مقعد سائق... المأذون : يا بنتي هل أنتي موافقة على زواج من رعود بن بارق عقاب على سنة الله ورسوله ؟؟ بصوت خجول همست بالموافقة.. التفت المأذون على رعود مبتسم... ابتسم المأذون : ها يا ولدي رعود.. هل أنت موافق على زواج من خميلة بنت ضامر داغر على سنة الله ورسوله ؟ رعود بثقل : موافق يا شيخنا.. المأذون : أجل خلها توقع.. و عقبها وقع تحت اسمك.. وقع رعود سريعاً.. من ثم وقعت خميلة بخجل.. ترجل المأذون : ألف مبروك يا رعود.. وجعلها زواج مبارك لكما.. رعود : تسلم يا شيخنا.. هذا هو عبيد يوصلك للمكان اللي تريده.. المأذون : الله يجزيك خير.. ********** هيلا تحضنها وبفرحة : ألف ألف مبروك يا قلبي.. و الله يا فرحة ماهو شايلتني.. ابتسمت خميلة : الله يبارك فيك يارب.. ذا عنبر وصل... هيلا : الله يعوضك حبيبتي قولي له يعاود من مكان ما جاء.. ترى رعود دينه ودين اللي تخرج مع سايق.. خميلة : بس.... رعود انتبه على سائق.. ليمشي نحوه ضرب نافذة.. حتى يفتح عنبر : نعم بابا رئود.. ضحك رعود : جعلك العافية... اسمي رعود.. اعاود بدرب اللي جيت منه... هز رأسه عنبر حتى يبتعد عنه.. صعد بسيارته.. ويتحمم بصوته رعود : حياك يا خميلة قدام عندي.. ضحكت هيلا بخبث : يا أخوي لا تحرجها... بتهكم ابتسم : تعالي يا خميلة ترى ما اعض.. خميلة تهمس هيلا : تكفين اجلسي بجنبه.. وش هالفشلة!!! رعود رفع حاجبه : بـ انتظر كثير... هيلا : انزلي و اقصري درب... ترجلت بخجل.. لتجلس بجانبه... رعود بترحيب خاص صادفني بالبراقع وأعجبني وأودعن قلبي على حد الممات صابني سهم العيون اللي رمني يرسـل سهـوم المنايـا بلحـظـات مـن عيونـه يذبـحـن لا سلهـمـن بالهدب فـوق المحاجـر شاعقـات بالمـخـاطـر يقـتلـن لا قابلني ما حلا البرقع على ذيك المهاة كــل شمـعـات الـمــودة ولـعــن يوم شفته من تحت ذيك الغطـاة من نظرها صاح قلبي ضاع مني يـاخـذن القلـب معهـن والحـيـاة فــز قلـبـي للـبـراقـع ومتـمـنـي تلبـسـه كــل البـنـات المتـرفـات للقـلـوب الـلـي تـصـادف ينهـبـن يشغلـن حـق القلـوب الخالـيات للـكـرامـة و الـشـهـامـة مثلن يا سلام الله على باقي الصفـات هيلا بتصفيق وضحكتها : وه بس... رعود.. أما هي فقد خجلت بزيادة... و بهمس خجول خميلة : صح بدنك وصح من قايلها.. ********** ثقل رأسه.. فتح عيونه ليجد نفسه بمكان غريب.. الأسقف ذات ثريا نازلة بكلاسيكية ... الارائك بنقوش معتق بلون أخضر و بيج موزعة في صالة بفخامة.. نظر حوليه.. ويرى امرأة من بعيد تمشي و تقترب منه... لافي بخوف : مين أنتي؟ أنا وين؟؟؟ أحلام جلست بهدوء : لافي.. اهدأ... نهض من مكانه و بغضب طفل صغير في مكان غريب عنه وجود امرأة يجعله يصاب بالجنون و الخوف على نفسه... أحلام رحمة نظراته... وتردف بصدمة له : أجلس يا ولد بطني.. بلع ريقه بصعوبة : نعم! مين تكونين... أحلام : أنا أمك... أمك يا لافي... لافي بقهر و قسوة : أنا ما اعرف أمي.. أمي ماتت من و أنا رضيع.. أحلام : اجلس يا ولد... تبي تتأكد أني أمك.. لتعطيه صورة تجمعه مع والده.. صورة يتضح بأنها قديمة جداً.. دقق في صورة ثم نظر فيها... لافي و عبرة تخنقه : تدرين كم مرة أبوي ضاع من بعدك.. أحلام بقسوة : أبوك من بعد ما صار عمي تطلقت منه.. و في علوم تعرفها لا كبرت شوي... لافي : ولا أبي اعرفها.. مثل ما أخذتيني رجعيني له.. أحلام : اسمعني يا ولدي... لافي بقهر و هو يدور حول نفسه : منيب ولدك... ابعدي عني... أحلام مسكت يده و ضمته.. وهو بقهر بكى... دمعة عيونها : تكفى يا أمك والله إني ندمانة قد شعر رأسي.. سامحني يا نظر عيوني سامحني يا لافي.. لافي : اتركيني.. ابي اسري عند أبوي.. أحلام بقسوة : مالك إلا تجلس هنيا عندي... أنت ولدي.. افهمني.. لافي بعناده و يهز راسه برفض و يقاطعها : بشتكي لك لشرطة... ضربت صدرها و بقهر... أحلام : يا ولد افهم... أنا أمك.. ثم أمك.. ثم أمك... لي ثلاث حقوق عليك.. مع دخول شاب غريب ... يضحك بسخرية : اتركيه عنك.. بتفهمين ورع .. أحلام بوجع : فهد تكفى كون محضر خير و إلا اسكت... فهد ضحك بحب لها : إن شاء الله خالتي... لافي بكى بقهر و يمسح دموعه بقسوة : أنت مثل ما خطفتني ترجعني.. حاول فهد أن يتقدم منه.. لكن يد أحلام منعته... فهد : أقول لا هرجوا كبار تنطم يا ورع .. عشنا وشفنا والله.. لافي يصرخ : طلعوني من هنيا... و أنا ولد علوان.. فهد : تعتز بأبوك.. قم بس قم... أحلام : ياربي فهـيد ماهوب وقت مناقرتك... اهجد.. فهد : بكبر عقلي... يلا بمشي لدوامي.. تبين شيء ثاني.. أحلام : تسلم و الله ما قصرت يا أبو خالد.. فهد بحب لخالته : عيوني لو تبينها ما تغلى عليك.. يلا فمان الله.. أحلام : الله يستر عليك.. بحفظه الكريم... التفت لولدها عنيد... أحلام : تعال شوف وش جهزت لك؟؟ مسكة يده.. ومشت بخطوات صعدت معه السلالم.. و على نهاية ممر كانت غرفته مؤثثة بشخصية كرتونية تخص لمن بعمره.. أحلام بحب و هي تفتح باب غرفة تبتسم : وش رأيك؟؟ يكذب عيونه التي كانت مُنبهرة ... أحلام بفرحة : عجبتك حبيبي... لتضيق عيونه : ماهوب حلوة.. ولا ابي شيء منك .. أبي اعاود لأبوي.. أحلام تقنعه : لو شفت التزام منك.. أوعدك أنك بتشوف أبوك.. ********** في إحدى أحياء راقية - الرياض نجود و هي تتأمل جدتها تشد راديو عطلان.. و بقهر : أنتي جالسة مقبله عندي ولا منك فود... نجود بملل : نعم يا جديده... وش تبين ذا مرة؟؟؟ مدت عكازها و بغضب : فارقي عن وجهي... ايه وبعد صلح لي هالراديو معيه يفتح... ضحكت نجود : جديده وشوله راديو؟؟؟ ذا تلفزيون قدامك على قناة سعودية دوم.. أم مروان عجوز : الله من قلة سنع.. فزي لا اعلم هالعصا على جنوبك يا قليلة حيا... ابتعدت نجود بقهر : يُمه شوفي لك حل معها.. كل ما قابلتني تخانقني.. ضحكت والدتها عزيزة : ولا يهمك يُمه بعطيه جبر يصلحه.. نجود و هي تنظر لأمها.. بعقدة حاجبيه : وش بلاك؟؟؟ نجود مسكت يد أمها : أبيك تنقي لي فستان لسهرة بنات يوم... أم مروان عجوز : بعد فيها طلعات.. أنا أقول الزمي بيتك... نجود بملل : يُمــــــه.. ابتسمت عزيزة : بشوف وش نهايتك!!! يمي بشوفها و اعاود عليك... أم مروان عجوز : لا تبطين... ذهبت هي وبنتها بغرفة نجود التي جلست على كرسي.. و عزيزة تسمع لها كانت جالسة على طرف سرير و بطولة بال : غردي وش عندك ذا مرة... نجود بلعت ريقها : ترى أنا زرت خالتي رحمة.. و بنظرة صدمة : نعــــم! عيدي ما سمعت إذوني زين... نجود برجفة و خوف : أي زرتها.. يكفي غياب يمه.. ما تعبتي من ظلم لوحدك.... عزيزة بحدة : أحد شكى لك..... نجود : بس... و بغضب : اقطعــــــى.. ما توبين من لقافتك.... وش استفدتي؟؟؟؟؟؟ نجود : لا ما راح اسكت... ماهوب تقولين أنها هي اللي رمت عليك تهمة... عزيزة : اقطـــــــــــــــعي ما أنت محامية لي ولا لها... أنا راضيه باللي الله كاتبه لي... نجود : يمه فديتك بس اسمعيني ... عزيزة : فارقي عن وجهي.... والله يا نجود والله لو لمحت أنك فتحت سيرة مرة ثانيه يا تصير لك علوم ما راح تسرك... بنات يجبين هم... نجود : بس أنا هددتها.. ما تقرب منا ابد.. لتمشي بغضب و تقرصها نجود بأنين و هي تمسح على يدها : يمه و الله توجع.. وشوله كل ذا زعل!!! ما يسوى عليك يا بعد روحي.. عزيزة: أنتي ما تحشميني ابد.. اللي في رأسك لزوم تسوينه.. مين اللي خذاك لها؟؟؟ انطقي.. نجود بخوف : مع سايق... رجعت تقرصها من جديد : هاتي جوالك.. هـــاتيه.. نجود تنهض من مكانها و أخذت حقيبتها التي كانت فوق منضدة... مدت هاتف خلوي لها.. سحبتها بغضب و هي تأخذ مفتاح غرفة لتغلق عليها.. نجود تضرب الباب بقهر : يمُه.. تكفين كبرنا على عقابك.. عزيزة : ولا نفس اسمعه منك.. قليلة ادب... نجود : راضيه لو تذبحيني فداك.. بس تكفين لا تحبسيني.. عزيزة : انثبري بمكانك... خلي لقافتك تفيدك... نجود تبعد عن باب و ترمي جسدها بملل : ما توبين يا عزيزة الا تعاقبين.. أنا أستاهل اللي يصير لي... ******** تحت شمس حارقة و في وضح نهار.. جالس بروحه على فروة .. و لابس عباءته ثقيل وعلى مد نظر.. رمال ناعمة و جبال شامخة.. بجانبه عزبة معه.. يشد فنجال سابع من قهوته عربية بالمسمار و زعفران... كل ما يتذكر نظرة عيونها مصدومة منه ينقهر... وقاص : اففففف عشوق اطلعي من رأسي... اتصال.. ورده من صديقه... فتح الخط وقاص بملل : نعـم.. وش تبي!؟ ضحك رعود على حاله : أبك يا ولد ما هوب ليلة صباحك.. وقاص : اخلص وش تبي داق!! رعود بمحبة : انشد عنك يا خوي.. وقاص : أنت مستوعب عمر اللي بيننا... رعود : رجال ماهوب بمظاهره تقيسه ولا بعمره بافعاله يا وقيـص.. ضحك وقاص بدون نفس : زبدة.. وش تبي داق..!!!! رعود بقنبلة : أبشرك تزوجت... وقاص : يا قليل الخاتمة.. كل ذا تغار مني... رعود بمزحه ثقيل : شفت كيف!!! مهم أبيك تهد لعب شوي! وقاص بمزاج رائق : لا تتهاون فيهم بس... رعود : على أمرك يا عضيد.. وينك فيه؟ وقاص : بمكان جديد.. رعود : ما به هبوب نجد.. هقوتي رحت يم براري... وقاص : فطين اسم الله عليك... مهم اقضب مكانك ابي اختلي بروحي.. رعود : على هواك يا شيخ وقاص.. وقاص : أي تغشمر يا أبوي .. هي جات عليك... رعود بضحكة مكتومة : واضح أنك مقرود من يومك .... وقاص بغبن : اضحك.. اضحك نشوف اوضاعك عقب كم يوم... رعود : لا حالك مزري.. عسى الله لا يبلانا.. مع سلامه.. رمى هاتفه خلوي... و هو يتذكر ملامحها ابتسم ... ويردد تقول اللي طرف عينك أنا مدري هدب أو عود أحس أني من اللي صابها ما شوف قدامي همست وقلت لا تخافي على بحر العيون السود على شط الكحل مريت وهذا موضع أقدامي أدوّر عن ذهب عمري بقايا كنزي المفقود وأشوف الموج يطوي الموج ويبحر مركب أيامي أبشرب من ظما دمعك وابغسل جرحي الدامي عطيني عيونك الليلة وباكر يا عساه صدود أمانة لا مسحتي الكحل خلي طيف أحلامي أحبك كان يكفي الحب جروحي في هواك شهود أنا اللي راس مالي حلم وهم الدنيا قدامي وقاص : الله لا يعقبك خير يا وقاص.. مرة صادة وانت وكاد زينها لعب بعقلك.. لا بالله راحت علومك يا شيخ وقاص.. الله لا يسامحك يا ضرير كان مت وأخذت بقهري معك... استغفر الله العظيم من كل ذنب... ********** كانت جالسة على وضعها.. و دموعها تمسحها بقسوة و بثرثرة وجع عشوق : تكفين يا دموعي لا تعلمين أحد عن انكساري.. ليه انهزمتي؟؟؟ من أول مصيبة وين اللي تقول ما تخلينه يقربك؟؟ ليه يا عشوق ليه يا ضعيفة؟؟ لو هددتي نفسك بالموت ما يقرب منك يا مهبولة.... يا كبرها عند ربي... نهضت من مكانها وهي تقرب من مرايا.. لتشهد علامات بكل مكان مجروحة منه... شعرها منثور بفوضى عشوق : حسبي عليك يا همجي.. سحبت خطواتها ثقيلة لدورة المياه... رمت فستانها بإهمال.. فتحت مياه حارة وقفت على حوض استحمام و هي تغسل عفن من لمسته... أخذت صابون المغربي و توزعه بيديها على كل جسدها... وتبكي أفكارها جحيم .... نار تحرق بقلبها.. خرجت بعد نصف ساعة من الحمام... ترتدي ثوبها أسود.. بحثت عن هاتفها... تذكرت أنها ما أخذت معها ولا شيء... صوت طرقات باب... وقفت خلف الباب وبصوت فيه بحة : ميـن ؟ جويس : أنا يا شيخة عشوق... عشوق بوجع : تعالي... إذا ما عليك أمر يا جويس ابي جوال... جويس باستغراب : إن شاء الله.. اجيب جوالي.. وهي تضع صينية غداء.. فوق منضدة... عشوق : لا هنتي خذيه معك.. جويس : و الله لا تذبحني عمتي شيخة وديمة... عشوق : الله المستعان خلاص اتركيه.. هالحين ابي جوال ضروري.. جويس : طيب.. تمر دقائق و ترجع من جديد جويس... اتصلت على والدتها... وتجيب بهدوء : يا أمك عشوق أنتي طيبه.. عشوق بهدوء تخفي براكين بداخلها... تبتسم : طيبه يا نور عيوني.. أبوي موجود حولك.. أم عياش : خرج من صبح... عسى ما شر؟! عشوق : من فهاوتي نسيت جوالي و ملابسي.. أم عياش : ملابس شنو يا عشوق يا أمك انزلي سوق مع رجلك وتقضي.. أنتي عروس هالحين.. عشوق بقرف من سيرته : تكفين يمه.. إذا رجع أبوي خليه يرسل لي جوالي و بطاقتي موجودة في شنطة يد صغيرة سوداء.. أم عياش : ابشري يا أمك.. بتنهيدة : يلا يمه مع سلامه... أم عياش : الله يحفظك.. عشوق سلمت لها هاتف خلوي و ابتسمت بوجع : مشكورة.. ساعة كم معك هالحين.. جويس : قريب و يأذن عصر.. عشوق : طيب.. ارسلي أي احد ينظف غرفة.. جويس : طيب.. انزلي تحت... عشوق : وذا اللي بيصير.. نزلت من السلالم ... لتشد على طرحتها... اقتربت من الصالة... وتجد العجوز ضرغام.. مع العمة وديمة.. وديمة بمحبة : ارحبوا ببنتي.. يالله انك تحي ها الوجه.. ابتسمت عشوق و هي تقبل يد عمتها و بهدوئها : الله يبقيك يا خالتي.. ضرغام : وراه زوجك خرج وجهه متكدر!!!!! عشوق بضيق : مدري يا عمي.. ضرغام : يا بنتي توكم شباب .. لا تخلفون بزعل ونكد.. عشوق : إن شاء الله.. وديمة : عسى تغديتي.. عشوق بكذب : تسلم يدينك... وديمة تنظر لها بألم : يا بنتي لا تأخذين وقاص بذنب ضرير.. عشوق بداخلها : أي ولدك حفر قبره بيدينه... ********** نهاية الـجُزء الثامن.. يعقبه الـجُزء التاسع... ********** أختكم و بقلم : عيون الليل. التعديل الأخير تم بواسطة **منى لطيفي (نصر الدين )** ; 27-10-21 الساعة 07:54 PM | |||||
| |
|
05-10-21, 09:30 PM
| #65 | |||||
|  الـجُزء التاسع الـجُزء التاسع . . . .. عيون الرهاف .. . . . مساكم الله بالخير يا حبايب عيون الرهاف.. جزء مشتعل بين جميع طياته... ********** لا تلهيكم رواية عن صلاة بوقتها قراءة ممتعة. ********** ********** بسيارة ساري ضحك على أخوه... ضاوي : أي اضحك.. مبسوط عساه دوم.. ساري : الله يخس ذا وجه.. قلت لك باتصل بربع و بشوف كان لهم سجل هنا باسم ابوي.. ضاوي : أي بالله كيف فاتتنا ذي.. دق يا أخيك تعبت أبي راحة سريري... و مكيف بارد يهبهب و يرد لي روحي.. كتم ضحكته ساري : الله يعقب بك يخيك وقف بأي مسجد.. ضاوي: إلا بوقف على أول مسجد يقابلني.. مير و الله صدعت مع ضربة شمس... حشا ما كأن امس و قبله امطار و خير من ربي... ساري : عاد ذا أجواء رياض في تقلب جوي.. ضاوي و هو يمدد مقعده و سحب شماغه يغطي وجهه ساري : يا ولد لا تنام بذا حر.. ماهوب زين لك.. ضاوي : فكني رأسي مصدع معك دخان... ساري : يا ساتر .. ما معي لا دخان ولا غيره.. و الله أنت ماهوب ضاوي اللي اخبره.. وش بعد لا يكون غربة غيرتك يخيك.. ضحك ضاوي بدون نفس : يا شيخ لا تذكرني بالليالي مراح... منحة من دولة عسى الله يوفقهم.. ساري : يعني تعترف دخلت و أنت داج!!!! ضاوي : ابد لعب برأسي... ويني وين دارسة.. و ابشرك هالماجستير طلع من عيوني يخيك و ظاهر أني بسحب ملف و أمسك مصنع عمي حيان أبرك لي.. ساري ضحك : أقول أمسك قردك لا يجيك اللي اقرد منه... ضاوي بتنهيدة : مهم لا توعيني إلا و أنت عارف مكانهم... ساري : نام.. نام خلف الله على قلبك... اتصل على احدى زملاء العمل.. و اخبره بالموضوع مباشرة ليجيب بإعطائه مهلة أربع و عشرون ساعة و يأتيه بالخبر.. شكره و اغلق هاتف.. ليمدد مقعده هو الآخر و يغفو مع أخيه.. مع غروب شمس استيقظ ساري على نغمة رسائل بهاتفه... تعدل بجلسته و فتح عيونه .. ابتسم و هو يرى موقع بيت الذي يسكن فيه والده هز كتف أخيه : يا ضاوي.. قم يا ضاوي عرفت عنوان.. فتح عيونه بازعاج ، و حر بيموت منه.. ضاوي : اففففف.. الله يقلع حر و سنينه.. ساري بحده : يا حيوان لا تسب جو... مهم صحصح عرفت أهلي وينهن.. ضحك ضاوي : احلف حركات يا مخبرات.. أي خلنا نستفيد منك.. ساري : حرك.. حرك وانت ساكت بس.. مد يده ضاوي وهو يفتح مذياع ليصدح صوت موسيقى.. ساري بحده: قفل ابليس ذا.. ضاوي : يا أخوك خلنا نروق شوي ... ساري : يا ولد ما يجوز قفل.. قفل لا اخليك حتى مسجل يلحق أخوه مكيف خربان.. ضحك ضاوي : طيب.. اذيتنا وذا لعيونك عطني سوالفيك.. ساري : عقب.. هالحين ابي أوصل بيت بسلام.. ضاوي : أي بالله صدقت.. حينما وصلوا لشارع في حي راقي.. ضاوي يلتفت لأخوه ساري و بصدمة : أنت شايف وين موقفنا موقع.. متأكد من خويك ذا.. ساري باستغراب : أي متأكد من موقع.. بس بعد غريبة!! ضاوي بسخرية : تهقا أبوي طاح على كنز. و إلا لا يكون ذا تعويض بلدية!!! ساري : و الله مدري يخيك.. ننزل و ننشد.. ضغط على بوري حتى يخرج حارس سمير.. فتح نافذته ضاوي : يا صديق.. ذا في بيت بابا طراد عرب بادي.. ضحك ساري : وش عرفه عن عربنا!! ضاوي : أي صح.. مهم ياصديق ذا بيته !!!!! سمير مبتسم و هو يهز رأسه : يس بابا ذا بيت بابا عود تراد.. ضحك ضاوي من قلبه : لا يسمعك أبوي وأنت تعوج باسمه.. الله لا يعقبنا... ساري : يا كثر بربرتك يا ضاوي... ضاوي مبتسم : ظاهر هرجي صدق أبوك مأخذ له يا حرمة غنية وراها خير.. ليقاطعه ساري : تف من فمك يا خايس.. يتزوج على أمي صيتة... ضاوي : أعوذ بالله من ابليس.. افتح باب يا صديق... ليرد عليه بهزة راسه : اوك بابا أنا اسم مال أنا سمير... ضاوي : يا ما شاء الله.. وراه نطقت اسمك صحيح.. ساري : رايق اسري بس... فتح سمير بوابة دخول كبيرة.. و حينها صفر ضاوي منبهر... ساري : ما شاء الله تبارك الله.. ذا تعويض ولا بلاه.. ضاوي : أي بالله... نزلن كلاً من ضاوي و ساري بمحاذاة بعض... طرق ساري باب حتى تفتح لهن رئيسة خدم روزا ساري تراجع للخلف : عوذه مين تكون ذي بعد؟؟؟؟ ضحك ضاوي علي حياء أخيه... ضاوي : يا حلوة فين ماما صيتة؟ روزا: ?who are you و صوت صيتة عالي : مين هو اللي يدق؟؟؟ ضاوي : وخري عن طريقي عناداً فيك بس... ساري بغضب : يُمـــه يا حلوة اللبن.. وش مدخل هـ الفلبينات عندك... صيتة بفرحة : يا مرحبا بعيالي حياكم.. اقلطن.. ضاوي يتأمل كل ركن بالقصر و هو منبهر و بصدمة : ما شاء الله تبارك الله.. وبعد محنيه يدينك ورجلك.. صيتة : أي يا ضاوي لأجل عرسك يا بعد عيني.. و بنت عمك موافقة.. ضاوي اتسعت عيونه ... و نظر لأخوه ساري ثم رجع تأمل عيون أمه : ساري يا أخوي وحيت اللي وحيته ( بمعنى سمعت ما تحدثت به ) .. ضحك ساري : أي مبروك يا أخوك.. وشلونك يا الغالية عطيني علومك؟؟؟ ضاوي من فرحة أصبح يهز خصره و يدينه برقص سعودي.. وقف عند أمه و يقبل رأسها و يديها و خفض بجناحه لأمه يقبل قدميها.. بكت صيتة : يا جعلني ما أبكيك.. قم فديتك .. و الله أني راضيه عليك يا بعد عيني.. ضاوي بلع ريقه : يُمه.. علميني وش اللي تغير بيوم وليلة؟!!!!!! ساري مبتسم : نلت و صبرت يا أخوي.. صيتة وهي تبتسم لولدها ساري : و أنت بعد يا أمك بتأخذ شادن.. ساري بضيق : فديتك يمه أنا بعدني ماني يم زيجة.. افرحي على ضاوي و عقبه لكل حادث حديث.. صيته : أي مثل ما ودك.. ضاوي : يمه وش صار؟ ما شاء الله من له ذا قصر؟؟؟ صيتة بصوت مخفض : اشش لا تفضحنا.. أبوك جاء له حلال واجد.. ربي رزقه ولا أبشرك حتى خدم بدل وحدة خمس.. ساري بتفكير : يُمه اللي اخبره .. أبوي جعان ما عنده فلس!!! صيتة بغضب : قلت لك خفض صوتك.. ترى يا أمك جدران لها أذان.. ثم أخذت نفس عميق : مثل ما قلت لكم أبوكم جاه له حلال كثير.. وورث من عمكم حيان وجدكم بن وصيل.. ضاوي : الله يُمه ذا جد جد جدي وشوله؟؟؟؟ صيتة بتوتر : ذا اللي عندي.. ضاوي : ما علينا يا الغالية يا حلوة اللبن.. متى عرس؟ صيتة بتخطيط : مدري يا أمك بس بعزم أهلي و ربعي.. و عزوتي و ناسي.. ضاوي : أي و أنا معك.. بس متى؟ ضحك ساري : يارب لا تبلى مسلمين.. وش ذا طفاقة اركد يا أخوك .. صيتة : بالإجازة الصيفية .. اتسعت عيونه : دخيلك يمه بعد خمس شهور.. ليه ما نختصر وقت.. شهرين راضي بشهرين.. بس اقلها يمه أكون مملك عليها.. صيتة : أي وذا اللي فكرت فيه بعد.. ضاوي : تكفين ابي اسمع زغروطة منك.. دخليك... ضحكت بفرحة وهي تمسح دموعها : ابشر يا الغالي... ********** في الأعلى بغرفة منيفة شادن بفرحة : منيفـــــة.. اصحي من نوم.. منيفة.. فتحت عيونها بتعب : نعم يا شادن تكفين طفي نور.. ابي انام.. شادن : ماهوب وقت نوم.. تخيلي مين فيه تحت!!! منيفة و عين مفتحة و عين أخرى نائمة و بملل : مين يكون يعني؟!!!! شادن تلعب بحواجبها و بخبث : وكاد عصفورة تقول لي.. عريس وصل.. رمشت رموشها بتوتر و تبلع ريقها : ضاوي جاء.. شادن : الله يقطع الحب شو بذل.. منيفة : يا خايسه شادن... ضحكت شادن : يلا باي.. بروح اكمل مسلسلي... منيفة بقهر نهضت من مكانها... مشت لحد نافذتها تفتحها لترى سيارة ساري واقفة أمام بوابة مدخل قصر.. ابتعدت سريعاً ويدها على ضلوعها بخوف : يا ويلي يكون قرأ ورقة.. الله يخس ابليس.. وش جرأة اللي جاتني و أنا اكتب له.. كله من فعايلك يا شادن ليتني ما طاوعتك.. ********** في بيت شعبي وهي تغسل بالمجلى اطباق صحون... وتبعد خصلتها... عجوز تصرخ : يا جديل... الهمام يا بنيه.. خرجت من مبطخ بقهر : نعم يا عمة تكفين.. ابي اخلص شغلي وراي بكره دوام بالمستشفى.... عجوز: اقطعي يا اللي ما تستحين... ماهوب تعيشين مأكله شاربه ما تدفعين شيء من جيبك.. جيبي معك كوب شاهي لولد عمك وراه اختبار بكره... جديل : ما يجوز يا عمه تكفين... راكان توه ورع يقدر يجيب له كوب.. عجوز و التي نهضت من مكانها ، تضرب بعكازها على ظهرها : اقطعي يا العوبا.. لا خلصتي غسيل خمي حوش زين.. بكره جاراتي بيجن على عصرية.. تنهدت جديل بملل : إن شاء الله.. بخم لك البيت كله.. بس تكفين يا عمه اعتقيني لوجه الله.. عجوز: ولها لسان ترادد بعد.. هاتي كوب انجزي.. جديل : يارب متى افتك من ذا الحال.. يعني وش ذنبي أعيش عند عمة أبوي؟؟؟ الله يسامحك يا أخوي كان تركتني هنيا.. رحت ولا عادني أقدر أتحمل.. و أبوي و توفى و أمي توفت... بس والحل!! كم لك يا أخوي غايب.. سبع سنين.. ما هان عليك تشوف وش صار على اختك جديل... يا ويل حالي .. وينك يا غصون ؟؟ وينك يا صديقة روح.. يارب فرج من عندك.. مسكت بكوب شاي.. و خرجت لصالة و هي تقدمه لراكان الذي يبتسم باستفزاز راكان : شفتي يا عمة .. يرضيك يجي كوب موسخ!! خذت نفس عميق و هي تلقط تلاعبه : راكان ماهوب وقت دلعك!! تبي شيء قم جيبه أنت بنفسك.. راكان بملامح حزينة : شفتي يا عمه.. ذا يرضيك.. العمة بقهر وهي تضربها بعكاز : ما عندك من علم سنع... اغسليهن وجيبهن من جديد.. فزي.. جديل بداخلها : هالعمة بتذبحني في يوم.. يالله تعتقني لوجه الله.. سمعت صوت رنين هاتفها.. و تجد فوزة تتصل بها ابتسمت بحب : يالله أنك تحي عمتي فوزة.. يا عمة تكفين تعالي.. و الله بموت من تعب.. فوزة بحزن لحالها : يا عيون عمتك.. ما عليه.. كل ذا تعب عقبها ترتاحين ببيت حمولتك.. تبلع ريقها جديل : بالله عليك أنك تجين.. من يوم ما عودت من دوامي بالمستشفى وأنا مكروفتن على وجهي بالله يرضيك كيذا!!! فوزة : خلاص يا جديل.. إن شاء الله انزل لك من تبوك لأجلك بس بدور لي حجز.. بتأنيب ضمير : نسيت انه حمولتك بتبوك.. لا تجين ولا أجيك بس دقي عليها خليها تحنن قلبها شوي.. فوزة وهي التي تعرف بطبع عمة أبيها.. وبهدوء : ما عليه تحمليها.. تعرفين بعد صعب تجلسين في بيت أعمامك.. كلهم بعيالهم وحريم عيالهن.. جديل : أدري يا عمه.. بس وش سواة.. الله يفرجها .. وشلون بناتك .. فوزة : كلهم طيبين.. يلا حبيبتي ما أطول عليك.. نبي جديل دكتورة.. جديل : ايه حمدلله.. هانت.. بس اخلص هالامتياز على خير.. نذرن علي لا اهج على أقرب دولة... ضحكت فوزة : هقوتي عمتي نايفة بتعلمك بجنوبك.. جديل : أي اضحكي.. لي الله.. يلا يا عمه ابي اخم بيت و انام.. و الله ميته تعب.. فوزة : عسى الله يعجل بنصيبك يا بنت أخيي... جديل : إذا فيها فكة من وجه عمة نايفة.. فجعله آمين.. ثم آمين.. ********** نجود وهي تطرق باب غرفة... و تصرخ بقهر : يُمه.. تكفين فكي باب.. بجلس لين متى كيذا!!! خادمة التي فتحت باب.. وضعت صينية أكل لتغلقه على سريع.. نجود : ليلي.. افتحي يا حيوانه باب.. ليلي : نو مدام قول حط اكل بعدين في روح... لازم يأكل.. بعدين في موت.. نجود : موت اللي يأخذك تفاولين علي.. أقول لك افتحي باب... ليلي تجاهلتها ومشت.. التفت و هي تناظر بصينية.. نجود بقهر : على أقل اتعشا.. بموت من جوع... الله يسامحك يا عزيزة.. كله من شر عجوز رحمة يعني وش فيها لا خذت تهمة عن خالتي منيرة.. عزيزة أمي ما قدرت تشيل تهمة عن خالتي منيرة.. بس هي خسرت جدتي بعنادها توأم أمي وخالتي منيرة على فاضي.. والله أن فضول بـ يذبحني.. أكيد بـ تنشدون مثل ما نشدت نفسي.. سلمكم الله أنا رضعت مع أختي المها بنت خالتي منيرة.. و الله انجنيت صرت أكلم روحي.. نهضت لباب وتطرقه بقوة نجود : عزيــــــزة.. يا بعد تاج راسي وأهلي أنتي.. تكفين فكي الباب. يُمــــــــه عزيزة قلبي أنتي.. روح نجود والله... لبى طوايف أهلك كلهم افتحي باب يا غلا... عزيزة التي كانت تقف أمام الباب .. قفت عنها ومشت لغرفتها... ********** فتحت باب غرفة و مشت مباشرة لخزانة الملابس.. فتحته و سحبت علبة من مكان عالي.. جلست على طرف سرير ... مدت يدها لتلتقط صورة قديمة ترجع لزمن قديم.. مررت أصابعها على صورة ثلاث فتيات يرتدين فساتين بموديل أسباني.. و جدايل شعرهن.. للوهلة الأولى لا تفرق بينهن... ثلاث توأم... فمنيرة بعد أن عانت من زوجها سكير.. أخذت ساطور وذبحته بدم بارد... بينما رحمة كانت هي اهدأ بينهن ... تزوجت من شاب على باب الله.. كانت قبائل أهلها يرفضن زواج من خارج قبيلة الحوازم.. وهي وحيدة التي نجت من بين ثلاثتهن.. فتزوجت ابن عمها و ها هي تعيش بحياة هادئة لكن ظهور رحمة الآن.. تقلب جميع أوراق.. بحنين لـ أختها : الله يسامحك يا رحمة.. و يصلح الحال.. دخول ابنها بكر مقبلاً رأسها. جبر : وش تونسين يا الغالية؟؟ بكت بحزن عزيزة : يا أمك اشتقت لخالتك.. عسى الله يرزقها من واسع فضله.. جبر مبتسم : ولا تخافين يا الغالية.. ترى عيني ما تغيب عنها.. عزيزة بفرحة : تقول صدق..!! شلونها هالحين؟؟ جبر بداخله : وش اقول.. هم كبرها.. فوق ماهي وجيعتها كبيرة.. عزيزة بلهفة : قول يا أمي.. وش لونها ..؟ عساها طيبه..!! فين شفتها!!؟ جبر : على هونك يا أم جبر.. أولاً واضح انها تعيش بروحها.. لان سألت عنها زوجها متوفي... عزيزة بصدمة : شفت عيال معها!!! جبر : لا بالله عشر سنين وأنا مراقبها زين.. ما حولها أحد.. عزيزة : ومين اللي يصرف عليها؟؟ بلع ريقه جبر : تشتغل بسوق شعبي.. اتسعت عيونها عزيزة : وش قلت!!!! بنت الحوازم تشغتل بسوق!!!! جبر : هي عزيزة نفس.. ياما اجيب خضار و فواكه و احطها يم بابها.. و تبقى على حالها.. عزيزة دمعت عيونها : الله يا دنيا.. تكفى يا أمك ودني لها.. جبر بحنان : أبشري.. بس ما تشوفين وقت تأخر اظلم ليل.. عزيزة : بكره.. من ضو فجرية واحنا عندها تكفى يا أمك.. جبر : على ذا خشم.. يلا نبي ذاك حاشي اللي يحبه قلبي.. ضحكت عزيزة و هي تمسح دموعها بقفى يديها : ابشر.. برجع أقول للخدم يجهزنه لك.. جبر : عسى الله يخليك لنا... ********** بغرفة شادن منيفة : شادن تفكين.. ابي كوب ماي.. و الله مستحية انزل... و عيال تحت.. أنتي عادي متعودين عليك كأنك أخت لهم.. شادن ترفع حاجبها : الله الله كل ذا سحا .. بس شفتي حطيت مناكير ما اقدر انزل إلى بعد ما تنشف.. منيفة بغيض : من متى تحطيهن!!!؟ شادن : كنت اسرقها من خميلة.. تذكرين كانت هي وحيدة مرفهة بيننا.. اتسعت عيونها تمد يدها وتقرص يد شادن منيفة : يا سروق.. وش لك تأخذين شيء ماهوب لك... ما تبطلين عادتك... شادن : الله يغفر لي.. بعلم خميلة لا قابلتها... ترى ما نسيت تخونين فيني.. منيفة بعقدة حاجبيها : وش خيانته بعد آنسة شادن !! شادن بتهكم : رحتي لخميلة بدوني.. ومع كيذا بلغتك.. بس وين اللي وحت هرجي... منيفة : ذا الليلة سريعة رحت مع عمي طراد.. كنتي وقتها نايمه.. ما حبيت اوعيك.. شادن : تو.. تو.. اخدم نفسك بنفسك.. منيفة : نذلة... ابتعدت من غرفة شادن.. لترتدي عباءتها ولثامها... نزلت من السلالم متجهة للمطبخ.. ومع كبر قصر تاهت فيه.. ولا تعرف أسماء خادمات ولا لغتهم.. حاولت أن تبحث بطريقتها... فتحت جميع أبواب وكل ما تخطي يخيب أملها.. وفي نهاية ممر طويل و كبير بحجمه... فتحت آخر باب بطابق الأرضي.. و تبتسم حينما وجدت ضالتها... مدت يدها تبحث عن مفاتيح إضاءة لترى ظل شخص طويل بعرض منكبين لتصرخ بـ أعلى صوت : يُمــــــــــــــــــــــ ه.. سقط العصير الذي كان بيده... والتفت لها.. مبتسم بتهكم : اقطعي ذا صوت.. بلعت ريقها تحاول تبتعد.. لكن قدميها عصية أبت خضوع... منيفة بخوف من ظلام و ضوء ثلاجة خافت.. منيفة : مين أنت ابعد؟؟؟؟؟ ضحك و بحب لجنونها : يا خبلة.. أنا ولد عمك ضاوي.. امحق موعد... بعدين وراه لابسه عبايتك يا حرمي مصون... منيفة : دخيلك ابعد.. ضاوي.. ضاوي بحب : جابك الله في طريقي.. وش منزلك في ذا وقت وكل ناس نيام!!! منيفة بخجل : كنت ابي ماي.. بس خلاص ماهوب لازم... ضاوي مسك يديها : يا بعد طوايف أهلي أنتي.. ماي و صاحب ماي كله تحت أمرك.. تراجعت بخطوات : ضاوي لا تقرب بعدني ما صرت في ذمتك.. ضاوي بحدة : أجل أهربي عن وجهي ومره ثانيه خلي دبة ماي عندك بغرفتك.. سمعتي! لتهز رأسها: إن شاء الله.. ضاوي : خذي ماي... وارقي فوق.. سريع لا أحد يشوفنا كيذا... لكن ما كان في الحسبان... إحدى خدم كانت تلتقط لهما.. كم صورة من هاتفها محمول... وتبتسم بانتصار... ********** نهاية الـجُزء التاسع نلتقي بحول لله وقوته.. السبت على موعدنا أنا وفيت بوعدي.. عساني ألقى ردود تجبر قلبي ويديني اللي تعبت من كتابة << فيس حزين ويتأمل بنص عين.. ********** أختكم و بقلم : عيون الليل. التعديل الأخير تم بواسطة **منى لطيفي (نصر الدين )** ; 27-10-21 الساعة 07:55 PM | |||||
|
| |
|
05-10-21, 11:53 PM
| #66 | ||||
| مساء الخير ورجعت بعد غيبة بعد كمية ظروف اطل عليكم وكلي إشتياق للرواية ولقيت المفاجاة الحلوة 5 بارتات نازلة ياسلام خوششش سهرة عليهم💃🏻💃🏻💃🏻 ويعطيك العافية حبيبتي على الكرم الحلووو ومب مستغرب من كاتبة أجمل وتحمسسست أقرأ والله💞💞💞 وبخصوص شكرك بداية البارت ماتحتاج الشكر عزيزتي أنا اشكرك على قلمك الجميل وبخصوص التفاعل مستحيل فيه كاتب تلقى الدعم القوي من أول رواية وخصوصًا البدايات تكون صعبة بالبداية بعدين بتلاقين بإذن الله أقوى دعم والكثير من المحبين موفقة حبيبتي | ||||
|
| |
|
06-10-21, 12:57 PM
| #68 | ||||||
| اقتباس:
ومسائك يا منال مختار.. هلا بك ألف يا بعدي.. ألف شكر لمتابعتكِ يا أنيقة. | ||||||
|
| |
|
06-10-21, 01:04 PM
| #69 | ||||||
| اقتباس:
اهلاً بكِ.. لم تكن العنود.. بل لو لاحظتِ أكثر لا وجدتِ حكي شاب الغريب : الشاب الغريب أمسك برقبة لافي وماهي إلا ثواني وإذا يجده قد اغمى عليه ابتسم بخبث : لأجل عيون أحلام.. نجيب لها القمر لو تبي.. أنا التي أشكرك كثيراً على المتابعة يا منال مختار. | ||||||
|
| |
|
06-10-21, 01:07 PM
| #70 | ||||||
| اقتباس:
أنرتِ يا خيرية بإذن الله يعجبك ما يلي. مرحب بك يا صديقة.. | ||||||
|
| |
 |
| أدوات الموضوع | |
| انواع عرض الموضوع | |
|
|
14689Likes
العرض العادي
