آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
04-12-21, 05:40 AM
| #11 | ||||
 
|  البــــ5ـــارت الخــــــامس الزمت قلبي على الصده وطوعته! واجبرت نفسي تطيع وتقبل احكامي والحظ الاعوج تحديته وزينته! والحب عفته وعفت العشق وهيامي والشوق لاجر قلبي له .. تجاهلته! ماعاد فيني شعور يهيض الهامي باب الغرام وعتاب الحب قفلته! عايش حياتي لنفسي وعنه متعامي >>>>>>>>>>> ماصدقت متى خلصت الاوراق اللي بيدي دقيتها ع الطاوله عشان تترتب وطلعت بسرعه ع غرفة جاد مديت يدي بفتح الباب بس فيه احد فتح الباب بقوه وانا كنت ماسكه فيه ف انشدت يدي وتقدمت لحد ماضربت فيه هفففففففف طاحت الاوراق كنت اناظرها ورفعت بشوف الاعمى ذا رفعت عيوني بعيونه وبققت عيوني ع كبرها وهو يقول جواد: انتيي؟؟ مو قادره استوعب ي الله للمره الثالثه اصادف هالانسان. حسيت قلبي بيطلع من مكانه وانا مفهيه فيه واناظر بعيونه ورموشه الكثيفه ونظراته الحاده وحواجبه المرسومه رسم جواد ببرود: مضيعه شيء ف وجهي استوعبت الموقف توي مالت عليه يحب يفشلني هوس اهدى انت ي قلبي شفيك تدق بسرعه نزلت اخذ الاوراق بهدوء ظاهري وانا بداخلي متوتره لابعد حد وهو واقف ماتحرك واحس عيونه علي. اخذتها بسرعه ورفعت جسمي عدلت لثمتي: احححم ابي الاستاذ جاد جواد: وش هاللي ف يدك جوانه: اوراق طلبها مني مد يده: طب هاتي أنا اشوفها مسكتها اكثر: لا انت مالك شغل أنا بعطي مديري لو سمحت ابعد عن طريقي جواد وهو يرفع حاجب: مديرك!!! انتي من متى هنا جوانه: وانت وش دخلك جواد: هههههه حلوه وش دخلني. حط يده ف جيبه ووجه نظراته لي: أنا مديرك هنا سامعه اتفاجأت شلون مديري يعني انت مين جلست اناظره ابي اشوف ملامحمه صح. هل يشبه جاد او لا بس مايشبهه هالانسان الغرور مبين ف وجهه ملامحه تختلف عيونه حاده شعره ناعمم وشوي طويل ومرتبه ع ورا نزلت راسي يوم شفته رفع حاجبه باستغراب جوانه: طيب أنا ماكنت اعرف استاذ ءءء قاطعني: جواد....... جواد خالد الهامي مدري كيف نطقها بطريقه خلتني اخاف منه يعني هذا اخو جاد قلت بارتباك: طيب. ومديت الاوراق له: تفضل اخذها مني وانا لفيت و مشيت خطوتين بروح سمعته يكلمني بغرور جواد: هيه انتي التفت له: نعم جواد: من سمح لك تمشين؟ قهررررني باقي شوي واصيح اخذت نفس وقلت بهدوء جوانه: خلاص عطيتك الملف ليش اوقف. كملت اغيضه: والا حاب تتامل بوجهي ناظرني بحاجبه المرفوع ويده ف جيب بنطلونه وضحك ضحكه قويه وهو يرجع راسه للخلف شككني بنفسي اني قلت نكته هدا شوي من ضحكه وانا لسى اناظره باستغراب جواد بسخريه: اتأمل بوجهك انتي!!!!! ياربي ودي اذبببحه اسلوبه ينرفز ليش يقولها بسخريه كذا وكأني ولا شي جواد وهو يأشر بيده: تقدرين تروحين الحين ودخل المكتب وقفل الباب بقوه بوجهي حسيييت بقهر ودموع تجمعت بعيوني غبي مغرور وحمار وككككل شي فيه ليش يكلمني كذا ويحسسني اني اقل منه.. كزيت بخوف لما حسيت يد ع كتفي والتفت شفت بنت عليها حجاب وباين مو سعوديه ابتسمت لي : ماتحطي ببالك حبيبتي هوا طبعو هيك مسحت دموعي وابتسمت لها: شايف نفسه الله ياخذه : ههههه اسمي سماهر سكرتيرتو وكل يوم بيأكلني بهدله ع الطالعه والنازله جوانه: لو انا منك كان ماسكت له او اترك الشغل افضل سماهر: حبيبتي لو كل من بهدلو مديرو ترك شغلو كان مالئيتي حدا بيشتغل. هنن هيك بيحبو يفرضو سيطرتن ع الناس يلي متلي ومتلك جوانه: بس اخوه غير مو نفس نظرته سماهر: هداك بيحب النسوان مشان هيك بيكون لطيف مع جنسنا هههه ابتسمت وهي كملت: يلا روحي ع شغلك مشان مايطلع هلاء ويبهدلنا انا وياكي ابتسمت وشكرتها ورحت مكتبي ترررررن ترنننن توجهت للمكتب واخذت التلفون ورديتت : صباح الخير ماعرفت مين : اهلين. مين : معك مدير الموظفين واسمي هادي جوانه: اهلين استاذ هادي. تفضل هادي: زاد فضلك. اممممم انتظره يتكلم بس شكله متردد هادي: اسمعي انسه جوانه أنا اعرف ليش انتي متوظفه هنا واعرف وش تبين من جاد الهامي وقفت بلا شعور وانا اقول: اييييييييش؟ ؟ في الجامعه دانه ومنار وريم جالسين مع بعض منار: الخبله جوانه فاقده حسها بالجامعه ريم: اي والله. ونزلت راسها: أنا السبب دانه: انتي صديقتنا ولازم نساعدك لا تفكري ف انك السبب جوانه اجلت هالترم بس راح تدرس وتكمل مو مشكله كبيره منار: اي وهي صادقه انتي بس لاتشيلين هم منار ناظرت امامها وهي تكلم ريم: شوفي من جاي. انتي من وين عرفتي هالاشكال ريم ناظرت وشافتهم لسى بعيد بس جايين صوبها دانه: اي والله اشكالهم تخرع ريم: هاه لا بس اخذ المحاضرات معهم وزي كذا غير كذا ما اندمج معهم كثير قربو منها قالت وحده منهم: ريم. تعالي نبيك منار بلقافه: وش تبون فيها ريم وقفت: الحين ارجع البنت تكلم منار: لاتدخلين نفسك ف شيء مايخصك وراحو مع ريم البنت مدت لها يدها وهي تتلفت يمين وشمال: خذي وحطتها ف يدها ريم تناظر اللي ف يدها: ككككل هذا البنت: اوس ايه هذي لـ هالاسبوع كله عشان احنا هالاسبوع ماعندنا دوام ريم اللي خلاص صارت متعوده ع الموضوع: طيب خلاص راحو البنات من عندها وهي خبت اللي معها واتجهت قاعتها جواد جالس بمكتبه وفاتح ع الاوراق اللي عطته جوانه بس باله بعيييد عنها عرفها واخيرا شافها وقادر يوصل لها بس مايعرف ليش تعمد يهينها يحس انها تضعفه يحس بشي يجذبه لها من اول مره شافها وهو عارف انها مو عاديه وانها اكيد فيها شي يخليه من يشوفها ماوده يبعد عيونه عنها سحرها مو طبيعي نسخ كل ملامح وجهها بذاك اليوم وخزنها بذاكرته والحين من شافها قدامه ارتفعت نبضات قلبه تحرك شي بداخله ماوده انه يتحرك لانه مو من النوع اللي ينجذب للبنت مفكر كل البنات يبونه عشان فلوسه امه غرست هالفكره براسه من وقت صغره لحد ماكبر ولا قدر ينتشلها الحين قطع افكاره طق الباب رفع راسه دخل عليه جاد: سلام جواد: وعليكم السلام. بدري ؟ جاد: راحت علي نومه وش اسوي جواد: المهم شف هالملف جابته السكرتيره لك بس أنا خلصته جاد: اوك مشكور جواد وقف: أنا بروح المشروع وانت انتبه ع الشغل جاد: اوك. الله معك وقف جواد واخذ اغراضه وطلع وجاد اخذ الملف وتوجه لمكتب جوانه سمعت طق ع الباب باقي بقول تفضل بس دخل ع طول هففف منه وش يبي وقفت جوانه: اهلين استاذ جاد يناظر بعيوني باقي شوي وياكلني جوانه: امر بغيت شيء جاد: لا بس حبيت اشوفك محتاجه شيء او شيء جوانه: لا كل شيء متوفر جاد: اوك زين شفت الملف بيده سألته بتردد جوانه: الاستاذ جواد يكون اخوك ؟ جاد: ايه شفتيه ؟ جوانه: هاه لا ماشفته بس سمعت عنه جاد: هو اكبر مني وعنده خبره اكثر مني بس هو بيداوم هالاسبوع هنا ويرجع للشغل اللي ف لندن فرحت بصراحه لاني احس مراح نقدر نتفاهم أنا وياه هو مغرور وانا عنيده جاد: يلا اجل اخليك تكملين شغلك طلع وانا جلست بس موضوع اتصال هادي شغل بالي ناظرت الساعه شفتها 11 واليوم الاحد الحين منار عندها بريك اخذت جوالي ودقيت عليها منار: اهلللللللللين ابتسمت: هلا فيكككك منار بحزن: الجامعه خايسه بدونك جوانه: ههههه ايه عشان تعرفون قيمتي منار: امزح لا تصيرين بلون جوانه: منوو بقلك شيء منار: قولي ي قلبي جوانه: في واحد اسمه هادي يقول عارف ليش أنا هنا وايش ابي بس حسيته مو عارف كل شيء منار بخوف: ككككيف عرف جوانه: سمع كلامي اول يوم جيت هنا بعد كلمتك قلت اني راح اخليك تندم. ما اذكر اني نطقت اسم جاد بس هو خمن من عنده منار: وانتي وش سويتي جوانه: طبعا قلت له مو صحيح وانا اتكلم عن شخص ثاني منار: اي احسن شيء جوانه: صرت خايفه منه احس مراح يستسلم لين يعرف. منار: الله يستر جوانه: بس تدرين وش قال. قال انو هو بعد حاقد عليهم ويبي اكون معه عشان نخلي جاد يندم ويصير ولا شيء منار: لا تصدقين يمكن يبي يستدرجك وتخبرينه ويروح يخبر جاد ويعطيه فلوس جوانه: اي والله مراح اصدقه منار: انتي بس انكري اللي قاله وراح يبعد وينسى الموضوع جوانه: اوك حبيبتي يلا مابطول عليك منار : مع السلامه ي روحي رجعت البيت تعبانه شفت ماما تجهز السفره وجدتي جالسه جنبها تسولف معها عبير: اهلين وينها اختك وي توهقت نسيت الجامعه جوانه: هاه ءءء باقي شوي امي تناظرني باستغراب: وش اللي باقي شوي : يعنى بالحديقه وشوي وادخل شفيك ي ماما ناظرتها وابتسمت ع طول تنقذني من المواقف المحرجه اللي مع امي مشيت لحد جدتي وانا اقرص خدوها الحلوه: ايييي ازززيك ي عسل جدتي: بس ي بنت اعقلي. وش بيقول عنس رجلتس عقب جوانه: هههههههه اي زوج بسم الله علي مابي اتزوج جدتي: اي هين نشوفتس يوم يطق الباب هالمعرس الرزه الزين وش بتقولين جوانه: هههههه حتى لو حلو أنا مابي اتزوج بكمل دراستي وبعدين جدتي: كلنا قلنا مابنعرس بالاول ضحكت عليها واتجهت لغرفتي عشان اتحمم وانزل اتغدا في مكان ثاني وهي تصارخ ع عيالها اللي كسرو لها المزهريه حصه عمة جواد: يلا ع غرفكمممم لا اشوف احد قدامي لا اذبححححه دخل عبدالله ولدها الكبير اللي توه راجع من الجامعه عبدالله: شفيككم اصواتكم واصله لين الشارع حصه: اخونك رفعو ضغطي عبدالله وهو يجلس مع امه: اهدي يمه ماعليه توهم صغار دخلت منيره اللي راجعه بعد من المدرسه والسماعات بأذونها وتتمايل براسها مع النغمات بنت بوي كل ملابسها تيشرتات وجينزات رجاليه وقاصه بوي دخلت ماسلمت ع امها واخوها اللي بالصاله ع طول طلعت غرفتها حصه تأشر على بنتها:شف هذي بعد. انا الاقيها من وين والا من وين عبدالله يغير الموضوع: شكلك ماطبختي غدا ترا عصافير بطني يصارخو ماعاد يزقزقو ابتسمت حصه: لا الغدا جاهز كنت انتظرك انت واختك بس وراحت تجهز السفره تغدت بسرعه وراحت غرفتها عشان ترد ع حبيبها ردت بسرعه منار: الو مازن: كح كح هلا حبي منار بخوف: بسم الله عليك شففففففيكك مازن يبتسم: مادري تعبان شوي منار: بسم الله عليك اكيد زكمت لان البرد هالمره دخل فجأه مازن بأبتسامه: يمكن منار:يلا يلا قدامي ع الدكتور مازن: لا م احب الدكاتره ولا الادويه منار: ياسلام وكيف راح تشفى مازن: شوفتك تشفيني ابتسمت بخجل: مو هو عشان تشوفني لازم تهتم بصحتك وتاخذ ادويتك مازن: مستعد اخذها لو من يدك منار: مااااززززن مازن بهدوء: روح روحه منار: تكفا خذها ما اقدر اشوفك تعبان مازن: تعالي عطيني منار: صعبه مازن: لا صعبه ولا شي يلا انتظرك .. باي قفل وما اعطاها فرصه دقت على ريم ريم: هلا منار: روحي شوفي مازن تعبان ورافض يشرب ادويته ريم: لا ي شيخه شغالة ابوك انا؟ منار: ريووووم يلا عاد وقفت بطفش اوك منار: اسمعي سوي له شوربه واذا مشغل التكييف طفيه وغطيه زين وقيسي حرارته واهم شي الادويه ريم: ماشاءالله شرايك بعد احممه؟ منار بجديه: لا مايحتاج ريم: لا ومصدقه بعد منار: هههههه ريم تكفين سوي اللي قلته لك وانا بجيك بعد شوي ريم: الله يصبرني منار : هههه تحمليني ريم: خليه بس يتزوجك واوريكم انشب بحلوقكم منار: هههههه قفلت وطلعت راحت غرفة اخوها دقت الباب ودخلت كان مغطي نفسه كامل ريم: مازن فيك شي ؟ طلع وجهه واستغرب وجودها: ريم ؟ ريم: ايه منوو قالت لي انك تعبان رفع الغطى وجلس وهو يكح مازن: ايه شوي يعني قربت منه حطت يده على جبهته: يوووه انت مسخن ليش ماتاخذ ادويه مازن يبتسم: كنت احاول بالخبله عشان اشوفها بس عرفت كيف تهرب ارسلتك لي ريم ابتسمت: لو تسمعها جننتني طفي المكيف غطيه سوي له شوربه ومدري وش مازن: ياروووحي انا فديتها وفديت اهتمامها ريم تضربه ع كتفه بخفيف: اثقل اثقل الثقل زين مازن: هههههه بثقل مع الكل الا معها خفييييف كني ريشه ريم: اوك ي ريشه اشرب ادويتك والا لا لا اسويلك شي تاكله وبعدها اشرب لا تجنني منار كل شوي ابتسم: تمام نزلت تسوي لها الشوربه اخذ جواله وارسل وهو يبتسم (وين بتهربين مني؟ مصيرك يوم امسكك ولا راح تفلتين مني "فيس غمزه" ) دموعي ع خدي لان جدتي بتسافر جوانه: اجلسي كم يوم بعد جدتي: انتي عارفه عشان مراجعتي ضميتها اودع حنانها: راح اشتاقلك دانه تبكي بعد: راح نجي عندك بالاجازه جدتي: ان شاءالله مسحت دمعتها وراحت مع ابوي عشان يوصلها المطار وانا ودانه رحنا ع غرفتي دانه وهي تفتش ف دولابي: ابي معك شيء حلو بكره البسه أنا لسى زعلانه ع جدتي: خذي اللي تبين دانه ابتعدت عن الدولاب وجت جلست جنبي دانه: بنت وش صار ع العقد جوانه: ولا شيء دانه: ما سأل عنه جوانه: لا ما سأل دانه: اوه الحمدلله اجل اكيد مو شيء مهم انسدحت وانا اتثاأب دانه: فيك نوم ؟ رديت بكسل: ايهه مررره صحيت بدري دانه: اوك ي الدبا انخمدي ابتسمت: اجل يلا ع غرفتك وقفلي النور وشغلي المكيف وقفلي الباب معك دانه حاطه يدها ع خصرها: لا ي شيخخخه ابتسمت: بلللللليززز دانه وهي تشغل المكيف ورايحه بتقفل النور دانه: مشكلتي ماتهونين علي قفلت الباب وطلعت وانا ماعاد حسيت ع نفسي ع طوول نمت من التعب ف اليوم الثاني في بيت الهامي وبالضبط في جناح جواد توه طلع من الحمام بمنشفه ع خصره والثانيه ينشف فيها شعره دخل الغرفه الخاصه بالملابس حقته فتح دولابه ناظر فيه شوي وبعدها اخذ بدلته الكحلي الغامق مع قميص داخلي ابيض لبس وبانت وسامته طلع ع غرفته مشط شعره للخلف بترتيب اخذ عطره اللي يحبه من ايف سان لوران ولبس ساعته من ماركة Rolex اخذ كم ورقه للشركه وحطها ف شنطته ونزل ماري: مستر جواد. برك فاست جواد: لا مابي. الوالده صحت ؟ ماري: نو جواد اوك سوي لي اسبريسو بس بسرعه وتوجه للصاله جلس ع الكنب اللي فيها جواد” وين راح ذا العقد. الظاهر مانزلته معي ﻻﻻ كان ف غرفتي مين معقول ياخذه الخدم من زمان هنا ماعمر احد فيهم مد يده ع شيء. خوله. خوله دخلت جناحي. ليكون هي اخذته. تسويها بنت الفقر. استغفر الله مابي اظلم احد بسألها بهدوء قطع تفكيره الخدامه وهي تحط القهوه اخذها برواقه ورشف منها شوي. وهو يقول بخاطره. لازم احصله وين ماكان خلص قهوته وطلع بهيبه وحضوره الطاغي جسمه وطوله وطلته تخلي كل الانظار تتوجه عليه وتهابه كان السواق ينتظره فتح له باب سيارته الرولز رويس وطلع بسرعه وهو متجه ع الشركه اما جاد ف كالعاده صحى متأخر وراح ع سيارته الفيراري وطلع طيران صحيت ع صوت دانه دانه: ققققققققومممممممي تأخرتي فتحت عيوني: كم الساعه دانه: 7 ونص شهقت وانا افز من ع سريري واتجه بسرعه ع الحمام دانه اسمعها تصارخ: لا تتأخرين انتظركك تحت تحممت بسرعه وطلعت نشفت شعري وصليت ولبست كلها ف ربع ساعه كحلت عيوني بسرعه وطلعت وانا البس عباتي نزلت ودانه وقفت عشان نطلع عبير: جوانه تعالي كلي لك لقمه قلت وانا اطلع: ﻻﻻ مابي تأخرت ركبت السياره ودانه تقول :تأخرتي صح؟ جوانه: ايه مره الحين الساعه 8 و على مانوصلك الجامعه واروح بتكون 9 دانه: أنا ماعندي شيء اول ساعه. نوصلك وارجع الجامعه ابتسمت: ماشي مع الزحمه وصلت بعد نص ساعه نزلت بسرعه وامشي بعجل طيرت الاناقه الكعب يدق والناس تناظر وانا مستعجله باقي شوي واطيح ماصدقت اوصل غرفتي فتحت الباب بعجل ودخلت وقفلته وراي وفتحت لثمتي عشان اتنفس لان نفسي انقطع اه التفت واتفاجأت لاﻻ انصدمت. يعني كلها يعني احس عجزت عن التعبير وانا فاتحه فمي. واشوفه جالس ع الكرسي اللي قدام مكتبي وحاط رجل ع رجل ورافع حاجبه كالعاده مع نص ابتسامه. رجعت الطرحه ع وجهي بعد ما استوعبت اني كاشفه وتقدمت شوي : احححم ءءء خير استاذ جواد ناظرني بسخريه: الحين هذا منظر وحده من موظفات الهامي ناظرت شكلي كان عادي: عفوا وش تقصد جواد: اول شيء بشركتنا ممنوع التأخير ممنوع الاستأذان لاسباب تافهه ممنوع الخروج قبل نهاية الدوام ثاني شيء انتي في شركة الهامي يعني منظرك يعكس شركتنا رجاءً اهتمي بمظهرك اكثر بعد كذا انتي مو جايه لحديقه تلبسين اي شيء وتمشين انتي جايه لشركه كبيره المفروض تتانقي ثالثا واخيرا لا اشوفك مره ثانيه متأخره وقف ومر جنبي وطلع وقفل الباب وانا باقي واقفه مكاني ماتحركت ابي استوعب هالمغرور وش قال ناظرت نفسي والله شكلي مرتب ليش يقول كذا تجمعت دموع ف عيوني بس مسحتها وانا اروح ع مكتبي واجلس اه اصبري ي جوانه كلها اسبوع ويروح. ان شاءالله روحه بلا رجعه حقدت عليه ليش يعاملني كذا يبي الناس كلها تمشي تحت اوامره دق تلفون المكتب رديت: الو هادي: اهلين انسه جوانه جوانه: هلا. بغيت شيء هادي: نفس الموضوع. صدقيني أنا بساعدك واساعد نفسي جوانه: لا مشكور أنا مابي مساعدتك. وبعدين مين قال اني حاقده ع جاد هادي: طيب مو حابه تحكي لي خلاص اللي يريحك جوانه: يلا عن اذنك عندي شغل هادي: اذنك معك قفلت منه ورجع دق تلفوني رديت: الو جاد: انسه جوانه تعالي لي المكتب لو سمحتي جوانه: حاضر قفلت. هففف وش يبي هذا بعد ي الله متى بطلع من هالشركه وارتاح لازم اتحرك اكثر اليوم بفتش ف مكتب جاد اكيد راح الاقي شيء مهم وقفت واتجهت ع غرفته دقيت الباب وبعد سمعت رده دخلت قربت من مكتبه: تفضل استاذ جاد ناظرني واشر بيده: اجلسي جلست وهو رتب اوراق كانت ف يده ومدها لي وانا اخذتها جاد: ابيك تدققيها وبعدها اكتبي الحسبات اللي محددها باللون الاصفر بس ف ورقه ثانيه واطبعيهم وجيبيها لي وقفت: حاضر. تامرني شيء بعد جاد: ايه ابي منك طلب صغيرون جوانه : امر جاد: ابيك تفطرين معي فتحت عيوني: هاه ؟!!! جاد: عادي مافيها شيء ها اطلب ؟ بصراحه ماكنت اعرف اوافق او لا كنت بقول لا بس جاد: والسككوت علامة الرضا. اشر لي اجلس وهو اخذ تلفون بيطلب جوانه: اعتذر منك استاذ مالي نفس افطرت بالبيت ناظرني وهو رافع السماعه: اجل اطلب لك مشروب وش تشربين؟ ياربي وش هالوهقه: بلاك كوفي ابتسم: تمام وقف من مكتبه وجا جلس ع الكرسي اللي مقابلني جلس يقول اني موظفه نشيطه ويمدح فيني يعني يحاول يطيح الميانه شوي وجا الفطور جاد: خذي راحتك مراح اناظرك بس ما احب اكل بروحي ناظرته كان منزل راسه جد. اللي مايعرفه يقول هالانسان قمه ف الذوق والاحترام لكن اللي سواه ف ريم يخليني اعرف اخلاقه الحقيقيه جوانه: راح اشربها بمكتبي جاد: اللي يريحك بدا ياكل و يسولف وعينه ع الطاوله مارفعها. اي شكله كذا يخدع البنات انه محترم وهو من داخل حقير طق طق جاد: ادخخخخخخل دخل وتفاجأ مني وانا نزلت راسي استحيت اشوفه م اعرف ليش وقفت بسرعه: عن اذنك استاذ جاد جواد هو يفتح الباب بيطلع: لا خليك كملي فطورك. ويكلم اخوه وانت بعدين الحقني ابيك جاد: طيب بدا بيطلع تكلمت بصوت مرفوع وبسرعه: ماكنت افطر التفت نص التفاته ناظر الكوب اللي بيدي ورجع ناظر عيوني وعطاني ظهره وطلع ياربي ليش بررت له ليش حسيته ماصدقني جاد يناظرني: وين اخذت الاوراق: عندي شغل بروح اخلصه جاد: اوك مابخليك غصب بس عارف انك ماعندك شي استأذنت وطلعت ع مكتبي هففف الحين وش يقول عني اكيد يفكرني من هالبنات اللي مع اخوه وانا وش علي منه خلي يفكر مثل مايبي اخذت الاوراق اللي اخذتها من جاد وجلست اسويها التهي ف شغلي احسن بعد فطر اتجه ع مكتب اخوه دق الباب ودخل وهو يجلس جاد:امر ي خوي جواد يناظر بالاوراق اللي ف يده: عرفت ان المشروع متوقف جاد: لا ليش جواد: م اعرف بس يمكن عشان العامل اللي تعرض للحادث فيه جاد: طيب والحل لحد متى بيتوقف ؟ جواد: م اعرف بس لازم نشوف له حل وانا ماخبرت ابوي اخاف يعصب والمشروع لك ف حاول تروح تشوفهم اليوم او بكره عشان تحل هالمشكله جاد: اوكي تمام وقف جاد: تامر على شيء جواد يناظر الاوراق ويوقعها: لا بس ثاني مره انزل الكفتيريا اللي تحت افطر فطور مع الموظفات ممنوع جاد: ههههه ماشي وطلع من عنده. رمى القلم بملل ع الطاوله ورجع راسه ع الكرسي وهو يغمض عيونه: تمنيت اكون مخطيء في نظرتي لك بس طلعتي ماتفرقين عنهم بشي يا تذكر انه مايعرف اسمها فز دق ع اخوه بدون تفكير رد جاد: هلا جواد: البنت اللي كانت عندك وش اسمها جاد: جوانه. بس ليش ؟ جواد: لا ولا شيء يلا اخليك جاد: اوكي باي قفل منه ونطق الاسم: جوانه اخذ القلم وفتح كتابه اللي يقرا فيه وقت فراغه فتح اول صفحه وكتب جــــــوانــــــه >>>>>>>>>>>>>> انتظرت لحد طلعو اكثر الموظفين اندق الباب دخل وهو شايل شنطه بيده جاد: مو طالعه ؟ سويت حالي مشغوله بالاوراق اللي ف يدي جوانه: شوي اخلص هذي واطلع جاد: مو ضروري يلا لاتتأخرين جوانه: حاضر طلع وانا انتظرت شوي عشان ابي اروح مكتبه اخذت شنطتي وطلعت بعد 10 دقايق كنت امشي حبه حبه وانا اتلفت يمين ويسار خايفه يكون فيه احد وصلت لمكتبه حطيت يدي وفتحت سمعت صوت خلاني اوقف مكاني متجمده : وش عندك هنا ؟ من جهة دانه كانت لسى بالجامعه وجالسه مع وحده من صديقاتها وهي تنتظر السايق دانه: ي الله مره تأخر ذا لمى: دقي عليه شوفيه دانه: مليون مره ادق مايرد لمى: طيب تعالي معي أنا اوصلك دانه: لا مايصير لمى: يلا عاد مافيها شيء دانه: بس اخاف اهل... قاطعتها: لاتخافي ولا شيء يلا يلا البسي عباتك اخوي واقف استسلمت دانه: طيب لبست عباتها وطلعت معها ركبت لمى السياره وهي تكلم امجد اخوها لمى: بوصل صديقتي ع بيتها امجد بطفش: اوك وين بيتهم عطته لمى العنوان واتجه للبيت ف الطريق امجد: من اي طريق اجي يمين والا يسار لمى تناظر دانه ودانه ساكته مستحيه امجد: هيه اكلمك أنا دانه قالت للمى ولمى خبرت اخوها امجد: وش فيها صديقتك بكما ؟ مأتتكلم؟ دانه انقهرت منه: اتكلم احسن منك امجد: اوه حلو. طلعت عندها لسان لمى: خلاص امجد شفيك امجد: مادري عن صديقتك ذي شكلها نفسيه دانه عصبت من وقاحته: وقف هنا ماوقف دانه بعصبيه: قلتلك وققققف وقف بقوه وفجأه ودانه نزلت من السياره ومشت شوي وهي توقف تاكسي بس مافي احد وقف لمى بالسياره: امججد وش هالاسلوب امجد: لموه اللي فيني مكفيني لمى: انزل قلها تطلع امجد: هه مراح انزلها هالنفسيه لمى نزلت تشوف دانه لمى: دانه معليش أنا اعتذر عن اخوي بليز انسي ويلا نوصلك مراح تحصلين تكسي فاضي هالوقت دانه بعناد: لا مابي روحي خلاص أنا ادبر عمري لمى: يلا عاأأأأأد بلللليز عشاني دانه: أنا اسفه لمى ماقدر اروح. شوفي حتى ما اعتذر مني لمى: يعني لو اعتذر بتطلعين؟ دانه: ايه راحت لمى ع سيارة اخوها لمى: امممجد يلا عاد اعتذر من البنت خلنا نخلص امجد: لا لمى: امجد انت غلطت عليها عيب عليك هي ماسوت لك شيء مو من حقك تغلط وماتعتذر امجد نزل لها عشان طفش من الوقفه ويبي يرجع البيت توجه لدانه اللي مكتفه يدينها وتناظر الجهه الثانيه امجد: خلاص اسفين امشي خلصينا ناظرت لجهته: كذا الناس تعتذر؟ امجد: احمدي ربك اعتذرت منك اصلا دانه: مو منتظره اعتذارك. واذا بطلع مو عشانك. عشان لمى المسكينه وراحت ع السياره تنهد امجد بطفش ولحقها التفت بهدوء وانا احاول اكون طبيعيه جوانه: ابي الاستاذ جاد. انت مين هادي: أنا هادي مدير الاتش آر جوانه: اها. هذا انت هادي: ماقلتي لي وش تسوين هنا وانتي عارفه ان الاستاذ جاد موب فيه تصنعت الغباء: ليش وينه هادي: مو علي هالحركات. وش تبين من مكتبه مشيت بنزل: مالك شغل ومريت جنبه بس مسك يدي وانا سحبتها بسرعه هادي: اعرف انك تبين جاد الهامي بققت عيوني: وش ابي فيه يعني هادي: م اعرف بس فيه شيء يدور براسك م اعرفه ارتحت يعني اللي شاك فيه مجرد تخمين والا هو مو عارف شيء جوانه: هه عقلك صغير وتركته ونزلت كانت السياره اللي طلبتها واقفه ركبت وطلعت ع البيت عند دانه وقف قدام بيتهم ونزلت وهي حدها معصبه دخلت البيت وكان واقفه بالحوش دقت ع اختها جوانه: الو دانه: وينك ؟ جوانه: دقيقه واوصل دانه: اوك جوانه: ليش تسألين دانه: مابي ادخل البيت عشان ماما ماتسألك شيء جوانه: ماشي شوي ؤوصلت ودخلو مع بعض صار له ساعتين ونص يسوق ولا يدري ليش مو قادر يوقف فيه شعور بداخله مخنوق ولا عارف السبب طلع سجاره ولعها وشفط نفس خلص منها ورماها .. كمل طريقه وما شاف نفسه الا وقت وقف السياره قدام الباب ونزل دق الباب وانتظر ثواني جت هديل 12 سنه تركض وفتحت الباب ويوم شافت جواد نطت بفرح هديل: ماما جواأأأأأد هنا. وتعلقت فيه جواد: هههه هلا بالسنفوره .. كيفك؟ هديل تبتسم: تمام جت عمته اللي تحبه : تو مانور البيت ادخل ي ولدي زارتنا البركه تضرب هديل ع كتفها بخفيف: وانتي ابعدي كسرتي رقبة الرجال عيب ابتسم جواد وباس عمته وحضنها: اخباركم كيف اوضاعكم حصه: بخير ي ولدي الحمدلله شلونك انت ؟ قال وهو يدخل: بخير دامك بخير نزل عبدالله: اوه ولد الخال عندنا غريبه حضن جواد جواد: ماغريب الا الشيطان حبيت اتطمن عليكم عبدالله: يلا حلو خليتنا نشوفك سمعت ازعاج تحت نزلت بسرعه تشوف وش فيه وشافت جواد رجعت ع مرايتها بسرعه وعدلت شعرها وحطت شوية روج خفيف وعدلت قميصها ونزلت وصلت عنده ومدت يدها: شلونك جواد ناظرها: لساتك مثل ماكنتي ابتسمت منيره وهي تجلس جواد يكلم عبدالله: الا وين ابوك ؟ عبدالله: رجع من الدوام تعبان تغدا ونام جواد: اها ظل يسولف معهم ونسى كل شي وهو يضحك ويلعب مع عيال عمته الصغار ف بيت اهل جوانه جوانه جالسه ع سريرها ودانه متسطحه ع الكنبه اللي جنبها جوانه: اما خيررر مين مفكر نفسه دانه: مدري عنه ودي اعطيه كف بس استحيت من لمى جوانه: خلاص لا تروحين معها مره ثانيه دانه: ايه اكيد. مافي شيء جديد مع جاد؟ جوانه: لا والله. اليوم رحت ابي اشوف مكتبه وشافني هذاك اللي اسمه هادي دانه وهي تجلس: هييء ووش سويتي ؟ جوانه: ولا شيء سويت اني م اعرف انه مو موجود دانه: ايه زين جوانه: تعبت من هالشركه ودي احصل شيء وارتاح دانه: ليش وش صار اخذت نفس: اااه جاد عنده اخ كرهني عيشتي دانه: وش سوالك؟ قلت بكره: كررريه مره ماينبلع ماغير عاقد حواجبه ويهاوش بالرايح والجاي؟ دانه: يوه خير ذا بعد وش يبي؟ هزيت كتوفي: مدري عنه يعاملنا كننا عبيد عنده شايف نفسسسه مره دانه: اسمعي طيب عشان تخلصين من ذا الكريه بسرعه خلي جاد يحبك فتحت عيوني: يححححبني؟؟ دانه: ايه يمكن ماتحصلين اوراق ولا شيء. ف أنا اقول تقربي منه خليه يحبك واذا اعترف بحبه اسحبي عليه اقلها ينقهر ويحس باللي حسته ريم جوانه: ﻻﻻ وش تستفيد بعدين واخاف عنده صور لها او شيء ويروح ينشرها دانه: مادري عنك انتي حاولي تستدرجينه بالكلام وتاخذي منه كلام عن علاقاته وكذا جوانه: اوك دانه وهي تقوم: بروح اذاكر عندي ميد ترم جوانه: الله يوفقك مسكت السلسال وضميته داخل يدي كيف ارجعه هففففف من جهه جاد ومن جهه هادي وكمان جواد وهالعقد كل هالافكار ف راسي مو قادره ارتاح من التفكير فيها تسطحت وانا انتظر اذان المغرب وافكر وش بسوي مع كل هالاشياء عند ريم كانت جالسه مع منار ف المطبخ ويسوون اكل منار وهي جالسه قدام الطاوله اللي تقطع عليها السلطه: اقول الحين ذا الغبي اخوك كيف يطلع وهو تعبان ريم كانت تنفتح الثلاجه وتاخذ جبن وقشطه وتحطها ع الطاوله: عادي كله زكام شرب ادويته وصار افضل منار: اممم تدرين انو اعترف بحبه لي ريم:يب ادري انكم ميتين ف بعض منار: حلفي ! ريم: وتراه يكتب عنك خواطر من زمان منار وقفت : وينهم ؟ ريم: بغرفته بس اتركي اللقافه منار: يلا تعالي وريني بشوفففف بليززز ريم: مالي شغل روحي بروحك دامه مو هنا منار: ياربي منك انتي والثانيه جوانه ينقال انكم اقاربي. وقت احتاج وحده فيكم تتركوني. بس هين اوريكم وطلعت وريم تضحك عليها فتحت باب غرفته شافت كتاب ع الكومدينه راحت له وجلست ع سريره وفتحت الكتاب كان كله كلام عنها عن حبه لها وكمان يوصفها انسجمت مع كتاباته لحد ماصحت من هيامها ع صوته مازن بإبتسامه: ياحي الله من جاني تو مانورت غرفتي رمت الدفتر ونزلت راسها بإحراج قفل الباب وتقدم منها صار واقف قدامها بالضبط وقلبها صار يدق بقوه بدت تبي تتعداه بس ثبتها بيدينه اللي ع كتوفها رفعت نظرها: انا اسفه دخلت غرفتك بدون استأذان مازن هيمان فيها: فداك الغرفه وراعيها انحرجت: احمم ممكن تبعد بطلع مازن : يمين بالله ما اخليك دق قلبها بقوه وناظرته بتفاجأ: مازن لا تجن ابعد بروح ضمها لين حست انها تنعصر بين يدينه بس ابعدته بجفا منار بدت تخاف: ابببببعد عني مازن: تدخلين غرفتي وتبيني ابعد؟ حرام بالله ما ابعد لين ارتوي نزلت دموعها ناظرت حولها كان ملزقها في السرير وهو قدامها ماراح تقدر تهرب التفتت بسرعه وطلعت على سريره ونزلت من الجهه الثانيه عشان تركض للباب بس كان اسرع منها مسكها وثبتها ع الجدار وهو يحط يده على فمها.. شاف دموعها ونظرات عيونها اللي يعشقها. مازن: اهدي اوعدك ووعد الحر دين عليه اني ما اسويلك شي من اللي في بالك. بس عطشان وابيك ترويني خفت رعشتها نزل يده عن فمها بهدوء هزت راسها بلا والدموع بعيونها بس هو مو قادر يقاومها اكثر مو قادر يمسك نفسه عنها. قرب منها اكثر وخالطت انفاسها انفاسه وشفاتها لشفاته ولا قدر يبعد لين حست بإرتخائه دفته بأقوى مافيها ابتعد ويعض شفاته السفليه ويبلع ريقه.. وهي ركضت للباب فتحت وطلعت غرفة ريم اخذت عباتها وماتدري ليش دموعها على خدها وتشاهق بخوف. نزلت بسرعه وريم شافتها لابسه عباتها طلعت من المطبخ ريم: هيه وين رايحه مابتاكلين معي منار معطيتها ظهرها ماتبيها تشوف دموعها منار: ماما دقت تبيني ضروري وطلعت وريم حست ان فيها شيء بس ماحبت تزعجها من جهة مازن جلس ع سريره وهو يبلع ريقه.. انا وش اللي سويته!! طلعت تبكي يعني زعلت يعني الحين طحت من عينها ماراح تثق فيني مره ثانيه. اعوذ بالله منك ي ابليس زينت لي الغلط.. اخذ نفس الحمدلله ماتماديت كان بعمرها ماسامحتني.. والحين لازم اعتذر منها قبل تروح طلع من غرفته ونزل تحت شاف ريم لسى تحوس بالمطبخ ويوم شافته ريم: بسم الله متى جيت ؟ طنش سؤالها وقال: وين منار ريم: طلعت بس ماكانت ع بعضها انت قلت لها شي؟ مازن طنش اخته وطلع ريم تكلم نفسها. شفيهم كل واحد يكلمني ويطلع ولا يردون علي عند مازن طلع وكانت رايحه اخذ جواله ودق عليها ماردت دق مره ثانيه وثالثه ورابعه ولا ردت اما عند جواد ظل مع عمته وعيالها لين بعد المغرب واستأذن ورجع ع الرياض وصل ع الساعه 9 اول مادخل وقفت سميره وهي تروح له سميره: وينك ي جواد شغلت بالي جواد باسها ع راسها: اسف يمه سميره: وين كنت؟ وليش جوالك مقفل جواد: خلص بطاريته وانا كنت عند عمتي سميره: لاتسوي كذا مره ثانيه تروح ولا تخبرني وتشغل بالي جواد: حاضرر طلع ع جناحه رمى المفتاح وحط جواله ع الشاحن وراح يتحمم عند دانه خلصت مذاكره وراحت بتشوف اختها لقتها نايمممه سحبت البطانيه وغطتها وقفلت النور وطلعت من عندها .. راحت غرفتها اخذت جوالها لقت مسج من لمى "اعذريني عن تصرف اخوي هو مو كذا والله بس اليوم جاني وهو معصب عشان تهاوش مع ابوي" دانه. ايه واضح انه مو كذا لو انه محترم كان اعتذر بذوق بس مسكينه لمو ردت عليها "ماصار شيء ي قلبي وانا اعذره" قفلت جوالها وتغطت ونامت رجعت البيت كانت ماتشوف من الدموع كانت تشوفه غير بنظرها مستحيل يغلط بس الحين بتظرها كلهم حيوانات مايهمهم الا اشباع رغباتهم كانت طالعه الدرج وصدمت في فهد فهد: شفيككك عميا ماتشوفين رفعت راسها وشاف دموعها فهد بخوف: خير شفيكك ؟ قالت وهي تتعداه: مافيني شيء دخلت غرفتها وقفلت الباب انسدحت ع سريرها وحضنت مخدتها وظلت تبكي لين حست بالنوم ونامت طلع من الحمام وبعد مانشف شعره ولبس بيجامته اخذ جواله وفتحه وجته missed call كانت من امه ومنصور ويوم شاف الثالثه تغير وجهه ورمى الجوال بطفش كانت من كرستين تسطح ع سريره ويناظر السقف ويدينه تحت راسه معقوله يكون صدق ولدي ! معقوله أنا يصير عندي ولد وبالطريقه هذي. كيف بخبر اهلي وش بيكون موقف ابوي مني. .. غمض عيونه وهو يطرد هالافكار من باله وفي باله "لكل حادث حديث" عدل ننفسه ونام صباح يتجدد به الاروح صباح تشرق فيه الشمس من جديد ليذهب سواد الليل المخيف .. اصوات ضجيج سيارات مزدحمه في طرقات الرياض .. وسائق الباص المزعج امام منزل جارنا الذي يأخذ ابنته إلى المدرسه فتحت اعينها بكسل على ذلك الصوت وهي تنظر لساعتها جوانه: ءءءءء فيني نوم. اففف من هالباص المزعج وقفت بكسل ودخلت ع الحمام عشان اتحمم واصحصح وطلعت صليت ورحت اشوف دانه لقيتها صاحيه ف رجعت اجهز نفسي .. تذكرت محاضرة السيد جواد وانو لا اتأخر هفففف مدري ع وش شايف نفسه .. المهم ماعلي منه جهزت نفسي بسرعه عشان مابيه يكلمني اليوم طلعت من غرفتي وعلمت دانه اني بطلع ورحت قبل تصحى ماما. ركبت مع السايق واتجهنا ع الشركه .. ي الله الحين ابوي عنده اجازه اسبوع عشان اخذ له بعد الحادث اسبوعين عشان يرتاح بس الاسبوع الجاي وش اسوي هو متعود يوصلنا أنا ودانه ويروح دوامه .. اخذني التفكير ف بابا وجاد والعقد وماحسيت الا واحنا واقفين عند باب الشركه نزلت بهدوء اليوم لاني جيت بدري طلعت المصعد وصار بينقفل بس فيه احد حط رجله وانفتح فتحت عيوني وانا اشوفه يدخللل وقلبي بيطيح من الفكره انو بكون معه لوحدنا ف المصعد انتهى البارت توقعاتكم مين مع جوانه بالمصعد وهل راح تقدر تاخذ شيء ع جاد وتهدده فيه او بينقلب كل شيء ضدها والسبب هادي | ||||
|  |
|
04-12-21, 10:01 PM
| #12 | ||||
| تابع البارت الخامس بعد ماقامت وتحممت وصلت راحت كالعاده عشان تفتح نافذتها .. بعدت الستائر وفتحت النافذه وتفاجأت بالبالونات اللي قدامها ناظرت تحت كانت مربوطه ف دب متوسط دخلت البالونات وهي تسحب الشرايط حقتها لفوق لين اخذت الدب وحصلت ف يده ورقه " اعتذرلك ومستعد اسويلك اللي تبينه بس سامحيني" ابتسمت وحضنت الدب وهي تذكر البارحه عضت شفاتها بإحراج سمعت رنين جوالها اخذته وردت بهدوء منار: هلا مازن : الله ياخذني ان خذيت شي ثاني مره غصب عنك منار بخوف: بسم الله عليك. خلاص انتهى الموضوع بس لا تعيدها مازن: اعاهدك بالله ما اعيدها الا وانتي زوجتي وحلالي او برضاك ابتسمت منار: طيب سامحتك بس اممم ابيك تراضيني اكثر ابتسم: وش يرضيك وابشري بسعدك والله لجيبه لو كان بأخر الدنيا منار: اممممم ابي قلبك كله لي وابي حياتك كلها لي وابي هواك بس لي وابي روحك تهواني وبس لي مازن: أنا وقلبي وروحي وحياتي وهواي كلنا تحت شورك. انتي امري بس منار ابتسمت بخجل: خلاص سامحتك مازن: وش يثبت؟ منار فهمت عليه: امممم احبك مازن بسعاده: الحين تأكدت وانا. وقال بصراخ. اهوأأأأأأأأأأأأأأأأأأك دخل وانا وقفت مكاني وهو نظراته لي وبيده اوراق ويضرب فيها ع يده اليسار اخذت هوا عميق وحاولت اهدا واصير عادي جوانه: هلا استاذ هادي ابتسم ابتسامه جانبيه بخبث: اهلين فيك خفت من طريقة كلامه كأنه عارف شيء اقترب مني وانا رجعت شوي ع ورا هادي بسخريه: هه وتقولين ماتبين جاد الهامي!! ارتبكت: عفوا وش قصدك هادي: اجل وش تفسرين شهاداتك المزوره فتحت عيوني ع كبرها وعرفت انو خلاص مايمديني اكذب لان هالانسان كشفني وعرف الشهادات عند دانه نزلت بهدوء وكانت امها ف المطبخ طلعت حبه حبه وقفلت الباب ارتاحت لان امها ماشافتها راحت ع الجامعه وهي تدعي ان اختها تخلص من هالمشاكل اللي كل يوم تطلع لها من يوم راحت لشركة الهامي. يفتح الباب: تفضل طال عمرك نزل جواد بهدوء واخذ شنطتة واحد من مساعدينه ويمشي متجه لمكتبه .. وفي نفس اللحظه عند جوانه وقف المصعد طلعت بسرعه وانا احاول اطنش كلامه طلع خلفي بسرعه ومسك يدي هادي: ماراح تروحين على مكان لين تجاوبيني حاولت احرر يدي منه بس كان ماسكها بقوه جوانه: اي ابعد كيف تتجرأ تلمسني شدني لناحيته وصرت قريبه منه كثير مافي مسافه بيني وبينه ابد ناظرني وعيونه يبان فيها الشر ياربي شكل هاليوم مراح يعدي ع خير قرب من اذني وهمس هادي: ماراح اتركك بعد اللي شفته فاهمه وتركني وراح وانا مصدومه وش يقصد ي ويلي اكيد قصده راح يخبرهم عني ف وسط تفكيري سمعت صوت تصفيق هادي وباااااااارد طق طق طق طق التفت بسرعه جواد: فلم ولا اجمل وي هذا فهم غلط: ﻻﻻ انت فاهم غــ.. قاطعني جواد: ولا كلمه شايفك بعيوني احتفظي بتبريراتك لنفسك اه ياربي أنا قايله اليوم هذا مراح يعدي ع خير اصلا وش ابرر وش اقول ماعندي عذر جواد: ايوا كذا ابلعي لسانك .. ماقدرت اتكلم واحس فيني صيحه جواد: اسمعي أنا سكت عنك كثير اولها مع جاد والحين مع الموظفين .. لكن اليوم توقعين استقالتك وتجيبيها لي او بطردك مثل الكلاب وراح عني وانا ماقدرت استحمل دخلت مكتبي وعلى طول انفجرت بالبكا الحين وش بيقول عني اكيد يقول اني من هالبنات كلهههه من هالحقير هادي حسبي الله عليه بطلع من الشغل وما استفدت شيء ودراستي واعتذرت عنها اففففف اففففف رفعت راسي ومسحت دموعي وانا افكر بشي بس أنا ما احب اذل نفسي عند احد ﻻﻻ مستحيل اترجاه بس بروح لجاد هذا قلبه حنون اكيد ماراح يرضى يخليني اطلع اصلا هو بدء يتعلق فيني مسكت ع رقبتي وتحسست السلسال اه وهذا ليش متعلقه فيه مدري ماودي اعطي جاد اففف بس هذا له لازم اعطيه .. الحين راح اطلع من الشركه ولازم ارجعه لصاحبه اخذت التلفون واتصلت ع منار وخبرتها باللي صار منار: صدق غبي بس تبين الصراحه من حقه يعني شايفك بأحضان هاللي اسمه هادي وش تبينه يفكر قلت ودموعي ع خدي: الحين وش السواة ماراح يصدقني لو احلف له ايمان منار: أنا اللي اشوفه تتركين الشغل وخلاص ريم الله معها والله راح ياخذ حقها انتي مو قد عيال الهامي. ابعدي عنهم ي جوانه لا تدخلي نفسك بمشاكل اكثر ي قلبي. مسحت دموعي بتحدي: لا ماراح استسلم راح اوقف بوجه هذا جواد وراح اخذ حق ريم من جاد اندق الباب و ع طول انفتح بدون ما اقول تفضل جاد يتقدم ويجلس ع الكرسي اللي قدام مكتبي جوانه: يلا اجل اكلمك بعدين منار: عندك احد جوانه: ايه قفلت منها : هلا استاذ جاد جاد يناظر فيه ومستغرب: ليش كنتي تبكين هذي فرصتي لازم اخليه يقتنع بكلامي أنا. يارب سامحني يارب والله ماعمري كذبت بس هالمره بكذب يارب تسامحني جاد: جوااننننه شففففيكككك لاتجننيني قمت ابكي بس هالمره تمثيل: الاستاذ جواد طردني جاد بذهول: ايييييش؟ ؟؟ وليش يطردك جوانه: كنت كنت واقفه مع الاستاذ هادي ولما بديت امشي رجلي اتزحلقت وهو مسكني والاستاذ جواد شافني و فهم ألموضوع غلط. حتى ما اعطاني فرصه ابرر له جاد: ماعليك منه أنا المدير حاليا أصلا هو شغله بلندن مو هنا جوانه: بس أنا ما اقدر اجلس بعد الكلام الجارح اللي سمعني ياه وقف جاد: أنا اتفاهم معه طلع من الغرفه وع طول توجه لمكتب اخوه دخل بدون استأذان وضرب الباب خلفه بقوه جواد كان جالس ع مكتبه واول ماسمع الباب رفع راسه بسرعه وقال بأستغراب: جاد!!! تقدم منه: انت بأي حق تطرد جوانه ها جواد: هالبنت مو محترمه نفسها وشركتنا ماتقبل ناس زي كذا جاد وصوته مرتفع: انت اصلا مالك شغل تطرد وتوظف أنا المدير الحالي هنا وانا ما اسمح لك تتدخل بشغلي جواد: اول شيء انت عارف وش سوت ؟ جاد: ايه عارف وانا اثق فيها ولمعلوماتك ترا أنا احبها وما ارضى اي احد يغلط عليها جواد عصب فجأه يوم سمع من اخوه كلمة احبها:تحبها؟؟ كيف تحبها يعني؟؟؟ تحب هالاشكال؟؟ اصلا انت من متى حبيت راح تقضي معها ليله وترميها زي باقي البنات انننننننننتبه تراها غيرررر سامع جاد: اخذها او ارميها مو شغلك .. ياليت ماتدخل نفسك ف اموري لان أنا اعرف وش اسوي .. وثاني شيء ياليت ترجع لندن مالك شغل هنا ابوي وكلني أنا عشان ادير هالشركه جواد يناظر اخوه باستغراب: لهاالدرجة اخذت عقلك حتى نسيت نفسك وجالس تطرد اخوك جاد: افهمها مثل ماتبي بس لاتقرب من جوانه وطلع وترك جواد بجمود مو عارف ف ايش يفكر او ايش يسوي : منااااار التفت منار وهي تناظر دانه اللي جايه تركض منار: بسم الله شفيك دانه: بسرررعه تعالي منار:ايش وش صاير سحبت منار من يدها وتمشي باسرع ماعندها وهي تكلم منار: ريم ريم لقوها البنات طايحه ف الممر اللي خلف الكليه بسرعه امشي ركضو البنات عند ريم اللي كان الكل حولها ومحد قدر يلمسها عشان خايفين وخرت منار الكل وشافت ريم ع الارض راحت لها وحطت راسها ع رجولها وهي تضرب بخدودها ودموعها ع خدها منار: ريمممممي شففففيككككك من مسوي فيك كذا ي قلبي .. ررررريمي قومي حبيبي دانه: أنا دقيت ع الاسعاف الحين يجي كان باين ف ريم اثار ضرب قوي 10 دقايق وجا الاسعاف واخذو ريم اللي غايبه عن الوعي راحو البنات وظلت دانه جالسه تتصل محد رد عليها جت لمى وشافتها تبكي لمى بخوف وهي تضم صديقتها: دانه ي روحي وش فيك تبكين دانه تمسح دموعها: صديقتي وبنت خالة منار مدري مين ضربها والحين راحت المستشفى ولا ندري عن حالها ادق ع منار ماترد خايفه صار لها شيء لمى تناظر الساعه: طيب يلا نطلع صارت 12 دانه: السايق مشغول مع ابوي لمى: افا عليك أنا اوديك يلا قومي اخوي واقف دانه تتذكر الموقف اللي صار لها معه وبسرعه: ﻻﻻﻻﻻ يكفي اللي صار هذيك المره لمى بأسف: باقي مانسيتي ؟ دانه: الا نسيت بس خايفه يسمعني كم كلمه تضايقني لمى: ﻻﻻ والله مايقول شيء على مسؤوليتي يلا عاد دانه بعد اصرار لمى وافقت لمى تكلم امجد: ترا صديقتي معي وابي اوديها المستشفى ياويلك تزعلها او تقول لها كلمه امجد: وخخخخخير سواق ابوكم أنا لمى: حرام البنت تعبانه ماعندها احد يوديها امجد: طيب اطلعي بسرعه طلعو البنات ودانه خايفه من هالانسان لان لسانه طويل وهي حساسه ماتحب احد يجرحها .. وقفو عند بقاله امجد: لمى تبين شيء لمى: لا بس دقيقه وسألت دانه: تبين شيء دانه: لا مشكوره نزل امجد واخذ باكيت دخان وعصير ومويا وطلع امجد وهو يشغل الدخان: لا يكون بس فيك ربو عشان ما اخنقك دانه ياكرهي للي يتميلح قالت بصوت واضح: لا امجد: اوه حلو اليوم طالع لسانك دانه تناظر لمى زي اللي تلومها وتقلها شوفيه ماتعدل امجد: وش مرضك؟ دانه بعصبيه: وانت وش دخلككك امجد: لاني شايفك مثل الحمار مافيك شي دانه: لللللللمو شوففففيه لمى: خلاص امجد مو وقتك امجد: من حقي اعرف شفيها اللي اشوفه مافيك شيء لسانك اطول منك يعني موب تعبانه ف عشان كذا ي حلوه برجعك بيتكم أنا مو ناقص مصايب لمى باستغراب: وش مصايبه امجد: البنت مو مريضه يمكن تبي تشوف حبيبها هنا ماحس الا بالمويا ترتمي ع وجهه شههههق ؤوقف السياره دانه بعصبيه:أنا غلطانه رجعت ركبت مع واحد وقح مثلك نزلت وكان فيه تكاسي كثير اخذت تاكسي ورجعت ع البيت لمى بعصبيه: امممممممجد وش هالكلام اللي قلته البنت محترمه ومتربيه لدرجة انها من يوم ركبت معك وهي عيونها بالارض مارفعتها حتى لي امجد يشيل نظارته الشمسيه ويمسح وجهه بالمناديل: اقسم بالله ان ماخليتها تعض الارض ندم ماكون ولد ابوي ف المدرسه عند منيره بنت عمة جواد ولاء: منووو منيره سرحانه: هاه ولاء: شفيك منيره: ولا شي ولاء: ليكون تحبين ابتسمت: هه انا وجهي وجه حب بالله ولاء: ايه انتي جميله والف من يتمناك منيره: مستحيل افكر ارتبط برجل طول عمري ولاء: وليش يعني منيره تذكر موقف صار لها: لانهمم كلهمممم زي بعض وانا اكرهم ولاء:خلاص انسي ي منو وعيشي حياتك منيره: مو قادره مو قادرررره ولاء: تدرين وش علاجك منيره: وش ولاء: تحبين شخص يثبتلك عكس افكارك سرحت منيره ف عالمها اللي مو قادره تنساه او تتجاهله وولاء من شافت سكوتها تركتها براحتها سميره كانت ف الصاله شافت جواد داخل البيت وطلع بسرعه ع غرفته حتى بدون يسلم ع امه سميره تكلم نفسها: هذا جواد وش فيه. غريبه اول مره يمر ولا يجي يسأل عني او يتطمن علي ف جناح جواد دخل وجلس ع الكنب اللي بالصاله فتح الازرار اللي ف عنقه واسند يدينه ع رجوله ونزل راسه ع كفوفه وهو يتنهد ويكلم نفسه بعصبيه” قال يحبها قال .. هالخبل مو عارف الحريم .. بتلعب فيه وتاخذ فلوسه وترميه .. اكيد وحده مثلها حقيررره مايهمها الا الفلوس. كيف حبها ذا الغبي كيف قدرت تخدعه .. أنا لازم اوقفها عند حدها. والا وحده مثلها لا راحت ولا جت تعلق ولد الهامي فيها وتخليه يحبها. . ” وقف بسرعه وطلع ع بلكونته يحس بداخل صدره براكيين يحس بينفجر ولا عارف السبب .. تنفس الهوا بعمق .. أنا وش دخلني فيهم خلاص جاد كبير وراح يعرف ف يوم انها بس تبي فلوسه واكيد بيتركها .. اصلا انا خلاص لازم ما اجلس هنا .. لازم اسافر اليوم توجه ع غرفته واخذ شنطته واخذ ملابسه بإهمال ورماها بالشنطه. جلس ع سريره واخذ تلفونه منصور: هلا طال عمرك جواد: جهز لي طيارتي منصور: ابشر دقايق وتكون جاهزه قفل منه وراح ياخذ شور سريع قبل يطلع فتحت عيونها بصعوبه وهي تكلم منار ريم: وين أنا منار مسكت يدها بخفيف: ف المستشفى ي روحي .. علميني وش فيك مين سوت فيك كذا ريم سرحت تذكر الموقف اللي صار معها البنت: هيه انتي ريم: ايش فيه بعد البنت: فيه وحده ماسلمت الفلوس ونبيك تقتليها ريمم بققت عيونها بخوف واستغراب: اقتلللللها؟ مستحححححححيل البنت: لا مستحيل ولا شيء إذا مانفذتي المهمه تراك انتي اللي راح تموتين ريم: والله ما اسويها لو تقتلوني البنت: اوك يعني معنده ناظرت ف صديقتها بمكر وماكان فيه احد بالممر طلعت سلسله من جيبها وضربتها بقوه ع وجه ريم اللي ع طول طاحت البنت: ها لسى مو راضيه ريم تتحس جبهتها اللي نزل منها دم وترد: مستحححححيل ما اقدرررر أنا ما اقتل نمله تبيني اذبح انسانه ؟ البنت: اوك. وبدت هي والبنت الثانيه يرفسون ريم اللي طايحه بالارض وتحاول تصد ضرباتهم بيدها لين اغمى عليها وبعدها تركوها وراحو منار: اللللللللللو ريمممممممي شفيك وين سرحتي ريم تستوعب: هاه لا لا ولا شيء منار بعصبيه: كيف ولا شيء علميني منو مسوي فيك كذا ريم: اهههدي وش بلاك تصارخين منار تتنهد: بتعلميني ولا كيف، ريم: اممممم. أنا تهاوشت مع بنات سمعتهم كلام يجرحهم ف ماعرفو يردون غير بالضرب وكان كثار ف ماقدرت ادافع عن نفسي منار: مين؟ مين هذول قولي والله لخليهم يندمون على الساعه اللي فكرو يضربونككك ريم: مدري م اعرفهم حتى اشكالهم ما اذكرها زين. بس إذا شفتهم راح اخبرك منار بعصبيه: كككككيف تنسيهههههم .. رررريم انتي ماتخبي شيء عني قولي وش صار. ومين هالناس ريم: صدقيني ما اعرف منار: طيب ماشي. أنا راح اعرف بنفسي طلعت ريم ع مسؤوليتها وراحت البيت بعد ماجا مازن واخذها هي ومنار بالسياره ريم تهمس لمنار: إذا سألوك اهلي قولي لهم طحت من الدرج منار: لا بقلهم الحقيقه عشان ياخذون حقك ريم: منار الله يخليككككك اترجاكككك مابي مشاكل منار تناظرها باستغراب: انتي شفيك من مين خايفه هالكثر ؟ ريم: مو خايفه بس مابي مشاكل منار: طيب وصلو البيت ونزلو البنات دخلت ريم ومنار بتدخل اتفاجأة بيد تمسك يدها مازن يشدها عشان ترجع وبصوته الحنون اللي يجننها وناظراته لعيونها: اشتقتلك منار نست كل شيء وكل العالم ونزلت راسها خجلانه مازن يرفع راسها وباقي ماسك يدها وبيده الثانيه شال لثمتها ويتأمل وجهها: قولي احبك. يلا بسمعها منك منار بخجل: قلتها لك كثير مازن: لا ماقلتيها ف وجهي كذا. مازن بهدوء وهو يتحسس خدها: تدرين انك اجمل بنت بالديره ﻻﻻ بالعالم ﻻﻻ انت اجمل مخلوق ع وجه الارض منار بعتب وهي تبعد عنه: مااااازن.. رجعنا؟؟ ابتسم: هههه لا توبه وبعدين ماسويتلك شي زي ماوعدتك. بس ما اقدر تمرين من عندي مرور الكرام اقلها اشوف وجهك واسرح بجمالك شوي انحرجت وابتعدت عنه بسرعه وهي تحس انفاسها بتنقطع وقلبها يدق بقوه بتدخل بس سبقها ؤقف قدام الباب: مافي روحه قبل تقولي لي احبك منار خجلانه وبصوت هادي: اااحببك مازن: هاه. وش قلتي ماسمعت منار ترفع شوي: احبككك مازن يسوي نفسه دايخ: ياويل ححححالي. وابتعد عن الباب وهي دخلت تركض مازن: ياررب تجمعني فيها بسرعه. قبل اجن رجعت البيت شفت اهلي ع السفره عبير: غيري ملابسك وتعالي تغدي يمه قلت وانا اطلع الدرج: تغديت بالجامعه يمه رحت لغرفتي ورميت نفسي ع سريري حسيت بالسلسله اللي برقبتي فسخته ومسكته بيدي وانا اتأمله يا الله متى برجعه وايش بقله حطيته بعلبه وفتحت درج الكمودينه وحطيته فيها ان شاءالله احصل الوقت اللي ارجعه له .. افففف تعبت كل شيء صار كذب بحياتي ياربي سامحني .. مضطره عشان اطلع حق ريم منه كنت افكر وافكر وافكر لحد ماغفيت بدون ما احس ع نفسي. “ وهذا أنا راحل بعيد افرح يالحظ العنيد هذا أنا تارك حبيبي وراحل لعالم غريب في شوارع هالمدينه امشي بروحي وحيد ها أنا راحل بعيد افرح ي الحظ العنيد في غيابي اذكريني احلمي بقربي وفيني اصرخي قولي تبيني وانا اجيك لو من بعيد وها أنا راحل بعيد افرح ي الحظ العنيد لو بكلمه رجعيني امسكي بيدي وامنعيني ها أنا راحل ي عمري بس قولي تحبيني وها أنا راحل بعيد افرح ي الحظ العنيد لو تعبتي من غيابي وداهم قليبك عذابي بس ناديني واجيك ناسين همي وعتابي وها أنا راحل بعيد افرح ي الحظ العنيد طيب لو بس ممكن تودعيني تمسحي دمعي وتحضنيني وتنطقي كلمة احبك وتبقي في قلبي وعيني ها أنا راحل بعيد هذا أنا راحل بعييييد ...... Noonaaa في الساعه 7م وصل جواد للندن وركب سيارته وتوجه ع قصره. دخل وشاف كرستين بالصاله تشوف فيلم مع ولدها على اللاب توب جواد: مرحبا كرستين كرستين توقف متفاجأه: مرحبا بك عزيزي قربت منه تبي تضمه جواد يمد يده: لا. لاافضل ذلك .. ابقي بعيده عني كرستين: اوه .. أنا اسفه ولكن اشتقت اليك توجه للكنب وجلس جنب الولد جواد: حسنا ها أنا هنا ولن اذهب إلى الرياض قريبا كرستين بابتسامه: هذا اجمل خبر اسمعه اليوم ولكن لماذا؟ هل لي ان اعرف جواد: لا شيء. اعمالي هنا ولا اريد تركها مجددا حتى لا تتعطل كرستين: هذا رائع ويستحق كأس. وراحت تصب لنفسها وتكلم جواد: هل تشرب معي جواد بقرف: لا. أنا لا اشرب ابدا وانتي تعلمين ذلك كرستين: اوه عزيزي إلى متى ستظل هكذا. لا مانع من شرب كأس واحد فأنت لن تفقد وعيك جواد بحزم: قلت لك لا اشرب ولا تجلبي المشروب مره اخرى لداخل منزلي اتفهمييين كرستين خافت: حسنا عزيزي جواد يغير الموضوع: ماذا بالنسبة للتحاليل كرستين: بالطبع النتيجه ايجابيه كما اخبرتك جواد: اريد ان ارى ذلك بنفسي كرستين: حسنا انتظر قليلاً يناظر بالولد ويحاول يتأمله (مايشبهني ابد معقوله تكون صادقه معقوله انت ولدي .. طيب ابوي امي كيف بقلهم. قاطعت تفكيره وهي تمد له الاوراق كرستين: ها هي .. تأكد بنفسك. ومازالت عينة جوني بالمختبر اذهب بنفسك واجعلهم يأخذون عينة منك لاختبارها ان كنت لا تصدق. كان وقت تتكلم جواد يشوف الاوراق سكت وناظر ولده ورجع ناظرها جواد: حسنا أنا اصدقك .. ولكن اصغي الى ماسوف اقوله جيدا .. لن ادرجه تحت اسمي حاليا حتى اخبر والداي بالامر ولكن سأتكفل بجميع مايحتاجه الطفل. اما بالنسبة لك لا اريد مقابلتك ابدا الا للظروره كرستين متفاجأه: لما كل هذا .. أنا اريد ان اعيش معك `وقربت منه وهي تمسك ع اكتافه: كـ عائله واحده .. لا اريد لجوني ان يتشتت بين والداه ابعد يدينها عنه: لا هذا هو قراري ولا اريد التراجع عنه .. والان سوف اذهب للفندق ولكن غداً لا اريد ان اراك هنا عندما اعود. وراح وتركها وهي اخذت الاوراق ورمتها ف الارض ومعصبه اتصالات ازعجتني وخلتني اقوم من نومي الحلو اخذت جوالي ورديت فهد: جوانه فزيت ع طول يوم سمعت صوته حزين جوانه: هلا فهود وينكك مختفي .. وش فيه صوتك كذا فهد: تعبان ككككثير جوانه: بسم الله عليك شفيكك فهد: حبيبتي مو قادر انساها .. قلبي بيوقف ي جوانه والله راح يوقف عدلت جلستي: ليه طيب .. ليه ابتعدت عنها فهد: البنت طلعت تكذب علي وماتحبني جوانه: كيف ماتحبك وليش كانت معك اذا ماتحبك؟ فهد: ما اعرف بس تركتني كذا فجأه وقفلت جوالها ماترد على مسجاتي ولا شي جوانه: انت زعلتها بشي؟ فهد: لا ولا عمري زعلتها بس ... وسكت جوانه: بس وش؟ فهد: كانت دايم تسألني متى بروح الدمام جوانه: شدخل؟ فهد: ما اعرف هذا الشي الوحيد اللي ممكن بسببه تتركني جوانه: بالمنطق يعني في بنت تقول لرجال بشوفك بالعاده الرجال يصرون على ذا الشي فهد: معك حق بس مدري ذا الشي دايم في بالي لان الحاحها ماكان طبيعي وترا ماكانت تبي تشوفني لا بس تبيني ازور الدمام جوانه: غريبه وش تبي فيك. يوه معقوله يكون ولد ويبي يسرقك او زي كذا فهد: لا ويييين مستحيل جوانه: انت شفتها ؟ فهد: لا جوانه: طيب عطني رقمها تبيني اكلمها فهد: قفلت جوالها ياليتها عطتني بلوك ممكن اقدر اوصل لها من رقم ثاني بس لا قطعت علي الخط على طول جوانه بحزن: اجل مالك الا النسيان حاول تنساها ي فهد فهد بضيق: ان شاءالله اقدر بس جوانه: وانا بأي وقت موجوده لو مضايق كلمني تمام؟ فهد: فديتك ليتك اختي بدل منار جوانه: وانا اختك يا خبل فهد: لا تمنيتك في بيتنا تسمعيني بكل وقت مو الخبله اللي عندي جوانه: ههههههه حرام عليك فهد: يلا اجل نامي مابي ازعجك اكثر بس حبيت اطلع اللي بصدري لاني بنفجر جوانه: انت بعد نام و لاتفكر خلاص يمكن هذا خير لك ماتدري يمكن الله ابعدها عنك خيره .. فهد: ان شاءالله .. ومشكوره لانك سمعتيني جوانه: العفو ي الدب فهد ابتسم: يلا تصبحين ع خير جوانه: وانت بخير قفلت منه وتسطحت وانا افكر بسالفة ذي البنت ... : هاحبي كيف الهديه خوله بدلع: مرا واو .. يسلمو حياتي : الله يسلمك .. امممم متى اقدر اشوفك خوله تغير الموضوع: تسدق اليوم خطبني ولد صاحب مجموعة شركات الMAS. بس بابي رفض عشان مايستاهل ياخذني : اما وللللليش يعني خوله: تعرف يعني بابي من المعروفين بالديره ومايبي اي احد. لازم احد مثلنا عنده خير : طب ماقلتي لي اسم ابوك لين الحين خوله: ولا راح اقلك عشان سمعة العايله : يلا عاد أنا حبيبك وبعدين هذي انتي عارفه عني كل شيء وانا من عايله غنيه عن التعريف بس خبرتك وعادي خوله ماتدري وش تقول لانه مكذبه عليه ع انها بنت عز وتاخذ منه هدايا عليها القيمه ولو خبرته انهم ناس دخلهم متوسط او فوق المتوسط شوي راح يتركها. : الللللللو وين طسيتي خوله تصرفه: مامي تناديني باي : طيب باي قفلت منه وناظرت الساعه اللي جابها لها خوله: هه غبي ع بالك احبك او بصدق انك تحبني .. أنا ماراح اتزوج الا ولد الهامي هذا اللي بيغرقني فلوس ويخليني فوق فوووووق. ““صباح الخير يا امسي الذي امسى بلا همسِ ويا يومي الذي اخشى بأن يمضي كما الامسِ““ في صباح يوم جديد كا العاده الكل راح ع دوامه وانا مابداوم مابي اشوف جواد .. وقفت عشان بنزل بفطر مع امي بس فكرت ان لازم اعتذر عن غيابي رجعت جلست واخذت جوالي ودقيت ع تلفون مكتب جاد جاد: الو جوانه: مرحبا استاذ جاد جاد: يا اهلين جوانه: أنا جوانه جاد: و هالصوت احد ينساه .. ادري عرفتك لا ويتغزل بعد: احمم استاذ أنا ماراح اقدر اداوم اليوم جاد بزعل: لاااا ليش؟ جوانه: تعبانه شوي جاد بإهتمام: تعبانه؟ وش فيك ؟ جوانه: لا بس شوية زكام جاد: طيب خلاص لاتجين اهم شيء راحتك جوانه: شكرا جاد: العفو جوانه: مع السلامه جاد: دقيقه .. بقلك ان جواد خلاص رجع لندن قلت بدون شعور: للللليش؟ جاد: وش اللي ليش هناك احسن. خليه بعيد عنا افضل مع انه يناشبني ويجرحني ويكسر بخاطري ومع اني ماودي اقابله بس يوم قال راح تضايقت شوي ما اعرف ليش جوانه: ماشي .. يلا عن اذنك جاد: مع السلامه قفلت منه ونزلت عشان افطر عند هادي اللي طالع المصعد ويفكر ف جوانه : نفس تفكيري جايه هنا عشان شيء اكيد مو كذا .. شهادات مزوره ليش يعني اكيد وراها شيء بس أنا ماراح اتركها لين اعرف وش عندها .. كان رايح مكتبها اللي جنب مكتب جاد وقابله في طريقه وقف لما ناداه والتفت يشوف وش يبية جاد: اسمع أنا طالع شوي إذا الوالد سأل عني قله رحت المشروع هادي: حاضر وطلع بسرعه بعد ماشاف ملف جوانه واخذ عنوانها منه .. .. .. ماحست الا بقطرات مويا تطيح ع وجهها فتحت عيونها ويوم شافته واقف ع راسها ويناظرها وشعره مبلل والمنشفه ع رقبته مالقت حل غير الصراخ منار: أأأأأأأأأأأأأأأأأأأه،، مازن يحط يده ع فمها مازن: اسكتي فضحتينا ي الخبله منار متخرعه: انت وش تسوي بغرفتي مازن يبتسم: اسألي نفسك انتي اللي وش تسوين بغرفتي ؟ منار تناظر المكان حولها وتضرب ع جبهتها: اي تذكرت .. البارحه نمت عند اختك كان فيه صرصار بغرفتها ف هربنا ونمنا بغرفتك وانت ماكنت موجود مازن يناظرها ويبتسم ع طريقة كلامها وانها اول مره تسولف معه ببراءه وماتخجل منه منار انتبهت له: اححم ممكن تطلع عشان بلبس عباتي واطلع مازن يغمز لها: حافظك شبر شبر مايحتاج غاصت بملابسها وغطت وجهه بالبطانيه ابتسم وحس انه راح يسوي بلاوي لو ماطلع بسرعه ف رجع للحمام وهو يكلمها مازن: اطلعي قبل ارجع والا ترحمي على نفسك اختفى وهي ضحكت عليه وطلعت بسرعه وهي تتوجه لغرفة ريم جوانه: يمه عبير: هلا حبيبتي جوانه: الحين انتي كيف حبيتي ابوي ناظرتني بنظره غريبه وانا ابتسمت: لا تناظرين كذا والله صدق اسأل عبير: افطري بسرعه بس ابي اشيل السفره جوانه: ههههههه تأبشني اللي خجلانه أنا عبير: الحين انتي ليش مو مداومه جوانه: تعبانه شوي عبير: والله ما اشوف فيك شيء بس كذا دلع بنات جوانه: ههههه طيب شفيكك من جبت لك طاري الحب عصبتي علي عبير: عيب ي بنت أنا امك جوانه: طب احسك مثل اختي الكبيره. وقفت امي وهي تاخذ الفطور ع المطبخ وانا بعد وقفت عشان اساعدها واستهبل عليها تننن تننننن تنننننن سمعت صوت الجرس وناظرت امي عبير: دقيقه أنا بشوف وطلعت ع الحوش ومن خلف الباب عبير: مين جاد: أنا جاد عبير: عفوا بس ماعرفتك جاد: انتي ام جوانه؟ عبيره: ايوه جاد: طيب أنا اكون مدير بنتك بالشغل عبير باستغراب: انت غلطان ماعندي بنات يشتغلون جاد: عفوا بس هذا مو بيت جوانه محمد عبير بتفاجأ: انت وش جالس تخربط .. أنا بنتي بالجامعه ماتشتغل جاد مو عارف وش يقول بس فكر يدق ع جوانه ويشوف كلم عبير: خلاص أنا يمكن غلطان معليش راح ع السياره ودق ع رقم جوانه جاد: الللو جوانه: اهلين استاذ بغيت شيء جاد: ايه أنا حبيت اتطمن عليك بنفسي وجيت بيتكم بس طلعت لي وحده تقول ان مافي بنات يشتغلون ومدري وش أنا انننننننننصدمممممممممت وقفلت ع طول ورحت ارررركض بشوف امي وافكر وش ابرر لها .. مممممصيببهههه ماراح ترضى علي ي ويلي كله من الغبي هذا الله ياخذه وافتك منه افففف من يوم عرفته وانا من مصيبه لمصيبه ثانيه .. شفتها تدخل وهي تناظرني بنظرات مرعبه اول مره اشوفها كذا ي ويلي جت ومسكتني بقوه من يدي عبير بعصبيه: الححححححين تقولي لي وش علاقتك بهاللي اسمه جاد هاه قولللللللي قلت ودموعي ع خدي: يمه لحظه والله بفهمممك كل شيء بس اهدي شوي عبير: ماراح اهدى لين تخبرني من وين عررررررفتيهههه جوانه: طيب دقيقه اصبري والله راح اعلمك تركت يدي: يلا قوللللللي جوانه: يمه سالفه طويله .. واتمنى تفهميني ولا تعصبين صدقيني أنا بس ابي شيء يخلي جاد يندم قد شعر راسه عبير: كيف يعني .. يلا احكي لي من البدايه مسكتها من يدها ورحت معها ع الصاله وجلستها ع الكنب وانا جلست مقابلتها فهمتها كللل السالفه من ريمم لكل شيء بس ماقلت لها انه ريم قلتلها وحده من صديقاتي عبير توقف: لا مستحيل ارضى تدخلين نفسك بمشاكل عشان هالشي .. خلاص البنت هي اللي غلطت وتتحمل غلطها. وقفت ومسكت يدها: الله يخليك يمه والله هي مالها ذنب هي حبته وتوقعت منه يحبها ويتزوجها صدقيني لو ما اشوفها مظلومه ماكنت تركت دراستي عشان اطلع حقها عبير: بس أنا اخاف عليك منه مابيه يضرك بشي جوانه: اوعدكك يمه إذا شفت منه اي شيء راح يضرني بترك الشغل على طول عبير بتردد: انتي بتدخلين نفسك بمشاكل مالها اول من تالي جوانه: اوعددددك يمه انتبه ع نفسي وما اسوي شي ولا اخطي خطوه الا وخبرتك فيها عبير مو مقتنعه: ودراستك كيف فكرتي تتركينها بسبب شي تافه انتي وين كان عقلك؟ جوانه: يمه دخيلك افهميني كيف تبيني اشوف صديقتي حياتها تدمر وانا ساكته عبير: وانا مستحيل اشوفك موديه نفسك للمشاكل والهم واظل ساكته .. اليوووم تتركين ذي الشركه وانتهى النقاش ياااربي ماتوقعت اني اتعب في اقناع امي لها الدرجه الله ياخذك ي جاد فضحتني كانت بتروح بس مسكت يدها: يمه انتي علمتيني ما اتخلى عن اهدافي وانا بديت بها الشي واقدر اتحمل عواقبه عبير: جوانه لا تحاولين قلتلك تتركين ذا الشغل اليوم جوانه: ما اقدررر والله ما اقدر يمه صدقيني لو اقدر ماراح ارفض صدقيني والله بس بمسك شي على ذا الحيوان واطلع صدقيني مابقى شي اترجاك يمه تكفييين لاتخربينها بأخر شي تنهدت بضيق: أنا خايفه عليك جوانه: اوعدك ما اسوي شي الا لما اشاورك وعد ما ادخل نفسي بمشاكل.. تكفين وافقي عبير بتردد: طيب بس انتبهي لنفسك وتعلميني كل شي يصير اول باول .. وانا ماراح انساك من دعائي ان ربي يحميك ويبعد عنك الشر جوانه: ابشري من عيوني .. الله لا يحرمني منك بستها ع راسها وطلعت غرفتي ف مكتبه وجالس يشغل نفسه بالاوراق اللي ف يده والمعاملات اللي تحتاج دراسه دق تلفون المكتب رفعه ومازال يناظر اللي بيده جواد: hello yes جاد: هاو ار يو ترك اللي بيده وارخى جسمه ع الكرسي: هذا انت؟ جاد: ايه جواد بزعل: بغيت شيء جاد: امممم حبيت اقلك أنا اسف ي اخوي ماكان قصدي ازعلك لدرجة انك تسافر ولا تخبرني ولا تودعني جواد: لا عادي مازعلت ماصار الا الخير جاد: زين انك رضيت مو حاب نزعل من بعض جواد بفضول: الحين انت من جدك تحبها؟ جاد: ما اعرف هل هو حب والا وش بالضبط بس الزبده اني لاشفتها ابتسم جواد باستهزاء: وكل من شاف وحده وابتسم يعني خلاص يحبها؟ جاد: ههههه مدري يمكن جواد: ليش انت اول مره تشوف بنت وتبتسم من قلبك؟ اللي اعرفه عندك درزن بنات معقوله ولا وحده اثرت فيك غير هالجوانه جاد يذكر ريم: لا فيه وحده اثررت فيني اكثر من جوانه بكثييييير رغم اني حسبت اني نسيتها بس من سألتني ماذكرت الا هي جواد: مين ؟ جاد: ماعليك منها تركتها من زمان اصلا .. المهم الحين جد ابي جوانه مسكت ف راسي جواد بقهر: وش تبي منها يعني .. اسمع خلاص اترك هالخبال اللي فيك جالس تلعب ببنات الناس حرام اللي تسويه جاد: بدء بالنصايح حكيم زمانه جواد: ما اقول غير الله يهديك جاد: هههه امين قفل جواد منه وغمض عيونه بعتب : مايحبها راح يتسلى فيها ويتركها اخوي واعرفه منار تكلم جوانه: اي وبعدين وش صار جوانه: ولا شيء تفهمت الموضوع بس أنا خايفه تعلم ابوي هنا مستحيل يخليني اقدر اكمل منار: طب انتي مالقيتي شيء من هنا من هنا يعني طرف خيط تقدرين تمسكينه عليه جوانه تتنهد: للاسف مافي منار: اوك اضحكي عليه دامه متعلق فيك جوانه: الحين انتي دامك مو مداومه تعالي عندي البيت ونخطط وش نسوي منار: ماشي بس باخذ ريم عشان تغير جو بعد جوانه: بس مو تعبانه يعني عشان اللي صار معها منار: مو كثير كدمات بسيطه وانا ابيها تغير جو عشان نفسيتها تتحسن جوانه: اوك انتظركم ما مرت نص ساعه الا والبنات واصلين عندي .. سولفنا بموضوع جاد شوي وملامح ريم تغيرت ف حبيت اغير الموضوع جوانه: بنات اميره تزوجت ريم ومنار: امممممممممما ريم: استغفر الله من اخذها منار: لا أنا باقي مصدومه الشاذه هذي تزوجت واحنا ولا واحد طل بوجهنا ي حسرتي ريم: هههههه "تغمز لها" انتي فيه من يطل بوجهك احنا اللي الله لنا جوانه: هههههه اي والله .. أنا لو الهندي ناظرني كتبت له عنوانا يمكن يجي يخطبني منار: ههههااي قويه هذي عاد ريم: صرنا عنوسات منار: وش عنوساته انتي الثانيه اسمها عوانس ريم: اللي هي جوانه: أنا ابي واحد يكون رومانسي مرررررره ابيه ف كل ثانيه يتغزل فيني ويفاجأني باشياء حلوه ف كل يوم .. وابيه مايكون عصبي ويكون حنون ومايضربني وكل اجازه نسافر برا المملكه ويعيشني مثل الملكه منار: بالجنه ان شاءالله اما ابو سروال وفنيله مستحيل تلاقين هالمواصفات ريم: ههههههههههههه من جد رميت عليهم المخده اللي بيدي: مالت عليكم خلوني احلم شوي منار: بسالك شيء جوانه: تفضلي منار: وين غداكم مت جوع جوانه: انتي شلون تبلعين كل شيء ولا تسمنين حشا مو بطن منار: يممممه قولي ماشاء الله ي عدوة الرشاقه جوانه: هههههههههههه ماشاء الله بس وش دخل عدوة الرشاقه ذي ي الخبله هههه منار: مدري كذا سمعتها ف مسلسل وحبيت احطها ف جمله مفيده ريم: هههههه قلبتيها نحو منار: الا ع طاري النحو .. تتوقعون ابله هدى الدوبا اللي كانت تدرسنا فيه احد طل بوجهها والا للحين معنسه مثلنا هع جوانه: اي والله مسكينه ههههه تذكرون يوم جتنا البنت السوريه بتدرس عندنا هههههه منار: هههههههه ايه بس قالت لها مدام أنا طالبه جديده طردتها من الفصل وعصبت علينا ههههه كله عشان كلمة مدام المسكينه اكلتها ههههههه ريم تبتسم: وش حلوها هذيك الايام .. كنا ابرياء جلست اتميلح واتكلم بدلع: شوفي وش حلاتي لسى البراءه تنقط من عيوني منار: هههههههه مرررره والله الا الشر صاير يمشي بعروقك انقلبتي ابليس كل شوي طالعه بخطه لجاد الهامي المسكين من تعاسة حظه انك صديقة حبيبته ريم: بس خلاص ناظرناها ومنار استحت منها ع اللي قالته ريم تكمل: بسكم حش ف خلق الله أنا ميته جوع ابتسمت: حاضر يلا الحين اقول للخدامه تجيبه بهالوقت دخلت دانه دانه تسلم ع البنات: ازيكم ي حلوين ي النذلين منار: افا بديتيها حلوه وخربتيها دانه: اي يعني ما جيتو عندنا الا يوم عندي دوام ريم: ههههه ايه عشان نحش فيك براحتنا الكل: هههههههههههه دانه: الا بقلكم يوم الخميس في حفله بيت صديقتي لمى وارسلت لكم بطاقات دعوه منار نطت بحلقها: فيه بوفيه والطقاقه معروفه والا دي جي يعني اهم اغنياء والا حفله عاديه وليش الحفله اصلا وش مناسبتها ومين بيحضر دانه مفجوعه: اركدي ي المشفوحه يعني موب شايفه خير يامال الفقر منار رفعت جسمها بغرور وهي ترجع خصلات شعرها اللي طايحه ع كتفها باصبعها: نو موب تسذا بس لو انه عادي مابروح الكل ضحك ع الحركه دانه: اي واضح ههههههههه تغدو البنات وكل وحده راحت بيتها دانه جالسه عند اختها دانه: امممممم وش راح تلبسين جوانه: م اعرف ماعندي شيء جديد دانه: طب شرايك ننط ع السوق جوانه تناظر الساعه شافتها 6 المغرب: اممم اوك باقي وقت انزلي خبري امي وانا ابدل ملابسي والحقك دانه وهي تطلع: ماشي لبست بسرعه ونزلت عند دانه وطلعنا ع السوق اخذت لي فستان لين الركبه واكمام طويله شفافه لونه اسود مع ذهبي شكله فخم وفي نفس الوقت هادي .. ودانه اخذت لها فستان لونه تيفاني طويل وله فتحه لين الركبه ومن الامام مقفل وظهره مفتوح لين النص رجعنا البيت بعد تعب الفره جربت اللبس وبعدها نمت مر باقي الاسبوع عادي دوام ورجعه نوم ودوام يوم الخميس منار وريم كانو عندنا وكنا مجتمعين في مقر العصابه اللي هي غرفتي ع قولتهم هههه منار تسشور شعرها والبخار يطلع منه ريم لبست وجالسه ع سريري تضبط جزمتها ودانه تتمكيج وانا مخلصه من بدري هههه متحمسه ماصدقت اروح حفله مليت من مشاكل الشركه وهمها ابي ابعد شوي عن جو النكد والحزن .. قلت وانا ارفع صوتي لمنار جوانه: بس خللللللللاص ححححححرقتي شعرك منار ترفع راسها: لا وين باقي ما استشور زين دانه تضحك عليها: خبله كثر الاستشوار يقصف الشعر وترا شعرك صار مثل جارتنا القديمه الهنديه منار تطفي الاستشوار: قولي قسم دانه: قسممممممممم منار ابتسمت برضا وقامت تزين نفسها ريم تناظر بالمرايا: بنات واضحه الكدمه اللي ع وجهي؟ ناظرتها: حسبي الله عليهم اه بس لو اعرف مين هم كنت وريتهم منار تناظرها: اي والله كان ذبحتهم .. بس تطمني مو واضحه وشكلك طالع قمر ابتسمت ريم وبداخلها مكسوره وهي تشوف صديقة عمرها وبنت خالتها وتفكر بمستقبل الصور اللي ماسكينها عليها وتدعي ربها انها تنتهي هالسالفه بخير وما تتضرر منار لان مالها ذنب. خلصو البنات وعلى طول طلعنا من البيت دخلنا بيتهم اللي كان شكله يجنن وراقي وشكلهم عندهم خير لمى استقبلتنا من الباب لمى: اهههههههلين شفيكم تأخرتو دانه: ههههه تعرفي البنات وحاجاتهم استشوار مكياج لبس والخ لمى: ههههه تفضلو حياكم نطت وحده من خلف لمى: هاي أنا رغد ووحده ثانيه: وانا وعد والثالثه: وانا جنا اخت لموش والرابعه تدفهم وتدخل بينهم: وخرررررو نتعرف ع الاوادم وعدلت وقفتها: وانا رسل والخامسه بخجل: وانا رسيل والسادسه: وانا غيدا والسابعه جت تركككض: بنات الحقو البنت اللي هناك تشاهق بتموت مدري وش جاها راحو البنات ركض وهي ماتت ضحك وناظرت فينا واحنا مستغربين ضحكها ماشفناها الا تتخبى خلفنا: ههههههههههه انتظر الهجمه المرتده جوانه: هههههه شفيك : اصبري وتشوفين ماشافت الا البنات جايين ركككض واللي حامله جزمتها بيدها وللي ماخذه كوب واللي صحن رغد ووعد: ويننننننها الحيوانه نطت من خلفي تناظرهم: حشا غزو مو هجمه مرتده هع لمى تحاول تمسكها: ي السخيففففه طيحتي قلوبنا انتي ماتتوبين لين اخلي فواز يغسل شراعك البنت ومازالت خلفي واحنا نضحك عليهم : ليش شايفتيني سفينه مثلا يغسل شراعي أنا والبنات متنا ضححححك ع اشكالهم منار: ههههههه اهلك توححححححفه لمى انتبهت توها وانحرجت ونزلت جزمتها وهي تلبسها : الحمدلله خمدت الحرب وعم السلام البنات: ههههههههههههه طلعت من خلفي: محسوبتكم فرح اسم ع مسمى ياسبحان الله.. انشر الفرحه بقلوب الناس رغد: الا قولي قرح مأخوذه من القرحه اللي تسبب انفجار البنكرياس والمراره الكل: ههههههههههههههههههههههههه ههههه كان البنات مرررره يجننون ضحك ووناسه ويدخلون القلب ع طول انبسطنا معهم كثير لين دق فهد ع دانه لان جوالي أنا ومنار مقفله دانه: هلا فهد فهد: ها خلصتو اجيكم دانه: ما اسمعك ازعاج دقيقه طلعت برا عشان تكلمه بهدوء دانه: ايه الحين اسمعك فهد: خلصتو اجي؟ دانه: امممم ما اعرف بسأل البنات بس إذا بتنام خلاص اخلي السايق يجي فهد: اي والله تعبان مره دانه: والا اقلك خلاص تعال الحين راجو لو تحط قنبله ف غرفته بيقوم سابع جار وهو مادرى عن السالفه ولا تحرك سمعت ضحكه خلتها تلتفت ع طول لصاحب الصوت وتقفل من فهد التفت وهو انبهر بجمالها كان متنح ف وجهها الجميل وملامحها البريئه وهي متخرعه منه ولا قادره تهرب او تستوعب الموقف لين سمعت رغد تناديها رغد: دأأأأأأأأأأأأأأنه التفت للباب ورجعت تناظر الشاب بس اختفى دانه تركض لداخل: يمممممممه ليكون جني دخلت البيت ترجف والبنات خافو عليها بس تحججت ان الجو برد وشوي وهدت وطلعو بعد ما جاهم فهد كانت سرحانه بجماله وضحكته اللي لها نغمه غير تتردد ع مسامعها وخايفه انه مايكون بشر ويكون جني ع قولتها. | ||||
|
| |
|
04-12-21, 10:19 PM
| #13 | ||||
| البارت الســـــــ6ــــادس “صدقت ولا صدّق وياي ربع الطين ومن أنفسهم عرفت إن الكلام أكثر وقفت الراضي الزعلان من الشيئين ورحت الراضي الزعلان من منظر ويكبرني الزعل من عمري بـعمرين وعشت بنص راحة بال لأجل اصبر بـ مرحلة التعب كن التعب .سكين ولا كان السؤال إن شلت بّتـأثر علشـان الخواطر كنت ساكـت لين عرفـت إن الحزن لاشخاص لا أكثر بعيني هاهٌم الغالين_ هٌم غالين ولكن من أنـا؟ لو برجع وبذكـر وأنا ياوجهي الثاني يابو وجهين تغير مثل ما أحتاج وأتّغيـر تبيني ما أحس بشي! طيب زين تبيني أخذل اللي منخذل؟ بقدر تبي لا قالوا شلـونك؟ أغيب سنين تبي لا من خطيت أخطي ولا أتعذر؟ تبيني ما أضيق إنّ شفتهم ناسين؟ .تبيني ما أكون الطيّب المٌقهر؟ تحت أمرك ولو خلوني الباقين… أنا ماقلت لك عادي ولو نخسر! وصلت لمرحله كل من بقى بالعين كثر من طاح من عيني ومن المحجر /سلمان_بن_خالد ؛ ؛ ؛ قمت الساعه 6ونص تحممت وطلعت صليت الفجر ونزلت ع المطبخ المفروض اليوم انام بس خلاص تعودت ع الدوام حتى بيوم اجازتي صاحيه بدري سويت لي قهوه واخذتها وطلعت ع حديقة بيتنا الزغيرونه جلست ع المراجيح وانا اذكر حديقة بيت جواد .. ي الله وش كثر كبيره تنهدت بغصه اف طول الاسبوع كان ممل بدونه مدري بس اشتقت لهواشه تذكرت الموقف اللي صار لي مع هادي يوم جا مكتبي ع اخر الدوام . . . طق طق طق جوانه: تففففضل دخل وناظر فيني: ممكن اخذ من وقتك دقايق عدلت جلستي وقلتله يتفضل هادي بعد ماجلس ع الكرسي اللي مقابلني: انسه جوانه أنا جاي وابي منك تقولي لي الصراحه اففف اكيد نفس السالفه: طيب هادي: ابي اعرف ليش جيتي هنا جوانه: استاذ هادي أنا من اول ماجيت هنا وانت مو تاركني بحالي .. ليش ما اعرف تراقبني تفتش شهاداتي تدور ع اي خطاء لي أنا جيت هنا لاني ابي اشتغل ظروفي الماديه صعبه وزورت شهاداتي عشان كذا والا مالي مصلحه مع جاد ولا افكر فيه وياليت تقدر ظروفي وتتركني بحالي لاني أنا شايفه شغلي وبس وماعمري اذيتك او اذيت اي احد ف ليش انت تحاول تأذيني ترا حرام تقطع رزق احد ناظرني باحباط وقال: خلص دام كذا الله يوفقك .. وبالنسبه لموضوعك لاتشيلي هم بنساه وقف: عن اذنك. وطلع ياترا وش فيه هالانسان ودي اعرف يلا اهم شيء يبعد عني . . . في جهه ثانيه ع الفطور جاد وهو يلعب بصحنه وسرحان ماياكل ( البنت ذي ماراح تهمها الفلوس ولا من اكون .. بكل مره اقرب منها تصدني اااخ لو اعرف كيف اوصل لها سميره: جااااد التفت: هاه هلا يمه سميره: وين عقلك ؟ جاد: هنا يمه معكم سميره: وش رايك باللي قلته؟ جاد: وش يمه؟ سميره : مفكره نزوجكم انت واخوك مع بعض شرايك؟ ابتسم وكأنه لقى الحل وبداخله (ايه الزواج ماراح تعطيني وجه لين اخطبها) وقف بسرعه بيطلع فوق: اووك يمه انا موافق وطلع بسرعه على فوق مستعجل عشان يخبرها بالخبر اما سميره ف قامت عن السفره وراحت اخذت جوالها واتصلت وتنتظر الرد ف جهه ثانيه كان منهمك بين الاوراق اللي ف يده سمع صوت جواله دوره تحت الملفات وشاله وهو يبتسم جواد: هلا بالغاليه سميره: هلا ي وليدي شلونك جواد: بخير يمه دامك بخير .. انتي طمنيني عنك وش اخبارك وكيف صحتك سميره: أنا بكون طيبه إذا لبيت لي طلبي جواد: افا يمممه انت قولي ويوصلك اللي تبين سميره: اخوك قرر يتزوج وانا ابي زواجكم ف ليله وحده انخطف وجهه وبانت علامات الصدمه عليه مافكر ف زواجه فكر ف زواج اخوه والبنت اللي بياخذها جواد: ماقال مين يبي سميره: لا ماقال بس بخطب له وحده من العيله وبعد انت جواد: يمه قلتلك ما افكر اتزوج الحين سميره: بس انت وعدتني وقلت لي تم جواد يستسلم: وانا عند كلمتي .. اختاري البنت اللي تشوفينها مناسبه لي واخطبيها سميره: اي قول كذا من اول .. فرح قلبي بشوفتك معرس ابتسم جواد ابتسامه باهته: طيب يمه يلا عن اذنك عندي اجتماع الحين سميره مبسوطه: الله يوفقك ي ولدي قفل منها ورمى جواله ورجع راسه ع ورى اه يمه بتعذبين البنت اللي بتختارينها لي لاني اكره كل البنات نزلت لمى وشافت امجد قدامها طالع ع الدرج لمى: انت توك تررررجع البيت؟ امجد بتعب: ايه لمى: لللليش فيك شيء امجد وهو يطلع ويتركها: لا بس كنت مع اخوياي نزلت وهو دخل غرفته رمى مفاتيحه وجلس ع سريره بتعب وهو يكلم نفسه: وش جرى لك ي امجد من يوم شفت وجهها وانت ماتفكر بغيرها .. هالملاك من وين جت دانه اسمها وهي فعلا دانه .. ي الله من تكون هالبنت وشلون بسأل عنها .. لا عيب اخاف اسأل ويفهموني غلط ” غمض عيونه شوي وبعدها وقف ودخل حمامه تحمم وطلع نام . . . اما لمى اللي مالقت احد بالبيت ع طول طلعت ع بيت عمها اللي يجمعهم حوش واحد بس كل عماره تنفصل عن الثانيه وبينهم ابواب راحت تركض خافت احد من عيال عمها يشوفها وصلت الصاله وشافتهم مجتمعين لمى تتنفس بصعوبه من الركض: انتو هنا وماتعلموني فرح مبققه عيونها وقفت لحد عندها مسكتها من كتوفها وناظرت خلفها لمى مستغربه: شفيك ؟؟ فرح: حسبت فيه ديناصور خلفك لمى تتقدم: ما اقول غير الله يعين فواز على ما ابتلا فيه فرح تحط يدها ع خصرها وتكلمها: ها ها اصلا فواز يحبني ويموت علي ويعشقني ويعشق خبالي ويعشق كلامي السريع ويعشق كككككككل شيء فيني لمى تبتسم بمكر: وانتي؟ تحبينه فرح تمزح: لا وش احب فيه شعره المنكوش والا عيونه الحولا والا ضروسه الطالعه والا كرشته اللي قدامه والا وش بالله ينحب فيه يناظر نفسه : افا كل هذا فيني التفت فرح بخرعه ويوم شافته شهقت وطأأأأأأخ طاحت ابتسم ولمى ناظرته: وش تبي هنا؟ فواز: كنت ابي عمي بموضوع ناظر فرح: شوفي البنت جالسه تحققين معي لمى راحت لها: هذي من جدها اغمى عليها والا تمزح اما عند فواز طلع لانه استحى يكشف ع البنات هو كان واقف عند الباب يبي ينادي عمه بس من سمع صوتها دخل عشان يشوفها اجتمعو البنات عليها رغد طأأأأأأخ تعطيها كف: قومي ي الخبله ماصحت وعد كانت من الجهه الثانيه واعطتها طأأأأأخ كف ثاني ماصحت ماشافو الا رسل تقول: وخخخخرو ؤخرو أنا بنقذها وفي يدها مويا وكبتها كلها عليها خلتها تقوم تشهق وترجع يغمى عليها مره ثانيه رسل: هذي ماتت اكيد وعد: ﻻﻻﻻﻻ مستحيل كيف نخبرهم رغد عايشه الدراما: وليش نخبرهم نحفر قبر بالحوش وندفنها ونقلهم ضاعت لمى تناظر رغد بنص عين: بي بي هي تضيع انتي ووجهك .. احسن شيء نرميها بالزباله رسيل اللي توها نازله ماتدري عن السالفه: وش فيكم الكل مره وحده: فرح ماتت من الصدمه رسيل ركضت لعندها ومسكت راسها صرخت بصوت عالي: ﻻأأأأأأأأأأأ شللللللللللون فرح قامت: وجع فقعتي اذني أنا كنت اسلم ع جدي وجدتي بالجنه رسيل تضمها: ي حممممماره خوفتيني فرح :ياقلبي والله كنت استمع لفرقة ناجي عطا الله وين بيدفنوني الكل: ههههههههههههههههههههههههه ههههه . . . دخلت شفت دانه تحضر الفطور وكانت ماسكه كوب وسرحانه رحت لحد عندها ولا حست فيني جوانه: بووو دانه تلتفت وتمسك ع صدرها: خخخرعتيني ابتسمت: اللي ماخد عقلك رجعت تكمل تحضر الفطور: بقلك شيء جلست ع الكرسي: قولي دانه: امممم البارحه شفت واحد كان مره حلو احس دخل قلبي لا مو دخل قلبي يعني احس مدري شلون صورته مو راضيه تروح من بالي جوانه: مممممين ؟؟ مأ عرفتيه ؟ دانه: لا بس يمكن جني ناظرتها باستغراب: وش جنيه ي الخبله دانه: ههههه اقصد كنت اناظره بعدين فيه احد ناداني والتفت للباب ويوم رجعت اناظر المكان اللي كان فيه اختفى جوانه: هههههههه ويعني يمكن راح يوم سمع ان في احد موجود دانه: امممم يمكن .. حطت الشاي .. يلا أنا بروح انادي بابا وماما انتظرتها تحت لحد ماجت مع امي رحت بستها: صباح الخير يمه عبير: صباح النور نزل ابوي وبسته وصبحت عليه جلس ابوي وامي تصب له شاي: انتي وينك ماصرنا نشوفك الا بالاجازات امي تناظرني نظرة اللي كله من دوامك بالشركه جوانه: تعرف يبه الاختبارات بتبدء وانا اذاكر وكذا امي من الصدمه وهي تناظرني وعارفه اني اكذب صبت شاي لين طاح نصه ع السفره هههههه وقفت اساعدها ومسحت اللي بالطاوله بمناديل عبير: اجل تذاكرين؟ جوانه: اححححم ايه يمه عبير: الله يوفقك اجل واخيرا جلسنا وعم الهدوء والسلام ع قولة فرح عنجد ناس طيبين وفالينها .. فطرت وطلعت غرفتي شوي الا دانه لاحقتني دانه وهي تدخل وتقفل الباب: امشي نروح عند منار ونقول لريم تجي طفش كنت جالسه اشوف التويتر وارد ع الناس وكذا: وش تبين الحين صعبه .. واصلا شوي ويأذن للجمعه شفت دعوه لمجموعه ع الواتس ومت ضحك ع الاسم ”قرع بس حاطين جل” جوانه: هههههههه شوفي شوفي هالقروب دانه: هههههههه اقبلي خلي نشوف مين قبلت ودخلت حتى نكاتهم تموت ضحك ههه زعانف نمله: هيه ي الخبله أنا اوريك تعالي بيتنا اشوف البرنسيسه: يمه ي المتوحشه زعانف نمله: والله والله ان ماسكتي لاجي امردغك بعقال اخوك الثور ي الثوره البرنسيسه: مافي شيء اسمها ثوره ي البقره الحولا زعانف نمله: الا فيه وهي في هيئة انسانه اللي هي انتي طبله: بس انتي وياها هوس فضحتونا زعانف نمله: اني ارى احدهم يرانا لموش:ههههه ايه اضفت دانه وجوانه زعانف نمله: وي يافشلتي .. تراني كنت امززح خخخخخ أنا مؤدبه جوانه: هههه هلا مين ماعرفتكم طبله: افا نسيتي فرقة ناجي عطا الله جوانه: هههههههههه لمى وبنات عمك صح زعانف نمله: يب يب محسوبتك فرح جوانه: ههههههههه والله توي كنت اذكركم دانه من جوالها: اهلللللين طبله: هلا فيك دانه: شخباركم لموش: تمام ي قلبي اخبارك انتي وجوجو دانه: الحمدلله ظليت معهم شوي وقمت عشان اتحمم ياحظهم احس ماعندهم هموم ودي لو اعيش معهم وانسى التفكير ف جواد كنت جالسه اكلم نفسي واستغربت لاني قلت هالكلام أنا اصلا من متى فكرت ف جواد .. اصلا هو مجرد انسان مغرور مو شايف احد عنده يلا الله يصبرني لين تخلص هالسالفه. .. .. .. . . . يكلمها وناسي الدنيا معها صارت هي كل دنيته صار مايسمع الا اخبارها مايلتفت الا لاسمها مايحس بحب الا لها مازن: وحشتيني ابي اشوفك منار: كيف ما اقدر مازن: وش اللي ماتقدرين ترا انا ولد خالتك سهل اشوفك قولي لخالتي بروح عند ريم وماراح تقول لا منار: امممم اشوف مازن: منار متشفق على شوفتك لا تخلينها بخاطري منار ابتسمت: من عيوني مازن بفررح: تسلم لي العيون وصاحبتها . انتظرك منار: باي قفلت منه ونطت ع المرايا ضبطت نفسها وقالت لفهد يوديها بيتهم قريب وصلها ورجع وهي قلبها يدق بقوه خايفه يكون مازن ينتظرها بالحديقه دخلت بتردد ومشت خطوتين مازن: طولتي علي التفت وهي تبتسم قرب منها وبهدوء شال لثمتها كالعاده. ناظر بعيونها بحب وشوق وحنان ومسك يدهاا وسحبها لخلف بيتهم مكان فاضي محد يجيه منار: شففففيككك؟ ابتسم وغمز لها: جوعان منار: ههههه عطشان وعرفتها وجوعان وش بعد تبي تاكلني مثلا؟ سحب شيلتها وطاح شعرها ع اكتافها بنعومه تخللت اصابعه فيه ولفه ع جهه قرب منها اكثر وصارت تحس بأنفاسه ع رقبتها وفجأه صرختت بألم وهي تبتعد عنه وتمسك كتفها مكان عضته منار: اااااه ي حمار مازن: هههههههههه المره الجايه تلبسين هالعبايه اطلع دمك منار باقي شوي وتصيح: حرام عليك والله عورتني مازن: تستاهلين كم مره قايلك تغيرينها ولا غيرتيها منار وهي بتمشي: الشرهه علي انا مصدقتك مسك يدها ورجعها مقابله قرب من اذنها وهمس مازن : اغااااار وابتعد عن اذنها وهو يناظر بعيونها: مابي احد يستمتع بجمالك غيري فاهمه سمعو اصوات جايه بإتجاههم ف مسكها وركض فيها التفتت تبي تشوفهم ووقفت فجأه منار: شننننطتي مازن شافها انها مو واضحه مكانها وماراح يشوفونها : امششي محد راح ينتبه لها كملو ركض لين وصلو لمستودع قديم ورا البيت دخل وقفل الباب ومنار تنتفس بسرعه مازن وصدره يطلع ويهبط : اشششش في الحوش كان ام مازن وابوه ابو مازن: انتي متأكده سمعتي الصوت من هنا. يمكنه من عند الجيران ام مازن: ي بن الحلال انا متأكده اقولك سمعت صراخ بنت ابو مازن: طيب مشينا الحوش شبر شبر مافي شي. ام مازن: والله مدري بس انا متأكده ابو مازن وهو يرجع للبيت: ي بنت الحلال تعوذي من الشيطان مافي شي ام مازن مشت وراه وتتلفت وراها وهي تتعوذ من الشيطان عند منار ومازن منار بهمس: راحو امش نطلع اختنقت مسك يدها وفتح الباب وانصدم بس مابين لها رجع يسحبه مره واثنين ومافي فايده الباب قديم والقفل علق منار بخوف: وووووش فيه لا تقول مايفتح مازن : لا تخافين راح احاول فيه منار بدا الرعب يسري بجسمها وهي تشوفه يحاول بس الباب معلق مو راضي يفتح ناظر لها بيأس: شكلنا علقنا هنا منار بدت تبكي: لا تكفا مازن حاول والله اختتتنق ما اقدر مسح دموعها : اهدي لا تخافين راح اشوف اي شي هنا ممكن يساعدنا منار بخوف: الله يخليك حاول مابي اجلس هنا دقيقه وحده دور في المستودع وهو يكح كل ماشال شي التفت لها مازن: غطي خشمك من الغبار سمعت له وشالت شيلتها وحطتها ع خشمها وهي مسكتها وتبكي لقى شنطة حديديه سحبها وفتحها وانتثر الغبار وجلس يكح شوي وبعدها ناظرها شاف فيها عدة سباكة اخذ مفك حديدي وراح للقفل وهو يحاول يضربه عشان يفتح بس مافي امل اخذ مفكات واسلاك وظل يمكن ربع ساعه ولا في امل رمى المفك ع الارض بتعب وهو يمسح العرق من جبهته وناظر في منار اللي تناظره بأمل منار: بشر هز راسه بلا: والله مو راضي يفتح منار بكت اكثر: يععني وش بننحبس هنا؟ مازن: لا ماراح ننحبس بس راح ننفضح لاني راح ادق الباب بقوه منار تبكي: عادي اهم شي نطلع من هنا دق الباب بقوه توقع ع طول راح يجون بس انتظر عشر دقايق مافي حس.. التفت بسرعه وكنه تذكر شي مازن: جوالك معك؟ منار تبكي: لا في شنطتي وتركناها برا رفس الباب بعصبيه وقهر ومنار صرخت بخوف التفت لها وقرب منها وهو يضمها لصدره ويمسح شعرها مازن: اششش حبيبتي لا تخافين اكيد راح يسمعونا.. انتي اهدي بس ابتعدت عن حضنه وجلست بالارض تحس بدوخه وجلس جنبها وهو مقهور يشوفها تعاني ولا قادر يساعدها ويساعد نفسه حس بتوترها مسك يدها ف رفعت راسها تناظره منار: راح نموت هنا؟ تكفا مابي اموت مازن: اشششش جعل يومي قبل يومك. انتي اهدي بس وغمضي عيونك ولا تفكرين بشي. اكيد احد راح يمر من هنا ويفتح لنا منار بخوف: ما اقدر احس بختننق مسح ع عيونها بيدها بهدوء: اسمعي كلامي غمض لها عيونها بيده ونزل يده قرب من وجهها وصار ينفخ عليها هوا من فمه بهدووووء شاف وجهها بدا يرتخي وابتسم وهو يناظر الباب وانقلب وجهه رجع نظره لمنار اللي لسى مغمضه وباين عليها الهدوء عكس قبل شوي كانت بتموت من التوتر والخوف اخذ نفس ووقف عشان يحاول في الباب من جديد . . . طلعت من الحمام و سمعت جوالي يدق اخذته واستغربت هذا حتى ف ايام اجازتي ناشب لي رديت بدون نفس جوانه: الو جاد: وينننننك انتي من اول ادق عليك جوانه: صاير شيء ؟ جاد: امممم جوانه بصراحه أنا مدري شلون بقولها بس احححم انا بصراحه احس اني معجب فيك واداوم عشانك صرت احب الدوام منك. وانتي ماعطتيني مجال حتى اني اتكلم واسولف معك ف عشان كذا اممم أنا كلمت امي عشان تخطبك لي قلت بدون شعور: ننننننننننننعم؟ أنا اتزززززوجك؟؟ جاد باستغراب: ايه. ليه وش ناقصني حلو وعندي خير وراح اعيشك اميره جوانه: وليش تخطبني مابينا شيء يعني وين انت ووين أنا جاد: بصراحه زي ماقلتلك .. يعني لسى مو زواج راح اخطبك ونتعرف على بعض اكثر واكثر وش يقول ذا وش يخربط اي زواج واي خطبه وانا لسى مامسكت عليه شي عشان يتزوج ريم جاد: اللللللللووووو جوانه: نعم جاد: بعطيك وقتك فكري براحتك تذكرت ريم وحزنت عليها هي كان بتموت عشانه وهو لعب بمشاعرها ورماها.. اقلها اقهره واعلمه درس ان بنات الناس مو لعبه ف يده جاد: انتي معي الللللو ابتسمت: بس أنا ما اتشرف اتزوج واحد مثلك سكت حسيته متفاجأ قال بهدوء: ليش جوانه: تعرف ريم الـ..... جاد مصدوم: وش فيها جوانه: هذي صديقتي وانا بس دخلت الشركه عشان اخذ لها حقها منك .. مو انت قلت لها ماتتشرف تتزوج بنت مثلها لانها طلعت معك لا وبدون ارادتها انت حطيت لها منوم والبنت اشررررررف منك والحين أنا اقلك سوري ي ولد الهامي ماتشرفني خطبتك لانك انسان حقير تلعب بشرف الناس وتتركهم انت كم بنت سويت فيها كذا كم بنت ظلمتها مثل ريم .. كان خاطري انتقامي يكون اكبر من كذا بس للاسف خربتها علي بسالفة خطبتك جاد ضحك بقهر: ههههههههه مصدقه نفسك بتزوجك ؟ انتي مسويه فيها ماتكلمين رجال ف جيتك من ذا الباب كنت بخطبك لين تثقين فيه واخذ اللي ابيه منك يا غبيه جوانه: انت ماتستحي على نفسك؟ ماعندك احساس اهلك ماربو.....صرخ خرعني جاد: اسسسسسكتي ولا حرف زياده. ومو جاد الهامي اللي تضحك عليه وحده زيك .. والله ي جوانه راح تدفعين الثمن غالي غالللللللي قفل منها وكان مقهور طلع بسرعه وركب سيارته وهو يسوق باقصى سرعه اخذ جواله ودق ع اخوه جواد: هلا وغلا جاد بعصبيه مو مخليته يشوف قدامه: جواد البنت طلعت كذاااااابه وحقيره جواد: اهدا اهدا من الكذابه؟ جاد مقهور:.. جوانه حقيرررره لعبت فيني تخيل؟ تخييييل بنت لا راحت ولا جت تلعب علي؟ اااااااخ يا جواد مقهور مره. اهانتني ي خوي اهانتني جواد وهو يعقد حواجبه ومعصب: ماعاش من يهينك وانا حي جاد: عاشت وكانتـ......... ماشاف الاشاره انها احمر وماشاف غير سياره تجيه من الخط الثاني وتضرب السياره من الجهه اليمنى خلتها تتقلب 5 مرات تقريبا وبعد ماهدت الكل متجمع حولها وعبارات الاسف تطلع من افواهم ( لا حول ولا قوة الا بالله .. اطلبو اسعاف .. ي الله سترك .. ماظنتي بيطلع بخير .. السياره معدومه شلون راح يطلع .. أنا لله وانا اليه راجعون .. الرجال ينزف.....الخ من جهة جواد انقفل عنده الخط ورجع يدق لقاه مقفل انشغل باله بس قال اكيد جواله مافي بطاريه . . . صليت الظهر وظليت شوي بغرفتي افكر ف اللي بيصير وتهديد جاد لي المشكله يعرف بيتنا ي ويلي اخاف يفضحني عند ابوي اخذني التفكير ما انتبهت الا لدانه وهي تناديني ع الغدا نزلت بهدوء وفكري لسى شاغله رد جاد ياربي وش بيسوي جلست ع السفره مع اهلي وشارده سمعت ابوي يقول شيء بس ما ادري مين يكلم دانه تهزني: بنت وين سرحتي ناظرتها: هاه معك وش فيك دانه: ابوي له ساعه جالس يكلمك ناظرت ابوي: هلا يبه محمد: تغدي ي بنيتي مافي شيء مهم مدري احس عقلي مو معي ياترا اللي سويته صح هففف بس يستاهل الحين اكيد عرف ان بنات الناس مو لعبه عنده وراح يعرف ويحس بالالم . . . ترن ترن ترن :الو يس : هذا بيت خالد الهامي : يس هوو آر يو : ممكن تعطيني اي احد من اهل البيت راحت عند سميره ومدت لها السماعه : مام سميره تاخذ السماعه: الو : السلام عليكم سميره: وعليكم السلام .. من معي : معك احمد من مستشفى.... سميره قلبها قبضها: خير ان شاءالله احمد: ولدكم صار عليه حادث بسيط والحين متنوم هنا سميره تمسك ع صدرها: هو بخخخخخخخير احمد: اااا امم ايه تعالو وتعرفون الموضوع سميره طيحت السماعه وراحت خبرت خالد وبسرعه طلعو ع المستشفى وصلو وسألو ف الاستقبال وخبروهم ان جاد باقي ف غرفة العمليات سميره راحت ركض للباب الغرفه وتدقه: وينكككم احد يطمني على ولدي مسكها خالد وجلسها: لن يصيبكمم الا ماكتبه الله لكم لا تخافين ان شاءالله مو صاير له شيء انتي ادعي له بس طلع الدكتور وسميره راحت بسرعه لعنده وخالد لحقها خالد: طمنا ي دكتور شلون حالته الدكتور بتردد: والله مو عارف وش اقلكم لكن حالته ماتطمن عنده نزيف بالدماغ وحاولنا يوقف لكن للاسف ماقدرنا نوقفه سميره بخوف: مأأأأأأأأأت ؟؟ الدكتور رفع يده بإستسلام: الأقدار بيد الله.. محتاج دعواتكم له وراح عنهم وسميره انهارت تبكي وابو جواد يحاول يهديها ف هالوقت اتصل جواد ع البيت وسأل عنهم بس الخدامه قالت له ان الكل طلع حس بقلبه مقبوض دق ع ابوه خالد يرد وهو يحاول يتماسك: هلا ي ولدي جواد: وينك يبه خالد: أنا لسى بالمستشفى مع اخوك جواد بصدممه: لللللللليش وش صاير مع جاد ابو جواد يناظر زوجته ويهمس: جواد مايعرف؟ سميره: مالحقت اقله خالد رجع يكلم جواد جواد: الللللللو يبه علمني وش فيه جاد خبره كل شيء عن حالته واول ماقفل كلم منصور جواد: جهز طيارتي بسررررعه منصور: حاضر طال عمرك قفل وراح اخذ شنطته وحط فيها كم غرض وطلع ع سيارته جواد ف داخله: كله منها كلللللله من الحقيره جوانه والله لو صار لاخوي شيء والله لاذبحكككك والله . . نزلت من غرفتها عبدلله: اوه توي اعرف انك باقي عايشه حسبتك متي منير وهي تجلس ع الكنبه اللي جنبه: سخيف هديل: اي والله مانشوفك ع طول ف غرفتك منيره بداخلها" معقوله أنا كذا احس اني انزل معهم واكل معهم بس كأنههم ما يشوفوني حصه اللي انتبهت لبنتها اللي شردت: ماعليك منهم تعالي نسوي القهوه راحت مع امها للمطبخ حصه وهي تحط الدله ع النار: منيره افتحي لي قلبك علميني وش اللي مضيقن صدرك ومخليك على طول حزينه وبغرفتك منيره تغير الموضوع: يمه شرايك بالاجازه نروح بيت خالي خالد حصه اللي فهمت بنتها قربت منها ومسحت ع شعرها البوي: ودي اشوفك بشعرك الطويل ابتعدت منيره عن امها ونزلت دموع من عيونها وراحت تركض ع غرفتها حصه وهي تتنهد: يارب تفرج همها وتهديها . . . جالسه وتبكي وهي تهوي نفسها: اااه بموووت خلاص مو قادره اتنفس راح لها بسرعه وخوف حضن وجهها بيدينه وهو يبعد شعرها عنه مازن: تحملي. تحمملي ي عمري الحين بدق اقوى واكيد ينقذونا لا تخافين مسكت يدينه وتناظره بحزن: محد داري عننا ي مازن راح نموووت والله راح نموت مازن يضمها لصدره: لا تقولين كذا ماراح يصيرلك شي وانا جنبك اششش اهدي بس اهدي قام بعصبيه اخذ مفك كبير وصار يدق وهو يضرب القفل بكل ما اوتي من قوه انقهههر لما ماتحرك القفل ولا احد سمعهم فجأه الكل اختفى صحيح المكان بعيد عن البيت وصاد ولا احد يفكر يروح له بس ع الاقل يشوفون من وين جاي الصوت ضرب الباب بقوه اكبر وسمع كسرة القفل ابتسم وهزه كم مره بقوه وانفتح التفت يبي يشوف فرحة منار ويقول لها اخيرا انفتح بس شافها غايبه عن الوعي طيح المفك من يده وهو يسمع صداه قرب منها بخطوات ثقيله طاح ع ركبه عندها وكأنه توه يستوعب شاف نفسها ضعيف شالها بسرررعه وطلع فيها لبرا وهو ياخذ نفس ويناظرها ركض فيها للمجلس هو اقرب مكان له جلس وهي بحضنه تركها واخذ مويا ورجع لها رش شوي ومسح ع وجهها مازن: دخيللللك قووومي لا تخوفيني عليك شغل المكيف ونزله عليها وراح جلس جنبها مازن: منار منار قومي منار اترجاااااك لا توجعين قلبي اكثر قووومي حركت راسها : مازن مازن: عيون مازن قومي يابعد كل هلي طلعنا طلعنا ياروحي انتي فتحت عيونها وجلست بتعب وهي تبعد شعرها عن وجهها: كيف؟ مازن: قدرت اكسره بعد مليون محاوله اخذت نفس عمييييق وطلعته: الحمدلله على نعمة الهوا والاكسجين توني احس فيها مازن ابتسم: خفت افقدك وباقي ماتهنيت معك منار ابتسمت ووقفت ووقف معها منار: خلني اروح قبل تصير مصيبه ثانيه ابتسم: انا اسف. كله بسبة هالشوفه لاعادها الله من شوفه منار: لا تقول كذا بالعكس حبيتها لاني عرفت فيها وش كثر تحبني مازن: انا مو بس احبك انا اعشقك للنخاااع طلعت وراحو لمكانهم الاول واخذت شنطتها دقت على فهد مارد ناظرت مازن منار: بطلب تكسي مازن: يخسي يوصلك تكسي وانا موجود منار بتردد: ماتشوفها صعبه مازن: لا صعبه ولا شي. يلا قدامي اشوف ابتسمت ومشت وطلع وراها ركبو وطلع ع بيتهم . . . ف جهه ثانيه حالتهم تعبانه ولسى واقفين قدام باب العمليات ناظرت الساعه شافتها 10 بالليل مسكت يد زوجها: أنا خايفه صار لهم 8 ساعات محد طلع يطمنا خالد يحاول يهديها وهو بداخله منكسر وخايف: لا تخافين ولا شيء ان شاءالله ماعليه شيء توه وصل ع طول من المطار ع المستشفى نزل بسرعه يهرول بين الممرات لين وصل شاف امه وابوه جالسين ع الكراسي راح لهم وابوه من شافه وقف وحضنه جواد: يبه اخوي شلللللللونه .. وش قالو لكم ابتعد عنه ونزل راسه وويأشر بـ لا جواد: وشششش شفيههههههه طلع الدكتور والكل توجه له جواد: هادكتور وش صار طمنا الدكتور: للاسف ماقدرنا نسيطر ع النزيف .. الحين وضعه مستقر وهو بخير لكن بيظل ف غيبوبه ولا نعرف مدتها .. في ناس يصحون منها خلال اسبوع وناس اشهر وناس حتى بعد سنين بس كمان فيه ناس مايصحون منها لنهاية عمرهم كل الاحتمالات وارده سميره تصرخ: لأأأأأأأأأ مستتتحيل. انت تكككككذب ولدي راح يصحى راح يصحى جواد مسكه من كتوفه: دكتور مافي حل ثاني مستعدين نسفره اكبر المستشفيات إذا فيه امل يشفى الدكتور: للاسف هذا الشي مافي علاج له غير رحمة رب العالمين وراح وتركهم مصدومين وسميره منهاره .. جواد ضغط ع جواله بقوه وهو يصر ع اسنانه: ترحمي ع نفسك ي جوانه راح تشوفين الموت وانتي عايشه.. وبعصبيه اكبر: الله لا يخليني ان خليتك مرتاحه . . . غمضت عيوني احاول انام بس جاني شعور غريب قمت واخذت دفتري اللي ع طول اكتب فيه جلست ع المكتب وبديت اخط خرابيش عشان اطلع اللي بقلبي ماذا بعد؟ عشقتك وانتهى ؟ ماذا بعد الحنين في كل ثانيه الالم لفقدك في كل دقيقه ماذا بعد البكاء لمجرد رؤيتك لمجرد كلمة تتمتم بها على مسامعي ماذا بعد العشق إلى مابعد الجنون إلى الهذيان باسمك حتى في احلامي ماذا بعد النظر إلى السماء ورؤية وجهك مرسوما في غيومها ماذا بعد اختباء ابتسامتي في ثنايا شفتيك ماذا بعد نعم انه لا شيء بعد ذلك نعم هو ذلك الحب الذي غزا قلبي في لحظة نعم اقولها وبكل جوارحي أنا احبـبـــــــــتك. Noona قفلت الدفتر ورحت ع سريري تغطيت ونمت ماقدر يرجع ع البيت راح بسيارته وهو يفكر بحالة اخوه وقف بعد مده ونزل من سيارته ويشوف خيوط الفجر بدت تظهر والشمس شوي وتطلع ولع سجارته ويدخن وهو حاس بضيق جواد: ياليت منعته أنا كنت اقدر امنعه يقرب من هالغبيه اللي سوت فيه كل هذا .. بس والله ي جاد اوعدك راح اخليها تتمنى الموت مليون مره .. تذكر كلمة اخوه قبل يصير عليه الحادث ( اهانتني ي خوي اهانتني) رمى السجاره وطلع غيرها وشغلها جواد بعصبيه وغييض: اقسم بالله ما اخليها عايشه متهنيه واخوي يصارع الموت ركب سيارته بسرعه وطلع ع الشركه جواد: اليوم السبت وراح تداوم هاللعنه .. لازم اكون بالشركه كان طالع برا الرياض ويوم رجع اخذ ساعتين مع الزحمه وصل وطلع ع مكتبه بعد مانادى ع مدير شؤون الموظفين طق طق طق جواد من خلف مكتبه: ادخخخخل دخل وقف قدامه هادي: صباح الخير طال عمرك جواد: هلا .. واشر له يجلس هادي: سلامة الاستاذ جاد سمعنا صار معه حادث جواد: الله يسلمك جلس هادي: امر وش بغيتني فيه جواد: ابي ملف جوانه محمد وابعرف ع اي اساس توظفت هنا هادي خاف ان جواد يعرف بموضوع جوانه وجالس يختبره خاف يطرده هادي بارتباك: طال عمرك أنا من يومين شكيت بوضعها عمرها صغير وعندها شهادات خبره طويله جواد ينتبه لكلامه: ايه ؟؟ هادي: اممم طلعت شهاداتها مزوره جواد بعصبيه: كككككككيف؟؟؟ وانت وينكككك ما انتبهت من اول هادي: أنا مالي شغل الاستاذ جاد هو اللي اصر اوظفها بدون اسأل عن اي شيء جواد: طيب تقدر تتفضل .. وارسل لي ملفها الحين طلع هادي .. جواد وهو يرجع ظهره ع الكرسي وكان ماسك قلمه ويلعب فيه بين يدينه: والله طحتي ي جوانه ومحد سما عليك .. هه السجن ينتظرك . . . نزلت وسوت لها كوفي اصلا مو قادره تنام فتحت التلفزيون تقلب بالقنوات ومافي شيء عاجبها قفلته و اخذت جوالها بطفش ومن شافت الخبر وقفت بسرعه و طيحت كوبها بدون ماتحس وهي تصرخ: لا ججججججججاد ونزلت دموعها .. انتبهت لنفسها وخافت اهلها يشوفؤنها طلعت غرفتها وتتأكد من الخبر ريم ودموعها ع خدها: لا لاتموت جاد أنا لسى احبك مابي منك شيء بس خلك عايش لاتموت وحضنت مخدتها وظلت تبكي لين نامت بدون ماتحس . . . صحيت ولبست وبداوم عشان اخذ ملفي واقدم استقالتي طلعت بدري عشان قبل بابا يصحى هو اجازه طبعا عشان سبت مافي غيري مداومه. وصلت مكتبي وجلست اشوف الاوراق اللي كانت ع الطاوله من يوم الخميس أنا مادققتها بعطيه واخبره اخذتها معي دقيت الباب ودخلت بعد قال تفضل كان ع الكرسي ومعطيني ظهره هه اكيد مو قادر يناظرني جوانه: احمم استاذ جاد أنا بقدم استقالتي.يعني لان خلاص ماعاد لي مصلحه اظل هنا اكثر .. اخذت اللي ابيه ويكفي واتمنى انك اخذت درس من اللي صار والدرس الاكبر لك انك تحترم مشاعر غيرك ترا الناس مو لعبه ف يدك .. احنا بشر لنا احاسيسنا ومشاعرنا ومافي اي شخص له الحق يلعب فيها اتمنى تفهم هالشي وتترك هالاشياء اللي تسويها طق طق طق طق نفس التصفيق الهادي حق جواد لف الكرسي لي وانا انصدمممت انه هو مو جاد كان يبتسم ابتسامه جانبيه بخبث : محاضره رائعه عن الاخلاق أنا تجمدت بمكاني وهو وقف وقرب مني مسك يدي بقوه ونظراته كانت حاده لي كأنه وده يقتلني قلت وانا احاول ابتعد عنه جوانه: انت شفيكككك جنيت اتركني جواد: هه لسى بدري تو مابدينا ورماني ع الارض بقوه ونزل جسمه رجل ع الارض وثانيها والرجل الثانيه ثانيها ع فوق وتاكي يده عليها تكلم وكأنه مجمع حقد العالم كله وبيحطه فيني كان شاد على اسنانه بقهر: انتي ع بالك بتسوين اللي سويتيه بجاد ومحد بيسويلك شيء ؟ وقف وراح ع مكتبه وانا احاول اجلس بس يدي تعورني احس بنار شابه فيها اخذ ملف ورماه على وجهي لحد ما انتثرت اوراقه بوجهي جواد بابتسامه جانبيه: اي سجن حابه تدخلين على التزوير اللي سويتيه هنا أنا حسيت وقف الدم اللي بعروقي كيف كيف مافكرت بنهايتها؟ واضح عليه مايمزح واضح على ملامحه الشده والقوه والعصبيه .. انهزت اركان جسمي كلها من صرخ علي جواد: اننننطقيييي تلعثمت تجمد لساني مو قادره اتكلم او ادافع عن نفسي قلبي وروحي كلها ترجف ماقدرت استوعب الموقف اللي انا فيه اول مره شخص يكلمني بها النبرة الحادة مسك ذراعي ورفعني وهو يهزني ناظرت بعيونه اللي يطلع منها الشرار وحسيت اخيرا اني اسوعبت انه ماسك يدي سحبت نفسي منه بسرعه وابتعدت جوانه: لا تلللللمسني جواد بسخريه: خفي علينا يا الطاهره حاولت اقوي نفسي واتكلم بثقه مع اني كل ما اشوف حجمه وعصبيته وعيونه الحاقده يرجف كل شبر بداخلي جوانه: ا انت فاهم الموضوع غلط .. انا انا جواد بحده: اصصص ولا نفس انا يا بسجنك يا بفضحك عند اهلك تكلمت برجاء: تكفا ابوي لا تكفا هو مفكرني بالجامعه لا يدري ارجوك جواد بسخريه: بالحالتين راح يدري بس ان شفته رباك قدامي ممكن اهون عن السجن بكيت مو قادره اتكلم: اسمع الموضوع مني ارج قاطعني بحده: ماني هنا عشان اسمعك انا خيرتك بين خيارين اعلم ابوك كيف ماعرف يربيك والا السجن جوانه: دخيلك لا .. لا تعلم اهلي ابوي مريض ماراح يتحمل سوي فيني اللي تبي بس تكفى لا تسجني ولا تعلمه الله يخليك ناظرني باحتقار: وش اسوي بوحده وسخه مثلك .. امثالك مالهم الا السجن يربيهم يارب وش اسوي قلت له بتهور وياليت ماقلتها جوانه: إذا سجنتني مابتسفيد شيء ولا راح يصير لي شيء بنام واصحى واسولف وانبسط واطلع بعد مده ناظر فيني: هه تعلميني بعد .. اوك شرايك تكونين خدامه تحت رجولي غير كذا ع السجن وارتاح فكرت ف اهلي وهالحقير قدر يهيني بكيت وقلت له بانكسار جوانه: موافقه. . . . خالد يكلم زوجته اللي مو راضيه تبتعد عن باب العنايه خالد: خلاص ي ام جواد لازم ترجعين البيت ترتاحين سميره: وشلون اترك ولدي خالد نزلت دمعه منه ع وجهه اللي بدت فيه علامات الكبر مسحها: ولدنا ربي بيحفظه ان شاءالله امشي نرجع ترتاحين شوي وتغيرين ملابستس وتاكلي لس لقمه وارجعتس سميره تناظره بحزن: تتوقع يطلع منها خالد: ادعي ربك اللي مايخيب ظن عبده فيه .. وانا متأكد انه راح يشفى مسكها من كتوفها يحاول يؤقفها: قومي قومي وادعي له ادعي له كثير سميره مو قادره حتى ترد وقفت وراحت معه ع البيت . . . بعد اللي قاله لي طردني وقال مايبي يشوف وجهي رحت مكتبي اخذت شنطتي وطلعت كانت الساعه 10 ماحبيت ارجع البيت احس اني مكسوره ودي افضفض لاي احد بس اخاف يلموني لاني أنا اللي بديت هاللعبه بنفسي قلت للتكسي يوديني بيت منار مالي غيرها دخلت غرفتها لقيتها نايمه جيت جنبها وصحيتها منار تناظرني بعين وعين مقفله: جوج شفيكككك بسم الله عليك .. جلست وحضنتني وانا ماصدقت ع طول بكككيت مو قادره اسكت جواد هذا اهاني جرحنني حطم غروري كسر كل شيء بداخلي منارابتعدت عني وهي تمسح دموعي: شفيك خبريني جوانه: أنا بمشكله كبيره مو قادره استوعب اللي صاير تخيلي جاد طلب مني الزواج وانا رفضته وخبرته عن ريم وهو توعد اني راح اندم بس طلع اخوه يمكن خبره وخلاني انننننندمممم جد ع الساعه اللي عرفت فيها درب الشركه .. كنت اتكلم وابكي منار: طيب اهدي الحين .. صبت لي مويا .. اشربي واهدي وبعدين علميني السالفه بالتفصيل هديت شوي وخبرتها منار: نننعم خير من مفكر نفسه ذا .. الله ياخذه طب حاولي معه بالطيب يمكن يهدا فهميه موقفك جوانه: يخوف ي منار يخوف حيل .. قاسي صخر وعصبي ومستحيل يتنازل ع اللي في راسه منار مصدومه: طيب وش راح تسوين جوانه: ما اعرف ضمتني: لا تستلمين له بذي السهوله جوانه: ياليت اقدر اتكلم ياليت وقفت منار: وين جوانه: بروح ابي انام احس تعبانه منار: طيب ي روحي ولا تفكرين راح تنحل ان شاءالله طلعت من عندها ورحت ع البيت الحمدلله ماكان فيه احد تحت طلعت ع غرفتي بسرعه انسدحت ع سريري وعورتني يدي جوانه: ياربي انت اعلم بي وبحالي انا ماسويت كذا الا عشان هالمسكينه ريم. يارب فرج همي وابعده عني واحميني منه يارب اخذت لي بندول وحاولت انام عشان انسى . . . اما من جهة جواد اللي الحقد ملا قلبه ومايفكر غير كيف ياخذ حق اخوه منها اخذ اوراقها معه وطلع من الشركه بيروح يتطمن ع اخوه رمى الملف ع المقعد اللي جنبه لحد ماطلعت شوي الاوراق منه شاف صوره طلعها وكانت صورة جوانه عشان الوظيفه لازم صوره طبعا بلثمتها ناظر فيها وقطعها كم قطعه ورماها من الشباك وهو مشمئز منها .. و حرك سيارته ع المستشفى اخذ نص ساعه بالطريق وصل ع المشفى وتوجه ع غرفة العنايه المركزه حاول بالدكتور لين رضى يدخله دخل بعد ما اعطته الممرضه اللبس الخاص شاف اخوه كيف متسطح ع السرير وكأنه ميت والاجهزه عليه قرب منه مسح ع شعره: جاد ترا أنا متأكد راح تصحى بسرعه انت قوي .. يلا قوم لاتخوفنا عليك .. صدقني ي جاد اللي كان السبب ف الشي اللي صار لك راح اخذ لك حقك منه بس انت قوم غمض عيونه بالم وهو يشوف حالة اخوه وماقدر يطول عنده طلع وفسخ اللبس الاخضر ونزل ع السياره اخذ الملف وطلع جواله وسجل رقمها واتصل . . . جوانه: الو جواد: معك جواد الهامي حسيت بقلبي يرجف: هلا جواد: الليله تكونين ف بيتي بققت عيوني ع كبرها: كيف؟ ما اقدر جواد: تقدرين ماتقدرين مو شغلي والا حابه اكلم ابوك بموضوع تزويرك نزلت دموعي عارف نقطة ضعفي يدري ماراح ارفض جواد: شوفي لك حل .. ابيك الحين تكونين قدام بيتي. مابي ارجع الا انتي قدامي جوانه: حاضر قفلت منه حسبي الله عليه .. وش اسوي الحين رحت لبست عباتي واستأذنت من امي اني بروح عند منار وطلعت وصلت بيتهم تذكرت اول مره دخلت فيه نزلت عند البوابه اللي برا وجا الحارس : مين تبغين جوانه: الاستاذ جواد طلبني كلمه وخبره : ايش اسمك جوانه: قله جوانه راح الحارس يتصل عليه : طال عمرك في بنت واقفه عند البوابه تقول اسمها جوانه وتبيك جواد: ايه هذي الخدامه خلها برا لاتدخلها حتى الحديقه لين اجي :حاضر طال عمرك ناظر ساعته كانت 11ونص جواد بحقد: والله مايغمض لي جفن ولا يرتاح لي بال لين اشوفك تعانين قدامي بكل ثانيه . . . خبرني الحارس انتظره هنا وقفت وانتظرت انتظرت انتظرت بس طول وتعبت ناظرت حولي جلست ع الارض ناظرت السما احس راسي بينسلخ من الشمس من يقول ان هذي شمس الشتا اخذت نفس محتره مرررره مو قادره اتنفس فتحت لثمتي اصلا مافي احد بيتهم بعيد ومنعزل ضميت نفسي بيديني اففففف وينه هذا انتظرت وانتظرت وانتظرررررت شفت الساعه 1ونص والشمس صارت اقوا احس راسي راح يذوب صح الجو مو ذاك الحر بس الشمس ع راسي من ساعتين طبيعي احتر رحت للحارس: لو سمحت ممكن تكلمه إذا مابيجي بروح دق عليه مدري وش قال له قفل وكلمني : يقول لا تتحركين لين يجي رجعت انتظر وعطشت وجعت حتى ياربي وش ذا لحد متى بجلس كذا اكيد بموت او يجيني شيء من الشمس هذا وقته يتأخخر ياربي صبرني هفففف اخيرا شفت سياره جايه ناظرت ساعتي شفتها 2 وقفت وجت السياره وقف عند الباب نزل الشباك الخلفي وناداني جواد : هيه انتي رحت له فتح محفظته ورمى علي ٥٠ ريال .. وقتها احتقرته وكرهت نفسي أنا لوين وصلت حالي ناظر فيني وانا كنت مصدومه جواد: اوه هذي انتي حسبتك شحاده معليش بس بس كافي تجريححح الله يخليك كافي كل هالذل بس عشان رفضت اخوه وش هالناس اللي ماعندها رحمه جواد: ع العموم خذيها مقابل شغلك عندي جوانه: مو بحاجتها شكرا جواد وكنه يهددني: خذيها ي جوانه قلتلك ما احب اعيد كلامي عاندته: مو بحاجة لك ولا لفلوسك شد على اسنانه وكنه بدا يفقد اعصابه: قلتلك ما احب اثني كلمتي .. خذيها لا يصير لك شي مو طيب الحين نزلت بإنكسار واخذتها من الارض والدموع مجتمعه بعيوني.. اااه توني يوم واحد ذوقني الذل بأنواعه كيف باقي الايام جواد: الحقيني قفل شباكه ودخل وانا مشيت وراه وتعبت المكان بعيد مره حديقتهم كبيره وصلت عند سيارته وانا احاول القط انفاسي نزل السايق وفتح له الباب ونزل تقدمني للباب وانا خلفه دخلت وشفت صاله كبيره بوسطها درج كبيررر مقسوم لجهتين عند الدور الثاني تقدم وطلع اول درجتين وانا مازلت واقفه عند الباب التفت لي حط يده بجيب بنطلونه ورفع حاجب جواد: منتظره ازفك مثلا؟ ارتبكت دخلت بتردد وانا خايفه منه وش ممكن يسوي فيني ليش يوديني بيته نزلت وحده صوت كعبها يدق وعطرها واصل قبلها باين عليها التعب ومع هذا مهتمه بنفسها شكلها كبيره يعني يمكن اخته الكبيره قالت وهي ع الدرج: جواد مين فيه؟ التفت لها: تعالي يمه ماشاء الله هذي امه مبين مغروره من شكلها هففف الله يستر جت وقفت جنبنا ماشفته غير لما مسكني من شعري من فوق طرحتي ورماني عند رجولها جواد: هذي خدامتك يمه ابتعدت هي شوي وانا رفعت جسمي احاول اوقف بس بظل جالسه عشان مايشوف دموعي سميره بإشمئزاز: ﻻﻻ وش ذا مو ناقصني خدم جواد: ع العموم هي بتكون خدامتي الخاصه واذا تبينها ف شيء شغليها عادي سميره: جواد شفيك انت اليوم؟ اخوك بين الحياة والموت وانت تجيب خدم اخذ نفس بقهر يكتم الحقد اللي بصدره: تعرفين كل شي مع الوقت يمه .. وانتي هيه قومي اوريك جناحي وقفت وانا افكر امه من تقصد بأخوه اللي بالمستشفى معقوله عنده اخ غير جاد. يمكن. لان انا ما اعرفهم .. طلعت معه فتح لي الباب ودفني داخل وانا طحت ما اكلت ودايخه ومو قادره اوقف ظليت بالارض ماقدرت اتحرك جواد: قومي نظفي الغرفه يلا ومسك يدي وقفني ابتعدت عنه بتقزز: كلمني وانا انفذ مو من حقك تلمسننني سامع حط عينه بعيني وكنه يتحداني وكأنه يقول حاولي تتحديني وشوفي وش يجيك ماقدرت اكمل نظر له نظراته حاده شرسه وده يذبحني نزلت عيوني اخفي الخوف اللي سرا بجسمي لمجرد نظره منه ابتعدت شوي ناظرت الدنيا نظيفه وش انظف جوانه: مافي شيء انظفه المكان نظيف جواد : جد ؟ اجل دقيقه طيح شاشة البلازما اللي بالصاله وقلب الكنب ورمى الخدادات بالارض ودخل المطبخ الصغير واخذ عصير وكبه ع الارض واخذ الفازه الفخمه اللي ع الطاوله ورماها ع الجدار لحد تكسرت وحاس الدنيا كلها بدقيقه جواد: يلا شوفي شغلك مشيت خطوتين جواد: لحظه ناظرته وهو قال: فيه عصير ع جزمتي امسحيها مو مصدقه هالانسان قد ايش حقير ويحاول يذلني .. انا ليش اسمح له يسوي اللي يبيه فيني ليش ما اعطيه حدود ليش خايفه وارجف .. حاولت اتشجع واتكلم جوانه: هذا مو شغلي انا بس بكون خدامه للبيت انظفه واطلع مسكني من معصمي بقوه: قلتلك ما اثثثثني كلمتي نظظظفي جزممممتي يلا سحبت يدي بعصبيه: وانا قلتلك لا تلمممممس ساااامع صرخ علي خلى كل شبر فيني ينتفض: نظفيها لا اخربط معالم وجهك الحين خفت قلبي طاح مو قادره اهدا اخذت مندل من الطاوله ونزلت نظفتها له ووقفت والدموع بعيوني رفع سبابته بوجهي وهو يهددني جواد: اقسم لك باللي رفع سبع وبسط سبع ان ماسمعتي كلمتي ليصيرلك شي بعمرك ماتوقعتيه ترك يدي بقوه وطلع وانا طحت ع الارض وابكككي بقهر بحرررقه بألم الله ياخذك. ان شاءالله تنكسر يدك يارب مسحت دموعي ووقفت وانا اناظر الحوسه اللي سواها حسبي الله عليك كيف بنظف كل ذل ..... . ظليت ارتب ساعتين وهو لسى من طلع مارجع للحين .. دخلت غرفة نومه وتذكرت يوم الحفل ناظرت الكمودينه تذكرت العقد يوم شلته .. ي ويلي يعني العقد يخص جواد اكيد بيعطي حبيبته مالت عليه وش حبيبته انتي الثانيه ليش هو اصلا يعرف يحب اشك انه يحب نفسه حتى جواد: وش عندك هنا كنت فاتحه لثمتي وخرعني: هاه لا ولا شيء اشوف إذا برتب شيء هنا جواد بصراخ: اطلللللعي طلعت وانتبهت انه يناظرني باستغراب تذكرت اني كاشفه غطيت وجهي جوانه: تامر شيء بعد والا اقدر اروح جواد: روحي وبكره من الساعه 6 تكونين هنا. 6 ودقيقه بندمك الساعه اللي انولدتي فيها جوانه: حاضر ماصدقت اطلع من بيتهم ع طول رحت ركض لشارع اخاف يناديني كلمت السواق حق جدتي يجي لي ورجعت البيت تعبانه مو قادره اوقف حتى وجيعانه ولا قادره اكل طلعت بسرعه ورميت شنطتي واخذت لي شور سريع وكنت بنزل بس سمعت جوالي شفت ريم تتصل جوانه: ي هلا ريم بصوت مو واضح من البكا: شلون حالته الحين جوانه: مين ريم: جاد قلت باستغراب: ليه وش فيه ريم : ماتدرين انه صار عليه حادث ويمكن مات فتحت فمي من الصدمه: مممممممن جدككككك ريم: شفت الخبر الصباح والخبر منتشر بكل مواقع التواصل ماعاد استوعبت شيء غير اني فهمت تصرفات جواد لان اخوه مات او بيموت بسببي قفلت منها ودخلت بسرعه بحثت وعلى طول طلع لي الخبر وقريته وشفت السياره كيف معدومه .. يارب ما اكون السبب يارب مو بسببي سمعت دانه تناديني .. ماقدرت ارد جالسه افكر باللي سمعته بس جواد شلون عرف ان أنا السبب ليش يحاسبني هذا قضاء وقدر .. بس اكيد أنا السبب لان لو ماقلت له كذا كان ما عصب وسوا هالحادث اف اف اففففف عقلي بينفجررر من التفكير انفتح الباب دانه وهي تدخل وتقفل: وووينك انتي من الظهر ادق ماتردين خوفتيني عليك ناظرتها: صارت اشياء كثيره لازم احكيها لك دانه تجلس جنبي: قولي خبرتها كل شيء ماعدا تعامل جواد معي مابيها تتضايق عشاني دانه: كككيف يعني؟ جاد مات الحين والا لا؟ تذكرت كلام امه انه لسى عايش: ما مات بس حالته سيئه مره دانه: وذا الغبي كيف عرف موضوع الشهاده هزيت كتفي: مدري عنه دانه: وش بتسوين؟ بتسمعين كلامه جوانه: عادي اشتغل عنده اكون خدامته على قولته ولا يسجني دانه: يخسي تخدمينه وين عايشيين حنا مسكت يدها: مضطره ي دانه ولا يفضحني اذا انسجنت ابوي ماراح يقدر يحط عينه بعيون الناس دانه: جوجو حبيبي أنا خايفه عليك تنهدت: وش اسوي هذا هو الطريق اللي بديته ولازم ما اخاف من شيء. فتره وتعدي ويهجد دانه: اذا ضايقك علميني سامعه ابتسمت: ليش وش بتسوين؟ دانه: يمكن اقتله كله ولا يوجعك ضمتني بقوووه وباستني على خدي: انا معك جوانه صدقيني ماراح يقدر يسويلك شي ابتسمت: الله لا يحرمني منك دانه: ولا منك تثائبت بتعب دانه: اوك ارتاحي الحين اشوفك بكره ونتكلم جوانه: تمام من التعب انسدحت ع سريري وغمضت عيوني ولا عاد حسيت بشي. . . . طلعت بهدوء من بيتهم .. الكل نايم وهي مو قادره تنام دقت ع سايق التاكسي اللي كان يوديها له وطلعت ع المستشفى بعد ماعرفت وينه دخلت وسألت عن رقم غرفته مع ان الزيارات ممنوعه ف هالوقت لكن من كثر ماترجت الممرضه سمحت لها تدخل 5 دقايق .. لبست اللبس الاخضر وتقدمت بخطوات ثقيله .. من يوم اللي صار لها معه وهي ماقد شافته تقدمت بهدوء وهي تشوفه منسدح وعلى طول دموعها بدت تنزل قربت منه جلست جنبه ومسكت يده اللي فيها المغذي نزلت وباستها بهدوء واختلطت بوستها بدموع رفعت راسها وهي مو قادره تنطق بحرف من كثر دموعها ريم من بين شهقاتها: جاد لا تموت .. ادري ماتبيني .. ادري لعبت علي .. ادري ماحبيتني .. بس عمري ماتمنيت لك الموت. المفروض ما ازعل ع حالتك بعد اللي سويته فيني بس أنا مو قادره. لسى قلبي. يحبك ولا قادر ينساك. .. اشرت لها الممرضه تطلع .. وقفت وباسته ع جبينه وطلعت .. راحت ع البيت ودموعها مغطيه وجهها نزلت بسرعه عشان اهلها مايشوفونها دخلت وكانت الانوار مقفله مشت للدرج بهدوء وما شافت الا الدنيا نورت فجأه وبصوت عصببببي: ويننننن ككككككنتي؟؟؟ .................................. صحيت ع صوت الاذان واحس كل عظامي متكسره ولا قادره اشيل نفسي امس حيل تعبت الله يعين ع هالايام .. اكيد يومين ويهدء ويترك هالحركات راح اصبر كم يوم ولا يدخلني السجن قمت تحممت وطلعت صليت وانا ادعي ان جاد يكون بخير عشان ارتاح من عذاب اخوه. رحت صحيت دانه ع الساعه 5 وربع دانه: همممم جوانه: قومي بقلك شيء دانه وهي مغمضه: شنو اففف هالبنت ماراح تصحى ابد راح اقلها شيء يخلي نومها يطير اكيد جوانه: أنا بروح عند جواد دانه: طيب بس قفلي الباب معك لا حووول هذي ماينفع معها شيء .. شفتها فتحت عيونها فجأه وع كبرهم وجلست دانه: اييييش ؟ وش تقولين ي الخبله ؟ خبرتها السالفه وكملت جوانه: والحين لازم اطلع مابي اتأخر ويسوي لي مصيبه ضمتني بقوه: جوج حبيبي لاتروحين .. او نروح مع بعض .. كيف اخليك وحدك جوانه: لاتخافين ماراح يقدر يسوي لي شيء .. هو الحين زعلان على اخوه اكيد كم يوم ويهدء ويفكر بهالشي انه غلط دانه تبتعد عني: واذا ما هدا رفعت كتوفي: مدري .. خلينا مانسبق الاحداث ننتظر ونشوف .. يلا تعالي قفلي الباب بعدي طلعت وركبت السياره وطلع السايق ووداني لبيتهم وصلت 6 الا 5 نزلت وطبعا قال للحارس اني خدامته ومتى ماجيت يدخلني هه صدق اني غبيه مافكرت ف نهايتها ولا حسبت حساب هالانتقام اللي بديت فيه ومحد غيري صار له ضرر منه .. دخلت ع الحديقه وكان واقف عند باب البيت اقصد القصر .. اول ماشافني جايه صوبه رفع يده وناظر ساعته اللي لمعة الالماس اللي فيها واصله لعندي وانا بعيده .. مشيت وصلت له ابتسم: تأخرتي نص دقيقه . . . فتحت عيوني: لا وصلت الا خمس دقايق بس وش ذنبي إذا كانت حديقتكم كبيره ظليت امشي في هالدقايق مسكني من يدي وسحبني ومشى فيني للجهه الثانيه من الحديقه .. رغم جمال المنظر اللي قدامي الا اني حاسه بخوف يسكني من مسك يدي وانا ارجف وصلني لين القصر من الخلف كان فيه مسبح ما اعرف ليش جينا هنا بس انا لازم افهمه اخوه وش مسوي مع ريم جوانه: ابي اتكلم معك اسمعني ارجوك جواد: فات وقت الحكي جوانه: ارجوك جواد: اصصصص اسمعي اللي بقوله ونفذيه بالحرف سامعه هزيت راسي جواد يأشر ع القصر: هالباب يوديك على جناحي على طول ابيك تروحين وتنظفين كل قطعه فيها ياويلك القى نقطة وساخه فاهمه .. جوانه: طيب اسمعني جواد بعصبيه: اصصص مابي اسمع نفس جوانه: مو من حقك تعاقبني وانت مو فاهم شي جواد يشد على اسنانه وهو يرفع يده : اخوي نايم بالمستشفى بسبب حضرتك .. مزوره شهايد ولاعبه على ناس وتبيني اعفي عنك وانسى جوانه بقهر: انا ما اقول انسى بس خلك انسان مو تعاملني باسلوب الحيوانات ذا محنا عايشين بحضيره رفع حواجبه: اسلوب حيوانات اجل؟ مسك يدي وسحبني: الحين اعلمك كيف يتعاملون الحيوانات شدني وسحبني وانا ندمت ع الساعه اللي نطقت فيها دفني بالمسبح اللي زي الثلج ماكنت اعرف اسبح كنت احاول ارفع نفسي واضرب بيديني مثل المجنونه بس في شيء يشدني تحت دخلت المويه فمي وماعدت قادره اتنفس حسيت بيده تمسك يدي ورفعني شوي ع فوق بس لسى جسمي بالمويا وضليت اكح بقوه ناظرني بحقد: شفتي كيف لحظات الموت صعبه؟ اخوي الحين قاعد يصارع الموت بسببك. حقدي عليك ماله حدود ف لا تفكرين تتحديني وخلي لسانك بحلقك افضل لك وترك يدي بس هالمره كنت قريبه من السلم حق المسبح مسكت فيه وطلعت بهدوء وانا ارجففف المويا كانت جدااااا باااااارده هو طبعا قال كلامه وراح .. تذكرت جوالي طلعته بسرعه وحاولت انشفه الحمدلله ماجاه مويا كثير لانه بداخل محفظه في شنطتي فتحت طرحتي ورفعت شعري ولبست الطرحه حاولت انشفها بس مافي فايده .. ف لبستها كذا ظليت واقفه وارجفف واحاول ادفي نفسي رقققصت من كثر البررد قلبي بيوقف احسه يوجعننني مره واسناني تتصافق ببعض ماصدقت طلعت الشمس ورحت تحتها بس كانت خفيفه ماتدفي كثير.. دمعت عيني امس خلاني اذوق الحر واليوم البرد اااه والله ماراح اقدر استحمل هالشخص قسوته زي الحجر مستحيل يلين مستحيل يهدا ااااه ودي لو يرجع الوقت وما اقرب لها العايله ابد ماجفت ملابسي بسرعه وقلبي صار يوجعني. حسبي الله عليه مايرحم والله اشك ان عنده قلب اتوقع مكان قلبه صخره... مرت ساعتين حاولت افتح الباب الخلفي على قولته بس كان مقفل .. بدت ملابسي تنشف شوي شوي كانت الساعه 8 شفته طالع ركضت لعنده وانا اناديه جوانه: استاذ التفت لي وابعد نظارته الشمسيه وانا اقتربت منه: خير جوانه: تسمح لي اروح؟ جواد: لأ.. أنا رايح المستشفى وراجع ويا ويلك لو تتحركين من هنا او تدخلين البيت تكلمت واسناني تتصافق ببعض: ب بر دانه جواد ببرود: اخر همي. واحسنلك تبردين لان نار حقدي راح تحرقك حرق وتخليك رماد وطلع بعد مافتح له السايق الباب .. ااااه ي ربي حرام عليه والله حرام ماعنده ذرة رحمه.. طيب لين متى اظل ع هالحاله والله صعب حححححيل صعب .. دق جوالي شفت دانه مسحت دموعي ورديت: هلا دانه: حبيت اتطمن عليك .. سوالك شيء هالمغرور؟ جوانه ودي اقولها ودي افضفض لها واعلمها شكثر قاسي وش كثر مايرحم بس رديت: لا .. اصلا الحين مو هنا راح لاخوه دانه: طيب انتبهي ع نفسك أنا بروح الدوام الحين إذا حصلت فرصه بدق واتطمن عليك جوانه: ماشي .. وانتبهي ع دروسك لا تخافين علي دانه: مع السلامه . . قفلت ونزلت .. شافت امها بالصاله عبير: انتي مداومه؟ دانه: ايه عبير: ارسلت السايق يجيب لي اغراض ما اظن بيرجع الحين دانه: امممممما يمه .. شلون بروح الحين عبير: شوفي وحده من صديقاتك تمر عليك ياربي ماعندي غير لمى بدق اشوفها لمى: هلا والله دانه: هلابك .. شخبارك لمى: تمممممام انتي اخبارك؟ دانه: تمام .. امممم بسألك داومتي لمى: لا لسى انتظر فواز دانه بداخلها حلو انه مو الكريه امجد دانه: طيب تقدرين تاخذيني معك لمى: افا عليك .. اكيد شوي ونجيك دانه: تمام انتظرك ظلت كذا ربع ساعه ودقت لمى تقلها انهم واقفين اول ماركبت جاها فضول تشوف اخوها لاول مره ترفع عينها له كانت مصدوومه . دانه وبداخلها “هذا هذا هو اللي شفته يعني مو جني .. بس هذا فواز خطيب فرح. تضايقت وطول الطريق ساكته مو قادره تتكلم حتى مع لمى بس هي ماعرفت ان لمى قصدها تنتظر فواز يودونه دوامه ع طريقهم واللي كان موجود امجد اللي مو طايق صديقة اخته ويشوفها بنظره قليلة ادب لانها ترد عليه ولا فكر حتى يعرف اسمها كل اللي يعرفه صديقة اخته. »اتمنى فهمتو خخخخ . . . تتجهزت ع الدوام ونزلت شافت مازن يفطر ناداها مازن: ريم قربت منه وهي منزله راسها: هلا مازن: أنا راح اوديك لحظه قلبها يدق بعد عصبيته اللي البارحه وحست انه ماصدقها تذكرت مازن: وينننن كنتي ريم: هاه .. امممم كنت عند منار تعبت ودقت علي ف اضطريت اروح مازن: اجل عند منار طيب نشوف الحين دق ع منار وحط الجوال ع سبيكر ويناظرها .. ردت منار بصوت كله نوم منار: هلا حبيبي مازن: هلا .. وش فيه صوتك منار: لا بس عشان كنت ننايمه ريم قلبها بيوقف من الخوف مازن: متى اخر مره شفتي ريم منار: ليش مازن: ردي بدون اسأله منار: كانت عندي قبل شوي .. كلمتها أنا ريم تنهدت بارتياح وحمدت ربها ان توأم روحها فهمتها مازن: اممممممشي وش تنتظرين طلعت معه مازن: ريم تبين الصراحه أنا مو مصدقك ريم خافت: واذا قلتلك الحقيقه ماراح تهاوشني لو ايش كانت مازن: تدرين اني انسان متفهم بس اهم شيء الصدق ينقال ريم : بصراحه بصراحه رحت مع صديقتي ع المستشفى .. هي حامل وزوجها مو موجود وخفت اخبرك اني طلعت مع وحده ع المستشفى وحدنا وتهاوشني مازن حس كلامها صدق: طيب .. كان قلتي .. ع العموم لا تعيدينها مره ثانيه واذا في شيء من هالامور صحيني أنا اوديكم مو تروحو بتكاسي اخر الليل الدنيا مو امان ترا ..سكت شوي.. لا وهذيك الخبله تعرف ترقع لك كأنها حست انك طلعتي ابتسمت ريم: منار تحس بكل شيء يصير لي مازن: ﻻﻻ خلاص ابيكم تبعدون عن بعض بديت اغار ريم: هههههه ماتقدر تفرقنا ابتسم مازن ووصل اخته ودق ع منار منار: صباح الورد مازن: صباح الكذابين منار بلعت ريقها: اححححمم شو من الكذابين ابتسم مازن: ناس قالو لي ان اختي كانت عندهم منار: ججججد مين هالناس اللي يكذبون كذا أنا ما اعرفهم ترا مازن: هههههه .. بصراحه ما اقدر ازعل منك والا هالشي يزعل انك توقفين مع بنت خالتك وتكذبين ع حبيبك وزوجك المستقبلي منار: أنا اسفه حبيبي بس لازم افزع معها مازن: مممماشي .. اممممم وحشتيني منار انحرجت لانه قالها بهمس: عندي محاضره الحين اطللع واكلمك مازن: ماشي اححححححبك . . . . شفته رجع وقلبي قام يرجف من الخوف نزل عاقد حواجبه ولابس النظاره قرب باتجاهي وشال نظارته ع طول قلت له: ممكن اروح جواد بداخله"هذي كذا ماراح اقدر احكمها راح تظل تروح وتجي وانا وعدتك ي جاد اخليها بكل دقيقه تتألم" شفته يفكر وخفت من تفكيره جواد: عطيني عنوان بيتكم جوانه: ليش؟ جواد: بتزوجك الليله | ||||
|
| |
|
06-12-21, 08:29 AM
| #14 | ||||
| البـــــ7ـــــارت السابـــــــع شفته رجع وقلبي قام يرجف من الخوف نزل وعاقد حواجبه ولابس النظاره قرب باتجاهي وشال نظارته ع طول قلت له: ممكن اروح شفته يفكر وخفت من تفكيره جواد: عطيني عنوان بيتكم جوانه: ليش؟ جواد: بتزوجك الليله انصدمت عجزت انطق انربط لساني الحين انا مو قادره اتحمله وهو غريب كيف لو صار زوجي كيف لو بكل دقيقه مقابلني وش بيسوي فيني ..ومستحيل راح اقدر ارفض غصب عني راح يخليني اتزوجه .. اكيد ماراح افضل الدخول ع السجن بس بحاول عل وعسى يحن جوانه برجاء: الله يخليك لا تسويها ارحمني الله يرحم والديك انا مالي علاقه باللي صار صدقني هذا قضاء الله وقدره ماتقدر تحط اللوم علي مسك ذراعي بقوه وهو يشد ع اسنانه: مؤمن بالقضاء والقدر بس انتي اصل الموضوع كله انتي قهرتيه وخليتيه يفقد عقله.. انتي اساس المصيبه كلها بديت ابكي من الم يدي: تكفا والله مو ذنبي والله اخوك هو الغلطان ارجوك اسمع السالفه مني قبل تظلمني وتظلم نفسك دفني بقوه لحد طحت ع الارض جواد يشد ع اسنانه: اقسم لك بالله لو اسمع حسك بعد مايضفك الا الشرطه سكتت وانا اشاهق من البكى جواد بصرامه: اسمعيني زين. لك خيارين مالهم ثالث يا جنة السجن وموت ابوك. يا ناري وحياته. ههههه ضحكت بجد خيارات ولا اروع صحيح لو انسجنت ماراح يكون التعامل زي الذل والاهانه اللي هنا يعني ع قولته وكأنه عارف حجم عذابه لي حتى شبه السجن بأنه جنه بالنسبه لي.. بس رغم ان السجن راح ينقذني منه من ضربه من اهاناته من الالام اللي احسه اذا تواجد معي ولكن عشان ابوي مابي افضحه مابيه يحس بالذل جواد بعصبيه: خلصيني وقفت وناظرته بإنكسار: عطيتني خيارين احلاهم مُر. اخذت نفس: بس بختار الخيار الثاني ارتسمت ابتسامة نصر على شفاته: وش اخترتي ؟ سمعيني؟ ابتسمت بألم وقلت بغصه: اخترت الجحيم ضحك بغرور وصوت عالي: برافو حفظتي الدرس كويس.. عطيني عنوانك عطيته العنوان وناظرته بانكسار وبعيوني دموع مو مصدقه اللي راح يصير جوانه: بعد هالانتقام وش بيصير؟ تبي تطلقني؟ جواد: اكيد وش ابي بوحده مثلك جوانه: بتخرب سمعتي واصير مطلقه كله عشان وش عشان فهمت جاد مايلعب ع البنات صرخ بوجهي: اووووس لا تجيبين اسم اخوي ع لسانك الوصخ ..كمل وهو يصر ع اسنانه.. أنا لو يبيحون القتل ساعه وحده. قتلتلك ولا رف لي جفن لكن ماباليد حيله .. والحين انقلعي ع بيتككككككم مابي اشوف وجهك تألمت. حزنت. بكيت. ع مستقبلي اللي خربته بيدي وين احلامي وين بتروح طموحي. هذا بلحظة دمر حياتي اكككككرهك ي جواد اكككككككرهك .. مشيت وخطواتي ثقيله مو قادره امشي بعد الصدمه اللي سمعتها اليوم. رحت ع بيتنا دخلت وكانت امي ف المطبخ ماشافتني رحت ع غرفة دانه بشكي لها لساتها مارجعت رجعت ع غرفتي تسطحت وننننمت ع طول لمى: مممممافي أنا حلفت يلا خبري اهلك دانه: اف منك والله مالي خلق مشاكل مع اخوك لمى: والله دقيت ع اوبر يلا دانه دقت ع امها وخبرتها انها بتروح مع لمى عشان عازمتها ع الغدا طلعو مع السايق وراحو ع بيت لمى فتحت باب غرفتها: تفضلي عادي لاتستحين دخلت دانه وتفاجأت كلهم موجودين ف غرفتها لمى تدخل: هاي فرح: وأأأأأأي جونا ضيوف أنا ع بالي خلاص انقرضو محد صار يجي بيتنا وقامت ضمت دانه .. والبنات قامو سلمو عليها .. فسخت عبايتها وجلست بينهم رسل تصفر: ايه الحلاوه دي دانه: هههههه من بعض ماعندكم جت الخدامه وحطت لهم الغدا وجلس الكل وفرح مافي مكان لها فرح تصرخ: صرررررصاررررر البنات قامو ع طول وهي جلست و ظلت تاكل وتبتسم فرح: هع جبانات رجعو وكل وحده تقرصها او تضربها فرح: بس وججججع ماصدقتو وحبت تخوف دانه وبصوتها العالي صرخت: دأأأأأأأنه الصرصار عليكككك مسكينه قامت بسرعه وتناظر مافي شيء ورجعت تاكل وهي تبتسم وفي شخص ثاني خلف الباب ابتسم من سمع اسم دانه كمل طريقه ونزل وهو مبسوط راح اخذ مويا واكواب وطلع ع الغرفه طق طق طق لمى: فرح افتحي فرح تاكل: شغالة ابوك أنا رسل: يمكن احد من اخوانك افتحي انتي لمى: وش ذا الكسل واخواني متى يجون الغرفه رغد: وحده تقوم تفتح وجع وعد: اففف الحين تلاقينها الخدامه فرح: تستاهلون ليش مقفلين بالمفتاح اللي قفلت هي تفتح مليش دعوه وقفت دانه: بلا مشاورات خلاص بفتح وراحت فتحت وتناظرهم وتبتسم لفت راسها للباب وشافته ع طول شهقت وقفففففلت لمى: شفففففيك دانه: واحد قامت لمى فتحت مافي احد والمويا ع الارض لمى: يمكن تتخيلين.. لان من متى احد من اخواني يجيب لنا مويا هههه دانه بداخلها" دام كذا اكيد جاي يبي يشوف فرح اي اكيد مشتاق لها .. اففففف ليش افكر فيه حرام هذا حبيب البنت مالي حق حتى افكر فيه" صلى المغرب ف مسجد قريب من بيت جوانه وطلع ع بيتهم دق الجرس وشوي وطلعت الخدامه ودخلته المجلس وخبرت ابو جوانه اللي ع طول غير ملابسه وطلع له اول مادخل المجلس محمد: السلام عليكم وقف جواد: وعليكم السلام والرحمه سلم عليه وجلسو محمد: شلونك ي ولدي جواد: بخير ي عم الحمدلله محمد: امر جواد: مايامر عليك عدو .. بصراحه أنا جيتكم بعد ماسمعت عنك وعن تربيتك واخلاق بناتك محمد: الله يسلمك جواد: وانا جيتك اليوم ومابيك تخيب ظني ف هالطلب .. أنا حاب اخطب بنتك جوانه محمد سكت شوي واندق الباب طلع واخذ القهوه وصب لجواد: تفضل اخذها: دام فضلك .. بس هاه وش قلت محمد جلس: ي ولدي أنا مابي اردك بس أنا ما اعرفك وجاي وحدك وانا ما ارضاها لبنتي .. لازم رجال واهلك يجون معك جواد: معليش نسيت اخبرك من أنا .. أنا اسمي جواد ولد خالد الهامي اذ تعرفه محمد ناظره باستغراب: ولد الهامي وجاي تخطب بنتي جواد: مافيها شيء .. وبالنسبه لاهلي كان ودي يكونون معي بس كلهم مسافرين لندن عشان الوالد تعبان وانا الليله الساعه 3 رحلتي وماعاد برجع قريب .. وابي املك الليله واخذها معي محمد: الله يشفيه .. و الله ي ولدي صعبه شلون البنت مو مجهزه نفسها .. ما اقدر اظلمها وازوجها كذا .. جواد: لك وعد مني اول ما ارجع مع اهلي اسوي لها زواج عمره ماصار .. وبالنسبه لجهازها انا موفر لها اللي تتمناه كل بنت. بس الحين ودي املك واخذها معي. محمد: ي ابن الحلال ليش مصر على بنتي البنت باقي صغيره وانت رجال الف بنت تتمناك جواد بثقه: بس انا مابي من ذا الالف غير بنتك.. انت شوفها وكلمها واذا رفضت وقتها يصير خير محمد مو مقتنع بس قال: خير ان شاءالله .. أنا بشاورهم والقرار الاول والاخير للبنت ابتسم جواد وبداخله "لو فيك خير ارفضي" جواد وقف: اجل استأذنك واذا وافقت خبرني عشان اجيب المملك ..مد يده.. وهذا كرتي محمد ياخذه منه: ان شاءالله طلع جواد ومحمد دخل البيت عبير شافت وجهه مضايق راحت له عبير: محمد شفيك ؟ من اللي كان عندك تقدم وجلسو ع الكنب بالصاله محمد: في واحد خطب جوانه ابتسمت عبير: هذا خبر يفرح ليش زعلان .. والا مفكر البنات بيجلسون عندك على طول محمد: لا الموضوع مو كذا عبير خافت: اجل وش السالفه محمد: يقول يبي يملك عليها الليله لان ابوه تعبان ومسفرينه لندن يتعالج وهو حاب يتزوج قبل سفره واذا رجع يقول بيسوي لها عرس ماصار عبير: وانت وافقت؟ محمد: قلت له اشوف الاهل.. وبعدين انا مستغرب هذا ولد الهامي مايخطب الا عندنا عبير: بدون تردد ارفضه حتى لو ولد الامير عروضه هذي ماتناسبنا وش ياخذ البنت كذا لا عرس ولا شيء محمد: شاوري البنت ونشوف رأيها : أنا موافقه يبه ناظروني باستغراب وانا نازله الدرج بعد ماسمعت حديثهم عبير: يمه لساتك صغيره ماعليه الف من يتمناك قلت واحاول ابتسم: يمه عادي املك واطير ع لندن واي وناسه وبعدين غني وراح يحقق احلامي وبدرس ف جامعة ف بريطانيا .. مو كل يوم يجي واحد مثله .. واذا بالنسبه للعرس أنا ما افكر كثير بهالامور واذا رجعنا نسوي فرح كبير محمد: بس ي بنيتي الرجال كبير يمكن فوق الثلاثين وانتي باقي صغيره جوانه: يبه مو تقولون الرجال مايعيبه الا جيبه.. وهذا جيبه مليان ماشاء الله هههه محمد تنهد:اللي تشوفينه. القرار لك وما اقدر اغصبك ع شيء عبير بعصبيه: انتي جنيتي؟ مستححححيل اخليك تتزوجين هالزواج محمد: خلاص ي عبير اهدي احنا عودنا بناتنا مانعارض شيء يبغونه إذا هي موافقه عليه ماتقدرين تمنعينها عبير: بس هي الف من يتمناها مايصير تتزوج كذا بسرعه وبكت .. رحت لها وضميتها جوانه: يمه عادي أنا برجع بعد ابوه يتحسن وراح نسوي زواج كبير مافيها شيء عبير: ليش مستعجله توك صغيره وراح يجونك العرسان طابور جوانه : ادري يمه بس هذا عنده خير مين تفوت فرصه زي كذا. صدقيني يمه بكون مبسوطه معه عبير: انا بفرح فيك مابي زواجه كذا بيوم وليله. ياما حلمت بعرسك انتي واختك. كيف تبيني اوافق على واحد بياخذك بدون علم احد. وفجأه مستحيل جوانه مسسستحيل جوانه: حبيبتي يمه والله ماكنت افكر بعرس كبير ولا يهمني اصلا اهم شي اكون مع شخص يدلعني. عبير: لالا شيلي ذا الموضوع من راسك وش بيقولون الناس عنا اكيد كلهم راح يتكلمون علينا هذا زواج ي جوانه والزواج اشهار. وذا الرجال كنه ماخذك بالسر جوانه: ماعليك من كلام الناس. محد سلم من لسانهم حتى اللي مو مسوي شي عبير: جوانه خلاص لا تناقشيني قلتلك لا يعني لا ناظرت ابوي اللي وقف وقرب منها: عبير دامها تبيه لاتجبرينها على تركه؟ عبير: اصلا انت كيف موافق؟ ماتهمك سمعتك؟ طيب خل السمعه ماتهمك سعادتها الرجال لا نعرفه ولا سألنا عنه؟ محمد: معروف مايحتاج تسألين الرجال من عايله لها مركزها بالمملكه وخارجها وباين عليه محترم ورزين وفاهم الحياه عبير: محمد لا تجنني انت بعد بدل ماتعقلها وتقولها على وش مستعجله توقف معها ع الغلط؟ جوانه: يمه وربي مو غلط انتي ليه شايفتيه غلط عبير: لان محد يتزوج كذا بيوم وليله اخذت نفس: انا كان حلمي يجيني واحد غني واني اكمل دراستي برا وجت الفرصه لعندي ليش ارفضها؟ عبير: لانه بعدين راح يسترخصك يقول ماصدقتي خطبتك وافقتي بدون حقوق جوانه: ومن قال بوافق بدون شروط. يمه راح اخذ حقي كامل مكمل عبير يأست وبكت: ليش يا جوانه ليش تعاندين؟ ابتسمت وحضنتها: طالعه لك راسي يابس عبير: اااه ي جوانه كيف بقدر على فراقك محمد: قولي كذا من بدري السالفه تبينها بحضنك للابد مسحت دمعتها: لا والله بس اتمنى لها زواج الكل يحضره ويشهد عليه مو بالدس جوانه: مو قال اذا رجع بيسوي زواج ما استوى؟ عبير: الا بس كيف صعبه جوانه: لا صعبه ولا شي اوعدك اخليك ترقصين بزواجي لين تتعبين نزلت راسها وسكتت جوانه: هاه راضيه؟ عبير: وش تبيني اقول دامك مصره الله يوفقك ويسعدك بستها على راسها وطلعت غرفتي مسويه فرحانه دخلت وقفلت الباب ونزلت دموعي مو قادرررره اتخخخخيل الشي هذا .. أنا بكون زوجججة واحد ماعنده رحمه واحد يكرهني ويحب يذلني ويهيني بكيت ومن بين شهقاتي كنت ادعي ربي ان هالشي مايطول طق طق طق مسحت دموعي بسرعه وهويت وجهي بيديني وفتحت كانت منار وجنبها دانه اللي اكيد هي خبرتها ناظرتني بحزن وضمممتني بقوه وهي تبكي منار: لاتسوينها .. صدقيني مايقدر يسوي شيء بكيت يوم سمعتها تبكي: الا. بس. بس. راح انسجن وابوي راح يتعب واكيد يموت واهلي يتفشلون مني .. كل هذا بيصير إذا ماتزوجته ابتعدت عني ومسحت دموعي: خلاص لا تبكين .. مافي دموع وريه انك قويه والحين إذا صرتي زوجته تقدرين تاخذين ملفك بدون مايحس ووقتها مايقدر يهددك بشي ابتسمت بتعب: ان شاءالله دانه: تعالي جهزي نفسك عشان يشوف انك عروس ويخق ويتركك منار بنص عين: ماشاء الله من وين جايبه هالغباء دانه: جد احسن تقهره انه ماهمها وفرحانه وانها هي الكسبانه فكرت فيها وصدق راح يعرف اني فرحانه ورحت جهزت نفسي لبست فستان ناعم لونه سكري رفعت شعري فوق من قدام ونزلته من ورا .. ورسمت عيوني وضبطت حواجبي وحطيت شدو وروج ناظرت نفسي ي لبى الجمال بس مين بيقدره هذاك المتوحش .. يلا ماعليه أنا تزينت لنفسي وعشان ماما ماتزعل ع حالتي .. منار دقت ع فهد وخبرته وعصب علي ليش كذا فجأه وقال بيشوفني عشان يودعني بس لسى ماجا جت الساعه 10 دخلت امي وفي يدها الكتاب اللي اوقع فيه اخذت القلم وشفت توقيعه المميز وفيه حروف اسمه .. قلبي يرجف ويدي ترجف قربت دانه ومسكتنني من كتوفي من ورا كأنها تطمني انها معي وماراح تتركني واخيرا حطيت خطين مسويه اوقع ماعمري وقعت خخخخ اخذت امي الكتاب وباستني ع جبهتي عبير: ماكان ودي تتزوجين كذا .. بس مبروك وراحت وانا خلاص الحين اسمي انسانه متزوجه يعني خلاص حياتي انتهت وصارت له وقفت ولبست عباتي حضنتني دانه ومنار وظلو يبكون قلت امزح معهم ابيهم يبتسمون وانا من داخلي فيني الف جرح جوانه: بس خلاص حسستوني اني بفلم هندي ابتعدو عني دانه: انتبهي ع نفسك وطمنيني عنك كل ساعه منار: ولا تتأخري علينا قلت وانا اطلع: حاضر نزلت وشفت الخدامه تطلع شنطتي وامي وابوي واقفين عند الباب سلمت عليهم وامي تبكي عبير: ياليتك صبرتي ويجيك احسن منه بستها ع راسها: يمه عادي خليني افرح ضمتني وبكت وانا بعد محمد: خلاص .. يلا الرجال منتظرك. طلعت وشفت فهد توه جاي قرب مني وسلم علي فهد: انتي من جدككك بتتزوجين كذا احاول ابتسم: شفت شلون فهد: كيف كذا؟ أنا كنت مقرر ازفك لزوجك بنفسي جوانه: ماعليه راح نسوي زواج من ارجع من لندن وتزفني له ضمني بقوه: انتبهي ع نفسك دمعت عيوني وضميته اكثر: حاضر ي اخوي وعد ابتعدت عنه وهو واقف مكانه رحت ع السياره اقدم خطوه وارجع خطوه خايفه بصراحه م اعرف وش اسوي شفت شنطتي لسى جنب السياره ماطلعها دقيت شباك المقعد اليمين فتحه جواد: نعم أنا ادري مستحيل يطلعها لي بس قلت له جوانه: ممكن تفتح ورا بطلع شنطتي فتحها وسحبت الشنطه وبالغصب طلعتها كانت ثقيله قفلت بهدوء خفت يهاوشني ورحت طلعت بالسياره جلست بالمقعد اللي جنبه كان يدخن ناظرت فيه عيونه تناظر لشارع وسرحان حواجبه حاده ورموشه الكثيفه وخشمه مثل سلة السيف وفمه مع العوارض .. كنت اناظر ملامحمه اللي رغم جمالها الا انها تبين قسوتها وتبان الشده فيها قلت انبهه جوانه: احححم كأنه توه صحى .. طفى سجارته وناظر فيني وانا مو قادره اشوفه منزله عيوني خايفه من نظراته رفع راسي من ذقني بقوه لحد ناظرت عيونه اللي يبان فيها مدى كرهه وحقده علي تكلم بصوته المبحوح اللي كل ماسمعته رجفت جواد بسخريه: welcome to hell "اهلا بك في الجحيم" .. ناظرته بقهر: صدقني مايهمني كلامك ولا راح تخوفني لانك كل ماحاولت تحرقني راح تحترق معي اوعدك بها الشي ضحك بسخريه: نشوف من فينا بيحرق الثاني. حرك السياره وطلعنا.. سكتت وصديت عنه وانا افكر الله يعدي هالليله على خير جواد : اسمعي ما التفت له ولا رديت مسك يدي وشدني له لحد ما ناظرت جواد: لما اتكلم تناظريني سامعهههههه قلت ابي اغيضه: ليش؟ تشتاق تشوف عيوني مثلا حسيته معصب مني بس يتصنع البرود. ترك يدي بقرف جواد: انتي حتى لو بتسلى مابتسلى معك غمضت عيوني بالم وانا اكلم نفسي بداخلي لازم تصبري ي جوانه .. إذا عاندته ماراح يتركني بس إذا شافني ساكته ومو متأثره بكلامه راح يمل ويتركني جواد: وين جوالك فتحت شنطتي وطلعته: هذا هو ليش؟ سحبه من يدي اخذه وفتح الشباك ورماه وانا صرخت جوانه: لاأأأأأأأأأأ ليششش. وبكيت وماحسيت جواد: لا اهلك ولا صحباتك ولا حتى حبايبك الشباب انسيهم جوانه: حححححرام عليك الا اهللللللللي حرام بينشغل بالهم علي. جواد: اووووس مابي اسمع ولا نفس ناظرت ع الشارع من شباكي ودموعي ع خدي الله يحرق قلبه الغبي مثل مو قاعد يحرق قلبي الله ياخذه وارتاح اففففف مو من حقك تمنعني اكلم اهلي .. مالك حق تبعدني عنهم .. وماراح تقدر اهلي راح يسألون عني .. مفكر انهم بيتركوني ف يدك ي حقير اخذنا وقت ع بال ماوصلنا بيتهم دخلني من باب خلفي ع طول يودي ع جناحه دخلنا الجناح هو قدامي وانا خلفه دخلت و قفل الباب وانا قلبي رجف قرب مني وبنظراته الحاده وبأمر وتهديد قال جواد: اسمعي غرفتي ماتقربين منها ابد سامعه .. ولا تجلسين حتى ع الكنب اللي هنا"قصده الصاله" ولا تقربين من مكتبي"واشر ع غرفه ع جنب" مسكني من يدي وسحبني ودخلني غرفة وترك يدي جواد: تنامين هنا وتعيشين هنا مابي اشوف وجهك قدامي ابتسمت بالم من تحت الغطا: سجن بس تحت رحمتك قال بسخريه: ايوأأأأأأ بالضبط وتركني وطلع طيب مافي حمام شلون لو باستعمله وش اسوي فسخت عباتي وشفت شكلي افف مصدقه نفسي أنا ووجهي اني راح اوريه اني فرحانه ناظرت الغرفه ماكان فيها ولا شيء حتى بطانيه مافي ولا كرسي .. شكله يبيني انام ع الارض .. جا فتح الباب وانا كزيت وهو وقف مكانه و على وجهه علامات البرود رفع حاجب واقترب مني بخطوات بارده وانا مع كل خطوه يخطيها قلبي يدق اكثر واكثر اعدم المسافه بيني وبينه وجهي بصدره ماقدرت اناظره ريحة عطره تغلغت بمخي حسيت بالخوف اكثر من شميت ريحته اطرافي بردت وجسمي بهت وااااه بطني لاعب فيه الخوف .. فجأه شهقت من حسيت يده ضغطت على فكي بقوه ورفع راسي اجبرني اشوفه اشوف ضخامته قدامي اشوف جموده اشوف غروره اشوف نظرات الاستحقار بعيونه جواد بسخريه: هه لا ومصدقه انك عروس حاولت اكون قويه : مو عشانك عشان افرح ماما جواد: ههههههه تفرحين ماما والا تحاولين تغريني؟ الاعيبك ذي ماتمشي معي ي حلوه انتي شايفه هالزباله .اشر بعيونه لتحت ورجع ناظرني: انا اشوفها انظف منك رمى علي كلامه السام وعطاني ظهره بيطلع تكلم وهو فاتح الباب ومازال معطيني ظهره: الحمام يمين الغرفه طلع وانا جلست احاول امنع دموعي ماراح ابكي ماراح يهز فيني شعره هو متعمد يذلني ويجرحني راح اكون قويه ماراح استسلم له ضميت رجولي اللي ترجف : اشششش اهدي يخسي يبكيني انا قويه ايه قويه ماراح يأثر فيه .. بلعت الغصه اللي احسها مثل الشوك بحلقي وقفت بسرعه ابي اتناسى طلعت رحت ع الحمام غسلت وجهي طلعت من الحمام ع الصاله وكنت ابي اصلي بس ما اعرف ع وين القبله دخلت الغرفه التكككيف مره بارد رجفت منه ناظرت ابي ريموت او شيء عشان اقفله مافي لبست عباتي يمكن تدفيني ظليت ارجف واحاول ادفي نفسي بس مو قادره قلبي من جوه قاعد يرجف ظليت على هالحال كثير حول الساعتين اااه ياربي و جيعانه بعد يمكن وقفت أنا بروح المطبخ ألصغير ع الاقل اشرب مويا لو مافي شيء طلعت ولابسه عباتي شفته جالس ع الكنب ومدد رجوله ع الطاوله اللي قدامه ومسند راسه ع ورا وحاط يده ع جبهته ويفركها شكله مصدع ومغمض عيونه بس يوم سويت حركه بالباب رفع راسه بتعب شكله مو نايم صار له فتره جواد: نعم جوانه: اول شيء وين القبله بص”قاطعني جواد: ليش انتي تعرفين الدين ماشاء الله سكت مابي اعانده وكملت: وبردانه ابي ريموت التكييف .. وكمان جيعانه جواد: القبله على يمينك .. والبرد .. تخيلي انك ف لندن .. والجوع سوي رجيم احسن .. ويلا انقلعي على غرفتك قلتلك مابي اشوف وجهك نزلت دمعه مني ومسحتها ودخلت .. حسبي الله عليه يحسب ربي ماراح يعاقبه ع اللي يسويه فيني .. والله ي جواد راح اخليك تندم أنا مو عبده او خادمه عندك .. واهلي ماراح يسمحو لك تعاملني كذا .. يارب مالي غيرك يارب تريحني من هالمصيبه اللي طاحت ع راسي .. الله يسامحك ي ريم شلون عرفتي هالعايله كلهم شايفين انفسهم .. انسدحت ع الارض احس بتعب وبرررردانه .. يمممممه ياليتك منعتيني والله لو بالسجن كان ارحم يعني اقدر اتغطى واكيد ادفى من هنا .. غفيت شوي ما ادري كم وصحيت ارجف من كثر البرد طلعت ع الصاله حسيتها ادفى وفيني نوم وشكله هالغبي مو هنا .. قربت من غرفته كان الباب مفتوح .. شفته متسطح ويمكن نايم تراجعت ودخلت المطبخ حيل جيعانه فتحت الثلاجه اخذت لي فواكة .. ماكان فيها شيء غير الفواكه والمويا .. معقوله عندهم خير ومافي ثلاجته غير فواكه .. اكيد اخذ كل شيء عشان مايبني اكل يبي يموتني جوع دخلت غرفتي وتركت الباب مفتوح يمكن تدفى شوي ويدخلها هوا دافي من الصاله اكلت واسناني ترتجف وماقدرت اتحمل حتى احس قلبي من داخل قاعد يرقص من البرد طلعت وانسدحت ع الكنب اللي بالصاله واللي يبي يسويه بكيفه .. شربت مويا ونمت من قبل يومين وهي تروح ع المستشفى بحجة انها تزور صديقتها .. تشوفه وتطمن عليه وتبكي وترجع دق تلفونها ريم: الو : وش هالتلاعب اللي تسوينه ريم: وش ماسويت شيء : قلتلك الكميه اللي عندك تتوزع اليوم وانتي لين الحين ماوزعتيها ريم بخوف: حاضر بكره والله اوزعها : إذا خلصتي خبريني انتظر منك خبر ريم: طيب وقفلت .. وهي تبكي أنا جالسه انشر فساد جالسه اوزع ممنوعات يارب لاتعاقبني أنا مالي شغل بس ابي احمي صديقتي وبنت خالتي يارب مالي ذنب وظلت تبكي وتحاول تنام اما عند دانه اللي ماقدرت تنام خايفه ع توأمها اللي عمرها ما فارقتها والحين راحت ليد واحد قاسي مثل الصخر ماعنده رحمه وهي ومنار عارفين انه ماراح يتركها .. كانت تتصل ع جوانه وتكلم منار اللي ماقدرت تتركها وتروح بيتهم دانه: جوالها لسى مقفل .. أنا خايفه عليها منار: وش رايك نتصل على جواله دانه: ماعندي رقمه منار: تعالي ندور بغرفة عمي وعمتي هو اعطاه كرته دانه: صعبه كيف ادخل هالوقت اكيد نايمين منار تطلع من غرفة دانه: تعالي بس راحو للغرفه منار تفتح الباب بهدوء شافتهم نايمين كلمت دانه بصوت هادي منار: انتي خليك هنا أنا ادخل دانه: طيب دخلت ع اطراف اصابعها دورت ع التسريحه ماحصلت شيء فتحت الادراج بهدوء كمان مافي قربت لين الكمودينه ناظرت فوقها مافي يأست وبتطلع شافت ثوب عمها معلق دورت ف جيبه وحصلت الكرت ابتسمت وطلعت دانه منتظرتها: ها بشري طلعت الكرت وتحركه بيدها وتبتسم منار: يلا نتصل راحو للغرفه ودقت منار عليه ناظرت دانه: مايرد دانه: ازعجيه لين يرد بعد المره الثالثه رد جواد: الو نعم منار ارتبكت: ءاءءء ابي جوانه جواد بعصبيه: احد يتصل هالوقت؟ وبعدين مين انتي منار: أنا اختها بتطمن عليها جواد: اختك نايمه تطمني منار: وش يضمن لي انك ماسويت فيها شيء جواد: دقيقه اصحيها لك وقفل طلع وشافها نايمه ع الجلسات اللي بالصاله اخذ كوب مويا ورماه عليها منار: قفل هالنذل الحقير دانه: ماقال يبي يصحيها؟ منار: الا بس يمكن يكذب علي دانه: ننتظر نص ساعه لو مادق نرجع نتصل منار: الله يحميها منه وتكون بخير دانه: امين صحيت بمويا ع وجهي وشهقت كنت احسب دانه تمزح معي كنت بهاوشها واطلعها من غرفتي بس يوم شفته وعلى وجهه علامة الغضب تذكرت اني ماعدت بيت اهلي مسك يدي ورفعني: قلتلك مابيك تنامين هنا من وين تفهمين انتي؟ وقفني جنبه يوم رفعني كنت اناظر حجمي بالنسبه له رقبتي بتنكسر لو ناظرته صرخ علي: ماتفففففففففهمين؟ هزيت راسي: طيب خلاص مابنام هنا لسى ماسك يدي بقوه عورني جوانه: اترك يدي طيب تركني وجلس وانا واقفه .. جواد: اهلك اتصلو علي بيتطمنون عليك فرررررررحت اي احسن فديتهم مانسوني مثل مافكر يبعدني عنهم .. اهلي ماراح يتركوني بين يدين هالمتوحش جواد: ابيك تقولين لهم اللي بقوله بالحرف والا ماراح يحصلك طيب .. وياويلك تزيدين حرف ع اللي بقوله قلت اسايره: وش طيب جواد: لو كلمتك اختك قولي لها انك بتسافرين بعد شوي وان جوالك طاح منك وانكسر ويمكن تنشغلين وماتقدرين تطلعين لك جوال .. ف خليها تطمن ولا تزعجني يعني خلاص يبي يبعدني عنهم ليش ياربي ليش يسوي كذا حرام والله حرام جوانه: حرام عليك اقلها بس اكلم اختي كل يومين او 3 مابي كل يوم عادي. حتى لو بالاسبوع مره الله يخليك ارجوووك سوي فيه اللي تبيه بس لا تحرمني منهم تكفا جواد بحزم: يوم اسمع صوت اخوي وقتها تقدرين تسمعين صوت اختك ودق واعطاني الجوال ردت دانه: الو اول ماسمعت صوتها بكيت .. بيحرمني منك بيحرمني من صوتك دانه بحزن: لاتبكين ي روحي ماراح اخليه يسوي فيك شيء .. لاتخافين مع ان صوتي مو مسموع بس حست فيني منار: جوج حبيبتي احنا معك والله مايقدر يسويلك شيء ماكنت قادره اتكلم .. اه لو تدرون وش كثر قساوته ماكان قلتو كذا قلت ودموعي ع خدي: اشتقتلكم ناظرني بعصبيه وعيونه تنذر بالشر خفت منه وقلت: احححم اسمعوني ماراح اقدر اطول طيارتنا بعد شوي دانه: طيب افتحي جوالك اتواصل معك ناظرت فيه بخوف: جوالي طاح من يدي وانكسر دانه: اجل شلون اتطمن عليك جوانه: لاتخافين علي أنا يمكن إذا وصلت هناك انشغل ومدري متى باخذ جوال انتي لا تتصلين أنا إذا قدرت راح اكلمك اخذ الجوال من يدي بقوه وقفل ناظرته بحقد: الله ينتقم منككك. انت انسان ماعندكككك رحححمه بلا احساس الله ياااااخذك وافتك منننك وقف ومسكني من رقبتي بقوه بيده وانا احاول ابعدها عني وهو يناظرني ببرود واحس اختنق وماسكه ع يده وهو يشدها ع رقبتي بيموتني حسيت انفاسي بدت تختفي وكأنه قطع الاوكسجين عني للحظه.. رفعني شوي عن الارض و تركني وانا طحت وظليت اكح وماسكه ع رقبتي واحاول اتنفس .. نزل وشدني من شعري وخلاني اناظره .. اناظر العيون اللي ترعبني وتخلي كل شبرفيني ينتفض.. حطيت يدي ع شعري بألم جواد وهو يصر ع اسنانه: لا تتجرئين وتردين على اي اوامر اقولها لك ”وبصراخ” فاهممممممه تكلمت وانا ابكي: حرام علللليك تكلم بعصبيه وهو يشد شعري اكثر: مابي اسمع غير حاضر وسم وآمر فااااهمه قلت وانا اتألم: حاضر نزل راسي وهو يترك شعري وضربت وجهي بالارض لين نزل دم من خشمي وقف وكمل كلامه: و الحرام هو اني اخليك مرتاحه واخوي يعاني بسببك وتركني ورجع غرفته .. حسبي الله عليه أنا لين متى بتحمل هالعذاب اوجعننني حيل احس راسي بينفلق من الصداع وقفت ورحت غسلت الدم اللي بخشمي و وجهي ورحت ع غرفتي وحاولت انام مابي افكر ماراح يأثر فيه .. ايه اصلا راح يتعب ويتركني اكيد بيتعب ........... انتهى البارت ...اسعدوني بردودكم الجميله... | ||||
|
| |
|
10-12-21, 03:30 PM
| #18 | ||||
| البارت الثامـــــــن ليه اذا حبيتك أكثر زدت قــسوه وان دريت بحاجتي لـك .. زدت جفـوه وان عطيتـك مـن حياتـي ماتريـده ماكفـاك وتحسـب ان الحـب نــزوه والله اني يا أحـب النـاس.. أحبـك والله ان الـروح لـو ترضيـك.. فـدوة والله اني تـارك غيـرك .. وجيتـك مزعـل الزعـلان والـعـذال عـنـوه كل دقـة قلـب فينـي لـك قصيـده تكفـي الدنيـا مـع الاحبـاب غـنـوه وكـل هاجـس مايجيـب ألا خيالـك سلوتي بالعمر .. فـي صحـوه وغفـوه اجمع احساسـي واشواقـي واجيلـك والبس ثياب الهـوى والعشـق كسـوه وانتقـي مـن سواليفـي حسنـهـا والقصايـد مـن غزلهـا كـل حــروه وأنثر العبـرات والضحكـات عنـدك واقـول انـي احـق النـاس فـضـوه ادري انـي عـادي مافيـه مـيـزه وادري انـي كـادح ماحـاش كــروه وادري اني في خريف العمر ماضـي مابقـي بينـي وبيـن القبـر خـطـوه لكن انـي صـادق فـي مـا اقولـه واطلب مـن الله عـن الـزلات عفـوه الامير خالد الفيصل/ »»»»»»»»»»»»»»»»»»»»»»»»» »»»»»»»»»»»»»»»»» صحيت ع هزته جواد: هيه انتي فتحت عيوني بكسل مانمت زين كنت متكوره ع نفسي بالارض من البرد جلست وناظرته جوانه: وشو؟ جواد: الساعه 7 شغلك ينتظرك بالمكتب اتفاجأت هو لسى بيخليني اشتغل بعد كل اللي صار بالشغل جوانه: شغللللل؟ جواد بنبره حاده: ايه ويلا قومي مو فاضيلك أنا جوانه: دقيقه جواد وقف: خير؟ جوانه:شنطة ملابسي بالسياره ابي اي احد ينزلهم لي جواد وهو يطلع: نزلها السايق تحت روحي شيليها ونزل وتركني اففف كيف الحين انزل اخاف احد يشوفني من اهله .. ياترا عنده خوات مثله مغروريين ياويلي الحين بيذبحني لو تأخرت. قمت وطلعت من الباب اللي امس جيناه فتحت وشفت شنطتي سحبتها بقوه دانه ومنار ماتركو شيء ماحطوه لي طلعت مع الدرج أنا والشنطه وانا كل شوي اطيح اخيرا وصلت الجناح ودخلتها واخذت ملابس ودخلت عشان اتحمم منار: دانه قومي دانه: همممم جوانه روحي عني لسى بدري ابتسمت منار بحزن" وينك ي جوانه الله اعلم بحالتك الحين مع هذاك الحيوان" رجعت صحتها: أنا منار قومممممي عندك محاضره 8 وصارت 7 ونص فزت دانه بسرعه: قولي والله منار: والله قامت بسرعه ولا امدها تجهز نفسها بس لبست ورفعت شعرها وطلعو هي ومنار بالسياره منار: ياترا وش تسوي الحين .. وصلت والا لسى دانه: هي كم ساعه عشان نتصل نتطمن عليها منار: ماسمعتيها وش قالت ؟ قالت لا تتصلو لين أنا اتصل .. اكيد هذاك الحيوان مانعها تكلمنا دانه: ياروحي ي جوانه .. ودي اتطمن عليها منار: مالنا الا الصبر دق جوالها مازن: صباح العسل ياعسل منار : اححم صباح الورد مازن: رايحه ع الجامعه منار: ايه من شوي طلعنا مازن: ماشي حبيبتي انتبهي ع نفسك منار بابتسامه: حاضر مازن: احبك منار: وانا مازن: وانتي شو منار بهمس: ا ح ب ك . . . نزلت ولابسه عبايه ولا كأنها لابستها كل جسمها مبين ومفتوحه من قدام وباين بنطلونها اللي ماسك ع جسمها ولافه الطرحه ع شعرها ام خوله: ع وين ي بنيتي خوله وهي تلبس نظارتها الشمسيه: عندي مشوار ضروري يمه وطلعت .. ركبت مع واحد من اللي تعرفهم : ي هلا ي هلا بالزين خوله بدلع مايع: هلابك : اروح فدوه لعيونك أنا خوله: متولين هنا «طبعا قصدها مطولين بس تتدلع خخخخخخ : لا ي روحي بس حاب اجلس معك شوي قبل اوديك خوله: نو أنا مرا مستعجله خلها وقت ثاني : اه امري لله .. وين الشركه بالضبط خوله: امش وانا راح اعلمك وطلعو من البيت متجهين لشركة الهامي . . . وصلت المكتب واحس بتعب مانمت زين ولا اكلت زين اكيد بيصير كذا حالي عدلت لثمتي ودقيت ع مكتب جواد جواد بصوته اللي يخرعني: ادخخخخخخل دخلت وانا ارجف مدري خايفه منه كان يناظر اوراق بيده وشوي ورفع راسه وشافني رجع ظهره ع الكرسي وناظر ساعته جواد: لا تعالي اجلسي مكاني احسن سكت انا وهو يكمل: وش ذا التأخخخخخير رجف جسمي يوم صرخ علي وقلت بخوف جوانه: انـ انت م مـ ما صحيتني بدري وماكنت ادري اني بداوم وقف وترك مكتبه وقرب مني وشكله ناوي يضربني تراجعت خطوتين ع ورا بس وقفني لما مسكني من كتوفي جواد: قلتلك انتي تخدمين تحت رجولي وين ما اروح وحكاية اني اخليك مرتاحه ف البيت انسيها .. سامعه هزيت راسي بنعم ابتعد عني: والحين يلا روحي سوي لي قهوه ناظرته: كييف؟ من وين اقصد جواد: تحت يلا روحي طلعت وقفلت الباب ونزلت تحت دورتها وما ان لقيتها قلت لهم يسون له قهوه وانا مو عارفه وش قهوته بالضبط.. : صباح الخير التفت شفته هادي قلت بارتباك: ه هلا استاذ هادي هادي: ممكن تتفضلين نشرب القهوه مع بعض .. بتكلم معك في موضوع جوانه: اعتذر منك . الاستاذ جواد ينتظر قهوته هادي باستغراب: وليش انتي تجيبها له كان ممكن يطلبها بنفسه وتجيه بدقيقه جوانه: ما اعرف .. المهم اعتذر منك راح اطلع الحين هادي: اقدر اشوفك نهاية الدوام ؟ جوانه: انا اسفه مافي شي نتكلم فيه اخذت القهوة بسرعه وتركته .. اففف وش يبي ذا بعد انا القاها من وين ولا وين طلعت لفوق مايمدي ادق الباب لاني شايله الصحن عليه قهوته ومويا فتحت بكوعي ودخلت وياليتني مادخلت وقفت مصنمه عند الباب بعد المنظر اللي شفته قال وكأن الوضع عادي عنده: ادخلي كان في وحده شايله طرحتها وجالسه ع حافة المكتب مقابل جواد ويوم جيت بعدت يا الوسخ كلهم زي بعض حححقير اكرهه حطيت القهوه وكنت بطلع جواد بحده: من سمح لك تطلعين البنت اللي معه بمياعه: جودي وش تبي فيها خلي ناخذ راحتنا جواد: اوك .. يلا انقلعي طلعت وانا مقهوره وانا وش دخلني فيه عشان انقهر هو واخوه نفس الطينه هفففف رحت ع مكتبي وحاولت اشغل نفسي . . . جواد يوقف: اول شيء البسي زي الناس بعدين تكلمي تفاجأت من اسلوبه معها خوله: حبيبي شفيك ناظرها بسخريه: حبيبك!! أنا مو حبيب احد خوله: وش صار غلطت بشي؟ جواد: اللي صاير اني كاره وجودك. ياليت تتفضلين على بيتكم خوله تحاول تقرب منه: لاتنكر انت معجب فيني جواد بضحكة سخريه عاليه: هههههه ماخذه مقلب ف نفسك .. المهم عندي شغل يلا الباب ع يسارك ناظرت فيه بحقد: يجي يوم وتتمنى رضاي وانا وقتها مابكون لك جواد: إذا شفتي ذا اليوم جا فالاكيد انك نايمه وتحلمين طلعت خوله بقهر وهو دق ع تلفون جوانه عشان تروح له المكتب . . . ريم بالجامعه راحت لاخر وحده وسلمت عليها وكان بيدها الكيس وهذيك بيدها الفلوس سلمو بعض بحركه سريعه وهم يتصافحون ريم: كامله الفلوس : اي ايه والله كامله عديهم ريم ابتسمت لها والبنت استغربت الحين اللي يبيعون هالاشياء اشكالهم وتهديدهم يخوف البنت هذي عاديه مافكرت كثير اخذت حبه وبلعتها ع طول وراحت قاعتها منار تناديها: وينننن على الله التفت وابتسمت: هلا منو اشتقتلككك منار تضمها: وين اختفيتي ريم: ابد موجوده انتي اللي وين منار تمشي معها متجهين للكوفي: صارت مشاكل لجوج وماقدرت اجيك وانتي مافكرتي تجين ريم: ممممين جوانه؟؟؟ منار: ايه الحين اخبرك خلينا نجلس جلسو ريم: وش فيه؟ منار: امممم جوانه ريم: شفيها؟ منار: تزوجت بققت عيونها بصدمه: متى وكيف وليش ماعزمتني منار بحزن: تزوجت جواد الهامي شهقت بصدمه: كككككييييف؟ منار: الحقير عرف بالشهاده وعرف انها السبب باللي اخوه فيه ف اخذها غصب عنها ريم بحزن: ليش يتزوجها طيب وش يبي فيها منار: راح يطلع كذبتها ذي من عيونها ريم تجمعت الدموع بعيونها: كله بسببي منار: ياما حذرتك من جادوه النذل ذا بس ماسمعتي كلامي كنتي تمشين وراه مثل الهبله بكت اكثر: مو بيدي مو بيدي صدقته يامنار كنت احسه صادق ي منار منار بقهر: وهذا هو دمرك ودمر جوانه معك ريم: اااااه لا تزيديها علي كيييف بتحمل انه يوجعها بسببي انا لازم اتصرف راح اقول له وش سوا جاد فيه منار بحزن: مابتستفيد شي اصلا ماراح تقدرين توصلين له سفرها لندن ريم: لييييش؟ منار: مدري انا ودانه خايفين عليها كثير اكيد راح يضربها ريم: اااااخ ياربي ليتني مت ولا عشت وانا ادمر بأعز صديقاتي ليتني يوم انتحرت مت وريحتكم منار خافت عليها ضمتها: لا تخافين جوانه قويه ماراح تسمح له يأذيها ريم بقهر تفكر بجوانه والمخدرات ومنار وصورها: ليش ياربي تبتليني وش سويت بحياتي عشان احصل ذا العقاب القاسي منار: تعوذي من الشيطان وش ذا الكلام ... اهدي ياروحي انتي كله قضاء وقدر اهدي جوانه هذا قدرها خلاص ريم: الله يسامحك يا جاد كل شي بسببك كله بسببك . . . دخلت عنده وانا كارهته الوسخ جواد: وش عندك واقفه تعالي هنا قربت: هلا جواد: وش هلا هذي؟ اسمها سم طال عمرك قلت بعناد: ما اعرف اقولها وقف وتقدم مني وانا ارجع وهو يتقدم لين لزقت ف الجدار ضرب يده جنب راسي ع الجدار وقال بتهديد وهو يصر ع اسنانه: أنا كلمتي ما اثنيها واذا ماتمشين معي بالطيب راح اجيك بالغصب والضرب جوانه: اصلا ماتقدر تسوي شيء غير الضرب تستقوي ع بنت يعني منت رجال ندمت حيل يوم ناظرته وشفت الحقد والكره يطلع من عيونه مدري كيف سحب طرحتي بسرعه وشد شعري بقوه لدرجة اني حسيته كله راح بيدينه قلت باالم ودموعي تنزل ويديني ع يدينه احاول ابعدها بس كأنها مصنوعه من حديد ماتحركت: ااه الله يخليك خلاص اااه عورتني ارجوكككككك خلاص جواد: ترجيني اكثر مو قادره استحمل الالم: تكفى ارحمممني الله يرحم والدينك وربي ما اعيد ذا الكلام الله يخخخخخخخليك خفف شده بس لسى شاد ع شعري ولسى يعورني جواد بإبتسامه نصر: اكثرررر قلت مع دموعي ومابين شهقاتي: ا بــ و س ر رجولك اتركني ابتسم بنصر وسحب يده من شعري حسبي الله عليه .. أنا لازم اتجنب اعانده راح يموتني ولا همه جلست ع طول اول ماتركني ويدي ع شعري واحس بالم فضيع وصداع قوي حاسه بنار تاكلني وكأن راسي جالس يتبخر.. ظليت ابكي وهو جالس على مكتبه يتفرج علي اكيد عاجبه الوضع .. ذلني واهانني واكيد مستمتع باللي يشوفه ان شاءالله تنكسر يدك يارب مسحت دموعي واخذت طرحتي من الارض لفيتها ع راسي وعورني ف مشيتها بهدوء سويت لثمتي ووقفت وانا امشي بهدوء بطلع جواد بحده: قلتلك ملللللللليون مرررررره ما تطلعين الا لما أنا اسمح لك خفت من عصبيته وارتجفت من صوته خفت يسوي لي شيء هو حاليا يبي الزله علي عشان يوجعني جوانه: ا ا انا انا اسس فه طال عممر ررك.. ماراح اعيدها جاه اتصال ورد انجليزي جواد: مرحبا بك جاك جاك: مرحبا .. كيف حالك جواد: أنا بخير كيف تسير الامور عندك جاك: سيئه .. ننتظر قدومك ناظرني وكمل كلامه: لا اعتقد انني استطيع خلال هذه الايام جاك: ستزداد الامور سوء جواد: لا عليك سوف اتدبر الامور من هنا لاتقلق جاك: اممم حسنا .. اريد ان اخبرك شيأ جواد: ماذا تكلم جاك: كرستين حضرت إلى منزلك .. واخبرتني بأن ولدك بالمستشفى جواد: مستشفى؟؟ لماذا ؟ جاك: لم تخبرني ولكن اصرت علي ان اخبرك ذلك جواد: حسنا سأتصل بها جاك: إلى اللقاء جواد: وداعا قفل وناظرني وانا لسى بمكاني جواد: تعالي قربت منه بخوف جواد: ارفعي عيونك لاني كنت منزلتها مابي اشوفه رفعتها بعيونه ناظرني شوي وانا من شفت وجهه قلبي صار يدق بقوه. نزل عيونه وظل يرفع الملفات اللي ع مكتبه وكنه يدور شي وحصل ملف جواد هو يمده لي: عيدي كتابة الاوراق هذي مع التعديل الموجود باللون الاصفر واطبعيها وجيبيها اخذته منه وماتكلمت جواد: تقدرين تتفضلين طلعت من عنده واحس بالام ف راسي ولا قادره ارفعه حطيت الملف ع المكتب وقربت الكرسي منه واسندت راسي ع المكتب بتعب واحس جسمي ذبلان ومنتهي لا اكل ولا نوم وفوق هذا ضرب وشغل ناظر ساعته الساعه صارت 2 وللحين ماجابت الملف وقف وهو يتوعد فيها مشى بسرعه وفتح الباب بقوه شافها منزله راسها ونايمه عصب وثارت براكينه راح لها وشدها من شعرها من فوق الطرحه لفوق بس تفاجأ لما ماصحت ناظرها وضرب ع خدها ماقامت حط اصابعه ع وريدها اللي بيدها حس نبضها ضعيف وهو ماعنده خبره شالها بسرعه بعد ماكلم السايق يجهز السياره وطلع من المكتب ونزل فيها وسط دهشة كل الموظفين ومنهم هادي اللي ظل مقهور ومو عارف وش السالفه طلعها السياره ورا وركب معها جواد وهو يعدل راسها ويحطه ع رجوله: على المستشفى مشى السايق وصل المستشفى ودخل حاملها جت الممرضات وحطوها ع كرسي ودخلوها غرفة وقفلو الباب وشوي ودخل الدكتور .. انتظر جواد لين طلع راح له: ها كيف صارت الحين الدكتور: هي زي الفل بس ناقصها تغزيه دي الوأتي أنا كتبت لها ع مغزي هاياخد ساعه كدا وكمان ابرتين وانشالله حتكون كويسه راح الدكتور وجواد دخل لها ماصحيت الا وانا ع سرير ابيض والممرضات حولي وشفت المغذي بيدي اف وش صار شفت الباب ينفتح ودخل وانا جتني رجفه واعتقد انه لاحظها لانه رفع حاجبه .. قرب وكان واقف جنب السرير جواد: كيفك الحين؟ سكت اخاف اقول شيء ويضربني ابتعد وسحب الكرسي وجلس جواد: اذا تبين سلامتك لاتعانديني ناظرته ودموعي الحاره ع طول نزلت: مو انت اخذتني عشان تنتقم مني وتعذبني .. وهذا اللي جالس تسويه جواد: بس مابيك تموتين بين يديني .. بعدين تصير بذمتي اعرف اصلا انه مايفكر غير بنفسه والا أنا ماهميته وقف: أنا بطلع واذا احتجتي شيء ناديني جوانه: اخر شخص افكر اطلب مساعدته هو انت مارد علي طلع وقفل الباب وقفت جنبه ونادت عليه بصوتها اللي مخنوق من الدموع ريم: جاد قوم يكفيك نوم .. قوم مابي منك شيء بس اهم شيء تكون بخير. تعرف اليوم عرفت ان اخوك جالس يعذب جوانه بسببي .. بس السبب الاساسي هو انت .. حبيتك عطيتك كل شيء اهتميت فيك عشقتك بس انت بكل سهوله اخذت اللي تبيه ورميتني ليش .. لللليش وانا ماعمري فكرت اتركك .. مسحت دموعها أنا اسفه ازعجتك الحين بهالسوالف بس ترا أنا انتظرك انت راح تكون بخير اعرف ومتأكده انك راح تقوم انت ماتستسلم قوم عشان تفهم اخوك باللي صار قوم عشان يترك جوانه هي مالها ذنب والله مالها ذنب باسته ع جبهته وطلعت قبل احد من اهله يجي ابتعدت بسرعه وطلعت وهي تكلم صديقتها ريم: خلاص صرت احسن راح اروح البيت بتاكسي بس صديقتها عيت وحلفت توصلها طلعت السياره اسندت راسها على القزاز تذكره جاد: مابي احبك تكلمت بمزح: لا ي شيخ مو انت غرقان وخالص بحبي جاد بجديه: مابي احد يسيطر على قلبي .. لي الحق اني اختار اللي ابيها ريم بخوف:جاد وش قاعد تقول وش تخربط؟ جاد بعصبيه: ماعاد ابي اكلمك ريم مصدومه: ليش طيب وش صار؟ قفل منها حرمها صوته شهر وهي تحاول توصل له سد كل الطرق امامها هي تعشقه ماقدرت على فراقه حرمت نفسها النوم وهي سهرانه تنتظره وفي ليله قربت تنام رن جوالها وهي تدري مايتصل بذا الوقت غيره ردت بسرعه ريم: جاد انت بخير مارد مانطق ريم: تكفا تكلللم لا تخوفني عليك .. مارد وسمعت يتنهد بضيق ريم بحنان: حبيبي ادري انك تسمعني وانا هنا معك حتى لو ماتبي تتكلم يكفيني اسمع صوت انفاسك وانك بخير جاد بحزن: لا تردين عاقبيني ابعديني بس لا تردين لا تحنين لا تشتاقين قوي قلبك واتركيني انا ما استاهل والله ما استاهل حبك ريم: جاد بسم الله عليك ياروحي انت وش فيك وش مضايقك؟ انا ضايقتك بشي؟ انا حزنتك؟ جاد بألم: خلاااص مابي حنانك مابي حبك مابي شي منك ابعدي عني انت غير.. انتي ماتتكرر مكانتك بقلبي .. اتركيني حتى لو هزمني الشوق و دقيت لا تردين .. ابعدي عشانك مو عشاني رجعت من ذكرياتها وهي تذكر اخر كلمة له كيف قال ان البعد افضل لها بس عاندته ظلت معه لين صار اللي صار طلعت بعد نص ساعه وماخلصت المغذي .. بروح البيت اكره المستشفيات طلعت وانصدمت لساته جالس برا يوم شافني وقف جواد: نمشي؟ هزيت راسي بإيه مشينا وسمعت صوت مع تصفير خفيف : لبى الرزانه والله كان يمشي قدامي ويوم سمع هالكلام وقف لين صرت جنبه مسكني من يدي وشدني وهو يصر ع اسنانه ويخفض صوته : عدلي مشيتك لا اهفك بكف الحين يخليك تعرفين تمشين طيب والله امشي عادي أنا وش دخلني. لو رجال كان وريتهم شغلهم مو بس تعصب علي .. هففف ما اقدر اقله كذا اخاف منه طلعنا السياره وكان هو اللي يسوق مدري وين راح السايق رجعنا البيت وطلعنا الجناح وقف والتفت لي جواد : اجلسي هنا ناظرته بخوف: ل ل لي ش جواد: بدون نقاش جلست وهو رفع سماعة الصالة جواد: جيبي غدا ع الجناح بسرعه وقفل ناظرني : خليك هنا. سامعه هزيت راسي: حاضر تسطحت احس بتعب مو طبيعي ظليت افكر بحياتي لحد غفيت مدري كم بس ماحسيت الا لما سمعت صوته الخشن الثقيل وجلست على طول جواد: قومي كلي ناظرت شفت الطاوله اللي قدامي عليها اكل اشكال الوان سحب كرسي وجلس مقابلني وانا نسيته انه موجود وهجمممت ع الاكل من يومين مو ماكله زين. كليت ولا عاد فكرت فيه اممم بس اكلهم لذيذ مررره نساني الوجع ههه .. بلعت لقمتي واحسه يناظرني رفعت راسي شفته يتأملني ورافع حاجب جواد: ماعمرك شفتي اكل ؟ مسحت بالمنديل وشربت عصير: الحمدلله بيت اهلي شفت اشكال والوان بس ف ثلاجتك مافي غير الفواكه وش هالبخل ابتسم: خلصتي؟ ناظرت صحنه: وانت ليش ما اكلت جواد يوقف: هو اللي يقابل وجهك يجيه نفس ياكل؟ عساك عمرك ما اكلت ان شاءالله تموت وارتاح منك توجه لغرفتي وفتح الباب وهو يأشر لي جواد: يلا ي حلوه سجنك ينتظرك تنهدت بضيق من اسلوبه وقفت ورحت بهدوء دخلت وهو قفل علي ومدري وين طس سميره تبوس يد ولدها سميره: اه ي ولدي اللي يشوف حالتك يقول ماظنتي بتطلع منها .. بس أنا املي بالله كبير واثقه انك راح تقوم خالد: ايه ابغاك كذا .. ان شاءالله راح يقوم منها ناظرت ولدها اللي كأنه جثه مايتحرك وطلعت خالد يقرب منه ويمسح ع شعره خالد: طول عمرك ماتسمع كلمتي .. هالمره بس اسمعها وقوم .. طلبتك قوم ي جاد أنا وامك واخوك كلنا ننتظرك. مسح دمعه غزت خده وطلع اخذ زوجته وخرج من المستشفى جلست وضميت رجولي واسندت راسي عليها .. متى بيخلص عقابه لي متى بيتركني ويروح ويبعد عني .. متى يصحى اخوه ويفكني ويخليني بحالي الظاهر باقي مطوللللله فتح الباب وانا رفعت راسي رمى علي بطانيه وطلع الحمدلله بدا يتحسن وناسه اكيد يومين ويتركني فرشتها ع الارض وتسطحت عليها وثنيتها ع جسمي والحمدلله انها كبيره مره تغطيت فيها ونممممممممممممت . . . دخل غرفته اخذ جواله لقى مكالمه من جاك وتذكر كرستين ودق عليها جواد: مرحبا كرستين: اهلا عزيزي .. اوه اين كنت لقد احتجت اليك كثيرا جواد: ما الامر كرستين: جوني مريض للغايه ولم استطع ان اعالجه جواد فهم عليها: حسنا. سيكون في حسابك الان 100 الف دولار هل تكفي كرستين بفرح: اوه نعم بالتأكيد تكفي .. شكرا عزيزي جواد: هل من امر اخر كرستين: حسنا الطفل يحتاجك ايضا لما لا تعامله بلطف وتكون بجانبه جواد: لا حاجة لنصائحك أنا اعي ما افعل. كفي عن قول هذا كرستين: فقط امنحه قليلاً من وقتك جواد: عندما اعود سوف نناقش هذا الامر كرستين: حسنا إلى اللقاء جواد بالعربي: درب يسد مايرد وقفل توجه ع حمامه تحمم وطلع لبس بيجامته وتغطى ونام ولا فكر في جوانه ولو شوي.. الحقد ملا قلبه لدرجة نسى انه ف يوم حلم فيها جالسه بغرفتها ومقهوره من تعامل جواد معها خوله: والله راح تتزوجني وغصب عنك وتشوف ي جواد دقت ع وحده والبنت ردت : هلا خوله: امون ابي منك تدليني ع وحده تسوي حجابات اعرفك خبيره بالشغلات ذي اماني: هههه وليش لمين بتسوين خوله: مو شغلك .. خبريني ولك اللي يسرك اماني: اوك ابي 500 خوله: تمام خبرتها عن مكان وحده. اماني: روحي لها بكره العصر تكون موجوده خوله: والحين؟ اماني: وش يوديك الحين الساعه 10 خوله: مستعجله مرررره اماني: والله بكيفك أنا خبرتك العنوان وانتهى دوري خوله: تروحين معي واعطيك 200 زياده اماني: توصليها 1000 اروح وانا ما اشوف الدرب خوله: ي الطماعه طيب خلينا نروح الحين اماني: اوك مريني انتظرك لبست عباتها وطلعت واخذت اماني معها وراحو للحرمه اللي ساكنه بحي يرثى له تناظر البيت بقرف: الحين هذا بيتها اماني: ايه انزلي خوله تنزل : وش فيه كذا ظلام يخوف المكان اماني: قلنا لك بكره مارضيتي ودخلت البيت وخوله خلفها اول مادخلت الغرفه كانت ريحة بخور كريهه والحرمه تخوف سمرا مممره وعونها حمر وتردد بكلمات غير مفهومه الحرمه: ادخلو دخلو وجلسو عندها الحرمه وهي ترفع راسها وتتمتم بكلمات وشعرها ع وجهها اماني: جايينك نبي حجاب الحرمه تحرك راسها يمين وشمال: لممممين خوله: لواحد اعرفه الحرمه: شسمه كامل واسم امه خوله خبرتها ورجعت تناظر فوق وتتمتم: عندك شين منه خوله: كيف يعنننني الحرمه: اي شيء من ملابسه خوله: لا الحرمه: طيب تجيني ومعك شيء منه خوله تقوم: حاضر الحرمه: واقلك عن سعره قامت اماني وطلعو ع السياره خوله: الحين كيف اخذ ملابسه اماني تعلك: مدري عنك انا خلص دوري عطيني المقسوم طلعت لها الفلوس وعطتها وخذتها اماني وخبتها في صدرها ورجعتها ع بيتهم وراحت ع البيت وهي تبتسم لان لقت طريقه تاخذ فيها ملابسه انتهى البارت | ||||
|
| |
|
10-12-21, 03:59 PM
| #19 | ||||
| البارت الــــتـــاســــ9ـــع ................................. جالسه بسجني جالسه واناظر السقف مر اسبوع واكثر على وجودي هنا جواد يتفنن بكل لحظه بألمي وجرحي يستانس وهو يشوفني مكسوره تذكرت قبل يومين بالمكتب..... جواد: تعالي تقدمت منه برجفه ارخى جسمه ع الكرسي و اسند راسه وهو يغمض عيونه: تعرفين تسوين مساج راسي بينفلق قلت بخاطري ليته ينفلق وافتك منك ومن تسلطك جوانه: ايه شوي مازال نفس وضعه: اجل شوفي شغلك وش تنتظرين تقدمت مرتبكه خايفه يديني بارده وقفت مقابله فتح عيونه بتعب وابتسم بسخريه وهو ينزل الكرسي اكثر لاني كنت ما اطوله رحت خلفه حطيت يديني على جوانب راسه الصدغين قلبي دق بقوه من لامسته حاولت اتجاهل شعور الخوف اللي يسري بدمي فركته بحركات دائريه شوي حركت أصابعي من اسفل جبهته لاعلى وانا امررها يمين ويسار ارتخت ملامح وجهه اللي كانت مشدوده وواضح انه استرخى استمريت على هالحال لين تعبت .. ابتعدت شوي فتح عيونه بهدوء لف الكرسي لين قابلني عدل جلسته وهو يناظر بعيوني جواد: شغلك حلو بحتاج ذا المساج الفتره الجايه كثير. لاني كثيييير صاير اتعصب عرفت انه يقصدني جواد: وممكن احتاج مساج جسم بعد .. علميني كم كنتي تاخذين على خدماتك هذي؟ فتحت عيوني بصدمه مفجوعه من اللي قاعده اسمعه جواد يكمل: يعني قبل ماتزورين وش كانت من سوابق عندك اقصد مواهب غير اغراء الرجال وجذبهم لك ناظرته بقهر واحس ضغطي وصل الف: ما اسمح لك تتهمني بشرفي اذا عقليتك الوسخه توصلك ذي الافكار عني ف عالج نفسك يا مريض .. انت مكانك مو هنا مكانك مستشفى المجانين وقف ببرود ناظرني بنص ابتسامه وكأنه يتحداني بس هالمره طعن بأخلاقي ماراح اتنازل حتى لو يذبحني مانزلت عيني كنت اناظره بحده جواد: محد بيتعب غيرك نزلي عيونك واعتذري تحديته وظليت اناظره ايه مو كل مايبيني يقول ارفعيها ولما ارفعها يأمرني انزلها جواد: بعطيك فرصه اخيره نزلي عيونك ماتحركت رفع يدينه على كتوفي مسكني شوي وابتسم وانا نزلت راسي وجسمي بسرعه وانا اتطوى على بطني اللي رفسني بركبته فيه حاولت اتحمل الالم بس كان اشد مني حسيت بنار بداخله وداخل صدري جلست ع الارض عند رجوله وانا احاول اسيطر على نفسي على روحي اللي حسيتها بتطلع حاولت ولكن ماقدرت واستفرغتتتتت الحقير دايم يحاول يذلني عشان اعانده ويضربني صليت الفجر وبعدها ماجاني نوم ف جهزت نفسي للدوام ورحت دقيت عليه بشوفه صاحي او نايم مارد علي ف نزلت بروح الشركه .. وصلت للبوابه قلت للحارس: ممكن تفتح البوابه بطلع الحارس: ما اقدر طويل العمر مانع افتح لك ياربي منه اجل كيف بداوم جوانه: بس أنا زوجته و بداوم عنده الشركه ولازم اطلع الحارس: دام كذا خذي السايق يوديك وراح كلم السايق وطلعت .. الله حلو احس اني شيء مهم خخخ يفتح لي الباب واطلع وكذا ي سلاممم جواد: الو الحارس : هلا طال عمرك جواد: جهز لي السياره الحارس: حاضر بقول لريتان جواد: ليش وين منصور الحارس: طلع مع المدام جواد: مين امي ؟ الحارس: لا زوجتك جواد حس كأن بركان انفجر بداخله جوأد: مننننننننن قال زوجتي ؟ الحارس خاف من عصبيتيه: هي قالت لي جواد: واننننننننت اي احد يكلمك تصدققققققه .. هذي خدامتي ي غبي الحارس: اسف طال عمرك ماكنت اعرف السموحه منك جواد: انننت مفصووول سامع قفل منه .. نزل وطلع سيارته الرولز رايس وتوجه ع الشركه وهو يكلم نفسه" كيف تتجرئيين تقولين للعالم اني زوججججك .. حسابك عندي .. وصلنا الشركه وكنت بنزل نزل وفتح لي ونزلت وشفت هادي توه وصل ويناظرني باستغراب طنشته وطلعت وصلت ورايحه ع مكتبي شفته يطلع الدرج بعجل هادي: دقيقه وقفت واناظره وهو صار جنبي ويتنفس بسرعه كان شكله يركض هادي: احححم كيفك جوانه: بخير ليش هادي: ابيك بموضوع مشيت من عنده: مافي شيء نحكي فيه هادي: ارجوك بس اسمعيني ومشيت بسرعه مابي جواد يشوفني معه ويسوي لي سالفه تفاجأت لما مسك يدي ولفني له بقوه لدرجة انه اختل توازني عشان الكعب وكنت اشوف اني اقرب من الارض بس بلحظه في شيء مسكني من ظهري ومنعني اطيح كنت مغمضه عيوني فتحتها الا بوجه هادي قريب مني وماسكني من ظهري محاوطني بيدينه وانا بقوم بس هادي قاعد يناظرني بنظرات غريبه وانا مصدومه : جججججججججججججججوانه كان بيغمى علي لما سمعت الصوت العصبي الحاد اللي خلا كل انش فيني يرجف .. وقفني هادي ورجع خطوتين وانا انتظر العاصفه اللي بتجيني .. قرب مني وكككف قوي كان بيكسر رقبتي من قوته هادي يدافع: طال عمرك مافي شيء كانت تبي تطيح وانا مسكتها بس جواد بعصبيه يحاول يتحكم فيها ويصر ع اسنانه جواد: انت انزل مكتبك لا يصيرلك شيء مايعجبك نزل هادي وانا دموعي بعيوني ومنزله راسي .. مسكني من شعري ومشى فيني وانا اتألم وماسكه ع يده وبعض الموظفين اللي موجودين مستغربين دخل مكتبه ودفني ع الارض بقوه لحد ماضربت بيدي جواد: انتي ماتستحين على وجههههك وش قلة الادب هذي .. إذا اهلك ماعرفو يربونك أنا اربيك يا واطيه ورفسنننني بقوه على بطني لين حسيت احشائي تقطععععت جا بيرفسني مره ثانيه جلست على ركبي بسرعه وتعلقت برجله وانا اشاهق مو قادره اتنفس من الالم والبكى جوانه: خلاااص ااترجااااك خلاااص ااااخ بموت تكفا تكفا بمووووت دفني برجله اللي متمسكه فيها وانا طحت لورا بسهوله لاني اصلا مو قادره اتحمل الالم احس بغثيان وكن روحي بتطلع جواد: قليلة تربيه وعديممممة اخلاااااق من واحد لواحد اهلك وييينهم عنك وينهممم عن تربيتك ناظرته ودموعي ع خدي: أنا اهلي ربوني احسن تربيه لاتغلط علللللليهم. نزل ع رجوله وبعصبيه: اجججججل وش تسمين اللي اشوفه مممممره جاد وبعده هادي وماننسى ولد عممممك المحترم انتي احقر واوطى انسانه مرت علي رددت باستغراب: ولد عمي؟؟؟ جواد: اييييهههههه ع بالك غافل عنك وعن حركاتك يوم انك تضمينه ليلة ملكتنا .. انتي مين بعد ناويه عليه .. بس احترمي نفسككك شوي .. ع الاقل عشان اهلك لسى مصدومه من كلامه ودموعي ع خدي هذا بإيش جالس يتهمني بإيش.. فهد اخوي مو بس ولد عمي .. كيف يفكر قلت له: انت مو فــ قاطعني جواد: اسكككككككتي مابي اسمع نفس واحد منك و يلا انقلعي على مكتبككككك سكت وحاولت اوقف منحنيه بسبب الالم اللي ببطني من غير يدي اللي تعورني بسبب دفته مشيت بهدوء ودموعي ع خدي واحس اني مجروحه وش كثر اتألم من هالانسان مريت جنبه وطلعت مكسوره متحطمه يتهمني باخلاقي يتهم اهلي بتقصيرهم وعدم تربيتهم .. لا ماراح اسمح له كيف كذا قدرت اسكت وهو يهينهم معي .. مسحت دموعي وجلست ع مكتبي مر اليوم وانا ماطلعت ولا شفته ولا هو قرب من مكتبي ولا ناداني خلص الدوام وطلعت كنت واقفه عند المصعد انتظره يفتح وانا اذكره لما خيرني للمره الثانيه واخترت الجحيم بنفسي............... ............... كنت امسح الدم من جبهتي بعد ما دفني وطحت على الطاوله وانجرحت يمين راسي تقدم وجلس مقابلني ناظرني شوي بنظراته الحاده وحواجبه المعقوده اخذ المنديل اللي بيدي ورماه كنت اناظره بعيون مدمعه احاول اخفي رجفتي بضمي لجسمي بيديني اخذ معقم وحطه عليه: اااي جواد: اششش اهدي مسك راسي بيده الثانيه يثبتني لاني كنت اهرب براسي وعقمه وضمده فتحت عيوني كان لسى جالس ناظرني شوي جواد: الزواج والا السجن؟ قلت بثقه: الزواج جواد: فرحانه بذا الزواج اللي متأكد مثل مو شايفك انه راح يدمرك جوانه: عالاقل مايدمر اهلي واللي احبهم جواد: عارفه كمية الحقد اللي بقلبي اتجاهك؟؟ جوانه: ايه جواد: راح انتظر الزله منك عشان اشفي غليلي جوانه بحزن: عادي وقف يبي يطلع: اختاري السجن ارحم لك مني ومن سجني جوانه: اتحمل اهم شي ابوي اهم شي اهلي ماراح اتراجع الحين. طلع وتركني رجعت من ذاكرتي وكزيت من سمعت صوته جواد: على وين التفت وشفته خلفي وارتجف كل شبر فيني بس بينت له انو عادي: خلص الدوام برجع جواد يشد على اسنانه: انتي تتعمدين تثيرين الشياطين اللي براسي واذبحك وابتلي فيك والا ايش؟ جوانه بخوف: ل ل لأ ط طال عمرك ب ب بس جواد: اشششش اشر لي بعيونه ع المصعد ناظرته شفته فتح دخلت وتمنيت مايجي معي بس مو كل مايتمناه المرء يدركه دخل ونزلنا بسلام مايكلمني ولا اكلمه تقدمني وانا كنت امشي بخطوات بطيئه قاصدتها عشان ما اكون قربه : انسه جوانه التفت شفته جاي هادي: أنا اسف ع اللي صار ماكان بقصدي .. واصلا استاذ جواد ماكان له الحق يمد يده ع موظف انتي لازم تقدمين شكوى عليه جوانه: مو مشكله. قلت اغير السالفه.. ليش للحين هنا مارحت البيت هادي: كنت انتظرك بقلك اللي كنت ابي اقوله لك الصباح جوانه: استاذ هادي الله يخليك مو ناقصني مشاكل هادي بارتباك: انسه جوانه احمم أنا بصراحه احبك جالس بغرفته ويسمع صوت البنات بالصاله ويفكر بدانه هالبنت اللي من شافها خذت قلبه حاول يتناسى بس ماقدر لو يبي شريكة مايبي غيرها.. متر الغرفه رايح جاي وهو وده ينزل ويسأل لمى عنها ولكن شي بداخله يمنعه جلس اخيرا بعد ماحس بدوخه امجد: الله يشغلك فيني زي ماشغلتي عقلي بك.. وقف بسرعه واتجه لتسريحته اول مره يدقق في ملامحه يتمنى انها تعجب فيه وتدوره وتسأل عنه زي ما هو مهتم لأمرها بنفس البيت تحت عند البنات اللي اصواتهم عاليه عشان مقررين يخطبون لامجد اللي مو داري عنهم رسل: أنا قررت نخطب له ريناد بنت جيرانا فرح عيونها مفتوحه: لا وع هذيك الشهبا تصير سلفتي قل اعوذ برب الفلق رسل: والله ماشي حالها زينه لمى: بس بس حصلتها ناخذ لمياء اللي بقاعتي فرح: وع هذيك الحولا ام عنين تصير سلفتي جنى: انت شفيك قاعده لنا فرح: لانه في يوم من الايام سيتزوج الجميع ويبقى وجهي الجميل مع وجه سلفتي الخايسه ف مايصير اكثر وحده لازم تختار زوجة امجد هي أنا لذلك انصرفو عن وجهي ف أنا سوف احصلها لمى تضحك: ماذا اصابكي هل انتي جائعتون فرح: كلا ياصديقتي أنا فقط شوي فاصلتون رسل: فاصلتون والا نقطتون جنى: هه هه هه سخيفينننننننن فرح: انتي اغربي عن وجهي جنى: نعم سوف اغرب لاني لا احب الشروق نيها ها ها فرح: كر كر كر لم يضحكني ذلك مره جنى: الا وين رسيل رسل: تعبانه ف البيت فرح: افا ما الذي جاها لمى: فررررررح وجع صدعتي راسي من هاللغه المتناقضه اللي معك فرح: اولا وجع يوجعك ثانيا انها لغة الحضاره والشعوب الاغريقيه القديمه فماذا فيك أنا اتقنها بقوه لمى: اجل تتقنيها بقوه .. ما اقول غير مالت فرح تشهق: مين اللي مالت وعلى مين طاحت لمى: أأأأأأأأأأه يارب ارحمني من هالبني ادميه اللي مدري اخوي وش حب فيه رسل: هههههه لو يشوف مدى سماجتها ينجلط جنى: مسكين مايدري فرح: لا يهمني الامره دعيه يحلق ف السماء ثم يهبد ف الارض ان لم يعجبه حكيي لمى: بروح اشوف الغدا جهز او لا مت جوع فرح: زين بسرعه كي نكمل حديثنا لمى تمسك ع راسها وتروح البنات: هههههههههههههههههههههه جوانه: ننننننعم ؟ هادي: ادري راح يفاجأك ذا الشي.. بس والله حبيتك وقصدي شريف صدقيني بس ابي موافقتك واجي اخطبك ناظرت جواد شفته وقف كلمت هادي بسرعه جوانه: بس أنا ما ابيك ولا احبك وانسى هالشي مستحيل ارتبط فيك قلت له كذا ومشيت مابي يتعشم فيني أنا الحين متزوجه وما ادري متى راح يفرج عني ويطلقني وصلت عند جواد اللي النار تطلع من عيونه كلمني بعصبيه وصوت منخفض: انتي ماراح تتركين قلة الادب هذي لين اربيك .. قال لسايقه يوقف تكسي وكلمني: روحي بذا التكسي وحسابك ف البيت راح بسارته وانا شفت التاكسي طلعت معه وشفته هندي الهندي: وين ودي يعني جواد ماقال له. ابتسمت بفرح وانا مو مصدقه خبرته ع عنوان بيتنا واتجهنا له . . . :الو جواد: نعم : مسار السياره متغير طال عمرك جواد بعصبيه: على ويننننن : الظاهر بيت اهلها جواد يصر ع اسنانه: وقفو السياره فوراً واخذوها معكم : حاضر طال عمرك قفل منه وضغط ع الجوال بقوه: قسماً بالله انك ناويه على موتك ي بنت الك"" شد ع اسنانه بقوه وهو يسكّت نفسه عن اللي كان بيقوله" استغفر الله العظيم. خليني بس اشوفك والله لأطلّع ذا العناد من عيونك : اللي شاغل بالك التفت له: شتبي؟ : سمعت بالاخبار الجديده هادي: اي اخبار؟ : صاحب الشركه متزوج موظفة عنده انصدم: من قالك؟ : اللي بالشركه كلهم يدرون يقولون سكرتيرته او زي كذا هادي: جوانه؟ : والله ما اعرف اسمها بس يمكن هادي: يابنت ال.... وانا اقول شفيها تصدني طلعت راسمه على راعي الحلال : تعرفها؟ هادي: ايه يعني شوي مو ذاك المعرفه غمزله: حلوه؟ هادي: مو شغلك يلا فارق ضحك وراح وهادي مقهور: والله ما اخليك تتهنين فيه وبفلوسه والله لدمرك اجل تفضلينه علي؟ انا اعلمك منهو هادي اللي رفضتيه طق طق طق ريم: ادخخخخخل مازن يدخل راسه: انتي ماتعبتي من الجلسه بالغرفه ذي ريم بحزن: افضل شيء اظل بغرفتي مابي ازعج احد بمشاكلي دخل وهي كانت ع اللاب توب .. جلس ع سريرها مازن: وش هي مشاكلك شاركيني يمكن اقدر احلها ريم بداخلها ليتني اقدر اعلمك وارتاح من ذا الهم اللي شايلته فوق صدري مازن: ريم حبيبتي مالنا غير بعض فضفضي لي ريم: مافي شي مهم الدراسه وكذا شايله همها مازن: طيب شفيك حابسه نفسك ريم: احب اجلس وحدي مازن: طيب وش رايك نطلع نتغدا ريم: مالي خلق. اطلع مع اصحابك مازن: مافي اعذار بروح اجهز نفسي تطلعين اليوم يعني تطلعين وراح وريم ابتسمت: ربي يخليك لي مافي احد يحاول يسعدني ويطلعني من اللي أنا فيه كثرك جهزت نفسها وطلعو ع المطعم مازن وهو يقلب بالمنيو: وش حابه تاكلين؟ ريم: باستا مازن: ووش بعد ريم: شوربه بس والعصير كولا مازن بنص عين: وانا اقول شفيها اختي معصقله طلعتي ماتاكلين ريم: ههههه الا والله اني اكل طلب ورجع كلمها مازن: واضح من العظام اللي برقبتك ريم: ههههه شعندك مسكت معك على جسمي ليكون ناوي تزوجني ؟ مازن: ايه جاك عريس مكرش وقال مابيها معصقله قلتله ابشر والله ماطلبت شي ريم: هههههه مكرش اجل مازن: ايه وعنده خير عاد انا حلفت عليه ماياخذ غيرك .. شرايك بس انا لي الفلوس وانتي لك ابو كرشه ريم: هههههههه لا والله؟ تبي تغنى على حسابي مازن: طبعا اختي حبيبتي ماراح ترفض طلب اخوها ريم: اها وانا اقووول وش فيه نزل عليه الاهتمام فجأه طلعت راسم على حلال زوجي مازن: ههههههه ايه ابي فلوس بتزوج الخبله منار ابتسمت: مو تبي تكمل الماستر لسى بدري على الزواج مازن: والله مافيني صبر خذت عقلي بتزوجها بأقرب وقت وتسافر معي ريم: ي سلام ؟ وانا مازن: وانتي وش؟ مخلفك وناسيك والا وشهو ريم بحزن: بعدين مين بيهتم بي؟ ابتسم: من قال ماراح اهتم انتي اختي حبيبتي ماراح اوقف اهتمام فيك جا اكلهم ف سكتو مازن: كلي شفيك مفهيه ماردت سرحانه مازن: الووووو رفعت راسها: هلا مازن: من شاغل بالك؟ نزلت راسها وبحزن: منار مازن: وش فيها ناظرته بحزن: راح تاخذك وتبعدك عني مازن: افا تقولين كذا عن توأم روحك ريم: ادري انها طيبه وكل شيء فيها زين وصديقتي واكثر من اختي .. بس اقصد ماراح نطلع كذا .. ماراح تهتم إذا أنا زعلانه وتحاول تسليني مسك يدها: تعوذي من ابليس تراه جالس فوق راسك ويخربط عليك وانتي مصدقتيه ريم: هههههههه اعوذ بالله من الشيطان.. والله اني احبها ومستحيل ازعلها مازن يبتسم: المهم. ابلعي ابلعي بس عشان نرجع البيت بدري ابتسمت وكملو اكل رجعو البيت اول مادخلو شافو خدامة جيرانهم واقفه عند الباب ريم: بسم الله شفيك؟ الشغاله: انا كلاص لازم روح بيت بابا مازن يناظر ريم: رجعو الجيران؟ هزت كتوفها: مدري كلمت الشغاله: ماما ام خالد يجي؟ الشغاله: ايوا انا روح الهين مازن: خليها تكلمنا ريم: اي والله افرض انحاشت بنتحمل احنا المسؤوليه هذي امانه عندنا رن تلفونها ومدته لمازن مازن: يامرحبا .... الله حيه .... ابشر ابشر الحين تطلع بس حنا خفنا لا تكون تكذب .. الله يسلمك. فمان الكريم ناظر اخته: خلاص خليها تطلع .. هذا ابو خالد ريم: خلاص روح سلمي على ماما اوك هزت راسها وطلعت وريم تناظرها لين طلعت ناظرت مازن: تعرفه انت ابو خالد ذا؟ مازن: لا والله ماقد سمعت احد هنا بذا الاسم بس يلا اهم شي رجعنا الامانه لصحابها طلع وهي جلست تفكر وخايفه من اللي في بالها معقوله هم جابوها لا لا وش ذي الافكار مستحيل بس جيتها غريبه قبل اسبوعين تقريبا جت نفس هذي الحركه محد معها ماغير جوالها اللي كلمنا منه ام خالد وقالت بتترك خدامتها عندنا لانها بالمستشفى والخدامه وحدها. اكيد مو هم هذي مو اساليبهم لو يبغوني يعرفو كيف يوصلون لي .. شالت هذي الافكار من بالها وطلعت غرفتها . . . قربنا من بيتنا ي الله مبسوطهههه لف السايق يمين ورجع يسار قلت بخوف: وش فيه السايق: هادا سياره ورا يأشر أنا وقف ناظرت ورا شفت ثلاث سيارات مرسيدس اسود ورا بعض وتأشر عشان نوقف وخخخخفت جوانه: هذا هو والله هو ﻻﻻﻻﻻ لا توقف امشي بسرعهههه راح يذبحني لا توووقف السايق سمعني وكمل الطريق شفت سيارة صايره جنبنا وتدق بوري جوانه: ياررررب اوصل بيت اهلي يارب اقدر اوصل اقلها يحموني منه من جنونه انا متأكده راح يذبحنننني ااااااه ياربي احميني كنت اناظر ورا وشفت السايق يوقف فجأه ناظرت قدام فيه سيارتين اعترضو طريقنا وقف ونزلت ناس لابسه اسود وضخمه من السيارات أنا غمضت عيوني من الخوف انفتح الباب وما حسيت غير بيد قويه مثل الحديد تمسك يدي وتطلعني ع برا بقوه وانا ناظرته وبداخلي ادعي ربي يحميني منه انتهى البارت توقعــــــــــاتكم اسعدوني بردودكم الجميلة ♡ | ||||
|
| |
|
| أدوات الموضوع | |
| انواع عرض الموضوع | |
|
|
215Likes
العرض العادي
