آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-01-23, 03:17 PM
| #91 | |||||||||
| عضو ذهبي
|  البارت رووعة اخيرا جاد وريم اتجوزا عقبال فهد ومنيرة . جواد قاعد بيموت من شوقه وحبه لجوانا لازم يدفع الثمن الف مرة قبل ماترجع له ههههه شريرة ايوة يستاهل قليل الي شافته منه لازم يتعذب عشان يتساوو وتصفى الامور بينهم . خولة الحقيرة مافي فايدة منها اتمنى مشعل يخلصنا منها . سميرة عرفت غلطها وطلبت مسامحة جوانا . امجد وديما الاتنين كيوت وعسل . فيصل اشفقت عليه اتمنى مايموت ويعمل العملية الامور بينهم شكلها بتتغير مازن مايستاهلها لانه اساس الحب الثقة . ماتطولي علينا اتمنى لك التوفيق. | |||||||||
|  |
|
14-01-23, 12:05 AM
| #93 | ||||
 
| الــبــــــــارت الـــــرابـــــــع والاربــــــعــــــون ( و الاخــــــــــــيــــــــ ــــر ) يموت الكلام وتنولد فالبيوت أوزان كثر ما أثري الساحه الشعر..ماتشبعتك تباريح الأيام أشعلت داخلي بركان الى ليتني طعتك أنا ليه ماطعتك فقدتك وانا أكثر شخص خايف من الفقدان كثر ماأتمسك فيك بالوقت ضيعتك الأيام زحمتها مخيفة على الأنسان لو أقدر أرجع شي فالعمر رجعتك جالس بالحديقه ماقدر ينام يذكرها يذكر جمالها نعومتها مشتااااق لها كثير يحس روحه راحت معها مخنوق ويلوم نفسه جواد: ااااه من شوفه مازادتني الا وجع .. ليتني ماشفتها ضرب على صدره: انساها تكرهك .. بدونك هي اجمل بدون حبك مرتاحه مبسوطه تذكر ضحكتها يوم كانت مع فهد .. كان خايف عليها كلم احد رجاله يراقبها .. خاف تتعب تروح المستشفى ولا يعرف عنها .. فتح جواله على مقطعها ابتسم وهو يسمع ضحكتها وقت كانت تبي تطيح مع الكوره جواد: سعيده في بعدك ياقلبي ماتبينا ولا تبي حبنا غمض عيونه بوجع وهو يوقف اخذ نفس اخير من سجارته رماها وداسها وطلع على جناحه طلعت من غرفتها بعد ماحست بجوع ناظرت امها بصدمه منيره: يمه؟؟ ناظرتها وهي تبكي راحت لها: شفيك يمه بسم الله عليك مسحت دموعها: مافي شي يمه منيره: كيف مافي شي شوفي كيف حالتك حصه: ابوك منيره بخوف: شفييييه؟ حصه تبكي: صار عليه حادث والحين تعبان شوي منيره: ماااات؟؟ ماردت تبكي منيره: يمهه قولي مات والا عايش هزت راسها بإيه وبكت اكثر وقفت منيره مصدومه: لا مستحيل كيف كذا؟ متى؟ وليش؟ وقفت معها مسكتها وضمتها: انا لله وإنا إليه راجعون.. اذكري الله يمه ماكانت حاسه بشي متجمده مكانها حتى دموعها متجمده ولا نزلت .. صح صار لهم فتره عنه وصحيح انه عذب امها كثير بس مهما صار. كان عندها اب تمنت ودعت له كثير ينصلح حاله ويتوب من اللي يشربه ويرجع لربه ولزوجته ولهم بس للاسف راح الحين وضاعت احلامها منيره: لازم نسافر .. الحين نسافر يمه حصه: ايه يمه بنسافر جهزي نفسك راحت منيره وحصه مسحت وجهها وطلعت عند سميره وخالد قالت لهم خالد: لا حول ولا قوة الا بالله .. عظم الله اجرتس واحسن الله عزاتس حصه بحزن: الله يجزاك خير سميره: وش ناويه عليه حصه: بنسافر انا وعيالي يشوفون ابوهم ويدفنونه ويقيمون عزاه خالد: راح اروح معتس سميره: وانا بعد ماراح اخليك وحدك حصه: الله يجزاك خير في صباح اليوم الثاني صحت بتعب وكسل راحت تحممت طلعت نشفت شعرها ورفعته نزلت سوت لها قهوه وراحت الصاله بعد ماشافت امها وابوها محمد وهو يطبطب على الكنبه: تعالي يبه تعالي اجلسي جنبي راحت وجلست جنبه مسح على شعرها محمد: كيفك يبه ؟ وينك مابغيتي تطلعين تركت قهوتها على الطاوله فركت يدينها ببعض جوانه: ماني بخير يبه محمد: افا .. وش فيك يبه قولي لي وش متعبك جوانه: ابي اسافر انا خلصت الإجراءات باقي شوية حاجات وموافقتكم واسافر عبير: يمه ليش تبين تبعدين؟ جوانه: بدرس برا قلتلك هذا حلمي من اول محمد: اذا هذا الشي بيريحك ماعندي مانع جوانه: والله؟ ؟ ابتسم: والله ناظرت امها: وانتي يمه؟ عبير بضيق: مع ان ماودي تبعدين عني .. بس الله يوفقك يمه .. انا موافقه باست امها وابوها بحب وطلعت غرفتها دخل المجلس: السلام عليكم ورحمة الله عبدالله وكم واحد من اقارب ابوه: وعليكم السلام والرحمه سلم على عبدالله: عظم الله اجرك عبدالله: اجرنا واجرك سلم على البقيه وجلس جواد: متى الدفن؟ عبدالله: بعد صلاة العصر ان شاء الله جواد: على خير ان شاءالله عبدالله: بروح اشوف الوالده خلك معهم جواد:اكيد اكيد خذ راحتك طلع لامه وجواد جلس مع الرجال اللي قاعدين يحكون لابوه كيف صار الحادث : سبحان الله يهدي من يشاء ويظل من يشاء ماله الا اسبوعين او ثلاث من تاب .. ترك كل البلاوي اللي ياخذها ونلقاه بالمسجد سابقنا امام المسجد: الحمدلله الله يتقبل توبته ويسكنه فسيح جناته .. كل ليلة كان عندي ويسألني عن التوبه وهل الله يقبلها بعد كل شي سواه .. قلتله باب التوبه مفتوح للجميع سبحان الله كأنه كان حاس انه مودع تاب توبه نصوحه بكل فرض تبكي من بكاه وخشوعه خالد: الحمدلله رب العالمين .. الله يتقبلها منه ويسكنه فسيح جناته الشيخ: وكلمني بخصوص ام عياله وانه طلقها بوقت كان فاقد لوعيه فيه ف قلت له ان الطلاق لا يقع .. كان يبي يستسمح منها ويرجعها ولكن الموت سبقه .. حللوه يارجال وسامحوه جواد وابوه: الله يحلله ويبيحه الشيخ: الله يجزاكم خير جواد: اللي اعرفه ياشيخ انه ترك شغله ف ابي منك لو تكرمت تكلم اللي تعرفهم اللي له عنده حاجه يجيني اسددها له الشيخ: ان شاءالله .. الله يكتبها في ميزان حسناتك جواد: اللهم امين دق الباب شوي وانفتح عبير بإبتسامه: يالله حيه باسها على راسها: هلا يمه كيفك؟ عبير: بخير الحمدلله كيفك انت؟ وامك؟ فهد: بخير الحمدلله عبير: ادخل يمه فهد: جوانه موجوده؟ عبير: ايه بغرفتها فهد: ياذي الغرفه اللي ماتطلع منها عبير: نوت تطلع منها للابد فهد: كيف؟ عبير بحزن: تبي تسافر فهد: خليها يمه تسافر يمكن ترجع لنا جوانه الاوليه عبير: الله يسمع منك فهد: عن اذنك انا طالع لها عبير: اذنك معك حبيبي طلع دق الباب وما ان ردت دخل كانت عند التسريحه ترتب شعرها ابتسمت: حيا الله شرطينا سلم عليها وجلس: الله يحييك جوانه: متى دورتك؟ فهد: بعد اسبوعين تقريبا جوانه: الله يوفقك فهد: اللهم امين اممم تكلمين منيره؟ جوانه: لا ليش؟ فهد: ابوها توفى البارحه شهقت وهي تحط يدها على فمها: مااات؟؟ فهد بحزن: اي والله جوانه بحزن: ياقلبي الله يرحمه ويغفر له .. حياتي منيره كان عندها امل يرجع لهم ويرجع امها فهد بحزن: حالتها ماتسر .. مابكته قاعده تكابر انا خايف عليها جوانه بحزن: الله يكون بعونها فهد: ماراح تعزينها؟ جوانه: مدري ما اظن ادخل القصر مره ثانيه فهد: سافرو الدمام جوانه بصدمه: رجعوا؟؟ كيف ابوها مطلق امها فهد: كان سكران وقتها ماتحسب عليه طلقه جوانه: اها .. اذا كذا ممكن اروح .. متى الدفن فهد: اليوم العصر ناظرت ساعتها:الساعه ٢ مايمديني اكون معها وقت الدفن فهد: ماعليه اقلها توقفين معها .. مالها احد جوانه: طيب بكلم امي واجهز نفسي ونطلع فهد وهو يوقف: طيب ردي لي خبر بروح البيت جوانه: طيب طلع وهي نزلت لامها شافتها بالمطبخ الغدا ع النار وهي جالسه تقطع سلطه جلست جنبها جوانه: اساعدك يمه؟ عبير: ايه والله جهزي الصحون عشان الغدا وقفت وقعدت تطلع الصحون اللي محتاجينها وهي تكلم امها: يمه عادي اسافر الدمام؟ التفتت لها: الدمام؟؟ ليش؟ جوانه: يمه ابي اعزي صديقتي ابوها توفى عبير: الله يرحمه بس من صديقتك هذي ما ادري ان عندك صديقات بالدمام جوانه: اممم تقرب لجواد بنت عمته .. صارت مشاكل بين امها وابوها وسكنو بقصر خالها .. وكانت معي هناك على طول كانت مثل اختي عبير: ضروري تروحين؟ جوانه: ايه يمه اكيد محتاجه احد يوقف معها عبير: طيب كلمي ابوك يوديك جوانه: بروح مع فهد عبير: متى؟ جوانه: الحين عبير: تبين اروح معك جوانه: مايحتاج يمه عبير: طيب انتبهي على نفسك جوانه: قولي لابوي عبير: طيب طلعت من الحمام وهي تنشف شعرها سمعت حسه بالصاله يتكلم طلعت تبي تشوفه فيصل: لا تخافين بسويها بأقرب فرصه ... ايه ... وعدتك خلاص ... منتبه لا تشيلين هم ... تمام ... مع السلامه قفل والتف شافها واقفه خلفه منار: من كنت تكلم؟ قرب منها: ضروري تعرفين؟ ابتعدت وهي تفرك شعرها بالمنشفه : لا مو ضروري بس اسأل ابتسم: طيب جهزي نفسك نطلع نتغدا منار: متى راح تدخل المستشفى؟ فيصل: قريب سكتت فيصل: بروح البس ونطلع منار: طيب .. وبعد نمر السوبر ماركت ناخذ اشياء للبيت مايصير فطور غدا عشا كله برا تقرب منها مسك يدها: غالي والطلب رخيص .. ماحبيت اتعبك ولسى بأول شهر منار: عادي احب الطبخ فيصل: عاد تدرين مشتاق لاكل البيت من زماااان ماني ذايق اكل بيت .. كانت كريمه تطبخ بس ما احب طبخها .. طبخ امي الله يرحمها مازال عالق براسي منار: الله يرحمها .. اجل شرايك نكنسل الغدا ونروح ناخذ الاغراض ونرجع اطبخ لك فيصل: لا خليها من بكره منار: طيب فيصل: تعرفين تسوين كبسه؟ منار: اكيد في احد مايعرف لها؟ من متى مو ماكلها؟ فيصل: كانت لميس تسوي لي بعض اوقات اخذها معي للبيت ناظرته بإستغراب: ماشاءالله مطيحه الميانه هاللميس فيصل: هههههه لا بس لانها عارفه ان ماعندي احد يطبخ لي ف ترحمني شوي من اكل المطاعم منار: كنت تكلمها من شوي صح؟ فيصل: ايه تبي تتطمن علي منار: اها ماشاءالله وبصفتها ايش؟ فيصل مبسوط: عادي زميلة عمل منار: زميلة عمل بالعمل مو تكلمك في البيت فيصل مبتسم: مافيها شي ترا من زمان تكلمني عادي معتبرها زي اختي منار: طيب هذا زمان كنت سنقل الحين مافي شي اسمه زميلة عمل او اختي فاهم فيصل: هههههه لا تعالي اضربيني بعد منار: انت تنرفز وش اللي زميلة عمل تراك متزوج تقرب منها حاوطها بيدينه: متأكده اني متزوج؟ ارتبكت حاولت تبعد عنه بس مسكها: حسسيني اني متزوج منار بربكه: فيصل مو وقته تحسس خدها بخشمه وهو يشمه: مشتاقلك تصنمت مكانها لين جتها القوه فجأه ودفته وهي تركض للغرفه مسح على راسه وهو يضحك قرب من الباب: جهزي نفسك انتظرك بالسياره قالها هالكلمتين وطلع وصلو بعد المغرب .. جالس يلف جنب البيت وهو يدور موقف جوانه تناظر السيارات: يوووه شكله زحمه فهد: طبيعي اول يوم حصل موقف ووقف جوانه: بتنزل تعزيهم؟ فهد: ايوه اكيد ولو اني ما اعرف احد بس دام جيت واجب علي اعزي جوانه: طيب نزلت وتركته وهو يضبط شماغه وقفت عند باب الحوش وهي تذكر الكف اللي جاها من جواد وافقدها وعيها غمضت عيونها وهي تعصرها وتتقدم للبيت قاعده تحاول ماتفتح جروح مضت وراحت دخلت كان البيت مليان حريم ناس داخله وناس طالعه ناظرت تدور منيره ماشافتها دخلت وسلمت على الكل وانصدمت من وجود سميره ماتدري ليش مافكرت بإحتمال انها تكون موجوده شافت حصه وسلمت عليها وعزتها ماكان فيه مكان ف طلعت للمطبخ سميره: جوانه التفتت: هلا خالتي سميره: تبين منيره؟ تراها بغرفتها جوانه: طيب سميره: زين انك جيتي حالتها صعبه مو راضيه تاكل شي من الفجر ماذاقت شي جوانه: الحين اشوفها طلعت فوق دقت الباب ودخلت كانت جالسه بالارض جنب السرير وجنبها بنت ماسكتها من كتوفها اول مادخلت جوانه ناظروها وقفت منيره وراحت جوانه ضمتها وهي انفجرت تبكي منيره: ابوي مااات جوانه: يارروحي انتي الله يرحمه ويغفر له .. ادعي له مو محتاج منك غير الدعاء منيره تبكي اكثر: احس بتأنيب يا جوانه ماجا في بالي اني ممكن افقده .. ما استسمحت منه بأخر فتره كان ندمان ويتصل علي كثير بس كنت ما ارد عليه .. ااااه ندمااااانه راح وهو مو راضي عني جوانه: اذكري الله ياقلبي .. مستحيل موب راضي عنك محد يرضى على عياله .. اكيد عاذرك يا منيره ادعي له بحاجة دعائك الحين منيره: ااااه ليتني سمعته قال سامحيني يابوك ماسامحته مارديت عليه اااااه يببببببه تكفاااا لا تروح لين تسامحني انت اااااه يبه لاتخليني وانت مو راضي عني الله يخليلك لا تخليني بكت اكثر وجوانه وصديقتها قاعدين يحاولون يهدونها .. ماهدت لين طاحت من بين يدينهم مغمى عليها راقبته لحد ماطلع من البيت وركضت بسرعه دخلت قبل تتقفل البوابه وهي حامله في يدها جركل دخلت الفيلا وكانت عارفه ان بها الوقت الكل نايم حافظه جدولهم طلعت فوق اخذت البطاقه وفتحت الغرفه .. ناظرت المكان: ودي اشوف وجهك يامشعل بعد ماتشوف فلتك الجميله صارت رماد .. اجل انا تجيبني اخدمك؟؟؟؟ تحسب اني ماراح انتقم منك؟؟ ومو اي انتقام يامشعل .. والله لاحرق قلبك زي ماقهرتني يا تافه .. ومابنسى اللي اسمه ابوي .. جايه الدور اجل انا يزوجني هندي ؟؟ اااااه لو بيدي كنت موتك بس خلك شوف اشيائك وهي تتدمر شي ورا الثاني ماراح اكتفي بحرق فلتك بدمر كل شي تمتلكه بحرق قلبك عليهم واحد ورا الثاني واخرها احرقك انت وارتاح منك كبت من البنزين بكل مكان وطلعت سوت نفس الشي بباقي الغرف وطلعت لصاله العلويه وهي تنزل الدرج وترش باقي البنزين في الدور الارضي طلعت الولاعه من شنطتها شغلتها ابتسمت ورمتها وهي تشوف النار كيف تلاحق قطرات البنزين وتتوجه لكل مكان بالصاله والادوار العلويه تأملت المنظر قبل تطلع تبي تشوف كل شي وهو يحترق تبي تحس بالنصر شافت النار كيف شابه بكل البيت لدرجة بدا لهيبها يطلع حراره ويخنقها ف قررت اخيرا انها تمشي راحت بسرعه للباب فتحت ولكن ما انفتح معها شدته مره واثنين وثلاث وعيا يفتح تذكرت انه اكيد على الكهربا زي اللي فوق .. راحت ركض تبي تشوف العداد ولكن للاسف تآكل نصه من النار ولها السبب علق الباب ولا فتح كانت تحاول تطفي النار اللي شابه فيه ولكن انفجر بوجهها وهو يطلع شرار صرخت ورجعت للباب وهي تصرخ بصوت عالي وتنادي بكل ما اوتيت من قوه ولكن ما من مجيب صارت مثل المجنونه تدور من باب لباب تحاول تفتحها ولكن للاسف ماحصلت طريقه للخروج عدل شماغه ودخل عليهم فهد بصوت عالي: السلام عليكم ورحمة الله ردو السلام وهو بدا يسلم على الموجودين شاف عبدالله وتذكره من يوم جا عشان جوانه فهد: عظم الله اجرك واحسن الله عزاك عبدالله: جزاك الله خير سلم على باقي المجلس وجلس كان من بينهم جواد اللي من اول ماشافه فز قلبه وتوقع اكيد انه جاي مع جوانه جلس نص ساعه وطلع الحوش اخذ جواله ودق عليها جوانه: هلا فهد فهد: نمشي؟ جوانه: مدري منيره تعبانه مره مو قادره اخليها فهد بخوف: تعبانه؟ شفيها؟ جوانه: مافي شي يعني بس زعلانه عشان ابوها فهد: بعد قلبي خلاص انا بطلع وانتي خليك معها لو ودك تطلعين دقي علي جوانه: طيب مع السلامه قفلت منه وهي تمسح على راس منيره النايمه كان راح يودونها المستشفى بس صحت ورفضت قالت بس تبي تنام منار وهي تحط شبسات بالعربه وشوي راحت للثلاجات واخذت مشروبات غازيه ورجعت منار شايلتها بيدها: تحب الكولا والا البرتقال ابتسم: لا هذا ولا هذا انا ما اشرب هالخرابيط ناظرته بصدمه: ماتشربها ليش؟ فيصل: مضره بالصحة منار: يووووه طلع كلام الدكاتره حتى يطبقونه على انفسهم فيصل: ههههه شرايك يعني ننصح الناس ونشربهم مثلا منار: مدري توقعت تكذبون علينا فيصل: وانتي بعد خفي منه منار: هذا ادمان بالنسبه لي ما اقدر اخفف منه .. انا اشربه بسبب وبدون سبب يعني حتى لو مافي اكل عادي اشرب فيصل: لو تنظرين لجهة الضرر منها ممكن تخفين يعني هي اولا تسبب السمنه مع الوقت غير انها ممكن تسبب لك سكر لا سمح الله وامراض غيرها حتى كثرة السكر يحفز الخلايا السرطانية على النمو منار وهي ترجعهم: خلاص خلاص سديت نفسي ابتسم: افضل بعد اشرت على مشروب مو غازي: ناخذ هذا فيصل: هذا اردى من اللي قبله كله سكر ونسبة العصير فيه مره قليل منار: ياررربي من فلسفة الدكاتره خلاص نشرب مويا ابرك فيصل: هههههههه لا عاد مو لها الدرجه اشر لها على واحد: خذي هذا مثلا نسبة الفاكهة فيه ٨٠ بالميه وبدون سكر مضاف يعني ممكن يكون خيار افضل من اللي قبله اخذته وحطته بالعربه: انت تشربه؟ ابتسم: لا قاطع كل شي فيه سكر .. منار: اجل شتاكل فيصل: قطعته لان اغلب اكلي من المطاعم صح احاول يكون هلثي ولكن مو على طول الاقي مطاعم صحيه ف اضطريت اقطع السكر لاني ما اعرف كم كمية السكر اللي اكلها برا منار: الله يعينك على كذا بتتعب فيصل: تعودت منار: اممم خلصت كذا يكفي سحب العربة وراحوا حاسبو ورجعوا ع البيت دخل حط الاكياس بالمطبخ طلع شافها داخله ومعها كم كيس بتطيح معهم اخذها منها فيصل: الله يهديك قلتلك اتركيها انا انزلها منار: اساعدك وداها المطبخ ورجع لها منار: بتذوق بكره احلى كبسه ذقتها بحياتك بعد طبخ امك طبعا ابتسم: نشوف منار: حتى لميسوه ماتوصل لجمال طبخي فيصل: هههههه مداح نفسه كذاب منار: لا ياحبيبي بها الزمن لازم الشخص يمدح نفسه والا محد بيعطيه وجه ويمدحه ابتسم وقرب منها: ولو انها عفويه ومن غير قصد ولكني حبيتها منار بعدم استيعاب: وشو؟ فيصل: يا حبيبي استوعبت وابتعدت وهي تفصخ عباتها: المهم بكره عندك اجازه صح جلس ع الكنبات بتعب: ايه مددتها .. يعني ماراح ادوام لبعد العمليه خلاص راحت الغرفه وعلقت عباتها ورجعت وقفت جنب المطبخ وتكلمه منار: تشرب شاي؟ فيصل: دامه من يدك اشرب اكيد دخلت المطبخ وهو شال النظارة الطبية غمض عيونه واسند راسه للخلف بتعب جلس فتره على هالحال فرك مقدمة راسه بيده وما حس غير بيدها اللي تشيل يده عن راسه فتح عيونه كانت خلفه واقفه ويدينها على راسه فركت راسه وسوت له مساج خفيف وهو غمض عيونه واسترخى لفتره فتح عيونه ومسك يدها: خلاص يكفي ابتعدت وجلست: اذا يوجعك علمني اطلب الاسعاف قبل يزيد فيصل: لا بس شوية ارهاق مو منه منار: طيب فزت: يووه نسيت الشاي ابتسم وهي راحت تركض للمطبخ حطت الشاي وجنبه حطت شوية مكسرات وطلعت صبت له منار: ترا حقك مُر بدون سكر تطمن ابتسم: شكرآ حطت لنفسها مكعبين سكر ف مد يده قبل تصب شاي وطلع واحد فيصل: يكفي واحد اخاف عليك منار: لا عاد احبه مررره حالي فيصل: حاولي تتعودين حبه حبه لين تقطعينه منار: بعدين تصير حياتي كلها مره ما اقدر فيصل: بالعكس راح تتذوقين طعم الاشياء الاصلي بدون اضافة السكر صدقيني اطعم والذ منار: اوك احاول سكت وشرب ورجع حضن كاسة الشاي بيده ولاحظته منار: بردان؟ اقفل التكييف؟ فيصل: مايحتاج تعالي جنبي وانا ادفى نزلت راسها بإحراج فيصل: منتي ناويه تعطيني فرصه؟ منار: مو وقته فيصل نزل الكوب اقترب منها وسحب يدينها: محتاجك منار .. ادري قاعده تحاربين نفسك وقلبك وادري انهم اقوى منك .. بس عطيني مجال ادخل لحياتك بكل تفاصيلها لا تبنين بينا حواجز مع الوقت تكبر اكثر وماعاد نقدر نكسرها سكت ينتظر منها كلمه او اي شي ولكن تفاجأ لما نطت وهي تبتسم منار: شرايك نسوي باشميل ناظرها مصدوم وبعدها ابتسم: اوك سوي وبقعد اسولف معك لاني لو تدخلت في الطبخه راح اعدمها ابتسمت على تقبله لتغيير الموضوع وراحوا ع المطبخ جلس وهي بدت تحضير فيصل: كنت اسمع فيها البشميل ولا ذقتها منار: افا ماقد ذقت باشميل؟ ابتسم: ذقتها مره ناظرته: لا تقول لميسوه سوتها لك فيصل: ههههههه اي والله منار: ورا ماتزوجتها دامها خاقه عليك هالكثر فيصل: مافكرت بالزواج والاستقرار الا بعد ماشفتك منار: عاد مدري كيف حبيتني كنت بأسوء حالاتي وش عجبك فيني مدري فيصل: جمالك مو عادي حتى وانتي بأسواء حالاتك على قولتك كنتي جميله بريئه ناعمه .. قلت غبي ذا الانسان اللي فرط فيها .. اول ماشفت حالتك والانهيار اللي وصلتي له توقعت احد مره تحبينه توفى عليك قاطعته: وهو توفى فعلا .. توفى بقلبي من يومها .. ولو شفتني الحين اذكره او احزن عليه ف تأكد كحزني على ميت ماله رجوع فيصل: وان مت انا بترجعين له طيحت الملعقه من يدها بعد ماحست برجفة سرت بجسمها نزلت اخذتها ورفعتها ناظرت فيه: وش ذا الكلام؟ فيصل: الورم في منطقة حساسة لو صار خطأ طبي صغير رحت فيها يا اما اعيش بغيبوبه او اموت منار: ليش انت متشائم تفائل خير بأذن الله مايصير لك شي انا واثقه انك بترجع لي ابتسم: ارجع لك؟؟ منار: ايه ياروحي مالي غيرك ابتسم اكثر: والله يا ان هالكم كلمة اللي ترمينها بدون قصد انها تعني لي الكثير منار: من قال بدون قصد *وغمزت له شقت الابتسامه وجهه ومنار التهت بالطبخ فيصل: كلمتك قبل عن اهلي؟ علمها عنهم بأيام الملكه كثير بس تبيه يتكلم عنهم يمكن يريحه ذا الشي منار: لا كلمني عنهم فيصل: خواتي الهنوف والعنود هم توأم كانو بالمتوسطه واخوي عبدالرحمن اصغر مني بسنتين هنوف وعنود نفس الشكل ماكنت افرق بينهم بس هنوف حساسه هاديه طيبه وعنود عكسها تماما مشاغبه متهوره وتغار كثير من هنوف ما كأنهم توأم .. مره عطيت الهنوف هدية لان العنود ماتسمع الكلام وحبيت اعاقبها اني اخذ للهنوف هديه وهي لا عشان تعقل من باب التأديب يعني تخيلي شسوت حرقتها منار بصدمه: حرقت اختها؟؟ فيصل: لا يا هبلا حرقت الهديه خذتها وقالت بتشوفها وراحت المطبخ شوي ورجعت وبعد كم دقيقه الا نشم ريحة حريق شغلت عليها النار المجنونه ورجعت جلست ماكنها سوت شي .. كانوا دايم يتناقرون ماعمري شفتهم متفاهمين مع بعض .. الا بيوم الحادث لقيناهم ضامين بعض .. ما ادري وش عاشوا كيف حسو قبل موتهم خافوا فكروا انه اخر يوم لهم بالحياة ااااه موتهم كذا كلهم مع بعض اكبر عذاب تعذبته بس الحمدلله على كل حال انا صابر ان شاءالله.. وان الله مع الصابرين .. الله يغفر لهم و يرحمهم ويجمعني بهم في جناته منار بحزن: الله يرحمهم وقف بيطلع من المطبخ لانه ذكراهم اوجعته ولا حاب يبكي قدامها .. مر جنبها بيطلع بس تفاجأ لما مسكت يده قبل يطلع التف عليها ف ضمممته وكأنه ماصدق ضمها بقوووه وهو يحس بشووووق لهم ضمها وهو يشوف فيها امه وخواته ولا وده يفارقها فيصل: لا تخليني منار انتي كل اهلي حست بألم من كلمته حست بضيق منار: انا معك .. اوعدك ما ابتعد عنك رفع راسه حاوط وجهها وباس جبهتها: احبك قالها وابتعد طلع من المطبخ وهي جلست على اقرب كرسي وتفكر فيه كيف قدر يتحمل صدمه زي كذا من حقه يفرح بمرضه حاس بالوحده ماله احد بالدنيا وانا زدتها عليه صحيح غلط بس كله كلام ماكان عنده صور ماكان يبي يأذيني بس بيقهر مازن .. مازن اللي بكل فرصه يشوف موقف لي مع غيره يشك فيه .. وين الحب وين الثقه تركني لمعاناتي اللي ماحاول ينتشلني منها غير فيصل. انا لازم ابدا معه بدايه حلوه .. فيصل يستاهل كل خير تأخر الوقت والكل طلع مابقى غير سميره وحصه وبعض من اقارب زوجها ناظرتها وحده منهم: اقول حصه توك تعرفين زوجك بعد مات؟ وين كنتي عنه قبل سميره: وانتي شدخلك بينهم صدق ناس ملاقيف الحرمه: لا بس يعني لو انك جايه تبين فلوسه تراه للاسف ماعنده شي حصه: انتي وش قاعده تخربطين شايفه وقته كلامك هذا الحرمه: ايوه وقته المسكين عاش وحده لين مات حصه: ماكان وحده معه زوجته الثانيه الحرمه: طلقها بعد ماطلعتي بكم شهر حصه: ماعندي علم بالموضوع الحرمه: لو انه يهمك كان عرفتي ولكن جايه الحين طمعانه بهالبيتين اللي عنده سميره بقهر: هيه انتي احترمي نفسك ولا تنسين مين اخوها يقدر يشتري لها مليون بيت مثل بيته الحرمه: اجل ترجع لاخوها اللي فرحانه فيه وتترك ذا البيت لاهله وقفت حصه وبعصبيه: قلت احشمك واحترمك بس منتي وجه حشيمه .. اطللللعي مابي اشوف وجهك الحرمه بقهر: خير ان شاءالله من انتي عشان تطرديني تراه بيت ولد عمي يعني بيتي .. انتي الطالعه واحنا داخلين نزلت جوانه ومنيره بعد ماسمعوا اصواتهم عاليه حصه بعصبيه: هذا بيتي انا شريته .. صحيح كتبته بإسمه بس مايعني انه له الحرمه: اقول خلصي بس العزا وارجعي من مكان ماجيتي المرحوم اصلا مطلقك ومات وهو زعلان منك وانتي بكل عين وقحه جايه ومستقبله العزا فيه .. مابغيت اقول ذا الكلام قدام الناس .. احمدي ربك انتظرتهم لين طلعو عبدالله بصوت عالي: احم احمم طريييق طلعت جوانه وصديقة منيره بس ظلوا واقفين بأخر الدرج عبدالله: خير ان شاء الله وش الكلام اللي سمعته .. من قال البيت لابوي ومن قال انه زعلان من امي .. هذي وصيته لو تبين تعرفين اجلسي اقراها لك الحرمه: مايحتاج اعرفه وادري ان قلبه طيب الله يرحمه واكيد مابيقول غير الطيب منيره بقهر: انتي الحين وش تبين؟ اللي فينا مكفينا انقلعي اطلعي برا الحرمه: الا ياقليلة التربية تقولين لعمتك انقلعي .. لكن اكيد تربية امك عبدالله: حدك عاد امسكي لسانك واطلعي لا يجيك شي مايعجبك الحرمه: بطلع مايشرفني اقعد مع ناس ماعندهم تربيه ولا احترام سميره بسخريه: انتي خليتي فيها احترام؟ طلعت هي واللي معها بعد ما اخذت شنطتها جلس عبدالله ومنيره عند امهم: لا تزعلين يمه هذي مقهوره منك ماتدري وش تسوي .. وانتي عارفه الماضي يعني كانت مخطوبه لابوي الله يرحمه وهو فضلك عليها .. واضح باقي مقهوره منيره: لاتزعلين عمرك يالغاليه ماتستاهل هالغبيه تزعلين عشانها خالد وهو يدخل: السلام عليكم ردو السلام وكان خلفه جواد اللي توقع جوانه طلعت من زمان مع فهد خالد وهو يجلس جنب حصه: شلونتس وانا اخوتس حصه بحزن: الحمدلله على كل حال خالد: ودتس تقعدين في بيتتس والا حابه ترجعين معنا حصه تناظره: كمل معي ثلاثة ايام والله يسهل طريقكم خالد: من هالعين قبل هالعين ماطلبتي شي ابتسمت: الله يخليك لنا يابو جواد خالد: الله يبقيتس جواد: يبه احجز لك هنا كم ليلة لحد ماينتهي العزا خالد: تم احجز وقف عبدالله: اجلس جواد ابيكم تقرون معي وصية الوالد .. هي ماهي وصيه ولكن رساله كان كاتبها لامي قبل يتوفى الله يرحمه جلس وعبدالله فتح الورقه وبدا يقرا السلام عليكم ورحمة الله الى الغاليه حصه ام عيالي وشريكة عمري .. ما ادري من وين ابتدي وايش اقول غير سامحيني ظلمتك انتي والعيال كثير قولي لهم يسامحوني والله اني ندمان على كل لحظه قضيتها بعيد عنكم .. ابشرك تبت تركت كل الحرام والله يثبتني ويعيني على طاعته .. احس اني شخص ثاني انسان نظيف ناقصني وجودكم حولي وتكتمل سعادتي .. اوعدك ياحصه ماتشوفين مني الاذيه ابد ارجعي لبيتك وارجعي لي .. كتبت البيت بإسمك وعندي محل ماقد علمتك عنه كتبته بإسمك بعد .. وهذا ولا شي عند اللي قدمتيه لي والتضحيات اللي ضحيتيها على شاني .. وفي الختام ما اقول غير سامحيني وكل من غلطت عليه من اهلك سواء اخوك خالد او عيال اخوك ف اطلبي لي السماح منهم وعيالي منيره هديل لين ومحمد خليهم يسامحوني ... فمان الله قفل الورقه وهو يمسح دموعه وحصه تبكي اكثر هي ومنيره خالد: اهدي ياخوتس ادعيله بالرحمه والمغفره سميره تمسح دموعها: راضي عنكم وطالبكم السماح .. سامحوه وحللوه حصه: مسامحته من قلبي الله يسامحه ويحلله حاولو يهدونهم طلع خالد مع جواد واقف عند باب السياره يكلم السايق جواد: ارسلت لك اللوكيشن : حاضر طال عمرك جواد: الحجز بإسمي ناظر ابوه: انا بقعد الليلة مع عبدالله خالد: خير ماتسوي راح وهو رجع بس مادخل البيت واقف بالحوش طلع سجاره شفط منها وطلعه بهدوء وهو يذكر فهد جواد: اااااه كنتي هنا ياملاكي ليتني قدرت اشوفك رفع راسه وهو يشوف ظل بسرعه اختفى وكأنه من شافه ابتعد عن الشباك المطل على الحوش نزل راسه ولا فكر بالموضوع رجعت وقلبها يدق تسطحت جنب منيره النايمه تغطت وغمضت عيونها تحاول تشيل صورته من بالها نحفان شوي ذقنه طويل على غير عادته عيونه منهكه ... عصرت عيونها اكثر تبي تخفي صورته اللي قاعده تنعاد عليها .. ولا رحمها صوت عقلها اللي يسأل شفيه ليش متغير .. حاولت تسيطر عليهم لين غزى عيونها النوم ونامت وصل الحي وهو يشوف الدخان طالع ماتوقع ابد انها فلته كمل طريقه وكل ماله يشوف الدخان يزيد .. اسرع ومن وصل شارعهم شاف كيف سيارات الاطفاء قاعده تطفي والاسعاف اخذ شخص وتحرك وقف ونزل وهو يشوف السايق مشعل: جندار وش صاير؟ جندار: مافي معلوم بابا انا يصحى شوف حريقه بأدين كلم سرطه مشعل: من اللي بالاسعاف؟ من الخدم؟ جندار: مافي معلوم وجه مال هيا كلو محروق مشعل: لا حول ولا قوة الا بالله .. خمدت النار اخيرا ومشعل راح لغرف الخدم الخارجيه كان الكل برا الغرفه ومرعوبين مشعل: من فيكم كانت في البيت؟ : مافي كولو خدامه موجود هنا مشعل بإستغراب: اجل مين كان داخل انقبض قلبه ودق على امه واخته وتطمن انهم باقي مسافرين شغل سيارته واتجه للمستشفى الي نقلوها عليه وصل وسأل ودلوه على مكانها كانت بالعنايه طلع الدكتور مشعل: السلام عليكم الدكتور: وعليكم السلام هلا مشعل: بسأل عن البنت اللي اسعفتوها من شوي الدكتور: اللي انحرقت؟ مشعل: ايه الدكتور: عايشه بس حالتها صعبه للامانه .. الحروق من الدرجة الثالثة اختفت ملامحها الله يكون بعونها مشعل: لا حول ولا قوة الا بالله.. طيب ممكن اشوفها .. كانت في بيتي ولا عرفت من هي الدكتور: حاليا نايمه تحت تأثير المهديات وحتى ان شفتها ماراح تتعرف عليها مشعل: انا لله وإنا إليه راجعون.. رن جواله رفعه وهو يرد ويطلع من المستشفى مشعل: نعم جندار: بابا تعال بيت ضروري مشعل: طيب جاي الحين قفل ورجع للبيت شوي ووصل ناظره بأسف وحمدالله انه ماكان موجود لا هو ولا اهله دخل يناظر السواد والرماد اللي تحول له البيت مشعل: السلام عليكم : وعليكم السلام مشعل: بشر عرفتو ايش سبب الحريق؟ : اي نعم .. الحريق بفعل فاعل .. كان مقصود يعني انصدم: فعل فاعل؟؟ منهو ؟؟ : اتوقع البنت اللي بالمستشفى لقينا شنطتها وفيها الهويه مشعل اخذها من يده وما ان شاف اسمها انصدم : خوووووله؟؟؟ : تعرفها؟ مشعل: ايوه اعرفها كانت عندي تشتغل بس من فتره سرقتني وهربت حتى هويتها واغراضها كانت عندي : صحيح الهويه جديده مطلعتها مشعل: لا حول ولا قوة الا بالله هذي نهاية اللي مايتوب كل ماطلعناها من مصيبه دخلت بمصيبه اكبر : راح نفتح معها تحقيق اذا صحت مشعل: طيب اذا هي افتعلت الحريق ليش ماهربت : اللي واضح لنا ان الباب مافتح معها علق الظاهر بسبب الحريق وباقي التفاصيل راح نعرفها منها وقت التحقيق : سبحان الله طاحت بشر اعمالها تبي تحرقني واحترقت هي .. لا إله إلا الله يمهل ولا يهمل .. صحت على صوت بكاها جلست بسرعه شافتها تصلي ساجده وتبكي انتظرتها لين خلصت وراحت جلست جنبها ضمتها لفتره بدون كلام بس صوت بكاها .. هدت شوي وابتعدت اخذت منديل ومسحت وجهها جوانه: باقي حاسه بالذنب؟ هزت راسها بإيه جوانه: ماسمعتي وش كتب ابوك قال راضي عنكم ويبيكم تسامحونه صدقيني ماراح وهو زعلان منيره: شفت وجهه .. ماعرفته ياجوانه .. وجهه حلو ابيض ومبتسم جوانه: الحمدلله رب العالمين هذي بشارة خير منيرة: وحلمت فيه حلم حلو طمني عليه ابتسمت جوانه: الحمدلله راح عند ارحم الرحمين منيره: اللي ريحني انه تاب .. حكى لي عبدالله البارحه كلام عنه فرحني وريحني شوي .. كنت دايم ادعي له الحمدلله ربي استجاب دعائي جوانه: الحمدلله .. والحين قومي غسلي وجهك وخليك قويه عمتي تحتاج وقفتك معها خصوصا بعد كلام الحرمه اللي امس منيره بقهر: الله ياخذها زادت امي ضيق فوق ضيقها جوانه: ترا شفتها ماتستحي يمكن تجي اليوم منيره: والله لاطردها جوانه: لا مايصير عيب قدام الناس بتطلع هي على حق وانتي الغلطانه ف حاولي تمسكين نفسك لو شفتيها منيره: احاول وقفت: بروح اشوف امي جوانه: طيب راحت وجوانه دخلت الحمام غسلت وجهها ورتبت نفسها ونزلت عشان تسوي لهم اكل لانهم من امس ما اكلو شي .. لقت الخدامات بالمطبخ ف صارت تعلمهم وش يحطون وايش يضيفون وترتب معهم رفعت جسمها بعد ما نزلت الصحون على الطاوله رفعت راسها وقلبها خفق لدرجة حسته بيطلع مع اذونها كان واقف في باب المطبخ ماتدري من متى يراقبها يتأملها بعيونه المتعبه وملامحه المكسوره .. قطعت الصمت وهي تتحرك تبي تطلع مسك يدها: ما اكتفيتي من عذابي؟ سحبت يدها منه بقوه وطلعت بسرعه دخلت الغرفه سحبت شنطتها ودقت على فهد كثير واخيرا رد بصوت كله نوم فهد: هلا جوانه جوانه: فهد تعال الحين تعال خذني بسرعه فهد: فيك شي؟ جوانه: لا بس تعال بسرعه فهد: طيب طيب مسافة الطريق قفلت منه لبست عباتها وجلست تنتظره لين دخلت منيره منيره بصدمه: وين رايحه؟ جوانه: فهد عنده شغل يقول ولازم اطلع الحين ضمتها: مشكوره جوانه على وقفتك مابنساها لك جوانه: ماسويت الا واجبي تمنيت اطول معك لكن وش اسوي دق جوالها شافت فهد: مع السلامه سلمت عليها ونزلت سلمت على سميره وحصه جوانه: مع السلامه للكل يمكن تكون هذي اخر مره نلتقي فيها منيره: لا ان شاءالله وش هالكلام جوانه: انا بسافر ادرس برا سفرتي قريبه وماراح ارجع لبعد خمس سنوات او يمكن اكثر منيره: خمس سنين؟؟؟؟؟ ضمتها بقوه: ليش جواااانه ليش؟؟ جوانه: بكمل دراستي منيره بحزن: كيف اتطمن عليك ؟ وانتي حتى رقمك مو راضيه تعطيني جوانه: طيب سجلي عندك فتحت جوالها واملت جوانه الرقم لمنيره ودعتهم وطلعت اخيرا كان بالمطبخ سمع كل شي ومن طلعت تحرك وطلع بعدها بسرعه بخطوات طويله جواد: جواااانه ما التفتت واسرعت اكثر جواد: اوقفي بكلمك ماصدق وصل لها مد يده بيمسكها بس فهد اعترض طريقه وهي ركبت السياره فهد بحقد: نعم؟ ما فارقتها عيونه لين ركبت رجع ناظر فهد: بس بتكلم معها فهد: بصفتك مين؟ طليقها؟ اختنق من الكلمه بس حاول مايبين جواد: طلبتك ابيها بكلمة قبل تروح فهد: للاسف طلبك مرفوض اخذ نفس وهو يتراجع خطوتين: انتبه عليها عطاه ظهره وتحرك وهو يحس بوجع اكبر من قبل بتسافر؟ وين؟ اي دوله؟ بتختفي من حياته خلاص بتغيب سنين .. كيف يتحمل فراقها .. هنا وهم في نفس المدينه حاس انه متطمن يقدر يشوفها من بعيد يقدر يتطمن عليها بس الحين رايحه ولمكان مايعرفه ركب السياره وناظرها: انتي بخير ازاحت نظرها عنه بعد مادخل المجلس: ايه .. نمشي؟ تحرك وهو يتكلم فهد: يبي يتكلم معك مصدق نفسه اني بسمح له جوانه: فرصه وجت لك تنتقم منه فهد: اي والله حسيت اني ارتحت لو تشوفين نظراته المسكين وده يترجاني لكن كرامته ماسمحت له سكتت تذكره تذكر عيونه وقت شافته بالمطبخ ولا قادره تنسى نظرة الانكسار بعيونه دخل البيت وهو يشم ريحة الاكل اول مافتح الباب شافها قدامه منار بخوف: وين كنت طولت مره ابتسم: اسف ياعمري رحت اصلي وبعدها كلمني عمي تعبان ف رحت شفته وتطمنت عليه والحين جيت منار: ليش ماقلت لي ماتدري قد ايش خفت عليك ابتسم اكثر حاوطها بيده: المره الجايه اقولك .. المهم وش هالريحه الحلوه ابتسمت: سويت غدا ان شاءالله يعجبك .. روح غير ملابسك وتعال اكون حضرته باسها على خدها وانبسط انها تقبلت ولا ابتعدت زي كل مره .. راح يغير ثوبه وهي نزلت الاكل على السفره شوي وجاها ابتسم: الله الله كل هذا لي؟ جلس وجلست جنبه: ايه .. عاد ان شاءالله يعجبك .. حاولت اطلع كل مهاراتي غرفت له بصحنه وذاق منها وهي تناظر وجهه تنتظر ردة فعله فيصل: امممم الله الله لذييييذ منار بفرح: صدق؟ ترا عادي لو ماعجبك قول فيصل: لا وربك يهبل *اكل اكثر* ياسلام ولله يا انها احلى كبسة ذقتها بحياتي وماهي مجامله والله اني صادق ابتسمت وبدت تاكل وهو كل شوي يخلص صحنه ويرجع يغرف له ترك الملعقة وهو يسند جسمه ع الكرسي: اااه دخت منار: هههههه ليش تاكل كثير فيصل: اخ يابطني الظاهر انصدم اول مره بحياتي اكل كذا الحين مبتلش فيه مايدري وش يهضم ووش يخلي منار: ههههه اسويلك شاي اخضر؟ فيصل: هذا حق تأنيب الضمير اما انه له فايده بعد الاكل اللي بلعته ما اظن يفيد منار: هههههه من جد بس ماعليه اشربه يريحك شوي فيصل: على كذا لازم اهيء نفسي للسمنه منار: لا لا ماراح تسمن ماشاءالله انت منتبه على جسمك وطالع حلو ووسيم ما اظن تخربه ناظر نفسه ورجع ناظرها: انا وسيم؟ ابتسمت: ايه ليش ماتشوف نفسك؟ فيصل: اشوفها بس مادريت اني وسيم وبنظرك بعد منار: انت وسيم وجميل يعني الله يعيني في المستقبل بتهاوش مع الرايحه والجايه وكل من ناظرت فيك .. لا وعاد انت دكتور اكتملت من تلبس اللاب كوت كل البنات راح يخقون عليك شعور فيصل بها اللحظة وفرحته تعدت العالم تعدت الكرة الارضيه ومجراتها .. منار تمدحه تقول انه جميل ووسيم .. من كثر الفرحه ماعاد عرف يرد حتى فيصل وابتسامته شاقه وجهه: الله يسلمك ابتسمت وهي توقف: شبعت؟ فيصل: ايه شالت الاطباق وهو ساعدها ياخذ معها ويرتب منار: خلاص انا ارتبهم روح ارتاح فيصل: اولا راحتي بقربك .. ثانيا تراني الزوج اللي تتمناه كل بنت يعني انا احب اغسل لنفسي انظف ارتب اغراضي اكوي لنفسي .. زي كذا منار: يا سلاااام احلى شي اجل بصير اسوي نفسي تعبانه لين تسوي كل شي عني فيصل: ههههههههه لا لا هذا يسمونه استغلال ابتسمت: امزح .. المهم صدق روح ارتاح واذا احتاجت مساعدتك راح اطلب منك .. حاليا انا اللي بقوم فيك قرب منها مسك يدها رفعها وباسها: تسلم يدك ع الاكل .. عندي شي بسيط يعني اخذته لك قبل وماصار فرصه اعطيك منار: وشهو فيصل: دقيقه راح غرفته شوي ورجع حامل بيده علبه فتحها ولفها لها تشوفها منار: الللللله تهبل نزل العلبه على الطاوله وشال الاسواره اللي فيها: هات يدك مدت يدها ولبسها: صارت اجمل على يدك ابتسمت: مشكور فيصل: العفو ياعمري تستاهلين اكثر رن جواله واستأذن منها وطلع وهو يرد اما هي جلست تناظر الاسواره ودمعت عينها .. خايفه تفقده قاعده تقول له انت قوي وتشجعه على العملية وخايفه لا تفقده فيها وتندم بالمستشفى ماينسمع غير صوت صراخها خوله: ااااااه يممممماه ااااااااه بموووووت الحقوني بموووووت امها جنبها تبكي: بس يمه بس اهدي قاعده تزيدين نفسك خوله: اسكككككتي انتي اسككككتي مابي احد محد حاااااس فييييه انا قاعده احتررررق ااااااه قولي لها تعطيني مسكن قولي لها تسوي اي شي اااااه اللي جنبهم فتحت الستاره: لو سمحتي ممكن توقفين صراخ بنتي تعبانه وتوها ماصدقت تنام خوله: انقلعي من الغرفه لو مو عاجبك اااااه ناقصتك انا ام خوله: العذر منك وانا اختك البنت تعرضت لحروق قويه ماهو بيدها الصراخ : وديها مستشفى خاص هنا ماراح يفيدونها خواله: ايه يمممه ايه مابقعد عند هاللي ماعندهم احساس مستخسرين علي ابرة مسكن ااااه كللللله منكم انتي وابوي الله لا يسامحكم اااااااه الله ينتقم منكم : لا حول ولا قوة الا بالله.. وش ذي الالفاظ احترمي امك يابنت خوله: انتي انطططمي وش دخلك اااااخ اااااه هزت راسها بأسف وقفلت الستاره وهي تحاول تصبر على صوت ازعاجها بــــــــعــــــــــــد اســــــــــــبوعين صحى من بدري نزل بعد ماجهز نفسه دخل غرفة الطعام جواد: السلام عليكم ابوه وامه: وعليكم السلام جلس وبدا يفطر خالد: مو قلت بتسافر لندن بعد زواج اخوك وراك هونت جواد: ماهونت مسافر بس كنت اخلص بعض الامور هنا خالد: لو مالك نيه تروح علمني عشان اروح انا جاه اتصال وقف بسرعه: لا يبه مايحتاج انا بسافر ذا الاسبوع طلع بسرعه وهو يرد: هاه وش صار معك :طال عمرك مافي اي بيانات باسمها جواد بحده: كيف مافي بيانات : طال عمرك يمكن انها لسى ماحجزت جواد: بعطيك يومين تطلع لي لوين مسافره ومع من وعند مين بتجلس وان ماجبتها اعتبر نفسك مفصول سامع : بس طا.... قاطعه جواد: مابي أعذار شوف شغلك قفل منه واتجه للشركه مرت هالاسبوعين عليها بلمح البصر خلصت اجراءاتها وصارت مستعده للسفر وخايف من اللي بيقابلها هناك .. هل راح تعرف تتصرف والا بتتعب خصوصا بعد القرار اللي قررته ناظرت شنطتها بتسافر الليلة بتودع الرياض لفترة طويله .. ماعمرها غابت عنها والحين بتروح ومو ناويه ترجع لين ترمي كل شي ورا ظهرها لين تنساه تماما اندق الباب طل براسه ومن شافته ابتسمت فهد: صباح الخيييير جوانه: صباح النوووور دخل ناظر شنطتها: خلاص معزمه على الرحيل ابتسمت: ايه اريحكم مني جلس:انتي مثل النسمه مالها حس بس لها اثر حلو جوانه: الله الله من وين متعلم الكلام الحلو فهد: هههههه كيف اعجبتك جوانه: مرره ههههههه ابتسم بحزن: جيت اودعك يا اختي اللي ماجابتها امي جوانه: كنك صاير درامي فهد: والله ان روحتك صعبه علي جوانه: انت بعد عندك دورة ست مدري ثمان شهور بتلتهي فيها وترجع لنا احلى شرطي بالدنيا فهد: برجع ولا القاك ولا افرح معك ولا اوريك لبسي جوانه: لا لا وش مسويه فيك منور شكلها مزعلتك وجاي عندي تطلع دموعك فهد: ههههههه ياخي احترمي مشاعري حسي شوي .. اقلها احترمي الدموع بطرف عيوني جوانه: هههههههههه مو لايق عليك الحزن معليش ابتسم: انتبهي لنفسك وراسليني دايم طمننيني عليك حتى لو مارديت بحكم اني بالدوره بس راح اشوفها ان شاءالله بالاجازات وكذا جوانه: ان شاءالله انت بعد انتبه على نفسك واسمع الكلام وخلك عاقل بالدوره عشان ماتتعاقب فهد: ان شاءالله سمعت صوت امها تناديها فهد: روحي شوفي امي اصلا انا بطلع وقفت: لا لا وش تطلع اجلس اليوم معنا ..ونتغدا سوا وباقي بتكلم معك اصلا انتظر فهد : وش غداه لسى بدري جوانه: بودعك مدري متى بشوفك بعد خلني اشبع منك ابتسم: طيب طيب من عيوني روحي شوفي خالتي وتعالي راحت وهو انسدح بعرض السرير ومازالت رجوله ع الارض ضايقه الشي اللي تحت ظهره قام وناظره كان دفتر اخذه ورفعه مازال القلم بداخله فتح على الصفحه اللي فيها القلم ..قراها وانصدم من اللي فيها وقف وهو ضاغط على القلم اللي بيده لين انكسر.. قطع الورقه بسرعه واخذها بجيبه حط القلم المكسر في جيبه ورجع الدفتر مكانه .. شوي ودخلت عليه جوانه: سووووري تأخرت عليك ابتسم يحاول يكون طبيعي: لا ماتأخرتي جوانه: ايه كيف وضعك مع منيره فهد: الحمدلله الاوضاع مستتبه جوانه: هههه حلو ان شاءالله على طول .. تدري ماعاد كلمتها كيفها بعد وفاة ابوها فهد: ماشي حالها يعني تلوم نفسها كثير .. حاسه بالذنب جوانه: اوقف معها ترا بعضهم من كثر تأنيب الضمير يدخلون بحالة اكتئاب فهد: الله يستر عليها خوفتيني يعني انتي مسافره وبتنشغلين وانا دورتي حول الثمان شهور .. بتجلس وحدها جوانه: ماعليك بحاول اكلمها على طول لا تهتم سكت شوي وبعدها تكلم: جوانه انتي ليش مسافره؟ ناظرته بصدمه: لا ي شيخ؟ عشان ادرس فهد: مو عشان تهربين من نفسك؟ رجف قلبها: اهرب من نفسي؟؟ فهد: تحبينه؟ جوانه: فهد شفيك من اللي احبه؟ فهد: من غيره جوانه: ليش احبه وش ابي فيه اصلا .. انا تطلقت وارتحت الحمد لله وقف مو قادر يهدا: اسمعي بروح مشور قريب وراجع لك جوانه: لا والله قول ماتبي تتغدا معنا فهد: وهو انا اقدر ارفض طلب لاختي الجميلة بس خليني اخلص اللي معي وراجع جوانه: طيب طلع من عندها ركب سيارته طلع الورقه من جيبه وهو بيجن من اللي مكتوب انقهرر ووصل اقصاه من الغضب .. حرك سيارته وهو يتوجه للمكان اللي يبيه دخلت عليها امها دورت عليها ماحصلتها فتحت ستارة اللي جنبهم ام خوله: شفتي بنتي؟ : لا والله ماشفتها ام خوله: وين راحت طلعت دورت بالاسياب ما حصلتها سألت الممرضات بس محد شافها فجأه سمعت ضجيج وتجمع ناس راحت لهم : تخيلوا يقولون واقفه على السطح بتنتحر : اعوذ بالله وش صاير معها : امشوا نشوفها ام خوله بخوف وهي تشد عباتها: بنتتتي هذي بنتي مالقيتها بغرفتها .. وينها ودوني لها : اهدي ياخاله الامن عندها مابيصير لها شي ان شاءالله ام خوله: ودوووني لها وينها اخذوها وطلعوا كلهم للسطح كانت واقفه على طرف الجدار وتناظر تحت والامن خلفها يحاولون يهدونها خوله: ابعدوووو عني لحد يقرررررب تقدمت امها بالقوه رجولها مو شايلتها ام خوله: يممممه لا يمه مالي غيرك يمه خوله: اااااه تشوووهت انا مسسسخ مو بنتك مستتتتحيل اقبل اني اعيش مع هالمسخ اللي متلبسني ماااابي المووووت ارحم والله اررحم احد رجال الامن: تعوذي من ابليس وانزلي الطب تطور كل شي له علاج وكل شي بيرجع مثل ماكان هزت راسها بجنون: لا لا لاااا تكذبون مابرجع ماراح يرجع وجهي اااااه مايرجع ام خوله طاحت على ركبها وحده من البنات: ارحححمي امك راح تموتينها قبلك خوله: محد حااااس فيه محد حااااس انا اللي بعيش مشوهه انا اللي انتهت حياتي اااه ناظرت امها بالشخص اللي يمشي منحني واللي ما انتبهت له خوله ناظرته بأمل وصل لها وبحركه سريعه سحبها وطاح هو وياها ع الارض قاموا مسكوها الكل ويهدونها وهي تصرخ وتسبهم جت احد الممرضات وعطتها ابره مهدي شوي وخفت حركتها ونامت ونقلوها لغرفتها واقفه بالمطبخ لافه المنشفه على وجهها دخل عليها المطبخ ومن شاف شكلها مات ضحك امجد: ههههههههه وش ذا اللي فوق راسك دانه بصوت مكتوم: مو قادره اشم الريحه امجد: هههههه اه يابطني اول ما شفتك خرشتيني حسبت جني اسود بإسود دانه تأشر له بالملعقه انو اطلع امجد: طبختي والا لسى؟ دانه: لسى امجد: اجل امشي معي نتغدا برا طلعت من المطبخ وشالت المنشفه دانه: اوووه يازين النفس قرب منها بيضمها وهو مبتسم مدت يدها: لا لا لا وش اتفقنا عليه .. تباعد اجتماعي لو سمحت امجد: هههههههه طيب جهزي نفسك دانه: اسمع ترا مليت من اكل المطاعم .. شرايك نعزم نفسنا عند اهلك رفع ساعته يناظرها: اوك بكلمهم ما اتوقع تغدوا دق على لمى لمى: هلا بالطش والرش ابتسم: اهلين فيك .. اسمعي طابخين غدا والا باقي لمى: لا وين لسى تعرف غدانا يتأخر .. ليش؟ امجد: طيب جايين نتغدا عندكم لمى بإبتسامه: اعز واغلى من يجي .. ننتظركم امجد: اوك باي قفل منها: تجهزي نروح لهم ركضت بسرعه وهي مبسوطه وهو يضحك عليها امجد: شوي شوي يامجنونه تراك حامل واقفه عند راسه كان على السرير متجهز ولابس والممرضات والممرضين حوله عشان راح يودونه للعمليات مسك يدها تأمل عيونها: لو صار لي شي قاطعته: بتقوم بخير راح تكون بخير صدقني فيصل: ان شاءالله .. بس لاسمح الله والله اخذ امانته سامحيني على اي شي ضايقتك فيه .. و لا ترجعين لمازن .. شخص مايثق فيك مايستاهلك لا ترجعين له لو مت .. تزوجي اي شخص بالدنيا الا هو منار تحس بالدموع بدت تتجمع بس ماتبي تبين له تبي تكون قويه عشانه عشان يستمد القوه منها ويقوم منار: لو تحبني كون بخير عشاني واوعدك نفتح صفحه جديده من تطلع ابتسم: ان شاءالله سحب يده منها وبدو ياخذونه وقفت وهي تناظره تحس بروحها راحت معه ركضت وراه وهي تناديهم منار: لحححظظظظه دقيقه وقفوا وصلت له حضنت راسه ونزلت دموعها ابتسم: لا تخافين بكون بخير منار: لا تخليني ارجع عشاني انا ماراح اقدر اعيش بدونك .. انا انا احبك فيصل شقت الابتسامه وجهه وقلبه صار يدق همس لها: ااااه لو انك مبكره شوي بالكلمة كان كنسلت العملية وابو العملية ابتعدت مسحت دموعها: اطلع بخير وبتسمعها مني على طول ابتسم: ان شاءالله كملوا طريقهم لغرفة العمليات اللي تقفل بوجهها ولا قدرت تدخل .. جلست بالممر على الارض حضنت رجولها وكملت بكاها وهي تذكره تذكر حنانه هدوئه تفهمه احتوائه لها .. لحظاتها الحلوه معه ضحكته نظرات الحزن بعيونه ... بكت كثير ودها لو يرجع وتعيشه الحياة اللي يتمناها معها ندمت على بعدها وصدها تمنت لو تعوضه وتسعده ... مسحت دموعها وصبرت نفسها انه بيكون بخير وراح تعوضه عن كل شي .. رفعت يدينها وجلست تدعي له لانه مو محتاج بها الوقت الا دعائها من وصلت سحبوها لغرفة لمى فرح: ياشيخه مايغيتي تجينا لمى: الظاهر امجدوه ماسك فيها بيدينه ورجلينه دانه: هههههههه لا والله بس مع الوحام ناظرتها بحب: دانه التفتت لها: هلا لمى: امانه سعيده مع امجد ابتسمت وهي عارفه ليش سألت ذا السؤال دانه: فوووق ماتتخيلين لمى: جعلها دوم يارب دانه: امين يارب .. الا صدق كيف فكرتي بسالفة التوأم لمى تناظر فرح: العقل المدبر هذي موب انا فرح: لا تفضحينا اسكتي دانه: ههههه بصراحه زين اللي سوتيوه لو كنت ادري انه امجد مستحيل كنت اوافق لمى: هو يحبك كثير جنني قبل يتزوجك كان يسأل عن أصغر تفاصيلك ابتسمت: بعد قلبي هو طلت غيداء براسها من الباب: انتم هنا وحنا ننتظركم تحت فرح: جهز الغدا؟ غيدا: لا ياروحي مابعد جهز لمى: يلا الحين نازلين فرح: بروح ازين القعده واشغل لكم فيلم غيداء: لا لا لا بليز الا افلامك كلها طق ومطاقق فرح: في احلى من افلام الاكشن يادلخه غيداء: فيه افلام دراميه فيه رومانسيه فرح: طسي بس مناك قال رومنسي قال نزلت وغيداء ركضت خلفها عشان ماتشغل لهم فيلم اكشن دانه: هههههه مجنونه لمى مبتسمه: الحين تلاقينهم كل وحده ماسكه شوشة الثانيه وقفت: امشي ننزل لهم نزلوا وكان فعلا كل وحدة تسحب الريموت لها بس بالاخير فازت فرح واخذته فرح: نياهاهاها محد يقدر علي غيداء تناظر يدينها: وجع وجع وجع يالمتوحشه حشى اظافر قطوة مو بني ادميه فرح وهي تجلس: تستاهلين بالله احد يعجبه الافلام الرومنسيه دانه تبتسم: ايه انا فرح: افا لا لا لا وش ذي الخيانه انتي لازم تحبين كل شي احبه لمى: ليه زوجها وانا مدري فرح: اعز واغلى منه بعد والا لا يادنو دانه: ههههههه اكيد انا اصلا احبك اكثر من امجد بعد فرح: شفتو شلون غيداء: دنو لو كنتي تحت التهديد بس اغمزي لنا دانه: ههههههه لمى: الا وين خواتك فرح: البارحه استخفوا سوو حفله ولبسوا ودقوها رقص لين تسع الصبح والحين نايمين موب داريين عن الدنيا لمى: الا يا الخاينات وليه ماعزمتوني حفلة وش فرح: حفلة الهوا ههههه مافي شي من الطفش قامو لبسوا وتزينوا وشغلو هالسماعات وبس .. المهم الاسبوع الجاي يوم ميلادي سوو لي حفله عاد لاتنسون غيداء: انتي انولدتي كم مره بالسنه؟؟ كل ما حلا لها الجو قالت عيد ميلادي فرح: حبيبتي انا كل يوم انولد من جديد كل يوم اعيش من جديد ف كل يوم اصلا عيد ميلاد لمى: يااااصبر الارض شغلت لهم فيلم اكشن ورجعت فرح: لا اسمع نفس فاهمين والا والله اقفله دانه: وتهدد بعد هههههه لمى: هههههه مصدقه نفسها شغلته واندمجو معه شوي الا وداخله رسل رسل: سلام عليكم يالربع فرح: هشش ولا كلمه سلمت على دانه وجلست رسل: لعنبو جوكم الخايس فيلم بعز القايله فرح: مالك شغل حنا مبسوطين رسل: غدوو سويلي قهوه غيداء بنص عين: خدامة عند اهلك انا ؟؟ روحي سويي لنفسك رسل: بليز غدو قهوتك غييير غيداء: بفلوس ياروحي الكوب بعشره والدله بثلاثين رسل: استغلال الفرص فرح: خلاص انتي وهي خلونا نسمع رسل: خفي علينا ياللي مقطعه الانجليزي ترا مامعك الا الترجمه فرح: لا ياحبيبتي صرت اتكلم انجليزي نو سبيك اربك لمى: ههههههه يعني الحين تكلمت فرح: يس افكورس هاني دانه: هههههههه متعوب على هاني فرح بغرور: ايه شفتي شلون؟ غيداء وهي تقوم: والله ماعندك ماعند جدتي .. وقفي وقفي الفيلم بس لين ارجع فرح: هذي اللي تقول افلام الاكشن خايسه غيداء: شسوي بعد صرنا بنص الفيلم بعرف النهايه .. والله ان شغلتيه مالك قهوه طلعت وفرح وقفته: امرنا لله عاد نوقفه .. مانقدر نقاوم قهوتها قاعد يلف بكرسيه يمين ويسار مرخي راسه للخلف ويلعب بالقلم بيده طق طق طق جواد: ادخل التفت: استاذ في شخص بدو يقابلك جواد: مين؟ السكرتيره: مابعرف قاطع حديثهم ودخل: انا وقف مصدوم اخر شخص توقع يشوفه هو جواد: اهلين فهد تقدم منه بعصبيه ضربه بوقس على وجهه لين خلاه يتراجع خطوتين .. مسكه من بدلته فهد بقهر: انت وش سوووويت بجوانه وش سووووويت مسك يدينه: اهدا .. ماسويت شي فهد مازال ممسك بدلته ويهزه وهو معصب لاول مره يعصب لها الدرجه: ماسويت شي يالخسيس؟؟؟ ااااخ لو الموت حلال كنت سيحت دمك الحين .. مسترجل على هالضعيفه؟؟ مسترجل على مره يا الخسيس؟؟ جواد مو فاهم شي يحاول يهديه: اهدا وفهمني طيب وش فيها جوانه طلع الورقه من جيبه ورماها بوجهه بعصبيه: الا يا الواطي الا يا النذل اللي ماتخاف ربك مطفي سجارتك بجسمها ااااااه يا الخسيس انقهر من جديد وقت قال الكلمه ورجع هجم عليه وضربه مره ومرتين وثلاث شوي ودخلت السكرتيره مع الامن اللي مسكوه فهد بعصبيه: اتررررركني انت وهو. الله يلعنك ياعديم الرجوله الله يذوقك اضعاف ماذوقتها يا الخسيس جواد يأشر لهم: اتركوه ابتعدو عنه عدل ثوبه بعصبيه: ليتني اخذتها منك بذاك اليوم ليتني حرمتك منها جواد بحزن: والحين بنحرم منها راح ترد لي الصاع صاعيين فهد بعصبيه: احسن موت بغيابها .. دورها بكل مكان وماراح تحصلها .. باقي الورقه فيها حياتك ولكني قطعتها والحين دورها لين تموت ابتعد وطلع من عنده بعصبيه وهو يضرب بالباب بقوه جواد بهدوء: كل واحد على مكتبه استأذنوا وطلعوا نزل اخذ الورقه من الارض ورجع كرسيه جلس بتعب رفع الورقه المشقوقه من الاعلى والاسفل واضح زي ماقال فهد شال جزء منها تأمل خطها قبل يقرا اخذ نفس وقراها ... يا وجعا سكن اعماقي وسيطر على قلبي .. لم استطع نسيانك وكيف لي ان انساك وانت وشمتني بنارك . ووضعت بصمتك علي كيف انساك ومازال اثر سجارتك على جسدي كيف انساه وهو يحرقني كما لو انك الأن اطفأت سجارتك بي .. نعم أشعر به رغم انقضاء كل تلك المدة التي مرت عليه .. لان وجعه ليس في جسدي انما في روحي ووجع الروح لا يبرأ ************************************ ************************************ ************************************ ************************************ ************************************* ظماي انت .. ومن يعشق ظماه غيري جروحي انت .. ومن يكره دواه غيري اسقني لو ما ارتويت داوني لو ما شكيت ماهقيت اني اعطش في حياتي لغيرك انت مادريت ان مابه أغلى منك ..الا انت يا ظماي انت ما تصورت ان عيني تغفى وما اشوفك ما تصور لو يطول الصمت ما اسمع حروفك تدري احساسي بخوفي هو أماني لما تسأل عني ليله عن مكاني ما تصور كيف تحرقني الثواني شمعه في ليل انتظارك وكيف يسبقني زماني من عطش ليلي ونهاري عطني موعد وانسى موعد بس لا تهجر وتبعد اسقني لو ما ارتويت وداوني لو ما شكيت يا ظماي انت يا ظما قلبي لقلبي وغربة اعيوني عن عيوني وينك انت؟؟ ياترى الليله في صدري او في جفني في الشعور اللي خطفني ودار بي الدنيا وعود اسأل يا حبيبي وينك انت ؟؟ آه … لو تدري بشوقي يا ظما الدنيا بعروقي اسقني لو ما ارتويت وداوني لو ما شكيت يا ظماي .. يا ظماي انت الامير/ بدر بن عبدالمحسن ناظرت الدريشه مازالت الثلوج مستمر في النزول اخذت دفترها وكوب قهوتها واتجهت جلست جنب المدفأه على كرسي هزاز رفعت رجولها واسندت الدفتر عليه مرحبا ليلة اخرى في مدينتي الجديدة مدينتي اللتي اصبحت جزء مني فأنا هنا منذ سنة .. اليوم اكملت سنه على مجيئي وسنة وثلاثة أشهر على فراقك .. يلازمني طيفك كملازمة ظلي لي .. افتقد شغفي افتقد احساسي لم اعد اشعر بشيء لا السعاده ولا الحزن وكأنني امر بمرحلة ركود نفسي .. اصبحت حياتي هادئة بسيطه لا اثاره فيها روتينيه .. اسأل نفسي دائما لماذا اخترت الرحيل لماذا ابتعدت عن عالمي عن ارضي عن روحي .. هل اردت ان اعاقبه ام اعاقب نفسي .. سرحت وهي توقف عن الكتابه وتذكر حديثها مع منيره منيرة: طيب انتي وينك؟ اي مدينه؟ جوانه: ليش؟ منيره: بس بعرف جوانه: مو لازم تعرفين منيره: افا انا ياجوج تقولين لي كذا جوانه: هههه بدينا دراما منيره: لا صدق والله وينك فيه جوان: بالارض منيره: هاهاها حسبتك في المريخ سكتت منيره بهدوء: جوانه جوانه: هممم منيره: جواد قاعد يموت بعدك جوانه بقسوه: الله يرحمه منيره: ليش؟ ليش كل هالقسوه؟ جوانه: ماشفتي وش سوا فيه ف لا تحكمين علي .. كان معي اقسى من الصخر .. عذبني ولا رحمني منيره: بس بأخر فتره قبل يطيح الجنين كانت اوضاعكم زينه لدرجة توقعتك تحبينه جوانه: نزول الجنين كان مثل الصفعه اللي جتني صحتني من احلام غبيه كنت عايشتها منيره: والله لو تشوفينه تغييرين رايك متغير كثير متغير فوق ما تتخيلين جوانه: منيره رجاءً خلاص صار طليقي وخلصت عدة الطلاق ماعاد فيها رجوع ف مايحتاج تعلميني عن حاله منيره: اعتذر منك بس حالته ماتسر حتى عدوه جوانه: تسرني انا وهذا اهم شي ............... رجعت من ذاكرتها وكملت على الدفتر تحترق شوقا لي؟ اين كنت عندما كُنت انا احترق من ظلمك لي اي كانت مشاعرك اي كانت احاسيسك .. انسيت انني بشر يشعر ويتألم .. عاملتني كأنني دمية بين يديك غمضت عيونها وقفلت الدفتر بسرعه وهي توقف ماتبي تبكي .. وعدت نفسها ماعاد تنزل دموعها عشانه وعدت نفسها تنساه وتنسى ماضيه دخلت غرفتها البارده شغلت التدفئة ودخلت تحت البطانيه وهي تقرا اذكارها وتستعد للنوم طق طق طق جواد: ادخل دخلت امه كان جالس ع الارض ومسند ظهره للكنبه ماد رجل وسافط الثانيه والريموت بيده وعيونه على التلفزيون جلست جنبه سميره: كيفك يمه جواد: بخير سميره: ليش حابس نفسك هنا .. حتى الشركه اهملتها يوم تروح وعشره لا جواد: مافيني شي يمه سميره: يمه حالتك مو عاجبتني .. ارجع للحياة يا جواد الدنيا ماتوقف على احد اخذ نفس: احاول ولكن ما باليد حيله ضرب يسار صدره: عذبني ولا ريحني سميرة بحزن وهي تحضن وجهه: يمه تزوج يمكن تتغير نفسيتك ابتسم: انتي عارفه موقفي من الزواج من قبلها اصلا ماكنت ناوي الزواج ولا احس اني قد المسؤولية سميره: يمه سهل مايبي لها انت تزوج وراح تشوف بتنساها وتعيش حياتك والله يرزقك بعيال تتونس معهم جواد: ان شاءالله يمه .. افكر بالموضوع ابتسمت: يلا اجل قوم انتظرك تحت ابي اتعشا معك جواد: سبقتك سميره: ماتبي تتعشى معي؟ جواد: لواني مو متعشي كنت جيت معك بس صدق متعشي سميره: تدري، اني ادري انك كذاب .. بس اللي يريحك مابي اضغط عليك طلعت وهو سرح فيها حس بضيقه وقف نزل الحديقة ناظر السما ابتسم جواد بوجع: اه يا نجمتها نستنا .. طلعت قاسيه وكملت حياتها بدوني نزل نظره شاف المسبح حس بخنقه اكثر وقت تذكر كيف رماها فيه اتجه له وقف قدامه لدقايق ببجامته .. البرد مره قوي هالسنه في مثل هالايام جابها لبيته بعز البرد تذكر رجفتها خوفها وجعها وكأنه صار الحين فتح يدينه وانحنى وهو يرمي نفسه بالمسبح البارد .. مازال يتوجع رغم مرور سنه على فراقها ولكن مو قادر ينساها ضاعت منه قالت له بهذاك اليوم وكأنها متأكده من انه راح يموت الف مره في بعدها (تدري ي جواد راح تعرف كل شي بيوم من الايام وراح تعض أصابعك ندم انك ظلمتني بكثير اشياء ولكن وقتها راح يكون فات الاوان وتكون ضيعتني من يدك ) طلع من المسبح حس بجسمه يتجمد من البرد وقف يحاول يحس باللي حسته .. ماتحمل ودخل طلع جناحه توجه للحمام وهو يرمي نفسه بالجاكوزي الدافي .. وتوجع من جديد ماقدر يتحمل وخلاها بالبرد بجسمها النحيل الضعيف المنهك تركها ولا فكر فيها جواد: ااااااه كل ما الومك على بعدك .. يجيني شي يذكرني باني استاهل اكثر سرح كثير غمض عيونه: فاقدك يا ملاكي فاقدك طلع من الحمام لف روب الحمام عليه وراح غرفته تسطح ونام دانه: اشش ي ماما اشش ياروحي خلاص تبي بابا هذا بابا يلا نصحيه .. يكفيه نوم جلست جنبه وسدحت عبادي جنبه ظل يحرك يدينه وهو يحاول يسحب اي شي جنبه لين ما مسك شعر امجد وسحبه بقوه فتح عيونه وهو يمسك يده امجد: يا ابن ال اااااخ شعررري ياحيوان فك يده منه وهو يجلس ويتلفت حوله: وينها امك هاه انا اعلمها نطت من تحت السرير: وش بتسوي يعني مسكها مع اذنها: انتف شوشتك ذي زي ماخليتيه ينتف شعري دانه: اي اي اي عبادي اشهد على ابوك بشتكيه حقوق الانسان امجد يفكها: انا اللي بشتكيك كل ماشفتيني نايم صحيتيني دانه: شسوي عاد نشتاق لك امجد: ايه ايه واضح دانه: طيب ولدك مو راضي ينام وانا بكرا عندي اختبار ماذاكررررت اهي اهي حن عليها وقف وحضنها ناظرت بعبدالرحمن وهي بحضنه وغمزت له مع ابتسامه لانها قدرت تلعب على امجد ابتعد وهي رجعت لملامح الحزن امجد: خلاص ياروحي انا امسكه ..رفع ساعته: عندك شوية وقت ذاكري اللي تقدرين عليه ابتسمت وباسته واخذت اوراقها وطلعت الصاله تذاكر لف ناظر ولده اللي يحرك يدينه ورجوله ويبتسم امجد: اييييه ياولد .. امك جننتني تسطح جنبه تاكي راسه على يده : الحين من جدك انت ولدي؟ هههه كبرتني تدري ابيك بس تكبر شوي ونعلم امك النتفه شغل الله .. ناوي لها على مقالب معك بنهبل فيها هاه شرايك؟؟ كان يلعب بيدينه ورفع يده امجد: ههههه كفو ولد ابوه هات كفك كح كححح كح انقلب على الجهة الثانيه بتعب وعيون تدمع وحرارة بجسمه .. فوق حرارة جسمه حاس بالبرد ف غطى نفسه اكثر جواد: كحح كح كححح شوي واندق الباب ماله خلق يرد الخدامه: يور كوفي سيير دخلت وناظرته وهي تسمع كحته وانينه .. راحت عند سميره وقالت لها وهي جت بسرعه دخلت شافته تحت البطانيه مايبين تقربت منه وسحبتها عنه وهي تلمس جبهته سميره: بسم الله عليك انت مسخن مره رفعت جوالها: لازم اكلم الطبيب رفع يده ومسك يدها ف ناظرت فيه: تبي شي يمه؟ جواد بتعب: مايحتاج دكتور انا بخير سميره: مجنون انت؟ وش اللي مايحتاج بتموت جواد: اخذ لي بندول الحين واكون بخير سميره: لا لا بكلمه يجي يشوفك ولا تناقشني طلعت كلمت الدكتور شوي وجاه كشف عليه و عطاه مغذي مسكن وصرف له ادويه وطلع جلست جنبه وهي كل شوي تقيس حرارته وتطمن عليه حطت يدها على جبهته تلمسه جواد بدون وعي: انا بخير جوانه مايحتاج ناظرته بحزن وهي تتمنى الالم لنفسها ولا له خفت حرارته وتطمنت عليه .. طلعت بسرعه راحت لزوجها اللي جالس يلبس يتجهز للدوام خالد: وينتس فيه؟ جلست بضيق: كنت عند جواد تعبان شوي التفت لها وعقاله بيده مابعد لبسه: تعبان؟؟ وش فيه؟؟ سميرة: مرتفعه حرارته الظاهر عنده التهاب بحلقه خالد: بسيطه إن شاء الله لا تخافين سميره بحزن: يهذي بأسمها خالد: من سميره: جوانه خالد: بعد كل هالمده مانساها سميره: للاسف مانساها خالد: لا حول ولا قوة الا بالله .. والسوات؟ سميره: علمي علمك كل ما اقول فتره وتعدي اشوفه ينتكس اكثر واكثر خالد: بخليه يسافر يمكن انه يتحسن سميره: لا لا خله قدام عيني اقدر اشوفه واراعيه واخفف عليه لا ضاق خالد: سافري معه سميره: تشوف كذا؟ خالد: هذا رايي وانت شوفي اللي يناسب وسويه كمل ترتيب نفسه وطلع وهي رجعت تشوف جواد جاد وهو واقف عند باب البيت: يا أم كرشه بسرررعه تأخرنا ريم وهي تمشي بصعوبه بسبب الحمل وشنطتها بيدها ريم: هين اوريك جاد: هههههه احب مشيتك كنك بطريق ههههههههه وصلت عنده وضربته بالشنطه اللي بيدها: بطريق بعينك .. يجيلك يوم يالمعصقل واتشمت فيك اخذ الشنطه منها وطلعو: هههههه وش بحمل مثلك مثلا ريم: لا بدعيلك تسمن تصير كنك بلون واغرقك ذبات ركبو السياره: هههههه بأحلامك اصير دب ريم: راح ااكلك ليل نهار لين تسمن جاد: اها عرفنا الخطه خلاص اجل ماباكل من يدك خلاص ريم بثقه: ماتقدر ابتسم وهو يسحب يدها: في هذي عاد صدقتي نفسك في الطبخ ما اقدر اقاومه .. مثل جمالك ونعومتك اللي ما اقدر اقاومها باس يدها وابتسمت وهي منحرجه وبعدها تذكرت وسحبت يدها ريم: جااااد تحرك ترا عندي اختبار جاد يأشر على عيونه: من هالعين قبل هالعين حرك السياره وهو كل شوي ينغزها في بطنها وتهاوشه وهو يضحك خلصت صلاتها رفعت يدينها ودعت من قلبها ودموعها على خدها .. قامت وسفطت السجاده وقفت عند راسه تأملت حالته وشعره الطايح وتذكرت بذاك اليوم يوم دخلت عليه واقف عند التسريحه >>>>>> منار: فيصل صار لي ساعه اناديك مارد عليها راحت له وهزته شافته ماسك شي بيده ناظرت فيه كان شعره سحبته منه ورمته ورجعت له تهزه عشان يستوعب منار: فيصل فيصل ركز معي احنا عارفين هالمضاعفات وعارفين انو شعرك راح يطيح عادي طبيعي .. بتتعافى ان شاءالله وترجع احسن من اول لا تطيح لا تيأس ارجوك انت اقوى من انه يضايقك فقدانك شعرك طاح على ركبه حضنها وهي واقفه راسه عند بطنها .. بكا بكاء قطع قلبها مسحت دموعها لازم تكون قويه لازم ماتخليه يستسلم حطت يدها على اكتافه: قووم قوم فيصل قووم وقف بتعب منار: اجلس هنا جلسته وراحت جابت المكينه: شرايك احلقه لك افضل بتطلع اوسم .. شوف ذا رووك البنات كلهم خاقين عليه وهو ماعنده ولا شعره فيصل: احلقيه حلقت شعرة على الصفر عشان مايتعذب كل ماشافه يطيح .. حلقت له عوارضه وشاربه وكل شي منار تبتسم وتناظره: نعيما ياقميل فيصل: وين الجمال بالموضوع منار: جميل بكل حالاتك واحبك بكل حالاتك .. وبعدين والله صدق طالع حلو صغرت عشر سنين ما شاء الله ابتسم: شكرا على دعمك حضنته وهو جالس ابتعدت وعيونها بعيونه: انت تحبني صح ؟ ف راح تحارب عشاني وشو يعني طاح شعرك؟ ماتشوف الموضوع تافه عند الناس اللي مانجحت عملياتهم او اتنكسو او راحوا بغيبوبة .. احمد الله اللي تمر فيه فترة وتعدي وشعرك بيرجع وكل شي بيرجع مثل ماكان فيصل: الله لا يحرمني منك انا مدري وش كنت بسوي لو ماكنتي معي .. احبك <<<<<<<<<<<<<<< جلست جنبه: حبيبي فتح عيونه منار: اصحى لا يروح عنك الموعد فيصل: صحيت منار: اكييد؟ مو ترجع تنام فيصل:لا لا مابنام منار: طيب بجهز الفطور على بال ماتجهز نفسك جلس بكسل: طيب طلعت وهو راح تحمم وطلع لبس وقف قدام المرايه وهو يتأمل نفسه غمض عيونه بضيق من حاله ومن شكله فيصل: الحمدلله والشكر لله على كل حال لبس ثوبه وشماغ وطلع كانت محضرة سفره حلوه ابتسم: وش هالدلع كله جلست: اصب لك شاهي؟ جلس: صبي صبت لها وله بدا ياكل وهي تاكل لقمة وتسرح لاحظ عليها مسح يده بالمنديل وحطها على يدها ف ناظرته فيصل: شفيك؟ منار تبتسم عشان تخفي: مافي شي بس تعبانه شوي فيصل: تكذبين علي وانا اللي حافظك عن ظهر قلب ابتسمت ونزلت راسها: خايفه من اللي بيقوله الدكتور .. فيصل: مو انتي اللي علمتيني على التفائل شفيك الحين متشائمة منار: اخر اشعة ماكانت زينه فيصل: اخذت لها جلسات اشعاع وان شاء الله خير .. انا حاس نفسي افضل منار: ان شاءالله فيصل: يلا اجل بروح لا اتأخر منار: طيب بس دقيقتين فيصل: وين وين؟ منار: وين بعد معك اكيد فيصل: ارتاحي مايحتاج تروحين منار: الا يحتاج ماراح اخليك ابتسم: طيب انتظرك بالسيارة راحت لبست ولحقته السيارة ركبت واتجهوا للمستشفى طلعت من الجامعه حاضنه كتبها وتمشي سرحانه : جوانه اااانسه جوانه التفتت للشخص اللي جاي يركض وبيده شنطتها ناظرت يدها بسرعه مصدومه كيف نستها وصل عندها وهو ينحني يلقط انفاسه صلب طوله ومازال يتنفس بسرعه ومدها لها مهند: نسيتيها بالكلاس اخذتها: مشكور مهند: العفو واجبي .. شفيك؟؟ تعبانه؟ ناظرت فيه: لأ ليش؟ مهند: مدري وجهك شاحب جوانه: مافيني شي مهند: تجين اعزمك على عصير يرجع الحيويه لوجهك نزلت راسها: لا شكرآ صايمه اليوم مهند: اها عشان كذا ..طيب اوصلك البيت خايف يصير لك شي جوانه: لا لا مايحتاج عندي سايق جاي بس حبيت اتمشى ف طلعت مهند: طيب انتبهي على نفسك ابتسمت: ان شاءالله مهند: اشوفك بكره .. باي جوانه: باي لفت كملت طريقها وهو رجع لاصحابه اللي واقفين ينتظرونه احمد: وااااك ما عطته وجه ناظره بقهر: اقول ابلع لسانك لا تنجلد الحين احمد: تخسسسي والله مهند: ماني فاضي اتجادل مع واحد عقله عقل صخله ياسمين: بس بئ انتو الاتنين ما تيقو نتغدا نوره: هيه والله انا وايد يوعانه مهند: امشوا وبعدين ماقلت له شي هو بدا احمد: انت مسوي لي فيها قيس من وقت جت وانت تلاحقها وهي مو عاطيتك اي اهتمام مهند: وانت شدخلك بحياتي احمد: انصحك بس يعني النصيحه ببلاش مهند: شكرا مو بحاجة نصيحتك احمد: طيب تبيني اصدمك فيها؟ مهند ناظره وساكت ينتظره يكمل احمد: البنت مرتبطه ناظره بنص عين: وكيف عرفت يامحقق كونان احمد: اخذت مره دفترها لقيتها كاتبه اسم واحد ان ماخاب ظني اسمه جواد مهند بقهر: يمكن اخوها يمكن احد عزيز عليها مو شرط يعني حبيبها ياسمين: معاه حق انا برضو مره شوفتها ماسكه سلسله وبتبص ليها بحب ووقت اما شافتني رجعتها جوه ملابسها مهند: كمان مو يعني تحب يمكن هذي من امها وهذاك اخوها احسنوا الظن شفيكم نوره: بصراحه البنت محترمه وخلوقه ما اظن عندها حبيب وما حبيب .. على ماقال مهند احسنوا الظن احمد: المهم فكونا منها تراني ميت جوع ياسمين: عندي ليكو مطعم توحفه امشو معايا نوره: عز الله رحنا فيها متسطح على سريره يحس بكل جسمه متكسر يحس بنار تسري في جسمه ومع ذلك يحس بالبرد في نفس الوقت دق جواله للمره الاولى ولا له خلق يرد رجع يدق مره ثانيه فتح عيونه بصعوبه سحبه من على الكمودينه ورد : السلام عليكم جواد: وعليكم السلام.. مين؟ : طال عمرك انا عمران جواد بإستغراب: عمران مين؟ عمران: كنت اشتغل عندك جواد: طيب؟؟ عمران: طال عمرك انت افضالك كثيره علي وعلى عيالي صحيح انك فصلتني ولكن ما انسى الخير اللي قدمته لي من بيت وسياره لولا الله ثم انت كنت بالشارع الحين جواد بتعب: ماسويت شي ياعمران بس ذكرني ليش فصلتك؟ عمران: طلبت مني اطلع بيانات زوجة حضرتك ويوم عجزت احصلها طردتني .. ولكن كل ماشفت حسابي وسيارتي والبيت اتمنى لو اني قدرت اخدمك وارد لك لو جزء بسيط من اللي سويته معي .. مانسيت الموضوع جلست ابحث بين وقت ووقت واليوم لقيت لك خبرها فز وجلس بسرعه: لقيتها؟؟؟؟ عمران: ايه طال عمرك الحين ارسلك بيانات جامعتها وسكنها وكل شي يخصها قام من السرير: والله ياعمران ان لك اللي تبي والله لتفرح اليوم مثل مافرحتني عمران: مشكور طال عمرك خيرك سابق قفل منه وجلس يلف بمكانه وهو ينتظر وما ان رسل المكان خفق قلبه حس بدوخه وجلس بتعب وهو يناظر ويقرا المكان زين جواد بألم: المكان الوحيد اللي استبعدته كنتي فيه؟؟ كنتي في لندن يا جوانه؟؟ وصلت الشارع اللي كله عرب تلقتها اصوات جيرانها : تعي عمو دوئي لي هالخضرا نزلين لعندي اليوم تاااازه ابتسمت: شكرا عمو خليل باخذ لي بعدين منها خليل: ولك تعي مابدي منك مصاري خدي لشوف جوانه: ههههه مو عن مصاري والله بس دامك سويتها يلا ما اردك خليل: لك دخيل البى اللي مابتردني اخذت الكيس وكملت طريقها دخلت العماره وطلعت شقتها المشتركه مع عايله ثانيه رن جوالها طلعته من جيبها وهي تحط الخضار على الطاوله وردت بإبتسامه جوانه: هلا بروووح الروح الجده: هلابك يمه شحالك يمه ماكلمتيني من يومين جوانه: بخير يالغاليه انتي كيفك الجده: نحمد الله بخير وعافيه دخلت غرفتها وهي تفسخ حجابها: جعلها دوم يارب الجده: ابوك كلمني البارحه يقول ماتردين عليه يسألني عنك .. خليتني اكذب على ولدي اخر عمري جوانه بحب: يلا عاد يا جده بذمتك ما استاهل ههههه ابتسمت: يمه انا خايفتن عليك .. انتي وحيدة عندك .. ليتك طاوعتيني وجيتي عندي بألمانيا جوانه: حلمي ادرس بلندن وتحقق الحلم ومحد يدري عن شي .. ولا تخافين علي انا بخير والناس اللي انا عندهم مره كويسيين الجده: ولو يمه الحذر واجب .. لا تامنين احد انا ماني مرتاحه لين تجعين لاهلتس جوانه: ولا تخافين ولا شي انا بكلمك كل يوم واطمنك علي تمام الجده: زين يمه انتبهي لعمرك وخليك حريصه جوانه تبتسم: ياروحي انتي من سنه واكثر وانتي تقولين لي هالكلام الجده: وبعدني اقوله لين تردين لديرتك لو انك عندي كان ارتحت وريحتك جوانه: على قلبي زي العسل عادي قولي اللي تبين الجده: يلا اجل يمه اخليك ترتاحين فمان الله جوانه: مع السلامه قفلت وشوي انفتح الباب: ازيك يابت جوانه بإبتسامه: بخير الحمدلله احسان: البارحه نمتي مكلتيش حاقه .. وانا النهار ده عملالك محشي هاتاكلي صوابعك وراها ابتسمت وتقلد لهجتها: متشكره يا اختي مش عايزه عشان انا صايمه النهارده احسان: يابت ايه اللي صايمه وانت نمتي ماكلتيش هتموتي ابتسمت: ماتخافيش انا كويسه احسان: ماتيقي اعملك كوباية شاي كده يروئك وقفت وهي تطلعها: بقولك صايمه يابنت من وين تفهمين احسان: طب حتة كوسه وصلو للباب وطلعتها: ههههه يعني حته ماتفطر احسان: يا بت انا خايفه عليكي جوانه: ماتخافي انا تمام .. المهم لو ماصحيت على المغرب صحيني اوك احسان: من عنيا جوانه تبتسم: تسلم عنيكي راحت وجوانه قفلت ورجعت فسخت جاكيتها وتسطحت بتعب وهي تغمض عيونها و من التعب غشى النوم عيونها على طول جالس الدكتور يقلب بأوراق فيصل ومنار وفيصل متوترين ناظر في فيصل وابتسم: اقدر اقولك الحين الحمدلله على سلامتك دكتور فيصل منار ناظرته بفرحه الدكتور:حسب اخر اشعة سويتها ف انت سليم تماما من اي خلايا سرطانيه ولله الحمد وقف بسرعه ونزل سجد سجدة شكر مطوووله وقف ورجع جلس فيصل: الله يبشرك بالخير يادكتور ابتسم الدكتور: بس راح نستمر بالمواعيد عشان نتطمن اكثر واكثر ونضمن انه مايرجع لك ان شاءالله .. والعلاجات راح تستمر على علاج واحد ان شاءالله بالبداية يكون ثلاث مرات باليوم ومع الوقت نخفف الجرعات تدريجيا فيصل: الله يعطيك العافيه ماتدري وش كثر فرحتني الدكتور: اصرارك للحياة ساعدك كثير في التماثل للعلاج بأسرع وقت. مع انك مريت بأيام صعبه ولكن كنت متجاوب مع العلاج بشكل رائع فيصل ناظر منار اللي تبكي بهدوء: الفضل لله ثم لزوجتي الشجاعه اللي وقفت جنبي وكل ما اطيح تسندني وتخليني ارجع احارب من جديد ابتسم الدكتور وكتب له الأدوية وطلعوا وقفته وحضنت جسمه الهزيل وهي تبكي فيصل: ههههه خلاص اهدي بدل ماتفرحين جالسه تبكين ماقدرت تسكت تضمه اكثر وتبكي هي عاشت معه عاشت المه كنها هي تتألم كم من ليالي جننه الصداع وخلاه يتطوى قدامها كم من ليالي تشنج وكان بيموت بين يدينها كم من ليالي صحى فاقد ذاكرته وناسيها وبعد فتره ترجع له عانت معه كثير تشوفه يتعذب ينام بالاسابيع بالمستشفى نتيجة الالم او قل التغذية .. تشوفه كيف يصارع الموت ولا هي قادره تساعده كل مالها الدعاء فيصل ابتسم: ترا الناس بدت تناظر تقول شفيها هذي مو قادره تصبر للبيت لها الدرجة ميته على زوجها ههههه ابتعدت عنه بإحراج وهي تمسح دموعها فيصل: افرحي خلاص خلصنا منه لولا الله ثم انتي ماطلعت منها .. وقفتي معي وقفه لو اهلي ماسووها .. شافها باقي تدمع: دموعك غاليه علي لوتحبيني خلاص منار: ماني قادره هذي دموع سنة مابكيتها كنت احاول اكون قويه عشان تستمد قوتك مني عشان ماتستلم ولا تنحني ابتسم: وهذا هو صار اللي تبينه ما استسلمت حاربت لأخر رمق منار: الحمدلله رب العالمين حاوطها بيده وطلعوا من المستشفى منار: فيصل التفت: سمي ابتسمت: سم الله عدوك شرايك نروح عمره فيصل: تم الليلة نسافر صدق احتاج العمرة محتاج اشكر ربي واحمده في بيته ..ناظرها: يمديك تجهزين؟ منار: ايه يمدي بس نرجع البيت نشوف فيه حجز والا لا فيصل: اكيد فيه لو مو الليل عادي على الصباح ابتسمت وكملوا طريقهم وهي بكل خطوه تحمدالله على رحمته وصل لعاصمة الضباب .. لندن الوقت متأخر ولكن مو قادر يصبر لين بكره خايف بكره تضيع منه من المطار على الحي اللي هي ساكنه فيه وقف السايق: هذا الموقع طال عمرك نزل رفع راسه يناظر العماره اخذ نفس وتقدم وهو يطلع الدرج بعجل وما ان وصل تجمد قدام الباب لدقايق اخيرا دق الباب شوي وانفتح ناظرته بإستغراب جواد: السلام عليكم : وعليكم السلام.. مين حضرتك جواد: جوانه محمد ساكنه هنا زاد استغرابها: اه هنا عاوز منها ايه جواد: ابي اشوفها : طيب استنى حئولها جواد: لو سمحتي لا تقولين ابي افاجأها ناظرته بصدمه جواد: انا زوجها انصدمت اكثر: انت بتئول ايه البت مش متقوزه طلع كرت العايله ومده لها: تقدرين تتأكدين ناظرته بصدمه وماقدرت ترده فتحت الباب واشرت له على غرفتها توجه وقف قدام الباب لثواني فرك يدينه ببعض متوتر وخايف من مواجهتها اخذ نفس وفتح الباب كانت جالسه على مكتبها تذاكر عاطيته ظهرها جوانه: ايه ي ست احسان عملالي شاي والا أهوه الماره دي ههههه بغا يموت وهو يسمع صوتها وضحكتها اللي حرمته منه .. من جهتها بغت تلف تشوف احسان شفيها ساكته بس في شي وصلها خلاها تفز توقف وقلبها يدق بقوه لدرجة حسته بيطلع مع اذونها ريحته اللي سبقته ريحة عطره كيف وصل لها كيف قاعده تشم ريحته وهو بعيد بنظرها ولكنها مادرت انه قريب منها حيل .. خافت حتى تلتفت ماتبي تعترف تبي تعيش بالكذبه ان اللي وراها احسان تقدم بخطواته منها وقف خلفها بالضبط مايفصل بينهم الا الكرسي اللي كانت جالسه عليه صارت متأكده الحين انها مو احسان لا مشيتها ولا هدوئها ولا ريحتها غمضت عيونها لمى سمعت اللي ما ودها تسمعه عاتبها ببحته المعتاده: سنه وثلاث شهور يا الظالمة ؟؟؟ شهقت شهقه خفيفه وهي تحط يدها على شفاتها اللي تقوست مد يده على كتفها ولفها له مشتاق لها لشوفة وجهها لعيونها الحور لخدودها المورده لخشمها الصغير لشفاتها الكرز .. تأملها ناظر كل شبر بوجهها ماتغيرت الا زادت جمال ماقدر حتى يرمش مايبي الرمشه تضيع عليه ثانيه من النظر لها رفع يده ومسح دمعتها وما ان لامست يده خدها كأن احد صفعها وصحاها من الموقف رفعت يدينها بالكتاب اللي فيها وغطت وجهها: اطلع لو سمحت انت مو محرم علي اخذ نفس: ما اكتفيتي من عذابي؟؟ ماطاب خاطرك؟ جوانه بحده: اطللللع قلتلك والا بصرخ للجيران يطلعونك غصب عنك جواد: قاسيه يالحنونه جوانه: اطلع لو سمحت جواد: البسي حجابك وانتظرك تحت بتكلم معك جوانه: مابينا كلام .. ما اكلم ناس غرب ابتسم بتعب: صرت غريب الحين يا جوانه جوانه: ايه غريب انت طليقي اطلع لو سمحت جواد: طالع بس منتظرك تحت لا تطولين فاهمه طلع بسرعه قبل يسمع ردها .. نزلت الكتاب جوانه: كيف لقاني كيف عرف مكاني .. وش يبي .. هه عباله بنزله مصدق نفسه يأمرني ويطلع مفكرني جوانه الاوليه طلعت الصاله تقدمت للشباك المطل على الشارع واقف بنص الشارع ويناظرها تراجعت بسرعه ونست كل الكلام اللي قالته من شوي دخلت غرفتها اخذت جاكيتها ولبست حجابها بعصبيه وهي تنزل صادفت احسان في طريقها احسان: بتكدبي عليا يا بت انتي مقوزه جوانه تتعداها وتنزل: افهمك اذا رجعت نزلت كان باقي نفس مكانه يناظرها ومبتسم تقدمت منه جوانه: وش تبي؟ جواد بتعب: ابي نصفي اللي راح معك اخذت نفس: انت ناسي اننا متطلقين جواد: نرجع نتزوج عادي جوانه بسخريه: اموت على الثقه جواد بإبتسامه: وانا اموت عليك اخذت نفس: اللهم طولك ياروح .. انت كيف اصلا عرفت مكاني جواد: اطلعك لو من تحت الارض. بس عاد عرفتي كيف تصدميني اخر مكان توقعت اشوفك فيه هو لندن وهذا اللي اخرني عنك جوانه: شفت كيف طلعت اذكى منك جواد: جدتك بألمانيا ليش اخترتي لندن؟ ليش رجعتي لها؟ جوانه بإرتباك: مو عشان شي لا يروح تفكيرك بعيد .. بس الدراسه هنا افضل جواد: الدراسه افضل والا عايشه على ذكراي جوانه بسخريه: هههه واثق من نفسه مره .. ابعد عن طريقي ياجواد هذا اللي عندي يلا سلام وياليت ما اشوفك مره ثانيه هنا عطته ظهرها ومشت جواد: جواااااانه وقفت بس ما التفتت اقترب منها صار خلفها نزل راسه وهمس بإذنها جواد: احـــــبـــــــك قلبها ياقلبها بغا يطلع من مكانه دق بقوه وتسارعت انفاسها شعور غريب حست فيه .. كل عصبيتها اللي من ثواني تبخرت .. يحبها اعترف اخيرا انه يحبها ماهو متعود عليها لا يحبها .. حست انها نست كيف نطقها معقوله اللي سمعته صدق والا خيالها هيء لها هالكلمه رفع راسه وكأنه حاس فيها وتكلم جواد: احبك من هنا لاخر محطات الغلا لهناك أحبك كثر ما يهوى رضيع الصدر غفوآته احبك يابعد كل الحروف وعلّها تفداك أحبك يابعد بيت القصيد وكل غايآته أحبك يابعد عمرٍ قضى مني على ذكراك أحبك يابعد من داج بالدنيا بخطوآته أحبك بس لو تعرف وش اللي بالحشا ينخاك وربي لو كشفت اللي بقلبي!!مت لرضآته أنا وشلون ابين لك غلاك ولهفتي للقاك انا وشلون اعبر لك عن اللي بين طيآته تعال ارجوك شفني من رحلّت وعبرتي تنعاك تعال وضمني ياحي ذا الطاري وضماته تعال وداوني ,واللي خلقني يالدواء بشفاك يقولون الجمر طب المريض بحر كيآته تعال وخل عنك الصد والهجران!! مايزهاك حلاتك توصل اللي يم دارك زاد جيآته أنا مقدر على بعدك على صدك على فرقاك يموت بغيبتك قلبٍ نزف لك حر حسرآته دخيل الصبح في وجهك دخيل الليل لا غطّاك دخيل الرمش لاسيّر على خدك بسجآته دخيل الجمر والسكردخيل البلسم! الفتّاك دخيل اللي تثنّى لين عذبني برقصآته أمانه ترحم اللي شاف منّك صدتك وجفاك دخيلك تدمح الزله وغلطآته وهفوآته أحبك من هنا. لأخر هنا .. لأخر هنا .. لهناك احبك لعنبو حي الرضيع وحلو غفوآته سكت لثوني وماشافها غير طايحه مسكها وانحنى معها ع الارض ضرب خدودها بخفيف: جوانه جووووانه حملها بسرعه ورجع فيها لشقتها دق الباب برجله جت احسان تركض: ايييييه في اييييه هتكسرو الباب فتحت دخل بسرعه وسط صدمتها نزلها على سريرها التفت لاحسان اللي كانت لاحقته: ممكن مويا لو سمحتي راحت جابت مويا ومدته له: عملت فيها ايه ؟ طنشها ورش شوي على يده ومسح فيه وجهها شوي وفتحت عيونها ارتاح من شافها صحت جواد: جوانه انتي بخير؟ هزت راسها بإيه وقف وهو يحط المويا على الطاوله غطاها وطلع من الغرفه واحسان طلعت وراه التفت لها: انتبهي لها احسان: وانتا رايح فين؟ جواد: اخلص كم شغله وراجع لها حط يده في جيب جاكيته الداخلي طلع كرت ومده لها: هذا رقمي لو صار شي دقي علي راح وهي رفعت الكرت احسان: دا باين عليه العز .. ياترا سابته وساكنه معايا ليه راحت لها شافتها نايمه قفلت الباب وطلعت اما من جهة جواد طلع على فندق ويحس بصدره راحه ماعمره حس فيها مبتسم طول الطريق بدون سبب .. يحس روحه رجعت له هالمره مستعد يموت ولا تروح عنه يكفي العذاب اللي عاشه بفراقها مو مستعد يعيشه من جديد في صباح اليوم الثاني فتحت عيونها بهدوء ناظرت نفسها وجلست بسرعه ناظرت الغرفه باقي بغرفتها كيف كذا .. يعني كانت تحلم؟ معقوله كانت تحلم هذي الافكار مرت براسها جوانه: لا بالله جنيت اكيد حلم قامت وهي تقنع نفسها انه حلم تحممت ولبست طلعت بتلبس حجابها ناظرت يمين يسار تحت السرير ما حصلته اخذت حجاب ثاني لبست ولبست جاكيتها اخذت لاب توبها ونزلت وقفت بصدمه عند باب العماره وهي تشوف السياره والسايق فاتح لها الباب اجل ماكانت تحلم كان حقيقة طنشت السايق ومشت راح يركض وراها : طال عمرك تكفين اطلعي .... انا هنا عشان اوصلك.....الاستاذ جواد ارسلني .......لو سمحتي طال عمرك وقفت: ماراح اروح معك قله يبعد عن طريقي مشت وصار يمشي خلفها: دخيلك اركبي والله لو ماتنفذ كلامه يفصلني ... يرضيك تقطعين رزقي وقفت: انا مالي شغل تفاهم معه : والأستاذ جواد يسمع من احد؟ او يتفهم من احد اخذت نفس: صدقت. طيب بركب معك بدت بترجع معه للسياره : لا لااستريحي طال عمرك انا اجيبها الحين ركض لها ركب ومشى لعند جوانه اخذها وراح للجامعه.. وصلوا نزل بسرعه وفتح لها الباب ونزلت اخذت شنطتها ورفعت راسها في زملائها اللي يناظرون فيها وفي السياره بصدمه احمد فاتح فمه: تشوفون اللي قاعد اشوفه؟ نوره مو اقل صدمه منه: هيييه نشوفه مهند: خلاص انت وياها بتعطون البنت عين اذكرو الله وصلت عندهم: السلام عليكم مهند بحب: وعليكم السلام اهلين احمد: ماشاءالله وش هالفخامه؟ ياسمين: قبتي المصاري دي منين اعترفي ي بت لتكوني مشيتي في سكه شمال مهند: وش هالكلام انتي بعد؟ وبعدين شدخلكم بحياتها ابتسمت جوانه وهي تأشر على مهند يعني صح كلامه وهو انبسط كثير جوانه: عن اذنكم راحت وعيونه تتبعها لين اختفت ضربه احمد: محد طاحت عيونه اخذ نفس لانه خرعه: شتبي انت احمد: امش امش البنت زي ماقلت لك شكلها مرتبطه والظاهر انه كاااااش مو انت حتى اقلامك متسلفها مني ناظره بقهر: انا الغلطان للحين ماشي معك اسرع بخطواته وهو يبتعد عنه احمد بصوت عالي: نمزح ي ابن الحلال شفيك ماعاد تتقبل مزح طنشه ودخل الجامعه قاعده تطبخ وفارشة لعبدالرحمن في الصالة حصيرة وفوقها العاب قاعد يحاول يوصل لها و يسحبها بس مايطولها ف يبكي طلعت والملعقه بيدها: هوس هوس من زعل حبيبي الحلو .. وه فديتو ياناس اروح لك سريلاك ياشيخ .. لبى سعابيلك ياشيخ باسته بقوه ف بكى اكثر: افا عبادي ماتفقنا كذا خلاص هششش خلني اخلص الغدا وارجع العب معك .. ترا ابوك بيجي ياكلني انا وانت ان ماشاف الغدا جاهز. حذرتك عاد وانت كيفك. هوووس .. ااااااه يا ابن الايش فككك شعري لعنبو ابليسك ماترتاح لين تنتف شعري دخل البيت: خير ان شاءالله من مزعل شيخ الرجال دانه: اااااخ الحقني فكني من ذا المتوحش راح لها وفكك يده الماسكه بشعرها بهدوء لين فكها ف قام يبكي من جديد امجد: من مزعله مييين دانه: والله ابنك ذا نصاب يبكي بدون سبب اخذه منها ورفعه لفوق ف صار يضحك: يازين الضحكه جعل محد يضحك غيرك انت وامك .. لبى الغمازه بس دانه: ايا الخاين ورا ماتسكت معي هاه امجد: واضح يحبني اكثر منك دانه وهي ترفع الملعقه بوجهه: هيه انت ترا انا اللي حملت فيك تسع شهور وذا متبطح مو داري عن شي امجد مازال يهزه ويضحك معه: شعندها ام لسان غيرانه دانه: ماني غيرانه امجد: ايه ايه واضح دانه بعصبيه: خلاص نزله اصلا انت عودته على الدلع وحملة اليد والا كان اذا نزلته يجلس عاقل ويلعب امجد: ادلعه ليش ما ادلعه هذا شيخهم دانه: يااااربي مو زين الدلع للولد وش تبيه يطلع امجد: هاه خلاص نزلناه من تركه رجع بكى دانه: شفت كيف؟ يلا اجل خله يسكت الحين راحت المطبخ وتركته وهو جلس عنده: شفيها امك شايشه علينا اليوم حاول يسكته وهو ع الارض ماسكت شافه يحاول يوصل للالعاب المعلقه فوق الحصيره قربها منها وهو مسكها بجنون وعلى طول دخلها بفمه وقعد يعضها امجد: وبس؟ هذا اللي تبيه .. ابشر والله ماطلبت شي اكسرها لعيونك كم عندي عبود انا نتف الالعاب المعلقه ونزلها عنده مسك وحده وصار يعضها وهادي ناظره: حبيب ابوه ايه خلك كذا نروح نشوف ام لسان وارجع لك وقف وراح المطبخ امجد: الحلو وش طابخ لنا اليوم دانه: برياني ومسالا امجد: اموت ع الهندي انا .. عاد مشتاااااق له من يدك تقرب منها واقفه تغسل الصحون حاوطها من الخلف وهو يتكي ذقنه على كتفها: فقدتك دانه: اي واضح مره والله مادريت عني ولا عن هوا داري ابتعد ولفها له: افا وانا بو مصلح دانه بنص عين: عبدالرحمن اسمه وش مصلحه امجد: ناوي الثاني اسميه مصلح دانه: لا والله؟ وعلى اساس بوافق امجد: طبعا توفقين انتي قلتي الاولاد لي والبنات تسميتهم عليك والا سحبتي رايك دانه: ماسحبته بس قاطعها: طيب شفيك زعلانه ي ام مصلح دانه بعتب: امججججد امجد: ههههههه فديت العصبيه انا سكتت امجد: قولي لي شفيك زعلانه وماده البوز شبرين دانه: مافي شي امجد: اها بدينا الحين حركات البنات وقت الزعل يعني لازم اصير محقق كونان واعرف شفيك من غير ماتقولين لان لو مهتم راح تعرف دانه: ههههههههههههههههه ابتسم لضحكتها: اروح فدوه لها الضحكه سكتت وتقربت منه حاوطها بيدينه وتأمل وجهها دانه: ماعدت تحبني .. تجي من الدوام لعبادي على طول ماتسأل عني ولا تضمني زي قبل امجد: هههههه صدق انك خبله الحين تقارنين نفسك بذا البزر اللي بعده ماتخطى؟ دانه بدلع: ايه ليش صرت ناسيني امجد بحب: انسى روحي ولا انساك دانه: اجل من اليوم ورايح تجي عندي قبل تبوسني وتعلمني عن يومك زي زمان وبعدها تروح لولدك امجد: هههههه ابشري اجيك .. الله يصبرني كان عندي طفل الحين شكلهم صارو اثنين شالت الملعقه بتضربه فهرب امجد: اروح لولدي قبل تشن الحرب علينا ابتسمت وكملت طبخ وهو راح عند عبدالرحمن انتهت اخر محاضره طلعت من الجامعه وطلع وراها مهند وهو يمشي جنبها طلعوا للساحة الخارجية مع بعض مهند: مابغا يخلص علينا ابتسمت: بالعكس محاضرته ممتعه مهند: من كثر المتعه سفطت امها نومه جوانه: ههههه ابتسم: شرايك نطلع نتغدا لا تقولين لا ولا تقولين برجع تعبانه ولا صايمه ولا شبعانه لانك ماقد اكلتي شي من الصباح جوانه: هههههه حفظت كل اعذاري مهند بحب: حفظت كل شي فيك ابتسمت: اممم طيب اشوف خلنا نكلم البنات مهند: نكلمهم ليش مانكلمهم الحين ادق عليهم كلمهم ومازالوا يمشون وقالو له نلتقي في المطعم مهند: تمام قالو هم طلعو مع احمد قريبين من المطعم واحنا نلحقهم جوانه: طيب مشوا مكملين طريقهم رفعت راسها ووقفت وهي تناظره بصدمه وقلبها بدت ترتفع نبضاته كان معرض السياره واقف مسند ظهره عليها وهو مكتف يدينه ويتأملها مهند بعد مافقد الامل من انها ترد عليه ناظر المكان اللي تناظره وشاف جواد ابتعد عن السياره وتقدم بهيبته اللي تلفت الانظار مهند: تعرفينه؟ ماردت عليه وصل لهم: السلام عليكم مهند: وعليكم السلام ناظر جوانه: نمشي؟ انحرجت ترده قدام مهند تقدمت معه وسط صدمة مهند اللي مايدري منهو ذا دق عليه احمد لما تأخر قفل بوجهه وهو يدخل المطعم شافهم وجلس احمد: وين جوانه؟ مهند: راحت احمد: طيب اجل خلونا نطلب نوره اللي توها توصل: هااااي عندي لكم خبر بمليون درهم احمد: وشو قولي نوره وهي تجلس: شفت جوانه سايره مع واحد احمد بقق عيونه وناظر مهند: شفت قلتلك معها حبيب مهند ببرود: ادري شفتها .. ومدري يمكن مو حبيبها يمكن اخوها لانه اكبر منها بكثير نوره: هيه شفته الريال كبير بس ياهو يخبل يطيح الطير من السما رزه رزه لو تشوف شلون مشيته والا ثقته والا لبسه والا سيارته شكله كااااااش على قولتك ياسمين: ياليتني كنت معاكي احمد: بس كيف عرفته؟ نوره: الله اعلم احمد: وش سيارته نوره: روز رايس احمد: يااااحظك يا جوانه مهند بعصبيه: خلاص ماعندكم سالفه غيره يعني احمد: يعنني غيران مهند: ماني غيران ولا شي .. ابروح اطلب اللي يبي يلحقني وتركهم وراح ماتكلمت ولا هو تكلم خايف يتكلم ويجرحها وتبعد عنه قبل ما يقربها منه مقهور نار الغيره شابه بصدره وهو يذكر ضحكتها معه حاول مايكلمها لين يهدا اخيرا وقف جنب فندق ناظرها جواد: راح تسكنين هنا ناظرت فيه: ما ابي رجعني شقتي .. واتركني بحالي خلاص وش تبي راجع لي جواد: استوعبتي كلامي امس والا اعيده؟ جوانه: لا تعيد شي ورجعني الشقه مرتاحه هناك جواد: والله اني تعبان فوق ماتتخلين .. ولا عاد فيني شده على بعدك جوانه: وانا ما ابي قربك غصب هو ياجواد جواد بحب: لا ياروح وقلب جواد انتي ماهو غصب .. برضاك ان شاءالله جوانه: وانا مو راضيه مابي منك شي انت صفحه وطويتها جواد بغيره: وبديتي صفحه جديده مع غيري؟ جوانه: لا جواد: والشاب اللي كان معك ؟ جوانه: اها مهند لا مثل اخوي جواد يهز راسه: مهند اسمه. اممممم حلو حلو جوانه: شفيك؟ جواد: كانك تبين سلامته ابعدي عنه جوانه: توك تقول ماتغصبني على شي جواد: شسوي غصب عني يمكن لو شفتك تضحكين معه مره ثانيه يمكن بس اخليه يختفي من الكرة الارضيه جوانه: هههههههههههه انصدم منها وابتسم لضحكتها ناظرت فيه: ياويلك يصير له شي سامع جواد:حاضر عمتي اوامر ثانيه جوانه: ايه رجعني شقتي جواد: مرفوض جوانه: اتكلم جد رجعني وبعدين ترا جلستي معك غلط انت مو محرم علي جواد: والجلسه مع مهند عادي؟ ابتسمت: مسبب لك ازمه هالمهند جواد: مرررررره جوانه: الحين صدق وش تبي؟ جواد: ابي نفتح صفحه جديده جوانه : ماتطلقت منك عشان ارجعلك جواد: قاسيه يا الحنونه جوانه: ماني قاسيه.. رجعني شقتي جواد: بشرط جوانه: بدون شروط .. ماتقدر تقيدني بعد بشروطك جواد: شرطي بسيط بس ابي اوصلك كل يوم للجامعه جوانه تقلده: مرفوض جواد: هههههههههه ابتسمت وهي تتأمله: شفيك نحفت مره؟ جواد: اااااه يا الملاك القاسي يمين بالله اخذتي حقك مني اضعاف .. اسندت يدها على متكى السياره وهي تحط راسها على يدها جوانه: وش صار لك بغيابي حس ان ودها تسمع معاناته عشان تحس انها قدرت تعذبه زي ماهو عذبها .. عشان تحس شوي بكيانها بكرامتها اللي سلبها منها وسمعها اللي تبي تسمعه جواد: مت .. فعلا كنت ميت روحي راحت معاك بالاول كنت اصبّر نفسي على بعادك بإني اقول سعيده بغيابي اختنق اموت اشتاق واقول اهم شي تكون سعيده لا تصير اناني ياجواد مدام سعادتها بعيد عنك ف خلها تشوف حياتها .. مر الاسبوع الاول وانا ضايع امشي ولا ادري وين رايح ضاقت بي الوسيعه .. كنت افكر فيك خايف عليك اقول ياترا مبسوطه حزينه وش وضعها لين شفتك مع فهد وارتحت شوي انك بخير جوانه بإستغراب: شفتني مع فهد؟ جواد: ايه تلعبون بولينج وضحكتك واصله لأخر الدنيا .. المهم عشت شويتين على هالشوفه وطحت بعدها صرت مثل المجنون ادور ريحتك بكل مكان انام بغرفتك واصحى اشم ريحتك اناديك احسبك رجعتي بس ماتكونين موجوده .. لحظات كثيره فكرت اروح واجبرك تكونين معي بالذات الشهاده المزوره مازالت معي ولكن ارجع غرفتك اقرا دفاترك اقرا كمية الالم اللي سببتها لك واقول خلها سعيده في بعدي عشت على ذا الوضع لين زواج جاد جتني منيره وعطتني امل اني اقابلك قالت ابي اجمع بينكم قلت لها حطي من عطري لو تقبلت العطر بتتقبل تشوف صاحبه جوانه: ايا الخاينه واقولها فيك عطره تقول وش ابي بعطره شككتني اني صرت اشم ريحتك ابتسم: المهم كلمتني قالت ان وجهك انعفس ودختي ف قلت لها خلاص مابي اقابلك بس اشوفك لو من بعيد .. رحتو لغرفة الطعام واااااه لو تدرين وش كثر تمنيت اضمك واشبع فيك وش كثر تمنيت ان شوفتك هذي تهديني شوي وتريح قلبي بس للاسف ليلتها ماقدرت انام زاد فيني الشوق ضعفين واخر شوفه لك كانت بالعزا ماتوقعتك هناك حسبتك رجعتي مع فهد وقتها دخلت الصاله ادور امي بس سمعت حسك بالمطبخ رحت ومن شفتك ماقدرت ارمش اخاف تختفين كنت بقولك خليك معي انا بعدك ولا شي بس ماسمعتيني طلعتي أخذتي اغراضك ونزلتي تودعينهم وانا باقي ماقدرت اتحرك سمعتك تقولين بتسافرين بتغيبن عن الرياض يانورها .. ركضت بسألك وين بتسافرين بس عرف فهد كيف ينتقم مني ويقهرني وبنفس المكان .. زي ما اخذتك قدام عيونه و ماكان بيده حيله .. اخذك قدامي ولا قدرت اوقفه .. بعدها حاولت بكل الطرق اعرف وجهتك ولا عرفت دورت برحلات الرياض كلها على اسمك ولا لقيته جوانه: تدري ليش؟ جواد: ليش جوانه: لاني سافرت من جده رحنا سياره على مكه ومن هناك اعتمرت ورجعت جده سافرت جواد: ماتوقعت ابد دورت على اسمك بأغلب الجامعات بكل المدن .. الا لندن ماخطر في بالي انك هنا .. تعبت وانا ادورك تعبت وانا اشتاق لك طيفك ماتركني عذبني سهرني الليالي ماقدرت اركز لا في شغل ولا في حياه ناظر عيونها: ااااه كم من ليلة حضنت وسادتك كم من ليلة نمت على ارض غرفتك كم من ليلة شكيتك لدفاترك لصورتك لشالك نزلت راسها ف مد يده يبي يرفعه بس ابتعدت جوانه: لاتنسى نفسك ما احل لك قبض يده وسحبها جوانه: رجعني الشقه اذا تبي تخليني على راحتي شغل السياره وتحرك سكتوا لوقت طويل جواد: طيب بسألك بس سؤال واحد .. كنتي سعيده في غيابي؟؟ سعيده؟؟ وين هي ووين السعاده من تركته مانامت ليلة بدون دموع ما مرت لحظة ماتذكرته اي كلمه تشبه كلامه تذكرها ماقدرت تكون سعيده زي ماتوقعت قالت هذا بس تأثير اول شهرين اذا مرت الايام بتنساه ولكن عدت الليالي لين صارت سنه وكم شهر وللحين في بالها جواد: الوووو التفتت : ايه كنت سعيده كثير جواد: احلفي سكتت جواد: احلفي انك سعيده في غيابي واخليك ولا عاد تشوفين وجهي بعد ساكته جواد: جوااانه ناظرته: ماكنت سعيدة ولا قدرت اتخطاك وكنك مرض ماله علاج ابتسم: علاجك معي يابعد هالكون .. جوانه: واثق انك دواي؟ جواد: واثق ان شاءالله جوانه: وش هي اول مراحل العلاج جواد: نتزوج جوانه: طيب ارجع السعوديه وانتظرني اذا رجعت وقت الاجازه تجي تطلبني من ابوي عاد وقتها اشوف يمكن اوافق عليك ويمكن ما اوافق ابتسم: لا بالله ماني براجع الا رجلي على رجلك .. وبالنسبة لطلبك من ابوك حاضر اطلبك بس اطلبك و ما توافقين؟؟؟ وش المغزى؟ جوانه: ابي احس اني انسانه جاي وطالبها من ابوها وهي تقرر مو انت مقرر وخالص اخذ نفس: افهم من كلامك انك ممكن ترفضيني؟ هزت كتفها: مدري يمكن رفع راسه واخذ له اوكسجين بعد ما حسه انقطع منه جوانه: اذا ماتبي تقبل شروطي عادي جواد: اكيد موافق على طلب الخطبه بس اني اروح من هنا انسي .. اخاف ترجعين تختفين وصلوا لشقتها نزلت جواد: جوانه التفتت وسكتت جواد: احبك نزلت راسها وراحت وهو ماقدر يتحرك ظل واقف قدام العمارة قاعده تلف وتدور وهي ماسكه بطنها .. رجعت الغرفه ريم: جااااد جاد قووووم وربي ولاده وربي حاسه هالمره جاد بنص عين: يا بنت الحلال زي كل ليلة طلق كاذب نامي وهو يروح ريم: لا لا هالمرة متأكده قوم اخذ المخده من تحت راسه وحطها على وجهه: طيب شوي لو حسيتي فيه اقوى صحيت تأففت وطلعت نزلت الصاله وهي مو حاسه بشي ريم: معه حق اكيد طلق كاذب شغلت التي في بتتسلى عليه عشان تنسى .. ظلت شوي ووقفت وهي تحس المغص صار اقوى من الاول اخذت احرامها وطلعت راحت لبيت اهله .. دخلت القصر شافت سميره بالصاله سميره: رييم هلا يمه تعالي دخلت وجلست جنبها : خالتي وش اعراض الولاده سميره: ليش وش تحسين؟ ريم: عندي مغص خفيف اسفل بطني من ساعتين تقريبا والحين احس كل ماله ويشد علي قلت لجاد بس يقول مغص كاذب زي كل ليلة سميره: لا حبيبتي مو كاذب وين جاد؟ هذي اعراض ولاده وقفت وحست بخوف وقلبها يدق: ولاده؟؟؟ وقفت معها: لا تخافين يمه بسيطه جاها المغص اقوى عن قبل: امممممم ااااااه تحركت سميره بسرعه: مارررري ماري جت تركض سميره: عباتتتتي بسرررررعه انطوت على بطنها: اااااه اااااه مسكت بيدها تسندها: اهدي يمه اهدي خذي نفس خذذذي نفس رفعت راسها وهي تحاول تلقط انفاسها .. حست انه بدا يخف لين اختفى ريم: خالتي جاد صحي جاد تكفين سميره: نروح المستشفى الحين وبعدين ارجع له ريم: لا ابيه مععععي كلمت وحده من الخدم وراحت تصحيه .. شوي ووصلهم بعد مالبس ثوبه ع السريع جاد: رييييم وش صاير كانت تلف وتدور مغمضه عيونها وتتألم سميره: انت وينك تارك زوجتك كذا.. البنت معها ولاده بسرعه خل نطلع جاد: طيب طيب يلا راح لها ومسك مع يدها يسندها مشت معه لين باب السياره ريم تصرخ: اااااااه رجع رجع رجع اه يمه ااااخ جاد يناظر امه ومرتبك: وش اللي رجع سميره: خلها تهدا .. المغص هو كذا يروح ويرجع جاد: يمكن طلق كاذب سميره: يا ابن الحلال البنت بتولد هنا وانت تقول كاذب امش بس تحرك بسرعه وكلم المستشفى يستقبلونها هدا شوي مغصها وقدرت تركب ركبوا هو وسميره وطار بسرعه ع المستشفى وهي مره تصرخ مره تسبه وتضرب يده ومره تبكي وتتحسف ليش تزوجت لين وصلوا كانوا في استقبالها شالوها بسرعه ع النقاله وودوها على غرفة الولاده وجاد يركض وراها لين دخلت وحجز بينهم الباب رجع وهو يلف ويدور ويدعي لها .. بعد مده راح لامه جاد: يمه تأخرت خايف صار شي سميره: ماعليها شر إن شاء الله انت ادعي لها رجع يلف ويدعي انفتح الباب تكلمت انجليزي: اين مرافق المريضه ريم عبدالمحسن راح لها بسرعه: وينها ريم وش صار ابتسمت قالت بالعربي: مبرووك وكملت: تمت الولاده بنجاح والام والطفل بخير جاد بفرحه: الله يبشرك بالخير باس امه وضمها سميره: الف مبروك يمه يتربى بعزك جاد مبسوط: الله يبارك فيك .. يا الله صرت اب شوي وطلعت بعربية البيبي جابته لهم ناظره وانصدم جاد: يمه شفيه كذا؟ متأكده ذا بيبي سميره: هههههه وش زينه بسم الله عليه جاد: يمه وراه جسمه احمر سميره: حبيبي كذا يطلعون كل الاطفال بعدين يكبر تتغير ملامحه وتبان استأذنتهم الممرضه وراحت بالولد للحضانه انتظرو ساعتين ونص وطلعت ريم ناقلينها على غرفتها مشى معها لين وصلوها نزلوها على سريرها وطلعوا ناظرت فيهم ريم: ولدي وينه؟ سميره: بالحضانه حبيبتي ريم: ابي اشوفه تكفا ابي اشوفه جاد باقي مصدوم: ما انصحك سميره: هههههههه اعذريه ماقد شاف مواليد جاد: والله كنهم صالخينه طالع احممممررر ووجه مجعد كنه شايب ريم بخوف: يمه ولدي وش فيه ليش سميره: الله يسامحك عاجبك الحين جننت البنت .. مافيه شي حبيبتي كل الاطفال يطلعون كذا دخلت الممرضه عليهم شغلت لها الشاشه قدامها وكان الطفل موجود جاد: شفتتتي؟ هاه ماكذبت ريم ناظرت فيه ونزلت دموعها: فديت عمره فديت قلبه فديت جسمه الصغير وعيونه النايمه جاد: هيه هيه هيه خلاص تتغزلين بذا النتفه الشايب ريم: والله الشايب انت.. فديت ولدي يهبل سميره تناظره: يشبه جاد نفس شكله بصغره ريم: ايه يشبهه رن جوال سميره وطلعت ترد .. اقترب من ريم جلس جنبها سحب يدها: الحمدلله على السلامة ياروحي انتي ابتسمت: الله يسلمك جاد: سامحيني تأخرت عليك حسبت نفس كل ليلة ريم: عادي ياقلبي عاذرتك جاد: الحين قلبي؟؟ وقبل شوي ماخليتي سبه ما سبيتيها علي ريم: هههههه اسفه يعمري والله ماحسيت جاد: وكسرتي يدي بعد من الضرب حتى مره عضيتيها توقعتك بتتحولين زومبي ريم: ههههههه اه بطني حرام عليك اسكت لا تضحكني بطني يوجعني جاد: طيب خلاص سكت ناظر ولده بالشاشه: الحين من جدكم عادي يطلع شايب ضربته بخفيف: جاااااد ههههه خلاص اطلع حط يده على فمه: خلاص خلاص بسكت هاه في صباح اليوم الثاني وصلها الجامعه نزلت ونزل معها التف ووقف قدامها جواد: انتبهي على نفسك وابتعدي عن اللي اسمه مهند جوانه بإبتسامه: لأ راحت ابتسم وهو يراقبها: العناد يسري بدمها راقبها لين دخلت والتف ركب سيارته ناظر فيها وهو يشوفها تدخل راح وراها مهند: صباح الخير التفتت وابتسمت: صباح النور مهند: سحبتي علينا امس جوانه: معليش اعوضكم وقت ثاني مهند: مين اللي رحتي معه امس اخوك؟ جوانه: لا ناظرها بإستفسار ماقدرت تقول له طليقي جوانه: زوجي وقف فجأه: زووووجك؟؟؟ ماقلتي انك متزوجه جوانه: محد سألني مهند: وينه عنك طول الفتره اللي راحت ماشفناه جوانه: شركاته وشغله في الرياض مايقدر يجي كثير اكتست ملامح وجهه الحزن حست فيه جوانه: تعال لا نتأخر على المحاضره مهند: طيب دخلت ورحت لصديقاتها جلست معهم وهو ظل يراقبها من بعيد وهو يلوم نفسه انه ما انعجب الا في وحده متزوجه من جهة جواد ماتحرك من الجامعة جلس لين وقت خروجها طلعت شافته واقف قدام الجامعه ناظرت خلفها ماشافت احد من زملائها مشت متجهه له ابتسم وفتح لها الباب ولكن صدمته وقت تجاهلته وكملت طريقها قفل الباب وراح وراها مشى جنبها ولا تكلم جوانه: قلتلك مابي يكون بينا كلام مارد وقفت والتفتت عليه رفع يدينه اشارة الاستسلام واشر بيده على فمه انه مقفله ومايبي يتكلم ناظرته بنص عين: الحين هذا اللي فهمته هز راسه بإيه .. مد يده يأشرلها تمشي جوانه: اللهم طولك ياروح مشت وهو خلفها يدينه بجيوب جاكيته الاسود الطويل ويمشي مبتسم شوي و دقها بأصبعه اعلى كتفها كم مره عشان تنتبه التفتت عليه اشر لها على المطعم جوانه: وشو؟ اشر بيده انو ناكل جوانه: مالي نفس اشر على بطنه انه جيعان جوانه بنفاذ صبر: تكلم خلاص جواد: اوه واخيرا رضت علينا القزمه جوانه: ماني قزمه يا العملاق و امش ندخل دخلو المطعم جلسوا بعد ماطلب ناظرها وهي كانت تحاول تلهي نفسها بالكتاب اللي معها سحبه منها ف فزت بسرعه وبخوف بتاخذه شك ان فيه بلاوي عنه رفع حاجب: وش فيك بسولف معك وانتي على ذا الدفتر هدت شوي لما نزله على الطاوله: مافي شي بس ابي دفتري ابتسم: وش مهببه فيه؟ جوانه: ولا شي جواد: كاتبه فيه وش كثر تحبيني وانك ماقدرتي على بعدي جوانه بسخريه: احلم على قدك ابتسم: ماتشوفين شقدي يعني؟ جوانه: لا ماعدت زي اول نحفت جواد بحزن: ليش اختفيتي؟ كنتي عارفه اني ميت عليك؟؟ قلتي اعذبه بذي الطريقه جوانه: ما اعرف شي كل ما سألتك قلت لي متعود علي جواد: والتعود اصعب من الحب لو تدرين جوانه: جواد ارجع الرياض انا هذي اخر مره اجلس معك واكلمك ارجوك روح ماكان معها يناظر اللي دخلوا المطعم وده يقطعه كيف يتجرأ يناظر بجوانه بها النظرات وقدامه بعد التفتت خلفها شافتهم اشرت لها نوره بيدها انو هاي رفعت يدها وابتسمت وتلقائي مهند ابتسم لابتسامتها وهالشي جنن جواد همس وهو يصر على اسنانه: شيلي عينك عنه لا اقوم امسكه حدوده الحين رجعت نظرها لجواد: شفيك صديقتي جواد: وهاللي مع صديقتك ماتشوفينه كيف باقي شوي ويقلط معنا جوانه: ههههههه كان صوتها عالي جواد: قصررري حسك جوانه: ماني خدامتك ولا زوجتك ولا اي شي بالنسبة لك الحمدلله ماتقدر تجبرني على شي اخذ نفس: امشي جوانه ببرود: مابي روح انت وانا بجلس مع صديقاتي جواد بقهر: سويها وشوفي وش يجيك عاندته وراحت لهم: هاي نوره: اهلين وينك ماعدنا نشوفج جوانه وهي تجلس: موجوده مهند يناظر خلفها: زوجك جاي؟؟ نوره: هالرزه زوجك .. تبارك الرحمن امس وانا امدحه عند البنات ماحسبته زوجك ليش ماعلمتينا انقهرت جوانه: ماجا في بالي سحب كرسي ناظرته بصدمه وهو جلس جواد: السلام عليكم الكل: وعليكم السلام جواد: ماعرفتيني على زملائك حست بأرتباك: هذي نوره من الامارات وهذيك اللي راحت تطلب ياسمين من مصر وهذا مهند سعودي مد يده لمهند: تشرفنا ورجع مدها لنوره اللي بغا يغمى عليها: اهلين فيك نوره توها تحس بأحساسه لو ان الغيره تبان كان شاف براكين طالعه منها تكت نوره يدها على الطاوله وهي خاقه معه جواد: وش تخصصاتكم؟ مهند: انا مع جوانه فنون جميله نوره: وانا ادارة اعمال جواد: ماشاءالله حلو ادارة اعمال .. لا تعتمدين على القطاعات الخاصه بعد تخرجك ابني لنفسك هدف واسسيه وبيكبر ان شاءالله.. انا من ضمن شهاداتي ماخذ دكتوراه في ادارة الاعمال كان تخصص جميل نوره: ماشاءالله عليك ليش كم شهاده عندك؟ ابتسم: تقريبا ثلاث من غير الدورات سكت وناظر جوانه اللي تناظر بنوره ووجهها احمر كان ودها لو بيدها عصى سحريه وتخفيها من الوجود نور: ماشاءالله .. ان شاءالله اصير مثلك ابتسم: واحسن مني بعد وقفت جوانه بعد ماشافت نوره كيف ماتت على ابتسامته اللي ياما سحرتها هي اصلا ناظرها ببرود: وين؟ جوانه: خلاص عرفتك عليهم قوم برجع البيت تعبانه وقف وابتسم لهم وناظر نوره: لنا لقاء ثاني ان شاءالله مد يده سلم عليها ورجع سلم على مهند بدا بيمشي وكنه تذكر رجع وهو يطلع كرت من جيبه ومده لها: اذا خلصتي دراستك وحبيتي افيدك بأي شي هذا كرتي .. اي احد عزيز على جوانه فهو عزيز علي انا بعد واخدمه بعيوني اخذت كرته وهي بتموت عليه: شكرا استاذ اءء جواد: جواد نوره: شكرا استاذ جواد ابتسم: العفو ابتعدو عنهم مر اخذ طلبهم وطلعوا كانت مكتفه يدينها عاقده حواجبها تمشي بسرعه واي شي بطريقها ترفسه لو كان حصى صغير جواد: هههههههه حبه حبه شفيك التفتت له بعصبيه: ابعد عني خلاص مافي احد هنا شوف لك طريق ثاني جواد بإبتسامه: كل الطرق تؤدي الى "قلبك" جوانه: مابيك ماتفهم انت ابعد عني لفت ومشت معصبه وهو واقف. شوي وناظرت خلفها ماكان يلحقها .. مشت لين ابتعدت كثير وعدت حتى شقتها تمشي ولا تدري وين رايحه وقفت لمى خبطت بشي قاسي رفعت راسها كان هو مبتسم تراجعت خطوتين للخلف لانها كانت لاصقه فيه جوانه: ماكنت تلحقني كيف جيت فجأه قدامي؟ جواد: ناسيه ان هذي بلدي الثاني اعرفها شبر شبر .. اختصرت الطريق جوانه: طيب ليش لاحقني جواد: انا اسف ناظرته بصدمه جواد: كنت ابيك تحسين كيف نار الغيره تحرق سكتت لانها فعلا احرقتها وحست بإحساسه جواد: امشي نرجع البيت رجعت معه مشي بس بهدوء هالمره نظرها ع الارض وسرحانه وقف فجأه وناظرها: لازم نتكلم جوانه جوانه: مابينا كلام جواد: بينا وكلاام طووويييييل بعد .. بكره ماعندك دوام تعالي معي القصر ناظرته: مستحيل اروح معك منت محرم علي اخذ نفس: مابجي صوبك بس بتكلم معك جوانه: تكلم هنا جواد: ماتعطيني فرصه اتكلم جوانه: بعطيك بس قول جواد: طيب تعالي معي اشر بيده ف وقف سايقه اللي اخذ سيارته من عند الجامعه وصار يلحقهم نزل وفتح له الباب تقدم مع جوانه فتح بابها: تفضلي جوانه: وين؟ جواد: ماراح اكلك ركبت وهو اتجه للجهه الثانيه ركب وتحرك مشى لين طلعوا برا المدينه جوانه: مابي اروح قصرك جواد: محنا رايحين له وقف اخيرا ف مكان بعيد قدامهم مساحات ممتده يكسوها الثلج بلونه الابيض نزل شد الجاكيت عليه من برودة الجو تكى جسمه على مقدمة السيارة وهو يناظر قدامه شوي ونزلت وقفت جنبه جوانه: ليش وقفنا هنا؟ جواد بهدوء: تكلمي ناظرته بإستغراب جواد: بداخلك تراكمات كثيييييره طلعيها ابكي صرخي تكلمي جوانه: مافيني شي جواد: فيك مليون شي وشي على مين تكذبين انتي جوانه: خلنا نرجع برد جواد: تحبيني ؟ جوانه: ما احبك جواد: الا تحبيني انتي تحبيني جوانه جوانه: ما احبك غصب هو جواد بتأكيد: تحبيني بدت تعصب وهذا اللي يبيه: ماتفهم انت قلتلك ما احبك جواد بثقه: والله انك تحبيني يا جوانه جوانه: بكل ثقه تقولها وكنك عايش بقلبي جواد: لان هذا الواقع اللي قاعده تحاولين تخفينه ابتعدت عن السياره وقابلته: وش احب فيك هاه علمني وش تبي احب فيك جواد: كل شي فيه حبيتيه حتى قسوتي جوانه بقهر: ماحبيتك ولا راح احبك مازال بارد وهي معصبه مره وقف قدامها ناظر بعيونها قالها بهدوء وحرف حرف: ت ح ب ي ن ي دفته بيدينها على صدره: ما احبك مااحبك ماتفهم .. اااااه انت ماضي ماضي انا نسيته وراح بخيره وشره انت ماضي جواد: مانسيتني لحظه وحده انا حبيبك تحبيني ولا لك غيري صرخت عليه: ماااااا احبك ما ابي احبك ولا بكون لك جلست ع الارض وهي تبكي بقهر: ااااااه مابيه مابيه ذا الحب مابيه مابي احبببببك ابتسم لانه حصل على اولى اعترافاتها وهي انها ماتبي ذا الحب مما يعني له ان بقلبها شي له ولو كان صغير جلس جنبها وهي تغطي وجهها بيدينها وتبكي بصوت عالي جواد بهدوء: ليش؟ ماردت جواد رفع صوته شوي: انطقي ليش ماتبينه؟ جوانه بألم: تعبني دمرني كسررررني جواد: اعترفي فيه طلعيه اظهريه مابتندمين جوانه باقي تبكي: مابي مابي احب شخص ذلني وعذبني كثير جواد: تعذب مثلك وزود .. عانيت الأمرين غيابك وضميري اللي يأنبني بكل لحظة ع اللي سويته .. انكسرت من اختفائك من عجزي اني القاك رغم كل نفوذي جوانه: لا لا لا مو مثل معاناتي منت مثلييييي ولا بتوصل للي وصلت له جواد: يمين بالله اني قربت للموت ورديت والله اني مت في بعدك وما قلتها الا من معاناة من وجع من الم عشته اخذتي حقك مني تعادلنا وصلتيني للموت مرت ايام وليالي ماقدرت احط لقمه بفمي احاول اقوي نفسي اقول لنفسي انت اقوى من انه يكسرك حب ولكن ماقدرت شعور بداخلي حاربني كان شعور موجع شعور بعدك وظلمك وقهرك وين ما الف عيني اشوف وش سويت فيك واموت مليون مره عشت كل شي عيشتك فيه نمت شهور بغرفتك على ارضك توسدت الارض والبرد لي لحاف قعدت ايام ماقدرت اكل رميت نفسي بالمسبح بعز البرد وحسيت بوجعك بالبرد اللي تجمدتي فيه وصلت لمرحلة من كثر تفكيري وقهري اي شي بيدي اكسره.. اكسره الكوب بيديني لين تجرحت بدون قصد ومن غير ماحس ما اشوف غير الدم نازل مد لها كفوفه: شووووفي وين وصلني حبك وتقولين ماعانيت ناظرت كفوفه كان فيها اثار جروح متفاوته جواد: بس والله يا ان الم هالجروح اشوفها اهون من وجع قلبي اهون من شوقي من حزني اللي اسرتيني فيه ورحتي .. عاد تدرين بعدها حلا لي الجو صرت اذا وصلت اقصاي من الشوق كسرته متعمد عشان انشغل فيه وانساك كم يوم .. ضحكت على مجنون ليلى وللاسف صرت انا مجنونك وقفت مشت ومشت ومشت ماتبي تسمع معاناته اكثر مشت لين تعبت وطاحت من جديد ع الارض مستحيل اللي شافته مستحيل حبها لهذي الدرجه مستحيل .. كيف قدر يتحمل. يشوف الم الجرح اهون من وجع صدره وشوقه وحبه يهون على نفسه بذي الطريقه جلس جنبها وهي تبكي بجنون قاعده تتخيل منظره جلس جنبها: اهدي .. اهدي خلاص واللي تبينه بيصير كانت تشاهق وترفع راسها تلقط انفاسها هزت راسها: لا لا لاااا ماقلت لي بتحبني كذا لا ليش حبيتني لها الدرجه .. مستحيل نسى نفسه وحضن وجهها: حبيتك واحبك ولو ترفضيني بظل احبك ولاني ندمان على ذا الحب استمرت تبكي مسح دموعها: تكلللمي جوانه طلعي اللي بصدرك .. هزت راسها بلا وهي تشاهق جواد: تكلمي لا تخافين بكت اكثر وانهارت: وش تبي تسمع وش تبي تسممممع قول؟ اني فقدتك؟؟ اني ضعت من بعدك؟ اني حسيت بالنقص حسيت بالفراغ حسيتت بالحزن بعدك وانا اللي مابي احسه انا ابي السعاده اللي فارقتني من تركتك .. وينها عللللللمني ووووينها .. كييييف ما اكون سعيده ليش ليش ما اكون سعيده وانا فارقت اكثر شخص عذبني بحياتي .. ضربته بقوه على صدره: اكرهك اكرهك اكررهك اااااه اقولها وانا كذابه.. اكذب على نفسي وعلى العالم ابي اصدق الكذبه ليش ما اصدقها قول لي ليش تدري ليش سافرت لندن جيت ادورك بمكانك بأكثر مكان حسستني فيه بقيمتي بالمكان اللي تحولت فيه من شيطان لإنسان يحب ويهتم ويحترم .. جيت اعيش على ذكراك رغم نهايتها المره ولكن تبقى اجمل ايام عشتها معك ااااااااه تععععبت .. تعبانه جواد تعبانه .. بعدك موتني وقربك يربكني اذا كنت جنبي احس .. احس اني لازم ابعدك وفي بعدك احس بالنقص احس بالشوق انا ... انا ماعدت اعرف وش ابي ماااا اعرف ابعدك وودي بقربك ما ابيك وابيك ... اكرهك ولكني احبك حط يده على شفاتها يوقفها عن الكلام جواد بفرح: مابعد هالكلمة كلام .. انسي اللي قبلها واللي بعدها واحفظيها وردديها مابي من الدنيا غيرها ولا تحتاجين غيرها سنتين ونص مرت علينا سنه اوجعتك وسنه موتتني .. انتقمتي لنفسك مني تساوينا .. الحين نبدا صفحه جديده مافيها غير حب وشوق واهتمام واحترام مسح دموعها وهو يناظر ملامح وجهها كيف صارت باللون الاحمر وشفاتها المرتجفه كيف يطلع منه البخار وقفها خاف عليها تمرض جواد: بارد الجو تعالي نرجع ماردت مشت معاه ركبت حست برااااحه ماعمرها حستها وكأن الحمل والهم اللي كانت شايلته على صدرها انزاح اخيرا اسندت راسها على شباك السياره وهي تناظر الطريق وغمضت عيونها وراحت بنومه عميييييقه جالسين يمشون على الكورنيش والهوا البارد يلفحهم منار: الللله يازين جو جده بالشتاء فيصل: صدقتي بالصيف ما تطيقينها من الرطوبه منار: فديتهم لا ومصدقين ان ذا برد يلبسون شتوي فيصل: ههههه خليهم مستانسين بجوهم منار تستنشق الهوا: بس بصراحة هواها غير كان ساكت على غير عادته منار: فيصل التفت لها منار: شفيك؟؟ فيصل: شفيني ؟ مافيني الا العافيه حضنت يده بيدينها: الا فيك من كم يوم وانت كذا بانت على وجهه ملامح الضيقه: تعالي نجلس جلسوا بأقراب مكان فيصل: احم يعني في موضوع من كم يوم بفاتحك فيه ولا عرفت كيف استغربت: مابينا هالرسميات قول فرك يدينه ناظر البحر لف يساره يناظر الناس..رفعت يدها ولفت وجهها له نزل عيونه مو قادر يرفعها لها منار: فيصل حيرتني شفيك تكلم فيصل بعد تردد تكلم بسرعه: احنا لازم ننفصل ناظرته بصدمه: نعم؟ فيصل: انا احم انا منار ما احبك .. كنت بحاجة شخص يوقف معي فترة تعبي ويرعاني ومالقيت افضل منك .. انا اسف بس هذا اللي صار .. احم انا بتزوج لميس بققت عيونها بصدمه للحظة كانت بتبكي وتصدق كلامه منار: تمثيلك خايس .. حاول تشوف افلام اكثر عشان تتعلم غصب عنه ضحك .. كان ناوي يبين لها الجديه بس ما قدر اخذت نفس: ادري ليش تقول كذا .. ادري تبي تضحي عشاني وانك تتمنى لي الافضل .. بس انا ما اتمنى ولا ابي الا قربك ناظرها بإرتباك: عارفه الموضوع منار: ايه ترا اخر همي العيال .. انا بكون معك نعيش سوا ونشيب سوا .. فيصل انا ما اتمنى بها اللحظه غير وجودك معي .. انت دكتور قلبي داويت جروحي وضمدتها .. طبطبت علي ووقفت جنبي نسيتني بالعالم كله. خليتني احبك اعشقك اتعلق فيك .. والحين لو فكرت تتركني ف راح تدمرني راح تموتني بعد ماسقيتني بحنانك ودلعك .. والعيال انا مابي وراضيه بقدري بس سمعت ان فيه علاجات للعقم اللي يسببه الكيماوي .. وكمان من المحتمل يحدث الحمل بعد ثلاث او اربع سنوات .. انتظر ووكل امرك لله وان رزقنا الله بعيال ف الحمدلله وان مارزقنا ف هذا قدرنا لعلها خيره ابتسم: اه ريحتيني الله يريحك ويعطيك ماتتمنين ابتسمت منار: لها الدرجه شايل هم فيصل: اي والله من يوم موعدي وانا افكر كيف افاتحك بالموضوع منار: وما لقيت طريقه افضل من تمثيلك الخايس ههههههه ابتسم: للاسف هذا اللي خطر على بالي منار: مواهب مدفونه تستحق الدفن اكثر فيصل: هههههههههه و يلوموني ليش حبيتها منار تأشر: اللللله آيس كريم هناك تعال ناخذ ابتسم وهي اسرعت بخطواتها سبقته تطلب قبل يبدا محاضراته المعتاده عن الصحة صحت مفزوعه تناظر حولها شافت نفسها مو بغرفتها تأملت المكان وعرفت انه فندق فزت بسرعه طلعت من الغرفه ماكان فيه احد سمعت صوت صادر من غرفة ثانيه توجهت لها بتردد جوانه: جواد؟ انفتح الباب وانصدمت منها : هاي مدام .. انا هينا اساعد انتا .. يريد شيء؟ ابتسمت على لغتها: اهلين لا مايريد شي .. مين جابني هنا : لا اعلم احضرني مستر جواد كي اهتم بكي جوانه: وينه؟ : يسكن جناح اخر رجعت الغرفه لفت انتبهها ورده راحت اخذتها كانت ع الكمودينه وجنبها رساله صباح الخير يا اجمل من مر في قلبي وعبر اذا صحيتي انتظرك تحت جلست وهي تحاول تستوعب اللي صار بينهم قالت له عن حبها فضحت نفسها الحين كيف بتشوفه كيف تقابله وتحط عينها بعينه وهي معترفه له انها ضاعت بدونه وانها ولا شي تذكرت يده وحزنت: هو صدق حبني لذي الدرجة؟؟ صدق اللي عاشه؟؟ مو متخيله كمية الالم اللي شعر فيها اخذت نفس مسحت دمعتها قامت تحممت طلعت بروب الحمام شافت ملابس لها مجهزه على السرير اخذتها لبست وصلت جلست شوي على سريرها في حيره تنزل له؟ وش تقول له؟ تكذب عليه تقوله ان الكلام ماهو صحيح وانها كذبت عليه .. هزت راسها بالنفي ماتبي تدخل مره ثانيه في دوامة الحقد والكره والبعد اللي شربت منه لين اكتفت راحت للمرايا رتبت نفسها لبست حجابها ونزلت كان جالس على احدى الجلسات قهوته قدامه وعيونه على ورقه بيده قلبها خفق هدت نفسها وهي تشد على الجوال بيدها .. متوتره وكأنها اول مره تشوفه تقدمت ومن حس فيها رفع راسه وقف وهو يخبي الورقه بجيبه ويتأملها وصلت له جوانه: السلام عليكم جواد بإبتسامه: وعليكم السلام جلست مقابلته تناظر يدها وتفركها في بعض وهو يتأملها ويستعيد بذاكرته كلامها امس قرر يقطع الصمت اللي طول: كيف اصبحتي؟ جوانه: بخير جواد: ارتحتي في نومتك؟ هزت راسها بإيه وللحين مارفعت عيونها له جواد: جوانه رفعت راسها والتقت عيونها بعيونه هي تذكرت اللي حكاه لها واللي صار بغيابها والالم اللي حسه .. وهو مو ذاكر من كلامها غير اخر كلمه قالتها حذف اللي قبلها كله شاف اهم شي انها تحمل له بقلبها الطاهر حب حتى وان كان قليل راضي بقليلها وكثيرها .. خايف يفاتحها بالموضوع وترفض الرجوع له للحين ماهو متأكد ان مشاعرها ممكن ترجعها له لان في ناس حتى وهو يحبك يبعد عنك عشان في اشياء تمنعه الرجوع .. فضل انه يخليها فترة يتأكد من مشاعرها هل هي متقبله الرجوع والا لا جواد: حابه تجلسين هنا والا بترجعين شقتك جوانه: انت تبيني ارجع؟ جواد: لو هي علي سكنتك بروحي بداخل قلبي بس انتي البارحة طلبتيني اوصلك شقتك وانا وعدتك اذا أصبحنا وديتك جوانه تعصر عيونها تتذكر: متى؟ جواد: بالسيارة جوانه: اها مدري ماكنت بوعيي ناسيه جواد: لا دخيلك الا البارحه لا تنسينها بالذات اخر كلمة .. الكلمه اللي لعبت بي واحرمت عيني النوم جوانه انحرجت: احم طيب يلا نمشي جواد: نفطر مع بعض؟ جوانه: طيب كلمهم شوي ونزلوا لهم الفطور ظلت تاكل بهدوء اما هو ف كل شوي يناظرها مو مصدق خلصت ف ناظرها: شبعتي جوانه: ايه جواد: اكل عصافير ذا ابتسمت: لا صدق شبعت .. تمشي؟ وقف: توكلنا على الله وقفوا وطلعوا السيارة طول الطريق ساكتين لاحظت شي وحبت تسأله عنه جوانه: جواد جواد بحنيه: عيونه بغا يوقف قلبها من نبرة صوته المبحوحة جوانه: احم اممم ماشفتك تدخن من يوم جيت ولا سيارتك ريحتها دخان ابتسم: تركته الحمدلله ناظرته بصدمه: والله؟؟؟؟ ابتسم: والله ياقلبي جوانه: كيييف؟ جواد بغصه وهو يذكر رسالتها: عفته .. كل ما اجي اولعها يحترق قلبي واطفيها جوانه مو مركزه وفرحانه: الحمدلله ااخيراااا ابتسم: سمعنا نصايح القزمه جوانه: ههههههه جواد: جعلها تدوم ضحكاتك هدت ومازالت مبتسمه .. وصلوا وقف قدام العماره جوانه: مع السلامه جواد: ودعتك الله يا ملاكي ابتسمت ونزلت .. وده ينزل معها ماوده يفارقها ثانيه بس لازم يخليها مع نفسها شوي تحدد وش هي تبي طلعت الشقه اول مادخلت استلمتها احسان ضمتها: روحتي فين خفت عليكي ابتسمت: مع زوجي احسان: يعني الراقل اللي جا لحد هنا بعربية مرسيدس سودا ومعاه الشوفير بتاعه يبقا قوزك جوانه: ههههههه ماشاء الله عليك ينفع تشتغلي صحفيه راح تجيبي لهم كل التفاصيل احسان: لأ ي ختي انا بصيت بصه خفيفه من الشباك وشفتو جوانه: ماشاءالله هذي بصه خفيفه وكذا امال لو قعدتي معه راح تطلعي جده السابع اظن احسان: سيبك من الكلام ده وقولي لي انتي مئولتيش ليه؟ جوانه: لان كان بينا مشاكل وانفصلنا الفتره اللي راحت احسان: انفصلتو ازاي دا شكلو بيحبك اوي ابتسمت: اكثر مما تتخيلين بس صارت ظروف شنسوي بعد احسان مسكتها من يدها: تعالي تعالي هاعمل كوبيتين شاي ونطلع معاكي جدو السابع زي ما تؤولي جوانه: ههههههه ارتحت من دانه الملقوفه جتني احسان اللي القف منها سحبتها معها ع المطبخ وهي ماتدري وش تقول في احد دور حفظ القرآن جالسة تسمع حفظها واستوقفت عند آية كررتها اكثر من مرة ( وما ظلمناهم ولكن كانوا أنفسهم يظلمون) بكت وهي تعيدها مرتين وثلاث قفلت القرآن وتقدمت منها وهي تربت على كتفها : نكمل غدا اذا ماقدرتي حاطه يدينها على عيونها: ظلمت نفسي اناااا ظلمت نفسي .. وظلمت ناس كثييييير والله ظلمت ناس كثير كيف ربي بيسامحني كيف اقرا كتابه وانا ذنوبي كثييييره .. انا مهما سويت بظل مقصرة في ديني حتى لو تبت محد بيسامحني ع اللي سويته : يا اختي ان الله عفوا غفور كلنا نخطيء ولكن المهم هي العوده الى الله قَالَ رَسُولُ اللَّهِ ﷺ: كُلُّ بَنِي آدَمَ خَطَّاءٌ، وخَيْرُ الْخَطَّائِينَ التَّوَّابُونَ.. لعلك خيرا منا جميعأ عند الله انتي ماشاءالله للآن حفظتي 15 جزء في فترة قصيرة .. البعض للاسف يرى انه غير مقصر في دينه وهو لا يحفظ منه الا سورة الاخلاص .. هذا الشيطان يوسوس لك كي تتراجعي ولكن يا اخت خولة لا تسمحي لهذه الوساوس بالسيطره عليك .. اكملي ما بدئتي به كوني قدوة حسنه لكل من يراك وبإذن الله الذي وسعت رحمته كل شيء ان يغفر ذنبك ويقبل توبتك بكت اكثر: والناس اذا ماسامحوني هل تقبل توبتي ؟ : طلبتي السماح منهم خوله: لا ما اقدر ماراح يسامحوني مستحيل يسامحوني : يجب عليك طلب السماح منهم اولا يا اخت خولة والعمل على ذلك بأسرع وقت .. وان لم يسامح الطرف الاخر فقد عملتي بما تستطيعين وان الله عز وجل يعلم مافي قلبك وصدق نيتك بالتوبه والسماح .. وان شاءالله يقبل توبتك هدت وشكرتها على كلامها اللي خلاها تتفائل استأذنت وطلعت وهي تفكر كيف تتسامح نعهم في اليوم الثاني كالعاده صحت لقته ينتظرها اخذها وطلع معها يفطرون صار لها ساعه تفتح القلم وتقفله وهو يناظرها ولا تكلم .. حط يده على يدها والقلم رفعت راسها وسحبت يدها جواد: ارحمي القلم .. شفيك متوترة تركته وشبكت يدينها ببعض: اممم بسألك عن شي قديم جواد: تفضلي جوانه: اممم ليش كذبت علي؟ جواد: بخصوص؟ جوانه: موضوع جاد اخوك ليش ماقلت لي وقت صحى اخذ نفس: خفت ناظرته بإستغراب جواد: ماكان عندي استعداد لفراقك .. ولو قلت لك اول شي بتسوينه بتقولين خلص اتفاقنا جوانه: اكيد مافيها شك جواد: حتى الجوال حرمتك منه رغم اني مالي نيه احرمك من اهلك بس خفت وحده من صديقاتك تقول لك جوانه: يعني اخذتني لانك تحبني من وقتها؟ جواد: لاني احبك ولاني وقتها عرفت الحقيقه من هادي وكنت بعوضك ابي اسعدك .. بالنسبه للموقف اللي تقوليه نهاية تعيسة ترا ماكان نيتي اتجاهلك بعد اللي صار .. بس حسيت بالضعف حسيت انك هزمتيني حسيت انه غلط اللي سويته انتي بالنهاية تكرهيني ليش اعشم نفسي فيك وانتي بتتركيني خفت تجرحيني كنت اناني فكرت بنفسي ومشاعري ونسيت ان هالشي بيوجعك ابتسمت: يعني ما استغليتني؟ جواد بإستغراب: استغليتك؟؟؟ جوانه: توقعت انك تغيرت ودلعتني بس عشان تاخذ هالشي وتتركني مكسوره فتح عيونه: لا طبعا ولا فكرت بذا الشي كل شي سويته قبلها كان من قلبي كنت بشوف ابتسامتك وسعادتك بس ابتسمت برضا ابتسم وقرب جسمه منها: طيب سامحيني جوانه بغموض: سامحتك من زمان لو تدري ابتسم: الحمدلله سكتت جواد: بسافر الرياض ناظرت فيه: متى جواد: بعد كم يوم جوانه: حلو بوس ترابها وقلها اني اشتقت لها جواد: تحبينه بنفسك ان شاءالله ناظرته بإستغراب جواد: رجلي على رجلك جوانه: ودراستي جواد: ماتدرين عندك اجازه الكريسماس جوانه: الا بس اربع ايام قليله وماراح احصل حجز بسرعه جواد: اولاً لا قليلة ولا شي ثانيا بترجعين معي بطيارتي جوانه بإندفاع: مابي اركب معك رفع حاجب: ليش؟ جوانه: اخر مره سافرت معك فيها مدري وش سويت لي نمت فجأه ماصحتني الا المضيفة تقول وصلنا جواد: هههههه اسف .. بس كنتي متوتره وخايفه والرحله طويله ف حطيت لك منوم مع العصير عشان ترتاحين ولا تفكرين بشي جوانه: يا حماااار منووووم جواد بإبتسامه: لا لا لا عيييب هالكلام جوانه: اجل مابسافر معك ما اضمنك جواد: افا جوانه: ماعنك خفا .. ايه يعني هذيك المره نيمتني هالمره وش بتسوي تذبحني؟ لا يا حبيبي خلني هنا ابرك جواد بإصرار: لا بترجعين معي جهزي نفسك جوانه: امممم افكر .. المهم يلا رجعني ابي اذاكر جواد: طيب قومي وقفوا وطلعوا وصلها ورجع وفي طريقه دق جواله رد برحابه: مرحب ملايين جاد: هلا بالقاطع جواد: افا انا قاطع جاد: ايه اسئل امي تقول ماتكلمها من كم يوم وعاد انا ساحب علي من زمان جواد: ههههه المعذرة يا خوك انشغلت شوي .. المهم كيفك وش علومك جاد: الحمدلله بخير وصحة.. جاني ولد جواد بفرح: ماشاءالله الف مبروك يتربى بعزك جاد لاحظه متغير: الله يبارك فيك .. انت وش هي احوالك جواد بإبتسامه: حالي يسرك ابتسم: وش صاير معك؟ قاعد اسمع السعادة بصوتك الله يديمها جواد: لقيتها .. لقيت جوانه جاد: وين؟؟ كلمتها؟؟ رجعتوا لبعض؟؟ جواد: في طريق الرجعة ان شاءالله جاد: لا لا هذي مايبي لها وقفه ابقعد دقيقه وعلمني بكل التفاصيل جواد: هههههه ماني فاضي بروح اجهز لها شي. اذا رجعت بعون الله علمتك جاد: اعترفت لها طيب؟ جواد بإبتسامه: اكيد جاد: ليتني بنت كنت زغرطت واخيرا شلت قناع الغرور والمكابر جواد: هههههه الحمدلله جاد: وهي؟ وش قالت جواد: للحين مو متأكد من مشاعرها بس الليلة بتأكد ان شاءالله جاد. اوك اخليك تجهز اللي تبي .. علمني عاد وش يصير معك جواد: ابشر جاد: تبشر بالجنه.. سلام قفل منه وطار لسيارته لقى له حجة عشان يرجع عندها .. وصل ودق عليها ريم: هلا حبيبي جاد: عندي لك خبر بمليووون ريم: وش هو؟ جاد: افتحي الباب انا برا ريم: ياربي ترا هذي ثالث مره نجيني اليوم جاد: طيب ليش تروحين عند امك مو قادر على فراقك ريم: ههههه كل الحريم كذا وقت النفاس جاد: بس انا غير .. مشتاق لك يلا افتحي ريم: ياربي منك انتظر شوي وانفتح الباب وهي لسى معه: ادخل وقفله بعدك دخل وهو مبسوط راح للبيت دخلته امها دخل المجلس وشوي وجته وحامله مشاري وقف من شافهم وهو يمد يده عطته شاله وجلس جاد: بسم الله عليه ااااخ ودي اعض خدوده شمه وباسه ف قام يبكي جاد: والله ماسويت له شي شفيه تقدمت واخذته وهي تهزه: عادي بذا العمر يبكون بدون سبب يمكن عنده مغص جاد: مغص؟؟ امشي نوديه المستشفى والا لا اخلي الدكتور يجي يشوفه ريم: هههه مايحتاج كلهم كذا امي تقول مد يده: طب هاتيه دامه ساكت ماشبعت منه مدته ورجعت جلست: ايه ماقلت لي وش الخبر والا بس عشان تجي جاد: لا صدق تخيلي جواد لقى جوانه ويمكن يرجعون ريم بفرح: صدق؟ جاد: اي والله توه قايل لي ريم: بس كيف وهو مطلقها وعدتها خلصت جاد: طلاق رجعي ذا يعني عادي يقدر يعقد عليها من جديد ريم: تصدق توني ادري ع بالي خلاص لازم تاخذ غيره جاد: تاخذ غيره في حال طلقها بالثلاث ريم: اها .. الحمدلله ياليت والله يرجعون ياااي وناسه بصير كل يومي عند جوانه جاد بنص عين: لا ي شيخه وانا ومشمش وين نروح ريم: خلاص بسحب عليكم بدلع نفسي جاد: اسمعي شرايك نطلع نتغدا ريم: تبي امي تذبحني جاد: وليش؟ ريم: مدري عاداتهم ان النفاس ماتطلع من البيت فترة النفاس جاد: اجل احمدي ربك ان عندك زوج مثلي مطيح عندك كل شوي ومسليك والا كنتي اكتئبتي ريم: ههههه فديتك من جد ساعات احس بملل ابتسم: اقول ماعندكم غرفة زايده انام فيها بالمره واسليك ريم: هههههههههه لا للأسف رجع باس مشاري ورجع يبكي: لا مو طبيعي ابنك وقف يهزه جت ريم: بوسني ناظرها بصدمه بس ماصدق خبر نزل مشاري وقرب منها باس خدها ويبي يكمل ريم. اها انا قلت .. كله من شنبك ذا اكيد يدقه ف يبكي ناظرها بنص عين: يعني طلب البوسه بس للتجربه؟ ضحكت ورجعت جلست: ايه طبعا وشوله اجل جاد وهو يجلس جنب ولده: هييييه يا مشمش وانا اللي فكرتها فاقدتني طلعت فار تجارب عندها ريم: هههههههههههههههههه في المساء ذاكرت وغالبها النعاس بدري ف استسلمت له .. تغطت وبدت تغفى الا فجأه صحت على هزة احسان لها احسان: اووومي يابت اوومي بسورعه شوفي قوزك عامل ايه من سمعت كلمة زوجك فزت على طول: فيه اييييه؟ ماتكلمت سحبتها من يدها على طول للشبابيك وقفت مصدومه من منظر بوكيه الورد الكبير لا وش كبير هذا ماتوصفه كلمة كبير هذا عملاق هذا خلص حديقة الورد كامله وحطها فيه كان جالس على كرسي جنبه بيده عوده ويناظر الدريشه ابتسم واشر لها على شعرها قبل الناس تشوفها تلقائي حطت يدها على راسها وهربت للداخل ابتسم على حركتها شوي ورجعت وهي لابسه حجابها وجاكيت وفتحت الشباك وصارت تسمعه بدا يعزف وكل الشبابيك اللي على الشارع من سمعو الصوت فتحو شباكهم ناظرها وغنى: احبك حب ماله حد احبـك رغـم هـذا البعـد احبك لو يطول الصـد احبـك مـوت يالغالـي بدونك ضايعن عمـري بدونـك حايـراً امـري وانا اتعذب ولا تدري عن اللي صايـر بحالـي رمتني قسـوة الايـام مابيـن الحـزن والألام اشوفك بس بالاحـلام جنابـك دالـه وسالـي همـوم الوقـت تلعب بي ولأحـد واقفـاً جنبـي وحتى انت اقفيت عن دربي ورحت تقول انا مالي انا برجوك صارحنـي علامـك دوم ظالمنـي تمـر وماتكلمنـي ولاتسـأل عـن احـوالـي ياخوفي بس تنسانـي وترافـق واحـداً ثانـي واعيش العمر وحداني ويموت الحب بالتالـي لأجل الحب أنا برجوك ترى العذال مايفيدوك تعال الناس لايضروك ترى مازلت لي غالي نزل عوده وتفاجأ بكمية الناس الواقفه حوله واللي انهو اعجابهم بتصفيق حار .. على صوت البعض مطالبينه بأغنيه ثانيه وشاركوهم النصف الثاني نفس الطلب .. رفع راسه ناظر عيونها ابتسامتها اللي تسحره وكأنه يسألها من عيونه اعطيهم والا لا وفهمته وهزت راسها بالموافقه من غير مايتكلمون ابتسم وبدا يعزف من جديد وهو يتأملها ياشجون القلب لو تدري ان قلبي يعشق عيونك بك مولع يابعد عمري من جمالك صرت مفتونك حبكم بالدم بي يجري ولا اريد العمر من دونك لك عيونٍ حسنها يغري والشعر ضافي على متونك يا الغلا ياحبي العذري كيف عني تخفي شجونك يانسيم الصبح والفجري والله اني حرت فِـ ظنونك من فراقك طال بي صبري وبك تعنى قلبٍ يصونك والتمس يامحبي لعذري والرجاء لاتشط مظنونك ايه احبك يابعد عمري مغرم في نظرة عيونك يا شجون القلب لو تدري بإن قلبي يعشق عيونك نفس التصفيق الحار .. انهالت عليه الطلبات بالاغاني بالذات الحي اغلبه عرب ظلت تناظره ومبتسمه حست انه متوهق ابتعدت عن الشباك وهي تنزل وقفت قدامه تأملها كثير ولا هو قادر يشيل عينه عنها دخل يده بجيبه وطلع علبه جلس على رجله ركبه ونص وفتح العلبه وهو يمدها لها جواد: يا أجمل امرأةٍ بين نساء الكون .. تتزوجيني؟ قلبها يا قلبها تنسمع دقاته من اميال واميال صفرووو الكل حولهم وهم منتظرين جوابها دمعت عيونها حس بخوف من شاف دموعها حس انها راح ترفض .. وان رفضت من حقها شايف كل شي من حقها حتى بعد الوجع اللي توجعه بس لو يجلس سنين يتألم يشوفه ولا شي عند اللي سواه فيها ابتسمت اخيرا وهزت راسها: ايه صرخوا الجمييييع والبعض طالبه يبوسها وده يضمها وده يعبر عن سعادته ويطيرها بالهوا بس اكيد ماراح ترضى وقف ومد يده سحب يدها ولبسها الخاتم اللي صدمها بس سكتت جواد: احـــــبـــــــك نزلت راسها بخجل جواد: صرتي خطيبتي وبعد كم يوم ان شاءالله بتكونين زوجتي وحبيبتي وشريكة عمري ناظرت بوكيه الورد تخفي توترها: هذا كيف بندخله الشقه جواد: دخليه حبه حبه جوانه: يا ويلي والله يأذن الفجر وانا مابعد خلصت .. كيف جبته اصلا جواد: في ترك جوانه: خلصت وردات العالم كله هههههههه ابتسم: تستاهلين اكثر واكثر سكتت جواد: الحين موافقه صدق تتزوجيني ؟ جوانه بضحك: لا طبعا بس عشان ماتتفشل قدامهم جواد: هههههههه خاتمي بيدك ماعاد فيها تراجع جوانه: خاتم خوله قصدك (لانه نفس الخاتم اللي كان يبي يجربه على يدها بعد رجع من لندن .. قالها وقتها انه اخذه لخوله) ابتسم: يمين بالله ما اخذته لغيرك .. ولا تسأليني (ليش وانت تكرهني) لانه مثله مثل العقد اخذته لاني تخيلته عليك .. الا على طاري العقد رميتيه؟ والا محتفظه فيه جوانه وهي تدخل يدها مع رقبتها: قصدك فسخته من يوم لبستني والا للحين برقبتي انصدم وهو يشوفها تطلعه .. توقع منها تحتفظ فيه لكنها فاقت توقعاته هي للحين ماشالته من رقبتها من وقت ركبه بيده لها هنا تأكد من حبها له حتى لو انكرت جواد بشوق: قوليها جوانه بغباء: وشهو جواد: بسمعها ابتسمت: اممم مافهمتك ويلا باي بكره عندي دوام وانت اشغلتني وخربت نومي بقق عيونه: لا والله؟ ؟ جوانه: اي والله جواد: هين يالقزمه اوريك بعد الزواج ابتسمت : مابتقدر علي اوعدك اجننك جواد: لا لا لا رجاء ً بدون وعود .. كل وعودك الاولية تنفذت جوانه: جت صدفه جواد: ترا بكره اخر يوم جهزي نفسك للسفر ابتسمت وهي رايحه: افكر بالموضوع يلا سي يووو جواد: والورد يا المجنونه جوانه: خله سبيل اللي بيهدي حبيبته ياخذ لها منه .. ناخذ اجر فيهم راقبها لين دخلت مسح وجهه وهو يصبر نفسه جواد: هانت ياقلبي هانت كم يوم وتكون معنا واقفه قدام الباب بتردد بعد ماراسلت هادي وشرحت له وش تبي بالاول ما اقتنع بس بعد اصرارها ورجائها اقتنع وعطاها العنوان دقت الجرس اخيرا انتظرت فترة ردت عليها عبير: مين؟ تلعثمت للحظة ولا تكلمت عبير: الوو انت عند الباب كانت بتقفل بس ضغطت وتكلمت: اي خالتي ممكن من وقتك ثواني انا صديقة جوانه عبير: طيب حبيبتي ثواني فتحت الباب من عندها دخلت خوله بتردد وهي توقف عند الباب الداخلي شوي وفتحت لها عبير بإبتسامه: اقلطي يمه حياك خوله: معليش خالتي انا مستعجله ابي جوانه.. موجوده؟ عبير: لا والله يمه ماهي موجوده سافرت تدرس بالخارج خوله: سافرت؟؟ عبير: ايه خوله: متى ترجع؟ عبير: مدري والله بس يمكن قريب خوله: طيب ابيها ضروري بعطيك رقمي ولو رجعت امانه كلميني عبير: طيب يمه ان شاءالله خوله: ماعندي ورقه اقدر اكتبه بجولك عبير: بس لحظه دخلت جابت جوالها ورجعت مدته لها كتبت الرقم واتصلت على نفسها عشان ينحفظ لجوالها ورجعته: تكفين خالتي لا تنسين ابيها ضروري اول ماترجع دقي علي عبير: ولا يهمك مابنسى ان شاءالله خوله: مع السلامه ولاتنسين كلميني هاه انتظر اتصالك راحت وعبير ناظرتها: وش قصتها ذي غريبه مصره تشوف جوانه سيفت الرقم ودخلت وهي تفكر فيها طلعت الطيارة كانت متوتره جلست على مقعدها شوي وطلع بهيبته المعتاده وعطره المميز جلس مقابلها كل مارفعت عيونها تلقاه يناظرها ومبتسم جوانه بإحراج: جوووواد خلاص عاد جواد: ههههه مو مصدق انك جنبي سكتت جواد: تشربين عصير؟ جوانه: لا لا لا توبه .. لا يلدغ المؤمن من جحر مرتين جواد: ههههههههههههههه يمين بالله مافيه شي ولو تبين خليني اشرب من نفس كاسك مدت يدها: هات طلع عصير وصب لها بكوبها ومده لها اخذته وشربت جواد: كذبت عليك حطيت منوم بتنامين بعد شوي زادت بشربها له لين خلصت النص وحطت الكوب جوانه: اثق فيك شقت الابتسامه وجهه: وهذا اللي ابيه جت المضيفه وقالت لهم يربطون الاحزمه .. ناظرت بالحزام صار نفس الطيارات العاديه بالاول كان شكله غريب جواد بحب: غيرته عشانك جوانه: كيف لاحظت وقتها اني ماربطته وانت عينك ع اللاب توب جواد: مسوي نفسي مشغول وانا عيوني كلها عليك ابتسمت وسكتت جواد: بجي الليلة اطلبك من ابوك جوانه: ابوي يمكن يذبحك هالمره جواد: افا ليش؟ جوانه: عذبت بنته جواد: ليته بعروق قلبي ولا فيك جوانه: مابيفيدك الغزل جهز له عذر قوي جواد: ههههههههه ماعليك اعرف اتفاهم معه جوانه: راح تحوسنا بيومين الله يهديك جواد: اليوم الخطبه بكره الزواج وبعد بكره نسافر سهله جوانه: اي زواج؟ قصدك الملكه جواد: لا راح نسوي زواج جوانه: صعبه جواد: هالمرة باخذك بكامل طقوس الزواج من قاعه وفستان وكل شي جوانه: مايحتاج نملك وخلاص جواد: والله ماتدخلين بيتي هالمره غير عروس جوانه: فشله وش تبي الناس تقول عني جواد: تقول اللي تقوله. ماهمني بالبشر غيرك جوانه: طيب عادي انا موافقه نتزوج بدون حفله جواد: قلتلك انا حلفت خلاص لا تناقشيني .. سكتت ..... اشتغل دعاء السفر مع تحرك الطائرة رددت معه واستودعت نفسها واستودعت جواد بعد ست ساعات هبطت الطائرة نزلو وكانت السيارة بإستقبالهم جوانه: انت روح راح اخذ تكسي جواد: ومن قالك بوافق جوانه: صعبه هنا جواد: امشي بس محد بيوصلك غيري ركبت ووصلها البيت قبل تنزل جواد: جهزي نفسك الليلة بجي اخطبك جوانه تبتسم: طيب جواد: احبك ابتسمت ونزلت نزل لها شنطتها الصغيره جرتها وهي تدخل البيت ومشتاقه لهم قد الكون كله .. سنه ماشافتهم سنه غايبه عنهم وعن الرياض كله عشانه كل شي كان يذكرها فيه في حبها له وعذابها معه .. بس الحين خلاص تخلو عن اقنعتهم اللي لبسوها وحاربوا بعض فيها قناعها كان الكره والحقد وقناعه الغرور والقسوة .. ماعدوا يحتاجونه الحين عرفت وش كثر هو يحبها وهو عرف ان بقلبها شي له حتى وان ماقدرت تنطقه .. هو واثق انه بيسعدها وهي متأكده ان سعادتها مابتكون مع غيره دخلت دقت على الباب الداخلي ومن انفتح الباب جوانه بسعاده: سربراااااايز عبير مو مصدقه: جووواااانه ضمتها جوانه وهي تضحك ومبسوطه .. غابت عنهم سنه وفاقدتهم كثير بس مابكت اول تغيب شهرين تجيهم بتموت من البكى بس الحين خلاص مافي مكان للدموع بعيونها .. عارفه ومتأكده انها بتكون اسعد انسانه على وجه الارض عبير وهي تبعد عنها تشوف وجهها وتحضنه بيدينها: هلا يمه هلا بروح روحي .. ماقلتي لي انك جايه جوانه: حبيت اسويها لك مفاجأه سمعت بكا طفل ناظرت امها: عبادي؟؟ عبير: ايه ركضت وهي تلحق مصدر الصوت كان بالصالة جالس بعربيته راحت له تأملته وهي بتجن عليه جوانه: عبادي عبووود بعد قلبي وروحي انت لبى خديداتك اخذته باسته وشمت ريحته: ااااخ اخ وش هالجمال ياولد من وين جايبه هاه اكيد من خالتك يعني مافي شك بالموضوع ههههه التفتت لأمه اللي جايه تركض الدرج وصلت عندهم وحضنتها بقوه هي مع ولدها اللي قام يبكي جوانه: ذبحححتي الولد يابنت ابتعدت ومسحت دموعها: ااااخ ياروحي انتي فقدتك وربي فقدتك جوانه: هههههه وانا بعد ضربتها بخفيف على يدها: يا الخاينه اجل تقولين اوراق ضروريه هاه .. ظهري انكسر وانا ادورها جوانه: هههههههه وش اسوي حبيت افاجأكم ( لأنها دقت على دانه قالت لها تروح بيت اهلها تبي اوراق من غرفتها ضروري والحين وجننتها كله عشان تشوفهم) دانه: يلا ماعليه بسامحك عشان المفاجأه الحلوه هذي رجعت ضمتها: ااااخ احبك اموت فيك اعشقك ناظرت امها: فاقده امجد شكلها عبير: هههههههه الظاهر جوانه تجلس: الا وين ابوي؟ عبير: راح يصلي يمه الحين يجي دانه: يلا يلا علميني كل تفاصيلك من طأطأ لسلام عليكو عبير: اتركي اختك ترتاح .. بروح اسويلك قهوه يمه دانه: اييييه بدينا بالتفرقه الحين انا من ساعه عندك ما سويتي لي قهوه وهذي مالها كم دقيقه بتسوين لها عبير: ههههههه والله انكم قطعه من قلبي وغلاتكم زي بعض دانه:ايه ايه اكذبي علي بكلمتين عبير: يا بنت استحي انا امك وش اللي اكذب دانه: خخخخ سوري طلعت عفويه ضحكت وراحت ودانه لفت لجوانه اللي تلعب عبود .. شالته من يدها ورجعته على عربيته مسكت يدينها وهي تناظر الفرحه اللي بعيونها دانه: ايه يلا علميني وش عدا مابدا مبسوطه ماشاءالله ابتسمت: مافي شي سلامتك دانه: لا والله ابتسمت: اي والله دانه: جوانه بلا استهبال امانه علميني شفيك جوانه: تعرفين في الليل دانه: وانا وش يصبرني لين الليل يلا قولي جوانه: لا وقفت دانه: تعالي وين رايحه جوانه وهي تمشي: غرفتي فقدتها وياويلك تلحقيني تذمرت دانه وعبدالرحمن ماترك لها مجال تلحقها قام يبكي وقفت قدام بابها ابتسمت: رحت منك مضايقه مخنوقه اسرتيني ياغرفتي معه ومع طيفه لين كرهتك وبعدت عنك .. بس ماكنت ادري انك تبين لي الخير ماكنت ادري اني مهما هربت وبعدت طيفه وهو ساكنين بداخلي .. ماكنت اعرف ان النسيان كذبه وانا الوحيده اللي صدقتها مدت يدها لشنطتها طلعت المفتاح و فتحت الباب .. دخلت دارت بنظرها لكل جزء بغرفتها تقدمت شافت دفترها مازال نفس مكانه اخذته تأملت غلافه ماحبت تفتحه عارفه انه مليان جروح وهي خلاص رمت هالجروح ورا ظهرها فتحت درج الكمودينه وخلته فيه .. قفلت الدرج بالمفتاح واخذت المفتاح معها ضمن مفاتيحها وقفت راحت التسريحه ابتسمت وهي تشوف بقايا أغراضها المكسوره من مكياج وكريمات ولوح راحت اخذت اكياس ورجعت جمعت كل شي موجود بالغرفه فتحت دولاب ملابسها شافت شنطتها اللي اخذتها من بيت جواد بعدها نفس مكانها ماطلعت اللي فيها ولا لبسته .. قفلت الدولاب ماتبي تفتحها قررت تتصدق فيها دخلت دانه: طولتي امي تنتظرك ع القهوه جوانه: طيب نازله دانه وهي تناظر الغرفه اللي اصبحت شبه فاضيه شالت كل اللوح والتحف وكل شي ونصها حطتها بأكياس ونصها خلتها ع الجدار جنب الباب مثل اللوحات لين ترميها دانه: وراك معزله الغرفة ؟؟ ابتسمت: ما احتاجها بعد اليوم ناظرتها بإستغراب: ليش؟ ماردت على سؤالها: امشي ننزل تلاقين ماما زعلانه نزلت وهي حاسه براحه فضيييعه بصدرها من زمان ماحستها ............................. في المساء .. دخلهم المجلس محمد: تفضلوا اقلطوا جلسوا كلهم خالد: كيفك يابو جوانه عساك بخير محمد: بخير الحمدلله جعلك بخير خالد: الله يديمها محمد: امر يا بو جواد خالد: جينا لك وعشمنا فيك كبير .. بعيدا عن كلامك لي بالجوال انا متأكد مابتردنا محمد: لك اللي تبي الا جوانه .. اطلب ويكون عندك الا بنتي ماراح اردها للضيم من اول وجديد جواد: وانا مابي غيرها محمد بحده: كانت معك ولك وش سويت؟ صنتها؟ حافظت على الأمانه اللي امنتها لك؟ لا رجعتها لي جسد مابه روح .. سلبتها الضحكه والفرحه وماعطيتها غير الدموع .. هذا وعدك لي انك تخليها بعيونك؟؟ ضيعت بنتي ورديت لي وحده غيرها .. والحين بعد مانست جاي تقول تبيها؟ خالد: صل على النبي يابوجوانه اذكر الله شفيك محمد: الف من ذكره بس ولدك بكل مره ياخذ بنتي يردها لي اسواء من اللي قبلها .. ماني مستعد اخسرها المره الجايه جواد: معك حق يا عم بكل اللي قلته .. بس بالمره الاخيره يشهد علي الله اني وفيت بوعدي صنتها وحبيتها واهتميت فيها ولكن صار موضوع الاجهاض بغير قصد مني وهو اللي نكس حالتها وازمها وتعبها .. طلبتني الطلاق وعطيتها اللي تبيه حبا فيها كنت بعطيها سعادتها اللي ماشفتها معي محمد: ويوم ان سعادتها ماهي معك جاي بترجعها ليه جواد: عرفت انها ماهي سعيده محمد: جوانه بخير ومبسوطه لا تشيل هم خالد: صل على النبي يابو جوانه .. حنا جايين نصلح بينهم .. الكلام في الفايت نقصان عقل وانا اخوك مير خذ شور البنت يمكنها غيرت رايها محمد: بترضاها على بنتك؟ ترجع لك مرتين مطلقه وكل مره اردى من الثانيه جواد: ياعم ماطلقتها غير مره والله يشهد انه غصب عني اصرت وقالت راحتها في بعدي وانا اشتريت راحتها .. خالد: يابو جوانه يسرها وانا خوك .. انا اللي بعطيك وعد هالمره وانا متأكد مثل ماني شايفك ان جوانه مابتكون سعيده غير مع ولدي محمد بتفكير: وان ردها اسواء من قبل؟ خالد: سوي فيه اللي تبي ان زعلها مره ثانيه اخذ نفس: بشاورها بالأول جواد بثقه: خذ راحتك وقف واستأذن وطلع عندها دق ودخل عندها ابتسمت: اهلين بالغالي جلس جنبها: هلابك يبه جوانه: امر يبه محمد: يبه انتي موافقه ترجعين لجواد جوانه: ايه يبه موافقه محمد: متأكده يابنتي؟ مو قلتي لي يبه انك بتكونين سعيده من بعده؟ وين راح كلامك جوانه: يبه عرفت ان سعادتي ماكانت غير معه وانا بغبائي صديت عنها .. شفتني يبه كيف جلست اتخبط يمين ويسار ولا ادري وش اسوي مره بقعد مره بسافر احاول اسعد نفسي لكن عرفت الحين اني ماراح اكون سعيده غير معه اخذ نفس: اجل انزل اقول له ابتسمت وحبته على راسه ونزل دخل عليهم وجلس خالد: بشر يابو جوانه محمد: البنت موافقه بس والله يا جواد ان زعلتها هالمره تحمل اللي يجيك ابتسم: ماعاد فيه مكان للزعل بينا ان شاءالله محمد: ان شاءالله جواد بإحراج: احم ياعم بجيب الشيخ الحين ونملك محمد: الحين؟ انت ماتعقل وانا بوك كل شغلك بالسريع .. اول مره اخذتها بنفس الليلة حتى فستان العرس مالبسته خالد: بالاولى يعلم الله ماكان عندي علم والا والله مايرضيني انها تطلع من بيت اهلها بدون عرس ولا فستان جواد: من هالناحيه تطمن ماباخذها الليلة .. انا مجهز كل شي لبكره يعني نملك وبكره بسوي لها عرس يسمع فيه القاصي والداني ابتسم محمد: ان كان كذا ف توكلنا على الله. جيب المملك فز بسرعه بيروح يكلمه ومحمد وابوه ضحكوا على حركته دخلت الغرفه عليها شافتها عند التسريحه تمشط شعرها دانه: يا مجنونه انتي وش قاعده تسوين؟ التفتت لها ببرود: امشط شعري شفيك دانه: لا اقصد وش اللي تسوينه بنفسك ليش بترجعين ابتسمت: لان السعادة اللي دورتها في بعده ماحصلتها دانه بخوف: لا تتسرعين جوانه ابتسمت: هذا القرار الوحيد اللي فكرت فيه شهور وشهور ولا تسرعت في اتخاذه دانه: متأكده من قرارك هزت راسها مع ابتسامه: متأكده ضمتها: الله يسعدك ياروحي انتي ويوفقك بحياتك ويعطيك ماتتمنين جوانه: اللهم امين دخلت امها: جوانه تعالي في بنت صديقتك تقول تبيك جوانه بإستغراب: صديقتي؟ مين؟ عبير: ما اعرف جتني امس تدورك قلت لها انك مسافر ف عطتني رقمها سجلته بجوالي ودقت على نفسها منه عشان تحفظ رقمي .. والحين جت تقول شكلها كتبت الرقم غلط لانه ماجاها اتصالي ف قلت لها زين جيتي لان جوانه هنا .. لو تشوفين فرحتها استغربت اكثر: ماعرفتيها يمه عبير: لا يمه لابسه حجاب كامل دانه بفضول: امشي امشي خلنا نشوفها نزلوا البنات وراحو المجلس كانت واقفه بعباتها من شافت جوانه دمعت عيونها .. دانه وجوانه يناظرونها بإستغراب رفعت يدها وشالت نقابها وما ان شافتها جوانه شهقت وهي تحط يدها عل فمها ودانه لفت وجهها بصدمه وطلعت مو قادره تشوفها قعدت دقايق تناظرها تبي تعرفها ولا قدرت تتعرف عليها جوانه بإحراج: معليش اختي تعرفيني خواله: ماعرفتيني يا جوانه من سمعت صوتها شهقت من جديد مو مصدقه خوله هذي خوله اللي وقفت مع الحياه ضدها هذي اللي كانت بتحرق وجهها انحرقت هي؟ تشوهت هي ؟ نزلت دمعتها من غير ماتحس مو مصدقه كيف صار معها كذا خوله: ربي انتقم لك مني .. بغيت احرقك وشوفة عينك ماقدرت ترد مازالت مصدومه ابتسمت: ولكني الحمدلله راضيه ومحتسبه ان شاءالله .. انا يا جوانه ابيك تسامحيني مافي عذر يغفر لي اللي سويته فيك ادري مافي كلام يعبر وش قد انا كارهه نفسي بسبب اللي سويته معك .. ضميري يأنبني كل يوم .. اقول هذي حوبتها هذا جزاي من الله ع اللي سويته فيها وظلمي لها .. والله اني ندمانه والله ماعاد ابي من الدنيا شي غير انك تسامحيني جوانه سامحيني ادري ما استاهل ولو اعتذر لك سنوات ماراح يكفي قدام اللي عانيته مني بس طالبتك سامحيني وريحيني تكفين ردت بعد مده: اذا الله هداك وردك له. معناته عفا عنك ان شاءالله واذا ربي رضى عنك وهداك وسامحك من اكون انا عشان ما اسامحك. مسموحه ياخوله مسامحتك دنيا وأخره .. راحت لها وضمتها وبكت بكت كثير خوله: الله يسعدك .. الله يفرج همك ابتعدت ومسحت دموعها : مشكورة ماتدرين قد ايش كان حمل ثقيل على ظهري ابتسمت: العفو بدت بتطلع: عن اذنك بس رجعت: ادري ماهو شغلي بس سألت عنك بيت جواد قالو انفصلتي عنه ..بسببي؟ جوانه: لا ماهو بسببك كان بينا مشاكل خوله: جواد يحبك واضح عليه .. ابتسمت: هذا هو بالمجلس وبنرجع لبعض وبكره الزواج ان شاءالله خوله بفرح حقيقي: والله؟ الله يسعدكم ويهنيكم ويخليكم لبعض جوانه: اللهم امين خوله: اممم اقدر احضر العرس؟ جوانه: اعتذر منك بس اللي جاني منك مايخليني اثق فيك حتى وان سامحتك نزلت راسها: معك حق .. رفعته: عموما الف مبروك والله يسعدكم .. فمان الله جوانه: مع السلامه طلعت وهي مبسوطه الحين تقدر تنام مرتاح تسامحت من كل اللي ظلمتهم والكل سامحها الكل كان قلبه ابيض ليش هي كانت حقوده حسوده مايرضيها شي ليش دمرت نفسها بيدها .. تمر عليها اوقات تندم ع سبب تشوهها ولكن تقوم وتصلي وتقول لعلها خيره .. تقول ربي يحبني عشان كذا خلاني ارجع له .. راضيه بحالها الجديد رغم شفقة الكثير عليها من بينهم مشعل اللي رغم كل شي سوته فيه قرر يعالجها على حسابه ولكنها رفضت وقالت انها راضيه بقدرها ولا تبي تغيره لانها مرتاحه اكثر من وقت كانت شايفه نفسها بجمالها ناداها ابوها تكلم الشيخ لبست عباتها وراحت له سألها اذا موافقه والا لا وهي خلف الباب وردت بنعم حس انه ملك الكون من سمع ردها خاف لا ترجع بقرارها .. خلصوا لإجراءات وطلع ابوه وجواد طلب من عمه يناديها يبيها يبي يشوفها مشتاق لها يبي يضمها ويحس بوجودها دق جواله رفعه وكان رقم مايعرفه رد جواد: نعم جوانه: وش ذا الجفاف *وتقلد خشونة صوته* نعم .. الناس تقول هلا فز وقف من سمع صوتها العذب الناعم: حي هالصوت وراعيته جوانه: احم ابوي قال بتشوفي جواد قلبه بيوقف من نعومة صوتها وكأنه لاول مره يسمعه: اي نعم لو تكرمتي علينا يعني جوانه: خلها بكره مره وحده جواد: محتاج شوفتك محتاج حضنك ابي اصدق دخيلك ماني مصدق جوانه بإبتسامه: صدق صدق الحين ارسلك فهد عشان تصدق جواد. ههههه لا لا خلاص مصدق الا فهد لا تخليني التقي معه ابتسمت: هههههه مو عندي اصلا جواد: اشوا سكتت جواد: الحين مابتطلعين؟ جوانه: لأ بكره نلتقي جواد: ااااخ يا ملاكي محتاج حضنك ابغفى مبطي ماغفيت سكتت حاسه بشوقه وهي بعد ودها تشوفه بس ماتبي تشوفه بنفس يوم الملكه ماتبي تشوفه بعد توقيع العقد على طول ف راسها ان هذي الطريقه بس طريقة زواجها الاول منه ولا تبي تشبه هالزواج بالاول ماتبي تشوفه الا وهي بفستان الزواج حاول فيها ولكنها رفضت وهو قدر وضعها وخلاها براحتها ماعاد يبي يجبرها على شي لها الحق انها تختار اللي تبيه مـــــــســـــاء الـــــيـــــوم الـــــــثـــــانـــــــي انفتحت انوار القاعه امتلت بالورود بكل مكان .. كوشتها عباره كلها عن ورد .. الطاولات الممر دربزين الدرج كل شي مليان ورد بطريقة مرتبه تذهل الناظر لها .. سقف القاعه نازل منه شيفون ناعم ممسوك على جوانب القاعه وبعض قطع الكريستال النازله واللي زادت المكان فخامه .. الطاولات كل طاوله عليها مراية دائريه تلف على اطرافها قطع شوكلت وحلويات غربيه وعربيه منسقه بشكل مذهل .وتتوسط الطاوله فازه طويله من الزجاج بوسطها ورد. الموسيقى كان جايب فنانين كبار و مشهورين من غير الفرقة الموسيقيه الاجنبيه ..... ودقت ساعة فرحهم وعمت المكان ريحة العود والمسك واللي اختلطت بريحة الورد واعطى المكان نكهة خاصه تعلن عن ليلة مميزه جدا بدا الحضور يتوافدون من شخصيات مهمه وناس من طبقات عاليه .. وسميره واقفه مع ام جوانه يرحبون فيهم في الغرفه عند اميرتنا .. كان فستانها ناعم بيدين شفافه تملاها قطع الالماس الصغيره .. ماسك لين خصرها ومنسدل على باقي جسمها بنعومه .. زادت جمال بشعرها المفتوح بشكل مرتب ويفي. منسدل على ظهرها ومزينها من فوق تاج رقيق مزين بالاماس والاحجار الكريمه.. نازل منه طرحتها الناعمه الطويله .. كل طلتها ولبسها كان ذوق جواد اللي طلبه من اكبر المصممين من وقت عرف مكانها وكأنه عارف انها ماراح ترده جالسه وقلبها يرجف بقوه .. سمعت صوت منيره وسميره وهم يطلبون منها النزول وقفت مسكت على قلبها وهي تدعي وتهدي نفسها .. وقفت قدام البوابه الكبيره وهي تسمع صوت الموسيقى يبتدي .. انفتحت الابواب وطلت قمر هالليله ماكانت شايفه شي من الاضائه القويه اللي تعمد جواد يحطها .. انطفت فجأة الاضائة وعم الظلام بالقاعه بدت بتتكلم بس سكتها صوته العذب وهو يبتدي الاغنيه بصوته انفتح النور وتفاجأت من وجوده بأسفل الدرج ماسك المايك ويغني لها إدخلي عمري بخطوتك اليمين إضوي أيامي وعتمات السنين قرت عيوني بشوفك مقبلة يا الملاك اللين العذب الرزين إسمعي نبضي وراء صوت الدفوف من لمحتك ضيع الشوق الحروف إسمعي نبضي وراء صوت الدفوف من لمحتك ضيع الشوق الحروف جواني يا شمعة حياتي و دنيتي يا ضيا عيني وأغلى ما تشوف إدخلي عمري إدخلي عمري بخطوتك اليمين إضوي أيامي إضوي أيامي وعتمات السنين إضحكي يا نور عيني وإسعدي خلي الفرحة في عمري تبتدي العمر قبلك وهن ما يحتسب هذي الليلة تراها مولدي إدخلي عمري بخطوتك اليمين إضوي أيامي وعتمات السنين كان يغني وهو طالع لها ومن خلص كان واقف جنبها قبلها على جبهتها وسط صراخ بعض البنات اما هي ف كانت بتموت الحين غير الحين عارفه انه يعشقها وميت عليها حست وكأنه لاول مره يبوسها مسك يدها وكملو باقي الطريق مع بعض وقفو بنص الممر وجتهم الكيكه الكبير المكونه من 8 طوابق مدت له امه السيف وقطعها هو وجوانه كملوا طريقهم وهو عينه عليها والمصورات متقروشين معه يبونه يطالع الكميرات بس هو ماهو قادر يزيح نظره عن ملاكه .. وصلو ع الكوشه صار ينزل عليهم الورد بهدوء جواد بهمس: مفروض ينزل بسرعه وبكثره بس من نعومتك خفت حتى من اوراق الورد تجرح خدك دوروها ماعاد تلاقونها باقي شوي وتغوص بملابسها من كلامه وشكله وكل شي لف راسه واشر للفرقه الموسيقيه اللي جايبها انو تبدا العزف .. شال البشت ومده للخدامه اقترب منها حاوط خصرها بيد واليد الثانيه رفعت راسها ومشت على كتفها وكامل يدها لين استقرت بكفها مسك يدها رفعها وصار يتمايل معها يرقصها على انغام الموسيقى الهاديه وكل نظراته مركزه على عيونها الحور اللي جننته بسحرها ولمعانها وكثافة رموشها والبرائة اللي طيحت قلبه بحبها من زمان .. وده لو كان وحده معها .. بعيد عن كل هالعالم .. نزل يده من يدها وثبتها كلها على خصرها وماشافت نفسها الا وهي طايره ويدور فيها والبنات صارو يصرخون على الحركه .. اما جوانه ف كانت تضحك لاول مره تكون واثقه فيه ولا تقوله نزلني عارفه انه يموت ولا يمسها الضر .. نزلها اخيرا وضمها لصدره تدخلت سميره وهي تضحك وتسحبه: شكلك مو ناوي تطلع الليله جواد: ههههه والله الود ودي ابلط هنا ايتسمت: جعل السعاده ماتفارقكم .. وجعلها زواجة الدهر .. جواد باسها: اللهم آمين يا الغاليه ناظر جوانه وهمس لها: اااه بنتظرك على احر من الجمر لا تطولين دخيلك .. هدني الصبر كالعاده انصبغت باللون الاحمر ابتسم على حالها وراح مع امه طلع وجوانه جلست وجوها البنات وامها باركو لها فرح: اقول جوانه وريم ماعندكم اخ ثالث لازواجكم تهدوني ياه لمى تضربها: يالخاينه وفوازوه اللي متقطع عليك فرح: اخوك مطفر خلني اخذ لي واحد معه فلوس عشان اذبحه واورثه وبعدين اخذ اخوك دانه: هههههههه ريم: للاسف راحت عليك خلاص هم اثنين واخذناهم فرح: ابوهم مايبي يتزوج الثانيه جوانه: ههههههه اسكتي لا تسمعك خالتي والله ان تعلقك مع رقبتك فرح: خخخخ دعابه لمي: خلي دعاباتك تنفعك كلمت فواز وسمعك فرح وهي مبققه عيونها: يابنت الايش تعالي والله ما اخليك لمى بخوف وهي تمد يدها تحمي نفسها من هجوم فرح: لالالا اهدييييي وخلينا حبايب انتي في مجتمع راقي وكذا ف هدي ي حلوه لا يقلعونك مع الباب جوانه: ههههههه بس انتي وهي موتوني دانه جنبها تكلمها بخفيف: اضحكي جعل مايضحك غيرك .. افرحي وانبسطي .. ماتليق عليك الا السعاده ناظرتها بحب:احبك دانه: ههههه وفري هالكلمه لحبيب القلب جوانه: اااه متوتره كني اول مره بشوفه. من افكر احس قلبي يدق بقوه دانه: يابعد قلبي عادي تصير انتي بس هدي حالك واستانسي الليلة ليلتك اشتغلت اغنيه تحبها دانه وقفت: يلا يلا ترقصين جوانه: لا وين انحرج دانه: قومي بس ارقصي انا بعيد زواجي شكلي ماتهنيت فيه ولا رقصت جوانه : مدري عنك خربتي ليلتك براسك اليابس ذا دانه: يلا ماعليه اعوضها لسى العمر قدام بدت الاغنيه وسحبوا البنات جوانه بالغصب ورقصوها وهي واصله اخر مراحل السعاده وماتشوف غير ابتسامتها اللي شاقه وجهها ....................................... دخل جناح الفندق وهو شايلها جوانه: جوااااااد يا مجنون فضحتنا وين العقل وين الرزانه نزلها حضن وجهها وتأملها: من اشوفك ينسلب عقلي مني وكني شارب بس بالحلال نزلت راسها بخجل ف رفعه: مابي انحرم من شوفتك ثانيه .. ااااخ ياقلبي واخيرا تحقق حلمك وصارت اللي عذبتنا معنا صارت جنبنا وهالمره مابتفارقنا خلاص ياقلب ودع الالم والعذاب ودعه اقترب منها قبلها على جبينها غمضت وقبل عيونها .. كمل ونزل على شفاتها وارتوى رفع راسه عنها : خمري المباح يسكن في شفاتك .. من لذته كل ما ارتويت منه زادني عطش غاصت بملابسها ضحك على خجلها بس مارحمها من الغزل يدري فيها تموت وتنحرج ولكنه مكمل عاجبه خجلها عاجبه حمرة خدودها مو قادر اصلا مايتغزل فيها مو قادر مايعبر عن مشاعره خلاص انتهى زمن الصمت انتهى زمن الغرور والتظاهر بالبرود .. الحين محد راح يسكته بيدللها بيظهر حبه اللي اخفاه وكتمه بداخله ايام وشهور كثيره سكت اخيرا رفعت راسها له بهدوء تأمل عيونها وهي تاهت فيه وفي عيونه الناعسه ابتسم ابتسامته اللي تسحرها وخلى قلبها ينطق غصب جوانه: أحـــــــــــبــــــــــك غمض عيووونه حس انه بهالحركه قاعد يخبيها يبيها تثبت بعقله هاللحظة ماراح ينساها بترسخ في عقله لأخر عمره .. اول كلمة احبك تقولها له مستحيل بيوم راح ينساها فتح عيونه وضحكته شاقه وجهه شالها وهو يتوجه لغرفة النوم وسط ارتباكها خجلها وغزله وجرائته وصوت ضحكتهم الاثنين وتقفل باب يعلن بداية حبهم الابدي .. حب اوجعهم كتمانه .. اثنينهم ذاقوا مر وعذاب هالحب والحين جا وقت يذوقون حلاوته وأخيرا انتهت معاناتها اللي استمرت سنتين ونص عاشوها بحلوها ومرها بوجعها و فرحها انتهت قصتها اللي ماتوقعت بيوم انها بتنتهي بسعاده .. هالمره اوفى بوعده لأبوها حبها دلعها سكنها فوق الغيم محى اوجاعها القديمة وغرس لها بمكان جروحها ورد عيشها بسعاده كل يوم يحبها اكثر من اليوم اللي قبله كل يوم يشوفها كأنه شايفها لأول مره نساها شي اسمه وجع وماشافت معه الا السعادة ............................................ ............................................ ............................................ بــــــــعــــــــــــد اربــــــ4ــــــع سنــــــــــــوات رتبت الصاله بخرتها وعطرتها حطت الصندوق على الطاول بالوسط راحت لبست وزينت نفسها رجعت وهي تناظر ساعتها .. رفعت جوالها بتتصل بس سمعت صوت الباب ينفتح انتظرت بحماس شوي ودخل اخذ نظره ع المكان واستقر نظره عليها ابتسم وهو يقترب منها حضنها بحب فيصل: وش كل ذا؟ اليوم مو عيد ميلادي ولا ميلادك ولا ذكرى زواجنا ابتسمت: اليوم بيكون افضل من اي يوم كان قبله فيصل: شوقتيني شسالفه؟ منار: امممم افتح الصندوق راح للصندوق فتحه كان كيكة مكتوب عليها عبارة خلته يطيح ساجد ع الارض دمعت منار وهي تشوف حالته وناظرت الكيكة المكتوب عليها "انتظرني بعد تسع شهور يا بابا" وقف وضمها: حقيقة؟؟؟ صدق منار؟؟ صدق والا قاعد احلم اختلطت ضحكتها مع دموعها: حقيقة ياروحي والله حقيقه ابتعد: اللهم لك الحمد حتى ترضى ولك الحمد بعد الرضا ولك الحمد إذا رضيت .. لك الحمد والشكر يارب منار: قلتلك خل املك بالله كبير .. ربي مايخيب رجا مسك يدها وجلسها: من اليوم مابي منك ولاااا حركه فاهمه اكلك يوصلك لين عندك .. امري وتدللي منار: ههههه لا عاد مو لها الدرجه فيصل: من بكره اقدم لك على خدامه ومابيك تتعبين نفسك بشي منار: لا تخاف حبيبي .. ماراح اسوي اشياء تضر الجنين فيصل: طيب ارتاحي بس منار: بقوم اقطع الكيكه فيصل وقف: انا اقطعها استريحي منار: ههههه على كذا بتخليني مشلوله فيصل: عادي انا اسويلك كل شي منار: ناسي ان بكره زواج اخوي فيصل: مابتروحين منار: لا والله؟ ؟ فيصل: اروح بدالك واصور لك بث مباشر من قاعة الحريم منار: ههههههههههه عاد هذي مايمديك بدالي ابتسم ورجع يسأل: من جد انتي حامل؟ منار: اي والله حامل وقف بيقطع الكيكه ناظرها ورجع جلس: والله ماتتقطع وولدي كاتب لي بابا منار: هههههههه فيصل بلا استهبال انا كاتبتها يلا عاد ابتسم: ولا تحلمين اقطعها .. فيها كلمة بابا منار: ياربي ليتني ماكتبتها .. ترا خاطري فيها بعدين يتشوه النونو يكون بعلمك فيصل: طيب نقطع الجزء اللي ماعليه بابا منار: يااااربي وش بتسوي بالباقي تحنطها مثلا فيصل. ايه احطها في الفريزر تتجمد وكل يوم اشوفها لين يجي البيبي منار: ههههه لا بالله جنيت فيصل: قولي اللي تبين محنطها محنطها الله لا يعوق بشر منار: هههههههههههههههه التفت لها: من جدك حامل؟ جالس بالحديقة يناظر السما ويتأملها :بوووووو التفت وابتسم وهو يتمسخر: يمه خفت جوانه وهي تجلس جنبه: هههههههه حاوطها بيده وسحبها له تأملها يحبها يعشقها بكل مره يشوفها كنه توه ماخذها جوانه: وش قاعد تسوي؟ جواد رفع يده: اسولف مع نجمتي ضربت يده: لا هذي حقتي خير جواد: ههههه صارت لي بعد ماغبتي عني فتره .. كنت اشكي لها منك ومن بعدك ابتسمت: للحين تذكر؟ جواد: وكأنه امس سكتت تناظرها رجع شعرها خلف اذنها ونزل راسه وهو يسنده على كتفها بحيث صار خشمه برقبتها جواد: يا أجمل أجمل الاشياء أحبك حس بدمعتها اللي نزلت على خده رفع راسه مصدوم جواد: خير يا ام دميعه جوانه بوسط بكاها: هههههه ابتسم: مضايق شي يابعدهم جوانه: لا مبسوطه كثييير كل يوم اخاف يكون اللي قاعده اعيشه حلم واصحى منه قرب منها شم خدها وتخدرت من لمساته بس فاجأها وعطها عضه على خدها لين صرخت وهي تبعد وتفرك خدها جوانه: ااااااي يا حمااار جواد: ههههههه عشان تصدقين جوانه: طيب اوريك جواد: هههه حلالك سوي اللي تبين .. كل شي منك حلو ناظرته شوي وهو رجع حط راسه على كتفها بس هالمره يناظر قدام جوانه وكأنها بحلم وكل مره تسأله نفس السؤال جوانه: جواد ببحه: لبيه جوانه: تحبني؟ بدا يغني لها ومازال نفس وضعه .. يدري انها تعشق تسمع صوته بالغنا وهو مايقصر معها كل ماجا بباله شي غنا لها جواد: مو بس أحبك أنا تتنفسك دنـيـاي واتخيل إني وصلت لمرحلة في الروح خجلان من طيفك اللي متـعبـه ويّاي من زود مَنتـه على بالي تجي وتروح الله لو تـدري قلبي وش كثِـر مـمـلاي شوق ٍلعينك وْشوق لوجهك المملوح وش قد أرتّـب كلامي لك قبِل ملقـاي وش قد يضيع الكلام بْشوفِتِك والبوح غلاك عـوقي وهو نفسه لِـعوقي دواي كِن بُعدِك اليَم وْوَصلِك هو سفينة نوح ما تـبـتـهِج نفسي إلاّٰ وإنتَ في يمنـاي وْما يلوي ذراعي إلاّٰ ضيـقتـك والنـُوح وجودك بعمري شي مثل الهوى والماي وغيابك أبسط تـعاريـفه شِـقـا و جْروح ردّيت روحي بْرجوعك يا بْعدي و مْنـاي وْيـالضحكة اللي أصير إلها فِدا وآروح صرخ بصوت عالي: رررررريييييييم جالسه وتشرب قهوتها وتطالع تلفزيون وتبتسم على صراخه طنشته لين خلصت فيلمها وراحت له مو قاعده تسمع حسهم من ساعتين تركت العيال معاه وقفلت عليهم وراحت تشوف فيلم بكل رواقه .. دخلت المفتاح بالباب بكلللل هدوء وفتحت من طق القفل انحاشت انتظرت شوي توقعت يخرج يعلقها من رقبتها بس كان هدوء راحت وهي تفتح الباب بشويش ناظرت يمين يسار ماشافت احد ريم: جاد كان باب البلكون مفتوح راحت بسرعه ناظرت وعرفت انهم اكيد بالغرفه الثانيه اللي بلكونتهم وحده ممتده راحت تشوف دخلت الغرفه مالقت احد نزلت تدور البيت كله: يمه عيالي وين وداهم اخذت جوالها ودقت عليه مارد وعطاها مشغول دقت اكثر وبكل مره يطلع لها مشغول شوي واتصل وردت بسرعه: ويننننكم جاد: ياخي انتي مزعجه شتبين؟ ريم بققت عيونها: انا وش ابي؟؟ جاد: ههههه ايه انتي اجل تقفلين علي مع بزارينك الشياطين ريم بعتب: جاااااد يلا عاد وينكم جاد: عيالك عند امي وانا رحت ادلع نفسي توي مخلص جلسة مساج يا الله وش كثر استرخيت يد العامله مرررييييييحه جنت وقعدت: يا قليل الادب خيييير ان شاءالله خلصت الاماكن اللي فيها رجال جاد يكتم ضحكته ويكمل كذب: لا وش ابي بيد رجال مافيها نعومه .. هذي وش زينها تقل قطنه ماشاءالله عليها طلعت براكين من راسها: هين ياجادوه انا اوريك جاد: لحظة حبيبتي سكتت جاد: وش احسن اشوف فيلم اكشن والا رومانسي لاني الحين بالسينما ولعت اكثر: فيلم موتك الليلة على يدي جاد: ههههههههههههههههه .. يلا باي بيبدا الفيلم وانتي خليك ع التي في قفل وهي نزلت مقهوره راحت القصر دخلت وشافت سميره ماسكه رهف الصغيره ومشاري يلعب بألعابه مع الخدامه جت مطنقره جلست جنبها سميره: بسم الله عليك حبيبتي شفيك ريم: جااااد طلع يتمشى راح مساج وراح سينما وبيتعشا لحاله وانا تاركني ابتسمت: تبين نطلع نقهره ريم انبسطت: والله؟ سميره: والله.. اصلا من زمان ماطلعت وقفت: اوك اجهز نفسي واجي سميره: والعيال خليهم مع ماري تدير بالها عليهم ريم بتردد: لا خالتي اخاف من الخدم ما اضمنهم سميره: هذي معنا من زمان ماعليك انا اضمنها لك استانست وراحت لبست ورجعت وطلعوا كم ساعه الا جوالها يدق ماردت مرتين وثلاث واخيرا ردت: نعم تراك ازعجتني جاد بصدمه: وينك فيه؟ ريم: طلعت مع خالتي الحمدالله ماتوقف الدنيا ع احد عاد تونا مخلصين جلسات مساج طلعت صادق ياهو مريييييييح بنروح نتعشا وبعدها نتقهوى ونجيك جاد مصدوم: ترا يالخبله كنت امزح معك كان عندي مشوار ضروري ورحت له ريم: عاد كيفك تحمل ذنبك على جنبك محد قالك اكذب جاد: ياربي من هالبزر يلا تعالي عيالك جننو الخدامه ريم: خذهم عندك خالتي تقول لان ماري صار وقت نومها جاد: هذي والله البلشه ريم: هههههه تستاهل احد قالك تكذب؟ جاد: طيب يا حلوه مردوده لك قفلت منه وهي تضحك تعشت هي وخالتها وتقهوا ورجعت البيت اول مافتحت الباب مسكها من الخلف حاوطها بيدينه ومنعها الحركه ريم: دقيقه خل افهمك جاد: ولا نص ثانيه .. طالعه من دوني اجل؟؟ ريم: انت بديت قلت لي طلعت جاد: وانتي اي شي اقوله تصدقينه يعني بالله بالسعوديه في بنت تسوي مساج؟ ريم: مدري مافكرت بالموضوع جاد: ثاني مره فكري ياحلوه ريم: خلاااص فكني وجعتني لفها له مسك خصرها وشدها لصقها فيه جاد: تستاهلين اكثر رفع يده لذراعها وقرصها قرصه قويه وهي صرررخت ابتعد عنها وهو ميت ضحك وهي تفرك يدها ريم: اااي ااهي اهي تعور ياغبي وبكره بيصير لونها اخضر وانا وراي زواج شاف علامه يده احمر وحس انه صدق عورها راح اخذ ثلجه ورجع لها شافها طالعه الدرج جاد: اصبري تعالي ريم بزعل: مابي طلع وقف جنبها وهو يمرر الثلجه عليها ريم: ايه توك تحس جاد: تستاهلين عشان مره ثانيه ماتطلعين بدوني ريم: الا بطلع كيفي جاد: اي طيب ان عديتي باب البيت حشيت رجولك ريم تضرب رجلها: ااااااووووف ليش طيب شال الثلجه عنها ورمها بالزباله حضن خصرها بيدينه: انتي حقتي لي بس انا مابي طلعاتك الا معي ولا ضحكاتك الا معي ولا جنونك الا معي رفع يده وسحب ربطة شعرها اللي طاح على كتوفها بنعومه .. سحبه وشمه جاد: مشتاقلك يابعد الدنيا ابتسمت: تذكر يوم كنت تقول لي قصيه جاد: اذكر ريم: ليه جاد: احبه لدرجة مابي اشوفه يزيد جمالك ويخليني اتعلق فيك حاوطت رقبته بيدينها وهو حاوطها من ظهرها ورفعها له صار وجهها برقبته ورجولها طايره ريم: احبك يا اول احلامي واخرها ضمها له اكثر: احبك يا بعد هالكون ظلت على حالها متعلقه فيه ابتسم وطلع الجناح مبسوط وبيجن من انفاسها اللي تضرب برقبته دانه: امجد وين مودينا امجد: اصبري يادنيتي انتي وراك مستعجله دانه: بس اسأل وصلوا الجبل .. يعني المكان اللي يبيه كان مزين فيه خيمة بالشيفون عليها إضاءات نازله منها وحولها وفيه طاوله خشبيه بالوسط جنبها مخدات .. الطاوله مزينه بالورود والشموع وعليها كيكه وصحنين مرتبه بأناقه نزلت مصدومه من جمال المكان والترتيب ناظرت فيه وابتسم امجد: كملت خمس سنوات مع قمري نزلت دموعها مو مصدقه انه سوا هالشي ومانساه ضمها لصدره: اجمل يوم بحياتي يوم عرفتك دخلتي لحياتي ومليتيها حب ابعدت راسها ومازال حاضنها تكلمت ووجهها بوجه دانه: ماندمت ولا يوم انك اخذتني؟ امجد: يشهد علي الله اني احمد ربي كل يوم عليك ولا عمري ندمت ولا راح اندم .. انتي اجمل اختيار اخترته بحياتي احبك .. احبك من هنا لأخر عمري يادنو ابتسمت: وانا اعشقك وربي اموت فيك صحيح مطلعتلك قرون بعنادي وغبائي بس وربي احبك امجد: احب عنادك واحب غبائك جنونك وهبالك احبك كلك من راسك لرجلك بعيوبك وحسناتك احبك يا أم لسان دمعت عيونها ف رفع يده: لا لا لا مافي دموع اليوم .. والله يا دانه مابي من هالدنيا غير وجودك جنبي .. دانه: الله لا يحرمني منك ولا من حبك ولا من قلبك .. قربت وباسته على خده بوسه طويله ضيعته امجد بربكه: احم تعالي تعالي نقطع الكيك قبل يصير شي مانبيه يصير الحين ههههه ابتسمت وراحت معه قضوا ليلهم كله بالسوالف عن كل شي عن ماضي جمعهم عن حبهم عن مستقبلهم ومارجعوا البيت الا بعد الفجر وكل واحد فيهم يدعي ربه ماينحرم من الثاني مـــــــســـــاء الـــــيـــــوم الـــــــثـــــانـــــــي على الكوشه تفرك يدينها ببعض متوتره بعد شوي بيدخل يزفها راحت لها جوانه مسكت يدها جوانه: والله انه يحبك منيره بحزن: وهذا اللي مزعلني .. خايفه ما اقدر جوانه: لاتنسين هذا حبيبك كنتي معه ست سنوات من قبل اعرفك وانتي تعرفينه .. انسي كل شي عيشي حياتك وانبسطي يا روحي ولا تخلين هالوساوس تأثرعليك ابتسمت: احاول جوانه: قومي ارقصي عشان تفكين عن نفسك ذا التوتر وقفت: يلا مسكتها جوانه ورقصت معها وهي استمتعت ونست الموضوع في جهة الرجال تقدم منه مد يده وسلم عليه جواد: الف الف مبروك فهد: الله يبارك فيك جواد: تستاهل اعذبك عليها زي ماعذبتني ابتسم: والله شسوي انت كنت تستاهل يعني بعد اللي قريته وش كنت متوقع مني اخذ نفس: حصل خير ماضي وانتهى والحين خلاص صرنا نسايب وان شاء الله ما بينا خلاف ابتسم: ان شاءالله بدا يمشي ورجع: قلتلك بيوم الخطبه ابي باقي الورقه لقيتها؟ فهد: لقيتها ارسلها لك بكره جواد: لا لا انت بتنسى انا بجيك بنفسي اخذها فهد: طيب بس مو بكره عاد .. كنت بصرفك جواد: ههههه طيب طيب .. ابتسم: ولا يهمك كم يوم افضى واجيبها لك جواد: انتظرك ........................................ دخلت الجناح قبله وقف ع الباب للحظات وبعدها تقدم منها ضمها من الخلف وهو يحاوطها وهي كزت .. ماتركها رغم الرجفه اللي اعترت جسمها ظل حاضنها لحد ماهدت رجفتها وانتظم نفسها من جديد رفع نفسه ولفها له سحب يدها وباسها سحبت يدها منه وظلت ماسكتها بيدها الثانيه مقدر خوفها وحركاتها .. حاول يطلعها من جو الخوف بأي سالفه تخطر على باله فهد: تدرين زمان وانا صغير كان عندنا بنت بالحاره .. كل يوم تجي عندنا تسولف مع امي وتلعبني ومره تعطيني حلاوه وفي يوم طولت ماجت سالت امي قالت انها تزوجت .. عاد انا حقدت عليها قلت هين والله اعلمه زوجها ليش ياخذها مني .. كنت انتظرهم كل ليله قدام باب بيتنا لين أخيرا شفتها ومن شفتهم اخذت لي اقرب حجر ورميته ابي افقع راس زوجها بس تصوبي كان احول جا بالبنت وانا فقعت حطيت رجلي ما وقفت الا بالحي الثاني منيره: هههههههههههههههههه ابتسم ويكمل: والله يا اني اتوقع مشيت فوق العشره كيلو كلها ركضه وحده ولا التفت خفت يمسكوني .. منيره: ومسكوك؟ فهد: ولا دروا عني بس حبيبتي المسكينه راحت فيها اتوقع وقتها خيطوها منيره: حبيبتك في عينك فهد: ههههه غيرانه من وحده تلاقينها الحين كبر امي منيره: حتى ولو ماتقول هالكلمة لغيري فهد: اااابشري على هالخشم سكتت فهد: احبك والله احبك قضى ليلته معها على سوالف وضحك ومره ينكت ومره يعطيها الغاز .. مايبي يكرهها فيه ولا يبي يذكرها بشي مضى يبي يحسسها ان الوضع عادي لين ترتاح وتهدا وتتعود عليه بعد كم يوم من زواجه دق عليه بعد العصر قاله انه واقف ف نزل وطلع له سلمو على بعض جواد: كيفك وكيف منيره فهد: بخير الحمدلله جواد: هاه وينها جبتها؟ دخل يده بجيب ثوبه طلع الورقه واعطاه فهد: عاد بعد تقراها تذكر ان اللي سويته عشان جوانه عشان تنساك لانك كنت اشوف انك ماتستاهلها جواد: ليش وش المكتوب؟ فهد: بتقراها وتعرف اخذها ورجع البيت جلس بالحديقه وناظرها كانت ورقتين اخذ نفس طلع الورقه اللي معه من الاول ولزقهم مع بعض وقراها ها انا راحله اليوم الى مكانٍ ليس بغريبٍ عنك مكان جمعني بك في يوم من الايام .. حاولت ان اتجاهل احساسي حاولت كرهك ولكنني في نهاية الامر انتهى بي المطاف اهرب منك اليك يا وجعا سكن اعماقي وسيطر على قلبي .. لم استطع نسيانك وكيف لي ان انساك وانت وشمتني بنارك ووضعت بصمتك علي كيف انساك ومازال اثر سجارتك على جسدي .. كيف انساه وهو يحرقني كما لو انك الأن اطفأت سجارتك بي .. نعم أشعر به رغم كل تلك المدة التي مرت عليه .. لان وجعه ليس في جسدي انما في روحي .. ووجع الروح لا يبرأ اتعلم ذاهبه الى لندن الجميلة كي اضمد جراحي كي اعيش ذكرى تحولك من شيطان الى انسان مليء بالمشاعر والاحاسيس .. سأعترف هناك على ارضٍ جمعتني بك بأنني أحبك ولم استطع ان اكرهك بعد كل مافعلته بي هذه المره لن اهرب منك ف انا ذاهبه اليك جدني فقط وسأكون لك. غمض عيونه بقهر تحبه .. تحبه حتى من قبل تسافر جواد: الا يافهد عز الله انك اخذت حقها مني وزياده .. موتني بالورقه اللي معي وكانت ورقة حياتي عندك .. كنت عارف عنها عن حبها ولا قلت لي ؟؟ حرقت قلبي عليها اي بالله حرقته غمض عيونه طلع جناحه دخل مكتبه فتح الدرج السفلي وبان ملامح الصندوق الخشبي المتخبي ورا الملفات طلعه فتحه يبي يحط الرساله فيه ابتسم وهو يشوف اللي فيه طلع عطر وشال و فرد واحد من حلق الحلق طاح منها بأول يوم شافها بيوم الحادث ولا عرف ليش اخذه والشال وقت حادثه هو بعد ما انشل لقاه بغرفتها والعطر اخذه منها في اخر ليلة جمعتهم قبل يتطلقون يعني له الكثير هالصندوق ولا راح يعلمها عنه كل قطعه فيه تذكره بوجعه في غيابها كلها جمعها بوقت بعدها عنه الحلق اول تعارف واختفت الشال اول فراق العطر قرار انفصالها الثاني عنه .. والورقه بعد الطلاق رجعهم وشاف الشي اللي يوجعه السيجار اللي حرقها فيه .. تاركه عشان يذكر حقارته يذكر تجرده من الرحمه وعشان كل ماشافه يزيد في حبها اكثر واكثر قفل الصندوق ورجعه اندق الباب وطلت براسها جوانه: اقدر ادخل شافها وحس كأنه توهم تزوجوا كأنه يشوفها لأول مره ابتسم وفتح لها يدينه راحت له جلست بحضنه وضمها شم شعرها مع رقبتها جواد: احبك ابتسمت وسكتت جواد: انتي طالعه بخيله على مين؟ جوانه: ههههه ليش؟ جواد: يعني الناس ترد بكلام حلو وانتي تعطيني اياه بالقطارة جوانه: هههههههه المرة الجايه اقولك شدها من عند بطنها لانها كانت بتقوم: ماراح تروحين مكان لين تغرقيني بكلمات الغزل جوانه: طيب اتركني وانا اقولك .. البيبي بتأثر عليه بالضغط جواد: ماراح اخليك لين اسمع اللي ابيه كل مره تقولين كذا وما اشوف الا غبارك .. تنحاشين جوانه: لا لا مابهرب صدقني جواد: لو هربتي هالمره ترا مابرحمك بلحقك وتشوفين وش يجيك جوانه: طيب اتركني وتشوف بغرقك حب وغزل جواد: احلفي جوانه: افا وانا ام خالد تشك فيه؟ جواد: ههههههه اثق فيك شال يده عنها وتركها: يلا قولي وقفت مشت خطوتين جوانه: ولعبت عليك للمره المليوون مدت له لسانها وحطت رجلها وهي تهرب وقت شافته وقف بيلحقها نزلت الدرج تركض شافها خالد الصغير وترك العابه وركض وراها وجواد صار يلحقهم وهو يصيح عليها تنتبه للي في بطنها وهي ولا فكرت طلعت للحديقة تركض والسعاده تغمرها حبيبها جنبها كل يوم يحبها اكثر من اليوم اللي قبله وطفلهم الاول يلعب معهم والثاني جاي بالطريق وحياتها مستقره بوسطهم راحت تركض وهي تحس انها طايره فوق الغيوم ماهي بالارض من كثر سعادتها وماكان ينسمع غير صدى صوت ضحكاتها وضحكاته خلفها ............ ........................... ............................... الـــــنــــهــــــــــــ ــــايـــــــــــــة تمت بحمد الله اخيرا اكتملت الرواية بعد معاناة طويله معها وطق ومطاقق ههههه وتركها واهمالها والرجوع لها اول واخر رواية اكتبها 😅 احب اشكر كل من دعمني وكل من طلب مني اخلصها رغم مرور وقت طويل عليها بس فيه ناس طالبوني بتكملتها على الانستا رغم ان وقتها مو هالوقت .. كان وقتها الصح ب2016 ولكن للاسف ما الله كتب اكملها الا الحين احب اهدي لروايتي اغنية عبدالمجيد مع السلامه ياحبيبي هههههه اغرمت بها الاغنية كثير اخر فتره بصراحة حزينه بوداع ابطالي عشت معهم فتره ماهي بسيطه بكيت معهم ضحكت معم فرحت مهم .. صعب علي فرقاهم للامانه صاروا جزء لا يتجزأ من يومي ااااخ احس ببكي هههه عاد واسوني بتعليقاتكم مو تسحبون زي كل بارت انزله ما احصل اي تفاعل .. ردو تراه اخر بارت ................................. ............................. وأخيرا احب أشكر صديقة اشتقت لها كثيييير صديقة عمري كانت معي في بداياتي ساعدتني كثير ووقفت معي اني اكمل ودعمتني .. للاسف انقطعت عنها من اكثر من ٤ سنوات صديقتي الغالية نسيم (سومه) مانسيتك لحظة .. فقدتك والله فقدتك كثييييير كل اللي اتمناه ان كنتي تقرين الروايه انك تكونين بخير كانت معجبة بالرواية كثير وتتمنى اخلصها .. وهذي انا خلصتها ولكنك منتي معي .. بقولك اني مستحيل انساك مهما مرت سنين وسنين وراح تبقين بالقلب يا صديقة روحي❤️❤️ الى اللقاء Noona/حـــــــنــان | ||||
|
| |
|
16-08-23, 04:33 AM
| #96 | |||||
| اقتباس:
| |||||
|
| |
|
| أدوات الموضوع | |
| انواع عرض الموضوع | |
|
|
215Likes
العرض العادي
