شبكة روايتي الثقافية

شبكة روايتي الثقافية (https://www.rewity.com/forum/index.php)
-   الروايات الطويلة المكتملة المنفردة ( وحي الأعضاء ) (https://www.rewity.com/forum/f118/)
-   -   رواية أخاف احبه ويتركني واخاف ابعد واتعذب للكاتبه حنان/noona *مكتملة* (https://www.rewity.com/forum/t484631.html)

حناآان.. 02-12-21 07:16 AM

رواية أخاف احبه ويتركني واخاف ابعد واتعذب للكاتبه حنان/noona *مكتملة*
 



السلام عليكم ورحمة الله وبركاته



تمت كتابة هذة الروايه عام 2016 تقريبا قبل 6 سنوات ولكن وصلت فيها لنقطه ضاعت جميع افكاري وتبعثرت مخططاتي .. ماقدرت اكملها ... ولكن بعد هالسنين جلست عليها قبل كم شهر وعدلت فيها الكثييير من احداث من شخصيات ولكن مازالت نفس القصة وحلفت ما انزلها الى ان اكملها والحمدلله خلصتها وجميع البارتات موجوده.

اعتذر عن المقدمة الطويله ولكن حبيت اوضح الصورة


رواية

((اخاف احبه ويتركني واخاف ابعد واتعذب))

للكاتبه: حنان / noonaaa

واعلمو قبل قراءة الروايه انها من وحي الخيال فما نسجت من خيالي لا مقارنه له بالواقع وشكرا

تحياتي وقراءة ممتعه





الرواية غير حصرية





روابط الفصول

الفصل 1 .. المشاركة التالية
الفصول 2, 3, 4 .. بالأسفل

الفصول 5, 6, 7, 8, 9 نفس الصفحة
الفصول 10, 11, 12 نفس الصفحة
الفصول 13, 14, 15, 16, 17, 18, 19, 20, 21 نفس الصفحة
الفصول 22, 23, 24, 25, 26, 27, 28, 29, 30 نفس الصفحة
الفصول 31, 32, 33, 34, 35, 36 نفس الصفحة
الفصول 37, 38, 39, نفس الصفحة
الفصل 40
الفصل 41
الفصل 43
الفصل 44












حناآان.. 02-12-21 07:32 AM



الجزء الأول


أهديتك قلبي منذ أول لقاء فأصبح ملكك
أهديتك عيني منذ أول لقاء فأصبحت لا ترى سوى وجهك
أهديتك عقلي منذ أول لقاء فرحل معك وأبى الرجوع
أهديتك دقات قلبي فعزفت لك أجمل الألحان
أهديتك أحلى و غلا الأسامي.........حبيبي
أهديتك كل ما لدي
فماذا تبقى لي؟
أهديتك كل ما خلق الله من الورورد
أهديتك كل ما قال الشعراء من الكلمات والحروف
أهديتك كل ما في قلبي من شعوووور
أهديت الروح وما بجانب الروح
أهديتك حبي فأصبحت أنا العاشفة وأنت المعشووووق
أهديتك كل ما لدي
فماذا تبقى لي؟







البارت الاول ،،،،


‏لا تردد في غرامي .. ابتسامي دمع ..
وسكوتي كلامي ..
افتح يدينك .. لـ شمسي ولـ هبوبي ..
كحّل عيونك .. بدمعي وبـ شحوبي
واعشق الهم اللي فيني ..
هذا إن كانك تبيني !

‎#بدر_بن_عبدالمحسن





في صباح غير عن كل الصباحات اللي مرت عليها صباح استقبلها بفاجعه سقطت عليها.. اكتست ملامحها الخوف والصدمه ماسكه تلفونها ويدها ترتعش مو قادره تتكلم
: لو سمحتي اختي انتي معي؟
بصوت مرتجف: ماتووو؟
: لا بخير الحمدلله بس نحتاج حضورك
مازالت جامده ثابته الخوف ساكن قلبها ورجفة جسمها تبين وش كثر الصدمه كانت قويه عليها
جوانه: حلفتك بالله هم بخير والا لا
: والله بخير
قفلت منه بعد ماعرفت المشفى اللي نقلوهم عليه
جلست تحاول تهدي نفسها قبضت على ركبها اللي مو قادره تشيلها
جوانه: قال بخير قال بخير اهدييي اهددددي




في مكان هادي بعيد عن ضجيج شوارع الرياض في احد القصور الكبيره جدا
طلع من غرفة تبديل الملابس وقف بغرور قدام مرايته ناظر نفسه ملامحه حاده تبين في تفاصيلها الصرامه والقسوه والحده مشط شعره ورتبه اخذ عطره وبخ منه
اندق الباب
جواد: ادخل
دخلت الخدامه : يور كوفي سير
جواد: خليها هنا
نزلتها على الطاوله
توجه لها شرب منها شوي ناظر ساعته نزلها و
التفت اخذ شنطة اوراقه وطلع نزل فتحت له الخدامه الباب طلع وبانت على ملامحه الانزعاج رفع يده يناظر ساعته وقفت السياره قدامه نزل بخطواته الواثقه ووقف قدام السايق المرتبك اللي فتح له الباب
جواد بحده: اذا مو قادر تلتزم بمواعيدي ف غيرك كثير يتمنون مكانك
السايق: انا اسف طال عمرك .. اوعدك م اعيدها
جواد: هالمره بعديها لك. ثاني مره تقدم استقالتك بنفسك سامع
السايق بخوف: ابشر مايصير خاطرك الا طيب
طلع سيارته الرولز رويس وانقفل الباب تلقائي ركض بسرعه وركب وتحركو

(جواد .. العمر 32 رجل اعمال كبير يعتبر من اغنياء العالم .. انسان عملي درجة اولى عنده الشغل قبل كل شي. صارم وقاسي و جدي زياده عن اللزوم وعنده الغلطه اذا تكررت مرتين ماتغتفر




عند جوانه اللي بالسياره تحاول توصل لأهلها وتطمن قلبها اللي مو قادر يهدا لين تشوفهم
جوانه: اسرع شوي
السايق: انسالله ماما
مو قادره تجلس بمكانها تناظر بالطريق وودها لو تطير لهم ودها الوقت يركض والمسافه تقصر ودها لو بلحظه توصل للي تبيه عيونها ذابت من كثر الدموع والخوف سكن جسمها حست السياره بدل ماتمشي قدام جالسه ترجع ورا وتزيد المسافه وتبعد صرخت ع السايق المسكين بقهر وصوت رايح من البكى: بسررررعه اشفيييييك يلاااا سووووووق

صار يمشي بسرعه جنونيه




في جهه ثانيه : الوو
بصوت مرتجف وخايف : منار الحقيني انا ف مصيبه
منار: شفييييك الووووو ريوووووم ردييي علي
انقطع الخط ورجعت تتصل بس ماردت نزلت بسرعه بعد ما اخذت عباتها والطرحه راحت لاخوها وتناديه بصوت عالي : فهد فههههههد
فهد يناظرها بخوف: خييير من صباح الله تصايحين
منار: بسررررعه ابيك توديني عند ريم
فهد ناظر ساعته: بعقلك انتي؟ وين اوديك بهالوقت؟
منار:اووووه فهود مو وقتك. بتوديني ولا كيف
فهد هز راسه : امري لله امشي...
حط يده ع جيوب ثوبه يدور المفتاح مالقاه ورجع كلمها: اطلعي وانا اخذ المفتاح والحقك
منار برجاء: تكفى لا تتأخرر
طلعت ع السياره وهو طلع اخذ مفتاحه ورجع واتجهو لبيت خالته ومنار تدعي انه مايكون صاير لها شي
(منار.. عمرها 20 .. سنة اولى جامعه عندها اخ واسمه فهد .. هاديه وطيبه بس لو احد داس لها على طرف ماترحمه وحقوده شوي ماترتاح لين ترجع حقها





نرجع لاصحاب السرعه الجنونيه اللي كل ما السايق حاول يهدي قالت له جوانه يسرع
جوانه : يارب يااااارب تحميهم يارب
ماخلصت جملتها اللي وهي تشوف السايق يضغط ع الفرامل بأقوى مافيه ماقدرت تمسك نفسها ف صارت تصرخ ضرب السياره اللي كانت مهديه وتبي تلف بس جت الضربه خفيفه

جوانه: الحمدالله ياربي
نزل السايق يشوف الوضع وتأخر
جوانه وهي تناظرهم(شفيهم هذول ‏و‏‏‏‏‏‏ش يقولون اففف تأخرت ) مدت يدها وصارت تدق بوري
دخل السايق : ماما هدا في سوي مشكله يبي كلم نجم
ضربت يدها ع صدرها: ي ويلي لا مستحيل راح نتأخر.. طب ليييش الضربه مـو قويه قله كم يبي حق تصليحها ونعطيه
شافت الرجال ينزل من سيارته وجا فتح بابها
ناظرت فيه : اللي تبيه انا حاضره بس خلني امشي اهلي بالمستشفى
الرجال: كلمي طويل العمر انا مالي علاقه
جوانه: طب وينه ذا
الرجال: ف السياره
نزلت بسرعه تبي تعتذر وتخلص عشان تروح المستشفىى وقفت عند السياره والرجال ركب وفتح الشباك الخلفي
تصنمت مكانها لما شافت شكله ولبسه واضح عليه الصلابه والقسوه .. حست برعب يسري بعروقها ولوهله نست وش تبي منه .. سمعت صوته المبحوح اللي صحاها من سرحانها وارعبها أكثر
جواد: مطولة واقفه؟
جوانه بتردد: لو سمحت كم تبي حق تصليح السياره
رفع راسه عن اللاب ناظرها بإحتقار: انتي لو بعتك ماجبتي حتى حق مراية سيارتي
جوانه بترجي: انا اعتذر على اللي صار اهلي مسووين حادث وكنت ابي الحقهم وهم ل...قاطعها
جواد بحده : ماني هنا عشان اسمع قصة حياتك
انهز جسمها من حسه وتكلمت بتلعثم: انا انا اسفه
جواد بسخريه: لاوالله ووين اصرفها الاسفه ذي
جوانه: شوف كم تبي حق تص...
قاطعها مره ثانيه: راح ننتظر نجم ونشوف كم يقدرها وبتدفعينها ريال ريال
جوانه: تكفا خلني اروح ما اقدر انتظر تكفا بتطمن على اهلي
جواد بعدم اهتمام: مو شغلي
جوانه بدت تبكي: ليش كذا ليش ماعندك احساس اقولك اهلي بين الحياة والموت
جواد ببرود: أخر همي
بققت عيونها من بروده وبدت تنهار
صرخت بجنووون : انتتتتت ماتحححححس ماعندك احسااااااس لووو ابوك واختك وامك صار عليهم حادث مابتمووووت ما بتخاااااف عليهم ما بترووووووح باقصىىىى سرعه عندك عشان تشوفهمممم صرخت بصوت اعلى ررررررررد قووووووووول بتتركهم يموتون قبل تشووووووفهم هاااااا رررررد ررررررد (بدا صوتها ينخفض) رد رد طااااااخ – طاحت مغمىى عليها

(جوانه عمرها20 تدرس مع منار بنت عمها بالجامعه مسالمه ولا تحب تأذي احد .. عندها توأم مختلف عنها اسمها دانه وماعندها اخوان ماغير فهد ولد عمها يكون اخوهم بالرضاعه ..)



دخلت البيت بعد مافتحت لها الخدامه : وييين ريووووم
الخدامه : في غرفه فوق
طلعت منار الدرج بسرعه ودخلت غرفتها وتخرعت من اللي شافته الغرفه ظلااااام وفي شي مكسووور بالارض وتسمع صوت شهقات فتحت النور وشافت بنت خالتها و وتوأم روحها متكوره ع نفسها ب الارض وتبكييي
راحت لها بسرعه وضمتها : ريووووم حبيبي شفيييييك
حاولت تشيل خصلات شعرها اللي طايحه ع وجهها وتمسح دموعها : ريم حبيبي شفيك علميني منو ضايقك
حضنت منار بقوووه وصارت تبكييي اكثررر
منار: آآآآآآآآآت ي آآآآآآآآآآآت
شوي وجت الخدامه
منار: جيبي مويا بسرررررررعه
منار: ريمييي اهدي ي قلبي مافي شي يستاهل هالدموع .. اهدي وفهميني ‏و‏‏‏‏‏‏ش السالفه ونحلها انشالله مافي مشكله الا ولها حل ان شاء الله
جابت آآآت المويه خذته وحاولت تشربها وحطت شوي ف يديها ومسحت ع وجهها
هدت شوي : ريمي قومي ع السرييير يلاا

قومتها وحطتها ع سريرها ماقالت ولاااا شي تغطت ونااااامت



: هيييي انتيييي قووووومي شفيييييك
(فتحت عيوني وانا احس بأحد يضربني كفوف ع خدودي
جوانه : وجععع شفييييك انت
وقف وناظرها باستهزاء : لساتك عايشه حسبتك متي
حطيت يدي ع شعري وييين طرحتي. بسرعه جلست ولفيتها ع شعري ووجهي
ناظرني بأحتقار وكلم السايق
: امش تأخرت
ركب سيارته ومشىىىى وانا اكتشفت اني جالسه ع الرصيف وكم شخص يناظرني بأستغراب من غير السيارات اللي صارت تمشي ببطء عشان تشوف وش صاير.. لميت نفسي بسرعه وركبت السياره
جوانه: تحرك بسرعه
فضحني الله ياخذه الله يستر لا احد صورني وانا بها الوضع. ياررب ان تحمي لي اهلي يارب ماشوف فيهم مكروه ياررب



:ماااااري مااااااري ووصمخ
:يس مام
:سااااعه عشان تجين ؟
:سووووري مام
:ويييين جاد
سمعت صوت : هذا هووو جاد ي ام جواد هههههه
سميره(ام جواد عمرها ٥٢ وبحكم طبقتها الراقيه واهتمامها بنفسها تبين اصغر بكثير.. >>>>"زي نجوى كرم يعني" خخخ
سميره: انت ماتقلي ويييينك فيه هاااا من يومين مو داخل البيت
جاد وهو يبوسها ع راسها: شغل ي يمه شغللل ذبحني ولدك كرررررف
مسكته من اذنه
جاد: اااااي آآآآي يمااااااه
سميره: انت ماتترك الكذب. اخوك يقول مو شايفك تداوم بالمره
جاد: ااااي طب خلاص فكي اذني لح لحظههه
فكته. وقف وهو يفرك اذنه: الله يسامحك يمه دايم تظلموني .. انا كنت ف البحرين اخلص كم شغله
سميره: تخلص كم شغله ولا مع شلتك الصايعه
جاد يبقق عيونه مسوي متفاجأ : افااااا انا انا تقولين عني كذا .. ماهقيتها منك ي ام جواد
سميره: اقووول لايكثر ويلا الحق اخوك ع الشركه.
انسدح ع الكنبه اللي باالصاله: والله ? يمه حديييي مهلووووك مافي امل ارووووح اليوم
سميره وهي توقف : اصلا انت مامنك فايده
مشت شوي والتفت عليه: روح جناحك لا اشوفك نايم هنا مثل البزران




في شركة الهامي التجاريه ع مكتب المدير
جواد: ها منصور وش صار ع السياره
منصور: فريق التصليح اللي عندك يشوفونها الحين طال عمرك
جواد وعينه ع الاوراق اللي بيده والجوال بيده الثانيه: تمام جيب سيارتي السبورت
منصور : حاضر طال عمرك نص ساعه واكون عندك



طلع من الشركه وشنطته بيده بخطواته الواثقه اللي تلفت الانتباه
ركب سيارته السبورت بوقاتي شيرون ديفو
جواد يكلم منصور: تقدر تروح راح اسوق بنفسي
منصور: حاضر
وطلع ع البيت





:هلا وغلااا هلاا بالحب هلااا.
: هلابك حبيبي (تكلمت بزعل) جووودي وينك عني ماتتصل ولا تسأل
جاد: فدييييت الزعلانه انا
:
جاد: حياتي كنت مشغووول والله ? ماقدرت ارد ﻋﻟﻳك
:
جاد: الوووو يلا عاااد مهاوي
مها: مابي اناا زعلانه
جاد: افاا زعلانه؟ اجل شكلي بعطي هديتك لبنت عمي
مها: جبتتت لي هديه
جاد بأبتسامه: ايييه احلا واغلىى هديه لحبيبتي
مها : احبببك جودي
جاد : ههههههههه لبىى قلبك
طق طق طق
جاد: لحظه حبييي
جاد: ادخللللل
ماري: مستر جواد وونتس يو
جاد بوجه عابس: وش يبي
ماري: آى دونت نو
جاد: اووك الحين اروح له بس ويين جالس
ماري: صاله
قفلت الباب وجاد رجع لجواله: بيبي اخوي يبيني لحظه شووي وارجعلك
مها بدلع: اووكي حبيي بس لاتطول ترا اوله علييييك
جاد : ااااه بس فديييييت اللي توله .. دقايق بس


نزل جاد لاخوه اللي كان جالس بالصاله وشايل فنجان قهوته بيده.
جلس جنبه : خييير ي خووي عسىى ماشرر
ناظره بنص عيين : انت ماتقولي وينك ويين مغيب
جاد بملل : يا ليييييل ووشفيكم علييي انت وامك
جواد نزل قهوته ع الطاوله: لانك شخص مستهتر ماعندك مسؤليه
جاد: بدت اسطوانة كلل مررره
جواد بحزم: جاد اناا اكلمك بأدب
جاد: يا اخي ملييييت زهقققققت .. انا مو بزر. يررحم امكم خلوني بحالي
وقف جواد وهو ينهي النقاش بكلمته: الكلام ضايع معك


في جهه ثانيه واقفه عند باب العنايه وتدعي ودموعها ع خدها:يارررب تحميهم يارب
خرج الدكتور وجوانه بسرعه راحت له: ها دكتور طمني كيفهم الحين
ناظر بعيونها ويبي يرد عليها بس في شي نساه نفسه ظل يناظر بعيونها لحد ما صحى من سرحانه ع صوتها
جوانه: دكتووووور فيهمم شي تكلم لاتخوفني
الدكتور بتلعثم: هاه. لالا الحمد لله نجحت عملية ابوك. والوالده واختك ف غرفة الملاحظه
احمممم تقدرين تشوفيهم بس لاتطولين
جوانه: الحمد لله ياربي .. طب متى يطلعون؟
الدكتور: الوالده واختك بنخليهم ٢٤ ساعه تحت الملاحظه وبعدها يقدرون يرجعون معك
جوانه بخوف: وابوي
الدكتور: انشالله بيطلع بس راح يطول شووي
جوانه: يعني متىى
الدكتور: كم يوم يعني
راح عنها وهي اتجهت لغرفة امها
طق طق طق
محد رد ف دخلت بـ هدوء ناظرت امها وتجمع الدمع ف عيونها كانت مسدوحه ع السرير والمغذي بيدها وفي وجهها شوي خدووش

قربت منها باستها ع راسها واختلطت البوسه مع دموعها وبكاها سمعت صوت امها الدافي الحنون تقول : انا بخييير حبيبتي لاتخافين
رفعت راسها وجلست جنب امها وهي تمسك يدها : خوفتيني ﻋﻟﻳك يممه
رفعت يدها تمسح دموع بنتها : انا بخير الحمد لله اللي نجانا .. بس ابوك واختك كيف وضعهم
جوانه: الحمد لله كلهم بخير
ام جمانه (عبير عمرها ٤٤ تزوجت بعد حب وحملت في اول شهر ولكن مات ولدها وقت الولاده ف جلست ٤ سنوات بعده ماجابت عيال لحد ما رزقت اخيرا بتوأم دانه وجوانه)



عند منار.... انتظرتها لحد ماصحت
ناظرتها واستغربت وجودها : منار؟
منار بأبتسامه: ي الدبه خوفتيني
رفعت شعرها وجلست وهي تشبكه بالمشبك بشكل عشوائي : انا اسفه بس لو تدرين وش صار (تغيرت ملامح وجهها لما تذكرت )
منار حست بتغير وجهها .. حضنتها وهي تمسح ع شعرها: ريمي البكا والزعل موو حل علميني وش فيييك عشان اقدر اساعدك
ابتعدت عنها : يلا قولي وش صار .. تهاوشتي مع حبيب القلب
ردت بكرررره: حقييييييير لا تذكريني فيييه ..
منار(خفت عليها .. وش صار معها)
منار بعصبيه : وش مسويلك؟ تكككلمي
ريم بدت تبكيي : حقيييير اكررررهه الله ياخذه الله ينتقم منه الحيواااااان
منار(حسيتها انهارت ): اهدي ي روووحي خلاااص لاتقولين شي اهديييي بس
ريم وهي تصارخ وكلامها موو واضح ولا مفهوم من شهقاتها : تخيلي. نمت . كذب علي. اناا لو صاحيه مابيصير شي. بس. في شي غلط اكيييد ﻻﻻﻻﻻﻻااااا. ااااااه ي وييييل حالي وووين وصلت نفسي
صارت تضرب نفسها : انااا غبيييييييه غبييييه
منار(ياربي شلوون راح اهديها اصلا ما ادري شفيها .. )
منار: خلاااص اهدييييي الله يخليك خليني افهم شسالفه
اهديييييييييييييييي



طلع من حمامه وهو ينشف شعره ورابط منشفه ع خصره وقف جنب التسريحه وذكر شي خلاه يبتسم
( منصور : طال عمرك هذي طاحت اشيلها؟
جواد: لحظه
نزل من السياره وشافها طايحه ع السكه والشمس عليها نزل لها وحاول يصحيها بس ماصحت
منصور : نوديها المستشفى ؟
جواد: مايحتاج الحين تصحىى
شالها وريحة عطرها طالعه .. طاحت الطرحه بس ماناظرها ولما نزلها غصب ماقدر يمنع نفسه من شوفتها شعرها البني الناااعم اللي طايح منه خصلات مغطيه وجهها رموشها الكثيفه خدودها الموورده. غمض عيونه وحطها ع الرصيف تحت ظل الشجر رجع فتحها وناظر بياض بشرتها خشمها الصغير وشفاتها المليانه. رفع راسه ياخذ هواااا
وقف بعد مانزلها على الرصيف شاف الناس بدت تتجمع ف صرخ عليهم
جواد: نععععم؟؟ شعندك انت وياه؟ اول مره تشوفون بنت مغمى عليها
البعض انحرج ومشى والبعض كالعاده ظلو يناظرون. صحاها بسرعه ورجع السياره

جواد بداخله (الله يحميها لأهلها )
ابتسم اكثر وطلعت ضحكه خفيفه منه وهو يمشط يذكر كلمتها (وجع شفييييك انت)
رمىى المشط وراح لـ غرفة ملابسه لبس بيجامته ورجع ع سريره تغطى وناااام




ف المستشفىى بعد ماتطمنت ع اختها وامها قررت ترجع البيت وتنام شوي عشان تجيب لهم ملابس وشووية اغراض
دقت ع السايق يجي ياخذها لفت طرحتها وتلثمت واخذت شنطتها وقبل تطلع باست اختها ع جبهتها ونزلت لـ السايق ركبت السياره
جوانه : ياربي اخاف اروح البيت وحدي. شكلي بنام بيت عمي احسن
دقت ع بنت عمها
جوانه : الووووووو منوووور
منار: هلااا جوجو شخبارك
جوانه : تماام ي روحي .. امممم
منار : شوو اممم شفيييك انتي بعد
جوانه بأستغراب: ليش مييين فيي غيري مضايق
منار : مافي شـي حيااتي يلاا علميني وش فيك
جوانه : اهلي.
منار: وش فيهم؟
جوانه : مسوين حادث
منار متفاجأه: مننننن جدكككك؟ متىىى؟؟ وككككيف؟؟
جوانه : الصباح
منار: وليييييييه ماخبرتيني ؟ توووك تقووولين؟
جوانه : اسفه انشغلت معهم ونسيت اتصل
منار: طب كيفهم الحين طمنيني عليهم
جوانه: الحمد لله تمام.. دانه وامي يمكن يطلعون بكره
منار: وعمي؟
جوانه: بخير بس راح يخلونه كم يوم يتأكدون من سلامته
جوانه: طيب اسمعي .. انا خايفه ارجع البيت وحدي
منار : فدييييتك اووك روحي بيتنا .. بس انا موو موجوده بنام بيت خالتي
جوانه : ليش
منار : سالفه طويييله .. لحظه جوجو
ثواني ورجعت تكلمت : الووو جوجو تعالي هنا
جوانه : هااه امممم مدري بس
منار : لا بس ولا شي ريوووووم تقوول لوو ماجيتي بتزعل منك
جوانه: امممم ماشي
منار: ننتظرك
قفلت الخط وقالت لـ السايق يوديها بيت اهل ريم


>>>>>>>>>>>>>>>>>>>>>>



جاد: مهااااا وبعديييين معكككك كل يوم تقولين بكره
مها : حبيبي قدر ظروفي ما اقدر اجي
جاد يستعطفها: يعني ما اشتقتي لي
مها : اشتاقلك حييييل بس ما اقدر .. طب وش رايك اشوفك بكره ف المول
جاد بعصيبه: لا المول لااااا
مها: طيب اهدا حبيبي
جاد بخبث : انا ولهت علييييك حسي فيني بشووووفك بشبع بشوفتك مليت من المطاعم والمولات ولا ماتثقين ف حبيبك.
مها : اووك بكره اجي
جاد بأبتسامه عريضه: ويييين تجين؟
مها : ع الشقه
جاد ابتسم بنصر : لبىىىىىىىىىى قلللللللللللبك
مها : ماشي عمري الحين بنام عشان بكره عندي دوام
جاد : طيب نووووم الهنا ولاتنسين موعدنا بكره
مها : احبببك
جاد : انا بعد
قفل الخط وما امداه يفكر ف موعد بكره الا وجواله يدق
رد بسرعه : هلااا دنيتي
: انت وييينك مع مين خطك مشغول انت تكلم غيري صح
جاد يعرف كيف يمتص غضبها: افا ماهقيتها منك سوسو تشكين فيه؟ تشكين ف اللي اهدالك حياته تتوقعين اشوف غيرك والااا كلن يشوف الناس بعين طبعه اكيد انتي تخونيني عشان كذا شكيتي فيني صح

ساره: ﻻﻻﻻﻻﻻ اقسم بالله مالي غيرك بس غرت شووي ولا مـو من حقي
جاد بأبتسامه : حقك ونص.
..................................
.............................



منار تضم جوانه : هلااا ي روحي الحمدلله ع سلامة اهلك
جوانه : الله يسلمك حبيبتي
جت ريم وسلمت عليها وضمتها وتحمدت لها بسلامة اهلها
دخلو البنات ريم نامت ف غرفة اخوها ومنار وجوانه نامو ع سريرها

كل واحد كان شاغله همه وما امداهم يسولفون مع بعض كل واحد كان ينتظر الليل عشان يكون فيه مع نفسه
جوانه بداخلها تفكر ف اهلها وتدعي لهم
منار شايله هم بنت خالتها والمشكله الكبيره اللي صارت فيها
ريم تبي الكل ينام عشان تبكي براحتها ع اكبر غلط سوته بس تفكيرها واحد كيف تنتقم لان اللي صاير لها غصب عنها
ناموو البنات ع امل ان بكره يكوون احسن



*************************************


صحت ع صوت الاذان لانه كان قريب من المستشفىى
قامت بصعوبه راحت ع الحمام توضت وطلعت ع غرفتها (ايييي برررررد ) قفلت التكييف وراحت ع الدرج اخذت احرام وسجاده صلت ودعت لها ولامها وابوها
سفطت السجاده ورجعتها وتركت الاحرام عليها لانها تحس بالبرد
دانه : امممم وش اسووي الحين .. بدق ع جوانه يمكن تكون صاحيه
اخذت جوالها ودقت
جوانه بخوف: الووو وش فيك ي قلبي تعبانه ؟ شي يوجعك؟
دانه : ههههههه انا بخيييير انا بخير انتي اللي وش فيك؟
جوانه تنهدت بأرتياح: خفت ﻋﻟﻳك ي مجنونه
دانه: يابختي عندي اخت تخاف علي اكثر من نفسها
ابتسمت : لو ماخفت عليك ع مين اخاف بالله؟ المهم كيفك الحين
دانه: احسن الحمد لله
جوانه: الحمدلله
دانه : ماشي اخليك الحين عشان تكملين نومك وانا بعد بحاول انام
جوانه : اووك ارتاحي انا بجيك الصباح واجيب ﻟك ملابس وبشوف متى تطلعون
دانه: تمام. انتبهي ع نفسك

> >>>>>>>>>>>>>>>>>>>>>>



جالس ع بلوكنتة وبيده قهوته ويتصفح حسابه ف التويتر
ناظر لساعة يده اللي مصممه له خصيصاً ومرصعة بـ الالماس
جواد: اقوم البس لا اتأخر
لبس بذلته الرصاصي من قوتشي
مشط شعره بترتيب ورش شوي من عطره اللي مصنوع على يد خبراء من سويسرا وايطاليا ..
طلع بهيبته و كـ العاده توجه لشركتهم بفخامه تلفت الانظار وثقه تقتل كل حاسد
>>>>>>>>>>>>>>>>>>>>>>>>



منار: جووجوو يلاااا قومي صارت الساعه 10
فتحت عيينها بصعوبه ولسى الثانيه مقفوله : افففف نمت كثييير .. بس ماشبعت
ريم: ايي دايم اللي متان مايشبعون نوم
قامت جوانه وهي تشهق : انا متينه ؟؟
منار: هههههه حرام عليك هذي لو اكسرها تنكسر
ريم تغمز بعينها : عرفت اخليها تصحصح
لبست جوانه الشبشب وقالت وهي وتمشي ع الحمام وتناظرهم بنص عين: مالت عليكم محد ينام عندكم
تحممت وطلعت لبست مع ريم مشطت شعرها البني الطويل لحد نهاية ظهرها وخلته مفتوح عشان ينشف
دخلت ريم حامله ف يدها صينيه : منووور ي حماره تعالي ساعديني
منار حطت يدها ع خصرها: قالولك خدامتك ونا مادري
ريم هزت راسها بتوعد: طيييب اوريك .. ترا مازن بالصاله تحت خليني اشوفك تعتبين الباب سامعه
طلعت وشوي الا ومنار لاحقتها
ريم: خير وش تبيييين
منار بهدوء متصنع: بساعدك فديتك
ريم : ي سلااااام مو من شووي تقولين مـو خدامتك ولا عشان (حطت يدها ع فم ريم عشان ماتفضحها )
منار تهمس : بتفضحيني انتي ؟
ريم عضت يدها ف شالتها بسرعه: قدامي ع المطبخ
منار: حشا اسنان دينصور مو بشر

>>>>>>>>>>>>>>>>>>>>>>>>



سميره وهي ع طاولة الطعام تفطر : مااري مااااري
جت ماري بسرعه: يس مام
سميره: وين جاد وجواد
ماري: مستر جواد قوو تو كامبني اند مستر جاد از سلبينق
(السيد جواد راح الشركة والسيد جاد نايم)
سميره تكلم نفسها: ياربي متىى بيصير مثل اخوه متىى
كلمت الخدامه : اوك روحي صحي جاد
ماري: اووك
ماكملت كلمتها الا وابو جواد داخل غرفة الطعام
ابو جواد : صباح الخير
سميره بدون ماتناظره : هلا
جلس ع كرسيه وبدا يفطر : جواد راح ع الشركه؟
سميره : ايه
ناظرها وهو يضحك: اشبوو الحلوو زعلان
سميره بنص عين : سلامتك
ابو جواد وهو يشرب الشاي: علامتس من اللي مضيقن صدرتس
سميره بنفاذ صبر: صرت ما ادري متى تسافر ومتى ترجع. متى تنام ومتى تصحى كل الوقت برا البيت كل ذا شغل ؟ علمني ليش ماتجلس بالبيت وين تروح
ابوجواد بملل: كم مرره تبيني اجاوبتس
سميره: ما اقنعتني بجوابك .. ناظرت فيه بتفحص وتهديد : ابووو جواااااد ليكون ماخذلك مرره غيري
ابو جواد : يابنت الحلال انا وحده ومبتلش فيها تبين اخذ لي ثانيه
سميره مبققه عيونها : انااا مبتللللش فيه ؟؟
ابو جواد يرقع. بأبتسامه وغمزه: ابتلشت ف حبتس يعني
سميره بحاجب مرفوع : ايي اكذب علي بكم كلمه
ابو جواد وهو ياخذ منديل ويمسح يده: مشكلتس عجزتي ولساتني شباب ف قمتي تشكين فيه.
سميره : انااااا؟؟؟؟ والله شوف نفسك انا لـو تطلقني الف من يتمناني
قام ابو جواد : ههههههههههه صادزه. المهم يلا عن اذنتس تأخرت ع الشغل
سميره : بحفظ الرحمن ولاتنسى اللي موصيتك عليه
ابوو جواد: ابشرررري من عيوني
(ابوو جواد -خالد- اكبر ﻣن زوجته ب٥ سنوات شخصيته حلوه ويحب المزح ومرره اجتماعي عكس زوجته اللي ماتختلط الا بناس من طبقتها الراقيه )

> >>>>>>>>>>>>>>>>>>>>>>

منار تناظر ريم اللي تحاول تكون طبيعيه قدام جوانه
منار: ريمي ليش ماتفطرين
ريم بعالم ثاني : .......
جوانه تناظرها ورجعت تناظر منار وتأشر لها بيدها بمعنى شفيها
منار هزت كتوفها يعني مدري
جوانه تكلم ريم وهي تلوح بيدها قدام عيونها: ي هوووووووو وييييين وصلتي
انتبهت لها: هااه امممم معكم بس سرحت شووي
جوانه: هههههههه ليكون سرحتي ف حبيب القلب
منار ناظرت جوانه ع طول يعني اسكتي
قامت ريم بسرعه ودخلت الحمام
جوانه بأستغراب : شفيكم انا وش قلت
منار: ولا شي بس ريمي زعلانه منه وتدرين فيها حساسه بزياده
جوانه بأسف: فديتها طيب بقوم اعتذر منها
ردت منار بسرعه: ﻻﻻﻻ لاتقولين شي خلص انسي الموضوع
جوانه(حسيت بينهم سالفه بس مايبون يعلموني ) جوانه: اووك مابقول شي
قامت جوانه عشان تجهز نفسها بتروح عند اهلها
منار تناظرها: الحين رايحه؟
جوانه : ايه
منار: راح اجي معك
جوانه : اووك جهزي نفسك ع بال ما اكلم السايق يجي
منار: ثواني اكون جاهزه
ريم اللي توها تجي. قالت بأستغراب وهي تناظر ف البنات: على ويين
منار: جوجو بتروح لأهلها وبروح اتطمن عليهم معها
جوانه: تجين معنا؟
ريم: ﻻﻻ مابي احس تعبانه وبنام .. تكلم منار: منوو ارجعي عندي ابيك
منار وهي تلبس عباتها : اوك
طلعو البنات وركبو السياره ع المستشفىى
>> >>>>>>>>>>>>>>>>>>>>>>





طق طق طق طق
جاد: افففففففف وبعديييين وووش هالازعاج
ماري: مستر جاد ويك اب بليز
جاد بعصبيه: خلاص انقلعي صحيت
ماسمع حس عند الباب عدل بطانيته ورجع نااام

>>>>>>>>>>>>>>>>>>>>>>



وقف ﻣن ورا مكتبه وهوو يبتسم: هلا هلاا بطويل العمر
خالد يأشر له بيده : استرح استرح
جواد وهو يجلس: آآآآمر يبه
خالد: مايامر ﻋﻟﻳك عدو كيف الشغل معك
جواد: الحمد لله يبه كل شي ماشي مثل ماتبي ومن افضل مايكون
خالد: كفوو ي ولدي .. الا وين اخوك ما اشوفه
جواد يتنهد: والله يبه وش اقولك هالولد ما منه فايده
خالد يهز راسه: انا عارف وغسلت يدي منه من زمان
جواد: ماعليه توه صغير ومو قد المسؤليه
خالد: يوم كنت انت بعمره كنت ماسك اهم شركه بين شركاتنا
جواد: الله يهديه انشالله
خالد: اميين .. المهم بغيت اقولك ابيك تسافر اليوم على لندن تشوف الامور هناك. عبدالمجيد كلمني يقول ضروري احضر الاجتماع مع المهندسين اللي راح يمسكون المشروع. و انا هالفتره مراح اقدر اسافر امك مشتاقتلي شكلها مره
جواد: هههه ابشر طال عمرك اليوم اسافر
خالد: على خير ان شاء الله . وانا راح ادير المجموعه هنا
جواد : تم
خالد: الله يرضى عليك وينولك ماتمناه
ابتسم : اللهم امين
خالد يناظر ولده بنص عين: انت طالع لامك
ابتسم جواد : من اي ناحيه
خالد: قعيطي بخييل مثلها ماطلبت لي لو فنجان قهوه!!
جواد: هههههههه بس قهوه انت تامر الحيين تجيك

>>>>>>>>>>>>>>>>>>>>>>





بالسياره
منار متردده تحكي لجوانه عن السالفه او لا
وتذكرت حالة بنت خالتها يوم تخبرها باللي صار
.
.
.
منار : خلاااااااص اهدييييييي
مسكت يدين منار: منار الله يخليك ساعديني هالنذل دمرر حياتي
حضنتها وهي تقول : انا معك وبساعدك بس فهميني وش صار
هدت شووي وبدت تحكي بإرتباك : كنت بشوفه نفس كل مرره وانتي تعرفين ما اشوفه غير وانا بسيارتنا لاني مابي اكون معه وحدنا. بس (وبدت تبكي
منار تمسح دموعها : كملي اهدي وكملي
ريم : اصر علي انزل معه .. قال مراح اوديك مكان بس نجلس بسيارتي شووي وتروحين
ومن كثر اصراره قررت اروح جلسنا بالسياره سولف لي عن اشياء كثيره وبعدها طلع عصير وصب لي شفته عادي شربت حبيت طعمه وشربت اكثر وحسيت بدوخه وبعدها ماعدت حسيت بشي
سكتت ومنار تناظرها: طيييب وبعديييين
ريم بدا الدمع يتجمع ف عيونها : صحيت ووكنت كنننت ع سرير وكان ك كا ن (ماقدرت تكمل من كثر دموعها ومنار فهمت السالفه)
.
.

تنهدت منار بضيق وبصوت مسموع
ناظرتها جوانه بتفحص وهي عارفه ان فيه شي مخبيته عليها: منووور بتتكلمين وش فيك والا كيف ترا عارفه انكم مخبيين عني شي
منار اخذت نفس: بعد نطلع من المستشفى اخبرك السالفه كلها
جوانه(ناظرتها بأستغراب): ليش مو الحين
منار: قربنا نوصل المستشفى خليها اذا طلعنا لان السالفه طويله
جوانه: اووك

>>>>>>>>>>>>>>>>>>>>>>>




:يمااااااه يلا كلميها
: يابنت اركدي علامك
: ابي اعرف الخبر صدق ولا لا بسررررعه
: طيب اهجدي جننتيني
كتبت الرقم وحطت السماعه ع اذنها بإنتظار الرد : الوو السلام عليكم
سميره: اهلين وعليكم السلام
ام خوله: شخباركـ؟؟ وشلون عيالك
سميره: بصحه وسلامه الحمد لله .. انتي طمنيني عنك
ام خوله: انا بخيير دامك بخير .. سكتت شوي وبعدها قالت: مبرووك ي ام جواد
سميره بإستغراب: على ايش
ام خوله: موو خطبتو لجواد
سميره: ههههه ليش صدقتي .. هذي مجرد اشاعه مدري مين طلعها
ام خوله تبتسم وتغمز لبنتها: والله فكرت الموضوع جد وقلت ابارك لك
سميره: لوو صار شي مثل هـذا انتي اول وحده بتعرفين
ام خوله: انا بصراحه زعلت قلت معقوله اسمع خبر من الناس وحبيبتي وصديقتي ام جواد ماتقلي .. بس زين انه اشاعه
سمييره : ولا تزعلين ولا شي قلتلك اول ناس بتعرف عن خطوبة جواد
ابتسمت ام خوله لانها فهمت الموضوع انها اول وحده بتعرف لان جواد راح يخطب بنتها:
ام خوله: عسى الله يكتب له بنت الحلال اللي تسعده وتدللـه (وتناظر بنتها وتبتسم
سميره: اللهم آمين
ام خوله: اجل مراح اطول ﻋﻟﻳك .. وسلمي ع جواد وجاد
سميره: يوصل .. مع السلامه
قفلت السماعه
خوله : هاا يمممه وش قالت
ابتسمت امها : ابشررك اشاعات ماخطب ولا شي
خوله طارت من الفرح وجلست تبووس امهاا
ام خوله : بس بس خلاص ذبحتيني
خوله : يا سلاااااام لو يتزوجني بصير مليارديره
ام خوله: يارب يخطبك وافتك منك
خوله: آآآآآآآآآآآآآآآمييييييييي ين
>> >>>>>>>>>>>>>>>>>>>>>>





جوانه ماسكه يد امها: كيفك الحين يمه تحسين بشي تاعبك شي
عبير (ام جوانه): انا بخير حبيبتي انتي طمنيني عنك وشلونك وكيف ابوك واختك
جوانه: بخيير الحمد لله شفت ابوي بس ماطولت كان نايم و دانه بروح لها الحين
منار: لاتخافين خالتي الكل بخير وانشالله اليوم بتطلعون
عبير : ان شاءالله
طق طق طق .. دخل الدكتور ومعه ممرضتين
شاف ملف عبير والممرضات شافو ضغطها وحرارتها
الدكتور وهو يناظر الاوراق: كيفك اليوم انشالله احسن
عبير: الحمد لله
الدكتور ناظر جوانه : تقدرين تطلعينها اليوم كل فحوصاتها سليمه
جوانه بفرح: والله؟؟ طب واختي
الدكتور يناظر عيونها وسرحاان ولا عطا بال لكل الموجودين بالغرفه)
جوانه بصوت مرتفع شوي: دكتووووور
الدكتور بأرتباك :احم اشوف تحاليلها واقرر
طلع مع الممرضات
منار وهي تغمز لجوانه بأبتسامه وتدقها بيدها: شعنده الاخ
جوانه قالت بهمس وعدم اهتمام: مدري
منار لسى مبتسمه: شكله معجب هههه
جوانه: قليل ادب مايعرف ينزل عيونه
منار : ي الدبا اجل انتبهتي انه خاق عليك
جوانه تغمز لها: ايي اكيييد
منار: بس بصراحه هو مززز
جوانه: عادي مو ذاك الزود
منار تفتح عيونها: هذا عااااادي؟؟ والله مرره يجنن لو كان يناظرني انا كنت عطيته رقمي
جوانه: هههههههه اقول امشي نروح عند دانه
منار: اييي يلا بسرعه يمكن اشوفه
ضحكت ع جنونها واستأذنت من امها و على غرفة دانه
>>>>>>>>>>>>>>>>>>>>>>>





صحىى ع الساعه 11 ونص ناظر ساعته
واخذ جواله شاف 23 مكالمه
جاد يكلم نفسه: يا الله نسينا الموعد افففف
كلم مها: صباح الخيييير حبيبتي
مها: هلاا حبيبي وييينك خوفتني عليك
جاد: فديييييتك والله كنت نايم
مها: طب اخبارك
جاد: بخيير دام سمعت هالصوت
مها: دوووم يارب
جاد: تدوم ايامك حياتي
مها: اممممم انا الحين فاضيه
جاد بأبتسامه : يعني اجي آآآخذك
مها: ايه
جاد : فدييييييييتك واخيرا بشوفك .. 10دقايق بس واكون عند باب الجامعه
مها : احبك
قفل الخط و ع طول ع حمامه يتحمم ويضبط نفسه

>>>>>>>>>>>>>>>>>>>>>>>





منصور وهو يركب السياره بعد ما طلع جواد: طال عمرك طيارتك جاهزه
جواد: زين اول خذني على البيت بسلم ع الوالده
منصور: ابشر
توجه ع البيت و في طريقه للبيت وقف عند الاشاره

كان مشغول بالاوراق اللي ف يده رفع راسه بتعب وهو يمسح ع شعره ووجهه
ناظر الرصيف وارتسمت ابتسامه ع شفاته
سمع صوت البواري خلفه وشاف منصور متضايق وسرحان نبهه
جواد: منصور.. فتحت الاشاره
انتبه وتحرك: السموحه منك طال عمرك
جواد: وش فيك ضايقه فيك الوسيعه
منصور اخذ نفس: ولدي بالمستشفى
جواد: عسى ماشر؟ وش فيه
منصور: الشر مايجيك ي طويل العمر. تعبان من كليته انت عارف بس الحمدلله على كل حال
جواد: بأي مستشفى؟
منصور: الشميسي
جواد: اول شي تنقله بكره ع المستشفى الخاص فينا وكل علاجاته وادويته انا متكفل فيها.. وراح ندبر له متبرع ويطلع منها سليم معافى بإذن الواحد الأحد
ابتسم منصور والفرحه ماوسعته: الله يطول بعمرك ويخليك ويرزقك من واسع فضله والله ما انسى لك هالجميل ماحييت
جواد: حق وواجب ي منصور
كملوو طريق للبيت وطول الطريق ومنصور يدعي له بكل خير
انفتح الباب ودخلت السياره لقصر الهامي
مشت في الممر اللي وصلها للكراج اللي تحت القصر
نزل منصور وفتح له الباب : تفضل طال عمرك
نزل جواد و طلع المصعد اللي وداه لـ الدور الاول اول ماوصل جت وحده من الخدام وخذت شنطته
جواد: لاتطلعيها فوق .. بطلع بعد شوي
الخدامه: اوكي سير
جواد: وين امي
الخدامه: ف الصاله
مشى جواد لـ الصاله عشان يشوف امه ويخبرها انه بيسافر
وقف لما شاف جاد ينزل الدرج بسرعه وريحة عطره تسبقه
جواد: خير خير على ويين العزم انشالله
جاد وهو ينزل ويتكلم وهو يمشي من عنده: عندي مشواار يلا باااااي
طلع
كمل جواد طريقه وهو يدعي بالهدايه لاخوه

>>>>>>>>>>>>>>>>>>>>>>


جالسه ف غرفتها وحاضنه دبها الكبير اللي اخذه لها حبيبها بكت بألم وهي تذكره.. تذكر حبها الصادق له تذكر كل لحظه وكل كلمه قضتها معه تذكر ايامها معه حضنته اكثر وزادت شهقاتها .. ذكرت اخر مره شافته كيف دمرها ولا اهتم فيها رمت الدب ع الارض بكررره وحقد قامت بسرعه فتحت درج الكمودينه وهي تفتش بجنون وترمي الاغراض ع الارض لحد ما لقت مقص اخذته وصارت تقطع الدب بقوه وجنون وهي تبكي وتتكلم ( حقير نذل اكرهك مراح اسامحك الله يللعن الساعه اللي عرفتك فيها ااااااه الله ينتقم منك يا نذذذل
>>>>>>>>>>>>>>>>>>>>>>>>


جوانه وهي تقفل شنطة اختها : يلا بسرعه تأخرت ع ماما
دانه: جهزت خلاص .. يلا مشينا
منار: ﻻﻻ لحظه جوجو تعالي نسأل الدكتور عن الادويه وكذا
جوانه بأبتسامه : روحي اسأليه وحدك
منار: جوجو يلا عاد تعالي معي
جوانه: نو نو مابروح
منار: جوانه يلاااااااا عن الدلع تعالييي
جوانه: اف وش تبين فيه. ناظرني انا وتلاحقه هالخبله
منار تناظرها ورافعه حاجب: خفي علينا ي توم كروز
جوانه: وعع تشبهين هالجمال برجال .حركت رموشها. انا احلى
منار : اي اي درينا. بس يلا خلصيني
دانه بأبتسامه : وش السالفه
جوانه : هالخبله الدكتور يناظر فيني وهي حبته

منار بققت عيونها : احم احم انسه جوانه. للتصحيح انا اوعجبتو بهي وليس حبيته
جوانه وهي تضربها ع كتفها بخفه : امشي امشي نشوفه ي اوعجبتو
منار بأبتسامه عريضه : مشينا
>>>>>>>>>>>>>>>>>>>>>>>>



فتحت باب سيارته بتردد ودخلت بهدوء
مها تناظر جاد: عمري قلبي يدق بسرعه
جاد بأبتسامه : لبى قلبك انا. الحين نروح البيت وترتاحين
مها بخوف : طيب خلاص خلنا هنا بالسياره بناخذ راحتنا
جاد: الهيئه بتشوفنا وتصير لك فضيحه.
كمل وهو يرفع يدينه. انا بالنسيه لي عادي اقدر اطلع منها بسهوله. ناظرها : بس انتي اللي بتروحين فيها
مها: اوك خلاص وديني ع شقتك
ابتسم : هوااااااااااا
>>>>>>>>>>>>>>>>>>>>>>>>>







طلع جناحه واخذ له شور سريع رتب نفسه ولبس ونزل توجه على الصاله وهو مبتسم
جواد: السلام عليكم يالغاليه
سميره بأبتسامه: هلا ي يمه وعليكم السلام.
تطبطب ع الكنبه اللي جنبها : تعال اجلس جنبي
جواد بعد باس راسها جلس جنبها وهو يمسك يدهاا
سميره وهي تمسح ع شعره بيدها الثانيه: ياحبيبي انت
ابتسم جواد: اذا كذا راح تدلعيني مراح اقدر اسافر
سميره: الغي سفرتك ماشبعت منك
جواد: ماطلبتي شي الحين تلتغي
سميره بأبتسامه: لا ي قلبي روح ربي يوفقك. خبرني ابوك ان الشغل موقف ف لندن ولازم تروح
جواد: حاضر
سميره وهي تتنهد: انا ما ادري اخوك طالع ع مين. ليش ماطلع مثلك
جواد: يمه توه صغير ومايفهم شي
سميره: ايوه صح وانت كبرت ولازم ادورلك عروس قبل تعجز
جواد: هههههه لا يمه لسى بدري. لاحق ع الهم
سميره: وين لسى وانت طقيت ال٣٢ سنه؟؟
جواد: ما افكر بالزواج الحين
سميره: ابي افرح فيك ي ولدي
جواد: انشااااااالله بس مو الحين. وقف وهو يناظر ساعته يمه بروح تأخرت. لازم اطلع الحين
سميرة: راسك يابس. بس ماعليه اذا رجعت نتكلم ف هالموضوع
جواد: حاضر يمه تامرين امر
سميره وقفت وهي تحضن ولدها: ربي يحفظك ويرجعك سالم
ابتسم جواد وباسها وطلع

>>>>>>>>>>>>>>>>>>>>>>>>



وقف عند السوبر ماركت وهو يسألها: تبين شي حبيبي
مها: لا ي روحي
نزل واخذ جواله ويتصل
ماهر: اهليييين وين الغيبه
جاد: اسمع انت بالبيت ؟
ماهر: ايه
جاد: اختفي بسرعه
ماهر بأبتسامه خبيثه: مالي نصيب
جاد: لا
ماهر: ايامك ي عمممم
جاد: اقلب وجهك بس
قفل الخط ورجع السياره
مها: مين كلمت
جاد وهو يحرك السياره: هذي الوالده اشغلتني
مها: ليش؟ وش تبي
جاد: حبي ترا ما احب الاسئله الزايده
مها: طيب
جاد: احبكك
مها بأبتسامه: وانا بعد
>>>>>>>>>>>>>>>>>>>>>>>>





عند غرفة الدكتور
منار تدف جوانه: ادخلي انتي
جوانه تشيل يد منار : انتي اللي تبينه ادخلي مالي شغل
منار برجاء: يلاااا عاااااد
جوانه: نو نو مابي
منار بطفش: ياربي منك وليش جيتي معي
جوانه هزت كتوفها. يعني مدري
منار:طب انا وش دخلني انتي اسأليه عن اهلك. بأبتسامه: وانا اناظره
جوانه: الحين يفكر اني الاحقه
منار: يووووووه منك مراح يفكر كذا
جوانه : الا. كل الشباب تفكيرهم كذا
منار شوي وتبكي : ياربي الهمني الصبر من هالمخلوقه اللي جنبي
جوانه: انتي خاقه معه ادخلي انتي
منار بنفاذ صبر: امشي خلاص مابيه اصلا مو حلو
جوانه ظهرها ع الباب وتتكلم عشان تغيضها: بالعكس (انفتح الباب وما انتبهت) احلىى دكتور شفته بحياتي وله غمازات وااااي فديته بس خاطري لو ابوسه يالبيييييه
منار صارت مزهريه من الفشله وتناظر بأتجاه الباب
جوانه : هييييه شفيك
منار تأشر بعيونها ع الباب
جوانه بأستغراب: وش؟
رجعت منار تأشر بعيونها ع الباب
التفت بشويش ويوم شافته خلفها بالضبط ااااااااااااااااااااااااا اااااااااااااااااه
صرخت بأعلى صوتها ومنار من سمعها تصرخ قامت تصارخ بعد: ااااااااااااااااااااااااا ااااااااااااااااااااااااا ا مشت جوانه وهي تمسك يد منار وتجرها وتركض ومنار تركض معها
لحد مابعدو شوي منار استوعبت اللي يصير وسحبت يدها وبصوت عالي : هيييييييه شفيييييككككك
وقفت جوانه وهي تتنفس بصعوبه من الركض وماسكه ع صدرها وتناظر منار وانفجرو الثنتين ضحكككك
منار: هههههه ههههههههه شكلك ههههههه ااااااه بطني ههههههههه والدكتور مبسوط هههههههههههههههههه
جوانه: هههههههههه الله ياخذك كله منك
منار: ااااااااااخ ي بطني ههههههههههه بوسه هههههه شو بوسه ههههههه والا والا يوم صرختي بوجهه هههههههههه
جوانه تاخذ نفس وبدت تتجمع بعيونها دموع: الحين وش يقول عني. وصارت تبكي
منار مو قادره تسكت : هههههههههه معجبه ف غمازاته هاه وودك لو تبوسيه ههههههههههههههههههههه
جوانه تضربها ع كتفها: عن السخافه اقول
منار: يمه بطني ههههههههه الحين بفهم شي ليه تبكين ههههههههههههههه
جوانه: ءءء والله فشله
منار : هههههههههههههههههههه
جوانه تناظرها بحقد: ضحكتي من سرك قولي امين. وهي تمسح دموعها. انا بروح عند دانه
منار ولسى تضحك راحت معها
>>>>>>>>>>>>>>>>>>>>>>>>



جاالسه بغرفتها وتفكر
:امممممم راح اخليه يحبني ويخطبني بسرعه. اي لحد متى بنتظره. الحين اذا كبرت اكيد امه راح تدور له عروس غيري
اخذت تلفونها ودورت رقمه ابتسمت وهي تضغط زر الاتصال
بعد ثواني جاها الرد
جواد: الووووو
خوله بدلع متصنع: اهليييين
جواد بأستغراب : من معي
خوله بدلع اكثر: افاااا ماعرفتني. ﻻﻻ كذا بزعل منك
جواد بحزم: عفوا بتقولين من والا مضطر اقفل
خوله: وه فديتككك بس. اوك بقولك مين انا“وسكتت
جواد: خلصيني
خوله: انا احبك جواااد
جواد مصدوم من طريقة كلامها ومنها: عفوا من انتي عشان تتكلمين معي كذا. وبحزم. لو سمحتي لا عاد تتصلي
خوله : دقيقه بس
جواد بعصبيه: خييير
خوله: انا خوله بنت محمد
جواد بصدمه: خوله!!! بنت عمي ابو سامي!!!
خوله: اي انا
جواد بأستغراب: خير وش تبين ومن وين جبتي رقمي الشخصي؟ .
خولة: جبته من خالتي سميره
جواد: طيب يلا عن اذنك مشغول
خوله بدلع: لا مافي ابي اكلممك
جواد بتوتر: عندي رحله اكلمك اذا وصلت
خوله: اوعدني
جواد: خلاص قلت بكلمك
خوله بدلع ماصخ: لااا توعدني الحين يعني الحين
جواد يبي يخلص: اوك وعد
خوله: ماشي ي روحي بااااي وانتبه ع نفسك
جود: االله معك
قفل وهو يناظر جواله : وش تبي ذي من وين طلعت لي
كمل ترتيب اوراقه وحطها باالشنطه وقف بسرعه وهو يحمل شنطته ويتوجه لطيارته
>>>>>>>>>>>>>>>>>>>>>>>





جاد يفتح البيت: تفضلي حبيبي
دخلت مها وهو قفل الباب
جلس ع الكنبه وجت جلست جنبه
جاد وهو يمسك يدها: اخيرا صرت معك بدون خوف ولا حواجز
مها بأبتسامه: عشان تعرف اني احبك
جاد : وانا اعشقككك. امممم تبين تظلين كذا بالعبايه
مها: اي مرتاحه كذا
جاد: بشوف جسمك ولبسك
مها: لا جودي مابي
جاد وهو يحاول مايعصب : عشان خاطر جودك بشوفك لو مره. والا ممنوع اشوف زوجتى المستقبليه
مها مجنونه فيه لدرجة تسمع اي شي يقوله لها. شالت عبايتها
جاد وهو يناظر رقبتها اللي مثل الثلج وينزل ع صدها المتوسط ووطالع شوي ينزل لخصرها المليان ورجع يناظر عيونها : يا لبىىىىى هالجمااااااال
وقف وقرب منها مسك خصرها وهي ميلت جسمها له بدلع خلاه ينسى نفسه ويقرررب اكثر ويبوسها بكل مكان بوجهها ورقبتها وهي متجاوبه معه وحركاته جننتها ولا قدرت توقفه
.............. ................................
................................................





وقفت فجأه والتفتت ع منار اللي لسى تتبسم ع الموقف اللي صار معهم
جوانه: نسيت اسألك وش كنتي راح تقولين لي
تغيرت ملامح منار : امممم ماينفع الحين
جوانه: ليش ماينفع
منار : سالفه طويله ولازم اقولها لك ف البيت
جوانه: طيب الحين انتي مراح ترجعين عندي
منار: اروح معك البيت نحكي وكذا وبعدين ارجع ع بيت خالتي
جوانه: اوك
دخلو الغرفه عند دانه
جوانه: ها حبيبتي جاهزه
دانه: اي جاهزه
جوانه وهي تمسك بيدها: اجل يلا نطلع
اخذو دانه وامها وطلعو ع البيت

>>>>>>>>>>>>>>>>>>>>>>>>





تسمع صوت امها وهي تناديها بس مو قادره ترد بعد اللي سوته بنفسها
دموعها ع خدها وتحاول تتكلم بس صوتها ماينسمع كأن جسمها كل انشل ماتحس غير بحرارة الدم اللي قاعد ينزل منها
ريم بصوت تعبان: يمه انا هنا. يمهه تعالي. يمه الحقيني مابي اموت يم يمممه اااه ي
وغابت عن الوعي
نفس البيت تحت: ام ريم تكلم ابوها: انا هالبنت مدري شفيها صار لها يومين بس بغرفتها
ابو ريم يتصفح الجرايد: يمكن انها مريضه. شوفيها
ام ريم : مهيب مريضه بس مدري وش بلاها ماتكلمني
ابو ريم: والله مدري. اطلعي شوفيها
ام ريم: الحين اصعد اشوفها
>>>>>>>>>>>>>>>>>>>>>>>>>



: الووو انتي وينك
منار: فهود قول لابوي ان عمي بالمستشفى
فهد: بالمستشفىىى؟ ليش وش فيه
منار: مسوين حادث
فهد بخوف: جواااانه بخير؟
منار: تطمن كلهم بخير امس مسوين الحادث والحين خالتي ودانه طالعين بس عمي لسى شوي تعبان
فهد: الحمدلله ع سلامتهم. طيب وجوانه كيفها
منار: بخير ماكانت معهم
فهد: الحمدلله. الحين عمي بأي مستشفى
منار: مستشفى الـ............
فهد: اوك انتي خليك معهم والعصر راح اجي اخذك واسلم عليهم
منار: تمام.
فهد: مع السلامه
منار: باي


>>>>>>>>>>>>>>>>>>>>>>>>>>



بعد وصلت البيت وتطمنت ع اختها وامها سحبت منار من يدها وطلعت ع غرفتها
جوانه وهي تقفل الباب: يلا قولي لي وش السالفه
منار تتنهد: فيككك لقااااافه ماتخليك تصبرين دقيقه
جلست جوانه ع سريرها: خلصيني يلا قولي وش فيه
منار تمسك ع بطنها: طيب انا جيعانه ماتتغدون انتم
جوانه بنفاذ صبر: الحين بتقولين والا شلوووون
منار تبتسم: الا بقلك بس جيعانه
جوانه بعصبيه: جعلك الساحق الماحق والرصاص المتلاحق
منار بققت عيونها وتشهق وهي تحط يدها ع صدرها: ييممممممه وش هالدعوه من وين جبتيها ي متوحشه
جوانه: ههههههه من صديقتي الجنوبيه
منار: بسم الله علي.
جوانه: وشوي بعد عليك. الحين من الصبح انتظر نرجع البيت واخر شي ماتقولين
منار تجلس جنبها: طيب طيب بقولك قبل تموتين.
جوانه : اوك قولي
منار: تعرفين ريم مو تحب واحد اسمه جاد
جوانه: ايه ادري فيها.. ياما نصحناها لكنها مصدقة انه بيتزوجها
منار بقهر: توقعي الحقير وش مسوي
جوانه : وش
منار: حاول في ريم الف مره تروح معه بيته مدري شقته ولكنها كانت ترفض حتى لو زعل حتى لو هددها يتركها ماتوافق.. وبسبب اصرارها اخذها بيوم وقال لها بس تعالي معي السياره وشربها عصير فيه مخدر
جوانه: الننننذل
منار: المهم اخذها شقته و واغتصبها الله لا يوفقه لا دنيا ولا آخره
جوانه شهقت: و رررريم وش سوت
منار بحزن: من صحت قال لها مو انا اللي تمنعيني من شي ابغاه. قالت له بس راح تتزوجني؟ ضحك عليها وقال لها. ما انزل نفسي لها المستوى.
حطمها الحقير واخذها ورجعها رماها رمية الكلاب ولا عاد سأل عنها تدق حظرها في كل شي
جوانه: ااااه ي الخسيس والله لو اني رجال مايهديني الا راسه النذل
منار بحزن: ياليت نقدر نسوي شي بس للاسف مابيدنا حيله
جوانه: الا بيدنا نساعدها عطيني معلوماته وانا اوريكم فيه والله لخليه يركع قدام رجولها النذل
منار: اسمه جاد الهامي تعرفينهم
جوانه: لا من وين بعرفه
منار: هذا عائلتهم من ضمن اغنياء العالم
جوانه فاتحه عيونها: لهاالدرجه. طب كيف تعرفت عليه. يعني هي مستوها حلو بس مو مررره.
منار: تعرفت عليه ع السوشل ميديا وكذا
جوانه: ااااخ بس غبيه كيف تتعرف وتطلع مع ناس ماتعرفهم
منار: انا كنت حاسه من اول انه واطي بس ماتوقعت لها الدرجه.. الله يعينها هي خايفه الحين من اهلها وصدمتها قويه ف جاد. ونفسيتها زفت. وانا خايفه عليها كثير
جوانه تفكر : لا تخاف ولا شي راح اخليه يتزوجها غصب عنه
منار: كيف
جوانه: مدري بس بفكر وراح تشوفين وش بيصير له هالنذل
منار بخوف: جوجو لا تحاولين تتحدينه. هذا واحد ما ينلعب معه
جوانه بأصرار: يحسب بنات الناس لعبة ف يده هالنذل.. راح تشوفين كيف راح اخليه يترجاها عشان تقبل فيه
طق طق طق
جوانه: ادخلل
الخدامه: غدا جاهز
جوانه: اوك .. يلا ي الجيعانه الغدا جاهز
نزلت ع الغدا وهي تفكر بخطه تدمر فيها جاد
>>>>>>>>>>>>>>>>>>>>>>>>



فتحت عيونها بهدوء مو مصدقه اللي صار
: انا شلون تماديت معه شلون وصلت لهاالدرجه
التفت له لقته جالس ع طرف السرير ومو ﻻبس غير البنطلون ضمت نفسها وشدت اللحاف عليها وهي تسأل: جاد وش صار
التفت عليها وهو يبتسم بسخريه: ابد انبسطنا شوي بس
نزلت دموعها: جاد انت وش سوووويت لييييش
قرب لها وحط اصبعه ع فمها وهو يقول: اوووششش لا اسمع نفس. كل شي صار برضاك. وابتعد عنها
ناظرت فيه: طيب وش بيصير بعد كذا
جاد وهو يلبس قميصه : امممم ارجعك ع بيتكم وش بيصير يعني
مها ودموعها ع خدها: لا اقصد بعدين
خلص من لبس قميصه وجلس ع السرير وهو يقرب لها
مها تشد على نفسها وتغمض عيونها وهي تحط يدها ع صدره بقرررف: وخررر عني
رفع راسه بأستغراب وضحك بصوت عالي وبغرور : ترا من شوي كنتي بأحضاني ف لاتسوين فيها شريفه
مها مو قادره تتكلم من دموعها
وقف وهو يعدل قميصه ويكمل الازرار: تحركي خلصيني والا عاجبتك الجلسه هنا
ماردت
جاد: عن نفسي ماعندي مانع بالعكس. وهو يغمز لها. راح انبسط اكثثثررر
وقفت مها وهي تلف اللحاف عليها وراحت ع الحمام
>>>>>>>>>>>>>>>>>>>>>>>>>>





خوله تكلم صديقتها: مرررره صوته يجنن ابيه سومي ابيه
سماح: يوووه لاتتأملي كثير هذا ولد الهامي تعرفين شو يعني
خوله بغرور: راح تشوفين كيف راح اجيب راسه
سماح: والله خايفه عليك
خوله: هههههههههه وليش خايفه علي
سماح: مدري احسهم ناس ماينلعب معهم
خوله: انتي بس اصبري وراح تشوفين
سماح: وبعدين جواد ذا مغرور كل البنات مو شايفهم واحسه معقد ونفسيه
خوله: هييه لاتغلطين ع زوجي
سماح: زوجك ف عينك لسىئ
خوله بغرور: هههه بيصير زوجي وابو عيالي بعد
سماح: اوم الثقه
خوله وهي تبتسم : بعدك ماعرفتيني ي سماح والله لخليه خاتم ف صبعي
>> >>>>>>>>>>>>>>>>>>>>>>



ع طاولة الطعام
جوانه وهي تشرب العصير: الحمدلله
عبير: على وين ما اكلتي
جوانه: بروح اشوف بابا الصباح كان نايم
عبير: أنا بعد بروح معك انتظريني
جوانه: لا يمه انتي ارتاحي لساتك تعبانه
منار: ايه ارتاحي خالتي توك طالعه من المستشفى
جوانه: أنا بطمنك عليه
عبير: بس ودي اشوفه واتطمن بنفسي
جوانه: اصلا راح يزعل إذا شافك كذا
دانه: صح يمه ارتاحي اليوم
عبير: طيب. بس إذا وصلتي كلميني ابي اسمع صوته
منار تغمز لها: كل هذا حب
عبير بأبتسامه: ايه. من لي غيره
جوانه: افاا وانا واختي وين رحنا
دانه: ههههههه تبرت مننا
عبير: انتو روحي وابوكم قلبي
منار تسوي انها بتتطيح ع جوانه اللي جالسه جنبها: ي ويل حالي شو هالحب. يارب ارزقني بزوج احبه ويحبني نفسهم
جوانه: هههه استحي ي بنت
منار: قولي امين ي الدبا
جوانه بصوت عالي وهي ترفع يديها: آآآآآآآآآآآآآآآآآآمين وافتك منك
منار تشهق: قويه عاد تفتكين مني. أجل مانيب متزوجه ع قلبك
جوانه: هههههه احسن. وهي توقف : بروح البس عن اذنكم
منار توقف : أجل وصليني بيت خالتي
>>>>>>>>>>>>>>>>>>>>>>>>



فتحت الباب وماشافت بنتها ع سريرها. ناظرت الغرفه كامله مالقتها
ام ريم : ريييم. رييييم وينك
شافت باب الحمام مفتوح
ظلت تنادي محد رد دخلت ولقت ريم ع الارض والدم حولها
ناظرتها بدهشه وصااارت تصرخ وتنادي ابو ريم
ام ريم وهي تهزها ودموعها ع خدها: رييييم قومي وش فيييك ي بنتي وش جرالك
جا ابو ريم وتفاجأ باللي صار. صار يصحي بنته. اخذ شماغه وربط يدها عشان يخف النزيف. حملها ع طول ونزل فيها ع السياره وهو يتكلم ع ام ريم بصوت عالي : بسرعه خذي عباتك والحقيني
حطها ف الخلف وركب وهو يشغل السياره جت ام ريم تركض وركبت عند بنتها
ام ريم: بسرعه بسرعه ي جاسم البنت بتروح منا اتجهو ع المشفى بأقصى سرررعه
وصل ع المشفى وهو يدق بوري عشان يجي احد يحملها
جت الممرضات و النقاله واخذو ريم ع غرفة العمليات. .. ..

>>>>>>>>>>>>>>>>>>>>>>>>



ف سيارة جاد
مها بخوف: جاد واللي يسلمك لاتسوي كذا فيني. انا حبييييييتتتتككككك
جاد يبتسم بسخريه: والله قلتلك كل شي صار برضاك. كنتي تقدرين تمنعيني
مها ودموعها ماوقفت: حرام عليككك ليش تسوي فيني كذا
جاد يوقف عند بيت مها: انتهى الموضوع. خلاص انزلي
مها تمسك ذراعه وهي تبكي: جاد الله يخليك لاتسوي كذا لاتتركني
جاد بقرف سحب يده : بتنزلين والا انزلك غصب؟ وبعدين انا ماقلت بخليك. لسىى بدري
مها: جاد انا احبك
جاد بسخريه : حبك كبير حتى سلمتيني نفسك بدون مقاومه. انزلي تأخرت
مها ماقدرت تقول شي نزلت وهي تتمنى الموت تتمنى لو كان عندها سكين تغرسه ف قلب جاد عشان تنتقم منه ع اللي سواه فيها
نزلت وهي تجر رجولها جر ودموعها ع خدها ولا تدري وش تسوي
> >>>>>>>>>>>>>>>>>>>>>>



جالس ف مكتبه ويفكر. أنا ليش اشغل بالي فيها. طيب معقوله كانت تقصدني وقف بسرعه وراح ع الحمام وقف قدام المرايه وابتسم وجلس يضحك ههه توي ادري اني معي غمازات. يعني كانت تتكلم عني. غمض عيونه واخذ نفس وفتحها أنا ف وش افكرر وش جابني هنا واناظر نفسي صدق اني مجنون. غسل وجهه ورجع ع مكتبه
الممرضه: دكتور وليد بسرعه يبونك ف الطوارىء
حط سماعته ع رقبته وطلع



>> >>>>>>>>>>>>>>>>>>>>>>





الساعه 8 م
وفي مطار هيثرو – لندن
نزل من طيارته بهيبته المعتاده وركب في سيارتة الرولز رايس
السايق: اوديك بيتك والا الفندق طال عمرك
جواد: ﻻﻻ ع الفندق. وفي نفسه لاحق ع الهم
السايق: حاضر
جواد طلع له سجاره: اسمع
السايق: سم
ولع سيجارته واخذ نفس: لا احد يعرف اني موجود هنا. بالذات كرستين
السايق: تامر طال عمرك
كمل طريقه ع الفندق وهو يناظر شوارع لندن اللي ف كل مكان له ذكرى فيه
>>>>>>>>>>>>>>>>>>>>>>>>>





مسكت يدها وهي تبكي وبعتب: ليش ي خبله؟ ليش تنهين حياتك عشان شخص مايستاهلك
ريم بتعب: تعبت يا ميمي حيييل تعبت
منار: وتنتحرري ؟؟ كل شي له حل. تبين تخسرين الدنيا والاخره بعد ليش كذا
ريم نزلت دموعها: منار ابي منك طلب
منار: ااامري ي قلبي كلي لك
ريم: دقي ع جاد وخبريه عني
منار: انتي مجنونه؟ لا مستحيل
ريم: الله يخليك
منار: لا مستحيل اخليه يفكر انك ضعيفه
ريم: تكفين يمكن يندم ويرجع لي
منار: لا لا كذا يستانس انه كسرك
ريم: ارجووك لاتتعبيني اكثر
منار بعدم اقتناع: طيب
اخذت جوالها ودقت
>>>>>>>>>>>>>>>>>>>>>>>>>



توه وصل البيت رمى نفسه ع سريره بتعب
سمع جواله يدق ناظر المتصل
جاد: اوووه وش تبي ذي
رد بطفش: نعمممم
منار طلعت من غرفة ريم عشان تاخذ راحتها: انت ايش من بشر
جاد : اووووه مو فاضي لمحاضراتك
منار: تدري وين ريم
جاد: مايهمني خلصنا منها
منار بعصبيه: الله بينتقم منك. وراح تذوق اللي ذوقته لها. ريم انتحرت
حس وكن احد طعنه بوسط قلبه جلس بسرعه ولاول مره يحس بالخوف يعتري جسمه : لل ليش
منار: لييييش؟؟؟ تسأل لييييش؟ ههه كأنك ماسويت شي يعني
جاد بخوف: هي بخييير؟؟
منار بقهر: الحمدلله لحقناها بأخر لحظه..
جاد تنهد بإرتياح وهو يحمد ربه ويتصنع البرود: والمطلوب ؟
منار: قلت اخبرك يمكن تكون رجال وتصلح غلطك.
جاد: ههههه رجال غصبن عنك.. والغلط موب غلطي.. اذا كانت محترمه ماكان طلعت مع رجال غريب عنها
منار بقهر: كنت متأمله فيك بس للاسف طلعت غلطانه ولا تنسى الله يمهل ولا يهمل . راح يجي لك يوم
قفلت الخط وهي معصبببببههه منه اخذت نفس عميق ودخلت عند ريم
ريم تناظرها بأمل: ها وش قال
منار هزت راسها يعني مافي فايده
ابتسمت بغصه: الله يقويني ع اللي حطني فيه. وكملت بقهر: والله ينتقم منه



ومن جهته رجع راسه ع السرير وهو سرحان فيها وفي ملامحها صوت صغير بداخله يأنبه بس هو اكبر من انه يستسلم لها الصوت الصغير ودايم يحط الغلط على غيره. محد قالها تكلمني وهي تدري ان الرجال والانثى مستحيل تجمعهم علاقه شريفه اذا مافي زواج. يبرر لنفسه ويصدق كلامه وينسى اللي سواه بس ريم مو قادر ينساها الوحيده اللي اشتاق لها بعد ماتركها ولكن كابر وتوقع ان هالشوق لانه ظلمها.. اخذ نفس عميق وطلعه بهدوء يحس بخنقه ولا عارف سببها
جاد بحزن: انتي الوحيده اللي حافظتي ع نفسك مني ومهما ترجيتك ماعطيتيني
كمل بغرور: بس انا جاد ولد خالد الهامي اخذ اللي ابيه لو بالغصب.

>>>>>>>>>>>>>>>>>>>>>>>>>



:الوووو ليش ماتردين
منار اللي توها طالعه من عند ريم ودموعها ع خدها: معليش
جوانه: طمنيني كيف صارت
منار: الحمدلله صحتها تمام. بس نفسيتها تعبانه
جوانه بأسف: ياقلبي عليها
منار: بكره بتطلع انشاالله
جوانه: الله يقومها بالسلامه
منار بحقد: السافل هذاك كلمته
جوانه بأهتمام: ليش. وايش قال
منار: ابد ماقال شيء. خبرته ان ريم حاولت تنتحر
جوانه: لللللللليش.
منار: وش اسوي ريم طلبت مني ولا قدرت اردها
جوانه تطمنها : راح اخليه يندم صدقيني
منار: هذا ماعنده احساس. ما اعتقد راح تقدرين تسوين له شيء
جوانه بتحدي: بأذن الله راح اقدر
منار: يارب.
جوانه: اوك حبيبتي اخليك ترتاحين. تعبتي كثير اليوم
منار: وانتي بعد ارتاحي
جوانه: ماشي ي روحي يلا مع السلامه
منار: مع السلامه

>>>>>>>>>>>>>>>>>>>>>>>>>



تنتظر بطفش كل شوي تناظر جوالها: يوووه هذي كلها رحله صارت الساعه 11 وللحين ما اتصل اوف يلا أنا بتصل واشوف اخرتها معه



من جهته كان توه طالع من الحمام ويمشط شعره سمع جواله يدق
ناظر فيه اوف وش تبي ذي النشبه
رد : خير
خوله: ليش م اتصلت وين وعدك
جواد بملل: شفت ماله داعي اتصالي
خوله: ليش ماله داعي أنا احبككك جواد
جواد: يابنت الحلال اعقلي ترا ما اشوفك الا مثل اختي
خوله بعصبيه: بس انا مو اختك. انا احبك
جواد: اسمعي ي بنت الناس أنا ما اشوفك تناسبيني بنظري لساتك بزر
خوله: الحب مايعرف صغير وكبير
جواد : وانا ما احبك
خوله: راح تحبني
جواد يبتسم بسخريه: ولا تحلمي احبك. ويلا راح اقفل لان مابينا شيء عشان تكلميني انا رديت عليك وعطيتك وجه عشان ابوك غير كذا لا تحلمي افكر فيك حتى
خوله تمثل انها تبكي: انت ليش تجرحني أنا وش سويتلك كل ذنبي اني حبيتك اهي اهي اهي
جواد بحزم: انتهى كلامي معك .. انسي تكلميني مره ثانيه سامعه
خوله: ترا والله اموت سامع والله اقتل نفسي
اخذ نفس مايدري كيف يتفاهم معها: وبعدين معك؟
خوله: بقفل بس اوعدني تكلمني بكره
جواد: خوله خلاص مابينا شي ليش اكلمك
خوله: ماراح اقفل لين توعدني
جواد يسايرها: طيب يصير خير
خوله بابتسامه خبيثه وتمثل البرائه: قول والله راح تكلمني بكره
جواد بنفاذ صبر: والله. يلا ناممي وانا تعبان بنام نلتقي بكره ان شاء الله

خوله: اوكي مع السلامه ي روحي
جواد بملل: مع السلامه
قفل منها ورمى جواله بملل توجه لسريره وتسطح بتعب
جواد: هذي والله البلشه




>>>>>>>>>>>>>>>>>>>>>

رجعت جوانه ع البيت وهي تعبانه خذت لها دوش سريع وطلعت
نشفت شعرها الحريري ولبست بجامه حريريه ليلكي وجلست ع اللاب توب
طق طق طق
جوانه وتركيزها ع اللاب :ادخخخل
دانه وهي تدخل وتقفل الباب: حسبتك نمتي
جوانه تناظرها بأبتسامه: لا مافيني نوم
دانه وهي تجلس ع الكرسي اللي جنبها : أنا كمان ماجاني نوم
جوانه: ليش
دانه: حاسه ان فيك شيء ف جيت اتطمن عليك بس
جوانه وهي تضمها: يابعد روحي
دانه: متأكده جوجو مافيك شيء ؟
جوانه وهي تبتعد عنها: إذا فيني شيء مالي غيرك احكي لها صدقيني
دانه تضربها بخفيف ع راسها: أجل يلا نامي انتي وكشتك ذي
جوانه: هههههه احلى من كشتك. وتمد لها لسانها
دانه: بس ي بنت بطلي هالحركه عيب
جوانه: ههههههههههههه تعودت ع مدت اللسان ذي
دانه وهي توقف: اوك أجل أنا بروح انام وانتي بعد لا تظلين سهرانه عشان بعد بكره الاحد ي حلوه. اخاف تتعودين ع السهر
جوانه: هففففففف لا تذكريني مالي خلللللق لدوام ابد
دانه وهي طالعه : نامي بس. وقفلت الباب
جوانه تذكرت جاد وحبت تعرف عنه معلومات طلعت من المنتدى بسرعه وراحت تبحث عنه وعن اسمه
قرت عنه كثير ومن بينن الصور لفت انتباهها صوره له مع الشخص اللي شافته بالسياره
جوانه ياربي هذا وين شفته امممممم اي تذكرت هذا صاحب السياره بس وش يبي مع جاد امممم يمكن صديقه والا ولد عمه ما اشوفه يشبهه هفف أنا وش علي منه صدق اني ملقوفه خخخ انا لازم اساعد ريم كيف قدر ذا النذل يحرمها من اغلى شي عليها وش اسوي كيف راح احصله اللي فهمته من منار انا راعي بنات مايصدق يلاقي بنت بس لا مابي ادخل له من ذا الباب وافتح على نفسي مشاكل انا في غنى عنها .. كنت سرحانه بصورهم وافكر شفت الشركه وابتسمت ايه الشركه لازم اشتغل عنده عشان امسك عليه اي مصيبه واهدده فيها واخليه ياخذ ريم غصبن عنه الكلب
اخذت نفس احس بيأس صح فكره بس المشكله كيف ادخل الشركه وش اقول وكيف اتوظف وانا ماكملت جامعه .. الحل الوحيد اللي افكر فيه صعب ومستحيل.. لازم يكون عندي شهادة عاليه تجذبهم حتى لو مزوره.. اااه ومن وين لي شهادة زي كذا مين راح يساعدني ويخاطر بنفسه عشان هالشي. اممم ياترا لو علمت دانه راح تعطيني حل؟ مالي غيرها دايم تحل مصايبي

قامت بسرعه وراحت ع غرفة دانه فتحت الباب بسرعه
دانه تحط يدها ع صدرها: بسم الله شفيكككك
مسكتها من يدينها وتمشي لين السرير وجلستها وجلست: ابي مساعدتك
دانه تتحسس جبهة جوانه: متأكده منتي مسخنه
جوانه تبعد يدها وهي تبتسم : ﻻ تمااام بس اسمعي ابيك جد تشوفي لي حل
دانه: حل بشنو
جوانه: ابي شهاده مزوره
دانه تبقق عيونها وفمها مفتوح: نعععم؟؟؟ لا عفوا ما سمعت زين
جوانه بجديه: والله جد ابي بس كيف
دانه باستغراب: ﻻﻻ اكيد انك مريضه او فصلتي من النوم

جوانه: دانننننه أنا ما امزح أنا ابيها ضروري
دانه بدت تصدقها: وش تبين فيها طيب ؟
جوانه. ياربي أنا ماتعودت اخبي عنك اي شيء بس هذا ما ادري اخاف اقولك وماتخليني اسوي اللي ف بالي
تنهدت بصوت مسموع: مو لي لصديقتي تهقين كيف نزورها
شفتها جالسه تفكر: اممممم عندي صديقه بقسمي اعتقد انها تفهم بهالامور لانها تزور اي شي بالدنيا حتى البنات يعطوها فلوس عشان تزور لهم سكليف
استانست من قلب: واللهههههه أجل يلا دقي عليها
ناظرتني بشك: كل هالفرح لصديقتك
ءءءءء قمت ارقع: ايه لانها محتاجتها مرررره
دانه بعدم تصديق: اوك هي رقمها مو عندي بس بقابلها يوم الاحد ونشوف
ارتحت من التفكير ان شاءالله انها تقدر تساعدني بوست دانه وطلعت ع غرفتي قفلت اللاب وانسدحت وانا افكر كيف اخلي هالنذل جاد يبوس رجول ريم عشان ترضى عليه.

اه خلاص عقلي تعب من التفكير راح انام و ان شاءالله بكره احسن
قفلت نور غرفتها وشربت مويا و تغطت ونامت


>> >>>>>>>>>>>>>>>>>>>>>>



صحى ع صوت جواله رفعه بيشوف مين كان رقم غريب رد
جواد: الو
:Welcome to London
(اهلا بك في لندن)
جواد عرف صوتها ع طول وانقهر شلون عرفت انه موجود
جواد:Hi, yes??? What do you want
(نعم؟. ماذا تريدين)
"" (حكتب باللغه الفصحى. بدل مانكتب انجلش ونترجم)""
كرستين: اريد ان اخبرك انك لا يمكنك الاختباء من كرستين
جواد بقهر بس يحاول يكون عادي: اوه كلا كرستين لقد اشتقت اليك كثيرا ولكن كنت مرهق الليله الماضيه
كرستين :اريد مقابلتك الليله ما رأيك؟
جواد يفكر : حسنا
كرستين:حسنا. انتظرك في مطعم نوفيكوف
جواد: سوف اكون هناك ف الساعه الثامنه
قفل منها وناظر ساعته شاف الساعه كان لسى ٤ بتوقيت لندن بس كرستين طيرت نومه
قام من سريره وراح ع الحمام ياخذ شور وهو يفكر ف كرستين ومو عارف وش اللي تبيه منه


>>> >>>>>>>>>>>>>>>>>>>>>>

فتحت عيونها بكسل تناظر حولها أنا وين
اول ماشفتها امها تناظر قربت منها ودموعها ع خدها جلست جنبها ومسكت يدها وتناظر بنتها حبيبتها الوحيده اللي كانت بتفقدها: شلونك يمه اليوم عسى ما يضرك شيء ؟
ابتسمت ريم ابتسامه باهته: يمه أنا بخير ابي ارجع البيت
ام ريم: ارتاحي الحين واذا جا دكتورك نسأله عشان يكتب لك طلوع
قطع حديثهم رنة جوال ريم اللي من شافت المتصل قلبها طاح من مكانه.
ام ريم: شفيك ي بنيتي ردي
ريم بارتباك : مابي ارد هذا رقم م اعرف مين
ام ريم: يجوز انه وحده من صديقاتك ردي
ريم بتردد ردت : الو
بصوت خشن يخوف: اهلين
ريم بخوف: هـ هـ ــلا
قال بتهديد: كيف تسوين بنفسك كذا نسيتي اللي اتفقنا عليه
ريم: هاه ل لا مانسيت بــ بس
رفع صوته القوي اللي يخوف: لا بس ولا شيء. الشي اللي انطلب منك لو ماتنفذ خلال هالاسبوع تعرفين وش راح يصير.. وماله داعي تستعجلين على موتك لانه بيجيك لو ما نفذتي الاوامر
ريم ودموعها ع خدها: حاضر
قفل الخط وريم حضنت امها وتبكي
ام ريم: شفيك ي بنيتي
ريم ولسى حاضنتها وتبكي : يمه ابي اطلع تعبت ابي ارجع البيت.
ابتعدت عنها: حاضر ي بنيتي الحين اشوف دكتورك
قامت امها وطلعت من الغرفه وريم اخذت منديل وتمسح دموعها
ريم: ياربي أنا الاقيها من وين والا من وين. ياررررب أنا مالي ذنب
بكل اللي صار يارب فرج همي. ليش ليش تجيني الهموم من كل مكان ليش بس أنا. استغفر الله أنا وش جالسه اقول بس والله تعبببببت. يارب يارب فرج هاالهم اللي بداخلي
دخلت امها: خلاص ي بنيتي الدكتور شاف تحاليلك وكتب لك خروج
ابتسمت ريم وسط همها: الله يخليك لي
ساعدتها امها لحد تلبس عبايتها وطلعو ع البيت بعد مادقت ع ابوها عشان يجي ياخذهم

>> >>>>>>>>>>>>>>>>>>>>>>


دانه تصحي جوانه: جججججججوج وجع وش هالنوم كله قومي يلا
ابيك تفطرين معي يلااااا
جوانه مو بوعيها : ءءءءء خليني ابي اروح ءء
دانه فاطسه ضحك: هههه وين تروحين
جوانه لسى تقول خرابيط: باريس. بروح معهم خلوني
دانه: هههههههههههههههه باريس عاد مره وحده والله ي وخيتي ماهقيتك تطبينها
ضربتها ع يدها لين بدت تصحى: ها ها خلاص وش فيك انتي ياربييييييي ماتخلون الواحد ينام براحته
دانه: قومي مافي غيري بالبيت وابي نفطر مع بعض
جوانه تفتح عين: ليش شايفتني زوجك مثلا ؟ روحي افطري مع قطوتك المتوحشه ذيك. وغمضت عينها
دانه: ترا بكره مراح اكلم البنت عشان الشهاده
جوانه نطت جلست: ﻻﻻﻻ صحيت ها. يلا جهزي الفطور وانا اتحمم واصلي واجيك
دانه بابتسامه: اوك ﻻ تتاخرين
وطلعت. وجوانه قامت ع الحمام عشان تتحمم


>>>>>>>>>>>>>>>>>>>>>>

خالد ابو جواد وهو ع طاولة الطعام: وين جاد بعده نايم؟
سميره وهي تاخذ جبن بشوكتها: اي والله ان هالولد مدري ع مين طألع
خالد شرب شوي من الشاي: نادي ع الشغاله تصحيه ابيه يروح معي ع الشغل
سميره: هذا مو وجه شغل
نادت ع الخدامه وقالت لها تصحي جاد ضروري
خالد وهو يمسح يدينه وفمه ويترك المنديل ويقوم: قولي له لو ما اشوفه قدامي راح احرمه من كل شيء
سميره: ان شاءالله
خالد: يلا فمان الله.
سميره: بحفظ الرحمن ي روحي
خالد يبتسم ويرجع خطوه ويسوي انه ماسمع: هاه وش قلتي صرت ما اسمع زين هالايام
سميره ترفع صوتها كنها تكلم عجوز: اقول. شكلك كبرت وعجزت ها
خالد: ههههه والله لساتني شباب ي العجيز
سميره تبتسم: اي واضح ي الشايب
خالد وهو يمشي: يلا يلا تأخرت
سميره: بحفظ الرحمن
وراحت تشوف جاد إذا صحى
>>>>>>>>>>>>>>>>>>>>>>>>


نزلت بكسل وجلست ع طاولة الطعام
جوانه: ي سلاااام وش هالاكلات كلها
دانه تحط ابريق الشاي وتجلس وتصب شاي: ههههه حبيت اسوي فطور حلو
جوانه وهي تمد يدها وتاكل بسرعه: يم يم لذيذ. سفرة ملوك اليوم
دانه تاكل: ههههه عوافي
جوانه: الا وين ماما
دانه: تجهز ملابس حق ابوي عشان بتروح له بعد شوي
جوانه تناظرها بحقد: ي حماره قلتي لي محد غيرك ف البيت ها
دانه: ههههههه اقصد مراح احد يفطر معي. لانها الحين بتروح لابوي
جوانه: ياربي فقدت حسه بهالبيت متى يطلعونه
دانه: أنا بعد والله
جوانه: باكل بسرعه ابي اروح مع ماما
دانه: ي سلام أنا بعد بروح معكم
جوانه : اوك أجل ابلعي بسرعه
سمعو صوت امهم نازله ولابسه عباتها
جوانه: لحظه ماما بنروح معك
دانه: تعالي افطري لين نجهز
عبير: لا أنا سبقتكم ورايحه اشوف ابوكم
جوانه: ﻻااااا يلا عاد عن النذاله انتظرينا
عبير: ههههه عيب ي بنت أنا امك. وبعدين مين يفطر11 ونص صار وقت الغدا مو فطور ذا
دانه: ههههه تو صحينا طيب
جوانه قامت وراحت طيران ع غرفتها وهي تكلم امها: ﻻ تروحين ها أنا دقيقه وانزل
دانه بعد لحقتها وطلعت
لبسو البنات بسرعه ونزلو لامهم بعد ماطلبت لهم تكسي وراحو لابوهم



>>>>>>>>>>>>>>>>>>>>>>>>

صحى بطفش تحمم ولبس وتوجه ل الشركه
دخل ع مكتب ابوه
جاد وهو يجلس بطفش: امر يبه امي قالت تبيني ضروري
ابو جواد يبعد نظارته اللي كان يناظر فيها الاوراق اللي بيده: الناس تقول اول شيء السلام عليكم وقبل السلام الناس تستأذن وتدق الباب
جاد: اسف يبه م انتبهت
خالد: اسمع اخوك سافر زي ما انت عارف. وهالمره مراح يرجع
جاد بأستغراب: للليش
خالد: لان بخليه يتابع الامور هناك على طول. مايصير كلنا هنا. وانا ماعاد فيني شده للسفريات والروحه والرجعه
جاد: اللي تشوفه يبه
خالد: ومكانه هنا فاضي ف لازم انت من بكررره تبدء تشتغل هنا
جاد وقف متفاجأ: أنا!!! وليش؟ وظف احد من اللي يشتغلون هنا
خالد يناظره ويأشر بيده عشان يجلس: استرح ماخلصت كلامي
جلس جاد: بس يبه أنا ما افهم بهالامور
خالد: انت مو بزر وانا ما ارسلتك تتعلم برا عشان تقول ما اعرف
جاد: بس يبه !
خالد: لا بس ولا شيء إذا ماشفتك بكره هنا اعتبر نفسك محروم من كل شيء
جاد: ان شاءالله يبه. اوامر ثانيه
خالد: لا سلامتك
جاد: اقدر اروح
خالد: ايه تفضل
طلع جاد معصب ماله خلق الشغل لانه بيفقد حريته والسهر ويصير ينتظم ع حسب دوامه. دق على اخوه
جواد بابتسامه: ارححب ملايين
جاد بضيق خلق: هلا
جواد: خير. وش فيك ضايقه الدنيا فيك
جاد: عرفت بقرار ابوي
جواد: ايه ادري بس وراك انت معصب؟
جاد: أنا ما افهم بشغلكم ذا
جواد: ماعليك راح تتعلم وبعدين ماشاء الله انت ماخذ ماستر ف ادارة اعمال
جاد: ايه بس ما احب الارتباط
جواد : بتتعود ماعليك
جاد: ان شاء الله الا انت شخبارك
جواد: هههه بدري؟
جاد بابتسامه: وش اسوي كنت مضايق
جواد: لا يضيق صدرك وانا خوك. فتره وتتعود وتصير تحبه مثلي واكثر
جاد: لا لا. الله لا يسمع منك
جواد: هههههه وليش؟
جاد: انت مو بس حبيت الشغل انت ادمنته لدرجة دفنت نفسك فيه. وانا بصراحه مو مستعد اضيع شبابي فيه واحبه زيك خلني بحب البنات افضل لي
جواد: ي بن الحلال اترك عنك شغل المراهقين ذا وانتبه لشغلك احسن لك تراهم يركضون ورا فلوسك مو عشان سواد عيونك
جاد: اموت ولا اتخلى عنهم هم زينة الحياة
جواد: اكبر شوي. ترا غلط اللي تسويه ببنات الناس بكره يرجعلك ببناتك
جاد بتذمر: بدينا بالنصح
جواد: ماينصحك الا محب
جاد: ماعليك انا ما اخذ شي غصب عنهم كل شي برضاهم
اخذ نفس: ما اقول غير الله يهديك
جاد: يلا اجل مراح اعطلك. توصي شي؟
جواد: ابد
قفل منه وتوجه للبيت


>>>>>>>>>>>>>>>>>>>>>>>>


وصلت البيت وع طول توجهت لغرفتها اخذت جوالها ومتردده إذا تدق تخبر منار باللي يصير والا لا
تذكرت موقف
كانت تسولف مع صديقاتها ف القاعه فجأه دخلو عليهم 3 بنات نادو ريم
راحت معهم وكانت اشكالهم تخوف ودوها مكان خلف القاعات هادي مافي احد
البنت الاولى: هذا لك
ريم بفرح: اييه جوالي وين لقيتيه
الثانيه: مالك شغل وين لقيناه. المهم وش اللي لقيناه فيه
ريم بعصبيه: مالكمممم حق تفتشون جوالي عطيني ياه
الاولى: هههههه اعطيك ؟ حاضر بعطيك. وعطتها. بس شوفي ورتها بجوالها صور منار بس بعد ماعدلو الصور وركبوها مع صور شاب
ريم بتفاجأ: شلللللللللون كذا من وين هالصورررررر
البنت الثانيه: هذي صديقة روحككك وبنت خالتك صح
ريم تبكي: وش تبون فيها ليش تسون كذا وش سوت لكم
الاولى: ماسوت شيء بس ماحصلنا لك صور. المهم اسمعي انتي بتكونين معاونتنا
ريم ولسى دموعها ع خدها: معاونة وش
البنت: نحتاج وحده هنا لانو احنا مو كل يوم نداوم
ريم: طيب بس شنو
البنت: توصلي مخدرات للبنات اللي هنا. حنا نعطيك وانتي توصليها لهمم
ريم بتفاجأ وخوف : مخدرررررررات؟
البنت: هوس ولا كلمه. ايه مخدرات ولو ماسويتي هالشي صور صديقتك وحبيبة قلبك اللي مالها ذنب راح تنتشر بسببك
ريم: مسسستحححيل كيف بدخلها والحارسات
البنت: لا تخافين عندنا كم حارسه معنا وتقدر تدخلك
ريم تبكي: طيب ممكن افكر
البنت: اوك بس لو عرفت انك علمتي احد اقسم لك بالله انه بيكون اخر يوم بحياتك
ريم بخوف: حــ حـاضر
البنت: اسمعي حنا نتعامل مع شباب هم اللي يعطون الاوامر المهم بعطيهم رقمك
ريم: ﻻ ليش
البنت: بكره اجي اشوفك. واذا حابه صور صديقتك تنتشر ارفضي وراحت هي وصديقاتها

ريم تبكي: ياليتني وقتها خبرت منار مو بعد ماتورطت معهم ؤوافقت ع طلبهم.
>> >>>>>>>>>>>>>>>>>>>>>>



وصلت المستشفى
جوانه: ماما وقت تشوفين الدكتور اسأليه متى يطلع بابا
عبير: ايه اكيد
دانه: وين الغرفه دخت من المشي
جوانه: هذي اللي بأخر الممر
دقت عبير الباب ودخلت
ابتسم ابوهم. توجهت له جوانه وبعدها دانه كانو يبوسونه ع جبهته وخده

ابو جوانه(محمد) : ياهلا ي هلا بنور عيوني
جوانه ماسكه يده: شلونك يبه اليوم
رد ابوها بابتسامه: الحمدالله بصحه وعافيه
دانه: يبه اشتقنالك متى تطلع
محمد: والله الدكتور يقول بكره
عبير من خلف بناتها: يلا يكفيكم بسلم ع ابوكم
التفتو البنات وهم يضحكون عليها
جوانه: تفضلي ي جوليت هههه
ابتعدت امها جت مسكت يده بحنان: كيف صحتك اليوم؟
محمد يناظر زوجته بحب: بخير ي عمري
عبير وهي تهمز يدينه: علمني في شيء يعورك
محمد: لا نسيت التعب يوم شفتك
جوانه: احححم احم نحن هنا
دانه: ههههههههه امشي نطلع مالنا داعي
محمد: هههه لا مايحتاج بس فقدت امكم
جوانه تمسك دانه وهم طالعين: بنشوف الدكتور ونرجع
وطلعو وتركوهم
دانه: تعرفين دكتوره؟؟
جوانه تذكر الموقف اللي صار لها معه. هاه ايه بس انتي روحي شوفيه أنا استحي
دانه: ي سلام لا مابروح وحدي يلا مع بعض
جوانه بخاطرها اكيد مو فاكر شكلي في كثير مرضى يشوفهم غيري
جوانه: اوك امشي
وراحو لحد غرفته بعد ماسألو الممرضه إذا كان موجود او لا
طق طق طق
رد عليهم: تفضل
دخلت جوانه وبعدها دانه
الدكتور وليد ناظر جوانه وابتسم تلقائيا: امري
جوانه يوم شافته يبتسم طاح وجهها وتقول بخاطرها وي والله اكيد ذكرني اف ي ربي وش هالفشله
دانه يوم شافت اختها ساكته: لو سمحت دكتور بغينا نسالك المريض محمد اللي بغرفة ١٠٩ متى يطلع؟؟
الدكتور يناظر دانه: ان شاءالله بشوف اخر شيء تحاليله ويطلع بكره
دانه: شكرا دكتور
وليد: العفو
طلعو البنات من عنده
دانه: شفيكككك صرتي مزهريه من شفتيه
جوانه: هههه ﻻﻻ ولا شيء ذكرت موقف
دانه : امشي نروح عند ماما وبابا
جوانه: امشي

(ابو جوانه محمد عمره٤٩ يشبه في شكله الممثل تركي اليوسف.. يحب زوجته وبناته كثير رغم ان اهله مو راضين ويبون يزوجونه عشان يكون عنده ولد بس هو مو راضي)

> >>>>>>>>>>>>>>>>>>>>>>





نزلت من السياره بسرعه لان خالتها كلمتها وقالت لها تجي بسرعه عشان ريم تعبانه. تدور ع جوالها بشنطتها وتمشي وماحست غير لما انصدمت بشي قوي وطيحت شنطتها رجعت خطوه لورا وناظرت فيه وهو يبتسم
مازن: بسم الله عليك
نزل يلم الاغراض اللي طاحت منها وقف وهي لساتها مصنمه مكانها
مازن يمد يده بالشنطه: تفضلي
منار نزلت راسها واخذتها وبخجل: شكرا
مازن يبتسم : العفو ي روحي
منار تمشي بس مسك يدها بلطف: على وين
منار: ءءء امممم ريم تعبانه بشوفها
مازن: أنا بعد تعبان شوفيني أنا. داويني من حبك
منار صار وجهها طماط من الاحراج.
سحبت يدها بسرعه ودخلت البيت تركض
ومازن ظل يضحك وهو يردد: أأأأأأه احبك احببببك
(مازن اخو ريم مخلص جامعه ويحب منار من هم صغار والحين منتظرها تخلص دراسه عشان يطلب يدها)

وصلت عند ريم اللي توها طالعه من الحمام كانت تغسل وجهها من الدموع.
منار تقفل الباب وتستند بظهرها عليه وتاخذ نفس
ريم قربت منها تتحسس جبهتها: شفيك شايفه جني بسم الله
منار بإبتسامه: لأ شفت مازن
ريم: ههههه أنا اقول شفيها خدودك حمرا
منار تمشي وجلست ع السرير: اخوك كل يوم يصير مز اكثر
ريم بغرور: مو احلى مني
منار: وع عليك وش جاب الثرى للثريا
ريم: ههههه
منار بجديه: ريم اممممم أنا خبرت جوانه عن موضوعك مع جاد
ريم: لللللللللليش؟
منار: اهدي واسمعيني هي حابه تساعدك وتخليه يتزوجك غصبن عنه النذل
ريم طاحت دمعتها: مراح تقدر هذا انسان حقير
منار: ﻻ ان شاءالله تقدر
ريم: ان شاءالله. بس ماقالت لك وش بتسوي بالضبط
منار: ﻻ والله بس اللي اعرفه انها راح تخليه يصلح غلطه ويتزوجك
ريم نزلت راسها وبصوت هادي: بس مابيها تأذيه. امممم اقصد تخليه يندم ع اللي سواه مو اكثر
منار حنت ع بنت خالتها اللي لسى تحبه رغم كل شيء سواه فيها

>>>>>>>>>>>>>>>>>>>>>>







جواد وهو ينهي اجتماعه: احد عنده تعليق ع اللي قلته
اللي موجودين: لا
جواد: اوك انتهى الاجتماع
كل واحد اخذ اوراقه اللي ع طاولة الاجتماعات وطلع
جواد يرجع جسمه ع الكرسي وهو يغمض عيونه: اااه وش هالتعب
مر طيف بخياله خلاه يفتح عيونه بسرعه.
جواد: ليش ذكرتك؟؟ .. ااااخ معقوله بعد هالعمر يا جواد بنت لقيتها صدفه تحتل تفكيرك.. من انتي؟ من تكونين عشان تاخذين مساحة من عقلي ويفكر فيك. انتي مجهوله غريبه ما اعرفك ولا بعمري راح اعرفك. انتي مجرد عابرة في حياتي واختفيتي. قام اخذ كتابه ودون هالكلمات


عابره ولا غيرها هزت كياني
عابره من حسنها كنها البدر
مرت بلحظة بعثرتني ف مكاني
ضاعت الخطوه وعجزت انتظر
ياطيفها الساحر ويا قلبها الحاني
ارفق على روحي وعطني خبر
ليش حظي في طريقك رماني
وليش متشفق للقا ولا بي صبر
السؤال المهم يا روعة زماني
ي اجمل من مر في قلبي وعبر
هو انتي ملاك والا شي ثاني
لان استحاله تكوني انتي من البشر
/ noona





ملاحظة
{الخواطر والاشعار اللي بالرواية نصفها منقوله ونصفها من كتاباتي وراح اوضح من الكاتب تحت كل شعر}



> >>>>>>>>>>>>>>>>>>>>>>

ع الغدا بيت خوله
ابو خوله وهو ياكل: يا ام خوله عندي لك خبر بمليون ريال
ام خوله: والله قول قول اجل بسرعه فرح قلبي
ابو خوله يناظر بنته ويبتسم: في واحد طلب يد بنتك
خوله تركت الملعقه بتفاجأ وبسرعه: مو موافقه مابي اتزوج
اخوها سامي: اقول غصبن عنك توافقين ماعندنا دلع البنات هذا
(سامي اكبر من اخته متخرج من الكليه وللحين جالس يدور له وظيفه)
خوله بتبكي : والله ما اخذه لو تذبحوني. وتركت السفره وراحت غرفتها
ام خوله : البنت لسى صغيره ع الزواج
ابو خوله: هو مايبي يتزوجها على طول بس خطبه وكذا
ام خوله: طيب ي بو خوله كيف حالته الماديه
ابو خوله: والله حالتهم زينه
ام خوله: طيب وش يشتغل
ابو خوله: معلم
ام خوله: ﻻﻻﻻ ي بو خوله مانبيه قله البنت مخطوبه
سامي: وليش يمه. الرجال مايعيبه شيء.
ام خوله : البنت تبي اللي يدلعها ويسفرها وكل يوم بمكان وانتم تبونها تتزوج مدرس راتبه ع قد حاله ﻻﻻ انسى الفكره
ابو خوله وهو يقوم من ع السفره: انتم لا يعجبكم العجب ولا الصيام ف رجب
سامي بعد قام: استغفر الله العظيم بس خليها ارفضو الخطاب وبعدها إذا صارت بالثلاثين قومي دوري لها عريس
خوله اللي كانت تسمع كل شيء دخلت بسرعه غرفتها: ﻻ ي حبيبي ي سمو أنا ابي جواد الهامي وغيررره مستحيل اخذ.

> >>>>>>>>>>>>>>>>>>>>>>


جوانه بالسياره: يمه تعالي نتغدا هنا
عبير:ﻻﻻ أنا ما اتغدا بمطعم بدون ابوك
دانه: الله الله ع الدلع والحب
جوانه: هههههه اوك نتغدا ف البيت امرنا لله

رجعو البيت وكانت الخدامه مجهزه لهم اكل تغدو وكل وحده راحت لغرفتها
جوانه وهي تتصل ع منار: اهلللين
منار: هلا فيك ي قلبي
جوانه: ازيك ي عسل وحشتيني
منار: ههههههه بس ذكرتيني بالدكتوره حقتنا
جوانه: ههههههه طمنيني عن ريمي شلونها اليوم
منار: أنا الحين عندها. لا اليوم احسن .. تسلم عليك
جوانه: فديتها سلمي عليها
منار: طيب
جوانه: الا ماتبين تجين عندي ؟
منار: هههههههه ياربي أنا بختفي عن الكل بهج بسافر إلى الخارج واترككم
جوانه تضحك: وليش ان شاءالله
منار: امي ماصارت تشوفني كله عندك او عند ريم
جوانه: ههههههه احلى شيء
منار: امممممم مااظن يمدي اشوفك. خليها نلتقي بكره بالجامعه
جوانه تضرب ع راسها: وي نسيت انو بكره دوام
منار: ههههههههه اجل روحي روحي شوفي محاضراتك يمكن عندك واجب او شيء
جوانه: اوك مع السلامه
منار: باي ي روحي
>> >>>>>>>>>>>>>>>>>>>>>


طلع من حمامه نشف ومشط شعره الاسود لبس بدلته رتب شكله ولبس ساعته المرصعه بالالماس حط شوي من عطره المميز وخذ جواله وطلع ع السياره قال لـ السايق ع العنوان واتجه له
نزل السايق بسرعه وفتح له الباب. نزل بهيبته المعتاده وجسمه اللي يلفت الانتباه بخطواته الواثقه

النادل بعد ماعرف اسمه وداه ع طاولته انتظر شوي وانزعج لانه انسان منظم مايحب يتأخر ع مواعيده بس كرستين تأخرت
انتظر وشاف كرستين تدخل وتمشي نحوه ومعها طفل عمره ٣ سنوات يوم شاف جواد صار يركض وهو يردد:Daaad Dad
(ابـــــي ابي)



انتهى البارت
لا تحرموني من تعليقاتكم + توقعاتكم

تحياتي/حناآان








حناآان.. 02-12-21 07:34 AM

السلام عليكم ورحمة الله وبركاته



تمت كتابة هذة الروايه عام 2016 تقريبا قبل 6 سنوات ولكن وصلت فيها لنقطه ضاعت جميع افكاري وتبعثرت مخططاتي .. ماقدرت اكملها ... ولكن بعد هالسنين جلست عليها قبل كم شهر وعدلت فيها الكثييير من احداث من شخصيات ولكن مازالت نفس القصة وحلفت ما انزلها الى ان اكملها والحمدلله خلصتها وجميع البارتات موجوده.

اعتذر عن المقدمة الطويله ولكن حبيت اوضح الصورة
تحياتي وقراءة ممتعه

حناآان.. 02-12-21 07:40 AM

واضح صار لي فترة عن المنتديات حست الدنيا .. اعتذر على اللخبطة اللي صايره فوق في البارتات الجايه ان شاءالله بيكون الوضع مرتب اكثر

قصص من وحي الاعضاء 02-12-21 06:35 PM




اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ...


للضرورة ارجو منكِ التفضل هنا لمعرفة قوانين المنتدى والتقيد بها
https://www.rewity.com/forum/t285382.html

كما ارجو منك التنبيه عندما تقومين بتنزيل الفصول على هذا الرابط
https://www.rewity.com/forum/t313401.html

رابط لطرح اي استفسار او ملاحظات لديك
https://www.rewity.com/forum/t6466.html


حجم الغلاف رجاءً يكون بمقاس 610 × 790



هل الرواية حصرية لشبكة روايتي الثقافية ام هي غير حصرية؟ الرجاء الإجابة بحصرية او غير حصرية دون اضافات....



نرجو منك فضلاً عدم استخدام هذه الاشارة
>>>>>> بعدد كبير لانها تؤثر على شكل الصفحة في ستايل الموبايل وبالتالي الفصول تظهر ناقصة كلمات في نهايات الاسطر لمن يتابع من الموبايل ، تم تعديلها في المشاركة كما تم تعديل المشاركة الأولى التي قمت بتكرارها



واي موضوع له علاقة بروايتك يمكنك ارسال رسالة خاصة لاحدى المشرفات ...

(rontii ، um soso ، كاردينيا الغوازي, rola2065 ، رغيدا ، **منى لطيفي (نصر الدين )** ، ebti )



اشراف وحي الاعضاء



حناآان.. 02-12-21 07:06 PM

الرواية غير حصرية

حناآان.. 03-12-21 02:45 AM





البــــــ2ــــارت الثــــــاني





طلع من حمامه نشف ومشط شعره الاسود لبس بدلته رتب شكله ولبس ساعته المرصعه بالالماس حط شوي من عطره المفضل وخذ جواله وطلع ع السياره قال لـ السايق ع العنوان واتجه له
نزل السايق بسرعه وفتح له الباب. نزل بهيبته المعتاده وجسمه اللي يلفت الانتباه بخطواته الواثقه
النادل بعد ماعرف اسمه وداه ع طاولته انتظر شوي وانزعج لانه انسان منظم مايحب يتأخر ع مواعيده بس كرستين تأخرت
انتظر وشاف كرستين تدخل وتمشي نحوه ومعها طفل عمره ٣ سنوات يوم شاف جواد صار يركض وهو يردد:Daaad Dad
(ابـــــي ابي)
(طبعا الحوار بينهم بالفرنسي لأن كرستين فرنسيه بس حكتبه بالفصحى)
وقف جواد ومسك الطفل وباسه. ونزله وهو يكلم كرستين
جواد: كم مره قلت لكِ بأن لا تدعي الطفل يتأمل بأنني والده
كرستين:نعم انت والده لماذا تنكر ذلك
جواد:قلت لك لن اصدقك مادمتي لم تثبتي لي
ابتسمت كرستين بمكر وهي تجلس:لا تقلق سوف اثبت ذلك قريبا
جواد بطفش: والان ماذا تريدين مني
كرستين: اريدك ان تعترف بطفلك وتضمه إلى عائلتك. وبسخريه. الثريه والا؟
جواد: والا ماذا؟ لن تخيفيني بتهديداتك
كرستين بسخريه: هه لا لا اريد ان اخيفك ولكن ثمة امور سأفعلها ان لم تعترف بطفلك
جواد بعصبيه وصوت مررتفع:
قللللللت لككككك اننه ليس طفلي. اعطيني اثبات على ذلك
كرستين تتلفت حولها: اصمت ماهذا كل من حولنا ينظر الينا
سكت جواد وجا النادل يسأل عن طلبهم وبعد راح
كرستين: سأثبت لك انه طفلك خلال فتره قصيره اعطني شعره واحده منك وسأثبتها بتحاليل الدي ان اي
جواد بتوتر: حسناً وسـ ترين ان النتائج سوف تكون سالبه
ابتسمت ببثقه: حسناً. سنرى



ف اليوم الثاني
جوانه تصحي دانه ع الساعه 6
جوانه:قومممممممممي وش هالنوم يلا
دانه:امممم طيب طيب
جوانه: يلااااا
دانه عيونها مقفله:كم الساعه طيبببببب
جوانه:6 ونص
دانه بققت عيونها: وججججججع مصحيتني 6 ونص وش عندك. حسبتها صارت 10
جوانه: يلا قومي أنا مانمت الليل عشان افكر بالشهاده بللللليز يلا
دانه: زين زين نص ساعه واقوم
جوانه تركتها وراحت وهي تقول : هففففف منك ان شاءالله عمرك ماقمتي
دانه ترد وهي تحت البطانيه: لاتدعين ها
طلعت من عندها وراحت تضبط شكلها
لبست جاكيت بني فاتح انيق وفيه رسمات بالاسود مع بدي حطت اي لاينر و كحلت عيونها الواسعه وتحت الجفن اسود وصارت عيونها اوسع واجمل. حطت بلاشر احمر مايل ع اورنج خفيف وحطت روج اورنج فاتح فتحت شعرها اللي لحد نصف ظهرها ولمت نصه لفوق والباقي مفتوح لبست كعبها العالي لونه اسود وقفت بغرور وهي تبوس نفسها : ي لبى هالجمال بس هههههه

دخلت دانه عليها: وش هالحلاوه ي بنت
جوانه تناظرها بنص عين: صحيتي؟؟
دانه : من بعد القصف الصهيوني اللي سويتيه تبيني اظل نايمه ! طيرتي النوم
جوانه تناظر ساعة يدها: يلا يلا صارت 7 ونص يبي لنا ساعه مع الزحمه
دانه: اوك بروح البس عباتي
جوانه: ماشي وانا بنزل. بس بسرعه
اخذت عباتها ف يدها ونزلت
عبير وهي تزين السفره جيتي ف وقتك افطري واطلعي وناظرتها: بسم الله عليك وش هالجمال
جوانه تبتسم وباست امها: ههههه من بعض ماعندك ي ماما
وجلست تفطر لحد جت اختها اكلت لها لقمتين وطلعو مع بعض




في شركة الهامي

جالس ع مكتبه والاوراق حوله: اففففف ياليل ذي الوهقه أنا وش يفهمني بهالحسابات الحين.
جمعها بسرعه وطلع لابوه دخل المكتب بعد دق ع الباب
جلس والاوراق بيده: يبه داخل على الله ثم عليك اعتقني من ذا الشغل
ابتسم وشال نظارته: ههه هذي من اولها؟
جاد: انا وجهي مو وجه شغل صدقني راح ادمر الشركه
خالد يخفي ابتسامته: ماعليك راح اعين لك عبدالله يكون معك لين تفهم الشغل زين
جاد: ﻻﻻ مابيه هذاك اللي شايف نفسه خير ع وش مادري
خالد بتهديد: جااااد!!
جاد: ما اقول الا الصدق يبه. دور لي غيره
خالد: اللهم طولك ياروح
وقف جاد: وابي سكرتيره
خالد بطول بال: حااااضر وغيره
جاد: سلامتك ي يبه
وطلع من عنده
خالد: اه الله يصبرني على هالولد بيموتني قبل يومي



ف الجامعه
جت البنت عند ريم اللي كانت جالسه مع منار
البنت: هيه انتي تعالي نبيك
منار تناظر ريم: مين هذي
ريم تحاول ماتبين لها: هاه هذي وحده من بنات قاعتي. وقفت بسرعه يلا اشوفك بعدين
منار متفاجأه وفاتحه فمها: بس اءء
راحت ريم قبل تكمل منار كلمتها
البنت: وصلتي الدفعه الاولى والا لسى عندك

ريم بأرتباك: هاه ءءاممممم لأ باقي.
البنت بعصبيه: وللللليش ي زباله والا ماتفهمين الا بالضرب؟ هاااه؟
ريم بخوف: خلاص خلاص اليوم اوزعها والله
البنت بتهديد: واذا ماسويتي هالشي؟
ريم: لا لأ بوصلها والله
البنت: اوكي راح اشوفك بكره
ريم: طيب
راحت البنت وريم ظلت تبكي ماتدري شلون تخلص من هالمصيبه


ف جهه ثانيه من الجامعه
جوانه متشققه من الفرح لان البنت اللي قالت لها اختها عنها راح تقدر تجيب لها الشهاده
دانه : بس من وين صديقتك راح تجيب الفلوس لها
جوانه انطفت بسمتها: اي والله حرام هالمبلغ كله عشان شهاده
دانه: جوج انتي توأمي يعني قطعه مني. وانا حاسه انو انتي تبين هالشهاده مو لصديقتك زي ما تقولين
جوانه تناظر عيون اختها اللي كاشفتها ونزلت راسها: ايه أنا ابيها
ناظرت بسرعه ف وجه اختها وهي تبرر: بس والله لشي ضروري أنا بحكي لك القصه عشان ابي مساعدتك. وحكت لها قصة ريم كلها
دانه تحط يدها ع خدها بتفاجأ: حسبي الله ونعم
الوكيل فيه اللي مايخاف ربه.. بس مافهمت الحين انتي وش تبين بالشهاده ذي
جوانه بتردد خايفه اختها ترفض: اممم بأجل هالترم. وبالشهاده بشتغل ف شركتهم
دانه تشهق: مجنوونه انتي؟ خير وش اللي تأجلين مستحيل اوافق او ماما توافق
جوانه: تكككفين دنو وقفي معي وماما مابي اخبرها
دانه: غبيه انتي والا غبيه؟ حرام تضيعين ترم ع الفاضي بسبب واحد حقير ماراح يهمه ايش ماسويتي به
اخذت نفس: افهميني ماراح ارتاح. ريم صديقتي مابي اخذلها انا وعدتها اخليه يتزوجها
دانه: فكري و قبل كل شي استخيري ترا الموضوع مو سهل زي ما انتي تتوقعينه
جوانه: انا ماقررت الا بعد مافكرت كثير
دانه: والله م ادري وش اقلك بس عاد انتي ادرى
جوانه ابتسمت لتفهم اختها: الحين الفلوس من وين
دانه بأبتسامه: دامها لك أنا بعطيك عندي المبلغ
جوانه مستانسه وقامت تبوس دانه
دانه: وليش كل هالحماس
جوانه: مادري. بس احلى شيء بشتغل ف شركه وبشهاده من فرنسا هههههههه
دانه: لاتصدقين نفسك بس وبعدها تنصدمين بالواقع المرير هههه
جوانه تمد لسانها: روحي بس خليني احلم انو دارسه هناك هههههه
وفي خاطرها انتظرني ي جاد ولد الهامي والله لخليك تحب الارض اللي تدوسها ريم



على الساعه 3 العصر وبعد مارجعو البنات من الجامعه
عبير وهي تدخل البيت وماسكه بيد زوجها: تو مانور البيت
محمد: منور فيك
جوانه تركض من ع الدرجه بسرعه: بابا وحشتني
ضمت ابوها وباسته
عبير: خلاص بيدخل اتركي ابوك يرتاح
جوانه تغمز لها: غيرانه ها. هههههه
عبير ابتسمت ودخلت مع زوجها ع الصاله جلسته وجوانه خلفهم
عبير: قولي للخدامه تجهز الغدا ابوك جيعان
جت دانه وباست ابوها: اخيرا صرت معنا
محمد: الحمدلله
جهزت السفره وراحو ع الغدا وهم فرحانين برجعة ابوهم




بعد كم يوم من هالاحداث
وهي بالسياره رتبت اوراقها وجهزت شهاداتها حطت اللثمه ونزلت بثقه وقفت وهي تناظر مبنى شركتهم الضخم وبقلبها خوف من اللي بيصير

دخلت وسألت ودلوها ع مدير الHR
وقفت قدام باب مكتبه وقلبها يرقع خايفه تنكشف ويتهموها بقضية تزوير. دعت ربها وطقت الباب


هادي: تفضل
دخلت بتردد وهو رفع راسه ع الاوراق اللي بيده وناظر فيها بتمعن
جوانه: السلام عليكم
هادي: وعليكم السلام والرحمه
جوانه تمد له ملفها: حابه اشتغل بشركتكم
هادي وهو ياخذ ملفها ويشوف شهاداتها: اهلا وسهلا. تفضلي
جلست وهو تفحص ملفها: عرفيني بنفسك؟
جوانه: اسمي جوانه العمر 27. عندي بكلوريوس في ادارة الاعمال. كملت الماستر في فرنسا.. وخلال دراستي طورت من نفسي واخذت دورات في السكرتاريه ودورات حاسب آلي ودورة لغة انجليزية..
هز راسه بإعجاب: ممتاز.. طيب ليش حابه تشتغلين بشركتنا؟
جوانه: للامانه شركتكم غنيه عن التعريف وكانت من ضمن قائمة اولوياتي واحلامي اللي حابه احققها وبإذن الله اني افيدكم واستفيد من وجودي معكم واطور من خبراتي معكم
هادي: طيب. تقدرين تتفضلين.. راح نتواصل معك اذا تم قبولك نهائياً .
جوانه: شكرا لوقتك
هادي: العفو. مد لها ورقه. املي بياناتك هنا واذا احتجنا احد بخبراتك راح ندق عليك
جوانه : متى الرد يعني؟ اعتذر منك بس متحمسه للشغل معكم
هادي: راح نرد لك خبر بأسرع وقت ان شاء الله . وانتي موظفه ماتتفوت خبراتك عاليه وشهاداتك من اكبر الجامعات
جوانه تبتسم وبداخلها. والله مادريت أنا فرنسا اللي شهادتي منها ما اعرف حتى شكلها
كتبت بياناتها وطلعت من عنده ومتوجهه للبوابه
:لو سمحتي
التفت شافته قدامها وطاح قلبها من الخوف ماتدري ليش.
جا لحد عندها
جاد: انتي موظفه جديده؟
جوانه بأرتباك وهي تعدل اللثمه: لا لسى عطيت اوراقي بس ما اعرف إذا راح اكون موظفه هنا او لا
جاد بأبتسامه: تقدرين تداومين من بكره
جوانه: اداوم وين
جاد: احتاج موظفة سكرتاريه عندي
جوانه بسخريه: طيب شفت شهاداتي والا بس كذا توظفني
جاد يناظر بعيونها: من شكلك كذا باين عليك جايبه خبرات عاليه والا ماكنتي تجرأتي تشتغلي ف شركة الـــــهامي.
جوانه ودها تعطيه كف. وتسبه مقهوره منه بس ف خاطرها. اهدي ي جوانه خلي الطبخه تستوي ع نار هاديه
جوانه: نظرتك صح. أنا كنت ادرس بفرنسا وتوي رجعت
جاد: اوه حلو. اجل مبروك ع الوظيفه
جوانه: يبارك بعمرك
جاد: نلتقي بكره. ف الطابق 24
جوانه وهي تطلع. يا الله مو مصدققققه ودي اصرررررخ من الفرح ماتوقعت الموضوع راح يكون بهالسهوله
جوانه ركبت السياره وقالت ل السايق يوديها البيت




دخل ع مكتب هادي وقف هادي من ورا مكتبه: تفضل طال عمرك امر
جاد: في بنت تو قدمت ع وظيفه ابيك توظفها سكرتيره لي
هادي: حاضر
جاد: كنت نازل ابي منك تعطيني موظف سكرتاريه وشفتها وشكلها نشيطه
هادي: اللي تشوفه
طلع من مكتبه وهادي جلس: الظاهر راح يخلي الشركه كلها بنات. هه وانا وش علي منه اهم شيء شغلي. اخذ ملفها وقام يسجل بيناتها عشان تكون بشغلها من بكره




جواد يكلم امه: أنا راح اجيك كل خميس لاتبكين يمه والا انتي تجيني
سميره: لا كيف ابوك يسوي كذا أنا ما اقدر تبعد عني اسبوع وهذا يبيك على طول في لندن
جواد: ههههه يمه الله يهديك خلاص. طيب اوعدك كل يوم وانا عندك ها وش رايك
سميره: لا لا تعب عليك
جواد: طيب اللي تامرين فيه أنا حاضر عيوني لك بس أمري وانا انفذ
سميره: كل خميس وجمعه تكون هنا والسبت سافر
جواد: حاضر يمه اجل أنا بكره راح اطير لعندك
سميره: ربي يحميك ويجعلك في كل خطوه سلامة ويبعد عنك كل مكروه قول امين
جواد ابتسم : اللهم آمين





دانه تصرخ: ككككككككككذابه
جوانه: وجع وش هالصوت خرمتي اذني
دانه: توقعت يكشفونك
جوانه: واو مو مصدقهههه كان ودي اذبحه النذل هذاك ويتميلح بعد
دانه: حقير. هيه انتبهي منه مو يسويلك شيء ترا هالاشكال مايهمهم شيء اهم شيء مصلحته
جوانه: لاتخافين. تخيلي من شافني وهو مطيح الميانه
دانه: ماعليك منه. المهم منار عرفت.
جوانه: لأ ماقلت لها
قطع حديثهم صوت جوالها
دانه: مين؟
جوانه: فهود. ردت. اهليننن
فهد: هههههه هلا فيك ي الدبا
جوانه: والله ما دب غيرك
فهد: خفي علينا ي الرشيقه
جوانه: هههه غصب عنك رشيقه. شخبارك
فهد: تمام وانتي
جوانه: تمام التمام
فهد: جوانه
جوانه: هلا
فهد: امممممم
جوانه: شو انطق
فهد: احححم شسمه ذا
جوانه: وشو
فهد: ابي اخطب
جوانه سكتت وبعدها: ههههههههههههههههههههههههه ههههههههه ههههههههههههههههههههههههه ههه تخطب؟؟؟ هههههههههه فهود يتزوج هههههههههههههههه م اتخيلك معرس ههههههههههههههه
فهد: يلا عاد بلا استهبال جد اتكلم ابي اعرررررس احب وحده وابيها وقلت لجدتي هاوشتني عاد مالي غير اختي حبيبتي تقنعها
جوانه لسى تضحك: خلني استوعب الموضوع اول بعدين اقنع جدتي
فهد بأبتسامه: ياليت تستوعبين بسرعه عشان مافي وقت البنت بياخذها غيري
جوانه: هههههههههه خف علينا ي روميو ع غفله
فهد: يارببببببببي من هالبنت بس الشرهه موب عليك على الغبي اللي طالب مساعدتك
جوانه مسكت ضحكتها: خلاص خلاص راح اكلمها بس خلها تجي الرياض ماينفع اقنعها بالتلفون
فهد: ومتى بتجي حضرتها
جوانه تضحك ع فهد اللي معصب: طب كلمت امك وابوك
فهد: ايه امي تقول مالي شغل كلم ابوك وابوي قال جدتك ادرى. وجدتي قالت تخسي تتزوج وحده مومن مواخيذنا
جوانه: ههههههههههههه فديتها
فهد معصب: وش اللي فديتيها رفففففففضت وش اسوي أنا اروح انتحر مثلا
جوانه: ههههههههه خلاص اهدى بكلمها وعد. هي بترجع هالاسبوع خلاص
فهد: اوك بس لا تنسين هاه
جوانه: من عيوني ي المعرس هههههههه
فهد: لا يكثر بس ي العانس
جوانه: ههههههههههه باقي ماوصلت للعنوسه ي الغبي
فهد: مدري المهم مو تنسين ويلا اقلبي وجهك
جوانه: اي صفحه
فهد: هه هه هه سخخخخخخخيفه
جوانه: مثللللللللللللك
قفل فهد منها وهو يبتسم ويحمد ربه انو جوانه اخته لان منار ماتسمع له مثلها.
(فهد اكبر من دانه وجوانه بأربع سنوات.. وقت توفى ولد عبير الاول مرت بازمه نفسيه وكانت ام منار والده فهد.. ف صارت تروح عندها وتعطيها فهد عشان ماتحس بالوحده.. وعبير تعلقت بفهد وصارت ترضعه عشان تنسى ولدها اللي مات. صار مثل ولدها وكبر قدام عيونها طبعا ام منار وقتها ماقصرت وقفت معها وكانت حتى تخلي فهد ينام عندها. لحد ماتحسن حالها وحملت وجابت دانه وجوانه)




جاد جالس ع الغدا ويلعب بالشوكه ف صحنه وهو يفكر. ياهي حلوه بس فيه سؤال ببالي ليش ماسألتني عن اسمي او من أنا وباي صفه اوظفها. حسيت بنظراتها ودها تذبحني. هز راسه بنفي. لالا مستحيل يمكن مرتبكه
خالد: وين وصلت
جاد انتبه له: هاه لا ولا شيء.
وكمل اكل
خالد: كيف الشغل
جاد شرب عصير بعدها رد: مرررررره حلو
خالد بأستغراب: ارتحت فيه؟
جاد يذكر جوانه: ايه يبه وكل يوم بداوم
سميره بأبتسامه: ايه خلك كذا مثل اخوك جواد
جاد: ان شاءالله يمه




كانت نايمه بعد رجعت من الجامعه بس صحت ع رنين جوالها اللي مو راضي يسكت اخذته وهي مغمضه عيونها
ريم: الو
بصوته اللي يخوف: خلصتي اللي قالولك البنات عليه
فتحت عيونها وجلست بخوف: ايه ايه والله سويت اللي تبونه بس تكفا لاتضر منار هي مالها ذنب خذ صوري أنا بس هي مسكينه
رد بسخريه: هه اقول لا يكثر بس. والاوامر من الحين ورايح راح تجيك بس مني سامعه
ريم: حاضر
: تعجبيني. كذا مراح اضرك لا انتي ولا بنت خالتك
قفل منها وهي قامت تحممت وصلت وهي تدعي ان ربها يفرجها عليها





دخلت غرفة الرسم وجا بخاطرها ترسم خطت الوانها بتناسق جسم عريض ملامحه حاده نظرات قويه تخوف فك متناسق وبالاسود خطت تفاصيل ذقنه. ابتعدت عن اللوحه شوي.
نفس الرجال اللي شفته بالسياره ملامحه خيال ماكان ع بالي ارسمه اه شفيني الظاهر صورة هذاك المغرور عديم الاحساس لساتها ف بالي تركت ريشتها وطلعت غرفتها عشان تبدل ملابسها. تحممت ووطلعت صلت العشاء وانسدحت ع سريرها بتنام

جوانه: امممممم ياترا وش بيصير بكره معك ي جاد الهامي. اصبر علي وراح تشوف ان شاءالله.
غمضت عيونها بهدوء ونامت



خوله مقهوره من جواد اللي مطنشها: هين ي جواد أنا راح اعرف كيف اجيب راسك
دقت عليه ورد : نعم
خوله: مافي هلا
جواد: انتي ماتملين من كثر ما اطنشك
خوله بقهر بس تخفيه: حبيبي يدلع علي ويحق له
جواد بملل: ي بنت الناس اقولك مابينا شي خلاص فكيني
خوله: مااقدر إذا تركتك اموت
جواد بملل: لا حول ولا قوة الا بالله..
خوله: ليش ماتحبني وش ناقصني؟
جواد: ي بنت الناس افهمي انتي بنت شخص اعزه واحترمه مابي اغلط عليك
خوله: راح تسمع خبر موتي قريب
وقفلت جوالها
راحت لامها اللي لقتها جالسه بالصاله
جلست جنبها: يمهه
ام خوله وهي تناظر المسلسل وتاكل حب: هاه
خوله: ابيك بسالفه
ام خوله مو معها: طيب
خوله تلف وجهها: يممإااه اسمعيني
ام خوله: ها وش تبين
خوله: يمه جوادوه ذا قاهرني
ام خوله: وليش وش سوا؟
خوله: يمه اسمعي أنا بذبح نفسي
ام خوله بخوف: لا لاي بنيتي لاتسوين بنفسك كذا عشانه تراه مايسوى اهم شيء صحتك
خوله: ههههههه صدقتي يمه. أنا خبله اموت. بس ابيه يفكر اني فكرت انتحر
امها: ها ع بالي بتموتين
خوله: ابيك تتصلين عليه وتهاوشينه وتقوليله اني كنت بموت بسببه واني انتحرت
ام خوله: تهقين ينفع معه
خوله: اكيد يمه يلا الحين اتصلي وقولي له انك بتوديني المستشفى
ام خوله تدق عليه وتنتظر رده
جواد: الو
ام خوله: حسبي الله عليك ي الظالم ذبحححححت بنتي. بنتي ماتت مابسامحككككك كله منككككك كله منكككك
وقفلت

خوله تبوسها: ههههههههه صرتي ممثله حتى أنا صدقتك
امها: افا عليك اعجبك
ومن جهته جواد مصدوم. معقوله ؟ معقوله ماتت؟ ياربي أنا وش سويت طيب ما احبها. بس حتى لو هذي بزرررر ي جواد كنت سايرتها برجع ادق اشوف وش السالفه. دق بس محد رد
كان مشغول باله. وخوله وامها مبسوطين ع اتصاله


غمض عيونه وهو يحاول ينام
جواد: ي الله لو صدق اللي قالته. لا لا ان شاءالله كذب مابي تموت بسببي. خلاص خلاص يلا ضروري انام عشان اصحى اكلم امي واشوف وش السالفه




صحت بنشاط تحممت وطلعت صلت وتوجهت ع دولابها اختارت لها لبس. بنطلون اسود من زارا ماسك ع جسمها المنحوت وبلوزه ابيض قصيره راحت ع مرايتها كحلت عيونها العسليه وحطت لها اي شدو خفيف صباحي. رموشها جدا كثيفه وماكان يحتاج تحط ماسكارا بس حطت شوي. واخيرا حطت روج نيود مات. رتبت شعرها الكثيف والطويل وخلته مفتوح على ورا ومرفوع من الامام. عطت نفسها بوسه ع الطاير ولبست عباتها الزيتيه وبالوسط حزام رفيع ربطته ولبست طرحتها ونزلت تحت
عبير: اليوم مداومين بدري
جوانه خافت من امها تكشفها: هاه لا ابس أنا بداوم دانه عندها اووف اليوم. وقلت اداوم بدري
عبير: بالتوفيق ي روحي انتبهي ع نفسك
طلعت مع السايق وقالت له يوديها الشركه




نزل طيران شاف امه وابوه ف غرفه الطعام
سميره بصوت عالي: جاأأأأأأد
رجع خطوتين: هلا يمه
سميره: ع وين
جاد : ع الشركه
سميره: تعال افطر
جاد وهو يمشي: لا يمه ما ابي
طلع بسرعه ع سيارته فيراري سوبر فاست صفرا وتوجه ع الشركه نزل بسرعه ورمى المفتاح ع احد حراسه
جاد يتكلم وهو يمشي: وقف السياره
الحارس: سم طال عمرك
وتوجه ع مكتبه
فتح الباب وشافها جالسه ع الكرسي اللي قدام مكتبه يوم شافته وقفت

جاد بتفاجأ: كيف دخلتي مكتبي
جوانه: الاستاذ هادي قال لي
جاد وهو يجلس ويناظر بعيونها: اها. اوك
جوانه: وين مكتبي
جاد بأبتسامه: متحمسه ع الشغل شكلك
جوانه: ايه
جاد: الا ماقلتي لي وش اسمك
جوانه: جوانه
جاد باعجاب: جوانه واو اسمك حلو مثلك
جوانه: شكرا
جاد وهو يوقف: تعالي اوريك مكتبك طلع وطلعت وراه وداها مكتبها: هذا هو
جوانه: اوك
جاد: اممم ممكن تفتحي اللثمه
جوانه فاتحه عيونها: نعممممم؟
جاد حط يده اليسرى بجيبه ونزل راسه وهو يمسح ع رقبته ونهاية شعره باليمنى: لا لاولاشي انسي
جوانه: اها. طيب
جاد: المهم راح تكون معك اسراء تعلمك على الشغل وتساعدك لحد ماتتعلمين
جوانه: تمام
طلع من مكتبها ويكلم نفسه: اهدى شوي ي جاد اهدىىى. بالعاده البنات يركضون وراك ليش مهتم فيها.
جوانه بعد طلع ابتسمت: هه من اولها تعلق احلى شيء
جلست ع مكتبها وهي تضحكك
جوانه. هههههههه حلو الكرسي والله ي جوج وصرتي ف شركة الهامي مين يصدق ههههههه دقت ع منار اللي كانت بالجامعه.
جوانه: الووو
منار: اهليننننن وحشتيني ي حماره
جوانه: هههههه وانتي بعد والله. لو تشوفيني وين جالسه تموتين ضحك
منار: هههههههههه اتخيلك ع مكتب كبير والكرسي هذاك اللي يصلح للنوم
جوانه: هههههه اي نوم انتي الثانيه شكلك نعسانه
منار: اممممم يعني. يلا يلا قولي وش صار مع هذاك الحقير
جوانه: طلع خروف كل ماشاف بنت خق معها.
منار: وانتي وش ناويه عليه
جوانه تتلفت حولها: اخاف تكون هنا كاميرات خليني إذا رجعت اخبرك
منار: شايفه نفسك بفلم مثلا. وش كمراته احكي احكي محد حولك
جوانه: هههههههههه لا الحذر واجب
منار بسرعه: اوك اوك باي جت الدكتوره
وقفلت منها. جوانه وهي ترجع ظهرها ع الكرسي: ضروري امسك عليه شيء واذله فيه
كان فيه شخص يسمع كلامها بس مايدري مين تقصد سكت وكمل طريقه ولسى كلماتها بأذنه
اما جوانه ف دخلت عليها اسراء وظلت معها تعلمها على الشغل




جواد وهو يكلم بالجوال: جهز لي طيارتي بسافر اليوم
منصور: بس ي طويل العمر الكابتن استأذن من حضرتك وانت عطيته الاذن
جواد يذكر انه كلمه عشان امه تعبانه وهو خلاه يسافر عشان يتطمن عليها
جواد: اووه نسيت. اوك احجز لي الحين ع اقرب رحلة للسعوديه بدون ترانزيت
منصور: تامر امر طال عمرك
قفل منه واخذ الاوراق المهمه اللي ممكن يحتاجها واخذ شنطة يده وطلع فتح له السايق الباب
: وين تحب اوصلك
جواد: محل المجوهرات
: حاضر طال عمرك
وصل للمحل ونزل بهيبته المعتاده

صاحب المحل اللي من اصل عربي : اهللللين استاز نورت
جواد وهو يسلم عليه: هلا فيك. ها بشر جبت لي العقد اللي طلبته منك
: ايه ولو. وعندي الك تشكيله جديده بتعأد
جواد: اوك وريني
طلعها له. شاف عقد رقيق من الالماس بخطوط رفيعه وف نهايته اللون التركواز من الاحجار الكريمه. بدون مايحس تخيله ع رقبتها اللي حاس انها بيعكس جمالها وتكون قطعه حلوه ع بياض بشرتها.
جواد بلا شعور: عطني هذا. والعقد اللي من اول
لفه له واخذه جواد طلع السياره
وتوجه ع المطار وهو مو عارف ليش اخذه ويضحك ع نفسه وين بلقاها عشان البسه لها
تنهد وهو يناظر بالشوارع


بعد يوم طويل عليها وبعد ماعلمتها اسراء على اغلب الاشياء وبما ان جوانه ذكيه ف ماتعبت معها بالشرح رجعت البيت دخلت وشافت اهلها ع طاولة الطعام يتغدون
جوانه: افا وش هالنذاله تغديتو وتركتوني
دانه: هههههه لا لسى يلا تعالي تو جلسنا
جوانه: اغير ملابسي وانزل
وطلعت غرفتها
محمد: الوالده دقت علي تبيني اروح لها
دانه بفرح: والله جدتي بتجي؟
محمد ياكل: ايه. تبي تتطمن ع ولدها ههههه
عبير: أنا ماخبرتها ع طول عشان ماتخاف عليك وهي تعبانه
محمد: وحتى بعد سمعت صوتي الا تجي وتطمن
دانه: يس الحمدلله فقدتها حيل
محمد: بعد الغدا بروح. إذا تبين معي تعالي
دانه: ايه ايه اككككيد
جوانه وهي نازله: اسمع احد بيطلع وين رايحين
دانه: جدتي بتجي طيارتها توصل بعد المغرب
جوانه مستانسه وهي تجلس بتاكل: هياااا هههه وانا بعد بروح معكم
دانه: اوكك


بعد ساعتين تقريباً توجهو ع المطار بحماس بيستقبلون جدتهم اللي تسافر تتعالج بالخارج وصلو المطار وكان بانتظار رحلتها متى توصل
دانه تعالي ناخذ شيء نشربه
جوانه: اوك امشي
محمد: بس لا تتأخرون
راحو البنات دانه سبقتها وجوانه تمشي بهدوء وبثقه

ماشي وخلفه احد حراسه .. خطوات ثابته وراكزه تبين مدى ثقته بنفسه طلع من البوابه ومازالت عيونها متعلقه فيه تراقبه من بعيد
. حسته مثل العاصفه اللي تمر بسرعه وتترك اثر بعد روحتها قلبها دق بقوه وصنمت ف مكانها

دانه بصراخ: جوانوووه وججججججع شفيك مفهيه
جوانه تناظر اختها: هاه. لا ولا شيء
دانه: امشي نروح عند بابا
جوانه بهدوء راحت معها وهي تقول بداخلها. معقوووله ذي الصدفه. ماني مصدقه اني شفته مره ثانيه .. معقوله من بين هالبوابات كلها ما مر الا من هنا ماني مستوعبه الموقف كيف من بين ملايين البشر شفته هو.. اففف من زينه عاد افكر فيه اخذت نفس اهدي نفسي شوفته وترتني


دانه نطت بفرح: جدتـــــــــــــي
انتبهت لها جوانه وشافت جدتها توها تدخل راحت تركض عشان تحضنها
الجده بوجهها الطيب البريء اللي يبان فيه ملامح الحب لبنت ولدها: بسم الله عليك يمه لاتركضين لا تطيحين
جوانه وهي تضمها بقوه: فققققققققققققققققدتكككككك كككك
الجده: ياحبيبتي
دانه كمان جت و تضممم جدتها: اشتقتتلللللللللللللكككككك كك أنا اكثررررر منها
الجده وهي تمسك كل وحده بيد: وانا بعد فقدتكم. الا وين ابوكم
جوانه: هههههههه نسيناه جالس هناك ينتظرككك
الجده: اجل يلا ودوني عنده
اخذو جدتهم وراحو عند ابوهم


انتهى البارت




حناآان.. 03-12-21 03:29 AM










































الـــبــــ3ـــارت الثــــــالث


دخل بضحكه مرسومه ع وجهه وهو يشوف امه تستقبله
سميره: هلا هلا هلا بالغالي بعد قلبي
جواد وهو يضم امه ويبتسم: هلابك يالغاليه
سميره تتحسس وجهه: وي شفيك نحفان
جواد يبتعد عنها: هههههه وين يمه اي نحفان
ابو جواد اللي توه نازل من ع الدرج: ايه مقيوله الدلع لك وانا مالي غير مدة البوز
جواد تقدم من ابوه وهو يبوسه ع راسه وبضحكه: ايه ولدها الكبير يحق لي تدلعني انت خلاص راحت عليك شكلها ماصارت تحبك
سميره تجي جنب خالد وتمسكه مع ذراعه: لاهذا الغالي ابو عيالي مالي غناة عنه
جواد يرفع حواجبه وباستغراب: افااااا!! الحين يوم جاك حبيب القلب نسيتي ولدك ها
سميره: انت بتجي البنت اللي تنسيك امك وابوك خلني ادلع خالد هو اللي بيبقى لي
تنهد بضيق بصوت مسموع وهو يذكر خوله
سميره:شفيك يمه
خالد وهو يدخل الصاله: خليه يستريح شكله تعبان
سميره لسى واقفه عند جواد: علمني يمه احد مضايقك
جواد تذكر خوله: امممم يمه بسألك
سميره: عن ؟
جواد: متى اخر مره كلمتي اهل خوله
سميره باستغراب: ما ادري من كم يوم ليش ؟
جواد: هاه ﻻﻻ ولا شيء بس سمعت ان البنت تعبانه
سميره: والله م ادري بكره ادق واشوفهم
خالد ينادي من الصاله: مطولين واقفين
ضحكت سميره وراحت ع الصاله وجواد توجه لجناحه
دخل غرفته اخذ شنطته فتحها وطلع منها عقد امه والقلم اللي بيعطي ابوه وطلع العقد الثالث وهو مايدري لمين اخذه بس لمجرد سراب تركه ع الكمودينه ونزل لهم







بأي اسم اسميك ي ملاكي
أنتي النور الذي يشع في حياتي
انتي من مسح ملامح تلك العتمه
التي كنت اسكنها
كنت كالصخر لا ابالي لاحد
وكأنك اخذتي عصا سحريه
وحولتي الجليد الذي كان يسكنني
إلى بركان يضج بحبك
فقط انتي
ومن سواك استطاع ان ينزع تلك الاقفال
التي اوصدت بها بيبان قلبي
فقط انتي
من جعلت لحياتي نبض
فقط انتي





كانت نايمه بس ازعجها رنين جوالها
اخذته وهي مغمضه وردت: ننننعممم
:
منار: الووؤ
:
منار: وجع ان شاءالله ياللي ماتردون وتزعجون الناس بس كذا
:
قفلت منار وهي تناظر الرقم شافت انها ماتعرفه ف رجعت تبي تنام بس جتها رساله فتحتها وجلست بسرعه وهي فاتحه فمها بتفاجأ




: يامرحبا تو مانور البيت خالتي
الجده: منور فيك ي بنيتي
جوانه: يلا يلا ابعدو عنها هذي حقتي بتنام الليله معي ف غرفتي
دانه: لا ي حبيبتي راح تنام معي أنا اكبر منك بثانيه
جوانه : اجل تنام عند الصغيره لانها تخاف اللي هي أنا.. وتمد لسانها
الجده: هههه خلاص أنا بطول عندكم لاتتهاوشون كل ليله انام عند وحده
جوانه رن جوالها ناظرت رقم ماتعرفه استأذنت من اهلها وطلعت عشان ترد
جوانه: الو
: مساء الورد
جوانه بتفاجأ وتبي تتأكد من الصوت: من معي
جاد: جاد الهامي
جوانه برسميه: اهلين استاذ جاد بغيت شيء
جاد: بغيتك
جوانه مبققه عيونها : نعععععم؟؟
جاد: شفيك الله يهديك ماخليتني اكمل كنت بقول بغيتك بكره تجهزين لي الملفات اللي طلبتهأ منك وترسليها مع السايق لاني بروح المشروع بكره
جوانه: اها بس بكره جمعه
جاد: جد؟ اووه نسيت معليش
جوانه: لا عادي
جاد: اممم انتي بالبيت ؟
جوانه باستغراب: ايه ليش
جاد حاب يطول الحديث: لا ابد بس عن نفسي م احب جلسة البيت
جوانه: اها حلو
جاد شافها انها ماتبي تكلمه: طيب اخليك الحين عشان ترتاحين
جوانه: اوك
جاد: باي
جوانه: مع السلامه



قفل منها: ليش ماتعطيني مجال اكلمها. اففف ابيها مسكت براسي خلاص مستحيل اتركها
كان ف سيارته نزل منها وعطى الحارس المفاتيح عشان يوديها الكراج وهو دخل من الباب الرئيسي لقصرهم
(اول ماينفتح الباب فيه صاله كبيره يتوسطها الدرج الكبير اللي ينقسم عند الدور الثاني إلى درجين ع اليمين وع اليسار وتحت فيه صالات مفتوحه ع اليمين وع اليسار) كان بيطلع بس شاف اهله بالصاله ع اليمين وقف وراح لهم
جاد وهو يفتح يدينه: ي هلا باخوي
جواد ابتسم ووقف يضم اخوه
جاد يبتعد: تركت الشغل على راسي وهررربت ها
جلس جاد
جواد وهو يجلس ويبتسم: و انت قده ان شاء الله
جاد يبتسم: افا عليك قده وقدود
جواد: الله يوفقك
جاد يناظر امه وهي بيدها العقد: حركااات من وين لك؟
سميره:مع جواد
جاد: ايهه الحين يدلعكم ويجيب لكم هدايا خلوه يتزوج والله ماتشوفين الا غباره
جواد: هههههه تطمن جالس على قلوبهم مالي نية بالزواج الحين
سميره : لالا انت بتجنني اكيد
خالد ابتسم: ماعليتس منه راح يجيتس بنفسه ويقلس اخطبي لي
جاد: ترا طلع لك شيب خلاص راحت عليك من بتقبل فيك الحين؟ يا الشايب
جواد ابتسم بهدوء: الشيب حلية العقل وسمة الوقار
جاد: ايه ايه اضحك على نفسك بهالكلام
كمل جاد وهو يوقف: يلا عن اذنكم تعبان مره بروح انامممم
الكل: اذنك معكك
طلع ودخل جناحه رمى نفسه ع الكنبه اللي بصالة جناحه: البنت ذي لازم اجيبها البيت هنا عشان تشوف أنا ولد من وايش عندي وقتها نشوف تقدر ترفضني وتصدني بكلامها كذا والا تجيني زحف زي باقي البنات هه. توجه ع غرفته شاف ملابسه مجهزه له ع سريره رمى جواله ودخل الحمام بيتحمم

"نبذه عن القصر" كل قصر الهامي الدور الثاني عباره عن اجنحه وتقريبا كلها نفس التصميم كل جناح كأنه بيت لحاله اول مايفتح الجناح قدامه صالة كبيييره فيها عدة ابواب اثاث الصالة مودرن اول ماتدخل فيه باب ع اليسار يكون مكتب وباب ع اليمين غرفة ضيوف تدخل شوي يكون الاثاث ع الجهه اليسار ومقابله التي في ع الجدار اليمين الاثاث باللون البيج والبني وخلفية التي في زجاج ذهبي. تتقدم شوي تكون مطبخ ع الزاويه اليمين وبالوجه غرفة النوم الكبيره السرير ع اليمين وعلى يمينه زجاج كبير ع قد الجدار يفتح بلكونه للخارج مطله للحديقه وداخل الغرفة ممر يفتح ع غرفة ملابس كبيره بدواليب مرتبه واقسام خاصه لكل لبس جنب غرفة الملابس الحمام اللي كنه هو بنفسه غرفه من كبره يتوسطه حمام جاكوزي وع زاويه حمام بخار و ع الجنب المناشف وارواب الحمام مرتبه بشكل راقي ومجفف الشعر جنب المغسله الفخمه)




جوالها بيدها وهي مصدومه وخدودها حمررر رجعت فتحت الرساله وتقراها: منار ابي اتزوجك
منار: مين ! معقوله مازن.
فتحت سجل المكالمات ودقت عشان تتأكد
رد:
منار بارتباك: مازن؟
مازن: عيونه
منار توترت يوم سمعت صوته: هذا انت
مازن: ليش فيه غيري بحياتك ؟
منار بخجل: لا
مازن: تعبني حبك ماعاد فيني طاقه اخبيه اكثر . وادري انك بالمثل
منار ساكته خجلانه
مازن: صح والا لا
منار: اممم مدري يعني انت ع طول حكمت انه حب يمكن مجرد اعجاب
مازن: يشهد علي الله اني احبك.. واني بكل لحظة تمر علي ما اتخيل غيرك جنبي
ابتسمت : بس صعب
مازن: وش اللي صعب؟ اقولك مجنووون فيييك
منار: ودي اكمل دراستي مو الحين يعني
مازن: يارب عطني الصبر. الحين وش دخل دراستك بعلاقتي فيك؟ انا مستحيل امنعك عنها
منار: ادري بس الحب والزواج راح يلهيني وماراح اجيب المعدل اللي انا ابيه
مازن: من قال؟ انا بكون لك ظهر وسند وراح اعينك واساعدك وتطلعين بأعلى الدرجات
منار بترفع ضغطه: اممم افكر
مازن بنفاذ صبر: عاد فيها تفكرين؟ ارحمي حال قلبي اللي ميت فيك
منار متشققه من الفرحه بس تبين له العكس
مازن: الوووو
منار: معك بس ما اعرف وش اقول فاجأتني
مازن: المهم جاك العلم انا راح اتزوجك وتكملين دراستك معي
ابتسمت: اللي تشوفه
مازن صرخ بصوت عالي : احححببببببكككك
انحرجت و قفلت ف وجهه وهي تتنفس بصعوبه وتهوي نفسها بيدها: اوه ي الله طللللع جد يحبني
ودها تطير من الفرححححه. جتها رساله
(هالمره بعديها لك واعذرك. المره الجايه حسابك بيكون عسييييير "فيس غمزه" )
ابتسمت منار وتحس بداخلها سعاده مو قادره توصفها


دخل جناحه عشان يرد ع خوله اللي كل شوي تتصل
جواد: انتي وبعدين معاك انا متعود ما اثني كلامي بس معك صرت عايد لك الف مره. ي بنت الناس مالك معي نصيب ولا راح التفت لك في يوم حطي هالمعلومه في راسك الصغير
خوله مصدومه بس تكابر: أنا كنت بموت بسببك وانت تكلمني كذا؟؟؟
جواد: تموتين تعيشيين هذي حياتك وانتي حره فيها مو مسؤول عنك انا
خوله تسوي نفسها تبكي: ااه حرام عليك كل هذا لاني حبيتك والله حرام اللي تسويه فيني
جواد: والله محد ضربك على يدك وقالك تحبيني
خوله انقهرت ومازالت تحاول: اذا شفتني راح تحبني انا متأكده
جواد بملل: لا حووووول. تدرين؟ الكلام معك عبث. باي
وقفل بوجهها.. ناظرت الجوال بصدمه وقهرر اوريك ي جواد الهامي مو أنا اللي تكلمني كذا بكره بروح بيتكم وراح تشوف وش بيصير


جالسه وحيده بغرفتها ع سريرها ضامه رجولها ومنزله راسها عليها ياربي وش اسوي المصايب تجيني من كل مكان اه تعببببت يارب صبرني. دق الباب. رفعت راسها ومسحت دموعها
ريم: ادخخخخل
مازن دخل بهدوء وتقدم سحب كرسي التسريحه وجلس عليه
ريم متفاجأه: شفيك مزون فيك شيء
مازن: ايه. فيني ان اختي الصغيره بحاجتي وابي اكون معها
ريم نزلت راسها شوي
قرب منها ومسك مع ذقنها ورفع راسها: ليه الدموع ليه هالحزن اللي بوجهك. علميني أنا اخوك مالك غيري ومالي غيرك. اعتبرني وحده من صديقاتك. يلا احكي لي اللي ف قلبك
ريم تناظره ودها تخبره بس مستحيل لان بتتغير نظرته لها
ريم: مافيني شيء بس تعبانه
مازن: مو حابه تحكي لي؟
ريم: لا مو عن كذا بس م اعرف مافي شيء محدد احس الحياة مو حلوه كلها كذب وخيانه وناس ماترحم
مازن بصوته الهادي: لا الحياه حلوه بس تبي منا نعيشها صح. انتي لا تشوفين الجانب السلبي والسيئ منها شوفيها من جانب ثاني في ناس طيبه وناس فيها خير وناس صادقين ولا عندهم حقد لاحد.
ريم ببرائه: لا كلهم اشرار. يحبون يسيطرون على الناس الضعيفين
مازن: طيب علميني من هذول الاشرار وانا قرندايزر اروح اقتلهم زي ماكنا صغار
ريم ابتسمت: ههه ياليت ترجع ايام اول
مازن: تذكرين كنتي تجيني تصيحين من عيال الحاره وتاخذني الحمييه ومسوي افزع لك مصدق افلام الكرتون احسب اني وحدي بغلب عشره اخرتها يمردغوني وارجع البيت
ريم: هههههه ايه. بس تدري كنت افتخر فيك واحسك سندي بهالدنيا
مازن يبتسم ويمسك يدها: ومازلت سندك
ابتسمت ومازن ناظر الساعه: خلاص يلا ع النوم تأخرتي
ريم: ان شاءالله
تسطحت ريم تستعد لنوم غطاها وطلع من عندها




ف غرفة جدة جوانه. الجده ع سريرها ومن جهه دانه ومن جهه جوانه وهي بالوسط
جوانه: الا ي جده ليش ماتقعدين عندنا على طول
الجده: والله ي بنيتي الود ودي بس انتي خابره مرضي ماعدني بمثل اول. مافيني شدة للتنقل
دانه: طيب الطب تطور هنا وعيالك هنا وش يوديك لحالك بعيد عنا.. وليش ترفضين ان ابوي او عمي يقعد معك هناك
الجده: هيييه وانا امتس.. انا عند قريبتي من امي هي وحيده مالها الا الله سبحانه.. اقعد معها تونسني واونسها مالها غناتن عني وانا امتس. وانتي واختس عند ابوتس ماعليكم خلاف. وانا ي بنيتي مابغيتهم يجوني لجل ماتقعدون هنيا بلحالكم..
جوانه: وقرايبتك ذي وش تصير لنا
الجده: بنت عم امي الله يغفرلها ويرحمها
دانه وجوانه: أللهم امين
دانه: طيب هي وش مقعدها هناك؟ مريضه هي بعد
الجده: لا وانا امتس هي تزوجت والله مارزقها الذريه. شار عليها رجلها يوديها عند دكتور هناك امدحوه له ربعه وسافرو. وقدر الله عليه بحادث دخله بغيبوبه وهي قعدت عنده تباريه وتراعيه ولكن ما الله كتب له عمر توفى بعد سنتين من الحادث .. وهي من ذاك الوقت احلفت ماترد ديرتها ابد وقعدت ماردت ابد ليومكم هذا
جوانه: ياقلبي عليها بس كيف تحملت الغربه وكيف قدرت تتعامل مع ناس ماتعرفهم
الجده: هو ماسوى الحادث على طول. اقعدو حول العامين او انه زود
دانه: مسكينه حزنت عليها
الجده: الله يكون بعون الجميع. والحين يلا كلن على فراشه اشوف. تغطن ونامن
جوانه ترفع جسمها وهي منسدحه ع يمين جدتها وباستها ع راسها: خلاص بنام
دانه بعد تسوي مثلها: أنا بعد بنام
غمضو عيونهم ماعاد جوانه تتخيله وبخاطرها مين هالشخص ودي اعرف ليش افكر فيه هففففف مسكت خصله من شعرها وتلفها باصباعها شكله عنده خير اكيد يعني مشهور ومعروف كثير لو اعرف بس اسمه راح اطلع عنه كل شيء بس كيف
غمضت عيونها وهي تحاول تترك التفكير وتنام. جتها رساله
فتحتها بسرعه من رقم غريب مكتوب
( الموظفين الجدد غداً سيتم الاجتماع بكم في قصر الهامي في الساعه السابعه مساء الحضور اجباري وشكرا

العنوان.............. )

وي ي ويلي بروح بيتهم والله امي ماترضى هفففف وش هالاجتماع اللي ف البيت ادق اسأل ع مين ادق هالوقت ادق ع نفس الرقم
ضغطت ع اتصال واحس خايفه. ي ربي مشغول الرقم والحل اه ادق ع هذاك جاد وبس ترددت بس دقيت
رد بسرعه: ي هلا
جوانه: اممممم بسألك استاذ جاد عن اجتماع بكره. ليش
جاد: احنا متعودين كذا كل فتره نجتمع بالموظفين الجدد عشان نعلمهم نظام شغلنا ونتعرف عليهم وبس
جوانه: طب عادي لو ما جيت
جاد بداخله أنا مسويه عشانك ومابتجين: لا هذا من اسياسيات الشغل إذا ماجيتي يمكن يجيك فصل
قلت بخوف: ﻻﻻ خلاص بجي
جاد: حلو
قفلت منه وانا افكر كيف راح اروح اهلي مراح يوافقون وش اقلهم ياالله خلاص بكره اسأل هالخبله دانه ويمكن تحلها لي ابي انأأأأأأم





في صباح يوم جديد هادي
مافي عنده غير صوت العصافير وعنده قهوته الساخنه مع جو الفجر البارد وفاتح لابتوبه ع رجوله ع كرسي خشبي ف وسط حديقتهم اللي كاسيها اللون الاخضر ف كل مكان وريحة الزرع والورد تندمج مع نسمات الهوا البارد
شرب شوي من قهوته الا بصوت اخوه من خلفه
جاد: صباح الخير
جواد التفت له باستغراب: صباح النور وش عندك صاحي هالوقت غريبه
جاد يجلس ع الكرسي اللي جنبه: عشان الدوام
جواد: بس اليوم اجازه
جاد: ايه ادري اقصد تعودت عشان الدوام
جواد ترك اللاب: هههه لهاالدرجه حبيته؟
جاد ايه والله. ومضايق عشان اليوم مافي
جواد ناظره بأستغراب: جاد يحب الدوام!! مسستحيل. اكيد وراك بلا؟
جاد: بصراحه احححم ايه
جواد عدل جلسته وهو يقابل اخوه: ايه وش وراك قول
جاد ابتسم: ﻻﻻ مابقول انت ماراح يعجبك اللي بقوله
جواد: لالا ان شاء الله يعجبني قل بس
جاد يفكر: امممم عشان وحده
جواد: وحححححححححححححده؟؟ والله حسبت عندك شيء الحين توك بتبدء شغلك بدال ماتنتبه عليه رايح تلاحق البنات
جاد: بس بس بس اكلتني. خلاص ي كلمة ارجعي مكانك
جواد: جاد هالكلام مافيه مزح. خلك على اسمك لو مره وحده صير جاد في شغلك وكلامك وتصرفاتك
جاد: طيب ايش اسوي هالبنت غير م اعرف بس فيها شيء مختلف مدري وش
جواد: كل البنات مثل بعض. لاتفكر ان فيه وحده تحبك عشان سواد عيونك. لا عشان اللي عندك بس
جاد: ماراح تفهمني
جواد: والا انت مراح تفهم هالدنيا ابد
جاد: المهم اسمع بجتمع اليوم بالموظفين الجدد هنا
جواد باستغراب: وليش
جاد: بعلمهم نظام الشركه وايش سوينا من قبل والمشاريع اللي ناجحه وكذا وبعدها عشا خفيف وبس
جواد: من وين طلعت لنا بهالفكره
جاد: مدري كذا
جواد: كلمت ابوي
جاد: لا لسى بس م اظن بيرفض
جواد: حضوري ضروري والا تدبر امورك؟
جاد: ﻻﻻ اككككيد ضروري
جواد: اوك بس اول علم ابوي
جاد: ايه اكيد بس انتظره يصحى
وقف جواد: يلا اجل عن اذنك بروح ارتب اخلص اموري عشان اكون فاضي بالليل
جاد: اذنك معك
مشى شوي والتفت وهو يرفع حاجب: الا ع فكره الوحده حقتك بتجي
جاد: ههههههه ايه جايه
ابتسم جواد وهو يكمل طريقه: اوك نشوفها الليله ان شاءالله
راح جواد من عنده وهو رجع ظهره ع السرير وهو يفكر ف جوانه






صحيت بكسل ع صوت المزعجه دانوه: هاه خلاص صحيت يلا روحي
دانه: بنزل ياويلك لو ماتصحي
طلعت وقفلت الباب وانا جلست اتمغط هههه اه والله لسى نعسانه مانمت من كثر م افكر في هاللي اسمه جاد قمت بتحمم عشان اصحصح تحممت بسرعه وطلعت صليت وقمت بنشف شعري صار لازم اقصه مره صاير طويل لميته ع فوق ونزلت دانه وهي تفطر: بدري
قلت وانا اسحب الكرسي اللي جنبها: بدري من عمرك ي روحي
قربت منها وهمست لها: بعد الفطور بقلك شيء عن جاد
ابتعدت وهي قالت بصوت عالي: مالك نفس خلاص ي قلبي مو ﻻزم تفطرين الحين
ناظرتها وانا مبققه عيوني بديت بقلها الحين منو قال اني مالي نفس بس بديت انطق: الح،، سكتتني وهي تقول
دانه: يلا اجل قومي. وسحبتني من يدي وطلعنا فوق
ناظرتها وهي لسى ماسكه يدي: ي الخبلللله شفيكككك
دانه تبتسم وهي تجلس ع السرير: ابي اعرف السالفه
جوانه: وجججع كل هذا عشان السالفه ذي. كان خليتني افطر واقلك
دانه: تعالي بس اجلسي وعلميني. فيني لقافه طيب
جلست جنبها وحكيت لها عن الاجتماع
دانه: عادي سهله نقول لماما بنروح بيت صديقتنا ويودينا السواق
جوانه: اشوفك صدقتي انه سواقك. ترا جدتي الحين هنا ويمكن تحتاجه بشي
دانه: ماعليك جدتي ماتقول شيء. بس انتي دقي على هذا جاد وقولي له انو اهلك مايخلونك تروحين الا رجلي ع رجلك
ضحكت: هههه طيب
دانه: ودي اشوف بيتهم اكيد قصر كبير
جوانه: لا يعني مو ذاك الزود احسه صح عندهم خير بس مو لهاالدرجه
دانه: نشوف الليله
جوانه: الله يستر احس خايفه ليكون شيء من الاعيبه
دانه تطمني: لاتخافين أنا معك
قمت وقلت وانا رايحه افتح الباب: أنا بروح افطر جيعانه
دانه: ماشي







ترررررن تررررررررن. ترررررن تررررررن

صحت ع الصوت اخذته ومن شافت المتصل جلست تضبط صوتها: اححححم احم
ردت : الو
مازن: صباح الورد
منار: صباح النور
مازن: يلا قومي ي كسلانه
منار: أنا صحيت
مازن: شخبارك؟
منار: بخير وانت؟
مازن: تمام ي روحي
منار: امممم اسفه عشان البارحه قفلت بس
مازن: لا عادي ي قلبي. طيب اللي قلته انتي موافقه عليه
منار: لسى مو وقت نتكلم فيه
مازن: ومتى وقته؟ يوم ياخذك غيري
ابتسمت منار: لا ماباخذ احد غيرك
مازن : تبين الصراحه ما اضمنك
منار: ههههه وليش؟
مازن: لانك نشفتي ريقي البارحه "ويقلدها بسخريه" دراستي جامعتي ومدري وش. واخرتها تقفلين بوجهي
منار: ههههههههههه
مازن بفهاوه: فدا هالضحكه وراعيتها
هدت ومازالت مبتسمه: لا تخاف مستحيل اتزوج غيرك لو اموت
مازن: لا كيف بصدقك وانا ماعرفت مشاعرك اتجاهي للحين
منار بخجل: وش تبي تعرف وانت فاهم كل شي
مازن: غبي انا غبي وما افهم يلا قولي
منار بإحراج: اممم انا يعني انا اا ا حبك
ابتسم مازن وهو بيطير من الفرحه: يازينها من شفاتك. وانا اعشقققك حد الجنون



كنت جالسه مع ماما اجهز الغدا معها قلت وانا اقطع الخضار
جوانه: ماما
عبير: هلا
جوانه: اممممم الليله بنروح أنا ودانه بيت صديقتي
عبير: ليش
جوانه: عازمتنا عندها حفله
عبير: لا حبيبتي مايصير جدتك هنا ولازم تجلسون معها
تركت اللي بيدي : يلا عاأأأأد مامي أنا وعدتها ارح لها
عبير: طيب وين بيتهم
وي توهقت: هاه هنا ماما قريب
عبير: وين قريب
علقت مو عارفه اكذب جالسه ساكته وماما تناظر بوجهي تنتظر اجابه
: بالنسيم يمه
ناظرت دانه اللي توها داخله المطبخ وابتسمت وانا أأكد كلامها: اي اي يمه النسيم
عبير: طيب خلاص بس علمي ابوك
اوه الحمدلله وهي وافقت ابوي إذا امي موافقه مايقول شيء
خلصت معها تحضير الغدا ورحت تحممت من ريحة الطبخ وصليت الظهر ونزلت اجهز السفره معها


جواد وهو ماسك جواله ويتصل: الووو
: ي هلا وينك انت لا تتصل لا تسأل ولا كأن لك عمه
جواد: هههه اكلتيني ي عمه
عمته: اي والله لا انت ولا اخوك محد يسأل عني. فقدتكم
جواد بابتسامه: فديتك والله انتي ع بالي بس وش اسوي شغل
العمه: طيب حبيبي شلونك وشلون امك وابوك
جواد: بخير ي الغاليه انتي وش مسويه
العمه: والله بخير. وتصارخ ع عيالها هوس انتي وياها اسكتو بسمع
جواد: ههههه الله يعينك
العمه: امين. والله بيجنوني
جواد: مو ناويه تجينا هالفتره
العمه: وين العيال عندهم مدارس وكذا مراح اقدر انت ليش ماتجي عندي ترا كلها ثلاث ساعات وتوصل عندي
جواد: ان شاءالله بس أنا هالفتره بسافر لندن ابوي مكلفني اهتم بالشركه اللي هناك
العمه كمان تصارخ: خلاص اتررركه. ورجعت تكلم جواد: الله يوفقك
جواد: امين. يلا اجل مابطول عليك بوسي لي الصغار اللي حولك
العمه: ههههه ان شاءالله
جواد: مع السلامه
العمه: ف امان الرحمن

( عمة جواد حصه اصغر من ابوه. متزوجه وساكنه ف الدمام عشان اهل زوجها وشغله بعد انسانه طيبه مررره ومافي قلبها حقد او كره لاحد عندها 5. ولد وبنت لسى مايدرسون وبنت سنه سادس وكمان عندها بنت بالثانوي وولد بالجامعه)




تغديت وقمت رحت ع غرفتي احس خايفه م اعرف ليش. خايفه منه يسوي لي شيء وش اسوي ي ربي
طق طق طق
لسى ماقلت تفضل الا وهي داخله وتضحك. جت تركض وضمتني بقوه
جوانه: بس بس خنقتيني
منار: ههههههههه مبسوطههههه مرررررره
جوانه: ههههه دوم ي رب بس ليش
جلست وهي تتنهد: اه احب وصرخت. احححححححححب
حطيت يدي ع فمها: ههههه ي مجنونه لا احد يسمعك
منار: تخيلي جوجو مازن طلع يحبني جد ويبي نتزوج
جلست جنبها: والله ؟
منار ومبين السعاده ع وجهها: واللههه
جوانه: يلا يلا احكي لي من طأطأ لسلام عليكو هههه
جلست تحكي لي عنه ووش صار معها
جوانه: يوه متى بلاقي واحد يحبني كذا
منار تناظرني بتفحص: انتي فيك شيء وشو
فديتها ع طول تفهمني. خبرتها عن جاد والاجتماع واني خايفه وكذا
منار: ي روحي انتي طيب شرايك اجي معك
جوانه: هههههه ﻻﻻ وش بيقول عني الرجال
منار بحماس: ماعليك منه يلا دقي واسألي
جوانه: طيب
دقيت و ع طول رد: اهلين
جوانه: هلا استاذ جاد
جاد: امري
جوانه: امممم مراح اقدر اجي
جاد: لللللللللللليش ؟
جوانه: ماما ماترضا اطلع الا مع اختي وبنت عمي ماتخليني اروح وحدي. وصعبه نجي كلنا
منار تأشر لها بمعنى للليش. اشرت لها بيدها وهي تضم اصابع يدها لفوق يعني اصبري شوي
جاد: بس كذا؟؟ . لا مو مشكله تعالي معهم
ابتسمت: بس
جاد يقاطعني: لا بس ولا شيء. انتظرك اليوم
جوانه: ماشي
قفلت وخبرت منار اللي استانست عشان خايفه اروح وحدي وتبي تكون معي




ع الساعه 6 كنت جاهزه ولابسه عباتي وانتظر دانه والخبله منار. احس الحين ارتحت يعني معي منار ودانه كل منا راح تحمي الثانيه إذا صار شيء. ههههه ع بالي داخله حرب

المهم ماصدقت متى خلصو وطلعنا من البيت واتجهنا للعنوان اللي مكتوب بالرساله اول ما وصلنا كان فية غرفة حراس وقفنا جنبها وفتح الحارس الشباك
الحارس: الاسم لو سمحت؟
جوانه: جوانه محمد
ناظر باللسته اللي معه
الحارس: حياك الله تفضلي
انفتحت بوابه كبيررره ودلنا الحارس وين نوقف السياره وااي وش ذا البيت اقصد القصر حديقققه ياكبرها تتوسطها نافوره كبيره ع شكل طفل معه اجنحه كانه يطير واو هالمكان وين مشينا شوي ع الطريق اللي يودي للكراج وكان فيه مثل النهر يمشي وجنبه بط وفيه جسر بالوسط كل هذا اشوفه من بعيد وانا بالسياره ومنار ودانه مو قادرين يسكتون دخلنا للكراج الكبير اللي تحت القصر ذا مو بيت عادي. وقف السياره
منار: ننزل؟
دانه : ﻻ ليش تنزلين خليك تأملي هنا احسن
منار: هاها ماتضحك
جوانه: بنات
ردو: هلا
قلت بخوف وبصدق: يلا نرجع بيتنا
ناظروني الثنتين باستغراب
جوانه: احس خفت وش كل هذا مو قادره انزل احس رجولي ماتمشي
منار: هههههه انزلي انزلي بس. ودك تنفصلين ؟
جوانه: لا طبعا لسى ماسويت شيء
منار: اجل يلا انزلي
نزلنا ورحنا عند المصعد ودانا الحارس ع مكان الحفل.مدري الاجتماع انفتح باب المصعد وكلنا وقفنا محد طلع كل وده تدف الثانيه عشان تطلع كان بينقفل بس فيه احد حط رجله وخلاه يرجع ينفتح الا هو وقف ويبتسم: تفضلو
كان جاد واقف بوسامته المعتادة وابتسامته الساحره
رفعت راسي ومشيت وانا احاول اثبت خطواتي احس بطيح أنا وذا الكعب واحس الارضيه حقتهم مدري شلون تصلح نتزلحق فيها هههه
جاد مد يده بيسلم بس أنا ما مديتها
جاد: اوه اسف
نادى احد من اللي عنده وقله يودينا ع الطاوله
كان صاله كبيرررره فيها طاولات متوزعه ومنسقه وعليها ورررد وريحة المكان تاخذ العقل. توجهنا للمكان وكان فيه ناس كثير جلسنا ع طاولتنا
منار: هذا هو ؟
جوانه: ايه
منار وقفت: بروححح له الحقيرررر
مسكتها من يدها واجلسها: اقول اجلسي مكانك بس خلينا نشوف اخرتها



جاد: الووو. وينك انت
جواد: الحين بجي شفيك مستعجل
جاد :ابيك تشوف البنت قبل الزحمه
جواد: ليش كاشفه هي؟
جاد: لا بس حاطه لثمه عيونها تجنن
جواد: اوك اوك أنا إذا شفتها مابشوف شكلها بس بسولف معها واعرف كيف اطلع لك حقيقتها وراح تشوف انها زي باقي البنات
جاد: تعال الحين
جواد: اوك هذا أنا نازل
قفل منه وجلس يناظر جوانه ويراقب حركاتها وضحكتها
وصل جواد وجوانه كان مندمجه بالسولف مع منار واختها
جاد: اخيرا نزلت
جواد ويدينه في جيب بنطلونه بهيبته المعتاده وحضوره الطاغي: عارف لزوم الكشخه
جاد: هههههه
جواد: ايه وينها تعيسة الحظ يومك حبيتها
جاد: يلا عاد
جواد: ههه اوك وينها
مد يده وهو يأشر على طاولتهم وجواد وجه نظره للطاوله وبنظرات ثاقبه جلس يناظر
جاد: هذيك
جواد يدقق نظراته اكثرررر



وووووو...................................... ..................................






































حناآان.. 03-12-21 03:53 AM



البـــــ4ــــارت الــــــرابع





جاد: الووو. وينك انت
جواد: الحين بجي شفيك مستعجل
جاد :ابيك تشوف البنت قبل الزحمه
جواد: ليش كاشفه هي؟
جاد: لا لثمه
جواد: اوك اوك أنا إذا شفتها مابشوف شكلها بس بسولف معها واعرف كيف اطلع لك حقيقتها وراح تشوف انها زي باقي البنات
جاد: تعال الحين
جواد: اوك هذا أنا نازل
قفل منه وجلس يناظر جوانه ويراقب حركاتها وضحكتها
وصل جواد وجوانه كان مندمجه بالسولف مع منار واختها
جاد: اخيرا نزلت
جواد ويدينه في جيب بنطلونه بهيبته المعتاده: عارف لزوم الكشخه
جاد: هههههه
جواد: ايه وينها تعيسة الحظ يومك حبيتها
جاد: يلا عاد
جواد: ههه اوك وينها
مد يده وهو يأشر على طاولتهم وجواد وجه نظره للطاوله وبنظرات ثاقبه جلس يناظر
جاد: هذيك
جواد يدقق نظراته اكثرررر
:استاز جاد
جاد التفت له ولسى ماد يده
وفي هالوقت عند جوانه كانت منزله راسها عشان تعدل كعبها
اما جواد ف كان يناظر دانه وهو حاط يده ف جيب بذلته السودا


جاد: نعم وش فيه
: طويل العمر بدو ياك
نزل يده وجواد ناظر فيه: انت خبرته قبل كذا
جاد: ايه وقال عادي
جواد: اوك امش نشوفه


منار: هيه انتي شفيك غصتي تحت الطاوله
كان كعبي فيه شريطه من فوق ومربوطه ع جنب ولما كنت اعدل الكرسي ضغطت ع طرفها وانفكت ف قمت اسويها: هففف هذا مدري شفيه الشرايط اللي عليه صارت تحت الكرسي رفعت راسي: اوه اخيرا ضبط
دانه: هههههه اشكالكم تفشل
عدلت لثمتي : خفي علينا ي بنت الوزير
منار: بنات شفتو الرجال اللي كان واقف جنب جاد
دانه: يب شفته شكله فخم ورزه
جلست اناظر وارفع راسي: وين م اشوفهم
دانه: راحو وانتي غاطسه تحت الطاوله
جوانه: اه الله يعيدي هالليله ع خير




ف جهه ثانيه من بيت الهامي
خالد: في واحد من العمال صار عليه حادث اثناء شغله بالمشروع اللي انت مشرف عليه ي جاد ولازم تروح الحين تشوفه
جواد: متى صار ؟ وهو بخير ؟
خالد: حالته خطيره أنا توي اعرف بس هو من الساعه 4 العصر ف المستشفى
جاد بضيقه: بس يبه الحين أنا م اقدر اروح الناس اللي هنا ايش اسوي مستحيل اتركهم
خالد: الموضوع مايتحمل التأجيل. هذي مسؤوليه
جاد: وانا وش دخلني طيب
جواد: خلاص يبه صعب يترك الموظفين. أنا بروح اشوفه
خالد: طيب اهم شيء احد منكم يروح
جواد: خلاص ي جاد يلا روح لا تخليهم ينتظرون كذا
راح جاد عندهم وطلع جواد عشان يشوف الموظف اللي تعرض لحادث.





طلع من الباب الرئيسي وكانت بوجهه خوله اللي كاشفه وجهها ومبينه نص شعرها وتبتسم يوم شافته
خوله بدلع متصنع: يااااي ايش هالصدفه الحلوه
جواد ناظرها بنص عين ويبي يمشي بس كانت واقفه بطريقه
جواد: ممكن. واشر بيده انه يبي يطلع
خوله: نو نو مافي تروح
جواد تنرفز من اسلوبها ودلعها اللي مو لايق عليها بس يحاول يمسك اعصابه
جواد: قلتلك ابعدي عن طريقي ترا مو فاضيلك
خوله اقتربت منه اكثر: مافي رجال يقدر يقاوم انوثتي
وقربت منه اكثر

طأأأأأأأخ
جواد بعصبيه: الزمي حدوك لا يجيك شي مايعجبك
وتجاوزها بغرور وراح لسيارته
وخوله لسى مصدومه وتتحسس خدها والدموع بعيونها
خوله بحقد: اورررررريكككك ي جواد. أنا ابوي ماضربني تجي انت تضربني هين والله لخليك تبكي دم وراح تتزوجني غضب عنك وراح تشوف




ماصدقت متى انتهى الاجتماع ذا كان يتكلم عن بدايات شركتهم كيف ومتى تأسست وكيف كبروها وايش مشاريعهم وانجازاتهم اللي حققوها وكلام كثييير
ع طول وقفت وانا اكلم البنات: بنات يلا تأخرنا ع ماما اخاف تهاوشنا
منار: حبيت المكان الرهيب ذا. اه كني شيء كبير
دانه تستخف: شيء كبير! ديناصور مثلا؟
منار: هه هه سخيفففففه
جوانه: اقول اسكتي انتي وياها ويلا
ماكملت كلمتي الا جاد واقف ف وجهي وهو يشوفني واقفه
جاد: على وين ؟؟
جوانه: امممم خلاص برجع البيت تأخرت
جاد: ﻻﻻ ماراح ترجعين ابي اعرفك ع امي
فتحت عيوني متفاجأه: وللللليش يعني.
جاد ف خاطره وده تشوف قصرهم كله عشان تهتم له اكثر. يعني يحاول يغريها بفلوسه ويلعب عليها زي باقي البنات
جاد: بس كذا يلا تعالو معاي ومابي اي نقاش.
وطلع قدامنا
كانت كل وحده فينا تناظر الثانيه مو عارفين وش نرد مشينا ع طول خلفه واحنا زي الاطرش ف الزفه طلعنا المصعد ومدري وين انفتح فينا حتى مصعدهم غير كأنه من ذهب المهم اول م انفتح أنا بصراحه خفت كان مكان صاله كبيره وفيها كذا 4 ابواب وبالوسط زجااج كبير يطل ع الحديقة . مو واضح انها صالة استقبالهم صحيح المكان فخم لأبعد حد من ديكور من اثاث من لوحات لأشهر الفنانين بس اتوقع انه بالدور العلوي ودايم الاستقبال تحت قطع تفكيري جاد وهو يقول
جاد: دقيقه وراجع لكم. خذي راحتك انسه جوانه
وراح مدري وين
منار: بنات حنا وش طلعنا هنا ها
دانه بخوف: مدري عنكممم أنا مشيت يوم شفتكم طلعتو
جوانه: وش بيصير يعني لا تخافون. وانا من داخلي بموت خوف دانه توجهت ع الكنب الموجود وجلست: تتوقعون وين ذلف ذا
منار: يمكن يجيب امه على قولته
أنا قلبي ناغزني: بنات خايفه يسوي فينا شيء
دانه وقفت بخوف: امشي نشرد اجل
منار: م اعتقد البيت اكيد فيه ناس يعني امه واهله مراح يتجرأ
جوانه: اي صح لا تخافين
منار تأشر ع باب من الاربع ابواب : شوفي شوفي مفتوح
قلت بعدم اهتمام وانا اجلس ع الكنب جنب دانه: ويعني ؟؟
منار تمشي شوي شوي لجهة الباب
ناديتها بهمس: هيههه وين رايحححححه
منار: بناظر وش فيها. ودخلت
دانه: وي هالخبله لا يصير فيها شيء
جلست افكر يمكن هذي غرفة جاد بروح اشوفها يمكن احصل شيء امسكه عليه واذله فيه زي ما ذل ريم المسكينه
توجهت للغرفه ودانه تناديني خايفه مابقت الا هي واخر شيء لحقتنا
اول مافتحت الباب اللي اطول من حياتي كان فيه صاله كبيييره اكبر من صالة بيتنا خخخخ واثاثها راقي وانوارها خافته. كانت الصاله باللون البني والبيج وفيه كم باب واحد مفتوح وكان ع اليسار وبداخله مكتب وفيه كتب ولاب توب والثاني كان مقابلني

شفت الخبله منار ترمي نفسها ع الكنب وتوقف وتعيدها وتضحككك
جوانه: جنيتي انتي. الحين يجي جاد امشي ندور شيء يمكن هذا جناحه اي شيء اوراق نمسكها عليه وقفت بجديه
منار: اي والله. أنا بدخل اشوف هنا. وتأشر ع المكتب
جوانه: اوك بسرعه
وبدينا نفتش بسرعه خايفين يجي ودانه ظلت برا تراقب الوضع ههههه حراميه محترفين. شدني الباب اللي مواجهني كان شوي مفتوح والاضاءه فيه خافته اكثر مشيت ع اصابع رجولي عشان خفت يكون فيه احد فتحت بشويش كانت غرفة نوم بس واأأأأأأأأأو ريحتها وشكلها واثاثها يجنن مشيت شوي فتحت ادراج التسريحه ادور فيها ماحصلت شيء فتحت الادراج ف الجهه الثانيه كمان مافي شي كلها اوراق عاديه رحت عند السرير فتحت ادراج الكمودينه واشوف مافي شيء مهم هففففف وقفت بخيبة امل جذبني حيل هذاك الشي المرمي ع الكمودينه باهمال كان عقد رقيق وهادي اخذته وانا المسه ياااي مره نايس سمعت صوت منار تناديني ف طلعت بسرعه وشفتها طالعه من الجناح ف طلعت خلفها وقفلت الباب وثواني المصعد انفتح و دخل جاد
جاد: معليش امي مراح تقدر تشوفكم
قلت بخوف وارتباك: هاه ﻻﻻ عادي مو مشكله. احمممم والحين نقدر نطلع ؟
جاد فقد الامل منها: ايه تفضلو
اوه ماصدقت متى نطلع نزلنا تحت وطلعنا السياره واخيرا طلعنا من قصر الهامي بأمان
منار: اوف قلبي كان بيطيح زين ماشافنا واحنا داخل
تذكرت العقد وناظرت يدي وقلت بخوف وانا احط يدي ع فمي : ي ويلي نسيت ذا ف يدي من الخوف
منار تشهق: وش ذا ؟؟ الحين يحسب انو سرقناه
دانه تاخذه مني وتناظره:شكله غالي يلا نرجع ونعطيهم
منار: لا ي شيخه وش هالافكار العظيمه نرجع وش نقول والله معليش دخلنا غرفة مدري جناح ولدكم واحنا نفتش فيها نسينا العقد ذا معنا
دانه: وجع اكلتيني بقشوري وش قلت أنا
أنا خايفه باقي شوي وتنزل دموعي: هفففف ياربي والحلللل طيب
منار: انتي وين لقيتيه
جوانه: ع الكمودينه
منار: اها حلو يعني مو شيء مهم لو شيء مهم كان احتفظو فيه ف مكان اأمن
جوانه: يمكن الجناح اللي دخلناه مو له يمكن حق اخته وتعرفين البنات يدققون على اكسسواراتهم كثير ويمكن تدوره وكذا اففففف
دانه: احسن تستاهلون مين قلك انتي وياها تدخلون وتفتشون غرف العالم
عصبت عليها: اسكتي انتي مو وقققققتككك
اه ياربي شلون ارجعه
منار مسكت ع يدي: لا تخافين راح نشوف لها حل
ناظرتها وودي ابكي بس شدت ع يدي تطمني
ظليت افكر لين رجعنا البيت





سميره وهي ماسكه يد خوله اللي نايمه ف وحده من غرف الضيوف: شلونك الحين
خوله تمثل: احس بدوخه. تسوي نفسها تبي توقف ومو قادره
سميره باهتمام: خليك خليك ارتاحي
خوله: بروح البيت الحين ماما خايفه علي
سميره: لا ماراح اخليك تروحين خلي الطبيب يشوفك
خوله بخوف: ﻻﻻﻻﻻ مايحتاج دكتور
سميره: ليش عشان يفحصك ويعطيك علاج وتتحسني
خوله: لا بليز عندي عقده منهم م اقدر اروح المستشفى حتى لو اني بموت
سميره: طيب خلاص نامي الليله هنا. وبكره روحي
تحقق اللي ف بال خوله: بس مايسير
سميره: لا عادي مافيها شيء يلا اخليك ترتاحين
راحت سميره وابتسمت خوله بنصر


راجع البيت ويكلم منصور
جواد: اسمع انت الليله خلك بالمستشفى واي مستجدات تخبرني أنا
منصور: حاضر طال عمرك
جواد: واي شيء تحتاجه دق على ناصر
منصور: حاضر
قفل جواد وهو يكمل طريقه للبيت وصل البيت وتوجه ع طول ع جناحه لكن وقف مكانه من الصدمه اللي شافها


رجعت البيت احس بخوف لو يكتشف جاد العقد وش اسوي توجهت ع طول لغرفتي ع طول دخلت الحمام تحممت عشان ارتاح وافكر بهدوء ف موضوع العقد اللي ابتلشت فيه
طلعت ونشفت شعري جلست ع سريري واخذت شنطتي فتحتها واخذت العقد واتأمله ذوق اللي اختارته جمممممميل اخذته بجنون وتوجهت للمرايا لبسته كان مره حلو علي. خفت يضيع إذا تركته ف قررت البسه لين اشوف له حل رحت لسريري تغطيت واحس بتعب مسكت العقد بيدي وظليت ماسكته. حبيته مره مدري ليش غمضت عيوني وانا احاول انام
في نفس البيت في غرفة الجده.
دانه وهي تقوم من عند جدتها وتبوسها ع راسها: يلا اجل ارتاحي وانا بروح انام
الجده: الا وين جوانه
دانه: كانت مره تعبانه ونامت ع طول
الجده: عسى ماشر
دانه: لا بس ارهاق وعشان صحت بدري
الجده: الحمدلله حسبت انها مريضه
دانه باست جدتها مره ثانيه وطلعت ع غرفتها عشان تنام

جواد لسى مصدوم من المنظر اللي قدامه

كانت خوله جالسه بصالة جناحة ولابسه جينز ضيقق مره وبدي احمر عليه رسمات وشايله الجاكيت وفاتحه شعرها
كلمها ببرود: وش عندك بجناحي
وقفت خوله وجت صوبه وهي تتمايل ع اساس دلع
خوله: ابا اعتذر منك ع اللي سار بدري
جواد يناظرها باحتقار: ياخسارة التربيه فيك
خوله: ليه مو عاجبتك ؟
جواد قرب منها ومسكها مع رقبتها وقال بهدوء ببحة صوته المعتاده: ياويلك ان قربتي مني مره ثانيه. وشد يده ع رقبتها لين صارت تمسك ع يده
خوله: اتركني انت مجنون اكككيد. اتركني بتخنقني
خفف من مسكته: ثاني مره تسوين هالحركات مراح يحصلك طيب. فاهمه ؟
هززت راسه بنعم لانها خايفه منه
ظل ماسكها ومشى فيها لين باب الجناح رماها ع الارض وقفل الباب وتوجه ع غرفته تحمم بسرعه وطلع لبس واستعد للنوم



في صباح يوم جميل اخر يشرق على ابطالنا


كان ف سيارته يدور مو بعارف وين يروح بعد مكالمة كرستين له .. خبرته ان التحاليل طلعت وكانت ايجابيه يعني الولد ولده

جواد وهو يضرب الدركسون بقوه: ككككيف كيف كككككككيف؟ لا أنا مستحيل اسوي هالشي اعرف نفسي تذكر ذيك الليله اللي عزمه ماركس اخو كرستين كان بينهم عمل وبها الحجة قدر يقنع جواد يتعشى عندهم

تذكر يوم دخل كان فيه اخته كرستين وذكر يوم حس بدوخه بعد ماتعشى معهم وكان مثل السكران قدرت كرستين تسيطر عليه اخذته وسندته عليها وهو مو قادر ينطق بحرف وودته ع غرفتها وبعدها مايذكر شيء الا وقت صحى لقى نفسه نايم ع سريرها وهي جنبه شبه متغطيه وقالت له انه مايذكر انه شربب وسكر وبعدها كان معها ف ليله حلوه ع قولتها بعد هالقصه بشهر جت تخبره انها حامل وان الولد ولده

ضرب مره ثانيه بقوه وهو يمشي بسرررعه

جواد: حقققققققيرررررررره


فتحت عيوني شوي شوي ناظرت الساعه اؤه صارت 11 متعوده اصحى بدري ع طول بلا شعور حطيت يدي ع صدري ادور السلسال مسكته وابتسمت م اعرف ليش احسه يعطيني الامان. بس لازم ارجعه شلون ما ادري بكره بكلم جاد اقله حصلته ع الارض هفففف صعب مراح يصدقني قمت وانا الملم شعري بدخل اتحمم احسن


نزلت وهي لابسه عباتها خايفه من جواد يسوي لها سالفه شافت سميره بالصاله راحت عندها
سميره وهي تحط كوب القهوه ع الطاوله
سميره: زين انك صحيتي امك قلقانه عليك تبي تسمع صوتك
خوله وهي تجلس جنبها: الحين بروح البيت وتطمن
سميره: لا تتغدي معنا أنا خبرت امك بس اتصلي عليها
خوله: بس. قاطعتها
سميره: لا بس ولا شيء دقي يلا ع امك
خوله: طيب
اخذت جوالها وكلمت امها وطمنتها عليها


منار صحت ع صوت ريم اللي من ساعه واقفه ع راسها ولا قدرت تصحيها
منار: هممممم وش تبين
ريم: قومي يلا وش هالكسل
منار: ريومممم طيري بس
ريم: ماعندي اجنحه
منار ولسى مغمضه: ياسخخخخخفككك
ريم: يلا عاد ترا مازن تحت
نطت منار بسرعه وهي تجلس وبعدها لبست شبشبها بسرعه وتركض ع البلكون وتفتح الستائر وتناظر مافي احد رجعت ناظرت ريم وهي حاقده عليها وريم تضحككك
ريم: هههههههه لو ادري انك بتقومين كنت قلتلك من اول
جت منار معصبه تبي تضرب ريم وريم شردت وهي تركض ضربت بقوه ف فهد
فهد بعصبيه: هييي ي العميا ماتشوفين
ريم متعوده عليه طنشته ونزلت تحت
وهو اتجه ع غرفته اخذ تلفونه واتصل وهو ينتظر الرد
جوانه: اهللللين
فهد بصوت هادي غير عن عادته: ي هلا

اول ماسمعت صوته حسيت ان فيه شيء
جوانه: فهود شفيكك
تنهد بضيق: لا ولا شيء بس خلاص لاتكلمين جدتي بخصوص اللي قلته لك
جوانه: للللليش
فهد: مافي شيء مابي اتسرع
قلت وانا زعلانه عليه اول مره اسمع صوته حزين
جوانه:ماشي بس إذا شفتك تعلمني ليش
فهد: طيب
قفلت منه ونزلت اجهز السفره للغدا مع مامي


رجع جواد للبيت ع الساعه 3 العصر ع طول توجه ع جناحه ماله خلق يشوف احد شوي الا الخدامه تدق الباب
جواد: ننننعمم
ماري: مدام قول يلا غداً
قال: طيب. مع ان ماله نفس ياكل بس مايبي يزعل امه
غير ملابسه ونزل ع الغدا
كان داخل غرفة الطعام بس اول ماشاف خوله وقف ورفع حاجب. تقدم وهو يجلس كان ابوهم بالوسط وامه ع الكرسي اللي يمينه وجنبها خوله وجاد ع الكرسي اللي يسار ابوه ف جلس جنب جاد ومقابل خوله. ويقول ف خاطره'الحين هو أنا بالاساس مالي نفس اكل وهذي اللي قدامي سدت نفسي اكثر
سميره: وش تحب تاكل حبيبي
جواد بدون نفس: اي شيء يمه
خذت الخدامه صحنه وحطت له اكل
خوله من اول ما دخل وهو مو شايفها وهي انقهرت تبي يلتفت لها اخذت الكوب وبحركه متعمده كبته طاح وانكسر وهي تشهق وتوقف
سميره: بسم الله عليك
خوله: اسفه انزلق من يدي
سميره: لا ماعليه. وجو الخدم ينظفو المكان
جواد وعينه ف صحنه وبرود: مو شايفه خير
سميره تفاجأت من جواد بس ماحبت تكبر الكلمه اما خوله انقهرت اكثر
وقف خالد وهو يقول: الحمدلله
وقف جواد بعده: يبه ابيك بموضوع. وطلع معه
غسلو يدينهم وتوجهو ع مكتب في الدور الارضي
خالد وهو يجلس ع كرسيه: خير ي ولدي امر
جواد وهو يجلس ف الكرسي اللي قدامه: يبه مابي اسافر ذا الاسبوع
خالد: وليش
جواد مايبي يقابل كرستين: أنا اشوف ان جاد مو قد المسؤوليه بكون معه هالاسبوع لحد يتعلم الشغل وبعدين اظل ف لندن
خالد: اللي تشوفه ي ولدي
جواد وهو يوقف: مشكور يبه
خالد: العفو
وطلع من عنده


خوله رجعت للبيت وهي ميته قهر خبرت امها بنص اللي صار معها عشان خافت تهاوشها
ام خوله: خلاص ي بنيتي هذا موب نصيبك. احسن لك تتزوجين هذاك المدرس اللي تقدم لك
خوله بعصبيه: أنا اتزوج مدرس !! هه ضحكتيني يمه
ام خوله: ولد الهامي مايبيك
خوله: راح يجي يخطبني وتشوفين
ام خوله: طيب نشوف وش بتسوين



عند ريم ومنار وبعد ماتغدو سوو لهم قهوه وحلا وجالسين بالصاله ريم بحزن بعد ماخبرتها منار عن اللي صار معهم
ريم: يعني مبسوط ؟
منار تشرب قهوتها: لا تزعلين بناخذ لك حقك منه ونخليه يتزوجك غصبن عن خشمه
ريم: منار أنا خايفه
نزلت فنجالها و اقتربت منها: من وش
ريم : م اعرف اخاف يجي احد بيخطبني واهلي يوافقون حتى لو اخذتو لي حقي منه مراح يتزوجني
منار مسكت يدها: لا تخافين راح يتزوجك جوانه تبي تحاول تستغله لين تمسك عليه شي تخليه غصب يتزوجك
تنهدت ريم بضيق: ان شاءالله


حسيت الوقت يمشي بسرعه ي الله صارت الساعه 8 ﻻزم انام عشان بصحى بدري وانا نومي ثقيل مسكت السلسله بيدي واحاول انام غمضت عيوني وانا انتظر النوم يجي وانا افكار توديني وافكار تجيبني لحد مابدت عيوني تسكت صوت عقلي وتستلم للنوم



في صباح اليوم الثاني

قمت بنشاط من الساعه 5 تحممت وطلعت صليت ورحت اكلت لي كم لقمه احس جيعانه جهزت نفسي وكحلت عيوني بخفيف ضبطت نفسي وطلعت بعد ماصحيت دانه عشان تداوم طلعت بدري قبل ماتصحى ماما خايفه تسوي لي سالفه ركبت مع السايق واتجهنا للشركه


واقف قدام تسريحته ويعدل بدلته السودا ويناظر ساعته صار وقت طلعته نزل سلم ع امه وابوه وطلع سيارته بعد مافتح له السايق نص ساعه ووصل دخل ع الشركه كالعاده الكل يوقف لقدومه ومعه اثنين من حراسه يوجه نظره لقدامه وبس وصل مكتبه جت السكرتيره تخبره مواعيده اليوم والبريد وباقي امور الشغل
جواد: يعطيك العافيه. تقدرين تتفضلين
طلعت وهو جلس يوقع الاوراق اللي بيده بعد مايدققهم


في جهه ثانيه من الشركه جالسه ع الكمبيوتر وتكتب بسرعه الاوراق اللي طلبها منها جاد خافت يكون وصل ولسى ماحطتها ع مكتبه خلصتها بسرعه وجلست تدقها بالطاوله بشكل طولي عشان تترتب حطتها بالملف واتجهت بسرعه ع مكتب المدير العام

وقف من ورا مكتبه وهو يحط القلم بجيبه الداخلي للبدله رفع راسه واتجه للباب يبي يشوف اخوه فتح الباب
وطأأأأأأأأأأأخ

صدم فيها وطاحت الاوراق والملف اللي بيد جوانه وهي نزلت راسها تبي تشوفها بدا يبي يصارخ عليها وانها ماتشوف قدامها رفعت راسها لانه كان اطول منها ناظر فيها بتفاجأ وعيونه مو مصدقه اللي يشوفه وهو يقول: انتي؟؟؟






انتهى البارت

توقعاتكم ♡♡



حناآان.. 03-12-21 06:37 AM





الرواية مكتوبه من 2015 تقريبا .. غيرت كثير اشياء فيها من اسلوب الكتابه للاحداث لشخصيات تم حذفها.. راح انزل كل يوم بارتات جديده.

مجموع البارتز 41 بارت.

تحياتي/حنان






الساعة الآن 12:31 PM

Powered by vBulletin®
Copyright ©2000 - 2024, vBulletin Solutions, Inc.