20-05-22, 08:52 PM | #274 | ||||
| مساء الجمال والكريستال عزيزتي الأنسة راء ❤✉ اما بعد .. انا مبعرفش اكتب ريفيوهات بس هحاول اقول رأيي 😂❤ حابة اقول معلومة صغيرة عني كده : انا من اول ما بدأت قراءة وانا بتجه ديما لاي حاجة ترفه عني ، بدور ديما على الحبكات اللذيذة اللي بيكون ليها مغزى و في نفس الوقت سلسة وبسيطة و خفيفة مترهقنيش اكتر ما انا مرهقة او مترهقش دماغي وتزحمها مع زحمة حياتي ❤ ف اكيد هنستنج من المعلومة اللي قولتها دي ان نوفيلا عزيزتي الأنسة هاء من نوعي المفضل 💖 هو الحقيقة مش عزيزتي الانسة هاء بس اغلب روايات رونتي فيها الحتة اللي بحبها دي وهي الخفة والسلاسة وبتكون متنفس حقيقي بعيدا عن ضغوط الحياة 💙 نتكلم بقى عن رحلتي مع الانسة هاء ❤ الريفيو يحتوي على حر%ق لذا اي حد لسا ناوي يقرا النوفيلا ممكن يوقف قراءة البوست لحد هنا عشان تستمتعوا بالنوفيلا 🤭😂❤❤ مبدئيا النوفيلا زي ما قولت قبل كده حسيتها نسمة ربيعية لطيفة في يوم شديد الحرارة 💜 نوفيلا لذيذة وقصيرة اعتقد لو حد بطيء جدا في القراءة زي حالاتي وفاقد الشغف ممكن يخلصها في 4 ايام بالكتير ، شخصياتها واقعية جدا ، وراها مغزى حلو اوي ، كريتيف ومش مكررة ولا مهروسة في روايات كتير 💙 حبيت شخصيات البنات كلهم 💕 اسعد وهيا ❤ هيا اكتر واحدة لفتت نظري فيهم وحبيتها بشكل خاص هي هيا من الشخصيات الاسترونج انبندت وومن وده نوعي المفضل بصراحة عموما 🧡 بحب انها مستسلمتش للامر الواقع و لكلام اسعد رغم ضغطه اللي كان تقريبا مستمر طول النوفيلا و رغم انها بتحبه جدا و انهم مع بعض من سنين ولكن اول ما حست ان كلامه في نوع من الاوامر و مبقاش يهتم بوجود رأيها رفضت تكمل وحقيقي انا احترمتها جدا و كنت معاها جدا في اللي عملته و مصعبش عليا اسعد خالص رغم ان اللي بيمر بيه صعب لكن هو مش فاهم جملة "صوابعك مش زي بعضها" وللاسف هيا مكنش ليها اي ذنب في تعقيدات حياته او اسلوب اهله 🤷🏻♀️ ولكن حبيت انه مقدرش يستغنى عنها و رجعلها تاني بعد ما استوعب الموضوع من اخته سما 🤎 طبعا الاهل غلطانين جدا في تربيتهم لولادهم محبتش خالص اسلوبهم وتبريراتهم و كنت متفقة جدا مع اسعد وسما ان التربية بس مش مستوى مادي وحياة رفاهية .. التربية يعني تفهم ولادك و تحسسهم بوجودك و تبقى معاهم في اهم مراحل حياتهم 🧡 مبسوطة اوي انك ذكرتي النقطة دي 💜 نروح لهنادي وحمزة ❤ بصراحة حمزة شخصيته كانت مستفزاني في الاول 🤭 لكن بعد كده حبيته اوي و بجد ياريت الرجالة كلها زيه كده مش بتتخلى بسهولة و يروح ويجي و يعمل اي حاجة ويشوف اي حل عشان يتجوز البنت اللي بيحبها هنادي جميلة جدا جدا و بتعترف تحتوي حمزة مهما كان 💚 و كمان لفت نظري اوي برها بأهلها وانها مكنتش بتوافق تقابل حمزة من غير ما تستأذن ابوها 💙 شخصية لطيفة اوي و لذيذة وبجد حبيتها اوي💕 فرح وكريم ❤ الكابل العسل المفرفش اللي بجد كانوا مديين نكهة رهيبة للرواية 😂💜💜 نقطة ضعفي خفة الدم وهما الاتنين كانوا سكر اكتر من بعض بجد لذاذ اوي و كنت ببقى مبسوطة اوي في مشاهدهم وكريم كان بيضحكني اوي "الا الكيرفي يا فرح" 😂😂 هبة و ممدوح ❤ طبعا الكابل الاساسي و الطف كابل ❤ هبة شخصية رقيقة ونقية اوي 💙 اعتقد مكنش هيناسبها شخص زي اسعد او حمزة او مروان و طبعا استحالة يناسبها شخص زي عمرو 🙂 هبة عايزة شخص جميل زيها ، مكافح ، عنده طموح ، شخص سوي و هادي ومتزن زي ممدوح بالظبط 💜 انا شايفاهم كابل مثالي الحقيقة ولايقين على بعض جدا حتى علاقتهم سلسة مفيهاش مشاكل كتير❤ حبيت ممدوح اوي وطريقة تعبيره عن حبه بالجوابات اللي هي حرفيا تخطف قلب اغلب البنات (اللي انا منهم 🤭❤) حبيت كمان انه بيقرا روايات و قولت الله رجالة بتقرا روايات رومانسية وابتسمت بحالمية شديدة كده هييح 🥺❤.. وبعدين فجأة خدت بالي ان ممدوح اللي بيقرا روايات ده شخصية في رواية اصلا مش حقيقي بس ف قعدت اعيط في الركنة شوية وفوقت من احلام اليقظة بتاعتي وبعدين كملت .. ما علينا اكيد في شخص زي ممدوح هنلاقيه يوما ما 😢😂😂 المهم اني حبيته جدا وحبيت طريقة تعامله مع هبة جدا و حسيت ان حرفيا ممدوح شخص مريح جدا ❤ بالنسبة للشخصيات الثانوية بقى ف انا حابة ابدأ بعمرو 😒 هبدأ بعمرو لاني لسا كنت بتكلم عن ممدوح .. دلوقتي هقول ان عمرو شبه متناقض تماما مع ممدوح .. عمرو من اول ما ظهر وانا مش برتاحله ، شخص مدلل ، شخص متعجرف ومستفز جدا ، شخص وا%طي وتوكسيك جدا بأمانة 😂 محبتهوش بصراحة ومحبتش غموضه ده او الهالة اللي حواليه و الحمد لله ان جاتله اللي هتربيه وهتديله على دماغه عشان يعرف ان الله حق 😂 مستنية اوي الجزء التاني عشان اشوفه وهو بيستوي على نا%ر هادية 😂💜💜 مروان ❤ حبيب قلبي بتاع الكشري 😂 نرجع تاني ونقول الشخصيات اللي دمها خفيف دي بتخطف قلبي بدون ادنى مجهود .. اي حد يضحكني مستعدة اتجوزه حالا ف بالكم بمروان ؟ مروان السكر و خفة الدم وحبه للكشري وعصير القصب 🥰 يا اخي احلى شخصية و اروق شخصية والله ومتشوقة جدا لقصته في الجزء التاني ❤❤❤ مشاهد العيلة ، مشاهد الصحاب التلاتة و الشاتات اللي بينهم ❤ حرفيا بستنى الدفى بتاع المشاهد دي ❤ وكنت مستنية مشهد صلح الاخوات مع بعض جدا و لما قريت المشهد دمعت والله 😍 كنت متأكدة طبعا انهم هيتصافوا خصوصا علاقتهم ببعض الجميلة و كمان علاقات ولادهم ببعض تخليهم يعملوا اي حاجة عشان مصلحتهم ❤ منه لله الافعى اللي اسمه حسين ده (مش فاكرة مان اسمه حسين ولا لا) ربنا ينتقم من امثاله كان نفسي يتعاقب شوية كمان بصراحة 😒 بس بصراحة عقابه كان منطقي جدا بالنسبالي يكفي انه اتفضح كده وكل الناس عرفت انه كداب 😏 الانسات هاء اللي كانوا ونعم الصحاب لبعض 💜 النوفيلا اثبتت ان مش كل الصحاب وحشة وبيتمنوا الشر لبعض بالعكس في صحاب كويسين جدا في الحياة و بيكونوا احلى سند واحلى ضهر لبعض و حقيقي ده من اجمل المعاني اللي حبيتها في النوفيلا 💖 اتمنى مكونش نسيت حد من الشخصيات الاساسية والثانوية ♥️ حاولت اعبر على قد ما اقدر مش عارفة هل عرفت ولا لا ولكن بجد عايزة اشكرك جدا يا رونتي على النوفيلا الجميلة ومستنية كل اعمالك القادمة ان شاء اتابعها فصول واعيش مع ابطالك حكاياتهم ✨ ويارب الغلاف البسيط ده يعجبك ♥️ عزيزتي الانسة راء احبك جدا وجدا وجدا . توقيع : ن.ف | ||||
15-06-22, 11:23 PM | #275 | |||||
| اقتباس:
| |||||
أدوات الموضوع | |
انواع عرض الموضوع | |
|
|