16-06-22, 05:49 PM | #862 | |||||
| اقتباس:
مساك الله بالخير ياليتك تصعدين في الصفحه فوق اشوي وتشوفين ردي الي تحت ردك قبل تقرين ردي ذا انتي حطيتي الحق كله على مثايل وانا حطيت الحق على عبدالله بس بعد ماقريت ردك احس صار مجال الرؤيه عندي فيه شوي توازن فعلا عبدالله انجرح جرح قوي وخطير ومعه حق في انفعاله الشديد ومعذور على اغتصابه لمثايل لان كل الأدله كانت تدينها وبشده بس الي قهرني وخلاني ماعاد اتقبل منه اي شي تصرفه الخبيث بعد ماطلعت مثايل من بيته مهما كانت اسبابه ومسوغاته ماتعطيه الحق انه ينهي علاقة بنت بأبوها واهو عارف من البدايه ان ماعاد يربطها بابوها غير شعره قام قطعها بكل غطرسه من غير مايرفله جفن جايز اي وحده شبعانه من ابوها تقول لا تستاهل مثايل الي صار فيها بس بالنسبه لوحده مثلي مااخذت من ابوها الله يرحمة ويغفر له الا اسمه اقول مهما كان غلط مثايل في حق عبدالله يبقى زوج ممكن تنتهي علاقتها فيه في لحظه ويرجع غريب مثل ماكان بس ابوها يبقى ابوها ومحد له حق يحرمها منه بتقولون هي الي حرمت نفسها منه انا عن نفسي مقدره مشاعرها في ذيك اللحظه كيف احساس ان ابوها تخلى عنها وانهاها من حياته لو عبدالله اخذ سكين وذابح ابوها قدامها اهون لأنه بيموت وأبوته باقيه لها بس انه يكون سبب في قتل علاقتها بابوها وابوها حي يرزق هذي الي مافيها صفح والاغفران مثايل انصب داخلها اقسى واقوى انواع القهر ووش ماكان شعور عبد الله مايجي قطره في بحر قهرها | |||||
16-06-22, 06:29 PM | #863 | ||||
| رجعت مره ثانيه احس باقي ماوصلت الي ابي اقوله صح انتم تقولون مثايل هي الي تخلت عن ابوها يوم عاندته وقعدت عن هيا بعد ماهددها انها ماتدخل بيته لو مارجعت لبيت عبدالله بس انا اشوف ان مثايل اساسا ماكانت تقدر تاخذ ردت فعل من اي نوع صدمتها ان ابوها مستعد يتخلى عنها لو مارجعت لبيت الشخص الي تجاهلها كل هالوقت ثم اطلعت من بيته مذلوله ولو ارجعت بتنذل اكثر هذا شي يقهر يقهر يقهر ابوها ذا وشلون يتخلى عنها بالطريقه المهينه ذي هو لو جرها بشعرها واخذها لبيته غصب كان ماقلت شي | ||||
17-06-22, 04:00 AM | #869 | |||||||
كاتبة بقسم قصص من وحي الأعضاء
| اقتباس:
اقتباس:
اقتباس:
أنا فاهمتك وكل اللي قلتيه من ناحية الأطراف صح وحطوا في بالكم إن اشخاص روايتي كأنهم عايشين بيننا بشر يغلطون ويصيبون مثل مانشوف في حياتنا الواقعيه و أحرص على هذي النقطة في روايتي إن كل شخص له مبرر وكل الإطراف غلطانين وبنفس الوقت لهم مبرر حتى لو كان بسيط ! الحين نجي لعبدالله أولًا . . هو عايش 4 سنّوات تأنيب ضمير وكان سخي بالصرف على مثايل . . وكان يعطف عليها اذا شاف حالها الغريب وماتروح لاهلها كثير ودايم ساكته وتصيح . . فجأة اكتشف إن ملعوب عليه وإن سعيد لقاه فرصة عشان يستر على اللي سوته مثايل . . أكيد بيحس بغّضب وأكيد ماراح يعدي على الموضوع بالساهل خصوصًا انه تراجع عن الطلاق أول مرة لمّا سعيد كلمه بالمستشفى بس بعدين يكتشف أنه أُستغفل ، وترى عبدالله ما استعجل يوم سمعها تنطق اسم بسام بالمستشفى صبر لمين واضح له الموضوع والغلط اللي سواه هو روحته لسعيد وتشكيكه بمثايل بخبث ونية سيئة ! وإنه ما وزان الأمور وأدرك إنه هو من الأساس كان يبي زينب وقالها صريح قدامها بس لمّا جت على مثايل قومّ الدنيا .. والمبرر الأخير .. إن مثايل لا زالت زوجته وسالفة إن تنطق اسم رجال ماهي سهله وأما سعيد . . يجي عبدالله يشككه بتربيته لمثايل خصوصًا إنه انقرص منها أكيد ماراح يقول لها خلاص ماتبين عبدالله براحتك لأ ! أو حتى يفهم موقفها ومثايل برضو . . مبررها إنها بترجع مذلولة لعبدالله مثل ماذكرتي وخصوصًا كم مرة ترجع مذلولة وتسكت وتصبر .. لكن مثايل مثل ماقالت لها عواطف لو صبرت عشان ابوها يمكن ربي عوضها أو ربط على قلبها .. لكن مثايل انانية شوي . . وبنفس الوقت تحملت 4 سنوات مافيه الكفايه ، ، هي عقدة متشابكة تحتاج نفس طويل منكم 🥰🤍 | |||||||
17-06-22, 04:03 AM | #870 | |||||
كاتبة بقسم قصص من وحي الأعضاء
| اقتباس:
وقد ذكرته بالفصول على لسان جميلة كان مايكلمها خير شر خلال سنة وبعدها بدأ يكلم بروؤس اقلام ينافي كلامه المرتاح والطبيعي قبل السالفة اللي صارت | |||||
أدوات الموضوع | |
انواع عرض الموضوع | |
|
|