29-07-22, 02:23 PM
| #522 | ||||
|  فصل رائع جدا انا بحب الابطال كلهم في الماضي وضحكت من قلبي على ادم وهو خايف من البرص وذكرى المراة الخارقة قتلت البرص حسيت بحر كده وقع ومحدش سمى عليه اما سفيان بقى مش عارفة اقوله ايه حاسة اني عايزة اخنقه بجد الله يكون في عونك يا شادن | ||||
|  |
|
29-07-22, 06:56 PM
| #523 | |||||||||
| كاتبة في قسم قصص من وحي الاعضاء 
|  اقتباس جديد مساء الخير والجمال والدلال... اقتباس القصاصة الثامنة عشرة القصاصة غير مدققة حتى الآن.. أرجو المعذرة إذا كانت هناك أخطاء نحوية أو إملائية  شادن: ولماذا لا تبيت لدينا؟ أنا أختك؟ بحر: اعترفي.. فايزة أرحم من لطيفة.. حتى وإن كان منصف أصعب من جِلجِل.. شادن: معك حق.. فقط مر علينا.. أحتاج للحديث معك. بحر: هل ارتكبت حماقة وتريدين إخفاءها عن نبيل؟ شادن: هكذا بالضبط.. إلى اللقاء.. انشغل بحر بعد محادثته معها يتصفح شبكة الانترنت باحثا عن أهم متطلبات الانضمام للكلية الحربية بعد أن عزم على الالتحاق بها ونجح في إقناع والده بتقبل الفكرة بعد أن ظل الأخير يحلم بأن يكون ابنه امتدادا لاسمه في مجال هندسة التعدين، بل إنه عقد الآمال على أن يلتحق بالعمل بنفس الشركة التي يعمل هو بها حاليا.. ورغم انشغاله بالتخطيط لمستقبله، إلا أن محادثته الأخيرة مع شادن قد أصابته بالحيرة وبعض القلق، إذ أن شادن بعادتها تميل أكثر للفضفضة لصديقتها زهو وابنة خالتها أمواج، وكونها طلبت منه هذه المرة بشكل صريح أن يذهب لزيارتها لكي تفضي إليه ما تكتمه بداخلها، فهذا أمر غير معتاد على الإطلاق.. ترك بحر ما انشغل بالبحث عنه على الشبكة العنكبوتية وتناول هاتفه من جديد، إذ أخذ يعبث بأنامله إلى أن فتح محادثة جديدة مع أمواج عبر نفس التطبيق، حيث سارع بالحديث إليها محاولا استنباط ما تمر به شادن كي يكون مستعدا لمواجهتها.. بحر: ماذا بها شادن؟ أمواج: لا أعلم.. تبدو مكتئبة قليلا.. سنحاول التسرية عنها أنا وزهو ونبيل.. بحر: تجيدين التسرية عن الجميع.. صحيح؟ أمواج: ماذا تقصد؟ بحر: لا شيء.. أمواج: وأنت.. تجيد الاهتمام بشادن.. صحيح؟ بحر: أختي تحتاجني.. ولن أتجاهلها بالطبع.. والآن أخبريني ما بها.. أعلم أنك تحتفظين بكل سرٍ يخصها..   | |||||||||
|
| |
|
29-07-22, 07:25 PM
| #524 | |||||
 
| مساء الورد والود 💕🌹 مبرووك لنا ولك عزيزتي مرؤه على هذه الروايه الجديدة يعجبني أسلوبك الراقي المميز ،أكيد انها روايه جميله مثل سابقاتها لازلت لم اقرأ المقدمه وانا متحمسه لها. شكراً وتسلمين حلوتي … | |||||
|
| |
|
29-07-22, 07:59 PM
| #525 | ||||||||||
| كاتبة في قسم قصص من وحي الاعضاء
| اقتباس:
شكرا عزيزتي على تعليقك الجميل وكلامك المشجع.. أنتظر انضمامك للمتابعة قريبا بإذن الله وأحب أن أسمع منك تعليقاتك على الأحداث  | ||||||||||
|
| |
|
30-07-22, 03:42 AM
| #527 | ||||
| يادي الكسوف حضرتك ده أنا حوشت 3 ريڤيوهات تاني نبدأهم بقى على بركة الله ويا رب توب عليا من المرقعة وأبقى أخلص مراجعة فصل بفصل🤦🏻♀️ بسم الله الرحمن الرحيم❤️ الدفتر الثاني (مهلًا بالأذى لو كنتَ عاشقًا) مبدئيا خليني أشيد بقدرتك على ضبط تقديم الدفتر التاني، وانك بتجيدي كسر الجدار الرابع في لحظات محسوبة وبأسلوب متقن. ترابط وانسيابية بين الدفتر الأول والدفتر التاني بدون أي احساس بالتشتت أو التيه بين الأحداث وتوقيتها وترتيبها، وكأننا في فلاش باك طويل المدى بيسحبنا وبنندمج فيه وبننسى فيه الحاضر والمستقبل، بيراودني احساس الأم لما بتفتح ألبوم الذكريات وتتفرج على صور عيالها لما كانوا صغيرين وقد ايه اتغيرت أشكالهم واتغيرت حياتهم عن دلوقتي .. أو احساس هاري بوتر لما كان بيعاصر الماضي بالأبيض واسود وهو الوحيد المتلون ومش ظاهرلهم🌚😂 مقدمة الدفتر فكرةً وسردًا وتصويرًا من أعظم ما قرأت .. كنت بحب اجيبلك الأجزاء اللي عجبتني عموما في السرد وأحطها في المراجعة بس هجيب ايه ولا ايه أنا كده هحط المقدمة كلها! مروة يا بنت الحاج سالم تسلم ايدك ودماغك الألماظات❤️ القصاصة الخامسة العشر، أو ممكن نقول الأولى من الدفتر الثاني (قبل الطوفان) هنتخطى المدح المعتاد في استهلال القصاصة بواقعية ممزوجة ومصوَّرة بخيال فنان مبدع .. وهندخل على الأحداث على طول نخش في الموضوع على طول، نخش في الموضوع🚶🏻♀️ بشكلٍ ما أنا حاسة اني بدأت ألين شوية من جهة لطيفة .. رغم اني لسه شايفاها ولية متسلطة ومحتاجة حد يشفرلها مخها ويقطع لها لسانها .. لكن المسؤولية اللي هي شالتها لوحدها مش بسيطة بل بالعكس صعبة جدا وشاقة وفيه ستات كتير ماتقدرش عليها .. يمكن تفهمت الموضوع بشكل أكبر لأني حاليا بكتب المراجعة دي وبابا مسافر وأنا شايفة بنفسي توتر أمي وتعسفها في اي قرار بيخص خروجي أنا أو أخويا من البيت مثلا! والموضوع كان أصعب وأسوأ وقت ما كان سننا أصغر وكنت بشوفها فعليا وهي بتجيب آخرها وبتتصل ببابا في التليفون وتقول له يحاول ينزل بسرعة عشان مش قادرة تشيل المسؤولية لوحدها فموقف لطيفة أو أي ست مجال عمل جوزها بيضطر انه يسافر فيه أغلب الوقت هو موقف لا تُحسد عليه بصراحة.. (ده مش معناه اني مش هسلخ جتتها في ريڤيوهات الفصول الجاية) ما كنتي خدتي احتياطاتك يا لطيفة بدل غلطة ومش غلطة وقرفتوا البت ف عيشتها، يخربيت أيامك أنا متعاطفة معاها سيكا اه، لكن هي سطحية وطبقية ومتنمرة ودماغها متركبة غلط وبوقها بينقط زفت🤷🏻♀️ كانت دماغك فين يا عبدالجليل؟ تيل مي دماغك كانت فين؟ مش محتاجة أقول لك امتى انت أكيد فاهمني لوحدك تخطيطات فاطمة اللي نفذتها في المستقبل بجواز بحر من أمواج بتفكرني بمرات سيد كشري في لن أعيش في جلباب أبي😂😂😂 "سألته فايزة باهتمام: "من سفيان هذا؟" ابتسم نبيل بصدق، ثم قال: "إنه صديقي المقرب.. وبمثابة أخي الثاني.." أنا :🥺🥺🥺 "همست فاطمة في أذن أختها الكبرى: "الحمد لله أنني قد أرضعت شادن عدة مرات خلال الأيام الماضية كيلا يجوز زواجها من بحر فيما بعد.. لا أريد أن نناسب تلك المرأة." والله فاطمة دي عقلية فذة بجد، عاش يا حجيجة😂😂😂❤️🤝 والله يا مروة مش عارفة أجيبهالك ازاي بس أنا اكراشيت على سفيان الصغير برضه👈👉 حاسة اني امرأة سيئة السمعة "وضع يده على عضد صديقه مطمئنا، وقال بنبرة قوية وكأنه يمنحه تعهدا: "لا تخف يا صاحبي.. لا يوجد شيء يمكنه أن يفرقنا عن بعضنا".." أنا :🥹🥹🥹 علاقة سفيان ونبيل من أجمل علاقات الصداقة الحقيقية وفضلوا مع بعض طول عمرهم، والوقت اللي قضاه سفيان مع نبيل في حياته أكتر من اللي قضاه مع أخوه! فبعد 36 عام من الصداقة استشهاد صديقه قصاد عينه من أقسى الأمور وأكثرها بشاعة على الإطلاق.. كنتي فاكراني عشان رجعنا للماضي والواد لسه طفل في القصاصة دي مش هقول الجملة المعتادة صح؟ هه .. ههيات.. "أنا فخورة بسفيان" لأنه قدر يتجاوز الموضوع من أساسه، أي حد بيفقد رفيق دربه الوحيد خصوصا مع وفاة والده ومراته في نفس الوقت تقريبا ده تدمير لأغلب معالم حياته.. سرد الماضي بيعلل قسوة معاناة الحاضر بكل الأشكال .. سواء كانت أجمل وأدفى أحداث الماضي مع ناس مابقتش موجودة، أو صعوبة أحداث لسه مأثرة في أصحابها رغم مرور الوقت.. ماكنتش فاهمة سبب تجنب سفيان لسميحة ومش فاكرة اذا كنتي ذكرتي جوانب للموضوع لكن أنا كنت فاكرة انها خالته كلقب تحببي وكده لأنها أرملة أبوه .. انما انها خالته فعليًا ده وضح لي الصورة بشكل أكبر وتفهمت دواخله ناحيتها خصوصا بعد ما كانت أقرب الناس ليه الراجل ده شاف بؤس كتير في حياته🥹 والله في موقف لطيفة والزعيق بسبب المستوى الدراسي والبسكوت أنا مش عارفة اللي في المشهد لطيفة ولا أمي😂😂😂 آدم🥺 38 درجة وطالع التالت! مدرستك دي فيها كام نفر يالا؟😂😂😂 اه يا بتوع الانترناشونال.. أنا فاكرة ان فصلي كان فيه بتاع 52 نفر والأولى كانت ناقصة 2 من عشرة🥲 آدم طفل وهو كبير، ما بالك بيه وهو صغير! كان نفسي أشوفه وهو نونو عن كده😂♥️ فيه حاجة أنا خدت بالي منها في آدم أكتر من أي حد في الرواية .. آدم بيكلم نفسه كتير جدا ! أغلب حواره داخلي .. بيكتم انفعالاته وكلامه في معظم الأوقات.. أو بشكل أدق الجزء الصادق فيه واللي هو فعلا بيكون حاسس بيه بس ماينفعش يصرح بيه لظروفٍ ما، سواء ضغط أو حرج أو حدود وهمية .. وأعتقد ده مش هيكون موجود في تعامله مع ذكرى .. بغض النظر عن الفترة اللي هتكون بعد طلاقهم دي عشان الواد تقوقع على نفسه بزيادة😂 المشكلة بقى ان كل الكلام اللي بيقوله آدم في نفسه ده هو اللي المفروض يتقال .. ولو اتقال كل حاجة هتتحل تقريبا .. ده لو هو ماخافش من المواجهة! شخصية من عندك يا رب🤲 يعني يا مروة من بين كل الأطفال المتهنيين في طفولتهم وبيلعبوا ويسافروا ويحتفلوا ويتهزوا في الغربال ويتهشكوا .. جاية برضه عند آدم وذكرى ويبقى ماضيهم بائس ومنيل؟ يعني اعمل فيك ايه، اعمل فيك ايييه؟ هما أذوكي ف حاجة طيب؟ آدم كان بيطفي سجايره في دراعك؟ أصل الموضوع أكيد مش لله في لله كده، لقد خلقنا الله أحرارًا يا أخت مروة! طب خلي آدم يديني نفسين طيب! مافيش حاجة علينا خاليس؟ طاب ماشي اوكيه🥲 هقولهالك تاني بجد يا مارو تسلم ايدك ودماغك❤️❤️❤️ وانتظري مراجعات الفصلين التانيين💖 | ||||
|
| |
|
30-07-22, 12:43 PM
| #528 | ||||||||||
| كاتبة في قسم قصص من وحي الاعضاء
| اقتباس:
حبيبتي شكرا على المتابعة والتعليق ولا داع للاعتذار.. أتفهم أن الظروف لا تكون مواتية بالضرورة لحظة النشر.. ما يهمني أن تستمتعي بابأحداث في الوقت المناسب لك وأن تشاركيني رد فعلك لأتحمس لاستكمال الرحلة.. اشكرك على مدحك الجميل.. وسنرى ما تخبرنا به الأحداث القادمة عن ذكرى وادم.. وسفيان وشادي 😇😇 | ||||||||||
|
| |
|
31-07-22, 12:05 PM
| #529 | ||||||||||
| كاتبة في قسم قصص من وحي الاعضاء
| اقتباس:
شكرا حبيبتي على متابعتك وتعليقك | ||||||||||
|
| |
|
31-07-22, 05:36 PM
| #530 | ||||||||||
| كاتبة في قسم قصص من وحي الاعضاء
| اقتباس:
وبحر غالبا اه ضاع في الهوى | ||||||||||
|
| |
 |
| أدوات الموضوع | |
| انواع عرض الموضوع | |
|
|
12256Likes
.png)
العرض العادي
