قصيدة جفن الليل..
 

القصيدة من اقرب القصائد لقلبي
للشاعر الأمير البدر بن عبدالمحسن


"يطيح جفن الليل واهز كتفه

نجمٍ يشع وباقي الليل مطفي

واحاكي الجدران عن وصف غرفه

ماتشبه الجدران ويطول وصفي

وتملني الجدران واظهر لشرفه

تحت السما واسكر الباب خلفي

ريحٍ تهب وتسكن العظم رجفه

وتموت ريح وتسكن اوراق نزفي

على الروابي تهطل دموع وطفه

وتصب لمع بروقها وسط طرفي

ياطاري الغدران والعمر رشفه

مع قلها ياليتها يوم تصفي

الحب واجد مير الاقدار صلفه

والأرض واجد لكن الحلم منفى

واللي اعرفه راح ماعاد اعرفه

ولاظن يذكرني الى أقبلت مقفي

ماهو حبيبي مورد القلب حتفه

ولا هو حبيبي يفرح بوقت ضعفي

مر ثمر هالليل وأمر قطفه

يالحنظل اللي قمت اذوقه بكفي

متى الشوارع تجمع اثنين صدفه

لا صار شباك المواعيد مجفي

يابنت تو الليل ماراح نصفه

وياليل بعض اللي مضى منك يكفي"


"الأمير بدر بن عبد المحسن بن عبد العزيز آل سعود الابن الثاني من أبناء الأمير عبد المحسن بن عبد العزيز آل سعود ، شاعر معروف على الساحة السعودية والعربية وهو أحد أبرز روّاد الحداثة الشعرية في الجزيرة العربية"


و هو من مواليد (1949) الرياض، السعودية

أمير يغرّد بوجع البسطاء
ويحكي قصةَ الدنيا
فهذه هي الحياة، اخذٌ وعطاء
تمرُّ بين مقبلٍ ومدبر

سلمتِ يا امبراطورة🌹