كفتة الفراخ بالبطاطس

[MooNy87]

أكلة سهلة وخفيفة والأولاد بيحبوها


المكونات:

ربع كيلو دجاج متقطع صغير جدا ،معلقة سمنة، كيلو بطاطس مهروسة، كوب بقدونس مفروم، كوب فلفل ألوان مكعبات صغيرة جدا ، ملح، فلفل أسود
التغطية :

كوب دقيق، 2بيض، 2 معلقة كبيرة حليب، ملح، فلفل أسود، ربع كوب نشا، كوب بقسماط

طريقة التحضير:

-نسلق البطاطس بقشرها وبعد السلق نشيل القشرة عشان متفكش معاكي في التحمير
-في طاسه علي النار نحط معلقة سمنة كريستال وضيفي قطع الفراخ وما تقلبيش فيها كتير وسيبيها على النار لغاية ما تنشف كل السوائل اللي فيها
-نطلع الفراخ ونخلطها مع البطاطس والفلفل الألوان والملح والفلفل وممكن بابريكا وزعتر لو عايزة ونعجن كله مع بعضه ونحطها في صينية علي كيس بلاستك ونفردها والسمك بتاعها يكون سنتي او سنتي ونص
-ندخلها الفريزر ونسيبها تجمد شويه وبعد ما تخرجيها قطعيها بالسكينه القطع اللي تحبيها
-حطيها في الدقيق وبعدها في البيض والبقسماط مع النشا ( النشا بيحافظ علي لون الكفتة وما يخليهاش يبقي لونها غامق) واقليها في زيت غزير وبألف هنا!