آخر 10 مشاركات
رواية ناسينها ... خلينا نساعدكم [ أستفساراتكم وطلباتكم ] (الكاتـب : × غرور × - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          على ضِفَّة لوحة انتظار ! وَ في لحظاتٌ تُحَيّكَ بهما الأَشْواقُ.(مكتملة) (الكاتـب : عمر الغياب - )           »          61 - الشبيــه - نان اسكويث- (مكتوبة/كاملة) (الكاتـب : SHELL - )           »          68 - ذهبي الشعر - فلورا كيد - ع.ق (الكاتـب : pink moon - )           »          128- فرس الريح - مارغريت بارغيتر - ع.ق(كتابة /كاملة)** (الكاتـب : أمل بيضون - )           »          0- عاشت له - فيوليت وينسبر -ع.ق- تم إضافة صورة واضحة (الكاتـب : Just Faith - )           »          030 - خيمة بين النجوم - دار الكتاب العربي (الكاتـب : Topaz. - )           »          [تحميل] الحظوظ العاثرة،للكاتبة/ الرااااائعه ضمني بين الاهداب " مميزة "(جميع الصيغ) (الكاتـب : فيتامين سي - )           »          شيء من الندم ..* متميزه و مكتملة * (الكاتـب : هند صابر - )


العودة   شبكة روايتي الثقافية > قسم الروايات > منتدى قصص من وحي الاعضاء

Like Tree4955Likes
موضوع مغلق
 
LinkBack أدوات الموضوع انواع عرض الموضوع
قديم 25-06-22, 01:37 AM   #181

عيون الليل.
 
الصورة الرمزية عيون الليل.

? العضوٌ??? » 492015
?  التسِجيلٌ » Sep 2021
? مشَارَ?اتْي » 1,109
? دولتي » دولتي Saudi Arabia
?  نُقآطِيْ » عيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond repute
افتراضي


اقتباس:
المشاركة الأصلية كتبت بواسطة riham** مشاهدة المشاركة
لكن ادري طلبي وقح لا تتزوجين غيري... لا تتزوجين يا هدير... ادري تشوفيني متناقض ادري اني جحود واني هجرتك.. لكن لا تهجريني أنتي انسيني بس لا تأخذين غيري... طالبتس طلبه يابنت بندر العَوم لا تنسيني
انا لو منها بعد الكلمتين دول اروح اتجوز بس نقول ايه يقطع الحب 🤐
دلوقت سالم ليه مرجعش لأهله ليه يغيب سنتين ومعاذ ده يبقى ايه لسالم وغسان وحقود كده ليه منهم غموض .
حتى اللحظة تصرفات غسان غير مبررة اصلا لا طلاقه ولا جوازه ولا اختياره ولا اي حاجة خالص بس خلينا معاه للاخر كده نشوف .
مشوفتش بنت باسم امجاد الا وهي مش سالكة ده في القصص طبعا 😂
اسمعي مني يا هدير محارب احسن مليون مرة من غسان مشوفتش حد اسمه محارب وطلع وحش ده في القصص برضه 😂
في انتظارك يا عيون الليل 💚
اهلاً يا ريهام .. أنرتِ يالطيفة
تساؤلاتكِ جميلة وفي محل إجابة قريبة بإذن الله مع الاحداث القادمة..

ههههههههههههه من ناحية غسان خلينا ساكتين ..


عيون الليل. غير متواجد حالياً  
التوقيع
تمت بحمدلله عيون الرهاف .. حتى التقيكم بـ هجير العُمُر

قديم 25-06-22, 01:58 AM   #182

لأجلِ عيون
 
الصورة الرمزية لأجلِ عيون

? العضوٌ??? » 504213
?  التسِجيلٌ » Jun 2022
? مشَارَ?اتْي » 232
?  نُقآطِيْ » لأجلِ عيون is on a distinguished road
افتراضي

الذين يشاهدون محتوى الموضوع الآن : 10 ( الأعضاء 5 والزوار 5)
‏لأجلِ عيون, ‏
عيون الليل.
+, ‏11Mona, ‏لطيفة.م, ‏المسك الطيب

يا مساء النور .. حيّ هالطلة عيون الليل 💜✨


لأجلِ عيون غير متواجد حالياً  
قديم 25-06-22, 03:13 AM   #183

عيون الليل.
 
الصورة الرمزية عيون الليل.

? العضوٌ??? » 492015
?  التسِجيلٌ » Sep 2021
? مشَارَ?اتْي » 1,109
? دولتي » دولتي Saudi Arabia
?  نُقآطِيْ » عيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond repute
B12

لحظات ويكون الفصل 5 بين أيديكم..
تقدم هالمرة لأني بالغد عندي موعد ومضطره يتقدم..
الفصل 6 بيكون الأخير يوم الإثنين مقبل بسبب دخولنا لأيام العشر ذي الحجة..
كونوا بخير..


عيون الليل. غير متواجد حالياً  
التوقيع
تمت بحمدلله عيون الرهاف .. حتى التقيكم بـ هجير العُمُر

قديم 25-06-22, 03:16 AM   #184

بين سحاب
 
الصورة الرمزية بين سحاب

? العضوٌ??? » 495224
?  التسِجيلٌ » Nov 2021
? مشَارَ?اتْي » 236
?  نُقآطِيْ » بين سحاب is on a distinguished road
افتراضي


الذين يشاهدون محتوى الموضوع الآن : 9 ( الأعضاء 5 والزوار 4)
‏بين سحاب, ‏عيون الليل.+, ‏لأجلِ عيون, ‏ألماسةسعود!, ‏11Mona

ياحي صباح اللي فيها طلتك عيوننّا..🌚 قلت بدخل واشوف هالمفاجاة حلوة مثلك 🥺😍
أحلى خبر والله.. في انتظارك 🤎✨


بين سحاب غير متواجد حالياً  
قديم 25-06-22, 03:21 AM   #185

ألماسةسعود!
 
الصورة الرمزية ألماسةسعود!

? العضوٌ??? » 493829
?  التسِجيلٌ » Oct 2021
? مشَارَ?اتْي » 1,001
?  نُقآطِيْ » ألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond repute
Mh04

اقتباس:
المشاركة الأصلية كتبت بواسطة عيون الليل. مشاهدة المشاركة
لحظات ويكون الفصل 5 بين أيديكم..
تقدم هالمرة لأني بالغد عندي موعد ومضطره يتقدم..
الفصل 6 بيكون الأخير يوم الإثنين مقبل بسبب دخولنا لأيام العشر ذي الحجة..
كونوا بخير..
‏" من يزرع الطيب ماخابت محاصيّله . "

الله الله احلى خبر والله … ننتظركي عيوني على 🔥🔥🔥


ألماسةسعود! غير متواجد حالياً  
قديم 25-06-22, 03:24 AM   #186

ألماسةسعود!
 
الصورة الرمزية ألماسةسعود!

? العضوٌ??? » 493829
?  التسِجيلٌ » Oct 2021
? مشَارَ?اتْي » 1,001
?  نُقآطِيْ » ألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond reputeألماسةسعود! has a reputation beyond repute
افتراضي

الذين يشاهدون محتوى الموضوع الآن : 14 ( الأعضاء 6 والزوار 8)
‏ألماسةسعود!, ‏فتاة الحزن, ‏عيون الليل.+, ‏بين سحاب, ‏سارووووونة, ‏لأجلِ عيون+

احلى سيلفي مع عيون 🌚✨ وينك سراب انتي وعبوقه 🥺😩


ألماسةسعود! غير متواجد حالياً  
قديم 25-06-22, 04:31 AM   #187

عيون الليل.
 
الصورة الرمزية عيون الليل.

? العضوٌ??? » 492015
?  التسِجيلٌ » Sep 2021
? مشَارَ?اتْي » 1,109
? دولتي » دولتي Saudi Arabia
?  نُقآطِيْ » عيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond repute
Rewitysmile27 -5-




.
.
.

هجير العُمُر

.
.
.

-5-

.
.
.


" هل كان ينقصنا هذا الألم لتثبت للعالم أن يمكن للحبّ أن يصمد
طويلاً؟
ما أخافه الآن أنيّ قد لا أعود، أن تبقي وحيدة تدارين وجعك
وتكتبين لي رسائل أتجاوز سطورها فقط لأقرأ في خاتمتها ((أحبّك)) . "


.
.
.


حتى الجزء الطفيف يا سالم الذي كان بداخلها لك تلاشى.. آه ولا تملك رغبة في المواصلة الجنون معك ! كان يتحرك مركبتهِ وجد عدة إشارات تنبههُ للوقوف جانبًا...
- بنت نزلي كرسيتس..
- وش فيه... سالم لا تتهور..
- قلت لتس نزلي كرسيتس عجلي...

نزلت مقعدها .. وهي تشوف مدى توتره .. وقلقه
- سالم وش فيك؟؟؟؟
- اششش خليني اركز بسواقه زين.. مابي صوت..

حينما حاول الهروب من سيارة التي تتبعه حتى خرج حينها وإذا بسيارة توقف أمامه مباشرًة لا تفصله الا سنتيمترات قليلة .. ضغط فرامل بقوة
حتى يصدم بجسد هدير للمقعد بقسوة
- خير....

حينها في المقابل كان يقابله لابس نظارتهِ الشمسية مبتسم ببرود .. أخذه بأحضانهِ
- شلونك ياسالم؟؟؟
بغضب من تصرفه ، و كأنما الجنون قد شهد عليه بنبرة كريهة
- غسان....
- ايه.. على وين؟؟؟ تعال..
ثم شدد احتضانه ... نظر للتي بسيارة وهو يرى جسدها المغطاة بعباءتها كتم ابتسامتهِ
- شلونك ياسالم؟؟؟
- تسأل عن لوني.. فكني منك ومن قرفك.... وش ذا الحضن الماسخ منيب مرتك.. فارقني....
ضحك بصوت هادئ وواثق
- ياحليلك بعدك باقي حي... حمدلله اللي شفتك.. ماودك نتفاهم... أنا جيتك بالسلام ولا أنت رادني..
- تستهبل... وش اللي جابك أنت تتبعني.. ناوي على موتك.. هاه..
- إن كان موتي يطفي من غضبك.. هذاني قدامك... بس هاه لا تنسى انك كنت رفيق غسان! بعدين اعنبو ذا الوجه سنتين مافقدت فيها طرف الحادثة !!! أنت مهبول... ماشكيت بمعاذ بشيء...
لكن ذلك قد غاب في لحظة جُرحه ولسعة النار التي كانت تكوي بطنه آنذاك... وكأن الحلم انكسر الآن .. لا شيء يشفي غليله إلا قتله مثلما قُتل ! مد يدهِ يُمنى بجيبه بنطاله الجينز .. ثم بدأ بظهور أداة حادة معه يتضح السكين..
- خذها من خويك.. قلت لك بقتلك لا شفتك وهذاني تممت الوعد..
طعنتين ببطن غسان.. ثوبه الابيض السعودي تتسع رقعة الدم حتى تنجرف كالنهر جاري..

قدم منه حارسه سامي قبل أن يسقط أرضًا
- ياعمي غسان.. ياعمي...
تماسك وهو يكتم الوجع
- بخير.. بخير.. ماتركت لي حيلة معك ولا لك حول ياسالم...
بنبرة يملؤها الكره والقهر !
- اسكت وأختي انسى تشوفها وبزوجها باللي احسن منك.. تفهم والا لا....
- طال عمرك... لزوم اتصل على الأمن...

وذاك أسرع لمركبته بخوف شل اطراف يده.. فتح باب وهو يصعد بأنفاس سريعة .. ودقات قلبه تسمتع لمن بجواره..
***
- اهدأ سامي شوي الجروح بتروح.. كلم سيارة ثانية تتبعه... عجل..
- عمي غسان الله يرضا عليك .. تحتاج نقل الآن...
حاول أن يفتح عينيه ثقيلة بوجه شاحب ، ضاغط على مكان الوجع
- بخير.. بخير .... لا تعاند سامي تسمعني...
- إن شاء الله .. استند علي... استدعي الاسعاف...
- ماله داعي.. نسري لأقرب مشفى... ولا يحتاج تعاند كل اللي شفته تنساه..
- بس طال عمرك...
- بدون بس ياسامي نفذ الكلام... لاتجهد بي...
- إن شاء الله سم عمي غسان...
أخذه لسيارته يساعده حتى جلس بالخلف...
ابتسم بهدوء وكأنما لم يطعن فالجروح قد توسمت منذُ أن طلقها ! صوتِها العَذب يرن ويطرب سمعهِ والآن.. وكأنما انتشى..

- عمي أنت معي.... عمي...
بصوت لوعة برجفة والبرد الذي بدأ ينهش بعظامهِ
- بـ...خ....ي...ر

***
في مركبة سالم.. كانت تتأمله وتتسع عدسة عينيها وهي تراه.. بعد غياب عامين !
حضن اخيها...
بكت ثم ضحكت وابتسمت بفرحة قلب طائر
- غسان!.. والله غسان حبيبي... تغيرت تغيرت ياروحي...
ثم شهقت وهي تجد سالم يحاول أن يركض لها.. فتح بابه محرك مركبته على الخلف بسرعة
متهورة ... ثم انعطف يساراً حتى ينطلق
وهي ترى دم الذي لطخ به يده وبعض قطرات الدم على قميصه وبنطاله الجينز ..
حاولت انها تبلع ريقها
- وش سويت سالم؟؟ وش ذا دم...
- ذا حق اقتصاصي... من طليقتس.. أنا ماقلت لتس تسكتين....
- ساااااااااالم... أنت انجنيت...
وهو وكأنما فصل عن عقلهِ، وغيرته اعمت بصيرتهِ
- والله ثم والله لا تأخذين اللي ازين منهه.. اسكتي... تخافين عليه ولا خفتي على اخوتس.. هاااااه والا عشانه متربع القلب...
- لا أنت انجنيت...
- انجبــــــي صوتس مابي اسمعه.. والله والله بعالي سماه انه مايأخذتس لو تنطبق السماء بالأرض تفهمين...
- منيب مأخذته بس ليه تسذا سويت؟؟؟؟ غسان خويك وأخوك ورفيق عمرك... وش اللي صار بينكم وش اللي صار فهمنننني....
- موب لازم تفهمين..... شيء أكبر من عمرتس وش اللي حشرتس فيه!!!!

تفاجأ بصوت سيارة دورية من خلفه ! توتر يتصاعد الأدرينالين.. وهو كالرائد سابق محترف بظهور من الطرق
خرج متجه بالطريق البر.. حاول ان يتفادها بقهر
- سواها الكلب.. سواها... ذا هو اللي تحبينه اشتكى علي..
- سالم الله يخليك.. أنا منيب قد ذا مشاكل كلها... حرام عليك...
ثم بدأت تنفسها يقل... حاولت أن تأخذ نفس عميق.. وتتحكم على مخاوفها
التفت لها بخوف
- وش فيتس... افتشي وجهتس... بنت... هديـــــــر...
- وقف.. وقف ابي ارجع... ابي ارجع... نفسي مخنوق... س.....ال...م
- طيب شرطة تلاحقني... حسبي عليك ياغوسين ياتبن بعده مامات... بعده حي...
- افتح الباب... وقف.. ساااااالم...

- تحملي .. رجعي بسيارة.. ولا دوري لتس كيس رجعي فيه.... قاومي نفستس موب وقت دلالتس هاللحين..
صوت مكبر صوت

- سيارة الكامري البيضاء لوحة 8880 عليك بالتوقف حالاً...
- ينادونك سالم... وقف الله يخليك
حتى تفاجئها بموجة عالية من الغثيان .. وكأنما روحها تزهق !
لكن اجتمعت دورية حتى أصبح في موقف مشتبه عليه والسيارات الدورية من كل اتجاه
اضطر يوقف باستسلام بادي على وجهه..

رفع يده.. حتى يهجمون عليه بقيد على معصميه
- أنت تحاول الهروب من الشرطة.. ماتعرف وش ثمن هالعقوبة!!!!
نظر سالم بصدمة وهو يجد محارب يترجل من الباب الامامي من سيارته سوداء الكتم
- محارب !!!!!!!
- ايه محارب... أنا مقدم شكوى.. خاطفن اختك مرتين ياولد العم....
- ياحيف عليك خابت مساعيك يوم انك تركض وراي...
- اسكت... الكلام والحساب ماهوب هنا.. في مركز التحقيق... تفضل...

أخذوه أمام عينيه... وهو بنظرة انكسار
- كذا يامحارب تعلن حربك علي.. سود الله وجهك..
- سواد لاحقك ياسالم ... تنهبل أنت ....
رجل العسكر
- لابد الاخت تحضر معنا...
محارب بغيرة شديدة
- طال عمرك خذ.. ذا اخوها وبنت هاللحين خايفه.. انا بنقل كل كلامها مع الوصي أبوها بس تكفى لا يظهر ولا طرف ولا حتى اسمها في المحضر...
- ولا يهمك...

تنهّد محارب .. ثم طرق نافذة عليها
- انزلي يابنت العم.. بأخذتس للجامعة.. وعقبها ارجعي مع رباب... اخوتس بعهدة شرطة..
لتبكي عيونها..
- ياولد العم.. أخوي قتله... قتله...
- وش تقصدين؟؟؟
كان قلبها هو الذي يتحدث بجنون
- س.....ا...ل..م.. ط....ع...ن.. غ.....س....ا...ن..
وهو يمسح وجهه بقهر وغبن
- لا حول ولا قوة إلا بالله.. خلاص ابشري.. اطلعي اللحين بسيارتي ..

***

في منزل حاتم العَوم
غرفة مصعب و جُمان

كان يغرق بعطره برائحة فرنسية .. متأنق كعادتهِ ثم التفت ليجدها ترتشف كوب من النسكافية..
- ترى سويت لك معي..
- لا ماعاد يمديني.. بطل على أمي ثريا وبسري للمطار..
اقتربت منه وهي تعدل ربطة العنق.. وتربت على هندامه الرسمي وثم اقتربت لتقبله بكل حُب
- عساني أشوفك أمير... وش هالزين.. مصعب خلاص أعتزل عن دوامك..
ضحك بخبث
- أفا بنت مهنّا تغار علي..
- اي اغار حبيبي.. كل مرة محلق جديد ومتعطر ولابس لي هاللبس الكخشة.. وشلون ماغار.. ولا المضيفات حواليك... واغلب وقتك بالسما مأنت بالارض معي...
ضحك وقبلها يحب ويعشق حتى غيرتها لذيذة
- حُبك منقوش بقلبي يابنت عمي... لا تهوجسين أكثر.. بعدين أنا قلت لتس ماله داعي هالقهوة كل صباح..
- وش اسوي.. اغير مودي... بموت من طفش.. مو قصور في خالتي عفراء بس والله مليت .. جالسة بين حيطان... وش رأيك اشتغل يلا مصعب تكفى وافق..
- وش حقه الوظايف وأنتي رصيدتس ممتلي.. وأي شيء إشارة منتس وهو بين يدتس...
- مصعـــب..
- لا تفتحين نقاش.. يادوب امر علي امُي ثريا شرهاتها كثرت ذا الأيام خصوصًا ماحضرت زواج أختي أمجاد..
حينها تنهّدت
- بكفيك..
- أها اشم ريحة زعل!
- لا خلاص دوامك أولـّى..
- والله بعوضتس.. العُمُر قدامنا..
- طيب.. نشوف..
- يلا انتبهي على نفستس..
***
أخذ حقيبة العمل .. وخرج.. بعد أن ودع والديهِ عفراء و حاتم.. ذهب بإتجاه بيت والدتهِ ثريا
بعد أن استقبلته و جلس بالصالة على الأريكة رأى وجهها الاسمر غاضبة وحانقة بشدة
- مبروك زواجكم يُمَه..
ثريا بقهر وغبن
- أي مبروك.. ولد عمك انهبل وطلق اخيتك ...
نهض من مكانه ينظر لوالدتهِ مع قدوم أخته أمجاد
وبنبرة لئيمة
- طلقني عشانها.. عشانها يأخوي...
- وش ذا الهرج الماصخ!!
- ذا صدق يأخوي...
- وش سبب؟؟ بلاه تسذوب.. وش حده لكلمة مايثمنها !!
- مدري يأخوي أساله...
- الله المستعان بخرج واشوف العلم صحيح.. وإن كان فيتس الخطايا ماتلومين إلا نفستس.. سلام..
- ماشربت قهوتك ياولدي..
- سديتوا نفسي...
***
خرج متصل على ابن عمه.. حتى يتفاجأ بصوت حارسه الشخصي يرد عليه
- عسى ماشر.. وينه أبو مهنّا؟؟
تنهد سامي
- طال عمرك سامي بالمستشفى .. قصة طويلة..
- عساه طيّب!
- والله حالته خطيرة..
- قل ياسامي وش به النسيب!!! خلاص بأي مستشفى.. زين سلام...

غير مسار طريقه من المطار للمستشفى.. حينما وصل إليه وإذا يجد قميص سامي الرسمي الابيض ملطخ بالدماء والشرطة تسعى للتحقيق..
- عسى ماشر.. وش ذا دم؟؟؟؟
- ولد العَوم طعن غسان..
- أي ولد فيهم؟؟؟
- سالم..
اتسعت عينيهِ
- سالم مقتول اللي مانعرفه..
- ابد هو ماغيره.. قتله قدام عيني..
بدأ يثور يمشي ذهابًا وإيابًا...
رجل العسكر
- مين تكون له؟؟
- ولد عمه ..
- ايه هل بينه عدواة مع شخص اللي طعنه!!
سامي الذي أشار له بالصمت.. لكن مصعب أراد أن يتخبط بالأقدار
- ايه بينهم ثار... وعاد تعرف بيننا كلن يأخذه ثاره..
- الدولة فيها قانون وش هالتسيب والبهلهلة !!
- عاد ذا عقلتيهم..
- لا صحى المريض بيتم التحقيق معه.. خصوصًا انه الرائد بدولة..
- الله يقويكم... سامي ياولد..
- سم ياعمي..
- وش سالفة فهمني.. من يوم ماكلمتك بالنمسا وأنت تحاول تصرف الموضوع قل...
- ابشر..


***

بالداخل
طبيبة ديم التي أتت ومعها عدة الخياطة !
- ممكن نشوف جرحك..
- اخرجي.. جيبوا لي دكتور رجال..
تنهدت ديّم بملل
- يأخوي لو سمحت خل نشوف شغلنا.. أنت للحين تنزف.. والجرح غاير..
بحّدة
- قلت لتس لا... وراه ماتفهمين...
وباجهاد يكتم وجعه
- مافي دكاترة الآن... جرحك يحتاج تنظيف أرجوك ساعدنا..
غسان
- قلت لك لا.... مافيه موب لازم..
حاول أن يقف على طوله حتى داهمته دوخة قوية
- أنت مع عنادك ذا مايفيد... حاول تساعدنا.. ماراح اوجعك..
غمض عيونه بملل
- اخلصي....

بدأت ترى عمق جرحه.. وجهه عينيه الناعسة وأهدابه مُغمضة.. هيبته مخيفة !
بدأت تعمل عملها بمهنية واحترافية.. الأعجوبة أنه لم يتألم إلا سوى بعقدة حاجبيه
- فالك العافية.. انتيهنا..

مع دخول دكتور مطلق..
- حمدلله على سلامة أخ غسان..
فتح عيونه مُرهقة
- الله يسلمك.. هذا هو دكتور وراه ما خيطت جرحي..
ابتسم دكتور مطلق وهو يجد توتر دكتورة متعاونة ديم.. و هو يرى مدى اغلاق الجُرح..
- ما شاء الله.. يعطيك العافية دكتورة ديم.. من أفضل الكوادر اللي عندنا.. وجرحك قفلناه.. لكن انصحك ماتجهد نفسك..
غسان بملل وبرأسه ثقيل
- يصير خير.. اقدر اخرج..
دكتور مطلق أشار لخروج ديم حتى يخرج
- إذا ماعندك مانع تجلس هنا يوم واحد لين نتأكد من جرحك..
- ماعليه أنا أخرج بمسؤوليتي الكاملة..
- على راحتك.. شرطة عند الباب بتدخل..
- خلهم يدخلون..
***
مع دخولهم ..
- طال عمرك تعرف هوية القاتل!
بهدوء
- لا ماعرفه..
- طال عمرك لابد تساعدنا حتى نعرف وش نقرر..
- عبدالرحمن.. اقفل المحضر .. ماعرفه.. وحتى لو عرفته متنازل عنه..
- بس..
أشار له صديقه بالصمت والموافقه
- تم طال عمرك.. فالك العافية..

خرجوا الاثنان .. حتى يدخل مصعب..
- وش جابك؟؟؟
- أنت ماتهجد ياغسان ناوي على موتك!
- لا تنوح على هاللحين.. برجع بيتي..
- اخرج سامي.. في كلمة رأس مع النسيب..
اشار له غسان حتى يخرج .. جلس بالكرسي الذي بجانب ابن عمه
- أولاً حمدلله على سلامتك.. وثانيها وش العلم اللي جاني..
- بأي صفة تحقق ! ولد العم والنسيب خالصين منها!
- بحق أنها أختي من الرضاع.. لي حق اعرف..
- ابد .. غلطت وهي وحدها تتحمل نتائج غلطها ... وبدون ماتسأل.. أنت خابر شر أمك ولاهي بجديدة لا عليّ ولا عليك..
- غسان أنا اسألك .. ماعتب عليك لكن لابد أعرف سبب..
- اسلوبي ماحدن يقرب لي على طرف ويدوس لي شيء يخصني.. وهالأخت اللي محتمي فيها ماودي اقول لكن أنت اصريت.... لاعبتن لعب بسمعة طليقتي... ومشهره عليها ... وأنت عارف اكره ماعندي احد يأذي اهلي...
تنهّد بقهر
- أبد يأخوك الوجه من الوجه ابيض...
- ماتقصر.. وش علومك مع اخيتي.. رغم اشوفك جاي بلبس دوام!!
- ايه جيت مباشرةً عليك.. معي وقت.. انتبه على نفسك... وسالم وش قصته؟؟ ماقفلنا بابه...
- سالم لا تحتك فيه ابد... مصيره يصحى.. وخلها بالقلب يأخوك..
- غسان... أنت من يومها خرجت وأنت مالك ذنب! وتماديت معك وقلت خلك اعمى مثله لكن بعد اللي صار هاللحين لابد تشوف لك حل... مهوب حل ذا سكوتك..
- مصعب تلاحق على دوامك.. لايكثر هرجك.. موب ناقصني هادي ثاني..
ضحك مصعب
- والله انه دواك مايعرفك إلا هو تبيني اعلمه بهبالك...
- مايحتاج تكفى فكني من ذا قلق... وبعد خل نشوفك.. سبحان الله طيحتي خلتني اشوفك واجتمع فيك عقب سنتين..
- ايه... مابغيناها تسذا ياولد العم.. فالك العافية.. أهم شيء جُمان لا تشوفك بذا الوضع..
- مسري للشرقية مستحيل اعود لجديتي عذوب عز الله انها فكتني...
- والله ودي أخورها وعلمها كود اللي برأسك يهجد ويستكين...
- الخــلا..
- يلا إكرمًا لجمال وجهك بخرج...
ضربه بعلبة كلينكس
- تخيبل هااااااااه....
تفادها بضحكة
- ماعليه ماعليه تعبان .. مقدرك.. سلام..

خرج مصعب.. حتى يتقدم بخطوات سامي..
- طال عمرك.. ذي ورق إجراءات الخروج
وقعها ثم سأله مباشرًة
- وش صار على الموضوع؟
- امسكوه شرطة.. ماهو منا... ولد عمه محارب مشتكي عليه..
- أها.. والأهل!
- وصلها لباب الجامعة..
بضيق
- معه احد...
- اي الخادمة..
- زين.. خل نسري..

***


في الجامعة .. في إحدى المقاهي.. تقابلت هي و رباب
- بنت عسى ماصار لتس شيء..
- آه يارباب.. شفته وليتني ماشفته.. حسيّت أن دنيا كلها وقفت.. بس .. سالم أخوي ذبحه.. شفت دم بيده...
- ياويلي.. يالله سترك.. وش اللي تقولينه.. أشوفتس تتنفاضين.. بسم الله عليتس...
- هنا يوجعني حيل...
وهي تشير لقلبها..
- إن شاء الله انه طيب.. بعدين خليه يذوق شوي من اللي سواه فيتس..
- ربااااااب..
- وتراب... ودتس نمر عليه وش وراتس أنتي...
ضحكت
- هو لو يجوز كان رحت له... بس خوافيه نظر فيني وهو يلم سالم.. لمه وضمه لحضنه.. وش يقول يعني.. قولي اللي اكرره لكم أنه ماهو قاتل أخيي...
- ايه خلاص عرفنا.. ترى سارة ابشرتس جات لها الموافقة.. تعينت بجيزان...
- ياحياتي.. جيزان مره وش وداها هناك؟؟؟
- عاد معلمة .. ولا صدقت على الله انها قبلوها.. طايرة من الفرحة..
مسحت دموعها
- الله يوفقها... تستاهل سارونه... عقبال مايجي لها النقل..
- آمين.. يلا بطلب لي فطور.. ولو انه هاللحين جات 10.. وش ودتس؟؟؟
- مالي خلق افطر هاتي مويا...
- لا حبيبتي.. بتفطرين هالمرة.. بنت ترى صايرة عمود كهرب...
- الكهرب أنتي ياعصا الخيزران...
ضحكت رباب
- بعض ماعندكم... اخلصي وش تبين هالمرة على حسابي مرة الجايه أنتي اللي بتدفعين..
- خلاص يانشبة هاتي لي كروسان بالجبن اصفر .. وايس لاتيه..
- تمام... ترى عندي بريك ساعتين..
- أنا من حظي دكاترة اعتذروا.. يلا احل بعض من واجباتي...
- ايه ليتهم اللي عندي اعتذروا علة واقفين لي هنا..
ضحكت رباب..
- الله يهديتس... وش الحل اغراضي بسيارة سالم!! افف.. بتصل على سجى..
أخذت هاتفها ثواني حتى تجيب
- هلا هلا حبيبة قلبي .. وينتس؟؟؟
- بالجامعة بقهوة مقابل مبنى ** ..
- أجل جايه لتس..
- سجى.. جبتي معتس اغراضتس.. اغراضي نسيتها بالباص..
باستغراب
- هدير تنسى! لا يابنت علامتس؟؟؟
- لو معتس شيء زايد جيبه معتس والله نسيت الادوات..
- طيب.. طيب خلاص.. اصلا من حظتس جبت اليوم معي اثنين...
- كفو... احتريتس...

بعد عدة دقائق.. كانت تشرب من قهوتها مُفضلة..
- شلونتس رباب...
- لوني زين والله.. أنتي الله يعينكم على هالادوات.. كل يوم شايلينها أنتي واللي هنا..
ضحكت سجى
- بصراحة مادخلت هالتخصص رغبة.. لكن جاني تسذا قلت ياتكملين فيه ياتنسحبين..
- ايه.. وعاد هدير خالصين منها... بدأت أم المواهب...

كانت ترتدي قميص ابيض رسمي باكمام دانتيل.. و تاركة شعرها بجديلة.. يصل طوله للكرسي الذي تجلس عليه.. وتنورة ضيقة سوداء.. بدون اي نقطة مكياج.. فتحت كراستها وبدات ترسم بعشوائية
- اندمجت البنت ونستنا... هديروه... ريري...
- اسمعتس رباب.. بعدين وش ريري..
سجى
- دلعتس الجديد..
- لا ماهو حلو.. ناديني باسمه وش حلوه.. هدير..
- المهم وين وصلتي...
- عقب لا انتهيت منها وريتس.. ايه سجى وش صار على القطعة اتفقتي مع دكتورة ليان..
- والله قالت لابد تتنفذ خصوصا لجان راح تمر علينا بالمعرض..
ابتسمت وهي تتخيل عملها الذي كان مصنوع من خزف يدوي .. وخبأته بعبلة خاصة فيه بمنزل جدها بغرفتها..
- حمدلله أنا انجزت منه باقي رتوش بسيطة.. وأنتي وش صار معتس...
- والله شكلي بسحب من المسابقة..
- أفا ليه؟؟؟
- ماعرفت له.. كل ماسويته يخرب .. واجد سويت...
- خلاص.. مريني وانا بعلمتس تسذا تكنيك.. ترى والله سهل بس أهم شيء خفة يدينتس ...
- نشوف...

سجى بنت هزاع السعيد..

***

في مكتب مقابلاً يجلس أمامه
- هاه ياسالم ودك نقضيها سوالف.. ولد عمك متهمك أنك خاطفن أختك مرتين..
ضحك سالم
- عاد اخطف اختي مره وحده... وعسى ماشر.. شفت احد يخطف اخته انهبل ذا ولد العم..
- جاوب على قد سؤال...
- ماخطفت ولا شيء...
- على العموم دم اللي في لبسك وش سببه..
- وسكين اللي مليان دم..
سالم بقهر
- اخذت حقي...
- في دولة أنا القانون وأنت المجرم.. وهذا فيها قتل نفس!!!
- اللي ودك سووه.... أهم شيء اخذت اقتصاصي غيره مابيه..
- يعني معترف.. منهو اللي طعنته..
أجاب ببتسامة هزل
- غسان بن مهنّا بن سعود الفرسان..
- الرائد !!!!!!
- ما شاء الله عرفته ولا عرفت رائد سالم بن العَوم .. ايه مقيوله جات عليك أنت... الحسبه زدات والحساب قريب...
- حتى لو أنك رائد سابق مايمنع أنك تتحاكم دوليًا...
- خذ وقتك..

تنهد عساف
- الله يعين.. راح تتفضل معنا بالسجن لين نتطمن على الرائد غسان انه حي.. وحينها نشوف العقاب الانسب لك...
ضحك بسخرية
- الله أكبر ياغسان صار لك قدر..
- بدون تلفظ.. تفضل..

***

محارب ابتسم
- هاه دكتور مطلق اشوفك مهوجس هاليومين..
- والله يأخيك.. كان ودك بصراحة ودي اعرس...
- يا ماشاء الله حي الله الخوي عقب 13 عام نويت تعرس.. ومنهي بنته ما شاء الله...
- محارب... أنت ناوي اهون..
ضحك
- لا والله.. الا اقدم وتوكل.. بس ماقلت لي منهي بنته..
- طبيبة ديم..
- اللي تراقبها أنت.. بصراحة البنت محترمة اقدم يأخوك وتوكل...
- أنا قلت عرسي مع عرسك يامحارب ...
- ياولد أنا ويني وين العرس.. مع هالمناظر اللي أشوفها كل يوم... عافت النفس..
- لا بالله.. ماهو اصابعك وحده...
- المهم اقدم... وخلك مني

دخل العم مع بيالة شاي ..
ابتسم محارب
- حي الله العم ناصر..
- الله يحيك ياولدي.. هذي بيالة شاي خاصة مُره.. وهذي يادكتور مطلق بيالة شاي حالي..
- عسى الله يقويك ياعم .. ماقصرت.. علمني عن أمورك عسى ماهو قاصرك شيء..
- اي بالله ياعم تعرف محارب... زين مازين..
- والله ياولدي ابشرك أموري تحسنت يارب لك الحمد.. بكم لي بيتن اسكن فيه.. وحتى بنتي ماقصرت هالسنة دخلت الجامعة..
- الله يبشرك بالخير ياعم.. وابد ياعمي ماسويت إلا الواجب..
ابتسم العم ناصر
- الله يوفقك ويرزقك ويكثر خيرك..
- آمين...
- عن أذنكم..
مطلق بخبث
- ياولد ... كأني شايفن شوفة...
محارب وهو يرتشف بعض من شاي .. ويوقع على عدة أوراق
- وش شوفته بعد.. ياكثر هوجاسك هاليومين...
- علينا يأبو عبدالعزيز..
- نساير وضعك.. لين تهجد..
- هههههههههه .. طيب سايرني وخذني على قد عقلي.. أنا شايف اهتمامك حول العم ناصر واجد... عسى ماشر
- ابد رجالن كبير وله في السهر والتعب قلت اعوانه... مابه شيء..
- ايه ما شاء الله لدرجة تصرف عليهن... و مدخل بنته جامعة وشاري لهن بيت... ولا بعد بحي زين...
- اخلص وش بعد ذا الهرج... كل اللي يدور في رأسك انساه..
- ماعليه.. ماعليه.. يلا مسري بروح اشوف الممرضات الجدد..
- الله يقويك..

مطلق بن هزاع السعيد.. بعمر محارب ثلاث والثلاثون عامًا..


***

في منتصف الظهيرة
2:30

طرقات عديدة .. بعد أن كانت متعبة .. وهي تغلق القدر الغداء ثم تخرج لباب
- مين...
- افتحي الباب.. ذا بيتن بندر العَوم..
فتحت الباب ودهشتها وجدت امرأة ومعها شخصين ولد بعمر سبع سنوات وتلك ساترة بعباءة والدتها متمسكة بها بشدة
- ايه بيت بندر العَوم..
- مين أنتي...
- دخليني يابنتي .. مت مع ذا الحر..
- تفضلي حياتس..

دخلت ليجلسون في صالة المعيشة .. ثم فتحت نقابها.. مع خروج والدها بندر بقميصه !
ويجفف شعره مبلل
هو.. يعرف ملامح وجهها
بينما طفل الذي ركض نحوه يحضنه
- أبوي..
- بتقول يابندر والا اعلمها انا...
ضحكت بعدم استعياب
- وش ذا يُبَه.. مين هذي.. وبعدين هالورع يقول لك يُبه.. تعال هنا ماأنت أبوه.. تعال...
- والله أبوي بندر.. أنتي اللي وخري عنا....
- شيهانة يابنت ... اصبري....
- ايه يابنتي.. أنا مرة أبوتس فهده... وهذي بنتي شيهانة اظنها اختس.. وذا اخوتس عزوز.. واضح أنه ابوتس ماحكى لتس...
- فهــــــــــده !! عجيب يابنت....
- ايه لمتى نجلس أنا وعيالي بشقة ضيقه حاكرنا فيها .. وأنت عندك ذا الخير كله...
- اي خير .. بيتن عادي.. هدير يأبوتس اسمعيني..
في هذا اللحظة ! يدّها مبتورة تحاول أن تمسح أدمُعها !! هذا الحزن الذي بداخلها لاينتهي !!

" ما عاد عندي قصيدٍ يشرح أوضاعي
اللي بقلبي يشيب القاف .. ما جابه "



***

في المساء .. الشرقية
في الفيلا خاصة به - ببيت الشعر

نائم على المركا .. وبين غفوة وحلم ..
كانت كلمتها، وصوتها الذي حرك أشجانه .. بينما هادي الذي يرتشف من بيالة شاي..
استغرب تحركات غسان .. حاول يقترب منه ليجده غارق في نومة عميقة

- ماعليه يالهيس الاربد تخبي أنك موجوع.... ياولد علامك.. غسان..
***
- غساني.. شوفني ... كيف اركض...
- بنت لا تطحين...

كانت ترتدي فستان ابيض من خامة شيفون ناعم .. رقيق على جسدها وشعرها الذي يصل لخصرها دقيق يتناثر مع ركضها .. ضحكاتها تردد على مسامعه
- غساني مايرخص الغالي إلا كثر غلطاته... اتحداك تلحقني..
- بنت وقفي.. هديــر... هديـــــــــر !!
لتردد له ذا البيت
- حبيبي صارت قصتك قديمة.. ودورك مات في مسرح زماني..
- هدير.. هدير لحظة..
- أنت غربتني في غربة الروح ياغسان... أنا مانساك بس لا صار قلبي هموم وجروح.. أنا عايشه تايهة ولوحدي... وأنت.. أنت ضيعتني... ضاعت هديرتك...

استيقظ بفزع وهو يشهق.. مسح وجهه من ضيق ما يكفيه لحد الأسى
- أعوذ بالله من الشيطان الرجيم.. هدير وش اللي جابك في بالي يابنت الناس.. اركدي وحليّ عني.. تكفين ياجمل مخاليق عيني شفتها... مابي تمادى فيتس تراني بغيتس.. والله واللي خلق هالقلب ينبض لأجلتس.. دخيلتس.. لا تكرهيني زود منيب كارههن نفسي...

" صدرٍ من الضيقه انهدت ضلوعه . "



***

للحديث بقية...

بقلم : عيون الليل.



عيون الليل. غير متواجد حالياً  
التوقيع
تمت بحمدلله عيون الرهاف .. حتى التقيكم بـ هجير العُمُر

قديم 25-06-22, 04:32 AM   #188

عيون الليل.
 
الصورة الرمزية عيون الليل.

? العضوٌ??? » 492015
?  التسِجيلٌ » Sep 2021
? مشَارَ?اتْي » 1,109
? دولتي » دولتي Saudi Arabia
?  نُقآطِيْ » عيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond reputeعيون الليل. has a reputation beyond repute
افتراضي


الذين يشاهدون محتوى الموضوع الآن : 13 ( الأعضاء 6 والزوار 7)
‏عيون الليل., ‏Nadiakh90, ‏ألماسةسعود!+, ‏فتاة الحزن, ‏بين سحاب+, ‏لأجلِ عيون+

قراءة ممتعة..


عيون الليل. غير متواجد حالياً  
التوقيع
تمت بحمدلله عيون الرهاف .. حتى التقيكم بـ هجير العُمُر

قديم 25-06-22, 05:24 AM   #189

لأجلِ عيون
 
الصورة الرمزية لأجلِ عيون

? العضوٌ??? » 504213
?  التسِجيلٌ » Jun 2022
? مشَارَ?اتْي » 232
?  نُقآطِيْ » لأجلِ عيون is on a distinguished road
Elk

فصل مليء بالمشاعر 🥺😭 غسان ولوعته من هالحُب
وكأنه ياعيون تقولين لنا انه يعاني منها قبل ماتعاني هدير منه
الله يصلح حالهم ويلم شمل مابينهم
انا مع حزب غسان لهدير 👏🏻😍

أما محارب شخصيته طيّبه ودودة و لطيف حتى مع المقهوجي العم ناصر مقصر معه
ههههههههههههه وضحكني مطلق واضح من اول معجب بديم 💜💜
هلا ثنائيات جميلة جدًا..
بالنسبة لمصعب 🌚 وجُمان وه حبيتهم واجد الواجد 😩👏🏻

سالم وتهوره ! ومعترف انه قتل غسان بعدنا ندور في متاهة هالاثنين 🙄🤔

شكرًا عيون على الجمال اللي تتحفينا فيه بكل مرة 💜💜🕊


لأجلِ عيون غير متواجد حالياً  
قديم 25-06-22, 05:30 AM   #190

لأجلِ عيون
 
الصورة الرمزية لأجلِ عيون

? العضوٌ??? » 504213
?  التسِجيلٌ » Jun 2022
? مشَارَ?اتْي » 232
?  نُقآطِيْ » لأجلِ عيون is on a distinguished road
افتراضي

الذين يشاهدون محتوى الموضوع الآن : 11 ( الأعضاء 3 والزوار 8)
‏لأجلِ عيون, ‏جنون امراه, ‏زهراء ش


لأجلِ عيون غير متواجد حالياً  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 07:26 PM



Powered by vBulletin®
Copyright ©2000 - 2024, vBulletin Solutions, Inc.