07-09-23, 07:54 AM | #701 | ||||
| وانتهت افضل رواية ❤️ عمران : البطل المغوار ، عمران الشخصيه اللي مستحيل تتنبئي شنو راح يسوي او شنو بتكون ردة فعله مثل ماصار بردة فعله بعد معرفته بمرض حنين مافيه احد توقع انه بتكون ردة فعله بهذي الحنيه والرقه والاحتواء صدمنا وخلانا نقول واحد عمران بليز - حنين : قصتها كانت مره محزنه كيف صبرت وماقدرت تقول لاهلها بمرض مثل هذا مره هالشي قوي وللان افكر كيف قدرت تخبي بس الحمدالله على العوض علاقتها مع عمران وحبهم كان منعش لنا - ريمان : كرهتها و حزنت عليها و سبيها و اشفقت عليها كنت متناقضه معها بس بالنهايه اللي صار لها ماهو اشوي ???? - تليد : الشخصيه القويه اللي قدرت تطيح سند من طوله شخصيتها اللي اقتبستها من عمران " هذا الشيل من ذاك الاسد " كانت هي سبب تحول شخصية سند من غرور و تعالي لـ مسالم - سند : اتوقع كلنا حاطين عليه اكس ونوعاما انمحى باخر الأجزاء سند شخصيه مستفزه و غرورا كان جايب لي جلطه بس تليد قدرت عليه وبالنسبه لي تليد هي السبب الرئيسي لرجوع علاقته مع اهله - شيخة : احبها مره مره حنونه زاهد : شخصية واقعيه جدا وحبيته صدق وماقدرت اكره ابد وحبيت النهايه ومشهده مع اخوه الصدق بكيت . - إياس : الشخصيه اللي بالبدايه ماكان عندي مشاعر تجاهه بس طبعا غلا خلتني ؟ لا غصب حببتني فيه وخلتني اشوفه بنظرة غير وحبيته - نسيم : الحمدالله انه الله عوضها بشخص مثل اياس كان لها العوض والسند والامان - وهاب : الشخصيه الفكاهيه الشخصيه الجنتل مان الشخصيه الكفو وهاب ضحكني وقهرني و حسسني بالفخر مره شخصيته لطيفه واحب علاقته ب سبأ جدا - سبأ : الاخت الحنونه اللطيفه احب حب اخوانها لها واحب علاقتها المتينه بهم وكيف اهتمامها بامها وابوها مره حنونه وتنحط على الجرح يبرى - هادي : احبه حب مايعلم فيه الا الله حبه لبنانه يبكيني وخصوصا المشهد الاخير له وهو يتكلم عن بناته يالله ياكمية المشاعر - مرجان : من الشخصيات اللي ودي اقبالها بالواقع واشوف كيف تفكر لانه احسها انسانه تفكيرها عميق وصبوره و ماتتخذ قراراتها بسرعه - فردوس : مرت ولا ضرت كانت الشخصيه اللي مرت على قلوبنا كالفردوس - ريحان : اكثر وافضل شخصيه ممكن مرت عليي بالروايات احبها واحب قصتها ريحان من اول ظهور لها في الفصل الاول قلت بتعليقي هالبنت تناسب ساعي لانها هي مرحه وحياه وهو العكس سوداوي و فاقد الشغف بالحياه قدرت انها تكون الحياه اللي فقدها ساعي قدرت تكون البسمه اللي انمحت من ساعي قدرت تكون الامان بعد ما كان عايش بخوف قدرت تكونً له الحب بعد ما فقده بموت اهله ريحان شخصيه التوب عندي للابد . - ساعي : احبه حب مايعلم فيه الا الله ، شخصيته من الشخصيات اللي افضلها واحبها لانه احب اتعمق بشخصيه شخص من هالنوع وساعي من اول ظهور كانت شخصيته تقهر وشخصيته تميل للسخريه اغلب الاوقات وهالنوع من الشخصيات يعني وراهم سر وراهم حزن يحاولوا يخفوه فهالشي خلاني اتعمق بشخصيته واحبه صبر وتحمل وبالنهايه نال الفرج الفرج جا على هيئة " ريحان " ريحان كانت الامل الفرح الفرج الحب الحياه الطمانينة بعد سنين قفار . - عدوان : كلنا اتوقع حبينا شخصيته وماقدرنا نكرهه عدوان نتاج اهل سيئين وحاول انه يبتعد ويكون نفسه بعيد عنهم الا انه بذرة اهله السيئة ضلت تلاحقه عدوان حاول يصحح ذنوبه وينسى الماضي بـ أرتباطه بريحان الا انه هالشي كان غلط لانه ماضيه لسه مانتهى ف اللي صار كله كان متوقع هو ماحب ريحان هو فقط حب انه يكون حياه جديده ، النهايه حبيتها حبيت انه فضل البعد عن ديار شرق لانه احس حتى لو هم يبوا العلاقه ترجع مثل اول بيضل الهواجيس والتوتر منه - تيمور : الشخصية الافضل بالرواية تيمور كان القلب النابض بين اصدقاء شرق لوله وجوده كان صداقتهم ماتت من اول مشكله بس وجوده كان يحيي امال صداقتهم بعد كل مشكله . - الجدة ثريا : من يجي مشهدها لا شعوري ابتسم واتخيلها جدتي وجودها بالرواية طمأنينة وراحة و دفىء - اللواء تركي : انا اسفه لك بس لاخر رمق من الرواية وانا مو طايقتك بدون سبب " الحب من الله شنسوي " - فريق خنجر حكيم رابح فزاع : مستحيل انسى لهم وقفتهم بيوم ملكة عمران هالمشهد مخلد بقلبي - هناء : وجودها ببيت نايف مثل ماذكرت كان خيره للبيت وهي بكبرها خيره لكل شخص بيمر بحياتها واحمد هو العوض لها لانها حرفيا تستاهل كانت البلسم لعيال اخوها - زياد : تعاطفنا كثير معه وحزنا وقصته كانت واقعيه جدا و موقفه مع زوجة اخو هذا كان دلالة لشهامة شخصيته والحمدالله انه الله عوضه وكانت البتول هي العوض والراحه والشفاء لروحة المتعبه - البتول : احبها واحب شخصيتها اللطيفه الصبوره المحبه لعائلتها احب احتواها لزياد احب نشاطها كان وجودها بالرواية مثل السكر بالحلويات - هيثم : الشخصية اللي استفزتنا كثير بالبدايه بس شخصيته انتجت لنا علاقات لابطال اخرى كانت ك، كان بالنسبه لي المحرك الاساسي بالرواية والرابط بين كثير شخصيات مثل الزياد والبتول ، سند و تليد - حياه : كانت فعلا مثل الحياه والنفس لهيثم رغم ظهورها القليل الا انها بكل ظهور تبهرنا بشخصيتها القويه . - بدور : الشخصيه اللي احسها انظلمت من اخوها من شهاب بس حبيتها حبيت انها داست على حبها لشهاب واختارت الفراق بعد ما عرفت انه شهاب من المستحيل انه يحبها. - شهاب الشخصية اللي الصدق ماراح اسامحها ماحبيته - تعليق شامل للرواية ، الرواية من افضل الروايات اللي مرت عليي باخر سنين ماشاءالله تبارك الله ابدعتي بالسرد كان سرد مثقف سرد قوي ، الحبكة كانت مره مره تخليك تنبهري من جمالها ، الحوارات وانا بالنسبه لي اهم عنصر بالروايه بعد السرد ابدعتي ! ابدعتي حرفيا حوار راقي حلو واقعي خفيف الرواية حملت قضايا كثيره الاخطاء الطبيه ، المريض النفسي وعلاجه ، عقوق الوالدين ، الصداقه ، الخيانه ، الاغتصاب ، التشهير باعراض الناس ، ووو تقييمي للرواية اكيد وبلا شك ١٠/١٠ | ||||
07-09-23, 02:16 PM | #703 | ||||
| يوه ياكادي وش سويتي فينا ????????????????.. اول رواية اعلق على نهايتها لانها من الروايات اللي فعلاً نتمنى انها ماتنتهي ???????? .. حبينا كل شخص بالرواية بداية من عمران وحنينه ونهاية بـ حمودي وحتى اخوانه معاه ???????? بـ استثناء ابوتركي طبعًا من البداية ماحبيته وحسيت فيه شيء مفقود بوجودة واعتقد نهاية يستاهلها سوا بتقاعده ورجوع فريق خنجر او بمقتله اذا هو فعلاً المقصود بـ النهاية .. ننتظرك بـ لقاء جديد يجمعنا على خير ويعيشنا معاه بكل لحظة مثل ماعشناها بـ طوبى ، ولاتطولين علينا اللي مثلك مفروض كل يوم رواية نستمتع فيها ونغسل عيوونا ونستمتع بـ ابداعك ♥️♥️♥️♥️♥️. | ||||
أدوات الموضوع | |
انواع عرض الموضوع | |
|
|