آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-09-22, 10:04 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت "29" "الثالث من اكتوبر" عند ميان ومي * قامت وهي تسوي لها فطور وتقعد بالصاله رفعت راسها ل مي الي تطلع الفساتين لها مي : شوفي ذا حلو ؟ ميان : حلو بس ما يناسب مي : انتي كلشي ما يناسب ميان: بالبزر البسي شي هادي عزيمه مب زواج مي بضحكة: انا جهزت لبسي هذا لك ميان : بلبس الاسود لا تتعبين نفسك مي : يليل الضيم ذي ميان : عاجبني بعد العصر * تجمع الكل ببيت ال حيان بعد ما ضبطه سطام دخلو وهو يسلمون على الموجودين مي : بسم الله ذول اقابلهم اكثر منك ميان بضحكة: يا غبيه ذول عايلتهم قامو وهم يسلمون على حور ووعد الي جات هي واهلها قطع اصوات المجلس سؤال عمة سطام : الاا وين سطام والعروس ما شفناهم ام سطام : بالطريق كلمته قال جاي التفت الكل على الي دخلت وانتبهو من تنحنح سطام حور : سطام انتظر البنات هنا وقف عند الباب وهو ينتظر ورفع راسه من سمع اسمها حور: مياان روحو المطبخ اتجهو للمطبخ ودخل سطام وهو يسلم على عماته وخالاته "الثالث من اكتوبر" بالمطبخ* وعد : يع يا بنات ما بلعت زوجته مي : كلنا انتبهو على حور الي فتحت الباب : يالله تعالو وعد : مسرع ! حور بضحكة: اي بس سلم وطلع طلعو وهو يقعدون ويناظرون الي قدامهم مي : الحين من ذول الي تسولف معهم ؟ وعد : اهلها يا غبيه مي : اووههه سبحان الله نفس ثقالة الدم ميان : احسني انكتمت امشو نقوم مي : شفيك ؟ ميان: ولاشي بس احسني ابي اشم هواء حور : اطلعي فوق او اطلعي من باب المطبخ يطلعك على الحوش قامت ميان وهي تطلع من باب المطبخ وتنزل كعبها وتجلس على الزرع البارد تنهدت وهي تحط راسها وتناظر السماء وسرعان ما فزت من سمعت صوته قريب سطام : اييه ايه بنهيه بس انتظر امسك عليه شي قامت وهي تشيل كعبها معها واستوقفها صوته سطام : والتقينا من جديد ميان : لا تفكر جيت عشانك اخر همي سطام : بتغيير همومك مع الايام ما عليك ميان : انت شتبي مو تزوجت وش تبي بعد ؟؟! سطام وهو يقرب : مريضهه انتي تحسبيني راضي بذا الزواج ميان بضحكة: بتقنعني انك مجبور مافيه احد ينجبر لا تتوهم سطام : ايه مجبور ولا تسالين وش الي جبركك ميان : مراح اسأل ولا يهمني سطام وهو متنرفز من كلمتها ذي سحب يدها : عارف انه يهمكك بس لا تحاولين تكذبين على نفسك بكلمتك ذي ميان وهي تضربه بصدره : ابعدد اشمئز من قربك سطام : ببعد معليك والله يصبر قلبك تركها وهو معصب منها ومن حركاتها ميان وهي تمسح دموعها: والله ما اهتمم "الثالث من اكتوبر" دخلت وهي تقعد مع البنات حور : بنات المساعدات قطعنا العقد معهم من احترق بيتنا عادي تساعدوني ؟ وعد : وذي تسال بعد قومي قومي العشاء جاي قامو وهم يدخلون المطبخ ويقطعون السلطة ويطلعون الحلا ويجهزون الاكواب التفتو على الي دخلت : الصراحة مشتهيه حلا جاء بوقته حور : بلا مبزره خلي ما يمديك تصبرين للعشاء ليان : لا ما يمديني ونفسي فيه الحين حور وهي تسحبه : فارقي اذا مب تشتغلين ولفت وهي تساعد البنات ميان : يكفي ولا ازيد طماطم ؟ حور : لا احس شوي زيدي دخلو العيال وهو يحطون العشاء بالمطبخ بوسط صدمه البنات منهم حور : البنات يالبزر التفتو كلهم على ميان الي قطعت يدها مي بخوف: قطعتي يدكك ؟؟!! ميان هزت راسها ب اي وهي تناظر الدم بصدمه تقدم سطام وهي يبعد ليان والبنات عن طريقه سحب يدها وهو ياخذها ويصب على يدها مويه شهقت ميان من برودة المويهه ورفعت راسها له سطام : بزر انتييي ما تعرفين تقطعين؟؟!!! ميان وهي تحاول تسحب يدها : ابعدد ما طلبتت تساعدني سطام بعصبيه: انكتمييي كانو يتهاوشون متجاهلين نظرات البنات والصدمه بعيونهم وليان الي عصبت من حركة سطام مسك يدها وهو يلف على حور : حور وين علبة الاسعافات ؟ حور وهو تناظر ميان : مدريي سحبت ميان يدها من شافت نظرات البنات لها وانصدمت من سحبها سطام معهاا وهم يطلعون من المطبخ "الثالث من اكتوبر" عند ميان وسطام * سحبها وهو يدخلها لغرفته ويتوجه لدورات المياه وياخذ علبه الاسعافات ويجلس عندها سحب يدها وهو يعقمها وشهقت ميان وسحبت يدها : خلااص اعرف اعالج نفسي بنفسي ما احتاجك سطام وهو يناظرها : لا واضح تعرفين هاتي يدك ناظرته ميان بصمت وصرخت من سحب يدها وهو يرجع يعقمها ويحط لصقة جروح عليها قفل العلبة وهو يرجعها لمكانها ورجع وهو يشوفها متوجهه للباب سحبها وهو يلفها له : ما ودك تفهمين السالفة؟ ميان : لا سطام : افهمي السالفة يمكن تغيرين اهتماماتك ميان : لا تخاف مراح اغيرها حتى لو فهمتني السالفه سطام : تبين الشغله غصب؟ ميان وهي تعقد حواجبها : يعني شلون بتغصبني افهم ؟؟! سطام : لا بالعكس بغصبك تهتمين ميان : ما تفهم انت ؟؟! سطام وهو يقاطعها: فهمنا ما يهمكك وحفظتهاا ميان : والحين وش تبي ؟؟! سطام : على كل الي سويته ما فهمتي وش ابي ؟!! ميان وهي تبلع ريقها : لا ما فهمت سحبها لصدره : ايهه ابيك انتي وعارف يا انسه ميان انك فاهمه ومهتمه بس تكابرين ارتفعت نبضات قلبها وهي تناظره : تبي الصدق ؟ كنت مهتمه بس حلفت ما اهتم بعد ما شفت اختياراتك سطام وهو يثبت نظراته على عيونها : ليه مو راضيه افهمك السالفه ؟! حط ايده وراء ظهرها وشدها له بعدما سمع صوت ليان ضربت صدره : ابعددد زوجتكك جايهه فتحت ليان الباب ووسعت عيونها من شافته يبّوسها بشفايفها بعد عنها ورجع شد على خصرها ولف على ليان ومتجاهل نظرات ميان : عرفتي الحين من احب ؟ "الخامس من اكتوبر" بغرفة سطام * بلعت ريقها ليان وهي تناظره بصدمه اما ميان حطت يدها على صدره وهي تبعد عنه وضبطت فستانها الي ارتفع عن جسمها بعد ما سحبها سطام وناظرت ليان : اتمنى تتصرفين مع زوجك ليان بضحكة : شدعوه بعد ما جلستي بحضنه تبيني اتصرف؟ ميان : فاهمه غلط هو الي لمسني رد سطام الي كان واقف عند المراية ويعدل شماغه : عن قريب بتصيرين حلالي لفت عليه ميان : والله لو تحلم تدخلت ليان وهي مقهوره منه : افسخ العقد عند البنات تحت * دخل سعيد : وييين العشاء الضيوف ينتظرون وعد : تستهبل مو بيتنا عشان تدخل كذاا سعيد : حور قدني حافظها بلعت ريقها حور وهو تناظر مي الي ركضت بجنب الثلاجة من دخل سعيد سعيد: اعجلواا هاتو العشاء تقدموا البنات وهم يعطونه العشاء بغرفة سطام* تقدم سطام وهو يبتسم : ابشري هذا الي ابيه من زمان انتبهت ميان على ابتسامته وهي تحاول تكون ثقيله بلعت ريقها وهي ترجع تعدل فستانها من ناظرها وهو يبتسم "الخامس من اكتوبر" طلع سطام وهو يتوجه لقسم الرجال اما ليان قربت من ميان : لا تتوقعين بعدي لك حركاتك بسهوله ميان : من اول قايله لك النقص فيك خزتها وهي تطلع متجاهله ليان الي رفعت جوالها وهي تتصل على عمها نزلت تحت وتدخل المطبخ وهي تناظر البنات الي تركوا اشغالهم من شافوها دخلت مي : نسمعك يا ميان ميان بغباء: وش ؟ مي وهي ترفع حواجبها : لا آله الا الله الحين فقدت عقلها ميان حمدت ربها من دخلت ام سطام وهي تقول : خلو عنكم السوالف جيبوا عشاء الحريم تعشوا الكل واغلب الضيوف راحو كانت ميان ومي ووعد وحور بالمطبخ حور : يالله امشوا نشرب شاهي طلعوا من المطبخ ووصلوا للصالة ووقفوا من سمعوا كلام سطام سطام : بما ان الكل مجتمع انا قررت اطلق ليان توسعت عيونهم بصدمه ماله يوم من تزوجها والحين بيطلقها الكل ناظر ليان الي كانت تناظره وتشرب شاهي ومو كانها الي كلمت عمها عشان يفسخ العقد انصدمت ميان من كلامه وبلعت ريقها وناظرت ليان وهي تحس بالذنب نتوقف هنا... | ||||
|  |
|
28-09-22, 10:10 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت "30" و الأخير "الخامس من اكتوبر" تسريع احداث * رجعت ميان ومي لبيتهم وطلق سطام ليان ورجعت لبيت عمها ببيت سلمان وميان * مي كانت بالمطبخ سمعت ميان تنادي مي : وشفيييههه ؟ ميان وهي بدورات المياة : عطيني الشامبو مي : وينه ؟ ميان : تلقين علبة جديدة بالغرفة هاتيها أعطتها الشامبو ورجعت للمطبخ انصدمت من الي عند الفرن مي : شتسوي ؟ سلمان : البطاطس احترق وأنتي تتمشين مي بلعت ريقها : كنت عند ميان قربت من الفرن وهي تشوفه يحرك البطاطس بالزيت أخذ كمية من البطاطس وحطها بالزيت وسرعان ما سحبها وضربت بصدره وناظرها بخوف : انتبهييي الزيييت مي رفعت رأسها له وهي تناظره انتبهت على نفسها وهي تبعد عنه : هات انا بحرك سلمان بتجاهل :وخري عن الزيت ناظرته وهي تبعد وتقطع سلطة عند سطام * فسخ العقد وطلق ليان تنهد وكأنه وهم وانزاح ابتسم من جاء طيفها بباله حرك وهو يتوجه لبيت أهله اما حور راحت لبيت وعد الي اتصلت عليها وتبادلوا اطراف الحديث بدون اي احداث تُذكر عند نواف * قرر انه يتوظف بدوام جزئي بكوفي عشان يريح نفسه من التفكير فيها ويشغل نفسه باي شي "الرابع عشر من اكتوبر" بالليل * ببيت سلمان طلعت مي من الغرفة وهي متوجه تشرب مويه طلعت من المطبخ وهي تشوفه على التلفيزيون بلعت ريقها وهي تتقدم : سلام سلمان لف عليها : وعليكم السلام ما نمتي ؟ مي هزت رأسها ب لا : ما جاني النوم سلمان : والله كلنا مي : عادي اتصل على امي من جوالك ؟ سلمان : اكييد خذي فتح لها جواله وهو يمده لها كتبت رقم امها وهي تتصل عليها وتطمنها عليهم بالصباح * عند نواف بالكوفي كان يجهز طلب الزبونه وهو دايخ ويحس راسه بينفجر من السهر اعطاها قهوتها وهو يناظرها ببرود من فوق لتحت من ضحكت له انتبه على خويه : يولد اقعد انت شوي وتطيح نواف وهو يمسك راسه : تشوف والله دايخ قعد وهو يناظر الزباين بكل تعب فتح جواله وهو يقعد عليه وسرعان ما رفع راسه من شبهه على الصوت عند سطام * قام وهو يبتسم ويفتح ستاير غرفته بكل روقان ويرفع جواله ويكلم فواز يلغي مواعيده بالشركة ارسل لحور وهو يسألها عن رقم ميان سطام: حور بلا استبهال هاتي الرقم حور : والله ما تاخذه شتبي فيها ؟؟ سطام: شدخلك هاتي الرقم لا اجي اخذه بالغصب حور : مب كيفك والله ما تاخذه رمى جواله على السرير وهو يطلع لغرفتها "الرابع عشر من اكتوبر " عند ميان * صحت وهي تشوف مي تفطر بالصاله ميان : وين سلمان ؟ مي : مدري طلع قعدت وهي تفطر معها مي : طفش امشي نطلع نغير جو ميان : وين نطلع ؟ مي : مدري كلمي حور ووعد نطلع ميان : طيب دقيقه بتصل عليها اتصلت على حور وشهقت من وصلها صوته سطام : هلا ميان : خيير عطني حور سطام : شتبين فيها ميان : مو شغلك اخلص سطام : والله ما تاخذينها على ذا الاسلوب ميان : بلا مبزره هات البنت سطام : عدلي اسلوبك واعطيك اياها باي وقفل وهو ياخذ جوال حور بوسط نداءاتها وصراخها عند نواف * ناظرها وهو يجهز طلبها لها ما كان منتبه للقهوة كثر ما هو منتبه لنظراتها لمى : طلع كلامك صح نواف وهو يحاول يتجاهلها ولا يناظرها : اي كلام ؟ لمى : كلامك بخصوص ذاك الرجال نواف وهو يهز راسه ويقدم لها قهوتها : لا خليك على عماك احسن لمى : اسفه ناظرها نواف وهو يتأمل عيونها وفز من سمع خويه يناديه راح وهو متجاهل الي كانت واقفه وتناظره "الرابع عشر من اكتوبر" ببيت سلمان * مي : بنت يالله قومي بس بنجيب عشاء ونجي ميان : والله ما فيني روحو انتم وتعالو مي ناظرت سلمان الي طلع من غرفته : خليها خليها العجوز ضحكت ميان واخذت مي شنطتها وهي تطلع مع سلمان ميان * كانت على جوالها من برنامج لبرنامج من الطفش عقدت حواجبها من الرساله دخلت الواتس وهي تقراها :سلام ميان : مين ؟ :ردي السلام طيب ميان : بلوك ترا :انا سطام لا تصيحين ميان : خير شتبي؟ سطام : ابي اشوفك فيه كلام كثير ابي اقوله لك بلعت ريقها ميان :ما بيننا كلام سطام : شوفي عنادك وشغل البزران ذاك امنعيني منه هي كلمتين وبقولها مب صعبة الشغله ولا راح اكلك ميان : اي قولها هنا وشهوله تشوفني ؟ سطام : لما اشوفك بتفهمين ليش سكتت ميان وانتبهت على رسالته ورفعت حواجبها بصدمه وهي تقراها : انا جاي عارف بيتكم ما يحتاج ارسلت له بسرعه : يا بزرر لا تجييييي انتبهت انه طلع من الواتس ولا قرأ رسالتها اتصلت عليه وهي تصرخ من قفل بوجهها عند سلمان ومي * سلمان : ميان تحب البيتزا وانتي ؟ مي : واناا بعد سلمان : اجل ناخذ بيتزا اخذو بيتزا وكملو طريقهم للبيت سلمان : ما تعرفتي على الرياض صح ؟ مي : لا ودي افر فيهاا كلهاا ضحك سلمان وهو يناظرها : اجل ناخذ جوله سريعة بشوارع الرياض ونرجع للبيت ابتسمت مي بحماس وهي تفتح الشباك "الرابع عشر من اكتوبر" عند ميان * كانت تروح وترجع في الصاله وهي خايفه يجي سلمان ويلقى سطام بالبيت فزت من سمعت صوت الجرس وهي تركض للباب ميان : ميين ؟ سطام : هذا انا افتحي فتحت وهي تناظره : خيير شتبيي؟ سطام : ابعدي عن الباب بدخل ميان : ما راح تدخل قول الي عندك ناظرها سطام ودف الباب ودخل وهو يناظر فيها وفي بجامتها من فوق لتحت ميان : لا تناظر سطام رفع نظره لعيونها : المهم انا جاي ابي اتفاهم معك وننهي الخلاف الي بيننا ميان : ماله داعي سطام وهو يتنهد : بتكلم وابيك تسمعين وبس اخلص بسمعك ميان : تستهبل انت شايف الوقت؟ سلمان جاي الحين وانت تقول ابيك تسمعين اطلع ما بيننا كلام سطام : والله مب كيفك الشغله بتسمعين غصب ميان بضحكة : لا يشيخ ؟! تغيرت ملامحها من سمعت صوت سلمان وهي تناظر سطام الي استغرب من غيرت ملامحها سحبته بسرعه وهي تدخله غرفتها وتناظره ميان : اقعد هنا لا اسمع حسك سطام : واذا طلعت ؟ ميان : ياا وييلك سطام يا ويلك ناظرته وطلعت وهي تقعد مع سلمان ومي عند نواف * كان قاعد بالكوفي ورفع راسه للرجال الي قدامه وهو يساله : نواف ؟ نواف وهو يعقد حواجبه : وصلت الرجال مد له باقة الورد والكيس : هاذي لك نواف وهو يسحب الكرت الي بالورد : يعطيك العافية ترك الورد وهو يقرا المكتوب اعتذر على الي صار اتمنى تقبل اعتذاري انتظر ردك هنا ٠٥٥******** لمى ❤️ "الرابع عشر من اكتوبر" ببيت سلمان * كانت تسحب قطعة البيتزا ورفعت رأسها وهي تحاول تفهم علامات الصدمة الي بعيون مي وسلمان هزت راسها بلا وهي تلف وتوسع عيونها من شافته واقف بكل ثقة ويناظرها سطام ناظر سلمان المنصدم : عارف انك منصدم ومنت فاهم ليه انا هنا بس الي ابي اقوله ومتاكد منه واتمنى انك ما تردني انا ابي اتقدم لاختك على سنة الله ورسوله ونزل عيونه وهو يناظرها كيف وسعت عيونها على الاخير وهي منصدمه منه لفت وهي تناظر سلمان الي ترك الاكل وقام وهو يغسل يده ويرجع للصاله سلمان : انا ماني عارف شقول ولاني متوقع منك ولا من عايلتك ذا الحركة واذا تبي الصدق اي والله اني منصدم منك بس جمايلك تغفر لحركتك ذي واختي ما راح القى من يناسبها غيرك وكلنا نعرف الي مرينا فيه سوا ولكن بالاخير القرار لها تنهد سطام براحة ولف على ميان وهو ينتظر جوابها كانت الصدمة صدمتين بالنسبة لها ناظرته وركضت لغرفتها ضحك سلمان ظنا منه انها مستحيه ابتسم سطام واستاذن من سلمان وهو يرجع لبيته عند ميان كانت منصدمه وتحاول تنضم تنفسها ودقات قلبها انتبهت على صوت الاشعار وهي تفتح جوالها كان الاشعار منه قرات رسالته وكان محتواها :وصلنا لنهاية قصتنا لا تنهينها برفضك ❤️" تسريع احداث * وافقت ميان وتقرر موعد زواج ميان وسطام وتقدم سعيد لخطبة حور ونواف لخطبة لمى وسلمان خطب مي من امها كان القبول القرار النهائي وتحددت مواعيد الزواج ولا ننسى ليان الي ازالت الحقد من قلبها والتفت لمستقبلها وسافرت خارج البلد وتخرج الكل بزيادة كلمة "الجراح" مع اسماءهم . وانتهى إبحاري اتمنى انكم احببتم الغوص في بحر روايتي ٨/٣/١٤٤٣ اُبحرت بحب ❤️ الحمدلله . النهاية | ||||
|
| |
|
29-09-22, 05:30 PM
| #33 | ||||
 
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
| |
|
| أدوات الموضوع | |
| انواع عرض الموضوع | |
|
|
15Likes
العرض العادي
