01-12-22, 11:02 PM
| #101 | |||||
 
|  اقتباس:
واتوقع تقصدين راضي اخو بجاد مو زوج ياقوت زوج جوهرة وقصة عزيزة وتبدل حالها والقصة اللي ذكرتيها مؤلمة فعلا | |||||
|  |
|
01-12-22, 11:05 PM
| #103 | ||||
| 37 سبحان الله،الحمدلله،لااله الا الله.لاحول ولاقوة الا بالله - ________________________ ((الـلـيـل)) . ساجي بلبس دوامه بنطلون عودي وتيشيرت بيج وكاب عودي جالس ورا مكتبه وهو ساند رجوله فوقه ناظر جواله اللي وصله اشعار رسالة تقدم وهو يحس بملل من كثر الفراغ اتسعت عيونه وهو يقرأ اسمها رجفت يده وهو يفتح جواله ولخبط بكلمة السر زفر/اوف/فتحه اخيرا وابتسم وهو يقرأ رسالتها(حياك بكرة عالقهوة المغرب)قرأها مرة واثنين وثلاث بعدم تصديق ضم الجوال لصدره بانفاسه السريعة واخيرا بعد الصبر الفرج واخيرا لاحت بروق الرضا بسماهم المبلدة بالغيوم من فترة واخيرا لاحت اخيرا بيرجع لحياته الطبيعية اخيرا جلس عالكرسي وهو يناظر الوقت ضاق صدره وهو يحس بطوله وبطئ الوقت/يالله يارب عجل علي ببكرة يارب . ((شقة حاتم)) حاتم فتح باب غرفة النوم بيأس وهو متوقع كالعادة مقفولة بوجهه ارتفعت حواجبه باستغراب والباب ينفتح معه عادي دخلها وحس وكأن بروحه رجع له شي مفقود من مدة دخل بخطوات هادية اجتاحه حنين وشوق وهو يناظر تسريحته اللي اعتاد كل صباح يصبح عليها اغراضه المرتبة اللي تتخللها بعثرة اغراضها عطره المرتمي بجانبه روجها كبكاته اللي بعثرتها وسط حلقانها وكم تجادل معها حتى تفصلها عن بعضها ساعاته الثنتين اللي مايملك غيرها حتى ذي زاحمتها بساعاتها تنهد بحزن وهو يلاحظها ماغيرت اي شي بالغرفة رغم انها منعته يدخل لعندها واستحلتها لها لوحدها طول هالفترة تنهد وهو يلتفت ويناظرها اتجه لها وهو ينحني ويتكي عالسرير يناظرها عجايب متكورة على نفسها بوسط السرير بدون غطا بوسط نومة عميقة من التعب حاتم تقدم وجلس جنبها بوسط السرير وهو يناظرها امتلى بريحتها اللي غطت المكان وداعبت انفه مال باقتراب منها وقفه اهتزاز جواله بجيبه دخل يده بجيبه وهو يقفله قرب منها وهو يهمس لها/عجايب عجايب ماردت عليه حاتم مسح على راسها/حبيبتي قومي كلي عجايب عجايب ماردت حاتم اهتز جواله من جديد تنرفز وهو يدخل يده بجيبه ويخرجه كشر بوجهه وهو يشوف اسمها انحنى وهو يطبع بوسة على جبينها مشى/نعم وش تبين؟/قفل الباب وراه/ عجايب فتحت عيونها بهدوء تنهدت بتعب وهي تطرد الافكار من راسها تبي ترتاح الليلة وبس لاحقة تتخاصم معه بوقت ثاني . ((بيت ابو فواز)) ،،غرفة ذهب وسجايا،، ذهب فتحت دولابها قطبت جبينها وهي تناظر ترتيب ملابسها مختلف اتسعت عيونها وهي تمد يدها لاخر رف ترفع ملابسها تدور العلبة سحبت ملابس الرف العلوي وهي ترميها عالارض ماحصلتها قفلت الدولاب كل قوتها وهي تخرج من غرفتها بخطوات سريعة متجهة لبيت جدتها خرجت من بيتهم وهي تناظره بنهاية الحوش قبالها هدت بخطواتها السريعة فواز راجع من برا بيأس من هالمعرض اللي كل ماضبط من جهة خرب من جهة ثانية يجر خطواته وقف وابتسم وهو يناظرها ثم كمل خطواته بسرعة/هلا هلا بذهب اخت فواز ياهلا/ضمها يسلم عليها/ ذهب فكته عنها بنزفزة/خلاص فواز يكفي فواز ارتفع حاجبه الايمن/نعم!! ذهب/لاتظن رفضت الرجال لانه من طرف سلطان لاااا انت غلطان وبالحيل فواز ميل فمه بابتسامة سخرية ذهب/من طرف سلطان ارحم وافضل بمليون مرة عن انه يكون من طرفك فواز اختفت ابتسامته ذهب بقهر منه/عالاقل سلطان ماشفت منه شي عكسك يافواز عكسك فواز بحدة/ليه ان شاء الله وش سويت لك هاه وش سويت؟! ذهب/وتسأل وش سويت مصيبة اذا اللي سويته مو شي بعينك!! فواز/اذا عالدراسة اللي ذابحتك من بكرة روحي وقدمي اوراقك بأي تخصص تبينه ذهب/وهالتخصص محتاج موافقة منك اكيد صح؟ فواز/أجل تمشين على حل شعرك بدون والي ، ، ،،الـبـر،، فواز جالس عالفرشة بجنب سيارته يتقهوى بحضنه جابر وهو يناظرهم بابتسامة //ذهب وسجايا يتمشون على بعد مسافة منهم وهم مقضينها سوالف// جواهر جالسة قباله وبحضنها جوالات ذهب وسجايا وبيديها نورة اللي رافعتها تهزها بمحاولة منها حتى تنام نزلت الجوالات عالارض وهي توقف/حبيبي انا بمشي فيها شوي انتبه لجوال ذهب ممكن يرسلون رابط المحاضرة حقتها لايفوتها اذا شفت رابط ناد عليها لاتنسى فواز/على خير ابشري جواهر مشت مبتعدة فواز وهو ينزل جابر من حضنه ويرمي الكورة بعيد/يالله يابابا يالله روح العب/قطب جبينه وهو يشوف الاشعارات اللي ماتهدأ ابد طنشها وهو يتعذر بالجامعة ومحاضراتها جذب انتباهه قروب فتح الجوال اللي معروف رمز ذهب للكل تاريخ ميلادها اتسعت عيونه وهو يشوف تخصصها كذبت عليهم بجرأة تدرس أحياء وهي تخصصها صيدلة استغفلتهم كلهم وسوت اللي براسها والادهى بعينه ذاك القروب الكبير المليان بارقام غريبة واكيد متاكد مليون بالمية معهم شباب وقف وهو يصرخ/ذهـــب!!/جرى لها/ ذهب التفتت وهي تناظره سجايا مسكت يدها وهي تدفها بخوف منه/اهربي اهربي ذهب رغم خوفها/ماسويت شي عشان اهرب فواز وقف عندها ذهب تراجعت بخطواتها لورا فواز ضربها كف وهو يمسكها من شعرها يشدها سجايا غرقت عيونها بدموعها وهي تناظره ذهب تفك يده وسط دموعها/وش فيه وش سويت؟!! فواز وهو يحركها ويشد شعرها ويمد الجوال بوجهها/هذا وشو هذا وش!! ذهب بوسط دموعها/قروبات الجامعة وش يعني فواز صرخ/وش تخصصك!! ذهب فهمت انه عرف دفته عنها وهي تحس بشعرها يتقطع بيده صرخت/صيدلة ويعني وش صار قامت القيامة مثلا!! فواز/ايييييههههه قامت قيامتي انا اللي بتنهيك هالليلة بهالمكان ومحد درا عنك ياقليلة الخاتمة/انهال عليها بالضرب/تلعبين علي انا انا ياذهب سجايا بمحاولات منها تمنعه وكانت نتيجتها اخذت نصيبها من الضرب معها فواز بعد ماتعب من كثر ضربها دفها عالارض ورفسها/من بكرة تسحبين ملفك وليش تسحبينه خليه يخيس عندهم مو لازم تدرسين اصلا نهايتك البيت وشو لها العنا/ناظر الجوال المرتمي عالارض مستمر باهتزازه دعس عليه بحقد من كل قلبه وتكسرت شوي من شاشته انحنى يمسكه وهو يرميه عالارض بين مجموعة احجار قباله انحنى له يناظره يتاكد انه طفى وانتهى رماه مرة ثانية لنفس المكان بين الحجر/وهاه هاللي يربطك فيهم قطعناه انتهينا ذهب ترجف بالم من كثر ضربه وبدموعها ناظرته/حرام عليك يافواز حرام فواز بعصبية/حرمت عليك دنياك احمدي ربك مارتكبت فيك جريمة/انحنى وهو يمسكها من شعرها يقومها ويدفها/انقلعي للسيارة خلصت الطلعة ماتستاهلونها ماانتم بوجيه طلعات/بصق عليها/انقلعي ، ، ذهب تكتفت بسخرية/وش التخصص اللي يحوز على اعجابك استاذ فواز؟ فواز/شوفي لك اي علة اهم شي بعيد عن اللي خبري خبرك ذهب بقهر/ليه وش هالمنكر الكبير اللي سويته بدراستي ترا كلها صيدلة لو انا دكتورة وش بيصير فيك!! فواز صرخ/يصير فيني جنون الانس والجن مالك شغل وش يصير تنفذين وانتي ساكتة ذهب فكت تكتيفتها/ارتاح ماني بدارسة شلت الفكرة من راسي خلاص ارتاح لايطق فيك عرق فواز/وليه تفتحين مواضيع تغث وانتي ناويتها سلام من البداية ليه ذهب/انا ناويتها سلام على كل شي مو دراسة بس يافواز حتى زواج ماابي فواز احتدت ملامحه ذهب/انا كرهت كل الرجال والسبة انت فواز يناظرها وهو يغلي ذهب/وش ذنب عيالي ارتبط بواحد يطلع ابوهم مثلك يهدم احلامهم ويلعب بنفسيتهم لاااا ماعندي استعداد ابد ارتبط بواحد مثلك متخلف فواز ضربها كف بغبنة ذهب ناظرته بدموعها/اوجعك الكلام!!هذا ولا شي قدام قلبي اللي كسرته يوم جردتني باعز ماعلى قلبي واغلاه حلمي فواز بحدة/تكبرين الامور وهي بسيطة عطيناك النعمة ترفسينها تستاهلين ذا مااخترتيه ذهب ضحكت بقهر/أكبرها!!نعمة!!وش هالنعمة اللي تقول عليها وانت منعت عني كل شي هاه!!انت حتى الشي الوحيد اللي كل ما صليت استخارة ارتاح قلبي له بكل مرة طردته اخاف يطلع مثلك ويهدم حياتي اكثر من ماهي متعطلة!! فواز احتدت نظرته/تبينه كل ذا الزعل تبينه!!علي الحرام ماتاخذينه يابنت جابر ذهب/امرك بيصير هذا انا اقولك وش ذنبي ابتلي نفسي بواحد مثلك!! فواز شد على قبضته ثم ابتسم حتى يقهرها مثل ماقهرته/يكون بعلمك بتتزوجين اللي اختاره لك وغصب عليك مثل ماكسرت قلبك بحلمك جهزيه يتحمل كسرته بالزواج غصبا عليك/مشى وتركها/ ذهب وهي انعصر قلبها من كلامه تدري فيه يسويها ولا فيه احد يوقف بوجهه انحنت شبه جالسة وهي تبكي بوسط الحوش سجايا خرجت من بيت الجدة سدول واسرعت بخطواتها لها وبخوف/ذهب وش فيك؟ ذهب مارفعت راسها سجايا دخلت يدها بجيب بنطلون بجامتها وهي تخرج العلبة وتمدها لها/خذي انا اخذتها امزح معك والله ماسويت فيها شي ماسويت ذهب رفعت راسها تناظرها بدموعها مدت يمينها وهي تاخذ العلبة وتدفنها بحضنها ومسكت بنطلون سجايا باطراف اصابع يسارها انفجرت تبكي بقلة حيلة سجايا خافت وهي تنحني شبه جالسة/وش فيك وش صار؟ ذهب تبكي/سـ.ـجـايـ.ـاااا سجايا ضمتها بقهر/اكيد العلة فواز ادري محد ينكد هالقد غيره الله ياخذه . {{الـمـزرعـة}} ،،مجلس العم يسر الخارجي،، سلطان جالس قباله بهدوء يتقهوى بجاد يناظر فنجاله بهدوء يماثل سلطان رغم العواصف اللي تجتاحه سلطان نزل فنجاله/اعتقد هالمرة ثالث مرة تجي يابجاد تتقهوى وتمشي بدون اي كلمة بجاد ابتسم وهو ينزل فنجاله/تطرد ضيوفك ياسلطان؟ سلطان/ضيوفي على عيني وراسي لكن بجاد/انا اخو؟ سلطان ضحك/ياكبرها يابجاد ياكبرها!! بجاد ضحك من كلمته وهو يستسخفها مثله سلطان بابتسامة/هذاك اول يابجاد اول/اختفت ابتسامته/العلم يابجاد العلم بجاد بجدية رجف معها صوته/طالبك الحِل ياسلطان . {{الـمـزرعـة}} ،،مجلس العم يسر الخارجي،، سلطان جالس قباله بهدوء يتقهوى بجاد يناظر فنجاله بهدوء يماثل سلطان رغم العواصف اللي تجتاحه سلطان نزل فنجاله/اعتقد هالمرة ثالث مرة تجي يابجاد تتقهوى وتمشي بدون اي كلمة بجاد ابتسم وهو ينزل فنجاله/تطرد ضيوفك ياسلطان؟ سلطان/ضيوفي على عيني وراسي لكن بجاد/انا اخو؟ سلطان ضحك/ياكبرها يابجاد ياكبرها!! بجاد ضحك من كلمته وهو يستسخفها مثله سلطان بابتسامة/هذاك اول يابجاد اول/اختفت ابتسامته/العلم يابجاد العلم بجاد بجدية رجف معها صوته/طالبك الحِل ياسلطان سلطان ارتفع حاجبه/الحِل من ايش بالضبط؟ بجاد قطب جبينه سلطان بابتسامة/سالفتك مع ياقوت بجاد انخطف وجهه ، ، ياقوت(16سنة)بمريولها الاصفر اللي يظهر من تحت عبايتها تجري وهي تحس برجفة باطرافها من كثر حماسها وانتظارها لهاليوم هاليوم هو اليوم الوحيد اللي تحس بلذته وتعيشه بكل تفاصيله من كثر الحب اللي يحتويها راجعة من المدرسة وقفت قبال باب بيتهم وهي تتلفت فتحت عبايتها اكثر وانحنت ترفع الطوبة الحمراء اللي جنب كيبل كهربا البيت وسحبتها بسرعة وهي تدخلها بجيبها وتقفل عبايتها بسرعة دخلت للبيت وهي تنزل طرحتها وانصدمت وهي تناظرها قبالها جوهرة(9سنوات)متكتفة/وش اللي تفرحين فيه كل ربوع(اربعاء)وانتي جاية من المدرسة؟ ياقوت كشرت بوجهها وهي تكمل طريقها وقفت عندها/مالك شغل جوهرة/والله لاقول لماهر ياقوت تغير وجهها للحظة/قولي له واذا طلعتي كذابة تعرفين وش بيسوي فيك/مدت لسانها وهي تدخل للبيت/ جوهرة بقهر وهي تجري لداخل البيت/يمممممهههه ياقوت رجعت ولا اعطتني من اللي معها ياقوت بابتسامة بتشقق من عرضها خدودها دخلت لغرفتها هي وجوهرة وقفلت الباب بالمفتاح ومسكت يد الباب حركته تتاكد من قفلها جلست وهي تتكي عالباب بظهرها دخلت يدها بجيبها وهي تخرج الرسالة وتفتحها بوسط نبضات قلبها السريعة اخذت نفس وهي تقرأ(حبيبتي ياقوت اليوم مالحقت أكحل عيني بشوفتك ياقوت ياقوة سلطان واحتماله متى يجي اليوم اللي يجمعنا وتمطر سماك فرج لقلب سلطان وطول انتظاره تدرين بقدرك وسط قلب سلطان لاتخذلينه طالبك..سلطان)رجف قلبها من فرط شعور الحب غرقت عيونها دموع من رقة وعذوبة الكلام اللي انساب لاعمق نقطة بقلبها همست لنفسها/بأنتظرك أنتظرك ياروحي لو الانتظار بيكون لي عذاب انتظرك ياروح ياقوت/فزت بفجعة وهي تسمع صوته/ ماهر بحدة/ياقوت ياقوت افتحي ياقوت وهي توقف بسرعة وتخبي الرسالة مع باقي رسايله/دقيقة ألبس . <<صباح خطبة سلطان ومنايا>> ياقوت(20سنة)دخلت لغرفة أمها بانهيار دموع ملت وجهها وتبللت منه بلوزتها جلست عالسرير جنب امها وبصوت مخنوق/يمه قومي يمه ام ماهر معطيتها ظهرها ونايمة التفت وفزت بفجعة وهي تناظرها/وش فيك وش صاير فيك شي اخوانك فيهم شي؟ ياقوت بوجع قلبها وسط شهقاتها/يمه تكفين سلطان لايخطبها تكفين ام ماهر اتسعت عيونها/ياقوت!! ياقوت بانهيار/الله يخليك يمه لايتزوج منايا تكفين يمه ام ماهر رفعت يدها بتضربها وكفتها وهي تضبط اعصابها وبحدة/وش عليك فيه خليه يتزوج اللي يبيها!! ياقوت هزت راسها بلا/مايبيها يمه والله مايبيها ام ماهر شحب وجهها بفجعة من كلامها ياقوت/ابوه يبيه ياخذها تكفين يمه تكفين وقفيه ام ماهر مدت يدها الراجفة وسط قلبها اللي بيخرج من مكانه من افكارها الشينة وهي تمسكها من يدها بكل قوة وتسحبها لها/سوا لك شي؟/عضت شفتها تبلع غصتها وبصوت راجف/باقي انتي ياقوت اتسعت عيونها وهي تسحب يدها بفجعة من امها وهي فهمت عليها/يمه وش ظنك فيني!! ام ماهر ضربتها على كتفها بكل قوة وهي تهل دموعها/انطقي يابنت وش دراك انتي باللي يبيها هاه وش دراك؟! ياقوت/رسايله يمه رسايله ام ماهر ضربتها على يديها يمين ويسار وكررتها وسط دموعها/الله لايوفقك ياياقوت الله لايوفقك كان بتفضيحنا بتاليتها ياقوت وهي تدف يدين امها/تدعين علي ليش!!بدل ماتدورين سعادتي وتوقفين المهزلة اللي تصير ام ماهر ضربتها بكل قوتها على اعلى راسها/صاحية انتي البنت للولد من هم صغار وش اللي ماتفهمينه وشو؟ ياقوت وقفت وخرجت من الغرفة ورجعت وهي ترمي الرسايل اللي تطايرت عالسرير حول امها وبقهر/شوفي يمه شوفي واقري وش كاتب هو مثلي ماله حيلة يمه ماله حيلة ام ماهر سحبت ورقة من الاوراق وهي تقرأ اتسعت عيونها وهي تسحب ورقة ثانية ياقوت قربت من امها وهي تمسك كفها وبرجى/تكفين يمه والله اموت لو يتزوجها يمه تكفين لاياخذها/تركت يد امها وهي تلامس بيدها صدرها من كثر الوجع/اااه اااه /انهارت على سرير امها من وجعها/ ام ماهر صرخت بفجع/يمه بنتي/حركتها/ياقوت ياقوت صرخت/مااااهر خاااااالد ياااماهر . ،،العصر،، ((بيت ابو فواز)) //بيت ابو فواز المشرعة بيبانه لاستقبال الضيوف الليلة رغم انها مجرد خطبة لكن الجدة سدول شرطها على سلطان لوحيدة ولدها المتوفي يترك الجماعة يتكلمون عن الخطبة اكثر من الزواج// ماهر داخل للبيت ووراه اخوانه(خالد،سلمان،سراج)صرخ/سلطاااان فواز بيده دلال القهوة متجه لمجلس البيت قطب جبينه وهو يناظر عيال خالته اللي اشكالهم تدل على انهم ماجو مرحبين مباركين لااا وجيه تنطق شر تقدم لهم/هلا ومرحبا حياكم ياعيال الخالة اعز من لفى ماهر بحدة/عسانا نعزيك بهالليلة يافواز بجاد اللي داخل المجلس خرج وهو يسمع الاصوات ماهر/انقلع وجب اخوك لاندخل كلنا على خواتك سمعت فواز احتدت نظرته/تعقب وتخسى والله ماتخطي ناحية البيت ياقليل المروة ماهر مسكه من ياقة ثوبه وهو يشده/اسمع يالورع انت مابقي الا هي ترادد/تركه وهو يدفه فواز تراجع بخطواته لورا وهو يناظره بحدة ماهر/اذلف وجبه هاذي اخر مرة وعشان خالتي المرة الجاية بادخل ولاني منتظرك سلطان خارج من بيتهم وقف بابتسامة/حي عيال الخالة ياحيهم ماهر فار دمه وانطلق يجري له ووراه اخوانه فواز جرى لسلطان وهو يرتمي فوقه ويطيحه عالارض استقبل كل هالهجوم عن سلطان بجاد جرى لهم وهو يشوف هجوم هالاخوان على سلطان وفواز . ،،الـلـيـل،، ،،عند الحريم،، ام سلطان بحدة/وش فيك يانوار انتي وعيالك انهبلتوا؟!! ام ماهر/لااا ابد بعقولنا انتي اللي تاركة ولدك يلعب بذيله الله لايوفقه ولا يهنيه ام سلطان انصدمت منها/نوار!! الجدة سدول بحدة/الزمي حدك بس يانوار لولا نورة كان عيالك متعفنين بالحبس بعد سواتهم الليلة ام ماهر بقهر/ليه يتعفنون والعفن بهالبيت يجر خطاه لبيتي الطاهر!! ام سلطان اتسعت عيونها ثم احتدت ملامحها/بيتي طاهر من قبل تدخلينه يانوار العتب على اللي مايثمن نفسه ويعرف قدرها ام ماهر/وشو!! الجدة سدول/اسمعي انتي وكلامك ذا اللي ماله معنى اذا عينك غايبة وين قلبك ام ماهر احتدت نظرتها الجدة سدول/بنتك ماغابت عن عيني حركاتها وانا ماني بامها دريت ان وراها بلا ماهي بطيبة ام ماهر عضت شفتها بقهر الجدة سدول/اذا ماعرفتي تربين لاترمينها على عيال الناس!! ام ماهر فتحت شنطتها وهي ترمي الورق عليهم/نتايج تربيتكم هاذي هي ام سلطان قطبت جبينها بعدم فهم ام ماهر/تعدت حدود بيتي واستقرت بوسطه خانت الحرمة واستباحت الحرام وجايين تتكلمون عن تربيتي!!اعرفوا قدركم بالاول بعدين تكلموا عن عيال الناس!! . ،،المجلس بعد ماتكنسلت العزيمة بعد اللي صار،، فواز بجرح عريض ممتد من اسفل شفته السفلية الى تحت فكه تلمه غرز الخياطة غير الكدمات والجروح اللي تغطي وجهه وجسمه سلطان بكدمة اختفت معها معالم عينه اليمنى غير وجهه وجسمه اللي مغطى بالكدمات ابو سلطان/يرضيك ياابو ماهر يرضيك ياأحمد اللي صار؟ ماهر وقف/انت احمد ربك ماحطيناك فوق عيالك ابو راضي بحدة/انت اسكت مالك شغل ياتجلس منطم ياتطلع برا ابو ماهر بحدة وهو يناظره حتى يسكت ماهر جلس وهو تهتز رجله من كثر الغيظ ابو ماهر ناظر ابو سلطان/ايه يرضيني ياجابر/ناظر سلطان وبحدة ارتسمت على وجهه بوضوح/اللي يتعدى على محارم غيره حقه القصاص ابو سلطان انخطف وجهه والتفت لسلطان سلطان رغم حالة وجهه ماغاب عن الكل صدمته باللي يسمعه ابو سلطان ناظر ابو ماهر وبحدة/اتهامك ذا مايمر مرور الكرام يااحمد مايمر ابو راضي/استهدوا بالله استهدوا بالله ياجماعة/ناظر ابو ماهر/اللي تقوله يااحمد مايجوز ابو ماهر ميل فمه بسخرية/مايجوز!!الا بالله يجوز ويحل عليه بعد ابو سلطان وقف/تخسى وتعقب حلال عليك انت وهالجحوش اللي وراك ابو ماهر وقف هو وعياله ابو راضي وقف بينهم وهو يرفع صوته/الدليل ابو ماهر احتدت ملامحه وهو يشد على قبضته ابو راضي/دليلك وينه ياابو ماهر وينه؟ سراج دخل يده بجيبه وهو يخرج الرسايل ويرميها تناثرت عالارض ابو ماهر بحدة/انتم وش دليلكم قبل نذبحه؟ ابو سلطان انحنى وهو ياخذ ورقة ويقرأ المكتوب سلطان انحنى وهو ياخذ ورقة ويقرأ انصدم من المكتوب غزل صريح ووعود وعهود بلم شمل المحبين ابو سلطان رجف قلبه وسط رجفت يده وعينه مثبتة عالورقة ماقدر يلتفت يناظر سلطان ولا يناظر المتواجدين من اللي قرأه انحصر تفكيره وشلون يسلم ولده من المجانين المتواجدين بالمكان بيذبحونه ولايقدر يسوي شي ابو ماهر بغيظ/وش فيك انخرست!!وين راح لسانك ولى يوم جا الصدق ضيعت عقلك سلطان اخذ نفس وهو يزم الورقة بيده وبحدة/انا ادري لو اقولك ماهو بأنا ماانت بتصدقني لكن الدليل على انه ماهو بأنا الخط بجاد اللي ماتوقع توصل الامور لهالدرجة انخطف وجهه ونشف الدم بعروقه قفل يديه وشد على قبضته وهو يخفي توتره ابو ماهر احتدت نظرته سلطان باسقاط لكل اللقاء الاحترام لهالرجل بعد هالاتهامات/انت براسك ياابو ماهر تدري بخطي محد يخط لك اسامي العمال ويكتب الحسابات غيري الخط ماهو بخطي ابو سلطان تنهد براحة ابو ماهر انحنى للورقة بسرعة واخذها يتاكد ماهر وقف وبحدة/ايه ايه الحين يوم مالقيت شي قلت الخط ذا اللي قدرت عليه!! سلمان وقف/اذا انت صادق اكيد هالخط تعرفه تكلم لمين هالخط؟ بجاد يتعرق بغزارة وسط رجفة قبضتيه اللي فتحها وهو يحركها يمسح فيها على اعلى ساقه يهدي توتره وهو يتظاهر بكونه طبيعي سلطان اللي عارف صاحب الخط زين قاوم التفاتته له وناظر سلمان/وانا وش يدريني من هو صاحب هالخط!!وبعدين ياكثر السلطان بالقرابة وشلون حكمت ان هالسلطان أنا!! ماهر تقدم له وهو ناوي يعيد احداث العصر من جديد مابيبرد قلبه الا موت سلطان الليلة/وشو!! ابو ماهر مسكه من يده ماهر التفت لابوه وسط غليانه ابو ماهر شد عالورقة بيده بغيظ ومن بين اسنانه/ماهو بخطه ابو سلطان زفر براحة سلطان زفر براحة ببراءته من هالاتهام فواز ابتسم بفرح وتوجع من جرحه ماهر بقهر صرخ/يبه ابو ماهر ناظره بحدة/ماهو بخطه اعرف خط سلطان زين ياماهر/رمى الورقة/وذا ماهو بخطه/ناظر سلطان/من هو ياسلطان تكلم من هو؟ سلطان/وانا وش يعرفني بالرديين/مرر نظره على عيال ابو ماهر/يمكن واحد منكم وشرواكم ويرميها علي!! ماهر يسحب يده من ابوه ناوي يضربه ابو ماهر شد على يد ماهر بكل قوته يوقفه وهو يناظر سلطان بغيظ سراج زفر بسخرية/ترا اختك مع الردي لاتنسى!! ابو سلطان اتسعت عيونه فواز احتدت نظرته سلطان ابتسم بتحدي/واخت سلطان بيدها سوط تأدب الردي وتكسر راسه ماعليها خوف سراج انقلب وجهه لملامح محتدة ابو راضي/تعودوا من الشيطان لاتتركون ولد الحرام يدخل بينكم ياجماعة استهدوا بالله ماهر/ورب العزة لو ادري ان اللي سوا هالسواة تعرفه ياسلطان لااذبحه ثم اذبحك واعلق روسكم على باب البيت عبرة وانا ولد ابوي سلطان احتدت نظرته/حاول بيديك ورجولك انا مالي شغل برداكم بجاد شد على قبضتيه ماقدر يتحمل اكثر وقف وخرج تارك هالمكان اللي كله قنابل موقوتة بالنسبة له ، ، بجاد انخطف وجهه وانحنى ياخذ الفنجال وهو يشد عليه يخفي توتره ويتحاشى نظراته سلطان من بين اسنانه بقهر/ولا سالفة سجني اللي صرت متأكد لك يد فيها؟ بجاد جف حلقه خرج لسانه يمرره على شفايفه لعل وعسى يخفف هالجفاف اللي اجتاحه سلطان/لاتظن اني مغيب وماني منتبه للي حولي!!لااااا انا كنت أمشي وأعدي كنت شاري مادريت نهاية هالشروة جحيم انرميت فيه بدون رحمة وبدون ذنب/ابتسم ثم نزل فنجاله/والحين يابجاد قول وش اللي تطلب الحل منه بالضبط؟ بجاد ناظره وهو ينزل فنجاله/سالفة ياقوت الطيور طارت بارزاقها سلطان/حلو يعني الحِل عشان سالفة سجني بجاد يناظره بصمت سلطان وقف وبحدة/بالحالتين ماانت بمحلل يابجاد فنجالك خلص من اليوم ودلتي بردت وانا رجال مااحب زيارات توالي الليل بجاد ميل فمه بابتسامة وهو يفهم الطردة وقف وهو يتنهد/هاذي اخرها ماني بمحلل؟ سلطان ضحك/باقي تسأل للحين!! بجاد زفر بضيق/أجيك مرة ثانية سلطان/لخاطر العشرة بذيك السنين وتحفظ ماء وجهك عن الجية يابجاد بجاد ابتسم/هو وقف الحِل على ذي الجية؟ سلطان قطب جبينه/قل اللي عندك كله ماوراي غيرك انت وجياتك!! بجاد ابتسم/اشوفك على خير ان شاء الله اشوفك/مشى/ سلطان تأكد من شكوكه وبحدة/قل وش وراك يابجاد بجاد مشى وهو ياشر له بـ(مع السلامة)بدون أي كلمة سلطان شد قبضته بقهر/ماانت بمحلل يابجاد وبيتي يتعذرك سمعت يتعذرك بجاد زفر بضحكة وهو مكمل طريقه/نشوف وقتها ياسلطان نشوف . سحايب تطلع الدرج بخطوات سريعة متجهة لشقة فواز بملامح محتدة وقفت قبال الباب وهي تعلق عالجرس تركت الجرس وهي تدق الباب ورا بعض بطريقة مزعجة جابر فتح الباب/عمة سحايب وهي تتكتف/وين ابوك؟ جواهر وقفت قبالها باستغراب من الازعاج/ياهلا ومرحبا سحايب حياك/فتحت الباب اكثر/ سحايب/اعذريني جواهر بغيت فواز لاهنتي جواهر/حياك سحايب/ناديه لي ماني بداخلة جواهر/ابشري/دخلت وهي تتعوذ من الشيطان وقفت قباله وهي تمنعه يناظر التلفزيون على مسلسله/ فواز جالس قبال التلفزيون قباله صينية فيها ابريق الشاهي وكاسته وصحون مكسرات منوعة ارتفع حاجبه من حركتها زفر/خير من اللي عند الباب؟/اخذ مكسرات من الصحن اللي قدامه وهو ياكل/ جواهر/سحايب تبيك فواز بعدم اهتمام/اللي يبيني يجيني جواهر ناظرته بصمت فواز/خير وش لك واقفة للحين جواهر تنهدت وهي ترجع لسحايب/سحايب فكيني من المشاكل بينكم سحايب فكت تكتيفتها/وش قال بعد؟ جواهر/يقول اللي يبيني يجيني سحايب/جواهر خذي عيالك واقفلي الباب عليكم/دخلت بخطوات سريعة/ جواهر مسكت جابر من يده وهي تسرع بخطواتها وتاخذ نورة وجوهرة نايمة داخل الغرفة دخلت وهي تقفل الباب عليهم اخذت جوالها من على تسريحتها تتصل/ سحايب وقفت قباله وهي تقطع اللي يشوفه فواز ميل راسه بدون اهتمام لحركتها يناظر التلفزيون/خير وش تبين سحايب انحنت وهي تقلب الصينية عليه فواز فز واقف وهي ينفض بنطلونه من الشاهي وصرخ بألم من حرارته/وجـــع أحرقتيني!! سحايب مشت وتركته فواز لحقها وبصراخ/ههههههيييييييي انتي!! سحايب وقفت برا باب الشقة وهي تلتفت له وتتكتف فواز بصراخه/مجنونة انتي مجنونة!! سحايب/كان جيت من البداية لعندي يوم طلبتك ليش تطولها وهي قصيرة!! فواز يناظرها بصدمة سحايب/تدري عاد الحمدلله انك ماجيت/نزلت نظرها لمكان الشاهي اللي أحرقه/كويس طلعت تحس!! فواز يناظرها بحدة/لاااا مريضة انتي وربي مريضة سحايب ضحكت بخفة/لاتخاف مانوصل مواصيل امراضك فواز رفع يده وهو يدفها بخفة من راسها سحايب ثابتة بجسمها وراسها يتحرك معه تناظره بابتسامة فواز بغيظه/احمدي ربك للحين ماصار لك شي بعد حركتك حقك تكسير سحايب بتحدي/جرب والله لاكسرك فواز رمش مو مستوعب كلامها سحايب ابتسمت/وحدة بوحدة ولاتنسى تعلمت منك فواز رفع يده بيضربها قفلها وهو يشد على قبضته وهو يناظر عيونها اللي تنطق بتحدي وتنتظر فرصة ومن بين اسنانه/وش جايبك وش تبين سحايب/تنزل تعتذر لذهب وتطيب خاطرها فواز اتسعت عيونه/وشو؟!! سحايب/يعني مو حلوة بحقك تنام وانت زعلان فواز/اخر عمري اتعذر من بزران ولا هم الغلطانين!!/ناظزها/انتي براسك اعتذري على سواتك ذي احسن لك سحايب ببرود/هدوء حبيبي هدوء لايطق فيك عرق انا ابي اطقه على راحة فواز وهو يرفع يده هالمرة بدون تردد حتى يضربها سحايب ابتسمت وهي تمد يدها بسرعة وتمسك يده وتسحبه فواز انصدم منها وتحرك معها من سحبتها سحايب وهي وصلت الدرج اللي مو بعيد عن الباب ابد كلها كم خطوة وهي ترمي نفسها لورا وتسحبه معها فواز بردت عظامه من المجنونة اللي قدامه وهو ينزل خطوتين الدرج بتعثر وانحنى بجسمه من العثرة سحايب تركت يده وهي ترمي نفسها لورا بقصد فواز مسك الدرابزين بيمينه بفجعة يثبت نفسه ومسك يدها بيساره ناظرها بفجعته سحايب وهي مايلة بجسمها لورا تناظره بابتسامة ويده بيدها ورجولها على حافة الدرجة/اوووه طلعت تخاف علينا!! فواز رمش للحظة من برودها ثم احتدت ملامحه ابو فواز واقف يناظرهم صرخ/فواز!!/اسرع بخطواته وهو يمسك سحايب من اكتافها لاتطيح فواز اعتدل بوقفته وتركها وقت مامسكها ابوه ابو فواز ساعد سحايب تعتدل بوقفتها سحايب اعتدلت بوقفتها وناظرت ابوها وحنت عليه وهي تلمح الخوف بعيونه ابو فواز ناظر فواز بنظرات من حدتها أحرقته فواز قشعر جسمه من نظرات ابوه/يبه ابو فواز ضربه كف بكل قوته فواز ماانصدم من الكف خصوصا بعد اللي شافه ابوه ابو فواز بعصبيته/سكت عنك كثير كل شي عديته لك حتى بعد ماحذرتك عن خواتك تركتك لكن توصل فيك المواصيل تذبح اختك حدك يافواز حدك فواز اتسعت عيونه من قوة الاتهام بعينه/أذبحها!! ابو فواز/تعقب اذبحك انت ولا تجيهن سمعت فواز/هي المهبولة جا ابو فواز ضربه كف على وجهه مرة ثانية/اسكت فواز عض شفته بقهر ابو فواز ضربه مرة ثالثة/وهذا حق ذهب يافواز فواز بلع غصته وهو يناظر ابوه بقهر ابو فواز/يالله خذ عفشك وعيالك واطلع برا بيتي يتعذرك سمعت فواز ضحك بسخرية/ابشر ابشر ابو فواز/اذلف الله لايردك كان تذبح خواتك على عيني واسكت لك!! فواز احتدت نظرته صرخ/جواهر اطلعي واتركي كل شي مكانه اطلعي/دخل للبيت وهو ياخذ مفتاحه ومحفظته وجوالاته وقف عالباب وهو ينزل مفتاح بيته ومفتاح الباب الرئيسي للبيت ويرميها عالارض بكل قوته صرخ/جوهرة جواهر بعبايتها وشنطتها وشنطة للصغار على كتفها وكتفها الثاني عليه جوهرة نايمة ووراها نورة وجابر فواز سحب الشنطة من كتفها جواهر وهي تحس كتفها انخلع من سحبته فواز رمى الشنطة لداخل/ذي هديته ابو فواز احتدت نظرته فواز بحدة/اتركيها مانبي منهم شي/انحنى وهو ياخذ منها جوهرة/يالله انتي وعيالك امشي اللي عافانا لحظة نعوفه دهر/مشى بخطوات سريعة/ ابو فواز تغير وجهه بحزن من كلامه اخذ نفس وهو تحتد ملامحه وهو يذكر افعاله سحايب تقطع قلبها على عيال اخوها وهي تناظرهم مفجوعين اخذت نفس وهي تهمس لنفسها/يستاهل يستاهل وقليل بعد ابو فواز بحدة وهو يسمع همسها اللي مو واضح توقع انها حزينة لاخوها مثل عادتها/خليه قلعته يستاهل ماجاه اتركيه عنك . {{الـمـزرعـة}} سعد غاطس بالبركة بكامل ملابسه مو باين الا اطراف شعره باعلى راسه بوسط هالظلام اللي يلف المكان نايف وقف وهو يضيق عيونه ويشغل فلاش جواله يدور عليه من فترة بالمزرعة زفر وهو يناظره انحنى واخذ حجر وهو يرميه فيه من قهره سعد فز بألم من الحجر اللي ضربته مسك راسه بيده وهو يناظره بانفاس سريعة نايف ثاني يديه حول وسطه وهو يناظره بحدة سعد ناظره بنرفزة/راسي نايف بالاشارة/اوه ماشفتك سعد يناظره بغيظ منه وهو ينزل يغطس نايف انحنى وهو ياخذ حجرة ثانية ويرميه من جديد سعد حس فيها وهي تمر جنبه رجع وقف وبصراخ/وش فيه!!!! نايف رفع يده باعتذار سعد يناظره بملامح محتدة وهو ينزل نفسه بهدوء حتى يغطس نايف انحنى حتى ياخذ حجرة من جديد والتقت عينه بعين سعد سعد يسبح متجه له وبعصبية/خير وش فيك علي!!/خرج من البركة وبحدة وعيون جاحظة/اش فيه!!/وقف قباله وهو يصرخ بوجهه/اييييششش فيييييهه!! نايف دخل يده بجيبه وهو يخرج تصبيرة ويمدها له/كُل سعد ضرب يد نايف نايف طاحت من يده عالارض ناظرها ثم رفع عينه يناظره بهدوء سعد بعصبية/كل ذا عشان اكل نايف زفر وهو يشوف تعصيبته تنهد/مو بعـ سعد قاطعه/تقدر تناديني بدون ذا الوجع مايكفي الوجع اللي ممتلي به صدري باقي اوجاع فوق اوجاعي/مسك اعلى ثوبه من عند صدره وهو يرفعه شوي ويتركه بضيق/الرحمة الرحمة يامسلم!! نايف ناظره بصمت سعد بصراخ/يعني الواحد ماينتفس نايف/هذا اللي انت تسويه!! سعد ناظره بغيظ/يعني مايبرد على قلبه شوي ابي ابرد من هالحرارة اللي نخلتني نخل وفتت عظامي مايصير يعني مايصير!! نايف تنهد وبالاشارة/تبرد يا سعد قاطعه وهو يضرب يده/لاتكلمني لاااااتك نايف دفه من كتفه بقوة بغيظ سعد طاح بالبركة ووقف وهو يشهق نايف بالاشارة/تبرد سعد عض شفته بغيظ نايف/تبرد زين ياسعد ابرد سعد مد يديه وهو يمسك رجول نايف ويسحبه للبركة نايف ارتمى عالارض ماتوقعها منه كتم نفسه وهو يحس بنفسه دخل للبركة وفز واقف وهو يشهق مسح وجهه بسرعة ثم ناظره بغيظ سعد يناظره بحقد/اعجبك البراد؟ نايف هجم على سعد //وقامت هوشة بينهم وسط البركة// العم يسر يمشي يدور سعد بقلق وقف وهو يسمع صوت بالبركة اتجه لهم واتسعت عيونه وهو يناظرهم صرخ/اعقبوا من عيال اعقبوا!! . _______________________ . ((يوم جديد)) . ((شقة حاتم)) حاتم داخل لغرفة النوم ابتسم وهو يناظر بعثرة السرير المعتادة منها ملابسها اللي بتلبسها واللي بدلتها تختلط ببعض بدون اي اهتمام زفر براحة التفت يناظر باب دورة المياه وهو يسمع قفل الباب عجايب خرجت بروب الحمام وقفت تناظره للحظات تستوعب وجوده نست اللي صار البارح واستذكرته الحين زفرت وهي تصد عنه تناظر ملابسها/لايكون انزعجت من وضع الغرفة!!عادتي مهملة من قبل اتزوج يالله ان شاء الله تعوضك حبيبة القلب الجديدة عن هالوضع/وقفت قبال تسريحتها تحط كريماتها وهي تتفادى تناظره/ حاتم تلاشت ابتسامته وزفر بضيق وهو كل مانسى وضعه الجديد تستغل الفرصة حتى تذكره بوجودها بينهم للحين مجرد كتاب وهذا وضعهم كيف اذا تم الزواج الخطوة الوحيدة اللي اتخذها بتهور وندم عليها ومستمر فيها لغاية هاللحظة يكابر على حساب حياته وبيته تنهد/صباح الخير عجايب قطبت جبينها والتفتت تناظره رمشت باستغراب من التنهيدة اللي وصلتها ومن صباحه بعد حاتم/تجهزي حتى نطلع نفطر وبعدها اروح الدوام عجايب/غريبة ماقد افطرت معنا والحين ناوي تفطر!! حاتم/نفطر انا وانتي العيال وصلتهم مدارسهم عجايب ناظرته للحظات تستوعب اللي يسويه كانت ميتة على هالامنية فطور يجمعهم بمطعم ودها تعيد لحظاتهم الحلوة من جديد وكان يرفض ماملا عينها باقي الوجبات بالمطاعم مع عيالهم امنيتها فطور يجمعهم لحالهم تحققت الامنية لكن ماكان الشعور نفس الشعور المنتظر والمتوقع ضحكت بخفة سخرية على وضعهم الغريب بعينها حاتم/وش اللي يضحك؟ عجايب ترطب يديها بالكريم/اعتذر مااقدر افطر برا حاتم/وليش ان شاء الله عجايب وهي مستمرة بترطيب جسمها/انا تعبانة وتعرف يعني يمكن تطلع حركة من هينا او هينا ماتحوز على رضاك وكل شي الا رضاك عندي/ابتسمت/اعزم الحب الجديد تنبسط معها احسن عالاقل هي تحسب لكل حركة قدامك حاتم اخذ نفس يكبح غيظه/عجايب عجايب بدون تناظره/هممم حاتم بعتاب/ليش كل مافتحت مدخل تصدين ليش؟ عجايب التفتت له بوسع عيونها/تسألني!!انت تسمع وش تقول؟ حاتم/وش فيك ماتعطيني مجال تصدين وتدورين المشاكل معي دورة!! عجايب/انا ادورها!!يالله ماعليه انا اللي ادورها بس عاد تعرفني الوقاحة تمشي في دمي ودك بانثى تعيشك رجولتك حاتم صرخ/عجايب عجايب احتدت نظرتها/مالها داعي ترفع صوتك وتسمع العمارة كلها كل اللي بيني وبينك مترين اسمعك من فضل ربي حاتم من بين اسنانه/ويومك تسمعين ليه ماتفكرين قبل تتكلمين عجايب/وين الغلط اللي شفته مني بالضبط؟ حاتم ناظرها وهو يشد على قبضته بقهر عجايب/جدد ايامك مع الزوجة الجديدة قلتها لك يوم باركت لك واعيدها انا مااجلس على ذمة رجال يجمعني مع وحدة غيري حاتم/شرع ربك ياعجايب عجايب رفعت يديها/اللهم لا اعتراض لكن شرع ربي طبقه على نفسك ماتجبرني على قرارتك!! حاتم بهدوء/وش بتسوين يعني؟ عجايب/انتظرك تحدد يوم زواجك عشان تصير الذكرى لك ذكرتني مو وحدة حاتم قطب جبينه عجايب مشت باتجاه ووقفت جنبه/اخلعك بنفس اليوم حاتم اتسعت عيونه بصدمة عجايب خرجت من الغرفة وهي متجهة للمطبخ حاتم مشى وراها وهو يمسكها من يدها ويلفها له بقوة/ماهو بكيفك!! عجايب سحبت يدها بقوة/اجل على كيفك انت!!حبيبي مثل مو من حقك تاخذ الثانية من حقي اشوف حياتي بعد الخلع/مدت يدها تستند عالجدار وتكمل طريقها وهي تحس برجلك وتعرف نهايتها زين ماتبي يتكرر اللي صار امس قدامه من جديد خطت خطوات هادية تتزن فيها/ حاتم اخذ نفس وهو يصد عنها يهدي نفسه التفت لها وهو يرجع يده من ورا ظهرها يسندها عليه عجايب التفتت تطالعه بحدة وحركت اكتافها تبعده عنها حاتم شد عليها وبهدوء/اتركي العناد نوصل للمطبخ اسوي لك شي سريع ولا اوديك المستشفى غصبا عنك اشوف وش سالفتك عجايب ناظرته بابتسامة/تتعلم عشان تطيحها بالحب بسرعة حاتم كشر بوجهه/ايه اتعلم عليك عشانها عجايب حاولت تدفه عنها/ابعد عني ابعد/اخذت نفس وهي تحس بنبضاتها تسارعت وانفاسها تتلاحق كانها تجري من فترة/ حاتم شد عليها وهو يمشي معها للمطبخ اللي مابينه وبينهم شي/اقبلي اهتمامي ولاتردينه ياعجايب عجايب مشت معه بهدوء حاتم/اذا مااهتميت بعجايب القلب اهتم بمين عجايب وقفت وهي تناظره بعتاب وبحزن وضح على عيونها/ماعاد بالقلب عجايب القلب بتنزل به حبيبة جديدة/سحبت يدها منه وهي تسند طولها وتفتح الثلاجة تشوف لها شي تاكله/ حاتم تأملها للحظة توجع لوجعها مهما انكر وتجاهل تظل عجايب الحب الاول والاخير هو بنفسه مو قادر يتأقلم مع رؤى حرام يظلمها ويظلم عجايب وعياله ونفسه بعد تنهد وهو يناظرها/عجايب عجايب ناظرته حاتم/تنتظريني؟ عجايب قطبت جبينها حاتم/تنتظريني وتنسين سالفة الخلع ذي؟ عجايب زفرت وهي تقفل الثلاجة وبيدها مجموعة اجبان ناظرته/السؤال هو هل تكون قد هالانتظار ياحاتم؟ . ((شقة عمر)) رغد بغرفتها واقفة ومتكية بظهرها عالتسريحة تهز برجلها بقوة من قهرها كل مااتصلت فيه من رقم قفل بوجهها تعبت معه توصلت لهالحل وهي تدعي من كل قلبها يتم تركي رد/نعم رغد بتوتر/اهلا تركي كيفك وش اخبارك تركي قطب جبينه وهو يناظر جوالها يتاكد من الرقم/مين معي؟ رغد/موج معك موج تركي كشر بوجهه/ماانتي بموج رغد احتدت ملامحها تركي/اتركي الكذب واخلصي علي مين انتي ووش تبين؟ رغد/صدقت ماني بموج ومايهمك من اكون انا ابي اكلم اخوك طلال والموضوع ضروري حياة او موت تركي ظل لحظة يفكر/كان اتصلتي عليه وش جاب رقمي لك؟ رغد/تكفى ضروري اكلمه اقولك حياة او موت تكفى مو وقت كيف جبت رقمك الله يخليك ابي اكلمه تركي تنهد وهو يخرج من بيتهم متجه لبيت الشعر بالحوش دخل وهو متأكد بيلاقي طلال وهالمجلس صار بمثابة بيته متواجد فيه على طول/طلال طلال ناظره باستغراب/خير تركي/فيه وحدة متصلة علي تقول حياة او موت/مد الجوال له/ طلال اخذ الجوال منه وحطه على اذنه رغد/طلال طلال احتدت ملامحه وقف/وربي هالمرة لااذبحك رغد بحدة/عواد طلال انشد كامل انتباهه رغد ناظرت جوالها وهي تشوفه ماقفل بينهم للحين ابتسمت برضا اخيرا سمع لها/عواد ياطلال عواد . ((بيت الجدة سدول)) سجايا داخلة وهي ترقص بخطواتها وبيديها الخبز/الحياة بقى لونها بمبي سدول ابتسمت وهي تناظرها منايا/ماله داعي الفطور انا اجهزة لجدتي سحايب/اسكتي بس ذا روتين مو سالفة مين يجهزه الجدة سدول/يالله صباح خير ذهب وراها بالحليب/احترمي النعمة!! سجايا وهي تجلس جنب سحايب وتضم يدها/كنسل عجايب صديق انتي قدوتي بالحياة سحاب دخلت وبصدمة/ماما صدق خالي فواز طلع خلاص!!صدق راح ماما صدق؟!! سجايا/صدقين صدقين انطلقي وانشريه انطلقي ذهب التفتت لسجايا بغيظ/على اساس تركتي لها مجال تنشر مين باقي مادرا اخت سجايا؟ سجايا/القناة الاولى لو علي خليتهم يذيعونه ذهب تنهدت الجدة سدول/عسى الله يكفيك شر هالشماتة يالسجية سجايا/ماهي بشماتة ياجدة الا فرحة غُمة وانزاحت غمة ذهب/اسكتي عاد انا ماعلي من فواز علي بامي لاتسمعك سحايب وهي تترك يدها/صح عليها امي مهما كان يبقى ولدها سجايا كشرت/طيب طيب خلاص ثابت من ورا باب البيت/سدول بنت ياسدول يابنت سجايا/اي وحدة؟ الجدة سدول قرصتها/اكيد انا يبي لها سوال وعد ضحكت ثابت/ام كرشة زوجها يبيها خل تجي سدول تغير وجهها وهي ماتوقعت جيته بهالوقت اتفاقهم المغرب الجدة سدول ناظرتها/قومي لزوجك يابنت وش تنتظرين؟! . {{المـزرعـة}} ،،المجلس الخارجي،، العم يسر جالس يفطر عن يمينه سمو ويساره مجد وقباله عواد سمو اللي تناظرهم قبالها ثم ترجع نظرها للعم يسر عواد اللي ماكان وضعه بعيد عن سمو يناظرهم ثم يناظر العم يسر/ياعم يفطرون العم يسر قاطعه بحدة/لاااا مايذوقونه سعد جالس قبال ابوه بينهم مسافة عشر امتار تقريبا بجبهة مجروحة وشفة مجروحة والشمس بوجهه بغيظ/يبه الى متى؟ نايف بوجه مجروح من اعلى جبهته وانفه الواضح عليه اثر كدمات جالس جنب سعد وهو مغطي عيونه بيديه مكون ظل حتى يناظر عياله يتاكد يفطرون زين نزل يديه وبالاشارة لمجد/كل يابابا كل العم يسر وهو يلف مجد ويجبره يعطي ابوه ظهره وبحدة/وش تقول له انت؟ سعد سبق سمو/يقوله ياكل يابييي تكفى جوعانين تكفى خلنا ناكل العم يسر/الكلاب المسعورة مالها اكل من عندي نايف اتسعت عيونه عواد كتم ضحكته سعد/افا يبه افا حنا كلاب العم يسر/ومنسعرين بعد سعد/ماعليه على قلوبنا مثل العسل لكن خلنا نذوق العسل يبه تراني ميت جوع تكفى يبه تكفى العم يسر يناظره بحدة/ماني بمعطيك لقمة لا انت ولا هو الى منكم تتسنعون وثم لك وجه تتكلم عقب سواتك انت وياه نايف تكلم بالاشارة/هو من بدأ سعد شهق وهو يمسك راسه ويوقف/ياويلك من الله مااكبرها!! نايف صد بوجهه العم يسر وقف وبحدة/باقي تتهاوشون سعد وقف نايف وقف وهو يدف سعد لقدامه يحتمي فيه سعد/يبه لو هي على ضربنا ماصار شي لكن البلا عصاتك ناظر وش سويت فينا العم يسر اتسعت عيونه/انا ولد ابوي الصحيح!!حطيتوها براسي تعالوا ورب البيت لاأعلمكم وشلون مواري(اثار)ضربي نايف جرى مبتعد وهو يسحب سعد معه حتى يسلمون من عصاته سعد جرى معه العم يسر جرى وراهم بحدة/خلوكم رجال واوقفوا خلوكم رجال سعد وهو يبتعد اكثر رفع صوته/حتى الرجال يدور السلامة يبه ماحنا مهبل نسلمك رقابنا!! العم يسر وقف وهو يلهث/هين هين مردكم تعودون اي ورب البيت لااعلمكم منه يسر هين . ((بيت سلطان)) فتنة جالسة عالطاولة تنتظره من فترة وقفت وهي تسحب الشال اللي صار ملازمها بالمزرعة اكثر من العباية لفته حولها وهي تتجه للباب سلطان دخل وابتسم وهو يناظرها فتنة ابتسمت لابتسامته وهي تتقدم وتحاوط يده وتميل براسها على كتفه تسنده وهي تناظره/وينك طولت علي سلطان دف الباب وراه حتى يقفل وقفل وبابتسامة/رحت احط اكل لعش حمام قريب فتنة/الله يرزقنا مثل مارزق ذا الحمامة اللي أشغلتك سلطان ضحك وهو يوقف وسحب يده يحاوطها بحضنه/تغارين من حمامة!! فتنة/تدري عاد اشتهيت كبسة حمام سلطان ضحك بصدمة/من جدك لذا الدرجة!! فتنة فكت نفسها من حضنه وهي تمسك يده وتمشي بخطوات سريعة/انا جعت بسرعة لااروح لها واكلها حية/جلست عالطاولة/ سلطان جلس وسمى وهو يفطر خيم الصمت عالمكان لفترة تنهد وبدون لايناظرها/ماسألتيني وش فيك؟او حتى وش صاير معك؟ فتنة الجالسة قباله ناظرته/لو هو مهم متأكدة كان قلته لي من أمس سلطان ابتسم من جوابها اللي كان مثل البلسم يريح باله صحيح ماأثر فيه اللي صار مع بجاد البارح لكن انشغل باله باللي احتفظ فيه بجاد لنفسه تنهد وهو يتكي بيده عالطاولة وميل راسه وهو يسند خده الايمن على يمينه يناظرها بابتسامة/تدرين انك دوا لسلطان فتنة ابتسمت وهي تناظره/مثل ماانت بلسمي؟ سلطان عدل راسه وهو ينزل يده وابتسم بحب يناظرها/يابنت انتي ماترفقين بي؟ فتنة/امممم صعبة علي بالنهاية انا اسم على مسمى سلطان ضحك بخفة/والله محد يلومك انتي مو بس فتنة جيلك انتي فتنة الألفية كلها فتنة ضحكت وهي تحسه يتحداها بالغزل وبابتسامة/اذا انا فتنة الألفية فأنت سلطاني وسلطاني هو مبتدأ الهوى ومنتهاه سلطان ضحك من جمال الشعور اللي حتواه والرضا عنه بشدة فتنة/سلطاني هو سلطان الهوى كله سلطان ضحك وبحب يناظرها/ونهايتها يابنت مين يغلب الثاني فينا؟ فتنة/امممم اللي يظل لاخر العمر يحب الثاني بنفس الطريقة سلطان/تراهنين؟ فتنة ضيقت عيونها وناظرته عن طرف وهي توقف وترفع الصحون/حرام الرهان سلطان/نتراهن بالحلال نتراهن بالشعور فتنة رفعت يديها/بذي انا الخسرانة قيس شعورك من شفتني اكيد انك امتليت حب وفاض من بحور الدنيا كلها سلطان ضحك من غرورها فتنة رفعت اكتافها لفوق بابتسامة وثقة وهي تتكتف سلطان وقف وبضحكته واتجه لها وهو يحتضن وجهها بين كفوفه وباس جبينها وبابتسامة/يحق لك الغرور كيف ماتغترين وانتي تملكين سلطان الهوى كله!! فتنة ميلت فمها/الحين بنختلف مين المغرور فينا بالضبط؟ سلطان ضحك وهو يميل راسه ويلامس انفه بانفها/عسى الله يديمك لي يافتنة سلطان قولي امين فتنة صرخت وهي بين يديه وترفع يديها/آمين امين سلطان ضحك وهو يضمها لحضنه . اللهم صل وسلم على نبينا محمد . #سلطان_الهوى_يافتنة_الألفية | ||||
|
| |
|
03-12-22, 10:15 PM
| #104 | ||||
| 💕💕 اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة الا بالله العلي العظيم 💕💕 | ||||
|
| |
|
04-12-22, 09:54 PM
| #105 | ||||
| الان بجاد هوالسبب في تشويه سمعه وخلاف بين سلطان والرجال شككهم فيه بسبب الرسايل واظن انه زعل ان منايا تتزوج فانتقم صح قريتها انهم مجموعه رجال اتفقو علي سلطان علي شان واحد يحب منايا وحزين بس مادري ليش حسيت هالبارت زرع الشك ان تكون اخت سراج هي الي كانت تبكي وان اخوانها انتقمو لها سلمان وخالد مالهم دور فقط سراج وماهر الغريب الجده سدول ملاحظه في البنت شي ومخليتها مع بنات خالتها ماحاولت توحي لام سلطان عليها تنتبه لهابارت الاخير قوي وصار مفهوم ومتوقع ليش ابو فواز وفواز ضد سلطان وشكو فيه خصوصا فواز | ||||
|
| |
|
06-12-22, 11:37 AM
| #106 | |||||
| اقتباس:
| |||||
|
| |
|
06-12-22, 11:38 AM
| #107 | ||||
| 38 سبحان الله وبحمده سبحان الله العظيم - ______________________ . ((بعد اسبوع)) . سراج داخل من العمارة بهدوءه المعتاد مر من قبال الجالسين والتفت يناظرهم //ابو ماهر وعليا وياياقوت وعيال جوهرة مجتمعين وجالسين بالحوش// عليا بلمعة دموع بعيونها بفرح وشكر/كلفتي على عمرك ياياقوت كان خليتيها لمى يجون سمو ومجد ياقوت ابتسمت/لا كلافة ولاشي وسمو ومجد اذا جو نسويها كبيرة باذن الله هاذي الفرحة الصغيرة اتركينا نفرح شوي ابو ماهر/الله يفتح عليك يابنتي مثل ماجبرتي بخاطرها ياقوت اخذت نفس وبابتسامة/امين يبه امين وسلم يناظر الكيكة/خالة متى نقطعها؟ أديب/خالة تعبت وانا انتظر عليا ضحكت وهي تنحني الصحون/ابشروا من عيوني هاه ياقوت مسكت يدها/ارتاحي بس اتركي كل شي عنك سراج وقف عندهم/السلام عليكم ابو ماهر/وعليكم السلام والرحمة حياك سراج/لا مشكور/ناظر عليا/وش ناوين تسمون؟ عليا تغير وجهها رغم السوال العام لكن المقصودة هي وحدها ابو ماهر/لاحقين عالاسامي اول شي يجون بالسلامة ان شاء الله وبعدها يصير خير سراج/يعني كان ودي اقترح سراج لكن مايصير اثنين نفس الاسم بالعايلة عليا احتدت نظرتها ابو ماهر يناظره باستغراب سراج ابتسم/انا اقول تسميه علي عليا شدت على يديها بتوتر وهي فاهمته كان العهد يسمي عيالهم بهالاسماء وقريب من اسمها كل مازادو سراج/واذا بنت تسميها علا ابو ماهر/الله يعز اصحاب هالاسامي كم اشتقنا لهم وغلاهم معروف وواضح لكن مانبي نكرر بالاسماء سراج ضحك بخفة/اوووه يبه ماعاد هم علي وعلا ياقوت التفتت له باستغراب ابو ماهر قطب جبينه عليا تناظره بعدم فهم سراج/ساجر سحاب سيف أمل إياد ابو ماهر/من ذول؟ سراج/عيالي،امهم طلبت نغير اساميهم عليا شحب وجهها وهي فهمت الموضوع كله من تغير سراج لهروب سحايب وعدم رضاها بالرجوع رجف قلبها برعب لايوصل الموضوع لزوجها هي مالها ذنب هو موضوع قديم وانتهى بنظرها انتهى من خطت رجلها لهالبيت حافظت على بيتها وزوجها حتى بمشاعرها قفلت ابواب الشيطان ولاتركت له مدخل ناظرت سراج واتسعت عيونها بفجعة من نظراته اللي ماتطمن ابد سراج يناظرها بابتسامة/وش قولك ياام علي مرة لايق لك اكثر من سحايب ابو ماهر بنرفزة/بالغصب هو!! ياقوت ناظرته بحدة/ماهو بحلو علي من الاول ماكان عاجبنا على ولدك عشان يعجبنا الحين على اخوي اللي اصغر من عيالك سراج هز راسه/بعذركم تخافون تسمونه ويطلع مثل سميه ابو ماهر عصب/وش هالكلام!!امر الله كله خير!!انت جاي تغثنا عندك كلمة زينة قلها ولا تقهوى وانت ساكت تدري حتى قهوتنا مانبيك تقهوى توكل عنا وفكنا شرك سراج ناظرهم بابتسامة/افا يابو ماهر افا لكن ماعليه مقبولة منك مقبولة/لف عنهم واختفت ابتسامته وهو يرجع طريقه متجه لبيته/ . ((بيت ابو راضي)) ابو راضي وقف على باب المطبخ يناظر الوضع باستغراب ثم ناظرها ام راضي جالسة عالارض وقبالها قدر على موقد صغير وحوسة حولها من اغراض طبختها وبيدها حافظة تغرف فيها من القدر ابو راضي/ماشاء الله ماشاء الله عساك عالقوة ام راضي بابتسامة/الله يسلمك راضي اتصل فيني يقول اشتهيت مرقوقك يمه عاد عزمت اسويه له ولخواته مرة وحدة ابو راضي/الله يبارك به الله يبارك/مشى/ ام راضي اتجهت لجوالها وهي تسمع صوت ردت/هلا ومرحبا راضي/ها يمه جهز المرقوق؟ ام راضي/ايه وانا امك جاهز تعال راضي قاطعها/قولي لواحد من العيال اللي عندك يوديه انا طلعت سلام/قفل بوجهها بدون ينتظر ردها/ ام راضي تنهدت بتفكير بجاد وساجي نايمين وابو راضي مستحيل تتركه يروح لهالحية بعينها تنهدت وهي تسلم امرها وتروح وقفت على باب الشقة رنت الجرس مرة واثنين وثلاث بدون اي مجيب ثم بدت تدق عالباب مرة واثنين وثلاث وبدون اي فايدة كشرت بوجهها وبنفسها/ووجع كل ذا وتقول ماسمعت/نزلت الحافظة عالارض وهي تلف بتمشي/ جوهرة اللي واقفة من البداية ورا الباب وبيدها جوالها تتصفح وتراسل ببرود فتحت باللحظة الاخيرة وببحة صوتها وهي تتصنع التعب/هلا عمة عايشة ام راضي ناظرتها وسط تقطيبة جبينها جوهرة/تعرفين الوحام وتعبه ام راضي بمكانها بدون اي مبادرة بالسلام منها/الحافظة شوفيها عند رجولك جوهرة انحنت شبه جالسة وهي تقاطعها/يالله وش كثر خاطري فيه ام راضي تغير وجهها جوهرة فتحت الحافظة وهي تشم الريحة/الله تدرين ياعمة مااقدر اخذه من محلات حبيبي راضي قال ابشري به يارب تكونين وزنتي الملح تمام مو مثل الجريش باخر مرة ام راضي احتدت نظرتها وهي تشد على قبضتها بقهر جوهرة/تدرين اشتهيت السليق من يدك ام راضي اتسعت عيونها من الوقاحة جوهرة وقفت وهي ترفع الحافظة/مو مشكلة بعد المرقوق ان شاء الله اشوف كيف وضعي ويبلغك راضي حبيبي عسى الله يخليه لي ولايحرمني/دخلت وقفلت الباب/ ام راضي احترق قلبها من كثر القهر اللي احتواها نزلت بخطوات سريعة وهي تفتح الباب على عيالها وبصراخ/قوموا ووجع ساجي و بجاد فزوا من نومتهم ام راضي مررت نظرها بينهم وبقهر/متسدحين عندي وحريمكم ببيت الغريب ساجي/مو بغريب يمه اخوها!! بجاد/وزوجتي مع جدتها وين ماكانت تكون براحتها ام راضي بقهر صرخت/ايه ايه شحليلكم مع حريمكم يامال الحريمة وياما اقواكم على امكم ابشروا اي والله ابشروا كل درب تقصدونه عثرات ماهي بعثرة يامال القطعية ياعيال محمد تف عليكم تف/مشت/ ساجي/استغفر الله العظيم/التفت لبجاد/صاير شي ماادري به؟ بجاد رفع اكتافه/ماادري/تمدد حتى يكمل نومته/ ساجي تنهد/لك نفس تنام بعد اللي سمعته؟ بجاد وهو يغمض عيونه/حتى لو مالي نفس بالنوم لازم انام ياساجي ولى بموت من كثر التفكير والهم ساجي/الله يفرجها عليك وعلينا وانا اخوك الله يفرجها . {{الـمـزرعـة}} بفستان واسع باللون الابيض الطويل كاشف عن يديها وقصة مربعة من عالصدر وقبعة قش كبيرة مزينة بشريطة باللون البني الفاتح نظارتها الشمسية باللون البني واطرافها محددة باللون الذهبي بصندلها البني وبشعرها المميز بين اخواتها اللي زاد طولها لتحت ركبها تاركته مسدول يتمايل مع الهوا اللي يتلاعب فيه بروجها البني فقط تجر خطواتها بتبختر وهي توقف عندهم/مساء الخير الجدة سدول مثبتة عينها عليها من اقبلت من باب البيت تناظرها من فوق لتحت منايا ابتسمت/مساء النور والسرور سجايا واقفة بيدها كاسة الشاهي بتتجه للبركة ناظرتها وصفرت/حريقة حريقة وش ذا اللوك الحريقة يابنت سدول المتمددة وساندة راسها على رجل امها رفعت راسها تناظرها بابتسامة/وين الزين ذا من زمان وينه سحايب/مدفون عسى الله يبلغني بدفنه ام فواز بحدة/استغفري مايجوز سحايب بعدم اهتمام وهي تنزل نظارتها وتهف بيدها على نفسها/اوف جو المزارع اوف بس ام فواز هزت راسها بياس وهي تعودت على تصرفاتها الغريبة ماعادت تستغرب منها شي الجدة سدول بتكشيرة/وش به جو المزارع يابنت لندن هاه!! ذهب ميلت فمها بضحكة وهي تكتمها سحايب تكتفت/يجنن ياجدة يجنن الجدة سدول/ايه على بالي ودك تعيبين بنا!!نسيتي ماكليتي!! سحايب وهي تلتفت للبركة وجات الشمس بوجهها لبست النظارة/اوف اوف اشعة اشعة جات بعيني اوف سجايا اللي تشرب كاسة الشاهي شرقت من الضحكة ذهب ناظرتها/روحي او انا بروح سجايا بتكشيرة/طيب طيب/وهي متجهة للبركة/يالله يالله معكم عشر دقايق وخلاص ماعاد فيه سباحة اليوم سمعتوا سحايب اتسعت عيونها وهي تناظرها جرت وهي تحط يدها على قبوعتها لاتطير وقفت عندها وهي تسحب من يدها فتنة الواقفة حول البركة تناظر الصغار اللي كلهم يسبحون بوناسة وهي خاطرها تكون معهم باللحظة انتفض قلبها من السحبة وهي مانتبهت والتفتت لها /بسم الله وش فيه سحايب بحدة/وش تسوين هينا صاحية انتي؟!! منايا رفعت صوتها/تعبت وانا اتكلم الجدة سدول/عليك بهالعوبا ياسحايب ذبحتني تقول ابي اشوف الصغار وهم يسبحون ام فواز/فتنة يكفيك شوف تعالي خلاص فتنة/عمة تكفين ام فواز رفعت يدها وهي تحركها بلا فتنة ناظرت سحايب/سحايب القلب باروح معك بس اغطس رجلي طلبتك تكفين بتقعد حسرة بقلبي سحايب/خليها تقعد اجل يصير لك/مشت وهي تسحبها معها غصب/ فتنة برجى/سحايب سحايب/اتركي عنك بس وتعالي/وقفت على طرف الفرشة/مافي كرسي؟ //كلهم ناظروها باستغراب من طلبها// سحايب/حرام عليكم هاللوك واجلس على فرشة مكشات ليتها فرشة سلطان كان ارحم الجدة سدول بنرفزة/اسمعي عاد انتي ياام زنود من اقبلتي علي وانتي ماانتي بمضبوطة منايا ضحكت ذهب كتمت ضحكتها فتنة صدت وهي تكتم ضحكتها سحايب وهي ترفع يديها تحركها/وينها ياجدة يشهد الله مافيه بس انتي غابنك فستاني ودك تخنقيني فيه اعرفك الجدة سدول/يومك دارية وشو له مرتزة به سحايب/النفس وماتهوى ياجدة الجدة سدول/لااكتويتي بحرّها لاتقولين النفس وماتهوى ياسحايب سحايب كشرت بوجهها من الكلمة وهي تجلس فتنة جلست جنب الجدة سدول وهي ترفع يدها وتدخل بحضنها الجدة سدول ناظرتها بغيظ وهي تسحب يدها/جابك الله/مسكتها من اذنها/ فتنة/ااه اااه ليش ياجدة ليش الجدة سدول/ماانتي بلحالك خافي شوي على عمرك واتركي الطفاقة عنك/تركتها/ فتنة وهي تمسح اذنها/ان شاء الله ياجدة/دخلت نفسها بحضن الجدة سدول من جديد/ الجدة سدول ابتسمت ام فواز طلعت من شنطتها عصير وهي تخبيه وحطته بحضن فتنة فتنة قطبت جبينها وهي تناظره ام فواز/اشربيه قبل يجون الصغار هذا مخبيته لك من امس ونسيته فتنة تغير وجهها للحظة بكل حياتها ماذكرتها امها لو هو بموية كيف ربي سخر لها ام زوج بهاللطف واللين ثم ابتسمت وسط التماع عيونها وهي تسحب يد ام فواز وتبوسها ام فواز سحبت يدها منها وهي تمسح على راسها بابتسامة ذهب بوسع عيونها/واحنا يمه!! ام فواز/قلت لسلطان يجيب معه لكم وبعدين الله اكبر عليكم شربتوا امس باقي تبون!! سحايب/متى؟ولا بصوت اناديهم كلهم الجدة سدول احتضنت فتنة وهي تخبيها/بسم الله على بنيتي والله اكبر عليكم منايا/بسم الله عليها الف ياجدة بس امس راح برزقه كلنا نبي عصير وش ذا الظلم الجدة سدول/اعقبن تهددن امكم!! سجايا وقفت وبيمينها يد مجد ويسارها سمو الملتفين بمناشفهم وقفت/بسم الله على قلوبهم عيال نايف بسم الله بس قلت اطلعوا طلعوا على طول يالله كل وحدة تروح للبهايم حقينها انا تعبت/جلست وهي تحط مجد بحضنها وتبوسه/ سحايب بحدة/بهايم مين يابهيمة انتي //سكت الكل وتثبتت النظرات عليهم// سحايب/عدلي هالالفاظ وامسكي لسانك لااقصه لك سجايا/بسم الله علي طول عمري اقولها وش فيك شبيتي الحين سحايب بتهديد/قوليها للي يرضاها اما عيالي قسم او اسمعك تقولين لهم كذا لااخليك بهيمة صدق سجايا بترد والتقت عينها بعين امها ام فواز تناظرها بمعنى اسكتي سجايا عضت شفتها بقهر وتبلغ كلامها وهي توقف مجد تنشفه حتى تلبسه ملابسه سحايب/سحاب طلعي اخوانك يالله سحاب/ابشري ماما ذهب مدت يدها تلامس يد سمو/تعالي اساعدك سمو ضربت يدها برفض لعرضها وهي تناظرها من فوق لتحت بعدم رضا عنها وبلفظ رجولي من كثر اختلاطها فيهم/الله لايجعل لي حاجة عند ذا الوجه ذهب انصدمت من الرد سجايا على كثر مانصدمت صدت وهي تكتم ضحكتها ذهب مدت يديها/ليه حبيبي بس تعالي اساعدك سمو بغيظها/لاتقولين حبيبي انا بنت حبيبتي تنقال وانا ماابي منك شي لاتكلميني ابدا ابدا سجايا بوسع عيونها وبضحكة/احترق كرتك خلاص/بشماتة/ودعي الملعب ذهب ودعيه/ناظرتها وهي اقرب خدها لها/سمو بوسة بوسة سمو باستها سجايا ناظرت ذهب وهي تضحك ذهب كشرت بوجهها فتنة اللي تركت الجدة سدول/سومي حبيبي تعالي اساعدك سمو ابتسمت وهي توقف وتجري لها/توتة سجايا التفتت لذهب بضحكة/سبحان من يغير ولا يتغير ام فواز/تجهزوا بس اللي يبي يطلع معنا الجدة سدول/بنمر السوق الشعبي القريب ماحنا مطولين سجايا/الله عاد والسيارة الله تكفي ذا الجيش كله!! منايا ضربتها على كتفها/الله اكبر عليك بسم الله علينا مو من كثرنا الجدة سدول وقفت/انا رايحة اللي يبطي مشينا وتركناه . ((شقة فواز)) فواز بين الاوراق يراجع عجز يستوعب سالفة هالمعرض اللي ماتوفق فيه ابدا جواهر بيدها الاوراق جلست جنبه/حبيبي فواز التفت لها جواهر/ذي الاوراق اللي عطيتني فيها خلل فواز قطب جبينه/كيف يعني جواهر/الارقام المدخلة اكبر من المخرجات بكثير/سكتت بتردد/ فواز/قصدك اختلاس جواهر هزت راسها/ايه فواز اللي ماانصدم ابدا بكلامه هز راسه وهو يحس بتوتر فظيع/يصير خير . ((بيت ابو عمر)) ابو عمر بابتسامة وهو ياخذ الفنجال منه/حيه وسلمه ارحب ياسلطان ارحب سلطان بابتسامة وهو ييلامس جيبه من برا يوقف اهتزاز جواله داخل جيبه بوضعه الصامت/الله يسلمك ويبقيك ياعم الله يسلمك ابو عمر وهو يناظر نايف اللي يقهويهم/المعذرة منكم عيال سلطان يقفل جواله من جديد وهو يقاطعه/وحنا عيالك ياعم والله ماتقهوينا وحنا جالسين وش ذا العلم!! ابو عمر ابتسم/سلم من رباك عساه سالم سلطان وهو يناظر نايف اللي جلس جنبه/هاه ياعم ماعرفته؟ ابو عمر ناظر نايف باحراج/اعرفه وجه من قرايبك شفته بعرسك وواضح راعي فزعة وبه خير سلطان ابتسم وهو هالمرة يدخل يده بجيبه ويقفل جواله نهائيا/عاد به خير لا والله هو الخير كله ابو عمر بابتسامة/ونعم والله ونعم سلطان/لكن اخطيت ياعم ابو عمر اختفت ابتسامته وقطب جبينه/في وشو؟ سلطان/قرابتك ألزم(اقرب)له مني ابو عمر اعتدل بجلسته/وشلون ألزم وانا ماعمري شفته غير يوم عرفتك!! سلطان رفع يديه/لا والله انك تعرفه وتعرفه زين ابو عمر فلتت اعصابه/اخلص قل وش وراك ابو معن دخل(رجل معروف بقبيلتهم وانذكر بحدث قبل)ووراه اثنين من عياله/السلام عليكم ابو عمر انصدم من وجوده/وعليكم السلام والرحمة هلا ومرحبا ياهلا تفضل حياك الله ياابو معن حياك ارحب ابو معن وقف واستند بوقفته على عكازه/لا والله مالي مجلاس بهالمجلس الى ماتقول تم ابو عمر كشر بوجهه وهو يحس بشي كبير ورا جيته/استهدي بالله واجلس ياابو معن وبعدها يصير خير ان شاء الله ابو معن/قل تم بالاول ابو عمر التفت يناظر سلطان بملامح محتدة من شكوكه/من هاللي معك ياسلطان؟ سلطان ابتسم/سلطان ابو عمر ارتسمت الصدمة على وجهه سلطان وهو يضرب بيده على رجل نايف بخفة/سلطان ولد محمد ابو عمر بحدة/وانت من وين تعرف ولد محمد هاه؟ مريم دخلت بكامل حجابها/الطب ماترك شي ياعبدالله ابو عمر التفت مجبر وهو يحس الارض من تحته نار تغلي من سمع صوتها ، ، >>قبل 26سنة>> عبدالله(32سنة)جالس وبحضنه سلطان يلعب معه مريم(22سنة)جلست وبيدها صينية القهوة وعلى وجهها اشد ملامح الرضا/يازين الولد وخاله صدق من قال الخال والد عبدالله ناظرها بابتسامة/ايه صدقتي والعمومة xxxxب مريم تناظره بغيظ وهي تمد له الفنجال بعد ماصبت له/الله اكبر عليك العم سند يعني صرت له أم وسند عبدالله هز راسه بابتسامة تخالطها ضحكة خفيفة/ايه ايه يالام والسند بالحيل عاد بالحيل مريم/وين عمر وطلال ليه ماجبتهم معك؟ عبدالله/تبينهم امش معي واسكني معي وبيتك ذا اجريه واتركي العناد عنك مريم كشرت بوجهها/عبدالله تراني ببيت ابوي وبيني وبينك جدار ماصارت عاد كل مرة نفتح هالسالفة عبدالله تنهد/امري لله ماقدر اقولك شي مريم ابتسمت عبدالله/مثل ماتبين مثل ماتبين على راحتك وماتحبين مريم نزلت فنجالها وهي تاخذ نفس/عبدالله عبدالله/ياعيونه مريم/خولة سيّرت علي امس عبدالله تغير وجهه من سمع الاسم/مريم مريم تكلمت بسرعة/طيب اسمع بالاول وش فيك علي عبدالله وهو يزفر وسط استغفار مسموع/استغفر الله العظيم واتوب اليه هاه وش تبي مريم/هالمرة جت لموضوع ثاني ياعبدالله عبدالله/هي ماوراها الا كم ورث هالورع والا متى ياخذ ورثه كل سوالفها عن هالضعيف اللي ماله حيلة/احتضن سلطان طبع بوسة على اقرب جهة من راس سلطان له/عسى الله يصرف عيونها عنك ياحبيب خالك مريم/بتتركني اتكلم اذا ماعليك امر؟ عبدالله/ولو اني متاكد ماوراها الا الهم وش تبي بعد مريم بتوتر/جاية تكلمني على اخوها سامح عبدالله احتدت نظرته/مريم مريم بضيق من ردة فعله/نعم عبدالله/قالها لك محمد واعيدها لك سامح كفو لكن مايصلح لك ابد مايصلح شيليه من راسك يامريم شيليه مريم وقفت وبزعل/ليه ليه ترفضونه بكل مرة يتقدم لي ليه؟ عبدالله تنهد/يامريم والله والله لو اشوف انه من كل قلبه يبي الزواج والاستقرار عطيته يشهد الله عطيته لكن به شي يامريم مريم تنتظره بلمعة عيونها وكلها غيظ منه عبدالله اشر بسبابته على قلبه/به شي هينا يقول لا ياعبدالله لا ضيقة ضيقة لاجا الطاري مايعلم بها الا الله مريم وقفت وبدموعها/دايم اسمع البنت لولد عمها انت ومحمد الله يرحمه الوحيدين اللي ماتبونه هذا وهو ولد عمكم الوحيد عبدالله تنهد/عشانه ولد عمنا الوحيد مانبي تخرب العلاقة مريم/ليه هو صار فيه علاقة حتى تخرب!! عبدالله بهدوء/يامريم مريم قاطعته بوسط دموعها/خلاص اي خطيب يجي مرة ثانية ماابيه ياعبدالله انا ماابي الزواج ماابيه ماابيه/مشت لغرفتها بخطوات سريعة كلها زعل/ عبدالله تنهد بضيق وهو يناظرها تبتعد ثم ناظر سلطان ووقف وهو يشيله/تعال معي نروح لاخوانك تلعب معهم خالتك راسها يابس تعبت منها تعبت . ،،بـمـنـتـصـف الـلـيـل،، مريم على باب البيت بحضنها سلطان النايم بعبايتها وطرحتها ولثمتها تناظره قبالها بخوف سامح مد يده حتى ياخذه مريم ضمته بحضنها بدموعها/سامح سامح/وعهد الله بكرة وهو عندك بس نخوف عبدالله شوي ويرضى بزواجنا ياروح سامح مريم/بـ.ـس سامح قاطعها/عاهدتك بالله ارجعه خليني اخذه قبل يشوفنا احد وتصير المصيبة مصيبتين مريم باست سلطان النايم وضمته لصدرها بدموع سامح سحبه منها/بكرة وهو عندك يامريم بكرة/اخذه ومشى/ مريم ظلت تراقبه وهو يبتعد تناظره بقلق رغم معرفتها انها كلها كم ساعة ويرجع لها ماتوقعت هالساعات بتصير سنين طوال يكبر معها هالسلطان ويصير رجال مايعرفها حتى وهالنظرات اللي تصبر نفسها فيها هي نظرات الوداع القاتلة . ،،الـصـبـاح،، عبدالله يتجهز لصالة الفجر عزة وقفت عنده وبيدها البخور عبدالله وهو يلبس شماغه/اتصلي على خولة عزة كشرت بوجهها/رقم تلفونهم ماهو عندي عبدالله/طلعيه واتصلي بها وقولي لها يجون يخطبون رسمي عزة اتسعت عيونها/بتعطيهم مريم!!مو من جدك ياعبدالله!! عبدالله ناظرها بحدة/مالك شغل بيني وبين اختي على كيفها تختار اللي تبيه ومحد له كلمة عليها سمعتي عزة وهي تبلع كلامها/ان شاء الله ان شاء الله عبدالله/خلصي الفطور بدري امركم اخذه عزة/ابشر ابشر عبدالله خرج متجه للصلاة . ،،بـعـد الـصـلاة،، عبدالله متجه لبيت عمه المتواجدة فيه مريم وقف عالباب الخارجي وهو يشوفه مفتوح قطب جبينه وهو يتعوذ من الشيطان ودفه بشويش مريم مسكت يده عبدالله للحظة انتفض كل جسمه ثم ناظرها بحدة/وش فيك؟وش صاير من متى توقفين الفجر على باب البيت وش فيه مريم بدموعها/سلطان سلطان مو فيه ياعبدالله عبدالله انخطف وجهه/وشلون يعني مو فيه انا حاطه جنبك نايم وانتي نايمة مريم بانهيار وهي تضربه على يده/وين سلطان رجعه لي ياعبدالله رجعه عبدالله مسك يدها وهو يكمل طريقه لداخل البيت بخطوات سريعة/اكيد متخبي منا ولا منا امشي ندوره امشي مريم سحبت يدها وبصراخ/مالقيته مالقيته/سحبت يده تبوسها وبرجى بين دموعها/رجعه لي ياعبدالله رجعه تكفى . ،،بـالـلـيـل،، مريم تسللت من الغرفة بعد ماتأكدت من عزة النايمة وعيالها وعبدالله اللي مستحيل يرجع وهو ماحصل سلطان خرجت من البيت ووقفت على باب الحوش وهي تلتفت وراها بخوف بين لحظة ولحظة ناظرت نفسها بدون عباية نستها من كثر توترها لكن مايهم اهم شي تاخذ سلطان وتنتهي هالمغامرة المرعبة لقلبها همست وهي تناظره ورا الباب بعد مافتحته شي بسيط وقلبها يتقطع/وينه/مدت يديها/اعطني اياه بسرعة يالله سامح بوجه اكتسى بالسواد/مريم مريم رجف قلبها بهاللحظة وهي تفتح الباب كله وتطلع له تناظره وبوجه اصفّر من الفجعة وهي ماتشوفه معه/وين سلطان؟ سامح تلفت حولهم بقلق/الحرمة اللي وصيتها عليه تقول طلع يلعب مع عيالها ولا رجع مريم جلست عالارض ماشالتها رجولها من الفجعة وهي تحس بقلبها بيخرج من قوة انفاسها السريعة سامح بدمعة وحيدة انسابت على خده/من الصباح وانا ادوره مالقيته/رجف صوته/مالقيته يامريم مريم فزت واقفة وصرخت من قلبها/رجعـ سامح مسكها وهو يغطي فمها ويدخل للبيت ويقفل الباب بسرعة/مريم اهدي يامريم مريم تضربه بوسط دموع وفزع على ولد اختها واخوها بذات الوقت امانتها ولدها كل روحها كيف فرطت فيه بهالسهولة كيف،عضت يده بقهر سامح تركها وهو يمسك يده بالم مريم/رجعه لي رجع لي ولدي رجع لي سلطان سامح/قصري صوتك واسمعيني سلطان معي معي مريم هدا كل شي داخلها فجأة من سمعته ناظرته باستغراب من اسلوبه سامح/شفتي كيف الخوف وهو مفقود انا ماابيك تفقدينه يامريم مريم قطبت جبينها من اسلوبه/تهددني!! سامح/ماراح ارجعه لك الى ماتشهدين معي مريم/اشهد!!/رفعت يدها وضربته كف بوسط دموعها/رجع لي اياه والله لاافضحك والله سامح احتدت ملامحه/ليه تحسبينها بسيطة تراك معي مريم/مايهمني رجع لي سلطان رجعه سامح/فيها سجن ذي يالطيبة تراه خطف اذا ماتدرين مريم وقفت عبرتها وهي تناظره بصدمة سامح/الحين سجن والله العالم يلقونه حي زين على زين واذا ميت ثبتت علينا وفيها قصاص مريم بحدة/لاتلعب علي وتخوفني تجيبه غصبا عليك وعبدالله بيوقفك عند حدك يالخسيس سامح/وانتي ضامنة عبدالله؟ مريم انرعبت وهي تناظره تعرف عبدالله زين حبيب يحبها ويغليها فوق الكل لكن بالحق ماعنده كيف اذا عرف انها قابلت سامح وتصرفت هالتصرف من وراه ماتدري وش ممكن يسوي فيها سامح مسكها من يديها مريم/اسمعيني يامريم اشهدي معي وكل امورنا بتزين عبدالله مابيلحقه شي وسلطان بيعيش معنا وكذا عبدالله وافق على كل اللي نبيه مريم زفرت بضحكة سخرية خفيفة وسط دموعها وهي تسمع(نبيه)والحقيقة ذا مراده لحاله سامح/اشهدي معي اشهدي مريم اللي مو معه عايشة بصراع داخلي بين تأنيب الضمير عاللي سوته بوحيد اهلها واللي بتسويه باخوها وبين المصير المجهول اللي ينتظرها سجن او قصاص سامح هزها حتى تستوعب كلامها/مريم عبدالله اخر من اخذ سلطان سمعتي مريم هلت دموعها بغزارة وهي تناظره سامح بتاكيد/اعتمدي علي يامريم ازهليها ياحبيبة القلب مريم ولاول مرة فزت بنفور من هالكلمة ودفت يديه عنها ولفت مبتعدة عنه . ،،يوم جديد،، ،،بمركز الـشـرطـة،، عبدالله بوجه ارتسم عليه السواد من كثر التعب والسهر والهم من اللي يصير مريم جالسة جنب عبدالله شادة على قبضتها برعب وتوتر ماتدري وش تسوي الحل الوحيد كلام سامح وماهي بمرتاحة هالمرة له ابد الضابط ورا مكتبه/متى اخر مرة فقدتوا الولد؟ عبدالله التفت لها مريم فردت يدها وهي تمسك عبايتها وتشدها برعب حانت اللحظة الحاسمة حانت لحظة الاختيار سكتت تراجع نفسها بوسط حيرة داخلية فظيعة بين نفسها او اخوها الضابط قطب جبينه بشك/لو تكرمت ابو عمر انتظر برا عبدالله قطب جبينه باستغراب من الطلب وقف/ابشر مريم تكلمت بسرعة/اخذه عبدالله ولاعاد شفته بعدها عبدالله التفت لها بصدمة الضابط ميل فمه عبدالله جلس وهو يمسك يدها وبصدمته/حطيته جنبك وانتي نايمة يامريم يشهد الله حطيته مريم المنهارة داخليا بكل مافيها تهل دموعها بدون لاتناظره مثبتة عينها عالارض سحبت يدها منه وهي تبلع شهقاتها عبدالله وهو يناظرها همس بوجع/مريم متى كذبت عليك انا متى؟هذا سلطان غلاته بقلبي مثل غلاته عندك تراه من عيالي ماهو بولد اختي وبس!! مريم من كثر الوجع بنقطة تحول مصيرية لحياتها زفرت بالم/اااه الضابط بحدة/لو تكرمت ابعد عنها ابعد عبدالله وقف وهو يحس ثقل برجوله من صدمته بتكذيب اخته له الضابط بنفس حدته/ياليت تعلمنا وين مكان الولد قبل تكبر السالفة ياعبدالله عبدالله قطب جبينه/انا جاي ابيكم تجيبونه لي تقول لي اجيبه!! الضابط/ياعسكري العسكري فتح الباب وهو يسمح للي واقف برا ينتظر بالدخول سامح دخل وفلتت منه ابتسامة للحظة ماغابت عن عين مريم وعبدالله الضابط وهو يرفع ورقة كانت قباله عالمكتب/معنا وصية مصدقة من المحكمة ان وصاية سلطان واملاكه ترجع لسامح عبدالله انصدم/وشو مريم شحب وجهها سامح بحدة/لاتنكر وانا معلمك بوصايتي عليه من فترة كل ماقلت لك رفضت وثرت وجلت علي كله خوف على الورث لايروح منك!!وين الولد جيبه طلعه احسن لك طلعه عبدالله بهيجان/تعقب وتخسي قلتها لك واعيدها مالك وصاية عليه وانت لا انت بعم ولا خال واخر شي بهالدنيا محمد يسويه يحط وصاية سلطان لك!!والورث محدن عينه عليه غيرك ياقليل النفس يومك حطيت عينك على حق ورع!! سامح ابتسم عبدالله هجم عليه وهو يشده من ثيابه/الحين تاكدت محد اخذه غيرك/بصراخ وهو يخنقه/وينه وينه انطق مريم تستذكر الورقة اللي طلبها تختمها بختم محمد وانها من اوراق الشغل ماكانت مرتاحة بوقت الختم لكن توقعت محمد ارسله كيف تعارض وهي مالها شغل ماارتاحت ذيك المرة ولاارتاحت يوم اخذ سلطان كل شي كان ينبهها ويحذرها منه مع ذلك سلمته كل قلبها وعقلها وتجاهلت احاسيسها المحذرة الضابط فك سامح من يدين عبدالله بكل قوته وهو يمرر نظره بينهم وبحدة وسط نبرته العالية/هدوء مريم ضربت نفسها كف //التفتوا يناظرونها بصدمة من فعلها// مريم شدت على يديها وهي تورطت وانتهت ماعاد ينفع الندم/محمد وصى سامح على سلطان سامح ابتسم بانتصار عبدالله رجف قلبه من قوة الخيبة/مريم!! مريم/وعبدالله رافض مو قادر يقتنع وباخر مرة هدد يخطف سلطان اذا ماعطيته كل مفاتيح المحلات وتنازلت عنها عبدالله يناظرها وكل مافيه انهار ثابت خارجيا لكن داخله منهار من كثر الغدر والخيانة اخته اخته اللي يبيع عمره لاجل ضحكتها وسعادتها ماعمره بيوم قصر عليها يقصر بنفسه وعياله ولايقصر عليها كيف تجرأت وخانته كيف باعته لاجل غيره كيف غدرت بسهولة وبثبات رمت اتهامها عليه بدون ندم ناظرها بعيون انحرقت من دموع الخيانة اللي ملتها ناظرها يبي يصدق اللي يسمعه حلم او حقيقة هاذي مريم اخته مريم حبيبته مريم دلوعته همس بغصته/مريم مريم ناظرته وهي تدري بفظاعة اللي تسويه لعبدالله تدري قلبت كيانه وحطمته لكن مابيدها حيلة تماسكت وتظاهرت بالقوة حتى لو كرهها الحين اكيد بيسامحها اذا قالت له بعدين عالحقيقة هذا عبدالله اخوها اللي مهما عاتبها يرجع مايقدر على زعلها مايتحمل يمر يومه بدون شوفتها عبدالله برجفة صوته/انا قلته؟انا هددت؟ مريم/ايه ياعبدالله عبدالله سرت بجسمه قشعريرة وهو يسمع صوتها بوضوح حتى رجفة ماتخللته ماندمت ابد على اللي قالته بحقه افترت عليه بدون حق وبدون ندم باعته بصريح العبارة وبدون اهتمام له الضابط وقف بينهم/ممنوع ممنوع تكلم الشاهد . ،،بعد يومين،، عزة ماسكة يد مريم بدموع ورجى/تكفين يامريم تكفين عبدالله رجع سلطان والله رجعه ماله ذنب بضيعة سلطان تكفين روحي قولي لهم تكفين مريم بدموعها ماهي قادرة ترد سامح مارجع لها سلطان ومهددها فيه وشلون تتكلم وهي بين نارين اخوها وولد اخوها والمصيبة هي اللي تسببت بهالكارثة لاهلها عزة انهارت عند رجولها/الله يخليك طلعيه عبدالله مايأذي أحد وشلون يخطف!!كبيرة كبيرة بحقه يامريم كيف اتهمتيه كيف حرام عليك حرام تظلمينه حرام يامريم حرام مريم جلست عندها وهي تمسح دموعها/ادري ياعزة ادري عزة وهي تمسك يدها/قولي لهم طيب فهميهم عبدالله رجعه والله رجعه مريم شحب وجهها وهي تسمع صوته عبدالله دخل بوجهه الاسود وحالته النفسية السيئة مرتسمة بوضوح على مظهره ثوب مقفلة ازاريره باماكن عكسية شماغ مفتوح ومسدول على كتفه عقال مفرود ومعلق برقبته وبحدة/عزة عزة التفتت وبكت جرت له وهي تناظره بعدم تصديق/عبدالله طلعوك خلاص انت مالك شغل صح مالك شغل مريم على كثر فرحتها بخرجته من السجن على كثر رعبها منه بهاللحظة همست بصوت ماوضح ابد/عبدالله عبدالله ناظرها من مكانه على باب البيت/خابت هقاويك؟ مريم انهمرت عيونها بشلال من الدموع وهي تشوف اللوم بعيونه هزت راسها بلا عبدالله بقهر/لكن الله نصرني عليك انتي وهو وفضحكم انتي واياه لعيوني لو كل الخلق شافوا غير شوفي مريم تقدمت تجر خطواتها بندم/عبدالله عبدالله رفع يده بوجهها وبحدة/حدك!! مريم وقفت وهي تناظره بدموع وبرجى/ياعبدالله عبدالله ارتفعت حاجبيه باستغراب من نبرته/ياعبدالله!!تقولين ياعبدالله مريم ضمت يديها وهي ترفعها لفمها وواقفة بمكانها نفسه/ياعبدالله عبدالله احتدت ملامحه وعيون التمعن بطيف دموع/تعاونتي معه على اخوك!!جحدتي وانكرتي اخوك اللي يحسب لخاطرك وحتى امانيك الف حساب اكثر من نفسه حتى مريم تناظره بتانيب ضميرها الفظيع وسط شلالات دموعها عبدالله/انا وش قصرت فيه عليك كل شي سويته لك لو طلبتي صحتي واعطيتيني المرض قبلته ولافكرت فيه كله لعيونك ليش غدرتي فيني ليش؟عشانه عشان هالسامح!! مريم هزت راسها بلا/اسمعني ياعبدالله اسمعني عبدالله/ولا عشان ورث سلطان المسكين اللي مدري وين رحتوا به هو حي ولا ميت مريم تقدمت وبوسط شهقاتها انهارت ماعاد تحملت تكتم الموضوع اكثر/انا اقولك الحين انا عبدالله وقفها بصراخه/حدك حدك لاتقربين مني حدك مريم وقفت/بس يا عبدالله قاطعها/البيت اللي انا فيه لك خذيه ماابيه مريم بدموعها/بس هذا هدية ابوي لك لا ياعبدالله لا عبدالله وهو يرمي مجموعة مفاتيح/وهاذي مفاتيح المحلات والشنطة حقت الحسابات تلاقينها بالحوش مريم تقدمت له وهزت راسها بلا بانهيار وهي تشوف اعلان رغبته بالانفصال عنها/لا ياعبدالله لا لاتتركني ياعبدالله عبدالله صرخ/حدك قلت حدك مريم مستمرة بخطواتها بدون اهتمام وقفت عنده من أنهى كلمته الاخيرة ومسكت يده برجى/ياعبدالله انخد عبدالله قاطعها وهو يسحب يده منها بقوة ويدفها عنه/لاتمسكيني تحرمين علي تحرمين مريم تبكي بقلة حيلة وش تسوي وهي تسبب لنفسها بهالمصير عبدالله/انتي بنت عم ماانتي باختي/رمى شماغه عليها وهو يغطيها/وبنت العم تحرم على ولد عمها ليوم الدين عيني لاتشوفك ابد وماانتي بمحلك يامريم الله لايسامحك ولا يعفي عنك مثل ماقهرني قلبي واحرقتيني الله لايحللك يامريم لايحللك ، ، ابو عمر يناظرها بصدمة يدري شهدت بالوصاية ضده لكن انها هي من سلمت سلطان لابو شاكر بنفسها هالشي جديد عليه تقدم لها بقهر وهو يرفع يده ويضربها من غبنته وبدمعه انسابت منه بدون شعور وكأن هالموقف صار بهاللحظة مامر عليه اي دقيقة/بعتيه بعد!!بعتي المسكين اللي بلا حول ولاقوة وش انتي من بشر وش؟!! مريم اللي هلت دمعتها من تحت نقابها سكتت بدون رد منها ابو معن اللي وقف بوجهه يرده عنها/استهدي بالله وش فيك مريم انسابت دموعها بوجع ماتقدر تنكر هالحقيقة المرة ابد ابو شاكر اللي دخل من فترة بسيطة/مالها ذنب ياعبدالله قلت لك من اول واعيدها قلت لك مالها ذنب ابو عمر احتدت ملامحه وهو يشوفه/عساك بذنوب مايرحمك ربي من كثرها ولاتشم ريحة جنته انقلع اطلع برا بيتي اطلع اطلع انت وهالعلة معك اطلع ابو شاكر رفع صوته/هددتها وهي خافت خافت مالها ذنب ابو عمر/وان شاء الله عساك تبيني افتح لها يديني واهمها بحضني معصي انا تعلمت والمسلم ماينلدغ مرتين ابو معن تنهد/ياابو عمر تعوذ من الشيطان واسمع العلم ابو شاكر بيرجع المال لاصحابه وبيجمع الجماعة كلهم ويعلمهم القصة على شوف عينك والكل يسمع براءتك غصب عنه من هو من ابو شاكر نفسه ابو عمر بحدة/جيتك عالعين والراس يابو معن لكن انا بري من اخذت الولد وماله من طلعت من السجن والدليل شهودي اللي شافوني وانا ادخل به لبيت هالادمية مريم اوجعتها الكلمة وتيقنت ماعاد تعني له اي شي بحياته نهائيا ابو عمر/مايهمني اقتنعوا ببراءتي او لا ولاهي من اقصى همومي هالموضوع انتهى عندي من ستة وعشرين سنة واللي ينتهي ماارجع له ابد/التفت يناظر نايف/ولد محمد تضمه يديني ويهلي به لساني وكان مااخذ حقه يبشر بعزه اطارد معه بالمحاكم الى ماياخذ حقه طرق عن خشومهم لكن هالاثنين عسى الله لايعفو عنهم وحقي ماابيه بالدنيا ابيه بالاخرة مريم لفت عنه ومشت كانت متوقعة هالرد منه بعد لقائهم الاخير ببيتها مابنت امال كبيرة ابدا حتى لو يسمع الحقيقة تعرفه زين اذا كره يكره من قلبه ومستحيل يرجع ابد حتى لو لحاجة لفت مبتعدة عنه كفكفت دموعها راضية هالمرة راضية عن نفسها هاذي حصاد يديها ولازم تتحمله ابو شاكر وهو يدخل ويطيح عند رجوله وبرجى/تكفى ذنبك يمشي ويذبح عيالي تكفى حللني تكفى ابو عمر وهو يبتعد عنه وبكره واضح على وجهه/احشم امرك وشيباتك واطلع برا بيتي/بتهديد/قبل لااكبرها واوصلها للشرطة اطلع ابو معن تنهد/هدا اخر قولك ياابو عمر ابو عمر ميل فمه بابتسامة/ومن متى وابو عمر يكرر كلامه!!/صد عنهم وهو يرجع لمكانه جلس وكمل قهوته ببرود/ ابو معن انحنى وهو يوقف ابو شاكر/قم ياسامح قم واطلب ربك العفو قم/خرج وهو يجر ابو شاكر المنهار بخيبته/ سلطان تنهد وهو يوقف نايف وقف اول ماشاف سلطان وقف رغم ان الموضوع يخصه وبشكل كبير لكن ماأثر عليه نهائيا انتهت هالمعضلة بالنسبة له سوا اللي عليه وانتهى ماعليه ملامة زفر براحة سلطان ابتسم بخفة من لمح ردة فعله يعرف نايف زين مايحب يتدخل بامور غيره نهائيا كيف وهو انرمى الحين باكبر مشكلة تمر عليه معرفة اهله اخذ نفس/ياعم نستأذنك حنا نجيك بوقت ثاني ان شاء الله ابو عمر رفع راسه يناظرهم/على وين!!/ناظر نايف/باقي مااخذت العلم سلطان/ابشر بالعلم ابشر لكن مرة ثانية ياعم مرة ثانية . ((شقة راضي)) جوهرة مثبتة عينها على جوالها اللي عالطاولة بحماس مو قادرة تخفيه وانفضح من عرض ابتسامتها راضي ابتسم لابتسامتها/عسى الله يديم هالضحكة على ذا الوجه خليني تنبسط معك جوهرة التفت له بوناستها/اقول حبيبي راضي/امري جوهرة/مريت عمتي اليوم؟ راضي/شوي نازل لها ان شاء الله جوهرة تنهدت/حبي الظاهر عمتي اخذت بخاطرها من درت ان المرقوق عشاني مو بلك راضي/لا ماعليك بالعكس كله يهون لعيون حفيدها جوهرة/انا شكرتها بس مارضت وضح عليها مرة كله منك قلت لك قولها عشاني راضي قام من مكانه وجلس جنبه وهو يرجع يده من ورا راسها ويضمها بخفة له وهو يناظرها بابتسامته/وش يرضيك عشان تقتنعين ان امي مااخذت بخاطرها جوهرة/اممم خاطري اروح لاهلي راضي بنص عين/وحملك؟!! جوهرة/اشوف الدكتورة واذا كل شي تمام ماترفض خلاص راضي/امري لله ابشري على هالخشم جوهرة ضمته/الله يخليك لي ياعمري الله يخليك . {{الـمـزرعـة}} فتنة ملتفة بشالها راجعة لبيتها بيدها سلة الخبز الزايد بعد ماوزعته عالطيور مدت مفتاحها بيمينها حتى تفتحه قطبت جبينها وهي تناظر الباب مفتوح ومردود لاخره وكانه مقفول فتحته بشويش بدون اي صوت منها دخلت وهي تسمي بينها وبين نفسها واحتواها توتر فظيع طمنت نفسها بأنه اكيد سلطان وقفت على باب المجلس واتسعت عيونها بصدمة ورجف قلبها برعب من وجوده تراجعت بخطواتها لورا وهي تلف وتخرج من البيت رفعت جوالها اللي بوسط السلة برجفة يديها الواضحة وهي تتصل به مرة واثنين وثلاث وبكل مرة يعطيها مشغول الى اخر مرة قفل جواله نهائيا وقفت وهي تحاول تركز من كثر الخوف اللي بقلبها اتصلت واخيرا احد رد عليها بدر/هلا فتنة برجفة صوتها/بد/التفتت تناظر وراها من انسحب جوالها من يديها/ . عجايب ورا طاولة الكاشير متكية على جوالها تناظر سنابات اخوانها بابتسامة كم نفسها تترك هالوظيفة اللي ورطت عمرها فيها لكن لازم تثبت حتى تبين لحاتم ان كلمتها تمشي مهما يكون قفلته من سمعت صوتها/هلا سحر/امشي نتقهوى المحل قبالنا واذا فيه زبون جينا على طول عجايب/صعبة انتي روحي جيبي القهوة ونتقهوى هينا سحر/واذا طبت علينا المشرفة عجايب/عادي شويات ويأذن ووقت الصلاة مالها كلمة علينا سحر زفرت بضيق/طيب روحي انتي انا دايم تجي وماتلاقيني اخاف تسوي لي سالفة عجايب تنهدت وهي توقف/كالعادة؟ سحر/ايه نفس الطلب عجايب مشت وهي تدخل يديها بجيوب عبايتها ابتسمت وهي تشوف شرار الكيك من بعيد وقفت والتفتت تبي تتاكد من اللي لمحته حاتم جالس قبالها مرتسمة على ملامحه عدم الارتياح تتعرق يديه بغزارة وعالطاولة قباله كيكة وهديتين عقد ذهب و ساعة يتلفت بين فترة وفترة بتوتر يتمنى دوامها انتهى وراحت للبيت ناظرها وبنرفزة/وش هالمكان اللي جايبتني له رؤى/حبيبي حسيت رايحين مكان مشبوه!!وعيب نرد العزيمة وهي مدفوعة بالكامل حاتم/مين اللي عزم كم لي اسال وماتجاوبيني! رؤى/صاحبة حاتم قاطعها بحدة/جوهرة صح؟ رؤى كشرت بوجهها حاتم بحدة/انا ماقلت ماابي لك اي تواصل معها رؤى بنرفزة/هاذي اختك وبعدين هي مرة عسل انا اول مرة اشوف واحد مايبي زوجته تتقرب من اخته!! حاتم بحدة/مابعد صرتي زوجتي وهالطلعات انا ماأحبها قبل الزواج ولولا اصرارك الفظيع وبكاك ماجيت واصلا جيت بس عشان اقولك هالـ عجايب وقفت عندهم وناظرت رؤى اللي تشوفها لاول مرة/ماشاء الله الف الف مبروك حاتم انخطف وجهه ووقف وهو يناظرها بصدمة من وجودها رؤى ناظرت حاتم باستغراب من فعله ثم ناظرتها/الله يبارك فيك//ناظرتها من فوق لتحت تتاكد اذا كانت موظفة بالمقهى/يعطيك العافية ماطلبنا حاجة عجايب بابتسامة/عيني عليكم باردة عصافير عصافير تهبل وش زينكم بسم الله عليكم حاتم وقف الكلام بحلقه يدري هالمرة ضربها في مقتل مستحيل تتجاوز عنه هالمرة مستحيل اكتفى يناظرها بقلب انعصر وتوجع من الوجع اللي لمحه بعيونها عجايب تكتفت/تغردون بحب ياعيني عالحب الله يديمه رؤى/الله يسلمك شكرا من ذوقك حاتم همس/عجايب رؤى التفتت لها بصدمة تناظرها عجايب لان عليه كلها وناظرته/الحمدلله طلعت تعرفني حاتم/عجـ عجايب قاطعته/هذا هو انتظاري؟او جزاء انتظاري؟ حاتم عض شفته السفلية بقهر عجايب/او هاذي الوقاحة اللي كنت تشوفها وحبيت تعلمني اياها ياحاتم؟ رؤى وقفت/لو سمحتي مو من حقك تتدخلي بخصوصياتي انا وزوجي عجايب بدون لاتناظرها دفتها بكل قوتها رؤى طاحت عالارض وبطيحتها ضربت كوعها بطرف الطاولة وصرخت وهي تمسك يدها/اااااه عجايب ناظرتها ثم زفرت بضحكة سخرية حاتم انحنى لها وهو فجعته صرختها عجايب غرقت عيونها دموع ومشت وتركته حاتم وقف ومشى وراها/عجايب عجايب اسرعت بخطواتها مبتعدة حاتم وقف وهو يلتفت للي تبكي وراه رجع لها وهو ينحني عندها رؤى بدموعها/يدي مااقدر احركها توجعني حاتم تصرف الله يخليك تصرف مها قفلت كاميرا السناب وهي ترفع جوالها لاذنها/ها عسى ارتحتي الحين؟ جوهرة بفرحة تغلغلت لاعماق قلبها/الله لايحرمني يامها الله لايحرمني ابشري باللي يرضيك ابشري لو هو عيوني ابشري!! . سلطان يسوق ومنزل جواله تحت الدريكسون دق عليها مرة ولا ردت رجع اتصل فيها قطب جبينه وهو يسمعه مغلق اخذ نفس وهو يقفل جواله سعد جالس جنبه مكان الراكب وعينه عالسيارات اللي تمر بالطريق يفكر بوضعه وحاله تنهد وهو يلتفت له/سلطان سلطان بدون لايناظره شد عالدريكسون/مالي كلمة على راحتها ياسعد سعد ابتسم بضيق/نويت التوبة ياسلطان سلطان التفت يناظره بحزن يدري ذهب مابتلقى احد يحبها مثله لكن مابيده شي بنفس الوقت سعد/لكن فيه شي لازم اعرفه قبل ابدأ هالتوبة سلطان زفر بضحكة خفيفة سعد/هي عافيتني هالكثر ليه؟هي حتى المعرفة ماتعرفني!! سلطان/ياسعد من نوى التوبة مادور اعذار!! سعد ابتسم غصب وهو يضرب بيده على صدره/ايه بس ياسلطان عسى الله يجيب دعوةٍ دعيتها اخر الليل سلطان بنص عين/لايكون تدعي على اختي!! سعد/وفيه احد يدعي على روحه!! سلطان/والله يافيه شي بخاطري من زمان سعد وهو يصد/لاتسأل عنه سلطان/هذا انا صابر و حاشم بالحيل خابرك ماتعرف دروب العذاريب سعد بنفسه/ليت من احتضن كفوفها وعلمها هي القلب وكل شرايينه سلطان ناظر صده وصمته وبنفسه/عسى الله يجمعك بها ان كان فيه خير ياسعد ياعساه يارب . ،،السوق الشعبي،، الجدة سدول جالسة بالسيارة وبنرفزة/ولد ياثابت امش وشوف هالعوب وينهم تاخرنا على فتنة امش ثابت/ياجدة توني كلمت امس تقول جايين الجدة سدول/والله مايجون الى ماتغيب الشمس وتشرق انا صاحبة الحاجة خلصت وهن مابعد امش جيبهن ام فواز فتحت الباب ورا وهي تركب/السلام عليكم الجدة سدول/وعليكم السلام وين بناتك //الكل بدا يركب بالسيارة// الجدة سدول/امش ياثابت اللي ماركب بكيفه //اسرعوا بالدخول للسيارة// ثابت شغل السيارة سحاب/باقي ماما الجدة سدول/امش والله ان امشي مابقي الا هي تأخرنا هالعوبا صايرة اقرد من عجايب سحايب وهي تتمختر وبأعلى كف يمينها نقش حنا وقفت عند الباب/افتحوه لاتخرب حنتي الجدة سدول بقهر منها/عسى عدوك مايحن عليك ياسحيّب سحايب/وش سويت!! الجدة سدول/اركبي وخلصينا ولا تركناك ورب البيت!! . نايف يسوق السيارة وهو يسرق نظرات بين فترة وفترة يتطمن على مريم بعد اللي صار ببيت ابو عمر شعوره ناحيتها غريب هي قطعة منه فرطت فيه بدون قصد وممكن قاصدة لكن مانوت له الاذية ابد عانت ماتزوجت ابو شاكر مثل ماوعد ورماها بالشوارع عاشت حالة صعبة الى ان التقت العم يسر وسعد والاجمل التقت بنايف مانسى للحين دفى حضنها قبل يومين ، ، نايف شاد على قبضته بتوتر كيف يستقبلها وشلون يسلم عليها كيف بتفهم عليه بدون سلطان زفر بتطمين لنفسه وهو يذكر سعد اللي تعلم الاشارة عشان يتواصل معه التفت يناظره العم يسر لامس بكفه كف نايف بابتسامة وهو يناظره/ياهلا بك يانايف كنت حبيب والحين صرت لنا قريب وحبيب نايف ابتسم رغم توتره الى ان كلمات العم يسر مدته بالراحة سعد دخل وبيده القهوة/حياك ياعمة حياك مامن غريب حياك نايف ارتفع توتره لااقصى درجة وهو يوقف سمو/سعد عيب!!كيف تجي خالة مريم عند بابا؟!! مجد واقف جنب سمو يناظرهم مريم دخلت بخطوات ثقيلة وعينها عليه وقفت على تتامله طلع من بيتها صاحب سنة ودخل بيتها الحين صاحب 27سنة كان طوله شبر ورجع لها طول بعرض رجال يفوق طوله طولها غرقت عيونها دموع عيون نايلة(ام نايف)والباقي كله محمد اخوها انسابت دموعها بقهر من سواتها اللي ماتغتفر حاولت وكم حاولت تلاقيه وبدون اي اثر اختفى فقدت الامل وايقنت بموته كيف رجع لها الحين وهو رجال كيف بتعوضه عن اللي راح وهالتعويض صعب وكثير جدا نايف تقدم لها وهو يتحاشى يناظرها من حياه للحين غريبة عنه ماتعود عليها وقف قبالها وهو يسلم على راسها ابتعد مريم شدته لها وهي تضمه وسط انهياره ضمته لها وهي لو تقدر دخلته بقلبها يكفي لوم كم لامت نفسها سنين طويلة وهذا هو رجع،رجع سلطان الحبيب سلطان ريحة الحبايب وكل النظر رجع لها بعد يأس من رجوعه ووجب عليها تعوضه عن كل شي وجب نايف رجف قلبه لاول مرة يحس بهالضمة ضمة تنطق مشاعر حب وحنان وفرح اخترقت الجسد ووصلت لقلبه ضمة تنطق دفى وامان وطمأنينة كيف حس بهالشعور اللي مايعرفه الا مع شخص واحد كيف حس به من انسانة غريبة عنه كليا تركها وهو يناظرها مريم كفكفت دموعها سعد وقف جنبها وهو يلامس بيديه اكتافها/يامريومتي خلاص عاد ماتهون عندي دموعك بقلبي تراها نايف يناظرها وبعد تردد فضل يناديها بالاقرب وبالاشارة/ياخالة مريم قطبت جبينها مافهمته سمو بغيظ/يقولك ياخالة/ناظرت ابوها وبالاشارة/عيب يابابا غط عيونك عيب!!والله لااقول لسلطان انك تمشي وتخم الحريم!! سعد ضحك نايف ابتسم مريم مدت يدها وهي تمسك نايف وتمشي سمو جرت وهي تنط وتمسك يديهم تفكها/عيب خالة مريم عيب!!/التفتت تناظر العم يسر وبغيظ/جدو خذ زوجتك تشوفها عند رجال وعادي!! سعد/الحين ليش تقولين لابوي جدو ولمريم خالة؟ سمو وهي تتخصر/بالله يعني ياسعادة ليش قول انت مريم استغلت انشغالها وهي ترجع تمسك يد نايف وتتجه معه للقهوة وتجلسه جنبها/ سعد رفع اكتافه/ماادري الصدق سمو اشرت هالعم يسر بطرف فكها/هو شايب/واشرت على مريم/وهي صغيرة العم يسر اتسعت عيونه بصدمة من كلامها سعد انفجر يضحك سمو/عشان كذا هو جدو بس هي خالة مريم سعد/عاد بذي صدقتي ابوي شاااااايب شايب وبالحيل العم يسر فز/اعقب من ولد سعد شال سمو وهو يهرب فيه برا/ماهو بانا اللي قلته يبه ماهو بانا العم يسر وراه/هين ياسعيدان هين مريم وهي محتضنة كف نايف/وين راحت بك الدنيا ياعيني وين ، ، العم يسر جالس ورا وهو يمسح دموعها بطرف شماغه/لاتصيحين ياعيني لاتصيحين مريم/عبدالله مانسى للحين مانسى نايف تنهد وهو يثبت عينه لقدامه مايبي يتطفل على لحظتهم الخاصة العم يسر بمواساة/يهديه الله يهديه الله دام رجع نايف يهديه ربي ويسامح اصبري انتي اصبري مريم/اخطيت بالحيل يايسر بالحيل العم يسر وهو يشد على يدها/الله عفو كريم اصبري يامريم اصبري وابشري من يلين راسه اروح له كل يوم واجلده الى مايرضى مريم زفرت بضحكة خفيفة العم يسر/ايه اضحكي اضحكي خلي يسر يرتاح قليبه مريم ناظرته/وسعد يايسر وش نسوي به وش؟ . ((شقة فواز)) فواز قبال اللاب توب اللي مدخل فيه الفلاش له نص ساعة يتصفح على قوقل يماطل من توتره اخذ نفس وهو يناظر الفلاش كم تجاهل هاللحظة كم تغابى واحسن النية كم غض البصر وحسب للعشرة حساب لكن الحين يحس بخوف واحساسه ابد مايخيب فتح الفيديو وهو يضم يديه اتسعت عيونه بصدمة من اللي يشوفه . <<الـمـسـتـشـفـى>> حاتم يمشي بالممر وهو تعب يتصل على جوالها مغلق اخذ نفس وهو يتصل عليها كحل اخير/هلا ياقوت/هلا حاتم كيفك حاتم قاطعها/اذا ماعليك امر ياقوت روحي شوفي عجايب رجعت البيت واذا موجودة اجلسي معها شوي لاهنتي ياقوت وقفت وبتوتر/عسى ماشر حاتم حاتم/خير ان شاء الله خير انتي اذا لقيتيها اتصلي لي على طول/قفل/ ابو رؤى خرج من غرفة الدكتور بملامح محتدة/انكسرت يدها تسمع انكسرت حاتم مارد ابو رؤى/اذا مابك قوة تمسك حرمتك عن بنتي وشو له تاخذها اذا هذا اولها ينعاف تاليها حاتم ساكت يسمع له وهو اللي ناوي من الاساس يطلقها مجرد ينتظر اللحظة المناسبة ابو رؤى بقهر/يعني ناوي تطلقها صدق!!ماكلفت عمرك حتى تدافع عن نفسك!! حاتم دخل يديه بجيبه بصمت ابو رؤى شده من ثوبه وبصراخ/بكرة ورقتها عندي حاتم/وليش بكرة!!الحين احسن خير البر عاجله ابو رؤى شد عليه اكثر يخنقه حاتم بصوت مخنوق/بنتك طالق طالق طالق ابو رؤى بقهره لكمه على وجهه حاتم تراجع لورا وهو يلمس انفه اللي نزف من لكمته ابو رؤى/جهز عمرك حق بنتي اخذه منك ومن حرمتك بالمحكمة/بصق عليه/ياعديم المرجلة/مشى/ حاتم مسح وجهه بطرف كمه وهو يزفر رقع جواله اللي اعتلت رنته لاذنه/ها بشري ياقوت/حاتم عجايب مو موجودة حاتم انخطف وجهه/كيف يعني!! ياقوت بتاكيد/ماهي بموجودة اقولك ماهي بفيه وش صاير قولي لي حاتم قفل جواله وهو يسرع بخطواته ماتحمل وجرى برعب وهو يفكر وين ممكن راحت حتى اهلها ماهم متواجدين بالمنطقة . سراج يسوق سيارته بوجه متجهم طفش من البيت ومن كل شي بحياته اموره وقفت عند ذيك اللحظة لحظة تركها له متكي براسه على يده اللي ساندها على طرف الباب يسوق بضياع وسط افكاره كشر بوجهه وهو يناظر السيارة اللي تكبّس له بازعاج ابتعد عن الطريق اترك له المجال حتى يمر لكن صاحب هالسيارة مستمر وراه ويكبس له بحدة قطب جبينه وهو مو عارف وين المشكلة معه بالضبط اتسعت عيونه وهو يحس به يصدم سيارته من ورا اسرع بسيارته يبعد عنه وهالسيارة تلاحقه ووازته ثم لف عليه يجبره يطلع عن الطريق ابتعد عن الطريق وهو يوقف على جنب نزل وبجنونه اللي مختزن يبي اي سبب حتى يفرغه بعد هالكبت الطويل صرخ/هــيـــه!!!خير وش فيه صاحب السيارة نزل وبيده حديدة سراج احتدت نظرته وفهم هالحركة مقصودة ماكنت ابد طيش سواف احتدت ملامحه صاحب السيارة رفع هالحديقة وهو ينهال على سراج بالضرب صرخ/موووووووت!!! . {{الـمـزرعـة}} فتنة بخطوات سريعة وبرجفة صوتها/بد/التفتت تناظر وراها من انسحب جوالها من يديها/ عواد سحب الجوال من يدها بغيظ فتنة استجمعت شجاعتها وهي تشد عالسلة بيدها والتفت وهي تضربها بوجه عواد غمض عيونه للحظة بالم من الضربة فتنة جرت بكل مافيها عواد جرى وراها وبقهر منها صرخ/فـتـنـة!! فتنة انفض قلبها وهلت دموعها وهي تسمع صراخه تعثرت وطاحت عواد هدا بخطواته وهو يبتسم وسط انفاسه السريعة وقف عندها فتنة وهي تحاول توقف وسط جروحها من الطيحة عواد مسكها من يدها فتنة انتفضت برعب ووقفت من سحبته الاجبارية عواد بقهر وهو يهزها بصراخ/ليه ليه فتنة غمضت عيونها وسط انهيارها غطت اذانيها بيديها ماتبي تشوفه ولاحتى تسمعه عواد عض شفته بقهر منها وهو يناظر حركتها مسك يديها بيديه وهو يفكها وبرجفة صوته/ليش قبلتي فيه ليش كل ضحكة معه قطعت قلبي ليه تجرحني وانتي تبيني ليه فتنة فتحت عيونها وهي تناظره وبهمس/إنت مريض عواد قطب جبينه فتنة/وشلون أبيك وانا كل ماشفتك يفز قلبي ويرتاع عواد انخطف وجهه وارتخت يديه وهو يناظرها بصدمة فتنة بدموعها صرخت/يالمريض متى تفهم انها تلعب عليك باسمي متى/رفعت رجلها وهي تسدد له بين رجوله بكل قوتها/ عواد انحنى شبه راكع وهو يتألم فتنة جرت عواد مد يده بألم وهمس/فـتـ/التف من السحبة القوية اللي حس بها من كتفه انخطف وجهه وهو يناظره/ طلال بوجه رسم العزم عاللي بيسويه وانتهى ماسكه من كتفه بكل قوته سدد بسكينته طعنة وهو يغرزها يتاكد بوصولها لاقصى نقطة ممكنة يقدر يوصلها عواد مسك يد طلال بوجهه الشاحب طلال سحب السكينة وهو يدفه عواد ارتمى عالارض وصرخ بألم فظيع اجتاحه طلال انحنى عنده شبه جالس وهو يحس بنشوة الشرف اخيرا اخذ حقه اخذه بعد طول انتظار اخيرا ليشفي غليله ويرتاح قلبه ابتسم وهو يناظره/للحين باقي مابدينا وفر انفاسك وفرها!!/اعتدل بوقفته وهو يرفسه بكل قوته/ عواد صرخ بألم طلال استمر بممارسة جنونه عليه فتنة مستمرة تجري رغم صرخات عواد اللي ارعبتها ومستحيل تكون ركلتها هي السبب بهالصراخ ماوقفت ولا عندها الجرأة حتى توقف ابتسمت وهدت بخطواتها بوسط انفاسها السريعة وهي تناظره بدموعها/تركي/جرت له بفرحة واخيرا احد ينقذها احد يشهد لها ويخلصها من يدين ذاك النجس المريض/ تركي دخل يده بجيب الهودي وبملامحه المحتدة جرى لها فتنة قطبت جبينها باستغراب وهي تهدا بخطواتها تركي وقف قبالها وخرج السكينة من جيبه وهو يغرزها بكل قوته بمنتصف جسمها فتنة تناظره بصدمة كل شي وقف وهدا حوله حتى الألم ماحست فيه للان تناظره بعدم استيعاب للي يصير معها تدفق دمها نزلت يدها وهي تتحسس مكان طعنته لها حست بغزارة دمها مسكت يده بيدها اللي تلونت بالاحمر تركي فز برعب وهو يستوعب فعلته ترك السكين فتنة شدت على يده تثبته وبعرق غزى جبينها ناظرته وهمست بدموع انسابت هالمرة بقهر على نفسها/ليه ياتركي ليه تركي هلت دموعه برعب وهو يسحب يده بقوة منها وهرب تاركها وراه فتنة جلست على ركبها بألم وسط رجفتها الواضحة باهتزاز جسمها ناظرت السكين اللي تتوسطها عضت شفتها من كثر الحزن والحسرة على نفسها مدت يديها برجفة وهي تمسكها وسحبتها بكل مافيها واعتلت منها شهقة مكتومة سجايا وقفت على مسافة بسيطة منها صرخت بفزع وهي تجلس عالارض ماقدرت تتجه لها سحايب اتسعت عيونها وجرت لها بصراخ/فتنة فتنة ارتمت عالارض وسط الدم اللي تدفق بغزارة من سحبت السكين ناظرت السما الصافية واطراف النخل اللي تتمايل بهدوء اخذت نفس بهدوء ثم ابتسمت وهي تتامل هالمنظر بدت تغيب عن الوعي ببطى رغم صراخ سحايب اللي ترفعها بمحاولة يائسة منها تساعدها . اللهم صل وسلم على نبينا محمد #سلطان_الهوى_يافتنة_الألفية | ||||
|
| |
|
08-12-22, 03:32 PM
| #110 | ||||
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة الا بالله العلي العظيم | ||||
|
| |
 |
| أدوات الموضوع | |
| انواع عرض الموضوع | |
|
|
162Likes
العرض العادي
