آخر 10 مشاركات
جئت إلى قلبك لاجئة *مميزة ومكتملة* (الكاتـب : آمال يسري - )           »          عشق من قلـب الصوارم * مميزة ومكتملة * (الكاتـب : عاشقةديرتها - )           »          353 - رياح الجمر - ريبيكا ونترز (الكاتـب : حنا - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          22 - مغرور - جانيت دايلى - أحلام القديمة ( كتابة / كاملة ) (الكاتـب : ماندو - )           »          صغيرات على الحياة / للكاتبة المبدعة أم وسن ، مكتملة (الكاتـب : بلازا - )           »          رواية/ لكنهُ أكثَر *مكتملة* (الكاتـب : Cloud24 - )           »          وليس للقلب دواء سواك (2) *مميزة ومكتملة* .. سلسلة داء العشق (الكاتـب : امانى الياسمين - )           »          4– البديلة -فيوليت وينسبر -ق.ع.قديمة (الكاتـب : Just Faith - )           »          دقات محرمة (2) .. سلسلة قلوب معلقة *مكتملة* (الكاتـب : Nor BLack - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree154Likes
إضافة رد
 
LinkBack أدوات الموضوع انواع عرض الموضوع
قديم 27-12-22, 09:48 PM   #121

مدامع حزينة
 
الصورة الرمزية مدامع حزينة

? العضوٌ?ھہ » 400611
?  التسِجيلٌ » May 2017
? مشَارَ?اتْي » 397
?  نُقآطِيْ » مدامع حزينة is on a distinguished road
افتراضي


42 والأخير
سبحان الله و الحمدلله ولااله الا الله و الله اكبر و لاحول ولاقوة إلا بالله
-
________________________
.
{{بـعـد سـت شـهـور }}
.
{{الـمـزرعـة}}
سعد جالس قبال الفطور بزعل
العم يسر يفطر
مريم مدت كاسة الشاهي له/سم يايسر
العم يسر اخذه بابتسامة/تسلم هاليدين ماعدمها ياعين يسر
سعد بغيظه/ايه تغزل وش عليك ماهو بعرسك انت وش عليك مرتاح
مريم كتمت ضحكتها
العم يسر ناظره بحدة/ابلع من النعمة واشكر ربك
سعد انفجر/يبه ترا الليلة عرسي عرسي انا ماهو بمعزومين عند احد
العم يسر نزل عكازه وببرود وهو يفطر/ويومه عرسك الحمدلله لاانت اول واحد ولا اخر واحد
سعد اتسعت عيونه ورفع صوته/يبه!!
العم يسر رفع عكازه/اسمعك لاتخليني اجلدك بيوم عرسك!!
سعد بغبنة/ناقصتني امور واجد قالوا لك سلطان ونايف ان المفروض من يومين وحنا هناك لاخر نفس وانت ماسك بذي المزرعة عساها بنار تاكلها
العم يسر فز واقف وهو يسحب عكازه
سعد نط واقف/والله اني صادق والله غير يهلون المعازيم وحنا مابعد جيناهم
العم يسر بغيظ/وش فيك شايش هاه وش فيك الغدا وحطيته باستراحة والعشا وباحسن قاعة مثل ماتخيرت وش فيك علي وش فيك وش تبيني اسوي زيادة هاه وش!!
سعد قرب من ابوه رغم خوفه وباس راسه وبنرفزة/كثر الله خيرك ورايتك بيضا عساك ذخر لي يايبه لكن ماخلصت اموري ماخلصت
العم يسر دفه لقدامه/امش قدامي امش
مريم وقفت وهي تناظرهم بابتسامة
سعد مشى وهو يرجع لورا ووجهه على ابوه وبنفس نبرة ابوه/وين؟
العم يسر يدفه من كتفه بطرف عكازه/قدامي امش
سعد وقف/هذا انا امشي وتين تبيني اروح؟
العم يسر/يا مااكذبك هذا انت وقفت
سعد/الباب الباب تبيني اطلع!!
العم يسر بعصبية/ايه اطلع اطلع
سعد بوجه تغير/تطردني يبه!!
العم يسر/ايه اطردك واطرد عشر من اشكالك
سعد بصوت رجف/تطردني وبيوم عرسي بعد
العم يسر دفه عن طريقه وهو يفتح الباب/اطلع
سعد خرج من البيت بوجه احتقن باللون الاحمر من صدمته والتفت لابوه وهو يكبح عبرته/والله مالك حق تطردني وماني برايح الا معك
العم يسر كشر بوجهه وهو يخرج من البيت
سعد رفع صوته/وشلون يطاوعك قلبك تطرد سعيدان وشلون!!
العم يسر/ولد ياسعيدان
سعد بزعل/مابه سعيدان وانت طاردني مابه
العم يسر/ناظر وراك
سعد بعناد/ماني بشايف شي ماني بشايف
العم يسر/ولد ياسعيدان ناظر وراك ولا وربي لااجلدك بيوم عرسك
سعد التفت وسط تكشيرة اعتلت وجهه وبثواني تبددت من اتساع عيونه من اللي يشوفه ثم التفت يناظر ابوه بصدمته
العم يسر بابتسامة/عساها مبروكة ياابوك مايصير يسوق العريس وانيت مهربد الا حقه جيب اخر موديل
سعد غرقت عيونه دموع وهو يناظر ابوه
مريم بابتسامة/وامورك اللي اشغلتنا بها جهزت ووسط هالسيارة عساها بالعافية عليك
العم يسر رفع عكازه وهو يتمايل وغنى بوسع ابتسامته/عريسنا يابدر بادي
مريم زغرطت وهي تصفق
العم يسر/عريسنا يابدر بادي
سعد جرى لابوه وهو يحتضنه ويكبح دموعه
العم يسر مسح على ظهره بابتسامة/والله وكبرت وصرت عريس ياسعد
سعد/والله لو اني كبر الثور انا سعيدان ياابو حمد سعيدان ويحق لك تسوي بي ماتبي
العم يسر/عسى الله يرضى عليك ويسعدك وانا ابوك ياعساها زواجة الهنا والسعد ياسعد
.
((شقة بجاد))
بجاد واقف قبال تسريحته وهو يقفل ازارير ثوبه
منايا ببطنها المنفوخ من حملها وقفت قباله بابتسامة وهي تبعد يده بخفة وتقفل ازاريره
بجاد ابتسم وهو يناظرها اخذ نفس/تدرين اذا ماانقبلت بهالوظيفة بنفلس رسميا
منايا وقفت وهي تناظره بغيظ/ليش تفاول الحين!!
بجاد تنهد/ذي الحقيقة يامنايا
منايا تنهدت وهي تقفل ازارير ثوبه/رضيت فيك يوم جيت وقلتي لي فصلوك العسكرية رضيت وانا دارية وش ممكن يكون وضعنا وكيف بتكون عيشتنا دام امورنا بتكون بالحلال وبدون اذية لاحد راضية عشنا شهور واحنا فوق الاقتصاد بنعيش الايام الجاية يدبرها ربي بتدبيره لاتشيل هم
بجاد بضيقة وهو يلمس بطنها بكفه/حنا بنصبر لكن هذا وش بيصبره يامنايا؟
منايا لامست كفه بكفها تطمنه/رزقه معه بيجي معه ان شاء الله/ابعدت كفه وهي تحتضنها بين يديه/انا متفائلة هالمرة متفائلة بهالشركة وكثير
بجاد زفر
منايا ابتسمت/حبيبي هونها وتهون هونها
بجاد يطرد اليأس/الله يكتب اللي فيه الخير الله يكتبه
وعد دخلت لعندهم/ماما/وقفت وهي تناظر ابوها/واو بابا كل هالكشخة ليش/بنص عين/لايكون بتتزوج؟
بجاد ابتسم
منايا تكتفت/خليه يفكر بس
بجاد وهو يلف قدامها/صدق ياوعدي على ذا الزين يبي لنا الثانية ولا؟
عهد وقفت عندهم وهي تفرك عيونها بنوم/ماما متى يجي سلطان؟
منايا ضحكت بخفة/ياذا الإشغال بدينا بدينا
بجاد انحنى وهو يبوسها على خدودها/انتي تكفين مو بلازم سلطان
عهد بزعل وهي تناظره/بابا روح للمستشفى انت وماما وجيبوا سلطان
بجاد التفت لمنايا/صادقة يابنت ابطيتي كلنا نبي سلطان
منايا/والله ولدي بكيفه متى مايبي يشرف عالدنيا حياه الله
عهد انفجرت تبكي بصوت/جيبوا سلطان ابي سلطان
منايا تغير وجهها للحظة وبلعت غصتها
وعد انحنت وهي تاخذها من بين يدين ابوها بسرعة ومشت ماتركت له مجال يكلمها/تعالي عهد نلعب مع بعض يالله
بجاد اعتدل ووقف ضمها له/الله اخذ منا سلطان واكرمنا بغيره للحين مصرة تبين تسمينه سلطان؟
منايا هزت راسها بايه
بجاد/عسى الله يبلغني بسلامتك انتي واياه ياام سلطان
منايا/امين امين/دفته عنها بخفة/يالله شكل صدق هالمرة ماتبي الوظيفة يالله رح لاتفوتك المقابلة رح
بجاد مسك كفها وهو يرفعه له ويبوسه/دعواتك يامنوتي دعواتك/مشى/
.
((شقة راضي))
عزيزة بفستان واسع يناسب جسمها المتغير بسبب الحمل فتحت باب الغرفة وتنهدت وهي تناظر فعلها/يمه ام مشعل وام ابراهيم وصلوا
ام راضي بجسمها الهزيل ووجهها اللي برزت عظام فكها من النحافة جالسة عالسرير تسفط ملابس راضي اللي غسلتها قبل كم يوم صدت/اقفلي الباب وراك
عزيزة/يمه انتي حتى خالتي رفضتي تشوفينهم والحين تبيني اطرد صديقاتك!!
ام راضي بعصبية/ماابي اقابل احد ماابي ماتفهمين
عزيزة/يمه مايصير اللي تسوينه وضعك ابد مايريح خلاص يمه خلاص
ام راضي وقفت وهي تلتفت لها وبعصبيتها/خلصت انفاسك!!الله من وسع الوجه الكرش قدامها ومطلقة وماعليها تقابل الخلق عادي
عزيزة اللي اعتادت كلام امها هالمدة/الحمدلله نصيبي وربي كاتبه احط يدي على خدي وابكي!!ماسويت حرام ولا ارتكبت جريمة!!
ام راضي/ترادديني بعد!!صدق ماتستحين مات الحيا عندك ماعاد تحسبين حساب لشي ابد!!
عزيزة/وش احسب وليش احسب اصلا!!محد له كلمة علي وابوي راضي
ام راضي/ايه شدي الظهر بابوك اللي مافيه خير شدي
عزيزة بقهر/يمه!!
ام راضي/لو فيه خير سوا عزا لاخوك ماهو بيتبرأ منه!!
عزيزة/انا مالي شغل وابوي محد يلومه يمه باللي يسويه
ام راضي سحبت جوالها ورمته عليها
عزيزة تحركت وانرمى الجوال وراها لبرا الغرفة
ام راضي بقهر/اطلعي برا اطلعي برا كلكم مافيكم خير كلكم لا انتي ولااخوانك صدقتوا اللي انقال عنه المسكين مارحتموه واكلتوه حتى وهو بقبره ولااحد منكم نصره حسبي الله عليكم من اخوان مافيكم خير كلكم واولكم ابوكم
عزيزة زفرت بطفش من هالموضوع اللي ينفتح بكل مرة/يمه عشان نفسك وعشان يطيب خاطرك وتعيشين حياتك برضا وراحة ارضي،ارضي يايمه بالواقع ارضي وادعي له محد يتبلى عليه وكل اللي نقوله عسى الله يتجاوز عنه مابيدنا شي غير الدعاء
ام راضي وقفت واسرعت بخطواتها وهي تدفها لبرا/كنت اظنك احسن عيالي واقربهم لقلبي طلعتي أرداهم اطلعي ماابي اشوفك ببيتي اطلعي برا برا برا اذلفي عن وجهي برا
عزيزة تحركت مع دفات أمها بهدوء
ام راضي وقفت على مدخل الضيوف وبحدة وهي تنتظر الموجودات/وانتم ليش جايين هاه ليش؟!!
ام ابراهيم بهدوء وهي تناظر عصبيتها/وشلونك ياعايشة اشتقنا لك غبتي عنا قلنا نجيك
ام راضي بحدة/انا مااشتقت لكم ولا ابي احد منكم يجيني اغيب بكيفي ويالله برا برا انتوا بعد ماابي احد كيفي انا كيفي برا برا
ام ابراهيم/ابشري على راحتك ابشري لاتزعلين نفسك ابشري/خرجت ووراها ام مشعل وقبالها عالباب عزيزة/
ام راضي بعصبية/لاعاد اشوف احد منكم جاي يدق على باب يالله/قفلت الباب بوجيههم/
عزيزة باحراج/اعذرونا خالة ام ابراهيم وخالة ام مشعل اعذرونا
ام مشعل زفرت/معذورة يابنتي الله يكون بعونكم معذورين
عزيزة/حياكم عالقهوة بالبيت تحت حياكم
ام ابراهيم/لا والله يابنتي اعذرينا انتي خليها المرة الجاية باذن الله
عزيزة/ياخالة
ام ابراهيم قاطعتها/كثر الله خيرك ياعزيزة احنا جينا نسلم ونمشي ماعندنا نية نجلس من البداية خليها المرة الجاية ونجي على رواق ان شاء الله
عزيزة زفرت/على راحتكم ياخالة
ام مشعل/ويابنتي اتحملي الله يكتب اجرك مهما كان هاذي امك اتحملي الله يهديها ويجبر خاطرها اتحملي
عزيزة زفرت بياس/ابشري ياخالة جزاك الله خير لاتوصين عليها بعيوني
.
،،الـكـوفـي،،
سلطان دخل بابتسامة ويده بيد مجد وبيده الثانية باقة ورد كبيرة وانطلقوا قدامه يجرون أمل واياد وبصوته العالي/سلااااامو عليكووو
سحاب دخلت وراه بغيظ
//التفتوا له المتواجدين يناظرونه باستغراب//
سلطان اتسعت عيونه للحظة ثم ارتسم الاحراج على وجهه/المعذرة المعذرة/اسرع بخطواته لطاولة الخدمة/
نايف ياخذ طلب الزبون من قراءة شفايفه ثم التفت لسمو وهو يتاكد بلغة الاشارة
سمو اكدت له الطلب
سلطان وقف عندهم وهو يناظرها بغيظ/شاري لك جوال ليش هاه؟
سمو تناظره بحدة/فاضية انا فاضية!!مع بابا مشغولة
نايف اتجه لسحايب وهو يمد لها الفاتورة
سحاب احتدت نظرتها
سحايب اخذتها منه وبدت تجهز الطلب
سلطان/قايل لك اذا فيه زباين قولي لي مو ادخل ذي الدخلة الشينة!!
سمو رفعت اكتافها/مالي شغل
سحاب تركتهم واتجهت لساجر اللي جالس بأحد زاويا الكوفي
نايف رجع مكانه وابتسم وهو ينحني يناظر مجد من ورا الطاولة
مجد ترك يد سلطان وهو يمد يديه من ورا الطاولة لابوه
نايف مد يديه وهو يرفع ولده له ويضمه ويبوسه وسط ضحكات مجد اللي اعتلت المكان
سلطان بالاشارة لنايف/هدوء هدوء لايهجون الزباين وتنقص ارباحي
نايف ناظره بنص عين وبالاشارة/تراني شريك بعد!!
سلطان كشر بوجهه/يصير خير ان شاء الله/مشى/
نايف تركه وهو يتجه لسحايب ويوقف جنبها يراقبها كيف تحضر
سحايب التفتت له وهي تاخذ مجد من يديه وانحنت تنزله جنبهم/خلك هينا مجودي/باسته على خده/حبيبي الشاطر/اعتدلت بوقفتها وهي تمد يمينها ليمين نايف مسكتها ومدتها لالة القهوة وبيسارها الكوب حطته بيساره ناظرته وبالاشارة/دورك الحين جهز قهوة الزبون
نايف أشر براسه لا وبالاشارة/للحين ماضبطت الطريقة!!
سحايب انحنت وهي ترفع مجد لحضنها/مجودي حبييي نروح لاخوانك/مشت وتركته/
نايف تورط وهو يناظر الاغراض قباله اخذ نفس وبدأ يجهز القهوة
سلطان ماغابت عنه نظرات سحاب لنايف وقف وهو يناظرهم
//زاوية الكوفي مخصصة لساجر واغراض رسمه وجزء منها لعرض اعمال بعض طلاب المعهد اللي يدرس فيه//
ساجر جالس يرسم عالاكواب بكامل تركيزه وبصمت
سحاب تناظره بملل/ساجر ماطفشت من الرسم!!
ساجر مارد
أمل وقفت عندهم وسط انفاسها السريعة
إياد وقف جنبها
أمل/ساجر ساجر أعطني كوب لو سمحت
ساجر ناظر الاكواب اللي راسم عليها بتفكير صرف نظره عن الاكواب واخذ كوب جديد رسن عليه أميرة من اميرات ديزني بعشوائية باللون الاحمر ومده لها
سحاب اتسعت عيونها/ماشاء الله وانا ماترد علي!!
أمل ابتسمت وهي تاخذه/شكرا/جرت/عمو نايف عمو نايف
اياد جرى وراها
ساجر رجع يكمل رسمه
سحاب زفرت وسط ابتسامة وهي تناظره
سلطان جلس جنبها/وش تفكرين فيه؟
سحاب التفتت له بابتسامة وحماس/متى تجيب لي جوال
سلطان كشر بوجهه/بنك عندك انا بنك!!
سحاب بزعل/وش معنى سمو؟
سلطان/كان لك الجوال لو ريحتيني وقبلتي تشتغلين معهم بالكوفي
سحاب صدت بغيظ/ماابي
سلطان/انا داري اعتراضك مو على شغل الكوفي نفسه
سحاب التفتت له وبغيظ/ايه مو على شغل الكوفي انا ماابيه ماابي هالنايف ولااطقيه ولاابي احتك فيه ولا ابي امي تتزوجه اتمنى اليوم قبل بكرة تخرب علاقتهم واذا ماخربت ودي يموت وارتاح
سمو واقفة وراها سمعت كلامها وارتسمت الصدمة على وجهها مدت يدها وهي تضرب سحاب على راسها بكل قوتها
سحاب انحنت براسها من الضربة وسط صرخة اعتلت المكان
سلطان اتسعت عيونه وهو يناظرها
سمو بدموعها/ان شاء الله انتي تموتين مو بابا/هجمت عليها وهي تضربها/
سحاب اعتلى صراخها وهي تدف سمو عنها
سلطان فز وهو يسحب سمو عن سحاب يضمها له
سمو تتحرك بين يديه بكل قوتها وبصراخ/اتركني اتركني اااه اتركنيي
سلطان خرج فيها/سمو خلاص سمو خلاص خلاص
.
((بيت ابو عمر2))
ابو عمر جالس لوحده بالصالة بوسط البيت اللي يلفه الهدوء والظلام اللي غطى كل البيت ماعدا مكان تواجده
ام عمر دخلت بعبايتها وبيدها صينية القهوة انحنت نزلتها عنده واعتدلت بوقفتها
ابو عمر ناظرها من فوق لتحت/على وين ان شاء الله؟!
ام عمر بنفس ضيقة/رجعتي لك كانت بشرط ماتسألني عن طلعاتي ولاتمنعني
ابو عمر/انا قلت يلين راسك على ذا الشرط الاعوج لكن طلعتي مثل خويتك/صد عنها/سوي سواتها احسن من هالحالة
ام عمر/ماني بقليلة اصل حتى اخلعك انا عشت معك اول حياتي وبأكملها معك
ابو عمر/تكملينها!!قصدك تمشيني على مزاجي
ام عمر زفرت/عبدالله
ابو عمر التفت لها من نادت اسمه
ام عمر/عاجبك وضعك الحين؟
ابو عمر قطب جبينه/وش فيني؟!
ام عمر/وحيد رغم كثرتهم وحيد ياعبدالله
ابو عمر احتدت نظرته
ام عمر/كل عيالك نفروا منك محد يبي قربك ابد
ابو عمر بحدة/محد جبر بخاطري غير طلال حتى بيوم حكمه بدل لا أهونها عليه هو يهونها علي
،
،
،،قـبـل 4 شـهـور،،
،،بالمحكمة،،
ابو عمر بصوت مهتز بوضوح/طلال ياابوك
طلال ابتسم وهو يخفي همه/يبه ماعليك اربع سنين تمر بغمضة عين ماتدري غير وانا عندك بالمجلس اتقهوى معك
ابو عمر بضيق/حق عواد مقدورٍ عليه وانا ابوك بسيطة البلا ماهو باربع سنين البلا بفتنة
طلال قاطع ابوه وبنرفزة/لاتكلمها بشي خلها تسوي اللي براسها لاتردها
ابو عمر بضيقته/طلال بتزيد الاربع
طلال/يبه ارفع راسك انت عزيز من قومٍ روسهم تنطح السحاب لاتحني راسك لحرمة يبه
ابو عمر زفر نفس بصوت
الشرطي سحب طلال/يالله للسيارة يالله
طلال مشى
ابو عمر مشى وراه وسط قلبه اللي يعتصر على حال ولده/طلال
طلال وهو يمشي/يبه لاتلحقني يايبه ماابيك تشوفني وانا اطلع الدورية يبه لاتلحقني
ابو عمر وقف وهو يناظره وسط عيونه اللي تبللت بدموعه
،
،
ام عمر بغيظ/محد قسّى ولدك وعلمه القسوة غيرك عساك مبسوط بكلامه!!
ابو عمر رفع الفنجال له/ماهو عندك مشوار توكلي الله يستر عليك/ارتشف من فنجاله بخفة/
ام عمر/بتظل وحيد وتتلفت ومحد حولك ياعبدالله هالدنيا محد بياخذ منها غير الذكر الزين والدعاء صالح اختك وبنتك ترا العمر يمشي ومحد ضامن عمره
ابو عمر مارد عليها
ام عمر/اسال الله ان يتوب عليك ويكتب لك الهداية ياعبدالله وترجع مثل اول/مشت ثم وقفت على الباب قبل تخرج/انا معزومة الليلة للعرس وبأتجهز اعطيك خبر رغم شرطي اللي تعرفه زين/مشت/
ابو عمر كشر بوجهه من رجع الهدوء يلف المكان حوله وباصرار على رايه/مااخطيت ياعبدالله مااخطيت
.
،،الـمـركـز الـنـفـسـي،،
الممرض يجري بالحديقة يدور عليه وقف وسط انفاسه/مامر من عندكم؟
حارس الامن الداخلي/لا ماشفته هو داخل المبنى مايقدر يخرج ابد/مشى عكس طريق الممرض يدور معه/
الممرض كمل طريقه وهو يكبح نفسه لايناديه وقف وهو يناظره
عواد يتسلق النخلة بابتسامة
الممرض ثنى يديه حول وسطه/ياعواد انزل
عواد التفت يناظره بصدمة
الممرض/انزل ولك اللي تبيه انزل
عواد بحدة/لا تكذب علي!!انا رايح لها ابي اشوفها رايح لها
الممرض دخل يده بجيبه وهو يضغط زر الاستدعاء بجهازه ثم خرج جواله من جيبه/انزل واخليك تكلمها انزل
عواد ناظره بشك
الممرض حرك جواله/ماتبي يعني؟خلاص بكيفك/لف عنه بيمشي/
عواد اسرع بخطواته وهو ينزل/ابي ابي استنى لاتروح/زلق وطاح/اااه
الممرض التفت له وجرى له/عواد
عواد جالس وماسك يده يتألم/اااه
الممرض انحنى له وهو يمسك يده يفحصها
عواد اشتغل انشغاله وهجم عليه وبصراخ/اعطني الجوال اعطني
حارس الامن وممرض وقفوا عنده وهم يسحبونه ويثبتونه
عواد بصراخه/ابي اكلمها ابي اكملها بس
الممرض جلس وهو يلفظ انفاسه ناظر جيبه وزفر من شاف علبة الدواء الصغيرة انكسرت
عواد يتحرك بين يديهم وبصراخه/جيبوها لي جيبوا لي رغد
الممرض وقف وهو ينفض يديه من التراب/رجعناه للغرفة بدت نوبته كالعادة
عواد بكل قهره/رغد والله لاااحرمك الدنيا مثل ماحرمتيني فتنة والله يارغد رغد رغد
.
،،الـصـالـون،،
سدول همست بجوالها/كيفها؟
ساجي زفر/لااله الا الله نايمة نايمة توك مالك ساعة طالعة من عندي خذي راحتك يابنت الحلال
سدول/اذا جـ
ساجي قاطعها/ياقلبي انتي تراها بنيتي لاتوصين خلاص انا اعرف لكل شي خذي راحتك وانبسطي
سدول بقلق طفيف/ان شاء الله حبيبي ان شاء الله/قفلت والتفتت وهي تناظرها/
ذهب/سدول من البداية قلت لك خليك مع بنتك حجزت وحدة بتوصل القاعة تضبط امي وانتي معها
سدول هزت راسها بلا/كيف اتركك لحالك وانتي عروس!!
ذهب/اعرف ادبر اموري ماني بصغيرة وبعدين والله على حالتك ذي لحالي ارحم جبتي لي القلق معك
سدول/اسفة ذهب والله اسفة خلاص ماعاد اتصل وابشري مااوترك ابد
ذهب/عشان يصير لك شي واتورط!!لا حبيبتي اتصلي مثل ماتبين دامك مصرة تقعدين معي/مشت/
سدول تنهدت وهي تناظر شاشة جوالها اللي خلفيته صورة بنتها وفز قلبها/ياروحي انتي جاية والله جاية
.
،،الـمـسـتـشـفـى،،
بدر جالس بانتظار الرجال قباله بمسافة العيادة مثبت عينه على بابها ويهز رجله بتوتر
فتنة خرجت من العيادة
بدر فز واقف واتجه لها/هاه وش صار وش قالت وش فيه؟
فتنة ابتسمت/بسم الله عليك مافيه شي!!/مسكت يده ومشت/
بدر مشى معها/قولي لي وش صار طمنيني
فتنة/ماصار الا كل خير الحمدلله كل شي تمام
بدر لامس بيده مقدمة صدره وزفر براحة
فتنة ضحكت بخفة/وش فيك مرعوب!!
بدر/مدري مدري بس أحس شي يلعب ببطني وصدري عجزت ارتاح
فتنة بابتسامة/ارتاح بس لايصير لك شي وبعدين امي تخاصمنا اثنيناتنا/وقفت عند دورة المياه وهي تمد شنطتها/امسك شويات واجيك
بدر اخذ الشنطة/انا بالسيارة انتظرك
فتنة/تمام
بدر مشى
فتنة دخلت لدورة المياه قطبت جبينها وهي تناظر اللي قدامها بالزي العسكري كملت طريقها بدون اهتمام دخلت لدورة المياه
الشرطية دقت عالباب وبنرفزة/هيه انتي اخلصي علينا حركاتك مابتمشي علي
فتنة خرجت واتجهت المغسلة تغسل يديها
الشرطية/اوووه انتي ماينفع معك لاطيب ولاشر/فتحت الباب/
رغد فتحته مع فتحها له وبعصبية/حتى خصوصية مافيه!!
فتنة اتسعت عيونها من سمعت صوتها وتلقائيا ناظرتها بالمراية
الشرطية دفتها بخفة لقدام
رغد تقدمت بخطواتها
الشرطية/لو انك وجه خير كان اخذتي فوق الخصوصية لكنك بلاء منزّل على كل مناوبة وسجينة بعد
رغد وقفت قبال المغسلة تغسل يديها
فتنة نفضت يديها بقصد
رغد بانزعاج/هـيـه!!
الشرطية بحدة/اخلصي وانتي ساكتة
فتنة ناظرت الشرطية/اسفة
رغد ناظرتها بصدمة
فتنة/بس معها حقك طشرت الموية عليها يحق لها تعصب تكفين لاتتسببين عليها بشي الله يفرج كربتها
رغد احتدت نظرتها
فتنة ناظرتها بابتسامة/بعد ماتقضي حكمها كامل ان شاء الله
رغد ابتسمت/عساك تتعالجين عن العقم هالمرة!!
فتنة تكتفت/إلا قصدك اتطمن على جنيني؟
رغد انخطف وجهها بصدمة
الشرطية سحبت يدين رغد وكلبشتها
فتنة تكتفت وهي تتاملها باستمتاع
الشرطية/يالله بس يالله لو يشوفونك تطيح براسي يالله
رغد سحبت يديها/ماله داعي هالكلابشات ماله داعي
الشرطية بحدة/معك انتي له دواعي ماهو بواحد/دفتها لقدام
رغد تحركت من دفتها
الشرطية/امشي وانتي ساكتة امشي
فتنة مرت من جنبها ثم التفتت لها وناظرتها بشماتة/سمعت الحكم عشرين سنة الحمدلله بدر ماقصر فيك
رغد ناظرتها بحدة/ماهو بعلى كيفكم نشوف الاستئناف
فتنة ضحكت/الله يقويك وايه صح بحكم المحبة اللي كانت بيننا بيوم عسى ان شاء الله يروح هالورم يارب/احتدت ملامحها/وتخيسين بالسجن وانتي بكامل صحتك ولا حولك لاونيس ولا أنيس/خرجت من دورة المياه/
رغد عضت شفتها السفلية بقهر وانهمرت دموعها وهي تخرج من دورة المياه والتفتت حولها تدور لها بنظراتها وصرخت/الله ياخذك يافتنة الله ياخذك
فتنة وقفت والتفتت لها وبصوت عالي/امين ياخذني من راحة لراحة اكبر ومن سعادة لسعادة اكبر موتي بغيظك يارغد موتي/مشت/
رغد جرت وهي تصرخ/فتنة
الشرطية مسكتها بقوة وهي تضربها بالجدار وبحدة/مكانك يارغد مكانك
رغد تتحرك بين يديها وبصراخ/فتنة فتنة الله لايوفقك يافتنة فتنة
.
،،الـسـجـن،،
عمر جالس قباله بابتسامة
طلال يناظره بتكشيرة/ليش جاي؟
عمر/يالله عاد والسؤال اللي ماله داعي يعني وشو له جاي
طلال وقف/دام جاي عناد اجلس مع عنادك على راحتك
عمر خرج جواله وهو يفتحه ويناظره/واااازينهااا بنية اخوي يازينها
طلال وقف والتفت له
عمر باس الشاشة ثم ناظر الصورة/الخالق الناطق عمها زين حبيبتي زيناه
طلال سحب الجوال من يديه بفضول
عمر وقف وهو يسحب جواله بدون يترك له فرصة يناظره وقفله ودخله بجيبه/يالله عاد انا وعنادي انتهت زيارتنا فمان الله/مشى/
طلال بعد لحظات تردد/عمر
عمر وقف وبدون لايناظره/كأني سمعت اسمي
طلال/خلاص عاد
عمر التفت له/تكلمني؟
طلال/ابي اشوفها
عمر/بس ابشر على هالخشم/خرج جواله وهو يفتح جواله/عينك عينك بس بالله ماتشبهني
طلال سحب الجوال منه وهو لاول مرة يشوف صورة لبنته غرقت عيونه دموع وهو يناظرها وبغصة اجتاحه/صغيرة صغيرة بالحيل
عمر ربت على كتفه/تعيش وتضمها لحضنك وانا اخوك تعيش وتتربى بعزك
طلال وعينه بالجوال يكبر الصورة/وشلون سميتها ياعمر؟
عمر زفر بابتسامة/سميتها طيبة تكابر لكن قلبها مصيره يحّن ويسامح
طلال/ظنك بعد الاربع السنين ذي تسامح؟
عمر/كل شي بعلم الغيب انت سو اللي عليك والباقي ان شاء الله يصير خير وقته
طلال زفر بندم وهو يناظر الصورة هي ست شهور مرت بهالمكان راجع فيها حساباته عرف الخلل وين عرف واستوعب وين وصل بمستوى اجرامه باقرب الناس له اخته صحيح كان مخدوع لكن قفل قلبه عن كل دموعها اللي حاولت توصل له وتوعيه بلع غصته بندم كل حياته انتهت بلحظة تسرع وبعدم وزن صحيح الامور صحى من حس بضربة على ظهره اوجعته
عمر/بتمر هالمحنة وتوقف على رجليك بكل قوتك مثل ماعرفتك هذا انت طلال مايهزك ولا يضرك شي وانا معك لاتشيل هم
طلال تنهد وهو يناظره بوسط تفكيره بصعوبة وضعه
عمر حاوط رقبة طلال بيده/الا ماقلت لي فتنة تشبهني صح؟
طلال دفه/اعوذ بالله/ناظر الجوال بابتسامة حنونة/الله يعز ذا الوجه
عمر اتسعت عيونه/وشو!!
طلال/تشبه لسميتها تخسي تشبهك اعوذ بالله من شر ماخلق اعوذ بالله منك
.
،،الـمـسـتـشـفـى،،
ياقوت تمشي بخطوات بطيئة متجهة للعيادة وهي كل بين لحظة ولحظة تلتفت يمينها تتاكد من وجودها جنبها
جوهرة تعرج بخطواتها بخفة وهي تمشي جنب ياقوت تسارعت انفاسها من التقت عينها بعين احد المرضى اللي جالس ينتظر دوره اسرعت بخطواتها وهي تمد يدها وتحتضن يد ياقوت تسارعت نبضات قلبها وتعرقت كفوفها همست بصوت مخنوق متقطع محد يسمعه/يـ.ـاقـ.ـوت
ياقوت شدت على يدها بدون اي انتباه منها لوضعها
جوهرة داهمها ألم قوي ببطنها اجبرها توقف وشدت على يد ياقوت توقفها صرخت/ياقوت بأموت
ياقوت التفتت لها واتسعت عيونها من سمعت صراخها
جوهرة انحنت شبه جالسة وبعجزها تلقط انفاسها واعتلى صوت محاولاتها حتى تتنفس
ياقوت لامست بيدها اكتاف جوهرة/بشويش خذي نَفَسِك بشويش لاتشدين نفسك بشويش
جوهرة دارت عيونها بالمكان وباصوات هامسة تسللت لمخيلتها وبوسط وضعها البائس همست بصعوبة/لا ماأعرفه ماني بزوجته مااعرفه
ياقوت رفعت نقابها/جوهرة خذي انفاسك بشويش ياجوهرة
جوهرة زاد شحوب وجهها وصرخت وهي تدفن نفسها بحضن ياقوت وبدون وعي رددت/لاااا شافوني انا مااعرف راضي مااعرفه ماني بارهابية لا ماني بمثله
ياقوت شدت عليها بحضنها وهي تمسح عليها وتسمي مدت يدها لشنطتها وفتحتها بصعوبة وخرجت جوالها واتصلت/الحقني ياسراج تعال بسرعة
سراج وقف بسيارته بالمواقف/وش فيكم
ياقوت/جتها الحالة اسرع بسرعة الحق علي
سراج نزل من السيارة يجري
.
((بيت ابو سلطان))
ابو سلطان واقف بنص الحوش وبحدة/ولد ياثابت ياولد!!
ثابت وقف عنده بوسط انفاسه/سم يبه سم
ابو سلطان/وين اخوانك ورانا ضيوف
ثابت/سلطان ونايف بيقابلونا بالاستراحة وفواز مايرد علي
ابو سلطان احتدت نظرته/وينه هو الحين؟
ثابت/اتوقع ببيته اصلا مايطلع مكان
ابو سلطان لف باتجاه بيته وهو يسرع بخطواته وطلع للدور الثاني ووقف قبال الباب وهو يضرب عليه بقوة
جواهر/هلا عمي حياك
ابو سلطان يناظرها باستغراب/وراك مارحتي مع سدول وذهب!!
جواهر/مااقدر اترك فواز لحاله ياعمي
ابو سلطان/وليش ان شاء الله ماتتركينه لحاله بياكله الذيب بعدك!!
جواهر سكتت ماردت
ابو سلطان/وينه فيه؟
جواهر/نايم
ابو سلطان دخل وهو يتجه لغرفة النوم فتح الباب وبحدة/ولد فواز
فواز متغطي نايم
ابو سلطان دخل وهو يسحب اللحاف من فوقه وبصراخ/فواز
فواز جلس بهدوء وهو يناظر ابوه/سم يبه
ابو سلطان/انا ادري ان ماحولك نوم قم اسبقني واستقبل الرجال
فواز نزل راسه/مااقدر يبه
ابو سلطان/ليش ان شاء الله!!
فواز بهمس/مالي وجه يبه مالي وجه بين الرجال
ابو سلطان/اسمع عاد ذا النفسية اتركها عنك وانت ماانت لاول ولااخر واحد ينسجن شف اخوك قبلك واكثر منك بعد ولا ضره اشوفه يوم جانا سوا العشا وعزم الكل وكأنه احتفالية بخروجه وانت تحت اللحاف متغطي ماتبي احد ماصارت ذي قم استرجل قم
فواز بحدة/يبه فرق بيني وبينه فرق
ابو سلطان/كلكم واحد قم ولااسمع لك صوت قم
فواز/لا يبه لا سلطان مظلوم يبه مظلوم وسوا سواته حتى يثبت ظلمه لكن انا
ابو سلطان قاطعه/وانت بعد مثله لكن الفرق قفلت عليك الباب ماطلعت تاخذ حقك مثله
فواز سكت
ابو سلطان/لايكون تظنها سهلة يطلع بوجيه الرجال
فواز ناظره بصمته
ابو سلطان/قم وسو سواته حتى ترجع ماء وجهك قم/مشى/
فواز زفر بضيق واستحل تفكيره الموضوع كيف يقابل الرجال وهو كان مسجون كيف
.
((شقة ابو ماهر))
عليا بين يديها زياد صاحب الثلاث اشهر تبوسه/ياروحي انت ياروح ماما صحت دنيتي كلها صحت/اعتلى صوت بكى توأمته المكان التفتت تناظرها بابتسامة/روحي صحت/ناظرت زياد/صحت حياة/التفتت لها/ياعمري انتي صحيتي من عيوني الحين اخذك من عيوني
ابو ماهر مر من جنبها باستعجال
عليا قطبت جبينها باستغراب/حبيبي وش فيه
ابو ماهر/جوهرة ياعليا جوهرة/خرج/
عليا زفرت بضيق/الله يعينكم الله يعين
ابو ماهر خرج من شقته وهو يتجه لشقة سراج وفتح الباب ودخل
وسام بدموعه/ياجد ماما
ابو ماهر مسح على راسه وهو يوقف قبال باب الغرفة اللي وصله صوتها من وراه ناظر سراج/وش صاير مااخذت دواها؟
سراج متكتف بوجهه الاسود من الهم/مدري يبه مدري
ابو ماهر اتسعت عيونه/وشلون ماتدري وشلون!!
سراج زفر/يبه ماهو بوقته
ابو ماهر فتح الباب ووضح صوته لها
جوهرة بصراخ وهي على مسافة من ياقوت/قلت لك مااعرفه مااعرفه
ياقوت بضيق/والله مصدقتك جوهرة مصدقتك انا اختك الوحيدة مصدقتك
جوهرة/لاااا تكذبين عيونك تقوله تقول اني اعرفه ناظريني ناظريني اشوف هاه شفتي عيونك قالته قالت اعرفه قالت
ابو ماهر بابتسامة/السلام عليكم
جوهرة ناظرت ابوها/وانت يبه انت
ابو ماهر/سمي ياعيوني سمي
جوهرة بدموعها/لا ماني بعيونك ابد انت بعتني له زوجتني للمجرم كان يبي يذبحني يبه يبي يذبحني
ابو ماهر وهو يقرب منها/حقك علي وانا ابوك ابشري اذبحه قدامك ابشري
جوهرة صرخت/ماني بمجنونة ولا غبية ادري انه مات ادري
ابو ماهر زفر/يابنتي ارحمي نفسك وارحمينا من اللي تسوينه هذا انتي تدرين انه مات خلاص راح لربه وماعمل يخصه مايخصك ابد وش فيك ياجوهرة وش فيك
جوهرة ضمت نفسها برعب/لاااا هدا الكلام كذب كلكم عيونكم تنطق انتي معه مسوية شي كلكم عيونكم تتهمني كلكم كلكم
ابو ماهر زفر/سراج
سراج/سم يبه
ابو ماهر/اجلسي وانا ابوك او نربطك مثل دايم
.
،،الـكـوفـي،،
//سحايب وسلطان اعتذروا من الزباين وقفلوا الكوفي بعد اللي صار//
سحاب واقفة متكتفة وهي تهز برجلها
سمو بحضن سلطان ماجفت دموعها من اللي صار
سلطان جالس جنب سحايب
سحايب جالسة متكتفة تناظر سحاب بحدة/وش اللي صار تكلمي؟
سحاب ماردت
سلطان/سحايب تعوذي من ابليس ياسحايب نحلها بهدوء
نايف يمشي متجه لهم بعد ماجمع اكواب للصغار وساجر يلعبون فيها بعيد عن المشكلة
سمو بقهر وسط دموعها/تقول تبي بابا يموت عشان ماتتزوجون وترتاح
سحايب اتسعت عيونها وقامت من كرسيها وهي تتجه لها وتضربها على اكتافها بسرعة وبقوة/هذا اولها هاه اولها ياسحاب اولها
نايف القريب منهم جرى وهو يسحب سحاب ويخبيها وراه
سحايب تسحب نايف وبقهر/ابعد ابعد اتركني اربيها ابعد
نايف ضم سحاب له وهو يحميها باصرار ثم تركها وهو يلف لسحايب مسكها ويبعدها عن سحاب
سحايب تتحرك بين يديه بقهر/والله لااربيك يابنت سراج والله والله
سحاب هلت دموعها بغزارة
سحايب هدت وهي تناظرها
نايف التفت يناظرها وانصدم من دموعها تقدم لها وهو يمد لها طرف شماغه ويمسح دموعها
سحاب دفت يده وبوسط بكاها/انا بنتك ماني بنت سراج ماما
سحايب عضت طرف شفتها بقهر
سحاب وهي تمسح دموعها بحرقة/انا ادري ان عمي نايف زين والله ادري لكن اخاف من بكرة اخاف يجي يوم ويصير علينا سراج جديد يمه اخاف
نايف زفر وهو يلتفت لسمو وسلطان
سلطان ترجم له كلامها اللي صعب عليه من بكاها ومسح دموعها بلغة الاشارة
سحايب بلعت دموعها وهي تصد عنها
نايف وقف قبالها وبالاشارة/انتي بعيوني وامك واخوانك بعيوني مايلحقك كم مني اذية ولا وجع يابنت سحايب وهذا وعد وبرقبتي وربي الشاهد
سحاب تناظره بدموعها
نايف انحنى وهو يضمها لحضنه ويمسح على ظهرها
سحاب بكت بين يديه
سلطان ابتسم براحة وهو يناظرهم نزل سمو ثم اتجه لهم وهو يبعد سحاب من حضنه وبحدة/هيه هيه ابعد ماانت بمحرم/ناظر سحايب/تغطي وراك تاركته يشبع نظر براحته!!
نايف كشر بوجهه
سلطان/غض البصر غضه
نايف رفع يمينه اللي فيها الدبلة وبالاشارة بغيظ/الحين هي زوجتي وكلها شهر وتصير زوجتي ببيتي
،
،
،،قبل شهرين،،
((بيت الجدة سدول))
نايف يتقهوى بهدوء
الجدة سدول انحنت وهي تنزل الصندوق عنده/خذ صندوقك ماعاد له مكان عندي
نايف ناظرها باستغراب
الجدة دفته بطرف عكازها/خذه ولا رميته
نايف سحبه وهو يرفعه لحضنه وفتحه ابتسم بحنين وهو يناظر صندلها اللي انقطع وخيطه لها..جديلة شعرها المقصوص واللي رماها سراج بوجهه لشكه..العابها اللي تخبيها عن سراج عنده لايشوفها ويرميها..رسمات علي الاولى اللي خبتها عنده زفر وهو يقفله يمنع نفسه لايتعمق بشي قطع الامل فيه من سنين
الجدة سدول ضربت بطرف عكازها ترمس القهوة/ولد تبي تصير شريك؟
نايف قطب جبينه باستغراب من كلامها
الجدة سدول ناظرته/دامك سكت معناته تبي/وقفت/قم ياولد معي قم/مشت/
نايف وقف وهو يمشي وراها باستغراب
الجدة سدول دخلت بيت الشعر/السلام عليكم ياابو سلطان
ابو سلطان قطب جبينه وهو يوقف/حياك يمه حياك
الجدة سدول اشرت له/اجلس يانايف
نايف جلس
الجدة سدول واقفة وعينها بعين ابو سلطان/اسمع ياولد لقيت شريك لسحايب ويخاف الله ماهو بغاشنا ان شاء الله
ابو سلطان تهلل وجهه/هاذي والله ابرك الاخبار
الجدة سدول اشرت بعكازها على نايف/هدا هو
ابو سلطان ابتسم/صدقني يايمه عسى الله يبارك ويوفق بينهم ويرزقهم
الجدة سدول/وانا جاية ماهو بعشان مشروعها
ابو سلطان قطب جبينه/امري يمه امري
الجدة سدول/انا جاية اخطب سحايب لولدي نايف وش قولك ياجابر؟
ابو سلطان يناظر امه بصدمة
نايف قطب جبينه بعدم فهم وهو يناظرهم ولاانتبه الجدة سدول
الجدة سدول/وش قولك ياابو سلطان
ابو سلطان/انا مالي كلمة الكلمة لراعية الشان يمه
،
،
سلطان/ماعلي منك لاصار العرس قل زوجتي وقتها/سحب سحاب من يدها وناظر سحايب/يالله يابنت مو تركناك تشتغلين معه انفلتي يالله يالله قدامي يالله
نايف يناظره بغيظ
سحايب مشت قدامه
سلطان ناظر سحاب/روحي جيبي اخوانك يالله
سحاب مشت
سمو جرت لسلطان وشاتته برجله بقهر
سلطان ناظرها بغيظ/اااه
سمو/احسن والله اخلي سعد يطردك من العرس
سلطان/هذا اذا لحقتي عالعرس وانتي مابعد تكشختي/مد لسانه لها ومشى/
سمو ناظرت ابوها/بابا اليوم عرس سعد يالله ودني مثلهم اكشخ يالله
.
___________________________
((الـلـيـل))
.
{{الـقـاعـة}}
.
حاتم وقف بالسيارة قبال مدخل القاعة
عجايب متكتفة بزعل
حاتم/ياروحي انا مسافر بعد العشا وانتي بتجلسين بتحرميني من شوفتك هالنص ساعة حرام عليك ياعجايب حرام
عجايب ناظرته بغيظ/وتحرمني زفة اختي هاه وين المنطق وين العدل!!
حاتم سحب يدها بالقوة واحتضنها/ذهب طيبة وبترضى وانا استاهل ولا؟
عجايب ماردت
حاتم باس كفها/افا يعني مااستاهل!!
عجايب زفرت/ماقلته انا!!
حاتم بضيق/انا اصلا فقدت الامل حتى كلمة حلوة ماعاد اسمع تدرين ماابي كلمة حلوة ابي مناقر اشتقت والله اشتقت لعجايب وجلستها
عجايب تنهدت/حبيبي مشغولين مع ذهب وين افضى الجلسات انت عارف الزواج وتجهيزاته وفوقه ام العريس وكلتنا بكل شي ترا صعب مرة صعب علي انا وسدول وهي ومااحنا ملحقين
حاتم ابتسم/الحمدلله النفس راضية هذا اللي يهمني
عجايب كشرت بوجهها/انت هذا اللي تبي توصل له
حاتم ناظرها/يااااه ياعجايب ياااااه قلبي برد كم لي وانا انتظر اشارة
عجايب تكتفت وهي تناظر لقدام/ذي زلة ماتنحسب باقي مارضيت
حاتم ضحك/زلة ولا ماهي بزلة اهم شي برد قلبي وارتحت
عجايب ناظرته وهي تضربه على كتفه
حاتم ناظرها بابتسامة/اااه
عجايب بغيظ/ماتنحسب اقولك
حاتم ناظر لقدام وهو يهمهم مبسوط
عجايب مسكت يده وهي تهزه بغيظ/حاتم ماتنحسب اقولك ماتنحسب
حاتم ضحك وهو يتحرك معها
.
،،داخل القاعة،،
الجدة سدول/بنت ياسجية وراهم ابطوا خواتك
سجايا وهي تشيك على شكلها بالمراية/جايين ياجدة تو كلمتهم وبعدين بدري ياجدة مرة بدري محد يجي الحين
الجدة سدول بنص عين/اعتقي المراية يابنت كم مرة قلت لك انك قمر هاه
سجايا/ياجدة قلتيها وانتي بدون نظارة
الجدة سدول وقفت وهي ترفع عكازها/اعقبي من بنت
سجايا تراجعت بخطواتها/وانا الصادقة ياجدة تمدحيني وانتي ماتشوفيني
الجدة سدول/اذلفي نادي امك اذلفي بس/ابتسمت وهي تناظرها زغرطت/ياهلا ومرحبا ياهلا
سجايا التفتت وراها تناظرها
الجدة سدول/ياهلا بام العريس حي الله ام سعد ياهلا
سجايا اتسعت عيونها وهي تمشي لامها/بسم الله عليك ياجدة بسم الله
.
((شقة بدر))
فتنة واقفة تناظر المراية تقفل فستانها وجوالها باذنها/حبيبي ترا اليوم كله ماشفتك ماصارت!!
سلطان بيده البشت وفوق راسه الشماغ بنفس طريقة كويه مالبسه وهو ينزل من السيارة/ياعين سلطان وقلبه يشهد الله مشغول ولا سلطان مايرده شي عن فتنته
فتنة زفرت بضيق/يعني متى بأشوفك؟!
ام عمر فتحت الباب
فتنة التفتت تناظرها
سلطان/ابشري والله لااضمك الليلة بحضني ونعيد ذكرى زواجنا
فتنة تغير وجهها باحراج وهي تناظر امها تدخل تركت فستانها وهي ترفع يدها لجوالها تنقص الصوت
ام عمر وقفت وراها وهي تكمل تقفيل فستانها
سلطان/وينك يالحب وين رحتي
فتنة/معك
سلطان قطب جبينه/حولك احد
فتنة/تقدر تقول
سلطان ابتسم بخباثة/والله انك نور عيني تدرين
فتنة بهمس/ادري
ام عمر ناظرت وجهها المتغير بابتسامة وفهمت اشرت لها بتخرج
فتنة مسكت يدها بمعنى لا
سلطان/انتي دم عروقي اللي بدونه اموت
فتنة كشرت/ايه
ام عمر جلست عالسرير
فتنة تلبس اكسسواراتها
سلطان ضحك بخفة/ماعجبتك؟حتى انا حسيتها ماش/ضحك/
فتنة عضت طرف شفتها السفلية بخفة وهي تكبح ضحكتها وبابتسامة/طيب تبي شي؟
سلطان/وش اللي ماابيه
فتنة اخذت نفس وهي تسيطر على ملامحها
سلطان/مافيه آمر سم من عيوني؟
فتنة/انت مو مشغول؟
سلطان/ااه اوجعتيني وبالحيل
فتنة/اسفة
سلطان/اسفة وش ماتسوي لي شي حتى حبيبي مافيه
فتنة زفرت/ابشر بالعوض
سلطان بابتسامة/وعد؟
فتنة/وعدين
سلطان/لاااا قولي وعد
فتنة بابتسامة وهي ترش عطرها/وعد
سلطان جرى بحماس لسيارة ثابت وهو يشيل معه من الاغراض وسط استغراب ثابت/تراك وعدتي/مشى بالاغراض/عسى الله لايحرمني يافتنتي قولي امين
فتنة/امين امين يالله سلام/قفلت/
ام عمر وقفت/يالله مشينا على مانوصل ونساعد اهل زوجك اذا يحتاجون شي
فتنة وهي تفتح شنطتها اللي عالتسريحة خرجت علبة طقم والتفتت تناظر امها/ابشري يمه يالله خلاص على وشك اخلص
ام عمر قطبت جبينها
فتنة فتحت علبة الطقم بيد وترفع العقد بيدها الثانية ونزلت العلبة عالتسريحة/من شفته بالمحل ماحلا بعيني الا وانا اتخيلك لابسته عرفت انه مايليق الا بأمي
ام عمر رجف قلبها من رقة الكلام
فتنة/يالله يمه اعطيني ظهرك يالله
ام عمر اعطتها ظهرها وهي تبلع عبرتها
فتنة لبستها العقد وقفلته/اشوف اشوف
ام عمر التفت وهي تعدله بيمينها
فتنة/الله والله اني ذويقة هاه يمه عجبك؟
ام عمر/كل شي من فتنة حلو
فتنة/عاد يمه ادري ان كل شي مني حلو لكن لاتطلعيني كاملة ترا بيذبحني الغرور
ام عمر ابتسمت وهي تضمها/سامحي امك يافتنة سامحيها
،
،
،،بعد نطق الحكم بحق رغد،،
فتنة رفعت جوالها وهي تتصل
بدر بصوت كله حماس وفرحة/هاه شفتي رسالتي
فتنة/ايه شفت شفت
بدر زفر براحة/مبروك يافتنة مبروك جاك النصر بعد الصبر جاك وانا اخوك
فتنة بصوت راجف/الحمدلله الحمدلله بدر مين جنبك؟
بدر/امي وعمر/ناظر ابوه وهو يوقف ويبتعد/بس
فتنة شدت على يدها/اعطني امي
بدر مد الجوال لامه
ام عمر باستغراب/انا
بدر هز راسه بابتسامة
ام عمر اخذت نفس وهي تقرا الاسم عالشاشة/هلا
فتنة بصوت اهتز غصب عنها/سمعتي كل شي؟
ام عمر رجف صوتها/ايه
فتنة/شفتي بعيونك كل شي؟
ام عمر بصوت مخنوق/ايه
فتنة/وش عرفتي الحين؟
ام عمر بدموعها/عرفت من قبل ان بنتي طيبة وعلى نياتها ولعبت عليها وعلى اهلها وحدة ماتخاف الله ويوم عرفت الحقيقة طاردتها بكل مافيني عشان اخذ حق بنتي المظلومة
فتنة بدموعها/اذا جيت وقلت يمه ترا يكذبون؟
ام عمر/بنتي صادقة
فتنة/حتى لو جابوا الدليل
ام عمر/يعقبون بنتي اكبر دليل
فتنة/اذا جيت وقلت يمه ترا ظلموني؟
ام عمر/اخذ حق بنتي من عيونهم لو فيها موتي
فتنة بشهقاتها/يمه انا قلبي تفتت من الجروح ودي بيدين كانت تداويني تعاودني وتداويني مثل قبل
ام عمر بوسط دموعها/ابشري باليدين وراعيتها ابشري ياعيون امك
فتنة/سامحيني يمه بس قلبي ماقوا فعولكم فيه
ام عمر/معذور هالقلب وادري به للحين شايل لكن يدين اللي جابته تداويه وانا امك تداويه وتضمه سامحي امك يوم هلت دموعك ولا صدقت قلبها اللي نطق بنيتك ياعزة بنيتك ولا صدقته سامحيها
فتنة/وينك يمه وينك
ام عمر/انا اللي جايتك ياعيني انا اللي جايتك الحين/وقفت وبوسط دموعها/قم يابدر قم بسرعة قم
،
،
فتنة زفرت بضيق وهي تترك حضن امها وتحتضن يديها/يمه هالباب قفلته خلاص يمه اقفليه ولاعاد تفتحينها ماله داعي نضيع عمرنا بحسرة عاللي فات ماله داعي والله
ام عمر/قلبي للحين به غصة على مامضى
فتنة/والجاي اكثر ان شاء الله انتي معي وانا معك وكل امورنا بتكون مثل العسل واحلى
ام عمر/عسى الله ييسر امرك ويفتحها عليك يابنتي
بدر دخل/الله الله الله
ام عمر التفتت تناظره بابتسامة
بدر/الدعاوي الزينة لفتنة وبدر ماله شي المسيكين له المرمطة بالاسواق بس
ريان دخل/وانا وانا ادعي لي يمه ادعي لي
فتنة/لا ماهو بكيفكم يمه يالحسد حتى بالدعاء مناشبيني!!
ريان/اقول يمه شوفي لي عروس مزيونة منا ولا منا الليلة
ام عمر ضحكت/انت بالاول امسك وظيفتك زين وبعدها يصير خير
بدر دفه عن طريقه وهو يحتضن امه عن جنب/خليك منه يمه اقول ياام بدر شوفي لي وحدة تناسب مزاجي
فتنة بصوت عالي/نعم!!
ام عمر ابتسمت
بدر فز وهو يترك امه/بسم الله
فتنة بنرفزة/حبيبي فكر تلعب بذيلك وتلقاني بوجهك
بدر/الحين من اخوك انا ولا هي
فتنة/مثل ماارضى بالغلط عليك ماارضى عليها تراها بغلاتك
بدر ناظر امه/يمه هاذي من الحين معها كيف اذا صارت زوجتي اخاف يتفقون علي
ام عمر ضحكت/الا من طيب البنت اختك ماترضى عليها
فتنة/وبعدين تعال هينا انت يحصلك تلاقي وحدة مثل سجايا
بدر/بذي صدقتي ماني بلاقي مثل ضربتها لي ابد ماني بلاقي
فتنة/احسن تستاهل درس لك عشان ماتتمادى بالمستقبل
بدر رجع يده من ورا رقبتها ويمشي معها/الحقونا للسيارة
فتنة قطبت جبينها باستغراب منه
بدر همس/الا اقول مايصير اكحل عيني الليلة؟
فتنة وقفت وهي تناظره باستغباء/رح المحل على تسريحتي
بدر تركها بغيظ/فتنة تراها زوجتي خلاص مابقي غير العرس
فتنة/اترك ابوها وامها على جنب والله لو تلمحنا جدتي تخليك ذبيحة وانا وهي مقلقل مرشوش فوقك
بدر/لبى عينها احلى مقلقل
فتنة هزت راسها بياس/لاعاد تمشي مع سلطان/مشت/
بدر مشى وراها/فتنة تكفين الله يخليك ابي اشوفها تكفين
.
سلطان يفتش بادراج سيارته وجواله باذنه/وين حطيتيه مالقيته
فتنة/يوه ياسلطان اسوارة بعلبة اسوارة فضية اوضح منه امافيه كيف مالقيتها بالدرج اللي قدام على طول
سلطان فتح الدرج الامامي
فتنة/اقولك خلاص انا اشوف اي حل سلام/قفلت بابتسامة/
سلطان قطب جبينه وهو يسحب العلبة وفتحها ثم ابتسم وهو يناظر اللي داخلها دخله بجيبه وهو ينزل من السيارة بخطوات سريعة وقف وهو يناظره
فواز يمشي رايح راجع على مدخل القاعة من جهة مدخل العروس
سلطان اخذ نفس وهو يتحاشاه من الصباح اسرع بخطواته
فواز اعتدل بوقفته وهو يناظره متجه له شد على قبضتيه
سلطان مر من جنبه
فواز/السلام لله
سلطان وقف والتفت له بارتفاع حواجبه/السلام عليكم!!/لف وكمل طريقه/
فواز/ياليمين
سلطان وقف وهو يشد على قبضته التفت له وبحدة/اليمين بترتها بذيك الليلة وانتهيت
فواز/ياليسار
سلطان قطب جبينه
فواز/دامك بترت اليمين انا راضي اكون لك اليسار
سلطان/لكن انا ماابيك لا يمين ولا يسار/لف عنه/
فواز/سلطان
سلطان وقف بدون لايناظره
فواز رجف صوته وبندم/سلطان سامح اخوك على شين فعوله ادري اخطيت واجد لكن انت الكريم عاملني بفعولك لاتعاملني بشين فعولي
سلطان التفت له بقهر وهو يتقدم له ووجهه بوجهه/تدري وش سويت بي؟
فواز بلع ريقه وهز راسه/ادري
سلطان دفه من كتفه/تدري وين رحت بي؟
فواز تراجع بخطواته ونزل راسه/ادري
سلطان دفه/تدري وش قلت لي؟
فواز هز راسه بصمت
سلطان صرخ/انطق
فواز باهتزاز صوته/ادري وش قلت وادري وش سويت/انحنى وهو يمسك يد سلطان ويضرب وجهه/
سلطان سحب يده
فواز انحنى وهو يسحب يد سلطان ويشد عليها وسط مقاومة سلطان ويضرب نفسه وبصوت عالي/الصغير لاأخطأ يربيه الكبير يربيه
سلطان سحب يده وهو يرجع بخطواته
فواز بعيونه الغرقانة دموع/ربني ياسلطان ربّ اخوك ربّه وعلمه الصح من الغلط علمه
سلطان/وش عقبه يافواز وش عقبه!!
فواز/سو اللي تبيه سوه انا راضي ياسلطان بحكمك راضي
سلطان ناظره/لاتظن الامور بهالسهولة وعلى الكيف!!
فواز/وش ماتبي انا راضي ياسلطان راضي تكفى وانا اخوك تكفى
سلطان لف عنه وتركه بدون رد وهو يدخل لداخل القاعة
.
،،داخل القاعة،،
سعد بكامل كشخته مثل اي عريس واقف ورا الباب بتوتر
مريم/يالله ياسعد اخلص ادخل على عروستك وسلم عليها
سعد مسك يدها بيديه الراجفة/اصبري اصبري ياعمة خلي قلبي يهدأ
مريم سحبت يديها وبنرفزة/لك نص ساعة واقف اخلص ياسعد اخلص
سعد/طيب هي مثل الصورة
مريم كتمت ضحكتها/لااااا وين الصورة ازين
سعد اتسعت عيونه/هاه
سمو خرجت من غرفة ذهب واتسعت ابتسامتها/سعاااادة!!
سعد انحنى وهو يضمها/هلا هلا هلا وش ذا الزين وش ذا/تركها وهو يناظرها/من ذي الحلوة معقولة صديقتي سمو ذي سمو ولا القمر!!
سمو غمزت له/القمر حقك جوا متى بتشوفه سعادة
سعد رجف قلبه من كلامها ورفع راسه لمريم
مريم هزت راسها بنفي/كذب الصورة احلى
سعد وقف وهو يعدل شماغه وبشته تنحنح/يالله
مريم فتحت الباب وبابتسامة/وصل العريس ياعروسة
ذهب بفستانها الابيض اللي غطى مكان واسع شدت على مسكتها اللي من الورد الابيض الطبيعي وهي تخفي توترها وشتت نظرها بالمكان
سعد دخل وعيونه بالارض ثم رفعها من لمح طرف فستانها/السلام علـ/طاحت عينه عليها وقف بذهول وسط قلبه اللي حلّق من ماشافت عينه/سبحان من صورك ياسبحانه الف من ذكره لااله الا الله لااله الا الله ماشاء الله
ذهب تلونت بالاحمر بوضوح من احراجها
سمو بابتسامة/قلت لك القمر داخل حلو
مريم كبحت ضحكتها وهي تمسك سمو وتسحبها معها/يالله ياسمو نتركهم وشوي نرجع يالله/خرجوا/
سعد/هو يصير اقرب منك عادي؟
ذهب قشعر جسمها وهي فهمته غلط شدت على مسكتها بتوتر
سعد تقدم لها بعد ماساد الصمت لفترة وقف قبالها وهو يحتضن وجهها بكفوفه وطبع بوسة على أعلى جبينها/مبروك عليك سعد ياسعده
ذهب همست/الله يبارك فيك
سعد تشتت بضياع من وصل همسها لمسامعه فرد يديه وهو يضمها له وغطاها ببشته وسط تنهيدة اعتلت من اعماق قلبه/ضوت واستقرت روحك ياسعد بزولها ضوت واستقرت
.
،،الغرفة المجاورة لجناح العروس،،
فتنة منزلة كعبها ومتمددة عالكنب
سدول فتحت الباب بشويش وهي تدخل راسها/ماعندك احد صح؟
فتنة اعتدلت بجلستها
سدول وهي تفتح الباب وبصوت هادي اقرب للهمس/ارتاحي ارتاحي معي ضيف
فتنة قطبت جبينها
سدول دفت العربية لداخل الغرفة وبداخلها بنتها نايمة/اخليها عندك عن الازعاج واذا نزلتي بلغيني
فتنة/من عيوني
سدول/تسلم عيونك/خرجت بهدوء/
فتنة تمددت وهي تتنهد من الم ظهرها قطبت جبينها وهي تسمع فتحت الباب الهادية رفعت راسها وهي توجه نظرها الباب
سلطان دخل بهدوء وقفل الباب وراه
فتنة اتسعت عيونها وهي تجلس/كيف دخلت لحالك!!
سلطان كشر بوجهه/ذا اول شي تقولينه لي واحنا ماشفنا بعض من البارح!!
فتنة ميلت فمها/كيف دخلت!!
سلطان تكتف وبزعل/العروس اختي وترا عندي خوات!!/ابتسم/تغارين علي!!
فتنة وهي توقف وتستعرض نفسها قدامه وبغرور/اكيد لا بهالقاعة كلها محد يوصل لمستواي
سلطان ابتسم/والله لو يسمعونك ماتطلعين حية من القاعة يالمغرورة
فتنة وهي ترجع شعرها الويفي لورا وترمش/ليه عندك اعتراض لاسمح الله!!
سلطان/أفا من هو اللي يعترض بس وادخل السجن لعيونك من جديد
فتنة كشرت بوجهها وهي تسرع بخطواتها وتوقف قباله وتضربه باطراف اصابعها بخفة على فمه/اعوذ بالله اعوذ بالله
سلطان رجع يساره من ورا خصرها وهو يضمها له ومسك كفها بكفه وهو يطبع بوسة على اصابعها
فتنة ناظرته بابتسامة
سلطان تنهدت/قرت عيني
فتنة وهي تمد يدها لوجهه تمسح على دقنه وحواجبه وبضيق/وش خلوك تشيل حتى تحتاس هالحوسة
سلطان/اللي حاسني اللي شفته
فتنة باستغباء/وشو؟
سلطان وهو يدخل يده بجيبه ويخرج العلبة/الاسوارة
فتنة بابتسامة/عساها عجبتك؟
سلطان/ومن متى الرجال يلبس اساور!!
فتنة قطبت جبينها وهي تسحب العلبة وتفتحها/وش شفت اجل/سكتت وهي تناظره بغيظ/
سلطان انحنى وهو يطبع بوسة على جبينها بعمق
فتنة غمضت عيونها وهي تعيش جمال هاللحظة بكل تفاصيلها
سلطان ابتعد وهو يناظرها بحب/ويصير مثل هالشي ماادري عنه
فتنة ميلت فمها/بخور السوق غصب مااقول لك
سلطان ضحك/مقبولة منك ياام سدول
فتنة/وليه مو ام جابر
سلطان هز راسه بلا/سدول بالاول وبعدين يصير خير
فتنة حاوطت رقبته بيديها بابتسامة/حاضر ام سدول ام سدول ومااغلى من سدول الا جدتها وخالتها
سلطان انحنى وهو يحاوط خصرها بيديه/صدقتي والحين جا دور عقابك وشو له ماتعلميني/رفعها وهو يدور فيها بضحكة/اجل بخور السوق هاه
فتنة صرخت وهي تتعلق فيه/سـلـطـاااان
سلطان/يافتنة سلطان
فتنة بصراخها/تراني حامل يامجنون
سلطان استوعب وهو يوقف وينزلها بشويش وسط وجهها المخطوف/اسف والله اسف نسيت!!
فتنة عضته بخده بخفة من قهرها
سلطان/اااه/ناظرها بوسع عيونه/كيف اطلع للرجال الحين!!
فتنة بغيظ/احسن
ورد صرخت ببكي
سلطان فز بفجعة/بسم الله وش ذا متى جا
فتنة ضحكت وهي تمسح بيدها روجها اللي طبع بخده/رح رح سكت البزر الى مايخف خدك لاننفضح
سلطان مشى باتجاه الباب وبعناد/خليهم يشوفون انك متوحشة
فتنة جرت وراه/سلطااان
سلطان فتح الباب وهرب
فتنة/سلطاااان تكفى سلطااان
.
اللهم صل وسلم على نبينا محمد
.
#سلطان_الهوى_يافتنة_الألفية
.
،،الـنـهـايـة،،
*تمت بحمدالله رواية(سلطان الهوى يافتنة الألفية)
* أتمنى تكون هالرواية نالت إعجابكم وارتقت لمستوى توقعاتكم وأن أكون وفقت في تقديم رواية لامست مشاعركم وتركت أثر جميل بقلوبكم..
*(إن أحسنت فمن الله وإن أخطأت فمن نفسي والشيطان)..
*الى الملتقى باْذن الله برواية قادمة جميلة وانا وانتم بخير وعافية وسلامة❤❤
.

.



التعديل الأخير تم بواسطة ebti ; 01-01-23 الساعة 11:17 PM
مدامع حزينة غير متواجد حالياً   رد مع اقتباس
قديم 27-12-22, 11:06 PM   #122

لينوسارة

? العضوٌ?ھہ » 390438
?  التسِجيلٌ » Jan 2017
? مشَارَ?اتْي » 598
?  نُقآطِيْ » لينوسارة is on a distinguished road
افتراضي

السلام عليكم و رحمة الله تعالى و بركاته

رواية جميلة

ننتظرك في رواية جديدة

موفقة الله يعطيك الف عافية

رجوة2 likes this.

لينوسارة غير متواجد حالياً   رد مع اقتباس
قديم 30-12-22, 07:06 AM   #123

ضي عيوني

? العضوٌ?ھہ » 496732
?  التسِجيلٌ » Dec 2021
? مشَارَ?اتْي » 114
?  نُقآطِيْ » ضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond repute
افتراضي

مبرررووك الخاتمه السعيده❤
ابدددعتي إيلاف وعيشتينا لحظات جميييله ججججداً .
والروايه مشوقه وممتعه❤
منتظرررينك ب إبداع جديد وروايه جدديده لاتتاخري علينا يالغلا🔥❤😘😘😘


ضي عيوني غير متواجد حالياً   رد مع اقتباس
قديم 01-01-23, 08:45 PM   #124

فاطمه السعد

? العضوٌ?ھہ » 507071
?  التسِجيلٌ » Sep 2022
? مشَارَ?اتْي » 16
?  نُقآطِيْ » فاطمه السعد is on a distinguished road
Icon26

مبروووك ع النهايه الجميله

فاطمه السعد غير متواجد حالياً   رد مع اقتباس
قديم 23-01-23, 06:11 PM   #125

الرموت

? العضوٌ?ھہ » 488233
?  التسِجيلٌ » May 2021
? مشَارَ?اتْي » 31
?  نُقآطِيْ » الرموت is on a distinguished road
افتراضي

رواية بدايتها مشوقة ورائعه من السرد في الفصل الاول دليل فية شخصيات كثيرة

الرموت غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:28 AM



Powered by vBulletin®
Copyright ©2000 - 2023, vBulletin Solutions, Inc.