25-08-22, 06:51 PM
| #22 | |||||
 
|  اقتباس:
| |||||
|  |
|
25-08-22, 06:52 PM
| #23 | ||||
| 9 اللهم صل وسلم عليك يارسول الله - طلال لحقها وبصراخ/هيه اوقفي تحسبين باتركك على ذَا الكلام!! عمر مسك طلال من يمينه طلال التفتت له بوسط هيجانه اللي هدا عن قبل من كلام فتنة وبحدته سحب يده من عمر عمر ماسكه ماتركه وبحدة تنافس طلال/لك وجه تنطق حرف بعد اللي سمعته؟!! طلال سحب يده/ووجهين للحين عندك شك بكلام ابوي!! عمر بعصبيته/ايه رجال صدق رجال رح الحقها خل نشوف وش تسوي/بتهديد/لكن ورب البيت اللي بتسويه فيها بتلقى مني اضعافه ياطلال وصل؟!! طلال ناظره وتقدم خطوة/ايه خلك كذا يلين قلبك على كلمة مثل الاهبل وراها!!/غير طريقه عن فتنة ومشى خارج البيت/ . {الطورائ} سدول ممتدة على سريرها باصبعين يدها اليسار مجبسة ووجهها كله ضمادات وبيدها اليمين المغذي صادة بوجهها عن اخوانها للجهة الثانية عجايب متكتفة وواقفة عندها تناظرها بضيق وغبنة/ااااه ليتني كسرت روسهم عساها الكسر اللي مايخافون الله!! ثابت ميل فمه بتوتر من المشكلة/يعني الحين صدق بتنرفع شكوى بالشرطة؟ عجايب التفتت له بوسع عيونها/ليش ان شاء الله لايكون تبينا نتنازل!! ثابت/ماودي تصير مشكلة بين عمي محمد وابوي عجايب بحدة/اسكت والله مافينا خير ان عديناها لهم هالمرة!!اجل المرة الجاية بيذبحونها ويذبحون اللي ببطنها زين لحقنا عليها!!وجع حتى ماتهنينا بالفرحة!!/ناظرت سدول/ياويلك تسكتين عنهم مافيك خير اذا سكتي عنهم سامعة!! فواز دخل وبحدة بين اسنانه/انتي اللي مافيك خير يالملقوفة!! عجايب التفتت له وبربكة وهي تلف للجهة الثانية من السرير تهرب عنه/فواز!! فواز بغبنة منها وهو يتجه لها/ايه فواز جعلك ماتفوزين يالملقوفة وش دخلك انتي هاه وش دخلك!! ثابت وقف بطريقه/فواز احنا بالمستشفى هد شوي عجايب من ورا ثابت بخوفها/ايه والله ارفع شكوى عليك مرة وحدة فواز بقهر/نعم!! عجايب بطوالة لسانها/المسني والله لاصرخ واقول انك تعنفني وانا وراي رجل ثابت جمد من كلامها وهو ينتظر انفجار فواز فواز بوسع عيونه/صدق!!/مد يده من ورا ثابت ومسكها من شعرها/ عجايب وهي تضربه على يده/اااااه اااه وجع فواز وجع فواز/سمعيني صراخك عجايب دفته بقوة وبقهر وسط عيونها اللي غرقت بدموعها/ايه بأجمعهم اجل تبيني اشوف سحايب ثانية من خواتي!! سدول ناظرت عجايب ثابت التفت يناظرها بصدمة فواز قطب جبينه/وشو؟! عجايب بقهر وسط رجفة صوتها الواضحة/ارخصت سحايب لسراج وكل يوم وهي بعذاب معه والله لو ترخص سدول وتغصبها اني لأقول لابوي واذا ابوي سكت لك بأقول لسلطان يافواز فواز اتسعت عيونه ورفع يده بيضربها ثابت مسك يده وهو يناظره بحدة/المفروض بعد اللي سمعته تروح وتكسر يدين سراج مو ترفعها على اختك!! فواز سحب يده من ثابت وضربه كف عجايب صرخت/فوااااز!! فواز/لاعاد ترفع يدك بوجهي ياثابت فاهم/ناظر عجايب/وانتي انقلعي لزوجك ينتظرك برا عجايب ناظرت ثابت بقهر عليه فواز/انقلعي لاأحطك مكان سدول عجايب خرجت فواز ناظر سدول/الشكوى تنازلي عنها وزوجك برا بيدخل وتفاهمي معه سدول بصوت كله تعب/انت اطلع فواز اتسعت عيونها واخذ نفس وهو يتعذر لها بالتعب/بأطلع لكن انتظرك برا سدول/لاتنتظر الشكوى بتنازل عنها مثل تبي لاتنتظرني ابد فواز/قلعتك هذا جزاي ابي لك الستر/لف بيمشي وبحدة/امش يالله سدول/لا ثابت خلك معي ثابت التفت لها وبابتسامة رغم كسرة خاطره اللي مابردت للحين/ابشري فواز اتسعت عيونه وخرج وهو يغلي ويتوعدها بينه وبين نفسه اذا خرجت من المستشفى ثابت وقف جنب السرير عن يمينها ساجي دخل بخطوات سريعة وبوجهه المخطوف/سدول سدول صدت بوجهها عنه ساجي وقف على يسارها انحنى وهو يطبع بوسة على طرف جبينها وبخوفه/الحمدلله على سلامتك ياروحي ثابت انحرج وهو يحس انه بالمكان الغلط وصد بوجهه وهو يناظر الشارع من الشباك لحد ماتخلص سدول سدول ماردت ساجي زفر بضيقة/والله مدري وش اقول ياسدول سدول التفتت له/مبروك انا حامل ياساجي ساجي انصدم من الخبر بين مشاعر مختلطة هو يفرح للحلم اللي ينتظرونه من سنين او يتضايق من اللي صار وخرب هالفرحة لكن شعوره الغالب بهاللحظة الفرح احتضن وجهها بين كفوفه وهو يجلس على طرف السرير قبالها وانحنى يطبع بوسة من كل قلبه وبعيون تلتمع من فرحته/مبروك مبروك ياعين ساجي مبروك سدول/فرحان صدق ياساجي؟ ساجي انصدم منها وتبخرت الفرحة/اكيد فرحان وش هالسؤال سدول/اجل رح وقول لعمتي وشف الفرحة كيف بعيونها بتحس اللي احسه بكل مرة اشوفه منها هي وخواتك ساجي/سدول سدول مدت يدها وهي تمسك يد ثابت تقوي نفسها للي ناوية تقوله ثابت التفت لها مجبر من حركاتها اللي حس بها ساجي قطب جبينه باستغراب من حركاتها وهو مكمل كلامه/ادري ان امي سدول قاطعته وهي تناظره بنظرات جديدة عليه/مالي كلام معك ياساجي كلامك مع ابوي/صدت عنه وهي تتجاهله تماما/ ساجي ناظرها شوي وهو مابين تصديق وتكذيب ماتعود عليها بهالاسلوب ابد/انا اتركك ترتاحين شوي وبعدها اجي واخذك سدول وبحدة/ماني رايحة معك واذا لك كلمة قولها لابوي ساجي/ان شاء الله ان شاء الله انتي بس اهدي/وقف وبضيقة وهو يناظر ثابت/انتبه شوي شوي عليها سدول تركت يد ثابت وهي نزلت عيونها تحاول تخفي لمعتها عن ساجي وشدت على اللحاف بكفينها وهي تحبس دموعها ثابت هز راسه/ابشر ساجي تنهد/فمان الله/خرج/ سدول بكت بقهر على نفسها حتى الفرحة مافرحت فيها ثابت جلس قدامها واحتضن كفها بين يديه/والله والله ماتمشي لفواز كلمة عليك وانا فيه شوي اللي تبين ولاعليك بأحد ياسدول لاتبكين وانا اخوك لاتبكين . ((شقة سراج)) علا راجعة من المدرسة مع اخوانها فتحت الباب بمفتاحها واستغربت من هدوء البيت العادة صوت التلفزيون هالقران هالمرة مافيه صوت دخلوا اخوانها قبلها وهم يجرون ودخلت وراهم وهي تقفل الباب اتجهت للمطبخ قطبت جبينها وهي تشوف الاكل عالفرن جاهز اتجهت بخطوات سريعة بتوتر وهي تتجه لغرفة علي وعاصم تنهدت براحة وهي تناظر عاصم وهو يسولف لعلي اللي متمدد على الارض وش صار معه ووقفوا عن يمينها ويسارها عفاف وعزام ناظرتهم/علي وين امي؟ علي بدون لايناظرها وعينه بالارض/نايمة علا قطبت جبينها باستغراب/نايمة!!عاصم ساعد عزام يبدّل/ناظرت عفاف/روحي لغرفتنا وبدلي ياروحي عفاف مشت وهي متحمسة/اصلا انا اعرف مو مثل عزام علا/بطلة انتي/اتجهت لغرفة امها ودقت الباب ثم فتحته وهي ماتشوف شي من الظلام فتحت النور/يمّه سحايب متمددة عالسرير ومعطية ظهرها للباب/علا تغدي وغدّي اخوانك وخليك معهم انا بنام تعبانة شوي علا بشك وهي تتجه لامها/وش فيك يمّه سحايب تغطت كلها/تعبانة ياعلا اتركيني لحالي علا وقفت قبالها وهي تسحب اللحاف/يمّه سحايب شدت اللحاف عليها وبحدة/اتركيني ياعلا احسن لك علا سحبت اللحاف بقوة بعناد واتسعت عيونها بصدمة وهي تشوف الكدمات بوجه امها سحايب برجفة صوتها وهي تحبس دموعها وتغطي وجهها بيديها/ليش تعانديني ليش!!ماابيك تشوفيني كذا ليش ياعلا ليش!! علا بقهر صرخت/وليش تتخبين!!هو اللي يتخبى مو بانتي هو الغلطان يمّه هوووو!! سحايب جلست وبعصبية/انا عنكم عنكم ولايلمس شعرة منكم علا بصراخ/الى متى الى متى؟وقفيه عند حده وقفيههه سحايب/وانتم؟هاه وانتم ياعلا اذا وقفته انا واخذكم مني وجلست بحسرتي عليكم كيف اتركم كيف علا بقهر/اتركينا اتركينا يمّه مابنلومك والله مابنلومك خليه يحس على نفسه سحايب ضحكت/ياروح امك مابيحس فيكم غيري محد محد ابد علا عضت شفتها بقهر وسط دموعها اللي نزلت ومشت من عندها بخطوات سريعة سحايب/علا علا/تنهدت وهي ترفع اللحاف بوجع بكل جسمها وهي تجر خطواتها بثقل/ علا خرجت من البيت واتجهت لشقة جدها اللي قبالهم ودقت عالباب بصراخ/جدي جدي ياااااجدددييي ياقوت اللي بالدور اللي فوق خرجت عالصوت ومن مكانها ويتافف/وش فيه؟وش ذَا الازعاج؟!! عليا فتحت الباب وبخوف/بِسْم الله عليك وش فيك ياعلا؟ علا/ماابيك ابي جدي جدي وينه؟ ابو ماهر وقف وراها/خير ياعلا وش فيه علا بدموع/امي ياجدي امي مو قادرة تتحرك!! ابو ماهر بفجعة وهو يتجاوز عليا ويمشي مع علا/وشو؟!! علا دخلت للبيت وهي تمشي معه/إلحقها ياجدي الحق سحايب اللي مستندة عالجدار تجر خطواتها اتسعت عيونها وهي تناظر عمها وتجمدت مكانها ابو ماهر احتدت نظرته وهو يشوف وجهها وتسندها عالجدار/ضفي عفشك انتي وعيالك والحقيني للسيارة/خرج/ . ((بيت اهل موج)) طلال جالس جنب سريرها وهو ماسك يدها يناظرها بقلق موج متمددة عالسرير بوجهه ذبلان وشاش ملفوف على راسها ام موج نزلت صينية القهوة بهدوء/الحمدلله على سلامتها ياطلال طلال/الله يسلمك ياعمة موج بتعبها/طلال طلال برجفة قلبه/امري ياروحي؟ موج/فتنة طلال ارتسمت تكشيرة على وجهه/وش فيها؟ موج/لايكون سويت لها شي طلال وهو يكتم غيظه/للحين للحين ياموج حتى بعد اللي صار!! موج رفعت نفسها بتجلس طلال وقف وهو يساعدها موج تكت بظهرها عالسرير وهي تناظره/فتنة مسكينة ياطلال ماسوت شي طلال بربكة/هاه؟ موج/حاولت تساعدني بس ماقدرت طلال لايكون سويت لها شي ترا مالها ذنب طلال سكت وهو يناظرها مو مصدق/لاتدافعين ياموج لاتدافعين عنها موج بنرفزة/فتنة ماسوت شي وش فيك ماتسمعني/مسكت راسها بوجع من صوتها اللي ارتفع بغضب/ ام موج/اذا ماسمعت موج زين اسمعني انا ياطلال طلال ناظرها/خير ياعمة ام موج/بنتي ماتجتمع مع زوجة اخوك ببيت واحد طلال انصدم وهو ضرب بعقله صدا كلام فتنة بهاللحظة(لو احلف مليون يمين هي اللي بتصدقونها وانا الكذابة) ام موج/يابنتي تطلع ببيت لحالها ياأخوك ياخذ زوجته لبيت ثاني ياتترك موج ببيت اهلها مثل مااخذتها منه طلال/ياعمة!! ام موج/غير هالكلام ماعندي ياطلال . ((السيارة)) عجايب جالسة وهي تسرق نظرات عن طرف لحاتم حاتم يسوق وهو ملتزم الصمت رغم ملامح وجهه اللي واضح عليها الغضب عجايب التفت تناظره/حبيبي حاتم بسرعة/ولا كلمة!! عجايب بحلطمة/طيب وش تبيني اسوي يعني اشوفهم متجمعين على اختي واتفرج!!انت ماترضاها لاخواتك صح؟ حاتم بغبنة/الحين جايبك هينا حتى يطيح الجني اللي براسك عن المشاكل هناك وجينا هينا وبسرعة البرق لقيتي لك مشكلة ماتعرفين تهجدين انتي هاه ماتهجدين!! عجايب/والله اني مسكينة هم اللي يدورون المشاكل معي يعني ماتعرفني!! حاتم ضحك بقهره/المصيبة اني عارفك والاكبر من ذي المصيبة ان مالك علاج مالقيت لك دوا وش اسوي معك ها وش اسوي/صرخ/قولي لي هاه قولي عجايب فزت من صرخته/يعني نسيت مشكلتنا خلاص؟ حاتم صرخ بوسع عيونه وهو يلتفت لها/عجاااايب!! عجايب بهمس/خلاص طيب سمعتك مالي شغل بشي اسفة اسفة حاتم وهو يناظر لقدام وبغيظ/وشو ماسمعتك؟ عجايب بنرفزة وهي تتكتف وتناظر لقدام/خلاص اسفة المرة الجاية اجلدهم عالخفيف ارتحت الحين حاتم عض شفته السفلية بقهر وهو وده يوقف بنص الشارع بهالحر ويخليها ترجع البيت مشي وبقهر من قلبه طلعت/اااااااااهههه منك اااااهههه . ((شقة ابو راضي)) //بنات ام راضي مجتمعين مامر عالسالفة ساعة الا الكل موجود// منايا جالسة قبالهم بمسافة تناظرهم وهي متكتفة بصمت تام ام راضي جالسة وممددة رجولها تتوجع/اااه اااه سماح تمسج رجول امها بضيقة/ياعساها بالكسر عظمة عظمة الله لايوفقها عزيزة متمددة جنب امها وعلى راسها كمادة وبوجع تخفيه/اعوذ بالله منها عليها قوة رجال رجال الله اكبر عليها رحمة دخلت بطشت صغير وفيه كمادات/اااه لو كنت فيه اااه بجاد وقف عالباب وبحدة/وش بتسوين بعد هاه مايكفي اللي سويتوه بالمسكينة!! ام راضي بحدة/وانت معهم على امك!!ماشاء الله عليك ماشاء الله ونعم الولد!! ابو راضي دخل وبحدة/لا والله تبينه يشوفكم تذبحونها حتى يصير نعم الولد ياعايشة هاه هاه!! عزيزة بنرفزة/يبه أسأل منايا هي شافت كل شي شافت هالهمجية وش سوت فينا!! منايا اتجهت الانظار لها فكت تكتيفتها وهي تاخذ نفس بهدوء/انا مدري عن شي ام راضي اتسعت عيونها عزيزة بعصبية/ايه بنات عمك غصب ماتقولين عنهم شي ابو راضي بعصبية/انكتمي ياعزيزي انكتمي منايا وقفت/انا مالي شغل بشي ومااعرف شي/ناظرت بجاد/انا رايحة اشوف العيال/مشت من عندهم واتجهت لغرفتهم الوحيدة الخاصة ببيت ابو راضي دخلت وقفلت الباب وراها وهي واقفة بمكانها/ //سلطان ووعد وعهد التفتوا يناظرونها// منايا جلست ورا الباب بالضبط وانفجرت تضحك من قلبها ام راضي اللي وصل لها صوت ضحكت منايا ناظرت بجاد بقهر/وش فيك واقف ماتأدب زوجتك ولا انت مثل اخوك!! بجاد كشر بوجهه بصمت ابو راضي اتسعت عيونه/عايشة!! عزيزة بنرفزة/عاجبتك المسخرة اللي تصير لنا يبه هاه عاجبتك ابو راضي/اي والله عاجبتني تستاهلون واللي بيعجبني اكثر روحتكم بعد شوي للقسم ام راضي بصدمة/وين!! عزيزة انخطف وجهها وسط صدمة خواتها اللي مو اقل منها ابو راضي/اللي سمعتيه سدول اشتكت عليكم ام راضي بربكة/ماتسويها سدول لااا ماتسويها تكذب علينا بس ابو راضي بغيظ/تستاهلونه والله يالله قوموا البسوا عبايتكم انتظركم بالسيارة/لف بيمشي وقف وهو يناظر وجهه المكتسي هم/ساجي؟!! ساجي بابتسامة يرسمها غصب على وجهه/ارتاح يبه تنازلت سدول ام راضي ابتسمت/كفو ولدي كفو ايه هذا ساجي ولدي/ناظرت بجاد/مو اللي يسمع التطنز على امه ويسكت!!/ناظرت ساجي من جديد وهي تميل فمها بشوفة نفس/عساها رجعت بس قبل ترتاح خلها تجي تتعذر هي واختها سمعت ولا لاتشوفها عيني فاهم ساجي زفر بضحكة/يمّه ماباركتي لي؟ ام راضي قطبت جبينها ساجي بكسرة نفس واضحة/سدول حامل يمّه ام راضي انصدمت عزيزة/تكذب!!!كيف!! ساجي ضحك بقهر/والله صادقة واضحة الفرحة من قلوبكم طالعة!! ام راضي/ساجي يمّه خلاص لاتجي أنا ساجي قاطعها/ارتاحي يمّه ارتاحي سدول مارجعت معي والظاهر مالها نية ترجع ابد والصدق ماألومها وانا استقبلتني احلى فرحة منكم/لف عنهم ومشى تاركهم/ ابو راضي بحدة/حسبي الله عليك انتي وبناتك صدق انك أذية/مشى/ ام راضي بغبنة وهي ترفع صوتها/ايه ايه هذا اولها وهي حامل وش بتسوي بعدين شفتوا وشلون انقلبتوا علينا شفتوا!! بجاد بوجهه المكشر/ماألوم منايا يوم ترفض تجي معي يمّه ماألومها/رفع صوته/منايا يامنايا مشينا يالله مشينا/مشى/ ام راضي بغيظها/مالت عليكم من عيال مافيكم واحد صاحي . ((بيت ابو عمر2)) ام تركي تناظرها بتوتر وهي جالسة قبالها أصيل جالس عن يمينها وهو يناظرها بابتسامة غياث جالس عن يسارها مبسوط وهو يناظرها/فتنة بتجلسين معنا صدق؟ فتنة بعبايتها منزلة طرحتها على اكتافها ومتكتفة ولاردت على غياث ام تركي/اصيل رح انت وغياث عند راجح وتركي يالله بسرعة غياث/يمّه ابي اجلس مع فتنة ام تركي بحدة وهي تناظره/قلت روح!! اصيل وقف/شوي نرجع لها يالله تعال غياث وقف بكره ومشى وهو ماوده ام تركي ناظرتها/موج سلمت يـافـتـنـة فتنة ماردت ولاابدت اي ردة فعل ام تركي/سامحيني يـافـتـنـة ظلمتك والشيطان شاطر سامحيني فتنة زفرت بضحكة سخرية وهي تناظرها بحدة/الشيطان معكم كلكم علي انا بس!!ليتني اشوفه يفلح مع غيري!! ام تركي تضايقت من ردها لاول مرة ترد عليها بهالطريقة/طيب اجلسي داخل لحد مااتفاهم مع ابوك فتنة/هو ابوي وانا وياه نتفاهم محد له كلمة بيننا ام تركي سكتت ماردت ابو عمر دخل للبيت/بثينة يابثينة ام تركي فزت واقفة بتوتر وخوف من اللي يصير اذا شافها ببيته ومشت له/سم سم ياابو عمر سم/وقفت وهي تبلع ريقها وتناظره قبالها وبربكة/هلا ياابو عمر ياهلا ابو عمر قطب جبينه باستغراب منها/وش فيك مرتاعة!! فتنة وقفت/حياك الله يبه بس الظاهر عمتي مرتاعة لاني فيه ابو عمر احتدت ملامحه/وخير ليش داخله هالبيت اللي للحين طاهر!! ابو عمر احتدت ملامحه/وخير ليش داخله هالبيت اللي للحين طاهر!! فتنة بهدوء ظاهر عكس العواصف اللي صارت بداخلها على كلامه/انت ابوي وملزوم فيني!! ام تركي بلعت ريقها وهي تناظر ابو عمر تنتظر هيجانه ابو عمر ابتسم بسخرية/صدق!!!وامك واخوانك اللي حاربوني عشانك وشو صار لهم للحين؟ولا يوم عرفوا الحقيقة رموك علي!! ، ، عمر وطلال وبدر وريان(4،6،9،10)واقفين جنب السرير وهم يناظرون ذاك الشي الجديد عليهم اللي يتوسط السرير بابتسامات بريئة وفرحة بقدوم هالكائن اللطيف الملفوف بلفة بيضا ناعمة ماينافسها بنعومتها الا نعومة خدها الندي عزة واقفة على نهاية السرير تجمع اغراضها بالشنطة اللي عالسرير بوجه متشرب الحمرة من كثر ماهي تحاول تحبس عبرتها اللي من ولدت وهي منسابة على وجهها تحاول تحافظ عليها قدام هالصغار اللي مايدرون وش اللي ينتظر عالمهم الصغير بعد هالمصيبة اللي نزلت عليهم عمر التفت لامه وبوناسة/يمّه وش بنسميها؟ طلال/نسميها طلالية بدر/لااا لا بدرية احلى وش طلالية؟ ريان اصغرهم يناظرهم ساكت بهدوء لهاللي خاطف الاضواء منه عمر/وع وش ذَا!!/ناظر امه/يمّه نسميها تغريد طلال بنص عين/ايه ايه عشانك تحب تغريد عمر كشر بوجهه من غيظه طلال مسترسل/بنت سالمة تبي امي تسميها كذا!!لااا والله ماتسميها عمر بغيظه/اوص بس وش احب ومااحب تغريد حلو ريان ناظرهم بمحاولة لنطق اسمها/زغاطيط؟ عزة ابتسمت غصب وهي تسمع ريان وتنهدت بصوت من همها عمر بازعاج لامه/يممممه وش بنسميهاااا؟ عبدالله(ابو عمر)فتح الباب بقوة من غيظه للحد اللي ضرب بالجدار ورجع له واعترضه بيده حتى مايصيبه //الكل فز من فتحت الباب اللي محد منتبه له بوسط هالاجواء السعيدة وتركيزهم عليها// عزة التفت برعب للباب عبدالله بحدة/ماجهزت للحين!! عزة قفلت الشنطة/خلاص خلاص جاهزين؟ عبدالله قطب جبينه/وشو ماسمعت!! عزة بلعثمة/عبدالله مو من جدك اللي قلته امس!! عبدالله صرخ/وترادديني باموري!!انا ادرى منك ضفي عشفك ويالله //العيال ينتظرون ابوهم الطيب الحنون بصدمة عمره ماتعامل معهم بهالطريقة فكيف امهم اللي يلفها بحبه!!// الصغيرة اعتلى بكاها من صوت الصراخ اللي لف المكان عزة هلت دموعها وبرجى وهي تمسك يده/تكفى ياعبدالله تكفى وغلاتي عندك تكفى تكفى عبدالله سحب يده منها وبحدة/قلت لك من طلعنا من باب ذاك البيت ابي عيال عيال وبس لادخلت المجالس اهتز من اصوات التراحيب بس ابي عزوة وراي تنضح هيبة تطى على خشم كل ردي لاتردى بوجهي عزة بترجي/ياعبدالله ياعبدالله كيف نتركها كيف!!وشلون تبيني اترك قطعة مني بالمستشفى وشلون!!حرام عليك حرام عبدالله ببرود/هينة مانبيها!!وهم يعرفون لشغلهم معها ويمكن ارحم بها منك بعد!! عزة انهارت بكل وبصراخ/ترميها!!حرام عليك خاف ربك!!بنتي مالها ذنب ياعبدالله وش ذنب هالمسكينة ماسوت لك شي وش ذنبها بشي ماسوته وشو ياعبدالله!!/بترجي/تكفى ياعبدالله تكفى بنتي لاتجيها بنتي مالها ذنب والله تكفى عبدالله يناظرها بصدمة لاول مرة عزة ترفع صوتها بوجهه وتوقف بعد بهالشكل تمردت تمردت بعينه وهذا اللي يرعبه هذا أولها بس وشلون لو كبرت هالبنت ببيته اكيد بتنكسر كلمته اكثر والله العالم اذا بيوم يصير شي وبينزل وجهه بين الرجال وليش حتى ينتظر هالشي يصير اكتفى باللي صار له وشبع منه اتجه بخطوات ماليها الحقد والكره والبغض لهالمسكينة اللي مالها ذنب بماضيه وسط نظرات رعب وخوف من عياله تحرك بخطواته السريعة وانحنى بملامح جفا لذاك الجسد الصغير اللي ماله قدرة يدافع عن نفسه ولايفهم شي بهالدنيا للحين شالها بقوة بدون اي مراعاة لصغر ذاك الجسد الرقيق عزة مسكته وبرعبها/وين وين بتوديها لوين؟ عبدالله دفها عنه بدون مراعاة لوضعها عزة ضرب جنبها بطرف السرير وتوجعت ووقفت وهي تضغط على نفسها حاوطت وسطه بيديها وهي تبكي وبترجي وسط بكاها/عبدالله ياعبدالله لا لا تكفى تكفى عبدالله ضم الصغيرة لصدره بيساره فقط بكل قوته ويضغطها وسط صراخها من الضمة الموجعة لجسمها الضعيف وبيمينه يحاول يفك يدين عزة عنه وبصراخه/اقول فكيني منك لاأرميك وراها فكيني عزة محاوطته بكل مافيها من قوة/بنتي والله ماترميها والله خاف ربك ياعبدالله خافه!! عبدالله اتسعت عيونه وهو يناظرهم قباله ونظراتهم كلها لوم وعتاب له عمر بضيق مرتسم على وجهه وباستنكار لفعله/يبه وين تاخذها كل الناس عندهم بنات محد رمى بنته!! طلال اللي يماثل ابوه بالهيجان والغضب من صغره ناظر ابوه بحدة/والله ان رميتها خذني معها لنفس المكان وارمني مرة وحدة انا واياها!! بدر ماسك يد طلال بيمينه وترجف يده بخوف من ابوه وهو واقف معهم ريان انفجر يبكي بصوت عزة صرخت/حتى الصغير نقد عليك!!بنتك ياعبدالله بنتك عبدالله عض شفته السفلية بقهر وهو يناظر هالعيون اللي اكلته اكل على صغر احجام واعمار اصحابها اعتدل بوقفته بعد ماكان منحني يحاول يفك يدين عزة عنه/هاذي تواليها!!لاعادت من نخوة ومرجلة بغيتها!!وتف عليك ياعبدالله انت وعزوتك وتف!! عزة بلعت ريقها اللي نشف من كثر بكاها وصراخها معه عبدالله برجفة صوته وهو يناظر اللي تبكي بين يديه بمشاركة للعاصفة اللي تصير حولها/قيلت لي وأعيدها الحريم كسرة ظهر كسرة ماتنجبر ابد!! عزة اتركته عبدالله التفت لها وناظرها/أنا ولا هي؟ عزة حست برعشة سرت بجسمها من كلامه والتزمت الصمت عبدالله/عزة أنا ولا هي؟ عزة ماردت وشلون تختار بين قطعتين من قلبها وشلون عبدالله ميل فمه بابتسامة جانبية وهو ينزل عينه للصغيرة اللي بين يديه/توك توك ماكملتي يوم وقسمتي بيتي!!سلطتيهم علي!!سلبتي قلوبهم مني يابنية عزة برجفة صوتها/عبدالله وشلون تبيني اختار وشلون!!مااقدر والله مااقدر!! عبدالله وهو ماناظرها ابد وعينه للي بين يديه/فـتـنـة!! عزة تناظره بعدم فهم عبدالله/فتنتيهم كلهم وأعميتي بصيرتهم كل اللي سويته مسحتيه برمشة عين صدق انك فتنة يـافـتـنـة عزة بربكة/وش فتنته الله يهديك ياعبدالله ذي بنتك عبدالله ارتفعت عينه لها بغضب مرتسم عليه/باب الجفا وفتحه اختيارك!! عزة انخطف وجهها عبدالله/جهزي عمرك لليوم اللي اجيك فيه وتجهزين بيتي وعروستي بنفسك/مد فتنة لها اللي ماتت من كثر الصياح وصار فقط صوت مواءات تخرج منها/ عزة غرقت عيونها دموع/وأنا؟!!وعيالي!! عبدالله وهو يتقدم خطوة ويمد فتنة اللي لامست صدر امها/عاف الخاطر عاف يكفيك بيتك اللي يلمك ويلمهم ، ، ابو عمر بحدة/ويومي ابوك داخلة هالبيت ناوية خرابة!!مايكفيك ماسويتي بأهلك!! فتنة بجرأة جديدة عليه/انت اهلي ولو تنكر بكل صوتك وسمعوك العالمين مافادك ابو عمر صرخ/فتنة فتنة بنفس صراخه/بنت عبدالله بنت سعد الـ***مربوطة فيك مربوطة لليوم اللي يدفنوني به بقبري!! ابو عمر بانفاسه المتسارعة اللي تتزايد ولاتهدأ ابد/سواد وجه ذَا هو سواد الوجه بعينه ارتبط اسمي العالي بـ فتنة قاطعته وهي ترفع صوتها فوق صوته/بفتنة اللي اخترته انت لي محد اختاره غيرك وهاذي اول خيوط موافقتك على وجودي بعالمك!! ابو عمر/تخسين مابغيتك ابد ولا لي نية بوجودك!! فتنة/وهذاني قدامك ولو ترميني وين مايكون بيرجعوني لك بيرجعوني يبه ابو عمر بصراخ وهو يتجه لها/اوووص اسكتي اسكتي/مسكها من يدها وسحبها له وهو يهزها بهستيرية/وش ناوية تسوين بعد؟ماجيتي لي الا وانتي راسمة راسمة لشي يشيب عيني ازود وش تبين تسوين انطقي وشو!! فتنة برجفة صوتها اللي غطت عليها صرختها/اكون بنتك ابو عمر انصدم وهدا هيجانه للحظة يناظرها بعدم استيعاب فتنة بصراخها/بنتك اللي بحماك محد يدوس لها طرف غيرك ابو عمر قطب جبينه وهو يسمعها فتنة/راضية تدوس علي وتذبحني راضية هذا انت من اول ولايضرني الحين ماغيرك شي علي!!نارك ولانارهم يبه نارك ارحم من جنتهم الكذابة!! ابو عمر ترك يدها وهو يناظرها باستغراب فتنة ابتسمت باستفزاز/وش فيك يبه!!هذا الصدق لايكون زعلت بعد؟!! ابو عمر احتدت ملامحه وبنبرة عالية وعينه بعين فتنة المبتسمة/بثينة ام تركي فزت منه ماتوقعت يناديها هي/سم ابو عمر/عامليها مثل اللي اعتدى عليك ولاتامنينها ابد سمعتي؟ ام تركي بربكة/هاه؟!! ابو عمر التفت لها وبصرخة/وش هاه!! ام تركي بفجعة منها/ابشر ابشر ان شاء الله ابو عمر بتهديد وسط نبرته العالية/خذيها لاي غرفة بهالبيت وياويلك ياويلك سواد ليلك اشوفك مكرمتها سمعتي!! فتنة زفرت براحة ام تركي كشرت بعدم رضا من اللي تسمعه همست/ان شاء الله ابو عمر التفت لفتنة وبحدة/وجهزي عمرك لاتظنين جلوسك بهالبيت معزّة سمعتي!! فتنة تغيظه/اكرمك الله!! ابو عمر اتسعت عيونها ورفع يده بيضربها وهون وهو ينتبه للاطراف الصغيرة اللي تسرق النظر للي يصير نزل يده ومن بين اسنانه/ربي رحمك بهم مرتين!!/لكن هالعيون تنام وتبدا ليلتنا يـافـتـنـة/صد عنها ومشى خارج بخطوات كلها غضب/ ام تركي جلست من خوفها/اعوذ بالله من الشيطان ياربي رحمتك يارب وش ذَا اللي يصير!! فتنة ناظرتها وببرود/وين المكان اللي بتحطيني فيه؟ ام تركي ناظرتها مو قادرة تفهمها وش اللي غيرها بلحظة لهالدرجة!! . ((بيت الجدة سدول)) الجدة سدول ممتددة بالصالة على جنبها الايمن تأن بألم من راسها سلطان جالس عند راسها يمسّجها وهو يتمتم بالمعوذات عليها وارتفع همسه/بِسْم الله عليك ياعيني بِسْم الله الجدة سدول/حسبي ربي الله يسلط عليه مثل ماتسلط عالمسكينة حسبي الله سلطان/استغفري ياجدة وقولي الله يهديه مالنا بذنبه حمل الجدة سدول زفرت/حسيبه الله وبس حسيبه!! سلطان بتردد يخفيه/الا ياجدة وش سالفة البنت اللي معه؟ الجدة سدول بغبنة/شيب عيني شيبها الله يعوضها بخير ويخلف عليه بخير اااه بس اااه سلطان بفضوله/ايه وش فيها الجدة سدول ناظرته بتقطيبة جبينها سلطان تنهد/اقصد وش فيه عليها لاتناظرني كذا!! الجدة سدول جلست وهي تزفر/والله البنية مصلوحة بنية حلال/كشرت بوجهها بكره/واهلها اللهم ياكافي نفوس دنية سلطان/لاحول ولاقوة الا بالله الله يعوضها خير الجدة سدول/وهذا اللي اقوله دايم لك ولها الله ينصركم ولاينصر عليكم ياوليدي سلطان احتضن يمنيها بين يديه/تدرين ياجدة عاد؟ الجدة سدول تناظره بطرف عينها/وشو؟ سلطان/والله زانت لي نظرة!! الجدة سدول اتسعت عيونها وسحبت عصاها اللي على يسارها على طول وبنفس الوقت تسحب يمينها اللي محتضنها منه وهي تضربه بالعصا/ووقطع عيون ياسليطين ماخفت ربك وتعلميني!!اعقب من ولد!!اعقب!! سلطان وهو يصد عصاها بيديه ويتوجع/اه اه اه جدة جدة!! الجدة سدول/ياقليل الخاتمة غض بصرك ياللي مابك حيا ويقولها بوسع صوته عساه القطع !! سلطان فز واقف وهو يبعد عنها وبزعل/ياجدة وش فيك علي!! الجدة سدول رمت عصاها عليه وهي مافيها حيل تلاحقه سلطان نط الجدة سدول/وتراددني ياسليطين فوق سواتك!!اااه واغبنتي اااه!! سلطان انحنى ياخذ عصاه ومدها لها من بعيد/مضنونك انا وش فيك علي!! الجدة سدول اخذتها وبسرعة حركتها لرجوله بتضربه سلطان نط وابتسم بفرحة تفاداها الجدة سدول رمتها عليه من جديد وضربته بصدره سلطان مسك صدره بألم/وش سويت عشان تزعلين!! الجدة سدول/مناظير ماهي بعيون!! سلطان/اذكري الله ياجدة ترا مابيبلش فيني غيرك الجدة سدول بعصبية/وش هالنظرة اللي زانت لك والمسكينة مظلومة هاه ياسلطان هاه!! سلطان/عاد زانت وشلون ماتبينها تزين وانا وهي واخوها الشيطان معنا!! الجدة سدول بتعصيبتها/والله انت تظن محد يقدر على لسانك هاه!! سلطان/وين تبيني اروح ياجدة ولمن اقول اللي بخاطري ماعندي غيرك!! الجدة سدول ميلت فمها وهي خاطرها ضاق عليه/وثم بعد هالنظرة ياطويل العيون اللي مابك حيا سلطان/الا والله حياوي ياجدة وانت تدرين بي!! الجدة سدول/وثم؟اخلص علي ياابو النظر؟ سلطان/وش وثم تدرين وش اللي ابيه!! الجدة سدول سكتت بتفكير سلطان/ليه ياجدة كثير علي؟ الجدة سدول/لا والله مـاهـو بكثير لكن عجايب دخلت/السلام عليكم الجدة سدول كشرت/اقبلت اقبلت الله يستر منك ومن سواياك من وين جاية يابنت هاه سلطان اللي واقف ارتسمت ابتسامته واحتضنها بحب/وعليكم السلام هلا ياهلا بعجايب القلب عجايب مبتسمة/الله يسعدك يازينك يااخوي يازينك/التفتت تناظر جدتها/مو مثل بعض الناس الله يسامحهم والله اني المسكينة!! الجدة سدول ضحكت/خلف الله علينا اذا انتي مسكينة الا سكنية عن عـشـر الله يكفينا شرك عجايب كشرت/ليش الغلط ياجدة!! الجدة سدول/انتي الغلط دخلتي ولاسلمتي علي وتحاسبيني الله اكبر!! عجايب اتجهت لها وسلمت عليها وجلست جنبها سلطان/وينه حاتم؟ عجايب/بالمجلس سلطان لف بيخرج/يالله لابغيتوا شي انا عنده الجدة سدول/ولد ياسلطان؟ سلطان التفت/سمي ياعيوني الجدة سدول/السالفة اللي قبل شوي صادق فيها؟ عجايب اتسعت عيونها وبتركيز عالي معهم/وش وش سالفته وشو ياجدة؟ الجدة سدول ضربتها/مالك شغل يالملقوفة؟ عجايب تناظرها بتكشير/حسود اللهم ياكافي ماتقولين شي وكل شي عنا عندك!! سلطان ابتسم على مناقرتهم/وهالمواضيع فيها مزح!!يالله استأذنكم أنا فمان الله/خرج/ الجدة سدول زفرت بحيرة وضيقة/فمان الله فمان الله يامضنون عيني . #سلطان_الهوى_يافتنة_الألفية | ||||
|
| |
|
25-08-22, 06:53 PM
| #24 | ||||
| 10 اللهم صل وسلم على نبينا محمد - {سيارة أبو ماهر} أبو ماهر مشغل المسجل رافع صوت الاغاني القديمة وسط صمت مختلط بمشاعر انزعاج ومشاعر احترام من البعض الاخر،، ياقوت جالسة قدام جنب ابوها اللي يسوق بتكشيرة تحت لثمتها وهي صادة بوجهها سحايب جالسة ورا عمها علا جالسة ورا ياقوت وجنب علي وبينه وبين امها عزام وعينها على علي تنتظر انفجاره علي بملامح انزعاج وتوتر واضحة من جلسته بالسيارة بدون اي حرية حركة مايحرك راسه ابد وبقية الصغار باخر السيارة(عيال نايف وعيال حاتم وعفاف وعاصم) سحايب غرقانة بتفكيرها وشلون بتلقى حل للعلامات اللي بوجهها ووشلون ببتصرف اذا شافوها اهلها علا انحنت لشنطة علي وهي تفتحها تخرج ألوانه وكراسته ومدتها له بابتسامة علي ناظرها عن طرف علا بمشاغبة له ابعدتها عن مجال نظره علي التفت لها بتوتر وخوف وعينه على اغراضه علا ابتسمت ومدتها له وهي تبوس راسه/والله انك بطل يااخو علا علي سحب اغراضه منها بقوة وهو يرجع لوضعه وضم اغراضه لصدره يهدأ علا تنهدت براحة وهي قدرت تهديه شوي ميلت راسها وهي تناظر امها المتوترة من صمتها وعدم انتباهها لعلي اللي عادةً هو اول همها بكل سفرة قطبت جبينها بضيق من تصرفات امها اللي عكسها تماما . ((شقة سراج)) سراج دخل للبيت بابتسامة وهو يهمهم كل شي يمشي على مزاجه بدون اي تعقيد قطب جبينه وهو يناظر البيت انواره مقفولة وهالهدوء الغريب فتحها وهو يقفل الباب وراه ويدخل/هيه ياسحايب/رفع صوته/بنت ياسحايب /اتجه يشيك عالغرف غرفة غرفة وباستغراب وين راحوا اتجه لبيت ابوه دق الباب محد فتح دق عالجرس وعلق عليه بازعاج للموجودين/ عليا بفستان ميدي مخصر على جسمها واكمامه الكت بلونه البني المحروق رافعة شعرها كله ذيل حصان واكسسوارات ناعمة باللون الذهبي تزين نحرها ويديها فتحت الباب بتكشيرة/خير؟!! سراج ميل فمه وسط حواجبه اللي ارتفعت/الخير بوجهك!! عليا تكتفت وهي تزفر/صدقت ولا انت من وين يعرفك الخير واشكاله!! سراج شهق/وش فيها العمة زعلانة!! عليا احتدت نظرتها/احترم نفسك واعرف حدودك معي!! سراج حرك سبحته بحركة دائرية بيمينه/لا والله الزعل مليون!! عليا/خير وش تبي اخلص!! سراج/سحايب وعيالها عندكم؟ عليا/لايكون عيالها بلحالها!!جابتهم من الشارع مثلا!! سراج/اقصري السوالف وينهم عليا مدت يدها تمسك الباب وهي بتقفله/ليه تتوقع كل مرة تسلم الجرة ياسراج!! سراج احتدت ملامحه من شكه/وش تقصدين عليا/اخيرا اخيرا تحركت/ابتسمت/بعد سواتك تظن بتجلس معك اكيد راحت لاهلها/قفلت الباب/ سراج اتسعت عيونه ومسك الباب بصدمة وهو يدفه عليا رجعت خطوة لورا من دفته/سلامات!! سراج بغيظه/وين راحت!!ومع مين؟!! عليا بابتسامة/ابوك هالمرة بيوقف بوجهك واتحداك تقدر عليه ياسراج سراج مد يده ومسكها من يدها بقوة وهو يسحبها له بقوة عليا توجعت سراج من بين اسنانه/محد يوقف بوجه سراج ياعليا فهمتي عليا سحبت يدها منه بقوة وهي تشوت رجله بنفس الوقت سراج تركها وكشر بوجهه عليا بحدة/لاتحسبني سحايب اللي تسكت لك وراضية بذلك!!تراني عليا عليا ياسراج ومرت ابوك اصحى على نفسك اصحى!! سراج زفر بضحكة سخرية عليا/هالمرة امشيها لك المرة الجاية أجمع الخلق عليك فهمت!!/قفلت الباب بقوة/ سراج ضحك/نشوف ياعليا نشوف/احتدت ملامحه وهو يهرول بخطوات سريعة لسيارته ويتوعد سحايب بينه وبين نفسه/ . ((بيت ابو راضي)) راضي جالس قبال امه وخواته الملتفين حولها ساند ظهره للمساند وراه متربع تربيعة واسعة وبهدوءه المعتاد يتقهوى ام راضي بدموعها/شفت شفت ابوك واخوانك كلهم علي!!هاذي نهايتها!!حرمة غريبة تفرق بيننا!! سماح بضيقة/لاتبكين يمّه الحرمة مكانها عـشـر وانتي الغالية لاتبكين يمّه رحمة/والله والله لاخذ لك حقك من حريمهم انتي بس اهدي لايصير لك شي وش بنسوي من دونك/باست راسها/اهدي يايمه اهدي تكفين ام راضي بانفعال/وشلون اهدى وشلون وهي طلعت حامل اللي تقوله بيجبرني ابوك واخوك اسويه غصب بانهان تعرفين وش يعني انهان!/مسكت راسها من كثر صداعها من البكا/اااه ياربي رحمتك فيني يارب راضي تنهد وهو ينزل فنجاله/يمّه ام راضي ناظرته بدموعه/حتى انت شوي لاجتمعوا وسمعت كلامهم فوق قطيعتك بتقطعني زيادة/وبحسرة/مالت عليك ياعايشة وعلى حظك الزفت مالت!!لا زوج والعيال واقلبي علي وقلبي!! راضي زفر بوسط ابتسامته وهو يستقيم بظهره ويعدل جلسته/يمّه يايمه ام راضي عقدت حواجبها بزعلها راضي/ومن متى راضي يرضى لامه الاهانة!! ام راضي وهي تبلع ريقها/وش بتسوي يعني؟ راضي ابتسم/اشتكي على اختها يمّه!!ذليهم ولا يذلونك!! ام راضي بتوتر/وابوك؟ راضي/وش بيسوي يعني!! عزيزة بابتسامة وحماس/اذا قال شي تحلفي يمّه ماتتنازلين لو تموتين!! راضي بنفس ابتسامته/هونيها ياام راضي هونيها دموعك غالية تعقب مرة تنزلها!! - ((بيت ابو عمر1)) طلال دخل للبيت بوجهه المتجهم واتجه مباشرة للصالة ودخل بدون لاينطق حرف //ام عمر وريان جالسين بالصالة// ام عمر ناظرته بنرفزة/خير!!لو زوجة اخوك موجودة!! طلال بحدة/قلعة تقلعها كانها بتخرب بيتي!! ام عمر بحدة/استح على وجهك!!بنت خالك قبل تعرف هالموج اللي ذبحتنا فيها!! طلال ناظر ريان بحدة/قم ناد اخوك اللي مامسك حرمته قوم ام عمر رفعت صوتها/طلاااااال!! ريان/اتصل عليه وشلون تبيني اناديه وهو ببيته!! طلال صرخ/قم!! عمر دخل/خير وش فيك الحين بعد!! طلال ناظره بحدة/رح جيب حرمتك رح عمر بحدة/صاحي انت!! طلال صرخ/اسالها وشو له سوت بموج كذا ليش!! ام عمر بعصبية/لا والله مضيع صدق!!انت صاحي!!بك حيا ولا مابك ياولد!! طلال بصراخ/ايه مابي حيا لو هي زوجته شفت ألعن يحمد ربه انه اخوي لو غيره دفنته هو وزوجته عمر وهو يكبح غيظه مايبي يجاريه بهالسخافة بعينه/وش تبي؟المطلوب الحين؟ طلال/ياتطلع من البيت ياتطلق هالعلة اللي معك اذا ماتقدر تمسكها سمعت!! عمر كشر بوجهه ام عمر وقفت وبعصبية/لا والله ماانت بصاحي!!كذبت عليك هالمصيبة ماصدقت تلقى عذر!! طلال ناظر امه/لا يمّه لا موج ماتكذب ابد وانت تدرين بهالشي وفوقها ماقالت شي عن هالنار اللي فوق!! عمر بحدة/طلال عاد احترم نفسك وكف لسانك!! ام عمر/وش تقول ياعمر انلحس عقله وانهبل!! طلال/والله ثم والله اني متأكد انكم عارفين ان هالعقرب اللي فوق هي البلا وساكتين عمر/وفتنة ياطلال؟ طلال تغير وجهه للحظة واحتدت نظرته عمر/وأيمانك عليها!!والحين حولت على رغد!!كلمة توديك وكلمة تجيبك!! طلال/تخسي؟!!مو بأنا اللي يمشوني حريم!! عمر ابتسم بسخرية ام عمر صرخت/داخل علينا بشرك وتقول مايمشونك حريم!! طلال بحدة/ماني بطالع من هالبيت وتارك الدنيا وراي بدون والي!! عمر بحدة/ابوي للحين حي مالك كلمة على احد طلال بتهديد/شف ياعمر والله والله وانت تعرفني اسويها ومايردني شي عمر قاطعه/لاتتحلف فكني من حلفك انا بأطلع من الاول وماهو بعشانك لاوالله ابي اشوف الراحة شوي رغد اللي ورا الباب تسمعهم انقهرت وهي تشوف عمر ماكلف نفسه يدافع عنها شدت على عبايتها من كثر قهرها واتجهت لباب البيت بتخرج وقفت وهي تناظره داخله وامتلت عيونها دموع/أنا بوجهك ياعمي بوجهك!! ابو عمر قطب جبينه وهو مغتاظ من فتنة واللي قالته/وش فيك؟ رغد بدموعها/ترضى لي المذلة ياعم ترضاها وانت حطيتني بحماك من دخلت لهالبيت!!اخذتوني من اهلي معززة مكرمة وتسوون فيني كذا!!هالشي مايرضي الله ياعمي مايرضيه ابد والله ظلمكم لي بتلاقونه بتلاقونه/انهارت بكا/ ابو عمر احتدت ملامحه/لا والله ماارضاها يابنت حامد ابشري بعزك وكفكفي دموعك حقك بتاخذينه واللي تبينه ابشري فيه ابشري/اسرع بخطواته متجهة لهم وهو يغلي/ . ((بيت ابو فواز)) {مجلس الشعر} سلطان وحاتم جالسين يتقهوون مع بعض ويسولفون فواز دخل لمجلس الشعر بوجهه المغتاظ من سوء الامور اللي تصير وارتفع مستوى الغيظ لاقصاه وهو يناظر اللي يسولف ويضحك برحابة صدر وبدون اي مقدمات وبحدة/وش له جالس؟!! حاتم انصدم من فواز وظل يناظره ساكت سلطان التفت يناظره بابتسامة وهدوء/وانت وش له واقف؟!! فواز بغيظه/تدري ان ابوي ماسمح لك تقعد ببيته وجالس بمجلسه ماتستحي على وجهك انت!! سلطان/لاوالله اني استحي بس اللي تعرفه وتدري به زين ان جدتي سمحت لي اجلس ببيتها فواز صرخ/وذا مجلس ابوي!! سلطان ببرود/هد هد جدتي لها نصه وانا جالس بمجلس جدتي مـاهـو بملجس ابوك ماانت مصدق جيب مترك ومتّر حاتم يناظرهم بصدمة من سخافة الوضع والحوار بينهم فواز/يااخي حتى المجنون اللي عقله ضايع اذا شاف محد يبيه هج وش عذرك انت هاه وش عذرك!! سلطان/قلتها الحين!! فواز قطب جبينه سلطان بابتسامة/يااخي!!دامك معترف فيني ضم يديه ببعض لاصق فيك لاصق فواز شد على قبضته بغبنة سلطان فك يديه/وهذاك مجنون محد يبيه لكن انا بعقلي وماعندي كرامة وسط اهلي!! فواز اسرع بخطواته حاتم فز وهو يوقف بطريقه/تعوذ من ابليس يافواز تعوذ!! فواز بغيظه/هذا هو جالس قدامي لو اتعوذ منه الف ماراح سلطان/والله لو ترقي وتنفث ماني بمتحرك فواز دف حاتم وبغيظه/ماتفيد الرقية مع ابليس مثلك وشرواك يبي له كسر راس حتى يطلع!! سلطان وقف ينتظره يجي له بابتسامة/حي الله اليمين!! فواز وقف وهو يناظر ابتسامته وبغيظه وهو يشد قبضته اللي لو تنطق من شدة الضغط نطقت/هذا اللي تبيه؟ سلطان ابتسم/دايم نبيه(فطين،يلقط الشي)!! فواز ناظره/مايجيبني لك شوق حتى لو تموت سلطان بحماس/يعني لو اموت ترضى علي!!يطيح الحطب؟!! فواز بحدة/تبطي ترجع للي تبيه تهنى تهنى بالكم يوم اللي بتقعدها هينا مااكون ولد ابوي ان ماخليتك تطلع من نفسك/خرج/ سلطان زفر بابتسامة/اويلي الضعاف تقووا ياسلطان حاتم يناظره باستغراب سلطان التفت له وبابتسامته/يذبحني وهو معصب اموت من الوناسة ودي اتوطى ببطنه من الحماس حاتم رمش من كلامه وهو عجز يفهم هالسلطان اللي قدامه رن جواله بجيبه وخرجه ورد وانصدم من المكالمة اللي وصلته سلطان قطب جبينه وهو يناظر ملامحه/عسى ماشر؟اهلك فيهم شي؟!! . ((شقة ياقوت وجوهرة)) جوهرة جالسة قبال التسريحة تبرد اظافرها تأففت وهي تناظر شاشة جوالها اللي نورت باسمه طنشت وهي تكمل اللي تسويه نور جوالها من جديد برسالة(ردي ضروري)تنهدت وهي تناظره يتصل من جديد ردت/نعم صالح(زوجها)بغبنة/تراك ملزومة تردين عشان العيال حتى لو بتصيرين ماانتي على ذمتي جوهرة بنرفزة/وهذا انا رديت خير وش تبي؟ صالح/افتحي انا تحت جوهرة كشرت بوجهها/وشو له جاي؟!! صالح/العيال جوهرة/وش فيهم ان شاء الله!! صالح/ابي اسمعهم يقولونها واحد واحد جوهرة/قلت لك يبوني مايبونك وش يبون بواحد مايدري عنهم!! صالح بحدة/ارحم منك فيهم ياللي ماتدرين وين ربي حاطك جوهرة بحدة/اهم شي معك صك الطلاق وبتسمعها منهم مثل ماقلت لك!! صالح/الصك معي ابي فرقاك اكثر منك جوهرة قفلت بوجهه/ووجعوه الحمدلله فكة منك . ((بيت ابو عمر1)) أم عمر بحدة/وش راحته ياعمر هاه!!وش تخربط انت وياه!!طلعة مافيه طلعة/ناظرت طلال/شرطي عليك اذا اخذت هالبنت ماتطلع من بيتي ياطلال/التفتت لعمر تناظره/وانت بعد طلعة مافيه تظلون حولي الى ماالله يكتب لي الاجل وقتها كلن ادرى بعمره عمر/الله يعطيك طولة العمر يمّه لكن كذا احسن ام عمر/مـاهـو بعلى كيفك ياعمر مـاهـو بكيفك عمر تنهد/يمّه كل يوم وانا عندك وش تبين اكثر طلال/يمّه اتركيه كذا احسن لنا كلنا ابو عمر دخل وبحدة/وهو على كيفكم!!تعجنون وتلتّون براحتكم!! طلال التفت له باستغراب من وجوده/يبه!! ابو عمر/وحطبة اي والله وحطبة!!من شفت قوية العين اللي ماتحشم دخلت لبيتي وانا داري فيه بلا!!/بحدة/ماشاء الله عليكم ماشاء الله مجتمعين ترسمون وتخططون عالمسكينة!! طلال بغيظ/يبه هي الغلطانة ترمي شرها علينا وتصدقها!! رغد من ورا عمها بدموع واضحة رغم نقابها/شفت ياعمي شفت //الكل انصدم من وجودها والصدمة الاكبر لهم كلامها// رغد/اتهموني وهم حتى ماأسمعوا لي كلمة!! عمر بغيظ ارتسم على وجهه/رغد!! رغد فزت وهي تتخبى ورا عمها اكثر/مارحموا ضعفي ياعم انا بوجهك بوجهك من المصيبة اللي يحطونها فيني وانا مالي شغل ام عمر تناظرها انخرست من صدمتها طلال بعيون بتخرج من مكانها/مين!!مين الضعيف؟!! ابو عمر رفع يده وهو يحركها بوجه طلال/هيه هيه نزل عيونك لاأعميك وين تناظر ياقليل الحيا!!/ناظر عمر/وانت مستقوي مع اخوك عليها!!بنت الناس ماهي بلعبة عندك تفهم!! عمر انفجر/يبه رغد بقصد ولا بدونه هي اللي تسببت بموج!! رغد بكت/كذب والله كذب اتفقوا علي وانا لحالي ياعم لحالي طلال ضحك بقهر من اللي يسمعه ومن تكذيب ابوه لهم ابو عمر/وش دراك!!حظرت السالفة؟ولا شفت اللي صار بعيونك ياعمر!! طلال بحرقة قلبه من الكذب الواضح/يبه يعني كلنا نكذب!! ابو عمر/ايه وعلى جبهاكم مخطوط الكذب ياطلال طلال بينجن من كثر الغبنة/تكذبنا تكذبنا وتصدقها!!مين مين هم عيالك ميـ/سكت وهو يذكر فتنة وحرقتها منهم/ ابو عمر/ايه أصدقها تعقبون كلكم ياللي مشيتوا ورا وحدة وضربت روسكم بالقاع ورميتوها علي!!اصدقها وكلامها يمشي غصبا عليكم سمعتوا!! عمر وهو يهف على نفسه من الحرارة اللي تحتويه طلال بغبنة/موج ماهي براجعة لبيتها وهاللي وراك موجودة!! ابو عمر/لاترجع!! طلال بوسط عيونه المتسعة صرخ/يبه!! ابو عمر بحدة/نقص صوتك!! طلال/تمشي كلمتها علينا!!صاحي يبه صاحي ابو عمر رفع يده بيضربه رغد ابتسمت بانتصار وهي تكسر شوكة هالطلال اللي محد بيوقفه غيرها ام عمر صرخت/عبدالله!! ابو عمر قفل قبضته المفرودة وهو يلتفت لها رغد اختفت ابتسامتها وهي تناظر عمتها ودفاعها عن عيالها ام عمر بحدة/ماارضى تهين ولدي بوسط بيتي ياعبدالله!! ابو عمر/وهو بيتي وولدي؟ ام عمر/لك الحشيمة ياابو عمر محشوم لكن هذا هو ينافسك بالطول وتهينه عشان مرة!!مو هذا اللي انت تكرهه!!اشوفك تسويه الحين!! ابو عمر نزل يده بغيظ/صوتك مايعلى ابد علي المرة الجاية طلال قاطعه وبقهر/مابه مرة جاية انا طالع وتارك لك البيت/مشى/ ام عمر مسكت يد طلال توقفه/اصبر اصبر ياطلال ابو عمر قطب جبينه ام عمر/والمطلوب ياابو عمر المطلوب؟ ابو عمر مرر نظره بين عمر وطلال/محد ينطق حرف عليها ويهينها/ثبت عينه على طلال/وزوجتك لارجعت للبيت تعتذر قدام عـيـونـي من هالمسكينة اللي تبليتوها رغد ابتسمت بانتصار وبينها وبين نفسها/مكسورة خشومكم مكسورة عمر ملتزم الصمت مثبت عينه عليها بمراقبة بكل تصرف منها طلال بغيظ/تموت ولاتشوف من موج طرف ابو عمر/وهالفتنة قبل زوجتك تجي وتسلم عليها فهمتوا؟ ام عمر اخذت نفس وهي تكتم غيظها/ابشر ياابو عمر ابشر طلال بقهر/يمّه!! ام عمر/لكن هاللي وراك مالها قعدة ببيتي رغد انخطف وجهها ام عمر بحدة/وترجع لاهلها مثل ماعزيتها واكرمتها كمّل جميلك ورجعها لاهلها عمر ابتسم براحة وكأن جبل عن صدره انزاح رغد انبح صوتها وبهمس/عمة!! ابو عمر اتسعت عيونه/تبين الخراب لبيت ولدك!! ام عمر/محد قوّم هالبيت غيري ومحد بيهدمه غيري ياعبدالله!! . {القسم} ابو راضي جالس جنبها وهو متكي بطرف كوعه على مكتب الضابط بوجهه مكتسي سواد من هاللي جرى وراها لهالمكان باخر عمره وعشان تشتكي الضابط/ياخالة استهدي بالله ام راضي/مالك شغل انت مـاهـو بانت المضروب!! ابو راضي يناظرها بصمت مايقدر يسوي لها شي وهي بوسط هالمركز وهي تدري ومستقوية لهالسبب بجاد واقف جنبها ومنحني وهو يكلمها/يايمه يايمه لاتنسين اللي سويتيه انتي بعد!! ام راضي/انت اسكت ياللي وراهم تموت عليهم مثل ابوك لو يذبحوني ماتنطق حرف!! بجاد بغبنة/يمّه تراهم تنازلوا هم بعد مايصير اللي تسوينه مايصير!! ام راضي/حقي ماني بمتنازلة عنه اسكت عني حاتم دخل/السلام عليكم ام راضي صدت بوجهها عنه وهي ترفع خشمها وبهمس/وقطع كلهم ورا حريمهم بجاد باحراج من حاتم/وعليكم السلام والرحمة ابو راضي وقف بثقل من اللي يصير زفر/وعليكم السلام والرحمة ياحاتم سلطان دخل وبابتسامة/السلام عليكم ورحمة الله //ارتسمت الصدمة على وجيههم من وجوده// ام راضي انتفضت برعب وهي تناظره مو مصدقة اللي تشوفه اذا كان هو او واحد شبيهه ابو راضي وقف وارتسمت ابتسامة عريضة/وعليكم السلام والرحمة والاكرام بجاد اتسعت عيونه بصدمة وهو يناظره مابين تكذيب لنفسه وتصديق بلع ريقه وبنفسه(لا لا وش يجيبه هينا!!وش يدريه بالسالفة!!اكيد مشبهه يابجاد مشبّه)وقطع عليه حيرته سؤال ابوه الصريح اللي نفسه مع اختلاف المشاعر ابو راضي/هو انت انت اللي انا قاصده يارجال؟!! سلطان ابتسم وهز راسه بايه وهو يناظر الابتسامة الطيبة اللي استقبلته بعكس المكان اللي هم فيه ويناقض جمال هالشعور المتبادل بينهم ام راضي قشعر جسمها وهي تناظر جوابه المرتسم على وجهه بابتسامته ثم دارت فيها الدنيا وهي تندب حظها وهالسلطان اللي ماتدري من وين طلع بجاد اخذ نفس وسط هدوءه الظاهر الزايف عكس داخله اللي يرجف عرق جبينه وهو ينتظر اي حركة منه ابو راضي بنفس الابتسامة الصادقة العريضة/يامرحبا بهالوجه الزين/اتجه له وهو يفتح يديه بمشاعر صادقة عميقة من كل قلبه تمثلت بالفرحة اللي ارتسمت بابتسامة على وجهه وبالخاطر الضايق من شوي من اللي يصير وتبدل180درجة لابتهاج وسرور وفرح/ياحيّه ياحي ذَا الوجه ياحيّه سلطان احتضن ابو راضي وهو يسلم على راسه ابو راضي يضمه بحرارة/يامرحبا بسلطان يامرحبا بك ياولدي ياهلا ياالله تحييه يالله سلطان تقطع وجهه من عرض الابتسامة وجمال هالحضن وحرارته الصادقة وهو يستمتع بكل لحظة فرح نادرة فيه فك ابو راضي من حضنه شوي وللحين حاضنه بجهة جسمه اليمين والتفتت يساره يناظر بجاد بجاد عقد حاجبينه وسط حرارة اجتاحت جسمه من التقت عينه بعين سلطان سلطان بابتسامة كلها عتاب/للحين واقف؟!!افا يابجاد تغيرت!! بجاد اللي امتلى جبينه عرق بارد همس لنفسه/مايدري!!مادرا عن شي للحين!!/رسم ابتسامة شاحبة يخفي فيها توتره واتجه له الكم خطوة وهو يفتح يديه له/بجاد على حطت يدك سلطان ابتسم بثقة/يتغير العالم ولا يتغير بجاد على سلطان!! بجاد احتضنه رغم فرق التوتر عن قبل شوي لكنه ارتاح وهو يناظر ردة الفعل الطيبة ابتسم/الحمدلله على سلامتك ياسلطان الحمدلله ام راضي اللي بعيدة تماما عن هالجو ضايعة وسط افكارها وشلون بتمنع سلطان لايتدخل وشلون تفلت منه وهي تعرف انه مايرضى لخواته النظرة كيف مدت يديها انتفضت على وقع الندا اللي وصل لمسامعها سلطان اللي قبالها على مسافة كم خطوة معدودة/يامرحبا بخالة عايشة يامرحبا وشلونك ياخالة ام راضي التزمت الصمت وهي تشد قبضة يدها وصدت ماتناظره ابد سلطان/ماعرفتيني ياخالة؟! ام راضي بدون لاتناظره وعكس داخلها اللي يرتجف ردت بثقة/وشلون مااعرفك الا بالله اعرفك وأحد ينساك وينسى سواتك!! ابو راضي اتسعت عيونه وبحدة/عايشة!! بجاد التفت يناظر امه بغيظ وهي مستمرة بعنادها سلطان ابتسم وتحت هالابتسامة كمية تهديد مبطنّة/ايه محد ينسى سواتي صادقة ومحشومة ياخالة لكن محد ينسى باقي سواياي!!/ناظر بجاد بنفس الابتسامة بتاكيد لكلامه/ولّا يابجاد؟!! ام راضي بلعت ريقها وهي تعرف ان هذا تحذير بسيط منه بجاد احتدت ملامحه والتفت يناظر سلطان بجاد/سلطان!!داخل علينا بشر!!وش هالكلام سلطان ابتسم/ابد والشاهد الله مابنيتي شر هذا سلطان الاول اللي مايحسب حساب لا لصغير ولا لكبير ولا كان من دخلت من هالباب شفتوا القيامة قامت/ناظر ابو راضي/ولا ياعم محمد؟ ابو راضي احتدت نظرته لام راضي وهو يكلم الضابط/إلغ البلاغ ياولدي ألغه؟ ام راضي بعصبية/لااااا ماتغليه أنا المشتكية مـاهـو بهو وتنازل ماني بمتنازلة/ناظرت الضابط/سمعت ماني بمتنازلة ابو راضي صرخ/عايشة!! بجاد وهو يناظر ابوه يصرخ على امه وسط الرجال ماتحمل/يبه!! سلطان سلم على راس ابو راضي/ياعم محمد هد شوي تكفى هد!!وخالتي عايشة لها كل الحشيمة بعد كل هالعمر يرتفع صوتك عليها عشان شي مايسوى!! ام راضي اغترت وهي تصد بوجهها ولاتناظرهم همست/ايه غصب عليكم تحترموني عجيب امركم!!تغلطون وتبون نرضى ونسكت!! ابو راضي عض شفته السفلية وهو بيموت من الغبنة وشلون تكسر كلامه ولا عليها منه سلطان/حقك حقك ومعصي اللي يقول لك كلمة!!/جلس عالكرسي اللي قبالها وماناظرها ابد/ ام راضي عقدت حواجبها وهي تناظره باستغراب من مكان جلوسه بعدم حيا منه واحترام سلطان بدون ذرة اهتمام لها التفت لحاتم/رح ياحاتم للبيت وجيب معك عجايب وسدول من المستشفى اكيد مابعد طلعت ام راضي قطبت جبينها وهي تناظره سلطان/وخذ تقريرها من المستشفى وجيب صورة بلاغها اللي الغته مرة وحدة بنفتحه من جديد ام راضي/نعم!! سلطان ولاناظرها/ايه وقبل أنسى مرّ منايا على طريقك بجاد اتسعت عيونه وبحدة/خير!!وش تبي فيها!' سلطان ناظر بجاد/شاهدة!!عجايب تقول شافت كل شي ام راضي وقفت وبصراخ/ايه تبي تلوي يدي وتمشّي كلمتك علي ياولد جابر!!معصي تمشيها معصي سلطان ببرود وهو يرجع بظهره عالكرسي وراه وعينه عليها هز راسه وسط ملامحه الهادية/استغفر الله استغفر الله كلن على كيفه!!حقك بتاخذينه ولا احد له كلمة عليك وحقنا بناخذه بعد/ابتسم بتحدي/ولا لك كلمة علينا!! ام راضي بتنفجر من غيظها وهي تناظره/ماتحشم احد انت!! سلطان/نحشم اللي يستاهلون الحشيمة غيره ماله قدر عندنا!! ام راضي انصعقت من الكلمة بجاد صرخ بغيظ وهو يمسكه من ياقته ويرفعه وبحدة/سلطان احترم نفسك ذي امي!! سلطان دف بجاد عنه بهدوء/وهذولا خواتي واللي يطى طرف لهن وطيته من مايكون حاتم اللي ملتزم الصمت صدع راسه من اللي يصير وعرف ان عجايب ولاشي عند سلطان بجاد مسكه من ياقته من جديد ورفع قبضته بيلكمه ابو راضي صرخ/بجاد!!نزل يدك!! بجاد بصراخ بوجه سلطان وهو ماسكه وبحقده /يبه يهين امي ابو راضي/امك الغلطانة من البداية سلطان دفه عنه وهمس له/كل شي الا اهلي كان مايكون ولا نسيت!! بجاد عض شفته بقهر وهو يناظره وابوه واقف له يمنعه عن كل شي سلطان التفتت لحاتم/وش فيك واقف!!اعجل علينا!!/ناظر الضابط بابتسامة وهو يجلس عالكرسي قبال ام راضي وحط رجل فوق رجل/نبي نقدم بلاغ بس بعد شوي بعد مايجتمعون كل الاطراف . ((بيت ابو فواز)) {المطبخ} سجايا وهي تغسل الصحون بقهر/اااه من امي وابوي اااه يالقهر ذهب وهي تجهز اكل لسدول ومعطية سجايا اللي بالجهة اللي قبالها ظهرها/خلاص سجايا خلاص سجايا رمت الاسفنجة بوسط حوض الصابون وتطاير منه عليها وعالمغسلة والتفتت لذهب/وربي كنت حاسة صدق كنت حاسة قلبي مايكره احد بدون سبب وع عليها وع والله لو تجي ان اتوطأ ببطنها هي وبناتها قليلة الحيا ذي!! ذهب التفتت لها/وبتسكت لك هي وبناتها!!اصلا بتسمح لك امي!! سجايا بقهرها/عساها لاتسمح ذهب بحدة/هيه سجايا!! سجايا/فكيني منك ومن امك وسدول بعد والله لاأخذ حق المسكينة ماحصلوا الا سدول يستقوون عليها اااه ياربي وش ذَا الغبنة لو اني مداومة احسن لي ولا الحرقة ذي اللي ذبحتني!! ذهب/مو عشانهم رديين نصير مثلهم سجايا قاطعتها قبل تكمل/لااا وين ننتظر الى مايذبحونا ووقتها يطلع معدنهم الطيب صح ياذهب!! ذهب بنرفزة/انتي مثلك مثل عجايب الكلام معك ضايع سجايا/والله الكلام معك انتي وامي وسدول ضايع محد يعرف لهم غيري انا وعجايب وجدتي هالملاعين ذهب اتسعت عيونها/استغفر الله!!!وش استفدتي اخذتي اثمهم!! سجايا/وين اثم من ورا هالاشكال الا حسنات تجيني مرض يصيبهم ويفكنا منهم يارب ذهب وهي ترمي الملاعق والموية بالتبسي الواسع اللي فيه الاكل/سبي وألعني بكيفك انا مو مستعدة اخذ ذنب من وراك/مشت/ سجايا رجعت تغسل وهي تتحلطم/الا مالت عليكم مااحد توطأ فيها ودخلها العناية يفكنا من وجهها الله ياخذها بس وجع يوجعها وجع . {الصالة} ابو فواز جالس قبالهم بصمته وسط وجهه المكتسي بالسواد متكتف بيمينه على وسطه ويساره يحك فيها فمه وطرف دقنه وهو يناظر سدول بصدمة من شكلها سدول متمددة قدامه وهي ساندة راسها على رجول امها ام فواز تمسح على راسها بوجهها المتغير من حبستها لعبرتها وتناظرها ثابت/هاذي هي يمّه قدامك الحمدلله طيبة مافيها شي ذهب دخلت واتجهت لامها وسدول وهي تنزل الاكل عندهم ابو فواز زفر بصوت فواز جالس بالوسط بينهم وهو يناظر ابوه/يبه هالمرة عدت على خير لاتكبر الموضوع ولاتشيل هم ام فواز رفعت عينها بصدمة وهي تناظر فواز سدول دفنت وجهها برجل امها وهي تحبس عبرتها ثابت بنرفزة/وشو!! ابو فواز التفت وسط نظرته اللي احتدت الجدة سدول اللي من قالت لها عجايب عن الموضوع امتلت غيظ وخرجت من بيتها متجهة لهم دخلت عندهم ووراها عجايب وسمعت كلامه وبحدة/عساك ماتكبر يافواز اي والله عساك ماتكبر فواز/جدة!!مالك شغل الجدة سدول/عسى الله يشغلك عنا قل امين يافواز!! فواز بنرفزة/سوالف حريم ياجدة وش اللي مزعلك!! الجدة سدول/ابد ماني بزعلانة ابد بس لاجتنا جنازة وقتها ازعل!!/صرخت وهي ترفع عصاتها بوجهه/نعنبوك اخو انت اخو اختك مكسرة وتقول سوالف حريم حرمت عيشتك يافواز عجايب من ورا جدتها/ايه يبه فواز هو اللي هلا سدول تتنازل عن البلاغ ابو فواز التفت لفواز/صدق؟!! فواز/ايه صدق يبه/ناظر عجايب وبحدة/وانتي مالك شغل وش قلت لك انا هاه وش قلت!! ابو فواز امتلى صدره قهر/انت اللي مالك شغل!! فواز انصدم والتفت لابوه/يبه!! ابو فواز/مالك حق اجير اختك على شي ماتبيه يافواز!! فواز بغبنة/يبه انا ادرى بمصلحتها!! الجدة سدول/لاصلح حال عدوك قل امين!!مرتز قدامي وساحب البلاغ وهالبلوى عايشة رفعت بلاغ على هالبقره اللي وراي!!وتقول سوالف حريم هاه!! عجايب كشرت بوجهها بزعل من شبة جدتها ام فواز مسكت راسها بصداع من اللي يصير ابو فواز اتسعت عيونه فواز اتسعت عيونه/غلطانة ياجدة غلطانة مايسوونها اهل عمي محمد الجدة سدول بعصبية/وعمى يعميك باقي تدافع عن هالشياطين!! عجايب بنرفزة منه/ماتشوف اختك قدامك!!وش فيك انت وش فيك!! فواز/اقول اسكتي انتي وبعدين اكيد زعل شوي ويسحبونه الجدة سدول بغيظ/سحبوك من خشمك قل امين فواز/ياجدة انتي مكبرة الموضوع كلها يومين ويهدون عجايب شهقت بفجعة/يمّه!!تبيهم يحبسوني!! فواز/محد بحابسك واصلا تستاهلين على لقافتك ذي!! الجدة سدول مسكت راسها من الغبنة وناظرت ابو فواز وبغبنتها/انطق وش فيك ساكت انطق لاتذبحني انت بعد!! ابو فواز اللي يناظر فواز بصدمة كيف يرضى على اخواته شد على قبضته/فواز فواز التفت لابوه/سم يبه ابو فواز وهو يكتم غيظه/قم اطلع فواز انصدم/يبه!! ابو فواز/قم خلني اسمع اختك ماهي بقايلة شي وانت كاسرها عسى عدوك للكسر قل امين فواز بغبنة/يبه لاتكبر روسهم عليك!! ام فواز تناظره بصدمة وشلون فواز تغير لهالدرجة ومالاحظت هالتغير للحين!! الجدة سدول ماتحملت وضربته بعصاتها على جنبه/عسى حبتك ماتكبر يافواز/التفتت لابو فواز/هاه تستاهل تركته على راسه وشف وش صار فواز وقف وبغبنة/بكرة تندمون لامشت على راسها وضربت كلامكم بالجدار الجدة سدول/عساه يضربك انت يالمبلوس قل امين فواز/ماني بقايل وبكرة لاترجعون لي!! ام فواز ناظرته بحدة/مالك شغل بسدول يافواز سمعت //الكل انصدم وناظرها وهي لاول مرة تبدي راسها بشي// ام فواز/اطلع يافواز اطلع مالك شغل بسالفة سدول سمعت برا فواز يناظر امه بعدم تصديق ام فواز/اطلع عن اختك سمعت؟ فواز خرج بخطواته السريعة الجدة سدول ناظرت ابو فواز بعصبيتها/تستاهل كل اللي يصير لك ياجابر تستاهل كبرت راسه الى ماعاد يحشم احد!!وهالمسكينك قلته لك من سنين لاتزوج ولدهم سدول سدول ماهي بحملهم وخذ حاصل عنادك زين رجعت حية لبيتك/لفت ومشت كم خطوة ثم وقفت والتفتت لابو فواز/افتح عيونك ياجابر زين على بناتك افتحها هاذي اول الخيط والله العالم باللي ماتدري به ابو فواز قطب جبينه/وش قصدك يمّه!! الجدة سدول/احفر ورا ولدك اللي رافع خشمك به وبتشوف شي غافلن عنه وثم كلكم راع وكلكم مسؤول عن رعيته!!/مشت وتركتهم/ ابو فواز اخذ نفس/سدول يابنتي قومي وقولي لي وش اللي صار وعهد على ابوك حقك تاخذينه يابنتي . ((بيت فواز)) فواز دخل للبيت وبصراخه/جوااااهر ياجوااااهررر جواهر فزت من فجعتها من صراخه وهي متجهة له وبوجهها المفجوع/خير حبيبي وش صاير وش فيك!! فواز اجمعي اغراضك قعدة بهالمكان مافيه جواهر/حبيبي تعوذ من الشيطان وش صاير!! فواز صرخ/اقول اجمعي اغراضك لا وربي تقعدين بهالبيت ومالك قعدة ببيتي وخليه ينفعك!! جواهر/ان شاء الله ان شاء الله ابشر ابشر . ((بيت ابو عمر2)) تركي دخل لغرفة الضيوف اللي هي غرفة مبدئية لفتنة الى ماتكمل ام تركي امورها/فتنة فتنة متمددة على الكنبة معطية ظهرها للباب التفتت للصوت/نعم تركي/ابوي يبيك؟ فتنة رفعت نفسها وهي تزفر تركي/اتصل يبيك تروحين له ببيتكم فتنة احتدت نظرتها/قول له ماادخل ذاك البيت واللي يبيني منهم يجيني!!/رجعت اتمددت وهي تطنشهم/ تركي بصدمة/اقول له كذا!! فتنة بدون لاتناظره/بكيفك قول اللي يعجبك روحة هناك ماني برايحة!! . - ((بيت ابو راضي)) ام راضي دخلت وهي كلها غيظ ودموعها بعيونها/مالت لازوج ولاعيال اااه ياعايشة مالك سند بهالدنيا اااه ياربي اااه //بناتها تجمعوا وسط أسئلتهم الفضولية وش صار،عسى انسجنت،اخذتي حقنا يمّه،...// بجاد دخل وراها وهو يتنهد تعب وهو طول طريق رجعتهم يسمع هالموال ابو راضي دخل وهو ساكت بجاد بنرفزة نطق/يمّه بتخيسين بالسجن اذا ماتنازلتي وانتي تدرين بسلطان!! ام راضي التفتت عليه بوسط المدخل وبصراخ/ايه ايه انا أخيس وهم بعد!! بجاد ارتفع صوته/انتي الغلطانة يمّه انتي مايلحقهم من وراك شي وش فيك!! ام راضي بكت/ايه ايه اصرخ علي انا حيلتك علي!!وهو يمسح بك الشارع رايح جاي ماتقول له شي لاانت ولا ابوك بس علي صوتكم يطلع بس!! عزيزة/صوتك ذَا ارفعه على زوجتك واهلها مو على امي!! ابو راضي بحدة/بس يابجاد!!استح على وجهك!!تصرخ على امك!! ام راضي صدت بشوفة نفس بجاد زفر وهو يكبح غيظه ابو راضي/عيب عليك مافيك خير ابد عيب ام راضي بزعل على بجاد/خلاص لاتصرخ عليه يكفيه ماجاه مني ابو راضي بغبنته/ولا فيني خير اللي ماتوطيت ببطنك بوسط ذاك القسم!! ام راضي اتسعت عيونها/محمد!! ابو راضي/انتي طالق ياعايشة طالق ام راضي اتسعت عيونها بصدمة وانخرست بجاد انقلب وجهه وسط فجعة خواته اللي تمثلت بشهقات بعضهم وترجي من البعض لابوهم ام راضي/تطلقني يامحمد عشان ناس ماتسوى!! ابو راضي بحدة/انا اللي صوت ماأسوى بين الرجال من كثر ماتكسرين كلمتي ياقليلة الحيا!!يكون بعلمك ياعايشة رجعة لهالبيت مافيه الى ماترجع سدول ومحد بيرجعها غيرك وان مارجعت دوري لك مكان يلمك بيتي يتعذرك وتحرمين علي سمعتي!!/مشى وتركها/ ام راضي جلست عالارض من الصدمة ماتوقعت هالشي ولا حتى واحد بالمية وبوسع عيونها من كثر ماهي مصدقة اللي صار/يطلقني عشانها!!انا اطلع من بيتي عشانها!! سماح بدموعها/يمّه يمّه اكيد ابوي معصب مايقصد اللي قاله لاتطلعين من البيت ابد اصبري عليه يمّه ام راضي عضت شفتها السفلية وسط دموعها اللي انهمرت بغزارة/ترخصني عشانها!!انا ينزل قدري عشانها!! عزيزة جلست عندها تبكي/يمّه والله اخذ لك حقك منها يمّه والله لاتبكين يايمه لاتبكين تكفين بجاد اخذ نفس/خليكم مع امي انا بأشوف ابوي/وخرج يلحق ابوه/ . ((بيت ابو عمر1)) رغد جالسة جنب عمها تفرك يديها بتوتر فظيع وهي تحس بدقايق الانتظار مثل الدهر يمر عليها وهي تشوف النهاية وسط افكار تاخذها وتجيبها وشلون تمنع عمتها عن تنفيذ اللي قالته تركي وقف ورا باب الصالة/يبه ابو عمر بحدة/خير وين العلة؟! تركي بتوتر/تقول اللي يبيها يجيها //الكل انصدم من ردها// ابو عمر صرخ/وشو!! رغد تنهدت براحة وهي اخيرا لقت فرصتها تركي بفجعة من ابوه/هي اللي قالت مو بانا!! رغد/خلاص ياعمي حصل خير طلال كشر بوجهه عمر ميل فمه بابتسامة سخرية وهو يسمعها رغد/وانا مسامحة اتركها اللي مرت فيه مو سهل ابو عمر بصراخه وهو يوقف/تعقب تمر عليها الليلة على خير وهي تكسر كلامي تعقب رغد وقفت/طلبتك ياعم تتركها لاتردني ابو عمر ناظرها بحدة رغد/خلاص دام الكل شاف اني مالي ذنب واقتنع خلاص انا مسامحة لاتضيع اجر سماحي ياعمي طلال ضحك بقهر وهو يسمع ابو عمر ناظر طلال بحدة وسكت وهو متردد من كلامها رغد/وان شاء الله تزين الامور بيننا ونبقى احباب ام عمر بابتسامة/دامك تنازلتي كثر الله خيرك حفظتي كرامة وجيهن كثيرة اصيلة يابنت حامد اصيلة رغد بابتسامة من تحت نقابها/من طيب اصلك ياعمة مانروح عنك بعيد ام عمر/ونبقى احباب صحيح لكن انتي تطلعين برا بيتي رغد اللي ضاقت فيها الوسيعة وقلة الحيلة من جديد/يرضيك تهدمين بيتي ياعمة يرضيك!!وش هالكلام اللي مايرضاه عقل!!التفتت لابو عمر/يرضيك ياعم يرضيك!! ابو عمر/عزة!!وش هالكلام وش خليتي لصغار العقول ام عمر/بيتي ياابو عمر بيتي وانا حرة امنع اللي ابي عنه واطرده بعد!! ابو عمر رفع صوته/عزة!! ام عمر طنشته وناظرت رغد/زوجك شوفيه قدامك وتفاهمي معه اما انا تطلعين برا بيتي اللي تهين عيالي على عيني مالها قعدة ببيتي مثل مارفعتك فوق روسهم انزلك بغمضة عين رغد بكت/وولدي يعيش متبهذل بين ام واب مطلقين ام عمر/بينك وبين زوجك اللي قلته بيتي مالك قعدة فيه تزوريني مثل الضيفة وتمشين حتى البيات ماتبيتين لو انك يشيلونك على سرير من زود التعب رغد/وش هالقلب اللي عندك ارحمي حفيدك عالاقل!! ام عمر/لولا هالحفيد انتي بالشارع الحين جزا للسانك اللي مايحشمني!!وعيني لاتشوفك ابد بهاليومين سمعتي!!/التفتت لعمر/يومين وبس يومين تلقى مكان يلمها عن وجهي غيره ماابي له شوف عالاقل الى ماتولد ويشفع لها اللي بين يديها رغد/ايه عفيت وهذا جزاي!!/التفتت لابو عمر/شفت ياعم شفت!!/خرجت من عندهم وهي تبكي وتتوعد بينها وبين نفسها/ ابو عمر ناظر ام عمر وبحدة/بنت اخوك ياعزة بنت اخوك!! ام عمر بحدة/بيتي انت قلته بيتي وحتى انا مالي كلمة عليك فيه!!ولانسيت؟ ابو عمر/مانسيت مانسيت لكن هالمسكينة ام عمر قاطعته/انت ماترحم اللي يزل بكلمة ولو هو من عيالك وانا ماأرحم اللي يزل على عيالي حتى لو هي بنت اخوي ياعبدالله ابو عمر بتكشيرة/ماتوقعتك بهالقلب ياعزة ماتوقعتك!! ام عمر/لا توقع ياعبدالله منك تعلمت القسى تربية يديك انا!!تربيتك!! . #سلطان_الهوى_يافتنة_الألفية إنتهى موعدنا الاسبوع القادم باذن الله | ||||
|
| |
|
26-08-22, 02:10 AM
| #25 | ||||
| لولا موقف سلطان في المخفر وموقف ام عمر من رغد يمكن جاني شي واللهانا انقهر وحسيت بالذل والهوان والقهر علي البنات اما حاتمي م يقول لزوجته انتى تروحين للمشاكل علي اساس ان اصلا ماكان فيه مشاكل بس فرق بين سلطان واخته هو اسلوبه لبق مودب اكثر هي اسلوبها همجي بدائي كثير ومالومها لو ماكانت بهالاندفاع والهمجيه ماقدرت تفك خواتها | ||||
|
| |
|
01-09-22, 06:39 PM
| #26 | |||||
| اقتباس:
واشكرك عزيزتي على تفاعلك .. | |||||
|
| |
|
01-09-22, 06:41 PM
| #28 | ||||
| 11 اللهم صل وسلم على نبينا محمد - ((بيت ابو فواز)) {الصالة} سدول جالسة ترفع الملعقة اللي تهتز من رجفة يدها لفمها بثقل من الجبس اللي بأصابعها ووجعها وتشرب من الشوربة ام فواز اللي جالسة جنبها بحرقة قلبها عليها اخذت الملعقة من يدها وهي تشربها بضيقة ابو فواز تنهد/قولي يابنتي وابشري بعزك وانا ابوك سدول ناظرته بصمت ابو فواز/مافيه غيري انا وامك وحنا سترك وغطاك قولي وش اللي صار؟ سدول برجفة صوتها وسط عيونها اللي امتلت دموع/يبه تبعت تبعت من امه وخواته متسلطات علي وعجزت اعرف ليش ماضريتهم بشي/التفتت لامها/والله يمّه اعاملهم بالحسنى مثل ماقلتي لي امه أعاملها مثلك واكثر منك بعد حتى كاسة الموية مايشيلونها بناتها انا اشيلها عنهم اخدمهم وهم مرتاحين ام فواز ضربتها على كتفها بقوة وقهر وسط صوتها اللي اهتز بعصبية/وانا قلت لك صيري خدامة لهم!! ابو فواز تنهد وهو يشد قبضته سدول بكت ام فواز بقهر/ماالله عطاك من عجايب شوي!!قلت بالحسنى ماقلت تحملي الظلم واسكتي سدول بدموعها/كل يوم يعيروني هي وبناتها بالحمل كأنه بيدي تعبت والله تعبت فوق تجنيهم علي يقهروني بكلامهم /بحرقة قلبها/اخرها اليوم تشور عليهم جارتهم يعرضون لساجي يمّه مااحترموني ابد!! ام فواز بعصبية/وين تبين الاحترام والحشيمة وانتي أرخصتي نفسك لهم!!وين!! ابو فواز رفع صوته/نورة!!اتركي البنت تتكلم لاتهاوشين!! ام فواز صدت وهي مقهورة لو عجايب بترضى لكن سدول المسكينة اللي ماتضر احد وشلون تسلطوا عليها ابو فواز ناظر سدول/سدول سدول ناظرته/نعم ابو فواز/الحين وعرفتي مكان الغلط وش ذنب ساجي بهالسالفة؟ سدول احتدت نظرتها ابو فواز/ام رجلك نعرف لها لكن رجلك وش سوى؟شاف ماشاف؟عاون ولا ماتدخل؟ سدول/الا يدري ويغصبني لهم وكل كلمة والثانية تحملي تحملي وانا احبك وابيك ابو فواز/لاتلومينه امه يابنتي ام فواز/ويومه امه تاكل بنتي!!كلنا قلنا لا وانت ركبت راسك وعطيته ابو فواز بحدة/الموضوع له سنين يانورة!!وبعدين الرجل زين البلا فأمه!! ام فواز/من الاول وهي ماتبينا وانت ابو فواز قاطعها بحدته/نورة!!ماغصبت بنتك وهي وافقت برضاها!!واذا على امه بسيطة تنحل وكلن بياخذ حقه ام فواز ضحكت/ايه كلن بياخذ حقه صح!! ابو فواز اخذ نفس وهو يكتم غيظه مايخلونها وبنتهم بهالمنظر/بتاخذ حقها يانورة بتاخذه وابشري ياسدول وانا ابوك ابشري . {مجلس الشعر} عجايب تكنس المجلس وهي تتحلطم/وجع باعني هالفواز على طول ماصدق!! ثابت وهو ينفض المساند/يعني هو يزعل وبنفس الوقت ماينلام عجايب التفتت له وهي عيونها بتطلع/نعممم!!حتى انت معه!! ثابت/هو انت فزعة لابغيناك عسانا مانعدمك بس مخك لك عليه شوي عجايب قفلت المكنسة وهي تحضن العصاية وتتكتف/ايه وش عندك استاذ ثابت تفضل قول؟ ثابت بتوتر منها/وش باقول!!انتي ونعم ونعم ونعم!!وسبعة أنعام!! عجايب رفعت العصا وثبتتها على كتفها/اللي بعده ثابت/وهل يقال بعد الذي قيل شيئا!! عجايب بتهديد وهي تمد عصا المكنسة له/رح رح جيب البخور بس رح ترا مخي لك عليه شوية!! ثابت وهو يلمس طرف أنفه/على هالخشم/خرج بسرعة/ عجايب انحنت وهي تنفض المساند/مالت مافيهم احد صاحي استاهل هاذي جزاتي حاتم دخل/جزا لقافتك والله عجايب التفتت له حاتم/تستاهلين كل اللي يصير لك عجايب انخطف وجهها/ماتنازلت!! حاتم اتجه لزاوية المجلس وهو ينزل شماغه ويفتح ازارير ثوبه/عطيني موية بس/جلس/ عجايب اتجهت بخطوات سريعة للثلاجة الصغيرة اللي بطرف المجلس جنب دولاب الدلال والفناجيل وانحنت وهي تفتحها وتاخذ موية وتقفلها وهي تتجه له وبخوف/حاتم ماتنازلت؟/مدتها له وهي تجلس جنبه وتحس برجفة وهي تناظره/ حاتم اخذها وهو يفتحها ويشرب عجايب ضربته على رجله/انطق بموت وانت تشرب على هونك!! حاتم التفت لها وبقهر منها/ماتنازلت!! عجايب برعبها/يمّه نهايتي السجن صدق!! حاتم/وكسر راس بعد فوقها عالللي سويتيه عجايب رفعت نفسها وباست راسه وغرقت عيونها دموع وبترجي وهي محتضنه يده بين يديها/حاتم لاتخليني تكفى وش بيصير فيني!!وعيالي وش بيصير فيهم بعدي والله يضيعون!! حاتم/لاتخافين بأتزوج وحدة تخاف الله فيني وفيهم عجايب بعصبية/ايه انت تبيها من الله وجتك!! حاتم يناظرها بوسع عيونه/عجايب!! عجايب مسكت يديه وبدموع/تكفى تكفى عطها فلوس سد حلقها اي شي ولاادخل السجن تكفى حاتم لاتخليني مو انت تقول حبيبتي انتي!! حاتم ببرود/متى قلته!! عجايب تركت يده وبكت وهي تصد بوجهها/والله لاشكيك لربي بكل سجدة يالظالم!!مارحمتني بحاجتي والله ماارحمك من دعاوي اعلمك انا حاتم ضحك/تنازلت يابنت عجايب ناظرته وسط دموعها/هاه!! حاتم مد لها شماغه وبابتسامته/والله تنازلت عجايب مسحت عيونها وانفها بشماغه/صدق؟ حاتم/صدق صدق بس ابي ابرد قلبي فيك شوي عجايب بعصبية/وانت مالقيت تبرد قلبك الا بالسجن!! حاتم/حسي فيني شوي وبعدين اعوذ بالله منك قلبتي علي على طول!! عجايب/اجل تبي تتزوج هاه تدورها من الله!! حاتم/لاحول الله وش يفكني منك الحين!! عجايب/وشلون تنازلت هالجنية!! حاتم/وليش ماتتنازل بعد اخوك وكلامه!! عجايب قطبت جبينها باستغراب/سلطان؟!! حاتم ميل نفسه وهو يتكي عالمسند/والله ياعليه لسان الله لايحطني بين يديه عجايب ابتسمت برضا حاتم ناظرها/ماالومك عرفت من وين هاللسان اللي عندك عجايب وقفت وبحماس/كفو اخوي!!وينه جا معك؟ حاتم/ايه خذينا اغراض وقال بينزلها عجايب لفت عنه ومشت حاتم اتسعت عيونه وهو يفز ويعتدل بجلسته/بنت!! عجايب/خير!! حاتم رمى شماغه عليها/اغسليه واكويه!! عجايب كشرت/عرفت هالرومانسية الزايدة مو لله حاتم تمدد/اكويها زين مو حركاتك دايم عجايب بنفس الملامح المكشرة/طيب!!/خرجت وجرت له بخطوات سريعة بابتسامة وبصوت عالي/سلطااااان سلطان اللي واقف على باب بيت جدته ناسف الشماغ ورابطه نزل اللي بيديه والتفت وهو ترتسم ابتسامة من سمع صوتها/هلا هلا بعين سلطان عجايب وقفت قباله وبخجل/مشكور يااخوي مشكور سلطان باستغراب/على وشو!! عجايب/يعني عاللي سويته عشاني وتعرف الباقي سلطان ضحك وهو ينحني ويمسك يدها بين يديه/وش هالكلام!!ومن متى الواحد يقول مشكور على شي واجب نسويه!!وبعدين انتي اختي اختي واكسر روسهم اللي ينوون شي عليك!! عجايب ضحكت بخفة من زود الاحراج/وش اقول الحين!! سلطان رجع يده ورا رقبتها وهو يضمها لحضنه بابتسامة/ماتقولين شي غير ابي ياسلطان وخذ لي حقي/اشر على انفه/وابشري على خشم هالسلطان!!/وهو يمشي معها باتجاه بيت الشعر/ عجايب/عساه سالم هالخشم وراعيه فواز اللي شايل شناط بيديه متجه لسيارته احتدت نظرته بغيظ وهو يناظرهم سلطان وقف وهو يناظره باستغراب/عسى ماشر!! فواز بغيظ/الشر كله وراك من جيت جا معك سلطان فك عجايب وهو يمد يده له ويحركها بسرعة/عطني عطني اساعدك فواز كشر بوجهه سلطان/حتى تذلف بسرعة عن وجهي!! عجايب زمت شفايفها وهي تكتم ضحكتها فواز بحقد/وتاخذ راحتك!! سلطان انحنى وهو ياخذ الشنطة وباستعجال له/يالله يالله جيب الباقي يالله!!لاتتاخر يالله!! فواز سحب الشنطة منه بقوة بحدة/واخليك تسوي اللي تبي على كيفك!!معصي!! سلطان اعتدل بوقفته/وش فيك رح يالله رح!! فواز/قاعد لك انا تبطي تسوي اللي تبيه تبطي/رجع طريقه للبيت/ جواهر اللي خارجة من البيت بكامل حجابها وبيديها اغراض ووراها جابر اللي شايل جوهرة وبيده ماسك نورة وقفت باستغراب وهي تشوفه راجع فواز بحدة/ارجعوا يالله كلكم يالله!! جواهر رجعت هي وعيالها سلطان هز راسه بيأس منه/من متى اخوك صاير مريض يابنت؟ عجايب وعينها على فواز ومن قلبها/يوووووه من زماااان!! سلطان ضحك بخفة وهو يناظره ثم التفت لها/بس للحين اعرف اجيبه هو نفسه ماتغير!!/ضحك/ . ((بيت ابو عمر1)) {جناح عمر و رغد} رغد فاتحة شنطتها وهي تجمع اغراضها وتبكي بحرقة/وهو ماصدق على الله!!على طول اجمعي اغراضك!!وجع وجع كلهم مثل بعض من اكبرهم لاصغرهم!!الله لايسامحكم والله لاأخذ حقي منكم انا اعرف لكم هين هين والله لاأفرق شملكم لاشتات وانا رغد والله!!هين هين . {غرفة النوم} ام عمر متمددة عالسرير بوسط شكوك تراجعها بينها وبين نفسها عمر دق الباب وفتحه/يمّه صاحية؟ ام عمر تنهدت وهي ترفع راسها/ها يمّه وش بغيت؟ عمر دخل وقفل الباب وراه واتجه لها وهو يجلس على طرف السرير/يمّه بديت اصدق كلام بدر ام عمر جلست وهي مقطبة جبينها ونفس الافكار تراودها وهي تصرفه/بدر ماينأخذ منه كلام اتركه عنك عمر/يمّه لي فترة ودي اقول هالكلام لك لكن من وقفتك بوجهي هونت اقوله ام عمر بنرفزة/الموضوع ثبت وانتهينا يعني نكذب عيوننا!! عمر/يمّه الجوال سالفته بسيطة ام عمر بحدة/عمر!! عمر/طيب ام عمر قاطعته/انت تدري وش نتيجة كلامك ذَا!! عمر/نتيجته قدام عـيـونـي مابعدها!! ام عمر/اسكت ياعمر ودام الموضوع بحدود جدران هالبيت هينة عمر/والظلم يمّه الظلم!! ام عمر/اذا تبينا نصدق كلامك المصيبة اعظم مستوعب كلامك!! عمر/بس يايمه ام عمر/اقطع الكلام وخذ زوجتك واطلع بها عن بيتي ياعمر!! عمر ناظرها مو راضي باللي يسمعه ام عمر/وانت حياك الله وهي حياها لكن بحدود سمعت . ((بيت اهل موج)) طلال ماسك يدها بيديه/ارجعي معي للبيت تدرين اني ماارتاح الا وانتي قدامي موج اللي متمددة تنهدت/ادري ياحبي لكن طلال/اللي تبيه عمتي صار وانتهينا موج اتسعت عيونها/وش اللي صار!! طلال/صار وانتهى موج زفرت/مايهمني اللي صار اهم شي عندي فتنة طلال قطب جبينه/لاتخافين طلعت حقيقتها اليوم موج ناظرته بنص عين/عاد صدقتك مالقيت الا فتنة!!ليت الحقيقة كلها فتنة ياطلال طلال بنرفزة/ليش ليش للحين ماتشوفين حقيقتها ليش!! موج/لان فتنة هي نفسها فتنة ماتغيرت اللي تغير انت ياطلال انت محد غيرك!! طلال شهق/موج!! موج/الى متى وانت عيونك معمية فكر شوي بعقل ياطلال شوي بس!! طلال بحدة/تبين يدخل الزعل بيننا ياموج!! موج ناظرته وهي تميل فمها طلال/مالك شغل باللي بيني وبينها عليك ببيتك وبس والحين بتجين معي ولا امشي؟!! . ((بيت ابو عمر2)) ابو عمر داخل بشره للبيت وهو ناويها ام تركي وقفت بوجهه وبابتسامة/ياهلا حياك الله ياعبدالله ابو عمر بعصبيته/وينها هالعلة!! ام تركي/ماشاء الله ياابو عمر ماشاء الله ياالسناعة وش اقول ووش اخلي ابو عمر بعصبيته/بثينة لاتستغفليني وينها تكلمي؟! ام تركي/وين يعني بالمطبخ ابو عمر اسرع بخطواته وقف ع باب المطبخ وناظرها وهي تصب الموية من الغلاية للقدر اتجه لها وسحبها بكل قوتها فتنة شهقت بفجعة وهي اللي ماكانت منتبه له وبالقوة وازنت الغلاية اللي بيمينها ام تركي بفجعة وهي توقف على باب المطبخ/الموية حارة ياعبدالله!! ابو عمر وهو يضغط على يدها وبصراخه بوجه فتنة/من انتي حتى اجيك!!وزيرة ولا بنت الملك وانا ماعندي علم!! فتنة قطبت جبينها وهي تناظره وصار الالم مجرد روتين مايغير بملامحها اي شي ابو عمر/تراك عالة وهم على قلبي انتظر فرجه!!الحين تمشين قدامي إتعذرين لرغد وانت ماتشوفين دربك /صرخ/سمعتي!! فتنة احتدت نظرتها/لو اموت اليوم مااعتذرت لها ابو عمر ترك يدها وهو يضربها كف على خدها الايسر بكل قوته ام تركي شهقت/عبدالله!! فتنة ناظرت ابوها/اذبحني يبه لكن اعتذار لهالمخلوقة والله ماتسمعه مني ابو عمر مسك يدها وضغطها لدرجة وضح صوت طق مفصلها من قهره من هاللي ترادده ام تركي دخلت ومسكته/حرام عليك ياعبدالله حرام ابو عمر دفها ام تركي تراجعت بخطواتها وبالقوة توازنت برعب وصدمة منه بنفس الوقت ابو عمر التفت يناظرها وبصراخ/اطلعي برا مالك شغل بيني وبين هالعلة اطللععييي!! فتنة ميلت الغلاية تصب الموية الحارة بينه وبينها عالارض وهي تناظره بقهر ام تركي اتسعت عيونها من هالجنون اللي يصير ورجعت لورا بخطواتها مبتعدة ابو عمر يرفع رجل وينزل رجل من حرارة الموية فتنة ماتحركت خطوة رغم ان شبشبها غرق بالموية الحارة وحست بحرارة الموية بباطن رجلها مثبتة نظرها عليه من غبنتها ابو عمر بصراخ وهو يبعد عن فتنة والموية اللي حولهم من حرارته اللي احرقته/صاحية انتي!!صاحية!! فتنة هزت راسها بلا/لا عقلي طار يبه طار وانتهى!!ماتسمعني؟ليش ماتسمع هاه ليش!!/صرخت/اقولك لو تذبحني مارحت لها مااعتذرت لو تحد السكين على طرف رقبتي مارحت ماااارححححتتتت!! ابو عمر وقف على باب المطبخ وبصراخه من غبنته منها ومن عناده/تروحين لو اجرك لها جـرّ سمعتي فتنة صرخت بقهر والتفتت لورا وهي تاخذ القدر ام تركي ورا ابو عمر برعبها/يمّه جننت البنت ياعبدالله جننتها!! ابو عمر بحدة/ياويلك تسوين شي يـافـتـنـة فتنة التفتت لهم وهي تكب الموية اللي واصلة لاقصى درجات الغليان بينهم وتطاير الموية عليها وانساب لجهة ابوها مكمل طريقه ورمت القدر بكل قوتها عالارض وبصراخ/ماااارووووح لها الا وانا جنازة محمولة والله مااروووح!! ابو عمر احتدت نظرته وهو يناظرها ام تركي مسكته من يده/تكفى عبدالله اتركها خلاص اتركها لحالها ماتبي اتركها ابو عمر سحب يده من ام تركي دخل وسحب فتنة من يدها فتنة بصراخ وهي تفك نفسها/والله ماروووح والله ابو عمر رفعها وشالها بكل حيله وحطها على كتفه ام تركي تجري وراه بدموعها/عبدالله وش بتسوي بالبنت اتركها تكفى ياعبدالله اتركها!! //عيال ام تركي يناظرون اللي يصير مفجوعين// ابو عمر دخل لاقرب غرفة ورماها عالارض بكل قوته فتنة ارتمت عالارض وضرب راسها بقوة جلست وهي تحس الدنيا تدور فيها ابو عمر قفل الباب وراه ام تركي وهي تدق الباب ومرعوبة لايذبحها صدق/عبدالله تعوذ من ابليس ياعبدالله تعوذ/جرت بتخرج من بيتها وهي كل تفكيرها انه بيذبحها اليوم ابو عمر التفت وناظر فتنة وبجنونه/والله ان تلقين جزا اللي سويتيه والله!! ام تركي دقت ع جرس بيت ام عمر وصارت تضرب الباب بيديها ورجولها وبصراخها/الحقوا ابوكم بيذبحها والله بيذبحها الحقوووه!!عمممرررر رررياااان ياعزة الحقي على بنتك يااااعززززةةة . ((شقة ياقوت وجوهرة)) جوهرة جالسة بطرف الغرفة بكامل بعبايتها ولثمتها المعتادة وعيالها عن يسارها وهي متكتفة تناظره بنظرات حادة صالح جالس قبلها وبتكشيرته/وين اهلك؟!!/ابتسم بشماتة/ولا محد منهم يبيك!! جوهرة حطت رجل على رجل وهي تضحك بصوت عالي تنهدت وبنبرة كلها غرور/اعتقد واضح من اللي مايبونه!! صالح كشر بوجهه وهو عارف اهلها جوهرة/مثل مااخذتك غصب عن الكل/تنهدت/مايحتاج اكمل!!شف العيال قدامك اسأل اللي تبي وفكنا!! صالح ناظر عياله بحدة //العيال توتروا من نظراته وسط دموع اديب اصغرهم// جوهرة بحدة/لاتستفرد عضلاتك على عيالي!!اسأل سوالك واسمع جوابه بنفسك وفكنا!! صالح بحدته/يعني تبون امكم!! العيال محد رد صالح صرخ/تبونها!! العيال فزوا واعتلى صوت بكى اديب جوهرة بحدة/وتبيهم يبونك وانت تسوي فيهم كذا!! صالح وقف وهو يدخل يده بجيبه ويرمي ورقة الطلاق عليها وطاحت عالارض بينهم/حتى لو اختاروك نهاية الاسبوع معي وغصبا عليك ياجوهرة جوهرة/حقك وعيالك لكن تأكد ان شفت خيط لو هو خيط من ملابسهم صاير له شي قلبت الدنيا عليك صالح/تراهم عيالي حتى لو اقسى عليهم شوي يظلون عيالي جوهرة زفرت/ايه ماشاء الله واضح الاهتمام!! صالح بغبنة منها/ياخسارة الحب فيك!!/ابتسم/ماعليه البنات واااجد ووقتها بتعضين اصابعك ندم جوهرة ضحكت/ايه واجد لكن ولا وحدة تسوى ظفر جوهرة!!ولاتخاف مابأندم اخلص العدة من هينا والعريس بيدي من هينا!! صالح يناظرها بغيظ/تبطين!! جوهرة بابتسامة/حقي من العماير كل شهر يوصلني ولاتنسى لو يتاخر ثانية بيني وبينك الشرطة!! صالح/تدورين وتدورين وترجعين لي ياجوهرة محد بيحبك ويتحملك ويقبل بك مثلي!! جوهرة/غلطان يالواثق غلطان والحين تفضل برا!! صالح اتسعت عيونه جوهرة سبقته بالكلام/وايه اطردك!!مالك شي عندي برا صالح ميل فمه/هين هين والله تندمين هاللي سويتيه ياجوهرة والله/خرج/ جوهرة غرقت عيونها دموع/عزيتك ورزيتك ورفعت راسك غصب عن الكل ونهايتها تبي تتزوج علي!!/بكت/ عيالها التفوا حولها بضيق وهم يناظرونها جوهرة/والله ماتتهنى ياصالح معها والله!! . ((بيت الجدة سدول)) سلطان متمدد على ظهره رافع يديه لفوق وبين يديه جواله يناظر الرقم اللي فاتحه بتردد الجدة سدول جالسة قباله وهي فاردة ملابسها من غبنتها تخيط حتى اللي مايحتاج لخياطة سلطان فز جالس وبصوت عالي/استغفرك ياربي الجدة سدول فزت بفجعة منه وبتقطيبة جبينها/عوذا منك ياسليطين عوذا!! سلطان ناظرها/وش سويت!! الجدة سدول/حسيبك الله كانك بتفجع قليبي!! سلطان تنهد/السموحة ياجدة السموحة الجدة سدول/وش اللي مشغلك من اليوم وانت عيونك طايرة باللي بين يديك؟ سلطان قفل الجوال وهو يدخله بجيبه/بعدين بعدين الا ياجدة سدول وشلونها؟ الجدة سدول تنهدت/مامن لون الله يخلف عليها بخير سلطان كشر بوجهه وهو يتهدد بينه وبين نفسه الجدة سدول/هالمرة كف يديك ياسلطان سلطان اتسعت عيونه/ليش!! الجدة سدول/اترك ابوك يحلها سلطان/سنين والحين يوم دخلت انا بيحلها هو الجدة سدول بحدة/سلطان سلطان بعناده/مااقدر ياجدة مااقدر اموت اذا مااخذت حقهم!! الجدة سدول/سنين وابوك مايدري اتركه يحلها سلطان/ايه والمرة الجاية؟!! الجدة سدول/اعقب!!تفاول على اختك ياسلطان!! سلطان/اللي تعود الشي مايتوب عنه ياجدة الجدة سدول/هالمرة مالك شغل سلطان بنرفزة/لاتلوميني الليلة اجل باللي يصير/صد بوجهه/ الجدة سدول/حسابك معي لو تقول/حركت يمينها يمين ويسار/هه هه ياسليطين سلطان كشر وهو يتحلطم بداخله الجدة سدول/وبعدين لايكون بتقابلني كل يوم!! سلطان التفت يناظرها/كيف؟ الجدة سدول/ماعندي رجال يمتغطون(يتمدد)قدامي شف لك شين تنشغل به وتكف عمرك عن الشحدة سلطان ضحك الجدة سدول كشرت/وش يضحك؟ سلطان بابتسامة/الله يسعد ذَا الوجه ياجدة/فز واقف وجرى لها/ الجدة سدول فزت من فزته وهي تحط يديها على صدرها سلطان تمدد وهو يحط راسه على رجولها الجدة سدول/اهب ياسلطان اهب كانك بتطير عقلي!! سلطان/ماش ياجدة ماش ماارتحت عالمخدة رجلك ازين الجدة سدول قرصته بجنبه سلطان توجع/اااح الجدة سدول/ووشو له تطيرني!!محد بسابقك عليها لاتطيرني مرة ثانية لااطيرك برا البيت انا سمعت . ((بيت ابو عمر2)) ام عمر واقفة برا بيت ابو عمر وهي حلفت يمين ماتدخله وهي تنتظر على أحر من الجمر غياث وقف عندها يناظرها بوجهه المخطوف من الخوف ام عمر قطبت جبينها/وش تبي؟ غياث وهو التمعت عيونه بعد سوالها من دموعه/ياعمة هي بنتك خذيها عندك تكفين ام عمر/رح شف وش فيهم تاخروا رح غياث مسك يدها/انتي شوفيه وقفي ابوي انت تقدرين عليه ام عمر سحبت يدها من يده وهي تناظره بحدة/لاتلمسني سمعت!! غياث/ياعمة ابوي اول مرة اشوفه كذا تكفين روحي ام عمر طنشته ونادت من مكانها/رياااان عمررر ريااان غياث مسكها من يدها ودخل فيها وهو يجري ام عمر انصدمت وكملت طريقها وهي تشوف نفسها اخلفت بحلفها وانتهى الحلف من دخلت بأول خطواتها وخطت لداخل هالبيت عمر وقف عالباب وسط انفاسه السريعة ووجهه المخطوف هم ماتحملوا ضرب ابوهم وشلون فتنة يدق الباب/يبه يبه!! ريان بفجعته وهم مايسمعون صوت لا لأبوهم ولا لفتنة من كم دقيقة/لايكون ماتت بين يديه!! عمر بردت اطرافه من سمع كلام ريان ام تركي شهقت/يمّه!!/ضربت الباب وهي تصرخ/عبدالله عبدالله وش فيك افتح افتح لاتموت فتنة حرام عليك ام عمر وقفت وهي تناظرهم غياث/ياعمة انتي كلميه ام عمر اسرعت بخطواتها ودفت ام تركي ووقفت جنب عمر وبحدة/افتح الباب ياعبدالله/رفعت صوتها/عبدالله!! ابو عمر فتح الباب وبحدة وهو يمرر نظره عليهم/ياويله اللي يفكر يحركها من مكانها!!/مشى ووقف والتفت عينه بعين غياث اللي واقف على بداية الدرج وجرى بخوف منه عض شفته وهو يخرج بخطوات سريعة من البيت/ ام عمر دخلت للغرفة وهي تشوفها مرتمية عالارض فتنة يرجف جسمها لااراديا من الالم بعد الضرب اللي ذاقته من ابوها والفارق بين القوتين والتحمل كبير وجدا ام عمر جلست عندها وهي ينعصر قلبها عليها مهما كابرت تظل بنتها ناظرتها لدقايق وغرقت عيونها دموع وهي تشوف رجفتها مدت يدها لفتنة وهي تبعد شعرها عن وجهها عضت شفتها السفلية بقهر من زوجها وهي تشوف وجهها اللي واضح عليه اثار الضرب فتنة تناظر امها بتعبها ارتسمت نظرة استنكار وعدم فهم لنظرات امها الغريبة بعينها ام عمر دخلت يدها داخل كم جلابيتها وهي تمد يدها بتمسح الدم عن وجهها فتنة رفعت يدها المهتزة بضعف وضربت يد امها تبعدها عنها وبهمس/لااا!!! ام عمر رمشت بصدمة منها فتنة بوجعها/لا لاتسوين شي اتركيني اتركيني كذا ماابي منكم شي مااااأبي ام عمر احتدت نظرتها بقهر/تستاهلين ليته ذبحك وريحنا/وقفت ومشت وبحدة وهي تناظر عمر وريان/مشينا اللي مايبينا مانبيه!!مشينا/مشت/ عمر وريان ترددوا وظلوا مكانهم ام تركي دخلت للغرفة متجهة لفتنة ام عمر وقفت/اذا تاخرتوا دقيقة لاتدخلون بيتي/مشت/ عمر وريان مشوا وراها ام تركي جلست عندها وهي تمسح على راسها بدموعها وهي تناظرها/بِسْم الله عليك بِسْم الله الله يسامحك ويهديك ياعبدالله الله يسامحك فتنة دفت يد ام تركي/اطلعي برا اتركيني!!اتركوني لحالي ليش ماتتركوني ارتاح!!ابي انام اتركوني تكفين اتركيني ام تركي وقفت وخرجت وهي تقفل الباب وراها بقلب يوجعها وهي اللي ماتعودت عالقسوة ابد . ـــــــــــــــــــــــــ ـــــــــــــــــــــــــ ــــــــــــــــــــــــ {العصر} . ابو ماهر وقف بسيارته بعد مانزل ياقوت وعيالها عند بيتها/يالله نزلنا سحايب ضامة يديها بتوتر وافكارها اللي تروح وتجي ولانزلت علا فتحت الباب وبوناسة/نزلنا يالله/نزلت وهي تمد يدها لعلي/يالله علي يالله/اشرت عالبيت وراها وبفرحتها/جدة سدول وامي نورة يالله علي ابتسم وحط يده بيدها ونزل علا اللي ماسكة يده اختفت ابتسامتها وهي تناظر امها/يمّه؟ سحايب التفتت تناظرها وناظرت ورا وهي تشوف عيالها وعيال عجايب سبقوها ونزلوا وهي مالقت عذر للحين/اسبقوني ابي اكلم عمي شوي ابو ماهر قطب جبينه علا كشرت بوجهها تحت غطوتها المرمية على وجهها/لاا!! سحايب/علا!! ابو ماهر ناظر علا/روحي ياجدك داخل روحي وانا وامك وراك علا/بس ياجدي علي ضغط على يدها يبي يروح علا التفتت له تناظره سحايب/روحي ياعلا جايين وراك روحي علي سحب علا له خطوة يبي يمشي علا تنهدت ومشت لخاطر علي غصب عنها ابو ماهر التفت كله لورا وهو يناظرها/سمي يابنتي وابشري به؟ سحايب/ياعم لاتقول شي لابوي واخواني انا باقول لهم ابو ماهر/بس ياسحايب سحايب قاطعته/تكفى ياعم تكفى خليني اقولهم انا تكفى ابو ماهر تنهد/على راحتك يابنتي على راحتك اجل انا رايح لياقوت ارتاح وبالليل اتفاهم معهم سحايب/لا ياعم لا خلها بكرة تكلمهم لاتقول شي الليلة وارتاح ابو ماهر تنهد/على راحتك على راحتك يابنتي على راحتك سحايب نزلت/سامحني ياعم اتعبتك معي ابو ماهر تنهد/تعبك راحة وانا عمك روحي يابنتي روحي الله يستر عليك روحي سحايب مشت لبيتهم ابو ماهر حرك لبيت ياقوت . ((بيت ابو فواز)) سلطان خرج من بيت جدته على صوت دق الباب المتواصل والاصوات المزعجة اللي تصاحبه وهو متجه لباب البيت الكبير رفع صوته/طيب طيب/زاد ضرب الباب بقوة واسرع بخطواته اكثر فتح الباب واتسعت عيونه وهو يناظر الصغار اللي داخلين لداخل يجرون بدون لايستغربون اللي فتح لهم/بِسْم الله ماشاء الله!! عزام وعفاف ورزان وفيصل داخلين بصراخ وحماس متجهين للحوش الخلفي من البيت وهم يدرون ان كل انواع الالعاب موجودة سلطان يناظرهم بدون لايوفقهم ويسالهم عاصم دخل بدون لاينطق حرف وهو يمشي وراهم سلطان يناظره باستغراب والتفتت للصوت اللي يكلمه حازم يناظره/مين انت؟!! سلطان باستغراب/تسالني؟!! حازم/ايه هذا بيت جدي الا اذا غيروه!!او انك ضيف!! سلطان/من جدك ياولد؟ حازم/مين انت اول؟!! سلطان اشر بيده بمعنى ادخل/ادخل بس ادخل اكيد بيت جدك ماانت بمضيع ادخل حازم دخل وهو يناظره من فوق لتحت وجرى لبيت جده بصراخ/جدددييييي ياجددد به رجل يفتح بابك سلطان هز راسه وهو مستغرب/وش هالعيال!! علا وقفت ورجعت وهي تناظر اللي عالباب سلطان عطاها ظهره/لادخلتوا كلكم اقفلوا الباب وراكم/مشى باتجاه بيت جدته ودخل/ علا تناظره باستغراب/وش ذَا دخل عند جدتي سدول!!قليل الحيا!! . سجايا وذهب خارجين من البيت متجهين للحوش الصغير اللي ورا البيت شايلين قدر العزايم الكبيرة سجايا بحلطمة/الله يشغلك ياعجايب اذا تبين لنا التعب ذهب بحدة/استغفر الله!!خافي ربك من ذَا اللسان اللي مايرحم بالدعاوي!! سجايا بتكشيرة/اختك ناوية لنا تعب وهي مرتاحة عند زوجها يرضيك بالله يرضيك!! ذهب/حرام عليك اختك تبخر وبعدين هي ساعدت امي بكل شي ماخلتك تلمسين شي ماملا عينك!! سجايا ايه/بيطلع من عيوننا شوي واذكرك!! ثابت اللي شبه جالس يجهز لامه مكان النار وضبطه لها وقف وهو يلتفت لامه يضرب يديه ببعض ينفضها/سمي ياام ثابت ام فواز ابتسمت/سم الله عدوك سلمت ياثابت سلمت ثابت جرى لخواته وهو يناظرهم وشال معهم من جهة سجايا تركت القدر/الله يريحك شيل شيل رجال ونعم ونعم ثابت تركه طاحت القدر عالارض ماعدا الجهة اللي ماسكتها ذهب/والله مااشيل وانتي ماتشيلين!! ذهب/وبعدين معكم وبعدين!! سجايا ناظرته/شيل شيل لايكثر بس!! ذهب سحبت القدر لوحدها ثابت ناظر سجايا بقهر وشال مع ذهب رحمة فيها/والله مااخليها لك سجايا ضحكت/ياروحي انت شيل وانت ساكت حبيبي ياشاطر انت شطور ثابت شاااطررر ياروح ماما شاطر/سكتت وهي تسمع الاصوات/هالصوت عندنا!! ثابت/الصوت قريب!! ذهب/اقول امش محد حولك بس امش ثابت مشى سجايا التفتت لورا وهي تناظرهم ابتسمت بفرح/يمّه!!عيال السحيبة جوا!! عفاف بصراخ/حاااالو تاااابت/مرت من جنبها/ سجايا كشرت/مالت بس/ناظرت عزام/عزعز!! عزام ابتعد عنها وهو يمر من جنبها سجايا كشرت/وعوه مالت عليكم مرة ميتة عليكم يعني الحين!! ثابت بابتسامة وهو ينزل القدر ويفتح يديه/ياروح تابت انتي!! عفاف وهي تناظر القدر تركته ونطت بالقدر سجايا ضحكت/الله عالظالم!! رزان/خالة دهب!!! ذهب/ياروح ذهب انتي رزان ضمتها وسلمت عليها سجايا تكتفت وهي تناظرهم/مع مين جيتوا يالجن؟! ذهب/سجايا الفاظك!! سجايا باستعباط على ذهب انحنت وهي متكتفة/مع مين ياشاطرين جيتوا؟ فيصل من وراها/مع جدي سجايا التفتت له وهي ترفع يدها/حيالله الشباب!! فيصل ضرب يدها وهو معدي/يحييك سجايا ابتسمت وهي تناظر عاصم/اخو العيال عاصم ابتسم/مررررة مايليق والله ياخالة!! ثابت/الحقينا بس واتركي اللعب عنك/كملوا طريقهم لامهم بالقدر بعد مانزلوا الصغار/ سجايا حطت يدها على كتف عاصم اللي وصلها وهي تضمه لها/حي الله عصوم لك وحشة ياولد والله . ((بيت نايف)) نايف دخل لبيته بعد تعب الفرفرة وحرارة الشمس اللي صدعت براسه قطب جبينه باستغراب وهو يشم ريحة البخور تنهد وبنفسه(من الجيران اكيد!!) سمو وقفت قباله بفستانها البيج بطوله اللي لتحت ركبتها وجزمتها البيضاء بشعرها المرفوع ذيل حصان وطوق ناعم على شعرها وجنبها مجد اللي برمودة بيج وتيشيرت رسمي باللون الابيض وبابتسامتها/اشتقت لك ياروحي نايف اتسعت ابتسامته وبلغة الاشارة/يااغلى من روحي والله/فتح يديه لهم وهو يسرع بخطاه/ سمو جرت له وتركت مجد وراها وارتمت بأحضانه وهي تشد عليه من شوقها نايف جلس على ركبه وهو يضمها له مجد واقف عندهم وهو يناظرهم بزعل نايف مد يده وهو يسحبه لحضنه ويطبع بوسات ورا بعض على خدودهم ورقبتها من شوقه لهم وهو مو قادر يوقف ويشبع منهم ياقوت واقفة بفستانها الابيض المخصر على جسمها اللي مايفرق عن لون بشرتها بالشي الكثير سادلة شعرها وبكعب احمر تكتفت وهي تناظرهم/يعني بس لهم وانا؟!! نايف رفع عيونه يناظرها من وصل له صوتها سمو ومجد تركوه وهم يلتفتون لامهم ثم ناظروه بانتظار رده نايف اخذ نفس يحافظ على هدوءه وهي تتعمد تجبره عالرضا منها وعنها قدام عياله وقف وهو يناظرها بصمته المعتاد بمطلق الاحوال ياقوت تنرفزت وهي تناظر هدوءه وعدم تعبيره لها باي شي عكس عيالها ناظرت سمو ومجد/روحوا داخل يالله نايف كشر بوجهه وهو يسمع نبرتها لعيالهم سمو مسكت يد مجد واسرعت بخطواتها لداخل البيت ياقوت تكتفت/يعني هذا جزاي يكفي ساحب علي مارديت وجيت للبيت عشانك وماكبر بعينك!! نايف بلغة الاشارة/وليه يكبر بعيني!!هذا واجب عليك!!ولا نسيتي بيتك!! ياقوت انصدمت من رده ووضح عليها نايف/وبعدين كثر الخطا يهدم جبال المحبة ياياقوت!! ياقوت اتسعت عيونها/يعني ماعاد لي مكان بقلبك نايف/انا خايف يجي هاليوم اللي صدق ماعاد يبقى من جبال المحبة لو هو ذرة!! ياقوت/تهددني يانايف!! نايف/مااهدد لكن اعطيك تنبيه كل مازدت بالغلا لك وبينته لقيت منك الجحود والتمنن ياياقوت ياقوت/انا اتمنن عليك!!/بعصبية/متى متى يانايف متى؟!! نايف زفر بضحكة خفيفة/ان كنت لاتدري فتلك مصيبة وان كنت تدري فالمصيبة اعظم!! ياقوت بغبنة/وش اللي غيرك يانايف وشو؟!! نايف/انا هو انا لكن انتي اللي ماتلاحظين ياياقوت ابد ماتلاحظين!!/مشى متجه لعياله ومر من جنبها/ ياقوت مسكت يده/نايف نايف التفت يناظرها ياقوت وهي تكبح غيظها/اذا مالاحظت واجبك توعيني!!لاترمي باللوم علي وانت تكتم بصدرك!! نايف زفر وهو مهما يحاول يقسى مايقدر سحب يده منها ياقوت انقلب وجهها هالمرة لكبح عبرتها وهي تشوف صده لها نايف بالاشارة/اليوم مرحبا بك نورتي بيتك انتي وعيالك وبعدين يبي لنا جلسة نفهم بعض زين ياياقوت ياقوت ضمته لها/طيب طيب اللي تبيه حاضر بس لاتصد عني كذا يانايف لاتصد!! نايف تنهد وهو مابادلها الحضن ياقوت بدموعها اللي انسابت غصب/لاتتركني لاتصد بدون لاتوضح اسبابك وشلون افهمك وانت ماتقول شي وشلون نايف رفع يديه ومسح على ظهرها يهديها ياقوت/يكفي ماتنطق كلمة نايف وقف مسح على ظهرها بوسع عيونه من صدمته باللي قالته للحين للحين تستنقصه وهي اللي وافقت عليه رغم معرفتها بوضعه ياقوت/حتى افهم وش اللي بخاطرك!!تقاطعني بعد بالاشارة كيف افهمك انا كيف كيف يانايف نايف تبددت كل افكاره بعد كلمتها ياقوت فكته من حضنها وهي محاوطته للحين وطبعت على خده بوسة وبابتسامتها/والله احبك يانايف احبك نايف يناظرها وهو يكذب هالحب بينه وبين نفسه وهي بكل مرة تاكد على استنقاصه ياقوت عطته ظهرها وهي تمشي وتتكلم/جهزت لك كل اللي يحبه قلبك كله كله/وقفت والتفتت له ورجعت بخطوات سريعة له وهي تمسك يده وتسحبه وراها/يالله يالله اكيد انك ميت جوع وكلنا بعد مثلك ياروحي . ((بيت ام عمر2)) ام تركي دقت الباب وجنبها اصيل وغياث اللي بيديهم فرشة وبطانية وفتحته بشويش وبهدوء/فتنة؟/ناظرت عيالها وهمست/خليكم هينا لااحد يدخل/رجعت الباب لوراها وهي تدخل لكن ماقفلته/ فتنة متمددة عالارض على جنبها الايمن ويديها تحت راسها بمكانها تتصنع النوم ام تركي دخلت وهي تتجه لها وانحنت وهي تنزل الكيس اللي بيدها عند فتنة وناظرتها شوي تتاكد هي تتنفس او لا فتنة غمضت عيونها بقوة ام تركي زفرت براحة/هاذي مسكنات ومراهم وبه مراية بعد شوفي وش اللي يناسبك وانا عمتك وصفت للصيدلي وماادري عن كذبه من صدقه/وقفت واتجهت للعيال وهي تاخذ الفرشة اول وتفرضها قريب من فتنة ووقفت ورجعت للعيال واخذت البطانية وهي تحطها عالفراش راجح/ماما جبت الموية ام تركي/خلك عندك لاتدخل راجح/طيب ام تركي وقفت واتجهت لراجح اخذت الموية منه تركي وقف وبيده تبسي فيه حافظة صغيرة وملعقة وشوية رطب/سمي ام تركي/مشكورين روحوا يالله/دخلت وقفلت الباب وراها وانحنت وهي تنزل اللي بيدها/شوفي يـافـتـنـة هذا شي بسيط شوي اجيب لك شي يلم عظمك/وقفت/قدامك العافية يابنتي/خرجت/ فتنة عضت شفتها وهي تحبس دموعها وبحسرة/الغريب حن وانتي ماحنيتي!!قسيتي من اول صد!!/انسابت دموعها وهي ترفع يسارها لفوق راسها تغطيه/وش تنتظرين يـافـتـنـة ماتبتي للحين ماتبتي!! . ((بيت ابو فواز)) {مجلس الشعر} عجايب متربعة وحاتم على رجولها وهي منحنية بظهرها تمسج راسه حاتم مغمض عيونه/جبهتي جبهتي يابنت سلطان دخل لمجلس الشعر وهو يكح من دخان البخور كاتم المجلس/لااله الا الله وش ذَا!!عج عج!!يالله رحمتك حاتم فز بسرعة من على رجولها وضرب راسه براس عجايب عجايب دارت فيها الدنيا من ضرب راسه براسها وحطت يديها عالارض تلمسها تبي تتاكد من مكانها وهي تفتح عيونها على وسعها من قوة الضربة/بِسْم الله بِسْم الله!! حاتم رغم وجعه الا انه ضغط على نفسه وتحمل الالم وابتسم بوجهه الشاحب وبصوت اهتز ببدايته/ياحي الله/تنحنح يوازن صوته/سلطان يالله تحييه سلطان وقف بوسط للمجلس وهو ياخذ انفاسه بوضوح/وش مجلسكم بهالكتمة!!مرضى انتوا!! عجايب بوجع راسها/مااشوف!! سلطان/غصب ماتشوفين!!عج والله لو نظرك زرقاء اليمامة ماتشوفين بهالدخان!!/فتح الشبااك وهو يهف الدخان عن وجهه/عجايب به خمة بزورة اقتحموا البيت ماانتظروني حتى اقول شي وكملوا طريقهم لداخل روحي شوفي لاينهبل اخوك علينا مااحنا ناقصين جلد بوسط البيت الليلة عجايب ماسكة راسها بيمينها واشرت له بيسارها/تعال تعال ساعدني اوقف اول بعدين قول وش تبي مني؟ حاتم اتسعت عيونه وهو يمسك يدها/عجايب سلطان قطب جبينه بشك وهو يناظرهم ثم ابتسم بخباثة وباستعباط/لايكون الدخان قاطعكم؟ حاتم التفت له بربكة/وش دخانه الله يهديك!! سلطان وهو يتلفت حوله/لا بس اقول كأن الجو صفى وانا اطلع مرة وحدة احسن حاتم فز واقف/والله ماتطلع!! سلطان ابتسم/ليش؟فيه شي؟ حاتم ارتبك/هاه سلطان/بس اتركم على راحتكم انا!! حاتم سكت وهو مصدوم من جرأته معه عجايب وقفت وهي تناظر سلطان ماسكه راسها وتمشي له/مابه شي كنت امسج راسه وفز مثل المقروص/وقفت قباله/ولقطني بطريقه الحمدلله ماشال راسي معه سلطان ضحك/خفت اني خربت الجو وانا مدري!! حاتم يناظرهم بصدمة وهم يتكلمون عادي عجايب/وش تبي انت اخلص علي سلطان قرب فمه من اذنها/البزراااان شوفيهم البزوووورة!! عجايب غطت اذنها باصبعها/ارتجاج وصمم بعد!!/دفته عن طريقها/اطلعوا من المجلس خلوا البخور يمسك ورانا ضيوف الليلة/خرجت/ سلطان حط يده على كتف حاتم/السموحة يالنسيب كان خربنا الجو حاتم باحراج/مابه جو سمعت اختك!!مابه سلطان ضحك وهو يخرج معه/طيب طيب مابه شي وش فيك منحرج!! . #سلطان_الهوى_يافتنة_الألفية | ||||
|
| |
|
01-09-22, 06:42 PM
| #29 | ||||
| 12 اللهم صل وسلم على نبينا محمد - ((بيت ابو عمر2)) ابو عمر اللي من رجع قفل باب غرفة النوم عليه ولاكلم احد ولاحتى صلى العصر كعادته بالمسجد فتح الباب بوجهه المتجهم اللي ماانفكت حدته للحين وبيده ثوبه وشماغه خرج من الغرفة ونزل الدرج بخطواته السريعة ومر من الصالة اللي مفتوحة عالبيت ام تركي اللي متمددة عالكنبة بيدها خيزرانة وحولها عيالها جالسين عالارض كل واحد على كتابه بالغصب اتسعت عيونها وفزت من الكنبة وهي تناظره باستغراب/عبدالله!! ابو عمر مر من قدامهم وسط نظرات الكل عليه بتوتر للي بيسويه ام تركي جرت وراه تلحقه وقفت وهي تمشي جنبه وبتوتر/عبدالله وش صحاك وانت مانمت اليوم زين؟!! ابو عمر/بثينة فارقي عن وجهي لايجيك شي مايسرك!! ام تركي بعناد وهي انتبهت للي بيده/وشو له معك ثوب وشماغ!!/مسكت يمينه وهي توقفه واخذت بيسارها الثوب والشماغ/جيبهن اكويهن انا ابو عمر سحبها من يدها بقوة وهو يشد عليهم وبحدة/مالك شغل يابثينة اذلفي عن وجهي لأكفر بك اليوم!!/وقف قبال الباب اللي مابينهم الى كم خطوة/ ام تركي وقفت بوجهه بينه وبين الباب/ثيابك مليانة ومكوية وجاهزة واذا تبي اكوي لك ذي ابشر ياعبدالله ابو عمر مسكها من يدها ودفها بقوة عنه وهو يناظرها بحدة/وربي ماتركتي هاللي تسوينه يابثينة ان يحل عليك يميني!! ام تركي احتدت نظرتها له ابو عمر فتح الباب بقوة وقطب جبينه وهو يناظرها فتنة جالسة وهو ثانية رجلها اليمين تلامس صدرها كاشفة لبسها عنها وهي تمرر باطراف اصابع يدها المرهم فوق حروقها بخفة بدون اي اهتمام لابوها وهي تسمع صراخه من ورا الباب ولاعليها منه اهم شي سوت اللي براسها وهذا اللي يهمها حتى لو نتيجته توجع ابو عمر بحدة/ماتستحين!!ساقك كلها ظاهرة بعين ابوك!! فتنة التفتت له بابتسامة كل غرضها تستفزه/قلتها ابوي!! أبو عمر تجدد القهر بقلبه من جديد وهو يسمعها فتنة/ويوم تبي لي الحيا وينك عني ووينك عنه؟!! ابو عمر دخل بخطواته السريعة وانحنى وهو يشدها من شعرها ويضربها عالارض بكل قوته فتنة توجعت وحبست ألمها لكن فضحتها عبرتها اللي انسابت على خدها اللي جروحه ماخف ألمها للحين ابو عمر/الظاهر تبين اللي صار اليوم ينعاد ابشري ابشري مثل ماتبين يابنت عبدالله!!أعلمك الحيا وانا ولد ابوي ابشري!!/اعتدل بوقفته وضرب وجهها بالثوب والشماغ/ينغسلن وينكون ويتبخرن والعشا تستقبليني بكسر العود لو انك ماتمشين خطوة لاكسر عظامك واتبخر بهن/خرج ووقف وهو يناظر هالعيون اللي ترميه بهالنظرات لاول مرة/ ام تركي تناظره لاول مرة بحقد ملا قلبها عليه لفت عنه وتركته بدون كلمة . ((بيت نايف)) {المجلس} نايف نزل القهوة بابتسامة على وجهه دلالة ترحيب بعمه اللي مايعرف للاشارة ابو ماهر يسولف مع سمو اللي متكية بحضنه وكشر بوجهه وهو يناظره/ليش يانايف ليش!! نايف اختفت ابتسامته وتبدلت بتقطيبة جبينه باستغراب سمو رفعت راسها وهي تناظر جدها باستغراب ابو ماهر/وينها ياقوت؟!!هي اللي تخدمك مو بأنت!!تراني محرم!! نايف ابتسم براحة وبلغة الاشارة/انا وياقوت واحد ياعم سمو اتسعت ابتسامتها من شافت كلامه والتفتت لجدها/ماما وبابا واحد جدي ابو ماهر زفر/لو به اجنبي ماعليه!!لكن الشكوى لله بس ياقوت دخلت بابتسامة وريحة عطرها الثقيل سبقتها بالدخول/هلا يبه ياهلا نورتنا نايف صب القهوة ومدها لعمه ابو ماهر تنحنح وهو يناظر ياقوت اللي كعادتها اولى اولوياتها اناقتها وبرستيجها بدون اهتمام لاي شي اخر مثلها مثل اختها اخذ الفنجال من نايف وهو يغض النظر مايبي ينصحها بوجود نايف/سلمت سلمت ياقوت بعد ماجلست جنب نايف تنهدت وهي تناظر ابوها/غريبة يبه ماجلست ببيت خالي جابر نايف قطب جبينه بعدم رضا من كلامها ابو ماهر/ليش ماتبيني يعني!!/نزل فنجاله/مو مشكلة اروح لاي شقة فلوسي تعزني!! نايف بلغة الاشارة بسرعة/السموحة ياعم السموحة ان ماشالك البيت تشيلك بعيوننا سمو اللي نطقت بكلام ابوها بالحرف لجدها ابو ماهر/الله يعزك يانايف مايحتاج ياولدي عارفك وعارف غلاتي عندك البلا بغيرك ياقوت تنهدت/يبه الله يهديك وش فيك تحسست اسولف معك عادي!!وبعدين كل الموضوع اني استغربت جيتك وهم اكيد شافوا سحايب ووضعها!! نايف التفت لها يناظرها بصدمة وبينه وبين نفسه/سحايب!!/التفتت لعمه وعيونه تنطق قبل لسانه/وش فيها؟ ابو ماهر زفر بضيقة/مارضت انزل معها تقول هي بتفهمهم الوضع اول نايف التفت لياقوت وهو بيموت من كثر الاسئلة اللي بباله ياقوت/كالعادة هاذي هي سحايب/انتبهت لنايف/اااه حبيبي سراج فلتت اعصابه غصب اكيد ماكان يقصد نايف عض شفته بغبنة وبنفسه/كله من فواز تمادى هالسراج تمادى هين ياسراج هين ابو ماهر بعصبية/الله يسلط على اخوك قولي امين ولاهو مـاهـو بكفو وحدة مثل سحايب عازته ورازته ان شاء الله هالمرة ينفلق راسه عشان يعرف ان الله حق!! ياقوت/استغفر الله يبه!!ولدك ترا!!وبعدين مو من كثر ضرب سراج لها هي كلها كم مرة بس!! نايف يناظرها بحدة وقف وهو لو قعد معها دقيقة ذوقها ماذاقت سحايب حتى ماتنطق حرف واستاذن ولاانتظر رد عمه وخرج وهو يغلي ابو ماهر ناظر ياقوت بحدة/انتي وش فيك!!مهبولة؟!!تدرين ان سحايب مثل اخته ومايرضى عليها وتغلطين!! ياقوت/يوه يبه وش فيك علي!!ماقلت الا الصدق صح لسانه شوي لكن مايمد يده الا نادرا!! ابو ماهر/يقوله اللي يتقلب بالراحة ولاهو داري عن شي وبعدين لو اللي صار لها صار لجوهرة اختك مااسمع هالكلام!!والله ان تقومين الدنيا ولا تقعدينها!! ياقوت بغيظ/بِسْم الله عليها ابو ماهر بحدة/لااسمع لك صوت بشي مايخصك ابد وانتبهي لنفسك وبيتك وبس وداري رجلك مالك بغيرك سمعتي؟ ياقوت بتكشيرة/ان شاء الله يبه ابو ماهر زفر/الله يستر عليك بس الله يستر نايف بغرفة الضيوف يروح ويجي وبيده جواله المفتوح على رقم سلطان وهو بيموت من غيظه كل اللي يفكر فيه وشلون يأدب سراج اللي مايستحي ابد رفع جواله واتصل وقفله بسرعة وهو ياخذ نفس يهدي نفسه . ((بيت فواز)) نورة واقفة عند باب الشقة تبكي بصوت عالي وهي واصل لها اصواتهم جابر اللي منزوي بزاوية المدخل بزعل بعد رفض ابوه يناظر نورة اللي قباله بمسافة تبكي جواهر منحنية شبه جالسة قبالها بمحاولة منها تهديها/والله والله شوي نروح لجدة وتلعبين معهم ياماما خلاص لاتبكين خلاص/مدت يدها/يالله ياماما تعالي معي نلعب انا وانتي مع جوهرة يالله نورة ضربت يدها وبكلام طفلة مااكتملت مخارج حروفها وسط بكاها اللي زاد الموضوع/ابغى العب محهم الحين الحين فواز داخل بالمقلط قباله ترمس الشاي يتقهواه بهدوء وهو يفكر بجدية بالوضع من حوله ووجود سلطان اللي مضايقه كثير وقباله جوهرة اللي تحوس بالعابها احتدت ملامحه وهو طفش من كثر بكا نورة المتواصل بعناد وقف واسرع بخطواته بغيظه اللي انفلت غصب عنه ووقف عندهم وانحنى وهو يمسك نورة من يدها وبعصبيته/نورة!! نورة انفجعت منه ووقفت بكيتها بحلقها من الفجعة جابر اتسعت عيونه بصدمة من ابوه اللي اول مرة يتعامل مع احد بهالطريقة جواهر احتدت ملامحها وارتفع صوتها/فوااااز!! فواز وهو يصرخ بوجه نورة المفجوعة/قلنا لك تروحين لجدتك شوي وشو له العناد؟ليش ليش!! نورة تناظره بعيونها اللي جف دمعها من الفجعة وساكتة جواهر سحبت نورة من يده بالقوة وهي تضمها لها وصرخت بفواز/لاتصرخ عليها فجعت البنت يافواز فجعتها!! فواز اعتدل بوقفته وبحدة/صدعت براسي ببكاها شوفي لك حل معها ماني ناقص صداع منكم بعد اوف!! جواهر قطبت جبينها وهي تسمع هالنبرة منه على كثر جفاه ماقد تلفظت بهالطريقة لها او لعيالهم/فواز اذا انت جوهرة قاطعت امها اللي فزت من مكانها بصوت صرختها اللي اعتلى بالبيت كله جواهر جرت من وصل لمسامعها صوت صراخ جوهرة لهم وتركت نورة فواز ثنى يديه حول وسطه وهو يرفع راسه/استغفرك يارب استغفر الله/مشى ورا جواهر/ جابر قام من مكانه وهو يناظر نورة اللي مانطقت شي ولاتحركت ومسك يدها وبهمس/شوي ابوي يخرج وامي تغفل ونطلع انا اخليك تروحين لاتزعلين نورة ناظرته وهي تنساب دموعها بدون لاتنطق شي فواز وقف قبل يوصل للمقلط وهو يناظرها جواهر وبين يديها بنتها بفجعة وسط دموعها وصراخها عليه/البنت احترقت احترقت يافواز احتررررقتتت!!ليش تركت الترمس مفتوح ليييشششش!! فواز بهدوء وهو ياخذها/حصل خير مافيها شي لاتكبرونها الموضوع جيبي عبايتك يالله . ((بيت ابو فواز)) {الحوش الخلفي} علا جالسة جنب جدتها وهي محتضنة يدها وحانية جسمها لجدتها/اشتقت لك موت ياجدة اشتقت لك ابي اجلس عندك على طول والله ام فواز اللي تحرك كشنتها بالقدر الكبيرة بابتسامة على وجهها رغم مضايقة علا بالحضن لها/والله عـيـونـي تشيلك انتي بس انوي الجلسة وابشري علا بدلع على جدتها/ايه ايه تدرين محد بيرضى لي ام فواز/وينها امك بس طولت ماجت؟ علا/يمكن تدور لكم بالبيت سجايا بشك/علا غريبة جايين بهالوقت؟! علا تركت جدتها وبتكشيرة/ليه مانجي يعني؟ ثابت/لا مو المقصد بس انتم وعجايب كلكم بنفس الوقت وماقلتوا لنا بعد شي يشكك ام فواز رفعت الملعقة بتخويف/اوص اوص فالكم ماقبلناه يالاثنين!! سحايب طلت عليهم بنقابها وهي ماشالته عن وجهها وبابتسامة من تحت نقابها/السلام عليكم ام فواز مدت الملعقة لذهب ووقفت ذهب اخذت الملعقة وكملت عن امها سحايب اسرعت بخطواتها وهي ترتمي بحضن امها وسلمت عليها ام فواز/ياهلا والله ياهلا بسحايب ياهلا سحايب برجفة صوتها/والله يمّه اشتقت لك اشتقت بالحيل ام فواز/وانا مثلك بعد ياعيني وانا مثلك سحايب سلمت على اخوانها بنقابها وسط نظرات علا اللي اخترقتها من اللي يصير سحايب/يمّه وينه ابوي؟ ام فواز/بالبقالة شوي ويجي مـاهـو مطول سحايب تنهدت/اجل انا بروح ارتاح يمّه شوي ام فواز/تقهوي بالاول سحايب/شوي ان شاء الله شوي يمّه/ناظرت علا/انتبهي على اخوانك سمعتي علا بعناد/مالي شغل بأحد سحايب قطبت جبينها/علا!! ذهب/اتركيها سحايب انا بانتبه لهم انتي روحي ارتاحي لاتشيلين هم وبتساعدني سجايا وثابت مابيقصر بعد سحايب/الله يثلج صدرك ياذهب سجايا/وانا؟!! ثابت/وانا مالي نصيب من الدعوة!! ام فواز/روحي روحي هالاثنين مابيتركونك ابد سحايب بابتسامة/الله يكتب لكم ماتتمنون بالخير عاد عن اذنكم وشوي اكيد بنسهر على راحتنا/مشت من عندهم وهي عينها بالارض وسط افكارها قدرت هالمرة تفلت وشلون بتحل الموضوع شوي اذا شافوا وجهها وبكل هموم الدنيا اللي شاغلتها وقفت وهي تسمع صوتها/ عجايب باستغراب/سحايب!! سحايب رفعت راسها/سحايب!!وش جابك هينا!! عجايب/انتي وش اللي جابك؟!! سحايب تنهدت/اسلم على امي وابوي عجايب احتدت نظرتها وبتكذيب لها وهي تسرع بخطواتها ووقفت قبالها تماما/يمشي كذبك عليهم مو علي سحايب تنهدت/مافيه شي ليش تشككين بكل شي!! عجايب/ماتبين تقولين!!زين اروح لعلا وهي اللي بتتكلم/مشت ومرت من عندها/ سحايب ارتفع صوتها/عجايب عجايب التفتت لها وبحقد/اكيد هالعلة مسوي شي سحايب رفعت النقاب عن وجهها عجايب اتسعت عيونها وهي تناظر سحايب وغيرت طريقها من الحوش لمجلس الشعر وبغبنة/والله ماتروح له هالمرة سحايب مسكت يدها/عجايب عجايب سحبت يدها/هالمرة سلطان سلطان مو بفواز ياسحايب سمعتي سلطان سحايب اللي اهتز داخلها من فرط الشوق لسلطان اللي كان بمرحلة من مراحل حياتها اقرب لها من انفاسها هو روحها وحافظ اسرارها واسمى وارقى الحب الاخوي متمثل بهالاثنين لبعض وباحراج يشوفها بعد هالسنين بهالمنظر/لا لاتقولين له شي انا بأحل الموضوع عجايب/اقولك سلطان مو بفواز ماتسمعين سلطان بياخذ حقك ياسحايب سلطان فواز وقف عندهم خارج من بيته وبين يديه جوهرة اتسعت عيونه بصدمة وهو يناظر وجه سحايب سحايب انخطف وجهها وهي تناظر فواز ونزلت الغطا بسرعة على وجهها عجايب بحدة وهي اللي مااعطت صوت انين جوهرة اي اهتمام من كثر قهرها على سحايب وهي تمد يدها لنقاب سحايب ورفعته/خليه يشوف نتيجة افعاله وجميله بقليل الاصل خليه!! سحايب نزلت نقابها من جديد/عجايب خلاص!! عجايب بقهر من فواز/متى تستوعب متى؟!!سدول والحين سحايب مابتحس الا اذا ماتت وحدة قدامك عشان تصدق!!والله لو وحدة من بناتك ماتحملت ثانية وانت تشوفها بهالمنظر ان تذبحه وتشرب من دمه يافواز جواهر وقفت ورا فواز بعبايتها اللي ماقفلتها وحتى طرحتها وغطوتها بحالة فوضوية من خوفها وبدموعها/وش فيك واقف!! عجايب انتبهت بعد سوال جواهر وناظرت جوهرة فواز/بعدين ياعجايب بعدين/مشى بخطوات سريعة ووراه جواهر/ عجايب مسكت سحايب من يدها/امشي امشي معي لسلطان امشي سحايب مسكتها/اسمعيني هالمرة انا هالمرة بأحلها اسمعيني وخليني اسوي اللي ابيه ياعجايب تكفين لاتتدخلين هالمرة تكفين . ـــــــــــــــــــــــــ ـــــــــــــــــــــــــ ــــــــــــــــــــــــ {بعد صلاة العشا} . ((بيت ابو عمر2)) ابو عمر واقف قبال مراية المدخل اللي على الرف المثبت تحتها بمسافة بسيطة اللي فوقه المبخرة اللي يتصاعد منها دخان البخور اللي غطت ريحته المكان حوله وجنبها قزازة العود الثقيل يعدل نسفة شماغه وعينه بالمراية/بنت بثينة يابثينة ام تركي وقفت عنده وتكتفت/نعم اب. عمر قطب جبينه/نعم!! ام تركي/اغراضك وبخورك وماقصرت بها فتنة جهزتها وش تنتظر مني؟!! ابو عمر احتدت نظرته/وش هالكلام ذَا!! ام تركي تنهدت وهي تفك تكتيفتها/بغيت شي؟ ابو عمر بنرفزة/بعد ذَا الكلام ماابي روحي عني بس ام تركي/احسن لي ولك/مشت/ ابو عمر اخذ نفس وهو يكتم غيظه عنها ورفع العودة وهو يمسح منها على اماكن النبض برقبته قفلها ونزلها مكان واخذ المبخرة وهو يتبخر زفر/حريم ذي تاليتهن لو تعز من تعز!!/نزل المبخرة وخرج/ . {عند فتنة} فتنة متمددة فوق الفرشة وهي تتحرك بشويش من وجع جسمها التفتت للباب بوسط عقدة حواجبها وهي تسمع دقته اصيل فتح الباب شوي وهو يدخل يده اللي بها كيس نايلون مليان اغراض من البقالة فتنة ناظرته وابتسمت غصب وبصوت مبحوح/ادخل تعال غياث اللي جنب اصيل ومانعه اصيل يدخل معه دف الباب بقوة ودخل وهو يجري لعندها وجلس قبالها/فتنة فتنة بابتسامتها الذابلة/ياروحها غياث وهو يناظرها/كيفك الحين؟ فتنة تنهدت وهو اول واحد يسالها عن حالها وبرجفة صوتها/الحمدلله اصيل وقف جنب غياث وشاته غياث مسك جنبه/اااه والله لاقول لامي اصيل/ماقلت لك لاتدخل!! فتنة ناظرته بعتاب/ليش توجعه!! اصيل مد لها الكيس فتنة/لي؟! اصيل هز راسه بايه فتنة ناظرت الكيس اللي داخله شيبسات وعصيرات وانواع الكاكاوات وبلعت ريقها وهي تخفف رجفة صوتها وهي تتمناهم العوض لها بابتسامة وعينها بالكيس/يوووه يااصيل اصيل/ريان يقول ذي لك فتنة اختفت ابتسامتها ورفعت عينها له/ريان!! اصيل/ايه ماقدر يدخل عشان ابوي عالباب كان يبي يشوفك من اول بس ماادخل فتنة احتدت نظرتها وهي تمد له الكيس/اصيل رح وارمها بوجهه اصيل رمش/هاه!! فتنة بحدة/قول له فتنة ماهي ببزر فتنة الحين تبي رجال مو شبيهه!! اصيل يناظرها بتردد/يضربني يـافـتـنـة فتنة بحدة وقهر/مابتصير لي رجال ولا مثلهم!! راجح اللي كان واقف يبي يتطمن بس مادخل معهم انحنى وهو يسحب الكيس من يدها فتنة التفتت تناظره راجح/سند سند يااخت راجح فتنة رجف قلبها وغرقت عيونها دموع امل جديد لها والله يستر من هالامل راجح خرج غياث رفع تشيرته المثبت نهاية طرفه ببنطلونه وهو يخرج شيبس مخبيه ومده لها/فتنة فتنة ناظرته وناظرت الشيبس غياث/والله من مصروفي مـاهـو من ريان فتنة ابتسمت من لطفه معها اخذته/ادري ياعيني الله لايحرمني عطاياك ياعين اختك . ((بيت ابو عمر1)) {طلال و موج} موج جالسة عالسرير وهي تناظره/عمتي ليش ماجت؟ طلال جالس جنبها يقلب بجواله وبربكة/جت العصر بس قلت لها انك نايمة موج ميلت فمها بتكذيب بينها وبين نفسها زفرت/وفتنة وينها ماشفتها توقعت اول وحدة تستقبلني هي!! طلال ميل فمه/تجي تجي وبعدين وش تبين فيها اتركيها موج ناظرته بحدة طلال/خلاص خلاص لاتصدعين الحين/رن جواله ورد/هلا..طيب طيب..سلام/وقف تبين شي؟ موج/سلامتك طلال/لابغيتي شي اتصلي شويات وراجع ان شاء الله موج/خذ راحتك انا بنام طلال/لا انتظري باجيب العشا تعشي وبعده نامي/خرج/ . {الصالة} ام عمر ناظرته/وين قلعتها؟ عمر/اخذت لها غرفة الى ماالقى شقة ام عمر تنهدت/زين ظنيتك رميتها عمر كشر بوجهه/من جدك يمّه يعني تشوفيني عديم نخوة اسويها!! ام عمر سكتت ريان جالس بابعد زاوية عنهم متكي براسه عالجدار يناظرهم بغيظ وهو يلوم نفسه اكثر منهم على الجبن اللي فيه وهو ماساعد اخته الصغيرة عمر/يمّه طلال ام عمر قاطعته بتكشيرة/خلاص باكلمه ولو اني ادري انه بينجن اذا فتحنا الموضوع من جديد راجح دخل عندهم ام عمر تناظره باستغراب/خير وش تبي؟ ريان اعتدل بجسمه وهو يناظره ويناظر الكيس اللي بيده باستغراب راجح مشى له ووقف قباله ورماه بوجهه مثل ماقالت فتنة بالحرف وبملامح حادة مستنكرة للي يصير لفتنة/فتنة ماهي ببزر ياريان ام عمر بعصبية/ولد!! راجح طنشها/فتنة تبي رجال مو شبيهه ياريان سمعت/بغبنة/رجااال رجاااال!! ام عمر اتسعت عيونها وبحدة وهي ترمي عليه علبة الموية/ولددد!! راجح خرج وتاركهم وراه طلال دخل وهو يلتفت وراه لراجح اللي مر من جنبه ام عمر بغبنة منه/قلة ادب ماعرفت امه تربيه!!طوالة لسان على قل سنع طلال جلس عند عمر وامه وباستغراب/وش يبي؟ ريان اللي صدمه ردها للحظات وهو ساكت انشحن غيظه من جديد ووقف وهو يشيل الكيس بيده ورماه بقهر بين الجالسين ام عمر اتسعت عيونها من فعلته عمر احتدت نظرته وهو يلتفت له/سلامات!! طلال صرخ/رياااان!! ريان بقهر/انا مااقدر اسوي شي وذا البلا اني داري مااقدر اسوي شي لها يالله ادبر عمري وساكت!!لكن انتم وش عذركم هاه!!وشو طلال/وربي ماسكت لاتاكل شي عمرك مااكلته مني ياريان ريان/بتضربني؟اضرب مارحمت اختك المسكينة اللي ماهي بحيلك بترحمني!!تتشمت بابوي وانت مثله ياطلال/ناظر عمر/وانت وش تنتظر اللي شاك فيه من مدة تحرك وشف وش سالفته ولا لازم تاخذ راي امي بكل شي!!هذا انت تزوجت رغد على رايها وكلنا ندري ماتبيها غصب عنك هذا انت مالقيت من ورا امي غير الشقى ام عمر رجف قلبها من كلامه وبلعت ريقها وهي تحس العبرة اجتمعت بصدرها عمر مانطق حرف وكل ماقاله ريان صحيح بكل اسى واسف طلال فز من مكانه وهو يسحب ريان من تيشيرته ولكمه على وجهه ام عمر فزت واقفة وشهقت بذات الوقت وبخوف على ريان من طلال/اخوك ياطلال اخوك!! ريان دفه عنه وبغبنة/محد تكلم واعترض وتقطع قلبه وانهد حيله غير بدر ماعرف لكم غيره وشتوه لمنطقة ثانية حتى تكفون شره بعيونكم وهو كله خير ومحد بيرجعه غيري وانا ولد ابوي والله والله لاقوله وش سويتوا بالمسكينة طول هالسنتين من وراه وتشوفون!! طلال مسكه من ياقته/اترك بدر عنك وخله مشغول بعمره لاتشغله وبعدين والله والله لادفنك بوسط هالبيت ومحد بيقول لي كلمة سمعت ريان دفه/ادفني ادفني تعبت من اللي اشوفه ومااقدر اسوي لكم شي تعبت طلال/انت سوها وشف وش يصير يالله انقلع عن وجهي يالله!! عمر سرح بعالمه بعيد عن هالهوشة اللي تصير وهو بدا يفكر جديا باللي حصل بذيك السنة اخيرا ام عمر بتوتر/هالمهبول لايتصل ببدر وهو مابقي له شي ويخلص طلال/مايسويها وبدر ماحوله رجعه قريب . ((بيت ابو راضي)) ام راضي نايمة عزيزة اللي واقفة ورا الباب بعد ماشكيت على امها وبتوتر من نومة امها الغريبة لهالوقت اتجهت لغرفتها ووقفت وهي تناظره بانزعاج/خير وش تبي؟كان رحت مع ابوي وكملت الناقص بجاد زفر/كيف امي الحين عزيزة تكتفت/وش رايك انت؟اكيد مابنلقى خير بعد اللي صار اليوم!! بجاد/للحين نايمة؟ عزيزة/وش تبيها تسوي بعد اللي صار محد منكم فيه خير بجاد بنبرة عالية/عزيزة!! عزيزة بنفس نبرته وسط نظراتها الحادة/نعم!! بجاد بحدة/روحي صحيها عزيزة/عشان تغثها!! بجاد/عزيزة!! عزيزة زفرت/رايحة رايحة/مشت لغرفة امها دخلت وفتحت النور/يمّه ام راضي ماردت عزيزة مشت لها وهي تجلس على طرف السرير عند امها وتمسك يد امها بين يديها وبهدوء/حبيبتي يمّه قومي يكفي نوم والله ام راضي نايمة ماردت عليها عزيزة انخطف وجهها بخوف وهي تترك يد امها تحركها/يمّه يمّه ام راضي ماردت ابد عزيزة صرخت برعب/بجااااااد الحق يابجااااد امي بجااااد . سراج واقف على مسافة بسيارته عن بيت ابو فواز وهو يناظر البيت المفتوح بابه على اوسعه باستغراب وتردد مابين ينزل او لا . ((بيت ابو فواز)) {المطبخ} ذهب عند حوض الغسيل تغسل الكاسات والفناجيل بهدوءها المعتاد سجايا اللي واقفة عند الفرن ترمي نظرات بين فترة وفترة لعجايب عجايب تشيل ترامس القهوة الجاهزة وهي توقف على باب المطبخ وبحدة وهي تناظر حازم/خذ بسرعة ويالله لخالك بسرعة يالله سجايا وهي تقلد عجايب/ابد بس نبي نتصدق بالجريش يمّه عجايب وهي تمسح جبينها عن العرق بمنديلها/موتي موتي احسن!! سجايا/وضحي عشا كيف!!عشا عن عشا يفرق!! عجايب/لاتصدعين براسي روحي ارتاحي انا باسوي كل شي لاتزعجيني ذهب/استغفر الله العظيم/التفتت/سجايا كل اجرك يروح بهالحلطمة تدرين!!احتسبي الاجر وانتهينا سجايا/يارب كامل من غير نقصان وتنقص بعض الناس اللي ببالي عجايب/قولي قولي بعد عجايب احسن سجايا بوسع عيونها/قلت انتي!!قلته!! عجايب وهي تتخصر/مايحتاج واضح انما الاعمال بالنيات وانتي تقصديني سجايا/استغفر الله تتدخلين بالنية بعد!! عجايب/لو انك صادقة قولي من؟ سجايا بغيظ/مافكرتي مثلا المبلوسة عايشة ذهب بحدة/استغفرك ياربي وش ذَا لكلام انتي وياها!!صاحيات!! عجايب ارتفعت حواجبها وهي تهدا وتنزل يديها عن خصرها/مافكرت والله سجايا/يمّه منك قلبك اسود علي!!هذا وانا اختك!! عجايب/لاصار كذا صرحي مو تغلبني الظنون!! ذهب بغيظ/هيه انتي واياها حرام حرام ماتفهمون عجايب وسدول التفتوا لها عجايب/لا مو حرام فيها!! سجايا/يعني حلال اللي سوته بسدول!! ذهب/الكلام اللي انقال غلط وفيه تعدي حرام مايجوز!! عجايب/اوص بس اوص انتي قلبك مثل المضروبة فوق اوص بس اوص/ناظرت سجايا/أمني وراي يابنت أمني سجايا رفعت يديها/اااااامممميييين ياربي ااااامين عجايب/يارب تشوفه ببناتها سجايا/ااااامين ذهب عضت شفتها السفلية بغيظ منهم عجايب/يارب سلط عليها مرت ولد تذوقها الحرقة مثلنا ياااارب سجايا/اااامين/التفتت لها/عسى ربي ياخذها ويفكنا منها عجايب/لا استغفري ربك!! سجايا رمشت وهي تناظرها/ليش!!خل ننفك منها عجايب/لا تموت مرتاحة صاحية انتي!!خليها تتعذب شوي ذهب صرخت/استغفر الله!! عجايب فزت/بِسْم الله وش فيك ذهب/انتم الثنتين سوووا كل شي لحالكم انا مالي شغل فيكم سمعتوا/مشت وتركتهم/ سجايا/وش فيها ذي زعلت!! عجايب/خليك منها مريضة بقلب طيب الله يشفيها بس قبل تصير مثل الطقم اللي عندنا فوق/التفتت لجوالها اللي بزاوية المطبخ بعيد عنها واعتلى صوت رنته مشت/خير ياربي خير/ابتسمت وهي تشوف اسمه/حيه حي ذَا الصوت سلطان/ها الجريش؟ عجايب/الناس بالعزايم يشغلها المفطحات وانت ربي مشغلك بالجريش!! سلطان/وش عليك انتي وبعدين المفطحات وجاهزة علي بالجريش انا عجايب/جاهزة جاهزة بالحوش ورا/بحماس/المهم قولي كيف ابوي؟ سلطان ضحك بخفة/وش رايك انتي عجايب ضحكت/مصدوم؟ سلطان بابتسامة/قليلة فيه!!/اختفت ضحكته وهو يناظر اللي دخلوا مع الباب/اكلمك بعدين سلام . {الصالة} ام فواز جالسة وبحضنها جوهرة النايمة اللي بملابس داخلية فقط ورجلها ويديها كلها كريمات وعلى وجهها اثار الدموع انحنت وهي تطبع بوسة على جبينها وبضيقة/بِسْم الله عليك ياروح جدتك عساه بعدوينك ياقلبي بِسْم الله الجدة سدول جالسة جنبها/وينها امها؟ ام فواز/طلعت لبيتها تبدل لنورة المسكينة من فجعتها بصراخ اختها مانطقت خوف للحين عجزنا عنها ام فواز/الله يعين الله يعين وقتهم شين قرب المغرب/التفتت لعلا اللي متمددة وبيدها جوال سجايا تقلب فيه مدت عكازها وهي توخزها من جنبها/ علا فزت/وش فيه!! الجدة سدول/متبطحة عندي وخالاتك بالمطبخ يكرفن!! علا/بدري عالكرف لاحقة ياجدة الجدة سدول اتسعت عيونها وبعصبيتها/وقطع طوالة لسان!! ام فواز/ياعمة البنت هينا(تقصد جوهرة) الجدة سدول ميلت فمها وعينها على علا/روحي عند الصغار وانتبهي لهم علا بتكشيرة/ماعليهم يلعبون!! الجدة سدول رفعت عكازها/والله اكسره على راسك يالمراددة حتى عجايب اهون منك قومي عني قومي علا وقفت/طيب طيب طول عمرك معصبة هدي عشان الضغط ينزل شوي/هربت/ الجدة سدول صدع راسها/اعقبي وهاللسان ام فواز/تعصبين عليها ياعمة وتبينها تسكت هالجيل مايردهم شي الجدة سدول/بلاه اخذت اللسان كله عن امها ماتركت لها شي ام فواز كشرت بوجهها بشك الجدة سدول/اسمعي يانورة ام فواز باستغراب/سمي ياعمة الجدة سدول/الولد اللي عندي وش رايك به؟ ام فواز قطبت جبينه/مين ياعمة؟!! الجدة سدول/من غيره!!سلطان!! ام فواز ناظرت جوهرة تنشغل فيها عن نظرات عمتها الجدة سدول تنهدت/اتركي عنك علوم جابر وعلميني باللي بخاطرك ام فواز/الله يستر عليه الجدة سدول/ويستر علينا كلنا لكن جابر ماله بك وانتي مرة كبيرة عقلك براسك علميني وش اللي وراك؟ ام فواز ناظرتها/تبين الصدق ياعمة ولاتزعلين؟ الجدة سدول/قولي ماوراك انتم دايم تزعلوني مـاهـو بشي جديد!! ام فواز/كل مايحن قلبي له عقلي يرد المواجع وينسيه الحنان الجدة سدول بحدة/وش هالكلام!! ام فواز/نسيتي ياعمة ماشفنا نسيتي!! الجدة سدول/وشلون انسى هاه وشلون!!وهالمسكين وش ذنبه بعقول الناس الدايخة!! ام فواز/اكلونا بألسنتهم والرجال منعوا بناتنا عنا خوف على عيالهم منا!!وألحقونا بفعولهم اللي اجبرتنا نترك مكانا لمكان ثاني وللحين تسالين ياعمة للحين!! الجدة سدول/ايه اسال وثم تراني شفت االلي شفتوه وعشاه معكم وحتى العطية بعتها بدون لااسال صاحبها وعطيتكم فلوسها!!واشوف قلبي مثل مـاهـو لوليدي!!سلطان ماله شغل بالناس يانورة ماله شغل ام فواز/كسرنا ياعمة كسرنا!! الجدة سدول/سمعتيه باذنك مظلوم يانورة عوذا وش ذَا!!امه انتي امه!! ام فواز/كيف انسى ذيك الجروح ياعمة كيف!! الجدة سدول/بالله عليك نفعوك اللي ازعلوك يانورة قولي لي!! ام فواز نزلت عينها على جوهرة ولاردت الجدة سدول/جيت اشوف يمكن انك مجبورة من هالاقشر الساكت جابر اللي محد يدري وش يبي طلعتي مثله!!عوذا تسمعون للي مابه طب!! ام فواز بدون لاتناظرها/ضاقت فينا الوسيعة وحدنا للي يسوى ومايسوى ياعمة وتلوميننا للحين الجدة سدول بنرفزة/وش فيكم ياناس وش فيكم!!اعوذ بالله منكم اعوذ بالله تحسبون للناس اللي ماعطوكم حساب وماهمكم المسكين اللي قلبه يتقطع على بابكم!!اعوذ بالله وش هالعقول وش ان هي!! ام فواز لازالت على وضعها وهي تفكر بكلامها الجدة سدول/اسمعي عاد يانورة انا جيت اعلمك اني نويت اخطب بنية جيراننا لسلطان ام فواز رفعت عينها بملامح الصدمة من سالفة زواجه الجدة سدول/قلت انتي امه وهو اول فرحتك جيت اعلمك كانك ناويتن تروحين معي لارحت قولي لي ام فواز بصدمتها/يبي يتزوج!! الجدة سدول/ليه حرام ولا عيب؟!!شرع ربه وحقه وهو اختار وزين مااختار!! ام فواز/بس الجدة سدول وهي تاشر بيدها تسكتها وتقاطعها/عارفة وش اللي براسك بس الناس ماهم سوا يانورة وانا مزوجته مزوجته الله لايعوق بشر لو اني ادور عالبيوت بيت بيت يانورة سمعتي؟/وقفت/عاد علمتك الخبر واعقلي واطرحي هاللي براسك وقوليه لجابر يمكن يسمع منك احسن مني/مشت/فمان الله ام فواز/العشا ياعمة الجدة سدول التفتت لها بابتسامة/عشا من؟ ام فواز كشرت من ابتسامتها الجدة سدول/عشا سلطان اللي كلكم ماتبونه؟بيجيني للبيت الله يعزه مايحتاج انتظر عشاكم/كملت طريقها وبصوت عالي/الله يفتحها بوجهك مثل مافتحت البيبان اللي تقفلت ياسلطان يالله ياكريم . {غرفة سدول وعجايب وسحايب القديمة اللي للحين غرفة نومهم حتى بعد الزواج} فواز جالس قدامها ضام يديه ببعض وهو يحس بتانيب ضمير بسيط سدول جالسة قدامه بهدوء ومنزلة عينها متوترة من اللي بيقوله وهي تجهز ردود براسها له فواز/اسمعي ياسدول سدول بصوت اهتز/ماني براجعة له يافواز فواز قطب جبينه سدول/الا اذا امه جت بنفسها وتعذرت وقدام كل الحريم اللي اهانتني قدامهم فواز زفر/ابشري بعزك ياسدول سدول انصدمت ووضح عليها فواز/انا بأتصرف مع ساجي واخلي امه تجيك وتحب راسك لكن قدام الحريم صعبة وانتي ادرى الناس بعمتك وطبايعها سدول/وماهو صعب تهيني قدامهم! فواز/الحين وضعك غير ياسدول معك واحد حرام عليك تهدمين حياتكم عشان امه وامه وعد اكف اذاها عنك وش تبين اكثر لاتخربين بيتك بيدك ياسدول انا اتفاهم معه وانتي ارجعي بيتك مع زوجك وش تبين بالمشاكل ووجع الراس سدول سكتت تفكر فواز/هاه وش قلتي؟ سدول/وامـ فواز قاطعها/امرهم علي انتي بس تعوذي من ابليس وارجعي بيتك سدول سكتت فواز وقف/لايطول الزعل وان اتصل زوجك ردي عليه/خرج وتتركها بحيرة من كلامه/ . وقف قبال بيت ابو فواز بسيارته اللي عبارة عن ونيت غمارة وحدة(ددسن)كاسيها الغبار وكانها ماتغسلت ابد من قبل واحنى راسه وهو يناظر البيت وبصوته العالي من طبيعة شغله اللي تعود عليها/متأكد يبه ان ذَا بيتهم؟ الـعـم يُسر كشر بوجهه وهو يمد يده للطبلون قدامه وياخذ سماعته من عليه ويركبها باذنه وبحدته المعتادة/اعوذ بالله منك سمعتك بدون سماعة وش هالصوت اللي عليك والله لو اني لابسها شبّت باذني! سعد كشر بوجهه وبانفعال/يبه تراني ولدك كل كلمة والثانية داعي علي ولا مهاوشني الـعـم يُسر اللي اخذ نظارته من الطبلون ولبسها وثبتها بنهاية طرف انفه رفع عكازه وهو يضرب سعد على راسه/اهب من ولد انتفخ من خيري وينفخ علي اهب سعدمسك راسه/يبه والله لو يفتشون(يفتحون)راسي ان كله جروح من داخل من كثر ماتضربني بهالعصا الـعـم يُسر/اوص اوص وانزل ودق الباب وشف ذَا بيتهم ولا لا انزل قلعة سعد/يبه ذَا رابع بيت ادق بابه والله ان يبلغون علي ويتلوني للسجن الـعـم يسر/عيد والله انه عيد تفارقني يامال الفرقى سعد/تقوله انت والله لو اروح عنك دقيقة تضيع الـعـم يُسر ضربه بعكازه/ورع عندك ورع! سعد مسك عكاز ابوه/يبه ذا بابهم مفتوح اخاف يحسبوني اسرق! الـعـم يُسر/من قشارة ذا الوجه اعوذ بالله منه سخط سخط سعد فتح الباب شوي وسط تكشيرته وبعصبية/كم مرة قلت لك يايبه خلنا نشري ذَا التلفون اللي به قوقل وانت تقول سرف هاه راع وش ندبر الحين راع الـعـم يُسر/ماني بشاري هالتقوقل لو تموت تبطي وانت ماشريته!!ماتشريه ابدن ابدن خابرك انا تبي تشوف المناكر به خابرك ياسعيدان خابرك!لو ان به سنع ماابلشتني به سعد بانفعال/يابيي والله لو اني ابي هالمناكر رحت وشريت مارديتني عنه الـعـم يُسر مد يده وهو يمسك المقبض يسند نفس ورفع رجوله وهو يلف بجسمه لسعد ومد رجوله لسعد ودفه بكل حيله سعد طاح من السيارة عالارض الـعـم يُسر/اذلف اذلف وشف البيت ياطول لسانك طولاه اهب من ولد اوجعني راسي منك سعد وقف وهو ينفض ثوبه وبعصبية/والله ان ماطلع بيته ان نعود للبيت علمتك يالشايب سمعت/مشى باتجاه البيت ووقف قبال الباب المفتوح وهو يتحلطم من ابوه ودق الباب/ سعد وقف وهو ينفض ثوبه وبعصبية/والله ان ماطلع بيته ان نعود للبيت علمتك يالشايب سمعت/مشى باتجاه البيت ووقف قبال الباب المفتوح وهو يتحلطم من ابوه ودق الباب/ ثابت اللي خارج من مجلس الشعر بيديه ترامس القهوة متجهة لبيتهم ناظره وابتسم وهو يتجه له/ياحي الضيف ياحيّه اقلط حياك سعد واقف مكانه مادخل وحس بشي من الخجل وهو يشوف ملابس ثابت المرتبة رغم نظافة ملابسه لكن رمية ابوه نسفت الثقة وشككته فتح شماغه اللي رابطه وعدله/الله يحييك الله يحييهم ويبارك بهم ثابت وقف عنده وهو يمد يده وصافحه/حيك يالله تحييه سعد صافحه بابتسامته/الله يسلمه ويبقيه سراج مر من عندهم بدون لايلتفت ويسلم على ثابت/سلام/كمّل طريقه لداخل ثابت وضح على وجهه الانزعاج سعد وهو يناظر قفا سراج اللي يبتعد اكثر واكثر/ابوك مامن سلام مثل الخلق!!/رفع صوته/مانبي سلامك خله لك لاعاد!! ثابت ناظره وهو يترك يده/حياك اقلط الـعـم يُسر وقف ورا سعد ودفه بقوة وبحدة/ارسلك لشين ماتنجزه عوايدك ياسعيدان!! سعد بتكشيرة/يبه مالي دقيقة!! الـعـم يُسر بلع كلامه مايبي يحرج سعد وناظر ثابت بغيظ واضح/ياولد هذا بيت ابو سلطان؟ ثابت هز راسه/وصلت ياعم اقلط ياحياك الله الـعـم يُسر ابتسم سعد همس لابوه/الحمدلله مابغيت يابيي تلقاه الـعـم يُسر وهو يلتفت لسعد بابتسامة وهو يمسك يده يضغط عليها/لقيناه ياولد لقيناه سعد باس ظهر كف ابوه اللي ماسكه يده وابتسم بفرحة لابوه/هنيا لك ياابو حمد هنيا لك الليلة . {غرفة ذهب وسجايا} سحايب جالسة على سرير ذهب وبين يديها ايباد سجايا واول ماسمعت صوت الباب رمت الايباد وتغطت كلها باللحاف ذهب دخلت وقفلت الباب وهي تناظرها وزفرت/سحايب الى متى وانتي كذا بالنهاية امي وابوي بيدرون!! سحايب شالت الغطا/اعطيني المفتاح ليش مو راضية ياذهب اقلها انتي!! ذهب تنهدت/سجايا اعطته لعجايب وعجايب قولي الحمدلله اللي ساكتة للحين سحايب زفرت/بعد مايمشون الضيوف بس ينتهي العشا على خير ويصير وقتها اللي يصير/وقفت شوفي لي طريق الحمام بموت مااقدر اتحمل اكثر/وقفت جنبها/ ذهب تنهدت/طيب/خرجت وهي تشيك عالطريق/يالله محد فيه سحايب جرت للحمام اللي برا الغرفة ودخلت ومن ورا الباب/لاتروحين انتظري/قفلت الباب/ ذهب هزت راسها يمين ويسار بيأس من حالتها وتكت بظهرها عالجدار اعتدلت بوقفتها وهي تناظره بتكشيرة للحظة واختفت فواز ارتفع حاجبه الايسر وهو يناظرها من فوق لتحت/خير وش تبين تقولين؟!! ذهب تكتفت/ماابي اقول شي فواز/وينها سحايب؟ سحايب اللي ورا باب الحمام بتخرج قشعر جسمها وهي تسمع صوته وظلت بمكانها فواز وقف ينتظر ذهب/وش تبي منها؟انا باقوله لها؟ فواز/انا باقوله روحي انتي ذهب ماردت عليه وهي تظل مكانها فواز اتسعت عيونه وهو يناظرها واقفة/خير وش فيك واقفة للحين!!روحي سحايب شدت على يديها بتوتر وهي تدور عذر لفواز ذهب/ابي اقولها شي انا بعد!! فواز/بعدين قولي اللي تبين روحي الحين ذهب ماردت وصدت بوجهها بعناد فواز قطب جبينه/عناد هو!! ذهب ساكتة فواز/ذهب!! ذهب/ماني رايحة لايرتفع صوتك وتجي امي بس!! عاصم وقف/خالي فواز فواز التفتت له/خير عاصم/جدي يبيك فواز/طيب جايه عاصم باصرار/الحين فواز قطب جبينه/صاير شي؟ عاصم/رجال واجد ويبيك الحين فواز تنهد/طيب/ناظر ذهب وهمس/قولي لها لحد يشوفها لحد ماتتصرف انا سمعتي؟ ذهب كشرت/ليش وش بتسوي الحين بعد؟!! فواز بتهديد/لو يصير شي مااعرف غيرك ياذهب ذهب تناظره بقهر عاصم رفع صوته/ياخال!! فواز التفتت له وبحدة/جاي جاي وش فيك!!/مشى/ عاصم مشى وهو يرجف من الكذبة اللي قالها لخاله لكن اهم شي امه ونسى انه جاي يبلغ امه بوصول ابوه اللي يبيها برا ذهب ناظرته وهو يبعد وقفت عند الحمام وهمست/راح خلاص ياسحايب اخرجي سحايب فتحت الباب بوجهها المخطوف/وش قال؟ ذهب/وش قال يعني اكيد بيتدخل بالموضوع كالعادة . {مجلس الشعر} سلطان المبتسم المحيي بصوته الجهور بضيوف ابوه اللي هم ضيوفه من الاصل وبيده الفناجيل وترمس القهوة/حي الله ياحيهم حي الله ضيوف ابو سلطان ابو فواز منجلط من الضيوف اللي يتوافدون لبيته بدون علمه احتدت نظرته وهو يسمع(ابو سلطان)من سلطان سلطان انحنى وهو يمد يده لابو ماهر/فنجالك ياعم؟ ابو ماهر عن يمين ابو فواز يناظر سلطان بابتسامة/سم سم سلطان/سلمت ياعم ابو ماهر/والله للحين ماني مصدق شوف على عيني ابو راضي اللي جالس جنب ابو ماهر ضحك/سويت مثلي مديت عمري يوم شفته سلطان مد الفنجال بابتسامة لابو مـاهـر بفرحة من هالقلوب الطيبة اللي ماتغيرت عليه/سم ياعم احمد سم سلطان التفت لابوه بابتسامة/فنجالك ياابو سلطان ياتاج راسي ابو فواز مد فنجاله وهو يكتم غيظه ابو عمر اللي يسمع كلامهم اللي واضح به كمية الحب الكبيرة لهالانسان التفت لابو فواز اللي جنبه بابتسامة/الله يهديك ياابو فواز/ضحك/اقصد ابو سلطان كم لنا وحنا نقول ابو فواز نظنه اكبر عيالك ظلمنا هالاجودي ماشاء الله عليه الله يبارك لك بهم ياابو سلطان ابو فواز ابتسم ونطق مجبور/كلهم فيهم الخير والبركة سلطان ابتسم من كلام ابوه مد الفنجال لابوه/سم ياعين سلطان ابو فواز اخذ الفنجال ونزله بصمت سلطان ابتعد عنهم ابو عمر بغبطة وهو يناظر لابو فواز/ماشاء الله تبارك الله يازين حظك ياابو سلطان الله يبارك لك مانسمعها منهم وهم صغار خلها على كبر عاد!!/ضحك بخفة/ ابو راضي بابتسامة/صدقت صدقت من يوم يومه وهو لسانه حالي لاهله الله لايغير عليهم ابو فواز اكتفى بابتسامة وهو يعتبر نفسه ضيف بهالعشا سلطان جلس جنب نايف نايف هادي منزل عيونه عالارض بوسط افكاره وشلون يفاتح سلطان بفعول سراج وهو يدري بردة فعله اكيد نفسها مايتغير سلطان سلطان دق جنب نايف بكوعه/هيه ولد نايف التفت له وابتسم سلطان بشك/وش فيك؟ نايف بلغة الاشارة/مافيه شي!! سلطان زفر وهو شاك فيه لكن اللي شاغله الحين شي اكبر وبملامح محتدة وهو يثبت عينه عاللي جالسين قباله/ذاك راضي عرفته ماتغير بالحيل لكن اللي جنبه ساجي صح؟ نايف هز راسه بايه وهو يناظرهم راضي جالس بملامح هادية عكس نفسه الضايقة من وجوده وهو مثبت عينه عليه يناظره وشلون للحين هو نفس الشخص ماتغير ولا شي وشلون ساجي التفت لراضي وهمس/ابوي متى بيكلم عمي؟!! راضي احتدت ملامحه والتفتت له/وبعدين معك!!وقته الحين!!اصبر شوي لاامشي واتركك!! ساجي صد بوجهه بتكشيرة وهو يسكت فواز دخل للمجلس وابتسم من التقت عيونه براضي/السلام عليكم/واتجه لابوه وميل فمه بانزعاج من وجود نايف والتقت عينه بعين سلطان اللي جنبه وارتسمت تكشيرة على وجهه وهو يناظره/ سلطان حرك حواجبه فوق وتحت بابتسامة وهو يناظره فواز اخذ نفس وهو يتحكم بنفسه ويرسم ابتسامة على وجهه ومتجه لابوه وقف وانحنى يسلم على ابوه واللي حوله/سم يبه امرني ابو فواز ناظره باستغراب من كلامه ورد/شف ثابت وينه وعاون اخوك سلطان اتسعت عيونه وسط ابتسامة من الفرحة باللي قاله ابوه راضي قطب جبينه بهدوء فواز انصدم وهو فاهم قصده ابوه/اي اخو!! ابو فواز/سلطان!! سلطان فز واقف من فرحته وهو يأشر لفواز بيده بابتسامة/رح يااخوي رح شف اصغرنا وينه رح فواز اتسعت عيونه وهو يناظره راضي/ثابت الحين يجي تعال يافواز حياك سلطان كشر بوجهه وهو يسمع راضي وانحنى لترمس الثلاجة والفناجيل وشالها واعتدل بوقفته ومشى باتجاههم فواز اتجه لراضي سلطان اللي وراه فواز بخطوة بملامح وجهه الجدية وهو يتجه لهم ويفتح غطا الثلاجة لاخر شي وتصنع العثرة من قرب منهم وبفجعة مرتسمة عليه باتقان/بِسْم الله!! //تطايرت القهوة والفناجيل من يده وانكبت على راضي وساجي وتحولت الثياب البيضا لصفار القهوة غير الفناجيل اللي ضربت كلها بساجي المقصود من هالحركة تحديدا واعتلى المجلس باصوات الرجال:حصل خير..طاح الشر..سالمين سالمين..بعدوينكم..// فواز وقف بصدمة نايف كتم ضحكته وهو يناظرهم راضي انعدم اسفل ثوبه ورافع طرفه شوي لفوق ساجي اللي توجع من ضربة الفناجيل غير القهوة اللي انكبت على ثوبه وبلسعة حرارة خفيفة برجوله ويديه منها سلطان بوجهه المقلوب وهو يمسك ساجي من يده ويضغط عليه بقوة ساجي رفع عيونه يناظره باستغراب من مسكته القوية سلطان/عسى ماأوجعتك بالحيل!! ساجي سحب يده منه/حصل خير حصل خير سلطان رجع مسك يده وضغطها وهو لو عليه كسرها لكن جدته مانعته وهزه بقوة واضحة للكل/عسى ماتعورت ياابن الحلال لاتفجعني بك راضي بحدة/حصل خير ياسلطان سلطان ترك ساجي وناظر راضي بابتسامة/انا اقول تروحون لبيوتكم وتبدلون وعشاكم يوصل لعندكم راضي احتدت نظرته/تطردنا؟!! سلطان/حاشاك!!محشوم!!لك بدل المفطح حاشي!!وابشر بعزك انت وهو/ابتسم/واهمها اهلك معك المرة الجاية حياكم عالحاشي اللي يسر خواطركم فواز الي فهم الوضع احتدت نظرته ابو فواز اخذ نفس وزفره وهو يشد قبضته ابو راضي ميل فمه ماغاب عنه مقصد سلطان ابد راضي وقف وبعصبية/قم ياساجي قم المكان اللي تنطرد منه مانرجع له ابد!! ساجي وقف بضيق سلطان بوسع عيونه/استغفر الله!!متى قلته/التفت لابو راضي/خلك شاهد ياعم!!/ناظر ابوه/شاهد يبه!!/ناظر راضي/محشوم وقدرك اكبر من كم حاشي ومفطح ياولد الـعـم وحنا اهل جيب خالتي والبنات وابشروا بعزكم راضي عض شفته وهو فاهم قصده زين يتعمد قطع الصلح بدون وجود امهم ناظره وهو يتوعده بنفسه مايتركه له ومشى بخطواته السريعة خارج ساجي مشى وراه بضيق وهو يشوف الموضوع يتعقد اكثر سراج اللي واقف على باب المجلس من فترة يناظره بوسع عيونه مصدوم من وجوده وزادت صدمته اكثر بالموقف اللي صار قدامه راضي وقف قباله وبحدة/الطريق لاهنت سراج ابتعد عن طريقه عن جنب وهو يناظر كمية الزعل فواز ناظر سلطان بحدة وخرج ورا راضي ابو راضي زفر وهو يوقف/كثر خيركم ياابو سلطان ابو فواز اتسعت عيونه ابو راضي/عساه قهوةٍ دايمة وخيرٍ عامر اعذرونا هالمرة ابو فواز وقف/وش هالكلام يامحمد!!اجلس يارجال اجلس واترك هالامور عنك!! سلطان اسرع بخطواته وهو يمسك ابو راضي/لاااا والف لاااا الا انت ياعم محمد والله مانعذرك/باس راسه/غالي وطول عمرك عزيز وغالي وانت عارفه ياعم محمد ابو راضي تنهد وهو مايلوم سلطان عاللي سواه/وشلون اجلس وانت خابر مالي وجه ياسلطان سلطان سلم عليه من جديد/محشوم ياعم والله محشوم وقدرك على راسي من فوق ويشهد الله على غلاتك ياعم ابو راضي زفر ابو فواز مسك يد ابو راضي وباصرار/اجلس وخل عنك العيال هم يحلون امورهم بينهم يااابن الحلال اجلس بس ابو راضي اخذ نفس بتردد ابو فواز جلس وهو يسحبه معه يجلس/يارجال والله ماجلست بعدك مشيت معك!!صاحي انت!! سلطان ابتسم وهو يناظر ابوه وعمه التفت وناظر سراج واتسعت عيونه باستغراب صحيح تغير شكله شوي لكن مثل مـاهـو/هلا ياهلا!!ياحياك الله حاتم احتدت ملامحه وهو يناظره ابو ماهر قطب جبينه بحدة وهو يناظر وساعة وجهه وبروده نايف احتدت ملامحه وهو يشد على قبضته سراج تنحنح/السلام عليكم/دخل وهو يرمي نظراته اللي عن طرف وكلها سخرية لنايف وكمل طريقه وهو يسلم على الموجودين واخرهم سلطان اللي سلامهم لبعض رسمي جدا/ سلطان/حياك استريح سراج اللي واقف قباله ناظره وهمس/بغيت الاهل لاهنت سلطان اللي يتمنى يشوف سحايب من وصلت مالمح لها اثر ابتسم بفرحة من الطلب اللي يحقق امنيته/ابشر الحين اروح سراج توتر ومسكه/لا لا مـاهـو بأنت انا ارسلت عاصم وبس شف لي الطريق/ابتسم وهو يناظر ثابت/خلاص استريح هذا هو ثابت/اسرع بخطواته بدون لايترك مجال لسلطان يرد عليه ووقف قبال ثابت/شف لي الطريق ياولد ثابت يناظره بحقد فوق سواياه يستغصره للحين سلطان وقف وهو يمسك ثابت وبوناسة/مشينا نشوف له الطريق ثابت اتسعت عيونه بصدمة سلطان اسحبه من يده ماترك له مجال يرد . الـعـم يُسر جالس بالسيارة وهو مبتسم ومبسوط فاتح الدرج السيارة اللي قباله وهو يحوس به يدور سعد بابتسامة/الله يابيي لو اني اشوف هالضحيكة لي الـعـم يُسر وهو يخرج اللي بالدرج/تبطي ماتستاهلها سعد زفر بابتسامته/مـاهـو بمشكلة يحق لك تنبسط وراضي بقولك الليلة الـعـم يُسر التفت يناظره بحدة ورفع عكازه لسعد/ياالسروق وينها به عودتي؟!! سعد مسك عكازه/وش تبي بها ريحتها تصدع بالراس يبه!! الـعـم يُسر دفه بالعكاز سعد تحرك بخفة وهو مثبت العكاز بيده الـعـم يُسر/وش عليك انت لي ولا لك!!وينها به لااتطيب بدمك الليلة سعد/اعوذ يالله يبه ريحتها شينة ماهي بزينة الـعـم يُسر/اعقب وينها به اخلص سعد زفر وهو ينزل يده لتحت المقعدة اللي هو جالس عليه وخرجها ومدها له/يابيي والله ريحتها تمرض الـعـم يُسر وهو يسحبها من يده بقوة/اللي تمرض ريحتك اسكت عني سعد تنهد وهو يخرج عودة ثانية/تطيب بذي ازين يبه الـعـم يُسر اخذها منه وهو يناظره بشك وشم ريحتها واعجبته وفتحها سعد ابتسم/ايه خابر خابر انها بتزين لك شفت اني طيبي ازين منه!! الـعـم يُسر/من وين لك يالسروق هاه هاه؟ سعد كشر/ماسرقت يبه عمتي مريم شرتها معي نقصت فلوسي وزادتهن لي الـعـم يُسر/هذا كبرك وتاخذ من مرة ضعيفة!!عيب عليك عيب!!صدق ماتستحي!! سعد/كله منك يبه المفروض تزيد راتبي الـعـم يُسر بحدة/اقطع!!/رمى العودة عليه/هاك طيبك مـاهـو من زينه سعد/ايه خلصت منه قمت تذمه!! الـعـم يُسر فتح الباب ونزل بابتسامة/الليلة النفس طيبة ماني بقايل شي لك/تنحنح واتجه لبيت ابو فواز/لااااإله الا الله سعد نزل ومشى وراه . {غرفة ذهب وسجايا} عاصم اللي رجع لامه دق الباب ودخل سحايب متمددة عالسرير ومتغطية عاصم/نايمة يمّه؟ سحايب فتحت الغطا اللي تعذبت معه وناظرته/هلا يمّه عاصم/يمّه ابوي تحت سحايب تغير وجهها عاصم/ويبيك سحايب/ماقال وش يبي؟ عاصم/لا بس هو مسكني وقال ان ماجت امك ياريلك لو شفتك سحايب زفرت وهي تدري انه يسويها يضربه وسطهم عادي ويختلق اي عذر وقفت وهي تاخذ عبايتها اللي جنبها وتلبس/انتظرني تحت لاتروح عاصم خرج وقفل الباب وراه سحايب تلبس عبايتها والتفتت للباب اللي انفتح واتسعت عيونها بصدمة وبلعثمة/أأنـ.ـاا . {برا بيت ابو فواز} فواز يلحق راضي وساجي/اصبروا يارجال وش فيكم لااله الا الله راضي وقف عند سيارته وزفر والتفتت له وبغبنة/يرضيك المهانة يرضيك!! ساجي سكت ماتكلم فواز/مايرضيني لا والله راضي/ايه واضح وانت سكت له لو انه انت اللي انقال لك هالكلام توطيت باللي نطق به لخاطرك مابقي الا اشكاله تهيني!! فواز احتدت نظرته وتحرك بقلبه شي بسيط من عدم الرضا/مايلام سلطان عاللي سواه وترا هاذي اختنا وانتم ناوين تاخذ حقنا على عيون الرجال وتمنعونا منه!! راضي يناظره بصدمة/وشو!! فواز/هالمواضيع لها اصول والاصل امك وخواتك يجون قبلكم كلكم ومثل ماقال لك سلطان حقكم اكبر من كم الحاشي ومفطح!! راضي/هاذي تاليتها يافواز!! فواز/وش تاليتها!!الله يحييك انت واهلك ووقتها لكل حادث حديث ياراضي راضي ناظره بحدة/انا الغلطان اللي عديتك اخو وانت ترضى لي المهانة بأحقر الاسباب!! فوازاحتدت ملامحه/اختي فوق راسك انت وياه غير الكلام اللي سمعته ماعندي/لف عنه وتركه/ راضي انصدم وهو يناظره وركب السيارة وبحدة لساجي اللي واقف عند باب الراكب وملتزم الصمت وبصرخة من قهره/اركب وش تنتظر اركب!!! . ((بيت ابو فواز)) الـعـم يُسر دخل لمجلس الشعر ووراه سعد وباستقباله نايف وحازم اللي رحب فيهم بعد ماناداه نايف يترجم لهم وش يقول ودلهم للمجلس/السلام عليكم يالوجيه الطيبة //اعتلت الاصوات بالترحيب// نايف تركهم ووقف برا المجلس وهو ينتظر على احر من الجمر الـعـم يُسر جلس بعد ماسلم سعد جلس جنبه/ها يبه وينه؟ الـعـم يُسر/اوص يامال اللي ماني بقايل اوص سعد كشر/طيب طيب بأسكت ابو فواز يناظره باستغراب/حي الله الضيف ياحيّه الـعـم يُسر/الله يحييك ويسلمك المعذرة اللي جيناكم بليا عزومة ابو فواز/البيت بيتك حياك الله بين اهلك وناسك ياابو؟ الـعـم يُسر بابتسامة/ابو حمد ابو حمد . {باب المطبخ} سلطان واقف جنب الباب ومتكي بظهره عالجدار ومتكتف وهو يكبح شوقه لسحايب ثابت واقف جنب سلطان متوتر وهو يدعي ان سحايب ماتنزل بعد مااستقبلهم عاصم عند الباب وبلغهم انها جاية سراج واقف قبال الباب نشف ريقه وهو يدور الف عذر وعذر من هالليلة اللي مابتمر عليه على خير بوجود هالسلطان اللي ماتوقعه سحايب بعبايتها وطرحتها اللي على اكتافها فتحت الباب وخرجت له ثابت رجف قلبه وهو يلتفت لسلطان متاكد المصيبة اليوم ماهي بوحدة اليوم مصايب سلطان اعتدل بوقفته بوسط ابتسامة عريضة واختفت الابتسامة وتجمدت ملامحه من الصدمة وهو يناظر وجهها سحايب اتسعت عيونها وهي تناظره وهمست/سلطان!! سلطان التفتت لسراج وهو شاد قبضته اللي تهتز وسط عيونه اللي جاحظة من غبنته ويكلم سحايب/اهله؟ سحايب سكتت سلطان التفت لها وصرخ فيها/اهله؟ سحايب فزت من صرخته وغرقت عيونها دموع سراج بحدة/لاتدخل اهلي سلطان زفر بضحكة وهو يلتفت له/يعني انت؟!! سراج/مالك بيني وبين اهلي سلطان مسكه من ياقته بكل مافيه من غضب وهو يرفعه ويرميه عالارض بكل قوة سراج تفاجأ من سرعة سلطان ولاقدر يتصرف عض شفته من وجع ظهره اللي ارتطم بالارض سلطان جلس فوقه وهو يلكمه بكل حقد/يالخسيس تمد يدك عليها سراج رفع يديه يدافع عن نفسه يحاول يبعد هالمجنون اللي يحسه جبل فوقه ولايتحرك شعرة ثابت ترك سلطان وهو ينتظر هاللحظة لسراج من زمان سحايب مسكت يد سلطان وبصراخ وسط دموعها وبترجي/وقف لاتضربه لاااا ياسلطان بيفتري فيك تكفى سلطان سحب يده منها ودفها وهو يضربه بدون اهتمام ببكا سحايب وترجيها ثابت اللي يتظاهر بمحاولته بفك سراج من يدين سلطان تركه وهو يحاول يشفي غليله من هالسراج شوي ام فواز اخذت نفس وهي تكتم قهرها من سراج وبهدوء/سلطان سلطان ماوقف وهو مستمر يأدب هالسراج على فعلته ام فواز صرخت/سلطان سلطان مثبت سراج وهو يلتفت لامه بغيظه ماهدا/الاعوج اعوج يمه ماينعدل ابد ام فواز بحدة/سلطان!! سلطان ماهدا ووقف ضرباته مجبر وهو يسمع صوت امه الغاضب ام فواز/ابعد عنه ياسلطان سراج ابتسم وهو يناظره وسط فمه اللي ينزف سلطان بقهر وهو ماسكه من ياقته/يمّه ضرب سحايب يمّه مـاهـو باهله هو مد يده هو للحين للحين ماتعدل!!تركته مرة تبيني اتركه الحين!! ام فواز بحدة/قوم!! سلطان دفه وهو يوقف ويناظره بحقد ام فواز مسكت سلطان من يده وهي تمنعه تدري باي لحظة ينفلت ويذبحه هالمرة سراج وقف وهو يمسح فمه بكم ثوبه وبابتسامة/ايه ياخالة ايه عقلي هالارهابي //الكل احتدت نظراته له من وقاحته// سراج مكمل/اللي ماعقله السجن عقليه!! سلطان يرجف من كثر غيظه وهو يسحب يده من امه ويناظره/اتركيني يمّه ام فواز ماسكه سلطان بقوة وهي تناظر سراج بحدة سراج/بعد اللي سواه ناوي اشتكيه وارجعه لمكانه يمكن يعقل!!لكن لخاطرك ماني بمشتكيه!!ودام حفظت الخاطر حقه يتعذر لي وانتي ادرى بالحقوق وسنعها ام فواز ابتسمت/ايه صدقت انا ادرى بالحقوق واسنع الناس بحفظها ياسراج صادق سلطان التفت لامه وبغيظه/يمّه!! سراج زفر بابتسامة كلها سخرية وهو يناظر سلطان ام فواز تركت يد سلطان وسددت كف بكل قوتها لخد سراج وبغبنة/وهذا أول الحقوق من خالتك ياسراج!! #سلطان_الهوى_يافتنة_الألفية . | ||||
|
| |
 |
| أدوات الموضوع | |
| انواع عرض الموضوع | |
|
|
162Likes
العرض العادي
