آخر 10 مشاركات
499 - أكثر من حلم أقل من حب -لين غراهام - أحلام جديدة جديدة (الكاتـب : Just Faith - )           »          انتقام النمر الأسود (13) للكاتبة: Jacqueline Baird *كاملة+روابط* (الكاتـب : * فوفو * - )           »          قيود الندم -مارغريت بارغيتر -ع.ج-عدد ممتاز(كتابة/كاملة)** (الكاتـب : Just Faith - )           »          حياتي احترقت - فيفيان لي - ع.ج ( كتابة / كاملة )** (الكاتـب : عروس القمر - )           »          32 - ليلة ثم النسيان - باني جوردان عبير الجديدة (كتابة /كاملة **) (الكاتـب : dalia cool - )           »          202- لن تعيده الاشواق - لي ويلكنسون (الكاتـب : Gege86 - )           »          شيء من الندم ..* متميزه و مكتملة * (الكاتـب : هند صابر - )           »          سارق قلبي (51) -رواية غربية- للكاتبتين: وجع الكلمات & ولقد أنقذني روميو *مكتملة* (الكاتـب : قلوب أحلام - )           »          في قلب الشاعر (5) *مميزة و مكتملة* .. سلسلة للعشق فصول !! (الكاتـب : blue me - )           »          سيدة القصر- سلسلة زواج لأجل الإرث -نوفيلا غربية زائرة-بقلم الجميلة روما-(مكتملة) (الكاتـب : ريهام ماجد جادالله - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree2373Likes
إضافة رد
 
LinkBack أدوات الموضوع انواع عرض الموضوع
قديم 02-10-22, 04:56 PM   #161

نجوى طايل

? العضوٌ??? » 479522
?  التسِجيلٌ » Oct 2020
? مشَارَ?اتْي » 44
?  نُقآطِيْ » نجوى طايل is on a distinguished road
افتراضي


كنت متوقعة البطله تدخل طب روايه رائعه جدا البارت الجديد امتى

نجوى طايل غير متواجد حالياً   رد مع اقتباس
قديم 02-10-22, 09:35 PM   #162

أبوي عزي وفخري

? العضوٌ??? » 336934
?  التسِجيلٌ » Feb 2015
? مشَارَ?اتْي » 36
?  نُقآطِيْ » أبوي عزي وفخري is on a distinguished road
افتراضي

جاني إحباط من نسبتها.. يارب يطلع في غلط، بالموضوع

أبوي عزي وفخري غير متواجد حالياً   رد مع اقتباس
قديم 02-10-22, 10:08 PM   #163

غدا يوم اخر

? العضوٌ??? » 5865
?  التسِجيلٌ » Apr 2008
? مشَارَ?اتْي » 1,152
?  نُقآطِيْ » غدا يوم اخر is on a distinguished road
افتراضي

اقتباس:
المشاركة الأصلية كتبت بواسطة أبوي عزي وفخري مشاهدة المشاركة
جاني إحباط من نسبتها.. يارب يطلع في غلط، بالموضوع
هذا ام سليمان حسدتها وهي ماره لاول اختبار الله يستر علي بيلسان مايصير في مخها مرض
سبق لام سليمان حسدت خزامة اول ماولدت بيلسان يوم تطيح مريضه وهم في كارثه السيوله واكتشفوها وهم يقرون قران عليها


غدا يوم اخر غير متواجد حالياً   رد مع اقتباس
قديم 04-10-22, 04:49 PM   #164

صل على النبي محمد
 
الصورة الرمزية صل على النبي محمد

? العضوٌ??? » 404607
?  التسِجيلٌ » Jul 2017
? مشَارَ?اتْي » 2,174
?  نُقآطِيْ » صل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond reputeصل على النبي محمد has a reputation beyond repute
افتراضي

اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد

لا تنسوا الباقيات الصالحات

سبحان الله

الحمد لله

لا إله إلا الله

الله أكبر

لا حول ولا قوة إلا بالله العلي العظيم


صل على النبي محمد غير متواجد حالياً  
التوقيع
لا إله إلا الله وحده لا شريك له
له الملك وله الحمد وهو على كل شيء قدير
رد مع اقتباس
قديم 04-10-22, 06:11 PM   #165

امواج الخريف
 
الصورة الرمزية امواج الخريف

? العضوٌ??? » 394492
?  التسِجيلٌ » Mar 2017
? مشَارَ?اتْي » 115
?  نُقآطِيْ » امواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond reputeامواج الخريف has a reputation beyond repute
افتراضي

رواية جميلة تسلم ايدك بس احبطينا بالنتيجة مو لهدرجة نسبة متدنية اصبحنا نتمنى يكون حلم يعنى جدها كول عمرة يقرا الارقام غلط يوم النتيجة يقرا الرقم صح انا والله قلت يمكن يكون غلطان وتكلع 96 مو 69 بما انها رواية وخيال يمكن تصير معجزة ويتعدل الرقم .... مشكورة على الرواية الحلوة

امواج الخريف غير متواجد حالياً   رد مع اقتباس
قديم 04-10-22, 07:17 PM   #166

الخلووود°`

? العضوٌ??? » 499965
?  التسِجيلٌ » Mar 2022
? مشَارَ?اتْي » 59
?  نُقآطِيْ » الخلووود°` is on a distinguished road
افتراضي

انا اتوقع الجد قرأ الرقم غلط ونسبتها ٩٦لأنه سبق انه مره قرأ نسبتها خطأ في سنه من سنوات دراستها قال نسبتها ٦٠ وهيه كانت ٩٠واعتقد بعد راتنقبل فالطب

الخلووود°` غير متواجد حالياً   رد مع اقتباس
قديم 09-10-22, 02:45 PM   #167

دروب ال

? العضوٌ??? » 419433
?  التسِجيلٌ » Mar 2018
? مشَارَ?اتْي » 113
?  نُقآطِيْ » دروب ال is on a distinguished road
افتراضي

مافي فصل اليوم؟

دروب ال غير متواجد حالياً   رد مع اقتباس
قديم 10-10-22, 12:35 AM   #168

الراهفه

? العضوٌ??? » 505469
?  التسِجيلٌ » Jul 2022
? مشَارَ?اتْي » 12
?  نُقآطِيْ » الراهفه is on a distinguished road
افتراضي

في شى مو طبيعي احس ذيك "ناسيه اسمه" اللي كانت حاقده على خزام هي اللي مسويه سحر + احس نسبه بيلسان 96 مو 69 والجد شافها غلط😂😂😂

الراهفه غير متواجد حالياً   رد مع اقتباس
قديم 11-10-22, 12:11 AM   #169

ضاقت انفاسي
 
الصورة الرمزية ضاقت انفاسي

? العضوٌ??? » 351847
?  التسِجيلٌ » Aug 2015
? مشَارَ?اتْي » 222
?  نُقآطِيْ » ضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond reputeضاقت انفاسي has a reputation beyond repute
افتراضي

بارت ١٣



في اليوم الثاني ..جالسه على فراشها وتناظر ليان مستغرقه بالنوم ...ما هي متعوده تنام لوقت متأخر ...ما تدري وش تعمل...فكرت تبادر مبادرة جميله وتجهز لهم الفطور لوقت يصحون بما إنه اليوم جمعه وإجازه ...
قررت بالاول تصلي الضحى وبعدها تطلع ...
بعد وقت قصير وضعت جلال الصلاة على السرير
واقتربت من المرايه ناظرت شعرها بعبوس كالعاده متطاير بالرغم من نعومته.. مشطته وربطته جدوله ...هزت رأسها برضا وتوجهت للمطبخ ...
بدأت تقلب هنا وهنا وتبحث عن الاشياء الي تحتاجها ...تحس تجهيز الفطور اخذ منها وقت طويل ..وهي تبحث عن الاغراض ..ما تدري ليه كل هالبذخ بالمطبخ...ادوات غريبه عجيبه ما تتوقع يستعملونها ..والغاز بصعوبه حتى عرفت تشغله..ما تدري ليه كل هالتعقيد ! حريم يحبون التعقيد وتعب البال ...
ناظرت الفطور برضا ...طلعت من المطبخ حست قلبها وقف وهي تشوف ابوها طالع من جناحه...ناظرها باستغراب: صاير شيء؟!
هزت رأسها بالنفي وبهدوء نطقت: جهزت الفطور
ناظرت خزامى الي طلعت من خلفه ..وبعبوس نطقت: وش هببت بالمطبخ؟!
وليد بهدوء نطق: صحي اخوانك للفطور!!
توجهت بيلسان لغرفتها تصحي ليان متجاهله خزامى الي توجهت للمطبخ تتفقده!!
بعد وقت قصير اجتمعوا على سفرة الاكل ...ناظرت بيلسان خزامى وهي تجهز القهوة ..وبهدوء نطقت: جهزت القهوة
خزامى قاطعتها بهدوء: ابوك ما يشرب الا قهوتي الصبح!!
ناظرتها للحظات وبعدها ناظرت أبوها الي يقلب بالجوال بهدوء!!
ناظرت إخوانها ما احد مد يده للاكل ... وباستغراب نطقت: وش فيكم تحتاجون عزيمه...ليان أصب لك شاهي؟!
ليان زمت شفتها : ما لي نفس بشيء!!
رفعت حاجب باستغراب وناظرت لجين: وش فيك ما تأكلين؟!
لجين مطت شفتها بجعرفه: ما نأكل الا الي تجهزه ماما ..ما نحب أكل اهل القرية واااع
حست بالصدمه من كلامها وناظرت وليد الي نطق بحزم: وش هالكلام؟!
بسرعه تناولي فطورك؟!
عبست ملامحها بانقراف: بابا
وليد بملامح غاضبه: لجين
هزت رأسها بطاعه ..اخذت قطعة من الخبز حتى تأكل..بس يد بيلسان كانت أسرع ..سحبتها وهي تنطق بنبره حاده: لا تأكلين بلاه يصيبك تسمم وتموتي علينا يالنظيفة ...قومي جهزي فطورك بنفسك!!
خزامى وضعت القهوة امام وليد وهي تنطق بانتقاد: وش فيكم على البنت ؟!
توجهت خزامى تجهز لها : خلاص انا اعمل لها ساندويتش أو توست
قاطعتها لجين: ابغى ساندويتش!!
ما فاتتها عيون رعد وعبود الي يبغون يطلبون من خزامى بس سكتوا وما طلبوا!
حست إنها ليان مجاملة مدت يدها وبدأت تفطر بهدوء ....نزلت نظرها بيلسان والهدوء يغلفها ومن داخلها غصه ..ماسكه نفسها بصعوبه ما تقلب الطاوله على رأسهم....
سكبت لنفسها شاهي متجاهله الوضع تشوف نهايتها...وعيونها تتسارق لوليد اكتفى بالقهوة الي جهزتها خزامى!!
جلست خزامى وهي تسكب لنفسها من القهوة الي جهزتها بنفسها!
تحس بيلسان إنها بحاجه لشيء بارد يطفي النار الي بداخلها ...ما تعرف تسكت ...بغت تتكلم بس سكتت لاخر لحظة وهي تحس الكلام بدون معنى ...
اخذت كوب الشاهي وانسحبت بهدوء من المكان ....توجهت للغرفة وهي تحس بالاختناق ورح تضعف وتبكي بأي لحظة...اقتربت من الشباك ..شافت جدها بالحديقة جالس..قررت تجلس عنده...وتغير من نفسيتها ....
لبست عبايتها ونزلت بخطوات هادئة وتوجهت للحديقة ..اول ما لمحهاابتسم لها بمحبه:احلى صباح والله!
ابتسمت له وهي تنطق : ربي يحفظك !
اقتربت منه قبلت رأسه وجلست وبيدها كوب الشاهي ..نطق بروقان: كان حسبتي حسابي
قاطعته وهي تهم بالقيام : اروح
قاطعها: لا والله ما تروحين ...خلاص حطي شوي لي بهذا الكوب!
هزت رأسها وهي تنطق باستغراب: جالس لوحدك؟!
نطق وهو يأخذ منها الشاهي: أحب الصبح أجلس هنا!!
نطقت وهي تناظر المكان بهدوء: وين جدتي ؟!
ابتسم : ما تعرفين جدتك يوم الجمعه لزوم من الصبح تبدأ تحضيرات الغداء ..نرجع من الصلاة لزوم كل شيء يكون جاهز!
هزت رأسها بتفهم ..وعم الصمت للحظات ...نطق بنبرة هادئة: مرتاحه هنا؟!
مطت شفتها بسخرية من هالسؤال ..وبمجامله نطقت: الحمد لله!!
هز رأسه وهو يكرر: الحمد لله !!
وش ناويه تدرسين بالجامعة ؟!
زمت شفتها بضيق من هالسيرة كل ما أحد يفتحها يتجدد حزنها وخيبتها على تعبها الي راح بالهواء: أي تخصص ما هي فارقه معي!!
حس نبرة الضيق بصوتها ...وبمواساة نطق : لا تزعلي من وليد اذا قسى بالكلام ..حلمه يشوف بناته بأفضل التخصصات!
عاد تدرين ايام الثانوية جنني وحنا نحصره حتى يدرس .. وبطلوع الروح حتى يدرس ولما درس بالجامعه نشف ريقنا حتى يدرس ويتخرج...سبحان الله الآباء كذا طبعهم ...بحياتهم يكونون ما هم مهتمين..بس لما يصير عندهم عيال يبغون عيالهم يكونون الاوائل ..يا اخي ليه ما صرت دكتور حتى عيالك يقلدونك؟!!
ضحكت بيلسان بخفه على كلامه ...وبتساؤل نطقت: ليه ما كان يبغى يدرس!
أبو فيصل عبس ملامحه من الماضي..وبتكتم نطق: تقدرين تقولين إهمال ... يبغى يعيش حياته مثل المراهقين.. يعني تقدري تقولين كان عنده مراهقه وامتدت سنوات!
ضحكت من قلبها على ملامح جدها وهو يتكلم ... اختفت الضحكة لما اقترب وليد بخطوات هادئة وهو ينطق: لا تضحكين بصوت عالي !
ابو فيصل بروقان: ما في احد كل العالم نايمه!!
وليد جلس جنب ابوه وهو ينطق: حتى ولو ... الجلوس برا له آدابه واحترامه!!
أبو فيصل يغير الموضوع: اليوم أمك عزمت الكل هنا؛
هز رأسه: شفتها الحين وخبرتني!!
وهذا مسعود اول الواصلين ..مستعجل!
ختم كلامه بضحكه ساخره ..عبست ملامحها لاسم هالشخص كرهته بدون ما تشوفه ...
وقفت ترجع للداخل ... ابو فيصل أشر لها تجلس: ما هي حلوة لما شفتيه دخلتي...اجلسي ما رح يأكلك!!
زمت شفتها بعدم رضا ...جلست وهي تشوف نظرات أبوها وهو يؤشر لها تجلس وما تتحرك!!
جلست بعبوس وهي تسمع مسعود ينطق بروقان: وش هالنشاط هذا يا عمي؟!
وليد ابتسم : تظن إني مثلك طول وقتك نوم ...غريبه إنك صاحي من الصبح!!
نطق بروقان: والله مواصل من البارحه ... لأني اعرف نفسي اذا نمت رح تفوتني صلاة الجمعة...قلت اصلي وبعدها أناااام!
ختم كلامه وناظر بيلسان :كيف حالك بيلسان؟!
ردت بجمود : بخير!!
جلس وهو ينطق بضحكه: واخيرا شفنا بنت العم!!
كيف سلطان تخلى عنها وأرسلها!!
ابو فيصل بهدوء: البنت مصيرهاترجع لأهلها .. وباكر تدخل الجامعة هنا أقرب لها
ضحك غصب عنه مسعود وهو ينطق: والله مع هالمعدل ما ادري وش رح يطلع لها !!!
وليد انتفخ وجهه بضيق ونطق: اذا ما عجبني التخصص رح تعيد مرة ومرتين وألف مرة حتى
قاطعه ابو فيصل بعدم رضا: وش هالكلام؟!
مسعود بجديه: يا عمي اذا البنت عقلها ما هو بالدراسة ومستواها منخفض ما هو بالغصب الدراسة..يعني لو تركت ليان تعيد الثانويه وترفع معدلها هذا شيء معقول .. أما بيلسان يعني مستحيييل!!
انتفخت بيلسان من القهر من وقاحته الي زادت عن حدها ..يتكلم وكأنه حكيم زمانه ...وقفت واستأذنت بملامح متجهمه للداخل!!
مسعود حك رقبته بابتسامة : هذي وش فيها نفسيه؟!
وربي مثلك يا عمي تضحك بالسنة مرة!!
الكشرة دوم مرسومه على وجهك!!
ابو فيصل ناظره بانتقاد: الا قول كلامك مثل وجهك ..يعني احترم مشاعر البنت طالعه من تجربه فاشله..وحضرتك جالس تتريق!!
مسعود عبس ملامحه باستياء من تفكير جده: أنا آسف يا جدي ازعجتك بكلامي!!
**
**
*
دخلت بخطوات هادئة وللحين منزعجه من مسعود وكلامه ...صدق بعض الناس ما تعرف تتكلم ... وقفت لما طلعت خزامى من المطبخ وناظرتها بانتقاد فيه حده: وين كنتي؟!
مطت شفتها بسخرية وكأنها بتحقيق..وبهدوء نطقت: بالحديقة عند جدي
قاطعتها وهي تقترب منها : مرة ثانية ممنوع تطلعين برا هذا الباب بدون ما تعطيني خبر...
رفعت حاجب بتعجب: ليه أنا بمعتقل
قاطعتها بحده: ايه بمعتقل ..اقولك الحمام تستأذنين قبل ما تدخلينه؟!
عقدت حواجبها وعقلها يحاول يقتنع إنها هذي امها مو زوجة ابوها ...زمت شفتها بتعجب من هالحال: عيل تسمحين لي أدخل الحمام؟!
خزامى ارتفع صوتها وهي تلتمس السخريه منها: لا تجلسي تتريقين ...وربي ما تعرفيني اذا عصبت.. والحين روحي للمطبخ نظفيه ..ابغاه يلمع لمع وحياة الكسل الي كنت فيها عند امي راحت !
مسكت أعصابها لآخر لحظة.. وبنبرة هاديه نطقت: ان شاء الله...
تحركت باتجاه المطبخ وهي تحاول تبلع الغصة الي بوسط حلقها من الكره الي يشع من عيون خزامى..وما لقت له مبرر!!
**
**
**
الغداء اليوم لكل العائلة ..الحريم بالصالة الداخليه ...جالسه على سفرة الاكل والضيق بداخلها يتصاعد من خزامى وكلامها قبل ما ينزلون ما تبغاها تفشلها .. ناظرتها وهي جالسه جنب زوجة عمها عبدالله ونافشه ريشها بشكل مبالغ فيه ...
اعطت نظره عامه لكل الموجودين ..الكل متأنق وكأنهم رايحين لمناسبه ..وما كانه اجتماع عائلي وما في احد غريب..المفروض يكونون على طبيعتهم وبساطهتم ...مطت شفتها بسخرية من حال بعض الناس والمبالغة بكل شيء....
نزلت نظرها للاكل وتنهدت من كثر الضيق الي رافقها من لما وصلت للمدينة... بدأت تطلع حرتها بالاكل يمكن تنسى كل شيء!!
قاطع اندماجها بالأكل عائشه وهي تنطق بانقراف: وااااع بيسو انت تأكلين لحم؟!
نزلت الملعقه وهي رافعه حاجب: ما فهمت؟!
ليان بانقراف: كيف تأكلين اللحم ؟!
مطت شفتها بتعجب من حياتهم وتفكيرهم ..وبسخريه نطقت: ليه يعني هذي لحوم بشريه؟!
ريناد توضح لها : حنا البنات ما نأكل اي نوع من أنواع اللحوم!!
نطقت بيلسان بسخريه: يا بعد عمري الرقيقات ما يأكلون اللحوم؟!
بس دام إنكم ما تأكلون اللحمه ليه هذا الأكل هنا ؟!!
وش رح تأكلون!
رؤى وهي تؤشر على الأصناف: نأكل سلطات ومعجنات
قاطعتها بيلسان وقلبها حام من هالبرستيج: حلو خليكم على برستيجكم وأنا خليني على فشاحتي وتخلفي!
ناظرت خزامى تعطيها نظرات حاده ..نطقت بعفويه:
أنا مثل أمي خزامى أحب اللحم .. أبوي سلطان خبرني إنها كانت تأكل كيلو لوحدها من كثر حبها لللحم!!
خزامى تغيرت ملامح وجهها من هالكلام ... وقبل ما تنطق بحرف ..نطقت عائشة باستغراب: خالتي خزامى ما تأكل اللحم
ام فيصل نطقت تنهي الموضوع وهي تشوف ملامح خزامى كيف انقلبت وخاصه قدام سلفاتها طول الوقت تقول ما تأكل اللحم : كل واحد ياكل الي يعجبه وما يتدخل بالثاني...
ختمت كلامها وناظرت بيلسان : عجبك الاكل يا ابنتي؟!
ابتسمت بيلسان وهي تشوف ملامح امها الي اكيد متفشله منها: تسلم يدك يا جدتي وربي لذيذ!!
مسكت قطعة اللحم وناظرت عائشة بابتسامة: اتركي عنك هالخرابيط وعيشي حياتك !!
عائشه عبست ملامحها: تدرين لو اكل لقمه من اللحم الا استفرغ!
ام مسعود وهي تأكل من اللحم: يقولون المرأه الي ما تأكل من اللحوم اثناء الحمل يطلع بالجنين تشوهات!!
رؤى : أكيد هذي اشاعات وما هي صحيحه!!
ام مسعود كشت عليها: خليك على هبلك ..
**
**
**

بعد الاكل جالسه بالصالة ومن الداخل تتراقص تبغى تطلق ذيك الضحكه كلما تتخيل شكل خزامى بعد كلامها...وش هالتفكير تحرم نفسها من أشياء تحبها حتى تظهر للمحتمع إنها برستيج ...ومن متى كان أكل اللحم يخالف البرستيج ؟؛
ما تقدر تفهم تفكيرهم وعقلياتهم ...اخذت نفس وهي تحس بالتخمه ..أكلت كثير واصابها تلبك معوي!
تبغى الفراش وتستلقي على طولها ...اقتربت منها عائشه وهي توزع الشاهي .. وبابتسامة نطقت: اكل الدسم يحتاج شاهي يروق بعدها!
ابتسمت بيلسان لها : وربي جاء بوقته!
خزتها عائشة: والله مو صاحية أحد يأكل كذا!!
بيلسان بهيام نطقت: اموووووووت عليها انا واللحم عشق لا ينتهي!
عائشه عبست ملامحها بقرف: وااااع!
اروح اوزع عند الرجال افضل لي!!
تجنبت النظر لجهة الرجال ...يوصلها صوت اعمامها وبعض الشباب دخلوا ....وصوت مسعود يضحك وهو يتكلم!
ناظرت ليان واقفه وهي تتكلم جهة الرجال بابتسامه: مو أنا الي جهزت الشاهي ..هذي عائشة!!
نطق بعبوس: قلنا لهم ليان تجهزه!!
حست بيلسان السمع عندها ضرب وهي تسمع هالصوت الي تعرفه مضبوط...مسكت نفسها لاخر لحظة ما تلتفت.. متأكدة هو ..بس وش يعمل هنا؟!؛
ليان بضحكه: ما احد خبرني خلاص الاسبوع الجاي !!
نطق بابتسامه: خلاص نص الاسبوع رح أكون هنا واعملي شاهي!!
زمت شفتها بيلسان بضيق ..وهي مستغربه من هالعلاقة بينه وبين ليان والميانه الي بينهم ...ما تدري ليه انقهرت وتضايقت !!
جلست ليان وهي مبتسمه: الظاهر رح أشتغل بكوفي
رؤى قاطعتها: ترى يجاملونك
ليان قاطعتها بابتسامة: من غيرتك!!
جلست عائشة وهي تكش عليها: مالت عليك ..يا زين يدي وكل ما يستوى من تحتها !!
بيسو كيف الشاهي؟!
بيلسان تحس نفسها مرتبكه وبعالم ثاني وبصعوبة مسيطره على ملامحها ولابسه قناع الهدوء ..وبنبره منخفضه نطقت: يعطيك العافية ...ما توقعت يطلع من يدك شيء!!
عائشه فتحت عيونها باستنكار: وقحه...حبيبتي لا يغرك هالرقة والنعومه ..ترى خلفها دكتورة سنعه بكل شيء!
مطت بيلسان شفتها بضجر من غرورها وتباهيها بنفسها ...تمدح نفسها كثير ...
ما علقت ونزلت نظرها وهي تجاهد نفسها ما تناظر لجهة الرجال ....توقعت إنه من الماضي وانتهى من حياتها خاصه بعد انتقالها هنا ... بس وجوده هنا عقلها ما هو قادر يستوعبه ....
يمكن تشابه أصوات وما يكون نفسه... اكيد سمعت غلط والتبس عليها الصوت ...وش يجيب صاحب المزرعه هنا ...لو كان صحيح نفسه كان جدها سلطان خبرها او يعرفه. .وحتى جدها ابو فيصل ما عمره طرى هالموضوع...أكيد سمعت بالغلط ...وللحظة فقدت السيطرة على نفسها وإلتفتت نحو الرجال لما نادى عليها أبوها: بيلسان!!
حست الدنيا تلف فيها وهي تلمحه جالس جنب أبوها ....عقلها مشوش وفقد التركيز ...ظنت الشيء الي تحسه بداخلها مؤقت وعابر ...وش فيها مثل المراهقات ..كرهت نفسها بزيادة من ضعفها ... تتعلق بخيط رقيق وتبني آمال واحلام ..وهو أصلا ما يدري عن هوى دارها...وما كلف نفسه يناظرها ..وهذا اكبر دليل إنه كلام البنات خرابيط!!
نطقت بهدوء ظاهري : نعم يبه!
وليد بهدوء مد لها الجوال: تعالي اتصلي بجدك !
ناظرت الجوال يعني كذا مضطره تقترب لجهتهم...كتمت أنفاسها للحظات ...وبعدها تحركت بخطوات هادئة كالعادة تظهر للجميع ثقتها ومن الداخل هشه ما تتحمل أي شيء....تناولت الجوال وغادرت بهدوء الصالة بدون ما تناظر أي أحد !!
خرجت للحديقه وهي تحس نفسها تبغى تبكي ...ما تدري وش هالمشاعر الي باغتتها ...أخذت نفس عميق لعله تستعيد توازنها ...للحين ما هي مستوعبه وجود هالانسان هنا!!
جلست على احد المقاعد ...فتحت الجوال واتصلت على جدها ...وهي تتمنى بلمح البصر تكون عندهم ...مشتاقه لهم وما هي قادره تتقبل وجودها هنا ....
بعد وقت انهت المكالمة وهي تمسح دموعها بطرف كم العباية ...
جلست للحظات حتى تروح أثر الدموع ...بعدها تحركت بروح خاويه حتى ترجع الجوال ...دخلت الصالة وناظرت عائشة تتكلم معه باندماج: وش رايك تتواسط لي بما إنه رئيس القسم صديقك؟!
رد بابتسامه: ما أتعامل بالواسطة؟!
ختم كلامه وإلتقت عينها بعينه للحظات .. عقدت حواجبها لما ناظرها نظره مستفزه بالنسبة لها وهو رافع حاجب وزام شفته ..ما فهمت معناها بس حستها مستفزه ...حافظت على ملامحها ...واقتربت من أبوها وارجعت له الجوال!
ابو فيصل سألها: تكلمتي مع سلطان!
هزت رأسها وهي تناظر جدها: ايه ويسلم عليك !
ابو فيصل بهدوء: الله يسلمه..ما هو ناوي يزورنا؟!
مطت شفتها بضيق من تحقيق جدها: يمكن الاسبوع الجاي!!
ابو فيصل: على خير إن شاء الله!!
لفت نفسها تبتعد ...قاطعهاعمر بتساؤل: يقولون باكر نتائج القبول وش نفسيتك؟!
رفعت حاجب من وقاحته وش علاقته حتى يسألها وكأنها البارحة تعشت معه ...وبهدوء نطقت: ما يخصك!!
ولفت نفسها ورجعت لجهة البنات والضيق ما فارقها ....
ام مسعود بلطف نطقت بهمس وهي تناظرها : زعلتي من سؤال عمر ؟!
هو سأل على نيته
قاطعتها بيلسان بخفوت: ما أحب احد يكلمني ما هو محرم لي بدون ضرورة ..كيف عاد بإنسان جالس يتريق ويتمسخر؟!
ام مسعود بدفاع: ما ظنيته يتمسخر ...دوم حطي حسن النية...
بيلسان هزت راسها وعيونها تلمع بالدمع: لا تنزعجي مني يا خالتي ..بس مو متعوده على هذي الاجواء
ام مسعود بصوت حنون: يا بعد عمري مشتاقه لجدك وجدتك؟!
باكر تتعودين تخيلي نفسك تزوجتي ...كذا سنة الحياة !
وإن شاء الله يطلع لك تخصص جميل وتنشغلي بالدراسة وبعدها ربنا يبعث نصيبك
قاطعتها بابتسامة باهته: ربي يسعدك يا خالتي!
ام مسعود شدت على يدها: وربي دخلت قلبي من اول ما شفتك ...أتذكرك لما كنت صغيرة شبر ونص !
صدقيني تمشي الدنيا وكل الحاضر يصير ماضي ما يقدم ولا يؤخر!
هزت رأسها بيلسان بابتسامه ...وبداخلها تتمنى لو كانت امها برقة ولطافة زوجة عمها فيصل ..
**
**
**
يوم نتائج القبول تظهر البرود واللامبالاة ومن داخلها جالسه تحترق ...ناظرت ابوها وهو يطلع نتيجتها...خزامى وهي تكلمه: ما اتوقع يطلع لها
ليان قاطعتها بفزع: لا إن شاء الله رح يطلع لها احلى تخصص!!
عبود بحماس: يا رب يطلع لك طب وتصيري احسن من عائشة!
ابتسمت على حماسه ونطقت باستبعاد: طب مرة وحده!!
رعد بانفعال: وربي لو كنت صاحب الجامعه إلا أدرسك طب ولو على حسابي!!
ليان بسخرية: يتكلم وكأنه حسابه بالبنك ملايين!!
لجين : يا بخيل أقولك البارحة أعطيني فلوس أشتري ورفضت
ضحك بتورط وهو ينطق: انا ما اعطي الا بيلسان !
ليان ناظرت ابوها بقلق: وش صار!!
نطق وعيونه على الشاشة: لحظة
ليان وهي تتنفس والتوتر واضح عليها: يا ربي متى تنزل النتيجه!
ابتسمت لها بيلسان على توترها وكأنها صاحبه النتيجة....
عبس ملامحه وليد وهو ينطق : تربية طفل!!
ليان بإحباط: تربية طفل!!
حست بيلسان بالصدمة من هالتخصص ...يااااه كيف انهارت كل احلامها مرة وحده ....
وين تعب السنوات الماضية والاجتهاد حتى بالنهاية تحصل على تخصص تربية طفل!!
ناظرت ابوها لما قفل اللاب نطق بغضب من النتيجة: رح تعيدين الثانوية!
بيلسان مستحيل ترجع لنفس التجربة...قبل ما تنطق دخل جدها الصالة وهو يسأل: وش طلع لها ؟!
خزامى بضيق من المشاكل الي رح تصير: تربية طفل
عبس ملامحه ابو فيصل: تربية طفل ؟! وش هالتخصص هذ!؟!
وليد بحزم: رح تعيد الثانويه ..جهزي نفسك
قاطعته بنبره هادئة حازمه: ما رح أعيد الثانوية قلت لكم من قبل
وليد والنار مشتعله بداخله ..قاطعها بصرامه : ومين قال إني أخذت رأيك ؟!
زمت شفتها بقهر من هالقمع الي تشوفه ..وبعناد نطقت: ثانوية ما رح أعيد
وليد بدأت الشياطين تناقز فوق رأسه ..ما عمره احد من عياله كسر كلمته ...وبكل وقاحة ترفض قراراته قدام الكل ...و بصوت هز اركان البيت: انكتمي ...وربي الا تعيدي الثانويه ورجلك فوق رأسك...
قاطعه ابو فيصل بقهر من غضبه: وانت ليه معصب هالكثر؟!
مو كذا التفاهم
قاطعه بقهر: وكأنك ما تسمعها ... أنا لما اقول شيء يتنفذ مباشرة ....فوق نسبتها المخزيه بكل عين تعاند!!
ابو فيصل تنرفز من عصبيته: خلينا نحل الموضوع بالتفاهم ...
ناظر بيلسان وهو ينطق بهدوء: هذا التخصص مرفوض عندنا ..هذي آخرتها تصيرين مربية
ليان ومن داخلها ترتجف نطقت توضح لجدها: جدي هذا التخصص لما تتخرج تدرس بالروضة الأطفال
قاطعها ابو فيصل بترفع: وهذي آخرتها نراكض خلف البزران
بيلسان وهي مصممه على رأيها: وش اختلف عن المعلمة الي بالمدرسة
قاطعها وليد بنظرات ناريه: يختلف كثير ...وقفلي الموضوع أفضل لك!
ابو فيصل مطت شفته بضيق: انت ليه ما تبغين تعيدين الثانوية ؟!
نطقت وبداخلها قهر من تسلطهم : جدي أنا انسانه ولي حق أختار حياتي بنفسي .. وأنا راضيه بهذا التخصص ..ليه اعيد الثانويه مرة ثانية ؟! وش الي رح يتغير؟!
وليد بقوة قاطعها: انت تخصص علمي وماهو أدبي حتى تدرسين تربية طفل ...اسمعيني زين رح تعيدين وبالغصب تحصلي معدل الطب
رفعت حاجب بتعجب من أفكاره ...وبهدوء نطقت: بيني وبين الطب بعد السماء عن الارض ..واذا لذي الدرجة تحب الطب تقدر تعيد الثانويه وتدرس الطب بنفسك
ختمت آخر كلمة وسرعان ما حمت وجهها بيدينها لما رفع وليد يده يضربها ...
ابو فيصل نزل يد وليد بغضب: انت انجنيت ! تبغى تضرب البنت علشان تخصص
قاطعه بغضب: ما سمعت كلامها لي!!
وبعدها التفت لها بنظرات نارية : دراستك للثانوية مرتبطه بوجود أمك بهذا البيت ...وانت حرة بالاختيار!
خزامى شهقت برعب من كلامه ..هذا الي استفادته من بيلسان وعناده ..وبقهر نطقت: عمرها لا درست أنا وش دخلني
نطق بإصرار وتصميم: هذا الي عندي!!
ابو فيصل بقهر: مو كذا تنحل الأمور!!
بيلسان تناظرهم يبغى يضغط عليها بأي شيء حتى ترضخ له ...بس هي خلاص عافت الدراسة وكل شيء طلع من خاطرها .ما له حق يجبرها ...وكل شخص حر باختياراته ... وبهدوء نطقت: تكون عملت لي خير وارجع للقرية!!
فتحت عيونها باستنكار خزامى من ردها ...يعني ما هو هامها طلاقها وتشتت عيالها ..اهم شيء مصلحتها ...فعلا انها أنانية اهم شيء نفسها...وقبل ما تنطق بشيء...نطقت ليان الي دموعها تنزل بضيق من هالحال: طيب تدخل الجامعه وبعدها تحول لاي تخصص افضل...بابا ارجوك اتركها تختار الي تبغاه
زفر بقهر وهو يشوف عياله كيف الخوف والقلق واضح عليهم ...من قهره انفعل بزياده ...ما هو ناوي يطلق بس تخويف لبيلسان...واضح ما يهمها أمرهم أبدا...وكل عقلها بالقرية ...لكن يعرف يداويها ...وبصرامة نطق: ورب الكعبة ورب الكعبة ورب الكعبة طول الفصل كامل ما تدخلين القرية وخلي تربية البزران تنفعك!!
ناظرته بصدمه وكأنه مصيبه حلت على رأسها ... تنتظر اقرب لحظة وتنزل للقرية والحين يمنعها فصل كامل ...ما لهم حق أبدا بهذا الشيء ...وقبل ما تعترض نطق: تحملي نتائج اختياراتك!!
ختم كلامه وغادر المكان!!.
خزامى بعد خروجه ناظرتها بكره: حسبي الله عليك ان نويت تخربين بيتي!!
ناظرتها بيلسان بصدمة اكبر .. جالسه تتحسب عليها. .... الصدمه ألجمتها وما نطقت شيء وعيونها تراقب خزامى لما دخلت جناحها!!
ابو فيصل زفر بضيق: والله ما ادري كيف تفكرون ؟!
لو سكتي يا بيلسان لوقت يروق
قاطعته بمراره: يبغون اصير مثل اللعبة واعيش على كيفهم ؟!
ما احد ذاق التعب والمرض والمرارة والتوتر والقلق والخوف والرعب معي ...تجربة فاشلة وما رح اكررها ...ورح ادرس تربية طفل
قاطعها بضيق: السالفه ما هي عناد يا بيلسان... اهلك يبغون مصلحتك ويبغون الافضل لك!
مطت شفتها بسخرية ...اي مصلحة وأي أفضل يبغونه لها ..١٨ سنة تاركينها وما اهتموا لها ...الحين تذكروها ؟!...وينهم بذيك الايام عنها ؟
رعد بملامح معفوسه من المشكلة الي صارت .. وبضيق نطق: يعني بابا ليه ما يترك كل واحد فينا يختار الشيء الي يبغاه ...مو يقولون الحياة تجارب
قاطعته ليان وهي تناظر بيلسان برجاء: اخزي الشيطان وعيدي الثانوية
هزت رأسها بأسف : هذا شيء فوق طاقتي وما رح اجبر نفسي على شيء ما تبغاه ...
ابو فيصل بنبره هادئة:الحين ادخلي غرفتك وفكري بالموضوع من كل الجوانب. وما تخلين غضبك وزعلك هو الي يسيرك ...هذا العناد ما رح يفيدك ..فكري بعقلانية .. وبالنهاية هذا ابوك وله الحق بالاحترام
نطقت باعتراض على كلامه: بس يا جدي أنا ما قللت احترامه بس عبرت عن رأيي وموقفي
خزها بعتب: وحده عاقلة تقول لأبوها روح ادرس الثانويه
قاطعته بتبرير: والله ما هو قصدي أعاند أو اقلل من الاحترام ..بس
قاطعها بتفهم: ما علينا..الحين اعملي مثل ما قلت لك وإن شاء الله ربنا يجيب الي فيه خير!!
**
**
**
جالس بالكوفي ومسند ظهره للكرسي ويتكلم بروقان: لو شفتم عمي وليد كيف متفشل من هالتخصص ...شوي وتصيبه جلطه!!
جسار مط شفته بسخرية: والله جاء من يكسر كلمة عمي وليد!!
مسعود رفع حاجب: يا اخي هالبنت قوية بزيادة ..تخيلوا هالموقف وكيف وقفت بوجه الكل ورفضت تعيد الثانوية ونفذت الي برأسها ... بنت القرية اقوى من بنت المدينة..يعني فرق شاسع بينها وبين ليان!
جسار هز راسه : بالفعل ليان تبارك الرحمن ما يعيبها شيء ..
مسعود بتذكر: تخيل تقول لعمي تبغى الطب عيد الثانويه وادرس الطب بنفسك!!
ضحك جسار: خطيره هالبنت!!
ابتسم مسعود وبعدها التفت عليه باستغراب: وش فيك ساكت من لما وصلنا!!
كنان هز رأسه بهدوء: مستمع لكلامك.. وكأنه ما عندك غير هالسالفه؟!
مسعود بابتسامه نطق: وازيدك من الشعر بيت .. أمي داخله هالبنت رأسها وتبغى تخطبها لي.. تقول جميله ببساطتها وما عندها تكلف وتصنع!
بهتت ملامح كنان من هالكلام...وناظر جسار الي سأله بابتسامه: وش قلت لها؟!
مسعود مط شفته بلامبالاة: عمي ما يزوج الا بعد التخرج ...انت متخيل اجلس ٤ سنوات انتظرها تتخرج خلال هالفترة يكون عندي طفل بعمر ٣ السنوات بإذن الله!!
تنهد براحة كنان وسأل بهدوء: واضح إنك مضبط وضعك ...
مسعود توسعت ابتسامته: لا مو كذا.... بس بالفترة الجايه رح اقول لامي تبحث لي ..وانتم مو ناويين؟!
جسار باستبعاد: ما أفكر أبدا بالموضوع ...ملحقين على النكد!!
مسعود ضحك على كلامه: يقولون ملح الحياة ..وانت يا كنان
ابتسم بهدوء: لعمر ٣٠ بإذن الله
جسار : خلاص وأنا مثلك بعمر ٣٠ !!
هز رأسه بابتسامة ..ومن داخله مشاعر ملخبطه ...يبغاها بس خايف ومتردد من أمور كثيرة ... البنت يحس من نظراتها تكرهه على المسبحة وما تطيقه ..يخاف اذا خبر ابوها برغبته بالخطوبة ترفضه مباشره وخاصه العلاقة مع اهلها ما هي ذاك الزود ..وتصر على رأيها عناد وجكر...وحسب كلام مسعود ما رح يزوج بناته الا بعد التخرج ..و٤ سنوات خطوبه طويله ...ما رح يستبق الأحداث رح يبقى مطلع على الأوضاع وبافضل فرصة يطلب يدها ...ابتسم وهو يحسها متغيره عن طفولتها..بمرحلة الطفوله كانت أرق وأسلوبها اجمل..حاليا يحسها شرسه بقوة!!
رح يرجع يدرس الموضوع مرة ثانية من كل الجوانب..هذا زواج مو لعبة..يحتاج لتفكير عميق قبل اتخاذ أي قرار!!
**
**
**
مرت الأيام على دخولها الجامعه... بالرغم إنه جدها سلطان نصحها تعيد الثانوية..بس شيء بداخلها اصر ورفض هالشيء..ما تدري هو عناد وجكر وإلا فعلا نفسيتها تدمرت بعد الثانوية...تنهدت وهي تناظر السقف بهدوء...قاطع تأملها ليان وهي ترتب نفسها: ما تبغين تنزلين تحت ؟!
ردت وهي على نفس الوضعية: وكأنك ما تعرفين إني معاقبه
ليان اقتربت منها بانزعاج: لا تهتمي لخالتي خزامى... أنا متأكدة إنها تحبك بس يمكن عندها ضغوطات بالجامعة
قاطعتها بيلسان بلامبالاة: ما عادت تفرق معي !
ليان تنهدت بضيق: كله من هالتخصص الي اصريتي عليه ...شوفي كم صار لنا والأوضاع ما رجعت مثل قبل؟!
بيلسان ناظرتها بابتسامة باهته: الي يسمعك يقول من زين العلاقة من قبل!!
يا اختي اعترفي انه ابوك متسلط وأمي
قاطعتها ليان: لو كان متسلط ما سمح لك تدخلين الجامعة!
بيلسان ناظرتها بعيون لامعه وهي تنطق بغصه: سمح لي بس بالمقابل أنا جالسه ادفع ضرائب اختياراتي!
ليان جلست جنبها بمواساه: جدك وجدتك كل اسبوع تقريبا يزورونك
قاطعتها بيلسان بوجع من اعماقها: لا تبررين ...صدقيني مو فارقه معي ..اروح أنظف المطبخ قبل ما تطلع أمي وتفتح لي اسطوانات حفظتها عن غيب!
زمت شفتها ليان : يعينك الله ... أنا رح انزل !
هزت رأسها بيلسان وتوجهت للمطبخ ..كثير تقنع نفسها إنه الوضع عادي وأي أم تتصرف بهذي القسوة ....بس توصل انها تميز وتفضل ليان عليها ما قدرت تتجاوز هذي النقطه!!
وبحجة إنها كسرت كلام أبوها ...عاقبتها ممنوع تجتمع بالجمعة العائلية..هي متاكدة السبب من كل هذا حتى ما تفشلها او تتكلم بكلام يؤثر على برستيجها مثل يوم اللحم ...
ما تدري إنه ما هي ناويه تنزل وتجتمع مع صاحب المزرعة تخاف على قلبها ينجرف ...للحين ما تدري وش اسمه ولا صلة القرابة ...
ما تسمح لنفسها تسأل اي شيء حتى ما تتمادى مع الايام ...هي أرفع من إنها تنزل مستواها ..والي يبغاها يعرف بيتها ...كرامتها فوق كل شيء حتى لو عاكست قلبها ورغباتها ... وليه تعلق قلبها بشخص ما رح يناظرها بيوم من الايام ...رح توجع قلبها وتذبل عمرها !!
متى تتخرج وترجع للقرية ؟!!
**
**
**
يوم الاحد جهزت نفسها ودخلت المطبخ تفطر قبل ما تروح للجامعه ...
ردت السلام على خزامى وجلست وهي تنتظر البقية ...خزامى ناظرتها بانتقاد: البارحة ليه ما وضعت الأكل بالثلاجة؟!
يعني أنا كل يوم لزوم اعلمك وش تعملين؟!
بيلسان بهدوء: بس انا قبل ما انام وضعته بالثلاجة
قاطعتها خزامى بحده: يعني انا كذابه؟!
مطت شفتها بضيق بيلسان ما تدري وش ترد او تتكلم ...ناظرت وليد لما دخل ...رد السلام وهو يسحب كرسي ويجلس عليه!!
علاقتها فيها من يوم النتائج عاديه او واغلب الاحيان رسمية ..بالرغم إنها رجعت واعتذرت له عن كلامها وإنه ما هو قصدها ... إلا انها تحسه للحين متحامل عليها!!
سأل باستغراب: وش فيك صوتك طالع؟!
خزامى بضيق: الف مرة أقولها قبل ما تندفسين تفقدي المطبخ ...والبارحة أكدت عليها تحط الاكل بالثلاجة .. وكأني أتكلم مع الجدار ....استغفر الله بس!
وليد ناظر بيلسان بهدوء: اسمعي كلام امك واتركي عنك العناد والمجادلة الي على قلة سنع ...شوفي ليان وتعلمي منها !!
ناظرته وهي تبلغ غصتها ...وبهدوء نطقت: ان شاء الله!
خزامى بعدم رضا: ما هي شاطره الا بقول إن شاء الله..وما في تطبيق!!
دخلت ليان بابتسامه رايقه: صباح الخير!
ناظرهاوليد وابتسم: صباح النور!
اقتربت وقبلت رأسه وبعدها اقتربت من خزامى وقبلت رأسها!!
جالسه تتأمل ليان وحركاتها الصباحية.... نزلت نظرها لما جلست ليان جنبها وهي تبتسم لها: يلا نستعجل تأخرنا!!
خزامى ناظرتها: لزوم تفطرين دراستك صعبه وتستنزف منك طاقتك !
ليان بنبره فيها دلع: والله ما احب الفطور كثير ...ما لي نفس!!
وليد بهدوء: اشربوا على الاقل اي شيء قبل ما تطلعون!!
وضعت يدها تحت خدها بملل وهي تناظر ليان تسكب لها شاهي ...تسمع صوت اخوانها لما دخلوا بس ما لهانفس تناظر لشيء...
اخذت الكوب بهدوء وبدأت تفطر ...بعد وقت قصير.. ليان وهي تناظر ساعتها: تأخرنا بيسو يلا تحركي ..افطري بالجامعة!!
وليد ناظر ليان بانتقاد: ما رح يطير الدوام اتركيها تكمل فطورها براحتها!!
وقفت بيلسان وهي تنطق بهدوء: خلاص شبعت ... يعطيك العافيه يمه!!
خزامى هزت رأسها وهي تنطق بتوصيه: لا تتأخرين بالجامعة ... اهتمي بإخوانك بغيابي والاهم المطبخ نظفيه زين بعد الأكل
زمت شفتها وهي تحاول تمسك اعصابها .. وبهدوء نطقت: ان شاء الله!!
استأذنت وتوجهت للغرفة تأخذ اغراضها. .. فتحت الدرج الاول شافت الجوال الي اعطوها أياه..مطت شفتها بسخرية...ما تدري لمتى تتحمل أسلوبهم وتسكت ؟!
تحركت وهي تسمع ليان تستعجل فيها....نزلت تحت ..ابتسمت لجدها وجدتها ... ردت السلام وهي تسألهم عن حالهم باهتمام...ابو فيصل هز رأسه: الحمد لله بخير ... وش فيها اختك اليوم مستعجله ؟!
بيلسان هزت كتوفها بابتسامة: والله ما ادري عنها!!
خليني ألحقها قبل ما تاكلني ..تحركت للخارج بخطوات سريعة ...ناظرت ليان باب البيت واقفه تتكلم مع واحد من عيال عمها...
ليان بابتسامه:عمر وربي اذا ما تحركت الا
قاطعها وهو يلعب بمفتاح السيارة: الحق علي ابغى أخذ فيكم أجر واوصلكم بطريقي!!
ليان بابتسامه: ترى أدري عمي فيصل اعطاك سيارته
عمر كش عليها..نطق وعيونه على بيلسان: كيف البزران؟!
نطقت بهدوء وعيونها على ليان متجاهلة كلامه: تأخرنا!
ليان تحركت لها: هذا باص الجامعه بسرعه تحركي!!
ركبت الباص وجلست وهي تتنهد .. ليان بعتب: ليه تعاملين عمر كذا؟! ترى والله ما يقصد هو يحب المزح
بيلسان وهي تتأكد من شالها: وأنا ما احب المزح
ليان ابتسمت: لا تقولين غرتي لأنه طلع له طب
خزتها بيلسان بقوة: تعرفي تنكتمي وإلا
ليان ضحكت بخفة: خلاص سكتت!!
هزت رأسها وناظرت لجهة الشباك وهي تتأمل الاماكن بهدوء...ما تدري اذا كان رأيها غلط او لا؟!
ما تدري إذا كانت سلبية بالنسبة لنتيجتها أو لا ...ما تنكر الوجع والخذلان الي تتجرعه لما تمر من أمام كلية الطب ..تحس بغصة ما قدرت تبلعها ...معقول ظلمت نفسها والمفروض اعطتها فرصة ثانيه...وسمعت كلام أبوها...والا قرارها صحيح ترضى بنصيبها!!
التفتت لحظات لليان الي تتكلم بالجوال مع امها وتكلمها عن العريس الي خطبها هذا الأسبوع...
رجعت تناظر للخارج وهي تفكر بحال ليان ..فتاة مميزة بكل شيء ...ومحبوبة من الجميع ..والكل يضرب المثل بأخلاقها وتواضعها والاهم جمالها!!
نكست رأسها بضيق من الاحساس الي يداهمها ...صاحب المزرعة اكيد رح يخطبها وما رح يتردد ... وإذا ما خطبها ما رح يترك بنات عمها جمال و يدرسوا طب ..ما هو مثلها !!
مطت شفتها بضيق من نفسها ...وش تبغى فيه ...ليه مهتمه لأمره بهذا القدر...
غمضت عيونها لثواني وهي تذكر نفسها ..من ترك شيئا لله عوضه الله خيرا منه!!
اخذت نفس عميق تطرد السلبيه بداخلها ورسمت ابتسامة تعطي لنفسها طاقة جديده لحياتها!!
**
**
**
جالس ومسترخي على الكرسي...ابتسم وهو ينطق بهدوء: إجازه يومين؟!
ام هاني ناظرته باهتمام: لا تقول راجع للمدينة ..اقضي اجازتك هنا!!
ناظرها وبداخله قلبه طاير للمدينة لعله يصدفها بالغلط...ما يدري كيف تفكر هالبنت .. بنهاية الاسبوع الكل يجتمع الا هي ما شافها ؟!
ليه ما تنزل؟! ما يقدر يسأل ويفتح العيون عليها...تنهد وهو ناوي يرجع باكر لعله يشوفها.. وبهدوء نطق: مواعد الشباب !!
ام ماجد ...نطقت بمحبه: جعل ربي يقر عينك
ناظرها بامتنان: ربي يسعدك ويحفظك لنا !!
وباستغراب نطق: وين البنات؟!
سكت لما دخلت رنا كالعادة ..الضجر ما يفارقها: وربي قرفت الحياة..رح ارسب بسبب عنادكم ..وربي هالمعلمات ما يفهمون شيء!!
متى نرجع؟!
أم هاني خزتها:لو تدرسين زين كان فهمت
قاطعتها بدفاع عن نفسها: اكبر مثال إنه العيب من المدرسة ...مدرسة كامله ما نجح منها في الثانوية الا ٣ متخيله الوضع؟!
وبمعدلات منخفضة!!
أم هاني : لا تقارني نفسك ببنات القرية ...هنا ما احد يبغى يدرس ...الزواج عندهم أهم من الدراسة!!
أم ماجد: الشاطر ما يحتاج احد يعلمه..اتركي عنك هالخرابيط واهتمي بدراستك!!
رنا مطت شفتها بضجر: ان شاء الله!!
وبتذكر نطقت بابتسامه: اليوم صارت مشكلة كبيرة بالمدرسة
ام هاني باندماج: بين الطالبات ؟!
رنا بضحكه: لو شفتي البنات كيف اشتبكوا مع بعض ...
مط شفته بسخرية لسخافة البنات: وش سبب المشكلة؟!
رنا بحماس: يقولون اخوات راكان وتركي اشتبكوا مع بعض ..يقولون اليوم الصبح اشتبك راكان وتركي مع بعضهم ..والبنات كملوا الشجار بالمدرسة
رفع حاجب بتذكر: ذول نفسهم الي تكلم عنهم أبوي زمان؟!
للحين يتشاجروا؟!
رنا بابتسامة عريضة: واخيرا عرفت البنت الي ذبحوا حالهم عليها ... وأنا من زمان نفسي اعرف هالبنت الي اخذت عقلهم؟!
ام هاني بهدوء نطقت: مين تكون ؟!
رنا ردت : نفس البنت الي تشاجرت معها زمان بالمدرسة ؟!
ام ماجد ناظرت حفيدها تشوف رد فعله ..... ما توقع بيوم من الايام تكون بيلسان هي المقصودة ...كتم ضيقه ونطق بهدوء خارجي: البنت انتقلت من هنا ...ليه تشاجروا
قاطعته رنا : يقولون راكان للحين مصمم يخطبها ..واليوم كان ناوي يروح للمدينة ويطلبها من أبوها ..بس تركي وصله الخبر واشتبكوا مع بعض ؟!
ام ماجد بتساؤل: وش اسم أبوها ؟!
رنا هزت رأسها بالنفي: ما ادري عنها ... تتوقعين يا ماما مين يأخذها تركي وإلا راكان!
قبل ما ترد ام هاني..نطق بغضب: وانت وش عليك منها؟!
وش علاقتك بالسالفة ؟!
جعل القرد يأخذها انت لاتتدخلين ولا تتكلمين بامور ما تخصك ..والحين تحركي قابلي كتبك احسن ما اطلع عليك كل عصبيتي؟!
انسحبت وهي تناظره بصدمه من عصبيته الي ما لها مبرر..ام هاني بعتب: وش فيك اكلتها كذا ..ترى ما قالت شيء يا ولدي؟
زفر بضيق وبتبرير: عاجبك وهي تنطق اسماء الرجال بكل قوة عين؟!
ام ماجد بهدوء: حصل خير..اتمنى ما يتكرر هالتصرف...ما هو كذا التفاهم!!
مط شفته بضيق: ان شاء الله!!

*
**
**
*
رعد قبل رأسها بفرح : انت أحسن أخت بالعالم!!
ابعدته عنها بيدها بانزعاج من الضجة الي عملها: الحين أهون وما اكتب لك؟!
ابتعد عنها وهو ينطق بفزع: خلاص انكتمت بس اكتبي لي عجزت ألقى الحل والاستاذ متوعد فينا باكر!!
هزت رأسها وبدأت تحل له الواجب بروقان ..اشتاقت للمدرسة وللبنات ...
بعد دقائق مدت له الواجب: خذ
رعد وهو يناظرها متربعه على الارض وبطمع نطق: عندي واجب الفيزياء ما فهمته
خزته بقوة: رعد
وقبل ما ترفض نطق برجاء: بس آخر مرة وما رح اطلب منك مرة ثانية!!
ناولها الدفتر والكتاب بابتسامه عريضه مرتاحه : هذي الأخوات يا عمي!!
ابتسمت على ملامحه ...اخذت منه الكتاب وبدأت تحل الواجب...مندمجه بالحل وما انتبهت على الشخص الي فتح الباب ...
رفع حاجب وناظرها جالسه متربعه على الارض ..لابسه بيجاما بيتيه...شعرها كالعاده جدوله وشعرها الامامي متطاير ..حاطه القلم بفمها وتفكر بعمق!!
رعد الصدمة شلته وهو يشوف أبوه واقف يناظرهم ..ما هو وقت رجوعه ...ومن شدة الخوف ما قدر ينطق حرف واحد!!
اقترب وليد بهدوء ووقف فوق رأسها وهو ينطق بهدوء: وش تعملين ؟!
نقزت على الصوت حست بالحركه بس توقعت عبود .. لأنه ما هو موعد رجوعه...ناظرته وهي تسحب القلم من فمها... وبهدوء عكس قلبها لي يدق بقوة من الخرعه: جالسه
رعد قطع عليها الكلام وهو ينطق بتوتر: تشرح لي الواجب!
زم شفته بتعجب وهو يناظره: تشرح لك؟!
والأستاذ وش وظيفته بالمدرسة ؟!
نزل لمستواها وسحب منها الدفتر بهدوء ...ناظر الحل وهو رافع حاجب بتعجب ...الحل صحيح..التفت لدفتر الرياضيات...تناوله وهو يناظر حلها نفس الشيء ولا غلطه ... متأكد إنها متفوقه بالمدرسة بس ما درست عناد فيهم حتى تبقى بالقرية ..للحين ما يدري وش فيها القرية شيء يخليها متعلقه فيها هالكثر!!
شد على الدفتر بقهر من تصرفاتها ...أحد يضيع مستقبله نكايه بشخص ثاني؟!
رجع ناظرها ولو يطلع بيده يكسر رأسها على كمية الغباء الي فيها ...وش فائدة الذكاء العلمي وبأمور الحياة غبية وما تعرف تأخذ قرار صحيح ؟!
وبنبره حازمه نطق: وش هذا الي كتبتيه؟!
ناظرته بعدم فهم: واجب
قاطعها بصرامه: وربي اذا تكرر هالفعل الا تتعاقبوا الاثنين ...واجباته ينقلع يكتبها بنفسه ما هو حضرتك تكتبيها وهو جالس يتفرج!!
وقف واقترب من رعد بتوعد: خليني اسمع إنه أحد كتب لك الواجب وربي الا تندم ...طول الباب ومب قادر تحل مسألة سخيفه وتافهة؟!
باكر بالثانوية وش رح تعمل؟!
الحين تحمل كتبك وتروح لغرفتك تحل الواجبات ...وعقابك ما في طلوع اليوم!!
بعدها التفت على بيلسان وبصرامه: أتمنى هالتصرف ما يتكرر...لو كان فيك فايدة كانت نفسك الاولى فيها!!
أعطاهم نظرات توعد ..وغادر المكان...
رعد بعد خروجه تنفس براحه: وربي خفت يقطع ورق الحل الي كتبتيه!!!
بيلسان مطت شفتها بسخرية هذا الي يهمه ... وبهدوء نطقت: خذ كتبك واطلع من الغرفة!!
كش عليها وهو يجمع أغراضه: مالت عليك!!
خزته بقوة: نذذذذذل ..
ضحك على ملامحها .. وبابتسامة نطق: وربي إني أحبك يا بيسو !
ابتسمت على كلامه: اطلع قبل ما يرجع أبوي ويعمل لك سالفه !!
تحرك وهو ينطق بقهر: الله يعيني على الدراسه...طق كبدي منها!!
بعد خروجه زفرت بضيق...وهي تتذكر كلامه ..يعني إنها بدون فائدة ؟!
كشرت ملامحها من وليد وخزامى ما تدري وش الي يرضيهم ...تحسه وهو يتكلم شوي ويطحنها!!
رح تسكت وتشوف نهايتها؟!
**
**
**
بالمجلس الكبير جالس ومعقد حواجبه باستغراب من تواجد هالرجال هنا ...وش يبغى منه ؟!
وبنبره ثقيله نطق: حياك الله !
نطق والتوتر يسيطر عليه : انا قاصدك بعد الله ...لي طلب عندك واتمنى ما تردني خايب!!
وليد رجح إنه يبغى يدبره وظيفه .. وبهدوء نطق: إلي أقدر عليه ما رح أقصر فيه...
نطق بهدوء: ما تقصر...ربي يحفظك ..أنا اليوم جاي من قرية ***** أخطب بيلسان على سنة الله ورسوله!!
عقد حواجبه بصدمه آخر شيء توقعه: وش تقول؟!
رد بتأكيد: أخطب بيلسان
قاطعه وهو يرفع حاجب: وانت من وين تعرف بيلسان؟!
اخذ نفس ورد بهدوء: اعرفها من لما كانت صغيره ...وخطبتها من زمان من جدها سلطان بس رفض ...يا عم البنت أنا أبغاها ..وحسب ما وصلني إنها موافقه علي بس جدها وقف عقبة بيني وبينها ...علشان كذا أخذت عنوانك وقررت أتكلم معك بشكل خاص ...اذا وافقت وحصل القبول رح أجيب أهلي وربعي هنا ونخطبها رسمي ... وش قلت يا عم؟!!



انتهى البارت...دمتم بخير 🌹


ضاقت انفاسي غير متواجد حالياً   رد مع اقتباس
قديم 11-10-22, 12:56 AM   #170

لينوسارة

? العضوٌ??? » 390438
?  التسِجيلٌ » Jan 2017
? مشَارَ?اتْي » 631
?  نُقآطِيْ » لينوسارة is on a distinguished road
افتراضي

السلام عليكم ورحمة الله وبركاته

ياويل بيلسان من ابوه

سيفكر ان حبها للقرية بسبب مغازلة الاولاد

و حتى نسبتها الضعيفة بسببهم

بارت جميل مشكورة


لينوسارة غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 06:02 PM



Powered by vBulletin®
Copyright ©2000 - 2024, vBulletin Solutions, Inc.