آخر 10 مشاركات
7 - فتاة الأمس - فيوليت وينسير - ع.ج** (الكاتـب : حنا - )           »          جددي فيني حياتي باللقاء *مميزة ومكتملة* (الكاتـب : وديمه العطا - )           »          الفرصة الاخيرة للكاتبة blue me *كاملة* المتسابقة الثانية** (الكاتـب : ميرا جابر - )           »          روايه روحي لك وحدك للكاتبه (ريم الحجر) روايه رائعه لا تفوتكم (الكاتـب : nahe24 - )           »          عالقة بشباك الشيطان (105) للكاتبة: Carole Mortimer *كاملة* (الكاتـب : Gege86 - )           »          الــــسَــــلام (الكاتـب : دانتِلا - )           »          رفقاً بقلبي (1)*مميزة ومكتملة* .. سلسلة قلوب تحكي (الكاتـب : كاردينيا الغوازي - )           »          سمراء الغجرى..تكتبها مايا مختار "متميزة" , " مكتملة " (الكاتـب : مايا مختار - )           »          561 - تأثير العرس - صوفي ويستون - ق.ع.د.ن ( إعادة تنزيل ) (الكاتـب : عيون المها - )           »          قلبُكَ وطني (1) سلسلة قلوب مغتربة * مميزة ومكتملة * (الكاتـب : Shammosah - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree291Likes
إضافة رد
 
LinkBack أدوات الموضوع انواع عرض الموضوع
قديم 05-09-22, 04:02 PM   #11

تانياتاني

? العضوٌ??? » 495038
?  التسِجيلٌ » Nov 2021
? مشَارَ?اتْي » 91
? الًجنِس »
?  نُقآطِيْ » تانياتاني is on a distinguished road
¬» مشروبك   ice-lemon
¬» قناتك rotana
Toto شكرا


اقتباس:
المشاركة الأصلية كتبت بواسطة تهاااااني مشاهدة المشاركة
من خلال متابعتي لرواياتك لمست فيك انسانة مرهفه الحس تقومين بتسليط الضوء على الكثير من الاشياء التي لا تتطرق اليها بقية الكاتبات، وحذفتي كلمة خدم و خادمة من معجمك لايمانك بالتساوي بين الناس. ولا ننسى مرحك وخفة دمك في ابراز رواياتك بشكل كوميدي رغم التراجيديا و المأساة التي تعيشها كل بطلات رواياتك.

اليك كل التحايا و الاحترام و الى الأمام


شكرا لكلامك و مديحك ارتحت انه في من يقدر تعبي و سهري طول الليل لاسعاد القراء ...الله لا يحرمني من قراء مثقفين امثالك و دمتي بصحة و سعادة تحياتي ..


تانياتاني غير متواجد حالياً  
التوقيع

رواية ..
نصيب الورد ..
https://www.rewity.com/forum/t487597...l#post16076665
د تانيا محسن. 💕😘
رد مع اقتباس
قديم 07-09-22, 05:43 PM   #12

تهاااااني

? العضوٌ??? » 496549
?  التسِجيلٌ » Dec 2021
? مشَارَ?اتْي » 93
?  نُقآطِيْ » تهاااااني is on a distinguished road
افتراضي

ولايحرمني منك يا صاحبة التميز والفكر المتجدد،
أقدم لك ازكى التحايا والشكر والتقدير.


تهاااااني غير متواجد حالياً   رد مع اقتباس
قديم 08-09-22, 03:31 PM   #13

تانياتاني

? العضوٌ??? » 495038
?  التسِجيلٌ » Nov 2021
? مشَارَ?اتْي » 91
? الًجنِس »
?  نُقآطِيْ » تانياتاني is on a distinguished road
¬» مشروبك   ice-lemon
¬» قناتك rotana
New1 رواية نصيب الورد قصة : - د/ تانيا محسن.


الفصل الثالث

9- الفندق.

بعدما إستقبل 'عبدالحميد' عيلته رجع لفندق "زهرة النرجس" و إنتظر وصول 'جمال' و عيلته و بعد مرور نصف ساعة و صلت عربية 'جمال' مع أسرته و معاهم مساعده 'اكرم' و الممرضة ’أحلام' ..

خرج 'عبد الحميد' من الفندق و مشي ناحيتهم يستقبلهم و يرحب بيهم ..
'عبد الحميد' : - الحمدلله على وصولكم بالسلامة !!

نزل 'أكرم' من العربية و فتح الباب ل 'جمال' علشان x يشيله و يحطه على الكرسي المتحرك فقرب منهم 'عبد الحميد' و ساعد 'أكرم' في حمل 'جمال' ..

إنبسط 'جمال' من تواضع 'عبد الحميد' لأنه شاله بنفسه و ما إنتظرش حد غيره يجي يساعد 'أكرم' ..
'جمال' - بابتسامة - : - كل يوم يا إبني بيزيد إحترامي ليك أكثر و بفرح لما أديتك كل ثقتي !!
'عبد الحميد' : - أنت الخير و البركة يا عمي و عمري ما هنسى فضلك عليا !!
'جمال' : - عارف أنا لو كنت خلفت ولد ماكنش هيعمل معاي ربع اللي أنت عملته علشاني !!

تدخلت 'إيزابيل' بالكلام بينهم ..
'إيزابيل' - بغيره - : - حبيبي 'جمال' و بنتك 'نرجس' راحت فين !!
دي هي بنتك الوحيدة و حبيبتك !!!

تجاهل 'جمال' كلامها و كمل كلامه ل 'عبد الحميد'x ..
'جمال' : - ربنا ستر يا 'عبد الحميد' إني ما خلفتش الولد كان قصر في عمري !!!
'عبد الحميد' : - لا يا عمي ربنا يطول بعمرك و يديك الصحة و إن شاء الله هترجع لشغلك !!
'جمال' : - آمين !!!!

رفع 'جمال' رأسه ناحية بنته 'نرجس' ..
'جمال' : - شايفه يا 'نرجس' إزاي جوزك بيخاف عليا اتعلمي منه !!
هو الإنسان الأصيل كده عمره ما بيتغير و لو جريت في إيده كل كنوز الدنيا يا ريتني لو عرفت إربيكي !!!
'نرجس' - بحنق - : - و أنا عملت إيه !!!
على الأقل إفتكر إني من أختار 'عبد الحميد' و عرفته عليك !!

إبتسم 'جمال' و سكت دقيقة قبل ما يرد ..
'جمال' : - أنتي جبتيه من غير ما تقصدي يمكن كانت غلطة !!
'نرجس' : - إزاي كانت غلطة و أنا اللي إخترته من بين ألف شاب في الجامعة !!!

أحرج 'عبد الحميد' من 'جمال' لما رجع بذكرياته و افتكر إنه هو من وقع 'نرجس' في حباله مش هي فقطع عليهم ..
'عبد الحميد' : - بلاش كلام هنا إنتوا عايزين تفرجوا الناس علينا !!

حس 'جمال' بإحراج 'عبد الحميد' فحاول يمدحه ينسيه الماضي ..
'جمال' : - و دي الحاجة الوحيدة اللي فرحتيني بيها يا 'نرجس' !!
'نرجس' - بحدة - : - بابا !!!

فهم 'عبد الحميد' محاولة 'جمال' فتحرك بسرعة بالكرسي ..
'عبد الحميد' : - خليني دلوقتي أخذك على الجناح اللي أنت هتقعد فيه أنت محتاج راحة من تعب السفر و خصوصا إنك لسه عامل عملية إستئصال في القولون !!
'جمال' : - فعلاً أنا تعبان قوي و محدش حاسس بتعبي غيرك أنت و 'أكرم' !!
'أكرم' : - ده من واجبي 'جمال' بيه إني أهتم براحتك !!
'عبد الحميد' : - طبx يا 'أكرم' ساعدني أدخل عمي للفندق !!
'إيزابيل'x- بصوت عالي - : - و الشنط بتاعتنا !!!
مين اللي هيشيلها !!

إلتفت 'عبد الحميد' ل 'إيزابيل' و رماها بنظرة قاسية لأنانيتها ..
'عبد الحميد' : - إنتي أطلعي بس و هتلاقي كل شنطكم سبقاكم على اوضكم !!

دخل الجميع لصالة الإستقبال و أخذ 'عبد الحميد' من موظفة الإستقبال بطاقات مفاتيح الأجنحه اللي جهزها لعيله حماه و أخذهم يطلعهم الأسانسير ..

انفتح باب الأسانسير و سبقتهم 'نرجس' للخارج ..
'نرجس' : - هات مفتاح السويت بتاعي أنا تعبانه و عايزه أدخل انام !!
و آه ما تنساش تبعث لي واحدة علشان تشوف طلباتي !!
'عبد الحميد' : - خلينا أول حاجة ندخل عمي على اوضة نومه و بعدما نطمن عليه كل واحد فينا هيروح على الجناح اللي هينام فيه !!

فرحت 'إيزابيل' إن 'عبد الحميد' حجز لكل واحد منهم جناح منفصل و إنها مش هتضطر تسمع آنات 'جمال' من الألم طول الليل و طلباته الكثيرة ..
'إيزابيل' : - برافو 'عبد الحميد' أنت فكرت براحة الجميع و مانسيتش حد فينا !!
عندك حق 'جمال' تعبان و محتاج ينام لوحده علشان محدش يزعجه !!

إلتفت 'عبد الحميد' ناحية 'إيزابيل' و هو بيبتسم ..
'عبد الحميد' - بسخرية - : - و مين قالك إني هفرق بينك و بين جوزك مش معقول أعمل كده !!
إنتي يا حماتي هتنامي مع جوزك في نفس الأوضة و الممرضة 'أحلام' هتنام في الأوضة اللي جنبكم !!
و 'أكرم' هينام في الأوضه الموجودة في نهاية الممر علشان يكون قريب منكم لو عمي احتاج له في اي وقت !!
'إيزابيل' - بغضب - : - يبق راجع قواعد اللغة الفرنسية مرة ثانية لأنه واضح إنك ناسي درس الضمائر !!!

ضحك 'عبد الحميد' بقوة ..
'عبد الحميد' : - هاهاهاها ممكن توضحي لي أنا غلطت في أي ضمير !!
'إيزابيل' : - قولت كل واحد فينا !!
يعني أنا في جناح و 'جمال' في جناح ثاني كده كان كلامك !!
'عبد الحميد' : - لااا مش كده أنا كان قصدي على حد غيرك !!

نزل 'عبد الحميد' رأسه و قرب فمه من إذن 'جمال' و تكلم باللغة العربية ..
'عبد الحميد'x : - عمي أنا عايز أعرف هو ليه ذكائك خانك وقت ما أخترت عروستك !!
هي محتاجه تفهم من اللغة العربيةx معنى الضمير و الواجب !!
'جمال' : - ما تفكرنيش بالماضي يا أبني للأسف أنا ماعملتش حسابي لليوم ده !!
أنا كنت شاب صغير و أعجبت بجمالها و إتجوزتها علشان أقدمها لشخصيات المجتمعات الراقية و يقولوا عني إني رجل أعمال ناجح متجوز بأجمل ست تعرف أصول الاتكيت و الضيافة و خصوصاً في الحفلات الرسمية و قولت لنفسي في ذاك الوقت مش مهم تكون طباعها إيه !!

'عبد الحميد' - بمزاح - : - الحقيقة كانت غلطة العمرx بس و لا يهمك يا عمي !!
إيه رأيك لو تصحح غلطتك دلوقتي و تيجي تهرب معايا و أخطب لك واحدة شبه عروستي !!
'جمال' : - هاهاهاها لا متشكر يا أبني دي مراتي و لؤمها على راسي و ما اشوفش قدام عنيا عروسة زي عروستك !!
'عبد الحميد' : - هاهاها إطمن يا عمي إحنا هنسافر شهر العسل لمكان جميل لوحدنا و هناك هنشوف البنات الحلوة و عرايسنا نبقى نسيبهم لحالهم و نخليهم يبحلقوا في بعض !!

ضحك 'جمال' بصوت عالي من مزحة 'عبد الحميد' ..
'جمال' : - هاهاهاها أه بطني هاهاها !!
'نرجس' - بإنتباه - : - إيه يا بابا هي مالها عروسته !!
هو أنت قابلتها !!!
'جمال' : - أنتي مشتاقه يا بنتي تشوفي ضرتك !!
'نرجس' : - لا مش عايزه أشوفها لأنها أكيد مش هتكون زيي !!
'جمال' : - صح هي ست عادية بس عيبها إنها مابتقدرش تمشي و لا بتقدر تشوف !!
'نرجس' : - نعم !!!

التفت 'نرجس' بنظراتها ناحية 'عبد الحميد' بسخرية ..
'نرجس' : - هي دي العروسة اللي أنت فرحان بيها !!

حس 'عبد الحميد' بإحراج من 'نرجس' لإن 'جمال' فضح عيوب مراته قبل ما يجهز نفسه لخطة إغاظتها ..
'عبد الحميد' : - و فيها إيه أهم حاجة قلبها الطيب و هي بتحبني و أنا بحبها !!

'نرجس' : - واضح أنك مجنون لأنك تجوزت واحدة زي دي و كمان لأنك بتفكر تجمعها بيا !!
'عبد الحميد' : - أه أنا مجنون بيها لأنها كانت حبي الحقيقي و هتفضل إن شاء الله !!
'نرجس' : - يعني أنت كنت تعرفها من قبل ما تعرفني !!!
'عبد الحميد' : - أيوه أعرفها بس الظروف هي اللي حكمت علينا إننا نبعد عن بعض !!
'نرجس' : - قصدك بعدما أنت عرفت شكل الفلوس رحت تتجوزها !!
'عبد الحميد' : - بالفلوس أو من غير فلوس كنا متفقين على الجواز !!
'نرجس' : - و إيه اللي حصل !!
آااه فهمت علشان هي مش قادره تشوف تجوزت المأذون هههههه !!

حاول 'عبد الحميد' يفكر بعذر مناسب لعدم جوازه من 'توليب' من قبل ففتكر كلام أخته إنها كانت عايشه لوحدها مع والدها ..
'عبد الحميد' : - نكته بايخه !!!
حبيبتي بنت أصيلة رفضت إننا نتجوز لإنها كانت خايفة على والدها لو تسافر لفرنسا و تسيبه عايش لوحده !!
و من أسابيع قليلة مات والدها فقولت ليه ما نرجعش لبعض و نتجوز و نعوض السنين اللي راحت مننا !!!

حس 'جمال' بمشاعر الغيرة من والد 'توليب' لانه معاه بنت بتحبه و تحن عليه ..
'جمال' : - تعرف يا 'عبد الحميد' أنا دلوقتي حبيتها و عايز اشوفها علشان أبوس ايدها !!
'نرجس' - بإشمئزاز - : - بابا أنت هتبوس إيد واحدة مشوهه !!!!
'جمال' - بحده - : - أيوه هبوس إيدها علشان هي رضيت تضحي بعمرها و سعادتها لخدمة والدها !!
'نرجس' - بحقد - : - ما هو يا بابا مش بمزاجها !!
هي بس مالقتش واحد أهبل يقبل يتجوزها غير 'عبد الحميد' !!
'جمال' - بحزن و عصبيه - : - 'عبد الحميد' !!!
إلحقني دخلني على أوضتي أنا بدأت أتعب اكثر !!

بص 'عبد الحميد' ل 'نرجس' بغضب ..
'عبد الحميد' : - مافيش حد أهبل هنا غيرك !!!
خليكي واقفه عندك لحد ما ارجع لك !!

مشي 'عبد الحميد' مع 'جمال' يدخلوا للجناح و قربت 'إيزابيل' من 'نرجس' ..
'إيزابيل' : - هو أنتوا كنتوا بتتكلموا في إيه !!

إلتفتت 'نرجس' لوالدتها ..
'نرجس' - بغضب - : - شفتي المصيبة يا ماما !!
'إيزابيل' - بغيظ - : - و هو لسه في مصيبة ثانية غير من إني هنام كل يوم جنب 'جمال' و أسهرx من صوته طول الليل !!!
قولي إيه المصيبة ؟!!
'نرجس' : - 'عبد الحميد' أتجوز عليا واحدة محتاجه لحد يخدمها !!!

فهمت 'إيزابيل' إن العروس غنية و معتادة على حياة الرفاهية ..
'إيزابيل' : - مممم هو إتجوز عليكي واحدة عايشه في مستوانا !!

تنرفزت 'نرجس' من كلام والدتها و ضربت الأرض برجليها بعصبية ..
'نرجس' : - اووووه يا ماما أفهمي كلامي مش كده !!!
قولت لك 'عبد الحميد' إتجوز عليا واحدة مريضة !!
شبه الميت مش قادره تشوف و لا قادره تمشي !!
'إيزابيل' : - مستحيل !!!
'عبد الحميد' يتجرأ و يأخذ واحدة من قسم المشرحة و إتجوزها !!!

ضربت 'نرجس' بإيدها في كف إيدها الثانية بغضب لما إفتكرت كلام 'عبد الحميد' وقت ما قابلها لما رجعت من السفر ..
'نرجس' : - آااه أنا دلوقتي فهمت قصد 'عبد الحميد' لما قال لي إنا اللي هيقوم على خدمتها !!
'إيزابيل' - بفزع - : - تخدميها !!
هو 'عبد الحميد' طار عقله !!
'نرجس' - بغل - : - أيوه يا ماما أعمل إيه معاه دلوقتي !!
'إيزابيل' : - لااااا 'عبد الحميد' زودها خالص !!!
مافيش حل قدامنا يا 'نرجس' غير إننا نستغل فرصة إنشغاله بفرح إبن خاله و نفكر إزاي نأخذ فلوسنا منه و نهرب لفرنسا !!

بصت 'نرجس' ناحية جناح والدها بكراهية و تقدمت خطوة تفكرx ..
'نرجس' : - و لو ما قدرناش يا ماما نأخذ منه هنخلص عليه !!!
أنا من زمان مليت منه !!

# * # * # * # * #


10- سعادة.

في أوضة نوم 'جمال' ..

رفع 'عبد الحميد' بمساعده 'أكرم' جذع 'جمال' حتى يقدر يقعد و يسند ظهره على السرير ..

'عبد الحميد' : - أنت كدا مرتاح يا عمي !!!
'جمال'x : - إيوه تمام !!
بس فين هي 'أحلام' !!
أنا إبتديت أحس بالألم و عايزها تديني الحقنة المسكنة !!!
'أكرم' - أنا شفت 'أحلام' لما نزلنا من العربية و هي رايحه ناحية مطعم الفندق فقلت أسيبها تروح يمكن هي جيعانه و عايزه تاكل !!
'جمال' : - هو أنا هفضل كل شويه أبعث وراها حد يدور لي عليها !!!
أنا تعبت معاها مرة يلاقوها في البلاكونة مشغوله بموبايلها و مرة يلاقوها بدردش مع 'نرجس ' في أوضتها و مرة و مرة !!!
أنا مش عارف هوx ليه الدكتور أختار لي 'أحلام' هي اللي تأخذ بالها مني !!
أنا اللي بقيت بأخذ بالي عليها !!!
'عبد الحميد' !!!
أنت لازم تكلمها يا إما تشوف شغلها كويس أو تمشي و تشوف لي حد غيرها !!!
'عبد الحميد' : - حاضر يا عمي ما تعصبش نفسك أنا شويه و هكلمها و أنبه عليها إنها تهتم بيك و بصحتك !!!

مشي 'عبد الحميد' ناحية 'أكرم' ..
'عبد الحميد' : - لو سمحت يا 'أكرم' روح دور عليها و لو لقيتها في المطعم و خلصت أكلها قولها تجيxتدي لعمي الحقنةx !!
'أكرم' : - حاضر هروح أدور عليها !!
بعد إذنكم !!

خرج 'أكرم' من الأوضة و ترك 'جمال' مع 'عبد الحميد' لوحدهم ..

قرب 'عبد الحميد' من سرير 'جمال' و قعد على طرف السرير و ربت بإيده فوق ركبة 'جمال' يطمنه ..
'عبد الحميد' : - إطمن يا عمي إن شاء الله هتشفى و تنسى الأيام الصعبة اللي أنت بتمر بيها !!
'جمال' : - إن شاء الله بس أنا عايز أعرف منك أنت ليه سايب 'نرجس' و 'إيزابيل' يحقدوا عليك و مايقدروش تعبك إنك اللي بنيت القرية السياحية !!
و دلوقتي الفندق أنت اللي شغال عليه ليل و نهار !!
'عبد الحميد' : - أنا ما عملتش حاجة أنت اللي إديتني الفرصة أحقق أحلامي و طموحي !!
'جمال' : - أنا فاهم بس بقصد ...!!
'عبد الحميد' - مقاطع - : - يا عمي أفهمني مافيش فايدة من الكلام معاهمx!!
يعني هم قدروا اللي أنت عملته علشانهم طول حياتهم فهم هيقدرونيx !!!
هم مابيقدروش حاجة غير الفلوس !!!
'جمال' : - عندك حق يا أبني دا أنا بقيت حاسس إني عايش وسط تماسيح جعانه مستنيني إمتى أموت علشان يكلوني !!
'عبد الحميد' : - ربنا يطول بعمرك أنت بس اهتم بصحتك و سيب الباقي كله على ربنا !!
'جمال' : - و نعم بالله ربنا بيحبني لأنه بعثك ليا !!
'عبد الحميد' : - يبقى تدعي لي يخلصني من عروستي الجميلة هاهاها !!!

شاف 'جمال' ل 'عبد الحميد' بنظرات إستفسار ..
'جمال' : - ليه بتقول كده ؟!!
مش أنتxبتقول أنك دائما بتفكر في كل خطوة قبل ما تعملهاx !!!
'عبد الحميد' : - إلا المرة ديه حاسس إني تسرعت !!!
و لخبطت حياتي بجوازتي من صديقة أختي !!
'جمال' : - إزاي؟!!
و أنت عامل خطة ل ' نرجس' بجوازتك من صديقة أختك !!!
'عبد الحميد' : - أيوة بس حضرتك جيت و كشفت قدامها بحقيقة عروستيxقبل ما أجهزx نفسيx !!
'جمال' : - تتجهز بإيه ؟!!
'عبد الحميد' : - زيما قولت لك من قبل أني كنت بفكر في الأول أخليها تغار و تصدق إني بحب العروسة و بعدين هي تتفأجا و ينكسر غرورهاx لما تشوف أنا فضلت عليها مين !!!
'جمال' : - بعترف انا فضحت قدام بنتي بعيوبxالعروسة علشان هي ترتاح و تعرف إنه مافيش خوف من عروستك أنها هتأخذك منها !!!
سامحني يا أبني بس أعمل إيهxقلب الأب !!!
'عبد الحميد' : - أنا عارف بس هي هتخاف من إيه إحنا خلاص مابقيناش طايقين بعض !!!
و أنا صابر عليها علشانك أنت بس و علشان ولادي !!
'جمال' : - وx بوصيك إنك تأخذ بالك منها بعدما أموت !!!
'عبد الحميد' : - الله يطول بعمرك بس صدقني مابقاش في فايدةx نحب بعض من جديد !!
أنا اتسرعت بجوازتي قبل ما إتاكد من مشاعرنا أنا و 'نرجس' وx دلوقتي بفكرx أطلب من أختي 'حنان' تلاقي لي حل معاها بس بعدما يخلص فرح 'عماد' !!
'جمال' : - ما تتسرعش يا أبني و أطلب من ربنا الفرج !!
'عبد الحميد' : - الندم من جوازتي بيشغل بالي طول الوقت مش قادر ارتاح !!!
'جمال' : - أطمن يا أبني كل حاجة بنعملها هو مقدر و مكتوب و ربنا يجعل جوازتك منها صدقة في ميزان حسناتك هي بنت طيبة و ربنا عوض صبرها في خدمة والدها بجوازها منك !!

هز 'عبد الحميد' رأسه بصمت و ماقدرش يصارح ل 'جمال' إنها لو بقت على ذمته فهي هتبقى معلقه بإسمه بس ..

# * # * # * # * #

خرج 'عبد الحميد' بعدما كلم 'أحلام' إنها تأخذ بالها من صحة 'جمال' و إطمن إنها أدت له الحقنة و نامx ..

لقى 'نرجس' و 'إيزابيل' واقفين في الممر مستنين خروجه ..

قرب منهم 'عبد الحميد' و طلع من جيبه بطاقة مفتاح باب الجناح اللي هتسكن فيه 'نرجس' ..
'عبد الحميد' : - تعبتوا يلا باقي دقيقة و تدخلوا المكانxاللي هتجتمعوا فيه علشان تخططوا لمؤامراتكم !!
'إيزابيل' : - من حقنا نفكر و نخطط هو أنت فاكر إننا هنسيب لك الفلوسxتفضل في جيبك !!

تحسس 'عبالحميد' جيوب بدلته بإيديه كإنه بيدور على حاجة ..
'عبد الحميد' : - هو في محفظة ضاعت منكم ؟!!
مالقيتش حاجة في جيبي خلاصxروحوا دورا عليها مكان ثاني !!
'إيزابيل' : -xمافيش حد هنا حرامي غيركxأنت جيت و أنت مفلس و لسه بتدرس في الجامعة و إحنا اللي كبرناكxو جوزناك ملكة جمال و خلينا لأسمك قيمة !!!
و قريب هتخرج و أنت كحيان و معاك نص ست !!

قرب 'عبد الحميد' إذنه من ' إيزابيل' ..
'عبد الحميد' : - بتقولي إيه !!!
حماتي !!!
طلع عندك حق !!
اللغة الفرنسية بقت صعبة عليا قوي !!
هو أنتي قولتي إنك و بنتك عايزين تسهروا على خدمة عروستي !!!
و الله انا ماعنديش مانع بالعكس دا يفرحني كثير !!
بس أنا بقول دلوقتي تروحي تشوفي جوزك و تخدميه في الأول و بعدين بنتك تجي عندك تساعدك في خدمته و لو عايزه قولي لها تحكي لك إيه اللي حصل بينا !!

تنرفزت 'إيزابيل' من كلام 'عبد الحميد' ..
'إيزابيل' : -xهوx أنت مالك حاشر نفسك بينا ليه و كلx حاجة في الأصل هي ملك جوزي !!
'عبدالحميد' : - بقول لك روحي شوفي جوزك !!
'إيزابيل' : - وx لو هو تنازل بكل حاجة ل 'نرجس' مش هو والدها !!!
و أنت مش هتكسب معانا لإنها مراتك ؟!!

'عبد الحميد' - بغضب - : - مافيش فايدة منك بس إسمعي كلامي كويس لو أحس بس إن صحة عمي بقت في النازل أقسم بالله إنك لتشوفي مني حساب عمرك ما شفتيه !!!
و هخليكي تتمني الموت قبل ما هو يموت !!

خافت 'ايزابيل' من تهديد 'عبد الحميد' ..
'إيزابيل' : - معاك ممرضته هي المفروض اللي تحاسبها عليه مش أنا !!!
'عبد الحميد' : - أنا مش هحاسب حد غيرك !!
'إيزابيل' : - أنت حقيقي مجنون !!!

جريت 'إيزابيل' تهرب من قدام 'عبد الحميد' و دخلت جناح جوزها 'جمال' ..

حاولت 'نرجس' تلحق بوالدتها ..
'نرجس' : - ماما ماتخافيش منه !!!
'عبد الحميد' : - و أنتي يا ميدوسا مش عايزه تشوفي الوكر بتاعك !!

'نرجس' : - أهي قدامنا يلا ندخل !!
'عبد الحميد ' : - هتدخلي لوحدك لأني حاجز السويت ليكي أنتي بس !!
'نرجس' : -x طيب بس الناس و عيلتك مش خايف من كلامهم !!
هتقولهمx إيه لما يعرفوا إنك مش نايم معايا في أوضة واحدة ؟!!
'عبد الحميد' : - هقولهم إني لقيت في سريري ثعبان بيقرصني بسم في جسمي كل يوم !!!
'نرجس' : - و هيجي يوم و تلاقي السم أنتشر في كل مكان في جسمك !!!
أنت تمنع بابا يتنازل عن املاكه ليا !!!
ليه هي كانت فلوس والدك !!!
'عبد الحميد' : - ما تنطقيش إسم والدي أنا بجد بقيت قرفان منك و من والدتك و أخذت جناح بعيد عنك لإني بفكر أستعجل أجيب عروستي و مش عايز أشوف منك إي إزعاج !!
'نرجس' : - أشبع بالزومبي بتاعتك يعني أنت فاكر إني هغير منها !!
بس بحذرك اوعى أشوفها في يوم تعتب باب فندق بابا انا هحرقها لكxو هحرق لك الفندق و اللي فيه و أنت ليك الشرف تكون أولهم !!

نزعت 'نرجس' بطاقة المفتاح من إيد 'عبد الحميد' بقوة و مشيت خطوة ناحية باب جناحها لكن وقفت و إلتفتت ناحيته ..
'نرجس' : - ما تنساش يا عريس تبعث لي واحدة ترتب لي ملابسي !!
'عبدالحميد' : - و 'علية' مالها !!
ما جبتيهاش معاكي ليه !!
'نرجس' : - و "اولادك" مين اللي هياخذ باله منهم !!
'عبد الحميد' : - انتي مش عايزه ييجيوا هنا و ينبسطوا معانا !!
'نرجس' : - أنا مش فاضيه ليهم أنت رفضت تبعثهم لمدرسة داخلية في فرنسا أو تجيب ليهم مربية أجنبيةx !!
'عبد الحميد' : - صح هم "اولادي" انا بس لأنك مش خايفة عليهم لوxيبعدوا عن حضنك و هم في السن ده !!
و أنا يا ست الحبابيب بطلت حكاية المربيات الأجنبيات لما شفت طريقة تربيتهم الجافة للأولاد و كلامهم بلغتهم هتنسي ولادي اللغة العربية !!!
'نرجس' : - و هم ولادك هيستفيدوا إيه من اللغة العربية !!
هيطلعوا القمر !!!

تنرفزx 'عبد الحميد' من ردود 'نرجس' لكل كلمة بيقولها ..
'عبد الحميد' : - إمشي دلوقتي من قدامي و ما تنسيش كلنا الليلة هنجتمع علشان نستقبل عيله العروسين !!

مشي 'عبد الحميد' و ترك 'نرجس' واقفه قدام الباب تلحقه بنظراتها السامة ..
..
وصل 'عبد الحميد' للجناح الي هيسكن فيه ..
فتح الباب ،xو دخل على أوضه نومه و إسترخى بجسمه على سريره ..
و قعد يفكر مع نفسه ..
و يلومها بشدة ..
على فكرته القديمة ..
إن الفلوس هي اللي بتجيب "السعادة" للإنسان ..

# * # * # * # * #

يتبع الأحد القادم ..



التعديل الأخير تم بواسطة ebti ; 08-09-22 الساعة 11:45 PM
تانياتاني غير متواجد حالياً  
التوقيع

رواية ..
نصيب الورد ..
https://www.rewity.com/forum/t487597...l#post16076665
د تانيا محسن. 💕😘
رد مع اقتباس
قديم 12-09-22, 01:10 AM   #14

تانياتاني

? العضوٌ??? » 495038
?  التسِجيلٌ » Nov 2021
? مشَارَ?اتْي » 91
? الًجنِس »
?  نُقآطِيْ » تانياتاني is on a distinguished road
¬» مشروبك   ice-lemon
¬» قناتك rotana
Icon26 رواية نصيب الورد د / تانيا محسن.

الفصل الرابع


11- قوة الصبر.

في المساء في بيت 'زهراء' و 'توليب' ..

وقفت 'توليب' قدام المراية تشوف نفسها و هي لابسة بدلة نسائية لونها بيج و قميص أبيض من الحرير و على رأسها طرحة بيضاء من الشيفون ..

نفخت 'توليب' بعمق من خوفها و قلقها ..
'توليب' : - يا رب خليه يشوفني أحلى واحدة في الحفلة !!

دخلت 'زهراء' أوضة نوم 'توليب' ..
'زهراء' : - 'توليب' يلا بسرعة أجهزي عايزه ألحق أسلم على أخويا و إبنه العريس !!!

بصت 'توليب' ل 'زهراء' من المراية ..
'توليب' - بخوف - : - خلاص أنا جاهزة بس ..!!!
'زهراء' - بإستغراب - : - مالك في إيه ؟!!

إلتفتت 'توليب' ناحية 'زهراء' ..
'توليب' - بإرتباك - : - هو عادي أحضر الحفلة و أنا جايه هنا بصفتي ممرضة بس !!
'زهراء' : - و أنتي ممرضة لمين ؟!!
مش ليا انا !!
يعني شغلك تكوني معايا على طول فين مارحت و فين ماجيت !!
'توليب' : - تمام طب شوفيني كده لبسي مناسب للحفلة !!

دارت 'توليب' حول نفسها و شافتها 'زهراء' من فوق لتحت ..
'زهراء' : - بدلة شيك حلوة و مناسبة !!!
'توليب' : - 'زهراء' هو أنا حلوة !!

قربت منها 'زهراء' و إبتسمت و هي بتشوف وش 'توليب' فيه نور من الفرحة ..
'زهراء' : - بسم الله ما شاء الله إنتي حلوة قوي و وشك بينور !!!

جريت 'توليب' بسرعة ناحية التسريحة و ألتقطت منها علبة ميك أب ..
'توليب' - بحماس - : - شوفي المكياج ده أنا أشتريته من أغلى المحلات المشهورة علشان مش عايزة أعمل أي غلطة و لو في مكياج وشي !!

أخذت منها 'زهراء' العلبة و قرأت اسم الماركة المكتوبة عليه و فتحته تتفرج الألوان ..
'زهراء' : - اه دي ماركة عالمية !!
'توليب' : - أيوة أنا أشتريته بمبلغ كبير قوي !!
'زهراء' : - مبروك عليكي و إن شاء الله يحقق النتيجة المطلوبة و يخطفك 'عبد الحميد' الليلة !!
'توليب' : - ههههه مش الليلة أنا موافقة استناه شهر !!
'زهراء' : - و ليه تستني شهر !!!
ما تسيبيني أساعدك و هتلاقي نفسك الليلة و إنتي قاعده جنب عروسة 'عماد' !!
'توليب' : - ههههه لا لا إحنا إتفقنا نسيب كل حاجة على 'حنان' !!
'زهراء' : - طيب أنتوا حرين !!

بصت 'توليب' ل 'زهراء' بإرتباك ..
'توليب' : - 'زهراء' ممكن أسالك سؤال؟!!
'زهراء' : - براحتك إسألي ؟!!
'توليب' : - هو إنتي ليه ما تجوزتيش لحد دلوقتي؟ !!
'زهراء' - بمزاح - : - أااه علشان إنتي إتجوزتي خلاص هتبدأي تدلعي عليا !!
'توليب' : - ههههه مش كده أنا بس شايفه إنك حلوة و مافيكيش إي حاجة تتعيب و زمان ماكانش في بنت توصل لسن معين و إلا تكون متجوزه !!
'زهراء' : - زي ما بيقلوا النصيب !!!
'توليب' : - أنا فاهمة بس بسأل لو في سبب واضح !!!
'زهراء' ،: - يمكن بقول لأن أبويا دخلني مدرسة و سابني اتعلم و أتخرج قسم لغة عربية خلى العرسان يهربوا مني !!
'توليب' : - مش مهم أنتي قوية و قدرتي تعيشي حياتك من غير ما تحتاجي لحد !!
'زهراء' : - الحمدلله !!!

مسكت 'توليب' إيد 'زهراء' و إبتسمت ..
'توليب' : - تعرفي يا 'زهراء' بفكر لو نسميكي "زهرة العيلة" !!
'زهراء' : - هههه أيوه أضحكي عليا بإسم حلو !!
'توليب' : - أنتي مش زهرة بس أنتي بوكيهx ورد بحاله !!!
'زهراء' : - خلاص و أنا هختارلكوا أسم أنتي و 'عبد الحميد' !!
'توليب' - بإنتباه - : - هاه هتسمينا إيه !!
'زهراء' : - ه‍سميكم "توليب و عبد الحميد" !!
'توليب' : - ههههه أحلى إسم !!

سمعوا جرس الباب فقامت 'توليب' و فتحته و شافت 'حنان' لابسة فستان أنيق أزرق فاتح مع طرحة زرقاء غامق مطرزة بلون فضي ..

'توليب' : - خلاص 'حنان' إحنا جاهزين !!
'حنان' - بإبتسامة - : - بسم الله ما شاء الله وشك منور !!
'توليب' : - ههههه 'زهراء' قالت لي نفس الكلام !!
'حنان' : - لإنها الحقيقة طب يلا خلونا نمشي 'فادي' مستنينا مع الأولاد بره !!
'توليب' : - يلا بينا !!

خرجت 'توليب' و 'زهراء' من البيت و طلعوا العربية مع 'حنان' و عيلتها ..

# * # * # * # * #

ركن 'فادي' العربية في موقف العربيات و دخلوا لحديقة الفندق و الأضواء منورة في كل مكان في الحديقة ..
تقدم 'فادي' مع 'زهراء' و بناته و وراهم 'حنان' بتسوق عربية إبنها 'كريم' و 'توليب' جنبها ..

فتحت 'حنان' عينيها من الإعجاب و الإنبهار من الأضواء و الزينة ..
'حنان' : - الله على جمال المكان شايفه يا 'توليب' !!
'توليب' : - . . .

إستغربت 'حنان' من عدم سماعها لإي كلمة من 'توليب' فالتفتت ناحيتها و شافتها بتحرك رأسها زي بندول الساعة و بدور بعينها عن 'عبدالحميد' بين وجوه المعازيم ..
'حنان' : - 'توليب' ما ينفعش كده !!!
أرجوكي إمسكي نفسك إحنا إتفقنا تخليكي في الأول ثقيلة عليه !!

إنتبهت 'توليب' لنفسها على صوت 'حنان' ..
'توليب' : - هاه أيوه أيوه عندك حق أنا نسيت نفسي !!
'حنان' : - لو شافك أخويا كدا و أنتي متلهفه عليه هيعرفxبخطتنا و هتضيعي مننا كل حاجة عملناه !!
'توليب' : - أنا أسفه خلاص أقرصيني كلما إبتديت انسى نفسي !!
'حنان' - بعتاب - : - يعني عيني هتفضل عليكي طول الوقت و مش هقدر أستمتع بالحفلة و لا اقدر أشوف بناتي و لا أقدر أخذ بالي من 'كريم' ؟!!
'توليب' : - خلاص أوعدك أني مش هكررها ثاني !!
'حنان' : - إسمعي إحنا هندخل الفندق و نقعد بسكات و أنتي طول الوقت هتعملي نفسك كأنك مشغوله يا إما معايا أو مع خالتي فاهمة !!
'توليب' : - فاهمة !!!

أختارت 'حنان' طاولة فقعد الكل حول الطاولة و أنشغلوا بالكلام مع بعض ..

بعد عشر دقايق شافت 'توليب' 'عبد الحميد' من بعيد و هو مشغول بيتابع التفاصيل مع بعض الموظفين في الفندق و بيديهم التعليمات ..
عجبها وسامته و أناقته و هو ببدلته الرمادية الصافية مع قميص أبيض من غير كرافته ..

قربت 'توليب' رأسها من راس 'حنان' و همستx..
'توليب' : - الله على جمال أخوكي !!
عسل !!!
'حنان' - بدهشة - : - واو دا في تطور واضح بدأتي تعاكسي أخويا قدامي !!
'توليب' : - أه لو تعرفي يا 'حنان' قد إيه بحب أخوكي !!!
من زمان بحبه و عمري ما نسيته لحظة !!
'حنان ' : - إزاي قدرتي تتحملي و تخبي في قلبك حبك لاخويا طول السنين اللي فاتت و أنتي بتحبيه كل الحب دهx !!

رجعت 'توليب' تسرح بنظراتها على 'عبد الحميد' ..
'توليب' : - الدعاء لله طول الوقت و تمسكي بالأمل في ربنا هم اللي صبروني يا 'حنان' !!
'حنان' : - و نعم بالله !!!
بس خلاص بطلي تراقبي أخويا و خليكي معانا !!!
'توليب' : - حاضر !!!

تعجبت 'حنان' في نفسها من قوة تحمل و صبر 'توليب' لإنها عمرها ماقالت كلمة عليه أو تحاول تسأل عنه ..

إنبسطت 'حنان' من قوة حب 'توليب' لأخوها و دعت لربنا من أعماق قلبها إنه يستجيب لأمنيتها ..
و يستجيب لدعاء 'توليب' ..
إنه يربط بين قلوبهم مع بعض ..

# * # * # * # * #

12- نورها.

إبتدأت الحفلة و طلع 'عبد الحميد' فوق المنصةxو أخذ المايكرفون من الفرقة الموسيقية و تكلم بالمابكرفون يرحب بالعروسين و الضيوف اللي حضروا المناسبة ..

بعد دقائق دخلت 'إيزابيل' و هي بتسوق قدامهاx 'جمال' على كرسيه المتحرك ..

شافهم 'عبد الحميد' و هم داخلين و جري ناحيتهم ..
'عبد الحميد' - بإبتسامة - : - إيه الشياكة دي يا عمي قولي هو أنت العريس !!!
'جمال' : - هاهاها متشكر يا أبني !!

قرب 'عبد الحميد' من 'إيزابيل' و تكلم بصوت واطي ..
'عبد الحميد' : - أنتي مش هترحمي عمي حتى و هو في الحالة دي !!!
قومتيه من سريره علشان بس الناس تشوفك و يفكروا إنك بتحبيه !!
'إيزابيل' - بسخرية - : - أنا ماليش دعوة إنا بس لقيته نازل في الاسانسير مع 'أكرم'xففكرت أقدم له مساعدتي !!!
'عبد الحميد' : - مساعدتك !!!
عليا الكلام ده !!!
أنتي بس عايزه الناس يشوفوكي و يقولوا إنك مهتمه بجوزك !!
'إيزابيل' - بغمزه - : - و هو دا المهمxيصدقوا إني زوجة مخلصه و مش مهم يعرفوا الحقيقة !!!
و دلوقتي سبني أكمل مهمتي !!

مشيت 'إيزابيل' و 'تركت عبد الحميد' لوحده ..
'عبد الحميد' : - يكمل عمرك إن شاء الله !!!

بعد عشر دقائق دخلت 'نرجس' من باب صالة المطعم و كل الأنظار إتجهت ليها بإعجاب و إنبهار من جمالها ..

قدرت 'توليب' تتماسك بنفسها لما عرفتها 'حنان' ب 'نرجس' ..
'حنان' : - و دي 'نرجس' مرات 'عبد الحميد' !!

شافت 'نرجس' 'حنان' و 'زهراء' قاعدين مع بعض فراحت ناحية طاولتهم و هي بتدلل بجمالها و ملابسها الغالية علشان تغيظهم و سلمت على 'حنان' و 'زهراء' و 'فادي' و 'توليب' ..
..
x 'نرجس' - باللغة الفرنسية - : - مساء الخيرx !!!
إزيك 'حنان' !!

تكلمت 'نرجس' بتعمد باللغة الفرنسية علشان هي عارفه إن ده بيزعج 'زهراء' منها لما بتتكلم فرنسي و تتجاهل الكلام باللغة العربية ..
فهمت 'حنان' قصدها و ردت على كل كلام 'نرجس' بالعربي ..

شافت 'نرجس' ل 'توليب' و أشرت ناحيتها برأسها ..
'نرجس' : - و مين دي اللي قاعده معاكم !!!
'حنان' : - دي ممرضة خالتي !!

ضحكت 'نرجس' بقوة ..
'نرجس' : - ههههه أخيراً جه اليوم اللي شوفتها تتعب !!!
'حنان' : - بعد الشر على خالتي هي بس محتاجه لحد يقعد معاها !!

فهمت 'توليب' كل كلام 'نرجس' لكن فضلت ساكته علشان ما تاخذش 'نرجس' بالها عليها و تحاول تعرف إيه حقيقتها ..

شافت 'توليب' 'نرجس' كإنها عروسة مانيكان لكن بتتحرك زي البني أدمين ..
و قارنت نفسها معاها و شافت إنه مستحيل توصل ل 'عبد الحميد' و هي بملامح جمال عادية مع قصور في نظرها و رجلها فحاولت تنسى حزنها بإنها تشغل نفسها مع أولاد 'حنان' ..

قعد 'عبد الحميد' في نفس طاولة 'جمال' و 'إيزابيل' و بعد دقايق حضرت 'نرجس' وقعدت معاهم بعدما إنتهت من السلام على العرايس و المعازيم ..

بص 'عبد الحميد' ل 'نرجس' و حس إن قلبه هيبدأ يفتن من جمالها من جديد و أعجب بحٔسن إختيارها لفستانها و الميك أب و بعد دقايق من الإفتتان لفت نظره لمنظر خلف 'نرجس' أحلى منها ..

شاف 'عبد الحميد' وش منور قاعد في طاولة أخته بيبتسم و يلعب مع بناتها ..

و وقت الأكل شاف النور و هو بيهتم ببنات 'حنان'xبياكلهم و إبتسامة جميلة مرسومه على وشه ..

نسي 'عبد الحميد' تماماً شكل 'نرجس' رغم إنها قاعده قدامها بالضبط و تمنى لو يقدر يبعد رأسها من المنظرx ..

و مع بداية غناء الفرقة الموسيقية شاف إبن 'حنان' بيبكي بشدة منزعج من صوت الموسيقى العالية و أخته حاولت تطبطب على ظهر إبنها حتى يسكت ..

شاف 'توليب' و هي بتقرب رأسها ناحية إبن 'حنان' و بدأت تغني له بشفايفها بتناغم مع كلمات كل أغنية ..
قدرت تلفت انتباه إبن أخته و بدأ يضحك معاها و يرجع يبكي لو وقفت من غنائها ..

سرح 'عبد الحميد' فيها و أختفى من قدامه كل الناس الموجودين في المكان ..

إنتبهت 'حنان' لنظرات أخوها و هي على 'توليب' ..
'حنان' - لنفسها - ... " حلوة الخطوة الثالثة جت بنفسها من غير ما أعمل أي تخطيط !!! " ...

فكرت 'حنان' إنها تجذب 'عبد الحميد' أكثر ل 'توليب' فضربت على الوتر الحساس إنه و ولاده محرومين من الحنان ..

رفعت 'حنان' إبنها من حضنها و حملته ناحية 'توليب' ..
'حنان' : - 'توليب' لو سمحتي خذي 'كريم'xمش قادره أكل و هو في حضني !!!
'توليب' - بإبتسامة - : - تعال يا حبيبي !!!

شاف 'عبد الحميد' إبتسامة حانيه على وش 'توليب' و هي بتغني ل 'كريم' و هو نايم في حضنها و بطرقع بصوابعها علشان تجذب انتباهه ناحيتها لحد ما نام بهدوء ..

إبتسم 'عبد الحميد' من المنظر و حس براحه و هو بيشوف قدامه لوحة مرسومه لملاك جميل ..

'عبد الحميد' - لنفسه - ... " خالتي عرفت تنقي أجمل و أحن ممرضة شفتها في حياتي !!! " ...

# * # * # * # * #




x 13- ملاك.

حاول 'عبدالحميد' إنه ما يطولش بنظراته على ممرضة خالته 'زهراء' فنزل عينه منها قبل مايلفت نظر حد عليه ..

'جمال' : - هو فين 'أكرم' عايزه يخرجني من هنا أشم شويه هواء و أرتاح من الدوشة !!

قامت 'نرجس' بسرعة و مسكت بكرسي والدها 'جمال' علشان يقولوا الناس إنها باره بوالدها ..
'نرجس' : - أنا اللي هخرجك يا بابا !!
'جمال' : - متشكرx !!!

'عبد الحميد' : - تحب أخرجك أنا يا عمي !!
'جمال' : - لا شكراً يا أبني خليك مع ضيوفك !!
أنا هتمشى شويه و بعدها هطلع أنام !!
'عبد الحميد' : - تحت امرك عمي !!

مشت 'نرجس' مع والدها و راحوا للحديقة الخلفية و 'عبد الحميد' قام و راح لطاولة العروسين و قعد يدردش معاهم ..

حست 'توليب' بغلطة جوازها من 'عبد الحميد' إنها حطت نفسها في مكان غير مكانها و أدت لنفسها أمل زائف و من المستحيل تحقيقه ..

قامت من مكانها و فكرت تخرج تتمشى قبل ماتفقد السيطرة على نفسها و تروح تلوم 'حنان' و تزعلها لإنها السبب في إقناعها بجوازها من 'عبد الحميد' ..
'توليب' : - 'حنان' أنا هخرج إتمشى شويه !!
'حنان' : - خليكي خمس دقايقxأخلص أكل و أجي معاكيx نتمشى مع بعض !!
'توليب' : - لا ماتتعبيش نفسك انا بس همشي لنهاية الحديقة و ارجع !!
'حنان' : - طيب خلاص على راحتك !!

خرجت 'توليب' و راحت تفكر في عقلها بكلام يرجع لها ثقتها في نفسها قبل مايحصل لها إنهيار نفسي ..

راح 'عبدالحميد' لطاولة 'حنان' و قعد على الكرسي و تفأجا بإختفاء ممرضة خالته ..
'عبد الحميد' : - هاه يا خالتي أنتي مبسوطة بحفلة العشاء !!
'زهراء' : - كنت هكون مبسوطه أكثر لو تعشيت في فرحك الثاني !!
'عبد الحميد' : - لو العروسة كانت موجودةxكنت عملت فرحي الثاني هاهاها !!
'زهراء' : - جرب أدعك الخاتم اللي في صباعك يمكن تطلع منه عروستك و تلاقيها قاعده جنبك !!

خافت 'حنان' من تلميح خالتها 'زهراء' ل 'عبد الحميد' و حاولت تغمز بعنيها إنها تسكت و ما تفضحش 'توليب' إنها موجوده بينهم ..
'حنان' : - بتقولي إيه يا خالتي !!!
سيبيه دلوقتي هو مشغول بالحفلة !!

'عبد الحميد' : - للأسف يا خالتي بس الخاتم بتاعي بيطلع عفاريت رجاله بس !!
'زهراء' : - بقى أنا هشتري لك خاتم يطلع لك جن حريمي !!
'عبدالحميد' : - هاهاهاهاها ياريت تلحقيني بيه بسرعة أشوف لي عروسة حلوة !!
'زهراء' : - مش تشوف اللي عندك !!
'عبد الحميد : - تقصدي مين !!!

تجاهلت 'زهراء' الرد عليه و إفتكرت 'توليب' و هي ماشيه ناحية الحديقة الخلفية ..
'زهراء' : - انا شفت عمك خرج مع بنته هي حالته إزيها دلوقتي؟!!
'عبد الحميد' : - ان شاء الله خير املنا في الله كبير !!
'زهراء' : - مسكين واضح إنه تعبان قوي ما تروح تشوفه !!
هو أنت مطمن عليه و هو مع بنته !!
'عبد الحميد' : - الحقيقة لا !!
'زهراء' : - ما تقوم تشوفه !!!
'عبد الحميد' : - حاضر هقوم أشوفه واضح يا خالتي إنكx مش عايزاني أقعد معاكم !!

قام 'عبد الحميد' من الكرسي ..
'عبد الحميد' : - تحب يا 'فادي' تيجي معايا !!
'فادي' : - قوي قوي يلا بينا !!

# * # * # * # * #

'جمال' : - خلاص يا 'نرجس' طلعيني دلوقتي معاد أخذ الدواء !!
'نرجس' - بقسوة - : - أنا تعبانه أطلغك لسويت بتاعك أنا هتصل ب 'أحلام' و أقول لها تجي للحديقة و هي تطلعك معاها !!
'جمال' : - قوليلها تنزل بسرعة أنا حاسس بشويه تعب و عايز أنام !!

تجاهلت 'نرجس' طلبه و بعد دقيقة حضرت 'أحلام' و معاها جهاز الضغط فقربت من 'جمال' و أخذت ذراعه و قاست لهx الضغط لقت الضغط منخفض ..
'أحلام' : - حاسس بحاجة يا 'جمال' بيه !!
'جمال' : - إيوه حاسس بدوخه !!
'أحلام' : - خلاص هطلعك دلوقتي تأخذ أدويتك و تستريح و تنام !!

قربت 'نرجس' من الممرضة و مدت إيدها ..
'نرجس' : - و أنا كمان يا 'أحلام' ممكن تقيسي لي الضغط !!
'أحلام' : - حاضر أنتي تأمري !!

أخذت ’أحلام' ذراع 'نرجس' و عجبها الأسورة الالماس و هي بتلمع في إيدها ..
'أحلام' : - ضغطك كويس جداً !!
الله حلوه الاسوارة دي هي إلماس حقيقي !!
'نرجس' - بغرور - : - طبعاً حقيقي أنا عمري ما لبست حاجة تقليد !!
حتى فستاني شوفيه أخذته من أشهر بيوت الأزياء في باريس !!
و لو شوفتي بقية مجوهراتي هتلاقيها كلها مصنوعه من أغلى الأحجار الكريمة و مصنوعة مخصوص علشاني أنا بس !!

سال لعاب 'احلام' لمجوهرات 'نرجس' و قعدت معاها تسألها عن أنواع المجوهرات و أسعارهم ..
'جمال' : - الحقوني دلوقتي و بعدين كملوا كلامكم !!

طنشت 'احلام' صوت 'جمال' و كملت مع 'نرجس' لما شافت منها تشجيع و هي بترضي غرورها ..
'أحلام' : - أنت حلوة قويxو أنتي لابسه الفستان ده طالعه شبه العروسة باربي !!
'نرجس' : - هههههه أيوا هو أنتي شفتي واحدة في الحفلة لابسه أحسن مني !!
'أحلام' : - عايزه أحضر الحفلة و أشوف بنفسي !!!
'جمال' : - 'نرجس' إلحقيني عيني بدأت تغمي عليا !!
'نرجس' : - حاضر أصبر دقيقة بس !!

شافت 'توليب' الموقف كله و أفتكرت والدها 'عبد الصبور' أيام مرضه..
جريت 'توليب' و مسكت إيد 'جمال' و حست النبض بدأ يختفي ..
'توليب' : - ما تقوموا تلحقوه الراجل هيروح منكم !!
'نرجس' : - يوووه مهو كل مرة بيتعب كده !!
و لو أنني عايزه طلعيه أنتي مش أنتي ممرضة !!!
إحنا مش عايزين نطلع دلوقتي !!!

سكتت 'توليب' لأن الوقت ضيق حتى تقدر تنقذ 'جمال' ..
'توليب' : - تحب أنا اوديك لاوضتك !!
'جمال' : - يا ريت يا بنتي !!
بس أنا عايز 'أحلام' تطلع معانا علشان هي عارفه بأدويتي !!

مسحت 'توليب' بإيدها العرق المتجمع على وش 'جمال' ..
'توليب' : - خلينا نروح أوضتك و أطمن أنا هعملك اللازم و هنطلب الدكتور علشان يجي يشوفك !!
قولي أنت ساكن في أوضة رقم كام !!

مسكت 'توليب' بمقبض الكرسي و أخذته بسرعة ناحية باب الفندق ..
'نرجس' : - شايفه بابي إزاي بيتعبني في كل مرة !!
الدكتور قال إنه لسه هيعيش لأنه عمل العملية لإستئصال الورمx!!
فليه بيعمل معايا كده !!!
'أحلام' : - ما تزعليش نفسك هم الرجاله كدا لما بيكبروا بيبقوا صعبين ما أنا شفت زيه كثير !!

اقترب 'عبدالحميد ' منهم بغضب و 'فادي' ماشي وراه ..
'عبدالحميد' : - و بقى شفتي كثير و هم بيطردوكي !!

انتفضت 'احلام' بخوف من صوت 'عبدالحميد' ..
'أحلام' - بإرتباك - : - ليه أنا قست له الضغط و كنت هطلعه و ادي له الداوء !!

'عبد الحميد' : - و بعدين !!!
’أحلام' : - هو طلب مني اسيبه شويه !!!

'عبد الحميد' : - الصبح تروحي لجنهم وما أشفش وشك هنا مرة ثانية !!
'أحلام' : - ليه هو أنا عملت إيه ؟!!!
'عبدالحميد ' - بعصبيه - : - 'فادي' مشيها من قدامي دلوقتي قبل ما أكسر لها رقبتها و مش هتقدر تشوف الكثير اللي بتقوله عليهم !!
'احلام' : - حرام عليك !!
حرام قطع الأرزاق !!!
'عبد الحميد' : - 'فادي' !!!

أشر لها 'فادي' تمشي معاه لكنها جريت ناحية 'نرجس' ..
'احلام' - بتوسل - : - الله يخليكي يا ست 'نرجس' قولي له إزاي أنا كنت مشغوله معاكي !!
قولي له يخليني في شغلي !!!
أنا ارتحت في الشغل معاكم !!
'نرجس' - بملل - : - و انا مالي خلاص لقينا بدالك ممرضة !!
'فادي' - بسخرية - : - شفتي يا مسكينة تعبتي نفسك معاها !!
لا هي قدرت تملقك و أنتي بتمدحي في مجوهراتها و فساتينها و لا قلبها حن عليكي !!
يا بنتي هي مارحمتش والدها فهترحمك إنتي؟!!
'نرجس' - بغضب - : - و أنت مالك تحشر نفسك في اللي مالكش فيه !!
بابي و انا حرة فيه !!
'فادي' : - اقسم بالله يا 'عبد الحميد' انك على حق لما تجوزت عليها !!
'عبدالحميد' : - خلينا في المهم خذ الممرضة و أطلب من الحسابات يدوا لها راتب شهر !!
'نرجس' - بغل - : - ليه راتب شهر كامل !!
هو انت بتدفع من فلوس والدك هي من إسبوع واحد بس أشتغلت عندنا !!
'عبدالحميد' :- أسكتي ما تنطقيش اسم والدي !!!
و أنا خلاص اديت كلمتي !!!

شهقت 'احلام' من لؤم'نرجس' ..
'احلام' : - هه مش أنتي السبب في إنه يطردني و دلوقتي عايزه تمنعيهم يدوا لي حقي !!
'نرجس' : - يدوكي شغل أربعة أيام بس !!
و يومين خصم على قله ادبك معايا !!

جريت 'أحلام' ل 'عبدالحميد' ..
'أحلام' : - ارجوك ...!!
'عبد الحميد' : - يا ريت يكون ده درس ليكي علشان تبطلي تجاملي و تتملقي لأي حد و تكوني تركزي على شغلك و بسx!!
و مش دي أول مرة تهملي فيها صحة عمي !!!
و دلوقتي يلا روحي معاه خذي حسابك و من بكره ما أشوفكيش قدامي !!

مشي 'عبد الحمبد' خظوة ناحية باب الفندق لكن ’أحلام' وقفت قدامه ..
'أحلام' : - لحظة لو سمحت !!!
هو أنت متأكد من الممرضة اللي راحت مع 'جمال' بيه إنها هتقبل تشتغل عندكم !!
'عبد الحميد' : - مايهمنيش أتاكد من حاجة أنا شفت قدامي ملايكة أنقذت عمي علشان الواجب بس و ما فكرتش إنه مش من مسؤوليتها أو مش من وظيفتها أو إنها هتاخذ فلوس على إنقاذها لحياته !!
و لعلمك هي في الأصل بتشتغل ممرضة لحد ثاني لكن أنا بكره هروح أجيب ممرض غيرك من أقرب مستشفى !!
و دلوقتي أطلع إلحق عمي أشوف إزاي بقت صحته من إهمالك و إستهتارك بحياته !!!
يلا توكلي مع السلامة !!!
وصلها يا 'فادي' !!!

# * # * # * # * #



يتبع قريباً ...



التعديل الأخير تم بواسطة ebti ; 13-09-22 الساعة 12:33 AM
تانياتاني غير متواجد حالياً  
التوقيع

رواية ..
نصيب الورد ..
https://www.rewity.com/forum/t487597...l#post16076665
د تانيا محسن. 💕😘
رد مع اقتباس
قديم 14-09-22, 06:36 AM   #15

تهاااااني

? العضوٌ??? » 496549
?  التسِجيلٌ » Dec 2021
? مشَارَ?اتْي » 93
?  نُقآطِيْ » تهاااااني is on a distinguished road
افتراضي

تحفه 😍😍😍
موفقة في بقية الاجزاء ❤️


تهاااااني غير متواجد حالياً   رد مع اقتباس
قديم 15-09-22, 07:30 AM   #16

تانياتاني

? العضوٌ??? » 495038
?  التسِجيلٌ » Nov 2021
? مشَارَ?اتْي » 91
? الًجنِس »
?  نُقآطِيْ » تانياتاني is on a distinguished road
¬» مشروبك   ice-lemon
¬» قناتك rotana
:jded: رواية" نصيب الورد " د/ تانيا محسن.

14- أمل.


دخلت 'توليب' أوضة نوم 'جمال' و هي بتدفع كرسيه قدامها و لما قربت من سريره لفت الكرسي حتى يقدر يقوم منه 'جمال' بسهولة و يطلع لسريره..

حاول 'جمال' يرفع نفسه و هو حاسس بثقل جسمه و دوخة في دماغه لكن ما قدرش يرفع نفسه أكثر و كان هيوقع على الكرسي لولا 'توليب' مسكت ذراعه بسرعة و سندته بقوة ..
'توليب' : - خليني أساعدك تقوم !!

قدر 'جمال' يطلع على السرير و امتد عليه و بسرعة جريت 'توليب' ناحية الثلاجة فتحتها و شافت داخلها قزازة عصير فواكة طبيعي أخذته و سكبت منه لكوبايه و رجعت ناحية 'جمال' ..
'توليب' : - أول حاجة إشرب العصير ده علشان ترفع مستوى السكر في جسمك !!!

سندت 'توليب' رأس 'جمال' بإيد و بإيدها الثانية شربته العصير و بعدما شرب جريت ناحية الكمدينو و أخذت منه ملفه الطبي فتحته و قرات تقرير حالته و الأدوية اللي بيمشي عليها ..

'توليب' - لنفسها - ... " نفس مرض أبويا الله يرحمه !!
دلوقتي ألحق أدي له المحلول يرفع له ضغط الدم !!! " ...

أخذت 'توليب' المحلول الوريدي و أمبولات الفيتامين و بسرعة راحت ناحية 'جمال' و علقت المحلول في الحامل و مزقت غلاف الكانيولا و غرستها في وريد ذراع 'جمال' ..

قعد 'جمال' يتفرج 'توليب' بصمت و هي بتدي له الأدوية و بعد دقائق قليلة حس براحة في جسمه و نام بهدوء ..

إطمنت 'توليب' على حالة 'جمال' و قعدت جنبه و إفتكرت والدها ..
'توليب' : - ياريت لو كان أبويا قالي عن حالته بدري قبل مانتأخر في علاجه !!
لكن قضاء ربنا لكل أجل كتاب !!!

دخل 'عبد الحميد' أوضة نوم 'جمال' بهدوء و شاف عمه نايم على السرير و المحلول موصل في ذراعه و 'توليب' قاعده جنبه ..
'عبدالحميد' : - إزاي بقت صحة عمي دلوقتي ؟!!
يحتاج نطلب له دكتور يجي يشوفه ؟!

سمعت' توليب' صوت 'عبدالحميد ' قريب منها فحست بقلبها هيوقف من كثرة ضرباته فرفعت رأسها و قامت بسرعة من الكرسي ..
'توليب' - بإرتباك - : - الحمدلله صحته بقت مستقرة دلوقتي !!

'عبدالحميد' : - مش عارف إيه اللي كان هيحصل لعمي لو أنتي مالحقتيهوش !!!
'توليب' : - أنا ماعملتش معاه غير الواجب و بعدين هو زي أبويا !!
و أنا مبسوطة لإن حالته تحسنت !!

تقدم 'عبد الحميد' ناحية 'توليب' و بدأت تستنشق ريحة برفانه و تمنت لو ترمي نفسها في حضنه تروي عطش روحها ..
'عبد الحميد' : - أنا بشكرك جداً !!
إنتي ممرضة حنينه !!!
إنتي ملاك !!!

إنطرب قلب 'توليب' و ذاب و هي بتسمع مدح 'عبد الحميد' ليها و فكرت تهرب قبل مايذوب قلبها أكثر فخرجت بسرعة من أوضة نوم 'جمال' من غير ما تستأذن ..

جري وراها 'عبد الحميد' ..
'عبد الحميد' : - إستنى عندك !!!

وقفت 'توليب' وسط الصالة و دارت ببطء ناحية 'عبد الحميد' ..

توليب - لنفسها - ... " أرجوك أرحمني سيبني أخرج مش هقدر أستحمل اكثر !!! " ...

'توليب' : - !!!
'عبد الحميد' - بإبتسامة - : - ما قولتليش إسمك إيه ؟!!

نست 'توليب' نفسها و هي بتشوف إبتسامته و حست بزيادة عشقها و فكرت تعترف له بحقيقتها و تخلص من بعدها عنه لكن إفتكرت كلام 'حنان' إنها لازم تثقل عليه علشان تنجح خطتهم فردت عليه بأسلوب جاف و مشت ناحية باب الخروج ..
'توليب' : - مرة ثانية أنا دلوقتي مستعجله أتأخرت على 'زهراء' بعد إذن حضرتك !!

إتضايق 'عبد الحميد' من رد 'توليب' ففكر بطريقة يرجع كرامته قدامها قبل ما تخرج من الباب ..
'عبدالحميد' : - ما تفكريش إني بسأل عن إسمك علشان عايز أتعرف عليكي !!!
انا بس سألتك علشان أقدر أفتكرك لو جيتي مكتبي أصرف لك مبلغ على مساعدتك لعمي !!!

حست 'توليب' بالإهانة من 'عبدالحميد' فالتفتت ناحيته ..
'توليب' : - هو أنت شايفني ساعدت عمك و أنا بفكر هتدوني كام !!!

إنبسط 'عبد الحميد' إنه قدر يحرجها و يرجع كرامته ..
'عبدالحميد' - بسخرية - : - أنتي تعبتي نفسك مع عمي فكري أنه تقدير مني !!
'توليب' - بحده - : - هي حياة عمك عندك تقديرها بالفلوس !!
'عبد الحميد' : - ماتفهمنيش غلط أنتي بتشتغلي عند خالتي فعتبريه كمان أنه شغل !!
'توليب' : - قولت لك هو زي أبويا مش عايزه منك أي حاجة !!!
'عبدالحميد' : - خلاص ممكن بكرة تقدمي طلب عند سكرتير عمي 'أكرم' تشتغلي عنده و بكدا تقدري تاخذي فلوس و إنتي مش مكسوفه مني زي دلوقتي !!
'توليب' - بدهشة - : - يعني أنت شايفني دلوقتي مكسوفه لإني ساعدته و ما اخذتش منك فلوس !!
هو أنت بتفكر إزاي !!!

بص 'عبد الحميد' ل 'توليب' بنظرات سخرية و هي هربت من نظراته و بصت ناحية أوضة نوم 'جمال' ..
'توليب' : - سبحان الله ما جمع إلا و وفق !!
أنت شبه بنته !!!

تفأجا 'عبد الحميد' من كلامها ..
'عبدالحميد' - بحده - : - هو إنتي قصدك إيه بكلامك !!
هو إنتي بتعايريني بمراتي !!!

قرب 'عبد الحميد' من 'توليب' يستفسر منها أكثر ..
'عبد الحميد' : - إيه اللي أنتي تعرفيه عني و عن مراتي ؟!!
و أختي و خالتي قالولك إيه عنها !!!

حست 'توليب' بالغيرة و هو بينادي 'نرجس' بمراته و هي مش قادره تسمع منه الكلمة دي ..
و في نفس الوقت حست بغلطها لأنها عايرته بمراته و دي من خصوصياته ..
'توليب' : - ما أقصدش حاجة أنا بس شفت مراتك إزاي سابت والدها يموت قدامها و هي بتفكر بس بقيمة مجوهراتها وفساتينها!!!
و دلوقتي أنت بتقدر ثمن مساعدتي !!
هو أنتوا في كل خطوة لازم تحسبوا ثمنها !!

'عبد الحميد' : - برافوا عليكي في دقايق قدرتي تقدري قيمتي أنا و مراتي !!

تعصبت 'توليب' من كلمة مراتي مرة ثانية ..
'توليب' : - يوووه لو سمحت سيبني أمشي زمان 'زهراء' بدور عليا !!
'عبدالحميد' : - أنتي المفروض تسهري جنب عمي !!
و أنا هتصل لخالتي و أطمنها عليكي !!
'توليب' - بإستهزاء - : - و أعمل لنفسي حرج لأني مش قادره أخذ ثمن شغلي !!!
متشكره أنا ماشيه و لو عمك أحتاج لأي مساعدة إبقى إتصل ب 'زهراء' و هي هتقولي !!

فكرت 'توليب' ممكن يحصل ل 'جمال' مضاعفات فيها خطورة على حياته فخافت على نفسها تتحمل المسؤولية ..
'توليب' : - و لو سمحت شوف لك ممرض فاهم لشغله ياخذ باله من عمك !!
'عبد الحميد' : - ليه تقصدي أنك مش ممرضة !!
'توليب' - بإرتباك - : - بقصد حالة عمك صعبة و محتاج ممرض متمرس في شغله و أنا أشتغلت تمريض لحاجات بسيطة !!
'عبد الحميد' : - أه فهمتك شكراً للتحذير !!!
'توليب' : - أنا بس خايفة على عمك لو يجر ...!!
'عبدالحميد' - مقاطع - : - مع ألف سلامة !!

خرجت 'توليب' من جناح 'جمال' و هي حزينة و متأكده إنها لخبطت في الخطة أكثر ..

طلع 'عبدالحميد' موبايله من جيبه و إتصل ل 'فادي' ..
'عبدالحميد' : - ألو 'فادي' !!
'فادي' : - نعم 'عبدالحميد' !!
'عبدالحميد' : - أنت فين دلوقتي ؟!!
'فادي' : - واقف مستنيك في صالة الإستقبال !!
'عبد الحميد' : - طيب خذ بالك ممرضة خالتي نازله دلوقتي من الأسانسير أرجوك وصلها بأمان لعند خالتي !!
اقصد يمكن هي تتوه و ما تعرفش تخرج من الفندق !!!
'فادي' - بإبتسامة - : - حاضر و لا يهمك !!
'عبدالحميد' : - بالمناسبة هي ممرضة خالتي إسمها ايه ؟!!

إفتكر 'فادي' الإسم اللي إتفقوا عليه ل 'توليب' ..
'فادي' : - إسمها 'أمل' !!!
'عبدالحميد' : - تمام مع السلامة !!!

إبتسم 'عبدالحميد' و قعد على الكنبة يفكر فيها ..
'عبدالحميد' : - 'أمل' إسمها جميل !!!
في حروفه طيبة وحنية !! " ...

قرر 'عبدالحميد' إنه يقوم يلحقها و يعتذر لها عن إهانته و يحاول يتعرف عليها و قبل ما يخرج فتح موبايله و إتصل ل 'إكرم' يجي يأخذ باله من 'جمال' ..

# * # * # * # * #

انفتح باب الأسانسير و خرجت منه 'توليب' و هي زعلانه و قابلت 'فادي' قدامها فوقفت تتكلم معاه ..
'فادي' - بمرح - : - شفتي إزاي 'عبدالحميد' إنبسط منك !!
'توليب' - بحزن - : - لا ماإنبسطش مني و لا حاجة !!
دا هو بس زعل مني و أحرجني بكلامه و طردني من جناح عمه !!
'فادي' - بدهشة - : - إزاي يطردك !!

حكت 'توليب' ل 'فادي' كل اللي حصل و الدموع بتنزل من عنيها ..
'توليب' : - أنا زعلانه من نفسي لإني مش عارفه إزاي أقرب منه !!
'فادي' : - بس هو اللي بدأ يقرب منك !!
'توليب' - بلهفة - : - قصدك إيه ؟!!
'فادي' : - أول حاجة إمسحي دموعك !!

مسحت 'توليب' دموعها بإيدها بسرعة و إنتبهت ل 'فادي' بكل حواسها ..
'فادي' : - 'عبد الحميد' أتصل بيا بعدما إنتي خرجتي من عنده و طلب مني آخذ بالي عليكي و أوصلك لمكان خالته بأمان !!
'توليب' : - بجد !!!
'فادي' : - و الله بجد !!
'توليب' - بحزن - : - بس ده مش دليل إنه بيقرب مني !!
'فادي' : - صح بس هو كمان سألني عن إسمك و حسيت كدا من صوته إنك خلاص وقعتيه في حبالك و مش هيقدر يهرب منك !!

قفزت 'توليب' من الفرحة و نست نفسها فتعلقت بذراع 'فادي' و سألته بلهفه ..
'توليب' : - حقيقي !!!
أنت حاسس بكده !!

'فادي' : - أيوة أنا راجل و أعرف شعور الراجل لما يبدأ يحب !!
'توليب' - بسعادة - : - يحب !!!

إنفتح باب الانساسير ل 'عبد الحميد' و شاف قدامه 'توليب' متعلقه بذراع 'فادي' و في عينيها نظرات حب و في شفايفها إبتسامة السعادة ..

'عبدالحميد' - لنفسه - ... " آاه دي طلعت بتوزع حنانها لكل واحد !!! " ...

# * # * # * # * #


15- إهتمام.


خرج 'عبد الحميد' من الأسانسير و قرب منهم ..
'عبدالحميد' - بإستهزاء - : - اللي يشوفكم كدا متعلقين في بعض هيقول إنكوا عرسان !!!

أحرجت 'توليب' من 'عبد الحميد' و سحبت إيدها بسرعة من ذراع 'فادي' ..
'عبد الحميد' - بتسأول - : - إنتم مستنين فرقة تجي تعمل لكم زفه علشان تمشوا !!
'فادي' - بجدية - : - إحنا كنا ماشيين و هي إتزحلقت و كانت هتوقع بس هي مسكت بذراعي !!!
'عبد الحميد' : - اااه كده طيب !!!
إسبقوني دلوقتي و أنا هحصلكم !!

مشي 'عبدالحميد' ناحية مكتب الاستقبال و وشه ناحيتهم يراقبهم ..

'عبد الحميد' - لنفسه - ... " و هو في حد كده كان هيوقع على الأرض و يكون وشه مبسوط أخر انبساط !!!
أنا لازم أحط ممرضة خالتي قدام عيني علشان أقدر أحافظ على بيت أختي !! " ...

'توليب' - بتوتر - : -'فادي' لو سمحت خلينا نمشي على مهل هو بيشوف ناحيتنا و خايفه اتزحلق قدامه بحق و حقيقي !!
'فادي' : - حاضر !!

مشت 'توليب' مع 'فادي' ببطء و بعدما خرجوا من البوابة سرعوا بمشيتهم في إتجاة طاولة 'حنان' ..
'توليب' - بخوف - : - 'حنان' !!!
إلحقينا وقعنا أنا و 'فادي' في ورطة قدام 'عبد الحميد' و دلوقتي لازم نمشي من هنا !!
'حنان' : - في إيه مالكم ؟!!
اقعدوا و إحكوا لي إيه اللي حصل !!

قعدت 'توليب' و 'فادي' و حكوا ل 'حنان' كل حاجة حصلت ..
'زهراء' : - قولت لكم سيبوني أنا إتفاهم معاه !!
كدا 'عبد الحميد' هيبعد عنك !!
'حنان' : - لا يا خالتي مش دلوقتي !!
'فادي' : - خلاص اسكتوا 'عبدالحميد' جاي ناحيتنا !!

خافت 'توليب' من 'عبد الحميد' لو يقوم يهزئها مرة ثانية فقربت عربية إبن 'حنان' من ناحيتها و راحت تلعب معاه ..

رفع 'عبد الحميد' بإيديه الثنتين بنت أخته 'فرح' من كرسيها و راح قعد مكانها و حملها فوق حضنه ..
إلتفت 'عبدالحميد' ل 'حنان' ..
'عبدالحميد' : - إيه رأيك بالحفلة يا 'حنان' ؟!!
مبسوطه !!
'حنان' : - قوي قوي مبسوطة بس أنا بشوف الوقت أتأخر و إحنا لازم ...!!
'عبدالحميد' - مقاطع - : - و أنتوا يا بنات عجبكم الأكل !!
'سارة' : - ااه يا خال العشاء كان حلو قوي !!
'عبد الحميد' : - حلو جداً و أنتي يا 'فرح' ؟!!
'فرح' : - و أنا أكلت كثير لما شبعت !!
و عجبني طبق الجيلي !!
'عبدالحميد' - بهدوء - : - كويس قوي يا حبيبتي !!

حاولت 'حنان' تغير مزاج أخوها ..
'حنان' : - 'عبد الحميد' فين ولادك قصدي ليه ماشفناهمش في الحفلة ؟!!
'عبدالحميد' : - سبناهم في القاهرة !!
'حنان' : - ليه !!!
كان لازم تجيبهم مع 'نرجس' علشان ينبسطوا لهم في الفرح و يلعبوا مع بناتي !!

'عبد الحميد' : - صعب أجيبهم هنا مش هقدر أخذ بالي عليهم !!!
'حنان' : - لا يا أخويا ما ينفعش كده حرام عليك !!!
هم لازم ييجوا و يفرحوا بمناسبة زي دي و أطمن أنا هأخذ بالي عليهم و لو عايز كمان خليهم يقعدوا معايا !!
'عبدالحميد' : - مش هتزهقي منهم !!
'حنان' : - لا أبداً أنا و بناتي بنحب ولادك و هحطهم جوه عنيا !!
'عبدالحميد' : - خلاص بكرة لو لقيت وقت هسافر أجيبهم !!

بص 'عبدالحميد' ل 'توليب' و شافها بتلاعب إبن 'حنان' و قعد يبص ناحيتها و وجه كلامه ل لخالته ..
'عبدالحميد' : - خالتي !!!
'زهراء' : - و أنا عملت إيه !!!

انتبه 'عبدالحميد' إن عيونه على 'توليب' و إلتفت بسرعة ناحية خالته ..
'عبدالحميد' : - هاه و لا حاجة أنتي بس من بكرة هتيجي تقعدي جنبي !!
'زهراء' : - أقعد جنبك فين يعني !!!
'عبد الحميد' : - أنا حجزت جناح ليكي أنتي و الدكتورة جنب الجناح اللي أنا قاعد فيه !!
'زهراء' : - ليه يعني !!!
'عبدالحميد' : - فكرت إنك خالتي و لازم تكوني جنبي و الدكتورة يمكن نحتاجها علشان عمي !!
'زهراء' : - بس أنا مش عايزه أنا مرتاحة في البيت !!
'عبد الحميد' : - و هو في فرق تقعدي في بيت أو في فندق !!!
'زهراء' : - أه في فرق أنا بحب الأستقلال و مابحبش و الموظفين و هم داخلين خارجين لأوضتي ينظفوا !!

شافت 'حنان' إنها فرصة ل 'توليب' و 'عبد الحميد' يقربوا من بعض و هم قربيبن ..
'حنان' - بغمزه - : - لا يا خالتي 'عبدالحميد' عنده حق أنتي لازم تقعدي معاه في الفندق و كمان تسمحي ل 'أمل' تهتم بصحة عم أخويا و ده طبعاً بعد إذنك يا 'أمل' !!!
'توليب' : - أنا هقعد مع 'زهراء' فين ما هي عايزه تروح !!
'زهراء' : - أسمع أنا موافقة لو تقعدني في أقرب بيت من الفندق !!
'عبدالحميد' : - أنا خلاص حجزت و بكرة من الصبح تكونوا جاهزين مع شنطكم و أنا هبعث حد يجي يأخذكم !!!
'زهراء' : - خلاص سيبنا يوم في البيت و بعد بكرة ننتقل للفندق !!
'عبد الحميد' : - بكرة الاقيكم جاهزين !!!

قام 'عبدالحميد' من مكانه و التفتت ل 'فادي' ..
'عبدالحميد' : - و أنت يا 'فادي' عايزك في موضوع مهم بس بوقت ثاني !!
'فادي' - بهدوء - : - أي وقت تحب أنا تحت أمرك !!
'عبد الحميد' : - إستمتعوا بوقتكم !!

قام 'عبدالحميد' من مكانه و بص نظرة أخيرة ل 'توليب' قبل مايمشي لكن أستغرب و هو سامع أصوات عالية جايه من خلفه ..
و هم بيضحكوا بسعادة ..
# * # * # * # * #


16- دوري!


ثاني يوم الصبح إستأذن 'عبدالحميد' بدخول جناح 'جمال' حتى يطمن عليه دخل الأوضة و شاف 'جمال' نايم على سريره و 'إيزابيل' قدام التسريحة قاعده على الكرسي بتحط على وشها ماسك تغذية البشرة ..

سلم عليهم 'عبدالحميد' و قعد جنب سرير 'جمال' و تكلم معاه باللغة العربية ..
'عبدالحميد' : - صباح الخير يا عمي إزاي بقت صحتك النهارده !!
'جمال' : - الحمدلله بس إمبارح في الليل شفت الموت قدامي لولا ست ملاك جت و أنقذت لي حياتي !!
أسمع يا 'عبد الحميد' أنا مش عايز أشوف الست 'أحلام' قدامي مرة ثانية !!!
'عبدالحميد' : - الحمدلله على سلامتك و إطمن أنا خلاص مشيت الممرضة !!
'جمال' : - و كمان بنتي أوعى تسيبني معاها في مكان واحد أو تحت رعايتها هي و والدتها لو في يوم تعبت اكثر !!!
مابقيتش أطمن على نفسي و أنا معاهم !!

'عبدالحميد' : - بعد الشر عليك يا عمي !!
أنا إمبارح لما رحت أدور عليك شفت بنفسي إستهتار بنتك بحياتك فمش معقول بعد اللي شفته منها أسيبك في يوم تكون تحت إيدها !!
'جمال' : - أيوه يا إبني !!
بس قولي هو أنت عرفت مين هي الست إللي أنقذت لي حياتي ؟!!
هي من قرايب عروسة إبن خالك !!!
'عبدالحميد' : - أيوه أعرفها هي ممرضة جت هنا مع خالتي !!
'جمال' - بخوف - : - مالها خالتك !!!
هي تعبانه قوي لدرجة إنها تجيب معاها ممرضة !!!
'عبدالحميد' : - أنا كمان نفسي أعرف خالتي فيها إيه علشان تحتاج ممرضة !!!
'جمال' : - روح لخالتك و إسألها و أعرف منها إيه اللي تاعبها !!!
'عبدالحميد' : - أكيد هسألها بس مش دلوقتي !!
أنا مطمن لوجود ممرضة تقعد معاها قصدي لو حصل لها حاجة بعد الشر عليها !!
'جمال' : - دي ممرضة ممتازة ساعدتني بحنيه كإني واحد من أسرتها !!
وإهتمت بكل حاجة من غير ما أقول لها تعمل إيه !!!

افتكر 'عبدالحميد' 'توليب' و هي بتحضن ذراع 'فادي' ..
'عبدالحميد' - بضيق - : - أيوا أنا شفت حنانها بنفسي !!
'جمال' : - قول لها تجي لي هنا كل يوم و تديني الأدوية و الحقن !!
'عبدالحميد' : - للأسف ما أقدرش أقول لها تجي عندك !!
'جمال' : - ليه !!!
'عبدالحميد' : - هي طلبت مني أشوف ممرض يكون متمرس في شغله واضح إنها مش فاهمة شغلها قوي !!
'جمال' : - لااا أوعى تجيب لي ممرض غيرها !!
انا خلاص بقيت متعقد من الممرضين كلهم بيتعبوني !!!
إمبارح أنا شفتها فاهمة لكل حاجة و من غير ما تسأل !!
كأنها عاشت الحالة دي من قبل !!!
بقول يمكن هي شايفه مسؤوليتي كبيرة عليها لأن حالتي خطيرة و هي خايفة لو أموت بين إيديها !!
'عبدالحميد' : - بعد الشر عليك يا عمي ربنا يشفيك !!
'جمال' : - آمين يارب !!!

إلتفت 'عبدالحميد' ناحية 'إيزابيل' و هي بتطلي أظافر إيديها بالمانكير بهدوء ..
'عبدالحميد' : - و مراتك سهرت جنبك !!!
'جمال' : - ما تضحكنيش يا إبني !!
إزاي تسهر و عينيها دائما بتغطيهم بنظارات النوم وقت ما تنام !!

بص 'جمال' ناحية 'إيزابيل' ..
'جمال' : - مراتي كل همها الفلوس و بشرتها !!
خايفة لو تظهر عليها علامات التجاعيد !!
'عبدالحميد' : - جمالها الخارجي هو الموجود !!
بس لو ضاع هتبقى مصيبة لا شكل و لا مضمون !!!
'جمال' : - هاهاهاها المهم دلوقتي روح هات الممرضة و قول لها إنك هتدفع لها مبلغ كويس علشان توافق تديني الحقن كل يوم !!
'عبدالحميد' - بفزع - : - لاااا أنا بحذرك أوعى تنطق قدامها بكلمة فلوس !!
دي هي بهذلتني و عصبتني و سبتها تخرج و هي زعلانه مني لما حبيت أهزر معاها بقصة الفلوس !!
'جمال' : - أنت عملت معاها إيه !!!
'عبد الحميد' - بغيظ - : - ما تقلقش هي حنينه قوووي و هتوافق تجي عندك !!
'جمال' : - إزاي هتوافق و أنت زعلتها !!!
'عبدالحميد' : - هتوافق لو قولت لها تجي تأخذ بالها منك كخدمة إنسانية !!
'جمال' - بدهشة - : - إيه الكلام اللي أنت بتقولوه !!!
'عبدالحميد' - بإبتسامة - : - دي هي الحقيقة يا عمي !!
إسمها 'امل' و كلها طيبة و حنيه !!
دي نور بيمشي على الأرض تصدق بالله !!!
'جمال' : - لا إله إلا الله !!
'عبد الحميد' : - بقيت بتمنى لو أتعب علشان هي تجي و تأخذ بالها مني !!
'جمال' : - إحذر و خذ بالك من الأمنيات دي ممكن تتحقق و هو أنت خلاص تعودت تتجوز أي واحدة تقابلها !!!
'عبدالحميد' : - إلا عروستي ماقابلتهاش و مستحيل أقابلها هاهاهاها !!
'جمال' : - هاهاها طب خلاص روح لها و خليها تجي تديني الحقن و تقيس لي ضغط الدم و هحاول أتعرف عليها يمكن تكون عروستي أنا !!

سمعت 'إيزابيل' بغيظ صوت ضحكات 'عبد الحميد' و 'جمال' و فكرت تقطع عليهم السعادة ..

'إيزابيل' - بصوت عالي - : - 'جمال' !!!

إبتسم 'جمال' ل 'عبد الحميد' ..
'جمال' - بمزح - : - بلغ عروستي إني قُريب هطلق ضرتها !!!

و إلتفت ناحية 'إيزابيل' ..
'جمال' - باللغة الفرنسية - : - نعم !!!
'إيزابيل' : - بلغ 'عبد الحميد ' يشحن كرت الفيزا بتاعي قرب يخلص !!
'جمال' - باللغة العربية - : - شفت أنا عندي حق إتجوز عليها الملاك !!
'عبدالحميد' : - و فلوسها اللي في البنك بتخبيه لمين !!
'جمال' : - ريحني منها و ادي لها اللي هي عاوزاه !!
أنا مابقيتش أطيق أسمع صوتها !!
'عبدالحميد' : - أمرك يا عمي !!!
'جمال' : - و يا ريتك تقول لها من اليوم و رايح تروح تنام في جناح بنتها !!
'عبدالحميد' : - و ليه ماتقولهاش بنفسك !!!
'جمال' - بعيون عطف - : - و يرضيك أسمع منها كلام قاسي يزود تعبي و أنا في الحالة دي !!!
'عبد الحميد' : - جرب !!!
'جمال' : - أجرب إيه !!!
ما أنت عارف هي بتحب المعانده في كل حاجة بطلبه منها !!

قام 'عبدالحميد' من جانب السرير ..
'عبدالحميد' - بعصبيه - : - قول إنك عايز تقعد براحتك مع ممرضة خالتي !!
'جمال' : - لااااا يا أبني أنا مش مريض في عقلي دي هي قد بنتي و أنا اللي في بالي وحدة ثانية !!
'عبد الحميد' - بإستغراب - : - مين هي !!!
'جمال' - بمزح - : - جدة العروسة هاهاهاها !!

إبتسم 'عبد الحميد' من مزحة 'جمال' ..
'عبد الحميد' : - طيب أنا هروح دلوقتي أجيب لك الممرضة قبل ما أسافر القاهرة !!
'جمال' - بقلق - : - هتسافر ليه !!
هتسيب فرح إبن خالك !!!
قولي هو في حاجة !!
الاولاد بخير !!!
'عبد الحميد ' : - لا أطمن هم كويسين و الحمدلله أنا بس هسافر علشان أجيبهم ينبسطوا في فرح 'عماد' !!
'جمال' : - برافو أنا مشتاق اشوفهم حاول ترجع بسرعة !!
'عبدالحميد' : - هرجع الليلة إن شاء الله !!
سلام عليكم !!
'جمال' : - و عليكم السلام ترجع بالسلامة يا أبني !!

# * # * # * # * #

خرج 'عبدالحميد' من الفندق و راح للبيت اللي ساكنه فيه 'زهراء' و 'توليب' ..
خبط 'عبدالحميد' باب البيت و فتحت له الباب بنت اخته ..
'فرح' - بهمس - : - إتفضل أدخل يا خال بس إمشي بشويش !!
'عبدالحميد' - بصوت واطي - : - ليه في إيه !!
و ايه اللي جابك هنا !!
'فرح' : - ماما جابتنا هنا أنا و 'سارة' و 'كريم' علشان هي قالت إنها عايزه تنام و ترتاح لها شويه من دوشة 'كريم' !!
'عبدالحميد' : - طيب بس إنتي ليه بتوطي صوتك !!
'فرح' : - خالتي في الحمام عايزه تحمينا أنا و 'سارة' !!
'عبد الحميد' : - تحبي أخش الحمام معاها أساعدها تحميكم !!

ضحكت 'فرح' مع 'عبد الحميد' و في نفس اللحظة خرجت 'توليب' من الحمام و هي لابسه قميص نوم أسود طويل مبلول بالمية و بتحضن 'كريم' على كتفها و بايدها الثانية بتغطيه بالبشكير ..
'توليب' : - يلا يا بنات دور مين دلوقتي تدخل أحميها !!

نسي 'عبد الحميد' نفسه و رد عليها بشكل تلقاني ..
'عبدالحميد' : - دوري أنا !!!

شافها 'عبدالحميد' و عجبه جسمها الممتلئ و قعد يفحصها بنظراته و يقارنها مع جسم 'نرجس' النحيف بشكل مفرط ..

إتفاجأت 'توليب' من وجود 'عبدالحميد' واقف قدامها فتوقفت في مكانها و ما قدرتش تتحرك خطوة و بخجل حاولت تغطي نفسها بطرف بشكير 'كريم' و بجسمه ..
'توليب' : - لو سمحت أمشي !!!
عبد الحميد' : - أنتي ليه واقفه مكانك !!!
'توليب' : - لو سمحت نزل عينك ما تشوفنيش !!
'عبدالحميد' : - أجري من قدامي زي بقية الناس !!
'توليب' : - اووه لو سمحت !!!
'عبدالحميد' : - هو عقلك حصل له شورت كهرباء عطل لك رجليكي !!

خرجت 'زهراء' من أوضة نومها و وقفت قدام الباب ..
'زهراء' : - 'عبدالحميد' !!!

التفت 'عبد الحميد' لخالته 'زهراء' ..
'زهراء' : - تعال إدخل !!

دخل 'عبدالحميد' أوضة 'زهراء' و هو مبسوط بالمنظر اللي شافه و قعد على سريرها ..
'زهراء' : - مالك مش عيب عليك تقعد تبص لها !!
'عبدالحميد' : - و هي إيه اللي مانعها تهرب من قدامي !!
'زهراء' : - و هي ليه تهرب !!!
'عبد الحميد' : - تجري من قدامي زي إي ست لو كانت في مكانها !!
'زهراء' : - هو كده طبعها !!!
'عبد الحميد' : - ماله طبعها ؟!!
'زهراء' : - طبعها إنها تتجمد في مكانها لو تفاجأت من أي حاجة قدامها !!
'عبدالحميد' : - طبعها مش كويس يعني هي لو شافت عربية جايه قصادها فأعصابها هتتجمد و توقف في مكانها و مش هتقدر تهرب من العربية قبل ماتخبطها !!!
'زهراء' : - بعدين نكمل بس قولي دلوقتي إيه اللي جابك من بدري !!
'عبدالحميد' : - عمي عايزها تروح له تديله الأدوية !!
'زهراء' : - بس كده حاااضر انت اسبق و انا هخليها تحصلك عند عمك !!
'عبدالحميد' : - لا انا مسافر دلوقتي اجيب ولادي فممكن تطلبي منها تستعجل و أنا هوصلها في طريقي !!
'زهراء' : - لا يا أبني ما تتعبش نفسك سافر أنت بالسلامة و أنا هروح معاها و بالمرة ننتقل للجناح اللي قولت لنا عليه !!
'عبدالحميد' : - طيب زي ما تحبي اشوفك بخير !!
'زهراء' : - و أنت بخير تروح و تيجي مع ولادك بالسلامة !!

خرج 'عبدالحميد' و هو بيفكر بتعجب من رد فعل 'توليب' الغريب لما شافته واقف قدامها ..

# * # * # * # * #

دخلت 'زهراء' على 'توليب' و شافتها قاعدة على سريرها بتبكي بحرقة ..
'زهراء' : - 'توليب' !!!

رفعت 'توليب' راسها ..
'توليب' : - أنا كنت لابسه الشبشب و مش لابسه جزمتي الطبية و خفت لو مشيت قدامه يشوف طريقة مشيتي و يعرف حقيقتي !!
انا بكره نفسي !!
نفسي أموت و أخلص !!!

قربت 'زهراء' من 'توليب' و حضنتها ..
'زهراء' : - بنتي ده إبتلاء من ربنا و لازم تصبري عليه !!
كل إنسان و فيه حاجة مافيش إنسان كامل الكمال لله وحده !!
قولي يارب أنا رضيت بقضائك و أكسبي أجر ثواب صبرك !!
'توليب' - ببكاء - : - و نعم بالله !!!

فكرت 'زهراء' بكلام ينسي 'توليب' حزنها ..
'زهراء' - بفزع - : - إيه ده هو 'عبد الحميد' شافك كده !!!

إفتكرت 'توليب' نظرات 'عبد الحميد' الجريئة و مسحت دموعها بصوابعها ..
'توليب' : - هاه أيوه شافني كدا و قعد يبص لي من غير أدب !!
'زهراء' : - يعني جوزك طلعت عينه زيغه !!
'توليب' : - قووي !!
'زهراء' : - عنده حق و هو مجنون يسيب فرصة زي دي و ملابسك الداخلية كدا واضحة !!
'توليب' : - يا لهوي !!!
'زهراء' : - أنا بحذرك من دلوقتي أوعي تسمحي له يستفرط بيكي و أنتي عند عمه !!
'توليب' - بمزح - : - و فيها إيه مش جوزي !!
'زهراء' : - ههههه طب خلينا دلوقتي نغير هدومنا و نرجع ولاد 'حنان' لبيتها و نروح أنا و أنتي لعمه و ننتقل للفندق !!
'توليب' : - إيوااا بس أنا هنكون مكسوفه من 'عبد الحميد' لما أقابله !!!
'زهراء' : - إطمني مش هتقابليه علشان هو خلاص هيسافر و راح المطار !!
'توليب' - بحزن - : - هيسافر !!!
ليه يسافر ؟!!
'زهراء' : - لحقتي تشتاقي ل 'عبد الحميد' و هو لسه من دقيقة كان واقف قدامك !!
'توليب' : - تقولي أنا عجبته !!!
'زهراء' - بنفاذ صبر - : - 'توليييب' إلبسي بسرعة الراجل تعبان و هيموت بسببك !!
'توليب' - بفزع - : - حاضر حاضر دقيقة بس و هلبس بس بعدما أخلص من لبس 'كريم' !!

# * # * # * # * #

يتبع ..


تانياتاني غير متواجد حالياً  
التوقيع

رواية ..
نصيب الورد ..
https://www.rewity.com/forum/t487597...l#post16076665
د تانيا محسن. 💕😘
رد مع اقتباس
قديم 16-09-22, 04:18 PM   #17

نور فواز

? العضوٌ??? » 497294
?  التسِجيلٌ » Jan 2022
? مشَارَ?اتْي » 16
?  نُقآطِيْ » نور فواز is on a distinguished road
افتراضي

اتَّقُوا الظُّلْمَ، فإنَّ الظُّلْمَ ظُلُماتٌ يَومَ القِيامَةِ

نور فواز غير متواجد حالياً   رد مع اقتباس
قديم 16-09-22, 04:25 PM   #18

نور فواز

? العضوٌ??? » 497294
?  التسِجيلٌ » Jan 2022
? مشَارَ?اتْي » 16
?  نُقآطِيْ » نور فواز is on a distinguished road
Bravo

[b]كل الشكر والتقدير أيتها المتميزة أبدعت فى الكتابة/b]

نور فواز غير متواجد حالياً   رد مع اقتباس
قديم 19-09-22, 01:09 AM   #19

تانياتاني

? العضوٌ??? » 495038
?  التسِجيلٌ » Nov 2021
? مشَارَ?اتْي » 91
? الًجنِس »
?  نُقآطِيْ » تانياتاني is on a distinguished road
¬» مشروبك   ice-lemon
¬» قناتك rotana
:jded: رواية " نصيب الورد "🌹د / تانيا محسن.

17- الحب للجميع.


أخذت 'توليب' ولاد 'حنان' و وصلتهم لبيتهم و رجعت ل 'زهراء' و راحوا مع بعض لفندق زهرة النرجس ..

طلعوا لجناح 'جمال' و لقوا 'أكرم' واقف مستنيهم قدام الباب ..
'إكرم' : - إتفضلوا !!!
'جمال' بيه مستنيكي يا دكتورة !!

دخلت 'توليب' أوضة النوم و شافت 'جمال' نايم في سريره فقربت منه بهدوء و حاولت تصحيه ..
'توليب' : - أستاذ 'جمال' !!!

صحى 'جمال' بسرعة و إبتسم لما شاف 'توليب' قدامه ..
'جمال' : - صباح الورد !!!
صباح الجمال الملائكي !!
'توليب' - بإبتسامة - : - أنا هسمح لك تقولي كلام حلو لو قمت بالسلامة !!
'جمال' : - هههه مش هتقدري تمنعيني لإني دلوقتي حاسس إني بقيت كويس !!

تقدمت 'زهراء' ناحيتهم ..
'زهراء' : - الحمدلله على سلامتك !!

شاف 'جمال' ل 'زهراء' بإهتمام و حاول يقوم من سريره ..
'زهراء' : - خليك مرتاح أرجوك ماتتعبش نفسك !!
'جمال' : - أهلاً ست 'زهراء' شكراً لزيارتك !!
أتفضلوا أقعدوا !!!

اشر 'جمال' لكراسي قريبه منه و 'زهراء' و 'توليب' راحوا و قعدوا عليهم ..
'جمال' : - عامله إيه يا ست 'زهراء' ؟!!
دي فتره طويلة مرت علينا ماشفناش فيها بعض !!!
أفتكر أخر مرة كانت ..!!
'زهراء' : - في باريس يوم ولادة بنتك للتوأم !!
'جمال' : - صح أنا ماقدرتش أنسى اليوم ده خالص !!
'توليب' - بإستغراب - : - ليه !!!

بص 'جمال' ناحية 'زهراء' ..
'جمال' : - لإني شفت وردة جميلة عن قرب !!
'توليب' - بدهشة - : - علشان شفت وردة !!!
هو ايه نوع الوردة دي !!

ضحك 'جمال' من رد 'توليب' ..
'جمال' : - ههههه أقصد لإنه كان يوم ولادة أحفادي 'أدم' و 'آيريس' !!

أحرجت 'زهراء' من كلام 'جمال' و نظراته عليها و حست بارتفاع الدم لخدودها فالتفتت ناحية 'توليب' ..
'زهراء' - بإرتباك - : - ما تقومي تشوفي الأدوية اللي هتديها للسيد 'جمال' !!
'توليب' : - أيوه صح دا أنا نسيت !!

قامت 'توليب' و مشيت ناحية الدولاب و أخذت الوصفة و الأدوية ..
حل الصمت في الاوضة أكثر من دقيقة إلتفتت 'توليب' مستغربة من الصمت و شافت نظرات الحب المتبادلة في عيون 'جمال' و 'زهراء' و ابتسمت لما شافت 'زهراء' إنكسفت و نزلت عينيها من طول نظراته ..

قطعت 'توليب' عليهم الصمت ..
'توليب' : - بعتذر من حضرتك أستاذ 'جمال' بس أنا من بكرة مش هجي فياريت تشوف ممرض غيري !!
'زهراء' - بفزع - : - ليه يجيب ممرض غيرك و إنتي موجودة !!!
'توليب' : - علشان أنا شغلي اهتم بيكي ب ...!!
'زهراء' - مقاطعة - : - أنا صحتي كويسه مافيهاش أي حاجة !!
و كمان ماتقلقيش أنا هكون أجي معاكي كل يوم !!
'توليب' : - أقلق !!!
'زهراء' - باحراج - : - أقصد علشان الطريق بعيدة عليكي !!
'جمال' - بفرحة - : - أيوه يا 'زهراء' أنتي لازم تيجي معاها كل يوم !!
'توليب' : - بمناسبة إيه تجي معايا !!!
'جمال'- بإرتباك - : - علشان 'عبد الحميد' وداكم لبيت بعيد شوي عن الفندق و أنتي ماينفعش تجي هنا في وقت الليل أو حتى الصباح و أنتي لوحدك !!!
'توليب' : - لا خلاص ما إحنا اليوم وقت الظهر هننتقل للفندق !!
'جمال' : - للفندق !!!
كويس يبقى أنا اللي هكون أجي عندك يا 'أمل' في أي وقت أحتجت ليكي !!
'زهراء' - بسرعة - : - تشرف في أي وقت سيد 'جمال' !!
'توليب' : -'زهراء' هو بيتكلم معايا أنا !!!

إبتسم 'جمال' من معانده 'توليب' ل 'زهراء' و إفتكر تعبه ..
'جمال' - بحزن - : - شفتي يا 'زهراء' بقيت مريض بالسرطان و مش عارف كم بقى لي يوم أعيشهم !!
'زهراء' - بخوف - : - لااا ما تقولش كده !!!
دا في ناس بصحتها و ماتوا بسرعة و في ناس مريضة و عاشوا كثير !!!
أنا متأكده إنك بإذن الله هتقدر تهزم المرض !!
لانك إنسان مؤمن و بالدعاء و الثقة في الله هتقدر تحقق المستحيل!!
مافيش حاجة صعبه على اللي خلقنا أنت بس أحسن الظن بيه وإن شاء الله هتلاقي صحتك رجعت زي الأول و أحسن !!!

إرتاخ 'جمال' من كلام 'زهراء' و شاف الفرق الكبير بين مراته 'إيزابيل' و هي بتغذيه بالإحباط و مستنيه موته بأسرع وقت ..
و بين 'زهراء' و هي بتمده بالقوة و بتشجعه على الحياة ..

أخذت 'توليب' تجهز المحلول و تحط داخله الأدوية المطلوبة و هي بتابع بصمت الحوار بين 'جمال' و 'زهراء' ..

'جمال' : - إيه رايك يا 'زهراء' لما يخلص المحلول نخرج أنا و إنتي خارج الفندق و أعزمك على الفطار !!
'توليب' : - بس أنت ممنوع تاكل أي فطار !!
'جمال' : - خلاص انتوا تفطروا و انا اقعد معاكم !!
اصلي زهقت من القعدة في الجناح لوحدي !!
'توليب' : - بس أنت لو خرجت من أوضة نومك يمكن مراتك تزعل !!!

قفزت 'توليب' من مكانها و صرخت و هي بتحس قرصة أصابع 'زهراء' في رجلها و راحت تدعك مكان الوجع ..
'توليب' : - آااااي أقصد هي فين !!
'جمال' : - راحت تغوص في البحر !!
إن شاء الله تغطس ماترجع !!
'توليب' : - لااا !!!
حرام تدعي على حد !!

حست 'زهراء' بلذة فرحة في داخلها و هي بتسمع دعوة 'جمال' على مراته ..
'زهراء' - لنفسها - ... " آمين !!!
هي تستاهل !! " ...

'جمال' : - 'زهراء' لو أنتي حاسه بملل تقدري تخرجي و تستنينا في إي مكان يعجبك و إحنا هنخلص و نحصلك !!
'زهراء' : - لا لا بالعكس أنا بحس بالملل لو قعدت لوحدي !!
'جمال' : - كويس خليكي هنا جنبي !!
أنا محتاج لك !!!

طار قلب 'زهراء' من الفرحة بإعتراف 'جمال' بأحتياجه فتحمست بالكلام تعترف له بخوفها عليه ..
'زهراء' : - تعرف سيد 'جمال' أنا إمبارح سهرت طول الليل و قعدت أدعي لك لما عرفت إنك تعبت و حتى أسال 'أمل' !!
'توليب' : - أنا كنت نايمة هاااه أيوة صح !!

إبتسم 'جمال' من طيبة 'زهراء' ..
'جمال' : - ربنا يخليكي ليا و يسعدك و يحقق لك كل أمانيكي !!
'زهراء' - بصوت عالي - : - آميييين !!!

إنبسط 'جمال' بزيارة 'زهراء' لإنها غيرت إحساسه من التشاؤم و الخوف إلى القوة و التفاؤل ..
و حس إن صحته هترجع له من جديد ..

# * # * # * # * #



18- "نصيب الورد.".


بعد مرور نصف ساعة خلص 'جمال' من اخذ المحلول فقربت منه 'توليب' و قامت بنزع أنبوبة التوصيل و قفلت الكانيولا بغطائها بإحكام ..
'توليب' : - بالشفاء إن شاء الله !!
'جمال' : - الله يسلمك يا بنتي !!
يلا خلونا نمشي !!
'توليب' : - طب إرتاح شوية بعد المحلول و بعدها أنا هساعدك تقوم من سريرك !!
'جمال' : - لا متشكر خليكي مرتاحه أنا أقدر أقوم لوحدي !!
'توليب' بإبتسامة : - ليه ؟!!
'جمال' : - مش عايز أتعب ست جميلة معايا !!
'توليب': - و إمبارح مش أنا اللي قمت بمساعدتك !!
'جمال' : - ايوه لأني إمبارح كنت تعبان قوي و النهارده أنا كويس !!
هاتي لي بس البالطو و تعالي لبسيني !!

أخذت 'توليب' البالطو و قامت تلبسه ل 'جمال' و هي بطلع لسانها من وراه تغيظ 'زهراء' ..

إبتسمت 'زهراء' من مزاح 'توليب' و قامت تقرب الكرسي ل 'جمال' ..

إنبسط 'جمال' لقرب 'زهراء' منه و قام من سريره و قعد على الكرسي ..

نزلوا للحديقة و أختاروا يقعدوا في طاولة تحت ظل شجرة كبيرة ..
'زهراء' : - بسم الله ما شاء الله الفندق بتاعك جميل جدا !!
و حديقتها زي الجنة بأشجارها و ورودها !!
'جمال' : - الفندق و الحديقة و القرية السياحية كله من تصميم 'عبدالحميد' !!

حست 'توليب' بالفخر بإنجازات 'عبدالحميد' و إبتسمت من سعادتها ..
شاف 'جمال' إبتسامة 'توليب' فحب يسألها ..
'جمال' : - 'أمل' !!!
'توليب' : - نعم !!!
'جمال' : - هو إنتي متجوزة ؟!!
'توليب' : - لا !!
'جمال' : - طب مخطوبة أو مرتبطة بحد ؟!!
'توليب' - بإرتباك - : - لا لا !!
'جمال' - بإستغراب - : - أقدر أسألك إيه هو السبب !!
'توليب' - بمزح - : - محدش جه يخطبني !!
'جمال' : - هههههه دول أكيد "عميان" !!
في حد يسيب واحدة حلوة زيك !!

حست 'توليب' بجرح من كلمة "عميان" فسكتت ..

تدخلت 'زهراء' بسرعة لما شافت تغير وش 'توليب' ..
'زهراء' : - القسمة و النصيب !!
محدش يقدر يعترض على حكمة ربنا !!
'جمال' : - و نعم بالله !!
عندك حق محدش يقدر يختار نصيبه !!
و أنتي يا بنتي أحمدي ربنا إنه ماجالكيش نصيب خايب زي نصيب 'عبدالحميد' في المرتين !!
'توليب' : - تقصد ايه !!
'جمال' : - مسكين 'عبدالحميد' أول مرة إتجوز بنتي و هي بغرورها ضيعت حبه ليها !!
و دلوقتي إتجوز عليها واحدة محدش يقبل يبص ناحيتها !!
'زهراء' - بسرعة - : - الجو هنا منعش يج ..!!
'توليب' - مقاطعة - : - مالها مراته الثانية !!!
'جمال' : - انا زعلت عليه قوي لما شفته ندمان على جوازته الجديدة !!
كان فاكر إنه لو إتجوز واحدة مش حلوة هيخلي 'نرجس' تبطل غرور و هترجع تهتم بيه من غيرتها عليه !!
'زهراء' : - مش محتاج تقولنا بكل ده ما إحنا عارفينه من 'حنان' !!
'جمال' : - مسكينة مراته الثانية صعبت عليا لما عرفت إنها مابتقدرش تشوف كويس و بتمشي برجل واحدة قصيرة !!

حست 'توليب' بالعرق بيتجمع على جبينها و حاولت تتنفس ببطء من بقها علشان تقدر تتحكم بنفسها و تتماسك و تمنع نزول دموعها ..
'توليب' : - يعني الكل عارف بقصة عمى عينها و قصر رجلها !!
'جمال' : - اه 'عبدالحميد' قال لنا كل حاجة عنها حتى بشاعة صورتها !!
و دلوقتي هو ناوي يطلقها !!

سقط قلب 'توليب' تحت رجلها و حست بالبرد بيقرص في كل جسمها ..
'توليب' - بخوف - : - هو قال لك انه هيطلقها !!
'جمال' : - لا هو ما قاليش بصراحة انه هيطلق بس عرفت لما قال لي انه حاسس حياته تلخبطت من وقت ما إتجوزها !!
و هيطلب من أخته تشوف له صرفه معاها !!
'زهراء' : - خلاص خلينا نقوم انا عايزه ...!!
'توليب' - مقاطعة بقهر - : - و هو ليه حاسس بحياته إنها تلخبطت و هو لا هيعيش معاها و لا حتى هيشوفها !!
يعني هو مش حاسس بذنب حياتها إنها هتتعقد بعد ما يطلقها !!
'جمال' : - و هي ليه حياتها هتتعقد و هي محدش كان هيوافق يتجوزها أصلاً !!
'توليب' : - لانها كانت عايشة راضيه بنصيبها و دلوقتي هتاخذ لقب مطلقة بعدما يطلقها !!
هو شايف طلاقه منها إنها حاجة عادية !!
'جمال' : - عندك حق و أنا في الحقيقة حبيتها من غير ما اشوفها لما عرفت بقصتها مع والدها ازاي هي عاشت لخدمتة !!

التفت 'جمال' ل 'زهراء' ..
'جمال' : - هو 'عبدالحميد' قال لك على أسمها نفسي أعرف إسمها!!!
'زهراء' : - هو ماقاليش لكني عرفته من 'حنان' لإنها صديقتها !!
'جمال' : - إسمها إيه ؟!!
'زهراء' : - إسمها 'توليب عبد الصبور' !!
'جمال' : - 'توليب' !!!
يا سلااام إسم جميل جدا !!
عارفين معنى "توليب" ؟!!
هو إسم ورد بيرمز للحب الأبدي !!
حب العائلة !!
الأمل !!
حب الإنسانية !!
يعني على حسب لونه بيتغير معناه !!
و أنا مراتي غلطت لما سمت بنتنا "نرجس" لإنه زهر بيرمز للغرور !!
الأنانية !!
حب الذات !!
و بيقتل أي نبات يطلع جنبه ينافسه !!
و بنتي للأسف أخذت نصيبها من إسم الزهر ده !!
'زهراء' : - ربنا يهدي بنتك !!!
'توليب' : - 'زهراء' خلينا نمشي !!
أنا حاسه ببرد !!
'زهراء' : - طيب بعد إذنك ممكن نقوم نمشي أو تحب نساعدك ترجع على أوضتك !!
'جمال' : - لا لا أنا معايا 'اكرم' !!
تحبوا أنده لكم سواق عربيتي يجي يوصلكم يعني علشان 'أمل' تعبانه !!
'زهراء' : - لا متشكرين إحنا عايزين نمشي و نتفرج في طريقنا عللى المناظر الجميلة و نرجع الدم ل 'أمل' !!
أقصد علشان هي حاسه بالبرد !!
يلا يا 'أمل' قومي و أنت ربنا يشفيك و يقومك لينا بالسلامة !!
نهارك سعيد !!!
'جمال' : - مع السلامة و خذوا بالكم من نفسكم !!

قامت 'توليب' و هي في حالة صدمة شديدة ..
عمرها ما حست صدمة زي دي ..

# * # * # * # * #


19- رحمة.


فضلت 'توليب' ساكته و هي ماشيه طول الطريق تعيد كلام 'جمال' في عقلها ..

'توليب' - لنفسها - ... " منك لله يا 'حنان' بسببك بقيت مهزلة قدام الكل !!
قولتي إن أخوكي طلب واحدة مش حلوة علشان يتجوزها !!
و انا فكرت إنك كذبتي عليه إني مش حلوة علشان بس يقبل يتجوزني !!
و ماصارحتنيش إنك فضحتي له بكل عيوبي قدامه !!! " ...

مشيت 'توليب' شوي و رجعت تفكر ..
'توليب' - لنفسها - ... " و أخوكي خلاص قرر إنه يطلقني بعدما عرفت مراته بجوازته و ما بقاش ليا لازمه !!
أنا دلوقتي حساسه معنى غياب الأب !!
لإنكم ماكنتوش هتقدروا تتجرأوا عليا وأكون لعبة بين إيديكم لو أبويا كان عايش !!

أنا غلطت بموافقتي على جوازتي من أخوكي !!
كنت فاكره إني هقدر أقرب منه !!
و لو فشلت اكون راضية إن إسمي إرتبط بإسمه لنهاية عمري !!! " ...

إحترمت 'زهراء' صمت 'توليب' و فكرت إنها مش هتقدر تتكلم أو تتفاهم معاها براحتها و هم في وسط الطريق قدام الناس ..

بعد ربع ساعة وصلوا للبيت ففتحت 'زهراء' الباب و دخلت مع 'توليب' ..

إلتفتت 'توليب' ناحية 'زهراء' و تكلمت بعصبيه ..
'توليب' : - إسمعي أنا من بكرة مش هروح للسيد 'جمال' !!
فلو سمحتي بلغيه يشوف له ممرضة ثانية لإني هرجع القاهرة !!
'زهراء' : - مش وقته الكلام ده أول حاجة خشي الحمام و استحمي و إنسي كل الكلام اللي سمعتيه منه !!

دخلت 'توليب' بنوبه ضحك ..
'توليب' : - ههههههه أنسى إيه و لا إيه !!!
أنسى حقيقتي إني مابشفش غير بعين واحدة !!
و لا أنسى رجلي اللي خلعها ليا وقتما أنا بتولد دكتور مستهتر بشغله ماعندوش ضمير و مابيخافش ربنا !!
و لا أنسى إني بشعه زي ما إنتوا بتقولوا عليا !!!
'زهراء' : - أنتي جميلة زي القمر و دا واضح للكل !!

هزت 'توليب' رأسها إنها مش مقتنعه بكلامها ..
'زهراء' : - إنتي عارفه هي 'حنان' قالت كده علشان بس تقنع 'عبدالحميد' بجوازته منك !!

إنفجرت 'توليب' تبكي و رمت نفسها على أقرب كرسي ..
'توليب' : - إيوااا و أهم حاجة إنها فضحت عيوبي قدامه و قالت له على كل الحقيقة !!
'زهراء' : - يعني أنتي كنتي عايزه منها ماتقولش ل 'عبد الحميد' بالحقيقة ؟!!
دا كان يبقى غش !!!
'توليب' : - الحقيقة إنه مافيش حد بيقبل يتجوز واحدة فيها عيوب خلقية !!!
'زهراء' : - أنتي شايفه اللي فيكي هي عيوب !!!
'توليب' : - أيواااا عيوب في مظهري و بنكسف منهم كل يوم !!
'زهراء' : - لا يا 'توليب' أنتي غلطانه قوي !!
لإن دول مش عيوب دول قوة !!
لإنك بتعيشي بيهم كل يوم و بتصبري على المشقة اللي بتعانيها منهم !!
ربنا هو اللي أختار لك تعيشي كده !!
هل يعني هو بيظلمك !!
هل إنتي أقل من كل البشر اللي خلقهم !!
معاذ الله !!!
هو أختارك إنتي مخصوص تكوني كده علشان هو بيحبك و عايز في كل لحظة من عمرك بيعدي يكتب لك فيه أجر كبير !!
أجر الصبر على الإبتلاء !!
(إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ) !!
عايزه ايه بعد ده !!
و نبينا عليه أفضل الصلاة و السلام قال عن المؤمن « حتى الشوكة يُشاكها إلا كفر الله بها من خطاياه»
إذا كان ألم ثواني لشوكه فيها تكفير خطايا فإنتي دلوقتي بصبرك و شكرك لربنا على إبتلائك بتلاقي الحسنات نازله عليكي و بنفس الوقت سيئات بتكفر عنك !!!

دا انتي يمكن تسبقينا و تدخلي الجنة و إحنا نفضل نتحاسب فترة طويلة !!
طبعا علم الغيب عند ربنا لكن انا بتكلم في حاجة واضحة !!
ربنا مش ظالم ربنا لما بيحب عبد بيبتليه !!
(وَاللَّهُ يُحِبُّ الصَّابِرِينَ) !!

الأنبياء هم أكثر البشر في الإبتلاء ثم الأمثل فالأمثل يعني إنتي قريبه من الأنبياء رضوان الله عليهم !!
إنتي أفضل من كل الناس اللي هي معافاة !!
لأن الصبر هو من أفضل صفات المؤمن و أصعبها !!

و إنتي عارفه إنه مافيش إنسان من غير إمتحان كل انسان فيه حاجة ربنا بيبتليه بيها !!!
ناس بتموت ولادها و ناس بتفقد أموالها و ناس بتعيش بين الحرب و الخوف و ناس بتعيش وسط الفقر و ناس بتتألم من أمراض خطيرة و ناس بيحصل لهم حوادث و عايشين و كل واحد بيكسب حسنات على قدر صبره !!
ربنا جعل الجنة الجزاء الوحيد للصابرين يوم القيامة !!
(إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ) !!
الفوز في الآخرة هو بشارة الصابرين !!

مسحت'توليب' دموعها و قعدت تسمع ل 'زهراء' بكل حواسها ..
'توليب' : - يارب !!
'زهراء' : - و إي حاجة في الجسد ما ينفعش نقول عليه عيب لإن دي خلقه ربنا و حتى لو حصلت له حاجة بعد ولادته !!
العيب نقوله على إنسان لو شفنا منه صفة ذميمة زي الحسد ، النفاق ، الطمع ، النميمة ، البخل ووو لإنه طول حياته بيضر غيره !!
و "بعض" الناس بتكون فيها عيوب بس من غير إردتهم زي الكسل أو العصبية أو زي اللي بينسى كثير !!
فدول بيأذوا نفسهم أكثر مابيأذوا غيرهم فمحتاجين حد قريب منهم يساعدهم أو من دكتور علشان يتخلصوا من الصفة دي !!
'توليب' : - كلامك حلو قوي حسيت برحمة ربنا علينا و ضعف البشر قدامه !!

قربت 'زهراء' من'توليب' أكثر ..
'زهراء' : - و لو سابك 'عبدالحميد' هيجي إيه هو جنب رحمة ربنا !!
هو بشر لا بيقدم و لا بيأخر هو عبد زي و زيك مستني بس رحمة ربنا تنزل عليه !!
عليكي بالصبر يا بنتي الصبر و ربنا إن شاء الله هيجازيك أحسن الجزاء !!
حياة الدنيا هي حلم و هيجي يوم و نفوق منها بموتنا !!
(وَالْآخِرَةُ خَيْرٌ وَأَبْقَىٰ) إختاري الاخرة لانها الحياة الحقيقية !!
'توليب' : - دلوقتي مش بيهمني اي حاجة في جسمي !!
'زهراء' : - إيوا كده عيشي حياتك بحلوها و مرها كلنا ماشيين من الدنيا الصعبة دي و هنروح إن شاء الله للسعادة الأبدية في الأخرة !!

فكرت 'توليب' شويه ..
'توليب' : - بس 'حنان' ليه فضحتني قدامه دي كانت أسرار بينا !!
و كل اللي عرفوا منه اكيد دلوقتي بيضّحكوا عليا !!
'زهراء' : -'توليب' هنرجع من ثاني !!!
أكيد 'حنان' ليها أسبابها لما صارحت 'عبد الحميد' !!
ماينفعش تحكمي عليها من قبل ما تسمعي منها إيه هي مبرراتها !!
و أنتي تعرفيها من سنين طويلة هل في مرة شفتي منها حاجة وحشة !!!
'توليب' : - لا عمري!!
دي هي دايما واقفه جنبي !!
'زهراء' : - يعني ينفع من موقف واحد تمسحي كل الحاجات الحلوة اللي شفتيها منها !!!
'توليب' : - لا ماينفعش !!
'زهراء' : - و بعدين قولي لي إيه كان هيكون شعورك لو 'حنان' قالت لك في وشك كده إنها قالت له فيكي كذا و كذا !!
مش دا كان يبقى منها قله ذوق !!!
'توليب' : - إيوه صح !!
'حنان' دائماً حنينه !!

إنبتسمت 'زهراء' بعدما شافت رضا 'توليب' ..
'زهراء' : - و دلوقتي يلا قوي استحمي علشان تهدي نفسك و صلي ركعتين لربنا و أدعي له و قلبك متيقن من الإجابة !!
و إن شاء الله هتلاقي 'عبدالحميد' واقع بين إيديكي !!
دايما خليكي واثقة في ربنا و ماتقطعيش الأمل من روحك !!
و إفتكري و أنتي بتدعي ربنا !!
إن الله مع مين !!!

'توليب' : - (إِنَّ اللَّـهَ مَعَ الصَّابِرِينَ) !!
'زهراء' - بإبتسامة - : - صدق الله العظيم !!!

إبتسمت لها 'توليب' بسعادة و قامت تستحم و راحت تصلي و تدعي ربنا من كل قلبها ..
إنه يجعل لها نصيب من الحب ..
في قلب 'عبدالحميد' ..

# * # * # * # * #


يتبع..


تانياتاني غير متواجد حالياً  
التوقيع

رواية ..
نصيب الورد ..
https://www.rewity.com/forum/t487597...l#post16076665
د تانيا محسن. 💕😘
رد مع اقتباس
قديم 19-09-22, 07:35 PM   #20

تانياتاني

? العضوٌ??? » 495038
?  التسِجيلٌ » Nov 2021
? مشَارَ?اتْي » 91
? الًجنِس »
?  نُقآطِيْ » تانياتاني is on a distinguished road
¬» مشروبك   ice-lemon
¬» قناتك rotana
Rewitysmile25 ✍🏻🌾

رواية "تهاني" مكتملة الفصول 💕❤
👇🏻👇🏻👇🏻
https://www.rewity.com/forum/t484584.html


تانياتاني غير متواجد حالياً   رد مع اقتباس
إضافة رد

الكلمات الدلالية (Tags)
حب،زواج،عاطفي،كوميدي،روما نسي،رواية،تانيامحسن،

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:12 AM



Powered by vBulletin®
Copyright ©2000 - 2024, vBulletin Solutions, Inc.