03-10-22, 12:41 AM
| #31 | ||||
|  إن كل خطوة تخطوها في الطبيعة حولك تجد فيها أثر الرحمة و العناية و الرعاية. لم يقذف بنا إلى الدنيا لنعاني بلا معين كما يقول سارتر. " إن كل ذرة في الكون تشير بإصبعها إلى رحمة الرحيم. " حتى الألم لم يخلقه الله لنا عبثا.. و إنما هو مؤشر و بوصلة تشير إلى مكان الداء و تلفت النظر إليه. ألم الجسد يضع يدك على موضع المرض. و ألم النفس يدفعك للبحث عن نفسك. و ألم الروح يلهمك و يفتح آفاقك إلى إدراك شامل فالدنيا ليست كل شيء، و لا يمكن أن تكون كل شيء و فيها كل هذه الآلام و المظالم. و إنما لابد أن يكون وراءها عالم آخر سماوي ترد فيه الحقوق إلى أصحابها، و يجد كل ظالم عقابه. و بالألم و مغالبته و الصبر عليه و مجاهدته تنمو الشخصية و تزداد الإرادة صلابة و إصرار ، و يصبح الإنسان شيئا آخر غير الحيوان والنبات. ما أكثر ما تعلمت على سرير المستشفى. و شكرا لأيام المرض و آلامه. د. مصطفى محمود . | ||||
|  |
|
03-10-22, 04:52 AM
| #32 | ||||||||
|  رواية " نصيب الورد " قصة : - د / تانيا محسن. 💕❤ 30- في الجبل. اليوم الثاني الصبح رن التلفون الأرضي في أوضة 'زهراء' و 'توليب' .. قربت 'توليب' عينها من شاشة التلفون .. 'توليب' : - دي نمرة مكتب الإستقبال !! تقولي هم عايزين إيه !!! 'زهراء' : - ردي عليهم و هنعرف !!! رفعت'توليب' السماعة .. 'توليب' : - الو !!! 'عبد الحميد' : - 'أمل' !! صباح الخير !!! إرتبكت 'توليب' من صوت 'عبد الحميد' لإنها أول مرة تسمع صوته في مكالمة .. 'توليب' : - ااا صباح النور !!! 'عبد الحميد' : - فطرتي ؟!! 'توليب' : - آه من بدري هو السيد 'جمال' عايزني !! أنا كنت عنده من شوية و أديت له كل أدويته قبل ما أفطر !!! 'عبد الحميد' : - أنا عارف !! أنا أتصلت بيكي علشان أنا عايزك فأرجوكي إلبسي و إنزلي لي حالاً !! 'توليب' : - طب ممكن أعرف ...!! 'عبدالحميد' - مقاطع - : - لو سمحتي إنزلي بسرعة !! أنا واقف متسناكي قدام مكتب الإستقبال !! ماتتأخريش !!! قفل 'عبد الحميد' الخط قبل ما تسأله 'توليب' هو عاوزها ليه .. حطت 'توليب' السماعة و إلتفتت ل 'زهراء' .. 'توليب' : - 'عبد الحميد' طلب مني البس و أنزل له حالاً !! تقولي هو عاوز مني إيه !!! 'زهراء' : - كل خير إن شاء الله !! 'توليب' : - أنا متوترة !! حاسه كده إنه بدا يرتاح لي !! و إمبارح قالي إنه موافق على خطوبة !!! 'زهراء' - بفرحة - : - خلاص روحي غيري هدومك ماتضيعيش وقت !! و لما ترجعي إتحكي لي بالتفصيل على كل اللي قالك !! و يارب اسمع منك خبر يفرحنا !! 'توليب' : - يارب !!! طب لو هو خطبني ينفع أقول له على الحقيقة إني مراته !! 'زهراء' : - طبعاً تقولي له !!! لأني دلوقتي خايفة لو هو وقع في حبك يقوم من غير ما يعرف يطلقك اللي فاكر إنها هي علشان يتجوزك أنتي !!! 'توليب' : - يا خبر انا مش عايزه أسمع منه كلمة طلاق !!! 'زهراء' : - يبقى إستعجلي خشي غيري هدومك !!! 'توليب' : - خلاص أنا هلبس بسرعة و هروح أقول له على الحقيقة !!! جريت 'توليب' ناحية الدولاب و إختارت تلبس قميص أخضر مع بنطلون إسود و راحت قدام المراية تعمل مكياج خفيف في وشها و لبست طرحة سوداء قبل ما تخرج .. دخلت 'توليب' الأسانسير و راحت تفكر بقلق هل اليوم هو اليوم الموعود لكشف حقيقتها قدام 'عبد الحميد' .. فتح باب الأسانسير و شافت 'عبد الحميد' واقف جنب مكتب الإستقبال مستنيها .. عجبها منظره و هو لابس بنطلون جينز أزرق مع تي شرت أبيض و على رأسه قبعة كاب بيضاء اللون .. مشي 'عبد الحميد' يسبقها بالخروج و أشر لها تمشي وراه .. جريت 'توليب' تلحقه و خرجوا من الباب الخلفي للفندق .. وقف 'عبد الحميد' و التفت وراه يشوف 'توليب' .. 'عبد الحميد' : - أمشي بسرعة !! دا إنتي بطيئة قوي !! 'توليب' : - أنا بجري بكل طاقتي !! يعني علشان تأخرت ثلاث ثواني بس !!! 'عبد الحميد' : - أنا مستجعل معايا شغل كثير يلا إطلعي !! 'توليب' : - فين !!! 'عبد الحميد' : - يعني مش شايفه إيه اللي قدامك !!! بصت 'توليب' قدامها و شافت شاحنة كبيرة .. ا'عبد الحميد' : - هنروح السوق نشتري طلبيات للفندق !! 'توليب' : - إنت بنفسك مين بيشتري الحاجات للفندق !!! 'عبد الحميد' : - مش كل يوم !! هاه إنتي موافقة تيجي معايا نروح في عربية النقل دي !!! قفزت 'توليب' من الفرحة زي الاطفال .. 'توليب' : - طبعاً موافقة !! و لو إنت عايز أنا اللي هسوق !! 'عبد الحميد' : - هتعرفي تسوقيها!! 'توليب' : - لا !!! بس بحب أسوقها !! 'عبد الحميد' : - هاهاها طب يلا بينا نطلع العربية و نروح السوق قبل ما يتأخر الوقت علينا !! 'توليب' : - حاضر !!! جريت 'توليب' ناحية مكان جلوسها و إنتظرت مكانها بلهفه .. طلع 'عبد الحميد' الشاحنة و فتح لها الباب .. دخلت 'توليب' الشاحنة و هي سعيدة و راحت تلمس كل مكان فيها .. ابتسم 'عبد الحميد' لسعادتها و شغل الشاحنة .. 'عبد الحميد' : - بسم الله على بركة الله !! بصت 'توليب' بفخر ل 'عبد الحميد' و هو بيسوق الشاحنة كأنه بيقود طيارة .. 'توليب' : - من إمتى تعلمت سواقة عربيات النقل !! 'عبد الحميد' : - مش صعبة سواقتها كأنك بتسوقي عربية عادية بس في شويه إختلافات بسيطة بينهم !! و دلوقتي قولي لي إنتي مبسوطة !! 'توليب' : - قوي قوي أنت خليتني أرجع لأيام طفولتي !! إبتسم 'عبد الحميد' و إنشغل يشوف الطريق .. قربت 'توليب' من الشباك تشوف بإستمتاع لعربيات صُغيرة زي ما كانت بتشوفها في صغرها .. وصل 'عبد الحميد' للسوق و ركن الشاحنة في مكان مناسب .. 'عبد الحميد' : - إستنى هنا أنا هنزل إشتري كل الحاجات المطلوبة و هرجع !! 'توليب' : - حاضر !!! مشي 'عبد الحميد' و إختفى من قدامها بين الزحمة و بعد عشر دقايق رجع و جنبه راجل بيشيل حمولة و طلب منه يحطهم في صندوق الشاحنة .. كرر 'عبد الحميد' العملية كل شويه مع راجل جديد .. بعد مرور ساعة الإ ربع خلص 'عبدالحميد' شراء كل الحاجات المطلوب منه للفندق .. ساق 'عبد الحميد' الشاحنة و لمسافة قصيرة و طلع بيها فوق تل صُغير .. 'عبد الحميد' : - إنزلي خلينا نتفرج شوية على البحر قبل ما نرجع للفندق !! نزلت 'توليب' و شافت البحر و عجبها منظره فغمضت عينها تستمتع بالريح و رائحة البحر .. سمعت 'توليب' خطوات 'عبد الحميد' قريبة منها و شافته واقف قدامها يشوف البحر .. 'توليب' : - المنظر جميل جداً !! 'عبد الحميد' : - فعلاً !!! هنا بنسى كل همومي !! إلتفت 'عبد الحميد' ناحية 'توليب' .. 'عبد الحميد' : - عجبك مشوارنا بعربية النقل !!! 'توليب' : - مش هقدر اوصف لك سعادتي و أنا "معاك" !! قرب 'عبد الحميد' منها .. 'عبد الحميد' : - معايا !!! يعني إنتي ناسيه عربية النقل و الجبل و البحر و المنظر الجميل و بتفكري بس خروجك معايا !!! 'توليب' - بإرتباك - : - ااأنا بس كنت قاصده أختصر لك كل الكلام اللي أنت قولته بكلمة واحدة !! قرب 'عبد الحميد' منها أكثر .. 'عبد الحميد' : - 'أمل' !!! 'توليب' - بخجل - : - هممم !! 'توليب' - لنفسها - ... " أكيد دلوقتي هيطلب إيدي !!! و يمكن يقول لي إنه ببحبني !! و أنا هستغل الفرصة و أقول له على الحقيقة !! " ... 'عبد الحميد' : - عايز أقولك على حاجة !! 'توليب' : - و أنا كمان محت ...!! قطعت كلامها لما شافت 'عبد الحميد' بيقرب منها أكثر فتراجعت للوراء أكثر .. 'عبد الحميد' : - 'أمل' أنا بقيت بفكر فيكي كثير !! 'توليب' : - أنااا طول الوقت بفكر فيك !! قرب 'عبد الحميد' ناحيتها و هي رجعت للخلف و إلتصق ظهرها بالشاحنة .. 'توليب' - لنفسها - ... " هو عايز يحضني !!! و أنا كمان نفسي أغرق في حضنه !! يلا إنطق و قول إنك عايز ننخطب " ... 'عبد الحميد' : - 'أمل' أنا عايز !! 'توليب' - بلهفة - : - أيوه أنت عايز إيه !!! 'عبد الحميد' : - عايز !!! قرب وشه منها لكن هي تماسكت و دفعته بعيد عنها .. حست بالإشمئزاز من 'عبد الحميد' إنه يمكن متعود يجي هنا مع ستات كثيرة .. توليب' : - أيوه قول إنك عملت لي كل ده علشان فاكر إنك ههتقدر تأكل بعقلي و هتقدر ..!!! 'عبد الحميد' - مقاطع - : - لا أرجوكي ماتهنينيش بتفكيرك السطحي !! 'توليب' : - قولي كم ست جيت معاها لهنا و سليت نفسك معاها !!! تضايق 'عبد الحميد' من إتهامها .. 'عبد الحميد' : - إيه الكلام ده اللي إنتي بتقوليه !!! 'توليب' : - كم ست قدرت تكسب رضاها بعربية النقل دي !!! واضح إنك متعود على الستات !! 'عبد الحميد' : - نعم !!! و هو في ستات يتطلب تطلع عربية نقل !!! أنا بعرف إنهم بيحبوا يطلعوا عربيات فخمة مش عربية نقل !!! بلع 'عبد الحميد' إهانتها ليه و قرر يكمل .. 'عبد الحميد' : - أنتي بس اللي فريدة من نوعك طلبتي عربية نقل !! 'أمل' أنا عايزك إنتي !! إنتي و بس !! و بسرعة قرب 'عبد الحميد' من 'توليب' و عانقها بقوة .. ضعفت 'توليب' لأنها بتحبه .. و أستسلمت له لأنه جوزها .. و أستمر عناقهم لفترة طويلة .. # * # * # * # * # 31- إستعدادات. في طريقهم للرجوع للفندق قعدت 'توليب' جنب 'عبد الحميد' و هي فرحانه إنها خلاص قربت منه .. 'توليب' - لنفسها - ٠٠٠ " خلاص أنا تأكدت من حبه ليا و الليلة بعد حفلة زفاف إبن خاله هيكون أنسب وقت أقول له على الحقيقة !! " ... فضل 'عبد الحميد' ساكت طول الطريق .. 'عبد الحميد' - لنفسه - ... " هي كل يوم بتخوفني منها أكثر !!! من يوم ما عرفتها و هي تديني دروس في الأخلاق !! لسانها بيلسع مابيرحمش !! صحيح هي دايما على حق لكن أنا مش عايز أتجوز واحدة مش شايف فيها حاجة رومانسية و بتحاسبني و إحنا لسه في مرحلة تعارف !!! طب و لو إتجوزتها و عشت معاها تحت سقف واحد هتعمل معايا إيه !!! دي هتفضل تهيني طول الوقت !!! أنا الليلة هكلم خالتي بصراحة إننا مش مناسبين لبعض !!! " ... حاولت 'توليب' تعبر ل 'عبد الحميد' عن سعادتها فقربت منه و شبكت صوابعها بين صوابعه .. إلتفت 'عبد الحميد' ل 'توليب' و جاملها بإبتسامة لطيفة .. ' وصلوا للفندق و وقف 'عبد الحميد' عربية النقل و طلب من 'توليب' تنزل و تطلع على أوضتها .. دخلت 'توليب' الفندق و خبطت على باب أوضتها بمرح .. فتحت 'زهراء' الباب و شافت الفرحة في وش 'توليب' .. 'زهراء' : - خشي بسرعة و أحكي لي كل اللي حصل بينكم !! اكيد خلاص قولتي له إنك مراته !! دخلت 'توليب' الأوضة و هي بترقص في عالم الأحلام .. 'توليب' : - خلاص يا 'زهراء' الليلة أنا عروسة !! الليلة أنا هقول ل 'عبد الحميد' بكل حاجة !! من أول لحظة حبيته فيها لحد موعدنا في الجبل !! 'زهراء' : - الجبل !!! دارت 'توليب' حول نفسها .. 'توليب' : -'زهراء' أنا خلاص إتأكدت إنه فعلاً بيحبني و مش هيقدر يسبنى !! 'زهراء' : - أنا فرحانه ليكوا أنتوا الإثنين !! إنتي تعبتي في حياتك و هو كمان تعب في حياته مع مراته المجنونة !!! و دلوقتي ربنا جمع بين قلوبكم !! و إن شاء الله تعيشوا بسعادة لنهاية حياتكم !! 'توليب' : - أمين يارب !!! 'زهراء' تعالي ساعديني أجهز نفسي من دلوقتي !! جريت 'توليب' للمراية و شافت صورتها .. 'توليب' - بدلال - : - ماهو جوزي لازم يشوفني أحلى واحدة في فرح إبن اخوكي !! 'زهراء' - بمزح - : - يبقى أنتي محتاجه شغل كثير !! إلتفت 'توليب' ل 'زهراء' بغضب متصنع .. و فجأة .. "أنفجروا الأثنين يضحكوا مع بعض" .. # * # * # * # * # سمعت 'حنان' صوت رنه موبايلها فأخذت موبايلها و إستقبلت المكالمة .. 'زهراء' : - خلاص كل اللي عملناه نجح !! خطتنا نجحت و وقع المسكين !!! 'حنان' : - تقصدي مين !!! أخذت 'توليب' بسرعة الموبايل من إيد 'زهراء .. 'توليب' : - خلاص يا 'حنان' أخوكي بيحبني !! 'حنان' : - انتي بتتكلمي جد !!! يعني خلاص اعترفتي له انك مراته !! و هو قالك ايه !! 'توليب' : - لااا أنا لسه ماقلتلوش على حقيقتي !! لكن في الليل أنا هقول له بكل حاجة من بداية حبي ليه لحد النهارده !! لاني خلاص عرفت منه إنه بيحبني !! 'حنان' : - مبروك يا حبيبتي إن شاء الله اشوفكم كدا دايما مبسوطين !! بس قولي لي إزاي عرفتي إنه فعلاً بيحبك !! 'توليب' : - لاااا دا سر !!! بس أرجوكي ما تقوليش ل 'عبد الحميد' بأي حاجة !! أنا عايزه أنا اللي أقول له علشان أشوف بنفسي إزاي هتكون فرحته لما يعرف إني مراته !! 'حنان' : - ربنا يبارك لكم و يسعدكم قادر يا كريم !! 'توليب' : - أمين يارب !! دلوقتي سيبيني أجهز نفسي و أنتي حاولي تجهزي نفسك بسرعة علشان تجي عندي و تساعديني !! 'حنان' : - أنا هجي أساعدك من دلوقتي و هجيب معايا شنطتي و أجهز نفسي للفرح عندك و هطلب من 'فادي' يهتم بالولاد و ياكلهم و يلبسهم و يجبهم معاه في الليل للفندق !! 'توليب' : - كويس قوي !!! 'حنان' : - يلا إستنوني مسافة السكة باي !!! قفلت 'توليب' موبايل 'زهراء' و قامت بسرعة للحمام و أستحمت و إنتظرت وصول 'حنان' علشان تساعدها في تجهيزها .. # * # * # * # * # وقفت 'نرجس' قدام المراية تقيس الفستان اللي هتحضر بيه حفلة الزفاف .. دخلت 'إيزابيل' أوضة نوم 'نرجس' و شافتها واقفه قدام المراية .. 'إيزابيل' : - مش جربتي فستانك قبل كده !!! ليه لبساه من الصبح دا لسه باقي وقت كثير على بداية حفل الزفاف !! 'نرجس' : - بفكر إزاي أحرق 'توليب' !!! 'إيزابيل' : - ههههه تحرقيها !!! يعني هتخليها تطلب الطلاق من 'عبد الحميد' بنفسها لما تشوف فستانك !! شغلي عقلك يا بنتي هي الغيرة عمت عينك !! إلتفت 'نرجس' لوالدتها 'إيزابيل' .. 'نرجس' : - أغير على 'عبد الحميد' !!! أنا عايزاه يموت قدام عينيا و أنتي فاكره إني ممكن أغير من واحدة ناقصة مشوهه !!! 'إيزابيل' : - بس أنا بشوفها طبيعية أقصد بتمشي طبيعي !!! 'نرجس' : - علشان بتلبس جزمة طبية !! و بتغطي جزمها الطبية ببدال و فساتين طويلة !! 'إيزابيل' : - 'عبد الحميد' فعلاّ إتجنن لما راح يتجوزها !! طب مش قولتي إنها عميا !! فإزاي هي بتقدر تشوف !!! 'نرجس' : - يمكن هي بتلبس عدسات طبية !! رجعت 'نرجس' تشوف نفسها في المراية .. 'نرجس' : - 'عبد الحميد' إرتكب غلطه عمره لما جاب ليا ضرة مش من مقامي !!! هو كدا كتب نهايته بإيده !! 'إيزابيل' : - طب قولي لي ازاي هتخليها تطلب الطلاق و تحرقي قلبها !! ابتسمت 'نرجس' بخبث .. 'نرجس' : - ههههه مش ده اللي كنت بقصده !! أنا بقصد إني هنتقم منها بالطريقة الهندية !! 'إيزابيل' : - الحرق بالنار !!! زي ما بيحرقوا الستات الأرامل !!! 'نرجس' : - إيوه !!! بس بالطريقة الحديثة !! رفعت 'نرجس' رأسها بغرور و ثقة من نفسها .. 'نرجس' : - بالأسيد !!! ميه النار زي ما بيقولوا عليه !! دي الطريقة الوحيدة المناسبة للمشوهه !! هههههههه !!! إبتسمت 'إيزابيل' و قامت تحضن بنتها من الخلف .. 'إيزابيل' : -أنا مبسوطه منك لإنك أخذتي جمالي و ذكائي !!! 'نرجس' : - ماما أنا مش قادره إستحمل أكثر !!! خلينا نخلص من الثلاثة مرة واحدة !!! 'إيزابيل' : - 'جمال' و 'عبدالحميد' و 'توليب' !!! هنقدر علبهم و محدش هينتبه لينا زي محدش إنتبه علينا من قبل !!! 'نرجس' : - دا كان اليوم من أسعد لحظات حياتي !!! 'إيزابيل' : - و لقيتي اللي هينفذ !!! هو مش معقول إننا لوحدنا هنقدر نقتل الثلاثة مرة واحدة !! 'نرجس' : - بعدما تخلص الحفلة هقول لك مين اللي هيساعدنا !!! 'إيزابيل' : - برافوا !!! مشيت 'نرجس' و قعدت على الكرسي بحركة تمثيلية .. 'نرجس' : - و الليلة يا ماما هبدأ أقرب من 'عبد الحميد' و ادلعه قدام كل المعازيم علشان يصدقوا حبي الكبير ليه و إني مش ممكن أفكر أقتل جوزي !!! قربت منها 'إيزابيل' .. 'إيزابيل' : - و جوزي كمان !! "و أنفجروا الأثنين يضحكوا مع بعض" .. # * # * # * # * # 32- الذنب. في الليل بدأت الفرقة الموسيقية بالعزف و الناس بدأت ترقص و تغني بتناغم مع صوت المغني منتظرين تبدأ زفة العروسين .. في أوضة 'زهراء' و 'توليب' .. بعدت 'حنان' نفسها شويه من 'توليب' علشان تشوف النتيجة النهائية لتزيينها .. 'حنان' : - بسم الله ماشاء الله إنتي دلوقتي مش هتجنني أخويا بس !! دا أنتي هتجنني المعازيم كلها !!! 'زهراء' : - صح ماشاء الله عليكي طالعة زي القمر !! ابتسمت 'توليب' و هي بتشوف لنفسها برضا في المراية .. 'زهراء' : - و دلوقتي يلا ننزل و نلحق نشوف زفة إبن أخويا !!! 'توليب' : - لا أنتوا إسبقوني و أنا هحصلكم لإني عايزه لما أخش من باب الصالة أشوف نظرات الإنبهار و الإعجاب في عيون المعازيم و أبقى سيندريلا !! 'حنان' : - لا يا حبيبتي أخويا طبعه حامي و لو شاف فرحتك بنظرات الناس عليكي هتلاقي نفسك محبوسه في أوضة بقية عمرك و تبقي رابنزول !! 'توليب' : - لا لا أنا مش هبص لحد غيره في الصالة !! 'حنان' : - كدا طمنتيني عليكي !! يلا إحنا هننزل دلوقتي و انتي حصلينا بعد عشر دقايق بالضبط !! باقي ساعتين على منتصف الليل و مش عايزين يفوتك المعاد مع أخويا !! 'توليب' : - إطمني أنا هرقص الرقصة الأولى مع 'عبد الحميد' !! 'حنان' : - أوكي يلا سلام لكن بحذرك أوعى تقابلي حد و يقولك إنه في حد عايزك !!! دا يمكن كمين من 'نرجس' علشان تمنع أخويا إنه يشوفك !! ما أنا عارفاها بتفهمها و هي طايرة !! 'توليب' : - لا لا خلاص أنا هنزل معاكم !!! 'زهراء' : - هووف ما كنتي قولتي كدا من بدري !! يلا بينا !!! # * # * # * # * # دخلوا مع بعض الصالة و شافت 'توليب' وسط الصالة 'عبد الحميد' بيرقص مع 'نرجس' و هم بيبصوا لبعض بحب .. مسكت 'حنان' إيد 'توليب' تواسيها .. 'حنان' : - أوعى تصدقي إنه في بينهم حب دي حركات من 'نرجس' علشان تصدق الناس إنهم بيحبوا بعض !!! دارت 'توليب' لباب الصالة .. 'توليب' : - حاسه إني بختنق صعب عليا إتحمل أشوفهم و هم بيرقصوا في حضن بعض !!! هخرج أشم هواء و هرجع بعد ما يخلصوا من رقصهم !! 'حنان' : - حاضر بس ما تتاخريش !! 'توليب' : - طيب !!! خرجت 'توليب' من الصالة و هي حاسه بإنعدام الاكسجين و و قفت ترتاح قدام أزهار التوليب .. بعد دقيقتين سمعت 'توليب' أحلى صوت يرن في ودنها .. 'عبد الحميد' : - 'أمل' !!! التفتت 'توليب' بسعادة ناحية 'عبد الحميد' .. 'توليب' : - كنت حاسه إنك هتيجي و مش هتسبني أقعد لوحدي قدام الورد !!! قرب منها 'عبد الحميد' علشان يقدر يتكلم معاها بوضوح .. 'عبد الحميد' : - أنا جيت وراكي علشان أعتذر لك عن اللي حصل مني الصبح النهارده !! 'توليب' : - أنا مش زعلانه علشان أنا كمان أتحمل معاك اللي حصل بينا !! و هو لأني بحب ...!! 'عبد الحميد' - مقاطع - : - خلينا واضحين مافيش حب بينا !! خالتي بس هي اللي بتحاول تقرب بينا !! و اللي حصل كانت لحظة ضعف و ندمت عليها !! 'توليب' : - ندمت !!! 'عبد الحميد' : - أنا قعدت طول اليوم زعلان من نفسي لإنها أول مرة أضعف و أنسى فيها نفسي !! قربت منه 'توليب' و وشها بيحمل كل معاني الرجاء .. 'توليب' : - مش ده معناه إنه في قلبك مشاعر ناحيتي !! 'عبد الحميد' : - لا مافيش حاجة في قلبي ليكي !! أنا بحب مراتي 'نرجس' و بس !!! و أنا يمكن ضعفت لإنه كان في مشاكل بينا و دلوقتي إتحلت !! حست 'توليب' بإحتقار ل 'عبدالحميد' .. 'توليب' : - اااه و مشاكلكم إتحلت بعدما أنت حضنتني !!! 'عبد الحميد' : - في إي وقت مشاكلنا كانت هتنحل !! إحنا زي إي زوجين بيحصل معاهم مشاكل و بيرجعوا لبعض !! 'توليب' : - آيوه و بيحصل بينهم محاولات قتل !!! تجاهل 'عبد الحميد' تلميحها لمحاولة قتله من مراته 'نرجس' .. 'عبد الحميد' : - حتى إني بفكر أطلق مراتي الثانية !! 'توليب' - بفزع - : - لا أرجوك ماطلقهاش !! 'عبد الحميد' : - و إنتي ليه خايفه عليها كده !! 'توليب' - بإرتباك - : - ااا 'حنان' حكت لي عنها إنها بتحبك قوي و يمكن تموت لو طلقتها !!! 'عبد الحميد' : - دا كلام بس هي مش هتعمل حاجة !! و ده مش موضوعنا دلوقتي !! 'توليب' : - لا دا موضوعنا و أنا عايزه أعترف لك بحاجة !! 'عبد الحميد' : - إيه هتقولي إنك ماضعفتيش قدامي إلا لأنك بتحبيني و تقولي الكلام اللي بقيت حافظه من كثر ما أنا بسمعه من كل صحابي !! 'توليب' : - هممم يعني كل صحابك زيك منحرفين !! 'عبد الحميد' : - إحترمي نفسك !!! 'توليب' - بغضب - : - ما تحترموا إنتوا نفسكوا بقى !! كل حركاتكوا متشابهة تقربوا من البنت و تفضلوا وراها لحد ما تحبكم و تخلوها تغلط معاكم و بعد ما تملوا منها ترموا الذنب عليها و إنتوا ببراءة شديدة بتفكروا نفسكم أطفال ملايكة ما ييجيش عليكم أي ذنب !! الذنب كله على البنت الشريرة !! آه يا حبايبي يا كتاكيت !! 'عبد الحميد' : - بطلي كلامك الفارغ انا جيت بس علشان أقولك إني مش عايز أشوفك هنا لإنك بتفكريني بغلطتي معاكي و يبقى ربنا يسامحنا على غلطتنا !!! 'توليب' : - ايوه و فاكرين إنها ذنوب صغيرة و ربنا هيسامحكم عليها !!! يا حبيبي مافيش عمل صغير أو كبير إلا و ربنا هيحاسبكم عليه و ده اللي بيطمني إنكوا هتأخذوا الجزاء العادل يوم القيامة !!! 'عبد الحميد' : - طيب سيبينا لربنا !! 'توليب' : - لعلمك أنا كنت جايه علشان أقول لك على حاجة مهمة لكن دلوقتي بعدما شفتك على حقيقتك بحتقر شخصيتك الغبية و بحتقر تفكيرك الأغبى !! فقد 'عبد الحميد' عقله من إهانتها و مسك بإيده رقبتها يخنقها .. 'عبد الحميد' : - أنا طول الوقت و أنا ساكت لك و انتي بس قاعده تهينيني !! إنتي ماتستحقيش غير الضرب !!! 'توليب' - بتحدي - : - أنا مابقولكش غير على الحقيقة اللي أنت بتحاول تخبيها بإعذار واهية !! 'عبد الحميد' : - أحسن لك تسكتي أنا حاسس إني هفقد أعصابي دلوقتي و هخنقك !!! خافت 'توليب' من تهديد 'عبد الحميد' و كرهت منظره و هي بتشوف قساوته عليها .. 'توليب' : - طب سيبني و أنا معاك هنسى ..!! 'عبد الحميد' - مقاطع - : - إنك رخيصة !! 'توليب' - بدهشة - : - إنت بتقول إيه !! فكر 'عبد الحميد' يقول لها كلام يخليها تندم على تحديها ليه في كل مرة .. 'عبد الحميد' : - عارفه لو كنتي منعتيني و حافظتي على نفسك مني يمكن كنت قبلت بعرض خالتي و إتجوزتك !! 'توليب' : - أنت شوفت بنفسك لما حاولت امنعك و أنت من غصبني في المحاولة الثانية !!! خليك شجاع و إعترف إنك بس بدور على عذر تقنع نفسك فيها إنك برىء من تدنيس طهارتي بوساختك !! نزعت 'توليب' بقوة إيد 'عبد الحميد' من رقبتها .. 'توليب' - بحزم - : - شيل إيدك !!! مشيت 'توليب' خطوتين و رجعت تلفت ناحية 'عبد الحميد' .. 'توليب' : - كنت دايما بسأل نفسي ليه جرائم الشرف بيحصل للستات بس !! و دلوقتي عرفت الحقيقة !! الحقيقة إن الراجل مالوش شرف !! علشان ينخاف إنه هيضيع منه !!! إلعبوا براحتكم محدش هيحاسبكم غير ربنا !! تركت 'توليب' 'عبد الحميد' لوحده يفكر في كلامها .. فضل 'عبد الحميد' يتابعها بنظراته .. 'عبد الحميد' - بحسرة - : - ممكن تجربي تسكتي لو لمرة و لو شفتي غلط قدامك !!! مشيت 'توليب' ناحية الصالة بخطوات سريعة و رأسها منكس للأرض من الحزن .. و قلبها ممزق لألف قطعة .. # * # * # * # * # 33- ضرة. دخلت 'توليب' الصالة و هي بتحاول تمسك دموعها بقوة و رفعت راسها تدور بعينها على مكان 'حنان' و 'زهراء' بين زحمة المعازيم و لما لقتهم إتجهت ناحيتهم و قعدت بهدوء .. قربت منها 'حنان' و همست في إذنها .. 'حنان' : - مالك !!! شكلك زعلانه !! أنا شفت 'عبد الحميد' خرج وراكي و كان واضح في عيونه الشوق لما شافك فإيه اللي زعلك !!! إبتسمت 'توليب' بسخرية .. 'توليب' : - شوق للإنفصال !!! شوق للإنفصال و إحنا لسه ما إبتدأناش نعيش مع بعض !!! 'حنان' : - إيه اللي بتقوليه !! 'توليب' : - أخوكي جري ورايا علشان بس يطلب مني أسيب الفندق و أرجع بيتي !! 'حنان' : - يعني إيه ترجعي !! مش بمزاجه تقعدي او ترجعي !!! 'توليب' : - أرجوكي أسكتي أنا حاسه إني هعيط دلوقتي لو أستمرينا في الكلام !! 'حنان' : - 'توليب' ماتخافيش أخويا مش هيسيبك !! أنا شفت وشه و قريت في ملامحه حبه ليكي !! هو أخويا و أنا أعرفه !!! 'توليب' : - يوووه مش عايزه أسمع أي 'أمل' !! إنتي ماكنتيش معانا و شفتيه و هو بينقرف من شكلي !! خلاص غيري الموضوع خليني أقدر أمسك نفسي !!! 'حنان' : - بكره تشوفي كلامي !! دلوقتي إنبسطي و إنسي كل حاجة !! اهو شوفي إزاي أخويا داخل و شكله واضح إنه زعلان !!! إلتفتت 'توليب' ناحية باب الصالة و شافت 'عبد الحميد' و هو بيحاول يبتسم للمعازيم غصب عنه .. سكتت 'توليب' و أستمرت تشوفه بعينها .. إلتفت 'عبد الحميد' فجأة ناحيتها و إلتقت عيونهم مع بعض فحاولت 'توليب' تهرب من نظراته و راحت تشوف العروسين .. كمل 'عبد الحميد' دخوله للصالة حتى قعد في طاولة حماته 'إيزابيل' .. 'عبد الحميد' : - فين 'نرجس' !! بتجهز لخطة جديدة !!! 'إيزابيل' : - إنت دايما بتظلم بنتي !! اهي شوفها و هي بتساعد العروسين يقطعوا التورتة !! 'نرجس' طيبة و بتفهم الأصول زيما أنت عاوز منها و راحت تساعدهم من غير ما حد يطلب منها !! 'عبد الحميد' : - بنتك راحت بس علشان تاخذ من العروسين إهتمام المعازيم ناحيتها و تستعرض فستانها إنه غالي !! 'إيزابيل' : - مش دي اول مرة !! بنتي دايما متعوده تلبس غالي فمش محتاجه توريهم فستانها !!! 'عبد الحميد' : - و أهو إنتي متعوده على الفلوس الكثيرة و لسه ماشبعتيش !! يا حماتي العزيزة الطبع بيغلب مش مسألة تعود !! بصت 'إيزابيل' ناحية 'عبد الحميد' بكره شديد .. 'عبد الحميد' : - مالك !! هو أنا غلطت عليكي لا سمح الله !!! دي مسألة تعود إني أقول الحقيقة !! يلا لفي وشك و كملي شوفي فستان بنتك !!! سكتت 'إيزابيل' و إلتفت ناحية بنتها 'نرجس' و العروسين و إنبسطت و هي بتتخيل موته بعد ساعات قليلة .. بعدما إنتهوا من تقطيع التورتة أخذت 'نرجس' منها قطعة للصحن و مشيت ناحية 'عبد الحميد' و هي بتبتسم .. إبتسم 'عبد الحميد' ل 'نرجس' بتلقائية .. قعدت 'توليب' تتفرج عليهم و قلبها بيتقطع .. شافت 'نرجس' و هي بتقسم بالشوكة قطعة صغيرة و أكلتها ل 'عبد الحميد' و هو ضحك بقوة و رجع أخذ نفس الشوكة و أكل 'نرجس' و ضحكوا مع بعض .. و هي مش فاهمة إن ده اللي حصل بينهم .. 'نرجس' : - كُل يا حبيبي !! بإيدي قطعتها علشانك إنت بس !! أكل 'عبد الحميد' علشان المعازيم بيتفرجوا عليهم و ضحك بقوة و همس في ودنها .. 'عبد الحميد' : - و السم حطيته هنا و لا هنا !! ضحكت 'نرجس' برقه كأنه بيهزر معاها .. أخذ 'عبد الحميد' منها الشوكة و قطع قطعة صُغيرة .. 'عبد الحميد' : - و إنتي كُلي معايا علشان تموتي جنبي لو فيه سم !!! إنفجرت 'نرجس' تضحك علشان يفكروا المعازيم إنهم بيدلعوا بعض .. عصبت 'توليب' من المنظر و قامت .. 'توليب' : إعذريني أنا هطلع للسيد 'جمال' أدي له الأدوية !! 'حنان' : - حاضر !! تحبي أجي معاكي !! 'توليب' : - لا مافيش داعي هي نصف ساعة و هرجع لك !!! إنبسطي بفرح إبن خالك !! بعد إذنك !!! طلعت 'توليب' لجناح 'جمال' و خبطت الباب بهدوء و إنتظرت مكانها لما فتح لها 'أكرم' الباب .. 'أكرم' : - إتفضلي !!! دخلت 'توليب' لأوضة نوم 'جمال' .. 'جمال' : - أهلاً يا بنتي !!! أسف إني هحرمك من الفرح !! 'توليب' : - مش مهم أصلاّ أنا لما أخلص هروح على طول أوضتي أنام !! أخذت 'توليب' تجهز الأدوية و تعلقها على الحامل و وصلته للكانيولا الموجودة في إيد 'جمال' و قعدت على الكرسي تراقب المحلول و هو بيمشي في وريده .. # * # * # * # * # بص 'عبد الحميد' ناحية ما كانت 'توليب' قاعده و شاف كرسيها فاضي .. 'عبد الحميد' - لنفسه - ... " أعمل إيه معاكي !!! لا قادر أسيبك و لا قادر أقرب منك !!! جربي تغيري من طبيعتك و تقفلي بقك و أنا معاكي !! يمكن نقدر نتفاهم !!! أنا هطلع لها دلوقتي و هتكون دي آخر فرصة ليها !! أكيد هي في جناح عمي !! " ... قام 'عبد الحميد' و طلع لجناح عمه .. لقى الباب مفتوح فدخل بهدوء و توقف لما سمع كلام عمه 'جمال' .. # * # * # * # * # لاحظ 'جمال' حزن 'توليب' فأشر ل 'أكرم' إنه يخرج و يسبهم لوحدهم .. 'جمال' : - 'أمل' تقولي إنا هخف و لا هموت قريب !! 'توليب' : - بعد الشر عليك سيد 'جمال' أكيد هتخف و الفترة دي هتبقى من الماضي و إن شاء الله تنساها !! 'جمال' : - إيه اللي عرفك !! 'توليب' : - تفائل سيد 'جمال' و أدعي ربنا و هو الشافي !! 'جمال' : - و نعم بالله !! و إنتي ليه مابتدعيش لربنا إنه يبعد عنك الحزن !!! 'توليب' : - ما أنا دايما بدعي ربنا !! بص لها 'جمال' بنظرات غريبة .. 'جمال' : - أومال أنتي ليه زعلانه دلوقتي !!! 'توليب' : - كده حال الدنيا و ربنا يسهل !! 'جمال' : - ما تحكي لي إيه اللي مزعلك يمكن أقدر اساعدك !! 'توليب' : - هتساعدني بإيه !! دا أنت يمكن تكرهني لو عرفت حقيقتي و إيه هو اللي مزعلني !! 'جمال' : - إنك 'توليب' ضرة بنتي !!! وقع قلب 'توليب' و قامت بغير وعي من مكانها .. 'توليب' : - ااا انت بتهزر معايا !! آيه ضرة و إيه 'توليب' !! 'جمال' : - أقعدي ماتخافيش أنا عارف كل حاجة من يومين بس كنت مستني الوقت المناسب !!! قعدت 'توليب' بصمت .. 'جمال' : - عايزه تعرفي إزاي أنا عرفت حقيقتك !! هزت 'توليب' رأسها بمعنى إيوه .. 'جمال' : - من بنتي 'نرجس' و مراتي 'إيزابيل' !! قامت 'توليب' بدهشة من مكانها.. 'توليب' : - من مين !!! يعني إيه !! يعني الكل عارف بحقيقتي !! 'جمال' : - ماأعرفش !!! أنا سمعتهم و أنا تحت تأثير الحقنة المخدرة و هم بينطقوا إسم 'أمل' و 'توليب' و فهمت القصة !!! و كمان أنا حسيت إنك 'توليب' لما قعدنا مع بعض في الحديقة مع 'زهراء' !!! 'توليب' : - يا خبر !!! يعني 'عبد الحميد' عارف بحقيقتي !! علشان كدا هو طلب مني ينفصل عني !! إنصدم 'عبد الحميد' و هو بيسمع إعترافها بإذنه من وراء الباب .. 'عبد الحميد' : - يعني و أنا في الجبل !! كنت بتسلى بمراتي !!! # * # * # * # * # | ||||||||
|
| |
|
07-10-22, 06:56 AM
| #36 | ||||||||
|  قريبا .. قبل نشر الفصل الأخير من "نصيب الورد" أود أن أشكر كل من قرأ الرواية .. و أعذروني للتأخير .. و بإذن الله نلتقي السنة القادمة مرة أخرى مع رواية .. "إختلاف حبيبي إختطاف حبيبتي" أنشر لكم جزء من الرواية يوضح سبب إختياري للإسم .. تحياتي .. تانيا .. "إختلاف حبيبي إختطاف حبيبتي" 24- الحقيقة. وقفت 'تالية' في المطبخ تقطع السلطة و تراقب الاكل الموجود على النار و عقلها بيفكر في كلام 'سعيد' .. 'تالية' - لنفسها - ... " 'سعيد' عنده حق في كل كلمة قالها !! بس هو نرفزني و خرجني عن طوعي بكلامه القاسي !! مقدرش يقول لي على نصيحته بطريقة مهذبة !! أنا لازم اشوفه علشان اشرح له الحقيقة إني كنت عيانه و يعرف انه ماحصلش بينا إي حاجة !! هحاول ازور 'سعيد' بعدما أخلص أطبخ الغداء !! بس يووه اعمل ايه مع والده !! اكيد دلوقتي هو موجود و 'سعيد' طلب مني مازورهمش لو باباه موجود في شقتهم !! " ... وقفت 'تالية' عن التفكير و هي بتشوف إيدين من وراها بيمسكوا ايديها و بيقطعوا الخضار معاها .. إبتسمت 'تاليه' لقرب 'أمجد' و بيهمس في ودنها .. 'أمجد' : - ايوووه كدا نقطع الطماطم بحب !! على حته حته !! تخدرت 'تالية' بإحساس الحب كأنها طايره في السماء .. لكن بعد ثواني رجع لها عقلها فتحكمت بنفسها و تركت السكين من ايدها .. 'أمجد' : - 'تالية' !!! دارت 'تالية' حول نفسها و دفعت 'أمجد' بعيد عنها .. 'تالية' : - ايه ده اللي أنت بتعمله !! خلي عندك أدب !! 'أمجد' : - مممم أنا شفت إن دي حاجة عادية بعدما شفتك كما خلقتني يا ربي !!! ارتعبت 'تالية' و فتحت عينها من الخوف إنها تسمع منه كلام يقتلها .. 'تالية' : - قصدك ايه !! اخذ 'أمجد' جزرة من طبق الخضار و ابتعد عنها و قعد على الكرسي يسترخي يأكلها .. 'أمجد' : - أنتي فاكره لما كنتي تعبانه !! 'تالية' : - ايوا فاكره !! امجد : - و فاكره إني الوحيد من قعد جنبك يرعاكي !! 'تالية' : - ايوه خلصني !! 'أمجد' : - خلاص و انا بغير لك ملابسك شفتك و عجبتني !! فخذت موبايلي و قعدت أصور و أصور !! حست 'تالية' بدوخه فسحبت كرسي و إنهارت عليه .. شاف 'أمجد' وش 'تالية' شاحب من الخوف فحب يكمل يمزح معاها .. 'أمجد' : - مين قدك هتبقي مشهورة !! تحبي أنشر صورك فين !! في منشورات ورقية و لا على النت !! قامت 'تالية' بعصبيه و أخذت السكين .. 'تالية' : - أقسم بالله لو أنت اللي بتقوله حقيقة مش هتخرج من هنا إلا و أنت مقطع بالسكينة دي !! 'أمجد' : - جهزتي اكياس النايلون !! 'تالية' : - دي حركة بقت قديمة !! دلوقتي بنحطكم في ورق هدايا علشان إنتوا تستحقوا القتل !! 'أمجد' : - هو القتل بين الستات بقى زي لفه هدية !! 'تالية' : - اه سهل !! 'أمجد' : - يا خسارة عيد ميلادي راح من أسبوع !! فمش هتلحقي تجهزيني هدية !! قريت 'تالية' من 'أمجد' بفضب و رفعت السكينة في وجهه .. 'تالية' : - أسكت ماتجننيش !! يلا قول الحقيقة !! بعد 'أمجد' وشه عنها .. 'أمجد' : - حاسبي يا مجنونة !! أنا لسه عايز استمتع بشبابي !! حاولت 'تالية' تمد إيدها تأخذ موبايله .. 'تالية' : - هات وريني موبايلك !! 'أمجد' : - لاااا مااقدرش !!! هتشوفي بقية الضحايا العيانين اللي زيك !! 'تالية' : - يوووه لو سمحت قول الحقيقة ماتتعبنيش معاك !! إتضايق 'أمجد' من تفكيرها .. 'أمجد' : - إنتي يا هبلا مصدقه إني ممكن أعمل معاكي كده !!! هو أنتي شايفاني خسيس للدرجة دي !! شغلي مخك شوية !! إمتى إنتي غيرتي بيجامه نومك و قت ما كنتي عيانه !! دا أنتي قعدتي تأكلي و تأكلي و بس !! و أنا المسكين هريتيني شغل في بيت خالتك !! و قعدت أطبخ و أنظف و أمسح و أكنس !!! هو أنا كان معايا وقت حتى أشوف نفسي !! 'تالية' : - أرجوك يا 'أمجد' طمني !! 'أمجد' : - و الله العظيم ما شفت منك حاجة غير وشك و شعرك !! و ده كان غصب عني !!! إطمنت 'تالية' بعد حلفان 'أمجد' و رجعت السكين لمكانه فوق خشبة التقطيع .. 'تالية' : - شوف أنا هصدقك بس لإني بحبك !! 'أمجد' : - بتحبيني !!! نست 'تالية' كل الخوف و قفزت من مكانها بفرحة .. 'تالية' : - أيوا أنا بحبك بحبك بحبك !!! ضحك 'أمجد' من حماسها و إنبسط من اعترافها .. 'أمجد' : - عيب يا بنت أختشي !!! إنطقيها على الأقل و أنتي مكسوفه !! 'تالية' : - أسمع أنا عايزه نتجوز في اسرع وقت ممكن !! 'أمجد' : - آه دا أنتي ما صدقتي تلاقي لك عريس !! بس ممكن تجربي تمثيل قدامي إنك مكسوفه !! 'تالية' : - أنا عارفه إنك كمان بتحبني !! و حاسس زيي إننا مخلوقين لبعض !! 'أمجد' : - 'تالية' !! 'تالية' : - تتجوزني !! 'أمجد' : - أنتي بتتكلمي جد !! 'تالية' : - و الله أنا عروسة لقطة و هتنبسط مني قوي !! و هكون قدم السعد عليك !! دا أنا أبويا سماني 'تالية' القرآن ..!! 'أمجد' - مقاطع - : - و أخوكي 'حافظ' القران !! 'تالية' - بدهشة - : - و أنت تعرف أخويا منين ؟!! 'امجد' - بإرتباك - : - هو بجد إسم أخوكي كدا !! 'تالية' : - أه أسمه كدا !!! 'أمجد' : - انا بس كنت بمزح معاكي هاهاهاها !! 'تالية' : - أخويا فعلاً إسمه 'حافظ' !! 'أمجد' : - شفتي أنا سري باتع هاهاها !! 'تالية' : - ههههه طب يلا امتى هتروح لأخويا تخطبني !! و لا أقولك قول لي على عنوان مامتك و أنا هروح بنفسي أخطبك منها !! 'أمجد' : - ليه !!! 'تالية' : - علشان انا أعترفت في الأول بحبي ليك !!! 'أمجد' : - و تتحملي أنتي كل مصاريف الجواز !!! 'تالية' : - لا لا خلاص خلينا نرجع للتقاليد القديمة !!! شاف 'أمجد' ل 'تالية' بحب .. 'أمجد' : - 'تالية' إنتي فعلاً بتحبيني !!! 'تالية' : - جداً جداً جداً !! 'أمجد' - بتردد - : - بس !! 'تالية' - بخوف - : - إيه أنت متجوز !!! 'أمجد' : - هاهاها لا لا يا روح القمر !! إرتعبت 'تالية' و افتكرت عيلة 'سعيد' و هم بينادوها ب 'القمر' .. 'تالية' : - لا أوعى تناديني مرة ثانية بالقمر !! 'أمجد' : - ليه !! 'تالية' - بإرتباك - : - علشان القمر بيطلع في الليل و أنا بحب أطلع في النهار !! 'أمجد' : - يا خوفي تطلعي مستذئبة !! و تقومي تاكليني في أول يوم من جوازنا !! 'تالية' : - لا أطمن أنا مش هاكلك لاني مش هقدر اعيش من غيرك !! بس هو في شرط واحد !! 'أمجد' : - ايه هو !!! 'تالية' : - شرط واحد و مش هطلب منك حاجة ثانية !! 'أمجد' : - عادي قولي يا عروسة !! 'تالية' : - خالتي 'صباح' تجي تعيش معانا !! 'أمجد' : - و توعديني إنك مش هتسيبيني !! 'تالية' : - و لا يوم واحد هسيبك !!! بس في حالة واحدة !! لو أنا مت !!! قام 'أمجد' من مكانه بسرعة لما افتكر كابوسه .. 'أمجد' - بخوف - : - لااا ماتقوليش كده !! دا انا ما صدقت لقيتك !!! أوعي تفكري تسيبيني !! أقترب 'أمجد' من 'تالية' و الدموع بتنزل من عينه .. 'أمجد' : - 'تالية' اوعديني إنك مش هتسيبيني مهما كانت الظروف !! أنا بحبك قوووي !! و مش عايز أي حاجة تفرقنا عن بعض !!! شد 'أمجد' 'تالية' لصدره و حضنها بقوة .. 'أمجد' : - ارجوكي اوعديني إنك مش هتسيبني لأي سبب من الأسباب !! 'تالية' : - أوعدك يا 'أمجد' إني هفضل معاك طول العمر !! بس نتجوز !! حضن 'أمجد' 'تالية' بقوة أكثر .. 'أمجد' : - بحبك !!! 'تالية' : - و أنا كمان يا 'أمجد' بحبك !! آااي بس أبعد عني شويه !! سلسلتك وجعت عيني !! بعدت 'تالية' نفسها عن 'أمجد' و بفضول طلعت السلسة من تحت قميصه .. و اتسعت عينيها صدمة و رعب .. لما شافت رمز معلق في السلسلة .. رمز الصليب .. # * # * # * # * # 25- هروب. إبتعدت 'تالية' بخوف عن 'أمجد' و إتكعبلت بالكرسي و كانت هتوقع بس 'أمجد' مسك ذراعها بسرعة .. 'أمجد' : - حاسبي !!! سحبت 'تالية' ذراعها من إيده .. 'تالية' : - أبعد إيدك عني ماتلمسنيش !! 'أمجد' : - إيه مالك كانك شايفه الشيطان بنفسه واقف قدامك !!! هو أنتي لدرجة دي بتكرهي المسيحيين !!! صرخت 'تالية' بقوة .. 'تالية' : - أنا بكره كذبك !! بكره خداعك طول الوقت !! أبعد !!! حست 'تالية' بثقل جسمها فرمت نفسها على الكرسي و غطت وجهها بايدها و قعدت تبكي بمرارة .. قعد 'أمجد' جنبها .. 'أمجد' : - 'تالية' أنا ماكذبتش عليكي بحاجة !! انا فعلاً بحبك و هعمل المستحيل علشان نكمل حياتنا مع بعض !! أسمعي حبيبتي لو عايزه أنا مستعد أتجوزك الليلة !! 'تالية' : - إمشي من قدامي مش عايزه أشوفك !! ما أنت عارف حرام على إمرأة مسلمة تتجوز من راجل مسيحي !! 'أمجد' : - 'تالية' أنتي وعدتيني إنك مش هتسيبيني مهما كانت الأسباب !! و ده وعد ماينفعش ترميه كده !! 'تالية' : - محدش هيقبل يجوزنا !! 'أمجد' : - مافيش مستحيل إحنا نقدر نتجوز جواز مدني !! رفعت 'تالية' وجهها و حسمت قرار في نفسها لازم 'أمجد' ينفذه .. 'تالية' : - خلاص يا 'أمجد' أنا لقيت الحل !!! تدخل في دين الإسلام و أنا هعلمك كل حاجة عن أمور الدين و من الأول !! 'أمجد' : - 'تالية' إيه اللي إنتي بتقوليه !!! ما انتي زي ما بتحبي دينك انا كمان بحب ديني !! صعب إني أفارقه !! 'تالية' : - خلاص سيبني و ماتورينيش وشك بعد اليوم !! 'أمجد' : - 'تالية' !!! 'تالية' : - انت ماتعرفش الناس بدأت تتكلم عليا إنك بتزورني و هطلع سمعه إني ست مش كويسه !! وقف 'أمجد' و بص ل 'تالية' بكره .. 'أمجد' : - ااااه علشان انا طلعت مسيحي الناس دلوقتي هتبدا تتكلم عليكي !!! 'تالية' : - أخرج من هنا !! أخرج من حياتي !!! سحب 'أمجد' ذراع 'تالية' بقوة وقفها على رجليها تواجهه .. 'أمجد' : - إعترفي إنك بتكرهي المسيحيين صح !! 'تالية' : - لاااا انا بحبهم و بحترمهم !! بس أنت افهم !!! علاقتنا غلط غلط !! 'أمجد' : - غلط !!! و من دقيقة بس كنتي هتموتي و أنتي بتطلبي إيدي !! سكتت 'تالية' و إنفجرت تبكي .. 'أمجد' : - على العموم أنا جيت لك علشان ارجع لك مفتاح شقتك !! قصدي مفتاح شقة خالتك 'صباح' !! 'تالية' - بحده - : - و ليه أخذت المفتاح !! و أنت كل شوية بتدخل من البلاكونة !! 'أمجد' : - علشان سمعتك !!! و انتي عيانه قولت أدخل من الباب علشان أكون حذر أكثر و أنا بخدمك !! 'تالية' - بصوت عالي - : - ياريتك سبتني أموت !! و ماتعرفتش عليك و شفت اليوم ده !! 'أمجد' : - برافو 'تالية' أنتي كل دقيقة بتخليني اكرهك أكثر و أكثر !! بس و الرب الواحد اللي بتعبده كل الأديان لكون منتقم منك !!! دفع 'أمجد' 'تالية' من قدامه و وقعت على الأرض .. و بخطوات سريعة خرج 'أمجد' من المطبخ .. و ترك 'تالية' .. تندب حظها في نصيبها .. # * # * # * # * # | ||||||||
|
| |
|
10-10-22, 12:43 PM
| #40 | ||||||||
|  رواية " نصيب الورد " قصة د / تانيا محسن. الفصل الأخير.. 34- مكان. بص 'جمال' ل 'توليب' من فوق لتحت يفحصها بنظرة شاملة و شاف إنها ست عادية مافيهاش إي حاجة .. فهمت 'توليب' نظرات 'جمال' ليها .. 'توليب' : - اللي أنت بتفكر بيه سيد 'جمال' حقيقي بس أنا بحاول على قد ما أقدر أكون طبيعية قدام الناس !! و مش عايزه نتكلم في الموضوع ده لإني مابحبش أي حد يسألني عنهم !!! فكر 'جمال' إنها هتكون قله ذوق منه لو حاول يسألها عن عماها و عرجها لكن غصب عنه حس ناحيتها بمشاعر كراهية إنها ضرة بنته .. 'جمال' : - سامحيني ماتفكريش إني ممكن أفرح لك إنك ضرة بنتي !! أنا في الأول و الأخير أب و يهمه مصلحة بنته أكثر !! 'توليب' : - مش مهم تحبني أو تكرهني بس بحب أسمع منك وعد إنك مش هتقول ل 'عبد الحميد' عن حقيقتي لحد ما أتاكد إنه عارف او لسه !! 'جمال' : - أكيد سرك هيكون في بير بس بحب أسالك أنا شايف إنك ست طبيعية و حلوة كمان ما شاء الله عليكي فإيه اللي جبرك بجوازه زي دي !! فكرت 'توليب' ترد عليه بإجابات مختصرة بعدما عرفت بكرهه ليها .. 'توليب' : - مافيش حاجة تقدر تجبرني أعمل ضد موافقتي !! 'جمال' : - أقصد أنتي هتستفيدي إيه من جوازتك من 'عبد الحميد' ؟!! الفلوس و لا السمعة و لا الإثنين ؟!! 'توليب' : - لا ده و لا ده !! أنا الحمدلله أبويا قبل ما يموت ضمن ليا أعيش حياة كريمة و كمان أخذت منه أسم عيله أفتخر بيها قدام كل الناس !!! 'جمال' : - أبوك مات بنفس مرضي صح !!! شافت 'توليب' للأرض .. 'توليب' : - أيوه !!! 'جمال' : - و أكيد بتقولي في نفسك هو ليه لسه عايش و أبويا مات !! رفعت 'توليب' رأسها و بصت ناحية 'جمال' مندهشة من تفكيره .. 'توليب' : - إزاي جاء في بالك إني ممكن أفكر بتفكير زي ده !!! 'جمال' : - علشان انا لو كنت في مكانك كنت هفكر كده !!! 'توليب' : - تقصد إنك دلوقتي بتتمنى ليا الموت و ما يجراش حاجة لبنتك !!! 'جمال' : - مش بالطريقة دي لكن كل الناس تفكيرها كده !! أقصد الخوف على عليتهم بيخليهم يفكروا كده و يمكن أكثر كمان !!! 'توليب' : - ماتخوفنيش من الناس دا يبقى تفكير أناني قاتل !!! الموت و الحياة و القدر بالخير أو الشر بإيد ربنا بس سبحانه و تعالى !! و بحب تعرف أنا طول الوقت بدعي لك من ربنا إنه يشفيك و يفرح عيلتك بشفائك !!! 'جمال' : - أنا حاسس بده !! 'توليب' : - و عايزه اقولك على حاجة !! أمي توفت و أنا لسه صغيرة عندي خمس سنوات و أخويا الكبير عنده ١١ سنة و أبويا رفض إنه يتجوز بعد وفاة امي علشان يقدر يربينا أحسن تربية و يعوضنا غياب الأم في حياتنا !! تعلمت منه كل حاجة و أنا بشوفه إزاي بيتقي ربنا في كل خطوة و تصرف كان يقوم بيه في حياته !! أبويا كان ليا الأب و الأم و أخويا لما مات من خمس سنين مافكرتش لو حد ثاني كان مات بداله !! لأني مؤمنة بقضاء ربنا و مطمئنة إن الأرواح بتروح للي خلقها !! الخوف بس لو نموت و إحنا مقصرين أو عاصيين و ربنا غاضب علينا !!! و كمان أبويا لما مات أنا رضيت بقدر الله لأنه أدى كامل واجباته ناحيتي !! و أنا راضيه إني اديت واجبي ناحيته في حياته و لسه بكمل واجبي بعد موته !! و مطمنة إنه مات بوقته اللي كتبه ربنا ليه !! فما تفكرش و لو لثانية واحدة إني ممكن فكرت ناحيتك بأي شر !! أنا دلوقتي خايفه أنه ممكن في ناس بتفكر زيك بالشر لغيرها !!! حس 'جمال' بالخجل قدامها من تفكيره بالشر ليها و حاول يغير من حوارهم .. 'جمال' : - طب ممكن أعرف إيه اللي جبرك تتجوزي 'عبد الحميد' !! خدمة لصحبتك 'حنان' !!! 'توليب' : - بتسمي جوازي من أخوها خدمة !!! الجواز هو إرتباط وثيق بين إثنين قدام ربنا !! أنا مش هستخف برباط مقدس علشان أخدم حد !!! أعجب 'عبد الحميد' بكلام 'توليب' و هو واقف جنب الباب .. 'عبد الحميد' - لنفسه - ... " كويس خليه يشوف بنفسه الفرق بين تربيته لبنته و تربيتها !!! بتدي له دروس في الصميم !!! " ... حس 'جمال' بنفسه إنه كل شويه بيصغر قدامها .. 'جمال' - بعصبيه - : - طيب ردي على سؤالي بإجابة واضحة !!! 'توليب' : - أنا رديت عليك و قولت لك ماتجوزتش 'عبد الحميد' لا علشان بفكر بفلوس و لا علشان إسم أو سمعة !! أو زي ما بتقول علشان أخدم حد !!! أنا تجوزته علشان أنا بحبه !! حبيته من ١٢ سنة و ماقدرتش أحب غيره !! رغم إني ماقابلتوش و لو لمرة واحدة و كتمت حبي ليه بقلبي علشان ماحبيتش تتأثر صداقتي مع 'حنان' !!! 'جمال' : - بتتكلمي جد !!! سرحت 'توليب' في ذكرياتها .. 'توليب' : - أنا قضيت ١٢ سنة من عمري و أنا بدعي ربنا إنه يجمعني بيه و لو لمرة واحدة أشوفه بس و بعديها هكمل حياتي على ذكرى اليوم ده !!! أنا يا سيد 'جمال' بقيت مجنونه بيه لإني كنت بحس إنه جنبي و بشوفه قدامي و بتكلم معاه و بيساعدني أتحمل حزني على تعب أبويا !!! إبتسم 'عبد الحميد' و حس بإشباع غروره بحبها ليه .. 'عبد الحميد' : - هي بتفكر فيا طول الوقت !! يعني أنا موجود في بالها 24 ساعة !!! 'جمال' : - و مستنيه إيه من حبك الإفلاطوني ده !!! هتعترفي له بحقيقتك !!! 'توليب' : - مش هعترف له خالص !!! أنا وافقت على شرطه أنه مايشوفنيش و راضيه اكمل حياتي و إحنا متجوزين على الورق بس !!! 'جمال' : - طب إيه اللي جابك هنا ؟!! 'توليب' : - نعم !!! 'جمال' : - أقصد أنتي جيتي هنا ليه و أنتي موافقه على شرط 'عبد الحميد' !!! 'توليب' : - فكرت أن دي فرصتي الوحيدة اللي هقدر أحقق فيها رغبتي إني أشوفه عن قرب !!! 'جمال' : - يعني مش هتدعي لربنا إنه يقبل بيكي و يحبك !!! 'توليب' : - أنت بتسخر مني !!! أكيد بدعي لربنا و هفضل أدعي و ربنا قادر على كل شيء !! أنا كل أملي في ربنا إن 'عبد الحميد' يحس بمقدار حبي ليه !! الدعاء لله معناه إننا صابرين لقدره و راضيين بقضاءه !! 'جمال' : - معاكي كمية إيمان كبيرة !!! 'توليب' : - ياريت أكون زي ما أنت ما بتقول !!! 'جمال' : - يعني توعديني إنك مش هتقولي ل 'عبد الحميد' بحقيقتك !!! 'توليب' : - من غير ما أوعدك أنا وعدت نفسي إني ماأقولش ل 'عبد الحميد' بحقيقتي غير لو قال لي و سمعت بوداني إنه بيحبني !!! 'جمال' : - يعني أنتي بجد مش عايزه تاخذي مكان بنتي و تتمتعي بفلوس أبوها و فلوس جوزها !!! بصت له 'توليب' بحزن و فكرت تدي له درس .. 'توليب' : - أنا غصب عني أخذت مكان بنتك بس مرة واحدة و مش ندمانه عليها !!! لما شفتك بتموت و بنتك واقفه تتفرج عليك بأعصاب باردة !! أنا اضطريت أخذ مكانها لإني خفت عليك من الموت و جريت أنقذ حياتك !!! و ارجوك تسامحني على كلامي بس عايزاك تعرف إن أبويا أدى لي الكثير أكثر مما أنت اديته لبنتك !!! أبويا قضى كل وقته معايا و عرف يربيني و فضل جنبي يعلمني لحد ما كمل رسالته في الحياة و سابني !!! و أنت نسيت رسالتك و فكرت إنها بس تخطيط لمشاريع و زيادة فلوس !! و نسيت بنتك و قصرت في حقها و حاولت تعوض غيابك عنها بالفلوس و الهدايا الغالية !! خليتها تفهم إن سعادتها مش بتيجي غير بالفلوس !!! بنتك بسببك بقت بتحب الفلوس أكثر منك و بتفكر إنه مافيش حاجة في الدنيا أهم من الماديات !!! حس 'عبد الحميد' برغبة قوية بالتصفيق ل 'توليب' .. 'عبد الحميد' : - بس كل ده مش هيرحمك مني !!! إستنى لدورك تأخذي الدرس مني !!! 'توليب' : - و دلوقتي سيد 'جمال' عايزاك تفهم إني مش عايزه منك إي حاجة غير أنك تفتكر خدمتي ليك إنه جميل مني !! و بطلب منك ترد ليا الجميل إنك تخبي حقيقتي عن 'عبد الحميد' !!! و حتى لو كانت دي رغبتك كمان إني أبقى بعيدة عن 'عبد الحميد' !!! هز 'جمال' رأسه بصمت و حس بإحتقار لنفسه الأنانية .. و نسيانه لأهم جميل في حياته .. من إنقاذ روحه الغالية .. من أي حاجة في الدنيا .. من الموت .. # * # * # * # * # 35- الروسية. رجع 'عبد الحميد' بهدوء للخلف و قفل الباب وراه بقوة علشان يسمعوه و يفكروا أنه هو لسه داخل .. فكرت 'توليب' أنه 'أكرم' اللي جه .. 'توليب' - بصوت واطي - : - حتى 'أكرم' مش عايزاه يعرف سيد 'جمال' !! 'جمال' : - إطمني مصلحتنا واحدة أنه محدش يعرف !! سمع 'عبد الحميد' صوت 'جمال' لأنه كان عالي .. 'عبد الحميد' : - محدش يعرف بإيه !! تفاجئ الإثنين بدخول 'عبد الحميد' عليهم .. 'عبد الحميد' : - هي إيه المصلحة المشتركة اللي بينكم !!! سكتت 'توليب' لأنها لسه زعلانه منه و قامت تشغل نفسها بترتيب أدوية 'جمال' المبعثرة في الدولاب .. شاف 'عبد الحميد' أنها أدت له ظهرها و فكر يزعجها أكثر فتكلم باللغة الفرنسية و هو عارف إنها أكيد هتفهم كلامه لأنها دارسه مع أخته اللغة الفرنسية .. 'عيد الحميد' : - أنا بكلمك يا عمي ؟!! ما ترد عليا !! و لا هو سر بينكم !!! و كمان 'جمال' فاهم أن 'توليب' هتقدر تفهم كلامهم لإنه عارف بصداقتها ل 'حنان' و تخرجهم من نفس القسم .. 'جمال' : - إني أعلمها اللغة الفرنسية مقابل خدمتها ليا !! 'عبد الحميد' : - و هي هتفهم !!! 'توليب' - لنفسها - ... " ما أنا فاهمة !!! " ... قرب 'عبد الحميد' أكثر . 'عبد الحميد' : - المهم إزاي صحتك !! 'جمال' : - الحمدلله !!! قعد 'عبد الحميد' على الكرسي و حط رجل فوق رجل بإسترخاء .. 'عبد الحميد' : - آسف لإني جيت بمعاد نومك بس حبيت أجي اقول لك بالتجديد اللي هعمله في فندق زهرة النرجس !! 'جمال' : - أنا أديت لك كل الصلاحية تعمل اللي أنت عايزه !! 'عبد الحميد' : - طب اسمعني !! انا بقترح لو إننا نشيل من الحديقة كل ورود التوليب و نزرع بدالهم زهرات النرجس علشان يبقى إسم الفندق إسم على مسمى !!! سمعت 'توليب' إقتراح 'عبد الحميد' و حست بألم في قلبها .. 'جمال' : - إمتى هتعمل ده !! 'عبد الحميد' : - أكيد بعدما يمشوا المعازيم !! حب 'جمال' تسمع 'توليب' بنفسها سبب اقتراح 'عبد الحميد' .. 'جمال' : - طب ممكن اعرف ليه جت الفكرة دي في راسك !! 'عبد الحميد' : - ماخبيش عليك يا عمي أنا مش عايز أشوف أو أسمع إي حاجة تفكرني بغلطتي من جوازتي من 'توليب' صحبه اختي !! سمعت 'توليب' السبب و جه لها ألم في رأسها و حست بدوخه بسيطة .. 'جمال' : - و ليه ماتروحش تشوفها مش يمكن تعجبك !! 'عبد الحميد' : - و هو في حد هيعجب بيها !!! أومال هي عنست ليه !!! سمعت 'توليب' الرفض و حست برجليها مش هيقدروا يحملوها أكثر .. 'جمال' : - خلاص إيه رأيك أجوزك بالممرضة دي !!! 'عبد الحميد' - بعصبيه - : - هو أنا عملت لك حاجة زعلتك مني علشان تفكر تجوزني بواحدة زي دي !! قولي هو أنت بتكرهني للدرجة دي !!! دي يمكن 'توليب' بنفسها تطلع أحلى منها !!! غمضت 'توليب' عينها بقوة تمنع نفسها من البكاء .. حاول 'جمال' يكتم ضحكته بقوة .. 'عبد الحميد' : - أهو بص لخصلة شعرها اللي طالعه من تحت طرحة رأسها !! زي سعف النخيل الناشف !! أنا متأكد إنها عمرها ما سرحته !! علشان هي لو جربت تسرح شعرها هيتكسر و يتفتت تحت المشط و يبقى رأسها شبه الزحليقة !! رغم ان 'توليب' متأكده من ان شعرها قصير و ناعم لكن طريقة كلام 'عبد الحميد' خلاها تشك إنه ممكن في خصلة طلعت منها فإلتفتت ناحيته و قعدت بالكرسي علشان تغطي الخصلة .. 'جمال' : - حرام عليك دي هي حلوة !! 'عبد الحميد' - بدهشة - : - حلوة !!! بص 'عبد الحميد' ناحيتها بوقاحه .. 'عبد الحميد' : - دي نهايتها أخذها مرة واحدة للجبل !! و يبقى معايا حكاية أحكيها لصُاحبي عن مغامرتي فوق الجبل مع جذع نخلة متحركة !! عضت 'توليب' شفايفها بقوة تمنع خروج الدموع من عينيها .. 'جمال' : - هاهاها و طب جوازتك من 'توليب' يعني مابقاش منه فايدة !! فكر 'عبد الحميد' إنه يتجاهل سؤال 'جمال' بشكل غير مباشر .. 'عبد الحميد' : - ماتفكرنيش بيها و لا في بنتك !!! أنا الليلة مش عايز أسمع اي حاجة تزعجني !! 'جمال' : - ليه بقى !!! 'عبد الحميد' : - أصل قبل ساعتين وصل فوج روسي للفندق و حسيت بقلبي بيدق لأول مرة لما شفت ست قمر عمري ماشفتش واحدة بجمالها !!! بدأت 'توليب' تحرك شفايفها من اليمين للشمال كإنها بتفكر بحاجة في دماغها .. إستغرب 'جمال' من كلام 'عبد الحميد' لإنه عمره ما شافه يفكر بالستات .. 'جمال' : - دي تبقى حاجة مستحيلة إن في واحدة تقدر تخطف قلبك !!! 'عبد الحميد' : - قعدت أتكلم معاها ساعة و هي إنبسطت لما عزمتها تجي أوضتي !! 'جمال' - بحدة - : - 'عبد الحميد' إيه الحركات دي !! هو أنت هتقلب الفندق مكان لغرامياتك !! 'عبد الحميد' : - من حقي أبسط نفسي و أنا متجوز ثنتين مصايب و ماتزعلش نفسك !! بنتك هي المصيبة الأحلى !! علشان كدا أنا هزرع بدال التوليب نرجس !!! بص 'عبد الحميد' ل 'توليب' و شافها و هي بتشوف لظوافرها و بتسمحهم بطرف صباع الإبهام كإنها بتستعد لمعركة .. إفتكر 'عبد الحميد' قوتها و جهز عضلات جسمه يصد إي محاولة يجي منها .. 'جمال' : - عيب اللي أنت هتعمله !! أنت هطلع سمعه مش كويسه على الفندق !! 'عبد الحميد' : - هي نصف ساعة و هنسيها إسم الفندق !! بصت 'توليب' ل 'عبد الحميد' بغضب .. 'عبد الحميد' : - كويس إنه باقي يوم و أخلص من وش ممرضتك !! مسكت 'توليب' أعصابها و قامت من مكانها تشغل نفسها بفصل المحلول من وريد ذراع 'جمال' .. قام 'عبد الحميد' من مكانه .. 'عبد الحميد' : - هروح دلوقتي للجناح بتاعي !! مش عايزها تستناني كثير !! أشوفك بكره الصباح !! 'جمال' : - حسابك معايا بكرة !! 'عبد الحميد' : - نام و ريح نفسك و الصباح رباح !! ابتسم 'عبد الحميد' ل 'توليب' و تكلم بالعربية .. 'عبد الحميد' : - ربنا يقويكي !! أنا كنت بقول لعمي قبل شوي إنه مافيش واحدة زيك لا بجمالك و لا بطيبتك !! إبتسمت 'توليب' مجاملة بطرف شفايفها و رجعت تكمل شغلها .. 'توليب' - لنفسها - ... " بتاع ستات و كمان بتكذب يا منافق !!! " ... إندهش 'جمال' من تصرف 'عبد الحميد' و بعد ثواني تفكير فهم إن كل دي حركات منه .. 'جمال' - بإبتسامة - : - يبقى سلم لي على الصاروخ !! إبتسم 'عبد الحميد' ل 'جمال' و غمز له بعينه و خرج .. على طول قعدت 'توليب' على الكرسي و بدأت برغبة البكاء .. 'جمال' : - بلاش تفكري إنك تعيطي !! روحي بنفسك و شوفيها !! 'توليب' : - ماينفعش !!! لما اشوفها إيه اللي هقدر اعمله !! أنا بقول تكلم بنتك تروح تلحق تشوفهم !! 'جمال' : - بنتي !!! ياريت لو هي بتحس بحاجة !! 'توليب' : - خلاص عرفت أنا هطلع كإني رايحه أوضتي و هشوف لو أقدر ابص عليهم !! يلا سلام !!! خرجت 'توليب' و تركت 'جمال' لوحده .. أخذ 'جمال' موبايله و أتصل ل 'عبد الحميد' .. 'جمال' : - خطتك نجحت أهي طالعه تشوفك مع الطلقة الروسية !!! إبتسم 'عبد الحميد' و إنتظر وراء الباب وصول 'توليب' .. # * # * # * # * # 36- الحلال. خرجت 'توليب' من الأسانسير و مشيت ناحية جناح 'عبد الحميد' و عملت نفسها كأنها رايحه على اوضتها و جت لها فكرة علشان تسجيل الكاميرات .. توقفت 'توليب' قدام الباب و تفاجأت كإنها شافت حاجة علقت بفستانها فرفعته علشان تشيله و قربت ودنها بشويش من الباب .. فتح 'عبد الحميد' الباب بسرعة .. 'عبد الحميد' : - أهلا !! أنتي فاكره لو رفعتي فستانك هتقدري ترفعي مستوى الصوت عندي !!! شاف 'عبد الحميد' إنها لسه ماسكه فستانها فكمل .. 'عبد الحميد' : - عَلي أكثر لسه الموظفين في مكتب المراقبة ماشافوش بطانة فستانك !! إبتسمت 'توليب' بغباء و حاولت تغطي على كشفه لمحاولة تصنتها ففتكرت تريند البطانة .. 'توليب' : - مالوش لزوم أرفع اكثر !!! اصلي نسيت ألبس البطانة ههههه !! 'عبد الحميد' : - إتفضلي يا نجمة المهرجان تحبي تتعرفي على واحدة زيك لابسه هدومها من غير بطانة !! 'توليب' : - إنت فاكر إني جايه علشان أخش عندك !! 'عبد الحميد' : - أنا مش فاكر !! أنا متاكد !!! 'توليب' : - عيب الكلام ده أنا واحدة ست محترمة و ...!!! قطعت 'توليب' كلامها لما سحبها 'عبد الحميد' لداخل اوضة نومه و هي أستسلمت له علشان تشوف البنت الروسية اللي معاه .. دخلت 'توليب' و تفاجأت لما شافت أوضة نومه فاضية .. 'توليب' : - هي فين !!! ضحك 'عبد الحميد' بقوة و رمى نفسه على السرير و قعد يبص لها و تعمد إنه يسيبها واقفه قدامه .. 'عبد الحميد' : - مين هي !!! إنتبهت 'توليب' لغلطتها إنها المفروض مابتعرفش فرنسي و عارفه إن في بنت روسية في أوضته .. 'توليب' : - اااا اللي قولت عليها إنها مش لابسه بطانة !! 'عبد الحميد' : - و إنتي بجد مش لابسه بطانة تحت فستانك !!! 'توليب' : - و هو في فستان بيجي من غير بطانة !!! قعد 'عبد الحميد' يبص لها بصمت .. إرتبكت 'توليب' من صمته و حست إنها لازم تخرج .. 'توليب' : - طب بعد إذنك أنا همشي !! ماينفعش ابقى هنا في أوضتك !! دارت 'توليب' حول نفسها علشان تخرج .. 'عبد الحميد' : - أستني عندك !! أنا لسه ماكملتش كلامي معاكي !!! 'توليب' : - نعم !! هتكمل كلامك إزاي و أنت مابتنطقش !! خلاص أستريح كل الستات معاهم بطانة لفساتينهم !! في سؤال ثاني !!! أشر 'عبد الحميد' برأسه ناحيتها .. 'عبد الحميد' : - الزوجة الغامضة !!! وقع قلب 'توليب' و فكرت تجري تهرب من قدامه .. 'توليب' : - اا الفيلم ده انا مشفتوش !!! بص 'عبد الحميد' ل 'توليب' من فوق لتحت .. 'عبد الحميد' : - إنتي بقى الزوجة المصون !!! شافت 'توليب' انه مافيش فايدة من الانكار فسكتت .. 'عبد الحميد' : - إنتي 'توليب' !!! 'توليب' : - اه !! 'عبد الحميد' : - و أنا اللي كنت فاكر إني بتسلى بيكي طلعتي إنتي اللي بتتسلي بيا !!! رفعت 'توليب' كفي إيديها الاثنين قدامه إنها ماعملتش حاجة غلط .. 'توليب' : - بالحلال !! تعصب 'عبد الحميد' إنها دايما بتفوز عليه و جاهزة بالرد فقرر يستغل نقطة ضعفها إنها بتحبه .. قلد 'عبد الحميد' حركتها .. 'عبد الحميد' : - و أبغض الحلال الطلاق !!! سمعت 'توليب' كلمة طلاق و ريقها نشف من الخوف و ماقدرتش تنطق بكلمة فهزت رأسها بمعنى لا .. شاف 'عبد الحميد' شحوب شفايف 'توليب' بعدما أختفت طبقة روج شفايفها .. 'عبد الحميد' : - إيه اللي أنتي كنتي متوقعاه مني !! حاولت'توليب' تجمع قوتها اللي ضاعت منها علشان تعرف تنطق و تتفاهم معاه .. 'توليب' : - أنااا وافقت أتجوزك بعدما إديتوني عهد إنك مش هطلقني لآخر عمري !! و آكيد انت مش هتقبل على نفسك تخلي بوعدك !!! رفع 'عبد الحميد' حواجبه بصحه كلامها .. 'عبد الحميد' : - صح بس إحنا كان بينا شرط !!! لا أشوفك و لا أنتي تشوفيني و إنتي أخليتي بالشرط فمن حقي مابقاش على وعدي !!! 'توليب' : - لا لا أرجوك ماطلقنيش !!! أوعدك إني همشي دلوقتي و مش هتشوف وشي ثاني !!! 'عبد الحميد' : - آكيد هتمشي بس بعدما تجاوبي على أسألتي !! بدأت الدموع تنزل من عيون 'توليب' .. 'عبد الحميد' : - دموعك مش هتنفعك معايا !!! و لسه باقي حساب مع 'حنان' و 'فادي' و خالتي !! كلكم إتفقتوا عليا و إستغفلتوني !! حاول 'عبد الحميد' إنه يضغط على نفسه قبل ما يضعف قدامها .. 'عبد الحميد' : - إيه كان هدفك من جيتك معاهم !! كنتوا فاكرين من قلبي إنه هيطب على طول ساكت لما يشوفك !!! حاولت تمسح 'توليب' دموعها تخفي ضعفها قدامه لكن إفتكرت إنه ناوي يطلقها فنزلت دموعها قدامه أكثر .. 'عبد الحميد' : - طيب خلينا نقول إنك جيتي علشان توقعيني في حبك !! هل إنتي عملتي إيه جهد علشان أنا أتعلق بيكي !!! اللي بعرفه إنه لو في واحدة عايزه توقع براجل فهي هتبدأ تقرب منه برومانسية و تتلطف معاه بالكلام و أنا ماشفتش منك غير الإهانات و ده و إحنا في أول الطريق !! أومال لو تقربتي مني أكثر هتعملي إيه معايا بسوط لسانك اللي مابيرحمش !!! هتلسعيني لسع و مش بعيد هتضربيني على إي كلمة أقولها !!! 'توليب' : - لا لا مش هعمل كده أبداً !!! و أنا ماقولتش حاجة تزعلك و إحنا في الجبل !!! 'عبد الحميد' : - في البداية قولتي إني بجيب ستات للجبل و بعدين هاهاهاها أنا شغلتك بحاجة ثانية !!! 'توليب' : - ما أنت كمان زعلتني و قولت عليا رخيصة و طردتني و أكثر من مرة !!! 'عبدالحميد' : - علشان طولة لسانك و إحنا لسه بنتعارف !! و في الحياة الزوجية خايف منك تفكري تقتليني زي 'نرجس' !!! 'توليب' : - لاااا أوعى تقارني بيها أنا عمري ما هفكر أذيك أو أجرحك و لو بكلمة !! و ده وعد مني و ربنا الشاهد عليا !! قام 'عبد الحميد' ناحيتها و شدها من ذراعها بسرعة و سحبها للسرير .. سقطت 'توليب' بجذعها للسرير و رجليها في الأرض .. مسك 'عبد الحميد' إيديها الثنتين بايد واحدة و قرب وشه ناحيتها بغضب .. 'عبد الحميد' : - إنتي ماتهمينيش أنا اللي بس عايز أعرفه هي 'حنان' كذبت عليا !!! 'توليب' - بخوف - : - بإيه !! رفع 'عبد الحميد' أصبعين قدام وشها .. 'عبد الحميد' : - كم دول !!! فهمت 'توليب' قصد 'عبد الحميد' .. 'توليب' : - أسمع 'حنان' ماكذبتش عليك بحاجة !!! أنا فعلا كان معايا عين واحدة مابشوفش بيها !! بس أول ماتجوزتك جريت من غير محد يعرف لدكتور عيون و عملت عملية تصحيح نظر ليزك !! و ماقولتش لحد على العملية علشان انكسفت منهم يعرفوا إني فرحانه و بحاول أصلح نفسي علشانك !!! 'عبد الحميد' - بسخرية - : - آه و رجلك كمان عدلتيها بالليزك !!! حاول 'عبد الحميد' يرفع فستانها يشوف رجلها لكن وقف لما سمع صوت صرخة قهر و إحراج من 'توليب' .. توليب : - أرجوك ماتشوفش رجلي أنت مش عايزني و أنا خلاص همشي و مش هتسمع عني إي خبر حتى إسمي !!! مسك 'عبد الحميد' أعصابه لما شاف ضعفها و ترك إيدها .. 'عبد الحميد' : - أمشي و الألفين المهر حلال عليكي ثمن ما أخذته منكي !! قامت 'توليب' و هي مصدومة من كلامه و بكت .. 'توليب' : - أنااا مراتك مش واحدة من بنات الليل !! 'عبد الحميد' : - مش قولتي إنك هتخلعيني علشان كدا أخذتي مني مهر ألفين جنية بس !! 'توليب' : - و اللهِ ما فكرت خلع بيوم !! قولي إزاي و أنا أصلاً مش عايزاك تطلقني نهائيا !! 'عبد الحميد' : - يعني 'حنان' كانت بتكذب !!! 'توليب' : - لا 'حنان' عمرها ما بتكذب بس هي يمكن حبت تهزر معاك !! 'عبد الحميد' : - إمشي من قدامي دلوقتي و بعد ما أرجع القاهرة هفكر أعمل إيه معاكي !!! 'توليب' : - 'عبد الحميد' أرجوك ماتفكرش تطلقني !! أنا خلاص شفتك عن قرب و حققت حلمي !! و هفضل أعيش بعيدة عنك و أنا بحترم نفسي إني مراتك !! 'عبد الحميد' : - اطلعي !! 'توليب' : - حاضر هطلع بس قبلها عايزاك تعرف إني بحبك قوي !! و هموت لو طلقتني !!! خرجت 'توليب' بسرعة من جناح 'عبد الحميد' .. و هو متأكد من حبها ليه .. # * # * # * # * # 37- المشاعر. خرجت 'نرجس' مع والدتها 'إيزابيل' من الأسانسير .. 'نرجس' : -'عبد الحميد' طلع وراها أكيد !! و هتشوفي بنفسك !! 'إيزابيل' : - قليل ذوق مش قادر يصبر لحد ما تخلص الحفلة !! 'نرجس' : - انا هحرق قلبهم و أقطع عليهم ..!!! قطعت 'نرجس' كلامها لما شافت 'توليب' بتخرج من جناح 'عبد الحميد' و هي بتبكي .. وقفت 'نرجس' قدامها و قطعت عليها الطريق.. 'نرجس' : - إنتي يا ممرضة !!! ليه بتعيطي !! رفعت 'توليب' رأسها و شافت 'نرجس' و 'إيزابيل' و على وشهم إبتسامة سخرية .. 'توليب' : - و لا حاجة بعد إذنكم !!! 'نرجس' : - لا لا لا مش هتمشي غير بعد ما أعرف إيه اللي نزل دموعك من عيونك ال... الحلوة ههههههه !! فهمت 'توليب' إنها بتعايرها على عمى عينها عارفه إنهم عارفين بحقيقتها .. سمع 'عبد الحميد' صوت 'نرجس' و وقف وراء الباب يسمع كلامها .. 'توليب' : - لو سمحتي سيبيني أمشي أنا عايزه انام !! 'نرجس' : - ليه هتنامي و الوقت لسه بدري !!! قولي لي يا ممرضة هو 'عبد الحميد' تحرش بيكي و خلاكي تعيطي !! قربت 'نرجس' من 'توليب' و كملت .. 'نرجس' : - و لا هو شبع من مراته المشوهه هههههه !! إنصدمت 'توليب' من شتم 'نرجس' .. 'توليب' : - من لما جيت هنا و أنا بحاول أبتعد عنكم على قد ما أقدر !! فأرجوكي مش عايزه مشاكل معاكم و مش طايقه أشوفكم !! إنفجرت 'نرجس' تضحك .. 'نرجس' : - هههههه إزاي بتشوفينا !! بصت 'نرجس' ل 'توليب' بنظرات مليانه كره و كملت .. 'نرجس' : - و إنتي عميا !!! مسكت 'توليب' نفسها و هي بتسمع كلام بيإلمها .. 'توليب' : - خلصتي !!! أقدر أمشي دلوقتي !! 'نرجس' : - تمشي !! ليه هي الساعة بقت واحدة و ... نص هههه !!! حس 'عبد الحميد' بحزن على معايره 'نرجس' ل 'توليب' .. 'عبد الحميد' : - يلا افتحي بقك و أضربيهم بكلامك و لا أنتي ماتقدريش غير عليا أنا بس !!! إزداد وجع 'توليب' .. 'توليب' - لنفسها - ... " الله ينتقم لي منك 'عبد الحميد' !! فضحتني عند كل واحد !!! " ... زقتها 'نرجس' بقوة من كتفها .. 'نرجس' : - قولي لي لما بتخلعي جزمتك بتمشي إزاي !! زي البطريق !! و لا بترقصي على واحدة و نص زي ما بتقولوا !! نفسي أشوف !! 'توليب' : - لا أنا بس لما أخلع جزمتي مابعرفش غير أدوس على اللي قدامي تحبي تشوفي !! إبتعدت عنها 'نرجس' باشمئزاز و تكلمت مع والدتها باللغة الفرنسية .. 'نرجس' : - ماما دي طلعت مش مؤدبه !! 'إيزابيل' : - هي قالت لك إيه !!! تجاهلت 'نرجس' ترد على والدتها .. 'نرجس' : - شفتي يا مشوهه ازاي بقت علبة مكياجك !! أنا اللي كسرته علشان يبقى زيك مشوه !!! بدأت الدموع تنزل من عيون 'توليب' على معايرتها طول الوقت لكن حاولت تفتح عنيها على قد ما تقدر علشان توقف نزولهم .. خافت 'نرجس' من عيون 'توليب' و إبتعدت عنها و مسكت ذراع والدتها تستقوى بيها .. 'نرجس' : - ماما بصي بتهددني إزاي !! 'إيزابيل' - بإستهزاء - : - بتهددك بإيه و هي حتى مش هتقدر تجري وراكي !! بلعت 'توليب' ريقها تضبط أعصابها و صوتها .. و كلمتهم باللغة الفرنسية بطلاقة .. 'توليب' : - برافوا عليكو قدرتوا على العلبة و ماقدرتوش تواجهوني !! و ده من ضعفكم و خوفكم مني !! بصت 'نرجس' ل 'إيزابيل' مذهوله بمعرفة 'توليب' اللغة الفرنسية .. 'توليب' : - كسرتي علبة واحدة و أنا هقدر أجيب بداله ألف علبة !! 'نرجس' : - و انتي معاكي إيه علشان تشتري غيره !!! 'توليب' : - هههههه بسيطة !!! أشرت 'توليب' برأسها مرة ناحية 'نرجس' و مرة ناحية 'إيزابيل' .. 'توليب' : - من فلوس جوزك !! و بطيارة جوزك الخاصة !! هقدر أسافر و الف على كل دول أروبا و اشتري من كل الماركات العالمية اللي أنا عايزاها !! و علشانكم بس هروح ميلانو إشتري لكم من أشهر الماركات كعب رفيع قوي و هرجع هنا اخبط على دماغ كل واحدة فيكم بفردة من الكعب !! و بكده تبقى نهايتكم بحاجة تليق بمقامكم !!! حلو الكلام !! 'إيزابيل' : - إنتي وقحه !! 'توليب' : - ماتلخبطيش بيني و بينكم !! 'نرجس' : - يبقى إنتي فهمتي كلامنا و بكدا قدرتي تنقذ ..!! 'إيزابيل' - مقاطعة - : - أسكتي !!! 'توليب' : - خايفة حد غيري يسمع بنتك و يعرف جريمتكم !! أنا لو مكانك هنكسف لو فكرت اذي حد بالغدر !! إسلوب الجبناء !!! 'نرجس' : - إنتي مش هتلحقي تتهني بفلوس بابا !! 'توليب' : - أنا دلوقتي بتهنى بفلوس جوزي !! 'نرجس' : - ماهي فلوس 'عبد الحميد' تبقى فلوس بابا !! 'توليب' : - طيب خذي الفلوس مايهمنيش !!! اللي يهمني بس 'عبد الحميد' إنه يبقى ليا أنا وحدي !! 'نرجس' : - أنتي و'عبد الحميد' هتدخلوا نار واحدة !! 'توليب' : - المكان ده مكانك إنتي و والدتك بإذن الله !! يلا وسعي من قدامي ضيعتي وقتي !! مشيت 'توليب' و 'نرجس' علت صوتها وراها .. 'نرجس' : - هتنحرقي سامعه !!! هتنحرقي قريب !! 'إيزابيل' : - إسكتي !!! فتح 'عبد الحميد' الباب .. 'عبد الحميد' : - إنتي اللي انحرقتي فخليكي ساكته !!! 'نرجس' : - هنشوف مين اللي هينحرق !!! 'عبد الحميد' : - كان نفسي أخرج و أحذركم منها بس قولت ماينفعش أدخل بين نسوان !! 'إيزابيل' : - هههه هي خرجت من عندك و هي بتبكي و إحنا فرحنا قوي !! قول لنا أنت عملتلها إيه !!! 'عبد الحميد' : - هي كانت بتبكي !!! دلوعه قوي مش راضية نخرج من أوضتي و ننزل للمعازيم !! أنا بعدين هصالحها بعدما هم يروحوا !! 'نرجس' : - هتصالحها بفلوس بابا !! 'عبد الحميد' : - هي مش زيك بتفرح بالفلوس !! هي بتفرح بالمشاعر و الحب !! 'نرجس' : - يبقى إشتري لها المشاعر اللي أنت بتقوله عليه !! 'عبد الحميد' : - نعم !!! أنا بجد هشتري لك عقل علشان تقدري تفهمي معنى كلمة المشاعر !! أنا نازل دلوقتي و مش هسألكم إيه اللي جابكم هنا !! مشي 'عبد الحميد' و هو بيفكر إزاي يعاقب عيلته من جهه .. و ازاي يتخلص من 'نرجس' و والدتها من جهة ثانية .. # * # * # * # * # 38- طلقة واحدة. دخلت 'توليب' أوضتها و هي حاسه بكسر في قلبها و مشاعرها و ثقتها بنفسها .. قعدت 'توليب' بإنهيار على الأرض و صرخت باعلى صوت ما يكون تخرج الضغط اللي حاساه كبس جواها .. 'توليب' : - خلاص بكره هرجع بيتي !! لا لا مش عايزه أرجع للوحدة من ثاني !! أنا كنت بحلم أعيش مع 'عبد الحميد' !! لاااا أنا غبية !! لسه عايزه 'عبد الحميد' و هو ماقدرش يمسك أسراري قدامهم !! هو اللي إدى لهم الفرصة يجرحوني و يهينوني !! و بيلعب مع ستات كثيرة !! أنا تعبانه قوي مش قادره أستحمل أكثر !! أنا هموت !! فتحت 'توليب' شنطتها و خرجت موبايلها .. 'توليب' : - أنا عايزه حد يجي يقعد معايا !! أنا هتصل ب 'حنان' !! لا لا 'حنان' لو جت هتقعد تبكي جنبي !! الأحسن إتصل ب 'زهراء' هي قوية و هتقدر تخرجني من اللي أنا فيه !! إتصلت 'توليب' ب 'زهراء' سمعت صوتها و انفجرت تبكي و تكلمت من غير إنقطاع .. 'توليب' : - 'زهراء' !!! 'نرجس' و أمها بهذلوني !! و 'عبد الحميد' كان عارف بحقيقتي !! 'زهراء' : - أنا مش سامعه !! غطت 'زهراء' بإيدها إذن واحدة علشان تقدر تسمعها .. 'زهراء' : - يلا قولي إيه اللي حصل !! 'توليب' : - قولت لك 'عبد الحميد' عرف حقيقتي من 'نرجس' و 'إيزابيل' !! 'زهراء' : - بنات الهرمة محدش يقدر لهم !!! 'توليب' : - و 'عبد الحميد' قال ل 'نرجس' و أمها اللي فيا !! و عايروني و بهذلوني قدام الجناح بتاعه !!! أنا اتجوزته علشان يقهرهم لكن هو قهرني أنا و قالهم إزاي يأذوني !! و رفضني علشان هو بيحقترني من وقت ما رحت معاه للجبل و سبته يحضني !! 'زهراء' : - آيه !!! 'توليب' : - أنا مكسوفه أقولك !! هو خدعني بمشوار بعربية النقل علشان بس يلمسني !!! و دلوقتي بيفكر إزاي يعاقبكم !! أنا هدعي عليه من ربنا إنه ينتقم لي منه كده جزاتي !! أنا خايفه عليكوا !! أرجوكي حذري 'حنان' و 'فادي' و إطلعي لي دلوقتي أنا عايزاكي جنبي !!! 'زهراء' : - ماتخافيش يعني هيعمل إيه !! 'عبد الحميد' : - هعمل اللي عمركم ماشفتوش أعمله !! قفلت 'زهراء' الخط بسرعة علشان ماتسمعش 'توليب' كلامه و تتأثر نفسيتها أكثر .. 'زهراء' : - 'عبد الحميد' !!! مش كنت فوق !! 'عبد الحميد' : - و دلوقتي نزلت !! 'حنان' : - هو في ايه !!! 'زهراء' : - خلاص أخوكي رفض 'توليب' !! و هينتقم مننا علشان ساعدناه يقهر 'نرجس' !!! 'عبد الحميد' : - إنتوا قهرتوني أنا !! 'زهراء' : - بإيه !!! 'عبد الحميد' : - من جوازتي من 'توليب' !! 'زهراء' : - إحنا ماضربناش على إيدك !! أنت اللي طلبت عروسة !! 'عبد الحميد' : - أه أنا اللي طلبت لكن إتفقنا كان إننا مانشوفش بعض !! 'زهراء' : - و إيه اللي حصل لك لما شفتوا بعض !! ضاعت فلوس منك !!! مش هي أنقذت لك حياتك !!! و كان زمان 'نرجس' و 'إيزابيل' قدروا يقتلوك من غير ما نقدر نكشف جريمتهم !! إرتبك 'عبد الحميد' لما إفتكر حكاية الحقنة القاتلة .. 'عبد الحميد' : - انا مش ناسي إزاي انقذت 'توليب' حياتي !! 'زهراء' : - بامارة ايه !! إنك تفضح سرها لإعداءك !! و سبتهم يجرحوها و يبهذلوها و أنت مستخبي وراء باب الجناح بتاعك !! 'عبد الحميد' : - يوووه يا خالتي إنتي دايما بتقلبي المواضيع !!! و مش أنا اللي فضحت سرها هو عمي !! و أنا مادخلتش بينهم لإني عارف 'أمل' قصدي 'توليب' معاها لسان هتقدر تذبحهم !!! 'زهراء' : - و لسانها هيفدها بإيه بعد ما هم عايروها !! 'عبد الحميد' : - بقيتي نسخة منها بقعدتك معاها !! 'زهراء' : - و انت ليه زعلان !! قصتك معاها خلاص إنتهت في الجبل !! 'حنان' : - حصل إيه في الجبل !!! 'زهراء' : - خدعها بمشوار في عربية نقل زي ما بيخدعوا المتحرشين بالأطفال بشكولاته !! 'عبد الحميد' : - أنا مش متحرش !! و ماكانش في بالي إي تخطيط هي اللحظة جت كده من نفسها !!! 'زهراء' : - لحظة بس !!! اللحظة دي سببت لها إنهيار عصبي و دلوقتي هي بتدعي عليك !! و بحذرك من دعوة المظلوم !! خاف 'عبد الحميد' من كلمة دعوة المظلوم و قام من مكانه .. 'عبد الحميد' : - أنا خارج أشم هواء !! القعدة هنا بقت بتخنق !! 'زهراء' : - يا ريتك لو كنت مت !! على الأقل كنا عملنا غداء معتبر !!! بص 'عبد الحميد' لخالته بنظرة ألم و مشي .. 'حنان' : - 'فادي' !!! قوم الحق 'عبد الحميد' و أقنعه مايطلقش 'توليب' حرام عليه !!! 'فادي' : - خمس دقايق و هروح له !! سيبيه يفكر لوحده شويه !!! # * # * # * # * # مشي 'عبد الحميد' للحديقة و و وقف قدام ورد التوليب يكلم نفسه .. 'عبد الحميد' : - هو أنا مالي ملخبط و مش قادر أخذ قرار صح !! هي بتحبني و من ١٢ سنة كاملة فعندها حق إنها تعمل المستحيل علشان توصل لي !! ما أنا حبها الوحيد و اللي فاضل ليها بعد موت والدها !! لكن هي غلطت لما اتفقت مع 'حنان' و 'فادي' و خالتي من ورايا و عاملوني كأني مغفل هيقدروا يأثروا عليه بخطتهم !! و الحقيقة هم نجحوا و بقيت متعلق بيها !! و أنا هلاقي زوجة أحسن منها فين !! دي هي هتحافظ على ولادي و هتعرف تربيهم على القيم و أنا هكون مبسوط و هي جنبي و بتحبني !! يبقى أعمل ايه علشان أحافظ على كرامتي قدامهم و بنفس الوقت ماأخسرهاش للأبد !!! آه أنا هطلقها طلقة واحدة و بكدا يكون حل مناسب للجميع و أبقى ...!! قطع 'عبد الحميد' كلامه لما حس بسيخ حديد من النار دخلت كتفه و سائل دافي نزل من مكان الوجع مسك كتفه بسرعة .. سمع 'عبد الحميد' صوت إزيز رصاص مرت جنب إذنه فسقط على الأرض و زحف و أستخبى تحت شجرة كبيرة .. بص 'عبد الحميد' لكتفه و الدم بيسيل على قميصه و إبتسم .. 'عبد الحميد' : - اااخ الحمدلله إني قولت طلقة واحدة و ماقولتش بالثلاثة !!! شاف 'عبد الحميد' 'فادي' و هو بيدور عليه .. 'عبد الحميد' : - 'فادي' أنا هنا إجري إلحقني !!! جري 'فادي' و خاف لما شاف الدم في كتف 'عبد الحميد' .. 'فادي' : - إيه ده !! إيه اللي حصل لك !!! 'عبد الحميد' : - 'إيزابيل' و 'نرجس' قرروا يخلصوا مني !! طلع 'فادي' منديل من جيبه و ضغط على مكان جرح 'عبد الحميد' .. 'فادي' : - قوم معايا خلينا نروح المستشفى !! قام 'عبد الحميد' بمساعده 'فادي' و سند ظهره على الشجرة .. 'عبد الحميد' : - اااي هي الست بتحس كده لما بتطلق !! 'فادي' : - نعم !!! أنت بتقول إيه !! إبتسم 'عبد الحميد' بضعف .. 'عبد الحميد' : - و لا حاجة !!! 'فادي' أنا عايز أوصيك !! 'فادي' : - ليه !! الجرح بسيط في كتفك !! 'عبد الحميد' : - و لو إسمعني !!! 'فادي' : - حاضر قول واجب عليا أسمعك !!!! يمكن يعالجك دكتور مش فاهم شغله فيقوم يصحح مسار الرصاصة من كتفك لقلبك !!! بعد الشر عليك !! ضحك 'عبد الحميد' و كح من الآلم .. 'فادي' : - حاسب على نفسك الدم بيخرج أكثر !! 'عبد الحميد' : - أنا بوصيك لو مت !! 'فادي' : - إيه !! 'عبد الحميد' : - ماتعملوش غداء !!! تصنع 'فادي' الزعل .. 'فادي' : - ليه يا 'عبد الحميد' كده !! أنت عايز تعكنن علينا و أنت حي و كمان و أنت ميت !! 'عبد الحميد' : - نعم !!! 'فادي' : - قصدي و أنت حي بتقعد هنا كثير و بتسبنا و أنت ميت أكيد هنزعل على فراقك !!! 'عبد الحميد' : - ماشي يا 'فادي' !! دلوقتي خذ مفاتيح عربيتي و دخل العربية هنا نروح المستشفى !! جري 'فادي' و رجع مع العربية و نزل يساعد 'عبد الحميد' .. إنتظر 'شاكر' مكانه و شاف من شباك الأوضة عربية وصلت لمكان 'عبد الحميد' و فكر إنه أكيد مصاب بشدة و هيموت .. دخل 'عبد الحميد' العربية و هو بيتألم .. 'عبد الحميد' : - حسابهم كبر قوي !! 'فادي' : - مين هم !!! 'عبد الحميد' : - 'نرجس' و 'إيزابيل' !!! # * # * # * # * # 39- شاكر. ... قبل 13 ساعة ... الساعة 10 صباحاَ في أوضة مليانه كراكيب و دخان كثيف و هدوم مبعثرة بإهمال في كل مكان .. أخذ 'شاكر' نفس طويل من قصبة شيشة حشيش و بيفكر ب 'عبد الحميد' و 'نرجس' .. 'شاكر' : - ملاعين !!! قهروني يا 'عادل' !! قرب 'عادل' منه و هو بيحمل كاسين شاي .. 'عادل' : - مين دول اللي قهروك يا صاحبي !! 'شاكر' : - صاحب الفندق اللي كنت بشتغل فيه و مراته !! قعد 'عادل' و حط الكأسين على الطرابيزة .. 'عادل' : - و أنت ليه تعاكس مراته !! 'شاكر' : - و لا قربت ناحيتها !! بالعكس دا أنا اشتغلت معاهم بكل ذمه و ضمير !! ضحيت علشانهم من عمري و كنت داخل على الشهر السابع و انا بشتغل معاهم !! 'عادل' - بمزح - : - يعني كان فاضل لِك شهرين و تولدي !!! هاتي القصبة يا بطة دوري !! ركل 'شاكر' برجله رجل 'عادل' بقوة .. 'شاكر' : - أنت بستهتزأ بيا !!! 'عادل' : - آاااي ما انت اللي بتقول كلام يضحك !! زعلان على سبعة شهور !!! و في ناس بتشتغل ثلاثين سنة بإخلاص و ثلاثين سنة بتقضيها تلاحق حقوقها من أصحاب العمل !! 'شاكر' : - علشان ضيعوا عليا تعبي و أنا بتعرف على كل الموظفين علشان أعرف مين هقدر أشغله معايا يوزع بودرة بين السواح في الفندق !!! 'عادل' : - يعني أنت كنت عايز تضرب السياحة و تشوه سمعة بلدنا !! 'شاكر' : - يا أهبل فكر كنا هنكسب كام بالعملة الصعبة !! و لو نبيعه بخمس أضعاف ثمنها الحقيقي !!! 'عادل' : - ااه ياااا سلام كنا هنبقى في الهاي في سنة واحدة !! 'شاكر' : - هاه عندي حق إني أزعل و لا لأ !!! 'عادل' : - آه من حقك !! رن موبايل 'شاكر' برقم غريب .. 'شاكر' : - مين هيكون ده !! فتح 'شاكر' الإتصال .. 'شاكر' : - الووو !!! 'نرجس' : - الو !!! 'شاكر' !! 'شاكر' : - اه 'شاكر' !!! مين معايا !! 'نرجس' : - أنا 'نرجس' صاحبه فندق زهرة النرجس !! مسك 'شاكر' أعصابه و انتظر ثواني يجمع نفسه .. 'شاكر' : - خلاص انطردت بسببك فعايزه مني إيه دلوقتي !!! 'نرجس' : - عايزه مساعدتك !! 'شاكر' - بإستهزاء - : - عايزه مفتاح اوضة كام علشان تفتشيها !!! و ليه صوتك متغير !!! 'نرجس' : - أنا تعبانه ماقدرتش أنام من يوم ما 'عبد الحميد' طلب منك تسيب الشغل !! أرجوك سامحني أنا عارفه إني السبب !! بس دا كان غصب عني !! أنا قولت إسمك ل 'عبد الحميد' علشان كنت عارفه إنه شافك من كاميرات المراقبة !! و أنا خفت لو أكذب عليه يقوم يضربني زي كل مرة !!! أنا تعبت من العيشه معاه و نفسي أخلص منه !! هيء هيء !! إنتفخ صدر 'شاكر' بالغرور إن نرجس بتفصح له بنفسها بأسرارها الشخصية .. 'شاكر' : - خلاص ماتعيطيش ربنا يكون في عونك !! و أنا أخذت كل مستحقاتي فريحي نفسك !! 'نرجس' : - إنت عارف إنه إتجوز عليا !! 'شاكر' - بدهشة - : - إيه !!! بجد إتجوز عليكي !! 'نرجس' : - اه بجد الست اللي ساكنه الأوضة اللي خذت منك مفتاحها !! أعمل إيه غيرة ستات !! 'شاكر' : - معقول يتجوز عليكي !! هو مش مقدر النعمة اللي في إيده !! 'نرجس' : - شايف حظي الزفت !! 'شاكر' : - إنتي بتحبيه فخلاص إستحملي معاه !! 'نرجس' : - عمري ماحبيته !!! بابا هو اللي غصبني إني إتجوزه !! و دلوقتي أخذ توكيل من بابا و كل حاجة بقت بإسمه و هددني بعدما يموت بابا هيطردني للشارع !! 'شاكر' : - إخس على النذالة !! لما "يشوفوا" الفلوس بينسوا نعمة ربنا عليهم !! بس ليه إنتي بتحكي لي بكل ده !!! 'نرجس' : - اول حاجة عايزاك تنقذني منه !! و ثاني حاجة علشان عايزه اعترف لك بحاجة !! أنااا أنا بحبك !!! طيرت الحشيشة عقل 'شاكر' و طير إعتراف 'نرجس' بقية عقله .. 'شاكر' : - بتحبيني !!! 'نرجس' : - مش عارفه أنا ليه حسيت ناحيتك بمشاعر حب أول ما شفتك علشان كدا كنت أنت دايما أول واحد يجي في بالي لما بحتاح أطلب مساعدة من حد !!! فكر 'شاكر' إنها هتكون صيد سهل يقدر يستغلها و يأخذ منها فلوس ففكر يأكل بعقلها إنه كمان بيحبها .. 'شاكر' : - أنا كنت حاسس بمشاعرك ناحيتي !! بس علشان حبي ليكي كتمت انا مشاعري ناحيتك جوايا علشان مااسببلكيش مشاكل مع جوزك !! 'نرجس' : - أنت بجد راجل حقيقي !! طب ممكن اطلب منك طلب صغير !! 'شاكر' : - عنيا !!! 'نرجس' : - ممكن تجي لي المساء الساعة 9 ..!! ... وبعد ربع ساعة محادثة ... 'شاكر' : - هتعملي بيهم إيه !! 'نرجس' : - هخلص على الحقير و مراته !!! عايزه أستغل آخر يوم لزحمة المعازيم !!! 'شاكر' : - أه بس ده هيكلفك كثير و مساعده !!! 'نرجس' : - هات معاك واحد تثق فيه و انا هديله 100 ألف جنية !! 'شاكر' : - طب و أناااا هتديلي كام !!! رفعت 'نرجس' عينها لفوق بملل و حست إنها هترجع .. 'نرجس' : - إنت هتكون جوزي حبيبي !! و صاحب الفندق !!! بس مش هيحصل ده غير بعدما يموت 'عبد الحميد' !!! 'شاكر' : - لازم يموت الحقير الليلة !! أقصد قبل ما يقوم يطردك للشارع !! 'نرجس' : - بحبك 'شاكر' !! قفلت 'نرجس' المكالمة و انفجرت تضحك من غباء 'شاكر' .. 'نرجس' : - هههههههههه !!! و انت بس "سمعت" كلمة الفلوس و مستعد تقتل الليلة !! ههههههه !!! كده إكتملت اركان الجريمة الكاملة !! دقت عليها الباب الموظفة 'سوسن' .. قامت 'نرجس' تحضنها كأنها فرحانه . 'نرجس' : - أشكرك اشتريتي لي موبايل و سيم بإسمك علشان أقدر اكلم إنسان غالي على قلبي !! طبعا دا سر بينا !!! 'سوسن' : - اكيد مدام و أنا فرحانه إني قدرت اسعدك !! 'نرجس' : - مش هقدر انسى جميلك ده و هعوضك بأكثر مما دفعتيه ليا و دلوقتي أخرحي سيبيني !! 'سوسن' : - حاضر بعد إذنك !!! خرجت 'سوسن' و أنفجرت 'نرجس' تضحك من جديد .. 'نرجس' : - ليه أعوضك !!! و إنتي هتقضي بقية عمرك في السجن !!! ههههههههههه !!! وxدلوقتي أستنى ماما لما تيجي علشان أقول لها بخطتي و أحطها في الأمر الواقع قبل ما تقول زي كل مرة إننا لازم نفكر قبل اي خطوة عايزين نعملها !!! مشيت 'نرجس' ناحية السرير و اخذت الفستان تقيسه .. 'نرجس' : - و دلوقتي أشوف الفستان لمناسبة حفل الزفاف الليلة هيبقى عليا إزاي !!! # * # * # * # * # 40- جهنم. دخلت 'زهراء' أوضتها و شافت 'توليب' بترتب شنطتها بأعصاب هادية .. 'زهراء' : - الحمدلله كنت خايفه لو تعملي بنفسك حاجة !!! 'توليب' : - لا إطمني !! دايما الإنسان لما بيحصله موقف صعب ربنا بيكون جنبه و بيرجع له إحساسه بالأمل بعد الألم !!! زي رسم نبض القلب لما ينزل لتحت و يرجع لفوق علشان نقدر نعيش !! و لو أترسم خط واحد فده معناه الموت !! 'زهراء' : - ربنا يسعدك دنيا و آخرة !! طب إنتي بتعملي إيه دلوقتي !! 'توليب' : - بلم هدومي أنا مش هقدر أقعد في الفندق ده دقيقة واحدة !! و بطلب منك لو تسألي 'عبد الحميد' يرجعني البيت اللي كنا ساكنين فيه !! و إطمني هو هيتبسط من طلبي !! 'زهراء' : - و ليه تروحي بعيد !! 'توليب' : - أبويا علمني إني ماأسمحش لأي حد يذلني !! و أنا ذليت نفسي قوي قدام 'عبدالحميد' بسبب حبي ليه !! فعلاً زي ما بيقولوا الحب أعمى !! و أنا بشكره لإنه فوقني من إني أفضل محبوسه داخل حلم من ١٢ سنة !!! 'زهراء' : - و لو يا 'توليب' ماتفكريش تفقدي الأمل بربنا مهما حصل !!! 'توليب' : - ربنا معانا !! ارجوكي روحي دلوقتي ل 'عبدالحميد' و اطلبي منه المفتاح اسكن فيه يومين ازور فيهم كل الأماكن في شرم الشيخ و بعدين أحجز تذكرة أرجع القاهرة !! 'زهراء' : - خلاص و أنا كمان هروح معاكي مش هسيبك تقعدي لوحدك !! 'توليب' : - ياريتك لو تعيشي معايا على طول !!! 'زهراء' : - إنتي بقيتي واحدة من عيلتي و إن شاء الله مش هنفترق !! إبتسمت 'توليب' من كلمة عيله .. 'توليب' : - آمين يارب !! 'زهراء' :- سيبي شنطتك هنا و آنا هجهز شنطتي و هطلب من 'عبد الحميد' يبعث لنا حد يجي يأخذ الشنط و يأخذنا للبيت !! 'توليب' : - تمام !!! طب أنا هخرج أسبقك و هقعد أستناكي في الحديقة !! 'زهراء' : - ماشي !!! خرجت 'توليب' من الأوضة و هي مش عارفه إن مصيرها بالحرق .. هيتحدد عند ورد التوليب .. # * # * # * # * # شاف 'جمال' دخول 'نرجس'و 'ايزابيل' و هم مبسوطين .. 'جمال' : - أهلآ ببنتي إنتي بخير !! 'نرجس' :- طبعا بخير يا بابا ليه انت بتسأل !! 'جمال' : - يعني أنتي مش زعلانه علشان شفتي ضرتك !! 'نرجس' : - هههههه بالعكس دا أنا فرحانه قوي لإنها جت لعندي برجليها !! 'جمال' : - ليه !! 'إيزابيل' : - علشان تتعرف على ضرتها هههههه !! 'جمال' : - الله يكون في عونها !! 'نرجس' : - خايف عليها مني !! 'جمال' : - في الحقيقة أنا في الأول كنت خايف على مشاعرك لكن دلوقتي أنا بقيت خايف عليها !! يا بنتي ماتخربيش بيتك أكثر و حاولي تتقبلي وجود ضرة و عيشي معاها في بيت واحد بسلام !! أنا بضمن لك إنها هتأخذ بالها من ولادك و مش هيحصل بينك و بين 'عبد الحميد' أي مشاكل بسبب تربيتهم !! 'نرجس' - بملل - : طيب !!! المهم دلوقتي خلينا في صحتك !! أنا و ماما قررنا إنك تسافر معانا لسويسرا !! 'جمال' : - ليه !!! سمعتوا خبر بإكتشاف علاج جديد للسرطان في سويسرا !! 'نرجس' : - ماما هاتي موبايلك علشان بابا يقرأ الخبر !! أخذت 'نرجس' موبايل 'ايزابيل' و أدت لها موبايلها .. 'نرجس' : - أرجوك يا بابا تفهمني إنت لازم تتقبل الحقيقة !! 'جمال' : - حقيقة إيه !!! رمت 'نرجس' موبايلها لحضن والدها .. 'نرجس' : - مرضك مالوش علاج !! أنت بس هتتعب نفسك أكثر بالعمليات و العلاج الكيماوي !! أخذ 'جمال' الموبايل و قرأ مقالة عن "الموت الرحيم" و البلدان اللي مسموح فيها يطلب المريض منهم بقتل نفسه .. تحجرت الدموع في عين 'جمال و بص ل 'نرجس و 'إيزابيل' و شافهم كأنهم شياطين خبيثة طالعة من جهنم .. إفتكر 'جمال' 'توليب' بحنيتها و خوفها عليه و مساندتها ليه بالكلام و الدعم النفسي حتى تساعده بالشفاء .. و بين بنته 'نرجس' و هي بتعدمه من غير اي رحمة و من غير ما تسأله حتى عن أمنيته الأخيرة .. ماقدرش 'جمال' يتحمل أكثر فإنفجرت الدموع من عينيه .. 'جمال' : -'نرجس' !!! أنا مايهمنيش والدتك لكن أنتي !! أنا عايز اعرف أنا قصرت معاكي بايه !! تنرفزت 'نرجس' من دموع والدها و من كلامه و جريت ناحيته بعصبيه و مسكت ياقة قميص نومه بقوة بإيدها اليمين و رفعت كف ايدها الشمال ناحية يمينها و لطمت خده بكل قوة بظهر الكف .. حس 'جمال' بألم شديد في خده و شاف الدم بينزف منه لموبايل 'ايزابيل' .. شاف 'جمال' الخاتم في إصبع 'نرجس' و إفتكر لما راح مع 'عبد الحميد' يشتروا لها خاتم الخطوبة و أختار بنفسه أكبر فص ألماس علشان يشوف بعينه سعادتها لما يفاجئها بيه .. قربت 'نرجس' وشها ناحية والدها و عنيها مليانين حقد .. 'نرجس' : - بعد كل ده لسه بتسأل أنت قصرت معابا بإيه !!! بسببك سمحت ل 'عبد الحميد' يتحكم بفلوسنا و رفضت تتنازل ليا !! ليه !! شايفني مااستاهلش فلوس جدي !! انا و ماما تعبنا علشان نأخذهم و أنت أخذت مننا فلوس جدي !! 'إيزابيل' : - إسكتي !!! 'جمال' : - إيه فلوس جدك !! ندمت 'نرجس' إنها فضحت جريمتها هي و والدتها من عشرين سنة .. 'نرجس' : - يووه أنا تعبت معاك !! هات الموبايل وسخته بدمك !! نزعت 'نرجس' الموبايل من إيد والدها .. 'نرجس' : - و لعلمك 'عبد الحميد' مات من دقيقة و أنت مش هتقدر تعيش من بعده !! 'جمال' - بدهشة - : - إنتي بتخرفي بتقولي إيه !!! مشيت 'نرجس' للبلكونة تهدي أعصابها و شافت 'توليب' واقفه قدام الورد .. 'نرجس' : - خرجت علشان أهدأ لكن هي دلوقتي زيدت من عصبيتي !! أنا هنزل لها و أبهذلها و اشوفها قدامي مقهورة قبل ما أحرقها و ماقدرش أشوف إنفعال ملامح وشها و هي محروقه !! دخلت 'نرجس' من البلكونه و مشيت بعصبيه .. 'ايزابيل' : - رايحه فين !! تجاهلت 'نرجس' ترد على والدتها من غضبها .. 'ايزابيل' : - هو إيه اللي زعلها !! خرجت 'إيزابيل' للبكلونه و شافت 'توليب' و في نفس الوقت رن موبايل 'نرجس' .. 'إيزابيل' : - ده موبايل 'نرجس' الجديد !! فتحت 'ايزابيل' الإتصال .. 'ايزابيل' : - الووو !! 'عادل' : - أنا جاهز فين الست اللي هحرقها !! سمعت 'ازابيل' كلمه احرقها و فهمت و ردت عليه بعربي مكسر .. 'إيزابيل' : - البنت واقف .. جنب وردة توليب ..حديقة فندق !! 'عادل' : - فهمت المكان بس هي لابسه آيه !!! دورت 'إيزابيل' عليها حاجة مميزة علشان يقدر يتعرف عليها .. 'إبزابيل' : - هي واقفه حالها .. معاها شنطة .. لون أبيض مع ذهب !!! 'عادل' : - خلاص دقيقتين و أوصلها !! سلام !! قفلت 'إيزابيل' المكالمة بفرحه من احراق 'توليب' .. # * # * # * # * # وقفت 'توليب' قدام حوض الورد و هي بتفتكر كل لحظاتها مع 'عبد الحميد' .. 'توليب' - لنفسها - ... " حتى لو طلقني مش هقدر إنزع حبي ليه من قلبي !! حبه في قلبي كان بيكبر يوم وراء يوم و بقى إبني بعمر 12 سنة !! " ... صحت 'توليب' من سرحانها على صوت صراخ 'نرجس' .. 'نرجس' : - إنتي يا حراميه خرجتي عندك تعملي إيه !! بصت 'توليب' ل 'نرجس' .. 'توليب' : - مش كافي الزفه اللي جوه في الصالة فجايه هنا تعملي زفه ثانية في الحديقة !!! 'نرجس' : - أصلك مريضة بالسرقه !! من قبل سرقتي جوزي و دلوقتي سرقتي إيه من الفندق بتاعي !! هاتي وريني شنطتك أفتشها يا حرامية !! سحبت 'نرجس' شنطة 'توليب' من كتفها بقوة و حاولت 'توليب' تسحب شنطتها من إيد 'نرجس' لكن سمعت صوت بكاء طفل بيتوجع .. تركت 'توليب' شنطتها و جريت تحضن الطفل و عرفت إنه إبن 'عبد الحميد' .. شافت 'نرجس' إبنها و تجاهلت آلمه .. 'توليب' : - مالك يا حبيبي !! إيه اللي وجعك !! 'آدم' : - كنت بتزحلق و وقعت وجعت ركبتي !!! 'توليب' : - وريني كده !! الحمدلله ده الجرح صغير !! تعال معايا نروح الحمام ننظف الجرح و بعدين نعمل له مطهر !! مسكت 'توليب' ايد 'ادم' و فكرت تتكلم معاه علشان ياخذ عليها .. 'توليب' : - إنت إسمك إيه !! 'آدم' : - 'آدم' !!! 'توليب' : - 'آدم' إسمك حلو قوي !! وصلوا بنات 'حنان' و أخته 'آيريس' .. 'توليب' : - و إنتوا كمان تعالوا معانا ننظف جرحه !! شايفين 'آدم' بطل مش بيعيط !! مشيت 'توليب' مع الأطفال للحمام .. 'نرجس' : - يا حنينه علشان إبني ماهمكيش شنطتك تبقى معايا !! خليني اشوف أخذتي كام من 'عبد الحميد' قبل ما يموت !! فتحت 'نرجس' شنطة 'توليب' و طلعت موبايلها .. 'نرجس' : - زي ما كسرت علبة مكياجك يا مشوهه هكسر دلوقتي موبايلك !!! رفعت 'نرجس' إيدها علشان ترمي موبايل 'توليب' للأرض .. لكن دخلت فجأة في ظلام دامس لونه أحمر و حست إنها إنتقلت من عالم الدنيا إلى عالم جنهم .. شعرت 'نرجس' كإنها بتشوف في الأحمر بعنيها كل خليه من خلاياها و كل عصب من أعصابها و هو بيتفجر و بيتحرق و بيطلع منه نيران تحرق الخليه و العصب اللي جنبه .. و دلوقتي كإنها بتسمع أصواتهم و هم بيصرخوا بأعلى صوت من ألم مايتحملش و شافت إنها لازم كمان تصرخ معاهم .. لكن مالقتش مكان تصرخ منه .. أو مكان تقدر تجمع فيه الهواء علشان تتنفس منه .. و غرقت 'نرجس' في الظلام للأبد .. # * # * # * # * # دخلت 'توليب' الحمام مع الأطفال و بعد ما غسلت ركبة 'ادم' و نظفته أخدت منديل و حطت عليه معقم معلق على الجدار .. 'آدم' : - لا لا مش عايزه هيحرقني !! 'توليب' : - بعد الشر عليك يا حبيبي !! إطمن المعقم ده مش بيحرق !! طهرت 'توليب' الجرح و 'آدم' إنبسط من نفسه إنه قوي مابيعيطش .. لكن فجأة حس بخوف داخلي و أخته زيه حست بالخوف نفسه و جريوا يحضنوا 'توليب' .. 'توليب' : - مالكم خايفين !! في إيه !! إلتصقوا الطفلين بيها أكثر و هي ضمتهم بين ذراعيها بقوة .. 'توليب' : - ماتخافوش من حاجة أنا مش هسيبكم !! إرتاح 'آدم' و 'آيريس' و هم في حضن 'توليب' .. و إستمتعوا لأول مرة بإحساس الأمان في حضن الأم .. # * # * # * # * # 41- الصدمة. إتصل 'عادل' و هو بيلهث من السرعة ب 'إيزابيل' .. 'إيزابيل' : - الووو !! 'عادل' : - خلاص أنا حرقت البنت من غير محد يشوفني و دلوقتي أنا هستخبى لكام يوم و إنتوا ماتنسوش تبعثوا فلوسي مع 'شاكر' !! فهمت 'إبزابيل' من كل كلامه إنه خلاص حرق 'توليب' .. ايزابيل : - تمام !! قفلت 'إيزابيل' الخط و من فرحتها بنجاح خطة بنتها قررت تخلص من 'جمال' و شافته و هو منزل رأسه بإنكسار .. أخذت 'إيزابيل' مخدة من فوق الكنبة و قلبتها بين إيديها تتحس قوتها .. 'إيزابيل' : - 'جمال' !!! أنت عارف بكره الوقت دا هتكون فين !!! 'جمال' : - أكون في إي مكان أهم حاجة ماشفوش وشكوا إنتي و بنتك !!! إنفجرت 'إيزابيل' تضحك بسخرية .. 'إيزابيل' : - أنت بكرة هتكون تحت الأرض !! و إحنا فوقها بنتهني بحياتنا من غيرك !! 'جمال' : - بجد أنا عايز أعرف إيه القلوب القاسية اللي معاكم !! و ليه بتكرهوني و أنا قضيت عمري كله علشان أسعدكم بس !! و عمري مافكرت إني ممكن أموت بسببكم !! 'إيزابيل' : - تموت بسببنا !!! ليه ماتقولش تموت بإيدينا الناعمة ههههههه !! إلتفت 'جمال' ناحية 'إيزابيل' و شاف المخدة بين إيديها و فهم قصدها .. 'جمال' : - مش قادرين حتى تستنوا لحد ما ينتهي عمري اللي كتبه ليا ربي !! 'إيزابيل' : - و كمان بالمخدة !! كله مكتوب !! 'جمال' : - تخنقيني !! فاكرة إنك هتقدري تقتليني !! 'إيزابيل' : - خلينا نجرب !!! ما أنا زمان جربت و نجحت !! 'جمال' : - تقصدي إيه !!! 'إيزابيل' : - فاكر والدك العزيز !! 'جمال' : - ...!!! 'إيزابيل' : - اآووه 'جمال' ليه تفكرني بحاجة راحت من عشرين سنة !!! أصل والدك ضحكني موت و هو بيختنق تحت إيدي !! عشيته و أكلته بإيدي اللحم و قعدت أكله و أكله و هو يأشر إنه خلاص شبع بس أنا ماوقفتش أكلته أكثر و أكثر و كتمت بكف ايدي بقه علشان مايطلعش اللحم و هو رافض ينخنق و بدأ يحرك رأسه يمين و شمال يمين و شمال عايز يهرب من تحت إيدي بس حبيبتى 'نرجس' و عمرها لسه 16 سنة جت من وراه و مسكت رأسه بقوة و أنا كتمت أنفاسه لحد ما طلعت روحه بصعوبه !! أنا تعبت قوي معاه و أنت لو سمحت أرجوك ماتتعبنيش معاك و موت بسرعة !! 'جمال' : - يعني عشرين سنة و أنا مابنامش حاسس بتأنيب الضمير إني سبته يأكل لوحده !! و إخواتي قاطعوني إني بإهمالي قتلته !!! عشت عشرين سنه و أنا زعلان على أبويا و زعلان من نفسي و مكسوف من إخواتي !! دلوقتي نفسي أنا اللي أخنقك بإيدي !! 'إيزابيل' : - تخنقني أنا يا ناكر الجميل !! بسبب شغلي أنت إتقاسمت فلوس والدك مع إخواتك و أنا ماخرجتش بحاجة !! و دلوقتي لما أخنقك كمان أخواتك هيقاسموني و يقاسموا بنتي !! قربت 'إيزابيل' بكره ناحية 'جمال' و بكل قوتها كتمت على انفاسه بالمخدة .. 'إيزابيل' : - ليه أنا دايما أتعب و غيري يأخذ جهدي ليه !! ليه !!! و زادت ضغطها بالمخدة على وش 'جمال' و هو حاول يقاومها لكن شاف إنها مصممه على موته و أقوى منه فأستسلم للموت .. 'إيزابيل' : - انت هتموت زي ما مات 'عبد الحميد' !! و 'توليب' إنحرقت لكن أطمن هي هتلحقكم !!! إنفتح الباب و دخل 'أكرم' إلتفتت 'إيزابيل' بخوف ناحية 'أكرم' و إبتعدت عن 'جمال' .. 'أكرم' : - 'إيزابيل' !!! 'إيزابيل' : - أنا بس ..!! 'أكرم' : - 'نرجس' راحت المستشفى و عيزاكي تروحي لها !! 'إيزابيل' - بإستغراب- : - 'نرجس' !!! 'إيزابيل' - لنفسها - ... " يمكن راحت مع 'عبدالحميد' علشان يفكروا إنها خايفه عليه !!! أو مع 'توليب' !!! أه هي قصدها تبعد عنا أي شبه !! ههههه 'نرجس' بنتي ذكية !!! " ... 'إيزابيل' : - اوكي بلغ الشوفير يستناني !! 'أكرم' : هو جاهز مستنيكي تحت !! خرجت 'إيزابيل' و 'جمال' أخذ يتنفس بصعوبة .. قرب منه 'أكرم' و مسح على صدره يساعده على التنفس .. 'أكرم' : - انت بخير 'جمال' بيه !!! هز 'جمال' رأسه .. 'أكرم' : - أنا شفتها و هي بتخنقك لكن قولت في الأول تشوف 'نرجس' و بعدين أنت تقرر لو اروح بكرة أقدم عليها بلاغ بمحاولة قتلك !!! 'جمال' : - مالها 'نرجس' !! و 'عبد الحميد' و 'توليب' قولي حصلهم إيه !! 'أكرم' : - 'عبد الحميد' تعرض لاطلاق نار و الحمدلله الرصاصة جت في كتفه و ..!! سكت 'أكرم' يبلغه من حرق 'نرجس' .. 'جمال' : - 'توليب' صحيح إنحرقت !! 'أكرم' : - لا !! بنتك 'نرجس' هي اللي إنحرقت بميه النار و 'حنان' أخذتها مع خالها للمستشفى !! 'جمال' : - 'نرجس' !!! سكت 'جمال' بحزن يفكر على بنته .. 'جمال' : - و انت ازاي جيت و أنقذتني !! 'أكرم' : - 'زهراء' شافتني قاعد في صالة الإستقبال و لما سألتني ليه أنا قاعد هناك قولت لها 'نرجس' و والدتها طلبوا مني أسيبك و إنتظرهم لحد ما يخلصوا كلامهم معاك !! و هي طلبت مني إلحقك لان الدور عليك !! و فعلآ كلامها طلع صح !! 'جمال' : - 'زهراء' !!! يعني 'زهراء' هي اللي انقذتني !!! هي فينها دلوقتي أنا عايزها !! و 'إيزابيل' أنا هطلقها و أخليها تسافر مع بنتها تتعالج من الحروق !! # * # * # * # * # دخلت 'إيزابيل' قسم الطوارىء و شافت 'حنان' واقفه بتبكي و جوزها 'فادي' بيحضنها .. شافتها 'حنان' و جريت تمنع 'إيزابيل' من الدخول .. 'حنان' : - 'إيزابيل' ارجوكي ماتخشيش مش هتقدري تستحملي المنظر !!! بصت 'إيزابيل' بنظرات حزينة ل 'حنان' كإنها بتواسيها على 'توليب' .. 'إيزابيل' : - لا عادي ده قدرها !! حنان - بدهشة - : - فعلا إنتوا الفرنسيين تقدروا تتقبلوا الواقع بسرعة !! بس برضه بقول ماتشوفيهاش !! 'إيزابيل' : - و 'نرجس' ليه عادي تخش !! أكيد دلوقتي هي زعلانه !! هي محتاجه أوقف جنبها !! أنا هخش اشوف بنتي كمان !! 'حنان' : - 'إيزابيل' ارجوكي بلاش !! 'ايزابيل' : - أوووه وسعي !!! بعدت 'إيزابيل' 'حنان' من قدامها .. 'إيزابيل' - لنفسها - ... " عايزه تمنعيني أشوف نتيجة تخطيط بنتي هههههه !!! " ... دخلت 'إيزابيل' و قربت من السرير و شافت عليه كتلة لحم "مشوهه" في حالة غيبوبة و موصلة بخراطيم و أنابيب في وشها و ذراعيها و خصلات شعر ذهبي باقي من رأسها المحروق .. قربت 'إيزابيل' آكثر مش مصدقه اللي بتشوفه عنيها بعدما تعرفت على 'نرجس' .. 'إيزابيل' : - مين دي !!! جريت 'حنان' تحضنها و مسكها 'فادي' من ذراعها .. 'حنان' : - قولت لك ماينفعش تشوفيها و هي بالحالة دي !!! التفتت 'إيزابيل' برأسها بين 'حنان' و 'فادي' بتسأول .. 'إيزابيل' : - مين دي !!! 'فادي' : - لا حول و لا قوة إلا بالله فقدت عقلها !!! نزعت 'إيزابيل' نفسها من بين 'حنان' و 'فادي' و تراجعت للوراء و هي بتفكر بعذاب بنتها و الألم اللي حسته فيه و التخطيط الفاشل فجاء لها صدمة شديدة ماقدرش قلبها يتحملها .. صرخت 'إيزابيل' بأعلى صوت و لأخر مرة .. 'إيزابيل' : - ميييين ديييي !!! و وقعت على الأرض .. جثة هامدة .. # * # * # * # * # 'أكرم' : - حنان بتتصل !! 'جمال' : - رد عليها بسرعة !! فتح 'أكرم' المكالمة و قفل بعد دقيقة .. 'أكرم' : - أسف 'جمال' بيه للأخبار السيئة !! 'حنان' بتقول إن الدكتور بلغها من حالة 'نرجس' إنها هتموت بس هي مسألة وقت لأن القلب و أعضاء التنفس اتدمروا بالكامل و الأعمار بيد الله !! 'جمال' : - يارب بنتي !!! 'أكرم' : - و كمان مراتك 'إيزابيل' !! 'جمال' : - مالها حصل لها حاجة !! 'أكرم' : - مقدرتش تتحمل الصدمة ماتت !! 'جمال' : - ماتت !!! شوف لي 'زهراء' أنا عايزها !! أنا محتاج لها قوي !!! دلوقتي تروح تجيبها أنا عايزها !!! 'أكرم' : - حالاَ أروح أدور عليها !!! خرج 'أكرم' و ترك 'جمال' لوحده يفكر بحزن بنته و مراته .. إفتكر 'جمال' كلام 'إيزابيل' .. إنه بكرة هيكون تحت الأرض .. و هي فوق الأرض .. و لكن لا أحد يعلم الغيب إلا الله .. # * # * # * # * # 42 - الحب يصنع المعجزات. الساعة 2 صباحاً .. دخلت 'زهراء' أوضة نوم 'جمال' و هي حزينة لموت 'إيزابيل' و حرق 'نرجس' .. 'زهراء' : - عظم الله لكم الأجر سيد 'جمال' و يصبرك على مصاب بنتك و ربنا يشفيها !! 'جمال' : - أجرنا و أجركم عظيم !! الحمد لله !! تعالي يا 'زهراء' هنا اقعدي جنبي !! قربت منه 'زهراء' و قعدت على الكرسي .. 'جمال' : - أنا تعبان قوي مش قادر اتحمل اللي بيحصل لي !! 'زهراء' : - اذكر ربنا و هو هيديك القوة !! 'جمال' : - و نعم بالله !!! ذكاءك انقذني من القتل !! 'زهراء' : - مافيش ذكاء انا بس عرفت من 'فادي' بمحاولة قتل 'عبد الحميد' و شفت 'نرجس' لما انحرقت و كنت عارفه ان القصد هي 'توليب' !! و لما شفت 'أكرم' قاعد في الاستقبال عرفت انه باقي انت علشان يخلصوا عليك !! 'جمال' : - الاسبوع ده شفت منه حاجات كثيرة اكثر مما شفته طول حياتي كلها !! 'زهراء' : - ان شاء الله يكون الاسبوع ده اخر الاحزان !! 'جمال' : - عارفه يا 'زهراء' !! 'إيزابيل' قالت لي اليوم هكون ميت و هي و بنتي عايشين متهنين !! تقولي لو عرفوا انه اليوم هو ساعة موتهم كانوا هيعملوا إيه !! 'زهراء' : - و لا حاجة كانوا هيفضلوا على طبيعتهم !! لو الناس آمنت بالموت و الآخرة و الحساب بعين اليقين !! كان كل واحد منهم إنشغل بحساب نفسه و عمره ما يفكر يإذي غيره !! لو في إنسان بيغرق و في إيده شنطة ذهب ثقيلة فهو هيفضل انه يغرق و هو ماسك الشنطة و لا إنه يعيش و يسبها !! 'جمال' : - فعلا لو كل إنسان حاسب نفسه كانت الدنيا دي بقت حاجة ثانية !! و لا كان في غيرة و لا حسد أو اذيه لغيره !!! 'زهراء' : - نعمل إيه الناس بتسمح للشيطان يأثر على نفوسهم الضعيفة !! و من رحمة ربنا انه ساب باب التوبة مفتوحة لينا !! 'جمال' : - 'زهراء' !!! 'زهراء' : - ايه !! 'جمال' : - من الأسبوع الجاي هبدأ العلاج الكيماوي !! 'زهراء' : - ماتخافش كلنا هنكون جنبك !! 'جمال' : - بس أنا عايز واحد بس هو اللي يكون جنبي !! فهمت 'زهراء' تلميح 'جمال' و نزلت عنيها للأرض بخجل .. 'جمال' : - انا هتجوز بكرة بعد ما اكلم 'عبد الحميد' !! 'زهراء' - بخجل - : - هو جاي بعد ساعة !!! إبتسم 'جمال' بحب ل 'زهراء' .. 'جمال' : - هكون أسعد إنسان لما يجي و نعيش في بيت واحد !! قامت 'زهراء' و أشرت لباب الأوضة .. 'زهراء' : - أنااا هخرج أجهز اوضة 'عبد الحميد' هو جاي بعد شويه و اكيد هيكون تعبان بعد إذنك !! 'جمال' : - ماشي هقدر إستحمل !! باقي ساعات قليلة و يكون ملكي !! سمعت 'زهراء' كلام 'جمال' و جريت تخرج من جناحه .. و هي حاسه إنها بقت شابة عندها 18 سنة .. # * # * # * # * # بعد ساعة وصلت عربية 'عبد الحميد' من المستشفى مع 'حنان' و 'فادي' .. 'عبد الحميد' : - تعال ساعدني يا 'فادي' عايز أطلع أشوف عمي !! 'فادي' : - مسكين يلا بينا !!! 'حنان' اطلعي لو سمحتي على أوضة 'زهراء' و 'توليب' و طمنيهم بوصولنا !! حس 'عبد الحميد' براحة و هو بيسمع إسم 'توليب' و فكر يجيبها أوضته من غير ما يعترف بحاجته لوجودها جنبه .. 'عبد الحميد' : - آه و بلغي 'توليب' تجي تديني الادوية !! 'فادي' : - بس أنت أخذت كل الأدوية اللي كاتبها لك الدكتور للنهارده !! 'عبد الحميد' - بإرتباك - : - باقي حقنة طلب مني الدكتور أخذها أول ما أرجع !! 'فادي' : - طيب !!! خلينا دلوقتي نطلع نزور عمك !! # * # * # * # * # انبسط 'جمال' و هو بيشوف 'عبد الحميد' الحميد بخير و إيده معلقة على صدره .. 'جمال' : - ربنا حفظك من مكرهم !! 'عبد الحميد' : - ازيك يا عمي عامل ايه !! 'جمال' : - الحمد لله بس نفسي أعرف مين ساعدهم بمحاولة قتلك !! 'عبدالحميد' : - إطمن أنا اديت للضابط كل الصلاحية اللي يشوفها حتى كاميرات المراقبة و أكيد هيوصل للي ساعدوهم على جريمتهم و هيقبض عليهم !! 'جمال' : - ماكنتش أعرف إنهم هيتهوروا بتخطيط فاشل بكل المقاييس !! 'عبد الحميد' : - الطمع و الغباء !! 'جمال' : - بس شفت بنتي !!! بدأ 'جمال' يبكي على بنته فكر 'عبد الحميد' بكلام يمزح معاه ينسيه حزنه .. 'عبد الحميد' - بإبتسامة - : - هو صحيح إنك هتتجوز !!! رفع 'جمال' رأسه بسرعة .. 'جمال' : - هي 'زهراء' قالت لك !! إنصدم 'عبد الحميد' من اتفاق 'جمال' و 'زهراء' من وراه .. 'عبد الحميد' : - هو أنت ماتعرفش !! 'جمال' : - إيه !! 'عبد الحميد' : - إنا دايما آخر من يعلم !! رجع 'جمال' بظهره على السرير و هو مكسوف من فضح 'زهراء' قبل ما يفاتح 'عبد الحميد' بموضوعهم .. 'جمال' : - ماتزعلش !!! هنبقى نفتكرك يوم كتب الكتاب !!! # * # * # * # * # تمدد 'عبد الحميد' ببطء في سريره علشان إصابة كتفه .. و شاف خالته 'زهراء' و إبتسم و هو بيشوف الفرحة في وشها .. لكن فكر يغيضها شويه على كلامها القاسي معاه قبل ما ينصاب .. 'عبد الحميد' : - خالتي !! 'زهراء' : - ايه حاسس بحاجة !! 'عبد الحميد' : - عمي طلب عروسة يتجوزها !! إستحت 'زهراء' من 'عبد الحميد' بمفاتحتها بموضوع جوازها بكل وضوح .. 'زهراء' - بإرتباك - : - و أنا اعمل له إيه ما يتجوز !! 'عبد الحميد' : - اكيد هيتجوز بس محتاجين مساعدة منك !! إنكسفت 'زهراء' اكثر و دورت وشها للناحية الثانية .. 'زهراء' : - عايزيني أساعدكم بإيه !!! ابتسم بخبث 'عبد الحميد' .. 'عبد الحميد' : - تروحي تخطبي له جدة العروسة !! إنقلبت ملامح 'زهراء' للحزن و حست بطعنة قاسية في قلبها .. 'زهراء' : - هو قالك كده !!! عايز جدة العروسة !! تفاجأ 'عبد الحميد' بذبول بشرة خالته في ثواني .. 'عبد الحميد' : - الحقيقة انا كنت بهزر معاكي !! هو طلب إيدك إنتي !!! تنفست 'زهراء' بإرتياح و كمل كلامه .. 'عبد الحميد' : - بس أنا قولت له مافيش معانا ستات عواجيز للجواز !! شافت 'زهراء' لقبضة ايدها و هي بتفكر إي جهة من القبضة هتكون ضربة قوية تخبط 'عبد الحميد' .. خاف 'عبد الحميد' و هو بيشوف نظرات خالته لإيدها .. 'عبد الحميد' : - و قولت له معانا بس ستات حلوة موافق !! ضحكت 'زهراء' بسعادة و قامت تحضن 'عبد الحميد' .. 'عبد الحميد' : - حاسبي كتفي أنا عارف إن قلبك مليان مني و مش بعيد تكسريها !! 'زهراء' : - لا إطمن أنا محتاجه لكتفك علشان تقدر تحط إيدك في إيد 'جمال' يوم كتب كتابي !! 'عبد الحميد' : - أه علشان مصلحتك هتحافظي عليا !! 'زهراء' : - مابحبش أكذب !! فتح 'فادي' الباب يدخل و إنبسط 'عبد الحميد' ان 'توليب' داخله وراه علشان تديله الحقنة .. ماقدرش ينزل نظراته من الباب مستني يشوف الملاك المنور يدخل منه .. 'عبد الحميد' - لنفسه - ... " أنا هسيب الأمور تمشي طبيعي و هي بتحبني أكيد دلوقتي خايفه عليا و هتنسى إسأتي ليها !!! " ... بغرور إبتسم 'عبد الحميد' لنفسه و بحب ليها .. شافت 'زهراء' نظرات 'عبد الحميد' المتلهفة و إبتسمت بسخرية .. 'زهراء' : - إستعجل يا 'فادي' !!! 'فادي' - بإبتسامة - : - جاي وراي !! ازدادت ضربات قلب 'عبد الحميد' و هو بيسمع كلامهم و حاول يتحكم بنفسه .. بعد ثواني دخل الأوضة شاب .. 'فادي' : - إتفضل يا دكتور !! 'عبد الحميد' : - إيه ده !! 'فادي' : - ده الممرض اللي هيكون يجي يدي لك الحقن !! 'زهراء' : - انا اتصلت ب 'فادي' يشوف لك من المستشفى ممرض كويس يجي لك كل يوم يديك الحقن !! 'عبد الحميد' : - عملتيها يا خالتي !! 'زهراء' : - عملت إيه !! هو ده جزاتي إني طلبت ممرض ليك !! 'فادي' : - 'عبد الحميد' خليه أول حاجة يديلك الحقنة و بعدين كملوا كلامكم !! بإستسلام أخذ 'عبد الحميد' الحقنة و إنتظر يخرج الممرض من أوضته .. 'عبد الحميد' : - فرقتي بينا !!! فين هي !! 'زهراء' : - و أنا مالي !!! يعني بعد اللي عملته معاها مستني تلاقيها واقفه قدامك !! 'عبد الحميد' : - أه لإنها أكيد لو عرفت إني انصبت بطلقة في كتفي كانت هتجري تطمن عليا !! 'زهراء' : - حتى بعدما أنت طردتها و قولت عليها رخيصة !! 'عبد الحميد' : - أيوه لإنها بتحبني من 12 سنة فمش معقول هتكرهني من يوم واحد !! 'زهراء' : - يعني أنت كنت عارف إنها بتحبك طول ال 12 سنة اللي راحت و قلبك طاوعك تكسر قلبها بسهولة !! انكسف من نفسه 'عبد الحميد' و دور وشه منها .. 'زهراء' : - و بتقول عليها رخيصة !!! صرخت 'زهراء' في وشه .. 'زهراء' : - قولي دلوقتي مين هو الرخيص فيكو !! هي و لا انت !!! هي حافظت على نفسها و مافكرتش في يوم ترمي نفسها قدامك قبل ماتتجوزها !! و ماحبتش تزعج 'حنان' اللي هي صحبتها الوحيدة و تفضح لها حبها ليك علشان تحافظ على صداقتها مع 'حنان' !! و ماتفكرش 'حنان' في يوم إنها تأثر عليك بقصة حبها !!! تحملت جوه قلبها حب كبير رفضت حد يعرف عنه !!! علشان جوازك من 'نرجس' ماينهدمش !! لكن أنا دلوقتي مبسوطة إنها فاقت من حبها ليك !! و هتقدر تعيش حرة من غير قيود !! من حب قديم و زواج فاشل !! 'عبد الحميد' : - يعني أنتي عايزه تتجوزي و تنبسطي و أنا أطلق !!! 'زهراء' : - إتجوز اللي أنت عايزه !! هو أنا منعتك !! 'عبد الحميد' : - فين 'توليب' !! 'زهراء' : - هي مش عارفه بإصابتك و لا بحرق 'نرجس' !! 'عبد الحميد' : - طيب فين هي دلوقتي ردي !!! 'زهراء' : - 'أكرم' جاب لنا مفتاح البيت اللي سكناه فيه أول مرة انا و 'توليب' و أخذتها مع ولادك و بنات 'حنان' علشان مايعرفوش بكل اللي حصل ليلة إمبارح !! 'عبد الحميد' : - كويس !!! شكرا ليكي يا خالتي !! تقدري تروحي تنامي !! 'زهراء' : - تصبح على خير !!! 'عبد الحميد' : - و إنتي من أهله !! 'زهراء' : - خلي بالك منه يا 'فادي' و انا هروح أنام مع 'حنان' و 'توليب' في البيت !! 'فادي' : - طيب خليني أوصلك !! 'زهراء' : - طيب يلا إمشي معايا !! خرج 'فادي' و 'زهراء' من أوضة نوم 'عبد الحميد' .. و هو نام بعمق بعد أخذه للحقنه المهدأة علشان ينسى أحداث الليلة الماضية .. و يجهز نفسه لأحداث اليوم .. # * # * # * # * # 43- روحي و إ... قامت 'توليب' الصبح و صحت 'حنان' و 'زهراء' علشان يخرجوا و يتفسحوا مع الأطفال .. صحت 'زهراء' و طلبت من 'توليب' تدخل معاها للأوضة الفاضية و هناك حكت 'زهراء' ل 'توليب' كل ما حصل ليلة إمبارح .. 'توليب' - بخوف - : - عايزه أشوف 'عبد الحميد' !! قامت 'توليب' من مكانها لكن مسكتها 'زهراء' .. 'زهراء' : - هتذلي نفسك ليه من ثاني !!! 'توليب' : - أرجوكي أسمح لي أشوفه لمرة و مش يهمني لو هو شتمني !!! 'زهراء' : - مافيش خروج !! غير لما يجي 'عبد الحميد' بنفسه و يعتذر لك !! 'توليب' : - حرام عليكي هو تعبان إزاي هيقدر يجي هنا !! 'زهراء' : - أنا قولت كلمتي مافيش خروج يعني مافيش خروج !! قعدت 'توليب' و هي حزينة من قرار 'زهراء' .. 'زهراء' : - سبحان الله شفتي إزاي أنقذك حبك لعمل الخير من مصير الحرق !! 'توليب' : - مش قادره أصدق إني كنت هموت بعد دقايق من وقوفي قدام ورد التوليب !! اسمحي لي أسجد سجدة الشكر لربنا !! قامت 'توليب' و سجدت و دعت من ربنا يشفي 'عبد الحميد' .. 'زهراء' : - طب أنا ماشيه دلوقتي !! 'توليب' : - يعني انتي مش خارجه معانا !! 'زهراء' - بمزح - : - لااا عايزه أروح اطمن على خطيبي !!! اليوم كتب كتابي !!! 'توليب' : - أيوه إنتي تنبسطي و أنا اموت بحسرتي على فراقي من 'عبد الحميد' !! 'زهراء' : - كلامك نفس كلام 'عبد الحميد' !! انا هأخذ بالي من نفسي منكم هههههه !!! 'توليب' : - 'عبد الحميد' !!! يبقى تعالي مافيش خروج غير لما تحكي لي بالتفصيل !!! 'زهراء' : - إنتي خليكي هنا و خذي بالك من الأولاد و خصوصا أولاد 'عبد الحميد' و أنا هروح الفندق و أخذ 'حنان' معايا علشان تجهزني لعريسي !! 'توليب' : - ماكنش دا عشمي فيكي !! روحي و قلبي و قلب 'عبد الحميد' غضابانين عليكي ههههه !! 'زهراء' : - لا ماتدعوش عليا بعدين تبوظوا جوازي !! 'توليب' : - ماتخافيش أنا عارفه حبك ليا و محافظتك على كرامتي !! 'زهراء' : - يبقى تدعي لي بالتوفيق !! 'توليب' : - ربنا يوفقك و يشفي السيد 'جمال' و تعيشوا بسعادة طول حياتكم !! 'زهراء' : - آمين يارب و يسعدكم و يجمعكم إنتي و 'عبد الحميد' بعد طول أنتظار !! # * # * # * # * # دخل 'عبد الحميد' و قعد جنب 'جمال' و حضر 'فادي' مع الماذون و تم كتب كتاب 'جمال' و 'زهراء' .. قرب 'عبد الحميد' نفسه و اتكلم بصوت واطي مع 'فادي' .. 'عبد الحميد' : - عايزك تمنع قرايبنا من السفر و تجمعهم في الصالة بالليل !! 'فادي' : - هتعمل حفلة ل 'زهراء' و 'جمال' !! 'عبد الحميد' : - ماينفعش نعمل حفلة و إحنا في الظروف دي !! إحنا بس هنعمل إشهار لجوازهم و لجوازي من 'توليب' !! بص 'فادي' ل 'عبد الحميد' بفرحة و جري يمنع الأهل من السفر .. # * # * # * # * # خبط 'عبد الحميد' الباب فتح له إبنه 'آدم' و شاف إيد والده معلقة على صدره .. 'آدم' : - مين وجع إيدك !! 'عبد الحميد' : - أنا بس إتزحلقت ووقعت !! 'آدم' : - و أنا كمان إمبارح إتزحلقت و ماما 'توليب' نظفت لي الجرح و كمان باسته !! بص ركبتي بقت إزاي تمام !! خليها تنظف لك أنت كمان الجرح و تبوسه !! 'عبد الحميد' : - هاهاهاها الله يخليك ليا أنت و 'آيريس' !! قولي حبيت ماما 'توليب' !! 'آدم' : - أنا و 'آيريس' نمنا جنبها و لما صحينا بقينا بناديها ماما !! مش عارفين ليه !!! دخل 'عبد الحميد' و قعد على كرسي .. 'عبد الحميد' : - هي فعلاّ مامتكم و هتروح معانا لما نرجع القاهرة !! دلوقتي روح إنده لها !! صاح 'آدم' بصوت عالي .. 'آدم' : - ماما !!! إنزعج 'عبد الحميد' من إرتفاع صوت إبنه .. 'عبد الحميد' : - مش كده يا أبني !! خش ناديها بهدوء زي ما علمتك !! 'آدم' : - البيت صغير هي هتسمعني و تيجي بسرعة !! خرجت 'توليب' لصالة و هي عارفه بوجود 'عبد الحميد' من صوته .. 'توليب' : - الحمدلله على سلامتك !! 'عبد الحميد' : - الله يسلمك !! كده تسيبي الفندق و أنا محتاج لك !! إنبسطت 'توليب' بكلامه و جريت ناحيته .. 'توليب' : - و الله ما كنت أعرف !! النهارده الصبح بس عرفت !! 'عبد الحميد' : - و بعدين !!! 'توليب' : - أنا كنت جايه بس قولت مين اللي هياخذ باله من الأولاد !! 'عبد الحميد' : - يعني ماكنتيش تقدري تجيبيهم معاكي !! ما أنا كنت عايز أشوفهم و أشوف بنات 'حنان' !!! 'توليب' : - الحقيقة فكرت و قولت لنفسي إزاي أجي أزورك و أنت عايز تطلقني !! 'عبد الحميد' : - قولتي لنفسك و لا خالتي هي قالت لك !! 'توليب' : - 'زهراء' مالهاش دعوة !! وقف 'عبد الحميد' .. 'عبد الحميد' : - طيب عايزك تيجي معايا دلوقتي مع الأولاد !! و هريحك منهم !!! إرتعبت 'توليب' أنه بيفكر يأخد الأولاد و يطلقها .. 'توليب' : - انا ماشفتش إنسان قاسي زيك !! أنا هجي و هتشوف إزاي هقدر إتقبل الطلاق من غير ما أنزل عليك دمعه واحدة !! إستغرب 'عبد الحميد' من كلامها لكن حب يكمل معاها علشان يعلمها هي ازاي دايما بتغلط عليه .. 'عبد الحميد' : - يعني مش خايفة تخسريني و تخسري فلوسي !! طلعت 'توليب' صورة من صدرها و قربت من 'عبد الحميد' يشوف صورة لوالدها في الشارع .. 'توليب' : - شايف البيت الكبير ده !! قرب 'عبد الحميد' نفسه من الصورة و شاف بيت كبير يدل على مستوى معيشي راقي لأصحاب البيت .. 'عبد الحميد' : - آه شايفه !!! 'توليب' : - بيتنا ده اللي جنبه !!! انصدم 'عبد الحميد' من جوابها و أنفجر يضحك من خفه دم 'توليب' لما شاف بيت صغير جميل .. 'عبد الحميد' : - بيتكم جميل !! 'توليب' : - مش مهم البيت و قيمته !! المهم السعادة الموجودة داخل البيت !! أنا عمري مافكرت بفلوسك !! ما أنا لو كنت واحدة بحب الفلوس ماكنتش هتأخر و أضيع من عمري ١٢ سنة حد ما أقدر أقرب منك !! أنا حبيتك من أيام ما كنت لسه طالب بتدرس في الجامعة !! 'عبد الحميد' : - أيوه الأن موعد الدرس الخصوصي !!! نزلت 'توليب' رأسها و بدأت بالبكاء .. 'توليب' : - إنت هتطلقني لإنك فاكر إني عايزه فلوسك !! و أنا عارفه إنك مش هتقبل بيا علشان رجلي !! أنا اسفه مش هتسمع مني أي دروس ثانية لأن عندك حق تطلقني !! أطمن أنا هجي و هسمع بأذني كلمة طالق منك !! حس 'عبد الحميد' إنه هيبكي معاها فخرج بسرعة و هو خايف لو صدقت نفسها و راحت منه .. إزاي هيقدر يعيش .. # * # * # * # * # في الليل أتجمع كل الأهل و قعدوا في الصالة منتظرين وصول 'عبد الحميد' .. دخل 'عبد الحميد' و شاف 'توليب' قاعده في الطاولة مع 'زهراء' و 'حنان' و الأولاد و أشر لها تطلع عنده للمنصة .. طلعت 'توليب' بخجل و هي بتفكر تترجاه بصوت واطي إنه يطلقها بعيد عن الناس .. طلعت 'توليب' أول درجة و مصدقتش نفسها و هي بتسمع 'عبد الحميد' و هو بيعرفها للناس إنها مراته .. قربت منه 'توليب' و هو حضن كتفها بحب و بدأ يكلم الناس كل الأحداث اللي حصلت إمبارح علشان ما تطلعش بينهم أي إشاعة أو أخبار كذابة .. و طبعاً كلمهم بخبر زواج 'زهراء' و 'جمال' و الكل قام يبارك ل 'عبد الحميد' و 'توليب' و 'زهراء' .. و تمنوا الشفاء ل 'جمال' لأنه هيبدأ أخذه للعلاج الكيماوي .. # * # * # * # * # بعد ثلاثة أسابيع في القاهرة .. 'عبد الحميد' : - 'توليب' !!! دخلت 'توليب' و هي مبسوطة بحياتها مع 'عبد الحميد' و شافته بيسرح شعره قدام المراية .. 'توليب' : - نعم يا روح قلبي !! رد 'عبد الحميد' و هو لسه مشغول قدام المراية .. 'عبد الحميد' : - جه في بالي دلوقتي الكلام اللي سمعته منك و إنتي عند عمي !! 'توليب' : - كلام إيه !! 'عبد الحميد' : - لما قولتي إنك كنتي بتشوفيني في ال 12 سنة قدامك طول الوقت !! بص'عبد الحميد' ل 'توليب' و إبتسم .. 'عبد الحميد' : - قولي إنتي كنتي بتشوفيني معاكي بحاجة كدا او كدا !! ضحكت 'توليب' بخجل و حاولت تكتم ضحكتها بإيدها .. 'توليب' : - ماتكسفنيش 'عبد الحميد' !!! 'عبد الحميد' : - أنا جوزك عادي قولي !! 'توليب' : - مش قادره !!! 'عبد الحميد' : - أهو هبص للمراية علشان متنكسفيش مني !! قربت 'توليب' من خلف 'عبد الحميد' و بصت لصورته بالمراية .. 'توليب' : - كنت دايما بشوفك و أنت لابس طوق و فيونكات على شعرك و حلق على ودانك و أتخيل لو خلفت بنت شبهك الخالق الناطق هيكون شكلها إزاي !!! بص 'عبد الحميد' لنفسه بالمراية و شاف نفسه بالحلق و الفيونكات على شعره .. عصب 'عبد الحميد' و إلتفت ل 'توليب' .. 'عبد الحميد' : - 'توليب' !!! روحي و ا ...!!! حضنته 'توليب' بسرعة .. 'توليب' : - روحي و أنفاسي و قلبي و كل دنيتي !! رفعت 'توليب' رأسها ناحيته .. 'توليب' : - لو ثاني مرة تهددني بالطلاق و الله لكون سايباك و مش هتشوف وشي ثاني !!! 'عبد الحميد' : - و مين نطق كلمة طلاق !! إنتي ماسبتنيش أكمل كلامي !! أنا كنت عايز أقولك روحي و أعملي لي قهوة !! 'توليب' : - هاه إنت بجد عايز قهوة !!! 'عبد الحميد' : - طبعا !!! بعد الكلام اللي سمعته منك !! أنا محتاج لقهوة ينشط عقلي و أقدر أنسى بيها صورتي و أنا بنت حلوة !!! 'توليب' : - هههه بحبك يا أمورة !!! 'عبد الحميد' : - مش أكتر مني يا أمولة !!! ضحك 'عبد الحميد' مع 'توليب' .. و عاشوا في تبات و نبات بس ماخلفوش صبيان .. خلفوا بنت واحدة حلوة قمر شبهي بالضبط .. آسفه أقصد شبه 'توليب' بالضبط .. سموها 'أمل' .. .. تمت بحمد الله .. لا تنسوا القراءة للجميع .. فأرسل رابط الرواية لغيرك .. و دمتم بخير .. 👇 💕❤ https://www.rewity.com/forum/t487597.html | ||||||||
|
| |
 |
| الكلمات الدلالية (Tags) |
| حب،زواج،عاطفي،كوميدي،روما نسي،رواية،تانيامحسن، |
| أدوات الموضوع | |
| انواع عرض الموضوع | |
|
|
291Likes
درس 
.gif "Eh S(7)")
تنبيه 
العرض العادي
