03-01-23, 08:11 PM
| #172 | |||||
| كاتبة في قسم وحي الاعضاء 
|  * "البارت السابع عشر " * بعد شهرين .. في مكتب نواف .. جلس ع الكرسي لما مالقى نواف ناظر ساعته عشر .. توقع انه في اجتماع فتح اخر درج بمكتبه وطلع اللانش بوكس وهو مبتسم بروقان وده يسوي مثل نواف اكل صحي وحركات بس ماله خلق يسوي لنفسه الصباحولاعنده احد يجهز له " اييه ياالرييم تكي ببيت اهلك لين تشبعين مردك لي " نواف دخل مكتبه وبيده اوراق .. ووقف متنرفز لما انتبه لمنذر جالس وياكل كيوي : ماشاءالله حتى بالدوام تستحلني انت وش يقربون لكاليهود منذر يرجع بظهره للكرسي ويميل معه يمين ويسار : انا اخوك ولا ماني اخوك ليه ماتحسبني بالاكل معك نواف يشد منذر مع ذراعه ويقومه عن كرسيه ويجلس ويرتب الاوراق : والله زوجتي مسؤوله عني انا رح جب زوجتك وخلها تسوي لك منذر يتكي ع المكتب ويسحب مناديل يمسح يده : والله عذر زين اقولها ارجعي عشان تسوين لي فطور نواف يناظره بملل : ايه منذر ناظر ساعته : عطيت نفسي بريك يله بروح اكمل نواف : بالتوفيق ناظره وهو طالع منذر وعده انه يلتزم بالشغل .. واوفى بوعده فعلاً روحته للرياض غيرت فيه .. يحسه رجع منذر الاولي قبل السجن .. ذكيوشاطر وواثق من نفسه * في سيارة ام عايض .. والجو غايم اريج جالسه قدام وتناظر صور الصبغه للحين محتاره بين ثنتين : هاا رايكم اصمل ع ايت ريميه جالسه ورا وجنبها ساره : انتِ وريها هناك وهي تشوف الانسب لك كلهم حلوات ام عايض : لو تخلين هالصبغات واسوي لك حنا تفيد شعرك ولون وش تبين اكثر اريج : طول عمري تحنين بشعري خلاص ابي اغير ابي ابدا حياه جديده اي شي يطرا ع بالي بسويه ولااحرمني ريميه مرتاحه لراحه اريج امس خلصت عدتها .. ولاتحس باي حنين لضاري وكأنه لم يكن في حياتها تتمنى تكون مثلها .. منذر ماراح عن بالها ولايوم .. من بعد ذاك اليوم لاشافته ولاكلمها .. هي مره وحده بعد اسبوعين قررت تكلمه وتشرح له انها كانت بترجع للبيت ماقصدها تتركه بس اكتشفت انه مبلكها .. حطت يدها ع بطنها اول شهر ماجتها دورتها حاولت تطبطب ع نفسها عادي تتأخر تلخبط هرمونات ماتبي تشك لانهاماتحس باي شي ثاني بس تأخر .. ومر الشهر وجا موعد الشهر الثاني وماجت خايفه تحلل .. ماعندها القدره تواجه الحقيقه ومنذر وش بتكون ردت فعله .. خايفه من كل شي * شروق استقبلتهم وحضنت ريميه الي ماشافتها وكل مره تقولها اجيك ع المشغل ولا تجي ..: اخيراً جيتي يالقاطعه ريميه : حبيبتي والله انشغلت بدراستي واليوم تشجعت مع اريج شروق : الله يوفقك يارب حيااكم ام عايض راحت لغرفتها عندها زبونه .. وبمكتب شروق .. اريج جلست تناظر كل شي بفضول مو باين بوجهها .. وتتقهوى ريميه : اريج بتصبغ شعرها انا مابسوي شي شروق تناظر اريج : تقهوي بعدين اوديك لصفاء الكل يمدح صبغها ماشاءالله بعد ماوصلت اريج ووصت صفاء عليها .. رجعت لريميه : تدرين ان خواتزوجك كل شوي مرشحين له عروس "وضحكت بتبلد" حتى نواف اختارو له كم وحده بس ماشاءالله ازواجنا الوفيين رافضين ريميه تلف الفنجال بيدها : يمكن مافي وحده ناسبته شروق : ممكن بس ترا منذر تغير من بعدك ع قول البنات مايضحك وبس معصب واغلب وقته برا البيت يجي ينام بس "ناظرت ريميه بعتاب"ينام بغرفته بيتكم مادخله بعدك ريميه : لاتقعدين تناظريني وتلوميني انتِ ماتعرفين شي تكفين عاد شروق تبين مااقطعك لاتفتحين ذا السوالف شروق تهز راسها : تمام وش رايك تقصين شعرك تجددين بشكلك ريميه تمسك شعرها الي لنص ظهرها : احس خساره طولان شروق : مانقصره بس قصه بنفس الطول تجدده ريميه : تمام * اريج لبست عبايتها وهي مبسوطه من شكلها الصبغه تجنن مثل ماتبي ولايقه عليها .. ريميه بيدها جوالها : وصل السواق يله وطلعو مع بعض .. اريج شافت السياره الي تعرفها : هذا مو اخو الخايب رجلك ريميه لمحته بالسياره ولايناظرهم : ايه نواف زوج شروق اريج تمشي معها لسياره سواقهم : ياملحه بس احسه كشخصيه لايطاق الله يعينها شوشو ياحليلهاا حبيتها ريميه : ايه حتى انا احسه غثيث * طلعت شروق بعد ماكلمها نواف انه برا .. تمشي بهدوء .. كل شي عابر الحياه تمشي ماتوقف ع شي هي مكمله معه وجرحها مفتوح لااعتذر ولا حاول يصلح غلطه .. يتعامل معها وكأنه ماسوا شي مايدري ان الجروح الي ماتتعالج بوقتها ماتطيب تبقى طول العمر وتصير تراكمات تتفجر باي لحظه اليوم ملكه رغد بنت اصايل .. كلمتها اصايل تبيها تحط لهم المكياج .. ورفضت .. قالت انها مشغوله وماهي بالمزاج اول مره تكون دفشه ولاتراعي لاسلوبها .. بس مقهوره منهم بكل بجاحه تعرض كم عروس لزوجها ثم تطلبها هه وفوقه يحشون باامها قدامها وانها وجه نحس وشر من دخلت بيتهم احترق نواف لف عليها : وش فيك ساكته شروق ماتدري ليش جايها بدري .. شي بداخلها خايف ان اصايل اشتكت له منها بس ماتحس انها تسويها : عادي ليش جيت بدري باقيوقت ع المغرب نواف : ماحنا حاضرين الملكه بنتمشى واعشيك بااحلا مطعم شروق تناظره وعلامات الاستفهام فوق راسها : لييه !! نواف تنهد بقهر : اهلي جايبين وحده تزينهم وانتِ مشغلك مفتوح مايجونك اقول لرحاب ليه تقول شغل حرمتك دفش هههه جحدوك عيني عينكمن الي كانت تزينهم بمناسباتهم زمان شروق وتحس براحه اهم شي ماعرف انها رفضت .. دايما تتضايق من تدخلاته بسوالفهم بس هو كذا شخصيته يحب يتدخل بكل شي : عادي ليش تزعل انت يمكن عاجبتهم الي جابوها اكثر مني نواف : لاا انتِ ماتعرفين بيموتون غيره وحسد عشانك ناجحه شروق ابتسمت "يله زين اصلا ماكان لي خلق احضر" : الحمدلله * بالليل .. ريميه بغرفتها جالسه تشوف سنابات بتول ماخلت شي ماصورته بملكه رغد .. بس وقفت ع صوره منذر معلقه عليه "خالي الحبيب" وفديو يضحك ويتصور مع رغد وامه تأملته والدموع تتجمع بعيونها .. اشتاقت له الليله مبسوط وكاشخ .. مو مبين انه متأثر بفراقي معقوله خلاص تجاوزني ماعاد يحبني .. نساني !! اريج دخلت غرفه ريميه .. ووقفت تناظرها تبكي وبيدها الجوال : ريميه وش فيك بسم الله ريميه ناظرت اريج ورمت الجوال قدامها وتحاول توقف بكا : ولا همه فراقي قاعد يضحك وانا الضحكه فقدتها بعده اريج وكأنها اكلت شي حامض : ريميه قلبي كيف كذا تبكين عشانه نسيتي الي سواه فيك زمان نسيتي اي قذر هو انا فعلاً متعجبه منك ريميه تمسح دموعها وناظرتها شوي : اريج انا قلت لك هذاك الكلام عشان ماتكرهين ضاري بس الحين خلاص كل بحاله اريج .. تحس مثل الكف كلام ريميه .. قالت لها كل شي براءة منذر .. خطط ضاري .. كيف عاشت زمان مع منذر وضاري والنهايه الي عجزت تستوعبها "انا شكلي حامل" اريج : وش !! عيدي مافهمت اخر شي ريميه تعبت من كثر الكلام تحس انها بدوامه ارهقتها : شهرين ماجتني تهقين صدق اريج ماصار بيننا شي الا مره وحده كيف كذا !! اريج تحس صدرها يغلي من الي عرفته .. وقفت وصارت تدور بالغرفه والافكار براسها كثيييره ريميه تناظرها بتوتر .. اريج وقفت ولفت عليها والقهر بوجهها : انا شفت اغبياء بس في حياتي ماشفت مثلك انا صح عشت مع عمك سنتين بس اعرف طينته زييينعقلك ماقالك ليش مايبي منذر ليش يكرهه وهو المفروض يحطه فوق راسه بعد الي سواه "ومدت سبابتها بوجهها تسكتها" لاتقولين الخرابيطالي قالها لك هذا حقود وغيور ايه يغار من منذر او بينهم شي ماتعرفينه ليش منذر بعد يكرهه ريميه تنهدت : ماادري وش قلب حالهم اريج : السوسه عمك متأكده هو البلا ياغبيه منذر شاريك بعد كل خذلانه منك هذا هو ماتزوج مثل ماقال ماقدر ريميه تمسح ع بطنها : طيب الحين شسوي !؟ اريج : كلميه وتصالحو وارجعي له ريميه : مبلكني اريج ترفع صوتها متنرفزه : خذي جوال شاهر وكلميه الحقي نفسك قبل يعافك الرجالصدق والله لاتندمين طول عمرك انتِ امك داعيه لك ولا مين يصبر عليك ويحبك هالكثر ريميه تناظر اريج تطلع وتصفق الباب وراهاا .. * الصباح .. طلعت من البيت ناويه تروح للصيدليه الي اول الحي .. بتجيب جهاز لريميه عشان تتأكد بس وقفت بصدمه وهي تشوف جدار بيتهم مكتوب عليه بالبخاخ الاحمر " بيت المطلقات " رجعت دخلت البيت بسرعه : يماااه الحقي شوفي ايش مكتوب ع جدار بيتنا ام عايض لبست عباتها بسرعه وطلعت تشوف ووراها ريميه طلعت بفضول ام عايض : سود الله وجيههم من الي كاتب هالكلام ريميه تدري ان كل الحي عارفين ان زوجها تاركها عند اهلها وبتتطلق .. تو تستوعب ان فعلاً البيت بيكون بيت مطلقات اريج مشت بسرعه للبقاله القريبه وهي تتحلطم .. واكثر شي قاهرها عايض وشاهر كيف ماشافو الكلام وهم رايحين للمدرسه !! بس ههماشيين وهم مغمضين ريميه : انا بروح لعمي ام عايض دخلت البيت وهي متضايقه ع حال بناتها .. هي سعيده ومرتاحه .. بس هم صغار حرام كذا ريميه راحت للعماره الي جنب بيتهم .. طلعت للدور الثاني .. وفتحت الباب الي مايقفله بالمفتاح شافته يعدل شماغه عند المرايه متجهز لدوامه : صباح الخير ضاري ابتسم بحب : صباح النوور حيااك ريميه تستند ع الباب الي تقفل وراها : تأخرت ع دوامك ضاري يناظر ساعته : والله شوي تبين شي انتِ الحين ريميه : لا خلاص انا بسوي الغدا اليوم واتغدا معك ونتكلم ضاري طلع من شقته وهي معه .. ويسولفون بشويش لين طلعو الشارع وعند سيارته لف لبيت ام عايض .. وتنح !! ريميه بضيق وهي تدري انه قرا الكلام .. ضاري : هالمهبوله وش تسوي !!؟ ريميه لفت تشوف اريج معها بخاخ وتكمل العباره وصارت " بيت المطلقات السعيدات " ريميه همست بذهول : لقينا مكتوب بيت المطلقات مدري مين كتبها بس اريج كملت ضاري يناظرها وكاتم ابتسامته ماتتغير .. فجأه قمط وجهه لما شافها جايه جهتهم وبيدها بخاخها اريج تمشي وهي ناويتها شر .. قبل فتره جتهم جارتهم وتقول ان جارهم احمد يقول ينتظر اريج تخلص عدتها وبيخطبها .. وفاطمه شغالهسب وتشويه بسمعتهم ريميه : وين راييحه ؟؟ اريج ماناظرتها وبتهور مقهوره من الي عرفته امس لفت البخاخ ع ضاري وحطت اكس ع ثوبه .. ودخلت للعماره تجري ع الدرج ضاري وخر ثوبه عنه بهدوء وهو يتبعها بنظراته ريميه راحت وراها تجري وهي فهمت ان هذي سوات فاطمه .. واريج ناويه عليها فاطمه فتحت الباب الي يدق متوقعه انه احمد نسى شي ورجع .. اريج : صبااح الخييييير ياحلووه فاطمه بسرعه تحاول تقفل الباب بوجهها وبطنها الكبيره وثقل التاسع مو مساعدهاا .. اريج دفت الباب بسهوله ودخلت ووراها ريميه : ليش ماتبين تدخلينا فاطمه تناظرها بتوتر : احمد مايسمح اريج : ياحبيبي بس يسمح لك تنزلين بتالي الليوله تشخبطين ع بيوت الناس فاطمه مصدومه كيف عرفت وهم ماعندهم كاميرا : وش تقولين انتِ ريميه تحط يدها ع خصرها : عيب علييك حرمه شكبرك وبطنك قدامك تسوين هالحركات مقهوره روحي شخمطي ع جبهة زوجك مو جدارناشدخلناا عمااا اريج ضحكت : اي والله جبهته اكبر من حياتي هههههه بس انا بصبغ لك شعرك صبغه تجنن فاطمه ماامداها تنحاش ع طول مسكتها ريميه واريج تبخ البخاخ الاحمر ع شعرها في الشقه الي قبالهم .. ضاري يلبس ثوب جديد ويبتسم بتبلد وهو يسمع صراخهم .. وبراسه يردد بيت شعر لحمد السعيد : يومها بين ايديني والغلا عادي و يوم قفت تفجر حبها فيني * العصر عند البيت .. شاهر وعايض يدهنون الجدار بويا وبالبراحه سلوم الواجد جالس ويناظرهم .. بعد ماخلصو ناداهم يجون يتقهوون معه شاهر يتقهوى وهو مستغرب اول مره يهتم ويناديهم وهو يومياً جالس بهالمكان ولا فكر فيهم .. ليش الحين يقهويهم ويسولف معهم وكأنهم رجال بعمره ماطول تفكيره وكتم ابتسامته سلوم : انا قبل كنت اذا ابي شي اكلم ضاري بس مثل ماتعرفون هو جنّب عنكم وانتم الحين رجال البيت الشور شوركم انا طالب القرب منكمابي ام عايض ع سنه الله ورسوله شاهر لما حس عايض بيثور بوجهه مسك يده وشد عليها : ونعم فييك عطنا وقت نكلم خالتي والراي الاول والاخير لها سلوم : خذو الوقت الي تبونه انا انتظر واي شي تبونه انا حاضر بعد مااستأذنو منه وراحو للبيت .. وفي الحوش عايض متنرفز : يخطب امي اناا ياحمار هذي امي تبيني احضر زواج امي وين صارت هذي شاهر : اصبرر نشاورهم ونشوف علامك انت لاتصير متشدد تراك بزر عايض يجلس ع درج المدخل وبس شاف اريج وريميه وساره داخلات : ماشاءالله في هالبيت كلً يهيت ع كيفه من وين جايات اريج تكشف وجهها : اكل تبن هذا الناقص بعد ورع يحاسبني ريميه تشد ع كيس ادويتها من حللت بالبيت ماقدرت تروح لضاري .. واريج لزمت عليها تروح للدكتوره تحلل وتطمن ع صحتها وصحه الجنين.. شاهر : خلكم منه عندنا خبرر قنبله اريج بحماس : وشوو شاهر : سلوم الواجد خطب خالتي الهنووف اريج فتحت فمها وصرخت بحماس ولفت ع ريميه تضرب كفها بكفهاا : شفتتي قلت لك اخرتها بيتزوج اميي اللهم لك الحمدلله عززز عزززجانا العزز ريميه تناظر عايض الي علامات الرفض بوجهه : من قال لكم عايض بدون نفس : خطبها مني "ويعلي صوته متنرفز" يخطب امي ياناس وش هالرجال الي مايستحي شاهر : احمد ربك احترمك وكلمك ماكلم خالتي براسها عايض : والله اقط راسه اريج تتكتف : ليييه ياروحي مو عاجبك سلوم الواجد شاهر يضحك : يقول كيف احضر زواج امي ههههههه اريج تضحك معه : بسيطه لاتحضر هههههههه ريميه : وانتم حددتم من راسكم ان خالتي بتوافق يمكن ترفض وهذا الي اتوقعه عايض وقف : انا بقوله اذا تبي خذ اريج بلاش طلع من البيت وهم يضحكون عليه حتى ساره تضحك ومو فاهمه السالفه .. * عايض قفل باب البيت وراه بقوه وبنفس اللحظه شاف سياره منذر توقف .. راح له : توو الناااس منذر قفل السياره ونزل بتثاقل من هالجيه الي اجبر نفسه عليها : هلا عايض شلونك عايض يشد ثوبه من عند صدره : ماني طييب سلوم الواجد بيتزوج امي منذر يستند ع سيارته وهو يناظره وكأنه ماصدق لقى احد يفضفض له عايض : كلهم مبسوطين عشانه بطران اقولهم شلون احضر عرس امي يضحكون يفقعون المراره والله لااصير مضحكه لعيال الحاره منذر رفع حواجبه "اووه بطران ماهم عيله مصلحجيه اهم شي عندهم الفلوس والستر ههه" : عادي كثير تصير بس انت تحسب انك اولواحد يمر بهالموقف بعد امك من حقها تعيش حياتها يارجال هذي امك تفتخر فيها لو وش ماتسوي والي يتكلم فيها تدح فمه تراب خلك رجالالي يدعس لك طرف تدعس عليه من النص عايض يناظره وكأنه اقتنع : يعني احضر عرسها ؟ منذر كتم ضحكته وبحماس يشجعه : اييه والعب للصبح انت ولد العروووس عايض ابتسم وبعدين كشر ملامحه : طيب اسمعني وش رايك تاخذ اريج اختي ولانطلب منك شي بلااش وفوقها بنتها مكافئه منذر يطبطب ع كتف عايض : عيب وانا اخوك تتكلم عن اختك كذا وش تبي الرجال يقولون عنك انتالحين اول متوسط رجال تراك خل عنك علوم الوراعين عايض يحك شعره بورطه من المحاضره الي بدت : طيب انا بروح خويي يبيني منذر : خذ راحتك وبعد ماراح عايض .. لف هو للعماره .. وطلع الدرج لشقه ضاري الي قاله عنها شاهر مايصير الموضوع معلق كذا .. لازم ينحل واول شي يتفاهم مع اساس المشكله "ضاري" ضاري فتح الباب وتفاجأ كان معتقد انه ريميه .. وبارتباك : منذر !! هلاا حياك * نهايه البارت السابع عشر .. | |||||
|  |
 |
| أدوات الموضوع | |
| انواع عرض الموضوع | |
|
|
1089Likes
العرض العادي
