22-01-23, 03:55 AM
| #212 | ||||
|  يااقلبي عليك يا ريميه هل ياترى بتكون النهايه سعيده وبيعيش منذر ولا اعتراف ريميه بيكون بالوقت الضايع . ضارري مازلت حقييير😡. اريج تستاهلين الدكتور الياس الطف واطيب منه ،بس غريبه ليه مطلق مرتين؟؟ بإنتظار الجاي بشووق والنهايه وكيف راح تكون😢😢 | ||||
|  |
|
24-01-23, 09:45 PM
| #217 | |||||
| كاتبة في قسم وحي الاعضاء 
| * " البارت الثالث والعشرون " والأخير .. * اريج تمشي ورا ريميه الصامته بخوف .. هي تحس صدرها يغلي بخاطرها تذبحه .. بس هدوء ريميه مرعبها تمشي ع الدرج بشويش تشوف دمعها يطيح من ترمش .. وتوقف عند باب شقه ضاري تدق الباب بهدوء ضاري فتح الباب واول ماشدته عيون ريميه الحمرا والحزن ماليهم .. تقدم بخوف : بسم الله عليك وش فييك ريميه دخلت الشقه .. وضاري دخل وراها بقلق اريج وقفت بتردد ودخلت .. ماتقدر تترك ريميه كذا بصدمتها ضاري وقف قدامها : ريميه سكت لما سمع " اصصصص " بصوت عالي حاااقد .. ماصدق انه يطلع منها بس اصبعها الي ترجف عند خشمها ونظراتها الكارهه .. صدق غصب ريميه ترفع نقابها من الكتمه وبنفس الصوت ورجفه بكا : اصصص ضاري يناظرها مو فاهم .. خطف نظره لاريج الي واقفه ع جنب وتناظر ريميه بقلق .. ريميه تناظره بكره : تاخذ قشك وتنقلع من هنا انا واخوي متبرين منك انت مو كفو امانه ابوي ماكفاك سببت بااذيتي زمان قاعد تكمل الاذيه يالمنافق روح الله لايوفقك ولابعمري بسامحك ضاري يقرب منها و برجا وندم : والله ماقصدي ااذيك ريميه تضربه كف ع الطاير وهي ترجف وتصارخ ودمعها ينزل : اصصص قلت اصص ماابي اسمعك ولااشوفك اذلف عن حياتنا اريج لما شافت ريميه تتحرك وكأنها تبي احد يرشدها للباب وتهرب من هالمكان .. مسكتها ومشتها معها ورمت نظرت احتقار لضاري الي جلس ع الارض باانكسار ريميه تشد ع يدين اريج .. تحس انها بتطيح مو قادره تتحمل مخنوقه اريج لما شافتها كذا .. ع طول دقه ع شقه امها سلوم فتح الباب .. اريج : وين امي ريميه تعبانه * شاهر منسدح قبال التلفزيون وبحضنه ساره .. يناظر ساعته تأخرو البنات قالو له يجلس عند ساره بيروحون لمشغل شروق ضروري ويرجعون مابيتأخرون * انسدحت ع السرير الملاحظه بتعب والممرضه تركب لها البخار .. اريج تمسح ع شعرها .. يسمعوون ورا الستاره صوت بكى بنت يقطع القلب اريج تضايقت حيل من بكى البنت الي زاد من حاله ريميه الي دموعها تنزل وصارت تشهق ببكا مثل البنت طلعت تبي تطلب منهم يغيرون مكان ريميه .. ناظرت امها وعمها شكلهم مايطمن .. قربت منهم : وش فيه ام عايض بشويش : اهل منذر هنا مسوين حادث اريج بخوف : ومنذر ؟ ام عايض بضيق : في غرفه العمليات يقولون حالته حرجه الله المستعان اريج حطت يدها ع فمها وبكت .. : ياويل حالك ياريميه الياس وقف لما عرفها .. مايدري كيف يميزها من غير عيونها هيئتها صار يميزها وهو الي مايعرف غض البصر .. الممرضه الي معه تأشر : هنا ريميه مريضه القلب يادكتور اريج لفت لما سمعت اسم ريميه .. الياس ناظر عيونها الدامعه .. لو ماصدت هي ماصد ولاتحرك ام عايض راحت قبل الممرضه عشان تغطي ريميه .. " قبل دقيقتين " ريميه مدت يدها بتردد وفتحت الستاره الي بينها وبين البنت .. كانت تتمنى انها غلطانه جود .. هذي جود بحتها تعرفها جود وقفت بكا تشوف من فتح الستاره .. ولما شافت ريميه رجعت تبكي باانهيار : ريميييه ريميه جلست بتعب ووخرت البخار عنها وبخوف : جود وش فيه !!؟ جود تبكي : خالي منذر اندعس ريميه بهتت ملامحها : وش !! جود تدفن وجهها بالمخده وتبكي .. ريميه نزلت من السرير بسرعه ولااهتمت لابره المغذي الي طاحت من يدها وبدت تنزف .. تلف جود عليها وبصراخ : وش تقولييييين انتِ جود تناظرها ولاقادره تقول شي .. ماتجاوزت صدمتهاا للان تحس صراخهم بااذنها ام عايض واريج والممرضه دخلو .. وحاولو يهدونها ريميه الي يدها كلها صارت دم تضرب خدودها بيدها : ياويلي يااريج ماات منذر مات قبل استسمح منه ام عايض تقاطعها بااعلا صوت تحاول تسمعها : في غرفه العمليات ما توفى ياريميه اذكري الله بعده عايش ريميه ولاتسمع ولاتحس بااحد .. * يناظر الباب بتعب الممرضه قالت الدكتور سمح لاهله وبيدخلون الحين شاف نواف الي فتح الباب ودخلت امه بسرعه ووراها ابوه وعبدالله امنه طاحت ع صدره وحضنته وهي تبكي .. وهو متألم بس مو قادر يقول شي : الحمدلله ع السلامه قرره عيني قرره عيني والله الحمدلله ابو نواف من الجهه الثانيه يمسح ع راسه الي ملفوف عليه الشاش : الحمدلله ع السلامه قومي عنه ياام نواف عورتيه امنه توخر بخوف وتمسح ع صدره : عورتك ؟ منذر ابتسم وصوته تعبان : عادي كان يبتسم ويسمع سوالف اهله بحب .. خواته وعيالهم شاف الكل .. وفي باله سؤال مشغله .. عرفت عني ؟! وش ردت فعلها .. حن قلبها ولا ماحن * جلست ع الكرسي الي جابته اريج ماتقدر تمشي .. اذا مشت تدوخ وتطيح ضغطها للحين مرتفع اريج طلعت فيها من الغرفه .. وتحاول تلطف الجو : يازيني وانا مهربتك تقابلين الحب ريميه ماردت عليها متوتره .. قالو لها انه بخير .. حطت يدها ع قلبها العليل تحاول تهدي دقاته اريج وقفت مصدومه وهي تشوف الي قدامهم وبيده قهوته .. وش جابه هنا ! مو الدكاتره يجلسون بغرفهم هذا ليش يتمشى ويتقوى ..!! فعلاً الموضوع يبي له تفكير .. ريميه تناظر الدكتور المشرف ع حالتها بتوتر .. من وقفته قدامهم ويناظر اريج الياس : مااظن اني كتبت لها خروج ؟ اريج بتوتر وعينها بالارض تتضايق انه يناظر بالعيون مايصد : امشيها بس الياس يشرب من قهوته : ممنوع رجعيها اريج لفت الكرسي .. ريميه تشد الكرسي : لاا دكتور انا زوجي مريض هنا وبروح اشوفه مارح يعتدل ضغطي ان ماشفته الياس يرفع حواجبه بتعجب .. ووخر عن طريقهم ومد يده وهو يناظر لاريج : تفضلي يامرسول الحب اريج ناظرته بااستنكار خير يموون !!؟.. * عبدالله وقف لما شاف حريم وناظر منذر : انا برا منذر لف يشوف وفز قلبه لما عرفهاا جالسه ع الكرسي ..!! اريج قربت ريميه للسرير وطلعت .. وقفت عند الباب تنتظر .. ولمحت الياس بنهايه السيب متكي ع الجدار ويتقهوى خيرر هذا تحس ان وراه بلوه .. ماترتاح لتوتر الي يسببه لها * ريميه تناظره والدموع بعيونهاا .. مو مصدقه انها تشوفه قدامها .. بعد ماخلاص قفلت الدنيا بوجهها .. وظنت انها فقدته للابد ولاعاد بتشوفه حطت يدها ع وجهها فوق النقاب ودنقت تبكي .. منذر يناظرها وهو متكسر مايقدر يتحرك : لاتبكين يرحم والديك لاتبكين وتتعبين قلبك اكثر ريميه رفعت راسها تناظره وببكا وتحاول تصفي صوتها: الحمدلله ع سلامتك منذر يتأمل عيونها الباكيه اهله قالو له عن موقفها مع جود وانها للحين بالمستشفى : الله يسلمك انتِ كيف صحتك ريميه عيونها عليه تتفقده : لو مت انا مدري وش بسوي بعمري ليه سكت وسمحت لي اغلط عليك وانت بريء انا عرفت بسوايا ضاري انا تبريت منه ولا عاد بشوفه واسامحه منذر يناظرها بصمت .. ريميه : ليش ماعلمتني عنه ليش ماانكرت ليش رحت وطلقت وانت تدري اني مااعرف بالحقيقه منذر اخذ نفس بهدوء : ماعاد تفرق معي معرفتك للحقيقه من جهلك ريميه تناظره تحاول تفهمه .. ليش بارد وجاف .. منذر : بذاك الوقت كنت من الجامعه للشقه وقتي كله معك انتِ وشاهر حتى اهلي قصرت بحقهم .. لو لي غلاه بقلبك كان فكرتي ودورتي لي عذر "يرفع يده" شووويه تفكير وبتعرفين ان ماكان عندي الوقت اتعرف ع احد واحب في المقابل ضاري راميكم علي وهايت .. انا عرفت قدري عندك خلاص ريميه همست والعبره بحلقها : انا كنت مصدومه منذر : ياكثر ماصدمتيني وخذلتيني بسواياك مع عمك وتمسكت فيك مابعتك عند اول غلط حتى هالغلط ماكنت اشوفه او يهمني لاني احب من قلب ولاابي اخسرك بس انتِ حتى ماسمعتيني ماقلتي يامنذر تكلم برر ودافع عن نفسك انا ماابي اصدق الي سمعته عنك ريميه تقبض يدها وتحطها ع فمها ودموعها تنزل .. منذر يحط يده ع قلبه : هذا برد خلاص جايه الحين تبينه ؟! ريميه ببحه : يعني ايش ؟ منذر يصد عنها : يعني روحي الله يستر عليك ريميه شهقت تبكي وتناظره : بروح بس حتى انت مارح اسامحك طول هالفتره تاركني بجهلي تشوف خسه الي ينقال له عمي وكيف انا امشي معه احترمه واصدقه وساكت ماتنورني تحسب بسكاتك تحميني لاا انت اذيتني اكثر كرهتني بنفسي اكثر ليتني مت ولاشفتك انت وياه ووقفت مايهمها لو داخت وطاحت .. فتحت الباب وطلعت اريج ع طول مسكتها .. وساندتها وتمسح ع ظهرها وتمشي .. بكاها وشهقاتها واضحه * في شقه ضاري : يسحب شنطته بهدوء ويناظر اذا نسى شي .. طلع وقفل الباب بالمفتاح .. ودق ع الشقه الي قباله سلوم فتح الباب : ضاري ! ماشي خلاص ؟ ضاري مد له المفتاح : ايه اشوفك ع خير سلوم ياخذ المفتاح ويسلم عليه : توصل بالسلامه وسلم ع الوالد ضاري : الله يسلمك يوصل ان شاءالله ونزل الدرج .. يحس خطواته ثقيله خلاص بيسافر الرياض عند ابوه واخوانه وقف عند باب العماره .. يناظر الحاره .. يذكر لما قعد يدور بيت ع مواصفات ام عايض .. تبيه شرح وواسع .. وفيه حوش .. تبي تحس انها للحين بديرتهاا هالحاره الي اهلها كأنهم جماعه وحده .. فرحهم وحزنهم مع بعض اخذ نفس وراح لبيت ام عايض دق الباب .. وانتظر شاهر فتح الباب : هلاا عمي ضاري سلم عليه وحضنه : جيت بودعك واشوف ساره شاهر الي تضايق من قاله انه خلاص بيروح الرياض .. حضنه بقوه ووخر : انادي ساره ضاري خطف نظره لداخل الحوش .. النخله الي دوم يجلس تحتها ومعه ريميه .. اخخ ياريميه ليت تسامحيني جت ساره تجري وضاري جلس ع ركبه وفتح لها يدينه وحضنته : ياروح ابووك اريج وقفت عند شباك الصاله تناظر من ورا الستاره .. حزينه ع ساره .. بتعيش بعيد عن ابوها الي رغم كل شي طيب وحنون جداً معها يمكن ربي يجازيه ببعده عن بنته بسبب الي سواه وتسبب ع ريميه .. كرهته اكثر وحمدت الله انها تطلقت منه فوق سواياه .. جبان ونذل .. مشت عن الشباك مو طايقه تشوفه اكثر .. ضاري يربت ع كتف شاهر : لااوصيك ع ريميه واي تحتاجه ع طول كلمني شاهر الي يدري ان في خلاف بين عمه وريميه بس محد راضي منهم يقول وشوو .. لدرجه ريميه قاطعته ولاحتى تودعه : لاتوصي حريص اختي بعيوني ضاري طلع وفي باله اريج خاطره لو يسمع صوتها .. هو يأس انها تحن له وقربه منها قاعد يأذي قلبه زياده .. مايتحمل يشوف الكره والاحتقار بعيونها * بعد 8 شهور : * ريميه واقفه قدام المرايه بفستانها الابيض ماسك ع جسمها بنعومه .. وشروق واقفه ع الكرسي وتضبط لها الطرحه الخفيفه اسفل شعرها اريج جالسه وبحضنها امنه بنت ريميه ومنذر : يالييل هذي مو راضيه تسكت شسوي فيهاا ريميه تلف تناظر كيف صارت الطرحه : يوه اريج طلعيها وترتني شروق : لحظه لاتتحركين دقيقه اضبط هالجهه اريج شالت امنه وطلعت .. وناظرت جوالها بيدها الياس خطيبها يتصل .. ردت بنعومه : هلاا الياس : ها ياقلبي يمدي اشوفك اريج : شوف الحين مره مضغوطين بس ممكن شوي القى فرصه الياس يبتسم : انتظر بكل حب اريج ضحكت بنعومه وقفلت منه .. تنهدت وراحت تدور امها .. الياس انعش حياتها .. الاشياء الي ينتقدها ضاري عليها .. الياس تعجبه ومتقبلها يحبها نفس ماهي .. ماينتظر منها تغير تحس انه كان ينتظرها وهي تنتظره واخيراً جمعتهم الحياه الي حبتها معه .. شافت امها قبالها كاشخه وبطنها ظاهره .. ام عايض : خلصت ريميه اريج : ايه خلاص هذي المزعجه وكأنه مو عاجبها ان الليله عرس امها وابوها ام عايض اخذتها منها بتعب .. حملها بالشهر السادس بس متعب : يله هناك تاخذها جدتها امنه ويتفاهمن مع بعض * عند البيت .. وقف منذر سيارته ونزل كاشخ ووراه سيارات اهله .. اليوم سعادته لاتوصف كان يعاني فراق ريميه ويكابر .. بس من جات امنه الصغيره .. خارت كل قواه وتحمله ماعاد يقدر ع البعد اكثر .. يبي يستقر مع زوجته حبيبته وبنته كفايه يضيع من عمره اكثر .. دخل يده مع شباك السياره وصار يدق بوري .. ريميه راحت للشباك توخر الستاره شافته ولفت ع البنات : يممه قلبي وصل وبسرعه ساعدوها تلبس عباتها وهم بعد .. وزفوها لين الباب شاهر استقبلها واخذ يدها ومشى معها لين سياره منذر .. ناظر منذر وبجديه : امانتك اختي منذر اخذ يدها منه وشد عليها : بعيوني احطها ريميه ابتسمت بحب .. وركبت قدام لما فتح لها الباب .. وخالتها تضبط عباتها وتقفل الباب ويروحو يتوزعون بالسيارات الي كلها تحركت ورا سياره العريس المزينه زواج مختصر جداً .. في استراحه منذر ياخذ يدها ويبوسها : ماعاد يفرقنا الا الموت ريميه بحب مالي قلبها وهي تهز يده : للموت معاك للمووت * اريج شافت سياره الياس ومثل مااتفقت بوسط الزحمه امها ماتفقدها .. راحت بسرعه له وركبت قدام الياس بفرحه : اهلاااً اريج تضحك بحماس : ادعسس قبل امي تفقدني هههههههه الياس يضحك بهبال نفسها ويحرك يده : نددعسس هههههه * بس الي انتبه لها .. ضاري الي سيارته بعيده .. ولااحد عارفه .. الحنين جابه يبي يتطمن ع ريميه .. وتطمن بس ماتوقع انه جا لحرقه قلبه .. درا انها انخطبت وكتبت كتابها .. بس شوفتها وهي تتسحب وتنحاش لسيارته وهو يضحك ويحرك اكيد قالت له شي يضحك مجنونه هنيئاً لك بما خسرت .. * جلست بتوتر وبحضنها امنه الصغيره .. اخر شي توقعته ان الي يسوق السياره نواف عمتها وقعتها بالفخ .. قالت لها تعالي معي سياره عمك نواف الي وصل من اسبوعين وكان يتجاهل تطيح عيونه ع بيتها .. فكيف الحين وهي وراه قالو له انها مكمله شغلها وحياتها وكأن شي لم يكن .. انخطبت مرتين ورفضت رفع عيونه للمرايه .. كانت تناظره .. نظرتها مشتاقه مايخطيها وشوقه اكبرر لو تدري وين مايدله بهالدنيا .. شروق بين عيونه امنه وسعادتها اليوم لاتوصف : كملو فرحتنا وجيب الشيخ يانواف نواف باابتسامه راكزه : ان وافقت بنت عمي هالحين امره واخذه معنا شروق تحضن امنه الصغيره بتوتر .. وش تقول .. مو قادره تنطق حرف بوجوده تحس انها بتبكي .. شوفته بعد الغياب .. ملخبطتها امنه تلف ع شروق : هاا يمه يجيبه شروق اخذت نفس وهزت راسها باايه امنه رجعت لفت ع نواف وبسعاده : وافقت نواف يعدل جلسته وبراحه : الحمدلله * * النـهـايــة . | |||||
|
| |
|
24-01-23, 10:14 PM
| #218 | ||||
| مساء الخير روايه خفيفه وانيقه تسلم الايادي تمنيت ان ريميه سامحت ضاري بعد هالمده لانه في النهايه ماكان قاصد يضرها صحيح صاع مع وحده صايعه زيه بس دشرته على نفسه هو ماتعمد يضر بنت اخوه والي فهمته من احداث الروايه انه تاب وندم صحيح انه نذل وحقير مع منذر بس بعد قدم لريميه وشاهر كثير اشيا تشفعله | ||||
| |
 |
| أدوات الموضوع | |
| انواع عرض الموضوع | |
|
|
1089Likes
العرض العادي
