25-10-22, 04:32 AM
| #25 | |||||
| كاتبة في قسم وحي الاعضاء 
|  البــارت الـرابـع .. * * آمنه تناظر ريميه الي دخلت مع الباب تمشي بهدوء بدون ماتناظرهم .. لابسه فستان ناعم صيفي .. وشعرها رافعته ومنزله غره .. كبرت وتغيرت كثييير هذي البنت الي شلعت قلب وليدي وهو ماشافها بهالزين بعد مايشوفها وش بيصير فيه .. رحاب ناظرت اصايل وكأنها تقول مشيتها مستفزه .. ريميه سلمت عليهم بهدوء .. وجلست ع نفس كنبه اريج وعيونها تنشغل بااي شي الا جهتهم اريج تشوف نظراتهم لريميه .. ورجعت تناظر ريميه مو مبين انها مغصوبه عادي بارده يمكن انها خلاص رضت بالامر الواقع .. جارهم طلب 50 الف ويتنازل .. وضاري اجبرها توافق عشان يدفع لجارهم من المهر .. كاسرخاطرها ان ريميه تحملت الذنب لحالها حاولت في ضاري مايجبرها بس ابد مو سامع لاحد حتى امها .. امنه : ماشاءالله ياريميه كبرتي وتغيرتي رحاب : اي كانت عايشه بالبر اكيد بتتغير مع المدينه اريج حست بنبره رحاب سخريه عكس امها امنه : شلون دراستك الحين ريميه ناظرتها وحست الدموع بتتجمع بعيونهاا .. حتى انتِ ياخاله كبرتي وتغيرتي .. همست : الحمدلله زينه ام عايض ناظرت امنه وبناتها : خلصت اول سنه بالجامعه ماشاءالله امنه اخذت فنجان القهوه من اريج وقعدت تناظره مو قادره تشرب .. الغصه خانقتها .. وكلام منذر مو رايح عن بالها " انتِ الي لويتي ذراعي برضاك وخليتيني اطلع من الشقه وانا داري ضاري مايعتمد عليه لو ماطلعت ماكان تهجم عليهاا ذاك وقتلته " ماتدري ليش مو مرتاحه تحس بعيونه غبن شديد .. معقوله السالفه اكبر معقوله مالحق عليها منذر واعتدا عليها .. طيب ليش الحين ملزم مايتزوج الا هي !؟ مو مقتنعه انه يحبها .. هو ماكان يشوفها الا مثل بنات اخواته .. * الاجواء عند الرجال غير .. شاهر طاير من الفرحه منذر بيتزوج اخته ..اول ماشافه ماصدق حضنه بقوه اشتاق له حيل .. وكان المفاجأه الحلوه انه جاي يخطب اخته بعد هالسنين يعني بيصير رحيمه ولاينقطعون اما ضاري ابتسامته مافارقته وقابلهم بااقوى ترحيب .. وسوالف مع ابو نواف وكأنه يعرفه من زماان منذر يحرك السبحه بيده وهو يناظر ضاري .. متعجب من قدرته ع النفاق ! متأكد لو ماوضع ريميه كان ماقبل فيه مجبور يرحب فيهم ويحطهم فوق راسه .. فاهمك ياضاري فاهمك بس انا مو نذل وخسيس نفسك انابسكت واستر عليك لاتخاف مارح يوصل العلم لزوجتك واي احد غيرها انا ابي اخذ ريميه وماعاد ابي اشوف وجهك .. ابي اعوضها .. ابي ابعدها عن نفاقك .. ولاتخاف مارح اقولها عنك خليها مبسوطه وتحبك مارح اصدمها فيك انت بحسبه ابوهاا .. * 1 رمضان شاهر طلع من غرفه ريميه وناظر عمه المنسدح ع الكنب بالصاله ومغمض عيونه وبنته تلعب ع بطنه : عمي ريميه ماهي بخير ضاري فتح عيونه وناظره : وش صاير شاهر جلس ع كنبه منفرده والضيق بوجهه : دخلت اصحيها لصلاه العصر وكانت تحلم وكأن احد يخنقها ماصدقت صحت وتعوذت من ابليس اريج جالسه تلف السمبوسه وماعلقت تعودت ع احلام ريميه مو غريب عليها الوضع بس من تملكت زاد .. لهالدرجه ماتبيه .. مرات تفكر لايكون ريميه تحب لها واحد وتورطت بهالزواجه بس لما تعيد التفكير مستحيل .. من عرفت ريميه وهي ماتحتك بالرجال ضاري : ماعليك اكيد انها نايمه عن صلاه الظهر ضاري ناظر شاهر ساكت ويبي يغير السالفه : اليوم بعد التراويح عندك مباراه ؟ شاهر : ايه ومواعد منذر يقابلنا هناك ضاري سكت وهو كاره حب شاهر لمنذر .. ماعليه فتره بسيطه ونقطعه من حياتنا اريج شالت السمبوسه الي سوتها وراحت للمطبخ تكمل شغل مع امها .. * ناظرت ساعتها وهي داخله للبيت .. اووف باقي ربع ساعه ع الاذان شيفكها من طقطقتهم ماتدري كيف صارت عليها نومه .. حتى ليتها سوت معها اكله .. لاا جايتهم تصفق يديهاا يله ماعليه لااسمع لاارى لااتكلم .. شافت اصايل جالسه بالصاله وعاصبه راسها وبحجرها بنت مرام تهزها : احمم السلام اصايل مصدعه وبالعافيه ردت : وعليكم السلام شروق ابتسمت بتسليك وراحت للمطبخ وهي تسمع اصواتهم .. اليوم عمها عازم كل عياله .. وقفت ع الباب تناظرهم .. آمنة تغرف الشوربه .. فرح ترتب الفطاير بالصحون .. وبنتها بتول بيدها صينيه تحط فيها من الصحون وتاخذ للسفره .. ولاء تسوي عصير : دايماً ننساه الحمدلله المويه البارده كثيره رحاب تطلع الحليب واللبن من الثلاجه وتنادي ع بنت فرح : جووود باالله دخلي كل البزارين وخليهم يغسلون آمنة : بسرعه بنات جهزتو الصينيه بتول : جدتي وين الملعقه الي يحبها جدي مالقيتها رغد بنت اصايل انتبهت لشروق وتأشر بيدها بوسط الازعاج وتضحك : حفله حفله اختها مرام تضربها ع راسها : تحركي بس نواف من وراها : وش تسوين هنا شروق الي بعبايتها ومتحجبه وبيدها نقابها : بساعدهم نواف : روحي داخل بيجي منذر شروق مشت وهي بخاطرها تساعدهم .. نواف مخليها عندهم شيخه .. تبي تقطع هالرسميه الي بينهم فصخت عبايتها ورتبت شعرها وهي تناظر السفره .. حست بطنها تمغصها من الجوع .. تموت ع طبخهم * ابو نواف جالس ع السفره وحوله نواف ومنذر وازواج بناته واحفاده العيال .. ردد بداخله ( اللهم لك الحمد حمد الشاكرين الذاكرين حمداً يليق بجلال وجهك وعظيم سلطانك حمداً كثيراً طيباً مباركاً ) * بعد التراويح .. بدو يجون الحريم والرجال الي عازمهم ع السحور .. شروق جالسه بصمت تناظر خوات زوجها كيف سوالف وضحك مع اخواتها من ابوها كلهم بنات عم ليش رسميين معها هي وخواتها ميانه هي احق زوجه اخوهم من سنين مو توها حتى غصب عنها تفكر شلون بيعاملون زوجه منذر .. العمال بدو يشتغلون ببيته نفس نظام بيتهم وبنفس ارض ابو نواف .. هه من اول شي بتسكن ببيت مستقل مو مثلها جلست كم سنه ببيت اهل نواف لين جهز بيتهم اكيد بيحبونها ماهي زوجه منذر حبيبهم .. كم شهر وتحمل .. شكثر يفرحون .. اول حفيد من ولدهم .. اول مره يصيرون عمات حتى نواف بيصير عم ولد اخوه الصغير .. وهو الكبير ماصار اب .. انا راضيه بنواف واحبه .. وش ابي فالاطفال اذا مو هو ابوهم انا ماابي الاطفال عادي .. بس ماابي يقارنون مع زوجه منذر .. ماابي اتهمش فوق تهميشي * في ملعب الكوره .. منذر جالس وجنبه عايض يتابعون مباراة شاهر .. عايض : اذا خلصت المباراه خل نسلك له وانه لعيب محترف منذر يلف عليه : هذا الصدق مو تسليك لعيب ماشاءالله عليه عايض يضربه ع كتفه : ياشيخ عن الخرط اعترف ان لعبه مخيس مارح اعلم ريميه منذر يكور يديه ويناظر عايض بدون ماينتبه : هو انت تكلمها عادي عايض يضحك بسماجه : ههههه اي بنت خالتي هي منذر : ايه ومايجوز انك تكلمها ولاتشوفها اصلاً عايض : ياهووه تراني ورع صف سادس لايغرك الطول والله والريميه الي غيران عليها كثر الله خيرك بتطلعها من بيتنا النفسيه العقبه لضاري ياخذ العوبا ويطلعون من البيت منذر سكت ووكتم قهره بنفسه .. وناظر ساعته ووقف : انا بروح عندنا عزيمه وجيت شوي عشان خاطر شاهر عايض طلع جوال شاهر الي يدق بجيبته وابتسم ولف الجوال لمنذر : شووف منذر ناظر الجوال وقرأ "اختي نور عيوني" وناظر عايض بعدم فهم .. عايض والابتسامه شاقه حلقه : جوال شاهر يالهطف منذر يحس مخه علق وكل شي فيه علق عايض يهز الجوال : بسرعه كم تدفع وافتح السبيكر منذر اخذ نفس بهدوء قد مايقدر : الرقم الي تبيه عايض يفتح الخط بسعاده : هلااا بالخيير والرزق هلااا منذر غمض عيونه يحاول يتهيأ لسماع صوتها ودقات قلبه ماهدت .. بس فتح متفاجأ من الصوت ام عايض بصراخ : يمال الي مانييب قايله وين قلعت جوالي صار لي ساعه ادور عليه عايض ارتبك : ااا يمه شسمه مدري مااذكر منذر عطاه نظره مغبونه ومشى عنه .. * بعد يومين .. طلعت من المستشفى ويدها بيد ضاري وبيده الثاني كيس ادويتها .. تحس الدنيا صاكه بوجهها والتعب هاد حيلها اريج : علاجك تحافظين عليه تبين يسوون لك عمليه قلب وانتِ بعمر الزهور ضاري يفتح السياره بمفتاحه من بعيد : انتِ لاتتدخلين فيها اريج : بعد حط اللوم علي مو انت الي جابرها تتزوج صاحبك ضاري تجاهلها وهو يفتح الباب الي قدام لريميه .. ركبت وهي ساكته واريج ركبت ورا ماعلقت ليش يخلي ريميه قدام يكفي الي فيها .. بعد الفطور طاحت عليهم بالمطبخ من الضيقه ووجع قلبها ضاري حرك السياره بصمت وهو موجوع عليها .. من بعد الي صار قلبها ماعاد يتحمل شي .. مضى الطريق بصمت من الجميع .. ضاري وقف عند الممشى : انزلو نمشي شوي الدكتور يقول المشي زين والجو الطبيعي اريج تمشي بنص ضاري وريميه وتبي تهذر اي شي يكسر الصمت بينهم : الجو عليل يجنن ضاري يناظر قدام : تدرين وش معنى عليل اريج تنحت هي تسمع الكلمه ولا تعمقت فيها وبسخريه تقلب عليه : لا عيوني علمني ضاري يدخل يدينه بجيب بنطلونه : علمي نفسك اريج : هاها قول انك ماتعرف ريميه تنهدت بتعب .. ابد مالها خلق اي شي وهذول يتناقرون ع تفاهه ولفت عكس اتجاههم ومشت عنهم تختلي بنفسها احسن اريج كانت بتلف وراها بس ضاري مسك يدها : خليها تمشي بروحها اريح لها اريج لفت وصارت تمشي معه وهم ساكتين .. ماتذكر متى اخر مره طلعت معه لحالهم ضاري : وش تفكرين اريج : وش شعورك لما امي خطبتك لي ضاري وقف ولف عليها متفاجأ .. اريج ضحكت وتضربه ع كتفه : امزح امزح ضاري بدون مايضحك : مزحك ثقيل اريج : اشيل معك هههههههههههههه اخخ ضاري يكتم ابتسامته ويتأفف وهو يمشي : ياصبر الارض * الساعه 1 ونص صباحاً .. ابو نواف بيده كتاب التفسير وعلى يمينه زوجته امنه وبناته وبناتهم وعيالهم الصغار وعلى طرف جالس نواف وجنبه شروق .. ابو نواف : قبل نبدأ بتفسير سورة الحجرات واسباب نزولها مين يقولي هل هي مكيه ام مدنيه شروق بسرعه سبقتهم : مدنيه نواف ابتسم بحب .. ابو نواف : شاطره بنيتي "وناظر جود ع يساره وبيدها الدفتر" حطي نقطه عند اسم شروق جود الي تعتبر مديره اعمال جدها دايماً هي الي تساعده بفقراته الرمضانيه .. وبدا ابو نواف يقرأ كل ايه ويفسرها .. والكل هادي ومنصت له بتركييز لين سمعو دق ع باب الصاله .. منذر : احمم في حد بالطريق نواف زفر بشويش ووقف واشر لهم كملو وطلع له .. فتح الباب وناظره بااحتقار : هاا خلصت هياته منذر يحاول يتجاهل نظراته : خل اهلك يتغطون بدخل غرفتي بنام نواف : تنام !! لاسحور لا صلاه فجر نفس المسلمين انت متأكد انك طلعت في هالبيت الصالح منذر بنرفزه : كاافر وانا مدرري حد قايلك اني بنااام للفجر سااعه بريح وببس نواف : وجعع لاتعلي صوتك علي اشوف صرت طولي نسيت اني اخوك الكبير منذر : اخووي الكبير اخوي يعني مالك حكم عليي مانيب ولدك اناا نواف وانضغط ع الوتر الحساس .. دفه بقوه ع ورا ومنذر طاح ع الارض ماكان مستعد لدفته : لي حكم عليك غصب عن خشمك اذا انت شايف نفسك رجال انا اشوفك نقطه سودا لهالعايله خريج السجون الفاشل منذر وقف وبدون تردد هجم عليه وكل واحد حيله قوي .. ويتضاربون من قلب ولا كأنهم اخوان من بطن وحده لما سمعو اصواتهم طلعو بسرعه يفكون بينهم .. ابو نواف مسك نواف وشد عليه : انت الكبير اعقل ليه هالمضارب اعوذ باالله من ابليس امنه جلست ع الارض عند منذر الي تنزف شفاته وثوبه تقطع : يايمه ليش توجعون قلبي اخوان انتم كيف تضربون بعضكم كذا نواف يتنفس بسرعه وهو يشوف امه تمسح ع راس منذر : اييه لميه وطبطبي عليه ماخربه الا دلعك له منذر يناظره بكره لحظي : انقلع عني قسم باالله ساكت الحين عشان ابوي البنات عند الباب يناظرون برعب هوشات العيال تخوف .. نواف فك نفسه من ابوه وتفل عند رجول منذر ومشى طالع لبيته .. ابو نواف ناظر منذر : وش صاير منذر وقف وعدل ثوبه : يتدخل بنيتي وبكل شي قل لولدك حدده سكت له كثير ومشى هو الثاني عنهم طالع برا البيت .. شروق بعد ماراح منذر .. طلعت بسرعه بتلحق زوجهاا * * نهايه البارت الرابع .. | |||||
|  |
|
25-10-22, 06:41 PM
| #27 | ||||||
| كاتبة في قسم وحي الاعضاء
| اقتباس:
ايوه حسيته قصير عشان كذا ان شاءالله بحاول انزل بارت يوم السبت تعويض 🤍 | ||||||
|
| |
 |
| أدوات الموضوع | |
| انواع عرض الموضوع | |
|
|
1089Likes
العرض العادي
