29-10-22, 08:06 PM
| #31 | |||||
| كاتبة في قسم وحي الاعضاء 
|  هدية مساء هذا اليوم 4/4/1444 * " البـارت الخـامـس " * * دخل مع شاهر لمجلس الرجال وهو يعدل شماغه وبيده كيس مخفي .. شاهر طلع يجيب القهوه والضيافه .. منذر جالس ويمسح ع دقنه بتوتر وبداخله منحرج من نفسه "متوتر من ريميه البزر الي طول يدي اييه عشنا وشفنا" * في المطبخ .. اريج بدت تسوي القهوه بدون ماتتدخل ريميه تحاول تكون هاديه : ضاري قال شوفه ماافي جااي اقعد معه انت انا ماني طالعه له شاهر يناظرها بقميص لنص الساق طفولي وشعرها رافعته فوق بشباصه ومو مرتب : روحي بس اجهزي واطلعي سلمي عليه حرام جايب معه هديه شكله ريميه ودها تصرخ عليه بس ماتبي تشككه : ماابي استحي وضاري مو موجود مره ثانيه اريج : خذ القهوه للرجال وانا اتفاهم معها شاهر اخذ القهوه وطلع .. ريميه ع طول ناظرتها : لاتحاولين اريج سكتت وهي تشوفها تطلع من المطبخ .. شوي سمعت صوت باب غرفتها ام عايض دخلت للمطبخ : هذي الي بتهجج المعرس منها اريج : قالت لكم ماتبيه تغصبونها ليه ام عايض تفتح الدولاب بتسوي لها نعناع : والله كان تعيدي فالسجن انتِ وهي من وين لنا 50 الف اريج تنهد : الله ياخذك يافاطمه جعلك ماتوفقين بحياتك طول رمضان بدعي عليها المنافقه ام عايض تناظر شكلها : روحي وانا امك تزيني ورتبي عمرك خلي رجلك يشوفك بااحسن صوره لايصير حظك مثل حظي اريج تناظر بجامتها : وش فيه شكلي اذا بيحبني بيحبني نفس ماانا هذي انا الحقيقيه مو لازم اتصنع عشان اعجبه ام عايض : مالت عليك من قال ان الواحده لاتزينت معناته تصنع * ضاري الي جا ولقى منذر موجود .. اخذ فنجان القهوه من شاهر وبنفسه "بدا حركات الخطيب اللصقه" شاهر : دام جيت ياعمي انا بستأذن العيال ينتظروني ضاري : الله يحفظك منذر يسترخي بجلسته متعمد نرفزه ضاري : خذ راحتك ماني غريب شاهر ابتسم وطلع .. ضاري : ماشاءالله مسرع اشتقت تونا من اسبوعين شايفينك "ويحاول يخفف دمه يلطف نبرته" هااه بدينا مسايير المملكين منذر يضحك يسلك : هههههه لزووم هالمسايير فتره ماتتعوض ضاري بهدوء : بس ترا ريميه رافضه تواصل قبل العرس لاتلومها هي صارت تخاف ماهي متعوده الا علي وشاهر منذر : ماني لايمها بس احاول اخليها تاخذ علي ضاري : بكيفها انا مارح اجبرها ع شي هي امانتي منذر كتم غيضه وبهدوء : قلها بس اسلم عليها ضاري وقف بتثاقل : نحاول فيها ماعليك خاطرك كبير عندي احاول قد مااقدر منذر يناظره وهو يطلع وملامحه عليها علامات القرف .. * اريج تطلع العلبه من كيس الهديه : والله شكله جوال ريميه سانده ظهرها ع ظهر السرير .. وتناظرها بملل ماصدقت طلع من بيتهم وجوده يكتمم وكأنه اخذ كل الهوا الي ببيتهم ضاري الي وصل الهديه بعد ماراح منذر لما يأس تطلع له ريميه .. اشر لريميه من ورا اريج .. تحمسي .. ويمسك دقنه عشااني .. وطلع اريج تفتح الكرتون وشهقتت : يااويلي اخرر موديل ولونه يجنن ريميه اخذته منها : اشووف اريج : من قدك ماخذه بطرران جوال مغلف بورد وحركات افتح العلبه الثانيه ولا انتِ ريميه اخذت منها العلبه الثانيه وفتحتها وهي ساكته .. كان طقم سلسال ناعم .. عجبها .. اريج تسحب الكرت الي ماانتبهت له ريميه : افتحه ؟ ريميه توترت : لااا اريج ضحكت وعطتها الكرت وطلعت .. ريميه تناظر الكرت بتردد .. وفتحته وطلعت الورقه " اشتقت لك ياعساني اتذرى بوجهك الباهي كل عمري " نفس خطه ماتغير .. تذكره حست قلبها يدق بخوف وهي تتذكر كلام ضاري " مسوي فيها حبيب وراضي بعيوبك قبل حسناتك " بسرعه رجعت الجوال والطقم فالكيس وشالته وخبته في دولابها .. وتنفسها واضح بخوف حطت يدها ع قلبهاا ياالله انا شلون بشوفه .. شلون اروح معه .. مو بيدي والله اخاف .. منظره وهو يقتل قدامي مو قادره انساه عقلي يقولي هو ماقتله الا دفاع عنك .. بس الصوره صعبه تخوف .. ابيه ينمحي بصوره ذيك ماابي اشوفه مره ثانيه .. ياالله ارحمني برحمتك * يوم العيد .. طلعو من بيتهم الي بنفس ارض بيت بو نواف نواف مسك يدها وهم يمشون بالممر الحجري .. واصوات اناشيد العيد طالعه من بيت اهلهم ناظرها : كل عام وانا احبك اكثر شروق ضحكت بحب : الله يلوم الي يلومني فيك ودخلو من باب الحريم .. ونواف واثق ان كل الي داخل محارمه .. مد يده قدام شروق لما سمع صوت منذر : خلك هنا منذر يلبس امه سلسال والبنات يصورونه : احلا من العقد لباسه والله امنه تحضنه بحب : انا هديتي شوفتك بخير ومبسوط رغد وبيدها جوالها وتوقف قدامهم : لحظه خالي لاتتحرك ابي سلفي مع هالحضن الجممييل الكل لف ع نواف الي وقف عند زاويه المدخل ويناظر منذر : رح لمجلس الرجال معي اهلي منذر وخر عن امه ومشى طالع وهو ساكت .. رحاب تهمس لولاء : البرنسيسه شروق فرح : ستشرق الشمس الان من جديد دخلت شروق بعد ماناداها نواف وسلمو ع الكل وعايدوهم .. نواف جلس معهم شوي واخذ فنجال من ولاء : فطوركم الساعه كم ولاء : شوي كذا ع 8 ونص نواف سكت وهو يناظر لبسهم .. وقفت انظاره ع رغد وبتول : كم مره نقول القصير هذا لانشوفه بهالبيت فرح بتدافع عن بنتها : ماهو قصير حيل لاتبالغ نص الساق نواف : البنت كل ماقصر لبسها قل حياها اصايل : عند محارمهم الله يهديك نواف : حتى ولو انتِ يالام بتتحاسبين كاسيات عاريات بتول تميل راسها ع رغد وتهمس : لو لبسنا قمصان ابرك نواف لف ع امه : تبين اوديك لخالاتي بالليل امنه : لا ارتاح يمه منذر قال يوديني نواف وهو كل عيد هو يوديها .. وهالعيد منذر موجود : اظن هذي شغلتي انا كل عيد مو من حقه ياخذها انا اوديك واسلم ع خالاتي رحاب : روحو مع بعض عادي كلكم نواف خلص فنجانه ونزله ع الطاوله : هذا الناقص "ووقف" يله انا بروح عند الرجال بعد ماطلع .. جود طلعت ضحكتها الي كاتمتهاا : هههههههههه ااخخ القطو اكل لسانك انتِ وهي قايله لكم خالي نواف بيمصخركم بتول تقلده : كاسيات عاريات عمماا رغد بقهر : نص رجلي باينه بسس والكم طويل وكل حاجه مرريض ورربي اصايل : احمم كح قوومو يابنات شوفو الفطور البنات استوعبو وجود شروق .. وابتسمو بترقيع ومشوو شروق تتقهوى وهي ساكته .. تدري بيظنون انها رح تعلمه .. او حاقده عليهم ليه يتكلمون عليه علاقته بااهله مالها دخل فيهاا اهم شي انه كويس معهاا * جالسه جنب عمها وبيدها اسكريم تاكل بشويش وتناظر شاهر وعايض الي يلعبون ويضحكون .. ضاري يضحك عليهم : ههههه قومي العبي خلي عنك العقل الزايد ريميه تهز كتفها : عادي مو مشتهيه العب ضاري : كنتي تحبين هالالعاب وماتخافين ريميه تناظر قدام وبهدوء : ايه كنت ضاري سكت .. تعب يحاول يسعدها ومايلقى منها الا البرود .. الصباح عايدتهم ببجامتها ورجعت نامت وبالعافيه اقنعها تطلع معهم وتشوف الناس .. اريج رجعت بعد مااشترت لسارونه دبدوب : شووف انبسطت عليه ضاري يشيلها عنهاا : يارووح ابوك اريج ناظرت امها : خلي ساره عندهم وتعال نلعب انا وياك ضاري ناظر ريميه : تعالي معنا ريميه حطت اسكريمها جنبها ومدت يديها : لا ماابي عطني سارونه واخذت ساره بحضنها .. وهي تشوف ضاري واريج يروحون .. ام عايض : كلمتني ام نواف عزمتنا بكره جمعه العيد عندهم ريميه : ماتقصر بس محد رايح ام عايض : لا ياعيني بنروح كلنا ريميه بعصبيه : روحو انتم انا ماني رايحه مايكفي اجبرتوني ع ولدهم مارح اطب بيتهم لو ايش ام عايض تحط اصبعها فوق خشمها : من فوق ذا ريميه حطت ساره بحجر خالتها ومشت عنها وهي شوي وتبكي .. خلاص ماعاد فيها طاقه تحمل تحس ارتباطها فيه كاتمها .. ماعاد فيها تصبر لازم تعجل بالزواج وتنتهي هالسالفه مره وحده لمتى بتعيش بهالقلق * كانت تمشي وهي ماسكه عباية خالتها وتناظر حولها فخامه الحديقه والبيت .. تتذكر منذر كان متواضع معهم معقوله الي يسكن هالبيت يكون بذاك التواضع .. كان يعلمها وتسأله اسئله غبيه ويجاوبها بكل روح حلوه اريج تهمس : ياحظك ياريميه تكوني اغبى الاغبياء اذا للحين ماتبينه ريميه ماردت عليها وهي تشوف ام نواف تستقبلهم بحفاوه البنات بعد ماتأكدو من اشكالهم بمرايات المدخل راحو معها لمجلس الضيوف .. كان مليان ريميه ماعرفت الا ام نواف واصايل ورحاب لانهم الي حضرو كتب الكتاب * مرام دخلت المقلط الي له باب خارجي .. وهي تدق رقبه وتناظر خالها : جت العروس جت منذر ومرام يعتبرها صديقه اقرب بنات اخواته له : هااه شلون بردي قلبي مرام : حلوه والله بس احسها متوتره مره ماتبتسم ونظراتها مبين مو مرتاحه منذر : ابي اشوفها دبري لي اي طريقه مرام تلوي فمها تفكر : والله مدري شلون هي جالسه بالمجلس ماطلعت ولا تاخذ وتعطي مع احد منذر يدفها للباب الداخلي : ماهي صعبه عليك ادري بسرعه لاتطولين مرام ضحكت وطلعت من المقلط وهي تفكر .. راحت للمجلس الي كله اصوات سوالف الحريم المتداخله وازعاج اخذت القهوه وفناجين وبدت تقهوي رغد وبتول اخذو منها القهوه وهم مستغربين وش جاها تقهوي جود : مراموه لايكون حاطه لنا منشطات مرام : اي وكملت لين وصلت لريميه وطيحت القهوه ع فستانها متعمده .. مرام شهقت : بسم الله عليك معليييش والله ريميه والقهوه ماحست بحرارتها لان الفنجان مو مليان بس توصخ فستانها : حصل خير ماحرقني اريج تناظرها متأكده انها متعمده يعني من بد كل هالناس ماتكب القهوه الا ع ريميه لو ماهي بنت اخو منذر كان قالت انها تبيه مرام تمسك يدها : قومي معي اغسله لك ريميه راحت معها وهي متوتره من نظرات الحريم ويسمون عليها .. راحت تبي تختفي عن انظارهم وتختلي بنفسها شوي * مرام ودتها للحمامات البعيده عن المجلس .. مرام بعد مامسحت فستان ريميه : خلاص بس احس يبي له تنشيف بسيط انتظريني هنا اجيب المكوى واجي ريميه براحه تبي تتنفس شوي : تمام يعطيك العافيه وبعد ماراحت سندت يديها ع الرخام وناظرت المرايا .. خذي نفس ريوم واهدي مابقى شي وتطلعين من بيتهم رفعت نظرها للباب الي انفتح وراها .. رمشت بعيونها اكثر من مره تستوعب الي دخل ووقف عند الباب يناظرها .. تحس صوتها انقطع تبي تصرخ تتكلم شي اختفى وضغط كبير ع كتوفها وراسها ثقل شوي وتطيح .. مين هذاا ؟؟ * * نهايه البارت الخامس .. | |||||
|  |
|
30-10-22, 02:48 PM
| #34 | ||||
| لا القفلة موووت مادري كيف ريميه مازالت تحب ضاري وهو اللي سبب في دمارها ودمار منذر مادري ليه ضاري كاره لمنذر فوق من قبل كان مسكنه بشقته ببلاش وقام بشي مايسويه حتى الاخو بس نكران الجميل والغيرة وقل المرؤة كلها في هالضاري الوسخ جميل البارت واصبحت اترقب نزوله كل اسبوع لا تطولين علينا ياجميلة | ||||
| |
|
01-11-22, 04:23 PM
| #35 | |||||
| كاتبة في قسم وحي الاعضاء
| سبحانكك ربي قسيس شكراً لتواجدكم الجميل🤍🤍 * " البـارت السـادس " * رفعت نظرها للباب الي انفتح وراها .. رمشت بعيونها اكثر من مره تستوعب الي دخل ووقف عند الباب يناظرها .. تحس صوتها انقطع تبي تصرخ تتكلم شي اختفى وضغط كبير ع كتوفها وراسها ثقل شوي وتطيح .. مين هذاا ؟؟ سلمان يناظرها عادي : ابي الحمام نواف طردني ريميه تحط يدها الي ترجف ع فمها ويدها الثانيه تضغط ع الرخام ماتبي تطيح .. سلمان يروح لاقرب حمام ويفصخ نعاله ويرتبهم ع جنب ويلبس الشبشب ويناظر شبشبه وكأنه يكلم نفسه : نواف الدب مايخليني اتكلم مع الرجال ويضربني الله يشيله ال.. ريميه تضغط بيدها ع فمها مرعوبه انها مع رجال بمكان بروحهم .. ومن اللفظ القذر .. ومن الرجال الغريب .. من شكله ونظراته مبين انه موطبيعي رفعت نظرها للباب الي طلعت منه مرام .. شافت رجال يدخل مادققت فيه من الثقل الي تحسه يضغط اكتافها وراسها .. ظلمت عيونها طاحت ع ركبها دايخه وبعدها ماعاد حست بشي منذر لحقها قبل يطيح راسها ع الارض وصار راسها ع حجره وهو يناظر سلمان والشر يطلع من عيونه سلمان بسرعه وهو شاد باب الحمام : انا حشران والله ماضربتها منذر يصارخ عليه : اطلع برا اذلف من هناا سلمان يهز راسه كأنه طفل : لاا لااا ماني طالع انا حشران "وفتح الباب ودخل وقفله بقوه" منذر بربكه يناظرها ولف للباب وراه بصوت عالي : مرااام مرررام مرام الي كانت تنتظره قريب جت بسرعه : يووه بسم الله عليها ايش صار منذر رافع يدينه بالهوا وبتوتر : مدري لقيت سلمان هنا خذيها مرام تجلس جنبهم وتضرب ع خد ريميه بشويش : ريميه اصحي بسم الله عليك منذر لما سمع صوت السيفون .. بسرعه تحرك وشال ريميه وطلع من الباب الي جا منه ووراه مرام .. نزلها ع الكرسي الي بالممر .. ومشى بسرعه تارك مرام تصحيها لما طلع برا وقف يناظر السما مسح وجهه بيده .. وقفت يده ع خشمه وهو يشم ريحتها ناعمه وهاديه .. مثلها .. غمض وصوره ملامحها بباله .. تغيرت حييل وين هذيك البنت النحيفه السمرا .. الجلابيه والحجاب البنت الي بين يدينه تو يحس انه مايعرفها وجه جديد عليه .. يمكن لو كانت فاتحه عيونها عرفها .. عيونها الي كانت اجمل شي فيها وتجذبه ياترى وش تغير فيك ياريميه اكثر ..!!؟ يحس بخوف غريب يسكن صدره * شروق بعد مااغلب الناس راحو .. طلعت بتروح بيتها قابلتها آمنه : وين بتروحين بدري اسهري مع البنات شروق بنفسها "خلهم يشوفوني اول عشان اجلس معهم" : نعسانه مانمت الظهر آمنه : زين نوم العوافي شروق طلعت من الباب الخلفي وهي لابسه عباتها متحجبه .. مافي احد .. ناظرت بيت منذر الي شبه جاهز وقبال بيتها .. بعد فتره مارح تاخذ راحتها كذا لازم تتغطى تحس جزء منها مرتاح البنات مااعطو ريميه اهتمام زايد .. عادي كأنها وحده من الضيوف هه مدري شايفات انفسهن ع ايييش .. اذا انا مسحوب علي يله معروف السبب بس ريميه !! تعتبر عروس ولدهم وين الحفاوه احس كأنهم مو طايقينها رسميين معها ولايعلمونها شي عشان تفهم هل هم راضيين عن هالعروس او لا .. دخلت بيتها وقفلت الباب بهدوء .. فصخت عبايتها وعلقتها ناظرت حولها نواف مابعد جا جلست بالصاله تنهدت : ايييه اجلس لحالي بطفشي بس عازه نفسي ولااجلس معهم نفس الاطرش بالزفه رجعت براسها ع ورا وهي تتذكر لما خطبها نواف .. وصلها كلام ان اهله مايبونها يبون من اخواتها من ابوها هي بنت الساحره مايبونها حتى طلع كلام وشوشره ان امها سحرت نواف عشان يخطب بنتها .. نزلت دمعه غصب .. "شذنبي اذا امي سحرت ابوي واخذته من زوجته وعياله.. شذنبي لما انفك السحر وابوي صحى ع نفسه كره امي وطلقها وهي حامل فيني .. شذنبي اعيش مشاكل من الصغر امي ترميني ع ابوي حاقده عليه ليش يرجع لزوجته وهو مايبيني .. شذنبي امي تتزوج واعيش عند جده قاسيه ساحره والكل يدعي عليها .. شذنبي ابوي ياخذني عنده مجبور من كلام الناس علي واعيش مهمشه ببيته .. " غطت وجهها وصارت تبكي بشكل مجنون تبكي وتبكي .. دخل نواف وقفل الباب وهو يسمع بكاها .. راح لها جري : شروق !! وش فيك شروق رفعت راسها تناظره وتشهق ببكا : مخنوووقه نواف يقرب منها ويحضنها بشويش عكس العصبيه بصوته : مين زعلك وضايقك علميني شروق تهز راسها : محد نواف يرفع راسها ويناظر عيونها الباكيه : لاتسترين عليهم علميني وامسح فيهم الارض عشان مايتجرأون عليك ثاني شروق دايماً تخاف وتتجنب تكون سبب بمشكله مع اهله .. تمسح دموعها بااطراف اصابعها : والله محد قالي شي انا بس تذكرت اشيا نواف يحاول يرخي اعصابه الي انشدت : وش تذكرتي شروق تناظره بتردد : يعني فتره العيد وان مااروح لاهلي نواف : وين الي يضايق هذا هم اهلك هنا ابوك شايفته اليوم هم يجونك ماتحتاجين تروحين لهم شروق تهز راسها : ايه نواف وهو فاهم تقصد جهة امها بس مايبي يتعمق بهالموضوع دوم يتجاهله .. باس عيونها الثنتين بشوش ووخر يناظرها : لاعاد اشوف هالعيون الحلوة تدمع شروق تبتسم له .. حب .. شكر .. امتنان .. نواف مكسبها في هالحياة .. يكفي انه الوحيد الي انتبه لها وقت ماالكل مهمشها .. "نواف ولد عمك خطبك" من الصدمه ماقدرت تستوعب من كثر مالخبر مفرح .. تبي تتزوج .. بس ان نواف القوي الناجح الكل يتمناه يخطبها هي ..!!! الغيره والحسد الي بعيون زوجه ابوها واخواتها خلتها تستوعب انه فعلا خطبها بالاسم مو ان ابوها دبسها فيه او شي.. * ام عايض بعد ماجهزت الحنا واغراضها .. لبست عبايتها الراس الواسعه وبرقعها وطلعت للصاله .. شافت عايض وريميه جالسين ع الارض ياكلون عايض : بتتأخرين يمه ام عايض : اييه عندي عروس ومسويه ليله حنا لاتحسبوني بالعشا اتعشى هناك ريميه بعد مابلعت لقمتها : بالتوفيق خالوه عايض وهو يناظر امه تطلع : خساره كنت ابي السياره ريميه تقطع خبزه : هه ع اساس بتعطيك عايض يتأفف : ياربي ليه خلقت امي جلده والله امي تطلع ذهب بس ماتعطيني الريال الا بطلعه الروح ريميه تفكر : شوف صح خالتي بخيله بس ترا تحط فلوسها بااشياء صامله يعني الحمدلله ماقاصرنا شي بس الترفيه ممنوع عايض : وش فايده الفلوس بدون ترفيه ريميه تكمل اكل : تكبر وتفهم عايض : ابلعي وانتِ ساكته مسويه كبيره علي هالله العظيم * وبرا البيت .. تشغل سيارتها مو راضيه تشتغل تحاول ابد مو مشتغله تأففت لما شافت سلوم الواجد يجي لجهتها وياقف بعيد عن السياره : عسى ماشر يالهنوف ام عايض بدون ماتنزل : ام عااايض تاج راسك توكل عن وجهي يله لاابو ذا الوجه سلوم الواجد يرجع شماغه ورا : افاا علامك علينا وش غلطنا عليك فييه ام عايض : احشم شيباتك واذلف عن وجهي مب ناقصتك انا وطلعت جوالها تتصل ع ضاري .. * جالسه متربعه قباله وهي تشوفه يحسب ورقها كم شالت .. يلعبون باصره .. ورفعت حاجب لما ناظرها : قلت لك ماغشيت ضاري يرمي الورق : خلاص مبروك انتهينا اللعبه خلاص بطلع اريج تنط بسرعه وتوقف قدامه لما نزل من السرير : وين تطلع باقي مكافئتي عشان فزت ضاري يلم يدينه لصدره : وش تبين اريج تمسك يده لما سمعت جواله يدق : خله الحين اسمعني انا ضاري ناظرها وكأنه هايم فيها : اسمعك انتِ واسحب ع كل الناس عشانك امري تدللي اريج تخفي ارتباكها ضحكت ورفعت عيونها تناظر فوق شوي وناظرته : ابي نسافر انا وياك ضاري كشر بملامحه : وشوو !؟ اريج تناظره بااصرار : نسافر انا وياك ضاري : صاحيه انتِ تدرين ان فلوسي ع قدي مايمدي سفر وهالخرابيط اريج : انا مجمعه من راتبي يكفينا ضاري يناظر اصرارها بااستغراب : وين تبين اريج تقرب منه وعيونها بعيونه : ابي اروح الجنوب او اي ديره تبيها اهم شي اكون معك بروحنا ضاري توتر مايدري ليش يحس انه خايف منها : تمام متى تبين اريج : بعد عرس ريميه ضاري بهدوء : طيب هالشي بيننا لاتعلمين احد اهم شي ريميه اريج ابتسمت برواق ورفعت يدها : تم ضاري رد الابتسامه بتوتر : ان شاءالله اريج تناظره يلف يدور جواله الي يرن مره ثانيه .. ضاري فتح الخط : هلا عمتي .. يله جايك اريج بعد ماطلع وقفل الباب وراه .. جلست ع السرير : هه وانا الي ظنيتك شهم ترفض تسافر ع حسابي وتدبر انت الفلوس اووف ياربي وش هالزوج * يوم الزواج .. تمغط يدينها وتحرك كتوفها بتعب .. تناظر مكياجاتها وحوسه الغرفه .. مالها خلق تحط لنفسها مكياج تعبت سوت لام نواف واخواته وبناتهم .. تحس مقهوره من اخوات نواف كلهم الاربعه ولا وحده شكرتها نفس امهم وبناتهم مدحو شغلها .. من الذوق يشكرون يقولون لها كلمه حلوه .. سوت لهم المكياج ببلاش متأكده انها غيره وحسد ليش هي موهوبه .. واكثر ناس مبسوطين برفض نواف انها تشتغل وتروح للناس هم .. بس الي تبيها تجي لها ببيتها تسوي لها رتبت اغراضها .. وهي قبال المرايه وتلف الربطه ع شعرها .. ولاء دخلت ومعاها خالتها : هه هذي شروق الحمدلله للحين بمكانك امي تقول حطي لخالتي شوفي حرام مكياجها مو عاجبها ام حاتم : ماشاءالله تبارك الله لما شفت اختي وبناتها مكياجهم يفتح النفس مبدعه الله يحفظك شروق تحاول تبتسم : الله يسعدك تمام تعالي اجلسي امسح لك ولاء ناظرت شكلها بالمرايه بااقتناع ولفت ع شروق : يعطيك العافيه شروق وهي تشوفها تطلع همست : الله يعافيك وبدت تسوي لام حاتم وهي تسمع صوت الدقاقه .. شكله بيخلص العرس وهي ماجهزت وطلعت للناس تحس بقهر تبي تجهز وتطلع من بدري ويصير لها حضور .. هي زوجه نواف * عريمان واحمد واقفين قدام منذر الي كاشخ وبالبشت .. ويغنون بصوت واطي بعد ماباركو له : شـن كليلة شـن كليلة شو هالليلة شو هالليلة مـن هالليلة حمل السلة ومن هالليلة صار له عيله الله يعينه على هالليلة نواف الي جالس ع الكرسي يسار منذر ويناظرهم بطرف عينه .. منذر يضحك : اقلب وجهك انت وياه عريمان : ووعريس الزيين يتهناا احمد يدف عريمان وهو يضحك : امش الناس بيسلمون عليه عريمان وهو ماشي يضحك ويغمز لمنذر ويحرك فمه بدون صوت "الله يعينه على هالليله" منذر صد عنهم وهو يستقبل المباركات من الناس .. سعادة اليوم لاتوصف يحس واخيراً الحياه ضحكت له .. كم ساعه بس ويخلص العرس ويشوفهاا عروس له .. ياالله كم لبثناا ..! ضاري الي جالس بالبشت والابتسامه شاقه وجهه وهو يسلم ع عم منذر : ابدد والله منذر رفيق عمري وهذا يوم السعد الي اشوفه معرس والعروس بنت اخوي عم منذر : الله يوفقهم ويسعدهم ياارب تشرفت والله بمعرفتك نواف يناظر ضاري مو قادر يبلعه مع انه بشوش ولسانه عسل .. بس ابداً ماارتاح له * جالسه ع الكنبه بفستانها الابيض .. رفضت تنزف ع طول جت ع جناح العرسان تناظر الساعه الي ع الجدار باقي اقل من 24 ساعه وتتخلص من هالكابوس .. غمضت عيونها متجاهله كل الي حولها .. انا اقوى وبتحمل اريج ترفع التكييف وتناظر رحاب : وين مصورتكم تأخرت فرح دخلت ع سؤالها : والله رفضت تطلع لجناح العرسان تقول غير قاعه الزواج ماتدخل رحاب تأففت : معها حق صراحه يعني حنا متوقعين ريميه تنزف محد قالنا انها ماتبي اريج اخذت جوالها : تمام رحاب تناظر ريميه الي كأنها تمثال لاتتكلم ولا تتحرك .. ثابته ع نفس الشكل من اول مادخلو تحس بقلق ع اخوها شلون يتعامل معها .. فرح : تعالي رحاب ننزل مايصر نترك ضيوفنا اريج بعد ماطلعو .. وارسلت لصديقتها شمس تجي .. جلست تنتظر وهي تناظر ريميه اول مره تشوفها بمكياج ثقيل مبرز ملامحها طالعه تجنن .. بس ماتنكر بدون مكياج اجمل .. هي صغيره وحلاتها ناعمه وبشرتها حلوه شمس دقت ع الباب : ارييج اريج : تعالي شمس مافي احد ريميه تناظرهم بدون ماتعطي اي ردة فعل .. اريج نادت شمس عشان تصويرها حلو وتبيها تصورها بالجوال شمس بدت تعصب : اووف ريميه تجاوبي معي عشان الصور تطلع حلوه اريج تناظرها صح ريميه بارده .. بس من امس زايد عندها التبلد تحس فيها شي مو طبيعيه ابداً : خلاص شوشو مكفيات هالصور روحي انا الحقك بعد ماطلعت شمس .. جلست جنب ريميه ومسكت يديها البارده : ريموو قلبي والله برودك مخوفني حسبي الله فيك ياضاري اكرهه مايحس قلبي موجعني عليك ريميه تناظرها بصمت .. اريج : لاتكتمين تكلمي ريميه فتحت فمها بتردد .. اخذت نفس : ضاري مااجبرني اريج بااستغراب : اجل ! ريميه : ضاري مجبور لا انا ولا هو نبي منذر اريج تناظرها بحنيه : ليه ؟ ريميه : ضاري يبيع الدنيا عشان خاطري لاتحسبين عليه وتكرهينه ضاري كفوو حطيه فوق راسك "لفت تناظر الجدار وبلعت ريقها قبل تقول" منذر اغتصبني قبل 6 سنوات * نهايه البارت السادس .. | |||||
|
| |
|
01-11-22, 11:19 PM
| #36 | ||||
| لالالالااااا يا ريميه ماااوصلت للكذب حرررام عليكي منذر ساتر عليكي وانتي بتظلميه ،يله استلمي لابد ماتسمع امه او اخواته ذا الخبررر ،الله يسامحك بس 😢. بإنتظار البارت الجاي 🔥🔥🔥ونشوف نواف وريميه كيف بيتقبلون بعض . تسلم يدددينك حبيبتي وطولي لنا البارت الجاي حبيييتتتين انتي كريمه واحنا نستاهل😁😍😍 | ||||
|
| |
|
08-11-22, 05:12 PM
| #40 | |||||
| كاتبة في قسم وحي الاعضاء
| " البـارت السـابـع " * امنه تمسح ع كتف منذر : الحمدلله الي ربي طول بعمري وشفتك معرس منذر مرتبك وقلبه مع الي ورا الباب : الله يطول لنا بعمرك ويحفظك امنه حاسه بتوتر ولدها : يله عن اذنك بالتوفيق منذر لف ومسك يد الباب وغمض عيونه .. يحاول يرخي اعصابه .. مبطي عنها .. مايدري ايش تغير فيها بعد الي صار .. خايف من ردات فعلها يجهلها .. سما باالله وفتح الباب .. لمح البياض ع يمينه صد بسرعه وقفل الباب ورجع لف عليها بحذر .. منزله راسها مو باينه ملامحهاا .. يشوف رجفتها بكل وضووح .. فستانها جمييل .. وشعرها الاسود بتسريحه ناعمه حاول تكون نبرته هاديه ماتخوفها : السلام عليكم ريميه وكأن صوته القشه الي قسمت ظهر البعير .. ارتخت كل اعصابها المشدوده واغمى عليها منذر تحرك بسرعه وهو يشوفها تميل ع يسارها .. كانت بتطيح ع الارض بس مسكها ورجع راسها ع الخداديات يسارها .. سحب يدينه عنها وهو جالس ع الارض .. وعيونه ع وجهها يتأمله مقدر خوفها ومتوقعه .. وبطول باله يكفي انها زوجته وقدام عيونه .. كل شي بعده يهوون قرب عدل راسها زين .. ومدد رجولها وراح للغرفه اخذ البطانيه الصغيره .. ورجع غطاها وهو مبتسم مو مصدق انها قدامه .. سبحان الي زرع حبها بقلبي رجع ع ورا ونزل بشته وشماغه .. وجلس ع الكنبه الي ع يمينها .. اخذ كوب عصير من ع الطاوله وقعد يشرب وهو يتأملها .. * تمسح دموعها وخشمها الاحمر وهي متربعه فوق السرير وبحضنها علبه المناديل : حسبي الله فييه احس قلبي يوجعني والله اني كنت حاسه انها مو طبيعيه فيها شي ضاري منسدح وهو للحين مصدوم من كذبه ريميه كل هذا عشانه .. ماتبي اريج تكرهه .. اخخ ياريميه وين اودي وجهي عنك مثل ماتبين سعادتي ان شاءالله بسعدك بس نخلص من منذر وكل شي يربطنا بالماضي ونبدا من جديد اريج تمسح صدرها بتعب : ااه ياعمري شلون بتتحمل تشوفه وتجلس معه بمكان واحد حسبي الله عليه الله ينتقم منه ضاري : لاتحاتين ريميه قويه تصبر بس هالليله وبعدها تجينا تتطلق منه اريج : ماشفتها ميته وهي حيه احس قلبي يتقطع عليها ضاري : اهدي وغسلي وجهك قلت لك لعنت ابو خيره وهذا هو تزوجها غصب عن خشمه قولي الحمدلله الي ربي ستر عليها اريج تنهد ببكا وارهااق : الحمدلله ضاري سكت يناظرها .. يحس نفسه حقير لان بخاطره وده ينفجر ضحك عليها بس صابر هو مو حقير لهالدرجه هههههه .. لف يساره معطيها ظهره وابتسامته ع وجهه يكتم ضحكته قد مايقدر اريج وهي تنزل من السرير وتهف ع وجهها بيديها : اخخ بغسل وجهي واصلي ركعتين وادعي عليه ال.. ضاري رجع اقتلب ع ظهره ولف يدينه تحت رقبته وهو يشوفها تدخل الحمام .. ماتصفى كذبه وحده هو الكذب يجر بعضه وتكثر الكذبات ؟ماينتهي ..!؟ ناظر ساعة الجدار وتنهد : اخخ ياريميه وش صار معك * قفلت باب الغرفه بسرعه بيد ترجف .. سندت جبينها ع الباب تحاول تضبط انفاسها وتستوعب انها عدت بسرعه بدون مايحس فيها ويصحى قدرت تنحاش للغرفه وتقفل ع نفسها همست : والله ماافتح لو اموت هنا ناظرت فستانها الي كاتم ع روحها من اول مالبسته .. حاولت تفكفك الطرحه ولفت ع المرايه الطويله تفك وتسحب لين قدرت ترميها بعييد .. وفصخت الفستان الي كان سهل ورمته ووخرت بعيد عنه .. ناظرت الغرفه خساره ان مافي حمام هنا راحت لشنطتها فتحتها بسرعه واخذت لها بنطلون كحلي وقميص ابيض ناظرت المرايه بتعب وكأنها بذلت مجهود كبير .. باقي الميكب والتسريحه .. تبي تمسح كل شي تحذف كل شي تنهي هاليوم .. ماتدري الساعه كم بس وييين الشمس تأخرت .. تأخرت حيل تمسح وجهها بالمناديل المبلله وهي تبكي وتهمس : ابي ضاري ابي شاهر بختنق يااربي بختنق يله ياشمس يله وعند الباب ساند راسه ويسمعها بس مو واضح كلامها بس واضح بكاها .. حس فيها من اول ماتحركت غمض عيونه كأنه نايم .. حس بصوت تنفسها الي زاد بخوف .. حس فيها لما وقفت وتحركت تحاول ماتطلع صوت وانحاشت للغرفه الله اكبر الله اكبر الله اكبر الله اكبر اشهد ان لا اله الا الله ، اشهد ان لا اله الا الله اشهد ان محمدً رسول الله ، اشهد ان محمدً رسول الله حي على الصلاة ، حي على الصلاة حي على الفلاح ، حي على الفلاح الصلاة خير من النوم ، الصلاة خير من النوم الله اكبر الله اكبر لا اله الا الله بعد ماردد مع الاذان بنفسه .. دق الباب بشويش ريميه لفت تناظر الباب برعب وقلبها يددق .. منذر : انا طالع اصلي بالمسجد خذي راحتك ريميه ثابته بمكانها ومركزه ع حاسه السمع .. منذر لما يأس انها ترد عليه .. طلع وقفل الباب وراه بقوه عشان تسمعه * جلس في الصاله بعد مارجع من الصلاة .. رتب الفطور الي طلبه لهم اخذ نفس وراح للغرفه مايدري اذا طلعت منها بعده اولا مافي اثر .. منذر يدق الباب بهدوء : ريميه تعالي طلبت لنا فطور يمديك جوعانه الحين ريميه جالسه ع السرير وبيدها جوالها .. وفاتحه ع محادثه ضاري .. تتصل وترسل مايرد .. نوم الهناا ياعمي العزيز هه منذر : ريميه مافي شي يخوفك مني تطمني انا مارح اذيك ريميه رمت جوالها وغطت اذونها وبصوت عالي : اووف اووف مالك شغل فيني "وبكت" ابي عمي ضااااري منذر وخر عن الباب ورجع جلس ع الكنب وهو يناظر الباب بضيق .. مرت ساعه وهم ع هالحال .. رجع يدق ثاني : ريميه ريميه الي كانت مغفيه ع السرير جلست بسرعه ماتدري كيف نامت .. ناظرت الباب منذر : اقسم لك باالله ان مايجيك ضرر مني والله ماالمس منك شعره بدون رضاك افتحي هالباب وخلينا نتفاهم بهدوء ولك الي يرضيك ريميه ناظرت جوالها مافي اي شي من ضاري .. هين خليتني اواجه كل شي بروحي طيييب وقفت وقربت من الباب شوي .. اخذت نفس تتشجع تتكلم .. محد بيساعدها غير نفسها .. : وديني بيت عمي منذر بهدوء : ابشري اول تفطرين واصلاً انا ناوي اوديك لااهلك تودعيهم قبل نسافر ريميه حست كلمه نسافر زي الكف ع وجهها .. هه نساافر !! منجده ! مو صاحي .. انا اسافر معه بروحناا !!؟ رح امووت خلاص .. مااقدر اتحمل الوضع الي انا فيييه ياارربي منذر : افتحي الباب ريميه تحس انها كرهت اسمها من كثر مايردده .. : ماابي افطر الحين البس عباتي ونروح منذر سكت شوي .. : طيب انتظرك جلس ينتظرها وهو يسمع الكركبه بالغرفه .. بعد 10 دقايق بالتحديد انفتح الباب وطلعت بعبايتها ومتنقبه وبيدها شنطتها وتضغط عليها تحاول تخفي رجفتها الواضحه .. ياالله ليش خايفه منه هالكثر .. وهو الي كان متوقع انه امان بالنسبه لها .. وقف وبدون مايقرب منها : هاتي الشنطه عنك ريميه تركت شنطتها ع الارض بدون ماتناظره .. حست فيه ياخذ الشنطه ويطلع .. طلعت وراه تمشي تشوفه يمشي قدامها وبينهم مسافه .. توها تنتبه انه نحف وين منذر الدب الي كانت تتنمر عليه ويضحك بدون احساس !!؟ منذر وقف ينتظرها عند المصعد .. شافها تروح للمصعد الثاني .. تركها براحتها ودخل ريميه طلعت من المصعد ولفت ع منذر الي طلع بعد ومعه شنطتها واتجه للباب .. مشت وراه وهي تردد بنفسها " هااااانت هاانت " شافت السياره الي فتحها .. فتحت الباب الي ورا الراكب وركبت .. منذر لف عليها والاعتراض بوجهه : مو لهالدرجه عااد ريميه غمضت عيونها وهي تحس فيه قريب منها .. ووضح الخوف بصوتها : يرحم والديك وديني وانت ساكت منذر لف وحرك السياره وهو فهم انها مو ناويه ترجع معه .. * نامت ساعه بس ولاقدرت ترجع تنام .. تفكر بولدها مو متطمنه تحس قلبها مقبوض عليه وخايفه طلعت تسقي الزرع تجدد نفسيتها وتطمن روحها .. نواف كان طالع من بيته شاف امه تسقي زرعاتها : صبااح الخير والله نشاط ام المعرس مستمر للصبح امنه لفت عليه مبتسمه : صباح النور ياحبيبي والله مو جايني نوم انت وين طالع اليوم سبت نواف : مواعد رجال عندنا شغل امنه : العمر يعدي والشغل مايخلص نام مثل الخلق وارتاح نواف كان بيرد ع امه بس شوفته لسياره منذر الي دخلت .. خلته يسكت بااستغراب !! امنه انقبض قلبها وهي تشوف منذر يوقف سيارته عند بيته .. همست : وش جابه مو كان مايبي يرجع الا بعد السفر ريميه فتحت عيونها لما وقفت السياره براحه .. ومسرع ماغاب الشعور لما شافت البيت الغريب منذر يفتح بابه بدون مايلف عليها : هذا بيتنا انزلي ريميه وزاد خوفها .. بسرعه طلعت جوالها من شنطتها .. تتصل ع ضاري منذر نزل ولف جهتها بدون ماينتبه لوجود امه واخوه .. فتح بابها ناظرها بهدوء ريميه بس انفتح الخط : وييينك ضاري تعال خذني النصاب قال يوديني لكم بس وداني لبيته منذر سحب الجوال منها بشويش ووخر عن السياره .. ضاري : غبائك شسوي فيك اكيد بينتي له انك يادوب تحملتي ليله معه وماعاد ترجعين له الحين دامه اخذك لبيته اصبري كم يوم وخليه يجيبك ونخلص منه بس بااسلووب ياغبيه بااسلوب هو يحبك ويسمع لك استغلي هالنقطه منذر بهتت ملامحه وهو يسمعه .. ليله وبعدها يصرفونه ! وهي راضيه بخطط عمها قفل الخط وهو ساكت ودخل الجوال بجيبه .. وناظرها جالسه بمكانها مانزلت .. شد ع اسنانه وبان الغضب بصوته : قلت انزلي ريميه نزلت بسرعه بخوف .. وناظرت البيت وهزت راسها رغم خوفها : مارح ادخل منذر والقهر والخذلان مالين صدره : ليييه مخططه ع ليله وحده وبعدها مع السلامه ؟! ريميه ناظرته بعدم استيعاب شلون فهم .. تحس مخها مقفل من الخوف منذر يتقدم لها بهدوء : تخطيط ضاري متأكد .. بس ليه تطاوعينه !!؟ كيف هنت عليك "ومسك كتوفها وهزها بشويش والالم بصوته ولا هو حاس برجفتها الي زادت مع لمسته" كيييف ؟ انا انسجنت عشانك ذبحت ال.. الي اعتدى عليك بيديني انا كنت بروح قصاص فداك كييف ترضين تسوون فيني كذا !!؟ خلاص كثر الله خيرك ليله وحده ماعاد نحتاجك بعدها .. عاجبك تخدعوني كذا راضيه ؟؟! امنه ونواف الي كانو يناظرون بصمت بعد الي سمعوه ووضح لهم كل شي .. نواف تحرك بسرعه لما شافها صارت زي الريشه يهزها وهو مو حاس فاقد اعصابه .. مسك كتفه : منذر اهدى البنت شكلها فقدت الوعي منذر وخر يدينه .. وهي طاحت ع طول ع الارض .. لف ناظر اخوه بألم : خذني نواف شد ع كتف اخوه ومشاه معه وناظر امه الي واقفه بمكانها تبكي : يمه شوفييها * * دخله بيته وهو متأكد ان شروق نايمه .. فتح المجلس وهو يشد ع ذراعه منذر جلس ع اول كنبه منهد حيله .. نواف صار يمشي فالمجلس يمين يساره يحااول يستوعب : الخسيس النذل "وقف قبال منذر" قايلك خويك هذا مافيه خيير والبنت طلعت نفس طقه عمها ناس استغلاليين مصلحتهم فوق كل شي منذر يناظر الفراغ بصمت .. نواف : في احد يحب بزر تحسب ان عقلها نفس هذاك العمر ماتكبر ماتتغير هه شفت بعينك علمني وش بتسوي الحين منذر ناظره وعيونه حمرا من القهر وقل النوم : والله مااطلق نواف : هذا الي يبونه انت تتمسك فيها وهي بايعه وتخلع عشان مايمس سمعتها شي فااهميينك وعارفين ردات فعلك الكلاب طلقها الحين عشان تصير مطلقه من اول ليله اقلب الطاوله عليهم الوصخين منذر وقف كاتم غيضه : الي سمعته انت وامي لايطلع لمخلووق وانا احل اموري بنفسي نواف ناظره وهو يطلع بسرعه : غبي من يوومك * طلع جوالها من جيبه واتصل ع ضاري .. وقف عند باب بيته ينتظر ضاري : وش صاار معك ؟ منذر شاد ع اسنانه : اسمعني وكلامي مااعيده ريميه صارت بذمتي ولا لك شغل فيها والله ان حاولت تتدخل في حياتنا وتفتن اني لااجرجرك بالمحاكم وعلومك الوصخه ريميه وزوجتك اول من يدري عنها ميير اقضب ارضك ضاري : هي ماتبيك وانا حاولت اقنعها منذر يقاطعه : اصص ولا كلمه انا ماعاد اصدق منك حرف انطم وفكني شرك بسس وقفل الخط بوجهه .. وفتح الباب ودخل امنه الي كانت جالسه بالصاله رفعت راسها تناظره .. ورجعت تجمعت الدموع بعيونها : تعال ياروح امك منذر واقف بمكانه : روحي يمه ارتاحي ماصار الا الخير امنه وقفت ودمعتها نزلت : وين الخير يابعد روحي لاتكتم تكلم منذر ساكت وامه تسحبه وتسند راسه ع صدرها وتمسح ع شعره .. امنه تحاول توقف بكى : ليه ماقلت لي منذر : مو كل شي ينقال يمه امنه تبكي وقلبها محروق : قلت لك هالبنت ماتستاهلك شفت هذي اخرتها فوق ماانك سترت عليها تسوي فيك هالسواه ردها لعمها حسبي الله فيهم منذر وخر عن امه وناظرها والغبن بصوته : مالك حق يمه تلومين وانتِ السبب امنه تناظره بصدمه كيف قلب عليها : هالحين اللوم علي اناا الله يسامحك منذر يناظر امه بتعب وقرب منها وباس راسها : يمه انا تعبان قلبي يوجعني انا مو عارف شسوي امنه تحضنه : سو الي يريحك انا ماابي الا راحتك والله * جالس وبيده جواله ويده الثانيه يمسد راسه ومغمض عيونه .. لمتى !! لمتى هالخوف ؟! لمتى يلوون ذراعي انا تبت وكل يوم ادعي ربي يقبل توبتي وش بعد الي صار لريميه يوجع اكثر .. خلااص انا تعبت رمى جواله ع الجدار ووقف والغضب بوجهه .. رفس الطاوله برجله وهو يصرخ : خلااااااص خلااااص وقف وصدره يطلع وينزل يحاول يضبط تنفسه .. همس : بسس تعبت اريج دخلت الغرفه بسرعه : بسم الله عليك شفيييك ضاري لف عليها ناظرها والالم بعيونه .. اريج قربت ووقفت قدامه : شصاير ريميه فيها شي ؟ ضاري جلس ع الارض وظهره ع السرير : اريج اريج جلست قدامه بخوف عليه : عيونها شفييك ضاري يناظرها : تعباان مخنوق ليتني اموت وترتاحون اريج تمسح ع راسه بخوف : بسم الله عليك ليش تقول كذا شصاير ضاري يناظر اظافره ويحرك ابهامه عليهم : انا امي ماتت وانا صغير عشت انا وابوي عند جدتي وخالاتي مااقول اني انظلمت لا الكل كان مهتم ويحبني بس في نقص محد جا مكان امي كبرت ابوي تزوج ونقل خالاتي تزوجو جدتي توفت سكنت بشقه عزوبيه لين تعرفت ع منذر بالبدايه كنا نكره بعض انا الفقير الشاطر الي يرفض يغشش وهو البطران الي يشتري الاسئله بفلوسه ماكان كسلان بس عشان يظمن انه ياخذ اعلا مني اريج تناظره بصمت اول مره يتكلم عن منذر .. ضاري تنهد ورفع راسه يناظر بعيد : ماادري شلون تقلبت القلوب وصرنا اصحاب سكنت معه بشقته كان كريم ولا قصر معي بشي جبت عيال اخوي وسكنو معنا وحطهم فوق راسه يحبهم مثل عيال خواته حتى لما كبرت ريميه ترك لنا الشقه وهو يدفع ايجارها اريج والاستغراب يزيد بداخلها دامه كذا .. كيف اعتدى ع ريميه !!؟ ضاري ناظرها والقهر والالم بعيونه : انا مقهور ع الحال الي وصلنا له مقهور ع ريميه انا كاره نفسي كارهها بشكل ماتتصورينه اريج : مالك حق تكرهها انت مالك ذنب هو الي خان ثقتك ضاري وقف بسرعه مقاطعها : مو قلتي تبين نسافر بعد الزواج يله مشينا اريج تناظره بااستغراب من حاله : كيف ماجهزت شي ضاري يوقفها معه بسرعه : يله الحين نجهز بسرعه ابي ابعد ابي ارتااح * طلعت من بيتها تمشي بهدوء وهي تثبت الشال ع شعرها .. المسافه الي بين بيتها وبين بيت منذر بسيطه وكلها اشجار .. انصدمت لما شافت سيارته موجوده مو يقولون بيسافرون !! ناظرت شباك المطبخ مقفل .. وقفت عنده شوي يمكن تسمع شي بس هدوء الساعه 4 العصر معقول للحين نايمين !.. مشت ووقفت عند شباك الصاله الكبير الستاره مغطيه كل شي .. مدت يدها دفته بشويش ماتوقعت انه مفتوح .. فتحت جزء بسيط ووخرت الستاره تشوف البيت مظلم وبااارد .. رجعت قفلته : ياعيني العروس نايمه بالعسل ومشت لبيتها وهي تتحلطم مع نفسها .. من متى هالحشريه واللقافه .. فتحت باب بيتها ودخلت نواف جالس ع الكرسي ومن اول كان يشوفها من شباك المطبخ : وين كنتي ؟ شروق شهقت متفاجأه : بسم الله متى جيت انت نواف وقف ومشى بهدوء لين وقف قدامها وبصرامه : لو تعيدين هالحركات والله ياشروق مايصير طيب قرري في بيتك ومالك دخل بسلفتك مشاكل ماانبي شروق بكت بفشيله لما عرفت انه شافها : والله ماابي مشاكل بس كنت بشوفها نواف وملامحه جامده ولا كأن قلبه حن عليها : مصيرك تشوفينها عن الطفاقه وروحي تجهزي اوديك لااهلك شروق قاطعته شهقت وهي تناظره وعيونها باكيه : كذا ع طول تبيعني !! نواف ابتسم بلين : كم يوم كم يوووم عندي شغل وماابي تجلسين بروحك تطفشين شروق ارتاحت ملامحها : زين دقايق بس نواف رجع جلس ع الكرسي بعد ماراحت .. اخذ عصيره يكمله ولف يناظر بيت منذر .. الجو متكهرب لازم يبعد شروق مايبي تسمع او تدري عن شي مايدري وش بيصير بعد هدوء العاصفه .. * فتح باب الغرفه بشويش .. وقف وهو ماسك يد الباب ويناظرها جالسه فوق السرير وحاضنه ركبها وسانده ذقنها عليهم ولا حتى رفعت عيونها له .. طلع جوالها من جيبه ورماه ع السرير .. سحب كرسي التسريحه وجلس ويناظرها وبشويش : ليه ؟ ريميه بدون ماتتحرك او تناظره عيونها تحرقها من كثر مابكت : ماابيك جبرني ضاري عليك منذر : ايه ليه ماتبيني ؟ ريميه تحس رجع خوفها مع هدوءه ورا هالهدوء عاصفه اكييد .. لمت نفسها اكثر وبصوت واطي : كارهتك منذر : ايه ليه كارهتني ؟ سويت لك شي ؟ اذيتك بشي ؟ ريميه بلعت ريقها ولفت عيونها تناظره تتأكد من هالهدوء .. صدت بسرعه وملامحه الجامده ونظرته المصوبه عليها ارعبتها منذر سكت يتأملها وصدره يحترق من الغبنه .. ماكفى ضاري تجي تكمل هي الاذيه .. كارهته !! هه ياكبرها عند الله ياريميه ريميه غمضت عيونها تهدي دقات قلبها وخوفها : مااذيتني منذر : اجل وش السبب ؟ ريميه خلاص اعصابها مو متحمله ضغط : كذا اكرهك طاريك بس يكتم ع قلبي كيف الحين وانت قدامي احس بموت تكفى وديني لعمي واعتقني منذر وقف وهو يشوفها تغطي وجهها بيديها وتبكي .. طلع من الغرفه وسكر الباب وراه ومن البيت كله طلع لايسوي شي يندم عليه .. * موقف السياره عند بيت عمه ويناظرهاا .. شروق قبل تفتح باب بيتهم لفت عليه واشرت بيدها مع السلامه .. نواف ابتسم ورفع يده لها .. ولف حرك السياره وغابت ابتسامته .. تعلقها فيه يوجع قلبه مو هذا الي يبيه !! تزوجها هي بالذات عشانها بنت عمه المنبوذه حياتها سوواد .. لما تزوجها شافت النور لقت الاهتمام والحنان .. ماتقدر تفرط فيه .. مافي حياه حلوه تنتظرها لو تركته ايه تزوجها وهو يدري انه عقيم ولاعلم احد .. يدري ان مافي ولا وحده تصبر وترضى بالحياه معه غيرها مايبي يتزوج وحده بس تدري بعلته تتركه وتشمت الناس فيه .. مافي وحده تتنازل عن امومتها بس شروق تشوفه ملك انزل عليها ماتصدق تتمسك فيه .. ماتقدر تتركه ابوها مارح يستقبلها مطلقه ومحد يدري ان العيب منه .. يدري بيقولون "العيب منها اكيد هي ساحرته معميه عيونه امها وجدتها ساحرات" اقدم ع هالزواج بكل انانيه .. معطي نفسه الحق انه بيسعدها ويعوضها بالي يقدر عليه .. تتزوجه احسن من تجلس ببيت ابوها عانس محد يدق بابها ع سمعتها .. الا معتل مثله بس الي ماحسب حسابه حبها من قلب وتعلق فيها حيل ضميره اتعبه عليها .. ولايمكن يتنازل عنها * نهايه البارت السابع .. | |||||
|
| |
 |
| أدوات الموضوع | |
| انواع عرض الموضوع | |
|
|
1089Likes
العرض العادي
