فاتنة الحي عربية سمراء طاهرة أماري بِحبها وأَتغنى بذات الناعسات/ للكاتبة الثُرَيا

لامارا · 14-12-22, 01:12 PM

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

نقدم لكم رواية
فاتنةُ الحَي عَربيةٌ سمّراء طاهِرة أماري بِحُبها وأَتَغنى بذات الناعِساتِ
للكاتبة/ v_rwaiex الثُرَيا

قراءة ممتعة للجميع.....

لامارا · 14-12-22, 01:14 PM

رابط لتحميل الرواية

هنـــــــــــــــــــــــ ــــــــــــــا

البداية :

جميعنا نكذّب لأجل أن نعيش.
جميعنا نرى الحياة بأعين مُختلفه
عَن الآخرى ، بألوان عديده
وأغلبنا يراها مطموسه كالسواد
او بشكلٍ أوضح كالعدم الذي يراه الأعمى
أغلبنا يعيش في عالم مُختلف
عالم قديم والروح فيه مُزهره
عالم لا يعرف الكَذِب أو السوء
عالم نظيف مِن الداخل والخارِجّ
عالم لا يعرف للنفاق والمصلحه طريق
مطموس بالبراءه والأيمان ، يشملها
الجهل لكن الجهل فيه حَسنه جمّيلة
عالم مُختلف سنعيش فيه طويلاً
وسعيداً بأذن الله.
-كلماتي.

٢٧/١٠/١٤٤١هـ.

لامارا · 14-12-22, 01:20 PM

البارت 1

' ‏ كأنَّكِ الكُل وكأنَّهم لا أحد.|
'

دخلت القريه وهي تعدل حجابها وعُيون الكِل موجهه عليها ، وهمسات البنات لبعض بـ "الفاتّنه جت" و "يازينها تهبل" و كثير مِن الهمسات المُتعلقه بها .
كِل ما مشت خطوه يخطي وراها شاب إلى أن تجمعوا شُبان القريه خلفها ، دخلت الحي و مشت أمام شُبان الحي الغارقين بسحرها وجمّالها الفتان ، وقفت أمام الكوافير حقها و فتحت الباب وشُبان الحي والقريه مرتصين خلفها ويناظروها بأعجاب كبير.
دخلت المحل ولفت عليهم وسرعان ماعدلوا وقفتهم وبدوا يتميلحون ويرتزون لها.
أبتسمت لهم ودخلت لداخِل وهي تقرا أذكار الصباح وترتب المكان القديم لكن أناقتّه ونظافتّه جعلت مِنه تُحفه قديمّه.
نزلت عبايتها وعلقتها بـ مكانها وبخرت الكوفير وعدلته ، ولبست المريول بأبتسامّه وبدت تستقبّل الزبائن بأبتسامّه جمّيلة مرسومّه على شفتيها. '
'
وقف أمام جدار المحكّمه وأبتسم للأعضاء المحكّمه اللي وقفوا أحترام له وأمرهم بالجلوس.
لف للمُتهمين والمُحامين والشاهدين الواقفين وينتظرون دورهم ، أشر لهم بالجلوس و أشر لأحد أعضاء المحكمه بالبدء ، وسرعان ما بداء بشرح القضيه مع الادله والشهود.
لف رأسه للطرفين ينتظر ردودهم ومُدافعتهم على الأدله و القضيه المعروضه : أحد عنده دفاع أو رد على الأمور الحاصلِه هِنا ؟. ماسمع منهم رد فـ لف على أعضاء المحكّمه يناقشهم بالقرار المُتخذ ولف بعد ما أتفقوا على قرار مُحدد وضرب مطرقتّه : حُكم كالأتي ، سجن تأديبي لمُدة ٦ أشهر لكِلا الطرفين ، وغرامّه لا تقِل عن ٥٠٠٠ .
ورفع رأسه وعُيونه تدقق ملامحهم وردت فعلهم ونزل رأسه كمل قراءه : وأن حصل خلاف آخر سيتم تمديد السجن الى سنتين كـ حد أقصى.
وضرب مطرقته وأنهى الجلسه
ولف على أعضاء المحكمه وأبتسم لهم و ودعهم وخرج للخارِج بعد ما كانت هذه آخر جلسة له بالمحكمة.
دخلن غرفته اللي بالطابق الثالث ، ونزل الزي الرسمي له كـ قاضي وبدل ملابسه ولبس كاب لأجل يجهله الكِل وخرج للخارِج وطلع برا المحكمه وفي يده جواله اللي يتصل.
رد على الأتصال بأبتسامّه على شفتيه : أجل كِل المواعيد ، الأمُسيه الشعريه اليوم ؟ نحضرها وبعدها تعرض لي اللي عندك ، ولا تنسى تكلم لي ربيع لزوم يحضر معاي هالأمُسيه.
وأغلق جواله وركب سيارته وحرك لقصره.
'

'
| ‌‏فقدان الشيء بعد الإعتياد عليه مؤلم جداً .| '
وقفت أمام زبونتها بأبتسامّه لطيفّه : ننتظرك مره آخرى .
خرجت الزبونه ولفت هي على شذى "العامِّله في الكوافير " : بدخل المشغل وبكمّل خياطك الفساتين ، أذا أحد جاء الله يرضا لي عليك أهتمي فيه.
ودخلت للغرفه اللي بمنتصف الكوافير واللي مِن خلالها تخيط وتصمم الفساتين لفتيات القريه.
دخلت لـ المشغل وقعدت أمام مكينة الخياطه وبدت تخيط الفُستان اللي أمامها بأتقان ومهارة ، كان مِن أحد تصاميمها المُبهره ، قطعة الخيط مِن الفُستان وعلقت الفستان على المانيكان بأبتسامّه وهي مبهوره جداً بأدق تفاصيله؟.
توجهت لقطعة القماش المعروضه على المانيكان الآخر وشالتها وثبتتها على المكينه وقعدت أمام المكينه وبدت تخيط فيه ، لكن دخلت عليها شذى بهدوء وقالت : عَربّ فيه وحده برا طالبتّك خصيصاً تقول أسمها حروف ، الأسم سخيف مو ؟.
ناظرتها عَرب وهي رافعه حاجبّها : لا مو سخيف السخيف اللي قاله ولا ؟ أختِ ذي خليها تدخل علي.
ناظرتها شذى بصدمه وأحراج : أبشري.
ابتسمت عَربّ على ملامحها المصدومّه : بشرتي بالجنّه.
طلعت شذى لِـ حروف ودخلتها على عَربّ وطلعت لبرا.
ناظرتها عَربّ بأبتسامه : يا أهلا يا أهلاً باللي زايرني.
ابتسمت حروف وقربت مِنها وحضنتها : مره مشتاقه لِك ماقدرت أصبر لين تجين اليوم ، برافقك طول اليوم ماراح أترك؟. أبتسمت عَربّ بهدوء وبادلتها الحضن : أكيد سامعه عن الأعلان ولا ؟. أبتسمت حروف وبعدت عنها : هالمره أنا بوديك بنفسي وراح أقعد بأول صف مع ربيع وصاحبّه .
أبتسمت عَربّ وقعدت أمام المكينه : أن شاء الله ، هو على حسب شغلي لا خلصت بدري بأجي معاك واذا بطول بخلي السايق يوديني.
أبتسمت حروف بهدوء وهي تتأمل عَربّ بشوق : ماعلينا مِن الأمُسيه ، وش رأيك ترجعين تعيشين معانا ؟ "ولفت جهة الخارج وأشرت بيدها "
هالعالم مو عالمّك أنتِ عالمّك معانا بالخارِج ليش تقبرين نفسك هنا؟.
ناظرتها عَربّ بهدوء ونزلت نظرها على المكينه وكمّلت شغلها بعد فتره رفعت نظرها لـ حروف اللي تناظرها وقالت : يمّكن لأن عايشه هِنا و روحي هِنا ، ما أتخيل أني أعيش بالمدينه بعد ماعرفت هالقريه وأهلها ، أنا هِنا لقيت موقعي بالحياه ، لقيت عائلة حقيقيه ، لقيت حُب نقي وطاهر ، لقيت عالم خالي مِن النفاق والمظاهر والمصالِح ، لو قالوا لِك وين عَربّ قولي لهم في عالمها النقي ، بعيد عن شوائب المدينة ، هذا موقعي حروف .
ابتسمت حروف وقالت : عَربّ لا تتوقعين أني أقول هالكلام عشان شيء ونية مختلفه أبداً ، أنا مشتاقه لِك مشتاقه أصحى وألقاك معاي أنتِ و ربيع ، ما تعودت على العيشه بدونّكم.

| حتى الخِيال فيكَّ جبر خاطِر .|
'

كملت حروف : أنتِ شريتي لِك بيت هنا ورممتيه وصممتيه على كيفك وعشتي فيه ، ربيع فتح له شركته الخاصه فيه وبناها وأشتغل عليها ولهى فيها ، ماما مِن مدينة لمدينة وقريباً مِن دولة لدولة ، صرت عايشه لوحدي بدون أهل ، صار البيت خالي مِنكم بس أنا والعامِلات ، صاروا العامِلات أهلي.
ناظرتها عَربّ : تعالي عيشي معاي ، منو قالِك اني بايعتّك ، أنا تمنيت أنك تكونين معاي مِن زمان لكن رفضتي فـ مُستحيل أجبرك؟. ابتسمت حروف : ولا يهمّك لو بفكر أعيش مع أحد أنتِ أول مَن بفكر فيه.
تركت عَربّ المكينه وناظرت حروف : كم باقي على الأمسيه ؟. ناظرت حروف ساعتها وقالت : ثلاث ساعات ، و مُدة الطريق مِن القرية ألى المدينه ساعة فـ لازم نلحق عشان تجهزين أنتِ بعد.
وقفت عَربّ وطلعت لـ شذى وقالت لها تغلق الكوافير وأعطتها المفتاح ولبست عبايتها وأعطت حروف مفتاح المشغل لأجل تقفله وقفلته وأعطته عَربّ ، وطلعت مع عَرب لبرا ، بلعت حروف ريقها مِن الشباب اللي تجمعوا أمامهم .
قربت مِن عَرب ومسكت معصمها بخوف مِن نظرات الشباب وتميلحهم وأشكالهم الغريبه بالنسبه لها .
أبتسمت عَربّ وقالت : معليك هدي وأمشي ماراح يأذونِك؟. ناظرتها حروف وقالت : عَرب ليش يناظرونِك كِذا .
ناظرتها عَربّ وهي تمشي معاها : أختك يا طويلة العُمر مُلقبه بلقب "فاتنة الحي". ناظرتها حروف وقالت : بس لقبك أنتِ العُروب ؟. ضحكت عَربّ : هذا لقبي كـ شاعّره لكن لقبي بالقرية غير.
أبتسمت حروف : بس ماكذبوا فاتنة وقاتِلة أيضاً. أبتسمت عَربّ بهدوء : ماكُنت كذلِك لو لَم تكوني هُنا.
أبتسم حروف وهي عاشقه لأختها ، القدوة الكُبرى لها.
خرجوا مِن القريه واتجهوا لـ سيارة سائق حروف وركبوا معاه ، وأنطلقوا ناحية المدينّة. '
'
مقر الأمُسيه.
واقف وبجانبّة صاحبة ربيع ومُرافقه مالِك.
قال بأبتسامّه: ما أطيق الأنتظار أبداً. أبتسم مالِك : مابقى شيء وراح تظهر حَبيبتّك الشاعّرة.
ناظره ربيع بحدّه وقال : عود ومالِك أتمنى مِن ندخل تسكتون ، ما أبي تروح علي الأمسيه وأنا أسمع مدحكم وأطرائكم السخيف.
ناظره عود بأبتسامّه : وش حارك أنت ؟ لي أسبوع أنتظر هاليوم فـ رجاءً لا تخرب علي.
قبض ربيع يده وهو يتنفس بتسارع ويحاول يهدي نفسه ما ينفلت عليهم ، هُم غارقين بالمدح والغزل وهو يحترق غيرة على أخته.
دخلوا القاعة الكبيره وقعدوا في مقاعدهم ، قعدوا عود و ربيع ومالِك بالمقاعد الأولى وعود لو له جنحان طار .
جات حروف سلمت عليهم بأبتسامه وقعدت بجمب ربيع وهي مبتسمه .
ناظرها ربيع وهمس لها : جيتوا مع بعض ؟. '

| ‏إخفاء متاعبك، تعبٌ آخر .|
'

هزت حروف رأسها وقالت : أي جينا مع بعض والحين هي بالداخل تتجهز للأمُسيه.
قال ربيع بتردد : شلونها ؟. أبتسمت له حروف : مِن كِنا بالقريه وهي بخير ولما طلعنا مِنها ودخلنا المدينه ضاق خلقها ولمعة عُيونها ما أنطفت .
نزل ربيع عُيونه بكسرة لكن رفعها على صوت عود المتحمس ومِن تصفيق الجمهور مِن دخلت العُروب .
أبتسم عود وعُيونه عليها مِن دخلت ، ضل ساكت لأول مره ينتظر حظرتها تتكلم.
طاحت عينها على ربيع وأبتسمت بحُب كبير لَه ، كانت لابسه نقاب مايوضح مِنها أية شيء غير عُيونها الفاتنّه ، قربت المايك مِنها ورحبّت بالجمّيع وقالت بأبتسامّه : قصائدنا اليوم بالفُصحى .
وبدت تلقي القصيد بنبرتها الناعمه والمبحوحه الجمّيلة :
مساء الخير يا قمراً
على آفاقنا يظهرْ
مساء الخير يا أحلى
من الدرّاق والسكر
ْويا أغلى من الياقوت
والمرجان والأصفرْ
ويا من فوق أهدابي
وبين جوانحي تسهرْ
أنام السحر في عينيك
أم في هدبها أبحرْ
مساء الخير يا زهراً
يلوِّن دربي الأخضر
ْمساء الند والأطياب
والكافور والعنبرْ
مساء الشوق والأنغام
والأشعار والمزهرْ
فأنت من السنا أبهى
وأنت من الشذا أعطر
ْوأنت على مرايا الليل
تمثالٌ من المرمر
ْيطل الكحل من عينيك
ِيغرق طرفكِ الأحورْ
ينام الشعر في خديكِ
يلثم لونها الأحمرْ
ويكتب فيك أبياتا
ًبقصة حبنا تذكر
ْيخلدها وينقشها
بصفحة صدرها الأسمرْ
وينشرها على الدنيا
ويخفي سرها الأكبرْ
مساء الشعر يا نغماً
على قيثارتي يسحرْ
ويا من صوتها الفتان
من همس الشذا أشعر
ْحبيبة عمري الآتي
تعالي نخلنا أثمرْ.
أنهت القصيده الأولى على تصفيق الجمهور وحماسهم الجمّيل .
قالت بأبتسامه : هالمره بخليكم تختارون القصيده اللي أقولها .
نطق أحد الجمهور بصوت عالي : نبي للبدر.
أبتسمت العُروب وقالت : يابختنا دام بنقلي للبدر.
وقالت بنبرتها الجمّيلة :
إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه
إنتى عيونك سالفه .. سمعتها ليلة سفر
واثنين مروا بعاصفه .. وضيعوا نجمة وقمر
ومن يومها كثر الظلام .. وراح السحاب وبارقه
إنتي عيونك هالمدى .. بحر وطيور مهاجرة
تركت في شطه صدى .. صوتٍ تجرح آخره
ليتك سمعتي صرختي .. بالحيل كانت صادقه
إنتى عيونك نجمتين .. ضي ٍ ورا ضي ٍ يعود
ويادوب غابوا ليلتين .. خلو شموس الكون سود
رحتي ولا ظنك تجين .. وين الوعد يامفارقه
إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه .
'
أنهت القصيده بأبتسامّه جمّيلة أنعكست على عُيونها الفاتّنه ، لفت رأسها لأحد الشُعراء اللي بجانبها وقال لها : أودع أسمي بالأُمسيه وأترك لِك المايك.
أبتسمّت عَربّ بخجل وقالت : ولو ، مشكور والله لكن دورك الحين.
أبتسم الشاعر لها قرب المايك مِنه وبدا يلقي قصائدة وهو مبتسم للجمهور أبتسامّه شرحه ولطيفه.
قال عود وهو مضيق عُيونه ومتكي على الكرسي القريب مِن مالِك : الخبيث ذا نظراتّه وراها شر.
ناظره مالِك بصدّمه بعدها أنفجر ضِحك.
لف له ربيع بأستغراب : وش فيكم ؟. ناظرتهم حروف بفضول : وش فيه؟. ناظرهم عود بأحراج وقرص مالِك في معصمّه : مافيه شيء بس ذا مدري وش بلاه.
قال الشاعر بأبتسامه وهو يلقي آخر قصيدته :
‏قرّب خطاكَ الروحُ أنهكها الحلك
وابسط مداكَ اشتقتُ أن أشكوكَ لك
قرّب خطاك ولا تسل .. عمّا مضى
ودع العتاب .. فما أتيت لأسألك
حقاً تعبتُ .. أما تعبتَ؟ ألم يئن؟
أن تستردّ من الضياع .. مُدللّك
القلب يا ابن القلبِ بعدك ميّتٌ
فتعال أُحيي في وصالك .. ماهلك.
ميلت رأسها بـ تأثر مِن قصيدته وحست بأن عُيونها بتخونها وتمطّر نزلت رأسها تِقلب بين الأوراق المُمتلئه بأحرفٌ غزلتها بقلبها ، كانت أحد اعينها مُمتلئه بالدمُوع ، لاحظ أحد الجمهور لمعة عيناها المُؤلمه ، ثُم صرخ بأعلى صوتّه : مَن أوجعك؟. رفعت عينها له وأبتسمت أبتسامّه موجعه خلت أعينها تمطر بالدموع لكن أكمّلت قصيدته :
من أفزعك؟
‏من خاض عالمك الجميل
وعاث فيه و روّعك
من أحزنك؟
من هز تحليق الطيور وأدمعك؟
من أطفأك؟
وأعاد للدنيا الظلام ومزقك ؟
لا تبتئس إني معك ولقد أتيت لأسمعك
هذي يدي امسك بها جاءت لتمسح أدمعك
اسند برأسك ها هنا ، و انسى الذي قد أوجعك.
نزلت رأسها ولفت المايك اللي أمامها ونزلت دموعها وبان بصوتها البكيه.
عدل ربيع جلسته وهو يشوف دموعها ، لف يناظر حروف اللي تناظره بتساؤول وزعل؟. عقد حاجبيه وهو يناظرها ودمّوعها اللي ماوقفت زادت فتنة عينها ، حس بضيق بداخله مِن دموعها اللي ماوقفت.
أعتذرت العُروب مِن الجمهور : عُذراً مِنكم لكن فاضت المشاعِر.
أبتسمت على ردت فعل الجمهور اللي يحاولون يواسونها وأولهم الرجُل اللي يقعد بالمقاعد الأماميه دائماً. أنتهت الأُمسيه وخرجوا للخارِج وهم مبتسمين مِن الختامّيه الجمّيلة اللي ختمت فيها العُروب الأُمسيه. '

إنّ الشوق أشواكٌ تعذبنا .|
'
خرجت مع بوابة الشُعراء وركبت سيارة السائق بسرعه مِن الجمهور اللي تجمع عليها ، أغلق باب السيارة وفكت نقابها وتنفست براحهه ، لفت بجمّبها وشافت ربيع وحروف بجمبها !. أبتسمت لـ ربيع وقربت مِنه وحضنته بشوق كبير له : كيفك وش أخبارّك ؟. أبتسم لها ربيع وبادلها الحضن : الحمدلله يا العُروب ، أنتِ أخبارِك ؟. أبتسمت على نُطقة لـ لقبها وقالت : شكراً لِك أنا بفضل الله بخير.
بعدت عنه وقعدت مكانها وقالت للسائق يحرك ويطلع مِن هالمكان : أي وش جايبك غريبه جيت ؟. أبتسم وقال : غاصبني عود أجي ، ولا ماكنت ناوي أجي أبداً .
هزت رأسها بأبتسامه خفيفه : يعني مو ناوي تجي عشاني ، عشان صاحبّك جيت ؟.
هز رأسه بـ أي : عندي أشغال ولا مابفضل أحد على أحد تعرفيني.
قال ربيع : تجون عندي ، القصر وش كبره خلوني أسمع فيه صوت لو شوي ؟. ناظرتهم عَربّ : برجع قريتي أنا .
قال بهدوء : ذا المره مو مسموح لِك ، راح تجين معانا.
و وصف للسواق طريق قصره.
سكتت وعُيونها على شوارع المدينه وزحمتها والضجه اللي فيها ، لفت لـ حروف اللي نطقت : عَربّ ليش بكيتي اليوم ؟. ناظرتها وناظرت ربيع وقالت : فاضت مشاعري مع قصيدة الشاعر فقط ؟. ولفت مره آخرى ناحية الشباك وتناظر الشوارع بهدوء.
أتصل جوال ربيع ورد عليه بهدوء : أهلاً؟.
قال عود وهو يركب بجمّب مالِك : وينك فيه ؟ أختفيت أنت وأختّك ؟.
قال ربيع بهدوء : ابد حسيت بتعب و بروح للبيت .
قال عود : تم أجل بنجي لِك نكمّل سمرتنا .
كان بيرفض ربيع لكن أغلق عود الجوال.
نزل جواله ورفع عينه لـ حروف اللي قالت : مَن ذا ؟. قال بهدوء : عود يسأل عني ، يقول وين رحت.
هزت حروف رأسها وقالت : ما أصدق أن ذا قاضي أبداً ، مو واضح عليه شخصيته غير غير.
أبتسم ربيع وقال : أي شخصيتّه غير هو ، في المحكمّه والشركه أنسان جاد جداً وثقيل ما أحد يقدر يبتسم أمامه أبداً وماعنده يمين يسار ، أما معانا أنسان مهبول وخفيف دمّ .
ابتسمت حروف وهي تناظر عَربّ : لو مو متزوج قلت مُعجب بالعُروب ويحبّها.
أبتسم ربيع وقال : مره مزعجني أنه مهتّم في العُروب ومُعجب فيها ، لكن عارف أنه مُغرمّ بزوجتّه ويموت على ترابها.
ما أهتمت عَرب لكلامّهم او اعطته أهتمام كان كِل أهتمامها باللي سارق فكرها مِنها.
'

تكتُب لتساندها كلماتُها. '
وقف السواق أمام قصر ربيع ونزلوا جميعهم للقصر وقابلوا عود ومالِك اللي متكين على سيارة ربيع ويسولفون .
تأفأف ربيع وأتجهه ناحيتهم .
لفوا عود ومالِك على صوت السياره .
حطت عَربّ طرحتها على وجهها ونزلت معاهم و وقفت وهي تتأمّل القصر مِن الخارِج كان جداً جمّيل كـ تمصيم خارجي.
مشت مع حروف لداخِل و ربيع ضل واقف مع عود ومالِك اللي يناظرون عَربّ ومستغربينها يعرفون حروف فقط.
ناظرهم ربيع وقال : وش فيكم ؟. قال مالِك بأبتسامّه : منو هذي اللي مع حروف ؟. ناظرها ربيع وقال : وش عليكم أنتوا ، تعالوا للديوانيه الخارجيه وبكلم العامِل يجهز لنا قهوة وشاي ويسوي العشاء.
قال عود : ترى مابطول أنا بتعشى وبأنسحب للبيت.
ضحك ربيع وقال : ليش أُم العيال بتهاوشك؟. أبتسم عود بضيق وقال بمزح : أي تعرف ما أقدر أرفض لها طلب أخاف تهاوشني.
أبتسم ربيع ودخلهم الديوانيه ودخل هو لعند خواته وبلغ العامِله تجهز لهم القهوة والشاي والعامِل بلغه يسوي العشاء ويأخره شوي.
توجهه للصالون وأبتسم وهو يشوفهم قاعدين بجمب بعض ويسولفون : هاه وشلون القصر الجديد أعجبكم ؟.
أبتسمت عَربّ : أكيد أعجبنا لأنه تصميمي سارقه مِني يا النصابّ. ضحك ربيع وقال : أي نستفيد مِنك ومِن خبراتّك بالتصميم ؟. أبتسمت وقالت : يعطيك خيره يارب ، مسكن العافيه.
أبتسم لها وقال : حَبيبتي أنتِ يعافي قلبك ، خذوا لكم الغرفه اللي تبونها وارتاحوا فيها ، بروح للعيال شوي وأرجع لكم.
هزوا رؤوسهم بالأيجاب.
قالت حروف وهي تناظر جوالها : عَربّ ، كثير معلقين عَن القصيده اللي ألقيتيها وبكيتي فيها ، يصير أرجع أسمعها مِنّك ، لأن فيه كثير كاتبين عنها و وقتها ماكنت معك كنت مع ربيع اللي يسأل عنك وماركزت كثير.
أبتسمت عَرب وقالت : تطلب مّني حروف شيء وأردها ؟ ماصارت ذي وأعوذ بالله مابتصير.
وقالت القصيده مره آخرى :
من أفزعك؟
‏من خاض عالمك الجميل
وعاث فيه و روّعك
من أحزنك؟
من هز تحليق الطيور وأدمعك؟
من أطفأك؟
وأعاد للدنيا الظلام ومزقك ؟
لا تبتئس إني معك ولقد أتيت لأسمعك
هذي يدي امسك بها جاءت لتمسح أدمعك
اسند برأسك ها هنا ، و انسى الذي قد أوجعك.
وأبتسمت لحروف اللي تناظرها بلمعه بعُيونها وصفقت فور ما أنتهت مِن القصيده : تصدقين أني مُغرمّه بصوتّك بالألقاء ؟ وقصائدك الفصحى اللي تكتبينا واللي تلقينها وكيف تختارينها ، أحب أدق التفاصيل فيك عَربّ . '
'
أرفعوا الصوت🤍.

الثامّن.
' | ‏"النفسُ تأنس إن رأَت أَحبابَها"|. '
أبتسمّت عَرب وقالت : حَبيبتي أنتِ ، صدقيني كلامّك مو بس كلام لا ورد ينغرس بأعماق قلبي ويزهر دائماً. أبتسمت حروف وأرسلت لها بوسه.
وقفت عَربّ وقالت وهي ترتب عبايتها على عشان ماتخترب وتحطها على الأريكه : وش رأيك ندور بالقصر ومنه نختار غرفنا ؟. وقفت حروف وتركت جوالها : يلا بشوف أبداعِك بالتصميم.
أبتسمت عَرب ومشت معاها وبدوا يدورن بالقصر وأختاروا غرفهم وطلعوا يشوفون الحديقه والمقاعد الخارجيه.
أبتسمت عَربّ وهي تشوف قعده شعبيه في أحد أركان الحديقه ، مشت هي و حروف لها ، دخلت حروف قبلها وأبتسمت بأحراج وصدمه لـ عود ومالِك وقالت : عَربّ لا تدخلين !. وطلعت بسرعه ومسكت عَرب المستانسه على الجلسه قبل تدّخل وسحبتها ، ناظرتها عَربّ بأستغراب : وش فيك ؟. مسكت حروف فمّها وهمست لها : أصحاب ربيع داخِل ، كانوا بيقعدون بالديوانيه وش جابهم هنا مُش عارفه ، لا يسمعونِك ؟. هزت عَربّ رأسها ودخلت مع حروف داخِل القصر .
قالت بهدوء : أبي أرجع القريه.
ماتعودت أنام برا بيتي أمس نمت عند وحده مِن البنات برا القريه وحسيت أني مو قادره أنام زين؟.
قالت حروف بأبتسامه : راح تنامين زين صدقيني ، ذا المره بس خليك معاي.
ناظرتها عَربّ بأبتسامه : اللي تبين .
قدمّت لهم العامِله أطباق العشاء.
وسموا بالله وبدوا يأكلون ولما أنتهوا مِن العشاء طلعت عَربّ تنام بما أنها متعوده تنام بدري دائماً ، أما حروف قعدت على جوالها لين ماجاء لها ربيع وقعدوا يسولفون شوي وكِل واحد راح لغرفتّه. '
'
يوم جديد.
الصبح الساعه الـ ٨:١٩ص.
نزلت عَرب وفي يدها عبايتها وشنطتها ، صبحت على ربيع اللي صاحي مِن بدري وقعدت تفطر معاه.
قال ربيع بأبتسامه : على وين ؟. ناظرته وقالت : على القريه بروح أفتح الكوافير ، اليوم في زبائن كثير ماراح أتركهم على العامِله ؟. قال ربيع : يعني مافيه أمل تضلين معانا ؟. هزت رأسها وقالت : ودي أقعد معاكم والله لكن مايمديني ، خلك مع حروف ترى نفسيتها مو زينه مِن القعده على الجوال وحدها ، خلها تعيش معاك هنا لاتتركها تقعد هناك لوحدها البيت مليان عامِلات وعُمال مايصير تقعد لوحدها معاهم؟. هز رأسه : حاولة فيها قبل بس رفضت وبحاول فيها الحين !.
وقفت عَربّ ولبست عبايتها ولفت الطرحه على رأسها بأهمال وقالت : لا تحاول أجبرها ، هالشيء لمصلحتها وأنت أدرى بمصلحتها .
وقربت مِنه وباست خده : في أمان واحد أحد ، أنتبه لنفسك ولـ حروف وأذا بغيت شيء أتصل على رقم العُروب لأنه مفتوح دائم رقم عَربّ مقفل .

| جمِيلةكالْـقمر.|
'
دخل المحكمه هو ومالِك وطلع لغرفته ولبس الزي وألتفت لـ مالِك : اذا ماعليك آمر روح لـ حرير و وصلها لأخت ربيع ، ما أبيها تروح مع السواق ماني واثق فيه.
قال مالِك وهو يقعد على الكرسي : أبشر ، لكن ممكن أعرف وش سالفة السواق ذا ؟. قال عود وهو يعدل الزي الخاص به كـ قاضي : عنده سوابق ومشكوك فيه فـ ما أبي حرير تروح معاه ، أساسا راح أفنشه لكن ما أتاحت لي الفُرصه.
وقف مالِك وقال : تم خلني أنا بفنشه أنت ركز في شغلك و بروح أنا لأختك وأوصلها وأتصرف مع السواق .
هز رأسه عود وضربه على كتفه : لا أتصلت عليك تعال ما أبي أطول هنا. وطلع ونزل لتحت عند أول جلسة له.
دخل الغرفة عليهم وأشر لهم بالجلوس وبدا يستمع للقضيه لكن وقف المُتحدث وأشر للمدعيه بالتكلم ، وقفت المدعيه وقالت : القصة كالأتي ، أنا أبوي وأمي فقدتهم قبل خمس سنوات ، كنت طول هالسنين عايشه عند عَمي ، كنت عايشه ملكه عندهم ماتركوا لي حاجه ما اعطوني هي ، كنت عايشه بسعاده ، لكن لما طلق ولد عمي زوجته بدت مُضايقاتّه لي لدرجة أنه يتاجر علي ومعي الأدله بعد ، لما قلت لعمي وشكيت له قام علي وقال لي ياجاحدة المعروف أنتِ ماكفاك أننا لفيناك بعد موت أبوك؟ وكلام كثير جارح وطاعن بشرفي وأيضاً الأدله موجوده على كلامّه ، وقتها عشت أسوء أيام بحياتي ، وقتها ماتحملت و هربت مِن عندهم بس ماكفاهم وصار يلحقني ولد عمي لين مسكني ودخلني معاه شقه مشبوهه وفيها جميع أنواع الفساد ، وقتها كان معاي قلم كاميرا كنت مشغلته مِن وأنا عندهم بالبيت عشان أقدر أثبت برائتي ، وكان يسجل كِل شيء ، ومدت القلم للشخص اللي قاعد أمام شاشة العرض.
ورجعت مكانها وعينها على القاضي اللي يناظر التسجيلات ولف رأسه مِن هول المناظر اللي فيه.
غمض عُيونه وفتحها و ناظر المُدعي عليه اللي وسط قفص الحديد ومنزل رأسه ، أشر للرجُل وقفل العرض ولف على الأعضاء وأعطاهم القرار لكن عارضوه بقراره ولما أتفقوا لف لهم وضرب المطرقه و وقفوا الموجودين لوقوف القاضي : حُكم كالأتي ؛ رجم المُدعي عليه حتى الموت ، ومقاضات المُدعي علية صلاح الـ***** "والد المُدعي عَليه وعَم المُدعيه" وضرب بـ مُطرقته ولف لأعضاء المحكمه وقعدوا يتناقشون في القضيه والمشاهد اللي تشيب الرأس.
طلع مِن الغُرفه هو واحد مِن أعضاء المحكمه و رأسه مصدع مِن المشاهد اللي شافها.
قال الرجُل اللي معه : مابقدر أكمّل ماعاد برأسي عقّل .
هز رأسه وقال : وأنا بعد راح ألغي الجلسات اليوم ما بقدر أكمّل المنظر خلاني أنسى نفسي أعوذ بالله منهم.
'

نتوقف هنا

لامارا · 14-12-22, 02:04 PM

البارت 2

‏" تَرَك الحُبّ على قلبي ندوباً".|
'

وطلع لغرفته وهو مصدع ورأسه يعوره مِن اللي شافه ، دخل غرفته ورمى نفسه على الكنبه ويده على رأسه. '
'
وقفت سيارة السائق خارج القريه ودخلت القريه مشي وهي تتمايل بسبب الكعب الطويل والأرض المحفّره ، كانت تميل بمشيتها ويميلون شُبان الحي معاها وكانوا كالعاده يمشون خلفها لين وصلت بيتها ودخلت البيت وهي مبتسمه .
أبتسمت بأنشراح وهي تشّم رائحة البخور اللي أستقبلتها ، أبتسمت وهي تشوف ساريه وعبور قاعدين ومجهزين القهوة والفطور ومبخرين البيت ويسولفون ويضحكون.
أبتسمت وهي تشم رائحة القهوة اللي أختلطت بالبخور.
وقفت ساريه وهي تركض لها وتحضنها : المعذرة دخلنا بيتّس لكن حبينا نجهز لِتس الفطور والقهوة عشان تفطرين و تركدين رأستس متروحين للكوافير حقتس.
ضحكت عَربّ وهي مُغرمّه فيهم وفي كلامهم اللي تموت عليه : ولو البيت بيتكم وقت ماتبون أدخلوه ، والله سويتوا خير كنت أبي قهوة تركد رأسي على قولتّك.
وقعدت معاهم وصبّت لها عبور قهوة وقربت مِنها رضيف الخُبز والسّمن والعسل وبدت تفطر عَربّ رُغم أنها فطرت مع ربيع لكن هالفطور غير فيه لذه.
قالت عبور وهي تضحك : تصدقين يا ساريه أمس بالراديو طلع لي صوت العُروب ، يقولون مِن صوتها بكتّ ، يا تُرى وش بكاها ؟. ناظرتهم عَربّ بأبتسامّه على تلميحهم لها : يقولون العُروب بكت مِن جرح بالقّلب ماطاب كِل ذكرى له تطعنّه وتزيد دمّه نزيف ، ماقّدر ينجبّر هالجرح ولا ينسي بأي خانه وزوايه مِن زوايا القّلب ، ذا اللي سمعته يا ساريه وش سمعتي أنتِ؟. قال ساريه بأبتسامّه : يقولون البكاء على الجرح يجذب الأحباب ، وأنا أقول جرحتس جذب لِتس الحبيب ويا تُرى مَن هو عليه هالحَبيب؟. أبتسمت عَربّ وأشرت على ناحية الباب : ليكون شُبان الحي يا ساريه ؟. ضحكت ساريه وعبور وياها ، قالت عبور : لالا الشاب مِن المدينة ذا الواضّح لساريه ؟. ضحكت عَربّ : عاد لا جاء الحَبيب بتكونون أول مَن بيعرف أرتاحوا هالمره؟. و أستأذنت مِنهم و وقفت ودخلت لداخل تبدل ملابسها.
وكملوا عبور وساريه سوالفهم وضحكهم.
'

| يهلك الشخص بِأفكارة.| '
طلعت لهم بعد ما تسبحت وبدلت ملابسها ، قالت بأبتسامّه : تجون تساعدوني بالكوافير وتونسوني؟. وقفت ساريه وحطت الجلال على رأسها : معتس يلا .
وقفت معاهم عبور وقالت : وانا بعد معتس.
لبسوا جلالاتهم وحطوها على رؤوسهم بحيث يغطون كامّل جسدهم ، أما عَرب فـ لفتّ الطرحه عليها بأهمال وشدت عبايتها لها وطلعت لبرا ومعاها ساريه وعبور ، تعلقت عبور بـ ساريه مِن الخوف وهي تشوف الشُبان يناظرونهم وقالت : أبتس ذولا مايستحون وينتخون علامهم يناظرون كذا ويلاحقونا.
ضحكت عَربّ ومادرت عَن تأثير ضحكتها اللي هبّلت بالشُبان اللي أمامها وخلفها : وراك ماشفتي شيء يا عبور ، بس يازينهم يحسسوني بالأمان كأنهم حُراس .
ساريه قرصت عَرب بمعصمّها وقالت : أبتس لا تضحكين هبلتي بالعيال ، خافي ربتس ذابوا العيال!. مسكت عَرب ضحكتها وقالت : أبشري ولا يهمّك.
قربوا مِن الكوافير ولقوه مفتوح ودخلوا لداخِل.
أبتسمت عَرب لشذى : السلام عليكم ، أخبارِك شذى ؟ مشكوره فتحتي الكوافير بدري ، تأخرت أعذريني.
أبتسمت شذى : وعليكم السلام ، ولا يهمتّس ، لكن في زبونتين داخل يبون شغلتس أنتِ .
هزت رأسها وفصخت عبايتها وحجابها وحطتهم بمكانها المُخصص ، ودخلت لداخل وبدت بأول زبونه وعبور وساريه دخلوا معاها وقعدوا يسولفون معاها وهي تشتغل وتسولف معاهم .
قالت عبور وهي توقف : عَربّ عابّر جاب أغراض الكوافير يبي الفلوس؟. أشرت لها عَربّ على الدرج : شوفي فلوسه مجهزتهم في الدرج أعطيه وجيبي الأغراض الله يرضا لي عليك.
قامت عبور وأخذت الفلوس وطلعت لأخوها وأخذت مِنه الأغراض .
قال بضيق : ليش طلعتي أنتِ ؟. ناظرته عبور بأستغراب : مِن تبي يطلع لِك يعني ؟. ناظرها عابّر وقال : عَربّ ، أبي أشوفها أشتقت لها .
مسكته عبور وقالت بـ حده : عابّر أنتبه لنفسك وأضبط نفسك ، أبك أنت ماترضاها علي ليش ترضاها على بنت الناس ؟. ناظرها عابّر بضيق وقال : ماهو بيدي عبور ماهو بيدي ، تعودت على كلامها وشُكرها لي لا جيت أعطيها الأغراض عشقتها يابنت أبوي.
ناظرته عبور وقالت بضيق : عَابّر البنت تشوفّك أخوها ، قبل نجي كانت تتكلم وتقول كِل عيال القريه أخواني ، طيرها مِن رأسك بنت المدينة مابترضى فيك يا عابّر .
أعطاها الأغراض وجُملتها الأخير جرحت قلبّه "بنت المدينة مابترضى فيك يا عابّر" أخذ الفلوس مِنها ورجع للمكان اللي جاء مِنه.
دخلت عبور ونزلت الأغراض عند عَربّ ، ناظرتها عَربّ بأبتسامّه : ليتك خليتيني أشكره تعبتّه رايح وجاي عشان هالأغراض ، أشكريه لي عبور حَبيبتي .
'
' | التأمُل في عيناك مُواساة كونيّه.|
'

ناظرتها عبور وهزت رأسها بطيب وقعدت بجمب ساريه وكملوا سوالفهم وعبور واضح عليها الضيقه وما كانت غايبة عَن عَربّ أبداً .
انتهت عَربّ مِن الزبونتين و وصلتهم للباب وهي مبتسمه أبتسامّه جمّيلة.
و رجعت لـ ساريه وعبور ، قالت بأبتسامّه وهي تجلس معاهم : ياحلوهم مره لطيفين.
ابتسمت عبور : أنتِ اللطيفه والله.
ابتسمت عَربّ وقالت وهي تصب لها قهوة : وش رأيكم تنامون عندي اليوم ؟ ترى مروقه خلوني أكمّل روقاني وأروقكم معاي.
'
'
المدينة.
طلعت حرير وهي وتعدل حِجابها و ركبّت مع مالِك بعد ماسلمّت ورد مالِك السلام.
قال مالِك بتأكيد لمعلومّته : بيت ربيع صَح ؟. هزت رأسها وقالت بخجل : أي .
هز رأسه وحرك لبيت ربيع ، أما حرير فـ انشغلت بجوالها وهي خجلانه مِنه جداً .
مر الوقت بسرعه و وقف مالِك عند قصر ربيع ، نزلت حرير وشكرته ودخلت لداخِل ومالِك رجع لـ عود اللي ناداه.
دخلت على حروف وحضنتها بقوه وهي فرحانه ومشتاقه لها : حَبيبتي أنتِ ، مره مشتاقه لِك .
ضحكت حروف : أنتِ اللي طاسه مالِك حّس ترى آخر مره أنا اللي أتصلت!. ضحكت حرير وفصخت عبايتها وأعطتها العامّله : والله مره مشتاقه لِك شهر كامّل يا الظالمه .
ابتسمت حروف ودخلتها للصالون : لا لازم نشبع الشوق ، وبعدين ليش تأخرتي ؟. قعدت حرير وقالت : شسوي رفض عود أني أروح مع السايق قال بخلي مالِك يوديك بعد مايوصلني المحكمه وعاد تأخر علي مالِك وتو جاء لي.
ابتسمت حروف وقالت : يابختي والله مره مره مشتاقه لِك !. و وصبّت لها قهوة وجات العامّله بالحلا وقدمته لهم وأنصرفت.
قعدت حروف بجمّبها وقالت بحماس : قال لي ربيع أمس شيء صدمني ، عود متزوج ؟. ضحكت حرير وقالت : اي ياحظي له سنه ، ويموت عليها ومتقطع فيها لكن هي خبيثه ماتبيه ما ادري كيف عود مستحملها !.
قالت حروف بأستغراب : شلون ، ليش ماتبيه ؟. قالت حرير وهي تعدل جلستها : شوفي قبل سنه أبوي قال لـ عود بخطب لِك بنت عمي ، هي تكون بنت عم أبوي ، وافق عود على شور أبوي وخطبها أبوي لَه ، المهم أن تزوجها وعاشوا أول شهور طبيعي كـ أي عروس وعريس ، المهم أنها بدت تقلب عليه وتجفاه ، لكن عود تعلق وقتها فيها وصار يحبها ، حركاتها كانت جداً مُهينه ، يعني تخيلي حروف لما نكون قاعدين مع بعض وقال لها عود شيء تتأفأف وتسكته ، كذا مره سوتها أبوي مره معصب حاول في عود يطلقها لكنه رافض ويبي يسوي المستحيل لأجل تحبه وتتعلق فيه.
قالت حروف بقهر : ليش متمسك فيها ياخي ، حرام عود مايستاهل كِذا ؟. قالت حرير بقهر وغبنه : الله لا يجعلني أحب نفس حُب عود.

'
ْالله‌ لوتدري ‌شلون‌ قلبي‌ يحبّك.|
'

قالت حروف بزعل : قد قالت لي عَربّ أن الحُب يهين ويذّل ويخلي الشخص يتقطع مِن العذاب لكن يبقى متمسك فيه ، هذا حال عود.
ناظرتها حرير وقالت : منو عَرب ذي ؟ صاحبتّك !. هزت رأسها حروف وقالت : لا أختِ ، لكن مو عايشه معانا عايشه بقريه ، وتشتغل فيها.
أبتسمت حرير : الله قريه ؟ وش تشتغل هناك ؟. ابتسمت حروف بفخر وقالت : جدتي أم ماما ورثت أمي صالون هناك وعلى قولت عَربّ كوافير ، وماما ماتقدر تمسكه فـ أخذته عَربّ وضبطته وجددته بنفسها وبدت تشتغل فيه مِن سنتين تقريباً ، كانت تجي عندنا بالليل وبالصباح تروح القريه لكن أنقلب حالها كثير وكثير و أشترت بيت بالقريه ورممته وضبطته وسكنت فيه ولها سنه عايشه هناك وتكره المدينة وطاريها تعلقت بالقريه كثير.
أبتسمت حرير وقالت : ليش ما أعرفها ؟. قالت حروف بزعل : لأني ما أحب أجيب طاريها و أحن لها وأبكي فـ كنت متجاهله طاريها أمام أي شخص لأنها قطعتنا فترة لا تجينا ولا تسمح لنا نجي لها.
قالت حرير بهدوء : ليش وش فيها ؟ فيها علتّه "الحُب" صح؟. قالت حروف : ما أدري حرير ، خلال السنتين اللي راحوا أنقلبت ماصارت عَربّ اللي نعرفها تغيرت وكثير ، صارت شاعريه وحكيمّه ، صارت غير مره.
قالت حرير وهي تمسّك يد حروف : ليش ما تساعدينها ؟ ليش تتركينها على راحتها ، خليك معاها وسانديها خليها تكبّ لِك همها !.
قالت حروف : حاولة ياحرير لكن مافيه فايدة ، عَربّ كتومه مو بسهوله تاخذين الكلمة مِنها. '
'
نزل وهو يشد كابّه على رأسه وركب مع مالِك وهو مصدّع.
ناظره مالِك بأستغراب وقال : غريبه ماطولت وش صاير ؟. قالت عود بهدوء : أجلت قضايا اليوم لبكره ، ما أقدر أكمّل خذني للبيت.
حرك مالِك السياره وقال : وش صاير وش فيك ؟. ناظره عود وقال : اعوذ بالله مِن المُفسدين باللأرض ، الله لا يوريك يا مالِك ، قضية ودليل واحد هزتني ماقدرت أكمّل ، أعوذ بالله مِن المُفسدين بالأرض أعوذ بالله منهم ، شفت شيء جعلك ماتشوفه ، شفت مناظر تشيب رأس المولود اللي توه بالمهاد .
عقد مالِك حواجبّه بأنزعاج : حسبي الله ونعم الوكيل ، الله يهلكهم بفسادهم ، أدخل البيت وخذ لِك بندول ونام و ريح شوي .
هز رأسه وهو مغمض عُيونه ومتكي برأسه على المرتبه.
وقف مالِك أمام قصر عود .
ونزل عود ودخل القصر وهو معقد حواجبه ، وقف أمام مدخل الصالون وهو يشوف زهور نايمه على الأريكه بعمق ، قرب مِنها وفصخ جاكيته وغطاها بالجاكيت و قعد عندها وعُيونه على ملامحها و يتأملها بحُب ، باس رأسها وطلع لغرفتّه يرتاح. '

'
‏لا تحاول مع من لا يحاول.|
'
دخل غرفته وحذف بـ نفسه على السرير ونام بهدوء ، انقلب حاله كثير مِن اللي شافه.
قامت بأنزعاج مِن الدفء اللي جاها وشافت جاكيته ورمته بعيد بأنزعاج ، أستغربت أنه ما شالها لغرفتها كِل ما نامت بالصالون يشيلها لغرفتها ، هزت رأسها وحركته عدة جهات وقامت للمطبخ وشربت لها كوب ماء وطلعت لفوق ودخلت غرفة عود وناظرته بأستغراب مِن طريقة نومه ، تجاهلت هالشيء ودخلت غرفة التبديل وهذت ملابس لها وطلعت لغرفتها وبدلت ملابسها وخذت اللابتوب حقها و جوالها ونزلت للحديقة الخلفيه.
ضبطت لها القعده وفتحت اللابتوب ودخلت على أحد المواقع اللي مسجله فيها وبدت تقوم بوضيفتها في الموقع وهي مبتسمه.
بعد مرور ساعتين تقريباً.
صحى عود وقعد و ناظر الساعه ، قام ودخل الحمام "أكرمكم الله" وأخذ له دُش على السريع وطلع ولبس ملابسه وشال ساعته ومفاتيحه وجواله ونزل لتحت.
أتجه لمكانها المُفضل "الحديقة الخلفية ". جاء مِن خلفها وباس خدها وقال : وش تسوين ؟.
ناظرته وقالت : نفس ماتشوف!. قعد بجمبها وجات العامّله بالقهوة والبنادون نفس ماطلبها عود .
شكرها عود وأنصرت .
كملت اللي تسويه وهي متجاهلته تماماً ، قال عود بأبتسامّه: وش رأيك نطلع نتعشى برا ؟. نطقت زهور بدون ماتناظره : تم ، طفشت مِن القعده بالبيت.
أبتسم عود وشرب كوب القهوة وأكل البنادول و وقف وقال : تم بخلي مالِك يحجز لِنا ، خليك جاهزه بعد العشاء .
ناظرتّه وهزت رأسها.
أما هو باس خدها نفس كِل مره وطلع .
تأفأفت بأنزعاج مِن بوسته ومسحت خدها بأشمئزاز.
طلع عود وركب سيارته وهو مبتسم ، قال مالِك وهو يحرك السياره : ماشاء الله شكلك أحسن مِن الصبح ، وش هالأبتسامّه المشرقه ؟. ناظره عود : أحسن أحسن ، شوف مالِك أحجز لي ولزوجتي بأجمّل وأهدى مطعم .
ضحك مالِك وقال : ياعَيني والله ، ابشر أعتبره تم مِن الحين.
ضحك عود على ضحكته وقال : انتبه للطريق بس. '
'
خلصت عَربّ مِن الزبائن وقعدت مع عبور و ساريه اللي يتمتمون بصوت خفي.
عقدت حواجبها مِن طريقة كلامها ولفت على شذى وفهمت وش يقصدون وقالت بأبتسامّه لشذى : شذى ياعُيوني فيك ترجعين البيت خلصنا اليوم بكره عندنا مواعيد وزبائن ياكثرهم الحين روحي ارتاحي وبكره نتلاقى ياجميلتي.
أبتسمت شذى وهي ترتب الأغراض وقالت : ابشري الحين أروح.
وقفت عَربّ وقالت : وانتوا يلا قوموا نرجع البيت مابقى شيء وتغيب الشمس.
وقفوا ساريه و عبور ولبسوا جلالاتهم وعَرب لبست عبايتها وحجابها وطلعوا و وقفت عَربّ أمام باب الكوافير تقفل الباب . '

' | ‏أنتَ الأول بقلبي ولا يتبعك إلا أشيائك.|
'

ومشت خلف ساريه و عبور لكن وقف أمامها شخص ويناظرها بهدوء وتأمّل ؟. أستغربت الشخص الجريئ ذا اللي وقف أمامها ، لو ماتعرف شُبان القريه كان قالت أنه أحد هالشُبان لكن شكله وطريقة لبسه وحتى نظراته كانت مُختلفه عَن شُبان القريه.
ناظرته بأبتسامّه : ممكن توخر عَن طريقي؟. ناظرها وقال : أنتِ فاتنة الحَي ؟.
عقدت حواجبها مِن سواله : ما أعرف ملقبيني بهاللقب ، ليش؟.
شال نظارته مِن على رأسه وقال : مانّك بذاك الزود ؟. هزت رأسها بأبتسامّه وقالت : كِل شخص له نظرته و وجهة رأيه ، أحترم هالشيء ، بس ممكن أخوي توخر عن طريقي ؟. بعد مِن أمامها وأبتسمت له : مشكور ، ومشت تلحق عبور وساريه.
صفر بأعجاب كبير بشكلها وأخلاقها وأسلوبها اللي صدمه ، قال لها كذا عشان يشوف أخلاقها وطريقة تفكريها لكن صدمته بردها المُحترم اللي أعجبّه.
أبتسم للشباب اللي يناظرونه ومشى و وقف أمام الكوافير حقها : ياحلوها ذويقه.
وكمل طريقه .
مشت و وقفت فجاءه ولفت تناظره مستغربه مِنه ومِن كلامه معاها ، لفت على عبور اللي تناديها ومشت لهم وفتحت باب بيتها ودخلت وهم معاها.
دخلوا البيت وقعدوا بالقعده الخارجيه .
قالت ساريه بأبتسامه : يازين بيتس يا عَربّ ، يفتّح النفس و ويوسع الصدّر .
ابتسمت عَربّ وقالت : أحبه كثير ، ما أقدر أتخيل أن ممكن بعيش بـ بيت غيره ؟. قالت عبور بأبتسامّه : أن شاء الله قريب بـ بيت زوجتس .
أبتسمت وهي تفصخ عبايتها ؛ أحد شروطي أعيش بهالبيت اذا قبل تم الزواج.
سكتت وقالت بتردد : بنات انتوا قد شفتوا شاب بهالقريه ملابسه متحضره و شعره على فوق زي الخكاريه على قولتكم؟. ضحكت عبور: يازين نطقتس لها .
قالت ساريه : أي ولد تاجر الذهب اللي بنهاية الحي ، عايش بالمدينه ويجي كِل شهر يتطمن على المحل ، هو النسخه الذكوريه منتس ، مخقق بنات الحي.
ضحكت عَرب وقالت : ياويلي وش النسخه الذكوريه مني ؟. قالت عبور بضحكه : تقصد أن أنتِ مخققه شُبان الحي وهو مخقق شابات الحي .
ضحكت عَربّ وقالت : ياحلوكم بس ، أقول قومي انتِ وهي وادخلوا لداخِل .
وقفوا ودخلوا معاها لداخل وهم يسولفون ومتحمسين بالسوالف وعَرب للحينها تحاول فيهم ينامون معاها.
'
'
الساعه الـ ٨ مساءاً.
'
ركبّت زهور بالخلف بجانّب عود .
قال عود بأبتسامّه : كيفك ؟. ناظرته بأستغراب مِن سواله : بفضل ربي بخير .
أبتسم وقال : دائمه مُستدامّه يارب.
هزت رأسها وقالت : أخلص علي ترى جيعانه مِن الصبح ما اكلت أكل سنع ؟.
فتح مالِك عينه بصدمّه مِن أسلوبها لكن حرك السياره على المطعم وهو ساكت .

' | إنِّي أرى قادم الأيام تحملُ غايتي
‏وما صبري هذه الأيام إلا تأنيّا.|
'

سكت عود وهو متجاهل طريقة كلامها وقال : غيرك مو ماكل أكلك اللي تقولين عنه مو سنع ، احمدي ربّك!.
هزت رأسها بعدم مُبلاه : ان شاء الله تكون حاجز بـ مطعم سنع مو مطاعمّك اللي تقول عنها رايقه وراقيه وهي مايدخلها ألا خدم.
غمض عُيونه وهو يجاول يتجاهل كلامها.
أنصدم مالِك مِن أسلوبها القذر وكلامها وصدمتّه الكُبرى سكوت عود وصبّره!. وقف مالِك السياره أمام المطعم ونزلوا عود وزهور.
مر عود مِن عند مالِك ، غمز له مالِك وهو يضحك يبي يغير عليه ونجح وهو يشوف أبتسامّة عود الجمّيلة .
دخلوا المطعم ومالِك سُرعان ماكشر وهو متضايق على عود وكثير أتصل عَلى ربيع اللي بشركتّه ويجهز للأفتتاح وقعد يسولف معاه وفجاءه ماقدر يستحمّل وقال له كِل شيء صار رُغم انه منزعج مِن نفسه أن قال لـ ربيع شيء خاص بـ عود لكن ربيع أقرب شخص لـ عود لازم يعرف.
قال ربيع بهدوء : اللي أعرفه أنه يحبّها كثير بس ليش تعاملها كذا معاه ؟. كمّل مالِك وقال : اللي أعرفه أنه ما تحبّه وتحاول تتجنبه دائماً ، بس ذا مايعني أنها تتكلم معاه كذا ؟. حك ربيع حاجبه وقال : يمكن عود مايعرف يتعامل معاها ؟ يمكن طريقة تعامله ماتعجبها ؟. هز مالِك رأسه : ما أدري وش عرفني بهالأمور أنا.
قال ربيع بأسف : وانا بعد ما أعرف هالأمور اللي قلته لِك قبل شوي أخذته مِن أختِ مِن كلامها عن العلاقه الزوجيه لما دخلنا بنقاش وقلت اقولها لِك.
أبتسم مالِك وقال : حروف البزر تعرف بهالأمور ؟ خلها تساعده طيب ؟.
ضحك ربيع وقال : حروف ؟ ترى ضحكت وش عرف حروف بهالأمور؟. ضحك ربيع بصدمه : قبل شوي تقول اختي مهبول انت ؟.
ضحك ربيع وقال : اها أقصد الأكبر مِن حروف مو حروف البزر.
أبتسم مالِك : كم عمرها ؟.
ابتسم ربيع : بتدخل يعد خمس شهور ٢٨ سنه.
أبتسم مالِك وقال : ما شاء الله كبيره ، عندها بزران ؟. هز ربيع رأسه بـ لا : لا وين للحين ماتزوجت.
ابتسم مالِك وهو يفكر بـ شيء : حلو خلها تتواصل مع عود وخلها تنصحه اذا تعرف بهالأمور ، مِنه ينقذ زواجه ومِنه تتعدل هالنسره اللي عنده.
قال ربيع بأستنكار : مُستحيل لو تموت انت وهو ، خير لو حروف اوك حروف بزر ويعرفها مِن وهي صغيره أما عَربّ لو تموت أنت وهو ؟. ضحك مالِك وقال : عَربّ ؟ ياحلو هالأسم ، دام مافيه فرصه انت خلك صله بينهم يعني خذ منها نصيحه وأعط عود مو مشكله ترى.
ضحك ربيع وقال : ما شاء الله عليك تعرف تفكر ، أنا اقعد يوم كامّل على ما اقدر اتواصل معاها ، وعلى شركتي وأشغالي أقعد مرسول بين عود وعَرب ، اقول طس انت وعود.

'
أشعُر بالإنتماء لكُل شيء هادئ وبسيط ومُختلف.|
'

ضحك مالِك وقال : تم يتزوجها ومِنه ترتاح نفسياً انت.
ضحك ربيع وقال : مو مشكله لكن اذا وافقت عَربّ تعال أحلق شنبي ، وبعدين عود وش بتكون ردت فعله ندور لمشاكله حلول ، وهو ماشكى اصلاً ، و لا وزوجناه بعد ، المهم انت استلمه أنا مالي شغل فيه راح يفصل علي معروف عود وانا ماعندي وقت اقعد أستحمّل فصلته.
ضحك مالِك وقال : ولا يهمّك بعرض عليه بس سو نفسك غبي مانِك عارف شيء بس بقول بقوله عن اختّك وان شاء الله يقتنع.
هز ربيع رأسه وقال : شوف لا تدخل على الموضوع بسرعه وتصدمه ماله داعي أفزع لِك بالمستشفى وراي شغل أنا ، مهد له الموضوع ولا تنسى ترى تكلم عود ، ولا تنسى أذكارك واقرى ماتيسر مِن القرآن الكريم و... قاطعه مالِك وهو يضحك : مسافر انا ؟ خلاص ان شاء الله يقتنع بسهوله لا تصعبها علي يرحم أمّك.
ضحك ربيع وقال : عود ذا ، ترى ينخاف منه .
ضحك مالِك وشاف عود و زهور طالعين مِن المطعم وعود مقلوب مزاجه : قفل قفل عود جاي ، الوضع مايطمن. وقفل وركب السياره
وركبوا زهور و عود معاه .
ناظر مالِك بالمرأه الأماميه وقال عود : على البيت.
هز رأسه وحرك على بيت عود وهو حاس بأن الجو مشحون بينهم.
وصل البيت ونزلوا زهور دخلت البيت و عود ركب بالأمام بجانب مالِك.
ناظره مالِك وقال وهو يطلع مِن حوش القصر : فيك شيء .
ناظره عود وأنفجر لأول مره بعد ضغط وضيق : انا طفشت يامالِك طفشت أحبها وأسوي لها كِل اللي تبي واللي ما تبي ، مايعجبها شيء هذا غير أخلاقها ونفسها وتعاملها اللي ينرفز ماعاد صرت أستحمل هالشيء أنا أحبها ودائماً ابادر بأشياء كثير مافيه ولا أهتمام ولا كلام حلو حتى كلمه مِثل خلق ربي مافيه ، تعبت أنا أتمنى اني أقدر أطلقها وأتخلص مِنها بس ما أقدر ما أقدر هالشيء مو بيدي قلبي أقوى مني ، وش أسوي قل لي وش أسوي عطني حل بسوي أي شيء بس عشان تلتفت لي وتهتم فيني.
كان مالِك ساكت ويسوق ومستمع له ، قال بعد فترة : كلم أحد يعرف بهالأمور لا تيأس أبداً دامّك تحبها لا تخلي شيء ماتسويه .
قال وهو يتنفس بسرعه أثر كلامه السريع وأنطلاقته : مَن أكلم ؟ مِن اللي له علاقة بهالأمور ؟ أمي أول حل عندها طلقها ماتناسبك ، حرير بعد نفس الكلام ، مَن أكلم ؟. قال مالِك بهدوء : قبل فترة كنا نسولف انا وربيع عَن الزواج وحوسته ذكر لي أنه دخل بنقاش حاد مع أخته عن العلاقه بين الزوج والزوجة يقول أنها كانت خبيره بهالأمور وانها خلته يعجز عن الرد ، شرايك تكلم ربيع وتخليه يعطيك رقمها وتكلمها.
'
'
| ‏وكل صبح انت فيه .. انا بخير|.
'

ضحك بسخريه وقال : حروف البزر ؟ اكيد بتقول طلقها مو هي نسخه مِن حرير تلعب علي انت وربيع!. ناظره مالِك ورجع ناظر الطريق : ومِن اللي قالِك حروف ؟.
عقد عود حواجبه وقال : مَن بتكون أخته؟. أبتسم مالِك وقال : عَربّ أخته اللي أكبر مِن حروف ؟. عقد عود حواحبه بعدها قال : عَربّ ، ناسيها وناسي فكرة أن ربيع عنده غير حروف ، بس مُستحيل أنسى ماراح يرضى ربيع ابداً ذي اخته كبيره ماراح يسمح لي أتواصل معاها ؟.
غمض مالِك عُيونه لثواني وهو يقرأ أذكاره ويقرأ أيات مِن القرآن الكريم نفس ما قال له ربيع وفتح عينه وقال بسرعه وهو ينتظر اي صرخه او ضربه : تزوجها بالسر .
ناظره بخوف مِن هدوءه اللي أرعبه.
قال عود بحماس بعد تفكير : تّم ، اذا الناتج بأن زهور تحبني وتصير لي تّم.
شهق مالِك وسحب فرامّل وقال : كذاب !.
عقد عود حواجبه : وش اللي كذاب ؟. قال بصدمه : بتتزوج عَربّ صدق ؟ أحلف ؟. ضحك عود وقال : والله اذا وافقت البنت! وش بلاك أنت !. ضحك مالِك بصدمه : ماني مصدق والله.
قال عود بأبتسامّه جمّيله على شفايفه : ولا يهمك الحين تصدق بتصل على ربيع.
أتصل عود وبعد فتره رد ربيع بأبتسامّه : أهلاً حضرت القاصي ؟. ابتسم عود : أهلاً فيك أستاذ ربيع ، بدون مُقدمات أبي أطلبك طلب؟.
عقد حواجبه ربيع وقال : اللي هو ؟. أبتسم عود وناظر مالِك : أبطلب يد أختّك اللي ماني عارف شلون طلعت عَربّ على سنة الله ورسوله لأسباب بذكرها لِك بعدين.
فتح عينه و قفل الخط بصدمه
وأرسل لـ مالِك : حسبي الله عليك هو أنت معه هو أنا سمعت صح؟.
أستغرب عود ورفع الجوال وناظره بصدمه : قفل الخط ؟. ضحك مالِك بقوه وهو يشوف الرسائل ؟. لف الجوال على عود وشاف الرسائل وضحك.
رجع عود وأتصل عليه ، رد ربيع وقال بسرعه : أنت تتكلم جد ؟. ضحك عود وقال : أجل أستهبل ؟ أبي أختك على سنة الله ورسوله ، لما نتقابل بقولِك الموضوع .
قال ربيع : تعالوا الحين لشركتي أنا فيها .
هز رأسه عود وقال : تم ثواني وأحنا عندك. وقفل الخط ولف على مالِك : على شركته.
ابتسم مالِك وتوجهه ناحية الشركة ويحس بأنه سوا أنجاز كبير.
'
'
"القريّة".
دخلت المطبخ تاركتهم خلفها ، طلعت مقادير العجينه وعجنت العجينه بيدها وخلتها ترتاح خمس دقائق وطلعت الـ طاوه وحطتها على النار تحمى وحطت بطاسه صغيره ماء و قربت العجين وعجنتها آخر مره وبللت يدها يالماء وقطعت قطعه مِن العجينه وخبزتها بالطاوه وبللت يدها مره آخرى رمددت العجين على سطح الطاوه كامّله وغطت عليها دقيقتين وبعدها قلبت الخُبزه على الجهه الثانيه وهي محمره وغطت عليها شوي وانتظرت دقيقتين.

نتوقف هنا

لامارا · 14-12-22, 02:51 PM

البارت 3

' ‏"الا يا بخت جلاسّه بضحكاته و سواليفه".|
'

قلبت الخُبزه على الجهه الثانيه وهي محمره وغطت عليها شوي وانتظرت دقيقتين ثانيه وطفت النار مِن على الطاوه ، وجهزت السمّن والعَسل والنواشّف الموجوده عندها وسوت أبريق حليب وأبريق شاي وحطتهم بصحن كبير وحطت الخبزه بـ مطرح الخُبز وحطته بالصحن الكبير وطلعت لهم وهي مبتسمه ونزلته بسرعه ونفضت يدها بألم مِن ثقله : تفضلوا على قِل الكلافه.
أبتسمت عبور : ياحلوتس وأنتِ تتكلمين نفسنا ، فيتس طعامه أسم الله عليتس.
أبتسمت ساريه: ياحلوتس والله ، هيا أنزلي تعشي معنا.
قعدت عَربّ معاهم وقطعت الخُبز وقسمته عليهم : شتبون شاي ولا حليب ولا تبونهم مكس ؟. ناظرتها عبور بأستغراب : وشهو الثالث ؟. ناظرتها ساريه ايضاً تنتظر الجواب .
ضحكت عَربّ وقالت : يعني اخلطهم حليب بالشاي.
هزوا رؤوسهم وقالت ساريه : تكلمي زين خلينا نفهم عليتس يا اختس.
ضحكت عَربّ : مِن عُيوني ولا يهّمك ياعَيني أنتِ.
قالت عبور بأبتسامه : صبي لي شاي ولا عليتس آمر.
أما ساريه فـ قالت : وأنا اثنينهم حطيهم لي .
شربت عبور الشاي حقها وقالت : أنا بنام معتس هنا بس بعد العشاء بزهب "بجهز" لي أغراض مِن البيت وبرجع لتس.
قالت ساريه : أجل تنام معتس عبور وأنا لا ، لا بالله أني معكم.
ابتسمت عَربّ بفرحه : جَد ؟ ياحلوكم والله أجمّل مَن بينام معاي بـ بيتي ، تعشوا الحين تعشوا.
قالت ساريه بفضول : عَربّ ، متى أقرب أُمسيه لِتس؟. ناظرتها عَرب وقالت : أمم مافتحت جوالي مِن آخر مره فـ مُش عارفه اذا حددوا الوقت ولا لا .
قالت عبور : نفسي أحضر لِتس أُمسيه أبي أحس بالفخر وأنا أناظرتس وانتِ تلقين القصيد.
ضحكت ساريه وقالت : اختصرت علي كلام كثير بقوله .
أبتسمت عَربّ بحُب لهم : الأُمسيه الجايه معاي انتوا ماراح أطلع مِن القريه ألا وانتوا معاي ، هذاني قِلت لكم!. ورفعت بيالة الشاي و شربت مِنها بأبتسامه وهي مستمتعه بسوالفيهم اللي ماخذه قلبها ، ساريه و عبور مِن أقرب الأشخاص لها تحسهم أهلها ، صاروا بفترة قصيرة صديقاتها وأقرب لها ، حَبتهم كثير لما تكون معاهم تصير أنسانه ثانيه تتغير روحها وتصير مرحه .
'
' | ‏مهما تعددت الخيارات ، اختر نفسك دائماً .|
'

قال ربيع وهو يهز رأسه : مهبول أنا أزوجك أختِ مصلحه ؟ليش بايع أختِ أنا !. قال عود : يا رجُل والله ما أقرب لها زواج لمدة شهر بس وش فيك ، اكيد ماتبيني اهدم بيتي أخرب بين أبوي و وأولاد عمه بسبب زواج فاشل ، وأختّك أختِ ماراح أسوي شيء يضرها لا جاها الزوج الصالح في الوقت اللي انا متزوجها اطلقها وتشوف نصيبها ، الزواج فائده لي ولها ، هي تعرف الأمور هذي واللي بيصر لها مِن خلال الزواج وأنا أخذ منها المصائح وأصلح زواجي.
هز ربيع رأسه وقال : انا رافض الفكره لكن بسألها واذا وافقت تصطفل أنت وهي.
ضحك عود بفرحه وقال : كفو ، يلا كلمها الحين.
ناظره ربيع بصدمه : قل والله ؟ تشوف الساعه كم ؟. ناظر عود الساعه وكانت الـ ٩:٢٠م : وش فيها الساعه بدري ترى يلا.
قال ربيع : والله أختِ نظامها قروي تنام الساعه ٩ وتصحى الساعه ٨ الصبح فـ مُستحيل ترد علي الحين ، هذا غير الأبراج الزفت اللي عندها.
عقد حواجبه عود وقال بأستغراب : ليش وين هي؟.
لف ربيع : بالقريه ساكنه هناك.
أبتسم عود وقال : حلو لي فترة أبي أنزل لها ، الحين أنت اتصل عليها وشوف يمكن ترد ؟. تأفأف ربيع وطلع جواله وراح بيعد عنهم ولف شاف عود لاصق فيه !.
رفع حاجبه وضحك : خير ان شاء الله ؟. ابتسم عود : بسمع وش بتقول .
ضحك ربيع وقال : طس هناك يمكن بيننا اقول بيننا أسرار أخويّه غير موضوعك.
رجع عود وهو يضحك : قليل أدب خوينا ذا مايعرف يجامّل.
قال مالِك بضحكه ؛ والله معروف منهو قليل الأدب ، وعلى ربيع ؟ لا ذي قويه.
ضحك عود : تتوقع توافق القرويه ذي ؟ يارب توافق أبي أعيش حياتي زين ماكأني عايش مع الناس.
قال مالِك : الله يفرجها.
'
'
كانوا قاعدين ويا بعض فـ أهتز جوال عَربّ و فزت ساريه وصرخت بقوه مِن الشيء اللي يهتز تحتها ، ركضت عَربّ وسحبت الجوال مِن تحتها وهي ميته ضحك و مو قادره تتنفس مِن الضحك على شكل ساريه اللي نطت وصرخت بقوه وترتجف بخوف.
ضربتها عبور بخوف : يابنت تنفسي ، ومسكت أنفها وسدته لين أستردت عَرب نفسها وهي باقي تضحك.
ناظرتها ساريه بقهر : حسبي الله على أبليستس انتِ وهالخمّه اللي بأيدتس .
ضحكت عَربّ ورفعت جوالها اللي باقي يتصل ردت على الأتصال وهي للحينها مو قادره تسكت : يا أهلاً. ضحك ربيع على ضحكتها : السلام عليكم ، جعلها دايمه هالضحكه .
ضحكت عَربّ وقالت : وعليكم السلام والرحمه ، تدوم لي يارب.
أبتسم ربيع وقال : أبيك بموضوع اذا فاضيه ؟. سكتت وناظرت ساريه وعبور وطلعت لبرا : أي تفضل قول ؟. قال ربيع : شوفي تعرفين خويي عود ؟. '

| ‏ودي أعيشك في دنيا وأنت فيني وحيد.|
'

عقدت حاجبها وقالت : خويّك مِن المدرسه صح ؟ اي أذكره وش فيه؟. قال : أي هو ، عود ياطويلة العُمر مِن سنة و زود وهو متزوج ، المهم أن بداية حياتهم نفس اي بداية ، لكن زوجة عود بدت تتغير عليه بينما هو وقع بحُبها وصار مهووس فيها ؟ المهم أن هي زي ماقلت بدت تتغير عليه مِن فترة وصارت ماتطيقه وصارت ماتتحمل وجوده رُغم ان الزواج برضاها ، بدخل بالموضوع أنا رفضت هالشيء مِن البدايه لكن أصر علي عود وقال حاول ، قلت لعود أنك تعرفين بهالأمور وقال بكلمها لكن رفضت أي صلة بينكم وبما اني مشغول مِثل ماتعرفين ما أقدر طول الوقت اكون متواجد معاكم اثنينكم فـ أقترح علي يعقد عليك القّرِآن ويقدر يتواصل معاك براحه بدون مايدخلني أنا رفضت لأن ما ابيه يستغلك بهالشيء ويقطع نصيبك ، بس بالنهايه الرأي الأخير لِك.
عقدت حواحبها تستوعب الموضوع بعدها أبتسمت مِن طرت على بالها فكرة : موافقه اذا كان بالسر ، واذا كان الموضوع عائلة وبناءها ، بس ماراح أطلع مِن القريه أبداً اللي يبيني يجي لي.
فتح فمه بصدمه وقال : منجدك؟ صدق؟ أنتِ بخير؟. ضحكت عَربّ: أي بخير وش فيك ؟.
هز رأسه بصدمه وقال : عيدي جوابّك أستوعب شوي ؟. ضحكت وقالت : موافقه اذا كان بالسر مايعرف فيه ألا أنت فقط.
هز رأسه وقال : تم برتب الأمور وأعلمّك. قفل ورجع لـ عود اللي يناظر ملامحه المصدومه والمبهمه وينتظر مِنه جواب ؟.
قال ربيع : موافقه لكن يكون بالسر مايعرف فيه مخلوق.
ضحك عود بفرحه وقال : تم تم تم ، بكره نروح على القرية ونعقد القّرِآن.
ضحك مالِك على ملامح ربيع المصدومه!.
قال ربيع : لكن البنت مو متجهزه وش تبي ؟. ضحك عود وقال : ياخي قول لها ماراح ترفض اكيد بس نعقد القّرِان ونرجع معليك !.
أتصل ربيع مره ثانيه وردت عَرب وهي تضحك : عُيوني؟.
أبتسم ربيع وقال : تسلم لي عُيونّك الحلوه ، بكره الصبح بنكون عندك أحنا والمملك و أن شاء الله نعقد القّرِآن .
عقدت حواجبها بتفكير وقالت : الصبح بكون بالكوافير ، بخلي مفاتيح بيتي تحت العتبه واذا جيت افتح الباب وادخلوا ثم تعال لي الكوافير.
هز رأسه وقال : تّم ، يلا مع السلامه.
قفلت عَربّ ورجعت لـ ساريه وعبور.
أبتسم عود وقال : وش تقول ؟. عقد ربيع حواجبه وناظر مالِك اللي ضحك ورجع لـ عود : وش دخلك ياخي !.
ابتسم عود ورز نفسه وقال بـ بحه : نسيبّك ؟. لف ربيع على مالِك وقال : بزوجك عَربّ وخلك بينهم وش رأيك ؟.
أبتسم مالِك وقال وهو يناظر عود بخُبث : تم ، فاضي ماعندي شيء اكون وسيلة أتصال بينهم ليش لا؟. '

'
‏اخبروا الحظ بأننا احياء فليطرق بابنا ليلة .|
'

ناظرهم عود بصدمه : اقول طس انت وهو انا حجزت بالأول ، لي مالي شغل !.
ضحك ربيع وقال بحده : هيه انت وش اللي حجزت بالأول لعبه هي!!.
ضحك مالِك وقال : واضحه نيته ترى !. ناظره عود بصدمه : هيه أنت لا تحرض بيننا ، عاد ذا ترى يدور مشاكل عارفه مايبيني أخذ أخته.
رفع مالِك كتوفه وقال : لو مكانه لو تموت ما أخذتها .
ضحك ربيع وقال : أيوه شوف حتى مالِك معي صاف وفاهم شعوري ، الحين لو أخذت حرير مصلحه وش بتسوي ؟. قال عود : اذا هالشيء له منفعه لِك اكيد بخليك تاخذها لأني عارفك وعارف أخلاقك أعرف انك تشوفها كـ أخت وماراح تأذيها أبداً صح زواجك مصلحه مِنها لكن هي لها علم بهالشيء وموافقه انا مالي شغل غير اني أحرص على سلامتها معك ، عَربّ أختك نفس اختِ حرير ، أخواتنا هُم ، خواتك وخوات مالِك خواتي ، واختِ أختكم انتوا ، انتوا سندها بعد الله ثم بعدي.
أبتسم ربيع هو ومالِك على كلامه وقال مالِك بأبتسامه : هالشيء لا شك فيه.
كان بيتكلم ربيع لكن جات له رسالة محتواها : "" عارفه أنك قلقان وكاره الشيء وماتبيه يصير ، بس بقولِك أني فكرت زين و هالشيء مصلحه لي أنا بعد ، لا تشيل هم ، عارفه أنك ماتبيه ياخذني حتى لو الزواج مو مصلحه ، لكن بالنهاية أحنا مو لبعضنا ناخذ مصلحتنا مِن بعض ونكمّل حياتنا نفس قبل ، نفس ماكنا نجهل بعضنا الحين ، أحبّك كثير ، أنتبه على نفسك وعلى صداقتّك معه مهما صار ماراح يتغير شيء عليك.""
أبتسم ربيع بـ حُب كَبير لأخته ونصف قلبه اللي مهما سوا او أبتعد عنها تبقى أقرب شخص له وتفهمه كثير وحافظة صوته وطريقة كلامة ومِن خلالها تعرف وش جوه و هل هو سعيد ، حزين ، متضايق ، قلقان ، متوتر ، تعرف أدق تفاصيله ، عَربّ غير عَن الكِل ، أبتسم ربيع وقال لـ عود : ومِن قالِك أني شاك أنّك بتأذيها او تستغلها بشيء ثاني ؟ لكن تعرف أن أختِ الكبيره أقرب لِي مِن قبل فـ أخاف عليها مِن أصغر الإشياء رُغم أن لي فترة طويله ما قابلتها غير مره وحده بس ، لكن ما تغير شيء أبداً غير أن قلقي وخوفي عليها زاد.
أبتسم عود وقال : أعرفّك وأعرف قصدك ونيتك ماله داعي تشرح وتقول !. أبتسم ربيع وناظر العُمال اللي على وشك الأنصراف : يلا قوموا ، بكره ورانا قومة مِن بدري ما راح ننام لين ١٠ و١١ .
قاموا مالِك وعود وطلعوا برا الشركة مع ربيع اللي يشرح لهم موقع القرية ويشرح لهم الوضع وأنهم مايحبون أحد يدخل القرية بسيارة ويلعب فيها ، ويشرح لهم قوانين كثيره قالتها له عَربّ. '

'
‏الحَرْفُ يبدأُ من عَيْنَيْكِ رحْلتَهُ
‏كلُّ اللُغاتِ بلا عينيكِ تَنْدثِرُ.|
'
الصبح الساعه ٧:٤٨ص.
صحت عَربّ وقعدت وهي تحك عَينها بألم ، لفت حولها تدور ساريه وعبور لكن مالهم آثر .
وقفت وخرجت لبرا ولقت بالقعده صحن صغير فيه فطور و واضح أنهم رجعوا لبيوتهم.
أبتسمت ودخلت الغرفة وجهزت لها ملابس وأخذت دُش سريع ينشطها وطلعت لبست وتبخرت وبخرت البيت وشالت عبايتها وطلعت للقعده وقعدت وسمّت بالله وأفطرت مِن الفطور اللي سووه لها ساريه وعبور ولما خلصت دخلت المطبخ وحطت الصحون بالغساله وغسلت يدها وفمها وطلعت لبرا ولبست عبايتها وطلعت برا البيت وقفلت الباب وحطت المفتاح تحت العتبه و مشت للكوافير وهي مبتسمه ، فتحت الكوافير و دخلته ، ماعندها شيء اليوم بالكوافير ، راح تكمل خياطة الفساتين ، عشان كذا ماطلبت مِن شذى تجي ، دخلت المشغل وهي مبتسمه ، وقعدت أمام مكينتها وبدت تخيط بمهارة وحُب كبير لهالشغله ، وقفت خياطتها وجابت القماش الثاني أضافته على قطعة القماش الأولى بتدرج الى أن أصبح القماش قطعة مُميزه في الفُستان الجمّيل ، خاطت الفُستان بأكمّلة و وقفت وحطته على المانيكان ، وحطت عليه الكريستال وخاطته بأبرة اليد ألى أن أكتّمل كريستال الصدر بأكمّلة ، أخذ مِنها وقت طويل لكن النتيجه مُرضيه ، قعدت بتعب أمام المكينه ونزلت رأسها على المكينه شوي بعدها بدت بالفساتين اللي مطلوب فيها تعديل ، وعدلتهم كلهم الى أن أنطرق باب الكوافير.
وقفت عَربّ وقالت : منو ؟. قال ربيع بأبتسامّه : ربيع.
أبتسمت وقالت : ثواني وأجي لِك ، ودخلت لداخِل ولبست عبايتها وطلعت له وقفلت الكوافير ولفت له وأبتسمت له بحُب وسلمت عليه وقالت : يا أهلاً ، نورت القريه بما فيها مِن جيت لِها.
أبتسم ربيع وقال : منوره بأهلها والله.
ومشوا للبيت وعَربّ مبتسمه وتسولف مع ربيع اللي ساكته ومُستمع لها بأبتسامّه عريضه.
رفع مالِك رأسه مِن جواله على صوت عَربّ اللي تسولف لـ ربيع ، ناظر عَربّ وهو فاتح فمّه بصدمّه "ذي عَربّ". ناظرته بأبتسامّه وهي عارفه ملامح وجهه وقد شافته ، قالت لـ ربيع : ذا عود ؟. ناظره ربيع بحده وقال : لا مالِك التبن .
ضحكت عَربّ وقالت : والله انت التبن ليش ماتدخله !. قال ربيع : مايبي يدخل ادخلي أنتِ. هزت رأسها عَربّ ودخلت وهي مبتسمه وسحبّت المفتاح اللي تاركه ربيع في الباب ورفعت رأسها وناظرت عود والمملك ودخلت لداخِل بسرعه.
بلع ريقه بصعوبه وهو يكذب عُيونه !.
مُستحيل ذي تكون عَربّ !.
ناظر المملك وأبتسم له ، دخل ربيع وقال للمُملك يبدا. '

'
مُّر بِي حُباً.|
'

بدا المملك يملك وهو مبتسم ويدعي لهم ، دخل ربيع بالكتاب على عَربّ وخلاها توقع لكن وقفت وسحبت جوالها وقالت : صور يدي وأنا أوقع ، للذكرى ترى !. ضحك على نبرتها وقال : تمام للذكرى ، صورها ربيع وهو مبتسم لها .
أبتسمت له و وقعت وسحبت مِنه الجوال وأعطته الكتاب .
باس رأسها وقال : عقبال الزواج الحقيقي يارب.
أبتسمت له وقالت : عقبالِك أنت يارب.
أبتسم ربيع وطلع بالكتاب للمُملك.
المملك عقد القّرِآن ثم بارك لعود وربيع وطلع .
قال عود بحماس : نادها بسرعه.
ضحك ربيع وقال : شوفها داخِل ، روح لها.
ناظره عود وقال : أقول ادخل نادها اعوذ بالله منك أنت وكسلك!. ضحك ربيع وقال بصوت شبه عادي : عَربّ. طلعت له عَرب بعبايتها وقالت : عُيوني؟. أبتسم ربيع وضحك وهو يناظر عود : تسلم عُيونك الحلوه ، عود يبيك ؟. ناظرته عَربّ و تقدمّت وقعدت بجمب ربيع وناظرت عود بأبتسامّه: أي ياعود هذاني جيت وش تبي ؟. أبتسم عود لها بأحراج وماقدر يتكلم.
ماقدر يمسك ربيع نفسه وضحك بقوه.
قرصته عَربّ بخجل وقالت بحده : ربيع !.
خزه عود وقال : ضحكت بدون أسنان يارب.
ضحك ربيع : الحمدلله عشت وشفت هاليوم اللي تخجل فيه ياعود.
وقفت عَربّ ودخلت لداخِل ماتبي تحرجه بوجودها وعارفه ربيع مابيسكت ابداً. دخلت المطبخ وسوت قهوة وشاي وجهزت التمر وحطت لهم فناجيل وطلعتها لهم وقالت بأبتسامّه : عن أذنكم أنا برجع الكوافير وراي شغل لما أخلصه برجع بدري دخلوا خويكم اللي برا وتقهووا هِنا.
قال ربيع : لا تطولين حاولي تخلصين بدري.
هزت رأسها : أن شاء الله.
وناظرت عود اللي يناظرها وأبتسمت له وخرجت لبرا.
شافت مالِك متكي على الجدار وعلى جواله ، أبتسمت وقالت : مالِك؟. لف مالِك لها و عدل وقفته بأبتسامّه : أهلاً. أبتسمت وقالت : أدخل معاهم وخذ راحتّك ، أعتبرني وحده مِن خواتّك .
وبعدت مِن عنده ومشت للكوافير عشان تكمّل شغلها اليوم وترتاح بكره بدون همّ وقلق.
أبتسم مالِك على لُطفها ودخل لعندهم وشاف القهوة والتمر : قليلين أدب البنت أستحت منكم وجت تدخلني لكن انتوا حمير تبون تتقهون بدوني أجل !. قال ربيع بضحكه : حسافه جيت بدري لو تأخرت شوي كان خلصت القهوة عنك.
ضحك وقعد : صب صب لي ، والله انكم قليلين خاتمه لو ما نادتني أدخل كان قعدت برا على جوالي أنتظركم تنتهون.
قال ربيع وهو يند له الفنجان : والله ناديناك تقول خذوا راحتكم مابدخل!. قال مالِك : انا اقصد لو بتقعدون معاها وكذا ، لكن تبونها مِن الله.
ابتسم عود و غمز له : أحب اللي يفهم يا ناس.
'

'
|الحَرْفُ يبدأُ من عَيْنَيْكِ رحْلتَهُ
‏كلُّ اللُغاتِ بلا عينيكِ تَنْدثِرُ.
'
ضحك مالِك وهو يرتشف مِن القهوة ، قال بأبتسامّه : ما شاء الله القهوة طعمها يجنن!.
أبتسم ربيع وقال : أي ماشاء الله عليها تعرف تضبط القهوة.
مسك عود الترمس وقال : يلا شربتوا قهوة ؟ يلا حبايبي طسوا .
ناظره ربيع وقال : ماشاء الله مسرع ما عشت الدور ؟ أنت اللي طس أنت وذا انا بقعد مع أختِ اليوم مالي طلعه مِن هنا.
ضحك عود وقال : عناد فيك بنام هنا.
قال ربيع بعناد : وأنا بنام بعد .
ضحك مالِك وقال : وأنا بنام بعد.
ناظروه عود وربيع بحده ، وهو ضحك : لا حول معكم جيت وبروح معكم ولا بروح وبتركم وياويلكم تتصلون علي.
قال ربيع لـ عود : روح معاه ترى قليل خاتمة راح يسحب علينا.
ناظره عود وقال : روح معه أنت ليش أنا ؟. قال ربيع بأبتسامّه: لأن ماعندي محكمّة.
ناظره عود بحقد وقال : عادي بروح و برجع ترى سهله !.
ضحك مالِك وقال : حشرتّه ما يقدر يثبت على كلتمّه.
ناظره عود وقال : أنت وش وضعك ؟ تحرض بيننا هاه!. ضحك مالِك وقال : ابد مِن قال !.
ضحك ربيع وقال : ابد ما أحد قال ، مُنزه عَن هالشيء !. وقف مالِك وقال : أنا بروح أتمشى بالقريه مره عاجبتي الأجواء هِنا وأنتوا كملوا هواش .
وطلع مالِك وقعدوا ربيع وعود يسولفون .
أبتسم وهو يشوف الأنظار عليه بما أنه غريب بالقرية.
وقف أمام أحد الأشخاص ودق كتفه ورجع لوراء بأبتسامّه.
لف الشخص بأستغراب وناظره وضحك بقوه وهو يقول : مالِك !!.
ضحك مالِك وحضنه : راق ! وش تسوي بذا الوقت هنا ؟. ضحك راق وحضنه : مِثل ماتشوف قاعد أشرف عَلى محل الذهب .
بعد مالِك عنه وقال : ماشاء الله عليك خبري أنك تكره تجي القريه وش صاير ؟. صحك راق وقال : والله للحين كاره هالشيء لكن شسوي أبوي جابرني ، لا ومستأجر لي بيت هنا عقاب لي ، وأنت وش تسوي هنا ؟ خبري أنك مع عود دائماً ما أشوفه ؟. أبتسم مالِك : وجاي مع عود بعد جايين مع ربيع نزور أخته هنا ومنه نغير جو مِن المدينة شوي.
أبتسم راق : أجل أدخل أضيفك شاي ونقعد نسولف خبرك تو جديد هنا وما أعرف أحد .
قعد مالِك معاه وقعدوا يسولفون لين ما غابت الشمس ورجع مالِك للعود وربيع. '
قفلت الكوافير ودخلت المفتاح في شنطتها ومشت للبيت على أمل أن أصحاب ربيع راحوا ، تبي تقعد مع ربيع وتسولف معاه مِن زمان عنه.
لفت على الشخص اللي مر مِن جمبها وقالت : مالِك !.
لف عليها مالِك بأبتسامّه : عَربّ ؟ تو ترجعين ؟. ابتسمت عَربّ وقالت : أي تو أرجع ، أنت وين كِنت و وين ربيع و عود ؟. '

'
‏أحببتُ الخيال معك حتى نسيتُ مُر الواقع.|
'
قال مالِك : كنت عند واحد مِن أصحابي هنا ، أما ربيع و عود تاركهم بالبيت.
هزت رأسها له بأبتسامّه ومشت معاه للبيت ، وقفوا أمام الباب وفتحت الباب ودخلت ودخل وراها مالِك .
أبتسمت لربيع وعود : خذوا راحتكم أنا داخِل .
قال ربيع بأبتسامّه: الحين بيروحون عود و مالِك .
قال عود بأبتسامّه وعُيونه على ربيع : الحين بيروحون ربيع ومالِك ؟. ضحك مالِك وقال : الحين بروح أنا اللي بيجي يقول ؟.
قالوا مع بعض : عود بيجي ، ربيع بيجي.
ضحكت عَربّ وقالت : أقعدوا كِلكم طيب ؟. قال ربيع : اساسا قالي عود بيروح؟. قال عود وهو معقد حاجبيه : كذاب متى قِلت ؟. ضحك ربيع وقال : والقضيه اللي عندك بكره ؟. قال عود بأبتسامّه : بروح لها الظهر لأن موعدها الظهر!. ضحك مالِك وقال : أجل بأستأذن انا و بجي بكره الصبح أخذك !.
هز عود رأسه بـ طيب وأبتسم له.
قال ربيع : أجل أنتبه للطريق وشغل الأنوار الظلمه بالطريق تخوف.
هز رأسه مالِك بأبتسامّه وقال : يلا فأمان الله.
وطلع مالِك وقفل الباب خلفه.
دخلت عَرب بأبتسامّه لداخِل وفصخت عبايتها وغيرت ملابسها ولبست لبس طويل وما يوضح شيء مِنها ودخلت المطبخ تجدد لهم القهوة والشاي وحطت لهم بسكوت كانت مسويته وطلعت لهم وحطته على الأرض أمامهم وقعدت على الأرض .
وقف ربيع ودخل لداخِل وقعدوا عَربّ وعود لوحدهم ، ناظرته عَربّ وهي مبتسمه واضح أنه خجلان مِنها ، نطقت بهدوء وهي مبتسمه : لو ربيع يقابلك طول اليوم لكن متجاهلّك مايكلمّك ولا يناظرك رُغم انه عارف انِك موجود ، وانت متعود أن كِل مره تقابله تضحك معاه او على الاقل تناظرون بعض وتسلمون على بعض ، لكن هالمره تجاهلك لا سلم عليك ولا سولف معاك ، كنتوا تسولفون وتضحكون مع بعض لكن بهاليوم تغير عليك ربيع وماصار يشوفك وتكونون بنفس المكان وبجمب بعض لكن ربيع يتجاهلك ، وش بتكون ردت فعلك وش بتسوي وقتها هل بتسأله او تتجاهله نفس ما يتجاهلك؟.
عقد عود حواجبه وقال بهدوء : بسأل وأحاول أعرف وش فيه ؟. ناظرته بتدقيق : راح يزيد أهتمامّك فيه وفي موضوعه ولا عادي الوضع ؟. هز رأسه وقال : لا أكيد بيزيد أهتمامي وراح أقلق عليه زياده !. أبتسمت وصبّت له قهوة ومدتها له وقالت : أنزل معاي تحت !. نزل عود بعد ما كان قاعد على الكنبه و أخذ مِنها القهوة .
أبتسمت وقالت : التجاهل بعد الأهتمام الزايد يجذب صح ؟. هز عود رأسه وعُيونه على فنجان القهوة .
أبتسمت عَربّ على خجله مِنها وقالت : تمام دام عرفت أن التجاهل يجذب فـ طبقه على زوجتّك.
'

'
عيُونك زهرتيِن وانت مشِتل ورَد.|
'

أبتسمت عَربّ على خجله مِنها وقالت : تمام دام عرفت أن التجاهل يجذب فـ طبقه على زوجتّك ، اكيد أنت غامرها بأهتمامّك لو يوم واحد مسكت نفسك عنها وصرت تمر مِن جمبها بدون ماتناظرها او حتى تسلم وتقول لها حرف واحِد ، حتى نظرتّك أحرمها مِنها ، بتشوف كيف راح تجي لعندك وتسألك " عود فيك شيء؟" مابتقدر تمسك نفسك عارفه لأن وقتها بيكون أول مره هي تبادر وتكلمّك مو ؟ ، لكن حاول لا تناظرها ولا حتى ترد عليها ، تجاهلها ، راح تخاف وتصر عليك وتسألك ، لكن هالمره سو اللي تشوفه صح أنت .
ناظرها عود وأبتسم : صح ليش مافكرت فيها ؟. أبتسمت عَربّ : لأن فكرك كِله كيف تجذبها لِك وكيف تخليها تبادلِك الأهتمام والمشاعر صح ؟. ضحك عود وقال : صح ! والله طلعتي تعرفين ؟. ضحكت عَربّ : ما شاء الله راح السحى بسرعه ؟. ناظرها عود وأبتسم مره ثانيه بسحى وهو مستغرب مِن نفسه ومصدوم كيف مستحي مِنها .
ضحكت وقالت : خذ راحتّك وأعتبرني حرير او اي احد ترتاح معاه وتكون على طبيعتّك.
أبتسم عود وقال : مو متعود وحده تكلمني و ما أعرفها كثير بهالطريقه .
أبتسمت عَربّ وقالت : أكيد تقول قليلة حياء ماتستحي ، لكن أنا مِن وأنا صغيره مع أبوي ، وأبوي مفهمني أن كِل الأولاد أخواني ألا شخص واحِد فـ تعودت مِن وأنا صغيره وأنا أكلم الأولاد نفس ما أكلم أخوي ربيع ، فـ لما كبرت ماقدرت أترك هالعاده ، الكِل صاروا أخوان لي.
أبتسم عود وقال : لا شدعوه عادي ليش أقول كذا.
ابتسمت وقالت : مابتقول لكن عُيونِك تقول ؟. أبتسم عود وسكت مارد عليها.
جاء ربيع وقعد معاهم.
أبتسمت عَربّ وقالت بحُب : شلون شركتّك ومتى بتفتتحها ؟.
أبتسم ربيع وقال : الحمدلله خلصنا نصف الشغل باقي النصف الأخر ، يعني الأفتتاح تقريباً بعد شهر او شهرين بالكثير.
أبتسمت عَربّ له : حبيبي ربي يوفقك.
أبتسم ربيع لها وقال : طبعاً بالأفتتاح راح تجين ، لأن راح أجيب العُروب.
ضحكت عَربّ وقالت : العُروب العُروب ؟ متأكد أنك بتجيبها ؟. ناظره عود وقال : أتحداك تجيبها ، والله الأفتتاح بكبرة وبضيافته علي !. ضحك ربيع على عود وناظر عَربّ : وش رأيك أجيبها ؟. ضحكت وقالت : بس اذا جبتها مابجي أنا ؟. قال عود بصدمه : ليش ماتجين أحد تجيه الفرصه ذي ويفوتها ؟. ضحكت عَرب وقالت وهي تغمز لعود : كأنِك مِن مُعجبينها ولا ؟. بلع عود ريقه مِن الغمزه اللي ضيعته وقال : مِن أكبرهم بعد .
ضحك ربيع وقال : ماتدرين وش يسوي بالأُمسيات حقتّها ، يا أنه يفشل. '

نتوقف هنا

لامارا · 14-12-22, 02:58 PM

البارت 4

'
لآ استطيع وصَف شعَوري.|
'

ضحكت عَربّ وقالت : قهر ليتني أقدر أحضر وحده مِن أُمسياتها وأشوفك ، وش تسوي ؟. قال عود وهي يخز ربيع : تخيلي بس تخيلي اذا مدحتها ولا قلت عنها شيء يعصب كأني أمدح أمه ولا أخته !.
ضحكت عَربّ وناظرت ربيع بخُبث : أي اذا مو عارِف ربيع يموت فيها ومايقدر يفوت لها أُمسيه .
قال عود وهو يناظر ربيع : ذا ! تمزحين ، ذا كِل أُمسياتها يجي مغصوب وعلى وجهه بعد وتقولين يموت فيها !. أبتسمت عَربّ وهي تناظر ربيع ، كانت تبي عود يقول هالشيء : أفا يعني أخوي مكذب علي ؟. قرصه ربيع وقال : ياظالم يامُفتري !.
قال عود لـ عَربّ : شوفي نتصل على مالِك ونسأله وبتعرفين اني ما أكذب.
ضحكت وقالت : واضح حاقدين على بعض اثنيناتكم ، أي قول لي وش تحب مِن قصائد العُروب.
قال بأبتسامه : حقت بنت السماء ؟
قالت وهو عاقده حاجبيها وبأستغباء : وش هي ؟ مِن تأليفها ؟. قال عود بأبتسامّه : أيوه مِن تأليفها ، كلاماتها كذا ،
ابتديتي مِن بعد طيح وكَسر
ابتديتي رُغم قسوة الدنيا عليك
انكسر جسرك مِن بدايتك والمهاد
وانقطع حبل التراحُم والشفق
اوهمتك دنياك بالحُب والكَرم
عشتي حَرب و عشتي روح بلا جسد
انحنى ظهرك واستقام بعز وشموخ
أرتفع رأسك وأنحنت قدامِك رؤوس "كلماتي @v_rwaiex"
قال ربيع : تجنن هالكلمات أبي أعرف وش قصتها ؟. قالت بأبتسامّه : دام ماصرحت عنها وش دخلكم ؟. قال عود : صدق وش دخلك أنت ؟. ضحك ربيع وقال : أنت اللي وش دخلك ؟. قال عود بضحكه : لو سمحت اسكت.
ربيع بقهر : شفتي ؟ يحارشني على كِل شيء تخيلي ، حتى مالِك أنسان محارشني عليه يقول ترى صاير تمون عليه بزياده !. ضحكت عَربّ بصدمّه وقالت : ياويلي وش ذا ؟ صراحة كنت أشوف عبور وساريه غريبات أطوار ومايقدرون يتشاركون شيء ، بس الله يرضى عليهم مِن شفتكم وانا أحمد ربي عليهم ! تتهاوشون على مالِك ، لا لا مِنجدكم !.
ضحك عود وقال : والله اخوك ملقوف ماخلى أحد ما شاركني فيه ، لو حلال حتى زوجتي شاركني فيها !.
قال ربيع بصدمه : انت حتى أختِ مشاركني فيها !. ضحكت عَربّ وقالت : اوك هدوا هدوا ، دام الموضوع وصل لي هدوء.
ضحك عود وقال : هذا موضوع خاص انت شدخلك فيه ؟. قالت بأبتسامّه : اي ربيع حُبي ذا موضوع خاص.
خزهم ربيع وقال : لا ياشيخه ، عارف كِل شيء و موضوع خاص سُبحان الله لا أله الا هو .
ضحكت وقالت : والله طلعتوا تونسون تعالوا مع بعض دائماً .
قال عود : اعوذ بالله ، لو ماعاد أجي ، مستحيل اجي معاه ذا ؟. ضحك ربيع وقال : عمى نعم ، هو يحصل لِك ؟. '

'
جَفت غصون الشوقَ وابطىّ سحابكَ .|
'
قالت بأبتسامّه: أنا بدخل أنام خذوا راحتكم ، جهزت لكم الغرفة الثانيه اللي على اليسار .
و وقفت وقالت : تصبحون على خير. ودخلت.
قال عود وهو يوقف أنت نام هنا انا بنام بالغرف وركض وركض وراه ربيع ، ضربوا أثنينهم في عَربّ وطاحت عَرب بقوة على الأرض وصرخت بألم مِن ثقلهم لما طاحوا عليها!. قعدت على الأرض ودفتهم بقهر : مهبل أنتوا ؟ كسرتوني !. رفعت يدها ومسكتها بألم طاحت على يدها وطاحوا أثنيناتهم فوقها .
قالت بألم : توجعني يدي بسبتكم !. مسك ربيع يدها وقال : جعلها بعود اللي يركض مِثل الحمار ولا يشوف قدامّه !. ماقدرت تمسك عَربّ نفسها وضحكت على كلامّه بقوه.
ضحك عود وقال : ألا جعلها في ربيع اللي مايعرف وين ربي حاطه !. قالت بقهر : ما أمداني اتركم وش فيكم تهاوشتوا ؟. وقف عود وركض للغرفه بسرعه و ترك ربيع يد عَربّ وركض وراه .
صرخت بألم وقالت : ربيعع !. ضحك عود وهو ماسك مفتاح الغرفه ودخله بجيبه ورجع لـ عَربّ وقعد على الأرض لعندها : وين اللي يوجعك ؟. رفعت يدها وأشرت على مفصل كفها : هذا مره يوجعني!. مسك يدها وحركها يمين و يسار بهدوء بعدها رفعها على فوق بقوه وطرقعت يدها وصرخت عَربّ بألم : توجع ترى !!. ترك يدها وقال : حركيها شوفي باقي تألمّك ؟. حركتها وهي تناظره : اختفت !. ابتسم عود و وقف ومد يده لها : لأن طرقعتها لِك.
مسكت يده و وقفت : مشكور والله .
وناظرت ربيع اللي واقف عند باب الغرفه ومتكتف ويناظرهم بهدوء .
مشت لغرفتها وقالت لهم : جهزتها لكم اثنينكم بلا هواش .
ضحك عود لـ ربيع ومشى وطلع المفتاح وفتح الباب.
دخلت عَربّ غرفتها وقفلت عليها ، ودخل ربيع قدام عود ودخل عود وقفل الباب لكن ماحس ألا وهو على الأرض وفوقه ربيع وماسك رقبتّه و يناظره بحده ونطق بحده : شوف ياعود لو تفكر تلعب على أختِ وتوهمها بشيء وتفكها والله ما أخليك ، أنت هنا عشان تاخذ مِنها نصيحه لا أدري أنّك قلت لها شيء او حتى لمحة لها عن شيء صدقني مابترك عايش ، اختِ ماتت مره مابتركها تموت مره ثانيه ، عَربّ عندي خط أحمّر حتى أبوي عند عَربّ ما أعرفه ، حتى تفكير في عَربّ لا تفكر ، خل تفكيرك وهمّك كله لزوجتّك ، عَربّ ولا شيء بالنسبه لِك تعرف ، فـ بطل حركات الأهتمام فيها لأن لو صار لأختي شيء بكون أول الضيوف بـ محكمّتك وتهمتي القتّل !.
دفه عود عنه بقوه وقال بحده : أحتّرم نفسك وأعرف مَع مِن تتكلم ! ماني أي أحد أنا ، أنا عود ، أعرف وش أسوي و وش أقول ، مايجي لي بزر مِثلك يعلمني وش أسوي !. '

'
| ‏"يؤلمه أن تبتعد، يؤذيه أن تبقى."|
'

وقف ربيع وقال بحده : هذا تحذير بس ، خل بـ بالك دائماً أن عَربّ مو شيء بالنسبه لِك ، خل تحتها مية خط !. خزه عود وقال : ربيع ركز شوي وثمّن كلامّك اللي تقوله ، أنا حتى تفكير ما أفكر فيها ، وبطل تفكيرك ذا الغبي والسخيف اللي ماله معنى !.
مشى ربيع لفراشه وقعد فيه وقال : معليش ، لكن عَربّ عندي مُو أي أحد عَربّ حتى نفسي أخسرها بس عَربّ ما أخسرها ، ماحبيت أهتمامّك فيها قبل شوي ، عَربّ مُمكن تتعلق فيك لكن بالنهاية ماراح تكون لها .
عقد حواجبه عود وقال : ليش مابكون لها ؟. قال بحده : لأن عندك زهور ولأني مابسمح لهالشيء يصير .
قال عود بحدّه : ليش مِن أنا ! وش قالوا لِك أستاذ ربيع ، مُراهق أنا ؟ أعلقها فيني واتركها ، حتى تفكير ما فكرت لكن تفكيرك أنت سخيف وجداً!. قال ربيع : أنتهينا أنا حذرتّك بس ، لكن لو صار شيء عكس ذا ماراح يكون تحذير أبداً .
تجاهله عود وقعد على فراشه. '
'
الصبح الساعه ٨:١٢ص.
طلعت مِن غرفتها على الأصوات اللي بالخارج !.
طلعت لهم لبرا بأستغراب وشافت حروف ومعاها وحده وقاعدين مع عود وربيع ويسولفون.
دخلت لداخل وغيرت ملابسها ولبست شيء ساتر وطلعت لعندهم وقالت : صباح الخير !. وقفت حروف وراحت لها بسرعه وحضنتها بقوه : عَربّ !.
بادلتها عَربّ الحضن وهي مستغربه : حروف ؟ وش جايبّك هالوقت ؟. ضحكت حروف وبعدت عن عَربّ : عرفت حرير مِن مالِك ان ربيع وعود هنا وقلنا نسوي مُفاجاءه ونجي لكم ؟. ناظرت عَربّ حرير وقالت : حرير ؟ وقفت حرير وراحت لها وسلمّت عليها وهي مبهوره فيها : أي أنا حرير أخت عود وصاحبة حروف .
أبتسمت عَربّ لها بلُطف : ياحلوك ياحرير ، تعالوا اقعدوا .
قعدوا حرير وحروف وعَربّ وجهة نظرها بحده لـ ربيع وعود اللي لفوا برؤوسهم أول ماناظرتهم.
همس عود له : الله ينكبك يا مالِك أنت و ربيع.
قال ربيع : ألا أنت ومالِك ، ذي مابتسكت يا أنها بتعطينا مُحاظره مابعدها مُحاظره.
قال عود بأستفزاز لـ ربيع : راضي أتهزاء وأخذ مُحاظره مِن صاحبّة الوجه الجمّيل ذا !. خزه ربيع وقال : ماباكلها عارف قاصد تستفزني.
قعدت عَربّ بأبتسامّه : أي منو جابكم بهالوقت ؟. قالت حرير : خليت سواق أبوي يجيبنا وموثوق فيه معانا مِن زمان وبابا عنده خبر بعد لاتخافين.
ابتسمت عَربّ وهي تحك عَينها بألم : حَبيبتي لا بس حبيت أتطمّن.
همست حرير لـ حروف : مو طبيعيه عَربّ مره مره جمّيلة ، أنفتنت بالناعِسات أنا.
ضحكت حروف وقالت : أي ماشاء الله تجنن عُيونها ، بعض الأحيان أغار مِنها لكن تجبر قلبي بكلامّها الحلو.
'
'
‏إن من العقل أن تكون مجنوناً أحياناً.|
'

ناظرتها حرير وقالت : وأنتِ بعد حلوه عُيونِك ، بس هي عُيونها فيها شيء مُميز و غريب ، غريب مره ؟.
قالت حروف : اي عُيونها غريبه مُش عارفه ليش.
قالت عَربّ : قد أفطرتوا ؟.
هزوا رؤوسهم بـ لا ، وقفت وقالت : تمام تبون شيء مُعين؟.
ما أحد رد فـ دخلت لداخِل وخلفها حروف وحرير.
قالت وهي تتوجه ناحية الدرج : سووا اللي تبونه واللي يحبونّه أخوانّكم انا بجهز الأساسيات ، كِل شيء عندكم بالدرج والثلاجه.
قالت حرير بأبتسامّه : تمام حَبيبتي.
أبتسمت لها عَربّ وكملت شغلتها اللي بيدها وهي مبتسمّه.
عجنة العجينه وجهزت الطاوه وشغلت عليها وجهزت لها ماء وانتظرت شوي وخبزت الخُبزه وحرير وحروف بناظرونها.
لفت و أبتسمت لهم وقالت : ما شاء الله مسرع خلصتوا فطوركم ؟.
لفوا حرير وحروف وهم يضحكون وسووا اللي يبونه وجهزوا مع عَربّ الفطور وحضروا السفرة وقعدوا كِلهم بالأرض وكانت السفرة عبارة عن نوعين مِن الفطور ، فطور المدينة وفطور القرية.
حطت عَربّ الخُبز وسطهم وبدوا يفطرون بـ ذكر الله.
وقفت عَربّ وقالت : بالعافية لِكم أنا بروح للكوافير.
ودخلت لداخِل ولبست عبايتها وأخذت شنطتها وطلعت.
قالت حرير واللُقمّه للحينها بـ فمّها : بروح معاها!.
ضحكت حروف : ابلعي بالأول ، اذا خلصنا خليت ربيع يودينا لها .
ناظرها ربيع وقال : تعرفين المكان صح ؟ روحي له لوحدك ليش اوديك مسويه اول مره تجين هنا ؟.
ضحكت حروف : ذي تخاف ولا أنا عادي.
قالت حرير وهي تأشر على نفسها : أنا أخاف ! مِن قال ؟.
ضحك ربيع وقال : بانت كذبتك روحي لوحدك أقول.
ناظرته بقهر وقالت : عود بيودينا صح ؟.
ناظرها عود وقال : تكلميني ؟.
ضحكت حرير وقال : فيه غيرك عود يعني عشان تكلمه ؟.
هز رأسه وقال : أي فيه غيري مو أنا عود الوحيد ! وبعدين عندي قضيه ما أقدر !.
ناظرته حروف بصدمه : طيب القضيه مو هنا ترى ! ولو عندك كان انت بالمدينه مِن زمان تلعب على مين!.
قال عود وهو يهز رأسه ويناظر ربيع بأبتسامّه : أجل تّم بوديكم وأشوف كوافير عَربّ.
خزه ربيع وقال : وأنا بوديكم واتطمن عليكم كلكم.
ضحك عود ورفع بيالة الشاي وأرتشف مِنها وعُيونه على ربيع اللي يخزه.
همست حرير لـ حروف : شوفي نظراتهم لبعض ! تضحك وتخرش اعوذ بالله!.
ضحكت حروف وهمست لها : بينهم شيء واضح لكن تافهه شكله لأن عود مبتسم!.
ضحكت حرير : نظرات اخوك تخوف والله !.
قالت حروف :خليك منهم ، خلصتي فطور ؟.
هزت رأسها حرير : أي الحمدلله أنتهيت.
قالت حروف: أجل قومي نشيل السُفرة ونلحق عَربّ.
'
‏و لكنك تقلق على شخص يقلقه شخص آخر.|
'
المدينة.
عدلت لبسها ونزلت لتحت وهي مبتسمّه بحُب ، شافته مع المطل وقلبها ماقعد مكانّه.
طلعت زهور لبرا بأبتسامّه : مالِك !.
ناظرها مالِك لكن نزل نظره لتحت بسرعه وهو يشوفها بدون عبايتها : سمّي ؟.
قالت وهي تقرب مِنه بأبتسامّه : سّم الله ، ممكن اسألّك وين عود مِن أمس مارجع ؟.
قال مالِك ونظرة على الأرض : عود بالشركه حقت ربيع مِن أمس يساعد ربيع في بعض التعديلات ، الحين بروح له ، تأمرين على شيء ؟.
ناظرته وقالت : سلامتّك.
ودخلت البيت ودموعها نزلت ، ماهي عارفه ليش سوت هالشيء الغلط وطلعت له كذا بس تبيه يلاحظ وجودها لو بأي شكل مِن الأشكال ، رُغم أنها عارفه أنه شيء غلط وحرام لكن ماقدرت تشوفه لوحده وتتركه بدون ماتذكره بوجودها ، زعلانه وكثير على وضعها حاولة تتقبل عود وتحبّه لكن ماقدرت مالِك مستوطنها مِن وهي مُراهقه ماتقدر تفكر بشخص غيره لكن نصيبها صابّها بأقرب شخص له ، حاولة تتخطاه وتتقبل عود لكن قلبها أقوى مِنها ، قلبها جبرها على هالشيء جبرها تبعد عن أي شخص غير مالِك حرمها سعادتها وأختصر السعاده بـ مالِك .
هالشيء صعب عليها لكن ماتقدر هالشيء صار غير أرادي ، مالِك شخص ثمين ماراح يتكرر أبداً لكن مو نصيبها هو ولا هي نصيبه.
قعدت على الأرض وهي تحاول تنظم نفسها وتتنفس بشكل طبيعي.
حطت رأسها على ركبتها وهي مغمضه عُيونها وتحاول تتنفس.
وقفت بعد مرور خمس دقائق ودخلت الصالون ورمت نفسها على الأريكه ودفنت رأسها بالخداديه
ودموعها مو قادره توقف وتسيل سيلان : الله ياخذك يوم دخلتيه بقلبي الله ياخذك ، حسبي الله عليك ، ليش تعلقيني فيه ليش ليش.
كانت زهور هنا تقصد بنت عمها اللي كانت دائماً تمدح مالِك عندها وتكبره بعُيون زهور لدرجة أنها صارت مُغرمّه وبشدّه فيه ، كان وقتها زهور مُراهقه ماقدرت تتخطاه وصارت تخلق اللحظات عشان تشوفه ، كانت دائما تشوفه هو رُغم وجود عود معه دائماً لكن ماكانت تشوف غير مالِك ، بس للأسف أخذت الشخص القريب له.
" فـ ليش نلومها على شيء ماهو بيدها ليش ندعي عليها ونحكم على الظاهر وأحنا مانعرف الخفي ؟ وكما يقولون أعزائي القُراء " الخافي أعظم" فـ لا نحكم على شخص مِن اسلوبه وتعامّله الظاهري وأحنا مو عارفين أسبابه ، وكما قال أحد السلف ، لو رأيت رجُل تقطر مِن لحيته الخمّر لقلت انسكبت عليه ، ولو رأيك رجُل يصرخ في اعلى الجبل قائل : "أنا ربكم الأعلى" ، لقلت يقرا أيه مِن أيات الله ويتدبرها ، فـ دعونا نلتمس لأخواننا أعذار فنحنّ لا نعرف ما الخافي الأعظم ولا نعرف ما يدور بداخلهم ومايشعرون بّه ،..

'
إبحث عن راحتك ولا تعاتب أحداً لأن الجميع يدرك ما يفعله.|

'
فنحنّ لا نعرف ما الخافي الأعظم ولا نعرف ما يدور بداخلهم ومايشعرون بّه ، وعُذراً مِنكم على الأطاله أكمّلوا القِراءه.
'
'
أستغرب سوالها وطلعتها له بدون عباية لكن ما أهتم ، وناظر ساعته ينتظر الوقت يجي وياخذ أغراض عود ويروح له.
قعد على جواله ، وجات له رساله مِن أخته ورد عليها وهو مبتسم بحُب كبير وهو يشوفها تصور نفسها له وتكتب له كيف مر يومها عليها أمس ، وكان مُبتسم ومستمع لها وكان يرد عليها وعُيونه مليئه بالدموع مايقدر يشوفها او يقابلها أبداً.
هز رأسه ومسح دموعه ، وكلم العامّله تجيب أغراض عود وأرسل له بأنه جاي له وركب السيارة وحرك للقرية.
'
دخلت الكوافير ولقت شذى أمامها ، أبتسمت لها وقالت : صباح الخير جمّيلتي ، أخبارِك اليوم؟.
ابتسم شذى بـ لُطف لها : صباح النُور ، بفضل ربي بخير ، وش علومتس أنتِ ؟.
أبتسمت عَربّ وقالت : بفضل الله أفضل ، اليوم مافيه غير زبونتين ، كنت بخلصهم انا و ارجع تعبتي نفسك .
ابتسمت شذى وقالت : لا لازم اداوم حرام علي القريشات اللي أخذهم بدون ما اتعب .
أبتسمت عَرب وقالت وهي تمسك خدودها : لا والله حلال عليك ، دام تقومين الصبح وتجين لي هنا حلال عليك ياجمّيلة والله .
أبتسمت شذى بخجل وماردت.
ابتسمت عَرب ودخلت لداخِل وحطت أغراضها وطلعت تستقبل مع شذى الزبائن وهي مبتسمه أبتسامّه لطيفّه.
كانت شذى مره مستمتعه بالعَمّل مع عَربّ اللي كانت مِن ألطفّ الأشخاص كانت دائماً تساعدها وتضحك معاها وتسولف معاها كانت ضايفه جو لطيف لـ شذى فـ صارت شذى لطيفّه نفسها رُغم انها كانت لئيمه بعض الشيء لكن عَربّ لطفتّها وخلتها مِن ألطفّ الأشخاص وهالشيء الكِل ملاحظه ، لأن شذى كانت انسانه عدوانيه ولئيمه كانت تتهجم على الناس بالكلام دون سبب كانت عايشه بـ وسط عائلة سيئه فـ أخذت بعض الصفات لكن بفضل الله ثُم عَرب تّم توظيفها وتّم تغييرها للأفضل و صارت أنسانه مقبوله ولطيفّه جداً.
'

'
‏مثل أن تذهب لمكان قديم على أمل أن يعود كل شيء كما كان للحظة|
'
وقفوا إمام الكوافير وقالت حرير : ماشاء الله الديكور مره جمّيل!!.
أبتسم عود وقال : ماشاء الله يجنن . لف على ربيع وقال بأبتسامّه : مِن تصميمها ؟.
ناظره ربيع بأبتسامّه وهو عاض على شفتّه ويناظره وفاهمّ قصده : أي مِن تصميمّها !.
ضحك عود على نظراتّ ربيع : ياحلوه مِن تصميم ! مع مرور ساريه وعبور.
طاحت ساريه على عبور وهي فاتحه عُيونها بصدمّه!.
مسكتها عبور بصدمّه أكبر وسحبتها لين دخلوا الكوافير على عَرب.
صرخت عبور على عَربّ وهي في نوبّة ضحك.
جات عَربّ بخوف على صراخها اللي مو مفهوم وشافّت ساريه طايحه بين يدين عبور اللي طايحه على الأرض وميتّه ضحك!.
ناظرتها بخوف ونزلت لساريه : وش فيها ؟.
قالت عبور بصحك وكلام مو واضح لكن فهمتّ عَربّ : شافت واحد قدام محلِتس مره مزيون يطيح الطيّر مِن السماء قاعد يضحك ، و بنيتنا رهيفّة قلب ماتحمّلت وطاحت علي!.
قعدت عَربّ بجمّبها وهي ميتّة ضحك على السالفه وعلى طريقة كلام عبور اللي تموت ضحك!.
دخلوا حروف وحرير وهم يسولفون لكن وقفوا وهم يشوفون عبور وساريه وعَربّ ، ساريه طايحه بينهم وعَربّ وعبور ميتين ضّحك!.
ضحكت حروف بصدمّه وهي أول مره تشوف عَربّ تضحك كذا !.
ضحكت حرير ونزلت لساريه : وش فيكم ؟.
قالت لهم عَربّ وهي تضحك وضحكوا حرير وحروف وقالوا لها مِن تقصد وزادت عَربّ ضحك .
وقفت عَربّ وسحبّت ساريه ودخلتها لداِخل هي وعبور .
ضحكت حرير بصدمّه : ذا كِله سببه عود ؟.
ضحكت حروف : اخوك ذا داهيه ترى !.
ضحكت عَربّ وهي ترش على ساريه الماء وتطبطب على خدها وتهمس لها : ساريه ، ساريه عَيني ؟.
أفاقت ساريه وناظرت لـ عَرب بأستغراب لكن عَربّ ماقدرت تقعد على ثباتّها وضحكت على نظراتّها .
قرصتها حروف وهي تضحك : لا تخوفين البنت !.
مسحت عَربّ على رأس ساريه وهي ماسكه نفسها : شلونِك ؟ ضربتي بأحد الصواريخ اللي برا وأغمى عليك ؟.
عقدت ساريه حواجبّها وقعدت بأحراج وهي تشوف حرير و حروف يناظرونها ويضحكون وعَربّ ماسكه فمّها بيدها وتهتز .
أما عبور قاعده بجمبهم وماسكه رأسها وتناظرها بأحراج وفشله مِن عرفت أن عود أخو حرير وأخو عَربّ وحروف مِن الرضاعه نفس ماقالت عَربّ.
'
'
مشوا بالحي بعد مادخلوا حروف وحرير الكوافير .
قال عود بأبتسامّه : القريه مره مره تجنن ، حياة.
أبتسم ربيع : مره ماشاء الله ، قد قالت لي عَربّ لاتلومّني بحُبها ، قلبي أنجبّر لأنه أول مره يشوف الحياة ويعيشها فـ لا تحرم قلبي مِن الحياة أتركه يعيش حياتّه بهالقريه لاتمّوتّه توه مالقى حياتّه!.

'
‏"روحي تفيض بالكلمات،
‏ولا يخرجُ شيء"|
'

قال عود : مِن كلامّك عن عَربّ أحسها المُلقبّة " بأسيرة الأحزان" بس اللي يشوفها يقول العكس !.
ضحك ربيع : أنت تقول كذا لأنّك ماشفت الشيء اللي شفتّه ، عَربّ مهما أنجرحت وأنطعنت بتظهر لِك العكس ، عَربّ ماتحب أحد يشيل همّها ، تشيل همّوم الدنيا بس ماتترك أحد يشيل همّها أبداً ، أخوها وأقربّ شخص لها ماقدر يشيّل هالهمّ ويحمّله أبداً !.
ناظره عود بهدوء وقال : ربي يكون بعونها.
ابتسم ربيع وقال : امين يارب ، أنت متى بتروح ؟ مابقى شيء ترى ؟.
قال عود: الحين راح يجي مالِك و بروح معاه ، واذا بترجع متأخر خلني أخذ حرير معاي !.
هز ربيع رأسه وقال : معليك بأخذها مع حروف روح أنت ولو تأخرنا ماهي مُشكله مابناكِلها ترى !.
قال عود وهو يناظره : ياخوفي مِنك أنت لا تأكلها.
ضحك ربيع وقال : بأكِلها ولا يهمّك ، بجرب طعمها !.
عض على شفتّه عود وضربّه بقوة على ظهره : أي يصير خير يعني بتركها لِك هِنا !.
ضحك ربيع بألم وقال : حسيبك واحد أحد يارجُل ، مابأكلها بس ترى على حسب يعني ما اعجبتني بخليك تأخذها أما لو عجبتني ماراح أخليك تأخذها أبداً !.
هز عود رأسه وهو يناظره بحقد : أي يصير خير ، أمش نرجع لا يجي مالِك ، مابقى وقت.
ضحك ربيع ورجع معاه وهو يضحك بأنتصار الحمدلله رجع له الحركه اللي قهره فيها ، عاد عود غيور جداً مُمكن يوصل لمرحلة خطيره بسبب الغيرة .
الساعة ١١:٣٠ص.
وقف عود وقال : بروح أخذ حرير ونطلع لبرا ، مالِك وصل .
ضحك ربيع وقال : يا رجُل اتركها مع حروف وعَربّ مابجي لها مريض أنت !.
رفع عود حواجبّه وقال : للأسف مافيه ثقة !.
ضحك ربيع وقال : يارجُل انقلع وخلص مِن المحكمه وتعال بتلقاها نفس ماهي ما بأكلها والله !.
قال عود : ترى بكون على تواصل معاها والله لو أسمّع صوتّك لأجي وأنتفك تنتيف .
ضحك ربيع وقال : أحل خل أسوفّك عند عَربّ ولا ادري أنّك هِنا يا أني بنتفك تنتيف !.
قال عود بأبتسامّه : الفرق يا عَيني ركز على الفرق عَربّ حلالي يعني أسوي أبي في النهاية هي لي ولا ؟ وغمّز له وسُرعان ما لف مِن الفنجان اللي شطفه وضرب بالجدار !.
ضحك عود وقال : وش فيك تحسست ! تونا بالبداية !.
وغمز له وطلع برا البيت وهو يضحك !.
قال ربيع بنرفزه : اي نشوف ياعود نشوف ، بنشب لِك بلعوم بحلقك اصبر ، يا نشبه ماخليت أحد ما شاركتني ، اخاف اتزوج وتتخذ زوجتي بعد !.
ضحك عود مِن خلف الباب وقال : تزوج أنت بس ، معك حتى بغرفتّك بينك وبين زوجتّك.
ما مسّك ربيع نفسه وضحك : تسويها ما أستغرب والله.
ضحك عود وقال : أسويها ليش لا ؟.

'
" اما أن نُعاني معاً او نتعافى معاً "|
'

و مشى لخارِج الحي وخارِج القريه بكبّرها وهو للحينه يضحك وهو يتخيل شكله مع ربيع و زوجتّه.
وقف عند مالِك وركب السيارة وهو يضحك : السلام عليكم.
أبتسم مالِك وقال : وعليكم السلام والرحمّه ، دايمّه الضحكه!.
وحرك السيارة للمدينة وهو مُستّمع لسوالف عود ومُبتسم.
وقف مالِك أمام المحكمّه .
قال عود : تعالي لي الساعه ٣ العصر بكون وقتها خلصت القضايا.
قال مالِك : أبشر وترى سألت عنّك زوجتّك.
ناظره عود بصدمّه وقال : كذاب !.
ضحك مالِك وقال : جات لي العامِله تسأل وتقول ان زهور قالت لها تسألني عنّك ، سألت وينك مِن أمس وليش مارجعت ؟ وقلت أنّك مع ربيع بالشركه لاتجيب العيد بنفسّك لما تسألك.
ضحك عود بفرحه وقال : اليوم حلو مِن بداية والله ، وضربّ مالِك مع كتفه وقال : كفو والله !.
ضحك مالِك ومسّك كتفّه : شدخلني طيب !.
ضحك عود وقال : خلاص جتّك خذها.
ونزل وأخذ أغراضه مِن وراء و دخل المحكمّه وهو مبتسم وشوي ويطير مِن الفرحه لمُجرد سوال!.
أبتسم مالِك على فرحتّه وحرك السياره بعيد عن المحكمّه.
بعد نصف ساعة .
خرج مِن مكتّبه وهو يعدل الزي الرسمي له.
لف على أحد أعضاء المحكمّه اللي مشى معاه وقال له : قضية اليوم مختلفه جداً.
قال القاضي عود : وشلون مختلفه ؟.
قال الرجُل وهو يمّد لَه الورقه اللي بيده : تجهز نفسياً حضرة القاضي قبل تدخل.
أخذ القاضي عود الورقه مِنه وهو مستغرب وقرأ اللي فيها وعقد حواجبّه وقال : للحين ما أنقرضوا هذول الأشخاص ؟.
قال الرجُل : للأسف يتكاثرون ، ويدمرون الأطفال والمُراهقين.
سكت القاضي عود وهو معقد حواجبّه.
دخلوا أعضاء المحكمّه للقاعّه وكِل واحِد أخذ مكانّه.
دخل المُدعي و المُدعي عليه .
عقد القاضي عود حواجبّه مِن حالة المُدعي عليه المُحطمّه ، ألتف على أحد الأعضاء وقال : وش حالته هذي ؟.
قال : بتعرف قريب.
هز رأسه ولف مره آخرى.
قعدوا كِلهم بأماكنهم ، وبدا المُتحدثه يشرح القضية :
أقام المُدعي العَام دعواه ضد المُدعي عليه طالباً أدانته بالشذوذ الجنسي ضد الأطفال والمُراهقين والمُتاجره بهم و.......... .
تّم مناقشة القضية بين الأعضاء ولفوا أولاً يستمعون لـ المُدعي عليه.
نزل رأسه وعُيونّه على الأرض ونظرات الكِل عليه ماقدّر يناظرهم أبداً او حتى ينطق بحَرف.
قال : أستحيت مِنا وخجلت وماخجلت وخفّت مِن واحِد أحد ، واحد يشوفّك وشاف كِل اللي سويتّه فيهم ، وش كان حادّك على ذا كِله ، دمّرت أطفال ودمّرت نفسك ، سويت أكبر المعاصي اللي تهز الأرض "اللواط"...
'

نتوقف هنا

لامارا · 14-12-22, 03:04 PM

البارت 5

'
" يا ليتك كنت هنا الآن فأنا لا أحد لي "|
'

قمّت بفعل هالأمر وخجلت مِنا أحنا ماخجلت مِن ربّك اللي كان شايف كِل أفعالِك لهم ؟ بعيداً عن المنصب والمكان اللي أنا وأنت فيه ، بالله عليك قولي ماشعرت بعضمّة مُراقبة الله لِك وأنت بهذا الوضع مع أطفال صغار لو كنت متزوج كانوا أطفالِك أكبر مِنهم ، ماخفت مِن ربي وأنت تفعل الفاحِشه الكُبرى "لواط" أعوذ بالله مِنك ، اذا الزنا أكبر المعاصي ، أهون مِن عمّل هالشيء القذر ، اللي في عُمرك يعرف أن هالشيء حرام ويعرف عقوبتّه !.
سكت القاضي عود ورجع قال : ماقمّت بفعله شيء مُحرمّ شرعاً لقولِه تعالى: (وَلَا تَقْرَبُوا الْفَوَاحِشَ مَا ظَهَرَ مِنْهَا وَمَا بَطَنَ).
وعلى الأدلِه اللي أنعرضت وعلى تقارير الأباء اللي أنعرضت بأثبات الأعتداء على الأطفال ، حُكم عليك بـ سجن ثلاث شهور وجلد ٢٠٠ جلده مُفرقة على دفعتين لمُدة شهرين ، وأبعاد خارج البلاد و وضع أسمّك بـ قائمّة الممنوعين مِن دخولها .
"منقوله مِن أحد القضايا الحقيقيه".
نزل المدعي عليه رأسه وبكى.
قال المُتحدث : تّم الاعتداء عليه مِن قبّل أحد الأباء بـ الضرب.
ناظره القاضي وقال : بس ؟ توقعت يشّله او يسبب له عِله دائمّه.
وقفوا بعد ما انهوا القضيه الأولى .
أكملوا القضايا الى الساعه ٣:٣٠م.
'

القرية.
طلعوا "ساريه ، عبور ، حروف ، حرير " مِن الكوافير وهم يسولفون ويضحكون.
أما عَربّ فـ أنتظرت خروج شذى وبعدها خرجت وقفلت الكوافير وهي مستعجله بتلحق فيهم ، تعثرت بصخره أمام الكوافير وطاحت عليها وصرخت بألم.
تجمعوا عليها شُبان الحي بخوف ، رفعت رأسها مِن أنحجب النور عنها وشافتهم ، بلعت ريقها بخجل و وقفت بمُساعدة واحِد مِنهم ، ناظرتهم وأبتسمت بخجل : مشكورين.
كانوا يناظرونها بدون مايرمشون أما هي كانت مرعوبّه مِن قربهم ونظراتّهم المُباشره لها.
أنحنت وسحبّت شنطتها ودخلت الأغراض فيها و وقفت وناظرته بأبتسامّه ومشت بعيد عنهم وهي تتلفت لهم كِل شوي برعُب ! تحَس بأن كِل شيء تجدد بلحظه مِن شافتهم بقربها ومجتمعين عليها ، أرتجفت وأهتز جسمّها مِن أنعاد لها كِل شيء !.
زادت سُرعة خُطاها وفكها يرتّجف وقفت وهي مو ناويه تروح لهم كذا ، مشت و سندت نفسها على أحد الجدران وفتحت شنطتها وطلعت مطارة الماء وشربّت مِنها وغمّضت عُيونها وهي تتنفس بعُمّق وأبتسامّه خفيفه مِن الهواء الخفيف اللي يلفح عليها.
فتحت عُيونها مِن نطق أحد المارّه : حضرت الفاتنّه ، فيك شيء ؟.
ناظرتّه وعدلت نفسها بسرعه وقالت بأبتسامّه : لا ولا شيء !.
أبتسم راق وقال : متأكده ؟ شكلك مو بخير؟.
'
'
" أنتِ امرأةٌ لا تتكرَّرُ، في تاريخ الوَردِ "|
'
أبتسم راق وقال : متأكده ؟ شكلك مو بخير؟.
أبتسمّت له وقالت : متأكده مافيني شيء ، مشكور.
أبتسم وهو يناظرها ، بعدها قال : تمام تأمرين على شيء ؟.
أبتسمّت له وقالت : سلامتّك .
ابتسم لها وكمّل طريقه وهو يتلفت عليها مع كِل خطوه .
خذت شهيق و زفير ، بعدها كمّلت طريقها للبيت وهي راسمّه على شفايفها أبتسامّه.
وقفت أمام الباب وفتحته ودخلت .
ناظرتهم شافت عبور ساريه لاصقين في بعضهم وللحين غطاهم عليهم !.
ناظرت ربيع اللي قاعد ويناظرهم بأستغراب ، ضحكت بصدمّه وقالت : ربيع !.
ناظرها ربيع وقال : نعم ؟.
سحبت المفتاح مِن الباب وقفلت الباب وراحت له وهي تضحك : تعال تعال .
ومسكته وقومته ومشت معاه للباب!.
ضحكت وقالت : عيب ترى ! هالحركات عيب عندهم لا أحد يعرف انك قاعد وتناظرهم كذا قتلوك ! حتى البنات خايفين وش هالحركات ترى مو بالمدينّة أنت!.
ناظرهم ورجع ناظرها بضحكه : وانا أقول وش فيهم ينتفضون ولاصقين بـ بعض كذا ، وبعدين وش بيعرفني أنا هُم اللي دخلوا علي البيت !.
ضحكت وقال : ترى ينتظرونّك تطلع لكن واضح أعجبتّك القعده ، أطلع شوف لِك مكان تروح له بنقعد احنا هنا !.
ناظرها وقال : عيب عليك تطردين أخوك !.
ضحكت وقالت : ما أطردك بس عيب خل ياخذون راحتهم !.
ناظرها وقال : ترى مابطول بأتمشى بالقريه شوي وأرجع !.
وطلع .
أبتسمت وقفلت وراه الباب ودخلت : راح راح ، خذوا راحتكم بدخل لحروف وحرير اشوف وش مهببين !.
ودخلت لداخِل وشافتهم بالمطبخ يسولفون القهوة على النار وطافره ، صرخت عليهم ومشت بسرعه للفرن وطفت على القهوة وقالت : منجدكم انتوا !
أحد يحط على النار شيء وينساه !.
قالت حروف : معليش ما انتبهنا .
قالت حرير بأبتسامّه : عَربّ بسألك ؟.
قالت عَربّ وهي تنظف الفرن : عُيوني ؟.
أبتسمّت حرير وقالت : تسلم لي العُيون الحلوين ، ليش قلتي لساريه وعبور أننا أخوان بالرضاعه ؟.
أبتسمّت عَربّ وقالت : لأن مايصير عندهم
رجال مو محرم لنا يدخل معانا نفس البيت ويضحك معانا ويسولف نفس ماتضحكون وتسولفون مع عود وربيع ، هالشيء عيب وحرام ولو عرفوا الحقيقه يمّكن مايكلمونكم ويطلعونّكم خارج القرية ، عارفه ان نشوفهم اخوان لِنا بس هم لا عندهم هالشيء غلط حتى لو تشوفينه اخوك بالنهايه مو أخوك صح ؟ فـ عشان كذا قلت أحنا أخوان واتمنى ما أحد يغلط ، ربيع وعود رضعوا مع بعض وبكذا صرنا كِلنا أخوان.
هزت حرير رأسها وقالت : أها .
قالت وهي تحط القهوة بالترمّس : اذا ماعليكم أمر جهزوا التمّر والكيك اللي بالثلاجة سخنوه وحطوه بصحون ، لروح أبدل وأرجع.

'
|‏أكتُب لك رسائل كثيرة في عقلي.|
'

لفّت وأخذت شنطتّها مِن جمّب حرير وأبتسمّت لها وطلعت برا المطبخ.
ناظرتها حروف بصدمّه وضحكت : خير أن شاء الله وش فيك ؟.
ناظرتها حرير وضحكت : أختّك مره مره حلوه ولونها ياويلي ، هي مسويه تان ؟.
ضحكت حروف وقالت : أي مسويه تان بالقرية ويجي لها ربيع يسوي معاها تان بعض الأحيان ، بس أنا ما أمداني أسوي معاهم تان.
قال حرير بأبتسامّه : جد ؟ تمام ولا يهمّك نسوي تان معاهم المره الجايه بس قبلها أعطوني خبّر أروح أشتري كريمات.
ناظرتّها حروف بصدمّه : حرير مِنجدّك ! ياويلي وبعد تبين تشترين كريمات للتان! أمزح معاك لونها الطبيعي ذا ، ما تشوفين لون ربيع بعد ؟.
ضحكت حرير وهي تجهز الفناجين : وش عرفني يعني ، بقعد اتمقل بأخوك أشوف أسمّر صدق نفس عَربّ ولا لا !.
ضحكت حروف وقالت : سؤالِك غلط شسوي فيك!.
قالت حرير بضحكه : بسرعه خلصي لا تجي عَربّ كفايه خربنا الفرن عليها.
صحكت حروف وقالت : كله مِن سواليفك .
ضحكت حرير : بسرعه ترى طولنا عليهم !.
وشالوا الصحون وطلعوا لساريه وعبور .
قعدوا حرير وحروف أمام ساريه وعبور .
قالت حروف بأبتسأمّه : قهوة ولا شاي ؟.
ناظرتها عبور وقالت : ابدي بالقهوة ياحلوه.
طلعت لهم عَربّ وهي لابسه جلابية مِن تصميمها وخياطتّها : يا أهلا بالزوار الجمّيلين ؟.
وقعدت معاهم.
'
الساعه الـ ٩ مساءًا.
فتحت الباب لـ ربيع وحروف وحرير وقالت : انتبهوا على أنفسكم ولا تسرع ربيع وشغل الأنوار.
قال ربيع : ولا يهمّك انتبهي لنفسّك أنتِ ، وسلم عليها وطلع .
سلموا عليها حروف وحرير و ودعوها وطلعوا خلف ربيع وخرجوا خارج القريه.
أغلقت الباب ودخلت لداخِل ، وبدلت ملابسها بـ بجامّه مُريحه ، وشالت الربطه عَن شعرها تتركه يتنفس شوي ، ودخلت المطبخ وسوت لها قهوة وطلعت للجلسه الخارجيه وقعدت وبيدها دفتّرها والقلم وبدت تكتب اللي بداخِلها وتفرغه عَن طريق قصيدة.
كتبت قصيدتين جمّيلة مِثل عُيونها .
و أبتسمّت وهي تقلب بصفحات الدفتر وقفت تقرأ أحد الصفحات التي كتبتها وكانت فعلاً تمثلها كتبتها دون أدراك ، كتبتها بقلبها لا بعقلها :
أشتاق رُغم البُعد الموحشُ
أشتاق للألمِ والأيام
رُغم أبتعادّك
سأضلُ أُحبّك وأشتاق.
نعم أن قلبي تحطّمَ وتبعثر
قُل لي بربّك كيف أجمعهُ
كِيف أُرتبُ الحُطام وأصلّحه
حُبّك كان جبراً كبيراً لي
لكن خُذلانّك لي كان أكبّر
هل أنت سعيد معها؟
هل وفرت لَك الحُب أكثر مني؟
أم كانت أجمّل مِني لدرجة نسياني
هل أحببتها بقدر ما أحببتني؟
أم أحببتُها أكثر مني؟

'
أحببتهُا بطفولةٍ بجهالةٍ بحرارة
‏بمرارةٍ بطهارةٍ بقداسةٍ أحببتُها.|
'
لا تترك قلبي فأنهُ مليئ بالثقوب
أنهُ لَم يعد يحتّمل بُعدك عَني
أقترب مني وأفعل ماشئت
كُن بقربي لا تتركني أُصارِع الحياة دونِك
لا تترك الحياة تهزمني بـ بُعدك
دعني أهزِم الحياة بِك دعنا نهزمها معاً.
أجعل يداك تُكمّل فراغ يدي
فـ يدي ضائعه ، تائهه
لا تملك الطريق الصحيح
دُلني على طريق الصواب
أنا حقاً تحطمّت
لكن حُبي وشوقي لَك لم تتحطم
ل زادت وأصبحت كبيره جداً
لدرجة خوفي مِن مواجهتها
لوحدي أصبح أكبر.
"مِن كتاباتي"
أغلقت الدفتر فور أنتهائها مِن القراءه.
سندت رأسها على التكايه ورفعته لفوق وهي تستنشق الهواء وعلى شفايفها أبتسامّه جمّيلة.
فزت بخرعه مِن الشيء اللي ضرب بالأرض و وقفت وفتحت فمّها بتصرخ برعُب لكن سُرعان ما تقفل فمّها!.
ناظرته بخوف وغمضت عُيونها براحه وقلبها ينبض بقوة مِن الخرعه.
بعدت يده عَن فمّها وقالت بحده : وش تسوي أنت ! في شيء أسمه باب !.
ضحك وقال : لو تشوفين شكلك! أحسبّك نايمه وما أبي أصحيك!.
ناظرته وهي عاقده حواجبها : وش جايبك هالوقت أصلاً !.
ناظرها عود وقعد : نجحت خطة التجاهل ، وأبي أعرف وش أسوي بعدها ، لو تشوفين كيف تهتم فيني.
ناظرته بأستغراب وقالت : وش صار وقتها قول !.
ناظرها وبدا يشرح.
"نرجع شوي"
دخل البيت وأغلق الباب ومّر مِن الصالون اللي هي قاعده فيه بدون مايناظرها او حتى يقول شيء طلع لفوق.
عقدت زهور حواجبها بأستغراب؛غريبه ماجاء لها او قال لها شيء نفس العاده ! عدلت جلستها بخوف مِن أن مالِك قال له شيء عن خرجتها له بدون عبايه او شيء يسترها !.
عدلت قعدتها مره ثانيه بخوف وتنتظره ينزل ويقول لها شيء يطلقها ، يضربها ، يهاوشها ، أي شيء !.
نزل عود و أتجه للصالون وقعد وفي يده التابلت بدون ما يناظرها او يقولها حرف.
ناظرته بتوتر وقالت : عود ؟ وش فيك؟.
ناظرها ورجع نظرة للتابلت وهو يقلب فيه بدون أي هدف.
وقفت زهور بتوتر وقعدت بجمبه : عود ؟ ليش ساكت فيك شيء ! تعبان تبي شيء ، أحضر لِك الغداء !.
ماناظرها ولا أعطاها أهتمام وهو مِن داخله مقلوب فوق تحت .
ناظرها وقال بهدوء : وخري عني شوي .
بعدت عنه وهي تناظره بقلق !.
قامّت وأتجهت ناحية المطبخ وهي متوتره وخايفه.
ناظرها لين أختفت بعدها ضحك بفرحه وهو ومو مصدق أهتمامها فيه ابداً .
جات زهور وهو رجع نفس ماكان ، حطت زهور صينية الغداء أمامه وقالت : شلك ما اكلت كِل ؟.
ناظرها وقال بهدوء : مِن متى أستاذه زهور وأنتِ تهتمين فيني ، أكلت ولا ما أكلت !.
'
'
‏سيصل إليك لطف الله مهما كانت الظروف ، ثق بالله دائماً وأبداً.|
'
بلعت ريقها بخوف مِن نظرته ونبرته اللي كانت حاده شوي : أنسانه أنا معي قلب أكيد بهتم لأي شخص أمامي ما أكل !.
ناظرها وقال : أي شخص أي شخص !.
بلعت ريقها وعُيونها تلمع بخوف : أي شخص ، وأنت مو أي شخص أنت مُهم مو أي أحد أكيد!.
ما رد عليها وتقدم وبدا بأسم الله.
'
ضحك عود وقال : ذا اللي صار !.
كانت تناظره وهي مبتسمه ومعقده حاحبيها : يعني كانت متوتره صح ؟.
هز عود رأسه وهو مبتسم!.
هزت رأسها ولفت للجهه الثانيه وهي راحمّته وكثير حاسه فيه ، كانت تبي تقول ترى زهور خايفه منك وذا واضح مِن تصرفاتها ، مو مهتمه فيك ، بس فرحتّه وأبتسامّته ماقدرت تفرط فيها ، ناظرته و
قالت بأبتسامّه : على فرحتّك ذي وحُبك لها ، أقدر أقول لزهور ياحظك والله.
ناظرها وأبتسم بغرور مُصطنع : عارف عارف مليون بنت تتمناني وتتمنى حُبي!.
ناظرته وضحكت : صح مليون بنت تتمناك ، لكن أنا وحده وغير عَن هالمليون اللي يتمنونّك ، لأني غير عنهم ، عارفه مقصدك ترى ، وغمزت له.
ضحك وسكت وأبتسم على غمزتها له : غير أنتِ صح غير.
أبتسمت وقالت : طيب الحين وش تبي مني ؟.
ناظرها وقال : وش اسوي الحين ؟.
أبتسمّت وقالت : البنات يحبون الهدايا الغاليه ، غرقها بالهدايا لكن لا تقول أنها مِنّك !.
ناظرها : شلون يعني ؟ مَن يعطيها أجل اذا مو مني ؟.
أبتسمّت وقالت : مالِك ، مو مالِك مُرافقك ؟ أجل بتعرف أن الهدايا مِنك لو هو أعطاها.
ناظرها وقال : صح ، طيب وبعدين ؟.
عدلت قعدها وقالت : مو أنت تقول أن قبل الزواج وهي تتبسم لِك وتناظرك بنظرات حُب ، لكن بعد الزواج تغيرت وأنقلبت لشخص ثاني ماتعرفه ؟ أبيك تقولي الحين لما يعطيها مالِك الهدايا وش ردت فعلها ؟ لان البنات يحبون الهدايا اللي تجي بدون مُناسبه وغير مُباشره ، وزهور بتعرف أن أنت اللي جبت لها الهدايا لأن مُرافقك أعطاها مو ؟.
أبتسم عود وقال : صح ، بكره راح أطبقها و بقولِك !.
أبتسمّت وقالت بهدوء : عود ، لاتزعل تمام ، حتى لو ما اهتمّت بيجي اليوم اللي تهتم لِك فيه.
ناظرها عود وأبتسم : متعود معليك ، اساسا بأستغرب لو أهتمت لي ، حتى أهتمامها لي اليوم شاك فيه.
أبتسمت وقالت : بالتوفيق لِك وش أقول ، الله يلين قلبها لِك.
أبتسم وقال : مشكوره عَربّ ، استأذنك الحين برجع قبل تجي ١٢ الساعه.
أبتسمت و وقفت معاه :أذنك معاك ، أنتبه لنفسك ، وانتبه الطريق ترى خطير بأواخر الليل.
أبتسم وقال : تمام مع السلامّة ، أدخلي لداخل الجو بارد .
'

'
وأنت الذي ترسم الأنسَ في نفسي وترضيها .|
'

أبتسمت وشالت دفترها ودخلت وهو أنتظرها لين دخلت أغلقت الباب الداخلي وخرج وأغلق الباب الخارجي ورجع للمدينة وهو مبتسم ومنتظر بكره.
~
دخلت لداخِل وهي منزعجه وكثير ، شاكّه أن نظرات الحُب والأبتسامات اللي قبل الزواج لـ مالِك ، لأنه يقول أن مالِك معاه طول الوقت ، ولما تزوجها أختلف هالشيء ، خافت تقوله وتصير مُشكله لازم تتأكد بالأول وبعدين تعرف كيف تتصرف.
رمت الدفتر على السرير وهمست : ياليت القلوب تتبدل وتدرك ما أمامها ، راح تضيعين عُمرك يازهور وتضيعينه معاك ، حافظي على حُبه لِك ما عاد صار فيه أحد يحب مِثل عود والله ، كِلهم تبخروا ، كلهم تبدلوا ، لا تندمين بعدين لا تندمين ، صدقيني بينكسر قلبك وبتتحطمين وتتبعثرين ، راح تفقدين الحياة ولذتها والله.
رمّت نفسها على السرير وغمض عُيونها و ودعت نفسها لـ ربي و نامّت بعُمق.
'~
قامّت بعد نومّة عميقه.
اليوم أغلقت الكوافير عشان أشغالها ومهامها الشخصية ، وقفت وخذت لها دُش ، وطلعت وجففت شعرها ، ولبست ليقنز أسود وتيشيرت أسود بما أنها ماراح تروح الكوافير أختارت هاللبس عشان ترتاح وهي تتسوق لنفسها.
أتصلت بالسواق يجي للقريه ، ولبست عبايتها ولفت حجابها وطلعت وتوجهة لسوق القرية تأخذ بعض الأغراض ، أشترت كم غرض ودخلت لمحل الذهب وعُيونها على أحد العقود الناعمّة ، أشرت للعامّل بالمحل وقالت : لو سمحت ممكن تخرج لي هالعقد ؟.
أبتسم العامّل لها ، وأخرج لها العقد ومده لها ، أخذته مِنه وهي مبتسمّه وتتأمّله : فيه مِنه أثنين ؟.
ناظرها وقال : أي .
أبتسمّت وقالت : تمام جيب لي مِنه أثنين. ومدته له.
دارت عُيونها بالمحل و وقفت أمام واحِد مِن الخواتّم وبما أنها أنسانه تعشق الخواتّم أخذته : أبي هالخاتّم .
غلفه لها العامّل ومد لها العقود والخاتّم ، وهي سألت عّن الحساب وأعطته الحساب وخرجت لبرا المحل بعد ماشكرتّه.
دارت بـ سوق القريه على ما أتصل السواق وخرجت خارج القرية و ركبت معاه وأتجهوا للمدينة.
~'
لأول مره.
دخل البيت ونزل لتحت بسرعه مِن الطفل اللي ركض له وهو يصرخ بأسمّه بفرحه ، شاله وضحك : ياعُيوني أنت والله ، أشتقت لي ؟ شوف وش جايب لِك شوف ! وطلع له مِن الكيس شوكلاه وقال : تاكل وحده بس عشان أسنانّك صح ولا لا؟.
ضحك الطفل الصغير وهو ياخذ الشوكلاه مِنه : صح.
ضحك وباس خده : شاطر اللي يسمع كلام عمّه.
جات بأبتسامّه: وتاد ، جيت ؟ كنت راح أتصل عليك !.
ناظرها وتاد وقال : ليش ، وش بغيتي ؟.
قالت بأبتسامّة : كان ناقص تيم حليب .
'
'
‏كل شي معاه مختلف حتى ابتسامتيّ .|
'

ناظرها وتاد بهدوء : أبشري ، بتصل على السايق يجيب ما بقدر أطلع الحين تو خلصت مناوبتي وأبي أريح ، و باخذ تيم معي لفوق لغرفتي ، اذا تبينه خلي أمي او العامّله يأخذونه مِن عندي .
هزت رأسها له بأبتسامّه ، أما هو فأخذ تيم وطلع لغرفتّه فوق وهو يلاعب تيم ويضحك على ضحكاتّه.
دخل غرفتّه وهو يضحك على ضحك تيم .
نزل تيم على السرير ودخل يغير ملابسه على السريع وطلع لـ تيم وأخذ مِنه علبة الكريم اللي شايلها وقال : لا تشيل شيء ثقيل بعدين يطيح عليك !.
حط العلبة على الطاولة وشال تيم وقال وهو يقعد على السرير وتيم أمامه : يلا قول لي وش صار معاك أمس ؟.
قال تيم بتكرار وهو يناظر حوله : بابا ، بابا.
أبتسم وتاد بضيق وقال : بابا جاء ؟ .
هز رأسه تيم و بعد عَن وتاد وقعد يدور بالغرفه و وتاد مكانه ويناظره !.
هز وتاد رأسه بضيق وأنسدح على السرير ، وشوي وضحك بقوه على قفزت تيم المُفاجاءه عليه !.
شاله وسدحه بجمّبه : وش قاعد تسوي أنت ! تبي تتعور هاه !.
ضحك تيم له ، وضحك وتاد معاه.
'
'
قال وهى يمّد له الأكياس : مالِك أعط هذي زهور بس لا تقول لها شيء اعطها وهي بتعرف انها مني.
قال مالِك وهو ياخذها مِنه : يعني عندها خبر !.
هز عود رأسه وقال : أي أعطها أنت وألحقني لـ شركة ربيع.
ناظره مالِك وكان متردد يبي يقول له بس مايبي يخسره أو يكسر أماله أبداً .
هز رأسه وركب الهدايا السياره وأتجه ناحية البيت ، أما عود فـ ركب مع السواق الثاني وأتجهه لـ شركة ربيع.
نزل عود وهو معقد حاجبيه مِن الرجال اللي مع ربيع.
أتجه ناحيتهم وألقى عليهم السلام ودخل لداخِل المبنى وعُيونه على التعديلات اللي صارت بالديكور ، لكن عقد حواجبه وهو يشوف واحِد مِن الجدران منتفخه!.
لف على دخلت ربيع : وش في الجدار !.
قال ربيع وهو ماسّك مُقدمّة رأسه : مدري وين المُشكله بس فيه ماء داخِل في أسلاك الكهرب ، فـ عشان كذا راح تتم صيانة الكهرب مِن جديد و يبي لها شهرين !.
عقد عود حاجبيه وقال : لو تركتني أعطيك مبنى الشركة القديمّة حقتي ، كان أريح لِك ، لكن بتتيسر إن شاء الله ، لا تشيل هم أنت.
قال ربيع : هو كِل شيء تم لكن الكهرب خرب علينا كِل شيء ، والمشكله ما أقدر أهمّله أبداً !.
ضرب عود كتفه : ولا يهمّك بحاول أني أخليهم يسرعون العمّل لين تخلص على الأقل بشهر .
هز رأسه وقال : حاولة لكن ما أقدّر ، لزوم تاخذ وقتها كهرباء ذي مو لعبّة .
قعد عود على الفرشة : عاد صبرت سنة كامّلة مابتصير شهرين ، ربي بيحلها لا تشيل هم أنت .
'

'
ويرهقني بأني مليء بما لا أستطيع قوله .|
'

قعد ربيع معاه : وين مالِك ليش ماجاء ؟.
أبتسم عود وهو عاض على شفتيه: جاي الحين.
قال ربيع : فيك شيء أنت ؟ مو مِن عوايدّك تجي مع السواق بدون مالِك !.
كان بيتكلم عود لكن قطع عليهم أتصال جوال ربيع ، ناظر ربيع الأسم بصدمّه ورد بسرعه : الو ؟.
أبتسم أول ما وصل له الصوت الهادي والناعم اللي يموت عليه : السلام عليكم.
أبتسم ربيع : وعليكم السلام والرحمّه ، مِن وين طالعة الشمّس اليوم ؟.
ضحكت : مِن عُيونّك مشرقّها يابعدهم ، بدون ما أطول بالكلام وينك فيه ؟ أنت بمبنى شركتّك !.
أبتسم ربيع وناظر عود اللي معقد حواجبّه ويناظره بشّك : أي بشركتي ياعَيني ، ليش تبين شيء ؟.
أبتسمّت وقالت : لا بس حبيت أزوركّ ، جيت أخذ لي أغراض وبرجع القرية فـ قلت أجي لِك بما أني جيت المدينّة !.
أبتسمّ وقال : موجود فيها حياك الله ياعَيني.
وقفل.
ناظر عود اللي يناظره بشك وقال : وش فيك تناظر كذا !.
قال عود بصدمه : مِن تكلم ؟.
أبتسم ربيع وغمّز له : الحُب ، تقول بتجي هنا ، ياليت تفضي المكان!.
ناظره عود بصدمّه وقال : منجدك ! عشان أقتلك وأقطعك وأوزع لحمّك للكلاب.
ناظره ربيع وضحك : وش عليك أنت !.
خزه عود : سوها او فكر تسويها ، يا أنّك بتنجلد صدقني !.
ضحك ربيع وقال : أي لأنّك متزوج تقول هالكلام ، أنا ذبحتني العزوبيه بشوف طريقي.
قال عود : قبل لا أكون متزوج أعرف ربي ترى ، وترى ما أحد ماسك ، روح كلم خواتّك يجيبون لِك بنت الحلال وتزوج .
ناظره ربيع وغمز له : أبيك تزوجني أنت .
ضحك عود بخبث وقال : بس ، عندي أزوجّك ماطلبت شيء ، عندي لِك وحده تطيح الطير مِن السماء .
ضحك ربيع : مِن ؟.
قال عود بخُبث وضحكه : يا رجال تعال لبيت ابوي الليل وأبشر ، أمورك بالتمام .
غمز له ربيع بخبث وهو فاهم منو يقصد بس صار أخبّث مِنه : حرير ، تم الوالده عندكم الليله ، بس عاد بتسكن معاي هنا بالشركة وعلى هالفرشة.
نط عود و مسكه مع رقبته وهو مصدم : ياقليل الأدب ! تقول لـ..... ، قاطعته وهي تقول : وش سوا أخوي لا تقتله !.
رفع رأسه لها وهو قاعد فوق ربيع وماسّك رقبته : هاه !.
ضحكت عَربّ على منظرهم المُضحك ومالت بجسمها ومسكت الجدار وهي للحين تضحك .
دفعه ربيع ونط لعَربّ وسلم عليها وهمس لها : بيقتلني ذا بعديه عني !.
ضحكت عَربّ وسلمّت عليه وهمّست له : وش مسوي له ؟.
ضحك ربيع وقال : أسرار.
ضحكت عَربّ وبعدت عَنه وعُيونها تدور بالمكان.
هزت رأسها وقالت : أي ، أرسل لـ حروف اللوكيشن تبي تجي تشوف معاي الشركة.
'
'
‏كل شي معاه مختلف حتى ابتسامتيّ .|
'

طلع ربيع جواله وقال : مِن بيجيبها ؟.
قالت عَربّ وهي تدور بالمكان : مُش عارفه بتجي مع السواق.
قال ربيع وهو يناظر عود اللي يناظر عَربّ : هيه أنت قوم برا يلا ، خواتي يبون يشوفون الشركة ، يعني مكان عائلي مانبي فيه أحد .
قال عود وهو يناظره بقهر : أي يصير خير.
ناظرته عَربّ وقالت : لا تروح مكان اساسا حرير مع حروف ، يعني عادي معليك.
قال ربيع : حياها الله.
عود ناظر ربيع ، وربيع ناظر عود وبعدها ضحك ربيع بقوة وقعد بالأرض وهو ميت ضحك !.
عقدت حواجبّها وضحكت بصدمّه وقالت : ربيع ؟.
قال عود بغضب : أسكت لا أقوم عليك وأنتفك!.
ضحكت ومشت له : قوم وش فيك طحت كذا على الأرض؟.
ضحك ربيع و وقف مع عَربّ اللي مدت يدها له .
ناظر عود وماقدر يمسّك نفسه ورجع يضحك!.
ضحكت عَربّ وقالت : بطلع فوق أشوف المكان وأرجع ، خلوكم عاقلين.
طلعت لفوق و وقف عود ومشى بيلحقها لكن وقف أمامّه ربيع : على وين حضرة القاضي ؟.
ناظره عود وقال : يخصّك !.
هز ربيع رأسه بـ أي .
ناظره عود : بس أشوف أن مايخصّك خلك هنا لا يجون العمّال. وبعده مِن أمامّه ومشى خلف عَربّ اللي تمشي وتتفحص المكان.
قالت بهدوء وهي عارفه أنه خلفها : وش صار ؟.
هز رأسه : للحين ماصار شيء ، شوي وبيجي مالِك.
هزت رأسها وهي تناظر الديكور بأبتسامّه : عطني خبّر مِن وقتها ، رقمي مع وبيع خذه مِنه اذا عرفت شيء !.
هز رأسه وهو يناظرها.
لفت وناظرتّه وأبتسمّت له وخرجت ودخلت القسم الثاني وهو خلفها يناظر الديكور والمكان مره ويناظرها ألف مره.
قالت وهي تأشر على أحد الزوايا : ذي الزاويه يبي لها ديكور كبير مره لأن مساحتها كبيره صح ؟.
لفت له تنتظر جوابه ، قال : يعني ، بس هالغرفة بتكون للملفات والأوراق ما أظن يحتاج لها ؟.
هزت رأسها وقالت : برأيي يسوي لها يمكن يحتاجها يوم مِن الأيام.
هز عود رأسه : صح بس ربيع ذا يسوي اللي برأسه.
أبتسمّت وقالت : بأقنعه أنا أهم شيء يتمم كِل شيء .
'
واقف ويناظر الجدار ويحاول أنه يطلع سبب المُشكله ، لف على صوت مالِك ورجع يناظر الجدار وقال : يا أهلاً أستاذ مالِك ، كأنّك طولت؟.
عبد حواجبّه وعُيونه على الجدار : أي كانت عندي شغله وحليتها وجيت ؟ وش فيه الجدار كذا ؟.
قال : ماني عارف أحاول اطلع سبب المُشكلة.
قال مالِك : اللي سبّك لِك فاشل ، واحد مِن المواصير مكسورة والماء تسرب .
ناظره ربيع وقال : اي عارف عشان كذا بينعاد كِل شيء !.
دخلوا حروف وحرير وهُم يناظرون المكان ، قالت حروف : تعالي نطلع شكلنا غلطانين !.
'
نتوقف هنا

لامارا · 14-12-22, 03:15 PM

البارت 6

'
تشبه السلام في بلادٍ أشقتها الحروب.|
'
قالت حرير : تستهبلين ؟ سيارة عود برا !.
لفوا مالِك وربيع عليهم وقال مالِك : لا مو غلطانين .
ربيع ناظر حرير ومسك مالِك ونزل على خفيف وهو يضحك ، ومالِك يناظره بأستغراب : وش فيك ؟.
جاء عود على أصواتهم وشاف حرير وحروف وناظر ربيع اللي ماسّك مالِك يضحك ، قرب مِنه وضربه على رأسه بغضب : أهجد ما أبي أحرج أختي عشانّك !.
ضحك مالِك وقال لـ ربيع : وش مسوي أنت !.
ضحك ربيع و وقف زين وقال : أحم ولا شيء ، عرض علي عرض وقبلت فـ زعل علي !.
خزه عود وقال : أقول أسكت بس أحسن لِك.
رجعت لهم عَربّ وقالت بأبتسامّه : أنا استأذنكم بخلص شغلي وأرجع للقريه قبل تغيب الشمس.
قال ربيع وهو يتجه لها : اقعدي معانا اليوم ؟.
أبتسمّت وقالت : ما أقدر والله بكره عندي مواعيد في الكوافير كثيره وما اقدر أطول هنا ، اساسا جيت أشتري لي كم شغله مهمه وأرجع ، فـ أعتذر مِنك مره ثانيه إن شاءالله أقعد معاكم.
أبتسم ربيع وقال : تمام الله معاك ، اذا محتاجه شيء قولي لي .
أبتسمّت له وسلمت عليه وقالت : يلا فأمان الله أستأذنكم.
ومشت لـ حروف وحرير وسلمّت عليهم وأعتذرت منهم انها ماقدرت تشوف المبنى معاهم وطلعت.
'
شاف حرير و حروف دخلوا و ربيع ومالِك مشغولين بالجدار وتصليحه ، أنسحب مِن بينهم وطلع خلفها بسرعه ،
ركب معاها قبل تقفل السياره!.
رجعت على وراء بخوف وقالت : وش تسوي ؟.
أبتسم وقال : بروح معاك .
ناظرته بأستغراب : على وين ؟.
أبتسم وقال : المكان اللي بتروحين له.
ناظرتّه وقالت بأبتسامّه : بروح الصيدلية و المول ، راح تمّل ترى ، رُغم أن حتى انا ماودي أروح لها بس لزوم نروح لها !.
أبتسمّ لها وقال بهدوء : أي عادي بروح معاك مابي أقعد معاهم ابداً ، لو قعدت معاهم تهاوشت مع ربيع.
ضحكت وقالت : أي عاد انتوا توم وجيري النُسخه الأصليه.
ضحك عود : والله يا السمّراء أخوك مايمسّك لسانّه.
ضحكت وقالت : عاد ربيع يدور للمناقر ، لولا العيب ناقر نفسه.
ناظرها وقال : مِن قالِك أنه ماوصل لهالمرحله ؟.
ناظرته بصدمّه : جد !.
ضحك عود وقال : تعدا المرحله ذي بمراحِل .
ضحكت وقال : انصدمّت !.
سكتوا شوي وقالت عَربّ للسايق يحرك السيارة ودلته على المكان.
قال عود وهو يناظرها : يا السمّراء ، ترى فاهم تفكيرك لما قلتي لي خل مالِك يعطيها!.
'
'
‏لا أسفاً على راحل ولا حزناً على مُستغني .|
'
عقدت حواجبّها وقالت بأستغباء : شلون ؟ وش تعرف!.
أبتسم لها وقال وهو يمسك حاجبيها ويفك العقده اللي بينهم : لا تسوين نفسك غبيه مو عارفه ، أنا عارف كِل شيء يخص مالِك و زهور ، ومِن البدايه بعد ، أنا مو شخص غبي ومُغفل ابداً ، فاهم اللي يدور حولي لكن ساكت ما أبي أخسر مالِك لأن عارف ماله ذنب ، و ولا أبي أخسرها لأن لو خسرتّها راح أخسر الكثير راح أخسر حياتي وقلبي ، لأنها كِلها لها ، مُلك لها ، عارف تلميحاتّك لكن أستغبيت ومشيت معاك ابيك تتأكدين بنفسك لأن صعب أجي لِك وأقول أن هي تحب غيري ومو أي أحد تحب ، لا تحبّ مالِك ؟.
ناظرته عَربّ : طيب ليش ماقلت لي مِن البداية ، البنت دام تحب غيرك مو سهل تنسى هالحُب أبداً ، مو سهل ترى ، والله مو سهل !.
قال عود وهو سند ظهره على المرتبه : وقتها ما أبي أصدق هالشيء وأقوله لأحد غيري ، صعب يا السمّراء صعب!.
ناظرته وقالت : يا حضرة القاضي هالشيء مو سهل عارفه ، بس كان لازم تقول لي ، وقتها بيختلف كِل شيء .
ناظرها عود وقال: وش اللي بيختلف يعني ؟.
هزت رأسها وقالت : أي بيختلف ، لأن شعورها هو المهم بالنسبه لنا ، مُستحيل يكون شيء سهل !.
ناظرها وقال : يعني وش بيصير ؟ يا السمّراء ما أبي أخسرها ولا أبي أخسر مالِك ، أعطيني حَل ؟.
عضت على شفايفها و ناظرته بهدوء وزعل عليه .
قال وهو يناظرها ومُبتسم على نظراتها البريئه والجمّيلة جداً : لو سمحتِ لا تناظريني بهالنظرات ، ما أحتمّل يا السمّراء والله !.
رفعت نفسها بصدمّه وقالت بأبتسامّه خجلانه : معليش بس زعلت على هالوضع .
كمّلت وقالت : بهالوضع لزوم تتعود عليك زهور ، لزوم تكون معاها طول الوقت وتظهر لها حُبك وحنانّك ، يعني بـ بساطّه أخنقها بحُبك !.
قال عود : الشيء لا زاد عَن حده أنقلب ضده ، أخاف تقلب علي !.
أبتسمّت وقالت : صح ، بس أقصد أنا أغمرها بـ حُبك ، مو بعني تخنقها تخنقها.
ناظرها : بس هالشيء صار ومانفع ؟.
ناظرته وقالت وهي تطلع دفتر مِن شنطتها وتكتب فيه :
شوف نحط خطه ونمشي عليها تمام ؟.
هز رأسه وهو يناظرها : تمام.
كتبت بـ بداية الدفتر :
أول شيء ، قعدت مُصارحه.
رفعت رأسها له : يعني اقعد معاها وصارحوا بعضكم ، اسألها وهي تجاوب وهي تسألك وأنت تجاوب ، اسألها عَن كِل شيء تبي تعرفه أنت عنها ، راح تكتشف أشياء كثيره ، وهالأشياء بتفيدنا.
اذا ما فادنا شيء مِن الجلسة ، نروح للشيء الثاني.
هز رأسه وهو منتبه معاها.
'

'
'
"ما أَبرقَك ، كالنَجْمِ نورُكَ والفلْك".|
'

قالت : روح معاها مكان بعيد مره ، يعني روحوا لدولة جداً جمّيلة و رومنسيه يعني ، وهي راح ترتاح وراح تنفتح نفسها ، راح تبدا تتقبل وجودك معاها راح تصير تسولف لِك ، راح تتغير أشياء كثيره.
واذا مانفعوا هذول نغيرها بـ شيء أكبر.
أبتسم وقال : نجرب اليوم ، تبين تعرفين شيء مُعين ؟.
هزت رأسها بـ لا : لا بس أبيك تعرف كِل شيء عنها ، أبيك تعرف حتى نقطة خوفها ، لماتعرف شيء يخص حبيبك او حتى عيبه تحبّه كثير وتحس بشعور جداً جمّيل ولطيفّ ، أبيك تجربّه وأنت تشوفها تحكي لِك عَن نفسها.
ناظرها عود بأبتسامّه وقال : هو أنتِ يا السمّراء تقرأين روايات عاطفيه ومتأثره فيها كثير ولا عايشه هالشعور صدق ، عُيونّك وأنتِ تتكلميّن فيها لمعه حُب حزينّ ، صح ما عندي خبره بس أعرف الحُب ونظرات الواقعين فيه.
أبتسمّت له : حُب عَابّر قبل سنوات ، مّر وعَبّر .
ناظرها وقال : عَبّر ؟ ماظني عَبّر بشكل كُلي ، باقي شعوره بداخِلك ؟.
ناظرت الدفتّر اللي بين يديها : مو شعوره بس ، لا كِله للحين باقي.
ناظرها بهدوء وأبتسامّه هاديه : مَن اللي يتجراء ويترك يا السمّراء ، هو شاف عُيونّك؟.
أبتسمّت على كلامّه وقالت : شافها يا حضرة القاضي ، لكن مو بيدنا هالشيء.
أبتسم عود وسكت مايبي يسألها ويضغط عليها.
وقف السايق عند المول ونزلت عَربّ ونزل معاها عود وهو متلثم بالغترة.
أبتسمّت له : ليش متلثم ؟.
أبتسم وقال : ما أبي أحد يعرفني.
ضحكت وقالت : يعرفك ولا يشوفك معي؟.
ضحك وقال : بصراحه عشان زهور ، صحباتها يعرفوني ما أبيهم يشوفوني ويقولون لها وكذا.
هزت رأسها : فاهمتّك فاهمتّك .
وقفلت الباب ودخلت المول هي وعود.
قالت بأبتسامّه : فيك تقعد بأحد المقاهي ولما أخلص بجي لِك ؟.
هز رأسه وقال وهو يناظرها : تحلمين يا السمّراء ، أترك لوحدك هنا ، رجلي على رجلك.
ضحكت وقالت : تمام ، بس فيه محلات ممنوع تدخلها !.
هز رأسه : عادي.
أبتسمّت ودخلت لداخِل وبدت تتسوق وهو معاها ويسولف معاها ويعطيها رأيه ، ناظر واحد مِن الفساتين الصيفيه اللي باللون الأبيض بتصميم جمّيل ، أبتسمّ وقال : تلبسين كم؟.
عقدت حواجبّها :ليش ؟.
ناظرها وقال : هو أنتِ لازم تسألين على كِل شيء ؟.
هزت رأسها بـ إي.
ضحك وقال : كم ؟.
أبتسمّت وقالت : ألبس دائمًا s واذا الموديل وسيع ألبس xs ، الحين قول لي ليش ؟.
أبتسمّ وقال : الفستان الأبيض هذاك يناسبّك .
ودخل المحل وأشتراه لها وطلع ومد لها الكيس : تفضلي يا السمّراء.
أبتسمّت وقالت : مشكور بس ما ألبس فساتين أنا ؟.
'
'
التأمُل في عيناك مُواساة كونيّه.|
'

عقد حواجبه وقال : ليش ماتلبسين فساتين ؟.
ضحكت وقالت : مو فساتين فساتين ، لا أقصد ما ألبس فساتين مِن صُنع غيري ، بس الفساتين اللي أصممها وأخيطها أنا ، واذا بلبس فستان مِن أي محل لازم له تصميم ونوع مُعين .
رفع كتوفه وقال : والله جاك ، سوي فيه اللي تبين المهم انه يكون لِك.
أبتسمّت له وقالت : مشكور والله.
أبتسم عود وقال : ولو ؟ خلصتي ولا للحين.
قالت عَربّ : تعال نقعد شوي نريح ، وبعدها نكمّل مابقى ألا شيء واحد.
قال عود : في مقهى هنا قريب أروح له مع مالِك ، نخلص هالغرض ونقعد فيه مره وحده.
هزت رأسها وقالت : انتِ روح وبخلص وأجي لِك .
قال عود : معك لين تخلصين يلا أمشي.
غمضت عُيونها بأحراج وقالت : تمام !.
ومشرا واقفوا قدام واحد مِن المحلات اللي مكتوب عليها "ممنوع دخول الرجال " دخلت عَربّ وخلصت أغراضها وحاسبّة وطلعت : خلصت يلا نمشي ؟.
أبتسم وقال : يلا نمشي .
هزت رأسها ومشت معاه للمقهى اللي يقصده.
قعدوا أمام بعض ، تنهدت بتعب : ياكرهي للسوق والله.
ناظرها عود وضحك : تصدقين اول مره أشوف أنثى تكره السوق ، مره صدمتيني طول الوقت تتذمرين مِنه ، دائماً حرير تأكل رأسي بالسوق ، وزهور مع السواق دائماً بالسوق ماتسمح لي اروح معاها ، أما حرير ما أحب اتركها لوحده بالسوق فـ دائماً معها ولا مره تذمرت كِله انا أتذمر ، هالمره أنتِ تتذمرين وأنا مستانس ، أنقلبت الدنيا.
ضحكت وقالت : ماعُمري حبيت السوق ، مو بنت بـ حُب السوق على قول حروف .
ضحك وقال : الحمّدلله عرفت عنّك شيء ، وللحين ماشيه صح.
ضحكت : ماشاء الله ، وش بتستفيد يعني؟.
أبتسم وقال : يعني حابّ أعرفّك أكثر ؟.
أبتسمت عَربّ وقالت : وش بتعرف يعني ؟ أسمي عَربّ وعُمري ٢٨ ، هذول يكفون ؟.
أبتسم عود وقال : عُمرك ظالمّك وكثير ، كأنّك في ١٨ او ١٩ مُستحيل أحد يعطي شكلك على عُمرك !.
أبتسمّت عَربّ : العُمر مُجرد رقم ماله أهمّيه أبداً العقل والأخلاق هذي المُهمّه ، أما العُمر رقم، ممكن هالرقم يكون خطاء او صح ، اللي يهتم بالعُمر هذا يهتم بفرصة موته ، لأن كِل ما زاد العُمر كِل مازادت فُرصة الموت ، عشان كذا ما أهتم له ، كِله رقم وهالرقم مابيقيس مدى أخلاقي وعقلي أستحاله بس لزوم نحترم أعمارنا !.
أبتسم على كلامّها وقال : أنتِ رابع أمراءه أُعجبّ بها وبعقلها وتفكيرها!.
ضحكت : بخمّن من هُم الثلاث اللي قبلي ، أمّك ، وزهور وحرير ثُم أنا ؟.
هز رأسه وقال : أمي صح ، بعدها العُروب ، بعدها زهور ، وبعدها أنتِ.
أمي والعُروب وأنتِ أحب تفكيركم ومنطقكم ، زهور غير.
'
'
" ‏تملُك أجمْل ضِحكه،تبعثر ثباتِي ".|
'

أبتسمّت وقالت : بس جبت ثنتين منها صح ، ومايعتبرون أربع ترى ، يعتبرون ثلاث ؟.
ضحك عود وقال : صح صح ، لا أربع شلون ثلاث ؟.
أبتسمّت وقالت : العُروب ماتُحسبّ ، لأنها مو أمراءه داخل حياتّك ؟.
عقد حواجبّه وقال بأبتسامّه : أول أمراءه بالنسبه لي ، أحبّها كثير وأحبّ أشعاراها ، عُيونها لما تضحك أعرفها وعُيونها لما تبتسم ولما تحزن كِلها أعرفها ، عُيونها نفس رسمّة عُيونّك؟.
أبتسمّت عَربّ وقالت : لهدرجة تحبّها ؟ وزهور طيب ؟.
أبتسمّ وقال : زهور غير ، زهور أحبها وكثير والعُروب أحبها ، لكن كِل وحده لها مكانه ، العُروب مِن المُستحيل أنها تكون لي ، اذا لقائي فيها مُستحيل فـ كيف بتكون لي؟ تصدقين أن بعض الأحيان لما أبحث عَن أسمها وأشوف مدح الرجال لها ، أعصبّ ويجيني شعور غيره فضيع ، ما أدري ليش هالشعور يجيني لما أسمع أسمها على لسان أي شخص ذكر غيري؟.
أبتسمّت بحُب ملا عُيونها : لهدرجة ؟.
أبتسمّ عود وهز رأسه : وأكثر بعد ، هز رأسه بهدوء وقال بأبتسامّه : وش تبين أطلب لِك ؟.
أبتسمّت عَربّ وبعدم تركيز وأعجابّ : قلبّك .
ناظرها عود وضحك : وش ؟.
عقدت حاجبيها مِن كلمتها وقالت بضحكه : أمم ما أدري على ذوقّك بس يا ليت يكون شيء حالي ما أحبّ المُر.
أبتسم وقال : أبشري ، و وقف وراح يطلب.
أبتسمت وعُيونها عليه ، ماتدري ليش لما قال لها مشاعره تجاه العُروب كيف تغير شيء بداخلها ، تحس بشيء أفاق بداخِلها ، تحس بـ شيء تحرك أو تزحزح بداخِلها ، هل كان طفل جديد أنولد ؟
أم ورده يابسة أزهرت مِن جديد ؟ أو رُبما حُبٌ جديد كان هو ؟.
رجع وهي حاطه يدها على خدها و سرحانّه وعُيون الكِل عليها أما هي ماهي منتبه وسرحانّه ومبتسمّه على الشعور اللي بداخلها.
ناظر اللي حولها وكانوا يناظرونها ، غمّض عُيونها بغضب ونزل القهوة على الـ الطاولة ودقها بخفيف : السمّراء !.
فزت بخوف : وش فيك ؟.
قال بهدوء : ولا شيء خذي القهوة.
أبتسمّت وأخذت القهوة وقالت : مشكور.
أبتسم وقال : بالعافية.
فكت غطاء القهوة وسحبت ثلاث ظروف سُكر وحطتها على الـ القهوة وحركتها لين ذاب السُكر وأغلقت الغطاء وأرتشفت مِنه وهي مبتسمّه بتلذذ وعُيون عود عليها وهو مبتسم على ملامحها أول ما أرتشفت مِن القهوة.
ضحكت وقالت : وش فيك تناظر كذا ؟ عارفه أنك تقول مجنونه ثلاث ظروف سُكر ، بس أحبّ الحلا الزايد أنا !.
أبتسمّ عود وقال : بالعافية ، بس جد مابيضرك ؟.
هزت رأسها بـ لا : لا لأن ما أكثر يعني أشرب مره بالأسبوع شيء حالي ، او كِل ثلاث أيام ، يعني معتدله نوعاً ما .
'
'
‏تمرّين الشارع البْاهت على غفلة ويتورّد.|
'

أبتسم وقال : حلو لا تكثير وتضرين نفسّك.
أبتسمّت وقالت : أمم الدونات شكلها لذيذ بس مليانّه حلا وما أقدر أكلها مع القهوة ، كِلها حلا.
قال عود وهو يأشر على واحد مِن الصحون : هذي خاليه مِن السكر طلبتها لِك لأن قلتي تبين قهوة حاليه.
أبتسمّت بفرحة : جد ؟ مشكورر مره !.
أبتسمّ عود على فرحتها ومد لها الصحن ، وأخذتّ مِنها و أكلتها بأبتسامّه ، وهو يناظرها وهي تاكل وتسولف له.
قطع عليه صوت رنين جواله ، طلع جواله وشاف الأسم وضحك ولف الجوال لـ عَربّ تقرأ ، كان ربيع ، ضحكت عَربّ : فقدك!.
أبتسم عود وفتح الخط وقال : يا هلا ؟.
قال ربيع وهو يناظر مالِك اللي يضحك ويخزه : وينّك فيه أستاذ عود ؟.
أبتسمّ عود بتوتر وعُيونّه على عَربّ اللي قربت كرسيها بجمّبه وحطتّ أذنها على الجوال تبي تسمّع : مع زهور بالمول ليش ؟.
بعدت عن الجوال وعقدت حواجبها مِن رده وقربت مِنه وحطت أذنها على السماعه بتسمّع معاه ، لكن بعد عنها عود وهو عارف ربيع وكلامّه وألفاضه اللي تدور بينهم .
وكأنه أرتاح لما بعد مِنها ماحَب قُربها مِنه حس بتوتر ، عقدت حواجبّها مِن حركتّه ورجعت كرسيها وهي متندمّه أنها سوت هالحركّه رُغم أنها عفويه مِنها تبي تسمّع كلام ربيع لـ عود بس ما أنتبهت له ولشعوره .
أبتسمّت على خفيف له لما شافتّه يناظرها وطلعت جوالها مِن صوت الأشعار اللي جاها ، عقدت حواجبّها وهي تقرأ الكلام ، وتدريجياً بدت ملامّحها تتغير ، تبتّسم وتكشر وتدمّع عينها وتتقوس شفايفها ، تبلع ريقها وترمّش بسرعه ، جمّيع المشاعر تجمّعت عليها بلحظة.
رفعت رأسها لعود اللي يناظرها ويناظر جوالها وهو معقد حاجبيه ويكلم ربيع لكن منتبه لها.
أبتسمّت وكأنه حَان وقت هالشيء ، لازم تاخذ مِن عود نفس ماتعطي.
غمّضت عَينها وكأن مشاعّرها كِلها تجمّعة بـ دمّعه وماتبي هالدمّعه تطيح وتفشي سّرها .
فتحت عُيونها على صوت عود : وش فيك ؟.
ناظرتّه : ولا شيء ، خلصت نطلع ؟.
هز رأسه عود وقال : أي خلصت هيا نطلع .
وقفت عَربّ ودخلت جوالها بـ شنطتها وشالت شنطتها والأكياس حقتها ، أبتسمّ عود وهو يمّد يده بيأخذ الأكياس مِنها لكن قالت : لا بشيلها أنا ، خفيفه مايحتاج ؟.
هز عود رأسه وقال : يلا .
مشت معاه لبرا و وقفوا لين جاء لهم السواق ونزل أخذ مِنها الأكياس وركبّها بالخلف أما هي ركبتّ السياره وناظرت عود : تعال ؟.
قال عود بأبتسامّه: برجع أنا لـ ربيع ومالِك أنتِ خلصي وأرجعي القريه.
هزت رأسها : طيب تعال نوصلك ؟.
'
'
‏الحياة قصيرة جداً و أُريد قضاءها معك !|
'

قال عود بأبتسامّه : لا بيشغلني ربيع فيك ، ليش رايح مع أختي ليش ما أستأذنت ، وحوسة ربيع المعروفه ماله داعي أشرح !.
هز رأسها : تمام أنتبه لنفسكّ ، مع السلامّه . وأغلقت الباب وحَركّ السواق السيارة بأتجاه الصيدليه وخلصت عَربّ أغراضها ورجعت مع السواق القرية .
نزلت مِن السيارة ومشت لداخِل القرية وهي مبتسمّه للأشخاص اللي تقابلهم أمامها ، لكن أبتسامّتها غير عَن الأبتسامّه اللي دائماً تبتسمّها ، دخلت الحي وكان الأستقبال جمّيل لها كالعاده الأطفال يتراكضون أمامّها ويتهامسون بأسمّها ، والشُبان يناظرونها وهم مبتسمّين بأعجاب كبير لها ، البنات يناظرونها بغيرة جمّيلة وبريئة ، كأنها أميرة والشعب مفتون بجمّالها ، وكثير مِن الشُبان خلفها ، لكنها الأن أميرة حزينّة ، وجداً على ذكرى كانت بأحد الرفوف لكنها اليوم تجددت وفتّحت صفحاتُّها مِن جديد ونثرت ألمها وزادتّها بأركان قلب هالأميرة.
وقفت أمام باب بيتها وفتحتّ الباب ودخلت وأغلقت الباب ودخلت لداخِل البيت.
فصخت عبايتها وحِجابها وحطتها مكانها بترتيب ورمّت نفسها على سريرها وهو مغمّضه عُيونها تمّنع دموعها مِن النزول لكن دموعها خرقت جفونّها وأنسابّت كـ بحار ، فاضتّ وهاجّت وبدأت بالسيلان ، جفونّها أحترقّت مِن حرارة دموعها ، شفتيها أُغلقت بأحكام وأرتعشت بشدّه ، أنفها بدأ بالأحمّرار ، جمّيع ملامّحها كساها الحُزن والألمّ ، كأن مشاعّر وألام قلبها تجمّعت وبدأت بأنهيارها .
'
'
نزل وبـ يديه أبن أخيه "تيم" نزله على الأرض مشى للداخِل وتقدمّ لأمّه بأبتسامّه وقبّل رأسها وقال : السلام عليكم ياوالده.
أبتسمّت أمّه وقالت : وعليكم السلام يا ولد ، على وين شايفتّك ماخذ شنطتّك ؟.
أبتّسم وقال : على المستشفى عندي مناوبة لـ يومين فـ أخذت الشنطة معي.
هزت رأسها ورفعت كفوفها لربّ واحدّ تدعي له ، تقدمّ وتاد وقبّل رأسها وأخذ شنطتّه وطلع ونزل للطفل الصغير وباس خدوده وطلع برا البيت متجه للمستشفى لبدء المناوبّة وفكّرة عند أحد الأشخاص اللي ما قدر يتركهم بـ أحد رفوف الذكريات وينساهم .
أبتسّم وهو يفتح جواله على تطبيق مسوين فيه أثنينهم حساب مُشترك وكِل واحد ينزل فيه ، هي تنزل فيه صورة طفل صغير عُمره تقريباً ٣ سنوات وهو ينزل صوره هو و تيم ، وكِل شخص فيهم يعلق على صور الثاني.
لها فترة طويلة مانزلت فترة طويلة ماعلقت على صوره ، يحس بغُربّه ، هالحساب كان يرد على الحنين والشوق اللي بداخله لو شوي بس.
'
'
‏حبه بناء بالضمّير خيام .|
'
وقف سيارتّه بـ كراج المستشفى الخاص بالدكاتّره ونزل بـ شنطتّه ودخل المستشفى وطلع لغرفتّه فوق وحط شنتطه ولبس البالطوا والسماعات وكرتّه وجمّع أغراضه ونزل لـ الطوارى بما أنّه اليوم دورة بـ قسم الطوارى.
'
ففتحت عَينها و قعدت ، نزلت رأسها بهدوء وبكتّ وهي للحينها تستوعبّ الرساله ! الحين ؟ بعد ما قررت أترك كِل شيء يخصّك ؟ ليش الحين ، ليش لما تركت قلبي وأبتعدت عنّه لجّل ما يذكرك لي ؟.
مسحت دموعها وقامّت ودخلت تأخذ لها دُش يريح شوي ويشتت ذهنها.
وطلعت مِن الدُش ولبست ملابسها ورمّت نفسها على سريرها ونامّت.
'
همّست لحرير : هو الجدار ذا حامّل ؟. ناظّرتها حرير وضحكت : أحلفي ؟ وشدخل هاه وشدخل ؟ الحين داخّل فيه شيء وصار كذا !.
قالت وهي تمّشي للفرشّه اللي على الأرض وتقعد : يمّكن ، تعالي نتقهوى ، واضح ربيع مروق بهالمكان قهوة وشاهي وحلا ، وأقول وش فيه ما عاد جاء البيت!.
ضحكت حرير وهي تقعد معاها : أي يا عَيني لقى له مكان يقعد فيه بعيد منّك ، فيه أجمّل مِن كِذا ؟.
خزتها حروف وهي تمّد لها القهوة : هو يحق له يقعد معاي هاه ؟.
ضحكت حرير وقالت : أكيد مايحق له ، ألا تعالي ماقلتي لي وش صار على مشروع الجامعة حقك ؟.
ناظرتها حروف وسُرعان ما دمّعة عُيونها وهي تطلع جوالها وتفتحه وتمّده لـ حرير وتقول بـ رجفه وعبرة خانقتّها : شوفي شلون حاضنتي ماقدرت تتركني ولا قدرت أتركها ، مره تعلقت فيها حرير . ونزلت رأسها وبكت !.
شهقت حرير بصدمّه ونزلت الجوال وقربّت منها : حروف حَبيبي ليش البكي الحين ؟.
قالت حروف وهي تبكي : ماقدرت أطلع مِن المركز ألا بضغط مِن البنات ، ما طاوعني قلبي أتركها هناك واضح تعلقت فيني ، والبنات اللي معاها مره حبيتهم مره تعلقت فيهم !.
دخلوا ربيع ومالِك وهم يسولفون .
مشى ربيع بخوف لِحروف وقال بخوف : حروف حَبيبي ؟ ليش تبكين ؟.
مسحت حرير دموعها اللي نزلت بسبب حروف وقالت : راحت اليوم مركز ذوي الأحتياجات الخاصة ، وتأثرت كثير وكانت فيه بنت صغيره تعلقت فيها وماقدرت تتركها وهي تعلقت فيها وبكت لما تذكرتها !.
أبتسّم ربيع وحضنها مع الجنب : يا حَبيبتي أنتِ ، طيب ليش البكي هاه ليش البكي ؟.
قالت حروف وهي للحينها تبكي : حبيتها ربيع ، ماقدرت تتركني تخيل حضنتني بقوة وتبكي تقول لا تتركيني هنا !.
أبتسمّ وناظر مالِك اللي مبتسّم ويناظرهم ، فتحت حرير جوال حروف ومدتّه لـ ربيع ، ناظرها ربيع وأخذ مِنها الجوال وفتح الصور اللي تجمّع حروف و البنت الجمّيلة جداً مِن ذوي الأحتياجات الخاصة.
'

'
‏يَا مَن زهت بقُربهِ، الأيّامُ .|
'

عقد حواجبّه وترك حروف ومسك الجوال بيديه الثنتين وقربّ الصوره وهو يناظر البنت بتمعن ، ناظر حروف وقال : متأكده أنها بالمركز ؟.
هزت حروف رأسها وغطت وجهها بيدها وبكت .
وقف ربيع وحذف الجوال على حرير بقوة ومسكّ مالِك وسحبّه للخارجّ ، وقف بالخارِجّ وهو معصب : وين جنه ؟.
عقد مالِك حواجبّه وبعدها لف عنّه وغمّض عُيونه بعد ما أستوعبّ سوأله !.
مسكّه ربيع وغضب وقال : وين جنه تكلم !.
قال مالِك وهو يبعد يد ربيع عَنه : وش عليك منها أنت !.
صرخ فيه ربيع : يعني صدق ، يعني عُيوني ما كذبتني واللي في المركز جنّه ؟ ليش حاطّها بالمركز ليش ! مو هي بالبيت مع المُربيه ؟ وش صار هاه ليش في المركز هاه !.
ناظره مالِك وقال : والمُربيه منو يعطيها راتبها هاه ؟ أبوي اللي ماخذ زوجتّه ومو داري عني وعنها ؟ ولا راتبي اللي مايكفي حتى البانزين حَق السياره ، ولا أيش بالضبط ؟ لا تتكلم كذا وأنت قادر تسوي كِل شيء تبيه ؟ المركز أفضل لها مّني ومنّ المُربيه ، على الأقل فيه مكان يوفّر لها الأكل والشرب ومكان النوم ، مالي حيله يا ربيع مالي حيله ؟.
قال ربيع بغضب : وأنا ؟ و عود ؟ هاه أحنا وش ؟ مو أحنا أخوانّك ، وقت شدتنا ساعدتنا و وقت شدتّك يعني بنترك ليش ماجيت لي ، لو أبيع اللي علي وأعطيك حقه بس ما تتضطر أنّك تترك أختّك بمكان ماهي تبيه وتتعب فيه ! أحنا قوتّك وحيلتّك بعد ربّك ، ليش ما خذيت مِنا ؟.
ناظره مالِك بغضب : وليش أخذ مِنكم ؟ لو خذيت مِنكم ماراح تسمحون لي أردها ، وأنا ما أبي ، أحسني عاجّز ، مابيدي حيله ، أشوفكم تعطوني وأنا وما أعطيكم ولا شيء ؟ ربيع ما راح ترضى تكون بدالي أبد ، هالشيء مألمني ، أنتوا تعطون وأنا مكتوف اليدين ما أقدّر أمد يدي ، يدي مكتّفه ! لا تنتظرون أجي لـ أحد منكم ، خذيت بما يكفي ، ومستحي وخجلان مِنكم ما أقدر أردها لكم ، لكن لو أعيش حياتي كِلها أشتغل بس عشان أجمّع فلوس لكم أنتوا وأرد لكم جمّيلكم .
ناظره ربيع وهو ماسّك نفسه بالقوة : سمّعت حروف وش قالت صح ، ما بعطيك فلوس ولا بدبر لِك مُربيه ولا شيء ، لكن أسمّح لـ حروف تعتني فيها ، مالِك صدقني راح تخسرني ، تعرف أنّ مَا أحب أعذارّك ، وأشوفها تافهه ، أحنا أخوان حتى لو ماجمّعنا دّم ولحم ، أحنا أخوان كبرنا مع بعض تربينا مع بعض ، لا تخسرني وأترك حروف تعتني فيها ، سمّعت كلامّها بنفسّك ، لا تخليني أندمّ لا تخليني أخسرك للأبد ، وتعرف هالشيء مُمكن يصير فـ مو مِن صالحّك ترفض !.
'

نتوقف هنا

لامارا · 14-12-22, 03:21 PM

البارت 7

'

قال : البنت عندها جامّعه ماراح تفضـ...
قاطعه ربيع بحّده : البنت تبي هالشيء مالّك شغل أنت !.
نزل مالِك رأسه : تّم ، بس لا تنتظر مِني الموافقه على أي شيء ثاني أبداً !.
قال ربيع بـ غضب : يا شيخ طير بس !.
'
شهقت بألم مِن ثُقل الجوال اللي أنرمّى على يدها وعضتّ على شفتّها بألم .
ناظرتها حروف بخوف : وش فيك ؟.
رفعت حرير يدها بألم : أيدي تألمّني ، حذف الجوال علي !.
ضحكت حروف بين دموعها : عُمري عَنّك ، معصبّ بس مو عارفه ليش ، أعتذر له.
هزت حرير رأسها : ولو حروف ، أكيد مو قاصد عارفّه ولو ليش تعتذرين ؟.
مسحت دموعها حروف وقالت : نروح ؟.
هزت حرير رأسها بـ أي .
'
'
ناظرتّه وقالت : بزوجّك ! مابقدّر أشوفك بهالحاله وأسكت لزوم تسلى وتحّب غيرها !.
ناظرها وقال : عبور مابي طاري عقب طاريها !.
ضحكت عبور وقالت : ياكُبّر حُبك ، لكن صدقني مابتقبّل فيك لا توقف حياتّك عشانها ، عَربّ غير ، مو نفسنا ترى ؟.
ناظرها عَابّر وقال : لكن قلبي عشقها عشانها غير.
ناظرتّه بهدوء وقالت : و ساريّه مو عشق طفولتّك ! وش صار عليها ولا عشان عَربّ أزين مِنها نسيتها !.
ناظر عبور : قلتيها عشق طفولتّك ، طفولة يا عبور طفولة .
ناظرتّه بقهر : لكن هي للحينها خَابرتّه.
عقد عَابر حواجبّه : وش قصدتس ؟.
همّست وهي متردده : للحينها خَابّره حُبك ، للحينها مانستّه يا عَابر !.
عقد حاجبّيها : لكن ما قالت لي !.
ضحكت : يا رجال ؟ مِن متى كانت ساريه جريئه وصريحه معاك لدرجة تقولّك عَن حُبها ؟ صدقني مالّك منفعه مِن بنت المدينة ، خذ بنت ديرتّك أحسن لَك ، عَربّ مالها نفعه لِك أبد ، وترى تشوفّك أخو ، أخو يا عَابر الأخو مايصير مِنه زوج !.
سكت عَابر ويده على خده وفكره بعيد.
ناظرتّه بقهر ، مو راضي يفهم مو راضي يستوعّب أنها مو له ، ليش مُصر يتقدّم لها ويخطبها وتصير له حليله ، ليش مُصر لهدرجة !.
وقفت ودخلت لداخِل ، و طفت على الفُرن وجهزت كماليات السُفره ، وحضرت العشاء له وقالت : قم تعشى !.
ناظرها بهدوء وهز رأسه : الحمّدلله.
هزت رأسها وأقتربتّ وبدت بأسم الله .
'

'
لا تُبالغ في حب الأشياء ستؤذيك.|
'
بعد مرور يومين على كِل أبطالنا الجمّيلين.
'
قامّت على صوت أشعارات الجوال اللي أزعجتها ، قعدت على السرير ومسحت وجهها وعِينها بيدها ورجعت شعرها بيدها على وراءه ، وقفت ورجعت جلست مِن عُيونها اللي أسودت بها ، قعدت شوي لين ما خف ضلام عُيونها ورجعت تشوف طبيعي ، وقفت وهي تحك عُيونها اليمُنى بألم ، دخلت على الحمّام "أكرمّكم الله وأعزكم" و وضت وصلت بما أنه كان وقت أذان الفجر .
دخلت المطبخ وسوت لها قهوة سوداء وطلعت للغرفة وسحبّت جوالها تشوف وش سبب هالرسائل الكثيرة .
قرأت الأشعارات بأستغراب وهي تشوف مكتوب !.
أنصدمّت مِن الأشعارات واللي فيها وقالت : تو يعلنون ؟.
ردت عليهم ونزلت الجوال ، وكمّلت قهوتّها وهي سرحانّه و رايح بالها لـ بعيد .
قامّت وغيرت ملابسها بـ جلابية هاديه مِن تصميمها و رجعت شعرها لوراء و لبست ساعتها وأكسسواراتها ، وحطت مُرطب على شفايفها ورطبت وجهها ويدينها وجهزت عبايتها وشنتطتها ، وفتحت لها شوكلاه وأكلتّه عشان ما تطيح بأي لحظه ، لأن ما أكلت شيء أكتفت بشُرب القهوة ، خلصت الشوكلاه حقتها ولبست عبايتها ولفت حجابها عليها وشالت الشنطة وناظرت شكلها بالمراءه وجهها ذابّل وشاحب بسبب البكي ، رتبت عبايتها وفقلتها زين وطلعت وقفلت الباب خلفها ، ومشت متوجهه لـ بيت ساريه تقضي وقتها معها أحسن مِن أنها تقعد مع نفسها و تفكر.
'
وقفت أمام بيت سارية اللي بالحي الثاني اللي جمّب حيها ، ناظرت الشُبان اللي تجمّعوا عندها ويناظرونها بأستغراب واللي يبتسمون لها واللي يتسنعون لها ، أبتسمّت بأستغراب مِن نظراتهم ؟ صح أول مره تدخل هالحي بس أكيد يعرفونها ليش يناظرون كذا ؟.
طقت الباب مرتين وهي تناظرهم ؟.
فتح أخو ساريه الباب ونزل نظره عنها وفتح الباب كِله وقال : أقلطي عند ساريه تنتظرك.
ناظرته بأبتسامّه وقالت : مشكور أخوي ، ودخلت لداخِل وهو خرج و ناظر الشُبان اللي متجمّعين عند الباب بحدّه !.
ضحكت عَربّ وهي تقول : ذا أخوك المتزوج ؟ صدمّه طلع للحينه صغير !.
ضحكت ساريه وقالت : أرب زوجتّه تسمعتس والله ما أفزع لتس خليها تمصع رقبتس ، عاد زوجها خط أحمّر.
ضحكت عَربّ وقالت : مابي زوجها ، خليها تجي هي و ولدها بالله مره مشتاقه له.
ضحكت ساريه وقالت : اني عارفه ما مِن جيتتس خير.
ضحكت ساريه وقعدتها : أقعدي أقعدي ، أجيب لِك القهوة ومعها باز.
ناظرتها عَربّ بقهر وقالت : الله يقهركم مِثل ماقهرتوا هالبيبي بأسمّه!.
قالت ساريه: أقول أمسي علي أسمه مرتبط بالصقور ، و ولدنا صقر !.
'
'
كُل شيءٍ كان قاتِلا لكنّي لَم أمُت.|
'

ضحكت عَربّ : باقي صغير وش اللي صقر خافوا الله فيه!.
ضحكت ساريه : ماعندتس ماعند جدتي يا الحضريه ، وش عرفتس بالصقور والرجال وأساميهم ؟.
ضحكت عَربّ وهي تشوف باز جاي لها يركض ، وقفت وفتحت يدها له : يا حبيبي أنت !.
وحضنته وبدت تبوسه وهو يضحك على بوساتها له.
جت ساريه بالقهوة والشاي : ياويلي ويلاه ، الولد ذاب ، اتركيه لا تعلمينه على المصاخه !.
ناظرتها عَربّ وضحكتّ : وش المصاخه اللي أعلمّه عليها ، يعني ماتبوسينه أنتِ ؟.
ناظرتها ساريه وقالت : الشُبان عندنا ما ينباسون يا بنت الحضر !.
قالت عَربّ وهي تحضنّه وتبوسّه : لا والله ينباسون ، وش هالجفاء اللي عندكم ، وأنا أقول وش في شُبانكم تجمعوا علي ، طلعتوا جافينهم ياللي ماتخافون الله ؟.
خزتها ساريه : أقول أمسي وأتركي الولد وتعالي تقهوي!.
قالت عَربّ بأبتسامّه : أقدّر أخذه معاي و أخلي أخوي يشوفه ؟.
قالت ساريه وهي تعدل نفسها : أخوك المزيون ؟.
هزت عَربّ رأسها وهي تضحك : أي المزيون اللي دوخك!.
هزت ساريه رأسها وقالت بمزح : أجل حلفت أن تأخذون الولد لكم مره خلاص مانبيه .
ضحكت عَربّ بقوه : لا لا مو لهدرجة لا تتحمّسين !.
قالت ساريه بمزح : انا حلفت خلاص !.
ضحكت عَربّ وقالت بهدوء : راح علينا ترى متزوج!.
قالت ساريه بضحكه : طيب وش بلاتس حزينه أنتِ؟ ليكون شغل الحموات اللي تغار على أخوها مِن زوجتّه ؟.
ضحكت عَربّ وقالت : لا مو حزينّه بس زوجتّه شوي متعبته وطبيعي أزعل عليه ، غيرة أمم لا ماوصلت لمرحلة الغيرة الحمّدلله!.
ضحكت ساريه وقالت : اذا تبين تطفشينها بتلقيني موجوده ، بالخدمّه نعين ونعاون.
ضحكت : أي هذي شغلتّك تطفشين خلق الله .
أبتسمّت ساريه وهي ترتشف مِن فنجان القهوة : أبك وش بلاتس علي أنتِ ؟ وترى وجهتس ماهو عاجبني والله فيتس شيء أنتِ ؟.
قالت بهدوء : بعد شهر بطلع في لُقاء بالتلفزيون ، طبعاً قبل شهر أتفقت معاي وحده مِن القنوات و وافقت لكن بشروطي الخاصه ، وتو يعلنون الحين فـ حسيت أني مو مستعده.
قالت ساريه بهدوء : ماهو ذا الموضوع تعالي للموضوع الثاني بارك الله فيتس ، الموضوع اللي وجهتس بسببه شاحبّ!.
أبتسمّت عَربّ : فيك شيء أنتِ ؟ قلته لِك ، أحس ماني جاهزه مره وتو بديت أجهز كتابي وأن شاء الله خلال شهرين يكون جاهز ، وتجمّعت علي مِن كِل مكان ؟.
ناظرتها ساريه : وش هالكتاب اللي بتجهزينه؟.
نزلت نظرها بهدوء : ديوان ، أهداء لـ شخص عزيز علي ، أبيه يكون جاهز قريب ومره شايله هَمّ أبيه يكون رد لـ هالشخص .
'

'
كأن القمر تنازل عن بعضِه لكِ.|
'
أبتسمّ وهو يشوفها تقعد أمامّه وبيدها كوب القهوة حقه وتمّده له ! .
قالت زهور وهي تناظره : صحباتي بيسافرون كِلهم مع بعض وأبي أروح معاهم ؟.
ناظرها عود وقال : صدقيني ما أبي أردّك لكن ما أحبّ السفرات الخاصة بالصاحبات وخصوصاً اذا مانعرفهم ، فـ ما أقدر أسمّح لِك !.
ناظرته بغضب : بس أنا ما أنتظر سماحك بهالشيء أنا أعطيك خبر ؟ ليش تتدخل بكِل شيء هاه ؟.
ناظرها وقال : يمّكن عشاني زوجّك ؟ .
قالت بقهر : بس ما أشوفّك زوجي ما أشوفّك زوجي ، ما أبيك تكون زوجي ليش ما تفهم هاه ليش ؟.
ناظرها وقال : لا بكون زوجّك غصب ، عشان ما تأخذين اللي تبين ، وترى أستحالّه تاخذين اللي تبينه يا أستاذه زهور ، لو على قص رقبتي ، وسفر مافيه سفر ألا أذا قدرت أحدد لي وقتّ و وقتّها أخذك فيه وأوديك المكان اللي تبينه ، أما مع صحباتّك فـ أنسي هالشيء !.
و وقف وقربّ مِنها وباس خذها ، وبعد عنها .
ومسحت مكان بوستّه بقرف وقالت : أكرهّك أنا والله أكرهّك ، كريهه الله يعينّك على نفسّك!.
غمّض عُيونه وهو يحاول يتجاهل كلامّها.
'
طلع برا لـ مالِك وركبّ معاه وقال : على الشركة ، لي أسبوعين مهملها .
هز مالِك رأسه وقال : تدري ؟ بعد شهر بتطلع العُروب بـ لقاء بالتلفزيون !.
عقد عود حواجبّه وقال : غريبة ، متى بالضبط ؟.
رفع كتوفه : بعد شهر بالضبط ، أفتح و شوف الأعلانات وبتعرف.
هز رأسه وعُيونه على الطريق ويفّكر بهدوء .
ناظره مالِك بأستغراب مِن هدوءه ، ولف عُيونه على الطريق وهو مبتسمّ وباله بأخر موقف صار له ، لما راح يعطي جنه لـ حروف .
ناظره عود وقال : وش عندك مبتسمّ ؟.
ناظره مالِك وقال بأبتسامّه : ولا شيء ؟.
ضحك عود وقال : قول قول ؟ وش خلف هالأبتسامات ؟.
هز مالِك رأسه وقال : ولا شيء بس تذكرت جنه وأبتسمّت !.
ضحك عود وقال : شوف رُغمّ أني مقهور مِنك بسبب جنه واللي صار ، بس عجبني موقف حروف والله لما طلبت مِنك وجات لِك قبل تقول موافقتك وطلبتك تعطيها جنه ، وشكلك أنت طحت على وجهك واضح والله مِن هالأبتسامّه.
أبتسمّ مالِك وقال : لا وين بس عجبني موقفها فقط.
ضحك عود وقال : أي واضح واضح.
'
'
هل حزنُكِ عميقٌ إيُّتها الغيمة؟.|
'
قال عود : وين ربيع ماله حِس ؟.
قال مالِك بأبتسامّه: تو كلمني ، للحينه يشتغل على الشركة .
هز رأسه وقال : الله يعينّه.
وقف مالِك أمام شركة عود وركن السيارة ونزل معاه.
'
'
قالت وهي مبتسمّه وعُيونها على باز اللي بحضنها : يمّكن الديوان شاغل بالي ؟ مافيه شيء مُحدد ساريه !.
ناظرتّها ساريه وقالت : عَربّ ، عُيونّتس حزينّه ؟.
ناظرتها عَربّ: وش اللي أحزنها ياتُرى ؟.
قالت ساريه : أعوذ بالله مِنه زاد عينتس فتنه وجمّال ، الحزن يذبل بالعُيون ماتوقعت أنه ممكن يزيد الزين فتنه.
أبتسمّت وقالت : لطالماً كانت فاتنة بسببه يا ساريه ؟ ماصارت على سجيتها يوم مِن الأيام مِن عشر سنوات وهي حزينّه يا ساريه ، مِن يرد لها فرحها وحياتّها مِن جديد ؟ رجعت قبل فترة لكن ماطولت رجعت وأنغمّرت في الحزن مِن جديد ، كأن الحزن يناديها ويقول ، مالِك مكان غير فيني !.
أقتربّت مِنها ساريه : وش السبب يا عَربّ ؟ أبتس قولي لي يمّكن أساعدّتس وأخفف عنتس ؟.
هزت رأسها : الزمّن جار عليها ولا قدر يداويها يا ساريه ، كيف بتداوينها أنتِ ؟ اذا الدكتور بنفسه جرحها منو بيداويها يا تُرى ؟.
ناظرتّها ساريه بتمعن : دكتور ؟ اللي معذبتس دكتور ؟.
رفعت صدرها لفوق وتنهدت تنهيده طويلة ، طويلة مِن خلالها يتضح للكِل كمّية الحَزن والألم اللي بداخِلها.
مسكتها ساريه بخوف : بسم الله عليتس مِن التنهاد ، حسيت روحتّس بتطلع يا بنت.
نزلت نظرها لتحت مِن خانتها دموعها وهمّست : ساريه ما أحبّ أبكي قدامّ أحد ؛ بس ماقدرت ، أحس روحي بتطلع مِن الألم ، صدري كأن عليه جبّال الأرض وصخورها ، ما بقدّر أحتمّل ، ليش أحس أن روحي راح تستغفلني يوم مِن الأيام وترجع له ، ليش أحس قلبي رجع نبض مِن جديد وتجدد كِل ما بداخلي ؟ليش الدنيا تبي هالشيء لي ليش تبي تقهرني وتعذبني ، ليش هي قاسيه لهالحد ماكفاها أنها خذت أول شخص حبيته مِني ، ليش تأخذ مني كِل اللي أحبهم وبوقت غفله تجدد شعورنا أتجاههم !.
حضنتها ساريه بخوف عليها ، كانت ترتجف بقوة لدرجة أنها خوفت ساريه وأرعبّتها !.
أبتعدت عَربّ ومسحت دموعها اللي أغرقّت وجهها وقالت : ساريه يصير ترجعيني بيتي ؟ ولا تخافين علي هذي حالتي المُعتاده ماراح يصير لي شيء ، أبي بيتي!.
'

'
وجه ضحوك وعيُون جداً حزيّنه|
'
وقفت ساريه و وصلتها لبيتها و رجعت بعد مارفضت عَربّ أنها تقعد معاها .
دخلت غرفتها وفتحت جواله على رسالتّه ورجعت تقرأها وردت عليها وأغلقت جوالها ، لكن جاتها رساله بنفس الوقت عبارة عَن "أفتحي صندوق البريد حقك".
رمّت الجوال وركضت للخارج وفتحت الباب وطلعت دون ماتكترث للي بالخارج وفتحت صندوق البريد وشافت بوكس عليه وردها المُفضل "جيبسوفيلا" ، قفلت صندوق البريد بسرعه ودخلت بسرعه وقفلت الباب.
قعدت بالقعده الأرضيه وشالت الورد مِن عليها وكانت بتفك الـ تغليف لكن أندق الباب !.
رفعت رأسها بخوف مِن الشيء اللي راودها بـ لحظة !.
قالت بهدوء وتردد : مِن ؟.
تنفست برأحه بعد مانطق عود بـ : أنا ؟.
قامّت ومسحت وجهها بيدها وشالت البوكس ودخلتها لداخِل بسرعه وطلعت وفتحت الباب بأبتسامّه مرسومّه على شفايفها.
دخل عود وقال : السلام عليك .
قفلت الباب وردت على سلامّه : وعليك السلام.
دخل وقعد : وشلونّك ؟.
أبتسمّت وهي تقعد معاه : الحمدلله ، وأنت ؟.
ابتسم لها : بفضل الله بخير .
عقد حواجبّه وناظر وجهها الشاحبّ وقال : وش فيه وجهك شاحب فيك شي ؟.
هزت رأسها بـ لا : لا الحمدلله مافيني شيء بس تعبانه شوي.
ناظرها عود وقال : سلامتّك يارب ، جاي أقولِك شيء !.
هزت رأسها وقالت : يسلمّك ربي ، شنو ؟.
ناظرها وقال : بطلق زهور .
شهقت عَربّ : ليش ! صار شيء بهاليومين ؟.
ناظرها وهز رأسه : أي صار ! زهور مو قادره تتقبلني حاولة في هاليومين وسويت كِل شيء قلتيه لي ، للأسف مالِك متمكن مِنها وبقوه ، أنا أحبها أي ، وعشاني أحبّها ما أبيها تتعذب معاي ما أبيها تعيش كِل يوم وهي تكرهني وكِل يوم يزيد كرهها لي ! عَربّ أنتِ حاولتي معاي ونفعت المحاولة لكن لاجدوى مِن المحاولة هذي البنت عاشقّه غيري ، ماتبيني مِن الأساس ، ليش أفرض نفسي عليها غصب ، حاولة لكن المُحاولات فشلت رُغم أنها أسعدتني ولو شوي ما أقدر أجبرها علي ، وما أقدر أشوفها تكرهني كِل يوم والله ما أقدر ، بُعدها عني أفضل لي ولها !.
كانتّ منزله رأسها وتسمّع كلامّه وعُيونها مليئه بالدموع !.
ناظرها عود بأستغراب : وش فيك ؟.
رفع رأسها وناظرها بصدمّه : ليش تبكين يا السمّراء ؟.
هزت رأسها وقالت وهي تمسح دموعها : ولا شيء بس تأثرت معاك .
أبتسّم وهو يناظر عُيونها المليئه بالدموع : عُيونّك أه مِن عُيونّك ! حتى بالدموع حلوه!.
ضحكت بخجل : مشكور ، والحين مُصر على الطلاق؟.
هز رأسه : أي يالسمّراء ، بخليها تكمّل حياتّها ، وأنا بكمّل حياتي على أمّل نسيانها!.
'

'
وايقنت اننا مهما ابتعدنا لن تفارق قلبي
وذاكرتي فـ رغم البعد انتَ بداية نبضي.|
'
حطت يدها على كتّفه وقالت : خطوة صعبّه ، لكن عطها مُهله لو أسبوع ، شهر ، لكن لا تتبع هالخطوة أبداً لين ما تعطيها فُرصه ، أتركها مع نفسها تفكر ، قول لها فكري براحتّك وعطيني قرارك ؟ صدقني ما بترضى تتطلق أبداً مهما كان البنت تخاف مِن هالخطوة حتى لو كانت مكان زهور ، الخطوة مُخيفه وجداً.
هز رأسه ومسّك يدها اللي على كتفه وقال : شكراً لِك يا السمّراء ، تعبتّك معاي كثير ، ومحاولاتك مع زهور وكلامّك المُحفز لي ماراح أنساه أبداً ، والحين أوعدك أعطيها فرصة ، وبشوف وش النهاية لو خير أول العالمّين بهالخبّر ولو فراق بعد بتكونين أول مَن بيعلم ، أدري أني أزعجتّك وأقلقتّك ، لكن أخر لقى لنا هالمّره ، و ورقتّك بتكون مع ربيع راح يبلغك أول ما أعطيه ، فرصة جداً جمّيلة لما تعرفت عليك لو أني ما أعرف عنك كثير ، لكن جداً سعيد أنّك كنتِ ضمّن الأشخاص اللي بـ حياتي.
وباس يدها وعُيونه عليها وعلى أبتسامّتها الجمّيلة وعُيونها الناعسه.
أبتسمّت عَربّ : صدقني أسعد ، لأني تعرفتّ على النسخة الثانيه والمُختلفّه مِن أخوي ، ومِن القاضي العظيم ، ومِن الرجُل العاشّق ، كانت فرصة جداً جمّيلة ، رُغم أني مانجحت في جمعك مع حبيبتّك ، لكن هالفرصة كانت جداً جمّيلة رُغم أنها كانت قصيرة ، لكن ذكراها جداً جمّيلة ، اتمنى لِك حياة جمّيلة معاها ولو فراق أتمنى أنّك تكمّل دونها و دون حُبها .
سكتت شوي و ضحكت وقالت : طبيعي شعور الحزن اللي بداخلي ولا لا ؟.
ضحكت عود : طبيعي طبيعي لأنه بداخلي أنا بعد !.
وقف عود وقال وهو يمّد يده لها : مشكوره مره ثانية ، ويارب التوفيق لِك بحياتّك .
أبتسمّت عَربّ وصافحتّه : والعفوا ولو ، ولِك بالمَثل ياكريم.
أبتسم لها وترك يدها ومشى للباب وهي وراه ، فتح الباب وطلع ولف يناظرها وهو مبتسم.
أبتسمّت وقالت : أنتبه لنفسّك ، وانتبه للطريق ولا تسرع يصير !.
هز رأسه وقال : يصير ليش ما يصير ، أدخلي لداخِل أنتِ وأنا بقفل الباب يلا ؟.
هزت رأسها ودخلت لداخِل وقفلت الباب عليها.
قفل الباب الخَارجي ، و مشو لخارج القرية و ركبّ مع مالِك وقال بأبتسامّه : تقول لا تسرع وأنتبه للطريق ، أسمّع هالكلام يا مالِك ونفذه ، كلامّها أوامّر علينا.
أبتسمّ مالِك وقال : انتهى كِل شيء خلاص ؟.
هز رأسه : للأسف أي.
ناظره مالِك بأبتسامّه : للأسف ؟.
هز رأسه وقال : أكيد بأسف على هالشيء !.
'

'
‏"يركض في عينيها كوكبٌ"|
'
نزلتّ مِن الطائرة وهي مبتسمّه وعُيونها بالسماء ، مشت وضمّت عبايتها لها وأنظار الكِل عليها وعلى جمّالها !.
خلصت أمورها وأخذت الشنطة حقتها وطلعت لبرا ، أبتسمّت بحُب كبير للشخصين اللي أمامّها ، مشت لهم بسرعة وحضنتهم بحُب وشوق كبير : ياعُيون أنتوا ! يا الله قد أيش أشتقت لِكم!.
بادلوها الحضن وهُم مشتاقين لها بقوة .
أبتعدت عنهم وقالت وهي تناظر خلفهم بـ لهفه كبيرة : وينها ؟.
قال ربيع : بالقرية ، ماراح تجي !.
أبتسمّت بزعل وقالت : هي بخير ؟ هذا الأساس !.
هز رأسه ربيع بأبتسامّه : الحمّدلله بخير.
حروف أقتربت مِنها وحضنتها : مره مشتاقه لِك ليش طولتي علينا كذا ؟ مو قلتي أسبوع وبرجع !.
حضنتها ذِهال وقالت بحُب : حبيبة قلبي ، الشغل طول ، ماحسيت ألا وثلاث شهور مرت !.
نزلت حروف رأسها : متى راح تستقرين معانا ، متى بتقعدين معانا بنفس البيت يوم كامّل بس ؟.
ناظرتها ذِهال وقالت : مِن الحين ، نقلت كِل أشغالي وتركتها عَن بُعد ، يعني معاكم بالبيت حتى طلعه مو طالعه ياعُيون أمّك !.
أبّتسم ربيع وأخذ شنطتها : حي الله مَن جانا !.
أبتسمّت له وقالت : الله يسلمّك .
ركبّ ربيع الشنط وركب باخلف مع أمّه وحروف.
قالت حروف لأمّها عَن جنه وهي متحمّسه وتشرح.
قالت أمها بأبتسامّه : ياعُيوني هي ، وهي الحين بالبيت صح ؟.
هزت حروف رأسها وقالت : أي بـ بيت ربيع معاي.
قالت ذِهال بأبتسامّه : أجل نروح لبيت ربيع ، أبي أشوف جنه!.
أبتسمّ ربيع وقال : بينور والله والعظيم !.
أبتسمّت ذِهال : منور بأهله .
أبتسمّ ربيع لها ، وأشر للسواق يحرك للبيت حقه.
قالت ذِهال : متى أخر مره كلمتوا عَربّ ؟.
قالت حروف : أنا اليوم بس ما ردت علي !.
ناظرها ربيع وقال : وأنا بعد ماردت علي.
قالت ذِهال وهي تناظر ربيع : ربيع حَبيبي ، يصير نروح لها الحين ؟.
ناظرها ربيع وقال : يمه يا ليت أقّدر بس مابقى شيء وتظلم الدنيا وتعرفين طريق القرية بالظلام ، نخليها بكرة وأبشري مِن الصبح وأنتِ عندها بعد .
أبتسمّت ذِهال : بشرت بالخير بأذن الله.
قالت حروف بأبتسامّه : يمّه ، أبوي كلمّك ؟.
هزت ذِهال رأسها بـ لا : لا ياعُيوني ما كلمني ، ليش ؟.
هزت حروف رأسها بهدوء : لا بس اسأل.
وناظرها ربيع بصمّت وعُيونه تتفحصها بهدوء ، قال بأبتسامّة : تبون نوقف في مقهى او مطعم ؟.
قالت ذِهال : اللي تبون؟.
قالت حروف بأبتسامه هادئه : براحتكم أنتوا روحوا أنا برجع البيت لـ جنه ما أبي اتركها لوحدها.
قال ربيع : بس مايصير يا كلنا نروح يا بلاها !.
'
'
‏يَليق بك أن استثنيك عنّ الكُل.|
'
هزت رأسها : تمام.
أبتسم ربيع ولف للسواق و وصف له.
ناظرتها ذِهال وقالت بأبتسامّه : حروف ماما ، عارفه تضايقتي على أبوك ، بس ما أبي أكذب عليك وأقول أنه كلمني وسأل عنّك ، أبيك تعرفين الحقيقة عشان بعدين ماتستغربين أي شيء مِنه !.
هزت حروف رأسها بأبتسامّه خفيفه : ولا يهمّك .
أبتسمّت ذِهال وقالت : صح ما سأل عنّك هو بس فيه غيره سأل ؟.
هزت رأسها بأستغراب : مِن ؟.
أبتسمّت ذِهال وقالت : أخوك راق !.
ناظرها ربيع بصدمّه وقال : أخوها ؟ راق ! مو هو ولد عمّها !.
قالت ذِهال بأستغراب : لا يمّه منو قال لِك ولد عمّها !.
قالت حروف : ليش ما أعرفه أنا ؟.
قال ربيع : تعرفينه بس ماتعرفين أسمّه !.
ناظرتّ أمها وقالت بشبه أبتسامّه: سأل عني ؟ وش قال ؟.
أبتسمّت أمها وقالت : سأل عنّك ، عَن أسمّك دراستّك عُمرك ، عَن كِل شيء ، وقال يبي يقابلك بس قلته له ما أقدر الحين ، لأن ما أبيك تقابلينه لوحدك ، أبي أكون معك !.
قال ربيع : وانا بعد بكون معك!.
ناظرتهم وقالت : بس ما وافقت للحين ؟.
قال ربيع وهو يفتح لهم الباب : حتى لو وافقتي ، بكون معاك !.
ونزلوا ودخلوا لداخِل المقهى.
'
قال ومالِك بأبتسامّه : أرسلي ربيع يقول أمّه رجعت.
ناظره عود وقال : الله يحييها ، اليوم جت ؟.
هز رأسه مالِك : أي تو راح ياخذها مِن المطار ؟.
قال عود بأبتسامّه : أرجع أجل؟.
ناظره مالِك وقال : أيش ؟.
قال عود بأبتسامّه : أرجع للقريه ، أكيد ربيع بينشغل بأمّه وما بيمديه يجي الحين يعني بكره بيجي ، فـ رجعني وبكره تعال خذني !.
ناظره مالِك : ليش مو أنت بتطلقها وش تبي الحين منها ؟.
أبتسم عود وقال : وداعيه يعني !.
هز مالِك رأسه و رجع وهو مستغربه ومستنركه !.
'
مسكت البوكس وفتحتّه ، لقت علبّه صغيرة ، فتحت العلبّة الصغيرة وعقدت حواجبّها بصدمّه : خاتّم الخطوبّة !.
شافت ورقه خلف الخاتّم ، فتحتها وأنصدمّت بالمكتوب
"هل مُمكن أن تعودين لي ؟
لكن كـ زوجة ؟
هل تقبلين بي زوجاً؟."
رجعت الورقه ورفعت الخاتّم وناظرتّه بهدوء ، كان خاتّمها اللي أختارته يكون لـ خطوبتهم اللي ماتمّت.
رجعت الورقه و أغلقت العلبّة الصغيرة وخبتها.
رجعت وتمددت على السرير.
أغلقت عينها وتركت الحُريه الكامّله لخيالها وفكرها.
فزت على صوت الباب وغمّضت عُيونها بخوف و وقفت وطلعت لبرا : مِن ؟.
ضحك عود وقال : أنا !.
عقدت حواجبها ومشت بسرعه للباب وفتحته : عود ؟ وش جايبك فيه شيء ؟ ربيع ! حروف فيهم شيء ؟.
ناظرها وقال : هو فيه أحد بيحي لِك مره ثانيه وهو يضحك ومعاه خبر سيء!.
'
نتوقف هنا

لامارا · 14-12-22, 04:39 PM

البارت 8

'
‏وجودك معي وسيلة لحب الحياة .|
'
هزت رأسها بـ لا وقالت : أدخل ؟.
دخل وقال بأبتسامّه : جيت مره ثانيه لما عرفت أن أخوك مشغول عني!.
مسحت وجهها بأبتسامّه : الله يحييك ، أدخل لداخِل .
دخل وهي وراه.
قالت وهي تدخل المطبخ : وش تبي أجهز لِك ؟.
قال عود بأبتسامّه: أبي قهوتّك الحلوه .
أبتسمّت : مِن عُيوني .
وجهزت القهوة وحطتها على النار ، وطلعت مقادير أسرع حلا تتقنه وسوت له حلا على السريع ودخلته الفريزر يبرد شوي ، وبعدها جهزت تمّر ، وطحينية التمّر ، وجهزت فناجين ، وانتظرت القهوة لين ما أستوت وحطتها بالترمّس وطلعت الحلا بصنيته وحطته مع التمّر وشالت الصينينه الكبيره وطلعت برا المطبخ متوجهه لـ عود بالمجلس الداخلي.
نزلت الصينيه و حطت التمّر قدامّه والحلا وقعدت أمامه وصبّت له قهوة ومدتها له : سمّ يا حضرت القاضي.
أبتسم عود وقال : سمّ الله عدوك يا السمراء.
أبتسمّت عَربّ وقالت : بشتاق للسمراء ترى !.
ضحك عود وقال : وانا بشتاق لحضرة القاضي ترى ، بس معليك مناشبّك مع ربيع كِل ما جاء هنا ، وكِل مره تجين المدينة عطيني وقتها خبّر ونتقابّل بمكان بعيد عن النشبه ربيع.
ضحكت عَربّ : انا عندي مكان اذا جيت المدينة فترة أقعد فيه يحسسني بأجواء القرية مِن الهدوء اللي فيه وقت ما أجي بتلقاني فيه ، اساسا معروفه بهالمكان كِل اللي فيه يعرفوني.
أبتسمّ وقال : أجل أسمّ المكان وعنوانه أبيهم ، وصاحبة هالمكان المدينة تبيها بـ كِل وقت.
أبتسمّت له : ترى صايره أستحي مِن كلامّك !.
أبتسم لها عود : وش قلت أنا ؟ ماقلت شيء و ولو قلت فـ ما كذبت يالـ ... بعدها يكت وهو يناظرها بأبتسامّه !.
ناظرتّه بأستغراب : يا الـ أيش ؟.
ضحك عود : مو قلتي أنك تستحين مابي أحرجك زياده.
ضحكت وقالت : صح صح ، أي ما قلت فكرت بطريقة تقول فيها لـ زهور؟.
ناظرها وقال : زهور مِن الحين صارت ماضي لأني عارف وش جوابها مهما كانت طريقة القول ، الجواب مايختلف ابداً ، واذا هي زهور اللي أعرفها لـ بتقول لي أبوي وش بيقول لِي لاجيت له مطلقه ؟.
ناظرتّه وقالت : وجهزت الجواب طيب ؟.
هز رأسه : الجواب مِن البداية واضح وجاهز مايبي له تفكير.
أبتسمّت وقالت : طيب كيف شعورك أنت ؟.
أبتسمّ عود : ما أدري يا السمّراء ، أحس أن عادي لو أفترقنا ، أحس تعودت عليها بعيده مني ، لأن اللي مِن البداية كارهك مُستحيل يحبّك بالنهاية ، الحُب مو سهل بيومين او أسبوع و شهر ، أبداً الحُب شعور يلامّس الروح ، شعور مايفارق الشخص أبداً ،حتى بمنامّه .
قالت عَربّ بأبتسامّه : يصير أقولِك شيء ، بس ماتزعل؟.
ناظرها وقال : أكيد قولي ؟ الله لا جاب زعل!.
'
أنتِ امرأةٌ تجعلين من العادي، أمرًا يثير الدهشة.|
'
ناظرها عود وقال : أكيد قولي ؟ الله لا جاب زعل!.
أبتسمّت وقالت : أحسّك ماحبيتّ زهور مِن أعمّاق قلبّك ، عُيونّك لما ينذكر أسمّها ماتلمّع بـ حُب ولهفه ، شفايفّك ما تنشق "تبتسم" ، ريقّك ما ينزل ، عُيونّك ماتبتّسم ، نظراتّك ما تتغير ، أنفاسّك ما تتسارعّ ، قلبّك ما يرتّفع مُعدل نبضاتّه خلال ثانيه .
أبتسمّ لها وقال : ذي كلها تصير لي ترى !.
أبتسمّت عَربّ وقالت : بس ما أشوفها لما أقول زهور ؟.
قال عود بأبتسامّه: تصير لي اذا قلتِ العُروب .
وناظرها بأبتّسامّه.
أختفتّ أبتسامتها وناظرتّه بصدمّه ، ما توقعت أنه وصل لهالمرحله!.
عقد حواجبّه وقال : وش فيك ؟.
ابتسمّت له : انصدمّت ، يعني صدق صدق ما أنت عاشق لـ زهور ؟.
ضحك عود وقال : انا مو عاشقّ لـ زهور ، أنا احبّها وما يعرف هالفرق ألا اللي جربّ العشق ، تعرفينه أنتِ ؟.
أبتسمّت له وقالت : وأفضل مِن أي شخص.
رفع حاجبّه : ومِن هالشخص اللي علمّك الفرق هذا يا بنت العَربّ ؟.
أبتسمّت عَربّ وقالت : هالشخص صامّت بداخلي ، لا تهدمّ صمّته يا ولد العَربّ !.
أبتسمّ عود وقال وهو يحك حاجبّه : كيف صمّت يا بنت العَربّ ؟.
أبتسمّت بهدوء : السنين ، السنين سبب في صمّته ، هو صامّت ، لكن للحينه موجود وعايش بداخلي ، يمّكن للحين ما جاء الوقتّ اللي يمّوت هالصمّت وصاحبّه فيني ، بس أنا عارفّه أن صمّتي بيموت.
قال عود : ليش نسبتيه لِك بـ ياء التمُلك ؟.
أبتسمّت وناظرتّه : لأن هالصمّت لي أنا ، لكن الدنيا نسبته لغيري فـ بـ عالمي الداخلي هو لي ، ومُشدده ياء التمُلك.
رففع حاجبّه وحكه بهدوء : أها.
هزت رأسها ومدت يدها لـ فنجانّه : واحِد ؟.
هز رأسه ومد لها الفنجان.
أبتسمّت وهي تصبّ له : سمّ ياولد العَربّ.
أبتسمّ وأخذه مِنها : سَمّ الله عدك يا السمّراء.
ضحكت : مو بدلنا السمراء بـ بنت العَربّ ؟.
ضحك عود : بدلناها صح لكن السمّراء للحينها داخلي ما بتركها لغيري أبدّ ، يعني خاصّه فيني هالكلمّه !.
ضحكت عَربّ : أي خاصّه فيك ولا يهمّك.
أبتسمّ وقال : وعد يا السمّراء ؟.
هزت رأسها وقالت : وعد يا حضرت القاضي.
أبتسمّ وقال : كثير يقولون لي يا حضرت القاضي لكن ما تطلع حلوه غير مِنّك !.
أبتسمّت وهي ترتشف مِن فنجان قهوتها : يمّكن عشانها رد لـ السمّراء ؟.
رفع كتوفّه وعلى شفايفه أبتسامّه جداً جمّيلة : يمّكن !.
قال عود بأبتسامّه : أمي بعد بُكره عازمّه ربيع ومالِك ، وحروف أختّك بتجي ، تجين ؟.
'

'
‏يكادُ حُسنكِ أنْ يُغوي ملائكةً
‏فما تظُنين بابنِ الطين والماءِ؟.|
'

أبتسمّت : هو بأرفض لو مِن غيرك ، بس دام أنت طلبت مِني فـ بجي ، وأحرص على أن زهور تكون أول الحاضرين ؟. وغمزت له.
أبتسمّ على غمزتها اللي لعبّت فيه : أكيد..لا.
عقدت حواجبّها بضحكه : ليش ان شاء الله ، ليكون عشان ما أشوف جمّيلتّك ؟.
هز رأسه : لا ، بس ما أبيها تغار مِن أحد !.
عقدت حواجبّها : أي بس وش بيعرفها أني أعرفّك !.
هز رأسّها : مِن جمّالِك ، ما أبيها تغار او تحس بنقص أمام الكمّال!.
أبتسمّت عَربّ بخجل وخدودها بدت بالأحمّرار .
ضحك على خجلها وقال : خلاص خلاص بأسكتّ.
ضحكت : أفضل شيء.
أبتسمّ عود وقال : ما عِمري جامّلة أحد للمعلومّيه ، كِل اللي أقوله يكون مِن داخلي.
ألتسمّت وقالت : وحلو هالشيء مِنّك ، لا تقول شيء عكس اللي بداخِلك عشان ترضي الناس .
هز رأسه وقال : أكيد الناس ما تستحق الأرضاء .
هزت رأسها وهي تمّد له الحلا : أترك الناس وكِل .
'
'
وقف عند أحد الغُرف بالدور الرابع ، غُرفة ٨٠٨ ، أبتسمّ ودخل الغرفّة على المريضة ، ناظرتّه وهي تبكي وحاطه يدها على عِينها اليُمنى وتصيح : ليش عُيوني هذي مّظلمّه ليش ما تشوف شيء ليش ! انا عمياء الحين !.
صرخة بقوة وهي تضرب على عينها بقوه وتصيح.
هز رأسه بتشتت مِن الموقف اللي أنعاد له وقال للمريضة اللي أمامّه : كيف تحسين الحين ؟.
هزت رأسها : بخير ، بس مكان العملية يحكني ، احاول قد ما أقدر أمنع نفسي ما أحكها.
هز رأسه بحذر : لا انتبهي واحكمي نفسك ، هالشعور طبيعي ، لأن الجلد أنفتح لأول مره فـ طبيعي تحسين بذا الشعور ، لا تسوين شيء ، وكِل ماحسيتي بألم ، نادي المُمرضه تحط لِك مُسكن .
وطلع مِن عندها ويده على رأسه بألم مِن الذكرى اللي تجددت له وألمتّه !.
'
دخل مكتبّه وقعد وهو مغمّض عُيونّه ، صار بكل مكان يشوفها بكل مكان تكون معاه ، تتجد ذكراها بكل مكان ، حتى غُرفة العمليات تكون معاه ، في أخطر الأشياء تكون معه ، في نومّه ، في خياله ، في صلاتّه ، في سجوده ، في دُعاءه ، وفي أعمّق نُقطة بـ قلبّه ، هي بقلبّه و مِن المُستحيل تفارقه ، ماعاد يقدر يحتمّل البُعد اللي شتته ، يبي يجمّع نفسه عَن طريقها ، هي وبعدها مشتته.
مسح على وجهه وهو يدعي ربّه في نفسه : ربي أجمعني فيها بالحلال ، ربي لا تجعل بيننا طريق للفراق ، ربي سد طُرقاتنا المُختلفّه وأجمَعنّا بـ طريق واحِد ، ربي لا تُفرقنا ، ربي قربها لي زي قُربها بقلبي.
'
قعدوا بالمقهى .
قالت ذِهال بأبتسامّه حزينّه : متى أخر مره زرت أبوك فيها ؟.
'
'
‏"فليتَ السِّحر من عينيك ، لم أَرَهُ ولم يَرَني"|
'

قال ربيع بأبتسامّه : يوم الجمعة ، كِل جمعة أزور قبره ، ما أتركه لا تخافين .
أبتسمّت ذِهال وقالت : الله يرحمّه ويغفر له ، وعَربّ ؟ تزورونها دائماً ولا عشاني رحت تركتوها ؟.
أبتسمّ ربيع وقال : لا عندها دائماً ، وكانت قبل يومين هنا .
قالت حروف بمُقاطعه : ماما ، بترجعين البيت الكبير ولا بتقعدين معانا بـ بيت ربيع ؟.
أبتسمّت ذِهال وقالت وهي تغمّز لربيع : لا بنقعد بـ بيت ربيع ، واذا زوجناه رجعنا البيت الكبير !.
أبتسمّ وقال : صدق ؟ يعني بتقعدون معاي سنوات طويله.
أبتسمّت ذِهال وقالت : بالكثير واذا مره طولنا شهر ، وش كبرك يُمه ، شهرين وتدخل الـ ٣٠ !.
ضحكت حروف : ماما أنا بختار له ، وحده مِن بنات ديرتّك ، أسمها ساريه ، يمه ياحلوها مره تجنن ، وصاحبة عَربّ ، ناخذها له ؟.
أبتسمّت ذِهال وقالت : ليش لا أشوفها ويصير خير .
ضحك ربيع وقال : حبيت انكم خلاص مقررين ، اخاف توقعون بدالي ؟.
ضحكت حروف : لا توقيع لا ، بناخذ بصمّتك فقط !.
أبتسمّت ذِهال وأشرت على حروف : ذكيه بنتي !. ضحكت حروف : والله يا أن عَربّ بتفرح ، تموت في ساريه وعبور ، ولو تاخذ ساريه يوه ياحظك.
أبتسم وقال : مَن تشبه ساريه ؟.
ناظرتّه حروف بأبتسامّه : ما أدري ، ملامحها ناعمّه مره مره ، وجمّيلة بشكل فضيع ، ما اعرف مِن أشبها فيه !.
أبتسمّ ربيع وقال : أحبّ الملامّح الناعمّه والهاديه ، ما أحب الحاده ابداً ، يعني نقول ساريه ذي تنفع ، شوفيها يا أمي وأعطيني خَبّر.
أبتسمّت ذِهال بفرحه : منجد ؟ يا سعد قلبي والله !.
أبتسمّ ربيع بحُب : وهو حضرت الجمّيلة ذِهال تقول لي شيء وأقولها لا !.
أبتسمّت ذِهال بحُب : يا عُيون ذِهال أنت والله.
أبتسمّت حروف بفرحه : الحمّدلله في زواج قريب عندنا ، انتّ وبنخلص مِنك قريب ، باقي عَربّ وحرير ، لزوم أزوج وحده منهم !.
أبتسمّ ربيع : عَربّ ، أغسلي يدك مرتين ، ما بتتزوج أبد اختي وعارفها ، يمّكن أخت عود ، بس دام اخوها عود ماعندها حظ !.
ضحكت حروف: مِن قال ، والله حظها ضارب فوق ، مِن وهي بزر والخطاطيب عليها ، اسأل عود .
ضحك ربيع وقال: طيب ليش عصبتي ؟.
ضحكت ذِهال : صاحبتها اكيد ؟ خلينا نعزمها و أشوفها اللي حظها ضارب فوق على قولتّك!.
ضحكت حروف: ليش نعزمها ، شوفيها ، وطلعت جوالها وفتحت على صورتها ، ومدت الجوال لأمها وقالت : ماما انتبهي لا يشوفها مو محجبه شعرها طالع.
أبتسمّت ذِهال بأعجاب كبير : تبارك الرحمٰن ، ماشاء الله .
'
'
وَكَاتِمُ الحُبِّ يَوْمَ الْبَيْنِ مُنْهَتِكٌ
وَصاحِبُ الدَّمْعِ لاَ تَخْفَى سَرَائرُهُ.|

'
أبتسمّت حروف : كيف ؟.
أبتسمّت ذِهال : جمّيلة جداً جداً ، تبارك الرحمٰن.
أبتسمّت حروف بفرحه : اي عارفه ياحلوها.
ضحكت ذِهال : مخطوبّه ؟.
هزت حروف رأسها : ولد عمّها خاطبها بس للحين متردده.
ناظرها ربيع : اي واحِد مِن عيال عمّها ؟.
قالت حروف : رائد .
ضحك ربيع : أي خليها ترفض مِن الحين لأن عود ماراح يرضى.
عقدت حواجبّها : ليش وش فيه ، البنت تمدحه لي ، احس بتوافق.
عقد حواجبّه ربيع وقال : خليها ترفضه مِن نفسها أحسن !.
هزت رأسها وقالت : براحتهم يسوون اللي يبون ، بس اللي عرفتّه مِن حرير انها بتوافّق !.
ناظرتّهم ذِهال وقالت : أي وش رأيكم تطلبون لِنا ؟ أبي قهوة عربية ، ومعاها قطعة حلا.
قالت حروف : أي شيء ، بس يا ليت يكون بارد!.
وقف ربيع وقال : لو تبون عُيوني تّم !.
أبتسموا له وقالِك ذِهال : يا جعل العُيون الحلوين سالمّه يا حبيب أمّك.
أبتسمّت حروف : تسلم لي العُيون الحلوين يا ناس.
أبتسم لهم وراح يطلب.
'
'
مدت يدها له : فنجانّك ؟.
مد فنجانه وقال : خلاص كثرت قهوة ، صبي شاي اذا ماعليك أمّر .
أبتسمّت وصبّت له الشاي : سمّ.
أبتسمّ : سمّ الله عدوك قولي أمين.
أبتسمّت وقالت : لا حرام.
ضحك عود : وش اللي لا حرام ؟.
أبتسمّت : صح عدو لي بس ما أذاني !.
ضحك وقال : مَن أنتِ بنتً له ؟ انتبهي على نفسّك يا بنت العَربّ معاد به عَربّ مِثلك يا عَربّ.
ضحكت : ليش وين راحوا العَربّ ؟ ليكون تركوا عَربّ بدون عَربّ ؟.
ضحك وقال : أختفوا يا بنت العَربّ.
أبتسمّت عَربّ : طيب يا ولد العَربّ ، عَربّ تسألك وش تبي عشاء ؟.
أبتسمّ وقال وهو يناظر يدها : اللي تسويه هاليدين حتى لو سّم بأكله ويا طعمّه مِنها !.
أبتسمّت بخجل : بعيد الشَر عنّك يارب.
أبتسمّ على خجلها اما هي فـ راحت المطبخ تشوف وش تسوي لهم عشاء .
وقفت فوسط المطبّخ بحيره!.
ابتسمّت ولفتّ بترجع تسأله ، لكن قابلته جاي.
رجعت لوراء بأبتسامّه وقالت : تبي بُرقر وبطاطس ؟ بقليهم لِك عندي.
قال بأبتسامّه : تمام ، نقليهم مع بعض.
أبتسمّت وطلعت مِن الفريزر الـ دجاج الخاص بالبُرقر وطلعت الـ بطاطس .
وطلعت مقلايتين وحطت فيهم زيت وشغلت عليها تحمّى.
قال وهو يسحب منها الدجاج : انا بقلي الدجاج عليك بالبطاطس.
هزت رأسها وحطت البطاطس على الزيت الحامي ، وفار بقوه وتنطش .
شهقت ورجعلت لوراء بألمّ مِن الزيت اللي تنطش عليها !.
ترك المقلاه ومشى لها بخوف ومسك يدها اللي ماسكتها : جاك شيء ؟ تألمتي!!.
'
'
‏وإليكَ حنَّ القلبُ رغم تحفُّظي
‏يا مُلهم شِعري، هل فؤادُك يشعرُ؟|.
'

سحبّت يدها مِن يده ورجعت لوراء بعيد عنه وقالت وهي تهز رأسها : لا لا ، بس ألمني شوي.
ورجعت للبطاطس وهو رجع للمقلاه وهو يناظرها بأستغراب مِن لما سحبت يدها مِن بين يده ورجعت لوراء بسرعه ، حس أنه تضايق مِن حركتّها ، لكن هز رأسها يمحي هالفكرة وكمّل قلي وعُيونه تراقبّ تحركاتّ عَربّ.
بعد نصف ساعه .
طلعت البطاطّس مِن المقلاه وصفّته مِن الزيت وحطتّه بصحنه ، ومشت لعود اللي للحين يسوي البُرقر ، ضحكت وأخذت مِن أيده الخُبز وحطت عليه الصوص وحطت شرائح الخس والطماطم والدجاج والخُبز ، وحطتّه بالصحن وسوت نفس الشيء على الثاني.
وقالت وهي تفتح الثلاجه وتطلع المشروبات : روح هناك وبجيبهم أنا.
هز رأسه وراح للصالون وقعد وهي لحقتّه بالعشاء ونزلت على الأرض وقعدت معاها ، ومدت له الصحن حقه والمشروب.
قالت وهي تأكل : لذيذ تسلم يديك.
أبتسمّ لها : بالعافيه ، ويسلمّك يارب .
قال عود لها وهو يوقّف أكل ويناظرها بهدوء : عادي تقعدين على ذمتي وما أطلقّك ؟.
عقدت حواجبّها بأستغراب : ليش ؟ يعني زهور وبتطلقها وتنتهون ، يعني مابقى رابط بيننا ؟.
قال عود بأبتسامّه : ومِن قالِك أن زهور السبب في هالزواج ؟.
عقد حواجبّها : شلون ؟.
هز رأسه : بقولِك مِن البداية ، أنا كنت عارف أن زهور مُستحيل تحبني ، لكن وافقت على هالزواج لأن اللي أقترحه علي مالِك و ربيع ، يبون يساعدوني يعرفون قّد أيش أنا متعذب معاها ، فـ لما شفت حماسهم وافقت ، صح ربيع كان متحمّس لكنه متضايق بنفس الوقت لأن بالنهايه أنتِ أختّه ، بس وافقت عشانهم ، أبيهم يحسون لو بمقدار واحّد أن لهم فضل علي وبالأخص مالِك ، صح أن المُحاولات اللي حاولتيها معاي مانفعت بس أنها نجحت في أسعادي ، زهور عاشقه والعاشق مايغريه كم مُحاولة جذب وأنتِ عارفه هالشيء يا السمّراء.
أبتسمّت وقالت : حبيت ، صداقتّك أنت وربيع ومالِك بقلبي ، صح ياكثر ما تتناقرون ألا أن صداقتكم قويه ما شاء الله ، وكنت خايف وبقوه أن هالعقد اللي بيننا يفصل بينكم او يسبب حساسيه بينكم ، بس لما عرفت السبب أرتحت أكثر.
أبتسمّ لها وسكت بضيق مِن أنها أستخدمّت كلمّة "عقد" بدل كلمّة "زواج" ، كان مستغرب مِن نفسه ليش صار دقيق لهدرجة ويزعل مِن كِل شيء ، ليش صار حتى أبتسامّتها ينتبه لها وحركاتها ونظراتها ، شك مُجرد شك ، أنه عَاشقّ لها ، لكن هو يعشق العُروب ، ويحبّ زهور ! مِن المُستحيل أنه يكون عَاشق لها أكيد أهتمام فقط ، بس ليش لما عرف أنها تأذت بالزيت بغا ينجن !.
'
'
‏عودوا بنورِ الوصلِ من غسق الدُّجى
فالهجرُ ليلٌ والوصالُ صباحُ.|
'

غمّض عُيونه ينهي هالشيء وقال لما شاف أنها وقفت أكل: كلي ، ليش وقفتي!.
هزت رأسها : الحمدلله أكتفيت ، أنت كِل ؟.
هز رأسه : وش اللي أكتفيت ، للحين ما أكلتي تستهبلين؟.
هزت رأسها وضحكت : كذا أكلي أنا ما أحبّ أكثر ، أو أكتفي بسرعه.
ناظرها عود : وضح سبب نُحفّك ، أجلّ ما تاكلين مره ! أكلتي حَبّه بطاطس مع قضمّت بُرقر وأكتفيتي !.
ضحكت عَربّ : شوف أنا فيني شيء غريب أشبع مِن أول لُقمّه يعني مو عارفه هالشيء طبيعي ولا لا يعني أنا مو قادرة أكل كثير ، يكفيني القليل فقط !.
هز رأسه وهو يقول : كلي يلا ، عشاني .
ناظرتّه وقالت : والله مالي قدّرة ، بس عشانّك.
أبتسمّ لها وقال : يا جعلها عافيه يارب.
أبتسمّت له وهي ترجع خُصل شعرها الصغيره اللي ضايقتها على وراء ومدت يدها تأكّل وعُيون عود مافارقتّها أبداً.
'
'
نزلت على أمّها وأبوها وبيدها كتابها والأيباد ، سلمّت عليهم وقعدت معاهم .
قالت أمها بأبتسامّه : زين شرفتينا ؟.
أبتسمّت حرير وقالت : والله ماما فوق وكِله قاعده أحضر مُحاظرات وأحل واجبات يعني ما أقعد فوق ألا عشان الجامعه والمُذاكره فقط !.
أبتسمّت بحُب وقالت : موفقه يارب ، الحين بسألك حروف هي جت قبل يموت أبو ربيع ولا بعده ؟ تناقشنا أنا وابوك وتخالفنا فيهم.
قالت حرير : على حسب علمي أن أبو ربيع وعَربّ طلق أمهم وأمهم تزوجت أبو حروف عشان تقدر تحل لـ أبو ربيع وترجع له وحمّلت مِنه وجابت حروف وتطلقت منه ورجعت لأبو ربيع وعَربّ ، ولو حسبنا مُدة موت أبو ربيع وعَربّ بتكون مره قريبه يعني ماتجي نصف عُمر حروف ، يعني مات قريب خمس سنوات أو ست على كلام حروف.
قال أبو عود بحزن : عشر سنوات مِن مات ، الله يرحمّه ويغفر له.
قالت حرير : دام عارف يا بوي أنه له عشر سنين ليش تناقشتوا بعُمرها ؟ عُمرها ٢٢ سنه أكيد جت قبل موته!.
أشر أبوها على أمها ، وضحكت أم عود و قالت لـ حرير بأبتسامّه: بتجي حروف هي وأمها العزيمّه بكره صح ؟.
قالت حرير بأبتسامّه : أي بيجون بس مو بعد بكرة هي ؟.
هزت رأسها وقالت : لا بكرة ، خلاص دخلنا باليوم الثاني.
ضحكت حرير : يوه ماما ، ليش تحسبين مِن الحين ، تو دخلت ١٢ الساعه.
ضحكت أمها : خلاص دخلنا اليوم.
ضحكت حرير وقالت : أي تو أمها جات اليوم وراحت تستقبلها مع أخوها وتقول راح نجي مع أمي ، قلت لها حياكم الله .
أبتسمّ أبو عود وقال : ذِهال ، كبرت الحين .
'
'
هَلْ لِي بِحُلمٍ أنْ أرَاكَ ولو بِهِ
‏ألْقِي عَليْكَ مِن الحَنَانِ سَلامَا ؟.|
'

تنهد أبو عود وقال : كان أبو ربيع بيموت عليها ، ولما طلقها ماقدر يصبّر بُعدها عنه وحاول بشتى الطرق يرجعها لكن ماكان بيده شيء غير أنها تتزوج غيره وتتطلق وترجع له ، لكن رجعت له بيدها بنتها ، مارفضها بالعكس عاملها كأنها بنته عَربّ وأحسن بكثير ، لكن غيرتّه ماقدر يحتمّلها على ذِهال لما كانت تكلم أبو حروف عشان حروف ، وبسبب هالشيء خلاها تقطع علاقتها فيه كُليا وحلف لها أن حروف ماينقصها شيء ، حتى الأبوه هو اللي بيقوم فيها .
قالت حرير بأنزعاج : بس حرام وش ذنب البنت وأبوها يبه ، ليش يخليها تقطع علاقتها فيه ! مِن هو ؟.
قال أبوها : يبه الغيرة ماتعرف أحد ، مِن غيرتّه ، كان مجنون بحُبّها ، كانت قصة حُبهم معروفه بذاك الوقت الكِل كان مُعجبّ فيهم ، و وقتها لما طلقها الكِل كان منصدم مِن هالشيء ولا واحد بالميه كنا نتوقع هالشيء ، وقتها الناس صاروا يخطبونها وكأنهم ينتظرون طلاقها ، كان منجن هو وقتها ، كان يترجى أبوها مايعطيها أحد ، لين جاء أبو حروف ، وكان أبو حروف بينه وبين أبو ربيع معرفه مِن قبلّ فقال له ابو ربيع السالفه و وافق ياخذها ويطلقها عشان تقدر ترجع له ، وصار هالشيء صدق لكن ماتطلقت ورجعت نفس ماهي تطلقت ورجعت بـ بنت ، كان منصدمّ وقتها لكن مايقدر يقول شيء لها ابداً ، تقبّل البنت وعاشوا لين جاء هذاك اليوم اللي خذاه الله مِن بيننا.
أبتسمّت حرير وقالت : ماشاء الله ، ياحلو حُبهم.
أبتسمّت أم عود وقالت : و الله يستر مِن اخوك وحُبه.
قال أبو عود وهو يناظرها : أن كان رأسي حي والله ماتكمّل معاه ، ذي أنسانّه قذره ماتستحق ولدي وحُبه أبد.
قالت حرير بهدوء : كِلنا مو متقبلينها بس عود يحبّها ، ليش نجرحه ونزعله عشانها ، اتركوها ، عود مو غبي أكيد ماراح يسكت أكثر واضح ناوي على شيء أعرف أخوي أنا ماراح يسكتّ لها ، أخذته مِنا غصبّ وخلته يطلع برا البيت عشان حضرتها تستقر بـ بيت لوحدها ، لكن عارفه أن عود قاعد يجمّع لها وقولوا ماقلت.
قالت أم عود وهي ترفع فنجان القهوة حقها وترتشف مِنه بهدوء وتناظر حرير : الله يهديها يمّه ، أنتِ لا تهتمين لها ، كم مِن مره قلت لِك أتركيها تولي ، زوجها عندها ويعرف يتصرف.
قالت حرير بهدوء وهي تقلبّ بكتابها اللي بين يديها وترفع نظرها لأمها : بس أمي ، هذي مو أنسانه ماتعرف تقدّر المشاعر !
'

'
من كفوفك ينبت الورد و يطير الحمام
‏يدك للأزهار تربه و للورقا غصنّ.|
'
كمّلت حرير بقهر : تذكرين أخر مره لما أجتمعنا كِلنا لما قالت له كلمّة مره قويه كلنا سكتنا ماقدرنا نرد ، حتى لو تكرهينه مو لهدرجة ، مو تهينينه قدام أهله ابداً الشخص له أحترامه لو كان أكبّر عدو لِك ، لِكل شخص أحترام ، مِن أحنا حتى نهينه او نقلل مِن قدره حتى لو كان بيننا ثار وعداوة مِن مئة سنه ، لكل شخص خُلق أحترام ولابُد تحترمّه ونقدره ولو كرهناه وحقدنا عليه أحترامّه مفروض علينا ، نفس ما أحترامنا مفروض عليه!.
أبتسم أبو عود وقال : والله وطلعتي حكيمّه وتعرفين يا حرير ؟.
قالت حرير بأبتسامّه لأبوها : وهو فيه شخص أنت وأم عود ربيتوه وطلع مو حكيم ؟.
'
بيت ربيع.
سلمّت ذِهال على جنه وهي مره مستانسه عليها!.
قالت حروف وهي حاضنه جنه : تأخرنا عليك حبيبتي؟.
قالت جنه بأبتسامّه : لا لكن طفشت مع نيرما "العَامّلِه" بس قاعده تكلم بجوالها!.
أبتسمّت حروف : ولا يهمّك نبدل لِك نيرما وش تبين بعد ؟.
قالت جنه وهي تمسّك شفايف حروف : أبي نفسك وردي!.
ضحكت حروف وناظرت أمها ورجعت ناظرت جنه وقالت وهي تمّسك يدها وتقولها بلُطفّ : والله لو تبين عُيوني أنها حلال لِك ! " ولفتّ لشنطتها وطلعت الروج الوردي " حطت لها بأبتسامّه وقالت : اللون ماصار حلو ألا عليك والله !. واغلقت الروج ومدته لها : خذي صار لِك!.
ضحكت جنه بفرحه و أخذته : صدق ، يعني لي لوحدي ؟.
هزت حروف رأسها وهي تضحك معاها.
أبتسمّت ذِهال بحُب وهي تناظرهم وهم يضحكون ويسولفون مع بعض ، لفت رأسها عنهم ومسحت دموعها وقالت بأبتسامّه وعُيونها على جنه : ياحلوك والله ، زدتّي الروج جمّال وحلاوة والله.
أبتسمت جنه بخجل مِنها وقالت : شكراً.
أبتسمّت ذِهال بحُب لها ، تو عرفتها لكن دخلت قلبها بقوه ، ابتسامّتها ونظراتها وحتى حركاتها القليله .
قالت حروف وهي تسحبّ كرسي جنه لها وتهمّس لها بهدوء : شكل ماما حبتّك شوفي كيف تناظر لِك !.
ضحكت جنه مع حروف وناظرت ذِهال اللي تناظرها بخجل ونزلت رأسها!.
ضحكت حروف على حركتها وباستها بحُب : بأكلِك والله.
ضحكت ذِهال وهي توقف وتقرص خد جنه : ياحلوك والله ، أنا بطلع فوق أشوف لي غرفة أستقر فيها ، شوي وأجي لكم .
هزت حروف رأسها ولفت على جنه : نطلع للحديقة عند ربيع ؟ نزعجه شوي ؟.
هزت جنه رأسها بضحكه: بس حرام ربيع حلو !.
'

نتوقف هنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري