آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-12-22, 07:36 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 9 عند ملاك * لف عليها عز وهو يناظرها : شفيك ؟ ملاك وهي تمسح دموعها : ولا شي ولفت على مرام واسماء الي تقدموا عندها : بناخذ ملاك لغرفتنا عز ناظر ملاك ولف على خواته : ما تبون عشاء ؟ مرام : اذا بتجيب ما نقول لا خالد بضحكة : عشاكم علي الليلة اسماء : انا شبعانه مرام : اي ما يحتاج تو تقهوينا وفتحوا الباب بسرعه وهم يطلعون لشقتهم بوسط نظرات عز وهو مو فاهم سبب تراجعهم سحبت نجلاء جوالها وهي تقوم بعد ما خزت خالد وهي كارهته بعد كلام البنات عنه - بكت من طلعوا وهي تحضن مرام اسماء بخوف :الكلب لا يكون سوا شي لك ؟؟ هزت راسها : ايه وضربت شفايفها وهي من متقرفه من نفسها مرام بقهر :الله ياخذه الكلب اسماء:والله ما نسكت عنه تعبنا بنات خلونا نقول لابوي مرام بخوف :تستهبلين ابوي العن من خالد بيحط اللوم علينا وبيطلع اخوه هو الصح واحنا الغلطانين تنهدت اسماء وهي تدعي خالد ولفوا على ملاك الي طلبتهم بجامة وقامت مرام وهي تعطيها ودخلت دورات المياة وهي تتروش وبعد دقايق طلعت وهي تجفف شعرها وسحبت جوالها من سمعت صوت اشعار وكان رساله من 🇸🇦 وهو يفضفض لها فتحت الباب وهي تقرا كلامه سحبت المنشفة عن شعرها وهي تجفف شعرها وتقرا رسالته باندماج وطلعت للصاله وعينها بجوالها ومو منتبهه للبنات الي ينتظرونها على العشاء ومعاهم عز مرام : عزز هنا تغطي رفعت نظرها له وتنهدت : شتبي هنا اسماء : تعالي كلي ناظرت العشاء : مالي نفس بالعافية عليكم ولفت وهي تعطيهم ظهرها واستوقفها صوته : لو عاد تتكرر حركاتك بالبرامج وطول اللسان بوريك وجهي الثاني ساكت لك لانك بحسبة اختي واعتبرك مثل خواتي مشيتها لهم ذي المرة وبمشيها لك معاهم "ورفع راسه وهو يناظرها ": مراح اعديها لك لو تكررت ملاك وهي تتخصر على الجدار : تقول كلامك ذا باي صفة ؟ عز : بصفتي الوصي عليك بعد موت عمي ضحكت ملاك : صدق والله ؟ اذا بتحاول تكذب اكذب زين ومحد له دخل فيني من كبيركم لصغيركم عز : تقبلتي ولا ما تقبلتي وصية عمي بتتنفذ تركتها لانك كنتي بالثانوي وما اقدر انفذ وصيته وانتي قاصر بس الحين صرتي عجوز ولسانك اطول منك "وقام وهو يناظرها " ؛وصار وقت تتنفذ الوصية عند سُلاف * طلعت من مجلس الحريم وطلعت مع البنات ولينا لينا : اسمعوا بنسوي الجلسة هنا وجيبوا السماعات ركضت وحدة من البنات وجابت السماعة وجهزوا جلستهم وبدأوا يصورون تنهدت سُلاف من شافت الكل يصور ومشغول ولفت على صوت الباب الي يدق بقوة وركضت وهي ترفع فستانها فتحت الباب بسرعة وشهقت من دخل وهو يرمي نفسه عليها وقفل سعد الباب وراهم وسعت عيونها من طاح بحضنها وهو يحاول يتحمل الاغماء واشر على البنات الي صرخوا من اشكالهم وهو يطلبهم يرفعون صوت السماعات بعد ما سمع صوت الدوريات برا غض سعد بصره وهو يوقف عند الباب بكل تعب وجلس على الارض وهو يتنفس بسرعه ركضوا البنات بجهة نياف وهم يصرخون من شافوا الدم من راسه وحاضنته سُلاف الي صنمت بمكانها بدون ما ترمش طلعوا عماته وخالاته وركضوا بسرعه لجهته رجع لها وعيها وهي تحط ايدينها على كتفه وبعدته عنه : وخر عني بعد عنها وهو يناظرها ويتمايل وغمض عيونه واخر ما سمعه صرختها من ركضت له وهي تمسكه من خصره قبل يطيح على الارض قربوا منها وهم يساعدونها ودخلوه لداخل وانتشرت صرخاتهم بخوف عليه سحبت لينا الجوال وهي تتصل على دكتور ابوها وترسل له الموقع وبعد دقايق وصل ودخل بعد ما اخذوا له طريق وبدا الدكتور بشغله وهو يوقف المزيف ويضمد الجرح ولف الشاش على رأسه وطلع وهو يفحص سعد وضمد له جروحه واستأذن وطلع خاف الكل ودخلوا عند نياف وقعدوا بجنبه وهم ينتظرونه يصحى كانت تبكي بخوف ولا تقدر تقرب منه لجل ما يشكون خالاتها وعماتها انتبهت على سُلاف الي جالسه بطرف المجلس وتناظر الارض بصدمه وخوف من الموقف ودمه الي غير لون فستانها من الابيض للاحمر انتبهت على صوت ام نياف : سُلاف اقعدي عنده اذا صحى عطيني خبر هزت سُلاف راسها وقامت وهي تقعد بجنبه ناظرت وجهه وبداخلها : ياليتهم فرحوني بموتك وناظرته من تحرك وهو يفتح عيونه ولفت على وجد الي ركضت وهي تقعد عنده وبخوف : صحيت نياف وهو يحاول يفتح عيونه مسك راسه بوجع : عطيني مويه ركضت وجد وهي تجيب له انتبه للي قاعده قدامه وتناظره ببرود قامت سُلاف : كنت بفرح لو الي على فستاني دمك وانت ميت ملاك * عدلت وقفتها من كلامه وناظرته من وقف : شاللي وصيه وما وصيه تستهبل انت ؟ عز : بكرة جمعة بعد الصلاة اشوفك واقرا لك الوصية الي محد يعرف فيها غيري وسحب جواله وطلع وهو ينزل للمجالس وتنهد من جاء الوقت الي لازم ينفذ وصية عمه غمض عيونه وهو يمسح جبينه بتعب وثقل الوصية عليه دخل المجلس وهو يرسل بقروب العايلة : بعد صلاة الجمعة ابي الكل بالمجلس فيه جزء من وصية عمي لازم تعرفون فيه وقفل جواله من وصلته تساؤلات اعمامه وعيالهم وسحب اللحاف وهو ينام وباله مشوش - ناظرت في البنات ؛اخوكم مريض صدق! اخر عمري اصدق واحد عنده اكتئاب ودخلت الغرفة وهي تفكر بكلام عز تأففت وهي تسحب سماعتها : بس يتكلم عشان تخافين لا تصدقين اي واحد فيهم ورمت جوالها بملل وسحبت اللحاف وهي تنام — مرام : تتوقعون عز صادق ولا يمزح ؟ نجلاء : من متى عز يمزح ؟ اسماء بتفكير : صادقه حتى شكله كان جدي مره بس تتوقعون وش الوصية الي محد يدري عنها غيره نجلاء:مدري نصبر ونشوف اسماء :تحمست متى يجي بكره — بالصباح صحى الكل وهم يفطرون وبالهم من رساله عز دخل وهو يسلم وقعد مع اعمامه وهو يفطر معهم ومنتبه لنظرات الفضول بعيونهم سحب الشاهي وهو يصب له بدر : وش عندك ؟ وش الجزء الي محد يعرفه؟ عز : كلشي بوقته حلو بتعرف بعد الصلاة - وراء المجلس تنهدوا البنات اسماء :يليل كنت احسبه بيقول مرام : كم باقي على الصلاة ؟ اسماء :ما بقى عليها شي لفوا على ملاك الي دخلت وهي تربط شعرها وبنوم : كم الساعة ؟ "صلوا على محمد" سُلاف * شهقت من سحبها من ايدها قبل تقوم وطاحت فوقه غمض عيونه بوجع وهمس باذنها : لو فيني حيل كان غرقت كل ثياب رجال ادم بدمك بس احمدي ربك الحظ بصفك اليوم بلعت ريقها وحطت ايدها على صدره وخزته وقامت بسرعه وطلعت من المجلس وشافت ام نياف وقالت لها انه صحى دخلوا الكل عنده وهم يتحمدون له بالسلامه والي تعاتبه والي تسأله عن السالفه والي تسأله عن سعد تنهد وهو يحط ايده على راسه : راسي بينفجر اجلوا اسئلتكم سكت الكل وهم يناظرون بعض لينا : يالله يمه ورانا تخرج بكره وجد : الله بتتخرجين واخيرا لينا : مو انا لحالي حتى سُلاف بكرا تخرجنا ناظر لينا واللي بجنبها وسكت ام نياف : تقدر تقوم عشان نرجع للبيت ؟ نياف وهو يقوم : قمت قام الكل وهم يلبسون عباياتهم وطلعوا لينا : يليل نايف مو كاني اتصلت عليه من ساعه قاموا من سمعوا بوري سيارة نايف طلعت ام نياف ولفت لينا على نياف : سُلاف بدورات المياة خلك بتجي بتساعدك نياف : ما طلبت منك ولا منها وقام وهو يغمض عيونه من الوجع براسه على طلعة سُلاف من دورات المياة مشت من قدامه وهي متجاهله نظراته طلعت وهي تركب وراء نايف الي تلثم بسرعه من شافها طلعت ركب نياف بجنب نايف وحرك نايف نياف : ليه متلثم انت؟ نايف : عشان اصيد جوك تفحيط وكذا خزه نياف : زد زد من سرعتك بس عقدت حواجبها من صوت نايف وناظرت نياف وهي تحاول تميز اصواتهم الاثنين تنهدت وهي تطالع الشوارع وصلوا للبيت ونزلت ام نياف ولف نياف على لينا الي قالت : نايف لا تطفي السيارة بنروح نجيب عباية تخرج سُلاف نياف : خليها تنزل على الغرفة لينا : شاللي تنزل بنروح نجيب عبايتها ونرجع لف نياف وهو يناظر سُلاف : ما اتوقع تبين اعيد كلامي قدامي على الغرفة ناظرته وهي كانت حاسه انه بيرفض وخزته وهي تفتح الباب وقفلته بقوة ودخلت البيت ولحقتها لينا ملاك * لفوا البنات عليها مرام : الناس قايمه قاعده وانتي تسالين عن الساعة ملاك : خليهم يقومون شدخلني ودخلت المطبخ وهي تسوي بيض وطلعت الحليب والتوست بكل روقان سحبت جوالها وهي تشغل اغنيه وشهقت من صرخت مرام : صلاااة ملاك : نسيييت وقفلتها وكملت شغلها وطلعت للصاله وهي تقعد قدام جدتها وعماتها وتفطر بعد دقايق * دخلت عليهم اسماء :رجعوووا من المسجد بيجتمعون الحين فزت مرام ونجلاء :بالمجلس؟؟ مرام وهي تتنفس : ايه وعز يقول نادي جدتي وعماتي يالله قوموا ملاك وهي تمسح الجبنه عن شفايفها : اهمشي انكم مصدقينه ركضت مرام لها وهي تقومها : انتي اهم وحده امشي ملاك : ماني رايحه وخري نجلاء : تستهبلين ؟ الوصية تخص ابوك واكيد شي يخصك انتي وامك امشي بس ملاك : قايله لكم ماني جاية روحوا اسمعوا كذبته وصدقوها تنهدوا البنات وتوجهوا للمجلس وناظروا الكل وانخرشوا من نظرات عيال عمهم واعمامهم وقعدوا بجنب امهاتهم عز : وين ملاك ؟ نجلاء : تقول ماتبي تجي عز : وعلى كيفها هو وطلع من المجلس وتوجه لها شافها تغسل الصحن تقدم لعندها وسحبها من ايدها : ما تصدقين بكفيك بس ما تسمعين مو بكيفك ملاك : اترك ايدي يورع عز : ورع بعينك وسحبها للمجلس ودخلها ناظرت الكل وهي منخرشه من نظراتهم لها وهي بدون طرحتها خزتهم وهي تقعد بجنب امها عز : ما دام الكل هنا صار وقت اقولكم الجزء الي ما تعرفونه من وصية عمي الله يرحمه ولحد يقولي مين سمح لك تخبيه استشرت الشيخ بالموضوع واعطاني الاحقية وطلع الورقه من جيبه وبدا يقرا وصيه عمه على مسامع الكل سُلاف * ركضت لغرفة لينا وهي تطلبها بجامه ومزيل مكياج قبل ما يطلع نياف لغرفته اعطتها وركضت لغرفة نياف بسرعه دخلت وشافته قدام المراية ويضمد جروح ايدينه ووجهه دخلت لدورات المياة وهي تنزل فستانها وتبدل طلعت وهي توقف بجنبه وبدات تمسح مكياجها بكل تجاهل لوقفته بجنبها نياف : بجامتك بيضاء تبين الونها بدمي ولا دمك ؟ سُلاف : ضمد جروحك بالاول بعدين فكر ببجامتي لف عليها وناظرها من لفت وهي تبادله النظرات قرب منها ورجعت على وراء ولصقت بالجدار : تبين تضمدين جروحك معي ؟ سُلاف برجفه من فهمت قصده : مصدعه بنام وخر نياف : ما جاوبتيني ؟ سُلاف : فكني من شرك وضمد جروحك لحالك نياف : وعدتك باشياء تتوقعين بفكك من شري قبل ما انفذها؟ ناظرته بصمت وحطت ايدها على صدره وهي تدفه من قدامها مسك ايدها وبحدة : العن ما اشوف الي يلمسوني لو جربتي تلمسين جزء مني صدقيني بتزيد وعودي لك دفها وهو يلف على المراية وسحب القطن وهو يكمل شغله ناظرته بهدوء : بروح اجيب لحاف ووساده من عند لينا نياف : لا سُلاف: وليه ؟ابي انام نياف : قلتلك بتطلعين من ذي الغرفة ميته تنهدت سُلاف : آجل اقوالك لبعدين والحين صدق مصدعه وتعبانه يرحم والدينك فكني من حركاتك انا يالله اتحملك عشان اتحمل حركاتك السخيفة نياف وهو يقفل المرهم : هذا الي ابيه لا تتحمليني ولف عليها : اكرهيني ، خلي اكبر واصغر خليه بداخلك تكرهني وقرب منها وهو يحط اصبعه على صدرها وبمكان قلبها : حتى ذا خليه يحمل علي كرّه الكون كله لا تقصرين مسكت اصبعه وهي تبعدها عن صدرها : لا تخاف انت من الله مكروه من اهلك وكل ناسك وقفت علي ؟ والي زرع بقلبك كره لي زرع بقلبي اضعاف دفها على السرير وقرب منها : مانيب بخايف على حبك وحب اهلي بس انتي جاهزة اخذ حقوقي يا زوجتي ؟ "صلوا على محمد" عند ملاك وتحديدا بالمجلس * لف الكل على عز بنظراتهم باستثناء ملاك الي تخز ماجد وخالد عز : زي ما تعرفون عمي كان يتعالج بالرياض وطلبني بيوم وما قدرت اجيه وبعد وفاته الله يرحمه وصلتني ذي الورقة من صديقه وطلب مني انفذها واتوقع الكل عارف ان تقسيم الورث متوقف بأمر من المحكمة وصار وقت تعرفون السبب والي هو ان عمي موكلني على كل املاكه من مؤسسات ومشاريع" وناظر ملاك الي لفت عليه وهي تضحك " وكمل :وبما اني المالك الوحيد لاملاكه ما وقفت الوصية على املاكه المادية وتضمنت زواجي من بنته ملاك وانتم تعرفون انه توفى لما كانت ملاك بالابتدائي وهذا السبب الي منعني افصح عن الوصية وبما انها الحين تخطت عمر ١٨ بتتنفذ الوصية بأمر من المحكمة واذا بتعارضين تذكري ان ابوك مو مرتاح بقبره الا لما اتزوجك وانفذ وصيته اليوم قبل بكره وهذا كلشي كنت بقوله لكم ووزع نظراتهم عليهم ولف الكل على الي تضحك : تراك اكبر من بسنتين او ثلاث بتتوقع اني بصدق ان ابوي اعطى وصيته لبزر وانت كنت مثلي صغير لما مات ؟ عز ببرود : وصلتني وصيته من المحكمة بعد ما ارسلها صديقه لهم وانا متخرج من الثانوي لا تحاولين تتذاكين علي ملاك وهي تناظره بحدة : وريني الوصية بختم من المحكمة طلعها من جيبه وفتحها قدامهم : اقتنعتي ؟ وقايلك مو غصب تصدقين المهم انك سمعتي الوصية وبتتنفذ ملاك : واذا قلت لو تموت ما تنفذت وورث ابوي بترجعه يالسراق مو جديد عليك وابوك بدر وبعدين لا تكذب ابوي ما كان مريض وابوك الي ذبحه وعيني تشوف لا تحاول تغطي على ابوك بدر بحدة : والله لو ما تمسكين لسانك لاقصه لك نزلت نظراته وخزته وهي تلف على امها : عاجبك كلامهم ؟ خلينا نرجع وخليه يكذب الكذبه ويصدقها بنفسه عز بحدة : جهزي نفسك يا بنت العم الشيخ بيكون موجود على الساعة تسعه ليل قامت ملاك بعد ما ناظرت امها الي مسحت دموعها بصمت وتقدمت لعز وهي توقف قدامه : شفت ذي الورقه الي بيدك لو تختم عليها محاكم العالم كلها ما صدقتك ولا تزوجتك ودور لك بنت عم تنفذ وصيتك وخزته وطلعت من المجلس وتوجهت لغرفة نجلاء - كان متوقع ردها وناظر ابوه الي سأله :كم املاك عمك؟ بغرفة نياف * شهقت من دفها على السرير ووسعت عيونها من سؤاله سُلاف : تقول العن ما عندك ان احد يلمسك بس عادي عندك تلمس بنات الناس ؟ نياف بابتسامة خبث : زوجتي صارت بنات الناس ؟ اطالبك بحقوقي لا يكون بترفضين ؟ سُلاف وهي تلف بوجهها وتحاول تبعد ايدينه الي ماسكه ايدينها : مالك عندي حقوق وخر عنييي قرب من اذنها : انتي مجربه من غيري صرتي تخافين لما طلبك زوجك ؟ بلعت ريقها من همسه وصدره الي لصق بصدرها وبرجفه :لا تتهمني بشرفي وانت بنفسك الي لمستني نياف: وانتي مصره تتبلين علي ومتوقعه بتوصلين لمبتغاك انتي وامك بس والي جابك لي باخذ حقوقي وبرميك لها واخليها تبتلش بشخصين مو شخص عشان تعرف على مين ترسم امآلها وبعد عنها وهو يشق بجامتها وناظرها من شهقت بخوف قرب منها وبدا يطبع قبلاته ومتجاهل ضرباتها على كتفه وهي تدعي عليه بكل دموعها وو.. - بعد مرور وقت طلع من غرفته وهو يسحب شماغه وطلع وهو يتوجه لغرفة نايف ودخل عليه : عطني مفتاحك نايف وهو معقد حواجبه : وين رايح بذا الوقت ؟ نياف بحدة : هات المفتاح خلصني عطاه نايف واخذه وهو يطلع ركب سيارته شاف بكت دخان سحبه وهو يطلع الولاعة من جيبه وشعلها على السيجارة حرك وهو يرمي شماغه بجنبه وزاد من سرعته وشغل اغانيه وهو يرفع لاخر صوت لجل ما يفكر بشي بدا يتخطى السيارات باقصى سرعه ويتجاوز الاشارات ونقاط التفتيش تنهد وهو يصرخ وضرب الدركسون بعصبيه وضرب المسجل بايدينه حط رجله على الفرامل وهو يوقف بجنب الخط رجع نفسه على وراء وهو يمسك راسه بتعب انتبه على اتصال جواله وكان رقمها رد عليها وهو يتنهد وجد بخوف :نياف شفييك ؟ نياف بتعب :تعبان وفتح باب السيارة وهو ينزل وكمل وهو يحس انه يحتاج يتكلم ويقول كلشي مثقل عليه : قربت منها وجد انا الي كنت اعصب عليك لا قربتي مني شبر انا الي كنت حتى امي ما اخليها تقرب مني انا الي كنت اكره قرب بنات ادم كلهم قربت منها اليوم سمحت لنفس المسها فوق كرهي لها وحقدي عليها لمستها توقعت اني بخليها تندم لانها تبلت علي صار العكس وانا الي ندمت اني لمستها كرهتها اكثر وكرهت نفسي وصرخ وهو يتنهد : مابيهاا مابي قربها مابي وجودها لا ابوي فاهمني ولا امي حاسه فيني والكل واقف بصفها وشايفيني مغتصب بنظرتهم عز * رد على ابوه وبالصريح :محد له ريال بالورث وناظر ام ملاك :الي سمعتيه يا عمه ثقيل وصعب بس ياليت تتفهمين وتفهمين بنتك ان رفضها مو واقف عليها واني بعد مغصوب عليها عشان وصيه عمي واني طلبتها لما كنت بالمستشفى عشان انفذ الوصية وطلع وهو يركب شاصه ورجع للبر - قاموا البنات وهم يدورون على ملاك دخلوا غرفه نجلاء وشافوها على جوالها مرام : ملاك ملاك : ها مرام : ترا كلنا زيك مصدومين بس الصدق عز عمره ما كذب ولو تسالينا كلنا بنقولك مصدقينه اخونا واحنا نعرف اكثر منك وبعدين عز مستحيل يكذب بامور الزواج اسماء: وقال بعد ما طلعتي انه حتى هو مجبور عليك وبيتزوجك عشان وصيه ابوك قربت منها نجلاء :مو تحبين ابوك ؟ مو تبين يرتاح بقبره ؟ مو انتي تدعين له وتتصدقين عنه مراح تفيده بشي دامه مو مرتاح بقبره نفذي وصيته واقبلي بعز عشان ابوك ولا تفكرين باحد انتي تحبين ابوك اكثر من ايشي ثاني اسعي لراحته قبل راحتك تنهدت ملاك وهي تناظرهم : انا مابيه مابي اخوكم صدق معقد وكريه ولا ابلعه وما وقفت عليه بس كل عيال اعمامي واعمامي اكرههم كلهم ولو تزوجته بيقعد ينشب لي على كلشي محب احب احد يتحكم فيني ما احب احد يكون له سلطه علي وبعدين انا مو جاهزة للزواج مرام : لاااا صدقيني عز مو كذا لو قلتي سيف كان كلنا ايدنا كلامك بس صدقيني عز اقصى طلباته حليب نياق والله ما يحب احد يسوي له شغله او يطلب من احد شي غير شي يحتاجه وضروري ومو معقد ملاك : اكرررههه اكره اخوك اسماء بمزح : صدقينيي بعد كلامك الي قلتيه بالمجلس لو حطك بوسط نياقه لشهر قليل فيك ملاك : يخسي وبعدين عنده نياق ويحب البر وشذا ؟!! ضحكوا وهم يناظرونها : تعودنا وبتتعودين مرام : بعدين ما تبينا نكون اخوات زوجك ؟ ملاك : يع اذا تبون اتزوجه عندي شروط وبقولها لاخوكم اذا وافق تزوجته نجلاء : الله يستر منك انتي وشروط مرام : بتودينا بداهيه اسماء: بدق على عز يالله سمعينا شروطك "صلوا على محمد" بغرفة نياف * دخلت دورات المياة وهي تنزل ملابسها ودخلت بوسط الموية ونزفت دموعها وانتشرت شهقاتها سحبت كل الشامبو وصابون الايادي والكريمات وهي تكبها كلها على جسدها وتضرب نفسها بقرف وصرخت وهي تقعد بوسط الموية وتحضن نفسها وبداخلها يدعي ويتمنى موت نياف بعد ساعات وبدون ما تحس بالوقت طلعت من دورات المياة وهي تلف المنشفة عليها وتوجهت لغرفة لينا دخلت وهي تناظر لينا الي تسوي ويفي لشعرها ومجهزة عباية تخرجها تقدمت سُلاف وهي تسحب اللحاف ودخلت بسرير لينا بكل صمت لينا : سُلاف شفيك ؟ سُلاف لا رد تقدمت لينا لعندها وهي تسحب اللحاف : بنت شفيك؟ وليه نايمه بدون ما تلبسين ملابسك؟ بعدين يالله تجهزي ما بقى شي على التخرج سُلاف وهي تشهق : اتركيني ابي انام لينا وهي تقعد بجنبها : التبن سوا لك شي صح ؟ قولي وش مسوي والله لاعلم ابوي يربيه سُلاف : تعلمين عمي انه قرب مني ؟ ناظرتها لينا بصمت وبدون استيعاب : استني الكلب لمسك مرتين ؟ سُلاف سحبت اللحاف وهي تعطيها ظهرها لينا بتفكير : بس حتى لو علمت ابوي بيقول من حقه حيوان صدق الله ياخذه اكرهه وهو اخوي كيف لو وهو زوجك حضنت سُلاف : على الاقل قومي البسي ملابسك لا تنامين بالمنشفه بتمرضين سُلاف لا رد وتنهدت لينا وهي تسحب جوالها وترسل لصحباتها انهم ما راح يحضرون وربطت شعرها وغيرت التكييف للحار وطلعت وهي تترك سُلاف تنام وبداخلها تدعي على اخوانها دخلت المطبخ وهي تسوي لها قهوة - قفل من وجد بعد ما سمع عتابها له وتنهد وحرك للبيت وصل ونزل وهو يدخل شاف لينا طالعه من المطبخ ووقفت وهي تخزه بحقد وتوجهت للصاله تجاهل نظراتها وحط شماغه على كتفه وطلع لغرفته بغرفة نجلاء* قعدوا البنات بجنب ملاك واتصلت اسماء على عز ووصلها صوته : مستعجل تبين شي ضروري ؟ اسماء : ايه مرام : اسمع ملاك وافقت على الزواج بس عندها شروط تنهد عز : رايح لسوق الغنم ومستعجل اذا رجعت نشوف شروطها اسماء : يا غبي تأجل زواجك عشان غنم عز : نفعتني اكثر منك وتراها ملاك وقفل بعد ما سمع صوتها : وشفيها ملااك؟ مرام بفضول : يخي قولي لنا وبعدين قولي له ملاك : لا جاء صحوني ابي انام ضربتها اسماء وقاموا وتركوها تنام - بالليل رجع من البر ودخل يتروش وطلع وهو يجفف شعره ورفع عيونه من ركضوا مرام واسماء لعنده : يالله امش نبي نعرف شروطها عز : تبطي عظم ما نفذتها بعد كلامها اسماء : الحين امش انت بعدين قرر تنهد ومشى مع خواته ودخل المجلس وهم ينتظرون ملاك دخلت بكوب حليب وقعدت على الكنب وهي تشرب ببرود مرام : اخلصيي ملاك : ثلاثه شروط وافقت انت بوافق انا عز : غردي ملاك وهي تشرب من الحليب وتوقف وترجع تشرب مره ثانيه : الاول املاك ابوي كلها تتسجل باسمي ناظرته وهي تنتظره يعارض او يقول شي وتنهدت وهي تكمل : الثاني زواجنا يكون لمدة شهر وبعدها كل واحد بطريقه الثالث والاخير يكون زواجنا بس كلام يعني ما تتدخل فيني ولا اتدخل فيك ولا اشوفك ولا تشوفني يعني بالمختصر مالك سلطه علي بزواجنا او بعد زواجنا ناظرها بهدوء : الشرط الاول املاك ابوك صارت املاكي ولا بتاخذني منها ريال بالنسبه للشرط الثاني لو كان زواجنا على ورق ذاك الوقت اقدر انفذ شرطك بس زواجنا بيكون مختوم بشهود وشيوخ وهذا ما يسمح لي اخليه على ورق والشرط الثالث بتزوجك وبرجع للبر يعني ارتاحي مراح اشوفك ولا تشوفين وقام وهو يناظرها : وافقتي احسن لك ولابوك المرحوم ما وافقتي صدقيني محد خسران غيرك نتوقف هنا | ||||
|  |
|
17-12-22, 07:42 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 10 نياف * دخل غرفته وهو يناظر السرير والارضيه ودورات المياة قرب للسرير وهو يحسب اللحاف وكلشي عليه ويرميه ودخل دورات المياة وشاف الشامبو وكلشي طايح ونصه على الارض والمويه مفتوحة طلع لغرفة لينا ومو متاكد انها هناك فتح الباب وانصدم من حرارة الغرفة والتكييف الحار فتح الانوار شافها نايمه على سرير لينا قرب منها وهو يسحب اللحاف : مسويه نايمه تحركي قدامي ناظر جسمها والمنشفة الي عليه وتأفف : اكلم مين انا خلصيني سحبها من كتفها وهو يلفها له وكانت غارقه بنومها نياف : قومي لا اصحيك بطريقة ما تعجبك ناظر كوب الي على الطاوله بجنبه والي كان فيه قهوة مسكها وهو يكبه فوق راسها وفزت برعب وهي تحط ايدها على شعرها ناظرته : وش سويت ؟؟ نياف : قومي على الغرفة سُلاف سحبت الكوب من ايده وهي تشوف قهوة : صبيت علي قهوة ؟؟! نياف : بتقومين ولا اكمل عليك خزته وهي تدفع من صدره وقامت وتوجهت لدورات المياة واستوقفها لما سحبها من ايدها : قايلك على الغرفة تعاندين ليه ؟ سحبها معه وفتح الباب وطلعوا وقابلهم نايف الي انصدم من شكل سُلاف والمنشفه الي مغطيه نص جسمها خزه نياف ودخلها لغرفته نياف : الحمام يتنظف الحين سُلاف : بنظف شعري اول نياف بحدة : كلامي لا ينعاد زي ما قلبتيه من فوق لتحت رجعيه زي ما كان تنهدت سُلاف وهي تناظره بصمت : باخذ لبس من عند لينا غالبا مو ناقصك عقل عشان اعلمك اني ما اقدر اشتغل وانا بذا اللبس نياف : طلعتي وانتي لابسه منشفه ادخلي وانتي لابستها مو صعبه خلصيني دخلت لدورات المياة وهي متحملة ولا تبي تناقشه بسبب تعبها والنعاس الي تحس فيه بدات تنظف وبعد دقايق خلصت وطلعت وهي تمدد عضلاتها وشهقت من انفكت المنشفه ولفتها بسرعه على جسمها وحمدت ربها انه واقف ويدور له لبس ولف عليها : لا اشوف ولا اسمع الباب ينفتح ودفها ودخل دورات المياة وهو يتروش تقدمت لدولابه وهي تدور لها لبس وتنهدت من شافت اغلب ملابسه ثياب سحبت بجامه وهي تلبسها وتقدمت للمرايه وهي تلف شعرها وانتبهت عليه من طلع وناظرها : مين سمح لك تقربين وتلبسين من ملابسي؟ "صلوا على محمد" ملاك * ناظرت عز لحتى طلع ولفت على خواته : اجل ذا الي تقولون عنه غير ؟ اسماء : يخي انتي شروطك صعبه ملاك : عاد بكيفه والله وقامت معاهم وطلعوا للصاله قعدوا بجنب بعض وهم يناظرون جدتهم : اقبلي با عز يا بنت ولا تحدينا على الردى ملاك وهي تسحب المعمول :في غيري وقفت علي جدة عز : لا تحسبين الولد يبيك وشاريك عز بيتزوجك عشان وصية المرحوم ملاك : حتى انا مابيه ولا شاريته ام ملاك : القرار الاخير لي وبتتزوجينه عشان ابوك ملاك : ماني متزوجته ام ملاك : سكتت لك كثير على قرارات واجد بس الحين القرار لي وبتتزوجينه والليله ناظرتها ملاك بصدمه وهي تلف على البنات من قامت امها نجلاء : الله يعينك ملاك : والله ما اتزوجه مابيه وقامت وهي تلحق امها دخلت المجلس وشافت امها تكلم ملاك : يمه افهميني مابيه مابي اتزوجه وما لقيت الا ذا تصدقينه؟ وشدراك انه صادق لصق ورقه بوجيهنا وصدقتوه؟ ام ملاك : ابوك يوم مات ما شفناه وكان مريض واقل شي نقدر نسويه له نخليه يرتاح بقبره وغصب عن الكل بتتنفذ وصيته ملاك تنرفزت وبكت : تكفيين مابي اتزوجه اعطيته شروط ورفضها كلها وكنت عارفه انه بيرفض خلاص حتى انا برفض تعرفين كرهي لهم كلهم تبيني اتزوج منهم ام ملاك : بتتزوجينه عشان ابوك وعز ورجال ولا يعيبه شي ما وقف معنا بعد وفاة ابوك غيره ملاك بعصبيه : وستين تبن عليه وعلى رجولته تشوفينه رجال انا ما اشوفه ولا ابي اشوفه وقف معك انتي انا ما شفت منه شي ولا ابي اشوف ام ملاك : الكلام معك ضايع خليتك على هواك وقلبتي الارض فوق تحت ولا احترمتي لا اعمامك ولا جدتك ولسانك ذا طوله عليهم صار وقت تتزوجين وتعقلين وطلعت وتركتها عصبت ملاك وهي تلعن عز وطوايفه شافت باب مجلسه مقفل راحت له وهي تفتح الباب دخلت عليه وهي تصرخ : مابيييك متى تفهمك الله ياخذك انت والوصية عز : ولاني ميت عليك بغرفة نياف * سُلاف وهي تناظره : شرايك ابقى بالمنشفه ؟ نياف وهو يقرب منها : اي خيسي فيها لين تموتين نزلي الملابس خلصيني سُلاف : تستهبل انت ؟ لا اخذ من لينا ولا اخذ منك سلامات ؟ قلتلك ماني متحملتك ومانك متحملني طلقني وفكنييي نياف : محد بالبيت متحملك لا ترفعين امالك ونفسك لسماء والطلاق بس اعرف انك حامل برميك على امك بستين داهيه سُلاف : ارميني الحين وخلصني واذا عن الحمل ما نزلته عندك بنزله عند امي ما تفرق ولا اتشرف يكون لي عيال باسمك صفقها كف وسحبها من ذراعها له : اسمي يفتخر فيه من جابك ويسواك سُلاف بضحكة : صدقني محد يعرف اسمك غير الدوريات واخوياك وياليتهم يعرفونك على شي سنع على هوايتك الفاشله سحب شعرها ولف وجهها له : تبين اخلي اسمك معي؟ بخليك فاشله زيي ما طلبتي شي وسحبها من ذراعها وفتح الباب ونزل فيها لتحت وفتح سيارة نايف وركبها بجنبه سُلاف بخوف : يا متهور فكنيي من مشاكلك نياف : تقولين فاشله بوريك الفشل واخلي اسمك بكل الدوريات حرك وهو متجاهل لينا الي شافته سحب سُلاف وطلعوا سُلاف بخوف : الساعة ثلاث فجر شندور برا رجعنيي نياف : ندور دوريات ابيهم يسجلون اسمك وابتسم من شاف نقطه تفتيش ووقف السيارة بعيد عنهم ونزل وفتح بابها : انزلي سُلاف بتوتر : يا مجنون وش بتسوي سحبها وركبها مكانه وقفل الباب وركب جنبها نياف : حركي سُلاف برعب : تستهبل معرف شاللي حرك ولفت بتفتح الباب سحبها من ايدها : حطي رجلك على البنزين خلصيني الي على اليمين حطت رجلها برجفه ولفت عليه: خلاص بسحب كلامي رجعني البيت نياف بحدة: دوسي بقوة ابعدت سُلاف ايده عن يدها ولصقت بالباب : مابييي اتركني والله ما اتحرك سحبها من ايدها لين عنده وناظرها :بتتحركين وغصبا عنك تحركيي وبصراخ :حطييي رجلك خلصيني حطت رجلها برعب وضغطت بقوة على البنزين وتحركت السيارة بسرعه صرخت وهي تلف عليها : بببعد رجللليي نياف وهو يناظر انها قربت من نقطة التفتيش :لو شلتيها بشيل روحك اضغطي بقوة حط ايده على الدركسون وصار يتحكم فيه وهي تضغط على البنزين بكت برعب من مرت من عند الدوريات بسرعة ولحقوهم ملاك * قربت منه وهي تناظر عيونه : افهم مابيكك مابي اتزوج كيف تتزوج وحده ما تبيك قام وهو يوقف قدامها : وانا مثلك مابيك ولا ابي شوفتك بس مجبورين عشان ابوك وشرطك الثاني بيتم اذا وافقتي ملاك بحقد : تطلقني بعد شهر من زواجنا عز : ذكريني لاني مراح اشوفك من بعد ما اعقد قراني عليك ملاك : يكون احسن لاني مابي اشوفك عز : بس هذا ما يعني اني وافقت على شرطك الثالث من تتزوجيني مالك اي كلمة الا مع خواتي ولو اشوفك مطوله لسانك على ابوي او اعمامي ذاك الوقت بتشوفين وجهي ملاك : مالك دخل فيني وتذكر زواجنا عشان ابوي وبينتهي خزته وطلعت وهي مقهورة من امها دخلت المجلس ونامت بالليل صحت على ازعاج البنات والحريم ملاك برعب : شفيه شصاير ؟ اسماء : قومي جدتي عزمت الكل ومسوية حفلة بمناسبة زواجكم ملاك بحقد : على وش فرحانه شهر وبنتطلق مرام : يالله قومي تجهزي والبسي قامت ملاك وغسلت وجهها وراحت لغرفة نجلاء وبداوا يختارون لها فستان مرام بضحكة: المعرس بالبر ملاك : سوا خير اسماء : اسمعي بتروحين مع عز للبر اذا تزوجتوا ملاك : لا طبعا اتفقنا زواجنا شهر ومحد له دخل بالثاني وبس يتزوجني بيروح هو للبر ولا عاد بشوفه نجلاء : خير انا ابي اشوفه واسمع سوالفه ملاك : روحي معه مرام : كلنا بنروح دخلت ملاك وهي تلبس فستان باللون الاحمر وطلعت وجلست قدام البنات وبداوا يسوون شعرها ومكياجها اسماء : اخاف اخوي ينسى الابل والغنم بعد ما يشوفك ملاك : على اساس بخليه يشوفني خلصوا البنات وطلعوا مع ملاك ودخلت على الحريم وهم يسلمون عليها ويباركون لها وهي منفسه وملامحها خالية من اي تعبير ام عز : يالله عز والشيخ وصلوا ملاك وقدام الكل: مابي اشوفه ناظرتها جدتها بعصبية وخزوها الكل باستثناء البنات قامت من سحبتها امها ودخلت على عز بعد ما جاوبت الشيخ ووقعت "صلوا على محمد" سُلاف ونياف * صرخت سُلاف وهي تبكي وتضرب ايده الي على الدركسون : ابعد ايدك وبشيل رجلي نياف بعصبيه وهو يناظر المرايات : اضغطييي بقوووةة سُلاف ابعدت رجلها عن البنزين وبكت : الله يخليك ما سوينا شي غلط وقف وتفاهم معاهمم نياف بصراخ من شاف الدوريات : ادعسيييييي خلصيني انخرشت وحطت رجلها على البنزين وهي تضغط بقوة وهو يتحكم بالدركسون تعبت رجلها وبعدتها شوي وتخفف سرعتها عصب من شاف الدوريات قربوا اكثر وهي تخفف السرعة وقام ونقز بجنبها وصرخت سُلاف : تستهبل وقف وتعالل مكاني نياف وهو يناظر المرايات : شيلي رجلك شالت رجلها وحط رجله بسرعه وضغط بقوة وبدا يزيد من سرعته ومتجاهل صراخ سُلاف الي بجنبه نياف : بوريك هوايتي الفاشله وصار يفحط بقوة ويلف بالسيارة واخذ الدوار وهو يتحكم بالسيارة بالدوران حطت ايدينها على اذنها من صوت الكفرات وبخوف من سرعته رفعت راسها : ياا كلب موتت لحالك مابي اموت نياف : يومك قبل يومي لا تخافين تنرفزت منه وحطت رجلها على الفرامل بقوة وتسارعت السيارة بشكل اقوى وبدون تحكم نياف صرخ عليها : شيليييي رجلك ياا حمارره خافت من صراخه وشالت رجلها وصار نياف يحاول يقلل من تسارع السيارة وغمض عيونه بعصبيه سُلاف بخوف : خفف السرعة نياف بصراخ وهو يضرب الدركسون: بسببك ما اقدر اتحكم فيهاا محد يضغط فرامل مع بنزينن سُلاف وهي تصرخ : شاللي ما تقدر خفف من السرعة طفيها نياف بصراخ : انكتميييي وصار يضغط على الفرامل بخفيف ويحاول يوقف السيارة بشكل أمن سُلاف : اطلب مساعدة مانك قادر تتحكم فيها بنروح فيها لف عليها وبهدوء : اسكتي ممكن بلعت ريقها من نظراته وسكتت وهي تدعي بداخلها ما يسوي شي نتوقف هنا | ||||
|
| |
|
17-12-22, 08:00 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 11 عز وملاك* دخلت عليه بعد ما كلمتها امها وطلبتها قعدت بجنبه وهي تبتسم بتسليك لخالاته وعماته لفت نظرة فستانها الاحمر ناظرها بسرعة ولف على خالاته عز بهمس : الكل يدري انك مغصوبه ما يحتاج توضحين اكثر ملاك : الحمدلله انك عارف وبقعد اذكرك باركوا لهم المعازيم وطلعوا وهم يتركونهم لحالهم ملاك وهي تشوف الكيك والعصير سحبت العصير وهي تشرب وقامت وهي تقطع الكيك واكلت منه ومتجاهله نظرات عز عز :الظاهر ما عندنا شي نقوله لبعض وقام وهو يطلع للرجال ملاك طلعت وهي تنادي البنات وتمدح الكيكة اسماء بضحكة :اكلتي قدامه ؟؟ ملاك : ايه ؟ مرام بضحك :والله ما الومه لما طلع ملاك : يعني وش ما اكل واسوي مستحيه اخر همي والله جيعانه قعدوا البنات وهم ياكلون معها دخلت نجلاء ؛عز يقول بيروح للبر مرام : شدعوه ليه ؟ نجلاء : والله ما ادري حاولت فيه بس رافض اسماء : حسافه كنت بروح معه ملاك : ما علينا العشاء مطبوخ بالبيت ولا عند الطباخ ؟ مرام : روحي مع عز يذبح لك من نياقه ملاك : عساني ما كليت بعد دقايق وقاموا البنات ورجعت ملاك للمجلس وهي تصور لصاحباتها وشهقت من دخل خالد وقفل الباب وراه خالد وهو يناظرها من فوق لتحت : ما الوم عز اذا ضاعت علومه ملاك بتوتر : اطلع برا قرب خالد منها ومسك ايدها : ببارك لك وانا عمك ملاك تجمعت الدموع بعيونها وهي خايفه منه : صرت على ذمة عز وربي لو ما تطلع لاتصل عليه خالد بضحكة : عز صار بالبر متوقعه بيرجع عشانك ؟ ملاك وهي عارفه ان كلامه صدق : اي بيرجع لو اتصلت عليه وعلمته بكلشي سويته لي ولخواته يا النجس شدها له من خصرها ومسك خصله من شعرها : متقبل كل كلمة سيئة دام شفايفك الحلوة تقولها ونزل راسه وهو يبوسها وسرعان ما دفته من صدره وفتحت الباب وطلعت وشافت نجلاء وهي تجهز شنطه عز وتلم اغراضه بسيارة نياف * ترك السيارة وشال رجله عن الفرامل ورجع راسه لوراء وترك السيارة تتحرك وهو يتحكم بالدركسون سُلاف بخوف : كيف مرتاح وهي تتحرك بذا السرعة ؟؟ عصب نياف منها وضرب الدركسون : حليهاا يالله تحكمي فيهاا مو انتي الي ضغطتي فرامل وبعد ايده عن الدركسون وترك السيارة تتحرك بنفسها ناظرته من بعد ايده وترك السيارة : بلا مبزره وعناد لو ادري بيصير كذا كان ما ضغطت بعدين انت الغلطانن قلتلك خفف السرعه بس ما تسمع نياف : يالله خففيها انتي سُلاف بنرفزه وهي تطالع السيارة وتلف عليه بنفس الوقت : مريض انتتت ؟ بنموت تحرككك سو شي ناظرها بصمت وهو يشوف خوفها : ماني مسوي شي سيطري انتي خربتيها ضبطيها معليك متعود على الحوادث انتي متعوده ؟ بكت وهي تناظر السيارة تتحرك بسرعة اقوى وخرجت عن الطريق : ماني متعوده ولا الي اجرب تكفى حط رجلك سيطر عليها انت مابي اموت نياف بهدوء: بس انا ابيك تموتين ناظرته بصمت وحقد وناظرت السيارة وهي تمشي بمساحة رمل وشبه بر صرخت من شافت ناقه فز نياف وهو يحاوطها ويحط ايدينه على الدركسون ولف بسرعه وضغط فرامل وتوقفت السيارة بقوة وضرب راس سُلاف بالدركسون وراسه معها رفع راسه واطلق انفاسه وتنهد ورجع جسمه لوراء شافها ساكنه براسها على الدركسون وحط ايده على كتفها وهزه وهو يسحبها: هيه وطاحت على صدره وصنم من طاحت بكل جسمها عليه : قومي تنهد من صمتها وبعدها عن صدره ووسع عيونه من شاف جبينها ينزف عدل جلسته وهو يطبطب على وجهها : بنت غمض عيونه بعصبيه وضرب الدركسون بايده : وقتكك وقتكك رجع بجسمه مره ثانيه للوراء وسحبها وهو يرجعها لصدره : مجبور اخليك على صدري لاني ما راح اتصرف وغمض عيونه وتعمق بنومه وحط ايدينه على خصرها وهو يحضنها له "صلوا على محمد" ملاك * دخلت على نجلاء : عز راح ؟ نجلاء وهي تعقد حواجبها من دموعها : بالاستراحة مع العيال بس بيجي ياخذ اغراضه وبيروح ملاك : اذا جاء قولي ل ولفت على الي دخل : جيت ناظر شكلها ووجهها الاحمر ودموعها وسكت وهو ينتظرها تتكلم ملاك وهي تمسح دموعها : بروح معك عز : صار شي ؟ ملاك : لا بس ابي اروح معك عز : وش غير رايك ؟ ملاك : بتاخذني ولا لا ؟ عز : لا خويي بيروح معي ناظرت ملاك باللي طلع من وراء عز وركض وهو يطلع من المجالس بكبرها وسعت عيونها نجلاء من شافت خالد وناظرت ملاك هزت راسها ملاك وهي تبكي من فهمت نظرات نجلاء نجلاء بحقد على خالد: خذها معك عز: شاللي اخذها معي عبدالله بيروح معي نجلاء :زوجتك اولى وبعدين عبدالله مب ماكلها عز : عندنا مهرجان وبيروح معي عشان ننقل النياق يعني بيقعد معي ناظرته ملاك وطلعت نجلاء : خذ البنت معك لا تخليها هنا احسن لك ولها عز: شفيها صار شي ؟ نجلاء بوهقة : لا بس انت تعرف ملاك ولا رحت بتصير مشاكل زيادة خذها معك يجوز ترتاح هي بعد تنهد عز وطلع جواله من جيبه :انتظرها بالسيارة ركضت نجلاء وهي تدخل على ملاك وتعلمها وطلعوا لغرفة نجلاء وحطوا لملاك من ملابس نجلاء اخذت الشنطة ولبست نقابها وطلعت بدون ما تسلم على احد وركبت بجنبه بكل صمت حرك عز وعم الصمت بالسيارة وقف عز عند محطة بنزين وهو يعبي ولف عليها : تبين شي بنمسك خط ؟ ملاك بهدوء :لا استغرب من هدوءها ونزل للسوبر ماركت واشترى له ولها بسيارة نياف * صحى من اشعة الشمس وحط ايده على عيونه شافها لسى بحضنه تنهد وهزها : قوميي سحب قارورة موية ورشها عليها : من امس نايمه فزت سُلاف وشهقت من كمية الموية على وجهها مسحت وجهها وبلعت ريقها وهي تتنفس بسرعه نياف : قومي لمكانك ناظرته بهدوء وفتحت الباب ونزلت وهي تركب مكانها رجعت المقعد على وراء وتنهدت وهي تغمض عيونها بتعب حرك نياف وهي يفتح كل شبابيك السيارة سُلاف : قفل الشباك شمس نياف : السيارة منكتمه توجه لاقرب كافتيريا وهو يطلب له فطور سحب جواله وهو يرد على خويه : ايه فاضي ليه ؟ سعد : تكفى تعال واكسر خشم فواز نياف:وشعنده ؟ سعد : متجمعين العيال وقاعد يهايط علينا ويقول انه شافك امس والدورية وراك ومسكوك صادق ؟ نياف : اي اكلمك من التوقيف ، صاحي انت لو مسكوني رديت عليك ؟ سعد : يرجال ما بقى فينا عقل يهايط قدام العيال ويقولك كلام ما قلته نياف : جايك اوريك فيه اخذ طلبه من الموظف وقفل من سعد وهو يرمي جواله نياف : طبعا متوقعه اني ما راح اطلب لك سُلاف بتعب : مابي شي بس قفل الشباك ورجعني البيت نياف وهو يفتح الحمضيات : تقولين التفحيط هوايه فاشله ؟ سكتت سُلاف وهي ما تبي ترد عليه ولفت للشباك وحطت ايدها على عيونها من الشمس حرك نياف وهو يتوجه للعيال عقدت حواجبها من الطريق ولفت عليه : قلتلك رجعني البيت نياف : بوريك هوايتي الفاشله سُلاف بخوف : بلا استهبال يكفيني الي شفته منك امس نياف : بعدك ما شفتي اللعب الصح لفت وهي تشوف تجمع سيارات وعيال ناظرته بخوف : طبعا ما راح تروح لهم وانا معك صح ؟ نياف : العكس صحيح سُلاف وهي تناظر الاعداد الكبيرة من العيال والسيارات ونياف متوجه لهم مسكت ايده الي على الدركسون : نزلنيي هناا وروح لهمم مستحيل تاخذني معك لعندهم بسيارة عز ^ مسكوا خط البر بوسط القمرا والصمت سيد الموقف تنهدت وهي تفتح جوالها :لا يكون مافيه نت بالبر ؟ عز :الا فيه حاطين برج براس ناقة ملاك :ههه لا عاد تمزح اتكلم جد كيف بتحمل ؟ عز :ما جبرتك تجين تحملي طلبك ملاك :يليل انت وش الله حادك تعيش هناك ؟ عز : وانتي وش حادك تجين معي ؟ سكتت من سؤاله وسحبت الاكياس بتوتر :لي اسبابي ولا من متى اتراجع عن كلامي انا عز : احتفظي فيهم خزته وهي تشغل النور وتنزل عبايتها وتفتح الاكياس ملاك :وشذا الذوق احد يجيب بسكوت شاهي ؟ عز سحب الاكياس من حضنها :مين قال جبته لك سالتك قلتي ما تبين شي ملاك :وانت صدقت كنت معصبه سحبت منه الكيس وهي تاخذ بسكويت الشاهي وتفتح وتاكل وسحبت عصير وهي تشرب تنهدت وهي تقفل البسكويت بشبع : متى نوصل طفشت عز :قلتلك طريقنا طويل ملاك :وانت تدق ذا المشوار كلشوي ؟ عز : ايه صرخت من شافت محطة :وقفففف ابي دورات المياة فز من صرختها وضغط فرامل : تستهبلينن احد يصرخ كذا ؟ ملاك :ابي دورات المياة عز :لا حول ولا قوة الا بالله لف وهو يوقف عند المحطة :اخلصي انتظرك لبست عبايتها ونزلت وهي تتوجه لمسجد صغير وبجنب سوبر ماركت خافت من عدم وجود احد غير عمال السوبر ماركت والبنزين مسكت ايدينها ورجعت لعز فتحت الباب عليه وناظرته بخوف :تعال معي عز وهو يعقد حواجبه :وليه اجي ؟ ملاكً بتوتر وكذب :ماني خايفه بس جوالي طافي ولا عندي شي اشوف فيه عز وهو يمد جواله لها :خذي جوالي واخلصي ورانا طريق ناظرته بقهر وقفلت الباب بقوة وهي تشد على جواله شغلت الكشاف وهي تناظر العمال بخوف توجهت للمسجد وهي تدخل ناظرت المكان بخوف ووقفت متردده تدخل او لا لفت وهي تتفقد المكان من حولها وتناظر عز الي نزل وهو يتفقد البنزين "صلوا على محمد" بسيارة نياف * لف عليها من حطت ايدها على ايده : شيلي يدك ونزول مانك بنازله صرخت سلاف : مو على كيفك والله ولفت وهي تفتح الباب وسحبها من ايدها : اقسم بالله لو ما تهجدين لاخليك انتي الي تسوقين هيا اهجدي وخزها وسحب شماغه ولفها له وقرب منها وهو يلثمها بشماغه ناظر عيونها الخايفة : عشان تثمنين الكلمة قبل تقولينها لي ورجع مكانه وحرك وتوجه للعيال وابتسم من صراخ الجمهور من وصل وهم يصورونه ويرمون عليه شماغهم وقف السيارة وهو يضحك وهمس لها قبل ينزل : لا يطلع شعرك وفتح الباب ونزل وهو يسلم على اخوياه والعيال عمر : الله جابك وينك معاد نشوفك؟؟ نياف : خلها على ربك زايد : نبيك تقفل ملف فواز تكفى مرتين وضيعتها الثالثه خلها ثابته نياف : اعتبره صار بس وينه الورع ذا ؟ - خافت من اعدادهم واصواتهم العاليه وصارت تقرا اذكارها وتدعي على نياف صرخت وهي تفز من تجمعوا الجمهور عند سيارته وهم يكتبون عليها بالبخاخات ويصورونها خافت من اعدادهم وتجمعت الدموع بعيونها وهي تحاول ترفع الشباك لكن للاسف ما قدرت بسبب نياف الي مقفله من عنده ، لفت من ركب نياف وناظرها ورفع الشباك بسرعة : عمر بيجي مكانك ارجعي وراء سُلاف : رجعنني البيت فوق انك جايبني ل مزبله بتركب واحد بعد ؟؟ نياف : انقلعي وراء ناظرته لدقايق بكل حقد وقهر وكره ونقزت لوراء من فتح عمر الباب وقعدت وراء نياف عمر وهو يناظر سلاف : افا يا خاين ماخذ معزز غيري نياف بنرفزه : اسكت انت يرحم امك عمر : وشفيك سلامات ؟ نياف : مافيني شي بس صور وانت ساكت وحرك وهو يتقدم لنقطة البداية مسكت الباب بخوف وهي تغمض عيونها بقوة ملاك * كانت تراقب حركة عز وهي خايفه تدخل المسجد او لا سمّت بالله ودخلت وهي تفتح الباب ودخلت دورات المياة وطلعت بسرعة وشهقت من شافت واحد من العمال دخل عليها وصرخت بسرعة بأسمه : عززززززز قربت للباب وهي تدفه وبخوف : ابعد وصرخت بصوت اعلى وهي تنادي على عز قرب العامل منها وهو يحط ايده على فمها شدت على جوال عز وهي تضربه براسه باقوى ما عندها توجع من كثر ضرباتها ووخر عنها وهو يمسك راسه دفته وهي تفتح الباب وركضت لعز وهي تبكي - كان يتكلم مع العامل ويتفقد السيارة والبنزين ولف بسرعة من سمع اسمه منها شافها تركض وطرحتها طاحت عقد حواجبه ومشى لها صنم بمكانه من مسكت كتوفه وهي تبكي : حاول يقرب منيي رفع نظراته للي طلع من المسجد وهو يركض مسكها من ايدينها وهو يهديها : اهديي واركبي السيارة وقفلي الازرار جايكك ملاك بخوف : خلنا نروح من هناا عز : بنروح بس اركبي تركها وهو يتوجه للسوبر ماركت ودخل وهو يدور عليه شافه باخر البقاله ومشى له وهو يسحب من ياقته وطرحه على الارض وطاح فيه ضرب - ركبت السياره و هي ترجف بخوف مسكت يدينها و رفعت انظارها لعامل البنزين اللي ركض لجهة البقاله بدا الخوف يتسلل لقلبها فتحت الباب و هي تركض بكل سرعتها لداخل البقاله انصدمت من منظر عز الي يضرب الشخص اللي امامه صرخت بذعر و خوف من شافت الشخص الثاني يسحب طفاية الحريق قرب من عز ركضت و هي تدف الشخص الى ان ارتطم ظهره بثلاجة العصيرات ما كان يقدر يتحرك من الالم سحبت مشروبات من الثلاجه الثانيه و كسرتها على راسه نزلت دموعها من نزف راسه و صرخت على عز: قومم خلاص اتركه! سحبته من كتوفه و قام معها كان بيكمل على الباقي لكن استوقفته من سحبته من يده و ركضت لبرا ركبوا وهم يتنهدون بتعب ولفت عليه بخوف : فيك شي ؟؟ لف عليها : طلبتيني اروح معك عشان كشاف ولا كنتي خايفه؟؟ نتوقف هنا | ||||
|
| |
|
17-12-22, 09:46 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 12 بسيارة نياف * حرك وهو يناظرها من المراية زاد من سرعته وهو مستانس من تعزيز عمر له فتح الشباك وهو يسلم على الجمهور وشغل الاغاني وهو يرفع بالصوت عمر : زد من سرعتكك لا يتقدم عليناا نياف : ذي المرة لناا وزاد من سرعته بشكل اقوى وصرخ عمر وهو يصور ويعزز له واخذ الدوار وهو يلف بالسيارة يمين يسار - كتمت شهقاتها وهي تعض شفايفها وتتمسك بالباب بخوف من صوت الكفرات وحركات نياف بالسيارة عمر بحماس : عطهاا يبو شنب ضحك نياف وزاد بشكل اسرع وهو يتجاوز فواز بمسافة اكبر ووصل لخط النهاية واعلن الكل فوزه وصار يتحرك بدوران وهو مستانس من فوزه ومن حماس خويه والجمهور فتح الشباك لعمر وطلع عمر وهو يصور ويعزز للجمهور وقف نياف من شاف اخوياه يأشرون له قرب سعد وزايد وهو يفتحون الابواب من جهة سُلاف وركبوا بسرعة وركبوا معهم اكثر من شخص شهقت برعب من ركبوا بجنبها وهي تناظر نياف الي لف عليهم : شعندك انت وياه ليه راكب ؟؟ سعد : حرك حركك حكومة يولد اخلص نزل نظرة لسُلاف الي قاعده بينهم وبقمة رعبها تنهد ولف وهو يحرك بسرعه وعينه عليها - صارت نبضات قلبها طبول من عددهم ووجودهم بجنبها وصياحهم وتعزيزهم لنياف الي زاد من سرعته عشان يضيع الدوريات وينزل العيال بسرعة صارت تلف يمين يسار بنفس حركة السيارة وهي تحاول ما تطيح باحضانهم رفعت نظرها للمراية وشافته يناظرها ناظرته وهي تبكي وكل غضب الكون جسدته بنظراتها حط رجله على الفرامل وهو يوقف ولف على اخوياه :انزلواا سعد :يولد كمل للاستراحة نياف بعصبية : ضيعتك من الدورية اذلف نزلوا العيال وهم مستغربين من عصبيته فجأة قفلوا الابواب وحرك بسرعة - عم الصمت وهي كاتمة شهقاتها وعصبيتها وتنتظر كلمة منه كان ساكت وعينه على الطريق تنهد وهو يطلع دخانه ما قدرت تتحمل وتسكت اكثر ناظرته من سحب الولاعة وكانها اخيرا لقت شي يطلق حروفها صرخت عليه : ما كفااك الي سويته وتبي تكتمني بالتبن الي معك ؟"وبكت وتتقدم لعنده وسحبت السيجارة من اصبعه : سويت الي عليك وما قدرت تقتلني اجل انا بقوم بواجبك وحطت السيجارة بفمها "صلوا على محمد" بسيارة عز * ملاك : فرقت يعني اخذت الكشاف لاني كنت خايفه تنهد عز وحرك وتوجهوا للبر بكل صمت وهدوء بالسيارة بعد ساعات وصلوا * نزلت وهي تبتسم لشروق الشمس وتمدد عضلاتها : اوف الجو يهبل شافت عز توجه لخيمته ولحقته : ابي انام وين انام ؟ عز : ارض الله واسعة ملاك : ترا تعبانه ماني ناقصه مزح اخلص وين انام عز : داخله الخيمة بتسوين عرس؟ اكيد بتنامين فيها ملاك وهي تناظر المكان : ابي لحاف برد تنهد عز وسحب لحافه ورماه عليها سحبته وهي تضبط المكان لها ونزلت عبايتها :افتح السيارة باخذ شنطتي عز وهو يجمع حطب للفطور :مفتوحة اخذت شنطتها وطلعت لها بجامة ولفت وهي تدور دورات المياة :وين دورات المياة ابي اتسبح ؟ عز وهو يشب الحطب :مافيه خذيلك مويه واغسلي جسمك ملاك بصدمه :شاللي مافيه اتسبح قدامك ؟؟ عز : روحي وراء الخيمة واذا تبين مويه حارة انتظري لين اشب الحطب ملاك وهي توسع عيونها : لا مستحيل كيف عايش انت ؟ تخيل طلع علي احد وانا اتروش ؟وبعدين ما عندي شامبو ابي شامبو عز : فيه صابون تعالي خذيه ملاك : تمزح صح ؟ قام عز وهو يدور الدله : من متى امزح معك ؟ ملاك : لا تمزح شكرا بس ابي شامبو محد يحط على شعره صابون سحب عز الصابون وحطه بايدها : تراني مو جابرك تتروشين خزته وهي تناظر الصابون بايدها : والله ما اتروش ولفت وهي تدور لها مكان تبدل فيه توجهت لزاوية الخيمة وهي تناظر عز : لا تلفف يويلك لو ناظرت سكت عز ونزلت فستانها وعينها على عز لبست بجامتها بسرعة وتنهدت براحة من خلصت ورجعت اغراضها وجلست وهي تسحب اللحاف وتنام خلص قهوته ولف عليها شافها نايمة سحب الساكتون وطلع من الخيمة وهو يدور لصيده بسيارة نياف * عدل جلسته بسرعه من سحبت الزقارة من بين اصابعه وناظرها بحدة وسحبها من فمها ورماها : تستهبلين انتي؟ "وحط ايده على جبهتها " :ذا فيه شي انجنيتي عقلك طار ؟؟ سُلاف بصراخ : ايه انجنيت بعد كل الي سواه يسألني عقلك طار ؟ لا طال عمرك مافيه اي شي كامل فيني بسببك نياف : لا تصارخين لا اقص لسانك سُلاف وهي باقصى عصبيتها : اقسم بالله لو اشوفك مقرب مني ثاني مره او مسبب لك رعب بحياتي ا قاطعها نياف : ايه وشبتسوين ؟ خزته وهي ترجع لمكانها : الي ما يعجبك لف عليها نياف : انطقي تهديداتك بوجهي مره ثانية انا الي بوريك الرعب على اصوله ناظرته وبعناد : لو اشوفك مقرب مني ثاني مرة وربي لاسوي شي ما يعجبك نياف : اها النية تعاندين فتح الباب ونزل وخافت وهي تقفل زر بابها من ضرب الشباك وهو يأشر لها تفتح : بسوي شي يعجبك افتحي رجع لبابه وفتح الازرار من عنده وسرعان ما قفلت سُلاف الزر مره ثانية ،رجع لمكانه ونقز لعندها وصرخت سُلاف ولصقت بالباب نياف : عيدي تهديدك اذا صادقه ناظرته بصمت وصرخت من قرب منها وسحب شماغه عن شعرها : وين لسانك وتهديداتك وصراخك وصوتك العالي ؟ دفته من صدره وهي تلف على الشباك وتعطيه ظهرها لفها من كتفها : لما اكلمك ما تعطيني سكت من شاف دموعها ناظرها لثواني وقام وهو ينقز لمكانه كتمت بكيتها وهي تحاول ما تخليه يسمع صوت شهقاتها ومسحت دموعها بسرعه نياف : لا تكتمينها خليها تطلع سُلاف : مالك شغل سكت نياف وفتح الشباك وطلع دخانه سُلاف : ارمي التبن الي بيدك نياف : لا تتدخلين مو احسن لك سُلاف : عندي ربو نياف : كنتي بتحطينه بفمك شصار ؟ سُلاف : ابي اروح لاهلي نياف : حامل ؟ قلتلك ما راح اوديك الا ذا صرتي حامل عشان افتك منك سُلاف ؛بس انا ابي افتك منك الحين ؟ عز * رجع وشافها تصب قهوة لها دخل والعصافير بيده حطها قدامها وصرخت ملاك وهي تقوم : يعع شذا ؟ عز وهو ينتف ريش العصافير : وش تشوفين ؟ ملاك بتقرف : شيلها من قدامي ابي اتقهوى عز : ميته تخافين ليه؟ ملاك : كيف تاكلها حرام خلها تعيش باقي صغار عز : وكيف اعيش انا ملاك : اذبح نياقك ذي وحطت ايدها على فمها وركضت خارج الخيمة من شافت دم العصفور استفرغت "اكرمكم الله" ودخلت وهي تدور موية شربت وهي تناظر عز الي رفع اكمامه وقرب منها : طلعي المفتاح والجوال من جيبي ملاك وهي تحط ايدها على خشمها :والله ما اطلعها بعد عني عز :اخلصي وراي شغل يالله اخلص فطورك ملاك :مين قالك باكل ؟ عز :لا تاكلين قربت وهي تدخل ايدها بجيبه وطلعت المفتاح وجواله رجع عز وهو يكمل على العصافير وسحبت ملاك اللحاف وهي تتغطى فيه بعد دقايق خلص عز وحطها على النار وبدا يسوي الحليب لف عليها :تعالي سوي الخبز ملاك :انت الي بتاكل خلص الشاهي والخبز وحط فطوره قدامه وبدا ياكل وهي وراه قامت وهي تروح للسيارة وسحبت بسكويت الشاهي وجلست معه وهي تاكل ملاك :ذا حليب نياق؟ عز : ايه لفت على الكيس وهي تسحب عصير عز :مرد العصير والبسكوت يخلصون تعودي على النياق من الحين ملاك : بنرجع للبيت طبيعي مراح نعيش هنا عز : مانيب راجع وقلتلك قبل اتزوجك بروح للبر ملاك : لا والله مو على كيفك اسبوع وراجعين عز : دوري لك احد يرجعك وقام وهو يغسل ايده وغير ثوبه ولبس شماغه : يمكن اطول بالرجعة اقعدي بالخيمة ولا تطلعين قامت ملاك بخوف : بتخليني لحالي وبتروح؟ عز : ليه مين بياكلك ؟ ملاك : لا جد تستهبل فوق الاكل بتخليني هنا لحالي تخيل جاني احد وبعدين مافيه نت عشان اقدر اتصل عليك عز : تقولين ما تخافين من احد ؟ ملاك :ما اخاف بس قاطعها عز من طلع وهو يركب سيارته: العصر وانا عندك بسيارة نياف ^ تجاهل كلامها وتوجه للبيت وصل ونزل ونزلت بسرعه وهي تقفل الباب بقوة نياف : سلامات ان شاء الله ؟ خزته وهي تنتظره عند الباب عشان يفتح مشى لها وطلع مفتاح البيت من جيبه : المفروض اني ما ارجع ذا الوقت لا تطلعين صوت سُلاف : طيب اخلص افتح الباب فتح الباب ودخل قبلها واستغرب من الانوار طافية والبيت كله ظلام دخلت وراه وهي تمشي لغرفته وشهقت برعب من اشتغلت الانوار وصرخت لينا :ماشاءالله وين كنتم ؟ سُلاف :الله يخرشك ناظر بنات خالاته الي قاعدين معها وكانت وجد من بينهم تبادلوا النظرات لدقايق ونطق :احد يتابع فيلم بالصبح ؟ لينا :اي احنا المهم وين كنتم ليه توكم راجعين ؟ سُلاف بتعب :اساليه وخزت نياف وطلعت للغرفة ،، ناظر وجد وطلع لفوق دخل وشافها تنتظره :وشعندك ؟ سُلاف:بنام على السرير تعبانه نياف وهو يطلع له لبس:لا سُلاف:اجل لا تمنعني انام عند لينا نياف :معك لين اتروش واخلص شغله تقدمت للسرير ونامت بسرعة بعد التعب - دخلت وجد وهي تدور له شافتها نايمه على سريره عصبت اكثر وسمعت صوت الموية وعرفت انه يتروش وقفت عند الباب وهي تنتظره وعينها على سُلاف طلع نياف وشافها :بسم الله شجابك ؟ وجد بغيرة :ابد جيت اذكرك بكلامك اذكر احد قالي لو يمدحونها كل الشعراء ما حبيتها والحين يخليها تنام على سريره وانا الي كنت حتى عطر ما اخذ منك وفوق ذا معطيها من لبسك نياف : وانا عند كلامي ولا حبيتها ولا راح احبها وكلها يومين وبتذلف لاهلها واذا عن البجامه ذا موضوع ثاني وللحين ما فهمتها اني محب اي احد يلبس او يلمس شي لي وشهوله معصبه وجد : لا شدعوه مو معصبه تطلع معها وترجع الصبح !! ، من متى انت الفجر بالبيت ،، انت ملاحظ انك قاعد تغير من عاداتك ، التبن قاعده تغيرك نياف بعصبيه :تخسين انتي وياها محد يغير من اطباعي ولف على الي صحت وهي تناظرهم بانزعاج تقدم لعندها وسحبها :قلتلك لين اتروش بالبر * ركضت ملاك وهي تركب معه :والله ما تخليني لحالي صاحي انت عشان عندك مسدس مدري وشهو صرت ما تخاف عز : انا مو مثلك وانزلي وراي شغل ملاك :يا تنزل معي يا والله ما انزل عز :لا بتنزلين ولحالك خلصيني عبدالله ينتظرني ملاك بعناد لفت على الشباك بتطنيش عز :اتكلم انا قايلك محد بياكلك وكم ساعة وانا عندك انتي بلسانك تاكلين الكل ملاك :شقصدك ؟عناد مراح انزل عز :لا تحديني على الردى ملاك بخوف : ترا اتكلم معك بكل جديه تروح وتخليني هنا ؟ تخيل انك طولت وما رجعت الا الليل تخيل صار لي شي ما تخاف علي انا اخاف عز :ينخاف منك مو عليك واذا نزلتي الحين بخلص شغلي قبل الليل ملاك :يا تنزل يا والله ما انزل لحالي فتح الباب عز ونزل لبابها فتح ومسك ايدها :انزلي بنقص شغلي وساعة وانا عندك يمديك تنامين لين اجي ملاك :رجعني البيت عز :لعب بزران هو ملاك :مالي شغل اخلص ابي ارجع خلاص عز بعصبيه :اذلفي جيبي عبايتك ملاك :بترجعني ؟؟؟ ناظرها بصمت وركب مكانه ونزلت بسرعه وهي تلبس عبايتها وركضت وهي تركب بجنبه حرك عز وهو يتوجه لسوق الغنم بعد ما اخذ عدد من الخرفان وركبها سيارته ملاك بصدمه :خير وشجابني هنا ؟ عز :عنادك وقف السيارة بوسط السوق ونزل وهو يدور له حب واكل للغنم ناظرت ملاك اعداد الناس وكلهم رجال ويبيعون ويشترون في الغنم تنهدت بملل وهي تنتظره :لو اني قعدت كان احسن فزت من ضرب الرجال شباكها وهو يسألون ويصارخون على الغنم الي حاطها عز بالصندوق بلعت ريقها بخوف وهي تناظرهم برعب صارت تدور لعز بنظراتها لفت عليهم وهي مو فاهمه ليه يصارخون وخافت اكثر من تجمعوا على السيارة وهم يشوفون الخرفان الي مركبها عز ملاك بخوف :وقتكك وقتك تروح وتختفي الحين سمعت صوته الجمهوري وهو يدخل بين الرجال :الغنم مو للبيع بغرفة نياف * فزت سُلاف من سحبها وهي تناظر وجد وجد بحقد :اخذتيه مني وغيرتيه علي والله ما اعديها لك على خير نياف وهو يناظر سُلاف ولف على وجد :وجد خلي الكلام بعدين وجد :لا مو بعدين خلها تفهم اننا نحب بعض وبسببها تزوجت بالغصب واخذتك مني سُلاف وهي تناظرها بنص عين :لا تخافين مو ميته عليه خذيه وفكيني منه بدعيلك ناظرها نياف وبحدة : لي معك كلام بس احمدي ربك مستعجل سُلاف:دامك مستعجل خذها معك وفكوني شركم تقدم لعندها نياف :راجع لك وانا وشري فيك فيك ناظرته بصمت وطلع ولفت على وجد :ترا طلع الحقيه خزتها وجد وطلعت وراء نياف تنهدت سُلاف ودخلت وهي تغسل وجهها وتصلي خلصت وطلعت للينا اخذت من عندها لبس وهي تغير بجامه نياف الي تسحب عليها بالليل * كانت قاعدة مع لينا وبنات خالاتها وامهاتهم فزوا على دق الباب بقوة ام نياف :بسم الله لينا قومي شوفي مين عند الباب قامت لينا وهي تفتح وصرخت من دف الباب ودخل بندر :وينن سُلاف ؟؟ سكتت لينا برعب وركضت لامها : فيه واحد يبي سُلاف لف الكل على سُلاف وهم يناظرونها ارتبكت وهي تعقد حواجبها وقامت من عرفت صوته وصرخوا من دخل عليهم تقدم لسُلاف وهو يسحبها :مالك قعدة هناا امششي توترت من صراخهم وبلعت ريقها من عصبية بندر تقدمت ام نياف : مينن انت وش مدخلك ؟؟ بندر :جاي اخذ اختي وخلي ولدك السربوت يطلقها قبل يطلع الصبح لا ارسل لكم رقبته وسحب سُلاف وطلع عصبت ام نياف وهي تصرخ على لينا :اتصليي على اخوك - بالحوش دخل وهو يرد على لينا : توني داخل البيت الواحد ما يقول بسم الله وطاحت عينه على الي طلع من البيت ويسحب سُلاف معه تقدم لعنده وبعصبيه :وش مدخلك البيت يالخسيس؟ بندر :شرفت بعد ما فضحتنا عند خلق الله نياف بحدة :جاوبني يالكلب وش مدخلك البيت بغياب رجاله بندر : جاي اخذ اختي بعد ما نشرت اسمها بكل ديره نياف : ابعد ايدك عنها واذلف ولا عاد اشوف ظلك بندر : باخذها غصبا عن الي جابك و ورقة طلاقها تجيني نياف : مو انت الي عطيتني اياها بنفسك اجل مالك صلاح حتى لو اذبحها اترك البنت وفارق عن وجهي سُلاف : لا له صلاح هو اخوي قبل تصير زوجي وبروح معه وزي ما سمعته ابي ورقة طلاقي "صلوا على محمد" نتوقف هنا | ||||
|
| |
|
17-12-22, 09:51 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 13 بسوق الغنم * ركب عز بجنبها وهو يناظرها :سلامات وشذا النظرات ؟ ملاك :معاد ابي اجلس هنا يوم وما قدرت اتحمله عز : ما معك رجعه لا تحاولين وحرك وهو يرجع لخيمته نزل وهو يتوجه للابل تنهدت بملل ولبست طرحتها ولحقته وهي طفشانه طلعت جوالها وهو تدور ابراج فتحت السناب وهي تصور للبنات مشت لجهة عز وهي تحاول تفتح باب الشبك مسكت الجوال بيسارها وصارت تفتح الباب :طبعا هاذي الحظيرة زي ما انتم شايفين قديمة جدا وصرخت من نشبت طرحتها بالشبك وضحكت وهي تصور : قديم اكيد بتنشب طرحتي وصارت تحاول تفكها باليمين وتصور باليسار ومو منتبهه للجمل الي فكه عز ومو داري انها موجوده داخل الشبك قرب منها الجمل ولفت ملاك للكاميرا وشافته وهو يقرب وصرخت : عزززز صارت تحاول تسحب طرحتها وتلف على الجمل خافت من لونه الاسود وحجمه الضخم وصرخت زيادة وهي تنادي على عز - كان يحط الاكل للنياق وسمع صراخها تلفت يمين يسار وهو يدور لها شافها عند الباب والجمل قريب منها كتم ضحكته من رفعت جوالها وهي تحاول تضرب الجمل مشى لعندها وصار قدامها وهو يبعد الجمل ويرجعه مكانه رجع لها : مين مدخلك انتي ؟ ملاك بعصبيه : تعال ساعدني طرحتي نشبت قرب منها وهو يفك طرحتها ولفت عليه : محد يسوي عندك فلوق انت ونياقك السوداء عز : ذا جمل مب ناقة تجاهلته وهي تشوف الفيديو الي صورته وضحكت على شكلها وانتبهت لنظراته : ليه تناظرني ؟ عز : انتظرك تطلعين ملاك : بروح معك بصور للبنات عز : تصورين وش ؟اطلعي لا ياكلك مانيب فاضيلك ملاك : معليك بكون وراك تنهد عز ومشى وهو يكمل شغله وملاك وراه وتصور : طبعا رجعت لكم وبنكمل فلوقنا بحظيرة الحيوانات طبعا الحظيرة مقسمه وهذا قسم النياق وصرخت وهي تلصق بظهر عز من طلعت الناقة صوت عز وهو يمسح على الناقة : قايلك اطلعي ملاك : استنى بصورها امسكها لا تطلع صوت عز : لا يشيخه عند نياف * ناظرها وهو يدخل جواله بجيبه : اطلعي لداخل ولي تفاهم معك انتي واخوك بندر : ما بيننا تفاهم واختي باخذها وطلقها لا اطلق عليك نياف : اجل اذلف انت واختك باللي ما يردها ودامك اخذتها وطلعت منذا البيت مالها رجعه خزه بندر وسحب سُلاف معه استوفقته سُلاف من صرخت على نياف : ابيي ورقة طلاقييي نياف من بعيد وبنفس صراخها : خيسي عند اهلك والله ما توصلك ودخل البيت وهو يناظر امها وخالاته : مين سمح لكم تفتحون الباب للخسيس ؟ ام نياف :ما كنا ندري انه اخو سُلاف الا يوم قال لنا نياف بعصبية : وانتم كل من دق الباب فتحتوا له ؟ تنهد بعصبية وطلع لغرفته - بسيارة بندر :اجل تعودتي من اطباعه وصرتي تفحطين بالشوارع سُلاف : لا تقول كلام من عندك وانت مو فاهم بندر بعصبية : مو فاهم وانا الي كنت مستلم لما فريتي الشوارع باخر الليل ولا كان اخوك عسكري سُلاف: واذا عسكري ؟ اقعد اراقب الشوارع والعسكر عشان اخوي عسكري ؟؟ عصب بندر ومسكها من شعرها : مين علمك طولت اللسان ذي من متى ترادديني ؟ امداك تصيرين مثله واردى ؟ سُلاف بوجع وهي تمسك شعرها :انا مو مثله ولا راح اصير بس ابعد يدك عن شعرييي بعد ايده واسرع وهو يتوجه للبيت وصلوا وسحبها معها : زوجناك تعقلين وتتسترين على فضيحتك وصرتي تنشرين اسمك معه اوريك دخل البيت وهو يطلع لغرفتها ورماها فيها : اذا فكرتي تعقلين وتفكينا من عاداته البايخه طلعتك وقفل الباب عليها تنهدت بتعب وهي تحس انها وصلت لمرحلة اللامبالاة بكلشي وتعبت من نياف وما سلمت من اخوها قامت وهي تناظر غرفتها بشوق وصارت تدور جوالها ارتاحت من لقته وصارت تكلم هنوف وتسولف معها هنوف : قلنا بتتزوجين وترتاحين وجاك التعب الله يعينك وياخذهم كلهم سُلاف : امين وصلها رساله من رقم غريب وردت : مين ؟ لينا :وينك ؟؟ تكفين اخوك عندنا والظاهر بيتذابحون هو ونياف سُلاف: احسن ما سووه ان شاء الله يموتون ويفكوني لينا بخوف : الظاهر حتى انتي مراح تسلمين انتبهي لنفسك بالبر * خلص عز ورجع للخيمة وكلمت ملاك فلوق وهي تصور الخيمة وسيارة عز وكلشي ملاك : بيخلص شحني ابي شاحن عز : مافيه شاحن ملاك : وكيف تشحن جوالك ؟ عز : بالسيارة ملاك : حلو بشحن فيها عز : بتخلصين البطارية امنعينا ملاك : شوي وبفصله عز : قايلك لا اذا خلصت البطارية بنروح فيها ملاك بتأفف : اوف طفش شذا عز : معزوم عند واحد من شيوخ القبايل تروحين معي ؟ ملاك بوناسه :تم اكيد ابي وقامت وهي تتجهز وتطلع الفساتين الي جابتها ملاك : بلبس ذا شرايك ؟ عز : مالي بلبس الحريم وقام وهو يتروش ويلبس ثوبه وشماغة ويتعطر ملاك وهي تسوي شعرها :عطني عطنيي ما جبت عطر عز : ثقيل ما يناسبك ملاك : اشم قربت منه وهي تشم العطر توتر من قُربها وبعد عنها شوي ملاك :حلو بس ثقيل صدق بس ما معي الا هو عطرني عز : رجالي قايلك ما يناسبك تأففت ملاك وسحبت عبايتها وهي تلبسها وركبت معه ملاك : امش بشويش برسم ايلاينري عز : وشذا ؟ ملاك : كحل بكحل عيوني وفكت طرحتها ونزلت المراية الي قدامها وهي ترسم الايلاينر دمعت عيونها ولفت على عز : حلو ضابط ؟ عز وهو يناظر عيونها : لا تحطينه ملاك : شفيه ؟ بالعكس حلو بس معرف ارسمه وقف انت لا تتحرك عز : بتاخر على العرب وانتي السبب لا تحطينه مب زين ملاك وهي تمسح عيونها : يارب عندهم بنات عشان يرسمون لي عز : عندهم ملاك : شدراك ؟' عز بوهقة : الرجال اعرفه ملاك : تعرفه ولا تعرف بناته ما علينا اهمشي عندهم بعد دقايق وصلوا * ملاك : شوف نقابي ضابط؟ عز : مهتمه لعيونك وبرقعك ليه ؟ ملاك : اسمه نقاب بعدين ليه مهتم ؟انا ابي اهتم يمكن القى احد اكحل عيوني فيه "صلوا على محمد" ببيت اهل نياف * اعتلى صراخ نياف وبندر واتصلت لينا على نايف وهي خايفة على اخوها نياف : طلاق ماني مطلق الا لين تحمل عشان تبتلش بنسختي الثانية بندر بعصبية ؛بتطلقها وغصبا عن الي جابك نياف : الطلاق بيدي تبي تخلع اختك رح ما كثر الله من المحاكم بس طلاق والله ما تشوف لا انت ولا اختك مسكه بندر من ياقة ثوبه :بتطلقها والا والله لادق خشمك لا اختي تبيك ولا احد يبي قربك ولا ابي عيال اختي يحملون اسمك يالخسيس وان حملت والله ما تشوفهم لا انت ولا هي نياف بضحكه استفزاز : تبيني اذكرك ليه رميت اختك علي ؟ولا اقولك خلنا ساكتين عن شرف اختك عصب بندر ولكمه على وجهها :اختي اشرف منك يالنجس وطلقها لاذبحك ابعده نياف عنه وهو يرد له اللكمه : الشرف بعيد عنك انت واختك وطلاق والله لو توصل السماء وتوقع ما طلقتها واذا تبي تذبح ورني شطارتك طرحه بندر على الارض وبداوا يتضاربون اثنينهم وصرخت لينا وهي تنادي على امها وخالاتها الي ركضوا وهم يحاولون يبعدونهم عن بعض نياف : يعني اذا مديت ايدك بطلقها تخسي ما تشوفه سحبته ام نياف وهي تصرخ على بندر :فكناا شركك واختك اخذتهاا وش بعد تبي بندر :خليه يطلقها والله ما تقعد على ذمته نياف بعناد : ما تفهم انت مانيب مطلق فارق لاكمل عليك بندر بعصبية وغضب :انا اوريك وطلع ولف نياف وهو يشيل شماغه ويمسح فيه وجهه وفز على صراخ لينا :نياااف ورااك انتبه لف نياف وشهق وهو يشد على قبضة ايده من طعنه بندر ببطنه : دامك ما طلقتها تكون ارمله احسن من انها على ذمتك نياف وهو يحاول يقاوم الام ويبتسم بوجهه : خلها تخيس عندك واغمى عليه وطاح من طلع بندر السكين من بطنه وانحاش بعد ما استوعب الي سواه واستفاق من صرخة لينا وامها وخالاتها - اتصلوا على الاسعاف وهم ينقلون نياف وانتشر الخبر لكل معارف عايلتهم والكل يبي يعرف مين الي يقدر يطعنه بسيارة عز* ارمقها بنظراته وفتح السيارة ونزل ونزلت معه وانصدمت بعد ما سحب عليها وتوجه لخيمة الرجال وقفت مكانها وهي تدور الحريم انتبهت على صوت رجالي من وراها :الحريم بالخيمة الي على اليسار وصرخ على الحريم :جاتكم ضيفه يا حريم خرجوا الحريم والبنات وهم يرحبون بملاك ويضيفونها ابتسمت لترحيبهم وقعدت معهم وهي مستانسة ام هزاع : انتي زوجة من يا بنتي ؟ ملاك :عز شهقوا البنات بصدمه :عز بن بدر ؟؟ ملاك وهي منخرشه من ردة فعلهم :ايه علياء :اخر واحد توقعناه يتزوج ام هزاع :ما توقعتها من عز يتزوج ولا يعزمنا ملاك وهي تاخذ راحتها :لا تزعلين ما فيه زواج كتبنا كتابنا ومشينا ضحكت علياء على صراحتها :ما تنلامين دام عز زوجك ملاك :لهدرجة تعرفونه ؟ سميه: ايه وبداوا يتبادلون السوالف علياء :ما صرتي غريبه دامك زوجة عز تقدرين تساعدينا ؟ ام هزاع : استحي على وجهك البنت ضيفة ملاك وهي تقوم وتنزل عبايتها : شربت قهوة وخلصت الضيافة صرت منكم علياء:الله حيها تعالي ملاك :هلا علياء:بنطلع الجبل بنجيب حطب عشان نسوي العشاء والقهوة ملاك بحماس:الله اول مره اطلع جبل سميه :يالله اخلصوا قبل تغيب الشمس طلعوا ثلاثتهم ولحقتهم عبير بالفصفص :انتظرونيي طلعوا الجبل وهم يسولفون ويتعرفون على ملاك ملاك :اوف تعبت شذا رجعوني ضيفة علياء:تعالي انتي لابسه ذي الجزمة كسري الحطب ملاك :اكسره برجلي؟؟ علياء:بكسره بالفأس انا وانتي كسريه زيادة وصارت تكسر علياء وملاك تكسر برجلها تعبت وقعدت وهي ترتاح سميه بصراخ :استعجلي حّل الليل وغابت الشمس ملاك وهي تناظرهم يبعدون ويكسرون من الشجر : بنتظركم هنا بغرفة سُلاف * كانت تكلم هنوف كام سُلاف: يحيوانه متى طلبتي ؟ هنوف :طلبت لك معي تخيلي كان فيه عروض على عطرنا واشتريت اثنين انتظر بكره عشان اجيكك سُلاف بحماس : عطري خلص تعالي الليله وفزت من دخلت امها وهي تصرخ : راح راح اخوك الله ياخذك من بنتتتت سُلاف بعدم فهم : شفيه شسالفه ؟ ام سُلاف : زوجناك عشان نفتك منك وابتلشنا بزوجك الله ياخذك انتي وياه سُلاف: فهميني شسالفه ادري انكم زوجتوني عشان تفتكون بس شصار ؟ ام سُلاف وهي تقعد على سريرها وتضرب رجلها : اخوك طعن زوجك وانحاش سُلاف : مات؟؟؟ ام سُلاف: فال الله ولا فالك قولي ان شاء الله ما يموت سُلاف: وليه خليه يموت وافتك منه ومن بندر ام سُلاف وهي تصرخ : لو مات اخوك بيعيش بالسجون ما تخافين ربك بنروح فيها ببتلش فيك يالبلوة سُلاف: خليه يتربى وياخذ جزاته يارب يموت والثاني يخيس بالسجن صفقتها ام سُلاف: ادعي ما يصير لزوجك شي والحين قدامي بنروح لهم الدنيا قايمه فوق تحت وانتي تكلمين الصايعة مسكت خدها سُلاف : مابي اروح له روحي انتي ام سُلاف سحبتها معها وسحبت عبايتها وهي ترميها عليها : البسي الله لا يبارك فيك يا مصيبة راسي تنهدت سُلاف وهي تمسك دموعها ولبست عبايتها وطلعت وراء امها وركبوا مع ولد جيرانهم وتوجهوا للمستشفى بعد دقايق وصلوا وركضت ام سُلاف لجهة ام نياف وبدموع : بشري وشقال الدكتور ؟ ام نياف وهي تبكي : روحي عن وجهي ما لقينا خير لا منك ولا من عيالك ام سُلاف: طايش طايش ولدي طايش ولا مين يطعن زوج اخته ام نياف : طايش ؟؟ ولدك عسكري وطايش ؟ الله لا يعفي عنه ولا يوفقه وينصر ولدي عليه تنهدت سُلاف وهي وافقه بعيد وتسمعهم وتناظر اقارب نياف وهم ينتظرون الدكتور بعد ربع ساعة والكل ينتظر خروج الدكتور فزوا من خرج وهو يبتسم لهم : ابشركم سيطرنا عليه وتجاوز مرحلة الخطر وبننقله لغرفة خاصة لفوا كلهم على العسكري الي تقدم وهو يسأل الدكتور : حالته تسمح اخذ افادته ؟ الدكتور : اي طبعا تقدر تتفضل لغرفته وتستجوبه تأففت سُلاف وهي تتقدم لامها : خلاص طلع حي ما يموت خلينا نرجع "صلوا على محمد" ملاك * نزلت جزمتها وهي تحرك رجلينها :اوفف كل ذا عشان كسرت حطب ولفت وهي تصرخ على البنات :بناااات وينكمم؟ سكتت لثواني وهي تحاول تسمع اي صوت غير النسيم البارد وزعت نظراتها وهي تدور اي نور وصرخت مره ثانيه : عليااااء تسمعونييي ؟ بلا مبزره ترا قافطه مقالبكم مسوين تعرفون البر والجبال وصرخت مره ثانيه وهي تنادي باسماءهم :هياااا بسرعه تعالوا ترا ظلام صدق ما اشوف شي في حجارة كثير تسمعونييييي تلفت يمين يسار برعب من سمعت صوت رجالي : نسمعك ليه ما نسمعك ملاك وهي تدور مصدر الصوت بوسط الظلام وبكل خوف :مين انت ؟ من وين تتكلم مو قاعده اشوف شي توترت من سمعت صوت ضحكات وعرفت انه مو شخص واحد بلعت ريقها وهي تنزل نفسها وتاخذ حجر ووقفت مكانها وهي تنتظر اي حركة وترميها عليهم وبسوسه صارت تقرا اذكارها : انتم انس ولا جن ؟ شدت على الحجر من ضحكوا ورفع واحد منها الكشاف على وجهها : انس - ركضوا وهم ينزلون من الجبل ودخلوا على امهم وناظرت علياء الضيوف والحريم سحبت امها من وسطهم : مصيبه يمه مصيبه ام علياء : يالله سترك وشفيه ؟ سميه : واحنا بالجبل وناخذ حطب جلست ملاك ترتاح واحنا كملنا طريقنا وقابلنا جسار وشلته من الخوف انحشنا وتركناها ام علياء بصدمه : انتي صادقه ؟؟ سوا لكم شي ؟؟جسار بديرتناا ؟؟ وتركتوا المسيكينه لحالها ؟ علياء بخوف :يمه شنسوي البنت لحالها والحين اكيد لقاها جسار توترت ام علياء :نادي على هزاع اخوك وخليه يجي عز لا يدري المسيكين ضيف ولا نبي نفجعه بزوجته نادي اخوك ركضت سميه وهي تنادي هزاع وجاء : وشفيه ؟ ام علياء :هزاع يولدي مصيبه هزاع : الله يستر وش مصيبته ام علياء : خواتك راحوا يجيبون حطب واخذوا زوجة عز معهم وهم بالجبل جاهم جسار ومن الخوف تركوا المسيكينه لحالها تكفى يا ولدي الحق عليها ودور عليها لا يخطفها ويسوي فيها شي هزاع : ايا الملعو** طردناه من ديرتنا ورجع ما اكون هزاع اذا ما ذبحته ام علياء: انتبه عز لا يدري روح دور على البنت وجيبها قبل العشاء نتوقف هنا | ||||
|
| |
|
17-12-22, 10:20 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 14 بالمستشفى * بعدت ام سُلاف عن سُلاف وهي تركض مع ام نياف وينتظرون العسكري يطلع ام سُلاف: لا لا طيب وبخير ان شاء الله يرجع اليوم وعشاكم عندنا ام نياف : لا نبي منك ولا من عيالك شي ام سُلاف: الله يهديك يام نايف اكيد مزح ايه مزح عيال يتمازحون ام نياف بعصبيه : تحسبيني عمياء ؟ولدك طاعن ولدي قدامي ولفوا على العسكري الي واقف وقرب منها :الي سمعته هو الي صار ؟ ام سُلاف بربكة : لا يا ولدي ذي سالفه ثانيه ام نياف وهي تبعدها عنها : لا هذا الصدق ولدها طعن ولدي قدامي وان كانك ما صدقت السكين الي طعنه فيها بالمخفر تدخلت سُلاف وهي تسحب امها بعد ما ترجت ام نياف تسحب كلامها وتنفي افادتها : خلاص يمه اذا الولد مرفوع عنه القلم ما هي غريبه على اهله ام نياف : اسكتي انتي ولا تسمعيني صوتك كل البلاوي من تحت راسك زوجتك ولدي وانا مغصوبه وساكته بس الحين بيتغير كلشي وبتذلفين مع امك باللي ما يحفظك انتي واخوك سُلاف: لا تحسبيني طايره من الفرحة عشان ولدك زوجي صدقيني كل الي صار فيه من دعواتي والله يزيده واشوفه بقبره وشهقت من قرصتها امها : ذي عمتك يا مقطوعه الرزق عيب تكلمينها بذا الطريقة وهي صادقة كل الي صار من تحت راسك انصدمت سُلاف من كلام امها وخنقتها العبرة وهي تلف بوجهها وتسمح دموعها بسرعه من قالوا نياف صحى دخل العسكري وهو يستجوبه والكل داخل الغرفة باستثناء سُلاف العسكري : اقدر اعرف اسم المتسبب بالحادثة ؟ نياف وهو يناظر ام سُلاف : بندر بن سلطان الفايز شهقت ام سُلاف وهي تصرخ وتطلب نياف وتترجاه حطت ايدها على فمها من قال العسكري : هدوء العسكري : بعد ما عرفنا الحادثة وتفاصيلها هل تُقر بكل الي حدث ؟ نياف: ايه العسكري :يعطيك العافية دخلت سُلاف وناظرها نياف واستوقف العسكري : لو سمحت اقدر ارفع قضية ؟ العسكري:القضية تسجلت وباذن الله توصل للمحكمة ناظرته سُلاف ببرود وقربت من امها وهي تسحبها معها :يمه خلاص تكفيين امشيي وخلينا نرجع ورفعت راسها لنياف الي كان يناظرها وقال : انتي المرافق معي مافيه رجعه لبيت اهلك بالبر * حطت ايدها على عيونها من شدة الفلاش : مين انتوا ؟؟ جسار : احباب الجبال ونورتينا ملاك :اقول رجعوني لخيمة الشيخ مدري شسمه بس عنده بنت اسمها علياء ضحك جسار وقرب منها : يعجبوني الناس الي يدعون القوة بلعت ريقها وهي تحط ايدها على الكشاف : وكسر عيوني انعمت جسار : جمالك وملامحك ما تقول انك من اهل الديره بنت من انتي ؟ ملاك بتوتر: مالك شغل وابعد لا اكسر راسك بذا الحجر جسار : جربي رفعت ملاك ايدها وهي توجه الحجر على راسه وسرعان ما مسك ايدها ورمى الحجر : شفت شاص عز انتي زوجته ؟ - بخيمة الرجال * دخل هزاع وهو ينادي ولد عمه بوسط نظرات عز الي جالس بوسط الخيمة ويسمع لسوالف الشيخ وعينه على هزاع هزاع : علي علي ولد علي : سم هزاع : امش تعال ابيك عز : وشعندك يا هزاع ؟ هزاع : لا ابد ابيه بشغله عز : ايه عجل ابيك بسالفه هزاع وهو يبتسم لخويه عز : دقايق بس وطلع وهو يقول لعلي السالفه : ابك شتقول انت ؟ ما لقى الا زوجة عز هزاع : يرجال ادعي ما تقول له انه زوجته وامش ندور لها قبل ما يشك عز علي : والله كأنه حاس من نظراته هزاع بتنهيده : اعرف عز اذا ما ارتاح لشي بس امش امش استعجل وطلعوا للجبل ومعاهم كشاف وبداوا يدورون على ملاك - ملاك : شفيك ملقوف انت تسال كثير جسار بضحكة: سالتك وجاوبي زوجة عز انتي ؟ ولف على خويه الي صرخ : جسار جسار هزاع وعلي طلعوا الجبل جسار بابتسامه : عز مب معهم اكيد انك شي يقرب له وسحب ملاك من ايدها وشالها من سحبت ايدها وضربت ايده شهقت بصدمه من شالها وصرخت وهي تنادي بأسم عز "صلوا على محمد" بالمستشفى * سُلاف: جيت مع امي برجع معها نياف : وانا قلت لا وكلامي الي يمشي سُلاف وهي تأشر على اهله : ذول كلهم مو عاجبينك ؟ولا اقولك اتصل على حبيبة القلب خلها ترافق معك نياف : كلامك لا يكثر ورجلك لا تخطي خطوة برا الغرفة سُلاف: لا بخطي وبطلع وقامت وهي تسحب امها وبعدت امها عنها وهي تقرب من نياف : تكفى يا ولدي اعف عنه وليدي وحيدي نخيتك لا تردني غلط غلط وسوس له الشيطان طلبتك لا ترفع القضية نياف :ما بكيتي على بنتك لما رميتها علي وولدك خليه يتعلم من خطاه ويخيس بالسجون سُلاف وهي تخزه : يمه اتركيه الكلام معه ما ينفع وبندر بيطلع ما عليك فيه نياف :بذكرك بكلامك بجلسة الحكم سُلاف: ترا ذا كله ما يستاهل طعنه وقمت زي الحصان وشهوله الهياط نياف : الهياط بيخلي اخوك يخيس بالسجن سُلاف وهي تشد ايد امها : الي ما كمله اخوي بكمله اصبر علي سحبها نياف من ايدها :انثبري هنا لا اسوي فيك افعال اخوك سُلاف وهي تحاول تسحب ايدها : اتركني بروح مع امي تدخلت ام سُلاف :اقعدي مع زوجك يحتاجك لا تخلينه لحاله سُلاف بصدمه :يمهه!!! سحبتها ام سُلاف وهي تطلع وتكلمها : اقعدي معه زوجك لا يرفع القضية اخوك بيروح فيها اهتمي فيه واقنعيه يتنازل انفعيني وانفعي اخوك بشي سُلاف: اقسم بالله ما اكلمه بسالفه بندر خليه يخيس بالسجن يستاهل اجل انا ما انفعكم صفقتها ام سُلاف: ذا اخوك يا مقطوعة الرزق محد وقف معك وكبرك غيره تجحدين افعاله الحين ؟ تجمعت الدموع بعيون سُلاف وحطت ايدها على خدها وهي تناظر امها : جزاك الله خير يمه ودخلت وهي تناظر السقف بمحاوله اخفاء الدموع ام نياف :يالله نستأذن يولدي وبنرجع لك الصبح وناظرت سُلاف وهي تخزها وطلعت ملاك * اخذها جسار وهو يركض فيها لنهاية الجبل تعب ووقف وحط ايده على فمها :اسكتي لا اسمع حسك وطلع خنجر من خصره وحطه على رقبتها : لو نطقتي كلمه والله لانثر دمك ومشى وهو حاط الخنجر على رقبتها :منزمان ادور شي غالي لعز لجل اخذ ثأر اختي ملاك وهي خايفه من الخنجر الي على رقبتها : رح لعز شدخلني بينكم جسار : انتي اكيد زوجته وشي غالي عليه ملاك : لا لا والله انا بلوة على راسه صدقني مراح يهتم اذا ذبحتني او لا جسار : اي زين خلينا نشوف بعيوننا سحبها وركبها وشهقت من ركب خويه بجنبها وجسار الي يسوق سالم : منت بخايف من عز ؟ جسار بضحكة : ابيه يجي لديرتي دامه مانعني من ديرته ملاك بصراخ : شدخلنيي بينكممم رح اذبحه وفكني منكم الله ياخذك سحب شعرها جسار : انطمي ملاك بعناد : بعد ايدك عني لا اكسرها جسار بضحكة : كنت داري انك مب من بنات الديرة وشد على شعرها : شديت اكسري ايدي حطت ملاك ايدينها على الدركسون وهي تلفه وسحبت شعر جسار الي ترك شعرها وحط ايدينه على الدركسون بسرعه وطلعت الخنجر من خصره ولفت بسرعه على سالم : لا اشوفك مقرب انت ولفت على جسار وهي ترفع الخنجر بوجهه : رجعني لخيمة عز بسرعه ولا اقسم بالله لا الون سيارتك بدمك جسار بعصبية :نزلي الخنجر يا بنت ال**** ملاك : وقف السيارة جسار :جي قاطعته ملاك ؛اخلص وقف السيارة وقف جسار وهو خايف من الخنجر الي حطته برقبته لفت على سالم : قم بجنبه خلصني فتح سالم الباب ونزلت ملاك وركب سالم مكانها وركبت عند الباب : بسرعه رجعني للخيمة والا وربي لا احطه برقبتك انت وياه ترا ما عندي شي اخسره وسحبت شعر سالم وهي تحط الخنجر على رقبته وناظرت جسار الي عصب ؛حرك اخلص بالمستشفى * تقدمت سلاف للسرير الي بجنب نياف ونزلت عبايتها وهي تقعد على السرير وطلعت جوالها وهي تكلم هنوف نياف :جيبي لي الشاحن الي على الطاوله سُلاف: قم خذه نياف : اشوف لسانك طايل يوم اني تعبان وعلى السرير سُلاف لا رد نياف : اتكلم انا جيبي الشاحن قامت سُلاف وسحبت الشاحن ورمته بحضنه نياف : لا ليش ترمينه من بعدين قربي عشان اكسر ايدك سُلاف: تدور مشاكل انت ؟ نياف : طفي النور ماني رايق خليني اصحى واصحصح لمشاكلك قامت سُلاف وهي تطفي النور وتتأفف من طلباته - بعد ساعات كانت على جوالها ونياف نايم ناظرت الباب وهي تسمع صوت همسات عقدت حواجبها وحطت جوالها وقامت وهي تفتح الباب ناظرت الممر وهي تشوف ممرضات يتهامسون عقدت حواجبها من كلامهم الممرضة ١ :اي انا فيه يسرق هذا مفتاح باب قسم ويفتح لهادا سعود الممرضة ٢:كويس هو فيه يدخل على مدام خلود ويدبح شهقت سُلاف وحطت ايدها فمها بسرعه ووسعت عيونها من سمعت صراخ من الغرفة الي بجنبهم ركضت بسرعه وهي تفتح الباب وشافت شخص يكتم المريضة بالمخدة وسعت عيونها بصدمه وسحبت الفازة وهي تبعد الورد الي فيها وضربته على راسه وقفت وهي ترجف من لف عليها وحط ايده على راسه بكت لاشعوريا وركضت من الغرفة وهي تدخل لغرفة نياف ركضت لسريره وهي تدخل معه فز نياف وهو يتوجع : شفيهه ؟؟ سُلاف برجفه وهي تبكي : خبني عندك تكفى والله بيذبحني نياف : شتقولين انتي مريضه ؟؟ عقد حواجبه نياف من صراخ الرجال الي برا واصوات الممرضات : سويتي شي ؟ شدت على بدلته وبرجفه وخوف : والله ما كنت بقرب منه بس كان يحاول يذبحها وشهقت وهي تلصق بصدره وتشد على لبسه من انفتح الباب "صلوا على محمد" عند عز* كان يشرب شاهي وخلص فنجانه وقام وهو يستأذن :اكرمكم الله وزاد الله من فضلكم توتر هزاع :وين رايح ؟اقعد يولد ورانا سمرة مع العيال عز : ما عندك نياق وغنم انت علي:اقعد شوي وراك مستعجل عز : تأخر الوقت وطلع من الخيمة وهو ينادي على ملاك طلعت علياء:وين رايح ؟شوي ملاك تشرب شاهي عز: لاحقه على الشاهي خليها تطلع علياء :باقي ما سولفنا واستانسنا معها خل البنت تقعد شوي عز:وينها هي خليها تطلع بسيارة جسار * كانت شادة على شعر خوي جسار وتصرخ على جسار : زيد من سرعتك زاد جسار من سرعته لما صرخ خويه عليه بعد دقايق * وصلوا وشافت عز واقف عند الخيمة ويكلم علياء وسرعان ما لف من نور سيارة جسار رمت الخنجر بحضن خوي جسار ولفت وهي تفتح الباب بسرعة ،، وشهقت وهي تصرخ من سحب خوي جسار شعرها جسار :وين رايحة ؟بعد ما رفعتي الخنجر علينا بتنحاشين لما شفتي عز والله ما تتهنين وانتشرت صرختها وخرجوا الرجال والحريم من الخيم من صياحها بعد ما طعنها ببطنها وهو يناظر عز الي كان حاط ايده على عيونه من نور السيارة قفل جسار نور السيارة وناظر عز وفتح الشباك وهو يصرخ :خذ زوجتك وجاك رد اعتباري عقد عز حواجبه ووسع عيونه بصدمه من ركض هزاع وهو يفتح الباب عن جسار ويسحبه للارض وطاح فيه ضرب لف على علياء :ملاك مب بالخيمة ؟ علياء بتوتر هزت راسها بالرفض ركض للسياره وهو يفتح الباب عنها وشافها غارقه بدمها وتلون فستانها بدمها سحب الخنجر من بطنها وهو يشيلها بسرعه ودخل فيها للخيمة وقام من عندها من سحبوه الحريم وهو يطلعونه قربوا من ملاك وهم يوقفون النزيف بالمستشفى * سحب اللحاف وهو يغطيها وهمس باذنها : لا تتحركين ورفع عيونه لسعود الي دخل وهو يصرخ وحاط ايده على راسه : وينهاا وينهاا والله لانثر دمها نياف : وشعندك انت؟ سعود بحدة : ما معك احد انت ؟ غمض عيونه من شدت سُلاف على لبسه وناسيه جرحه : لا علامك وشسالفه ؟ سعود : ما تخصك وطلع وهو يقفل الباب بقوة بعد اللحاف عنها ورفعت راسها سُلاف وهي تتفقد المكان تنهدت براحة ورجعت وهي تحط راسها على الوسادة براحة نياف : خلصتي ؟ قومي سُلاف وهي تناظره : عصبيته تخوف اكثر منك نياف وهو يتكي وراء راسها : صدق ؟ سُلاف:ايه نياف : جرحي انفتح قومي عدلت جلستها وهي تناظر لبسه : قاعد تنزفف وقامت وهي تنادي الممرضات ومتجاهله نداءات نياف وقفت بمكانها من شافت سعود يفتح غرف المرضى ويدورها بلعت ريقها ورجعت على وراء بهدوء ودخلت وهي ترجع لسريرها وتشد على لحافها نياف : جيبي لي قطن سُلاف: هو برا مراح اطلع نياف : مراح يسوي لك شي خلصيني سُلاف: صرخ على الممرضات شدخلني فيك انا وسحبت اللحاف وهي تتلحف وتعطيه ظهرها رص على اسنانه بعصبية وبحدة : تحركي لا تخليني اقوم عليك وافقش راسك مثله قامت سُلاف وهي تدخل دورات المياة وسحب مناديل وتقدمت لعنده وهي ترميها بحضنه : تفي بالغرض سحبها من ايدها وشد عليها : جرحي انفتح بسببك جيبي قطن خلصيني سُلاف ببرود : ما قلتلك بكمل الي سواه اخوي ؟ خلي جرحك ينزف يمكن تفقد دمك وتفكنا سحبها له اكثر وشهقت من لصقت فيه ناظر عيونها : قبل تفكرين بذي الفكرة تذكري اني واعدك ان يومك قبل يومي بلعت ريقها وهي ترمش بتكرار : وخر بجيب قطن نياف : صرخي على الممرضات سُلاف: طيب اتركني بروح لسريري نياف : مثل ما فتحتي جرحي قفليه سُلاف: كيف اخيطه لك مريض انت ؟ نياف : تصرفي مراح تتحركين لين يوقف الدم سُلاف: مو انت الي كنت تقول اكره ما علي الي يقربون مني ؟ شصار ؟ نتوقف هنا | ||||
|
| |
|
17-12-22, 10:32 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 15 بالبر ^ خرج من الخيمة وهو يدور لجسار شاف علي يرمي شماغ جسار على وجهه ويفتح باب السيارة وهو يرميه فيها تقدم بسرعه واستوقفه هزاع وهو يوقف قدامه ويحط ايده على كتوفه : سوينا اللازم لا تبلش نفسك بدمه عز بحدة : ما يشفي غليلي غير موته على ايدي هزاع : علي الطلاق ما تمد يدك ولا تلوثها بدمه استهدي بالله واذكر الله عز وهو يناظر جسار الي شغل سيارته : ما ذبحته قدامك والله لاشرب دمه من وراك هزاع وهو يسحب عز للخيمة بعد ما حرك جسار واختفى من انظارهم : صل على النبي وتعال استريح دخل عز والعصبية مسيطرة عليه قعد وهو ينتظر خبر من الحريم ناظر الكل بملامحه وهم خايفين من هدوءه وصمته بعد الي صار بزوجته - بعد ساعات استأذن الكل وبقى هزاع وابوه وعز وعلي قام عز وهو يدخل خيمة الحريم ومتجاهل اصوات البنات عز : باخذها معي وين عبايتها ام علياء :البنت باقي ما صحت ونزيفها ما وقف عز : عندي علاجها وقرب من ملاك وهو يشيلها وقربت علياء وهي تغطيها بعبايتها ركبها بسيارته وحرك بكل صمت وصل لخيمته ونزلها وهو يحطها على فراشه وتفحص جرحها وشاف الاعشاب الي على جرحها قام وهو يشب النار ويسخن الموية وسحب قطعة قماش وهو يحطها بالموية الحارة وقرب من ملاك وهو يحطها على جبينها وتنهد وهو يناظر ملامحها ووجهها بهدوء لحفها وهو يسحب فروته ونام بجنبها وكل دقيقة يصحى ويجدد قطعة القماش بالموية ويرجعها على جبينها - بالصباح * صحى وهو يناظرها شافها لسى ما صحت قام وهو يصلي ويسوي فطوره والحليب وناسي النياق والغنم لف عليها من تحركت وهي تتوجع قام لعندها وهو يحط ايده على جبينها بعدت اللحاف عنها وهي تناظر جرحها حطت ايدها عليه ورفعت عيونها بسرعه من مسك ايدها قبل تلمس الجرح : باقي ما التئم لا تلمسينه "صلوا على محمد " بالمستشفى * دخلت الممرضة وهي تناظرهم انتبه نياف لنظرات الممرضة وابعد عن سُلاف وهو متجاهل سؤالها ابعدت عنه من دخلت الممرضه ووسعت عيونها من مسك ايدها : انتي الي بتضمدين الجرح سُلاف بهمس : بلا استهبال والممرضه شتسوي ؟ نياف وهو يكلم الممرضة : اعطي مدام قطن هي فيه تنظيف جرح الممرضة : انا فيه سوي مافيه موشكل نياف بحدة: ما تفهمين انتي ؟ هاتي القطن ناظرته الممرضة بصمت وحطت القطن وطلعت فصخ نياف لبسه وابعد الشاش عن بطنه ناظر سُلاف الي غمضت عيونها من كمية الدم والجرح الي انفتح نياف :هاتي القطن وعقمي الجرح سُلاف: ذا كله شغل الممرضة تصعب الامور ليش ؟ نياف : عشان تكملين شغل اخوك خزته سُلاف وسحبت القطن وهي تحطه على الجرح صرخ نياف بوجع :بشويش طبطبت سُلاف بقوة على جرحه :وش اسوي بعده ؟ نياف:انقلعي لسريرك سُلاف:هذا الي ابيه وقامت وهي تتوجه لسريرها وقعدت على جوالها كانت تكلم هنوف وتسولف معها وسألتها هنوف عن سالفة اخوها بندر سُلاف:ايه يمه كيف انتشر الخبر ؟ هنوف :امك جات بالحارة وتطلب كل رجال الحارة يفزعون لاخوك تنهدت سُلاف:لا حول ولا قوة الا بالله يستاهل محد قاله يتلقف على ابدان الناس هنوف:اوف والله وصرنا ندافع عن زوجنا 😉 سُلاف:يع لو بايدي ذبحته هو وبندر هنوف :المهم اسمعي كلمي زوجك صدق والله لو تشوفين صراخ امك ودموعها بالحارة كان ذبحتي زوجك على الاقل خليه يتنازل سُلاف:شدخلني بينهم انا هو الي طعنه وبعدين ذا راسه يابس لو اسوي له صنم واعبده عشان يتنازل ما تنازل هنوف :حاولي فيه على الاقل يطلب فلوس ويتنازل ويفكناا سُلاف بضحكة:يعني متوقعه بيطلب ريال او ريالين ومتوقعه امي بتقدر تدفع الملبغ الي بيطلبه خليه ياخذ جزاته هنوف :فاتحيه بالموضوع يمكن القبيله كلهم يدفعون له بالبر * خلط عز عدد من الاعشاب مع بعض وقرب منها وابعد فروته عنها وناظرها من سحبت الفروة ورجعتها على بطنها المفتوح : عطني انا بحط عز :تحطينه وانتي منسدحة ؟ اظن ان الطعنة بجمجمتك مو ببطنك ملاك بعناد : لا تحطه انت يا انا احطه يا ما احطه عز بهدوء : ابعدي ايدك ملاك :ما تسمع انت ؟ قلت لا بعدين انا مفصخه ما اسمح لك تشوفني عز : احلفي ؟ تراني زوجك ولا راح اشوفك عشان سواد عيونك ابعدي ايدك واخلصي علي وراي نياق وشغل ملاك بعناد : رح لنياقك مراح اخليك تلمسني سحب عز فروته عنها وقرب منها : لا اشوفك متحركه حط الاعشاب على بطنها قبل تتحرك وصرخت ملاك بوجع بكت من حرارة الاعشاب على الجرح :يا حيوان يوجع عز :تحملي ولا بينحط عليك كليوم ملاك :رجعني لامي عز :السالفه لا تطلع لغيرنا بحلها وبضمد جرحك ملاك مسكت ايده وهي تشيلها عن بطنه :خلاص يوجع لا عاد تحط عز :خلص الفطور قومي افطري ملاك : روح لنياقك وخلني انام وسحبت فروته وهي تتلحف فيها وتبكي من حرارة الاعشاب قام عز وغسل ايده وطلع للنياق وتفكيره بجسار بعد دقايق رجع وسمع شهقاتها تقدم لعندها وابعد الفروة عنها وشال الاعشاب عن بطنها : لا تبكين مثل البزران ملاك وهي تبكي: لو انك انطعنت كان ما قلت ذا الكلام عز : وش وداك لهم ؟ ملاك : طلعت للجبل مع البنات عز :ومين سمح لك ؟ ملاك :نسيت استاذن منك والله معاد الا هي عز : لو انك استاذني ما بكيتي على جرح ملاك : طيب قام عز وهو يجهز الفطور وتقدم لها وقعد قدامها وهو يصب لها حليب :اشربي ملاك : حليب نياق ؟ عز :اشربي ملاك :مابي اشرب عز : بيقوي عظامك وجسمك اشربي ملاك :حليب نياق والله ما يدخل لبطني تنرفز عز من عنادها وقام وهو يبدل ملابسه وطلع لها :اجل قومي ارجعك لامك ولا تنسين تعلمين خلق الله باللي صار ملاك : اروح لهم وجرحي مفتوح ؟ عز بعصبية: لا انتي الي شربتي وتحملتي الاعشاب ولا انتي الي قمت حددي وجهتك ملاك : لا تصارخ عز : لا بصارخ اشربي الحليب يا البزر وتحركي مع العرب وامنعيني من الدلع ودموعك الاربع بالمستشفى * قفلت جوالها سُلاف ولفت على نياف :الحين بترفع قضية على بندر ؟ نياف وهو يلف الشاش:لا برفع له القبعة سُلاف:اتكلم جد نياف:انتي غبيه مثل اخوك ؟ولا غباءك خلقة من ربك ؟ سُلاف:صدقني الي يتعايش معك مافيه عقل اخاف يطلعون عيالك عليك نياف :لا تخافين انتي غبيه على الفطرة وعيالي بيطلعون علي سُلاف: ولا تخاف انت مراح تكسب لا عقل ولا عيال وخزته وهي تعطيه ظهرها نياف :لو طلبتك تفزعين لي بتفزعين ؟ سُلاف:ولا تحلم نياف:اجل قومي افزعي بالغصب سُلاف: اعطوك بنج انت ؟ نياف :اخلصي قومي وقفلي الباب سُلاف:وش بتسوي ؟ نياف:ما راح اسوي لك شي بس قفليه سُلاف وهي تعدل جلستها من التمست التوتر بصوته :وشصاير؟ نياف :جرحي ما طاب تحركي قفلي الباب لا يدخلون ويسوون فيك الي تبلتي علي فيه سُلاف:مين الي يدخلون ؟ نياف :ناس ورد على عمر : اي ما عليك تعال خذني سُلاف: شاللي خذني وانا ؟؟ نياف :اقعدي هنا برجع لك وقام بسرعه وهو يفصل المغذي وتقدم للباب ووقف من ركضت سُلاف وهي توقف قدامه : بلا استهبال ذا يدور علي نياف : عندي خشه ولازم احضرها سُلاف بعصبيه ؛خشه وش ؟؟؟ نياف : فارقي عندي سباق لازم احضر رد على عمر : فواز بالمستشفى ؟ طيب اخلص تعال قبل يصور ،، ايه جاهز ،،انتظرك سُلاف:والله ما تروح وتخليني نياف : لا تحلفين بوجهي سُلاف: خذني معك ولا تخليني لذا بيذبحني نياف : خليه يسوي الي ما سويته سُلاف : رجعني لبيت اهلي بعدين روح نياف : بيت اهلك معاد لك روحه له وسحبها وراء ظهره من انفتح الباب وهو يحط ايده على بطنه بوجع "صلوا على محمد" بالبر * ناظرته ملاك ببرود وقامت وهي متجاهله جرحها عز : جرحك ما طاب اجلسي ملاك:مالك شغل لا تتدخل عز : اقعدي هنا ولا انفتح جرحك لا تبكين ولبس جزمته وطلع ناظرته من ركب سيارته وحرك تنهدت بوجع واطلقت شهقاتها من راح وهي تبكي من الوجع تقدمت للاعشاب وناظرتها وهزت راسها بالرفض من تذكرت حرارتها على جسمها رجعت لفراشه وهي تنسدح وغمضت عيونها وهي متجاهله صوت بطنها وصرخت بغضب : مافيه اكل اسكت بعد دقايق * سمعت صوت سيارة وعرفت انه رجع ناظرته من دخل عليها وبايده اكياس تقدم لعندها : ما تبين الاعشاب جبت لك دواء من الصيدليه وما تبين حليب نياق جبت لك حليب من البقاله قومي كلي مافيه شي يمنعك عدلت جلستها واخذت الحليب من ايده وشربت واخذت الفطيرة وهي تاكل بهدوء عز : لا خلصتي اكل ناديني احط المرهم ملاك : انا بحطه عز : لا تعاندين وانتي باصعب حالاتك وقام وهي يسوي له شاهي ويعدل الجلسة خارج الخيمة عز : الجو حلو تطلعين ؟ ملاك : جرحي مفتوح كيف اطلع عز : خلصتي احط المرهم ؟ ملاك : ايه قرب منها وابعد الفروة عنها وسحب المرهم وهو يحطه باصبعه وحطه على جسدها ناظرها من شهقت وعضت شفايفها بوجع : بيخف الوجع مسح على جسدها وقفل المرهم وهو يمسح ايده : عندك ملابس تغيرين ؟ ملاك : ايه بس مالي خلق اغير عز : بطنك مكشوف مراح تستفيدين من المرهم وقام وهو يفتح شنطتها وشاف بجامه وسحبها وقرب منها وناظرها من شدت على فستانها وهي تناظره عز : مابي منك القرب بس الحاجة حدتني وقرب منها وهو يفك سحاب فستانها ونزله وبدون ما يناظر جسمها سحب البجامة وهو يلبسها بسرعه وقام عنها وطلع وهو يجلس قدام النار الي شبّها بالمستشفى ^ تنهد نياف براحه من شاف عمر : خرشتني احسبك فواز وكاميراته عمر : جاي شفته يدور بالغرف امش مشى نياف واستوقفته سُلاف من سحبت لبسه : خذني لا تخليني لحالي نياف وهو يناظر عمر الي طلع :جيبي عبايتك اخلصي ركضت ولبست عبايتها ونقابها وطلعت وراه ناظرها عمر واستغرب من روحتها معهم نياف : عطني مفتاحك بوصلها للبيت وبقابلك عند العيال عمر : يالله ننتظرك لا تتاخر هز نياف راسه واخذ المفتاح من عمر ومشى ومشت وراه سُلاف ركبوا السيارة وحرك نياف وهو يتوجع من جرحه ناظرته بصمت وسحبت جوالها وهي تنشغل فيه رفعت راسها من تنهد نياف وقال :حلو هذا الي ناقص لفت وشافت نقطة تفتيش عرفت انه بيتجاوزها وتدخلت بسرعه :لا تتجاوزهم وقف لا تتحرك من عندهم نياف : لا تتدخلين سُلاف: انت تعبان ولا تقدر تتصرف لو لحقونا وقف وخلصنا تنهد نياف وهو يحط ايده على جرحه ووقف عندهم فتح الشباك وهو يرد على العسكري :وعليكم السلام العسكري :الرخصة والاستمارة ناظره نياف بصمت ولف على سُلاف وفتح الدرج الي قدامها وهو يطلع رخصة واستمارة عمر واعطاها للعسكري العسكري :هويتك لو سمحت نياف :زي ما انت شايف طالع من المستشفى وناسيها بالبيت العسكري : السيارة مبلغ عليها نياف بوهقه : ايه السيارة مب سيارتي مستلفها من واحد من العيال العسكري : والرخصة والاستمارة مب حقتك يعني ؟ نياف : الا حقتي العسكري :شسمك انت؟ نياف : عمر بن محسن العسكري : السيارة لعمر وتقول مستلفها انت؟ صف صف سيارتك وانزل نياف : معي الاهل بوصلها وارجعلك العسكري : مافيه مشكله تشرفنا معك المركز تنهد نياف بعصبية وصف السيارة ولف على سُلاف: كله بسببك يالبلوة لو اني مب سامع كلامك وساحب عليهم ما صار كلذا وفتح الباب ونزل ونزلت سُلاف وراه وهي خايفه من قال العسكري السيارة مبلغ عليها بالبر * ارتاحت بفراشه لدقايق وقامت وهي تطلع من الخيمة وشافته قاعد ويحرك الجمر قربت وهي تقعد معه عم الصمت بينهم قطع الصمت عز من قال : الهواء بارد خذي فروتي ملاك : النار تدفي سحب عز فروته من ظهره وحطها عليها توترت من قرب منها ورجع لمكانه ملاك : صب لي شاهي صب لها واعطاها وهو يناظرها بهدوء ونطق اشعاره : حظ من ناظر عيونك و امتلى ليله جمال تعالِ نتقاسم الليل ، لك النجوم و انتِ لي انتبه من لفت عليه وهي تناظره عز : كتبه هزاع شرايك ؟ ملاك : هزاع شاعر ؟ عز بكذب : ايه ملاك بابتسامة : احب الشعر عز : مين شاعرك ؟ ملاك : احب اشعار منصور بن فهد وانت ؟ عز : هزاع ضحكت ملاك : عطني من اشعاره نطق عز: تدري اني شخص ماني سريع اعجابّ ولا كل حاجه عابره تكسب اعجابي غلبت الهوى فتره لكن الهَوى غلاّب تمادى ووقف في طريقي وانا مـابي دخلت فـ حياتي عرض من اوسع الابوابَ وانا للحبايب ماني مشّرع ابوابي عطاك الله من الود والحب والاعجاب مايجعلك سيّد قلبي وسيّد احبابي شدت ملاك على فروته وهي تناظره بهدوء لف عليها عز : تاخر الوقت امشي ارقدي قامت ملاك وهي تدخل تنام بعد تعب وجلس عز برا لدقايق وهو يتأمل السماء والنجوم وبعد دقايق دخل وهو يحط له فراش وسحب لحاف وهو ينام .. بالصباح * صحت على صوت البنات والحريم والبزران عقدت حواجبها وانتبهت على صرخة مرام : قومي قوميي مسحت على عيونها وهي تناظرهم بخرشه قامت وسرعان ما شهقت من وقف قدامها عز وهو يهمس لها : البسي الفروة لا تنزلينها ناظرته بهدوء وهزت راسها قامت وهي تغسل وجهها وطلعت وهي تسلم عليهم وتقعد معهم توترت من شافت خالد وناظرت البنات من قعد بجنبها - كان قاعد بجنب جدته وامامه ملاك وعمه خالد انتبه لقربه منها ولحركات ملاك وهي تحاول تبعد ايده عنها عز : ملاك تعالي بجنبي عمه خالد وهو يحضن ملاك من كتفه : خلها بجنبي مشتاق لها عز : ابيها تشرب حليب نياق تعالي "صلوا على محمد" نتوقف هنا | ||||
|
| |
|
18-12-22, 01:04 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 16 نياف *سلاف ركبهم العسكري بالسيارة وقفل الباب توترت وهي اول مرة تركب سيارة شرطة ناظرت نياف الي كان هادي وملامحه بارده تقدم بجنبها وناظرها : لازم انزل من هنا قبل نوصل المركز سُلاف وهي تعقد حواجبها :وليه روح تفاهم معاهم واطلع نياف :لو دخلت المركز ما راح اطلع سُلاف:ايه احسن نياف بحدة :اسمعيني بتنزلين معي بس يوقف السيارة ضروري ننحاش ولا ندخل المركز حطت سُلاف ايدها على جبينه : حرارتك مرتفعة شاللي تنحاش نوصل المركز واتصل على ابوك نياف وهو يبعد ايدها عن جبينه :مو قايلك من قبل اسمي عندهم ويدورون علي لو دخلت مراح اطلع حتى لو واسطه بنحاش تبين تجين يكون افضل لك سُلاف بصراخ :يا مريض كيف بتنحا قاطعها من حط ايده على فمها من ركب العسكري همس باذنها :اسكتي لا تفضحينا ضربت سُلاف صدره وهي تبعده عنها :ما راح اروح معك نياف :احسن ولف وهو يرجع وراء وحط ايده على جرحه وشاف دمه الي ينزف غمض عيونه بوجع وهو يشد على قبضة ايده سُلاف:قوم لمكانك لا تجلس بجنبي نياف :اهجدي المكان ما يسمح لنا نتهاوش لفوا على العسكري الي وقف ونزل وهو يكلم اخوياه انفتح الباب عنهم وهو يناظرون العسكر العسكري :ذي زوجتك ؟ نياف :لا عروستي شرايك يعني العسكري :تنكت انت ووجهك ؟ نياف :لا نكته ولاشي بس سؤالك غبي وحده معي يعني وش بتكون غير زوجتي العسكري : قل ادبك مافيه مشكله القانون يأدبك نياف : زين قفل الباب وقفل العسكري الباب وسرعان ما نقز نياف وهو يحط جزمته بين الباب قبل يتقفل شهقت سُلاف: تستهبل ابعد الجزمه نياف :اسكتييي لا يسمعك تفقد المكان وناظر سُلاف:شوفي وينهم قدام السيارة ؟ سُلاف: بلا استهبال وامنعني من المشاكل نياف بحدة :اخلصيييي رفعت راسها سُلاف وهي تشوف العسكر قدام السيارة :ايه نياف :زين بتروحين معي ؟؟ سُلاف بخوف : لا بالبر * قامت ملاك وهي تقعد بجنب عز ومتوترة من نظرات خالد عز وهو يلف عليها وبهمس : اشربي ملاك وهي منتبه لنظراتهم همست له : مابي عز : لا تعاندين ناديتك عشان تشربين ورفع الحليب لها ملاك وهي تناظره : مابي قلتلك والله ما اشربه وناظروا خالد : شكلها ما تحب تشرب من ايدك تعالي بشربك ناظره عز بحدة من كلامه ولف على ملاك الي مسكت الكوب من ايده وهي تشرب الحليب بسرعه خلصت وهي تناظر عز : عطني مويه طعمه يع عز بضحكة : واخيرا شربتيه انتبهت لضحكته الي كانت اول مرة تشوفها وبلعت ريقها وهي تعدل جلستها وتجلس بجنبه - جهزوا البنات القهوة وقربوا وهم يجلسون بجنب ملاك اسماء وهي تحضن ملاك من خصرها : اووفف والله لك فقدة يا حيوانه بلعت ريقها ملاك بوجع من حطت اسماء ايدها على جرحها وهي تشد عليه تجمعت الدموع بعيونها وهي تحاول تتحمل الآلم وبصوت باكي : وانا اشتقت لكم اكثر - لف بسرعه من سمع صوتها بعد ما كان يسولف مع جدته ناظر اسماء الي حاضنتها : اسماء اسماء :هلا عز : ابعد ايدك عن البنت اسماء بضحكة :اخس اخس من متى صرنا نغار لفت ملاك على عز وهي تناظره بوجع من حضنتها اسماء اكثر ، انتبه لدموعها وصرخ لاشعوريا على اسماء والتفت الكل له : ابعددي ايدكك عن البنتت ما تسمعين خافت اسماء من صراخ عز وبعدت عن ملاك وهي تقعد بجنب نجلاء تنهد عز من نظرات الكل وقام وهو يمد ايده لملاك : قومي معي ناظرته ملاك وهزت راسها بالرفض عز بحدة : قوومي هاتي ايدك مسكت ايده وقامت معه وسحبها لداخل الخيمة وقرب منها وهو يبعد الفروة عنها سحب الاعشاب وحطها بايدها وناظر ملاك : بتتحملين الوجع عشان يتقفل جرحك ويطيب بسيارة الشرطة * نياف وهو يناظرها : احسن لك روحي معي ،،بياخذونك عندهم لحتى اجي وعلى اساس بيلوون ذراعي بس صدقيني ما راح اجيك ولا ارجع لك لو ما جيتي معي من الحين ناظرته سُلاف بتوتر وهزت راسها بالايجاب وتوترت من مسك ايدها وفتح الباب بشويش ونزل ونزلت معه شهقت من اعداد السيارات الي قدامهم بسبب وقوفهم بجنب الاشارة انتبه للسيارات الي ضغطت بوري من شافتهم نزلوا الاثنين عصب نياف وهو يركب اقرب سيارة شافتها عينه نياف : حرك حرككك العامل : ايش فيه موشكل مجنون انتا ؟ نياف بحدة وهو يضغط على جرحه : حرككك يالتبنن حرك العامل بسرعه وهم يختفون من انظار العسكر تنهد نياف ورجع راسه على وراء وناظر سُلاف الي تتلفت يمين ويسار بخوف : اخر مره اسمع شورك لفت عليه وهي تناظره شافت لبسه صار كله دم : اسمع شوري لاخر مره وخلينا نمر أقرب مستشفى يخيطون جرحك نياف : بنرجع للبيت وبطلب دكتور وصف العامل موقع بيتهم وبعد دقايق وصلوا نزلت سُلاف وهي تنتظره ينزل نزل وهو يغمض عيونه ويفتح بسبب الدوخة قربت منه وهي تساعده وحطت ايده على كتفها : حرام فيك المساعدة بس على الاقل اخذ اجرك نياف :وديني للغرفة بعدها نتفاهم على اقوالك مشت وهي تدق الباب وفتحت لهم العاملة وهي منصدمه من حالته دخلت سُلاف وهي تطلع فيه لفوق دخلته لغرفته وحطته على سريره نياف :جيبي لي صندوق الاسعافات طلعت سُلاف وهي تسال العاملة واعطتها ورجعت وهي تعطيه قعدت على الكومدينة الي بجنبه فتحت له الصندوق وهي تطلع شاش مدته له سُلاف:لازم تعقمه اول نياف :بتعقمينه انتي؟ سُلاف:معرف ناظرها نياف بهدوء وفتح الشاش ووقف من قالت سُلاف :استنى بكتب باليوتيوب ما يصير تقفله وهو كان مكشوف طلعت جوالها وهي تبحث باليوتيوب عن طريقة تعقيم نياف وهو يناظرها بهدوء: منجد ما تعرفين تعقمين جرح ؟! سُلاف وهي توقف عن الكتابة وانتبهت لنظراته :ايه منجد نياف :قفلي جوالك بعلمك صلوا على محمد بالبر * ملاك بهمس : مابيه لا تحطه والله يحرق عز : تحملي بيطيب ويتقفل ولا عاد بتتوجعين هزت راسها بالرفض وبعدت عنه ،،سحبها له وحط الاعشاب على جرحها صرخت ملاك وحضنها بسرعة وهي تبكي على كتفه وتشد على كتوفه عز وهو يشد على خصرها : اش تحملي بيخف بعدت عنه وهي تمسح دموعها وشدت على الفروة ناظرها بهدوء : بتطلعين برا ؟ ملاك : لا هواء بارد عز : نامي هنا واذا خلص الغداء بصحيك توجهت لفراشه ونامت وهي تدعي جرحها يطيب بسرعة - بعد دقايق فزت من حست باحد يمسح على شعرها ويلمس وجهها عدلت جلستها بسرعه من شافت خالد : ابعدد وربي لافضحك لعز خالد : تعبانه ؟ ملاك بحدة : مالك شغل خالد وهو يبعد الفروة عن بطنها : شفت عز يمسح على بطنك وشفيك ؟ ملاك وهي تبعد ايده : مالك شغل اذلف خالد بابتسامة خبث : ما اشتقتي لي ملاك : انت ما يشتاق لك غير عزرائيل ضحك خالد وحط اصبعه على شفايفها وهو يمررها : بس انا اشتقت لك ملاك وهي تضرب ايده وبخوف : يحيوان انا زوجة ولد اخوك ما تستحيي على وجهك انت وفعلتك النجسه ؟؟ قرب منها خالد وهو يطبع قبلاته بخدها : شسوي اذا جمالك يغيريني دفته وهي تصفقه كف وصرخت وهي تنادي على عز - كان يضبط الغداء ويسولف مع عمه انتبه لمرام الي ركضت له : عز ملاك تبيك عقد حواجبه : فيها شي ؟؟ مرام : ما ادري تبكي وتنادي عليك قام وهو يغسل ايده ويجففها وتوجه للخيمة ودخل وشافها شادة على فروته وتشهق بخوف ناظر الكل وهم حولها والتفت على خالد : زوجتك بكت فجأة مسوي لها شي انت ؟ قرب عز منها وهو يقعد قدامها : شفيك ؟ بغرفة نياف * قفلت جوالها وهي تناظره نياف : خذي القطن وحطي فيه المحلول الي عندك وامسحيه على الجرح اخذت سُلاف القطن وهي تسوي مثل ما قال وقربت منه وهي تمسح على جرح رفعت ايده بسرعه من توجع وهو يغمض عيونه : الجرح متلوث لازم تروح للمستشفى نياف : مب لازم امسحي زيادة وغطيه بالشاش مسحت سُلاف وهي تسحب الشاش ولفته على بطنه توترت من قربت منه وهي تلف الشاش من وراء ظهره ربطت الشاش وقامت بسرعه وهي تنظف المكان دخلت دورات المياة وهي تغسل ايدها وطلعت وهي تناظره من غمض عيونه : بروح لامي لازم اوقف معها نياف بتعب : روحي مع السواق وارجعي بالليل سحبت طرحتها وهي تضبطها من جديد ولبست نقابها وطلعت بعد ما قفلت النور والباب ركبت مع السواق وتوجهت لبيت امها —- بعد ساعات * صحى من دخلت لينا وهي تصحيه : نياف نياف نياف بنوم : ها لينا : اصحى فيه شي ضروري لازم تسمعه شافته نايم وهزته : نياااف اصحى اسمع بعدين نام والله شي ضروري فتح عيونه وهو يناظرها : شعندك ؟ لينا بخوف : نايف سجل لي فويس طلب مني اسمعك اياه نياف : لا قمت سمعيني ابي انام الحين تعبان لينا : وربي شي ضروري بيطير النوم من عيونك تنهدت وهي تشغل فويس نايف والي كان محتواه : لينا ارسلت نياف بس ما رد وقررت اكلمك وسمعي نياف كلامي اذا شفتيه انا طلبت ابتعاث من ابوي وابتعثت لبريطانيا بدون محد يدري غير ابوي والسبب يخص نياف وزوجته "فتح نياف عيونه وهو يناظر لينا " ابيك تعتذرين لي من نياف تكفين لينا فهميه سبب روحتي كذا ادري انه ما راح يسمع مني بعد ما ظلمته مع بنت الناس وظلمتها معه قولي له اني انا الي اعتديت على زوجته وان البنت صادقه بكل حرف قالته بس هي ما تدري اننا تؤام وتبلت عليه وتكفين فهميه اني ما كنت ادري ان الامور بتوصل لين هنا بس وربك يا لينا اني بس تحرشت فيها ولا اخذت شرفها ولا لمستها بشي ثاني تكفين فهميه سبب روحتي، ادري انه بيسمع كلامي وبيقلب الدنيا عليكم بس على الاقل ما يظلم البنت وانها تبلت عليه كذب خليه يعرف ان كل الي صار معه مفروض يصير معي بس انا جبان وهربت قبل يكشف هو بنفسه ،، قلت ذا الكلام لاني ادري انه يكره البنات وادري انه مو متحمل زوجته بس الحين خلاص كلشي انكشف ويقدر يطلقها واعتذري لي منه والله معاد يشوف وجهي - بالبر * ناظرت ملاك عز وهي تبكي قرب منها وهو يمسح على وجهها : بنت شفيك !؟ وقرب منها وهو يهمس باذنها : بطنك ؟ هزت راسها بالرفض وهي تمسح دموعها عز : ليه تبكين شفيك ؟احد سوا لك شي؟ احد قالك شي ؟ ملاك بوسط دموعها: ايه عز : مين ؟ وش قالوا لك ؟ رفعت نظرها للبنات الي كانوا خايفين من ردة فعل ابوهم وهزوا راسهم بالرفض وهم يترجونها ما تنطق ولفت وهي تشوف خالد الي يأشر على رقبته بمعنى بذبحك ملاك : عز خلك معي لا تروح عقد حواجبه وهو مو مرتاح لكلامها وحالتها : بضبط الغداء تجين معي ؟ هزت راسها بسرعه : ايه لا تخليني استغرب واخذها معها بوسط نظرات الكل لهم وقف وهو يقطع اللحم وهي بجنبه وتناظره وبداخلها تتمنى تقوله طردت افكارها من سألها عز : وش قالوا لك ليش بكيتي ؟ ملاك : بسبب الجرح ما عليك خف الوجع ناظرها وهو شاك وقطع اللحم وخلص وغسل ايدينه وناظرها : خلصنا تعالي اشربي شاهي عشان تدفين مشت معه وهي تقعد بجنبه وسحبت الشاهي وهي تشرب بالليل * رجعوا الكل لبيتهم وقعدت وهي تناظر السماء وهو بجنبها التفت من اطلقت تنهيداتها الثقيله عز : عندك شي تبين تقولينه ؟ ملاك : لا سكت عز وقام وهو يزيد حطب وقعد وهو يحرك الجمر ناظرته ملاك ونطقت : لو احد تحرش بشخص يقرب لك وش بتكون ردة فعلك ؟ ناظرها وهو يحط الكرك على النار : بيكون مصيره مثل جسار الي ناوي اذبحه ملاك : ولو كان المتحرش شخص يقرب لك ؟ عز : ما تعنيني القرابة وهاذي فعلته تنهدت ملاك وهي تقرب من النار وتمد ايدها عز وهو ملاحظ هدوءها : هدوءك وصمتك مو على العادة صار لك شي معرفه ؟ ملاك بهدوء :خالد تحرش فيني ناظرها لثواني وهو يقرا ملامحها : لك خلق تمزحين وانتي تعبانه ؟ "صلوا على محمد" بغرفة نياف * عدل جلسته وهو يناظر لينا :وش يقول ذا ؟ لينا بخوف : الي سمعته نياف : الي سمعته صدق ؟ هزت راسها بخوف وهي تبعد عنه بخفيف نياف : جيبي الجوال لينا بتوتر : نايف ببريطانيا ليه تبي الجوال ما راح يفيد نياف بصراخ : هاااتي الجووال رمت الجوال بحضنه وبلعت ريقها دخل على الواتس وهو يسجل لنايف : اقسم بمن حل القسم ان كان كلامك صح ما ارحمك ولا اتذكر انك اخوي وولد امي حتى لو الحقك بدول العالم يالرخمه يال**** يالجبان وارسل الفويس ورمى الجوال بالجدار وناظر لينا الي ركضت وهي تنادي امها قام وهو يفتح دولابه ويطلع ثوبه دخلت امه وهي تناظره :شفيكك ؟؟ نياف بعصبية : قايلك يا يمه مو انا الي قربت من البنت سمعتيني ؟؟ سمعني ابوي ؟ اجل اذا وصلتكم جثة ولدكم الثاني لا تلوموني ام نياف بصراخ : شتخربط انت وش ذا الكلام ؟؟ صاحي ؟؟ نياف : ولدك المدلل هو الي اعتدى على سُلاف وظلمتونا ببعض ام نياف : وعسى ماشر ؟الحمدلله انك عرفت وخلاص طلقها وفكنا منها ومن شرها ما شفنا لا من اخوها ولا منها خير نياف بصراخ : اقولك اعتدى على زوجتي وتقولين عسى ماشر ؟؟وطلاااق ماني مطلق ام نياف : لا بتطلقها وغصبا عنك يكفينا الي جانا منهم نياف : زوجتيني منها غصب اذا بتقدرين انتي وابوي طلقوني منها ام نياف بحدة : ما وافقت انت هي بتوافق ، البنت ما تبيك ولا انت تبيها تطلقوا وفكونا سحب شماغه وناظر امه : محد له شغل بيننا طلع وهو يضرب باب غرفة السواق بعصبية فتح الباب وصرخ عليها نياف : عطنيي مفتاحح السيارة طلع السواق المفتاح من جيبه واعطاه اخذه نياف وركب السيارة وتوجه لبيت ام سُلاف باقصى سرعة وصل ونزل وهو يدق الباب ومتجاهل رجال الحي الي طلعوا من المسجد وعرفوا انه هو الي رفع قضية على بندر قربوا منه وهم يكلمونه يتنازل نياف بعصبية وهو يناظرهم : يا تذلف انت وياهه ولا والله لتحقونه وتخيسون بالسجون نتوقف هنا | ||||
|
| |
|
18-12-22, 01:15 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 17 بالبر * ناظرته ملاك ببرود : من متى امزح معك ؟ عقد حواجبه وهو متجاهل الكرك الي تفرغ من البراد على الجمر : لا تلعبين باعصابي وش ذا الهرج ؟ بكت ملاك وهي تناظره وانتشرت شهقاتها بسرعه : عشان كذا ما قلت لاحد لاني عارفه مراح تصدقوني وبتطلعونه غزال بعيونكم بس ذا الصدق ، من وانا صغيرة ما تركني بحالي وكل ليله وكل دقيقه وثانيه يقرب منه ويلمسني بطريقة مقرفه ، قدرت عليكم كلكم وقفت في وجيهكم كلكم بس هو كان يهددني يقرب مني اكثر لو تكلمت ، تعبت من حركاته وكلماته ما عاد اتحمل ، تبي تصدقني صدقني ما تبي مانك مجبور تصدق افعال عمك وقامت وهي تدخل الخيمة وقعدت على فراشه وهي تشهق وتبكي بكل حرقة على كله شي سواه خالد ولا قدرت تتكلم —- ناظر مكانها وهو يحاول يستوعب كل كلمة قالتها كان متوقع كل الي قالته مزح او حلم ما كان متوقع ذي تكون حركات عمه ويتحرش بمين ببنت اخوه ! ناظر الجمر وقرب وهو ياخذ جمره ويمسكها بايده وصرخ بصرخه قهر وغيرة وحقد وما كانت صرخة آلم ، شد على الجمرة من سمع شهقاتها وهو يصرخ معها اكثر — سمعت صرخته وطلعت وهي تناظره ماسك جمرة وركضت وهي تجلس قدامه ومن بين دموعها : عززز افتحح ايدكك عز بقهر وهو يناظرها : والي خلق عيونك ما افتح ايديني الا لما اخذ حق كل دمعة نزلت من عيونك بكت ملاك اكثر وهي تناظره : عز قاعد تحرق ايدك اترك الجمرة وخلينا نحل الموضوع بهدوء عز : تبين اذبحه ؟قولي لي وش تبين اسوي فيه ؟ والله ما تشفع له قرابته عن ذبحه مسكت ملاك وجهه : اترك الجمرة اول شي عز قاعد تحرق ايدك استوعب جلدك قاعد يحترق عز وهو يناظر عيونها : مقهور بداخلي اكبر من ذي الجمرة غبي ما استوعبت خوفك وتوترك من قربه الا الحين ،، خلي جلدي يحترق يجوز يخفف عن الحرقه الي بداخلي ما سلمتي من اعدائي ولا اقاربي قربي منك غلطه مسحت ملاك دموعها وهي تهز راسها : لا لا عز ابدا ما كان غلط انت الوحيد الي تجرأت اقوله الي صار معي ، امي وهي امي ما قالت لها ! شفت شلون قربك نعمه ابدا مو غلطه عز : بروح له اليوم قبل بكره وباخذ حقك ملاك : اترك الجمرة اول عز : انا عند كلامي والله ما تطلع ذي الجمرة من ايدي الا لما اخذ حقك وقدام عيونك نياف *' تنهد بعصبية من صرخ رجال الحي عليه بعد كلامه لف على الباب وهو يدقه برجلينها بعصبيه ناظر ام سُلاف الي فتحت الباب ونطق : نادي سُلاف ام سُلاف: بنتي بتقعد عندي لين يطلع اخوها نياف بحدة : ناديها ابيهاا الحين ام سُلاف: لا تنازلت عن اخوها تعال شوفها وياليت قبل تشوفها تجيب ورقة طلاقها نياف بحدة : طلاق ماني مطلق وبنتك باخذها غصبا عنك الحين صرتي تدافعين عنها وتبينها ؟ قولي انك تبين تلوين ذراعي عشان اتنازل عن ولدك ولا بنتك ما دريتي عنها خلصيني ناديها وباخذها بالغصب انا زوجها والمسؤول عنها ام سُلاف: كلامي الي يمشي وبنتي ما راح تطلع من بيتي الا لما يطلع اخوها وصرخت على رجال الحي وبكذب : يبي يذبح بنتيي تكفون يالنشاما افزعولي ما كفاه ولدي الي بسجن ويبي يذبح بنتي وسع عيونه وعرف حركتها وبحدة : اوريك حطيتك بعداد الموتى الي ناوي عليهم وسحبوه رجال الحي وترك ايده عنهم وهو يناظرهم بحدة : زوجتي وباخذها طرق عن خشمك انت وياه وركب سيارته وطلع من حارتهم وهو يوقف السيارة ونزل وهو يتلثم بشماغه ودخل الحي مره ثانيه وهو يسرع بخطواته وقف من شاف رجال الحي يتكلمون مع ام سُلاف مشى وهو يتمشى بالحي ونظراته عليهم - بعد ساعات انتبه ان الكل دخل لبيته رفع ثوبه وركض لبيت ام سُلاف تعلق بالباب وهو ينط لحوش البيت صار يدور حول البيت ويدور طريقة يدخل فيها لداخل استوقفه صراخ ام سُلاف على سُلاف وقرب من الشباك وهو يسمع كلامهم: اخوك بالسجن وزوجك التبن امه طالبه ٢ مليون عشان يتنازلون عن القضية بتتزوجينه وتجيبين الفلوس وبعدها تطلقي منه سُلاف بصراخ : يمه بعقلك انتي بتزوجيني وانا متزوجة ؟؟ ام سُلاف: محد يدري اني زوجتك نياف التبن وبتتزوجين عثمان عشان تساعدين اخوك سُلاف: لا يمه انتي انجنيتي لو يعرف نياف بيذبحني تكفين فكيني من المشاكل ماني ناقصه ام سُلاف بحدة : بتنفذين الي اقوله وبالغصب مثل ما غصبتك على نياف وتبليت عليه بغصبك على عثمان وبتقولين انك مو متزوجه وطلعت وهي تقفل الباب صرخت سُلاف وهي تبكي وتدعي على بندر ونياف ومو عارفه باللي سمع كلامهم وانصدم من كلام ام سُلاف وانها هي الي تبلت عليه وقف مكانه بصدمه وهو يحاول يستوعب كمية الصدمات والدوامة الي دخل فيها وكمية الكذب والاحتيال ما كان قادر يتحمل الصدمة من اخوه ولا امه الي طلبتهم مبلغ بدون ما تاخذ شوره تقوله ولا ام سُلاف الي كشفت حقيقة تخطيطها بلسانها ،،مسك راسه وهو يحط ايده على جرحه جلس على الارض وهو يعض على شفايفه "صلوا على محمد" بالبر * ناظرت ملاك ايده الي صار لونها احمر بسبب الجمرة قامت وهي تجيب موية وتكسر عناد عز وكبتها على ايده ملاك : ماله شغل تحرق ايدك قام عز : جيبي عبايتك ملاك : علمتك السالفة عشان تتفاهم معه لحاله عز لا تقول السالفه لاحد خليها بيننا عز : بعد الي سواه تبين تتسترين عليه ؟ نزل فروته وسحب مفتاح سيارته وركب وهو ينتظرها تنهدت وهي تلبس عبايتها وركبت بجنبه شافته يتألم من ايده :وقففف ناظرها عز :شفيكك ؟ فتحت الباب ونزلت وهي تاخذ موية ب طاسة وركبت بجنبه :حط ايدك الموية باردة عز :وكيف اسوق ؟ ملاك :سوق باليسار حط عز ايده بالطاسة وتنهد براحة من برودة الموية الي خففت حرارة ايده عز وهو يحرك الدركسون بايده اليسار : اضغطي على القير لقدام حطت ايدها على القير وهي تحركه لقدام وبقوا على ذا الحال لحتى وصلوا للبيت * طلع عز ايده من الموية وفتح الباب وهو ينزل شاف الكل مجتمع بالحوش باستثناء خالد والعيال عز :وين خالد؟؟ ابو عز :احترم عمك من متى تناديه حاف ؟ عز :يخسي ما يكون عمي الخسيس ودخل البيت وهو يدور عليه - نزلت من السيارة وهي تناظرهم صارت تدور البنات بنظراتها شافتهم طالعين بصينية الشاهي وركضت لهم مرام :الله متى جيتوا ؟؟ ملاك وهي تسحبها : قلت لعز كلشي شهقت مرام وهي تأشر لنجلاء واسماء يجون ركضوا البنات لهم وقالت مرام ؛ ملاك قالت لعز كلشي اسماء :كذاببه ؟؟؟ ملاك :ما قلت له عنكم لفوا على صوت صراخ وهواش داخل البيت نجلاء:بيذبحه ركضوا لداخل وشافوا عز يتهاوش مع امه والعيال ماسكينه عز بعصبية :هاذي سواتك ؟؟هاذي اخر افعالك تتحرش ببنات اخوانك يال**** وصرخ على سيف :فكنيييي عليه ببيت ام سُلاف * اتصلت على هنوف وهي تشكي لها وتعلمها بخطة امها هنوف :اقسم بالله امك مو صاحيه في احد يزوج بنته وهي متزوجة سُلاف:عشان التبن بندر شدخلنيي فيه هنوف :ومين ذا عثمان البلوة ؟ سُلاف:ما ادري هنوف :اقول انحاشي لبيت زوجك لو يدري بيذبحك سُلاف:لو طلعت من البيت ذبحتني امي هنوف :بجيك وبطلعك غصب خليك جاهزة قفلت سُلاف وهي تتنهد فزت على صوت الشباك وعقدت حواجبه وقامت وهي تفتح الشباك شهقت من شافته وقفلت الشباك لكن استوقفتها ايده الي حطها قبل تقفل :افتحي سُلاف وهي تتلفت للباب :وش جابك لو تشوفك امي بتذبحني نياف وهو يرفع نفسه وينقز من الشباك : ربي كاتب لعايلتك كلها الموت على ايدي بعدت عن الشباك من نقز وهو يدخل عليها : ليش جاي ؟؟ سحبها من ايدها وهو يلصقها بالجدار وقرب منها وهو يناظر عيونها :تعرفين ان عندي توأم ؟ عقدت حواجبها :لا ! وش توأم من متى ؟ نياف :الي اعتدى عليك اخوي مب انا سُلاف: صاحي انت ؟من متى لينا عندها اخوان غيرك ؟ نياف وهو يحاول يكون هادي : ايه عندها وتؤام والي قرب منك وسبب الحادثة الي لفقتها امك علي هو اخوي مو انا سُلاف:شدخل امي ؟ وبعدين لا تلف وتدور تبي تطلقني طلقني بدون ما ترمي افعالك على غيرك نياف بحدة :سمعت كلام امك باذني وعرفت ان اخوي ما لمسك وان امك تبلت علي وانتي كملتي كذبتها وناويه تكملين وتكذبين ، عرفت كلشي معاد فيه شي يمنعك تكونين صادقة سُلاف وهي تحاول تضيع من نظراته : الحمدلله انه اخوك مو انت وهذا يعني صار وقت تطلقني فيه احد تقدم لي نياف بحدة :تخسين وطلاق ماني مطلق واخوك مراح اتنازل عنه لو تتزوجين تجار العالم كلهم سُلاف بتحدي : ما طلقتني بخلعك سهله الشغله احتدت نظرات نياف وقرب منها اكثر وهو يحاوطها : جربي اذا انتي سُلاف جربي تخلعيني وتسمعين كلام امك وتتزوجين غيري ببيت اهل عز * تدخلوا اعمامه وهم يسمعون كلامه ابو عز : وش تقول انت ؟؟ وش الكلام ذا ؟ عز وهو يناظر خالد : الشريف ذا متحرش بزوجتي ويسمي نفسه عم لف الكل على خالد الي كان يناظرهم بهدوء : هاذي نهايتها يا عز تتهمني بافعال مو افعالي ؟ ناظره عز وهو يبعد سيف عنه وقرب من خالد وهو يمسكه من ياقة ثوبه وضرب راسه بالجدار ولكمه على وجهه طرحه على الارض وصار يضرب فيه برجله تقدم الكل وهم يسحبون عز ويبعدونه عن خالد ضربه ابوه كف : صرت تصدق كلام وحده تتهم ابوك بقتل اخوه ؟؟ والحين تتهم عمك بالتحرش ؟ ودفه ولف على ملاك : وش تبين توصلين له انتي ؟؟ احنا اعمامك يالكلبه تتهمينا بافعال نجسه يالخسيسه تدخل عز وهو يوقف قدام ابوه : كلامك وجهه لي ما صدقتوها انا مصدقها ومصدق كل حرف قالته قام خالد وهو يتمايل ووقف قدام ملاك :انا اسوي فيك كذا ؟ يا حيف يا بنت سلطان نهايتها تظلمين اعمامك عز وهو يدفه من صدره :لا اشوفك حاط وجهك بوجهها ولف على ملاك الي صرخت من مسكتها جدتها من شعرها وهي تسحبها لنص الصاله ودفتها :عيالي اشرف منك ومن كلامك سكت لك عن ولدي بدر بس تمسين خالد بحرف ذبحتك تقدم عز وهو يناظر جدته وسحب ملاك وهو يحطها وراه :وليه ما تذبحين ولدك ؟ وصرخ على الكل :ليه تخلونه شريف وهو نجس ؟ ولف على ولد عمه ماجد :وليه تصدق الي بجنبك وتبينا نصدقها معك ؟ عز : وليه ما اصدقها ؟عشانها تكرهكم ؟ معها حق دام ذا عمها واخو ابوها يتحرش فيها ماجد : الظاهر غسلت مخك ولا من متى تصدق كلام وحده تتهم ابوك بالقتل عز وهو يناظر ابوه :يمكن حتى ذي صدقت فيها صفقته جدته وبحدة : اطلع انت والكلبة الي معك ولا عاد اشوفك دام تتهم ابوك وعمك وتصدق كلامها تقدمت ملاك قدام عز وهي توقف بوجه جدته : اذا ما ربيتي عيالك زين لا تنصدمين بافعالهم جدة عز : انتي بالذات لا تسمعيني صوتك مات الي ما عرف يربيك وطال لسانك ملاك : الحمدلله متربية احسن تربية تدرين ليش ؟لان ابوي مو ولدك ولا كانت افعاله مثل تربية عيالك ولفت على امها الي قالت : عز طلق بنتي وغلطت اكبر غلطه لما سمعت كلام ابوك وجبتها لك عشان طلبك جاكم منا الي يكفيكم ولا عاد نبي منكم لا قرب ولا نسب والي ما يحشم زوجي وهو بقبره وبنته وهي على ارضه ما نحشمه "صلوا على محمد" بغرفة سُلاف * دفته من صدره : يعني تبيني انتظر لحتى احمل وبعدها انتظر حضرتك تطلقني ؟ نياف وهو يحك راسه : حتى ذا القرار يمكن يتغير سُلاف: لا والله !! نياف : بتروحين معي الحين ؟ سُلاف: لا بقعد عند امي نياف : بتروحين برضاك واتنازل عن اخوك ؟ سُلاف : كذاب مستحيل تتنازل نياف : اذا بتروحين معي بتنازل ناظرته لثواني ولصقت بالجدار من قرب منها : شقلتي ؟ سُلاف: قول وعد اتنازل نياف وهو يناظر عيونها : ما تثقين ؟ سُلاف: ولا صفر بالمية نياف بضحكة: بتنازل امشي مسك ايدها وسحبتها سُلاف: باخذ عبايتي فتحت دولابها وهي تاخذ عبايتها ولبستها وهي منتبه لنظرات نياف فتح الباب وطلع قدامها وهي وراه سُلاف بهمس : لا تطلع صوت امي بالمجلس نياف بنفس همسها : صوت امك يغطي على صوتي سُلاف: ههه ما يضحك ومشت قدامه وهي تراقب امها شافته قاعدة مع جارتهم لفت على نياف : امش بشويش نياف : اخلصي ما علي من امك لو شافت انا ماخذك ماخذك ناظرته بهدوء وهي تسمع كلام جارتهم ثبتت نظراتها على نياف وصنمت بمكانها وهي تحس رجلينها من شايلتها بعد الكلام الي سمعته عقد حواجبه من ملامحها وصدمتها وهو يركز على كلام جارة ام سُلاف الي قالت : قلتلك يا نورة قلتلك لا تربين بنت زوجك ما راح تجيب لك الا وجع راسك زوجك جايبها من عند امها ورماها عليك تعبت وانا اقولك البنت مراح تنفعك و ربي ولدك لحالك واتركي بنت الناس رفضتي وقلتي لا بنت زوجي وخذيتيها عشان تحرقين قلب امها عليها ومنعتيها من شوفة امها وحضنها والحين تقولين طفشتي منها وتعبتي من مشاكلها ؟ مافيه يوم الا وتشكين منها ولا يعجبك الي تسويه تحملي قرارك والبنت مثل ما حرمتيها من امها وزوجتيها عشان فلوس وناويه تزوجينها مرة ثانيه عشان ولدك ارحميها يكفيها حقدك على امها وشذنب المسكينة ام سُلاف: مثل ما تعبت عليها وربيتها خليها ترجع تعبي وتنفع اخوها وتنفعنا وتتزوج وامها لا سالت عنها ولا جابت طاريها لا تعاتبيني الحين بعد ما كبرتها ببيت اهل عز * لف الكل على ام ملاك وهم مصدومين من كلامها تقدمت ملاك وهي تلحق امها الي راحت للمجلس ام ملاك وهي تقاطع ملاك قبل تتكلم :لا تناقشيني وجهزي اغراضك معاد لنا قعدة هنا لو تنطبق السماء على الارض ملاك : يمه انا صرت على ذمة عز كيف تطلبينه يطلقني ؟ ام ملاك : مثل ما تزوجك يطلقك ملاك : الحين عرفتي كرهي لهم ؟ كنت تحاسبيني على لساني الطويل الحين عرفتي انهم يستحقون كل كلمة قلتها لهم ؟ قربت ام ملاك منها وهي تمسك وجهها : غلطت وغلطة كبيرة من جبتك لهم وزوجتك ولدهم وانا جاهله بافعال اعمامك سامحيني يا بنتي توبه يمسك شي منهم حضنتها ملاك : قرارك كان صح لما جبتيني لهم وكان صح لما زوجتيني عز تكفين يمه انا وعز مالنا ذنب بمشاكلهم بعدت ام ملاك عنها : عز يحب جدته لا تظنين انه بيختارك على جدته واهله وانا من حبي لك بطلقك منه قبل تخيره جدته فيك وفيهم ملاك : مستحيل عز وقف معي مستحيل يختار جدته مستحيل ام ملاك وهي تدق على سواقهم : توقعي منه كلشي دام جدته هيا وابوه بدر وردت على السواق وهي تقوله يجي ناظرتها ملاك وهي تفكر بكلامها وبداخلها : مستحيل عز يسويها بس شدراك انتي ما تعنين له غير زوجته تنهدت وهي تتقدم وتلم اغراضها مع امها وتفكيرها بعز —— بعد دقايق خلصوا وطلعوا وهم ينتظرون السواق لفت ملاك على البنات الي ركضوا لها : ملاك منجدك بتروحين ؟؟؟ ملاك :ايه نجلاء :اقنعي امك وشلون تطلقك من عز ؟ ملاك : اتفاقنا شهر ونتطلق ما يفرق اذا الحين ولا بعد شهر مرام بصدمه : يعني تبينه يطلقك بعد الي سواه ؟ ملاك وهي تحاول ما تجمع دموعها : ايه اسماء : لا والله انجنيتي يعني تزوجتيه ويوم فضح التبن خالد ووقف معك بتتركينه وتطلبين الطلاق ؟ ملاك وهي تناظر السقف وتضيع نظراتها : ما طلقني هو تطلقني منه جدته وامي سُلاف *نياف نزل درجة وهو يوقف قدام سُلاف نياف بهمس : لا تنصدمين انصدمت منها اكثر سُلاف وهي تبكي :يعني ذي مو امي ؟ يعني كانت تكذب علي ؟ يعني تربيت مع وحده مو امي واطلقت شهقاتها وهي تحط ايدها على فمها ناظرها بحزن وهو حاقد على ام بندر حقد الكون سحبها لصدره وهو يحضنها : مو المفروض تفرحين ؟ محد يفرح ب ام مثلها ضربت صدره وهي تشد على ثوبه وتدفن وجهها بصدره تركها على حالها وهو ينتظرها تهدا بعد عنها ومسك ايدها ومشى وهو يفتح الباب وطلعوا من البيت ومتجاهلين صراخ ام بندر الي ركضت وراهم خرجوا من الحي وفتح السيارة وركبت بجنبه وعم الصمت باستثناء شهقات سُلاف ودموعها مشى وهو يدور مكان فاضي من اي شخص وقف ب البر وهو يرجع مقعده لوراء ويناظر القمرا وتنهد من كثر الهم والصدمات الي ما رحمته ولا رحمت سُلاف تأمل القمر وهو منتبه لحركة سُلاف الي رجعت المقعد على وراء وقعدت نفس وضعيته بقوا صامتين وعلى حالهم ويناظرون القمر ويتأملون النجوم نياف : بعدك تبيني اتنازل عن اخوك ؟ سُلاف: اي اخو ؟ لف عليها وهو يناظرها : ما سلمت من امك وانا معرفها متوق قاطعته سُلاف وهي تبادله النظرات : نياف ما عندي ام امي معرفها هاذي طلعت مو امي لا تحاسبني على افعال وحده طلعت مو امي التمس حزنها وصدمتها بنبرة صوتها عدل جلسته وسحبها له وهو يحضنها ويشد عليها من ارتفعت شهقاتها : اذا ارتحتي قولي لي وتركها تبكي على صدره وهو حاضنها اطلق تنهيداته وهو يمسح على ظهرها بعد دقايق * حس بثقلها على صدره وانتظام انفاسها عرف انها نامت سحب جواله وهو يدق على خويه : تعال البيت عندنا خشه "صلوا على محمد" نتوقف هنا | ||||
|
| |
|
18-12-22, 08:22 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 18 عند عز * خرج بعصبية من جدته واعمامه شاف ملاك وامها راكبين مع السواق تقدم لعندهم وهو يدق الشباك وفتحت ام ملاك ناظر ملاك : وين رايحه ؟ ام ملاك : عز لا تطول السالفة وتخلينا نوصلها للمحاكم طلق بنتي والله يسير لك امرك عز : هي زوجتي مالكم اي دخل بيننا وتبيني اطلقها عشان خالد ؟ باخذ حقها منه ام ملاك : السالفه ما وقفت على خالد المشاكل بتكبر لو بقت معك بنتي الافضل لها تبتعد عن المشاكل وتبعد عنكم ورفعت الشباك ضرب الشباك مرة ثانية وعصب من مشى السواق من قدامه ركب سيارته وهو يرمي شماغه ومسك راسه بكل قهر انتبه لنجلاء والبنات الي فتحوا الباب وركبوا بجنبه مرام : خليتها تروح كذا ؟؟ اسماء : اقسم بالله محد صاحي ذي تبي تتطلق من هنا وذا تاركها من هنا عز : هي طلبت الطلاق ؟ نجلاء : ايه سألناها وقالت انكم عند اتفاقكم وبتطلقها بعد شهر عز : يعني تبيها من الله مرام : عز يويلك تطلقها خير ما امداكم تتزوجون تنهد عز وهو وهو يفتح الشباك : وليه راكبين انتم ؟ نجلاء : بنروح معك للبر عز : ومين قال بروح ؟ اسماء : اجل وين بتروح ؟ عز : بروح اتفاهم مع الشيخه نجلاء : اجل خذنا معك شغل عز السيارة وحرك اسماء: اقسم بالله جدتي ذي مب صاحيه وانتبهت لنظرات نجلاء وعز وبخرشه: امزح مرام : وهي صادقه شاللي تطردك من البيت عشان خالد عز وهو يتنهد بضيق: ياليتها وقفت على البيت اسماء : وشفيه بعد ؟؟ عز : طلبتني اطلق ملاك مرام : لا عااد هنا طولتها ولصقت باختها من ناظرها عز بحدة :بعدين انت مريض بعد كلامها تدافع عنها ؟ مع احترامي لك يا نجلاء بس صدق محد له دخل بعز وزوجته وملاك بعد مجنونه سمعت كلام امها وطلبت الطلاق بسيارة نياف * رجعها لمقعدها وحرك وهو يسوق بأقل سرعة عشان ما تصحى وتوجه للبيت بعد دقايق * وصلوا ونزل وهو يفتح الباب عنها سحب جواله وهو يرسل للينا تفتح الباب وقرب من سُلاف وهو يشيلها ومشى فيها للباب وهو ينتظر لينا تفتح فتحت وهي منصدمة من منظر سُلاف بحضنه دخل على صراخ امه وابوه وهم يتناقشون بطلاق سُلاف من نياف شد سُلاف لصدره من انزعجت من اصوات امه وابوه طلع فيها لغرفته وحطها على سريره ولف على لينا الي دخلت وهي تناظر سُلاف: امي وابوي يبونك نياف بهدوء:دقايق وجاي استغربت من هدوءه وحالته وطلعت وهي تقفل الباب ونزلت للصاله وهي تنتظر نياف مع امها وابوها قعدت بجنبها اختها : ذا اخوي نياف ؟ لينا : انصدمتي مثلي ؟ لمى : والله انصدمت من متى ذا يقرب من بنات ولا بعد شايلها !! رحتي فيها يا وجد لينا :وع وش جاب طاريها ؟ لمى : وجد حبيبة نياف لحد ينكر لينا بقرف : ما لقيتي الا ذي لمى : حدك الا وجد خزتها لينا ولفت على نياف الي نزل وهو يوقف قدام امه وابوه ابو نياف : تعال شوف امك الا غصب تبيك تطلقها نياف وهو يسحب الموزة من عن على الطاولة ويشيل قشرتها : زي ما اقنعتها توافق على زواجي منها اقنعها ترفض طلاقي منها انت تقدر ابو نياف بعصبية : انا ابوك يالكلب اعرف مع من تتكلم نياف : ابوي الي سفر اخوي الي اعتدى على زوجتي ؟ ام نياف : محد يعرف بسالفة اخوك الا لما اعترف هو بنفسه لا تتهم احد نياف : طيب رجعوه اذا ما تعرفون بسالفته ابيه انا ابو نياف : انت كنت رافض تتزوجها وشصار الحين ؟؟ نياف : عناد وبشوف مين كلامه يمشي يا انا يا انتم يا اخوها الي يبيني اطلقها ام نياف : لا بتطلقها وغصبا عنك رجعها لاهلها محد يبيها ولا راضي بزواجك منها نياف : انا اهلها وطلاق ماني مطلق عناد واعطاهم ظهره وطلع ابو نياف : ما عرفت اربيه ولف على لينا وبحدة : نادي زوجته بسيارة عز * كانوا البنات يقنعونه ويحفظونه الكلام الي بيقوله لملاك عز بانزعاج : خلاص الله يزعجك انتي وياها اسماء : عز يا ويلك تقول كلمتين وتعطيها ظهرك قول كل الكلام الي قلناه يمكن تقتنع عز : بسالها تبي ترجع ولا مع السلامة اسماء بصراخ : عززز بلا استهبال واحنا وش نقول من ساعة عز : لا تصارخين ، تبيني اذل نفسي لها ولامها ؟ والظاهر تبي الفكة من قالت لكم اني بطلقها بعد شهر مرام : ذا بيجنني تستهبل انت ؟ وتنهدت نجلاء : خلاص وصلنا قفلوا السيرة مرام: وشذا السيارات ؟ اسماء:اح منذا الخقة ؟ وحطت ايدها على راسها من ضربها عز بخفيف فتح الباب ونزل مرام : يالله ننزل معه نجلاء: لا اقعدوا هو بيتفاهم وبيرجع اسماء :،الله يستر من شفت ذا الخقة وانا مو مرتاحه —— وقف من شاف رجال داخلين لبيت ام ملاك ودخل وراهم سمع صراخ رجال وتقدم اكثر وهو يدخل البيت من شاف الباب مفتوح وقف عند باب المجلس وشاف ام ملاك تتوسطهم وعرف انهم خوال ملاك من قالت ام ملاك : والله ياخوي لا الولد يبي يطلق ولا جدته موافقه على بنتي خال ملاك بعصبية : بنتنا ما تقعد عندهم وبيطلقها غصبا عنها وعنه وانتي وبنتك مالكم قعده هنا بتروحون معنا على الديرة ام ملاك : بنتي ما تبي لا تروح لاعمامها ولا خوالها وانا بسوي الي يريحها خال ملاك ٢ :وانتي تمشيك بنت ؟ ابك والله لما تطلع لاقطع ذا العقال على جلدها خال ملاك ١: العرب تتكلم بزواجها من ولد عمها وتزوجين بنتك لا تعلمينا ولا سويتي لها عرس ولا ملكة ؟ ام ملاك : زواجها كان سريع بطلب من زوجها وكان مختصر ولا عزمت احد خال ملاك ٢: بيطلقها الملعون والا والله لافضي ذا المسدس على راسه ونادي بنت يا مره ومشينا الديار تنتظرنا ولفوا على عز الي دخل : ودياري تنتظر زوجتي "صلوا على محمد" ببيت اهل نياف * دخلت لينا على سُلاف وهي تصحيها سُلاف: شفيك ؟ لينا : ابوي يبيك تحت سُلاف: صاير شي ؟ لينا : لا بس يبيك تنهدت وهي تناظر الغرفة والسرير وبتعجب : متى جيت هنا ؟ لينا نقزت على السرير : نياف جابك لحد الان منصدمه شصار بينكم ؟ سُلاف وهي تتذكر اخر لحظاتها مع نياف : ما صار شي وقامت وهي تغسل وجهها وتضبط شعرها ونزلت مع لينا سلاف : هلا ؟ ابو نياف : غيرتي ولدنا علينا من تزوجتيه لا صار يسمع كلامنا ولا يطيع شورنا ابيك تخلعينه والله يستر علينا وعليك سُلاف وهي تناظره بصمت وبهدوء ولفت على ام نياف : لا هو الي راضي يطلقك ولا انتي تبينه ولا احنا نبيك سُلاف: وليه زوجتوني اياه وانتم تعرفون ان اخوه الي اعتدى علي ؟ ام نياف : محد كان يدري واليوم درينا و زوجناك عشان نستر على الفضيحة الي تبليتي فيها على ولدي سُلاف: بس انا مابي اخلعه ؟ ابو نياف : ولدنا يهددنا بقتل اخوه والسبب انتي ابعدي عنه واكفينا شرك وخيرك سُلاف: الحين يعمي ؟ مو انت الي حلفت تزوجني اياه غصبا عنه والحين تبيني اخلعه غصبا عني ؟ ام نياف : ذاك زمان اول وما توقعنا الامور توصل لين هنا ولا تطولين الهرج واخلعي ولدي سُلاف بعناد : مراح اخلعه ام نياف بعصبية : ولدي ما يبيك كيف ترضين تعيشين مع احد ما يبيك حز كلامها بخاطر سُلاف وردت : الي ما يبيني تعودت عليه وعناد مراح اخلعه تقدم ابو نياف بعصبية : بتخلعينه ولا بسفرك لاخوه وتفكينا شرك سُلاف بقهر : بطلع ولا راح تشوفون وجهي بس خلع مراح اخلع ولدكم وطلعت لغرفة نياف وهي ماسكة دمعتها ولبست عبايتها ونزلت وهي تطلع من البيت بكبره ببيت ام ملاك * ناظر الكل عز وتقدم خال ملاك : انت زوجها ؟؟ عز وهو يناظره بنص عين : وصلت وشبغيت ؟ خال ملاك : طلقها والا والله لافضي ذا براسك ناظر عز المسدس : وباي صفه تطلبني ؟ خال ملاك :انا خالها وبحسبة ابوها عز : وانا زوجها وبحسبة اهلها تقدم خال ملاك ومسكه من ياقة ثوبه : طلقها عز : حاشمك لقرابتك نزل ايدك رفع خال ملاك مسدس وهو يطلق رصاصته برجل عز انصدم عز وهو يحاول يثبت ويتحمل الوجع وناظره بحدة ولكمه على وجهه كتم صرخته من وجعه ولف بصراخ على خوال ملاك الي قربوا منه وهو يمسكونه وضربوه كان يحاول يرد لهم اللكمات لكن من الوجع ما قدر يثبت اكثر مسكوه قبل يطيح وصرخ خال ملاك وهو ينادي ملاك ركضت من جات امها وهي تقولها عز موجود شهقت من شافت شكله ورجله المتصاوبه تجاهلت نظرات عيال خالها وهي بدون حجاب وتقدم لعز وهي تبكي : عزز ليه جييت ليه بيذبحونك عز وهو يفتح عيونه ؛ جيت اخذك بكت ملاك وهي تناظر خوالها : وش سويتم فيه ؟؟ وشتبون فيه ؟ صرخ خالها : خليه يطلقك برضاك ولا بتشوفين دمه ملاك بصدمه وبصراخ: تهددني بزوجي وقدامي ؟ خالها : لا ترفعين صوتك ورفع المسدس وهو يوجه على عز : صوبته برجله ذي المرة براسه اعجلي يا بنت وخليه يطلقك برضاك بكت ووقفت قدام عز : وليه يطلقني شتبون منا ؟؟ سحبها خالها من شعرها وهو يناظر عز : طلقها عز بعناد : ماني مطلق حط خالها اصبعه على الزناد ووقفت قدامه ملاك : لا ترميه خالي تكفى عز ماله ذنب ولفت على عز وهي تبكي : طلقني ناظرها عز بوسط وجعه : لا تحاولين بكت وهي تمسك وجهه : عز بيذبحونك بتموت طلقني الله يخليك عز : برضاك ؟ ناظرته وعيونها غرقانه بدموعها وعكس الي داخلها : ايه عز وهو يتمنى تقول الي يبيه : وعدنا بعد شهر متاكده تبين اطلقك الحين ؟ عند سُلاف * طلعت من البيت وهي تفكر وين تروح تذكرت كلام ام بندر وفتحت جوالها وهي ترسل لهنوف : بالبيت اجيك ؟ هنوف : طالعه مع اخوي بس تعالي شوي وراجعين سُلاف: لا مرة ثانية ان شاء الله وقفلت جوالها وهي تتنهد بتفكير مشت بالشوارع وهي تايهه وامتلى عقلها بافكارها وهي تتذكر كلام ام بندر وام نياف وابو نياف اطلقت تنهيداتها المحملة بتعبها شافت شايب يبيع بليلة حطت ايدها على بطنها بوجع ومشت وهي متجاهله صوت بطنها تعبت من المشي وفتحت جوالها وهي تشوف الساعة الي اوشكت تصير ١٢ مرت بمسجد وتقدمت وهي تتفقد ابوابه شافت العامل ينظف ارضيته ودخلت بسرعه قبل يقفل الباب وقفت وراء الباب وهي خايفة تنهدت من قفل الانوار وقفل الابواب وطلع فسخت عبايتها وهي تشغل المكيف وسحب الكرسي وتضبطه على الحار انسدحت بوسط المسجد وهي تناظر السقف —— عند نياف ركب مع عمر وهو يقعد على جواله عمر : وشعندك ؟ اي خشه؟ نياف : دور لي اي تهمة بلصقها بواحد عمر : اوف وش مسوي ؟ نياف : مسبب لي قلق بحياتي ابي افتك منه عمر : ابشر بي بس ابي هويته نياف :وصلتك خلها علي وانتبه على اشعار لينا ورد عليها : وشفيه ؟ لينا : سُلاف طلعت من البيت عدل جلسته : قالوا لها شي ؟ لينا :ايه تنهد نياف وهو عارف حركات امه وابوه :ارسلي لي رقمها هز رجلينه بانتظار رساله لينا انتبه لاشعار ودخل وهو يضيف سُلاف بجهات الاتصال واتصل عليها وهو ينتظرها ترد عمر :صاير شي ؟ نياف وهو يناظره وجواله باذنه : وانا افتكيت من المشاكل ؟ وفز من وصلها صوتها التعبان : مين ؟ نياف : وينك ؟ سُلاف: مين معي ؟ نياف : الي طلعتي من غرفته سُلاف: وش بغيت ؟ نياف : اسالك وينك ؟ سُلاف: وليه تسأل ؟ نياف : لا ابد بلعب معك سُلاف: تعبانه مالي خلق احد وقفلت المكالمة ناظر جواله بصدمه ورجع اتصل مره ثانيه وهو ينتظرها ترد "صلوا على محمد" عز وملاك * ناظرت عز وهي تهز راسها بالرفض بعكس الي قالته : ايه متأكدة تركوه العيال الي مسكوه ورفع رجله عن الارض وهو يوقف على الثانية ووقف قدامها وبلع ريقه :ما كان ودي اطلقك يا بنت العم بس ذا كان طلبك وبرضاك انتي طالق وناظرها من بكت واعطاها ظهره وطلع اطلقت انفاسها وهي تحس بشعور غريب صارت تتنفس بقوة وسرعه وقربت منها امها وهي تحضنها : يمكن خيرة اهدي ناظرت الارض وهي تنتظر دمعتها تنزل : يمه ليه ليه مصيرنا كذا ليه حرمتونا من بعض بكت ام ملاك وهي تمسح دموعها وبعدت عن بنتها بعد ما قال خالها : يالله مالكم قعدة الديار واهلكم ينتظرونكم ما نطقت حرف ورجعت غرفتها وهي تبكي —— طلع من البيت وهو يحمل ثقل بصدره ووجع برجله ركب بجنب خواته وحرك وهو ساكت ومتجاهل اسئلتهم وخوفهم من شافوا الدم من رجله وصل لبيتهم ونزلوا البنات باستثناء اسماء الي قعدت وقربت من اخوها وبحنية : عز يخوي شفيك ؟ عز : طلقتها يا اسماء وسعت عيونها بصدمه وحست بحزنه وقربت وهي تحضنه شدت على ظهره وهي تمسح عليه : يمكن خيرة يا خوك لا تزعل نفسك وتتضايق عز : خذ الموت فيصل وما رحمتني الدنيا وخذتها بكت لحزن اخوها وهي تتنهد وتدعي عليهم بكل حقد بعد عن حضنها وسحب شماغه وتلثم فيه اسماء : وين بتروح ؟ عز : البر سلمي لي على امي اسماء بخوف : عز لا تقطعنا مثل عادتك عز : وش اقعد له هنا ؟ تبيني اقعد واشوف وجه الخسيس كل حزه اسماء: انتبه لك ولا تقطعنا ونزلت وهي زعلانه وضاقت لطلاقهم ودخلت وهم تعلم الكل نتوقف هنا | ||||
|
| |
|
| أدوات الموضوع | |
| انواع عرض الموضوع | |
|
|
31Likes
العرض العادي
