كيف تتعاملي مع طفلك

[ملكي حياتي]

السلام عليكم ورحمة الله. ليسه معي موضوع وانما احتاج كيف اتعامل مع اطفالي في الحياة اليومية لا استطيع اتفاهم معهم او الحوار مثل الدراسه صعب المراجعه معهم في دروس او طريقة الحفظ لا اعلم الغلط مني او منهم فانا من انوع العصبي واحسهم صارو مثلي وانا لا اريدهم ان يكونو مثلي في العصبيه او غيرها من الأمور السيئة ياريت ماكون ازعجتكم

[جود عامر]

مرحبا
معلش المكان هون شكله ميت والموضوع شكله قديم شوي بس بحكي رأيي لعل وعسى شفتيه

هلأ قبل كلشي انا لا ام ولا بعرف عن الامومة ولساتني مطلعتش من البيضة
بس كرأي شخصي
اول شي من ناحية تعاملي معهم باللين والشدة ورخي وشدي الحبل هاد حكي كل الناس تحكيه وقليل اللي يطبق بس المهم انو معروف
من باقي النواحي
من ناحية الدراسة لو اولادك كبار انا ضد انو تضلي تدرسيهم اتركيهم شهر يقدموا امتحانات بتعبهم هم وخليهم يشوفوا نتيجة تعبهم لو رسبوا مو اخر الدنيا عاقبيهم بس مو بالضرب احبسيهم بالبيت لفترة معينة امنعيهم من الموبايل او سلطي ابوهم عليهم وهيك همه حيخافوا يتكرر الموضوع
واذا اطفال فاختي مافي حل الا تستني يكبروا وعصبيتك ضلي استغفري وسبحي كل ما عصبتي والله يهديهم ويحميلك اياهم وبخصوص طريقة الحفظ ما بعرف لو تنفع بس انا استخدم طريقة اسجل صوتي وانا ادرس مواد الحفظ بصوت عالي واسمعه بالطريق للجامعة او وانا بشتغل ما بعرف لو تنفع مع الاطفال انا تعلمت هالطريقة جديد وجد ريحتني بشكل كبير من مواد الحفظ خاصة المواد اللي بالانجليزي
هلأ كنصيحة مني ولادك لا تزتيهم لناس غيرك متل اهلك او اهل زوجك لانو لو كبروا عند غيرك عمرك ما بتموني
ولا عمرك تعلميهم الحقد ولا تغلطي على حد من اقاربه قدامه لانو مصيره بيرجع لهم ويتعامل ومابكون خسران غيره وهو يحقد على الناس ومتطر يجاملهم بدل لا يكون طبيعي وقلبه صافي وحتى لو غلطوا الناس فيكم بالنهاية هم بشر والغلط اكيد منهم ومنك
علميهم الحب والحق واهم شي الكذب لا يقربوه الناس تتعلم الكذب لما تخاف تحكي الحق لا تخليهم يخافوا يحكيلك الحق حتى لو كان ضدك لما يعترفوا بذنبهم لا تكبري الموضوع ومرة سامحي ومرة عاقبي
لما يغلطوا صغري الغلط وكبريهم

ولما يسووا شي منيح ولو بسيط كبريه وكبريهم معه وامدحيهم

عمرك لا تصغريهم


سوري لو تفلسفت او زدت حكي وبالتوفيق اختي ربي يحميلك اولادك ويكبرهم بحنانك وعز ابوهم يارب ♡

[ام عبيدة صالح]

سلام عليكم ورحمته الله
وبراكته