آخر 10 مشاركات
الــــسَــــلام (الكاتـب : دانتِلا - )           »          وَ بِكَ أَتَهَجَأْ .. أَبْجَدِيَتيِ * مميزة * (الكاتـب : حلمْ يُعآنقْ السمَآء - )           »          أترقّب هديلك (1) *مميزة ومكتملة* .. سلسلة قوارير العطّار (الكاتـب : كاردينيا الغوازي - )           »          43- لـــــــــولاك (الكاتـب : فرح - )           »          رَقـصــــة سَـــــمـا (2) .. *مميزة و مكتملة* سلسلة حـــ"ر"ــــب (الكاتـب : moshtaqa - )           »          قلبُكَ وطني (1) سلسلة قلوب مغتربة * مميزة ومكتملة * (الكاتـب : Shammosah - )           »          بعد النهاية *مميزة ومكتملة * (الكاتـب : Heba aly g - )           »          عذراء اليونانى(142) للكاتبة:Lynne Graham(الجزء2سلسلة عذراوات عيد الميلاد)كاملة+الرابط (الكاتـب : nagwa_ahmed5 - )           »          93- الشمس والظلال - آن هامبسون - ع.ق ( نسخه أصلية بتصوير جديد ) (الكاتـب : angel08 - )           »          عروس راميريز(34)للكاتبة:Emma Darcy(الجزء الأول من سلسلة عرائس راميريز)*كاملة+روابط* (الكاتـب : Gege86 - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree783Likes
إضافة رد
 
LinkBack أدوات الموضوع انواع عرض الموضوع
قديم 14-10-23, 09:09 AM   #161

Cloud24

كاتبة في قسم وحي الاعضاء

 
الصورة الرمزية Cloud24

? العضوٌ??? » 398399
?  التسِجيلٌ » Apr 2017
? مشَارَ?اتْي » 377
? دولتي » دولتي Saudi Arabia
?  نُقآطِيْ » Cloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond repute
افتراضي


*






البارت الثالث عشر ..




*









مسحت المكالمه ودموعها .. وقدرت تستجمع نفسها سريع

" خلاص محيا مو لك كم مره ارجع اكرر هالمعلومه ليه بعد موقفه معي قبل وفاة عيسى ضعفت .. كنت اقوى ولاافكر انه بيكون لي .. كنت ابحث عن عريس مناسب وتاركه المشاعر ع جنب .. خلاص عتاب ارجعي مثل ماكنتي ... "

فتحت باب المخزن وطلعت .. وسيدة لغرفه غادة

غادة الي كانت جالسه ع كرسي التسريحه تمشط شعرهاا .. رفعت نظرها للباب .. انفتح بطريقه دفشه !!؟

عتاب وقفت وتضرب الجوال بكفها اليسار : نعيماً ياحلوه

غادة ناظرت جوالها وفزت سحبته منها : من سمح لك تاخذيه ؟؟

عتاب تقفل الباب وتسند ظهرها عليه : انتِ تسببتي بسحب جوالي مني عادي استخدم جوالك اشتقت لحبيبي رقم ثلاثه وكلمته

غادة ناظرتها بصدمه : تكلمين غير محيا ؟!!

عتاب ابتسمت ببرود : ايه ثلاث وكلهم يموتون علي

غادة بقهر : وربي انك حقييره محيا لازم يعرف حقيقتك الوصخه

عتاب رفعت حاجب .. وبشك : وانتِ ايش دخلك فيه

غادة والغيره بانت عليها : لانه مايستاهل يضيع ربع من وقته ع وحده مثلك

عتاب بشويش : عاجبك هو ؟

غادة بصراحه وتوخر شعرها عن وجهها : ايه

عتاب : تهقين انه بيناظرك ولو شوي !! هه غلطانه محيا مجنون فيني وكل اهلي واهله يدرون لو تروحين بحينا وتسألين الكل بيقولك ايه محيا يحب عتاب مزيون ويطيح الطير من السما صح ؟ بس ولا بنت بالحي تتأمل فيه لان يدرون بس يتعبون انفسهم محيا مايناظر الا عتاب مايلحق الا ورا عتاب

غادة والغيره اعمت عيونها .. تحركت بسرعه هاجمه ع عتاب

عتاب طاحت بظهرها ع الارض من الهجوم المفاجأ مااستعدت .. وتحاول تدافع عن نفسها وتدف غادة الي جت فوقها وتعض كتفها بقووه .. وتصاارخ باالم : وخررري ياحيوانه

غادة مال راسها من سحبه عتاب لشعرها بس مافكت اسنانها الا لما حست بطعم الدم .. وصارت تضربها بكفوفها عشوائي


رحمه الي كانت جايه تتطمن .. عتاب تأخرت قالت لها بتفاهم مع غادة بس قعدت تفكر لايكون توصل للضرب
وهي مقبله ع الغرفه سمعت صراخ عتاب .. وراحت تجرري : مثل ماتوقعت

فتحت الباب وشافت غادة طايحه في اختها ضرب .. بسرعه مسكتها من كتوفها تحاول تقومها عن اختها : مجنونه انتِ وقفي لاتضربيها قووومي

غادة تحاول تفلت من رحمه الي لفت يديها ع خصرها وشدتها بقوه عن عتاب .. كانت تمسك طرحتها : فكيييني وخرري عني

عتاب وقفت وعلى طول هجمت ع غادة شدتها مع شعرها ..
رحمه تركت غادة وصارت بينهم تحاول تبعدهم عن بعض .. ورجعت غادة الاقوى تسحب شعر عتاب وتنزل راسها للارض





وقف عند الباب المفتوح .. جا ع صوت الصراخ والمهاوش .. كان بغرفته القريبه
والظاهر ان مافي احد فوق وسمع الاصوات غيره ..

وقف وعيونه عليهاا طرحتها طايحه ع كتوفهاا .. وشعرها الاسود الطويل مجدول .. والغره ع جوانب وجهها طايحه
وجهها الدائري وخدودها .. ناعمه وجمالها طبيعي من عرفهاا
لقى نفسه يفكر "للحين عندها غمازتين"


رحمة رجعت بغادة ورا : اذكري الله يابنت

غادة جلست ع الارض وانفجرت تبكي بصوت عالي ..

البراء رجع ع ورا وتنحنح ..

رحمة لما سمعت نحنحه الرجال .. ناظرت عتاب الي جالسه ع الارض وماسكه راسها بألم غطتها
وانتبهت انها هي حجابها طايح
رفعت طرحتها وتحجبت واخذت نقابها من ع الارض ولبسته ..

البراء بدون مايدخل الغرفه : وش الي صاير هنااا غادة وش فييك ؟؟

رحمة شدت يد عتاب .. وطلعت من الغرفه مارين من عنده ولاعطته اي تبرير .. يتفاهم مع اخته

البراء دخل بعد ماطلعو .. وجلس عند غادة الي تحاول توقف بكا : وش صاير ليه تبكين وتضاربين مع بنت عمك

غادة اخذت مناديل ومسحت خشمها وعيونها .. ووجهها متنفخ بكا : مشاكل بنات لاتتدخل

البراء : الا بتدخل عند وش متهاوشات

غادة بحقد : عتاب قليله ادب ولسانها وصخ مااقدرت اتحملها وتضاربنا

البراء ماقدر يناقشها اكثر .. هو للحين مرتبك ومأثره فيه نظرته لرحمة
وقف : طولي بالك مره ثانيه


وطلع وراح للحمام القريب من غرفته .. وقفل الباب وراه ودقات قلبه سريعه
وقف عند المغسله وغسل وجهه اكثر من مره .. رفع راسه للمرايه وناظر نفسه "وشوو!!؟"

" شفتها بعد هالعمر .. وبعدين !!؟ "

غمض عيونه وبهمس وانفاسه سريعه : ابي اشوفها وقت اطول .. ابي اتأملها بدون قيود

نفض راسه بصدمه ورجع غسل وجهه : وش قاعد تقول انت

راح فتح الدش ودخل تحته وضرب قبضه كفه بالجدار : اصحى لاترجع للضيم الي كنت عايش فيه شعور مراهقه وماات ماعاد تأثر فيني ولا تعجبني

جلس ومويه الدش البارده تنزل عليه بقوه ..
مو حاس بشي ..
يتذكر لما قرر يتزوج وطلب مواصفات للعروس الي بتختارها له امه .. كان يطلب مواصفاتها كطفله ويتخيل هالطفله لما تكبر كيف تطلع

حاول يتقبل زوجته الي بعيده كل البعد عن المواصفات الي ادمنها بمراهقته .. حتى شخصيتها واخلاقها ماقدر يتقبلها
طلقها بعد خمس شهور بطلب منهاا .. طفشت من اهماله وبروده

شافها وفعلاً مثل ماتخيل شكل الطفله لما تكبر .. مثل مايبي .. مثل مايحب ..
رجع له شعوره القديم وادمانه ..




*



مودة تحط اصابعها بالزيت وتمسج راس عتاب الي بحجرهاا : المنافقه ماتوقعتها منها والله

رحمه : بس كيف عرفت ان محيا يحبك

عتاب بس قالت لهم ان غادة سوت كذا غيره ليه محيا يحبها وهو عاجبها .. ومتألمه من راسها : مدري عنها دام انها شافته وعجبها طبيعي بتبحث وراه لين عرفت

مودة : مريضه وانتِ شدخلك تأذيك كان راحت له هو

عتاب : واضحه تبي تزوجني اخوها وهذاك ينساني وتشبكه

رحمه : فكونا من هالسيره خلاص قفلوها بكره بنرجع بيتنا ومحيا الله يوفقه ويعوضه خير

مودة تناظر عتاب كيف انشد فكهاا ..

رحمه : خلاص مودة انا ادلك راسها انتِ روحي يمدي زوجك ينتظرك

مودة باست جبين عتاب .. وقلبها موجوع عليها ..
وودعتهم ومشت


*





مودة دخلت الغرفه .. وفصخت نقابهاا : جييت ؟ توك ولا من اليوم

عبدالاله الي كان منسدح ع السرير جلس يتمغط : يعني مو مبطي

مودة تفصخ عبايتها وتعلقها ولفت عليه : تعشيت ؟

عبدالاله : لا مافضيت قلت اتعشى معك برا بس ارتحت ومافيني اطلع

مودة : عادي مو مشكله انا اكلت مع اخواتي الحين اجيب لك عشا

عبدالاله يحس انها تصدد عنه : لا خلك اكلمهم يجيبون العشا هنا تعالي انتِ اجلسي وخل اعلمك شسويت مع العمال

مودة تجلس ع كرسي المكتب .. تشوفه وهو يطلب العشا .. " معقوله خلاص صار زوجي حقي مافي اي معارضات وصعوبات ضدنا الكل راضي .. هو حنا اجتمعنا صدق .. "

وقفت وهي تشوفه منشغل بجواله .. دخلت الحمام الملحق بالغرفه

تأملت شكلها بالمرايه .. وجهها طبيعي مو حاطه شي .. وشعرها رابطته ببكله
عادية .. هذا مو شكل عروس .. عشان اصدق
حتى لو ماتممنا زواجنا .. لازم اصحى اتجاوز الصدمه ..
واعيش اللحظات .. واتزين .. واخذ قلبه ماابقي حته

فكت شعرها .. وحاولت ترتب فيه .. فرقته من النص
ورفعت خصله من الجنب وثبتتها ببنسه تركتها الصباح ع المغسله .. ورفعت خصله بالجهه الثانيه
وتركت شعرها الباقي بشكل مرتب ..

طلعت بشويش .. وارتاحت انه مو بالغرفه ..
بسرعه تحركت واخذت شنطتها كامله .. ورجعت الحمام مبسوطه

عبدالاله رجع ومعه صينيه العشا .. وتركها ع الطاوله
وراح دق ع الباب : مطوله

مودة انخرشت وهي تلم المنشفه ع صدرها : وش تبي !!؟

عبدالاله حس الخوف بصوتها : جبت العشا تنقنقين معي

مودة : لا بالعافيه

رجعت تناظر الملابس بحيره ..
تبي تلبس شي عفوي وملفت بنفس الوقت .. ماتبيه يفهم غلط ..

اخر شي لبست بجامه حرير .. بنفسجيه
وعدلت تسريحه شعرها .. وتعطرت وطلعت


عبدالاله رفع نظره لها وهو ياكل .. كمل لقمته بشويش ونزل نظره

مودة جلست ع طرف السرير .. بما انه جالس ع الكرسي والاكل ع المكتب .. تنتظر يقول شي .. يعلق يمدح .. يفتح سالفه
ولا هالصمت المربك .. : ايه شسويت مع العمال تقول

عبدالاله يناظر اكله : اخترت لون الدهان وبكره الصباح يبدون ان شاءالله

مودة : حلو

عبدالاله وقف واخذ الصينيه طلعها برا وقفل الباب .. وراح غسل واستعد للنوم

مودة تشوفه يفرش فراشه ع الارض : بتنام ع طول ؟

عبدالاله يقلد نبرتها بالحمام بخوف مصطنع : وش تبيين ؟

مودة ابتسمت بااحراج : سخييف

عبدالاله وهو يكمل شغله : ماعليك زود

مودة تحضن الخداديه : طيب صدق بتنام

عبدالاله يلف عليها يعيد : وش تبيين

مودة رمت عليه الخداديه .. وهو انسدح بفراشه يضحك





*




بالسياره سانده راسها ع القزاز تناظر الطريق .. وتفكر كيف ترد الصاع صاعين لغادة .. فوق الي سوته فيها تتهجم عليها وتضرب
للحين تحس جسمها متكسر .. وكملت عليهاا ابره التحليل..

شهاب : تبين فطور

عتاب : ابي بيتنا بنام

شهاب : خليك جاهزه بس تطلع التحاليل بنملك ناقصك شي كلميني

عتاب ماردت عليه .. فوق التعب الجسدي .. تعبها النفسي وتفكيرها بمحيا ..
خايفه عليه ومنه




*


وهو عند الاشاره الي تلف ع حيهم .. كانت سيارة شهاب قدامه
الظهر .. وقت طلوع الدوامات
شهاب جاي لبيت ام عيسى .. هلا والله يعني رجعو بيتهم

فصخ شماغه ورماه ع المقعد جنبه .. وهو يحرك سيارته وراهم .. كذا كذا رايح بيته اصلاً

وقف عند بيته ومانزل يناظر سيارة شهاب الي وقفت عند بيت ام عيسى

عتاب نزلت وقفلت الباب بقوه .. كارهه عمها وحسابه معها عسير مسوي حنين الحين ومهتم وهو مايصدق يتخلص من مسؤوليتها ..

شهاب مااهتم حرك السياره ومشى ..

عتاب لفت تلقائياً لبيت جيرانهم .. ناظرت سيارة محيا
وشهقت لما انتبهت انه داخلهاا

محيا شد ع اسنانه .. واقفه عند بابهم تناظره بكل قواية عين ولا كأنها اذته .. وكسرت قلبه
فتح الباب ونزل .. علق شنطه اللابتوب ع كتفه واخذ شماغه بيده وقفل سيارته .. متجاهل يناظرها
ودخل بيتهم

عتاب فتحت الباب ودخلت .. قفلته وراها وجلست ع الارض وسندت ظهرها عليه ولمت ركبها
وقعدت تبكي بحرقه



*




*





شدت بنتها مع ياقه بجامتها : مجنونه انتِ خلاااص اخذ عقلك لو ابوك واخوانك درو عن سواتك يااويلك

غادة بتبلد : مارح يدرون ماعندها دليل

نوير دفتها ع ورا وطاحت ع السرير : هه ام عيسى وبناتها حيايا ماتدرين وش ناوين عليه وش خلاها تسكت للحين ماتعلم بسواتك

غادة تعض اظفرها : تدري انهم يكذبوها

نوير : اسمعيني زين هالولد تطلعيه من راسسك والله يستر من عتاب هذي شكلها مب سهله

غادة بحقد كرهتهم خلاص : كلهم وسخات

نوير تنهدت : صحيح بس هالمودة ان شاءالله اخوك يدعس راسها قبل تدعس عليه احس ينقدر عليها

غادة : صدقيني يمه تحسبينها اشواهم هذي حاطه اخوي بجيبها عبدالاله المسكين والله

نوير : والبراء بعد بياخذ العوبا عتاب ياربي انا وش سويت الي تبلا عيالي فيهمم

غادة تعدل جلستها : عتاب خليها البراء قوي ولاتقدر عليه هو الي بيأدبها بس عبدالاله حرام يتهنون فيه مو بس صار زوج مودة لاا سواق وشغال عند ام عيسى وبناتها

نوير تناظر بنتها : وش براسك ؟





*



فتحت باب الغرفه وعفست ملامحها لما شافه مين عنده : نعمم !!؟

غادة تبتسم بمسكنه : مودة انتِ الي رح تفهميني ممكن تسمعيني شوي

مودة تنهدت بضيق : طيب شوي اجيك

غادة لوت فمها وراحت جلست بمجلس الحريم تنتظرهاا ..
مودة لبست جلال الصلاه وراحت لها وجلست ..

غادة : انا ابي اعتذر من عتاب وابيها تسامحني غرني الشيطان ماادري كيف سويت كذا اخذتني الغيره وربي ندمت الحين

مودة : الي سويتيه كبيير ماينغفر احمدي ربك اننا سكتنا وماعلمنا اهلك

غادة نزلت دمعه ومسحتها : انا طول عمري وحيده لااخوات ولاصديقات مافي احد ينصحني ويوجهني حبيتكم وارتحت معكم ماابي اخسركم تكفيين

مودة بقهر : صنع يدينك عتاب اكلت ضرب وفوقه تتزوج اخوك الي مايناسبها كل ذا من تحت راسك

غادة تبكي : مودة افهميني ورربي ندمانه لو تبي اكلم ابوي والبراء اذا ماتبيه نكنسل هالزواج

مودة تصد عنها : لاتبكين الحين انا بكلمها واشوف

غادة مسحت دموعها ونطت لمودة تحضنها : ورربي ان قلبك ابيض منه مافي انا دارييه ان اخوي محظوظ فيييك

مودة بااحراج توخرها عنهاا ..

غادة وقفت : طيب الحين بمناسبه صلحنا ابي اخذك للسوق اكيد انك محتاجه تجهزين

مودة للحين رسميه : طلبت كل شي من المواقع مو ناقصني شي الحمدلله

غادة تكتم غيضها : اطلعي تغيرين جو واعزمك ع قهوه

مودة وبخاطرها ملانه : تمام



*





ام ذياب تغمس التمره في القشطه وتاكل : اقول رحمة ماودك بمعرس كل المواصفات الي يدورها فيك وهالمرة اضمنه لك مو مثل سعيد

رحمة وطاريه يسد نفسها : ماعاد لي خاطر بالزواج خواتي بيتزوجون وانا بقعد مع امي

ام عيسى تناظرها بصمت ..

عتاب طلعت من غرفتها وشعرها الكثيف منثور ع كتوفها وظهرها بفوضويه .. ناظرت ام ذياب بنص عين مفتحه
"وانا اقول الصوت المزعج لمين .."

ام عيسى تشوف عتاب تجي تسلم ع ام ذياب ..

ام ذياب تناظرها بااعجاب هذا وهي صاحيه نوم : الفف مبرووك تمنيت اني ازوجك ع يدي بس حكم القوي

رحمه وام عيسى ناظروها بااستفهاام !!

رحمه : وش قوي ؟!

ام ذياب تقصر حسها وكأن عندهم احد : خبركم بالمخبول ولد جملا كلمني مره يهدد لو عرضت مواصفات عتاب واعذريني يياام عيسى اني خفت منه ولااطريتها لااحد

عتاب بلعت ريقها بتوتر ووراحت لدورة المياه .. ورحمه تناظرها بألم

ام عيسى : لو جانا مارفضناه بس صاحي يمنع نصيبها ويسمع لامه

ام ذياب : اييه يقاله بيقنعها بس هي متكبره ولارضت له محد خسر غيرهم عتاب تقول للقمر قم اجلس مكانك

ام عيسى : لااوصيك جيبيها معك يوم ملكه عتاب

ام ذياب : ابشرري

ام عيسى ناظرت رحمه : ان جت شوفي شغلك معهاا

رحمه وهي بعد مقهوره منها : ابشرري


*






بالمول ..

جالسه وقبالها غادة تتقهوى وتصور .. تحس انها مو مرتاحه ماقد جلست بكوفي مفتوح كذا .. ان راحت المول تتسوق وتطلع ويكون معهم عيسى مايرضى يجلسون كذا بمكان مفتوح وبروحهم

مودة : اذا خلصتي بنروح احس تعبت

غادة تشرب باقي قهوتها : خلاص انا اكلم عبدالاله يجينا

مودة اخذت نفس تنتظر ..

شوي كذا قالت غادة ان عبدالاله برا .. وطلعو مع بعض ..

مودة تمسك الكيس الوحيد الي معها شرت مجموعه عطر عجبتها .. مشت ورا غادة الي راحت للسياره السودا .. وهي مستغربه هذي موسيارة عبدالاله

غادة تفتح الباب الي ورا بدون ماتركب ..

مودة بتلقائيه دامها ركبت ورا .. هي فتحت الباب الي جنب الراكب .. وركبت بدون ماتناظر عبدالاله تحس بخجل منه .. لما ارسلت له انها بتروح المول مع غادة
ارسل لها "خذي راحتك ولااوصيك اشتري اشياء تسعد وفيس يغمز"

تحركت السياره بسرعه .. ولفت له لما حست انه قرب منها .. ماامداها تستوعب الصدمه
الا يكشف وجهها ويحط المنديل ع فمها وخشمهاا ..





*




اتصلت ع عبدالاله بتوتر وخوف اول مارد عليها : عبدالاله وييينك ؟؟

عبدالاله : قريب خلوكم برا

غادة تاخذ نفس : مودة ماهي معي قالت لي بتروح دورة المياه وشفتها ركبت سياره سودا تحسبني ماشفتها عبدالاله انا خاايفه

عبدالاله يسمعها مو مستوعب : كيف ركبت سياره سودا !!

غادة تبكي : اقولك انحاشت مع واحد سيارته سودا ماادري متى تجي هي قالت انتظريني كذبت علي انها بتروح الحمام

عبدالاله قفل الخط بوجهها وزاد سرعته .. وهو يتصل ع مودة بيد ترجف .. كان جوالها يدق .. بس عطته مشغول
دق مره ثانيه ونفس الشي مشغول
رمى جواله جنبه .. وكله يرجف .. اكيد غادة فاهمه غلط


وصل للبوابه الي عندها غادة وعلى طول جته وهي تشوفه ينزل : وين رايح

عبدالاله : بدورها اكيد انها بالحمام والي شفتيها مو هي اكيد غلطانه

غادة : والله متأكدة اصلاً كانت طول الوقت تتهرب مني "وبكت" صدمتني !! مودة كذاا

عبدالاله سفهها وهو يروح لداخل بسرعه .. وغادة انجبرت تروح وراه تدور معه
دخل دورة المياة حقه النساء بنفسه يدور ولا همه احد .. ولف المول كله والجوال بيده يتصل .. وجوالها مغلق

غادة تناظر عبدالاله بطرف عين وهم بالسيارة .. كان يسوق بسرعة ووجهه مسود
ماتدري لوين متجهين .. بس قلبها يدق من الخوف
الله يعدي هالليله ع خير ..


عبدالاله وقف عند بيت ام عيسى .. ونزل وصار يدق ع بابهم مثل المجنون

كانو يتعشون داخل .. وسمعو الدق القوي ..

رحمة فزت واخذت جلالها : خير اللهم اجعله خير

عتاب تناظر امها ورحمه .. واخذت جلالها وراحت ورا رحمه

رحمة فتحت الباب نص وهي وراه .. بس اندف الباب وضرب بصدرها وظهرها بالجدار .. تأوهت متألمه ومتفاجأه مين يدف الباب كذا

عتاب الي كانت قدامه عند الباب الداخلي ع طول تلثمت بجلالها ..

عبدالاله بنبره حااده وهو يحاول يصبر : وين مودة ؟؟



*





نهاية البارت الثالث عشر ...

yasser20, nmnooomh, Msamo and 8 others like this.

Cloud24 غير متواجد حالياً   رد مع اقتباس
قديم 15-10-23, 03:16 AM   #162

ضي عيوني

? العضوٌ??? » 496732
?  التسِجيلٌ » Dec 2021
? مشَارَ?اتْي » 438
?  نُقآطِيْ » ضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond reputeضي عيوني has a reputation beyond repute
افتراضي

ااااخ يا غاددده الحيه ان الله يمهل ولا يهمل????????كذا تسووين بموده البريئه
nmnooomh, Cloud24 and توت711 like this.

ضي عيوني غير متواجد حالياً   رد مع اقتباس
قديم 15-10-23, 01:20 PM   #163

ارجوان

? العضوٌ??? » 422432
?  التسِجيلٌ » Apr 2018
? مشَارَ?اتْي » 464
?  نُقآطِيْ » ارجوان is on a distinguished road
افتراضي

ان زوجتي غاده محيا انا برسلك سياره سودا نفس الي اخذت موده وشهاب الرمه مسوي فيها مقطعه الشرف وحريمه اوصخ ناس واهو نايم في العسل المرم

ارجوان غير متواجد حالياً   رد مع اقتباس
قديم 15-10-23, 03:55 PM   #164

Msamo
 
الصورة الرمزية Msamo

? العضوٌ??? » 366128
?  التسِجيلٌ » Mar 2016
? مشَارَ?اتْي » 1,845
?  نُقآطِيْ » Msamo has a reputation beyond reputeMsamo has a reputation beyond reputeMsamo has a reputation beyond reputeMsamo has a reputation beyond reputeMsamo has a reputation beyond reputeMsamo has a reputation beyond reputeMsamo has a reputation beyond reputeMsamo has a reputation beyond reputeMsamo has a reputation beyond reputeMsamo has a reputation beyond reputeMsamo has a reputation beyond repute
افتراضي

غادة دي شيطان حقيقي يا ربي إلهي تنكشف كل مصايبها

Msamo غير متواجد حالياً   رد مع اقتباس
قديم 15-10-23, 04:48 PM   #165

الملكه الجميله

? العضوٌ??? » 379538
?  التسِجيلٌ » Jul 2016
? مشَارَ?اتْي » 26
?  نُقآطِيْ » الملكه الجميله is on a distinguished road
افتراضي

مساء الخير cloud

مبسوطه جدا انك نزلتي رواية جديدة وبتابعها معك ان شاءالله
احب رواياتك و اسلوبك بالكتابة سلس و عفوي الله يحرم يدينك عن النار

حرام عليك يا مجرمة وش هذي القفلة
و غادة تقهرررر شيطانه الله يوقعها بشر اعمالها
و شهابوه وينه عنها ولا جيد على خوات عيسى بس

مودة ياعمري عنها ما اقدر اتوقع وش بيكون وضعها
ما خليتي لنا مجال مع مفاجأتك ????????

ب انتظار البارت الجاي بس بدون قفلات و احداث قوية ????????‍♀️????


الملكه الجميله متواجد حالياً   رد مع اقتباس
قديم 15-10-23, 05:09 PM   #166

شقف الزمان

? العضوٌ??? » 478041
?  التسِجيلٌ » Sep 2020
? مشَارَ?اتْي » 167
?  نُقآطِيْ » شقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond reputeشقف الزمان has a reputation beyond repute
افتراضي

مساء الخير

تسلم الأيادي ياجميلة

مودة >>
وش ذا الغباء عاااد!!
على طوووووول سامحتي ووثقتي فيها!!!
عز الله طلاقك جاء على طبق من ذهب لامك المجرمة!!!


شقف الزمان غير متواجد حالياً   رد مع اقتباس
قديم 15-10-23, 10:28 PM   #167

Cloud24

كاتبة في قسم وحي الاعضاء

 
الصورة الرمزية Cloud24

? العضوٌ??? » 398399
?  التسِجيلٌ » Apr 2017
? مشَارَ?اتْي » 377
? دولتي » دولتي Saudi Arabia
?  نُقآطِيْ » Cloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond reputeCloud24 has a reputation beyond repute
افتراضي

ضي عيوني
ارجوان
Msamo

( منوريين دائماً وابداً بتواجدكم الجمييل الله لايحرمني♥️♥️)


الملكة الجميله
شقف الزمان

( اهلاً اهلاً بالوجوه الجديده منورررين♥️♥️)


نداااء
‏nmnooomh ويينك ؟؟ ترا ماارضى زعلك اول متابعه متفاعله
كله عشان محيا ! خلاص ترا اعتقته مارح ازعله
حولت على عبدالاله ( فيس منحاش)

Msamo and ضي عيوني like this.

Cloud24 غير متواجد حالياً   رد مع اقتباس
قديم 15-10-23, 11:35 PM   #168

nmnooomh

? العضوٌ??? » 314998
?  التسِجيلٌ » Mar 2014
? مشَارَ?اتْي » 496
?  نُقآطِيْ » nmnooomh is on a distinguished road
افتراضي

يمع الحية غاده
والله ما غيرك ي نوير انتي وبنتك اللي سمكم ينكت
اعوذ بالله
شتبي بهالمسكينة اللي ما صفت لها الدنيا ولا مره
حرااام اللي تسويه بموده
كافي سمع ما تسمع الا بجهاز وطق ابوها وبعدين اهمالكم لها وبعده طق امها لها كل ليلة
تجين انتي ي العقربه السودا تطينينها شدخلك فيها
خلاص حسني علاقتك معاهم يبون يصيرون حريم اخوانك
ما اقول الا مالت والله مالت
تبي تقلب عاليها واطيها وتضيع اخوها وتبهدله
هو روحه بموده شلون يبي يصبر عنه اذا طلبت الطلاق
والل تعرضت للاغتصاب
وشكل غادة راعية شباب ومغازل
اشوف كل الطرق الملتوية تعرف له
يكفي بنات ام عيسى شرها

البراء ورحمة ههههههههههه
رجعنا لنقطة الصفر
طلع الاخ غرقاااااان اكثر من اخوه
ي عيني ي عيني
عجبتيني بفقرته
ههههههههههه
كل الصفات السيئة تطلعوا فينا عيال شهال
احس اني ساديه اتلذذ بألمه
بس يستاهل
شهالحب اللي يخليه يتحرش فيها وهي بيت اهله
بدون شيمه ولا تربية
على الاقل حب عفيف مثل حب عين الزيح محيا
مو حبك الاقشر
حبك برص وثلاثة خرس
ونبي نشوف شلون يطلعن عينك رحمة وعتاب ويتحاذفنك بينهن ما ندري منو تبي بالضبط
ويين ترسي سفينتك
لان الاخت كلاود تموج فينا في بحر حروفها الانيقة ما ندري عن امواجها



كنت حالفه ما اقرأ هالبارت بس القلب وما يعوى ما قدرت اصبر عنه
في انتظارك عزيزتي لا تطولين علينا
ونبي بارت مفاجأة( هديه ضغنطوطه) تطمنا على موده
ودمتي بود عزيزتي

Cloud24 and ضي عيوني like this.

nmnooomh غير متواجد حالياً   رد مع اقتباس
قديم 15-10-23, 11:38 PM   #169

nmnooomh

? العضوٌ??? » 314998
?  التسِجيلٌ » Mar 2014
? مشَارَ?اتْي » 496
?  نُقآطِيْ » nmnooomh is on a distinguished road
افتراضي

يمه الحية غاده
والله ما غيرك ي نوير انتي وبنتك اللي سمكم ينكت
اعوذ بالله
شتبي بهالمسكينة اللي ما صفت لها الدنيا ولا مره
حرااام اللي تسويه بموده
كافي سمع ما تسمع الا بجهاز وطق ابوها وبعدين اهمالكم لها وبعده طق امها لها كل ليلة
تجين انتي ي العقربه السودا تطينينها شدخلك فيها
خلاص حسني علاقتك معاهم يبون يصيرون حريم اخوانك
ما اقول الا مالت والله مالت
تبي تقلب عاليها واطيها وتضيع اخوها وتبهدله
هو روحه بموده شلون يبي يصبر عنه اذا طلبت الطلاق
والا تعرضت للاغتصاب
وشكل غادة راعية شباب ومغازل
اشوف كل الطرق الملتوية تعرف له
يكفي بنات ام عيسى شرها

البراء ورحمة ههههههههههه
رجعنا لنقطة الصفر
طلع الاخ غرقاااااان اكثر من اخوه
ي عيني ي عيني
عجبتيني بفقرته
ههههههههههه
كل الصفات السيئة طلعوها فينا عيال شهاب
احس اني ساديه اتلذذ بألمه
بس يستاهل
شهالحب اللي يخليه يتحرش فيها وهي بيت اهله
بدون شيمه ولا تربية
على الاقل حب عفيف مثل حب عين الزيح محيا
مو حبك الاقشر
حبك برص وثلاثة خرس
ونبي نشوف شلون يطلعن عينك رحمة وعتاب ويتحاذفنك بينهن ما ندري منو تبي بالضبط
ويين ترسي سفينتك
لان الاخت كلاود تموج فينا في بحر حروفها الانيقة ما ندري عن امواجها



كنت حالفه ما اقرأ هالبارت بس القلب وما يهوى ما قدرت اصبر عنه
في انتظارك عزيزتي لا تطولين علينا
ونبي بارت مفاجأة( هديه ضغنطوطه) تطمنا على موده
ودمتي بود عزيزتي

ضي عيوني likes this.

nmnooomh غير متواجد حالياً   رد مع اقتباس
قديم 15-10-23, 11:43 PM   #170

nmnooomh

? العضوٌ??? » 314998
?  التسِجيلٌ » Mar 2014
? مشَارَ?اتْي » 496
?  نُقآطِيْ » nmnooomh is on a distinguished road
افتراضي

من القهر ايييييييييييييييه وينك تبين لك عضه بدل عضة غاده لعتاب
من الضغط النفسي نزل الرد مرتين
هين هين ي كلاود كذا تسوين فينا وبحبايبنا
لمتى ان شاء الله البهدلة
نبي شي بارد على كبودنا
مثلا تطلعين عيسى للحياة تقولين انه طلع من الحادث فاقد الذاكره وضاع(فلم هندي) ههههههههه
والا تخلين شهاب يتزوج ام عيسى وتروح تسوي تجميل نفسي وجسمي
نبي اي تعويض لو انه صغير
كله راضين به
ولا هالبهدلة اللي عايشين فيها

Cloud24 and ضي عيوني like this.

nmnooomh غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 04:45 AM



Powered by vBulletin®
Copyright ©2000 - 2024, vBulletin Solutions, Inc.