15-09-24, 07:21 PM
| #451 | ||||
 
|  الفصل الثالث عشر سدن اخيرا خلصت من مازن وجود حازم معاهم كان مهم كان لازم يبقى فى راجل معاهم لأن واحد زى مازن مكنش هيعدى اليوم على خير و اعتقد ان وجود حازم كان احسن من وجود نضال لأن نضال مش بتاع مشاكل و هادى فكان مازن ممكن يتكلم مش هيفرق معاه لكن مع حازم لا كلام حازم مع سدن جميل اوى حازم مهما حاول يبعد عن سدن خلاص مش هيعرف كلامه معاها مستحيل تقولى أن دا واحد عايز ينتقم من طليق أخته سدن ابتدت تفكر و تهتم بحازم بدليل مكلمتها لغفران و طبعا البركة فى الندبة اللى وقعت بنتنا و خليتها تهتم استاذ قصى و خفة دمها الرهيبة مع استاذ حازم انا عرفت ليه دلوقتى قولتيلى دا لو حازم استحمله بعد كدا  الثلاثى المرح حازم قصى ناهل كلام قصى صح حازم لازم يدى نفسه فرصة نقطة السجن هى مش اخر الدنيا خصوصا أنه اتسجن علشان كان بيدافع أن أخته و الوظيفة فى شركة مراد فرصة حلوة أنه يبنى مستقبل جديد بعيد عن فكرة الانتقام قصى عندى احساس أنه هيخلى حازم يتشل قريب من الأفكار بتاعته فى اللبس و طريقة المقابلة مع مراد ناهل و انا قاعدة كدا و بشوف كلامه على مراد قولت فى عقلى هو ايه اللى هيحصل لو ناهل قابل مراد و كمية التنمر اللى هتحصل من الطرفين فحسيت أن انا نفسى فى مشهد زى دا علشان متأكدة أن هيبقى فيها كمية ضحك و من موقعى هذا اتمنى أن يكون في مشهد بين مراد و ناهل حازم فى الاخر دخل نفسه فى مشكلة و للأسف بسبب تهوره شخص ملهوش ذنب اتأذى بسببه يزيد شخصية ضعيفة ماشى ورا ماجد و معتقدش أن هو هيعرف يحمى رزان من ماجد لما يعرف أن هى اللى بتخونه مراد اتوقع ان كيك ليمون ليها سبب ان مراد يرفضها فكرة أن مراد ميقولش لأيشا أن هو اللى أنقذها علشان مش عايز يبان أنه مهتم بيها يعنى مراد مثلا لو كان قالها اه عادى مفيهاش حاجة لأن طبيعى مش هيشوفها بتغرق و هيسيبها و خصوصا أن هو قدام واحدة عارف أنها ذكية جدا (لها ضحكتين) استاذ مراد بقى يركز فى الضحكتين و الفصل اللى فات يقول لرزان أنا مش بفكر فى أمور الارتباط و طبعا انا مصدقة جدا أن مراد مش مهتم بأيشا خالص و اكيد مش غيران خالص بأمارة " اود قتل أحدهم إذا لم يتوقف عن سخافته" اللى عايزة يقولها و يعملها و لتانى مرة يركز أن اذنيه مثقوبتان و طبعا هو اتخانق مع ايشا علشان هى بنت عمه و مينفعش واحد يقولها بقيتى جميلة و هى تضحك لا انا فعلا مصدقة أن مراد مش مهتم بأيشا مفيش الكلام دا وطبعا بعد كل دا مراد مش غيران لا ايشا طبعا أنا قولت فى اول الرواية هتخلى مراد يعيش ايام سودا و مش هتسيب مراد غير لما ينطق انا اكتشفت أن ايشا واقعة اكتر من مراد و لو مراد منطقش بسرعة ممكن تروح هى تطلب أيده بصراحة بحب البنات اللى بتعرف تحرق دم الراجل بتبسط بس صدقينى يا سوسو انا مش شريرة بس بحب كدا  داوود ناقصله علبة فشار و تبقى كملت داوود شبه متأكد من مشاعر مراد ناحية ايشا عجبنى جدا داوود و مراد فى موضوع حازم مراد برغم أن طبعه و وشه كئيب لكن قلبه كبير و طيب برغم الظروف و القسوة اللى كان عايش فيها مخلتش قلبه يبقى قاسى على اللى الناس و دا اهم من وشه و مظهره انفال حاسة أن كلامها مع داوود مش مجرد شكر بس كأنها عارفة أنها بتلعب بأعصابه و معانا تانى واحدة عارفة تحرق دم الراجل  يا سوسو تسلم ايدك الفصل تحفة اوى ♥️♥️ | ||||
|  |
 |
| أدوات الموضوع | |
| انواع عرض الموضوع | |
|
|
1774Likes
العرض العادي
