29-10-24, 09:01 PM
| #1 | ||||
|  العداءة العداءة 1 وقف الحارس المرتعش على بعد خطوات من الباب المفتوح، كانت الساعه لم تتعدى السادسة صباحآ بعد، السماء قاتمة هواء بارد يقرص العظام، شبورة تغبش الروؤية والندى يحتضن العشب والأشجار. صباح الخير يا باشا؟ تجاهل رعد التحية كما يعرف فخرى، الخدامه الجديده وصلت امبارح يا باشا وزى ما حضرتك أمرت غبيه، صامتة، جميله وعندما ركض رعد فوق العشب همس فخرى وغير مثقفه بالمرة. تنهد فخرى بأرتياح، دلوقتى يقدر يفطر ويحبس بالشاى ويدخن الجوزة من غير ازعاج دلف غرفته الملحقه بالحديقه، يعنى قال هو بيهتم بالخدم؟ مش عارف ليه مش بيسيب الحجات دى لفخرى ويريح دماغه طالما مش بيتعامل معاهم؟ وراح يدخن الشيشه باستمتاع، هيطلعلى قرشين كويسين من وراها، وعبد الفتاح هبيوس ايديه وش وضهر على القرشين إلى هبهتعهم ليه اول كل شهر. ركض رعد فوق العشب بين أشجار الحديقه، كان يشعر بالبرد عندما بداء لكن الآن جسده يتصبب عرق خدامه جديده؟ فكر رعد وهو يركض، انا مطلبتش خدامه جديده، لكن فخرى بيلبى كل رغباتى، امر ممتع ان تستمتع بعزلتك الداخلية تبقت ثلاثة كيلو مترات قطعها رعد بأقصى سرعه قبل أن يختفى بين أشجار الحديقه. فتحت شروق عينيها بفزع، قومى يا هبة ولكزت الخادمه إلى نايمه جنبها فيه صوت حد بيضرب حد جاى من جوه القصر؟ الساعه كام؟ بصت هبة على الوقت كانت السابعه صباحآ نامى يا بنتى دا اليوم الوحيد إلى مسمحولنا ننام فيه براحتنا همست شروق، بقلك فيه صوت شخص بيصرخ برة؟ انتى فاكره نفسك فى القريه بتاعتك يا شروق نامى نامى!! تلا؟ تلا؟ بصت تلا على الصوت __ فيه ايه يا زفت انتى؟ ايه إلى مصحيكى دلوقتى؟ انا فهمتك شغلك كله امبارح فيه واحد بيصرخ فى القصر!؟ ملكيش دعوة روحى كملى نوم على الصبح، سيبينى انا عايزة اناااااام ____ فتحت شروق باب الغرفة، الصوت جاى من هناك! امبارح خدت جوله داخل القصر لكن دلوقتى شاعرة بالضياع دا بيصرخ ليه؟ ومين بيضربه؟ وازاى محدش عايز يساعده ويدافع عنه؟ أخذها الصوت نحو رواق مفروش بالسجاد تحرسه لوحات جداريه لا تعرفها شروق، الموناليزا ملتصقه بلوحة الفتاة ذات القرط اللؤلؤى ثم لوحة القبلة لجوستاف كليمت جعلتها ترتعش. ارتفع الصياح بصوت واضح، كان الباب أمامها، سحبت شروق عصا المكنسة واقتحمت الباب شاهرة المكنسة كانت غرفة واسعه، صالة رياضيه مجهزة بالمعدات الرياضيه فى منتصفها شاب عاري الصدر يضرب كيس ملاكمه بغضب وصراخ كأنه ينتقم منه توقف الشاب عندما لمحها تدخل الغرفه، تبدلت ملامحة للغضب ونزع القفازين وطوحهم على الأرض __صرخ انتى بتعملى ايه هنا؟ __ صمتت شروق، تيبست مثل الجدار انطقى بتعملى ايه هنا؟ فتاة هزيله وجميله، مرتعشة وبائسه هطلت دموعها قبل أن تتكلم، عرفت شروق انه ربما يكون الباشا الغاضب الساحق الذى حذرته منه تلا متقربيش منه ابدا! متفتحيش بقك غير لو اتلكم ولو اتكلم هتقولى ايه؟ حاضر، حاضر، فاهمه؟ همست شروق حاضر، حاضر مشى رعد تجاهها وهو غير قادر على اخفاء ابتسامته بقلك بتعملى ايه هنا؟ سمعت انفاسه الصاخبه من مقربة وأدركت ان لكمه واحده من ايده هتشيل نص وشها الشمال سمعت واحد بيصرخ يا بيه جريت اساعده وارتفع نحيبها انتى ضايعة خالص، فكر رعد رفع ايده واغمضت شروق عيونها، غورى من هنا ومشفش وشك تانى لمدة أسبوع حتى ولو صدفه عارفه لو شفتك؟ هعلقك هنا مكان كيس الملاكمه، وصرخ رعد يلا امشى اولته شروق ظهرها وبعد أن اطمأنت ركضت بسرعه، ركضت مثلما تركض بين حقول الذره والبرسيم مشمرة الجلباب حافية القدمين، ركضت مثل عدائة او شخص هارب من الموت، عبرت الرواق فى أقل من دقيقه اختفت داخل الغرفه تنهد رعد وهو يبتسم، بتجرى كويس والله، لا دى بتجرى بطريقه مدهشة | ||||
|  |
|
30-10-24, 10:21 PM
| #2 | ||||
| #العدأة ٢ رجعت شروق الغرفة، قعدت فى الركن بصمت، عقلها مش مبطل تفكير، دا صعب جدا، متوحش زى ما تلا قالت، الحمد لله انه مضربنيش انا مت من الخوف، مضى الوقت وحتى بعد من الخدم ما فاقو كانت لسه شاردة. انت يابنتى يلا علشان الشغل؟ شغل ايه سألت بطيبة هنضف القصر يا هانم، هو انتى كنتى فاكره انك جايه العزبه بتاعت ابوكى؟ النهرده ميعاد نضافة القصر الاسبوعيه، نهضت مستسلمه، لبست الوزره وحملت الجردل، شالو السجاد والاثاث وكل حاجه وبدأو ينظفو الارضيات، عنيها كانت على الصالة متخيله بين لحظه والتانيه رعد يطلع ويشوفها ويهزقها لكن مفيش حاجه حصلت، بعد الظهر نزل رعد من غرفته الخدم كانو منحنين على الأرض بينضفو لكن لما حسو بحضورة انحنو اكتر وما رفعوش راسهم، شروق كمان وطت كانت هتلزق بالأرض، قعد على الكرسى وولع سيجارة وكل شويه يسعل ويكح، بعدين رمى السجارة على الأرض، تلا تحركت وشيلتها حطتها فى المنفضة ورجعت مكانها، بعدها مشى بينهم بخطوات خفيفه بعيد عن الميه والفوم، متكلمش ولا بص عليهم ولا قال اى حاجه لما وصل الباب همس انا هتأخر شوية برة. مفيش حد رد كل واحد فضل فى شغله، هبه وشروق، تلا همست حاضررررررر هبه بعد ما مشى، الحمد لله معلقش على حاجه تلا وانتى الصادقه احسن حاجه علمها فى حياتة أصلها مش ناقصه غتاتة انتهت نظافة القصر وقت العصر، والخدم بدلو هدومهم واخدو راحه واتغدو وكان وقت جميل كله ضحك وهزار بعدين هبه مسكت روايه قعدت تقراء فيها وتلا عملت زيها سألت شروق هو انتو بتعملو ايه؟ صرخت تلا بنقراء اصل رعد بيه احيان بيسألنا فى تفاصيل الروايات، بيحدد روايه وممكن يسألنا فيها، كان نفسه يطلع مدرس لكن حظه وحش طلع باشا ثم اردفت متخفيش ليه فتره بعيده جدا ما سألش فى حاجه، امر روتينى يعنى لكن الواحد لازم ياخد حذره اصل عليه ايد عامله زى المطرقه هو بيضرب؟ سألت شروق بخوف | ||||
|
| |
|
03-11-24, 09:57 PM
| #3 | ||||
| #العداءة ٣ مسكت شروق الروايه بيد مرتعشة، لاحظت ان فيه اكتر من نسخة من الرواية على الرف قرأت العنوان! جثة لذيذة ' جسمها ارتعش اكتر حاولت تقراء الاسم اوجستينا باثتريكا هى الرواية دى بتتكلم عن ايه يا تلا؟ بتتكلم يا ستى ان لحوم البشر بقت قانونيه بعد تفشى فيروس بين الحيوانات والعالم توقف عن أكل لحوم الحيوانات... فتحت شروق اول صفحه والصفحه إلى بعدها، كان فيه صفحة متركمشه ومكتوم عليها، شخص معقد نفسيآ رعد ده، كان خط ايد الخادمه إلى قبلها مريض نفسى بيطلع عقده علينا يلا شروق سيبى إلى فى ايدك غيرك هدومك واستعدى __انا لسه مخلصتش قرأه وبعدين استعد لأيه؟ همست هبه وهى تحشر جسمها داخل البنطال، الطابور يا اختى، الطابور طابور ايه؟ طابور اللياقه يا شروق، اصل رعد بيه مش بيحب تشتغل عنده خادمات تخان، تقوليش يعنى هيتجوزنا؟ كان هناك زى رياض معلق، ماركة عالميه، بدا انه اصلى، ارتدته شروق وشعرت بالعار، اول مره تلبس بنطال وتمشى بيه من غير عبايه طلعو على الحديقه وكان فخرى موجود، وقفو صف وعنيهم على باب القصر الساعه ٦ بالضبط دخلت عربية رعد، ركنها ونزل منها قعد على المقعد الخاص بيه ونضارته فوق وشه رفع ايده وبلا كلام بدأت الخادمات يعملو تمارين رياضية شروق عملت زيهم، قلدت الحركات تماوجت الأجساد فى الهواء تؤدى رقصة طبيعة الغابة كان نظرة مصوب تجاه أشجار الحديقه، لكن لما تلا تكاسلت صرخ فيها تلا؟ عشرة ضغط!! لكن يا رعد بيه عشرة كتير؟ نزع رعد نضارتة وظهر وجهه الغاضب، استسلمت تلا ولما وصلت العدة العاشرة التصقت بالأرض فكرت شروق انا لو عملت زيها هموت، وراحت تحرك ساقيها بسرعة مشى رعد ووقف جنبها وهو يعاين حركاتها، يالهوى دلوقتى هيفتكر ويعاقبنى لانى اقتحمت صالة الالعاب الرياضيه لكن رعد متكلمش هبه؟ تلا؟ تعالو هنا وانتى وشاور على شروق، استعدى للجرى وقفت شروق على اول مضمار الركض وشغل رعد ساعة المؤقت أجرى لاخر الطريق وارجعى نفذت شروق الأمر، وجلس رعد على المقعد يطرق بأصبعة المقعد وينظر للساعه طارت شروق، ركضت هاربه من نظرات رعد، هاربه من الخوف فجأه وجدها رعد واقفة قدامه، تفاجيء برجوعها بص للساعه، همس مش معقول؟ انتى متأكده انك وصلتى اخر الطريق؟ همسهت شروق بخوف حاضررر مستحيل وضرب رعد المقعد، اكيد غلطتى ورجعتى من نص الطريق طلعت شروق وردة انا قطعت دى من عند سور الحديقه لمح رعد الزهره التى لا تنمو الا فى مؤخرة الحديقه وهمس، تمام التدريب خلص، يلا كل واحد منهم يروح على شغله نظفت الخادمات اجسادهن بدش سريع ظهر فخرى على باب غرفتهم الباشا عايز القهوه بتاعته!! غريبة؟ همست تلا دا مش معاد القهوه بتاعته؟ وانا مالى قال فخرى بنبره ساخره، شروق اعملى قهوة للباشا انا مش قادره انصب طولى ومين سمعك ولا انا همست هبه بيد مرتعشة صنعت شروق القهوة على باب الرواق ناحيت الخدم علقه ورقه مطبوعه آداب تقديم القهوة قرأت شروق التعليمات، مشت فى الرواق ببطيء، وقفت على بعد عشرة خطوات رعد كان بيقراء الجريده، مرفعش عينيه ناحيتها فظلت واقفه منتظره الإشارة بعد دقيقه اخرج رعد سيجارة ووضعها فى فمه، تحركت شروق بحذر ومع اول نفس تركت القهوة على الطاوله اشكرك همس رعد بأدب يعنى اقدر امشى دلوقتى؟ رفع رعد نظره مركبه إلى وجه شروق | ||||
|
| |
|
08-11-24, 02:42 AM
| #4 | ||||
| #العدأة ٤ همس رعد برعب ، لا خليكى، هفصصك واكلك واحلى بيكى بعد القهوة!! بعد صرخه صرخه واطيه ضعيفه، يلا امشى من هنا بسرعة ورفع حاجبه بغضب !! مشيت شروق ناحية الاوضه ولقيت كيان وهبة بيضحكوا عمل فيكى ايه؟ بصت شروق بغباء ناحيت هبه؟؟ أصله بيحب يعمل مقالب، بيتقمص شخصيات من الروايات إلى بيقراها لكن للأسف كلها شخصيات مرعبه همست شروق طيب انتم راضين بكل دا ليه؟ ابتسمت تلا، اولآ الشغل مش عيب واحنا بناخد مرتب كويس هنا والشغل بسيط ثانيآ رعد بيه مش مؤذى وفيه حاجه مهمه جدا، عينه مش زايغة اول ما قدمت على الوظيفه هنا وعرفت ان صاحب القصر شاب صغير دماغى لفت بأفكار وحشه جدا وكنت اول واحده اشتغل فى القصر،لكن رعد بيه كان واضح جدا وصارم وقد كلمته، كان ليه شروط وافقت عليها زى التمارين الرياضيه والروايات وتفاصيل تانيه صغيرة وانا كنت خارجه من تجربة حب متدمره منها، شخص خاين وندل خلانى عايزة انتحر، لفيت على شغل كتير ورغم انى خريجة جامعه مفيش شغل، اول ما قلت لوالدتى على الشغل هنا سخرت منى، هتشتغلى خدامه؟ وي وي وي وسمعت كلام كتير اووى تعالى شوفى دلوقتى؟؟ الشغل هنا نسانى همومى، اول ما جيت المقابله والدتى اصرت تيجى معايا وتشوف رعد بيه فخر رفض وطلب مننا نمشى اقنعت والدتى تستنى بره لحد ما اخلص المقابله، تصورى ايه إلى حصل؟ رعد أصر ان والدتى تحضر المقابله وقال كل حاجه، توقعت والدتى تستغرب، لكنها كانت مبتسمه ووافقت على كلام رعد المهم قبلت الشغل والمرتب اتحدد وكان مجزى بالنسبه ليا وبالنسبه لوالدتى.... وبعد ستة شهور من الشغل هنا اكتشفت حاجه جديده، انا ليا أجازه كل شهر بس مكنتش باخدها لانى كنت شغاله وإحدى وبعدين فيه اوفر تايم للساعات الاضافيه، كنت فى مشوار وعديت على بيتنا صدفه لقيت عربيه واقفه ونازل منها اجهزه كهربائيه، تلاجه وبوتجاز وغساله وحجات ايه اخر شياكه العمال كانو بينقلو الحاجه وانا طلعت الشقه، لقيت باب الشقه مفتوح ووالدتى عمال تدى فى الأوامر انتى ايه الى جابك دلوقتى يا تلا؟ قلتلها ايه ده؟ الحجات دى بتاعت مين؟ والدتى اتخشبت رفضت تقول، قعدت احلف عليها لحد ما اتكلمت، رعد هو الى اشترى الحجات دى ليا انا مش بس كده، كان عامل مرتب لوالدتى غير مرتبى شوف بقا الحاجه الأكبر من كده، رعد بيه كان بيزور والدتى وبيخرج معاها احيانا يعزمها فى مطعم على الغدا، وكان مصر ان كل ده يبقى سر وانى معرفش حاجه... رغم ان معاملته معايا كانت ثابته، نفس الحماقات، نفس الغرور والسخرية احيانا وانا وهمست هبة بحزن كأنها رافضه تتذكر، اول ما جيت هنا والدى كان مريض ومحتاج عمليه كبيرة اووى بمبلغ ضخم والدنيا كانت مسدوده فى وشنا معاش والدى يدوبك بيكفى المعيشه، اتفاجأت ان والدى اتحجزله فى مستشفى وعمل العمليه وبقى كويس ومعرفتش حاجه غير متأخر اووى، لما تلا لمحتلى بكده بعد ما كنت غضبانه من رعد وعايزه اسيب الشغل لانه سكب ميه ساقعه فوق دماغى وانا شغاله ساعتها وابتسمت هبه، زعقت وصرخت ورميت الطرشونه عليه هو بيبان قاسى ومتوحش لكنه قلبه طيب جدا وابن ناس وعمره ما قال كلمه جارحه لينا دا احيان بيقد بالشهر منشفوش، قافل على نفسه فى غرفته او قاعد فى الشرفه من غير ما يكلم حد | ||||
|
| |
|
12-11-24, 09:14 AM
| #5 | ||||
| نجم روايتي 
| مرحبا.صباحات الخير أخي إسماعيل *وأولى الحلقات من العداءة* ☆ غريبي الاطوار☆ يزخر العالم بكثير من الغرباء ذوى السلوكيات الغريبة نمر عليهم مرور الكرام ولا نلتفت لها لكن من يملك أسباب القوة وهى المال طبعايملى شروطه وأفكاره المريضة على الآخرين خاصة من يسعون وراء الرزق وفقا لظروفهم السيئة فيقعوا تحت براثن إستغلال الجميع وليسعد السيد العظيم بحياته شروق تلك الخادمة والتى تتفق مع مواصفات السيد رعد هي بطلتنا كما يبدو *ولكن ما لا يدركه هذا انه لا يوجد إنسان أبكم أصم أعمي غبي على الدوام فالابكم ينطق حسب الموقف والاعمي يبصر ولو على عينية عصابة والاصم توخزه صرخات الواقع من حوله *البداية موفقة أخى حيث إستطاعت شروق لفت نظر جلمود الصخر ولو فقط بقدرتها الجيدة على العدو **لنتابع مع أسرار القصر والسيد المتغطرس **البداية موفقة ومعبرة وجاذبة للإنتباه وقد دخلت في الموضوع كعادتك بلا مقدمات بملامح تشير لاصحابها بكل الإبداع سلمت أخي دمت بود | ||||
| |
|
12-11-24, 09:27 AM
| #6 | ||||
| نجم روايتي
| مرحبا.صباح النور أخي إسماعيل *الحلقة الثانية* ☆ دمية الباشا☆ مع رتابة الامور وتشابه الايام حتى المتغطرس يسأم ويبدا بالبحث عن تسلاية جديدة وليس اجمل من إنسان مصنف على انه غبي بلا إرادة فهل تسعده اللعبة ام يقع في فخ الأنسانية رغما عنه *يبدو ان شروق نجحت في لفت إنتباه رعد فجلوسه بلا داع اثناء التنظيف ورمي سيجارته ارضا كان ليدفع شروق لتنظر حتى إليه فإذا به ينصرف بعد ألقاء عبارة لا حاجة للسيد العظيم بها *وبالطبع ستتعدد المحاولات ربما إستفز شروق لكي ترد عليه **الفصل يرسم تفاصيل تلوح بالطريق وتعرض للتفاصيل الدقيقة بمنتهي التميز فلا تغفل منها شيئا سلمت أخى على الإبداع دمت بخير | ||||
|
| |
|
12-11-24, 07:10 PM
| #7 | ||||
| نجم روايتي
| مرحبا.مساء الخيرات أخي *الحلقة الثالثة* ☆ كلمة السر☆ لكل شخص مدخل يثير إنتباهه ربما شغفا بالقراءة ربما سباق ،سباحة ونجده ينجذب لمن يتمتع بها وليس بالضرورة إهتماما بالشخص بل هو ظاهرة عادية قد تأخذ وقتها وتزول او تكون بابا لتجاوز الملل والرتابة وهذا ليس جيدا ان لا يكترث المرء بالآخرين لذاتهم غريب أمر رعد هذا كيف يعامل العاملات لديه كما لو كان بطابور نظامي عليهم إجتياز إختباره بالرياضة والجرى أإلى هذا الحد لديه فراغا يشغله بأمر كهذا كما لو كانت العاملات لديه جوارى ويعود ثانية لشروق وقدرتها الفائقة على العدو والتى قد تكون نابعة من إضطرابها منه فحسب كمن يفاجئه كلب عقور فينطلق كالصاروخ هربا منه لنرى لأين يصل السيد رعد مع العداءة حقا لك اسلوب مميز في تناول الاحداث وتحليل الاشخاص سلمت أخي دمت بودر | ||||
|
| |
|
12-11-24, 08:17 PM
| #8 | ||||
| #العداءة ٥ _وانا مالى بكل دا كله؟ انا جيت اشتغل هنا غصب عنى، وعايزة ايامى تعدى على خير!! بخاف من الزعيق والبصه المرعبة. مين غضبك يا شروق؟ مراة ابويا الله يحرقها كانت عايزة تخلص منى ولعبت فى دماغ ابويا خليته يكرهنى ومع اول فرصه تخلص عنى مقابل شوية فلوس عرضهم عليه فخرى !!! همست تلا، الشغل هنا كويس يا شروق، موفرلك سكن وأكل متخليش أفكارك تاخدك لبعيد؟ وليه لا؟ ليه مش من حقى أحلم؟ تعرفى؟ انا عمرى ما حلمت زى اى بنت، الأحلام بترفض تجينى فى نومى كأنها بتكرهنى قالت هبة، دا انتى شايله كتير يا شروق، إلى يشوفك ميقلش كده، تبانى بسيطه وغلبانه لكن جواكى بحر عميق ومين مننا مش كده يا هبه؟ لكن احنا بنات، يعنى لازم نكتم دارت النظرات بين هبه وتلا، لا يمكن أن تحكم على شخص من اول لقاء ولا حتى اللقاء الثانى ولا العشرين دام لم يثق بك هجم فخرى على الغرفه، يابنات عندى خبر ليكم!! همست تلا أرغى يا فخرى هو انت بيجى من وراك خير؟ ابتسم فخرى، فيه حفله الليله فى القصر، انتو فاهمين دا معناه ايه؟ تغير وجه تلا، تقعر واستطال، نهار اسود هى الساعه كام؟ اوف، يلا بينا بسرعه قدامنا شغل كتير محدش بيفرح بالحفلات غير فخرى علشان الاكراميات إلى بياخدها من الضيوف لازم ننضف القصر بسرعه قبل ما ناتلى ما تيجى __مين ناتلى دى يا تلا؟ دى مرتبة الحفلات، بتكون موجودة فى كل حفله تشرف على الاستعدادات قبل العصر وصلت ناتلى مرتديه جيبة ضيقه وبلوزه نص كم، تاركه شعرها خلف ظهرها حر مثل الريح، وكان وجهها لوحه فنيه تلا؟ كل حاجه تمام؟ لا تضيع ناتلى الوقت ابدا، يأخذ العمل كل رأسها لمحت شروق فابتسمت، انا شايفه وجه جديد معاكم؟ دى شروق وصلت من اسبوعين، همست ناتلى وهى بتعاين ناتلى كويس جدا تعلقت عين شروق بناتلى وكل حركاتها، انفتح أمامها باب أفكار جديد دى النوعيه إلى بيحبها البهوات، يا ترى رعد يعرف كان واحده زيها؟ انتهت الاستعدادات، ارتدى الخدم ملابسهم الانيقه، وذكرت تلا التعليمات، مش بنتكلم مع الضيوف، مش بنسمح ليهم يخلقو حديث معانا او حتى علاقه الشغل وبس وربنا يعدى الليله دى على خير انطلقت الحفله فى موعدها، توافد الضيوف فى الوقت المحدد، انتشرت الضحكات والهمسات، انتهى العشاء على خير ولم يتبقى سوى انصراف الضيوف اقتربت شاب أنيق من شروق التى كانت تشبه فى ملابسها وهيئتها المانيكان عايز اشرب لو سمحتى؟ حاضر ر همست شروق بخوف، بسرعه دخلت المطبخ، البنت دى لقطه، مش عارف رعد بيلاقيهم فين دى تحفه فنيه، شوية تعديلات وتبقى حركه اووى وسمح لنفسه ان يعاين شروق أثناء سيرها بتاخدى كام مرتب هنا؟ همس صقر وهو بيشرب الميه معرفش يا بيه رنت كلمة بيه فى عقل صقر، كان لها مذاق خاص غير كيانه تخيل نفسه جالس على المقعد وشروق تدور من حوله تنفذ أوامرة وتهمس برقه يا بيه همس صقر، طيب شوفى بتاخدى كام هنا وانا مستعد اديكى اضاعفه معرفش يا بيه، همست شروق بخجل ليه مقرأتيش العقد؟ تبلمت شروق ولم ترد عقد الشغل يعنى؟ معرفش يا بيه معرفش انتى مطيعه على طول كده؟ اسمك ايه؟ أسمى شروق يا بيه لمح رعد صقر وشروق، لكنه مقدرش يقرب منها كان منخرط فى كلام شغل فصرف عينه بسرعه ايه رأيك فى خمس تلاف حنيه؟ فتحت شروق فمها، اول مره تسمع رقم كبير زى ده شروق ادخلى المطبخ، بعد اذنك يا صقر بيه ورانا شغل فى المطبخ ابتسم صقر ولوح بايده لكن عينه فضلت متابعه شروق فى كل مكان وانتهز اول فرصه وقرب منها دا رقم تليفونى ابقى كلمينى، خبيه بسرعه متخليش حد يشوفه | ||||
|
| |
|
12-11-24, 08:20 PM
| #9 | ||||
| #العداءة ٦ انتهت مراسم الحفله المفاجئة، الخادمات فضلو شغالين للصبح علشان يرجعو القصر زى ما كان، رعد بيه مش بيحب يشوف القصر فوضاوى، ثم قدامهم النهار كله ممكن يقضوة فى النوم الكل نام، لكن عقل شروق فضل شغال، ليه ارضى بدل رعد بيه والباشا التانى باين عليه محترم، لا هيزعق فيا ولا هيخوفنى ولا اى حاجه؟ الكارت كان فى ايدها لكن شروق مش معاها تليفون، لكزت تلا فى كتفها، تلا عايزه التليفون بتاعك اكلم أهلى فى البلد وهى نايمه همست تلا، اهو عندك خديه سجلت شروق الرقم، بخجل همست الووو الووو، ايوه مين معايا؟ انا شروق يا بيه... شروق مين؟ شروق الخدامه فى قصر رعد بيه اها..... ازيك يا شروق عامله ايه؟ الحمد لله يا بيه ها يا شروق اتكلمى؟ وسمعت شروق صوت ضحكة بنت جنبه انا فكرت يا بيه وموافقه اشتغل عندك هتدينى خمس تلاف جنيه صح؟ صح يا شروق، صح طيب اقدر اجى اشتغل امتى؟ والعنوان ايه؟ من النهرده يا شروق، العنوان كذا كذا، متتأخريش انا مستنيكى خرجت مستحبه، مرضتش تاخد معاها هدوم، فخرى كان شغال فى الجنينه مخدش باله منها طلعت للطريق وسألت الناس توصل العنوان ازاى؟ تنقلت من اتوبيس لاتوبيس لحد ما وصلت العنوان فيلا فى مكان راقي، دخلت على الفيلا وقابلها الحارس عايزه صقر بيه؟ انتى مين يا شاطره؟ مسميش شاطره وصقر بيه مستنينى ومالك مستعجله كده ليه؟ بدر سيبها تدخل؟ سمعت صوت صقر بيه من الشرفه وصلها بدر مدخل الفيلا ودخلت شروق نزل صقر من على السلم فى بقه سيجاره، نورتى مكانك يا شروق الله يخليك يا بيه! انا هشتغل هنا؟ ايوه والله هشتغلى هنا يا شروق هو مفيش خدم غيرى يا بيه؟ لا مفيش، انتى بس يا شروق، هتقدرى على الفيلا؟ هقدر يا بيه، هقدر، انا لهلوبه طيب يلا ورينى همتك الفيلا محتاجه تتنضف ادخلى غيرى هدومك وارجعى دخلت شروق غرفة الخدم لكن الملابس إلى هناك معجبتهاش رجعت بنفس هدومها لقيت صقر قاعد على الكرسى لمت عبيتها وقعدت تنضف الارضيات وصقر مصوب عنيه عليها مسحت بكل جد، خلت الارضيات تلمع، استعجب صقر من قوتها رغم نحافة جسمها انا همشى بقا يا صقر عايز حاجه!؟ شافت شروق بنت نازله من الطابق العلوى ماشيه بترنح لا امشى هبقى اكلمك تصعبت شروق فى سرها، لكن قالت وانا مالى، انا خدامه مش اكتر لبسها عجبك يا شروق؟ وقفت شروق المسح، سكتت، لكن مردتش لو لبستى زيها هتبقى احلى منها يا شروق لكن انا معنديش لبس زيها يا صقر بيه ابتسم صقر متقلقيش، شايفه الغرفه إلى هناك دى؟ هتلاقى فيها هدوم كتير اختارى إلى يناسبك اختفى صقر وهو مبتسم، خلصت شروق نضافه اخذت دش ودخلت الغرفه كل ما تلبس فستان تتكسف منه، عمرها ما لبست حاجه محزقه كده اووى فى الآخر لبست جيبه وبلوزه كانت فرحانه بيهم اووى وقفت قدام المرايه، اخيرا لبست زى البنات إلى بتتفرج عليهم فى الشارع والتلفزيون رعد بيه فيه حاجه حصلت!! خير يا تلا قلقتينى شروق اختفت بتقولى ايه؟ اختفت ازاى؟ طلبت تليفونى تعمل منه مكالمه وبعدها سابت القصر ومشيت فين الرقم سأل رعد كتبت الرقم فى تليفونه ظهر اسم صقر تنهد رعد بغضب!! هو البنى ادم ده مش هيبطل عك ابدا؟ انا شفتها واقفه مع صقر بيه يا رعد باشا! . همس رعد اه دا رقم صقر وهتعمل ايه يا رعد بيه؟ هعمل ايه يعنى يا تلا؟ معقول هتسيبها كده؟ لو كان دا اختيارها مفيش حاجه بايدى اقدر اعملها يا تلا رعد، همست تلا، شروق غلبانه ومتعرفش حاجه، لازم تنقذها من ايد الولد ده لما تلا تمسح الالقاب يعرف رعد انها جاده جدا انت تروح تجيبها دلوقتى من شعرها، ولو كان لازم رجعها بلدها، لكن متسيبهاش فى فيلا صقر | ||||
|
| |
|
13-11-24, 01:12 PM
| #10 | ||||
| نجم روايتي
| مرحبا.صباح الخير أخي إسماعيل *الحلقة الرابعة* *بنفس الصفحة* الإنسان بخصاله وطباعه جزء لا يتجزأ تتوائم جزيئاتها مع بعضها كمنظومة متكاملة لا أن يأخذ شكلا قاسيا ثم يتبعه ذلك الوجه الطيب الذى لا يظهر بالعلن وهذا ما لا يجب أن يكون إلا إذا كان هذا الشخص وحيد جدا أو غريب أطوار رعد وتعامله مع الفتيات يظهر تناقضا كبيرا بين شدته معهم وتصرفاته الغير المتوقعة إلى ذلك الخير الإنسانى بالخفاء بصورة مغايرة تماما وقد وصفت حاله جيدا أخي فهل فعل الخيرات عنده تكفيرا عن أسلوبه الفظ أم أن تلك الفظاظة يدارى بها طيبته لم تتضح الصورة بعد؟ وبمتابعة الحلقات سيتضح طابع رعد والدافع وراء تناقضه **الفصل جاء إنساني جدا بتلك الصورة لرعد ولنرى ماذا يكون لشروق من عمل طيب يظهره لها؟ سلمت أخي دمت بكل الخير | ||||
|
| |
 |
| أدوات الموضوع | |
| انواع عرض الموضوع | |
|
|
38Likes
العرض العادي
