27-03-09, 09:28 AM
| #11 | ||||||||||
| مراقب عام ومشرف منتدى قصص من وحي الأعضاء وكاتب في قسم وحي الاعضاء  
|  طبعا كمليها مكحولة العين ..... القصة بدايتها حللللللوه و فيها تساؤلات كثيرة و من نوع جديد ... ننتظرك بفاااارغ الصبر.... منصور و مهاوي ... | ||||||||||
|  |
|
27-03-09, 01:08 PM
| #12 | ||||||||
| مراقبة عامة ومشرفة منتدى الروايات المنقولة  
| الروايه رائعه وتشد الإنتباه وإعتبريني من الان من متابعينك بدايه موفقه وأتمنى إن الروايه منتهيه من كتابتها وماطولي علينا في تنزيل الأجزاء لأني مليت من متا بعت روايات ما تتكمل أو الإنتظار شهور حتى تكتمل لدرجة الواحد ينسى الأحداث الأولى من الروايه وياليت يكون تنزيلها في مواعيد معروفه | ||||||||
|
| |
|
27-03-09, 04:41 PM
| #13 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| مميزة جدا واسلوبك جدا مشووووووووووق كمليها نبيها كامله في مكتبتنا ونبيك قلم مضيئ بين كتاب روايتي المتميزين انتظرك وراجعه بالتحليل ^_^ | ||||||||||
|
| |
|
28-03-09, 11:31 PM
| #14 | ||||
| كاتبة في منتدى قصص من وحي الأعضاء 
| في وسط الظلام شكرا الكم جميعن على تشجيعكم لي و آسفه على التأخير >>>>>>>>>مشاغل الدنيا كثيره .. الفصل السادس مها: آسفه اول مره احس بالحنان ما قدرت امسك نفسي .. شما : عادي الحين امي هيه امج وابوي هو ابوج عاد الا اخوي ما يصير يكون اخوج .. مها : ههههههههههه , ليش حرام انا ما عندي اخو.. شما : اوكي محمد بس اخوج منصور لا .. مها : اوكي خلاص ... شما : انتي تذكرتي شي ؟ سمعتج تسألين منصور وين شفتيه من قبل ..هذا يدل انج بديتي تذكرين .. مها "انا صدق احس اني شفته من قبل واني اعرفه .احس اني كنت معاهبس وين ما اذكر" شما : هيييييييي هيييييييييي وين سرحو الحلوين؟ مها:موجودين بس كنت احاول اتذكر شي.. شما : انزين انتي يوم شفتي منصور اتذكرتي شي خليه يقعد معاج ويكلمج عن حياتكم مع بعض يمكن تذكرين شي .. مها : بس .............. طق طق طق شما : دقيقه اشوف منو؟ نوره : انتي وينج دورتج في الغرف كلهن؟ شما : هلا نوره .. نوره : قومي خليني ادخل ولد خالتج دخل علينا وما عرفت وين رحتي........انتي منو؟ مها : اهلين "شكثرهم هاذيلا والله حاله " شما : تعالي قعدي نوره ... نوره بعد ما قعدت : شما هاذي منو ؟ شما : هاذي مرت منصور .. نوره متفاجئه : منصور اخوج ظ شما : في حد غيره يعني .. نوره : انا آسفه لازم ارجع البيت .. شما : وين رايحه ؟ نوره : راشد اخوي بروحه بالبيت رايحه اشوفه .. ................ احمد: اخبارها خالتي ؟ ام احمد : شوي تعبانه قاعده في غرفتها .. شما : نوره نوره وقفي شوي .. احمد : هلا شما ....شحالج ؟ شما اللي ما قدرت تلحق نوره بسبب احمد : يسرك الحال ..شحالك انته ؟ احمد : دام انتي بخير الحمدلله انا بخير .. شما : مشكور ...اسمحولنا ما قهويناكم.. ام احمد : ما عليج فديتج روحي لخويتج انا قهويته .. شما : لا ما يصير ...انا راعيت البيت.. احمد "فديت راعيت البيت والله " .................... منصور واقف بسيارته قدام البيت ويتأمل فيه طبعا مو بيتهم كان البيت اصغر من بيتهم يعني متواضع شوي "آه جددتي الجرح يا مها بعد ما برا ... سيف : منصور هذا انته ؟ نزل منصور من سيارته : سيف اهلين شحالك ؟ سيف : بخير ..انت شحالك ؟ منصور : بخير .. سيف : شو تسوي هنيه يا منصور ...ما يكفيك اللي سويته شتبا مننا بعد؟ منصور : لا يا سيف انا ما سويت شي ليش تصدقهم ...انته كنت اكثر واحد تعرفني يعني انا مستحيل اسوي هالشيء سيف : كنت اعرفك بس الحين انا ما اعرفك .. منصور : ليش تسوي كذيه كنا ربع و اكثر من ربع ؟ سيف : وعقب اللي سويته تبيني اكون ربيعك آسف .. منصور : صدقني ما سويت شي .. سيف : عيل منو منو ؟ قولي وينها الحين وينها ؟ منصور : سيف انا مستحيل اسوي فيها شي .. سيف مشى عنه وتركه لحاله : لا توقف مره ثانيه هنيه ماريد اشوفك .. ...................... الساعه 6 م شما : مسكينه الكل علقها بمنصور و اليوم يوم درت طلعت من بيتنا وهي معصبه .. ام منصور : هذا ابوج كان مصر يجوزها لمنصور ومنصور ابد ما كان يريدها بس غياض لابوج .. شما : ومنصور ليش يسوي كذيه ؟ ام منصور : ابوج كان وايد يضغط على منصور على اساس ولده العود كان يبا يمشيه على كيفه في اكله وشربه ولبسه ومنصور ما كان يتحمل كل هذا ,وكان اول مره يرفض لابوه طلب يوم قاله انه لازم يتجوز نوره وقتها بدت المشاكل من بينهم .. شما : يعني بس علشان هالسالفه ؟ ام منصور : لا بعد هالسالفه طلعت مشاكل اكبر واكبر , انتي مش لازم تعرفينها .. شما : انا هب ياهل ليش محمد يعرف كل شي وانا لا ؟ ام منصور : محمد اخوج ما كان يعرف شي بس هو شاف موقف بين ابوج ومنصور ووقتها كره منصور .. شما : ليش كذيه تسوون بمنصور انتو ظالمينه وايد ..يعني ليش محمد مخلينه على كيفه ؟ ام منصور : يا اميه الزمن تغير ما عدنا نفس قبل كان ابوج متشدد والحين لان بس مرات اتييه الهفات وتلاقين محمد وابوج ما يتفاهمون بس بالاخير يردون لبعض , يعني انتي الحين المعامله اللي يعاملج ابوج ابها مو نفس اللي كان يعامل حصه ابها في فرق كبير .. شما : ذكرتيني حصه , ما قلنا لها المسكينه ملتهيه مع عيالها ولا تدري بالدنيا.. ............. نوره : الو رشود قلتلك الحين ترجع للبيت يعني حلوه تخليني بروحي بالبيت انا محد عندي .. راشد : روحي سولفي مع الخدامه بتونسج .. نوره : هب وقت خفة دمك الحين ترجع .. راشد : قلبي ويهج مابرد .. نوره : زين هين يا رويشد هين "ليش , يصير معاي كذيه انا شسويت وينج يامي وينج الكل اتخلا عني انتي وابوي ورشود وحتى منصور ليش" ............ نصيب :شعندك منو كنت تكلم؟ راشد: ناس فاضيه , وينه الشاي مالكم ؟ نصيب : الشاي ؟ اللي كان يسويه مو موجود.. راشد : والله الشاي هاذا عجيب البارح شربت دله كامله بروحي .. نصيب : لا تكثر بعدين ترى تتعود عليه وتقادي مدمن .. راشد : ههههههههه لا انا مدمن خلاص .. سعود خذا نصيب على طرف : انت شتبا بهالولد خله يولي تلاقي غيره .. نصيب : الفلوس اللي عنده ما تلاقيهن عند غيره .. سعود : بس هاذا ياهل تو الناس عليه يمكن يموت يمكن جسمه ما يتحمل .. نصيب : واحنا شعلينا ..........خذ يا رويشد صبع <<يمد له الزقاره.. راشد : لا ما ادوخ .. نصيب : شو ما ادوخ يا ريال الحين اصغر عنك ماشالله عليهم تلاقيهم يشفطون في اليوم كرتون كامل ولا لا تكون خايف؟ راشد : لا من شو خايف ؟ سعود: خله يمكن هله ما يسمحون له يدوخ؟ نصيب : ايوا كذيه يعني ؟ راشد : لا اهلي اصلن ما يدرون عن شي لا دراستي ولا ربعي الحين بيفتكرون اذا كنت ادوخ ولا لا , اقولك عطني وحده .. نصيب : من عيوني تفضل .. سعود: هاذي فيها شي؟ >>>الكلام موجه لنصيب.. نصيب : فيها شوي مره ثانيه املاها له.. ................. شما: يالله قومي ترى يايينا ضيوف قومي نزلي معاي تحت .. مها : منو الضيوف ؟ شما : حصه اختي ترى شكلها تقولين متكبره بس هي ما في شي بقلبها .. مها : ماشالله عايلتكم وايد عوده .. شما : عدج ما شفتيهم كلهم باكر تشوفين محمد وابوي وعمي وعيال خالتي , لا تستحين منهم لاننا كلنا عيله وحده.. مها : بحاول , انا الحين تعودت عليج انتي بس .. شما : ومنصور المسكين متى بتتعودين عليه . انا نسيت بعد اقوله ايي يقعد معاج خاطري نقعد مع بعض ويقولنا عن زواجكم وحياتكم مع بعض .. مها "وانا بعد خاطري اعرف هالزواج المزيف كيف استوى " شما : يالله تعالي ننزل امي تستنانا تحت .. ............. منصور : الو .. حصه : الو هلا منصور شحالك؟ منصور : بخير .. حصه : انت وين ؟ منصور : انا رايح لبوظبي.. حصه : وحرمتك معاك ؟ منصور :اف نسيتها .. حصه : نسيت منو؟ منصور : لا ولا شي انتي وين ؟ حصه : الحين يايه بالطريق رايحه بيت هلي.. منصور : زين انا بلاقيج هناك .. حصه : توك تقول رايح بوظبي.. منصور : لا كنت رحت كيلو عن العين الحين راد.. حصه : تمام بنستناك.. منصور : انا لو الحين صدق متزوج ويايب حرمه في البيت هب ابرك لي من هالكذبه .. ....................... محمد: هلا وغلا مرحبا والله باختي .. حصه : ياعيني على الترحيب الحلو كل يوم باييكم عيل.. محمد : انا لو دريت انج يايه كان فرشت الارض ورد.. حصه : فديت قلبك ما يسوى عليك كل هذا يوم بتي زوجتك افرش لها الارض .. محمد : مشكله زوجتي كل يوم اتيي بس انسى افرش لها الارض .. حصه تمسك محمد من اذنه : لا اظاهر انك تحب من ورانا قلي منو تعيسة الحظ ؟ محمد : آآآآخ آآآخ باقول لج افتحي اذني اول .. حصه : فتحناها يالله قل.. محمد : هب قايل لج .. حصه : هين بعرفها وبفضحك عندها بعد .. شما : حمود ما تستحي توقف ختك في الحوش تعالي داخل اقلعيه عنج .. عواشي +عبود:خااااااااااااااااااا اااليييييييييييييي حمووووووووووووووووووود.. محمد: هلا هلا والله بالغزلان بس عاد لا تقولون حمود كله من هالعنز شميم علمتهم حمود حمود ....... عواشي : خالي حمود ودنا الدكان ابا اشتري حلاوه .. حصه : الله يفضحكم صكوا يالله داخل ماشي دكان ولا حلاوه .. شما : تعالي سرعه برويج مها .. محمد سمع شما وعرف هي منو تقصد :حصه انا باخذهو معايه الدكان.. منصور : السلام عليكم .. حصه : هلا منصور مرحبا عاش من شافك.. منصور : عاشت ايامج .. حصه : شحالك ؟ منصور : الحمدلله بخير .. عواشي : هييييييييييييييييييي منصور خاليييييييييييي .. عبود : هييييييييييييييييييييي.. منصور تقطع قلبه يوم شافهم ونزل الهم وحضنهم بقو وعيونه بدت تدمع . حصه ما اتحملت المنظر "يالله يا منصور وا تستاهل اللي ياك " ومحمد بالمثل أتأثر وهو يعرف ليش منصور متأثر بشوفتهم لكن حاول انه ما يبين هالشي وطلع من البيت.. حصه اللي شلت عيالها ومسكت يد منصور : يالله تعال عرفني على زوجتك بنفسك .. منصور "اف انا كيف انسها بهالسرعه " حصه تيره بقو : يالله .. شما اللي دخلت : حصه اختي وصلت ومعاها منصور .. مها:يالله انا كيف بتغطا هالشيله قصيره وايد.. شما : ههههههههههه وانا قاصده بهالحركه , هذا ريلج وما بتتغطين عنه .. مها : بس ؟ شما : لا بس ولا غيره .. حصه : السلام عليكم .. مها : وعليكم السلام .. ونفس الشي كانت ردة فعل حصه يوم شافت مها انصعقت شبهتا بحد وعرفت منو "بس مستحيل يالله شكثر تشبهها معقوله............؟" منصور اللي كان يستنى حصه تدخل : امشي خلينا ندخل .. وبالمثل دخل منصور وشافها وحس بقرصه بقلبه.. شما مسكت منصور : تعال اقعد عدال زوجتك .. منصور اللي ما شل عيونه عن مها ما رفض هالشي وكأن هالشي عاجبنه انه يكون قريب منها وعدالها .. مها اللي ما عرفت شو تسوي كانت تشوف شما وكأنها تقولها مابا وطبعن شما ما سوت الها سالفه .. حصه : ماشالله شحالج مها ؟ مها اللي ما كانت تعرف تتكلم ومنصور قاعد عدالها وقريب منها : بــ بخـــيـ ير.. منصور اللي لاحظ نظرات حصه لمها "اكيد يدور في بالج اللي يدور في بالي انتي الوحيده اللي كنتي تعرفينها ومجابلتنها اكثر منهم " شما : يالله منصور الكل حاب يعرف كيف تعرفتو على بعض وكيف تزوجتو .. منصور : بعد كيف الناس تتزوج طلبتها من اخوها وعرسنا .. شما : بس .. حصه "لا يا منصور انا لي معاك كلام طويل " منصور : شتبين بعد ؟ شما : ها ماشي .. مها " يالله انا شلي بليت نفسيه فيه اليوم قاعده عداله ومش متغطيه وباجر الله يستر " منصور "معقول يعني ........لا لا مستحيل " حصه : مها انا وين شايفتنج من قبل .؟ شما : وانتي بعد يا حصه اليوم خالتي سألتها نفس السؤال.. مها : سبحان الله خلق من الشبه اربعين "وانا بعد كأني شفتج من قبل وكأني اعرفج " كانت مها بتسأل حصه نفس السؤال بس موقعها ما سمح الها تاخذ راحتها .. منصوراللي ما قدر يتحمل قعدته قريب منها قام حصه : وين تو الناس خلنا نقعد معاك شوي .. منصور : عندي شغل .. قعدته حصه : والله انك تقعد ماشي سيره حرام عليك نبا نشبع من شوفتك .. مها قامت من الطرف الثني .. حصه : وانتي بعد وين رايحه قعدي .. مها : خليكم مع بعض تسولفون يعني قعده عائليه مابي اخرب عليكم .. شما : افا انتي وحده من العيله قعدي ... حصه : لا يكون متزاعلين من بعضكم , ايوا كذيه السالفه انت ليش كنت رايح بوظبي ؟ منصور : ها ولا شي كان عندي شغل وبعدين أجلته .. حصه : لا يكون في شي من بينكم تكلمو.. شما "يالله انا ما خبرتها بسالفة طيحتها على راسها البارحه " منصور : ما فينا شي والله .. حصه : انا ما احس انكم متزوجين مها قولي منصور مزعلنج في شي .. مها : لا ولا شي " انا ما اقدر اتحمل اكثر " عن اذنكم حصه اللي كانت تناديها ولكن مها ما عطتها ويه .. حصه : هي شي فيها وبعدين انا لي معاك كلام بالأةل روح شوفها .. منصور : وانا اللي ابا اعرف هيه شو فيها بعد .. وخلاهم منصور وراح ورا مها .. ....................... نوره : اف شو هالريحه ............رشود انته تدوخ؟ راشد : لا هاذولا ربعي كانو يدوخون وعلقت في الريحه .. نوره :يا سلام وهذولا وين هلهم عنهم ؟ راشد : هاذولا كبار محد له خص فيهم داخوا ولا لا انتي شعليج.. نوره : وانت ليش مرابع رياييل اكبر عنك و ما ترابع اللي قدك ؟ راشد : يووووووووووووووووه فكينا .. نوره : هين باجر ابوي بيوصل وبتشوف .. راشد : الصراحه وااااااااااااايد خفت من ابوج شو بيسوي يعني ؟ نوره " هيه والله شو بيسوي وانا شو بسوي معاك ؟" ................................... التعديل الأخير تم بواسطة كاردينيا الغوازي ; 09-01-18 الساعة 02:24 PM | ||||
|
| |
|
30-03-09, 08:45 PM
| #16 | ||||
| كاتبة في منتدى قصص من وحي الأعضاء
| الفصل السابع فتح منصور الباب وما لقاها : اكيد في الحمام.. "خلاص يا الوقت اللي بتعترفين فيه ولو كان بالقصب " وقفل الباب وقعد على الكرسي يستناها.. .......... شما : غريبه تصرفج معاها ما كنت اتوقع انها بتعجبج .. حصه : انا كنت يايه من البيت حق اهد عليه هو وهي بس من شفتها عرفت هو ليش متزوجنها .. شما : ليش ؟ حصه : ما شفتيها منو تشبه؟ شما : لا , انا شبهتها على حد بس ما عرفت منو .. حصه : اكيد نسيتي من خمس سنين ما شفتيها قومي معاي وافتحي لي غرفة منصور .. شما : بس من زمان محد دخلها غرفته , من زمان هاجرينها .. حصه : قومي ما عليج ما بيقول لي شي منصور .................... منصور حس انها ابطت في الحمام " لا يكون صار الها شي ".........وقف ورد قعد " بس المفروض ما ادخل عليها كذيه خلنا بنرقب" وعقب خمس دقايق سمع منصور صوت صياح و ونين ......زوقف وتوجه ناحية الصوت وكانت مها قاعده خلف السرير بشكل غير ملاحظ وخايفه وتصيح .. منصور : مها انتي هنيه .. وفجأه انفجرت : انت بأي حق تقعد عدالي وبأي حف تكذب على هلك وتقول اني زوجنك , وبأي حق تدخل علي وتقفل الباب بهالطريقه شو بيقولون عني .. منصور : زوجتي مو من حقي .... شما وصياحها يعلى : انته واحد حقير ما شفت احقر عنك في البدايه فكرت انك ريال ينوثق فيه بس طلعت واحد مثل اي واحد يريد يستغل كوني حرمه .. منصور : بلاج ليش كل هالصريخ .. مها : لأني زهقت منك زمن تصرفاتك خلاص ردني وين لقيتني هناك احسن لي من وجودي فهالمكان.. منصور : افهم من كلامج انج ... وتقاطعه مها : هيه ما فقدت الذاكره وانت ما دعمتني بالسياره انا كنت اكذب عليك كل هذا كان كذب ارتحت خلاص عرفت كل شي الحين ردني وين لقيتني .. منصور : لا ما ارتحت لأن كل هالأشياء انا اعرفها انا ابا اعرف ليش وحده مثلج تسوي هالشي شو السبب ؟ مها : ما يخصك أسباب شخصيه وما أخب اقولك عنها .. منصور : زين بكيفج من اليوم انا ما يخصني فيج وتصرفي مثل ما تريدين تبين تطلعين من البيت بيكون بعد احسن .. طلع من عندها منصور وصفق بالباب من وراه.. ............. حصه : تعالي شوفي برويج شي .. شما : انتي ليش تفتشين بسمان منصور والله ياويلج لو يدري .. حصه : كيفج اذا ما تبين تشوفين انتي الخسرانه .. شما : لا ويت هاتي خليني اشوف .. وخذت شما الألبوم اللي كان بين يدين حصه وفتحته.. شما : هاذا منصور .....وهاذي ...........هاذي ....هاذي مها كيف يت في هالصوره ؟ حصه : لا غلطانه هاذي مش مها هاذي المرحومه عليا زوجة منصور .. شما : مستحيل هاذي نسخه مها بس هاذي ملامحها اصغر شوي .. حصه : عرفتي الحين ليش منصور اتزوج مها , وليش انا ما قلت شي ... شما : بس .......لا لا ما اصدق ....نسخه منها .. حصه : مسكين لو تعرفين شكثر كان يحبها .. شما : مسكينه .........شوفي هالصوره متنانه فيها ..... حصه : كانت حامل في هالصوره .. شما : هي شو منه ماتت .. حصه تغير الموضوع : اسمع صوت لا يكون منصور تعالي خلينا نرد كل شي محله .. طاوعت شما كلام حصه وطلعن من الغرفه ......... نزلن وكان منصور قاعد تحت .... ..................... منصور اللي نزل وما لفى حد قدامه قعد يفكر " انا ليش عصبي كل اللي كنت اريده انها تعترف ....بس بعد من حقي اعرف هي ليش سوت كذيه ... يا ترى شو وراها شو السبب اللي يخلي بنت مثلها ملتزمه ورزينه تسوي كذيه ..والله مادري اذا وصفتج عدل يمكن كل هاذا بعد جزء من تمثيلج" قطعت حصه حبل افكاره : ها تراضو الحبايب ؟ منصور : لا , ولا اعتقد انهم بيتراضون .. حصه : افا ليش ؟ بسم الله عليكم توكم معاريس , يعني في نظري ...شو اللي صار؟ منصور وقف وتم يطالعها : قريب بينتهي كل شي .. وبدون اي استفسار منه طلع وخلاها .. ............... من الطرف الثاني بعد مها كانت ادور في راسها مليون فكره " شو بسوي ؟ وين باروح ؟كيف كان يعرف اني اكذب ؟ ليش صار معي كذيه ؟ ......"ليش كيف شو......الخ ,, كل هالأسئله ادور في راسها ومش لاقيه الها حل.... طق طق طق حصه : ممكن ادخل ؟ مها اللي مسحت دموعها بسرعه : تفضلي .. حصه : مها انتي كنتي تصيحين ؟ ليش ؟ شو اللي صار بينكم ؟ مها ردت وانفجرت قدام حصه .. حضنتها حصه وقامت تهديها ومع شوية دموع : خلاص حبيبتي , لا تصيحين الله يخليج .. مها : انا آسفه .. حصه : اعتبريني مثل صديقتج فضفضي لي قولي شلي مضايقنج منصور قالج شي؟ .................... الساعه 1ص دخل منصور البيت وحصل حصه قاعده في الصاله .. حصه : اخيرن شرفت .. منصور : انتي ما رحتي البيت ؟ حصه : اليوم ببات عندكم .. منصور : وليش لين الحين ما نمتي , ما لقيتي غرفه , استحلينا غرفتج ؟ حصه : لا انا بنام عند شما , بس كنت استناك .. منصور : ليش ؟ حصه : ماشي ابا اسولف معاك من متى ما قعدنا وسولفنا .. منصور : انا تعبان ابا انام.. حصه : اوكي روح نام يمكن مها تستناك .. منصور : انا ياي اشل فراش للاني بنام في الميلس .. حصه : انزيــــــــــــ.................. .راح وخلاها .. ام منصور : حصه لين الحين واعيه ؟ حصه : هلا اميه , وانتي ليش واعيه ؟ ام منصور : ابوج سوالي تلفون يقول واصلين قلت باقوم اسويله قهوه .. حصه :خليج انا باروح اسوي له , قلتيله ان منصور هنيه ؟ ام منصور : لا , ما قدرت اقوله خفت اقوله .. حصه : الله يعينج يا اميه , الحين بيي وبيعصب لانج ما قلتيله .. ام منصور : يوم بيوصل باقوله .. ....................... نوره : منو .........رشود الحين راد البيت ؟ بو نوره : السلام عليكم .. نوره : ابوي هلا وعليكم السلام ...نور البيت.. بو نوره : انا كم مره قايل لج لا تتصلين على عمج ولا ادخلينه في مشاكلج مع اخوج ؟ نوره : بس .........انا ما اقدر عليه شوف هو لين الحين ما رجع البيت .. بو نوره : انا تعبان الحين ما فيه لج ولاخوج .. نوره : بس ........ راح عنها وتركها لحالها تكلم نفسها نوره: يعني متى بتفضى لنا كل يوم هب فاضي انته كله تفكر في نفسك وراحتك وبس .......... ....................... بو منصور : السلام عليكم .. حصه +ام منصور : وعليكم السلام .. بو منصور : هلا هلا والله بحصه .. حصه : فديت قلبك.. بو منصور : شحالكم؟ حصه + ام منصور : الحمدلله ..بخير.. محمد : السلام عليكم .. الكل : وعليكم السلام .. محمد: شفت سيارتك برا استغربت ما كنت اعرف انك بتيي اليوم .. شحالك ؟ بو منصور : يسرك الحال ما عليك دوام باكر؟ محمد : هيه عليه .. بو منصور : عيل شو تسوي لين الحين برا ما رقدت .. محمد اللي نفسه يعامله ابوه انه كبير :ماشي كنت عند احمد وخذتنا السوالف.. بو منصور : زين روح روح ارقد تراك بتقول هب مداوم باكر .. محمد : انشالله.. وبعد ما راح محمد ام منصور : الله يهديك كان خليته شوي يقعد معانا .. بو منصور : ما عليه باكر يوم بيرد من الدوام يقعد لين ما يشبع .. حصه : برايكم وانا باروح ارقد بعد ..تصبحون على خير .. ............. محمد كان متسطح على السرير وماسك بيده مجسم لطياره .. طق طق طق حصه : محمد؟ محمد : هلا حصه تعالي .. حصه : اخبارك ؟ محمد: تمام .. حصه تشوف الطياره بين يديه : لين الحين عندك ؟ محمد : هاذي الطياره غاليه عندي.. حصه : ما قدرت تقنع ابوي تدخل طيران .. محمد: ابوج ماطاع كم مره حاولت اقنعه بس ما رضى .. حصه : تحمله مهما يكون هذا ابوك .. محمد: ادري .. حصه : محمد ,,منصور .. محمد : حصه خلاص هذا الموضوع تسكر انا مستحيل اعامل منصور مثل اخوي وانتي تعرفين ليش .. حصه : اللي سواه منصور خارج عن إرادته انت فاهم الموضوع بالغلط .. محمد: حصه اريد ارقد تصبحين على خير يوم بتطلعين بندي الليت وصكي الباب وراج.... حصه : الكل يتحجج بالنوم برايك تصبح على خير... ...................... راشد : اقولج قومي من قدامي تراني اشوفج اربع انا خلاص مدوخ ابا انام .. نوره : انت للحين مرابع هالشله الفاسده ريحتك تلوع الكبد , ولا تقولي ما دخت ريحة ثمك فاضحتنك .. راشد : هي نعم دخت لا وبعد كرتون كامل عندج مانع قومي عن طريقي .. نوره : ترى ابوي فالبيت والصبح بخليه يتفاهم معاك لأني زهقت منك.. وكالعاده سوالها طاف وراح لغرفته .. نوره : ياربي ساعدني اليوم يدوخ باكر الله يعلم شو يسوي.. ...................... الكل غط بنومه حد نام مهموم وحد نام وهو ولا يدري باللي يستناه باكر وحد النوم ما قاربه ولا ذاق طعم الراحه .. التعديل الأخير تم بواسطة كاردينيا الغوازي ; 09-01-18 الساعة 02:25 PM | ||||
|
| |
|
30-03-09, 09:07 PM
| #17 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| مكحولة العين روعه القصة وانتي منتظمة جدا ولي عودة بالتحليل البارت السابقة كان ممتع جدا ومها اللي شبهها الكل يعرفه اتوقع انها من قرايبهم ومنصور شـ سالفته ليش اهله زعلانين عليه غموض ممتع ومشوق انتظر البقية ^_^ | ||||||||||
|
| |
|
30-03-09, 11:46 PM
| #19 | ||||
| كاتبة في منتدى قصص من وحي الأعضاء
| اهلين اختي soonمرورج يشرفني ومشكوره لمتابعتج لقصتي........ اختي وديمه العطا مثل ما كتبت في البدايه هاذي اول قصه لي , وبعدين انا تحطيني عدال الكاتبه العيناويه والله ياليت اوصل لابداعها وكتاباتها و انا توني مبتدأه بعدين ما تشوفين القصه اللي كاتبتها انا رايحه في عينها احس انها ما اتيي عدال القصص اللي بالمنتدى ............ وتسلمون على مروركم ولا تحرمونا من هالمرور الحلو.. | ||||
|
| |
|
10-04-09, 10:42 PM
| #20 | ||||
| كاتبة في منتدى قصص من وحي الأعضاء
| الفصل الثامن سوري غطيت عليكم وايد واااااااااااااااااااااااي د ههههههههههه كنت اتغلى بس اتظاهر اني مش غاليه لا حد سأل ولا افتكر............. ههههههههههههه لا اقص عليكم كنت مشغوله مع دراستي وواجباتي وغير مشاغل البيت و...........الخ .. ................................ الساعه 8:30ص حصه : صباح الخير ماما.. ام منصور : هلا صباح النور.. حصه :ها امي قلتي لبوي ؟ ام منصور : ابوج درى بروحه ,يوم راح لصلاة الفجر خطف على الميلس وشاف منصور هناك راقد , ياني وقاللي منصور رد البيت على باله انا مادري .. حصه : وقلتيله انج تدرين؟ ام منصور : سكت وهو عرف بروحه.. حصه : انزين هو تضايق ولا عصب ولا عادي ؟ ام منصور : مادري كان ساكت طول الوقت ويفكر , يمكن حس بالذنب .. حصه : والله مسكين ابوي منصور ما فهمه عدل .. ام منصور : ابوج ومنصور متشابهين كل واحد اعند من الثاني , ولا واحد منهم **** يتنازل عن حقه .. حصه : الله يهديهم انشالله , امي انا باروح بسلم على خالتي ومن هناك باروح بيت عمي بعد بسلم عليه , شوفي العيال ولا خلي شما تقوم من رقادها وتشوفهم .. ام منصور : سلمي عليهم عني .. حصه : انشالله .. ....................... هيا : الله يسامحك يا احمد الساعه ثمان ونص متى بوصل المدرسه .. احمد : اوووه فكينا حشرتيني تراج , جان خليتي خلود يوديج.. هيا : خالد مستعيل ما طاع , عنده شغل ضروري .. احمد : هذا كذاب هوه اصلن ما يداني يروح مدرسة البنات .. هيا : بلا فلسفه اخلص.. احمد : بنت , قبضي لسانج , ترا بدوس فبطنج الحين .. هيا : آسفه , بس والله ذليتنا على التوصيله .. احمد : البارحه انا ما تعشيت خلينيه اتريق , وعلى مسؤليتي انا اخليهم يدخلونج المدرسه .. حصه : السلام عليكم.. احمد +هيا : وعليكم السلام.. هيا : هلا والله بحصه طولتي الغيبه .. حصه : هلابج , شو نسوي قديت ام بعيالها , انشغلت بعيالي وبيتي .. احمد "آه الحب الاول بس الحين خلاص , مادري انا عدني احبج ولا اوهم نفسي ان شما هي انتي وتركتج " احمد : شحالج حصه ؟ حصه : هلا احمد بخير , شحالك انته ؟ احمد :والله مثل ما تشوفين عدنيه ما عرست ومبتلي بهيا تقولين زوجتي ودني ردني.. هيا : بس لا تفضحنا عاد.. احمد : بنت , شقلت انا ؟ حصه "الله شكثر كنت احب هالكلمه من لسانك , (بنت) ............" هيا : حياج تعالي تريقي معانا .. حصه : لا بس شبعانه وينها خالتي بسلم عليها .. احمد : خالتج شلت الدريول وراحت عند حبايبها .. حصه : اوووه سوت الها حبايب بعد .. هيا : هههههههههههه قصده راحت عند غنمها .. حصه : عالصبح عاد .. هيا : شفتي عاد وانا خلتنيه اتصفق فالبيت ادور حد يوديني المدرسه وعرب ذلوني من الصبح اترجاهم .. احمد : لا حووووووووول قلنا بنوديج بس ما يصير نروح ونخلي ضيفتنا بروحها .. حصه : ههههههههههه لا برايكم روحو انا بعد باروح بيت عمي بسلم عليه قبل لا يشرد هو بعد عند حبايبه .. احمد : هههههههه زين نوصلج .. حصه : من بعد البيت رايحه مشي .. احمد : الله يحفظج .. ........................ محمد : امممممممم الله احلى ريوق من احلى يد .. ام منصور : فديت قلبك والله .. ابو منصور توه داش البيت : محمد يالله بويه بتتخر على الدوام .. محمد : عده نص ساعه .. بو منصور : وين نص ساعه لين توصل هناك كدهن راحن النص ساعه .. ام منصور : اقعد كمل الخبزه كلها .. محمد : برايها انا رايح عن لا اتأخر .. ام منصور : الله يهديك يا بو منصور توه قاعد يتريق.. بو منصور من سمع اسم منصور : وينه منصور قام ؟ ام منصور اللي ما توقعت السؤال : مادري عنه , انا عدنيه ابا اقولك كلام بعد .. بو منصور : خير شو بعد .. ام منصور : منصور ولدك ......منصور ............مايا بروحه البيت .... بومنصور : شو قصدج ؟ ام منصور : منصور ...........منصور ............ اااااااا؟؟؟ بو منصور : بلاج علقتي ؟ هو شي مسوي ؟ منصور داش وسامع الكلام "هاللحظه اللي بقهرك فيها وبحرق قلبك مثل ما حرقت قلبي " منصور : قوليها يااميه قوليها .......منصور عرس وياب مرته في البيت.. بو منصور وتره دخول منصور المفاجأ ونفس الوقت الكلام اللي قاله .. منصور : انا تزوجت وخذت البنت اللي اريدها وباختياري , خذتها ويبتها عندكم هنيه فالبيت .. بومنصور ماكان يعرف شو يقول الكلام كله مفاجأنه ووجود منصور موترنه .. منصور : تكلم قول شي ليش ساكت ما بتباركلي .. بو منصور : مبروك , الله يوفقك ,,,,,,,,,,,,,,,,,,,,فال هالكلام وتوجه لغرفته .. منصور " هه مبروك ادري انك من داخل هايج بركان وانا هاللي اريده " ..................... احمد : اسمع الكلام ويالله تعال بنوصل هالعنز وبوديك , يالله اليوم بشتغل الكم تكسي.. محمد : ههههه , والله مادام انك مصر يالله بنروح .. هيا : اقول احمد العنز شو يكون اخوها .. محمد : تيس .. احمد : صبي , لا ترد عليها ترا لسانها متبري منها .. هيا : ظاهره عليك .. احمد : لاعاد ترى بنزلج هنيه اخليج تتصفقين عدل في الشوارع .. محمد : افا خلاص اسكت انته عنها وبتسكت .. ومشى احمد على شور محمد وطول الطريق كان محمد يطالع هيا من المنظره وهيه نفس الشي بس كانت نظراتها عفويه مب قصدها شي من وراهن اما محمد فكان ذايب وطاير من الفرحه .. .......................... نوره : حي الله حصه ويين نسيتينا .. حصه : لا والله حرام عليكم التهيت بالريل والعيال .. نوره : ههههههه يحليلج .. حصه : انتي شبلاج شكلج تعبان .. نوره: لا ولا شي البارح بس ما رقدت كنت سهرانه .. حصه : وليش واعيه من الصبح روحي رقدي .. نوره : قمت اقعد شوي عند ابوي وبعدين لا تنسين رشود يباله حد يوعيه بعد .. حصه : حليله علومه ؟ نوره : شو علومه بعد هايت دووم لا دراسه ولا غيرها واليوم ما طاع يسرح المدرسه بعد مادري شو اسوي فيه .. حصه : الله يعينج .. نوره : خليت دراستيه وقعدت عنده في البيت وهو ولا همه والله لو انا مكمله الحين دراستيه ابرك لي من هالعيشه .. حصه : آه يا بنت عمي والله ما تستاهلين اللي يصير معاج , بس شو نقول هاللي الله كتبه النا و وانا بعد اتحسف اني ما كملت دراستيه وتزوجت من بدري .. نوره : عاد ماكان في يدج هذا اللي ابوج يباه .. حصه : الله يسامحه , بس الحمدج لله انا مرتاحه مع زوجي .. نوره : الحمد لله .. .................. منصور : لا عاد ما بسج رقاد ؟ مها تتغطا بالفراش : انا كم مره قلتلك ما تدخل علي وانا نايمه .. منصور : مره مها : اطلع , لا يكون مصدق اني زوجتك صدق .. منصور : والله مادام الكل مصدق ليش انا ما اصدق ؟ مها : انت شو تبا , ما قلت انك ما بتتدخل فيني او في شي خاص فيه ؟ منصور : لاااااا . لا تنسين انج موجوده في هالبيت بصفتج زوجتي , وما تبيني اتدخل .. مها : خلصنيه قول شو تبا ؟ منصور : تدرين اني اقدر اخبر الشرطه والمجلات والجرايد انج عندي حق هلج يدرون بج ويلقونج .. حليلهم الحين اكيد جالبين الدنيا كلها يدورونج .. مها : انت تهدد ولا شو .. منصور : تقدرين تقولين جي, بس اذا ما تبيني اخبر ترى عادي , بس بشرط .. مها : وشو الشرط ؟ منصور : افهم من كلامج انج مستعده تتعاونين معاي .. مها : والله مجبوره , مو بيدي .. منصور : انتي ليش ما تبين هلج يدرون عنج ؟ مها : الحين هالشرط تبيني اجاوب لك عن سؤالك ؟ منصور : لا , بس حلو الاقتراح بعد .. مها : قلتلك اسباب شخصيه ما اقدر اقولها لك ... منصور : اوكي سمعي الشرط .. مها : هات .. منصور : لعبة دور اللي فاقده الذاكره تنسينه و اباج تلعبين دور يديد و وهو دور زوجتي وطبعا تعرفين تمثلين ماله داعي اقولج شو تسوين بالظبط .. مها : انا مش فاهمتنك , انت ليش تكذب على هلك وتقول انك متزوج ؟ منصور : اسباب شخصيه ما يخصج فيها .. مها : يعني الحين الكل يدري اني زوجتك شو تبا اكثر من جي .. منصور : ابا دور الزوجه مو دور اللي خايفه وكل ما شافتني شردت .. مها : ما فهمت .. منصور : يعني زوجج من الصبح لين الليل , والليل كلن يروح بطريقه انتي تردين مها وانا منصور .. مها : قصدك .. منصور : يمكن, اكيد شفتي معاملة الزوجه لزوجها , وهالشي اريده .. مها : بس انت غريب وانا ما اقدر اتواجد معاك في نفس المكان , ماعرف امثل هالدور .. منصور : يا تسوين اللي قلته , يا ترقبين هلج باكر يشلونج .. وبهالكلام خلاها وظهر عنها .. مها : يالله الامور قامت تصعب علي , شو سالفتك يا منصور مع هلك , ليش تكذب عليهم , وليش تستخدمني انا وسيله لكذبتك , ياللله سامحني .. ..................... شما : تعالي عواشي بريقج وين راح عبود ؟ عواشي : ما ادلي يمكن لاح مع ماما .. شما : وااااااااااااااااي فديت الرمسه محلاها تعالي , تعالي عند خالوتج بتريقج .. عبود اللي دخل عليهم البيت يربع وهلكان : وااااااااااااااااااااا اميييييييييي .. شما : بسم الله عليك , شبلاك .. عبود :بيضربني بيضربني .. شما : منو ؟ عبود : قاللي بذبحك وااله بيذبحني .. شما : يخسي منو هاذا خله ايي ارويك فيه انا بضربه وبذبحه ... خالد : عبوووووووووووووووووووووود تعال تعال هنيه يا حمار .. شما "بسم الله " : خالد خالد : انتو وين مهمليت الصبي برا في الشارع كنت بدعمه الا الله سلمه .. شما : "لا تعليق " خالد : تباني اضربك الحين شو تسوي في الشارع ؟ عبود : هاااااااااا ما تقدر تضربني خالتي شما قالت بتضربك وبتذبحك , امممممممممممممم خالد بدا يعصب اكثر : جب يالله بتنضرب انته وخالتك , ان شفتك مره ثانيه في الشارع بحش ريولك .. وطلع من عندهم شما : حسبي الله عليك يا عبود , زين نازعك و نازعني شوي وكان بيضربني انا .. عبود : آآآآآآآآي لا تضربين .. منصور : شو صاير ليش جي شكلج عبيط , تضربين عمرج .. شما : هااااااا ماشي .. عواشي : الليال نادعها هيه وعبود وكان بيدلبها >>>>>>>>>الترجمه " الريال نازعها وكان بيضربها .. منصور : فديت لقبج ورمستج اللي ما فهمت منها شي .. شما " الحمدلله ما عرفت رمستها " : خلها عنك هاي الها لغه خاصه و قولي اخبارك انت ؟ منصور : ماشي اخبار .. شما : ياي من عند مها ؟ لين الحين ما قامت ؟ منصور : لا قامت والحين بتنزل , جهزي ريوق لي والها , وروحي ناديها .. شما : احطه الكم فوق في الصاله ؟ منصور : لا هنيه , ما عليها هاذا بيتها بعد , لين متى هو المستحى ؟ شما : زين من عيوني كل شي بيجهز خمس دقايق بس .. ..................... ام منصور : مبروك ؟و ادري انك مو **** باللي يصير .. بومنصور : رضيت ولا غيره هو مش هامنه .. لم منصور : شو بتسوي ؟ بومنصور : هو يريد يقهرني ويحرق قلبي بس انا والله خلاص قلبي انحرق اصلن من طلع من البيت .. ام منصور : سلامة قلبك .. بو منصور : انا خلاص ما اريد اتدخل به ولا بزوجته انا غاسل ايدي منه من زمان .. ام منصور : لا تقول جيه هاذا ولدك .. بو منصور : انا خلاص مابا اتدخل شفتي شو صار يوم تدخلت بزواحه من قبل .. ام منصور : انته ما لك دخل باللي صار.. بو منصور : لا لي دخل كل اللي صلر بسببي انا , ما عاملتها عدل , آه يا عليا والله ماسشامح نفسي باللي سويته فيج .. ام منصور : الله يهديك اللي صار الله كاتبنه .. بومنصور : ادري بس انا بعد السبب انا اللي ..... ام منصور تقاطعه : بس بس لا تكمل اللي صار صار خلاص لا تعور قلبك , صل على النبي وريح عمرك شوي.. بومنصور : انا السبب والناس كلها تلوم منصور على بالهم هو السبب , انا اللي ما دافعت عن ولدي وخليت الناس تتكلم عنه و حتى انا قمت اتكلم عنه بدون ما احس بنفسي بس والله انا ماكان قصدي أمسه في شي.. ام منصور تمسح دموع بو منصور اللي بدت تنزل : بس بس يابومنصور , بعدين صحتك بتتعب .. ..................... طق طق طق شما : صباح الخيييييييييييييير .. مها : هلا شما صباح النور .. شما : يالله منصور يستناج تحت , الريوق جاهز وهب **** ياكل شي وانتي مو معاه.. مها"هذا من صدقه , يالله توكلت عليك , شو اسوي مجبوره " شما : يالله .. مها : يالله روحي وبلحقج .. شما : اوكي بس لا تبطين .. مها " الله يستر " ................ منصور : وينها ؟ شما : الحين بتيي .. منصور "ياويلج ان ما ييتي " مها : السلام عليكم .. منصور : وعليكم السلام , هلا حبيبتي و حياج تعالي اتريقي معاي .. مها "اووووووووووه السالفه فيها حبيبي وحبيبتي بعد ," ام منصور : هلا بنيتي تعالي .. مها : حبت ام منصور على راسها وقعدت عدالها .. منصور : عيل ابوي وين راح ؟ شما : هاااااا ابوي هنيه ؟, متى وصل ؟ ام منصور : البارحه والحين حط راسه شوي تعبان .. منصور اللي يت عينه على مها " تتحسبيني مستانس بوجودج هنيه , مادري كيف بتحمل وجودج معاي في نفس المكان وانتي تشابهين عليا , يالله والله لو ادري انها ما ماتت كان قلت انتي هي " شما اللي لاحظت نظرات منصور : اوووووووووه يا عيني على النظرات قومي مها قعدي عداله ريقيه لا تعذبينه .. مها رفعت نظرها بسرعه صوب منصور "هذا اللي خايفه منه هو ليش يطالعني بهالنظرات " ام منصور : قومي فديتج روحي تريقي .. مها : ها بعدين بتريق .. شما : ما يصير تخلين منصور بروحه يتريق .. مها : ماعليه منصور مب ياهل بيتريق بروحه .. منصور اللي ما عجبه كلامها : خلاص يالله قومي تعالي تريقي لا تستحين منهن هذيلا مثل امج وختج تعالي .. مها " يعني السالفه غياض " مها : انشالله .... قامت مها وقعدت قدام صنية الريوق مقابله لمنصور شما : هيه بس تسمع كلام زوجها , لو دريت كان قلتلك من الصبح تقوللها .. منصور اللي لمح ابوه طالع من غرفته بحركه لا اراديه >>>>يريد يغايض لبوه غط الخبزه في العسل ومده ناحية ثم مها منصور : كلي حبيبتي .. مها : لا تعليق .... كانت اطالع منصور مستغربه " هذا ين " منصور : افتحي ثمج تراج ما كلتي شي .. مها مدت يدها وخذت الخبزه منه ..:ماله داعي تأكلني انا باكل بروحي .. شما : ابوي ؟ .... هلا .. بومنصور : السلام عليكم .. مها تغطت بسرعه من سمعت صوت ريال .. الكل : وعليكم السلام .. بومنصور كان يطالع مها ومها واقفه ما تعرف شو تسوي منصور : ماله داعي تتغطين حبيبتي هذا ابوي .. بو منصور : ............اخليكم خذو راحتكم تريقو انا بطلع .. منصور " ليش ليش ساكت ليش ما تطلع اللي في خاطرك وتتكلن ادري ان مب عاجبنك اللي تشوفه " شما : منصور وين رايح .. منصور : الحمدلله شبعت .. ام منصور : فديتك ما كلت شي .. منصور : لا بس عليه .. شما : مها قولي شي خليه يتريق .. مها : ها .. كيفه اذا ما يريد يتريق خلوه على راحته .. منصور تذكر اللي سواه " انا شو كنت اسوي كنت بأكلها , اف كيف نسيت عمري كذيه " وبعد ما راح منصور شما : ليش ما قلتيله يتريق ؟ مها : مابا اجبره على شي ما يريده .. شما : الحين بيقول ما تباني اتريق معاها .. مها " وهذا اللي اباه , وزين اذا بيفهم بروحه هالشي " ام منصور : قعدي فديتج كملي ريوقج .. مها اللي كانت صدق جوعانه ما ترردت تكمل ريوقها وقعدت تتريق .. حصه +نوره : السلام عليكم .. حصه : بالغصب يبتها .. الكل : وعليكم السلام .. شما : هلا نوره .. ام منصور : شحالج بنيتي ؟ نوره : الحمدلله بخير .. حصه : ها مها شصبحتي اليوم ؟ مها : تمام والله .. ام منصور : خلنها عاد تكمل ريوقها . حصه : قعدي عيل منصور وين ؟ شما : توه كان هنيه وراح فوق .. حصه : يعني كان قاعد معاكن يتريق .. شما : هيه .. حصه : انا باروح عنده شوي .. نوره "انا بروحه قلبي منحرق من رشود ليش ييت هنيه ؟ حق ازيده بعد حريق " ............... طق طق طق حصه : منصور ؟ دريت انك بتكون في غرفتك .. منصور دس الصوره بسرعه ورا ظهره : حصه ؟ حصه اللي لمحت الصور قبل لا يدسها : لين اليوم تذكرها .. منصور : ومستحيل انساها .. حصه : بس انت الحين متزوج يا منصور .. منصور : حصه انا اصلن مش ...............ز حصه : انته شو ؟ منصور : لا ولا شي , بس انا كل ما شفت مها تذكرت عليا .. حصه : معقوله تكون صدفه , تزوجتها وانت ما تعرف انها تشبهها .. منصور : انا استغربت يوم شفتها , يالله شكثر تشبه عليا .. حصه : ومها شو تعني لك , ما حبيتها .. منصور : انا ما اعرفها عدل .. حصه : كيف يعني ؟ منصور "كيف بكذب عليج " ... : انا ما اقعد معاها وايد ما احب اتواجد معاها في نفس المكان .. حصه : وعلشان كذيه احس في شي من بينكم , مسكينه هي شو ذنبها ؟ .. البارح ما شفتها وهي كانت تصيح .. منصور : كانت تصيح ... ؟ بس ليش ؟ حصه : مادري ما رضت تقوللي .. منصور : شو تبيني اسوي ؟ حصه : خلاص يا منصور هاذي الحين زوجتك لازم تحسسها بالحب , يعني انت ما تحس فيها متزوجه ومش متزوجه , اللي تسويه حرام .. منصور " آه يا حصه والله تضحكيني بكلامج هذا شكثر هيه هامتنح وما تدرين انها مش زوجتي اصلن " منصور : انشالله بحاول .. حصه : لا تحاول من اليوم تطبق اللي قلته لك .. ....................... واسمحولي على التقصير... التعديل الأخير تم بواسطة كاردينيا الغوازي ; 09-01-18 الساعة 02:25 PM | ||||
|
| |
 |
| أدوات الموضوع | |
| انواع عرض الموضوع | |
|
|
2Likes
.png)
.png)
.png)
العرض العادي
