05-05-09, 02:43 PM | #33 | ||||
كاتبة في منتدى قصص من وحي الأعضاء
| الفصل الحادي عشر بيييييييييييييييييييييييي يييييييييييييييب محمد بعد ما سحب منصور من قدام السياره .. محمد : بلاك ينيت تبا تموت ؟ منصور : شو صار , شو السالفه , اي سياره ؟ محمد : منصور لا تينني لو ما لحقت عليك كان ممكن تموت .. منصور بعد ما استوعب الموضوع : محمد , انا انا كنت ............, مادري مادري كيف نسيت عمري في نص الشارع , كنت سرحان شوي افكر.. محمد : فكر وانت داخل هب في نص الشارع .. منصور : آسف , ومشكور على اللي سويته .. محمد ما قال شي كل اللي سواه انه دخل البيت وخلا منصور على الرصيف بروحه .. ............. سعود : قرب قرب حي الله رويشد , ليش تأخرت علينا ؟ راشد : ابوي رد البيت ويالله يالله قدرت اطلع .. نصيب : خلك من هالسوالف يبت اللي قلنالك عليه ؟ راشد : اكيد نصيب : اشوى .. راشد : لازم انا محتاج لملحكم ولا ما كنت باييب الفلوس .. نصيب : ملح ؟ راشد : هههههههههههههه , هذا اللي سمته ختيه تتحسبه ملح , كان منكب في غرفتي شوي .. نصيب : انت ينيت لو عرفت كان رحنا فيها .. راشد : لا تخاف هاذي عبيطه , ما بتعرف شي .. سعود : بس تحمل مره ثانيه , حق تسلم مننا ومن مشاكلنا ترى , لو درت انته اللي بتتمشكل .. راشد : افا بتتخلون عنيه بهالسرعه , ليش انقلبتو علي مره وحده , خلاص ما بتعرف شي .. نصيب : تحمل تدخله داخل بيتكم , وخاصتن الحين بعد ما رد ابوك .. راشد : انتو ليش مكبرين السالفه , ما بيصير شي .. سعود : خل عنك هالسالفه قلي اختك هاذي كم عمرها .. راشد : ما يخصك , خل اختي على جنب .. نصيب : انت ليش عصبت , مجرد سؤال .. ................................. هيا : وينها حرمة اخوج انا من يت ما شفتها .. حصه : مو انتي اللي مستقبلتنهم اول ما يو .. هيا : لا طلعت عنهم ورحت البيت وهيه كانت متغطيه ما شفت شي .. حصه : هاذي نزلت الحين شوفيها وشبعي شوف .. مها : مساء الخير .. حصه + هيا : مسا النور .. مها : شو ملتمات .. حصه : هيه وتوها يايه هيا , نسيت اعرفج عليها هيا بنت خالتي و مها مرت منصور .. هيا : هلا وغلا بمرت منصور نورتي البيت .. مها : ههههههههه , فديت قلبج , البيت منور بوجودج .. حصه : بس عاد كافي غزل ترى اخبر منصور , الا شما وين ؟ مها : شما العصر يت عندي كانت تعبانه ورقدت .. حصه : عندج ؟ مها : هيه ما فيها شي .. حصه : عاد للحين راقده انا باروح اوعيها الساعه 7 الحين وهي راقده .. محمد : السلام عليكم .. هيا + مها : وعليكم السلام .. محمد شاف هيا ومها اللي كانت متغطيه عنه : عيل امي وين ؟ مها : طلعت مع ام احمد .. محمد : زين اخليكن عيل .. منصور : محمد .. محمد : خير .. منصور : اريد اكلمك شوي .. محمد : ما في شي بيني وبينك حق تكلمني فيه منصور : صبر , دخيلك اسمعني .. محمد شاف هيا ورد شاف منصور : زين تعال الميلس .. ............................... احمد : خلووووووووووووووووووووووو ووووووووووووووووووووووود خالد : ضرس يضرسك , قم عنيه .. احمد : خخخخخخخخخخخخخخ شو اللي مرقدنك للحين .. خالد : كيفي مزااااااااااااااااااااااا ااج حرام يعني .. احمد : لا بس غريبه , الكل يسألني عنك , مليون مكالمه لم يرد عليها .. خالد : وانت ليش شال التلفون .. احمد : انته فارنه في الميلس .. خالد : زين اذلف .. احمد : صبي ترى وايد ساكت عنك عن هالالفاظ انا اكبر عنك .. خالد : اووووووووووووووه .............................. شما : اوووووووووووووووووووووووو ووه حصه : اف اف بلاج ليش معصبه ما يسوى علينا , هذا يزاتي يايه اوعيج .. شما : اف انا وين ؟؟ حصه : ههههههههه مدري عنج .. شما : اوووووو ه كنت اسولف مع مها وغفت عيني .. حصه : الا غفت قولي راحت في سابع نومه .. شما : زين , خلاص مشكوره الحين باقوم .. ........................... مها : هاذيلا بلاهم , في شي صايرمن بينهم ؟ هيا : والله علمي علمج , انا عمري ما شفتهم يسولفون مع بعضم او يقعدون في نفس المكان .. مها : مسكين منصور ليش احس الكل معادنه .. هيا : هي والله مسكين , الا خليج عن هالسالفه وقوليلي انتي اخبارج عرفينا عليج شوي.. مها : هههههههه , شتبين تعرفين ؟ هيا : اي شي , يعني انتي من وين وكم صف وكيف عرفتي منصور , وهالاشياء يعني .. مها : وللللللللللل كل هالاسئله .. ............................... منصور : محمد انا ياي بكلمك لا تعطيني ظهرك .. محمد : انت شتبا ؟ ياخي بالغصب هو الكلام .. منصور : محمد يا ليت تتذكر اني اخوك العود هب واحد غريب و تحترم معاملتك معايه .. محمد : انا متبري منك من زمان انت هب اخوي .. منصور : لا , عيل ليش سحبتني من قدام السياره ليش ما خليتني اموت وارتاح من هالحاله ؟ محمد : لا تتحسب شي ثاني شي طبيعي مهمن كان قدام السياره بسحبه , مش لأنك تعني لي شي .. منصور : محمد , الله يخليك انا ابا اعرف , شو سويت فيك حق تعاملني بهالطريقه .. محمد يحاول يتذكر شو الشي اللي خلاه يسوي كذيه .. منصور : انا مستعد اسوي اي شي حق ارضيك , خمس سنين وانت في هالحاله , يا محمد قللي كيف ارضيك .. محمد ما يعرف شو يقول منصور : اللي تباه اطلب اللي تباه , بس لا تعاملني بهالطريقه اللي فيني مكفيني , انته من صوب وامي من صوب وابوي من صوب , خلاص خفو علي , انا هب عدوكم .. محمد : انا مقدر اسامحك ما اقدر .. منصور : اذا ربك اللي سواك يغفر ويسامح انت ما تقدر , حاول انا جاهز اصلح الخطأ اللي سويته , وترى محد معصوم من الخطأ اذا انا اخطيت في حقك وانا مدري .. محمد كان يريد يسامح منصور يريد يضمه نفس قبل بس عزة النفس اللي فيه ما سمحتله , او انه ما عرف كيف يبدأ معاه .. منصور : محمد لا تسكت قول شي , على الاقل لومني اضربني قللي انا في شو غلطت معاك ؟ محمد : منصور افكاري تلخبطت , راسي بدا يعورني ... منصور : من حقك , انا بخليك حق تريح شوي , تفكر بالكلام اللي قلته لك , عن اذنك .... مرت عشر دقايق ولف محمد ينادي منصور لكن منصور كان طالع من الميلس محمد "ياليتني مثلك اقول اللي في خاطري كله بس ما اقدر ما اقدر .." .......................... حصه : هههههههههههه الله يقطع سوالفج يا هيا ههههههههههه.. مها : هههههههههههههههههههه , اول مره اضحك هالكثر ههههههههه ... هيا : واي فديت الضحكه , ضحكي ضحكي , وايد بتضحكين هنيه .. سكتت مها فجأه بدخلة منصور اللي ما عبر حد وراح بسرعه للدور الثاني بدون اي كلمه او حتى اي نظره , مها تفكيرها راح مع منصور " ليش متضايق , شو فيك " حصه : مها , لا تقعدين تفكيرن كذيه روحي شوفيه شفيه , وليش متضايق , يعني انا كنت باروح بس ما يحق اليه مادام زوجته هنيه .. مها : هااااا ...." والله حاله انا شو بسوي الحين " .... زين باروح اشوفه اسمحليه .. .......................... راحت مها الدور الثاني وكانت شما قاعده في الصاله ..كانت مها ادور بعيونها .. شما : تدورين منصور , راح لغرفته آخر غرفه هناك .. مها " وانتي هنيه بعد يالله " سحبت مها ريولها لين غرفة منصور , وكانت لاول مره تحس ان ريولها ثقااااااااال .. طق طق طق شما : زوجج هذا ما يباله استئذان .. مها : ها .. زين .. وفتحت مها الباب وتحس انا بروده دخلتها وكانت ترتجف .. مها : منصور .. منصور اللي كان متمدد على السرير ولا داري باللي حوله .. دخلت مها وصك الباب بروحه وبصوت عالي , اللي خلا منصور يقوم .. منصور : عليا ..., اا اقصد مها .. مها : انا آسفه بس خواتك , قالن ... ماقدرت .... منصور : خلاص عرفت ماله داعي للشرح الغير مفهوم .. مها : آسفه .. منصور : لا عادي .. مها كانت تشوف الغرفه : هاذي غرفتك ؟ منصور : هممم مها : حلوه وايد .. منصور : ذوق عليا .. مها ما تعرف ليش تضايقت يوم قال اسم عليا فغيرت الموضوع : آسفه يعني صح ما يخصني اتدخل , انت ليش متضايق ؟ طالعها منصور ورد وحط راسه على المخده وكأنه ما يريد يقول .. منصور : لا تعورين راسج معاي .. مها : انا آسفه , بس في شي اقدر اسويه يمكن يخفف الضيق اللي فيك ؟ منصور :في شي .. مها : شو ؟ ابتسم منصور : خليني انام بندي الليت وصكي الباب وراج .. مها : طرده يعني .. منصور : لا والله بس ابا ارتاح شوي .. مها : ههه ادري امزح معاك خلاص عيل اخليك .. .................. شما : مها .. مها : هلا .. شما : شو اشوف الابتسامه ماليه ويهج شو السالفه ؟ مها : ها ولا شي , الا انتي قوليلي اخبارج الحين احسن ؟ شما : احسن الحمد لله .. مها " فرصه الحين اسألها " : شما ممكن آخذ من وقتج شوي ؟ شما : تفضلي فديتج وقتي كله لج لو تطلبينه .. مها : فديتج والله .. اريد أسألج عن شخص .. شما : منو؟ مها : عليا , المرحومه مرت اخوج منصور .. شما : هـــــــــا , عليا ..ااا انتي شو دراج عنها ؟ مها : منصور قال لي عنها بس ما عرفت عنها وايد , كلميني عنها .. شما : والله مادري شو اقولج عنها , بس انا ما اتذكرها وايد وايد لانها كانت عندنا فتره صغيره وايد وماتت يعني ما اذكر عنها اي شي حتى شكلها نسيته و اصلن نسيت ان منصور كان متزوج, قبل .. مها : والحل يعني ابدا ابدا ما تعرفين عنها شي ؟ شما : آسفه ما اعرف شي , بس اللي اعرفه انها كانت صديقة حصه اختي روح بالروح , سألي حصه عنها .. مها : لا ماله داعي .. شما : ليش ؟ مها : ما اعرف اتعاطى وايد مع حصه استحي منها .. شما : عادي , وبعدين انتي ليش تبين تعرفين عنها .. مها : هـــا , فضول .. مستغربه تعلق منصور ابها .. شما : اها تغارين , هاذي وحده ماتت خلاص ليش تغارين منها .. مها : لا هب غيره , خلاص شما اللي انقال بيني وبينج اريده ينتسى ومابا حد يدري عنه , اوعديني .. شما : اوعدج .. ......................... محمد : السلام عليكم .. هيا +حصه : وعليكم السلام .. محمد ك شو ما يت امي للحين .. حصه : لا ..حياك تعال اقعد بنسولف معاك .. محمد : مالي مزاج للسوالف .. وكمل طريقه وراح للدور الثاني اللي كان فيه شما ومها قاعدات يسولفن .. محمد : احمممممم. شما : هلا قرب .. مها تغطت ووقفت محمد : خلكن انا رايح لغرفتي ,,.............اا منصور وينه ؟ شما : منصور بغرفته من شوي داخل .. محمد : زين خلاص بخليكن , استريحن .. بعد ما راح محمد مها : شما , في شي بين اخوانج , احس منصور متضايق من محمد , لانه من شوي طلعو مع بعض وكان بينهم نقاش حاد ... شما : الصراحه بدون لف ودوران في شي , بس شو هو بعد ماعرف منصور يحب محمد بس محمد الله يهديه ماخذ من منصور وما يكلمه , وانا كل ما احازل اعرف من محمد شي يعصب , انتي حاولي مع منصور يمكن يقولج .. مها : لا ماريد اتدخل بينه وبين اخوه خليهم هم بيتراضون بروحهم ...." عشان كذيه منصور متضايق ..مسكين يا منصور مدري ليش الكل معادنه .. احس السالفه فيها عليا ....صدقه منصور ليش اعور راسيه بهالسوالف انا ما يخصنيه بشي احسن اسكت لأني قمت اتعدى الحدود وايد بأسألتيه " ................. منصور حبيبي انا معاك افتح عيونك عدل بتلاقيني عدالك مستحيل اخليك بروحك انا معاك ....انا معاك ....انا معاك منصور قام من النوم : عليا .. وعدل نفسه كان المكان مظلم وبارد منصور : حلم , آآآآآه ليتني ما قمت منه , آه وينج يا عليا ليش تركتيني , تقولين معاك وعدالك , كل هذا طلع حلم .. بس اللي شفتها في حلمي هب عليا هاذي مها ..<< طلع منصور صورة عليا وتم يتأملها >>..نسيت شكلج وقديت احلم بمها .. التعديل الأخير تم بواسطة كاردينيا الغوازي ; 09-01-18 الساعة 02:31 PM | ||||
06-05-09, 11:03 AM | #34 | ||||
نجم روايتي وكاتبة في قسم قصص من وحي الأعضاء
| موفقه غناتيه...........بس في سؤال..ليش اذا مها تشبه عليا ما حس انهم منصدمين يعني مثل ردة فعل هيا ونوره او انهن ما يتذكرن عليا وشو سالفة محمد هل الموضوع يستاهل كل هالقطاعه وليش منصور ما تحرك من زمان وعرف شو سبب زعل اخوه.....وليش ههههههههازعجتج اليوم انا بليش وليش ههههههه القصه حلوه وااااايد وياليت اتكملينها بسرعه...... | ||||
06-05-09, 08:28 PM | #36 | ||||
كاتبة في منتدى قصص من وحي الأعضاء
| سلام للجميع مشكورين على المرور .... اختي وديمه كل شي بوقته حلو , كل النفسيرات بتعرفينها من خلال الاجزاء اللي بنزلها .. وإذا كنتي تسألين عن منصور ليش ما تحرك من قبل لأنه من خمس سنين منقطع عنهم والموقف اللي استواله مع السياره هو اللي حركه ,, وعن الكل ليش ما انصدم بشبهها , حد ما يذكر لانه خمس سنين مرت عليهم من ماتت و ولانه الفتره اللي كانت عندهو عليا قليله يعني ما لحقم يذكرونها عدل .. والتفسيرات الباقيه مثل ما قلتلج مع الجزاء بتنزل انا بروحيه ما عرف ليش هههههههههههههههه | ||||
07-05-09, 03:35 PM | #37 | ||||
كاتبة في منتدى قصص من وحي الأعضاء
| الفصل الثاني عشر الساعة 8:00م ام منصور :عاد خليج هنيه تعشي معانا اليوم .. ام احمد : والعيال وهيا .. ام منصور : هيا هنيه عند البنات والعيال خليهم اييون عند عياليه ويتعشون .. بو منصور : السلام عليكم .. الحريم : وعليكم السلام .. بو منصور : وينهو عيالج محد في الميلس وسياييرهم قدام البيت .. ام منصور : والله مدري فيهم .. بو منصور : شوفيهم وخليهم اييون , لا يكونون رقود ؟ ام منصور : ماعليه باشوفهم لك .. .............. شما : هاذي اميه مسويه اليه قالت لي اشوف محمد ومنصور انا باروح اشوف محمد وانتي روحي شوفي منصور قوليله ان ابوي تحت يبغيه .. مها : روحي انتي انا مافيني .. حصه : لا والله بتمن تتعازمن يالله قومن .. هيا : هههههههههههه عيايز اخر زمن .. شما : ياويلي عليكن انا مسؤوله عن اخوي بوعيه والثاني عنده مرته خلنها تقوم توعيه .. مها : يالله عاد افا يا شما انا اول مره اطلب منج شي .. حصه : قومي هيا نشرد تحت خليهن بروحهن يتفاهمن .. شما : ما يخصني ريلج ولا ريلي ؟ مها "يالله ليش كل اللي عدالي يخليني اظطر اقابله اف يعيينا الله على هالحاله " ....... مها : منصور منصور ... منصور : ههه واعي الحين انتي بتوعيني بهالصوت اللي يالله يالله ينسمع .. مها : هــــــا ..هههه مدري .. منصور : بعد خواتي خلنج تدخلين ولا انتي بنفسج ؟ مها : اكيد خواتك , ليش بدخل من نفسي , وهالمره امر من ابوك ابوك تحت ويبغيك .. منصور : يبغيني انا ؟.. مها : اللي عرفته انه يبغيك انت ومحمد .. منصور : زين الحين ابدل وبننزل معاج .. مها : وانا شدخلني .. منصور : نسيتي الاتفاق , وانا الحين محتاج وجودج معايه ما دام ابوي موجود .. مها : يعني لازم .. منصور : لازم .. مها "الله يهديج يا شما الحين لو دخلتي انتي كان افتكيت انا من هالقرار " ............ بو منصور : انت شو مرقدنك الحين ؟ محمد : غفت عيني شوي .. بو منصور : الميلس خالي لو يدخل ريال وانتو قاعدين هنيه منو يقربه خواتك ؟ ام منصور : الله يهديك محمد كان تعبان شفيها اذا غفا شوي .. بومنصور : والوقت هب وقت رقاد كان رقبت العشا ورقدت .. حصه : ابوي منصور ياي .. منصور+مها : السلام عليكم . الكل : وعليكم السلام .. بو منصور كان في خاطره هده بس من شاف مها سكت .. مها : منصور انا رايحه مقدر اقعد من بينكم .. وعلا صوته منصور حق الكل يسمعه : خليج حبيبتي هذا بيتج لا تستحين .. بو منصور : شحالج بنتيه ؟ الكل استغرب السؤال مها : الحمدلله بخير .. بو منصور : البيت بيتج مثل ماقالج منصور لا تستحين , وانا بمثابة ابوج وهذيلا خوانج لا تستحين .. مها : انشالله .. منصور " غريبه شو اللي غيره كذيه , مستحيل انا في حلم " بو منصور : يا عياليه ان كنت مقصر عليكم اسمحوليه وان غلطت على حد منكم اسمحوليه انا اللي اسويه لمصلحتكم ومش قصدي اني أأذي حد منكم .. محمد : ما عليك قصور يا بو منصور .. منصور استغرب من هالكلمه بو منصور "شو قصدك يا محمد سامحتنيه " ام منصور : ها بتتعشون هنيه ولا في الميلس .. بو منصور :لا في الميلس انتن قعدن هنيه واتعشن نحن بنروح عنكن .. ................ محمد : منصور .. منصور : نعم .. محمد : قبل لا ايي ابوي ابا اقولك شي .. منصور : قول .. محمد : انا مستعد اسامحك وانسى كل شي , ومثل ما الكل يشوف انت شال حقد كبير على ابوي , واباك انا في مقابل مسامحتي لك انت تشل هالحقد وتعامله معامله عدله .. منصور : محمد , انا شفت منه شي انت ما شفته ما اقدر انسى .. محمد : مو انت اللي قلت ان الله يسامح العبد , ليش انت ما تسامح ابوك اللي من لحمك ودمك ؟ منصور : كلامك صح , بحاول يا محمد بحاول بس المهم الحين انت سامحتني؟ محمد : انا مش مهم ابوك اهم لو يموت شو اللي سويته له , منصور ادري ان ابوي أذاك والله يعلم شو يكون مسوي , بس مهما يكون هذا ابوك , حتى انا متئذي منه بس ما سويت اللي سويته انت يا منصور اصحى , خل عنك الانتقام يعني شو خاطرك تسوي اكثر خلاص ابوي ندمان على اللي سواه .. منصور : وانت تعرف شو اللي سواه .. محمد : ادري يا منصور انا كنت موجود وكل اللي سواه قدام عيوني صار , انت بس سمعت اللي صار عصبت و عيل شو تقول عني للحين وانا اتذكر كل شي صح كنت صغير بس افهم ومستحيل انسى اللي شفته ,.. منصور : قللي يا محمد قللي شو اللي سواه بالضبط ابا اعرف كل شي , انا اللي سمعته من احمد شوي واحمد مالحق عليه من البدايه .. محمد : يا منصور انت حاقد على ابوي تبيني ازيد الحقد اكثر , مقدر اقول ماريد اقول .. منصور : محمد , قول لي كيف كان شكلها شو كانت لابسه اوصف لي اياها محمد ضربته العبره ما قدر يتكلم : بس يا منصور .................................اسمع صوت ابوي يمكن ياي .. منصور : بعدك ما خلصت مني بعرف منك كل شي .. بو منصور : ها مايابو العشى للحين .........بلاكم صاخين شي صاير .. محمد : لا , انا رايح اشوف العشى بومنصور : منصور .. منصور : انا طالع ماريد عشا , انتو تعشو ما اشتهي شي .. بومنصور يناديه عقب ما طلع : منصور منصور ,الله يهديك .. .................... ام منصور : حياكن اقربن فديتكن .. وبعد ما تجمعن كلهن على سفرة العشا دخل منصور منصور : مها تعالي فوق اباج ام منصور : عدها ما تعشت خلها .. بس منصور ما سمعها لانه كان رايح .. مها : ماعليه عموه بروح اشوفه وراجعه .. مها "يا ترى شيبغي ؟" .............. راشد : يالله سلام .. بو راشد كان توه راد وشاف السياره اللي نزل منها راشد.. بوراشد: مرحبا شحالكم .. سعود+نصيب : بخير .. بو راشد : قربو تعشو عندنا .. سعود :لا مشكور عندنا شغل مره ثانيه ان شاء الله .. بوراشد : هالمره بنسامحكم بس مره ثانيه لا .. سعود : ان شا الله , يالله نحن ماشين .. بو راشد : الله يحفظكم .. وبعد ما مشو بو راشد : ها علوم ما عليك مدرسه باجر ؟ راشد : لا باجر الحمعه .. بو راشد : هيه وهالاسبوع ختك تقول مره ما داومته ؟ راشد : هـــــــــــــــــــــــا , انا ...اا..انا كنت تعبان ,,!!! بوراشد : شد حيلك عاد وعن الغياب ..ختك حليلها تعبت من كثر ما تركض وراك بس عن الهياته والغياب .. راشد :ان شاء الله .. بو راشد : يالله تعشى ورقد , وباجر انا اللي بوعيك .. راشد :خير .. كل هالكلام كان يدور بينهم وهم داخلين للبيت ونوره سمعت نصه .. نوره : هلا ابوي العشى جاهز .. بونوره : يالله واحنا جاهزين .. ................ نصيب : اف فوت علينا العشى .. سعود :لا صدق الريال اول مره يعزمك بتقول هيه , وبعدين ترا قال مره ثانيه و بعدين نتعشى عنده .. نصيب : هههههه لعبنا على الصبي وخلنا نلعب على الابو ولا شرايك ؟ سعود : الابو شكله رايح في عينه مبين من كلام راشد عنه ,ولا في حد يخلي ولده هايت كذيه .. نصيب : صدقك .. سعود : شرايك نلعب على اخته ؟ نصيب : اخته , كيف ؟ سعود : بتعرف كيف , مع الايام بتعرف كيف ؟ نصيب : هههههههه والله وطلعت هب هين يا سعود .. سعود : عدك ما شفت شي ... نصيب : ههههههههه ... .................. احمد :السلام عليكم .. الكل : وعليكم السلام .. محمد : وين تو الناس كنا بنتعشى عنك .. احمد : عادي فديتك , قربو يالله انا بروحي ياي جوعان .. خالد : بنرقب منصور .. بومنصور : منصور مايبا عشى من شوي راح عنا قال ما يشتهي .. محمد : يالله يالله اقربو .. .............. مها : شي صاير ؟ منصور : ههههههههههههههه ليش خايفه كذيه .. مها : مادري اول مره تناديني وشكلك كان يخوف و كأن المسأله فيها حياه أو موت .. منصور : ههههههههههه حياه او موت ههههههههه والله لهادرجه خوفتج .. مها : والله ما قلتلي شصاير؟ منصور : هاذي لطيفه وانا طالع من الميلس سوت تلفون ضروري تبا تكلمج , هاج سوي لها.. مها: هههههههههه هالسالفه يعني يالله شكثر كنت خايفه ... شلت التتلفون واتصلت بلطيفه .. مها : ماترد ...........الو .. لطيفه : هلا مها وينج ولهت عليج ليش ما تدقين .. مها وعيونها بدت تدمع : فديتج حتى انا تولهت عليج قوليلي شحالج ؟؟ لطيفه : الحمد لله بخير دام اني سمعت صوتج والله وايد افكر اريد اعرف اخبارج وعلومج كلها .. مها : فديتج والله , انا الحمدلله كل شي ماشي تمام معايه انتي اخبارج .. لطيفه : طيبه فديتج وديه لو نتلاقى خاطري اشوفج ضعفتي متنتي طولتي ؟؟ مها : هههههههههه فديتج انا مثل ما انا ما تغيرت ,, وحتى انا ودي اشوفج ولهت عليج وياليت لو نتلاقى .. لطيفه : اا..انزين ...يمكن نقدر نتلاقى ؟ مها : كيف ؟ لطيفه : انتي ...انتي عطيني العنوان ...واذا..اذا قدرت اييج .. مها : والله صدق فدييييييييييييييتج صدق بتيين هنيه .. لطيفه : ان شا الله اذا قدرت بس انتي اول قوليلي وينج بالضبط .. مها : زين دقيقه بس .. ولفت على منصور : ممكن تعطيني العنوان يعني كيف ادلها على البيت .؟؟ منصور : هههههههههه مستانسه هالعنوان ********* مها : ها عرفتي ؟ لطيفه : هي اوكي خلاص مشكوره .. مها : تو الناس ما سولفت معاج اكثر .. لطيفه : ما اقدر ابطي معاج انا اذا قدرت اييج بسوي لج مسد كول تمام .. مها : ان شالله يالله سلام .. .................. لطيفه : امسك خذ هاذا هو العنوان الحين خلنا في حالنا .. مبارك : عفيه عليج شاطره , اياني واياج اعرف انج سويتي الها او عرفت شي .. لطيفه : ما بقول الها , خلنا في حالنا خلاص كل اللي تبا خذته اطلع .. مبارك : زين مشكوره , سلااااااااااااااااااااااا م .. لطيفه " سامحيني يا مها سامحيني والله ما قدرت اسكت مسكني من ايدي اللي تعورني , آسفه " .................. مها : يالله انا اليوم وايد وايد مستانسه من متى خاطري اكلم حد يعرفني واعرفه عدل .. منصور : هههههه ان شاء الله دوم نشوفج مستانسه كذيه .. مها : وانت بعد عقبال ما نشوفك مستانس مثلي وطاير من الفرحه .. قربت وعطته التلفون مسكها من يدها ووقف وقابلها كانت المسافه بينهم قصيره وايد منصور : دام انتي معي اكيد بستانس , انا من اقعد معاج او تطرين في بالي انسى كل همومي وارتاح ,انا ...انا ..انسى الدنيا كلها يوم اكون معاج .. مها : منصور .. وحط يده على ثمها : ششششش لا تخربين علي هاللحظه ماريد اصحى من حلمي .. منصور نسى عمره وقرب منها وهي ما تعرف ليش ما قدرت تتكلم او تسوي شي ... قرب اكثر واكثر والاثنين ناسين اللي حولهم ................ ................ ................ .................. ............... ............... احممممممممممممممممممممممم مممممممم منصور : هــــــــــــــــــا مها كل اللي سوته كف صحى منصور من حلمه الواقعي وربعت لغرفتها محمد : انا ..انا كنت رايح غرفتي ابا انام ما كنت ادري ان حد هنيه .. منصور : هـــــــــــــــا ..شو ..لا عادي روح نام .. محمد : بس يعني , مره ثانيه حاسبو هب تنسون عماركم في نص الصاله .... كان ماسك ضحكته من شكل منصور ومن ردة فعل مها " هههههههه كف االمسكين للحين ما يعرف ليش عطته كف " محمد : اا ...تصبح على خير ............"اوف هذيلا رايحين في عينها انا لازم اكلم حصه حق تفتح موضوع الزواج الحين مقدر اتحمل اشوف لقطات رومنسيه في البيت واسكت " منصور مثل ما كان واقف في محله منصدم من اللي سواه ومن الكف اللي ياه "يالله قديت ما اميز من الحلم والواقع بس شو اسوي كيف امسك نفسي و هيه عليا والله وايد تشبهها , اف شو بتقول عني الحين " ....................... مها في غرفتها وغارقه في بحر من الدموع "لا لا مستحيل انا كيف سكت ليش ما قاومته ليش , ليش تسوي فيني جذيه ليش ,, انا مقدر اتحمل خلاص خلاص , آه الحين شو بيقول عني ما هقت من ربها حد يتقرب منها و وهو الحقير يدور فرصه حق يتقرب فيها مني, مالي ويه اقابل هــــــــــــــــــه و..و محمد ..يالله يالفضيحه كيف بقابله هو الثاني , وينج يا لطيفه انا خلاص برجع معاج ما اقدر اقعد اكثر ................" ................... ام منصور : شما فديتج شوفي مها للحين ما يت .. ام احمد : وايه خليها تتعشى ما خلصت .. حصه : خليج انا باروح اشوفها .. ام منصور : عاد انتي لا تخلينهن يتدلعن عليه .. ام احمد : عاد شما خليها تتدلع حليلها بنتج اللي قاعده عندج وبتنفعج لازم تدلعينها .. ام منصور : لا هب زين اعودها على الدلع باجر يوم بتعرس بتم تتدلع على ريلها بتفضحنا عندهم .. ام احمد : وايه شعليه فديتها خليها تدلع وبعدين هب بيت غرب هيه بتروح الا بيت خالتها فديتها وفديت اليوم اللي بتدخل عليه عروس في البيت .. شما افتضحت من كلام خالتها اللي اول مره تسمعه " شو قصدها ..يالله معقوله !!!!!!!!!!!!!!!!!!!!!!!!" شما : اسمحليه شبعت .. ام منصور : الله يفضح العدو بلاج على البنيه تراني ما فتحت الموضوع عدنيه .. ام احمد : وايه من متى وانا قايله لج شحقه مأخره للحين , يا ويلي عليج ولا ما تبيننا .. ام منصور : حشى عليه ما قلت ما اباكم لا تألفين من عندج انا ما لقيت الوقت اللي اكلمها فيه وبعدين عدنيه اول بشاور ابوها وخوانها .. ام احمد : ما يباله بعد تشاورين الريال عندهم ويعرفونه زين .. ام منصور : عاد مقدر اسوي شي من دون رايهم .. هيا : الله بيستوي عندنا عرس .. ام احمد : اص اص لا تسمعج الحين شموه اسكتي .. هيا : شعقبه عقب ما طاح الفاس بالراس , بروحج فضحتي عمرج .. ام منصور : عاد الام وبنتها متشابهات مره ما يسكتن لين ما الكل يدري .. هيا : ههههههههههههههههههههههههه هههههه ..................... حصه : هههههههههههههه بلاك مصنم محلك ز هييييييييييي حوووووووووووووووووه .. منصور : هـــــــــــــــــــــــا حصه انتي من متى هنيه ؟ حصه : اوووووووووووووه من زمان .. منصور : حصه دخيلج روحي شوفي علـــ اقصد مها .. حصه : ليش شو صار .. منصور : انا بدون قصد كنت (وتدارك نفسه ) حصل سوء تفاهم بيننا , دخيلج شوفيها قوليلها اني مش قاصد اسوي اللي سويته .. حصه : انت شو مسوي بالضبط ؟ منصور : امور خاصه بيني وبينها دخيلج ساعديني .. حصه : خلاص ولا يهمك ما يصير الا خير , وانت بعد خف على البنت شوي .... منصور : زين انتي روحي شوفيها الحين .. منصور " اهبل مينون هب صاحي و والله استاهل الكف واكثر .." ........................ شما " معقوله يا خالد معقوله انا بقادي مرتك الله الحين عرفت شو هالشعور اللي تملكني بعد ما رحت عنك ...الحين فهمت .............آآآآآآآآآآآآه احبك " وانهت تفكيره بكلمة احبك بصوت واطي هيا : هــــــــــــــا شقلتي ما سمعت .. شما : هـــــــــــــا اغني اا..احبك ..( وبدت تغني ) بحبك يا حمار آآآآه ... هيا : هههههههههههههه ليش سكتي .. شما : بس ماعرف الباقي "حشى وين بطلع الها غنيه تبدا بأحبك زين بعد يت هاذي " هيا : ومنو الحمار اللي تحبينه .. شما : شو هالسوالف انا ما احب حمير "احب رياييل ..آآآه فديته " هيا : اشوى قلت بنت خالتي ينت بتحب الها حمار .. شما : لا والله تراج قديتي تمللين بالواحد .. هيا : اووووووب بلاهم قلبو علينا خلاص ما يبونا .. شما : لا بس والله مزاجي ما يسمح اتقبل مزحج اريد ارقد .. هيا : ايوا يعني تفضلي من غير مطرود , خلاص دحبتي الكرشه وتبين ترقدين .. شما : لا والله لا مطرود ولا غيره بس نعسانه وانتي عادي تمي بتييج حصه وامي وامج للحين قاعدات في الصاله .. هيا : هيه ادري قاللي طلعي اتظاهر عندهن شي ضروري يمكن يريدن ييوزن حد .. شما عرفت ان هيا تنقزها بكلامها : هي يمكن يبون ييوزوون محمد , مسكين اشوفه هاليومين يهاذي يبا العرس .. هيا : عن اذنج انا بعد اريد ارقد و توه الرقاد وصل , تصبحين على خير .. شما : وانتي من اهله .. ................ بعد بعد عني .. حصه : بلاج مها هاذي انا حصه ليش مسويه في عمرج كذيه .. مها : هــــــه حصه .. ورمت حالها بحضن حصه .. حصه : شبلاج منصور شسوى فيج ليش تصيحين , خلاص هدي حبيبتي هدي .. مها : قولي حق منصور يبعد عني خلاص انا تعبت ما اقدر اكمل معاه ما اقدر .. حصه : لا حول ولا قوة الا بالله هدي شوي لا تقولين كذيه كل شي ينحل بالتفاهم , انا كلمت منصور وقاللي انه ماكان قاصد مها : يعني قالج قالج كل شي .. منصور : لا كل الي قاله انه هب قاصد و وانا ما اعرف اصلن هو شو سوى .. مها : انتي ما تعرفين شي و انتي لو تعرفين اللي اعرفه كان ما تحملتي انا تحملت وايد خلاص انهد صبري ما اقدر اتحمل اكثر و ياليتني اموت .. حصه : بسم الله عليج من الموت لا تقولين كذيه , انا ما حب اتدخل بينكم بس لو تشوفين اني اقدر اساعدج في شي قوليلي وانا مستعده .. مها : للأسف ما تقدرين تسوين شي انا هدمت نفسي بنفسي انا اللي وصلت عمري لهالشي , مافي حل غير الموت مالي حل غيره .. حصه : بس بس سكتي لا تطرين الموت .. ................. الساعة 2:00ص منصور :حصه ؟ ها بشري شو اللي صار ؟ حصه : انت ما تقولي شو مسوي بالبنت , المسكينه تتمنى الموت , ولا انها تعيش معاك , قولي شو اللي مسونه؟ منصور : ما اقدر ما اقدر امور خاصه بيني وبينها ما اقدر اقول شي .. حصه : مسكينه قعدت تقول اشياء غريبه ,وتصيح لين ما نامت .. منصور : والله ما عرف كيف اوضح لج .. حصه : ماله داعي التوضيح , البنت شكلها ما تبا تكمل معاك .. منصور : خير لين باجر ان شاء الله نحل المشكله .. حصه : روح عندها الحين و اقعد معاها البنت ما سكتت من الصياح ولا تعشت اخافها تتعب الحين هي محتاجه لك اكثر ان شاء الله كل شي يتصلح .. منصور : قعدي انتي عندها اخافها تشوفني وتعصب اكثر ما اقدر اواجهها .. حصه : مقدر عيالي عندي لو كانت شما واعيه يمكن كنت بقعد بس الوقت متأخر اكيد راقده , انت خلك عندها هي ان شاء الله تهدا يوم تقوم .. منصور كان خايف وايد على مها : يصير خير .. .............................. دخل من صور على مها اللي كانت راقده على السرير بدون شيله وشعرها مفتوح ومغطي نص وجهها ,ولف وجهه عنها " يالله اخاف ارتكب شي اعظم من اللي قبله المفروض ما اقعد معاها في نفس المكان انا ما اقدر اتحكم بنفسي احسن اطلع " وصل منصور للباب ورده صوت مها اللي كانت تهاذي في نومها :منصور لا لا تقرب ليش تسوي فيني كذيه .. منصور ما وعى بنفسه الا وهو قاعد جنبها ويتأملها :سامحيني .. مسح منصور على شعرها وشله عن وجهها ورده وراها وبانت رفبتها وشوي من ظهرها .. رد منصور ورى وتم يشوفها :لا لا مستحيل .. .............................. شما : حمود يالله عاد عن السخافه ادري انك هب راقد .. محمد : انتي شتبين ؟ شما : صدق تبا تعرس ؟ محمد : هـــا , منو قالج حصه ؟ شما : يعني صدق الله . منو تعيسة الحظ ؟ محمد : تحب يديها مقلبه اللي بتاخذني .. شما : هي والله صدقك , بس لا تكون اللي بالي بالك .. محمد : كل شي في وقته حلو .. شما : محمد , بسألك سؤال ؟ محمد : انت هب ناويه تخليني ارقد اليوم.. شما : اليوم اريد الجواب كل ما سألتك هالسؤال تجاهلتني وتطنشني .. محمد : قولي وفكيني اريد ارقد .. شما : شو اللي بينك وبين منصور , حتى مها حست ان في شي بينكم .. محمد : اف خلاص اللي بيني وبينه انتهى والمياه عادت لمجاريها , وطاح الحطب ماله داعي تعرفين .. شما : لا اريد اعرف واليوم ما بخليك ترقد الا وانا اعرف .. محمد : السالفه ما تنقال اخاف انتي تتأثرين فيها بعد .. شما : لا والله انا عايشه معاكم تحت نفس السقف وما عرف شي ابا اعرف وين كنت يوم هالاحداث صارت .. محمد : مادري فيج انتي الوحيده مدري عنج وين كنتي .. شما : يالله قول دخيلك اودعدك ادخل السالفه مني واطلعها مني.. محمد:وعد .. شما : وعد.. ......................... التعديل الأخير تم بواسطة كاردينيا الغوازي ; 09-01-18 الساعة 02:31 PM | ||||
08-05-09, 06:00 AM | #38 | ||||||||
مراقبة عامة ومشرفة منتدى الروايات المنقولة
| مكحولة العين أهنيك على الأسلوب الرائع في سرد أحداث الروايه وشد د إنتباه القارىء أعجبتني روايتك كثيرا فهي تختلف عن غيرها من الروايات فيها غموض شبيه بالروايات البوليسيه مع لمحه رومانسيه إستطعتي الدمج بين نوعين من الروايات المحببه الى قلبي ووجدت نفسي أتقمص دور المحقق واظن أن زوجت منصور لم تمت وانها هي مها ولكنها تعرضت لشيء أفقدها ذاكرتها وأظن منصور شاهدعلامه في جسمها كانت في جسم مها ههههه أكمل الروايه شكلي بأعتزل التدريس لكن ماأقدر اسيرمحقق عندنا ماينفع لكن يمكن انافسك على الكتابه شوفي إذا كلامي صح لازم تعطيني جائزه أجرة المحقق منتظرين البارت الجديد على أحر من الجمر لاطولين علينا | ||||||||
08-05-09, 09:39 AM | #39 | ||||||||||
إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| بارت رووووووووووووووووووووعه اللحين كل واحد من اهل البيت له قصة واتوقع ان كلهم يشتكرون في قصة عليا لاب ومحمد ومنصور وحتى مها حل العقدة هو قصة عليا بليز نبي نعرف قصتها وكيف ماتت وسبب القطاعه مها/ اتوقع انها عليا وفاقده الذاكرة صدق منصور / يحزن حاله الكل ضده نفسي اعرف وش مشوي بحياته الاوليه اكشن يامكحوله العين وتميز في كل بارت اعلان هام اللي يتوقع توقع صح له تقييم مني^_^ | ||||||||||
08-05-09, 01:14 PM | #40 | |||||
روايتي مؤسس ومشرفة سابقة وقاصة في منتدى قصص من وحي الاعضاء
| مشكورة عزيزتى أعتقد أن أسرار الرواية بدأت تنكشف بداية أعتقد أن منصور شاهد علامة كانت مميزة لعليا فى عنق مها و بدأ يشك من هى و لكن السؤال شو هو الحادث اللى صار لعليا ؟ أعتقد أن مها هى عليا و تعرضت لحادث أفقدها جنينها و ذاكرتها و أعتقد أن مبارك الذى يبحث عنها هو الذى عمل لها الحادث و أبوه دارى عنه.بالنسبة لشما أعتقد أنه خالتها خطبتها ل أحمد و ليس ل خالد. مكحولة العين متابعاكى و شكرا لك | |||||
أدوات الموضوع | |
انواع عرض الموضوع | |
|
|