في وسط الظلام *مميزة ومكتملة*

[مكحولة العين]

الفصل الثالث عشر


يا عيني على اللي يتوقع ويحلل , وبكيفه بعد يا عيني ,لا ارقبو الهديه بس ما بقول منو منكم اللي توقعاته صح اكتشفو لحالكم ..

.............................

منصور لا تروح دخيلك ..
منصور : شو اسوي اخوج ملزم اروح معاه وتدرين انا من خذتج ما طلعت مع الشباب ..
حرام عليك ,انا ما تعودت على فراقك , انا حامل لازم تكون عدالي ولا نسيت كلام الدكتور ..
منصور : فديتج وفديت اللي بيي , خلاص ما باروح ..
هههههههههههه امزح معاك حبيبي بس اشوفك شو بتقول , روح الله يحفظك بس عاد ها لا تبطي علينا ..
منصور : فديتج لا خلاص ماريد اروح هونت ..
يالله عاد ,الحين انقلبت الادوار ,حبيبي روح ..
منصور : متأكده انج تقدرين على فراقي ..
ههههههههههه بحاول ..
منصور : عاد تصدقين انا مقدر ..
يالله عاد يستنونك برا ...
منصور : عطيني بوسه ..
يالله عاد عن الفضايح
منصور : انزين وصلي ..(وحبها على خدها ) وصليها للبيبي مو لج ..
هههههههههههه وانا مالي شي ..
منصور : لا لين تعطيني وحده ..
خلاص عيل ما نبي يالله روح ..
منصور ابتسم وابتعد عنها ..

ظلااااااااااااااااااااااا اااام , سوااااااااااااااااااااد

آآآآآآآخ بطني بطني ..
: شو اللي صار بلاها ..
آآآآآآآآآآآآآآآآآآآآخ منصوووووووووووووووووووور , اريد منصووووووووووور ...


وقامت من النوم
هــــــــــــــــــــــــ ـــــــــــــــــــه
مها : منصوووووووووووووووووووووو ووور ..
منصور وقف يشوفها متفاجأ ..

..........................

كان منصور توه راجع من السفر كان رايح مع ربعه دخل البيت معصب البيت كان كله ناس وحريم يعني ما أتذكر وايد ,علت الاصوات الكل محتشر , ازعاج وشوشره واصوات مع صياح ونياح , الدنيا كانت مقلوبه ..
بعد ما خف الناس دخلت البيت ابي اروح عند امي ويوم دخلت الصاله وقفني صراخ منصور وابوي كان الجو متوتر من بينهم , وكل واحد يعق على الثاني كلام ما ينقال , اللي يشوفهم ما يقول ابو وولده ,كنت في البدايه مع منصور لان ابوي سوا شي ما ينوصف , بس يوم شفت منصور يرفع يده على ابوي من هذيج اللحظه تغيرت مشاعري ومعاملتي مع منصور , كرهته كان ممكن اسامحه لو كلمني وبرهن اللي سواه بس للاسف من يومها ما شفناه نادر ما كننا نتلاقى معاه وانتي تعرفين هالشي ..
شما : شو اللي كان بين ابوي ومنصور , شو قصدك ابوي سوا شي ما ينوصف ..؟؟
محمد : بس ما اريد ندخل متاهات اكثر قلتلج سبب معاملتي مع منصور الحين خلاص خليني ارقد ..
شما : بس ليش منصور يرفع يده على ابوي ..........
محمد : شموه دخيلج انا تعبت خلاص عطيتج جواب سؤالج ..
شما : انزين ..
محمد : بس يالله اشوف وريني عرض اكتافج ويالله برا ..

.................

مها : انت شو تسوي هنيه ماكفاك اللي سويته ..
منصور : انتي , انتي ..
مها : اطلع , اطلع ..
منصور : زين خلاص اخليج , ارتاحي انا طالع خلاص ..
طلع منصور من عندها
مها " يالله شو عالحلوم الغريبه "

.............

منصور متوجه لغرفته وهو يفكر " لا معقوله لا مستحيل بس كيف ما يصير ..
شما طالعه من غرفة محمد : منصور ..
منصور : هــــــــــــا شما انتي ما رقدتي ..
شما "يالله انا وعدت محمد ما اخلي كلامه يأثر عليه بس انا لازم اعرف ليش اف "
شما : هيه ما ياني رقاد كنت اسولف مع محمد شوي ..
منصور : شما فديتج روحي باتي عند مها تعبانه شوي , خليج عندها ..
شما : من شو تعبانه حامل ؟؟
منصور : هـــــــــــا لا شو حامل تعبانه شوي خليج عندها ..
شما : وانته ليش ما تقعد عندها ..
منصور : ما تبا تشوف ويهي ملت منه ..
شما : اها اقولك حامل عيل ليش بدت تكره قربك ..
منصور : حامل حامل مثل ما تبين يالله روحي عندها ..
شما : يبون يدسون عليه , بس عن هالدس ترى ماحب الاسرار كافي الاسرار اللي للحين ماعرفها ..
منصور : مثل ما تبين الحين روحي عندها ولا بغيتن شي قوليلي انا في غرفتي برقد ..

...............

هيا : صباااااااااااااح الخير يا معرس ..
لف خالد واحمد الها ..
هيا : تتحسبوني ما دريت يالله اعترفو منو منكم خطب شما ؟
خالد : انتي ما بتفكينا من هالسالفه كل يوم خاطبنها حد , يالله ذلفي , ليتهم ايون هذيلا ويخطبونج ويشلونج عن حشرتج ..
هيا : هالمره الخبر صحيح وان كان انته ما عندك علم فمعناها احمد انت الي خطبت ..
احمد : هههههههههههههههه لا حبيبتي انا يوم بخطب بسوي اعلانات في الامارات كلها ..
هيا : عيل منو خطبها انا ..
ام احمد : انا خطبتها وقلت اباها لواحد من عياليه ..
هيا : وحق منو قصدج ..
خالد " فديت اميه تحس فيه "
ام احمد : لاحمد ..
خالد : شو ..
احمد : فديتج وفديت قلبج
ام احمد : تتحسبني ماعرف حركاتك , ادري انك تباها ..
احمد : يعلني افداج , انزين وافقو ..
خالد كل انتباهه على ثم امه يرقب شبتقول ..
ام احمد : عدهم ما تشاورو انا كلمت خالتك بس ..
خالد : وانتو ما عندكم غير هالسوالف الا عرس ومادري شو ..
هيا : اووووووووب نقز, لا يكون انته تباها , ترى عادي احمد بيتنازل عنها ..
احمد : هي هي لا تتحكمين بممتلكاتي الخاصه ..
خالد : بس انتي لا ادوس في بطنج , وانت شهالخراطه ممتلكات خاصه ..
ام احمد : وايه بلاك شحقه عصبت برايهم يقولون اللي يقولونه ..
خالد : بعد انتي يايه فوقهم , انا اصلن شو اللي مقعدنيه عندكم ..
طلع عنهم وخلاهم ..

ام احمد : وووه بلاه ..
هيا : يمكن يبا يعرس هوه بعد ..
احمد : قلعنه يالله عاد اميه روحي شوفيهم ..
ام احمد : انا مرتاحه وانا داسه الموضوع الا شو نقول عن علوم الدار اربعت وارمست ..
هيا : انا علوم الدرا زين الله يسامحج ..

.................


جمعه مباركه ..
بو منصور : هلا هلا بحصوتي تعالي ..
حصه : ابوي حاسب لا يمعك حد من عيالي يروحون ينادوني حصوتي ..
بو منصور : شعليه خليهم يدلعونج انتي تستاهلين الدلع ..
حصه : فديتك والله ,عيل امي وين ؟؟
بو منصور : امج راحت تجهز ثيابي حق صلاة الجمعه ..
حصه : يا سلام من قدك ..
بو منصور : روحي فديتج شوفي خوانج خليهم يقومون ويتسبحون , انا بعد باروح اتسبح ..
حصه : ان شاء الله ..

....................

نوره : يوم بتخلص بتلاقي ثيابك جاهزه هنيه وباروح اسوي لك ضو حق ابخر ثيابك ..
بونوره : تسلمين فديتج , راشد قام ؟
نوره : الحين رايحه اشوفه ..
راحت نوره لراشد اللي كان غرقان نوم ..
نوره : رشود وضرس , استغفر الله الجمعه وخليتني ادعى عليك يالله قوم ..
راشد : انتي ما عندج شغله غيري ..
نوره : ابوي ترى يتسبح وان طلع وما لقاك جاهز بتقوم عليك اللقيامه ..
راشد : اوووووه ابوي بعد , اوف الله ياخذني ويفكني منكم ..
نوره : حاسب على اللي تقوله اليوم الجمعه ..
راشد : ليش ما بتفتكين انتي بعد يوم باموت ..
نوره : راشد ليش تقول كذيه , انا اختك واحبك والله انك غالي وكل اللي اسويه عشان مصلحتك لا تفهم العكس ..
راشد : لا والله بسج فلسفه زايده , قولي للخدامه تحط لي ثياب ..
نوره : اي خدامه هو بقى حد في البيت اذا انا ما اتحملكم بتتحملكم هي , الخدامه طفشت من البيت من زمان ..
راشد : احسن ..

..................

شما : آآآآآآآآآآآآه صباح الخير ..
مها : ههههههههههه صباح النور شكلج حلو وانتي راقده ..
شما : لاااااااا وانتي من الصبح واعيه تتأمليني ..
مها : هههههههههه يا حظ اللي بياخذج ..
شما : اوووووووه بس عاد عن الاحراج ..
مها : انتي متى ييتي هنيه ؟؟
شما : الساعه 2 يمكن كنت طالعه من عند محمد ولقيت منصور بطريقي قاللي ابات عندج..
مها : ليش ؟؟
شما : هي صح مبروك ..
مها : على شو ؟؟
شما : لانج حامل ..
مها : هههههههههههههههههه انا حامل منو كذب عليج ..
شما : عن الخراطه ادري تبون ادسون عني بس خبرني منصور خلاص عن الكذب ..
مها بغيض : منصور , وليش يقول كذيه ؟؟
شما : لا تزعلين هو ما كان بيقولي بس انا اكتشفت ..
مها : منصور يكذب عليج , شو قصده ورى هالكلام ..
شما : هــــــــا يعني انتي هب حامل ..
مها: لا مستحيل ..
شما : آسفه منصور نكر هالشي بس انا اللي اصريت خلاص لا تزعلين ..
مها : هههههههه خلاص , والله على بالي سمعتيني وانا احلم , يمكن كنت اتكلم ..
شما : ليش شو حلمتي ..
مها : حلم غريب , مستحيل يتحقق ..
شما : شو هو الحلم ..
مها : اني كنت حامل واودع منصور مادري وين كان بيروح . والله حسيت انه صدق مو حلم ..
شما : وليش ان شاء الله ما يتحقق . بيتحقق ان شاء الله ..
مها : يالله قومي بسج رقاد ..
طق طق طق ..
مها فتحت الباب : هلا عموه ....(وحبتها على راسها )..
ام منصور : فديتج , قام منصور ..
مها ارتبكت : هـــــــــــا ..أ أ ..يتسبح .. ..
ام منصور : هيه فديته امسكي المدخن يوم بيخلص دخنيه وقوليله ابوه يستناه انا بعد باشوف محمد ..
مها : ان شاء الله فديتج ..

......

طلع منصور من غرفته ..
ام منصور : بسم الله انت هنيه توه مها تقول منصور داخل يتسبح ..
منصور : هــــــا ..هيه انا طلعن عنها ييت ادور ثيابيه هنيه ..
ام منصور : اللله يهديك كان خليت ثيابك عندك ولا انتقلتو غرفتك ..
منصور : ان شاء الله والله فكره ( وقرب وحبها على راسها >>يغير الموضوع )
ام منصور : المدخن تراه عند حرمتك ( ونادت ) مها ..مها ..
طلعت مها : لبيه عموه ....!!!!انت هنيه ؟؟
منصور : هــــــــــا..
مها افتضحت كذبتها بانت فحبت ادافع عن عمرها : متى طلعت , توك كنت تتسبح ؟؟
منصور : اا... طلعت يوم انتي طلعتي تودين االكندوره حق يكوونها ..
الاثنين يبرهنون حق نفسهم وام منصور اصلن هب داريه عنهم ..
حصه : هاك كندورتك جاهزه ..
منصور : زين هاتيها الغرفه ....
وبخطوات سريعه دخل الغرفه ..
ام منصور : تعالي حصه اباج عطي الكندوره مها ..
حصه راحت تعطي الكندوره مها ..
مها بصوت واطي عن لا تسمعها ام منصور : حصه وديها انتي ..
حصه بنفس طبقة الصوت : لا ما يصير امي تباني وانتي روحي ..
مها عصبت شوي : حصه تعالي فديتج وصلي الكندوره الغرفه انا اخاف احرقها وفي ايدي الثانيه المدخن...(وبخطوات سريعه راحت للغرفه واستنت حصه قدام الباب .. ..
حصه " يا قواتج ": اميه اسمحيليه بودي الكندوره وباييج ..
طق طق طق ..
حصه : تفضل الكندوره ..تفضلي انتي بعد دخني كندورته ..
منصور ربع سيده للحمام لانه كان لابس وزار فقط ..
مها : بدخنها بس انتي تستنين هنيه ولا ترى اعقه واطلع ..

...............

ام منصور : انتي شو مطلعنج من غرفتهم ..
شما : هـــــــــــــــــا شو , شو تقصدين ..
حصه تداركت الموقف : بلاج امي توها داخله انتي كنتي توعين محمد ..
ام منصور : ما تستحين تدخلين الحين لو كانو داخل ..
شما واقفه ولا تعرف شو السالفه ..
حصه : الله يهديج اميه انا قلتلها تودي الفطور ..
ام منصور : هيييييييه زين عاد شو حطيتي الهم ( وتوجهت ام منصور للغرفه )
شما وقفت قدام الباب فاتحه يديها حق ما تدخل امها: انا بس يبت الماي الريوق الحين بتييبه الخدامه ..
ام منصور وقفت تطالعها : اشهد انكم هب صاحيين اليوم كلكم , بنزل تحت بطالع ابوكن ابرك لي ..
مشت عنهن ام منصور وهي معصبه " ايييييه شي مسويات معليه "
حصه مسكت شما : هههههههههههههههههه والله كنا بنروح في عينها ..
شما : هههههههههههههههه زين مني عرفت شو الموضوع , ولا كنت بعميها لج ..
حصه : امشي خلينا ننزل تحت ..

..................

منصور طالع من الحمام بوزار وفانيله مستطرب ويغني ..
يا كيف تنشد عن احوالي وانت عليم عن الحاله
حالي تمناك يالغالــــــــــــ...........ا� �م مها
مها كانت تشوفه وبسرعه نزلت عينها ..
منصور استغرب وجودها
مها : انا كنت ادخن ثيابك بس حصه ...( رفعت عينها وشافته وردت شافت الباب )
منصور : هـــــــــــــــــا لا , مره ثانيه ..
مها : ما دريتبها طلعت وقفلت ..
شكل مها نست اللي صار البارح بسبب الموقف اللي انحطت فيه ..
منصور : ما عليه ما بطول اصلم هم يستنوني تحت اكيد بتيي تفتح ..
مها : زين ..
مها " يالله كأن هالموقف مر علي .........اووه مو اول مره يصير معاي ....بس و الاغنيه , يالله .."
منصور : مها فيج شي ..
مها :منصــــــــ.......

......................

محمد : زين زين قعدن عند ابويه عدلنه وعطرنه وانا حليليه محد معطنيه ويه ..
بو منصور : خل حرمتك تعطيك ويه , يوم بتعرس ..
محمد : وينها ؟؟
حصه : ههههههههههههههههه اشوف طلعلك لسان ..
ام منصور : وايه فديت حرمتك يوم بتيي ..
شما : بس عاد , لا تسمعج الحين مها تزعل ..
ام منصور : مها عاد الها غلاها بروحها ..
محمد : عاد خلي لحرمتيه شي لا توزعينه عليهم ..
شما : حصه تلفونج ..
حصه : خليه خليه ..
بومنصور : ايييه يا محيميد والله وطلعت هب هين , تباه العرس ؟
شما : منو ما يباه العرس اكيد يباه ..
قرصتها حصه : اص ..
طالعتهم شما الكل كان يطالعها : انا هب قصدي انا انا كنت اقصد الرياييل يعني هب انا اقصد محمد اقول يعني ما في ريال ما يبا العرس ..
الكل : ههههههههههههههههههههههههه هه ..
شما من الفضيحه شردت ..
محمد : الو .. منصور .. هــــــــــــــــــــــــ ــا ..يالله ياي ..
وبحركه سريعه قام محمد متجه فوق وهو يكلم حصه ..
محمد : انتي شحقه تقفلين عليهم المفتاح وين ؟
حصه بخوف : في الباب ..
والكل قام يربع وراه ...

..............................



يالله اتوقعوا بعد شو بيصير ههههههههه

[~sẳrẳh]

اكييييييييييييييييييييييي يييد انها عليا
تذكرت الاغنية وصوت منصور
والحلم ماكان حلم كان شي حقيقي
وبدت ترجع لها بعض المواقف وهذا شي يبشر بالخير
ذاكرتها راح ترجع لانها قريبه او في المكان اللي عاشت فيه
بس ابو منصور شـ مسوي

للحين ما تحققت توقعاتنا
عليا ولا مو عليا
مكحوله العين
انتظر بشوووووووووووق

[فيتامين سي]

إلا عليا أنا أبصم بالعشره وانا كنت بأكتب نفس كلامك وتوقعاتك

بس الله يهديك سون سبقتيني

شوفي سون لاتنسون إنتي وسعود تقيموني لأني أول من توقع إن مها هي عليا

وفاقده الذاكره لاتضيعون علي أتعاب المحقق ههههههههه على فكره أجري مرتفع

بارت رائع زادنا تشويقا للبارت الجاي

مكحولة العين لا تكسفيني خلي الاحداث مثل ماقلت ولاتحرميني من الجائزه

كلام بيني وبينك :03c1535e1ea29173529 أعطيك نصف الجائزه

[مكحولة العين]

تفداج الهديه كلها يا فيتامين سي ..
انا بستقبل الهدايا يوم بنجح وانتي اول من يهديني >>>>>>>>>>>>>>>> اجباري

بنزل الجزء اللي وراه دام اني خلصت منه...............

الفصل الرابع عشر

**********************

منصور : مها فيج شي ؟
مها : منصـــــــ.........
ربعت سرعه وسحبته بس هوه هب من رشاقته ماتمالك نفسه وطاح وهي طاحت في حضنه ..
مها بخوف : منصور صارلك شي احترقت ..
منصور كان محترق بس مش نار لا بسبة الوضع اللي هو فيه ..
مها قامت عنه وخوفها سكوته : منصووووووور ..
منصور : لا ما احترقت خلينا نطفي النار سرعه سوي لحصه خليها تفتح الباب قبل لا نختنق من الدخان ..
منصور قام حاول يطفي النار اللي ورت بسبة المدخن اللي حرق الكندوره وبدا الكبت يحترق..
مها : اح اح ...ما ترد ..اح اح ..
الدخان ملا المكان ..
منصور : اح هاتي التلفوون ,بسوي لمحمد ..
مها : اح اح بسرعه منصور المكان بدا يحترق ..
منصور كان يحاول يغطي مها حق ما يوصلها الدخان : الو محمد اختك قفلت الباب علينا الحق افتح المكان احترق علينا ..
لف منصور وشاف الكبت اللي التهمته النيران : لا لا اغراض عليا بتحترق ..
وحاول منصور يطفي النيران ..
محمد : شصار و فيكم شي ..
منصور : محمد الحق طف النار اغراض عليا بتحترق ..
بو منصور : بنتي هاتي طش وامليه ماء , سرعه ..
منصور بدا ينهار : طفوها طفوها ..
مها كانت تصيح وهي تشوفهم ومختنقه من الدخان ..
محمد : مها .....( وانصدم تعرفون ليش طبعن لانها تشبه عليا )...طلعي خذي اكسجين برا ..
مها ما تحركت من مكانها تمت تشوفهم وخايفه ..
تدراكو النيران وطفوها ..
منصور وقف يشوف الاغراض اللي احترقت وعيونه بدت تدمع : لا كل شي احترق احترقت الذكرى اللي بقت لي منها ..
بو منصور : يا ولديه ما يصير تقول كذيه الحين في ذمتك حرمه ثانيه ..
منصور : ويعني لو آخذ اربع ما بنساها وبيضل اسمها وطاريها على لسانيه عجبكم ولا لا ..
مها : كله بسبتي كله بسبتي ( وطلعت بسرعه وهي تصيح )
منصور : كل شي راح ملابسها صورها عطورها اغراضها كلها..
بو منصور : منصور ......
منصور : بــــــــــــــــــــــــ ـــــــــــــــــــس طلعوا برا طلعو كلكم , برا برا ..
كلهم طلعو وبقى بو منصور ..
ام منصور : خله لحاله شوي بيهدا روحه تعال نطلع ..
طلع بو منصور وقلبه يعوره على ولده ..

......................

حصه : مها انا آسفه كله بسببي انا انتي ما يخصج في شي ..
مها : انا من ييت والمشاكل على راس منصور تزيد وكل شي احط ايدي عليه يخترب ..
حصه : لا تقولين كذيه , اصلن هالمشاكل من زمان قبل لا اتيين انتي ..
مها : انا خلاص احسن اطلع من حياته ..

.......................

محمد : منصور عادي ادخل ..
منصور : تعال ..
محمد : هديت , انت ليش تسوي فعمرك كذيه ؟
منصور : هـه شوف هالصندوق الوحيد اللي ما احترق ..مجهزتنه للبيبي , كنا وقتها محتارين شناخذ له ..
###
عليا : خلنا ناخذ ملابس ورديه ..
منصور : لا يمكن ولد ..
عليا : انا اريد بنت ..
منصور : والله طلبيه هيي , ولو سمحتي بعد انا اريدها تشبهج ..
عليا : هههههه كان زين اتيي بالطلبيه هههههه..
منصور : ها شقررتي بنت ولا ولد ..
عليا : الله يعلم , بناخذ اصفر وبرتقالي يناسب للاثنين ..
منصور : والله حاله اريد اعرف ليش يحطون للبنت لون وللولد لون دوخونا معاهم ..
عليا : مادري , يالله خلصنا تعبت من الوقفه ..
منصور :يالله مثل ما قلتي اصفر وبرتقالي ..

###
منصور : بس للأسف راحت اهيه وراح اللي في بطنها معاها , وانا ما عرف بنت ولا ولد..
محمد متأثر من كلام منصور : منصور الله يهديك لا تسوي بعمرك كذيه , خلاص افتح صفحه جديده ,ابدا حياتك من جديد الحين عندك مره ثانيه (وحب يغير الجو شوي ) ههه الله يهديك حتلى حرمتك تشبهها ..
منصور : شفتها ؟
محمد خاف : هـــــــــــــــا لا بدون قصد ..
منصور : ههههههه لا تخاف , (وتذكر اللي شافه البارح ) محمد تعرف انها تشبه عليا في تصرفاتها وفي كل شي ..
محمد : شو هالصدفه ..
منصور : صح صدفه , بس في علامه في ظهرها نفسها في ظهر عليا مستحيل هاذي تكون صدفه ..
محمد متفاجأ : سبحان الله كيف ؟
منصور : مادري يمكن تكون هي عليا ..
محمد : بس عليا ماتت من خمس سنين ..
منصور : بس انا ما شفت جثتها , شو اللي يأكد انها ماتت ,انت شفتها تموت ..
محمد : بس هاذا اللي قاله لنا المستشفى واللي سمعته انا من الكل ..

....................

بو منصور : ليتني ما تدخلت في حياته ليتني وافقت على زواجه من عليا كان ما صار اللي صار ..
ام منصور : لا تقعد تلوم نفسك ,اللي فيك يكفيك ..
بو منصور : بس هذا اللي صار بسبتي ماتت بسبتي ..
ام منصور : بس الله اللي كتب تموت في هذاك اليوم ,الكل له يومه ..
بو منصور : بس انا لو ما ...
قاطعته ام منصور : بس خلاص , لا تذكرنا بشي راح ..
شما كانت قاعده معاهم وتبا تعرف شو السالفه " شو اللي صار من قبل خمس سنين شو اللي تقصده يا بوي آه يا امي ليتج خليتيه يتكلم والله بحترق من الفضول "
مها : شما تعالي اريدج تنزلين معاي تحت شوي ..
شما : ان شاء الله يايه ..
بو منصور : شو ذنب المسكينه هاذي بعد ؟
منصور: ابوي ..
بومنصور : منصور ؟؟!!
محمد : ابوي منصور يسأل عن عليا , منو دفنها ؟؟
منصور : انت شفت جثتها دفنتها بيديك ؟؟
بو منصور : ياليت خلوني , المستشفى سلم جثتها لهلها , وقالو انهم خذوها ودفنوها ..
منصور : انا باروح اسأل سيف ..
بو منصور : بس ليش تسأل هالسؤال يا ولديه ؟؟
محمد : ابوي منصور شاك ان مها يمكن تكون هي عليا نفسها ..
ام منصور : عليا وانا اقول وين شفتها ..>>>>>>>>>>>>>>>>>>>>>>>خخخ ام سلوم
بو منصور : شو هالخراطه عليا ميته شو اللي بيردها للحياه مره ثانيه ..
منصور : من الاصل ما ماتت حق ترجع للحياه ..
بو منصور : الله يهديك بنفسي انا وديتها المتشفى كانت حالتها خطيره , ومغمى عليها ..
منصور: بس ما ماتت انا متاكد انها ما ماتت ..
بو منصور : ومها هاذي من بنته يعني من وين بيكونون يايبينها من القبر ..
منصور : هـــــــــــــــــــــا !!!!!
محمد : صح ليش ما تسألهم او تسألها هي يعني لو كانت عليا كان قالت لك ,ولا شو اللي بيخليها تسكت , انا الصراحه ما اعتقد انها عليا ..
بو منصور : يا ولديه هااذا الشيطان راكب روسكم خلونا نروح نصلي الجمعه وخير عقب ..
منصور : زين بنروح نصلي بس انا مصر اليوم الا اييب دليل انهاعليا ..

.........................

في المسجد

تررررررررن ترررررررررن
منصور : هاذي شما ..
محمد : يالله بندخل الحين اغلق التلفون ..
منصور : زين ..

..........

منصور: السلام عليكم..
شما ودموعها ماليه وجهها : اي سلام ليش ما ترد مها راحت ..
منصور : هــــــــــــــــــــــا راحت ؟؟
###
مها : شما حبيبتي الخدامه قالت لي ان في حد يريدني برا ..
شما : ها منو ؟؟
مها : هاذي اكيد صديقتي لطيفه ..
شما : والله ..
مها : هي بس استناهم يطلعون حق استقبلها في البيت اذا ما عندكم مانع ..
شما : افا عليج عادي ..انا عليه اسوي شي تشربنه اوكي ..
مها : مثل ما تريدين ..
###

شما بدموعها : وبعد ما طلعتو طلعت معاها نستقبلها نزلت من السياره بنت لابسه عباتها وقربت مننا بس من وصلت عندنا , طلعت مو بنت مسكها من شعرها وسحبها للسياره ,حاولت اتصل عليك بس ما رديت ..
منصور : كيف ؟ لا ...انزين تعرفين كيف شكل السياره ..
شما : مادري كانت بعيده بس كانت سودا وصغيره ..
منصور : ولد عمها الحقير ..
شما : ليش ليش سوو فيها كذيه ..
دخل محمد وبو منصور : شصاير ..
منصور : راحت ...........

وبعد مرور وقت انهار منصور عليهم وخبرهم بكل اللي صاارمعاه من اول مالقاها الى اليوم هاذا الي راحت فيه ...

ظنكم شو ردة فعل اهله شما حصه محمد الاب الام ..لو انتم في مكانهم شو تسوون ؟؟؟؟

عاد انا بسوي نذاله يمكن اسبوع ما ادخل النت >>>>>الامتحانات على الابواب ..

إن شاء الله إذا قدرت ادخل بكملها ...
يالله سلااااااااااااااااااااااا ااااااااااااااااااااااااا ام ..

منتظره توقعاتكم وردود افعالكم ..

[فيتامين سي]

تسلمين على هالبارت الرائع أكشن رهيب

كلووووووووووو كلوووووووووو معرف أجبب بس فرحانه حاسه إن توقعاتي صح

الله يوفقك في إختباراتك بس هاه لاطولين علينا والله يصبرنا

[هبة]

يسلموا أناملك مكحولة رواية روعة روعة الأثارة زادت جرعتها و التشويق وصل القمة , أتوقع فى الأول أهله جميعا يغضبون و يلومون منصور لكن بعد زوال الصدمة يقلقون عليها خصوصا بعد كلام منصور و شبه تأكده من انها علياء , منصور راح يروح لأخوها و يعرف قصة دفنها لو كانوا دفنوها أكيد هتكون جثة ثانية ( ممكن مها الأصلية ) , منصور راح يتذكر لطيفة و خصوصا أنه رقمها مسجل فى جواله و هيك هيوصل ل مبارك و تنكشف كل القصة . مكحولة الله يوفقك فى حياتك و دراستك , متابعاكى و شكرا لك

[مكحولة العين]

الفصل الخامس عشر


شما : شوفي هاذي هيه ؟؟
مها : يمكن !!
مها أشرت بأيديها ..
شما : ها ماشيه صوبنا ..
مها : اخيرن ييتي بوقتج يا لطيفه ..
مبارك : بلا لطيفه بلا امها ..
شما : هذا ريال ..
مها : مبارك ؟؟؟؟؟
مبارك يمسكها من شعرها : فكرج ما بدلج يا كلبه ..
شما بدت تضرب مبارك : بعد عنها شتبي فيها ؟؟؟؟
مبارك دفع شما على الارض : انتي ما يخصج ..
مها : خلها هي ما يخصها باللي بيني وبينك ..
مبارك بدا يسحبها للسياره : شرفي يا ست الحسن والدلال ..
مها متوجعه : افتح , اتركني في حالي , انت شو تريد ؟؟؟
مبارك : كل شي في وقته حلو ..
مها : حقير نذل وقح ..
مبارك صفعها : عن الغلط , والله لا اوريج ..
سحبها لين السياره ورماها في دبة السياره و مشى ..
مها : دخيلك طلعني من هنيه لا دخيلك , بختنق ..
مبارك : يالله تحرك ..
خلفان : هدي يا ريال خلاص البنت صارت بيدك ..
مبارك : دخيلك دبر النا مكان اليوم ..
خلفان : من عيوني , انا اعرف ناس هنيه بيدبرون لك مكان , بس ترى نحن ما قصرنا معاك ونريد معروف منك ..
مبارك : خلفان مب وقته لهالكلام ..
خلفان : ليتك خذت اختها معاها ..
مبارك : وانا شلي بختها ؟؟
خلفان : اوووووب يالعصبيه , لهالدرجه هي ذالتنك ..
مبارك : ذلتني وراح اذلها , الحقيره ..
خلفان : بس ما قلتلي شسوت فيك هي بالضبط ؟
مبارك : هـــــــــــــــــا ...اا .. لعبت بمشاعري , وفي الاخير خلتني لغيري ..
خلفان : هب هينه , والله يبالها تاخذ درس محترم ..
مبارك : خلها عليه انا اعلمها كيف المذله ..
خلفان : هههههههه هاذا اذا عاشت انت الله يهديك حاطها بالدبه كان ما تختنق ..
مبارك : خلها هذا اول درس لها ..
.......................
منصور : وهذا كل اللي صار ..
الكل منصدم ومتفاجأ ..
شما : هههههه دخيلك منصور ترى مو وقت مزح ..
منصور : انا ما امزح ..
حصه : واللي كان من بينكم ..
منصور : كله تمثيل ..
محمد : كل هذا حق تقهرنا وتحرق قلوبنا ..
منصور : انا آسف كنت منقهر منكم كنت ابا انتقم بس الله انتقم مني ..
ام منصور : يعني البنت مو فاقده الذاكره , انا كنت شاكه الصراحه فهالموضوع ..
منصور : لا البنت سليمه ما فيها شي ..
شما : حرام منصور دخيلك قول انك تكذب مستحيل مقدر اصدقك ..
منصور : عاد بكيفج تبين تصدقين ولا غيره ..
ام منصور : وكيف تقعد معاها وتنام معاها في نفس الغرفه ؟؟
منصور : انا اللي قدامكم كله كان تمثيل , وكل واحد بغرفه عمري ما فكرت اني انام معاها في نفس الغرفه ..
حصه : والله موضوعكم كان مشكوك فيه بس ما توقعت ان الموضوع يكون كذيه ..
محمد : وان كيف تييب البنت هنيه ليش ما وديتها للشرطه ..
منصور : البنت ما تريد وكنت مختبص على بالي صدق فاقده الذاكره ويوم اكتشفت انها تكذب انقهرت فحبيت العب باعصابها ..
محمد : واعصابنا في نفس الوقت ..
منصور : انا آسف , بعدين انا فكرت اني اخبر الشرطه بس البنت ما رضت كانت خايفه هلها يعرفون مكانها ..
محمد : وعرفو شو المشكله ..
منصور : قلتلك هلها ظالمينها , ويعذبونها ولا ليش تطلع من البيت وتشرد ..
محمد : تشتكي عليهم , شو المشكله ..
منصور : اوووووووووووه تراكم دوختوني بأسلتكم انا لازم الحق على البنت قبل لا يسوون فيها شي ..
بو منصور : انت ما يخصك فيهم بنتهم وكيفهم فيها ..
منصور بغيض وعصبيه : بس هي لو قعدت عندهم ولد عمها بيـــ..... انا مستحيل اخليها عندهم ..
ام منصور : بس اذا هم اهلها , كيف تقول انها هي نفسها عليا ؟؟
منصور : ذكرتيني انا لازم اتأكد من هالشي , لازم اكلم سيف ..
بو منصور : لا تستخف يا ولديه , تروح عنده وتقول ختك عايشه , بعدين هي عندها اهل ..
منصور : هذيلا مش اهلها , مستحيل يكونون اهلها ولا ليش يسوون فيها كذيه ..
محمد : منصور خلنا نلحق على البنت قبل لا يصير فيها شي ..
منصور : يالله خلنا نمشي , اول نروح عند سيف ..
محمد : يالله ..
بو منصور : لا تين انت الثاني معاه ارجع ماشي سيره ..
محمد : ابوي اسمحلي , اذا كانت هاذي عليا , فأنا مظطر اساعدها وارد الها جميل به فقدت اعز ما عندها ..
بو منصور ما قدر يتكلم قام من مكانه وراح غرفته ولحقته ام منصور ..
منصور : يالله محمد ..
....................
نزل وفتح صندوق السياره , وتمت مها تحاول تتنفس ..
مبارك سحبها من السياره : قومي يالله عدج ما شفتي شي ..
مها تصيح : هه . حرام عليك و لا تسوي فيني شي حرام عليك ..
مبارك : جب ولا كلمه طمي حلجج , ماريد اسمع منج شي ..
مها : الله يخليك , والله بصير لك خدامه بس لا تسوي فيني شي ..
خلفان : يالله تعال شقة الشباب مفتوحه فوق , فضوها لك اليوم .
مها : حرام عليك , حرام عليك ..
مبارك سحبها بكل قوه لين الشقه ورماها في الصاله ..
مبارك : بس سكتي قلتلج ماريد اسمع صوتج ..
مها : حرام عليك , اللي تسويه حرام ..
مبارك : قلتلج جب جــــــــــــــــــــــــ ـب ..
وبدا يصفعها على وجهها ويضربها ..
مها : الله ياخذك , الله ينتقم منك..
مبارك : انتي مش ناويه تسكتين , ترة والله اقص لسانج ..
مها وقفت : اذبحني اذبحني ولا تسوي فيه اللي تبي تسويه ..
مبارك : مب بكيفج , اللي ابيه بسويه سواء رضيتي او لا..
مها : انت وقح , حد يسوي كذيه ببنت عمه , هذا بدال ما تستر علي ..
خلفان : بنت عمه !!؟؟
مبارك : جــــــــــــــــــــــــ ـب ..
ضربها مبارك على وجهها ومن قوة الضربه طاحت وضرب راسها على زاوية الكرسي واغمى عليها ..
خلفان : خلص منها دام انها مغشاي عليها ..
مبارك : لا ما اريد , اريدها تكون واعيه و حق تذوق طعم الذل كيف يكون ..
خلفان ضحك بسخريه : هه , والله ما اعرف شو اقولك .كيفك ..
..................
محمد : كيف بنوصل حقها ؟تعرف عنوانها ؟
منصور : لا بتصل بصديقتها ..
طووووووووط ......................إن الهاتف الذي طلبته مغلق او خارج نطاق التغطيه حاليا ..
منصور : مغلق ..
محمد : وصلنا , شو بتسوي الحين شو بتقوله ؟؟
منصور : بسأله عن عليا , إذا كانوا دافنينها او لا ..
محمد : وبس ..
منصور : بشوف شو بيصير ..
محمد : زين ..
منصور : مايرد ............هه سكر التلفون على ويهي ..
محمد : انا بنزل وبكلمه ..
منصور : انا بنزل معاك ..
محمد : يالله عيل ..
....................
شما : دخيلج حصه قوليلي شو اللي يستوي شو السالفه , انا بموت من القهر ليش محد **** يقولي ..
حصه : شما لا تويعين راسج بهالسوالف ..
شما : لا انا اريد اويع راسي الحين تقوليلي بكل شي ولا اروح اسأل ابوي ..
حصه : لا دخيلج لا تروحين له و بروحه اللي فيه كافيه ..
شما : عيل يالله تفضلي قوليلي , بكل شي ..
حصه : عليا صديقتي روح بالروح ومش لازم اوصفلج شكلها لانها تشبه مها بالضبط كان بينها وبين منصور حب عفوي , حتى تعرف على اخوها بس عشانها هي وعلاقته قوت بسيف اخوها , وطلبها للزواج ووافقو , ابوي كان معارض الزواج لانه كان يريد يزوجه نوره بنت عمي , تزوج منصور ولا افتكر اذا كان ابوي **** او لا , ولا حتى افتكر باللي راح يصير بزواجه هذا , وبعد ماراح شهر العسل و جابها للبيت طبعن كلنا كننا فرحانين به الا ابوي كان يعق عليها كلام ويروح , المسكينه تحملت ابوي عشان خاطر منصور , وكان ابوي ومنصور كل يوم بينهم مشكله ووقعه , مرت الايام وحملت عليا الكل فرح بهالشي , ومرت الشهور لين جا ذاك اليوم , وبقولج باللي صار مثل ما سمعته من محمد ..............
###
كنت العب انا وسلطان ولد ييرانا بالكوره في الحوش وعليا كانت تشوفنا من بعيد وكل ما شفتها كانت تبتسم وابتسم لها ودخل ابوي معصب علي لاني ما كنت ادرس , هو اصلن كل يوم يدور اي سبب حق يعصب علي , ويوم شافني العب عصب ..
بو منصور : حضرتك متى تفكر تدرس كل يوم لعب بهالكوره لا دراسه ولا خير ..
محمد : باجر إجازه ..
بو منصور : يا سلام والاعذار جاهزه على لسانك , بعد باجر ناحسني وروح تزوج بكيفك ..
وبدون اي تفكير نزل العقال وقرب مني , وانا ما كنت اعرف شو اسوي اذا شردت بيزيد الويل علي وبدال العقال يمكن يذبحني كنت واقف محلي استنا الضربه تتي فيني , قرب ابوي ورفع ايده , و استنيت الضربه لكن ما ضربني فتحت عيني وتفاجان بعليا واقفه بيني وبينه ..
عليا : عمي الله يخليك , مش كذيه الناس تتفاهم و محمد عده ياهل ما يعرف الصح من الخطا ..
شفت وقتها النيران تولع في عيون ابوي ..
ومن العصبيه اللي فيه دفعها على الارض ..
عليا : آآآآآخ بطني بطني..
احمد كان توه جاي من بيتهم : شو اللي صار بلاها ..
عليا : آآآآآآآآآآآآآآآآآآآآآخ منصووووووووووووووووووور , اريد منصووووووووووووور ..
احمد : محمد : شصار فيها ..
خفت اقوله كنت اشوف ابوي وقتها اللي كان الخوف باين في عيونه ..
عليا : آآآآآآآآآآآخ , منصور اريد منصور بطني , آآآآه ..
احمد : خالي ساعدني خلنا نوديها المستشفى ..
بس ابوي ما تحرك من مكانه منصدم باللي سواه وللحين مش مقتنع باللي يصير قدامه ..
احمد : محمد تعال ساعدني ..
وصلنا عليا للسياره واخيرن ابوي تحرك وركب معانا ..
###
شما وعيونها كلها دموع
حصه : شما خلاص مقدر اكمل ..
شما : ماتت , بسبب ابوي ..
حصه : لا تقولين كذيه ..
شما : حرام لو هي حيه كان الحين ولد منصور خمس سنوات..
حصه : بس شما ما اريدج تتكلمين كذيه قدام ابوي والله تراه يتحسس من هالموضوع ..
شما : مسكينه عليا شو ذنبها وشو ذنب اللي في بطنها ..
حصه : الله يعيني عليج بس سكتي , قومي روحي غرفتج قبل لا يطلع ابوي يسمعج ..
................
طلع سيف من البيت وولده في ايده كان يضحك معاه ويلاعبه وفجأه سكت وتفاجأ بوجود منصور ومحمد
سيف : خير ..
محمد : السلام عليك ..
سيف : وعليك السلام اي خدمه ؟؟
محمد : الله يخليك ماله داعي هالمعامله , نحن يايينك ضيوف وما اعتقد هلك علموك تستقبل ضيوفك بهالطريقه ..
سيف : اسمحولي بس انا ماريد مشاكل اكثر ..
محمد : نحن يايين نحل هالمشاكل وما نريد نعقدها اكثر ..
لف سيف على منصور اللي كان ميبي تحت ويلاعب الولد ..
سيف : حمد حبيبي روح داخل ..
حمد : ابوي باروح معاك ..
سيف : بنروح عقب شوي روح داخل ..
منصور : مبروك ما كنت اعرف ان عندك ولد ..
سيف : تفضل محمد معاي الميلس ونفهم شو تريد ..
محمد : يالله ..
منصور " الله يسامحك يا سيف انا ما يخصني باللي صار , بس اصبر والله لا اخليك تفرح يوم باقولك باللي عندي "
....................
آآآآآآآآآآآآآخ ..
عليا خليج قويه , لا تضعفين , انا معاج ..
قامت مها وهي بين اربع حيطان : انا وين ..
قامت مها وقربت للباب حاولت تفتحه بس كان مقفول وسمعت اصوات من وراه ..
اهلين والله شرفتونا ..
خلفان : اهلين ..
مبارك : انتو بتمون هنيه ..
خلفان : بلاك مبارك هذي شقتهم ودك تطردهم منها ..
نصيب : هه بس لا يكون داس فيها كنز ترى نحن بعد عندنا كنوز فيها ما نقدر نتخلى عنها ..
مبارك : لا انا ..انا ..
خلفان : بلاك اطرميت .. الاخ يايبله صيده وهي الحين في الغرفه ..
نصيب : اووووووه كذيه السالفه , خايف نشاركك فيها ,ههههههه لا تخاف هي في امان محد بيقرب منها ..
مها " ما اوقحهم صدق انهم حيوانات ,صدق من سماكم ذئاب بشريه , يالله طلبتك لا تخليهم يمسوني يارب .."
سعود : سلاااااااام الغدا جاهز ..
خلفان : هلا سعود ..
سعود : اوووووووه خلفون اهلين والله طولت الغيبه ..
خلفان : شو نسوي اشغال ..
سعود : حياكم قبل لا يبرد الغدا ..
...................
ماحبيت اخليكم على اعصابكم كتبت هالجزء بعد مادرست مو زين ادرس وايد بعدين اتعقد ههههههههه
شو اسوي يديني تحكني اريد اكتب مقدر اقاوم اللاب من بعيد و حروفه تلمع تناديني يالله تعالي مشتاقين للمسة اصابعج هههههههههههههههههههههه >>>>>وايد مصدقه عمرها خخخ

[zizoloudy]

السلام عليكم
مكحوله .... اولا اشكرك لى هذا الجزء الجميل ... وبصراحه انا كنت داخله اقيمك على الأجزاء السابقه وفوجئت بهذا الجزء في البدايه سعدت به ولكن ما جعلني اتضايق انك ضحيت بوقت مذاكرتك من اجل القصه ... اسمحيلي بان اقول لك هذا الكلام فنحن هنا في هذا المنتدى اسره واحده حتى لو كانت بيننا مسافات وبلاد وارجو الاّ تغضبي من كلامي فربما تقولي اهذا جزاءي انا اكتب لكي اسعدهم وهم يلوموني ... لأني اعتقد ان soon وفيتامين سي سيكون رأيهم من رأيي وخاصه ان فيتامين سي مدرسه ...
صديقتي نتمنى وجودك دائما بيننا ولكن مش على حساب وقتك
ولاتخافي ياقمر التقييم مازال قائم بل هناك تقييم لمشرفتنا العزيزه soon لاسلوبها المميز و تشجيعها للقراء باستنتاج الأحداث القادمه
وكمان تقييم لالمدرسه العسوله فيتامين سي لانها اول واحده توقعت ان مها = عليا
اطلت عليك يا قمر سلمت يداك واتمنى ألاّ تكوني غاضبه واتمنى لك التوفيق في دراستك

[مكحولة العين]

عادي حبيبتي zizoloudy انا اصلن يبيلي حد يواقعني لانني ما اتوب شو اسوي انا كنت مقرره اسوي مقاطعه على النت بس ما قدرت ....

ولا يهمج انا اصلن هالجزء كتبته حق ما تطير الاحداث من مخي وقلت انزله , ومو على حساب دراستي كنت مخلصه دراسه , بعدين انا شاطره الحمدلله لا تخافين علي >>>>>>>>>>>>>وايد مصدقه عمرها ههههه..

خلااااااااااااااااااااااا ااااااااااااااااااص توبه اللي تبينه بيصير , إلى اللقاء ً جميعاً الى بعد الامتحانات ....

وادعولي بالنجاح ..

[هبة]

مكحولة يسلموا ايديكى على هالبارت و الله يوفقك بامتحاناتك و تجيبى العلامات النهائية انشاء الله حتى ترجعى لنا بنفسية مبسوطة و تكتبى لنا بارتات و لا أحلى .متابعاكى و شكرا لك