28-05-09, 05:19 PM
| #62 | ||||
| كاتبة في منتدى قصص من وحي الأعضاء 
|  هلووووووووووووووووووووووو وووووو كيفكووووووووووووووووووووو ووون والله انا فرحانه واااااااااااااايد وايد اليوم كان آخر يوم من الامتحانات صح حزنت وصحت على فراق ربيعاتي بس هذي هي الدنيا ,,,,,, اسبوعين صار للقصه موقفه خخخخخخخخ وايد ههههههه .. وانا على وعدي ما انزل شي من القصه الا بعد الامتحانات والحين افتكينا والله يستر على النتايج .. ........................ ما بطول عليكم انا لو اسولف ما بخلص اختصار للي فات حق اللي ناسي .. الفصل السادس عشر مها ما زالت بين جدران الغرفة في شقة نصيب وسعود مبارك ولد عمها اللي خطفها ومحتار بالخطوه التاليه منصور ومحمد اللي راحو يتأكدون من سيف ان جثة عليا اندفنت شما اللي مخططين ان يخطبونها لأحمد وهي ما تدري عن شي خالد المحتار باللي بيسويه يتكلمون عن خطبة حبيبته قدامه ولأخوه وهو ما في يديه شي يسويه تاااااااااااااااااااااااا اااااااااااااااابع تفضلو وووووووو ...................... سيف : انتم تستعبطون ولا شو .. محمد : جاوب على قد السؤال , انتم دفنتوها ولا لا ؟؟ سيف : روح اسأل ابوك , ابوك هو اللي أخذ الجثه منهم ودفنها .. منصور : مثل ما قلتلك يا محمد , ابشر يا سيف عليا ما ماتت.. سيف : هه اقول لا تستعبطون علي , اللي يانا منكم يكفي .. منصور : سيف ابوي ما دفنها المستشفى قالو مثل الكلام اللي قاله لك لبوي ,عليا ما ماتت عليا حيه .. سيف : انت ينيت .. منصور : لا ما ينيت عليا حيه انا شفتها بعيوني اسأل محمد هو شافها بعد .. سيف مش مصدق : لا والله شوفو انا يمكن اصدق ان المستشفى قال لبوكم نفس الكلام اللي قاله لي بس مستحيل اصدق ان عليا حيه , لانها ماتت من خمس سنين شو بيردها للحياه .. منصور : اذا انت ما دفنتها وابوي ما دفنها عيل وينها وين بتكون , عليا حيه مادري كيف وليش اختفت بس ما يهمني اللي يهمني انها حيه , ولازم الاقيها قبل لا يمسها الحقير .. سيف : اي حقير و وين شفتها ؟؟.. ....................... احمد : السلام عليكم .. حصه : وعليكم السلام مرحبا اقرب .. احمد : قريب ... عيل منصور ومحمد وينهم ؟؟ حصه : راحو عندهم شغله ضروريه .. احمد : عسى ما شر ؟؟ حصه : لا ما فيهم شر , انا مدري عنهم وشو شغلتهم .. شما : حصــــ ....( وانتبهت لاحمد ) ..السلام عليكم شحالك احمد ؟ احمد : وعليكم السلام هلا .. قعدت شما جنب حصه .. احمد " لا ما بينكم شبه كل وحده في وادي" حصه صبت فنجان قهوه لاحمد ومدته له : تفضل .. احمد : تسلمين .. .......................... ام منصور : بغيت اكلمك بموضوع .. بو منصور : خير في شي صاير ؟؟ ام منصور : لا ما في شي بس هو موضوع يخص شما .. بو منصور : هههههههههههههه ادري عنه .. ام منصور : هــــــــــــــــــــــــ ـــــــا تدري ؟؟!! بو منصور : هي نعم ادري .. ام منصور : زين , شقلت ؟؟ بو منصور : شو بقول يعني انا ماريد اغلط مثل غلطتي الاولى .. ام منصور : غلطتك ؟؟ تقصد يوم رديت احمد يوم تقدم لحصه ؟؟ بو منصور : هي نعم , و هالمره انا وافقت وقربته .. ام منصور : والبنت ما شاورناها .. بو منصور : ما يباله مشاور , الريال مافيه شي ينعاب وكل بنيه تتمناه وشما ما بتقول لا , وبعدين انا من متى يشاورون البنات حق العرس , البنيه يوم يجيها نصيبها ما ترده .. .................. احمد يهز الفجان : بس .. حصه : شاي ؟؟ احمد : لا تسلمين .. بو منصور : اووووووووه احمد عندنا ؟؟ احمد : هلا عميه .. ام منصور : تونا على طاريك .. احمد : لا , بس لا تكون تحشون فيه .. ام منصور : حشى علينا .. احمد " اكيد تقصد سالفة الخطوبه " ................ مسحت دموعها وهي تدعي ربها و تستغفر مالها حد غيره فهالمكان يقدر يساعدها .. مبارك : شوف خلفان انا لازم الاقي شقه غير هالشقه قلتلك اباها فاضيه وهاذي كل شوي دخل علينا حد فيها .. خلفان : يا ريال انت ليش تدور , انت اخلص الليله منها وتركها لهم , خلهم يكملون عليها حق تنذل عدل .. مبارك : لا ماريد حد يشاركني فيها , هاذي لي انا وبس انا اللي بذلها مش محتاج لمساعدة حد .. خلفان : وشو ناوي تسوي فيها يعني تخليها عندك طول عمرك .. مبارك : انت ما يخصك , بتدبر لي شقه غيرها ولا شو ؟؟ خلفان : اسمحلي انا ماعرف حد غيرهم تريد طلع فلوسك وروح دور لك على شقه .. .. سعود : هاذيلا شو سالفتهم ؟؟ نصيب : هاذيلا عندهم سالفه كبيره , ما تنقال هنيه اقولك عنها بعدين .. سعود : ظنك نحط الهم من الخلطه السحريه في الشاي ونخليهم يعلقون معانا ؟؟ نصيب : اسمع خخخخخخخخ هاذيلا مش مال خلطات سحريه هاذيلا يشربون الشراب السحري بكبره .. سعود : في ذمتك ؟؟ نصيب : ما تشم ريحتهم يا ريال هذيلا متطورين نحن عدنا على هالخلطه بس .. سعود : لا هذيلا عيل صدق عندهم سالفه ... ................. سيف : انا باروح للمستشفى بتفاهم معاه .. محمد : منصور الحين نحن كيف بنوصلها ؟؟ منصور : انا اسوي تلفون لربيعتها بس يعطيني مغلق .. محمد : والحل .. سيف : انا اقولكم شو الحل روحو للشرطه وقولولهم كل شي .. منصور : نقولهم شارده وولد عمها يا وخطفها .. سيف : لا تقعد تلف وتدور اذا ما رحت انته انا باروح .. محمد : ما يحتاي يالله منصور مش خلنا نروح مركز الشرطه .. منصور : يالله .. .................... شما : حصوووووووووووو ه .. حصه : ضرس روعتيني .. شما : ههههههه , آسفه .........ممكن سؤال .. حصه : خير ؟؟ شما : ليش احسج كل ما يكون احمد موجود تتهربين ؟؟ حصه : هــــا عادي ما اتهرب منو قالج .. شما : يالله عاد حركاتج واضحه ...وبعدين انا ادري وانتي تدرين عن قصة الحب اللي بينكم .. حصه : هذا اول , الحين انا متزوجه واحب زوجي ومتهنيه في حياتي ليش تفتحين صفحات تسكرت .. شما : ابا اعرف ليش ما تزوجج .. حصه : عدج فاتحه الموضوع .. شما : يالله عاد وعدتيني انج ما تدسين شي عنيه .. حصه : ابوي ما وافق عليه .. شما : ليش ؟؟؟ حصه : السالفه متعلقه بعليا بعد ما ماتت وصار الصراع بين ابوي ومنصور , وصل ابوي كلام ان احمد هو اللي خبر منصور بكل شي وحرضه ضد ابوي وكلام ماله اول ولا تالي , اشاعات طلعوها الناس , وابوي من يومها ما يحب احمد .. شما : بس من شوي شحلاتهم .. حصه : ابوي تغير مو نفس قبل , كل شي صار احسن .. ام منصور : هـــــــا بنات علومكن .. البنات : طيبه .. ام منصور : شما اريدج في موضوع .. شما دق قلبها " اكيد موضوع خاالد " ..................... مبارك : انا بدور شقه بس البنت وين اخليها .. خلفان : خلها مكانها ما راح يمسونها .. مبارك : تضمن هالشي .. خلفان : مادام السالفه فيها فلوس عندهم يسوون اللي تباه .. مبارك : انت ناوي تفقرني يعني .. خلفان : والله عاد كل شي صار بفلوس .. سعود : والله هذيلا شي وراهم .. نصيب : انا اقولك تراهم يايبين بــــ... خلفان قاطعه : اقول شباب .. : هلا .. خلفان : خلوها عندكم امانه واللي تبونه بنعطيكم اياه .. نصيب : افا عليك .. خلفان : ولو سمحتم نباها سليمه , لحد يمسها ....هههه ممتلكات خاصه .. مبارك : وقته تتطنز .. نصيب : افا عليكم , دامكم بتدفعون ما عندنا مانع نحطها في عيوننا .. مبارك : والله خايف تسوون شي لا بشلها معاي .. خلفان : تريد تلفت انتباه العالم يعني .. سعود : شو السالفه .. نصيب : بعدين اعلمك .. خلفان : خلاص خلوها وفلوسكم تاخذونها اذا وفيتم بوعدكم .. مبارك : انت ليش ما تقعد معاهم , ولا انا اقعد وانت تروح تدور .. خلفان : آسف ,كافي اللي سويته لك , الحين سو اللي تبيه بنفسك .. مبارك : شو قصدك بنفسك , وانت ؟؟ خلفان : انا مهمتي انتهت , ماريد اطول هنيه اكثر عندي اشغال وناس غيرك .. مبارك: بس نحن من البدايه متفقين نخلص المهمه مع بعض .. خلفان : عاد انت طولتها , اخلص الحين وخلنا نروح .. مبارك بدا يعصب : قلتلك مب هنيه , ومابتركها انا هنيه اصلن .. خلفان : اوووووووه اسمحلي انا رايح .. مبارك : روح الله يحفظك .. .................... مها " انا ليش اصيح شو الفايده انا لازم ادور حل لازم اطلع من هنيه يالله ساعدني " قامت مها تدور في الغرفه تدور مخرج فتحت النافذه ولقتها مطله على حديقه والمكان مرتفع "كيف بطلع " " يا رب يا رب يا رب ساعدني يا رب , منصور وينك ,,آآآه منصور هه منصور اصلن الحين افتك مني ومن المشاكل , يعني انا شو اعني له حق يساعدني , اكيد الحين هو مرتاح ومستانس " ........................ والله لا ارويه الكلب ان ما ذبحته .. محمد : عن الينان , في شي اسمه قانون تروح تذبحه وتبلش عمرك ليش .. منصور : منقهر , منقهر منه , وهالكلبه بعد اللي مبنده التلفون محد غيرها هي راس البلا هي اللي خبرته اكيد ليتني بس الاقيهم .. محمد : تعوذ من ابليس كل شي ان شاء الله بينحل .. منصور : آآآآآآآآآآآآآآآآآآآآه قهر قهر طول هالايام معايه وما عرفتها والحين يوم عرفتها تضيع من ايديه .. محمد : والله امرها يحير اذا كانت عليا كيف وصلت الهم وكيف يتدعون انها بنتهم .. منصور : الدنيا قدت فوضه كل شي فيها مختبص , اتوقع اي شي .. محمد : الله يعيننا , بس اللي قاهرني هالمستشفى كيف يقولون انها ميته .. منصور : والله حتى هم مستلعنين هالكلاب , سيف راح الهم .. محمد : اووف عاد سيف ما يتفاهم .. منصور : والله يستاهلون واكثر ... ................... سيف وهو ماسك الريال من قميصه ورافعنه من ورى المكتب : تقولي ما ماتت , ونحن من 5 سنين نصيحها ونحسبها ميته والحين بكل برود تقول ما ماتت .. الممرض مختنق : لو سمحت مو هيك , انت اكيد غلطان مين آآل انها ماتت .. سيف : يا كلب اقولك في حيوان كان هنيه قايل لي انها ماتت .. الممرض : لو سمحت اهدى شوي وراح نحلها .. سيف فتح قميص الممرض : والله لا اخلي القيامه تقوم عليكم , انتم بأي حق تكذبون علينا .. الممرض : اييه يمكن في لبس بالقضيه يمكن الممرضين غلطانين , بعدين البنت اذا هي عايشه ليش ما آآلت الكون .. سيف باط جبده تحييسات الريال : يمكن يمكن الا اكيييييييييييييد والله انكم ما تسلمون مني حيوانات .. الممرض : سكيورتي لو سمحتم , هاد الكلام ما بينفع .. سيف : انتم مش بس حيوانات انتم ..................................... والله لا ارويكم واحد واحد ان ما سفرتكم كلكم .. الممرض وبعد ما شاف السكيورتي يايين بيشلون سيف : ايييه شو هاد بيستعرض عضلاتوو .. لكن سيف ما خلاه مسكه من قميصه وسحبه من ورا المكتب وقبل لا يسوي فيه شي مسكوه السكيورتي وطلعوه .. .................... شما كانت ملامح الخجل تملا وييها وسرعان ما تغيرت لملامح تعجب يوم نطقت امها بأسم احمد : شو احمد !!!!!!!!! ام منصور : هيه احمد الريال ولد خالتج وتعرفينه زين والصراحه انا قلت لأبوج وابوج موافق وقربه .. شما : شو ؟؟؟؟ قربه ,, وانا يعني مالي راي .. ام منصور : هاذي انا اسألج .. شما : اصلن هالوقت مو وقت خطبه ولا غيره نحن الحين مشغولين بسالفة عليا , انا مستحيل اوافق.. ام منصور : الحين خطب ولا بعدين كله واحد , والريال ما يعرف بسالفة عليا , واصلن السالفه من يومين مستويه .. شما : ماريد هو اكبر عني حتى اكبر عن حصه اختي .. ام منصور : بنت ابويه , شعليه ما فيها شي خيره احسن لج تاخذين واحد فاهم الحياه .. شما : انا اعتبره مثل منصور اخوي .. ام منصور : اوووووه عاد كل شوي يابت عذر , هاذي ختج حصه خذت واحد ما تعرفه وبدون ما يشااورها ابوها والحين شحلاتها مع ريلها .. شما : حصه !! بعدين هو كيف يخطبني وهو خاطب حصه من قبلي ؟؟ ام منصور : ما فيها شي ابوج يريد يعوض احمد يوم ما يوزه حصه .. شما : لا ولله انا شو يعني سبير(احتياط) , ان ماخذ الاولى ياخذ الثانيه .. ام منصور : ووه يا بنتيه انا ما قلت انتي تاير ,شيه هاي سبير بعد .. شما : اوووووووووه احر ما عندي ابرد ما عندها .. ام منصور : عاد ابوج قرب الريال وموافق يا زينج قايلتله ماريده , اخ منقود هب زين .. شما : امي هذاك اول منقود الحين البنيه لازم يشاورونها انتم اللي بتاخذونه ولا انا .. ام منصور : وانتي شعرفج بالصح من الخطأ .. شما : امي دخيلج , دخيلج ماريد ماريد ماريد , انتهى الكلام براااااااايج .. ................................... الشرطي : تقولي خطف زوجتك من قدام البيت واختك شاهده على هالشي .. منصور : مثل ما سمعت .. الشرطي : واللي خطفها تعرفه , تعرف عنه شي , يعني انت معادنه في شي ؟؟ منصور : لا ما اعرفه ولا كد شفته .. الشرطي : اختك شافت شكله تعرف ملامحه ؟؟تعرف مواصفات السياره ؟؟ منصور : مادري عنها .. الشرطي : لازم اختك تتواجد معانا حق نحقق في الموضوع .. منصور : لو سمحت نحن الحين مش وقت تحقيق اقولك زوجتي مخطوفه والله يعلم وينها وشو يسوي فيها الحين .. الشرطي : لازم نعرف شي ولا كيف بنوصل له .. منصور : انا بكلم اختي واسألها كل اللي تبونه ما يصير تيي في هالمكان .. الشرطي : مثل ما تريد .. ................................. سيف : وينكم ؟؟ محمد : في المركز منصور دخل يبلغ وانا استناه برى .. سيف : انا ياي قريب منك .. محمد : يالله استناك .. ............ محمد يأشر: هنيه تعال .. سيف راح مباشره للمركز وهو معصب محمد : اووووه في شي صاير له خلني الحق عليه .. ............................... منصور : خلاص يالله برايج .. الشرطي : ما فادتنا بشي .. منصور : هي شكلها شويه تعبانه يوم بتهدا بسألها مره ثانيه .. الشرطي : مثل ما تريد ....................شو هالحشره .. وانفتح الباب على وسعه : الحيوانااااات والله لا ارويهم قوم عني انت قوم .. منصور : سيف!!!!!!!!!!!!! هذا اخو زوجتي .. الشرطي : خلاص اتركوه , وانت لازم تحترم المكان اللي انته فيه .. سيف وعيونه حمرا من الغيض : اي احترام هم خلو فيها احترام .. الشرطي : خلاص الريال بندوره , وان شاء الله نلاقيه .. سيف : خله هذا عنك , انا ياي ابلغ عن الحيوانات اللي فاتحين الهن في المستشفى .. الشرطي : شو السالفه بعد ؟؟ ............................... حصه : شو السالفه ؟؟؟؟ شما : منصور عند الشرطه وسوى يسألني عن الي صار اليوم .. حصه : هه منصور راحو يبلغون يعني .. شما : اكيد شو تبينهم يسوون .. حصه : الله يكون في عونهم ...........انزين انا كنت أسالج عن الموضوع اللي بينج وبين امي .. شما : هــــــــــــــــــا " الحين كيف بقولها ان حبيبها السابق تقدم لي "..ا...ا انتي سألي امي .. انا تعبانه , راسي يعورني من استوت السالفه وانا هب بخير برايج .. .............................. الشرطي : يعني هالسالفه كلها وتقولي زوجتي مخطوفه .. منصور : انا قلتلك المختصر لأن همي الحين انكم تلاقونها ليش اطول السالفه .. الشرطي : في احتمال تكون زوجتك وفي احتمال ما تكون زوجتك .. سيف اللي توه عرف السالفه كلها ومنصدم : الحين هب وقته هالاحتمالات اطلعون الحقير من تحت الارض , ولا انا اطلعه واذبحه بعد . الشرطي : انت هدي نفسك شوي ما تتفاهم الا بالصريخ .. سيف : يعني تشوف السالفه هينه حق نتكلم ببرود , اختي مخطوفه والله يعلم هي وين .. الشرطي : خلاص بخليهم الحين يدورون السياره الي وصفتوها , وان شاء الله تلاقيها .. ............................. نصيب : بلاك متوتر ؟؟ مبارك : شوفو انا بخليها بس والله ان دريت ان حد لمس شعره منها ياويلكم .. نصيب : يا اخ نحن مالنا حايه عندها , محد بييها .. مبارك : انا رايح وراد .. نصيب : خذ راحتك .. وبعد ما مشى مبارك .. سعود : شو السالفه داس غنمه عندكم ؟؟؟ نصيب : هههههههههههههه والله ان دمك خفيف , اي غنمه , الحبيب يايب بنت هنيه وحابسها في الغرفه .. سعود تفججن عيونه على وسعهن : بنت !!!!!! نصيب : ما اقولك وراهم سالفه كبيره .. سعود : تعال خلنا نشوفها .. نصيب : ينيت , خلها في حالها ما النا دخل فيها تولي , الريال بيعطينا فلوس .. سعود : اي فلوس اي خرابيط , عندنا بنت هنيه في الشقه وتباني اقعد مكاني .. نصيب : شو بتسوي ؟؟ مستحيل اخليك تمسها انا وعدت الريال .. سعود شاف ان نصيب جاد في كلامه : اوووووووه هذا شيقرب لك تسمع كلامه .. نصيب : بس نحن ما نعرف من وين يايب هالبنت يمكن نتمشكل من وراها , انا اصلن ارتحت يوم قال انه بيروح يدور شقه حق يطلعها من هنيه .. سعود : انت ليش خايف ؟ نصيب : انا هب خايف انا بس ماريد مشاكل , وهذا الله يعلم شو بيسوي فينا اذا درى , عادي يذبحنا .. سعود : وتقول هب خايف .. نصيب : اووووووووووووه فسرها مثل ما تريد البنت تخليها في حالها لين يرد الريال ويشلها .. سعود : انزين من وين يابها وليش حابسنها وليش يريد يروح شقه بروحه ؟؟؟؟؟؟؟؟؟؟؟؟؟؟؟؟ نصيب : مادري عنه .. ............................... قدام مركز الشرطه طلع منصور وما وعى الا بهذا اللي ماسكنه من كندورته من قدام ورافعنه سيف : الحقير كيف تخليهم يشلونها ليش ما دافعت عنها .. منصور بعد سيف يدافع عن نفسه : انا مادري عنهم هم يو وقت الصلاه , وقت الكل فيه غافل .. سيف ضرب منصور على ويهه : انت ما تستاهلها خلني الاقيها مستحيل تتم عندك .. منصور رد الضربه : حاول انت بس انا مستحيل اتخلى عنها هاذي زوجتي .. وبدا من بينهم الصراع وكل واحد يعق على الثاني كلام .. محمد يحاول يفجج من بينهم : بس استهدوا بالله مش وقت صريخ وضرب بس .. منصور : هو البادي , يفتكر نفسه هو الوحيد الخايف عليها .. سيف : دواك بعدين .. محمد : بــــــــــــــــــــــــ ـــــــــــــــــــــــــ ـــــــــــــــــــــــــ ـس , خلاص .. منصور : محمد خلنا نمشي محمد بعد ما راح منصور السياره : سيف الله يهديك , الامور ما بتحل إذا تم هالحاجز بينك وبينه .. سيف : انا واحد ما اتفاهم وما اريد اتفاهم معاكم .. محمد : سيف نحن محتاجينك انت لازم تكون معانا حق نحل الخلاف ونرجع عليا .. سيف مسك راسه : آآآآخ يا عليا , كل هالسنين وين كانت ؟؟ وكيف عاشت ؟؟ شو تاكل ؟؟ شو تشرب ؟؟ محمد : كل هذا بتعرفه ان شاء الله يوم بنلقاها , الحين لازم نتحرك , لازم نعرف شي عنها .. سيف : كيف ؟؟ وين بنروح ؟؟ .............................. التعديل الأخير تم بواسطة كاردينيا الغوازي ; 09-01-18 الساعة 02:36 PM | ||||
|  |
|
28-05-09, 05:49 PM
| #63 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| ياعمري ياعليا او مها الموهيم يلقونها وهي محتاره كيذا في هالغرفه محد يدري عنها وهي ماتدري عن هالخسيس اللي مخليها عند هالخايسين منصور شد حيلك ان شاء الله تلقاها اتوقع مها تطلع من النافذة وبسبب الطيحه ترجع لمنصور لاتتاخرين علينا وبالتوفيق ان شاء الله اعلى الدرجات | ||||||||||
|
| |
|
28-05-09, 06:25 PM
| #64 | ||||
 
| السلام عليكم مبروك يا جميل اخيرا خلصت عقبال النجاح .gif "Eh S(7)") ... عليا خلصيها بسرعه الذئاب حواليها كتير  ...وشما لا تزوجيها غصب ... حرام هي زي ما قالت سبير(بلاها ناديه خد سوسو) تسلم ايديك ومنظرينك يا قمر ولا تتأخري علينا  | ||||
|
| |
|
29-05-09, 03:12 AM
| #65 | ||||||||
| مراقبة عامة ومشرفة منتدى الروايات المنقولة  
| أولا طمنينا على إختباراتك إن شاء الله زينه ثانيا بارت رائع جدا ويعني توقعاتي صحيحه أتوقع إن مها تهرب من النافذه ولما توقع ترجع لها الذاكره أويلتهي نصيب واللي معاه بشربهم وتخرج مها وهم مايدرون عنها من كثر دوختهم لا تتأخري علينا وعوضينا عن الغياب اللي راح على كلامك إنك ماعندك شيء يشغلك ذحين | ||||||||
|
| |
|
29-05-09, 12:11 PM
| #66 | |||||
| روايتي مؤسس ومشرفة سابقة وقاصة في منتدى قصص من وحي الاعضاء 
| مشكورة مكحولة على البارت الروعة كيف المستشفى قال لأهلها انها ماتت و كيف وصلت ل مبارك و أبوه؟؟؟ (يمكن يكون مبارك يشتغل فى المستشفى و لما عرف أنها فاقدة الذاكرة حب يستغلها.......) أتوقع عليا تنط من الشباك على الأرض و تخبط رأسها بالأرض و هيك ترجع لها الذاكرة مكحولة متابعاكى و شكرا لك | |||||
|
| |
|
29-05-09, 04:04 PM
| #68 | ||||
| كاتبة في منتدى قصص من وحي الأعضاء
| سلااااااااااااااااااااااا ااااااااااااااام شكرا لكم ولمروركم وتوقعاتكم بعد ......اللي يتوقع انها بتطلع من النافذه وبتعود الها ذاكرتها >>>>>>>>>:41::41:اممممممممممم ما ادري يمكن تموت بنشوف .. فيتامين سي الحمد الله الاختبارات كانت سهله وما عليكي نحن:icon30: شاطرييييييين ....هبه كل الاسأله اللي محيرتنك ان شاء الله راح تلاقي اجوبتها في البارتات الجايه .. سون حقلاويه zizoloudy شكرن للمتابعه:syria8::syria8: ... ما بطول عليكم  تفضلووووووووووو وشوفوا إذا توقعاتكم صحيحه ...واللي يطلع توقعه صح رجاءا اطلب من المشرفين تقييمه ........الفصل السابع عشر ...................................... نوره : اف شهالحاله ,ملل .. قعدت نوره تقلب في القنوات وفجأه لفت نظرها شي .. نوره : مخدرات ,شكلها نفس اللي لقيته في غرفة راشد بس لا يكون ................,لالا مستحيل ,انزين يمكن ......لا مستحيل راشد مستحيل يسويها ,.........وليش مستحيل هو اصلن ما همه شي ,...........بس ....اووووووووووووف مدري مدري , اعوذ بالله من الشيطان, مااعتقد يوصل لهالدرجه ... ........................... حصه : الو هلا .. : اهداااااااااااااء واشتغلت غنية عبد المجيد عبد الله ... "طمنوني عن حبيبي كان مريتو عليه قولو اني اشقت شوفه واشتقت انا لنظرة عنيه قولو ان الحب الاول ما تغير للابد كل ما يطري علي الشووق وداني اليه" حصه : ههه شكرن على الاهداء حبيبي .. زايد : ويييييييييييين لا تسألين ولا تتصلين .. حصه : فديتك والله انشغلت شوي مع ظروف العايله .. زايد : افا في شي يشغلج عني .. حصه : فديتك والله آسفه ما اعيدها .. زايد : فديتج والله , عاد تصدقين كنت معزم ازعل عليج بس من سمعت صوتج هونت .. حصه : هههههه .. زايد : فديت الضحكه , ترى انا خلاص بنتحر من الوله ما اقدر , حتى من كثر ما انا متوله عليكم لقيت عمريه موقف قدام بيتكم .. حصه قامت واقفه : انت برا , هنيه قدام بيتنا ؟؟؟؟؟؟ زايد : هي فديتج تعالي انتي وعبود وعواشي .. حصه : يايه ثانيه بس .. ..................... سيف : وبعدين بنتم واقفين كذيه بدون ما نسوي شي .. منصور : اف اف هاذي تلفونها مبند ليتني بس على الاقل اعرف هي بنت منو ولا وين ساكنه .. محمد : لقيتها .. سيف : منو؟؟ محمد : سيف ولد خالتي ... منصور : انت متفيق الحين , شو دخل ولد خالتك الحين . محمد : هو بيساعدنا .. منصور : ما ريد السالفه تتنتشر خلاص خل الريال في حاله .. محمد : مش كذيه السالفه , سيف يشتغل في الاتصالات ونقدر نعطيه الرقم وبدقيقه يطلع الرقم بأسم منو ومنها يطلع العنوان .. منصور مسك محمد وحضنه : فديتك دق له اسأله .. سيف : يعني في أمل .. محمد : يالله هاذوه ادق له .. ....................... نوره واقفه في غرفة راشد وتفحص الغرفه بعيونها : اممممممممممممممممممممممم وين ممكن خبي حاجاتي لو كانت هاذي غرفتي .. خلني ادور اول بين ملابسه .. ودورت نوره الغرفه تحت ملابسه تحت السرير فوق الكبت نوره : اووووووووووووووف يمكن الولد ما عنده شي وانا بس اللي مسويه سالفه .. قعدت نوره على السرير وشافت الدروج : هههههه مستحيل يدسها فيهن , شعلينا بندور .. فتحت نوره الدروج وبعد البحث لقت كيس صغير بين صفحات الكتاب اللي كان بالدرج .. نوره :هـــــــــــــــــــــــ� �ـــــــه يارب اكون غلطانه , بس هذا شو , مستحيل اكون غلطانه .. ......................... زايد : فديتكوووووووووووووو والله تولهت عليكم واااااااااااااااااايد .. حصه : نحن اكثر , الحين انت لو سمعت كلامي ونزلت كلت لك شي مش احسن .. زايد : قلت لج اريد احوطكم واشوفكم وبعدين المطاعم واايد بنخطف على واحد منهن .. حصه : والله لو درا ابوي ولا امي بيزعلون .. زايد : يا حبيبتي عاد انا ياي الكم انتم مش الهم وبعدين زوجتي وبكيفي .. حصه : ههههههههههههههه .. عبود : بابا ودنا الالعاب .. زايد : من عيوني , حصه حديقة الهيلي فاتحه اليوم ؟؟ حصه : اعتقد .. زايد : ولا اوديكم مبزره .. عواشي : هييييييي مبلزه .. زايد : واااااااااااااااااي فديت الرمسه المعوقه , الحين عيل سيده مبلزه.. حصه : ليت شما معانا بروحها في البيت .. زايد : زين شوفيها بنخطف عليها .. حصه : توك تقول بس اباكم انتم .. زايد : ههههههههههه والله انتي اللي تبينها .. .................. شما : لا فديتج برايكم انتم انا تعبانه ما فيني اطلع من البيت ......يالله باي .. شما كانت حابسه نفسها في غرفتها من كلمتها امها وهي حالها منقلب شما " ليش كذيه ليش يعني يوم حبيت خالد يصير فيني كذيه , وخالد ليش ساكت ........يمكن هو اصلن ما يحبني بس انا اللي اوهم نفسي " .................. نصيب : الشمس بتغيب والأخ ما شرف .. سعود : انزين شو عليه خله يتأخر .. نصيب : يا خوفي ما ايي .. سعود "يكون احسن " : اقول نصيب البنت ما شربت شي ولا كلت شي يا خوفي تموت , خلني اودي لها شي تاكله .. نصيب : هي والله صدقك , بتموت وبتطيح في كبدي ,باشوف الها شي تاكله .. سعود : هات هات عنك ... نصيب : خل عنك هالحركات ترا اعرف شو في خاطرك خلك هني وانا بوديه .. سعود : زين باروح معاك بفتح لك الباب .. نصيب : وتبقى برا هب تدخل .. سعود : هي يعني بس انت اللي تستانس .. نصيب طنش سعود ومشى وسعود وراه .. ......... تو عينها غفت بعد محاولات فاشله وللأسف ما طولت في غفوتها يوم سمعت صوت الباب ينفتح ....لمحت حد يدخل من الباب وما عرفت ملامحه لأن الغرفه كانت مظلمه شوي .. مها : مبارك دخيلك لا تسوي فيني شي انا بنت عمك من لحمك ودمك الله يخليك ....وبدت تصيح .. نصيب حط الاكل وتفاجأ بكلامها : بنت عمه ؟؟؟؟!!!!!!!!!!! مها بدت تصيح وتصارخ : انت منو ؟؟؟؟؟؟؟ شو تبون فيني ؟؟؟؟؟؟؟؟؟ خلوني في حالي ,, طلعوني من هنيه ... نصيب : هدي شوي انا ما بسوي فيج شي انا يايب لج اكل حق تاكلينه .. مها : ماريد اكلكم خلوه لكم .. سعود دخل : شو صار نصيب .. نصيب : ما صار شي خلنا نطلع بسرعه .. ......................... محمد : وصلنا عاد الحين بندور البيت .. منصور : اوووووف بين هالبيوت كلهن خلنا نطالع حد ونسأله عنهم .. محمد : الو ......هلا خالد .........طيب دقيقه ...منصور هات تلفونك ..اوكي ...خلاص تمام مشكور .. منصور : شو شو قالك ؟؟ محمد : هذا رقم بيتهم .. منصور دق ارسال بسرعه : بكلمهم .. محمد : صبر شو بتقول ؟؟ منصور : الو ...السلام عليكم ........لو سمحتي ممكن تعطيني لطيفه؟؟ محمد : بلاك ليش تغير ويهك .. منصور : بندو التلفون في ويهيي .. محمد : لازم ريال غريب يطلب بنتهم شو تريدهم يسسون يقولون لك يا مرحبا واصبر بناديها لك هات انا بتصرف .. ......................... نصيب : ولد عمها ليش يسوي فيها كذيه ؟؟؟ سعود : تكذب عليك مستحيل يكون ولد عمها .. نصيب : لا ما اعتقد تكذب .. سعود : يا ريال انت شعليك , بنت عمه بنت خاله اخته هو بكيفه عاد حر .. نصيب : لااااااااا , انت ينيت في حد يسوي ببنت عمه كذيه .. سعود : والله هاللي يشربه هو اللي يخليه يسوي كذيه .. نصيب : اوووووه فكنا , البنت في شي وراها .. سعود : بس بس فكنا انت وتفكيرك روح افتح الباب شوف منو .. نصيب : هذا هو اكيد خلني اقوم بسرعه .. ........ راشد : لحقو علي ,, نوره درت .. سعود : منو نوره ؟؟ راشد : هــــــا اقصد اختي , اختي درت اني اتعاطى مخدرات والله لو يدري ابوي يذبحني .. نصيب : كيف ؟؟؟ كيف درت ؟؟ راشد : مادري عنها , الحين مو وقت كيف الحين دبروني دورو لي حل .. سعود : وانت شو قلت لها .. راشد : ما قلت لها شي اول ما ييت وقفتلي وتمت تصارخ علي وطلعت المخدرات , وانا طلعت من البيت دون ما اقول شي .. نصيب : وين لقت المخدرات .. راشد : مادري دخيلكم صرفوني درورو لي حل .. سعود : بسيطه .. .............................. نزل سيف من السياره وقرب من سيارة محمد محمد فتح الدريشه سيف : شو شو تسوون هنيه ليش وقفتو في هالمكان ؟؟؟ محمد : هنيه بيي الريال .. سيف : اي ريال ؟؟ منصور : خو لطيفه صديقة مها . سيف : اي مها ؟؟ محمد : مها هيه عليا .. سيف : زين وينه ما وصل .. محمد : انا كلمته وهو واعدني في هالمكان قال بيي وبنروح لبيته وهناك بنتفاهم .. منصور : هــا شوف هالسياره تأشر لك .. محمد : يالله سيف اركب سيارتك والحقنا .. سيف : يالله .. ............................. نوره : الحمار ليش يسوي كذيه , الحين شو بسوي حق منو بشتكي ولا منو بخبر, انا الزم اسوي شي مستحيل اخلي راشد على هالحاله مسكت نوره التلفون : لا لا مش ابوي ابوي بيذبحه ما يتفاهم , لا ولا عمي , منصور هي منصور هو يمكن يتفاهم .. ............................. سعود : هــــــــــــــا شقلت ؟؟ راشد : بس مافي حل ثاني .. سعود : الحل الثاني ان ابوك يدري وانت تروح فيها .. راشد : بفكر .. نصيب : لا تسمع كلامه هذا بيدمرك انت واختك .. سعود : هههههههههههه الله يهديك يا نصيب شو اللي قاعد تقوله , يالله يالله راد انت سير وسو اللي قلتلك عنه .. راشد : بس .. سعود : يالله لا يدري ابوك ما في وقت حق التفكير .. طلع راشد وهو محتار .. سعود : انت شو فيك شو اللي قلب حالك كذيه.. نصيب : انا متندم ليتني ما دخلت راشد بهذا كله , كانت الفلوس غارتني بس خلاص ليتني اقدر اعيد الوقت .. سعود : نصيب انت صاحي شي يويعك فيك حراره , انت هب صاحي الحين انت تقول هالكلام .. نصيب : هي انا , انا كنت هب صاحي لكن الحين صحيت .. سعود : نصيب بلاك .. نصيب : انا خلاص ببطل عن هالمخدرات إذا كانت آخر شي بتخليني اخطف بنت عمي ولا اختي واسوي فيها كذيه .. سعود : هههههههههههههههه الحين هالسالفه اثرت فيك , ياخي انت بس تتعاطى مخدرات هذاك يشرب يشرب تعرف شو يعني يشرب انت مستحيل تفكر انك تسوي كذيه انت وين وهو وين .. نصيب : لا والله , شوف شوف راشد مستعد انه يدمر حياة اخته بس حق هالمخدرات .. سعود : يوووووووووووووووووه وانت شعليك يدمر اخته يدمر بنت عمه يدمر امه شعليك من الناس خلك في حالك .. نصيب : مستحيل كل هالشي بيصير بسببي , انا باروح وبعترف لابوه وبتفاهم معاه دون مشاكل .. سعود : لا والله انت ينيت بعدين انت وانا بنروح فيها .. نصيب : احسن .. سعود ما عرف كيف يوقف نصيب : هــــــــــــــــا زين زين روح على الاقل بقدر اوصل الها واسوي اللي اريده فيها نصيب تذكر البنت : اووووووووووف كيف نسيتها .. سعود : هه مستحيل تروح وتخليها .. نصيب : اكيد اني باروح واكيد اني ما بخليها .. سعود : هـــــــــــــــــــــــا شقصدك .؟؟ نصيب : البنت بتروح معاي .. سعود : لا والله البنت امانه وما راح اخليك تطلعها من هنيه الريال مأمنها عندنا .. نصيب : قصدك عندي انا , وبعدين تبطي انت وهو يمسها ولا يسوي فيها شي .. سعود : انت ينيت .. نصيب ك قوم زين لا ارتكب فيك جريمه .. ............ مها قربت من الاكل وكلت منه شوي حق توقف صوت معدتها الخاليه .. وفجأه انفتح الباب ونفس الريال دخل عليها ,,ردت لورى وغطت نفسها .. نصيب : يالله قومي بطلعج من هنيه .. سعود : لا ما تطلع .. نصيب : يالله قومي .. مها ما عرفت شو تسوي مش مصدقه اللي يقوله ونفس الوقت مش مأمنه انه بينفذ كلامه .. نصيب : بتقومين ولا .. سعود : هه حتى هي ما تريد تروح خلها هنيه مستحيل اخليك تطلعاها .. نصيب : زين ما تبين تطلعين.. وفجأه حست مها انها طايره في الهوا .. مها : حقييييييييييييييييييييييي ير نزلني نزلني , نذل حقيييييييييييييييييييييير ... سعود : نصيب : نزلها خلها لا تين لا تدمر نفسك .. نصيب : ما يخصك فيني .. ....................... سلمان : يمكن اللي تقصده مبارك؟ منصور : مدري اسأل اختك اختك هي اللي سوت فيها كذيه هي اللي دبرت هذا كله مع مبارك .. سلمان : اختي ؟؟ منصور : هي لطيفه , كانت مها تكلمها وهذاك اليوم كانت طالع على اساس ان اختك هي اللي بتزورها بس طلع ولد عمها الخسيس .. سلمان : وهو اصلن متى لقا اختي ؟؟ منصور : دري عنه .. محمد : ليش ما تسأل اختك , تشوف شو السالفه .. سيف : هب وقته يسأل اخته , نحن نريدك تساعدنا حق نلاقي الريال , نريد اسمه الكامل ومواصفات سيارته ووين يسكن حق نبلغ الشرطه .. سلمان : طيب كل شي بتعرفونه .. ........................ التعديل الأخير تم بواسطة كاردينيا الغوازي ; 09-01-18 الساعة 02:37 PM | ||||
|
| |
|
29-05-09, 08:42 PM
| #69 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| واو يسلموا ايديكى مكحولة الحمد لله أنو ضمير نصيب صحى بس الله يستره من الحقير سعود و مبارك , المغيب راشد بدو يسمع كلام سعود و يجر أخته لطريقه الله يسترها ,منصور و محمد و سيف شكلهم خلاص راح يوصلوا ل مبارك ,نصيب يا رب يلحق على نوره و ينقذها مكحولة متابعاكى و شكرا لك | |||||
|
| |
|
29-05-09, 09:11 PM
| #70 | |||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| اقتباس:
اي رد مميز او تحليل وتوقعات للاحداث له تقييم ووردة | |||||||||||
|
| |
 |
| أدوات الموضوع | |
| انواع عرض الموضوع | |
|
|
2Likes
.png)
.png)
العرض العادي
