آخر 10 مشاركات
383 - همسات الندم - جين بورتر (الكاتـب : أميرة الورد - )           »          رواية أبسمنت Abasement (الكاتـب : هالة حمدي - )           »          Romance E-Book Requests (الكاتـب : Breathless - )           »          كشف ثلاجة ايبرنا 01283377353 * صيانة ايبرنا الوراق * 0235682820 (الكاتـب : كرستيانة - )           »          كشف اعطال ثلاجات ال جي 0235699066 @ صيانة ال جي الدقهلية @ 01096922100 (الكاتـب : كرستيانة - )           »          كشف اعطال ثلاجة وايت ويل 0235710008 & صيانة وايت ويل الدقي & 01093055835 (الكاتـب : كرستيانة - )           »          150 - بحثا عن وجه (الكاتـب : حبة رمان - )           »          صفقات ملكية (58) للكاتبة: لوسي مونرو (الجزء الثالث من سلسلة العائلة الملكية) ×كاملهـ× (الكاتـب : فراشه وردى - )           »          كشف اعطال ثلاجة توشيبا 0235700994 % صيانة توشيبا جسر السويس % 01210999852 (الكاتـب : كرستيانة - )           »          كشف اعطال ثلاجات كريازى 01095999314 || صيانة كريازى التحرير || 0235700997 (الكاتـب : كرستيانة - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree39Likes

إضافة رد
 
LinkBack أدوات الموضوع انواع عرض الموضوع
قديم 23-03-09, 02:24 PM   #1

مكحولة العين

كاتبة في منتدى قصص من وحي الأعضاء

 
الصورة الرمزية مكحولة العين

? العضوٌ?ھہ » 83118
?  التسِجيلٌ » Mar 2009
? مشَارَ?اتْي » 267
?  نُقآطِيْ » مكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond repute
20 في وسط الظلام مكتملة





الاغلفة الثلاث اهداء من
(مسابقة كاردينيا73 للتصميم)
بتصميم المصممات:
ِAurora
ِRihab1 (7ouba)ِ
ِام توفي












رابط تحميل الرواية كاملة ككتاب الكتروني اهداء من وحي الاعضاء لسلسلة (كنوز وحي الاعضاء المنسية)
محتوى مخفي


*********************************


في وسط الظلام


بقلم الكاتبة : مكحولة العين ..

اول قصه لي انزلها بالنت انشالله تعجبكم

.....................

الفصل الاول

بييييييييييييييييييييييييييييييييييييييييييييييييي يييييييييييييييييييييييييييب .......
الساعه -1:30ص
في نصف الشارع اللي يعمه الظلام وما فيه غير مصابيح السياره مشتعله مرت لحظات هدوء من بعد صوت هرن السياره اللي وقفت ..................ز
فتح الباب وبخطوات ثقيله توجه لقدام السياره وشاف الجسد المرمي قدامه حاول يركز نظراته على هالجسد اللي ما كان واضح شكله هل هو انسان او حيوان او ..او
يمكن من الربكه ما قدر يحدد هالشي اللي جدامه وطى نفسه وقرب من الجسد وهو يردد :بسم لله لا حول ولا قوة الا بالله
وبعد ما ركز نظره كل اللي شافه ان اللي جدامه انسان بملابس سوداء ووقتها عرف انها حرمه بس هذا مو وقت هيه حرمه او ريال المهم انها تكون حيه :يالله استر يا رب تكون حيه ..
حاول يحملها حق يحطها بالسياره ويروح لأقرب مستشفى شلها وكانت خفيفه عليه وبعد ما حطها في السياره مشى بسيارته وكان كأنه اول مره يسوق في حياته , كانت سواقته بطيئه ..
وفجأه حس بحركه من وراه , لف وجهه يشوفها
: آآآخ انا وين ؟
:انتي بسيارتي هدي بالج وارتاحي صار حادث بسيط انشالله ما يصير لج شي نحن رايحين المستشفى
: أي حادث وانت منو وانا وين ..
: سمعيني الله يرضى عليج هدي بالج شوي
:بس انا ما فيني شي
:سمعيني انا ما راح اسوي فيج شي نحن رايحين المستشفى , ..
: قلتلك مافيني شي ....
:اذا ما تبين تروحين المستشفى وين عيل اوديج ........وين بيتكم؟
:ها بيتنا ....اا...بيتنا...اممم مادري؟
وقف السياره ومن قوة البريك طاحت هيه تحت السيت ونزل وفتح الباب
: انا آسف صار لج شي ؟
:قوم لا تلمسني انت منو؟
:انا اسمي منصور؟ الحين قوليلي ادلين وين بيتكم ؟
:بيتنا ....لا ما ادله
منصور:لايكون فقدتي الـــــــــ
:فقدت شو؟
منصور:اكيد انتي من الصدمه ما تذكرين شي قعدي شوي ارتاحي واتذكري..
وخلاها منصور وهي على وجهها علامات الاستفهام "هذا شقاعد يقول؟"
ابتعد منصور عن السياره وهو يفكر:يالله الله ستر ما استوى فيها شي بس لا يكون فقدت الذاكره شو بسوي اذا فقدتها صدق ......هي وين هلها وشو جابها في نص الشارع وفي نص الليل لا وبعد مافي بيوت هنيه او اي بنايه , شيابها هنيه ,والله تحير هالبنت ....لا تكون ينيه ...بسم الله ما يندرا يمكن ينيه اعوذ بالله من الشيطان هذا كل من الاغاني اللي مشغلنهن ...لا لا مستحيل ينيه ...بس انا لين الحين ما شفت وجهها ولا شكلها انا اللي شفته بس سواد ..

وهيه طول هالوقت تشوفه من شباك السياره وهيه ما تعرف شو السالفه ومنو هذا وهيه شجابها في هالمكان ؟
منصور: ها اتذكرتي شي ؟
بدت تصيح : لاا ..ما اتذكر بس ليش ما اتذكر شي شو السبب؟
منصور: آخذج للمستشفى ؟ يمكن يعطونج دوا يرد ذاكرتج ؟
والصياح يزيد: لا لا ما اريد اروح المستشفى ردني البيت
منصور: اي بيت ؟
:مادري اريد البيت وبس
منصور : انزين ممكن طلب؟
:شو؟
منصور : هدي حالج وطولي بالج .ممكن تقولين بسم الله ..
:ليش ؟
منصور:حق تهدين شوي.
:بسم الله
منصور :الحين تأكدت ..
وهيه ما زالت تصيح :اريد ارجع البيت ردني البيت دخيلك..
منصور: اي بيت لو كان في بيوت فهالمنطقه ولا اي بنايه كان ممكن اعرف بيتج بس نحن في منطقه خاليه ما فيها حد ..
: انت شو تقصد بكلامك انا ما عندي بيت ؟
منصور: لا عندج بيت الحين اوديج له"الله يستر ما فيه اقولها مااعرفج وما ادل بيتج وتنهار عليه "
طول الطريق كان الجو هدوء شغل الراديو وحط قرآن حق يرتاح شوي وحق تهدا هي ولعل وعسى ترجع ذاكرتها لها
بعد مسافه وعند اول شيشه وقف منصور يعبي بترول وبند السياره وفتح الشبابيك شوي ونزل
منصور:انا رايح آخذ النا شوية أكل , تبين شي؟
:لا
دخل منصور يتشرى وبعد ما خلص وهو راد للسياره وقبل لا يفتح الباب سمعها
وهي تصيح:مادري مادري كيف لقيت نفسيه عنده في السياره ........لا شكله ريال محترم ما ينخاف منه ......شو اقولج يا لطيفه يتحسبني فاقده الذاكره ......ليش لانه يتحسب انه هو صدمني بالسياره .....ما قدرت اتكلم خليه على وجهه كذيه احسن لي .........شتبيني اسوي مظطره دخيلج لطوف لا تقولين لحد اني كلمتج او اي شي من اللي قلته ........الحين اخليج اخافه يوصل وانا اكلمج......مع السلامه..
منصور واقف منصدم "تكذب علي يعني انا ما صدمتها وهيه ما فقدت الذاكره بس ليش تلعب علي بهالطريقه هين مو منصور اللي ينلعب عليه اراويج"
فتح الباب وركب السياره
منصور : تفضلي ...خذت لج اكلج وشرابج المعتاد
:!!!!!!!!!!!!!!!؟
منصور : دقايق ونوصل البيت..
منصور يتكلم بالتلفون :الو هلا شما شحالج ...لا يكون وعيتج من رقادج ....هي زين ..اقول فديتج غرفة حصه اختي مفتوحه ...زين عيل اباج تشيكين عليها نظفيها وعدليها ظيوف بيون معاي
..
وبالفعل ما كملو 20 دقيقه الا وهو يوقف قدام بيته
منصور : هذا هوه اكيد الكل نايم بس لجل عيونج اصحيهم..
:"هذا شو يقول "ماله داعي تصحي حد بعدين هذا بيت منو ؟
منصور : بيتنا وبيتج يالله خلينا ننزل
:"لا اكيد ين وين يايبني عند هله شو وراه"


..........................



روابط الفصول

الفصل 1 ... اعلاه

الفصول 2 ، 3 ، 4 ، 5 ... اسفل الصفحة
الفصول 6 ، 7 ، 8
الفصول 9 ، 10

الفصلان 11 ، 12
الفصول 13 ، 14 ، 15
الفصلان 16 ، 17
الفصل 18
الفصلان 19 ، 20

الفصل الحادي والعشرون و الاخير




التعديل الأخير تم بواسطة كاردينيا73 ; 14-02-18 الساعة 02:10 PM
مكحولة العين غير متواجد حالياً   رد مع اقتباس
قديم 23-03-09, 05:24 PM   #2

وديمه العطا

نجم روايتي وكاتبة في قسم قصص من وحي الأعضاء

 
الصورة الرمزية وديمه العطا

? العضوٌ?ھہ » 78513
?  التسِجيلٌ » Feb 2009
? مشَارَ?اتْي » 604
?  نُقآطِيْ » وديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond repute
افتراضي

والله انج رهيبه يامكحوله ..كملي القصه ولا توقفين عاده انا وايد وايد مستانسه بج واعتقد اتعرفين السبب ....ويامرررررحبا بج مليون ولا يكفي بالتوفيق..
ككاابو likes this.

وديمه العطا غير متواجد حالياً   رد مع اقتباس
قديم 23-03-09, 06:43 PM   #3

~sẳrẳh

إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي

alkap ~
 
الصورة الرمزية ~sẳrẳh

? العضوٌ?ھہ » 1678
?  التسِجيلٌ » Jan 2008
? مشَارَ?اتْي » 15,061
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute~sẳrẳh has a reputation beyond repute
¬» مشروبك   water
¬» اشجع hilal
?? ??? ~
My Mms ~
افتراضي

هلافيك محكولة العين بينا

ما وجدته هنا يقال عنه

اثـــــــــــــــــــــــــــــــــــارة حتى اخر حرف
تملكينا من الحرف الاول الى النهاية بلا ملل تشويق
كيف سيكون الاستقبال في بيت منصور ومن شما؟؟؟ زوجته اخته!!
وكيف تنتهي اللعبة بين منصور ومجهوله الهوية
انتظر البقية ^_^
حتى اعقب على الاحداث اكثر
دمتيـ بخير

ككاابو likes this.

~sẳrẳh غير متواجد حالياً  
التوقيع


ليست حقيقة الانسان بما يظهره لك، بل بما لا يستطيع أن يظهره، لذلك إذا أردت أن تعرفه فلا تصغ إلى ما يقوله بل إلى ما لا يقوله.
لـ جبران خليل جبران
رد مع اقتباس
قديم 23-03-09, 09:26 PM   #4

مكحولة العين

كاتبة في منتدى قصص من وحي الأعضاء

 
الصورة الرمزية مكحولة العين

? العضوٌ?ھہ » 83118
?  التسِجيلٌ » Mar 2009
? مشَارَ?اتْي » 267
?  نُقآطِيْ » مكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond repute
افتراضي في وسط الظلام

شكراً لكل من مدح قصتي

واللي يسأل عن شما >>>>>>>>تكون اخته

تفضلو الفصل الثاني



شما : فديت قلبج يا هيا ما كان له داعي اتيين ترتبين معاي الغرفه ..
هيا : لا عادي انا اصلن كنت ملانه في البيت بروحي وما ياني رقاد ..
شما : ومحد هناك في البيت ؟
هيا : دخيلج منو بيكون في البيت بس يوم كنت طالعه لقيت خويلد بطريقي وقلتله اني رايحه عندج ووافق..
شما : ياحليلج ......خلاص كل شي جاهز ..
هيا : ههههه ..والاكل جهزتيه؟
شما : اكيد خلينا نطلعه من المطبخ نوديه الصاله..
بعد ما طلعن من المطبخ قعدن في الصاله يرقبن منصور والضيف المجهول
هيا : عمي وخالتي نايمين ؟
شما : امي نايمه وابوي كالعاده بالسعوديه مع عمي
هيا: ما قالج منصور منو الضيف ؟
شما : لا , اعتقد حد من ربعه
هيا : ربعه بيدخلهو البيت؟
شما : ما ادري والله علمي علمج ما ادري عن شي ..

...

منصور: شو ترقبين نزلي يالله ..
: ما ابا هذا مو بيتي
منصور: ادري انه مو بيتج نزلي وكل شي بتعرفينه داخل , يالله يستنونا..
: منو يستنانا؟
منصور : نزلي وبتعرفين يالله ..
"ياربي انا غلطت واعترف بغلطي ساعدني شهالورطه"
منصور: تفضلي ..
فتح الباب ونادا : هوووووووووووود السلام عليكم ..
شما : مرحبا ملاايين ولا يسدن اخيرن شرفت ..
سلمت شما على اخوه ولوت عليه لانها من زمان ما شافته ..
هيا : هلا منصور نورت العين..
منصور: اوووه هلا هيا والله وكبرتي شحالج ؟
هيا : الحمدلله بخير شحالك انته ؟
منصور : انا بخير مادام اني وصلت البيت..
شما : غريبه زيارتك هاذي اخيرن يينا في بالك وقلت بتمر..
منصور"وتذكر هو ليش ياي":شو نسوي مصيري ارجع البيت ..
شما : يا مرحبا والله اقرب..
منصور : صبر , تعالي..
:الله يستر
شما:منو ؟
منصور : خليها تدخل وبتعرفين كل شي..
شما:!!!!!!!!!!!!!!!!!!!!!!؟
منصور : تعالي لا تخافين
: الســـ سلام عليـــكــ كم..
ردت هيا السلام اما شما ماعرفت شو تقول "منو هذي شسالفه"
وبعد ما قعدوا
منصور: شو ما بتقهوينا؟
شما:................للحين ماتعرف شسالفه
هيا: اكيد بنقهويك .....تفضل
وهيه كانت متغطيه ما يبان فيها شي ما كان يبان توترها او خوفها او دموعها اللي بدت تنهمر من عيونها من الخوف "شقصته ليش يابني هنيه"
منصور "عدج ما شفتي شي ما برتاح لين ما تعترفين واعرف شو قصتج يالكذوب"
منصور :شما وصليها على غرفة حصه اكيد هيه تعبانه وتبا ترتاح شوي ...
شما : انشالله بس ..
منصور: يالله عيل اخليكن..
: منصور ... وقف منصور :خير......... : وين بتروح ؟
منصور: برجع بعدين ...شما وديها وعطيها ثياب ويوم بتخلصين تعالي اباج في موضوع..
شما : انشالله ...
وصلتها لين الغرفة وتمت تشوف الغرفه كانت وسيعه وحلوه
شما : مابتعقين الغشوه ؟
: .................ز
شما : على راحتج انا رايحه اييب لج قميص نوم وراجعه...
يابت شما القميص وحطته على الكرسي وطلعت من الغرفه وكل همها تعرف شو سالفة هالبنت وشو السالفه اللي يباها منصور فيها ..

.......................ز

منصور بعد ما كلم شما طلع عنها وخلاها منهاره بروحها وراح الميلس
"يالله انا شو اللي سويته ,بس هيه اللي خلتنيه اسوي كذيه,بس شو ذنب هلي وشو بيقول الناس ,اف اف انا اسعجلت بقراري كل هذا عشان تعترف بكذبتها , انا لين الحين فيني فضول ابا اعرف ليش سوت جذيه,يالله تذكرت التلفون خلني اشوف الرقم "
منصور : الحين بنشوف ..
لطيفه : الو ........الو مها ,هاذي انتي ..مها ...الو...طوووووووووووووووووط
منصور: مها هين يا مها
" ما يهمنيه شو بيقول الناس بعد اللي قالوه من قبل , وامي وابوي بعد ما قصرو باللي قالوه"

الساعه 8:00ص
طق طق طق
منصور : صح النوم يالله قومي..
غطت مها نفسها بالفراش :انت كيف تتجرأ تدخل بهالطريقه ..
منصور : قومي الكل برا يرقبج وانا تراني خبرتهم بكل اللي ما بيننا..
مها : خبرتهم؟
منصور : هيه ما في شي ندسه عليهم ..
مها : شقالو؟
منصور: عارضو شوي بس تقبلو في الاخير يالله قومي ,...وطلع عنها
مها: شو قصده بلي ما بيننا وشو سالفة عارضو وتقبلو

....
ام منصور : آآآآآآآآآآآآآه يا راسي ليش ليش سوا جذيه ليش؟
شما : امايه طولي بالج و بعدين لا تنسين انها مسكينه والحين ما تذكر شي فكري فيها وخلي منصور على طرف شوي
ام منصور: ليش يعني هوه يغلط ويعق مشاكله علينا , انا ادري ما يعرفنا الا يوم يكون في مصيبه..
منصور: صباح الخير ,شحالكم؟
ام منصور : اي خير هذا اي خير
منصور : انا ما سويت اي غلط ..
ام منصور : شو بنقول للناس شو بنقول ؟
منصور : اللي قلتوه وايد يعني هذا بيأثر , قولو اللي بتقولونه ..
ام منصور : انا داريه انا داريه ان هاليوم بيي اليوم اللي بتقهرني فيه ..
منصور : انا ما اريد اقهر حد , انا الي سويته اي انسان يسويه
شما : خلاص , بس مليت منكم كل ما تقعدون مع بعضكم تعقون كلام ماله معنى , انا مليت من هالعيشه ..
منصور : شما طولي بالج , فديتج روحي شوفي مها اكيد هيه محتاجه لحد عندها ..
ام منصور "بعد ما هدت شوي":شو بنسوي بالبنيه الحين ؟
منصور: هاذي مشكلتي وانا بحلها..

...

طق طق طق
شما : صباح الخير .....اظاهر انها في الحمام ...
مها من ورا باب غرفة الملابس : اهلين صباح النور ..
شما : يبت لج ملابس قلت ما عندج ملابس بعد اللي صار البارح
مها: انتي تعرفين باللي صار البارح؟
شما : منصور قال لنا بكل شي .امي عارضت شوي بس ارضخت للواقع في الاخير
مها : ليش هو شو قال؟
شما : قال لنا انكم متزوجين من سنه وقال لنا سالفة الحادث البارح
مها : متزوجين ؟ واي حادث قاله لج؟
شما : انج زلقتي في المطبخ وانت تنظفين ..
مها : انا زلقت؟
شما : ادري ما تذكرين شي بعد الطيحه اللي طحتيها البارح بس ما عليه مع الايام بتذكرين كل شي ..
مها"هذا كذاب ما لقى غير هالكذبه يالله ما احقره ليش يسوي كذيه وبعدين يعني "
شما : شو ما بتطلعين ترا وايد مشتاقه اشوف مرت اخوي كيف شكلها ..
مها"مرت اخوي ":انا ابي اتحمم آسفه بعدين تشوفيني ..
شما : طيب على راحتج هاذي الملابس بخليها لج هنيه ..واذا تبين اي شي قوليلي ..
مها : انشالله ..


وفي الصاله تحت كانت ام منصور قاعده ومعاها هيا اللي من الصبح يت تبا تعرف شو السالفه
شما : اهلين هياوي شو ما سرحتي المدرسه ..
هيا : اهلين ...تعالي .......,ويرتها لداخل المطبخ التحضيري
هيا: ما قدرت اسرح كنت افكر فيكم ما ياني نوم ..يعني الصراحه ظربني فضول شوي
شما : ههههههههههه يحليلج يالفضوليه انتي
هيا : من دخلت البيت وخالتي تقول حسبي الله عليك يا منصور شسالفه؟
شما : آآآه شاقول لج يا هيا منصور طلع متزوج من سنه
هيا: والله اني دريت شكيت فهالشي
شما : لا ومش بس كذيه السالفه؟
هيا : شو ؟
شما : البارحه طاحت في المطبخ وهيه تنظف وفقدت ذاكرتها
هيا : هنيه ؟
شما : لا بشقتهم..
هيا : صدق عاد ولا تمزحين كلامج ما يتصدق؟
شما : انا مثلج ما صدقت بس انتي ما شفتي منصور وهو يقول لي منصور عمره ما كذب لا واللي اكد لي هالشي هيه من شوي كنت عندها ما تذكر شي بالمره..
هيا : مسكينه..




التعديل الأخير تم بواسطة كاردينيا73 ; 09-01-18 الساعة 02:11 PM
مكحولة العين غير متواجد حالياً   رد مع اقتباس
قديم 24-03-09, 09:32 AM   #5

وديمه العطا

نجم روايتي وكاتبة في قسم قصص من وحي الأعضاء

 
الصورة الرمزية وديمه العطا

? العضوٌ?ھہ » 78513
?  التسِجيلٌ » Feb 2009
? مشَارَ?اتْي » 604
?  نُقآطِيْ » وديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond repute
افتراضي

صباح الخير ياكحيل العين وين بقية القصه
انا تحمست الها وايد ...بالتوفيق ان شاالله.


وديمه العطا غير متواجد حالياً   رد مع اقتباس
قديم 24-03-09, 12:13 PM   #6

سعود2001

مراقب عام ومشرف منتدى قصص من وحي الأعضاء وكاتب في قسم وحي الاعضاء

alkap ~
 
الصورة الرمزية سعود2001

? العضوٌ?ھہ » 52
?  التسِجيلٌ » Dec 2007
? مشَارَ?اتْي » 3,280
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » سعود2001 has a reputation beyond reputeسعود2001 has a reputation beyond reputeسعود2001 has a reputation beyond reputeسعود2001 has a reputation beyond reputeسعود2001 has a reputation beyond reputeسعود2001 has a reputation beyond reputeسعود2001 has a reputation beyond reputeسعود2001 has a reputation beyond reputeسعود2001 has a reputation beyond reputeسعود2001 has a reputation beyond reputeسعود2001 has a reputation beyond repute
¬» قناتك mbc
¬» اشجع naser
?? ??? ~
My Mms ~
افتراضي

يا هلا مكحولة العين ,,,, القصة من بدايتها حماااس

و بين كل حوار و حوار حماس اكثر و كعادة الكاتبة توقف عن النقطه اللي الواحد يفرك يدينه يبي يعرف وش صار

ننتظرك و بكل شوووووق


سعود2001 غير متواجد حالياً  
التوقيع
لا اله الا الله وحده لا شريك له له الملك و له الحمد و هو على كل شيء قدير

لا اله الا انت سبحانك اني كنت من الظالمين


رد مع اقتباس
قديم 25-03-09, 04:00 PM   #7

مكحولة العين

كاتبة في منتدى قصص من وحي الأعضاء

 
الصورة الرمزية مكحولة العين

? العضوٌ?ھہ » 83118
?  التسِجيلٌ » Mar 2009
? مشَارَ?اتْي » 267
?  نُقآطِيْ » مكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond repute
افتراضي

آسفه وايد ما كنت اعتقد ان قصتي بيكون لها جمهور هالكثر
آسفه على التأخير كانت في مشكله بالنت
ما بطول عليكم تفضلو البقيه

الفصل الثالث
...................................

مها: يالله ليش ؟ليش سوا فيني كذيه .....آه الله يستر ما يندرى شو اللي يرقبني بعد؟,,,,,,,,,,,,,
أف انا لازم اتصل على لطيفه يمكن عندها الحل بس وين بلاقي تلفون ....ز
فتحت مها الباب وهي تختلس النظرات لبرا لمحت تلفون مرمي على الكراسي
مها : شكرا يا رب..
وبخطوات سريعه ومثل النسمه خذت التلفون وردت للغرفه
مها: .......اووووووووه لا تقولين نايمه لين الحين ....
لطيفه :ألو ؟
مها : بصوت واطي" ألو لطيفه ؟
لطيفه : مها هذي انتي ألو ؟
مها "وبدت تصيح ": الحقي علي يا لطيفه الريال طلع واحد حقير ...
لطيفه : لا يكون سوا فيج شي ...الو مها لا تسكتين ؟
مها: لا بس هو................

.......

محمد:هيييييييييي صباح الخير , ليش ما وعيتوني بتأخر على الكلاس وانا ما فيني للشيبه هو يريد يمسك علي شي....شسالفه ليش الكل ساكت ؟
شما:اهلين حمود صباح النور ترى ما فينا لك ولحشرتك على الصبح...
محمد: انتي آخر من يتكلم قايل لج توعيني وما شالله ما قصرتي موعتني من الفجر...
شما :زين آسفين انشغلنا شوي
محمد:لا والله وشلي اشقلج عن اخوج ......
شما : اخوي هو اللي اشغلني عنك ..
محمد: اخوج , ليش في حد غيري ؟
منصور وهو داخل : ليش نسيت ان عندك اخو اسمه منصور؟
محمد: منصور؟!!!!....اهلين والله من حقي انساك من بعد هالغيبه كلها ..
منصور : مشكور على الترحيب الحلو..
محمد: العفو وعندي احلى عنه بعد اذا تريد..
منصور : ما لومك ماشالله على امك وابوك دحبو راسك ...
محمد: امي وابوي مالهم شغل فيني انا اعرفك عدل ما له داعي حد يدحب راسي..
منصور : محمـــــــــــ
شما : بس بس بس سكتو انتو اخوان ليش هالعداوه على الاقل احترموا اللي واقفين معاكم في نفس المكان....

........
مها : وهذا كل اللي صار ...يالطيفه انا خايفه ما اعرف شو اسوي ؟
لطيفه : انزين فكري شوي يمكن سوا كذيه علشان تكونين تحت رعايته لانه هو مفكر انه هو السبب في فقدانج للذاكره ...
مها : ظنج؟
لطيفه: يمكن ما ادري بس ما اعتقد انه حقير لهادرجه يعني هو كان وايد خايف عليج ..
مها : ماادري ما ادري ...
لطيفه: يا مها هذا احسن لج من العيشه اللي كننتي عايشتنها ..
مها : ذكرتيني ...هم درو بشي؟
لطيفه : شو اقولج .....درو وقالبين الدنيا عندنا يدورونج ومن شوي طلعو من هنيه ..
مها: الله يستر ...لطيفه تحملي يزل لسانج قدام احد تراني معتمده عليج..
لطيفه : افا عليج انا ما هقيتج تفتكين تبينيه افضحج ..
مها : فديت قلبج والله ...انا لازم اسكر عنج خايفه حد يدخل ويشوفني
لطيفه : باي فديتج لا تقطعيني متى تقدرين طمنيني عليج ..
مها : انشالله....باي..

.........

هيا: انا سألت وايد اليوم ما ريد أسألج باللي صار من شوي..
شما : والله انا اللي ودي اعرف شو سالفة اللي صار من شوي انا عايشه في هالبيت لكن ما عرف شي عنهم امي وابوي ومحمد وحتى حصه وعمي كلهم كلهم معادين منصور مادري شسالفته معاهم الكل مفتكرني صغيره ومحمد اللي هو اصغر عني يدري بكل شي وانا كأني مو عايشه معاهم ..
هيا : الله يعينج انا بس اللي صار اليوم حرق قلبي وين انتي اللي شايفه أشياء وايده ..
مها : عورتي راسج معانا اليوم وايد ..
هيا : ولو انا وحده منكم وهمكم هو همي ..
منصور : شما تعالي اباج شوي ...
شما : آمر...
منصور : اخبار مها شفتيها ؟
شما : كنت عندها من شوي قالت تبا تتحمم..
منصور : ما قالت لج شي؟
شما : مثل شو يعني ؟
منصور : اي شي ..
شما : لا انا كلمتها شوي وهي كانت ما تعرف شو اقول ..
منصور : عن شو كلمتيها ؟
شما : عنك وعنها وعن اللي قلته لنا وعن الحادث بس هي ما تذكر شي ..
منصور : ولا قالت شي ؟
شما : لا ..
منصور"غريبه ليش متعلقه بسالفة فقدان الذاكره ليش ما اعترفت لين الحين شلي يمكن يخليها ما تعترف بنفسها ؟"
شما: وانت ترى من ييت ما رحت لها يعني هب حلوه في حق البنيه ما تعرف حد هنيه غيرك ..
منصور : يا شما هي ما تذكرني ورافضه اني اقرب منها انا من صار لها الحادث ما شفت وجهها تعاملني وكأني غريب..
شما : حتى ولو خلك عندها كيف تباها تذكر وانت مبعد عنها لا تعطيها الشور ..
منصور " كلام شما صح بهالطريقه بتطفش وبتعترف بكل شي "
منصور : لج اللي تبينه الحين رايح لها..
....

خالد : علوم هياوي من يومين ما تفارقينه بيت خالتي شسالفتج ؟
هيا : مستوي اكشن هناك وانت ولا تدري بالدنيا..
خالد : اكشن ؟ ليش شي مستوي ؟
هيا : شما يوها خطاطيب ..
خالد" شرق بالماي ": شو خطاطيب ..
احمد "توه داخل عليهم " : خطاطيب شو ؟
هيا : خطاطيب يايين يخطبون شما ..
احمد : يبطون حد يقربهم ..
هيا : الناس قربوهو خلاص ..
خالد : كيف وليش ومتى وشحقه ما يصير كل هذا في يوم واحد ؟
هيا : يا حبايبي محد يقدر يرفضه لانه ولد عمها ..
احمد : اي ولد عم متى طلعلها ولد عم؟
خالد : ما حيد عندها ولد عم ..
هيا : يا سلام وراشد وين راح نسيتوه ؟
خالد: مرض سلال يدري .....الحين هذا الفقاس اللي عده ما طلع من البيضه ياي يخطبها تبين اعطيج كف ..
هيا : ههههههههههههههههههه ..والله اشكالكم تضحك امزح معاكم...
احمد : هالأشياء ما ينمزح فيها هاذي فيها مسألة موت او حياه..
خالد: ياويلي عليك انته اقول لا تحلم وايد ...
احمد : ما يخصك , الا قوليلي شحالها شما ؟
هيا : بخير تسلم عليكم
احمد : فديت سلامها ..
خالد : ايه احترم نفسك , عن الكلام اللي ماله معنى..
احمد : انت شلي قاهرنك , خلك في حالك ..
خالد : بنت خالتي وما ارضى حد يتكلم عنها بهالطريقه ...
احمد: ياعيني عليك ومن متى هالكلام ؟
خالد : من زمان , والله انا سمعتك تتفدى مره ثانيه يا ويلك ......وطلع من عندهم وهو معصب
احمد : انا ابا اعرف الحين منو الكبير فينا ؟
هيا: بالسن انته بس بالعقل .........
احمد: بنت .....ترانيه لين الحين معصب من مزحج البايخ ...
هيا : انزين اسمع ترى منصور ولد خالتي البارح رد البيت ..
احمد: والله ..
هيا: عاد هالمره ما امزح ..
احمد : طيب , انا رايح عنده منيه اسلم عليه ومنيه اكحل عيني ...بااااااااااي..
هيا: الحمد لله والشكر ...

طق طق طق
منصور : هووووووووود
مها "هذا وين ياي؟"
منصور : شو حبيبتي شو الاخبار شو تحسين عمرج اليوم ؟
مها : الحمد لله احسن
منصور: الحمد لله, وبعدين معاج لين متى بتضلين متغطيع عني انا زوجج؟
مها : لو سمحت انا ما اذكر شي يفضل اننا نبتعد هالايام عن بعضنا..
منصور: على الاقل لا تحرميني من نورج وصفا ويهج ..
مها : لو سمحت انا للحين معتبرتنك غريب وما اسمح لغريب يقولي مثل هالكلام..
منصور : يا عيني نسيتي اسمج وهلج ونسيتيني وما زلتي متعلقه بعاداتج وصفاتج الرزينه ..
منصور"اعترفي وفكيني احس جبدي بدت تنقلب وانا امثل دور الحقير معاج اعترفي "
مها"الله يسامحك ليش تسوي كذيه يالله استرني واحفظني يارب"
منصور: مها حبيبتي خليني آخذج المستشفى يمكن يعالجونج؟
مها"هذا كيف عرف اسمي معقوله تكون صدفه ولا يمكن يدري لا كيف بيدري وشو سالفته مع المستشفى الحين اكيد هم يدوروني في كل الاماكن العامه ما اقدر اطلع من هالبيت "
منصور: شقلتي تروحين؟
مها : انا ما احس نفسي تعبانه او وحده تحتاج للمستشفى انا هنيه مرتاحه صدقني مع الايام بتذكر لا تضغط علي اكثر .
منصور: مثل ما تريدين ..
مها : ممكن تخلي شما تيي عندي؟
منصور : من عيوني ..
تركها في الغرفه وهو يتساءل" يعني ما تبين تعترفين وعديناها شسالفة المستشفى ليه ما تبين تروحين والله انج لغز يحير"



التعديل الأخير تم بواسطة كاردينيا73 ; 09-01-18 الساعة 02:12 PM
مكحولة العين غير متواجد حالياً   رد مع اقتباس
قديم 25-03-09, 04:03 PM   #8

مكحولة العين

كاتبة في منتدى قصص من وحي الأعضاء

 
الصورة الرمزية مكحولة العين

? العضوٌ?ھہ » 83118
?  التسِجيلٌ » Mar 2009
? مشَارَ?اتْي » 267
?  نُقآطِيْ » مكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond repute
20 في وسط الظلام

ولاني تأخرت عليكم تفضلو بعد

الفصل الرابع
....................

منصور : شما شسالفه؟
شما : امي ملزمه تشل ثيابها وتطلع من البيت ..
محمد : بس يا امي انتي مستحيل تطلعين من هالبيت اذا في حد بيطلع فهو منصور ..
منصور: هالبيت هو بيتي مثل ماهو بيتك ومحد يقدر يطلعني من هنيه واللي مو عاجبنه يتفضل يطلع محد ماسكه..
محمد: افهم من كلامك انك تطرد امي من البيت ..
منصور : انا ما طردت حد ...روحي لمها تريدج..
محمد: ومن هاذي بعد؟
منصور : اووووه ما بشرتو اخوي ليش ما تدري اخوك تزوج ؟
محمد:شو ؟
منصور : مثل ما سمعت ...الحين اسمحولي رايح اشم هوا الجوهنيه يسد النفس..


طق طق طق
شما : سلاام..
مها : هلا تفضلي شما ..
ودخلت شما وهي تشوف اللي واقفه قدام المرايه وتجفف شعرها ولافه وجهها..
شما : الله على شعر مرت اخوي يجنن..
ولفت لها مها : ههه مشكوره ..
شما جمدت مكانها تمت تشوفها ..
مها : فيج شي ليش سكتي؟
شما : لا ما فيني شي بس شكلج..
مها : بلاه شكلي يخوف؟
شما : لا بالعكس انا انبهرت من جمالج وايد وايد حلوه
مها : بس عاد عن المجامله ..
شما : لا والله مو مجامله انتي ملاك ماشالله عليج ..
مها : بس ترى ما تعودت حد يقولي كذيه ترى بتكسر..
شما : لا عاد اكيد منصور ما قصر من الكلام الحلو واحد عنده حرمه مثلج ..
مها : آسفه بس ما اتذكر شي ..
شما : مسكينه انزين انتي ليش رافضه تروحي المستشفى يمكن يقدرون يردون لج ذاكرتج ؟
مها : لا انا من اسمع كلمة مستشفى احس بخوف وكأنج تطرين لي الموت دخيلج ما اريد اروح..
شما : طيب مثل ما تريدين بس هذا لمصلحتج ولمصلحة اخوي المسكين هو مستهم عليج وخايف عليج وايد..
لمحة شما رقبة مها اللي كانت تملاها الكدمات وشافتها مها وحاولت تغطيهن
شما : لحظه خليني اشوف ........هاذي كدمات وجروح ........ظهرج مليان جروح وكدمات ..
مها : لو سمحتي لا تلمسيني فهالمناطق ..
شما : انا آسفه بس شو منه كل هاذا؟
مها : مادري..
شما : لا اكيد من الطيحه لازم اخلي منصور ياخذج المستشفى ..
مها : دخيلج لا , ما اريد المستشفى ..
شما : انتي ليش صايره مثل اليهال هم ما راح ياكلونج..
مها : الله يخليج لا ..

........

محمد: هذا ما اييب غير المشاكل انا بكلم ابوي بخليه ايي يتصرف معاه ..
ام منصور : لا لا تقوله ابوك ما فيه له خله مستانس بروحته ..وانت يا ولدي روح لجامعتك تأخرت وايد..
محمد : خلاص راح اليوم ماله داعي اروح للجامعه.. وبعدين شو سالفة البنت هاذي متى تزوج؟
ام منصور : البنت سالفتها سالفه............

........

شما : الو منصور؟
منصور : هلا شما
شما : منصور مها لازم تروح المستشفى وبالقصب بعد ..
منصور : ليش شي صار الها ؟
شما : لا لا البنت جسمها كله متكدم ومجروح لازم تتداوا..
منصور :بس
شما : بس شو
منصور"انا ما دعمتها من شو بيكون متكدم"
شما : منصوور ليش سكت؟
منصور: هي مو راضيه تروح
شما : وانت بتمشي على شورها بنوديها بالقصب ..
منصور : الحين ياي عندكم..

مها:ليش ليش تسوين كذيه حرام عليج"وبدت تصيح"
شما : مها طولي بالج ليش تصيحين ماراح يسوون فيج شي ..
مها :انا مو خايفه من المستشفى انا خايفه من اخوج
شما : من منصور بس ليش ؟
مها : احس انه هو السبب باللي صار لي انا اليوم ماعرف منو انا بسببه دخيلج انا خايفه منه ماريد اروح معاه ماريد اشوفه ..
شما : بس هذا زوجج وهو خايف عليج اكثر مني مستحيل يسوي فيج شي ..
مها : دخيلج دخيلج يا شما ماريد اروح دخيلج

طق طق طق
منصور : ها بنات جهزتو؟
شما : منصور ؟
منصور اللي لمح مها من دون شيله طلع برا بسرعه
شما : انا رايحه اكلمه انتي اهدي شوي..

منصور"استغفر الله انا شلي بلاني فيج"
شما: منصور ..
منصور: ها بتروحن ؟
شما : البنت خايفه منك تفتكر انك انت السبب باللي صار لها ..
منصور: "تتهرب مره ثانيه كل شوي بتييب حجه "...سمعي قوليلها تعالي بالطيب لا اييها بالغصب واوديها
شما : الامور ما بتنحل بهالطريقه البنت خايفه منك وانت تبا تزيد خوفها..
منصور : اووووووووووه ....وراح صوب الغرفه ودخل

مها :شما..
فهاللحظه منصور انصدم من شكلها
مها وقفت تشوفه :انا وين شفتك من قبل؟
شما : هذا زوجج منصور..
مها وكأنها وعت للواقع اللي هي فيه انتبهت لنفسها وجرت لغرفة الملابس
منصور "انا في حلم ولا بعلم"
شما : منصور ..منصور ..منصور
منصور : ها
شما : بلاك ..انت سمعت اللي سمعته مها بدت تتذكر
منصور ما رد على اخته وشل عمره وطلع من الغرفه

...........

نوره: رشود انت هنيه ليش ما رحت للمدرسه؟
راشد"يغير الموضوع ":نوروه تدرين منو لقيت ؟
نوره : لا تغير الموضوع وقلي ليش غايب ؟
راشد : زين باقولج من لقيت ....لقيت منصور ولد عمي ..
نوره : ها منصور ولد عمي والله متى شفته ؟
راشد : البارح في الليل الساعه 2 شفته نازل من السياره هو وحد معاه بس ما عرفت منو ..
نوره: وانت شو تسوي الساعه 2 برا البيت ..
راشد: اووووه مالج خص انا هب ياهل تحاسبيني..
نوره: ياهل الا انت ..
راشد : اوووه فكينا..
نوره "وينك يا ابوي راشد محتاج لحد يربيه ويشوفه وانا ما اقدر عليه الله يرحمج يا امي "
نوره : منصور ...بدق على شما بسألها عنه..

.......

هيا : ها احمد علومك كحلت عينك..
احمد: لا قبل لا ادخل سمعت وقعه وصريخ قلت احسن ارجع وما ادخل ...مسكين منصور كل ما ايي تصير هالحفله..
هيا : ليش هم شو مشكلتهم معاه ؟
احمد : ما يخصج يهال آخر زمن خليج على الخط الثاني هاذي مشاكل كبار لا تتدخلين..
هيا : بسم الله بس كنت أسأل كلتني بقشوري حشى ..
ام احمد : السلام عليكم ..
هيا +احمد : وعليكم السلام
احمد : ها ام احمد اخبار الغنم ..
ام احمد :يسلمن عليك ...وووه هيا شحقه ما سرحتي المدرسه..
هيا : بس تعبانه شوي ..
احمد : تعبانه ورابعه من الصبح بيت خالتي ..
ام احمد : وووه ذكرتنيه باروح صوب خويتيه حليلها دقت اليه تعبانه تقول منصور ياهم ومضوي الحرمه معاه..
احمد : اي حرمه ؟
ام احمد : انا داريه ببدل ثيابيه وباروح صوبها ..
احمد : هياااوي ...قوليلي عاد من يومين انتي هناك معقوله ما تعرفين شي؟
هيا : وانت شلك بسوالف الحريم خلك على الخط الثاني لا تتدخل ..
احمد : بنت ..والله ان مسكتج ما ارحمج ..
هيا : شما قالتلي ما اقول لحد..
احمد: عاد شما اللي قايله ما نقدر نجبرج على شي هي تباه بس هين يالحمار تدرين وما قلتيلنا ..

.....

منصور : ياربي انا شاللي خلاني ادخل عليها بهالطريقه ليتني ما دخلت ولا شفتها , انا يمكن كنت اتخيل ...يالله شكثر تشبهها , آآخ يا مها جددتي الجرح اللي برا من زمان...



التعديل الأخير تم بواسطة كاردينيا73 ; 09-01-18 الساعة 02:12 PM
مكحولة العين غير متواجد حالياً   رد مع اقتباس
قديم 26-03-09, 01:48 PM   #9

وديمه العطا

نجم روايتي وكاتبة في قسم قصص من وحي الأعضاء

 
الصورة الرمزية وديمه العطا

? العضوٌ?ھہ » 78513
?  التسِجيلٌ » Feb 2009
? مشَارَ?اتْي » 604
?  نُقآطِيْ » وديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond reputeوديمه العطا has a reputation beyond repute
افتراضي

بالتوفيق يااختي تابعي واحنا معاج متابعين ..
توقعاتي ..يمكن مها تكون لها قريبه اخت اوعمه تشبهها لها ماضي مع منصور وفي الوقت هذاك كانت مها صغيره


وديمه العطا غير متواجد حالياً   رد مع اقتباس
قديم 26-03-09, 10:08 PM   #10

مكحولة العين

كاتبة في منتدى قصص من وحي الأعضاء

 
الصورة الرمزية مكحولة العين

? العضوٌ?ھہ » 83118
?  التسِجيلٌ » Mar 2009
? مشَارَ?اتْي » 267
?  نُقآطِيْ » مكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond reputeمكحولة العين has a reputation beyond repute
افتراضي

الفصل الخامس



نوره : الو ....يابوي الله يخليك انا ما اقدر على راشد متى بترجع؟
بو نوره:وانتي دوم غاثتنيه بمشاكلج مع اخوج الواحد ما يقدر يستانس ..
نوره : بس هو ما يسمع كلامي يسهر برا وما يروح المدرسه والله يعلم منو مخاوي من الشباب ..
بو نوره : كلهم الاولاد كذيه يعني يت على اخوج الحين ,خليه يلحق غيره ..
نوره : بس هاذا مو لمصلحته ..
بو نوره :اوووووووووه .......طوووووووووووووووووووووووووووووط
نوره : الله يهديك يا بوي هاذي وصيت امي لك ..يعني لازم اسوي مثل كل مره بدق على عمي خليه يتفاهم معاه..

..........

ام منصور : هذا بو محمد يقول انه راجعين من السعوديه..الله يستر مادري شبيسوي يوم بيدري
ام احمد : الله بيمشي الامور انشالله على خير , الا وينها مرت منصور ما شفناها ..
ام منصور : من يت وهي حابسه نفسها في الغرفه مادري بلاها ..
ام احمد: يا حليلها صدق ما تذكر شي ؟
ام منصور : حلها حلول ,انا مادري هيه من اي بقعه ولا بنت منو ..
ام احمد : انتو ليش معورين راسكم معاه الريال سنتين ويوصل الثلاثين هو هب ياهل يعرف مصلحته..
ام منصور: بس هب حلوه في حقنا يدخل فجاه علينا ويقول انا متزوج من سنه وحرمتي طايحه وما تذكر شي ..
ام احمد: الريال انتو من زمان طاردينه من البيت وقلتوله ما بينكم وبينه شي الحين يايين تحاسبونه ..
ام منصور: نحن ما طردناه هو اللي راح وتركنا ,و انا قلبي قاعد يتقطع من داخل مااقدر اقول شي ..
ام احمد : حاسه فيج يا وخيتي انتي لين متى بتمين ساكته على بو منصور كذيه هاذا ولدج لا تحرمين نفسج منه..
ام منصور: خلاص مادام بو منصور معادنه ملزم علينا كلنا نعاديه وهذا بو عيالي ما اقدر اقول له لا..

.........

مها "استغفر الله استغفر الله استغفر الله يارب سامحني مادري كيف نسيت نفسي قدامه .استغفر الل استغفر الله "
طق طق طق
مها : لايكون هذا هو؟
شما : مها ؟
مها : هلا شما تعالي ..
شما : خالتي معاي حابه تشوفج ..
مها "شهالمصيبه خالتها "
شما : تفضلي خالوه..
مها اللي ما عرفت شو تسوي تمت متجمده في مكانها ..
ام احمد: السلام عليكم ..
مها : وعليكم السلام ..
ام احمد : ماشالله ...شحالج بنتيه؟
مها : الحمد لله بخير شحالج انتي؟
ام احمد: الحمدلله احوالي طيبه ....وكأني شايفتنج في مكان شكلج مو غريب..
شما : انا مثلج يا خالتي اول ما شفتها انصعقت وكاني شفتها من زمان بس ما دري وين؟
مها : سبحان الله خلق من الشبه اربعين..
ام احمد: فديتج والله ليت ام منصور تشوفج..
مها : ماكان له داعي اتيين لين هنيه كنت انا ييت صوبكن..
ام احمد : عاد انا ييت بشلج معايه وانزلج عند ام منصور ..
مها : انشالله انتي روحي وانا بلحقج..
ام احمد: انشالله , ها شموه خليج عندها ولا تنزلين الاو هي معاج..
شما : انشالله ..
مها: يالفضيحه والله ماعرفت شو اقول ولا شو بسوي..
شما : ما عليج عادي هاذي خالتي طيبه وايد اول ما درت بج قالت لازم اتيي عندج لان منصور عندها غالي وايد..
مها : الحين شو بسوي لا زم انزل عند امج ؟
شما : انتي وعدتي خالتي وانا وعدتها بعد ..تعالي بعدلج بخليج احلى عروس ..
مها : بس انا ما اعرف احط هالاشياء..
شما : مسكين اخوي ما كنتي تتعدلين له ....اووه آسفه نسيت انج ما تذكرين شي , تعالي انا بزينج , باخلي امي اطيح يوم تشوفج ,هههههه
مها : هههههههههه

.......

ام احمد: ماشالله عليها عرف يختار منصور ..
ام منصور: شفتيها ؟ كيف شكلها ؟
ام احمد : ما باقولج تبين روحي بروحج شوفيها ..
ام منصور: ليتني اقدر , انا فرحانه بردة منصور وبحرمته بس ما اقدر ابين لحد اخاف ..
ام احمد : اوووووووووه خليج من هالخراطه بو منصور هب هنيه هب داريبج , استغلي هالفرصه ردي احظني ولدج هو محتاج لج....
ام منصور : ما اقدر ما اقدر ..
شما : هييييييييييييييه استعدو عروسنا بتنزل ..
ام منصور : شو السالفه ؟
ام احمد : مرت ولدج اصرت انها تنزل عندج وتسلم عليج ..
ام منصور :...............................!؟
شما : تفضلي نزلي الكل يرقبج ..
مها : خايفه ..
شما : يالله عاد ..., ومسكتها شما من يدها ويرتها لتحت
ام منصور كانت تشوفها وما تعرف شو بتكون ردة فعلها ولا شو ممكن تسوي ..
وما كان من شما الا يرتها لين قدام امها
شما : هاذي عمتج حبيها على راسها ..
مها كانت بتوطي لام منصور بس ام منصور قامت لها بتسلم عليها
وبدون حاسيه لوت مها على ام منصور وبدت تصيح
شما+ام احمد:....!!!!!!!!!!!!!!!!؟
ام منصور بدت تصيح من صياح مها بدون ما تعرف ليش
ام منصور : بس بس فديتج لا تصيحين
مها : انا آسفه ..
شما"اللي كانن دموعها يوايقن ": يا سلام عليج يا مها خربتي العداله ..
مها : آسفه اول مره احس بهالحنان ..
ام منصور اللي ما اتحملت اللي صار خلتهن ودخلت لداخل غرفتها

ومن بعيد كان يراقبهن "يالله مادري انا افرح باللي صار ولا احزن "وبدموعه اللي نزلن قرر ان يتراجع بالدخول للبيت..
مها بالمثل بعد ما راحت ام منصور قررت هي ترجع لغرفتها علشان تصيح على راحتها..

ام احمد : شسالفه يا شما شاللي صار الحين ..
شما : مادري لأول مره اشوف امي تصيح ..
ام احمد : صدقيني هاذي دموع الفرح امج فرحانه بمرت ولدها ..
شما : مستحيل امي كانت معارضه هالزواج ..
ام احمد :ليتج تعرفين امج عدل يا شما مهما يكون هذا ولدها لازم بتفرح له..

..............

نوره : منصور؟
منصور اللي بسرعه مسح دموعه: اهلين ....اا؟
نوره: نوره..
منصور: اهلين نوره اسمحيلي ما عرفتج..
نوره: لا شحالك؟
منصور: الحمدلله بخير , شحالج انتي ؟
نوره : الحمد لله ..
منصور : اا بتلاقين شما داخل , برايج..
نوره"كالعاده يتهرب مني ,لين الحين هيه في بالك"
....

خالد :وانته ليش محتشر شلك في هالسوالف ؟
محمد: لاني ما اريده يقعد دقيقه في البيت وجوده محد يتحمله يقوم اييب معاه حرمه بعد ..
خالد : خل عنك هالسوالف الريال حر هب ياهل وبعدين هذا اخوك العود لازم تحترمه ...
احمد : نفس ما يحترمني خلود>>والعكس صحيح..
محمد : يخسي الاهو , بعد اللي سواه مقدر احترمه ..
خالد : عن اذنك ..
احمد: انت مينون خلود ما يداني هالسوالف ..
محمد: بس انا قاعد اطلع اللي في خاطري , ما يهمني اذا يعجبه او لا ..

................

شما : هلا نوره حياج تعالي..
نوره : منصور اخوج متى وصل؟
شما : البارح , قوليلي علومج وينج من زمان ؟
نوره : في البيت مع رشود مدوخ لي راسي , اقولج غريبه ييت منصور؟
شما : هذا بيته ومتى بغا ايي بيي , عمي كالعاده مو عندكم رايح ومخليكم ..
نوره "اللي حست بشما تغير الموضوع ط : شما في شي صاير ليش تغيرين الموضوع كل ما اطري منصور ؟
شما : انا لا ما اغير بدون قصد ..
ام احمد "اللي توها طالعه من عند ام منصور":فديتج شما روحي شوفي البنيه نسيناها..
نوره : اي بنيه ؟
ام احمد : اووه نوره عندنا هلا والله ...شحالج ؟
نوره : الحمدلله بخير
شما : انا باروح وبرجع ..
نوره بالها عند شما : شحالج خالوه ؟
ام احمد : الحمد لله بخير وسهاله ..
نوره : منو البنيه ؟ اللي كنتي تطرينها من شوي ؟
ام احمد : ا............قاطعها احمد بدخوله ..
احمد : هوووووووووووود السلام عليكم
نوره اللي تغطت بسرعه: وعليكم السلام ..
ام احمد : بسم الله يا ولديه فلختنا ..
احمد :ههه آسف .."ولمح نوره " ..شحالج ؟
نوره : الحمدلله بخير ..اسمحولي انا باروح اشوف شما ..
احمد : اميه هاذي مرت منصور ؟
ام احمد : لا فديتك هاذي بنت عمه نوره..
احمد : نوره نوره ..اها من زمان ما شفتها ..
ام احمد : لازم البنيه كبرت ..
احمد: زين وين شما ؟

................

الصراحه ابي رايكم القصه تستاهل انها تتكمل او لا بصراحه قولولي شوناقصنها اذا كانت ناقصه شي لاني مبتدأه ونقدكم لي بيكون درس لي ...أمانه..

ارميتاج likes this.


التعديل الأخير تم بواسطة كاردينيا73 ; 09-01-18 الساعة 02:13 PM
مكحولة العين غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:42 PM



Powered by vBulletin® Version 3.8.9
Copyright ©2000 - 2019, vBulletin Solutions, Inc.