روايـتـــي الثانيه (جنون شوقي لك..جرح كبريــائي).. " مكتملة " خــيالـــــــيــه

قلب نجد · 13-05-13, 10:47 PM

بسم الله الرحمن الرحيم

روايـتـــي الثانيه (جنون شوقي لك..جرح كبريــائي)..

>>روآيـــهـ/ خ ــيـآلــيــهـ<<
„„„
بقلم/قلب نجد**

.
أااشششس.. _
ي /شوووق

مآانبي رعششة _حنين_
تبككيينآاا~{

,
”الفصل الاول”
مدينة الـريـاض/
أصوات ضحك..وجلسه حلوه..
ماجد<<<هذا أنا ماجد الناصي,شاب طموح وأحب شغلي,أنا اللي مسؤل عن عائلتي بعد وفاة أبوي,وناوي اروح بعثه لفرنسا اتعلم الفرنسيه..علشان احسن مستوى وظيفتي...وهذي عائلتي..
هيفاء:يالله يامجود بنفقدك والله<<<اختي هيفاء مدرسة رياض أطفال
نجلاء:أي والله<<<وهذي اختي نجلاء موظفه في بنك متزوجه مشعل ولد عمي
الجوهره:بناات أسكتوا لاتبكوني..<<اختي الجوهره تدرس ثانويه عامه وبتتخرج.
ام ماجد تحاول تتماسك:خلاص ياولدي عزمت تسافر بكره
ماجد ببتسامه تخفي مشاعره:أيه يمه..العمل كلموني اليوم وأكدولي الحجز بكره الصبح..
نجلاء:راح أشتاقلك ياخوي
ماجد:وأنا بعد..خلاص عااد لاتحسسوني كأني مهاجر..تراها دوره 6شهور وراجع
هيفاء قامت وراحت لغرفتها ماقدرت تستحمل العبره اللي بحلقها..
لحقتها نجلاء..
ماجد حس فيهم..بس شيسوي..مابيده حيله
ام ماجد:أنا بس ابي اعرف وين حاتم
طق الباب..
قامت الجوهره:هذا حتومي أكييد..أنا موصيته البقاله..
ام ماجد:قولي كذا من صبح..
طلعت الجوهره..
<<<بإختصار هذي هي عائلتي..

,
,
,
من جهه اخرى..
قصر..عاليه مبانيه..وواسعه حدايقه..
بوسط تجمع للعايله الغنيه..وحفله بمناسبة عيد ميلاد البنت المدلـله..وبنهاية الحفله..
وعند تقديم الهدايا...ووسط الأغاني والرقص بنات العايله والصديقات..هدأت الأغنيه ووصارت سلو...
استغربت الجود والتفتت على مشغلة الدي جي::
مشغلة الدي جي أشرت خلف الجود:..
جود ألتفتت وراها وشافت الشغاله/نعم
الشغاله/سير برا يبيك..
الجود/مين؟
الشغاله/اي دونت نو..
الجود/اوكي اوكي انا جايته....يابنات خذوا راحتكم..أنا رايحه شوي وجايه حالاً..
نوره عمتها خافت(الله يستر)
,
طلعت الجود..وتفاجأت بـ عُمـر ولد عمها..ناظرته مستغربه نظراته..
عُمر ببتسامه/كيفك؟
الجود/تمام
عُمر قرب منها/هابي بيرث داي..سنه حلوه ياقلبي..وعقبال المليون
الجود ابتسمت وهي ماترتاح له/هههه ثانكيو بس..كذا بدون هديه
عُمركان بيده علبه صغيره..وجلس على نص ركبه ببتسامه وفتح علبته فيها خاتم ألماس:بسم حبي وقلبي ممكن تقبلين تتزوجيني..
الجود ناظرته ببتسامه مستغربه هالطلب منه,بهالوقت..واخذت العلبه وسكرتها ومدتها عليه/لا عمور أنا حالياً ما افكر بالزواج..وانت بالنسبه لي اخ..
عُمر عصب ماقدر يكمل الدور/مو بكيفك..
الجود سوت نفسها ماسمعت/نعم نعم..شقلت؟!
عُمر بقوة عين/أقول انك منتي لغيري فاااهمه
الجود عصبت/اقول بس فك يديني..
ام الجود دخلت بعد ماعلي الصوت/عمر بس الله يهديك..
الجود/لو سمحتي يمه...اتركيه لي..
عُمر مسك يدها وسحبها لصدره/انتي لي
الجود تفت بوجهه..
فيصل ولد عمها الثاني تدخل فالموضوع لأنه ماكان موجود كان برا بس سمع من الخدم..ومسك عمر وفك الجود منه وضربه,وطلعه برا/برااا ياكلب أنا قايلك هالقصر مالك فيه مكان فاااهم..
عُمر وهو طالع والشر يطلع من عيونه/هـين يافيصل هين ياجود والله لأحرمكم من بعض..جالسين تتسترون على بعض هاااا...لكن أنا بفضح علاقتكم ياخونه..
ام الجود/!!!!!!
الجود استحت من نظرات امها,بس ياجبل مايهزك ريح..
رجع فيصل ووقف قبال ام الجود/ما أظن ياخالتي بتصدقين كلام هالسفيه..
أم الجود ببتسامه/أنا اللي مربيتك ياولدي..مايحتاج..
فيصل التفت على الجود وهو يقرب منها/أذاك عُمر
الجود باسته على خده وابتسمت بدلع/مايقدر أحد يأذيني وأنت معي.
فيصل صار لونه احمر..
ام الجود ناظرتها بنص عين ..
الجود/أوكيه عن اذنكم رايحه اكمل حفلتي...إلا فيصل تجي ترقص معي
فيصل استحى ناظر بعمته وناظر فيها/ودي بس عندي شغل مهم..عن اذنك كل سنه وانتي طيبه..
الجود /وانت سالم حبيبي..
ساره بنت عمها نادتها/جـووودي..جوووود..تعالي
الجود/أوكي جااايه...عن اذنكم ياجماعه.. البنات ينادوني..
فيصل قرر يطلع ويريح عمره..
..
,
,
,

بالليل..
كان صدري ضايق علشان أهلي..أول مره اتركهم وأسافر..مالهم أحد غيري..قررت أروح لمشعل ولد عمي أوصيه عليهم..لأنه الوحيد اللي أثق فيه..من بدت عيال عمي..أما خالد من بعد ماكشفته مره يغازل أختي هيفاء..وأنا غاسل يدي منه
مشعل/هلا بالنسيب الحبيب هلا
ماجد/هلابك يامشعل..
مشعل صب قهوه ومدها عليه/سم
ماجد/سم الله عدوك..هههه مابي أتعود عالقهوه وأنا بروح لباريس..
مشعل/ههههه ماعلييك فنجال واحد بس..
ماجد سكت وسرح..
مشعل حس فيه/ماجد وأنا خوك..شعندك..شكلك مهموم..
ماجد/أي والله..خبرك بسافر 6شهور برا السعوديه..وأهلي مالهم غيري يرعاهم..تدري بعد حاتم اخوي توه صغير..ابيك بخدمه
مشعل/أفـآ عليييك وأنا أخوووك..مايحتااح توصيني على أهلي انت ناسي أن زوجتي اختك..والله ماحبيتها منك..خواتك خواتي..وامك أمي..لاتقول هالكلام بس..أبيك تطمن عالآخـــر..روح وأنت متطمن لاتشيل هم
ماجد ارتاح/هذا العشم فيك ياولد العم..
مشعل ببتسامه/واجبي طال عمرك..
,

,
,
اليوم الثاني موعد السفر..,
قمت بدري وودعت امي والبنات..وحده وحده..وأخوي الصغير حاتم..ومشيت..
كان موقف وداعهم صعب علي بس الله يصبرني..
المهم رحت لهيفاء..ومسكتها على جنب:شوفي وأنا اخوك أن تعرضلك خالد ثاني مره قوليلي بس..
هيفاء ابتسمت وضمته/ارتاح بس ولاتشيل هم أختك ماينخاف عليها..
ماجد/أنا داري..مو أختي..بس أنا من باب الحرص..مابي احد يدوسلك على طرف..
هيفاء:ماراح يتجرأ وأنا أخت ماجد
ماجد/كفو ياعزوتي..يله ..أنا ماشي
ام ماجد/ بمان الله يابوي
ماجد/أسمعوني..أنا ترى وكلت مشعل راح يتفقدكم كل يوم..وأنتم عارفين مشعل
أم ماجد:ونعم الرجال والله..
نجلاء فرحت بداخلها هذا زوجها..
ماجد:يله فمان الله جميع
الكل:بمان الكريم..
,
,
طلعت واتجهت للمطار بصحبة عيال عمي..اللي وادعوني ,,وركبت الطائره المتجهه لباريس..
,
,
,
بعد ساعات كانت سريع بالنسبه لي....
أعلن كابتن الطائره عن الوصول..لمطار شارل ديغول الدولي وهبطنا بسلام...
نزلت وشيكت على جوازي وختمته..بس اللي ورطني..أني مالقيت من يستقبلني..فالمطار..ولغتي تقريباً مييح..والفرنسيين مايعترفون غير بلغتهم..فخورين فيها زياده عن اللزوم..حاسين انهم مو بحاجه لزيادة ثقافتهم بلغه ثانيه!..المهم
المهم وقفت أسأل بالإنجليزي:بليز لو سمحت..
وقفت وحده هناك تناظرني بنظرات غريبه,بس صديت عنها,لأن عندي خوات..وما أرضى عليهم..
الجود../لو سمحت يا أخ..
عرفت أنها عربيه/نعم
الجود../أقدر أساعدك..لو تبي..
ماجد بكبر/لا شكراً
الجود.ابتسمت على عزت نفسه/أنا أجي هنا بإستمرار وعارفه البلد..شكلك ماتعرف احد هنا
ماجد انحرج وهي تعرض خدماتها/لاوالله..أقصد فعلاً باريس بعمري ماجيتها..والفرنسيه عندي فيها كورس بس مانفعني..
الجود.ببتسامه/مو مشكله..تعال يا اخ ماجد..صح كذا اسمك..
ماجد ببتسامه وهو متعجب شلون عرفت اسمه/أيه..
الجود /أوكي تعال راح أوصلك بسايقي الخاص
ماجد استحى/لا مايصير يا أختي
الجود./ههه أوكي تعال أوقفلك تاكسي..وافهمه وش تبي بالضبط..
ماجد/إذا كذا مو مشكله..
راحت ووقفت تاكسي,وركب ماجد/مشكوره يا أخت..؟
الجود ببتسامه حلووه/أسمي ألجود
ماجد أستغرب الأسم وابتسم/مشكوره
الجود/العفو باي..

,
وصلت للفندق المنشود جيت بأحاسب السايق ورفض..وأنا استغربت
السايق بلإنجليزيه المكسره/لقد دفعت عنك المودموزيل
أنا استغربت وشلون تسوي كذا..يمكن فزعه..عادي يعني..
المهم اتجهت للفندق ودخلته وأنا حدي تعباان وادعي لهالبنت..الله يجزاها خير لولاها كان صارت علوووم,أما هذا حمد علمه عندي..شلون يقول بيستقبلني ولا يجي..دخلت غرفتي بالفندق ونمت على طووول...
,
,
قمت الصبح وأنا مرتاع..مادري شفيني..بعدها تذكرت أني ما أتصلت بأهلي...ورفعت السماعه وطلبت السعوديه...
,
,
,
,
السعوديه/
هيفاء وهي ماسكه سماعة التلفون/هلا اخوي..شخبارك بشر متى وصلت
جات نجلاء وسحبت السماعه منها/مجود حبيبي..شلونك؟
جات الجوهره وخطفت السماعه منها وجات أمها وخمت السماعه منهم/هلا وليدي وشلونك ياضناي..لبى عمرك..متى وصلت..عسى مرتاح ياعمري..
هيفاء بإحباط:عزت الله اللي كلمانه...
كلمت ام ماجد وخلصت وسكرت الخط..
طق الباب...
حاتم جاء من برا/هذا مشعل يمه وجايب معه هالأغراض..
ام ماجد/الله يصلحه هالولد هاللحين من قاله
نجلاء/طول عمره راعي واجب يمه..
الجوهره نغزتها/بذمتك
نجلاء/يمه تعالي انروحله.
الجوهره/ورى ماتروحين انتي لحالك ازين
نجلاء:جوجو موب احسن لك..
الجوهره/هههههههه
ام ماجد/أنا طالعه له..
هيفاء/وبلغيه سلامنا كلنا..فديته مايقصر مشعل
راحت ام ماجد/اكيد بوصله..
نجلاء راحت لهيفاء بتوطى ببطنها/انتي وشفيك على مشعل
هيفاء ببتسامه تبي تقهرها/أحبه..ولاتفهموني غلط..أحبه من حب أخوي ماجد له وبسسس
نجلاء/اكيييد
هيفاء/ههههه اجل وش رايك انتي؟ الحمدلله والشكر..أنا رايحه لغرفتي
نجلاء مقهوره من تصرفات هيفاء/
الجوهره/هههههههههههه لاتخافين ماتحبه نفس حبك له..هي تحبه كأخ بسسس صدقيني..
نجلاء عارفه هالشيء بس تجاري خواتها/وانتي شدخلك تقولين هالكلام...
الجوهره/هههه والله انكم مفضوحاات ياهالبنات..الوحده إذا حبت تنكشف علطوول يوضح عليها..هههههههههه
نجلاء دفتها وراحت لمشعل...
الجوهره/الحمدلله والشكر ما أحب أحد غير ربي ثم أمي وأخواني والوطن..
,
,
,
فـرنــســا/
طق باب السويت وفتحت علبالي الروم سيرفس,وتفاجأت بـ"حمد" قدامي
ماجد/حــمـــد!!
حمد ضمه/هلا بالخوي
ماجد/ والله لو مو ماكلتني الوحشه هنا كان ضربتك..أجل تلطعني بدون ماتجي تاخذني وتخليني هنا يومين
حمد/اركد يارجال واجلس اسمع شصارلي..تعبت وزكمت ولوزت وتنومت فالمستشفى يومين وهذي طلعتي منه...
ماجد/بالله..مـادرييت..سلامات
حمد/الله يسلمك..والله اني احاتيك..بس ماشاء الله صرفت أمورك..
ماجد/الحمدلله
حمد غمزله/شكل الأخ مريش قروش..شجايبك فهالفندق
ماجد/مادري..بس وحده ساعدتني باللغه الفرنسيه الله يجزاها خير..وقفتلي تاكسي وقالتله يوصلني هنا..
حمد وهو يطالع بالديكور والفخامه/تدري كم سعر الليله بهالفندق ياماجد
ماجد خاف/كم؟
حمد/مايقل عن 4000يورو..هذا غير الخدمااات
ماجد وقف من الصدمه/صاحي انت..كل اللي معي ياااله يدبرني..
حمد/ايه صاحي علبالك امزح..هالمره هذي ورطتك ورطت عمرك
ماجد قام يلم اغراضه بيطلع/تعال شيل معي خلنا نطلع من هنا بشوف كم يبون..
حمد/وان ماقدرت تدفع
ماجد وهو يفكر بسرعه/باخذ سلفه من العمل على فلوس بالبنك تدبر
حمد/كذا بتخسر كل اللي جمعته بسنين
ماجد/اجل تبيني انسجن هنا..واضيع مستقبلي!!
نزل ماجد مسرع واتجه للكونتر/حمد أسألهم كم المبلغ اللي علي...
حمد بالفرنسيه/لو سمحت كم مجموع حساب السيد ماجد الناصي
الموظف/الفاتوره مفتوحه لإقامه مفتوحه..
حمد/ماذا تقصد؟
الموظف/اقصد بأن قد تم فتح حساب مفتوح له على حساب..من قبل مودموزيل..رفضت أن نفصح عن أسمها
حمد التفت على ماجد/يقولك فيه وحده فتحتلك حساب مفتوح بهالفندق على حسابها الخااص..ورفضت تقول عن أسمها
ماجد وهو يتذكر/ألجود مافيه غيرها..طيب أسأله كم وصل الحساب
حمد بالفرنسيه/كم وصل الحساب؟
الموظف/حوالي12 ألف يورو..
حمد/حسبي الله على بليسك يا ماجد..هالبنت مجنونه دافعه عنك 12الف يورو..
ماجد متفاجأ ومو قادر يستوعب....
,
,
,
,
"سلطان" أحد أصحاب "ماجد"...كان طالع من الجامعه ورايح للفندق علشان يشوف ماجد,..
دخل وكان يبي يروح للريسبشن يسأل عن ماجد وفعلاً..سأل عنه وعرف أنه طلع..لبس نظارته وقرر يطلع..ولمح "بنت" سحححرررته..هالبنت هي نفسها"ساره بنت عم "الجود" ..واااضح انها عربيه..جمالها عربي مايبيله كلام..ولابسه بنطلون جينز شورت للركبه..وكنزه صوف حمراء ثقيله..وبوت أحمر ومسويه شعرها كيرلي لنص الظهر...
راح وقرب منهم يبي يسمع صوتها ويمكن يسلك معها,
ساره لاحظت"سلطان"..وحركاته الغريبه..أبتسمت لأن حركاته مكشووفه بس هو شاب وسيم وحليوه وينحب..بس طنشت,كأنها ماشافته..رن جوالها وهي طالعه وطلعت برا الفندق وهي تكلم وراحت مشي وطنشت سيارتها الليموزين الفخمه علشان هالشاب/هلا جودي...أي قلبو انا طالعه من الفندق.سويت كل اللي قلتيه..حالياً عندي شغله مقدر اجيلك..أخلصها وأشوفك بالليل..باي..
سلطان وراها وذايب من صوتها(فـديــت الجمال النجدي ياناااس...وش هالشغله المهمه هذي ياترى)..
ساره وقفت فجأه وألتفتت على سلطان ونزلت نظارتها/نعم؟
سلطان تفاجأ بها وألتفت..
ساره/أنا أكلمك أنت...وش فيك تلاحقني؟

ابي تفاعلكم معـــاي علشان انزل بارت جديد

قلب نجد · 15-05-13, 04:47 PM

ويــن الـردووود

قلب نجد · 17-05-13, 02:34 AM

اشكر كل من عطـاني لايكات.....

مع انه ماكتبوا ردوود..

لكن راح انزل بارت ,,,,

وأستنى تفاعلكم

^_^

قلب نجد · 17-05-13, 02:37 AM

الفصل الثاني

سلطان/آسـف بس ماني مصدق أنك تكلميني انا..من فرحتي خفت انك قاعده تكلمين غيري..
ساره عصبت/تنكت حضرتك؟
سلطان يستهبل عليها/لا والله..أحاول
ساره لفت منه ومشت/أستغفرالله
سلطان مشى وراها وهو يتبسم على حركاتها/معك سلطان طالب سعودي..أقول ياقمر وش أسمك؟
ساره وهي تخفي رضاها/مالك شغل
سلطان ينكت/عاشت الأسامي
ساره ألتفتت عليه وخزته وراحت تكمل مشوارها..
سلطان يمشي وراها ويصفر..وشوي يجي جنبها/..
ساره من ضيقها من حركاته..ماعاد ركزت فالطريق..هبلها"سلطان"بس هي ماتبين انها مهتمه,قطعت الطريق وهي ماتدري عن الإشاره....
سلطان لحقها/ياببببننننت..انـتـبهـي
ساره انتبهت انها بوسط الشارع والسياره مقبله عليها.,وماعرفت تتصرف من المفاجأه..
سلطان رررككككضض ونط عليها ودفها بعيد عن السياره..
ساره ضربته على صدره/أبـعــدد عني ووجع
سلطان انقهر من ردت فعلها/أللـحــين أنا منقذك ومعرض حياتي للخطر..وبالنهايه تقولين كـذا!!!..ع العمووم مشكووره..
سلطان حت ملابسه ومشى وتركها وهو معصب..
ساره ندمت أنها سوت كذا/يالله أنا وش قلت؟..
لحقته تركض وراه وتترجاه/سـلطـااان..لحظه..
سلطان ما عطاها وجه كان لابس نظاراته السوداء..ويدينه بجيوبه ويمشي ولا كأنه يسمعها!!
ساره/سلطان اسمعني بليييز أنا أسفه..وربي ماكان قصدي..
سلطان لف على اقرب بارك وجلس على اقرب كرسي وهو صاد عنها..
ساره جات وجلست جنبه/بليز سلطان اعذرني..ماكان قصدي..خاني التعبير..
سلطان/بذمتك؟
ساره تجرأت وقربت منه/والله مو قصدي..بس طلعت مني فجأه..لاتزعل ما احب احد ياخذ على خاطره مني..
سلطان/وانتي شعليك مني..تعرفيني أعرفتك..أتركيني وروحي لحال سبيلك..
ساره قعدت تناظر فيه ونزعت النظارات منه وهي مبتسمه ومدت كفها/أسمي ساره حمد
سلطان تفاجأ من يدها الممدوده عليه ومد يده علطوول/معك سلطان عبدالرحمن
ساره/عاشت الأسامي
سلطان/واللحين..وش المطلوب؟
ساره وقفت/ولا شيء..دامك تكلمت معناته أنت قبلت عذري..راح أمشي..تامرني شيء
سلطان مسك يدها وجلسها/لحظه ومن قالك..
ساره هابلتها حركاته..خقت عليه وعلى وسامته,وتلعثمت/كذا حسيت
سلطان/تبيني أسامحك؟
ساره/ياليت
سلطان بنص عين/أنتي اللحين ليش مهتمه
ساره استحت/ما ادري؟
سلطان يستدرجها/أقدر اخمن..
ساره سكتت..
سلطان بثقه/أنتي حبيتيني..
ساره صدت ببتسامه خجووله/واااثق من نفسك بقوووه..حب مره وحده
سلطان/أجل وش تفسرين هالتصرف..
ساره سحبت يدها منه وابعدت خطوتين وراحت توقف عند البركه وتطالع البط وهو يسبح..
سلطان فهم سكوتها راح وهو يغنيلها/يلا نعيش بدنيا غير..مليانه حب مليانه خير..فيها الحبيب أنت وبس..
ساره اعجبها صوته..دخلت جو وغمضت..
سلطان ضمها من وراء وأحتواها..
ساره ذااابت..وتمنت لو كان حلم ماتصحى منه..
سلطان ابعد شعرها وباسها برقبتها وهمس بأذنها/أحبك..
ساره استحححت...وفكت يدينه منها..
سلطان جلس يضضضحك على حركاتها الطفوليه..
,
,

,
,
مشت الأيام ورحت للمكان اللي فيه الدوره..معهد قريب من الجامعه اللي يدرس فيها حمد..وكان لازم أدورلي على مدرس فرنسي علشان اللغه..لأن خويي حمد ماينفع.إذا جلسنا مع بعض كلمني عربي..وجلسنا بدون فايده..
مر اسبوعين وكل شيء تمام معاي...وجاني حمد..
المعهد:
حمد/صباح الخير..كيفك ماجد؟
ماجد/صباح النور..هههههه الحمدلله توني تاركك من ساعتين ما أمداك...
حمد/ابشررك لقيت صاحبك اللي بيعلمك لغه كويييس..وااحد مايعرف غير فرنسي وانجلش وبس ومستعد أنه يجلس معك اربع وعشرين ساعه
ماجد/متأكد مافيه جنس عربي لا يصير مثل اللي قبله
حمد/ههههه ولا قطرة دم بعد..تعال معي..
ماجد/وينه
حمد/ فالكافي القريب هذاك..
مشيت معه وأنا مبسوط اخيراً لقيتلي مدرس..راح انهي دراستي وراح استفيد..دخلنا الكوفي شوب..وشفت واحد جالس قبالي كبييير الجثه وشااايييب وخفت:حمد لايكون هذا اللي بيدرسني
حمد/ههههه لاموب هذا..تعاال معي..هناك
مشيت وراه ليين وقف عند طاوله مافيها غير بنت شبه شقراء..وبيني وبينكم حلووه..
حمد بالفرنسيه/مرحبا جولي
جولي وقفت ببتسامه/ أهلاً..
حمد/هذا صديقي ماجد الذي حدثتك عنه..
جولي ناظرت ماجد/حقاً..مرحبا سيد ماجد
ماجد ابتسم بوجهها وهو يسب حمد/لعنبو بليييسك طلبت مدرس موب صديقه أنت ووجهك..أللحين وش أسوي معها..أنت الظاهر انهبلت تبيني أماشي بنت..ترى أنا عندي خوات
جولي تتبسم على كلامه وهي ساااكته!!!
حمد ببتسامه/يابن الحلال..منت بالرياض..أنت بباريس خذ راحتك محدن بشايفك
ماجد/ربي موجود بكل مكان موب بس فالسعوديه..
جولي تطالع فيهم ببتسامه وهم يتكلمون/هل هناك مشكله ياحمد
حمد ببتسامه/لا لا..ولكن أنا ذاهب سوف اترككما لوحدكما..وداعاً...
ماجد ارتبك/وين يالأخو؟ وقف
حمد/هههه مالك غيرها بعدين ترى عرضها للدرس شبه بلااش..يعني فرصه..عن اذنك اجلس معها منت خسران شي تعلم وبس
طلع حمد وخلاه..!!
ماجد ظل واقف..
جولي مسكت يده/عفواً تفضل بالجلوس
ماجد سحب يده/حسناً حسناً...
جولي ابتسمت وماعلقت..
ماجد جلس وهو مرتبك وحالته حاااله...
جولي/مارأيك بأن نقوم بجوله خارجيه لمدة ساعه لنتحدث..
ماجد يفهم بس مو كثير/هيا بنا
جولي فرحت وراحت معه...
,
,
,
,
بالليل الساعه9 ونص رجعت دآآيخ وتعبان..وحصلت حمد عالنت/السلام عليكم
حمد خاف/وعليكم السلام..شالأخبار؟
ماجد تذكر تصرفه وراح بيزنطه/انت شسويت فيني اليوم هاااه
حمد/آسف وربي آآآسف..بس والله لمصلحتك..مااااجد ابعد تراك خنقتني يادفش..
ماجد فكه وهو يضحك/بصراااحه..خدمة العمر سويتها لي
حمد استانس/والله..شلون حصلت جولي؟
ماجد ببتسامة رضا/بنت حريصه..أحرص مني..حسيت الوقت معها رااح وكله فايده..والله تعلمت اشيااء احسن من المناهج..
حمد/يعني بتواصل معها
ماجد/أكيد..وش أبي أكثر من كذا وحده محترمه نفسها..وتسوي شغلها..
قام ماجد بينام/تصبح على خير وراي قومه بدري
دخل غرفته..وسكرها..
حمد/أنا أبي اعرف بس وش قصة هالإلتزاام ماعنده يمين ولا يساار أبددد هههههه
سلطان كان مار من عنده وطالع من المطبخ/ههههه بلا من خباله..وإلا وااحد..بفرنسا ولا يلعب ويونس عمره..
حمد/ههههه عاااد أنت ماتقصر..خلصت على نص بنات باريس
سلطان/هههه على طاري البنات في وحده بكلمها عن أذنك تشاااو..
حمد/هههه الله يعينها
,
,
,
مرت الأيــام,,
السعوديه:
الكل مجتمع ببيت أهل مشعل..
هيفاء ومشاعل بنت خالها جالسين يتمشون فالحوش..
مشاعل/ماقلتلك رحت السوق أنا وهند..
هيفاء/متى؟
مشاعل/البارحه..
هيفاء/وليش مامريتوني خاينااات
مشاعل/ههههه حيلك حيلك
هيفاء/هذا وانتي خطيبة أخوي..أمحق مرت اخو..
مشاعل تغير لون وجهها/خطيبت أخووك!!
هيفاء/من غيره ميشو لاتستعبطين
مشاعل/أنا ماني خطيبت اخوك..
هيفاء استغربت/وشلون هالحكي..ابوي متكلم مع ابوك الله يرحمه..
مشاعل/هذا أنتي قلتيها.الله يرحمه..ابوي مات..وهالكلام من سنيين..وانا بصراحه مقدر اصبر اكثر على أخوك..
هيفاء/اهلك عندهم علم بهالكلام
مشاعل/خطبني راشد ولد خالتي لطيفه وأنا وافقت..
هيفاء انقهرت على اخوها/كذا بهالبساطه..!!
مشاعل/وابسط من كذا بعد..هيفاء لاتكبرين الموضوع ترى اللي بيني وبين اخوك كله كان كلام فاضي..
هيفاء/هههه قصدك..أن رااشد ولد خالتك أغنى من أخووي..وله شركات ومادري إييش بعد..
مشاعل/وانتي تكرهين الخير لي
هيفاء/اعووذبالله انا..بالعكس..بس حبيت أذكرك..راشد متزوج..وعند خمسة عيال
مشاعل/مو مشكله
هيفاء استنكرت كلامها/مو مشكله تهدمين حياة غيرك.وأنتي منتي مضطره
مشاعل سكتت وهي معنده..
هيفاء قامت مزعوجه/أنا ماقول الا الحمدلله..اللي فك أخوي منك مع هالتفكير..سلااام..
مشاعل ماعطتها بال..
,
,
,
رن جوال نجلاء وقامت ترد:هلا تومي حبيبي
مشعل يسمع وساكت..
نجلاء كملت مكالمتها:لا تومي بكره بشوفك ويصير خير..اووكي حبيبي بقوله...لا تخاف..يلا باي
سكرت الخط ورجعت تجلس جنب مشعل:شفيك مشعل
مشعل:منهو تومي هذا؟
نجلاء:هههههههه
مشعل:ماقلت نكته..منهو تومي؟
نجلاء:حاااتم أخوي..يبيني أبلغك أنه عنده حفل تكريم المتفوقين على مستوى مدينة الرياض بكره ويبيك تشرفه بحضورك بدال اخوي ماجد
مشعل ببتسامه فخر:كفووو ولد عمي..أكيد بروح..هذا شرفنا..
نجلاء:فديتك ماتقصر..
مشعل/أنا بنفسي بتصل وبقوله..وراح أفاجأه بشيء راح يسعده..
نجلاء/ياحبني لك..ماتقصر
,
,
,
طالعه من بيت مشاعل القريب من بيتها..وراجعه لبيتهم..شافت سيارة موغريبه عليها..عصبت واتجهت للبيت ودخلت..
دخلت هيفاء معصبه:يمــااااه..يــمــااا� �ه
ام ماجد جات ركض/اشفيك رافعه صوتك وش بلاك
هيفاء بصوت عالي/خويلد شيبي عندنا؟
ام ماجد/اسكتي لاتفضحينا..ولد عمك جالس فالمجلس ومعه اخوك حاتم..
هيفاء/نعم نعم..ووش يبي هالداشر..
ام ماجد/بنت اسسكتي..الرجال جاي يسأل عننا..
هيفاء بإنفلات اعصاب/أنا رايحه أوريه..
أم ماجد/شناويه عليه؟
هيفاء ضبطتت لثامها ولفت بسرعه واتجهت للمجلس..
ام ماجد حاولت تمنعها وماقدرت...
,
درعمت هيفاء وبدون مقدمات وهي تلفت تدوره..
خالد فز واقف ومتفاجأ!!
حاتم فز واقف/هيفاء!!
هيفاء اتجهت بالكلام لخالد/أنت ماتقولي وش تبي جاينا هنا؟..ماعندك دم؟ماتحس؟..
خالد انقهر من كلامها/هيفاء ماله داعي هالكلام
هيفاء عصبت اكثر/أنت اللي وجودك هنا ماله داعي وغير مرغوب فيه..براااا
دخلت ام ماجد ومسكتها تهديها/هيفاء يابنتي هدي شوي..عيب عليك
هيفاء/خدعكم بكلمتين..هييين ياخالد..
خالد يمسك اعصابه/الله يسامحك يابنت عمي
هيفاء قربت منه وتفت بوجهه...وطلعت..وتركتهم..
حاتم استحى بس مايقدريقول شيء لأخته الكبيره..مهما كان..
خالد عصب حده بس مابين...
ام ماجد افتشلت من سوات بنتها/امسحها بوجهي وأنا أمك..ماتقصد..مادري شفيها هالأيام
خالد بهدوء/ماعليه ياخاله..هيفاء معذوره..
ام ماجد/اقعد تعشى عندنا
خالد/لا ماعليه مره ثانيه..عن أذنكم
ام ماجد/بس لاتكون اخذت على خاطرك من هيفاء
خالد/لا ياخاله..شدعووه..يله انا استأذن..
ام ماجد/الله معك
طلع خالد وراح حاتم معه يوصله الباب...
عند الباب..
خالد/شوف ياحاتم..اي شيء تبيه تقولي ترا أنت حسبة أخوي.اوكي
حاتم ببتسامه/أوكي..
خالد/ابيك تراعي خواتك وتنتبه عليهم..وأي شيء يحصل بلغني
حاتم/طيب
خالد ابتسم بألم وركب سيارته ومشى...
واحد كان بالجهه المقابله ويراقبه..مسك جواله وطلعه واتصل/ألوه مترك؟
مترك بالجوال/هلا محسن
محسن بحماس/هاات البشاره بسرعه
مترك/لك اللي تبي بس وش عندك؟ انطق..
محسن/لقيت خالد الناصي..
مترك استانس/بذمتك
محسن/والله العظيم..وكنت اراقبه من صبح بعد ماشفته في محطة بنزين وتوه محرك طالع من بيت عمه
مترك/حلوو خلاص ابيك تعرف اماكن وجوده لين نلقاله صرفه وناخذ حقنا منه.
محسن/طيب كيف ومتى؟
مترك/ماعليك خل هالشغلات علي..والله ولقيتك ياخالد الناصي..ان مااخذت حقي منك ماكون مترك السايس..

,
,
,

في ضواحي باريس..
يتمشى مع جولي جانب النهر..ويسولفون ويضحكون..تحسنت لغة ماجد الفرنسيه..,
ماجد وقف شوي وسرح فالنهر..والبط..والجو الرائع..
جولي شافته سرح ووقفت جنبه وهي تناظر فيه وتتأمل ملامحه."سماره يجنن"ووسيم شرقي..والمهم عنده قيم واخلاق ماتخلى عنها..وهذا اللي مجننها..
ماجد حس على نفسه والبنت اللي جنبه والتفت عليها,وطبعاً الحوار بالفرنسيه/أسف أخرتك..
جولي ببتسامه حالمه/لا ليس مهما
ماجد/هل كنت طالباً جيد
جولي/هههه بل ممتاز..أصبحت فرنسياً
ماجد/هههه حقاً
جولي سكتت وهي تناظر بعيونه وهو يضحك بهدوء/غير أنك أسمر..و..
ماجد أستحى من نظراتها/وماذا؟
جولي خافت تفضح نفسها..ابتسمت/لا شيء..لا شيء..
ماجد انهبل على تصرفاتها التلقائيه,جذبته مع انها ماتحاول هالشيء(لا يا ماجد.ومشاعل..لا تنسى انها خطيبتك)..
جولي/هل سرحت مجدداً..
ماجد انتبه لها/هلا ..أقصد...لا
جولي لاحظت كلمة "هلا"وضحكت من قلبها..واضح أنه سرحااان وبالسعوديه بعد/ههه هههه هههه
ماجد هبلته ضحكتها وجلس يتأملها وهي تضحك ببتسامه حالمه ويتأمل طول الرقبه ورسمة العيون والخشم"ملامحها ملائكيه".واستحى يرد..
جولي انتبهت لنفسها وحاولت تسكت وبعدها قررت تمشي/مارأيك بأن نذهب..
ماجد/لامشكله..هيا بنا
,
,
في الشقه/
دخل ماجد وهو يغني ومبسوط..
حمد طلع من غرفته وهو يصفق بيديه ويرقص على صوت ماجد/هلا هلا..اطربنا يبه من زماااان عن صوتك
ماجد جلس وهو مبسوووط/هههههههههه
حمد/هههههه وتضحك بعد..لا لا لاااازم تعترف هاللحين
ماجد/ياااحبك للقاافه..اركد..عاادي واحد ومبسوط..حاس أني بنجح ان شاء الله..وبتعدى هالدوره بنجاح..
حمد/بنجاح وإلا ب"جولي" ههههههههه
ماجد/ههه تتمسخر انت ووجهك..وش دخل جولي بالموضوع..اكل تبن بس
حمد/هههه مسوي فيها يعنني
ماجد قام ورمى عليه المخده وراح لغرفته/روح وراك بس..
حمد جلس يضحك لحاله فالصاله/ههههاااا هههههههههااي
ماجد دخل غرفته وتقفلها....
طلع سلطان من غرفته وعيونه ملياااانه نووووم ومعصصصب/ياعيااال وش ذا الإزعاج
حمد ناظر شكل سلطان وزاد ضحكه/هههههههههااااي ناظر خشتك وشعرك
سلطان التفت عالمرايه وناظر كشته طايره وعيونه منفخه من كثر النوم/اقووول الشرهه علي اللي اكلمك ياأهبل..بروح اكمل نومي..لاتقومون تزعجون باصوات البيبان والسوالف..
حمد/ههههه آآمر عمي..
سلطان دخل غرفته وكمل نومه.......
,
,
,
,
الـيوم التالي/
طلع ماجد من معهده,بعد دوامه..وبكره أووف واليوم مافيه شيء يسويه حتى جولي مو في جدوله اليوم(يالله وش هالملل..وين أروح أنا..خلني اتصل على العيال يجون ونروح نتمشى بدال هالطفش)طلع جواله..وطلع اسم حمد علشان يدق عليه,ورفع الجوال لأذنه..وتفاجأ بسياره من أخر أنواع السيارات..توقف..وينزل منها شاب باين مو اوروبي ويركض يفتح الباب الخلفي وتنزل"جولي" بهدوء..وتكلم وتأشر للشاب بلهجة أمر.وكأنها تأمره..وهو يومي براسه يعني نعم...
ركب الشاب ومشوا..وتركوها...
ماجد تفاجأ من اللي شاف.تمنى انه سمعهم..
جولي نزلت نظاراتها والتفتت متجهه للمعهد..وصعدت الدرج وبنصه شافت ماجد طالع من المعهد وابتسمت له/مرحباً
ماجد/هاي
جولي خافت أنه شافها/كيف حالك ماجد؟
ماجد/بخير..وانتي؟
جولي/أنا بخير
ماجد/ماذا أتى بك إلى المعهد بهذا الوقت هل تعملين هنا ؟
جولي ببتسامه/لا بل جئت لأصطحبك في رحله ..
ماجد/رحله!!..لا آسف لا أستطيع
جولي/لما لا..سوف أصطحبك للريف الفرنسي ستحب ذلك كثيراً..
ماجد مشى من عندها/أعذريني..فأنا لا أستطيع أن أذهب معك.
جولي لحقته وبإلحاح/لمــاذا؟
ماجد ماشي..وساكت..
جولي لحقته ومسكت يديه/أرجــــوووك..أعدك لن نكون وحدنا
ماجد استغرب جملتها/ماذا تقصدين؟
جولي/سوف نكون في قروب سياحي..مما يعني بأننا لن نكون لوحدنا كما تظن..
ماجد/كيف عرفتي بأنني أظن ذلك..
جولي/أنا أعرف دينكم جيداً..واعرف عاداتكم..لاتخف.. لن نكون وحدنا أبداً اعدك بذلك..
ماجد ابتسم على ذكائها/حسناً لامشكله
جولي أشرت ووقفت سيارة تاكسي/هيا بنا ماذا تنتظر..أعدك بأنك سوف تستمتع كثيراً..
ماجد تحمس وقرر انه يروح معها..
,
,
,
,
بالطرف الثاني من المدينه وبالتحديد بحديقه عامه::
سلطان جالس ينتظر ساره/وين راحت هذي؟
ساره اقبلت وهي تأشر له من بعيد/
سلطان(هلا والله)../جات الحبيبه
ساره وقفت عنده/هاااي
سلطان/مليووون هااي..ليش متأخره؟انتظرتك واجد
ساره/هههه ما تأخرت أنت اللي جاي بدري..
سلطان ببتسامه مد يده وحاول يلمس شعرها/وش اسوي..ذبحني الشوق..
ساره بعدت يده/كـذااب
سلطان/وربــي أني مشتاقلك
ساره/اي طيب طيب صدقتك..
سلطان قرب منها..وحاول يسوي حركاته..ومد يده لخصرها يبي يسحبها لصدره...
ساره عرفت وش ناوي عليه ومسكت يده وعصبت/سلطان..
سلطان استغرب/شفيك..
ساره من جدها/لا تحاول تلمسني..ترى ماحب هالحركات..
سلطان/أفااا..ليييش؟ ياقلبي حنا نحب بعض..
ساره/سلطان هذا مايعطيك الحق أنك تلمسني حتى لو إيش...الحب وحده مايعطيك الحق..
سلطان ناظر فيها بتعجب/يعني الحب بنظرك ماله معنى..
ساره وعينها بعينه/الحب كله معاني حلوه,بس مو معناته اننا نتعدى الحدود..لا تنسى أن حنا لنا دين وعادات لازم تحكمنا..
سلطان/كنت احسبك..
ساره قاطعته/فـرري..صح؟
سلطان استحى..
ساره/للأسف إذا أنت تفكيرك عن أي وحده عايشه براا كذا..لازم تراجع حساباتك..
سلطان/أنـاأسف ساره وربي أسف..
ساره/على إيش..
سلطان/أوعدك ماعاد أزعلك...شفيك خذيتي الأمور جد كذا..
ساره/بسس حبيت أوضحلك..
سلطان ببتسامه ساحره مد كفه لكفها/طيب ياغلاي أنتي..شرايك نروح لمطعم حلو كذا وناكل لنا شيء تراي متت من الجوع..
ساره ردت تبسم بوجهه ومدت كفها تضم كفه/يلا ليش لا..
[[[أنـامـاكــنــت أبــــي أكـــثـــــر مـــن اللي فيك لاقـــــــيتـــــــــــــ ه...
حــنـــان ورقـــــه وقــــــلــــــبــــــــ يــا كــبــر بـــيـــــتــــــــــــــ ه...
سكـنـــي وســــط صـــــدرك بيدينك جــــرحـــــي داويـــــتــــــــــه...
كفـايـــه بـسمتــك هــــذه تــنسيـني الـلــــي عـــــــانــــــيــــتـــ ــــه...
كفــايــه طـلتك تـمــلا حـياتـي ياللـي حبيتـــــــه..]]]

/
/
/

على الباص السياحي بطريقهم..
جولي أنبسطت وكانت آخر وناااسه..تضحك على ماجد وهو يناظر كل شيء بفضول واستغراب..كان يسرح فالطبيعه والأجواء.
ماجد شاف الأراضي الخضراء الشاسعه والأبقار الكثيـره كيف أنها مكتسيه الأرض وترعى وانبهر فيها/ياسـبحـان الله..
جولي تسمعه وهي تبسم وساكته..
وقف باص الرحله..ونزلوا السياح..والمرشد نصحهم يسكشفون القريه بنفسهم..ويتفرجون بمعروضات السكان المحليين..
ماجد وهو يطالع جولي/ماذا سوف نفعل الآن؟
جولي/تعال معي..من هنا المدخل..
ماجد بدهشه/رائع
دخلوا..وتمشوا وأكلوا من الخبز الفرنسي..والجبنه الفرنسيه الطازجه..
جولي/مارأيك ياماجد؟
ماجد/لذييييذ..هههه سوف أخذ معي لأمي
جولي/ههههههه
ماجد سحرته ضحكتها,وضحك معها..
بعد ما خلصوا من القريه..
جولي شافت الخيل وجات ببالها فكره/مارأيك أن نركب الخيل؟
ماجد ببتسامه/لا أرجوكي لا أستطيع..لم أركب خيل من قبل
جولي/ل بأس سوف تتعلم
ماجد/هههه لا أظن
جولي مسكته من يده وراحوا للخيول..
ماجد/والله الوررططططه
جولي تسمع وتتبسم وسااكته..

..وصلت للخيل وختارت فرس اشقر..
ماجد بترجي/جووولي..لا أريد.
جولي وهي تكلم سايس الخيل..علشان يدرب ماجد.
السايس شاب فرنسي وسيم نوعاً ما,لابس اللبس الفرنسي التقليدي..
ماجد قعد يخز هالشاب,وكيف نظراته لجولي..
السايس مد يده لجولي وساعدها تركب فرسها..
ماجد يناظر بدون تعليق//
انطلقت جولي بفرسها..وهي تأشر لماجد علشان يلحقها..
ماجد انحرج..
السايس التفت على ماجد ببتسامه لطيفه/هيا سيدي..الا تريد اللحاق بحبيبتك.
ماجد استغرب بداخله(أكيد هالسايس فهم غلط..علباله بوي فرند وقيرل فرند)..
بدأ السايس يعلم ماجد وماجد منتبه له.. ومركز..
شوي وبدأوا يسمعون صيحات الناس اللي جالسه تتفرج..
السايس وماجد ألتفتوا على الميدان.
شافوا جولي وكأنها مو متزنه وماتقدر تتحكم فالفرس..
ماجد خاف/شكلها مغمي عليها.
السايس ركب حصان وراح لها يساعدها..
ماجد انقهر لأنه ماقدر يساعدها..
السايس حاول يقرب من فرسها وماقدر..لأنه الفرس كانت هايجه..
ماجد انقهر راح يركض على رجوله..وكان بأقصى سرعته..
الحصان رمى جولي منه على ظهره وراح يركض..
ماجد وصل فالوقت المناسب..وجلس يسعفها..
السايس بغى ينزل..
ماجد بعصبيه/أذهب وأبعد هذه الفرس من هنا..
جولي كان مغمي عليها فعلاً..
ماجد صفقها..وحاول انها تصحي/جوولي قوومي مو وقتك بعد..قووومي
جولي كحت وحاولت تستقعد ولفت على جنبها وأستفرغت..
ماجد خاف/آفــاااا
جولي بعد مارجعت حست بتعب ورعشه وقالت بدون ما تحس/يمه
ماجد ماسمعها سحبها وحط راسها على فخذه/جولي أنه أنا ماجد..
جولي أنتبهت له بس مو مركزه حيل كانت تحس بخمول ودوخه,قربت منه وتحط راسها على صدره,وهي تهمس/مامي
ماجد قشعر جسمه.,أول مره يلمس وحده غريبه عنه,حس أنه بورطه..
,
,
باريس/
شقة الشباب
حمد يحاتي/ياربي وين راح ذا الخبل
سلطان/أستح على وجهك..ترى ماجد أرجل منك
حمد/رااايق انت ووجهك..هو وينه لايكون بمشكله والا شيء
سلطان/والله مدري..أدق على جواله ومسكر
حمد/تعتقد صار فيه شيء
سلطان/يبن الحلال توكل على الله..ماجد ماينخاف عليه..
حمد/الله يستر..
,
,
بعد خمس ساعات..وبعد ماحل الظلام فالقريه..
في فندق على الطراز الكلاسيكي الفرنسي وبالخشب..وعلى ضوء الشموع..جالس ماجد عند المدفئه..ويلتمس الدفا..
وعلى مفتوح عالصاله ..غرفه بمنتصفها سرير عريض..ونايمه عليه جولي.وبيدها مغذي..
قرر ماجد يفتح جواله يتصل على أهله من زمان عنهم..
صحت جولي واستقعدت وهي تناظر حولها,وهي تكلم نفسها:أنا وين؟..وين ماجد؟
شافت ماجد هنااك بالصاله قدام المدفئه..قررت تروحله وتفهمه كــل شيء عن حقيقتها..هاللحظه ماتنتعوض أبد..وقامت بس شافته يكلم وراحت تسمع بدون مايحس..
ماجد دق رقم اهله,وردت هيفاء/ألــووه
هيفاء/هلا مجوود
ماجد/أشتقتلك يا بنت..وش اخبارك فيفا؟واخبار أمي والبنات
هيفاء/كلنا بخير ابشرك..أنتا بشرني عنك
ماجد/أنا عال العال..وين أمي
هيفاء/امي نايمه..وخواتي نايمات..
ماجد/ههه الكل نايم شمصحيك للحين؟
هيفاء ترددت/ولا شيء..يمكن أحب
ماجد يدري انها تمازحه/وشووو!!
هيفاء/هههههه ياحبني لك
ماجد/أشوى...طيب وش اخبار...
هيفاء/مين؟
ماجد بتردد وصوت فيه بحه/وش اخبار خطيبتي مشاعل..
هيفاء انقهرت بس ماحبت تقهره ولا تنكد عليه بغربته/تمام وتسأل عنك..
ماجد بلهفه ولهان,لأن اخته هيفاء بير أسراره/ياني مشتاااق ماني مصدق متى أرجع واتزوجها
هيفاء/المهم ركز بشغلك اللحين وكل شيء راح يكون أوكي
ماجد/طيب أنا اتركك اللحين باي وسلميلي على مشاعل وقوليلها أني مشتاقلها حيييل..
هيفاء/اوكي مجودي باي
ماجد سكر الخط.. وهو يتبسم..
..جولي حست بلحظة الإنكسار وخيبة الأمل مسحت دموعها وراحت تدخل دورة المياه..
صـدمـه ياقلبي.."حبيبي"يـحـب غــيري!
صدمـه ياقلبي..اللي هويـته ياقلب مايهواني..
{أحــبــه والــلـــه أحــبـه..بس الحـظ.ناوي تدميري}...
ماجد سمع صوت الباب..وقام وعرف انها دخلت الحمام..ارتاح ووجلس/الحمدلله أنها قامت..خلني اطلب لنا عشاء...
بعد شوي طلعت جولي من الحمام وكانت تحاول تكون هاديه..حست بلسعة برد تلسعها من داخل..وخذت جاكيتها الصوف ولفته عليها..وطلعتله/هاي
ماجد بإبتسامه حلوه/هـاي
جولي جلست قبالته وهي ساكته وتناظر النار قدامها..
ماجد/يبدولي انك تحسنتي الآن
جولي/نعم
ماجد حس نبرتها تغيرت/جولي هل يؤلمك شيء
جولي قلبها دق بقوه,وألتفتت عليه كان خشمها احمر وعيونها حولها احمر من البكاء..
ماجد وهو يناظر بعيونها الزرق/أنتي تبكين؟
جولي مسحت دمعتها بإبتسامه/لا لا أبكي..يبدو أنني اخذت برد.
ماجد/اتريدين الدكتور
جولي/لا لا داعي
ماجد/نسيت ان اقول لك..موبايلك كان يرن طيلت الوقت..
جولي تذكرت وقامت لجوالها بسرعه وفتحته..وكتبت مسج عالسريع[ماما أنا في زيوريخ الليله مع ساره بنت عمي..مشغوله بكره برد عليك]
ماجد شافها متوتره ومو طبيعيه..
جولي جات وجلست مكانها..
ماجد/طلبت لنا عشاء
جولي/شكراً..
ماجد سكت..ماعنده شيء يقوله..وهو يحس قلبه يدق بسرعه في هالغرفه مع هالبنت الحلوه لحالهم...
جولي كسرت حاجز الصمت/مابك
ماجد بلع ريقه/لا شيء..
جولي/اكيد
ماجد فيه فضول/نحن معاً منذ شهور..ولم تحدثيني مره عنك..ولم تكوني كبقية البنات هنا
جولي ببتسامه فهمت قصده/هل تقصد بأنني معقده
ماجد/لا بالعكس..بل محترمه..ومتربيه..وغير كذا..<<<سكت ماكمل
جولي استنطقته/ماذا؟
ماجد ببتسامه/أثق بك..
جولي/ههه ولماذا؟
ماجد/تذكريني بأختي هيفاء,هي اختي المقربه مني..تعرف اسراري واعرف اسرارها..وتفهمني..لمن الكل يعجز يفهمني..
جولي ببتسامه/تحبها؟
ماجد/نعم أحبها ولها مكانه بقلبي
جولي فرحت"معناته لها مكانه بقلبه,مهما كانت هالمكانه مثل الأخوه"..
ماجد/وانتي؟ماذا عنك؟اظن انك اصبحتي تعرفي عني كل شيء..
جولي فهمت عليه/أنا لا شيء لدي سوا أمي..وتعمل سيدة أعمال معروفه وأبي كان رجل أعمال معروف لكن توفي منذ فتره..
ماجد يسمعها بإهتمام..وقضوا ليلهم وتعشوا..وضحكوا.. وانبسطوا..
.
,
.
,
.
السعوديه//
طلعت من الدوام متجهه لبيتها كالعاده..
هيفاء ركبت السياره وسكرت الباب..ورن جوالها رقم غريب وردت/نعم
المتصل بمياعه/هاآي
هيفاء سكرت الخط مباشره وهي معصبه/قلت حيا..
رن جوالها مره ثانيه نفس الرقم وماردت...
جاها صوت مسج..وفتحته[ردي لأسود عيشتك]
هيفاء تتهزء ضحكة بداخلها/ههه خوفتني..ياقدمك
وصلت البيت ونزلت وهي تمشي انفلتت الكيسه من يدها وطاحت أغراضها..وابعدت
هيفاء بقهر/لاااا
جلست تلمها وناظرت السايق/روح جيب اللي راحوا هناك
راح السايق..
وهي تلم سمعت خطوات ومن ثم وقفت,رفعت ناظرها وشافته.وابتسمت تلقائياً بس هي متلثمه/نـواف!!
نواف شاب جنتل من جيرانهم/السلام عليكم
هيفاء وهي متفاجأه/وعليكم السلام..هلا نواف
نواف طاير من فرحته/أهلين..شلونك هيفاء؟
هيفاء تلفتت ورجعت تناظره بشوق/أنا بخير..دامك بخير
نواف برزانه/أنا شفت اغراضك طاحت منك وجيت ارجعها لك..عن أذنك..
قفى..
هيفاء تبي تقول شيء/نوااف
نواف ألتفت بشويش/هلا
هيفاء لمعت دمعت الفرح بشوفته بعينها/..ولا شيء..
نواف لف ومشى...
هيفاء اخذت اغراضها وهي تمشي داخله البيت(رجع حبيبك ياهيفاء رجع)
دخلت بنشاط/مـامـا..أمـي..يـمــااه
أم ماجد/ههه أنا هنا عند التلفزيون تعالي
هيفاء راحتلها وباست راسها وجلست/شخبارك يمه
أم ماجد/بخير..ماشاء الله اليوم مستانسه وانتي راجعه من الدوام..غريبه
هيفاء/ههه كذا..أحس أني مبسووطه..إلا وين جوجو؟
أم ماجد قامت/بتنزل هاللحين..تعالي ساعديني نحط الغداء
هيفاء/من عيوووني
أم ماجد/ههه غريييبه
هيفاء رن جوالها وراحت تقفله.. ولحقت أمها للمطبخ...
,
,
,
بالرياض..ومن جهه ثانيه..
في قصر كبير..وفخم..
"نوره" سيدة مجتمع ثلاثينيه,لابسه جلابيه أنيقه وميك أب بسيط يدل على الذوق والأناقه..جالسه فالحديقه.وتقرأ كتاب,وتحتسي قهوه..
بهاللحظات أقبل شاب طويل وأبيض مسكسك ووسييييم..ولابس ثوب وشماغ ومشخص وجلس/مساء الخير..عمتي
نوره ببتسامه/ مساء النور حبيب عمته..
فيصل/هاا كيفك اليوم؟
نوره/الحمدلله..تمام..بس حاسه بوحده
فيصل/مااالي داااعي والله..اسف تأخرت عليك..الشغل لا راسي..ماني قادر اوصف قديش تعب اليوم..
نوره/إلا ماقلتلي..خلصت حصر الورث
فيصل/تقريباً..بس
نوره/بس إيش؟
فيصل/عُمر ولدعمي فواز..
نوره تضايقت من طاريه/وش فيه بعد لا يكون مسوي بلوه جديده
فيصل/جاني اليوم ويهدد ويتوعد إذا ما أعطيه من الورث
نوره/وهو وش دخله؟ماله شيء..وأبوه أخذ كل حقوقه وابوي عايش..وانفصل عننا..ماله أي حق عندنا..
فيصل بضيق/طفشني كل يوم ناط بالشركه..
نوره/ماعليك منه..هذا مايقدر يسوي شيء..
فيصل/الله يستر..
نوره رفعت جوالها/ حصه مااتصلت فيني اليوم..غريبه خلني أدق
فيصل تذكر "الجود"بنت عمه..وابتسم/متى بيجون؟
نوره/بتصل هاللحين وبسألها..مصخوها..وهالبنت "جودي"رايحه قبلهم بشهرين وللحين مو مبينه..
فيصل سكت وسرح يتخيلها ويتخيل جلساتهم قبل..ياما ضحكوا وسولفوا وسهروا مع بعض..هي وفيصل متربين سوا في القصر..لأن ابو فيصل مات بحادث ومعه أمه..وهو كان معهم بس سبحان الله ماصار له شيء..عاش وتربى مع عمه أبو الجود....
نوره خلصت مكالمه وألتفتت على فيصل/ابشرررك
فيصل ما أنتبه...
نوره/ههه فييصل
فيصل/هلا عمتي
نوره/خالتك حصه وبنتهابيجون هالسبوع
فيصل طااير من فرحته//بذمتك
نوره/هههه ايه
فيصل قام/قومي معاي
نوره/وين؟
فيصل/بهالمناسبه الحلوه انا عازمك نتعشى برا
نوره/ههه وأنا موافقه..
,
,
,
,
فرنسا..
رجعت متأخره للفيلا..ودخلت غرفتها وهي قمة الإرهاق.خلعت جاكيتها الثقيل.ووقفت عند المرايه تنزل عدساتها الزرقاء..
دخلت حصه فجأه/توو الناااس
ألجود ألتفتت عليها/مـامـا!!
حصه/ماتقولين وينك فيه من يومين..
الجود راحت وحبت على راسها ببتسامه/ماما..قلتلك أني مع ساره بنت عمي في زيورخ..هي ألحت علي..
حصه/ومن متى تسمعين احد يلح عليك..
الجود تبسمت بدلع/مااامي..
حصه ماتقدر على دلع بنتها/طيب طيب..نامي كويس شكلك مرهقه..وعلى فكره ترى هالسبوع راح نرجع للسعوديه
الجود تفاجأت/إيــش؟!!
حصه/اللي سمعتيه..شفيك تفاجأتي كذا!!
الجود/سوري ماما ما أقدر أروح معكم
حصه/وليش ان شاء الله..
الجود/يمه انتي عارفه أنه عندي دوره تدريبيه..مرتبطه فيها
حصه/ومتى بالله بتخلص..ماصارت
الجود تنهدت/قريب يمه قريب
حصه/عالعموم بكيفك..تصبحين على خير
الجود/وانتي من هله..
طلعت حصه ...
الجود راحت واستلقت عالسرير..وهي راسمه أحلى أبتسامه..
رن جوالها..ومدت يدها لشنطتها وفتحتها وطلعت جوالها وشافت أسم "ماجد" وفرحت وردت بسرعه بالفرنسيه/مرحبا
ماجد فالجوال/مرحبا جولي..كيف الحال؟
الجود/بخير..
ماجد/أتصلت كي أطمئن عليك هل وصلتي للبيت
الجود/ممم نعم..منذ قليل..
ماجد/حسناً..لابد اني ازعجتك بإتصالي وانتي نائمه..المعذره
الجود/على العكس..لم أنم بعد..
ماجد ماعنده شيء يقوله/حسناً تصبحين على خير
الجود/وأنت كذلك إلى اللقاء..
الجود سكرت جوالها وهي تضمه/آآه يـامـاجد لو تعرف قديش أحبك
..رجعت بها الذاكره لورى لقبل سنه ونص تقريباً..وقتها.كانت راجعه من السوق مع سايقها..وبالطريق للقصر..وأعترض طريقها عُمر ولد عمها بسيارته ووقفها غصب وراح يهددها فالسياره ويطلعها منها بالغصب..كان يبيها تتزوجه بالغصب علشان الفلوس بس هي رفضت وجن جنونه..
محد فزع لها الطريق يمشي بالسيارات..ولاأحد فكر ينقذها..وفجأه....
وقف شاب شهم لابس جينز ازرق وقميص ابيض ولاف برقبته شال الهلال وكأنه طالع من ملعب..ومعه طفل لابس لبس الهلال..
هالشاب الشهم هو نفسه"ماجد"..سحب عُمر من الجود وابعده عنها وانقذها منه وضربه ضرب مبرح..ورماه في سيارته وخلاه يروح وهو يتألم..
الجود تناظر فيه بإعجاب//كفو والله..مشكور ماقصرت
ماجد بأدب قرب منها وعينه بالأرض/لايكون أذاك بس
الجود/لا..أنت جيت فالوقت المناسب..مشكور يا..؟
ماجد/معك ماجد الناصي..لا شكر على واجب..
الجود طلعت كرت من شنطتها/ونعم ياماجد..خذ هذا
ماجد استغرب لا يكون فلوس رفع ناظره وحط عينه بعينها/وشو؟!!
الجود/هذا كرتي..متى مابغيت شيء اتصل..معك الجود فارس الفارس..
ماجد عرف انها بنت التاجر المشهور/لا وانا خوك..لو باخذ كرتك هذا بعتبره..رد دين..وهالشيء ما اقبله..هاللي سويته فزعة بدو موب دين انتظرك تردينه يابنت العز..عن اذنك..<<زعل
الجود أعجبها رده/ماتقصر..اذنك معك..
مشى ماجد وهي جلست تراقبه"سحرها"..ومن يومها وهي تتابع تحركاته حركه حركه تساعده من بعيد لبعيد..وهي السبب في هالدوره اللي راح تفيده بشغله وراح تزيد براتبه وهو كان مقدم عليها من سنين ...و إلين اليوم هي معه...حتى بعد ماعرفت انه يحب وحده وخاطبها..ماقلل حبه بقلبها..
,
,
,
السعوديه//
نواف مستلقي على سريره وينتظر النوم..بس في شيء مقلقه..فز واقف..وراح لشباك غرفته وابعد الستاره وفتح الشباك وظل واقف يناظر شباك غرفتها المقابل لغرفته..وهو يتذكر الماضي الحلو..قبل ما يسافر للدراسه..لحظات ولاحظ شباكها ينفتح خفييف..وطارمن فرحته..
هيفاء طلت بنص عين وشافته ينتظرها مثل ايام قبل..حطت يدها على قلبها ووتكت شوي عالجدار حاولت تهدي ضربات قلبها بس هيهاات..
رن جوالها وخافت/مووقتك..
رن الجوال كذا مره وراحت ترد وشافت أسم من زمااان مااتصل فيها"الهوى الغايب" ماصدقت..وفتحت الخط عشان ترد وهي ساكته/..
نواف بالجوال بصوت داافي/ألـوه
هيفاء ماردت/...
نواف بصوت مبحوح/لا تحرم المشتاق شوفت عيونك ترى الغلا ماهوب على كيف راعيه...
هيفاء راحت ووقفت عند الشباك بدون ماتفتحه وهي ساكته..
نواف شاف ظلها وبغى ينهبل/هيفاء طلي علي ابي اشوفك
هيفاء تكت عالشباك بلعانه,تبي تشوف ردت فعله/بذمتك
نواف ولع منها/إن كان قصدك من تمنعك تشويق .... شوقي لك أكبر من تصور خيالك.
هيفاء قررت أنها تفتح الشباك وتطل بعيونها,وانتثر شعرها على جنب/خـير
نواف تكى عالشباك ويده على قلبه/يبنت اللذيين..محلووه بزياده..
هيفاء/هههه يابكاااش..أنت ماشفت غير عيوني..
نواف وهو يقز شعرها/شعرك واصل لركبتك..
هيفاء انتبهت لشعرها ولمته/لا مو لهالدرجه..
نواف بلهفه/أشتقتلك..
هيفاء/يعني مانسيتني يانواف
نواف/أنسى الناس كلها ولا أنسى من قلبي هواها..
هيفاء بدلع/من هذي اللي قلبك هواها؟
نواف/مافي غيرها..هيفاء الناصي
هيفاء ضحكت بدلع/هههه
نواف/ياعمري
هيفاء/نواف
نواف/هلابك
هيفاء/قولي شخبارك..
نواف/أخباري تماام الشهاده وجبناها..ادعيلي اتوظف..علشان تتكرم امي وتخطبك لي
هيفاء استحت وسكتت..
نواف/هيفاء شفيك سكتي..استحيتي؟..
هيفاء/نواااف
نواف/تكفيييين وريني وجهك ابشوف خدودك وانتي مستحيه..
هيفاء/باي ....
سكرت الخط بوجهه وراحت ترمي نفسها بسريرها وتغط على نفسها,وصلت حدها من الحياء...

نواف شافها سكرت بوجهه من الحياء..راح لسريره واستلقى وهو مبسووط..وغمض عينه/يــارب أشوفها بالحلم يااارب مشتاقلها موووت..
,
,
,
,
,
رجعت حصه ومعها الصغير"رائد"ولد اختها .واستقبلهم فيصل فالمطار..وركبوا السياره بطريقهم للقصر..
حصه تتلفت بشوق وهي تشوف المطر ينزل على هونه/آآه فدييت السعوديه وترابها..ياحبني لها
فيصل/ههههه دامك تحبينها ليش تتركينها بالشهور
حصه/آآه مو بيدي..شسوي بـ"جودي"عنيييده وراسها يابس..من توفى أبوها طلعت طلعه وحده..تقول هربانه من شيء..
فيصل انقهر انها ماجت/طيب وينها ماجت معك..
حصه/اتقول مشغوله كلها شهر وراجعه..
فيصل/أي شغل؟..
حصه/مادري عنها..
فيصل/مايصير ياخالتي..هي لحالها مامعها احد..
حصه/ماينخاف عليها جودي
فيصل قلبه مو مطمن..ناظر فالمرايه/ريوودي ماسمعنا صوتك..
رائد بأدب/ماتركتولي مجال أتكلم..
فيصل/هههه قويه ذي..أثارينا مزعجينك ههههه
الكل/هههههه
فيصل/شكلك مشتاق لأمك
حصه/ اسككت بهذلني يبيها
فيصل/هههههههه
,
,
,
,
فرنسا/
في ساحه فاضيه.واقفين مجموعه من الشباب المجسمين عضلات أفارقه سوود.."عُمر" واقف ولابس جنز ازرق غامق وجاكيت جلد أسود ونظارات سوداء,ومسوي شعره على وراء بالجل..ويدخن سيجاره بنيه وومن طرف خشمه/فهمتهم وش المطلوب منهم ياحسين
حسين اللبناني/ولو استاز كلياتون فاهمين شو يلي عليهون..
عُمر/أبي أسمع بخبرها الليله..هي وصديقها..مفهووم
حسين/ تؤمر أمر سيدنا..
عُمر/يلا روحوا شتنتظرون
حسين مشاهم..
عُمر ضحك بمكر/بيبااي يابنت العم بيبااي ههههههههههاااي
,
,
,
,
اليوم آخر يوم لهم مع بعض..وماجد طالع معها اليوم علشان يشكرها عاللي سوته معه..ومساعدتها..
ماجد بفضول/جولي
جولي ببتسامه على طريقته/نعم
ماجد/كنت اريد أن أسألك..
جولي/ماذا؟
ماجد/منذ أن رأيتك أول مره حتى الآن..لم أشاهد أياً من صديقاتك أو أهلك..أو حتى..
جولي فهمت قصده/حتى ماذا؟
ماجد/كل من هنا لها صديق أو بالحقيقه عشيق..إلا أنتي لم أشاهدك أو أسمعك تتكلمين عن هذا الموضوع أبداً..
جولي/ببساطه..ليس لدي صديق..ولم اصادق يوماً شاباً غيرك..
ماجد ناظرها بـ شك/..
جولي فهمت نظراته/أعرف..ربما لن تصدقني..
ماجد استغرب كيف عرفت/لا لم اقل ذلك
جولي ناظرت بعيونه/ولكن عيناك قالت..
ماجد دقق بعيونها الزرقاء..وشفايفها وهي تتكلم..
جولي استحت وصدت عنه ببتسامه,وشافت سيارتين يمشون بسرعه بإتجاههم وكل وحده فيها اثنين ومسلحين,صرخت ومسكت يد ماجد بسرعه وراحت تركض/ماااجد
السيارات قامت تطلق الرصاص..
ماجد استغرب/بسم الله..وش ذا ياربي..
جولي صدت وراء جدار قبل لايلاحظون ومعها ماجد...
ماجد بالعربي من الخوف والدهشه/لا إله إلا الله..هذولا وش يبون فينا..
جولي بخوف تكلمت عربي/يبون يقتلوني
ماجد تلفت وماشاف غير جولي/بسم الله كأني سمعت احد مر من هنا..
جولي كانت تطل على المجرمين,ألتفتت على ماجد/هذولا أكيد مرسلهم عُمر ولد عمي علشان يقتلوني..
ماجد ناظر بفمها بذهول وهي تتكلم/الصوت اللي قبل شوي صوتك ياجولي؟..انتي تعرفين عربي
جولي,قربت منه ووقفت قدامه/أنا ماني جولي. وماني فرنسيه..أنا الجود فارس الفاارس..سعوديه..
ماجد كأنه مضروب على راسه/جـولي..جوود.. الفارس..
الجود نزعت عدساتها الزرقاء وبانت عيونها العسليه,وسحبت باروكتها الشقراء..وبان شعرها البني/أنا جودي ماني جولي
ماجد بصدمه/يعني طووول هالفتره جالسه تكذبين علي..
الجود حست انها بورطه/لا ماكذبت عليك..أنا ساعدتك فاللغه والحمدلله نجحت..
ماجد بقهر/بس انتي كذبتي علي فالنهايه خربتي كل شيء..أناعايش معك كل هالفتره على انك ماتعرفين عربي..واكلم اهلي فالتلفون قدامك على اساس انك ماتفهمين لغتنا..انتي تعرفين كل شيء عني..انتي انتي
الجود نزلت دموعها ماتوقعت كل ردة الفعل هذي/ماجد أنا اسسفه وربي كان قصدي..
ماجد بإنفلات اعصاب/وش كان قصدك..يا باررده...ياعديمة الإحساس..طول هالفتره معااي..ماعندك أهل أنتي..وإلا انتم يالهوامير من الفضاوه قمتوا تستهبلون على الناس..
الجود بكت/مااجد..
ماجد بعصبيه/تبن مو مااجد اللي مماشي وحده مثلك وولد عمها بيقتلها..عايله فاشله من جد..وش افلام العصابات هذي
حاول ماجد يطلع..
الجود منعته مع انها تبكي/هم موجودين هنا بيقتلونك
ماجد فك يدها/ابعدي يانجسه..مالي دخل فيك ليه يقتلوني..
الجود تشبثت فيه/عُمر يدري أنك..
ماجد/يدري أني أيييش
الجود ماعاد قدرت تقوله "انك حبيبي" بعد كل هالإهانات/لاتطلع الله يخليييك..انت كلها يومين وتسافر السعوديه..
ماجد دفها بقوه عالأرض وطلع..
الجود عورتها الطيحه القويه وانجرحت بذراعها ونزفت..وجلست تتألم ..
صوت إطلاق نــار..وصرخه قويه لماجد..
الجود دق قلبها بقوه..وراحت تتطمن على ماجد مع ان جرحها في ذراعها ينزف..وشافته بنص الساحه غارق بدمه "مقتووول" وبكت بحرقه/ماااجد
تلفتت يمين يسار واتصلت على سواقها..يجي بسرعه..ناظرت مافي أحد ..
راحت تركض لماجد..ودموعها تخالفها..وبكاها يقطع القلب/مـــااااجد...ماااجد مجووودي
[تـكـفـى لا تـخــليـنـي عـلى الدنيا وحيــد..
لا تشووفك عين ولا أذنٍ تسمعك...
هي حدى ثنتين ماعنها تحيد..
ياتقوم نمشي ..ياخــذني مـعــك..]
وصلت الجود عند ماجد وحركته وهي تصرخ/لااا يامـااااجد..قوووم ماااجد
ماجد مايرد..
الجود صار قلبها يدق طبوول من الخوف,وابتسمت وهي تبكي/مجووودي انت مامت صح..مامت مااااجد بليييز قووم
ضربته مليون كف وماصحى..
الناس تجمعوا من البيوت المجاوره فالساحه..وتأثروا ..وبلغوا عن السياره اللي رمته..
الجود تأكدلها أنه ميت خلاص,حاولت ترفعه وتزحف تقرب منه وتضمه لصدرها بقوه وتمسح على شعره وتبكي/مجوودي مجووودي آآآه ماراح أسامح نفسي ماراح اسامح نفسي..ليتني مت بدالك أو مت معك آآآه ..
/////////////////////////////////////////////////////////////////////////////
,
,
,

ابي توقعـــــــــــــــــــــ ـــاتكم

وردوودكم

علشان استمرررر

قلب نجد · 06-06-13, 09:19 PM

الفصل الثالث

,
,
,
في مكاااااان آآآخر....
السعوديه/
في معرض الكتاب الدولي..
الجوهره بتأفف/آنا وش جايبني معك بس
هيفاء وهي عند رفوف المكتبه/اسكتي خليني أركز..
الجوهره/تكفين اللي يسمعك يقول تختار كتب مخترعين..تراك تدورين كتب قصص اطفال..
هيفاء ألتفتت عليها/طوول عمرك سطحيه..اجل كتب الأطفال هينه..تراها مسؤليه لازم اختار اللي اقراه لهم ..لازم يكون شيء له هدف ساامي
الجوهره بإستهبال/يعني ماينفع هدف ياسر
هيفاء /سخييييفه..
الجوهره/هههه طيب غير القصص فيه شيء..لأن وراي فيلم على ام بي سي ابي احضره
هيفاء/لحظه بس اخذ كم قصه وكتاب عن تربية الطفل وبس
الجوهره/بعد تربيه طفل وخرابيط..تنتظرين مولود انتي وخشتك
هيفاء عصبت/الجوهره انطمي خليني استمتع بهوايتي المفضله..
الجوهره/اوكي بس بسرعه..
هيفاء راحت تبحر فالكتب...
الجوهره قامت تتفرج في اغلفة الكتب..وعيونها تجوب المكان..شافت شاب وكان "فيصل"واقف ويطالع كتاب بإهتمام وابتسمت(آآه ياملحـه مـلـحـاااه)
التفتت تدور هيفاء ومالقتها ودخلت تدورها/هيوفه تعالي بسررعه
هيفاء/شفيك؟خوفتيني
الجوهره بإهتمام سحبتها برا بشويش/تعااالي..
هيفاء طلعت معها/خير وش فيه؟
الجوهره انقهرت/خساااره وين راح؟قهههررر
هيفاء/وشو منهو اللي راح؟!!
الجوهره بحماس/واحد مزيووون..وسيييم قطع قلبي كان ودي تشوفينه
هيفاء/طووول عمرك سطحيه...
الجوهره/اقول اكلي تبن وروحي دوري خرابيطك...
هيفاء راحت تاخذ الكتب وطلعوا..
الجوهره/هاا خلصتي
هيفاء/ايه مشينا..
الجوهره,مشت وهي تفكر بذاك المزيون(ياربي بس ابي اشوفه مره ثانيه..ادقق فيه..مالمحت جزمته وش نوعها)
هيفاء شافت الجوهره مدرعمه بتدعس العالم/جوجو..
الجوهره التفتت وهي تمشي/حركي دمك...
هيفاء لحقتها/شفيك مسررحه
الجوهره بعفويه/افكر فيه...نفسي اعرف وش نوع شماغه وجزمته؟
هيفاء/ههههه
الجوهره/شـوفو الحظ
هيفاء صاحت عليها توقف..بس ماسمعتها
الجوهره صدمت بشاب.وطاح غطاها,بس ماحركت ساكن..سرحت فيه..
الشاب كان فيصل..رفع غطاها بسرعه قبل لا أحد ينتبه/أسف
الجوهره بلعانه لمست يده وهو يغطيها بدون مايحس انها متعمده..
نوره عمة فيصل/أسفين يابنتي..
الجوهره سكتت وظلت تناظر فيصل..
هيفاء/معليه ياخاله...صار خير...
فيصل انتبه للبنوته الحلوه وهو يتذكر نعومتها..وابتسم لنظراتها البريئه..
مشوا وتركوهم.......
/
/
طلعوا من المعرض واتجهوا لبيتهم...
الجوهره نست اللي صار ..راحت ركض وفتحت التلفزيون على اكشن../لااااااااا
ام ماجد ارتاعت/شفيييك!!!
هيفاء/هههههه اكيد طافها الفيلم هههه
ام ماجد/هههه اجل قومي روحي ذااكري ياحظي مابقى غيرك بالمدرسه
الجوهره/مو مدرسه يمه جامعه..جااامعه من كم اسبوع اداوم فيها وانتي للحين تقولين مدرسه..
الكل/هههههههه
.
صعدت هيفاء لغرفتها وجلست تسترخي وتقرأ كتاب "تربية الطفل"...وغرقت في بحره
دخلت الجوهره وهي مبوزه..
هيفاء ابتسمت/ههههه للحين زعلانه علشان الفلم
الجوهره /لا بيعيدونه بكره..بس انا بقولك شيء..
هيفاء/وشو؟
الجوهره/أنتي حالفه تنكدين علي اليوم
هيفاء/انكد علييك هههه والله انك فاضيه..
الجوهره رمت جوالها عليها/أجل ليش تاركه جوالك تحت فالصاله وانا اتابع التلفزيون علشان يقلقني بسسس
هيفاء/من قاعد يدق
الجوهره/وأنا شدراني حاطه رموز شعرفني
هيفاء ابتسمت وهي تناظر جوالها..
الجوهره/اييه خلاص ابتسمت هيفاء معنااااته..شيء كبييير بيصير بس مدري وشو..عن اذنك
هيفاء ما انتبهتلها وهي طالعه دقت على نواف وجلست تكلمه/هلا نواف
نواف فالجوال/لا لاتقولين نواف..
هيفاء فهمت/أوكي..هلا حبيــبي..هاا ارتحت..
نواف/أموووت فيييك
هيفاء ضحكة بميوووعه وحاولت تسترخي عالكرسي{هههه}..تفاجأت بالجوهره تدخل عليها وواقفه قدامها وتسمعها,وسكتت...
الجوهره بصدمه ناظرتها بإحتقار..وطلعت....
هيفاء قامت وسكرت باب الغرفه وهي ماتدري شتسوي..
نواف/وين رحتي حبيبتي
هيفاء بخوف/نواف..مع السلامه اكلمك بعدين
نواف/خير صايرلك شيء..قوولي.
هيفاء بربكه/اختي الجوهره سمعتني وانا اكلمك
نواف سكت..
هيفاء/الله يستر شبقول لها شلون بفسر لها..
نواف/يعني بتفتن عليك
هيفاء/موقصة تفتن,جوجو ماتفتن..بس
نواف/بس إيش؟
هيفاء/بتفهمني غلط..
نواف سكت ماعلق
هيفاء تبي تلمح/نوااف..حنا لين متى بنقعد كذا
نواف/هههه وش فينا كذا
هيفاء عصبت/مافينا شي بس بنظل كذا لين متى؟
نواف/حبيبتي قايلك أنا بدون وظيفه حالياً..ما اقدر اتزوجك ..بس لاتخافين جالس ادور
هيفاء سكتت من رده اللي قهرها..
نواف/زعلتي ياقلبي
هيفاء انقهرت من رده,بس ماقالت/لا بس دايخه ابي انام..لازم اسكر الجوال
نواف/اوكي حبيبتي نوم العوافي..باي
هيفاء سكرت الخط.وهي مقهوره من بروده(ياربي وش هالبرود اللي بيموتني قهر)..
,
,

بــاريــس/
المـسـتـشفى...
بعد يومين من الإصابه..
قدام غرفة الـعنايه المركـزه..
واقفه الجود وبجانبها فيصل لأنها اتصلت فيه وتراقب حالة ماجد وتنتظر الدكتور لين طلع..
طلع الدكتور وهو مرتبك..
_الحوار بالفرنسيه_
الجود وهي تبكي/ماذا به يادكتور؟؟
الدكتور/حالته خطيره جداً..لديه تفتت فالكبد..اخترقتها الرصاصه..
الجود انصدمت/مــاذاا؟؟
الدكتور/يجب ان نزرع له كبد الآن..وإلا فإن حياته في خطر..
الجود جلست تبكي ..
فيصل/حسناً كيف ذلك..
الدكتور/يجب ان نجد متبرع بأسرع وقت ممكن
فيصل/ولكن كيف؟..هل لديكم متبرع
الدكتور/حالياً لا..ولكنه بأمس الحاجه للكبد..
الجود وهي تمسح دموعها/أنا يادكتور..أنا من سيتبرع لماجد..
فيصل التفت عليها/أنهبلتي أنتي..عارفه يعني ايش تتبرعين بعضو..
الجود بفقدان اعصاب/اللي عارفته أن ماجد لازم يقوم..لازم يطيب..
فيصل/مومشكله راح نلقى متبرع..انا راح انشر بكره الاعلان عن متبرع..
الجود/وأنا ماراح انتظر لين يموت ماجد..
الدكتور/حسناً ما ان تتفقوا انا في مكتبي
الجود/نحن متفقون..أنا من سيتبرع..ارجوك اعمل العمليه بأسرع وقت..
الدكتور/حسناً...
,

صباح اليوم الثاني/
نازله الجوهره من بدري وجالسه تفطر مع أمها..
ام ماجد/جوجو قلبي ما أتصل اخوك ماجد البارحه بعد مانمت
الجوهره/لا يمه ما اتصل..
ام ماجد/الله يستر قلبي ماكلني على هالولد..شفيه مقاطعنا اسبوعين..
الجوهره/اكيد بيتصل
نزلت هيفاء بهاللحظات/صباح الخير
ام ماجد/صباح النور..
الجوهره ماردت...
هيفاء لاحظت نظرات الجوهره..
ام ماجد مدت كوب حليب على هيفاء/سمي
هيفاء/مشكوره يمه..إلا وينه مجود ماعاد نسمع صوته..
ام ماجد/والله من زمان عنه حبيب امه
هيفاء/مو المفروض يجي..الستة شهور وخلصت
الجوهره/ علمي نفسك..
هيفاء فهمت قصدها وسكتت..
نزل حاتم من فوق ولابس سبورت ومعاه شنطه سبورت/يلا يمه باي انا ماشي
هيفاء/هههه حبيبي اليوم خميس مافي مدرسه
حاتم بنشاط/انا رايح رحله للثمامه بقعد هناك يومين..يلا باااي
ام ماجد/باي ياحبيبي انتبه على نفسك
طلع حاتم...
هيفاء/يمممه انتي ليه تخلينه يروح
ام ماجد/رايح مع خالد ولد عمك..وبصراحه خالد ترجاني علشان اخليه يطلع معهم
هيفاء تنرفزت من طاريه/يممه انا ماقلت هالكائن هذا لاعاد يدخل هالبيت ولا يكلم اخوي
ام ماجد/والله عااد انا هالولد انا مرتاحه له كفايه من راح اخوك وهو مداري حاتم..ويرعاه..
هيفاء/والكلام اللي قلتلك اني سامعته عنه..
ام ماجد/هذي اشاعاات..
الجوهره تقط حكي/عالأقــل اخلااق ومبدأ وأحسن من بعض الـنــاااس...
هيفاء ناظرتها بنص عين/شقصدك؟
الجوهره/اللي على راسه بطحاء يتحسس عليها
ام ماجد/الحمدلله اشفيييكم..شوي وتطاقون..
هيفاء قامت/مادري عن بنتك
الجوهره بلا مبالاه/واللي يسلمك ياهيفاء تسكتين موقفك بالمرره بااايخ..لاتسوين نفسك بريئه..
هيفاء عصبت وراحت لغرفتها...
ام ماجد/جوجو عيب علييك هذي اختك اللي اكبر منك
الجوهره/ترفع الضغط...
ام ماجد/الله يهديكم بس
الجوهره(والله لوتدرين هيفاء شقاعده تسوي من وراك..كان قلتي الله ياخذها)
,
,
أجــواء الـثـمـامـه..
دبابات وشباب وآآخـر ونـاســه...
كل واحد على دبابه ويسوي خمسات...
حاتم جالس يلعب ومبسوط/خــااالد وخــرعني بصدمك
خالد/ههههه يلا اتحداااك
حاتم جاه مسرع ولف بآآخر لحظه..
خالد يناظر فيه بتأمل على ضحكاته,ويتذكر "هيفاء"..وابتسم تلقائياً(هالمغروره أختك..شاايفه نفسها على إييييش مــاادري,أنا ماراح أسامحها ع اللي سوته فيني, بس الله يجيب اليوم اللي اخذ فيه حقي منها)
محمد اخوه/خااالد
خالد/هااه
محمد/هههه اقول ليش واقف بالنص كذا تبي تروح وطي بالدبابات..
خالد حرك دبابه ومشى/هههههه
محمد/الحمدلله والشكر..
,
من بعيد شباب يناظرونهم وجالسين على راس طعس/
محسن/ترى اعصابي فلتت يا مترك متى تبي نبدأ
مترك بنظره فيها تفكير/موب اللحين..لازم يكون انتقامنا بمكان آمن مو بنص الرياض انت لاتصير مطيور
حسين/ياشباب انسوا..السالفه من سنين
مترك/لا ياحسين ماينسى ثاره الا الرخوم..لازم يذوقون حرنا بس شوي..
محسن/اجل متى؟انت عارف انهم ماعاد يجون للديره من هذيك السالفه..خلنا نقتل واحد منهم ونبرد كبودنا..
مترك/إلا مايجي يوم ويغلطون غلطة عمرهم..ولاتنسى اللي تسبب بكسر يدي هو خالد ومافي غيره اللي بينتثر دمه مثل ما مات ثامر
محسن/ااخ يالقهر بس..
حسين مو مقتنع/بس خالد ماقتل ثامر..لاتنسى ان ثامر هو اللي اعترض طريق خالد وخالد ماشافه..والكل شهد بهالشيء وبرئته المحكمه..
مترك بغيض/ولو بيموت مثل مامات ثامر ولد عمي..
,

,

بـاريـس
مـــرت أيــــام عـلى العمليه
بدأ ماجد يتحسن..
دخلت الممرضه وكانت من اصول عربيه/مساء الخير
ماجد/مساء النور..
الممرضه/اليوم كويس
ماجد وهو يحاول يتذكر /الحمدلله..إلا اختي..
الممرضه/ايوه
ماجد بتردد وهو يحط يده على جرحه مكان العمليه/ممكن اعرف اللي حصلي..مين جابني هنا..
الممرضه/لا أعرف ولكنك كنت مصاب وبحاجه لزراعة كبد..وتمت زراعة كبد لك بنجاح..
ماجد تفاجأ/زرااعة كبد لي أنا..!!
الممرضه ببتسامه/نعم..عن اذنك.
طلعت..
ماجد ناظر حوله المكان جد رااقي..جناح خاص فيه..وفيه كل شيء يحسس بالراحه..وتذكر امه وقرر يتصل عليها واخذ التلفون من الطاوله اللي جنبه ويتطمن/ألوه
ام ماجد بلهفه/هلابمعذب قلب أمه هلا بروحها ودمها.
ماجد نزلت دموعه بدون بكى علشان مايخوفها عليه/يـمــه
ام ماجد/لبييه
ماجد/كيفك وكيف البنات وحاتم
ام ماجد/كلهم بخير ياحبيبي انت وينك طولت علينا..
ماجد/ههه قريب راجع يمه وبتزوج بس خلي مشاعل تتجهز أنا جاي
ام ماجد ترددت بس قالت اريحه/اي مشاعل يمه..
ماجد/الخطيبه يمه نسيتي
ام ماجد/مشاعل تزوجت
ماجد/شلون ومتى وليه
ام ماجد/بعد ماسافرت جاها عريس غني ووافقت ماتبي تنتظرك
ماجد سكت مقهور من اللي سمعه..وتأكد ان هيفاء ماكانت تبي تزعله لمن خبت عنه..
ام ماجد/حبيب امك وينك قلقت عليك
ماجد قرر ينساها مثل ماهي تركته/معليش يمه انا آسف اضطريت اقطع فيكم...واحد من خوياي فالسكن صارله حادث..وعمل عمليه وماله غيري اضطريت اقعد
ام ماجد/طيب كيفه اللحين عساه طاب
ماجد/توه يمه باقي..ان شاء الله متى ماطاب جيتكم..
ام ماجد/عسى ربي يشفيه..
ماجد/امين يلا يمه انا استاذن بكلمك اوكيه
ام ماجد/طيب فمان الله انتبه لنفسك
ماجد/طيب يمه...مع السلامه.
سكر ماجد التلفون..وحاول يسترخي..
انطق الباب ودخل حمد ومعه سلطان/السلام عيكم..
ماجد انبسط بشوفتهم/هلاوعليكم السلام
حمد/هاا اشلونك اليوم
ماجد/بخير..وينكم اليوم تأخرتوا علي..
سلطان/حمد كان عنده محاظره خلصها وجينا..وأنا تدري دوام..
ماجد/الله يعينكم..
حمد/بشر كلمت الوالده
ماجد/ايه
حمد/زيين
صوت طرقات على الباب..
ماجد/تفضل..
فيصل دخل بإبتسامه باهته/مساء الخير
الكل/وعليكم السلام
فيصل/كيف حالك ياماجد اليوم
ماجد ماعرفه/الحمدلله..بخير
فيصل/نسيت أعرفك على نفسي..معاك فيصل الفارس..ابن عم الجود
ماجد تفاجأ/تشرفنا اخ فيصل..
فيصل/اوكي أنا بس حبيت اتطمن عليك..واتحمدلك بالسلامه..
ماجد/الله يسلمك..
فيصل/أسف للي حصلك..بسبب عمر ولد عمي..لكن أبشرك أُلقي القبض عليه وراح يحاسب
ماجد تفاجأ وهو يتذكر الحادثه وترجي الجود له.لمن قالتله ان ولد عمها بيقتلها/مشكور اخوي
فيصل وهو طالع/ العفو..يلا..بالإذن ياجماعه...
حمد تذكر/يا اخ فيصل..الف سلامه عالجود..الله يقومها بالسلامه
فيصل بان فيه الحزن/مشكور
طلع..
ماجد استغرب/ليه وش فيها الجود..؟
حمد بتردد/مافيها شيء..مجرد تعب بس
ماجد/جد والله..
حمد/إيه
سلطان ما اصبر وقرر يقول/تبي الصراحه ياماجد..جود الفارس
حمد يبي يسكته/سلطااان
ماجد خاف/حمد شفيك تسكته..انطق ياسلطان شفيها الجود
سلطان/هي المتبرعه لك بكبدها..
ماجد سكت متفاجئ..
سلطان كمل/وللحين تعبانه حيل وجسمها مو قادر يستوعب اللي نقص منه..عطتك قطعه من كبدها.موشيء هين..
حمد/وماكانت تبينا نقولك انها هي المتبرعه
ماجد سكت وصد يفكر...
,
,
,
,
الليل/
كانت الجود تحاول تنام بس جالسه تتألم/سـااره
ساره بنت عمها/جودي قلبي ارتاحي لاتتكلمين
الجود بألم يعتصرها/أنا تعباانه حييل حييل
ساره/عارفه وربي عاارفه..شيء طبيعي
الجود/نادي الدكتور..بسررعه
ساره/مافيه غير المناوب ارتاحي
الجود/ابي بنج شيء يريحني ابي انام
ساره/طيب طيب
انطق الباب..
ساره كانت عند الباب تبي تطلع وفتحته/نعم
ماجد وهو واقف ويده على جرحه/السلام عليكم
ساره ببتسامه/هلا ماجد وعليكم السلام الحمدلله ع السلامه
ماجد وهو مستحي/الله يسلمك..ممكن ادخل
ساره التفتت على الجود/أكيد..تفضل جيت بوقتك اصلن انا طالعه..وصتني جودي على مهدئ ..والدكتور رافض هالشيء يقول كفايه عليها مهدئات..هذي دلوعه
ماجد رحمها/تتألم؟
ساره/فوق ماتتخيل جالسه تبكي فديتها..
ماجد/اوكي روحي انتي..خليني معها..
ساره ببتسامه/بتكون تفضلت علي..عن اذنك..
طلعت ساره...ودخل ماجد...
الجود ويدها على جرحها ومو داريه/آآه..سااره وينك ماني قادره اتحمل الألم..
ماجد تقطع قلبه من صوت بكاها..قرب منها/طيب ليش تتبرعين؟
الجود انتبهت للصوت والتفتت وابتسمت وسط دموع ألآمـها/مـاجد!!!
ماجد جلس قريب من سريرها/دامك منتي قادره تتحملين الألم ليش تتبرعين؟
الجود ابتسمت وهي تناظر فيه قدامها سليم ومعافا واختلطت دمعات الألم والفرحه بشوفته/علشان اشوفك بخير وعافيه.
ماجد استحى حاول يغير الموضوع/سمعت من ساره انك تعبانه
الجود تحاول تخبي/لا عادي الم بسيط
ماجد ببتسامه/كـل هالآهـات والم بسيط
الجود تحاول تضغط على نفسها وماتتألم قدامه/ايه..آآآي
ماجد قام وقرب منها وجلس على طرف السرير عندها..
الجود تتألم بس تكتم..ماتدري وش يبي منها..
ماجد مد يده مكان جرحها وابعد يدهابلطف..وحط يده على بطنها مكان الجراحه.وجلس يقرأ عليها بصوت غير مسموع..
الجود خافت بس حست براحه..وتخدر جسمها..
ماجد خلص وناظرها/ان شاء الله تطيبين
الجود وعيونها ذبلانه وتبسم/أنا طبت من لمستني بيدك..وش هذا سحر
ماجد ببتسامه/لا ياحـ..اقصد لا هذي رقيه..
الجود انتبهت انه بغى يقول "كلمه حلوه"..يعني يكن لها مشاعر/ميغسيه
ماجد مد يده ومسح على شعرها بدون مايحس/أنا قررت اقعد معك طول الليل..
الجود سكتت ببتسامه ساحره..
ماجد جلس ساكت شوي بعدين قرر يتكلم بس تردد/جودي
الجود/هلا
ماجد/أنتي ليش كنتي تبين تخبين علي انك تبرعتيلي بكبدك
الجود/مابي تحس اني متفضله عليك أو تفهمني غلط
ماجد/أفهمك غلط!!
الجود نزلت راسها تخفي دموعها ونزلت خصلات شعرها/أنا عارفه انك تحب وخاطب..مابي احسسك اني مسويتلك جميل ولازم ترده..
ماجد ببتسامه خجل/جودي أنا آسف بخصوص هذيك المره لمن صرخت عليك..كنت سخيف
الجود/انت معك حق انا غلطانه المفروض ما ابدأ علاقتي معك بكذب.
ماجد سكت وجلس يناظر فالغرفه يبي يتهرب من افكاره اللي براسه تجاهها..
الجود بخاطرها شيء,ودها يصير وفكرت بسرعه,حاولت تستقعد وحطت يدها على رقبتها/آآه
ماجد خاف/شفيك
الجود/حاولت اقوم وآلمتني رقبتي فجأه.يمكن علشاني طولت بالنومه!
ماجد/هذا اكيد شد..
الجود/طيب شسوي يألمني
ماجد قرب منها ولمس رقبتها/لحظه اشوف.. من هنا؟
الجود هذا اللي تبيه/أيوه من هنا طول رقبتي
الجود صارت كتلة نار من المشاعر اللي تحاول تكبتها..
ماجد حط عينه بعينها وابعد مستحي/آسف نسيت نفسي..
الجود سكتت وهي تحط عيونها بعيونه/لمساتك ريحتني..ليتني شفتك من زمان.
ماجد استحى..
الجود ابتسمت وبانت غمازاتها/اتطمن ماراح اقول لخطيبتك
ماجد/وهي شعليها مني؟..
الجود استغربت من رده..وماعلقت
,
,
,
,
(بعد كم يوم)
في غرفته ويتجهز للطلعه...
حمد/يلا الحمدلله على سلامتك يا ماجد
ماجد/الله يسلمك
سلطان اكتفى ببتسامه وضمه,ونزلت دمعته...
ماجد تأثر منه/سلطااان
حمد نزلت دمعته المحبوسه وبكوا كلهم...
سلطان/وربي ماني مصدق انك قمت وهذا انت قدامي حي ترزق..ماجد انت منت هين علينا..انت عز الخوي.
ماجد ابتسم وسط دموعه/ماعليكم زود..من غيركم ظنتي دجيت
حمد يمسح دموعه:/عيااال خلاص عااد..تراني على طريف والكلمه تبكيني..خلونا نمشي..
ماجد/يله...بس قبل خلنا نمر على الجود
حمد/اليوم بتطلع..
ماجد/مو مشكله..
سلطان/اوكي يلا مشينا..
,
,
الجود وهي طالعه من جناحها فالمستشفى ومعاها ساره بنت عمها وسامر اخو ساره الصغير عمره 10سنوات..
الجود/وين فيصل ماشوفه..
سامر شاف فيصل اقبل/هذا فيصل جاء
الجود ابتسمت اول ماشافته/
فيصل وقف عندهم...

ماجد اقبل وشاف ضحكاتهم ووقف..
فيصل بإبتسامه يطالعها بإعجاب/قــمــر يـاناااس
الجود دقت كفه وضحكة بدلع/هههه يابكاااش
ساره/ههه اما عاد..وين حنا فيه..
فيصل سكت وهو يتأملها/العالم كله بكفه والجود بكفه...
اقبل ماجد ووقف ومعه سلطان وحمد/السلام عليكم
الكل/وعليكم السلام..
الجود فرحت من أعماقها/اهليــن ماجد..
ماجد/كيفك؟اشوفك طالعه..الحمدلله عالسلامه
الجود بنظرات إعجاب فضحتها/ربي يسلمك...وسلامتك ..يا ماجد
فيصل توتر/اوكي..يلا جودي مشينا..
الجود للحين مع ماجد/انت وين طالع..؟
ماجد/بروح اشم هوى وعقبه بروح..استريح لأن بكره طيارتي..
الجود التفتت حولها وحاولت تقوله شيء بس ماقدرت/اوكي..اشوفك على خير
ماجد/ما أظن..خلاص بروح للسعوديه..
الجود خافت/لا ان شاء الله..لاتقول
الكل/!!!!
الجود لاحظت نظراتهم/اقصد رح نظل أصدقاء صح..
ماجد/اكيد اعتبريني اخوك
الجود عصبت من كلمة اخوك..بس مابينت..لبست نظاراتها الشمسيه/أوكي انا ماشيه عن اذنك ماجد..
فيصل مد يده ليدها/يلا حياتي مشينا..
الجود ناظرت فيه تبي تثير غيرة ماجد ومسكت يده/يلا حبيبي
ماجد مسوي ردة فعله عاديه...وهو من داخله نار مايدري ليه..
سلطان كان طول الوقت عينه بعين ساره..ويتبادلون نظرات الإعجاب..
ساره راحت وطي....
سامر هز اخته/ساااره يلا مشينا..
ساره/اوكي حبيبي...
راحت وكل شوي تلتفت وتشوفه يطالعها.....
,,

ماجد/يلا ياشباب مشينا..
حمد/آآه..ويلي من بنات البطره..
سلطان تنهد/إي والله..
ماجد/هههه اعجبوكم..
حمد/ماني مصدق ان هذي جولي..
ماجد يناظرها وهي مقفيه مشيتها تذبح,,وسكت...
سلطان عينه على ساره(لــبى روووحك والله)..
حمد ينكت/اقول سلطان..انت من البطارى..عيال النعمه..خواتك كذا..
سلطان/اعووذ بالله..والله اللي تسوي كذا لأتوطى على رقبتها..
ماجد/هههههه ياحمش امش بس..امش
,
,

الــســعــوديــه/
ام ماجد تمشي وتزغرد فالبيت/ي بناااات...ابشروووا
الجوهره جات ركض ووراها هيفاء/خير يمه..
ام ماجد/ابشركم اخووكم مـاجد راجع بكره..المساء راح يكون هنا..
الجوهره نطت من الفرحه/وناااسه
هيفاء/يارب توصله بالسلامه..
ام ماجد/أنا لازم اسويله استقبال ماصار..
الجوهره/اختي نجلاء تقول ان مشعل مسوي كل الترتيبات..وحاجز الفندق بعد..
ام ماجد/ولو لازم اسوي شي لولدي...
هيفاء/فديته مشتاقتله..
رن جوالها وقامت/عن اذنكم...
الجوهره مقهووره منها بس ساااكته...
,
,
,

بـــاريس/
دخل غرفته وحاول يسترخي لعل وعسى تغمض عيونه..وينام لأن بكره وراه سفر ووده يرتاح..
رن جواله وأخذه يرد تفاجأ"جود",تردد بس بعدين..قرر يرد/هـلا
الجود/مساء الخير
ماجد/مساء النور..
الجود/نمت؟
ماجد/ههه لونمت مارديت
الجود استحت/عارفه سؤالي غبي..
ماجد سكت..
الجود بتردد/...كـ..كنت أقصد
ماجد حس بألم ببطنه وضغط عليه/جود فيك شيء
الجود ترددت/ماجد.أنا بمشكله و بحاجه للمساعده..ومالي غيرك يساعدني
ماجد/وهذا فيصل ولد عمك وينه عنك
الجود/ موجود بس مشكلتي محد راح يحلها غيرك..
ماجد استغرب/خير ان شاء الله وش مشكلتك قولي
الجود/مايصلح فالتلفون لازم نلتقي..
ماجد استغرب اكثر/نلتقي!!..لهالدرجه مشكلتك صعبه..طيب وين نلتقي؟
الجود/بيت اهلي هنا..تعال بسرعه..
ماجد/بس أنا ما أدله..
الجود/راح أرسلك مسج..فيه العنوان بالتفصيل..
ماجد/أوكي مسافة الطريق وأنا عندك..
الجود فرحت/اوكي انتظرك..
,

طلع ماجد من غرفته وهو ضاغط على ألمه..لبس جاكيته..
سلطان/مـاجد على وين العزم..انت تعبان
ماجد وهو مستعجل/حاجه ضروريه..
حمد/اوكي بنروح معك
ماجد/لا مايصير..أقعدوا أنا راجع..
سلطان/طيب قلنا وينك رايح؟
ماجد/بروح مشوار أنا ماني صغير لاتخافون..
سلطان/بس جرحك
ماجد قاطعه/مافيه الا العافيه..عن اذنكم..
طلع ماجد وسكر الباب وراه..
سلطان/ وراه طالع ملهوف وكأن عنده شيء مهم..
حمد/أقص يدي إذا السالفه مافيها جود الفارس
سلطان/لا مو معقوله..ماجد ماعند هالسوالف..
حمد/هالبنت الداهيه..رافقته شهور على انها معلمه فرنسيه,تعتقد ليش!..وهي بنت العز عايلتها من أغنى اهل البلد..
سلطان/أي والله هي وش قصدها..!!
حمد/هههه مايبيلها يالذكي..تحبه..
سلطان وهو يتذكر حبيبته"ساره"/هههه صدق حظوظ
حمد/الله يهنيه
سلطان/اي والله ماااجد يستـاهــل..
حمد حس الموقف مناسب/أقول سلطان..
سلطان وهو يطالع فالتلفزيون/نعم..
حمد/من متى وانت تعرف ساره؟
سلطان فز والتفت له/وشو...وأنت شدراك؟
حمد بنص عين/لقيت صورتها بجوالك
سلطان/من زمااان..من الظاهر أول ما جاء ماجد هنا..
حمد/أوووخص...يالخطير..كل هالشهور..بالعاده علاقاتك ماتتم شهرين على بعض..أجل ناوي تتزوجها..
سلطان بنظره خبيثه/حلات العنب أكله حبه حبه..
حمد/يعني ماتحبها؟
سلطان/اللي مثلها مو حق زواج..
حمد وهو يتذكر ملامحها/حراام عليييك..قمر ع الأرض..ماعندك سالفه
سلطان/ههههه من جدك..أنا ولد الحمايل..سلطان عبدالرحمن..أتزوج هالأشكااال..
حمد/أجل وش تبي بها..فلوس وفلوسك تسواها..وعايلتها..ماظنك طمعان فالفلوس
سلطان/مو فلوس...أنا واحد أبي أتسلى وبسس..متى ماقشرتها..واخذت اللي ابي منها..تركتها
حمد/ههههههههههههه
,
,
,
,

ضواحي باريس الرآقيه/
فيلا جود الفارس...
نزل ماجد من التاكسي..ووقف يناظر هالفخامه والعز!..ودخل..وهو قلقان(الله يستر وش مشكلة جود..يارب اقدر اساعدها)
أقبل عالباب وفتحت مباشرتاً الشغاله/مرحباً سيدي
ماجد ارتاع من دخلتها/اين سيدتك"الجود"
الشغاله بإبتسامه عريضه/هناااك بهذا الإتجاه..تجدها بغرفة الضيوف..
ماجد راح مكان ما أشرت الشغاله وهو يتأمل هالبيت القصر.من داخل يوحي وكأنه من قصور العصور الوسطى..كلاسيكي..قمة الفخامه..
وصل الغرفه ووقف وطق الباب..
جود فتحتله بإبتسامه/أهــلـــين تفضل
ماجد استغرب..ما كأن عندها مشكله,راح وجلس وراسه مليان استفهامات!!؟؟
الجود طلبت من الشغالات يجهزون قاتوه وعصير.. وراحت تجلس قباله وبينهم طاوله عليها شمعدان كبير وشمعه ابيض مولع كله/
ماجد/طلبتيني لمشكله ممكن اعرفها
الجود ببتسامه ساحره/بالأول لازم نضيفك..
دخلوا الشغالات وحطوا القاتوه والعصيرات وراحوا..
الجود قامت واخذت صحن وقربتله ومدته عليه/سـم..
ماجد اخذه منها وحده وحطه عالطاوله/جوود انتي مناديتني بآخر الليل وخوفتيني علشان تضيفيني!!
الجود ببتسامه ساحره/أيه..
ماجد انقهر بس مابين..
الجود جلست بالكرسي القريب منها/قلت بكره طيارتك للسعوديه..وماراح نلتقي هناك...فقلت اخليها ليله وداعيه..
ماجد/أنتي من صدقك..يعني منتي بورطه ولاشيء
الجود ضحكت ببرود/لا
ماجد انقهر وفز واقف,وعوره جرحه/وآنا اللي جايك ومتعني رغم ان جراحتي توجعني..قلت هاذي الإنسانه اللي ساعدتني وتبرعتلي بكبدها..مهما كان لازم افزعلها..فالنهايه القاك مسويه مقلب..
الجود/ماجد انت ليش فهمتها كذا
ماجد/وكيف تبيني أفهمك يابنت العز..وإلا انتي تبرعتيلي بكبدك علشان تذليني بس..
الجود عطته كف قوي/سخيييف
ماجد/ما في اسخف منك.
الجود/ان كانك فهمت تصرفاتي كلها كذا..فأنت غبي ماتفهم..
ماجد عصب وشدها من بلوزتها بقوه وهزها/شـووفي يابنت الناااس..لين هنا وكفااايه أنا رجاال وعندي خوات أخاف على سمعتهم..
الجود انخنقت من مسكته/فكني
ماجد هزها وجاب يده الثانيه وشدها زياده
الجود نزل دمها من جرحها وتألمت بس بصمت ونزلت دموعها...
ماجد/لاتحاولين تأثرين علي بدموعك..شفيك سكتي فجأه ماعاد عندك شيء تقولينه..
الجود هزت راسها بالإيجاب علشان يفكها..
ماجد دفها عالكرسي,وصد وهو طالع/أنا طالع وابيك تفهميني زين..انسي انك عرفتي احد اسمه ماجد الناصي فاهمه
الجود ساكته وترص على جراحتها..وساكته..وطلع أنينها..
ماجد تذكر جواله عالطاوله ورجع التفت,وشاف بلوزة الجود غرقااانه دم وهي تبكي وتضغط على جرحها وعرف أنه هو السبب/جوود
الجود أشرت يطلع برا وقالت بصوت مبحوح/براا
ماجد تغيرت ملامح وجهه/أنا آسف نسيت..وربي ماكان قصدي تعالي اوديك المستشفى..
الجود وهي تبكي/براا..كريستيييين كريستييين
ماجد/يابنت الحلال جرحك...
جود وهي تبلع عبرتها/أخاف تقول أني أتمنن عليك وتجلس تردلي الجميل..اطلع الله يخلييك اطلع..
ماجد تأثر/طيب طيب...ترى كل مارفعتي صوتك بينزف اكثر وبيألمك
جود صاحت عليه/بررراااااا
ماجد طلع علطول وهو يحس بتأنيب الضمير..
(أنـا شسويت..ماصارت عزيمه وفتحت عليها الهواش من كل باب..بغت تموت بسبتي..لهالدرجه غبي..البنت راعية فزعات وحابه تودعني أنا وشوله مكبر الموضوع,,صدق أني غبي).........
,
جود جلست تضغط على جرحها ونزلت راسها..
دخلت ساره وشافتها تتألم/جوودي
الجود حاولت تمسح دموعها قبل ماتشوفها/هـ هلا
ساره جلست جنبها/جوودي وش فيه صوتك مبحوح كذا؟ ووين ماجد؟
الجود بألم/راح
ساره لاحظت دمعتها/أنتي تبكين؟..لايكون قالك شيء ضايقك
الجود سكتت وصدت..
ساره شافت دمها وعصبت/هذا واأنتي منقذه حياته..صدق مايستاهل...
الجود قاطعتها/لا تحسبيني نادمه..وربي لو كان محتاج قلب..لأعطيه قلبي مو بس كبدي وأموت مرتاحه..
ساره/طيب هو وش قالك بالضبط..
الجود آلمها الجرح/ساره الله يخليك اتصلي فالدكتور بسرعه..
ساره/يالله نسيت لحظه ...بتصل في فيصل اللحين..
,
,

قلب نجد · 07-06-13, 03:18 AM

الفصل الرابع

اليوم الثاني:
قام ماجد من نومه بدري..أخذ دش ولبس وكشخ وطلع..ودق تلفون من الصباح وهو طالع/ي رب ترد..اللي سويته معها مو قليل..
,
,
عند الجود كانت نايمه ومرتاحه بعد ألم البارحه..مدت يدها الجوال تبي ترد..وشافته رقم ماجد وماردت,نزلت دمعتها.كانت مجروحه.
جاها مسج وفتحته تقراه وتأثرت[[قبل انتـفارق سطرتلك يميني آخر رسالة حب أودعك فيهــــــا .. هذا قدرنا بالهوى صدقيني الايام ماتمشي على مانبيها ودعتك الله وإن قسيييت أعذريني وعيوبي اللي تعرفينها..استريها وان كان عذبتك معي سامحيني وانسي ذنوبي واغفريهـــــــــــــا]]
الجود تنهدت وهي تقول مسامحتك..راحت تتصل فيه..وهي ساكته..
,
ماجد فرح بإتصالها ورد على طول/مرحـبـا
الجود ساكته وتسمع/...
ماجد/جودي تسمعيني؟..
الجود تنهدت..
ماجد حس بخطاه وقرر يتكلم هو/جودي أنا آسف عاللي صار البارح.. أنا كنت غبي ما أفهم...جودي أبي أشوفك قبل ما نفترق..طلبتك لا ترديني.
الجود ساكته وهي تسمعه وتمسح دموعها..
ماجد/جودي أنا رايح مقهى "مينميز"..وراح انتظرك هناك حتى موعد طيارتي فالعصر اتمنى من كل قلبي أني ألتقيك هناك..
,
,
الجود سكرت الجوال وتنهدت..وأستلقت على سريرها..
,
,
,
//////
"مقهى مينميز"
أجواء غائمه وكأنها بتمطر..
جالس ماجد ويشرب شاي وينتظر الجود لعلا وعسى....
شاف وحده أقبلت وكأنها هي,قعد يطالع وهو يتبسم فرح أنها حضرت,بس اتجهت لمكان ثاني!
الجود شافته يطالع فالبنت وولعت غيره ووقفت عند طاولته وهي رافعه حاجب ومنزله الثاني/هاي
ماجد التفت,مستغرب/هلا جود
الجود/أسـمـي الـجوود..مو جود..
ماجد ببتسامه/طيب يا الـجوود تفضلي
الجود جلست والتفتت تطالع هذيك البنت وتطالع في ماجد/اللي ماخذ عقلك يتهنابه
ماجد عرف قصدها/لا لا تفهمين غلط..كنت مشبهها عليك بس..
الجود بغرور/هـذي تشبهني أنا؟!!.هـزلت.
ماجد عرف انها غيره,أبتسم وبنظره دافيه/لا طبعاً أنتي مالك شبيه..
الجود/شقصدك؟
ماجد/ههههه اللحين أنتي وراك معصبه علي
الجود عدلت جلستها وحطت رجل على رجل/لا ماني معصبه..من يقول
ماجد قعد يطالع بعيونها العسليه/ملامح وجهك
الجود ذابت وعيونه بعيونها/من جد؟
ماجد هز راسه بالإيجاب وهو يطالع عيونها...
الجود قلبها دق بقوه وارتبكت بس تحاول ماتبين/أنت ناديتني..خير شعندك.
ماجد يبي ينسيها زعلها/تصدقين اللون العسلي لايق على عيونك
الجود استحت/بذمتك..
ماجد/واللون الأزرق بعد حلو عليك.
الجود انقهرت وعصبت/اللحين مناديني علشان تكلمني عن لون عيوني.
ماجد/هههه
الجود بنفاذ صبر/أنت شتضحك عليه..
ماجد/انا أسف..بس لو تشوفين شكلك وأنتي معصبه...تجننين هههههه
الجود ابتسمت وضحكت/ههههه
ماجد ذاااب من ضحكتها وجلس يتأملها..
الجود سكتت من نظراته..
ماجد/أنا آسف عاللي سويته فيك ذيك الليله كنت همجي وماعندي ذووق وغبي
الجود ببتسامه/الإعتراف بالحق فضيله..
ماجد/أفاااا يعني بدال ماتقولين محشوم
الجود ابتسمت أخيراً وصدت..
ماجد فرح انها ابتسمت/ايييه وريني الإبتسامه..
الجود ابعدت شعرها وراء اذانيها وناظرت فيه/وشو موضوعك اللي ناديتني عشانه.
ماجد بإهتمام/كيف جرحك؟
الجود/تمام..يعني ماشي الحال
ماجد يطالعها يتأكد/شلون يعني ماشي الحال
الجود/لاتحط ببالك..أنا بخير
ماجد طالع الساعه,
الجود/شفيك تطالع ساعتك..ترى بدري عالطياره..
ماجد/خايف يروح الوقت..وأنا ماقلت كل اللي بخاطري
الجود/طيب قول اللي بخاطرك وش تنتظر.
ماجد/جود..يمكنك ماتدرين اني مكان ابوي فالعايله..يعني المسؤول عنهم..وماعندي غير اخوات بنات..واخ توه صغير وأنا تحملت مسؤليه مبكر..كنت دايماً جاد بحياتي المهنيه..حتى بالبعثه مثل ماشفتي...عمري مافكرت بنفسي.كنت خايف على خواتي تعرفين تربيتهم صارت صعبه بهالزمن.
الجود/طيب وش دخل هالقصه بموضوعنا؟
ماجد/أنا جايك بالسالفه...أنا قاعد أفسرلك تصرفاتي..عمري ماحاولت أناظر بنت بنظره مهي زينه..كنت اخاف من انه يصير لخواتي شيء بسببي.
الجود ببتسامه/فهمتك
ماجد وده يفتح موضوع وموعارف/..
الجود سكتت وهي تتمنى يقول كلمه وحده وبس..
ماجد/تصدقين تفاجأت فيك لمن عرفت انك سعوديه..ماتخيلت طول هالفتره انه وراك قصه..أنتي ليش غامرتي هالمغامره.
الجود جاها إحباط(للحين مافهم)../علشان أكسب قلب إنسان وأعيش بقربه لو ثواني
ماجد عارف قصدها بس يستغبي/ومن هذا؟
الجود وعينه بعينه/واحد لو يطلب عيوني اهديتها له.
ماجد ابتسم وسكت وهو يطالع الساعه وقام/يله استاذن.
الجود دق قلبها من الخوف,ومسكت يده/وييين؟تو الناااس.
ماجد/جوود لاتسوين هالحركات..
الجود استغربت/أي حركات؟!
ماجد سحب يده منها/أنا ماني قريبك ولا خطيبك ولا حتى زوجك..ولا تفسرين قعدتي معك غلط,أنا جاي أعتذر منك وبس..وانتهينا..سلام
الجود انقهرت منه ومن كلامه اللي جرحها/..
ماجد مشى من عندها وتركها..
الجود قامت من كرسيها ومشت خطوتين وحست بألم فضيييع ببطنها وتكت بيدها ع اقرب كرسي وأصدرت آه مكتومه..
ماجد ألتفت وهو طالع لأنه سمع أصوات الناس,وشاف الجود ضامه بطنها بيديها الثنتين وجالسه على الكرسي وباين تتألم ,,لف وراحلها ركض/جودي فيك شيء؟
الجود هزت راسها وهي تبكي/لا مافيني شيء..
ماجد لمس مكان جرحها ووضغط عليه..
الجود اصدرت آآه/
ماجد ماتحمل شالها بسرعه وطلع بها لأقرب مستوصف..
الجود بهالوضع الصعب فرحت من قلبها وهي بحضن ماجد وبين أياديه ضمته من قلبها وشمت ريحته وتنااست ألآمـهـا..!
[[حضنك فراشي و صدرك المخـده أبي أعيش حياتي كلهـا بين ايديك

طلبتك أبي حضنك طلبي لا تـرده ضمني حيل لصـدرك الله يخليك

وعطني بوسه شوقي وصل حـده بوسه منك تخلينـي مجنـون فيك

أحتاجك أرجوك بابك لا تسـده أحبك وحب الكون كله مايكفيك ]]*المستوصف*
بعد تضميد الجرح..
الجود مرتااحه بعد البنج الموضعي ومسترخيه وشبه جالسه عالسرير..
وماجد جنبها وماسك بيدها/ها وش تحسين فيه اللحين
الجود طايره مو بالدنيا/احسن من قبل
الدكتور بالفرنسيه/أنتبهي على جرحك ولا تتحركي بسرعه مفاجأه..كوني حذره فمازال جرحك طرياً.
الجود/حسناً..
طلع الدكتور وتركهم..
ماجد/زين كذا خوفتيني عليك
الجود ببتسامه ذابله من الألم/صدق!!يعني خفت علي
ماجد مد يده ومسك كفها/لا ماخفت عليك.
الجود عبست زي الأطفال وهي ساكته..
ماجد انهبل على دلعها/هههههه أمـزززح..مصدقه انتي
الجود سكتت وصدت وهي زعلانه..
ماجد/أفااا..شكلك زعلتي صدق
الجود/أنت شتبي مني بالضبط؟
ماجد/شقصدك؟
الجود/كل ماشوفك تكون رايق وفجأه تولع وتعصب وتقهرني بكلام يسم البدن..وترجع تقول سامحيني..مافهمت عليك
ماجد فكر بكلامها وسرح(الظاهر قلبي عشقك يابنت اللذين..عمري ماسويت كذا ولا حتى توقعت أني بسوي كذا..شلون ماني قادر اتحمل اشوفها تتألم..لا ومن تطالعني بعيونها وتسبلها ودي اضمها لصدري وأخطفها عن عيون الناس..آآه مالقيت ياقلبي تعشق غيرها!!هذي ماتصلحلك..ليش تحبها وهي مو من افكارك ليييش)..
الجود شافته مسرح ولمست خده ولفت وجهه عليها وصارت عيونه بعيونه.. وجلسوا يناظرون بعض ثواني..
ماجد ماقدر يمسك نفسه قرب منها أكثر مماهو قريب وشم ريحة أنفاسها اللي يفوح منها عطرها..ومسح على خدها ورقبتها بأطراف أصابعه وضمها حيييل..
الجود مو مصدقه..بس تمنت لو قالها كلمه وحده تخليها تقول كل اللي بخاطرها له..
ماجد تذكر نفسه وابعد بهدوء ويبي يتعذر/أنا آسـ
الجود حطت يدها على فمه ببتسامه/لا تعذر..أنا اللي سمحتلك..وماني زعلانه.
ماجد استغرب ردها.
الجود تبي تخفف عنه/أجل كنت تبي تسافر من دون ماتوادعني.
ماجد قام بهدوءه/أنا لازم أمشي..قربت طيارتي..والشباب من صبح ينتظروني.حتى جوالي كان مسكر..
الجود/ لحظه بروح معك..
ماجد/لا انتي تعبانه استريحي..اتصلت ساره قبل شوي على جوالك ورديت عليها وقلتلها تجي تاخذك مع السايق..
الجود جلست تناظر ملامحه بدقه قبل لا يمشي...
ماجد وهو طالع/اوكي باي جودي
الجود نزلت دمعتها لمن سكر الباب طالع..ودخلت ساره علطول وراحت تواسيها بسكااات..
,
,
,
,
.
//////////////////////////////////////////////////////////////////

الــســعـوديـه/
ارض مطار الملك خالد الدولي..
أرض الـحـبايب(نجد العذيه)..هنا تربيت وهنا عشت..هنا ارضي آآه يازين حرها ويازين بردها..
مشعل وخالد ومحمد ومعهم حاتم واقفين ينتظرون قدوم ماجد..
أقبل ماجد وشافهم..وأشر بيده/شباااب
أول واحد ركض حاتم أخوه راح يركض ونط السلاسل المحطوطه ومشى بين الناس متجه لأخوه وهو يناديه/مااااجد
مشعل/ههههه الله يصلحك ياحاتم
خالد/ههه لاتلومه.
مشعل /صـادق
محمد لحق حاتم وراح يصورهم بهاللحظه/ماتنتفوت ياعيال..
خالد/ياحبه لهالحركات
مشعل/هههههه
حاتم وصل لأخوه وضمه وهو يبكي...
ماجد تأثر ونزلت دموعه وضمه/تووومه لاتبكي..خلاص انا هنا..
حاتم مافكه/أشتقتلك ياخوي..طولت علينا مرره قلت 6شهور وقعدت10شهور
ماجد/حبيبي شغلي ماخلص بدري..
مشعل/هلا بالنسيييب
ماجد سلم عليه/هلابك..مشعل كيفكم بشروا عنكم..
مشعل/حنا بخير دام الله سلمك لنا
ماجد غمزله يسكت..وسكت
محمد سكر كامرته وسلم/شلونك مجود لك وحشه والله
ماجد/هههه رفيقتي انت وجهك تناديني مجود
الكل/ههههههه
خالد بهدوء وابتسامه قرب/السلام عليكم
ماجد ببتسامه بارده/هلا بووليد وعليكم السلام
خالد/نور الوطن
ماجد/تسلم بنور أهاليه
,
,
,
,

الليل/
كان مقام حفل استقبال لماجد..بأرقى الفنادق..وحضروا الأهل والأقارب..وكان حضور صاخب..
انتهت الحفله والكل كان تعباان ومرهق..
ماجد/الصراحه ماقصرت يامشعل..تعبت نفسك.
مشعل/ههه انت تستاهل اكثر..وترىمو بس أنا أللي مسوي هذا كله..خالد كان معي بكل شيء..وهو اللي اقترح نحطه بهالفندق على حسابه الخاص
ماجد التفت يدوره!!/من جدك
مشعل/شدعوه حنا عيال عمك..
ماجد/فيكم الخير والبركه
حاتم اقبل/مااجد
ماجد/سم
حاتم/أهلي يقولون مابقى أحد بنمشي
مشعل/قول لهم يطلعون بيوديهم خالد..شوف اليوكن عند البوابه.وماجد بوصله أنا..
ماجد بغى يرفض بس ترددماحب يسوي قضيه/..
حاتم/طيب
راح حاتم..
ماجد تذكر شيء وألتفت على مشعل/وش هالأخبار الزينه..يقول بتصير أب
مشعل/ههه ايه عقبالك
ماجد/ههههه قول عقبال اتزوج بالأول ههههه
مشعل/هههههه
,
,
طلعت هيفاء أول وحده علبالها السايق حق اعمامها..وكانت تكلم فالجوال/ههههه وربي ماني راايقه حبيبي خل السولف بكره...لا عاااد نواااف هههه
خالد تحنحن وكح/...
هيفاء خافت وبلعة ريقها وسكرة الخط وقفلت الجوال..
خالد/مساء الخير بنت عمي
هيفاء مطنشه/...
خالد/كيف حالك؟
هيفاء ولا كنها سمعته/....
خالد/مو مشكله لاتردين..بس أنتبهي على نفسك وأنا ولد عمك
هيفاء/أنت مالك دخل فاااهم
خالد يكتم غيضه/لا ماني فاهم..لمن الشيء يخص شرف العايله..يخصني فاااهمه..
هيفاء/روح قول لماجد يلا شتنتظر؟
خالد يضبط اعصابه/ماني رخمه أنقل حكي..بس بتصرف..
هيفاء بإنفلات اعصاب/يعني شبتسوي؟؟
خالد/لكل حادث حديث..بس نصيحه إذ هاللي يكلمك يبيك من جد خله يتقدم رسمي..وبلا شغل حراميه..البنت اهم ماعليها سمعتها..
هيفاء توترت/..
خالد/أنا أنبهك ترى الشباب مايحبون يتزوجون البنات اللي يكلمونهم..ويغازلون..
هيفاء عصبت/انت قليل أدب
خالد/مشكوره تحملت منك واجد..
اقبلت ام ماجد و الجوهره ومعها ساره وحاتم البقيه...
ام ماجد/أسفين ياخالد أخرناك..
خالد/ولو ياخاله خذي راحتك..
,
,
,
مشعل وماجد وهم فالسياره..
مشعل/ها ياماجد ماودك تقولي وش صار على جراحتك
ماجد/زي ماقلتلك فالتليفون صدقني
مشعل/والله قصتك كنها من افلام السينما..
ماجد/خلها على ربك..هذولا عيال البطره..علبالهم يقدرون يسوون كل شيء بفلوسهم..
مشعل/بس انت قلت انها تبرعتلك بكبدها
ماجد/اي صحيح
مشعل/والله ماقصرت هذي شجاعه..يعني نادراً ماتشوف ناس تضحي كذا..لا وماهي مضطره..الصراحه تتوزن بذهب
ماجد سكت وهو يتذكر دمها آخر مره شافها قبل مايجي. وتذكر وش سوالها وطلع دمها..
,
,
,
,
بغرفتها جالسه هيفاء تبدل ملابسها وهي مقهوره من كلام خالد قبل شوي(معقوله خالد يفتن علي ويقول لأخوي!!)الله يستر بس..أنا لازم اكلم نواف وأقوله يجي يخطبني رسمي بسرعه,وافقع عين خالد..
متى يجي الصباح بس متى..؟
,
,
,
,
مرت فتره عالأحداث السابقه..
في الشركه الحكوميه اللي يشتغل فيها ماجد...
جالس يأدي عمله كعادته بعد ماترقى وصار مديــر قسم العلاقات العامه بالشركه..واصبح من انجح المدراء...
جاه اتصال..ورد برسميه/الوه..هلا طال عمرك...ان شاء الله...ابشر حالاً..
طلع ماجد..ومر على سكرتيره/شووف أنا رايح مدير عام الشركه..اي احد يتصل قوله اني في اجتماع. او معامله حطها عندك هنا لين اجي اوكي
السكرتير/ان شاء الله طال عمرك..
,
,
,
الإجتماع::
المدير العام اسمه ابو عادل/شوفوا يااخوان..انا عارف انكم مستغربين اني طلبتكم مره ثانيه في اجتماع خلال يومين..بس اللي حاب اقوله ياجماعه ان الأوضاع تتغير وسياسة الحكومه الأن خصخصة قطاعاتها لرفع كفائتها بما يعود بالنفع عالوطن..وحنا يااخوان بما أننا شركه حكوميه..فمن ضمن اللي راح تخصصها الحكومه..
مساعد وهو احد المدراء/والمطلوب طال عمرك..
المدير/سؤال مهم...وهذا اللي جمعتكم علشانه..ابي منكم تشدون حيلكم لأننا راح نسوي جرد لحسابات الشركه..ونرتب أوضاعها
ماجد/وضح طال عمرك
المدير/راح تنزل شركتنا في مناقصه فالسوق لبيع أسهمها..لذلك لازم تكون حساباتنا..مضبوطه وجاهزه خلال يومين بالكثير
علشان كذا حبيت انبهكم..يله هاللحين قوموا ونفذوا اللي قلت كلن بقسمه..
,
,

طلعوا المدراء من الإجتماع..
مساعد وهو يكلم ماجد وماشين فالممرات/الله يستر من اللي بيصير
ماجد/ليش شبيصير؟
مساعد/مادري شلون بيكون وضعنا بعد الخصخصه..
ماجد/خير ان شاء الله..
مساعد/أي خير بس..ماني متفاءل
ماجد/هههه وانت من متى تفاءلت الله يصلحك بس تعال نشرب كافي بمكتبي
مساعد/ناظر ساعتك خلص الدوام شفيك ياخوي
ماجد/ههه اجل تعال نروح البيت ونتغدا
مساعد/ودي بس ماقدر والله..بروح البيت
ماجد/عسى ماشر الوالده فيها شيء
مساعد/لا مافيها شيء بس تخبر وحدانيه..ومالها غيري..
ماجد/صح الله يعينها..
مساعد/والله العظيم اني اشيل همها وأنا بشغلي..
ماجد/طيب وانا خوك ورى ماتتزوج وجيبلها وحده تونسها..وتملون عليها البيت عيال يصجون بيتكم شمأخرك عن الزواج
مساعد/مالقيت المره المناسبه..وخايف اجيب وحده بدال ماتسرها تغثها..
ماجد/صادق..بس ترى بنات الحلال واجد..
مساعد/انت صادق..الله يعين..يلا عن اذنك...
ماجد/اوكي باي..سلم عالوالده
مساعد/يوصل
طلع ماجد وركب سيارته متجه للبيت..
بالطريق/كان قدامه زحمة سير..
وجلس يسرح يمين ويسار..
رن جواله..وأخذه يرد/هلا مشعل
مشعل فالجوال/هلابك..كيفك ماجد
ماجد/تمام وانت
مشعل/بخير...وينك؟
ماجد/ههه ناظر ساعتك..انا راجع من دوامي ليش تسأل؟
مشعل/ابد والله بكره الخميس قررت انا والعيال نطلع كشته بكره..يعني ضبان وماضبان وقنص
ماجد/ههه أما عااااد..
مشعل/شرايك تطلع معنا
ماجد بحماس/هههه مايبيلها..نطلع وش يجلسنا من زمااان عن البر
مشعل/وانا قلت كذا..
ماجد/اوكي انا طالع معكم بس متى بتمشون؟
مشعل/بكره الفجر
ماجد/تمام...
مشعل/يله استاذن باي
ماجد/باي
ماجد سكر الخط وهو مبسووط...
وقف عند إشاره ..وجلس ينتظر..وشغل شريط بو نوره.."ياسحايب سراة ابها تعدي شمااال واستعيري دموعي سيلي كل واااد.....
التفت يتفرج ولمح وحده جالسه تناظر فيه..بوقاحه من سياره جيب 2009وكأنها بتنط من سيارتها عليه...
ماجد صد عنها/الحمدلله والشكر... ولعت الإشاره خضراء ومشى ماجد...رايح لبيتهم...
,
راعية السياره نزلت دموعها غصب..وهي تشوف خطيبها اللي فضلت الرجال الغني والمتزوج وعنده عيال عليه..يمر من قدامها مبسووط..وعايش حياته..هذي مشاعل ندبت حظها مليوون مره...
زوجها راشد جنبها/اسمعي يابنت
مشاعل بدون نفس/نعم
راشد/أسمعي السبوع الجاي برجع من السفر وبجي اخذك فااهمه
مشاعل/بس انا من زمان عن اهلي
راشد رفع صوته/والله لو لك عنهم سنه..
مشاعل بتأفف/طيب وين المصروف
راشد/أي مصروف انتي ووجهك
مشاعل/بتتركني عند اهلي بدون شيء
راشد/الدعوه طمع...مايحتاج..موب لازم
مشاعل/حرام عليك..مايصير اللي تسويه فيني
راشد مد يده وطلع ميتين ريال وعطاها/خذيها هذي ميتييين وأنا داري انك بتضيعينها بعد
مشاعل اخذتها وسكتت..عارفه ماراح يعطيها غيرها لأنه جلده بخييل/
راشد بحسره على فلوسه/ااه منكن ياهالحريييم ياحبكن للفلوس والصرفيه..
مشاعل بخاطرها(ياحبك للقرش..ماتعطي غير كم ريال وبالحسره..وتمنن بعد..عمري ماشفت مثل هالبخل..معها حق زوجتك لمن مازعلت يوم تزوجت عليها)
,
,
,
.
بـآريس//
بنفس الحديقه اللي يلتقون فيها من تعرفوا على بعض..
سلطان جالس قبال البحيره وسرحان فالبط..كيف يطيــر سوا ويهبط سوا على الماء..وكأنهم يعزفون موسيقى سمفونيه..وينتظر ساره..وبيده ورده حمراء..وملتف بكوفيه حول رقبته..
رن جواله..ورد/هلا حمد..
حمد بالجوال/السلام عليكم..
سلطان/وعليكم السلام..
حمد/وينك ياخوي من صبح ادورك..
سلطان بتهزي/هههه سووري تذكرت أني نسيت استأذن منك..
حمد/هههه لا صدق سليطين وينك؟..ترى طفشت لحالي..متى بتخلص من قصة ساره
سلطان/خلاص يالحبيب..قربت النهايه..
حمد/شقصدك..تبي تتزوجها..
سلطان/هههههههاااي..أي زوااج يالغبي..
<<ساره أقبلت ووقفت تسمع مع منو يضحك وسولف....
حمد/يعني منت متزوجها؟
سلطان/هههه الله يصلحك بس..ساره وأشكالها مو للزواج..
<<ساره انصدمت صدمة عمرها.!!!
سلطان يكمل/ساره واشكالها مثل الورده..تشمهم ومن تخلص ريحتهم الحلوه ترميها وتدوس عليها..
حمد مايعجبه هالتفكير/بس هي تحبك؟هذا اللي واضح حرام عليك.
سلطان/هههههه مشكلتها إذا تحبني مو مشكلتي..أنا متى ما قشرتها وأخذت اللي ابيه سحبت عليها...
سلطان ألتفت وهو يكلم ويضحك..وتفاجأ بـ"ساره" وراه.. وانطرم وقفل الجوال!!
ساره أكتفت أنها تطالع فيه بإحـتـقـار..
سلطان ببتسامه صفراء/حبيبتي أنتي من متى هنا؟
ساره خزته بنظراتها الناريه فوق تحت.وسحبت سلسال من رقبتها كان مهديها إياه.ومشت من عنده بشموخ وبدون ولا كلمه..
سلطان بلع ريقه وانحرج من نظراتها..
حاول يركض وراها ومسك يدها ووقفها/ساره لـحظه..
ساره سحبت يدها بقوه وماخلته يكمل..ومشت..
ساره مقفيه وتبكي بصمت ودموعها مغرقه خدودها..وتنهد تحاول تبلع العبره..ولسان حالها..
[[صـددمه عندما يخونـك مـن هو مـنك وفيك...
صـدددمه عـنـدما تكتشف أن من تحب يتسلى بمشاعرك!!!
صددددمه عندما تكتشف أن خلف الأجـسـاد الرائعه" أنفس خـاويه جـوفاااء"..!!]]
...
سلطان حس أنه ماعاد بيده شيء..نزل راسه..وخاب أمله..بعد موقف ساره..وإحتقارها له..
شلون قدرت تشل تفكيره بردت فعلها الهاااديه..نظراتها قتلته..
/
/

,
,

قلب نجد · 07-06-13, 03:29 AM

الفصل الخامس

السعوديه//
البيت/
جالسين عاالغداء كلهم..ويسولفون..
ام ماجد/ها ياولدي شسويت اليوم..
الجوهره/ههههه يمه ماجد مدير قسم اللحين مو طالب ابتدائي
الكل/ههههههه
ام ماجد/ولو يظل بعيني ماجد ولدي صغير مهما كبر..كلكم بعيني صغار مهما كبرتوا
ماجد/هههه لبى قلبك يمه..الله لا يحرمنا منك
هيفاء بالها مو معهم..بالها مع نواف اللي من اسبوعين مايرد على اتصالاتها ولا يتصل...!!
ماجد/بكره يمه طالع كشته انا وعيال عمي.. نبي نقنص
الجوهره/ياحظظظكم
حاتم/ماجد خذني معكم
ماجد/إذا قمت بدري وصليت الفجر فالمسجد اخذتك..حنا بنطلع الفجر
حاتم استانس/خلاص انا بنام بدري علشان اصحى بدري..
ام ماجد/انتبهوا على ارواحكم ياعيالي
ماجد/ان شاء الله يمه..
ماجد لاحظ هيفاء سرحانه.. وماتشاركهم الحديث/فيفااا
هيفاء التفتت/سم
ماجد/سم الله عدوك..شفيك منتي معانا ولا سمعنا صوتك..!
هيفاء ابتسمت ابتسامه صفراء/لا ولا شيء..دايخه من صجة البزران تدري روضه
ماجد/الله يعينك
هيفاء/امين..عن اذنكم انا طالعه اقيل
راحت والكل كمل غداه...
الجوهره غصتها العبره ودها تتكلم مع هيفاء بس مو قادره..مقهوره من تصرفات اختها ومقهوره من نواف بنفس الوقت!
,
,
,
,

قصر آل فارس/
دخلت الجود ومعها فيصل راجعين من الشركه...وكانوا يتناقشون...
فيصل/بس حنا مجالنا غير مجال هالشركات..
الجود/وش فيها نبي ننوع..
فيصل/بس هذا فيه مخاطره كبيره..
الجود بنبرة تحدي/السوق يبيله قلب جامد...وأنا حابه هالشركه..وابي اكسبها بأي وسيله فااهم..
فيصل مو مقتنع/المنافسين كثار..والسعر احتمال يتضاعف
الجود/هههه مو مهم..المهم ابي اغلبية أسهم هالشركه تكتب بأسم شركة آل فااارس..وياليت لو اقدر اخذها كلها
فيصل/هههه منتي صاحيه ياجود مستحيل اناقشك في شيء أنتي مقتنعه فيه خلاص.. انا رايح اقول لعمتي نوره تحط الغداء بموت جوع..
راح فيصل..
الجود سكتت وهي تبسم وسرحت بعيييد..وهي تتذكر صورة "ماجد" قدامها..ولمن هزأها آخر مرّه في باريس..ونزل دم من جراحتها أللي كانت وقتها طريه..نزلت يدها ومسحت على الجرح القديم(مصيره يحط يده هنا ويلاطفك ويطلب الرضا بعد)
رن جوالها شافت الرقم واستاانست/هلا نجوووله
نجلاء/أهليين ياقاطعه..شخباارك؟
الجود/أنا تمام انتي اخبارك كيف البيبي..متى بيشرف
نجلاء/هههه البيبي بخير..
الجود/عسى مايتعبك بس
نجلاء/قولي عسى ماتتعبك..هي بنوته
الجود/واااو بذمتك حلووو..بس شوفي لازم تسمينها الجود
نجلاء/هههه من غير لاتقولين..بسميها الجود..نبي الهديه السنعه..هههه ماني طماعه صح..
الجود/هههههه تستاهل..والله لا يجيها احلا هديه
نجلاء/ههه امززح وربي امزح صدقتي..مانبي منك شيء..نبي نشوفك وبس..قلنا نسمي هالبنيه على اسمك كود تجين وتطلين عليها..
الجود/ابشري انا جايه بس مو اللحين حالياً مشغوله تدرين بعد الوالد لازم اشتغل وادير الشركات واساعد فيصل ولد عمي مسكين مو ملحق..
نجلاء/الله يعينكم يارب..طيب معناته راح تزوريني عند أهلي لأني بكره او بعده رايحه لهم.. بقعد لين أولد معاد فيني اقعد هنا لحالي..تعبت ابي امي
الجود/اووكي..موو مشكله نتقابل عند اهلك اهم شيء نشوفك..
نجلاء/يلا باي حبيبتي انتظر جيتك
الجود/باي قلبو..
سكرت الجود الخط وقامت تتغدى..
,
,

,
وقت بعد العصر جالسه الجوهره وهيفاء ومعاهم اختهم نجلاء وماجد اخوهم..وعندهم سوالف وضحك..
ماجد/اللحين يا نجلاء متى بتولدين؟
الجوهره/شكلها بتولد السنه الجايه ههههه مطوله الأخت
نجلاء/لا عااد هههه قريب ان شاء الله ليش تسأل؟
ماجد/بصراحه وانا اخوك مصختيها ههه بسرعه أولدي نبي بزر نلعب عليه
هيفاء/ بنعطيها فرصه من هنا لين آخر هالأسبوع إذا ماولدت نبي نشوفلها صرفه هههه
الكل/ههههه
ماجد/هههه الظاهر كذا هههه
ام ماجد دخلت على ضحكهم/ماشااء الله وش هالضحك ضحكوني معكم..
نجلاء /يمممه تعالي ساعديني على عيالك..اتحدوا علي
الكل/ههههه
ماجد/شوفوا شوفوا
الجوهره/امي ماعليك منها كذابه حنا بس نبيها تولد بسرعه
ام ماجد/ههههههه
رن جوال نجلاء/لحظه أرد هذي رفيقتي..هلا
ام ماجد قطعت قاتوه ومدت الصحن لماجد/ذوق حبيبي
ماجد ذاق/تـســلم يدك يـالغـاليه..حلوووه اكيد..
نجلاء اشرت عشان يسكتون..وراحت تكلمها برا.
الجود بالتلفون سمعت صوت وكأنها تعرفه/سوري نجلاء شكلي عطلتك انتي مشغوله مع زوجك؟
نجلاء/لا بالعكس..انا عند اهلي..جيتهم اليوم وبقعد عندهم..
الجود/أهاا
نجلاء/ايوه انتي شخبارك
الجود/ابد والله بكره إجازه..يعني إذا فاضيه بزورك.
نجلاء/السااعه المباركه
الجود/يعني ماعندكم شي يعطلكم
نجلاء/تعالي بأي وقت
الجود/طيب أنا جايتك.
نجلاء/ اوكي عارفه وين بيت اهلي
الجود/وصفيلي وين
نجلاء/اووكي ......
.
,
نجلاء سكرت الخط وراحت للصاله..
الجوهره تتريق/خلصتي يا أم دبه
نجلاء/مالك دخل..عقبال ماتحملين وأضحك دبتك
الجوهره/ههههه لا والله
ماجد قام وهو يضحك/ههه اجل يلا أنا ماشي تامرون شي
ام ماجد/وين يمه؟ اليوم موب إجازه
ماجد/الا بس عندي موعد مع واحد من الشباب
الجوهره/بترجع تتعشى هنا..
ماجد/لا
نجلاء/اكييييد
ماجد/شفيييك؟
نجلاء/ولاشيء بس أسأل..وحده من رفيقاتي بتجي بكره وبشوف إذا انت فيه وإلا لا
ماجد ببتسامه/ههههه اللحين حنا نتكلم عن اليوم..وأنتي تسأليني عن بكره.ههه.
الكل/هههههههههههههههههه
نجلاء/يووووه توي انتبهت ههههههه
الجوهره/ههههه بطيئة إستيعاااب هههههه
ماجد/هههه يلا أنا ماشي تامرون شيء
ام ماجد/سلامتك ياولدي..
طلع ماجد....

,
.
,
.
اليوم الثاني//
الليل...
طلعت الجوهره من غرفتها وقررت تروح لأختها هيفاء وتقولها كل شيء تعرفه عن نواف..وبطريقها رن جوالها/هلا ميمي..تماام.....
قررت الجوهره انها تكلم هيفاء بعدين...
..
تحت/
نجلاء مع الخادمه فالمطبخ ويجهزون القهوه والحلا للضيفه المنتظره..
رن جرس البيت...
طلعت نجلاء من المطبخ رايحه تفتح الباب..
ام ماجد/استريحي بروح أنا
نجلاء/لا يمه أنا رايحه هذي جودي
,

دخلت الجود مع نجلاء/مساء الخير..
ام ماجد استقبلتها/هلا يمه جود حياك الله..
الجود/هلابك خالتي..كيف الحال؟
ام ماجد/بخير يمال الخير..تفضلي..
دخلوا وجلسوا....
نزلت هيفاء/السلام عليكم..
الكل/وعليكم السلام..
نزلت بعدها الجوهره(العن ام الشياااكه)../هــاااي..
ام ماجد/استحي على وجهك وقولي السلام..تكلمي عربي..
الجوهره مسويه مستحيه/ يؤ يؤ يممممه لازم تفشليني
الكل/ههههههههه
الجود عجبها جوهم وهبال الجوهره...
,
,

بعد مروور الساعات..
الضحك كان متواصل وآخر وناسه..
الجوهره/مالت عليك يانجلاء تعرفين وحده مثل جود وتحرمينا معرفتها كل هالوقت..صدق ماعندك سالفه.
الجود/تسلمين ياجوجو..هذا من ذوقك
نجلاء/جودي كانت موظفه في البنك اللي اشتغل فيه..
الجود/يعني متدربه مو موظفه..
نجلاء/ايوه متدربه..بس ماطولت..راحت لشركات ابوها..
هيفاء/ويييه الله يعينكم على الأرقام..أحلا شيء وظيفتي معلمة رياض اطفال..
الجود/ياعمري..حلوين الأطفال..بس مو طول الوقت ..مزعجين شوي
هيفاء/مو شوي إلا واااجد هههههه
الكل/ههههه
نجلاء/بنات وين أمي.فجأه اختفت..لا يكون نامت بس ههه
الجوهره/ههه لاتطمني ماتنام قبل مايرجع ماجد من برا..
الجود انتبهت للأسم..
نجلاء ناظرت الساعه/مو كأنهم تأخروا..
هيفاء/لا هم بالطريق كلمت ماجد قبل ربع ساعه قال بالطريق..تلاقينهم وصلوا..
الجود قامت/أجل أنا لازم أمشي..
هيفاء/تو الناااس
الجود/ماعليه الجايات كثيره
نجلاء قامت معها/بوصلك
الجود/والله ماتقومين أنا اعرف الطريق..
الجوهره/بروح معها يانجلاء اقعدي ..
.
.

وصل ماجد ووقف سيارته..
حاتم ناظر/ماجد هذي من سيارته
ماجد ناظر وإلا سياره من النوع غير عادي وماتجي من برا غير طلبيه لأنها مواصفات خاصه..
حاتم/من سيارته؟
ماجد/مادري..اهااا هذي اكيد سيارة ضيوف خواتك..
حاتم/اول مره أشوف مثل هالسياره
طلعت بهاللحظات "الجود"..ونزلت من على الدرجات..ورفعت ناظرها للسياره اللي موقفه..
حاتم/مـااجد انا بدخل
ماجد نزل من السياره ولابس بنطلون جيشي وتيشرت ابيض كات..ماسك عالجسم.وكوفيه ملفوفه حول رقبته..
الجود لمحته وتأكدت أنه ماجد,ماتدري شتسوي.احساس مايوصف..لها زمــاان ماشافته..
حاتم من حماسه دخل يركض بيعلم خواته باللي صار..
ماجد راح وفتح باب السياره اللي وراء وأخذ الشوزن وشنطة السلاح..
الجود تمشي بشويييش وتناظره وركبت سيارتها..
ماجد التفت وشافها واقفه عند باب سيارتها وتناظره..!!
الجود كانت حاطه لثام,علشان مايعرفها..
ركبت سيارتها ومشت وعينها بعينه...
ماجد ظل يناظرها لـين طـلـعـت,وهو مستغرب نظراتها..وراح يدخل..
,

الجود وهي بطريقها رايحه للبيت..جالسه تفكر باللي شافته وهي تموووت بالأرض اللي يمشي عليها(آآه يا ماجد ياكبر حبي لك وياكثر شوقي لك..وشلون أوصلك أحساسي بس شلووون)..
[مشتـاااق لـك بـس الـمـسـافه*طـويـلـه*
مـقـدر أوصـلـك وأجــيــك..]
,
,

,
"مشاعل"في حاره شعبيه مكتضه بالمقيمين والمتخلفين عن نظام الإقامه والعمل..ببيت مهجور عنده مجموعه من النساء..وابخره ذات ألوان احمر وازرق وإضاءه خافته وجو عام مخيف..
مشاعل وهي تبلع ريقها من الخوف تناظر الساحر/زين سويت العمل اللي قلتلك
الساحر بعيون عورا/مدام انك دفعتي المقسوم..راح ابشرك سوينا العمل.
مشاعل/طيب شغل مضبوط..اقصد متأكد من مفعوله.
الساحر/ههههه عيب علييييك..
مشاعل/أقصد ابي أتطمن انه يربط ماجد عن الزواج ويخرب حياة أهله.
الساحر/هههه مو بس يربطه عن الزواج ,ويدمر حياته مع اهله مو بس يخربها ههههه
مشاعل/طيب وين أحطه؟
الساحر/لازم تحطينه في جنط سيارته.
مشاعل/أخاف يبيعها ويفسد العمل..
الساحر/ههههه مايقدر يبيعها دامه مسحور فيها هههههههههههه
مشاعل استانست/بس لو سمحت ممكن انت تحطها فالجنط بدالي أنا مقدر ولا تخاف راح ادفعلك.
الساحر/هههههدامك تدفعين ابشري..راح ارسل واحد من عندي..وهو بيضبط موضوعك.
مشاعل ارتاحت..

,

في احد المجمعات التجاريه/
خالد يمشي ومعاه اخته هياء/هيونه خلصي الله يخليتس لي..
هياء/خلووودي تكفى كلها كم غرض..اشتريهم ونخلص..بعدين تراني اختك..
خالد قاطعها/اختك الوحيده ومالي غيرك...
هياء/هههه فدييت اللي يحفظ ياناااس
خالد/ورا ماتجرجرين محمد وإلا مشعل شمعنى أنا!!!
هياء/انت عاارف محمد خلقه ضيق..وبيني وبينك ماعنده ذوق..ومشعل متزوج صعبه..أما أنت فغيير أخووي الذووق ومستشااري..وكاتم أسراري..مافيه وحده بالدنيا تقول لأخوها اسرارها وتتكلم معاه بكل شيء مثلي..
خالد/تكفييين يا أم الأسرار...ههههه الله يعين "سعد" عليك بس
هياء بدلع/ههه إلا يازييين بخته فيني..
خالد/هههه
من الإتجاه المقابل لهم خالد لمح "نواف"..ومعه وحده..!
هياء دخلت محل ساعات وسحبت خالد معها/خلودي تعال..ابي اخذ رايك شوي..
خالد دخل معها وباله مع سامي(ياترى من هاللي مع نواف..مو من خواته..ماعنده غير منال وتوها بالثانويه وبعد ماتلبس كذا!!..من هاللي معه!!)
هياء/خالد شرايك بهالساعه..
خالد وباله مو معها/حلوه حلوه
هياء كملت وهي تدور/والله منت معي..انت شفيك
خالد شاف نواف داخل المحل نفسه وصد علشان مايعرف..
نواف وهو ماسك بيد هالبنت/طيب ببالك نوع معين من الساعات وإلا بتختارين..
البنت/انت شرايك حبيبي
نواف ببتسامه/انا رأيي مثل ماتبين..
البنت/مانحرم منك..
خالد التفت على نواف وهو طالع وخـزه بإحتقار..وطلع مع اخته من المحل..!
بس نواف ما انتبه!!
هياء/قطيعه هذا نواف ولد جيران بيت عمي بو ماجد..
خالد مسوي مو مهتم/ما انتبهت..
هياء/إلا هو..ياقل ملحه ذا الأدمي..هذي اكيد العروس.
خالد/العرووس!!
هياء/إيييه..نواف تزوج من اسبوعين..وزواجه كان فالرياض.وتقول الجوهره أنهم ما ارسلوا بطاقات دعوه لهم..بس الجوهره درت بالصدفه من الجيران.
خالد انقهر وكان وده يرجع على نواف ويشبعه ضرب..بس كتم غيضه(ليالـواااطي شغلك عندي أنا)..
,
,
,
,
بالغرفه../ جالسه وتراقب تلفونها من اسابيييع وهي تنتظره يدق عليها بس ما دق!!
طق باب غرفتها ودخلت الجوهره/هاي
هيفاء ناظرتها بنص عين وصدت/يالله مساء خيييير
الجوهره/ان شاء الله مساء خير لا تخافين..
هيفاء/اشتبيين خلصيني..بنام..
الجوهره/مو باين انك بتنامين..وانتي عالشباك وبيدك الجوال
هيفاء بعصبيه/انتي شتبين بالضبط ماني ناقصتك..
الجوهره بدون مقدمات/ماراح يدق عليك انسي نواف..
هيفاء بتوتر/اطلعي برا..محد سألك
الجوهره/أصـحـي يا هبله..نواف كان يكذب عليك.نواف تـزووج من كم اسبوووع ونايم بالعسل مع وحده غييرك اصصصحي..
هيفاء نزلت دموعها غصب/أنتي كذابه اطلعي برا..
الجوهره/انا ماني كذابه بس انتي غبيه..ياما حذرتك منه..قلتلك اللي يحبك ويبيك مستحيل يتنطط عند الشبابيك ويتصل ويكذب عليك..قايلك انه ينتظر يتوظف..هااه؟؟..ترى الرجال متوظف من زماااان بس كان يتسلى فيك لحد ما يتزوج اللي يحترمها..لأن مافي وااحد يكلم وحده من وراء اهلها ويحترمها ويقبل تكون زوجته..
هيفاء غرقت عيونها دموع/بس هو وعدني..
الجوهره/ههه وعدك هااه!! بس هذي حوبة خالد فيك..حبيت اذكرك بموقفك مع خالد فالملاهي من سنتين تذكرييين ياهيفاء..لمن كنتي مواعده نواف يجي هناك وتشوفينه..لحظتها خالد سمع نواف وراح يتدخل ويمنع الشباب وانتي صرختي واوهمتي الكل وبمافيهم ماجد اخوي انه هو اللي تحرش فيك مو غيره..بس الله ماينسى احد..خالد تقبل هالتهمه وبلعها علشان خاطر العايله وانتي قربتي تهدمين عايله بكبرها...
هيفاء بدأت تبكي/الجوهره اطلعي برااا برااا
الجوهره فتحت الباب وتفاجأت ب"ماجد" عيونه مليانه دموع وحمراء/مــااجد!!
ماجد حاس براسه مشدود..وهو يصطنع القوه رغم انهياره/الجوهره روحي لغرفتك..
الجوهره خافت/ماجد انت بخير؟
ماجد بعصبيه/الجوهره روووحي لغرفتك
الجوهره طلعت..وماجد دخل وسكر الباب..
هيفاء قامت على حيلها وراحت لآخر الغرفه من خوفها ودموعها تسبق عبرتها..
ماجد حاول يتمالك أعصابه ومايتهور..
هيفاء/ماجد..أنا ما..
ماجد بضيق/أصصص ولا كلمه..
هيفاء سكتت وهي تمسح دموعها..
ماجد/طلعتي معه؟
هيفاء ترددت وبكت..
ماجد قرب منها بعصبيه وشد شعرها/طلعتي معه وإلا لا..؟ قرب منك رحتي معه فالسياره؟
هيفاء وهي تبكي/آي عورتني
ماجد رفع صوته/انطططقي
هيفاء بخووف/مرتين بس والله مرتين بسسس
ماجد ضربها ضرب عمرها ماشافته/ياكلبه وتقولينها ببرووود!! طالعه مع واحد غريب!....كرهتيني في خالد ولد عمي وخليتيني اتهمه ظلم..أنا وش سويتلك علشان تسوين فيني كذا..ليه ليييه؟
هيفاء صار وجهها كله دم من قوة الضرب..وجسمها كدمات/مـاجد وربي طلعه بريئه..بس بالسياره مالمسني وربي مالمسني...
ماجد رفسها كم رفسه قويه وضربها بدون رحمه وطاحت بعدها وهو طلع وتركها/اسكتي حرام عليييك انتي ذبحتيني ذبحتيــني يا هيفاء..الله ياخذك.
ام ماجد جات ركض بعد مانادتها الجوهره وقالتلها عن كل شيء/ماااجد شفيك على اختك..
ماجد سفهها وطلع..
الجوهره راحت لهيفاء تبي تقومها وماقدرت/فيفا قومي فييفا..
هيفاء قامت وهي تكح وترجع دم/بمووت
ام ماجد والجوهره قعدوا يبكون..
نجلاء جات وهي كانت نايمه بس على الأصوات صحت/اشفييكم..صوتكم طالع!!
الجوهره/قومي السايق خله يودينا للمستشفى بسرعه..بسررعه
نجلاء خافت على هيفاء شكلها مرره ينرحم/قومي انتي اخف مني بسرعه
ام ماجد تضم بنتها وتبكي/شفينا هذي عيين ماصلت ع النبي..
هيفاء تنهد وهي تحس بضعف بكل جسمها/بمووت يمه بمووت...
,
,
,
المستشفى..
الجوهره/هاه يادكتور طمني عن هيفاء..قدلكم ثلاث ساعات جوى ماحد فهمني شفيها
ام ماجد/تكفى يادكتور بنتي شفيها..
الدكتور وهو يعدل نظاراته/حصلنا نزيف رئوي خفيف سوينالها عمليه وقدرنا نسيطر عليه..وعندها خلع بالكتف وكسر باليد اليسار,
ام ماجد جلست تبكي/ياحسرت قلبي عليك يابنتي..
الجوهره/وكيف وضعها اللحين
الدكتور/حالياً تحت الملاحظه24ساعه..بس في شيء لازم نعرفه كيف حصل كل هالشيء للبنت..لأننا مضطرين نسوي بلاغ عن الحاله.
ام ماجد سكتت وانربط لسانها..
الجوهره/حادث منزلي يادكتور..كنا نظف البيت وهي كانت فوق السلم وقريبه من الدرج وطاحت..الظاهر حست بدوخه او شيءزي كذا.بس هذا اللي صار..حتى اخوي ماندري وينه تأخر عننا..اتصلنا فيه بس مايرد..
ام ماجد تناظر الجوهره مو مصدقه شلون ألفت قصه من راسها وقالتها كأنها صدق.....
الدكتور/اوكي كل شيء راح يتوثق..بس لمن تفوق من الغيبوبه..
راح الدكتور.....
ام ماجد/انتي شلون ألفتي هالقصه؟والله لوني ماني عارفه اللي حصل كان صدقتك..!!
الجوهره/الله يهديك يمه..أجل تبيني أقول الصدق..والله ان ياخذون اخوي ويحطونه بسين وجيم حقوق الإنسان..والشرطه..راح ننفضح يمه..
ام ماجد/الله يستر..وهذا اخوك أدق عليه مايرد..وبالأخير قفل جواله..
الجوهره/نجلاء كلمتني قبل شوي وقالتلي ان مشعل جاي على هنا..
ام ماجد/لا يكون قالتله شيء..
الجوهره/لا ماقالتله شيء..
,
اقبل مشعل وخالد..وهم متوترين..
مشعل/بس لو اعرف وين ماجد؟
خالد عاقد حواجبه وساكت....
مشعل سأل عن مكان هيفاء فالريسبشن/لوسمحتي أختي ابي أسأل عن المريضه هيفاء الناصي.بأي غرفه..
الموظفه/هيفاء الناصي بالعنايه المركزه.من هذا الإتجاه اخوي..
خالد بلع ريقه من الخوف/العنااايه!!..ليش حالتها خطيره؟
الموظفه/اللي موجود عندي بالكمبيوتر..يقول انها تعرضت لنزيف داخلي وكسور بجسمها.
مشعل/الله يستر..شكل حالتها خطيره مره
خالد راح مستعجل للعنايه المركزه..
مشعل لحقه..
/
/
/
اليـوم الـثـانـي::
بطريقها "الجود" رايحه للشركه مثل كل يوم..فكرت بصدفه تجمعها بماجد..بس عجزت..تبي تتكلم معاه بأي وسيله..
(ليه ما أتصل فيه..عالأقل أسمع صوته جنني شوقي.عليه وهو مادرى بي)
مسكت جوالها ودورت اسمه*أنفااسي* وانتظرته يرد/ياربي...حبيبي ليش مقفل جوالك؟
رن جوالها وكان فيصل/هلا فيصل...وشو؟؟وش جابه؟..لا حبيبي أنا جايه حالاً..
الجود عصبت/كل ماقول خلصت منه..رجعلي مره ثانيه!!
..
,

,
بعد يومين فالمستشفى..
هياء/جوجو حبيبتي روحي ارتاحي بالبيت وتعالي بكره..
الجوهره بحزن/مقدر ياهياء..أنا السبب فاللي صار لهيفاء,احساسي بالذنب قاتلني
هياء/يابنت الحلال فالنهايه انتي ما افتريتي عليها وماكنتي قاصده انك تقولين لأخوك عنها..بس اللي صار صار..
الجوهره/آآه راسي مصدع ماني قادره افكر..وماجد مدري وينه..
هياء/قومي روحي للبيت وارتاحي..اللحين هيفاء بغيبوبه وماراح تصحي اللحين..بس متى ماقامت وانتي منتي هنا بتصل فيك,أبشري..امك اتصلت فيني تسأل عنك..
الجوهره قامت/طيب انا رايحه ياهياء بس تكفين إذا جد جديد اتصلي علي فاهمه..
هياء/اشدعوه فاهمه يلا روحي بس..
الجوهره/باي
هياء/باي
راحت الجوهره.وجلست هياء لحالها في الإنتظار..عند العنايه..
اقبل خالد وهو مو على بعضه وجلس جنب هياء/وين الجوهره؟
هياء/راحت ويالــه وافقت..حاسه بالذنب ياقلبي عليها..
خالد سكت مقهور..لأن هياء علمته بكل شيء صار لأنه فهمها انه عارف كل شيء..وهي ماتخبي عنه شيء/
هياء/مالقيتوا ماجد؟
خالد/لا..
هياء/ويين رااح هالأدمي..بس لا يكون سوى بنفسه شيء..وإلا صاير له شيء وحنا ماندري.
خالد فكر شوي وقام...وراح يطل على هيفاء من الزجاج العازل..ويشوف آثار الكدمات على وجهها والأجهزه حواليها..
هياء ناظرته بنص عين/خلووود!!!
خالد وعينه على هيفاء/الله يهدي ماجد...كان قاسي عليها!!
هياء سحبته وابعدته/أسمعني وش راح تسوي بخصوص ماجد اللي مختفي؟
خالد بوادي ثاني/تعتقدين متى بتصحي من الغيبوبه؟
هياء/خـالــد!!..
خالد التفت عليها بعد ماتذكر شيء/أقول هيون..أنا رايح مشوار وراجع بعدين ..
طلع خالد مستعجل...
هياء وهي تفكر بتصرفات أخوها/أمووت وأعرف وش يخطط له هالولد...
,
,

,
بالطريق:
خالد وهو يسوق سيارته رن جواله ورد عليه/هلا مشعل
مشعل/خااالد أنت وينك؟ من يومين ماشفتك؟ هياء اتقول انك كنت عندها فالمستشفى.
خالد/صحيح..وطلعت من عندها,
مشعل/انت جاي ع البيت
خالد قرر يقوله/أقول مشعل أنا من يومين وأنا أفكر وين المكان اللي راح نلاقي فيه ماجد..
مشعل/ولقيته؟
خالد/لا مالقيته...بس أنا أتوقع أني بلاقيه في الديره..بيت جدي القديم..تذكره؟
مشعل/الديـره!!..صااحي أنت؟ ووش يوديه الديره؟ لايكون انت تبي تروح لهناك بعد
خالد/أجل وشو؟
مشعل خاف/لا ياخالد..لاتروح ما أعتقد أن مترك السايس نسى اللي أنت سويته فيه..
خالد/وإذا..أنا مانيب خايف من أحد..وبروح أدور ولد عمي...بتروح معي؟
مشعل/ما عندي وقت..ناسي أن مرتي على وشك ولاده ولا في أحد غيري ممكن يوديها..
خالد/أوكي باي أنا رايح بس لاتقول لأمي
مشعل/توكل على الله وانتبه على نفسك وعلمني بكل جديد..اوكي
خالد/أوكي..باي..
سكر خالد الجوال وتابع سفرته للديره...
,
,
,

في الديره على أركان البيت القديم,بيت العائله,جالس على عتبات البيت من الخلف ويناظر المزارع الكثيفه وسرحان في ملكوت الله وسااكت,بدون أي ردة فعل..
دخل خالد ديرتهم القديمه وهو يتلفت وداق لطمه بشماغه,علشان محد من اهل الديره يعرفه,
بسبب القصه القديمه والثار القديم..
كانت سيارة "مترك" وراه..وفيه شباب يراقبونه..!!
...
.
.
.
وقف سيارته وهو يشوف آثار كفرات سيارة ماجد لأن الطريق موب ازفلت..ونزل يركض ودخل البيت لقى الباب الخشبي...
دخل خالد وهو يتلفت ويدور ماجد/مـاااجـد..مـاااجد
ماجد كان قريب منه ويسمع بس ساكت ومايرد..كان يحس بضياع و ضيق...
اقبل خالد وشاف ماجد واقف ومو بالدنيا وراح له وهو يسابق خطاه لين وقف قباله وضمه/مااجد,شفيك ياخووي,دورتك بكل مكان ومالقيتك..أخيراً لقيتك..
ماجد بدون أي ردة فعل يناظر فيه وكأنه خارج التغطيه.!!!
خالد/ماجد وأنا اخوك اللي يصير عليك يصير علينا..لا تخاف والله لأخذ بثارنا من الخاسي نواف,أنت لا تهتم بس..
ماجد يسمع كلام خالد ويتأمله,حس وكأنه مو وحيد...
فجأه صوت إطلاق رصاص!!وكان قرييب منهم..
خالد وعينه بعين ماجد وهو يتبسم وعيونه تدمع وكان بيطيح بس تكى له ماجد/وداعتك اختك ياماجد.. وداعتك هيفاء..طلبتك لا تعذبها..
وطاح على الأرض وهو يحسب أنفاسه..
ماجد استوعب اللي صار ونزل يقوم خالد

ماجد وهو يضغط مكان الرصاص والدم النازف/خااالد خالد قوم بوديك المستشفى..
خالد وهو يتعرق/وانا اخوك لاتعذب هيفاء. تراني مسامحها وانت بعد سامحها..
ماجد وهو يمسح وجه خالد بطرف شماغه/ماعليك من هالسالفه..انت قلي ليش تجي الديره ناسي الثار عيال السايس مانسوا ليش تجي؟
خالد وعينه تدمع/لعيونك ياماجد اسوي المستحيل.الكل هناك يدورك وفاقدك.
فقد خالد الوعي..
ماجد صرخ بأقوى ماعنده وهو يتذكر مواقف خالد النبيله وكيف كان ظالمه/خـــاااالـــد..
تلفت يمين وشمال ونادا بأعلى صوته..لين تجمعوا عليه اهل الحاره..
,
,
,
,

فاطمة كرم · 07-06-13, 11:31 AM

أهلاً بكِ عزيزتي في روايتي وقسمك قصص من وحي الأعضاء أتمنى لكِ ما تنشدينه من متابعة واهتمام

قمت بتكبير الخط في الفصول وترقيمها وحسبت كل مشاركة بفصل أتمنى منكِ أن تحافظي على ترقيم الفصول الجديدة بعد ذلك فهذا أكثر ترتيباً وكيلا يرتبك القاريء بأي فصل يقرأ

ويمكنك تحميل العضوية الذهبية ها هنا الطريقة على هذا الرابط
https://www.rewity.com/vb/t143450.html

كي تقومي بدعوة الاعضاء لروايتك من خلال ارسال رسائل في بروفايلاتهم

بالتوفيق

في أمان الله

قلب نجد · 07-06-13, 04:59 PM

يعطيك ألـــف عــــافيــه عـزيـزتي...

شـــاكره لك مجهودك معاي

قلب نجد · 07-06-13, 05:14 PM

الـفـصــل الـســادس

,
بالرياض/
بغرفتها..تحركت هيفاء..وفتحت عيونها وهي تتأوه بأهآات/يـمه..
الممرضه كانت موجوده وراحت تنادي الطبيب..
,

بالليل..
اصوات الأطباء وحالة إستنفار..
ماجد حالته صعبه وهوواقف عند غرفة العمليات المستشفى..
اقبل مشعل وحالته حاله/ماجد ووش صار لخالد
ماجد وهو يحاول ينطق/اصيب بطلقتين من الخلف وحنا بالديره..وبواسطة الإخلاء الطبي جابونا هنا..
مشعل حمرت عيونه/وشوو؟؟؟!!!!
ماجد بضيق/أنت ليييش تخليه يجي للديره؟..كان منعته
مشعل بندم/حااولت بس ماقدرت,كان عنيد ويدورك من صار اللي صار..
ماجد انقهر وضرب بيده عالجدار..
مشعل/من اللي رماه
ماجد/من غيره مترك السايس..
مشعل/الخسيس
ماجد/بس ابشرك ماقدر يهرب,الناس اللي شافوه يهرب والسلاح بيده مسكوه وسلموه الشرطه والتحقيق جاري...
مشعل جلس وتكى راسه على يده وهو مقهور من اللي صار لأخوه....
/
/
/
بالليل..
الكل جالس حول هيفاء ويتحمدون لها بالسلامه بعد ماقامت وتعدت مرحلة الخطر..بس محد دري باللي صار على خالد..لأن مشعل وماجد تكتموا ع الخبر وقالوا انه مسافر لحد مايسترد وعيه ويستعيد عافيته....
الجوهره كانت جالسه عند رجلين اختها وتناظر فيها وسااكته
أصايل صديقة الجوهره ببتسامه/الف الحمدلله على سلامتك هيفاء..
هيفاء/يسلمك ربي اصايل..
ام مشعل/الحمدلله ع السلامه يا هيفاء
هيفاء بتعب/الله يسلمك خالتي
هياء/فدييتك ياهيفاء..الف سلامه عليك
هيفاء ردت ببتسامه ذابله وسكتت..
أصايل تعرف باللي سوته الجوهره لأنها رفيقتها الروح بالروح حبت أنها تلطف الأجواء بينهم/ماشفتي اختك الجوهره بغت تموت علينا..بعد اللي صارلك..الله يهديك
هيفاء ابتسمت وسرعان ماراحت الإبتسامه/..
الجوهره حاسه بالذنب وساكته..
أصايل حطت يدها على كتف الجوهره..
نجلاء حست بمغص واعراض طلق الولاده تزيد معها..وقررت تطلع تتمشى علشان ماتبين لهم شيء..
وهي طالعه/عن اذنكم طالعه اتمشى شوي
هياء/لحظه بروح معك
نجلاء/لا ارتاحي أنا بروح لحالي..اصلن شوي وراجعه..
هياء/اوكي براحتك..
طلعت نجلاء وجوالها كان يرن,وردت/هلا جودي
الجود بالجوال/هلابك نجلاء..مساء الخير
نجلاء/مساء النور
الجود/هاا بشري شلون هيفاء اللحين
نجلاء/ابشرك تماام وماعليها..هذا هي صحت والكل زارها.
الجود/اجل لازم ازورها بعد أنا..
نجلاء/حياك تعالي قبل تنتهي الزياره..
الجود/اوكي قلبو..باي عشان ألحق الزياره..
نجلاء/باي..
رصت على بطنها بقوه وراحت تمشي بس ماقدرت..وجلست على أول كرسي انتظار..استراحت وهي تتنفس بسرعه وتكتم آلامها..رفعت جوالها واتصلت على مشعل/ألووه مشعل
ماجد رد واستغرب صوتها/أنا ماجد مشعل نسى جواله عندي وراح للعمل,نجلاء شفيك؟
نجلاء قربت تبكي/ماجد الحقني أنا أتألم بقووه من الصبح واللحين زااد الألم..شكلي بولد..
ماجد ارتبك/طيب انتي وينك؟
نجلاء/انا بالمستشفى عند هيفاء اختي..بس طلعت من عندهم وجلست بالإنتظار وهم مايدرون اني اتألم..بلييز ماجد الحقني..
ماجد حس بالورطه/طيب ياقلبي أنا جاي فووراً..
,
,
,
بالمستشفى/
اقبل مشعل/ماجد ياخوي العمليه الثانيه لخالد بتبدأ اللحين مضطر اقعد هنا..روح انت واطمن على اهلك,واعتذرلي من نجلاء تراني قلتلها بجيك اليوم بس شوفت عينك..
ماجد/اوكي انا ماشي بس طمني على خالد
مشعل/طيب..
طلع ماجد ماحب يربك مشعل ويشغله عن أخوه..وقرر يروح بداله لأخته...
,
,
,
,
بالطريق للمستشفى..
وقفت الجود واشترت بوكيه ورد وعلبة حلويات وغلفتها بشكل حلو وأتجهت للمستشفى...
دخلت واتجهت للريسبشن وسألت عن غرفة هيفاء وفعلاً اتجهت لها...وبنص الطريق لقت نجلاء وهي تتألم وواقفه ويدها عالجدار متكيه../
الجود اسرعت لها ومسكتها/نجلاء شفيك؟
نجلاء/جودي جيتي بوقتك..الحقيني بمووت من الالم..شكلي بولد اللحين..
الجود خافت وهي تلفت/وشو؟؟تولدين!!!لحظه..انتظري أوديك للطوارئ..
نجلاء بدأت تصرخ..
الجود خافت وشوي وتصرخ معها/هدي شوي..
نجلاء وهي تكتم آلصرخه/آآه ياربي آآآه
الجود صارت تمشيها وتساعدها لين قطعوا نص المسافه..
نجلاء/ياربيييه وين ماجد؟ وراه تأخر كذاا!!
الجود انتبهت للأسم/مـاجد؟
نجلاء شافت أخوها أقبل وفرحت..
ماجد شاف نجلاء وهي تتسند على الجود..واستغرب وجودها(هذي منين طلعت,وكيف جاءت هنا..!!!)
الجود قعدت تناظر فيه وهي شوي ويغمى عليها مو مصدقه أنها قابلته وجه لوجه اخييراً...
ماجد قرب منهم ومسك بيد أخته وهو يحاول يتخلص من الجود/ نجلاء هاتي يدك تعالي معي..
الجود انقهرت أنه ماعبرها ولا كأنها موجوده..!!
نجلاء زاد ألمها...
ماجد مو قادر يتصرف/شكراً اختي..تقدرين تروحين انتي راح ندبر أمورنا
الجود بنظرات ماتتفسر ردت عليه نفس رده..دامه منكرها/مو مشكله أخوي هات كرسي متحرك,يساعدها ماهي قادره تتحرك..أنا بضل معها..أنا صديقتها وحسبت أختها..
نجلاء/أيه تكفى يا ماجد..هات كرسي..
ماجد استغرب رد الجود...وراح يجيب كرسي متحرك ورجع بسرعه..
وقف بنفس المكان ومالقاهم/وين راحوا؟؟؟
,

ام ماجد طلعت برا الغرفه اتشوف وين بنتها وماحصلتها!!/ياربي وين رااحت هالبنت؟؟
طلعت أصايل/خالتي اشفييك؟
ام ماجد/ادور نجلاء ماني لاقيتها..
أصايل تحاول تهديها/يابنت الحلال..تلاقينها اللحين راجعه..ادخلي بس..
ام ماجد/قلبي ماكلني..أخاف تولد
أصايل/ههههه خااالتي الله يهدااك..حتى شكلها مايوحي بولاده ولاشيء..أنا أقول أنها راحت تمشي برا...وعشان ترتاحين بروح بنفسي اناديها..أدخلي انتي عند هيفاء وارتاحي لا تحاتين شيء
ام ماجد/طيب يابنتي بروح بس هااا طمنيني
أصايل ببتسامه/أبشري ياخاله..
دخلت أم ماجد بالغرفه وراحت "أصايل" تدور نجلاء في حديقة المستشفى...
/
/
/
/
قسم الولاده::
دخلت نجلاء غرفة الولاده..
وضلت الجود تنتظرها برا وكل شوي تلفت تدور "ماجد"..وبالأخير طلعت تلفونها تبي تدق عليه لأن أصلن كل أرقامه معها وهو مايدري!!
بهاللحظات أقبل"ماجد" بعد ماعرفها من بعييد...
الجود انتبهت له وابتسمت ماتدري ليه؟
ماجد وهوعاقد حواجبه/وين أختي؟
الجود ارتفع ضغطها من تصرفاته الجافه/ذبحتها
ماجد بتناحه/وشووو
الجود/وش رايك؟ وين بتكون اختك فييه وأنا قدام غرفة الولاده؟!!!
ماجد افتشل وجلس على كرسي الإنتظار وهو على عقدت حواجبه..!!
الجود صدت مقهوره منه وودها تأدبه..
ماجد شافها قفت بآخر ممرالإنتظار ووتناظر بعيد..جلس يدقق فيها ويتأملها ويتذكر اللي حصل بينه وبينها..وهو مايدري وش حقيقة شعوره تجاهها!!
اقبل شخص ووقف يتكلم مع الجود..
ماجد ولع وقعد ياكل بعمره وهو يهدي نفسه,ووقف ماقدر يجلس وصار رايح جاي(شعليك منها..طقااق..لا تتهوور ياماجد خلك حليم)
راح الشخص وظلت الجود,تتصفح بأوراق معها ودخلتها شنطتها..
ماجد كان واقف قريب منها وهو مايحس..عطاها نظرات استفهام/....
الجود فهمت نظراته ولاحظت قربه وهو مايدري..قربت شوي ووقفت قدامه ومدت أصبعها وفكت عقدت حواجبه وهي تتبسم بشكل نساه نفسه/هذي مالها داعي..
ماجد ذاب من حركتها وقربها منه,وفك عقدت حواجبه/من هذا اللي كنتي واقفه معه وتكلمينه؟
الجود ببروود/وأنت بصفتك إيش تسألني؟
ماجد تفشل وسكت وابعد عنها..
الجود ابتسمت وهي تقهره مثل مايقهرها(ذوق من كاااسي ياماجد..مو بالسهوله تذلني وتبيني أنسى..مو أنا اللي ينرفض حبي)
ماجد وهو صاد عنها/اوكي مشكوره ع اللي سويتيه لأختي..تقدرين تروحين بيتك اللحين,
الجود/بس أنا ماساعدتها علشانها أختك..نجلاء صديقتي قبل لا أعرفك..ماني رايحه لين أتطمن عليها..
ماجد/طيب بكيفك
الجود بغرور/طبعاً بكيفي أنا..وش عندك؟
ماجد ناظر فيها بتعجب"مومعقوله هذي جودي اللي كان يعرفها..هذي وحده غير"..
الجود شافت الممرضه طلعت وراحت تسألها/هاا نيرس بشري عن نجلاء والبنوته..
الممرضه/كويسين..
ماجد/يعني ولدت
الممرضه ابتسمت وراحت تكمل شغلها..
الجود حمدت ربها وشكرته على سلامة صديقتها..
ماجد/وانتي شعرفك أنها جايبه بنت
الجود ألتفتت عليه بنص عين/وانت شدخلك؟!!
ماجد/صدق أنك بنت وقحه
الجود ببتسامه/صدق؟
ماجد/وماتستحقين الواحد يضيع وقته معك..
الجود ابتسمت وهي تخفي جرحها من كلامه/عاد اتصدق لو اني ماني وعدت نجلاء أضل معها كان ماقعدت هنا وتحملت تفاهة تفكيرك..
ماجد عصب/أنا تفكيري تافه!!!..
الجود "رن جوالها" وطلعته ترد وهي تخز ماجد/هلا فيصل...أنا بخير ياقلبي...لا لاتجي...بخصوص اللي تكلمنا عنه البارحه نفذ كل اللي اتفقنا عليه أهم شيء.......اوكي سو اللي تشوفه حبيبي.باي.
ماجد ولع غيره وصار عقله يودي ويجيب (وش فيني جلف كذاا ما اقدر اقول كلمه زينه لها) .. وبنفس الوقت ووده يتوطى ببطنها اللي رفعت ضغطه..
,

بعد ساعتين/
عند نجلاء بغرفة التنويم الخاصه اللي حجزتها لها جودي على حسابها..وجهزتها بكل شيء مميز..من سرير نجلاء وبنتها وأثاث..وزينه.وهدايا.وكأنها غرفه بقصر مو مستشفى!!
الجود بيدها البنوته وتبوسها/ياحلات النونو ياناااس..ماشاء الله
نجلاء/ههه كلفتي على نفسك ياجودي..ماقصرتي ياقلبي مشكوره
الجود ببتسامه/لا تفرحين هذا كله علشان جودي الصغيره هههههه
نجلاء/هههه عقبال ما تشيلين اولادك يارب
الجود ابتسمت تخفي ألمها/اوكي أنا طالعه... عندي اشغال ليين راسي. وامك وخواتك راح يجونك حالاً لأن ماجد راح يقولهم.وأنا راح أمر عليك بكره اوكي
نجلاء/اوكي قلبو ماقصرتي والله..
الجود اخذت شنطتها وومشت/يلا باي
.
عند باب الجناح..فتحت الباب وإلا ماجد يبي يفتح الباب بنفس الوقت وتصادموا.!!
الجود ذابت وهي تشم ريحة ماجد من قريب..
ماجد استحى/آسف..
الجود وهي تحاول تتمالك نفسها تمشي,ماقدرت تطالع فيه,مشت بسرعه/
ماجد وقف مكانه يطالعها وهي مقفيه تمشي بشمووخ..<<"نظراته ماتتفسر" ..
دخل ماجد ببتسامه عريضه/الللف الحمدلله ع السلامه..نجوله
نجلاء بوجه ذابل من تعب الولاده/الله يسلمك مجود..
ماجد اقبل وهو يضحك/عااد قولي الصراحه شلون الولاده..سهله صح؟ههه
نجلاء ناظرته بحقد/ي لئييم هههه هين
ماجد راح لسرير المولوده/ههههه وين الحلوه الصغيره وينها؟
نجلاء/الجود
ماجد شال البنت بين يديه والتفت يدورها/الجوود؟
نجلاء/هههه مو الجود الفارس أقصد بنتي الجود..سميتها على أسمها..
ماجد ببتسامه ناظر بالبنوته/صـدق..عاشت الأسامي والله..
نجلاء/تعيش حبيبي
ماجد قعد يطالع فالبنوته ويتخيل صورة"الجود الفارس"..وباسها..ورجعها سريرها..
رن جواله/عن اذنك نجلاء باي
نجلاء/باي
ماجد طلع ورد بسرعه,لأنه ينتظر مكالمه من مشعل/هلا مشعل.....ايـششش؟؟!!

عند مشعل/
ماجد اقبل مسرع/ها يامشعل تراك وترتني..وش في خالد..مو تقول العمليه نجحت!
مشعل/نجحت عملية إزالة الرصاصات..بس نقص دم كثير أنا تبرعت بس مايكفي لازم متبرعين مو متبرع..
ماجد/وأنا جاهز..وكنت حاسب حساب هالشي الدكتور قال يمكن يحتاح دم وأتصلت على خوياي..وهم وراي اللحين بيكونون هنا
مشعل/أجل يله روح..وش تنتظر..
.
,
,
,
///////
بعد يومين من الأحداث السابقه::

بغرفتها لحالها..جالسه..محد زارها اليوم..!
جلست تفكر وين أخوها ماجد..وليش ماشافته من يوم اللي صار..ومحد يجيب طاريه..!
انفتح باب غرفتها ودخلت..جلست تفكر بنواف واللي سواه فيها دعت عليه من قلبها...
دخل ماجد وهو وده يقتلها بمكانها..
هيفاء حاولت تستقعد وهي تبلع ريقها من الخوف..
أقبل عليها وهويخزها وشدها من رقبتها,ودموعه تنزف على خده وهو يتذكر شكل خالد في غرفة الإنعاش يصارع الحياه,ومايدرون وش وضعه/إن صار في خالد شيء..مايكفيني فيك إلا قتلك..
هيفاء بكت وهي تختنق من يده وهو ماسك رقبتها وضاغط عليها بقوه وبغت تطلع روحها...
ماجد تذكر خالد بهاللحظات وهويطلبه"تكفى ياماجد لاتعذب هيفاء.لاتعذبها""..انقهر وضربها كف وهويطالعها مقهور/أنتي اللي المفروض تموتين موب خالد.
هيفاء مو فاهمه قصده
,بس خايفه تسأله..أكتفت انها تبكي..وتناظره..
ماجد/خالد بيموت وانتي السبب..انتي السبب في خراب علاقتي فيه من البدايه وانتي اللي تسببتي في اصابته بالرصاص..أنتي السبب في كل شيء.
دخلت الجوهره وانصدمت باللي سمعته/مــاجد أنت شتقووول؟!!!!
ماجد التفت وتذكر اللي قال.........
<<<طبعاً انتشر الخبر فالعايله وعرفوا باللي صار لخالد...
,
,

,

.
بعد شهر ع الأحداث السابقه
بقصرها...
الجود بغرفتها وجالسه تناظر بشاشة اللاب توب...
طرقات باب ودخلت ساره/مسااء الخيرااات
الجود قامت اتسلم ببتسامه/مساااء الأنوااار..أهلين ببنت عمي الغاليه
ساره بنص عين/عياااره..لوني غاليه كان ماتخليني بالسبوع ماتشوفيني..
الجود عارفه/معك حق ياساره بس اعذريني والله مشاغل..من هنا الشركه ماخذه كل وقتي..
ساره شافت اللاب توب وعليه صورة "ماجد"ومعه "الجود" من ايام فرنسا/أهاا مشغووله وإلا لقيتي حبيب القلب مجودي..
الجود تذكرت انها فاتحه اللاب توب وسكرته/ساااره
ساره/أستحلفك بالله شفتيه..تقابلتوا وش اتفقتوا عليه..متى الزواج؟
الجود/هههههه الله يقطع بليسك بس
ساره/لا تقعدين ترفعين ضغطي..ولاتنسين آخر مرّه تقابلتوا فيها في باريس خلاك وأنتي تبكين..
الجود قامت وسرحت وهي تقول بخاطرها(حتى لمن شفته هنا بعد كل هالشهور..بكآني..شقد قاسي "حبيبي")
ساره/انا لله وانا إليه راجعووون..رجعت تسرح مرّه ثانيه..
الجود/ساره إذا ضليتي تسأليني عن ماجد..ماراح تستفيدين..لأني ما تكلمت معاه ولا صار بيننا شيء..فرجـاءاً دوري موضوع ثاني نتكلم فيه..
ساره/ههههه طيب أصلاً أنا جايتك أبيك اتروحين معي لعزيمة ريناد عبدالرحمن بمناسة ملكتها..
الجود تفاجأت/ريناد تزوجت؟!!ماني مصدقه..طيب وليش ماعزمتني بنفسها؟
ساره/ناظري جوالك..كم مرّه دقت عليك؟..ولاتردين..بالآخير طلبت مني أبلغك وتقول لااازم جودي تحضر..هاا اشقلتي؟
الجود/ههه طبعاً ابي أحضر..الله يسعدها يارب
ساره/امييين وعقبااالي
الجود ببتسامه ماازحه/أنتي ترى مالك غير فيصل ولد عمي
ساره استغربت/انتي تقولين هالكلام!!
الجود وهي كاتمه الضحكه/ولييش ياقلبي وش فيه فيصل..؟
ساره قالتها وهي خايفه تمازح الجود/الكل بالعايله يقول ان فيصل مايبي غير جود..وانه يحبك ويبي يتزوجك..حتى قاله لسعد اخوي بنفسه..
الجود حست أن السالفه جد هالمره/ساره صاحيه انتي؟.. ترى فيصل حسبت اخوي..وانتي عارفه هالشيء وأنا قايلتله بعد..
ساره/بس هو مو راضي يصدق..ولا راضي يتقبل..
الجود عقدت حواجبها وكتمت..
ساره ببتسامه/يا بنت الحلال محد بمسوي شيء غصب عن جودي الفارس..
الجود ابتسمت وهي ترفع حاجب ومنزله الثاني..
ساره/الموهم لاتنسين ملكة ريناد
الجود قامت وهي تناظر الساعه/لا ماني ناسيه..
ساره/وراك تناظرين الساعه؟
الجود/في حاجه لازم أسويها..
ساره/وش هي؟
الجود/بعدين أقولك..
ساره بغت تسألها عن شيء وسكتت..
/
/
/
...

في البيت..
طبعاً رجعت هيفاء للبيت وتحسنت حالتها كثير..بس عندها بعض المشاكل الصحيه..
وهي جالسه ببلكون البيت الخلفي وتتأمل النجوم..لحالها وعيونها تلمع من دمعتها اللي ماتجف..
اقبلت الجوهره من خلفها وهي متردده..ووقفت وقررت ترجع..
هيفاء تكلمت بدون ماتلتفت/كان معك حق بكل اللي قلتيه..أنا آسفه أني ماسمعت كلامك..
الجوهره لمعت دمعتها بعيونها,وهي تسمع اختها تتكلم بنبرة حزن طاغي على حالها وجسمها اللي نحل وفي ذبول...
هيفاء/تعالي يالجوهره..
الجوهره اقبلت وهي تخفي دموعها علشان اختها..
هيفاء التفتت عليها ومدت يدها للجوهره ومسكت كفها وبلعت عبرتها/تعرفين ياجوجو,زمان كنت أحسبك بزر بس..بعد اللي صار لي..عرفت أن البزر كان أنا..وأن العقل مو بالعمر..لا العقل بالفكر..
الجوهره نزلت دمعتها/محشومه يا أختي..أنا آسفه ع..
هيفاء قاطعتها وسدت فمها/أنتي ماسويتي شيء سيء علشان تتأسفين عليه..بالعكس..
الجوهره/كنت السبب فاللي صارلك..
هيفاء/اللي صارلي أستاهله..وأكثر بعد..ليت ماجد ذبحني وارتحت..وريحته بعد..
الجوهره سكتت ماعندها رد...
هيفاء بتردد/وش أخبار خالد؟
الجوهره/يقولون صحى من غيبوبته وماعرفهم ومايتكلم وما يطول وهو صاحي..
هيفاء خافت/يعني إيش؟
الجوهره/ما أدري..بس الظاهر شيء طبيعي ومايخوف مثل ماسمعت من هياء..
هيفاء/طيب شلون اصيب؟..من رماه؟ وليه؟
الجوهره/كان رايح يدور على ماجد..بعدما اختفى..وخمن يكون فالديره..وراح علطول وبدون تفكير لهناك..حاول مشعل يمنعه بس ماقدر..وأول ما وصل الديره وحصل اخوي ماجد..جوه أهل الثار..عيال السايس تذكرينهم؟
هيفاء اندمجت/أيوه عيال عم ثامر..اللي دعسه خالد من دون قصد..
الجوهره/أيوووه...ورموه 3رصاصات..بس الحمدلله..عدت على خير كان بيروح فيها بتهوره..بس لجل عين تكرم مدينه..خالد شهم..وكان يحاتي غيبة ماجد..
هيفاء تتحاشى انها تفكر بخالد..مع أنها حيت فيه شجاعته/طيب وش صار على اللي حاولوا قتله؟
الجوهره/مسكوهم كلهم..وراح يحاكمونهم..
هيفاء ساكته وهي حاسه بالذنب تجاه اللي حصل بالعايله..وتتذكر كلام ماجد(أنتي السبب في كل شيء)..
,
,
,
,

في القصر...
فيصل ومعاه سامر..جالسين يلعبون البلايستيشن..
نوره/يا أولاد قوموا ناموا..وراكم مدارس بكره..
سامر/عمه بس شويااات فيصل تكلم قولك كلمه..
نوره/والله لو أيش..ماني مخليتك..يله أمك أمنتني عليك يلا قوم نام
فيصل ببتسامه/يلا يا سامر مو مشكله بكره بنكمل..اوعدك
سامر قام وهو يتحلطم...!
أقبلت الجود بمشيتها اللي كأنها مشيت عارضات الأزياء,ورمت شيلتها ونزلت عباتهاوبعثرت شعرها/مسساء الخير..
فيصل قام وعدل جلسته..
نوره/هلا مساء النورر
فيصل/هلا جودي..
الجود تكت وريحت عالكرسي/يالله تعب من جد هالإستقبالات..
نوره/كيف كان الإستقبال
الجود بحماس/أسكتي يا عمه..ماشفتي سحاب قديش فرحانه بالمولود..مسويه استقبال طول بعرض وأنا ما أنبهرت إلا بأهل زوجها..الله يا عمه عايلتهم كلها جايه من كل أنحاء المملكه..كأنه استقبال موكب ملكي مو استقبال مولود هههه
نوره/ههههه عقباال مانسوي استقبال مولودك..
الجود ابتسمت بحالميه/أمين
فيصل مو معها بس يطالع فيها كيف تتكلم وحركاتها الدلع..وهي تتكلم وتحرك شعرها وتضحك بنعومه..
نوره/إلا فيصل..
الجود التفتت على فيصل لقته سرحان فيها,وأبتسمت..
نوره/فـيصل!
فيصل أخيراً أنتبه/سمي عمتي
نوره/ههههه مدام انك بتنام قوم روح لغرفتك..
فيصل استحى/بس أنا مانمت..
نوره قامت/اجل أنا رايحه أنام..تصبحون على خير
راحت نوره..وجلسوا لحالهم..
الجود قعدت تناظره..
فيصل بلع ريقه وقرر يقوم/
الجود/فيصل..
فيصل كان مقفي وألتفت عليها/نعم
الجود قامت وقربت منه/شفيك؟
فيصل/شفيني؟!!!
الجود أبعدت خصلتها وراء أذنها/أنت ليش تتهرب مني..
فيصل/من يقول أني أتهرب منك
الجود/كل تصرفاتك تدل على كذا..
فيصل/أنتي تتوهمين..
الجود/والله؟؟
فيصل سكت وصد...
الجود مدت يدها ولفت وجهه عليها بأصبعها وصارت عينه بعينها/أنت تحبني؟
فيصل بلع ريقه وهويطالعها وخاطره يضمها/وانتي كان عندك شك أني ما أحبك؟
الجود/فيصل أنت عارف قصدي..
فيصل ببتسامه/ما في أخ مايحب أخته..
الجود أرتااحت/أكيد يا فيصل..لأني سمعت غير هالكلام
فيصل حب على راسها/ماعليك ياالغلا..ناسيه ان عمر حالف انه يسوي أي شيء علشان ينكد عيشتنا..اكيد هو من حاول ينشر هالإشاعه بين العايله..
الجود حست برااحه/الله لا يحرمني منك يافيصل
فيصل مسح على شعرها/ولا منك..
الجود تضايقت من لمسته لها بس ابتسمت وابعدت يده عن شعرها بنعومه وضمتها بين يديها...
فيصل قرر يروح قبل لا يتهور/يلا عااد تصبحين على خير..
الجود/وانت من هله..
,
,
,
,

اليوم الثاني/
عند"خالد"...
ماجد ويده على كتف خالد ببتسامه/طهور ان شاء الله يابو وليد..
خالد ببتسامه مماثله/الله يسلمك ياماجد..
مشعل/ابشرك ياخالد الدكتور يقول راح تطلع هالأسبوع...
خالد/الله يبشرك بالخير..
ماجد بمزح/أفاا شكلك مليت من قعدت المستشفى..هههه
الكل/هههههههه
خالد/إلا بتطلع روحي منه
ماجد/هااانت وانا اخوووك هااانت..
مشعل ناظر الساعه/أخوياك ما كأنهم تأخروا؟!
ماجد/قصدك حمد وسلطان..كلها دقايق وهم مسنترين في ذا..
خالد/متى رجعوا من باريس؟
ماجد/لهم اسبوع..تقريباً..
بهاللحظات دخلوا سلطان وحمد/السلام عليكم..
الكل/وعليكم السلام..
....
وبعد السوالف القصيره قام سلطان/عن اذنكم ياجماعه..ولاتنسون ملكة أختي الليله..
ماجد ومشعل/لا ماحنا بناسين...
خالد/مبروك وعقبالك ياسلطان..
سلطان رفع يديينه/يااارب..
الكل/ههههههههه
ماجد/أفااا شكلك حاط عينك على وحده
سلطان/بنت عمي حب الطفوله هههههههه
الكل/ههههههههه
ماجد/اثرك من زمااان منت هين
حمد/صجني براسي من يوم تخرجنا بروح اخطب بروح أخطب..
الكل/هههههه
خالد سكت وهو يتبسم ويتذكر "هيفاء"..
,
,
,
,
بالليل/...
جلست تتأنق وتلبس..وهي تطالع بشياكتها فالمرايه من شعرها المنثور على فستانها الحريرالكحلي من الصدر وتحت..على عقد الألماس اللي لابسته وخاتم ألماس بيدها يحمل أسم حبيبها بشكل غريب ورهيييب..وروج أحمر مغري على ماكياج كلاسيك..وكأنها من أميرات الخيال...تعطرت بعطرها الخاص اللي مسويته بباريس مخصووص لها..ويحمل أسمها"ألجود"..وهي تقول بخاطرها(ويـنـك عـني يا مـاجد)..
دخلت ساره تستعجلها..وسكتت مبهوره/واااو..
الجود/شرايك موكشخه؟
ساره/خقق ياخبله..شي معروف مو بنت عم ساره الفارس..طبيعي بتجين كشخه
الجود/هههه امووت بالواثقين..
ساره/اللـه هذي ريحة عطرك الجديد..
الجود بترقب/إيه شرايك بريحته؟

<<<فيصل كان مار من الغرفه وقعد يسمع...

ساره/عذااااب..لا يشمه ماجد بس بيطيح على وجه مسحوور..
الجود استحت/سااره
ساره/هههههه ماالت على مااجد هاللي مايحس..
الجود/مصيره يحس صدقيني..ماني جودي بنت أبوي ان ما خليته يتمنى رضاي..
ساره/هههه قويه وتسوينها..تعالي خلينا نروح ترى تأخرنا وااجد..

<<<فيصل ماتحمل هالسيره راح وتركهم..(هين ياماجد أن ما خليت اهلك يقولون مرحوم ماكون فيصل)
.
,
.
,
.
,
.
في قاعة الفندق المقام فيه حفلة الملكه...
سلطان وهو يترجى أخته"أميره"/تكفيين أبي أشوف "حصه"
أميره بتأفف/سلطااان مالك دااعي وربي مو وقتك..
سلطان/أنا ماقلتلك..قوليلها..بس خليني أشوفها من بعيد بس..
أميره/يابن الحلال ماتغيرت من خبرك هي هي..
سلطان/امووره حبيبتي..ابي اقول لأبوي يقول لعمي عالملكه بس بالأول أبي أشوفها..
أميره وهي تبي تتخلص منه..أوكي خلك هنا بحاول أطلعها هنا يعنني بقولها كلام عن الإزعاج برا..ومن هالتصريف..وأنت عاد شوف ورح على طووول مو تقعد تقز انت وأنفضح انا..
سلطان تحمس/موب مشكله بس استعجلي..
راحت أميره وظل سلطان جانب الباب الداخلي ينتظرها..
بهاللحظات دخلت "الجود" ومعها "ساره"..
أستقبلتهم مرام أخت سلطان/أهلين ببنات الفارس الجود وساره..
الجود كانت كاشفه وجهها/أهلين فيك..مبروك على ملكة ريناد..عقبال الزواج..
مرام اخت سلطان الكبيره/الله يبارك فيييك..عقبالك يارب
الجود ابتسمت...
ساره وهي تنزل شيلتها من راسها/مبروك يا مرام..
مرام/الله يبارك فيكم..تفضلوا..
الجود وساره بيدخلون...
رن جوال ساره وكانت أمها/بنات شوي ولاحقتكم..برد هذي أمي..
سلطان قعد يقز موو مصدق أن هذي "ساره الفارس" أللي شافها وتعرف عليها وجمعتهم قصة حب بباريس..
ساره كلمت أمها وخلصت وراحت للباب وفصخت عباتها اللي ع الكتف وبان فستانها التركواز اللامع لنص الفخذ..ونفضت شعرها وتعدلت تبي تدخل..,
سلطان تحرك من غبائه وانكشف..
ساره خافت والتفتت بدلع ولف شعرها معها وعرفته/سلطااان؟!!
سلطان ابتسم ببلاهه,ماعرف يتصرف..
ساره تذكرت اللي فات منه وصدت عنه وراحت تدخل بسرعه..
سلطان شافها دخلت وما عاد ركز,لف علطوول وراح وهو يقول بخاطره(لا لا مـاني مصدددق..أحيييييه ياساره)..<<<نسى أنه طلب من اميره يشوف حصه

طلعت بهاللحظات أميره ومعها حصه..
حصه/هااه وشو هالأمر المهم يا أميره علشان تجرجريني برا الصاله!!
اميره تتلفت وماشافت احد..
حصه/اميييره!!
اميره تفشلت/يوووه نسيت شكنت بقولك..
حصه طفشت/صدق ماعندك سالفه..
دخلت حصه..
اميره/وين راح سليطين..بس فشلني ع الفاضي..
,
,
,
بأجواء الحفله/
الجود وهي تمازح ريناد/الله الله وش هالمفاجأت..من متى الخطبه والزواج والحركاات هههه
ريناد/أسكتي ماني مصدقه..تذكرين أحمد اللي قد كلمتك عنه ولد جيراننا
الجود وهي تحاول تتذكر/اللي يدرس طب بكندا..قد كلمتيني عنه..
ريناد/ايووه ..هذا هو ماي هاسبيند..
الجود نغزتها/صدددق..ومن متى وكيف؟
ريناد/أهو خطب من هنا وانا ماصدقت خبر..احس بموووت
الجود/ههههه شوي شوي لا تصيرين خفيفه..
ساره واقفه معهم ومو معهم..
اقبلت حصه/هاي ريناد..مبروك الخطوبه..
ريناد/الله يبارك فيك..عقبالك حياتي..
حصه ابتسمت بخجل/شكراً..عن اذنك
ريناد كملت حكي..
الجود وهي تناظر حصه/تعرفينها..؟
ريناد/هههه عز المعرفه..بنت عمي وخطيبة الطفوله لسلطان أخوي
ساره انتبهت للأسم وركزت ع السالفه,وقلبها يرجف بصدرها...
الجود/هههه أمووت بهالقصص..حركاات اخوك هذا..
ريناد/هههه اسكتي اشغلنا من جانا وهو زوجوني زوجوني..
ساره بلعت ريقها وصدت لاتفضحها عيونها...وهي تتذكر ماضيها مع سلطان...
ريناد لاحظت سكوت ساره/ساااره..شفيك سرحانه ومنتي معنا
ساره عرفت أن سلطان أخو ريناد..وهالشيء أربكها زياده/هااه..ولا شيء..أسمع سوالفكم..
الجود لاحظتها وفهمت أن في شيء ملخبط كيانها..هي اكثر وحده بهالعالم يفهم ساره..
.
.
.
.
.
.
عند الشباب/
بعد الحفله والسهره...
الكل راح وظل ماجد مع سلطان بما أنه خويه وسنده..
قام ماجد/يلا ياسلطان ..لازم أمشي أمي تو متصله..
سلطان/ههههه طيب ياحبيب الماما..أجل شبتسوي أمك إذا بتتزوج ههه
ماجد بجديه/أصلاً من قالك أني بتزوج..الله لا يقوله..
سلطان/أفااا طيب ليه؟؟
ماجد جاه تشائم بعد الي سوته أخته..وصار يستخون كل البنات/بهالزمن مافيه بنت شريفه.
سلطان أستغرب رده/لا يا ماجد مالك حق تقول هالكلام..نسيت أن عندك خوات..
ماجد بحقد مخفي/بهالزمن لاتثق إلا بأمك وبس..
سلطان/لهالدرجه أنت متشائم
ماجد تضايق/سلطان بسك عااد..يله عن اذنك تصبح على خير..
سلطان/وانت من هله..
ماجد طلع مستعجل..
,
,

بطريقها وهي توصل ساره لبيتها..
ساره مسرحه بالطريق...
الجود/ساره أنتي بخير؟فيك شيء؟
ساره تلعثمت/مافيني شي أنا بخير..ليش السؤال؟
الجود ببتسامه/طيب أقدر أعرف وش اللي مشغل تفكيرك طول الحفله؟
ساره ألتفتت بعيون الجود وقررت تعترف/شفت سلطان
الجود استغربت/سلطــاان؟ من سلطان هذا؟
ساره/صديق ماجد اللي شفناه بالمستشفى بباريس..
الجود بدأت تفهم القصه بس تستغبي/طيب وإذا شفتيه!!..
ساره بحياء/أقولك شفته عند باب الفندق وهو شافني بكامل شياكتي..وشفته..ونطقت أسمه..
الجود ببتسامه غمزت عين/أيوه وبعدين..
ساره مستحيه/مدري شخلاني أستحي وأهرب..مع أني حسيت أنه كان وده يقول شيء..
الجود/وبس
ساره سكتت وصدت مستحيه جججد...
الجود عرفت كـل شيء,لفت وجه ساره عليها لأنها تعرف بقصتهم ساره حكتلها كل شيء/السووري..لا يكوون للحين تحبينه؟
ساره لمعت عينها وهزت راسها بالإيجاب/ماكنت أتوقع أني بشوفه مره ثانيه..كنت أبي أسألك إذا شفتيه مع ماجد وإلا لا.
الجود حست بأللآم ببطنها خفيفه بس ماعطتها بال/هههه ياعمري ومن متى هالكلام بالله؟
ساره/من لمن شفته قبل شوي..اجتاحتني رغبه قويه أني أرتمي بحضنه ويضمممني حيييل..
الجود سرحت وكأنها تتكلم عن نفسها,أخذت نفس..
ساره/شفيك؟
الجود/اللحين عرفت أنتي ليش تضايقتي لمن تكلموا عن خطبته لبنت عمه..
ساره صدت مقهوره/أسكتي أحس أني بولع من الغيره..
الجود/طيب وش بيدك؟
ساره/ولاشيء..مستحيل أروحله وأقوله..ومستحيل أني أرتاح وأنا عارفه أن حبيبي بيتزوج غيري..وماني عارفه وش أسوي بالضبط!!..
الجود اخذت نفس طويل/الله يكون بعونك وعوني..تراني بنفس المركب...
ساره بوادي ثاني/جودي صح حصه مو أحلا مني..أحس ماتليق بسلطان..
الجود/ههههه اقوول ترانا وصلنا بيتكم..أنزلي لا تنجنين علي هنا وتجننيني معك..
ساره ببتسامه/أوكي..اووكي
الجود تألمت بعد الضحك ومسكت موضع جراحتها/آآآه..
ساره خافت/جودي فيك شيء..
الجود/تذكرت أني ما أخذت المسكن اليوم..وتعبت نفسي بعد..
ساره/طيب انزلي هنا..نامي عندنا..
الجود/لا ياقلبو. عندي شغل.بروح البيت باخذ المسكن وبرتاح اكيد..يلا باي ساره
ساره/طيب طمنيني عنك..
الجود/اكيد اكيد تصبحين على خير..
ساره/وأنتي من هله..
مشت الجود وهي تتألم بشده,وتكلم السايق/عمران هري اب....
السايق/اوكي مودموزيل..
الجود ظلت تضغط بيدها على موضع الألم بشده/ياربي ساعدني..
السايق/ودي هوسبيتل
الجود/لاااا عمران..خلك بطريقك..واسرررع شوي..
طلعت سيارة وقطعت الطريق وكان بيصدمها السايق..وربي ستر بس لف على جنب وماصار أي شيء غير كفر السياره انعدم وانكسرت زجاجة باب الجود..
الجود انجرحت بيدها من الزجاج..فوق ألمها..
التموا مجموعه من السيارات لأن الخط تقفل بسبب الأشياء المرميه عليه..
الشباب بيفزعون بس منعهم واحد مطوع/ياشباب ولا واحد يقرب..السياره بها بنت..لحالها..خلوها لين تجي الإسعاف..
الشباب/بس ياشيخ ناظر دمانها..شكلها تنزف.حاله طارئه يعني.
نزل السايق/مسكل كبييير مسكل كبير..مداام وااجد تعباان وااجد..تبين هوسبيتل..
الشباب/سمعت يامطوع
الجود تسمع وتتألم ماتقدر ترد...
المطوع بعصبيه/اتقوا الله..مافيه محرم.
واحد من الشباب/بس يامطوع الحاله شكلها حرجه..مافي حرج اتق الله انت..
وقف ماجد بما أن الطريق مغلق وراح يشوف وش السالفه..!!..وعرف سيارة "الجود"..وسمع حوار الشباب مع المطوع وأقبل مسرع واتجه للسياره/خير ان شاء الله.
المطوع اعترضه/على وين يالأخو..
ماجد/يامطوع أبعد..سيارة محارمنا ياشيخ..
المطوع/محارمك؟
ماجد بلهفه/زوجها حتى أسألها..
المطوع/لحظه بسألها..ألا انت وش اسمك؟
ماجد عصصب/ماجد الناصي بس بسرعه ياشيخ..شكلها متعوره واجد..
المطوع راح يسألها وماجد معه/يابنتي جاء واحد أسمه ماجد الناصي ويقول أنه زوجك..صحيح هالكلام
الجود ماصدقت علبالها تحلم,تكلمت بصوت كله ألم/إيه ياشيخ..ماجد الناصي زوجي.
ماجد بداخله(آآه منكن يالبنات,كلكم أنجاس)..
المطوع ابعد عنه/أجل مدام كذا نستأذن يلا ياشباب..روحوا..
راحوا الكل..وماجد اتجه للسياره بسرعه وشاف الجود تتألم وتضغط على بطنها بقوه/جود سلمات وش فيه
الجود وهي بالزور تنطق/مااجد الحقني بموت من الألم..
ماجد شاف لبسها وشياكتها استغرب/أنتي منين جايه؟
الجود بتأفف/مو وقتك أنا بموووت..
ماجد شالها بخفه وتشبع بريحة عطرها وركبها بسيارته وخلا السايق يروح مع ليموزين..
الجود صارت بس تأن/آآآه..آآه.آآآآه..
ماجد استغرب وهي تمسك بطنها,وطرحتها طاحت وانتثر شعرها بدون ماتحس...
الجود نست نفسها..واشتغلت بألم بطنها اللي ماينتهي..
ماجد انفتن فيها ورحمها بنفس الوقت رفع الشيله حطها على راسها ولمس شعرها وابعد الخصل المتمرده/قولي لا إله إلا الله..
الجود حاولت تكتم ألمها بس غصب عنها تبكي..
,
,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري