18-04-09, 05:44 PM
| #1 | ||||
| كاتبة وناقدة ادبية في قسم قصص من وحي الاعضاء 
|  شمسـ وسحااابـ *مميزة ومكتمله*  الاغلفة الثلاث اهداء من (مسابقة كاردينيا73 للتصميم) بتصميم المصممات: ِAurora كبرياء عنيدة (Demaa) ِRihab1    ******************** ما سألتـ الشمسـ عنـ وقتـ الغروبـ دامها وانـ جاملتنيـ غايبهـ الوصلـ لو نبتعد وصلـ القلوبـ ما نسيتكـ لو ظنونيـ خايبهـ دمعةٍ في خافقيـ عيّتـ تذوبـ من عذابـ البعد عاشتـ هايبهـ الوداع يبكّيـ أحجار الدروبـ ما يلام الليـ بكا حبايبهـ واللياليـ وعدها الصادقـ كذوبـ ذوبتـ فالصبر روحٍ ذايبهـ من عشقـ من قلبـ واللهـ ما يتوبـ كل عاشقـ .. عاشقٍـ مصايبهـ فيـ عيونيـ يسكنـ الحلمـ الطروبـ والأمانيـ نجمتينـٍ شايبهـ رفعت شمس راسها للسماا ...شافت الشمس تغطيها .....سحااااااابه انرسمت على شفايفها الورديه....ابتساااامه ناااعمه وبنفس الوقت...تدحرجت دمعتين ..من عيونها السوووود ..على خدهاا المتورد الى متى ...الى متى....يا شمس يغطيج السحااااب ***********قااااومي يااااشمس...خلج قويه ...وانشري اشعتك الذهبيه انشري ...الحياااة والمرح ..مثل كل يوم...قبل مااا السحااااب يغطيج بالكااامل... روااااايتي الاولى ..بعنوان *شمس..و..سحااااب* *********** مـقـدمـهـ في الجوال تسع رسايل ومكالمتين من عبد الله قفلته وحطيته في الدرج طلت امي علي:شمس عبد الله على تلفون البيت قومي ردي شمس:يمه قوليله اي شي ما ابي اكلمه الحين امي:يا يمه مايصير انزين شوفي اش يبي والله مالي ويه ارد عليه الله يهدي سركم يارب شمس :خلاص هو مايفهم مقفله جوالي عشان ما اكلمه ويدق على البيت خله يطلقني ويفكني وبصراخ ماااااااابيه مااااااابيه مب غصب اهو امي :خلاص فضحتينا بروح اتعذر منه الحين عشان مااخليه ينتظر اكثر بس برجع لج تفهميني وش الي صاير وطلعت امي من غرفتي وانا على طول قمت وصكيت الباب وراها وقفلته وحطيت راسي على المخده وبكيت بألم مابي اواجه احد خلوني اموت احسن ************* روابط الفصول المقدمة .. اعلاه الفصلان 1 ، 2 ... في اسفل الصفحة الفصول 3 ، 4 ، 5 ، 6 الفصول 7 ، 8 ، 9 ، 10 الفصول 11 ، 12 ، 13 ، 14 ، 15 ، 16 ، 17 ، 18 ، 19 ، 20 الفصول 21 ، 22 ، (23 ج1) الفصول (23 ج2) ، 24 ، 25 ، 26 ، 27 الفصل 28 الفصل 29 الفصل 30 والاخير رابط تحميل الكتاب الالكتروني للرواية التعديل الأخير تم بواسطة كاردينيا الغوازي ; 05-02-18 الساعة 04:42 PM | ||||
|  |
|
18-04-09, 07:25 PM
| #2 | ||||||||||
| مراقب عام ومشرف منتدى قصص من وحي الأعضاء وكاتب في قسم وحي الاعضاء  
|  يا هلا فيك اخت شمس .... و يسعدنا انك تنزلين قصتك عندنا بالقسم ..... بدايه غامضه بالطبع تخلينا نتسائل عن سبب صدود شمس عن عبد الله !!! و طلب الطلاق مرة وحده !!! اكيد فيه اسباب قويه تخلي شمس تصمم على طلبها .... | ||||||||||
|
| |
|
18-04-09, 08:05 PM
| #3 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| شمس وسحاب العنوان يوضح فكرة انه الاحداث راح تكون بحرارة الشمس:7R_015: واحيانا ببرودة ظل السحاب وممكن المطروعواصف ثلجيةبرررررررررررر  شموسه تحمست الله يعينك نبي بارت اليوم بليز ههههههههههههههههه:13b: من الحين انا بصف عبدالله >>>ماعندها وقت :icon_smile_eyebrows | ||||||||||
|
| |
|
18-04-09, 08:36 PM
| #4 | ||||||||||||
| نجم روايتي وعضوة في فريق التصميم وقاصة وكاتبة في قسم قصص من وحي قلم الأعضاء  
| ياااااااااه عالبداية القوية ... وش اللي صااااير ... شمس و عبدالله بتوافقوو مع نور و مهند ... و جاك و كايت خخخخخخخخخخخخخخ ... ااخخخخ منك يا سووون صرتي بصف عبدالله وحنا مب عارفين وش السالفة ... !!! يللااا يا شمس و سحاب اتحفينا ... | ||||||||||||
|
| |
|
18-04-09, 08:49 PM
| #5 | |||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| اقتباس:
| |||||||||||
|
| |
|
18-04-09, 09:02 PM
| #6 | ||||||||||||
| نجم روايتي وعضوة في فريق التصميم وقاصة وكاتبة في قسم قصص من وحي قلم الأعضاء
| خخخخخخخخخخخخ ... اينما تكونو نكوون يا سوون ... " عالقافية " بنفع كاتبة بهالقسم ... على فكرة انتظروو تخبيصاتي برواية اسمها " وحيدة اخبئ غربتي تحت رداء الصمت " و رح بتكوون رواية مستمدة من قصة حياتي ... بس بدي شوية تشجيع ... !!! | ||||||||||||
|
| |
|
18-04-09, 10:30 PM
| #8 | |||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| اقتباس:
| |||||||||||
|
| |
|
18-04-09, 10:45 PM
| #9 | ||||
| كاتبة وناقدة ادبية في قسم قصص من وحي الاعضاء
| <<<1>>> (قبل ثلاث سنوات) كناشله متكونه من اربع بنات حبوبات في نفس الفصل من اول يوم في المتوسط نسيم من سوريا وريم من لبنان وهاديه فهي اسم على مسمى فعلاًهاااااااااااديه هاالبنيه سبحان من خلقها نجي عند شمسوووووو )على قولة اخوي رااشد اذا عصب علي.. شديدة البياض<<وهذا الشي يسبب لي الاحراج ... تبين الانفعاالت علي بسرعه>> شعري اشقر وناعم بعد ماطلعت الابله من الصف نطيت عند نسيم ...شمس :يالله نسيم نطلع نشرب ماي نسيم :ياالله شو هاي الاستازيه ...ستكرز مرينا ريم الي قاعده اول كرسي عند الباب وطلعنا نمشي صوب البرادات شربنا ورجعنا وحنا نسولف... شفنا بنات ثالثه/اول عند فصلنا ... شمس: ريم لا تعطيهم وجه اكيد ناسيه كتاب وجايه تستلف هيفا اول ما شافتني ابتسمت لي هيفا:اهلين شمس شلونج تعالي ابيج بسالفه شمس مستغربه :خير في شي سحبتني على جنب وقالت بصوت واطي:في واحد معجب فيج ويبي يكلمج ها اش رايج فتحت عيوني على وسعها ابي استوعب الي تقوله ما عرفت شقول لها سمعت صوت نسيم : شمس !! بسرعه الإستازيه إجت هيفا بهمس :اش قلتي شمس :شقصدج مافهمت؟ هيفا :افهمج بعدين ورفعت يدها باي لفيت ورجعت الفصل وانا افكر مسكتني نسيم وقالت : شو بدها هيفا السلام عليكم ورحمة الله وبركاته مس نايس وصلت قود افتر نون قود افتر نون تيشر (ابله لطيفه مدرسة الانجلش (مس نايس اخيراً رن الجرس معلن نهايه الدوام المدرسي تجمعنا عند الساحه الاماميه نسيم دايم تطلع على طول لان السواق الخاص يستناها وريم تروح لبيتها مشي لانه قريب هاديه واقفه تسولف معي :شمس في شي شمس:ليش هاديه:بس ويهج مصفوق لا مافيني شي يمكن ارهاق الحمد لله ان اليوم الاربعا هاديه: نشوفج السبت ان شاءالله ولاتنسين الي اتفقنا عليه مع السلامه لبست عبايتي وجيت بطلع ولا اشوف هيفا تأشرلي هيفا: شمس وينج تعالي شوفي ومدت يدها قدام وجهي وفي يدها صوره ملونه دققت فيها زين من غير ما امسكها واحد لابس عسكري دارت الدنيا فيني قلت :من وين جبتي الصوره هيفا :هو عطاني اوصلها لج وكاتب فيها أهداء شوفي وقلبت الصوره وحطتها بيدي شمس :تبين تعرفين ردي ومزعت الصوره ورميتها في اقرب زباله وكبيت فوقها قرشه الماي الي عندي شلت شنطتي ووقفت قدامها وقلت :انا وحده متربيه مومثلج يا ال.....ا وطلعت ركض دورت الباص وين واقف طبعا في اربع باصات كل باص باسم الحي اااوف وين واقف اخر واحد ابي اوصل بسرعه لمحت السياره الي تعودت اشوفها يومياً خفت وطلعت الباص بسررررررعه ياربي هاذا شيبي يلاحقني بعد عشر دقايق نزلت عند باب بيتنا دفيت الباب اشوى مفتوح ودخلت وسكرته بقوه وتسندت عليه صوت الباص مشى وبعده السياره الي وراه دخلت البيت وانا اقول هاذي مب حاله لازم اشوفلي صرفه... ميرنا قدامي ميرنا :انتي ايش كلام حطيت حرتي فيها الملقوفه:انا كلام شيلي شنطه وانقلعي وديها غرفتي فوق ميرنا وين ماما ميرنا:مدام في المطبخ دخلت على امي اتسحب وجيت من وراها وضميتها السلام عليكم يااحلى ماما بالدنيا وعليكم السلام ورحمة الله وبركاته يااحلى طالبه في الشرقيه مديت بوزي وسويت نفسي زعلانه:يعني بس في الشرقيه افا تكسر مجاديف امي : انتي احلى بنت وبس ما عندي وقت اعدد الدول والقارات والكواكب زي كل مره روحي بدلي وتعالي تغدي ونادي اخوج يتغدى وانا طالعه الدرج رن تلفون البيت السلام عليكم : اهلين وعليكم السلام : هلا هلا وحشتيني: صحيح بس انتي ما وحشتيني ههههههههههه: اقول شمسوووووووو عن العياره: لا والله ليش داقه الحين تبين غدا : لا خلاص مابي منج شي وين خالتي: امي الحين مشغوله نرجو الاتصال بوقت لاحق: اقول الله يعين خالتي على مابلاها انتي ورشود تخلون الواحد يفقد اعصابه: الاصحيح حنين تعالي اليوم نامي عندنا : بس الجمعه عندنا اليوم كل خالاتي وخوالي وعيالهم وبناتهم وبزارينهم واحفادهم: الساعه كم يبدا الاجتماع: سوف يبدا الحشود بالتوافد بعد صلاة المغرب: زين يمديني انام ساعتين بعد الغدا : شمسسسسووووو شبتلبسين: عندي بدله يديده تهبل بخليها لج مفاجئه: زين اهم شي ماتطلعين احلى مني: احلى منج غصبن عنج : معليه علمي خالتي عشان تجيب معاها اكله حلوه: باي : سي يو: طلعت غرفتي لبست بجامه وردي واصفر عليها فراشات كل الاحجام مريت على راشد قربت من غرفته بشويش ابي اخرعه بس راشد هو الي خرعني صرخت ورجعت على ورى من الخرعه :يمه يممممممممممه راشد : هههههههههههه ههههههههه شتبين والله لااراويك يا الدب: وركضت وراه وصراخنا شايل الدنيا شافتنا امي وعصبت علينا انتو متى بتكبرون وتعقلون: تذكرت اتصال حنين يمه ترى حنين اتصلت وتقول الجمعه اليوم عندهم ويبونج تسوين طبق مميز : اها ا انشا الله مادري شا اسوي بفكر بشي جديد: قعدنا تغدينا وكلن طلع غرفته يريح قمت على جرس الساعه تسبحت وصليت العصر طلعت البس الجديد وهو بنطلون جنزوبلوز ه ذهبيه مزمومه من عند الاكتاف والحزام والشنطه وصندل بكعب واطي لون احمر ما حطيت الا كحل وقلوس بطعم الفراوله ونزلت اشوف امي وش مسويه واااااااوو شا الريحه تدوخ : لفت امي علي وابتسمت لي الله الله شلكشخه عيني عليج بارده مشا الله تبارك الرحمان : يمه الله يخليج لي ترى اصدق عمري : راشد : القرد وش يطلع في عين امه شمس : ما القرد الا انت يا السبال وقرب مني يبي يمسكني وركضت وراى امي انا سبال يا مرت بباي : امي :خلااااااص انت وياها شب ميرناااا تعالي شيلي الاغراض طلعيها السياره ويله يا عيال لانتأخر السواق ينطرنا برى طالعت رشود وضحكت ومشيت ورا امي عند باب الشارع السواق مع الشغالة يطلعون الاغراض في شنطه السياره راشد ركب قدام وانا لفيت عشان اركب من الجه الثانيه يوم لفيت شفت السياره الي لها كم يوم كل ما اروح مكان اشوفها خفت وارتجفت بقوه ورجعت على ورى وصدمت بميرنا الي وراي وطحت على الارض انا وميرنا ولا سياره جايه من ورانا انا قلت خلاص بروح تحت عجلات السياره شوي اسمع اصوات وناس حولينا وامي تصرخ من الخرعه و ترفعني وتقول سلامات وش صار طاحت عيني بعينه لاول مره وحسيت وجهي ولع صدق هذا ما يستحي بغيت اموت بسبته الله يأخذه واقف عند سيارته يطالعنا صرنا فرجه ركبت السياره وانا افكر فيه هذا ما عنده شغلة ولامشغله غير مراقبتي مرينا جنب سيارته وحنا رايحين شفته ينسف الغتره وهو يبتسم انتبهت لامي تقولي :يمه عسى ما تعورتي رديت وانا للحين وجهي احسه حاااار من الفشله لا ما في شي بس ما انتبهت لميرنا وراي اشوه ما داستنا السياره لله الحمد راشد :الناس بسرعه تتجمع فشله والي صار ما يسوى شمس : السياره بغت تدوسني ومافي شى يسوى يمكن لو مت كا ن شي يسوى عند حضرتك راشد التفت وطالع ميرنا وقال : سلامات ميرنا ما تشوفين شر يمه عطيها ماي عن الخرعه هههههههههه قلت بهمس حقيرررررررلكن ماعليه مردوده وصلنا بيت خالتي حصه ودخلت انا وامي نسلم على الموجيدين وبعد ما حكت لهم امي الي صار لأن الكل لاحظ وجهي صاير اصفر من الخرعه الكل يسولفون ويضحكون وانا سرحانه هيه حالتج صعبه انتبهت على صوت حنين: ابتسمت لها : حنين بقولج شي حا ضرين للطيبين تعالي نرتب سفرة العشا قسم الرجال مافي احد الحين في المقلط رحت وراها ودخلنا المقلط كانت الغرفه لهل باب على المطبخ وباب على مجلس الرجال وباب للمغاسل قلت لحنين سكري باب المجلس من داخل عشان محد يجي من خلنا نرتب السفره على راحتنا حنين وهي تناولني صحون الغرف يله قولي اش عندج شمس :في سياره من كم يوم تتبعني اشوفها كل مكان تقريباً حنين منصدمه :وين متى وشلون اااااقصد شيبون ومنهم رديت بصوت واطي :عند المدرسه سيارة فيها واحد عسكري واشوفه بعض الاحيان عند بيتنا ورى الباص والله خايفه ياحنين واليوم واحنا بنجيكم شفته عند البيت عشان كذا كان بيغمى علي احسه يراقبني حنين :يمكن انتي غلطانه والصدف تلعب دور شمس : انزين وانتي تعرفين البنت الصايعه الي اسمها هيفا انا قلت لج عن حركاتها الي ما تعجبني وقلت لها عن الي صار يعني هواكيد صايع مثلها ولا من وين عرفها حنين: انا اقول حق ابوي يتصرف لا ياحنين والله خايفه السالفه تكبر: خلاص راشد لازم يكون عنده خبر: سرحت شوي وبعدين قلت حنين هو اصلاً ما يقدر يسوي شي وانا بطنشه ولا يقدر يلمس شعره مني حنين : انا بديت اخاف عليج اذا ماتبين تقولين لابوي او رشود قولي لخالتي يمكن تتصرف امي لا لا ما اقدر اعلمها تعرفين هي شلون تخاف علينا بزياده ماقدر اخليها تحاتيني ويمكن تحبسني في البيت حتى المدرسه تمنعني منها ويمكن تبلغ الشرطه : حنين :لا مو لها الدرجه : انتي ماتدرين عن امي شوفيها رشود مثل الثور وهي تعامله كانه ياهل صحيح كأنج انتي اكبر منه: شفتي حتى سياره ماتخليه يسوق من خوفها عليه : : معليه تراها معذوره من عقب موت عمي وهي معاه بسياره وشافته وهو بين الحديد وربي نجاها عشانكم اكيد اي وحده بتسوي اكثر منها الله يخليها لكم وتشوف عيالكم هههههههه لا رشود يتزوج مب متخيلته ليله عرسه : وغمزت لها الله يعين الي بتأخذه والله انه طيب وحبوب ويدش القلوب: طبعاً طالع على اخته وبعدين تعااااااالي تغزلين في اخوي قدامي انتي ما تستحين : *********** <<<2>>> خلصنا ترتيب السفره ......حنين :روحي افتحي الباب وانا بروح اجيب البارد من المطبخ قربت من الباب وفريت المفتاح اندف الباب ودخل شخص رفعت راسي اشوفه كان اطول مني وايد اوف هذا عبد الله ولد خالتي المغرور عبد الله :انتي شتسوين هني رجعت ورى ولفيت بطلع صرخ ::ليش ما تردين شكله يرعبني ويخلي دقاااات قلبي تتسارع ..شمس :انت الي مدرعم احنا كنا نرتب السفره ليه ماتخلون الشغالات يحطون العشا وبعدين ليش ما قفلتو الباب لايدخل عليكم احد من العيال ما تدرين ان المجلس فيه رجال غرب ولاااا مايهمج: رديت وانا منزله راسي وفيني الصيحه :الباب كان مقفول بس فتحته عشان بنطلع ويقلطون الرجال دخلت حنين وانا على طول شفتها وقمت اصيح لمتني ....حنين: ليش تهاوشها لازم كل ما تشوفك تصيحها عبد الله :لا اشوفها تمشي في بيتنا من غير عبايه او على الاقل لبس ساتر احس من هلي لابسته حنين :تعالي شمس نطلع ..عبد الله موب قصده رحنا غرفة حنين وبعد هاالموقف انسدت نفسي عن الاكل وما تعشيت والكل يحسبني تعبانه من الخرعه اليوم تجمعو كل البنات الي من عمري انا وحنين هنوف بنت خالي عبد الرحمن وعهود بنت خالي احمد ولما ولين توم بنات خالي عبد العزيز وعليا بنت خالتي فاطمة هذي متزوجه وعندها بنوته زي القمر اسمها لجين وانضمت لنا الاء زوجه فهد ولد خالي عبد العزيز اخو لما ولين وعندها ولد شيطون عمره اربع بس يخرب وينطط ويكسر وجبنا بطاطس وجالكسي جواهر وكولاو عصيرات وبدينا سوالف وضحك وتعليقات عليا :الاء مسكي ولدج ترا ازعجنا الاء :ما المزعج الا بنتج من يوم جيتو وهي تصارخ حطي شي سدي حلجها رن جوال الاء بنغمه خاصه لفهد قالت لها حنين:قوليله يأخذ ولده عنده عشان تفتكين شوي الاء :هلا بعد عمري وطلعت برا الغرفه ضحكو البنات وطالعو عليا عليا :شكلي بقوم اكلم طلال وخلت بنتها وطلعت شمس جابت جواهر بقرطاسها وحطتها على فم لجين ومسكينه قامت تمصها شمس :ههههه اخيراًصار هدوء عليا دخلت تدور بنتها : يلله وين بنتي بنمشي شافتها وصرخت :حرام عليكم ياالمتوحشات لو بنتي صار لها شي وطقت شمس على راسها ان شاء الله اطق عيالج الجياكر لما :اصلن امي تقول البنات مايقعدون مع المتزوجات الاء :وانتي شم قعدج روحي مع اليهال لين :هههههههه لما طاح ويهج هههههههه ومسكو ببعض لما ولين وحنا نتفرج ونضحك وما سكتنا الا صوت عبد الله : انتو ماتستحون وين قاعدين وطووووووو صوتكم عشان اقدر انام وراي قعدة من الصبح قامت حنين وطلعت تكلمه بعد ما مشو كل الموجودين... شمس :تروحين بكره مارينا مول ابي اشتري هدايا تذكاريه حق بعض المعلمات حنين :خلاص بكره مريني ونروح مع بعض اول ما وصلنا البيت من التعب ما شوف قدامي بدلت ونمت صحيت على اصوات غريبه جايه من الشارع قربت من الدريشه وسمعت اغنية واقف على بابكم ولهان ومسير شفت الساعة وحده ونص تو الناس على الصلاه فرجعت نمت يوم الخميس ننام لين نشبع نوم قمت على اذان الظهر صليت ونزلت المطبخ صباح الخيرات يمه وبست راسها ويدها امي : صبااح الانواار ابتسمت كنت بقول عن الاصوات الي امس بس رجعت سكت امي: تبين فطور لا بسوي نسكافيه عشان اصحصح دخل راشد جاي من المسجد : السلام وباس راس امي وقعد معانا في المطبخ راشد: يمه شرايج نتغدا على البحر الجو حلو برا امي : على راحتك شمس : انا ابي اروح السوق قايله لكم من اسبوع امي :خلاص ما قلنا لا راشد : لا تقولين ودها ترى مالي خلق دواره ولفلفه في المجمعات شمس : لا والله من بيوديني انا وحنين اكيد ما تخلونا نروح بروحنا راشد :اممممممم خلاص بوديكم وامري لله طالعت امي اشوفها افهمت شي شفتها تضحك امي: الله يبارك فيك يا راشد ويوفقك وير زقك ببنت الحلال الي تسعدك شمس :اااااامين طلعنا على البحر الجو بديع السما فيها بعض السحب طلعنا عدة الشوي وبدينا نشوي وناكل ونسولف رن جوال راشد راشد :وعليكم السلام ورحمة الله وبركاته هلا والله حنين لا احنا مو بلبيت احنا على البحر هذي شمس معاج وعطاني الجوال هلا حنين شصاير حنين :ما في شي دقيت على بيتكم ماحد يرد خفت صاير شي شمس: لا ياليتج ويانا الجو حلووالشوي لذيذ حنين :عليكم بالعافيه بتروحين اليوم السوق شمس:اكيد بمر عليج بعد صلاة المغرب زين حنين :خلاص انطرج سلمي بااااااي حنين تسلم عليكم وانا اطالع رشود امي :الله يسلمها ويرزقها ببن الحلال الي يستر عليها ويسعدها شمس :اااااااامين رجعنا البيت على الساعه اربع العصر فتحت النت عشان اشوف انواع العطور والهدايا الي بختار منها واخذ فكره عن الاسعار سجلت اسماء بعض العطور والماركات المشهوره للساعاتوالاكسسوارات فتحت المسن يمكن الاقي هاديه او وحده من البنات اسولف معها واخذ رايها مافي احد الا رشود اون لاين حطيت له وجه ضاحك رد بوجه مكشر نحلة ورديه : قوم صل راشد : مصالح نحلة ورديه : وانت بعد لك مصلحه ولا بتنكر راشد :هههههههه خلج جاهزه يالله بروح اصلي اليوم مالاحظت احد يراقبني اشووووه ركبنا مع سواقنا مجيد راشد قدام وانا وراه ومرينا حنين و معاها رهف ست سنوات ونايف عشر سنين شمس :هلا هلا بالحلوين حنين :هذي اوامرعبد الله لازم مرافقين والا مافي روحه شمس : احلى مرافقين اكيد تبون الملاهي صح نايف : انابروح احمل العاب على البي اس بي من المحترف راشد : جبت البي اس بي نايف :اكيد دخلنا المجمع ورحنا محلات للعطور واخترت اربع مجموعات من العطور والباقي عطور بس وديناها محل لتغليف الهدايا وغلف كل علبه بروحها راشد....طلع شي من مخباه وعطاه العامل يلفه ويحطه في كيس هدايا وبعدين رحنا للمحترف عشان نايف والملاهي لعبو نايف ورهف وانا وحنين قعدنا ننطرهم وبعد صلاة العشا قررنا انا وحنين نلعب رحنا سيارات التصادم خذيت انا ونايف سياره وراشد معاه رهف وحنين بروحها مسكينه حنين صدمت كم مره في واحد شكله متسبب راشد عصب من الموقف الي صار فطلعنا بعد اللعبه على طول شمس : نبي نطلب شاينيز فود راشد :ما يحتاج ... نروح البيت ونطلب لكم شمس : حنين تعالو تعشو عندنا حنين :لا الوقت متأخر رهف فيها النوم في البيت حطيت كروت اهداء على علب الهدايا وخليتهم جاهزين الساعه وحده ونص سمعت نفس الاغنيه ..من سيارة واقفه تحت دريشة الغرفة واااقف على ....بابكم ولهااان ومسير فتحت الاب توب وسويت بحث..وسمعت الاغنيه كاااملة ********** | ||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
