اول كتاباتي : رواية الفراق المـ لايمحوهـ الزمن كاملهـ

[هبة]

يسلموا أناملك عزيزتى رواية روعة ما فى كلام ,أسلوبك متمكن فى سرد الأحداث و الشخصيات مرسومة بكل دقة و شفافية,روايتك بكل صدق أمتعتنى بقرأتها و أصبحت متشوقة لمتابعتها و معرفة نهايتها .عندى استفسار لو سمحتى فى رسالة أبو فيصل الاخيرة بيقول انه نورة انولدت قبل ما يتزوج هو و أم فيصل يعنى مفروض نورة تكون أكبر من فيصل طيب هى ليش فى فصل فضة الصغيرة ؟؟؟؟؟؟؟؟؟؟ متابعاكى بكل ود و شكرا لك

[(ورود)]

المشاركة الأصلية كتبت بواسطة هبة

يسلموا أناملك عزيزتى رواية روعة ما فى كلام ,أسلوبك متمكن فى سرد الأحداث و الشخصيات مرسومة بكل دقة و شفافية,روايتك بكل صدق أمتعتنى بقرأتها و أصبحت متشوقة لمتابعتها و معرفة نهايتها .عندى استفسار لو سمحتى فى رسالة أبو فيصل الاخيرة بيقول انه نورة انولدت قبل ما يتزوج هو و أم فيصل يعنى مفروض نورة تكون أكبر من فيصل طيب هى ليش فى فصل فضة الصغيرة ؟؟؟؟؟؟؟؟؟؟ متابعاكى بكل ود و شكرا لك

^_^

هبة

اسعدني مروركـ بجد

واسعدني ردكـ الرااااائع

وبكذا انا اليومـ بضيف بااقي الحلقااات وبتوااااصل

وان شاء الله تعجبكـ باااقي الاحدااااث

ومن ناحية نوره انا فعلاا غلطت

وماكشفت هالغلط الا بالاخير

وان شاء الله مع الحلقات الجااايهـ

بتشوفي كيف صححته

يسلمو مليون حبيبتي ع المرور والمتااابعهـ

[(ورود)]

••.`9•.•• (الحلقهـــ الــتــاســعــهـ) ••.`•.••

~¤¦¦§¦¦¤~ في بيت بو محمد في صالة البنات ~¤¦¦§¦¦¤~

فايزه دخلت وسكرت الباب وضلت واقفه عنده وسرحانه وتفكر
وتقول يعني شنو هالطلب اللي يبغاه مني محمد اوف منكـ يافهيد
اوووووووف ودي اذبحكـ ليه تجي لنا بالحظه اللي انا اتمناها من زمان
حرام عليكـ انت ذبحتني بدون ماتحس اوف منكـ اوف
خليني ادخل واسوي نفسي عاديه مابي احد يحس
ودخلت الصاله للبنات وسلمت ع الكل
بعد ماسلمو على بعض وتعرفو على نوره
مها ضلت تعلمهم وتعطيهم الفكره اللي راح يسوها اول مايدخلون فيصل وابو محمد وزوجته
والفكره اهي
مها : الحين بخلي اخوي محمد ومهند ومصطفى ينزلو الطاوله الكبيره ويحطوها في الموزع
والطاوله طبعا راح انزينها بالكيكـ والحلويات والاطباق المتنوعه والشموع والورد المجفف
وطبعا راح نفرشها بمفرش حلووو وفخم
وراح ننثر في الارض البالونات والورود المجففه
و2 منا طبعا راح يمسكو فقعات راح تفجرونها اول ماراح يدخلو
و2 منا راح يمسكو الحلاوات والمشموم وراح ننثره اول ماراح يدخلو
والباقي راح يصفق وراح نشغل موسيقى هاديه وراح انطفي كل الانوار
وراح نشب البخووور والعووود والعطوووور
وطبعا الكيكه من ميزاتها انها فيها صوره لأبوي ولد عمي فيصل
فضه وفايزه ونوره ضلو يصفقووون لها
فضه : واو الفكره تجننن
نوره : مثلها اكيد
فايزه : جنان يسلمو يالغلاا
مها : اهم شي عجبتكم
نوره : ياااا والله انتو وناسه
مها : هههههه
فضه : طبعا والترتيبات كيف بتكون ؟
مها : طبعا راح نلبس عباياتنا ونتغطى
عشان راح يدخلون اخواني واخوكم وابوي وولد عمي وعمر
نوره : ياربي انا وش جيبني
مها : لا بالعكس يالغلاا اعتبري البيت بيتكـ ونبيكـ معانا توقفين وتساعدينا
نوره وهي مبتسمه : مشكورين
فضه : كل شي ولا نوره
نوره : ولله انا فكرتها عزيمه وناس واجد راح يجو
مادريت انها بس اهليه
فضه : يؤؤ نوره لاتصيري كذا خلاص عاد والله مافيها احراج ولا شي

طبعا وتجمعو الرجال مع الرجال والحريم مع الحريم وضيفووهم
وصارو ينتضرون جيت فيصل وعمه

~¤¦¦§¦¦¤~ في الشركهــ~¤¦¦§¦¦¤~

في مكتب السكرتير باسمـ
سليمان : هلا
باسم : اهلين امر
سليمان : مايامر عليكـ عدو
باسم : تسلم
سليمان : ممكن اكلم المدير ؟
باسم : مو موجود
سليمان : وينهم ؟ مافي احد
باسم : اليوم راح يطلع فيصل وبو محمد من المستشفى
سليمان : اهاااا الحمد الله على سلامتهم
باسم : الله يسلمكـ
سليمان : طيب انا ابي ادخل مكتب المدير محتاج اوراق
باسم : اسف ماقدر اخليكـ تدخل
سليمان : انا كلمت عمر وسمح لي
باسم : لا ماقدر لين هو بنفسه يكلمني ويسمح لكـ
سليمان : طيب خلاص انا ماشي يالله باي
وطلع سليمان من المكتب
باسم : واضح خبثكـ ياسليمان وكذبكـ تفكر مثل هالامور بتمشي علي
ورجع يكمل شغله .......
ورجع سليمان مكتبه وكلم تليفون
سليمان : ياتركي حاولت معاه ولا قدرت
تركي : ليه ماقدرت
سليمان : حاولت والله وماقدرت
تركي : راح نتصرف معاه تصرف ثاني الاوراق لازم ناخذها من المكتب
سليمان : المشكله يقول لي انهم اليوم راح يطلعو من المستشفى يعني بعدها ابدا ماراح نقدر نوصل للأوراق
تركي : لالا لاتخاف ان شاء الله راح نقدر
سليمان : انا حصلت لي فكره
تركي : لصالح شركتنا لازم هالفكره اللي بتقولهاا تصير تمام
سليمان : اليوم بعد مايطلع السكرتير ادخل واخذ الاوراق
تركي : واذا ماطلع
سليمان : اصرفه لاتخاف
تركي : ورني رجولتكـ وسوها
سليمان : بتشوف وش راح اسوي راح اخذ الاوراق وراح ازور التوقيع
وراح احول كل المعاملات لصالح شركتنا الجديده
ونشوف فيصل وعمامه وش راح يسووون
تركي : هههههههههههههههههه ايه ان شاء الله

~¤¦¦§¦¦¤~ في سيارة مهند~¤¦¦§¦¦¤~

خلني اتصل على عبدالله وأأكد عليه انه يجي
واتصل على عبد الله
عبد الله وهو طالع من الحمام (متروش)
عبد الله : هلا وغلاا
مهند : اهلين وسهلين
شخباركـ ؟
عبد الله : الحمد الله بخير وانت وش اخباركـ ؟
مهند : الحمد الله بخير
عبد الله : دوم يارب
مهند : انا متصل فيكـ ابي اذكركـ
عبد الله : تذكرني بشنو
مهند : اليوم ابوي وعمي فيصل بيطلعون من المستشفى
عبد الله: اوه صح
الحمد الله على سلامتهم
مهند : ايه عاد لاتنسى ياويلكـ ان ماجيت وخل الاهل اذا يقدرون يجون يجون حياهم الله
عبد الله : ان شاء الله راح اجي .. بس امي واختي ماعتقد
بس متى ؟
مهند : بعد شوي او الحين على راحتكـ اهم شي تيجي
عبد الله : ان شاء الله راح اجي بعد شوي اكون عندكم
مهند : اوكيه حلو ننتضركـ
عبد الله : اوكيه
مهند : يالله باي
عبد الله : باي
سكر عبد الله الخط وقام ولبس وتكشخ وتعطر وركب سيارته ومشى لبيت بو محمد
مع انه بالبدايه كان متردد بالروحهـ
بس عبد الله مشاء الله عليه يحب التعرف ع الناس
ويحب يجدد في الروحه والجيه ويحب يجدد في الناس
وصار بخاطره يتعرف علا اهل مهند ومحمد اكثر واكثر
ويبي يشوف فيصل وعمه وش صار فيهم بعد الحادث
ويتحمد لهم بالسلامهـ

~¤¦¦§¦¦¤~ في بيت بو محمد~¤¦¦§¦¦¤~

محمد دخل في الموزع ونادى اخته مها
مها : لحظه اخوي لحظه
فايزه وقلبها طار : منو هذا
مها : محمد
فايزه : قومي شوفي وش يبي
مها : ايه بقوم ان شاء الله
طلعت فايزه لخوها محمد وهي تضحكـ على فايزه لانها تعرف انها تحب محمد ومحمد يحبها
مها : نعم ؟
محمد بصوت واطي : منو عندكم داخل
مها وهي فاهمه : لاتخاف فايزه مو داخل
محمد وهو مستغرب : ليه وين راحت ؟ انا شايفها بعيوني دخلت داخل
مها وهي تطالع في اخوها بنضرات غريبه شوي واستغراب ..
محمد وهو يعدل ثوبه ومتوتر ويحس انه نسى نفسه احم احم : ايه انا بروح اجيب فيصل وابوي وامي تبين شي ؟
مها ومازالت على نضراتها
محمد : طيب خلاص بخلي فهد يروح يجيبهم او مهند او مصطفى مو لازم انا
مها : وش سالفتكـ انت ويا فايزه اعترف
محمد : هاااا أي سالفه ؟
مها : اهي مدري وش فيها وانت مدري وش فيكـ
محمد وبلهفه : ليه اهي وش فيها وش قالت لكـ ؟
مها : ولا شي
محمد :طيب اختي حبيبتي انتي ودي اسولف معاكـ شوي بس برا
مها : وش تبي تقول ؟
محمد : كلمتين على بعضها
مها : قول هنا
محمد : طيب نجلس هناكـ
مها : طيب
وراحو وجلسو
مها : قول وش عندكـ
محمد : قولي لي وش قالت لكـ فايزه
مها : ماقالت شي
محمد : انتي تقولين وش سالفتكـ انت وفايزه اهي مدري وش فيها عليكـ
مها : لا والله يعني ولما قلت كذا خير وطير
محمد : طيب بقولكـ شي ثاني
مها : قول
محمد : ودي اقول لكـ شي يمكن انتي حسيتي به
مها : شنو ؟
محمد : انتي وش تحسين ؟
مها : ماحس بشي
محمد : بقولها لكـ كاش
مها : قولها
محمد وهو خجلان : بصراحه بصراحه
مها : ايه وش الصراحه وش فيكـ خجلان
محمد : ودي تكلمين فايزه عني
مها وهي فاهمه بس تتغيبه : وش اكلمها فيه بعد
محمد وهو معصب وهو قايم : اوهوووووووو بس خلاص انا الغلطان االي اكلمكـ
مها : تعال وش فيكـ عصبت
محمد : ولا شي انا ماشي بروح اجيبهم من المستشفى احسن لي من وجهكـ
مها : هههههههههههههههه روح الله وياكـ
وراح محمد المجلس ورجعت مها لفايزه وللبنات و قالت لهم
مها : يالله يبنات يالله قومو يالله
راح اخوي محمد يجيبهم
نوره : والله
مها : ايه والله
فايزه قامت وقفت يم مها وهمست لها : بس هذا اللي كان يبيه منكـ ؟
مها وهي فاهمه : لا كان يبي مني شي ثاني
فايزه وهي حطت صبعها بفمها ونزلت راسها : امانه امانه قولي وش كان يبي منكـ
مها وهي بس تبي تخلي قلب فايزه يغلي: ياربي عليكـ يابنت عمي وش قد تتدخلين
فايزه وهي ناسيه عمرها وحست بخجل : سوري اسفه
ورجعت وجلست
مها : ههههههههههههه
فايزه صار وجها احمر وضلت تقول داخل نفسها ياربي انا وش فيني ليه صايره غبيه لهالدرجه
معقوله مو قادره اتحكم بمشاعري واكتمها نفس اووول ليه الحين صار يوضح علي هالشي
ليه الحين احس قلبي ماوده يكتم اكثر ... وليه احس ان لازم اخلي الكل يعرف بحبي له
اوووف ياربي علاا نفسي احس الحين محمد صار شغل قلبي الشاغل
الكل مشغول بجية اخوي وعمي من المستشفى وانا الوحيده بس منشغله بمحمد
ليه كذا ياربي انا لازم اطرد هالاشياء من عقلي وقلبي واقوم افرح مع الكل وانسى حبي لمحمد
مع ان هالشي مستحيل بس لو ع الاقل الليله

~¤¦¦§¦¦¤~ في الشركهـ~¤¦¦§¦¦¤~

سليمان اتفق مع واحد من ربعه انه يوقف برا ينتضر باسم وبس يطلع يقعد يسولف معاه ويشغله
وصعد لمكتب باسم .. ودخل
سليمان : السلام
باسم وتركـ القلم ورفع راسه : وعليكم السلام .... آمر
سليمان : في واحد تحت يبيكـ
باسم : منو ؟
سليمان : والله مادري
باسم : ماقدر اتركـ المكتب وانزل له كان دليته مكتبي وخليته يصعد لي
سليمان : احم قال يبيكـ برا
باسم : اذا ماعليكـ امر قوله اني مشغول واذا يبيني ضروري خله يصعد لي
سليمان وهو مقهور : ان شاء الله
وطلع من مكتبه وسكر الباب وعظ على ايده قهر
سليمان : اوووف منه هذا متى يعني يطلع من مكتبه وان طلع لازم يقفل الباب
وش ذا الوهقه .. بس انا عندي فكره ثانيه ولازم اسويها
وراح لمكتبه واتصل على تركي
تركي : هلاا
سليمان : اليوم الااوراااق راح تشوفها كلها لصالح شركتنا
تركي : وش سويت ؟
سليمان : خطتي فشلت بس عندي فكره ثانيه واحتاجكـ معاي واذا تقدر تجيب ويانا 3 اربعه
تركي : اي ان شاء الله بس انت علمني وش راح تسوي
سلميان : انا الحين بجيكـ الشركه وافهمكـ كل شي
تركي : اوكيه بنتضاركـ
وراح بسرعه سليمان لشركتهم واتفق مع تركي على كل شي

~¤¦¦§¦¦¤~ في بيت بو محمد في صالة الرجال~¤¦¦§¦¦¤~

دخل محمد عليهم
محمد يكلم اخوه مهند : تروح تجيبهم من المستشفى اهم الحين جاهزين ؟
عمر : اذا تبوني اروح اجيبهم عادي
مهند : ايه والله فكني روح عني
عمر وهو قايم : ان شاء الله
وراح عمر للمستشفى وجابهم
واهو طالع وصل عبد الله لصالة الرجال
سلم على عمر وعرفه على نفسه
ودخل لصالة الرجال وسلم ع الكل
وجلس جنب مهند يسولف معااه ومع كل الموجودين
مهند عرّف كل الموجودين في عبد الله
وتعرفو على بعض وضاع الوقت كله بسوالف وضحكـ

~¤¦¦§¦¦¤~ في بيت ســـــــــالمــ~¤¦¦§¦¦¤~

رجع سالم للبيت
سمر : وليه توديها
سالم : كسرت خاطري ماتروح ولا ترجع
سمر : ايه تولي
سالم : خليها تستانس هناكـ شوي وروح اجيبها
سمر : اوكيه بس هالمره وياويلكـ ان طلعتها مره ثانيه
سالم : ايه ان شاء الله
سمر : ايه تمام

~¤¦¦§¦¦¤~ في بيت بو محمد~¤¦¦§¦¦¤~

ضلو البنات بالصاله ينتضروهم والشووووق زاد
واستعدت كل وحده عشان دورها وتغطو
الا بدخلة محمد واولادهم الباقين
عشان يستعدون لكل شي لانهم اتصلو على عمر وقال لهم انه في الطريق
وبعد ثواني من التجهيزات والاستعداد الكامل
اول من دخل بو محمد وبعدها ام محمد وبعدها فيصل
ونثرو الحلاوات وشغلو الموسيقى وفقعو الزينه
وقفو مستغربين ومتفاجأين من كل شي
الجو رومانسي والاجواء وايد حلوه
بومحمد وام محمد ماصدقو انهم داخلين بيتهم
مها بنتهم غيرت كل شي بالبيت
بالزينه والاثاث والشموع والورود
فيصل بعد تفاجأ بكل شي وماتصووور انهم راح يسووو كذا
تركت لولوه زوجة فيصل كل اللي بيدها وراحت وحضنته وسلمت عليه
وضلت تصيح مو مصدقه انها شافته قام لها بالسلامه
مها بعد راحت لابوها وامها وبدت تصيح وتقول لهم الحمد الله ع السلامه يأغلاا الناس بالدنيا
فايزه وفضه ضلو يصيحون تمنو ان امهم وابوهم موجودين
نوره اثر فيها الموقف كثير كثييير سالت دموعها وحست بالحب والالفه بينهم
وحست بأن الاخوه بينهم حيل قويه والعلاقه بينهم مافيه احد يمكن يفرق بينهم
حست كأنهم على قلب واحد وجسد واحد
تمنت لو تصير علاقتها مع سمر وليلى وسالم كذا ....
بالنهايه قضو ليله ولا احلاا وتمنو كل لياليهم تغمرها السعاده والفرح

~¤¦¦§¦¦¤~ في بيت ســـــــــالمــ~¤¦¦§¦¦¤~

سمر : يالله قوم روح جيب نوره
سالم : يالله الحين بروح
سمر : كل شوي يالله يالله قوم الحين واتركـ التلفزيووون
سالم : يالله صج الحين تأخر الوقت
بقوم يالله باي

في غرفة ليلى ....
وهي تذاكر رن جوالها
ليلى : اوف برضو نفس الرقم اوووف وش ذا الوهقه
خليني ارد واشوف وش يبي تراه مللني وطفشني
ليلى ردت عليه وقالت بعصبيه : نعم
...... : هلاا والله وغلاا
ليلى : نعم
.......: شخباركـ ؟
ليلى : مو زينه دام هالاتصالات اللي ماتوقف وهالرسايل البايخه تلاحقني
....... : وقلت بضل الاحق فيكـ لين تردي علي
ليلى : وكاني رديت خير وش عندكـ ؟
........: مدري ليه يجذبني فيكـ عنادكـ واسلوبكـ
ليلى سكتت وماردت
....... : عموما انا احب اعرفكـ بنفسي انا خالد العسيري وعمري ..
الا ليلى قطعت كلامه وقالت له : ومن طلب منكـ تعرفني بنفسكـ ؟
خالد : محد طلب مني انا من نفسي انا مانتضر احد يطلب مني
ليلى : لو سمحت
خالد : امري
ليلى : لو سمحت لاتتصل ع الرقم مره ثانيه
خالد : ليه عاد بس
ليلى : كيفي مو حابه هالشي
خالد : بس انا حيل حابه
ليلى وسكرت الخط في وجهه : اوووف وش ذا الزقه
وبعدها علا طول اتصل ثانيه
ليلى وبعصبيه ردت عليه وهي تصارخ : وش تبي مني انت تراكـ خليتني اكره الحياه مللتني عيشتي
خالد : ابي اكلمكـ انا تعلقت فيكـ اكثر من اول ليه ماتفهمين هالشي
ليلى : وانا مابي اكلمكـ غصب هو وبعدين شنو تعلقت وماتعلقت مجنون انت
خالد : ايه غصب اذا ماجى بالطيب فأضطر الى الغصب
ليلى : اوووووووف وربي مليت منكـ
خالد : طيب بكلمكـ لما تهدأي الحين انا بسكر وبعدين نتفاهم
ليلى : وش نتفاهم عليه
خالد : طيب خلاص يالغلاا شوي وكلمكـ الحين انا انشغلت شوي
ليلى : مابيكـ تكلمني
خالد : طيب يالله عاد بلا دلع زااايد شوي قلت لكـ وكلمكـ يالله باااي
ليلى بعصبيه : باي
وسكرو الخط

~¤¦¦§¦¦¤~ في بيت بو محمد~¤¦¦§¦¦¤~

نوره جى ابوها سالمـ واخذها
وفيصل اخذ زوجته وعياله ومشى
وعمر بعد اتصلت فيه علياء ومشى
ضل محمد ومهند وعبد الله ومصطفى وفهد
وضلت فايزه وفضه مع مها ينتضرون فهد عشان يوصلهم
فايزه : ياربي وش فيه فهد مقفل جواله
فضه : اوف يعني متى راح نمشي
فايزه : والسواق اكيد انه نايم
فضه : ايه اتصلت فيه ونايم
مها : طيب وش عندكم بدري
فضه : لا وين بدري شوفي كم الساعه
مها : يمكن هو مع الرجال بالصاله
فايزه : اوف ياربي عليه شكله ناسي الوقت
فضه : واللي يسلمكـ قومي شوفي اخوكـ محمد وخليه ينادي لنا فهد
مها : بشوف بتصل فيه
فضه : اوكيه
اتصلت مها على اخوها محمد
محمد : هلا مها
مها : اهلين
محمد : امري
مها : جنبكـ فهد ؟
محمد : ايه ... بس ليه ؟
مها : خواته يبون يمشووون الحين بيطلعون له
اتصلو فيه وجواله مقفل
محمد : ان شاء الله الحين اقوله
مها : اوكيه يالله باي
محمد قال لفهد عشان يطلع لخواته
عبد الله : يالله انا الحين أستأذن
فهد ومهند : بدري ..
عبد الله : من عمركـ بس والله خلاص تأخرنا ماقصرتو قضيت معاكم وقت حلو والحمد الله على سلامتهم
فهد : حياكـ الله وانا بعد بقوم لخواتي نأخرت عليهم
عبد الله : اوكيه يالله باي
فايزه وفضه سلمو ع الجميع وطلعو وطلعت معاهم مها عشان بتوصلهم
وهم طالعين فايزه وفضه تغطو اما مها ماكانت لابسه شي وكانت حيل كشخه
لابسه احسن لبس وحاطه انعم مكياج وفاتحه شعرها الحرير الطويل
وصدفه طلع عبد الله من الصاله وهو طالع شاف مها
وقف مكانه وتخبى ورا الشجر ضل مندهش كيف انها جميله
وضل يسأل نفسه منو هاذي ؟ وش ذا الجمال اللي تملكهـ ؟
اكيد انها اخت مهند دامها مو لابسه عباتها اكيد ان هذا البيت بيتهم
سلمت عليهم بعد ماوصلتهم ورجعت للبيت
وضل عبد الله يطالع فيها من اول ماطلعت الين مادخلت داخل البيت
الا بطلعت فهد من الصاله وشاف عبد الله واقف
جى من واره وهو ماحس وحط يده على كتف عبد الله
عبد الله بشهقه قويه : بسم الله
فهد : وش فيكـ واقف
عبد الله بتوتر : ها مافيني شي
الحين انا بمشي
فهد : اوكيه يالله تعال نطلع مع بعض
عبد الله وهو يتلافت لورا : ايه يالله نطلع مع بعض ليهـ لا

~¤¦¦§¦¦¤~ في بيت بو محمد~¤¦¦§¦¦¤~

في الصاله....
وضل بو محمد وام محمد وعيالها يسولفووو طول اليل
مها : هههههههههههههه
ام محمد : هههههههههه ولا بعد الاحراج الاكبر لما جات هي تعتذر بدل ماأنا اعتذر
بو محمد : ههههه مو مشكله يالله تكبرين وتنسين
ام محمد : هههههههههه
مصطفى منشغل بجواله يكتب رساله لسحر ونصها
حبيبتي اذا مانمتي عطيني رنه
مشتااق لكـ وودي اكلمكـ
ورسلها بالوسائط ومعها صورهـ
وضل يفكر وينتضر منها رد
محمد يفكر في فايزه وكيف انه يبي يوصل لها
ضل يفكر ويفكر وخطرت في باله فكره
محمد فتح جواله واتصل على اخته مها رنه وسكر
عشان انه يبي يتأكد وين جوالها
واتصل عليها ومارن في الصاله
قام محمد من الصاله وراح يدور عليه في البيت
دور الصاله والمطبخ وبعدها صعد غرفتها
وسمعه يرن بغرفتها
دخل وفتح جوالها
ودور على رقم فايزه واخذه
وقبل مايطلع مسح المكالمات اللي منه
وسكر باب الغرفه وطلع وراح لغرفته
دخل غرفته وهو مستانس وطايره فيه الدنيا
ومو مصدق انه خطى خطوه حلوه وكان يتمناها من زمان
من عند مها او من عند فايزه نفسها
فكر من الشوق والفرح انه يتصل فيها الحين
بعدها تردد وأجلها لبعدين لانه خاف انها تكون نايمه

مصطفى تعب من الانتضار وصعد لغرفته
مها استأذنت من امها وابوها وراحت تنام
مهند بعد استأذن من الجميع وراح نام
وام محمد وابو محمد بعد راحو لغرفتهم عشان ينامو ويرتاحو

~¤¦¦§¦¦¤~ في بيت فيصل~¤¦¦§¦¦¤~

وصل فيصل وزوجته وعياله للبيت
بعدها صعد فيصل لغرفته عشان يرتاح
لولوه بصوت واطي : ريما حمد تعالو
ريما وحمد قامو لأمهم : هلا يمه امري
لولوه : وين الهدايا اللي شرينها ؟
ريما : الحين تبينهم ؟
لولوه : ايه
حمد : اروح اجيبيهم
لولوه : ايه يالله روح
ريما : ابوي شكله تعبان
لولوه : لا عادي مو مشكله هذي وقتها
الا بجية حمد : ريما تعالي شيلي معاي حسي عاد
ريما : هههههههههه ان شاء الله
لولوه : شوفو انا الحين بروح اصعد الغرفه وبعد شوي او بعد ربع ساعه
تعالو الغرفه وقدموهم لأبوكم
زين ؟
ريما وحمد : زين
لولوه : يالله انا الحين بصعد
ريما ببسمه : اوكيه

~¤¦¦§¦¦¤~ في بيت ســــــالمـ~¤¦¦§¦¦¤~

وصل سالم نوره وصعدت لغرفتها وهي مو مصدقه اليوم اللي عاشته
وكيف عاشته وكيف انه حلوووو كثير وضلت تذكر كيف حنانهم وطيبتهم
مو بس معاها حتى بينهم وبين بعض
وكيف ان قلوبهم على بعض
نوره بعد تنهيده : يالله الله يديم عليهم احس حالي تعبانه وابي انام
قامت وطفت انوار الغرفه ونامت

~¤¦¦§¦¦¤~ وفــ غرفة ليلى~¤¦¦§¦¦¤~

ليلى وهي غرقانه بالنووومـ
الا بصوت الجوال
في البدايه ماسمعته
ورن ثانيه
حست بأزعاج وخذته وردت ولاا شافت من اللي متصل
ليلى بصوت نايم : ايوه
............ : هلاا وغلاا
ليلى وهي متنقزه : خالد ؟
خالد : ايه خالد شفيكـ ؟
ليلى : في احد يتصل بهذا الوقت انت شفت كم الساعه الحين ؟
ولا انت ماعندكـ لا شغل ولا مشغله وماعندكـ شغله الا انكـ تزعج في بنات الناس
خالد : بسم الله
شفيكـ اكلتيني بقشوري
شوي شوي علي
سؤال سؤال مو ورا بعض
بس لعيونكـ انا بجاوب على كل سؤال
ايه انا خالد
ايه في ناس تتصل بهالوقت وخصوصا المشتاقين
لا والله ماشفتها بس اتووقع انها الساعه 3 الفجر
الا عندي عندي شغل بس مو الحين
ليلى وهي تقطعه : انا ماطلبت منكـ تجاوب
خالد : اجل شو
ليلى : ساكته ماردت
خالد : معليش اسف ع الازعاج بس اشتقت اسمع صوتكـ واتصلت
ليلى : ساكته وماردت
خالد : والله اني جاد ومأمزح او العب مثل غيري
ليلى : ماردت
خالد : انا محتاج وحده تفهمني وافهمها واكمل باقي طريقي معاها
ليلى : ماردت
خالد : الووو معي ؟
ليلى وهي قاعده تفكر بكلامه وكيف انها محتاجه بعد للأنسان اللي يفهمها وتفهمه وتكمل حياتها معه
خالد : الووووو
ليلى وهي بتعبيرات وجه خجل او على توتر : ايه معاكـ
خالد : اتمنى
ليلى : وشو
خالد : انكـ تكوني معي
ليلى عدلت جلستها وشغلت الابجوره اللي بجنب سريرها
خالد : ليه ساكته قولي كل اللي عندكـ
ليلى بصوت كله خجل واحراج : انا ماعندي شي اقولهـ انت قول اللي عندكـ
خالد : انا لو بقول كل اللي عندي بضل معاكـ لين بوكرا
ليلى وبرد واثق : وانا اسمعكـ
خالد والبسمه حلّت وجهه وكأنه تطمن : متأكده
ليلى : ايه متأكده
خالد : انا بقولكـ كل شي عني ومن البدايه
انا وحيد امي وابوي
ليلى : ماعندكـ لا اخو ولا اخت
خالد : ايه
ليلى : وحتى انا وحيدة امي وابوي
خالد : هههه وش ذا الصدفه
ليلى : ههههه احسن عشان نتدلع عليهم
خالد : انتي ممكن بس انا لا
ليلى : ليه انت لا
خالد : لان امي وابوي توفو بحادث قبل 3 سنين
ليلى : لا حول ولا قوة الا بالله الله يرحمهم
خالد : الله يرحمهم
ليلى : والحين من معاكـ من يصرف عليكـ .؟
خالد : محد معاي انا ساكن لحالي في بيت كبير والله لايوريكـ كبره
ودايم استوحش فيه لحالي ... بس مأقدر اني ابيعه واسكن في بيت غيره
لان هذا البيت بيت ابوي وامي الله يرحمهم
ليلى : الله يرحمهم
خالد : اما من يصرف علي .. الحمد الله انا اصرف على نفسي
اشتغل مكان ابوي الله يرحمه في ال****ات وهالاشياء والحمد الله
ليلى وتحس قلبها انكسر عليه : ويومكـ طيب كيف تقضيه
خالد : يابــ المكتب يا بــ السفر يا مع ربعي يـا بــ
ليلى قطعته وقالت : يا بــ المجمعات
خالد : لا والله حرام عليكـ تقولي عني كذا اصلن انا ماروح مجمعات ومو فاضي لهالاشياء
ليلى : لا والله مدري مين انا اجل اللي شفته بالمجمع ليكون خيالكـ
خالد : ايه تقدرين تقولين خيالي
والله ذاكـ اليوم ماكنت ناوي على اني اطلع اتصل فيني صديقي عبد الرحمن وقال الا نطلع مع بعض
واصر اهو على المجمع
ليلى : وكم وحده رميت عليها رقمكـ
خالد : حرااااام عليكـ لا تقولي عني كذا والله هذا مو طبعي ولا اعرف لهالاشياء
بس مدري ليه انتي كأن الله كاتب لي اتعرف عليكـ بهالطريقه او غيرها
ليلى : يعني تبي تبين لي انكـ اول مره تسوي كذا
خالد : واقسم لكـ بربي اني اول مره اسوي كذا
ليلى : ايه افكر بعد
خالد : طيب حبوبه ممكن اعرف وش اسمكـ ؟
ليلى : وقالت لها اسم مستعار .. بشاير ..
خالد وكأنه مو واثق : عاشت الاسامي
ليلى : عاش غاليكـ
خالد : طيب وكم عمركـ ؟
ليلى : 17 سنه
خالد : العمر كله
ليلى : شكرا
خالد : وش اخبار الدراسه معاكـ ؟
ليلى : الحمد الله
خالد : ان شاء الله درجات حلوه ولا هئ
ليلى بضحكه صغيره وخفيفه : ههههه لا ان شاء الله حلوه
خالد : دووم يارب هالضحكه
ليلى : تدوم انفاسكـ
خالد بتنهيده : اسف اذا قطعت نومكـ ؟
ليلى : لا عادي
خالد : اكيد يالغلاا ؟ اذا تبين ترجعين تنامين قولي عادي اذيتكـ بسواليفي اللي ماتخلص
ليلى : لا خلاص وبقلبها ... اصلن النوم طااار
خالد : هههههه يعني النوم طار ؟
ليلى : ههههه ايه
خالد : تصدقين
ليلى : اممم
خالد : احسكـ الانسانه اللي ادور عليها من زمـــان
ليلى خجلانه وماردت
خالد : والله اني ارتحت لكـ
ليلى : مشكور

وضولو يسولفون ويتعرفون على بعض ...

~¤¦¦§¦¦¤~ في بيت فيصل~¤¦¦§¦¦¤~

ريما : يالله حمد قوم نصعد
حمد : يالله
لولوه قعدت تلهي فيصل عشان ماينعس وينام
الا بضربت الباب
طق طق طق ..
فيصل : تفضل ..
ريما وحمد : ودخلو وكل واحد حامل وفــ يده هديه لأبوه
فيصل والابتسامه ملت وجهه : واو شنو هذا
ريما : لكـ يأغلاا ابو في الدنيا وجلست بحضنه
حمد : حب راس ابوه وقدم له الهديه وجلس بجنبه الثاني
ريما : الحين بس نور البيت ..
فيصل : مشكوره يابنتي منور بوجودكمـ
حمد : بدونكـ البيت يبه مايسوا شي ماله طعم
فيصل : لولوه فيها الخير
حمد : امي نور وشمعة البيت بدونها مانعيش
لولوه بضحكه خفيفه وخجل
فيصل : اوووه قام الغزل
حمد : هههههههه والله جد بدونكم ولا شي
ريما : بس الحمد الله علاا سلامتكـ
فيصل : الله يسلمكـ
لولوه : يالله الحين قومو روحو نامو عشان مدارسكم بوكرا
فيصل : ههههههه اغسل ايدي يصحون بوكرا
لولوه : هههه الله يستر منهم
حمد : ههههههههههههه
ريما وقامت من ع السرير : يالله تصبحون على خير
حمد : انتضري لي بطلع معاكـ
ريما : يالله
فيصل ولولوه : وانتو من اهله
وطلعو وسكرو الباب
فيصل ضل يطالع بالهدايا وزوجته
فيصل : مفاجأه حلوه من زوجه احلاا
لولوه : قصدكـ من عيال احلاا
فيصل : وانتي يعني تبينين لي انكـ مالكـ دخل
لولوه ونزلت راسها وضحكت ضحكه خفيفه : اهم شي عجبتكـ
فيصل : اكيد دامها منكم
لولوه : تسلم يانور البيت
فيصل : الله يسلمكـ
بعد سوالف وضحكـ وتعب حطو راسهم ونامو ..

~¤¦¦§¦¦¤~ في الشركهـ~¤¦¦§¦¦¤~

سليمان متلثم ومتنكر هو ومعاه تركي ومعاهم رجالين
كلهم متنكرين ومتلثمين مثل الحراميه
سليمان يعرف كل مداخل الشركه وعشان كذا راح يسهل عليهم دخولهم
سليمان واللي معاه وهم متخبين ورا الاشجار
سليمان : ياربي شلون راح ندخل الحين وهذا جالس لنا
تركي : انا عندي فكره
سليمان : شنو قول
تركي : روح انت تكلم معاه لانكـ نسيت حاجه وبتدخل تاخذها
وانت قاعد تكلمه حاول تبعده عن باب الدخول وندخل بدون مايحس
بعدين انت دخولكـ سهل
سليمان : ايه والله فكره
اوكيه يالله بروح الحين
تركي : ولا تحاول ترتبكـ خلكـ طبيعي وشيل هالثام
سليمان : اوكيه يالله دعواتكم
تركي : يالله الله يستر بس
سلميان راح بكل شجاعه له
وراح وتكلم معاه وسولف بعدين بدا يتمشى معاه
وتركي والي معاه يراقبونهم وبعد مالتفو
تركي : يالله يالله بسرعه وبهدوء نفس الوقت
تسلل تركي واللي معاه لداخل ودخلو

سليمان : ههههههههههههه والله
الحارس : ايه والله
سليمان : ماقول الا الله ييعنكـ بس
الحارس : ايه والله
سليمان بعد ماتأكد انهم دخلو : يالله انا الحين بروح اجيب مفتاحي من مكتبي ناسيه داخل
الحارس : اوكيه مومشكله
ودخل سليمان بكل امان ووراه تركي وربعه
وقفو عند باب المدير لان فيها كل الاوراق المهمه اللي يبغونها
سليمان : يالله
طبعا هم اخذو احتياطاتهم واستخدمو اشياء عشان يسهل عليهم فتح الباب
والرجالين ذيلو طبعا عندهم خبره بهالاشياء وساعدوهم
دخلو وبيدهم انوار خفيفه وكل واحد ضل يدور ع الاوراااق في كل جهه
وبكل سهوله حصلو عليهم لان باسم لما خلص منهم ماحطهم بالخزنه حطهم بالدرج
وطبعا احوال الشركه في هالاسبوع صعبه بالمره لان مافيه احد دارها غير الموضفين
واخذو الاوراق وحقق سليمان مع تركي كل اللي يبونه
وطلعو ومسحو كل الاثار ولا كأن شي صاير ..
طبعا سليمان لما بيطلع طاحت عليه بطاقة الاتمان حقته في زواية المكتب
بس للأسف بزوايه صغيره وماتبين وطبعا طاحت عليه بدون مايحس
لاكنهم طلعو ولا كأنهم سوو شي
وهم طالعين احتارو بالطلعه
وسوو نفس الحركه اللي مساع وتخبو وطلعو

وبكذا انتهت الحلقهـ التاسعهـ

واتمنى انها عجبتكمـ

[(ورود)]

••.`0•.•• (الحلقهـــ الـعــاشــرهـ) ••.1`•.••

~¤¦¦§¦¦¤~ في بيت سالمـ ـــ في غرفة ليلى~¤¦¦§¦¦¤~

وقضو طوول اليل بسواااليف وتعارف
خالد طبعا وصف لـــ ليلى كيف انه تعلق فيها من اول ماشافها
ليلى للحين مابعد تتأكد من شعورها تجاهه وماوصفت له اي
اكتفت بهالمكالمه بس بالاجابات..
طلعت الشمس واشرق الصباح ليلى وخالد نسو انفسهم بالمكالمه
وماحسو بالوووقت
ليلى : اوووه الساعه 5 ونص وأذن
خالد : اوووف كيف الوقت ضاع من دون مانحس
ليلى : يالله انا بقووم اجهز للمدرسه واصلي
خالد : انبسطت معاكـ كثير بهالمكالمه
ليلى : شكراا
خالد : متى اقدر اكلمكـ مره ثانيه
ليلى : لاا والله
خالد : والله
ليلى : كل مره تتصل بالوقت اللي تبيه والحين صرت تستأذن ؟
خالد : يعني اتصل بكيفي
ليلى : هههه ايه
خالد : اوكيه تمام
ليلى : يالله انا الحين بقوم اجهز
خالد : اوكيه مابي اعطلكـ بس انتي كم الساعه اليوم ترجعين
ليلى : 1 او 12 ونص
خالد : حلو راح اتصل فيكـ بهالوقت
ليلى : اوكيه يالله مابي اتأخر اكثر
خالد : اوكيه يالله الله وياكـ ديري بالكـ علا نفسكـ
ليلى : اوكيه وانت بعد يالله باي
خالد : بايات

~¤¦¦§¦¦¤~ في بيت بو محمد~¤¦¦§¦¦¤~

في غرفة مـــــــــــــــهــــــــ ـــــــا
الجوال يرن ع المنبه وهي مو منتبهه له لانها صارت تعبانه شوي من امس
ومحمد ماراح يداوم من الصباح لان دوامه يبتدي العصر
ومهند صحى ولبس وتكشخ وراح للكليه
ومصطفى نايم لاشغل ولا مشغله

~¤¦¦§¦¦¤~ في بيت فيصل~¤¦¦§¦¦¤~

في غرفة لولوه الجوال يرن ع المنبه وهي مو منتبهه له لانها تعبانه ومانامت الا متأخره
فيصل انتبهه للجوال وصحى لولوه وهو بعد صحى مع انه تعبان
بس حاول يتغلب على كل التعب عشان الشركه صار له فتره طويله تاركها يبي يتأكد من كل شي في الشركه
لولوه راحت لغرفة عيالها تصحيهم من النوم
بس لا حمد ولا ريما منتبهين او حاسين بأمهم
رجعت غرفتها خايبه
فيصل وهو واقف ع المرايه يمشط شعره ويتعطر : صحو العيال ؟
لولوه : اوف مللوني مو ****ن يصحون
فيصل : عندهم اختبار ولا لاا ؟
لولوه : لا ماعندهم
فيصل : خليهم اجل نايمين مالهم فايده حتى لو راحو بينامو هناكـ
لولوه : ههههههههههه ايه والله
فيصل وتركـ اللي بيده : يالله انا ماشي تامرين بشي
لولوه : سلامتكـ دير بالكـ على نفسكـ

~¤¦¦§¦¦¤~ في بيت عمــــــــــر~¤¦¦§¦¦¤~

عمر صحى مبكر وجهز حاله عشان بيروح الشركهـ
زوجته علياء وبنته عبير نايمين
وهو نازل اتصل بمحمد
رن رن رن رن رن
محمد نايم ومو حاس بالجوال
عمر : اووه وش فيه هذا مايرد ؟
خلني اتصل ثانيه واشوف
عمر فتح باب سيارته وركب
رن رن رن رن رن
محمد بصوت نايم : هلاا
عمر : اهلين
نايم ؟
محمد : ايه عمي نايم
عمر : متى راح تداوم ؟
محمد : العصر
عمر : ليه مو الحين
محمد : ابوي بيداوم اليوم مع فيصل
عمر : ايه ادري ولازم كلنا نصير اليوم موجودين
عشان الاجتماع اللي راح نسويه
محمد : اووووووووه نسيت سالفة الاجتماع
عمر : يالله والحين ذكرت يالله قوم
محمد : وينكـ انت الحين
عمر : بالطريق شوي واوصل الشركه
محمد : اوكيه يالله الحين بقوم وبجيكم
عمر : يالله باي
محمد : باي
قام محمد بسرعه تروش ولبس وتعطر وتكشخ وطلع لشركه

~¤¦¦§¦¦¤~ في الشركهـــ~¤¦¦§¦¦¤~

طبعا كل الموضفين عرفو ان فيصل وعمه طلعو بالسلامه من المستشفى واليوم راح يداومون
الكل تجهز عشان بيسووون استقبال ....
طبعا عمر وبو محمد وفيصل وصلو بنفس الوقت
ودخلو والموضفين سوو لهم استقبالهم لاصار ولا ستوا
ووزعو الكيكـ ع الموضفين كلهمـ
والحلويات على كل مكتب
زينو الشركهـ من بدايتها الين مدخل بو محمد
وعطرو المكتب وبخرو الشركه ومكتب بو محمد وفيصل
والورود انثروها والكل تحمد لهم بالسلامهـ
بعدها دخل بومحمد لمكتبه (( المدير ))
دخل معاه فيصل وعمر ودخل معاهم السكرتير باسمـ
جلس بو محمد على كرسيه
عمر : تو مانور المكتب يابو محمد
بو محمد : بوجودكـ ياخوي
عمر : الله يسلمكـ
بو محمد : باسم بعد 3 ساعات خل كل الموضفين يستعدون عشان الاجتماع
باسم : اوكيه
فيصل : وباسم ماعليكـ امر انا الحين بروح مكتبي جيب لي كل الاوراق والمستندات اللي تخص الشركه خلني اقراهم
واشوف وش صار وماصار في الايام اللي ماجينا فيها واوقع الاوراق اللي تحتاج لتوقيع
عمر : لا فيصل انا طبعا مشيت الشغل بالايام الماضيه
فيصل : ماقصرت والله
عمر : في معاملات مع شركات جديده ومره حلوه ومربحه
كلها مشيتها والحمد الله ...
فيصل وهو طالع : تمام ............. باسم حبيبي جيب الاوراق كلها للمكتب
عمر : وانا بعد بروح لمحمد بغيته بشغله
بومحمد : عمر الله وياكـ
باسم انا بعد جيب لي المعاملات الجديده اللي وصلتنا وعطني الاوراق عشان اجهز للأجتماع
باسم : الاوراق اللي طالبها استاذ فيصل موجوده عندكـ بالدرج...
والاوراق اللي تبيها ان شاء الله الحين اجهزها
بومحمد وهو يدور بدرج : وينها الاوراق ماشفتها تعال طلعها لي
راح باسم وفتح الدرج دور الاوراق ومالقاها
باسم بتوتر وخوف : معقوله ؟
وينها الاوراق ؟
بومحمد : انت متأكد حاطها هنا
باسم : ايه متأكد انا امس قبل لأطلع حطيت الاوراق بدرج
بومحمد : روح تأكد من مكتبكـ وعطني خبر
باسم : ان شاء لله
راح باسم لمكتبه بسرعه والقلق واضح على وجهه دور بسرعه بالدروج والخزنه ودولاب الملفات
راح بسرعه نزل عشان يدور بسيارته ولو ضاعو هو عارف راح يكون هو المسؤوول عن كل شي

~¤¦¦§¦¦¤~ في الشركهـــ في مكتب محمد~¤¦¦§¦¦¤~

عمر قبل لايروح لمكتبه مر على مكتب محمد
وضلو يسولفون بالاول ويتفقون ع الاجتماع
بعدها ....
عمر : خلاص محمد سكر موضوع الشركهـ احنا نسينا او تناسينا موضوعنا الاهم
محمد وحط ايه على راسه : لا والله مانسيته ابد
كل تفكيري مشغوووووووووووول فيه
عمر : ايه والله وانا بعد
محمد : محتار وش راح نسوي
عمر : مدري وش رايكـ نخبر بو محمد وفيصل بكل شي
محمد : مدري احسها صعبه شوي
عمر : ع الاقل يكون عندهم خبر نقدر نتصرف احنا خبينا الموضوع بما فيه الكفايه
محمد : ايه والله صادق
ويمكن يصير عندهم حل او شي
عمر : بس كيف انا قلبي مو مطاوعني واحسها مشكله بس بدون حل
محمد : لا ان شاء الله ياعمي كل مشكله ولها حل انت لاتحاتي
عمر : ان شاء الله
محمد : عمي بو فيصل هالمشكله ضلت معاه سنين سنين ولا احد درا عنه وضل حامل الثقل بنفسه
عمر : ايه والله كيف بس ماخبرنا وماقال ولا وضح عليه اي شي
محمد : عمي بو فيصل الله يرحمه كتوم مو مثلنا احنا
عمر : الله يرحمه ويسكنه فسيح جناته
محمد : طيب متى راح نفاتحهم بالموضوع
عمر : مادري والله بس شرايكـ اليوم ؟
محمد : اليوم الاجتماع
عمر : ايه بعد الاجتماع
محمد : اوكيه علا الله
عمر وهو واقف : ونعم بالله يالله محمد اخليكـ تكمل شغلكـ
انا بروح مكتبي اشوف شغلي
محمد : الله وياكـ

~¤¦¦§¦¦¤~ في المدرسهـ~¤¦¦§¦¦¤~

في الساحهـــــــ

وضحى وفضه يتمشو
فضه : اوف عاد اسبوع الجاي اختبارنا صعب ويبيله
وضحى : اي والله
اصلن انا كتابي مو مأشر
فضه : والله
وضحى : والله
فضه : ليه مأشرتيه
وضحى : مادري كلا مالي خلق
فضه : طيب تعالي لي البيت واشريه واساعدكـ
وضحى : والله فكره حلوه
فضه : تمام
وضحى : ههههه
فضه : شوفي لكـ يوم حلو ومناسب وتعالي
وضحى : اوكيه خلاص
الا برنة الجرس رن رن رن
وضحى : صفرت
فضه : ايه والله يالله قومي ندخل
وضحى : اوكيه
نوره تنادي فضه
نوره : فضه ......... فضه
فضه وهي ملتفته : هلا والله
نوره : شخباركـ ؟
فضه : الحمد الله بخير وانتي
نوره : والله تمام
فضه : دوم يارب
نوره : وش اخبار اهلكـ وابوكـ ؟
فضه : والله الحمد الله يسلمون عليكـ استانسو عليكـ امس
نوره : ههههههه وانا اكثر والله حيل استانست عليكمـ وانبسطت وياكم
فضه : عاد كرري زيارتكـ وتعالي لنا مره ثانيه
نوره : والله ماعتقد زين ابوي رضى لي اجي
فضه : لا ان شاء الله رضى لكـ امس ان شاء الله يرضى لكـ مره ثانيه
نوره : ان شاء الله
الا بدخلة الاستاذه
الاستاذه : السلامـــ عليكمـــ
الطالبات : وعليكمـ السلامــ
الاستاذه : يالله يبنات افتحو الكتب خلونا نأشر اخر درس معانا بالمنهج
وعلى فكره ياطالبات الاختبارات النهائيهـ كلها اسبوع ونص وراح تبتدي
فضه : الله يعينا بس
نوره : ايه والله

~¤¦¦§¦¦¤~ في الشركهـــ~¤¦¦§¦¦¤~

باسم دور الاوراق في كل مكان ومالقاهم
خبر كل الموضفين بالاجتماع والكل استعد ودخلو غرفة الاجتماع
باسم صعد لمكتب المدير بو محمد
وضرب الباب ودخل
بومحمد : ها وش صار ؟
باسم منزل راسه : والله مادري ماشفتهم
بومحمد وكأنه شوي ويعصب : يعني شنو ماشفتهم
باسم : دورتهم مالقيتهم مع اني متأكد اني حاطهم ع المكتب
بومحمد وهو طالع من مكتبه : بعد الاجتماع نتفاهم
باسم مشى وراه وراحو لمكتب الاجتماع

~¤¦¦§¦¦¤~ في بيت بومحمد~¤¦¦§¦¦¤~

صحت فايزه من النوم
وتروشت وتجهزت للجامعه
وهي نازله من ع الدرج
ضلت واقفه وتناضر طاولة الطعام
ضلت تتذكر كيف انها كل يوم اذا جات تنزل
امها وابوها ينادونها تيجي عشان تفطر معاهم
وتقعد معاهم طول الفتره اللي باقيه عشان المحاضره
وتذكرت يوم انها كانت مستعجله نازله بسرعه طالعه ع الباب
الا بأمها تناديها
ام فيصل : فايزه فايزه
فايزه وهي مستعجله : هلاا يمه صباح الخير
ام فيصل : يوه يافايزه وش فيكـ علاا هالسرعه
فايزه : يمه يمه تأخرت وايد
ام فيصل : خلي المحاضرات عنكـ وتعالي افطري
قعدت تطالع من بعيد في طاولة الطعام شافت ابوها جالس يفطر
بومحمد : فايزه تعالي افطري قبل ماتروحي الجامعه
فايزه : لا يبه مشكور متأخره بفطر بالجامعه
وطلعت بسرعه وسكرت الباب
الشغاله وهي تقطع حبل افكار فايزه
الشغاله : فايزه .............. فايزه
فايزه وتمسح دموع عينها : نعم
الشغاله : انا سوي فطور تفطري الحين ؟
فايزه : لا شكرا انا بفطر بالجامعه
اخوي فهد واختي فضه افطرو ؟
الشغاله : ايه
فايزه : اوكي روحي قولي لسايق يجهز السياره عشان اني مابي اتأخر
الشغاله : ان شاء الله

~¤¦¦§¦¦¤~ في الشركهـــ~¤¦¦§¦¦¤~

في الشركه وبعد مانتهى الاجتماع اللي حضره اغلب الموضفين ومنهم ( سليمان )
وكلن طلع من غرفة الاجتماع
بومحمد وفيصل وهو قايم يلم الاوراق عشان بيطلعون من غرفة الاجتماع
محمد يدق في عمر يقصد قول له لايمشي نتكلم بموضوعنا اللي اتفقنا عليه
عمر بصوت واطي : وليه انت ماتقول له
محمد بصوت واطي : لا والله وانت ليه اجل صاير عم لي ؟
عمر : يعني العم عليه كل شي
محمد : ايه ايه يالله بسرعه قول له
فيصل : شفيكمـ ؟
محمد تسبه : ها
فيصل : شفيكم
عمر وهو متردد ويلم الاوراق اللي حواليه: ها لا مافينا شي سلامتكـ
بومحمد : يالله عن اذنكم انا مشغول
وينه راح باسم ؟
فيصل : طلع راح مكتبه ... ليه
بومحمد : الاوراق اللي صالح شركتنا وتخص الشركه كلها ضاعت ومايدري وينها
فيصل : اوه ...
عمر وقف : اي اوراق تقصد
بومحمد : الاوراق اللي وقعت عليها
عمر : دورها ؟
بومحمد : ايه بس مالقاها
فيصل طلع متنرفز من غرفة الاجتماع وراح بسرعه لمكتب باسم
دخل بسرعه عليه وهو يكلم وضرب الطاوله
باسم وهو يكلم تيلفون صار مرتبكـ : اوكيه خلاص نتفاهم بعدين يالله باي
باسم وقف وسكر الخط : امر
فيصل : الاوراق وينها
باسم وحاس انه شال هم ثقيل على قلبه : والله مادري
سليمان مر على مكتب باسم وضل يسمع
فيصل : يعني شنو ماتدري
انت ماتدري ان هالاوراق من دونها تضيع الشركه ونفلس
باسم : انا ادري بس والله دورتهم بكل مكان
فيصل وهو معصب : الحين الحين تتصل ع الشرطه
باسم خاف : ليه
محمد : عشان يسوون بصمات على مكتب ابوي
وانت عارف هذي اوراق مو هينه
الابجية بومحمد شافه سليمان ومشى وكأن الوضع طبيعي
دخل بومحمد عليهم
بومحمد : وش فيكـمـ ليه تصارخون
فيصل : عمي الحين الحين بدون تأجيل تتصلون ع الشرطه
بومحمد : طيب انت اهدا واكيد كل شي بيتصلح
فيصل : شنو يتصلح يا عمي شنو ؟
احنا مو ناقصين خساير ودنيا وعفسه
بومحمد يكلم باسم : اتصل باسم ع الشرطه
فيصل تعال ابيكـ مكتبي

~¤¦¦§¦¦¤~ في الشركهـــ في مكتب سليمان~¤¦¦§¦¦¤~

سليمان دخل مكتبه متوتر
اتصل بسرعه على تركي
تركي : هلاا
سليمان : اهلين
ها وش صار
تركي : بخصوص شنو
سليمان : الاوراق
تركي : اهااا ههههههه لا لا لا لاتخاف كل ماشي حسب الاصول
سليمان : تركي اكيد انت متأكد
تركي : ايه متأكد
سليمان : يعني المعاملات مشت ماعرقلو لنا بشي
تركي : اكيد طبعا انت لاتحاتي
سليمان : طيب متى انا اقدم استقالتي من هالشركه
تركي : مو الحين عشان محد يشكـ فيكـ
سليمان : طول وقتي قاعد على اعصابي ومتوتر
تركي : خلكـ رجال
سليمان : رجال
تركي : ايه تمام يالله خلني اكمل شغلي
سليمان : ياااااااه متى راح نستقر بشركتنا الجديده
تركي : يالله مولها ونستقر
سليمان : بحاول ببذل كل جهدي
تركي : تمام
سليمان : يالله اخليكـ باي
تركي : بايات

~¤¦¦§¦¦¤~ في بيت بو محمد في غرفة مصطفى~¤¦¦§¦¦¤~

رن تيلفون مصطفى طبعا عرف انها سحر من رنة الجوال
لانه حاط لها نغمه خاصه
وطبعا سحر ماتصلت عليه الا انها محتاجه منه فلوووس
واهي تاخذ منه اللي تبيه بس بدون مصطفى مايحس بهالشي
مصطفى : هلا وغلاا
سحر : اهلين صباح الخير
مصطفى : صباح النور والسرور
سحر : شخباركـ ؟
مصطفى : انا زين دامي سمعت هالصوت
سحر : دوووم يارب
مصطفى : وانتي
سحر : بخير دامكـ بخير
مصطفى : امس انتضرت منكـ رد وماوصلني
سحر : ايه كنت نايمه
مصطفى : نوم العوافي
سحر : الله يعافيكـ
صحصح من النوم بعدين كلمني اوكيه بس انا ماعندي رصيد
مصطفى : ماعندكـ رصيد ليه ماتكلمتي
الحين الحين اشحن لكـ
سحر : مشكور
مصطفى : العفو
يالله باي شوي واكلمكـ
صحى مصطفى وبسرعه نزل تحت لسواق
وطلب منه يشتري له بسرعه بطاقة شحن بــ 300 ريال
طبعا مصطفى كان وده بأكثر بس ماكان في جيبه الا هالمبلغ
وصعد مصطفى غرفته تروش ولبس وتجهز

~¤¦¦§¦¦¤~ في بيت عبد الله~¤¦¦§¦¦¤~

ام عبد الله : عبد الله وين رايح
عبد الله : والله مادري يمه بروح اتمشى شوي
ام عبد الله : شفيكـ عبد الله منت طبيعي
عبد الله : لا يمه مافيني شي
ام عبد الله : اوكيه روح الله وياكـ
طلع عبد الله من البيت وركب سيارته وهو يفكر بالبنت اللي شافها في بيت بو محمد
شال كل شي في باله واتصل على مهند : ....
مهند : هلا وغلاا
عبد الله : اهلين شخباركـ ؟
مهند : الحمد الله وانت
عبد الله : بخير دامكـ بخير
مهند : دوم يارب
عبد الله : وينكـ انت الحين
مهند : بالملعب
عبد الله : اهااا ماعندكـ كليه اليومـ
مهند : لا ولله خلاص اليوم مافيه محاضره خلصنا المنهج
عبد الله : اهاا تمام الله يوفقكـ
مهند : اجميعن
عبد الله : ومتى الاختبارات ؟
مهند : اسبوع الجاي
عبد الله : اسبوع الجاي وانت في الملعب
مهند : لا تخاف علي سبع مخصص للعب وقت ولدراسه وقت
عبد الله : تمام والحين وقت العب
مهند : هههههه ايه
وانت وينكـ وش عندكـ ؟
عبد الله : والله ماعندي شي وزهقان
مهند : اجل يالله تعال انتضركـ
عبد الله : اوكيه مسافة الطريق وانا عندكـ

~¤¦¦§¦¦¤~ في بيت بو محمد~¤¦¦§¦¦¤~

مصطفى لبس وجهز وتكشخ وصعد له السواق وعطاه بطاقة الشحن
مصطفى : تمام خلني اتصل على سحر

سحر : ايوه
مصطفى : هلا وغلاا
سحر : اهلين
مصطفى : الحين بيدي بطاقة الشحن كيف اوصلها لكـ
سحر : حولها لي
مصطفى : 300 ماتتحول
سحر : امممممـ طيب كيف الحين
مصطفى : شرايكـ نتفق على مكان نلتقي فيه واعطيكـ اياه
سحر بتوتر : ها لا لا صعبه
مصطفى : ليه
سحر : لا لا صعبه
مصطفى : طيب وشلون وش الحل
سحر : اممممـ سهله ارسل لي برساله رقم البطاقه
مصطفى : لالا سحوره انا مابي افتح البطاقه ابيكـ انتي تفتحيها
سحر : لا انا سامحه لكـ تفتحها وتعطيني رقمها
مصطفى : لا انا مصّر إني التقي فيكـ
سحر بقلبها : والله غبي والله لو ماسويت اللي اقولكـ عليه ماراح تستفيد انا اللي بستفيد
مصطفى : الووو
سحر : نعم
مصطفى : وينكـ وين رحتي
سحر : مارحت مكان
مصطفى : ها وش قلتي نلتقي واعطيكـ اياها
سحر بقلبها : وأخون حبيبي سعد
سحر : ماعندكـ حل ثاني
مصطفى : لا ماعندي غير هالحل
سحر : طيب نتفق على مكان بس ماتشوفني ولا اشوفكـ
مصطفى : شلون
سحر : يعني تحطها لي بمكان نكون احنا متفقين عليه وانا اخذها
مصطفى : اهاا طيب وين
سحر : اليله بالمجمع
مصطفى : اي مجمع
سحر : مجمع (...........)
مصطفى : اوكيه مو مشكله
سحر : خلاص اجل انا اخليكـ الحين مشغوله شوي
مصطفى : اممممـ وش عندكـ
سحر : بعدين اعلمكـ
مصطفى : اوكيه يالله باي
سحر : باي

سكرت لان سعد كان يتصل عليها

~¤¦¦§¦¦¤~ في الشركهـــ ~¤¦¦§¦¦¤~

بعد ماضاع الملف اللي يحتوي على كل اوراق الشركهـ صار الكل بتوتر وخوف من المستقبل
اتصل باسم ع الشرطه ووعدوهم انهم راح يجون ولا راح يتأخرون
في مكتب بو محمد الكل مجتمع عنده
عمر : ماقالو لكم متى راح يجون
بو محمد : قالو ماراح يتأخرون
باسم : اتصل ثانيه اشوف متى راح يجون ؟
محمد : لا خلاص لانزعجهم متى ماراح يجون اكيد انهم بيتصلون
فيصل وهو يطالع في باسم : كلا منكـ انت وهذا بعد اللي احنا واثقين منكـ ومعتمدين عليكـ كذا تسوي فينا
باسم نزل راسه : انا سويت اللي علي وحطيت الاوراق بالدرج وقفلت المكتب صدقوني
الاا برنة تليفون المدير
بو محمد : ياهلاا
الشرطه : السلام عليكم
بو محمد : وعليكم السلام
الشرطه : معاكـ الشرطه احنا بنتضاركم تحت
بو محمد : السكرتير باسم راح ينزل لكم ويخليكم تتفضلون المكتب اوكيه
الشرطه : بنتظاره
وسكرو الخط
بو محمد : باسم الشرطه تحت صعدهم لنا في المكتب هنا
باسم : ان شاء الله
نزل باسم بسرعه لشرطه وسلم عليهم وخلاهم يتفضلون في مكتب المدير
وكان عددهم بس 3 واحد منهم يكتب اقولهم والاثنين يسألون ويحققون معاهم
الشرطه : السلام عليكمـ
الكل : وعليكم السلام
الشرطه : ندخل بالموضوع على طول
بو محمد : مو مشكله
الشرطه : شنهي المشكله اللي عندكمـ ؟
بو محمد : المشكله بأختصار ان الاوراق اللي تخص شركتنا مفقوده دورنا عليها ومالقيناها
محمد : نتوقع انها مسرووووووووقه
الشرطه : ومن متى افتقدتو الاوراق
بو محمد : قبل يومين
الشرطه : والحين توكم تجيبونا
بو محمد : قلنا ندورها يمكن نلقى عليها
الشرطه : للأسف الحين مانقدر ناخذ بصمات وهالاشياء لان السالفه صار لها يومين واليوم الثالث لها
يعني اكيد ان احنا ماراح نستفيد لانها راح تطلع لنا بصماتكم انتو
عمر : صحيح
الشرطه : طيب وين كنتو حاطينها انتو
باسم : انا كنت حاطها بالدرج واليوم اللي بعده فتحنا الدرج وماشفناها
الشرطه : طيب مافيه عندكم بالمكتب كاميرات مراقبه
بو محمد : الا فيه بس انها هاليومين مدري وش فيها خربانه ومافضينا لها
الشرطه : لا غلط المفروض تهتمون بهالاشياء
بو محمد : هذا اللي راح يصير من اليوم ورايح
الشرطه : ع العموم احنا اخذنا اقولكم واحنا ان شاء الله راح نسوي اللي نقدر عليه
بو محمد : ماقصرتو
الشرطه : يالله عن اذنكم مانبي ناخذ من وقتكم اكثر يالله باي
الكل : الله وياكـ
طلعت الشرطه من المكتب وبدون مايسوون شي
بو محمد : ان شاء الله خير
محمد : ان شاء الله يالله عن اذنكم
وعمر وفيصل استأذنو وكل واحد راح على مكتبه

~¤¦¦§¦¦¤~ في المجمع~¤¦¦§¦¦¤~

مصطفى راح المجمع اللي اتفقت سحر معاه
مصطفى اتصل على سحر
سحر : ايوه
مصطفى : هلا حبيبتي
سحر : هلا بيكـ
مصطفى : انا الحين بالمجمع
سحر : تمام حط البطاقه مكان ماتفقت معاكـ عليه
مصطفى : وانتي متى راح تيجي تاخذيها
سحر : ولا يهمكـ راح اخذها انت حطها ولا عليكـ
مصطفى : انتي وين الحين بالمجمع ؟
سحر : ايه
مصطفى : خليني طيب اشوفكـ
سحر : لا
مصطفى : تكفين طلبه
سحر : قلت لكـ لا
مصطفى : شوفي اذا ماخليتيتني اشوفكـ ماراح احط البطاقه
البطاقه اعطيكـ اياها من يدي ليدكـ
سحر : لا والله
مصطفى : ايه والله
سحر : يعني متأكد راح تسوي هالحركه السخيفه
مصطفى : ايه متأكد
سحر : خلاص خل البطاقه لكـ يالله باي
مصطفى : شفيكـ زعلتي ؟
سحر : انت حُر
مصطفى : انا ماراح اسوي لكـ شي بس اني بشوفكـ مشتاق لكـ
سحر وحست ان مصطفى هالمره جاد وحست روحها اهي اللي محتاجه
سحر في قلبها : هين يامصطفى دامكـ بتلعب كذا معي
انا اعرف كيف اتصرف معاكـ وأدفعكـ الثمن غالي واخليكـ تتندم على كلمتكـ لي هذي
سحر : طيب مو مشكله
مصطفى : تمام
تعالي جنب كون زون انا واقف جنبه
سحر : اي بوابه ؟
مصطفى : بوابه رقم 22
سحر : انا عند بوابه 25 تعال انت
مصطفى : مو مشكله اجي
سحر : انا عند محل العطووور
مصطفى : تماااااااام انا شوي وجايكـ
سحر : مو تتأخر
مصطفى : والله البوابه بعيده عني يعني يبي لي على ماوصل ربع ساعه
سحر : اطلع وتعال بالسياره اسرع
مصطفى : مشكله ماراح القى موقف بسهوله زحمة سيارات
وبكذا راح اتأخر اكثر من ربع ساعه ههههههه
سحر: اوكيه على راحتكـ سو اللي تبيه

~¤¦¦§¦¦¤~ في بيت بو فيصل~¤¦¦§¦¦¤~

في غرفة فايزه وهي نايمه مبكر .. لانها حست حالها تعبانه شوي
صحت من النوم والغرفه ضلمــــا
عدلت جلستها وشغلت الابجوره اللي جنب سريرها
تنهدت وقالت : ياربي وش فيني على محمد
وش ذا الحلم اللي حلمت به
فايزه : هههههه حلم خيـــــــــال وبنفس الوقت حلو
خليني الحين اقوم اتروش عشان ابتدي مذاكره عشان اخفف على نفسي بالاختبار النهائي
قامت من فراشها ودخلت وتروشت

فضه تذاكر ومنشغله بدروسها
وفهد بعد في غرفته ويذاكر خصوصا الحين اهو اخر سنه بالكليه

~¤¦¦§¦¦¤~ في بيت بو محمد~¤¦¦§¦¦¤~

محمد بالشركه مع ابوه منشغلين بالمشكله الجديده
ام محمد في المطبخ تساعد الشغاله في العشا
مها بغرفتها تذاكر ومنشغله بدروسها
مهند بعد بغرفته يذاكر لانه اخر سنه بالكليه مع فهد ويطمحون انهم يجيبون نسبه عاليه عشان يكملو دراستهم
مصطفى في المجمع مع سحر اللي راح تضيعه وتضيع مستقبله

~¤¦¦§¦¦¤~ في بيت عمر ~¤¦¦§¦¦¤~

نزلت علياء لشغاله بعد مانومت ولعبت بنتها
دخلت المطبخ والشغاله تسوي العشى
علياء : هي انتي وش تسوين
الشغاله : العشا
علياء : ادري عشا اجل فطور وش مسويه لنا ع العشا
الشغاله : شوربه ورق عنب سلطه مكرونه
علياء وهي تصارخ عليها : شوفي لاتزيدين لنا الملح تموتينا ترفعين لنا الضغط فاهمه ؟
الشغاله : زين ماما
علياء : بسرعه بعد ماتخلصي شغل روحي الحديقه وغسليها واسقي الزرع مفهوم
الشغاله : مفهوم ماما

~¤¦¦§¦¦¤~ في بيت بو فيصل~¤¦¦§¦¦¤~

في غرفة فايزه وبعد ماتروشت وجففت شعرها
جلست ع المكتب حقها فتحت دفتر اشعارها
وتذكرت محمد وتذكرت الحلم اللي حلمت فيه اليوم
حبت تكتب كل اللي يدور بخاطرها
بدت تفكر وتفكر وتكتب........

تـــصــــدق بـــدون تفكير
اشـــــوفـكـ بأحلامي تدير
ومـــثـــــل الــنــجمه تسير
وعــــلاا الـــقــــمــــر تشير
تـــنـــشـــر ريـــحـــة العبير
* * *
اشـــــوف الـــحـــلمـ قصير
وكـــــــأنـــي بـــعـالمـ كبير
مـــــافـــيـــهـ نـــــــاس كثير
وانــــت بــــس فـــيـــه تنير
جـــــــالـــس مــثـــل الأمير
* * *
وحلمت اني بسجنكـ اسير
وانـــــا لـــــكـ اشــــيــــــــــر
تـــمــنـــيــــت اطلع واطير
ومــــــثــــــل الأميرهـ اصير
لاكــــنــــــي صـحيت بكير
ابتسمت وقلت محمد بخير
وهذا حلم وعادي لو يصير
* * *
حطت القلم وقالت ياربي عليكـ تعبت عقلي وقلبي وحتى حلمي صرت انت تشغله
متى راح تحس فيني وتعرف اني احبكـ متى ؟
شغلتني حتى عن دراستي
اه ياربي بحاول اني اتناساه واقوم اذاكر احسن لي

وبكذا انتهت الحلقهـ العاشرهـ

واتمنى انها عجبتكمـ

[(ورود)]

••.`1•.•• (الحلقهـــ الحــاديــهـ عــشــرهـ) ••.`1•.••

~¤¦¦§¦¦¤~ في المجمع~¤¦¦§¦¦¤~

مصطفى : كاني وصلت انتي وينكـ
سحر : عند محل العطور وينكـ ماشوفكـ ؟
مصطفى : وش لون شنطتكـ
سحر : بني
مصطفى : اهااا كاني شفتكـ تعالي عند الكافتريا
سحر : وليه انت ماتيجي
مصطفى : عشان نجلس ع الكراسي
سحر : وانا مو حابه اجلس
مصطفى : تعالي يالله
سحر : يالله جايه باي
مصطفى وقلبه طاير وده الوقت يركض وبسرعه توصل
سحر وصلت وقالت له مصطفى
مصطفى رفع راسه : ايه مصطفى انتي سحر
سحر : ايه سحر
مصطفى وهو طاير وناسه : تفضلي
سحر : وكا شفتني انبسطت
مصطفى : الا حيل مبسوط
سحر : الحمد الله انشاء الله دوم
مصطفى : طول منتي معي انا مبسوط
سحر : مشكور
مصطفى : واي ماتوقعتكـ كذا حلوه
سحر : ليه انت وش توقعتني ؟
مصطفى : توقعتكـ دبه
سحر : ههههههههه لا والله
مصطفى : طلع العكس رشيقه وحلوه
سحر : الحمد الله
مصطفى : شرايكـ فيني ؟
سحر ومو من قلبها : حلو قمر عسل كل شي
مصطفى ومو مصدق اللي سمعه وقام يفتخر بنفسه : ايه طبعا انا اجنن بعد
سحر : ههههههه
مصطفى : شرايكـ نتمشى ؟
سحر : اوكيه
مصطفى : بس قبل مانقوم مانسيت اللي وعدتكـ فيهـ
سحر : شنو
مصطفى وطلع بطاقة الشحن من محفضته : تفضلي
سحر : مشكور
مصطفى : العفو يالله قمنا
سحر : اوكيه
وقامو يتمشو وسألها
مصطفى : من جاي معاكـ ؟
سحر : جيت مع السواق
مصطفى : وينه السواق الحين
سحر : مشى قلت له اذا خلصت بتصل فيكـ
مصطفى : تمام يعني ناخذ راحتنا هنا
سحر : ها وش قصدكـ
مصطفى : لاتفهمين غلط انا اقصد ناخذ راحتنا يعني بالوقت
متى مامشينا مشينا
سحر : اهااا
الا قطع عليهم صوت جوال سحر
سحر : عن اذنكـ شوي
مصطفى : اوكيه خذي راحتكـ
راحت سحر على جنب وكلمت
ومصطفى اتصل على ابوه
مصطفى : هلا يبه
بو محمد : هلا بيكـ
مصطفى : شخباركـ ؟
بو محمد : الحمد الله بخير امر
مصطفى : يبه انا ابي فلووووس محتاجها الحين الحين
بو محمد : توني اول امس حولت لكـ في البنكـ فلوس
مصطفى : خلصت ماكفتني
بو محمد : ليه وش سويت فيهم
مصطفى : سيارتي صارت خربانه وصلحتها
بو محمد : اوكيه الحين احول لكـ على حسابكـ
مصطفى : تكفى يبه لاتحطني بموقف حرج تكفى طلبه
بو محمد : لاتخاف الحين الحين بعد خمس دقايق يصير بحسابكـ 7 الاف
مصطفى : لااااااااا يبه شنو بعد 7 الاف
بو محمد : ليه كم تبي
الا جات سحر جنبه بدون مايحس فيها
مصطفى : ابي 10 الاف بالقليل
بو محمد : شدعوه
مصطفى : تكفى يبه لا تتأخر
بو محمد : خلاص اوكيه
مصطفى : اعتمد
بو محمد : ليه مو واثق فيني
مصطفى : الا يبه واثق فيكـ
بو محمد : اوكيه يالله باي
مصطفى : بايات
الا سوت سحر نفسها توها جات
مصطفى : سوري ع التأخير
سحر : لا اصلن توني مخلصه مكالمه
مصطفى : من كنتي تكلمين
سحر : اكلم امي
مصطفى : اوه عسى بس ماقلت لكـ رجعي البيت
سحر : لا قلت لها اني بتأخر شوي
مصطفى : تمام
يالله نكمل نتمشى
سحر : اوكيه
مصطفى : شرايكـ نتعشى اول ولا بعدين
سحر : نمشى بالاسواق بعدين نتعشى
مصطفى : مو مشكله
سحر : وااااااااااو شوف هناكـ
مصطفى : وين
سحر : هناكـ هناكـ تعال
مصطفى : وين
سحر : شوف
مصطفى : واو يجنن حلو حيل
سحر : شرايكـ فيهـ
مصطفى : والله حلو وعليكـ بصير احلاا
سحر : ابيه بشتريه تعال ندخل نشوفه
مصطفى دخل معاها وسأل البايع : بكم هذا
البايع : بـ200 وبعد الخصم 150
سحر : تمام والالوان اللي فيه
البايع : عندكـ هذا الون وهذا وهذا
سحر : مصطفى شرايكـ اي لون احلى
مصطفى : الاحمر احلاا شي
سحر : عطني اصغر مقاس
البايع : هذا اصغر مقاس
سحر : خلاص عطني اياه
خذته وراحت بتحاسب عنه
مصطفى منعها وقال لها : لا انابحاسب عنكـ
سحر : لا انا احاسب
مصطفى : لا اليوم انا بشتري لكـ كل شي اوكيه
سحر وهي هذا للي تبيه : ايه براحتكـ مو مشكله مابي ازعلكـ
مصطفى : ايه خلكـ تمام معي من البدايه

~¤¦¦§¦¦¤~ في بيت سالمـ~¤¦¦§¦¦¤~

وفي الصاله نوره قاعده ترتب وتكنس البيت بعد ماجهزت العشا
ليلى جالسه ع الكنبه وتذاكر
وسمر بغرفتها تتجهز قبل لايوصل سالم
سكرت ليلى كتابها وبدت تفكر بخالد وتفكر وتقول
لوين انا بوصل مع خالد ...
لفت راسها وبدت تطالع في نوره
ونوره لين متى بتضل عندنا مذلوله مهانه وكأنها شغاله باليت
متى راح تلقى اهلها والين وين راح توصلها الحياه ...
قامت ليلى وحطت كاتبها ع الكنبه وقفت يم نوره وشالت من يدها المكنسه
نوره بوجه حزين وتعبان بدت تطالع في عيون ليلى وكأن بداخلها كلام كبير
وليلى بعد بدت تطالع بعيون نوره وكأن بداخلها كلام
نوره : ليلى وش فيكـ ؟
ليلى : ماتعبتي
نوره نزلت راسها وقالت : لا عادي جسمي تعود
ليلى : جسمكـ تعود يعني مايتعب
نوره : ليه يعني الحين حسيتي اني اتعب او لا الحين يعني صار يهمكـ تعبي او راحتي
ليلى : نوره انا مو كذا مو قصدي اني انا مأحس فيكـ بالعكس انا احس فيكـ بس
نوره : بس شنو
ليلى : بس مابي امي تعرف وتزعل مني
نوره : امي موصيتكـ علي انتي وابوي انكم تعاملوني مثل الشغاله بالبيت
ليلى : طيب ليه تسمينها امكـ واهي مو امكـ ولا حسستكـ بحنان الام
نوره ونزلت راسها ودموعها ماقدرت تحبسها : لاني ابي اكذب على نفسي واقول ايه انا عندي ام حالي حال كل الناس
ليلى وقلبها انكسر وتفطر على نوره خذتها وحضنتها حيل وبدت تصيح معاها
ليلى حست بالالم اللي نوره تعيش فيها والفراق اللي عاشته من طفولتها بدون امها وابوها
ليلى حضنت نوره ولأول مره بحياتها تحضنها بحضن دافي وكأنها مثل الاخت الحنونه على اختها
ليلى وهي تصيح وحاضنه نوره : لاتصحين يانوره تحملينا وتحملي قسوة قلبي معاكـ قدام امي
نوره بصوت كله حزن ودموع : انا بتحمل كل شي ومتحمله كل شي على امل ان ربي راح يعوضني
وراح التقي بأمي وابوي واهلي وكل الالم اللي فيني ساعتها راح انساهـ
ليلى وتركت نوره ومسحت دموعها : انتي للحين متأمله تلقين امكـ وابوكـ ؟
نوره مسحت دموعها : وماراح افقده الين افقد روحي ..
ليلى وحطت يدها بيد نوره : لاتقولين كذا اسم الله عليكـ
الا بنزلت سمر من ع الدرج ومن بعيد شافت ليلى ماسكه نوره
نزلت سمر وهي تصارخ على نوره بقووووه
ليلى ارتبكت واتركت نوره ..
سمر لما قربت من نوره فاجأتها بكف على وجها
نوره تألمت وحطت يدها على خدها ونزلت راسها وبدت تصيح
سمر بصراخ : انتي شلون تتجرأين انكـ تمسكين يد بنتي ليلى انتي شغاله هنا
لاتنسين نفسكـ ...... انتي فاهمه شلون شغاله هنا يعني ماتتجرأين تلمسين يد بنتي
نوره وبدت تصيح بصوت وبدت تضهر انينها وصوتها بالصياح
سمر مسكت نوره من يدها وبكل قسوه صعدت فيها لاخر دور وليلى صعدت ورا امها خايفه وترتجف
راحت فيها في غرفه قديمه وضلمه ومافيها الا اغراض قديمه ومايحتاجونها
فتحتها ورمت نوره ع الارض بقلب قاسي واقسى من الحجر
وقبل لاتطلع سمر ... نوره تعلقت برجل سمر وهي تصيح وبصوت حزين وترجي وخوف من الغرفه
يمه تكفين لاتحبسيني هنا انا اخاف ...
تكفين ابوس رجلكـ والله اني اوعدكـ اني ماقرب من ليلى مره ثانيه
حتى اني اوعدكـ اني اصير شغاله تحت رجلكـ واعظم بس لاتحبسيني هنا
سمر وبقلب قاسي شدت رجلها من يد سمر وضربتها برجلها وطلعت وسكرت الباب وقفلته
ليلى من بعيد تطالع في امها وقلبها تفطر على نوره وتحس قلبها ذاب
ونوره تضرب بالباب وتصارخ وتقول تكفين يمه افتحي لي افتحي لي
راحت ليلى تركض لأمها يمه حرام عليكـ فتحي لها الباب ليه تسوين فيها كذا
اهي بشر مثلنا .. تحس وتتألم ليه تعامليها كذا ..
سمر بدت تطالع في بنتها نضرات كلها عصبيه
ليلى فهمت هالنضرات وفهمت انها لو تكلمت اكثر راح تشوف شي اكثر من كذا
ليلى نزلت راسها وبدت تصيح حيل على نوره
سمر : بسرعه قدامي على غرفتكـ
نزلت ليلى وهي تسرع وتصيح لغرفتها قفلت على نفسها الباب وجلست على سريرها تصيح
وتحس بألم نوره وبالعذاب اللي تعيشه معاهم
الا برنة جوالها .. ردت على طول عرفت انه خالد
خالد : حبيبتي وش فيكـ من زمان وانا اتصل فيكـ وماتردي وينكـ ؟
ليلى وهي تصيح :.... ماردت عليه
خالد سمعها تصيح
خالد : ليلى وش فيكـ ؟
ليلى وتحس لسانها مربوط عن الكلام ودها بس تصيح
خالد : ليلى الوووو
ليلى : وطلعت منها كلمة نعم مخنووووقه
خالد : حبيبتي ليه تصيحين وش فيكـ ؟
ليلى ودموعها غرقتها : ماردت عليه بس ضلت تشهق وهي تصيح
خالد : علميني قولي لي في احد مضايقكـ ؟ في احد مزعلكـ ؟ قولي والله اني ماخليه يعيش يوم واحد
ليلى : .............. بس تصيح
خالد : حبيبتي مسحي دموعكـ وروحي غسلي وجهكـ وشوي خمس دقايق وراح اكلمكـ اوكيه
ليلى : طيب
سكرت الخط وطلعت من غرفتها وغسلت ومسحت دموعها ورجعت
الا انه خالد اتصل فيها مره ثانيه
خالد : ها شخباركـ الحين احسن
ليلى : ايه الحمد الله
خالد : اقدر اعرف وش فيكـ
ليلى : مافيني شي بس كنت مقهوره من شي
خالد : ماعاش من يقهركـ يموت ان شاء الله وان مامات انا اموته على يدي
ليلى بضحكه خفيفه اطلعت غصب منها : ههههههه
خالد : دوم يارب هالضحكه يالله قولي من اللي قاهركـ
ليلى : محد
خالد : شلون محد
ليلى : خلاص انت بكلامكـ خليتني انسى كل شي صار
خالد : تمام شي حلو بس برضو ماراح اخليكـ الا لمن تعلميني وش فيكـ مساع
ليلى : خلاص خالد انسى انت وش اخباركـ
خالد : مو زين الا لين تعلميني
ليلى : اخاف اعلمكـ وتقول عني شي مو زين
خالد : مستحيل الحب يخفي كل شي مو زين
ليلى : لا ولو مابي اقول
خالد : اذا ماقلتي لي حزتها راح اقول شي مو زين
ليلى نزلت راسها وقالت: هالشي يخالد والله مايرفع الراس ليه اقوله واصير بعدين بنضركـ ولا شي
خالد : انتي كذا تخليني اصر اعرف يالله الحين الحين تقولي لي كل شي
ليلى : خالد
خالد : عيونه
ليلى ودموعها بتنزل والعبره خنقتها : كل اللي اقدر اقوله لكـ احنا ناس بلا ذمه ولا ضمير
خالد : ومن تقصدين بهالناس
ليلى : اقصد نفسي انا واقصد امي وابوي
خالد : طيب ليه
ليلى وهي تصيح : ابوي وامي من سنين طويله وهم طالعين يتمشون شافو بنت على باب المسجد واخذوها
خالد : طيب شي حلو وماتركوها تموووت لحالها
ليلى : لا يخالد لو انهم تاركينها تموت وايد ارحم لها
خالد : حبيبتي مايصير كذا هدي نفسكـ شوي لاتصحين كذا ..
ليلى : ابوي وامي معذبينها حيل ... وانا ماقدر اسوي لهم شي
خالد : ليه يعذبونها ماخذينها يعذبونها هم
ليلى وهي تصيح بقوه : انا مدري ياخالد قلبي مكسور عليها
على اي شي اهي تسويه يطردونها من البيت
وماتلقى مكان تروح له وترجع لنا تترجى في امي وابوي يخلونها
وعلى اي شي امي وابوي يحبسونها بغرفه ضلمه
ويخلونها دايم تشتغل بالبيت ومايصرفون عليها
وهي دايم تحترمنا كلنا وماتناديني الا اختي وتسمي امي امها وابوي ابوها
مع انهم ماعطوها ولا وروها حنان الامومه والابوه
خالد : ليلى ياقلبي لاتصيحين كذا خلاص حرام عليكـ والله قلبي انكسر
ليلى : ليه كذا ياخالد ليه احنا قلوبنا قاسيه عليها ليه مانحس فيها لين متى راح يضلو كذا
وليه انا ماحس وليه انا ماقدر اسوي لها شي غير اني اجي غرفتي واصيح عليها ..
خالد : هذا ياقلبي يكفي .. يكفي صدقيني يمكن انتي ماتقدرين توقفين بوجه امكـ وابوكـ
وتمنعينهم .. بس يكفى احساسكـ ودموعكـ وقلبكـ اللي حن عليها
ليلى : خالد انا اخاف من امي وابوي
خالد : لاتقولين قلبكـ قاسي قلب امكـ وابوكـ القاسي صدقيني مو قلبكـ
وحسبي الله عليهمـ والله كفيلهم والله لا يسامحهم واتمنى ماتزعلين علي
بس انا من كلامكـ عنهم كرهتهم اكثر من اووول
ليلى : انا مابيكـ تقول كذا ياخالد ولو بيبقون ذيلو امي وابوي
الا بصوت سمر تنادي على ليلى
ليلى بصوت واطي : يالله يالله باي هذي امي تناديني
وسكر الخط وحطت الجوال بالدرج
دخلت سمر على ليلى : يالله قومي تعشي ابوكـ وصل
ليلى نزلت راسها : يمه مابي مالي نفس
سمر وقريب تعصب : قومي قدامي بسرعه
ليلى خافت وقامت ونزلت مع امها تتعشى
ونوره في اخر دور صوتها وصراخها محد يسمعه غير احزانها والامها
نوره داخل الغرفه الضلمه ضلت خايفه وتصيح ومو عارفه وش تسوي
جلست قدام الباب حطت راسها على ركب رجولها وضلت تصيح
عرفت ان محد راح يسمعها او يفهمها او يحس فيها
ضلت خايفه وترتجف وتدعي ربها يطلع الصبح ويجيها نور من برا
ضلت طول اليل خايفه لاتسمع صوت اشباح وخايفه من كل شي
ضلت طول اليل مغمضه عيونها وخافت لتفتحها وتشوف شي قدامها او اشباح

~¤¦¦§¦¦¤~ في المجمع~¤¦¦§¦¦¤~

الوقت صار متأخر ومصطفى مازال مع سحر بالمجمع
بو محمد رسل فلوس لحساب مصطفى
وصرف الفلوس عشان سحر
وشرى لها كل شي
سحر : اه احس تعبت المجمع كبير
مصطفى وهو شايل كل الاغراض الثقيله : ايه والله
سحر شايله الاغراض الخفيفه : تعال نجلس هناكـ
مصطفى : اوكيه
سحر : بتصل ع السايق عشان يجي
مصطفى : لا بدري
سحر : لا وين بدري تأخرت
مصطفى : خلينا بعد نتمشى اكثر واكثر
احس اني حيل مبسوط معاكـ
سحر : وانا بعد
مصطفى : اجل خليكـ بعد
سحر: اصلن خلاص المحلات سكرو وامي بتسألني ليه وماليه
مصطفى : حسافه اجل ابي اشوفكـ مره ثانيه
سحر : ماقدر كل يوم
مصطفى : ع الاقل كل يومين
سحر : مادري متى ماحصلت لي فرصه بعطيكـ خبر
مصطفى : اوكيه
سحر وهي تتصل ع السايق
سحر : ايوه
السايق : نعم
سحر : تعال لي المجمع
السايق : انا عند بوابه رقم واحد
سحر : لا تعال عند بوابه 12 وانزل شيل الاغراض
السايق : ان شاء الله
وسكرت سحر الخط
السواق جى
مصطفى : ياربي ماشبعت منكـ الوقت مضى وماحسيت به
سحر : ايه والله
يالله الحين انت قوم اوقف اي مكان عشان بيجي يشيل الاغراض
مصطفى : اوكيه يالله باي
سحر : يالله باي
نزل السايق واخذ الاغراض وراحت وضل مصطفى يطالع فيها من بعيد
بعد مامشت هو مشى وركب سيارته
ولحقها بس بدون ماتدري
لانه عارف انها ماراح ترضى

~¤¦¦§¦¦¤~ في بيت بو فيصل~¤¦¦§¦¦¤~

في الصباح صحت فايزه من النوم بعد مانامت متأخر
لانها سهرت على اصعب ماده وخلصتها
وهي طالعه من غرفتها مرت على اختها فضه
فايزه : صباح الخير ع الحلوين
فضه : صبا حوووو
فايزه : من متى صحيتي ؟
فضه : اوه من مساع
فايزه : تمام اجل متى نمتي
فضه : خلصت اصعب ماده ونمت
فايزه : هههههه حتى انا
فضه : تمام الله يوفقكـ
فايزه : اجمعين قومي يالله نزعج فهد هههههههه ونخليه يصحى عشان يفطر معانا
فضه : خخخخ يالله والله ودي ازعج احد زهقت من المذاكره
فايزه : يالله
قامت فضه وفايزه ودخلو غرفة اخوهم فهد بهدوووووء وبدون مايحس فيهم
ووقفو قباله وهمست فايزه فأذن فضه : ها شرايكـ وش نسوي فيه ؟.
فضه : وتكتم ضحكتها انا بعلمكـ وش راح اسوي
اخذت كلينكس ولفته وسوته زي العود
فايزه افهمت السالفه وبدت تضحكـ بصوت واطي ماينسمع
وراحو من وراااااااهـ يعني مايشوفهم اذا صحى
وبدو يلعبون بالكلينكس في وجهه
وفهد نايم ومو حاس بس انه يحركـ يده
فايزه : هذا ولا راح يحس فيكـ شكله امس مانام الا متأخر قومي والله كسر خاطري
وماعنده لا شغل ولا مشغله والحين هالاسبوع اجازه عشان الاختبارات
قومي ننزل نفطر ونخليه متى ماصحى صحى على راحته
فضه : يالله قومي
ونزلت فايزه وفضه وفطرو مع بعض مع سواليف وضحكـ

~¤¦¦§¦¦¤~ في بيت سالمـ~¤¦¦§¦¦¤~

نوره ضلت تصيح طول الليل ولما قرب الصباح اللي كانت تنضره
غفت عينها ونامت وماحست بنفسها ..
صحت سمر وسالم من النوم
سالم : وين نوروه ماشوفها بالطبخ وين الفطور ؟
سمر : اوه نسيت اني امس حابستها بروح افتح لها واخليها بثواني تسوي الفطور
سالم : يالله بسرعه
صعدت سمر وفتحت الباب لنوره شافتها نايمه ع الارض
راحت جنبها وبرجلها صحتها
سمر : نورو .. نوروو وصمخ يالله قومي المطبخ ينتضركـ
نوره صحت من النوم مبسوطه وفرحانه لان سمر فتحت لها الباب
سمر : يالله قوووومي وانا اشوف بسرعه نبي الفطور يجهز بخمس دقايق فاهمه
نوره بعد ماصحت نزلت للمطبخ عشان تسوي الفطور
ونزلت سمر وراحت على غرفة ليلى
دخلت عليها وليلى غرقانه بالنوم لانها مانامت امس الا متأخر
صحت سمر بنتها ليلى عشان تفطر معاهم
سمر : ليلى ... ليلى
ليلى بصوت نايم : نعم يمه
سمر : يالله قومي بسكـ نوم قومي يالله افطري معانا
ليلى : ان شاء الله يمه
سمر : يالله ننتضركـ تحت
ليلى وقامت من فراشها : ان شاء الله يمه

~¤¦¦§¦¦¤~ في بيت بو محمد~¤¦¦§¦¦¤~

على طاولة الفطووور الكل مجتمع
مصطفى وهو يفطر : يبه مشكور ع الفلوس اللي امس ..
بو محمد : العفو حبيبي تستاهل كل خير
محمد يطالع في ابوه وبقلبه قهر : يبه اشوف اصطيف يضيع فلوسه بالهبل ليكون احنا جالسين على بنكـ
مصطفى ويستخف بدمه : لا والله جالسين على حديده
محمد : انا ماكلمتكـ انا كلمت ابوي
مصطفى : تكلم ابوي عني انا كيفي اصرف الفلوس مكان مابي
محمد وهو يطالع في ابوه : يبه لاتفكرني مأدري عنكـ اشوفكـ تنزل له فلوس احيانا مرتين بالشهر
يعني ضعف راتبي وراتب السكرتير يبه مايصير كذا
مصطفى : يعني انت غيران ومنقهر كيفي ياخي انا حر
محمد : يبه ليه ساكت رد
بو محمد : مو مشكله يامحمد انا اعطيه من راتبي .. مو من الشركه
محمد : لا مو سالفة اني غيران او اني حاقد عليه او شي لا بس مايصير كذا تدلعونه زياده عن الزم
كفايه انه مايشتغل ومايسوي شي واحنا اللي نتعب طول اليوم ماناخذ كثره
بو محمد : محمد انت عاد راس المال الشركه والحلال كله لكـ وتحت امركـ وتحت يدكـ
مهند : احم احم احم نحن هنا
بو محمد : هههههههه وانت بعد يامهند حالكـ حال اخوانكـ كل شي لكمـ وفداكمـ
مها غارت : وانا يبه
بو محمد : عاد مهووووووي اغلاا البنات انا عيوني لها
مها : هههههه مشكور يبه طيب وامي
بو محمد : عاد امكمـ مو بس الشركهـ والحلال وانا ... الدنيا كله تحت وطاها
ام محمد : ههههه بس عاد انا كذا استحي
بو محمد : انا كلي فداكمـ
محمد : ماتقصر يبه جعل عينا ماتبكيكـ
يالله عن اذنكم انا الحين بروح الشركهـ يالله باي
الكل : بايات
بو محمد : انا بعد بروح الشركه يالله باي
الكل : بايات

~¤¦¦§¦¦¤~ في الشركهـــ~¤¦¦§¦¦¤~

وصل بو محمد الشركه وقبل لايدخل مكتبه
بو محمد : صباح الخير باسم
باسم : تركـ اللي بيده ووقف صباح النور ياهلا
شخباركـ ؟
بو محمد : الحمد الله بخير
باسم ماعليكـ امر ناد لي محمد وعمر وفيصل
باسم : من عيوني

~¤¦¦§¦¦¤~ في بيت سالمـ~¤¦¦§¦¦¤~

وبعد ماخلصو الفطور
سمر تنادي نوره من المطبخ : نوووورووو
طلعت نوره : هلا يمه
سمر : تعالي شيلي الصحون وغسليهم
نوره : ان شاء الله
ليلى : يالله عن اذنكم بروح اذاكر
سمر : الله وياكـ
صعدت ليلى غرفتها وفتحت جوالها
شافت لخالد 5 مكالمات ورسالتين
ونص الرساله الاولى
حار الحكي بخاطري...
وتاهت بالعين دمعتي ...
ودي اواجه دنيتي ...
واصرخ واقول وحشتني...

ليلى : ههههههههه

فتحت الرساله الثانيه
فيها شحن بــ 30 ريال

ليلى تفاجأت : ياربي ليه شاحن لي غريبه انا ماقلت له
خليني اكتب له مسج
مشكور خالد ع الرسالهـ الحلوه
ومشكور ع الشحن
ومشكور على كل شي سويته عشاني
والله احرجتني معاكـ
وارسلتها ....

وبعد ثواني الا هو اتصل فيها وردت
خالد : صباح الخير ياقلبووو
ليلى : صباح النور
خالد : وش ذا الرساله ؟
ليلى : رسالة شكر
خالد : ياقلبي انتي مافيه بيني وبينكـ شكر ولا شي عادي انا ماسويت شي يستحق تشكريني عليه
ليلى : ماتقصر وربي
خالد : شخباركـ الحين احسن من امس
ليلى : ايه الحمد الله بخير
خالد : وامكـ وينها وابوكـ
ليلى : ابوي راح العمل وامي تحت لاتزعل مني اذا سكرت بدون ماستأذن
اعرف ان امي جات ومابيها تشوفني ..
خالد : ايه مو مشكله مفهومه اصلن
ليلى : هههههه
خالد : حبيبتي ممكن طلب ..
ليلى : تفضل
خالد : اهو مو طلب
ليلى : اجل شنو
خالد : انا ابي اقولكـ شي وبصراحهـ
ليلى : قوووول اسمعكـ
خالد : انا شكيت لكـ حالي وقلت لكـ انا وحيد بالدنيا ومامعي احد
وانتي شكيتي لي احوالكـ وعذابكـ من امكـ وابوكـ
وانا مرتاح لكـ حيل وقلبي يحبكـ
وانتي مادري .... اذا مرتاحه لي وقلبكـ يحبني او لا
ودي اعرف بس عشان ارتاح
ليلى استحت وماعرفت وش تقول له
خالد : الوو
ليلى : نعم
خالد : مارديتي علي
ليلى : يعني وش تبيني اقوول
خالد : قولي لي اللي تحسين فيه وبكل صراحه
ليلى وهي تكذب : امي جات يالله باي
وسكرت الخط بوجه خالد
ليلى : ياربي تعيني انا مو عارفه وش اقوله محتاره اقوله ايه او لا
فتحت الجوال وكتبت رساله
خالد ..
مشاعري تجاهكـ نفس مشاعر اي بنت محتاجه حنان وحب و هدوء وراحه وامان وطمأنينه
مشاعري تجاهكـ نفس مشاعر اي بنت محتاجه تحب وتنحب وتعيش حياه حلوه وسعيده
انا اللي لقيته فيكـ كل بنت تتمناهـ
وانا اتمنيته بداخلي والحين تحقق ..
انا ماقدر اقول لكـ شي اكثر من كذا
واتمنى تكون فهمتني وماتعيد علي السؤال
لاني ماراح اعرف اجاوبكـ عليه ...
ليلى ..

وارسلتها لهـ وهي متردده وخايفه بنفس الوقت ..

~¤¦¦§¦¦¤~ في الشركهـــ~¤¦¦§¦¦¤~

دخل محمد وفيصل وعمر لمكتب المدير
محمد : هلا يبه
بو محمد : هلا فيكم تفضلو
فيصل : امر عمي
بو محمد : طبعا بعد بوكرا راح تنزل الرواتب لكل الموضفين والرواتب راح تسحب من قلبنا
ماراح تسحب من الشركه ...
عشان كذا انا قررت اني اشوف كشف الحسابات والموضفين ورواتبهم
لاني راح استغنى عن بعض الموضفين ..
عشان شوي نخفف مصاريف الشركهـ ..
وخصوصا الحين ومثل منتو شايفين مافيه شغل ..
لا اوراق ولا معاملات ولا مستندات ولا شي
اتمنى تكونون فهمتوني وتعطوني رايكمـ بكل صراحه
عمر : بصراحه شي في بالي من زمان ودي اقوله بس اني مستحي والحين جات منكـ وانا اوافقكـ الراي
فيصل : بصراحه شي حلو وشي من صالح الشركه
محمد : فعلا وخصوصا الحين مافيه شغل مثل اول
بو محمد : يعني خلاص اتمم على كل شي
محمد : على بركة الله
بو محمد : انا راح اخلي سليمان يجهز لي كل شي وبختار بعض الموضفين للأستبعاد عن الشركه
وراح امرر الكشف عليكمـ كلكمـ وتقدرون انتو بعد تقررون معاي الموضفين اللي مالنا حاجه فيهم
فيصل : مو مشكله بس متى راح يجهز الكشف
بو محمد : الحين اكلم سليمان وان شاء الله بوكرا كل شي يصير جاهز
محمد : اوكيه على بركة الله
بو محمد : الحين تقدرون تتفضلون
فيصل وهو طالع ...
فيصل : باسم ناد سليمان للمدير يبغاه
باسم : ان شاء الله

~¤¦¦§¦¦¤~ في بيت عمر~¤¦¦§¦¦¤~

علياء وهي جالسه ع التلفزيون ..
نادت الشغاله
الشغاله : نعم ماما
علياء : خلصتي شغل البيت والتكنيس والغسيل
الشغاله : انا في خلص بيت وتنكيس بس ..
علياء وقفت وهي معصبه: والغسيل والملابس ؟
الشغاله : انا يخلص بيت يبتدي يغسل ملابس
علياء : لا والله وانتي من الصبح وش تسوين بالمطبخ
الشغاله : ماما انا في رتب بيت وكنس ويسوي فطور كل هذا وقت
علياء وزادت بصراخها : لا والله وترادديني بعد صج انكـ قليلة ادب
الشغاله : حاضر ماما انا الحين خلص كل شغل بيت
علياء : غبيه انتي ماتفهمين لين متى بضل اعلمكـ ع الشغل
الشغاله : سكتت وماردت
علياء : روحي الحين فوق واجلسي جنب عبير ولما تصيح سكتيها زين
ولا تقومين عنها ابدا فاهمتني ؟
الشغاله : مفهوم ماما

~¤¦¦§¦¦¤~ في الشركهـــ~¤¦¦§¦¦¤~

وصل سليمان وقال له باسم ان المدير يبغاه
سليمان خاف وتوتر وبدا جسمه يرتجف
خايف ليكون عرف عنه شي او عرف انه سرق الاوراق
سليمان : لا لا مستحيل انا بس خلني اروح له ومأبين الخوف على ملامحي
راح سليمان لبو محمد ودخل عليه مكتبه
سليمان : السلام عليكم
بو محمد : وعليكم السلام
سليمان : امر
بو محمد : ابيكـ هالشهر تجهز لي قائمة الرواتب وكل موضف وراتبه وشغلته بالشركهـ
لان احتمال نقلل من عدد الموضفين لان الشركهـ سويلتها الحين ولا شي
سليمان : ليه عمي وش صاير
بو محمد : اوراق الشركه مفقوده وللحين مانشوفها
سليمان : معقوله عمي الاوراق تنفقد ليه عاد
بو محمد : والله مادري ياسليمان انت سو اللي قلت لكـ عليه اوكيه
سليمان : ان شاء الله

[(ورود)]

••.`2•.•• (الحلقهـــ الثانيهـــ عشرهـ) ••.`1•.••

~¤¦¦§¦¦¤~ في بيت سالمـ~¤¦¦§¦¦¤~

في غرفة ليلى ..
اتصل فيها خالد
خالد : هلا حبيبتي
ليلى : اهلين فيكـ شخباركـ ؟
خالد : بخير
ليلى : دوم
خالد : مشكوره ع الرساله الحلوه
ليلى : العفوو
خالد : دام هذا شعوركـ لي انا بضل سعيد طول حياتي
ليلى وهي خجلانه : مشكور
خالد : وبعد ماتأكدت من شعوركـ تجاهي ... انا يشرفني اني اجي لأبوكـ واخطبكـ منه
ليلى : ها
خالد : اذا تسمحين لي طبعا
ليلى : ها
خالد : ايه وش فيكـ ها ها
ليلى : ابوي مستحيل راح يوافق
خالد : وليه مايوافق
ليلى : اهو يقول لي ان ولد اخوه يبغاني
خالد : اهو ولد اخوه جى وتقدم رسمي
ليلى : لا بس الكل يعرف ان ولد عمي لي وانا لولد عمي
خالد : يعني انتي تبينه ؟
ليلى : لا اصلن انا مابيه وماحبه ولا عمري حبيته بس اهلي واهله دايم يقولو هالكلام وانا اتضايق
خالد : ليه ماتحبينه اهو وش فيه
ليلى : مدري مارتاح له احسه اهو وابوه وابوي نفس الشي قاسين وانا مابيه وماحبه
خالد : دامكـ ماتبينه ولا تحبينه ماعتقد يقدرون يغصبونكـ عليه
ليلى : وليه مايقدرون اذا اهم قلبهم قاسي ومايعرفون الله ماراح يفكرون بالهشي
خالد : اذا جاو يملكون عليكـ قولي لشيخ لا انا مو موافقه
ليلى : لا والله انت شكلكـ تبيهم يموتني ويذبحوني ويعاقبوني
خالد : انتي اهلكـ مدري من اي نوع ومدري كيف
ليلى : انا محتاره وخايفه ليجي اليوم اللي يخطبوني فيه رسمي
خالد : ماراح يجي هاليوم
ليلى : اهو يدرس الحين وبقت له سنه ونص ويخلص ويقولون اذا خلص راح يخطبني ونتزوج
خالد : ماعليكـ منهم مستحيل يقدرون يزوجونكـ غصب خلاص دام انا ابيكـ وانتي تبيني مالهم حق
ليلى : طيب هذا الكلام انت تقوله ويمشي عندكـ انت مو عند اهلي
خالد : انا بجي وبخطبكـ من ابوكـ وبشوف رايه ورده وان ماوافق راح يصير شي ثاني
ليلى : خالد انا اخاف عليكـ من ابوي
خالد : انا الدنيا بكبرها ماتخوفني بيخوفني ابوكـ
ليلى : ابوي شري وعصبي .. انت ماتعرفه انا اعرفه
خالد : ماعليكـ انتي انا راح اجي واللي فيها فيها
ليلى : طيب واذا جيت وسألكـ من انت وشلون عرفت بنتي وش راح تقوله
خالد : ......
ليلى : خالد انتبه تقوله شفتني بالمجمع ترا يذبحني وانتبه تقول له اني اكلمها جوال ترا والله اروح فيها
خالد : انا مو مجنون اقوله كذا انا خلاص عرفته ابوكـ وعرفت اسلوبه
ليلى : اجل وش راح تقول له
خالد : راح اكذب عليه وبقول له اختي تدرس مع بنتكـ بنفس الصف
وعلمتني عن اخلاقها وعن كل شي وانا انعجبت فيها وجيت اخطبها
ليلى : من اختكـ
خالد : بكذب عليه
ليلى : اخاف يكتشف
خالد : لا لتخافين انتي بس عطيني العنوان وتطمني
ليلى وهي خايفه : لالالالا مستحيل والله اخاف
خالد : قلت لكـ لا تخافي اوعدكـ اني ماراح اسوي لكـ شي يضركـ
ليلى : مو انت اللي خايفه منكـ انا خايفه من ابوي
خالد : ولا ابوكـ يقدر يسوي لكـ شي
ليلى : لا ماقدر سامحني
خالد : طيب اجل ليه احنا نكلم بعض وليه احنا نحب بعض مو عشان نتزوج
ولا انتي تكلميني تسليه ولعب وتضيع وقت ؟
ليلى : حرام عليكـ ليه تقول عني كذا .. اذا انت تشكـ فيني او تتوقع فيني هالشي
فخلاص ننقطع عن بعض افضل لي وافضل لكـ
خالد : انتي تخليني اقول كذا بسبب كلامكـ انا حبيتكـ وربي اني جاد واحس انكـ انتي الانسانه اللي ربي خلقني عشانها وانتي تتهربين من هالشي وكأنكـ ماتبيني
ليلى : مو على اني مأبيكـ افهمني انا كل خوفي من ابوي وبس
خالد : طيب بتعطيني العنوان ولا لا
وقبل لاتردين علي بأيه او لا
اذا قلتي لي ايه فخير وبركه وحياتنا راح تمشي مثل الحين واحلى واحلى
اذا قلتي لي لا فتأكدي ان هاذي المكالمه راح تكون اخر مكالمه بيني وبينكـ
وطبعا هالشي لاتفكرينه سهل علي انا حبيتكـ واخلصت لكـ بحبي بس انتي بادلتيني بالعكس
ورفضتيني بكلمة لأ وكأنكـ ماتبيني زوج لكـ مع اني وربي والله العظيم اني حيل حيل اتمناكـ لي
ها وش قلتي ...
ليلى وهي تصيح : خالد انا ابيكـ وانا احبكـ واتمنى ماتفهمني غلط
خالد : دامكـ تحبيني وتبيني ليه ترفضين اني اتقدم لكـ ؟... مو شي غريب ؟
ليلى : طيب بعطيكـ العنوان وبوصف لكـ البيت بس اوعدني
اوعدني انكـ تتحمل ابوي اذا جيت وماتزعل وماتضايق
خالد : اوعدكـ
طبعا خالد وعد ليلى وليلى توثق بخالد
خالد انسان جاد وفعلا حاب ليلى وده تكون زوجته
ليلى بعد حبت خالد حيل وتعلقت فيه بس انها خايفه من المستقبل واللي بيصير
ليلى عطت خالد العنوان ووصفت له البيت ..
خالد : ايه تمام انا عرفت المنطقه اللي تقصديها بس الليله وانا طالع بتصل فيكـ عشان اثبت عليه اوكيه
ليلى : اوكيه مو مشكله
خالد : متى تحبين اجي لأبوكـ ؟..
ليلى : مادري
خالد : شرايكـ بوكرا
ليلى : بوكرا مو كأنكـ مستعجل
خالد : ايه والله مستعجل وحيل مستعجل
ليلى : مابتخلي احد من اهلكـ يجي
خالد : من بخلي يعني
ليلى : خالتكـ عمتكـ جدتكـ اي احد من اهلكـ
خالد : ولا وحده من اللي عددتيهم لي يعتبروني واحد منهم
وصار لي خمس او سبع سنين ماشافوني ولا شفتهم
تبيني الحين اروح اقولهم تعالو معاي اخطبو لي
ههههههههه مستحيل
ليلى : طيب براحتكـ خلاص الحين انا بسكر بنزل اجلس جنب امي شوي
مابيها تفتقد وجودي بالبيت وتشكـ فيني
خالد : اوكيه مو مشكله واذا صعدتي اتصلي فيني اوكيه
ليلى : لا لاني ببتدي اذاكر كل مره اقول لأمي بروح اذاكر وانا اجي اكملكـ
خالد : عاد مو على كيفكـ لاني بجد اشتاق لكـ بسرعه وماودي تمر ساعه بدون مأسمع صوتكـ
ليلى : ههههه مشكور يالله باي
خالد : بايات

~¤¦¦§¦¦¤~ في مكتب فيصل~¤¦¦§¦¦¤~

اليوم انا بطلع من الشركهـ مبكر لانه مافيه شغل ولا شي
ولولوه ولعيال من زمان ماطلعتهم ولا تمشينا
خلني اتصل فيها واخليها تجهز
اتصل فيصل على زوجته لولوه
لولوه : هلا وغلاا بالغالي
فيصل : هلا بيكـ اكثر شخباركـ وش اخبار العيال
لولوه : والله تمام
فيصل : صحو من النوم ولا لانها اجازه بينامون الصبح والظهر وبيسهرون اليل
لولوه : ههههههههه لا حبيبي صاحين انت مشيت الشركه وأهم صحو
فيصل : ههههههههه تمام سويتو الغدا
لولوه : لأ آمر وش مشتهي تتغدا فيه ومن عيوني بسويه
فيصل : تسلم عيونكـ مشكوره
اجل لاتسون اليوم غدا ودي اليوم نطلع ونتمشى ونتغدا برا
لولوه : والله فكره العيال بيطيرو فرحه لما يعرفون من زمان ماطلعو
فيصل : ايه والله عارف هالشي ومقصر معاكمـ وربي
لولوه : مامنكـ قصور يابو حمد
فيصل : ههههههه لا عاد ابو حمد تكبرني خليني فيصل فصول كذا احسن لي هههههه
لولوه : هههههههههه ايه خلاص فصووول احلا بعد
فيصل : هههههههههههه
لولوه : فصووووولي شلون بنطلع انت ماعندكـ شغل ؟
فيصل : لا انا خلصت شغلي وشوي وراح اجيكم خلكم جاهزين
لولوه : اوكيه دير بالكـ على نفسكـ
فيصل : اوكيه يالله باي
لولوه : باي

وبعد نص ساعه

~¤¦¦§¦¦¤~ في سيارة فيصل~¤¦¦§¦¦¤~

اتصل على لولوه زوجته
لولوه : هلا حبيبي
فيصل : هلا بيكـ يالله جهزتو
لولوه : ايه انا والعيال جاهزين ننتضركـ
فيصل : يالله انا الحين قريب من البيت اطلعو لي
لولوه : اوكيه يالله باي

~¤¦¦§¦¦¤~ في سيارة عبد الله~¤¦¦§¦¦¤~

عبد الله يفكر في البنت اللي شافها في بيت بو محمد وماشالها من باله من اول ماشافها
وخاطره يعرف من اهي ووش اسمها
عبد الله يكلم نفسه : انا اللي شاكـ فيه انه اخت مهند ومحمد
ولازم اتأكد من هالشي ...
مسكـ جواله واتصل على مهند
مهند : هلا وغلاا بعبيييييد
عبد الله : هههه هلا بيكـ شخباركـ
مهند : بخير وانت
عبد الله : بخير دامكـ بخير وش اخبار الاهل
مهند : والله تمام كلهم يسألون عنكـ
عبد الله : وينكـ انت الحين
مهند : بالبيت
عبد الله : والله
مهند : ايه ليه
عبد الله : وش تسوي
مهند : والله العب سوني
عبد الله : والمذاكره ههههههههه
مهند : والله توني من شوي تاركـ الكتاب وامس مانمت وانا اذاكر
يعني بخصص وقت للعب وقت للمذاكره
عبد الله : تمام الله يوفقكـ
مهند : وانت وينكـ ؟
عبد الله : والله بالسياره اتمشى
مهند : ماعندكـ شغل
عبد الله وتمنى ان مهند يقول له تعال لي البيت : لا والله ماعندي شغل
مهند : اجل تعال معاي العب سوني واشرب شاهي
عبد الله طار وناسه وماصدقها من الله : ههههههههه والله
مهند : ايه والله شفيكـ
عبد الله : يعني اقصد من صجكـ بتلعبني سوني
مهند : ايه وش فيه محنا كبار وعجز تونا شباب
عبد الله : ايه والله وانت صاج مسافة الطريق وانا عندكـ
مهند : هههههههه حياكـ الله
سكر مهند الخط من عبد الله وعبد الله طاير وناسه وراح بسرعه لبيت بو محمد
كانت بالصاله مها جالسه مع مهند تذاكر
مهند وقف العبه والتفت على اخته
مهند : مهووووووي
مها : نعم
مهند : بيجي لي صديقي قومي جهزي لنا الغدا
مها : والله انا مو شغاله حق صديقكـ ولكـ تبي تجهز شي قوم انت
مهند : انزين خلي الشغاله تجهز وقومي انتي غرفتكـ بخليه يجلس هنا بالصاله
مها : هاذي مو صالة رجال على ماعتقد
مهند : انا مشتهي اخليها صالة رجال عندكـ مانع
مها بعناد : ايه عندي مانع تبي تجلس مع صديقكـ اجلس في بمجلس الرجال
مهند : مجلس الرجال بره البيت احسه منعزل وانا مو مشتهي اتحركـ من مكاني
مها : كيفكـ مالي شغل
ورجعت مها تطالع في كتابها وتكمل مذاكرتها
مهند : مهوووي وش ذا العناد اللي فيكـ يالله بسرعه قومي ذاكري بغرفتكـ
الا برنة جوال مهند
مهند : هلا والله وصلت
عبد الله : ايه وصلت
مهند : يالله الحين بطلع لكـ
وسكر الخط من عبد الله
مهند : يالله قومي الرجال وصل
مها اضطرت تقوم
مها : غصبن علي راح اقووم .. بس هين انا اوريكـ لأجيب صديقاتي واجلسهم بغرفتكـ
مهند : هههههههاي عادي احسن انا استانس
وطلع مهند لعبد الله ودخله البيت بعد ماقهر اخته مها....

~¤¦¦§¦¦¤~ في غرفة سحر~¤¦¦§¦¦¤~

سحر تكلم حبيبها بالشحن اللي اخذته من مصطفى
سعد : ههههههههه
سحر : لا ههههه ولما صار كذا اهي بدت تصيح عليه
سعد : والله حاله
سحر : بس والله حلو الفيلم عجبني كثير
سعد : مامره شفته بس خلاص بعد ماقلتي لي قصته مايحتاج اشوفه
سحر : لا والله ابيكـ تشوفه يمكن طيب انا ماشرحته لكـ عدل
سعد : ولا يهمكـ ياقلبي بشوفه عشانكـ
سحر : مشكور يأغلاا انسان بالدنيا
سعد : سحر
سحر: نعم
سعد : من وين لكـ الرصيد .؟
اشوفكـ من امس تكلميني وناخذ راحتنا بالمكالمات
وماقطع علينا معقوله شاحنه بــ 30 او اكثر
سحر واحتارت وش تقول : سعد ابي اقولكـ شي وماتزعل
سعد : قولي
سحر : انت تشتغل وتتعب ليل نهار عشاني واحيانا تشتغل مرتين بس عشان تجمع فلوس ونتزوج
ماحبيت يصير كل شي عليكـ انا بعد مثلكـ الحين صار لي شهر وشوي وانا اشتغل واجمع فلوس
سعد : معقوله وليه ماقلتي لي
سحر : انا خفت تزعل مني
سعد : انا بزعل اذا ماقلتي لي الحقيقه
سحر : وكاني الحين قلت لكـ
سعد : وين تشتغلين
سحر ياربي وش اقول له : مصّر تعرف يعني وين اشتغل
سعد : ايه مصّر
سحر : انا اشتغل بالمشغل اللي ورا بيتنا استشور واحط مكياج وهالاشياء
سعد : ههههههه مشاء الله يعني انتي تعرفين في هالاشياء
سحر : ايه افا عليكـ الا ممتازه
سعد : وكم رواتبهم
سحر : على حسب شغلي ونسبتهم زينه
سعد : الله يوفقكـ حبيبتي والله انكـ كبرتي بعيني ويلوموني الناس اذا حبيتكـ وتعبت عشانكـ

~¤¦¦§¦¦¤~ في بيت بو محمد~¤¦¦§¦¦¤~

وبعد مرور 3 ساعات ومهند وعبد الله مندمجين بالعب والضحكـ والسوالف
مهند ويحط اليد : هههههههههه هالمره عاد انا اللي غلبتكـ
عبد الله : ههههه غلبتني لاني تعبت
مهند : هههههههه يمكن والله منت ههين بالعب
عبد الله : ايه اعلمكـ
مهند : اووووووه الساعه 3 ومهوي ماجهزت الغدا
عبد الله بقلبه : منو هاذي مهووي معقوله تكون اخته ..
مهند فمه بيده : شفيني انا .. نسيت
عبد الله وحاب حيل يعرف من يقصد : منو مهوووي
مهند : ها لا ولا شي بس هذي اختي ويبي يغير الموضوع
انت مو جايع انا والله من العب جعت .. ههههههه
عبد الله : لا خلاص حبيبي انا بمشي
مهند : بدري وين
عبد الله : لا خلاص مابي اتأخر اكثر وخوصا احنا بالصاله جالسين صعبه كذا
بعدين خواتكـ مايعرفون ياخذون راحتهم بالبيت
مهند : لا اجلس ماعليكـ منها اختي تذاكر ولا راح تنزل وخلني بعد احسن انا مشتهي الحين اعذبها شوي
عبد الله متحمس : ليه عاد ...
مهند : قاهرتني ياخي ودي اشوي اقهرها اخليها تنحبس فوق
عبد الله : هههههههههه حرام عليكـ ليه اهي وش سوت لكـ
مهند : دايم تحب تغيضني وتعاندني
يالله يالله خلنا نلعب الجوله الثانيه وخلاص ..
عبد الله وهو يلعب : وامكـ وينها .؟
مهند : امي طلعت تزور صديقاتها وماتيجي الحين
عبد الله : انتو بس انت ومحمد ومصطفى ماعندكم اخ رابع
مهند وهو مندمج بالعب : لا بس هذا احنا وبنت وحده
عبد الله وهو يبتسم وعرف كل شي من مهند بدون مايحس: اها الله يخليها لكم

~¤¦¦§¦¦¤~ في سيارة خالد~¤¦¦§¦¦¤~

خالد اتصل على ليلى ..
ليلى بصوت واطي : نعم
خالد : نعم الله عليكـ ياقلبي وينكـ انتي
ليلى : انا تحت بالصاله امي توها قامت من يمي
خالد : وش تسوين قومي اصعدي غرفتكـ كذا صوتكـ واطي وانا مأسمع
ليلى : خلاص شوي واتصل زين يالله باي
صعدت ليلى غرفتها واتصل خالد مره ثانيه
خالد : هلا قلبووو
ليلى : هلا والله
خالد : ايه الحين تمام صوتكـ مو مساع ماسمع شي
ليلى : ههههه شسوي بعد خفت لاحد ينتبه لي
خالد : حبيبتي
ليلى : نعم
خالد : انا عند باب بيتكم
ليلى اشهقت : ياقردي وش تسوي ؟
خالد : بسم الله وش فيكـ خفتي انا بس انتضر ابوكـ يجي وادخل له واخطبكـ
ليلى : يووووه وش فيكـ انت ابوي مايجي الحين
خالد : ايه عادي انا بنتضره ماعندي شي
ليلى وراحت تطل من نافذتها : لا والله يالله روح لاتخلي احد يشكـ فينا
خالد : لا ماراح اروح بنتضر ابوكـ
ليلى : انا سيارتكـ كبيره ( سوبر ) ولونها اسود ؟
خالد استغرب وضل يطالع فوق في النوافذ : ايه انا شلون عرفتي
ليلى : نزل راسكـ لا تفضحنا
خالد : وينكـ انتي ماشوف ولا نافذه مفتوحه
ليلى : عازل انا اشوف بس انت ماتشوف
خالد : هههههه يعني لأتعب نفسي ها
ليلى : ايه ههههههههه
خالد : فديت هالضحكه
ليلى : يالله انا الحين اخليكـ يالله باي
وسكرت ليلى الخط ونزلت الصاله وهي تفكر وتحاتي
وضلت خايفه ومرتجفه من هاليوم كله وتقول بخاطرها الله يستر بس

~¤¦¦§¦¦¤~ في بيت عمر~¤¦¦§¦¦¤~

صعدت علياء لغرفتها
علياء : عبير ماصاحت ؟
الشغاله : لا ماما انا من يصعد وهي نوم ومافيه يصحى ولا يصيح
علياء : طيب يالله خلاص نزلي كملي شغلكـ بالبيت وبدأي سوي العشا
مالت عليكـ العشا تضلي فيه خمس ست ساعات
الشغاله ماردت بس ضلت تطالع في علياء
علياء : قومي يالله وش فيه تطالعين الحمد الله والشكر
الشغاله : زين ماما

~¤¦¦§¦¦¤~ في بيت سالم~¤¦¦§¦¦¤~

وبعد صلاة المغرب وصل سالم من الشغل ودخل البيت
خالد مازال واقف ع الباب يطالع وحب يتأكد اذا اهوو ابو ليلى او لا
اتصل فيها ورن جوالها قدام امها وابوها وحطته صامت وهي ترتجف خوف
صعدت غرفتها وردت عليه
ليلى : وش فيكـ بغيت اروح فيها
بس الحمد الله امي وابوي كانو منشغلين يسولفون مع بعض
خالد : انا ع الباب ومادري اذا اللي دخل ابوكـ او لا بس حبيت اتأكد
ليلى : الا هذا ابوي
خالد : اوكيه يالله باي انا بدخل الحين
ليلى وهي خايفه : خالد
خالد : نعم
ليلى : قلبي مو متطمن وانا حيل خايفه
خالد : لا تخافين انا مو مسوي شي غلط
ليلى : خالد ارجووكـ تحمل ابوي ها
خالد : من عيوني يالله باي
ليلى : بايات
نزلت ليلى بسرعه لصاله وجلست الا برنة الجرس
سالم : منو جاي لنا هالوقت بعد
ليلى : تطالع وقلبها يدق حيييييييييييل
سمر : روح شوف
طلع سالم وفتح الباب
خالد ومد يده وسلم وحب راس سالم : السلام عليكم
سالم : وعليكم السلام نعم
خالد : شخباركـ ؟
سالم : الحمد لله من انت
خالد : ممكن اخذ من وقتكـ شوي وانا بقول لكـ من انا وش ابي
سالم : لحظه شوي اسوي درب
دخل سالم يسوي درب
ليلى : يبه منو جاي
سالم : مالكـ شغل يالله قومي ادخلي داخل
ليلى : ان شاء الله يبه
سالم : ونوروه وامكـ وينهم
ليلى : بالمطبخ يبه
سالم : قولي لهم لا يطلعون
ليلى وهي قايمه : ان شاء الله
ليى قبل لاتصعد حطت بالصاله ع الكنبه كتبها وجوالها وصعدت وضلت واقفه ع الدرج تحاول تشوف وتسمع
وخالد برااا لأووول مره يرتجف ويخاااف مثل كذا
طلع له سالم وقال له تفضل ودخله الصاله
خالد بدا يطالع في البيت مستغرب لانه اول مره يدخل بيت قديم مثل كذا
بس حاول انه مايبين هالشي لسالم وسوا نفسه طبيعي
جلس خالد وجلس سالم
سالم : ايه ماقلت لي من انت
خالد : انا خالد محمد العسيري
سالم بسخريه : ومن يكون هذا خالد محمد العسيري
خالد وضعط على نفسه وابتسم
سالم : ايه اختصر وش بغيت
خالد : الله يهديكـ ياعمي اذا هذا اسلووبكـ اشلون اعرف اتفاهم معاكـ
سالم : لا والله الحين يعني انت بهالشياكه وبهالبس الفخم تبي تبين لي ان عندكـ اسلوب وانا لا
خالد : لا ياعمي محشوم افا عليكـ بس ماعاش من يقول كذا
سالم : يالله قول اللي عندكـ وخلصنا
خالد : والله ياعمي انا جاي وطالب القرب منكم
سالم : نعم
خالد : وطبعا لي الشرف وكل الشرف
سالم : ماعندنا بنات لزواج اذا هذا قصدكـ
وقف سالم وأشر ع الباب وقال : تفضل
خالد ضل مصدووم يطالع فيه ومستغرب من الحركه اللي سواها
خالد وقف قبال سالم وسوا نفس حركته وأشر ع الباب وقال : يعني شنو كذا
سالم : يعني الباب يسع جمل
خالد : انت بجد ماعندكـ اسلوب ولا احترام
سالم : مخلي الاسلوب والادب والاحترام لكـ
اجل جاي مني والطريق لانعرفكـ ولا تعرفنا انا جاي وطالب القرب منكم
ليكون احنا مصحه او جمعيه كل من هب ودب جا لنا فيها
خالد ومسكـ على اعصابه وحب راس سالم : اسف عمي
بس انا عرفتكم عن طريق اختي
سالم : ومن هذي اختكـ ؟
خالد : صديقة ليلى بالمدرسه
سالم وهو معصب : انتبه تقول اسم بنتي على السانكـ مره ثانيه اقطعه لكـ
خالد بقلبه : بسم الله اشدعوه انا وش قلت الحين
ليلى وهي فوق تضرب خدها وتقول يارب استر يارب وعدّي هالليله على خير
سالم : اول شي ليلى بنتي مخطوووبه ووملوكـ عليها على ولد خالها
ثاني شي اسمح لي اقول لكـ انتو عايله موش مربيه دام اختكـ تجي وتقولكـ عن بنتي
ثالث شي ان شفتكـ مره ثانيه عند هالحاره بيكون اخر يوم بحياتكـ
رابع شي اتفضل من غير مطرووود
خالد فاتح عيونه وبوجهه علامات ذهوول واستغراب ومو مصدق اللي سمعه
خالد : انا اول مره اسمع كلام يجيني مثل هذا
سالم : وبتسمع اكثر لو الحين مامشيت
خالد وهو مصّر ويبي ليلى ومايبي يمشي حتى لو كرامته تنداس
خالد : عمي سالم لو سمحت خلني اكمل كلامي
سالم : مابيني وبينكـ اي كلام
انت ماعندكـ كرامه الحين انا كم مره طردتكـ من البيت
شنو يعني الكرامه عندكـ ممسوحه
خالد : انا الحمد الله ياعمي كرامتي فوق وبتضل فوق بس عشان بنتكـ انا بتحمل كل الاهانات
وبضل اقولكـ اني ابيها والله ابيها واوعدكـ اني ماقصر بأي شي حتى لو تبون القمر من السما بجيبه
سالم : انت مجنون
خالد : لا مو مجنون صاحي وربي صاحي
سالم : اقولكـ مخطوبه ومملوكـ عليها
خالد : بس اختي قالت لي غير عن هالكلام
سالم : تصدق اختكـ يعني وتكذبني انا
خالد : محشوم عمي بس والله انا تعلق ببنتكـ حيل حيل حيل ومستعد ادفع عمري كله بس توافق
سالم وهو معصب ومسكـ كتف خالد: انت ماتفهم مانبي منكـ شي يالله بره يالله
خالد خلاص وصل لحد مايقدر يتحمل فيه سالم وكان وده يطلع كل اللي بداخله ويصارخ عليه ويخليه بيزه مايسوا
بس انه تحمل كلام سالم عشان ليلى لان ليلى وصته الف مره
طلع خالد من البيت وركب سيارته ومشى
ليلى خافت وركضت على غرفتها وسوت نفسها نايمه
صعد سالم وهو يصارخ وينادي بأسم ليلى
سالم : ليلى ليوووول لويلووو
نوره ضلت خايفه من صراخ سالم وخافت تروح تشوف بس ضلت من بعيد تشوف وش صاير
سمر طلعت من المطبخ وهي تقول وش فيه هذا يصارخ خلني اروح اشوفه
صعد سمر تركض ورا سالم وهي تنادي عليه وتقول له وش فيكـ
دخل سالم الغرفهـ على ليلى ومارد على سمر
دخل بكل قسوه ليلى خافت وقامت من على فراشها ووقفت
ليلى بخووووف : نعم يبه
سالم وهو فاقد اعصابه عطى بنته ليلى كف على وجها
سمر وهي وراه راحت تدافع عن بنتها ووقفت قدامها وهي تكلم سالم
سمر : وش فيكـ ع البنت وش مسويه
ليلى بدت تصيح حيل مقهوره من اللي سووه ابوها
سالم وهو يصارخ : لويلو هذي المدرسه من يوم ورايح تنساها فاهمه
سمر : اسم الله عليها ليه عاد
سالم : انا قلت اللي عندي المدرسه ماعاد اسمعها تقول بروحها
سمر وقامت تصارخ مثل سالم : لا حبيبي مو على كيفكـ بنتي بتكمل دراستها غصبن على الكل
وهي لو تقولها من نفسها راح تطلع من المدرسه اقص لسانها
سالم : ولا على كيفكـ اهد بنتي بالمدرسه يشوفوها البنات ويروحو يقولو لأخوانهم ليلى بنت سالم حلوه مؤدبه شاطره ويقعدون يوصفون بنتي لأخوانهم ...
سمر : ومن مسوي كذا
سالم : سألي بنتكـ قولي لها صديقتكـ اخت خالد وش مسويه وانتي تعرفين
طلع سالم من الغرفه معصب وسكر الباب عليهم بقوه
ليلى بدت تصيح حيل .. وسمر امها تهدي فيها
سمر : ايه عاد فهميني السالفه
ليلى وهي تصيح : يمه انا مثلكـ مو فاهمه شي
سمر : طيب خلاص انتي اهدي وانا بروح اشوفه وافهم منه السالفه بعد مايهدى
نزلت سمر لسالم وليلى وهي فوق تصيح مقهوره من كل شي صار

~¤¦¦§¦¦¤~ في بيت عمر ~¤¦¦§¦¦¤~

بعد مارجع عمر من الشركهـ وتعشو صعد لغرفته وصعدت معاه علياء
عمر : وين عبير
علياء وهي فاتحه شنطتها وتدور على ورقه : عند الشغاله
عمر : وش تدورين
علياء : ورقة المستشفى ..
عمر : ليه عسى ماشر
علياء : موديه عبير المستشفى حرارتها مرتفعه والحين ادور ورقة الموعد ومو لاقيتها
عمر : يمكن مو بالشنطه
علياء سكرت الشنطه وحطتها : ايه صح انا حاطتها بالدرج
عمر : ايه تمام ..
علياء وكأنها تذكرت شي
عمر : وش فيكـ
علياء : عمر انا دورت في شنطتي الاوراق وماشفت محفضتي
عمر : دوريها ثانيه يمكن مانتبهتي لها
علياء وفتحت شنطتها وبدت تدور عليها : عمر ماشوفها
عمر : معقوله وينها ؟
علياء : مافيه الا الشغاله هي اللي داخله غرفتي وقعدت مع عبير
عمر : يمكن مو اهي انتي دوريها مني ولا مناكـ
علياء وهي معصبه : شفيكـ انت ماتفهم غبي لهدرجه اقولكـ اهي اليوم داخله غرفتي
وشنطتي كانت هنا يعني مافيه الا هي بس انا براويها وش ارح اسوي
نزلت علياء بسرعه مقهوره ومعصبه على الشغاله
دخلت عليها المطبخ وبدت تضربها بقوه وبدون رحمه
والشغاله بدت تصيح مو عارفه ليه اهي تضربها
نزل عمر بسرعه ورا علياء ومسكها
عمر : علياء هدي مو كذا تضربينها اهي بشر مثلنا عاد حسي فيها شوي
علياء : انت غبي ماتفهم اقولكـ اسرقت محفضتي فيها فلوسي وبطاقاتي وكل شي يخصني
علياء وهي تكلم الشغاله : بسرعه طلعي المحفضه وانا اشوف لأموتكـ الحين تركني عليها تركني
الشغاله وهي تصيح: ماما انا مايعرف انتا وش يقصد
عمر بدا يكلم الشغاله : المحفضه حقت ماما انتا في شوف في انتا ياخذها
الشغاله : لا مافي شوف ولا في انا ياخذ
علياء : قلت لكـ اتركني وانا اكسر اعضامها واعلمها الادب عشان تطلعها
عمر : انتي شفيكـ مافي قلبكـ رحمه قالت لكـ ماشفتها ولا حركتها
علياء : لا والله تعال اضربني يعني تصدقها اهي واتكذبني انا حلوه هذي
عمر وهو ماسكـ علياء من يدها : تعالي معاي ابيكـ
علياء اصرّت انها توقف وتموت الشغاله : اتركني واتركـ يدي ومالكـ شغل فيني
انا اسوي فيها اللي ابي وانا اليوم مو طالعه من المطبخ الا اذا طلعت المحفضه
او اني اطلع روحها عاد واهي تختار
عمر وهو مصّّّر انها تطلع وياه وماسكـ يدها بقوه
علياء شدت على يدها بقوه وهي معصبه دفت عمر لبرا المطبخ وقفلت الباب
الشغاله خافت حيل وخافت انها تموت بين يدها
علياء مافيه قلبها رحمه على الشغاله بدت تضرب فيها بقسوه وبدون قلب
والشغاله تصارخ وتصيح وتحلف لعلياء انها ماشافتها ولا حركتها
وعلياء مو مصدقه الا كلامها وضلت تزيد في الضرب في الشغاله
والشغاله تصيح وتحاول تدافع عن نفسها ومو قادره
علياء وهي تصارخ وتضرب بالشغاله : انا اليوم لازم اطلع روحكـ وانهيكـ من الدنيا
وعمر برا يضرب في الباب ويحاول انه يكسره بس مو قادر
عمر : فتحي الباب علياء حرام عليكـ تسوين كذا
بس علياء ماهتمت لأي احد وسوت اللي براسها

وبكذا انتهت الحلقه الثانيه عشرهـ

واتمنى انها عجبتكمـ

[(ورود)]

••.`3•.•• (الحلقهـــ الثالثهـ عشرهـ) ••.`1•.••

~¤¦¦§¦¦¤~ في بيت بوفيصل ~¤¦¦§¦¦¤~

وبعد ماتعشى الجميع كل واحد راح لغرفته عشان يكمل مذاكره وبعدها ينام

في غرفة فضه وهي تذاكر ومشغوله بالدراسه
الا برنة جوالها
فضه : هلا وضحى هلا وغلاا
وضحى : اهلين شخباركـ
فضه : بخير وانتي
وضحى : بخير يالغلاا بس انا عندي لكـ خبريه حلوه
فضه : قولي وش هالخبريه
وضحى : بوكرا نفس هالوقت راح يتجمعون عندي الشله كلها ..
فضه : والله تمام
وضحى : وعاد مابيكـ ترديني ابيكـ تيجين لأنهم كلهم وصوني عليكـ
فضه : اكيد راح اجي اصلن انا مشتاقه لهم كلهم ومنها اغير جو البيت والدراسه
وضحى : اوكيه انا اخليكـ الحين واحنا بوكرا بنتضاركـ
فضه : اوكيه باي
وضحى : بايات
وسكرت وضحى الخط وقالت : هين والله لأواريكـ والله اني باخذ بثار علياء من اهلكـ كلهم فيكـ انتي

~¤¦¦§¦¦¤~ في بيت ســــــــالمـ ~¤¦¦§¦¦¤~

وبعد ماطلع سالم من غرفة ليلى وضربها وهانها ومنعها من الدراسه
وطلعت سمر من عند بنتها بدون ماتعرف اي شي
نزلت سمر لــ سالم عشان تعرف وش صاير
نوره ضلت واقفه خايفه ومتوتره ومو عارفه وش تسوي
حاولت تتغلب على خوفها و دخلت لها نوره وسكرت الباب
نوره : ممكن ادخل
ليلى : ايه دخلي
نوره جلست جنب ليلى على سريرها : ترددت ادخل واخفف عليكـ لاني خايفه يصير لي نفس ماصار لي امس
بس انا شلت الخوف من قدام وجهي وقلت لازم ادخل واخفف واهون عليها
نوره بكل حنان حطت يدها على خد ليلى : عساكـ بس ماتألمتي
ليلى وهي دموعها ماليه خدها : نوره ابوي قهرني ومد يده علي
نوره : ليه عاد وش صاير ممكن اعرف ؟
ليلى حبت تعلم نوره كل شي بس تذكرت ان جوالها تحت
ليلى شهقت : ياويلي
نوره : وش فيكـ
ليلى : جوالي تحت اخاف يتصل تكفين نوره قومي جيبيه قبل لاتصير مشكله اكبر واكبر
نوره وقفت وقالت : وين محطوط
ليلى : تلقينه بالصاله هو مع كتابي بسرعه نوره لاتتأخرين
نوره وراحت تركض نزلت تحت بالصاله وطلت من بعيد وخافت ليكون احد بالصاله
بس انها تطمنت ان مافيه احد دخلت الصاله واخذت الجوال والكتاب وصعدت غرفة ليلى
ودخلت
ليلى : نوره جبتيه
نوره : ايه كاهو
ليلى : نوره دخلي وسكري الباب واقفليه
نوره سكرت الباب وقفلته ودخلت عطتها الجوال والكتاب
فتحت ليلى جوالها الا فيه 9 مكالمات ورساله
ليلى : مافيه احد بالصاله
نوره : لا مافيه احد عشان كذا قدرت اجيبه لكـ
ليلى : الحمد الله الله رحم بحالي
نوره : ليه
ليلى : انا بعلمكـ كل السالفه لاني واثقه منكـ انكـ راح تساعديني وتوقفين معاي ولا راح تعلمين احد
نوره : لو قدرت اساعدكـ من عيوني
ليلى : لحظه شوي
ليلى فتحت جوالها وفتحت الرساله
نصها
حبيبتي ابوكـ ذلني وهاني وقهرني وداس على كرامتي ومشاعري
عذريني اقول عن ابوكـ هذا مو ابو وهذا مو بشر
ماعندهـ تعامل ولا اخلاق ولا ادب
وعذريني اقول لكـ انتي كذبتي علي وقلتي لي انه ولد خالكـ بس خاطبكـ
ابوكـ قال لي كلام ثاني وقال لي انه مالكـ عليكـ
اتصلت فيكـ ومارديتي مع اني حاب اعرف كل شي منكـ
ولو طلع كلام ابوكـ كذب اوعدكـ اني بجازف وبجي له مره ثانيه
وثالثه ورابعه لين يلين قلبه
احبكـ
ليلى وهي تقراها بدت تصيح حيل
نوره : شفيكـ حبيبتي شنو شايفه بالجوال
ليلى ومدت الجوال لنوره عشان تقرا الرساله
نوره خذت الجوال وقرت الرساله
نوره انصدمت وتفاجأت
نوره : منو هذا هذا اللي جانا اليوم ..؟
ليلى وهي تمسح دموعها : ايه
نوره : انتي تعرفينه وتكلمينه ويكلمكـ ؟
ليلى : ايه
نوره : معقوله .؟..
ليلى : ايه
نوره : بس ابوي سالم مستحيل راح يوافق وهالشي واضح
ليلى : ادري وقلت له بس اهو مصر انه يجي ويكلم ابوي
نوره : بس حقيقه ابوي سالم هان الرجال حيل واهو ماسوا له شي
ليلى : اهو ماسوا له شي لانه يبي يرجع له مره ثانيه ويكلمه مره ثانيه
وماسوا له شي لاني وصيته يتحمل ابوي اكثر من الف مره
نوره : انا منصدمه كيف تعرفتو على بعض
ليلى : لما رحت المجمع اخر مره
نوره : اهاااا ولا احد يدري
ليلى : لا محد يدري
نوره : طيب وش راح تسوين
ليلى : مو عارفه وش اسوي محتاره يانوره احس حالي ودي اموت
صرت افكر الحين اقوم اطلع من البيت واخلي سياره تدعمني واموت
واريح قلب ابوي وامي اللي بيحرموني من الانسان اللي احبه واموت عليه
نوره بكل حزن : لا تقولين كذا اسم الله عليكـ
ليلى : خالد انسان طيب ومافيه منه بالدنيا اثنين
حنون وحبوب وطيب وخلوق ومؤدب وراقي
وغني ومتساهل ومتفاهم وقلبه كبير وجاد ومايعرف الكذب
نوره ابتسمت : اوه اوه كل ذا تشوفينه بخالد
ليلى نزلت راسها وابتسمت : ايه وربي ومأبالغ
نوره : مشاء الله اصلن واضح عليه لما شفته بالمطبخ انا وامي سمر
ليلى وهي مستحيه : وحلو بعد صح
نوره : هههههههههه بس مو احلا منكـ
ليلى : مشكوره يانوره
اه ياقلبي الحين انا محتاره وش اسوي
انا خالد دخل قلبي وحبيته واحس اني ابيه ومابي غيره
انتي تدرين يانوره اني انا اكره ولد خالي من قبل مأعرف خالد
ولد خالي قاسي ومن اهلي وانا اعرفه
مو مثل خالد كل حنان الدنيا بقلبه
نوره : صادقه وربي بس كيف نقنع ونفّهم ابوي وامي
ليلى : انا مو عارفه وش اسوي .. وخايفه لخالد يزعل مني
نوره : اتصلي فيه وقولي له كل اللي عندكـ
ليلى : تصدقين نوره مامره ارتحت بكلامي معاه دايم اصير خايفه لأمي تجي لي او ابوي ويصيدوني
نوره : اقفلي الباب
ليلى : امي شكاكه انا اخليه مفتوح واذا سمعت صوتها اسكر الخط واسوي نفسي اذاكر
نوره : والله حاله صعبه وكسيفه الله يعينكـ
ليلى : شرايكـ اتصل فيه
نوره : ايه واعتذري منه نيابه عن ابوي يمكن يطيب الجرح اللي فيه
ليلى : وانتي صادقه
نوره : اطلع ؟
ليلى : لا خليكـ جنبي معاكـ احس بالامان اكثر من امي وابوي
نوره ابتسمت وهي بداخلها فرحانه وطايره وناسه بحب اختها لها
ضلت بقلبها تدعي الله انه يوفقها مع خالد ومافيه شي يفرقهم ابدا
ليلى : اتصلت فيه وعطاني مشغول اخاف انه زعلان
الا انه اتصل فيها مره ثانيه
نوره : ههههههه لا مو زعلاان
ردت ليلى على خالد وقلبها حزين باللي سواه ابوها
خالد : الو
ليلى : هلا خالد
خالد : هلا بيكـ
ليلى : خالد
خالد : نعم
ليلى : انا اسفه حيل اسفه ماكان ودي يصير اللي صار
انا توقعت من ابوي كذا واكثر بس انت بأسلوبكـ ابوي ماقدر يتعدا حدوده
خالد : كل اللي سواه وماتعدى حدوده
ليلى : يعني مو قصدي كذا يعني قصدي كان ابوي سوا اكثر من كذا بس انت بأسلوبكـ منعته
خالد : مو مهم انا كل اللي ابي اعرفه انتي صج ولد خالكـ مالكـ عليكـ
ليلى : ابوي كذا اقسم لكـ بالله انه كذاب لاتصدقه والله انه مو مالكـ علي
اهو اللي بيني وبينه كلام يقولونه اهله واهلي لااكثر ولا اقل صدقني ابوي قال كذا عشان ينحشكـ
خالد : الحين طمنتي قلبي الحمد الله ارتحت الحين والله اني خفت يصير كلام ابوكـ صج
ليلى : خالد سامحني انا اسفه
خالد : اسامحكـ على شنو انتي ماسويتي شي
ليلى : على اللي سواه ابوي
خالد : ابوكـ انا بنسى كل الي سواه وراح ادوس على كرامتي اكثر واكثر
وبرجع له مره ثانيه وثالثه لين غصب يزوجني اياكـ وبوكرا بعد نفس الوقت بجيه
وبتحمل منه كل شي وبعتبره ماقال شي بس عشانكـ وعشان اني اوصل لكـ
ليلى :لا خالد تكفى لاتيجي بوكرا خل السالفه تهدى شوي بعدين تعال
خالد : ليه وش صاير
ليلى : ابوي ضربني وقام يصارخ علي وحرمني من المدرسه
خالد : معقووووووووووله ابوكـ يسوي كذا ويقطع مستقبلكـ ..
مجنون هذا ولا مو صاحي
ليلى : ابوي عقله متحجر وقديم ...
خالد : وانتي طعتيه...
ليلى : ماقدرت اقول له شي بس امي قالت له مو على كيفكـ بنتي بتكمل دراستها فرحت ياخالد
خالد : اوووه والله زين الحين اطمنت
ليلى : ان شاء الله امي تقدر على ابوي
خالد : لا دام امكـ قويه ولها كلمتها بتقدر عليه انتي لاتحاتين ولا تفكرين
وجعل يده الكسر قولي امين صج مو رجال الرجال مايمد يده على مره
قليل الحيا ودي بس لو اشوفه وامسكه بين يدي والله مايقوم من يدي الا وهو ميت
ليلى : ههههههههه لا والله اسم على ابوي
خالد : بس والله اني متحمله وبتحمله عشانكـ ياقلبي
نوره تطالع في ليلى وليلى تضحكـ وشوي تبتسم وشوي تخجل
ونوره تتمنى هالشي ليلى دوم وتتمنى مافيه شي يفرقهم

~¤¦¦§¦¦¤~ في بيت بو محمد ~¤¦¦§¦¦¤~

مها بغرفتها تذاكر
ومهند بغرفته يذاكر
محمد للحين بالشركه ومارجع
ومصطفى بغرفته اتصل على سحر
سحر : اوووووووف ياربي هذا ليه متصل الحين مالي خلقه
بس يالله بتحمل وبرد عليه وبجامل مو عشان عيونه عشان فلوسه
سحر : الو
مصطفى : هلا قلبوووو
سحر : اهلين
مصطفى : شخباركـ
سحر : بخير
مصطفى : دوووم يارب
سحر : تدوم انفاسكـ
مصطفى : يااااااااه تصدقين الليله اللي قضيتها معاكـ بالمجمع احلى لليله بحياتي
سحر : هههه مشكور وانا بعد حيل انبسطت معاكـ
مصطفى : فديتكـ انا وفديت قلبكـ
سحر : مصطفى تصدق
مصطفى : شنو
سحر : شفت الـ 300 اللي شحنتها
مصطفى : شفيها
سحر : اليوم لما رحت المعهد مالقيت من يرجعني البيت
واتصلت على امي وضليت معاها فتره طويله وانا اكلمها
عشان اني ابيها تدور لي احد يجي ياخذني
بعدين اتصلت على ابوي وابوي عاد مايدل المعهد
ضليت اوصف له اياه الين مادله ..
وكلمت صديقاتي وصاحبة المعهد واتفقت وياها على الدراسه وعلى كل شي
وضاعت الــ300
مصطفى : بس ...
سحر : ايه
مصطفى : تفداكـ الــ 300 وصاحبها اعطيكـ اكثر لو بغيتي كم سحر عندي بالدنيا
سحر : لا لا حشى انا مابي منكـ شي خلاص يكفي اللي عطيتني
مصطفى : لا ياقلبي انا اليوم ابوي شحن لي رصيدي بالبنكـ
وحاب اني ادلعكـ واشتري لكـ كل شي تبينه واعطيكـ اللي تبينه
سحر طبعاً ماصدقتها من الله انها تلقى لها واحد يحبها ويموت فيها وهو غني ويلعب بالفلوس لعب
وماتهمه المئات ومايتعامل الا بالألوووووف
صارت تطمع وتقسى شوي وياه وتطلب منه اكثر واكثر

~¤¦¦§¦¦¤~ في بيت عمر~¤¦¦§¦¦¤~

وبعد ماتعبت علياء من الضرب في الشغاله وبردت خاطرها فيها
افتحت الباب لعمر وقالت : اتشهد عليها وودها المستشفى
عمر : انتي مجنونه تسوين كذا مو صاحيه موفي وعيكـ
علياء وهي تهدد : انت تسكت كل الناس تتكلم الا انت
عمر : علياء انا بعطيكـ ضعف ضعف اللي في محفضتكـ
وراح اطلع لكـ بطاقة صراف غيرها وكل شي بعوضكـ فيه بس لاتسوين في الشغاله كذا
علياء صدت عن عمر وماردت عليه وصعدت غرفتها
عمر دخل لشغاله
عمر : ماعليكـ منه هذا مجنون
الشغاله وهي تصيح : واجد مجنون
عمر : هههههه يالله الله يعينكـ عليها انتا في يتحمل
الشغاله : انا مو قادره اقوم ماما علياء يضربني بقوه
عمر : تبين اوديكـ المستشفى ؟
الشغاله وهي تصيح وتتألم وتحس نفسها مو قادره تقوم ..
عمر : قومي يالله اوديكـ المستشفى حسبي الله ونعم الوكيل
استندت الشغاله على عمر وقامت معاه وراحو للمستشفى
ولما راحو المستشفى الدكتور منعهم من الخروج لان الكدمات والضرب اللي فيها مو هين
طبعا اتفق عمر مع الشغاله يقولو انها طاحت من ع الدرج وبكذا مشت الامور تمام
خلو الشغاله بالمستشفى منومه ... وقالو يمكن بعد اسبوع تطلع
لانها محتاجه ترتاح من بعد الكدمات اللي فيها
ركبو عليها مغذي ولفو يدها وراسها وعطوها اكسجين ...

~¤¦¦§¦¦¤~ في بيت ســالـمـ~¤¦¦§¦¦¤~

رجعت نوره لغرفتها وهي قلبها مقهور ومتألم من كلام ليلى لها
ونوره انجرحت من كلمة ليلى عن نفسها
راحت نوره لغرفتها وفتحت دفترها وكتبت

لاتقولي عسى تدعمكـ سياره وتموتين
حــتـــى لـو كان هذا اللي انتي تبين
كــــــــل واحـــــد تــــرى بوقته يحين
وكــــــــل الــقـلــوب مهما قست تلين
بــــــــــيـــمــــر عليكـــ وقت وبندمين
حـــــــتــــــى لــــو طال الوقت سنين
انا اعرف ان قلبكـ كله طيب وحنين
وانكــــ بـــكـــل شي تفدين وتعطين
وعــــــشــــــان الكل تضحين وتجين
ودي مـــــعـــي بــــالــحــياه تعيشين
تــــــرى انــا لكــــ اخـت ولكـ أعين
بس اتمنى مــــــــأ اسمع منكـ ونين
ولا اشوف بعينكـ دمـــعـــــه وتبكين
واذا علاا الحزن ..
تــــــــــــــــــرى كلن عايش حزين
واذا علاا الطعن ..
تــــــــــــــــرى كلن من وراه طعين
واذا علاا الموت ..
تـــــــــــــــــرى كلن لـــــــــه كفين
ولا تخفي حزنكـ ترى والله يبين
اقسم لكــ واحلف لكــــــــــ يمين
تــــــــــــرى انتي بقلبي تسكنين
ومـــــــــاودي بــــيـــــوم تطلعين
تـــــرى انتي مكانكــ فوق العين
ولاتقولي عسى تدعمك سياره وتموتين
حــــــــــتى لو كان هذا انتي اللي تبين
تــــــــرى انتي بكلامكـ خليتيني حزين
وبــــــــحــــــــزن قلبكـ خليتيني سجين
كلمة ليلى عندي شــــــي غالي وثمين
وتــــــحـــــمــل معاني الحب والحنين
اخت وحده ومابي من ايدي تضيعين
وابي منكـــ توعديني بوعد وماتخلفين
ماتقولي عسى تدعمكـ سياره وتموتين
حتى لـــــــو كان هذا انتي اللي تبين

اهداء خاص الى اختي الغاليه (( ليلى ))

~¤¦¦§¦¦¤~ في بيت بو فيصل~¤¦¦§¦¦¤~

خيم الهدوء والكل نايم بغرفتهـ

~¤¦¦§¦¦¤~ في بيت بو محمد ~¤¦¦§¦¦¤~

مصطفى بعد ماشبع وتعب مكالمات وغرق سحر فلوس وكلمات حب وغزل
سكر الخط ونام
ومهند تعب مذاكره وتركـ الكتاب ونام
ومها بعد ذاكرت وخلصت لها ماده نامت
ومحمد بغرفته واقف ع النافذه يطالع الشارع العام
اللي رايح واللي جاي
وهو يفكر بفايزه
فتح جواله وبدا يطالع في رقمها
ويقول بخاطره متى راح تجيني الجرأه وراح اتصل فيها
متى راح تعرف وش قد انا احبها وش قد انا اتعذب بداخلي بدون محد يعرف بهشي
ليه اهي نست ايام طفولتنا وليه نست كيف كنا نحب بعض
ليه الايام فرقتنا والمشاغل بعدتنا عن بعض متى راح ترجعنا الضروف لبعض
وهو يفكر ويفكر تذكر موقف مر عليهم وهم صغار
كانو جالسين ع البحر يلعبون بالتراب
بعدها قامو يتمشووووون ويلعبون ويركضون الين اتعبو وجلسو ع البحر
وضلو ساكتين فتره بس يتأملون بالبحر وألوان الغرووووب
ويتذكر كيف انه بكل براءه مسكـ بيد فايزه وابتسم لها
وقال لها : انا احبكـ وماراح اترككـ
شوفي كيف الشمس تتركنا وتروح
والقمر بعدين يتركنا ويروح
انا ماراح اترككـ واروح بصير غير عنهم
ويتذكر كيف انها نزلت راسها واخجلت من كلام محمد
محمد اوتعى للحقيقه ...
يناضر للقمر ويقول
محمد : انا وعدتها اني ماراح اتركها وخنتها وتركتها طول هالسنين ...
بس قلبي للحين يحبها ويبيها بس منو يعرف ويحس ,,,

محمد بعد تفكير طال ساعات تركـ كل شي في باله وراح على فراشه ونام
عشان عنده شغل من الصباح في الشركهـ

وبعد ماخيم الهدوء على الجميع وضلم الليل والكل تركـ هموم امس عشان يعيش يوم باكر ..

في الصباح .......

~¤¦¦§¦¦¤~ في بيت عمر~¤¦¦§¦¦¤~

صحت علياء من النوم وصحت عمر
علياء : عمر ...... عمر
عمر بصوت نايم وتعبان : نعم
علياء : انت متى جيت ونمت ماحسيت فيكـ
عمر : جيت امس متأخر وديت المسكينه المستشفى ..
علياء : وستين سكينه في قلبها قول امين
عمر وهو يلتفت للجهه الثانيه : تعبان خليني اكمل نومي
علياء : اذا كلمتكـ لاتصد عني
عمر : امري
علياء : وينها الحين ؟
عمر : منومه بالمستشفى
علياء : روحه بلا رجعه
عمر وهو قايم من فراشه : الظاهر اني ماراح انام مرتاح
ودخل الحمام عشان بيترووووش وبيروح لشركهـ

~¤¦¦§¦¦¤~ في الشركهـ~¤¦¦§¦¦¤~

دخل عمر على مكتب محمد
محمد : هلا عمي
عمر : صباح الخير
محمد : صباح النور ياهلاا
عمر : شخباركـ
محمد : بخير والله والحمد الله
عمر : دوووووم يارب
محمد : تدوم انفاسكـ
عمر : ها محمد وش راح نسوي على موضوعنا
محمد : والله مادري انت شرايكـ
عمر : اليوم احسه يوم مناسب ..
محمد : شوركـ وهدايت الله
عمر : نجهز اجتماع خاص فينا شرايكـ
محمد : حلو
عمر : اوكيه انا بقوم اجهز كل شي
محمد : الله يعطيكـ العافيهـ

~¤¦¦§¦¦¤~ في الشركهـ~¤¦¦§¦¦¤~

في الاجتماع اللي جهزه عمر ومحمد
دخل فيه فيصل وبو محمد والكل جلس مكانه
بو محمد وهو يسأل : شنو سبب هالاجتماع المُفاجئ
فيصل : شفيكم قولو وش عندكم
محمد يطالع في عمه عمر وكأنه يقول له تفضل قول كل شي عندنا
عمر يطالع في محمد ولسانه مربوط ولا هو عارف وش به يبتدي
واللي سواه وبكل سهوله حط الشنطه حقت بو فيصل اللي اخذوها من عند المأجر
على الطاوله وقبل لايفتحها طالعها فيصل وقلبه مخنوق والعبره خنقته عرف ان هالشنطه حقت ابوه بو فيصل شلون اوصلت هنا اكيد ان فيها سر وشي كبير
عمر بعد ماحط الشنطه ع الطاوله قال : انا ماراح اقول شي
ولا محمد تعرفون ليه ؟
بو محمد وفيصل : ليه
عمر : لأن احنا في شي مخبينه عليكم من زمان واليوم بس راح نعترف بكل شي
لان هالشي مانقدر نتحمله بروحنا احنا محتاجينكم معانا
بو محمد مستغرب : شنو هالشي
عمر فتح الشنطه وطلع الرساله اللي كتبها بو فيصل بخط يده
وعطاها بو محمد وهو يقول : الرساله هذي منها راح تعرفون كل شي
قراها بو محمد وملامح وجهه ماتغيرت وكأن كل اللي قراه ماتأثر فيه ولا صدمه
اخذها فيصل وقلبه مقبوض والعبره خنقته عرف ان هالرساله من عند ابوه الغالي
اخذها وقراها وعيونه من اول كلمه قراها بدت تهل بالدموع وماقدر يمسكـ نفسه
بو محمد بعد ماقرا الرساله نزل راسه وكأنه ينتضر رد فيصل على الرساله
فيصل بعد ماخلص حط الرساله ع الطاوله وهو يطالع بمحمد وعمر
فيصل والدموع على عينه : معقوله .؟.
محمد : ايه مثلكـ احنا انصدمنا بس هذا الواقع اللي خباه عنا بو فيصل الله يرحمه
فيصل : شنو يعني معقوله كل شي عندنا ديوووون بديووون
معقوله انا عندي تخت ثالثه غير فضه وفايزه ؟
بومحمد : ايه معقوله يافيصل ايه معقوله
عمر ومحمد وفيصل انشدّو لأبو محمد وضلو يسمعون له
بو محمد ويحس حاله مخنوق : بو فيصل الله يرحمه كان يأمني على كل اسراره
من يوم احنا صغار كان كل شي يقوله لي وكل شي يستشيرني فيه كنا اكثر من اخوان
وكنا اكثر من اصدقاء كنت ادري بكل هالديون وكنت ادري بسالفة البنت اللي رموها على باب المسجد وليه ,,
بو محمد ودموعه على خده : بو فيصل كان يعتبرني مثل البير اللي يأمني على اسراره
وكنت انا اصون وعودي له وماكنت اخونه وكنت احافظ على كل شي يقوله واكتمه
بو فيصل لما مات انا مت بس بدون ماحد يحس
بو فيصل اخوي لما مات وراح روحي راحت معاه
بو فيصل نصفي الثاني بو فيصل جزء مني وانا جزء منه
لليوم انا ولبوكرا انا كل مأذكره قلبي ينطعن مليون مره
بو فيصل ماكان لي بس اخو كان اكبر واكبر واكبر من كذا
ولان اليوم بو فيصل قرر يعترف بكل شي ويكتب كل اسراره لكم
انا قلت لكم شي ,, وبقول سالفة البنت اللي رموها ع المسجد
فيصل ومحمد وعمر ملامح وجهم كلها حزن والم .. وضلو يسمعون من بو محمد كل السالفه
بو محمد ومنزل راسه ودموعه على خده : بو فيصل وام فيصل كانو يحبون بعض من قبل لايتزوجون
وكانت قبل سنين وسنين فيه مشاكل بين الاهل وماكان سببها بو فيصل وام فيصل
والكل يمنع زواجهم ورافضينه وحملت ام فيصل من بو فيصل
وضلو خايفين طول هالفتره من الاهل او ان احد يعرف بالسالفه
وكنت انا الوحيد اللي اعرف بهالشي
ولما حان وقت الولاده اولدت ام فيصل وجابت بنت ولا منها في الجمال
خافت ام فيصل وابو فيصل خصوصاً انهم مو متزوجين وبالعيله كلا مشاكل
قررو وصار قرارهم نهائي يرمون البنت على باب مسجد وينهون المشكله
لانهم كانو بين مصيرين يأنهم يرمون البنت بدون ماحد يعرف بشي
او انهم يموتون وتموت البنت معاهم ويخبون العار اللي راح يصير للعيله كلها
وبعد اشهر الحمد الله تحسنت الامور وكل شي صار تمام وتزوجو من بعض
والبنت لليوم مانشوفها ولا ندري عنها بشي وهذي طبعاً بالمختصر
فيصل دموعه على خده : كل ذا امي وابوي تحملوه وشافوه بدنيتهم ولا ندري
محمد قام جنب محمد ومسح دموع عينه مع ان محمد قلبه ذاب من الكلام اللي سمعه : فيصل حبيبي لاتصيح ولا تتأثر
الدموع الحين ماراح تغير شي من الماضي ولا راح تفيد
فيصل بس يصيح منصدم ومتأثر على اللي قراه وسمعه من بو محمد
فيصل : امي وابوي ماتو وتركو بقلبي اثر ماراح انساه طول عمري
محمد : انا وعمي عمر ماوريناكم الرساله عشان تتأثر او تتضايق احنا نبي نتساعد ونوقف بيد وحده
ونحل كل المشاكل ونصير اقوا من كذا
بو محمد مسح دموع عينه ووقف وحضن فيصل وقال له : يافيصل لاتصيح ولا تتألم ترا اللي صار نقدر نغيره ونخليه افضل وافضل ونعوض كل شي راح
فيصل وهو يصيح : نقدر نعوض الفلوس وكل شي بس مانقدر نعوض روح امي وابوي
بو محمد : امكـ اهي زوجتي ام محمد وابوكـ انا
فيصل ضل بحضن بو محمد ويصيح ويصيح وكأن قلبه مقهور ومتألم ومجروح
بو محمد وهو يمسح دموع فيصل : ترا بو فيصل وصاني عليكـ وكل يوم يوصيني عليكـ
احس ان مو بس بو فيصل ابوكـ انا حاس حالي حتى انا ابوكـ واحس انكـ مثل ولدي محمد والله يشهد ويعلم بكل شي
فيصل وحضن بو محمد : وانا من لي غيركـ من بعد ابوي
طبعا هالموقف اثر في نفس محمد ونفس عمر
وبكذا الكل تعلم بهالاجتماع درس
بو محمد تعلم ان السر مهما انخفى وانخفى لازم راح يجي يوم وينكشف حتى لو طالت الايام
ومحمد تعلم ان الاخوه مو بس بالدم وبالحم وتعلم ان الاخوه بالحنان والحب المتبادل
وفيصل تعلم الصبر والقوه والحب والاخلاص من اللي سمعه وعرفه من بو محمد
وعمر تعلم وعرف بهالحظه ان مافيه احلا من الاخوه خصوصاً اذا كانت اخوه صادقه
وتمنى لحضتها لو ترجع الايام ويكّون علاقه جديده بين اخوانه ومافيه شي يفرقهم

~¤¦¦§¦¦¤~ في الشركهـ وبعد مالكل رجع لمكتبه~¤¦¦§¦¦¤~

في مكتب محمد
دخل باسم عليه
محمد : تفضل
باسم : تفضل هذي اوراق معامله قريتها والحين عليكـ تقراها وتتأكد منها وتوقع عليها
محمد : اوكيه مو مشكله الحين ياباسم احنا بهالوضع لازم نقبل اي شي يجينا عشان احنا محتاجين
الشركه بوضع مقارب الانهدااااااااااااااام ومن زمان لا معاملات ولا شي عدل يجينا
بس الحمد الله يارب اليوم مشينا شي عدل
باسم: الحمد الله ان شاء الله دوم
محمد : الله كريم والله اني مبسوط حيل
باسم : دوووم يارب
محمد وقع ع الاوراق : تدوم انفاسكـ ودها لبوي الحين
باسم : ان شاء الله يالله عن اذنكـ
طلع باسم من مكتب محمد وسكر الباب
محمد : الحمد الله يارب الحمد الله انا اليوم حيل مبسوط
وناقصني شي واحد ولازم الحين الحين اتجرأ واسويه عشان ارتاح
واخذ جواله واتصل على فايزه

~¤¦¦§¦¦¤~ في بيت بو فيصل~¤¦¦§¦¦¤~

فايزه بغرفتها تذاكر
الا رن تليفونها
فايزه : رقم غريب من متصل فيني
حطته صامت على هالمكالمه وكملت مذاكرتها

~¤¦¦§¦¦¤~ في الشركهـ~¤¦¦§¦¦¤~

محمد : وش فيها ماترد
خلني اتصل مره ثانيه وثالثه ورابعه الين ماترد

~¤¦¦§¦¦¤~ في بيت بو فيصل~¤¦¦§¦¦¤~

فايزه : اووووووف انزعجت
خلني ارد يمكن وحده من صديقاتي مغيره رقمها
فايزه اخذت جوالها وردت : الو
محمد في قلبه : يمه قلبي ردت وش اقول .. اخاف تسكر
فايزه : الوووو
محمد وقلبه حيل يدق ومو مصدق
فايزه : الووو
محمد يبي يقول شي مو عارف
وتوه بيقول ايوه الا هي سكرت الخط
محمد : سكرت كلا من غباااااااااائي وبرودي
وش فيني متشجع وكل شي ولما ردت ارتبكت وخفت
خلني اتصل ثانيه ولازم هالمره اكون اقوا من قبل
اتصل ثانيه
فايزه : الو نعم
محمد : هلاا
فايزه : منو
محمد : محمد
فايزه خافت وتغيبت شوي : اي محمد
محمد : محمد ولد عمكـ
فايزه وخجلت ونصدمت : محمد ؟
من وين لكـ رقمي ؟
محمد : اقولكـ وماتزعلين
فايزه : قول
محمد : اخذته من جوال اختي مها بدون ماتدري
فايزه وهي مبتسمه وخجلانه بنفس الوقت قالت : وش ذا الجرأه فيكـ تاخذ ارقام الناس
محمد : بس انتي مو اي ناس
فايزه : وش تقصد
محمد : يعني انتي بنت عمي
فايزه : وبنت عمكـ تاخذ رقمي وبس بدون استأذان
محمد : لاتفهميني غلط بليز
فايزه وتسوي روحها جاده : بعد هالتصرف شلون تبيني افهمكـ ؟
محمد : ادري غلطان بس والله مجبور
فايزه : ومن جبركـ ؟
محمد : الناس كلها ومنهم اهلي
فايزه : وش دخل الناس واهلكـ
محمد : وانتي بعد معاهم
فايزه : بعد انا معاهم ؟ وش لنا دخل
محمد : ايه محد فاهمني منكم
فايزه : يؤؤ محمد شفيكـ
محمد : ايه انا كم مره احاول اوضح لكـ واوضح لمها وأوضح لأمي وابوي ومحد حاس او فاهم
انا تعبت وقلت لازم انا اعترف لها بكل شي واسوي انا كل شي وبدون واسطة احد
فايزه وهي فاهمه بكل شي بس تتغيبه عليه : توضح شنو
محمد ويبي يضيع السالفه لانه مو عارف وش يقول : اول شي وش اخباركـ
فايزه : الحمد الله بخير
محمد : وش اخبار فهد
فايزه وكأنها تبيه يرجع لموضوعهم : الحمد الله بخير
محمد : وينه اهو الحين
فايزه : بالملعب
محمد : اوه فهد كلا بالملعب
فايزه : ايه
محمد : ايه وش اخبار بعد من امممـ
فايزه : اختي فضه
محمد : ايه صح فضه شخبارها
فايزه : زينه الحمد الله
محمد : ايه وبعد من ....
قاطعته فايزه : بس خلصو مابقى احد نرجع لموضوعنا
محمد : ها
فايزه : ايه عشان ننهي مكالمتنا
تقول اللي عندكـ وتوضح اللي عندكـ
وتنهي المكالمه وماتتصل بعد مره ثانيه وتحذف رقمي
محمد : ها
فايزه : ايه
محمد : لا
فايزه : وشو اللي لاا
محمد : مابي احذف رقمكـ ولا ابي اخلص من اللي بقوله
فايزه : ليه
محمد : لاني ....
وماعرف وش يقول وقال يالله مع السلامه
وسكر الخط
فايزه وهي مبتسمه وخجلانه وفرحااانه : وش فيه محمد ...؟
والحمد الله واخيراا من زمان وانا انتظر هالحضه
ياربي ليه اليوم بذات اتصل فيني
ليه اليوم بس تجرأ واخذ رقمي ...
ياربي وش قد انا مبسوطه ,,,
الا بدخلة اختها عليها
فضه : شفيكـ بسم الله عليكـ
فايزه : بسم الله انتي وش لون تدخلين غرفتي بدون احم ولا دستور
فضه : خفت عليكـ سمعتكـ تقولين والحمد الله واخيراا بصوت عالي ومدري وش تقولين والله مافهمت
فايزه : حرام يعني لحمدت الله
فضه : ايه عاد لا موحرام بس ليه تحمدينه
فايزه : اقول يالله قومي عني بسرعه قومي روحي غرفتكـ
الا يقطعهم صوت مسج
فضه بتطفل : اوه مسج من عند مين ؟
فايزه وجهها صار احمر وقلبها يدق حيل خافت : وانتي وش لكـ دخل يالله قومي بسرعه طلعي عني
فضه : افااا يعني الحين صار عندكـ اسرار
فايزه وقامت من السرير وطردت اختها وقومتها بالغصب : يالله طلعي عني
فضه وهي تتمسكن : لا لا منتي اختي اهئ اهئ
فايزه وهي اتسوي كذا تبي تشوف المسج : بعدين افتح لكـ الباب يالله باي
وسكرت باب الغرفه وراحت بسرعه على سريرها وفتحت المسج
اول شي شافته من رقم محمد نفس ماقلبها حاس
ونص الرساله
اللي كنت ابي اوضحه لكـ اهو اني

















احبكـ ...

فايزه وهي تبتسم وشهقت بقوه سكرت جوالها: لا ماصدق مستحيل وش اللي قاعده اشوفه
يمكن اني ماقريتها عدل خذته ثانيه قرتها ثانيه وثالثه ورابعه
يااااااه مستحيل ماني مصدقه احس اني بحلم مو بعلم
ياااااااااربي يااااااااربي
موعارفه وش اسوي وش ارد وش اقول
احس اني فقدت عقلي
ياربي شقد جريئ بكل سهوله قالها كذا لي
ياربي لااااااا لااااااا احس بيغمى علي مو بالدنيا انا
انا بعالم ثـــــــــــــــــاني
ااااااااه يمه قلبي شفيني انا
فايزه : شفيني انا كأني ماصدقتها من الله
عيب علي خليني احاول اني ابين له اني ماهتمت لرساله
عشان لايقول عني خفيفه وماصدقت على الله
ههههههههههههههه
الا بصوت فضه من برا الغرفه : اختي وش فيكـ تضحكين
قامت فايزه لها وفتحت الباب وحضنتها حيل
فضه مستغربه : وشفيكـ .؟ مبسوطه .؟
فايزه : ايه مبسوطه حيييييييييييييييييل
فضه : ان شاء الله دوم
فايزه : اكيد خلااااااااااااااص من يوم ورايح انا دايم مبسوطه وسعيده وفرحانه
فضه : سبحان مغير الاحوال
فايزه : شفيكـ والله انا مبسوطه يعني مو عاجبكـ
فضه : الا عاجبني وحيل عاجبني
الا يقطعهم صوت جوال فايزه يرن
فايزه : يالله يالله باي يالله روحي بعدين اكلمكـ
وسكرت باب غرفتها وقفلته
فضه : الحمد الله والشكر
وراحت فضه لغرفتها
فايزه : هذا رقم محمد ارد ولا لا
خليني الحين لا أرد واذا اتصل مره ثانيه ارد..
محمد : ياربي وش فيها ماترد
اخاف انها زعلت من المسج
ياربي انا وش فيني غبي مجنون ارسل لها مسج كذا
محمد : خلني اجرب مره ثانيه
فايزه : خليني اتغلى بعد شوي مأرد عليه
محمد : ياربي انا وش سويت وش ذا الغلطه اللي غلطتها
انا غبي ارسل لها رساله فيها كذا واول رساله كان انتضرت شوي
كلا مني ياربي الحين وش اسوي
خليني ارسل لها رسالة اعتذار

فايزه : شفيه وقف من الاتصالات ليكون مل وزهق بسرعه
ياربي عليه شكله ملول وبسرعه يزهق
الا يقطعها صوت مسج
فتحته من عند محمد
نص الرساله
انا بجد اسف حيل اسف
ادري زعلتي بس والله والله
اني ماقلت الا الحقيقه
وماقلت الا اللي كان بداخلي
وكان بداخلي من زمان
انتي ردي وانا بفهمكـ كل شي
محمد

وبكذا انتهت الحلقهـ الثالثهـ عشر

واتمنى انها عجبتكمـ

[(ورود)]

••.`4•.•• (الحلقهـــ الرابعهـ عشرهـ) ••.`1•.••

بعد ماقرت فايزه الرساله اللي رسلها لها محمد
فايزه ابتسمت : ياربي فكرني زعلت
مايدري اني ابي اتغلى عليه .. هههه

الا اتصل عليها مره ثانيه
فايزه : ارد ولا خلاص ارد ولا خلاص ارد ولا خلاص
خلني اتغلى بعد مره ومأرد الحين بس اذا اتصل مره ثانيه ارد
محمد : برضو ماترد
انا وش سويت ياربي عاد من البدايه سوي كذا مو عدله
صج اني اي شي وماعرف اتصرف
مجنووووووووووووووون
خلني اجرب مره ثانيه اتصل
فايزه : يالله خلني ارد الحين بس خلني اصبر شوي
احم احم اعدل صوتي هههه
فايزه لانها صج زعلاانه : نعم
محمد : اشوا انكـ رديتي
فايزه : وماكنت ناويه ارد
محمد : لو مارديتي بضل اتصل لين تردي
فايزه : انا عندي اختبار وابي اذاكر
محمد : والله عندكـ اختبار بوكرا وزعجتكـ
فايزه : لا مو بوكرا
محمد : اشوا متى اجل
فايزه : انا اذاكر لنهائي
محمد : اهاا اشوا
فايزه وكأنها زعلانه : طيب اختصر
محمد : انا اسف انتي زعلتي ؟
فايزه : انت شوف وش سويت بعدين اسألني
محمد : انا ماسويت شي يزعل بس انتي مادري كأنكـ زعلتي
فايزه : ايه زعلت
محمد : ليه يعني حرام لو قلت اللي بخاطري
فايزه : ماردت عليه
محمد : ايه انا احبكـ وانتي تدرين من يوم احنا صغار واحنا نحب بعض
فايزه ضلت ساكته بس تستمع له وهي مبسوطه وخجلانه بنفس الوقت
محمد : فايزه ذكري يوم كنا صغار وش كنت اقول لكـ
وذكري انا وش قلت لكـ يعني معقوله ماتذكرين ولا شي
ولا اي شي حرام عليكـ انا دايم اتذكر مواقفنا يوم كنا صغار
ودايم اقول مدري فايزه للحين تذكر او نست كل شي؟
محمد سكت
وفايزه سكتت
محمد : فايزه
فايزه : نعم
محمد : ايه انا احبكـ
واذا ماسمعتيها بقولها ثانيه وثالثه وبقولها لكل الناس
فايزه وخنقتها العبره وتحس حالها بتصيح
محمد : انا مستعد اسوي كل شي يثبت لكـ واي شي انا مستعد اسويه
بس عشان اثبت لكـ واثبت للكل اني احبكـ
واذا انتي ناسيه انا بذكركـ وش كانت امي تقول لأمكـ الله يرحمها
وبذكركـ بكل المواقف اللي عشانها مع بعض
الا بدخلة باسم عليه ...
محمد يكلم فايزه : ثواني شوي
محمد : تفضل
باسم : في مناقصه توها جديده نازله
وشوي وراح يجي صاحبها بس ضروري تقراها وتشوفها
وتطّلع عليها قبل لايجي
محمد : اوكيه مو مشكله حط الاوراق وانا الحين اقراها
باسم : تفضل
يالله عن اذنكـ
محمد : الله وياكـ
فايزه كانت تسمع كل شي لانه ماسكر الخط
محمد : الو
فايزه : معاكـ
محمد : اسف ع التأخير
فايزه : انت بالشركهـ
محمد : ايه بالشركهـ
فايزه : بالشركهـ وتكلمني
محمد :شفت نفسي فاضي ومبسوط وقلت اكلمكـ
فايزه : بس الحين ماعتقد انكـ فاضي
محمد : لا افضي نفسكـ عشانكـ
فايزه : لا خلاص شوف اشغالكـ احسن لكـ مني
محمد : لا انتي احسن من كل شي
فايزه : والمناقصه اللي جاتكـ
محمد : شفتي كيف وجهكـ وجه خير
فايزه بغرور : طبعا
محمد : هههههه طبعنين
فايزه : يالله انا اخليكـ الحين
محمد : لا حرام عليكـ لاتخليني اموت اذا خليتيني
فايزه : انا اقصد الحين
محمد : يعني مابتخليني الا الحين
فايزه خجلت وسكتت ماردت
محمد : انتضر رد
فايزه بخجل : ماعندي رد
محمد : طيب عادي اخلص شغلي واكلمكـ
فايزه : لاا
محمد : ليه
فايزه : لاني بذاكر
محمد : الحين ذاكري واذا خلصت شغلي بتصل وكلميني زين
فايزه وهي تتغلى : لاا
محمد : ليه لا الاختبار اسبوع الجاي .. يكفيكـ الوقت تذاكري
فايزه : بفكر
محمد : اوكيه يالله باي يااااا ...
فايزه : باي
محمد : لحظه عادي اكملها
فايزه : لا يالله باي
وسكرت الخط وهي مبسوطه وفرحانه والدنيا مو شايلتها
ومحمد بالشركهـ مبسوط حيل حيل مو مصدق كل اللي صار
ويقول بنفسه اليوم احلا يوم بحياتي

~¤¦¦§¦¦¤~ في بيت بوفيصل ~¤¦¦§¦¦¤~

فايزه نزلت لصاله بعد ماسكرت من عند محمد مبسوطه وطايره فيها الدنيا
فضه : هلاوالله
فايزه : هلا بيكـ
فضه : تعالي جلسي وقولي لي وش فيكـ
فايزه : مافيني شي
فضه : مساع تقولي انكـ مبسوطه ومدري شنو
فايزه : مافيني شي حرام اذا صرت مبسوطه
فضه : لا مو حرام بس اكيد في سبب
فايزه : مافي سبب
فضه : افااا تخبين علي وانا اختكـ وصديقتكـ
فايزه : ماخبيت عليكـ شي
فضه : طيب منو متصل عليكـ مساع والمسج وغيره
فايزه : ها
فضه : ايه
فايزه : انتي وش دراكـ ؟
فضه : مو غبيه
فايزه : محد
فضه : قولي ماتثقين فيني
فايزه : الا
فضه : اذا تثقين يالله قولي
فايزه : بقولكـ بس لاتقولي لحد
فضه : قولي
فايزه : اللي متصل
فضه : منو
فايزه نزلت راسها وابتسمت : محمد
فضه : اوه محمد
فايزه : ايه
فضه : من محمد
فايزه : يعني منو ولد عمي
فضه : وليه الوجه صار احمر
فايزه ضربت اختها على رجلها
فضه : طيب وش يبي ومن وين له رقمكـ وش قالكـ ؟
فايزه : شوي شوي علي وبعلمكـ كل شي
فضه : يالله انا اسمعكـ
وعلمت فايزه فضه كل شي صار بينها وبين محمد
الابرنة جوالها
فضه : منو ؟
فايزه : اخوي فيصل
فيصل : هلا فيووووز
فايزه : هلا بيكـ شخباركـ ؟
فيصل : الحمد الله بخير وانتي وش اخباركـ ؟
فايزه : بخير يالقاطع دامكـ بخير
فيصل : انا قاطع انا الحين بالطريق جايكم بتغدا معاكم
فايزه : والله
فيصل : ايه والله
فايزه : خلاص حياكـ الله ننتضركـ
فيصل : الله يحيكـ
فايزه : جيب معاكـ لولوه ولعيال
فيصل : لا انا جاي من الشركه مو من البيت ان شاء الله مره ثانيه اجيبها معاي
فايزه : اوكيه مو مشكله يالله تعال حياكـ الله
فيصل : الله يحيكـ تعالي فهد موجود بالبيت
فايزه : لا بالملعب
فيصل : متى يرجع البيت
فايزه : ماله وقت معين
فيصل : خلاص اجل بتصل عليه انا الحين يالله باي
فايزه : بايات
وسكرت الخط من فيصل
فضه : بيجي فيصل
فايزه : ايه والضاهر عنده سالفه لنا
فضه : وش هالسالفه
فايزه : ماقال بس سألني عن فهد
فضه : عادي يعني وسألكـ عن فهد وش فيها يعني اذا سأل فيه سالفه
فايزه : والله مادري الله اعلم بقوم انا اشوف الشغاله وش مسويه لنا غدا واخليها تجهزه

~¤¦¦§¦¦¤~ في سيارة فيصـــل~¤¦¦§¦¦¤~

اتصل فيصل على اخوه فهد
فهد : اهلين وسهلين
فيصل : هلا بيكـ شلونكـ ؟
فهد : بخير الله يسلمكـ
فيصل : وينكـ انت الحين
فهد : والله بالملعب
فيصل : كل حياتكـ انت بالملعب اتفرغ لخواتكـ شوي شوف وش يبون مايبون
خصص لهم وقت احس كل وقتكـ للملعب اهم الحين لحالهم بالبيت اهتم شوي ياخوي
فهد : لااا مو لحالهم وياهم الشغاله والسايق اي شي يبونه يجيبه لهم واي مكان يبونه يوديهم
فيصل : طيب متى تخلص من المعلب اليوم
فهد : امممم يمكن ارجع البيت الساعه 11 ونص باليل
فيصل : اوووووووووه حرام عليكـ
فهد : ليه امر
فيصل : والمذاكره تراكـ اخر سنه كليه نبي معدل
فهد : لا ولا يهمكـ منضم وقتي
فيصل : ان شاء الله اتمنى
فهد : ان شاء الله
فيصل : المهم انا الحين بروح بيتكم تعال ابيكـ
فهد : والملعب
فيصل : الحين عندكـ مباره
فهد : لا بعدين
فيصل : كم الساعه عندكـ
فهد : الساعه 4
فيصل : اووووه بدري تعال تغدا معاي بعدين ارجع الملعب
فهد : بيغدوني هنا
فيصل بمزح : اختصرها ياخوي وخلصنا قول انكـ ماتبي تشوفني وخلاص
فهد : ههههههههههههههه لا والله بالعكس انا مشتاق لكـ بجي الحين
فيصل : يالله بنشوف انتضركـ هناكـ ياويلكـ ان ماجيت
فهد : لا ان شاء الله بجي

وبعد نص ساعه وصل فيصل لخواته
طلعو له سلمو عليه ورحبو به وخلوه يدخل
فايزه : حياكـ اخوي حياكـ
فيصل : الله يحيكـ
فضه : حيا الله من جانا
فيصل : الله يحيكـ
شخباركم بس طمنوني عليكمـ
فضه : زينين اشتقنا لـ لولوه والعيال سلم عليهم
فيصل : يبلغ السلام مشتاقين لهم تعالو لهم البيت
فايزه : والله اخوي السبت الجاي اختباراتنا النهائيه ونذاكر
فيصل : الله يوفقكم بعد الاختبارات تعالو
الا بدخلة فهد
فضه : اكيد بعد الاختبارت بنجيكم هههههههههه
فهد : السلام عليكم
فايزه والكل: وعليكم السلام
فيصل : زين جيت
فهد : افا انا قلت راح اجي ماتثق فيني انت ؟
فيصل : لا واثق فيكـ ... حياكـ تفضل
فهد : وين الغدا
فايزه : يالله الغدا جاهز
فضه : يالله قمنا
وراحو ع الطاوله وتغدو وطول الغدا سوالف وضحكـ مع بعض
وبعد ماخلصو من الغدا ارجعو لصاله
وقعدو يسولفون
فيصل : انا بصراحه اليوم جاي لكم بخصوص موضوع مهم
فهد : شنو
فايزه : خير وش صاير
فيصل : اتمنى منكمـ ماتتأثرون ولا يهزكم شي
فضه : شنو وش صاير
فيصل : ابوي
فايزه : وش فيه ابوي
فضه : فيصل تكلم
فيصل وطلع ورقه من جيبه : انا بخليكم تقرون هالورقه وانتو تتفهمون كل شي
وعطاها فهد وقراها وحواليه خواته
بالبدايه انصدمو صدمه كبيره
ماصدقو
فايزه : شنووو هذا مستحيل
فضه : مو مصدقه اللي انا اقراه
فهد : شنو هذا
معقوله يعني كل هالعز الي عايشين فيه كله دين بدين
فايزه : انا ماني مصدقه
فضه : اخوي قول كلام غير هالكلام
فهد : من وين جايب هالورقه
فيصل : اول امس محمد جمعنا انا وعمي عمر وبو محمد ورنا هالورقه واوراق ثانيه
فايزه : من وين جايبها
فيصل : لما راح البحر يسأل عن امي وابوي
المأجر عطاه هذي الورقه محطوطه في شنطه فيها كل هالاشياء
فايزه : وليه تونا نعرف بهالسالفه ومن هذي البنت اللي لانعرف اصلها ولا فصلها
فيصل : مادري والله انا مثلكم محتار ولا احنا عارفين وش نسوي
فهد : والله انا مصدوم من اللي قاعد اسمعه
فيصل : وانا بعد بالبدايه انصدمت بس لازم هذا الواقع ولازم نستحمله ونعيشه
والحين وبعد ماعرفتو الحقيقه وفهمتو كل شي لازم الحين نساعد بعض
ونحل هالمشكله مع بعض
لازم بالبدايه راح نواجه صعوبات بس لازم نتعداها
اوكيه ؟
فهد : والحين وش راح نسوي
فيصل : بالبدايه لازم نحاول نسدد جزء من الديون
لان عمي بو فيصل متحمل كل شي لحاله
والبنوكـ والسلفيات والناس دايم قاعده وتطالب فيه
وكل يوم تيجيه اتصالات وهو حامل كل ذا بحاله
لازم نساعده شوي
نبيع الا**** وبنبيع اللي نقدر عليه عشان نسدد جزء من الديون
فهد : فكره حلوه والله يوفقكم
فيصل : الله كريم
الحين انا تأخرت وعندي اجتماع بالشركه ومابي اتأخر اكثر
انا استأذن الحين وانتو فكرو بالموضوع وقلت انا يوصل لكم الخبر مني
وماتسمعونه من برا وتنصدموووون
يالله مع السلامه
الكل : الله وياكـ

~¤¦¦§¦¦¤~ في غرفة الاجتمـــاع~¤¦¦§¦¦¤~

بو محمد : هذي الاوراق والمستندات اللي كلها مكتوب فيها كل الديون وغيره اللي كانو على بو فيصل
وطبعا الحين بعد ماتوفى احنا ملزومين انسدد كل شي عنه
فيصل : ايه نعم
محمد : انا جاتني فكره من اول
نحاول ان احنا نوفر مبلغ في كل شهر ونحاول نسدد جزء جزء الين ماتخلص الديون
عمر : وفي عندكـ بالاوراق الارقام والاعداد اللي ممكن ان احنا نتوصل لها
بو محمد : تمام
بس المشكله مو هنا
المشكله لازم نعتبر ان احنا ولا شي ولا ريال نقدر نملكه لأنفسنا
ودام الكل منا عرف بالمشكله اللي تواجهنا وتواجه الشركه
لازم نحاول نكثف في الشغل والمعاملات عشان الفائض تقدر نسدد فيه جزء بسيط
عمر : المشكله ان المعاملات توصل الشركه بس بعدين تنسحب
محمد : انا هذا اللي قاهرني
بو محمد : هذي بعد مشكله تواجهنا لازم نعرف وش الاسباب
فيصل : انا حاولت اعرف الاسباب لاكني ماقدرت اوصل ولا لسبب
بو محمد : خلاص معناها انها مو رزقنا ولازم انفكر بأشياء ثانيه نملكها احنا
مثل الا**** حقيني
امممـ البيت حقي
العماره اللي بالمدينه حقي ملكي انا
فيصل : انا املكـ لنفسي ارض وحده والبيت اللي نسكنه
عمر : وانا عندي 3 ا**** والبيت اللي نسكنه
بو محمد : تمام هذي الاشياء اللي عددناها ملكنا احنا مو دين
يعني الحين هذي الشركه دين والعمال وكل شي فيها مو لنا وراح يجي اليوم اللي نخسرها ونخسر كل مافيها
احنا بتعاونا راح نحاول نملكـ هذي الشركه وتصير ملكنا ونرتاح
واللي اقصده من كلامي
ان احنا نبيع الا**** واكيد انها راح تجيب مبلغ حلو نغطي فيه جزء من الدين
فيصل : فكره حلوه
عمر : وانا كلي حلال وفدوه لكم
بو محمد : مشكورين مبادره حلوه منكم
والعمارتين مانقدر نبيعها
لانها اهي مصدر لربح لنا في كل شهر
وهذا اول شي راح نسويه في هالشهر عشان ع الاقل نشطب ع البنوكـ والسلفيات وتبقى لنا الاشياء الثانيه
عمر : حلو
فيصل : وراح يساعدنا على هالشي الخطوه اللي قمنا بها
محمد : اي خطوه تقصد
فيصل : اللي استغنينا فيها عن بعض الموضفين اللي مالنا حاجه فيهم
محمد : اكيد اصلن هالشهر رواتب العمال راح تساعدنا كثير كثير
بومحمد : ايه صحيح
عمر : وهذا اللي نسعى له
بو محمد : يالله بالتوفيق يارب
فيصل : الله يعطيكمـ العافيهـ
بو محمد : الله يعافيكمـ تقدرون الحين ترووحون مكاتبكم وتشوفون اشغالكم

وفـــــــــي الليل ,,,,,,,,

~¤¦¦§¦¦¤~ في بيت بوفيصل ~¤¦¦§¦¦¤~

فضه بغرفتها تتزين وتتعدل وتتكشخ وتتعطر وتتمكيج
الا دخلت عليها اختها فايزه
فايزه : اوووه وش ذا الجمال وش ذا الكشخه
فضه : بروح لصديقتي
فايزه : من
فضه : وضحى
فايزه : لا والله ومن سمح لكـ تروحي
روحي حق كل الناس اما وضحى لا لاتروحين لها
فضه : ليه عاد
فايزه : بس مو داخله مزاجي
فضه : لا مو على كيفكـ
فايزه : فضه لاترادديني
خلاص قلت لكـ لا تروحين يعني لاتروحين
فضه وهي تحط الفرشاه : لا حبيبتي بروح يعني بروح
صحيح انكـ اختي الكبيره بس مو معناه تتحكمي فيني بكل شي
فايزه : انا حابه مصلحتكـ
فضه : وشنهي مصلحتي
فايزه : مصلحتكـ انكـ ماتروحي
فضه : عطيني سبب مقنع
فايزه : مو داخله مزاجي هالوضحى وانا مو مرتاحه لها
وانا احساسي مايخيب وصادق ومامره خاني ..
فضه : ومو لازم تدخل مزاجكـ عشان اروح او مأروح واحساسكـ بصديقاتي مايهمني
كا انتي اذا بتروحي لاصدقائكـ انا ماقول لكـ شي ولا امنعكـ
فايزه : فضه طيعيني انتي رحتي المره الماضيه وانا من رحتي لين جيتي وانا احاتي فيكـ
فضه : يووووه لاتملليني بعدي عن طريقي
فايزه : وشوفي وش سويتي فيني تركتي جوالكـ يرن يرن يرن وانتي على قولتكـ مانتبهتي له
فضه : والله اليوم ماخذه درس بخليه مفتوح وبحطه هزاز زين عشان اذا ماسمعته احس بهزته اوكيه ارتحتي كذا
فايزه : لا مارتحت
فضه : شوفي اختي لاتخليني اسوي شي مايعجبكـ بالطيب وبالرضا بعدي عن طريقي
فايزه : شوفي اخليكـ اتروحي بس بشرط
الا رن جوال فضه
فضه : هلا وغلاا
وضحى : وينكـ
فضه : يالله كاني جايه
وضحى : لاتتأخري ترا كل الشله موجوده
فضه : لا لا كلها كم دقايق وانا عندكـ
وضحى : اوكيه باي
فضه : باي
وسكرت الخط ودخلت جوالها بشنطتها
فضه وهي كأنها تبي تمر : لو سمحتي شوي
فايزه : بعدي ماقلت شروطي
فضه : نسمعها بس بختصار
فايزه : اروح معاكـ
فضه : لا اسفه مابيكـ معاي مو بزره انا او طفله اخذكـ معي
فايزه : وليه المره الماضيه سمحتي لي اروح معاكـ وهالمره لأ
فضه : اووووووهووووووو
وبعدت اختها بالغصب وطلعت

~¤¦¦§¦¦¤~ في بيت سالم ~¤¦¦§¦¦¤~

على موسيقى رومانسيه وشموع جلست ليلى على طاولتها
فتحت ليلى دفترها وكتبت كلمات تعبر عن اللي بداخلها وكتبت على اول سطر :
ذكرى جميله
كانت ليلى تعيش في ذالكـ المنزل الصغير الذي تحيط بها جدرانها وامها واباها فقط
ليلى لم تعرف ماهو الحب وما معناه وكيف هو طعمه
ولاكن وبعد برهة صغيره وفي يوما من الايام
وفي يوم وهو من اجمل الايام
تعرفت ع الحب وعشته وعرفت معناه وطعمه وصدقه
نعم
كم هو الحب جميل
وكم هو رائع
نعم احببت
احببت انساناً قد احبني بكل جوارحه
واحببته بكل مافيني
لاتعلم امي ولا ابي ولا اعرف كيف اواجههم واقول لهم احببته ..
ليلى ..
بعد ماكتبت ليلى هالكلمات حطت قلمها وبدت تفكر وتفكر كيف اخبر امي وابوي
وكيف لو عرفو وش بتكون ردة فعلهم .,,
الا اتصال من خالد قطع عليها حبل افكارها
ردت بلهفه
ليلى : هلا وغلاا
خالد : اهلين وسهلين حبيبتي
شخباركـ ؟
ليلى : الحمد الله بخير وانت
خالد : دامكـ بخير اكيد اني بخير
ليلى : دوم يارب
خالد : حبيبتي
ليلى : نعم
خالد : كتبت قصيده وتوني انتهيت منها
ليلى : والله
خالد : ايه
ليلى : سمعني اياها طيب
خالد : لا موالحين اذا تزوجنا اوريكـ اياها
ليلى بخجل : لا والله
خالد : ايه والله
ليلى : انزين وانا بعد كتبت وتوني انتهيت منها
خالد : والله توكـ
ليلى : ايه والله ماكذب
خالد : اوه شفتي شلون اقلوبنا على بعضها
ليلى : ايه
خالد : طيب سمعيني وش كتبتي
ليلى : لا اول انت
خالد : لا انا قلت لكـ اذا تزوجنا بوريكـ اياها
ليلى : طيب واذا ماتزوجنا
خالد : لا ان شاء الله بنتزوج
ليلى : ابوي ماراح يرضى
خالد : ابوكـ انا برجع له ثانيه وثالثه الين يقتنع فيني
ليلى : لهدرجه تحبني وتبيني ؟
خالد : واكثر وربي يشهد
ليلى : مشكور خالد
خالد : على ويش ؟
ليلى : على كل شي سويته عشاني
خالد : انا سويت كل شي عشان قلبي وعشان حبي لكـ
خالد : .................
ليلى : ...............
خالد : شفيكـ ؟
ليلى : مافيني شي
خالد : ليه ساكته
ليلى : افكر بكلامكـ
خالد : اي كلامـ
ليلى : اللي قلته قبل شوي
خالد : مو عاجبكـ ولا عاجبكـ
ليلى : تبي الصراحه
خالد : اكيد
ليلى : انا خايفه
خالد : من شنو
ليلى : اخاف اني اكون بحلم او اخاف اني انصدم بعدين منكـ بشي او بموقف
مدري كيف احيانا احسكـ صادق معاي بكل مافيكـ واحيانا اخاااف واقول اخاف انه بس يتسلى
اويلعب بمشاعري او انه بس يبي يكلمني وبس بدون حب وصدق
وبعدين اقول لا خالد يحبني بس ابوي وعناده اخاف يخرب كل شي
واخاف ينتهي هالحلم بصدمه كبيره سببها ابوووي وعناده
خالد : هذا كلامكـ عني
ليلى : ايه كلام قلبي وخيالي عنكـ وعن ابوي
خالد : انا الحين ماراح اجاوبكـ بس صدقيني الايام بتثبت لكـ
ليلى : لاتخوفني كذا قول الايام بتثبت لي شنو
خالد : اني احبكـ اكثر من نفسي
ليلى : متأكد
خالد : انتي شكلكـ مو واثقه مني
ليلى : والله واثقه بس مادري وش فيني
خالد : لا تخافين انا من البدايه قلت لكـ واعترفت لكـ بكل شي
انا اولاً ماعمري تجرأت وكلمت او لحقت اورميت رقم على وحده
غيركـ انتي
ثانيا : انا ماحبيت ولا راح احب احد كثركـ او مثلكـ
ليلى وهي مبتسمه : والله اني عارفه هههههههه بس امزح وياكـ بس ابي اعرف وش راح تقول لما اقولكـ كذا
خالد : لا والله
ليلى : هههههههه ايه والله
خالد : المهم يالغلاا
ليلى : هلاا
خالد : عندي لكـ خبر مدري ان كان حلو بالنسبه لكـ او لا
ليلى : قول شنو
خالد : اليوم وانا بالمسجد شفت شيخ اعرفه من زمان
لما شافني قعدنا نسولف و قعد يدعي لي ويدعي لي بعدين قال وعسى نبلغ فيكـ ونشوف عيالكـ
قلت له : الله كريم اتمنى والله ياشيخ هاليوم.
ليلى : ههههه لا والله
خالد : والله
ليلى : طيب كمل
خالد بعباطه : اكمل شنو
ليلى : بعد وش قال لكـ الشيخ
خالد : ابد سلامتكـ قال الله كريم
ليلى : وبعد وش قال
خالد : بس خلاص بعدين انا استحيت وفرحت واخذت كتاب الادعيه
وقريت لي دعاء ودعيت ربي ان الله يحقق كل اللي دعاه لي الشيخ
ليلى : وبعد
خالد : بعدين سلمت عليه وشكرته وطلعت من المسجد
ليلى : ايه وبعدين
خالد : بعدين رجعت البيت وصعدت غرفتي
ليلى : وبعدين
خالد : بس بعدين جلست اكتب لكـ قصيده
ليلى : وبعد
خالد : بعد ماخلصتها كلمتكـ
ليلى : وبعد
خالد : وبعد ماكلمتكـ نمت وحلمت فيكـ
ليلى : لا والله الحين متى قمت نمت وحلمت فيني
خالد : انا اتكلم لكـ عن المستقبل بعدين
ليلى : ههههههههههه
خالد : هههههههه
ليلى : خالد
خالد : عيون خالد
ليلى : انا محتاره
خالد : محتاره من شنو
ليلى : محتاره كيف اعلم امي وابوي عنكــ
خالد : ليه تعلمينهم
ليلى : خالد انا قايله لكـ من قبل انا اكلمكـ بدون مايدرون عني
خالد : واذا درو وش راح يصير
ليلى : اتوقع يذبحوني
خالد : لا ان شاء الله مايذبحوكـ اسم الله عليكـ بهواهم بس اهم يذبحونكـ انا تراني اذبح اللي يذبحكـ
ليلى : هههههههههه
خالد انا والله اتكلم جد
خالد : وانا والله اتكلم جد
ليلى : عطني حل
خالد : لاتقولين لهم ولا شي
وانا اليوم ولا بوكرا ولا اللي بعده راح اجي مره ثانيه واخطبكـ من ابوكـ
بدون لايدري عن شي وان شاء الله بنتزوج ولا احد بيدري عن شي
ليلى وهي مبسوطه ومبتسمه وبرضو حيل خجلانه : .......
ليلى : بس انا علمت نوره
خالد : علمتيها شنو
ليلى : عني وعنكـ وقلت لها كل شي
خالد : وش قالت
ليلى : نوره بنت طيوبه وحبوبه بس الزمن غدر فيها وخانها
ولا بالعكس ماقالت لي شي بالعكس وقفت معاي وتقول راح توقف معاي لاخر لحظه
خالد : تمام والله انها بنت طيوبه الله يعطيها على قد نيتها
ليلى : ايه والله
خالد : متى حابه اجيكم مره ثانيه
ليلى : مادري .. انا اخاف والله
خالد : مثل ماوعدتكـ وانا عند وعدي ولا تخافين ولا تحاتين احنا اكيد لبعض
ومافيه احد بيفرقنا ابدا ابدا
انا حاليا اجهز نفسي واستعد عشان الخطوبه وان شاء الله الله يسهل لي
ليلى وهي حابه يطول اكثر واكثر : يعني شنو
خالد : يعني اجهز نفسي
ليلى : تجهز نفسكـ شلون
خالد : يعني اجهز المهر وهالاشياء اللي حق العروس
ايه عشان امكـ وابوكـ مايصير لهم حجه علي كل شي جاهز بعد
ليلى : ايه انت تتحلمـ
خالد : هههههههههه دام هالحلم انتي فيه بتحلم فيه الين ماوصل له
ليلى : والله اني ادعي لكـ وانا بعد اتمنى نوصل للي نبيه
خالد : يالله ادعي وانا اسمع تراني محتاج لحد يدعي لي
ليلى : روح عسى الله يوفقكـ ويسعدكـ دنيا واخره
عسى الله يجعل لكـ في كل خطوه سلامه
وعسى ربي مايخيبكـ ويحقق لكـ كل امالكـ
وان شاء الله يارب يعطيكـ على قد نيتكـ
خالد : هههه مشكوره
ليلى : العفو
ويطلعون من سالفه ويدخلون بسالفه وخالد صار متعلق بليلى حيل
وهي تعلقت فيه وصار تحبه مثل مايحبها ويغليها

~¤¦¦§¦¦¤~ في بيت وضحى ~¤¦¦§¦¦¤~

صوت الاغاني والرقص والضحكـ والسوالف هزت الارض في بيت وضحى
وضحى : ههههههههه عن اذنكم يالغوالي شوي
فضه وهي مو سامعه كلام وضحى : شنو
وضحى بصوت اعلى : شوي وجايتكم
فضه بصوت عالي : اهااا عادي يالغلاا خذي راحتكـ
وضحى اشرت لصديقتها افنان عشان انها تقوم معاها
افنان قامت ورى وضحى : هلا
وضحى بصوت واطي : جبتي اللي قلت لكـ عليه
افنان :شنو
وضحى : الحبوب
افنان : ايه جبته كاهو معي بالشنطه ليه مصغره صوتكـ مأحنا هنا كلنا نستخدمها
وضحى : لا مو كلنا يالشاطره فضه اليوم لازم نعودها عليها
افنان : اوه فضه راحت عن بالي
وضحى : بكّسرها و بحطها الحين بكاس العصير حقها
افنان : تمام بتشربها بدون ماتحس
وضحى : ايه
افنان : ههههههههههههههه وطاحت بعد هي بيدينا
وضحى : مثل ماقلت لكم اجيبها واجيب عشره من امثالها
افنان : قويه
وضحى : طبعا
يالله تعالي وراي
وحفضي هذا الكاس لفضه
انتي وزعي على الشله كلها
لاتخلين كل وحده تاخذ على كيفها
افنان : يالله تعالي
ودخلوبالصاله اللي منزجّه بصوت الاغاني
دخلت وضحى وبيدها صينية العصيرات
وقدامها افنان توزع ع البنات
وصل دور فضه
افنان : تفضلي
فضه : مشكوره
خذته فضه وعلى طول شربت منه شوي
الا برنة جوالها فتحته شافت رقم اختها
فضه : اوهو هذي بدت الحين تتصل الحين انا شلون اكلمها
فوضى وازعاج يعني انا وين اروووح وش يقومني والله فشيله
خليني بس مارد اخليها شوي تولي اشرب عصيري واقعد شوي معاهم بعدين اقوم
وبعدين تو الناس توها ماصارت حتى 12 ونص واليوم الخميس اختي وش عاجلها ياربي
وسكرت جوالها وحطته بالشنطه وكلمت سوالف وضحكـ مع البنات

~¤¦¦§¦¦¤~ في بيت بو فيصل ~¤¦¦§¦¦¤~

فايزه : ياربي على هالبنت المجنونه المتهوره
هالبنت راح تجنني
مدري متى بتفهم وبتعقل
اووووووووووووف عليكـ يافضه
والله لاأزعجكـ لين ماتردين علي
وضلت تتصل تتصل تتصل بس فضه ماتسمع صوت الجوال
الا جاها مسج
فتحته من محمد
نص الرساله
ممكن الحين اتصل فيكـ ولا فيها ازعاج ؟
اذا ممكن لاتردين علي ولا بشي
واذا مو ممكن ارسلي لي مسج اكتبي فيه لاتتصل
فايزه : ههههههههههههه مجنون
ورجعت تتصل في فضه
وفضه سكرت جوالها وحطته بالشنطه ودتها وراها ماتسمع شي

~¤¦¦§¦¦¤~ في بيت بو محمد ~¤¦¦§¦¦¤~

وبعد مامرت ربع ساعه
محمد : ماردت علي يعني خلني اتصل فيها
اتصل محمد بفايزه
فايزه : ايوه
محمد : هلا وغلاا
فايزه : هلا بيكـ
محمد : شخباركـ
فايزه : مو زينه
محمد : افا ليه
فايزه : اختي طلعت ومن مساع اتصل فيها وماترد
محمد : وين رحت
فايزه : بيت صديقتها
محمد : يمكن شوي وترجع انتي لاتحاتين
فايزه : ليه اجل ماترد
محمد : اتصلتي فيها كم مره ؟
فايزه : وايد وماترد
محمد : يمكن صامت جوالها
فايزه : لا اهي قالت لي انها بتخليه مفتوح وهزاز
محمد : الله يعينكـ انتضري بعد ساعه اذا مارجعت يصير كلام ثاني
فايزه : مافيني انتضر بعد ساعه
محمد : طيب ماعندكـ رقم صديقتها
فايزه : لا ماعندي
محمد : ولا تدلي البيت
فايزه : لا مادله
محمد : من موديها اجل
فايزه : السواق
محمد : اتصلي فيه وخليه يوديكـ لها
فايزه : الحين ؟
محمد : لا مو الحين
فايزه : ليه مو الحين
محمد : انتضري شوي ع الاقل انتضري نص ساعه
فايزه : بنتضر وامري لله
محمد : ......
فايزه : امس جى اخوي فيصل لنا وقال لنا كلام استغربت منه والحين ابي استفسر منه
محمد : فيصل ..
فايزه : ايه فيصل
محمد : وش قال لكـ ؟
فايزه : ورانا رسالة كاتبها ابوي
محمد : والله
فايزه : ايه تسوي نفسكـ ماتدري عنها
محمد : ادري عنها من قال لكـ اني مادري عنها
فايزه : ايه وانا مقهوره ومو مصدقه
محمد : بس هذي حقيقه
فايزه : حقيقه سيئه ومُره ومو حلوه وماحبيتها
محمد : كلنا ماحبيناها
فايزه : يالله انا مو متطمنه ابي اروح لأختي بتصل فيها اول
يالله باي
محمد : طمنيني حبيبتي اوكيه لاتنسين
فايزه : اوكيه يالله باي
محمد : باي

~¤¦¦§¦¦¤~ في بيت سليمان ~¤¦¦§¦¦¤~

في نص اليل الساعه 3
سليمان : ياربي الحين وش اسوي بطاقتي طاحت علي ولا اني لا قيها
دورت عليها بكل مكان ومالقيتها
تركي : ايه والله وين راحت هالبطاقه ماتم مكان مادورنا عليها
سليمان : والحل الحين
تركي : خل البطاقه علا جنب ان شاء الله تلقاها خلنا الحين بالاهم
سليمان : شنو الاهم
تركي : الاوراق بوكرا خلاص راح يتم كل شي
وشركتنا ان شاء الله وكلها كم شهر بتقوم وبتصير من اعضم الشركات بأذن الله
سليمان : واستقالتي متى اقدمها
تركي : مو الحين خلكـ بالشركه الين مايحين الوقت المناسب وبعدين تقدم ع الاستقاله
سليمان : الله يصبرني
تركي : تحمل شوي
سليمان : بتحمل

~¤¦¦§¦¦¤~ في بيت بو فيصل ~¤¦¦§¦¦¤~

اتصلت فايزه لختها فضه وبرضو ماترد
خافت عليها كثير وضلت تحاتيها اتصلت ع السواق ومايرد لانه نام

~¤¦¦§¦¦¤~ في بيت وضحى ~¤¦¦§¦¦¤~

فضه بعد ماشربت العصير
فضه : اه ياراسي احسه يألمني
وضحى : سلامت راسكـ ماتشوفي شر
فضه : الشر مايجيكـ بتصل على السواق عشان انا بمشى
وضحى : مابعد نشبع منكـ بس دامكـ تعبانه معذوره يالغلاا روحي الله وياكـ
فضه : مشكوره
اتصلت ع السواق ومارد
اتصلت على اختها فايزه وردت فايزه بلهفه
فايزه : هلا وغلاا واخيرا وينكـ انتي
فضه : السواق مايرد نزلي له تحت يمكن نام خليه يجيني
فايزه : اوكيه مو مشكله يالله ثواني وارد عليكـ
وسكرت الخط من اختها فايزه
وضحى : اروح اجيب لكـ كاسة الماي
فضه : ياريت اذا ماعليكـ امر
وضحى : لا عادي من عيوني
وراحت وضحى المطبخ وجهزت كاسة الماي وكسرت حبه ثانيه وحطتها بالماي
ورجعت لصاله
فضه وتحس الدنيا تدور ومو قادره تتحمل
وضحى : تفضلي
فضه خذت كاسة الماي وشربته
الا اتصلت فايزه
فايزه : هلا
فضه : هلا
فايزه : الحين بيجيكـ السواق اجهزي اهو نايم يقول وماسمع الجوال
فضه : انتضره يالله باي
فايزه : بايات
وسكرت الخط من فايزه
الا اتصل محمد عليها
محمد : هلا حبي طمنيني
فايزه : لا الحمد الله اتصلت علي والحين السواق بيروح يجيبها
محمد : اشوا الحمد الله
فايزه : مشكور
محمد : مشكور على شنو
فايزه : على اهتمامكـ فينا
محمد : اهتم فيكم لاني احبكم وانتي اكثر شي واخاف انكـ تخافين وتحاتين فديتكـ انا
فايزه وصار وجهها احمر من الخجل وماردت عليه
محمد : الو
فايزه بصوت واطي وخجلان : نعم
محمد : اموت انا ع اللي يخجلون ويستحوووووون
وضل محمد مع فايزه سوالف وفرفشه مع شوية غزل

وبكذا انتهت الحلقه الرابعه عشره واتمنى انها عجبتكم

[(ورود)]

••.`5•.•• (الحلقهـــ الخامسهـ عشرهـ) ••.1`•.••

~¤¦¦§¦¦¤~ في بيت بوفيصل~¤¦¦§¦¦¤~

فايزه سكرت من محمد تنتضر اختها فضه
فايزه تناضر الساعه : ياربي حيل تأخرووو
الا بدخلة فضه وهي تعبانه حيل وراسها مصدع
دخلت فضه ويدها على راسها ومو قادره توزن نفسها بمشيتها
فايزه شافتها بهالحاله راحت لها تركض
فايزه : فضه شفيكـ ؟ فضه
فضه وتحس الدنيا تدور براسها رافعه عينها فوق ويدها على راسها
فايزه خافت حيل : فضه .. فضه حبيبتي وش فيكـ
فضه : تعبانه فايزه ابي اروح غرفتي انام
فايزه : ليه وش فيكـ وش صاير
فضه : مادري فجأهـ جاني الالمـ
خذتها فايزه لغرفتها
فايزه : تبيني ابقى معاكـ الليلهـ
فضه : لا اختي خلاص انتي روحي نامي وانا بعد تعبانه وابي انام
فايزه : ان شاء الله
فايزه اتركت اختها بغرفتها عشان تنام
وراحت لغرفتها خايفه على اختها فضه ..,,

وفي الصبـــــــــــاح

~¤¦¦§¦¦¤~ في بيت عمر~¤¦¦§¦¦¤~

علياء وهي تنادي لعمر : عمر ............. عمر
عمر وقف بدون نفس : نعم خير بعد وش تبين
علياء : انت شلون تكلمني كذا اوقف عدل وكلمني واحترم نفسكـ وشوف انت قاعد تكلم من
عمر : اكلم علياء
علياء : والنعم فيها
وين بترووووووووووووح
عمر : الشركهـ يعني وين المقهى ولا السينما
علياء : اشوفكـ هاليومين وانت منقلب علي انت من قالبكـ علي
عمر : ماني منقلب ولا شي كاني عدل يمكـ
علياء : شوف ياعمر انتبه تلعب بذيلكـ معاااااااااااي
عمر : وش اعتبره هذا تهديد ؟
علياء : والله حبيبي تعتبره مثل منت حاب
عمر : يالله عن اذنكـ مابي اتأخر
علياء وتمسكـ عمر : تعال قولي وين انت رايح
عمر : بذمتكـ يعني وين انا بروح
علياء : مادري عنكـ تقول لي الشركهـ دوامكـ مو الحين الحين شوف الساعه 8
ودوامكـ حبيبي على ماعتقد يبتدي 10ونص
عمر : ايه نعم صحيح دوامي 10 ونص بس صايره مشكله عندنا ولازم اروح
علياء : عدال عاد ماشوفهم يهتمون فيكـ مثل ماتهتم فيهم
اصلن لو انكـ صج رجال ماخلو الشايب العايب بو محمد اهو المدير وانت لا
عمر : اول شي احترمي نفسكـ ولا تقولي عن بو محمد كذا الحمد الله توه شباب مو مثل غيره
ثاني شي انا مو حاب اصير مدير غصب اهو انا مابي اصير مدير انا عاجبني شغلي كذا ومرتاح
علياء : ايه لانكـ طفل ومو قد المسؤليه عشان تصير مدير
وثاني شي ماتروح الا لين تقول لي وش صاير عندكم بالشركهـ
عمر : الطفل اللي قالها وثاني شي وش لكـ دخل بالشركه ومشاكلها
علياء : شنو بعد وش لي دخل حلال بنتي بعد عينكـ اهي بتورثكـ
عمر : الله لايبلغكـ بذاكـ اليوم اسم الله علي بس
وطلع عمر من البيت متضايق
وركب سيارته
عمر : اوووووووووووف ياربي
مو عيشه هذي
عيشه تقصر العمر
مدري ليه انا كذا توني صرت انتبه لحالي
كيف قبل متحملها كيف ياربي كيف
الله يعيني بس الله يعيني صايره تغلط كثير وماتثمن كلامها

~¤¦¦§¦¦¤~ في بيت بو فيصل~¤¦¦§¦¦¤~

صحت فضه الضهر وهي تحس بصداع والم في راسها
فايزه : ياربي حتى حرارتكـ مرتفعه
فضه : اااااااااه
فايزه : خلينا نروح المستشفى
فضه : والله مو قادره اتحركـ من مكاني
فايزه : اتصلت على فهد وقال لي انه راح يجي عشان يوديكـ
فضه بتعب وبألم : مو قادره اقوم واروح حاسه حالي راح اموت
فايزه : اسم الله عليكـ يومي قبل يومكـ لاتقولين كذا حبيبتي الحين بطلع اتصل فيه واخليه يحيب لكـ الدكتور لين هنا اذا يقدر
فضه وحاطه ايدها علاا راسها : يالله تكفين وخليه يجي بسرعه تراني تعبانه راسي يألمني كل شوي يزيد علي الالم

وضحى كانت تعرف ان راس فضه من بعد الحبتين راح يصدع وراح يجيها الم في راسها
عشان كذا اتصلت فيها .......... وسوت روحها عاديه وطبيعيه
وضحى وهي بالسياره ناويه انها تروح لفضه : هلا وغلاا
فضه بألم : اهلين حبيبتي
وضحى : شخباركـ ياقلبووو
فضه : والله مو زينه راسي احسه بينفجر من الالم
وضحى : اووه صح راسكـ شخباره الحين
فضه : والله مو قادره اعيش يألمني الم مو طبيعي قلت بقوم اروح المستشفى بعد شوي
وضحى : والله مايطاوعني قلبي اسمع ان راسكـ يألمكـ
الحين انا بروح الصيدليهـ وبشتري لكـ علاج وبجيكـ للبيت عشان اتطمن عليكـ
فضه : مشكوره ياقلبي طول عمركـ راعية واجب وماتقصرين
وضحى : ان شاء الله مابتأخر عليكـ يالله باي
فضه : بايات

الا بدخلة اختها فايزه
فايزه : فضه اخلي الشغاله تسوي لكـ شوربه من الصبح انتي ماكليتي شي
فضه : لاا مو مشتهيه
فايزه : لا لازم تاكلين انا بخليها تسويها لكـ وغصبن عليكـ تشربيها
وطلعت فايزه من غرفة فضه ونزلت للمطبخ

الا بجية وضحى فتحت لها الشغاله وصعدتها لغرفة فضه
سلمت عليها واجلست
وضحى : شخباركـ
فضه : تعبانه والله
وضحى : اشتريت لكـ علاج ان شاء الله راح يفيدكـ
وجهزت كاسة الماي وطلعت الحبه من شنطتها
وضحى : تفضلي ياعمري وماتشوفين شر
فضه اخذت الحبه وشربت الماي : الشر مايجيكـ مشكوره

الا بدخلة اختها فايزه
فايزه : السلام
وضحى : وعليكم السلام
فايزه بدون نفس واحتقار : انتي وضحى
وضحى بنفس الاسلوب : ايه انا وضحى
جيت اتطمن على فضه قالت لي انها تعبانه فجيت اتحمد لها بالسلامه واتطمن عليها
فايزه بسخريه وكأن الوضع مو عاجبها ولا هي متطمنه: اهاااا عدل
وضحى بحقد : انتي فايزه
فايزه ورفعت بلوزتها من فوق وميلت راسها ورفعته : ايه انا فايزه بنت فايز والنعم فيني وفأختي
دخلت وجلست وحطت رجل على رجل
وماطلعت من الغرفه مع ان وضحى كانت تبي تكلم فضه براحتها
بس حمدت ربها انها ماجات وهي تاخذ الحبه
الكل ساكت فضه تعبانه
ووضحى تطالع فيها ومقهوره من فايزه ودها تقوم وتموتها
وفايزه خايفه ومو متطمنه ومو مرتاحه من وضحى من البدايه
فايزه وهي تنحز وتطالع في الساعه وتطالع في وضحى بنص عين : غريبه ماجى اخوي فهد تأخر الوقت
وضحى وقفت بعصبيه : يالله عن اذنكم ماتشوف شر فضه
فضه ماردت كأنها غرقت بالنوم بس مو نايمه
فايزه وهي تطالعها من فوق لين تحت : وين بدري
طلعت وضحى وكلها حقد وكراهيه لفايزه نزلت من ع الدرج
وقفت ورفعت راسها وتقول بصوت واطي وكأنها تكلم نفسها
هاذي
هاذي فايزه اللي دايم تمنع اختها فضه عني
هين
هين يافايزوووه
بنشوف بعدين من بيرفع راسه وبيقول ((ايه انا))
والله راح تشوفين مني شي ماشفتيه طول عمركـ
وكملت وضحى طريقها ونزلت من ع الدرج وطلعت برا البيت
وهي حاقده وحامله بقلبها شي كبير على فايزه

~¤¦¦§¦¦¤~ في بيت سالـمـ~¤¦¦§¦¦¤~

جات ليلى من المدرسه وعلى طول راحت بتصعد غرفتها
شافتها امها سمر
سمر : ليلى ليلى
ليلى : هلا يمه
سمر : وين
ليلى : بروح غرفتي يمه
سمر : والغدا تراه جاهز
ليلى : لا يمه مو مشتهيه اتغدا
سمر : ليه وش فيكـ
ليلى : لا يمه والله مافيني شي بس اليوم كثرت اكل بالمدرسه
سمر : اجل روحي صعدي اغراضكـ ونزلي عشان تتغدي
ليلى : لا يمه والله مو جايعه اصلن انا عندي اختبار بوكرا صعب وببتدي اذاكر فيه
سمر : اوكيه على راحتكـ الله يوفقكـ
ليلى وهي مومصدقه خبر راحت وبسرعه صعدت لغرفتها
حطت اغراضها وفتحت جوالها على طول
شافت لخالد مكالمات ورساله انها تتصل عليه اول ماتيجي من المدرسه
اتصلت به على طول
وعطاها مشغول
ليلى : مشغول ؟ غريبه وش عنده مشغول
الا انها تتفاجأ اتصل فيها
ليلى ردت بسرعه : هلا
خالد : هلاا بيكـ
ليلى : شخباركـ ؟
خالد : الحمد الله بخير وانتي وش اخباركـ
ليلى : اناالحمد الله بخير
خالد : جيتي من المدرسه
ليلى : ايه جيت
خالد : من متى جيتي
ليلى : توني جيت
خالد : تأخرتي
ليلى : لا لاني كنت أأشر كتبي واخذ المراجعات
خالد : وعندكـ اختبار بوكرا او شي ؟
ليلى : لا ماعندي
خالد : ومتى الاختبارات النهائيه تبتدي
ليلى : السبت الجاي ان شاء الله يعني بعد 3 ايام
خالد : اوووووووف ياكرها من اختبارات
ليلى : ليه انت بتختبر ولا انا
خالد : لا مو انا انتي
ليلى : اجل ليه تقول ياكرهها من اختبارات انت وش لكـ دخل
خالد : لان انتي بتختبري واخاااااااااااف اني ماقدراكلمكـ كثير
ليلى : اهااا
لا مو لازم نكلم بعض كثير
خالد : لا لازم
ليلى : ليه لازم
خالد : لاني ماستغنى عنكـ
ليلى اخجلت شوي وماردت عليه
خالد : الوووو
ليلى : نعم
خالد : وينكـ
ليلى : معاكـ
خالد : والله بجد احس انكـ صرتي جزء من حياتي
انتضر الوقت بس اللي اكلمكـ فيه
واذا كلمتكـ ودي الوقت يوقف واضل اكلمكـ لين اقول بس
ليلى : ومتى راح تقول بس
خالد : ماعتقد اني اقولها
ليلى : سكتت وضلت بس مبتسمه
خالد : اممممممـ تصدقين
ليلى : شنو
خالد : ودي اصرخ واقول شي
ليلى : شنو هالشي
خالد : اصرخ يعني واقول
ليلى : لا لاتصارخ اخاف احد يسمعكـ بس انت قول
خالد : لا عادي انا اصلن ابي الناس تسمعني
ليلى : شدعوه
خالد : والله
ليلى : صدقتكـ بس يالله شوقتني اسمع هالكلمه اللي بتقولها
خالد : ها ,,,
ليلى اخجلت حيل وانحرجت لانها اهي عارفه وش راح يقول بس حابه تسمعها منه
خالد : الووو
ليلى : انا ماقصد الكلمه انا اقصد يالله قول اللي تبي تقوله
بس خلاص اذا موحاب تقول مو لازم
خالد : ليلى
ليلى : نعم
خالد : انتي عارفه وش راح اقول صح
ليلى وقلبها حيل يدق ومنحرجه ومو عارفه وش تسوي او وش تقول
ليلى : لا مو عارفه
خالد : يعني ماتعرفين اني احبكـ واموت فيكـ
ليلى : اعرف هالشي وانا بعد احبكـ واموت عليكـ
خالد : يابعد قلبي فديتكـ انا وفديت هالكلمه الحلوه
ليلى : ههههههه
خالد : تصدقين
ليلى : شنو
خالد : ودي اجي اخطبكـ مره ثانيه من ابوكـ بوكرا بس اخاف انه وقت مو مناسب لان عندكـ اختبارات
ليلى : لا انتبه تيجي الحين بعد الاختبارات يصير خير اما الحين لاا
خالد : ايه هذا اللي افكر فيه
ليلى : الله يعين بس
خالد : الله يعينا على ابووووووكـ العنيد
ليلى : ههههههه
خالد : لاتزعلين مني اذا قلت كذا
ليلى : صوت امي تناديني يالله خالد باي
وسكرت الخط ونزلت لأمها

~¤¦¦§¦¦¤~ في بيت بو فيصـــل~¤¦¦§¦¦¤~

فهد بصوت عالي : احم احم احم
حياكـ دكتور تفضل ...
الدكتور : فوق
فهد : ايه فوق تفضل
في غرفة فضه
فايزه : فضه فضه قومي يالله اصحي الدكتور جى
فضه وبكل نشاط : ها الدكتور جى ليه ؟
فايزه : شفيكـ انتي مو راسكـ يأمكـ الحين جى يكشف عليكـ ويشوف وش فيكـ
فضه : ماحس بألمـ ولا احس بصداع
فايزه : الموهم يالله البس عبايتكـ
خذت فضه عبايتها والبستها وفايزه كمان البست عبايتها الا بجية فهد
فهد : هلاا
فايزه : اهلين
فهد : يالله اخلي الدكتور يدخل
فايزه : ايه
فهد والتفت للدكتور بره : دكتور حياكـ تفضل
الدكتور دخل : السلام عليكم
الكل : وعليكمـ السلام
الدكتور : فين المريضه ؟
فايزه تأشر على اختها فضه : كاهي
الدكتور قرب من فضه : سلامتكـ الفِ سلامهـ
فضه : الله يسلمكـ دكتور
الدكتور : تحسي بأيهـ ؟
فضه : مساع جاني المـ فضيع براسي بس نمت شوي والحين ماحس بأي شي
الدكتور : يعني الالمـ زال ؟
فضه : ايه
الدكتور وطلع الكشف : عندكي كم سنه
فضه : 17 سنه
الدكتور وهو يكتب : مشاء الله العمر كلوو ودى الالمـ من امتى ؟
فضه : اليوم اول ماصحيت من النوم
الدكتور : وهيدي اول مرهـ بتحسي بالالمـ ده ؟
فضه : لا يادكتور حسيت فيه امس لما كنت في بيت صديقتي بس لما جيت البيت ونمت ارتحت
الدكتور : اهااا يعني كل مره بيجيكـِ الالمـ بتنامي وبترتاحي
فضه : ايوه يادكتور
الدكتور وقف وقال ممكن تتفضلو
فايزه وفهد : ان شاء الله
طلعت فايزه وفهد برا الغرفه
فايزه : الله يستر
فهد : لا ان شاء الله مافيها شي خلاص دامه الم ويروح تلاقينها في الونزه او شي
فايزه : ان شاء الله
فهد : ان شاء الله
فايزه : وقول ان شاء الله تطيب بسرعه والله الحين فترة اختبارات ومابي اي شي يعكر عليها
فهد : ان شاء الله يارب
الا بطلعة الدكتور
الدكتور : الف سلامه ليها ماتشوف شر
فهد : الشر مايجيكـ دكتور ها طمنا ان شاء الله تمام
الدكتور : والله هي الحمد الله بخير
وهذا علاج كتبتو لها بتشتيروه من الصيدليه
فهد : اوكيه يعيطيكـ العافيهـ تفضل
نزل فهد والدكتور ودخلت فايزه على فضه
فايزه : انتي من صجكـ ماتحسين بأي الم
فضه : ايه والله ليه حاسدتني
فايزه : لا مشاء الله اسم الله عليكـ من الحسد بس منصدمه شوي
فضه وهي قايمه من على فراشها : لا الحمد الله انا بخير والحين بقوم اتفرغ شوي للمذاكره
فايزه : ايه عاد لاتهملين انتبهي
فضه : بدون ماتوصين دايماً الاوله
فايزه : ياربي ان شاء الله دوووووووم
فضه : ان شاء الله

~¤¦¦§¦¦¤~ في الليل في سيارة عبد الله~¤¦¦§¦¦¤~

عبد الله اتصل على مهند
مهند : هلااااااااااااااااا وغلااااااااااااااااا
عبد الله : اهلين شخباركـ حبيبي
مهند : زين الحمد الله وانت
عبد الله : بخير الله يسلمكـ
وينكـ انت ؟
مهند : توني طالع من الملعب رايح للبيت
عبد الله : اهااا ودي اشوفكـ
مهند : وين نلتقي ؟
عبد الله : نروح مطعم نتعشى ؟
مهند : اوكيه اي مطعم نلتقي فيه
عبد الله : نلتقي في كودو اللي ع الشارع العام شرايكـ
مهند : تمام انا بروح الحين
عبد الله : مشكور
مهند : العفو
عبد الله : يالله باي
مهند : بايات

~¤¦¦§¦¦¤~ في بيت ســالمـ~¤¦¦§¦¦¤~

نوره وهي في المطبخ تغسل الاواني
طلت عليها سمر بهدوء وبدون ماتحس
وشافتها مشغوله بالمطبخ ,, لقتها فرصه
صعدت غرفتها واخذت صندوق الذهب وراحت فيه لغرفة نوره
وحطته في دولابها تحت الملابس وطلعت سمر ولا كأنها سوت شي
وهي نازله من ع الدرج جى سالم من برا
سمر : هلا والله شخباركـ ؟
سالم : بخير وانتي
سمر : دوم يارب شكلكـ تعبان
سالم : ايه والله دخت اليوم من الشغل
سمر : اوكيه تعال اصعد الغرفه ونام عشان ترتاح شوي
سالم : ايه هذا اللي راح يصير
صعد سالم لغرفته وتسطح على سريره
وسمر جلست على كرسي التسريحه تمشط شعرها وتترتب
سمر : سالم
سالم : هلا
سمر : مو ملاحظ اني من زمان مالبست ذهب
سالم : ايه والله صار لكـ فتره
سمر : هههههههه ايه خلني اقوم البس مدري وش فيني مشتهيه الذهب اليوم
سالم : هههههههه
سمر وهي واقفه على دولابها وتسوي نفسها مصدومه
سمر : سالم سالم
سالم : نعم
سمر : الحقني ماشوف الذهب حقي
سالم : معقوله يعني وينه
سمر : والله ماشوف الصندوق كله مين سارقه من دولابي
سالم : يمكن هنا ولا هنا
سمر : انا ماشيله من الدولاب ابد وانت تعرف هالشي
سالم : تتوقعين من سرقه
سمر : ايه يعني من غير بنت الحرام مساع اشوفها تطلع وتدخل في غرفتي
وماخطر في بالي انها بتسرق الذهب حقي ,,
سالم نزل وهو معصب لنوره : نوره نووووروو
نوره تركت الصحن اللي بيدها وسكرت الماي وطلعت مرعوبه وخايفه وقلبها حاس ان صايره مشكله جديده
نوره : نعم يبه
سالم شد نوره من شعرها وعطها كف قوي على خدها لدرجة اصابع سالم انطبعت على خد نوره
نوره بألمـ : آآآآآهـ
سالم بصراخ وعصبيه : وين وديتي ذهب زوجتي
نوره مندهشه : اي ذهب ؟
سالم : يعني شنو اي ذهب تسوين نفسكـ غبيه وماتفهمين
نوره : والله مادري عن شنو تتكلم
سالم وشد نوره من شعرها بقوه وهي تصارخ وتتألم وصعد فيها لغرفتها
وسمر كانت وراهم تشوف وتسمع وقلبها فرحان لانها تكره نوره
سمر وهي تسوي نفسها تصيح : قول لها تطلع ذهبي
سالم : يالله وانا اشوف اعترفي وين وديتي الذهب وطلعيه
نوره : والله ماحركته واذا مو مصدق فتش الغرفه كلها
سمر وهي تدور يمين ويسار : وين حطته الملعونه وين ودت ذهبي حسبي الله وكافي
نوره وهي تصيح مقهوره من اللي قاعد يصير : والله مو عندي ليه مو مصدقيني
سالم : انتي دوري تحت السرير وانا بدور بدولابها
راح سالم يدور بالدولاب وفتحه ونثر بالارض كل الملابس ولقى الصندوق
سمر وهي تسوي نفسها مصدومه : اووه هذا ذهبي اه يالخاينه يانوروه
عقب ماربيناكـ وضفيناكـ من الشوارع تسوين فينا كذا وصلت فيكـ المواصيل بأنكـ تسرقينا يالحراميه
نوره وهي مدهوشه ومنصدمه : والله مو انا مدري من جابه بدولابي
سمر : ايه دافعي عن نفسكـ
سالم عطا سمر الصندوق : وديه غرفتكـ
سمر : زين اني افتقدته قبل لاتوديه وتبيعه او تسوي فيه شي ينخاف من عيال الشوارع
سالم : تجازينا بكذا يانوروه ياقليلة الادب والحيا
نوره وهي تصيح وتحس حالها مخنوقه : والله مضلومه
سالم اخذ عباية نوره ورماها عليها : يالله البسيها
نوره : ليه ؟
سالم : قلت لكـ البسيها وانتي ساكته
لبست نوره عبايتها وقطوتها وهي منقهره ودموعها ماوقفت
سالم شد نوره من يدها ونزل فيها لصاله وهي تصيح وتقول بخاطرها
معقوله انهان..!!
بأمور ماتدخل الأذهان
معقوله انهان..!!
بــــــلا دليل ولا برهان
سالم : يالله روحي مكان ماتروحين انقلعي عن البيت احنا غلطنا لما ضفيناكـ معانا بالبيت
صج ان في ناس ماتستاهل الرحمه والعطف
نوره ودموعها غرقت وجهها : يبه وين اروح بالهبرد ومن لي ومن يبيني ومن انا اعرف عشان اروح له
سالم ورمى نوره بالشارع : روحي مكان ماتروحين ماعدتي تهميني
وبعد ماخلص كلامه سكر الباب بوجهها وضلت تضرب الباب وتترجى فيهم يفتحون لها بس محد سمعها او عطاها وجه
بعد ماتعبت ويأست وحست حالها راح تتجمد من الهوا البارد مشت بالشوارع وهي تصيح ودموعها مو قادره تتمتلكها ضلت محتاسه وخايفه ومو عارفه وين اتروح لااهل عندها ولا اصدقاء ولا حتى معارف
وقفت نوره تدور لها مكان وملجأ تجلس فيه وهي تقول
ضاقت الـــــــدنيا بعيني
وصرت انادي انا ويني
جلست ورا شاحنه وحطت راسها على ركبها وهي تصيح حيل وحاسه بخووف ورهبه
وضلت تكلم روحها وتقول :
سـريت وسرى همي معــي ** وصار مثل الطيف اللي مايفارقني
يادمعه يآهـ ياصدمه تجيني ** يـــــاحزن ياوحدهـ ياقهر يصيبني
حبيت الحزن لانه يلازمني ** حبيته لانـــــــــــه يحبني ويبغاني
حسبته لعبي وهو اللي يسليني ** وكــــــــل مأسري يسري معي
وبعد ماقالت هالكلمات لنفسها رفعت راسها وهي تمسح دموعها
ومن بعيد شافت مسجد مفتوح راحت له وادخلت فيه وضلت تصلي وتشكي لله حزنها وألمها
وضلت طول اليوم فيه لانها عرفت انه مفتوح 24 ساعه وقررت تنام فيه لان مافيه عندها حل ثاني ,,

~¤¦¦§¦¦¤~ في المطعم ~¤¦¦§¦¦¤~

وصل عبد الله المطعم قبل مهند وجلس ينتضر
اتصل مهند على عبد الله
عبد الله : هلا وصلت
مهند : اهلين ايه وصلت
عبد الله : تعال لي انا اشوفكـ من بعيد رافع لكـ يدي
ايوه انا قبالكـ
مهند : اوكيه باي
عبد الله : باي
مهند : شخباركـ بو العبد ؟
عبد الله : بخير دامكـ بخير
مهند : تسلم حبيبي
عبد الله : وش اخبار الاهل كلهم
مهند : زينين الحمد الله
عبد الله : الحمد الله
عسى بس مأشغلتكـ
مهند : لا انا مو مشغول كنت بالملعب دقت علي اختي تبيني
مادري وش تبي
عبد الله : اوووووووه ومارحت لها
مهند : لا عادي ماتبي شي مهم بس انها هههههه ماترتاح الا لين تشوفني في البيت قبال عيونها
عبد الله : مشاء الله شكلها وايد مهتمه فيكم
مهند : صايره امنا الثانيه ههههههه
عبد الله : هههههههههه
اي صف اهي ؟
مهند : تدرس جامعه سنه ثانيه
عبد الله : واو مشاء الله جامعيه بعد
مهند : ايه
عبد الله : الله يوفقها
مهند : الله كريم
الا مها اتصلت على اخوها
مهند : خخخخخ كاهي اتصلت الطيب عند ذكره على قولة المثل
عبد الله : ايه رد رد عليها
مهند : هلا
مها : اهلين شخباركـ
مهند : بخير وانتي
مها : بخير وينكـ
مهند : بالمطعم
مها تشهق : وليه
مهند : شنو وليه ؟
مها : العشا هنا مستوي وجاهز والحين انا متفقه معاكـ انكـ تيجي ابيكـ
مو قلت لي انكـ راح تجي ؟
مهند : الا كنت بجي والله ماخدعتكـ بس انتي يأختي بصراحه بصراحه ماعندكـ شي مهم
دق علي صديقي وطلعت معاه
مها : زين خل صديقكـ ينفعكـ يالله باي
وسكرت الخط
مهند : اوف والله سكرت بوجهي
عبد الله : ههههههه شفيها زعلت ؟
مهند : شكلها لا ماعليكـ انا اعرف كيف ا****ها
عبد الله : عذرا على التدخل بس كيف بترضيها
مهند : اهي قلبها طيب وبسرعه ترضى
عبد الله : اهاا مشاء الله
خلاص طيب روح لها انا اسف بجد ماكنت اعرف اني راح اسوي مشكله
مهند : لا مشكله ولا شي عادي ولا يهمكـ
عبد الله : لا والله خلاص روح لها
مهند : ماعليكـ منها اهي بس كلام
عبد الله وقام وقف ومسكـ يده : يالله والله خلاص قوم روح لها ولا تزعلها مره ثانيه
اختكـ الوحيدهـ هاذي دلعها ياخي
واذا مره ثانيه كلمتكـ واهي تبيكـ لاترد علي زين
مهند : عبد الله شفيكـ ؟
عبد الله تركـ يد مهند وجلس مكانه : ها لا مافيني شي
مهند : تصرفاتكـ غريبه شوي
عبد الله : لا عادي بس كل اللي ابيه مابي تصير مشكله او شي بينكـ وبين اختكـ
مهند : لاااااااااااااا عادي ماعليكـ ولا يهمكـ
عبد الله : يالله باااااااي انا بمشي الحين اشوفكـ مره ثانيه
مهند : بااااااي

ركب عبد الله سيارته وقلبه على مها اخت مهند ومتفشل شوي مع مهند
مهند ركب سيارته ويحس انه مستغرب من تصرافت عبد الله تجاه اخته
واول ماوصل البيت
مهند : السلام
مها : ماردت السلام
مهند : وينه العشى كاني جيت
مها : ماردت عليه
مهند : اشفيكـ ؟
مها : .............. ماردت
مهند : انا والله تفشلت مع صديقي دق علي استحيت ارده
مها : خلاص خل صديقكـ ينفعكـ تصبح على خير
وصعدت لغرفتها وهي صاعده مرت على مصطفى
مصطفى بصوت عالي : نعم
مها : انا
مصطفى وهو يكلم سحر : حبيبتي سحوره ثواني شوي واكلمكـ
قام مصطفى وفتح الباب بدون نفس
مصطفى : وش تبين
مهاا : اخوي مهند خدعني وقهرني ومابي اتعشى معاه
ممكن اتعشى معاكـ
مصطفى : لا مو ممكن انا مو فاضي لكـ
مها : اخوي تكفى
مصطفى : وابوي ومحمد وامي وينهم عنكـ ليه ماتعشو معاكـ
مها : محمد وابوي بالشركه وبيتعشو هناكـ وامي مو مشتهيه تقول
مالي الا انت اخوووي
مصطفى : والله فراااااااغه الحمد الله والشكر عليكـ يالله يالله لاتعطلينا وراي شغل
مها وهي معصبه : اوووووووف منكـ عداااااال الله والشغل بس
مصطفى دخل اخذ جواله وطلع ومارد على مها
مها : مصطفى تعاااااااال وين بتروح
مصطفى وهو نازل من ع الدرج : الحمد الله والشكر عليكـ يعني وين بروح
بطلع قلت لكـ عندي شغل ماتفهمين انتي ؟
مها : الحمد الله والشكر عليكمـ كلكمـ
مصطفى طلع من البيت ومها دخلت غرفتها

وبعد 3 ساعات

~¤¦¦§¦¦¤~ في بيت بو محمد~¤¦¦§¦¦¤~

رجع بومحمد وولده للبيت
بومحمد ومحمد : السلام عليكم
ام محمد : وعليكم السلام
بو محمد : وين مها
ام محمد : نايمه
بو محمد : ومهند ومصطفى
ام محمد : مهند بغرفته توه جاي من الملعب قبل شوي
ومصطفى للحين ماجى
الا بدخلة مصطفى : كاني كاني جيب
السلام عليكم
الكل : وعليكم السلام
محمد : يالله عن اذنكم بروح غرفتي
مصطفى وهو يمشي راح لبوه وحب راسه : مشكور يبه ع الفلوس
بو محمد : العفو تعال اجلس عندي معاكـ حساب
محمد وهو راجع : يبه اي فلوس
مصطفى : روح روح انت غرفتكـ
محمد : يبه انت توكـ معطيه فلوس
مصطفى : كيفي انت مالكـ دخل روح غرفتكـ
محمد : وجى جنب ابوه مو توكـ معطيه فلوس سأله وين يوديهم
احنا مو جالسين على بنكـ عشانه كل يوم يبي فلوووووووووووس
مصطفى عصب وقف بوجه اخوه : ايه تبي انت بس تلعب بالفلوس لعب وتحرم غيركـ
محمد : انا ماخذ غير حقي راتبي وبس مو مثلكـ كل يوم طالع لنا بسالفه
مصطفى وزي اللي ضرب اخوه على كتفه وبعده عن طريقه ومشى
محمد التفت ومسكـ ايده : تعال كلامنا مابعد ينتهي
مصطفى : وانا ماعندي كلام معاكـ
محمد : علمني وين تودي كل هالفلوس حس فينا احنا نمر بأزمه ماليه
الشركه تعبانه وانت مو حاس الابنفسكـ والكل عرف بالديون اللي جاتنا من عمي بو فيصل
والكل يحاول يساعد ويعذر ويتقاضى وانت لأ
لين متى انت بتحس بالمسؤليه لين متى احنا بنحس ان عندنا ولد واخو اسمه مصطفى
مصطفى : وفر كلامكـ لنفسكـ انا احسن منكـ عشان كذا انت غيران مني
محمد : احترم نفسكـ
مصطفى : لما تحترم نفسكـ انا بحترم نفسي
وقف بومحمد : وماعندكم احترام لاا لي ولا لأمكم
مصطفى : قول لولدكـ
محمد مسكـ يد اخوه : تعال الغرفه ابيكـ
مصطفى وهو يصارخ على اخوه : اتركـ يدي مالكـ شغل فيني ماتتحكمـ فيني انت
بو محمد : محمد خل اخوكـ وروح لغرفتكـ
محمد عصب اكثر : لو ضاع اولدكـ لاتقول ليه انت وامي دلعتوه بما فيه الكفايه
ام محمد : انا دلعته مثل مادلعتكـ انت واخوانكـ واخته
محمد : لا اهو دلعه غير
ام محمد : مره قلت لي اولأبوكـ تبي شي وقلنا لكـ لا
محمد : لا منتو مقصرين
ام محمد : اهو مثلكـ
محمد : كيفكمـ انا قلت لكمـ اللي عندي وانتو حرين بتربيتكمـ له
يالله عن اذنكم
مصطفى بصوت واطي محد يسمعه : احسن روحه بلا رده
وصعد محمد لغرفته مقهور من تصرف امه وابوه لمصطفى
بو محمد : مصطفى قول لي الصراحه انت وين تودي الفلوس
مصطفى : انا عندي سياره خربانه وبنزين ودنيا وعفسه
بو محمد : بس الخراب والبنزين مايكلف 3 الاف باليوم
مصطفى : انا اطلع مع ربعي واشتري لهم العشا
بو محمد : العشى كل يوم مايكلف 3 الاف
مصطفى : شنو يعني انتو بتحاسبوني عالريال
بو محمد : مانحاسبكـ بس نبيكـ شوي تمسكـ الريال لان الشركه تمر بأزمه
وماقدر مثل قبل اعطيكـ كل ماتبيه وانت عارف باللي قاعد يصير كله
حط في بالكـ ان العشره الاف اللي عطيتكـ اياها راح تبقى معاكـ لطووووووول الشهر فاهمني
مصطفى : لا مابي
بو محمد : شنو
مصطفى : ماتكفيني
بو محمد : حاول انها تكفيكـ وتقتصد
مصطفى : اروح يعني اطر اذا خلصو الفلوس اللي عندي
بو محمد : سو اللي يريحكـ انا اللي عندي قلته لكـ
هالشهر ماراح تشوف مني ولا ريال عطيتكـ 10الاف حافظ عليها
والشهر الجاي يمكن ماعطيكـ الا 5 او 4 الاف
مصطفى : لا والله بس انا العشره الحين ضيعتها ومابقى عندي بالحساب شي
بو محمد : ايه ضيعتها عاد انا مالي شغل انت لازم تعتمد على نفسكـ منت صغير
مصطفى : شغلوني بالشركه
بو محمد : ههههه انت
مصطفى : ايه انا
بو محمد : وشتبيني اشغلكـ مدير ولا شنو
مصطفى : اي شي
بو محمد : انت موقد شغل بالشركه روح ادرس انفع نفسكـ
مصطفى : ماحب الدراسه
بو محمد : وانا ماأشغل ناس بالشركه شهادتهم اقل من جامعيه
مصطفى : والحل
بو محمد : فكر انت بالحل
ام محمد يالله قومي ننام حاس حالي تعبان
قامت ام محمد وصعدت لغرفتها
ام محمد في الغرفه : كأنكـ صرت قاسي معاه شوي
بو محمد : لا كلام محمد عدل دلعناه زياده عن الزوم
ام محمد : صحيح انا بعد ودي اشوفه حاله حال اخوانه بس اهو مايعرف يشتغل ولا يحب الدراسه يعني وش نسوي له
بو محمد : خليه لحرمناه شوي بيعرف كيف يتصرف
ام محمد : اوكيه سكر الموضوع ويالله نام وارتاح
بو محمد : ان شاء الله

وبكذا انتهت الحلقهـ الخامسهـ عشرهـ

واتمنى انها عجبتكمـ

[(ورود)]

••.`6•.•• (الحلقهـ السادسهـ عشرهـ) ••.`1•.••

~¤¦¦§¦¦¤~ في بيت بو فيصل~¤¦¦§¦¦¤~

في الصبـــاح ,,
الكل صحى وبدا يذاكر عشان يوم السبت الاختبارت النهائيه

~¤¦¦§¦¦¤~ في بيت بو محمد~¤¦¦§¦¦¤~

صحى محمد وتروش وتجهز وهو نازل بيفطر عشان بعدها بيروح لشركه
وبو محمد صحى ونزل وهو نازل التقى بمحمد على طاولة الفطور
بو محمد : صباح الخير
محمد : هلا صباح النور
بو محمد : شخباركـ ؟
محمد : زين
بو محمد : زعلان مني ومن امكـ ؟
محمد : لا انتو حرين بكل تصرفاتكم
بو محمد : انا فكرت بكل كلامكـ وكل كلامكـ صح
محمد : لا انا غلط وانتو الصح
بو محمد : انا خلاص اوعدكـ من اليوم ورايح تشوف معاملاتنا لمصطفى معامله ثانيه
محمد : وش بعده يبه بعد ماخترب وتعلم وتعود على الكسل وكل شي يجيه جاهز
بو محمد : واحنا الحين نبي نعلمه شلون يعيش الدنيا صح
محمد : اتمنى يبه اتمنى يصير رجال حاله حال الرجاجيل
بو محمد : وهذا اللي راح يصير بأذن الله
محمد : الله كريم
الا بنزلة ام محمد
ام محمد : صباح الخير
بو محمد و محمد : صباح النور
جلست ام محمد ع طاولة الفطور
ام محمد : اليوم ودي اروح اشوف عيال بوفيصل
محمد بشرقه : كح كح كح
بو محمد اخذ كاس الماي : اشرب اسم الله عليكـ
محمد شرب : ها يمه وين بتروحي
ام محمد : بسم الله بروح بيت ام فيصل بشوف عيالها اسلم عليهم
محمد : يابعد قلبي يايمه فديتكـ انا
ام محمد وبو محمد مستغربين : محمد شفيكـ
محمد وهو ناسي روحه ومرتبكـ ومو عارف وش يقول ويبي يرقع السالفه:
ها شفيكم تطالعوني كذا ترا مافيني شي
ولا تفهموني غلط انا قصدي شريف
انا بس انبسطت ان امي بتروح تزورهم
يعني اقول ها
اهم مساكين يعني لحالهم
محد وياهم يعني بس انا اقول ان ذاكـ زين يعني امي بتروح
شوي ع الاقل صاير من زمان ماشفناهم
خليهم يجون يقعدون عندنا بيتنا كبير يكفي
نحطهم بعيونا بالعكس يعني اهم صج مو بروحهم معاهم اخوهم
بس يعني ولو
محمد صغر صوته وحكـ راسه وقال انا شفيني طولت السالفه
قام من ع الطاوله وهو منحرج وجهه احمر ومتفشل من امه وابوه
وضل يفكر طول الطريق
محمد : ياربي شفيني نسيت روحي ولا بعد لما بغيت ارقع السالفه زدتها
اوف مني اوووووووووف
بومحمد : شفيه محمد
ام محمد : يعني شفيه بذمتكـ مافهمته
بو محمد : ههههههههه انا شكيت بالسالفه فيها إنّ
ام محمد : مها كلمتني بالسالفه وقالت لي ترا محمد يحب فايزه
بو محمد : وهي وش دراها
ام محمد : تصرافته واضح انه يحبها وعلى قولة مها
قال لها كلميلي فايزه مدري شنو قال لها بس مها ضيعت السالفه
وانت تعرف وش قد لما كانو صغار يموتو على بعض
ومايستغون عن بعض ..
بو محمد : هههههههههههه والله كبرت يامحمد وصرت تحب يالملعون
ام محمد : هههههههههههه الله يبلغني فيه
بومحمد : الله كريم ودي والله وامنيتي ازوجه فايزه
ام محمد : الله كريم فايزه بنت منا وفينا ومافيه مثلها لا بالجمال ولا بالاخلاق
بو محمد : صادقه وربي
يالله انا بقوم الحين لاتأخر عن الشركه عندنا اليوم اعمااااااااااااااال مهمه ودعواتكـ لنا
ام محمد : الله وياكـ والله يوفقكم يارب
بو محمد : يالله باي
ام محمد : بايات

~¤¦¦§¦¦¤~ في المسجد~¤¦¦§¦¦¤~

في الصباح وبعد ماتغيرت ملامح وجه نوره من الدموع اللي ماوقفت طول اليوم
صحت نوره من النوم مهمومه وكلها احزان تحس حالها ضايعه مو عارفه وين تروح
صحت نوره مرتجفه من البرد اللي منه ماعرفت كيف تنام
صحت نوره وألآم ضهرها ابتدت تبين عليها من نومة الارض
بعد كذا قررت ترجع مره ثانيه لبيت سالم وتترجى فيه انه يخليها تسكن معاه
وراح تسوي كل اللي يبيه منها بس انه يخليها معاهم لانها راح تضيع بدونهم
وبعد ربع ساعه وصلت نوره لبيت سالم
رنت الجرس وفتحت لها ليلى
ليلى على طول احضنت نوره : نوره حبيبتي وين رحتي امس
نوره وهي تصيح : مادريتي وش صار فيني ؟
ليلى : لا والله مادريت
نوره : انتي كنتي في بيت صديقتكـ وانا انضلمت من امي وابوي
ليلى : ليه وش صاير انا لما سألت امي صارخت علي وماعطتني اي رد
نوره : اتهموني اني سرقت ذهب سمر وانا والله ماسرقته وجاو فتشو غرفتي ولقوه بدولابي
ليلى وهي مدهوشه : معقوله كل هذا صار
نوره : ايه بعدين ابوي طردني انا امس ضعت بالشوارع اصيح مو عارفه وين اروح مالي احد
ليلى بصوت واطي : امي حقوده وتكرهكـ اتوقع اهي اللي سوت كل هذا عشان ابوي يطردكـ
نوره : انا عمري ماشكيت بأحد
الا بصوت سالم : ليلى من عند الباب
نوره سمعته : خليه يجي ابي اترجاه ابي ابوس رجله يخليني معاكم مالي احد والسبت اختباراتي
كتبي واغ**** ومستقبلي بيضيع
طلع سالم مع سمر يشوفون : من عند الباب من واقفه معاه
ليلى : هذي نوره
سالم وفتح الباب بقوه وبدا يصارخ : انتي وش تبين جايه
نوره نزلت راسها : يهون عليكـ اضيع بالشوراع مالي مكان ولا لي احد
سالم : بنار جهنم الحمرا تاكلكـ انا وش لي دخل
نوره : انت ابوي انت اللي ربيتني
سالم : لا حبيبتي انا مو ابوكـ روحي دوري على ابوكـ الحقيقي
نوره : بصير شغاله بالبيت بس تكفى خلني اعيش معاكم
سمر وحست ان نوره صج اهي اللي قايمه بالبيت واهي اللي تطبخ وتنضف وصايره مثل الشغاله
سمر : خلاص خلاص سالم خلها تدخل بس ان عادتها راح تشوف شي مو هين
نوره : اوعدكم ماتشوفون مني الا كل خير
سالم بنفس خبيثه : دخلي والبيت رتبيه من فوق لين تحت ابيه يلمع
سمر طالعت فيها بنضرات تقتل وضحكت ضحكه خلت نوره تنهار من داخلها
وعلى رغم كل اللي شافته من سمر وسالم الا انها تحبهم وماتستغني عنهم لانها ماعندها احد غيرهم
واي احد مكان نوره اكيد انه بيحبهم رغم قساوة قلبهم لانه بيكون وحيد وبدونهم بيضيع
وهذا حال نوره .. صعدت غرفتها وحامله هموم العالم كلها بقلبها
جلست على طاولتها وفتحت دفترها مقهوره وبخاطرها تتكلم وتقول انا مضلومه
فتحت دفترها واكتبت كلمات تشكي حالها لدفترها وقلمها وكتبت :
لــــيه الهم والتجريح ؟
وين الوفا والتصحيح
معقوله ودكــم اصيح
ومن عين ليلى اطيح

وابــقــى بينكم ذبيح
وبـــــدما عيني سفيح
لـــيه الظلم والجريح
وين الوقفه والسميح ؟

قـلـتولي كلام صريح
لاكنه والله مو صحيح
ماتعرفون الطيبه والمديح
وتعرفون القسوه والتصريح

ليه مــــــــــــافيه احد يتيح
فرصــــــه للكلام والمديح
تــــــــــراني معاكم سميح
وقـــــــــــــلبي لكم صفيح

مع انكم ضلمتوني بكلام قبيح
وليته كــــــان صحيح
ليه الــــهم والتجريح
وين الوفا والتصحيح ؟

~¤¦¦§¦¦¤~ في بيت بو فيصل~¤¦¦§¦¦¤~

فايزه بغرفتها تذاكر وفهد بغرفته يذاكر
وفضه بغرفتها تحس بصداع براسها ومو قادره تذاكر
فضه وهي تسكر الكتاب : اهـ ياراسي احس الالم رجع لي مره ثانيه
خلني اقوم اخذ لي من الحبوب اللي عطاني اياها الدكتور
يمكن شوي يهدا راسي واقدر ارجع اذكر

~¤¦¦§¦¦¤~ في بيت عمر~¤¦¦§¦¦¤~

صحت علياء ونزلت لصاله اهي وبنتها عبير
وعمر صحى وتروش وتعطر وتكشخ ونزل عشان بيفطر ويروح الشركه
عمر : صباح الخير
علياء : صباح النور
عمر جلس جنب علياء وقعد يلاعب بنته
عمر : وين الفطور ؟
علياء : وين الشغاله ؟
عمر : اوه صح اليوم اروح ازورها اشوف وش اخبارها امس انشغلت شوي
علياء : لا والله وش هالرحمه اللي نزلت عليكـ فجأه
عمر : الحمد الله طول عمري رحيم
علياء : ايه واضح هالشي مايحتاج تقول
عمر : يالله قومي جهزي الفطور قبل لأمشي الشركه
علياء : انا اجهز لكـ الفطور
عمر : ايه انتي اجل منو
علياء : لا حبيبي اسفه مو من مقامي ادخل المطبخ واجهز لكـ فطور
عمر : لا والله
علياء : ايه والله
عمر : وشلون الحين والحل
علياء : لين تيجي الشغاله وتسوي لكـ الفطور
عمر وهو يبي ينهي النقاش بينه وبين علياء لانه ماوده يسوي مشاكل : اوكيه مو لازم فطور يالله باي
علياء : تعاااااال على وين رايح وهادنا اليوم تطلع الشغاله من المستشفى وتجيبها
عمر : للحين اهي تعبانه
علياء : مالي شغل البيت انا ماعرف اعيش فيه بدون شغاله..
عمر : تحملي هاليومين
علياء : شفيكـ انت ماتفهم مين بيقوم ببنتي وبأكلنا وبشربنا
عمر : وانا مابي اتأخر اكثر يالله باي
عمر تركـ علياء وطلع بدون ماتكمل كلامها
علياء : اشوف انا هذا متغير علي ميه وثمانين درجه ... اكيد اهله
اهو من صار يزورهم ويروح ويجي معاهم واتصالاته معاهم كثرت
وهو متغير ولا كأنه عمر الاولي بس هين انا اوريهم ..

~¤¦¦§¦¦¤~ في بيت سالم~¤¦¦§¦¦¤~

بعد مالكل فطر قامت نوره للمطبخ تغسل وترتب كالعاده
ليلى اصعدت غرفتها وبدت تذاكر
فتحت جوالها واتصلت على خالد
خالد : هلا عمري
ليلى : هلا بيكـ شخباركـ
خالد : بخير وانتي ؟
ليلى : الحمد الله بخير
خالد : ها شسويتي بالمذاكره
ليلى : والله خايفه اختبارنا بوكرا واحاتي
خالد : يالله ذاكري وان شاء الله مايصير الا كل خير تحلي الورقه كلها
وتجيبي لي ممتــــــاز قولي امين
ليلى : امين الله يسمع منكـ دعواتكـ لي خالد
خالد : وش عليكم بوكرا
ليلى : رياضيات وتوحيد
خالد : الله يوفقكـ
ليلى : اجمعين
خالد : خلصتي الرياضيات ؟
ليلى : خلصت جزء وبقى لي جزء
خالد : والتوحيد
ليلى : ايه اهو سهل وابتديت فيه وافتكيت منه
خالد : تمام ربي يسهل عليكـ
ليلى : شكلكـ نايم وصحيتكـ من النوم
خالد : لا ياقلبي عادي بالعكس احسن لي عشان ابا اقوم اتروش واروح المسجد
تعرفين اليوم يوم جمعه يبي لي اروح مبكر عشان الزحمه
ليلى : الله يعطيكـ العافيهـ
خالد : الله يعافيكـ
ليلى : يالله اجل انا اخليكـ الحين ودير بالكـ على نفسكـ
خالد: وانتي بعد ماوصيكـ ع المذاكره اوكيه
ليلى : اوكيه
خالد: يالله باي
ليلى : بايات
خالد : احبكـ انا
ليلى : وانا بعد احبكـ
خالد : هههههه يالله باي
ليلى : بايات

~¤¦¦§¦¦¤~ في بيت بو فيصل ــ في غرفة فضه~¤¦¦§¦¦¤~

فضه : ياربي الم راسي كل شوي ويزيد مو قادره اتحمل
الحبوب اللي من عند الدكتور مافادتني وماسوت لي شي
والالم مو قادره اتحمله ... ياربي وش اسوي
مادة بوكرا صعبه ويبي لها وللحين ماخلصتها ومو قادره اكملها
ياربي تلطف بحالي يارب ..
يارب الم راسي يزووول يارب ..

وضحى تعرف ان فضه خلاص ادمنت ع الحبوب واذا ماخذتها بيبقى راسها يألمها
عشان كذا فكرت انها تتصل وكأنها تسأل عن اختبار بوكرا
وضحى : هلاا وغلاا حياتي
فضه بصوت تعبان : اهلين ياقلبي شخباركـ وش اخبار المذاكره
وضحى : والله تمام بس في عندي مسأله مو عارفه كيف حلها
فضه : اي وحده ؟
وضحى : اللي بالفصل السابع (( الجتا ))
فضه : اهااا انا اذكر كيف يحلوها بس الحين بالضبط مو عارفه كيف راسي رجع لي ومو قادره اذاكر
وضحى : افااااااا اجل لوين وصلتي بالمذاكره ؟
فضه : توني الفصل الاول ماخلصته
وضحى : اوووووف حرام عليكـ ليه والله الاخير صعب ويبي له
فضه وتحس حالها بتصيح : مو قادره راسي يألمني
وضحى : كان رحتي المستشفى
فضه : جاني امس الدكتور وكتب لي حبوب واشتراهم لي اخوي واخذت منهم بس مانفعوني
للحين احس بالالم ..
وضحى : ماقول بس الا الله يعينكـ
فضه : اجمعين يارب بس حبيبتي انتي الحبه اللي عطيتيني اياها امس وش اسمها
وضحى : والله يالغلاا هذي صديقتي تجيبهم من صيدليه خاصه لكل الآم الراس
وحده بوووحده بس غالين شوي ... وانا اذا جاني الم راسي مانتضر لادكتور ولا غيره
على طول هذي الحبه احسها وحده وبوحده على طول الم راسكـ ماتحسين به
فضه : ايه والله وانتي صادقه امس بس عطيتيني اياها حسيت راسي مافيه اي الم
وضحى : ايه صحيح
فضه وهي دموعه على خدها مو قادره تتحمل الالم : حبيبتي بطلب منكـ طلب
وضحى : عيوني لكـ
فضه : تكفين جيبي لي منه تكفين راسي بينفجر من الالم ابيه يهدا ابي اذاكر
وضحى : شوفي انا بجيب لكـ من عيوني بس ماراح ادخل البيت لكـ بعطيه الشغاله تجيبه لكـ اوكيه
فضه : اللي يريحكـ اهم شي يوصلون لي الحين الحين لاني مو قادره
وضحى : اوكيه ربع ساعه واهم عندكـ اوكيه
فضه : يابعد قلبي قسم بالله مو عارفه كيف اشكركـ
وضحى : لا حبيبتي شدعوه انتي صديقتي وحبيبتي واخاف عليكـ
واخاف على مصلحتكـ وبصراحه انا ابيكـ تتفوقين نفس كل مره
فضه : اذا بقيت على هالالم ماعقد اني انجح ياوضحى
وضحى : لا ان شاء الله ناجحه ياربي
فضه : يالله يالغلاا ماقدر اطول معاكـ تعبانه حيل تكفين لاتتأخرين
وضحى : اوكيه يالله باي
فضه: باي
وضحى سكر الخط وبدت تضحكـ
وضحى : هههههههههه هين يافضه هين ياعيال فايز بنشوف من فينا الفاااايز

~¤¦¦§¦¦¤~ في بيت سحر~¤¦¦§¦¦¤~

في غرفتها تكلمـ حبيبها سعد
سعد : اجل متى دوامكـ يبتدي
سحر : بعدين حبيبي مو الحين
سعد : الله يوفقكـ
سحر : حبي ممكن الحين اخليكـ وبعدين اكلمكـ او الليله ؟
سعد : بعدين ممكن اما باليل فأنا ماعتقد اقدر اكلمكـ
سحر : ليه عاد ؟
سعد : بروح لواحد متسلف من عنده 7 الاف بروح اعطيه الفين عشان بس يصبر علي ع الباقي
سحر : من متى متسلف من عنده
سعد : كنت محتاج واتسلفت ..
سحر : انا عندي مبلغ واليوم جمعت فلوس كثيره
اليوم جاو لي زباين كثييييييييره وربحت مبلغا وقدره
سعد : لا ياقلبي تعبكـ انا مابي اخذه
سحر : عاد انا اليوم بأذن الله بستلمهم وبعطيكـ اياهم تعطيهم اللي تسلفت منه
سعد : لا مستحيل اخذهم
سحر : مو على كيفكـ عاد انا اذا جبتهم مافيه مفر مني
سعد : هههههههه لا والله مو على كيفكـ
سحر : ايه على كيفي .. يالله حبيبي الحين اخليكـ اوكيه
سعد : اوكيه يالغلاا ديري بالكـ على نفسكـ
سحر : اوكيه وانت بعد يالله باي
سعد : باياااات

~¤¦¦§¦¦¤~ في بيت بو فيصل~¤¦¦§¦¦¤~

وصلت وضحى لبيت بو فيصل وعطت الشغاله الحبوب في كيس
وضحى : وصليه على طول لفضه اوكيه
الشغاله : اوكيه
وضحى : يالله باي
الشغاله : باي
مشت وضحى والشغاله صعدت لغرفة فضه وضربت الباب
فضه : منو
الشغاله : انا
فضه : ادخلي بسرعه
الشغاله دخلت وعطتها الكيس وطلعت ..
فضه وهي مستعجله فتحت الكيس بسرعه واخذت الحبه
لانها ماتحملت الم راسها اكثر واكثر ..
وبعد ثواني وبعد ماحست ان مفعول الحبه اثر فيها وهدا الم راسها
دخلت اختها فايزه عليها ...
فايزه : ها شخبار المذاكره خلصتي
فضه : تعبانه اختي وماقدرت اذاكر
فايزه : رجع لكـ الم راسكـ ؟
فضه : ايه
فايزه : كان اخذتي حبوب من اللي عطانا اياهاا الدكتور
فضه : اخذت وان شاء الله يهدا راااسي
فايزه : ان شاء الله
الا برنة جوال فايزه
فضه وهي تغيض فايزه : اووووه الحبيب اتصل
فايزه : وانتي وش دراكـ
فضه : يعني انا غشيمه ومأدري ان هذي النغمه نغمته
فايزه وجهها صار احمر وقفت ونزلت راسها وطلعت لغرفتها
وردت عليه
فايزه : الو
محمد : هلا وغلاا بالغلاا كله كيفكـ شخباركـ وش مسويه اشتقت لكـ واشتقت اسمع صوتكـ
فايزه بعد هالكلام ماعرفت ترد ...
محمد : الو معاي الحلوين ولا وينهم
فايزه بخجل: معاكـ
محمد : فديت اللي يخجلووووووون وش اخبار فضه طمنيني عليها
فايزه : والله الحمد الله جى الدكتور امس لها وقال انها تمام
محمد : الحمد الله ان شاء الله دوم وانتي الحين وينكـ ؟
فايزه : بالبيت
محمد : ادري بالبيت بس يعني وين بالضبط
فايزه : بغرفتي
محمد : ايه عدل تمام احسب بعد
فايزه : هههههه
محمد : فديت هالضحكهـ الحلوه
تصدقين بقولكـ شي
فايزه بلهفه: شنو ؟
محمد : احس ان امي وابوي قامو يحسون فيني شوي
فايزه : يعني شنو اهم مايحسون فيكـ
محمد : لا انا اقصد من جهه ثانيه
فايزه : يعني شنو وش قصدكـ ؟
محمد : امي كلمتني مساع تدرين وش قالت لي
فايزه : وش قالت ؟
محمد ويمدد في الكلمه : قاااااااااااااالت
فايزه بلهفه : ايه وش قالت .؟
محمد : قااااااااااااااالت
فايزه : اييييييييييييييييه
محمد : قالت لي
فايزه : ايه
محمد : عساني ابلغ فيكـ يامحمد ياوليدي وعساني فرح فيكـ هالسنه وبعد الاختبارات
ههههههههههههههه
فايزه : استحت وماردت
محمد : يعني وش تقصد ؟
فايزه : ماردت
محمد : الو وينكـ
فايزه : نعم
محمد : شفيكـ ترا امي ماتدري انا ماقلت لها عن شي بس اهي شكلها حست
واحس انها بتخطب لي بعد الاختبارات ...
فايزه وهي مستحيه ومبتسمه وقلبها يدق بقووووه ومو مصدقه اللي قاعده تسمعه
ضلت ساكته بس تسمع الكلام من محمد وماترد عليه
محمد : الووووووو
فايزه بصوت واطي وخجلان : نعم
محمد : انا مو قادر اصبر اكثر ودي اليوم امي تخطب لي
تتوقعين اليوم وقت مناسب للخطبه ؟
فايزه وحرارتها ارتفعت حيل وتحس راح يغمى عليها
محمد : الووووووووووو
فايزه : نعم
محمد : انا لازم اليوم اروح اخطبها واذا مارضت امي اليوم بغصبها تروح تخطب لي اليوم يعني اليوم اليله يعني اليله ومافيه تأجيل اكثر بعد صلاة المغرب لازم نروح
فايزه ومو عارفه وش تقول ضلت ساكته
محمد : الووووووووو
فايزه : نعم
محمد : حبيبتي شوي اجل واتصل فيكـ اوكيهـ
فايزه : طيب
محمد : يالله باي
فايزه : باي
وسكر الخط من فايزه ونزل لأمه على طول وضل ينادي يمه يمه يمه
ام محمد : هلا محمد تعال انا بالصاله
محمد نزل وراح جنبها وحب راسها وجلس
محمد : شخباركـ يمه
ام محمد : الحمد الله بخير وانت
محمد : بخير دامكـ بخير يالغاليه
ام محمد : عساه دوووم يارب
محمد : تدوم انفاسكـ يمه انا اليوم جاي لكـ ابيكـ بموضوع
ام محمد : خير ياوليدي وش ذا الموضوع
محمد ارتبكـ وماعرف وش يقول
ام محمد : شفيكـ
محمد : مستحي اقول لكـ بس بسكر عيوني وبقول
ام محمد : هههههههههههه
حط محمد يده على عيونه وقال
ابيكـ يمه تخطبين لي فايزه بنت عمي بو فيصل
الليله ... الليله .... اليله ...
ومابيكـ تقولين لي بوكرا ولا بعد اسبوع ولا ولا ولا
ها شقلتي قبل لافتح عيوني وقبل لاشيل يدي من على عيني
ام محمد تفاجأت حيل وحبت تلعب بأعصابه شوي : يؤؤ انت من صجكـ
محمد فتح عيونه وضل يطالع بأمه مثل اللي مقهور : شنو يعني من صجي ايه من صجي ابيها ومابي غيرها
ام محمد : بس يوليدي
قطعها محمد : لا بس ولا غيره يمه لاتسوين فيني كذا حرام عليكـ انا ابيها
بنت ناس وبنت عمي وترباية يدنا وش نبي بعد اكثر تكفين يمه ابوس راسكـ
لاتقولين لا ولا تقولين لي بس ولا تقولين لي بوكرا ابي اليوم انا احبها ومستعجل عليها
ضرب محمد جبهته بيديه وقال اسف يمه مو قصدي اطول لساني او ماحترمكـ
ام محمد تطالع فيه وهي منصدمه من ولدها وماتوقعت هالكلام يطلع منه
محمد : يمه شفيكـ تطالعيني كذا
ام محمد ابتسمت له وقالت : ولا يهمكـ الحين انا اقوم اكلم ابوكـ بالموضوع
واليوم اليوم نخطبها لكـ بس بوكرا اختبارات خلها بعد الاختبار
وفايزهـ بنت منا وفينا ولا راح نلقى لكـ بنت احسن واحلا منها
بنت مشاء الله بكامل جمالها واخلاقها وادبها واحترامها وحشمتها
محمد نزل راسه ويحس ان فايزه كبرت بعينه لما امه قالت له هالكلام
محمد : يمه عادي ع الاقل اليوم بس كلام وبعد الاختبارات يصير كل شي
ام محمد : خلاص انا اعرفكـ حنان اكلم ابوكـ واشوف
محمد : انتي اذا قلتي لابوي راح يرضى
ام محمد : ههههههههههه
محمد : يمه يعني خلاص اجهز ...
ام محمد : ايه اجهز واكشخ واتعطر وش عليكـ اليوم بنروح نخطبها لكـ من اخوها
محمد قام وهو مبسوط حب راسها : مشكوره يـأغلاا ام بالدنيا
ام محمد : ايه من قدكـ اليوم بتصير معرس
محمد نزل راسه : يمه والله استحي
ومشى محمد وصعد لغرفته مبسوط وطايره فيه الدنيا
دخل غرفته رمى حاله ع السرير وبدا يصارخ من داخله
مو عارف وش يسوي بحاله خذ جواله واتصل بسرعه على فايزه
فايزه متردده ترد او لأ خجلانه من الكلام اللي قاله لها
محمد : ياربي وش فيها ماترد عليها
اتصل ثانيه وفايزه وجهها احمر وقلبها يدق بسرعه وخايفه وماكنت تبي ترد
محمد : ياربي شفيها فيوز حبيبة قلبي ماترد خليني اكتب لها مسج
كتب لها مسج ورسلها لها
فايزه طار قلبها لما سمعت صوت المسج : فتحت المسج على طول
وكان نص المسج
حبيبتي
قلبي
روحي
لو مارديتي يمكن اموت او انتحر
ماتحمل فراقكـ دقيقه وحده
الحين بتصل وردي علي بليز
فديتكـ انا احبكـ موت
سكرتها فايزه وقلبها ذااااااااااب من الخجل
الا بأتصاله وردت عليه لاشعوريا
محمد : هلا قلبي
فايزه : هلاا
محمد : فديتكـ انا ليه تخليني كذا وماتردين علي
فايزه : سكتت وماردت عليه
محمد : حبيبتي لاتسوينها مره ثانيه بليز انا انقهر كذا
فايزه : برضو ماردت عليه
محمد : فيوووووووووز عندي لكـ خبر
فايزه بلهفه : شنو هالخبر
محمد : اليوم بعد صلاة المغرب راح نجي لكم البيت
فايزه رفعت راسها وبدت تتنهد وتحس بأحساس غريب بداخلها
محمد بصوت واطي ورومنسي : انتي طبعا عارفه ليه صح ؟
فايزه بدت ترتبكـ اكثر وجمسها صار يرتجف ومو عارفه وش تسوي بنفسها
محمد : حبي
قلبي
روحي
دنيتي
فديتكـ انا ردي علي ليه ساكته
فايزه بصوت ماينسمع : نعم
محمد : شنو
فايزه : نعم
محمد : انا مبسوط وفرحان واحس الدنيا طايره فيني
واخيرا تحقق اللي ابيه من يوم اني كنت صغير
فايزه : ..............
محمد : والله يافايزه انا اتكلم لكـ جد واقولكـ وش اللي احس فيه والله شاهد علي اني صادق بكل كلمه اقولها
انا مبسوط وانا اسعد واحد بالدنيا دام الله قربني منكـ وراح اجي الليله واخطبكـ
فايزه وتحس حالها مو قادره تتنفس من الفرحه :................
محمد : فايزه
انا بوعدكـ وعد وماراح اخلفه طول عمري
واوعدكـ اياه الحين الحين واوعدكـ اياه حتى قبل لاخطبكـ وقبل لاشوفكـ
وعد مني لكـ وعهد علي مأخلفهـ طول عمري
تعرفين بشنو بوعدكـ ؟
فايزه بهلفه وتقول بقلبها : يالله قول يالله قول
محمد : بوعدكـ اني اضل احبكـ لاخر لحظه بحياتي
وبوعدكـ بوعد مأخلفه اني مأزعلكـ ومأضايقكـ واحاول دايما بس ارضيكـ
وأوعدكـ بوعد مأخلفهـ اني اخليكـ اسعد انسانهـ بهالدنيا
وأوعدكـ وعد وعهد مني اني اذا خلفته اموت اني احبكـ للأبد
فايزه لحضتها ماحست بحالها بدت تصيح تصيح تصيح
محمد حس انها تصيح وطلبها وترجاها تمسح دموعها وماتصيح
محمد : امسحي دموعكـ ياقلبي تراها غاليه علي والله حيل غاليه واغلى من الدنيا كلها
ليتني بس يمكـ وانا بيدي اسمحها واوعدكـ وانا يمكـ ماتنزل هالدمعه ابدا
فايزه ومن تسمع هالكلام من محمد خلاص تزيد في الدموع في الصياح
لانها كان ودها هالكلام تسمعه من محمد من زمان واليوم بس سمعته وحست بحنانه
وطيبة قلبه وعرفت وش قد اهو الوحيد اللي بالدنيا يستاهلها
محمد : فايزه والله لو مامسحتي دموعكـ لأسوي شي الكل يندم عليه
فايزه وخذت كلينكس من جنبها ومسحت دموعها وقالت لمحمد : مسحتها
محمد : وعديني ماتنزل هالدموع مره ثانيه
فايزه وحست هالامر صعب عليها : ماقدر اوعدكـ
محمد : ليه كاني وعدتكـ بوعود اقسى واكبر من كذا
فايزه : ...........
محمد : مستخسره فيني هالوعد ؟
فايزه : لا
محمد : ثبتي لي وعديني
فايزه : مو الحين اوعدكـ فيه بيوم ثاني لاني الحين محتاجه اسكر من عندكـ واصيح واكتب كل اللي بداخلي
محمد : لاااااااا ياقلبي مابيكـ تصيحين
فايزه وهي دموعها على خدها : كلامكـ يجبرني اصيح
محمد : هذا وانا واعدكـ ماخليكـ تصيحين مره ثانيه ولا تحزنين ابد
فايزه : لاتلومني يامحمد انا طول عمري اتمنيت اسمع هالكلام منكـ واليوم بس وبهالحظه سمعته
وش تتوقع مني ؟ ها وش تتوقع مني ... انا احس نفسي مو بالدنيا انا احس نفسي بدنيا ثانيه
وبضل عايشه بهالدنيا الثانيه طول مأنت معي ..
محمد وضل ساكت ومصدووووووووووووووومـ ويحس الدنيا صج هالمره دارت فيه
كان دايم يفكر ان فايزه ماتحبه وماحبته طول عمرها
وكان دايم يفكر انها تعتبره انسان عادي حاله حال اخوانه
بس اليوم وهالحظه بس عرف ان فايزه كانت تبادله بنفس الشعور
فايزه : محمد اعذرني على صراحتي بس مثل ماقلت انت كل اللي بداخلكـ وبصراحهـ
انا اليوم بعترف لكـ وبكل صراحهـ عن كل اللي بداخلي
اذا انت يامحمد كنت تحبني وانا صغيره انا من انخلقت وانا قلبي ينادي بأسمكـ انت
واذا انت تنسى وتنشغل عن اسمي فأنا احلف لكـ اني مانسيتكـ ومانشغلت عنكـ ابد
واذا انت قلبكـ اعترف لأي احد بالدنيا فأنا قلبي خجلان يعترف لأي احد بالدنيا
واليوم قلبي نطق مو لساني واعترف لكـ بكل شي
وهاذي الحظه بجد هي احلا لحظه تمر بحياتي
محمد وراسه بدا يدور وقلبه شوي وينفجر من الحب اللي عطاه لفايزه وزاااااااااااد خصوصا بهالحظه
ضل ساكت ويقول بخاطره زيدي علي محتاج اسمع هالكلام زيدي ...
فايزه : ادري بتقول عني جريئه وبتغير رايكـ فيني بس هاذي حقيقه وماقدرت اخفيها عنكـ اكثر
محمد بكل رومااانسيه : شنو وش قلتي ؟
انتي ماتدرين وش سويتي بقلبي هالحظه حرام عليكـ فجرتيهـ حب لكـ
خلاص مو مكفيه المكااااااااااان قلبي صغير ومليتيه بحبكـ لين كبر وكبر وكبر
والحين انتي بكلامكـ تكبرينه اكثر وماتصغرينه
انا ياعمري الحين بس واعترف لكـ اني ماتندمت ولا راح اتندم اني وعدتكـ بضل احبكـ للأبد
تعالي واسمعي قلبي بكل دقه صار يقول اسمكـ ...
فايزه : وانا بعد قلبي بكل دقه يقول اسمكـ شغلني فيكـ حيل شغلني فيكـ لاليلي ولا نهاري
محمد : اااااهـ يمه قلبي تعب حب منكـ
فايزه وبضحكه خفيفه : ههههههه احسن مو بس انا قلبي يتعب وانت لأ قلبكـ مستريح
محمد : ههههههه ومن قال لكـ ان قلبي استراح والله انه تعبان من حبه لكـ
متى بس تصير الساعه 6 بتشوفيني واقف عند باب البيت من الساعه 5 والساعه 6 بدخل
فايزه بخجل : هههههه لاا والله
محمد : ايه والله من شوقي ولهفتي لكـ
فايزه : مشكور محمد
محمد : العفووو يادنية محمد انتي
فايزه : يالله انا بقوم اذاكر الحين
محمد : لالالالالالالا لاتذاكرين الييوم
فايزه : هذا بدل ماتقولي انت قومي ذاكري
محمد : حبيبتي ماشبعت منكـ
فايزه بصوت واطي : ولا انا
محمد : ها
فايزه : لا لازم اقوم اذاكر عشان اخلص الماده
محمد : ادري جيتنا اليوم غلط بس معليش اتحملونا شوي
عشان بس انا ارتاح ويرتاح قلبي واتطمن
فايزه : مو مشكله حياكم الله يالله باي
محمد : بايات ديري بالكـ على نفسكـ زين ؟
فايزه : زين يالله باي
محمد : باي
سكرت فايزه الخط وهي مدهوشه ومستغربه من كل شي صار ومن كل شي اعترفت فيه وقالته

وبكذا انتهت الحلقهـ السادسه عشر واتمنى انها عجبتكمـ