17-05-09, 02:59 PM | #11 | ||||||||||
مراقب عام ومشرف منتدى قصص من وحي الأعضاء وكاتب في قسم وحي الاعضاء
| شاكر لكل من علق على البدايه و راح ارجع اعلق على كلامكم باذن الله الان راح انزل الجزء الجديد ..... قراءة ممتعه اتمناها لكم ترقب ... ( 3 ) الرياض في بيت خالد ( ابو نايف ) ... و اللي كان على مسافة قريبه من بيت عبد العزيز( ابو وليد)..... .ما بينهم الا سور و فيه باب كانت ام نايف جالسة تتقهوى مع ابو نايف العصر في جلسة برا قبال المسبح و الجو كان دااافي و منعش مع شمس صافيه ......... ( عل فكرة بيت ابو نايف مثل تصميم بيت ابو وليد و بجنب بعض ) و يسولفون عن خطيب جاي لريم بنتهم .. ابو نايف : بس انا معطي ابو وليد كلمه من زمان ... ان ريم لوليد ام نايف و بضيق : يا بو نايف الحين ريم ما بقى لها شي و تتخرج هالترم ان شاء الله ...و وليد ما قال شي لا هو اللي تقدم و لا حتى ابوه .... يعني نخلي البنت و نوقف رزقها عشان كلمة قيلت وهم صغار ... ابو نايف و هو يهز راسه محتار : مدري و الله !!! .... ام نايف بفكره جديده : طيب وش رايك تقول لابووليد ان ريم متقدم لها واحد كفو ... فاذا وليد ماله خاطر فيها نزوجها .... ابو نايف : ابشوف الليلة ان شاء الله.. بشوفه بعد صلاة المغرب و بتكلم معه .... ام نايف وبتأوه : مدري بعد عن نايف هو كلمك بعد مكالمته الاخيره قبل امس!! ابو نايف : لا ما كلمني .. قال برتب اموري و بجيكم باقرب فرصة ... انا مدري ليش حاس ان نايف مخبي علينا شي .. ام نايف : وش يخبي .. اصلا لو بيخبي بيعلم اخته أمل دايم تكلمه و يكلمها ... و امل ما تخبي عني شي ... لا توسوس و تفكر و انت راعي سكر و ضغط ... ابو نايف : الله يستر .. ولدي و اعرفه زين ..الا وين امل من زمان ما جتنا لي كم يوم ما ما شفتها ... و دخلوا بسواالف جانبيه اكثر .... مفاجأة ..... (4 ) باريس وليد : .... و انت كيف وضع اهلك مع اهلك ههههههههههه ......... ............. وليد : اهم شي انهم تقبلوا زوجتك ......قايل لك ولدهم و ناشبن لهم .............................. وليد : وش قال عمي على وليد الصغير !!!..ههههههه ........................................ وليد : و الله ما يحصل لي اجي عندي كم شغله و لازم اسافر لايطاليا اليومين هذي .. و انا باذن الله راح انزل الرياض برمضان عشان كذا احاول اخلص بعض الامور هنا ............................ وليد : طيب انت الحين خلاص نهائيا مقاطع الرجعه لامريكا .............................. وليد : الله يوفقك اهم شي تكون مبسوط ...... مين أنا !!! لا تونا يا حبيبي و الا تورطت و تبين اجرب الهنا اللي انت فيه .. لا عارف قصدك لا تخاف .... يالله حبيب البي .. اشوفك برمضان ان شاء الله .. سلام ... سلم لي على عمي ....و خالتي ... سكر وليد السماعه من نايف .. و راح لمطبخ تحضيري قريب و فتح ثلاجة العصاير و اخذ له عصير خوخ و صب له في كاس و شغل التلفزيون على العرب سات ... وجلس على الصوفا متمدد يفكر بحالته .. يا ترا لو ان امه موجوده كانت بترضى ان ولدها يروح عنها .... ام ثامر آآآآخ منها ... ما يدري ليش تكرهه ....مع انه راقي معها في التعامل ... تزوجها ابوه ( بعد ما توفت ام وليد بحادث سياره مع اخوها بثلاث سنوات ) و وليد عمره 8 سنوات و كان فرحان فيها ..و فرح اكثر بعد ما جابت ثامر و نجلاء و غادة ... نجلاء ابتسم و هو يتذكرها تزوجت وراحت مع زوجها بكندا من سنتين و نصف ......تراوده الفكرة انه يروح لهم اجازة الفصح او عيد البيض الملون مثل ما يقولون ... نجلاء اول بنت من ام ثامر عمرها 20سنه دخلت معهد الاداره و تخرجت و تزوجت عبد الاله ( 29 سنه ) ويكون ولد خالتها .. انسان طموح .. اما ثامر اخوه ( 18 سنه ) ثالث ثانوي و مختار علوم اداريه يدرسها ما يبي الشرعي و لا العلمي شاب خلوق و يقدّر و يعشق وليد جدا و يعتبره قدوة له بينهم تقريبا عشر سنوات لكن هذا الفارق ما أثّر على معاملة وليد لاخوه ... الاخيره غادة ( 17 سنه ) ثاني ثانوي بمدارس الرياض جديه ذكيه تعرف تدبر نفسها و تحب تتملك اشيائها بحيث الاخرين ما يقدرون يطلبونها او يلمسون اشيائها و مجتهده في دراستها ..... سارة زوجة ابوه عمرها ( 45 سنه ) انسانه غامضه باردة و ذكيه تعتقد انها طيبه اول ما تقابلها كلامها قليل حتى مع ابنائها ... اذا صارت الفكره براسها اجباري تنفذها حتى لو عارضت الاخرين ما تحب تدلع ابنائها و هذا الشي في صالحهم و لا ترضى عليهم بالدرجات المتدنية دراسيا ,, و ابنائها يهابونها اكثر من ابوهم علاقتها بوليد علاقة بارده و اكتشف وليد هذا البرود من اول ما انجبت نجلاء .. واستمرت برودها معاه حتى بعد ثامر و غادة .... كانت تبي وليد يخطب اختها ..و هذا سبب ترك وليد للبيت حتى تضمن ان العيله تحت سيطرتها ... و كان وليد يعتقد احسن شي فيها انها معارضة زواجه من بنت عمه ريم .. و كان مرتاح جدا ... و تفاجا انها تخطط تزوجه لاختها ساميه ( 29 سنه) ... و هنا اشتعلت الحرب البارده اكثر و اكثر بينها و بين وليد... الماضي يعود ... ( 5 ) الرياض في بيت ابو وليد ... طلعت سارة من غرفتها بعد ما طلع منها الدكتور و راحت لغرفة ولدها ثامر ... سارة : ثامر كلم اخوك بسرعه ابوك تعبان ما يقدر يكلمه و قل له يجي على اول طياره ... .. ثامر و هو يفز بفزع : ابوي فيه شي يمه ...... ساره تطمنه : لا حبيبي الدكتور لسا طالع من عنده و يقول لو يجي وليد عشان يرتاح ابوك في البيت ...الحين انت دق على وليد و قل له ... ثامر : ان شاء الله يمه ........ حاول يدق ثامر على وليد والخط يعطي مشغول و الجوال مغلق ... وش فيه الثاني ما يرد وينك وليد لازم ترد ...يا شين الانتظااار ... يا ليتك ما رحت عنا يا وليد.... بدق مرة ثانيه ..... : الوووووو ... وليد ... وليد و بضحكه صغيره : هلا و الله بالبطل شلونك حبيبي...... ثامر : هلا وليد كلنا طيبين الحمد لله .. وينك ادقق عليك مشغول و الجوال مغلق ... وليد : الجوال يشحن بطاريه و انا كنت تحت اكلم نايف .. ليه عسى ما شر ثامر و بلهجه مهزوزه شوي : لاااا ما ... مافيه شي ... بس الوالد طلبني اكلمك لانه ما يقدر ... وليد و بخوف : وش فيه ابوي !!! ثامر : هاااه .. تعبان شوي و جا الدكتور عنده ... و قال لازم ترتاح واجلس بالبيت ... والحين ابوي يبيك ترجع للرياض .... وليد و هو يحبس انفاسه : ثااامر ابوي وينه !!! ثامر : و الله في البيت بس مريح ما يقدر يكلمك عشان ماخذ منوم مدري مهدي ..... وليد : متى تعب ابوي ... ثامر : قبل امس ... وليد وهومعصب : وليش ما اتصلت علي اول ما تعب ... ثامر و بقلق مندفع : مدري يا وليد ما ادري .. بس قالت امي مانبي نزعجك... انت لازم تجي هنا بالرياض لازم ... انا ما اعرف لشغل ابوي و عندي شهاده و اخاف احد يستغل الوضع تكفى وليد لا تتركنا ترا احنا و لا شي بدونك ..... و لا تهتم لكلام امي ... انا عارف كل شي ... وليد و هو يقاطعه : ثامر اهدى حبيبي اهدى شوي ... يعني ابوي حالته خطره ...ثامر : مدري .. بس شكلها كذا وليد : ثامر عطني امك بكلمها ... ثامر : ما عليك من امي انت تعال و بتعرف كل شي بنفسك ....ارجوك وليد من جد المساله لازم تجي في اسرع وقت و حط ببالك انك ما راح ترجع لباريس مرة ثانيه ... وليد : خلاص ثامر ... انت اهدى شوي ... و نفذ كلامي بحذافيره ... تروح للشركه الان و تقول لعصام يقول لك وليد لا تسوي أي شي و خليه يوقف الفاكسات لا يرسل شي لحد ما اجي .. بشوف اذا فيه حجز الليله انا جايكم الصبح ان شاء الله ...الله يسهل ...... ثامرو بفرحه : حبيبي و الله ابو خالد الله يخليك لنا ... خذ احتياطك في باريس و روما عشان لو تطول بالرياض يكون كل شي مضبوط ... وليد : ما عليك انا مضبط الوضع و حاط كل الاحتمالات لا تخاف ... الحين قل لي وشلون طاح ابوي ... ثااامر : ما عرفت وش اللي خلاه كذا كل اللي اعرفه ا ن امي كلمت الدكتور مصطفى و جا عندنا بالبيت و يقول اشتباه جلطه و عطاه ادويه و جلس عنده الدكتور الى امس و قال له لا تسوي أي مجهود حتى التفكير لا تفكر ... و اليوم قال لامي : يستحسن انكم تتصلون على وليد يجي... حتى يروح للشركه بدل ابوه ... حتى يرتاح ابو وليد و ما يفكر اكثر وليد : اهاااا ... يالله انا بروح احجز و انت نفذ اللي قلت لك عليه واذا فيه اوراق مهمه .. قول لعصام يعطيك اياها لا تخلي شي بالمكتب ... ثامر و بحمااس : اوووووووووكي حبيبي نتظرك ... سكر التلفون منه كان واقف و هو يكلم اخوه .... جلس و حط راسه بين ايديه ..الله يستر لا يكون المشروع اللي داخلينه في جده صار عليه شي !! لان ابوه دايما يكلمه عنه و متوسم فيه الربح !!! ابوي ما يطيحه الا الشي القوي اكيد فيه شي صاير ... مسك التلفون و طلب من ميشيل انه يحجز له على الرياض دايركت و اعطاه تعليمات للمكتب بباريس وبروما و طبعا اعطاه بعض الصلاحيات البسيطه ... وليد درس التجارة و الاقتصاد الاسلامي في جامعة الامام محمد بن سعود .. و كان ذكي دراسيا و عمليا قدر يدخل في عالم الاعمالو بتطبيق سياسه جديده ياخذ احتياطاته من أي احتمال يطرا في عالم الاعمال و بنفس الوقت بمرونه تخلي اللي يشتغل معاه و كانه اهم واحد .... اشوفكم على خيررررررررر | ||||||||||
17-05-09, 03:10 PM | #12 | ||||||||||||
مراقب عام ومشرف منتدى قصص من وحي الأعضاء وكاتب في قسم وحي الاعضاء
| اقتباس:
و عليكم السلام ... حياك الله اختي الكريمه و يشرفني انك تابعينها و تنقدينها ... دمتي بخير اقتباس:
يا هلا فيك اخت غدورة .. و ان شاء الله تعجبكم القصة و تحوز على رضاكم ..... حياك الله و دام عزك ... | ||||||||||||
17-05-09, 03:20 PM | #13 | ||||||||||||
مراقب عام ومشرف منتدى قصص من وحي الأعضاء وكاتب في قسم وحي الاعضاء
| اقتباس:
يا هلا فيكي اختي الكريمه ... بالنسبه لوليد انا اعتبر التجاهل لمشاعر انسان نوع من الظلم له ... بالاضافه لانواع الظلم الكثيره نايف .. اتوقع راح ينصدم بالزواج اكثر من اهله ... بالنسبه لتحديد التنزيل اتوقع بعد كل يومين باذن الله و ان عوقت و ما نزلت البارت فاعرفي ان ظروفي تمنعني او نفسيتي واتمنى في كلا الحالتين تعذريني ,, كل التقدير و الاحترام لك .. اقتباس:
يا هلا فيك القاصة الصغيرة ... انا اعتبر نفسي تلميذ عن كتاباتك واذا على الوقت .. اتمنى تخصصين لقصتي جزء من وقتك و تسعديني بنقدها او مدحها ... لكي من كل التقدير و الاحترام | ||||||||||||
17-05-09, 03:30 PM | #14 | ||||||||||||
إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| لاااااااااااااسعود بيك ماتفقنا على كذا ... خلصت بسرعه ... اولا وععععععععععع موب حلو عصير الخوخ فيه عصير اسمه عصير فرواله اناناس تفاح ان شاء الله جزر وبرتقال وعععععععععين مالقيت الا الخوخ ههههههههههه >>امزح ياخوخه مااقصد شي ابدن اقتباس:
اقتباس: لذلك هي سوير بعديييييييييييييين كل اللي اسمهم سارة حبوبين واولهم جدتي ليش تخليها شريره >>>ابوك يالبزاره اخوي سعود >>بدت تعقل هذا البارت اعتبره تعريف لنا بشخوصك وليد انسان عصامي وواثق من نفسه لكن ليش مايبي يتزوج للحين ؟؟؟ وغادة / تشبه وحده اعرفها فيها عرق طوووووووووط يبون اللي عند الناس واللي عندهم لهم >>ياكرهي ثامر / تدري حسيته بزر مع انه كبير ثانويه عامة وكلامه كنه ابو خمس سنين هههههههههه >>>بدت الله يعينك ونايف >>> انا مطنشته متقصده لانك ما سمعتنا صوته -_^ و ما ابي اتوقع لان التوقعات في بدايه القصة تخربها صراحه ماتحلى الا في البارتات المتقدمه يكون فيه اكشن اكثر >>افهمها بالتوفيق انتظر البقيه | ||||||||||||
17-05-09, 03:30 PM | #15 | ||||||||||||
مراقب عام ومشرف منتدى قصص من وحي الأعضاء وكاتب في قسم وحي الاعضاء
| اقتباس:
تسلمين هبة ... وان شاء الله تعجبكم بنيتي الجديده واذا شفتي عليها شي لازم تخبريني تعرفين التعليم في الصغر كالنقش على الحجر .... الف شكر لتواجدك في متصفحي اقتباس:
تسلمين سوون ... و تكفيني عباراتك المشجعه انتظر نقدك على كل جزء <<<< بيورطك | ||||||||||||
17-05-09, 03:46 PM | #16 | ||||||||||||||
مراقب عام ومشرف منتدى قصص من وحي الأعضاء وكاتب في قسم وحي الاعضاء
| اقتباس:
الله يسلمك وجه القمر كلامك اعتبره نياشين على صدري وان شاء الله تعجبكم القصة و تحصد نجاح مثل سابقتها لكي مني كل التقدير و الاحترام اقتباس:
يا هلا فيك اخت معجبة وكل اللي اتمناه انها تعجبكم و تحوز على رضاكم لكي من كل التقدير و الاحترام اقتباس:
اقتباس:
| ||||||||||||||
17-05-09, 04:47 PM | #17 | |||||||||||
مراقب عام ومشرف منتدى قصص من وحي الأعضاء وكاتب في قسم وحي الاعضاء
| اقتباس:
الله يسلمك | |||||||||||
18-05-09, 09:26 AM | #18 | ||||||||||
مراقب عام ومشرف منتدى قصص من وحي الأعضاء وكاتب في قسم وحي الاعضاء
| احمممممممم ترا البارت الجديد في الصفحه 3 سوون ارجعي اقريه لاني نسيت احط رقم 3 عشان تعرفون وشلون انا مشغوول حتى الثمااالة :blushing: | ||||||||||
18-05-09, 12:34 PM | #19 | ||||||||||
إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| سعود الله يصلحك >>>قل امين هذي سواه تطمرنا الاجزاء احس وليد يبي ريم ومتاكده انا من احساسي >>>ياويلك مني لو تخيب ظنوني | ||||||||||
أدوات الموضوع | |
انواع عرض الموضوع | |
|
|