14-05-09, 11:31 PM
| #1 | ||||||||||
| مراقب عام ومشرف منتدى قصص من وحي الأعضاء وكاتب في قسم وحي الاعضاء  
|  جراح لن تلتئم .......مميزة (( كاملة )) مساء | صباح ...........الخير والاحساس و الطيبه ...مساء ما يليق الا باحبابي في روايتي حاب انزل قصتي الثانية .. بعد ما شجعتوني على الاولى ( قلوب دافئة ) ... هالمرة عزيزي القاريء فيها جوانب جديده راح اعرض فيها صور واقعيه ... تمر من امامنا دون ان ننتبه لها .. اربطوا الاحزمه و راح ننطلق جميعا الى اول محطة في جراح لن تلتئم لقاااء عابر ( 1 ) شتاء باريس 2008 نزل بسرعه من الدرج بعد ما سكر باب غرفته بقوة ..... و يتكلم بسرعه و جواله مسنده على دقنه و يزرر قميصه أي كلام .... : طيب انا جاي الحين لا تروح ... مسافة الطريق وجايّك ... اوكي عرفت القهوة ....وطلع من البيت و ركب سيارته اللي بدت تخبط عليه... حاول يشغلها و الجو بارد ... لازم يحميها اكثر من عشر دقايق ..........يا رب السموات متى تحتمي هالعلّه ,,, مو مشكله بحرّك الحين و عند الاشاره تحمي على راحتها ... وصل وليد للقهوة اللي اخذ عنوانها .. وقف السيارة في بارك قريب من القهوة و نزل بسرعه و دخل القهوة اللي على اواخر الشانز بباريس ... و اخذ يدور بعيونه يتحرى يشوف نايف ... تقدم شوي و الا بيد تضرب على كتفه .. و التفت على مصدرها ....وليد : حركاتك ما تخليها ابد .. نايف ابتسم و ضم وليد بالاحضان ...في هاللحظه وليد ضمه بقوة اكثر ...: يا شين مخليني امشي مليون .. اشتقت لك نايف ... نايف عيونه تلمع بدموع استحاله تنزل : خلها على ربك ما اقدر اتاخر رحلتي بتبدى بعد 4ساعات و ان جلست اكثر من ساعه شوتوني من المطار وليد و هو يعقد حواجبه : طيب ليش مستعجل فكرتك بتجلس بباريس يومين بعد رحلتك من واشنطن .. مسك نايف يد وليد و قال تعال نمشي شوي برا .. انا طلبت و حاسبت .. اعترض وليد و قال : انت الحين تراك ساحبني من المخده !! يعني على الاقل باشرب شي يصحصحني شوي اجلس و بطلب لك مرة ثانية .. جلسوا على اقرب طاوله و من حسن الحظ القهوة فاضيه نوعا ما و ما كان موسم صيف و زحمه جلس وليد يطالع بنايف اللي حط اصابع يده على جوانب راسه ..وليد : وش فيك نايف !! وش اللي مضايقك !! نايف : مدري وش اقول لك .. الوالده ما تبيني اكمل دراستي بامريكا تبيني ارجع للرياض عشان اتزوج .. و ابوي محتاجني قريب منه اشوف للمزرعه ومشاريعها .. وليد : طيب انت ما بقى على دراستك شي يعني لك ست سنين اتوقع انك بتخلص اخر سمستر هذا قريب ... نايف رفع راسه و يطالع وليد .. و ببرود : و من قال لك اني اصلا كملت !!! وليد و بصرخه مفاجئة :وشوووووووو!!!!! .. طيب و اللي شفته يوم زرتك و جامعتك و خرابيطك هذيك !!!!! نايف ...... !!! تكلم ..نايف : وليد بلا كلام زايد...... انا خذت الماستر و بس الدكتوراه ما قدرت وليد :يعني ...خذت الماستر بثلاث سنوات ...و السنتين الي فاتت !!! نايف بصبر نافذ : يعني بصريح العبارة انا اتزوجت لبنانيه و جالي ولد وسميته وليد ... وليد بحيرة : تزوجت !!!!!! والله يا صاحبي مدري وش اقول لك...تعال ... تقول سميته وليد !!هههههههههه الله يلعن بليسك .... على كلمتك لي ما اخلفت الوعد ....على فكرة ترا ان تزوجت ما راح اسمي نايف ,,, ابتسم نايف و قال : لا تسمي انت .. اختي بتسمي غصب عنك ,,, عقد وليد حواجبه : و اختك وش يخصها !!! نايف يرفع حاجب : ليش مو ناوي تتزوجها !!!! وليد بصمت ... يطالع كوب القهوة الدافي ... : المهم نايف يعني راجع بزوجتك و ولدك للرياض بشهاده وحده طيب كويس وفرت على الاهل لزوم الشبكه و المهر ههههههههههه نايف : الله يلعن بليسك ما تبطل من عيارتك وليد : اسمع نايف مالك حل الا تواجههم بالامر الواقع ... اذا وصلت بالسلامه دق على عمي وقل له كل شي باختصار .. و هو اكيد بيتفهم لان عمي مجرب الغربه قبلك .. نايف : مدري يا وليييييد ... انا حاس انهم بيزعلون ... وليد : بيزعلون اكيد بس ولدهم و ناشب بحلقهم مع الوقت بيتعودون ... معك صورة سميي ... نايف : من قال انه سمييك .. هذا سميي جده ابو امه ... وليد : اووووف الجد وليد .. و الله قويه .. نايف و باستغراب : اشوف صاير خفيف دم يالحبيب و بالتلفون اكتئاب مزمن وليد بتنهد : انا قررت خلاص .... بستقر هنا ,,,نايف : ليش !!! وليد بصوت مهموم : أحسن ابعد عن المشاكل .. نايف : لا يكون متزوج انت الثاني ... !!! وليد : عاد شوفو من اللي يحكي !! فعلا كلن يرا الناس بعين طبعه .. نايف : اجل وش السالفه !! .. وليد : انت ما عليك قم الحين رح مع ام وليد و و ليد يئبر الب امو و ابوه و بعدين بحكي لك .... نايف : طيب وشلون بتحكي لي و انا راجع للرياض الان ... !!! وليد : كالعاده مسنجر او تلفون او يمكن ترجع هنا ما تدري وش راح يصير لك ........ قمنا من القهوة و بعد ما حاسبت وليد : تبيني اوصلك للفندق ... رفض نايف و قال : لا ماله داعي لاني بمر كم شغله سريعه .... سلموا على بعض و على الوعد ان بينهم اتصال قريب ,,,, قهر و سفر !!! ( 2 ) الرياض 2006 في بيت كبير و واسع ... في منطقة تعتبر من المناطق الراقية ... وتحديدا عند المسبح وقف ثامر عند جال المسبح استعداد للقفزة الاولمبيه و بتركيز شديد .. الا بطلعة وليد من باب المخصص للحديقة .. اللي شاف اخوه و على طول راح لجهته و بدون ما يحس قرصه مع خصره .... ثامر و بدون توازن طب في المسبح و صار يخابط الماء .. ثامر : يا حيوااا..... شاف وليد يبتسم و فيه الضحكه وقطع الكلمه : يا شيخ حرام عليك مركز بسوي حركة جديده ... و تجي تخرب علي .. وليد و بضحكه قويه شوي و يحط ايديه بجيوب الشورت : يا زين الحركه الجديده !!! لك ساعه و انت تطالع المسبح .. قلت انهي الموقف قبل لا تتهور ... ثامر و يمسح بيده على عيونه : فكرتك الانسة غادة بتجي تكمل علي بعد ما زفني الوالد .... وليد و باستغراب : ليش و ش مسوي لها انت !! ثامر : و لا شي بس كسرت اللاب توب حقها ... ضحك وليد : و ليش يا طويل العمر تكسر جهازها !! ثامر و هو يرفع كتوفه : قلت لها عطيني اياه بركب فيه سيدي .. رفضت... اخذ ته و صقعته بالجدار .. وليد و بتفكير : اها و انت اذا احد قال لك لا ما عندك تفاهم !! .. ياخي عندك جهازك ليش ما ركبت السيدي فيه !! ثامرو هو يغمض و يفتح بعيونه من موية المسبح : جهازي مليان فيروسات و غادة جهازها جديد ... فقلت هي جهازها بيتحمل ... ويقاطعهم صوت مارلين : مستر وليد يور فاذر وانت تو تووك ويذ يووو .... وليد التفت على مارلين نص التفاته :ويير مارلين : ان ذا اوفيييس ... رمى وليد وردة جوري كان قاطعها قبل لا يتجه للمسبح رماها على ثامر ... وقال له و هو يضحك : وردة حبنا ...كمل سباحة يا بطل ....ضحك ثامر ... : شكرا حبيبتي ...رفع يده وليد و هو معطيه ظهره ..... دخل وليد البيت و اتجه للمكتب و كان الباب مفتوح و سمع صوت ابوه و زوجته .. خلاص انا بفهمه بطريقتي انتي لا تتدخلين .... طيب اذا رفض ... قلت لك ما عليك انا اعرف وليد زين ...ما يرد لي طلب وليد : احممممم ... مساء الخير ... ابوه و هو يطالعه : مساء النور تعال وليد ادخل ابيك بموضوع ... سارة روحي فوق و جيبي اللي قلت لك عليه .... سارة و بتمسكن : ان شاء الله يا عمري .. وليد يطالع ابوه و زوجة ابوه اللي ما ردت عليه و حاسس ان الموضوع فيه غلقة .... جلس وليد على الكنبة المقابلة لابوه و مدد رجوله و ارتخت ايديه على الكنبه براحه : سم طال عمرك !!! ابو وليد و بضيق : انا عارف انك ما راح تخيب ظني فيك يا وليد ... انت عارف اني ما اقدر اسافر كثير و خاصة بعد الدسك اللي جاني ... و امورنا التجاريه في اوربا تبي احد يتابعها و انا ما اقدر اخلي الاجانب يمسكون اوراق مهمه بايديهم .. وانت ما عليك فاهم الشغل كله لذلك بخليك تمسك الشغل هناك لو على الاقل نصف السنه و هو اللي راح يكون فيه الضغط علينا .... لحظات صمت ... وليد و بعد تفكير ... : طيب و الامور الثانية .. اعتبرها خلاص منتهية ... ابو وليد و بتنهد ...: اكون صريح معك يا وليد سارة من بعد الموضوع اللي صار و هي متضايقه منك و طلبت تطلع ببيت ثاني و انا ما فيني اغيرالبيت و تونا مأثثينه و مجددينه و مبسوطين فيه ... لذلك افضل حل انك تمسك شغلي هناك برا المملكه و نرتاح كلنا و الزمن كفيل بالنسيان ..... وليد و بحرقة تكويه :اوكي طال عمرك اذا ما تبيني اسكن عندكم اروح ادور لي بيت ثاني خاص فيني ... ابو وليد : وهذا الجزء الثاني من اللي بطلبه منك يا وليد .... انت الحين رجال عمرك فوق 29 يعني محتاج لاستقرار و بتتزوج ... فانا ابيك تتزوج بنت عمك خالد ريم و تستقر مرة وحده .. هنا وقف وليد بصورة مفاجئة : الى هنا يا طويل العمر و ما قدر انفذ اللي تبي ... اذا على الشغل برا انا ما عندي مانع ... اما الزواج فاتوقع ا ن هالشي من خصوصياتي انا و انا بس اللي اقرر متى اتزوج !!! متى تبيني اسافر !!! ..... ابو وليد.. : طلع الفيزة و اقرب حجز لك ... لان فيه عقود ابيك توقعها و انا راح اعطيك توكيل رسمي هناك ... وليد بملل : تبي مني شي طال عمرك ... مواعد لي واحد بعد الصلاة ... ابو وليد و بضعف : ابد سلامتك ... طلع وليد من الغرفة و كان بيصدم سارة اللي جالسة تتسمع الكلام اللي دار بينه و بين ابوه ابتسم وليد في وجهها و بنظرات خفيفه ..: عن اذنك يا ام ثامر ...طالعته ساره و هو مقفي عنها بسخريه ... عطونا انطباعكم الاول  واللي يقول مو زين ترا بحذف قصته  واللي ما عندهم قصة .. ما قدر اقول لهم شي  انتظركم يا شعبنا العربي العظيم .gif "Eh S(7)") | ||||||||||
|  |
|
15-05-09, 12:34 AM
| #2 | ||||
|  السلام عليكم يا مشرفنا الراااااقي و القااااااااااااص المتميييز و صاحب القلم المبدع ....... يشرفني اني اكووون اول اول وحدة اترد على روايتك الجديدة ,,, و انا من المتابعين و في الصفوووف الاولى بعد ..... متاابعة بصمــــــــــــــــــــــ ـــت ........... لكخالص الشكر و الامتنااااان اخوي | ||||
|
| |
|
15-05-09, 01:11 AM
| #4 | ||||
| صبـــــــــاح / مســـــــــاء النـــــــــور والســـــــــرور تسلم أخوي على البداية المشوقة في تطور في الاسلوب وطريقة سردك للاحدات عن قصتك السابقه وليـــــــــد / الله يعينه شكله مظلوم من زوجة أبوه نايـــــــــف / وش راح يكون رد فعل أهله عن عدم حصوله على الدكتـــــــــوراه اولا وعن زواجـــــــــه ثانيا في انتظار البارت القادم بكل شوق واذا ماعليك أمر فياليت تحدد يوم لتنزيل البارت دعواتي لك بالتوفيق أختك / ليتني ماكنت أنا | ||||
|
| |
|
15-05-09, 08:05 AM
| #5 | ||||
| قاصة و نـاقدة أدبية في قسم قصص من وحي الاعضاء 
| سعود لا أدري لماذا وجدت نفسي أقرأ ها هنا ؟! والحقيقة تقال أسلوبك جديد بالنسبة إلي وشعرت بقربي من الشخصيات لواقعيتها سأجد وقتا للمتابعة >>>>>>أهم شي لا تحذف قصصي ههههههههههه  واصل الكتابة لنواصل المتابعة | ||||
|
| |
|
15-05-09, 08:38 AM
| #6 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| أخى سعود صغيرتك الجديدة الرائعة من أول بارت نورت المنتدى ,أتوقع أن تسبق الصغيرة أختها الكبيرة( قلوب دافئة ) فى الروعة و الجمال ......... لك متابعتى و شكرا لك | |||||
|
| |
|
15-05-09, 09:17 AM
| #7 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| اخوي سعود بداية رائعه وقوبة واتوقع لها النجاح لانك كاتب عندك حس درامي عالي اول في قلوب كل ما اقراء اتحمس معهم بقووووووووة وانتظر بشوووووووووووق واظن والا متاكده ان هذي بتكون اقوى لان تجربتك الاولى ناجحه واللحين انت مجرب بس تفنن بس خلك حنين لا تعذبنا انتظركـ ابو وليد موفق باذن الله | ||||||||||
|
| |
|
15-05-09, 12:06 PM
| #8 | ||||
| عضو موقوف
| اخي سعود كما فاجاتنا بابداعك في قصتك الاولى ها انت تفاجئنا في الثانية دائما اقول القصص هي نفسها ولكن روح الكاتب تختلف فانت تجعلني وانا اقراء لك كإني اشاهد مسلسلا دراميآ حصريآ فقط بروحك اللتي تدل على شخصية اجتماعية تحب الاختلاط بالناس مع اختلاف طبقاته لن اقول مرحبآ بك في منتدانا فأنت مشرفنا بل انا من استسمحك لترحب بي لأكون قارئة متابعة لك انا في انتظار المزيد منك اختك وجه القمر:blushing: | ||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
