29-05-09, 09:00 PM
| #1 | ||||
| كاتبة وناقدة ادبية في قسم قصص من وحي الاعضاء 
|  سر الشوق.. *مميزة ومكتملة*   الاغلفة الاربعة اهداء من (مسابقة كاردينيا73 للتصميم) بتصميم المصممات: rewaida Aurora كبرياء عنيدة (Demaa) *strawberry*     ************ في الماضي ..ثمة حدث عظيم ؛؛قد غير مسار حياة شخصين تحديا الفوارق الاجتماعيه ؛؛وتخطيا الصعاب.؛؛من اجل الحب عواصف الواقع الدامي ؛؛دمرت مشاعر الحب الرقيقه اختارا طريق الفراق ؛؛وباعدتهما الايام والليالي وحين سأل الجميع عن السبب ؟؟ كان الجواب ..!!ذاك الشعب اشتهر بالشعوذه والاسحار دارت الدنياا...طويت صفحات قصة حب ..وبين طياتها.. جفت وردة حمراء رائحتها تعطر اوراق الماضي وتبقى ورده الفرح بين الماضي والحاضر تبحث عن... سر الشوق غـريـب والله يـا حبيبـي هـوانـا نستعذب الأشواق ما نطفـي الشـوق شـوقـي وشوقـك هايمٍ في سمانـا في ناظري حيره وفي ناظرك مـوق نطـرد سرابٍ في صحاري ظـمانا لا فيـه ميـرادٍ ولا حاصـلٍ ذوق يـومٍ يـبعّدنـا ويـومٍ دعـانـا ويـوم يلبّسنا خيال الهـوى طـوق طيـفٍ يرغّـبنـا وطيـفٍ نهـانـا فوق الثرى نمشي وحلم الهوى فوق خيالنـا من كـل نبعٍ سقـانـا وأيامنا تسوق عبراتنـا سـوق ميعادنـا عند التمنّـي نسانـا وظروفنا تزرع على دربنا عوق خالد الفيصل أسألك بالله..قولي..ما سر الشوق..؟؟ هوغرام!! اوقصه حب.!!.ولا مرحلة جنون مفاتيح سر الشوقـ....شخصيات الروايه عائلة ابو فرح فواز.... 62 سنه.حارس لمدرسه الـ سالم الاهليه.وامام مسجد الحي الي ساكن فيه.. نوره...47سنه..ممرضه في مركز الرعايه الاوليه بالحي..استقالت قبل سنتين..بعد تغير نظام ساعات الدوام الرسمي فرح....24سنه..ايه من الجمال العربي..جسمها اشبهه بعارضات الازياء عيونها واسعه ولونها عسلي..ويشرتها صافيه بلون الدراق الناضج شعرها بلون الشوكلت ويوصل لنص ظهرها وهو مفتوح متواضعه ..ومحبوبه..عندها عقده من لون بشرتها وطولها حاولت وهي صغيره..التعبير عن مشاعرها..كان جزئها من ام الخير الضرب والحرمان من اشياء تحبها..كتمت مشاعرها خوفاً على مشاعر اعز الناس عندها ,,والديها بعد ذلك تعلمت على مدى خمسة عشر سنة فن اخفاء المشاعر..واتقنته مدرسه حاسب في مدارس الـ سالم الاهليه قسم الابتدائي فواز قدم اوراقها ..مع سمر..وقبلوهم بالواسطه عائلة ابو خالد ابو خالد(حامد العلي)..52 سنه..طيب ومتفاني في عمله..حارس امن في احد المجمعات التجاريه ام خالد(ظبيه)..50سنه.. اهم شي عندها بيتها وعيالها خالد..30 سنه..موظف في شركه الاتصالات..متزوج من سعاد .. رزقه الله بنت بعد اربع سنوات عادل..28 سنه..دكتور اطفال..مطلق..عنده ولد عمره سنتين سمر..26 سنه.. مخطوبه لولد عمها نبيل..وصار لها خمس سنين تأجل الزواج..بتعرفون السبب بعدين موظفه مشرفه على المقصف في مدارس الـ سالم قسم رياض الاطفال هند..20 سنه..شخصيه مسالمه..عندها عذر لكل شي..تحب شغل البيت والطبخ جود..15 سنه..تحاول تتبع خواتها وتقلدهم..بدون علمهم محمد..10 سنوات..دلوع ..كل طلباته مجابه عائلة ابو سعد ابو سعد( مسعود المهنا)..56سنه ام سعد( مرزوقه)..47 سنه سعاد..26 سنه..تزوجت خالد بعد قصة حب من طرف واحد سعد..20 سنه..تخرج من الثانويه ..وسافر للدراسه بالاردن عائلة ام علوي ام علوي ما علمت احد كم عمرهاا الحقيقي.. لها 20 سنه وهي واقفه على الثلاثين خطابه..خبيره في الطب الشعبي..مندوبه عدة شركات لمواد التجميل والعطور والعنايه بالجسم ..ارمله من عشر سنوات ومطلقه ..من اربع سنوات تبحث عن ست عرسان مناسبين (بناتها الكبار خمس..والسادس لها)..رئيسة الشله بناتها منطويات وما يحبون يختلطون ببنات الحي لسببين..لسان امهم واخوهم الوحيد..؟؟ علي..18 سنه ..(علوي الخكري)الولد الوحيد بين ست بنات اكبر مغازلجي ..مشهور بالسهر ..وكثر الهوشات الجازي..5 سنوات ..اصغر بنات ام علوي..والوحيده منهم الي تطلع مع امها وتسير على الجيران عائلة بشير بشير ..54 سنه..سواق الشيوخ زوجة بشير،،منيره..60 سنه..اخت نوره ..طيبه وتحب تساعد الجميع..يسمونها ام الخير ما عندهم عيال سر الشوق؛؛؛1 في حي فقير..بيت شعبي قديم..حفرت على جدرانه آهااات الزمن استيقظت فرح..على صوت طرق خفيف ..مدت يدها واضأت نور الاباجوره القت نظره على المنبه..الساعه خمس انفتح باب الغرفه.بهدوء. فواز/ فرح ..يالله قومي..حبيبتي لا تفوتج الصلاة رفعت اللحاف بعيد عنها ..ورفعت يدهااا متشابكه للأعلى..ثم للأمام فرح/صباح الخير ..غريبه !!وين امي .مخليتني اليوم انام على راحتي فواز/ ههههههههه..وييييين ..صباح الخير...احنا المغرب فرح/ يووووو..والله على بالي الفجر...هههههههه الحمد لله..شايله هم المدرسه والدوام فواز/ بسرعه ..صلي وتعالي ..ماحب ايلس بروحي فرح وهي تسحب الفوطه من ورى الباب / امي طاالعه ؟؟ فواز/ راحت تبارك لام سعد فرح ترفع الفوطه على كتفها وتتوجه لدورة المياه/ دقايق واكون عندك بعد ما صلت المغرب..وقفت لحظات للدعاء..وهي ترفع السجاده وتطوي الجلال رن جهازها النقال بنغمه خاصه بالرسائل... اخرجته من حقيبتها وضغطت على زر فتح الرساله إنتي بـ كف ْ وبـآ قي إلخلق ْ في : كف ْ متعلية في وسط قلبي ، ولك شـآن في غير – وصلك ما لـ قلبي ، ترآ شف ْ محتـآج لك يـ ~ نووور عيني . . . . و شفقـآن ْ قامت بمسح الرساله ..مثل كل الي قبلهااا قابلت المرايا المعلقه على احدى جدران الغرفه سرحت شعرها الي بلون الشوكلت..وجدلته جديله فرنسيه عريضه وطلعت بسرعه للصاله فواز/ زين الي جيتي..نوره وين حطت التمر ؟؟..عجزت وانا ادوره فرح واصلت طريقها للمطبخ..فتحت حافظه بلاستيكيه..اخرجت منها كيكه التمر ..وضعت قطعه منها في صحن صغير فرح تقرب صحن الكيك / تفضل يبه..هذا باقي التمر ..سويته كيكه بالتمر حق ام سعد ..ورفعت لك منها قطعه فواز يذوق الكيكه ويرشف بعدها من فنجان القهوة فواز / امممم..تسلم ايدج ..بس سكرها وايد فرح/ ههههههه والتمر !! سكره موب وايد.؟؟..كله سكر بسكر فواز يمد يده باتجاه فرح فيها الفنجان فاضي/ ماادري اشفيها نوره..جنها تأخرت ظهرت ابتسامه جميله على وجه فرح/ تدري!!تنساك لا قابلت رفيجاتها دخلت نوره..وفي يدهاحقيبه جلديه..مخصصه لترامس الشاي والقهوة نوره/ السلام عليكم.. تأخرت عليكم؟؟ علقت عبائتها عند المدخل..وجلست بقرب زوجها فواز..على الجلسه الارضيه القديمه فواز /بنت حلال..لو متأخره خمس دقايق زياده..كنت بقوم ادورج نوره/ ما قدر اتأخر !!عارفه انك ما تحب تيلس بدوني فرح/ ياااعيني على الثقه،،شاايف يبه امي شكثر تحبك,, لدرجه انها فضلت الجلسه وياك على شلة الحاره فواز/ تلاقينها ما رجعت الا بعد ما انفض الاجتماع فرح/ ههههههه ..يمه شلون الاجتماع اليوم..كم قضيه ناقشتو واخبار سعاد عقب الولاده ..وام علوي شنو اخر منتجاتها انطلقت نوره بسرد تفاصيل الزياره/ بيتهم متروس حريم..وسعاد ماعليها شر .. لازم بتتعب عقب الولاده ما طلعت بنتها لنا الا بعد ما راحو كل الي عندهم..وما بقا الا انا وام خالد وام سعد ..ما قصرت عطتني من غسال النسوان جبته وياي ..لي حسيتي بتعب ولا شي غسلي منه فواز / ليش الغسال ..؟؟ نوره/ ام علوي يامال الماحي من قعدت لين قامت وهي ماعندها سالفه غير فرح.. ولاااا لما كلت من الكيكه الي سوتها فرح بغت تطلع عيونها موب مصدقه .. تقول ابداً مو صنع بيت فواز/ نوره الله يهداج.. لو صار بالبنت شي ترى منج انتي ورفيجاتج فرح يابعد هم كلهم ..مثل ما وصيتج..لا تتركين الاذكار وحصني نفسج فرح هزت راسها موافقه/ ان شاءالله يبه . .وكملت كلامها مع نوره /اهم شي يمه انج شفتي سعاد .. وقمتي بالواجب نوره/ ايييييه ..مسكينه مابغت تحمل ..وتيب هالبنوته النتفه.. لو شفتيها.. سعاد صغنونه الا خشيمها جنه خشم خالد فرح/ يااقلبووو..يحليلها سعاد صارت ام..ههههه اهم شي الشعر على قولت سعاد ..مايطلع اصلي نوره/ الله يقطع شرها ..من وين بتيب شعر موب اصلي...ههههههه وانا عارفتهم اهل سعاد ..واهل خالد..شعورهم مثل بعض فواز بعفويه/ اكيد..كل حب يطلع على بذره ارتجفت فرح..وسقط فنجان القهوة من يدهاعلى الارض انتبهت نوره لارتباك فرح../ فرح يمه .. ما عندج درس اليوم وقفت فرح وهي تقول/ بروح البس عبايتي فواز / باوصلج وانا طالع لصلاة العشا بيت ابو خالد،،جيران فوازمن عشرين سنه ما يفصلهم عنهم الا جدار من جهه اليمين وجيرانهم من الجهه اليساار .. بيت ابو سعد فرح حبت تفيد صديقاتها وتعطيهم دروس في الحاسب وصارو يجتمعون يومين بالاسبوع في بيت ابو خالد انفتح الباب الحديدي قبل ما يضغط فواز علي زر الجرس خالد/ هلاااااا ..بو فرح فواز/السلااام عليكم ..مبروك ماا جاك.. وتستاهل سلااامه ام العيال خالد/ الله يبارك فيك..عقبال ما تشوف عيال فرح فواز/ يالله .. لا نتأخر عن الصلاة خالد بعد عن الباب وهو ياشر لفرح/ هلاا فرح ..تفضلي سمر وهند ينتظرونج داخل فرح لما مرت من قدام خالد/ مبروك ..الله يجعلها من مواليد السعاده خالد وهو يضحك/ اكييييييد..امها سعاد..خالها سعد..وجدها مسعووود..وماتطلع سعيده..مشكله فرح دخلت عند البنات وهي تضحك.. سمر/ هلاااا ابله فرح..ضحكينا وياج فرح/ خااالد....لا يكون يبي يسمي بنته ..سعيده سمر عقدت حاجبيها/ لاااااا .. يبون يدمرون حياة البنت..احد في هالايام يسمي ..سعيده ..اهئ ..اهئ فرح/ ولو جايه ولد..اظن بيسميه..سعدون ..سعيدان..مساعد هعععععععععع دخلت عليهم هند/ وش فيكم ..ناس تصيح وناس تضحك سمر/ لحقي عليناا..خالد بيسمي بنته سعيده هند بكل ثقه/ ماااعتقد ان خالد يسوي هاالسواة..موب مسميها الا اسم كشخه ..من هالاسامي اليديده يمكن يسميها,,شهد ولاا حلا فرح/ سعاد كانت مسجله اسامي..وقالت اذا ولدت وشفت البنت بسميها ..اسم يناسب شكلهااا هند/ ههههههه ..من صج ..والله سمعتيهاا بنفسج سمر/ ههههههههه..عيل بتسميهاا ام خشيم هذا هو الشي المميز فيهاا هند/ قصدج اكبر شي في ويهها فرح/ حرام عليكم..بتكبر وتوالم خشتهاااا ههههههههههه فرح تقدمت وجلست على الكرسي مقابل الشاشه فرح / يالله ..نبدا هند/ ليش مااا تأجلين الباقي من الدروس..بعد ماا ترجع سعااد فرح/ اذا طلعت سعاد من النفاس..بكمل لها الدروس الي ناقصتهااا الحين انتي وسمر خلني اخلص منكم يالله هند..وريني شلون تفتحين مستند جديد ..وطريقة حفظه وانتي سمر..تعالي عشان تستفيدين من المراجعه روابط الفصول الفصل 1 ... اعلاه 2 https://www.rewity.com/forum/t61388-2.html#post1149935 3 https://www.rewity.com/forum/t61388-2.html#post1158928 4 https://www.rewity.com/forum/t61388-3.html#post1169091 5 https://www.rewity.com/forum/t61388-4.html#post1185858 6 https://www.rewity.com/forum/t61388-5.html#post1213460 7 https://www.rewity.com/forum/t61388-6.html#post1246304 8 https://www.rewity.com/forum/t61388-6.html#post1281112 9 https://www.rewity.com/forum/t61388-7.html#post1340820 10 https://www.rewity.com/forum/t61388-8.html#post1364654 11 https://www.rewity.com/forum/t61388-11.html#post1505435 12 https://www.rewity.com/forum/t61388-12.html#post1578388 13 https://www.rewity.com/forum/t61388-13.html#post1605411 14 https://www.rewity.com/forum/t61388-15.html#post1673315 15 https://www.rewity.com/forum/t61388-18.html#post1715983 16 https://www.rewity.com/forum/t61388-19.html#post1756803 17 https://www.rewity.com/forum/t61388-22.html#post1909143 18 https://www.rewity.com/forum/t61388-23.html#post1922830 19 https://www.rewity.com/forum/t61388-24.html#post2001084 20 https://www.rewity.com/forum/t61388-25.html#post2044093 21 https://www.rewity.com/forum/t61388-26.html#post2077690 22 https://www.rewity.com/forum/t61388-27.html#post2111402 23 https://www.rewity.com/forum/t61388-28.html#post2213439 24 https://www.rewity.com/forum/t61388-29.html#post2373800 25 https://www.rewity.com/forum/t61388-32.html#post2814537 26 والأخير https://www.rewity.com/forum/t61388-35.html#post2948316 رابط تحميل الكتاب الالكتروني للرواية التعديل الأخير تم بواسطة كاردينيا الغوازي ; 05-02-18 الساعة 04:43 PM | ||||
|  |
|
29-05-09, 09:41 PM
| #2 | ||||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
|  ياهلا مليوووووون ولايسدوووووون ياهلا بالطش والرش وماء الورد اللي في الغرش ياهلا في شمس الابداع وظلها انا اقول القسم منور طلع السر (سر الشوق ) بدايه موفقه لاني اعتبر الجزء هذا تعارف وفيه تمكنتي مثل السابقه من ادارة الحوار والاحداث بين الشخصيات اللي فز قلبي لواحدبس 7 7 7 7 اقتباس:
امزح ههههههههههههههههههههه اقصد فروحه شكلها هي ام الاسرار هنا والاشواق بعد اقتباس:
صدق مشكله ياحليله هالخالد لكن سعاد حب من طرف واحد اتوقه ان خالد هذا عيار من كلامه ننتظر الباقي بشوووووووووووق كما السر اللي عندك | ||||||||||||
|
| |
|
30-05-09, 04:47 AM
| #3 | ||||
| كاتبة وناقدة ادبية في قسم قصص من وحي الاعضاء
| هلاااا ..سووون العسل  المكان منور بأهله ونااسه..ياقلبي سعيده جداً بتعليقك على الروايه..من بدايتهااا  وسعيده اكثر بمرورك المميز وردج الرااائع:syria8: يسلمووووووو.. سون القمر:44: | ||||
|
| |
|
30-05-09, 04:42 PM
| #4 | ||||
| كاتبة في منتدى قصص من وحي الأعضاء 
| ياهلا والله بهالطله اشتقنا لكتابتك والله عذبنا فراقك يالغالي خاف الله فينا خاف الله مرحبااااااااااااااا ملييوووووووووون وكاد اني بكون من متابعين للقصه واكيد انها حلوه حتى لو ما قريتها دام انتي اللي كاتبتها .............. من الحين اقولج لا تطولين علينا بالبارت الجااي خخخخخخخخ >>>>>من الحين ازعاااااااااااااااااااااج .. جاااااااااااااااااااااااا ااااااري الانتظار ... | ||||
|
| |
|
31-05-09, 03:03 PM
| #7 | ||||
| نجم روايتي وكاتبة في قسم قصص من وحي الأعضاء 
| شموس موفقه ان شاءالله سر الشوق سر من اسرار الحياه والحياه اسرار الحياه اسرار وبكره تعرفين¤¤¤وكل شي له ثمن ومواجهه ماخفى عن ناظرك بكره يبين¤¤¤والحقايق دايما متشابهه السنين تمر ياطول السنين¤¤¤لبتسم لي الحظ وشلون اكرهه والعذول اللي عذلنا مايلين¤¤¤احسن ان حنا نصد ونسفهه الوله والشوووق هم اصل الحنين¤¤¤من جهات نحب ونكره من جهه لويزول الشك ونقنع باليقين¤¤¤ماغزا الكعبه بجيشه ابرهه ¤¤ ¤¤ ودمتي لنا ...وديمه العطا | ||||
|
| |
|
31-05-09, 09:30 PM
| #8 | |||||
| كاتبة وناقدة ادبية في قسم قصص من وحي الاعضاء
| اقتباس:
هلااا مكحولة العين..... وش هاالترحيب الزين ماا قصرتي يااا قلبي....بعض مما عندكم تابعي البارت الثاني بعد شوي تحياتي | |||||
|
| |
|
31-05-09, 09:39 PM
| #10 | |||||
| كاتبة وناقدة ادبية في قسم قصص من وحي الاعضاء
| اقتباس:
لااااا مااا اقدر...قلبي بيوقف...اسود الصحرا عندناا..ياا مرحباااا صب قهوة ياا صالح.. ياهلاااا وغلاااا بمبدعتا وديمه....الله يعافيج نوورتي الروايه بردج المميز .....والابيات الجميله يسلموووووعلى هالطله الحلوه | |||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
