|
| LinkBack | أدوات الموضوع | انواع عرض الموضوع |
30-10-16, 08:41 AM | #1 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| والله إنك حبيبي ليّن يفنى هالعُمر / للكاتبة rwaia_226، مكتملة بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته نقدم لكم رواية والله إنك حبيبي ليّن يفنى هالعُمر للكاتبة rwaia_226 قراءة ممتعة للجميع..... التعديل الأخير تم بواسطة لامارا ; 11-02-22 الساعة 02:15 PM | ||||
17-01-22, 08:07 PM | #2 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رابط لتحميل الرواية هنـــــــــــــــــــــــ ـــــــا بسم الله الرحمن الرحيم السلام عليكم ورحمة الله وبركاته هلا والله ومليون غلا تو مانور المنتدى هذي روايتي الثانية : والله إنك حبيبي ليّن يفنى هالعُمر💙... بعد اتمام روايتي الاولى " حبيتها والحب ما هو خطية " أرجع من جديد بـروايتي الثانيه ، الي بـتتركز على الظروف القاسية بهالحياه الي بتجبرنا نسوي إشياء خطا ونندم عليها عُمر ، بـتكون نوعاً ماً حزينة ، بس اكيد النهاية بـتكون جميلة ، يمكن البعض بيشوف القصة خيال والبعض واقعيه كله يرجع ع حسب تفكير الشخص وبالنهاية هي رواية 🌷. بخصوص الصور ع راي الاكثر بتكون وصف كتابياً من غير صور للشخصيات واحتمال تكون صوره مُوحده او مثل صور روايتي الاولى ع حسب الاحداث احاول اختار شي مُناسب 💔. وبخصوص تعدد الشخصيات برضو أحترتّ بين اختلاف الاراء فـحتكون اكثر من شخصية لها دور غير بالرواية ، بس الاساس يتمحور على شخصيتين ❤️ التعديل الأخير تم بواسطة فيتامين سي ; 11-02-22 الساعة 05:29 PM | ||||
01-02-22, 07:16 AM | #3 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 1 بـ احد ساحات الحرم المُكي الكبيره جلست على رجولها بـألم وبكاء مُسموع " ياااااارب وحدك تعرف اني مُظلومة والي صار غصبن عنيّ ياااارب افرجهّا علي ياااارب الهمني الاختيار الصح يااااارب عفوك ورضاك والجنة " ضمتّ رجولها لصدرها وتفكر بحالها " وين اروح ايش اسوي بروحي للحظة ندمت ع قرارها المُتسارع بس رجعت تبرر لنفسها بس لو بقيت والله لا يذبحني ابوي ولا يسمع الي عندي انا مُظلومة والله ما لي ذنب هم اجبروني " كانت بنفس المُكان رجل مُتوسط بالعمر كان يتردد كثير على ساحات الحرم بعد الصلاه يساعد المحتاجين يرشد زوّار الحرم المُكي . انتبهه للـبنت الي تبكي بـاستمرار وبنفسه " هذا رابع يوم اشوفها هنا ، شسالفه وين اهلها وليش تبكي تردد يسأل بعد تفكير قرر يتجاهل الموضوع يمكن مشاكل عائلية الله يفرج هّمها وهم كل مُسلم " طلع بسيارته واتجهه لـجدة عياله يـنتظرونه على غداء الجمعة ... نُبذه عن العائلة 🌷 أبو وليد الاب : محمد يملك عدد من الشركات في جده وانحاء المُملكة شخصيته قوية وله حُضور عياله بالمُقام الاولى قبل اي شي . ام وليد : متوسطه بالعمر بس كثير تهتم بنفسها لها وسط اجتماعي كويس ، تغار كثير على زوجها . الابن الاكبر وليد : عُمره ٣٤ مُملك على بنت عمه غادة . بندر : ٢٨ خريج تخصص اداره يشتغل في شركة ابوه . هديل : ٣٠ مُتزوجة صديق اخوها وليد عندها بنت وحده عمرها ٤ سنوات اسمها " ريما " فاطمة : ٢٥ كانت شخصيتها انطوائية وقليلة الكلام ، وكثيرة الانتقاد ملامحها عادية قليلة الاهتمام بنفسها . لمى : ١٨ خريجة ثانوي كانت ملامحها بيبي فيس وكانت مره اجتماعيه ونفسها خفيفه عكس اختها فاطمة . على طاولة الغداء العائلي . وليد : شـرايك يالغالي ؟ ابو وليد بـشخصيته الواثقه دائماً : دايم اقولها لك ولا اخوانك اي شي فيه مُصلحة لكم وبينفعكم بحياتكم المهني او الشخصيه لا تتردو ابداً . ام وليد : وانا معك ابوك وكلها شهر وبترجع لنا . وليد يوجهه كلامه : شرايك يا بندر ؟ بندر : ما بعد كلام ابوي كلام ، وانت ادرى بمصلحتك . تنهد وليد بعمق وبنفسه : اقبل العرض واسافر واستفيد كلها شهر وعليها شهاده حضور ؟ في أحد احياء الرياض الراقية بيت يعم فيه الحزن والتوتر من اياااام . ام بسام ببكا : تكفى لا تحرمني منها انا ادري انها عايشة انا ام وقلب الام ما يخطي !! ابو بسام بشده وصوته الضخم : هي كلمة وحده يا مرهّ ، بنتي بتول ماتت وامس اخر ايام عزاها ما ابي اسمع طااريها بهالبيت كثر ما سمعته ولا قسم بيكون لي تصرف ثاني . طلع بعصبيه من الغرفة ام بسام ببكاء : ياقلبي عليك يا بنيتي ليش سويتي فينا كذا 💔 انتهى | ||||
01-02-22, 09:40 AM | #4 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 2 ابو وليد متجهه للحرم المكي كـالعادة كانت صلاة الفجر بعد انتهاء الصلاة المكان هدوء وامان وروحانية 🕊 مر من عند نفس المُكان وحصل نفس البنت !!!! بتول بعد الصلاة جلست ع سجادتها وكان بجنبها شنطة صغيره . ابو وليد : لو سمحتي ؟ بتول رفعت عينها وخافت من شكله الواثق ونبره صوته ! وبنفسها هدي نفسك اكيد بيسأل عن شي انتي بـ اطهر مكان بالارض واكثر امان لا تخافين ! بتول : نعم ؟ ابو وليد بتردد : انا يا بنيتي كل يوم تقريباً اصلي هنا وكل يوم اشوفك تبكين وبروحك ، انتي من اهل مكة ؟ بتول بخوف : ما لك علاقة فيني بعد عنيّ " صار فيها خوف مو طبيعي من اي شخص غريب بسبب الي صار لها " ابو وليد بحنية : يا ابوك اذا محتاجة شي ولا تبين مساعده امرني انا بالخدمة ؟ بتول بـشراسة : تعرفني انت عشان تساعدني ؟ ابو وليد بحنية : ما نبي غير الاجر والدعوه الصادقة . بتول الي توترت من الحوار : الله يوفقك وييّسر خلاص ما ابي شي اصلاً ما فيني شي نزلت راسها بسرعة لان دموعها غلبتها هالمره وبكتَ !! في بيت ابو بسام 🌷 الاب " خالد " موظف كبير بـ احد الوزارت ويملك عدد من المحلات والxxxx ، شخصيته جداً حنون وما يرفض اي طلب لـ عياله وكانت بنته الصغيره بتول هي الاقرب لقلبة . الابن الكبير : بـسام عمره ٣٠ مُتزوج وعنده ولدين صغار . اروى : ٢٦ خريجة تخصص طب عيون وتعمل بـ احد المستشفيات المُعروفة بالرياض . امجاد : ٢٢ ثاني سنه جامعة كانت بقوة تهتم بـ ستايلها ملامحها كانت حاده شوي . بتول : الاصغر في العائلة عمرها ١٨ خريجة ثانوي ، ملامحها جداً جميله شعرها قصير باللون البُني الطبيعي . بغرفة بنات ابو بسام 🌷 اروى ببكا : انا مستحيل اصدق ان بتول ممُكن تسوي كذا او تمشي بهالطريق !! امجاد بألم : ولا انا مصدقة بس اروى ما في سبب مُمكن يخليها تترك البيت فجاءه والله كنّا نتغدا مع بعض وكل شي تمام ، ليش يابتول ! اروى : انا متأكده ان فيه سبب ومبرر للي صار بتول اطهر وانقى من الكلام الي طلع عنها امجاد : والله قلبي يقول كلام وعقلي كلام بس الاكيد ان ابوي كاره اسمها بهالبيت يبينا ننساه ! اروى بـألم : هه من يصدق ابوي يقول كذا عن بتول نُور عينه الي ما يستغني عنها لو نص يوم ! امجاد بحزن : يارب انك تحفظها يارب . اروى بتردد وخوف : تتوقعين عايشه؟ امجاد بجزع : بسم الله عليها ايه ان شاء الله ويارب بخير وترجع لنا وتبرر لنا سبب الي صار وتسكت بسام وخوالي الي فكرو فيها بـالشينة ، انا متاكده انها برئية من كل كلمة قالوها عنها او كل ظن شين فيها . اروى بـحزن : الله يرجعها لنا سلامة . انتهي التعديل الأخير تم بواسطة لامارا ; 08-02-22 الساعة 11:55 AM | ||||
01-02-22, 09:43 AM | #5 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 3 في بيت ابو وليد 🌷 بعد الفُطور ابو وليد بهمس : لمى تعالي لـمكتبي . الكل ناظر لـ لمى بـأستغراب ! لمى ردت النظرة بـ " ما اعرف " في المكتبه ابو وليد بصوته الواثق : ابيك تساعدني بشغله مهم يا لمى ! لمى بـتوتر : انت تأمر يالغالي ؟ ابو وليد : بـ اختصار يا بنيتي لي كم يوم اروح للـحرم اصلي لمى : ايوا ؟ او وليد : فيه بنت كل يوم اشوفها بروحها وتبكي وتدعي لمى بـ استغراب : يبه ايش تبي تقول؟ ابو وليد : اسمعيني للاخر اول ؟ سألت رجل امن يشتغل هناك يقول لها اكثر من ٤ ايام تنام وتصحى وتدعي بالحرم ما تطلع ابداً !!! لمى بـ صدمة : ٤ ايام وين اهلها ابو وليد بحيره : هذا الي مُستغرب منه فيه سالفه اكيد حاولتّ اساعده اتكلم معها ردتّ علي بـشراسة ! لمى الي فهمت بسرعه : تبيني انا اكلمها ؟ ابو وليد بـحنية : يا ابوك انا ما تعودت اشوف محتاج واتجاهله والله اذا شفتها ما يطري ع بالي غيرك واضح انها بعمرك بعيد الشر عنك . اكيد لها اهل يحاتونها وخايفين عليها ، حنّا بنروح لها اليوم وتكلمينها انتي بنت لـ بنت يمكن ترضى تقول لك شي واذا بدينا مساعده باذن ربي ما نقصر . لمى بحماس : ابشر اليوم بعد العصر اكون جاهزه . ابو وليد بود : بيننا ؟ لمى بـ ابتسامة : اكييييد . في بيت اخو ام بسام 🌷. ابو ماجد " نايف ":كبير بالسن بس ما احد يسلم من لسانه كثير ينتقد . ماجد الابن الاكبر : ٢٨ عميد بـالجامعة ، شخصيته طيبّ واجتماعي . محيرهّ له بنت عمته ام بسام " بتول " ما كان يحبها مره . بس مُستلطفها ودايماً يقولو ماجد لـ بتول من كانو صغار . العنود : ٢٤ شخصيته مُتسلطة وتحب المشاكل . رنا : ١٨ كانت قريبه مره من بتول شخصيها ضعيفه مقارنه بـشخصيه اختها العنود . ابو ماجد : الله ياخدها فضحتنا ماجد الي تنرفز من الطاري وبهمس : يبه خلصنا قلنا البنت ماتت ماتت !! العنود : الله اعلم شـ مسوية شـ مهببه ، وخافت احد يكشفها واختفت رنا بـ لطف : حرام يمكن صاير معها شي و قاطعها صوت ابوها الحازم : لا تبررين عنها من سواياه الشينه ! ماجد قام بغضب : يبه الله يخليك خلاص والله تعبت ابو ماجد : الحمدلله الي طلعت حقيقتها قبل لا تتزوجها وتفضحنا زود ّ ! العنود : ههههه اللهّم لا شماته بس . رنا سكتت بـضعف ما تقدر تقول شي بحضور ابوها او اختها العنود ! وكملو سب وانتقاد في بنت عمتها " بتول " الغائبة من ٥ أيام . بعد صلاة العصر 🌷 بـسياره ابو وليد مع بنته لمى. لمى : واذا ما رضيت تحكي؟ ابو وليد : الي علينا سويناه واذا لهدرجة ما تبي مساعده احد ، بـراحتها . عمّ الهدوء بالسياره متجهين للحرم 💛💕 انتهي | ||||
01-02-22, 09:47 AM | #6 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 4 بنفس المكان كانت بتول تمشي قررت تطلع بتشوف لها مكان تعيش فيه لمتى بتنام وتصحى كذا ؟ طلعت من الحرم كانت تمشي من غير وجهه واضحة وبالها مُشغول وين اروح ؟ ابو وليد كان يسولف مع بنته لمى وما انتبهه للبنت الي تمشي بنص الطريق ببرود ! وقف بسرعه وما يفرق بينهم الا اقل من متر !!! لمى بجزع : بسم الله ، شفيها ذي ؟ نزل ابو وليد بسرعه وبتوتر : فيك شي صار فيك شي ؟ بتول بألم جلست بالارض : اصدمني ابي اموت ما ابي هالحياه ونزلت راسها وبكت ! لمى استغرب ونزلت بتشوف ايش فيه ! ابو وليد بهمس : هذي البنت . لمى جلست بجنبها بالارض وبحنية وتعاطف : ليش شفيك الحمدلله عدا ع خير وما فيك شي بتول ببكا : ي ليت صدمتوني ومت لمى بجزع : بسم الله عليك ، استهدي بالله . بتول ببكا : تعبت والله ياربي تعبت . لـمى كسرت خاطرها : انا بالخدمة اي شي تبينه امريني ؟ بتول بحزن : الي راح ما يرجع وحاولت تسند نفسها ع لمى بتقوم لمى : وين حنّا نوصلك ؟ بتول بـ استخفاف : ههه تصدقين ما ادري ؟ لمى وابو وليد : ؟؟؟؟؟؟؟ بتول : لا تناظري لي كذا والله ما اعرف وين اروح ايش اسوي لمى بتردد : اهلك قرايبك ؟ بتول بـألم : ما لي احد انا وبكت بصوت مُسموع : انا انا استاهل انا تسرعت واخطيت وهربت أ ... وما قدرت تكمل من البكي ! ابو وليد الي حس ان الموضوع كبير : تعالي معنا وان شاء الله نوصلك لا اي مكان ؟ لمى بحماس : حنّا من اهل المنطقه ونعرف كل شي بتساعدك قد ما نقدر بتول سكتت شوي تفكر بعدين ردت بتوتر : فيه دار رعاية هنا ؟ ابو وليد : ايه فيه ؟؟؟؟؟ بتول : لو سمحت ممُكن توصلني ؟ لمى : اكيد حياكّ . بالسياره هدوء يوتر . لمى بخجل : ما تعرفنا انا لمى ؟ بتول بـ مجامله : وانا بتول ، تشرفنا . لمى بتوتر : يمكن ما لي حق اسال بس قولي لي ايش فيك يمكن اقدر اساعدك ؟ بتول : سالفه طويله لا اوجع لك راسك ابو وليد : الطريق طويل قدامنا . بتول بتردد : بتصدقوني لو حكيت لكم ؟ لمى بسرعة : اكيد !! بتول تنهده بعمق وألم حاولت تستجمع نفسها : يُمكن بتستغربو لان الي صار اشبه بالحلم مو الواقع انا الى الان مو مُستوعب يارب يطلع حلم واصحى منه 😭. كملت بألم وبكا واضح بصوتها : والله انا بريئة ما لي ذنب هم اجبروني وبكت بصوت مسموع لمى : اشربي مويا وهدي نفسك بتول تنهدت : نهاية الدوام كنت انتظر سواقنا كانت اخر سنه لي بالثانوي تأخر مرهّ . وغمضتَ عيونها بألم وهي تتذكر الحوار طالبه سُمعتها مو كويسه ابداً الطالبة : ليش واقفه هنا بتول بخجل : انتظر سواقنا الطالبه : تعالي معي اوصلك ؟ انتهي | ||||
01-02-22, 11:23 AM | #7 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 5 وغمضتَ عيونها بألم وهي تتذكر الحوار طالبه سُمعتها مو كويسه ابداً الطالبة : ليش واقفه هنا بتول بخجل : انتظر سواقنا الطالبه بـخبث : تعالي معي اوصلك بتول بنفي : لالا عادي انتظر الطالبه شدتها مع يدها ونبره غريبه : شدعوه عليك لي ثلاث سنوات ادرس معك يلا ختاميّه قبل لا نتخرج اوصلك ؟ بتول حستّ بخجل وبتردد : تمام . ركبت معها ويـ ليتني ما سمعت كلامها ركبنا ورا وانا ما انتبهت عبالي سواق . انصدمت وهي تتقدم تبوسّه ! مشت السياره وانا بديت اتوتر حسيت الوضع غريب البنت شوي ولا تجلس بحضنه ويسولفو بهمس !!!! فجاءه حست بيد تسحب الغطا صرخت بـخوف الشاب : اوها شكل صديقتك شرسة . بتول بصراخ : بعد عنيّ احسن لك وبتهديد : وقفو السياره هالحين ولا قسم لا تندمو كلكم يا .... الطالبه بنرفزه : هيه تكلمي بـ ادب خلاص بنوصلها اول شي بعدين نطلع للشقه . بتول بصدمة : يا ... بنت .... ما تخافين ربك حقيييره . الشاب بـخبث : يبي لها تأديب الطالبه بـخبث : يمكن اشوف لسانها صار اطول منها . بتول بشراسه : والله لو تقرب لا تندم انت ما تعرف انا بنت مييين الشابّ بخثب قرب منها : هه تهدد بعد . الشاب الاول بخُبث ما فهمته بتول : لا تطول السالفه حنّا تعبانين وبغمزة : خليها هي تجيك بيوم . الشاب الثاني : هذا الي يبي يصير ونط ورا بتول بصراخ وبكا حاولت تمنعه بس للاسف هو كان اقوا منها بكثييييير " اخذ لها صور بوضعيات مخلة بالادب 🔞" ووقفت السياره الشاب بـخبث : كنّا بنتفاهم بس للاسف انتي ههههه وبجدية : هي يومين مو اكثر اذا ما اتصلتي علي وحذف الرقم عليها ، والله لا توصل الصور لا اهلك وقرب منها بهمس: لاتسوين نفسك البنت الشريفه وهذي صديقتك اكيد طينتكم وحده هه بس لازم تستشرفون علينا شوي بتول من الصدمة ما ردتّ ولا تكلمت ، ايش صار انا وين كنت ، ايش يبي مني . من الصدمة ما بكت كانت تسولف بصوت مُسموع واتجهت لبيتهم الي كان قريب لانهم وصلوها لـ بداية الحي وطلعو ! بتول ما تبي تشوف احد ولا تكلم احد واصلاً بالها مُشغول دخلت ومن حسن حظها ما كان احد موجود ! طلعت لغرفتها وقفلت الباب وسندت ظهرها بـألم وما قدر رجولها تشيلها من الافكار جلست بالارض وهي تتذكر لمساته الـ .... وانفاسه على وجههّا بكت بـألم . ما تعرف كم مضى ع الوقت بس غلبها النوم ونامت بالارض . صحيت بالليل ٢ اول ما فتحت عيونها يارب كابوس يارب مو واقع بس للاسف شي صار لا محاله منه !! لمى بحزن : طيب انتي برئية كل الي صار منهم هم اجبروك حسبي الله عليهم . ابو وليد بتردد : لايكون رحتي له الـ ... !! لمى بصدمة : مُستحيل صح ؟ انتهي | ||||
01-02-22, 11:25 AM | #8 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 6 بتول سكتت بألم !! لمى شدتها ع يدها : تكفين تكلمي ؟ ما رحتي له صح ؟ بتول : هربت وبكت : ايه هربت من الرياض بكبرها خفتّ اقول لا اهلي وما يصدقوني خفت يرسل الصور وقتها والله بسام بيذبحني وبكت بألم لمى ضمتها لصدرها : هدي نفسك باذن الله لكل شي حل والحمدلله ما صار فيك شي بتول ببكا : ما يصدقوني اهلي الصور وبشهقات متتاليه : الصور معه هددني ضغطني خفت كثير ما اعرف ايش اسوي فكرت كثير وقررت اهرب من بيتنا ما اقدر اقول لهم . لا تلوموني اعرف الي صار خطا وبألم : بس صار الي صار ابو وليد بأسف :لاحول ولا قوه الا بالله لا حول ولا قوه الا بالله . لمى بتردد : بتساعدها بابا ؟ ابو وليد : اذا سمحتّ لنا اكيد شرايك يا بنيتي تجين عندي بتول : ؟؟؟ ابو وليد بحنيه : لبيتي الى ما تتعدل الاوضاع وترجعين لا اهلك بتول بنفي : لالالا لمى : اعرف مو واثقه فينّا بتول قاطعها بـ احراج : لا والله مو كذا وبألم : دار الرعايه افضل مكان لي . لمى بـ اصرار : يمكن ما يقبلونك ولا يكلمو اهلك وهناك انظمة . تعالي معنا تجلسي فتره وان شاء الله ترجعي قريب لا اهلك . ابو وليد : انا بعمر ابوك والشاهد الله من اول يوم شفتك فيه اشوفك فيك بنتي لمى . وعيالي واحد بيسافر هاليومين والثاني وعد مني ما يدخل البيت ترتبين وضعك وبعدها يفرج الله . لمى : هاه شقلتي ؟ بتول فكرت يمكن هذي رحمة ربك فيك ، وسخر لك لمى وابوها يساعدونك وردت بخجل : اخاف اسبب لـك .. ابو وليد : ما عليك يا بنيتي من شي عليك تعيشين مكرمة معززه في بيتي وباذن الله انا بنفسي اوصلك لبيت اهلك . بتول نزلت راسها بخجل : تمام . لمى بحماس : يس بنصير صحبات بتول ابتسمت بخجل . وصولو بيت ابو وليد وكان بالصاله ام وليد بروحها . دخول مع بعض . ام وليد استغربت من شكل البنت ! مو من صحبات لمى ؟ ومع محمد !!! ابو وليد : يا ابوك خوذي البنيّه ترتاح بغرفتك . لمى فهمتها : يلا بتول من هنا . ام وليد : شسالفه يا محمد ؟ ابو وليد بهدوء : تعالي نجلس . ام وليد : خوفتني ! شفييه ابو وليد : هذي البنت اسمها بتول وان شاء الله بتعيش معنا فتره ام وليد بغيره : مُمكن تشرح اكثر ؟ ابو وليد بهدوء حكى لها كل السالفه ام وليد بنرفزه : فيه دار رعاية بيتنا مو ملجأ !! ابو وليد : انا قلت كلمة وحده وما تنثني ابداً . ام وليد : حنّا مو ملزومين فيها وعيالي يتشتتو عشانها . ابو وليد يحاول يضبط اعصابه : انا الي عندي قلته يامرهّ ما ابي اسمع احد مضايقها ولا مزعلهّا وصلي هالكلام لعيالك . ام وليد سكتت بقهر ما تقدر تجادله وبالذات اذا عصبّ ! انتهي | ||||
01-02-22, 11:27 AM | #9 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 7 بعد ما طلع ابو وليد شوي نزل وليد وهو يغني وانتبهه لملامح امُه المعصبه ! وليد بضحكة :افا من مزعل الحُلوه ؟ ام وليد : وليد مو وقت مزحك ابد . وليد جلس : هه لهدرجة الموضوع جدي ! ام وليد بقهر : ابوك ذا بيجلطني وليد : يمه ايش صاير ؟ ام وليد حكتّ له السالفه والحوار الي صار بينها وبين زوجها ! وليد بغمزة : عسى البنت حلوه ؟ ام وليد عصبت : ما ادري عنها اُف ناقصه انا تطلع لي ذي . وليد بجدية : يمه انتي مصدقه سالفتها ؟ ام وليد بتردد : شقصدك ياوليد؟ وليد : ما احط بذمتي بس يمه بالعقل يعني لو ما صار شي ليش بتهربّ من اهلها ؟ ام وليد بجزع : انتبهه لـ لسانك ياوليدي الا اعراض الناس عندك خوات وزوجة . حمد : ما علينا منها اذا ابوي قال فتره اكيد بـتروح قريب . وبغمزه : ع طاري الزوجة تكفون خلاص بنحدد الزواج ام وليد : بـ اكلم اهلها مره ثانيه . وليد بحماس : ايي يمه تكفين عادي تكمل عندي انا ادوام وهي تروح للجامعة . ام وليد : لا تحنّ علي خلاص قلت انا اكلمها وليد : يلا بالاذن بـ اروح للشاليه ينظروني . بـغرفه لمى . بتول بخجل : مره منحرجة من امك لمى بضحكة : لا تهتمي والله امي انا متاكده بتحبك. بتول : ما ودي اضيق عليكم ب اكلم اهلي هاليومين لمى سندت راسها ع السرير : وايش بتقولي ؟ بتول : تصدقين ما اعرف هه ! بس فكرة اني اقول لا ابوي اني تعرضت لتحرش كبيرهّ ! لمى بتعاطف : حبيبي انتي ما لك ذنب هو واحد حقيير وما يخاف ربه هو وبنت بليس الي اقنعتك تروحي معها . بتول بندم : ي ليت ما سمعت كلامها لمى : لا تندمي ع شي فاتّ خلاص فكري شنو بتقولي لا اهلك فكري بمستقبل ، الي صار صار . وصلو بدر وفاطمة من دوامتهم . بدر : السلام عليكم ام وليد : وعليكم السلام . فاطمة : لا تنتظروني ع العشاء بـ اراجع امتحان بكرا وانام . ام وليد بتوتر : تعالو فيه شي مهم لازم تعرفوه . دخلو بـ استغراب وتوتر . بدر : يمه لا تخوفينا ايش فيه ؟ ام وليد حكت لهم الموضوع بس ما قالت سالفه التحرش ولا شي قال مشاكل مع اهلها وان ابوهم يعرف اهلها ما حبت تقول لهم لانها تعرف لسان بنتها فاطمه . فاطمه بـ استحقار : بيتنا دار رعاية بدر : شفيك انتي ؟ امي تقول مشاكل والبنت وين تروح بروحها . فاطمة :عشنا وشفنا بنت من الشارع ما نعرف بنت من تعيش معنا !!! ام وليد بعصبيه : من الشارع !! ايش اقول لي ساعه ابوك يعرف اهلها ويبي يساعدها . بدر : انا بـ اجهز شنطة ملابسي اجل واقيم بالشاليه ههههه . فاطمة بـ استحقار : هذا اول الخير بدر طلع من البيت وبخبث ونبره مدروسه عشان امها : الله يستر ع ابوي بس ! انتهي | ||||
01-02-22, 11:32 AM | #10 | ||||
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نُبذه عن عائلة ابو وليد 🌷 الاب : محمد يملك عدد من الشركات في جده وانحاء المُملكة شخصيته قوية وله حُضور عياله بالمُقام الاولى قبل اي شي . ام وليد : متوسطه بالعمر بس كثير تهتم بنفسها لها وسط اجتماعي كويس ، تغار كثير على زوجها . الابن الاكبر وليد : عُمره ٣٤ مُملك على بنت عمه غادة . بندر : ٢٨ خريج تخصص اداره يشتغل في شركة ابوه . هديل : ٣٠ مُتزوجة صديق اخوها وليد عندها بنت وحده عمرها ٤ سنوات اسمها " ريما " فاطمة : ٢٥ كانت شخصيتها انطوائية وقليلة الكلام ، وكثيرة الانتقاد ملامحها عادية قليلة الاهتمام بنفسها . لمى : ١٨ خريجة ثانوي كانت ملامحها بيبي فيس وكانت مره اجتماعية . عائلة ابو بسام 🌷 الاب " خالد " موظف كبير بـ احد الوزارت ويملك عدد من المحلات والxxxx ، شخصيته جداً حنون وما يرفض اي طلب لـ عياله وكانت بنته الصغيره بتول هي الاقرب لقلبة . الابن الكبير : بـسام عمره ٣٠ مُتزوج وعنده ولدين صغار . اروى : ٢٦ خريجة تخصص طب عيون وتعمل بـ احد المستشفيات المُعروفة بالرياض . امجاد : ٢٢ ثاني سنه جامعة كانت بقوة تهتم بـ ستايلها ملامحها كانت حاده شوي . بتول : الاصغر في العائلة عمرها ١٨ خريجة ثانوي ، ملامحها جداً جميله شعرها قصير باللون البُني الطبيعي . عائلة اخو ام بسام ، يصير خالد بتول 🌷. ابو ماجد " نايف ":كبير بالسن بس ما احد يسلم من لسانه كثير ينتقد . ماجد الابن الاكبر : ٢٨ عميد بـالجامعة ، شخصيته طيبّ واجتماعي . محيرهّ له بنت عمته ام بسام " بتول " ما كان يحبها مره . بس مُستلطفها ودايماً يقولو ماجد لـ بتول من كانو صغار . العنود : ٢٤ شخصيته مُتسلطة وتحب المشاكل . رنا : ١٨ كانت قريبه مره من بتول شخصيها ضعيفه مقارنه بـشخصيه اختها العنود . أبو غاده اخو ابو وليد 🌷 " حمد " عنده بنتين بس ، شريك مع اخوه وعلاقتهم مره كويسه وزواج وليد وغاده كان من مخططاتهم . غاده : ٢٣ اخر سنه بالجامعة ملامحها ناعمه ومره تحب وليد ملكو من سنه بس هي رافضه الزواج الى ان تخلص جامعه ، شخصيته اقرب لشخصيه بنت عمها فاطمة وهي صاحبتها بعد ، كلش تستحقر وفيها غرور مب طبيعي . رغد : اختها الصغيره والوحيده ٢٠ تحضيرية اول سنة جامعيه ، علاقتها مره كويسة مع لمى . | ||||
أدوات الموضوع | |
انواع عرض الموضوع | |
|
|