آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-12-09, 09:40 PM
| #151 | |||||||
| نجم روايتي وكاتبة وقاصة في قسم قصص من وحي الأعضاء  
|  ياعمي ... أخو الوز عوام ...ههههههههه جد رواية حلوة وأسلوب مليان بالغموض شوفي يا عنود أنا شو فهمت ... سعد=جراح ابن الرجال إلي بعته جد طلال وصيلح عشان يقتل أم الهنوف وأبوها ... ولمّا قتلهم من خوفه على إبنه " جراح = سعد " أخذه وحطه بديرة زيد وهناك كبروا مع بعض ... بس جراح قرر بعدين يدوّر على أهله ولمّا راح لجد طلال ، طلب منه يكمل إلي ما كمّله أبوه وإنه يخطف بنت من بنات ديرة الشيخ سرور بس جرراح وقع بحب الهنوف ... وقرر يتركها ويبعد عنها وما رجع لزيد من خوفه على ديرتهم من رجال الشيخ جد طلال .... سؤال محيرني وماقدرت أحله : إذا كان جراح كبر مع زيد وتربى معه ، كيف سمّى فرسه الهنوف ما هو ماكان شايفها لسّا ، وكيف لاحظ زيد على جراح علامات الحب ؟؟؟! إلا إذا كان جراح رجع على ديرة زيد لفترة بسيطة بعد ماعرف قصة الهنوف وحبها ، وبعدين رجع رحل !! ضل قصة جواهر وأخوها إلي حطها أمانة عند زيد ... جراح إله دخل فيها؟؟؟ بس شكلها مش زوجته لأنه والله العليم هي وعــواد رح يحبو بعض !! المهم أتمنى إنو تكون تحليلاتي صحيحة وما أكون خبصت الدنيا بس أنا هاد إلي فهمته ... سلمت يداك ياعسل وبانتظارك  ) | |||||||
|  |
|
27-12-09, 08:43 PM
| #154 | ||||
 
| يا فضيحتي فيكم عاااد انا قلت بحرق اعصابهم ع الأجزااء الاخيره بس مصختها شكلي بزيااده .. اسمحوليه فديتكم قريب انزله ان شاء الله .. والله انا يباليه طرد من هالمنتدى علشان اتأدب وانزل البارتات في وقتها بس صبرو بعد ما انزل البارت الاخير طردووني .. هذا كله من وديمه اكيد داعيه عليه طوول الاسبوع في الكليه ومع الدراسه ويوم افضى اتصلت قالت تعالي >> تلهيني عن لا اكتب القصه ..  ههههههههههههههههه حليلج يا وديمه كل ما استوى شي عقيته عليها هههههههههههههه .. حبايبي البارت عندي مكتوب ويبيله شوية تعديلات وانا ما فضيت له اليوم علي بكرا امتحان ومن اخلص وارد البيت ابشرو اعدله وانزله لكم >>>>>>>> ذليتينا بهالبارت ما يسوى علينا .  .والسمووحه ع القصووور ..  | ||||
|
| |
|
31-12-09, 04:25 PM
| #156 | ||||
| سوووووووووووووووري مدري شفيه المنتجى من يومين احاول ادخل بنزل الجزء ما يفتح معااي... عيــــــــــــــــب الرغــــــــــــى عقــــــــــــــب الهديـــــــــــــــر الجزء الثالث عشر و (الاخير) ـــــــــــــــــــــــــ ـــــــــــــــــــــــــ ـــــــ فتحت الهنوف عيونها ع صوت مشي الفرس .. الهنوف : زيد ؟؟ التفت زيد وناظرها وهو ع ظهر الفرس .. الهنوف : وين ودك تروح ؟؟ زيد : ما عاد فيني اتحمل اجلس معه انا ودي اروح ادور عن صياح لحالي .. الهنوف : للا جيت معنا لزوم تكمل الطريق معنا .. زيد : ما ودي ...قولي له لا صحا اني رحلت وبأذن الله ما نلتقي.. ناظرته الهنوف وهو يمشي مبتعد من المكان اللي هم فيه والتفتت تجري ناحية طلال اللي كان صاحي ومغمض .. الهنوف : طلال .. طلال : ادري اتركيه يمشي ما هو لزوم يرافقنا.. ما تدري ليه الهنوف حست بالخووف بوجودها مع طلال لحالهم وجود زيد كانت تحس فيه بالامان مير الحين طلال : يالله ودنا نمشي .. الهنوف : ا..اي .ايه .. **************************** فتحت ظبيه عينها : آآه .. ناظرة بصياح اللي كان ماسك ساقها : وش تساوي ؟؟ صياح : ابدل قماش الجرح امتلا دم .. ظبيه : مزعت ثوبك مابه لزوم تربط الجرح .. صياح : الخير واجد ما عليج .. ابتسمت ظبيه وهي تناظره يلف القماش ع ساقها .. انتهى صياح : اييه خوينا ماله حس مدري وش صار عليه .. اختفت الابتسامه : اييه غناام للحين ما رجع هقوتك وش صار عليه .. صياح : مادام معه فرس بأذن الله يكون هج منهم .. ظبيه : ومنهم هذولا وليه ودهم يقتلونا ؟؟ صياح : اييه هاذي امور الدنيا الواحد صار يذبح لجل يعيش .. ظبيه : ولييه ما لهم ديره ما لهم اهل ؟؟ صياح : هذولا اما شيخهم طردهم واما يكونو بقايا من قبيله فانيه .. ظبيه : وانت ؟؟ لك ديره ؟؟ ناظرها صياح : أوقفي شوفي ان كان تقوي تمشي ع رجلك .. ظبيه : طيب.. وقفت ظبيه وهي تحاول تتوازن ع رجلها لكن طاحت في حضن صياح اللي قرب لجل يساعدها .. ناظرته ظبيه نظرات بريئه مرافقه لدموع : توجعني مقوى اوقف عليها .. صياح : ما عليج انا عندج وبساعدج .. جلست ظبيه ع الارض وهي تمسح دموعها : ودهم يقتلونا انت تركني وهج من هنا .. صياح : وش هالهرج انتي انهبلتي .. ظبيه : اي لزووم تهج انا ما تلقا معي غير الشقا .. صياح : اقصري الهرج , جعل رقبتي القطع قبل ما افكر اني اتركج .. هدت ظبيه وهي تناظره رايح جاي ويحك راسه .. ***************************** طول الطريق والهدوء عام المكان ما يسمعون غير صوت ضربات الفرس ع الارض .. الهنوف : ليه تركته يرحل ؟؟ طلال : قلبي ما هو مرتاح له .. الهنوف : شلوون ؟؟ طلال : ما هو مرتاح له وبس .. لزمت الهنوف الصمت بعد ما حست ان طلال صارت معاملته معها اقسى من اول .. الهنوف " وش صار ليه تعاملني كذا " وماكانت تدري انه كل ما يذكر ذيك الليله زاد غيضه عليها ***************************** صياح : يالله .. ظبيه : للا .. صياح : ما عليج انتي يالله .. ظبيه : للا ما ودي.. صياح : يا لييييل اقول يالله لا تطولي الهرج .. يا ظبيه : للا ما هو لزوم .. صياح : شوفي يا تقصري الهرج وتركبي ع ظهري يا اشيلك بيدي .. ظبيه : طيب حاوطت ظبيه بيديها ع عنق صياح وحملها ع ظهره وحست انها منحرجه منه.. ظبيه : ثقيله .. صياح ابتسم : للا ما عليك انا اشيل الفرس .. ظحكت ظبيه بصوت عالي وكانت ظحكتها قريبه من اذن صياح .. ابتسم صياح : تستهينين فيني .. فكرت ظبيه انه عصب : للا ما استهين ....اا... صياح : ههههههه .. ***************************** كان طلال يمشي بفرسه ووراه بخطوات قليله تمشي الهنوف اللي كانت تهووجس باللي يصير فجأه وقف الفرس ورفعت راسها تناظر طلال متسائله بالسبب اللي وقفهم .. ناظر طلال بالمتلثم وواقف قدامه : ؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟ مر وقت وكل واحد ينتظر الثاني يحجي الهنوف : وش اللي يصير ؟؟ .....:اسمع يا طلال ما ودي أأذيك مير اللي تساويه ما هو صحيح ولزوم اوقفك .. طلال : وش اللي تقصده ؟؟ .....: الهنوف لزوم تتركها تجي معي .. طلال اللي ما عرف وش سالفة هالرجال الغريب وشلون يعرف الهنوف .. طلال : هه اقصر الهرج ووخر من الطريق .. حط ايده ع سلاحه : لا تتركني ارفع سلاحي بوجهك .. الهنوف : وش اللي صاير؟؟ طلال :امشي واتركيه يهرج لحاله.. حاول طلال يتحرك بفرسه مير كان الرجال مصمم يوقف قدامه وما يتركه يرحل الهنوف اللي تملكها الخووف وما هي عارفه وش اللي يصير .. ..........:الهنوف تعالي معي .. الهنوف : من انت؟ نزل اللثااام : انا جرااح .. الهنوف : جراح؟؟؟!!!!!!!!!!!!!!!!!!!!!!!؟ طلال :هذا انت ؟؟ سعد هو نفسه جراح ؟؟ جرااح : اي هو نفسه الهنوف لزوم تجي معي وانا اوضح لج كل حاجه .. الهنوف : ما ودي امشي معك اتركني بحالي .. طلال : ولو ودها تمشي معك ما تركتها .. جراح : الهنوف لزووم تجي معي طلال وده يقتلج .. الهنوف : ليه مثل ما قتل ابوك ابوي وامي .. جراح : للا للا ابوي ما قتلهم انتي ما تعرفي وش السالفه .. طلال : اسمع لجل صياح ما ودي أأذيك ولا كان قتلتك اول ما عرفت انك جراح .. جراح : طلال البنت اللي معك هي نفسها بنت عمتك لزووم ما تأذيها .. الهنوف : طلال ما وده يأذيني انت هو اللي جاي لجل تقتلني .. جراح : للا ما ودي أأذيج .. الهنوف : يكفي اقصر الهرج ...تنكر انك جيت لديرتنا لجل تقتلني تنكر .. جراح : للا ما انكر ميير اللي صار قاطعته الهنوف : خلااص ما عاد ابغا اسمع هرجك ولا اشوف زولك ارحل .. تقرب جراح اكثر منهم وهو يحاول يشرح اللي صار لكن قبل لا يوصل لهم طاح على الارض من ضربة الرصاصه اللي جت في كتفه قريب لقلبه.. صرخت الهنوف وهي تناظر فيه : ليه ليه يا طلال ليييه .. ناظرها طلال متعجب : لييه ؟؟ ********************************** ظبيه : يكفي وقف هنا لجل تريح .. صيااح : للا ماهو لزووم للحين ما تعبت...اليوم بأذن الله ارجعج للديره .. ظبيه : للا .. صياح : وشو ؟ ظبيه : اقصد ما به لزووم اليوم لزووم تريح بالطريق .. ابتسم صياح : ههه بأذن الله .. ******************************** الهنوف نزلت من فرسها وتقربت ناحية جراح: لييه لييه يا طلال.. نزل طلال هو الثاني من الفرس : ما هو انا اللي طخيته لزووم نبعد من هنا وكاد انهم قطاع الطرق .. الهنوف : للا للا ما تترك جراح لحاله .. تقدم منهم زيد : انا اللي طخيته ما كنت مصدق كلامج اثره حقيقه السنين غيرته .. رفع جراح نظره لزيد وابتسم : زيد هه اشتقت لك.. ناظره زيد قلبه يقول له هذا خويك ورفيق دربك مير اللي شافه بعيونه ومحاولة هجوم جراح عليهم تقول العكس وكذا فسر اللي شافه.. الهنوف : لييه ليييه هذا خويك شلوون نساوي فيه كذا ؟؟ زيد : كان وده يأذيج يالهنوف ولا انتي نسيتي .. ناظر جراح الهنوف اللي كانت جالسه عند راسه وايدها على الجرح : اقطع ايدي ولا أأذي من تولع قلبي فيها .. ناظره زيد بأستغراب ما هو فاهم وش اللي يصير بالضبط.. الهنوف : لا تمووت ارجااك .. ورفعت راسها لطلال وزيد : وانتو لزووم تساوو حاجه لا تتركووه يموت .. ناظرها جراح : ما يهمني لو اموت كل اللي يهمني اني اموت بين ايديج وانا قريب منج >>>اظاهر الظربه خلته يهلوس هع جلس زيد على الارض وهو يناظر بخويه اللي ظربه بيده وممكن يموت : وش اللي ساويته ؟؟ وش اللي ساويته ؟؟ طلال اللي كان معصب من اللي يسمعه من جراح ركب فرسه وابتعد عنهم .. الهنوف : جراح ارجااك لا تموت .. جراح : وش ودي بالحياه دام انتي ما ودك تسمعيني ولا ودك تشوفي زولي .. الهنوف : اقص لساني ان حجيت مثل هالحجي مرتن ثانيه الله يعلم اني ما كنت اعنيه من قلبي .. جراح حط ايده ع خد الهنوف : الهنوف والله اني احبج اا..اا.. طاخت ايد جراح ع الارض والهنوف تناظر فيه .. الهنوف : للا للا لا تتركني وانا احبك لا تتركني جراح لا تتركني مرتن ثانيه ارجااك .. رفعت راسها لزيد اللي كان منصدم ولا هو عارف وش يساوي : زيد زيييييييد ***************************** ***************************** الهنوف : وش صار .. زيد : اظهرت الرصاصه منه وعلى الله الباقي .. الهنوف : الله الله ان مات اني ما اسامحك .. زيد : ولا انا راح اسامح نفسي .. جلسو يناظرون في جراح اللي كان فاقد الوعي .. الهنوف : طلال وينه ؟؟ التفت زيد يدور عليه : مدري شلون اختفى ولا حسينا فيه .. الهنوف : هقوتك ووين هج ؟؟ زيد : العالم الله .. ******************************************** طلال اللي كان مسرع بفرسه لمح فرس بعيد وتوجه صوبه .. قرب طلال من الفرس ولمح جنبه الفرس الثاني والرجال اللي جالس ع الصخر وماسك ايده .. غنام اللي نظرته كان فيها خووف .. طلال : غناام ؟؟ غنام : الحمدلله هذا انت.. طلال : وش اللي صار ؟؟ غنام : يا ويلي مدري وش اللي صار كنت انا وعمتي ظبيه ومعها اللي خطفها.. طلال : اللي خطفها ؟؟ غنام : ايه مير بنص الطريق طلعو لنا قطاع الطرق وانفصلت عنهم.. طلال : اي هاذي فرس صياح اخوي .. غنام : راحو يمشو وانا هجيت بالفرسين .. طلال : ما عندهم فرس .. ******************************************** جراح : زيد.. زيد : جراح جراح .. التفت الهنوف مع زيد وهم متوجهين لجراح.. جراح : الهنوف انتي عايشه ؟؟ الهنوف : اي ما به احد يقدر ياخذني منك جراح : تحسبيني بأذيج يالهنوف .. الهنوف : مدري وشلون صدقت هرجهم .. جراح : الهنوف ابوي ما هو من قتل اهلج ..ديرتج هي اللي قتلتهم وابوي شالج معنا هج من ديرته بعد ما قال لجدج انه هو اللي قتل اهلج .. الهنوف : وليه هج؟؟ جراح : كان يبغى يخبيج عنهم لجل ما يقتلوج بعدها رحنا لديرة زيد كان الكل يحسبج اختي .. سكت جراح واعتدل بجلسته .. الهنوف : ارتاح .. جراح : للا ودي اقول كل اللي عندي ... أذكر يوم كنت صغير كان ابوي مريض وكان كل همه وقتها انتي قال لي عن كل حاجه ما اكذب عليج كنت وقتها احسبج اختي وقال انه لزوم يرجعج لاهلج كنتي ملكي اختي وكل شي عندي ما رضيت اخليج ترحلي .....ويوم من الايام تفاجأت اعز اثنين ارحلو لا انتي ولا ابوي ابوي ماات مير انتي وين اختفيتي .............حاولت مع الايام انسى وصرت رجال و نسيت .......كثر المشاكل اللي كنت اساويها بديرتهم حسيت حالي مضيق عليهم ..هم صحيح ما كانو مقصرين معي بأي حاجه ميير حبيت ارجع لديرتي المكان اللي تربى فيه ابوي وكاد ان اهلي ودهم يستقبلوني بعد هالغيبه ....... رحلت ومرت ايام لحد ما لقيت ديرتي جيت للشيخ وقلت له عني وتفاجأت بأستقباله لي قال لي باللي ساواه ابوي مير كنت محتار بين حجيه وحجي ابوي اللي كان يختلف عن اللي يحجيه هو .......قلت لتوكل على الله واشوف وش اللي وده يصير .....وبعد ما جيت لديرتكم تفجأت باللي شفته كنتي هي الرجال اللي كان ودي اقتله ....كنت كل ما اشوفك قلبي ينبض بشكل غريب واول ما سمعت اسمك طرى ع بالي كل اللي نسيته وتذكرت ....هاذي هي لزوم تكون هي وطلع ظني صحيح بعد ما سألت جدتج.. الهنوف : جدتي سألتها .. جراح : أي وقلت لها باللي ناوي عليه جدج وتفاجأت لمن قالت انها ما يهمها ان متي ولا لا.. الهنوف : اي ما اتعجب من كلامك.. جراح : كنت وقتها ودي اخطفج وابعد عنهم بعيد ونرجع سوى للديرة اللي ربينا فيها مير كان جدج اسرع مني وحاول يقتلني بعدها هجيت عن الكل .. زيد : وليه ما عاودت للديره وكااد ان الشيخ راح يوقف معك .. صياح : للا ما ودي احد يتأذى بسببي .. زيد : والله ان كل الديره مشتاقه لك يا جراح .. جراح : سامحني يا زيد .. زيد :صحيح كنت الومك مير بعد اللي سمعته سامحتك.. جراح : ايه .. زيد : انت اللي سامحني كان ودي اقتلك.. جراح : مسامحك .. زيد : اييه هالحين جا دوري انا الهنوف ودي اسولف معه.. الهنوف : ههههههههه .. **************************************** وقف صيااح بعد ما حس ان ظبيه ثقلت ثقل مو طبيعي وانزلها على الارض .. صياح : ظبيه .. ظبيه اللي فاتحه عين ومغمضه عين : ماا .. صياح : اي اي بشوف ان كان في غدير قريب من هنيا.. ظبيه اللي تيبست شفايفها من العطش : ما.. صيااح اللي كان حاس بالعطش هو الثاني وبالارهااق كان يحس ان رجليه ما تشيله مشى ومشى لكن فجأه حس ان الدنيا صارت ظلام حاول يفتح عيونه ويشيل نفسه عن الارض لكن حس ان الارض صارت عالقه فيه وماهو قاوي يقوم بعد مقاومه مع الارض غمض عيونه وهو ينادي :ظبيه.. **************************************** زيد : اي اجل وش سالفة الفرس .. جراح : هالفرس جت لبوي من الشيخ اول ما جينا للديره عندكم وسماها ابوي باسم الهنوف والله ياني مشتاق لها .. زيد : ههههههه جراح : طلال وين رحل ؟؟ الهنوف : اي طلال وظبيه نسيناها.. جراح : ظبيه ؟؟ الهنوف : ظبيه انخطفت ونحن كنا جايين ندور عليها .. جراح : ومن هو اللي خطفها ؟؟ زيد : طلال يقول انه يظن ان اخوه صياح هو اللي خطفها .. جراح : اي صيااح ميير كان لزوم يخطف الهنوف .. زيد : شلون؟؟ جراح : انا قلت له يخطف الهنوف لجل ما يأذيها طلال مير لزوم انه خطف غيرها.. الهنوف : افهم من كلامك انه ما راح يأذيها .. جراح : للا صياح محال يأذي احد .. زيد : لزووم طلال راح لجل يشوفهم.. جراح : انا قلت له نلتقي بهالمكان مير ما جا .. ****************************************** صياااح صياااح .. فتح صياح عيونه : ما.. وجلس يسقيه طلال الما : خذ ارتوي صياح : للا ظبيه .. طلال : وينها ؟؟ صياح : ظبيه .. طلال: انت اول ارتوي .. صياح : للا .. طلال : يا ليييل .. وقف طلال وهو يدور ظبيه بعيونه وناظرها بعيد والرمل مغطي جسمها وراح لها صب ع وجهها الما وبعدها قرب الجربه لها وبدت تشرب بعد ما ارتوت : وينه فيه؟؟ طلال : اي صيااح هالحين اشووفه .. ورجع طلال لصياح واسقاه بالما بعد ما ارتوو اجلسو وهم يناظرون في بعضهم طلال : شلوونك ياخووي ؟؟ صياح : ارجااك ما ودي اقتلك اترك البنت ودي اعاود بها لديرتها.. طلال : هههههههههههههههههه ناظره صياح متعجب منه طلال : ولا ودك تقتلني عشان بنيه وش ساوت فييك ؟؟ صياح : اي البنت امانه برقبتي وان قربت منها قتلتك.. طلال : هههههههههههههههههه طلال : وليه خطفتها ؟؟ صياح : لجل ما تخطفها انت .. طلال : ومن قال ان ودي اخطفها هي اللي ودي اخطفها خطفتها وقتلتها . ناظره صياح بنظرات تعجب : وشو؟ طلال : الهنوووف .. هجم صياح على طلال وطاح فيه ظرب وطلال كان يضحك كل ما يزيد صياح فيه.. ظبيه اللي كانت جالسه تشوفهم وتحاول تستوعب كلام طلال لصيااح .. فجأه سمعت صوت وراها ينادي التفتت الهنوف : ظبيه .. ظبيه اللي حاولت توقف وطاحت : الهنووووووووف .. وقف صياح وابتعد عن طلال وهو يشوف ظبيه : ها!!!!!!!!!!!!!! نزلت الهنوف من الفرس وجت تركض ناحية ظبيه : ظبيه .. جلست الهنوف جنب ظبيه وحظنتها وهي تبكي صياح :سعد .. جراح: ههههههه وش اللي ساويته ؟؟ صياح : وش اللي صابك ؟؟ جراح : جرح بسيط .. طلال : اي هذا فرسك يا صياح وصار وقت نعاود بالبنت لديرتها .. صياح : اي .. الهنوف : وش فيها ساقج يا ظبيه .. ظبيه : مدري عود دخل فيها.. الهنوف : عوود ؟؟ ويساوي كذا ؟؟ ناظرت ظبيه صياح .. صياح : اا ...امم لزوم نمشي .. ظبيه : اي الهنوف ساعديني. فزع صياح لها وشالها وحطها ع الفرس والكل كان يشوفهم ومبتسم .. ركبت ظبيه مع الهنوف في فرسها وتحركو راجعين للديره .. * * * * * * طول الطريق كان صياح يناظر ظبيه " اييييه خلاص كل شي وده ينتهي هالحين " طلال : ايييه وش تهوجس فيه ؟؟ ابتسم صياح وناظر طلال : اهوجس فيك وشلوون غيرت رايك وانت اللي تقوول عيب الرغى عقب الهدير.. طلال : اي وللحين انا اقول هالحجي ميير بعض الامور ما تجي معها .. صياح : شلوون ؟؟ طلال : انشد قلبك .............هذا لو كان للحين معك هههه.. قرب زيد فرسه من جراح: جراح .. التفت له جراح زيد: ودك تعاود هالحين معي للديره ؟؟ جراح : للا ...بالاول عندي امور ودي انهيها وبعدها اعاود لها.. * * * * * وبعد ما صارو قريب من الديره وقف طلال فرسه : هالحين ودكم ترخصولي .. صياح : وين ودك تروح ؟؟ طلال : مدري هقوتي اروح اتصيد .. زيد : وانا بعد ودي ترخصو لي ودي اعاود للديره لزوم هالحين بالهم مشغول فيني .. * * * * * * مييير الحال في ديرة زيد كان مخالف باللي كان يظنه جواهر : عواااااااااد.. عواد: علامج ؟؟ جواهر : ترى اقول لعمتي عن سوايااك.. عواد: ايه ايه املي الجربه لحالج وما راح اقرب منج ههههههههههه كله ولا عمتي.. جواهر : هههههه هههههه.. عواد: يا ويلي ع ضحكتج ..>>>>>>>>>يخرب بيت المغازل ناظرته جواهر منحرجه : عواد .. عواد : لبيه .. ابتسمت جواهر : شيل الجربه عني .. عواد : ايه انتي تامري امر .. ناظرهم زيد من بعيد وهو يبتسم ورجع واسرع بفرسه زيد ينادي : طلال طلااااال .. طلال اللي كان جاي معه لجل يوصله : وش فيك ليه عاودت ؟؟ زيد : غيرت رايي ودي اروح اتصيد معك .. طلال : ايييييه نحن اللي نشقى وغيرنا يكسب .. زيد: اي بالله .. ~~~~النهااايه~~~~ 31/12/2009 وكل عام وانتم بخير اتمنى لكم سنه جديده سعيده :syria8: | ||||
|
| |
|
31-12-09, 06:24 PM
| #158 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| تسلمى العنود على النهاية السعيدة و الرواية الرائعة ... ننتظر إبداعك القادم ... و أتمنى ألا يطول إنتظارنا ... ربى يوفقك ... و شكراً لك و كل عام و أنت بألف خير ... | |||||
|
| |
|
31-12-09, 11:59 PM
| #159 | ||||
| قارئ مميز 
| شكرا عنود على الرواية الجميلة ونهايتها الجميلة بس كنا عوزين نعرف رد فعل الجد على عدم قتل الهنوف ورد فعل الشيخ وحامد من صياح لخطفه ظبيه ولا عادي يروح يقلهم انا الي خطفتها وزوجوني اياها واخيرا ظهر جراح البطل الغائب سمعنا عنه طول القصة ولم يظهر الا في النهاية سلمت وسلمت يمناك وفي انتظار رواية جديدة لك عنود على فكرة اسمك من الاسماء المحببه عندي اسم بنتي الصغيرة | ||||
|
| |
|
| أدوات الموضوع | |
| انواع عرض الموضوع | |
|
|
15Likes
.png)
العرض العادي
