|
| LinkBack | أدوات الموضوع | انواع عرض الموضوع |
30-09-09, 12:05 AM | #41 | ||||
عضو ذهبي
| تسلم يدك عنود السيح بصراحه اكثر من رائعه صحيح في شوي غموض بس ان شاء الله يتضح مع الاحداث اكثر شئ مقلق وش ناوي طلال يسوي ومين الي تفكر فيه الهنوف ووين جراح اسئله ننتظر منك ايضاحها لنا مشكوره اختي وفي انتظارك ربي يحفظك | ||||
30-09-09, 02:23 AM | #42 | ||||
| السلام عليكم وقسماً صار بي اكتئاب .. كل ما ارد على كاتبه تنقطع .. المووهيم .. يا ويل قلبي ويلاه .. اكيد الرجال شاف حامد مع الهنوف بوقت متأخر برآ الديره .. ويفترون عليهم ويزوجونهم .. زيــــــد ×× اتوقع جراح هو اللي انطخ عند راسه.. ويحسبونه يبوقه .. طلال << لبى بارودته وسيفه .. شكله هو الاكشن والانتقام انه يسبي وحده من الحريم << مجرمه ما زال الغمووض وتقبلي متابعتي .. هالله هالله بالاجزاء الطويله وخيتس عندها امتحانات << اكسر الخاطر | ||||
03-10-09, 03:18 PM | #47 | ||||
| عـــــــــــيب الرغـــــــــــــى عقـــــــــــب الهديـــــــــر الجزء الثالث __________________ عند الغدير وطت جواهر صوب الما ودها تملا الجربه اللي بيدها .. وجا الصوت من وراها .. ثريا : هههههههه مسيجينه صارت تحوس بالديره لحالها كلن تخلا عنها ورااح .. صالحه : ههههه اي جزاتها تستاهل اللي جاها واكثر .. التفتت جواهر صوبهن وبصوت يبان فيه الغضب : من هي المسيجينه اللي تخلو عنها ؟؟ ثريا : له له علامي يا صويلحه هو صحيح انها هي تحجت معنا ولا انا اتخيل .. صالحه : للا يا ثريا البنت صارت تعرف تحجي .. ثريا + صالحه :هههههههه.. جواهر بغضب اكثر : ماني راده عليكن ما يرد على السفيه الا السفيه مثله .. والتفتت للغدير وهي تكمل اللي بيدها .. ثريا : خلينا نمشي من هنيا قبل ما تهجم علينا بديت اخاف منها ههههه.. صالحه : اي اي لزووم تخافي جابت راس زيد وشلوون ما نخاف منها ههههه.. جواهر اللي كانت ما تعرف هي تملا الجربه ولا تكب اللي فيها "آآآه وينك يا زيد وينك صار الكل يرفع صوته علي وينك ؟؟؟؟؟"" عوااد اللي كان مشاهد للي صار كله : هههههههه اي تعجبيني لزوووم هاللسان يتعلم يحجي ويرفع صوته على غيري .. جواهر : انت كنت هنيا ؟؟سمعت اللي صار ؟؟ عواد : اي سمعت .. جواهر وبدن دموعها تعلن نزولها : اجل وشلون ما جيت وتحجيت معهن ولا هرجهن كان عاجبك ؟؟ عواد : ماهو جذا مير انا كان ودي اياج تتحجي انتي لحالج تاخذي قضاج لحالج لجل مرتن ثانيه بوجود زيد ولا برحيله ما يحجو معج مثل هالحجي .. جواهر اللي دموعها نزلت : لو كان زيد هنيا كان دافع عني لو زيد هنيا كان ما تحجو معي هالحجي .. حاول عواد يوقف جواهر اللي رمت جربة الما واسرعت مبتعده عن الغدير .. عواد " اييييه ما تعودت اشوفج بهالحاال وينك يا زيد تركتها تعاني من بعدك " ************************** طلال : وش اللي صار فييك وش فيك تحجي جذا ؟؟؟ماني قادر افهم شي من اللي تقوله.. زيد : من هو اللي تحجي عنه ؟؟ وين مكانه ؟؟ متى شفته ؟؟ طلال : قصدك اللي يسولف بسواليفك ؟؟ زيد : اي اي هو جراااح وينه ؟؟ طلال : بس اللي اعرفه ان اسمه ما هو بجراح .. زيد : للا للا وكااد ان هو جرااااا آآآه .. طلال : علامك ؟؟ زيد : طخوني طخــ خوو آآه .. طلال اللي اظهر سلاحه وبدا يرد الطخ للمكان اللي جاي منه الطخييخ : توثق يا زيد توثق على الفرس .. زيد اللي لف يديه على رقبة الفرس وحس بحاله ما هو بقادر يتحرك : جرااح ودي اشووف جرااح قبل موتي .. طلال اللي اشتدت الطخيخ بينه وبين الطرف الثاني : بإذن الله تعيش انت توثق ولا تخلي النووم يغلبك .. زيد اللي وشك يفقد الوعي : جراااح جرااا... طلال : للا للا لا تمووت .. ضرب طلال رجله بقوه على الفرس وهو يجر فرس زيد معااه وحاول يبتعد عن المكاان ويصد عن طخيخهم .. ************************** الشيخ سرور : صحيح هالحجي ولا الرجل يكذب ؟؟ حامد اللي بدت عليه الصدمه : للا اقصد اي مييير اللي صـــ الشيخ سرور مقاطع لحامد وبصوت هز حامد : صحييييييح صحييح انت يا حاامد انت ؟؟ حامد : يبه اللي سمعته صحيح ميير اللي فهمته من اللي صار ما هو صحيح .. الشيخ سرور : وماهي بأول مره يا حاامد .. حامد : يبه الشاهد الله ان ما بيني وبينها حاجه .. الشيخ سرور : انت تحجي جذا ميير النااس وش تحجي يا حامد شرفك من شرف القبيله كلها ان مستك حاجه تمس القبيله كلها وتمسني انا ووخيتك .. حامد : علامك يا يبه ما صار شي .. الشيخ سرور : من هي هالبنيه ؟؟ حامد : ماله لزووم تلووم البنت هي مالها يد باللي صار .. الشيخ سرور وصوته بدا يعلا من الغيض : ودك ترد على سؤالي وتقوولي من هي البنيه .. حامد وهو يحس بقصه : يا يبه ...........تكفى .. الشيخ سرور : اقولك مرتن ثالثه وما ودي اعيد غيرها من هي البنيه ؟؟ حامد : سامحيني يا الهنوف .. الشيخ سرور : الهنووف ايييه الهنووف وكااد انها هي اللي تجي عند وخيتك ظبيه .. حامد : يبه اسمعني لزووم اقولك عن اللي صاار .... الشيخ سرور : بس ما ودي اسمع هرجك واتركني انا اسمعك اللي ودك تساوييه .. ********************* وبين احدى صخور الجبال جلس طلال اللي كان يحاول يضمد جرح زييد اللي انطخ في ظهره طلال : لزووم نلاقي لنا ديره لجل آخذك لها اللي بيك ما يعالجه غير طبيب .. كان زيد يفتح عيوونه مره ومره يفقد الوعي وكان كل ما يفتح عيوونه ينادي بجرااح .. طلال : اي اي ما رااح تمووت لزووم ما تمووت لجل تلاقي جرااح لزووم انه يدورك ذا الحين وينطر جيتك له .. زيد اللي كان يهاذي من تأثير الضربه : جراح رحل وعليا رحلت ووجواهر تركتها لحالها لزوم اعاود لها جواهر أمانه عندي أمااانه وانا تركتها .. حاول زيد يقووم طلال: وش فيك يا رجل لا تتحرك خلك بمكانك .. ولكن ما قدر يقووم وطاح متمدد مرتن ثانيه .. طلال : اييييه اللي بيك يشيب الرااس الله يكون بعونك .. ********************* عواد : جواهر يا جواهر .. العمه : لا تنادي يا ولدي ما هي براده عليك .. عواد : وش بيها ؟؟ العمه : مدري وش بيها ؟؟ عواد : هي للحين تبجي ؟؟ العمه : وش اللي مضايقها يا عواد ؟؟ عواد : اي اي لزووم ان حجي النسوان هو اللي ضايقها .. العمه : البنت مسيجينه ما لها احد غير الله ثم زيد البنت تعلقت بيه وصارت ما تقوى تطلع الا وهو هنيا .. عواد : الله يكون بعونها .. ******************** الهنوف : ظبيه اليوم ما بينت ما هي من عوايدها .. جدة الهنوف بصوت عالي : هي انتي يا بنيه تعالي.. ******************** حامد : وش اساوي يا ظبيه ؟؟ ظبيه : وش تساوي ؟؟ وكاد انك بتساوي اللي قالك عليه ابوي مالك سواه غيرها .. حامد : للا يا ظبيه الهنوف ما ظن انها تقبل هالحجي .. ظبيه : وليه ما تقبل مادام انها قبلت كل ليله تسامر معك ؟؟ حامد : للا يا ظبيه هي مالها يد باللي صار وما بيني وبينها حاجه من اللي تحجينه .. ظبيه : ليه ليه تنكرو انت وهي الحجي اللي من بينكم ؟؟ حامد : وش تقصدين انا وهي ؟؟ ظبيه : ليه تنكر انك انت تهوااها وهي بعد تنكر انها تهوااك وحالك وحالها يفضح كل حاجه من بينكم .. حامد : حالها وش هو حالها ؟؟ ظبيه : مدري يا خوي مير اللي افهمه من حالها انها تعشق ودايم تهوجس باللي تعشقه وكاد انها تعشقك يا حامد وكااد .. ****************** جلس صياح وهو يناظر النار قدامه وكان هذا حاله من البارح اللي كان طوول الليل يهوجس باللي وده يساويه طلال : اشلون شلون يا صياح تترك اخوك يساوي كذا لزووم امنع اللي وده يصير لزوم اعاود به للديره "وش له يا صياح اترك اللي وده يصير يصير وانت لزوم تبقى بعيد " للا للا هذا اخوي وهذي قبيلتي وانا ما ودي تصير بهم حاجه لجل ثار صار له سنين مخبا ......وش ينفع الحجي هالحين لزوم ان طلال سوا اللي براسه ....وحتى لو سوى لزووم اخلييه ما يكمل اللي ساواه ....وين ودي الاقيك ذا الحين يا طلال ويين ؟؟ ******************** طلال : يا وجه الخير يا وجه الخير انت تسمعني ؟؟ زيد : جرااح .. طلال : للا هذا انا طلال قم قم لجل اسقيك من الما ودي اسند راسك ع رجلي ارفعه .. رفع زيد راسه واسنده ع رجل طلال وبدا طلال يسقيه .. طلال وهو يسقي زيد : وانا احوس بهالمكان شفت ديره ماهي ببعيده وبأذن الله بأسرع وقت آخذك لهم لجل يشوفك طبيب وتشفى بأذن الله .. زيد بعد ما انهى الشرب :للا ودك تاخذني لجراح.. طلال : للا يا وجه الخير وشلون ودك تروح له وانت ع هالحال .. زيد : للا وكااد ان المووت جاي وودي اشوفه قبل ما اموت ودي اقوله عن الايام اللي مضت وهو بعيد عني ودي الومه على رحيله ودي اعرف لييه تركني ليه ما عاود .. طلال : يا وجه الخيير لزووم تهدي حالك بأذن الله ما تمووت وبأذن الله تشوفه وانت بخير وتسولف له عن كل حاجه .. زيد : اي اي وجوااهر لزووم جواهر اعاود لها خذني لها عاود بي لديرتي هي امانه لزووم اعاود لجل احميها هي مالها غيري .. طلال : اي اي لزووم تعاود لها مير وشلوون ودك تحميها وانت بهالحاال لزووم يشوفك طبيب لجل تتعافى وترجع لك قوتك وتعاود لها وانت مثل ما تذكرك رجال قوي تقدر تحميها.. زيد : اجل خذني للطبيب .. طلال : للا اصبر لزوم الرجال يرحلو هم للحين ما ارحلو.. زيد : اي ميير ان مت يا طلال لزووم تروح لجواهر ومن بعد ما هي امانه عندي اخليها امانه عندك .. طلال : للا للا جواهر مالها غيرك لزووم انت تعاود لها .. زيد : اي لزووم مير انا اقول ان مـــ ــ ــ مــ.... طلال : للا للا لا تخلي الموت يغلبك .. رفع طلال زيد من الارض : لزووم آخذك للطبيب تصبر تصبر .. ****************** ناظرت الهنوف حامد بغضب والتفتت مبتعده .. حامد : ارخصيلي يا عمه .. طلع حامد من عند العمه وتبع الهنوف اللي كانت خطواتها سريعه .. حامد : الهنوف الهنوف اصبري اسمعيني الهنوف .. وقفت الهنوف فجأه والتفتت له : وش له وش له هالحجي ووش قصدك تقوله عند جدتي ها؟؟ حامد : وش اللي قلته كل اللي قلته ان ودي اتجوز الهنوف .. الهنوف : اي ميير كان لزووم بالاول تاخذ رايي .. حامد : وش اللي تقولينه يا الهنوف ما هي من عوايدنا نسأل البنت عن رايها اهلها هم اللي يسألوها .. الهنوف : اي ادري ميير ميير ........انا ما ودي اتجوز ... حامد : ما ودج تتجوزين ولا ما ودج تكوني حليله لي انا ؟؟ الهنوف : الاثنين .. حامد : لييه وش اللي ينقصني وش اللي تشوفيه بغيري وما تشوفيه فيني ؟؟ الهنوف : ما هو كذا ميير انت انت مثل اخوي ما اتصور اني اكون حليله لك.. حامد : ميير انا ماني بأخوج وعمري ما عاملتج مثل اختي ....انا ..انا اعشقج يا الهنوف وما ودي اتجوز غيرج .. الهنوف : وش هالحجي اللي تقوله ؟؟ حامد : كل هالسنين عمرج ما لاحظتي عشقي لج انفضح عشقي لظبيه وانتي ما شفتيه .. الهنوف : يكفي يا حامد ما ودي اسمع سواليف العشق لو تزيد ولو تنقص مقدر اوافق ع هالزواج .. حامد اللي تغيرت نظراته ونبرة صوته : للا يا الهنوف ودج توافقي بعد ما تسمعي اللي ودي اقوله ودج توافقي .. الهنوف : وش اللي تقصده مافي شي يجبرني اني اوافق .. حامد : بالاول تسمعي وتاليها تشوفي وش اللي يصير .. _________________ الهنوف : وش اللي تقوله ؟؟الحجي اللي تقوله ما هو صحيح وانت تدري انه ما هو صحيح .. حامد : انا ادري وانتي تدرين ميير الناس ما يدرو .. الهنوف : ليه ليه تسكت وتخلي كلامهم يمشي ؟؟ حامد : انا تحجيت باللي صار ميير ما عندي دليل .. الهنوف : لزووم تحجي لزووم تخلي حجيك مسمووع لزووم ما تخليهم يجبرونك تساوي حاجه انت ما ودك فيها .. حامد : الشاهد الله اني حجيت ميير حجي الجماعه يغلب ع حجي الواحد .. الهنوف : للا للا لزووم انت عجبك اللي يحجوونه وقلت فرصتي وجت لحالها ......للا يا حامد اللي في راسك ما وده يصير .. حامد : ليه هالحجي يا الهنوف عمري ما قلت فرصتي وجت لحالها ....لا تظلميني يا الهنوف انا مظلووم مثلج ومكاني في مكانج .. الهنوف : انت ولد الشيخ وما يقوى احد يحجي عليك تقدر تخلي اللي ودك فيه يصير ميير ما هو معي انا ما ودي اخليك تمشي حجيك علي انا .. حامد : لزووم تثمني حجيج قبل لا تحجينه وما تحجي حجي من عندج .. الهنوف : انا ودي اروح للشيخ واحجي بكل الي صار بعلمه انك انت اللي تلاحقني انت اللي تتبعني.. الخطا خطاك انت ما هو خطااي ولزووم انت اللي تتحمله .. حاول حامد يوقف الهنوف اللي كانت متوجهه لبيت الشيخ وهي طول الطريق تتحرطم طلعت ظبيه وهي تسمع الضجيج اللي قادم للبيت ظبيه : وش فيكم ؟؟ الهنوف : وين الشيخ يا ظبيه ودي احجي معه .. ظبيه : ابوي هنيا تفضلي .. حامد : للا يا ظبيه وقفيها .. الشيخ سرور : وش اللي صاير ؟؟ الهنوف اللي وقفت وهي تلتقط انفاسها .. حامد : ما صار الا خيير يا بوي .. الشيخ سرور وهي يناظر الهنوف : اي وكااد انج الهنوف .. الهنوف : اي انا هي الهنوف .. الشيخ سرور : ووكاد حجالج حامد باللي صار .. الهنوف : اي حجالي .. الشيخ سرور : اجل نقوول مبروك .. الهنوف : للــــ قاطعها حامد : الله يبارك فيك يا بوي .. الهنوف : انا مـــــ يا وجييييييييييييييييه الخيييييييييييييييييييييي ر يا وجيييييييييييه الخيييييييييييييييييير الهنوف : انا مانيــ قاطعها صوت الشيخ سرور : وش اللي صااير .. واحد من الرعياان : رجااال رجاال جايين صوبنا وواحد منهم مطخووخ .. الهنوف : احد يسمعني .. الشيخ سرور : حامد يا ولدي افزع روح جيب الطبيب وانتن يا بناات ادخلن للبيت .. الهنوف : انا .. سحبتها ظبيه : ماهو وقته يا الهنوف تعالي .. ابعدت الهنوف يد ظبيه : اتركووني لحاالي .. وابتعدت راجعه لبيتها .. يا وجييييييه الخييير يا وجيييه الخييير ارجاااكم افزعو لي .. __________________________________________________ لحد هنيا وخلاااص ودي احرق اعصابكم شوي ههههههههههه.. يالله ودكم تتصبرو لحد البارت الجاااي الله يكوون بعونكم .. | ||||
03-10-09, 10:53 PM | #48 | |||||
روايتي مؤسس ومشرفة سابقة وقاصة في منتدى قصص من وحي الاعضاء
| مشكورة العنود على البارت المليئ بالأحداث ... كل مالك عم بتشوقينا أكثر للرواية و أسرارها و غموضها ... الهنوف ... أتوقع أن تخضع للظروف و تنخطب لحامد لغاية ما تلاقى فرصة أنها تفركش هالزواجة >>> بس حتى الآن ما عرفنا من الحبيب المنتظر اللى تحبه الهنوف ... العنود متابعاكى و شكراً لك | |||||
04-10-09, 08:24 PM | #50 | ||||
| عنووووودة ياعسل .. ايش هذا اشتغلتي فينا ... القصة كل مالها وتصير غامضة ... وأحداث ... وطخ طيخ ..:crazy: يختي ما نقوى .. نزلي البارتات ورا بعض .. ترى حنا ناس وراها دوامات .. اسمعي .. كل يومين نزلي بارتين .. كذا أحلى .. ايش رأيك ..؟ هذا من ناحية القصة ... من ناحية الأبطال .. انا دخل مزاجي طلال .. والهنوف .. من معاي.. ؟؟؟؟؟؟؟؟؟؟؟؟؟؟ انتظر البارت الجاي إن شاء الله .. وارجعلك .. أختك ... الشرف المرووم .. | ||||
أدوات الموضوع | |
انواع عرض الموضوع | |
|
|