آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-11-09, 11:15 PM
| #86 | ||||||||
| نجم روايتي وعضو نشيط في القسم الطبي و في قسم الجوال ووردة البحوث وعضو نشيط في قسم المطبخ  
|  قصه روووعه انا بحب كتير الغموض تسلم ايدك عنود انا متابعه معاكي وفي انتظار البارت القادم تحياااتي | ||||||||
|  |
|
07-11-09, 10:38 AM
| #88 | ||||
 
| عيــــــــــــــب الرغـــــــــــــــــــــ ــى عقــــــــب الهديـــــــــــر الجزء الثامن.. ـــــــــــــــــــــــــ ـــــــــــــــــــــــــ ــــــــــــــــــــ وقعت ظبيه اللي كانت طول الطريق ترفض انها تاخذ منه الما ولزوم ان هذا سبب وقوعها .. التفت بعد ما سمع صوت الوقعه ....: وش صار لج يا جهد البلا .. نزل من فرسه بحركه سريعه واسرع ناحيتها ورفعها عن الارض وامتطى فرسه وهي بين ايديه وابتعد لمكان فيه ظله ما بين الجبال .. بعد ما فرش الفراش اللي كان معه اسندها عليه وحاول ينفض التراب اللي كان مالي وجهها وهو يتحرطم : هذا كله منج ما ودج تشربي ما ولا ودج توكلي حاجه .. اخيرا تخلص من التراب اللي بوجهها وهو يناظر وجهها اللي لاول مره ينتبه لملامح الطفوله بيها حس بالذنب وبالندم , وبنفس الوقت ما انكر ان فيها ايضا ملامح الجمال واضحه هز راسه وهو يبعد هالافكار اللي بدت تسيطر عليه وابتعد عنها : ايه ايه وش ودي وش ودي ايه الما ... اسرع واخذ الما وبدا يرشه على وجهها وبعد ما فتحت عيونها قرب منها وهو يحاول يسقيها وهي من العطش طبعا ما قاومت وبدت تشرب .. ************************ زيد : اي قل لي يا طلال وش سالفتك ؟؟؟ احس بيك شي مخبيه عننا .. ناظره طلال : ما هو وقت الحجي هالحين هالحين لزوم نسرع لجل نوصل للديره .. زيد : اي صحيح دوا جدك معك ؟؟ طلال : ها ؟؟ دوا جدي؟؟ زيد : اي ما هو لجل كذا ودك ترجع للديره باسرع وقت ؟؟ طلال : اقصر الهرج وقت الحجي نحجي .. زيد : اي اي ودي اسكت ... *********************** حامد : ليه ليه تتركهم يرحلو لزوم مخبين عنك وما ودهم يحجو .. الشيخ سرور : انت شفتهم ما كانت معهم وثر فرسك ما كان مع اثرهم وردة فعلهم لمن درو باللي صار لظبيه كل هذا وللحين شاك بيهم .. حامد : اي اي لزوم يكون احد خطفها وما به احد غيرهم كان بالديره .. غنام اللي كان داخل عليهم ويسمعهم : للا يا شيخ في احد غيرهم .. حامد : من هو ؟؟ غنام : الرجال لقو اثر جديد ما هو من اثار الفرس اللي عندنا وابشرك الفرس هذي بعد ما طلعت من الديره طلعت معها اثار فرسك .. حامد : صحيح ؟؟؟ غنام : قلت للرجال يتبعوها ولزوم قريب تعاود عمتي ظبيه .. حامد اللي حس بالامل انه يلاقيها : اي وانا ودي اروح معهم .. الشيخ سرور : الله يبشرك بالخير يا ولدي.. توجه حامد للهنوف لجل يقول لها.. حامد : الهنوف ابشري يالهنوف قريب تعاود لج ظبيه .. الهنوف : لزوم تسرع يا حامد قبل لا تصير لها حاجه .. حامد : للا ما تصير لها حاجه بأذن الله وانا عايش .. ************************** ظبيه بعد ما ظمت عطشها اعتدلت بجلستها ولاول مره تشوفه بدون لثام اللي كان حاطه تحت راسها .. ولاول مره ما حجت ظبيه ولزمت الهدوء مستسلمه بالحال اللي هي بيه .. طول الوقت كان يحاول يتجنب نظراتها له ويحاول انه ما يناظرها بعد ما سحرته بجمالها .. اخيرا حجت : وش ودك فيني ؟؟ ناظرها : لجل ما يقتلوج .. ظبيه : ومن وده يقتلني ؟؟ مسح على راسه وهو يناظر بعيد : لزوم ما تكثري بالأسأله .. سكتت ظبيه والتفتت عنه .. وقف : الحين وش تحسي فيه تقدري تكملي ولا ودج تريحي ؟؟ ظبيه : لوين ودك تاخذني ؟؟ ناظرها وابعد نظره من نظراتها له : لمن نوصل لهناك تعرفي كل حاجه .. *********************** زيد : اي على اللي شفته من قبل ترى ما كان قصدي .. طلال : وش تقصد ؟؟ زيد : ذيج الليله لمن شفتني مع ال......فهمت؟؟ طلال : اي اي وش فيها ذيج الليله ؟؟ زيد : ما كان بيني وبينها حاجه كل اللي صار ممم مدري وشلون صار فجاه لقيتها بحضني حسبت حالي بحلم .. طلال كان يستمع لا مبالي .. اكمل زيد : وفجأه انتبهت ان اللي بين ايدي ما هو بحلم حتى هي ما كانت تقصد اللي صار .. طلال اللي كان يناظره نظرات غير مفهومه وطول السالفه وهو ساكت .. زيد : انت تسمعني ؟؟ طلال : اي اي .. زيد : ترى ماكان قصدي .. طلال : اي وليه تقول لي هاحجي انا ما همني ان كان تقصد ولا لا ؟؟ زيد : لجل ما تظن اني .....اممممم .. كان كلام طلال قوي عليه وما عرف وشلون يفهمه فقرر انه يقفل السالفه .. ********************** طول الوقت وهم يمشو والهدوء يمشي معاهم ولكن فجأه سمعو صوت طخ .. التفت لها : تعرفي للفرس ؟؟ ظبيه وهي خايفه : اي اي مير ماهو بكثير .. ظرب فرسها لجل يسرع وبنفس الوقت ظرب فرسه وبدت الفرس تسرع ظبيه اللي كانت خايفه وحاضنه الفرس وتحاول تتوازن اكثر .. الرجال كانو هم نفسهم اللي طخ طلال واحد منهم وكانو يظنو انه هو نفسه طلال .. طول الطريق وهو يحاول يتصدا طخيخهم ويحميها منهم الى ان وصلو لمكان بين الجبال قدر يتخبا منهم فيه .. ناظرها وهي ما زالت تحظن الفرس وغارقه بدموعها : صار لج حاجه ؟؟ رفعت راسها وهي تبكي : ودي اعاود لديرتي ودي اعاود ما ودي اموت ما ودي .. ما عرف وش يساوي او كيف يهديها : ما راح تموتي دامج معي .. ظبيه وبدا صوتها يعلا : للا للا انت ودك تقتلني انت قلتها بلسانك آآآآآآآآآآآآ.. قرب منها : صه صه خفي صوتج ترى هالحين يسمعوج ويجونا .. سكتت ظبيه ولكن دموعها ما وقفن من النزول وكانت ترتجف من الخوف ودقات قلبها مسموعه .. " يا ليتني مما سمعت كلامك ولا ساويت هذا كله " *************************** بدت الشمس تغرب .. طلال : ودنا نريح هنا الليله والفرس لزوم انها تعبت .. زيد : ديرتكم بعيده ولا ؟؟ طلال : باجر بأذن الله بالعصر نوصل .. زيد : اي يعني باجر ودي اشوف جراح والله لو الود ودي ما نريح .. طلال : مير لزوم نريح .. .. **************************** هدت ظبيه وهي ما زالت ع ظهر الفرس وعيونها تعلن التعب .. ناظرها وهو جالس جنب النار : ما ودج تنزلي من ظهره ؟؟ ظبيه : للا ما ودي .. ابتسم : ودج تنامي ع ظهره ؟؟ ظبيه : ما ودي انام .. تجاهلها وجلس يلعب بالنار لحد ما حس انها نامت .. ناظرها وظحك : ايه هاذي اللي ما ودها تنام .. فرش الفراش وانزلها عن ظهر الفرس وحطها ع الفراش وقصبا عنه جلس يتأملها وهو ما يدري بحاله .. ************************** حامد : لا توقفو ماهو لزوم تريحو .. غنام : اي مير الفرس اتعبت ولزوم تريح يا شيخ .. حامد : قلت لكم ما توقفو .. غنام : اي مثل ما ودك .. ************************** كان متكي ع الحجر ويناظرها وهو ع الحال غفت عينه ونام * * * * فتح عينه وهو يدور اللي كان يناظر فيها مير ما لقيها .. وقف وهو يتلفت وايضا الفرس كانت مختفيه .. : يا جهد البلا البنت والفرس راحو وكاد انها جنت .. لملم اغراضه بسرعه وركب ع ظهر الفرس وطلع لجل يدورها ************************ غنام : الفرس يا شيخ تعبت والرجال ما يقدرو يواصلو .. حامد اللي هو بعد تعبان ويحاول ما يبين هالشي : اي اي ريحو ولحقوني .. غنام : للا يا شيخ لزوم انت تريح معنا .. ناظره حامد : وظبيه لزوم انها تنتظرني ما ودي اتوخر عليها .. غنام : يا شيخ لزوم نلاقيها .. حامد : بأذن الله .. ************************ اخيرا لقاها هاذي هي متكيه ع الحجر ومعها الفرس .. تقرب منها وهو يناظرها وهي سرحانه : لوين ودج تروحي ؟؟ رفعت نظرها له : اتركني بحالي ودي اعاود لديرتي .. ابتسم : ايه وليه جالسه هنيا ليه ما عاودتي ؟؟ ظبيه : ما دل الطريق .. ناظرها : امممم ايه شوفي اثرنا واتبعيه ودج تعاودي لديرتج .. ظبيه وهي مستغربه منه : ودك تتركني اعاود .. التفت عنها وحرك فرسه مبتعد : اي عاودي ودي اتركج .. " اي ليه امنعج لجل ترتاحي وارتاح انا من اللي ينحرق بصدري " ************************* زيد : اي هذي هي ديرتك وكاد انها هي .. طلال : اي اي هي .. زيد : اجل اشوفك هناك .. اسرع زيد بفرسه وترك طلال خلفه .. ابتسم طلال وهو يناظر زيد متشوق للوصول : عساك تلقى اللي تدوره .. ************************* حس بأن في احد يمشي خلفه وكان متوكد انها هي .. التفت لها : وش له تتبعيني ؟؟ ظبيه : ودي اروح معك .. التفت عنها : وما ودج تعاودي لديرتج ؟؟ ظبيه : للا .. ابتسم وهي ما تشوفه : ليييه ؟؟ ظبيه اللي كانت خايفه من العوده لحالها : كذا ما ودي اعاود ودي اياهم يلحقونا لجل ياخذو قضاي منك.. التفت لها وهالمره كان جاد : اي لمن نوصل للمكان اللي ودنا نروح له ودج تفهمي كل حاجه . وظبيه كانت ابد ابد ما هي بفاهمه اي حاجه من اللي يقوله .. ************************** وصل طلال اللي لقا الرجال كلهم بأستقباله وزيد منهم .. هلا هلا بالشيخ هلا .. زيد : شيخ ؟؟؟؟؟؟؟ طلال : المهلي ما يولي .. الشيخ ظاعن ينتظرك .. طلال : اي ودي اروح له .. زيد وهو يناظر لطلال : شيخ ؟؟ شيخ !!!!!!؟ طلال وهو يبتسم لزيد : اي شيخ .. التفت للرجال : وصياح وينه ؟؟ راح للقنص .. طلال : من متى ؟ من سبوع .. ناظر طلال زيد وهو يفكر " اي اللي براسي صحيح انت يا صياح وكاد انه انت " ************************** ناظر صياح ظبيه وهو مرتاح بعد ما حس انها تقبلت الامر وبدت ترضخ للي يصير كذا المهمه صارت سهله عليه .. ناظرته ظبيه نظره في غيض وبوزت بشفايفها والتفتت عنه .. ابتسم صياح ع حركاتها الطفوليه والتفت عنها .. *************************** لا جراح ولا طلال ولا زيد هو صياااح اللي نصكم عرفه .. لكن هل تعرفون شو هو السبب اللي ممكن يخليه يسوي هالشي ؟؟؟؟ وهل ممكن يكون صياح هو نفسه جراح ؟؟؟؟؟ مدري لا تسألوني .. المهم اكيد بتعرفون هالشي قريبا " ترقبو البارت الجاي .. والسموحه ع القصور .. | ||||
|
| |
|
07-11-09, 11:10 PM
| #90 | ||||||||
| نجم روايتي وعضو نشيط في القسم الطبي و في قسم الجوال ووردة البحوث وعضو نشيط في قسم المطبخ
| انكشف اشوي من الغموض .... بس ما بظن ان صياح هو جراح بارت حلو عنود ... يسلمووو ايديك في انتظارك ^^ | ||||||||
|
| |
|
| أدوات الموضوع | |
| انواع عرض الموضوع | |
|
|
15Likes
.png)
العرض العادي
