|
حج مقبول و ذنب مغفور ... العنود ربى يتقبل منا و منكم الطاعات و صالح الأعمال و النيات ... تروحى و ترجعى بالسلامة ننتظرك يالغلا |
حج مقبول و ذنب مغفور ......ربي يتقبل منج صالح الأعمال تروحي وترجعي بالسلامه إنشالله ... خفي ع وديمه ما تهون علينا ترا متابعه لج |
احلى خبر والله يا بختك ادعيلى احج انا كمان لو سمحتى وادعيلى بالهدايه والصحة والستر لى ولعيالى وجوزى زوتها صح وربنا يتقبل منك انشاءالله |
أهنيج ع الروايه رائعه الصراحه أمس قريت كل البارتات وبصراحه الغموض شيء حلو ومتلومه ما كنت متابعه من أول أنا صياح عرفته من البدايه أنه هو اللي خطف ظبيه وأشياء كثيره وأن الهنوف تحب جراح من البدايه يسلموا متابعه دائمه لج |
حج مبرور وذنب مغفور وسعي مشكور بأذن الله ......... متابعه الروايه لحد ماتنتهي باذن الله |
حج مبرور وذنب مغفور ان شاء الله ومرحبا بك في مكة عندنا اختي عنود السيح |
عيــــــــــــــــــب الرغـــــــــــــى عقـــــــــــب الهديـــــــر الجزء التاسع ـــــــــــــــــــــــــ ــــــ زيد : شيخ شيخ يا طلال وشلون ما تعلمني ؟؟ طلال : مابه لزوم اعلمك .. زيد : للا كان لزوم تعلمني .. طلال : يا زيد انا ودي اعاود لديرة الشيخ سرور . زيد : ليه وش له تعاود ؟؟ طلال : لجل اشوف وش صار عليهم .. زيد : واخوك وجراح وينهم ؟؟ طلال : ما هقوتي تلقاهم هنيا .. زيد : اي اجل اعاود معك .. طلال : اي ان كان ودك ..........لزوم نلاقي صياح .. زيد : اي لزوم القاه .. دخل الشيخ ظاعن : هلا هلا بولدي هلا .. وبعد ما سلم طلال على الشيخ وباسه على راسه .. طلال : وشلونك يا شيخ ؟؟ الشيخ ظاعن : الحمدلله انت وشلونك بشر ؟؟ طلال : مابه الا كل خير .. الشيخ ظاعن : يعني ..............((وانتبه لوجود زيد .. زيد : السلام عليك يا شيخ .. الشيخ ظاعن : وعليك السلام هلا .. طلال : هذا زيد جا معي .. الشيخ ظاعن : يا مرحبا فيه .. الشيخ ظاعن كان وده يعرف وش صار مير ما قدر يحجي عند زيد .. الشيخ ظاعن : اي اللي رحت لجله وش صار عليه .. طلال: اللي ودك فيه صار مير ما هو انا اللي ساويته .. الشيخ ظاعن : وش تقصد؟؟ طلال : قل لي يا شيخ انت ارسلت صياح عقبي ..؟؟ الشيخ : للا صحيح ان هو كان وده يلحقك لجل يخليك تعاود مير ما تركته .. طلال : اجل وينه هالحين ؟؟ الشيخ : اللي اعرفه انه راح للقنص .. طلال : اجل من هو اللي ساوا اللي كان ودي اساويه ؟؟ الشيخ : ما هقوتي صياح يساويها وهو معارض عالحجي من قبل.. زيد اللي كان جالس من بينهم ما هو فاهم وش اللي يدور بينهم .. طلال : اي ما هو وقت الحجي لزوم نعاود يا زيد .. زيد : اي .. الشيخ : وش له تعاود اللي رحت لجله انتهى وصار .. طلال : اي لزوم ارجع البنت لاهلها .. الشيخ : وشو؟؟ زيد اللي شبه عرف اللي يدور بينهم وشك بشي .. طلال : اي يا جدي كلام صياح صحيح لزوم ننسى اللي صار دام نحن في خير ونعمه .. الشيخ : وش له هالهرج يا ولدي ؟؟ طلال : مثل ما سمعته يا جدي .. طلع طلال من عند جده وتبعه زيد ******************************* التفت صياح لظبيه اللي كانت سرحانه " ودي اريح قلبك واعلمك عن اللي ودك تشوفيه مير......" وقطعت افكاره : تعبت ودي اريح وشكل الفرس ما يقوى يكمل السير.. صياح : وانتي وش علمك بالفرس هي شكت لج ؟؟ ظبيه : اي هي شكت لي وقالت انها تعبت وودها تريح .. صياح : اي ما دام هي اللي قالت اجل ودنا نريح .. وبعد ما استقرو بمكان عليه تغطيه ظلال الجبال التفتت ظبيه : انا جيعانه .. ابتسم صياح : والفرس ماهو بجيعان ؟؟ ظبيه : وشو ؟؟ صياح : أسأليه وكاد انه جيعان وشوفي وش يقول لج .. ناظرت ظبيه صياح : مليييييغ ههههههههههههههه احم سوري طلعنا خارج نطاق التغطيه (كله من وديمه)نرجع للقصه .. ناظرته ظبيه وابتسم ووقف : الحين اشوف لنا حاجه نوكلها لا تتحركي من هنيا .. ************************** يا شيخ الاثر هنيا زادت هذا اثرهم واثر رجال غيرهم .. حامد : لزوم انه كان احد يتبعهم .. وش السواه ؟؟ حامد : هقوتك صار لها حاجه ؟؟ ما هقوتي .. حامد : شدو حيلكم اسرعو .. ************************** زيد : وش السالفه يا شيخ طلال ؟؟ طلال : طلال لحالها ماهو داعي تقول شيخ .. زيد : اي مثل ما ودك وش السالفه يا طلال ؟؟ طلال : السالفه طويله .. زيد : اللي فهمته من حجيك انت والشيخ انك تظن ان صياح هو اللي خطف بنت الشيخ سرور.. طلال: اي هقوتي انه هو اللي خطفها .. زيد : وفهمت انك انت اللي كان ودك تخطفها .. طلال: ما دام فاهم الحجي ليه تهرج كثير ؟؟ زيد : ودي افهم ليه كان ودك تساوي كذا وليه اخوك خطف البنت وشلووون كل هذا يصير ؟؟ ناظر طلال زيد : ذكرني لا وصلنا عندهم اقول لك تتركني بحالي ولا عاد تخاويني بعدها .. زيد : ما انت بخايف احجي لهم باللي سمعته ؟؟ طلال : وقتها احجي انا باللي شفته .. سكت بعدها زيد وما فتح فمه .. ******************* صياح : ها تفضلي .. اخذت ظبيه اللي بيده والتفتت عنه لجل تاكل براحتها .. بعد ما انتهو من اللي بيدهم تحركو من مكانهم .. ظبيه وهي على الفرس حست بحاجه تهزها اكملو الطريق لكن هالمره هالحاجه رمتها من ظهر الفرس وكانت هالحاجه هي ريح قويه ومن خفة ظبيه قدرت ترميها من الفرس.. صرخت ظبيه بصياح : هيييي الفرس مشت وتركتني.. الريح كانت قويه واللي ما تركت صوت ظبيه يوصل لصياح .. تلثم صياح : الريح هاذي ما هي بشارة خير لزوم ان وراها علووم كثيره .. التفت صياح خلفه وانتبه لظبيه .. عاود لها وهو يناديها : تعالي هنيا وش اللي صار فيج ؟؟ ناظرته ظبيه : فرسي تركتني .. صياح : لوين ابعدت؟؟ ظبيه : عاودت بالطريج اللي كنا جايين منه .. صياح : اي اجل تعالي على فرسي وانا امشي .. ********************* اشتدت الريح اكثر مما جعلت الرؤيه شبه معدومه لهم يا شيخ حامد الريح صارت اقوى والاثر بدا يختفي .. حامد : لزوم نتبعه قبل لا يزول كله .. ولكن سرعان ما زال الاثر وصار الجو كل غبار وكثبان .. وصارو لا هم قادرين يتحركو ولا هم قادرين يجلسو .. ********************* ظبيه اللي تغطت عن الهوى : لزوم نلاقي لنا مكان ما به هوا.. صياح اللي كان يفرك عيونه : ايه ايه هذا انا ادور لنا مكان .. ظبيه : وشلون تقدر تمشي بهالهوا؟؟ صياح : وش السواه ؟؟ اسكتت ظبيه .. التفت لها ورجع ركب على ظهر الفرس : احم هالحين بأذن الله نطلع منها .. ***************************** زيد : شف المكان من هناك لزوم ان ريح جايه منه .. طلال اللي التفت للمكان اللي يعنيه زيد : اي ولزوم انها ما تبشر بخير اجل اسرع خلنا نوصل لديرة الشيخ سرور .. زيد : اي .. ************************** كان الجو منقلب من الريح اللي كانت تلعب فيه وبنفس الوقت كان الجو ساخن بالنسبه لظبيه وصياح اللي حسو انهم قريبين من بعضهم .. كانت ظبيه متمسكه بالفرس اكثر لان الهوا صار يزيد اكثر ومن قوته قدر انه يطير شالها اللي كانت تغطيه فيه راسها وبنفس الوقت طار شعرها اللي بدا يلعب بوجه صياح .. ارتبكت ظبيه صارت ماهي عارفه تمسك بالفرس ولا تغطي وجهها اللي بدت حبات الرمال تضرب فيه لكن فجاه حست بيد صياح اللي احاطت فيها .. حاول صياح يغطي وجه ظبيه بشماغه وبنفس الوقت كان شعرها يتطاير بوجهه .. بعد ما حس بتوتر اكثر لم شعرها وهي تحس بلمسات ايده على شعرها وحاول انه يجمعه ويثبت الشماغ على راسها .. اخيرا قدر يسيطر على شعرها ربط الشماغ لجل ما يفلت مثل شالها وهالمره بدا شعره هو يلعب بوجهه.. **************************** وش السواه هالحين يا شيخ ؟؟ حامد : لزوم نلاقي مكان نحتمي فيه لحين ما تهدا الريح .. **************************** لقي طلال وزيد الشيخ سرور بأستقبالهم اللي كان واقف يناظر بالريح اللي جايه صوبهم .. طلال+ زيد : السلام عليك يا شيخ .. الشيخ سرور : هلا هلا وعليكم السلام .. طلال : المهلي ما يولي.. ناظر طلال الشيخ اللي كان سرحان وهو يناظر الريح .. طلال: لزوم توثقو البيوت لجل ما تشيلها الريح .. التفت له الشيخ لكن باله كان ما هو معهم : اي اي لزوم نوثقها.. طلال : علامك يا شيخ بوشو تهوجس .. الشيخ : حامد والرجال راحو يتبعو الاثر مدري وش هي حالهم هالحين .. طلال : بأذن الله ما بهم حاجه هاذولا رجال ما ينخاف عليهم .. الشيخ سرور : اي وظبيه مدري وينها مدري وين ارضها من سماها .. طلال : بأذن الله انها بين ايادي أمينه وما راح يصير لها حاجه .. الشيخ سرور : بأذن الله .. بدو الرجال يوثقو خيامهم وبيوتهم وطلال وزيد يساعدوهم .. *************************** ظبيه : لوين حنا ماشيين؟؟ صياح : مدري مثل ما انتي شايفه ماني بشايف الطريق .. ظبيه : اي مير لزوم نساوي حاجه ولا ظلينا .. صياح : هو على الظلاله ظلينا مير ما هو بلزوم هالحين نداري عليها........... لزوم هالحين نلاقي لنا مكان الفرس ما عاد يقوى على السير .. ************************** الهنوف : هذا هم يا جده عاودو قلبي ما هو مريحني يقول انهم يعرفو بمكان ظبيه .. الجده : وش لج فيهم تركيهم بحالهم لزوم ان اللي تظنينه ما هو صحيح .. الهنوف : للا للا يا جده من يوم ما جو لعندنا وانا احس ان جراح قريب مني لزوم هم رجاله .. الجده : مدري وش اقول لج يا بنيتي اللي عندي قلته لج وانتي ساوي اللي تشوفيه يريحك .. الهنوف : اي اي لزوم اريح بالي من اللي فيه لزوووم .. ...................... طلال : اي يا شيخ ما قلت لي الرجال شلون عرفو بطريق اللي خطفها ؟؟ الشيخ سرور : اثر فرس غريبه واثر فرس حامد .. طلال : بأذن الله نحن معكم وودنا نعينكم لجل تلقوها .. ناظر زيد طلال : اي لزووم نلقاها .. الشيخ سرور : كفو يا عيالي مير ما ودي اتعبكم معي .. طلال : ما به تعب بأذن الله .. ************************* اخيرا لقو مكان بين الجبال يحميهم من الريح اللي قلبت الدنيا عليهم .. نزل صياح عن ظهر الفرس وساعد ظبيه بالنزول وهم متجهين للداخل انتبه صياح للحجر اللي كان يتحرك فوق راس ظبيه .. اسره صياح ناحيته ولمها لحظنه لجل ما تقع الحجاره عليها : انتبهي ........آآآه.. *********************** حامد وهو يتحرطم من الحال اللي هم فيه : ما هو وقته ما هو وقته ليه ليه كل ما نجي نوصل لظبيه تصير حاجه وتبعدنا عنها ؟؟ هدي نفسك يا شيخ بأذن الله يهدا الجو ونلاقيها .. *********************** حست ظبيه بثقله عليها وهي على الارض ادارت نفسها وقابلته وجه بوجه وانتبهت انه فاقد الوعي .. وبعد ما سحبت نفسها وقدرت تبعده عنها لاحظت ان الدم بدا ينزل من راسه وقتها جمدت بمكانها وما عرفت وش تساوي .. بعد مرور الوقت استذهنت ظبيه للي يصير حولها الرجال قدامها وما هو قادر يتحرك لانه فاقد الوعي تشجعت وتقربت منه وهي تبكي : ارجاك لا تمووت لا تمووت .. رفعت ظبيه الشماغ اللي كان على راسها وبدت تحاول انها توقف النزيف اللي براسه وبعد ما ربطت الشماغ على راسه حاولت انها تصحيه لكن للأسف ما زال على ماهو عليه .. ............................... بعد مرور الوقت وبعد ما فقدت ظبية الامل في انه ممكن يكون حي جلست بعيد عنه وهي تناظر بالمكان اللي هي فيه وتفكر باللي ممكن يصير لها .. هالحين صارت وحيده في مكان ما تعرفه وفي جو متقلب .. فزعت ووقفت من مكانها بعد ما سمعت صوت الرعد وبعد ما استوعبت الصوت رجعت وجلست بمكانها وهي تناظر الجو برا اللي بدا يتغير وهالمره كان المطر ينزل بشكل شديد ومروع .. ناظرت المطر اللي كان ودها من زمان تلعب تحته وتضحك لكن حالها ما يسمح لها بهالشيء.. بدت دموعها تنزل بشكل بطيء وفجأه انفجرت من البكاء وبدا صوتها يعلا اكثر ضمت وجهها وزادت تبكي ... *************************** ناظرت الهنوف جدتها وهي ترفع ايدها للسما وتدعو وتحمد ربها .. الهنوف : ما احس لجية المطر حلاوه احس السما تبكي على الحال اللي نحن بيه .. الجده : الحمدلله على كل حال ادعي ربج كل حاجه ترجع مثل اول .. الهنوف : ايييه ما هقوتي ترجع ولو رجع ما هقوتي انسا اللي صار وارجع هنوف اللي تخبرونها .. الجده : قوي ايمانج بالله وباذنه ان كل اللي تبينه يصير .. الهنوف : والنعم بالله .. .................... طلال : الجو هدا صار نقدر نطلع ابيك تسمحلي يا شيخ نروح ورا حامد والرجال .. الشيخ سرور : اي مير المطر شديد ما هقوتي تتحملوه .. طلال : بأذن الله نتحمله .. زيد : اي يا شيخ لا تخاف علينا .. الشيخ سرور : اجل اجي معكم .. طلال : للا يا شيخ القبيله محتاجه لك ونحن بأذن الله نكون قدها وما نجي الا حامد والبنيه معنا .. الشيخ سرور : بأذن الله .. ****************************** رفعت ظبيه راسها بعد ما حست بحركه حولها وجرت ناحية صياح : انت عايش ؟؟ فتح صياح عينه وهو يتوجع : آآآه راسي.. ظبيه اللي نزلت دموعها اكثر ومرافقتها ابتسامه عريضه : الحمدلله وش تبغاني اساوي لك تبغي ما تبغي اجيبلك حاجه؟؟ رفع صياح نظره لظبية اللي كان شعرها يغطي نص وجهها وعيونها متورمه حاول يركز فيها اكثر لكن ما قدر : آآه .. جلست ظبيه جنبه وهي تبكي : ارجاك لا عاد تنام مرتن ثانيه وتخليني ما ودي اياك تمووت .. حاول صياح يستجمع قوته وابتسم : اوعدج .. وابتسمت هي بالمثل : اي شلون نداوي اللي براسك .. صياح : هينه ما تلزمنا غير النار.. **************************** تحرك طلال وزيد بالطريق اللي توجهو له حامد والرجال .. زيد: علامك جمدت بمكانك ما انت بقادر تمشي ؟؟ طلال : للا مير في احد يتبعنا .. التفت زيد وناظر اللي كان جاي يمشي ناحيتهم : هي؟؟ طلال : من هي ؟؟ وصلت الهنوف وهي تحاول تلتقط انفاسها : انتم ......جراح ....... ناظرها زيد : جراح ؟؟تعرفيه؟؟ ناظرتهم وهي لا زالت تلتقط انفاسها .. زيد : تحجي.. طلال : اصبر عليها ..هاج اخذي اشربي لجل ترتاحي شوي .. رفضت الهنوف تاخذ منه الما وكان الغيض باين في وجهها. طلال وهو يناظر زيد : لزووم تعلمني من هو جراح قبل لا انجن .. الهنوف : انتم ادري وش اللي جابكم هنيا وادري عن اللي كان ودكم تساووه.. طلال : ووش اللي ودج نساويه لج جايه هالحين لجل تحجي بهالحجي .. زيد: اصبر.. الهنوف : انا ادري ان لكم ايد باللي صار لظبيه.. ناظرها طلال وهو متعجب من كلامها : اسمعي يا بنت الناس بأذن الله ظبيه ترجع للديره وهي سالمه.. الهنوف اللي انهارت بالبكا : للا للا كان لزووم تاخذوني انا بمكانها انا هي بنت اللي خطف بنتكم منكم انا هي بنتها اللي ما ودكم فيني انا اللي لزووم انذبح لجل ترتاحوو .. طلال : انتي بنت ..؟؟؟؟ الهنوف : ارجاكم ارجاكم خذوني انا ورجعو ظبيه لاهلها ارجاكم تكفووون .. نزل طلال من فرسه وعلى وجهه علامات التعجب بجميع اشكالها نزل لها اللي كانت راكعه على ركبها وتترجاهم ورفعها لجل توقف طلال : كنت ادري ان واحد من رجالكم خطف بنت من قبيلتنا وكنت ادري اني جاي لجل اخذ بثاري واخطف بنت من قبيلتكم ميير ما كنت ادري ان لهم بنت .... رفعت الهنوف نظرها لطلال :يعني جراح ارسلك انت .......وينها وين ظبيه ؟؟ طلال : جراح ؟؟؟ نزل زيد عن ظهر الفرس : جراح هو خويي اللي قلتلك عنه شلوون تعرفيه ؟؟ الهنوف : ما هو اللي جاي لجل يكمل اللي ساواه ابوه .. ؟؟؟؟؟؟؟؟؟؟؟؟؟؟؟؟؟؟؟؟ ********************************* شعلت ظبيه النار بعد ما علمها صياح شلون ولمت رماد بأوامر من صياح .. صياح : هالحين غطي الجرح بالرماد اللي بيدج .. ظبيه : اي .. توجهت له ونزلت لجل تدور على الجرح كانت تمرر ايدها بين شعره واخيرا لقته بعد ما جت ايدها على الجرح واطلق صياح صوت من الوجع .. ظبيه : اعذرني.. صياح : ماهو لزوم تعتذري هالحين كبي الرماد فيه .. كان الرماد حار شوي كبته على الجرح وهو يتألم .. صيااح : آآآه .. ابتعدت ظبيه عنه وهي حاطه ايدها على فمها وتناظره نظرات طفوليه : اوجعتك؟؟ ابتسم صياح من شكلها : اي لزوم توجعني لكن ما عليج شوي وتطيب.. ارتاحت ظبيه وابتسمت له ابعدت نظراتها عنه بعد ما حست بنظراته لها ناظرت للمطر بالخارج وابتسمت وجري توجهت للخارج وطلعت تلعب تحت المطر .. ناظرها صياح وهو يضحك عليها وعلى حركاتها الطفوليه وتمنى لو يقدر يطلع يلعب معها مير وضعه ورجولته تمنعه من هالشي.. __________________________________________________ ________________ __________________________________________________ ________________ هذا هو البارت اللي وعدتكم به قبل ما اروح الحج.. ادعولي تتوفق الروحه لأن الصراحه طلعت لي ظروف ممكن تمنع اني اروح ادعوو لي علشان ادعوو لكم في الحج >>>>> تبادل منفعه هع .. وفالكم طيب ان شاء الله بدعي لكم كلكم انتم واهلكم بعد.. يالله ان شاء الله اشوفكم بعد ما ارجع من الحج ومن الحين اقولكم عيدكم مبااارك جميعا مقدما .. والسموحه على القصور.. :eh_s(7): |
حجزت مقعدي لقراءة البارت ولي عوده للتعليق اشتقنالك ياعنووود الله يوفقك وتروحين ان شاءالله |
:gdance: |
الي فهمته من البارت اذا ماني غلطانه انه صياح هو جراح .... ومشكلة لو يحب ظبية والهنوف مسيكينه تنتظره .. زي مايقول المثل الي بعيد عن العين بعيد عن القلب ..... |
| الساعة الآن 11:45 PM |
Powered by vBulletin®
Copyright ©2000 - 2024, vBulletin Solutions, Inc.