30-03-08, 12:39 AM
| #11 | ||||
| كاتبة وناقدة في قسم قصص من وحي الأعضاء 
|  (الفصل الثالث) رناد"اخلصي قولي وش صاير بين ابوي وراكان جنان"الله يسلمج انا نازله تحت ابي اشرب ماي والا اسمع صوت عالي من مكتب ابوي تراه هو راكان كنوا يتخانقون رناد"اوهووووووووووو خلصينا عطينا الزبده........ جنان"تبين معاها خبز ولا بدون هههههههه.... رناد "جنوه ويهد اخلصي وقولي الي عندج جنان"اخوج بيعرس اخر الشهر الجاي ....... رناد"احلفي والله من من الاهل حد انعرفه ........ جنان"اصبري انا ما خلصت السالفه اخوج طلع متزوج يا فالحه اهني رناد طلعت عيونها على برع مو مصدقه معقول اخوها تزوج من وراهم عشان كذا كان هو ابوها يتخانقون ... رناد"من صجج معقول راكان متزوج من ورانا .... جنان"ههههههه اصبري الي جاي اعظم رناد "في اعظم من كذا ...... جنان"اخوج طلع متزوج واحنا انا وانتي الي ما ندري الزواج صارله من يوم سفر اخوج ورواحته يدرس برع رناد"من صجج ومن هذي الي متزوجها اخونا جنان"حزري فزري ........ رناد"جنانوه مالي بارض لج قولي من وخلصيني ..... جنان"بنت عمنا المصون ......... رناد"لا مو معقول شمايل ؟؟؟؟؟؟؟؟؟شلون جنان"شلون هذي ما ادري بها بس الي سمعته اخوج مو راضي يتمم الزواج يقول انه زواج مو متكافئ و مدري شو وانها موش من مستواه وابوج قام يصارخ وعصب على الاخير ...... رناد"خرف اخوج وش هو الي هي مش من مستواه ما شالله عليها عيني عليها بارده دارسه برع و على خبري انها تحضر ما جستير و ش يبي اكثر جنان"هههههههههه اخوج خبره بها القديمه الي شكلها كان يخرع ومركبه تقويم في سنونها المعوجه تخبرينها ماكانت تحب تلبس مثل البنات وكله خشنه و كل وقتها مع اخونها الرجاجيل رناد"هههههههه هذيك شمايل المراهقه الحين على قوله امي انها تعق الطير من السماء بعدين البنت منا مع الوقت تتغير جنان"هههههههههه معليش هو ما شفها لكن لين شفها اكيد بيغير كلامه رناد"اخلصي قطعي السلطه وانا بجهز السفره يلا .... وفي مستشفى التخصصي كان راكان قاعد في غرفه الاطباء وفي راسه الف فكره وفكره وخاصه هوشته مع ابوه البارح بخصوص العرس نسى انه معرس ونسى سالفه بنت عمه عمره ما فكر فيها يا ربي يخبرها وهي مراهقه تخرع بعدين هو ما يبيها عنده مواصفات لزوجه المستقبل تختلف عن بنت عمه الحين وش راح يصير ابوه حالف ان ما تتم هذا الزواج انه يتبرى منه وش هذا التخلف الي عليهم الحين كل شي تغير الا عقليه هذول الشيبان ما تتغير عادهم في العصور الحجريه و اردى وش يسوي يتزوجها واذا ما دخلت مزاجه الله حلل اربع بياخذ غيرها (يا ولد يا خطير بكيفه هو كنه بتخليه يصبر شوي ) دخل طلال عليه لقاه سارح هو اليوم مو طبيعي من اصبح وفي شي شاغله طلال"السلام عليكم .... راكان"وعليكم السلام و الرحمه .. طلال"خير يا راكان انت من جيت وحالك متغير و روحك في خشمك وش صاير راكان"الخير بوجهك مافيني شي بس شكلك بتحضر عرسي قريب طلال مستغرب"وش عرسه الي طلع بين يوم وليله متى خطبت ومتى صار كل هذا راكان"خطبت هههههههههه انا مالج من زمان يا ريال طلال بذهول"متى صار انا رفيجك من سنين ما قلتلي عن انك مالج راكان"هههههههه انا كنت ناسي السالفه ما ذكرني فيها الا الوالد البارح بس طلال "انت من صجك حد ينسى انه معرس انت عليك يا اخي برود يذبح راكان "والله اني ناسي سالفه ازواج هذي صارت قبل سفري و يوم كان عمي مريض حتى العروس ما ادري عنها شي خير شر طلال"انت عجيب معرس القرن الي ما يعرف عن عروسه اي حاجه وين فتره الحب والعشق مالت صج راكان"اي حب اي عشق انت بعد انا مو راعي هاي السوالف ويا وجهك قوم ضفه من جدامي يلا انقلع \ \ \ \ \ \ وفي لندن وفي شقه شمايل اسمعت جرس الباب كانت توها طالعه من الحمام و انتو بكرامه وما خذه شور خاصه بعد كراف الضهر حق الغداء راحت عند الانتركوم شمايل "هو وذ مي ؟؟؟ فتون"هذي انا يا المخفه .. ..... شمايل "يا هلا والله صبري بفجلج الباب ... فتون برع عند الباب ويا اخوها بدر الي يسمع صوت شمايل الناعم و الرقيق فتون"هوووووووووو يا الاخو وش فيك سارح في صوت البنت استح على وجهك بدر"انطمي زين لقوم اكسرج متى تبيني امر عليج اخلصي فتون"بسويلك تلفون لين خلصت ..... بدر"ولد اخوها مو هني متأكده ... فتون"اي متأكده هي قالتيلي بنفسها .... بدر"خلاص متى بغيتي تردين عطيني خبر ها عاد ما اوصيج ابي من الحلووووالي تسويه شي عجب .... انفتح باب العماره وطلعت فتون مسرعه على شقه شمايل مكانهم حلووووووو وفخم وعاجبتها شقتهم في حي راقي وفي حراسه وامن على اعماره مو مثل المكان الي ساكنينه بس يلا مكانهم مقبول طقت جرس الباب افتحت شمايل شمايل وهي تبوس فتون"هلا والله وغلا بفتونه تعالي دشي حياج فتون"اوه يا خطيره انتي وش هذا الجمال و النعومه شمايل وهي تلف على نفسها كانت لبسه بنطلون برمودا احمر و معاه احزام ابيض و قميص ابيض فيه ورود حمره صغيره شبحات كان شكلها روعه وخاصه شعرها الي يوصل لي كتفها و بكسراته الناعمه طالع روعه عليها شمايل بدون ميكب قمه في الجمال و هي من الاشخاص الي يكرهون المكياج ما تحبه شمايل"مرسي يا قلبي اعيونج الحلووووووووووه تعالي قعدي بجيب القهوه و الحلووووووووووو مسويتلج كم نوع كرمى لعيونج انتي بس فتون "تسلمين يا قلبي الا اقول شمايل شمايل من المطبخ المفتوح على الصاله "هلا امري ..... فتون"يعني اذا تقرر العرس وش راح تسوين ويمديج تجهزين و فستان العرس شمايل وهي تحط الصنيه مالت القهوه و الحلى جدامها"فتون احسن لج تسكتين ولا تغثيني بالسالفه هذي توني رايقه ما ابي اغتث فتون"شمايل يا عمري الي انتي تسوينه غلط وغلط كبير بعد يعني زواجج منتهي والي يصير تحصيل حاصل يعني لو شو تسوين راح يصير برضاج او عدمه شمايل"عارفه والله عارفه بس غصب عني يوم تنجرح كرامتج وخاصه من الي تبنين عليهم احلام المراهقه يكون جرحج كبير و تتحول المشاعر وتصير كره فتون"يعني كانت في مشاعر قبول جه راكان والله وصدتج شمايل تطالعها بغضب "الحين هذا الي مسكتيه علي ايه اعترف كانت في مشاعر بس الحين وبعد كلامه صرت ماواطن شيفته فتون"ما يصير هذا زوجج يعني راح تعيشين معاه على الحلوه و المره ولزم تحترمينه وتصونينه في غيبته وحضوره شمايل "انتي وش شايفتني صايعه عشان تقولين لي هذا الكلام فتون"الغاليه والله مو قصدي بس انا اقول هذا الشي عشان مصلحتج شمايل"شوفي فتون انا متربيه عدل و تربيتي تحتم علي اني احترمه واكبر دليل اني طول هذي الاسنين ولا في لحظه نسيت اني شايله اسمه وعلي اني اصون هذا الاسم حتى لو كرهت صاحبه وانتي شفتي بعينج يما تعرضت لتحرشات فتون"ما اعتقد شمايل انتي شخصيه قويه من داخلج و عارفه كيف تواجهين الحياه بقوه واصرار وهذا الي يعجبني فيج انج عمليه شمايل"يعني الحين تمدحيني ويا وجهج .... فتون"هههههههه اشفيج اكيد امدحج شمايل بصوت رقيق"بالعكس انا مثلي مثلج ما افرق عنج في شي ابي اعيش مع انسان يحبني ويعيشني لحظات الحب و الدلع بس واقعي فرض علي انسان بارد و عايش لنفسه وبس عمره ما فكر ولا لحظه انه عنده زوجه يسأل عنها او مثل باقي المتزوجين يضرب يقول كلام حلووووووو خبر خير ما يدري عن الدنيا عياش عالمه ببرود فتون"يعني لو سو كذا كان غيرتي رايج ؟؟؟ شمايل"تبين الصج ما تفرق عندي سوا او ما سوا انا مو قادره اقبله كرجل وكزوج مو قادره احسه انسان سطحي ما تهمه غير المظاهر الشكل وبس فتون"ما ادري وش اقولج انتي ابخص بنفسج شمايل"هذج قلتيها انا ابخص بنفسي يعني اكلي من الكيكه وانتي ساكته فتون"ههههه على فكره ابي من الحلووووووووو حق بدور موصيني وصاه شمايل"افا بس اكيد مسويه زود اعرفج انا تموتين على الي اسويه واخوج الزطي فتون"ههههههههه اما زطي زطي ما يخليلي منه شي يبلعه كله شمايل"في العافيه ........ فتون"تدرين شي في احيان كثير اتمناج حق بدر اخوي ودي تكونين زوجه اخوي وتعيشين معانا بس يلا هذا النصيب شمايل تطالعها بحب"هذج قلتيها النصيب و بخبث ما تدرين يمكن انتي الي تعيشين عندنا فتون بنص عين "وش قصدج الشيخه قولي وش عندج شمايل"هههههههه ولا شي شمايل تشوف ان فتون مناسبه لولد اخوها (سلمان) شخصيتها تركب على شخصيته وبعدين راح تقدر على القطو العود هههههههه حلوه هذي بس يا ترى بيصير الي في بالها وتخطط له ولا لا ما تدري الدنيا نصيب وكل يا خذ نصيبه والي مكتوب له \ \ \ \ \ \ وفي بيت ابو ثاني سلمان رجال له هبيه والي يشوفه تعجبه شخصيته رجال عصامي بنا نفسه بنفسه لما جاء الدوحه عشان امه الله يرحمها كانت الزوجه الثانيه لبوهم بس بعد وفاته امه ما حبت تقعد في الرياض وقررت تعود لهلها و كان معاها ولدها الوحيد سلمان كان انسان ذكي و عارف هو وش يبغي عشان كذا كل اعياله طلعو عليه في افكاره ويمكن اكثر وحده تشبهه في شخصيتها هي شمايل بحكم انها الاصغيره و اخر العنقود و هو متزوج من بنت خاله (كلثم) و عندهم ثاني 40سنه وهو الي يشتغل مع ابوه في الشركه و مثل ما قلتلكم متزوج بنت عمه نجديه بعده يجي سلطان33سنه و بعد يشتغل في شركه ابوه و متزوج من اهلهم من صوب امه وضحه و عنده ثلاث بنات ولد واحد بعده يجي علي28سنه يشتغل طيار و مو متزوج و عزوبي لحد الحين واخر العنقود هي بطلتنا شمايل 25سنه كان ابو ثاني مثل العاده قاعد يقرى الجريده و هو يشرب اقهوته قبل لا يروح الشركه مع انه تقاعد بس يروح يقعد له ساعه او اكثر و يعود خاصه بعد نوبه القلب الاخيره والي حذره منها الدكتور ومنعه انه يرهق نفسه كانت ام ثاني جدامه وتقهويه يوم سمعت ولدها داخل عليهم يصبح علي"صباح الخير عليكم ... راح دنق على امه يحبها و راح لبوه بعدها يدنق عليه ويحبه ام ثاني"صبحك الله بنواره يا الغالي تعال قرب افطر مع ابوك ابوثاني"وعليكم السلام انت متى جيت علي"البارح الساعه اربع الفجر ... ابوثاني "انت لو تترك هذي الشغله وتمسك الشركه مع اخوانك احنا في خير علي"يا ابوي انت عارف انا ما فيني على شغل التجاره وما افهم فيها و ما احبها ابوثاني "يعني يعجبك لا ليلك ليل ولا نهارك نهار وكله ما بين السما و الارض لا زوجه ولا عيال لين متى علي شكل ابوه اليوم مشوط عليه بالقوه و مستلمه من صباح الله خير ابوثاني"خير اشوفك ما ترد علي مو عاجبك كلامي مثل العاده مافي فايده انت مفقود منك الرجاء ام ثاني "اعوذ بالله يا رجال وش فيك على الولد خله في حاله ابوثاني"دلعج فيه هو الي مخليه كذا اخته الي اصغر منه احسن منه الف مره علي "يا ابوي انت ليش كله تقارن بيني وبين اخواني يا ابوي الانسان يشتغل الي يحبه وانا ناجح في شغلي فليش مو عاجبك ليش و هو يقوم من مكانه ويروح غرفته ام ثاني"هذك كسرت خاطر الولد ليش دوم تحسسه انه فاشل وهو احسن الناس ابوثاني"من قال اني اشوفه فاشل بالعكس انا اشوف نفسي فيه بس ابيه يتحرك يصير له بيت وعيال وهو رافظ من يوم الي صار ام ثاني بحزن"انت ناسي انه كان يحبها الولد كان ميت عليها وربنا ماكتب الله يرحمها ويرحمنا برحمته ابوثاني"هذج قلتيها البنت راحت الله يرحمها والحي ابقى من الميت مو يدفن روحه معاها ام ثاني بحزن"ليش انا ما ودي وليدي يتزوج و يصير عنده عيال جيزه جيز غيره بس مو بيدنا ولدك لين الحين عايش معاها و مع ذكرياته وياها ولدي حاله يقطع القلب ....... ابو ثاني بحزن اكبر"الله يعين انا رايح تامرين على شي ام ثاني "لا تطول ولا اتعب روحك ابوثاني "تامرين امر يالله من رخصتج وش سالفه علي ومن هي الي ماتت وعايش مع ذكرياتها ؟؟؟؟ لقائنا انشاء الله في الاسبوع القادم لكم تحياتي | ||||
|  |
|
30-03-08, 07:02 PM
| #12 | ||||||||||
| مراقب عام ومشرف منتدى قصص من وحي الأعضاء وكاتب في قسم وحي الاعضاء  
|  تسلم ايديكي ... حياتي عذاب ... بدت الاحداث تتحدد اكثر وعندي أحساس أن راكان بيروح لندن عشان يشوف العروس قبل و بيتفاجأ ههههههههه و بيسوي روميو هناك ... >>>>>>>> ما يعرف يتخيل ههههههههههه المهم شمايل داخله مزاجي تعجبني البنت الواثقة من نفسها و راسمه لها حدود ننتظرك أختي ...يعطيك العافية | ||||||||||
|
| |
|
30-03-08, 10:50 PM
| #13 | |||||
| كاتبة وناقدة في قسم قصص من وحي الأعضاء
|  اقتباس:
يا هلا و مرحبا فيك اخي الكريم تسلم على التواجد تعتقد ان راكان بيصير روميوووووووو ما ادري انا احس انها ما تركب عليه رح نشوف اكيد شمايل بنت قويه ويمكن اقول بحكم الغربه فتره طويله وتعرضها لشياء كثيره تتعرض لها اي بنت خلها بهذا الشكل القوي هذا غير عامل الدين والتربيه شمايل تتمتع بصفات خياليه وجميله تحياتي لك | |||||
|
| |
|
03-04-08, 07:42 AM
| #14 | ||||
| كاتبة في قسم قصص من وحي قلم الأعضاء 
| أختي حياتي عذاب الغالية سامحيني على القصور بس بصراحة القصة روعة.. وخصوصاً إن فيها عنصر التشويق والإثارة :7R_014: :7R_001: :7R_013: شمايل + راكان = بركان وشكل الآكشن بيشتغل عدل بين هالأثنين.. وعلي يمكن كان يحب بنت عمه أو وحدة من قرايبة وتوفت.. الله يعينه على الفرقى.. ترى بنتضارج يالغالية.. بس السموحة مودوم أقدر ارد عليج لأن الظروف إلى الآن مانعتني.. وربي يسلمج من كل شر يالغالية ويوفقج ويجعل النجاح حليفج اللهم آمين أختك ومحبتك عذبة التجريح  | ||||
|
| |
|
03-04-08, 08:00 AM
| #15 | |||||
| كاتبة وناقدة في قسم قصص من وحي الأعضاء
| اقتباس:
يا صباح الخير والنور والسرور عذبتي تشرفني في روايتي الثانيه وربي هذا شرف لي الغاليه ما بعده شرف وشي يسعدني انج تكونين من متابعيني وانا مقدره ضروفج الغاليه و متى اتسع عندج الوقت انا في انتظار وجودج العزيزه مشكورررررررررره العزيزه على التحليل وان شاء الله يعجبج الجزء القادم يوم الجمعه عشان يرد على كل الاسئله الي تطرحونها سلمتي على التواجد والمشاركه | |||||
|
| |
|
03-04-08, 12:08 PM
| #16 | |||||||||
| نجم روايتي و عضو في فريق عمل الترجمة وعضو فريق الكتابة للروايات الرومانسيةومدققة بقلوب أحلام  
|  السلام عليكم حياتى قصة رائعة و جنان ، و تسلم الانامل التى سطرت هذا الابداع. و البطلة هذا ليس غرور و انما دفاع عن حق و ذات و وجودها و اقول ذلك لانى مثلها اومن بالرجل الي يكسب عقلي قبل قلبي من رغم احيانا يخفق القلب من غير ارادة منى و مرة واحدة انصاع العقل وراء ذلك . انتظر الباقية لكى منى كل المحبة و التقدير فى حفظ الرحمن .gif "Eh S(7)") | |||||||||
|
| |
|
03-04-08, 04:43 PM
| #17 | |||||
| كاتبة وناقدة في قسم قصص من وحي الأعضاء
| اقتباس:
يا هلا و مرحبا فيك شرفتيني بوجودك و كلامك الحلووووووووو لا خلا ولا عدم صدقتي هذا طرق من طرق الدفاع عن النفس ولسه الجاي اكبر انتظري وراح تستمتعين ولج كل الاحترام والتقدير | |||||
|
| |
|
03-04-08, 09:00 PM
| #18 | ||||
| رهيبة .. الله يسلم أناملك ... أسلوب حلو في التعبير .. شمايل .. لها كل الحق في الغضب خصوصا إذا كان الجرح من إنسان قريب من قلبك .. راكان .. أنتظر لحظة التقائه بشمايل على أحر من الجمر . علي ... أعتقد أحد التوؤمين تتناسب معه . ننتظر جديدك .. | ||||
|
| |
|
04-04-08, 11:11 AM
| #19 | |||||
| كاتبة وناقدة في قسم قصص من وحي الأعضاء
| اقتباس:
الرهيب تواجدكم معاي وتشجيعكم لي مرسي على التواجدو المشاركه :blushing::blushing::blushing: | |||||
|
| |
|
04-04-08, 10:58 PM
| #20 | ||||
| كاتبة وناقدة في قسم قصص من وحي الأعضاء
| (الفصل الرابع ) كان في غرفته و الحزن مخيم على كل ركن في هذي الغرفه له فيها ذكرى صور ملكتهم صورتها يوم الخطوبه هداياها الي محتفظ بها كل شي يذكره بأغلى انسانه زوجته (بشاير ) الي ما تهنى بها الي اختفت من حياته في غمضه عين لين الحين يسمع صوتها همسها حنانها ماتت قبل عرسهم بأسبوع كانت رايحه مع اخوانها و اهلها على الحسا عشان تبي تشتري اغراض مع انه كان رافظ انها تروح بس هي صممت قالت له انها اخر رحله يعني قبل العرس وهم في ردتهم كان اخوها مسرع والطريق كله تريلات و الطريق ضلمه وللئسف حاول يتجاوز الاتريله الي جدامه بس ما قدر السايق الي جدامه يسيطر عليها وطلعت عليهم وصار حادث شنيع راحت فيه هي وامها واخوها الاصغير وانشل اخوها الي يسوق جاه الخبر الي هز كيانه و حطمه وخلاه حابس نفسه وما يبي يشوف او يسمع احد لين ردت شمايل مخصوص من برع عشانه وضلت معاه ويمكن محد قدر يطلعه من الحاله الي هو فيها غيرها هي الي دفعته يرد لحياته وشغله بس في جرح بداخله غيره وماعاد علي المزوح راعي النكته و المقالب الي الكل يشهد له بالروح الخفيفه مسح على وجه علي شاب وسيم وسامه قاتله روعه بكل المقايس طويل شعره اسود ناعم جسمه رياضي عريض عليه عيون وسيعه وارموش كثيفه مسك التلفون بيضرب لها يحس نفسه مخنوق مو قادر ضرب لها هي الوحيده الي تحس فيه وتعرف له علي"الووووووووو شمايل انا تعبان حيل في الجهه الثانيه شمايل كانت متروعه من اتصال اخوها علي ونقزها قلبها قامت من عند فتون وراحت داخل غرفتها شمايل"علي وش فيك فديت روحك قولي يا اخوي علي بحزن"تعبان يا شمايل مشتاق لها محتاج لها شمايل عورها قلبها على اخوها "علي الي تسويه يا اخوي لا يرضي الله و البنت ما تجوز عليها غير الرحمه وانا اختك راحت عند الي ما تخيب عنده الودائع انسى يا اخوي انسى وعيش حياتك العمر يركظ وانت عايش في الماضي علي "انتي بعد مثل ابوي شلون انساها شلون وهي عايشه معاي كل لحظه ودقيقه شمايل"انت متهاوش ويا ابوي صح فتح معاك سالفه الزواج والاعيال علي"اخ انا تعبت والله تعبت شمايل"علي يا ولد امي وابوي انت الوحيد الي تقدر تطلع نفسك من الي انت فيه علي الحياه تمشي وانت ما عدت اصغير انا ما اقولك حب غيرها خلها ذكرى في قلبك وعيش حياتك ما تدري وش الله كاتبلك يمكن تحب الي راح تاخذها علي بغظب "مستحيل محد يقدر يا خذ مكانها محد وسكر عنها شمايل حز في خاطرها زعل اخوها بس لين متى وهو عايش على الانقاض على ماضي انتهى عمره يضيع وهو عايش حب مات مع صاحبته لا حول الله ابوها بعد ماكان مفروض يضغط عليه كم مره قالتله انه هذي الطريقه مو في صالح علي ويمكن تأثر عليه وترجعه لحاله الانهيار الي كان فيها يحزنها حال اخوها هو محتاج قلب يحبه و يرجعه علي الاولي بس كيف كيف اوف نست البنت برع طلعت شمايل حق فتون فتون شافت وجه شمايل والحزن الي فيه اكيد صاير شي تخرعت عليها فتون"شمايل يا قلبي وش فيج صاير شي طمنيني الغاليه شمايل بحزن "علي يا فتون علي ..... فتون تعرف قصه اخوها بس وش فيه "خير وش فيه ؟؟؟ شمايل"تعبان ومتعبنا معاه مو قادر ينسى و مو قادر يعيش دفن نفسه معاها الي معنا طيف مو علي فتون"ما ادري وش اقولج بس الله يساعدكم صج ويساعده شمايل "امين يارب محتاج هو هذي الدعوه فتون"يلا طولنا بضرب حق بدور يجيني شمايل"زين وانا بضرب حق سلمانوه اشوفه وينه فيه \ \ \ \ \ \ \ راكان سارح وهو يحرك يده في شعره اليوم اجازته بس الله يعين ما يصير شي طارئى راسه يوجعه كثير حاس من قام و الوجع ماسكه مو هاده و الي زايد صداعه الزواج الي بيصير يا ترى شلون بيعيش معاها شلون راح يتقبلها اذا هو من قبل مو متقبلها شلون شكلها مثل ما هي الي خبره بها ولا تغيرت و ابوه يقوله انه لزم يا خذ اجازه لن الشيخه راده الدوحه وعليه يروح لعمه عشان يطلب يحددون العرس و يقدم المهر على اخر عمره هو يروح لها شي يخلي وجع راسه يزيد خاطره يصير شي يوقف هذا الزواج بأي شكل شي محزن انه بهذا العمرو المركز وعاده ماله حكم على حياته وقراراته كل ما يتذكر كلام طلال يضحك حب وهيام وعشق عمره ما فكر انها تكون الي يعشقها وتكون كل دنيته دايم كان لزوجه المستقبل موصفات خاصه في باله تبيه تحس فيه قبل لا ينطق تكون الزوجه الي توقف معاه و تشجعه لزدياد نجاحه في شغله بس هي لا شكلها ماكن يشجع ولا حتى كلامها كانت مثل الولد اكثر منها بنت اخ يارب تعيني وتصبرني انا ما راح اقصر معاها بس اتقبلها في حياتي لا \ \ \ \ \ \ \ في لندن وفي الشقه كان سلمان يطالع التلفزيون ويرد يطالع الساعه خلاص ما باقي شي بيروح لها قام وبند التلفزيون وراح على غرفته عمته شمايل طق الباب يدري انها ما نامت خاصه لن بكره موعد مناقشتها رساله الماجستير وهي دوم في مثل هذي المواقف ما تقدر تنام و تكون على اعصابها رغم تأكدها من انها سوت كل شي بالشكل الي يرضيها بس تضل في حاله من العصبيه و النرفزه بشكل كبير رد يطق الباب بهدوء عشان ما يزعجها سمع صوتها وهي تقوله يدخل شمايل"ادخل يا سلمان.... دخل وشافها قاعده على الكرسي الي يطل على الدريشه و البلكونه رافع رجلها وسارحه و تفكر وملامحها تدل على الارهاق سلمان"لين الحين ما نمتي زين يلا قومي معاي ابيج تروحين وياي شمايل تطالعه كنها تطالع واحد مجنون ومخرف شمايل"نروح على وين في هذا الوقت وبعدين سلمانووووه ما في خاطري اطلع كلش روحي موصله لين خشمي يعني وخر عني احسن لك سلمان"لزم تروحين معاي انا بطلع بروح استقبل ناس ناطرهم وابيج تجين معاي ما فيني اخليج بروحج في الشقه في هذي الوقت شمايل بغضب"زين انت بتروح عشان ناس تعرفهم انا ارز الوجه ليش سلمان بحزم وشده"عمتي بليززززززززز اهني مافي كلام قومي بدلي انطرج برع وطلع عنها وهي تحلطم عليه لو شو ما صار الكل يتحكم فيج من اكبرهم راس لين اصغرهم ما قلت ان نحن نعيش في عصر يهيمن عليه الرجل وع خلني اقوم احسن لي لبست لبسه ناعمه و مريحه بنطلون جينز معاه قميص ابيض طويل و عليه احجابها وخذت شنطتها وتلفونها ومفتاح السياره وطلعت حق سلمان الي ينطرها سلمان"خلاص جاهزه وين مفتاح السياره انا الي بسوق عطته المفتاح وهي ساكته مالها خلق على المهاوش وياه راسها مصدع وخايفه من بكره طلعو وراح الاصنصير بينزلون الكرا ج عشان السياره ركب سلمان وركبت احذاه و شغل السياره وحرك و ضلو طول الطريق ساكتين وكل واحد في عالم شغل المسجل وتنطلق منه ايات الذكر الكريم بصوت السديس الي تحب صوته وطريقته في القراءه طالعها لقاها ارتخت وهدت و ولقا على وجها ابتسامه ناعمه وهاديه سماع كلمات رب العباد دوم تكون فيها راحه واطمئنان لنفس البشريه وصلو المطار وقف في الباركنات ونزلو سكر السياره ومشو احذا بعض وقف سلمان يجيك عل الطيرات القادمه بعد ما خلها في الكوفي شوب وصلت الطياره الي جايه من الدوحه راح حق عمته لقها تشرب الكوفي وتطالع الرايح و الجاي قرب منها و بهدوء سلمان"يلا عمه قومي الي انطرهم اوصلو قامت معاه بهدوء وراحو ينطرون الي بيصلون كانت تشوف عيون سلمان الي معلقه بشوق على الطالعين شكلهم ناس مهمين عنده سمعته يقول اكوهم التفت تشوف من ذول ما صدقت عيونها وهي تشوف الي بغتر حمره اهني بس اخنقتها العبره وحست انها راح تصيح وهي تشوف عزوتها وسندها في الدنيا تشوف الي غلاهم مايسواه حد اخونها الثلاثه جاين عشانها ما نسوها جين يوقفون معاها ويساندونها ادموعها كانت تنزل غصب عنها وهي تطالعهم ابتسمت بحب كبير والتفت عاى سلمان شمايل "يا حمار ليش ما قلتلي ليش ؟؟؟ سلمان "بس صياح فضحتينا هم قالوالي ما اعلم يبون يسونها مفاجئه وش رايج؟ شمايل"رايي ميته من الفرح ربي ما يحرمني منهم يارب قربو منها وهي ما قدرت تمسك نفسها ركضت لخوها ابوسلمان وطاحت في حظنه وهي تصيح وهو يمسح على راسها بحب هذي مو اخته بس هذي بنته الي ربها من كانت صغيره وهي المفضله عنده ودوم معاها يحبها و يحسها روحه ثاني"ليش الادموع يا الغلا كنتي تفكرين اني ما بكون معاج ناسيه من يوم الروضه لين اليوم وانا الي انتظرج في كل نجاح انتي ناسيه انج بنتي مو بس اختي سلطان"بسج صياح تعالي نسيتينا انا و الثاني ولا من تشوفين ثاني تنسين الدنيا وهي تضحك وتلم اخوها سلطان وبعده علي الي يتحلطم عليها علي "أي احنا لنا الله بس وهي تضحك على طريقه كلامه"هههه انت كله تقارن نفسك بأبوي الثاني ابوي كيفه وامي كيفهم والله اشتقت لحظنهم ثاني"يلا نمشي انفظحنا جدام الناس سلمان يوايهم ويخاشمهم "لزم ناخذ تكسي السياره ما تشيل شمايل"هههههههه أي ما تشيل الله يهداك الا ما ينفع يدشون فيها من طولهم الله يحفظهم لي كلهم فقعوها ضحك علي"قومج انتي و اختياراتج يا القزحه تاخذين الي قدج شمايل وهي تطالعه بحره "عليوي انت جاي تتطنز علي ابشرك رد على اول طياره ويا وجهك سلطان"خلاص عن الهوشه سلمان وقف لنا تكسي و عطه العنوان واحنا لحقينكم اوصلو الشقه كانو تعبانين حيل من السفر عشان كذا ادخلو ينامون عند سلمان كانت في غرفتها سمعت صوت حركه برع ياربي النوم معي يجيها طلعت تشوف وش هذا الصوت في الصاله لقته قاعد ما تدري كان قلبها حسها انه هو شافت علي واقف عند الدريشه ويطالع برع بحزن وسرحان قربت منه وحطت يدها على كتفه بهدوء عشان ما تخوفه التفت عليها وضلت عينه معلقه في الفراغ ..... علي"مثل عادتج لين كان وراج شي مهم و يتعلق بحياتج ما تقدرين تنامين شمايل"ليش ما نمت ليش دوم معيش نفسك في دوامه من صنع يدك عيش وعيش غيرك معاك انسى من حقجج انك تنسى انت الي مو معطي نفسك فرصه علي بستهزاء"لا تسوين فيها مصلحه وانتي نفسج تبين الي ينصحج شمايل بستغراب"أي نصيحه انت وش تقصد علي"راكان...... شمايل وجها يعطي الوان الغضب"علي انت جاي عشان تغثني يا اخوي علي"شمايل لين متى بتضلين تهربين من واقع انكتب عليج وما تقدرين تبدلين فيه شي ... شمايل"هذك قلتها بنفسك انفرظ علي فرض سلبتوني ابسط حق من حقوقي اني اعيش مراهقتي مثلي مثل أي بنت وعلقتو في رقبتي طوق ضل يخنقني طول عمري علي"زواجج من راكان طوق شمايل"أي طوق عبوديه لنسان ما يربطني به غير قطعه ورق تقدر تقولي صار لي وشكثر وانا متزوجه علي"ما اذكر بالضبط بس ليش ..... شمايل"اقولك انا احدعشر سنه عارف كم وانا محرومه مني اني امارس حياتي بالطريقه الي تلئم سني لن كلمت امي لا تنسين انج متزوجه شمايل لا تنسين انج شايله اسم رجال شمايل صيري مره لين كرهت نفسي وكرهت حياتي وكرهت راكان انا ما عشت عمري مثل غيري ما كان عندي الحق اني استمتع بأبسط الاشياء لني ببساطه متزوجه علي"بس هذي اسبابج مافي غيرها شمايل"مو بس هذي في غيرها كثير علي"مثل ؟؟؟؟ شمايل وهي تقوم رايحه حجرتها"علي تصبح على خير الافضل انك تنام انت بعد علي"وانتي من هله \ \ \ \ \ \ مشاعل"والله يا يمه اني اقول الصدق اقولج بندر الي قالي السالفه البارح ام نايف"شلون وانا اختها ما ادري عن السالفه خبر خير ريف بحره"يمه شلون بيروح مني راكان بتخذه الحشره هاذي مشاعل بعتب"لا حول الله الحين انتي تسبين البنت ليه هي وش سوتلك ام نايف بغضب"انتي معنا ولا معهم مشاعل"يمه انا مع الحق راكان عمره ما فكر في بنتج و لا غيرها و الحين عرفنا السبب الرجال قده متزوج وحاشم عمره ومحترم حرمته يعني ما غلط في شي انتو الي قمتو تبنون اقصور في الهوا ام نايف"انتي وش فيج ما تبين الخير لختج مشاعل "كيف ما ابي بس مو بطريقتكم هاذي يمه الانسان الزم ما عليه كرامته وبدونها يصير ماله وجود ريف"انا ما يهمني راكان من حقي انا مو من حق المتخلفه هذي مشاعل"الي تقولين عليها متخلفه بنت عمه وزوجته من سنين وفوق هذا متعلمه وتدرس دراسات عليا يعني كامله والكامل الله وش يبي زود انتي الي كل همج الموضه و الطلعات و الروحات والفلوس عمرج يضيع وانتي تافهه ريف بحره"يمه تسمعينها وش تقول ام نايف"ما عليك منها خلها توالي احنا لناشغل ثاني مشاعل وهي تقوم "رجلي يضرب علي اروح اشوف بيتي واعيال ابرك من اني اشاركم الاثم الله يهديكم بس وطلعت حق رجلها و هي تركب جنبه وتزفر بقوه سمعها بندر و عرف انها معصبه بندر"خير يا ام فهد وش فيج ؟ مشاعل"ما فيني شي يا الغالي بس تخبر الحمال متعبني شوي بندر"من متى مشاعل صير شي بينج وبين خالتي مشاعل"ما ادري يا بندر هم وشلون يفكرون كل تفكيرهم عوج ما يدرون ان الدنيا سلف ودين وان الي يسونه غلط كبير وترخيص نفس بندر بداخله سعيد بشكل كبير الله عطاه مره في الاخلاق و الدين ما في مثلها ما تعرف الا الحق وغيره ما تعرف هذي الي الواحد يأمن عليها اسمه وبيته وعياله رغم انه كان متخوف تكون مثل اختها الكبيره ريف بس سبحان الله كانت غير ولا كنهم خوات وربتهم ام وحده بندر بحنان"ما عليج من شي خلج في نفسج وفينا وهم وش ما راح يسون ما يقدرون يغيرون النصيب صح مشاعل بحب وحنان"صدقت يا قلب مشاعل بس الي يستوي شي محزن و مايرضي الله سبحانه ريف ضايعه وعايشه في وهم الجمال الابدي الي عمره ما يستمر وهم زرعته فيها امي ونمته انها ممكن تحصل كل الي تبغيه عشانها جميله و نست ان جمال الروح هو الاهم يندر"صحيح الرجال منا ما ينكر انه يبي الوجه الحسن بس بدون الطيبه والقلب الحنون و الروح الحلووووووووووه تكون صوره مشوهه مالها قيمه او وجود وهذا الي راح تكتشفه مع الوقت بس بعد ما يفوت الفوت مشاعل"خايفه عليها هي اختي وابي لها الخير بس اسلوب امي ما يساعد بندر " خلج من كل هذا وقوليلي وشلون الاصغيره مشتاق انها تطلع بسرعه مشاعل"هههههههههههه عشان تبي تسوي معها حزب بندر بحره "مو انتي وعيالج مسوين حزب علي ابيها تطلع وتعطيني حنان الي كله حق عيالج وناسيتني مشاعل"هههههههه حرام عليك كل الي اسويه لك وما في فايده امش بس الاعيال في البيت حاشرين خالتي المسكينه بندر بعصبيه مصطنعه"شفتي كله مخج في هاي الاعيال وابوهم ركنتيه على جنب مشاعل"لا والله ومن السبب في هذول الاعيال مو انا الي قلتلك ريضين عليهم وانت الي كنت مستعجل ذوق الحين بندر"بنذوق لين وصلنا البيت بخبث مشاعل بحياء"بندر جوز عن سوالفك \ \ \ \ \ \ ابو ثاني كان توه راجع من صلاه الفجر ويسمع التلفون يرن من الي يضرب في هذا الوقت عسى ما شر بس راح رفع السماعه ابو ثاني"الووووووووووووو شمايل بغصه" يوبه ابو ثاني"شمايل شمايل بصوت فيه بكاء مكتوم "صبحك الله بالخير يا الغالي هلا وغلا بالصوت وراعيه ابوها"هلا فيج يا روح ابوج وقلبه انتي ما نمتي لحد الحين شمايل"هههههه يا ابوي نمت وقمت ما قدرت صايدني ارق ومحاته ابوثاني"انتي دومج كذا من انتي صغيره ليش تبكين وانا ابوج شمايل"مشتاقه لكم يوبه لك وللوالده ابوها بمحبه"واحنا بعد ياروح ابوج بس يلا كم يوم وانتي عندنا ورافعه راسنا مثل عادتج شمايل"بحسكم انت وامي يا الغالي محتاجه دعواتكم لي ابوها"دوم ندعيلج وانا ابوج شمايل"الله يخليكم لي يارب يوبه امي عندك ابغيها شوي ابوها"خلج انا رايح اانديها لج تحملي بعمرج و اخوانج ما اوصيج شمايل"تامر امر يا الغالي دخل على حرمته لقها تطوي سجادتها قعد على طرف الفراش ابوثاني"يا ام ثاني بنتج تنطرج على التلفون مثل العاده ما تقدر تسوي شي الا لما تطمنينها ام ثاني وهي طالعه بسرعه"بعد قلب امها ارفعت السماعه وسمعت تنهد شمايل الي مليان تعب وقلق وخوف قبل كانت تجي وتحط راسها في حظن امها وتضل تقرا عليها لين يجي موعد امتحانها او أي شي راح تسويه بس الحين هي بعيده عشان كذا اضربت تكلمها تبيها تطمنها ام ثاني"سلامت روحج يا قلب امج وروحها شمايل سمعت حس امها ادموعها قامت تصب وتخنقها عبرتها تبي امها تبيها جنبها تبي تحط راسها في حضنها الدافي الي يلمها بحب وحنان اصعب شي في الدنيا انك تفارق امك وابوك تقارق الي نبضهم من نبضك وروحهم معلقه فيك الي يحسون بفرحك وبحزنك الي لو لالهم من بعد الله سبحانه ماكنت انت الشخص الي انت عليه اليوم ...... شمايل بحنان وحب "يمه فديت روحج يمه مشتاقه لحظنج يا الغاليه يمه محتاجتج ام ثاني "يا قلب امج انا حاسني قلبي من قمت انج تحاتين اسمعيني يا قلبي انتي وراج بكره شي مهم ولزم تكونين مجهزه نفسج ومرتاحه عشان كذا يا عمري توضي وتهجدي وقعدي اقري قرآن وبترتاحين واغفي شوي وانا بدعيلج يا عمري ان الله يوفقج ويعطيج الي في خاطرج شمايل براحه "أن شاء الله يمه بس انتي ادعيلي انا محتاجه دعواتكم لي يالغاليه ما اطول عليج سلميلي على ابوي ام ثاني"ادعليج من كل قلبي يا عمري اهم شي تحملي على عمرج و اخوانج معاج تطمني وسوي كل الي عليج والباقي عليه سبحانه شمايل"تصبحين على خير ام ثاني "و انتي من هله يمه \ \ \ \ \ \ تطالع روحها في المنظره وتشوف شكلها اليوم يوم مصيري بالنسبه لها اليوم تنتهي مرحله الهروب الي اتبعتها طول هذي السنين الدراسه كانت هروب وطموح هروب من الزواج الي كان مسلط علي مثل السيف الي ناوي يقطع رقبتها في أي لحظه بس اليوم ينتهي الهروب وهي قررت خلاص راح تدخل المعركه معركه كرامه وعزه نفس حرب راح تخوضها عشان تثبت كبريائها وغرور الانثى فيها ما كانت تدري انها تخوض حرب مشاعر و ما تدري عن حرب المشاعروش نتايجها ................................... ....................... ............. ...... ... .. (الفصل الخامس) عدلت بدلتها الناعمه شكلها كويس انيقه و راقيه مثل العاده خذت رسالتها و البلطو التخرج تحت يدها وطلعت برع تشوف اخوانها انصدمت بهم وقعدت تضحك كانو يتعدلون وكل واحد يتمنظر ذكروها بالعيد يوم انهم كاشخين و هي البنت الوحيده والاصغيره وسطهم هم الاشحطه نفس المنظر ربي يحفظهم لي ويخليهم يارب شمايل"اخلصو حشى كن احنا في العيد مو ناقص الا البخور و دهن العود يا الربع احنا في لندن مو في الدوحه اضحكو بصوت عالي و هم يشوفونها بحب وحنان ابوسلمان"يلا سرينا حصنتي نفسج وقريتي المعوذات مو ناقصين حد يطقج بعين علي"ههههههههه على قولت اختك احنا في لندن من بيطقها عين قالولك في الدوحه ههههههههه ابوسلمان"انطم انت العين علينا حق وين ما كنا وين ما سرنا سلطان"ههههههه الا قول خايف على قزحه هانم شمايل بحره"اعوذ بالله انتو ترى عقدتوني ولوعتو جبدي ما يسوى علي اني طلعت قصيره حشى صارت وصمه عار محسوبه علي امشو خلصوني شمايل"الا على الطاري وين سلمان ما اشوفه بعد عمري سلطان"ههههه دلعيه محد مخرب هذا الولد الا انتي كنج امه وهو ولدج شمايل"هو ولدي ولا نسيت من هو صغير عندي اكثرمن ابوه وامه ابو سلمان"تحت ينطرنا قلنله يطلب لنا سياره كبيره تشيل لنا كلنا شمايل هني قعدت تضحك كنهم رايحين كشته مو رايحين الجامعه اوصلو الجامعه كانت على اعصبها وقدمت الدعوات عشان دخول اخونها في القاعه و قامت تلتفت يمين يسار تدورها مع انها قالت انها بتكون من صبح اهني رفعت عينها لقتها تأشر لها استأذنت من اخونها وراحت حق رفيقتها فتون فتون وهي تحبها وتسلم عيها"هلا والله وغلا وش الاخبار عسانا بس نمنا شمايل"أي نمنا الله يهديج الا قولي تئرقنا لين قلنا بس فتون"المهم المعنويات كيف شمايل"ماشي الحال معنوايات عال بس عوار البطن من الروع اشتغل فتون"هههههههههه الله يغربل ابليسج انتي كله كذا الا تعالي ما قلتيلي من هذول الي معاج انا مستغربه داشه ومعاج بدي جردات شمايل"قول اعوذ برب الفلق من عينج هذول اخواني الله يحفظهم فتون بستغراب"اخوانج لا يخطيره عندج مثل هذول وكل واحد يقول الزين عندي يخرب بيتج يابنت انا اقول من وين جايبه الزين اتاريه وراثه في العايله ما تسلفيني واحد منهم اعرس عليه قبل لا اعنس شمايل فاطسه من الضحك"ههههه افا بس انتي تامرين عندج اثنين منهم عزابيه الباقين عليهم حضر تجول فتون"شمايل ينادون على اسمج يلا يا عمري تحملي على نفسج واحنا معاج وقفت وابتدت تعرض رسالتها و ابحاثها بثقه نست كل شي واستعادت عمليتها وذكائها وطموحها السريع في لحظه ارجعت البنت الي طموحها و احلامها يكسرون الصخر شدت لها الانظار بحركتها وكلامها بعلمها جذبت من اخونها نضره الفخر و الحب ومن صديقتها الاحترام والاعجاب ومن اساتذتها التقدير العلمي خلصت من طرح الرساله وطلعو كلهم برع ينتظرون القرار ابوسلمان"و الحين وش بيصير شمايل"الحين بينقشونها وبيشوفون اذا تستحق او لا وبعدين خلاص افتك من قلب اخونها يضحكون تقولها من وناسه كنها خلاص طقت جبدها شمايل"بخليكم شوي وباجي بروح عند رفيجتي فتون"شوشو والله انج شي خطير اذهلتي البقر الي هناك شمايل"هههههههه بقر عاد في هذي صدقتي بس كنت مرتبكه في البدايه بس بعدين خلاص طار فتون" يا ولا أي ارتباك دنتي كنتي ولا اجدعها برفسور شمايل"ههههههههه وشفيج قلبتي مصري \ \ \ \ \ كانو في الكوفي شوب وطلال يطالع راكان حاسه انه مرهق وتعبان مو من الشغل بس بعد من شي هامه وشاغل باله حاط يده على راسه والصداع مو راضي يهده طلال"راكان يا اخي ارحم نفسك شوي تراك تضغط عليها لين ما تنفجر راكان"شاسوي قولي انا تعبان حيل و متخوف بشكل كبير من كل الي بيصير طلال"انت وش مخوفك بالضبط؟؟؟ راكان هذا وش اقوله اقوله اني متخوف من الزواج بكبره ومن الانسانه الي بتزوجها و موش عارف وش حياتي راح تكون معاها اقوله اني مرعوب من انها ما تدخل هذا القلب من انها ما يكون لها مكان فيه خلاص انا تعبت راكان بهدوء"الي متخوف منه ما في غير الايام تبينه طلال "متى رايحين ان شاء الله الدوحه عشان تحددون العرس راكان"متى قال عمي وصلت ست الحسن والجمال بسخريه طلال"ليش تقولها بطنازه راكان"اقول الحقيقه قومك ما شفتها شي قصير وصغير وبشع طلال"من صجك انت؟؟؟؟؟؟؟؟؟؟ راكان"وهذا شي فيه كلام اعرفها من يومها بزر وهي كنها اصبي عفانا الله مو بنت شي ماله ملامح شي بتقويم اسنان يخرع طلال"الناس تتغير مع الوقت يمكن تبدلت راكان بعدم اهتمام "يمكن قوم خلنا انروح ورانا شغل خلص \ \ \ \ \ بصوت عالي وصراخ في الشقه توهم رادين بعد حصولها على الماجستير وبمرتبه الشرف كانت فرحانه واخونها اكثر فرح بها فخر واعزموها على احلى عزومه على النجاح والحين بس ثاني يهدم كل شي بكلامه كانت واقفه تطالعهم بغضب وعصبيه شمايل"أي حق الي يعطيكم انكم تقررون عني اعتقد هذا الشي من حقي ثاني يطالعها بغضب"قصري حسج ابوج هو الي قرر وانتهينا شمايل"ليش ليش تكرهوني انا وش سويت لكم انا اختكم وربي حرام الي يصير انا ما ابيه فاهمين ما ابيه اكرهه وفجئه دوى في الشقه صوت الصفعه الي جاتها من اخوها ثاني الي خلت الكل مذهول و مرعوب و مو مصدقين عيونهم شمايل كانت حاطه يدها على خدها الناعم الي من قو الضربه حمر وقام يسور عليها من الالم مش مصدقه اخوها يضربها وعشان ايش عشان الحقير راكان مذهوله و مرعوبه ثاني بغصب وصوت عالي"اسمعي يا بنت ابوي الزاوج بيصير رضيتي ولا انرضيتي وهذي البطاقه عشان تجهزين نفسج وعلي بيضل عندج لين تخلص اوراقج وجهازج و بتردين معاه وغير هذا ما عندي فاهمه مشى عنهم بغضب الغرفه وسكر الباب بصوت عالي ساعتها بس صحت من ذهولها وراحت تركظ غرفتها و دمعها على خدها يتطالعون في بعض لين الحين مو مستوعبين انطقت اختهم حز في خاطرهم بس ما يقدرون يغيرون الي صار هي بالغت في ردهه فعلها بس بعد ما كان من ثاني انه يضربها تنهدو بتعب \ \ \ \ \ في غرفتها دموعها تنزل على خدها الي ابتدى يورم و الالم يزيد حاسه بنار في جوفها ولو تشوفه جدامها الحين انها لتذبحه بيدها انا الي عمر حد ما مد يده علي بسبت حقير واطي مثل هذا انطق عشان وجهه الزفر بس بعد هي اغلطت شلون ترفع صوتها على اخوها شلون تغلط هذي الغلطه الكبيره ومع من مع اخوها ثاني لزم تستسمح منه هي غلطت ولزم تصلح الغلط بس اكيد هو الحين معصب عليها اخ انا مليت وانا اصارع امر واقع ما اقدر اغيره سمعت تلفونها يرن شلت الجوال لقتها فتون خاطرها ضايق وتحس انها مخنوقه حيل شمايل"الووووووووووووو فتون حسها قلبها ان فبها شي صوتها صوت وحده تصيح"شمايل وش فيج ليش تصيحين وش صاير ؟؟؟؟ شمايل بقهرو حره وهي تصيح"انظربت اخوي ضربني عشان الحقير والله لوريه واعلمه من انا وادفعه ثمن هذا الكف عمره كله فتون"ليش وش صار اهدي وقوليلي وش صار من شوي كان يازينكم الحين وش صار؟؟؟؟ شمايل"وصلنا البيت و ثاني يهدم كل شي في لحظه ويقول ان ابوي راح يحدد العرس مع عمي على اخر شهر ثمانيه عشان كذا عصبت و طولت صوتي قام ضربني لما قلتله اني ما ابيه واكرهه ادري اني غلطت بس ما قدرت امسك نفسي فتون"بسج اصياح خلاص شمايل"انا غلطت في حق اخوي العود ولزم اعتذر بس راح يسامحني خايفه فتون"خلاص اعتذري منه وش بتقولين له شمايل"بعتذر وبقوله اني بجهز وكل الي يبونه بيصير بس في المقابل راح اتعلم الدفاع عن نفسي وهذا اول الانتقام من الحقير فتون بستغراب"ما فهمت عليج شلون تعلمين تدافعين عن نفسج؟؟؟؟؟؟؟ شمايل"بأبساطه راح اتعلم التكوندو و الله ماراح اخليه يلمس من راسي شعره كني خاروف سايقينه لذبح وعلي اني اكون مستسلمه وخاضعه لا والي خلقني فتون ماتت ضحك"شمايل انتي داخله زواج ولا مصارعه .... شمايل بقهر"أي اضحكي وش عليج مو انتي الي في هذا الوضع صدقيني والله لخليه يتمنى امه ما جابته فتون"ههههههههه شمايل انتي بتصارعينه في العرس شمايل"اذا ما قرب مني وبيخذني غصب عني ابشري والله لضربه ضرب من قلب بطلع عليه القديم والجديد وحره كل هذي الاسنين وحره الكف بعد فتون بضحك"يخرب عقلج انتي شلون تفكرين عمري ما شفت حد مثلج انتي شي فريد يا شيخه ياليت انا عندي القوه الي عندج شمايل بعبره"أي قوه يا شيخه الي يحركني هو القهر وقله الحيله و الكبرياء فتون"اموت واشوفج وياه وش راح تسوين شمايل"لا يا الدبه تميقتين علي ويا وجهج فتون بضحك"افا يا الغاليه انا شمايل"على العموم برزي نفسج راح تجهزين معاي رفيقه بس على الفاضي فتون"من عيوني الثنتين كم شمايل عندي شمايل"تسلملي عيونج يا الغلا اسمحيلي الحين اخليج و بضربلج لين فضيت فتون"تحملي على نفسج اخليج في حفظ الله شمايل"مع السلامه ... \ \ \ \ \ طلعت بهدوء الصاله مالهم حس شافت سلمان قاعد علىالكرسي ويقرء في كتابه رفع سلمان عينه لعمته ويشوف كيف خدها وارم ومحمر وعيونها الي مليانه دموع شمايل"وين ابوك وعمامك سلمان "ابوي في الغرفه و عمامي اطلعو عشان عمي سلطان يبي يشتري هدايا حق الاهل شمايل و عينها على غرفه سلمان"وش اخبار ابوك ابتسم سلمان"انا طالع ابوي يبي يرد الدوحه اليوم عشان كذا بروح ادور حجز اخنقتها دموعها شكله زعلان بقوه منها لدرجه انه يبي يرد الدوحه اليوم سلمان وهو يمر احذاها وهو رايح للباب"روحي راضيه تراه حيل زعلان مشت لين الباب متردده وخايفه اضربت الباب بنعومه واسمعت صوت اخوها ثاني"ادخل يا سلمان ادخلت شمايل بهدوء وعينها في الارض مو قادره تحطها في عين اخوها وتحرك اصابع يدها بتوتر وعصبيه ثاني عينه عليها يعرف طبعها جايه تعتذر ومش قادره عنيده وراسها يابس طالع خدها الوارم و الحمر حز في خاطره انه ضربها بس كان لزم يوقفها عشان ما تتمداى عينه عليها بغضب وعتاب ثاني"خير وش تبين عاد عندج شي ما قلتيه شمايل" يااخوي اخطيت ومنك السموحه والي تبونه يصير ثاني"انا ما ابي اعتذارج لما تحشمين الناس وتكلمين عن ولد عمج ورجلج بحترام ذيك الساعه لنا كلام بس الحين لا حز في خاطرها كلام اخوها كل هذا عشان ولد عمه مقهوره تركته وهي تبكي وراحت ركظ على غرفتها اما ثاني قلبه عوره عليها بس لزم يشد عشان تعرف ان في حدود وان مهما كانت الحريه الي عطوها اياها لزم تلزم هذي الحدود وما تخطها ................... ................................... ....................... ............. ...... ... .. | ||||
|
| |
 |
| أدوات الموضوع | |
| انواع عرض الموضوع | |
|
|
23Likes
.png)
.png)
العرض العادي
