آخر 10 مشاركات
زوجة بالميراث (127) للكاتبة: Sara Craven *كاملة* (الكاتـب : Gege86 - )           »          أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )           »          وأشرقت في القلب بسمة (2) .. سلسلة قلوب مغتربة *مميزة ومكتملة * (الكاتـب : Shammosah - )           »          شهم الطبايع يا بشر هذا هو الفهد *مميزة و مكتملة* (الكاتـب : Aurora - )           »          زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          وابتسم القدر(وعندما اقتربت النهاية...ابتسم القدر) *مميزة ومكتملة* (الكاتـب : فاتن عبدالعظيم - )           »          غمد السحاب *مكتملة* (الكاتـب : Aurora - )           »          1011 - ها قد اتت المتاعب - ديبى ماكومبر - د.نـــ (عدد جديد) (الكاتـب : Dalyia - )           »          [تحميل] نار الغيرة تحرق رجل واطيها،للكاتبة/ black widow (جميع الصيغ) (الكاتـب : فيتامين سي - )           »          110 قل..متى ستحبني - اليكس ستيفال ع.ج (كتابة /كاملة )** (الكاتـب : Just Faith - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة المنفردة ( وحي الأعضاء )

Like Tree23Likes
إضافة رد
 
LinkBack أدوات الموضوع انواع عرض الموضوع
قديم 27-11-08, 11:54 PM   #271

ghanayim

? العضوٌ??? » 1941
?  التسِجيلٌ » Feb 2008
? مشَارَ?اتْي » 26
?  نُقآطِيْ » ghanayim is on a distinguished road
افتراضي


بصراحه رايتك اكثر من روعه فلا تستعجلى بكتابة النهاية الا انك تكون مقتنعه بكل حرف وكلمة وسطر وفقرة تمنياتى لك بالتوفيق

ghanayim غير متواجد حالياً  
التوقيع
مراحب
رد مع اقتباس
قديم 10-12-08, 01:27 AM   #272

حور السعودية
 
الصورة الرمزية حور السعودية

? العضوٌ??? » 8089
?  التسِجيلٌ » May 2008
? مشَارَ?اتْي » 490
?  نُقآطِيْ » حور السعودية is on a distinguished road
افتراضي

السلام عليكم ورحمة الله وبركاته

حياتي لاتستعجلين وخذي وقتك وكلنا ثقه إن قلمك الي أبدع في كتابة الاجزاء السابقه راح يقدم لنا أروع نهايه

بس مادري ليش أحس الموقف اللي تقولين وراه هالعله ريفووووه يااااااااااارب تموت من جد قاهرتني

سلاااااااام


حور السعودية غير متواجد حالياً  
التوقيع
رد مع اقتباس
قديم 12-12-08, 06:57 AM   #273

حياتي عذاب

كاتبة وناقدة في قسم قصص من وحي الأعضاء

 
الصورة الرمزية حياتي عذاب

? العضوٌ??? » 2119
?  التسِجيلٌ » Feb 2008
? مشَارَ?اتْي » 1,217
?  نُقآطِيْ » حياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond repute
افتراضي

البارت الاخير اهداء لجميع قرائي ولشخاص اعزاء على قلبي اولهم "ايمو قطر "و "دلع ماما "
و ويتيمه بدون زايد "و "انتفض قلبي "و"خيال عابر "و جميع من يقراء لي وشكراً من كل قلبي على

صبركم معاي وطولت بالكم وبدون تأخير هذا هو البارت الاخير وارجو ان اكون عند حسن

ضنكم و انتضر تعليقاتكم و سامحوني اذا سقط اي اسم سهو غصب عني

(الفـــــــــــــــــــــ� �ــصل العشرون و الاخـــــــــــــــــــــ ـــــير )
تصرخ بصوت عالي وبملامح كسها الالم والهم والغم و التعاسه "قلتلكم برع ما ابغي اشوف حد فيكم انتو ما تفهمون
امها بصوت حزين وهي تشوف بنتها الي تغيرت ميه وثمنين درجه ماعادت شمايل الي كانت قبل "يا بنتي ما يصير الي تسوينه والبنات يبون يكلمونج
اطلعت بغضب من غرفتها وهي تمشي بشموخ وغضب عاتي وعيونها على الكل بنفس النظره الا لما جات عينها بعين امها اكسرتها ونزلتها مهما صار هذي امها قربت من امها وامسكت يدها برقه وحبتها وحبت راسها والتفت على البنات بغضب وبنظره بارده ومستعره بجنون يمكن يحرق كل شي "خير الحين كل وحده منكم هاده رجلها وجايه عندي ليش مو احسن لكم تقرون في بيوتكم ما ابغي اسمع منكم ولا كلمه واذا بتكلموني في نفس الموضوع احسن لكم اقبضو الباب
امها مذهوله بكلامها وعدم مراعتها لهم بصوت كله عتاب "شمايل لا تكلمين البنات بهذي الطريقه وين راحت بنتي الذربه السنعه البنات ما سو شي عشان تاخذينهم بمشراع وميداف
شمايل ونار الغضب مستعره بشده وعيونها فيها عتاب شديد"تطلبين مني ترد بنتج بنتج الي راحت لا يمكن ترد الي جدامج اشلاء وهذي الاشلاء ما راح تسمح لكم تقررون عنها مره ثانيه ولا راح تسمح لئي كان يدوس لها على طرف شمايل الي تعرفونها ضاعت اختفت
نجديه وريناد مش مصدقين هذي شمايل هذي وحده ثانيه تبدلت الله لا يربحها الي كانت السبب اهدمت حياتها وحيات غيرها اخسرت دنيتها واخرتها واتركت اثنين حياتهم تدمرت من جراير حقدها وراحت بشرها للي عينه ما تنام ريناد بصوت خايف "يا شمايل البنت راحت بخيرها وشرها والي سواه اخوي يسويه اي رجال يمشي بعروقه دم حر ما يرضى على عرضه و شرفه
بصرخه خلت الكل يجفل منها كانت صرختها مثل الحيوان الجريح الي مو لقي الي يداوي جرحه ويوقف المه "ما ابي اسمع اسمه الله لا يريحه دنيا ولا اخره هذا الانسان ذبحني ذبح كل شي فيني حتى قدرتي على الحب راحت غفرتله وعلى كثر ما غفرتله غلطه بحقي بس هذي المره تجاوز الحدود ودمر كل شي بلحظه غضب ما شفعله عنده اني بنت عمه ولا انه عاش معاي فتره عرفني فيها عدل عرف منهي شمايل ولا هذي سوايها بس حسافه على قلبي الي ذلني وغفرله حسافه على حب عطيته اياه وباعه بلحظه حسافه على كل لحظه عشتها مع انسان ما تغير كل الي سواه انه غير جلده عشان يتماشى مع وضعه ويوم المحك طلع على حقيقيته انسان تافه كلمه تجيبه وكلمه توديه صدق حقير وسافل وكذبني وكفه هذا ماراح انساه له العمر كله والحين بعد ما طلعت الحقيقه بكل بساطه يبي يردني لا والي خلق هذا الكون ما بردله ولو فيها قطع ارقبتي وانتي اشرت على ريناد بعصبيه وصليها لخوج لو ما ضل بهاذ الكون غيره ما بردله ما راح اسمح لقلبي يذلني انا اكرهه فاهمه اكرهه و الحين كلكم برع التفت على امها وفي عينها اعتذار وانهزام سامحيني يا اغلى الناس عندي سامحي رفعتي لصوتي في حضورج سامحي بنتج الي ما عادت بنتج الي جدامج كتله من الجروح والالم من يقدر يداويها انا انتهيت والي تشوفينها جثه وانا كانت حيه ....اتركتهم وادخلت غرفتها وسكرت الباب
البنات اطلعو من عندها ودمعتهم على خدهم " انتو ليش تبجبجون شمايل قويه بنتي بترد وانتو لا تحسسونها بشي زود خلوها على راحتها
سكرت باب غرفتها تعزل نفسها عنهم وعن كل الي يذكرها ويزيد جرحها لحد هذي الحظه مو مصدقه كل الي صار كئنها في حلم او كابوس وتبي تفوق منه بس كل ما شافت اورقه طلاقها تأكدت انه حقيقه مو حلم واقع عاشته وتعذبت به من يوم رحلتهم المشؤمه لجده لحد تصميمها على ورقه طلاقها ومافي غيرها يرضيها ويرد لها كرامتها الي انجرحت منه وحبها الي ما يستاهله صارت نيران الغضب تشتعل بداخلها لهب يحرق الجوف شريط ينعاد عليها وكنها تعيشه مره بعد مره عشان يثبت لها ان هذا الانسان عمره ما تغير ولا راح يتغير
\


\


\


\


\
كان صوت ضحكهم وناستهم وهم يرتبون الاغراض والاشياء في الشاليه عالي خذالهم راكان شاليه للحريم وشاليه حق الارجال صوت كل ما سمعته زاد حقدها عليهم وعليها هي بذات من يوم ما ادخلت حيتها وحيات الكل بدلت كل شي وعشان تكون اكثر من صريحه مع نفسها من الي بيشوفها ولا حتى بنص عين وهاذي هني عينها كانت على جوال شمايل المحطوط على الطاوله مع شنطتها لزم توصله بدون ما يلاحظها حد عشان ما يشكون فيها تسحبت بهدوء وعينها عليهم عشان مايلاحضونها خذت جوال شمايل ودخلته في شنطتها وبشكل سريع ابتعدت عن البنات واختفت عن انضارهم ماسكه جوال شمايل وحطته على الصامت والحين جاء دور ناصر ابتعدت بحيث تكون بعيده محد يشوفها وضربت من جوال شمايل على تلفون ناصر وبصوت كله مياعه "الوووووووو.....
ناصر مستغرب من الرقم بس الصوت مو غريب عليه حب يتأكد "من تبغين اختي اكيد انتي مغلطه .... ويسمع ضحكه ساخره وماجنه من الطرف الثاني ...اي انتي من تبين
ريف"اختك خو اجنبك اشلون بعد الي صار بينا اصير اختك بسخريه شديده
ناصر بضحكه مليانه سخريه واستهزاء "اوه ه ه هه ريف ...من رقمه هذا رقم سبشل طلعتي جديدبس هذا فيه فتح خط
ريف"انت ما وصلت جده لين الحين استعجل وبعدين هذا رقمها وابيك من الحين تنفذ الي اتفقنا عليه ابيك تطرش مسجات من الي خبري خبرك وبعد صور من الي قلبك يحبها وما ابيك توقف اتصالات لين نبتدي الجزء الثاني من الخطه
تاصر بسخريه "ههههههه الله يعينها المسكينه من شرج
ريف بغضب وحره "حانها انت بعد احسن لك تخليك في الي قلنا عليه ولا ماراح اسوي الي اتفقنا عليه وانت عارفني
ناصر بخبث"أفا بس ولا تزعلين لج الي تبينه وازود بعد اتفاقنا لين الحين ساري
ريف "اي ماشي بس انت سو كل الي اقوله لك وفيك تزيد اذا تبي هذي شغلتك وكل يوم بكلمك من تلفونها الي بيضل ضايع لين يطلع في الوقت المناسب
ناصر "ههههههههههههه ولين متى بيضل ضايع
ريف "لين ما احس انه وقت العذاب لهم كلهم وانتقامي استمتع فيه كل لحظه
\


\


\


\


\
دخل عليه رفيجه قام ناصر يسلم عليه "هلا والله وينك يارجال لي موده اضرب لك ولا ترد علي صاير عليك شي
نايف بضحكه ساخره "تدري انا مشغول كثير بالشركه وتوني راجع من السفر الا تعال وين طارق ما اشوفه
ناصر"هههههه خامد داخل لين قايل بس وطالع من اعيونه النوم
نايف بضحكه ساخره "وين الي وعدتني بها صار لكم فتره و ما جبتو شي جديد
ناصر"أخيراً وافقت بطلعت الزور بس لها شرط ولزم اسويه قبل
نايف بستغراب "وش شرطه هذا وانت من متى تخلي اي مره تشرط عليك
وهو يهز كتفه "خلها تشرط الي تبيه اذا الي تبيه بيوصلك لها صح
نايف "وش هو شرطها ام شرط وش هو الي انت بتسويه قول خلصني
ناصر"امش خلنا ناكل شي وانا اقول وش هو الي تبيه
\


\


\


\


\
"شمول وين تلفونج ما تسمعينه ريلج حشرني تلفونات يبغيج الي يقول صارله سنه ما شافج اعنبو مو كنج من شوي معاه
شمايل وهي تدور على تلفونها مستغربه كانت حاطته اهني وين راح "ما ادري وين راح اكيد انطر مع الاغراض والحشره بدوره بس اخوج وش يبي
جنان"وانا وش يدريني هذا هو ضرب مره عاشره امسكي وانا بدور على الجوال
خذت الجوال وبصوت ناعم وكله دلع " هلا بغلاي .....
راكان بصوتت كله زعل "وينج عن التلفون صاير لي ساعه وانا اضرب لج وانتي مطنشه
شمايل بضحكه ناعمه"والله حبي ما طنشت هذني ادوره ما ادري وين حطيته اكيد طاح وسط الاغراض زين قولي وش تبي يا عمري امر تدلل
راكان"يلا اطلعي ناطرج برع لا تطولين
شمايل برقه "حبيبي وين بنروح وعاد المكان معفوس يبيله ترتيب مع البنات
راكان"اقولج تركي كل الي في يدج وتعالي خلي البنات يشتغلون شوي
شمايل وهي تمشي رايحه برع والا تلاقي ريف داخله ويتواجهون وكل وحده تشوف الثانيه بعين احتقار وكره "اوه ...أسفه ما شفتج
ريف بحتقار شديد وهي تشوفها من فوق لين تحت "عميتي وما عديتي تشوفين عدل من زود الهبل الي تسوينه انتي والخبل الثاني
شمايل بعصبيه "عمى يضرب اجنوبج قولي امين ومحد خبل غيرج احترمي نفسج احسن لج دام النفس عليج طيبه ولا بتشوفين شي ما شفتيه
وهي تخصر لها وبستهزاء "انا ابغي اشوف وش بتسوين لي تدرين انتي بس كلام على الفاضي فعل مافي اما انا راح تشوفين مني شي ما شفتيه طول حياتج يخليج تندمين العمر كله على تطولج علي واخذج شي من حقي
شمايل ودها تصفقها كف عن خاطرها "انا ما رح انزل نفسي لج في مثل يقول ان جائتك مذمت من ناقص فهي الشهاده لي بأني كامل وانتي كلج نواقص وعيوب ولا فيج خير لو فيج خير ما عافه الطير اما اذا انا فعل ولا كلام فقول لج انتي حشره ما تستحق مني غير ادعس عليها برجولي
بسخريه وهي تدفها بكتفها وتدخل "بنشوف من الي بيدعس على الثاني انا ولا انتي
شمايل وهي ترد تكلم راكان نسته على الخط وشكله سمع كل شي "اسفه يا قلبي طولت عليك شكلك سمعت كل شي
راكان بغضب "هذي متى بتعتدل وربي ان ما كفت شرها عنج لا افضحها جدامهم كلهم
شمايل بضحكه ناعمه "حبي هدي شوي تراني ما قصرت فيها عطيتها الي يسر خاطرك
والحين خلينا منها وين بنروح انت يلا قول
راكان بحب "تعالي وانتي بتعرفين مشتاق لج بشكل كبير صار لي ساعه وزود ما شفتج
شمايل بحنان"طيب جايتك عشر دقايق واكون عندك يلا اخليك يا قلبي
وادخلت داخل وهي تشوفهم كلهم وقربت من جنان "ما حصلتي تلفوني يا رويتر
جنان "درته في كل مكان ما حصلته وين حذفتيه انتي اعنبو حتى رنه ما سوا اضربي عليه وبنسمعه يلا هاج
اضربت على تلفونها بس ما يسمعون صوت "ايرن بس ما نسمع له حس هذا وين راح
جنان"ليكون حضرتج حاطته على الصامت عشان كذا ما نسمعله
شمايل "بالله ليش اخليه على الصامت انتي وجهج بخش شي يعني اوووف شوفي انا بروح راكان ينطرني وانتي دوري عليه مني مناك لين تحصلينه
جنان "لا والله حضرتج تروحين تستانسين مع حبيب القلب وانا لي الادواره وعوار الراس
شمايل برقه "فديت قلبه وش اسوي عاد طلبتج دوريه بليزززززز ولج مني اجيبلج مونه حلوه من الي قلبج يحبها
جنان"شوفي اذا فيها مونه لا تنسين ابي جلكسي كرميل و ابي عصير بنص وابي بعد فوشار وشونو بعد
شمايل "شنو عصير بنص انتي وين فيه هذا عادهم ينتجونه ما عفى عليه الزمن وبعدين ما خليتي شي في خاطرج حشى بتخمين من كل شي
جنان "اي بعد تذكرت ابي لبن مثلج يعني توصي عشان احصله لج
شمايل وهي تبتعد عنها رايحه تشيل عباتها وشنطتها "انتي حصليه ولج الي تبينه يلا اخليج سي يو

\


\


\


\


\
"وش الي تقولينه يومه ما فهمت شي
ام بدر"وش الي ما فهمتيه يا يومه اقولج ام ثاني اطلبتج لولد ولدها سلمان وابوج واخوج وافقو
فتون بذهول "وباقي اخواني رضو اشلون يومه وشمايل ليه ما قالتلي لين الحين زعلانه مني اخ يا يومه
امها يهدوء"بنتي وش الي صاير بينج وبينها انا صاير لي فتره اشوفج متغيره ورفيجتج ماعاد جات ولا تتصل وش الي صاير بينكم
فتون بصياح وهي ترمي نفسها بحضن امها "انا غلطت يومه غلطه كبيره في حق اقرب الناس لي و احبهم عندي ضلمتهم وضلمت نفسي معاهم
وهي تلمها وتهدي فيها "بس يا قلب امج لا تصيحين علميني وش الي صاير وش السالفه
واسمعت كل شي من بنتها وبصوت حزين وعاتب "افا يا بنتي هذا هقوتج في اخوج انه يتعدى على اعراض الناس هذا نظرتج له وانا الي مربيتكم على الدين والخوف من رب العباد معذوره اجل رفيجتج بالي سوته وربي يصونها هذي البنت كل يوم عن يوم تعلى بنظري وانتي غلطتي البنت ماغلطت اخوج الي قلبه خانه والانسان منا ماله حيله على قلبه و عليج تعذرين منها وحتى لو ما ردت عليج بنروح لها ونتعنى لها لنها تستاهل اما انتي مره ثانيه اوزني كلامج واعرفي قبل لا تطلعينه انج يمكن به تاذين غيرج وتجرحينهم وتخسرينهم بعد
فتون " ادري يمه سامحيني والله عارفه اني غلطت وغلطتي جايده في حق اخوي ورفيجتي بس وش اسوي ما ترد علي واحول كم مره ومافي فايده
امها وبعتب"حاولي مره واثنين و عشره اتعبي عشان تحرمين مره ثانيه تغلطين وتهجدين شوي عن الاعجله الي فيج اذاما ردت انا بضرب على بيتهم وبنسوي زياره لهم مثل ما قال اخوج منها نبارك ملجت ولدهم ومنها تتصالحين منها وتعذرين بعد ما يكفي احنا بنصير اهل الحين
فتون بستغراب "يومه كيف اخواني وافقو وعماني كيف رضو
امها بغضب "البركه في اخوج بدر هو الي اقنع ابوج وهو الي قاله ان سلمان ما ينرد مو احسن من ولد عمج الصايع الي ما يخاف ربه والله مو حشيمت ابوج ولا كان لي رد ثاني عليهم اشلون يطلبونج لولدهم وهم عارفين كل البلاوي و المصايب الي مسويها سويلم لا بركه فيه الله يعين امه ويهديه بس اما اخونج مالهم كلمه بعد كلمت ابوج والي بيحضر يا حياه الله والي مو حاضر عنه ماجا ابوج حدد اليوم الي بيجون فيه يملجون وانتي جهزي نفسج
فتون بحزن "بيملج علي واخوي مو موجود يا يومه
امها بحزن "وش انسوي هذا امر الله اخوج قال بيحاول واذا حصل انه ينزل راح يجي ماراح يـتأخر على اخته الغاليه
فتون"يارب يا رب يقدر يا يومه ويمكن اذا رد يغير كلامه ويقعد
امها " يا رب صبر وليدي وبرد قلبه يارب!!!!!!!

\


\


\


\


\



التعديل الأخير تم بواسطة كاردينيا الغوازي ; 10-01-18 الساعة 01:11 PM
حياتي عذاب غير متواجد حالياً   رد مع اقتباس
قديم 12-12-08, 07:02 AM   #274

حياتي عذاب

كاتبة وناقدة في قسم قصص من وحي الأعضاء

 
الصورة الرمزية حياتي عذاب

? العضوٌ??? » 2119
?  التسِجيلٌ » Feb 2008
? مشَارَ?اتْي » 1,217
?  نُقآطِيْ » حياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond repute
افتراضي

"والحين غمضي عينج ولا تفتحينها الا لما اقولج ..
شمايل وهي تغمض اعيونها وتوقف قدام باب شاليه ثالث"الحين انت جايبني من اهناك عشان تروني شاليه وش السالفه
راكان وهو يمسكها من يدها "انتي اسكتي شوي وبتشوفين الحين
وهي ترفع كتفها بستسلام "امرك
وهو ماسك يدها ويسحبها شوي شوي "الحين أفتحي عينج
مذهوله بالي تشوفه اعيونها متى صار هذا وكيف احمرت اخدودها والتفت عليه برقه وحب" متى سويت كل هذا وش المناسبه
سحبها وقعدها على الكرسي وقعد جنبها وضم يدها لصدره "متى سويته اليوم ومن سوها معاي المجانين الثنتين الي عندج مساعده نسائيه منهم وليش عشان اغلى واحب البشر عندي اليوم يوم يخصنا احنا الاثنين نعيشه بكل حب هذي هديه بسيطه تعبير عن حبي لج وسعادتي بوجودج في حياتي وبعدين ما في نومه عندهم انا ما استغني عن وجودج جنبي ولا عن ابتسامتج الي تشرق بحياتي
ابتسمت بحياء وبضحكه ناعمه اسحبت يدها من يده وقامت وهي تفصخ عباتها وتحطها على الكرسي وتتفرج على كل شي بالون الاحمر والورود المنتشره في كل مكان والطاوله المجهزه والاشموع ابتسمت وجاتها الضحكه هذي الحركات من ورا راس الخبلتين الي هناك ولا من وين راكان يعرف هذي الحركات ابتسمت وهي تسحب ورده حمره من الباقه المحطوطه وقربت من راكان ومن وراه مررتها على خده بنعومه وهي تشوف كيف ملامحه تغيرت وابتسامته الي تحسها انها لها بروحها ولفت ذرعاتها الناعمه حوله وحطت خدها على خده وبصوت ناعم "حبي ومن قال اني كنت برضى بعدك عني ههههههههه خواتك الحين راح يذبحوني على قرارك هذا حبيبي تسلم على هذي المفاجئه الحلوه وربي لا يحرمني منك يا اغلى واحب البشر عندي
مسك اذرعاتها الي ضامته وسحبها وقعدها عنده وبحنان وحب طاغي "لو تطلبين اعيوني ما ابخل بها كم شمايل عندي
بحب ورقه "تسلم الاعيون و راعيها فديت قلبه
قام واقف ومد يده لها وبهدوء حطت كفها بيده وفي لمح البصر لقت نفسها محموله بين ذراعاته و وشعرها يتطاير مع كل خطوه منه متجه بها على غرفه النوم خافت وتغيرت اعلومها وبصوت خطفه الخوف و الحياء "راكان !!!!!!!!
اانطلقت ضحكته الصاخبه وهو يعرف خوفها وفاهم عليها "لا تخافين انا وعدتج اني ما المسج الا برضاج واني ما استعجلج العمر جدامنا بس ابيج تشوفين شي ثاني
نزلها بهدوء وهي تشوف علبه مخمليه على السرير مربوطه بشرايط حمره اقعدت على طرف السرير والفضول بيذبحها طلعته وبصوتها الي يعشقه "حبيبي وش هذا ؟؟؟
راكان "افتحيه وبتعرفين
تفتح الشرايط عن العلبه وعينه على تعابيرها وشافت فستان في العلبه من الشيفون الناعم والوردي الزاهي عليه كانت علبه مخمليه اصغيره افتحتها وشا فت عقد من الالماس الابيض على شكل قلب صغير وردي ابتسمت بحنان طاغي وهي تقوم وتقرب منه وتلمه لها بحب كبير فا جئته واحتوها بعشق ويتنسم عطرها وهوها كل لحظه معاها يكتشف شي جديد فيها في عشقها جرائه في انوثتها سحر اسطوري يغزي روحه ضمها اكثر اما هي ابتعدت بسرعه قبل لا يتمتدى والحيا ذابحها اما هو ضحك وبصوت حنون"ليش شردتي لين صار الجد طقيتي تحيريني احياناً كثير اشوفجج جريئه بحبج لي وتعبيرج عنه واحياناً القيج مثل الحين تبعدين وحياج يعزلج عني وعن قر بي ليه
بعذوبه ودلع خلوه يذوب"الحب جرائه بس بحدود وحدوده الحياء والخجل ويوم تضيع منه الحدود يصير مبتذل ورخيص و ما اعتقد يا قلبي تبي حبي لك مبتذل ورخيص ابيه يكون حب اسطوري بتقول عني رومنسيه زياده عن اللزوم اقولك بالعكس انا بنت تحلم بفارس الاحلام وحبيب الروح بمواصفات خياليه ومن حقي
راكان "من حقج ومن حقي اني اكون فارس الاحلام وحبيب روحج
شمايل بضحكه وهي تدزه على برع "اكيد يا قلبي من حقج تكون فارسي يلا اطلع عشان البس هديتي
وهو يطلع "طيب طالع الحين بس بيجي يوم ما راح اطلع وتطلبين مني اقعد هاتي العقد انا بلبسج اياه يلا ناطرج برع
تشوف نفسها برضى كبير حاسه حياتها معاه تغيرت من يوم ما قررت ان تكون حياتهم هدنه بدون حروب وبدون الم تحس ان راكان تغير صار انسان ثاني تحس انها صارت شي مهم في حياته مثل ما هو مهم في حياتها صار يحب يتواجد في البيت معاها اكثر ومع هله اكثر من قبل و الكل ملاحظ هذا التغير و فرحانين به التفت على نفسها برضى واطلعت له ومعاها علبه الطقم ابتسمت وهي تشوفه يحوس في تلفونه وسارح رفع عينه لها وضلت عينه على كل تفاصيلها نعومتها رقتها حلها الي يذبحه وشاف سحها وخدودها الي ولعت وهي تبعد عينها احراج قرب منها ومسكها ولف وجهها عشان تشوفه وعيونهم في عيون بعض"احبج وربي الي خلقني احبج واموت على الاتراب الي تمشين عليه انتي فرحتي في هذي الدنيا!!!!!!!!!!!!! ضمها له يسمع عبرتها وفرحتها بكل كلمه وكنه يداوي جروحها ويطيب روحها الي هفت له وحنت له حس بلمست يدها الناعمه على عارضه وهي تمسح عليه برقه وعذوبه "يا بعد هلي يا بعد قلبي سامحني سامح غبائي سامحني على ضلمي لك ولنفسي حرمتك وحرمت قلبي من اني اسمع حبك وشوقج لي بلسانك كبريا ئي حرمني منك وخلني احاربك في كل خطوه يمكن هذا عيبي ياريت تغفر لي ياريت يا عمري
حط يده على ثمها وبحب وشوق مخفيه بداخله اطلقه في لحظه عشق"يا قلب راكان وش الي اسامحج عليه الي مفروظ يطلب المسامحه هو انا غلطت في حقج كثير وكنت صغير عقل وتفكير نسيت ان الناس مع الاسنين تتغير وتتبدل وان الاصغيره مصيرهاتكبر وتزين وتصير هوى راكان وعشقه
بضحكه ناعمه وبحنان طاغي "حبي تراني بغتر بسب دلعك لي تحمل عقب اتعود على الدلع وما يتلحق طلبات
زاد شدها بين ذراعه "انتي تامرين لو تطلبين اعيوني بس امري
شمايل "ما يامر عليك عدو يا غلا قلبي حبي مو كنا طولنا على الاهل
راكان"صدقتي طولنا بس مو بيدي ابي اعوض كل لحظه ما عشتها معاج ابغي كل لحظه اخزنها بداخلي وما تضيع مني
امسكت يده وباستها وهي تشوف حبه لها يعيونه"اذا ربنا سبحانه كتب لنا العمر راح نعيش احلى واجمل الحظات وبنخلدها بداخلنا لين ما ياخذ الكريم امانته غلاي انت سعيد معاي
راكان "تسئليني سعيد انا في قمه سعادتي حبيبتي بين يدي واحبها واعشقها بس خاطري اسمع منها كلمه تطمن قلبي انها تشاركني مشاعري
ابتعدت عن حضنه وبصوت هدي وحزين "كل شي في وقته حلوووووو
ابتعد عنها وبهدوء اكثر"ما قلتلج في لحظات تنعزلين عني وترجعين شمايل الي شفتها اول مره برفضها وبكرها لي ليه احس ان كلمت احبك صعب انج تقولينها ليه على العموم انا وعدتج ما استعجلج بس وعد مني راح اسمعها ومنج بدون ما اطلبها يلا مشينا
وبصوتها الهادي "مشينا بس بغير اهدومي
راكان بحنان"خليها عليج ابغي الكل يشوفج بعيوني يشوفج اجمل واحلى شي بدنيتي البسي عباتج وهاتي يدج ولا تبوزين كذا انا ما زعلت منج بس ابغي شي اتمناه ومن حقي اطلبه اعتقد ما طلبت المستحيل
شمايل وهي تلبس عباتها وتلتفت له "من قال انك طلبت المستحيل بس انا خايفه في شي يمنعني غصب عني ما ادري ليه تعي تطلع مني في شي يلجمني
راكان مستغرب من كلامها "خايفه مني ليه لهذي الدرجه مو حاسه بالامان معاي ليه تعين تعطيني وتعطين نفسج احساس الامان بحبنا و الثقه فيه ليه
هزت راسها برفظ لكلامه ليه دايم في شي يحسسها انه عمرها ما بيكون لها مكان بحياته لصوت يقولها بداخلها حبه لها ضعيف حب وقتي لحاجاته مو لشخصها ما عرفت وش ترد عليه او وش تقول ولحظ راكان سكوتها وما حب يضغط عليها ولا حب يطلب شي غصب عنها "يلا مشينا ....انتظر لين لبست عبتها وتغطت زين ومشت احذاه و السكوت كان ضله ثقيل بينهم وهم رايحين لشاليه اسمعت صوته "شوفيلي طريق
افتحت الباب وهي تسمع صوت الضحك و الوناسه وشافت الروس الي التفت عليها
ابتسمت بنعومه "يومه راكان برع .....وهي تشوف ريف بتحدي
امها بمحبه "حياه الله يومه خليه يدخل ...
دخل راكان وعينه ما حادت عنها ولا التفت سلم بصوته الجهور ي و الهادي على امه ومرت عمه وخالته مع انه عارف ان ريف موجوده وعارضه نفسها بشكل مقزز وده يصمعها بكف على وجها بس محترم خالته وحاشمها ارتفعت عينه لشمايل الي ارفعت عباتها عنها وسمع شهقت الكل و الي يسمون عليها يطالعها بفخر وسعاده ما كان منتبه للعيون الي تشوفهم بكره وغل وقهر وقرارها كان انها تعجل بنهايتهم
جنان"الله وش هذا الزين انتي كل ما تطلعين معاه تردين مورده
امها"قل اعوذ برب الفلق من عينج بنت تحسدين اخوج ومرته ويلهم من اعيونج
شمايل"هههههههههههه خليها يومه مرد هذا اليوم جايها قريب وبنستلمها احنا بعد
جنان"الله لا يقولها قالوللج انا خبل مثلكم اسلم حريتي وسعادتي بيد رجال ماني خبل
راكان وهو يطالعها بمكر"لا والله ليه وش شايفتنا وحوش وانا ما عندي خبر معليه الوعد لين جاء المعرس وقريب بعد يلا من رخصتكم انا رايح تامرون على شي
جنان مفققه اعيونها على كلام اخوها والتفت على شمايل و ريناد "حلفتكم بالله فهمتو الي انا فهمته ولا انااحلم وما اسمع عدل هذي اكيد احلام يقظه
قامت شمايل توصل رجلها لين الباب وهو يلتفت عليها وبصوت واطي مليان حب "احبج تحملي على نفسج واذا بغتي شي دوري تلفونج وينه فيه راح
ابتسمت على كلامه وهي تدزه عشان يطلع "لا توصي حريص وانت بعد تحمل على روحك لا تنسى انك روحي
راكان وهو يطالعها بقهر "اخ منج بس محد ذابحني غيرج اهناك ما تبين تقولين ولا كلمه وسطهم وعشاني ما اطولج تطلع منج الدرر هذي اذبحج الحين
وهي تحاول تمسك ضحكتها على شكله عشان ما تفتضح جدامهم "ههههه راكان روح الحين وبعدين نتفاهم يلا يا رجال الكل ينطرك اهناك
راكان بتهديد"رايح ...رايح ...بس الوعد بعدين اي على الطاري قولي حق الوالده ان الاعيال بعد شوي بيجبون الاغراض الي حق الشوي واذا تبغون زود قولولي
شمايل "عمري لا تنسى الاغراض الي وصيتك عليها لزوم السهره حق البنات فديتك انا واعدتهم
راكان "ههههههههههه هذا الي همهم لا تخافين راح اجيب كل اليي تبغونه اما انتو يا البنات عليكم تصانيف
شمايل وهي تدزه بكتفها بخفه ودلع "عادك ما شفت تصانيفنا العدله والله لا تجنننكم
راكان وهو ذايب على دلعها ورقتها "واحنا عادنا ما تجننا ترانا خلصنا من زمان يلا اخليج بينا تلفون
شمايل "هههههههههه قول ان شاء الله تكون اختك لقته غلاي روح ترى الناس تشوفنا افتضحنا
وطلع راكان واهي ارجعت تقعد عند البنات بس كانت حاسه بنظرات الحقد و الغل الي تشوفها بها ريف وربي هذي البنت ترفع لها الضغط من العبط الي هي فيه اكذبت الكذبه وصدقتها وعاشت فيها ويمكن الي ساعدها اكثر ما لقت الي يوقف في وجها و لا الي قوم الاعوجاج الي هي فيه رحمتك يارب وسترك على عبيدك و التهت شمايل مع البنات في التجهيزات و الاقهوه و الشاهي حق شاليه الاعيال
\


\


\


\


\
"اووووووووووووف هي بهذا الجمال الي انتي توصفينه عقب واخس عشان كذا مسويه فيها هذا الفصل هههههههههه وربي يحق لرجال يعاف الاولي والتالي كرمى لعيونها اذا انا من وصفج لها خقيت اجل الي عايش معاها ويتمتع بمفاتنها صبح ومساء وش يقول
ريف بقهر وحره قلب حتى المعفن نويصر اعجبته من وصفها هي لها و الحق ينقال ولو بينها وبين نفسها المعفنه هذي عليها جمال يعق الطير من السماء ولا جمال رباني مافيه من الي نشوفه اليوم "اقول انطم احسن لك تراها واصله عندي على الاخير
ناصر بغضب وصوت عالي "احترمي نفسج من تكونين عشان تجعمين فيني اقبضي لسانج دام النفس عليج طيبه ولا وحده مثلج وين لها لاحترام
ريف بغضب اكبر من كلامه الي يحقرها فيه "انت وش تقول انسى كل شي ومن ايوم ما ابغي اشوف رقعت وجهك
ناصر سحب نفس يهدي نفسه الحقيره ارويها ان ما ادبتها "ريوفي حبيبتي وشش فيج الله يهديج انا اسف يا قلبي بسوي كل الي تقولين عليه بس هدي مجرد كلام
ريف بغرور و نفس خايسه "اي استعدل احسن لك واعرف انت من تكلم يلا سوى الي قلتلك عليه والباقي بنطره بفارغ الصبر
ناصر بخبث"بس متى رجعنا الرياض بتسوين الي اتفقنا عليه
ريف بقرف منه "لا تخاف انا لين وعدت انفذ بس انت سو الي عليك
سكر عنها وهو منقرف منها ومن تفكيرها المنحرف بس وش الي يهمه المهم متعته والباقين في اللعنه وبصوت عالي "مقرفه حشره انتي والي من نوعج
\


\


\


\


\
"اقول رنو بليز اذا سمحتي ابغي جوالج شوي ما ادري وين انذلف تلفوني
ريناد وهي تمد لها جوالها "عادكم ما حصلتوه هذا وينه راح
شمايل وهي تاخذه منها "وربي ما همني الجوال كثر ما همني الارقام الي فيه اخاف يطيح في يد اي كان و يئذي الناس
ريناد "لا ان شاء الله بتحصلينه وبنرد ندور عليه اعنبو وين بيروح اكيد في مكان مني ولا مناك
اشرت شمايل حق ريناد عشان تسكت "هلا والله يا الغلا هذي هي عندك انا سويت الي علي والباقي عليك عندك اياها لا تقصر فيها ...و حطت الجوال في يد ريناد المذهوله حدها .....اقول الشيخه ريلج على التلفون كلميه حارمته من صوتج ولا تبين تكلمينه الحين تلاقي منه الوعد اشفيج جيمتي كلميه تراه حالف ان ما سمع صوتج لا يجيج بنفسه
ر يناد وهي تهز راسها برفض وفي اعيونها خوف وبصوت مبحوح وهي تسد السماعه عشان مايسمعها "والله ما اقدر شمول وربي ما اقدر احس قلبي بيطلع من وسط اضلوعي من الخوف والربكه وش بقول ما اقدر اتكلم ما اقدر
شمايل وهي تمشي طالعه من الغرفه "ما يخصني هذا رجلج وتفاهمي معاه وبعدين وش خوفه هذا هذا مو خوف هذا حياء ولج عذر فيه بس يعد اقولج نصيحه عيش هذي الحظات مع الانسان الي تحبينه وعيشي معاه ذكريات جميله تكون زادكم للمستقبل ما تدرين وش بكره ربج يكتب لنا ولج وقربت منها وحبتها على خدها ...يا قلبي هذي لحظات في قمه الروعه والجمال واذا فقديتها راح تحسفين العمر كله وفرصه تقربون من بعض وتعرفينه فيه يعرفج وتكتشفون انفسكم كلميه وحافظي عليه لا تضيعينه منج لنه حب ما جاء الا بعد عذاب حب عشتيه خيال مستحيل والحين حقيقيه واجمل حقيقيه
ريناد وهي تشوفها بحب "تسلمين لي يارب وما يحرمني منج يا الغاليه اخوي صج محظوظ فيج
شمايل وهي طالعه "ليش ما تقولين ان انا المحظوظه فيه يلا اخليج وكلميه قبل لا يستجن الرجال
ارفعت الجوال وسمعت صوت نصخه وتحسه يطلع من جوفه يحرقها بنار الشوق له والحب و العشق وبصوت مبحوح "الووووو
وبتنهيده منه "هلا والله وغلا بالصوت وراعيته اخيراً ما بغيتي تردين ليش يا الضالمه ما تعرفين اني نطرتج ونطرت هذا الصوت يملي علي ظلام هذي الدنيا في اعيوني ما تدرين انج رديتي فيني الروح
ريناد بلهفه "سلامت روحك من كل شر
بضحكة اخطفت قلبها واسحرتها "اي كذا سمعيني هذا الصوت فديت الي يخافون علي ريناد ممكن اطلب منج طلب اصغير
ريناد برقه وبنعومه اسحرته "أمر.......
علي"ما يأمر عليج عدو ريناد ما ابيج تبخلين علي بصوتج انا محتاجج محتاج اسمعج محتاج قربج مني ياترى طلبت شي صعب و ما تقدرين عليه
ريناد بخجل ملحوظ"لا مو صعب بس انا ...و اسكتت
علي بأبتسامه "بس انتي تستحين هذا شي طبيعي وشي افخر به بس حياج لزم ما يبعدج عني حياج لزم يقربج مني ريناد انا زوجج ماني غريب
ريناد"علي ....
علي "عيون علي وقلب علي امري يا روحي
اختفى صوتها من كلمته الي تحسها تذوبها "اسمحلي انا بسكر .....
علي اطلق ضحكتبه بسعاده عارف انه اخجلها و انها ما عادت قادره تتكلم فما حب انه يحرجها زود "اوكي على راحتج ما احب اضغط عليج بس تحملي على نفسج وفي حفظ الله ورعايته توصين على شي
بحياء "تسلم يارب ما ابغي غير سلامتك
علي بحب وحنان"يسلملي الناس الي يخافون علي ربي ما يحرمني منج يارب يلا يا عمري اخليج مع السلامه
ريناد بحب طاغي "في حفظ الله ورعايته ....سكرت عنه وهي تضم الجوال لصدرها وتخذ نفس قوي كنها احبست النفس بصدرها وهي تسمعه شوق تسمعه حب تسمعه امل اطلعت من الغرفه وراحت عند البنات تساعدهم اقعدت احذا شمايل والابتسامه الناعمه ما فارقت شفايفها شمايل عينها عليها وبصوت واطي بينهم وبين بعض "مستانسه ان شاء الله دوم مهب يوم اي كذا ابيج افرحي يا قلبي وعيش احلى ايام عمرج لا تضيعينها تراها ان راحت ما ترد
ريناد بتنهيده "أخ يا شمايل احبه اخوج عمري ما ضنيت اني بحب وبهذا الشكل و العمق
شمايل"ههههه يقطع ابليسج يا بنت صج رحتي والا حد سمى عليج ريناد يا قلبي ليش تستغربين هذا الحب تراه الحين حلالج ويحق لج تعلنين حبج له على العالم كله ما غلطتي و الا ارتكبتي جرم احلى شي في الدنيا ان يكون حبج في النور و العلان مو خفى وعذاب لنه محرم ما يرضاه لا ربنا ولا دينا
ريناد "اةةةةة........ والله انج صاجه واخوج بعد ما قصر فيني سحرني بكلامه و بعتابه بعد
شمايل وهي تكمل قص السلطه وتهز كتفها "يحقله يعاتب ما تردين على تلفونه ولا على المسجات اعنبو وش بيسوي فيج اذا رديتي بياكلج
جنان ادخلت عرض عليهم"لا وانتي الصاجه الا بيسوي عليها كبسه وبيعزم عليها الاذيابه هههههه صج انج مخفه يعني وش بيسوي بيطلع من الجوال انتي اصلن خوافه وجبانه خلج قويه عقب يستقوي عليج يا البقره
شمايل وهي تضربها بالقفشه الي في يدها "وجع ان شاءالله انتي تحرضينها على اخوي يا مال الطرم بنشوف وش بتسوين لين جاج المنحوس الي داعيه عليه امه قوم ردات حظه بياخذ وحده مخبوله مثلج وانتي ما عليج من البقره هذي خلج برقتج ونعومتج واعرفي انه هو الرجل و انتي المره محد ياخذ دور الثاني وانتي وهو تكملون بعض اما سالفت يستوقي وغيرها غلط كبير الزواج ما في ضعيف وقوي الزواج انتو الاثني تتساون في من الصوبين في الحقوق و الواجبات و محد يطغي على الثاني انتو تصيرون روح وحده في جسدين
جنان بطنازه "عز الله انتو عليكم السلام صار لكم من تزوجتو غسيل مخ صرتو تمشون كنكم مسبهين وكل وحده تقول احبه واموت فيه كبه هبلان
شمايل بضحكه تحاول تمسكها"ههههه شوفي انا وانتي بنتراهن انج في يوم بيصير حالج مثل حالنا وبعد اذا ما كان اردى شوفي عزيزتي الحياه حلوه وانتي احلى شي فيها لنج بتكوني اجمل شي في حيات الي بيختارج انتي الي بتحلين دنيته بحبج وحنانج بصبرج و رقت قلبج بعطاج انتي الي لين صفيتي له يحس الدنيا وما فيها ملك يده انتي الي ابتسامتج تحسسه بنعمه الحب
كانوا البنات يطالعونها مبهوتين وساكتين جنان بصوت مليان حنان " والله ان اخوي محضوظ واحنا بعد عندنا بنت عم تنحط على الجرح يبرئ شوفي انا غيرت كلامي ابغي اعرس في اسرع وقت والسبه كلامج بس اذا طلع واحد غير الي انتي تتكلمين عليه كسرت اضروسج ههههههههه عزالله ما بخلي لج اضروس
شمايل بحره "اعقب واخس وانا وش يخصني اذا طلعتي منحوسه وطلع الي من نصيبج يصبحج بطراق ويعشيج بطراق
جنان بنرفزه مصطنعه "يخسي من امه والله لا اطبق عليه دروس الحرب واعلقه على باب بيتنا
شمايل اطلقت ضحكه قويه من قلب و البنات يطالعونها"خير ضحكينا معاج
شمايل بأبتسامه "كلامج ذكرني بشي هههههه انا بعد كنت بطبق فنون الحرب على اخوج بس الله ستر و ارحمه مني ولا انا كنت ناويه عليه هههههه
ريناد بضحكه "اها يا الخبيثه ومسويه روحج رومنسيه وانتي متوحشه ومستاسده على اخوي الفقير بس ليش غيرتي رايج كان طبقتي دروسج والله كان شكلكم بيصير تحفه
شمايل بنعومه "ببساطه لئني احبه و الي يحب يغفر وينسى
\


\


\


\


\


حياتي عذاب غير متواجد حالياً   رد مع اقتباس
قديم 12-12-08, 07:10 AM   #275

حياتي عذاب

كاتبة وناقدة في قسم قصص من وحي الأعضاء

 
الصورة الرمزية حياتي عذاب

? العضوٌ??? » 2119
?  التسِجيلٌ » Feb 2008
? مشَارَ?اتْي » 1,217
?  نُقآطِيْ » حياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond repute
افتراضي

كان فاتح عينه على وسعها مو مصدق الي يقراه مذهول ورجع يقرها مره ومرتين وعشر و النار في جوفه لهيب يشتعل نار تحرق كل المشاعر الحب وتحولها كره وغضب و الم يده الي ماسكه الجوال ترجف من انفعالات الغضب واعيونه مثل بحيره الدم معقول تكون خاينه بس هذا هو الدليل اجل طلبها انه ما يقرب منها وما استعجلها كل هذا تمثيل عشان ما اكتشف الحقيقه وهي انها كانت لغيري لا مستحيل قام واقف وعيونه مشتعله بنار وو تلفونها الضايع الي مخفيته عشان ما اكتشفها حياته معها كانت كلها كذبه كبيره وخيانه اكبر وعينه على المسج "أحلى شي في معشوقتي انها قادره تخدعك بسهوله واتمتع انا بمفاتها وهديتك لها اليوم قمه في الذوق و الجمال خلتها تضوي وشامه حسنها تزيدها بهاء و نور والاوردي عليها بياكل منها نتفه و الباقي انا باكله....اها الا على الطار ي لسه حبيبت قلبي ما طلع جوالها ههههههههه "
مشا بخطوات سريعه وغاضابه لكن وقفه صوت علي "على وين يا راكان ؟؟علي مستغرب لما التفت عليه راكان وهو يرجف من راسه لين ارجوله واعيونه حمره نار ....قام و امسكه من كتفه ....راكان خير وش فيك عسى ما شر
راكان طالعه بعيون غايمه بنار تحرق جوفه خيانتها تذبحه معقول تكون حياته كذبه نفض يد علي من على كتفه بقرف وطالعه بغضب و مشى عنه طالع برع وبشكل سريع
افظع الم في الحياه هو الم الخيانه نصله جارح يتعمق في مشاعرنا ويهزها من جذورها ويخلينا اضعاف وعرضه للنكسار ....كانت خطواته السريعه على الاتراب الناعم كنه جمر يحرقه وصل لباب الشاليه فتح الباب بدون ما يشوف حد ولا يهتم في حد عينه عليها الكل انذهل من دخوله عليهم بهذي الطريقه بدون ما يعطي خبر شمايل قامت من على الكرسي مستغربه منه حدها وبصوت مليان خوف من شكله "راكان وش جابك خير وش فيك ؟؟؟؟؟؟
قرب منها ومسكها من كتفها بشكل موئلم ويده الثانيه ارتفعت تخنقها بشكل ارعب الجميع وبصوت مثل الفحيح "قوليلي من ولا والي خلقني لذبحج بيدي هذي قوللي مع من دنستي شرفي مسويتلي نفسج شريفه وانتي اقذر ما خلق ربي ....وزاد ضغطه عليها بحيث خلاص النفس ما قام يطلع منها الكل التفو عليه يبون يمنعونه عنها و البنات يبكون بس في شخص كان في قمه السعاده ريف الي استمتاعها كان فرح يشع من اعيونها
امه تحول تبعده عنها بس ما اقدر ت "راكان ولدي تعوذ من ابليس هد البنت بتموت في يدك
راكان وما عاد يسمع "والله بذبحها تقول من ولا ذابحها بيدي يا حقيره تعرضين نفسج على كل خايس وانا حلالي ومانعهته عني انتي كلبه ولا تسوين والله ذابحج اليوم
شمايل كانت تختنق وبتموت والي تسمعه زادها ذهول عطاها دفعه قويه خلتها تصرخ بصوت عالي "هدني انت مجنون يموت هدني
امها بخوف على بنتها ورعب من الكلام الي تسمعه خذت جوالها واضربت على علي وبصوت كله اصياح "تلاحقنا يا ولدي اختك بتموت بتموت
شمايل في لحظه حست بتموت من ضغط يده وكن الروح ادفعتها في دقيقه داست على رجله بكعبها العالي وارفعت ركبتها واضربت بها بطنه خلته يبعد عنها بشكل سريع ومتألم ومذهول منها وشافها تبتعد وتخبى وراء امها ومرت عمها وبصوت مذهول ومرعوب "تخسي انت واحد مجنون ما تعرف وش الي تقوله انا تقول عني اني مو شريفه انت من تكون عشان تجرمني وتحاكمني وش لك عندي
لكن غضبه ما خلاه غير انه يقوم ويرجع بيمسكها مره ثانيه لكن في الي امسكه من يده وبقوه شديده والتفت لقى علي وابوه وعمه قدام عينه مذهولين منه علي بصوت عالي وغاضب حده "اانت وش تسوي تمد يدك على بنتنا وتبي تذبحها انت صاير لعقلك شي
راكان وهو يسحب يده منه بقوه شديده "انا لين الحين في كامل عقلي بس اذا ما قالت منهو الخايس الحقير الي باعتنا كلنا عشانه وفرطت بشرفها ذابحها جدامكم
علي وبغضب وهو يهزه "انت وش تقول انت في وعيك تتهمها في شرفها ....و التفت على شمايل الي كانت تسمع وعيونها بتطلع من محاجرها و مو فاهمه شيي ولا عارفه شي ....صرخ في اخته بصو عالي خلاها تصحى من ذهولها ...شمايل وش الي يقوله فهمينا
وهي تطالع ابوها واخوها وبرعب كبير وذهول اكبر "والله الي في سماه انا مو عارفه هو وش يقصد دخل علينا فجئه وبغى يذبحني وقام يقول كلام انا مو فاهمه منه شي منهو هذا الي يتكلم عنه واني خاينه وفرطت في نفسي ...و اخذت تهز راسها بخوف والم ....والله انا ماني عارفه هو وش فيه ولا ليه يقول عني كذا
راكان بحره قلب وقهر حذف جواله على علي الي القفه مستغرب وهو يسمعه "افتح الرساله الاخيره وانت بتعرف ليه انا ودي اذبحها الحين بيدي هذي
كان يقراء الي مكتوب ومومصدق وقلبه وصل لحلقه من الروع عمره ما يصدق في اخته بس الي مكتوب ورفع عينه لها وهو يشوف فستانها الوردي وبصوت هادي ما بين فيه الثوره المشتعله داخله "شمايل جوالج وينه فيه وبصرخه افزعتها وينه
وبخرعه لكن شي خلاها ترفع راسها بشموخ وغضب "الجوال الي تكلم عنه من يوم وصلنا وهو مختفي ودورنا عليه الف مره ولا حصلناه و الحين فيكم تقولون لي وش السالفه لني خلاص وصلت حدي
راكان بصراخ "اكيد مختفي عشان محد يشوف وصخج وحقارتج
في وسط المعمه هذي محد كان منتبه علي الي تسحبت لغرفه البنات وقعدت تدور لين لقت شنطه شمايل وبشكل سريع رمت جوالها بداخله وطلعت وهي تتسحب عشان ما يحسون عليها بس الي ما كانت واعيه عليه ان علي لحظ تسحبها ورجوعها وعينه ما فارقت حركاتها المرويبه له كان عنده احساس خفي ان هذي السالفه وراها دهاء وخبث مره تارس قلبها الغل و الحقد على اخته بس الحين هذي نار مشتعله في قلب ولد عمه ومن بيقدر يطفيها لزم يتصرف بحكمه طالع في ابوه الي انهار على الكرسي وامه الي ماسكه اخته الي خلاص ما عادت فاهمه ولا واعيه غير بالغضب المشتعل فيها من اتهامات راكان ...
علي بصوته الهادي "الحين دليلك رساله ما تدري من مطرشها لك وش غرضه تخليك تشك بزوجتك وبنت عمك زين عقلك وينه فيه و فطنتك وبعدين هي لو ماتبيك ما كنا زوجنها لك من البدايه البنت وحيدتنا واختنا ومالنا غيرها والي تكلم عنها بنت سلمان ومتربيه وعارفه كيف تحافظ على نفسها وعلى سمعت اهلها واذا عندك غير هذا المسج الماصخ هاته
راكان وهويصر على ضروسه قهر من بروده "جوالها الضايع هو اكبر دليل على خيانتها وش تبي اكثر من كذا عشان ما نكتشف قذاره اختك
علي بصوت هادي "احترم نفسك وتكلم عدل والله لو تجيب لي الف رساله مثل هذي ولو جوالها فيه مصايب الدنيا ما شكيت لحظه في اختي لنها اختي ومتربيه معاي واخلاقها من اخلاقي ولو انها كذا كان لقيتني انا عايث في اعراض الناس
راكان بغضب قرب منها وفي لحظه صفعها قدام ذهولهم ودهشتهم "انتي مالج قعده معاي انتي طالق روحي الله لا يردج
ابوه يناديه بصوت عالي وراح وراه اما علي وابوها قربو من امها وابو سلمان بصوت هادي "جمعي اغراض بنتج واطلعو ننطركم برع
يدها على خدها مذهوله معقول تطلقت معقول ذبحها بدون ما يحس ومن السبب من ارفعت عينها وجات في عيون ريف بس اهني افهمت كل شي واوضحت عندها الصوره بشكل واضح هي وراء كل هذا هي ما غيرها قربت منها قدام الجميع وبصوت هادي "ربحتي اخذيه جعلج ما تهنين فيه بس تذكري كلمتي هذي في يوم بيجي وربي سبحانه بيكشفج جدام اقرب الناس لج وساعتها وش راح يكون وضعج
ريف ما تكلمت بس البسمه ما فارقت شفايفها بسمه مليانه خبث وفرح هزت كتفها بسخريه وانسحبت من المكان اما شمايل حست بيد اخوها على كتفها وبصوته الحاني "روحي جيبي اغراضج نحن ننطرج برع ..قرب منها وبصوت واطي ما يسمعه غيرها ...اعتقد انج بتلاقين جوالج في شنطتج لا تطلعينه غير لما اقولج فهمتي
طالعت اخوها وفي اعيونها ذهول وتسائؤل وبخطوات سريعه وامها الي تبكي وراها ادخلت الغرفه كانت عينها على شنطتها وكنها تشوف شي مخيف ومرعب بيهدمها من داخلها وبيخليها مكسوره ومجروحه والاكثر فاقده التقه في الكل كانت تهز راسها برفظ خلاص ما عادت عندها الطاقه والا القدره على انها تحارب كل شي في هذي الدنيا اولها زواجها الغلط واخرها هذا الاتهام الشنيع في شرفها شالت اغرضها بهدوء وشالت شنطت يدها وامها احذها ....
برع كان علي يسمع صوت بكاء مرت عمه والبنات حس بيد دافيه تلمس كتفه عرفها هي بس ما بغى يلتفت خاف ان بلحظت الغضب الي هو فيها يغلط غلطه يندم عليها العمر كله غمض عينه بألم على صوتها الحزين والخايف "علي !!!!!!
علي بهدوء قاتل"ارجوج ما ابغي اسمع ولا كلمه ولا حرف اخاف اقول شي نندم عليه بعدين
ريناد بحزن ودموعها على خدها حسره والم "بتاخذني بجرم غيري يا ولد عمي
جرحتها كلماتها لو هو مثل ما تقول كان اول شي سواه انه طلقها مثل ما اخوها سوا بس لا هذا مو طبعه ولا اخلاقه ولا تربيته التفت على صوت امه و اخته "يومه علي احنا جاهزين
طالع ريناد برقه "لا تخافين انا مو اخوج ولا كان شفتيني ذابح اختي جدامكم بس الحين انا محتاج ابعد عشان مايصير الي ما ارضاه تحملي على عمرج
اطلعو بهدوء بس كل في صدره نار تشتعل نار ام حرقها قلبها على بنتها الي اتهموها بشرفها بنتها وحيدتها نار اب متأكد من برائه بنته بس من يصدق ونار اخ همه كيف يضهر حقيقت الي حاولت تدنس شرف اخته وتحرق قلبها الي عمره ما تهنى وعمره ما فرح ويوم فرح اشتكثرو عليها هذي الفرحه كانت عينه عليها كانت هاديه بشكل غريب خوفه كان وده تصرخ تصيح تعبر عن الي بداخلها بس لا هذا هو الهدوء الي يعقبه انهايارها وربنا يعين خايف عليها خوف رهيب ...اما هي كانت في عالم ثاني ويدها شاده على شنطتها وكنها قابضه على الجمر بيدها جمر يحرق كل شي فيها دليل خيانتها في نظره في يدها وفي نفس الوقت هو دليلها على برائتها سمعت صوت اخوها يقولهم ينزلون شافت الفندق انزلت وهي تغطي نفسها وتمشي وراهم وهي في عالم غير هذا العالم
\


\


\


\


\
"انت وش الي سويته وين عقلك تسرعك هذا بيودينا كلنا في مصايب احنا في غنى عنها
راكان "تبني اعرف انها خاينه وعايثه مع غيري زين اني ما كملت الي بديته يحمدون ربهم
ابوه يطالعه بغضب وده يكفخه من غباءه "انت الي تحمد ربك انهم اقدرو يمسكون نفسهم ولا كان علي ذابحك وصرنا في مصيبه اكبر
راكان بحره وقهر "اقولك خاينه خاينه وش كنت تبيني اسوي غير الي سويته
ابوه بغضب من صغر عقله رغم علمه وثقافته طلع اخرطي "كنت ابيك تذكر قوله سبحانه وتعالى بسم الله الرحمن الرحيم " يَا أَيُّهَا الَّذِينَ آمَنُوا إِن جَاءَكُمْ فَاسِقُ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ" ما فكرت وانت تتهمها انه تكون مضلومه وان حد مسوي فيها هذا ما فكرت بعد يمكن واحد سفيه من سفهاء هذا الوقت الي يتخذون من اعراض الناس تسليه لهم ولهدم بيوت الناس ما فكرت وش راح يكون مصير خواتك الي متزوجين من اعيال عمك يسون سواتك انتقام منك ورد اعتبار لختهم ما فكرت
كان يطالع ابوه وفي راسه الف فكره معقول بس خيانتها له تذبحه وش يصدق الحقيقه الي في يده ولا يصدق احساسه وحياته معاها حط راسه بين يده بالم
\


\


\


\


\
دخل عليهم جاي من برع حس ان امه وابوه بان عليهم الكبر والمرض في لحظه والسبه كل الي صار سمع ابوه يسئله "لقيت لنا حجز ولا لا ؟؟؟؟
علي بتعب "لقيت بس متأخر باليل ...التفت على امه ...ما طلعت من جينا
امه بحسره ودموعها تنزل "ولا سمعنا لها صوت يا ولدي اخاف بنتي تموت قهر ولا يصير فيها شي روح شوفها يا ولدي الله يخليك
وهو يمسح ادموعها الغاليه وحلف بداخله انه يكتشف كل شي ويرد الاعتبار لخته ويعلم هذا الغبي درس "يومه الله يخليج لي لا تبكين ترى دموعج تذبحني لا تخافين على اختي قويه وما دامها على حق فما راح يصير لها شي والحين انا رايح وبشوفها انتي بس لا تبكين
راح صوب غرفتها طق الباب بس ما سمع صوت رد طق الباب وقرر انه يدخل فتح الباب و التفت يمين يسار يشوفها لقها على سجدتها ويدها رافعتها لفوق وسمع كلام ذبحه خلاه يقعد على الكرسي بنهزام وضعف كان بينها وبين ربها دعوى من مضلوم للي عينه ما تغفل ولا تنام سمع صوتها الي خانقته عبراتها وضعفها وضلمها جاء وقعد وراها فجئه حضنها واسمعت صوته الحنون "وراسي الي يشم الهواء ما تبتين وانتي مضلومه وراها هذي الحقيره لين ما اكشفها ورجلج هذا بخليه يتندم قد شعر راسه و اخليه عبره بس انتي ما يصير لج شي يكفي امي وابوي الي احس انهم في لحظه انهدو شوفيهم تراهم خايفين عليج ....
نزلت يدها وهي تمسح كفها على وجها وتسمعه بهدوء التفت له وهي تبتعد عن يده وعيون حزينه لكن راس مرفوع بشموخ "لا تخافون علي انا اقوى من كذبه ابتكرتها وحده حقيره مثلها بس الضلم من الي نحبهم هو الي يكسر يا اخوي بعد ما فكرت ان الدنيا صفت لي واقدر اعيش سعيده مع الانسان الي انجبرت عليه حاولت افتح قلبي وانسى واغفر واتخطى كل الاختلافات الي بينا عشان ابني معاه حياه في لحظه هدم كل شي ونسى كل لحظه عاشها معاي وعرفني فيها وصدق كذبه يا اخوي صدق كذبه
وبحنيه كبيره وحب لخته وفخر لنها واثقه من نفسها ومن حقها وما هزها ما دامت صاحبت حق "الجوال وينه ابغيه ؟؟؟؟
التفت على شنطتها وهي تأشر له "موجود في مكانه ما لمست الشنطه من دخلنا
علي قام وخذ شنطتها دور التلفون ولقاه في قاع الشنطه شاله وقام يتفحص كل شي كل الرسايل الحقيره و الاشياء الاباحيه بعيون غاضبه ومشتعله نار سكره بعد ما حفظ الرقم الي جايه من الرسايل وسكره وحطه بجيبه طالع اخته بهدوء "جهزي نفسج طيارتنا باليل تامرين على شي
وهي تطالعه بهدوء"اي عندي طلب بسيط ابغي حقي من الي ضلمني هذا هو الي ابغيه
وهو بصوته العالي "ولج الي بغيتيه وربي لا يضهر الحق وتاخذين حقج منهم كلهم
شمايل "تسلم يا اخوي ....

maryam_el_abdallah likes this.

حياتي عذاب غير متواجد حالياً   رد مع اقتباس
قديم 12-12-08, 07:17 AM   #276

حياتي عذاب

كاتبة وناقدة في قسم قصص من وحي الأعضاء

 
الصورة الرمزية حياتي عذاب

? العضوٌ??? » 2119
?  التسِجيلٌ » Feb 2008
? مشَارَ?اتْي » 1,217
?  نُقآطِيْ » حياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond repute
افتراضي

متردده تضرب ولا لا كرهت التلفونات وكرهت كل شي بس هي محتاجتها رغم كل شي هي محتاجه تؤئمها الي تعرفها وتعرف كل اسرارها ارفعت السماعه وهي تسمع رنين جوالها ما راح ترد ما دامه رقم غريب رح تضرب لين ترد وفجئه جاها صوتها الغاضب
"خير انتو ما تفكون الناس من قذاكم سكرو احسن لكم
جاتها لضحكه رغم كل الي فيها وبصوت هادي"فتون ؟؟؟؟؟؟؟
انذهلت فتون هذا صوتها اخنقتها العبره سامحتها اكيد "شمايل سامحيني يا الغاليه ارجوج سامحيني
شمايل بحزن والم "طلقني يا فتون طلقني وضلمني اخ بموت من حر ما فيني اونس بحرقه قلبي بموت
فتون بسرعه "شمايل انتي وين انا جايتج
شمايل عطتها اسم الفندق وسكرت ....انزلت فتون عند امها تحت الي كانت قاعده تسبح وتهلل وهي تسمع برنامج ديني في التلفزيون فتون اقعد ت احذا امها وهي تحبها
"يومه ابغي اروح حق شمايل يومه البنت فيها شي و المصيبه تقول ان ولد عمها طلقها
امها تسمعها مذهوله ومستغربه "طلقها وش صاير وليه
فتون "يومه ما قالت بس شكلها تعبانه يمه ارجوج ابغي اروح لها هي واهلها بيردون اليوم اوبغي اعرف منها وش صاير لها واكون جنبها يومه
امها بحنان "خلاص ابرزي وانا بكلم ابوج يلا
\


\


\


\


\
كانو عند باب غرفتهم طقت فتون الباب وافتحه علي انحرجت فتون وابتعدت و امها بصوت هادي "السلام عليكم يا ولدي ام ثاني موجوده
علي بأدب "وعليج السلام والرحمه هلا ومرحبا يمه حياج تفضلي الوالده موجوده ادخلو ...دخلهم والتفت عليهم وهو طالع ...من رخصتكم وطلع
تحفتهم ام شمايل رغم الهم والحزن الي في اعيونها و بحزن "هلا ومرحبا يا ام تركي حياج الله كيفج عساج بخير و كيف الاهل من صوبج
ام تركي "الله يحيح ويبقيج يا ام ثاني والله من سمعت الي صار قلت لزم فتون تشوف اختها و توقف معاها الله يصبركم ويصبر قلب ابنيتنا
ام ثاني بحزن "تسلمين يا ام تركي ما تقصرين وصدقتي هي بنتكم مثل ما فتون بنتنا التفت على فتون كيفيج يمه عساج بخير
فتون وهي تحبها على راسها "بخير يومه دامكن بخير يومه شمايل كيفها ممكن اشوفها
ام ثاني وهي تأشر على غرفتها "هذي هي اهناك من يوم ما جينا وهي على هذا الحال قافله على نفسها روحيلها يومه يمكن تساعدينها
طقت على الباب "شمايل افتحي الباب انا فتون ....
افتحت الباب وشافت فتون و ارتمت بحضنها ودموعها الحبيسه اطلقتها في لحظه تصيح بحرقه قلب وبالم و غضب وهي تقول لها "ذبحني يا فتون ذبحني والسبب حقيره كل همها انها تاخذ الي مو من حقها اخ بموت مو حارق قلبي غير ضلمه لي وحبي الي ما يستاهله غفرتله كل شي وحاولت ابتدي معاه حياه جديده بس هو هدم كل شي في لحظه ضيع حبنا وضيعنا معاه اخ بموت بموت ...
وهي تحضنها و تسكر الباب عشان ام ثاني "بس والي يسلم قلبج بس وربي ما يستاهل ضفرج الخسيس كيف يصدق فيج كيف ربي لا يوفقه ارفعت راس شمايل وهي تشوف اثر الصفعه على وجها اضربج الحقير جعل يده القص
لكن شمايل بالم "لا تدعين عليه ما يجوز الله يسامحه بس الي قاهرني انه صدق كذبه وين قلبه حبه الي كان يقول عنه وينه وين حياتي معاه تدله على ان كل الي صار موائمره من وحده كلبه حقوده اخ فتون ان تعبت خلاص ما عاد فني استحمل
فتون "خلاص يا قلبي هدي وقوليلي كل شي من البدايه وانا اسمعج
\


\


\


\


\
علي قاعد في الوبي وفي راسه الف فكره بس خلاص لقها طلع جواله وضرب "الووووو ....هلا والله يا ابو محد كيفيك عساك بخير ....ههههه افا والله لا تشره يا رجال انا موجود في جده ....لا يا اخوي سامحني بس تدري انا مع الاهل ...تسلم يا اخوي ما تقصر اقول يا ابو محمد بغيت منك طلب اذا ما عليك امر ....تسلم ...ان بغيت تطلع لي رقم من هذا ومن راعيه وكل التفاصيل عنه المسئله فيها حياه او موت وانا اخوك ....اي في اسرع وقت ياريت انا راجع اليوم الدوحه و راجع بكره ياريت تكون عندي بكره تسلم والله ما تقصر وانا اخوك عارف ان مافي غيرك يساعدني ...خلها لين رجعت ماتقصر اي بينا تلفون وانا اخوك مشكوووووووووور ...
سكر عن رفيجه والله لجيبك يا كلب واخليك عبره وذابحك بيدي يا حقير يا لي تتعرض لعراض الناس وتهدم بيوتهم وحياتهم و الكلبه الثانيه لها نصيب بس اصبرو قام واقف وهو يشوف ابوه داخل جاي من برع راح المسجد يصلي ويهدي نفسه قعد احذا ولده وبصوته الهادي "ليش قاعد تحت وينك عن امك و اختك
علي ببرود هادي "الوالده عندها ضيوف!!!!!
ابوه مستغرب "من ؟؟؟؟؟؟
علي "نسايبنا بيت ابوتركي !!!
ابوه بهدوء "الله يحيهم والله فيهم الخير و بنتهم بعد
علي "اي يا الغالي البنت جات اوول ما سمعت من شمايل توقف معاها وتساندها كنها اختها والله فيها الخير ...شاف ابوه يحط يده على راسه وتبين على ملامحه الم علي خاف انه ابوه يصيرله شي قرب منه وهو يلمس يده بحنان ...الغالي عسى ما شر خلنا نروح فوق ترتاح لك شوي لين موعد الطياره ....قوم ابوه يوديه الغرفه ويقعد عنده لين وقت الطياره
\


\


\


\


\
فتون بقهر ودها بريف الكلبه عندها كانت قطعتها اخ لو تطولها بتذبحها وهي تمسح على راس شمايل الي غاطه ودموعها على خدها شكلها تعبان حيل امسحت على شعرها برقه وقامت بشوي شوي واطلعت برع حق امها وام شمايل الي ارفعت عينها لها وفيها تساؤل عن بنتها "خير يومه شمايل فيها شي يا بنتي
فتون اقعدت احذاها وهي تمسك يدها برقه وتربت عليها "لا تخافين يا الغاليه مافيها الا العافيه بس هي نايمه الحين خلوها ترتاح الله يصبركم يومه ويصبر شمايل
ام ثاني "الله يصبر قلب بنتي ويعينها يمه فتون لا تقطعينها تراها محتاجتج اكثر من قبل
فتون "افا يومه لا توصين حريص هذي اختي وفي اعيوني
ام تركي "اسمحيلنا يا ام ثاني ما نطول عليكم وتروحون بسلامه وتحملو على ارواحكم
ام ثاني وهي توصلهم لين الباب"حياج الله يا ام تركي وماقصرتو على وقفتكم معانا
ام تركي "احنا خوات يا ام ثاني واهل وربج ان شاء الله بيحلها من عنده يلا في امان الله و حفظه
\


\


\


\


\
اوصلو البيت البيت الي ضمها طفله صغيره خاليه من الهموم والي اطلعت منه مجبوره ومغصوبه وترجع له مكسوره ومجروحه ادخلت غرفتها وسكرت عليها الباب تبي تبعد عن العالم وعن الناس الي يزيد عليها انها اكتشفت انها اضعف من انها تواجه اي كان وحتى الي ضلمها كيف نسى كل شي اصعب شي انها ترجع بيت اهلها مكسوره وذليله ومتهومه في شرفها تسمع غضب اخونها ثاني وسلطان الي اشتعلت فيهم الكرامه لختهم اسهل شي انك تظن السوء في الطرف الثاني وتنسى كل الي عشته معاه وحبه وحناننه في لحظات
\


\


\


\


"يعني نسكت على الي صار وكن ولا شي استو وهذا الحقير كيف تجيه الجرائه ويتهمها
ابوهم بهدوء"الي سواه ولد عمكم شي طبيعي من اي رجال لا تنسون انتو اخونها وعارفينها ومربينها فطبيعي ما تصدقون في اختكم بس هو ان راح ولا جا غريب عنها وعن تربيتها وعقلها فالي صار رجال و فز لشرفه
علي يلتفت حق اخونه "من قالكم اني بسكت عن حق اختي والله والي خلقني وخلقجج لا اخلي الي تسبب في اذاها يتمنى امه ما جابته على وجه الارض
ثاني بستغراب "يعني وش بتسوي
علي بغضب " الي بسويه شي راجع لي وانتو لا تخافون كل شي بيكون مثل ما نبيه و اكثر
ابوه بحكمه"لا تتهور وتزيد السالفه بدال ما تحلها وخل عنك واتسرع
علي "لا توصي حريص يوبه اكيد بحط في بالي مصلحت اختي في المقام الاول
\


\


\


\


رجعتهم للرياض كانت كريهه والي زادها كره ان الحقيره ريف معاهم البنات كانو متأكدين انها هي ورا السالفه بس مصدومين انها وصلت لهذي الحقاره و دنائت النفس وصلوهم بيتهم وهم كملو طريقهم للبيت اما راكان فكان منفصل عنهم والبرود يغطي ملامحه والجمود في كل حركه من حركاته وهو ينزل الاشناط ورفع راسه لهم "انا راجع المستشفى عندي شغل....
كانو يشفون هروبه بحزن ادخلو البيت وكل واحد راح غرفته ....
فتون قاعده على فراشها وهي تنشف شعرها وعيونها متروسه دموع حرام الي صار لشمايل واخوها اشلون يفكر فيها كذا والي متأكده منه ان ريفو الكلب ورا كل شي علي اخ كلامه خوفني خايفه كل شي يضيع والسبه وحده حقيره بتهدم عيلتهم من الاساس اسمعت طق الباب"ادخل !!!!
ادخلت جنان و الحزن كاسيها "سوري ازعجتج من نومج
ريناد "اي نوم والي يرحم والديج من فينا راح يقدر ينام بعد الي صار ابوج الي علاقته بخوه بتتدمر ولا اخوج الي هد حياته بيده ولا اختج الي متزوجه من ثاني ولا انا وعلاقتي بعلي
جنان تطالع اختها بغضب "تدرين اكتشفت انج انسانه انانيه
ريناد بذهول "انا ليه تقولين كذا !!!!!!!!!!
جنان بغضب "لنج فكرتي في الكل وما فكرتي في المضلومه الي انظلمت من اخوج شمايل الي عرفنها وعشنا معها وعمرها ما تسوي الي ينزل من راسها او راس اهلها فكرتي باالكل وهي لا علاقتج بأخوها اهم منها هي صح
ريناد والادموع على وجها "هذي فكرتج عني بالعكس فكرت فيها هي المتضرره الوحيده اهني ورغم هذا شفتيها بعينج كانت اقوى الكل وما اسمحت له ابد انه يتهمها و تسكت عنه
جنان "اكيد بتكون قويه لنها صاحبت حق ولن اخوج انسان غبي صدق فيها شي موب موجود وانا وانتي نعرف ان هذا من وراء ينت خالتنا المصون الله لا يربحها
ريناد "وش الفايده حتى لو كنا عارفين ومتأكدين بس ما عندنا دليل
جنان"شمايل مو محتاجه دليل على اخلاقها ولا على تربيتها بس اخوج غبي وسفيهه
ريناد"جنان لا تنسين انه يضل اخونا
جنان بغضب"اخو عقله مركب غلط وقلبه ما دله على انها عمرها ما تسوي الي يهدم علاقتها فيه وحبها له اي حبها الي في اعيونها في كلامها عنه في حنيت قلبها عليه في صبرها على بروده وجموده بالحياه الي ردت في بيتنا بوجودها ورقتها ....انزلت ادموعها قهر لبنت عمها ضمتها ريناد وقامو ثنتينهم يبكون

\


\


\


\


"هههههههههههه الله لو تشوفهم اشكالهم تضحك والي موتني ضحك يوم قام يخنقها ساعتها بس ابردت حرت قلبي وطابت نفسي هههههههه انا الحين في منتهى السعاده ولك كل الي تطلبه وتبغاه
ناصر بسخريه شديده "اجل صدق وبشكل سريع افكارج جهنميه وتودي في داهيه زين ما ذبحها
ريف بدلع مايع "ياريت واكون بكذا تخلصت منهم اثنينهم وحده ماتت والثاني دخل السجن ههههههههههه
ناصر"المهم متى راح تجين وتنفذين الجزء الخاص بج من اتفاقنا
ريف "خلها بعد بكره يكون هدا الوضع شوي
ناصر "خلاص ناطرج يلا اخليج الحين ....
سكر عنها وداخله خوف اول مره يحس بخوف ما فكر ان كل هذا بيصير بس هو وش يدخله هي السبب مو هو لا ما فكرت في دعوه المضلوم الي ما يحجبها عن رب العباد حاجب و الي توصل لين سابع سما ما فكرت اني هديت حياه ناس مالهم اي ذنب وما فكرت الا في حقارتي ورغباتي على احساب غيري هز رراسه وهو ينفض هذي الافكار من راسه وشال جواله ومفاتيح سيارته وطلع من البيت وركب سيارته وحرك على الشقه الخاصه به
\


\


\


\


كانت يده ضاغطه بقوه على سكان السياره وده بالكلب ذه بيده عشان يذبحه كمل طريقه يشوفه وين بيروح لزم يصيده معاها بالجرم اكيد حقيره مثلها خاربه بيراقبه لين يجي الوقت المناسب الي يفضحهم فيه قدام الغبي ويعلمه دراس
\


\


\


\


maryam_el_abdallah likes this.

حياتي عذاب غير متواجد حالياً   رد مع اقتباس
قديم 12-12-08, 09:10 AM   #277

حياتي عذاب

كاتبة وناقدة في قسم قصص من وحي الأعضاء

 
الصورة الرمزية حياتي عذاب

? العضوٌ??? » 2119
?  التسِجيلٌ » Feb 2008
? مشَارَ?اتْي » 1,217
?  نُقآطِيْ » حياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond repute
افتراضي

"انت وش سويت يا رجال حد يسوي سواتك كيف تشك في حرمتك كيف تصدق
راكان بغضب "وهذا وش يكون كذب هذا اكبر دليل على خيانتها وتلفونها الي ما ضهر وما رضت تضهر ه هذا اكبر دليل على ان الكلام الي في الرساله صدق خلاص انا كرهتها والله لا يردها كل الحريم نفس الصنف
طلال بغضب من غباءه "راكان اسئلك سؤال وترد علي بصراحه
راكان "اسئل وش عندك ...
طلال"انت كيف تشوف المره في حياتك مجرد جسد يسد حاجاتك وبس وجودها يكون لخدمت رغباتك ولا روح تعيش وتسكن معاها تعرف حزنهاو المها انت لو تحبها بحق ما كنت صدقت عن الانسانه الي عاشت معاك و تنفس نفس النفس معاك خساره يا راكان طلعت انسان شخصيته اضعيفه واي كلمه ممكن تهزه
راكان برود "كلامك ما يغير من الواقع شي انها انسانه خاينه ....وسكت على صوت جواله طلعه واستغرب شلون هذا يتجراء ويتصل فيه بعد الي صار رفع الجوال "الوووو نعم خير وش بغيت ؟؟؟
علي بسخريه شديده وغضب اكبرمنه "الخير بوجهك يا لشيخ اذا ما عليك امر بغيتك في شي ضروري
راكان "خير وش هو؟؟
علي بصوت غاضب"لما تجي راح تعرف ولا انت خايف من الي راح تكتشفه وتكون خسرت كل شي !!!!!
راكا ن بعد تفكير وبعصبيه شديده "انا جاي ما سافت الطريق وين اي عرفته انا جاي
طلال يطالعه مستغرب "على وين رياح ؟؟؟؟؟
راكان "راجع
\


\


\


\


يتلفت يمين ويسار هذا ليه جايبه هنا في المجمع هذا وينه فيه فجئه حس باليد الي انحطت على كتفه اللتفت وشاف علي "انت ليه جايبني هنا خير وش بغيت
علي بهدوء "تعال معاي على سيارتي وانت بتعرف كل شي
اركبو سياره علي الي سافطه بعيد وضلت عين علي على باب المجمع ولا حادت يمين ولا يسار وراكان قاعد في مكانه محتار صار لهم اكثر من ساعه وراكان مل من القعده وهو مو عارف شي "علي قول الي عندك وخلصني انا وراي شغل
وفجئه علي اشر على رجال ومره يطلعون من المجمع "هذول هم ردي على سؤالك هذا هو الحقير الي بغيته والي قلت ان اختي خانتك معاه
راكان خلاص ضاعت اعلومه جا بيفتح باب السياره عشان يلحقه بس علي امسكه بقوه وشده على داخل وهو يحرك السياره "انت جنيت لا عادك ريض انت ما شفت الباقي السبب في كل الي يصير لك ولختي اصبر راح نلحقهم
بالفعل لحقوهم لحد مااوصلو الشقه الي يملكها ناصر حق مصايبه وهي بعيده شوي وقفت السياره احذا العماره ونزل منها هو و المره الي معاه وعلي وقف سيارته بعيد
التفت عليه وبصوته الهادي "امش معاي عشان تكتشف الحقيقيه بنفسك
انزلو وهم متوجهين على العماره اسفطت سياره احذ سياره ناصر ونزل منها الي خلا راكان يوقف وما يكمل طريقه مذهول علي طالعه "وش فيك ليه وقفت خلنا نكمل
راكان بخوف من الي يشوفه وخوف من الي راح يكتشفه "هذا نايف ولد خالتي
اهني بس علي حس بكبر المصيبه الي راح تصير سحب راكان من يده وهو يركظ عشان يوصلون قبل لا تطيح الفاس في الراس ..........

\


\


\


\


ناصر بخبث لها "يلا روحي جهزي نفسج رفيجي جاي وما ابي غير انج تونسينه مثل ما ونستيني
تطالعه بشمئزاز "لا تخاف انا خلاص ما عادت تفرق عندي انت ولا غيرك المهم متعتي
وراحت عنه داخل الغرفه وسكرت الباب ودخلت الحمام وانتو بكرامه تبدل اهدومها وتلبس قميص نوم قصير وشفاف يضهر كل مفاتنها واطلعت تتعدل قدام المنظره وشغلت المسجل على اغنيه وعلت الصوت و انسدحت على الفراش على بطنها وهي تقرا مجله تنطر ضيفه الي بيجي وهي تضحك بينها وبين نفسها المهم انه رجال ويئدي الغرض منه

\


\


\


\


ناصر وهو يفتح الباب حق نايف "هلا والله ما بغيت تجي يارجال
نايف وهو يسلم عليه "على طول جيت تدري عندي شغل كثير وصفقات مهمه ها وش الاخبار عندك
ناصر بسخريه "افا اكيد موجوده مثل ما قلتلك الاول انت وبعدين يجي دوري راح تحصلها مثل ما تشتهي و تبغي
وهو يسحب الكاس من على الطاوله ويشربها كلها مره وحده "طيب بس هات هذا اشربه عشان اتشجع
ناصر وهو يدفه "اخلص علينا ما ورانا اليوم بطوله بعد هي تبغي ترد بسرعه عشان اهلها خلصنا ...
قعد ناصر يشرب ونايف دخل الغرفه وسكر الباب بهدوء البنت ما اسمعت دخوله لن صوت الاغاني عالي كانت عينه تفصلها بشهوه مفاتنها الي يبرزها القميص القصير كل شي فيها شكله حلووووو ومتناسق قرب منها بشهوه كبيره والخمره العبت براسه قعد بهدوء مد يده على فخذها وهو يمسح عليه بنعومه حس بنتفاضتها واهني التفت عليه وقف الزمن في اعيون كل واحد فيهم رعب خوف اشمئزاز كره كانت ريف اخته مو مصدق عينه طالع في يده الي لمسها فيها بشهوه رجل لمره وهذي المره اطلعت اخته اطلعت منه صرخت غضب وهو يمسكها بقوه وشاف اللون يختفي من وجها شوي اشوي ما كان حاس انه كان يخنقها بيده الي دنست شرف الناس و الي عاثت في اعراض الناس وهذا هو اليوم الي جا فيه الي يعيث في شرفه ويدنسه الحياه سلف ودين كان يسمع حشرتج صوتها تحاول تفك يده عنها تحول تفلت منه بس لا ما تقدر خلاص قامت تشوف الموت قدامها كان يضغط على رقبتها وهي ترفس من تحت يده بس ماكن في امل انه يفكها لين تطلع الروح منها وفجئه اهمدت تحت يده ضل ضاغط لدرجه انه سمع تكه كسر رقبتها بس هذي الحظه استعاد نفسه ووعيه وخر عنها بقرف وضربها برجله وتفل عليها وهو طالع عشان يصفي احسابه مع الكلب الثاني ويذبحه بيده
ناصر كان يشرب مو منتبه للي صار داخل بس يسمع طق على الباب عالي وصراخ قام يبي يفتح الباب ما وعى الا بالي شده من اضهره وقطه على الارض وقام يضرب فيه ويسمع كلام مو فاهم منه شي والدنيا صارت اللوان في وجهه يحاول يتفادى الضربات الي تجيه بس مو قادر والخمره خلته اضعيف ما يقدر يدافع عن نفسه كان يخنقه وهو يحاول يفك يده عنه انكسر الباب وفي الي شالوه من عليه خلاص ما عاد فيه اغمى عليه من الضرب والضربه الي جاته على راسه
نايف يبغيهم يفكونه عشان يخلص عليه "هدوني ذابحه الكلب مثل ما ذبحتها اقولك هدني
علي وهو ماسك نايف بالقوه يمنعه ويكلم راكان المذهول "روح شوف الرجال تحرك وش صاير لك وبعدين شوف الي في الغرفه ....
راكان قرب من الرجال الي هو ساس البلى كله وراس المصايب كان في شي يدفعه يكمل الي بداه نايف بس شي امنعه افحصه لقاه عاد الروح فيه بس الضربه الي في راسه عادها تنزف لزم يطلبون الاسعاف قام متجه للغرفه وشي يخليه يعود خايف من الي بيكتشفه قرب ودخل وهو يشوف المره الي طايحه على الارض وجها مغطيه شعرها كان منظرها مقزز بلبسها الفاضح بس عرفها هي اي هي يا رب رحمتك حط يده يشوف نبض بس لا تراها فارقت الدنيا وراحت بشرها هي السبب صد عنها بشمئزاز وخذ غطا الافراش وسترها بس هي ما سترت نفسها وهذا جزاها واقل من جزها رحمتك يارب الفضيحه كبيره طلع من الغرفه وشاف علي يربط نايف بغترته عشان ما يتحرك والتفت عليه بهدوء "انا ضربت للشرطه والاسعاف الرجال بيروح فيها الحين عرفت كل شي عرفت من السبب
راكان ساكت ويسمعه "عساه يموت مثل هذي الحقيره الي افضحتنا بس هذا ما يغير من الي صار دليل برائتها هذا هو محذوف على الارض لين ينطق ساعتها بس بنعرف الحق
علي يطالعه بغضب "رايك ما يهمني انا حبيت ارويك الحقيقه اما انك تبغي تدور لنفسك العذر عشان تصدق نفسك وانها خانتك عشان ما تعترف بأنك خسرتها للئبد
راكان كان عارف ان كلام علي صح هو خسرها والحقيقه الي بتنكشف ما هيا الا رد اعتبار لها .......و خساره له


\


\


\


\


كانو ثلاثتهم في مركز الشرطه يحققون معاهم ساكتين ينطرون دورهم و السكوت بينهم حاد مثل السيف سمع على وراكان صوت نايف "بنت عمك بر يئه من كل الي صار
طالعوه اثنينهم مستغربين منه ....اي بنت عمك اطهر من على الارض والكلب هو الي مطرش الرساله لك بطلب من الكلبه الي ذبحتها والله لو ترد الروح فيها لذبحها الف مره وما راح يشفى غليلي منها كان شرطها الحقيره انها تدمر حياتك انت وهي انتقام لنك خذت غيرها والي خلاها توصل للي هي فيه اهمالنا لها ودلع امي فيها دمرها اكثر وانا وعقاب ربي على كل الي سويته ما حافظت على اعراض الناس وجا الي داس على عرضي وشرفي وهذا هو الثمن ذبحتها ولو يطاولوني نصور الكلب لذبحه بيدي هذي اذبحه
علي طالع راكان وبهدوء ساخر "سمعت بذنك يا محترم هذا هو الدليل الاكبر كلام اخوها
و الحين بس اقولك ما عندنا مره لك طرش ورقتها ...وخر عنه وعطاه اضهره وضلو ساكتين كل في عالمه ....

\


\


\


\


ابوه بغضب عارم من الفضيحه الي صارت وطيحت خالتهم في المستشفى بسبب موت بنتها ولدها المسجون "شفت كل هذا من تحت راسك قولي وش استفدنا من الي صار غير الفضايح وخسرت بنت عمك نتيجت غبائك والحين وش راح تسوي يا فطين
راكان بالم هو هد كل شي "بروحلها يوبه بروح لها واعتذر الي صار غصب عني وكانت مؤامره خسيسه ودنيه من انفوس مريضه
ابوه يطالع بحزن ومتأكد ان بنت اخوه ما راح ترد ولو على قطع ارقبتها "لا تعب نفسك اليوم عمك ضرب لي وقالي ان شمايل ما تبغي غير ورقتها وانك لو جيت راح تردك وهي ما تبغي لك المذله احسن لك تسوي الي يبغونه يكفي خلينا نحافظ علي العلاقه الباقيه بينا لا تنسى خواتك
لا هو نسى كل شي نسى حبها وحنانها يوم صدق فيها وهذا هو يدفع الثمن غالي

\


\


\


\
شريط ينعاد عليها وكنها تعيشه مره بعد مره عشان يثبت لها ان هذا الانسان عمره ما تغير ولا راح يتغير ذكريات اليمه ومره السنه بتمر عليها وهي عادها مثل ما هي تعيش ذكريات مره وتعيش الي يحبونها معها في هذي الدوامه لزم تطلع منها خطوتها الاولى لنسيان كانت طلبها من ابوها ان زواج اخوها علي يتم رغم كل الي هم فيه مع انها تشوف ان اخوها مو سعيد حتى ريناد يبدو ان اخوها مو قادر يعيش سعيد وهي التعاسه مخيمه على حياتها لزم تصلح هذا الوضع حياه الي تحبهم تهمها وسعادتهم بعد وش الفايده من
حبستها في غرفتها ما راح تنفعها ولا تطفي نار قلبها ومشاعرها وبعدين امها وابوها الي تشوف هذا المصيبه هدتهم وخلتهم حطام وهي تزيد عليهم بالي تسويه خلاص لزم تطلع وتعيش حياتها والي باعها برخيص بتراع تبيعه بدلت اهدومها والبست لبس حلووو وانزلت تحت عند امها وابوها شافتهم ساكتين بهدوء "السلام عليكم ....
ارفعو اعيونهم لبنتهم الي تبتسم لهم بحب ورقه قربت منهم واحضنتهم وباست راسهم ويدهم "صباحكم عسل على احلى كبل في الدنيا فديتكم يارب اي كذا انا نازله مخصوص ابغي من يد امنا الكريمه ذاك الفطور المعتبر وابغي معاه حليب حلوووووو بس ام ثاني تحط صبعها فيه ويصير عسل الا يومه وين الباقين ما اشوفهم
امها امسحت دمعتها تحس ببنتها رغم كل شي تضغط على روحها عشانهم ابتسمت بحنان وضمت بنتها لصدرها "ما طلبتي الحين يجيج احسن ريوق في الدنيا والحين ريناد واخوج بينزلون تبغين شي ثاني
شمايل بحب"لا فديت روحج ماابغي شي ...
اطلعت امها وعلى دخلت علي وريناد الي استغربو وجودها علي فرحته كانت كبير قرب منها وحضنها بحب "صباح الخير يا الغلا اي كذا ابغي شمايل ترد لنا ابغي اختي تعود
امسكت يده الي تحضنها ولمتها لها "صباحك نور يا الغلا التفت على ريناد وبحنان هلا والله بمرت الغالي تعالي قربي عندي ... اقعدت احذا شمايل الي ضغطت على يدها بالقوه وهي تكلمها بصوت واطي ...وش اخبارج ويا علي
ريناد بحزن "هذا هو جدامج شوفت عينج ما شي تغير ...اخ
شمايل بحنان وهي تشوف اخوها الي يقراء الجريده "لا تحطين في خاطرج والله لا رده علي الاولي بس اصبري شوي
ريناد بحزن "انا عاذرته في الي يصير بس لين متى بنضل على ذا الحال اذا مو قادر ينسى ونكمل طريقنا بدون حساسيات الاحسن ارد بيت هلي اكرم لي وله
شمايل بغضب "انتي خبله تضيعين زوجج منج عشان شي تافهه مثل هذا
ريناد "شي تافهه يا شمايل اخوج مو قادر يعيش سعيد وانتي تعيسه و السبب اخوي
شمايل بهدوء"الي صار بيني وبين اخوج شي يصير في كل مكان وكل زمان وبعدين هذا نصيب و انا و اخوج مالنا نصيب نستمر مع بعض انتو مالكم اي دخل
ريناد "علي كل ما قرب مني ينفر بلحظه والالقي عيوونه يملها الغضب و الم ويبعد وكل يوم عن يوم الجفا بينا يكبر و المسافه بعد تكبر ونصير اثنين غرب عايشين تحت سقف واحد بس بعاد بعد السما عن الارض
وهي تربت على يدها بحنان "ما عليج انتي تمسكي فيه وربج بيحلها من عنده
"وهذا احلى فطور حق الغاليه ...و امها تحطلها الفطور على الطاوله بمساعدت الخادمه ...يومه علي اليوم عندك سفر
علي وهو يرفع عينه حق امه "اي الغاليه عندي سفره طويله وبكره راد اذا الله راد
امه"تحمل على روحك ...اصب لك حليب
علي "تامرين ..اي اذا ما عليج امر الغاليه
وهي تأكل بهدوء ارفعت راسها لهم "انا قررت بعد اذنكم اني اوفق على المنصب في مركز البحوث ...وهي تطالع ابوها واخوها هذا بعد شوركم و موافقتكم
ابوها وهو يطالعها بعطف وحب "بنتي اذا هذا الشي بيسعدج ما عندي مانع اجل ليه خليناج تدرسين وتعلمين عشان تضيعين علمج وما تفيدين الناس به لج الي تبينه
وهي تطالع ابوها "الله يخليك لي وما يحرمني منكم علي ما عندك مانع اشتغل
علي "مثل ما قال ابوي بس انا ما ابيج غير تكونين مرتاحه
شمايل وهي تهز كتفها بعدم اهتمام "علي الشغل بيريحني وبعد بيملي وقتي وتفكيري وانا محتاجه هذي الفرصه اكتسب فيها خبرات جديده واعرف ناس جداد
قام علي وهو يلبس الكاب "شمايل انج تكونين سعيده وتعيشين حياتج بدون اهموم هي كل الي نطلبه ونتمناه وانا اخوج اخليكم الحين من رخصتكم
ريناد بحزن وبصوت واطي ما يسمعه غير شمايل الي احذاها "شفتي بعينج حتى كلمه مع السلامه لي ما يقولها اخ والله تعبت تعبت
شمايل تطلعها بهدوء "شي طبيعي الي يسويه وربي انه يموت فيج بس انتي هدي نفسج وكل شي بينحل ...التفتت حق امها ...يومه وش صار في تجهيزات عرس سلمان
امها "ام تركي تقول ما باقي شي غير سفرتكم انتي ورفيجتج الي متفقين عليها
شمايل "اي يومه بس من بيروح معانا ولا اقولج ما يحتاج بنخلي علي وست الحسن والجمال الي قاعده احذاي منها شهر عسل متأخر عن العرس السريع
امها" مثل ما تبون يلا انا رايحه لبوج تبون شي
شمايل وريناد "سلامتج يومه
فتون "على وين العزم ان شاء الله وكن اخوج بيرضى
شمايل "بيرضى اكيد اذا انا طلبت منه وبعدين فتون بكره ماشين باريس مدينه النور هي وامها و اخوها العود تركي ومرته يعني لزم احنا بكره او بعده بالكثير نكون اهناك ومنها تقدرون انتو تحلون الي بينكم
ريناد "احلى شي انج رديتي شمايل الي نعرفها بحيويتها وفرحها
شمايل بحزن "لا يغرج ان ضحكت او فرحت ترها ضحكه ذابله وفرحه ميته و البركه في اخوج انا ما اقول هذا عشان تحسين بالذنب لا انا اقولها عشان تعرفين مبلغ الالم الي انا عايشه فيه بس انا احول ارد عشان الي احبهم عشاني اشوف عذابي في اعيونهم وعشان نفسي الي ما ارضى عليها تضل ذليله ومكسوره
ريناد "شمايل اخوي عرف غلطه ليه ماتسامحينه عشانج وعشانه انتي تحبينه
شمايل طالعتها بغضب "اسامحه مستحيل تعرفين ليش لن بينا شك والحياه الي تنبني على شك عمرها ما تستمر كيف ارضها على نفسي اعيش مع انسان ظن فيني السوء كيف تكون حياتنا وهو من كلمه يمكن يهدم حياتنا كيف انا اشوفه الانسان الي يحميني ويحبني وما يرضى علي الكلمه وهو شك فيني وفي شرفي لا يا ريناد الي مثل هذا الريال لا يمكن اعيش معاه ولا يمكن امنه على نفسي وحياتي حتى لوكنت احبه وبغضب اكبر ملعون ابو الحب الي يذل صاحبه ويكسره
\


\


\


\


حياتي عذاب غير متواجد حالياً   رد مع اقتباس
قديم 12-12-08, 09:12 AM   #278

حياتي عذاب

كاتبة وناقدة في قسم قصص من وحي الأعضاء

 
الصورة الرمزية حياتي عذاب

? العضوٌ??? » 2119
?  التسِجيلٌ » Feb 2008
? مشَارَ?اتْي » 1,217
?  نُقآطِيْ » حياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond repute
افتراضي

"يومه ليه ما تخليني اقول لبدر عن طلاق شمايل يومه اخوي يحبها ويبغيها وهذا وقته انه يتحرك
ام تركي "اصبري شوي البنت عادها في حال يعلم بها ربنا وان درا ما راح نستفيد شي يمكن ترفضه ويتأذى اخوج ليش نستبق الاحداث كل شي في وقته انا اول شي بكلم امها وهي بطريقتها بتعلم بنتها هم متى بيوصلون اهني
فتون "طيارتهم اليوم الصبح بيوصلون في الييل ....
ام تركي "ومن بيجيبهم ....
فتون بحياء "هي بتجي مع سلمان وخالته ....
امها بضحكه "قولي كذا اجل عشان كذي الوجه منور اليوم ......
فتون بحياء "يومه ...........
\


\


\


\
ثنتينهم قاعدين احذا بعض ورينا د بالم "شفتي ما رضى وتحجج بالشغل من تزوجنا وهو يا خذ الرحلات الطويله عشان يبعد عني واخرتها وش راح نوصل له ما صار هذا زواج
شمايل وهي تصك مصحفها وتشوف سلمان الراقد احذا امها على الكرسي الي احذاهم "ما ادري وش اقولج بس هو صج قام يبالغ يعني الي يسويه ما يرضي حد وانتو الي خسرانين بطريقته هذي يخسرج عشان وشو انا بخير وحياتي ما شيه وش مشكلته
ريناد "مشكلته انا اخت الانسان الي ذل اخته وكسرها في نظره وتراج ما تخدعينه يعرفج من اعيونج يعرف وش الحزن الي انتي عايشه فيه
صدت عنها وهي في راسها كيف تحل مشكله اخوها الي هي السبب غير المباشرفيها اسمعت الطيار يطلب ربط الاحزمه
\


\


\


\
رفضها حتى الكلام معاه يذبحه وتصميمها على الطلاق رغم كل الحب كمل عليه هو الغلطان صح بس ليه ما يشفع له حبها له ليه وين هذا الحب الي بينهم يردهم مثل قبل يحق لها كيف ششك فيها كيف صدق اخ حياته صارت باردهوخاليه ارجعت مثل قبل مافيها الدفا ووالحب الي كانو بوجودها في حياته خسرها وعمرها ما راح ترد له ابد خلاص قرر انه يوافق على بعثت الزماله وبكذا يطوي صفحت زواج فاشل
\


\


\


\
"وش قلتي يا ام ثاني ؟؟؟
ام ثاني فرحانه فرحه كبيره ودها بنتها تعيش حياتها وتلاقي الانسان الي يقدرها ويبغيها وما يفرط فيها "والله يا ام تركي هذي الساعه المباركه بس تدرين الشور شور ابوها واخوانها اما انا ما عندي مانع ولدج رجال و النعم فيه ويكفي انج امه
ام تركي "تسلمين يا ام ثاني والله انا الي ما تسعني الدنيا فرحه ودي بشمايل زوجه لولدي الي مثل بنتج اي ام ودها بها لولدها
ام ثاني "والله هذا من طيب اصلج ياام تركي وبنتي بيكون لها الشرف لخذت ولدكم
\


\


\


\
وهم يتمشون في الشانزليزيه والبنات وراء يمشون وسلمان راز نفسه قدامهم يمشي ومسوي فيها الاخ ثقيل البنات يضحكون شمايل"شوفيه ولا معطينا وجه مع انه ميت متشفق يشوف خفسه هانم الي احذاي
دزتها فتون بقوه "قصري حسج تراه يسمعنا فضحتينا في الرجال
شمايل "الا على الطاري وين اخوج المحترم و حرمه ما شفناهم من طبينا
فتون بغضب "اسحبته معاها وهذي هي من سوق لين سوق حتى وجهه ما شفناه من طيبينا ولا كنه نحن هله ولزم يشوف وش طلباتنا الله يذكر اخوي بدر بالخير فديت روحه ما يرتاح الا اذا كنا مرتاحين
ما تدري ليه طاري اسمه يخلي الخوف يهزها صدت تشوف ريناد الي في مكان ثاني مع الريل الي شاغل فكرها وقلبها هذي بعد مصيبتها تبيلها حل "يلا عجلو ورانا الف مكان والوقت عندنا قصير وانا ابغي ادور لي فستان حلوووووووو
\


\


\


\
ام ثاني وهي تشوف رجلها برجاء "ليه ما اقولها الحين مو احسن تعرف قبل عرس سلمان
ابوثاني "لا تستعجلين يا مره بنتج لين الحين عادها ما طابت من الي صار لها وتبينها تدخل في تجربه جديده هدي عليها شوي
ام ثاني بحزن "يا سلمان البنت لين متى بتضل كذا الي صار انتهى ومن حقنا عليها ان احنا نشوفها سعيده مع الي بيحميها ويحبها ويصونها ونشوف اعيالها ما طلبنا الكثير
ابوثاني "خليها بعد عرس سلمان ...
ام ثاني "مثل ما بغيت بعد عرس سلمان بعد عرسه ما باقي شي
\


\


\


\
تساعدها في الطرحه وترتب شكلها شمايل تطالعها بحنان "تجننين يا بخت سلمانوه صج ذوقي لا يعلى عليه شفتي اشلون الطرحه روعه كل ما كانت ناعمه طلعتي انتي اجمل
فتون بحب "صدقتي وانتي بعد عيني عليج بارده تجننين شكلج انتي العروس مو انا
شمايل وهي تشوف نفسها كانت لبسه فستان شيفون اخضر زمردي مخصر على جسمها وفي الصدر دنتيل اسود وبدون ذرعات مطلعها فتنه وخاصه الميكب الدخاني مطلعها روعه وشعرها الي خلته على طوله بس سوته من تحت كيرلي طلعت تحفه وتشد كل الانظار لها التفت على فتون بستغراب وهي تشوف ملامح الحزن في اعيونها "خير وش فيج ليه تبكين الحين بتخربين مكياجج
فتون "اخوي يا شمايل معقول اليوم يكون عرسي و اخوي ما يكون حاظر فرحتي ناقصه يا شمايل ناقصه بدونه
تحضنها بحب "فتون انتي تعرفين كيف ضروف الي يدرس برع الله يعينه غربه غير هذا ناس ما تراعي ضروفه يكفي انج سمعتي صوته يبارك لج هذا يكفي تمنيله انه الله يوفقه ويرزقه و يسمح دربه يلا انتي بس خليج في نفسج عشان الحين بتجي امج وقت نزولج الصاله
فتون "امين يارب ويعطي اخوي الي في خاطرخه ويتمناه وهي تشوف شمايل الي صاده تجيب لها المسكه
\


\


\


\
مستعجل وهو يركب المصعد ويعدل الكبك توه جاي من البيت اول من نزل من الطياره على الحلاق على طول وبعدها على البيت ياخذ دوش ويبدل معقول مايجي عرس اخته يكفي انه ما حضر ملكتها والله كان بيخلي كل شي كرمى لعيونها بس الحمدالله عطوه اجازه يومين وهذا هو يسويها مفاجئه شاف امه واقفه برع تساعد في الاغراض عشان دخلت اخته قرب منها وبصوته الحنون "مبروك ما تممتو يا الغاليه وان شاء الله تشوفين اعيالها
ما صدقت اعيونها بدر ولدها قدام اعيونها بهيبته وطوله وهو يحضنها ويمسح بكفه العريض ادموعها "افا يا الغاليه هذا مو وقت بكى اليوم عرس بنتج يعني اليوم فرحه
ام تركي "من فرحتي فيك يا الغالي الحين بس فرحت اختك اكتملت
بدر "دوم يارب فيني اشوفها
ام تركي "لحظه يا ولدي خليني اشوفلك الطريق
ادخلت على البنات وشافت شمايل الي ماسكه مسكه الورد ابتسمت ام تركي بحنان "يومه شمايل فيج تذر ين عشان في ضيف حق فتون
شمايل وهي تاخذ عباتها وتغطى وتذرى في البرافن الي حق تغير الاثياب عشان محد يشوفها تغطت عدل وضلت واقفه
ام تركي بحنان "تعال يا ولدي سلم على اختك
اسمعت شمايل صوت شهقه من فتون لكن الي خلاها تحجر في مكانها هو صوته وتسمع صوت خفقات قلبها عاليه وتحس بخوف والي كان مجرد اسم صار حقيقه تسمع صوته لحم ودم حست بنفضه بجسمها وامسكت صدرها بخوف
فتون "بدر اخوي انا ماني مصدقه والله كنت بموت والسبه عدم وجودك يا اخوي فرحتي كانت ناقصه
هو يحضنها برقه "بعد انتي الحين ليه البكا هذني جدامج
فتون وهي تدزه من كتفه "بايخ لو مما جيت كان ذبحتك بيدي هذي من راح يزفني غيرك اخوي
بدر بضحكه "ههههه زين ذكرتيني انج عروس من يصدق
امهم ادخلت عليهم "يلا يومه اطلع انطر فتون برع عشان شمايل تطلع
اصدمه اسمها فتون حست بيد اخوها الي تصلبت واشتدت على كتفها بدر بصوت هادي ما بين الاعصار الي يعصف بداخله "ان شاء الله يا الغاليه لحقج و التفت على فتون وبصوت واطي اسمعته شمايل ...كيفها ان شاء الله تكون بخير وسعيده
فتون ما حبت تقول له اي شي "هي بخير يا اخوي بخير
بدربحزن مخلوط بفرحه لها شافت شمايل هذي الفرحه لها لنه يبغيها سعيده هذا الانسان مستغربه منه يفكر فيها هي وسعادتها وهو ما همه نفسه ابتسمت بهدوء
بدر برقه "دوم يارب يلا انا بطلع عشان البنت تقدر تطلع وناطرج برع
طلع بدر واطلعت شمايل من مكانها عطت فتون المسكه بدون ما تنطق ولا كلمه
فتون بهدوء خايفه تكون شمايل اسمعت "شمايل فيج شي ؟؟
شمايل وهي تغطي نفسها عدل عشان بتطلع للصاله وعشان يدخل بدر "ما فيني الا العافيه انا بنطرج تحت تبغين شي قبل لا اطلع
فتون"لا يا الغاليه تسلمين اشوفج تحت
شمايل "خلاص يلا من رخصتج ....
اطلعت من المكان شافته واقف مع ام تركي اول ما شافها شافت لمعه اعيونه صد عنها وعطاها ضهره ام تركي يوم شافته صد التفت على شمايل وبصوتها الحنون "يومه شمايل تبغين حد يروح معج
شمايل برقه "لا يومه ما يحتاج فديت روحج انا نازله بروحي الوالده ناطرتني تامرين على شي
ام تركي "لا فديت قلبج احنا لحقينكم الله يبارك فيج ويرزقج يارب
شمايل بحنان "امين يارب في حياتج الغاليه يلا من رخصتكم ومبروك عليكم يمه الفال لبدر
ام تركي بضحكه "امين يارب قريب قريب ان شاء الله
استئذنت منها وكملت طريقها على الصاله اما بدر التفت على امه وخاصه بعد كلمتها قريب هذا خلته يشك انها مسويه شي من وراه "يومه انا كم مره قلتلكم الزواج شلته من راسي وما افكر فيه
امه بضحكه "بس اذا انت عرفت من العروس
بدر وهو يهز كتفه بعدم اهتمام "يومه ما تهمني اي مره الي بغيتها صارت من نصيب غيري ومالي خاطر بغيرها عشان كذا اقولج انسي
امه بهدوء "واذا قلتلك اني خطبت لك الي في خاطرك ونفسك فيها
بدر بذهول من تقصد امه البنت ومتزوجه لا يكون سوتها واخطبت له وحده من بنات عمه لا والله مال اي مره مكان في قلبه بعدها "يومه اذا خطبتي من غير شوري ليه وش شايفتني يمه قلتلج ما ابي اي مره ولا لي خاطر فيهم
امه بهدوء اكثر "بس انا خطبت لك الي تحبها وتبغاها خطبت لك بنت سلمان
اعيونه اطلعت من محاجرها مو فاهم شي ولا مستوعب"يومه ارحميني وفهميني من تقصدين الله يخليج
امه بحنان وهي تسحبه على داخل "لين خلص عرس اختك لنا قعده وتعرف فيها وش اقصد ومن ؟؟؟
\


\


\


\
واقفه احذا امها ومغطيه نفسها على دخلت فتون وبدر الي يده بيدها يوصلها لين الكوشه ويحبها على راسها ويحب امه يوكمل طريقه عشان يلحق على حفل الارجال ويوقف مع ابوه كانت تراقب الاعيون الي انشدت له وتسمع غمز البنات وكلامهم ما اهتمت ابتعدت اشوي عشان ما يشوفها بس كانت حاسه بعينه وكنه عارف انها هي اهني مع خروجه اهني بس ارفعت عنها عباتها وشالتها وراحت تركب الكوشه حق فتون الي تأشر لها انها تجي العيون انشدت لها ولجمالها الصارخ كانت فتنه للنظر الحريم كلهم قامو يسئلون عنها من هي ومن بنته اما امها فكانت خايفه عليها من اعيونهم كانت تقراء على بنتها المعوذات في خاطرها والتفت على نجديه "انا خايفه يطقون بنتي بعين ما تسمعين كلامهم
نجديه "يومه يحق لها اليوم شمايل ما شاء الله عليها كنها عروس
ام ثاني بصوت واطي "قريب بتصير عروس وربي بيحقق لي الي بغيته
نجديه مستغربه من كلامها وحز في خاطرها بس هذا النصيب وهذا سوايا اخوها وعليه يحصد ما زرعته يده اذا راحت لرجال غيره
كانت ليله ولا في الاحلام وكانت سعادت شمايل بزواج فتون من ولد اخوها اكبر فرحه
\


\


\


\
"يومه كيف يصدق فيها هذا رجال غبي والله لو اطوله اذبحه كانت بيده جوهره ضيعها بغباءه
كانت تشوف فزته لها و ملامح الغضب الي على وجهه وحبه الكبير لها والي ما قدر يخفيه
بدر بحزن ...عشان كذا كنت حاس صوتها كله حزن الحين بس عرفت السبب
امه بهدوء "ولدي البنت صارت حره وفيك تزوجها صارت حره يا ولدي
بدر برفض "لا يومه البنت مو في حاله زواج ثاني وتجربه ثانيه يومه شمايل ان كانت قويه جدام الناس بس هي اضعف من داخلها
امه "شوف يا بدر انا طلبتها اذا ارفضت يكون هذا اخر شي وتنسى البنت وتذكر نفسك فهمت ياولدي واذا وافقت خير وبركه
بدر وهو يقوم عنها رايح غرفته "انا رايح ارتاح وافكر تامرين على شي تراني باكر راد
امه "روح ارتاح وربك بيحلها من عنده
\


\


\


\
اليوم سافرو المعاريس يقضون شهر العسل توها قايمه من النوم وتبي ريوق انزلت تحت شافت اصاله خاليه من ردتهم من الرياض و هي حاسه في سالفه بين ابوها وامها
اقعدت تقراء في الجريده وتصب لها حليب الا على دخلت امها "صباحج عسل يا احلى ام ...حبت امها وضمتها لها...اجل المعاريس طارو من صباح ربي حشى عليهم ما بغو الهجه
امها وهي تسحبها وتقعدها احذها "شمايل يومه بغيتج في سالفه مهمه
شمايل برهبه وخوف من كلام امها "الحين يومه ما تخلينها بعدين تدرين وراي دوام
امها بهدوء "اي الحين وما راح اخذ من وقتج شي ...شمايل في ناس اطلبوج وانا و ابوج موافقين وش رايج
بصرخه عاليه "حرام عليكم ...حرام عليكم الي تسوووونه فيني ليه حرام انا بنتكم ليه احس اني شي تبيعون وتشترون فيه كفايه كفايه خلاص يومه يكفي يكفي عذاب ليه احسكم تستعذبون عذابي ليه انا مو موافقه وما راح اسمح لكم تدمروني للمره الثانيه يكفي انكم جبرتوني مره وشفتي الي انا فيه يومه انا ميته فاهمه يعني وش ميته وان كنت اتنفس
خلتها تقول كل الي عندها وارفعت عينها لها "بعد العمر هذا و التربيه ترفعين صوتج علي يا بنت سلمان يكون في علمج احنا اكثر الناس خوف عليج كيف نبي عذابج وتجربتج هذا تصير مو معنها نسكر قلوبنا واعقولنا وندفن نفسنا واحد ما يستاهلج احذفيه من حياتج و اشتري الي يبغيج شاريج شوفي لا انتي بنتي ولا راح يطق لساني السانج الا لما تعرفين غلطج فاهمه يا بنت بطني ...وقامت عنها وخلتها مذهوله حتى ما قالت لها من الي طلبها اطلعت غرفتها تبدل اهدومها وراها دوام وفي راسها دوامه معقول امها تعاقبها عشان رفضها بس مستحيل ماعاد في قلبها القدره ولا الاستطاعه انها تعيش جرح جديد..........
وعلى الغداء كانت امها ساكته ما تكلمها وحتى مو معبرتها ما صارت هذي عقاب امها السكوت هذا يعذبها شمايل بغضب "يومه الله يخليج حرام الي تسوينه فيني ليه ما تبغين تردين علي يوبه ارجوك فهمها اني ما اقدر يكفيني الي صار فيني
ابوها كان ساكت بهدوء "شمايل يا بنتي انا ما ابي اغصبج على شي بس احب اقولج ان الي اخطبج ما ينرد ومو معنى ان ما صار بينج وبين ولد عمج انكم تكملون انج تلغين من حياتج وجود الانسان الي يكملج يا بنتي وبعدين اذا انا و امج اليوم موجودين بكره ربج بياخذ امانته واحنا نبي نشوفج في بيت رجلج ونشوف اعيالج ...كانت تشوف علي الي قاعد ساكت وريناد الي مثله شافته قام تبي منه المساعده بس هو طلع غرفته وريناد الي اطلعت على الصاله شافت امها ترفع راسها لها "قبل ما تحسمين امرج فكري في اخوج الي عايش تعيس عشانج مو قادر ينسى ان اخوها سبب تعاستج كيف يعيش بفرح وانتي تهدمين حياتج والحزن يغطيج فكري فينه مره بدون ماتفكرين في نفسج بس ...قامت رايحه عنهم ....شمايل تفكر بكلام امها في كلامها اشياء كثيره صح واهمها علي اخوها الي ما رضى لها الضيم كيف ما فكرت فيه خلاص
قررت تحسم كل شي ما يصير يعذب نفسه ويعذب المسكينه معاه راحت له غرفته طقت الباب اسمعته "ادخل ....شاف اخته داخله عليه ...هلا وغلا حياج
اقعدت احذاه وبهدوء "علي لين متى يا اخوي تعذب نفسك وتعذبها معاك البنت مالها ذنب في الي صار والي بيني وبين ولد عمك نصيب وانتهى
علي ساكت يسمعها معقلو يكون مفضوح "لهذي الدرجه مفضوح هي اشتكت لج
شمايل بغضب "هي ما اشتكت بس الاعمى يشوف حرام يا اخوي علي اذا ما تبغيها ردها بيت اهلها اكرم لك ولها
علي وهو يفز بغضب "انتي وش تقولين جنيتي كيف ما احبها احبها واموت عليها بس في حاجز بينا تعاستج تخليني انفر منها كيف اعيش سعيد وانتي اختي تعيسه و السبب اخوها كيف
شمايل بأبتسامه حب "اخوي من قال اني تعيسه انا بوجودكم جنبي في قمه السعاده وبعدين في عروس تكون تعيسه
علي بفرحه "صدق يعني وافقتي يعني مسحتيه من حياتج ما عاد له وجود
وهي تمسح على راسه بحب صادقه امها سعاده اخوها هي اهم شي عندها "قبولي يا اخوي معناته اني نسيت وابغي اعيش حياتي بهدوء
علي بفرحه "يا حظه بدر فيج الله يوفقكم يلا انا بروح ابلغ الوالده و الوالد انج وافقتي
هو مستحيل ليه يارب خوفها كان له سبب والحين اعرفت السبب اعرفت ان في الي يحبها لنفسها لروحها صبر وهذا ربنا كتبها من نصيبه هزت راسها بستغراب وش الفايده ليه تحارب المكتوب هذي هي خذت الي حبته وش جاها منه غير الالم وليه ترفض فرصت انها تعيش بسعاده ........
\


\


\


\
بدر مو مصدق الي يسمعه ويحس قلبه بيطلع من صدره بيروح لها اللي هواها الي عشقها بدون امل الي تمناها حبيبه وشريكه "فتون احلفي انا ماني مصدق الي اسمعه وربي مو مصدق قلبي بيطلع من مكانه معقول يا فتون تصير حلالي لي
فتون بحنان "اي يا اخوي اي بس هي عندنا كم شرط
بدر بسعاده "لها كل الي تطلبه وتمناه بس هي تأمر امر
فتون "انت اسمع يمكن انت ما توافق
بدر "لا يا فتون لو تبي روحي ما ابخل بها يكفيني ان الله سبحانه كتبها من نصيبي
فتون "بدر شمايل رافضه انه نسوي عرس ورافضه انها تلبس ثوب عروس وتقول حفله بسيطه بين اهلنا وخلاص
بدر ضل ساكت يفكر يمكن هي وافقت بس عادها مجروحه ويمكن ضاغطين عليها ليكون هو ما يبي ان زواجهم ينبني على غصب مثل زواجها الاولي
بدر"فتون شمايل موافقه ولا بس اهلها اذا كذا انا الي ارفض ما ابغيها تعذب بعد زود وبعدين ما دمها ما تبي عرس وفستان عرس انا ما عندي مانع بس تكون امي موافقه
فتون "بدر شمايل هي الي موافقه عليك وانت اختيارها وامي تقول الي يريحكم يريحها اذا فيها يا اخوي سعادتك
بدر "اجل خلاص قولي لهم ان اخر الشهر ذي بتكون الملكه و الشوفه ابغي اشوفها مشتاق لها يافتون وقولي لها ما راح اتنازل عن حقي في اني اشوفها
فتون "ههههههههه الله يعينك يا اخوي شكللك ما راح تنام لين يوم الملكه و الشوفه ههههههه يلا اخليك رجلي جاء
بدر "سلميلي عليه واشوفكم قريب
حضنها من وراها وحبها على خدها "هذا بدر الي تكلمينه وش اخباره الاخو بعد ما جاه القرار بالموافقه
ابتسمت فتون وهي تلم يده لها "هلا حبيبي اي هذا بدر فرحته تخليني في قمه السعاده والي يزيد سعادتي انه بياخذ رفيجتي والغاليه على قلبي
سلمان "كلنا فرحنين لعمتي يكفيها الي صار لها وربي عوضها وبدر ما في احسن منه
فتون بدلع "سوسو حبيبي تغديت ...
سلمان وه يطالعها بمكر "اذا انتي الغداء انا ما عندي مانع
فتون هي تدزه "سلمان جوز خلني اروح احط لك الغداء
\


\


\


\


حياتي عذاب غير متواجد حالياً   رد مع اقتباس
قديم 12-12-08, 09:13 AM   #279

حياتي عذاب

كاتبة وناقدة في قسم قصص من وحي الأعضاء

 
الصورة الرمزية حياتي عذاب

? العضوٌ??? » 2119
?  التسِجيلٌ » Feb 2008
? مشَارَ?اتْي » 1,217
?  نُقآطِيْ » حياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond reputeحياتي عذاب has a reputation beyond repute
افتراضي

فتون تشوف شمايل وجمالها لبسه فستان كريمي وفيه شك ناعم ذهبي وشعرها خلته مفتوح ومكياجها كان ناعم وخفيف زادها جمال كانت تشوف انفضت يدها وهي توقع في الدفتر الي ماسكه لها اخوها ثاني وعلي وسلطان الي ينطرون يباركون لها بس رغم الفرحه الي في قلوب الجميع لها الا ان الحزن يقطع قلب نجديه وريناد لن اخوهم خسر انسانه لو دار الكون كله ما يحصل مثلها ثاني بحنان وهو يضمها له ويحبها على جبينها "مبروووووووك يا الغلا ربي وفقج بريال ما في مثله الله يهنيج يارب
علي وسلطان يحضنونها بحب "مبروووك يا الغاليه ربي يوفقكم ويسعدكم يارب
علي "يلا رجلج تحت يبغي يشوفج ...التفت على البنات نزلوها تحت المعرس بيشوفها
وراحو اخوانها طالعت البنات الي ساكتين وخاصه ريناد ونجديه الي جو عشان يباركون لها
نجديه تحضنها "مبرووووك يا الغاليه بدر محظوظ فيج الله يوفقكم
ريناد بحب "شمايل انتي تستاهلين كل الحب وهذا ربي عطاج فرصه ثانيه للحب وانسي الماضي لنه ما يستاهل حتى ولو كان اخوي يا الغاليه
فتون وهي تلمهم ثنتينهم "يكفي صياح تراج تخرعين الحين اخوي بيهج حتى قبل لا يجوفج يلا خلينا ننزل
انزلت تحت في الصاله امها و ام تركي كانو ينطرونها امها احضنتها بحنان وحب وفرحه ام كل همها في الكون فرحه اعيالها "ربي يرضى عليج مثل ما رضيتي قلبي وطمنتيني عليج وبدر بيكون لج الرجل و الاخو الحبيب وكل الي تتمنينه
حست بحضن امها امانها خايفه خايفه من القرار الي هي خذته وتعيش فيه انزلت دمعتها خوف ورفض بس خلاص لزم تفكر فيهم يكفي عذابهم معاها يكفي
ام تركي "مبرووووك يا بنتي الحمدالله الي طول في عمري واشوفج مرت ولدي
شمايل وهي تحبها وتبوسها على راسها "الله يبارك في عمرج ويخليج يارب
امها بحنان وهي تاخذها من يدها على المجلس وياها ام تركي وفتون
\


\


\


\
كان ناطر دخلتها عليه على نار واعصابه فايره مشتاق والشوق ذابحه صارت زوجته حلاله ما عاد في الي يمنعه من حبها ولا من شوفها صارت له سمع صوت امه وفتون
رفع راسه شافها حلمه قلبه روحه عينه ما فارقتها وهي تمشي وسطتهم ورده تزهي نورها وررقتها تسبقها ونعومتها تسحره حتى وهي مرتبكه ومنزله راسها وحياها الي يذبحه معقول هي قدامه ضل ساكت وعينه معلقه فيه جاتهم الضحكه يكلمونه وهو خبر خير ام تركي "يومه بدر مبروووك يا ولدي عمتك تكلمك
فتون "بدر امي تكلمك ...
وعى من فرحته الي نسته كل شي والتفت عليهم وهو يسلم على امه وام ثاني الي يباركون له و اخته اقعدت بعيد عنه بس عينها ما فارقت امها حاسه انها تبغي تشرد
امه "يلا يا ولدي بنخليكم اذا بغيتو شي سو حق اختك
اطلعو عنهم شافها وهي بعيده والاحراج والحياء مخليها منزله راسها ما حست شمايل الابالي راكع جنبها ومسك يدها ارفعت عينها ذهول وخوف وحياء بدر ضلت عينه في اعيونها الي تمناها اعيون عشقها اعيون اسحرته و بصوته الهادي "احبج والي خلق هذا الكون احبج عارف ان هذا مو وقته بس حبيت تسمعين مني حقيقيت مشاعري انا ما اطلب منج الي ما تقدرين تعطيني اياه بس راح انتظر عمري كله واسمعها منج وبحاول اسعدج بكل الي اقدر عليه وما راح اسمح لئي كان يجرحج او حتى يذلج وراسي يشم الهو يكفيني انج موجوده في حياتي وهذا كل الي ابيه ابيج تنسين الماضي وتفتحين للمستقبل قلبج وتعطين نفسج فرصه وتعطيني فرصه اثبت لج حبي يا ترى طلبت الكثير
كلامه فجر بداخلها احزان كانت خاشتها حسته عرفها وعرف كل شي فيها يارب معقول يكون حبه لها بهذا الشكل حب ما فيه انانيه حبه لها يحسسها بالامان انزلت ادموعها وانفجرت في البكاء حضنها بدر لصدره حضن عمره وحياته حضن منتهى احلامه حضن عشقه سمع صوتها المخنوق في صدره "بدر في اشياء لزم تعرفها قبل لا نبتدي حياتنا
بدر وهو يبعدها بهدوء ويمسح ادموعها ويرفع راسها عشان يشوفها زاد في احتظانها عشان ما تبعد عنه"الي ابغي اسمعه هو كلمه مبروك غيرها ما ابغي
اسحبت نفسها من بين يده و هي تمسح ادموعها "لزم تسمع ارجوك تسمعني خليني اقص عليك كل شي وانت احكم
بدر"شمايل اسمعج قولي .....
\


\


\


\
تشوف الصور رجعتها بيت اهلها هذي المره كانت غير راجعه بنتهم ضيفه يارب سبحانك ما تصدق ان لها سنه وزود من يوم الملجه حياتها كانت منتهى السعاده وبدر صار لها الزوج و الحبيب ذهوله كان كبير لما اكتشف انها عادها بنت وان راكان ما لمسها
تشوف اللبوم ذكريات كانت تعيسه بس احيان كثير من تعاستنا تنبع سعاده جديده وحياه جديده ابتسمت وهي تشوف ولدها الاصغير وسمعت طق على الباب "تفضل
ادخلت عليها امها ومعاها الخادمه "يومه شمايل رجلج تحت ناطركم ...قربت من بنتها واقعدت احذها وهي تشوف اليوم الصور ...بنتي
بس قبل لا تتكلم امها مدت عليها الصور وبهدوء ورقه "احرقيها يومه هذه ما عادت لها مكان في حياتي وراحت صوب ولدها الاصغير وشالته واحضنته لصدرها وهي تشوف فيه ابوه تشوف فيه الامل تشوف فيه العوض الي سبحانه من عليها به ...
امها بحب "اجل انزلي كلهم ناطرينج وهذي خلاص فصل و انتهى من حياتج كل الي طلبته من ربي رجلج مثل رجلج يحبج ويحطج في اعيونه
ابتسمت وهي تمشي احذا امها "صدقتي يومه ربي سبحانه عطاني نعمه بدر ولدي وهذا يكفيني
اطلعت لهم برع في الحديقه الجو حلو واليوم ردتها للرياض وخاصه ان الاربعين خلص صارله شهر وزود ما شافها وناوي يذبحها عشان الاربعين الي صممت تقعدها عند امها شافته يكلم علي حست بقلبها بيطلع من جوفها مشتاقه له مشتاقه لحظنه لصوته لحبه وحنانه محتاجه له خانتها دمعتها وانزلت في هذي الحظه بس التفت بدر مثل كل مره يحس فيها بوجودها وكن روحه تحسها وبوجدودها قبل الكل عينه ضلت عليها بحب وعشق وشوق وحنين لها لنصه الثاني يحبها يحب روحها يحب كل شي فيها ويحب ولدهم لنه منها حضن كفها بيده وهو يشوف ولدهم الي في حظن امه "حبيبتي عمري غلاي مشتاق لج مشتاق لكم انتو الاثنين
وهي تحط ولدها بين ذراعه و بحياء "بدر يسمعونك ترى قمت تخورها
ضحك علي بصوت عالي وهو يرفع بنته الاصغيره الي تلعب بحظنه "توج تكتشفين ان رجلج من يشوفج تضيع اعلومه ههههه الله يعينج انتي ولدج
بدر وهو يطالعه بقهر "لا والله قوم لا بارك الله في العدو صاير لي اربعين يوم عادها بتمام محروم من مرتي ولدي لو مربيه في الرياض مواحسن لنا ولا كلام اخوج
الكل اضحكو بسعاده وفرح يكفيهم ان بنتهم سعيده وشافو اعيالها هذا كل الي يبغونه
ابو ثاني "ولدي خلكم اليوم وبكره روحو
بدر بحترام "السموحه يا عمي بس ما اقدر ان شاء الله لنا رده قريب اذا الله راد
التفت عل شمايل "قلبي هذي كل اغراضج في شي ثاني
وهي تسلم على ابوها و اخوانها وتقرب من امها عشان تسلم عليها "لا فديتك بس هذي هي وشنطت عبدالعزيز
وامها تحضنها "تحملو علىنفسكم وتحملي على رجلج ولدج ما وصيج
شمايل وهي تشوف بدر الي راح عند باب السياره ينطرها وفي يده ولدهم "يومه لا توصين حريص يلا من رخصتكم اشوفكم قريب اذا الله راد
اركبت السياره وحط بدر ولهم في يده امه الي ضمت الاصغير بحنان وهي ترفع عينها المليانه حب له التقت عيونهم بدر بصوت واطي "لا تطالعيني كذا ولا و ربي نقضيه اليوم في الفندق و اطلع عليج الاربعين يوم كامله
اضحكت برقه وهو يسكر الباب ويسلم على اهلها ويحركون رايحين المطار في السياره مد يده الثانيه لها وحضن كفها بين كفه وبصوت ملينا شوق "يا ام عبدالعزيز رجلج مشتاق لج بشكل ما تتصورينه شمايل ...
شمايل وهي تشوفه بحب "اعيونها و قلبها وروحها .....
ابتسم وهو يسمع كلمها الروعه والي يبرد قلبه بس خاطره يسمع كلمه تمناها "احبج يا قلب بدر وروحه احبج
حست بس ان هذا وقتها ليه تحرمه منها تحبه زوجها وحبيبها "بدر .........
التقت عليها وبعشق "يا بعد طوايف بدر وهله امري
شمايل بعذوبه وهي تشد على يده برقه "بدر احبــــــــــــــــــــــ ـــــــــــــــك
وقف السياره على جنب وبذهول وحب وهو يرفع يدها له "سمعتها ولا انا احلم ارجوج قولي لي اني ما احلم
شمايل بحب اكبر "سمعتها يا عمري اي احبك والي خلقني احبك انت غيرت حياتي ومليت دنيتي بحبك وعطفك علي يكفي انك استحملتني وصبرت علي بدر انت من اول يوم شفتني فيه وانت حبك لي كان من غير فايده بس رغم هذا ضل حبك لي قوي حبتني حب صافي خالي من الانانيه حبيت اني اكون سعيده حتى لو مع غيرك بس شوف رحمت ربك كتبني من نصيبك وعوضني فيك وهذا هو نتاج حبك لي ولدنا يا ابو عبدالعزيز
بدر بحرقه "احنا في الشارع ولو ما كنا كان رويتج حبي لج كيف يكون اخ يا شمايل انا من شفتج وانا كنت عارف انج نصي الثاني انج نبض هذا القلب و روحه وانج لو ما كنتي من نصيبي ما كنت راح افكر في غيرج شمايل انا مو بس احبج لا انا اموت عليج احبــــــــــــــــــــــ ــــــــج يا ام عبدالعزيز.............
النــــــــــــــــــــــ ـــــــــــــــــــــــــ ـــــــــــــهايـــــــــ ـــــــــــــــــــــــــ ــــــة


حياتي عذاب غير متواجد حالياً   رد مع اقتباس
قديم 12-12-08, 10:14 AM   #280

samsam
 
الصورة الرمزية samsam

? العضوٌ??? » 5336
?  التسِجيلٌ » Mar 2008
? مشَارَ?اتْي » 1,053
?  نُقآطِيْ » samsam has a reputation beyond reputesamsam has a reputation beyond reputesamsam has a reputation beyond reputesamsam has a reputation beyond reputesamsam has a reputation beyond reputesamsam has a reputation beyond reputesamsam has a reputation beyond reputesamsam has a reputation beyond reputesamsam has a reputation beyond reputesamsam has a reputation beyond reputesamsam has a reputation beyond repute
افتراضي



samsam غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:39 PM



Powered by vBulletin®
Copyright ©2000 - 2024, vBulletin Solutions, Inc.